Line: 9 ჯამზϩრახ ღერთემ. ამეჩუ არი გარდატყუაჲ (გარდატყუაჲს
Line: 10 მერტყულჲაჲს ხაყლეხ), მა̄ჲდა̄რ ლი, დე̄სამა ხუა ლეზობო̄რა.
Line: 11 ემჩედე̄ლი სოფელთე̄-ჲ ჩხარა მეზგას ჩჳეთჲაქა̄ნ ი ჩხარა მეზგას
Line: 12 ჩჳეთკϩრზან. ანჴად აგითე ი ჩჳედჩერჳა̄ნ ეშხუ ხანსი ატახ აჯაღ-იМ
Line: 13 ხაშგმინ მიჩა კერძალს ჩი̄ს. თჳით ჴანუ ლახწეჳნეხ ჩიემ, ათხეМ
Line: 14 ლოქ ხაწϩხ მინე თხუმ ჩი̄მიშ. ალ ნადჲა̄ნ ჴანარ მაგ ჩულალე̄მ
Line: 15 გარდატყუაჲდ. ანჴადხ გარდატყუა̄ჲ კერძალ-იМ ხაშგმინხ მინე
Line: 16 ჴანარ, მარაМ გარდატყუაჲდ ხე̄ქჳ ეჯჲარს ერე მაჲ ლოქ ხა̄რა მინე
Line: 17 ლიკერძ-ლიმა̄რე, ჴანარს ქა დოშ ხაწჳანნახ მიჩ. ეჯჲარ მაგ ლოქ
Line: 18 ჩუ ლოხმამა მიჩ. აჩადხ კერძალ ი ქა იშჩიМჳარეხ. ანზϩზეხ ჩუ მϩრმი
Line: 19 მა̄რე̄ლ მოსმართლად ჲეშჳა̄ჲ ცახან იშჩიჳარეხ გარდატყუა̄ჲ კერძალდ
Line: 20 ი ალე ჩუ ხოხალ გარდატყუაჲს, ერე მიჩ აჲესხ, ანჩად ი სგა
Line: 21 ლე̄ჲქჳე მიჩა ჲეხჳე ლერქჳალ, ჩჳესსგუ̄რდა ი ენბინე ლინჩრე. ჲეხჳ
Line: 22 ლამჳორთე ადზϩზე. ანჴადხ ლϩზϩზ მა̄რე̄ლ ი ლახტუ̄ლეხ ქორთე
Line: 23 გარდატყუაჲს. ქორხენ ლახტიხ ერ მიჩ ლოქ მაჲ ხომჴერა, იმე̄ჲღენ ლოქ
Line: 24 არი გარდატყუაჲ. ჯეჲ ლოქ მატყს ანჩრე, ოდოМ ეჩაМ ლოქ მაჲ
Line: 25 ხომჴერა მიჩ. აჯაღუდ ანტახხ ი ხე̄ქჳხ ერე სი ლოქ ჯა̄რ ლეჴედ ათხე,*
Line: 26 ალახ გარდატყუაჲ ლოქ მოდ არი აგის. ადჲეხ გარდატყუაჲ მიჩა
Line: 27 ჲეხჳე ლერექჳშ ლϩრექჳ, გარდატყუა̄ჲ ჲეხჳ ხაბჟახ ი ჩუ ჯეჲ ლი
Line: 28 გარდატყუაჲ. სგა̄დჲეხ გარდატყუაჲ სემი ზითუნახაჳთე-იМ ჩჳადგენეხ
Line: 29 ეშჩუ ეჯჲარე მომსახურდ. არი გარდატყუაჲ ზითუნახაჳარცახან
Line: 30 ჳო̄ბა ხანს ი ლეხჭოდდა ეშხჳინ ეჯჲარს ერე "მინს ლოქ ღჳაჟმა̄რე̄მიშ
Line: 31 დე̄სამა ლოქ ხომჴერახა̄?" დე̄სამა ლოქ, ალჲარდ ხე̄ქჳხ. "ჲაღო
Line: 32 ღჳაჟმა̄რას ლოქ ერ ჴჳემ ხა̄რ, ეჯი მა̄მ ლოქ ჯიხალხა̄ მინს? "მა̄მა ლოქ
Page: 77 Line: 1 გჳიმჴერა ეჩა, დე ლოქ გჳიწჳა", ზითუნახაჳარს ათა̄დახ ი "ქა ლოქ ჳერდ
Line: 2 ხაწჳე̄ნეხ იმკალიბუ ლოქ ლე̄სეს ჴჳემ". გარდატყუაჲდ ლე̄ქჳ ერე "მიჩ
Line: 3 ლოქ ჩუ ხოხალ ეჯკალიბ ჟაგარ, ერე ჴჳემ ლოქ ახზჳებნას ზურა̄ლს
Line: 4 ი ქა ლოქ ლეწდენიდ ეჩქა". ალ გარდატყუაჲ ზურა̄ლ ხაბჟახ ალჲარს
Line: 5 მაჲ საკჳრელ ლი ეჩა, ჲეხჳე პირობჟი ხაყახ ამეჩუ. ანჩად ალ გარდატყუაჲ,
Line: 6 ახჴიდჳნე მეწხელდ, ჩჳადძიე, გულჩონჩხ ქო̄ხკიდ ი ჟი ლოხრეკე
Line: 7 ჟიხიქა, სერ ლე̄ქჳ ერე "ჲერჳაჲ ლოქ ალეს (გულჩონჩხს) ჟი
Line: 8 ლეხპერნ-იМ ჩჳახგილე, ეჯის ლოქ ხოჴდენი ჴჳემ". ლეხპარ ხოშა უდილ
Line: 9 ზითუნახაჳ-იМ დეშმა ახგილ გულჩონჩხ, ლეხპარ მე̄რმე უდილ ზითუნახაჳ-იМ

Добавлено (2007-06-07, 5:40 Pm)
---------------------------------------------
10 დეშმა ახგილ ეჯნე̄მი̄. ლეხპარ მესმე, მარაМ ეჯნე̄მ-იМ დეშმა ახგილ
Line: 11 ჩუ. ლეხპარ ათხეМ სერ გარდატყუაჲ. დეშმა ჩომინ, დეშ ლეხი̄და
Line: 12 ჟი. ლეხპარ მე̄რმან ი ქო̄ხრეკე ცხა̄ლϩ̄ლ. ალას ცხა̄ლϩ̄ლ ქო̄ხრეკე
Line: 13 გარდატყუაჲდ, ქა̄ჩად ი ენწჳე̄ნე, ნო̄თი ლოქ ქა̄ხჴედა̄ნ მიჩ ი ლე̄ქჳ ერე
Line: 14 "ამზუმე̄ლ ლოქ ხეჴე̄დურა̄ლ მიჩ ცხა̄ლϩ̄ლ ლოქ, ერ ლოხფედა, კოჭო̄ლუ̄ლ
Line: 15 ნიშანე̄ლ ლოქ ჟი ხეთრა მიჩ ჴჳემიშ. ა̄ ბატო, აჯაღუ ლოქ
Line: 16 ლეხპარ ჲაღო,* ნო̄თი ლოქ ქო̄ჴეს ჲაღოМ. ლეხპარ მესმა̄მდ ი სგა
Line: 17 ხაფხიჭე ათხეМ ეზარდ. ათხეМ ლე̄ქჳ გარდატყუაჲდ ერე "ეზარდ
Line: 18 ლოქ ოხცხა ჟი, ქა ლოქ ახჴედა მაბჟა თელდ. აჯაღუ ლოქ ლეხპარ
Line: 19 ი ნო̄თი ჩუ ლოქ ახძგუბის ი ქა ლოქ ოხჴეს თელდ. ლეხპარ
Line: 20 აჯაღ ი ჩჳახძგჳიბ გულჩონჩხ. ათხეМ ლე̄ქჳ ამნე̄მ ერე "ძღϩდ
Line: 21 ლოქ ოხცხა ათხეМ ი ქა ლოქ ახჴედა თელდ, ეჲჟი ლოქ ლოხთი̄რა".
Line: 22 "ქე̄ხცხაპხ გირგ-ი-მურგვალდ ი ხაშგმინხ ერე ქა̄ჳ ხა წჳე̄ნე ჲაღო
Line: 23 მინს ბატო̄ლუ ლოქ. ამნე̄მ ქა ხაწჳე̄ნე ალჲარს ი ათსაკჳრელϩ̄ნხ
Line: 24 მე̄ჳარ ი ისკჳრელა̄ლხ, იმჟი ლოქ ხეკჳდი ალეს ლიჴმარი. "ლიჴმარი
Line: 25 იმჟი̄ღენ ლოქ ხეკჳდი, ეჯი ჩუ ლოქ ხოხალ მიჩ ი ქა ლოქ ხათო̄ნნე
Line: 26 ჯეჲ". ჲაღო ქა̄ჳ ხათო̄ნე, იმშა მϩღლი ლოქ ლი. ჩჳადყჳინე ეშხუ,
Line: 27 ჟანკანკაჳე ი ხაძგა̄რჲელე ბϩგი-ბϩგიდ. ათხეМ სერ ლϩჩოშდ ხე̄ქჳ მე̄რმა
Line: 28 ლაჳდილას ერე "ამთა̄ნ ლოქ დე̄სამა ლϩმა̄რ. ჳოჲ ხიადუ̄ლ" ლოქ. სერ
Line: 29 იშგენდ ადკჳჲალჳნეხ ი ჩი̄ს ამჟი ლახსჲამϩ̄ნდახ. არი ალჲარცახან ი
Line: 30 ხეშჩჳი. სემე̄და ლაჳდილას ჩიგარ. აჩად ალ ზითუნახაჳარე მუ ი ჩჳეთჲა̄ქა̄ნ
Line: 31 მე̄რმა ხელწიფს, ჲეხჳდ ხა̄ჳდი მიჩა ასუშ-ზითუნახაჳს. ანზϩზე
Line: 32 ლეჩი̄ჟϩ̄რი ხენწიფდ კუტალ. "ჲერჳა̄ჲ ალ კუტალთე̄ჲსა ეჲჟი ლოქ
Line: 33 სგე̄სსე̄ნი, ერე ქა̄მენჩუ ეშხუ კჳიფხი̄ლ ლოქ დო̄სა აბϩ̄დეს, ეჯი ლოქ
Line: 34 გარ ხაკუ მიჩ ჲეხჳდ". ლეМჲხელე კუტალ ხოშა ჳუდილდ ი მაგ ქა̄მენჩუ
Page: 78 Line: 1 ანბიბ, ეშხუ კჳიფხ დეშსა ადზϩზე სგა კუტალთე̄ჲსა, ალახ ნაჩოშ
Line: 2 ლას. მე̄რმა̄მდი̄ ამჟი ჩომინ ი მესმა̄მდი̄. სერ მაჲ ლოქ ჩომნახ
Line: 3 ხენწიფი ცჳერას, იმთე ლოქ ოთჩეხ მინ. ჲაღო ხჳაჲ ხან ლოქ ხა̄რ
Line: 4 ღჳაჟმა̄რაულ ამეჩუ გარდატყუა̄ჲ ჲეხჳს ი ეჩისუ ლოქ ღენ ლოხხელეხ
Line: 5 ჲაღო ალ კუტალ, ნოთი ლოქ სგაჩეს, ჲედ მაჲ ლოქ ჩომნას.
Line: 6 "ლოლხელედ ლოქ ი ნოთი მორჭმილდ ესსე̄რდეს სგა, ხჳაჲ ხან ლოქ
Line: 7 ხარ, ამეჩუ ღჳაჟ-მა̄რაცახან ნარდჳ ლოქ მა̄ლი". ლოხხელეხ კუტალ ი
Line: 8 ეჲჟი მორჭმილჲანდ ლამაზო̄ლდ სგე̄სსე̄რდა ერე კჳიფხი̄ლ მა̄ მეშყედ
Line: 9 ქა̄მენჩუ ი ოთზϩზეხ ხენწიფს ალ გოში კუტალ. ეჯ ხენწიფს
Line: 10 მე̄ჳარ ათხი̄დϩ̄ნ, ალახ ჩუ უბი̄ბად ანგოშლე მიჩა ლეჲხუ̄რიდ კუტალ,

Добавлено (2007-06-07, 5:40 Pm)
---------------------------------------------
11 სერ ჩუ ხაკუ ალე ჲეხჳდ. ანჴადხ ზითუნახაჳი ლაჲესთე ი ოსყახ
Line: 12 გარდატყუაჲ ზითუნახაჳი მϩ̄ქაფ. ჩი̄ჟა ხენწიფს ხონჴრი ცახანჩუ ხოჩა
Line: 13 ლელატ ბლუჳ ჲეხჳე ლაჲესჟი. ბლუჳდ ლახსინჯჳე ხელწიფი ლეჲხუ̄რი
Line: 14 გარდატყუაჲს. გარდატყუაჲდ ლა̄ზჟი ჟენშგიბ კინკხენჟი ჴჳემ, ჩჳესდე
Line: 15 გაკ უნგირი კოტოტჟი, ხაჴიდ მϩბრიქ ჴჳემ ი ჩჳაკჳიშ გაკ. ალეს ერ
Line: 16 ხეწად ბლუჳ ქა̄ჩად, მიჩა ხენწიფიშთე, ლახა̄გა̄ნ სგობინისა ი ხეჩო,
Line: 17 ხაწჳე̄ნე მეჴერს ი ტოტს, "ამზუმ ლოქ ხა̄რ ისგჳა ჲეხჳს". ხენწიფს მიჩა
Line: 18 ჲეხჳე მორჲალა̄ლ ხაბჟა ალ ბლუჳ ი ჩჳადმϩდრაჴე ბლუჳუ̄ლ. აჯაღ
Line: 19 ესღრიხ შუკჟი-იМ ხა̄ლ ლახსინჯჳე გარდატყუაჲს აჯაღუდ, ეჲჟი ჩომინ
Line: 20 გარდატყუაჲდ, ბლუჳუ̄ლდ ქაუდ ხაბჟი̄ნე ტოტარშჳ ხენწიფს, მარაМ
Line: 21 ჩუჳუდ ადმადრაჴეხ ი სერ მა̄მა ჩომინ თე ეჩხა̄ჳ ბლუჳუ̄ლდ. აჩადხ-ადჴადხ
Line: 22 ეჩე-იМ სგალე̄ჲგჳირგჳნე გარდატყუაჲ, მარაМ ეჯ ლე̄თ ხაშგმინ დაჲს, მიჩა
Line: 23 თხუმ ბა̄ზი ქაჳ ხაპატიჳე მიჩ ი ქა ხაპატიჳეხ. ჩჳადყუ̄რდა დაჲცახან ეჯ
Line: 24 ლე̄თ გარდატყუა-იМ ხეშჩუდა ეჯ ლე̄თ დაჲს. მე̄რმა ლე̄თ ხეკჳეს ლახყჳინე̄ნ
Line: 25 მიჩა ჭაშ ხენწიფ, მარაМ ეჯ ლე̄თ მიჩა დიმთილს ლეხჴϩ̄რა̄ნ, "ბა̄ზი ლოქ
Line: 26 ქა მიპატიჳ ჭაშცახან ლიყჳნეხენ". ქა იპატიჳე დიმთილდ ი სგალე̄ჲყჳინე
Line: 27 მიჩაცახან. ეჯ ლე̄თ ხეშჩუდა დიმთილს ლირჳა̄ლნუნ გარდატყუაჲ.
Line: 28 მესმა ლე̄თ ეში̄ სგა ლეყჳნე ხა̄და ჭაშდ, მარაМ მა̄ნკჳი ჯეჲ ადყუ̄რდა
Line: 29 ლაყჳრა̄ჲსა. ბა̄ზი სერ და̄რ ხაყა სგა ლϩჴϩ̄რა̄ლ ი ქა მϩპატიჳე ჭაში
Line: 30 ლიყჳნეხენქა. სგა ლოხყუ̄რდა ჭაშ, მარაМ გარდატყუაჲდ ხე̄ქჳ ერე "ტანი
Line: 31 ტანდ ლიყჳნე ამჟი სი ლოქ ერ ხამურჯი̄ხი, მა̄ ლოქ ლი გუშგჳე წეს
Line: 32 გჳარობშ. გჳარდ ლოქ მა̄დ ოგგად ამჟი ტანი ტანდ ლიყჳნა̄ლ ნაჲ,
Line: 33 მი̄ ლოქ დეშ ხჳიჩო". "ჲაღო იმჟი" ლოქ? "იმჟი ლოქ-იМ ისგჳა̄ჲ მიშგჳა
Line: 34 ნე̄სგა ფიცარ ლოქ ახკაჩ, ეჯი ნე̄სგაქა ქამეფტე ლოქ ხეკჳეს ლე̄სეს
Page: 79 Line: 1 ჴჳემი ლაქჳჭენ". ითხე ხენწიფდ ფიცარ, ქა̄ფიტ ნე̄სგაქა, ქა̄დყიე ჴჳემ ი
Line: 2 ხამურჯი ეჲჟი ლიშჩჳჲელს, მარაМ სგა ხაფხიჭე გარდატყუაჲდ ჴჳემს,
Line: 3 ქა̄ნგϩძნე ჩიქე მიჩა̄შთე ნაღალდ, ეჩϩნღო ჟი ლო̄ხკოშდე ჟიბოჳ-იМ
Line: 4 სგა ლახშკა̄დე ლუსმანშჳ ფიცარს ჴჳემ. გარდატყუაჲდ ქა̄ნსკინე ი აჩად.
Line: 5 ქორს მერდა̄ლა იღლიხ-იღლიხ ი და̄რ ანჴად ქა სადგომხენქა. სგა̄ჩადხ
Line: 6 ლაწედთე-იМ სგა ხაშკა̄და ჴჳემშჳ ხენწიფ ფიცარს ლϩდგარ. ემჩედე̄ლი
Line: 7 ალ ხენწიფი მუ-იМ ოთზϩზა ქაღალთ ეჯ ხენწიფიშთე, ხედნე̄მი̄ სგა
Line: 8 ლახღორჳე ზითუნახაჳი მϩქაფდ ალჲარს გარდატყუაჲ. ათხეМ გარ აჴადხ
Line: 9 გუდ ერე ლϩღროჳე ლასხ გარდატყუაჲხენქა. ქაღალთისა ხე̄ჲრა̄ნ
Line: 10 ერე ხემა ლოქ ოთღორჳა მინეშჳდ ი ხემა ლოქ ოსდა მინე წორ,
Line: 11 ზითუნახაჳი მϩქაფ გარდატყუაჲ ხემა ლოქ ლოხღორჳახ. ამხენისა

Добавлено (2007-06-07, 5:41 Pm)
---------------------------------------------
Line: 12 ლახტიხხ ამბაჳ ქაღალდშჳ ერე მინეშდ ლოქ ხოდრა გჳეშ ხოყრა
Line: 13 გარდატყუაჲს. სემი ზითუნახაჳ ლოქ მაგ ჩოთჩოშა̄ლა ი ჩოთღა̄ნჳა̄ლა
Line: 14 მაგ. დეშმა ხაყერხ სერ ზითუნახაჳარე მუს, წორს ერ ხეშგმϩდახ ეჩა.
Line: 15 აჩად ალ ხენწიფ ზითუნახაჳარე მუ ი ჩჲაგ სგა ღϩრი საყდართე ი
Line: 16 ხეჴϩ̄რა̄ლ ღე̄რბათს ერე გარდატყუაჲსუ ათთხანე სგა იმჳა̄ლე ი ხეთხე̄ლი
Line: 17 გარდატყუაჲს. მიჩა ლითხე̄ლი ჟენმეჴრე გარდატყუაჲდ ი ანჩად ი სგა̄ჩად
Line: 18 საყდართე, ღო ტრაბეზთე ეჯი ჩუ ხოხალ, ერე საყდრალისა ხეთხე̄ლი
Line: 19 ეჯ ხენწიფ მიჩ. ლეხჴე̄დუნა̄ნ ეჯ საყდართეჲსა ხენწიფს იმეჲ გარდატყუაჲ
Line: 20 არი. ხეჴϩ̄რა̄ლ ღე̄რბათს ხენწიფ: ღე̄რბეთ, სგაუ ათთხანე ეჯ გარდატყუაჲს
Line: 21 ი მადილ ლოქ ხე̄რი. "ღო მაჲ ლოქ ხა̄რ მიჩ გარდატყუაჲ,
Line: 22 ლახტიხ ღერთა მϩქაფ გარდატყუაჲდ. მაჲ ლოქ ხა̄რ-იМ ამჟი, ამჟი
Line: 23 ლოქ ოთღორჳა მიჩაშჳდ ეჯის ი ჩუ ლოქ ადგარი, მარაМ სგა̄ნ ლახტუ̄ლე
Line: 24 ტრაბეზხენ გარდატყუაჲდ ერე ფხულო̄ლ ლოქ ნო̄სავ ლახფედე ეჯის,
Line: 25 ოდოМ შიშდ ქუნს ლოქ ოხქჳიცე მიჩ, ჩუჳ ლოქ ესდე ამეჩუ პირობ
Line: 26 ერე დო̄სამა ლოქ ოხრϩკის გარდატყუაჲს ი მაჩე̄ნე გეზალ სგა̄ჳ
Line: 27 ლოხგჳირჳნე, ოდო ჯიქჳცე ლოქ ქუნს, ჯეჲ ლოქ ღე̄რბეთ ლი. ხენწიფს
Line: 28 გაცხაჲდ ღე̄რბეთ ლეხბაჟა̄ნ ი ჩჳესდე ეჩა პირობ. ქა̄ნჴად ხენწიფ ი
Line: 29 ესღრი შუკს. გარდატყუაჲდ ქანსკინე საყდარხენქა ი გა̄ნ ლოხქჳიც შუკს-იМ
Line: 30 სგა ლახხჳი̄და სგობინისა ხენწიფს. "ჲარ ლოქ ლი ჯეჲ?" "ჯეჲ ლოქ ლი
Line: 31 გარდატყუაჲ". "ა̄ მიჩა მაზიგუ ლახჴედა, მიჩ ლოქ ხეთხე̄ლ-იМ ანჩადუ
Line: 32 მიჩაცახან აგითე!" ადჲე აგითე ი სგა ლოხგჳირგჳნე მაჩე̄ნე ხოხრა უდილ
Line: 33 ჲეხჳდ. მიჩა სახენწიფ ჩოთტკიცე ეჯის-იМ ჯამზϩრახ ღერთემ მაგ ხოჩა.

Line: 34 ალ ცϩგინ ანა̄მბჳე თაფუდ ჯაბაშა.

Добавлено (2007-06-07, 5:42 Pm)
---------------------------------------------
ნაცარქექია̄ჲ ციგინ.

Line: 2 ალე ჯამზϩრახ ღერთემ-იМ ლϩმარდე̄ლი ეშხუ ნაცარქექჲაჲ. იშგენს
Line: 3 დე̄სამამ ლϩმჩომინ ი ხაბმინა ციცჳარს ლაჴანს-იМ ლϩმჴანინ ტϩტს.
Line: 4 ოხჴი̄დახ ეჯნარ ჲეხჳ-იМ ეში̄ ტϩტს ლϩმჴანინ. ოხჴი̄დახ მე̄რმე ჲეხჳ ი ეში̄
Line: 5 ტϩტს ლϩმჴანინ. ჟახჟარე̄ნახ ცუდდ ი მϩმქადჳნად ეჩა ლისე̄ლჳე ი ქო̄ხკჳარახ
Line: 6 ყო̄რქა. ლახტე̄ნა ღოშდ-იМ ხო̄ქჳა: "ეშხუ ქიჳუ̄ლ ლოქ ე̄სა ლახო̄მხ,
Line: 7 მახე ნაყე̄ლ ი ტϩტϩ̄ლ ი სარგისე̄ლ". ქა ლახო̄მხ ალჲარ ი ენϩნგზარჳა̄ნ
Line: 8 ნაცარქექჲა ი აჩად შუკს. აჴად ეშხუ ნიცნუნ იМ ეჩხენ ლექჳა დაჳ ესღრი.
Line: 9 და̄ჳემ ლახტუ̄ლე ეჩხენისა ერე ჯეჲ ლოქ ერ მუქოხს ადბუღჳი̄რნე, სი
Line: 10 ლოქ ემოშ ათბუღჳი̄რნე ამჟი. ენკიდ და̄ჳემ ხოშა მუქოხ, ლოხთϩლϩ̄რე
Line: 11 ტოტ ი ჩჳადბუღჳი̄რე მუქოხ. ენკიდ ნაცარქექჲად ტϩტ ი ჩჳადბუღჳი̄რე.
Line: 12 აჯაღ ლახტუ̄ლე და̄ჳემ, ერე ჯეჲ ლოქ ერ მუქოხს ლϩჯას ათფიშჳდნი,
Line: 13 ჯეჲ ლოქ ემოშ ათფიშჳდნი ეჲჟი. ენკიდ და̄ჳემ ხოშა მუქოხ,
Line: 14 ლოხთϩლϩ̄რე ი ლϩჯე ათფიშჳდნე. ამეჟი ენკიდ ნაცარქექჲად, ქიჳ ი ლϩჯე
Line: 15 ათწჳირჳნე. ალახ დოშ ათსერე და̄ჳემ ნაცარქექჲაჲს, ლახტუ̄ლე და̄ჳს
Line: 16 ერე ქა̄ჳ ლოქ ანჩად ლიც ქა ამხენთე ი ქა̄ჳ ლოქ ადჲე ეჩხენთე. ქა̄ნჴად
Line: 17 და̄ჳ ამხენთე̄ ი ჟი ლეჲსგურე შიყჟი̄, ოსყა ლიც ქა. ნაცარქექჲად ხე̄ქჳ
Line: 18 ერე "ჯეჲ ლოქ დეცს ხოგდური, ოდო ჯეჲ ლოქ დეშმამ აჲეს ამე ქა".
Line: 19 ჩუჳუღენ აფიშჳდ ჲაღო დეცს, და̄ჳემ ხე̄ქჳ. ეჩქაМ ლეჲწა̄ნე ნაცარქექჲაჲდ
Line: 20 სარგის ი ჟესჴალე კი̄ნჩხ ლექჳა. ე̄ჲ ბატო, სგა̄ჳ ლოხგუდურდა
Line: 21 მახან დეცს, ოდოМ დეშ ლოქ ჯაწრე. ჟენტიხ ამნე̄მ სარგის კი̄ნჩხხენ
Line: 22 ჟი-იМ ქა̄დჲე ეჩქაМ და̄ჳემ ეჩხენთე პილთე-იМ ადჲე მიჩა ლარდათე და̄ჳემ.

Line: 23 სადილ ანმა̄რე და̄ჳემ, ნაცარქექჲაჲს ხე̄ქჳ ღჳინელი ლიჴდე, მარაМ
Line: 24 ამნე̄მ ხე̄ქჳ ერე "ხირკაჲჳშ ლოქ დეშ ჴϩდე̄ჲ კეცჳშ ლოქ ანჴდე". "ჲაღო
Line: 25 დიარალ ნომაჳ ედშიხა̄ნდა! ი ჯეჲ ლოქ ანჴდე ხირკაჲჳშ". ქა̄ჩად და̄ჳ-ი
Line: 26 ნაცარქექჲაჲ დიარი ლასპაჟი ჩჳენნახე დიარდ. ანჴად და̄ჳ ი ხე̄ქჳ: "იმ
Line: 27 რუ̄ნყს ლოქ ხიჩო?" იმ ლოქ იჩო ი ჴადარ ლოქ ახზიგე̄ნა ი დიარ ლოქ
Line: 28 ოსდა ათჳიათჳი-იМ ხოჩა ლეხე̄რი, მარაМ ჟი̄ჳუ ლოქ ოხკიდ სერ სურუ ათჳი
Line: 29 ლოქ ლახა̄რა". ჟოხკიდ და̄ჳემ ჴადხენ ჟი დიარ-იМ ჩჳესსგუ̄რდახ სადილდ.
Line: 30 და̄ჳს ათა̄და ერე "ლიპუ̄ლიელუ ლოქ ახა̄დახ მინს ი მა̄ნკჳი ჯეჲუ ლოქ
Line: 31 აპუ̄ლდა", ნაცარქექჲა ჲსხე̄ქჳ. აპუ̄ლდა ნაცარქექჲაჲ, მარაМ დეშსამა ჩომინ
Line: 32 ეჩა პუემ. აპუ̄ლდა და̄ჳ ი ნაცარქექჲაჲ ეჩა უშუ̄შდ ლიყა̄რი დი̄რალს
Line: 33 ლახჩიხნე ჟი̄ბ. და̄ჳ ლეხჭოდდა. "იმ რუ̄ნყს ხიჩო, ნაცარქექჲაჲ?" "იმ
Page: 81 Line: 1 ლოქ იჩო ი ქორა დი̄რ ლოქ ხაკუჩ შამფურდ ი ჟი ლოქ ანცო̄ლე ამეჟი
Line: 2 მიჩ-იМ ჟი ლოქ ატყბი ლემესჟი". ჩჳენშგიბ და̄ჳემ ფაყჳ ი ეშ ლეხქარჳა̄ნდა.
Line: 3 ნაცარქექჲაჲ ხატუ̄ლი ღოშგინისა: "იმაჳ ლოქ ოთჩედნი მიჩ,
Line: 4 იმაჳ?" ესღრი და̄ჳ ი ლახხჳი̄და მა̄ლϩ̄ლ ი ხე̄ქჳ ერე ხემა ლოქ აჯყალუ̄ნდა
Line: 5 ნაცარქექჲა̄ჲშდ, ეჯის დე̄სამა ლოქ ხა̄ჲმედა, ნინდ ლოქ გარ ხოგად.
Line: 6 სგო̄ხგუდურდა და̄ჳ მა̄ლϩ̄ლს ი ანჩადხ. ჩუ ე̄სა ადქადჳნინა, ღო ჩჳაწϩწϩ̄რე
Line: 7 მა̄ლს. ანჴადხ მინე ლაზგანუნ-ი ნაცარქექჲაჲ ლϩყა̄რჟი არი.
Line: 8 ა̄ ბატო მიჩა მა̄ლϩ̄ლ! ჯეჲ ეჯღა ხალტე̄ნა ამჟი ერე მიჩაშჳდ ოხჴი̄და
Line: 9 ყო̄რთეჟი და̄ჳ. ხაფხიჭე და̄ჳემ მა̄ლს ი ჩჳადწϩწϩ̄რე. და̄ჳემ ლეჲბინე
Line: 10 ლიქნე ი ეშ ლეხქარჳა̄ნდა. ნაცარქექჲაჲ ხატუ̄ლი ერე "იმაჯ ლოქ ოთჩედნი,
Line: 11 იმაჳ?" ნაცარქექჲაჲ ჩუ სგურ და̄ჳა ლაზგა̄ჲსა-იМ ლეზობ-ლეთრას
Line: 12 მიჩაჳშ იმა̄რე ი იზბი, ხა̄ლმოშ, ე̄ჲჟი. მიჩა არგლი̄შარ მაგ ეჩეჩუ
Line: 13 ანჴიდ-იМ ხოჩა ლირდე ედჴიდხ-ი ჯამზϩრახ ღერთემ.

Line: 14 ნესტორი ნა̄მბაჳ ლი ალ ციგინ ჯაბაშა.

Line: 3 ჳო საბრალე, თაჳბედილე!
Line: 4 ლეჩმე უჩმა მაგ ჩუ მიჩმინა,
Line: 5 ლეყრე უყრა მაგ ჩუ მაყრა.
Line: 6 ფისეჳ ხაბა ჯიმში ლადეღს!
Line: 7 მი ეჯ ლადეღ საჳჲარდ ამϩრმხ,
Line: 8 მაბინეხ ლიზი-ლიჩედი,
Line: 9 შტიმრალ მაიდშჳ მიშϩდენდახ,
Line: 10 მეჴრალ ჯან თაჳ მაჭკორა,
Line: 11 სგამჴიდხ სგიმართეჲსა.
Line: 12 სემი კჳანჩხულ სგიმილ ლამა̄შხ,
Line: 13 პილარ ეჯნემ დეშ ემჟირე.
Line: 14 მაბინეხ ლიზი-ლიჩედი,
Line: 15 სგამჴიდხ ჯეგამთეჲსა,
Line: 16 ჟეგმი ნახაშ ხამϩმი ლϩზორ.
Line: 17 მაბინეხ ლიზი-ლიჩედი:
Line: 18 ჩუ ღალ ამჴიდხ ბϩლϩმთეჲსა,
Line: 19 ბϩლϩმ ჩუქჳა̄ნ ქაშაგითე,
Line: 20 ქა ღალ ამჴიდხ ქაშგი ფუსდთე,
Line: 21 თერალისა ლამასინჯჳე,
Line: 22 ამშა თერალს დარ მოშ იყდი.
Line: 23 მაბინეხ ლიზი-ლიჩედი:
Line: 24 ქა ლამსკინჳნეხ თჳეთნა ძუღჳას.
Page: 83 Line: 1 ჲეშდი ჲერუ ზაჲქა ლამად,
Line: 2 ისგლეთისა ჳონა ჩიქე
Line: 3 მაცხჳარ მϩლხაშ ემჴედელი,
Line: 4 ლეტჳრე მუტჳარ შინჟი ხუღჳა,
Line: 5 ისგლეთისა ჳონა ჩიქე
Line: 6 ჟი ლამსკინჳნე ლაყჳრახენ ჟი.
Line: 7 ჳო საბრალე, თაჳბედილე!
Line: 8 ნომ ჯაყლუნი ლიზი-ლიჩედდ.
Line: 9 მაბინე ლიზი-ლიჩედი:
Line: 10 თჳეთნა ძუღჳას ქა ლამსკინჳნე,
Line: 11 ჟი ღალ ლამჴიდხ ქაშაგთე ჟი,
Line: 12 ქაშგარ მიხალხ მოღლატ მიშგჳი,
Line: 13 ღჳაშა თხუმილ ქა ლამბიშეხ:
Line: 14 "ლეზϩზ ჯე̄რი ალე შუკმიშ!"
Line: 15 გზაჳრობ ალჲარდ ჩუ ემϩმეზრეხ.
Line: 16 მიბინა ლიზი-ლიჩედი:
Line: 17 ჟი ღალ ლოჴჳედ ბϩლϩმთე ჟი,
Line: 18 ბϩლϩმ ჟიქან ჯეგამითე,
Line: 19 ჟეგამხენქა დიე ბაჩნუნ,
Line: 20 მϩჟალითე ლასგიდ მერი.
Line: 21 ჩიე ქორჳას ლϩყარ ხაფრა,
Line: 22 მიშგჳა ქორჳას მამა ხაფრა.
Line: 23 ჩიე დაბარს ნამშაჳ ხაგϩდხ,
Line: 24 მიშგჳა დაბარს ხამარ ხორი.
Line: 25 დედე მიშგჳი, ყორჳა ემკარ!
Line: 26 -- ეშუ ისგჳი ხოჩა ამჲა!
Line: 27 დედეშ მე̄ქჳის მი არ მაყა.
Line: 28 "ნომ ჯაყლუნი! მი ხჳი ისგუ _
Line: 29 ისგუ გეზალ თაჳბედილე.
Line: 30 "სიე თაჳბედილ ხიროლე,
Line: 31 ისგუ ჭიშხილ ქა ღალ ლამწჳენ,
Line: 32 სერ ჩოთკარე დედედ ყორჳალ".
Line: 33 "მუა მიშგჳი იმეგ არი?"
Line: 34 "მუა ისგჳი მურყჳამს არი,
Page: 84 Line: 1 ჩაჩილ მიჩა ქა ლოხფიშჳდა,
Line: 2 ჟაბშიშ ხამარს ლელყურდ ხუღჳახ".

Line: 3 ქე̄დგა̄თჳა̄ნ თაჳბედი̄ლა ლექს. თაჳბედი̄ლ მϩმლახ ლϩმა̄რ მუმჟა̄ლ.
Line: 4 ჭიშხჟი ფხულარ ტყუბ ხა̄რახ.

Line: 5 ალ ლექს ლე̄ქჳ ატოდ გალფხა̄ნშა, იზგე ლა̄შხისა.

Line: 6 თაჳბედი̄ლა̄ჲ ლექს აშ გჳასმა ლა̄შხარს შჳანხენ, ოდო ეჯი მϩლა̄შხ
Line: 7 მა̄მ ლϩმა̄რ, მუშჳან ლϩმა̄რ ი გარგლა̄ჲ ლუშნუ ლი ეჩა ლექსი ლა̄ქჳი̄სჟი.
Line: 8 ხოხალხ ჳო̄ბაშს ლა̄შხისა ალ ლექს.

Добавлено (2007-06-07, 5:43 Pm)
---------------------------------------------
II. ულესა̄ჲ ლიღრა̄ლ შაჲრდ.

Line: 10 ალეჲ ულეჲ ულესა.
Line: 11 ამϩნ ხოშა საკჳრელს ჯექჳნე,
Line: 12 ამϩნ ხოშა მაჲ ღალ ირი?
Line: 13 ამϩნ ხოშა ეჯი ირი,
Line: 14 მუღჳშურს ლაჴანის ხობϩდა,
Line: 15 ჲერსკენ მϩბერგად ხეყადა.
Line: 16 ეჩϩნ ხოშა საკჳრელ ირი.
Line: 17 ეჩϩნ ხოშა მაჲ ღალ ირი?
Line: 18 დეშდულს ლელფϩრა ხოზϩდა,
Line: 19 ნეზულ მϩლეჩად ხეყადა.
Line: 20 ეჩϩნ ხოშა ეჯი ირი,
Line: 21 დაჴϩლს ნეღშტარ ოხოთაჳა,
Line: 22 თხეროლ ძიძაჲდ ოხოჴიდა.
Line: 23 ეჩϩნ ხოშა საკჳრელ ირი,
Line: 24 ეჩϩნ ხოშა ეჯი ირი,
Line: 25 შდუგულს ლაყელა ხოგϩდა,
Line: 26 ციცულ მϩლეჩად ხაყენა,
Line: 27 ეჩϩნ ხოშა საკჳრელ ირი?
Line: 28 ქათალს წიწლარ ოხოკჳიშა,
Line: 29 ცხეკულ მϩლეჩად ხაყენა.

Line: 30 ალ ლიღრა̄ლს ჳო̄ჲ ლილე̄ ლიღრა̄ლშა̄ლ ყϩლეხ. ალე̄ჲ ატოდ ლე̄ქჳ
Line: 31 გა̄ლფხა̄ნშა.

Добавлено (2007-06-07, 5:43 Pm)
---------------------------------------------
ცა̄ნა დაშდუ̄ლა ლექს შაჲრშჳ.

Line: 2 ჳო საბრალე, ცანა დაშდულ!
Line: 3 მი ღალ ცანას დემ ხჳიგენი,
Line: 4 ცანას ხოლა ლარდა მერი.
Line: 5 სემი ზაილ ცანად ლამად,
Line: 6 შდიქმიშ ყუა მად მასედა
Line: 7 ღუმრა გიგიბიშ ნაურე.
Line: 8 მიბინა ლიზი-ლიჩედი,
Line: 9 ჟი ლემჴედხჳი ატკორთე ჟი.
Line: 10 ეჩხაჳ-ამხაჳ ლოხსგიდანნე.
Line: 11 ჳოჲ ლϩკჩეჳ ლი ბედი მიშგჳი!
Line: 12 ატკორ ღუნჳარშ გოში დამ ლი,
Line: 13 ლადი ალჲარს ხჳელგაცალნი,
Line: 14 ბაზი ჳახშამ ამჩუ მერი.
Line: 15 ჟი ლოხϩგენ მერმა ძინარს.
Line: 16 მიბინა ლიზი-ლიჩედი,
Line: 17 ლემყჳემას ღოშგინ ჩუ ოსღჳრი.
Line: 18 ოჲ, ლϩკჩეჳ ლი ლირდე მიშგჳი!
Line: 19 ლემყჳემა ხამარნ გოში ლი,
Line: 20 ჳოჲ ლϩკჩეჳ ლი ლირდე მიშგჳი
Line: 21 ბაზი ალჲარს ხჳეღურბათალ,
Line: 22 ბაზი ჳახშამ ამჩუ მერი.
Line: 23 ჟი ლოხϩგენ მერმა ძინარს.
Line: 24 მიბინა ლიზი-ლიჩედი,
Line: 25 ლამრჲა სგობინჩუ ოსღური,
Line: 26 ბიტას ბაპარ ხოტაბϩლიხ,
Line: 27 ეშხუ კათხϩლ მა ლამზϩმეხ,
Line: 28 წირი ეჯნოჳშ უღრის ხერი.
Line: 29 მიბინა ლიზი-ლიჩედი,
Line: 30 ჟი ლემჴედხჳი კარეტთეჟი,
Line: 31 ჴალდეМ ლახჳთე ლასგიდ მერი,
Line: 32 ბედილს მიშგჳა ნატჲალ ხაქჳა,
Line: 33 ლადი ალჲარს ხჳეფურთინალ.
Page: 86 Line: 1 ბაზი ჳახშამ ამჩუ მერი,
Line: 2 სგა ლოჴჳედ ჯოგითეჲსა,
Line: 3 შიშდ ლემბინე უსხჳაჲდ ლისტჳრე,
Line: 4 თეურ გოგად თე ლამთხეპე,
Line: 5 შიშდ ლამტყჳეფე ლამცა მიჩა,
Line: 6 ჭϩრჭყენ ლოხსყე ლესგარს მიშგჳა,
Line: 7 გოგას მიჩა ნათი ლოხო,
Line: 8 თხუმიშ ნაკჳიშ კალთაჲს ხუღჳა,
Line: 9 გოგა დოდას ხესემწალე,
Line: 10 დოდა ყურშაჲს ხესემწალე,
Line: 11 შიშდ ლამტეტე ყურნალისა,
Line: 12 ჴალდეში ბობშ ი ზურალე,
Line: 13 მაგა გურნალს ხოცადუნეხ,
Line: 14 შდიქმიშ ყუა მა ღალ ლამცჳირხ,
Line: 15 მϩგლიჯ გელად ჩხირ ღალ ლამკჳიშ (სატრაკისა),
Line: 16 ჩინ მაშენϱ ეჯის ხოდგარა.

Line: 17 ალე ლი ცა̄ნა დაშდუ̄ლა ლექს ატო̄ ნა̄ქჳი̄ს გა̄ლფხა̄ნშა. ალე მიჩ
Line: 18 ნასϩმ ხა̄რ შჳანისა, "ოდო ლϩლა̄შხუ ლექს მა̄შა̄ლ ლი ალე" ლოქ. ამჟი
Line: 19 ლე̄ქჳ ეჯნე̄მ.

Добавлено (2007-06-07, 5:43 Pm)
---------------------------------------------
ხოხრა ბობშარს ხოხალხ ცუდϩდ ი მϩმქადა ლექსი̄ლარ.

Line: 21 ალდϩრ-ბალდϩრ,
Line: 22 ბახსან ქელდϩრ.
Line: 23 ქელი ქობა ჭადარისა,
Line: 24 მაი ჯაკუ? და შალი შართქუმ,
Line: 25 ყაჭი თϩრქატ დავანებე,
Line: 26 ტუფას ტუფას მეშხე თჳეთჳნე
Line: 27 გეზალ ხორი აფუსნაში გელახსანი.
Line: 28 აპდა უპდა
Line: 29 გადასკუპდა
Line: 30 რიკ.
Line: 31 ეჲლები, მეჲლები
Line: 32 სკიჲსა
Page: 87 Line: 1 ნაწი ნაწი
Line: 2 კიკოჩაჲ დამუჩაჲ
Line: 3 რიჩხ.
Line: 4 ჲალაჲ თალაჲ
Line: 5 ბიშტი კურკუზაჲლაჲ,
Line: 6 იჲწილო-მიჲწილო
Line: 7 შოშანო გვრიტილო,
Line: 8 ალხო მალხო
Line: 9 ჩიტმა გნახო
Line: 10 შენი ფესვი ფესჳმანდური
Line: 11 აპდა
Line: 12 რიკ.
Line: 13 იშტი ბიშტი
Line: 14 ბიშტანკალი,
Line: 15 სიმონ ქალო მაქანძალო,
Line: 16 კაცი კია თავდაბალო,
Line: 17 ჩხირი ჯვარი ბიშტი,
Line: 18 სიკოწოლი კალმახური
Line: 19 ანდა უნდა სკუპ
Line: 20 და რიკ.
Line: 21 ალა ბალა
Line: 22 ბასკუნჩალა,
Line: 23 სი მარგალი მარგალიტა
Line: 24 კიკოჩაჲ დამუჩაჲ
Line: 25 რიჩხ.

Line: 3 "ინდილისა ხარ, ფინდილისა ხარ, ზურგჲელის ხარ, ფრინველისა
Line: 4 ხარ, ზურგჲელის დანატოვარისა ხარ, ფრინველის დანატოვარისა,
Line: 5 რაზე დასუნებულისა ხარ, ქვაზე დასუნებულისა ხარ,
Line: 6 მიწაზე დასუნებულისა ხარ, მიწაზე დამპალისა ხარ, რა შუმისა
Line: 7 ხარ, რა გვარისა ხარ, ჭრელი გველისა ხარ, გველ-ბაყაყისა ხარ,
Line: 8 წითელი გველისა ხარ, შავი გველისა ხარ, მაინც თავი გამეიჩინოს,
Line: 9 მაინც თავი გამეიყაროს. გამოხევი წყალს, გამოხევი ხმას,
Line: 10 ჭრელი გველისა ხარ, თეთრი გველისა ხარ, ფხა გამოშალე, ფხა
Line: 11 გამოყარე, გამოხევი სივილას, გამოხევი კივილას, თაგვისა ხარ,
Line: 12 ტინტალაისა ხარ, გველ-ბაყაყისა ხარ, იწისა ხარ, მიწისა ხარ,
Line: 13 გველისა ხარ, სითგან დასუნებულისა ხარ, სითგან მონადებისა
Line: 14 ხარ, გარ გამოდი, გამოდი, გამოშალე, გამოშალე, საბიწო̄! გარ
Line: 15 გამოდი, გამოყარე. გამოყარე, სამიწო̄! აშარეთი ხარ, ამარეთი
Line: 16 ხარ, გველო ქუჩუჩო, თავი გამეიჩინე, თავი გამეიყარე!"

Line: 17 ალ ლიმზϩრს სუმინ ჲედ ხოფშირა̄მინ ლე̄ქჳნეხ ი ლაქჳი̄სჟინ ლϩფხაჲს
Line: 18 ხოცჳენიხ წი̄ჳას. წი̄ჳა წიფსი̄ ხა̄რ ი ცაჲრასი̄ ფუყჳშა̄ლ. ეჯის
Line: 19 ხეკჳეს ეხჭემეს ქა, იმშა̄ჲ ღენ ფხა̄რალ ი̄რდიხ ლϩფხა̄ჲსა. ლϩფხაМჲ
Line: 20 მე̄ჳარ ფიშრე̄მინ ხოხალ ლემშჳანჲერა̄ჲსა. ლიმზϩრϩნქა დე̄სამა გჳეშ ჟაგ
Line: 21 ნაჟგუნ ხომჴერახ ი დე მაშედ ე̄სამა ხაბჟახ ამშა. წი̄ჳა ლაცჳენჟი ტებდი
Line: 22 ლიცი̄ლს ხაგჳშეხ ლϩფხაჲს. ალე ხეყრენიხ ხოშა ნაღალდ ჭიშხჟი ი
Line: 23 ტოტჟი, იშგნა̄გ დე̄მე. ჩუ იში̄ მე̄ჳარ, იმეჩუ̄ი ლϩფხაჲ ხა̄რ მა̄რას,
Line: 24 წϩრნი ფერიშდ ისყი ი სურუ მე̄ჳარ ხოსტუ̄ნი მა̄რას, იმეჩუ̄ჲ ეჯი ხა̄რ.
Line: 25 ლე̄თშჳ ი ლადეღჳშ უჟდ ბაც დე̄სა ხა̄რ ეჯნო̄ჳშ ლეგმერდას. ლϩფხაჲს
Line: 26 ანჭინხ ერე ლϩდგარ ჳიჯი ძორი ნარდჳჟი ჭიშხს ერ ესგემხ, ეჩქა ლოქ

Page: 89
Line: 1 იქჳნი ჩუ, ჲედ ძორი ნარდჳ გიმჟი ი ჲედ ლოქ ეჩა ფხა̄რალ ასდენო̄ლ
Line: 2 ი ეჯჲარ ლოქ ხეჩმϩნიხ ლუქუნს. ლϩფხაჲს ლა̄შხარ ლუქუნს ხჳაყლედ:
Line: 3 "საბრა ეჯის ლოქ ლϩფხაჲ ხაყრე̄ნა ჭიშხჟი". ხჳაჲდინ თელდ ჩუ
Line: 4 ხოდა̄ჳშე მა̄რას ასჳს ჲედ ჟი ხოფრე. ჳო̄ბაშ ხეჩდახ ეჯკალიბარ ერე ჟი
Line: 5 ლϩფრე ხა̄რხ ასჳარ ლϩფხაჲხენქა. მა̄ჲ მეზგაჲსა ლϩფხა̄ჲ ლეგმერდე
Line: 6 ხაყახ, ლელე̄თად ჴედნიხ მიჩა მეხჳბარალ ი ხოლგენიხ ლეგმერდას. ამჟი
Line: 7 ლიჩომ (ლილგენი) წეს ლი ლეგმერდე̄მიშ.

Line: 8 ამშა ლიმზϩრა̄ლი ხოხალ თინოს გოჩშა ი ამე̄ჲსა ერ ხა̄ჲრა ლϩფხა̄ჲ
Line: 9 ლიმზϩრ, ეჯი თინო̄ ნა̄ქჳი̄ს ლი. ლϩფხა̄ჲ მϩმზϩრი ზურა̄ლ
Line: 10 ერ ხოცჳენი წი̄ჳას ლϩფხაჲჟი, ხაკუჩ ერე მიჩა ლიმზϩრიშჳ ქე̄ნი̄ყას
Line: 11 მϩში ლუქუნხენ ფხა̄რალ. მანკჳი, ლϩფხაჲ ერ ხეყარ, ეშხუ
Line: 12 ფხა̄ლϩ̄ლ ლოქ ლეხჴალო̄ლ იმჳა̄ლე ი ეჯ ფხა̄ლϩ̄ლ ჩუ ლოქ იწწილი
Line: 13 სგა̄მენ, ეშხუ ფხა̄ლϩ̄ლ ხჳაჲდ ჴედნი, ქა ლოქ იკჳშე სგა̄მენ
Line: 14 მა̄რე̄მი ძორისა ი წი̄ჳას ერ ხოცჳენიხ ლამზϩრჯი, ქა ხაყა ფხა̄რალ
Line: 15 ფათუ̄ლარშა̄ლ ი ქუთანხ. იმშაჲ ლϩფხა̄ჲშხენ ლუქუნ ი̄რი, ეჩა წიწლარ
Line: 16 ლოქ ლიხ ეჯჲარ. ლიმზϩრ ე მო̄ ხე̄რი. ძარღჳს ხაჭიმხ ი ჩჳაშჲენი
Line: 17 სურუს, ჩუ ქურე ი ჩჳაფრე. რაჭალ ჟი ლოქ იმჴერიხ, იმშაჲ ნაქუნ
Line: 18 ი̄რი, ამჟი: ჩუ ლოქ ა̄ჲნეხ ჯჳიდს, ლϩჲნა ჯჳიდს ჩუ ლოქ ფუშდეხ
Line: 19 ჩერშტა̄ ნაფიტ ჴურუ ლექჳა, ჩერშტას ერ ჴურუ ხა̄რ, ეჩა ლექჳა, ჩუქჳა̄ნ
Line: 20 ხეგნი ფაკან ლიცჳშ, ჯჳიდ ი წჳე̄თ ჯესრეღჳნი ფაკანისა ლიცს ი ეჩე̄ჲსა,
Line: 21 მაჲკალიბ სახიში̄ ჩუ მუქჳნი ლას, ეჯ კალიბ სახიშდ ხეკჳეს ენწჳე̄ნე̄ნდეს
Line: 22 ლიცისა. ჲედ ჳიჯი სახიშდ ჲედ ბაყაყიშ ი იშგენიშ, ეჯ კალიბ
Line: 23 სახიშდ ლოქ ენსყი ჟიქა̄ნჩუ ნაწჳე̄თ ჯჳიდი̄ლ ლიცისა ფაკანშჳ.

Line: 24 ქე̄დგა̄თჳან ლϩფხა̄ჲ ლიმზϩრ ი მიჩა სახმახარ.

Добавлено (2007-06-07, 5:44 Pm)
---------------------------------------------
მათხეფ ი მათხეფი ლიმზϩრ.

Line: 26 მათხეფ ლა̄შხარს მეღო̄ღიელ ლეგლირდაშა̄ლ ქა̄მ მერდე ხოლა ჳუდრობა,
Line: 27 ქა̄მ მეკჳა̄რჲელ ლეგლირდე̄მი ქუნ მϩრ ხაბჟახ, ჳო̄ბაშინ ნაშხტარე
Line: 28 ძირისა მერდე ლე̄თშჳ ი ოღრო-ჩოღრო გიმარისა ი ღელარისა,
Line: 29 მარაМ მაყალ და̄ს ხა̄რ ეჩა. და̄ჳა მაყალ მე̄ჳარ ხა̄რხ ლე̄თჳშ ი მათხეფი
Line: 30 მაყალშჳ ლიზელა̄ლს და̄რ იჟჳმე. ჩუ ლიდა̄ჳშე მა̄მ ხოხალ მა̄რე̄მიშ
Line: 31 ლელე̄თად მეზელა̄ლიშ დაჳშა̄ლ ი აშ გარ ხეთხფენი ამსჳა̄ლდს ი ლეგდ გარ
Line: 32 ჴϩდე ი დემოშ ჩჳადგარი ი დემოშ ჩჳადა̄ჳშე ამსჳა̄ლდს ი ამღა ლი ერე
Page: 90 Line: 1 ხოხრა მაყალ ხა̄რხ ეჩა. მათხეფ დე და̄ჳა გჳარიშ ლი ი დე თანუშია̄ჲშ.
Line: 2 ალჲარ ხოლჴმაშა ლიხ მათხეფϩნ. მათხეფ მეთხფე მა̄რე ხოლა გუჟი
Line: 3 იგნი, ატხუნე, თხუმ ხეზგი უსაშჳელდ. ამϩნ ხოშა თხუმე ლიზგუნე დე̄მ
Line: 4 გჳეშს ხოხალ ლეგლირდეს. ლიმზϩრინქა ჟაგ ნაჟგუნს ხეჩოხ საკმეჳელი
Line: 5 ლიჴა̄ნეს ი თოფი ჯაგი ლი̄მნეს ი ლიბთქუნეს. ჟი ლოქ ეხყალჳნი
Line: 6 მათხეფს ი ქა ლოქ ეთყჳელნი ლეგმერდას, ეჯღა ხობთქუნეხ თოფი
Line: 7 ჟაგს, ღო ალ ჯაგ ნაჟგუნ ლახ დოშ ლახშიდხ, ჴϩდეხ ეჩქა მϩმზϩრის,
Line: 8 მϩმზϩრი ხოშა ნაღალდ ზურა̄ლ ლი, ღჳაჟარს ძჳირდ ე̄სა ხოხალხ.
Line: 9 ლიმზϩრა̄ლი̄ სახმახარ ზურალე̄ლე გჳეშ ლი, ამშა ღჳაჟარს დე̄სამა გჳეშ
Line: 10 ხომჴერახ.

Line: 11 მათხეფი ლიმზϩრ ამჟი ლი:

Line: 12 "გადაკიდებულიანო, შვილიანო, ძირიანო, ნათესავიანო,
Line: 13 ნაბალაკიანო, სადა̄ შენი ძირი, სადა̄ შენი შვილი, იქ არი
Line: 14 ნათლვა-ქორწილი, ხინი და გამოჩვენება, შავგულეი დოუკლავს, თავფეხი
Line: 15 შენთვინ ჩოუნახავს: ადრე მიხვალ, შეგინახვენ, გვიან მიხვალ, შეგიჭამენ.
Line: 16 თვარა ამევიღებ ჩემს ხმალსა ბრასისა, დაგჩეხ, დაგლუკმავ
Line: 17 იმითა, შავტარიანი დანითა პირფოლადიანითა, ჩაგაგდებ
Line: 18 წისქვილი ღარში, არ აგიშობ დიდ ჟამში, დაგცემ ჯვარ ჯვარითა,
Line: 19 სოლომანი სამებითა, წმიდა გიორგი ჯვარითა, დეიცევი,
Line: 20 დეივედრე უხილავისაგან ჩვენი ავათმყოფი".

Line: 21 ალე ლი მათხეფი ლიმზϩრ. მათხეფ ხეთი̄რი მაშე̄ნე ლიშგაჲელჳშ.
Line: 22 თე̄რალ ლექჳა ხეყჳნი, ხოწრანე ი ლასგიდს ხოჟჳმე.

Добавлено (2007-06-07, 5:45 Pm)
---------------------------------------------
ნათჳალყი ლიმზϩრ.

Line: 24 თეხენქა ხოკჳიბხ ლა̄შხს ლიშჳრის მა̄რე̄მიშს ი ლახ ჟი ხათერხ ერე
Line: 25 ნათჳალყ ლოქ ხა̄რ, ეჩქა ჴϩ̄დეხ მϩმზϩრის ი ხომზϩრიხ ამჟი:

Line: 26 "შეგილოცავ შინაურისა, გარეგანისა, შორებელისა, შავ თვალიანსა,
Line: 27 თეთრ თვალიანსა, შავ ბალანიანსა, შავ ჩოხიანსა, თეთრ
Line: 28 ჩოხიანსა, ვაიდარეული, კვაჭარეული, გულთა ლახვარი, თვალთა
Line: 29 ნაცარი, გულში ეკალი, ასთე გაქარდა შენი მაწყინარი".

Line: 30 ალ ლიმზϩრ ჯაბაშა ასუშ მართუკი ნა̄ქვი̄ს ლი. ნათჳალყხენქა გუს
Line: 31 იზგუნეხ ი ლϩჟარდ მϩრ არიხ. ხოლა თეს ი აყბას ძღϩდს ხოკჳბიხ
Line: 32 ლა̄შხისა ი ე̄სამა ხოჴდენიხ ლეგდ, შიშდ ყϩლეხ ერე ნათჳალყ ლოქ ხა̄რ
Page: 91 Line: 1 ალეს ჴან ი̄რჲა̄ მა̄რე ი̄რჲა̄ ფურ ი̄რი, ეჯი მა̄მ სერდემერდე ლი.
Line: 2 ნათჳალყ ლიმზϩრ ჯაბაშა ასუშ მართუკს ხოშა მეკჳშედ ხახლე̄ნა ი
Line: 3 ხოჯდუ̄ლდ ხახლე̄ნა თინოს, გოჩშა თერღლას, ზურაბშა ასუშს. ამშა
Line: 4 ნა̄ქჳ ამჟი ლი:

Line: 5 "შეგილოცავ ნათვალყმისა, შინაურისა გარეგანისა, წამსვლელისა
Line: 6 მომსვლელისა, მტერისა და მოყვრისა, შორებელისა ახლობელისა,
Line: 7 მეზობელისა, მესოფელისა. გამოჩდა შავი კდე, გამევიდა
Line: 8 შავი გველი, შავსა გველსა ჩავკრავ ველსა, ამევიყვან
Line: 9 შავსა გველსა, გადავაკრავ ქვაბსა ვარვალისას. ანსალა-მანსალა,
Line: 10 გველი ფხა სა̄ნსალა გულში აყრია, ასი ტორი ნაცარი თვალთა
Line: 11 აყრია, ასი მუჭი მახათი გულში ასვია, ასი კონა ეკალი ზურგზე
Line: 12 კიდია, შენ მაწყინარს შემაწუხებელს ფუი, ასე გაქარებულა შენი
Line: 13 მაწყინარი, წმინდა გიორგის ძალითა, დეიცევი, დეივედრე უხილავი
Line: 14 ეშმაკისაგან. ფუი ეშმაკს კუდიანს, კუდი დაგეწვა-დაგეწვა!"

Line: 15 ალეს ლე̄ქჳნეხ სუმინ ჲედ ვო̄შთხვინ ი ამნოჳშ ანჭინხ ენხოჩჳე̄ნდეს
Line: 16 ლეგმერდე.

Добавлено (2007-06-07, 5:45 Pm)
---------------------------------------------
ლიჳეМრ ი ლიჳერი ლიმზϩრ.

Line: 18 მაჳრა̄ ლიმზϩრ კუმაშჟი ი̄ქვი ი ზურა̄ლს ერ ხეყჳლენი გეზალ,
Line: 19 ეჯისი̄ ამჟი ხომზϩრიხ:

Line: 20 "სახელითა ღვთითა მამითა ძითა სულითა წმინდითა, აფაქიძის
Line: 21 ხიდზედა მიდიოდა დედა-შვილი, არა დედა-შვილო, მამამ
Line: 22 იცის და ძემ, სულმა წმინდამ, სანამდი ქვეშ არ გოუდის ქვიშანებასა
Line: 23 არცა ეცა არცა წახდა ანი, დონი კიდობანი ნიკჳრი შექნა,
Line: 24 უნძრავი ეინძრა, დოუმძრეველი დადგა, მის დრომდი მის ჟამამდი
Line: 25 დედი შენი მუცელში ხბო დადგეს!"

Line: 26 ზურა̄ლს ათჳი ლიცთე ხადე̄სჳნეხ ჭიშხარს, ბობშ ერ ხეყჳლენი
Line: 27 ეჩქა. მϩმზϩრი ფე̄დიას ე მო̄დ ი̄რდი, ნამზϩრ დიარი ნაკჳიშუ̄ლს ხა̄მნინეხ.
Line: 28 ფურსი̄ ამჟი ხეჩოხ ლაჳერჟი ი აშთქა ხამსი̄, გოჭარს ერ შϩდე,
Line: 29 ეჩქას. შიშდ იქნეხ მϩმზϩრი ზურა̄ლთე ი ე დო̄მ ანჴდენი, ღო დიარი
Line: 30 ნაკჳიშუ̄ლს ლახო̄დნე ლϩმზϩრას ი ეჩის ხა̄მნინეხ მეჳე̄რანალ კუმაშს.

Line: 31 ალე̄ჲ თინო̄შ ლი ლიმზϩრ.

Добавлено (2007-06-07, 5:45 Pm)
---------------------------------------------
ქარ ი ქარი ლიმზϩრ.

Line: 2 ალ ლი ამჟი:

Line: 3 "ქარი ხარ, ქარწითელი ხარ, ქარი ხარ, ქარშავი ხარ, ქარი
Line: 4 ხარ, ქარლურჯი ხარ, ამომავალი ხარ, ამოდი, გასაქრობი ხარ,
Line: 5 გაქრი, ძვალში ხარ, ბილში გამოდი, ბილში ხარ, კანჭში
Line: 6 გამოდი, კანჭში ხარ, კარში გადი!"

Line: 7 ალ ლიმზϩრϩნქა ტებდი დϩტხორს ლახდე̄სხ მაზგა̄რ ქარა̄ლ ჭიშხს
Line: 8 ჲედ იშგენს.

Line: 9 ალ ლიმზϩრი̄ თინოდ ლე̄ქჳ გოჩშა.

Добавлено (2007-06-07, 5:45 Pm)
---------------------------------------------
შაკიკ ი შაკიკი ლიმზϩრ.

Line: 11 "შაკიკი ჩამოსჩოვია სათიფისა ბოლოსაო,
Line: 12 აგრე ჭამდა რკინასაო როგორც ხარი თივასაო,
Line: 13 მევიდა წმინდა გიორგი, გოუწყრა, გეიპარა დილასაო".

Line: 14 შაკიკ ხა̄ჲშხა ხϩნსგე ნიგბა ი ეშხუ თე ერ ხეზგი მე̄ჳარ მა̄რას.
Line: 15 ამშა ჟაგარი̄ ლიმზϩრ გჳა̄რ ლა̄შხარს.

Line: 16 ალე̄ჲ თინო̄ ნა̄ქვის ლიმზერ ლი

Line: 18 ელი ელობდა,
Line: 19 მელი ელობდა,
Line: 20 ძღვა შოშინობდა,
Line: 21 ძღვა ფოფინობდა.
Line: 22 ლებანი ხესა ზეთი სდივოდა.
Line: 23 წითელი ხარი, წითელი ხუცეცი
Line: 24 ხვნიდა კდესა ფიქალსა,
Line: 25 ათესავდა ქვა-ქვიშასა".

Line: 26 "ვის გოუგონია ქვა ხნული, ქვიშა თესული? ჩამეიარა
Line: 27 ანგელოზმა. ვის გაუგონია, დამწვარა მიუშველებელი მესამე
Line: 28 დღემდი".

Page: 93
Line: 1 ალ ლიმზϩრს ფიშრე̄მინ ლე̄ქჳნეხ. ქა ჲერ ე̄მამ ედშიხნეხ ჲედ
Line: 2 ლემესჳშ ი ჲედ მამფუა ლიცჳშ, ეჩქაМ ხომზერიხ ამჟი.

Line: 3 ალ ლიმზϩრი̄ თინო̄ ნა̄ქჳი̄ს ლი.

Добавлено (2007-06-07, 5:46 Pm)
---------------------------------------------
ნანად ი ნანადი ლიმზϩრ.

Line: 5 "ლოცვა ალისა უჟამურისა, სახელისა მღვთისა. ჩვენ ვიყავით
Line: 6 სამნი ძმანი სამნივე ხატავლეთუანნი, აროზ, ქაროზ, კვარასტინე.
Line: 7 მთასა მივიდოდით გალილი̄სა, კვალსა ვეძებდით ნადირისა.
Line: 8 კვალი ვერსა ვიპოვნეთ. ვიპოვნეთ ნავალ-ნათარეშევი, მივყევით
Line: 9 ნავალ-ნათარეშევსა, ჩაგვიძღვა დიდსა ღელესა, დოუდგით
Line: 10 ბადე რვალისა, გეებო ქალი ალისა. ქალსა ქონდა თმანი გიშრისა,
Line: 11 ჭიღვი ჭიქისა. კბილი რვალისა. აროზმა თქვა: "მე ჩავტეხ
Line: 12 მისსა კბილსა რვალისა". ქაროზმა თქვა: "მე ჩავტეხ მისსა
Line: 13 ჭიღვსა ჭიქისა". კვარასტინემ თქვა: "მე ჩამოვჭრი მისსა თმანსა
Line: 14 გიშრისა". ნუ შენ, შავო კაცო შავო ტყისა შავო კდისა, უკაცური
Line: 15 ძღვისა ადგილისა! ეს ადგილი წმინდანია, წმინდა ოქრე
Line: 16 ქალაქია, ქრისდეს ციხეა, ღმერთის ძღუდეა, თავარანგელოზობი
Line: 17 ღადღადობენ, მოგვართვით და მოგვინჭირეთ ხე-ბორკილი
Line: 18 რკინისა, მოარული ღამისა. ჩავაგდებ დიდ ღრამში, არ აუშოფ
Line: 19 დიდ ჟამში, დავცემ ჯვარ-ჯვარითა, სოლომანისა ამბითა, წმინდი
Line: 20 გიორგის ძალითა, დეიცევი-დეივედრე უხილავისა ეშმაკისაგან.
Line: 21 ფუი, ასე გაქარებულა ეშმაკი!"

Line: 22 ამშა ლამზϩრჟი მეშხე ლუმუჭ გეჩ ტოტისა ხეღჳე̄ნიხ ი შიხს
Line: 23 ახტუ̄რნიხ ლეგმერდე̄მი თხუმჟი ი ხოფუ̄ლნიხ შიხი ბი̄რღჳს. ალ შიხი
Line: 24 ბირღჳ ლოქ ერ იბა̄ქი, ამჟი̄`ჳ ლოქ ალბა̄ქე̄ლი ამშა ლეგლირდე. ნანად
Line: 25 ჩჳასო̄ყე მა̄რას. ჲესიჲეს თეკჳშ ლებემდ ჴედნი მა̄რე, ოდოМ დეშ იგჭეხ
Line: 26 ლაყჳრაჟი, თე̄რალს ქა̄სპϩნე, ქაჯსი ჲეშმაჲს ხემბჳა̄ლ ჲეს კϩლთხიდ ი
Line: 27 ჲეს დამბალდ. ჲესიჲესინ ეშ გარ ფϩრჩლაჳი, იბდერ მϩრა̄მთე, ხატუ̄ლი
Line: 28 ე̄რეს დაჯინებულდ, თელდ ლϩსო̄ყას ხაჯეშ. ჲესიჲეს ბაპსი̄ ჴϩდეხ
Line: 29 ი ლაჲრს ხოჭჳდა̄ნეხ ბაპარ. ნანად ხეყრენიხ ლე̄თჳშჳ ლაზელა̄ლჟი
Line: 30 ხოლა ღელქა ი ჲედ ძღϩდ ცხეკქა, ერ ხე̄რიხ ქა ლე̄ზი ლϩლე̄თან
Line: 31 უტკუნისა. ნანად ლუფხჳისა ხოშა ხოხალ, ლუნთ მა̄დე ეჯჟიМ. ლუფხჳს
Line: 32 იზელა̄ლხ ღელართე ი ლუნთისა და̄რ ი ეჯღა მϩრე̄ს ხეყრენიხ ნანად.
Page: 94 Line: 1 ნაცხკიშ ლოქ ხეწჳე̄ნიხ ი ეჩქა ლოქ ისო̄ყიხ, ჲედ და̄ჳ ლოქ ხეწჳე̄ნიხ
Line: 2 ჲედ თანუშიაჲ ი ეჩქაМ სერ ჩუ ისო̄ყი მა̄რე. ცხეკთე ლოქ აწი̄
Line: 3 თანუშიაჲ ზურა̄ლ, ყϩლეხ ერე ხჳაჲს ჩუ̄ჲ ლოქ აქდუნე მიჩაცახან ი ეჯ
Line: 4 კალიბ ჟი̄ დე̄მ იხჩოჳი.

Line: 5 ალ ლიმზϩრი̄ თინო̄შ ლი.

Добавлено (2007-06-07, 5:47 Pm)
---------------------------------------------
ლუშნუდ "მამაო ჩვენო" ლϩლა̄შხუდ.

Line: 7 მუ გუშგჳე, ხედი̄ ხარი დეცჟი, წმინდ ლე̄სს ისგჳი ჟახე, ანჴეს ისგჳი
Line: 8 ლიფუსნ. ლესს ისგჳი ნებ იმჟი̄ დეცჟი, ეჲჟი გიმჟი. დიარ გუშგჳე
Line: 9 მϩსე̄ლჳე ლოგო ნაჲ ლადი. ლოგჳაცჳრ ნაჲ ნაშდებჳარ გუშგჳე,
Line: 10 იმჟჳა̄ჲ ნაჲ ლოხცჳირედ ლϩშდბინა̄ლას გუშგჳეს, ი ნომა ოგჳჲა ნაჲ
Line: 11 თϩმითე̄ჲსა ა̄ ქო̄გჳი̄ყ კუმატხენქა.