|
|
|
 |
| Lashkhski dialekt |
|
Мужчина |
Date: Четверг, 2007-05-31, 5:49 PM | Message # 76 |
Group: Модераторы
Posts: 990
Status:Offline
Дата регистрации:
2006-08-29 |
9 აგითე ჲედ ნამზურუნი მϩჴდად ი ჲედ მინე ნათორ სახმახი მუჩუმდ.
Line: 10 ლაშხხენ ხოშა ნაღალდ ურჲალთე იზელა̄ლხ ლამცერთე. ჲეს ეშხჳს
Line: 11 აფშჳდიხ, ალე ლოქ ლი ათხეМ ხოჩა მეცარ ი ჲეს მე̄რმას ერე ალე ლოქ
Line: 12 ეჩϩნ ხოჩულ ლი. ჲადურდ ერ დო̄სამა გჳეშ ხϩჭკϩ̄რი იშგენ, მეცართე
Line: 13 ეში̄ ღϩრიხ ამგჳარ, მა̄ჲ ჯო̄დჲას ლესეს მეცარ. ჲერუ, სემი ლადღი
Line: 14 ლე̄ზნას ღϩრიხ მეცართე მაგ, ეჯჟი ხოჯრაჳიხ მეცარს ნა̄ქჳი̄სს.
Line: 15 ხჳა̄ჲდინ ქუთა̄შთეჲ ღჳრიხ მეცარი გუ̄ნღა გარ ლაჭჳდჲელა̄ლთე. მეცართე
Line: 16 მაგ მუგჳიდ ითჲა̄ლ ლი̄ზის ხოლაჲ ხოჩა, ღარიბ ი დიდარ. ესყედნიხ
Line: 17 ლეზϩზს, თეთრს მეცარი ლეჳდიდ ნამცერუ̄ლ-იМ ღϩრიხ ჯო̄დჲას
Line: 18 ირჲა̄ ფე̄დჲას. ეჩა შუა მა̄მა ხა̄რხ, ხოჩა მეცარ ჩუჳუ ლი, ოდო ლი̄ზის
Line: 19 ი ხარჯს ჲარ ღალ აზა̄რე, დე ნაჴდუნს ე̄რ აზა̄რე მეცართე. მინეშდ
Line: 20 ჩაფულს დე̄მ იდე̄სხ ნაღრიბუშ, მეცართე ლა̄ზჟი ჩაფლარ შიყისა ხოჩხინა
Line: 21 ლა̄რტყლექჳა, დე̄მ ისრე შუკჟი ლედე̄სდ, ჩუ ლოქ ემჴეჩნი ბატო̄ლუ ი
Line: 22 მა̄მა ლოქ მეღჳე̄ნი ეჩϩნღო, ლϩზორისა ლედე̄სდ ი ხჳაჲ მა̄რაცახან დეშ
Line: 23 ლოქ ოხთენი ქა ჭიშხა გარ-იМ მეცარიშთე ოსღჳა ჲერუ სემი მანათ.
Line: 24 მიშგჳა თეჳშ მიწჳახ ამშა მϩ̄ჲრენის ერე ლა̄შხხენ ფიშირ აჩად მეცართე
Line: 25 ნე̄სგა რაჭთე, ჲერუ ლადღი ლე̄ზჳნაჟი ლა̄შხხენ: ჲერუ ლადეღ
Line: 26 ეჩხა̄ჳ ახკუხ, ჲერჳს ამხა̄ჳ აგითეშა̄ლ ი ქა ჴედნიხ ჲერხი ლϩხი̄დე მეცარი
Line: 27 ნა̄მბჳალშჳ ი ჲერხი ღალ მე̄ჳარ ლϩმჯა̄რჳე, მარაМ ხოშა ნაღალდ მეცრალ
Line: 28 ლახი̄და̄რ ამბჳარს ხაყლეხ ერე მაგ ხოჩე̄რობა ლოქ ჯა̄რ ანღელს
Line: 29 ამუნღო. მეცარხენ ნაჴდჳარ აგის ა̄მბჳიხ, ეჯ მეცარ ლოქ ღერთალე
Line: 30 ლϩგნე ლი გაცხაჲდ, ჲადურდ ჩი̄ს ლა̄ჲრაკს ლოქ ი̄მბჳა̄ლ. მა̄ჲმა ლოქ
Line: 31 ჩუ ჯაყრა იჳალადეღ ჲედ ლოქ ჩუ ე̄რ ჯადგარა ქორისა, შიშდ ლოქ ჟი
Line: 32 ხათერ ი ქა ლოქ ჯი̄მბჳი მიჩაჳშ, ჲედ ჳოშა გეზალ ჯეყე̄ნი ლოქ ჲედ
Line: 33 დი̄ მუ ჯაყა̄ დო̄სა ლუჳარ ათხეМ ჲედ ლϩ̄ჲხჳე ხია̄ მა̄დე, ალეს ლოქ ჩი̄ს
Line: 34 ქა ჯიშϩლდანი სგობინჩუ. ეჩთა̄ნ სპარს მϩგϩრგალი მეცარ მა̄ ლოქ
Page: 12 Line: 1 ხოწჳახ ჩიქე მინს, ამზუმ შდიქი მა̄რე̄ლ ლოქ ლიხ მინ-იМ ჩიქე ლოქ
Line: 2 ხათხნე̄ნახ ეჯკალიბ სპარსდ მϩგϩრგალი მეცარს მინე დგმა̄ჲსა. ამ
Line: 3 ლი̄მბჳის ძღϩდ ლϩხი̄დად იჳნარიხ მესჳფელ ი მეზჳბელ მაგ ი სგა ხა̄
Line: 4 ღϩრიხ ქორთე მინე აგჲართე, შიშდ ჩუ სკϩბეხ ერე მინი̄ აჩეხ ეჯ მეცართე
Line: 5 ლაჭჳდჲელა̄ლდ. მეცრალე ლუ̄ქჳჟი ხჳა̄ჲ ღალ ხაცჳრე მიჩა ქორს
Line: 6 ი ლირდეს ი, ჟი ი̄ყრა̄ლ ი ქა იზგა̄ლ მე̄რმა აგითე, ლაზგა გიმ ლოქ
Line: 7 ლი ლϩდა̄ჳშე, ეჯის-ეМ ხე̄ქჳნე მეცარ. Line: 8 გეზლურ ჲერჳა̄ჲ ლიხ, მაშე̄ნე ეჯჲარ ღϩრიხ მეცართე, ეჩა ლამჴერდ
Line: 9 ერე იმშა̄ჲღენ ტარშჳ ი ბრალშჳ გეზალ მო̄ ლეხჳოდა̄ნ მინს Добавлено (2007-05-31, 5:48 Pm)
---------------------------------------------
10 ეჯჲარს ხათჳრი მეცარ ერე ალ ხატიშ ი ალ ხატი ტარ ლოქ ჯა̄რ
Line: 11 ნამზϩრუნს ლოქ ინუკოჳ ეჯ ხატ ისგჳა̄ხენ. ხა̄ლ ანჴდენი აგითე, შიშდ
Line: 12 ესთჲა̄ლჲელნე ღალ ეჩა ლიჩომს, მა̄ჲ მეცარხენ ხა̄რ ნა̄ქჳი̄ს. სოფლარისა
Line: 13 ხენჩϩდიხ ჲეს-ჲესინ თჳით ი მე̄რმე მϩმცერი ზურა̄ლ ი ჲედ
Line: 14 ღჳაჟმა̄რე. მა̄ჲთჳა ლეგლირდე ერ ხეზგუნიხ ჲედ ეჩქაМ გარგლი
Line: 15 მეცარშა̄ლ ლეგმერდე̄ლ. ჟი იМხჳრჲელიხ ეჯ ლეგმერდე̄მი ქორისა
Line: 16 ზურა̄ლაშ ი ღჳაჟმა̄რე̄მი ჯარ ი ხეჭჳდჲელა̄ლხ ლეგმერდას: იმ ლოქ
Line: 17 ხისგდინე ბატო, ქა ლოქ გჳე̄ქარ ნაჲ. ჲედ გუშგჳე ლϩდგარუ ლოქ
Line: 18 ჯეწჳე̄ნიხ ე̄სა ბატო, ნომა ლოქ გჳიჳმი, ბატო. ქა ლოქ ოგჳი̄მბაჳ მაგ.
Line: 19 ჲერხი ლეგმერდე ჟი იბნე გაცხაჲდ ლი̄მბჳის, ალ ლϩდგარუ ლოქ
Line: 20 ლახწჳე̄ნე̄ნახ მიჩ ი ამჟი̄ ამჟი ლოქ ხო̄ქჳახ ეჯჲარს მიჩაშჳდ. ხჳა̄ჲდინ
Line: 21 ამკალიბ მე̄მბჳა̄ლ ლეგმერდე ჩუ იდგარი-იМ, ხჳა̄ჲდინ ჟი იხჩოვი. ეჩქაМ
Line: 22 ლϩხჩოჳან ხოჩა̄მდ მერდას ხეჭჳდჲელა̄ლხ. მა̄ჲღენ ლოქ ოხსგიდნა მინე
Line: 23 ბედჟი ხოლა̄ ხოჩა, მაგ ქა̄ჳუ ხე̄ქჳ, ნო̄მუ ლოქ ხოჳმი ბატო̄ლუ ლოქ
Line: 24 ჯეჲ. ჟანშგუ̄რი̄ნეხ ეჯ კალიბდ ერე დამაშ ხა̄რ ი ა̄მბჳი სერ ხეხლი მა̄ლე
Line: 25 ა̄ მა̄მა. მეცრალთეМ ხოშა ნაღალდ მაყალ ერ ე̄სამა ხაშϩ̄დნიხ (ჲედ
Line: 26 კუმში ბერაჳშ ჲედ მა̄რემი ლეგლირდეჳშ ჲედ ხოლა კუმატ ერ ე̄სამა
Line: 27 ეთლაკი ჲედ გეზლურ ლისედდ ხეყლუ̄ნი) ეМჩქა ღϩრიხ ი იმჴერა̄ლიხ
Line: 28 მინე თხუმე ამბაჳს, მა̄ჲღენ ლაშედ ე̄მხენ ხე̄რი. ალეს ჩი̄ს მაყალ
Line: 29 ხაჩმუ̄ნნდჳნე, ოდო აშ უმყა̄ლჳა̄ლად ჲერჳა̄ჲ არი, ხოლა ერ დო̄სამა
Line: 30 ხალკე̄ნა ი ჩინოჳშ აშმა̄რ ლი მიჩა ბედიშ, ეჯკალიბარს ეშჲეში̄ მა̄მა
Line: 31 სერდე-მერდე ხა̄რხ დე მეცრალეშ ი დე იშგნე̄მიშ ე̄მშა, მე̄ჳარ ჩუ
Line: 32 ლეტრϩზϩნე ლიხ ი შუას დე̄მშა აჲესხ. Line: 33 ამკალიბ მაყალϩნქა მუშჳან მა̄რას ხა̄რ ლემყა̄ლჳა̄ლ მე̄რმა-მე̄რმა
Line: 34 სახკაფი ლემყალიშდ: ლახჳს-იМ თანაღს ხაყლუ̄ნიხ დალიშდ-იМ ალიშდ. Page: 13
Line: 1 დალ ლოქ ზურა̄ლა სახდ ხეწჳე̄ნი მა̄რას ი ჩუ ლოქ აქდუნე მიჩაცახან
Line: 2 ი ღო ქა ლოქ იღროჳი ცხეკთე ი ჩუ ლოქ ადა̄ჳშე ღალ ამსჳა̄ლდს. ჩუ
Line: 3 ლოქ ასო̄ყე დალ მა̄რას, ემოშ ლოქ ჩჳაქდუნე მიჩაცახან მეყჳნად.
Line: 4 დო̄რიღოჲ შდაშჳდ ერ ეთწედნი თანაღჟი მა̄რე დალს, ეში̄ ჩუ ისო̄ყი
Line: 5 მაყალაშჳ, ჩუ ერე მო̄დ ეთქადე̄ნს ეჩაცახან. ეში̄ დალი ნაწედϩნღო აგითე
Line: 6 ემოშ ლოხჩიშ ლიჴედს ლუჳარდ, ღო აგის ჩუ ისო̄ყი-იМ, იბდერ ცხეკთე,
Line: 7 ჩულებემდ ჴედნი თეკჳშ, ოდო ქა ხო̄ზიხ ქორხენ ცხეკთე, ხა̄ტუ̄ლი
Line: 8 ეჟის-იМ თე̄რალს ქა̄შტრაჳი, იბდერ ქა ლაჩედდ ყო̄რქა, ტოტარშჳ
Line: 9 ხერეწჳანა̄ლ მϩრა̄მ. ამკალიბ ჩიქა ჴϩდეხ ბაპს ი ნანადი ლოცს
Line: 10 ხაჩმუ̄ნდჳნეხ ი ზეთი ლიჯგრის ფიშირ ბაპარს. ამკალიბ ლეგლირდე Добавлено (2007-05-31, 5:48 Pm)
---------------------------------------------
11 ლენტხე̄ლს ხაზნახ ხოფშირე̄მინ. ლა̄შხს ხოშა ძჳირდ გარ. ღელე-ღულე̄ჲსა
Line: 12 ლოქ იზგეხ ლენტხელ ი ეჯღა ლოქ ხეყრენიხ ხოფშირე̄მინ,
Line: 13 ამჟი ყϩლეხ ლა̄შხარ. დალს აში̄ ჩუ ხა̄ჲმედა ამსჳა̄ლდა ლიდა̄ჳშე, ჟი ლახ
Line: 14 ენუნდუნნე. მეთხჳჲარას ღალ მე̄ჳარ ხაყლუ̄ნიხ დალიშ. Line: 15 ალ წϩრნი ფერიშ ლოქ ლი. ალ ლახ იკჩი, ჩუ ლოქ აშგჳდი ღალ
Line: 16 ამსჳა̄ლდს. ალ ლოქ მე̄რე̄ლისა არი ჩიგარ. ჟი ლოქ ხერღჳენი ეშხუ
Line: 17 აგის მე̄რე, ეჯის ალ ლოქ ხონჴრი ი ჩუ ლოქ აშხი, მა̄ჲ ლოქ ი̄რი
Line: 18 ჩი̄ს. ალ ხამთქჳა ლა̄შხისა სტა̄რუნი̄ში ზაგარჟი. შომა̄ჲ ჟი ე̄სა
Line: 19 იმე̄რა̄ლ ლახჳარე ზაგრალჟი ლირდეს, ძჳირდ გარ მოშერ აბდაჳი ალი
Line: 20 მაყალშჳ. ალს მე̄რმა ჟახად გირგალაჲს ხაყლეხ. გირგალაჲ ლოქ
Line: 21 ანსიპდა ი ჩუ ლოქ ღო̄თაშდ ოგშიხა̄ლე მაგ, ამჟი ხოხალხ ლი̄ქჳის ალ
Line: 22 ერ იკჩი ეჩქაМ. მეხდ მა̄ ხაყლუ̄ნიხ ეჲჟი, ალდ ერ ხაყლუ̄ნიხ. დალ ი ალ
Line: 23 სურუ ლემყალ ლიხ. Line: 24 ეჯჲარცახან დე̄სამა ლოქ გაჳა დე ნალჴმაში დე ნამურჯი დე ლიმარგ
Line: 25 ი დე დე̄სამა. ნაჳბედრი ი̄რი̄ ალ ჟენკაჩი ი მა̄რას ხოჲხენი, ამგჳარ
Line: 26 მაჲ აფსა̄თ მა̄რე ლე̄სეს, დეშსამამ მოშ იჩო ი ჩჳაშხი ღალ შიშდ.
Line: 27 ალჲარϩნქა ხაყლუნიხ ცხეკს ი ჳელს ი ღელს მე̄რმა-მე̄რმა სახი ლემყალიშდ.
Line: 28 ალ ლემყალარ ლიხ: და̄ჳარ, თანუშიო̄ლარ, ქჳესროლჲოლარ ი ჭიმკა̄რ.
Line: 29 ალჲარ იზელა̄ლხ ი არიხ ცხეკარისა-იМ ღელარისა. ჭიმკა̄რ ლიგე̄რგი̄
Line: 30 თო̄ჲსა გარ არიხ. ჲენურდ მა̄დე. Line: 31 და̄ჳ ჩინ მაშე̄ნე ლი, ჩინ ხოშა მაბცუან, და̄ჳზუმ ლϩჴმაშ ღერთალეშ
Line: 32 ი ჯგϩრა̄გϩნჩუ დე̄სამა ლოქ არი დეცეშ ი გიმე ნე̄სგა. ტანდი̄
Line: 33 დე̄სამა ლოქ ლი და̄ჳზუმ. ჳიდრობა ხოლა სახიშ ლოქ მϩრ ლი.
Line: 34 ქალიწედ მაყალს ლოქ ხაშდე მა̄რას, მარაМ ხოჩაМ ლამარგ მა̄რე დე̄მ
Page: 14 Line: 1 ლოქ იდა̄ჳში ეშჲეში̄ ეჩა ლითხნეჳშ. ციგინისა ამსჳა̄ლდ გმირ მა̄რე̄ლ
Line: 2 ხჳა̄ჲდინ ხაწნე̄ნახ და̄ჳარს, ამირან ხაწი̄ნდა, ბეჟან ხაწიი̄ნდა, ბელხანჯარ
Line: 3 ხაწი̄ნდა ი ფი̄შირ ამკალიბარ, მარაМ ათხეМ მა̄რე̄ დეშერ ხობდაჳი
Line: 4 სგა ლითხნეს ი ლიცჳა̄ლს, შიშდ მაყალ ხაშϩ̄დნი ი ჩუ იდა̄ჳში ღალ.
Line: 5 და̄ჳაშჳდ ლადეღჳშ მა̄ ხაყლუ̄ნიხ ეჲჟი, ლე̄თჳშ ერ ხაყლუ̄ნიხ. ხჳაჲ მა̄რე
Line: 6 ხოდა̄ჳშა და̄ჳს ლე̄თჳშ. ხოხალ ლირდე ხოშა ჳიდრობა ამსჳა̄ლდა უ̄ზჳნა
Line: 7 ღელარისა ი ცხეკარისა. და̄ჳარს ლიეხჳ-ლიჭაშ ლოქ ხა̄რხ, იმჟი̄
Line: 8 ამსჳა̄ლდს, ეჯჟი. Line: 9 თანუშჲაჲ და̄ჳ ლი, მარაМ ზურა̄ლ და̄ჳ ლი. ტანდ ხოხრა ლი თანუშჲაჲ
Line: 10 და̄ჳაშდ. ხოჩაМ ლამარგ მა̄რე ჟი იმარგ, თანუშჲაჲს ერ ლახხჳი̄დეს
Line: 11 ჩუ დე̄მ იდა̄ჳში ლამარგ მახე ღჳაჟ ეჩა ლიხჳჲეჳშ. აშ მეთხჳჲარას
Line: 12 ერ ლეხჭოდდეМ, ფი̄შირს ლოქ ჩუ ხოწჳახ მინს თანუშჲაჲ ლე̄თჳშ ქა̄მ Добавлено (2007-05-31, 5:49 Pm)
---------------------------------------------
13 ქჳაბისა ლალგენჟი. Line: 14 ქჳესროლჲაჲ ხოხრა უდ ლი თანუშჲა̄ჲშდ ტანდ. ზϩმჳშ ჭიმკაჲდ
Line: 15 ხოშულე̄ლ ლოქ ლი. ქჳესროლჲაჲს ხამთქჳა ბეჩარე ლიფე̄შჳდანა̄ლ
Line: 16 ღელარქა ლა̄ზ-ლაჩედჟი ი კოჯარქა შუკს ლა̄ზჟი. ლეგჳე̄რალისა
Line: 17 მეგნა მულგჳე̄რა̄ლას ლოქ ფი̄შირს ხოწჳახ ქჳესროლჲაჲ. ლეგჳე̄რი
Line: 18 ლϩყა̄რთეჟი ხოხალ ბეჩრე ლიფშჳდან-იМ ლიყა̄ლჳე მა̄რე̄მიშ. ქჳესროლჲაჲ
Line: 19 ჩუ დეშ ადა̄ჳშე მა̄რას, დემოშ ლოქ ჟი ხაწრე მა̄რას, მარაМ აშ
Line: 20 ლიყა̄ლჳე გარ ლოქ ხამთქჳა მა̄რე̄მიშ. ქჳესროლჲაჲდ ძჳირდ გარ
Line: 21 ხაყლუ̄ნიხ ლამარგ ღჳაჟარს, იმედ ხა̄რხ ჟი ლიწნე̄მიშ. Line: 22 ჭიმკა̄რ თელდ კოჭო̄ლუ̄ლარ ლოქ ლიხ. ეჯჲარ ფიშირ ლო
Line: 23 ხეჭჳა̄დიხ მა̄რას, ოდო ჲერუ, სემი დეშსამამ ლოქ ხეჩოხ მა̄რას, მარაМ
Line: 24 ფიშირს ლოქ ხოხალხ ეშხუდ ლირდე, აშირს, ჲერუ აშირს ეშხუდ.
Line: 25 ლემესი̄ლარე ლიჭკი̄ჳი̄ნე ხამთქჳახ მϩჭკი̄ჳო̄ლშა̄ლ. ჭიმკა̄რ ლიგე̄რგი̄
Line: 26 თო̄ჲსა არიხ ი ეჯ თო̄ჲს საშიშ ხა̄ჲშხა ჟახად. ლე̄თჳშ მე̄ჳარ
Line: 27 ხაყლუ̄ნიხ შუკს ლი̄ზი, ჭიმკა̄რ ლოქ ემჭჳა̄დიხ. აშ ეშხუ ი ჲერუ ჭიმკაჲდ
Line: 28 და̄ს ხაყლუ̄ნი, მარა̄ ფიშირ ლიხ ეშხუდ-იМ ჲერხი ლოქ ჟი ხეცჳიხ
Line: 29 შიყჟი, ჲერხი ბარჯა̄ლთეჟი ლოქ ხეგნიხ, ჲერხი მეჴრა̄ლ ლექჳა ლოქ
Line: 30 ხონჴრიხ ლოქ მა̄რას ამჟი, ჳოდ ჩუ დო აბჭკჳეხ მინე ნაქაფ. ხჳა̄ჲ ა̄მბჳი
Line: 31 გუშგჳეურა ერე მიჩ ლოქ ჩა̄ჟთეჟი ლახთქებნე̄ნახ ჭიმკა̄რ-იМ აგინუნ
Line: 32 ახϩნჴერნე̄ნახ. ლიგე̄რგი̄ თო̄ჲსა ქა̄მ მეფშჳდე ჩა̄რს ერ ფაფალ ხეძϩრხანი
Line: 33 უშხჳა̄რთე ეჲჟი ერე ჩუ დეშ ფხϩჟე მა̄რე ძღϩდ გარჯულ, ეჯი
Line: 34 ჭიმკა̄რე ნასდუგ ლოქ ლი. ჩა̄რს ჩუ ლოქ ბუჭკჳეხ ნაჭმუ̄ნდჳნა̄ლ
Page: 15 Line: 1 ლე̄თჳშ. იმე̄ჲ ჭიმკა̄რ ხასდგომახ ლე̄თჳშ, ეჩხენ მϩჭკამე̄ლარშა̄ლ აჭკი̄ჳი̄ნეხ
Line: 2 ი ეჩქაМ ყϩლეხ ერე ეჩეჩუ ლოქ ჭიმკა̄რ არიხ. ეშხუ ლე̄თ ლიგე̄რგი̄
Line: 3 თო̄ჲსა საშშობა ქალი̄ზა̄ლს ხაყლეხ. ეჯ ლე̄თ ხეკჳეს ედქარჳე̄ნდეხ მაგ
Line: 4 ჭიმკა̄რ. კოჯს ლოქ-ეМ აშϩ̄დნიხ ჭიმკა̄რ, ღო დარობ ლოქ ი̄რი ჳო̄ბა
Line: 5 ხანს-იМ ლიცთე ლოქ-ეМ აშϩ̄დნიხ, ღო აჳდრობ ლოქ ხეჭყრი მეჲად ქა
Line: 6 ლიგე̄რგი̄ თო̄ჲსა. ამჟი ნასϩმ იჳასϩნღო გუშგჳემϩყ ხაჯრაჳახ. Добавлено (2007-05-31, 5:49 Pm)
---------------------------------------------
. ზომხა ლა̄შხისა. Line: 8 მϩლა̄შხ მა̄რე ზომხას მუჟღორნეშ ხემა̄რა̄ლ, იბნეხ დო̄სგ მუჟღორ
Line: 9 ლეზო̄მახ ხამი ლინე̄შყეს, ზომხაჲს ხაყლეხ. მუჟღორϩნღო ხა̄მნეხ
Line: 10 ზომხა̄ სგობნე ლადეღნუნ. ჲერჳა̄ჲს ხოლგჳარა ხამ ხეყე̄ნი ლა̄ნშყა, ეჯი
Line: 11 ხოშა ჟახე ლი მიჩა ჴეჳისა. ზომხა̄ სგობნე ლადეღს შუშხვამ ხა̄ჲშხა
Line: 12 ლϩლა̄შხუდ. ეჯ ლადეღ ქორთე ლიჴედ მა̄ შიდ ნაქა̄მიშ. ზომხაჲ ხამს
Line: 13 ჩჳადძი̄ნეხ ძინარს მე̄ჳარ დო̄სგ. სგა̄შურე̄მიშს კეპლარს ანსყე̄ნნეხ ი
Line: 14 ჩჳადშხუნნეხ. ნაქა̄მს ერე̄ს ხეწდენიხ, ეჩქაМ უშხვა̄რ ხომზϩრიხ ამჟი:
Line: 15 "ხოჩა შუშხჳამჳ აჯშხჳა̄მე̄ნა". ეჩქაМ მე̄რმე მა̄რე ხე̄ქჳნე: "სი̄ ხოჩაჳ
Line: 16 აჯშხჳა̄მე̄ნა". ნებოზს ზომხა̄ჲ თხუმ-აყბას ჟანჯაბნეხ, თხუმს ჩჳადშხუნნეხ
Line: 17 ი აყბას შუშხჳამ ლე̄თ ჳახშამდ ჟი ლახმეზϩრიხ ი სემი კოჭო̄ლ
Line: 18 ტაბლარს აყბა̄ცახან. ტაბლარს ლანϩყენჟი ზომხა̄ჲ სგა̄შურე̄მი ბადი
Line: 19 ნაგილუ̄ლს ლოხკჳანნეხ ი ეჯჟი ლახმეზრიხ აყბაცახან. ჳახშამდ ალჲარს
Line: 20 ჩულეჲზობნეხ ქორს მერდე̄ლ. ნაქა̄მი ლე̄მნად მა̄დ შიდ. ლამზϩრა̄ლჟი ამჟი
Line: 21 ყϩლეხ: "ჯგϩრა̄გ შუშხჳმიშ სი ლო̄გვეშდ, ხოჩა შუშხჳამ ოგშხჳა̄მ, ხჳაჲ
Line: 22 ლადი̄ ლადეღ ოგჳაჲ კუმშიშ ი მა̄რე̄მი ნაშჳდობოშ". ჳახშმი ლიზობϩნღო
Line: 23 ზურა̄ლე̄ლ ანყეხ ნაჭხურას, სგა ხოჩდიხ ჭუ̄რუ კჳეცნა დჲარს
Line: 24 ხამი ღჳესას ზომხა̄ჲშს, ნატფϩნია̄ქ მეტხე კჳეცნადჲარ ხუღჳახ მო̄შ,
Line: 25 ქა̄ხტეფნეხ ეჯის ი ქა̄ნნაყნეხ კერჲაჲჟი, ძღϩდ ხეკჳეს ლე̄სეს. ემოშ
Line: 26 ანჴϩრჴნეხ კერჲაჲჟი ლინყეს, ხა̄ლ მო̄შ ძღჲϩდ ი̄რი ეჯი ხოჩა, მარაМ აშ
Line: 27 დიარდ ხოშა ეში̄ ხეკჳეს ძღϩდჳშ ლე̄სეს. ხოჩაМ ერე გობზუმ ლე̄სეს
Line: 28 ნაჭშხურა. ნაჳახშმობეМნ ნაჭშხურას სგე̄სდე̄სხ ცხიკო̄ლთეჲსა, ეჩის თხუმჟი
Line: 29 ესდე̄სხ ზომხა̄ჲ თხუმს. ეშხუ ლაფექ კჳეცნა ფექს სგა უდ ესგემხ
Line: 30 ცხიკო̄ლთე, ჟიქა̄ნ ესდე̄სხ უსკჳარს, უსკჳთეჲსა ესჩიხნიხ თეთრს, ჟესდე̄სხ
Line: 31 წერქჳა ნინჩორს, ზომხა̄ჲ ლერსგჳენ ჭიშხს, ეშხუ სტამა̄ნ არაყს ი
Line: 32 ალეს ამჟი ლϩმა̄რად ჩჳესგემხ. ცხიკო̄ლთე ჩი̄ს ერ სგე̄სდე̄სხ, მა̄ჲ სგა
Page: 16 Line: 1 ლედე̄ს ლი, ჩი̄ს, ეჯჲარს თხუმჟი ხეკჳეს ხა̄ზდეს ფუსნა ლემზϩრ.
Line: 2 ეМჯი ლი ფუსნაბუა̄სდია̄ჲ ტაბϩლ, მუჭჳარ ხა̄რ ტაბϩლს ჯჳარი კალიბდ.
Line: 3 შუშხვამ ლე̄თ ღჳაჟარ შდიხϩ̄ნდი კჳედლარს ჴϩდეხ ლϩკჳჲრხილდ ი
Line: 4 ბალარჳშ ლϩფო̄მფას. ეჯ კჳედლარშჳ ასყიხ გუზჳარს ი ჩჳაშხჳნიხ ეჯ ლე̄თ
Line: 5 ქორს. ზომხა სგობნე ლადეღ შუშხჳამ ლე̄თ სეჳ ჲეზჳჲსა ლϩმა̄რე
Line: 6 ხეკჳეს ლϩ̄გე̄ნდეს ზომხა̄ ძინრიშჳდ. ზომხა̄ ძინარს ლირჳა̄ლნუნ ჟენგენიხ,
Line: 7 ლϩმა̄რე ცხიკო̄ლს ჟენცჳემხ შიყჟი, ქა̄დინეხ კირაჳთე, ეშხუ ხოჩა
Line: 8 ჴანსი̄ ქა̄დჲესხ ცხიკო̄ლცახან ყო̄რქა ი სგა ანტხენი კირაჳხენ, ჴანსი̄ |
| |
| | |
|
Мужчина |
Date: Четверг, 2007-05-31, 5:51 PM | Message # 77 |
Group: Проверенные
Posts: 352
Status:Offline
Дата регистрации:
2006-09-07 |
: 9 მიჩაცახან ანჲეს ი სგა ლეხგენი ქორა ყო̄რალს ი ესტუ̄ლნე. ალ მა̄რას
Line: 10 ხა̄ჲშხა მϩჭშხი. მϩჭშხი ლახტუ̄ლნე ქორთე კϩ̄ლთხიდ: "ყო̄რ მϩკარ
Line: 11 ბედნჲერ!" ქორხენისა (|kორხენ) ლახტიხეხ: "მა̄ჲ ეჯღჳა ბედნჲერ?"
Line: 12 მϩჭშხი ლახტუ̄ლნე: "თხუმდ ფუსნაბუა̄სდია̄ ჟϩრ ემღჳა, ცხემა̄ჲ
Line: 13 ქემა, ბე̄დ ი ბარაქ, მა̄რე̄მი ნაშჳდობი, კუმში ნაფშირი, ლაჩა̄ჟი̄რ
Line: 14 ჩა̄რშჳ გჳა̄რ გოში, ლაჴნი̄რ ჴანარშჳ, ლაფჳრა̄ლ ფურალშჳ, ლახმი̄რ
Line: 15 ხამარშჳ, ლაბტი̄რ ბატარშჳ, ლაქთალა̄რ ქათლარშჳ, ლაღჳლჲა̄ქ
Line: 16 ღოლჲაქარშჳ, კიდბონარ კეთილშჳ, კეცარ ღჳინელშჳ, ზანდუკ
Line: 17 თეთრშჳ". ალჲარϩნღო აჯაღ ესტუ̄ლნე: "ყო̄რ მϩკარ ბედნჲერ!"
Line: 18 აჯაღ ლახტიხეხ ქორხენ: "მა̄ჲ ეჯღჳა ბედნჲერ?" მϩჭშხი ქა უდ
Line: 19 ენშϩლდანნე ეჩქაМდ ერ ლე̄ქჳ ჩი̄ს ეჯჲარს ი ამკალიბდ ლე̄ქჳნეხ სუმინ
Line: 20 მϩჭშხი მიჩა ლე̄ქჳი̄სს ი ქორხენ მუტუ̄ლი მიჩას. სუმინ ერ ქა ყϩლეხ,
Line: 21 ეჩϩნღო ჩუ ხოკრენიხ ყო̄რალს ი მϩჭშხი სგა ღϩრი ქორთე. ჩჳეხჭემნი
Line: 22 ქორს მერდა̄ლას ჩი̄ს ი ხე̄ქჳნე: "ხჳაჲ ზომხა̄ჳ აჯჲე̄ნახ ჩი̄ს!"
Line: 23 ი მაგ სგა̄დქჳიჭნე თჳითჟი ტოტარს ცხიკოლთეჲსა. მϩჭშხი ქა̄ტხენი
Line: 24 ყო̄რქა, ქა̄დჲეს გუზჳარს ი ჩჳესლაჯნე კალისა, გირგϩტანდ მუსს
Line: 25 ლახშიდე ხჳა̄ჲს ი ლე̄ქჳნე: "ა̄მჟი ლϩშო̄ნშა ი ლϩფო̄მფა ზაჲსუ ლოხგენე̄ნად
Line: 26 ცხემაჳშ, ქემაჳშ, ბედჳშ ი ბარაქჳშ". ეჩϩნღო სგა̄ნტხენი ქორთე ი
Line: 27 ჩჳადშია̄შნე მϩჭშხი ქორს მერდე̄ლს ჩი̄ს. ხე̄ქჳნე ჩი̄ს თჳჲთო̄ლაჟი:
Line: 28 "ა̄მჟი ლϩშო̄ნშა-ლϩფო̄მფა ზაჲსჳ ლახგენე̄ნახ ცხემაჳშ, ქემაჳშ, ბედშჳ
Line: 29 ი ბარაქჳშ!" ი ქალახბიშნე წერექჳს კოჭო̄ლ ნინჩორი̄ლს ი ხე̄ქჳნინე:
Line: 30 "ჳოშა̄ჲ ალეს ჳედ ხაბϩდე̄ნა, ეჩშელდ ზაჲუ ხარი უმზიგა̄რჳად!" ალეს
Line: 31 ხა̄ჲშხა ლიშია̄ში. ალიაМრს ერ ჩი̄ს ჩუ იჩოხ, ეჩϩნღო ჩჳესსგურიხ მაგ
Line: 32 ქორისა ეშხუდ ი ენბინნეМხ ლიდჲარა̄`ლს, ითრეხ არაყს ი ამზϩრიხ
Line: 33 უშხჳა̄`რ: "ხჳაМჲ ზომხა̄`ჳ ლოქ აჯჲე̄ნა შჳჲდობდ ჲეხჳშ ი გეზალშჳ!" ლოქ.
Line: 34 ეჩანღო ჟენგენიხ, ქა̄`ნჴდენიხ ყო̄რქა ი ნა̄`თჳარალს ერ ლეხხჳიხ,
Page: 17 Line: 1 ოხმეზϩრიხ ხჳაჲ ზომხას უშხჳა̄რ. ზექჳშ მϩსყე სეჳს ჴანარს ლოხბემხ
Line: 2 ი ქე̄სზელა̄ლჳნიხ კოჭო̄ლჟი ჴანარს ლϩსეჳდ ი ალე ი̄რი ჴანარე ლიშია̄ში.
Line: 3 ლამზჳრა̄ლჟი ზომხა ლადეღ ჩიგარ ბასილ-ძუღჳა კალანდა̄შჲას
Line: 4 ხეჴϩ̄რა̄ლხ. ზომხა ფუსნ ბასილ-ძუღჳა კალანდა̄შიაშ ლი ი ეჯღა
Line: 5 ხეჴϩ̄რა̄ლხ ეჯის. ზომხა ლადეღ ჳარ დე̄მშა შიდ, იმჳა̄`ჲ ე̄რ იშგϩმინნე.
Line: 6 ზომხა მახეზა̄ჲ ლიგნა̄ლ ლი ი ეჯღა მა̄ შიდ ჳარ ერე მახა ზაჲჟი
Line: 7 ლახ ჳარს ლახგენნე მა̄რას, სერ ჲედურდ ჩიგარ ზაჲსა ჳარა ზაჲ
Line: 8 ხერი ი ამღა მა̄ შიდ ზომხა ლადეღ ჳარა ლი̄ქჳი̄ს. ლაშია̄შენჟი
Line: 9 ლიშჩუქრი̄ ხოხალხ ლა̄შხისა. მϩშია̄შის ხოჩაშიე მა̄რას ითში, მაგ ჩუ ხეკჳეს
Line: 10 ჯითრო̄ნდეს, ეჩქაМდ მϩშია̄ში მა̄რე მაგჳარ შიეშ ლი ი ეჩϩნღო
Line: 11 ათშია̄შა̄ლჳნა თხუმ მϩშია̄შენის. მϩშია̄ში ე ხოჩა შიეშ ეჯϩთხანი, ჲედურდ
Line: 12 ზაჲ ხოჩა ჯე̄რი მე̄რმა ზომხანუნ, დო̄რიღო̄ჲ მϩშია̄ში ე ხოლა შიეშ
Line: 13 ეჯხჳი, ეჩქაМ ჲედურდ ზაჲსა მაგ ხოლა გარ ხელკი მა̄რას ჩინოჳშ ი
Line: 14 ამღა გჳიცხა ერე მϩშია̄ში მა̄რე ჩინოჳშ ხოჩა ლე̄სეს, ხოჩა ალალ გუეშ
Line: 15 ი ეჩქაМ მაგ ხოჩე̄რობა გარ ხელკი მა̄რას ეჯ ზაჲსა ჳოკერნუნ მეჲად.
Line: 16 სა̄ციქჳჲ ლიჳდი̄ მა̄ შიდ ზომხჲერ ეჯღა ერე ქა ლოქ ხაყა შის ჲედ
Line: 17 სოჲ ჲედ ბედ ჲედ ბარაქ ჲედ იღბალ ი ამღა ხოკჳიბდ საციქჳჲ
Line: 18 ლიჳდის ზომხჲეМრმϩყქა ჲედ ნაზო̄მახს. მϩჭშხინქა მე̄რმა მა̄რე̄მი
Line: 19 ლიჴედი̄ მა̄ შიდ ზომხჲერ ი ერ ანჴეს, მა̄მა ლეხსჲამიხ ქორშალს უდროჲ
Line: 20 მუშგჳრი. ეჩქაМ მაგ მინე მინეშჳდ ხეკჳეს ა̄რდეხ მინე მინე ქორალისა.
Line: 21 ჩი̄ს მიჩაშჳდ ხა̄რ ლხინობ ი ლიმზϩრ. ზომხჲერ ლითოფი̄ მე̄ჳარ ხაზნახ
Line: 22 ლა̄შხარს. მა̄ჲმა ხოჩა ლერეМქჳ ხეღჳე̄ნიხ, ეჯ ლადეღ ჩიემ ხეკჳეს სგა
Line: 23 ლეჲქჳას, ოდო ეჯურ მა̄ შიდ. მახა ლერექჳისა ხეკჳეს ეთშია̄შე̄ნდე ი
Line: 24 ჩიგაМრ ხოჩა გუჟი ხეკჳეს ხა̄რდე ზომხჲეМრ ი მეჲად ზაჲ ხოჩა გუჟი
Line: 25 ხი̄რდი ეჩქაМ, დო̄რიღო̄ჲ მა̄მა ღო. მა̄ჲმა ხოჩე̄რობა ჯეღჳე̄ნი, მაგ ეჩქაМ
Line: 26 ხეკჳეს ენქუთნე̄ნდეს, ღო ხოჩა ზა̄ჲს ეჯცა̄დნე, ეჩქაМ ღე̄რბეთ ი ზომხა̄
Line: 27 ყერ-იМ ანგლოМზ. მაგჳარდი̄ წესარს დო̄მ ეთი̄შდნი ი ჩი̄ს ხიჩო, ზაჲსი̄
Line: 28 ეჯგჳარს ახღელის. ნაზო̄მახს ზაჲა მϩცა̄დი ყერს-ი ანგლოМზს ლეხჴϩრიხ
Line: 29 ი ლეხე̄რიხ მინე ლეშდაბ-ლეჩომ გჳეშარს. ამჟი ამკალიბდ ხჳიმშგჳა̄ნედ
Line: 30 ლა̄შხარ ზომხჲერალს.Добавлено (2007-05-31, 5:50 Pm)
---------------------------------------------
მე̄`ჲსარობ ლა̄შხარეშ ი ეჩϩნღო̄ნა სახმახარ. Line: 32 გამდრჳალ მუჟღორნეშ ხა̄ლ ზომხა̄ჲ ლა̄ნშყას ხაგნეხ ლე̄ნშყად, ეჩაცახან
Line: 33 აგნეხ მე̄ჲსარაჲს ი ა̄ნშყეხ მე̄ჲსარობნუნ. ლე̄ნშყად ჴან ი̄რჲა ხამ,
Page: 18 Line: 1 მა̄მ სერდე-მერდე ლი, მარაМ ნაჳბეცჳოშ ჴანარე მϩქაფ ლა̄შხარ ხამარს
Line: 2 ხჳაგნედ ლა̄ნშყად ნე̄შკათეჟი. მე̄ჲსარობ ჩიგარ აღაბისა ლი საფტინუ̄შ.
Line: 3 ხა̄ლ თანაფ დე̄მ ხოქა̄ბი მიშლადეღს, ეჩაМ ნახუმსეМრ საფტიМნს დე̄მ
Line: 4 ხოქა̄ბი მე̄ჲსარობ. ჲერუ ნაგზას იცჳრე ყჳელჲერთე აღაბისა ი მანკჳი̄.
Line: 5 საფტინჟი ჲერუ ნაგზი ეჯემ ხეკლი̄ ყჳელჲერნუნ, ეჩქაМ ლი მე̄ჲსარობ.
Line: 6 მე̄ჲსარჳბა სგობნე ლადეღ ჳობიშ ჩჳანჴდეხ ნე̄შკახენ ჩუ მე̄ჲსარაჲს ი
Line: 7 ჩჳადძი̄ნეხ ქორს, ჩჳაყჳფეხ, ჟოხო̄ზონნეხ ი ჩოხწებნეხ. სგა̄შურე̄მიშს
Line: 8 კეპლარს ანსყე̄ნნეხ ი ჩჳადშხუნნეხ. ეჯ ლადეღ ლიზობ მა̄ შიდ მე̄ჲსარა̄ჲშ.
Line: 9 ქა დეშსამამ მოშ ხეფდა̄ლხ ეჯ ლადეღ. ეჯღა ერე ჳოდ მე̄ჲსარჳბა
Line: 10 ლიმზϩრ დო იჩმინი მე̄ჲსარობს, ეჩქაМდ მა̄ შიდ მე̄ჲსარა̄ჲ ლეღჳი ლიზობ.
Line: 11 მე̄ჲსარობ ლადეღ საფტიМნ ძინარს ჟენგენიხ დო̄სგ ალჲოМნჟი ზურა̄ლე̄ლ
Line: 12 ი ანნაყნეხ ჲედურდ კოჭო̄ლ დიარი̄ლარს თეჲ-ზუმე̄ლარს ეჩშელდს,
Line: 13 ჳოშა̄ჲ თე არი ქორისა. ჳოშა̄ჲ მა̄რე ჲედ ჳოშა̄ჲ ზურა̄ლ
Line: 14 ჲედ ჳოშა̄ჲ ბობშ ი̄რდი ქორს, ეჩშϩლდ ჲერუ დიარი̄ლ ენϩნაყი
Line: 15 თე̄რალე ნაშϩლდაჟი. თე̄რალე ნაშϩლდი კოჭო̄ლ დიარი̄ლარს, მე̄ჲსარა̄ჲ
Line: 16 ხამი თხუმს მϩჯაბს ჟესდე̄სხ გობთეჟი ი ხოშა ღჳაჟმა̄რე ქორა მახჳში
Line: 17 ლიმზϩრს იჩო, ხატ მე̄ჲსარაჲს ლეხჴϩ̄რი თე̄რალე ბედჟი. ჲერჳაჲ ალ
Line: 18 წესს დოშ იჩო, ეჯის თე̄რალ ეხზიგა ეჯ ზაჲსა. ლიმზϩრა̄ლჟი ყϩლეხ:
Line: 19 "ხატ მე̄ჲსარჲაშ, სი ლო̄გჳეშდ ი ლოგმეჴერ, თე̄რალე მაზიგ ოგქაბϩნ,
Line: 20 მა̄რე̄მი ნაშჳდობოშ ოგხი̄დ, კუმაშ ოგფიშირ!" მე̄ჲსარჳბჲელ ლი
Line: 21 ჩიგარ ხატ-მე̄ჲსარჲა ლიჴϩ̄რა̄ლ ი ლიმზϩრ. მე̄ჲსარა̄ჲ ლეღჳი ლიზობს
Line: 22 ენბინϩ̄ნეხ ი ეჯი მე̄სარჳბა მი̄შ ხეკჳეს, ქა̄ხა̄დეხ ლეზობდ. მე̄ჲსარობ
Line: 23 ლადეღ ძღჳდ გა̄ნგალ ლადეღ ლი ლϩლა̄შხუდ ი ძღϩდ წყϩლჲანდ
Line: 24 ხეხო̄ლიხ მე̄ჲსარჳბჲელ ლიგნა̄ლს. ლეღჳი ლიზობი გუ̄ნღა მϩრე̄ს
Line: 25 ხახჲაМდხ ხოშა ნაღალდ მე̄ჲსარჳბა ლიგნა̄ლ. მე̄ჲსარა̄ჲ კეპლარსი̄ ეჯ
Line: 26 ლადეღ ანტყაბა̄ლნეხ ი ლიმზϩრϩნღო ლეМჲზობნეხ ლეღჳცახან. ლადეღჳშ
Line: 27 ჟი იხჳრჲელიხ სოფელისა ი ინყაჳა̄ლხ. აღბიერისა ეში̄ ლინყაჳა̄ლ ხჳაჲდინ
Line: 28 ხაზნახ. მე̄ჲსარჳბა სგობნე ჳობიშ ი ნანგაზა ჳობიშ, მე̄ჲსარჳბა
Line: 29 მი̄შϩნღო ერ ჳობიშ ანჴϩდენი, ეჯ ლადეღ ნებოზთე ნაღალდ მე̄ჲსარა̄ჲცახან
Line: 30 ნარდჳ გოჭს ათძი̄ნეხ, ჟანტყაბნეხ, ჟი ლიჯბი მა̄ შიდ ეჩა,
Line: 31 ეში ეში̄ მϩტყაბ ხეკჳეს ლე̄სეს. ჟი ლϩტყაბϩნღო იჩოხ ლიმზϩრს, ხემზϩრხ
Line: 32 ჯჳარ ჳობშჲაშს. ალ ჳობიშს, გოჭი ლიძჲენალ ლადეღს, ხოჩა Добавлено (2007-05-31, 5:50 Pm)
---------------------------------------------
33 ჳობიშ ხა̄ჲშხა. მე̄ჲსარჳბა მი̄შენღო იგნი ხოჩა ჳობშა მი̄შ ი ეჯ მი̄შს
Line: 34 აღბა მი̄ში̄ ხა̄ჲშხა ჳოდ თჳეთჳნა დოშდიშნუნ. მე̄ჲსარობϩნღო მეჲად
Page: 19 Line: 1 ლეღჳ ხაკუჩ ერ ჯუღჳა̄ნდეს ჳოდ აღაბ ლე̄თნუნ. ალ მი̄შარქა მეჲად
Line: 2 ლინყაჳა̄ლ ლი სოფელისა, ლიშდრა̄ლ ი ლიღრა̄ლ ჩუ უქჳი̄ცად ლადეღჳშ
Line: 3 ჳოდ აღაბ ლე̄თნუნ. სოფელისა იჩოხ ჭიშხაშს, მახე ღჳაჟარ იბϩრგიელხ,
Line: 4 მეჩჲარ ინყაჳხ უშხჳა̄რცახან ი ამ კალიბდ ღϩრი ქა აღბიერ.
Line: 5 აღაბ ლე̄თ ძღϩდ ლეხჲადე ლე̄თ ლი მϩლა̄შხიშდ. ეჯ ლე̄თიშჳდ მე̄ჳარ
Line: 6 ღალ იმა̄რალ მაგ. ჲესჳაჲს ღალ მა ჩუ ე̄`სამა ხეღჳე̄ნიხ, ეჯ ლე̄თიშდ
Line: 7 დე̄მამ მოშ აზა̄რეხ. ჲას ხოხალ, თანაფ ეხჲაМ ღალ მა̄რასა̄ მა̄დე, ი სერ
Line: 8 აღაბ ლე̄თ მანდს დე̄მშა იცჳრეხ გუ̄ჲსა. მაშე̄ნა̄მ ლეღჳს ხებზიხ, სერ
Line: 9 ამ ლე̄თϩნღო მა̄ შიდ თანაფნუნ ლეღჳ ი თანაფ ჲას ბედნჲერს ეხჲა,
Line: 10 ჲას ხოხალ, ეხჲა̄ მა̄დე, ი ამ ლე̄თ სერ ჟი იხჳრჲელიხ ეშხუდ ნა̄თჳარალ
Line: 11 მაგ, ჲერუ, სემი, ჳო̄შთხჳ, ჳოხუშდ მეზგე ჲედ ხოფშირა ჲედ ხომϩრხელდა
Line: 12 ი ეჯ ლე̄თ ი̄რი ყჳიჩე ლიტუ̄ლა̄ლნუნ ძღϩდ ჳორი̄რა. ხჳაჲ მე̄რმა-მე̄რმა
Line: 13 შუმ ი ლიღრა̄ლს ლე̄ქჳნეხ ეჯ ლე̄თ. ი̄რი ძღϩდ ლითრე არყიშ. Line: 14 ჯჳინელდ ღჳინელ ხაღჳე̄ნახ ჩი̄ს აღაბ ლე̄თ ი ეჯის ლϩმკიდინხ ი
Line: 15 ლϩმთϩრინხ, მარაМ ათხეМ ჩი̄ს მა̄ ხო̄გ ღჳინელ ი ჲესჳა̄ჲ ხეგნი ღჳინელ
Line: 16 სგა̄ნ ქანაჴიდ, ჟენკედხ ეჩა̄შხენ. ლიკედს ხაყლეხ, მეზგახენ ერ ენყიდნეხ
Line: 17 კაკლარღა. ღჳინელ ემო̄ ხეგნი ჲესჳა̄ლას, ეჩქაМ რანგს ხეთხე̄ლიხ. რანგს
Line: 18 ლϩღობ მეზე̄ლცახან გარ იკჳჲა̄ლჲელხ, ეჯღა ერე რანგ ეჯჲარს გარ
Line: 19 ხო̄გხ ფიშრე̄მინ ი იშგენს და̄ს ჟი უყდად. ჲერხი იყდიხ ლენჴე̄რას
Line: 20 თუს, ჴϩდეხ აგითე ლა̄შხთე ი ჟასყიხ რანგდ ი ჲედ მინ ლეჲთრეხ
Line: 21 ქორდ ი ჲედ ქა̄ჳდინეხ აღაბლე̄თ, ლესჳფელად ენკედხ, ენყიდნეხ აღაბ
Line: 22 ლე̄თიშჳდ სოფელ მაგ მინე მინეშჳდ, მაჲზუმჳა̄ჲ ხეწხიხ. ჲას მაჲ
Line: 23 ზუმ ხეკჳდი, ეჯი მიჩა მანდა ლი მϩყდი̄შ. აღაბ ლე̄თ ერ ღჳინელს
Line: 24 იკედხ ჲედ რანგს მეზგახენქა (ლიკედს ლიყდი ხა̄ჲშხა), ეჩა ნაფასდ
Line: 25 კაკლარ ხა̄რ ლეჳდი მϩყდის ჲედ სიმინდიშ ი ჲედ კჳეცნაშ ი ჲედ ქერიშ,
Line: 26 მარაМ ათხეМ მა̄დე ლაჲესჟი ლეთრე̄ლეშ, ალეს ერ ლუფხჳ ახჭიმ ი
Line: 27 ზაჳ ლადეღ ლიკლაჳჲერ ერ ქე̄დგათჳი, ეჩქაМს ლი ლეჳდი ლეთრე̄მი
Line: 28 მუჳდი̄შდ, მაჲზუმდი̄ ლϩრგაჳე ხი̄რი, ქაჲ ეჯზუმს გარ ლახო̄დნე კაკალს.
Line: 29 აღაბლე̄თ ხჳაჲ შუმ ი ლიღრა̄ლილიბრჲა̄ლ ი̄ქჳი მეჲღაბ ი მეზგამϩყ ი
Line: 30 ამ სახიშდ აღაბლე̄თჲა ვახშამი ქალϩგა̄თჳნϩღო ნამსედჳ დიარს ი
Line: 31 ლეღჳს, აჯაღ მა̄ჲმა ხეღჳე̄ნო̄ლხ, ეჯ ლე̄თ ტაბაგჟი ჩჳედი̄თა̄ლნეხ, მინე
Line: 32 მინე ნაჴიდϩხϩნქა, ქა მა̄ჲ ოხსედნო̄ლხ, ლიზობϩნღო ალეს ჩჳედი̄თნეხ
Line: 33 ლასგჳრად ეშხუდ ლუხჳრჲϩლე ნა̄თჳარალ ი ა̄დიესხ მინე მინე ნამსედჳს
Line: 34 აგჲართე. აღაბლე̄თ ჩიგარ მიშლე̄თ ხეხჳი. Добавлено (2007-05-31, 5:51 Pm)
---------------------------------------------
1 აღაბϩნღო დოშდი ძინარს ხა̄ჲშხა თჳეთჳნე დოშდიშ ჲედე ყჳელჲერი
Line: 2 დოშდიშ. თჳეთჳნე დოშდი ძინარს სგობლე̄თ მϩჲღაბა ნა̄თჳარალ
Line: 3 ჟი უდ ენხურჲელიხ ეშხუდ, ქა უდ ანნაყნეხ თაშა̄რ ტაბლარს, სგა
Line: 4 უდ ეთჴϩ̄რიხ ღე̄რბათს თანაფი შჳიდობდ ლიჲესს ი ჩუ უდ ესსგურიხ
Line: 5 ლაზობ-ლათრად ი ლალხნად, მარაМ ათხეМ ძღჲϩდ ლხინს დე̄მამ იჩოხ.
Line: 6 ლეღჳს ამ მი̄შ და̄რ იზბი, თაშო̄რას გარ ხათილხ, რიგ მა̄ ლი ყჳელჲერისა
Line: 7 ლეღჳი ლიზობ; ღედრა̄ლ დჲარალს ანყეხ ყჳელჲერისა̄, ჲეს
Line: 8 ქართოფილა̄რალს ანყენხ ი იზბიხ. Line: 9 ლეღჳი აღაბლე̄თϩნღო ეშხუ ნაგზანღო ყჳელჲერი მი̄შ ანჴდენი ქა
Line: 10 ი ეჩა მიშ-ლე̄თ გჳა̄რ ყჳელჲერი აღაბლე̄თ. ყჳელჲერი აღაბლე̄თი̄ ეჩჟი
Line: 11 ი̄რი, იმჟი̄ ლეღჳი აღაბლე̄თ, ჩუ ლისგჳრე ეშხუდ ნა̄თჳარალეშ, ეჩჟი
Line: 12 დი̄რობ, იმჟი ლეღჳი აღაბლე̄თ, მაგ ეჯჟი ლი იშგენი̄, იმჟი მიჩა
Line: 13 ნანგაზა ლეღჳი აღაბლე̄თ ლას. ლიზობ-ლითრე ლეღჳუნქა ჩი̄მიშ. Line: 14 მე̄რმა ლადეღ დოშდი ძინარს ყჳელჲერϩნღო უტკუნ დოშდიშ
Line: 15 ხა̄ჲშხა. ეჯ ლადეღ იბნი ლინჩა̄ლ. ეჯ ლადეღ ლა̄შხარს ხოხალხ
Line: 16 ლიმუ̄რყჳამა̄ლ. ძღϩდ გაჲნგალ უქმ ლადეღ ლი ლა̄შხისა ლიმუ̄რყჳამა̄ლ.
Line: 17 ეჯ ლადეღ ჲედურდ ჴეჳ ჩუ ინზო̄რი ჟაჴუნდური სუფისა.
Line: 18 ბობშ, ზურა̄ლ-ღჳაჟმა̄რე მϩლა̄შხ ძჳირდ ე̄რ ესკჳედნი ლიმუ̄რყჳამა̄ლს.
Line: 19 მანკჳი ლეჟა̄ ლა̄შხარ ანჴდენიხ ჟაჴუნდერი სუფთე, ეჩხენ ანჴდეხ
Line: 20 ლექჳა სანყურს, ბაჲრახალს ი ლექჳა ანჴდენიხ მაუნდთე (მაუნდ
Line: 21 სოფელ ლი). ეჩეჩუ ენბინი ლიბϩრგიელ. ლიკჳჲალუნა̄ლ ლიმუ̄რყჳამა̄ლ
Line: 22 ლადეღ ლი ძღϩდ ლეჟა̄შ ი ლექჳა̄ ლა̄შხარეშ. მანკჳი მაუნდს ენბინი
Line: 23 ლიბϩრგიელ, ჟა̄ნ ლა̄შხხენ ნაჴდჳარ ადშϩმნიხ სამყურს ი ჟანსყე̄ნნეხ
Line: 24 ძღϩდ მუსი მუ̄რყჳამს, საჯენდ ხოშა̄მ ნანკლათხან იჩოხ მუ̄რყჳამს.
Line: 25 ეჩეჩუ ესციყეხ ბა̄ჲრახს ი ეჩϩნღო ჟენბინი ლებϩრგიელ-კე̄სრობ. ეშხუ
Line: 26 კე̄სარ ჟა̄ნისა ხეყე̄ნიხ მაჩე̄ნე მებϩრგიელ ჲედ ხოფშირა ლეჟა̄ ლა̄შხარს.
Line: 27 ამჟი ჩჳა̄ნ უდ ხეყე̄ნიხ ლϩთიშ კე̄სარ მებϩრგიელ ლექჳა̄ ლა̄შხარს
Line: 28 ი ჟენბინი ლიბϩრგიელ. ხედი̄ ჩჳენდი კე̄სარ ჩჳა̄ნეშ ი̄რჲა̄ ჟა̄ნეშ, ეჩხა̄ჳ
Line: 29 ადკაფნეხ მუ̄რყჳამს ი ლϩწნე̄ჲ ეჯი̄ მიჩა მϩნჴრი სუმრა. სუმრა ხა̄ჲშხა
Line: 30 მენგრაჲ ნეცინ ხალხს, ეშხუ მახჳში ერ ხეჟღჳიხ სგობინ, ეჩის. ხაჭიმხ |
| |
| | |
|
Мужчина |
Date: Четверг, 2007-05-31, 5:53 PM | Message # 78 |
|
Group: Модераторы
Posts: 990
Status:Offline
Дата регистрации:
2006-08-29 |
31 სუმრა კე̄სარს ჲედ მებϩრგიელს ღოშგინისა. იმთე̄ჲ ედკა̄ფა̄ნ
Line: 32 მუ̄რყჳამ, ეჩის ი მიჩა სუმრას ძღϩდ ღალ ხოშგურხ ჴეჳისა, მინე კე̄სარი
Line: 33 ლირღჳე ი მინეშთე ნაღალდ მუსი მუ̄რყჳამი ლიკა̄ფე. ბაჲრახს
Line: 34 გამურჯობილ კე̄სარს ხაბშეხ შიარისა. ქა ლახჭიმ ეჩის მიჩა სუმრა ი
Page: 21 Line: 1 ადრი̄ნეხ მაუნდხენ ლეჟა ჟაჴუნდერი სუფთე. ეჩეჩუ ენბინი მაშე̄ნე
Line: 2 ლიბϩრგიელ. იმთეჲ იკა̄ფო̄ლნი კე̄სარ, ეჩხა̄ჳ აკა̄ფნიხ მუ̄რყჳამსი̄ ქა. მუ̄რყჳამ
Line: 3 იმთე̄ჲ იკა̄ფი, ხოჩა ზაჲობ ლოქ ლი ეჩხა̄ჳ ნაღალდ ეჯ ზა̄ჲსა. ჲეს
Line: 4 ლეჟა̄ მϩლა̄შხ აკა̄ფე ლექჳა̄შს ი ჲეს ლექჳა̄` მϩლა̄შხ აკა̄ფე ლეჟა̄შს, აშ
Line: 5 ხოშა ხჳაჲდინ ლექჳა̄ჳიშარ ლϩმრიღჳინხ ლეჟა̄ჳიშარს ლამუ̄რყჳამა̄ლჟი.
Line: 6 ჳო̄ბა ხანს მϩსსა̄შ ჲეჯაშთა̄ნ გოჩშა მებϩრგიელ მა̄ ლϩმარდ ლა̄შხა
Line: 7 ლამუ̄რყჳამა̄ლისა, ეჯი ხასრინა ჩი̄ს ლაბϩრგიელისა. Line: 8 ლიბϩრგიელ ეჯემ ქე̄დგა̄თჳ, ეჩϩნღო იჩოხ ხოჩა ღჳაჟარ ლϩლა̄შხუ
Line: 9 წესარს. წესარ ჳობა შუმიშ ლიხ, ჟახა ლϩმდად უსგჳა̄მთექა: წესარ ლიხ
Line: 10 ჩულეჩომ ლიმუ̄რყჳამა̄ლ ლადეღ ამშელდ: 1. ადრეკილაჲ, 2. მე̄ლჲაჲ
Line: 11 ტელე̄ფჲაჲ, 3. კჳირჲა (ლეჟაჳ უშკჳი ლაჩმუშ), 4. ჭიშხაშ,
Line: 12 5.იჲაჳქალთი-ბეჲბუცია, 6. ლიღრა̄ლ ი ლიბრჲა̄ლ, 7. მორილ, 8. რერაშა. Line: 13 1. ადრეკილაჲ ლი ალე: მϩჭშხაშჲერ ესგენიხ ჲეშდ მა̄რე, არა
Line: 14 ეშხჳხენ ი არა მე̄რმახენ, ჩიქ ეშხუ წყება ლე̄ქჳნეხ ამჟი: Line: 15 "ადრეკილაჲ ოგჩიდაჲ ოМგჴიდა" _ Line: 16 ადრეკილა წეჳიდა და მე̄ჳიდა. Line: 17 ალ ქართულ ლე̄ქჳისს ლე̄ქჳნეხ მე̄რმე წყება არა მა̄რე. ამჟი ლიცა̄დუნუშ
Line: 18 არა მა̄რე ლუშნუდ ყϩლნი ეშხუ წყება ი მერმე წყება არა მა̄რე
Line: 19 ლუ̄ლჩხუმად: Line: 20 "ა̄ ისგჳეშთან ღჳაჟარს თხუმჳარ ქა ჟეღიშ კოლილს ხოცჳე̄ნიМდ ი
Line: 21 ხოცჳე̄ნიდ" *. Line: 22 თქჳენისთანა კაცებს თაჳზე ძაღლის ძღნერი ასხიი̄აМ ი ასხი̄აМ. Line: 23 "აМ ისგჳეМშთან ღჳაჟა̄რსაМ მათუშ კოლიდ ხაცო̄მაМხ ი ხაცო̄მაМხ" _ Line: 24 თქჳენისთანა კაცებსა მათუს ძღნერი აცხია და აცხია. Line: 25 "ა ისგჳაМშთან ნიგბა̄ქაМ ი ნიგბა̄ქაМ ტიაშ კოლილ ხაცო̄მა̄ ი ხაცო̄მაМ" _ Line: 26 თქვენისთანა ბიჭებϩთა შუბϩლებზე-იМ შუბϩლებϩზე ტიას ძღნერი
Line: 27 აცხი̄აМ ი აცხი̄აМ. Line: 28 სერ ალეს ეხჭემნიხ ნიქჭას, აყბას, ფათჳარს, ბარჯა̄ლს, გუს ი ჩი̄ს
Line: 29 მა̄რე̄მი ასჳს ქე̄ნშϩლϩდნიხ რიალჳშ. ალე ლი ლϩლა̄შხუ ადრეკილაჲ. Line: 30 2. ათხეМ მე̄რმე. მე̄ლიაჲ ტელე̄ფია: ეშხუ მა̄რას ჩჳათკედხ შარჳალს
Line: 31 ი არშულს თელდ, ჴჳემ-ყურნა ქა ხოწჳა. ეჯ მა̄რას ღოშგინ მე̄რმე მა̄რე Добавлено (2007-05-31, 5:53 Pm)
---------------------------------------------
32 ლეხგუდრი, ეჯის აჯაღ მესმე ლოშგინხენ, ეჯის უდ მეჳშთხჳე, ღო
Page: 22 Line: 1 მოჳხუშდე, ღო მეჳსგჳე ი ჳოშა̄ჲ ი̄რიხ, ეჩშელდ, ჲედ ხოფშირა ი ჲედ
Line: 2 ხომϩრხელდა. ღოშგმეშარ სგობნე არშლურ მა̄რას, ჴჳემ-ყურნა ერ
Line: 3 ხოწჳა, ეჯის ხოქზუნეხ ღოშგინისა ი ყϩლეხ: "მე̄ლიაჲ ტელე̄ფია, ჲოჰ-
Line: 4 ჲოჰ!" ჴჳემ-ყურნა ეჯ სგობნე მა̄რას ტოტისა ხეკჳეს ხოყდა̄ნე̄ნდეს.
Line: 5 ტოტისა კჳედელ ხუღჳა ი ერ ლოხქუზნიხ, ეჩქა ლახსხჳეპნე
Line: 6 ღოშგმეშარს მუქზუნა̄ლას ეჯ კჳედელს. Line: 7 3. ათხეМ მესმე კჳირიაჲ ღერთა ლიღრა̄ლ ლი. დე̄სამა სასოფლო
Line: 8 ლიმზϩრ იჩმი̄ნი ეჯჟი, ერე მანკჳი კჳირიაჲ მო̄ ლე̄ქჳეხ. კჳირიაჲ
Line: 9 ლა̄ქჳი̄სჟი უშკჳს მაგ ლეჟა იჩო ი ეჯჟი ყϩლეხ კჳირიაჲს. ალე ძღϩდ
Line: 10 ლϩჴϩ̄რა̄ლ ლიღრა̄ლ ლი ღერთაშ. ეჩა ლა̄ქჳი̄სჟი მაგ უსტა̄რუნს ი̄რენი ი
Line: 11 ფაყჳარ ჩუ ლϩკი̄დ ხა̄რხ ჩი̄ს. ალე ჯჳინელ მა̄რე̄ლს გარ ხაშყიდხ, ოდო
Line: 12 ათხეМ მა̄რე̄ლ იშგენ ლიბრჲალს ჩი̄ს ქა ყϩლეხ, მარაМ კჳირიაჲს დეშ
Line: 13 ყϩლეხ. ჯჳინელ მა̄რე̄ლ ცჳირხ ათხეМ კჳირიაჲ მϩ̄ქჳი̄სალა ჲედურდ
Line: 14 ლა̄შხისა ჳო̄შთხჳ, ჳოხუშდ მა̄რე, სერ მა̄დე. ალჲარ ლიხ: ბანი მუ̄ქჳი̄სდ
Line: 15 სასა̄შხენ გიგიშა თაფუ ი როსტომაჲ ბერაძე ი ლეჟა̄ ლაშხხენ ჯაბუ
Line: 16 ყაფოშა, სასო ლეკოშა, ნასო ბაპშა ი ჳონი ჳონჲა̄ნშა. ალჲაМრს გარ
Line: 17 ხაშყიდხ კჳირიაჲ. აშ ჩო̄ლურსი̄ ჩუ ხოხალხ კჳირიაჲ. ეზარ ი̄რი,
Line: 18 კჳირიაჲს ერ დო̄მ აქრაჳდეხ სგა̄ჳი ლϩ̄თორ მა̄რე̄ლ. ხჳინუკოჳდ შჳანარ
Line: 19 ერე ალე სგე̄დი̄რე̄ნდეს ი მო̄დ ედქარჳე̄ნდეს. Line: 20 4. ჭიშხაშჟი ჩი ნუკჳი ლიღრა̄ლს ყϩლეხ: ამირანი ამბაჳს, ყურშაჲს,
Line: 21 დიდებ-დიდებ თარიგძელარს, ჳოჲ ლილე ი სანადიროს მივიდოდი
Line: 22 ი აჯაღ იშგენს ამ კალიბარს. Line: n.1 ხოცჳე̄ნიМდ ი ხოცჳენიМდ [ასხი̄აМ ი ასხი̄აМ] ლაბრჲალუშ ალე ლექჳი̄ს ^ Line: 23
5. ი~აჳქალთი̄ ბე~ბუცია, Line: 24 სო~ფელქალთი̄ შუ~შპარია, ქალაქს ჩაგვიგზა~ნიაო,
Line: 25 შუშპარ ჩუბენ ქჳიანია, ქა~ლაქური დე~დლებიო
Line: 26 ქჳიან ჩჳენი მოყვარეა, ადი~ა~ნ და ჩა~დიანო,
Line: 27 მო~ყვრის მოყვარულია. ხუცის ცოლთან ჩადიან,
Line: 28 მო~კლეს ხვარამძი~ანია, ხუცის ცოლი პურს აცხობდა,
Line: 29 ე~ლია და მე~ლიაო, თანუშია წყალს უსხამდა,
Line: 30 ახლა რაჭა ჩვე~ნიაო, დედაბერმა გააკუა,
Line: 31 ვე~ნახისა სთვე~ლიაო, ჯამ-ჭურჭელი დაამტვრია,
Line: 32 ჩი~ტი მოგვიწვე~ლიაო, ციხეს თავი გადასტეხა, Добавлено (2007-05-31, 5:53 Pm)
---------------------------------------------
33 ა~ხლა რაჭა ჩვე~ნიაო, დადიანი გააქცია,
Line: 34 კათხაც ჩაგვიწკე~პნიაო, გურიელი გააბრუნა. Page: 23
Line: 1 6. ლიღრა̄ლს ი ლიბრჲა̄`ლს ხჳაჲ. ნუკჳიშს ყϩლეხ. შუშპარს იჩოხ
Line: 2 ღჳაჟარ ი ზურა̄ლე̄ლ შუშპრეხ, დაჳრას ი ბუწყანტს ხატსიხ ი აშმუნეხ,
Line: 3 ტაში̄ ხოხალხ ლაშუშპარჟი. Line: 4 7. მორილ ხა̄ჲშხა ეჯის ერე ჭიშხშეხ უსგჳა მა̄რე, გიმჟი ხო̄გხ
Line: 5 ჭიშხარ, მაჲ საკჳრელ ლი, ი ეჯჲარე ბარჯა̄ლთეჟი ჟი უდ ღϩჳრიხ,
Line: 6 აჯაღუდ ისგჳა მა̄რე იჭიშხშეხ ამჟი: "მორილ მიაქე̄`ლა, ჟი̄ ეჯასიპϩნედ".
Line: 7 ჩუბოჳიშარ ლე̄ქჳნეხ. ათხეМ ჟიბოჳიშარ ლე̄ქჳნეხ: "ჟი̄ ეჯაჯიჯჳნედ".
Line: 8 სერ ჩუბეშარ: "მორილ მიაქე̄ლა, ჩჳეჯსაქადნედ, ფოყს ეთგიბედ!"
Line: 9 სერ ჟიბეშარ: "ჟეჯაჯიჯჳნედ, ბარჯა̄ლს აჯატყიცϩნედ". ათხეМ
Line: 10 ჩუბეშარ: "მორილ მიაქე̄ლა, თანაფ შჳიდობდ ოგჳაჲენა. ხონკჳი̄
Line: 11 დოშდიშ-ყჳელჲერი დოშდიშ ჩოგჳე̄შდϩნ!" ეჯ ლადეღ ბერო̄ლს ლϩმსყეინხ
Line: 12 ლა̄შხარ, თხუმჟი ხანცო̄ლნახ მა̄რას ცხიკო̄ლი̄ლს, ჩუბაჳ ჴჳემ-ყურნას
Line: 13 მეგმიშს ხასყე̄ნნახ ძღϩდს ი ში̄სა მეგმი დაშნაჲს ხაჳდინახ ი ისკნა̄ლდა
Line: 14 ჲეზჳარისა, ბურდალ ხეჭო̄ნო̄ლ თხუმქა იშგნა̄გ ი ლასკნა̄ლჟი ტუ̄ლნი
Line: 15 ჰო̄პუპუ-ჰო̄პუპუ. დაშნაჲს ჴჳემჟი ლϩმშე̄რინ. დაშნაჲ ლϩღაფ ლϩმა̄რ
Line: 16 შიხჳშ. ბერო̄ლ ჰო̄პუპუ ერ ქე̄ხჭემნო̄ლ, ლა̄შხს მეზგაჟი ლეჳდი ხა̄რ
Line: 17 ეჩა მϩნჴრალა̄შდ საციქჳ. ჲედ ლϩგრალ ჲედ უსკჳარ ი ჲედ თაშ
Line: 18 ჲედ ლϩჯმარე. ჟი ერ ენხურჲელო̄ლ ჳობაშ კეთილ თელდ ლა̄შხისა
Line: 19 ნაზორ, ჩჳესსგურო̄ლხ ეშხუდ ბერო̄ლ ი მიჩა მϩნჴრა̄ლა ი იჩმინახ
Line: 20 ხინობს. Line: 21 მე̄ჲსარობϩნღო ჳოდ უტკუნ დოშდიშნუნ მაგ ამჟი გჳიხალ ლა̄შხარს.
Line: 22 სერ ამϩნღო იგნი ლინჩა̄ლ ი ლინჩა̄ლისა ჟი იტბიდი ლა̄შხისა,
Line: 23 ლითო̄დრი̄ მი̄შϩნღო ი ლეშდაბს ხეთხე̄ლიხ ი იმა̄რა̄ლხ ლაჴან-ლალა̄შჲად.
Line: 24 ლითო̄დრი̄ მი̄შისა იზჲარებიხ, ლილოცაჳა̄ლ ლი ეჯ მი̄შისა
Line: 25 ლითო̄დრი̄ საფტინნუნ. საფტინს ლითო̄დრის ზიარებას ხაკდუნეხ
Line: 26 მϩლოცაჳა̄ლას ბაპარ ი ჩუ ისგჳრიხ ზიარებϩნღო. ეშხუდ მაგ მოზჲარება
Line: 27 მინე ლϩბაპდ ი ეხე̄რიხ ხინობ. ნა̄ყუნჳარს ანჴდეხ მე̄რმა-მე̄რმა შუმიშს,
Line: 28 ქϩნშა̄რალს ანჴდეხ, ტაბლარს ანჴდეხ, ბაპ ჩჳადჯგირნე ტაბლარს
Line: 29 ი ჩჳესჩოქჳი მაგ ღერთა ლაჴϩ̄რა̄ლჟი, ტაბლარე ლაჯგირჟი ი
Line: 30 ეჩანღო ტაბლარს ბაპს ლახო̄დნეხ ი ჩჳესსგურიხ სადილდ.
Line: 31 ნასდილობენნϩღო მაგ ჩუ ფხეჟნიხ მინე მინეშჳდ. Добавлено (2007-05-31, 5:53 Pm)
---------------------------------------------
ლინჩა̄ლ ლა̄შხისა. Line: 2 უტკუ̄ნ დოშდიშϩნღო, ლიმუ̄რყჳამალ ლადეღ ერ ლი ეჩϩნღო, ლინჩა̄ლ
Line: 3 გჳა̄რ ლა̄შხარს თანაფნუნ. ლინჩა̄ლისა ღჳაჟარ მეჩდე ლიხ ლაქმათე
Line: 4 ქუთა̄შთე ი აგის ეშხჳს გარ ცურეხ ზექი მϩჴდას ი კუმში მϩზნა̄ნის
Line: 5 მϩკა̄რიელის. ლუნთისა ლიზქინქა დე̄სამა გჳეშ ლი ი აგის ერ ადϩ̄გე̄ნდეხ,
Line: 6 ღჳაჟარ ნაქიმი უჴი̄დად ღო გადასახადს დეშ ღალ იმშგჳა̄ნეხ ღო ი
Line: 7 ლერქულ სედნიხ აგის მერდა̄ლა ნაქჳთა̄შს ედო̄მ ანჴდეხ ღჳაჟარ. ეჯჲარე
Line: 8 ლიჴედს ქუნუშ ახღელიხ აგი̄შარ. აგის მესდე მა̄რე ლინჩა̄ლისა ზექს
Line: 9 ჴϩდე ი ლელფხჳად ლიჴნი-ლილა̄შის ხემა̄რა̄ლ. ქორს მა̄რე̄მი უცჳი̄რად
Line: 10 მა̄ ხაყა ლუნთისა, ქორალს ძღϩდ მუს ერ ჴედნი, ულღაჲად მა̄
Line: 11 ხაყახ ი ღჳაჟ-მა̄რე ემო̄დ ი̄რდი აგის ჲარ ღალ ანლაღი̄. ლინჩა̄ლისა
Line: 12 გჳიხალ ლა̄შხს ლილა̄შუნალ. ლილაშუნალ ლი უტკუნ დოშდიშϩნღო.
Line: 13 მე̄რმა საფტინჟი, ლითო̄დრი̄ საფტინი ნანგაზა საფტინს. ეჯ ლადეღ
Line: 14 ანყეხ კჳეცნა დიარიშს დიარალს ნამშაჳი ლიჳზერე̄ ბედჟი. ხაკუჩერ
Line: 15 ანნაყახ ჩინუკჳიშ მურგჳალ დიარ. კჳეცნა შდა̄მი მაჯო̄ნ დიარ, სიმინდი
Line: 16 ტარო̄ მაჯო̄ნ, ლაღქანა̄ მაჯო̄ნ, ღენწუში მაჯო̄ნ. მა̄ჲ სახიში̄ ჲედ
Line: 17 ლამშიჳა̄რ ხუღჳახ ჲედ ნამშაჳ ლი, ეჯ სახი დიარალს ანყეხ, ჟი ხამზϩრიხ
Line: 18 ჯგϩრა̄გ ლილა̄შუნე̄შს ნამშაჳი ბედჟი, ერე უზმად ოგჴეს მაჴედ. ჩუ იზბიხ
Line: 19 დიარალს. ალე ლი ლილა̄შუნე̄ ლადეღ. ალ ლადეღ ბაპს მა̄მ ხო̄ჲრა
Line: 20 უქმდ, მარაМ ლა̄შხარს ძღϩდ უქმ გჳა̄რ ეჯ ლადეღ ჩიგარ. გჳიხალ აჯაღ
Line: 21 უქმ ლინჩა̄ლისა ისგლინინჩა̄ლისა. ეჯი̄ ძღϩდ უქმ ლი. ეჯ ლადეღ
Line: 22 ტაბლარს ანყეხ უშკუბარდ ი ეჯჟი უშკუბარდ ხაკუჩ ლალე̄მახ, ჟი̄
Line: 23 უშკუბარდ ლახმეზრიხ, ტოტარს გარ აკჩენϩნიხ ჟიბაჳ ი ქა დეშ იშდა̄ლხ.
Line: 24 ჩუ̄ი უშკუბარდ ლეჲზობნეხ. ლაზობჟი ჲერჳაჲ ქე̄ნშდაი, შიშდ ქო̄თღე̄შხ
Line: 25 ტაბϩლს ი მე̄რმე̄ლ ლეჲზობნეხ ქა მϩშდა̄ლე̄მი ტაბϩლს. ლამზϩრა̄ლჟი
Line: 26 ყϩლეხ: "ჯგϩრა̄გ, სი ოგჳაჲ თანაფ შჳიდობდ!" ოგმურჯ ლიჴნი-ლილა̄ში
Line: 27 ი მადილ ჯე̄რი. ისგლინჩა̄ლϩნქა გჳიხალ უქმ ლინჩა̄ლისა აჲა
Line: 28 ბაჲა ი ურჲალე ჳობიშ. ალე ლი ლინჩა̄ლი ამბაჳ ლა̄შხეშ. |
| |
| | |
|
Мужчина |
Date: Четверг, 2007-05-31, 5:55 PM | Message # 79 |
|
Group: Проверенные
Posts: 352
Status:Offline
Дата регистрации:
2006-09-07 |
თამფიერ ლა̄შხისა. Line: 30 თანაფი ლიჴედს ეჯჟი ხეხჲადა̄ლხ ერე ამϩნ ხოშა ლეხჲადე დე̄სამა
Line: 31 ჴედნი ზაჲსა. ჩი̄ს ხეკჳეს ლეთნაფ ლერექჳ მახე ხა̄ქჳდეს, ჲერხის
Page: 25 Line: 1 ქუთა̄შხენ ნაჴიდ ი ჲერხის აგის ნაშხებ. სახრებთე მე̄ზი ჟენრექჳი მაგ
Line: 2 მახე ლერქჳალშჳ ი ადრი̄ნეხ სახრებთე, თჳით მუტჳარს შიდ ლეჲყედნიხ
Line: 3 სახრებჟი ლეტჳრენიდ, თჳით მუტჳარს ლϩდგარუს ხოტჳრენიხ
Line: 4 საფლაჳჟი̄ნ. სახრებ ერ ქე̄დგა̄თჳი, ეჩϩნღო ხომზϩრიხ უშხჳა̄რ "ქრისდე"
Line: 5 ჲედ "ქრისდე ადგა", მე̄რმე ლახტიხე: "ადგა ჭიშმარიტად". ჩჳანჴდენიხ
Line: 6 სოფელთე მინე აგითე, ჟენმეზრიხ ქრისდე̄ ადგომი ლიმზϩრს, ჟანმა̄რნეხ
Line: 7 ლეზობ-ლეთრას: ლეღჳს ხამიშ, თამფა̄ჲშ, ლორს, ქათალს მϩჯაბს,
Line: 8 წϩრნი ლϩგრალს, ტაბლარს, აშ შჳეთარს, არაყს სტამა̄ნშიჳ ი ჟადინეხ
Line: 9 საყდრი სუფთე ი ჟოსჯგირნეხ ტაბაგს ლϩდგარუს, მϩჯგრი ბაპს
Line: 10 მიჩა საწესს ლახო̄დნეხ ლეჯგრიხენქა, ეშხუ თაშა̄რს, ეშხუ შჳეთს, ეშხუ
Line: 11 ნახჳტ ლეღჳს ი ეშხუ ჭიქ არაყს. ეჩϩნღო ლϩჯგირ ტაბაგთე აწი̄ნე ეჩე
Line: 12 მერდა მესჳფელას. ეჩϩნღო ეჯჲარ ერ ადჯგირნეხ, ეჯჲარ ლახწი̄ნეხ
Line: 13 მანკჳი̄ მϩწჲენის ი ამჟი ი̄რი ხინობ სუფისა კაჩუშ ჩუუსგჳრად. სუფხენ
Line: 14 ჩჳანთტხენიხ აგჲართე ი ეჯ ლადეღ ინყაჳა̄ლნიხ სოფელისა ი ჲედ
Line: 15 იღრა̄ლნიხ ი იბრჲალნიხ. მე̄რმა ლადეღ თამფა დოშდი ძინარს ანნაყნე
Line: 16 მაგ ტაბლარს ი ადინეხ ქჳიშთე. Line: 17 ქჳიშ საყდარ ლϩგ თამარ დედჳფალი ნაგემ. ლიმზϩრ ი სკარობ ეჩე
Line: 18 ხოხალხ დოშდი ლადეღ თამფაშ. ალ საყდრი მϩგემ ჴელჳანდ ჳონჲა̄ნშა
Line: 19 ხოშა ქორონო ხეკჳეს ლϩმა̄რე̄ლას. ჯჳინელ ამბაჳდ ა̄მბჳიხ ამჟი. ეჯ
Line: 20 ქორონო̄შდ მაბჟა ტოტი̄ ქო̄თქჳი̄ცახ ი ათხეМ ლაჲრაკდ არი ლა̄შხისა.
Line: 21 ქჳიში საყდარ სასა̄შრეშ ლი. ლეჟა ლა̄შხარს მა̄მ ხოგადხ ეჩხა̄ჳ, აშ
Line: 22 ჴედნიხ ლამზϩრდ ტაბლარსი̄ ჴϩდეხ. Line: 23 ჟი ერ ენხურჲელი მაგ ქჳიში სუფისა, ხოჩა ღუნს ჩჳადძი̄ნეხ,
Line: 24 აგიხენ ნაჴიდ ლეზობ-ლეთრას ენკედხ. ჩიქე ტაბლარს ი არაყს ლახმეზϩრიხ
Line: 25 ქჳიში თა̄რიძელს, ეჩანღო ქა̄ნჲესხ ბაჲრახს, ხატს თა̄რიძელიშს,
Line: 26 ჟენჩოქჳიხ სუფისა საყდარ ქა̄მენ ი ლე̄ქჳნეხ კჳირჲას ღერთალე ლიღრა̄ლს.
Line: 27 ეჩანღო ჩჳადმეზრიხ ჩი̄ს ეჩეჩუ მϩმზϩრდ მეჴედ მა̄რე̄ლს ი ჩჳესსგოჯნიხ
Line: 28 ქა̄მ სუფისა ხატს ი ბა̄რახს ი ჟენბინი შენაწირი ლიჴდე ხატ
Line: 29 სგობინთე. შენაწირი მϩხდას ბაპ სგა̄ჲრენი ლაჲრთე: ამზუმ ლოქ ოხჴი̄და
Line: 30 ალ მა̄რას. მϩლზონა ჩჳამზϩრიხ ეჯის ი მაგ ერ ქე̄დგა̄თჳი, ეჩϩნღო Добавлено (2007-05-31, 5:54 Pm)
---------------------------------------------
31 ჩჳესსგურიხ სკარობდ. მϩლზონა ჭიშხაშს იჩოხ, "დოდი სანადიროთ
Line: 32 მიჳიდოდის" ლე̄ქჳნეხ ლაჭხაშჟი ი ეჩანღო ეჯჲარი̄ ჩჳესსგურიხ
Line: 33 მოსკარა̄ცახან, ყϩლნიხ ლიბრჲა̄ლს "ჳოი ლილეს"ს, "ქრისდე ადგა"ს.
Line: 34 სკარობჟი თამფიერ ჩიგარ ხოშა ნაღალდ "ქრისდე ადგას" ყϩლეხ ამჟი: Page: 26
Line: 1 "ქრისდე ადგა გიხაროდენ, აბა შეღებული,
Line: 2 მადლი მახარობელსაჳო! ურიასა კეკელასა,
Line: 3 ჩჳენსა მახარობელსაჳო! აბა კეკელაჲსა,
Line: 4 აბა რობელსაჳო? გოჭის ხორცის ჭამელასა,
Line: 5 გეიხაროს ყველმა სულმა, აბა ჭამელაჲსა,
Line: 6 აბა სულიერმა, შოუწვავს, შოუჭამია,
Line: 7 ჩიტმა, კაჭკაჭმა, შროშანმა, ხდის რისხვა შოუჭამია,
Line: 8 აბა და შროშაჲნმა, აბა უჭამია,
Line: 9 ვაგლახური ურიამა, ნიავ წრილი ბზეს მოხავდა,
Line: 10 აბა ურიაჲმა, ნიავმა შეგვინძრიელა,
Line: 11 გუშინ ჩვენმა მოყვარემა, ავსა დარსა წვიმრიანსა
Line: 12 აბა მოყვარეჲმა კაი დარი გვირჩენია,
Line: 13 ზედ ჭიშკარი გადიარა, ბერსა ქალსა ფანჩრიანსა
Line: 14 აბა გადიაჲრა, ახალგაზრდა გვირჩენია,
Line: 15 ტანსა ეცვა თეთრი ჩოხა, ბერსა კაცსა ბებერასა,
Line: 16 თეთრი ჩოხა არღავნისა, ახალგაზდა გვირჩენია
Line: 17 თავს ეხურა თეთრი ქუდი, რჩევნებითა.
Line: 18 ქუდი ლალში შეღებული Line: 19 თამფიერ მეჲად ლიღრა̄ლდ ქრისდე ადგა̄ ლიდრა̄ლს ყϩლეხ. შენაწირ
Line: 20 ტაბლარ ქჳიშ ჳო̄ბაშ ინზო̄რი. ჲერუ ნა̄თის მინეშჳდ იცჳრეხ მϩლზონა
Line: 21 ი ეშხუ ნა̄თის ბაპს ხა̄ჳდიხ ტაბლარხენ. აძჲენიხ ჟი̄ბ შენაწირდ ნაჴიდ
Line: 22 ქჳშარე̄ლს. ქჳიშარა̄ჲ ბარჯს ბაპს ხა̄ჳდიხ, ეჯღა ერე ლალგენა ლი ქჳიშარაჲ
Line: 23 ი ბაპა ნაცხულ ხა̄რ თხუმ ი ეჯღა ხეხჳი ბარჯ ბაპს. თხუმე ლაცხულჟი
Line: 24 ოსსკიბახ თა̄რიძელს ერე ამშა ლაძიენჟი ბარჯ ლოქ ბაპაშუ
Line: 25 ლას. სკარობ ერ ქე̄დგა̄თჳი ქჳიშ, ეჩϩნღო ჟენგენიხ, აჯაღ ჭიშხაშს
Line: 26 იჩოხ ხატარ სგობინ ი ხატი მუსგჳჯინა̄ლა მϩლზონა ანსგოჯნიხ ბა̄ჲრახალს
Line: 27 ი ხატარს ქჳიშხენ ლეჟა̄ სოფელთე, შუკჳარჟი ხოМჴდეხ ხატარს
Line: 28 შენაწირს ჲერ თეთრს ჲერ მუტჳარს ჲერ ლალგენა ქჳიშარაჲ გიცრალს
Line: 29 ჲერ ჴანარს, მარაМ ჴანარს ქა დე̄მ ხა̄ჳდიხ მϩლზონას ი ბაპს, მინე
Line: 30 აგითე იტხეხ ი შომა̄ჲ ჩჳადძი̄ნეხ, ფუსნაჲ ე ი̄რი, ბარჯს ლახო̄დნეხ
Line: 31 ბაპს, დო̄რიღო̄ჲ დე̄მამ. შუკჳარჟი ერ ოხსგოჯიხ ხატარ, ბაპ სგობინ Добавлено (2007-05-31, 5:54 Pm)
---------------------------------------------
32 ხოჟოღჳ ხატარს ი მინე მუსგჳჯინე მϩლზონას ი ჩუუქჳი̄ცად ყϩლეხ
Line: 33 ლიღრა̄ლს: Page: 27
Line: 1 დიდებ-დიდებ თარიგძელას, ძირჳას რიონი ხოგენდა,
Line: 2 ლელϩჴრალედ ლიშედს გუშგჳე, შდულჳას შაურდენ ხაცხეპა,
Line: 3 მაშედ გუშგჳე ჯეი სგოჯილე, ლესგას ღჳაშარი ხოყურდა,
Line: 4 ძღუდი მურგჳალდი ხაცხეპა, სარკი ლასგიდის ხოჩა̄ნდა,
Line: 5 სჳეტი ჳოქრეში ხაგენა, ლალგინა მიჩა ჴანარე,
Line: 6 ისგან დიდებან გოში ლი, მუჭჳარ ლϩშკადილ ხარინახ,
Line: 7 ჩხერჲალაჲ მიჩა თასარე, სუფილ მეტყჳეფილ ხარენა,
Line: 8 თასი ამჯარიჳშ გოშილე, ზაგნიშ ზაგარნ იბირღჳჲელეხ,
Line: 9 ლϩშკადე მიჩა აჳჯარე, ლალცხატაჲ მიჩა გიცრალე,
Line: 10 ლϩნქეჭა მიჩა მურყჳამე, ზაგნიშ ზაგარნ იბაცქჳჲელეხ. Line: 11 ლა̄შხარ ამჟი ყϩლეხ ალ დიდებას. აშ ხოჩულდ უშგჳლარს ხოხალხ
Line: 12 ამϩნ ალ ლიღრა̄ლ ი იშგენი̄ ლაჭშხაშჲა ლიღრა̄ლარ. Line: 13 თამფა მესმა ლადეღ ეშჲეში̄ მა̄მა ხა̄რხ უქმ ლა̄შხს, ბაპარ ერ ხამბე̄დეხ,
Line: 14 მარაМ ჲესიჲეს დემა̄მ ხეჭჳდიელხ ბაპარს ი მინეშურად ხაშდბახ
Line: 15 გჳეშს. ალ ლადღარს თანაფს ი მე̄რმა ლადეღ დოშდიშ ქჳიშთე ლი̄ზის
Line: 16 ხა̄ჲშხახ სგობნე თამფიერალ. ლიხ აჯაღ ღოშგმე თამფიე̄რალ. თანაფϩნღო
Line: 17 მიშლადეღს ი დოშდიშს ხაყლეხ ღოშგმე თამფიერალ. მიშლადეღ
Line: 18 ღოშგმე თანაფს ლინყე ტაბლარეშ, ლიმზϩრი ი ლილხნე. სკარობ
Line: 19 თამფიერალისა მე̄რმა მე̄რმა აგის ხაზნახ სოფლობჳშ ქალϩთიშდ.
Line: 20 სგობნე თამფა დოშდიშ ი ღოშგმე თამფა დოშდიშ ლექჳაჳ ხოხალხ
Line: 21 სასა̄შარს, ლეკოსა̄ნდარს ი მებცარს. აშ ლϩწიად ლეჟა̄ ლა̄შხხენ ი
Line: 22 ჴედნიხ მუშგჳრალ, ჩო̄ლურხენი ი იშგნა̄გხენი, ლამზϩრდ ჴედნიხ. სგობნე
Line: 23 თამფა თახაშ მელე̄დარს ხოხალხ სკარობ ი ეჩე ი̄რდიხ ლϩწიად ი
Line: 24 მϩმზϩრიდ. საფტინს ჲერუ თამფა ნე̄სგა ჩუკუ̄ლარს ხოხალხ ძღϩდ
Line: 25 ლიმზϩრ ი სკარობ. წესარ ჩჲაგ ამჟი ლიხ, იმჟი̄ ეშხჳ აგის გჳი̄ჲრა
Line: 26 ქჳიშობჟინ. Line: 27 ღოშგმე დოშდიშ თამფიშ აჯაღ სასა̄შარს უდ ხოხალხ სკარობ,
Line: 28 მარაМ ეჩქაМ ძღϩდ ლϩწიანჲობ ლი ჩი̄ხენ ძღϩდ გაჲნგალ ლიმზϩრ.
Line: 29 შენაწირ ხატიშ ღოშგმე თამფა დოშდიშ ქჳიშობჟი ხოშულ ჴედნი,
Line: 30 ტაბϩლი̄ ი თეთრი̄, ღოლჲა̄ქარი̄ ი ხალხი̄ ხოფშირა ჴედნი ქჳიშობთე
Line: 31 ღოშგმეშ ი ხოშულ მი̄მან ლი. ქჳიშობჟი შენაწირდ ნაჴიდ
Line: 32 არაყ ჳო̄ბაშ იხჳრჲელი ი ეჯის ჩჳაშხჳნიხ ეშხუ მეზგამϩყ ხატი მუსგჳჯინა̄ლა Добавлено (2007-05-31, 5:54 Pm)
---------------------------------------------
: 33 მϩლზონა ი მე̄რმა̄ მინ წირს ხაჩმუ̄ნდეხ სოფელისა მϩლზონა
Page: 28 Line: 1 ბაპს ი ანნაყნეხ ტაბლარს, ჟენხურჲელიხ ეშხუდ საროსტა̄ ქორისა ი
Line: 2 ლეღჳსი̄ ანჴდნეხ, ჩჳესსგურიხ. ტაბლარე ლϩჯგირϩნღო ჟენბინნეხ სკარობს,
Line: 3 იზბიხ, ითრეხ ი ილხნეხ. ტაბლარს მეზგაჟი თჳით ჲერჳს ქა
Line: 4 ხა̄ჳდიხ ბაპს ი დი̄კონს. ჟი საროსტა ანხურჲელნე ტაბლარს. სადილს
Line: 5 ბაპარს მინეცახან ხა̄მნეხ მϩლზონა -- მინე მϩმწირჳელი ბაპარს. Line: 6 თანფიერϩნღო ხოხალხ აჯაღ ლა̄შხარს უსხჳობ. ჯჳინელდ ხოშა
Line: 7 უსხჳაჲ ხაყე̄ნახ ჩი სოფელჟი ი ეჯ უსხჳაჲს ჩუ ლϩმძი̄ნხ. ბაპს წირს
Line: 8 ხაჩჳმა̄ნდჳნახ, ტაბლარს ი ლესკარს ლϩმჴიდინხ, ჩუ ლϩმსგურო̄ლინხ
Line: 9 ეშხუდ სკარდ სოფელ ი ხა̄რახ ძღϩდ სკარობ ი ლილხნე, მარაМ ათხეМ
Line: 10 დრო̄ჲჟი უსხჳაჲს ძჳირდ გარ ე̄სა აძჲენიხ. ეჩაМ მϩქაფ ღუნს აძჲენიხ ი
Line: 11 ეჩჟი იჩოხ უსხჳობა ლიმზϩრს. უსხჳობ სკარი გუ̄ნღა გარ მა̄ ლი მაშე̄ნე.
Line: 12 ლიმზϩრი გუ̄ნღა ლი. დო̄სგϩნღო ნაგად ხოშე̄ლხენქა ი სერ ნაი̄
Line: 13 ხეკჳეს ერე ჩჳელგϩჭიდ ჯჳინელ ჩო̄ულობ ი ჯჳინელ ბედი გჳეშარ.
Line: 14 უსხჳობა ნაგზას უსხჳობიერი მი̄შს ხჳაყლედ. ქრისდე ადგას უქჳი̄ცად
Line: 15 ყϩლეხ ანღლებნუნ. პერპო̄ლდაში ლიჳჭმა̄ლნუნ ერ ეშხუ ნაგზი ი̄რდი,
Line: 16 ეჯ საფტინს სასა̄შ ხოხალხ ლიმხა̄რწი. ნაქა̄მ მა̄რას დე̄მ იხნეხ ეჯ
Line: 17 ლადეღ სოფელთე̄ჲსა, ნადირხენ ხა̄რხ ლϩკაბ ნაქა̄მ მა̄რე̄მი ლიხნე
Line: 18 სოფელთე̄ჲსა. ჟი ღϩრიხ ლიმხა̄რწი ლადეღ ზურა̄ლე̄ლ სგიმრაშული
Line: 19 თხუმთე, ხოშა ლამზϩრ ბეჩმϩყ ქა ირბიელხ ტაბლარს, თაშა̄რალს. ჲერხი
Line: 20 გიმ ჩუქჳა̄ნთე ხემზϩრხ გიმი ანგლოზს ი ეჩეჩუ გიმ ლი ჩუმებჭკჳე ი
Line: 21 სგა იდე̄სხ ეჩხა̄ჳთე̄ჲსა გიმი ანგლოზიშდ მϩნაყ ტაბლე̄ლარს. ბაპ მა̄მ
Line: 22 ხეჩდა ლიმხა̄რწი ლიმზϩრთე, მინეშურად ლი ნაგად იჳანდϩ̄რან, ჟი
Line: 23 ღϩრიხ წირი დროჲჟი ღჳაჟარ, ზურა̄ლე̄ლს მϩნაყ ხეღჳე̄ნიხ ტაბლარ
Line: 24 თაშა̄რალ ი ქა ადიესხ სგიმრაშული ლიცე პილთე ი ჟი ლახმეზრიხ
Line: 25 ღე̄რბათს, ლიც ერ დო̄სა ედϩლუ̄ხჳე̄ნდეს მაშე̄ნა̄მ, ეჯ ბედჟი ლეხჴϩ̄რიხ
Line: 26 ღერბათს. ჩუ ლეჲზობიხ ეჩე თაშა̄რ-ტაბლარს, სკარობ მა̄მ ლი ეჩე ი
Line: 27 ღჳაჟარ ჩჳატხენიხ სოფელთე. ბობშარს ყა̄რ ი დაშნა̄რ ხუღჳახ, ეთნეჩდიხ
Line: 28 უშხვა̄რ ყა̄რ ი დაშნა̄რშჳ ი მϩგდა ძღϩდ ლიცჳა̄ლ ხა̄რხ, ეჯჟი
Line: 29 ხექჲოლა̄ლხ დაშნა̄რშჳ. ლიმხა̄რწი ამჟი ლი. Line: 30 ულშიერ. ლეჳლიშად ლა̄შხთე ჲადურდ ხჳაჲ ინზორიხ. ჩი̄ხენ
Line: 31 ჴედნიხ მუშგჳრალ. თელდ სადა̄დ შჳანხენ, ლეჩხუმხენ. ჩი̄ს მიჩა
Line: 32 მიჩა მასძელ ხაყა, მაგ ლϩწიე ლიხ ლადღიშდ. მϩლზონა ასგჳჯინეხ
Line: 33 ულშა თა̄რიძელს ჟი ულიშთე, ძღϩდ ჟიხი ლი ლა̄შხე თხუმთე ნაღალდ.
Line: 34 ეჩე̄` საყდარ ხო̄გხ ულშა თა̄რიძელიშ, ადჲესხ ტაბლარს, ლახმეზϩრიხ
Page: 29 Line: 1 ულშა თა̄რიძელს, არაყსი̄ ლახმეზϩრიხ. მϩლზონა ამე̄ნ-ამე̄ნს
Line: 2 ტუ̄ლიხ. ეშხუ ხოშა მა̄რე ტაბლარს ში̄სა ლეჲყედნი, არაყსი̄ ჭიქჳშ ი
Line: 3 ლე̄ქჳნე: "თა̄რიძელ, მადილშჳ გოში, სი ლე̄ხეშდ ჯაბას ბეროშა ი მიჩა
Line: 4 ჲეხვს ი გეზალს ი მადილ ჯე̄რი". იშგენ მϩლზონა ამე̄ნ-ამე̄ნ ლოქ
Line: 5 ესტუ̄ლნეხ მაგ ეშხუდ. Line: 6 ამჟი ლი მაგ ლუშნუ ლიმზϩრა̄ლ. ულიშ გარ მადეი ჩჲაგ ამ ჟი
Line: 7 ლი, იმე̄ჲ კელდ ე̄სა ეშხუდ ლიმზϩრ ხაგადხ ჲედ მა̄ლე დღეობ ე̄სამა
Line: 8 ლი სასა̄ში ქჳიში̄, ამჟიМ ხოხალხ, ჩუკუ̄ლსი̄ ლილშო̄შა̄ლ ლადეღ ჲერუ
Line: 9 თამფა ნე̄სგა საფტინს, სერ ლიმϩზრალ ერ ქე̄დგა̄თჳი ულიშს, ჩჳესსგურიხ
Line: 10 სკარდ მაგ ი ხე̄რიხ ხინ. ხჳაჲ შϩმი ლიღრა̄ლ ი ლიბრჲა̄ლ
Line: 11 ედი̄ქჳი ულშობიერ. ხჳაჲ შუმიშ ი ნუკჳი ჭიშხაშ ი̄ქჳი ეჩეМ. ტაბლარს
Line: 12 ეჩე̄ჲ ქა ხო̄თეხ მϩლზონა ბაპარს, შენაწირ ჴედნი: ტაბლარ, თეთრ-არაყ
Line: 13 ი ღოლჲა̄ქარ. თეთრს ეჩე̄ჲ სგა̄ჲრენიხ ი საყდრიშ ლი. იშგენს
Line: 14 მინ ი̄თა̄ლიხ მϩლზონა ჳო̄ბა კეთილს. სკარობϩნღო ჩჳანსგოჯეხ ხატარს
Line: 15 მϩლზონა ულიშხენ "დიდება, ჳოჲ თა̄რიძელა̄" ლაბრჲა̄ლუშ ჩუ
Line: 16 ლϩგ ჩჲა̄გ თოფრე გϩრმϩნ. ლითოფ ჩჲაგ ხოხალხ ჩულϩზორ ხალხ
Line: 17 ლემშჳანჲერა̄ჲსა̄ დღეობჟი̄ ი აში̄ ხჳაჲდინ. ულიშხენ ნაჴდრჳალ ადინეხ
Line: 18 მინე მინე მასძელართე ი ხე̄რიხ ხინ მასძლარმϩყ ჲერუ სემი ლადეღ
Line: 19 ი ეჩϩნღო ჩჳაფხჟენიხ ეში-აშ ი ამკალიბდ იგა̄თჳი ულშიერალ ი
Line: 20 იბნი პერპო̄ლდაში უჭმ. Line: 21 პერპო̄ლდაში ლიჳჭმა̄ლე მი̄შისა ხოხალხ ლეჟა̄ ლა̄შხარს. Добавлено (2007-05-31, 5:55 Pm)
---------------------------------------------
ლი̄ხჳა̄ლ მϩლა̄შხიშ. Line: 23 ათხეМ დეშერ იჩო, მარაМ ეჩქაМდ ლეჩი̄ჟϩ̄რი̄ ქორშალს ჲერჳაჲ მეზგე̄მი
Line: 24 დი̄ნა ლეხსჲამო̄ლხ ჲედ მეზგე ხესჲამო̄ლხ ძახლარდ, ანღინახ ი
Line: 25 ფინთიხს ადკჳა̄ნნახ ლაჴჳრახენქა ქორთე̄ჲსა ი ეჩϩნღო ხოჩა დედე̄-გეზალ
Line: 26 ი̄როლ, დო̄მ ლახო̄დნა ეჯჲარს ეჯ დი̄ნას. მარაМ ათხეМ დროჲჟი მა̄მ
Line: 27 ლი სერ. ლეჲხუ̄რი ჭყინტ ერ ხეყე̄ნი მϩლაშხს, ახა̄ზიხ ნე̄სგამე̄ზჲარ
Line: 28 ჩი ჴეჳხენ ი ხაკϩფნეხ: "ალ დი̄ნა ლოქ ხოჩა მეზგე̄მიში-იМ ხოჩა გჳარიშ
Line: 29 ლოქ ლი ი ქა ლოქ ხიშგომ ჲეხჳდ ისგჳაჳ". ჲედ ლეჩი̄ჟϩ̄რის ხაკფϩნეხ
Line: 30 ი ჲედ მიჩა მუს ი შომა̄ჲ ერ ჟახუნდუნა̄ლჳნიხ, ჩჳასკბეხ დი̄ნა
Line: 31 ასაბჲაჲცახან, მაჲ ღენ ლე̄თ ხეკჳდიხ სახლინახობ. მა̄ჲ ლე̄თი̄შჳდი̄
Line: 32 ჩჳედსკი̄ბი სახლნიხობ ლე̄თ, ეჯ ლე̄თიშჳდ ანღინე ნე̄სგამე̄ზი, ოხჟოღჳნი
Page: 30 Line: 1 ლეჩი̄ჟϩ̄რი̄ ქორხენ ღჳაჟარს, ჲედ ლეჩი̄ჟϩ̄რი̄ ქორშალ ი̄რიხ ჲერხი-იМ
Line: 2 ჲედ მიჩა მეხჳბარალე ღჳაჟარ უსგჳა იშგჳიდთე ქა ი ნე̄სგამე̄ზი̄
Line: 3 ცახანლანჴრინუშ სგა ლეხგენიხ ლე̄ჲხუ̄რი̄ ქორშალს. ეჯჲარ ლϩმა̄რე ესხჳიხ
Line: 4 ჩინოჳშ. ხოხა̄ლდახ სგობდ ერე ეჯ ლე̄თ ლϩმა̄რე ხაკუჩ ლϩმა̄რე̄ლასხ ი,
Line: 5 მაჲ საკჳრელ ლი, სერ ერე ლϩმა̄რე ესხჳე̄ნხ მϩყდა̄ნა̄ლას. ლϩძჲე ხეყე̄ნი
Line: 6 ხამ ლებტკϩ̄რიდ, ლორ მϩჯაბ ჲედ მე̄რმე ლაძჲა ხეყე̄ნი მა̄ლე ი ჩჳესსგურნეხ
Line: 7 ქორს ტაბაგჟი. ანჴდეხ არაყს, ენმეზრიხ ღერთალს ერ ჩჳეთმურჯე̄ნდეს
Line: 8 ბა̄ზი̄ ლე̄თ, მაჩე̄ნა̄მდ ე̄ს ხამურჯე̄ნდეს ლა̄შხე გიმჟი, ეჩϩნღო
Line: 9 ჟენგენი ლეჩი̄ჟϩ̄რი̄ მუ, ენკედ ეშხუ ჭიქ არაყს, ქა̄დინე მიჩა
Line: 10 ლეთრეღლϩ̄ლი დი̄ნათე, ჩჳესჩოქჳი მიჩა სგობინ, ჩჳადმეზრი ამჟი ერე მაჩე̄ნე
Line: 11 ე̄ს ხა̄ფსე̄ნს მიჩა გჳარისა დი̄ნას, ეჩთა̄ნუ ლოქ აჯფასე̄ნა სი̄ საბრა ლოქ
Line: 12 მიჩა ლეთრეღლϩ̄ლის, არაყს ჩუ ლეჲთრე ი დი̄ნას ქა ლახო̄დნე
Line: 13 ჳოხუშდ მანათს ი ჲედ თუმანს ჲედ სემი მანათს ნაყდა̄ნჳად-ლϩშანდ.
Line: 14 სერ თერღლა ლი, ათხაМდ ლეთრეღლϩ̄ლი ი ხოსგდიხ იმჟი̄ კალონიერ
Line: 15 ჲეხჳს, ამჟი̄ ამϩნღო, სერ ჩი̄ჟასი̄ ჟახა ლϩმდად ხაყლეხ ჩი̄ჟას ი ლე̄ჲხუ̄რის
Line: 16 ჲეხჳს, ქალϩფი̄თქ ლი სერ გჳეშ, ლეპჟუნე დე̄სამა არი. ათხად და̄ს
Line: 17 მა ხოხა̄ლდა ალ გჳეშიშ დე მეზჳბელს დე მ |
| |
| | |
|
Мужчина |
Date: Четверг, 2007-05-31, 5:57 PM | Message # 80 |
|
Group: Модераторы
Posts: 990
Status:Offline
Дата регистрации:
2006-08-29 |
: 17 მა ხოხა̄ლდა ალ გჳეშიშ დე მეზჳბელს დე მესჳფელს დე ნა̄თჳარალს ი
Line: 18 დე და̄ს ი ათხე სერ მაგ ჩჳედკჳი̄ნე, ალჲარე ლიბრჲა̄ლ ი ლიღრა̄ლ ჲესჳა̄ჲ
Line: 19 ლეხსϩმი ერე ეჩა დი̄ნა ლოქ ოსყედნა გოჩშა ჯაბას მიჩა ჭყინტიშდ.
Line: 20 ჲერხი ლე̄ქჳნეხ ერე გოჩშე̄რ ლოქ ოსყედნახ. სახლინახობ ლე̄თ
Line: 21 ძღϩდ ხინ ხე̄რიხ. ალ დი̄ნა̄ ქორშალე მეხჳბარალი̄ ჟი ერ ენბაჟნეხ სახლინახობ
Line: 22 ლე̄თს, ქა̄ნჴდენიხ უწჲა-მაწჲად ი ეჯჲარსი̄ ხინ ხე̄რიხ ეჯჲარცახან.
Line: 23 ჲერხი მა̄რე მე̄რმა ლადეღ მუყჳსგიდ ჴედნი, ჩუ ერ ედკჳი̄ნე, ეჩეჩუ
Line: 24 ხინ ლოქ ლი. მე̄რმა ლადეღ ნებოზნუნ აშ ილხნϩნიხ ეჯ მეზგამϩყ,
Line: 25 ლითოფი̄ მე̄ჳარ ხე̄რიხ ყაბახთე-ლϩშანთე ჲედ ხამი თხუმ ხეგნიხ ლϩშანდ
Line: 26 ი ჲედ აშ ლϩშან. მე̄რმა ლე̄თ ნებოზთე ნაღალდ მე̄ჳარ მაშდმა̄რ ადინეხ
Line: 27 მინე აგითე მაგ. ჩი̄ჟო̄ლ ჩჳასდენი მიჩა ლამთილარმϩყ. ეჩϩნღო
Line: 28 ჲეს ლეჟა ღϩ̄რნი ჩი̄ჟე მიჩა აგითე ი ჲეს ლექჳა ჴედნო̄ლნი
Line: 29 ლამთილართე. ლიგჳირგჳინა̄ლნუნ აშ იზელა̄ლნი ლეჟა ჲედ ჟიჩუ მიჩა
Line: 30 ქორთე ი მიჩა ლამთილართე. Line: 31 ეშხუ ნაგზი ერ ქა̄დინე ლϩყდა̄ნϩნღო, ლოხჟოღჳნიხ ლამთილარს,
Line: 32 ლამთილარე ღჳაჟარϩნქა მინე მეხჳბარალს ინჴრა̄ნეხ მახა ძახლართე
Line: 33 ფი̄შირ მა̄რას ი ლეჟა ღϩრიხ. ჩი̄ჟა̄ ქორთე ჲერუ ნაზემ ღϩრიხ.
Line: 34 ჩი̄ჟემი ქორხენ სგობნე სალინახობჟი ე უსგჳა მა̄რე ი̄რო̄ლ მეჴედ, Page: 31
Line: 1 ათხეМ დი̄ნა̄ ქორხენ ღϩრიხ სახლინახობჟი̄ნაშდ ჩი̄ჟე̄მი ქორთე
Line: 2 ჲეშდ ჲერუ მა̄რე ი იმჟი̄ ლამთილარმϩყ ხინ ლას, ჲერუ ნაზუმ
Line: 3 ხეკჳეს ღალ ჩი̄ჟე̄მი ქორისა ხაყრიხ ხინ ლიზობშჳ, ლითრეჳშ,
Line: 4 ლითოფშჳ, ლიღრა̄ლ-ლიბრჲა̄ლშჳ ი ჩინოჳშ, ოდო ეში̄ ხემდეხ
Line: 5 ლეჩჟϩ̄რი̄ ქორშალს თხუმს ი ძღϩდს იზϩ̄ლჲელხ ი იღუ̄ლჲელხ. მასძელ
Line: 6 ქორხენ ლიღრეს ქუნუშ არი, მარაМ თხუმს ეში̄ ხემდეხ ეჩხა̄ჳ ი ძღϩდს
Line: 7 იჳდჲერა̄ლხ. ლეთრეღლϩ̄ლი ერ ხოლა ხეყე̄დეხ, ეში̄ იჳდჲერა̄ლხ, ოდო
Line: 8 ჩუ ერ ადϩმჯა̄რჳახ, ღო ცჳერა ხეფსი ეჩქა,* მეჲად ღალ ხაკუჩდ თხუმ მენკჳად
Line: 9 ი ლათა̄ჳსა̄ლუშ ეხჩϩ̄დეს, ოდო ლემყალ ლი ცჳერობაშ, ეჩქაМ ღო
Line: 10 ქა ხაყა თელდ მეზგე, ნაჳბედრი ი̄რი̄, ე ცჳერობ ხეფსი. ნებოზს
Line: 11 ლი̄ზა̄ლთე ნაღალდ ქა̄ნგენნეხ ძახლარ მაჩე̄ნე ჴანარ, მა̄ჲმა ხეყე̄ნი ქორისა
Line: 12 ი ალჲარ, დი̄ნა̄ მაყრალშა̄ლ მϩნჴრინა̄ლა, ენთიშნეხ მაჩე̄ნა ჴანს, ლეხჟოღჳნიხ
Line: 13 სგობინ ი ანჲესხ აგითე, მარაМ აშ მაშდმა̄რა̄ლ ი̄რიხ ერე ეშ
Line: 14 იტϩრტანჲელხ მაგ ი ეშ იბϩრცანჲელხ ნამშდϩმოშ, ჲერხი შუკჳარისა
Line: 15 სედნი ნამშდϩმოშ. ალ ჴანს ხა̄იშხა კეცხა თხუმ. კეცხა თხუმი ნაჳდუნ
Line: 16 ლი ალე. მა̄ჲ მაჩე̄ნე ხებნი გჳალა თხუმს, ეჯის ხა̄ჳდიხ ათხეМ კეცხა
Line: 17 თხუმდ, სერ გარჯ ლი ცჳერა ამϩნღო, კეცხა თხუმ ერ ქა ლϩჳოდ ხა̄რ, Добавлено (2007-05-31, 5:56 Pm)
---------------------------------------------
18 ალეს ღო დაგრობ ხეფსი ხჳაჲდინ. შომა̄ჲ ცჳერობ ხეფსი, ემოშ
Line: 19 იჴერჴი ნამსყი, ღო ლიმო̄რაჳ ხეფსი უდგა̄რჲელად, ედოშ იჴϩრჴი
Line: 20 ნამსყი, ღო დაგრობ ლი ეშიჲეში̄. კეცხა თხუმი ლუჳოდϩნღო დი̄ნასი̄
Line: 21 აჲესხ ჩი̄ჟემი ქორთე ლამჳერხენ (მიჩა ქორხენ) ლამთილთე ი ჲეს
Line: 22 ლამთილს არი დი̄ნა ი ჲეს ლამჳერს ი ჩი̄ჟეი̄ ამჟი იჩო, ჲეს მიჩა ქორს
Line: 23 არი ი ჲეს ლამთილს ჲეხჳცახან. ლიგჳირჳინა̄ლნუნ ამჟი ლი. Line: 24 ჩუ̄ჲ ხექდიხ, ემოშ ითხე̄ლიხ თხუმს შდა̄შჳდ ჭყინტ ი დი̄ნა, ქუნუშ
Line: 25 არიხ უშხჳა̄რე ლითხნეს. ეშჲეში̄ მე̄ჳარ ხოდრჳანიხი̄ დე̄მამ აგი̄შარ ალ
Line: 26 ბედი გჳეშარს ლიგჳირგჳინალნუნ ლეჭშϩრის ი ლე̄ჲხუ̄რის. დოსგϩნღო
Line: 27 მϩრე̄ს ლი წესდ ამჟი ი ათხე̄ჲ ამჟი ხა̄რხ. სერ ხემა̄რა̄ლხ ლექორწილ
Line: 28 კეთილი ლიმა̄რეს ი ნაჭჳლაშდ ნაჳდუნი ლიმა̄რეს. ნაჭჳლაში ლიჳდი
Line: 29 ლირგაჳა̄ლჟი ლი. სგობდ ასკბეხ ნაჭჳლაში გჳეშს: "ამზუმს ლოქ იშგოხ
Line: 30 დი̄ნა̄ ქორშალ". ხენდიხ; ედჴიდეხ ი დი̄ნას ადჲესხ ი ხენდიხი̄, დემ
Line: 31 ედჴიდეხ ეჯზუმს ი დი̄ნასი̄ დეშ ადჲესხ. მეცჳრე ი̄რიხ ი კინჩ მექჳცე
Line: 32 ჴეჳისა. ათხაМდ ხოშა ხახლე̄ნახ ნაჭჳლაშ, ჲერუ სემი უ̄ღჳა ჴანარ, მარაМ
Line: 33 ათხეМ დროჲჟი ხოხრა ხოხალხ ნაჭჳლაშ. ბარგიშდ ხა̄რხ ფას ლეჳდი
Line: 34 დი̄ნა̄ მუეშჳდ, მაჲ ზუმსი̄ ესგიჭხ, ეჯი დი̄ნა̄ მანდა ლი ბარგი ფას.
Page: 32 Line: 1 მინეშჳდ ხეხჳიხ ნაჭჳლაშდ ნაკიდ კეთილ ი ბარგი ფასდ იმჳაМჲ ედჴიდეხ,
Line: 2 ეჯნოМჳშ ბარგ ხეკჳეს ენყიდე̄ნდეს. ნაჭჳლაშჟი ერ ჩჳედსყიხ ი ქა ერ
Line: 3 ედჴიდეხ კეთილს, ეჩϩნღო ასკბეხ ლემჟღორად ქორწილს. ჩი̄ჟე̄მი ქორისა
Line: 4 ძღϩდ დო̄სგნეშ ენმა̄რიხ ლა̄ნშყა ხამარშჳ, ლაძჲა ჴანშჳ ი არყი
Line: 5 ლი̄რაყიჳშ. ნათხუმ არაყს მო̄შ ადშხუნნეხ ი ჲერხის არაყს ქა̄ჲ ადსიპნეხ.
Line: 6 ხოშა ბϩგი ხეფსი ი ხოშა შდϩმაჲ ი̄რი. ნა̄თ-მϩნა̄თის ჩი̄ს ქა ხაბჟი̄ნნეხ
Line: 7 ი ეჯჲარი̄ ჟენმა̄რიხ მინეშხენ ი ეჯ ლადეღ, ლϩწჲად ერ ანჴდენიხ,
Line: 8 ნაწჳარდ ბატკს ოხჴიდეხ ი ეშხუ სტამა̄ნ არაყს. ჲერხი მϩქორწილ
Line: 9 მეზგას ჲერჳეშდთექა ხენზო̄რი ბატკარ. ხოშა ნაღალდ ბატკარს ხამრა̄შს
Line: 10 ხაყლეხ. ნაწჳარდ ლაქორწილჟი წეს ლი ნა̄თიხენქა ბატკი ლიჴდე Line: 11 გამდრჳალ მუჟღორ ი̄რი ქორწილ, ბაპს ლიგჳირგჳინა̄ლ-ლადეღნუნ
Line: 12 და̄რ მა̄მ ხაბჟი̄ნეხ. მესკბა ლადეღ ლაქორწილჲაშ ანჴდენიხ ჩი̄ჟე̄მი
Line: 13 მაყრალ, ჩი̄ჟე არგებს ანჴეს ლაქორწილჟი ლამთილართე ი არგებს მა̄მა
Line: 14 მაყრალცახან, ეჯი მიჩა მანდა ლი. ხეჟბი, ანჴდენი. მა̄ ხეჟბი̄ დეშ
Line: 15 ანჴდენი. ამნოМჳშ გჳეშ მა̄მ იდა̄ჳში, ეჩა ლიჴედჳშ ი ნაუჴედაჳშ. ჩი̄ჟემი
Line: 16 ქორხენ ჲერჳაჲ ი̄რი, მა̄მა სერდე ლი ი ემო̄დ ი̄რიხ ჲადურდ, ეჯღა̄ჲ
Line: 17 მა̄მა ი̄რი. მინე ნაზϩზ მაყრალ ჩუ̄ ლიხ ი სერ ეჯი მა̄მ სერდე-მერდე
Line: 18 ლი. დი̄ნა̄ ქორისა მაყრალ კოჭო̄ლს გარ ირა̄გეხ ლალხინდ, ნებოზს Добавлено (2007-05-31, 5:56 Pm)
---------------------------------------------
19 ერ ანჴდენიხ ეჯ ლე̄თ, თერღლასი̄ ადჲესხ ი ატხენიხ უდ. ოთϩნჴერნიხ
Line: 20 წჳილს ფი̄შირ მაყარ ჲერჳეშდთე ქა. დი ჩჳასდენი ეჯ ლე̄თ აგის ი
Line: 21 იშგენს ჲერჳაჲს ხენდიხ, ადინეხ ლაქორწილთე ჩი̄ჟემი ქორთე. ადჲესხ
Line: 22 მინეცახან ეშხუ უ̄ღჳა ჴანარს ბარგი მϩჲესდ ი კალათი მϩჲესდ.
Line: 23 კალათად აჲესხ ჲედ ფურს ჩულϩძჲას ჲედ ხამს, ეჯისი ჩულϩძჲას ი
Line: 24 მეყჳფას, ეშხუ დორაჲ არაყს ქანასიპს ი აშირ შჳეთს. ალ ჴიდს
Line: 25 ხა̄ჲშხა კალათი ლიჴდე ი ალე ამჟი ლი წეს ლა̄შხისა. Line: 26 ძღჳენშა̄ლ ოსღჳახ დი̄ნაცახან კალათ ჴანარშჳ. მექორწილთე ერ
Line: 27 აჴდენიხ, ი̄რი ჲეზჳისა ლითოფ, სგა̄დჲესხ ქორთე. ყო̄რალჟი ხანჯრალ
Line: 28 ხებკიხ ეჩხენ ამხენ ი ეჩა ჩუქჳან ადგჳეწჳნიხ თერღლას. ალეს ი ლითოფს
Line: 29 ეჯღა იჩოხ ერე ქორთე ლოქ დო̄სამა ეხყე̄დეს ჲე მათხეფ ჲედ ქაჯიჲ-ეშმაჲ
Line: 30 ჲედ ხოლა თეჲაყბა. სგა̄დჲესხ ქორთე, გირგტანდ ახციპჳნიხ
Line: 31 ლერსგჳენთე ნაღალდ კერჲაჲს, ლოხხელნეხ შაქრი ნაკჳიშუ̄ლს ი ხე̄ქჳნეხ:
Line: 32 "ა̄მჟი მუჭხჳიდ ლოქუ ოგმეჩე̄ნახ". ისერ ტაბაგჟი ჩუ ლისგჳრა̄ლდ
Line: 33 დედჳფალია̄ქ წჳილ ი მიჩა ლϩჭშϩ̄რი ჭყინტ მინე მაყრალშჳ ჲედ ეჯ
Line: 34 ლე̄თ ი ჲედ მე̄რმა ლადეღ წირი დროჲჟი ჟადრი̄ნეხ საყდართეჟი ი
Page: 33 Line: 1 ეჩეჩუ ჩჳადგჳირგჳნი ეჯჲარს ბაპ. ჯჳინელ ჩიქა ხენდო̄ლ ა მო̄დე დი̄ნას
Line: 2 ეჯ მიჩა ლეჭშϩ̄რი̄ლ ჭაშდ, ქა დეშსა მოშ ყϩლა ჳარს. ლიწჳი̄ლესი̄
Line: 3 და̄რ ხეჭჳდიელდა. იმჟი̄ მიჩა დის ი მუს ხო̄ნდახ, ეჯჟი იჩმϩდახ. ეჩხა̄ჳ
Line: 4 ადწჳი̄ლნახ ა ამხა̄ჳ, ეჯი მინე მანდა ლას დი̄ნა̄ უჭჳდიელად. ჩიქე ათხეი̄
Line: 5 ამჟი ღო̄თაშ ლი აჯაღ, მარაМ ზϩმჳშ ქა ხეჭჳდიელხ ლეწჳი̄ლე დი̄ნას,
Line: 6 მარაМ ეჯზუმს დე̄მამ ეშჲეში̄. ხჳა̄ჲდინ ღალ იღჳრჲელ დი̄ნო̄ლ: "დედე̄
Line: 7 ლირდე ღჳარა, ეჯი ლოქ მა̄ მაკუჩ ჭაშდ", მარა ეჩა ჳარა ლი̄ქჳი̄სს და̄რ
Line: 8 ხაჭიმ ი ეჩა ნაგϩრგალი სერდე̄ჲ მა̄მა ხა̄რხ. Line: 9 ჩუ ერ ედგჳირგჳნიხ ი დი̄ნა ლამთილთე ადინე. ე კეცხაშ მო̄ ხენდო̄ლ
Line: 10 ეშხა̄ჳ ლიწჳი̄ლე, დე̄მ იგნი ეჩქაМ ლამთილჟი ი ხეჩე̄დჳრიელ
Line: 11 ჭაშს ი ხოლა ლიჲახჳ-ლიჭაშ ხა̄რს. ნაგჳირგჳინა̄ლუნ ბაპს ჲერ
Line: 12 სემი მანათს ხა̄ჳდიხ, ჲერხი ჳოხუშდს ი ჲერხი იშგჳიდთექა, მარაМ
Line: 13 მე̄ჳარ მამჭირჳა̄ლდ იჴდეხ თეთრს. ჩჳანტხენიხ ლიგჳირგჳინა̄ლϩნღო
Line: 14 ქორთე ძღϩდ ლათფუშ ი ლაბრჲა̄ლუშ. მეფე-დედფალ უშხჳა̄რ
Line: 15 ხოგდურიხ ი სგობინ ხოჟოღჳხ ჩის მინე მϩნჴრა̄ლას ი ჩჳანჴდენიხ
Line: 16 ქორთე. ყო̄რალჟი ჩუ უდ ესხჳიხ დაშნაჲშჳ ი ხანჯარიშჳ ქალϩწა̄ნაჳშ
Line: 17 ი ეჩა ჩუქჳა̄ნქა ადგჳეწჳნიხ მეფე-დედფალს, ჩჳესსგურნეხ
Line: 18 ქორს, ჩოსგემხ ტაბაგს, ოხჴიდეხ თუს ჲედ შაქარს, ქალახლო̄კჳნიხ
Line: 19 მუჭხჳიო̄ლს ჲერქდა̄შ-იМ ხე̄ქჳნეხ: "ამჟი თუდ ი შაქარდ ლოქ Добавлено (2007-05-31, 5:56 Pm)
---------------------------------------------
20 ოგმეჩე̄ნად!" ჩოსგემხ ჭიქს საჩაინს ჲედ საინს ი მანკჳი ძმობილ
Line: 21 ჲერჳაჲ ი̄რი, ეჯი ესდე̄ს თაჳგადასაგდებს ი ეჩϩნღო იშგენ ეჩეჩუ
Line: 22 მერდე̄ლ ოთჴიდეხ ი სგე̄სდე̄სხ საინთე ჲედ ჭიქთე. თაჳგადასაგდებობ
Line: 23 ერ ქე̄დგა̄თჳი, მეფე-დედფალს ჟანგენა̄ლნეხ ტაბაგხენ ი სერ ხეშდბიხ
Line: 24 ქორს ლიმსახურს მაყრალეშ ი მუშგჳრალეშ. დედფალს ხონჴრი
Line: 25 ლამჳორხენ დად. დად ზურა̄ლს ხაჟხა დედფალი მϩნჴრის ლამჳორხენ. მე̄რმა
Line: 26 ლადეღ დედფალი დიე ლაჴდათე აზზიხ მა̄რას მϩწი̄ს ი ჴϩდეხ
Line: 27 ქორწილთე მე̄რმა ლადეღ გარ. დადს ეჩქაМდ ხაშჩუქრუდახ იმჳა̄ლამ, მარაМ
Line: 28 ათხეМ ზϩმჳშ გარ. მექორწილა ერ ჴედნიხ, ეჯ ლე̄თ ტოლიბაშ მასძელიშ
Line: 29 ლი, მე̄რმა ლადეღ მაყრიშ ლი. ხჳაჲდან ლიცჳა̄ლ ხოჩϩ̄დნიხ მაყრალს
Line: 30 წჳილი მϩნჴრის ი მესჳფელს, მასძელი ლϩწჲა მუშგჳრალს,
Line: 31 ი ხო̄გხ ხანჯრა̄ლობ. ხრმϩნ-ტურმუნ ი ჲესიჲეს ძღϩდ ბϩგი ლიქა̄ჩიელი̄
Line: 32 ლი. მასძელარ აზჳიხ, ხა̄ლ მოშ ხა̄ჲმედახ, ი ლაზჳენჟი მინს ერ
Line: 33 ე̄სამა ხორკენიხ, ნაყირ კადარდ ჲედ მϩძღირდ. ეჩქაМ ხაყლეხ ერე
Line: 34 ღერბეთხჳარა ჩუ ლოქ ეთზაჳა̄ნდ, ოდო მუ̄მბჳიდ ლოქ და̄ს აჯფშჳდე აგითე.
Page: 34 Line: 1 ქორს ერ ჟენგენიხ მაყრალ ქა̄მ ჲეზჳისა, ლი̄ზა̄ლჲა ტაბაგს უდ ხოგემხ
Line: 2 ი ეჩϩნღო ედმუშგჳა̄ნნეხ ლაბϩრცანჲელუშ ი ლატϩრტანჲელუშ მაშდმა̄რ
Line: 3 მუშგჳრალს ი მაყრალს. დედფალი დი ჩუ სედნი ეჯ ლე̄თ ძახლარმϩყ,
Line: 4 მე̄რმა მესმა ლადეღ გარ ღϩრი აგითე. ედგა̄თჳან ქორწილ ლა̄შხისა
Line: 5 ლϩჩმი̄ნ. Добавлено (2007-05-31, 5:57 Pm)
---------------------------------------------
Text: 11
Page: 34
Line: 6
XI. ლა̄შხე ლაგჳან-ლაშდხჳა̄ლ ლეჯგრი-იМ ლაშრაჳა̄ლ. |
| |
| | |
|
Мужчина |
Date: Вторник, 2007-06-05, 5:36 PM | Message # 81 |
|
Group: Проверенные
Posts: 352
Status:Offline
Дата регистрации:
2006-09-07 |
7 ეჯემ ჩუ იდგარი მა̄რე ჲედ ზურა̄ლ, ჩიქ ასაბიაჲ მიჩა ი ღო მესჳფელ
Line: 8 ჴედნი მაგ ი ჩუ იგჳა̄ნეხ თჳთო̄ლაჟი მაგ. ეჩϩნღო ჩეჳეხ მეხჳბარალ
Line: 9 უშხჳა̄რისა ი ხაკფϩნეხ ლϩდგარა ქორშალს, ლაგჳან ლოქ ამკალიბ
Line: 10 ლϩჩმϩნად ი ხა̄ლ მოშ ხოჩულ ლაგჳანს ხაჩმა̄ნდჳნეხ, ეჯი ხოშა ჟახე
Line: 11 ხაბჟახ, ცხიდ დეშერდ ხეკჳეს ოხკϩდის ეჯ ლაგჳანს ი ეჩქაМ ყϩლეხ ერე
Line: 12 ძღϩდ ჟახი̄რიან ლაგჳან ლოქ ლას, სერ ამშა გუ̄ნღა დესამამ აზა̄რეხ.
Line: 13 ხეღჳე̄ნჲა მო̄დე ლϩდგარა პატრონ მეზგას, ეჩაМ სერდე და̄ს ხა̄რ, ღო ქა
Line: 14 ჳოდიხ გიმს ი ეჩა ნაფასჳშ იყდიხ ლელგჳან კეთილს, კჳეცენს კაკალდ
Line: 15 ჲედ ლუგჳეჲს ი არაყს. ხა̄ლ ჩჳედდაგრი მა̄რე მეზგა̄ჲსა, შიშდ ჟი
Line: 16 იბნეხ ლირბიელს ეჯ ქორისა მეხჳბარალე ზურა̄ლე̄ლ ი აშ ირბიელხ
Line: 17 ლაგჳან-ლადეღნუნ. ქა ინგრიშეხ, მინე სოფელისა ჳოშა ქუნ მა̄რე არი
Line: 18 ჲედ ჳოშა მϩნწჳარი ჴედნი ლაგჳან ლადეღჟი ი ეჩა ანგრიშჟი ანმა̄რნეხ
Line: 19 კჳეცნა სეფესკჳერს ი არაყს მუგჳანა̄ლა ლეთრად. Line: 20 ჩულϩდგარϩნღო მე̄რმა ლადეღ კუბი მϩტა̄ბა̄ლას ჴϩდეხ ი ჲერუ
Line: 21 ლადეღ ჟატა̄ბიხ კუბს ი ქალϩგა̄თუნღო სგა̄სგჳჯინეხ კუბთეჲსა
Line: 22 ლϩდგარს ი კუბ სგობინისა ჩჳაფი̄ნეხ ნაბადს, სგა ერ ხოჩქოჳიხ
Line: 23 ლϩდგარს. ეჯჲარე მორდები გუ̄ნღა იჩოხ. ღულა̄რ ლოქ დო̄სა
Line: 24 ოხგებეხ სგირიჟი ცარჲელ გიმჟი ნაჩქოჳ. ლϩდგარა მე̄რმა ლესგხენ
Line: 25 ჯო̄დი სკამ ლϩგ ი ეჩეჟი სგურხ ლϩდგარა ასაბიე̄ლ. მუგჳა̄ნა ერ
Line: 26 ჴედნიხ, ჳაჲ-ჳაჲს ესტუ̄ლნეხ ი ასაბიაი̄ ჳაჲ-ჳაჲს ლე̄ქჳნე, ეჩქაМ
Line: 27 მუგჳა̄ნე სგა ლოხჩოქჳი ლϩდგარს ი ხაშϩლდანი ამბჳარს, მა̄ჲმა
Line: 28 ხაშყიდ ეჩაМ ლუჳარდ ლარდოშ ნაჩომ-ნა̄ქჳი̄ს, ამჟი ქა̄ჯო̄დჳნე ლიგჳა̄ნეს
Line: 29 ჳობა ხანს. ამშა ლაგჳა̄ნაჟი ჩუმესგჳრე ასაბიაჲ ჩულუჩჳმე ლიხ
Line: 30 მაგ ი ქა ერ ადგა̄თჳნე ეჯი ლიგჳა̄ნეს, აჯაღ-უდ ლე̄ქჳნე ჳაჲ ჳაჲჲ
Line: 31 ლოქ ი ეჩქაМ მე̄რმახენ ასაბაჲაჲ ოსცა̄დუნნე ჳაჲ-ჳაჲჲ ლოქ ი ამჟი
Line: 32 ქე̄ნხირსი თჳითო̄ლაჟი. ჲერჳა̄ჲ ჩუ ი̄რდიხ ეჩეჩუ მუგჳა̄ნა̄ლა. ლაგჳა̄ნ
Page: 35 Line: 1 ლადეღდ ასკბეხ ჩულϩდგარϩნღო მესმა ლადეღს. ძინარს დო̄სგ ჩიქე
Line: 2 ჟენხურჲელი სოფელ ლϩდგარ მეზგე̄მი კალისა ი კარპანისა, ეჩეჩუ
Line: 3 ჟილϩმა̄რე ლიხ ჩი̄მიშჳდ ლესჳფელად ლასგჳრე̄ლ ი ტაბგარ, ნე̄სგა
Line: 4 კალთე ანჴდეხ ჭყინტარ ხოშა ცხიკო̄ლარშჳ ქამϩნაყ სეფსკჳერალს ი
Line: 5 ჩჳესგემხ ნე̄სგა კალისა. ანჴდეხ არაყს უსგჳა იშგჳიდ დორაჲს ი თხუმ
Line: 6 ლϩცი̄ნცას ჩჳესგემხ ეჯისი̄ ცხიკო̄ლარცახან. ზურა̄ლე̄ლს ოხღჳახ ჩი̄ხენ
Line: 7 სოფელხენ ნა̄ყუნჳარ ჩოინ-ი-ცხჳადჳარშ ი ეჯჲარსი̄ ჩჳესგემხ დიარშჳ Добавлено (2007-06-05, 5:36 Pm)
---------------------------------------------
8 გოში ცხიკო̄ლარცახან. მო̄შ ესგემხ ეშხუ ტაბაგს, ჟესსყე̄ნეხ
Line: 9 ეჩეჟი ჲეშდჲერუ სეფსკჳერს, შოთარსი ქϩნშა̄რალსი̄ ი ფაკნიარშჳ
Line: 10 ნა̄ყუნჳარს, იმშა̄ჲ ჩუ ხეღჳენიხ, ჩი̄მიშს. ჭიქარს ესგემხ ტაბაგჟი
Line: 11 არაყჳშ გოშის, ჟანტჳარნეხ სემი მუტჳარს, ესტუ̄ლნეხ: "ჯიმ ლოქ ნო̄სა
Line: 12 ოგჳე̄შდϩ̄ნდეს", ანჴდეხ ჯიმს ი სერ ქა ხაბჟი̄ნეხ ბაპარს, ტაბაგი
Line: 13 ლაჯგირთე ლოქ ანჴადდ, ბაპ ქა ჴედნი ი ჩჳაჯგრი ტაბაგს, ეჩϩნღო
Line: 14 ღოშგინ პილს ლიჯგრი̄ ქალიგა̄თჳა̄ლთე ტოტჳშ ენკედ ბაპ ჯიმს ი
Line: 15 ჟესპიო̄სნე სგობინჩუ მϩსყა ტაბაგჟი დიარალს, არაყს ი ნა̄ყუნჳარს ი სერ
Line: 16 ტაბაგ ძინრი ხეჳსობაშ ჩულϩჯგირ ლი ი ჩუ ისგჳრა̄ლ მაგ მესჳფელ
Line: 17 მა̄რე, ბობშ ი ზურა̄ლ ჟილϩმა̄რა ლასგჳრე̄ლჟი, სგა ხესგჳრიხ ტაბაგს
Line: 18 ი იბნეხ ლიხე̄ჳსა̄ლს ძინრიშს, მახე ჭყინტარ ამღჳინეხ არაყს, ჟი
Line: 19 ხაგხ თხუმჟი ჩუმესგჳრა̄ლას ი ხაჭმი̄ნეხ ლამღჳინა ჭიქს მა̄რემი ქუნე
Line: 20 შელდჟი ჩი̄ს. Line: 21 ეშხუ ხოშა ლალხოშ მა̄რე ჩუ იგნი მϩმზϩრა̄ლიდ ი მასძელსი̄
Line: 22 ბოდიშს ხაყლე ერე ამშელდ მა̄რე მე̄რმაჟი ისგჳემϩყ ლაქორწილდ ი
Line: 23 ლაპრისდა̄ლდუ ლოქ ალხურჲელე̄ლი, ამკალიბ ლოქ ქალϩქა̄ბნეუ ჯა̄რ
Line: 24 სალხინდუ ლოქ ლაჯჴედა ალე მაგ მუშგჳრი მე̄რმაჟი, ლედგარს ლოქ
Line: 25 შჳენდბაუ ხა̄რ ი სგაჲ შჳიდბა, მარშჳნიშ ლოქუ ლი ალ ქორისა
Line: 26 ამკალიბობ ი ეჩϩნღო ჩუ მესგჳრა მესჳფელას ხე̄ქჳნე ერე ჲერჳაჲდ ლოქ
Line: 27 ლადი ხოჩა̄მდ ჟენϩლხინას ი ლϩდგარს შჳენდბა ოთჭირას ი მასძელ
Line: 28 ხოლა̄მდ მო̄დ ანურშონას, ჲერს მადილ ლოქ ხე̄რი ი ჲერს ჟახე ი
Line: 29 შჳენდბა ლϩდგარს ი შჳიდბა ლოქ სგაჲუ ჯა̄რ ი ჩოსშϩნდობნე
Line: 30 ჭიქხენქა ლϩდგარს ი ლე̄ქჳნე აჯაღ: მაჲ ლოქ ამა-ბუა̄სდს ლირდე ეჯთჳაფ
Line: 31 საბრა ლოქ გოგი ჲედ გეგი (მაჲ ი̄რი ლϩდგარა ჟახე, ეჯის ანϩრშონნე),
Line: 32 ეჯი ლოქ ღე̄რბათს ეჩა-ბუა̄სდს ლოქ ლოხტი̄ხა ისგჳაჳ ხოჩა̄მშჳ,
Line: 33 ალე მაგ მასძელ ი კეთილ მაგ ზეთ ლϩჯგირდუ ლოქ ლაჯზაზე̄ნა
Line: 34 ეჩა-ბუა̄სდთე ი ჩულეჲთრე კაჩუშ. ჭიქი ქალϩცრიელან ჩოსჴჳა̄მნე
Page: 36 Line: 1 მე̄რმა ხოშა ი ხომჩა მა̄რას. ეჯი̄ ამჟი ლე̄ქჳნე, იმჟი ამნე̄მ ლე̄ქჳ ი ქე̄სჭიმ,
Line: 2 ეჩჟი ჩი̄ს მიჩა მიჩა ნა̄თიჟი მაგ ამზϩრი მასძელს ი ხოშϩნდობი
Line: 3 ლϩდგარს. ლაშϩნდობჟი ჴაცდ იყდა̄ნიხ გოში ჭიქს ი ქა ბϩბეხ კო̄ჭოლს
Line: 4 ტაბაგთეჟი არაყს ი ალეს ხა̄ჲშხა ლიშϩნდობი ლϩდგარაშ. Line: 5 ტაბაგჟი ხოსყა ჩი̄ს თჳით სემი სეფსკჳერ ჲედ თჳთ ჳო̄შთხჳ ი
Line: 6 თჳით ფაკან ნა̄ყუნ ჲედ მერხელ ჲედ ლობიო ი ჲედ იშგენ, ტელე̄ფი,
Line: 7 ქალაკოდაჲ, მანჭკჳარაჲ ი ჭა̄ნტი, მარაМ ჭა̄ნტის ხოშა ლუგჳნიანდ
Line: 8 ხოგდურიხ ი ბაპრე სგობინთე გარ ჴϩდეხ, იშგენს დეშ ხეხჳი ჩი̄ის
Line: 9 ლერგაჳიდ. Добавлено (2007-06-05, 5:36 Pm)
---------------------------------------------
10 ისგ-ხეჳსობჟი ენთიშნე სოფელ მოსფლაჳა მა̄რე̄ლს სემი-ღე̄თს
Line: 11 თემნ ი თემნ ი ადზϩზნეხ საყდრი სუფთე საფლაჳი მუქჳცად.
Line: 12 ისგლიდჲარა̄ლϩნღო ქა ჴედნიხ ქორხენ ლϩდგარა ასაბიე̄ლ, ხოფშირა ლიხ
Line: 13 ზურა̄ლე̄ლ, ფათჳარ ჩი̄ს ჩულϩფხი̄ჟ ხა̄რხ ი ლარჭა̄ლუშ მაგ ი
Line: 14 ლატე̄ნტა̄ლუშ ქა̄ნჴდენიხ ქორხენ ი ჩჳესსგურიხ კალეპილისა, უშგჳ ჩი̄ს
Line: 15 მესჳფელ ჩუმესგჳრე მოხე̄ჳსა̄ლ ხალხთე ხე̄რიხ ი ჟი იბნე ეშხუ, ხედი̄
Line: 16 ხოჩულ მორე̄ჭა̄ლ ი̄რი, ლირე̄ჭეს მე̄ჳარ კϩლთხი ჲერშჳ ერე ჩი̄ს ქა̄თსϩ̄ნდეს
Line: 17 ჩუმესგჳრა ხეჳსობდ ლϩმშდϩმა ხალხს. ეჩა ლირჭა̄ლს სგამϩნჴრი
Line: 18 მიჩა ზურა̄ლე̄ლ ხოქჳიქჳინიხ, ჳოშელდინი̄ ჩჳაქცე, ეჩშელდინ ი
Line: 19 ეჯი ქა იშϩლდანი ჩი̄ს ლარჭა̄ლუშ, მაგჳარღენი̄ ლას ლϩდგარ, მარაМ
Line: 20 ხჳა̄ჲდინ სურუს აფშჳდიხ გარ ი ხოლა ე̄სამა ხოჩმი̄ნა ჲედ მედგარი ლას
Line: 21 არგებს ხოლა მა̄რე, ეში̄ აფშჳდიხ ი ხოლა ლიმა̄რს და̄რ არშჳნი ათხეМ
Line: 22 ლარჭა̄ლჟი. ქა ერ აგა̄თჳნი ლირჭა̄ლს, ხე̄ქჳნე მესჳფელას ლარჭა̄ლუშ
Line: 23 ერე ჳოდ ლოქ ამϩნღო სგაჲ ლოქ დო̄სა ლეჯნეჩდე̄ნდეხ ხინჟი̄ ჭირჟი
Line: 24 საბრა ლოქ (ჲერჳაჲ ლϩდგარ ლი, ეჩა ჟახე ხეკჳეს ლე̄ქჳას), ეჩქაМდ ლოქ
Line: 25 ისგჳე ხოლა ნო̄სუ ხასმა. მესჳფელახენ ჟი უდ ენგენი ხომჩა ლალხოშ
Line: 26 მა̄რე, ლეჲყედნი ჭიქს, ხექჳნე მϩრჭა̄ლს, შჳიდობდუ ლოქ ალშუმე̄ლხი,
Line: 27 ი ჩოსშϩნდობნე ლϩდგარს. ამჩემჟი მაგ ეჩეჩუ მესგჳრა̄ლა ჩოსშϩნდობნეხ
Line: 28 ი ჩუ ლე̄ჲთრეხ გოში ჭიქარს არაყჳშ. ჳო̄ბა ხანს ლი ძინრი
Line: 29 ხეჳსობ, ჳოდ გულჲანდ ჩუ დო ედშდϩმიხ მაგ
Line: 30 ლუზურა̄ლ-ლϩბობშ-ლუღჳაჟმა̄რდ ი ჟენგენიხ სერ ტაბაგხენ. Line: 31 ათხეМ მასძელა მეღჳნა ჭყინტარ ჩჳესგემხ კალისა ტაბაგს ი ეჩეჟი
Line: 32 გობჳშ არაყს ესდე̄სხ, დიარალი̄ ჩუ ი̄რდიხ, მარაМ ფიშირ მა̄მა ი ჲერჳაჲს
Line: 33 ხეკჳდი არაყ, ითრϩნი აჯაღ ამეჩუ. ალეს საყე̄ნს ხაყლეხ. ასაბია
Line: 34 სგა ხასგურ ლϩდგარა კუბს ათხეМ. Page: 37
Line: 1 სერ იბნი ლიგჳა̄ნე მესჳფელახან ი მϩნწჳარახენ. კუბი ნაფდიაქა
Line: 2 ზარს ყϩლეხ მოზარა ჲერუ ბუნდ, ეჯჲარს მინე არყი მϩმღჳინე ჟი
Line: 3 ხა̄გხ ი ჩი შელდჟი ხომღჳინე. მუგჳა̄ნა̄ლა ანღრიხ თჳითჟი ი ჩუ
Line: 4 იგჳა̄ნეხ, იმჟი ჟიხი ხაჲრა, ეჩჟი. ზარ ჩუ უქჳი̄ცად ლი მეჲად. კუბჟი
Line: 5 ლϩდგარა აჳეჯ მაგ ჟი ხა̄ზ, მუთთუნი ე ლას, ღო ყა̄ლჲანშჳ თუთუნი
Line: 6 ლათთუნა̄რი ჟი ხა̄ზ კუბს. თოფ, ტამბაჩაჲ ხანჯარ, ე
Line: 7 ხუღჳა̄ნ დაშნაი̄, ლა̄რტყ, ალჲარ მაგ ჟი ხა̄ზხ კუბს. მესჳფელϩნქა
Line: 8 ჴედნიხ მე̄რმა სოფლარხენ ტერ-მოყჳარ მაგ ლϩნწჳარდ, ძახლარალ
Line: 9 ლϩნწჳარდ. ნაწჳარდ ოხღჳახ აშირ ი ჲეშდ დიარ, სეფსკჳერ,
Line: 10 დორაჲ არაყ ი მიჩა ნა̄ყუნ. სგამϩნჴრი ხეყე̄ნი, ხა̄ლ მოშ ხოფშირა̄მ |
| |
| | |
|
Мужчина |
Date: Вторник, 2007-06-05, 5:39 PM | Message # 82 |
|
Group: Модераторы
Posts: 990
Status:Offline
Дата регистрации:
2006-08-29 |
11 ითხე̄ლნე ლანწჳართე მϩნჴრი მა̄რას, ეჩშელდ, ჲერჳეშდ-სემეშდთექა
Line: 12 ეში̄. მუნწჳარს, ჳოდ ჩუ იგჳა̄ნეხ, ეჩქაМდ ჩჳასგჳრეხ კალისა ჲედ მეზჳბელი
Line: 13 ქორისა ი ხევსობს ხაბნა̄სჳნეხ. ხოჴდეხ სეფსკჳერალს, არაყს,
Line: 14 ნა̄ყუნს ი იხე̄ჳსა̄ლხ მუნწჳარა, ეშხუ მϩრე̄ჭა̄ლ ეჯჲართე̄ჲ ქა̄ნჴდენი.
Line: 15 ლიმზϩრა̄ლს ი ლიშϩნდობის მუნწჳარა̄ჲ იჩოხ ეჩჟი, იმჟი̄ მესჳფელ იჩმϩდა
Line: 16 ხეჳსობჟი̄ნ. ხევსობϩნღო ჟენგენიხ მუნწჳარა, სგა ღϩრიხ ლϩდგარა
Line: 17 ქორთე ი ჩუ იგჳა̄ნეხ ლϩდგარს. ძინრი ხეჳსობჟი ტაბგი ნაჯგრუ̄ლ
Line: 18 ბაპს ხაჳდიხ ჲეშდჲერუ სეფსკჳერს ი ეშხუ ბოთ არაყს. ლიმა̄ჲდა̄ლე
Line: 19 დროჲს ერ ხათერხ, ეჩქაМ სერ ასაბიაჲს ხაბნა̄ლჳნეხ გამოთხოჳებას ი
Line: 20 ეჩϩნღო ქა̄სგჳჯინეხ ლϩდგარს ყო̄რქა ი ჲეზჳისა ხეჩოხ ბაპარ წეს-აგებას.
Line: 21 თჳით მუტჳარ-ჟი ლუტჳარ ჩი̄ს ში̄სა ხოყდა̄ნახ წეს-აგებაჟი. ქა
Line: 22 ერ ედგა̄თჳი ბაპარხენ მინე გჳეშ, ჟალჯენიხ კუბს თეკჳარშჳ ი ქა̄სგჳჯინეხ
Line: 23 საყდრი სუფთე. ლასგჳჯინაჟი ლϩდგარაშ ზარ უქჳი̄ცად ხეკჳეს
Line: 24 ლე̄სეს. ჩუმექჳცა საფლაჳისა ჩჳაშდხჳიხ ლϩდგარს. Line: 25 ჩუნატეხϩნღო ხაზნახ ქორს, ლϩდგარა ნარდჳისა აზმა̄ ლიჩომ.
Line: 26 აზმანღო ჴϩდეხ ნაწჳარალს მინე ნაჴიდს მონწჳარა ი ჩჳაჯგრიხ ბაპარ
Line: 27 ი აჯაღ ჩუ უდ ისგჳრიხ დი̄რობდ. მონწჳარა მინე ნაჴიდს იზბიხ ი
Line: 28 სოფლი მა̄რაМს მასძელ ხოჴდე სეფსკჳერალს ი არაყს ი ხა̄რხ ჳო̄ბა ხანს
Line: 29 ლიდჲარა̄ლ ი ლითრე. ხჳა̄ჲდინ ძღϩდ ლიცჳა̄ლიელ ხაზნახ ლაგჳნობჟი
Line: 30 მუწჳრი ი მუწჳრი ამკალიბ ჩიქა ხედრა̄ლხ უშხჳა̄რ ლეთხნად. მაშდმა̄რჟი
Line: 31 არყი ნათუნ ერ ლიხ, ეჩქაМ დე̄სამამ ხერი̄და̄ლხ ი ხჳაჲდინ ლი
Line: 32 ძღϩდ ხანჯრა̄ლობ ი ლიქა̄ჩიელ. მახმა̄რჟი შჳანისა ძჳირდ ე̄სა ლი
Line: 33 ლიყა̄რიელ, მარაМ ჩიგარ მაშდმა̄რჟი ხაზნახ ლიყა̄რიელ. Line: 34 ჩულუშდხჳან ლϩდგარაშ ეჩქად ხოხა̄ლდახ "ლარგაჳ". ჳოშა̄ჲ სოფელისა
Page: 38 Line: 1 მა̄რე, ბობშ, ზურა̄ლ ი̄რდი, ეჩშელდ ჲერუ სეფსკჳერს ხორგაჳდახ
Line: 2 ჩი̄ს სოფელისა მერდას, აშ ერე მეზგა̄ჲსა ჲერჳეშდ ქუნ ე ი̄რდიხ,
Line: 3 ეჩქაМ ჳო̄შთხჳეშდ სეფსკჳერ ხეხჳი ეჯ მეზგას ი ჲერუ მა̄რემი ქუნჟი
Line: 4 ეშხუ ყურუშგაჲ არაყ, ჩარექი ნაზϩმ. არყი მϩქაფ ღჳინელს ხორგაჳდახ,
Line: 5 მარაМ ლეჩხუმს ერ ჟენძჳირა̄ნ ღჳინელ, ამხაჳ შჳანთეჲ ძჳირდ ე̄ს
Line: 6 ოხღჳახ. ათხე̄ დროჲჟი ლარგაჳ ქამეშყდე ლი, მარაМ ეჩაМ მϩქაფ ლაგჳანს
Line: 7 ლეხცხა̄ნ ი ძღϩდს იმკჳედეხ ლაგჳან ლადეღ. Line: 8 ლაგჳანϩნღო მესმა ჲედ მეჳშთხჳა ლადეღ ბაპს წირს ხაჩმუ̄ნდჳნეხ
Line: 9 ჳორა ყჳიჟიშს. ითხე̄ლიხ ჳორა ყჳიჟიშდ ჟინაღს ჲე ღოლჲა̄ქს, ღუნსი̄
Line: 10 ლებტკϩ̄რი ხამსი̄ ი ლორს, ანყეხ ფიშირ დიარალს, ჲერხის ლϩჩი̄დარს
Line: 11 არაყს ხჳაჲს ამა̄რეხ. წირი ქამეჩდან ჟანსყიხ ტაბაგს, ჟი იდე̄სხ Добавлено (2007-06-05, 5:38 Pm)
---------------------------------------------
12 ეჩეჟი გობარშჳ ლეღჳარს, ბატკიშ მო̄შ, ლორიშ მო̄შ, ჟინღიშს მო̄შ,
Line: 13 ღუნიშ მო̄შ, ლϩჯმარე̄ლს, თაშა̄რალს, ლϩჩი̄დარს, შჳეთარს. ნე̄სგა
Line: 14 ტაბაგჟი კამარაჲს ესგემხ წϩრნი ი თჳეთჳნე ლϩგრალშჳ ლϩსკო̄რას ჩი̄ხენ.
Line: 15 ხილსი̄ დე̄ ხაკჳდა̄ნეხ ტაბაგს. ლაძჲელე ტუფჳარს ტაბაგ ჩუ ქჳა̄ნ
Line: 16 იდე̄სხ, თხუმჳარსი̄. მუთთუნი ე ი̄რო̄ლ ლϩდგარ, თუთუნი ი̄რდი,
Line: 17 ყა̄ლჲანი̄ ჟი ლϩბდინე. მაგ ერ ამჟი ენგა̄წყობ ლი, ჯიმ ლოქ ნო̄სა
Line: 18 ოგჳე̄შდϩნდეს, ლე̄ქჳნეხ ი როდინშჳ ჯიმს ესგემხ ი ეშხუ ზურა̄ლ, ხედი̄ ხოშა
Line: 19 ძირიშ ი̄რი ჩულϩდგარაშ, ანღინე, ჩჳესსგური ტაბგი თხუმისა ი ჟენბინნე
Line: 20 წყნა̄რო̄ლდ ჩიქე ლიქჳიქჳინის, ღო ჟი ლახცხემ ჲერს ი ღოშგან
Line: 21 პილთე კϩ̄ლთხიდ ხერჭა̄ლ ჳო̄ბა ხანს ლϩდგარს. ამϩნღო ჟენკიდ
Line: 22 დი̄კონ ეშხუ ჭიქ არაყს, სგა̄დკჳა̄ნნე ეჩხა̄ჳთე̄ჲსა ლეღჳი ნახჳიტუ̄ლს ი
Line: 23 თჳითო̄ლაჟი ქა̄ხჭემნეხ ჩი̄ს ქორს მერდა̄ლას, ქა ლეჲხუ̄ლნეხ კოჭო̄ლს
Line: 24 ჭიქხენქა არაყე̄ლს ი ჩოსშϩნდობნეხ ლϩდგარს. მაგ იჩო ამჟი ქორშალ
Line: 25 ი ნაქა̄მჳარ ალ მეზგა̄ჲსა, მარაМ ჲერჳაჲ მე̄ჳარ სგა̄ხი̄შ ი̄რი ლϩდგარაშ,
Line: 26 ეჯი დე̄მ ხაგემ შდიქს. ათხეМ ჳოხდრისს ხოშა ტაბგი ლიჯგრა̄ლნუნ-ლიშრაჳა̄ლნუნ,
Line: 27 ალ ლადეღ დე̄მ აშრაჳიხ. ჲერხი გარ აშრაჳიხ ქორშალარ
Line: 28 ი ნაქა̄მ მეხჳბარალ. ალ ლადეღ ლϩწჲე ლიხ მეხჳბარალ ჲერხი
Line: 29 ძახლარ, მოსფლაჳა ი მომსახჳრა. ჭყინტარს ჩი̄ს ჩჳესსგურნეხ ი ხე̄რიხ
Line: 30 ხინ ეჯ ლადეღ. ალე ი̄რი ჳორა ყჳიჟ. Line: 31 სერ ჳორა ყჳიჟϩნღო ლეხმა̄რიხ მუჟღჳრაშჳდ ხოშა ტაბგი ლიჯგრის.
Line: 32 ეჩქა̄შიშჳდ ძღϩდ ლიმა̄რა̄ლ ხაწϩხხ. ეჩქაМ ხჳაჲ ხარჯ ხედი
Line: 33 ღალ ეჯ ლϩდგარა პატრონ მეზგას. ძღϩდ დო̄სგნეშ ხაგნეხ ლა̄ნშყას.
Line: 34 ხოშა ნაღალდ ხამს, დო̄რიღოი̄ ჴანს ჲედ ფურს, ლებტკϩ̄რისი̄
Page: 39 Line: 1 ათხანეშ ლეხმა̄რიხ ი ა̄ნშყეხ. ერ ასკბეხ ლეჯგრი ლე̄თს, ეჯ ლადღიშდ
Line: 2 ენჲერნეხ ზარჳლარს ი ლეღჳარე მϩმა̄რა̄ლას, ქა ხაწჳე̄ნნეხ ზარჳლარს
Line: 3 ლუჳარდ ლაძჲე̄ლს ჩი̄ს, მა̄ჲმა ხაყახ ლეჯგრი ლე̄თიშჳდ ი იშგენ
Line: 4 კეთილსი̄ ქო̄ხჳიდეხ სგობინჩუ. სერ მასძელი შგურ ი ჟახე მაგ
Line: 5 ზარჳლარე გჳეშ ლი. მაგჳარდი̄ ხოჩა̄მდ ი გაგფი̄რიანდ ესჭემნიხ მინე
Line: 6 კი̄ნჩხთეჟი ლϩჴი̄დ გჳე̄შს, ეჯი მინე შგურ ი ჟახე ლი სერ. კეთილს ე დოშ
Line: 7 ოხჴიდე მასძელ, ეჯი ლი მასძელი შგურ, ოდო კეთილ ჩუ ი̄რდი ი
Line: 8 ალჲარ ე დოშ ათხჳი̄ნეხ სახ-კაფს, ეჯი სერ მინე კი̄ნჩხი ქჳეცა ი̄რი, ოდო
Line: 9 მასძელიშ მა̄მა სერ. ჲაღო, საბრა, ამჟი ლი ალე! ეშხუ მა̄რას ადზϩზნეხ
Line: 10 დო̄სგა̄რა მϩწჲენა̄ლიდ ლეწჲენა̄ლიშ, ძახლარალეშ ჩი̄თე, იმე̄ჲ ჩუ
Line: 11 ხეყე̄ნი მასძელს მიჩა ეზარ-მა̄რე. ბა̄ზი ეზარ-მა̄რე მაგ ჩულეწი̄ ხა̄რხ,
Line: 12 ლახჳმარა̄ლ გჳეშ მა̄ ლი ლიჯგრი ლე̄თ, ხოშა ლაშრაჳა̄ლ ლე̄თ ლი ალ Добавлено (2007-06-05, 5:38 Pm)
---------------------------------------------
13 ლე̄თ ი მაგ ხეკჳეს ხეწეს, მაგჳარ ლაშრაჳა̄ლ ლე̄თს ედჩო ი მაგჳარ
Line: 14 ჟახი̄რიან ტაბაგს ოსჯგირნეხ ლეშϩნდობი გეგის (ჲედ მა̄ჲ ი̄რი ლϩდგარა
Line: 15 ჟახე, ეჯის ლე̄ქჳნეხ). მესჳფელი ლაწი̄თე ნებჳზა პილთე გარ აზϩზიხ
Line: 16 მϩწჲანჲელას. თჳით მა̄რე მეზგახენ ჲედ თჳით ჲერუ ი̄რიხ
Line: 17 ლϩწჲე. ხოჩა ლϩცხირდ ხო̄მბჳიხ მϩწჲანჲელა ლეწი̄ მეზგას ერე ამშელდ
Line: 18 ი ამშელდ ლოქ ხიდ ბა̄ზი ლაშრაჳი̄ნა̄ლთე ლϩწჲე ხაბაჲშე̄რთე
Line: 19 ლოქ (ჲედ მე̄რმა თემი გჳარს ხე̄ქჳნეხ, იმე̄ჲ ლიშრაჳი̄ნა̄ლ ხე̄რიხ).
Line: 20 ლϩწჲე̄ლ ხჳაჲს მა̄მ ირა̄გეხ ჩუ ლϩწჲანღო ი ჴედნიხ დროჲა̄შ ეჯჟი ერე
Line: 21 მϩსყა ლეჯგრი ტაბაგს ხეკჳეს ჟესი̄დეხ, ოდო ამგჳარ მა̄ჲ ხჳაჲხან ხე̄რი
Line: 22 ლეღლი მასძელს ლϩწჲე̄ლეშჳდ, მუშგჳრალე უწედდ ტაბგი ლიჯგრი ეში̄
Line: 23 წეს მა̄ ლი. სოფლი მა̄რე მეზგაჟი თჳით ჲედ თჳით ჲერუ მაგ ლეწი̄
Line: 24 ლი ლაშრაჳა̄ლთე ეჯ ლე̄თიშდ. სგა ლიჴდა̄ლს ლϩწჲე̄ლ მაგ ამჟი ყϩლეხ,
Line: 25 სგა ერ ხოქა̄ბიხ ქორა ლაგა̄გის: სალხნიაშუ ლოქ ლი მე̄რმაჟი ალ ქორისა
Line: 26 ამკალიბობ. ალე ლი სგა ლიჴდა̄ლე სალამ. ჩუ ერ ედლე̄თი ნებოზს,
Line: 27 ლϩწჲე̄ლ მაგ მეჴდე ლიხ ქორთე. ლემეს ძღϩდ ლუღუ̄ზე ხეკჳეს
Line: 28 ხეშჳე̄ნდეს გაგანიაჲ ქორს ლასგიდი გუ̄ნღა გარ. ჟი ერ ენზორი მაგ,
Line: 29 ნაქა̄მ მუშგჳრალ ი მესჳფელ ლϩწჲელ, ქორ თელდ გოში ლი მა̄რაჳშ,
Line: 30 ბობშ ი ზურა̄ლშჳ ი მაგ მϩსყა ტაბაგთე ღალ ისგდი, ქუნუშ არიხ, შომა
Line: 31 ლოქ ედჯგირი. ერე ლისგჳრე ი ლილხნე ხეღრისე̄ნდეხ, ხოშა ნაღალდ
Line: 32 ლეღჳი გუმა̄რა ხა̄რხ. Line: 33 ლეღჳ მე̄ჳარ ხალატ ჩი̄ს მუშჳან მა̄რას. ძღϩდ ხასჲამხ ხოჩა ლუგჳარ
Line: 34 ხამრა̄ ლიქლა̄თე ხოჩა გეჩჳშჳ. გეჩარ ლეღჳი ლახტუ̄რად ჩი̄ს
Page: 40 Line: 1 მინე-მინეშ ხა̄ბ ქა ლა̄რტყქა, ხოჩა ტუფი ჳორჩხჳშ ჩულϩწი̄ბ. გეჩარ
Line: 2 აშ ლϩშე̄რე ხუღჳახ ერე ფათჳს იკედ. ეჯ კალიბ ლϩშე̄რა გეჩს ხაყლეხ
Line: 3 ერე ლϩსϩნსალე გეჩ ლოქ ხა̄ბ ეჯის, ამჟი არშჳნიხ გეჩი პატრონს. ხჳაჲ
Line: 4 ე ხერა̄გიხ ტაბგი ლიჯგრა̄ლნუნ, ჲერხი ღალ მე̄ჳარ იკϩლდა̄ლ, გჳიან
Line: 5 ლოქ ლი ეში̄ ი იმშა მϩღლი ლოქ ხიდ სერ, ჩუ ლოქ ელსგუ̄რდედ.
Line: 6 გობარშჳ ერ თუ̄რეხ ხოჩა-ხოჩა შუმიშინუკჳი ლეღჳარ ტაბაგჟი,
Line: 7 მუშჳან მა̄რე სურუ გუმა̄რუშ მეწჳინდ ლისგდის დეშ ღალ აბდაჳი
Line: 8 ტაბაგთე ნაღალდ, ეშ გარ ხეჭყჲოლა̄ლ მე̄რმა სგირიხენ ხϩნსგად ჩუ
Line: 9 ლუტკუ̄ნა თე̄რალშჳ ლეღჳი ლიზობი ნამწაჳოშ ი გუმა̄როშ. ლეღჳაჲ მაგ
Line: 10 ძღϩდ ლი მუშჳან მა̄რე. აშ ლეზობსი̄ ჳო̄ბაშს იზბი მუშჳან, მარა
Line: 11 ლეღჳილაზობისა დე̄მსგი მა̄რე მოშ ხეგნი სგა. მი მიცϩხ, ამშა მϩ̄ირენის,
Line: 12 ჲერხი ეჯ კალიბ ლეღჳაჲ მა̄რე ერე ეშხუ ხოჩა ლაძჲას საკჳთარდ ჩუ
Line: 13 იზბიხ, მინე მანდაჟი ე ხეღჳე̄ნიხ. მასძელს, ჯეი̄ მუშჳან ლი, ალე მაგ Добавлено (2007-06-05, 5:39 Pm)
---------------------------------------------
14 ჩუ ხოხალ ი მაჲ საკჳრელ ლი, ხჳაჲ ლეღჳ ხეკჳეს ენმა̄რას ლაშრაჳა̄ლჟი̄ნაშჳდ,
Line: 15 ოდო მა̄ნკჳი̄ ნაჴიდს ლაგფარს ერ ჩჳესურტყჳნეხ მიჩა მუშგჳრალ
Line: 16 ი ეჩϩნღო ტაბაგჟი დო̄სამა ხეგფიხ ი ცარჲელაჲ ტაბაგ გარ
Line: 17 ხეგმიხ სგობინჩუ, ალე ძღϩდ შგურ ლი ლუშნუ წესჟი̄ნ ი ძღϩდ
Line: 18 თაჳლაფი თხეფა მასძელიშ ერე მუშგჳრალ ლოქ ჩჳაწჲე, ლაშრაჳა̄ლთე-იМ
Line: 19 ტაბაგთე ლეჴდე ლოქ დე̄სამა ხუღჳა̄ნდა საბრა ლოქ ეჯის ი ალეს
Line: 20 სერ ძღϩდშჳ დაგრა ხოჩა ლუშნუ წესჟი ი ძღϩდ კი̄ნჩხ მექჳცე ხაბჟახ ეჯ
Line: 21 მეზგე ი იჳალადღი საყდურდ ხესდენი მეზგას ეჯ ლე̄თი სახმახი
Line: 22 კჳედა. მაგ ხეკჳეს უზმად ხუღჳა̄ნდეს. ხა̄ლ ლახთერ ერე ტაბაგჟი ლეღჳ
Line: 23 ი დიარ ხეკჳდენო̄ლნიხ, შიშდ ხეკჳეს ხოქმϩდეს მახა-მახად ნაჴიდ ლაგფარს
Line: 24 ი დიარალს ტაბაგთეჟი: "ეშუ ჯა̄რ ღერთა ჟϩრ! ლეღჳ ე საყოფდ
Line: 25 ჩუ ხეღჳე̄ნიხ, ეჯი გემჟი ენსრა̄სახ მუშგჳრიდ ი მასძელდი̄ ნო̄მ ჯალა".
Line: 26 ამკალიბობ ბეგარშა̄ლ ხაგადხ სოფლიშ ი ეშ დე̄მამ იმდუნეხ ეჯ მეზგახენ,
Line: 27 იმე̄ჲ იბზიხ. ლადი ეჯის ხეყარ ალ გჳეშ, მϩხარ მე̄რმას ხელკი,
Line: 28 მϩხარ ეჩხენ მესმას ი ამჟი ქა იხრისი მაგ. ჭირიში ი ხინი ულაკ და̄რ
Line: 29 ლი, ალე ლაჲრაკდ არი, მიჩა მიჩა დროჲჟი ჩი̄ს ლოქ ყო̄რს ხეგნი
Line: 30 მიჩა ნა̄თი ჭირიხინ. მიშგჳამϩყი̄ ლოქ ამჟი მე̄რი ლეჩომ ი სერ იმნარ
Line: 31 ლოქ ათზა̄რა ამეჩუ̄ნა კეთილ ლეზობ-ლეთრად. მი ლოქ და̄რ ამზა̄რნე
Line: 32 ეში̄ ი ალეს ერ აჭკჳარიხ, ჩუ დე̄სა იზბიხ ლიზობჳშ ი ლითრეჳშ.
Line: 33 ლაჲყრა̄ლს ხაგნეხ ლეჟრი მϩხϩრჯი მეზგას ღალ, მარაМ ცოდ მა̄მა ლი ეჯი̄.
Line: 34 ეჯი̄ ამჟი იჩო, ქა ლახ ადრი მე̄რმა აგითე ლϩწჲად. ლეზობ-ლეთრას
Page: 41 Line: 1 ლოქ ერ ხა̄ჳდი ღე̄რბეთ მა̄რას, ეჯის ლოქ ჟი ლიჴმარი ხაკუჩ. ჲერჳაჲს
Line: 2 ლოქ მო̄მა ლოხმამა ი ლოხო̄შჳა, ეჯის ლიტმე ლოქ გარ ლახსედა.
Line: 3 ალ არაკ ჩი̄ს გუ̄ჲსა ხო̄ზ ი ლა̄ქჳისდ ხუღჳახ ი აშ აჭკჳარი მაგ ი
Line: 4 ამღა და̄რ აზა̄რე უშხჳა̄რ, მϩიმახჳიერ ხოგდურიხ ლაზობ-ლათრაჟი
Line: 5 უშხჳა̄რ. ლიშრაჳი̄ნა̄ლ ლე̄თ ჩჳადშარჳიხ ლეშრაჳი̄ნეს, ჲერჳაჲ ი̄რი ჩუ
Line: 6 მესდე ქორისა უშრაჳი̄ნად, ხოშა ნაღალდ ზურა̄ლ სედნი უშრავად
Line: 7 ამზუმ ხანს ლეჯგრინუნ. ლიშრავი̄ნეს შდიქილიგემს ხაყლეხ ი ეჯჟი̄ნ
Line: 8 იჩოხ, იმჟი ჳორა ყჳიჟჟიМ ლას. ჩულϩშრაჳან ბაპ ტაბაგს ადჯგირნე,
Line: 9 ეჯ ლადეღ მინე მϩმწირჳელი ი̄რო̄ლ ბაპ ი ჩჳესსგურიხ ლაზობ-ლათრად
Line: 10 ეჩეჩუ მერდე მაგ. ღჳაჟარ მო̄შ ი ბობშ ი ზურა̄ლ მო̄შ ეშხუდ, ადგენნეხ
Line: 11 ტოლϩბაშს ი ანϩრშონნეხ ლϩდგარა ქუნარს, ჩოსშϩნდობნეხ
Line: 12 ჭიქჳშ ი ჟენბინი ხინ. ლეღჳილაგაფს მიჩა ულუფს ოთჴიდეხ ჩი̄ს ი
Line: 13 ჟანკო̄ჩნეხ ეჩა სგობინ ტაბაგს ფოშა ლაგფარშჳ ი დიარალშჳ. მეღჳნა
Line: 14 ჟი ხეგნიხ თხუმჟი სტამა̄ნარშჳ არაყჳშ გოშიჳშ ი ხომღჳინეხ მა̄რა̄ |
| |
| | |
|
Мужчина |
Date: Вторник, 2007-06-05, 5:42 PM | Message # 83 |
|
Group: Проверенные
Posts: 352
Status:Offline
Дата регистрации:
2006-09-07 |
15 შელდჟი. ქა ჴედნი ისგ დი̄რობϩნღო გჳეშ წკაპართექა. ჩიქ თჳით
Line: 16 ჲერუ ჭიქჳშ ლეჲთϩრეხ, ღო თჳით სემიჳშ, ღო თჳით ჳო̄შთხჳშ, ღო
Line: 17 ჳოხუშდშჳ, უსგჳაჳშ ი ხა̄ლ მოშ ლეხგეჭნიხ უშხჳა̄რ ლათრას, ეჩქაМდ აშ
Line: 18 ხოქმϩნიხ ჭიქარე შელდს ი ამშელდინ ლეჲთრეხ არაყს. ჲერჳაჲ სურუს
Line: 19 ედშდϩმი ი ლირთე მო̄მა ხე̄ჲმედი, ჟენგენი ი ქა̄დინე მე̄რმა სგირითე
Line: 20 ჲედ აგითე ადინე მიჩა ი ჲერჳაჲ ღოშგინ პილდ ჩჳასდენი
Line: 21 ტაბაგისა მϩთრად, ეჯი ი̄რი ჩიმი მϩსრე ეჯ ლე̄თჲა ლათრაჟი. არგებს
Line: 22 ტოლიბაში̄ ჟანგϩნა̄ლას ჲერჳა̄ლად ტაბაგხენ, ხოჩულ მϩთრე ე̄რ ხეჩϩდი
Line: 23 ეჩშელდ მა̄რა̄ჲსა. ჳო̄ბაშ მე̄რმა ლადღიშდ ასდენიხ ხოშა ნაღალდ
Line: 24 ნაქა̄მჳარ. ლიშრაჳი̄ნა̄ლ ლე̄თ ჩიგარ ლელე̄თად ხოხალხ Line: 25 ტაბგი ლაჯგირჟი, იმჟი̄ ერ ლუჳარ მა̄რე ლეხსგური ტაბაგს, ამჟი
Line: 26 ანსყე̄ნნეხ ლელშანს ლერქჳალეშს. არშულ-ფატანს ლახდე̄სხ ჯჳარი
Line: 27 სახდ მϩსყა ფაუს, სგა ლახქჳემხ საგულს, შარჳალს, ჩლუქჳარს,
Line: 28 მესტარა̄ლს ი წუღზარა̄ლს, ჳოსარს, ლარტყს ქა ლახბემხ, ხანჯარს.
Line: 29 ტამბაჩაჲს ჲედ ლიჳერს ჩოხწებნეხ, ფაყჳს ჲედ ბაშლϩყს ჟესგემხ
Line: 30 თხუმჟი ი ალ ლელშანს ხერე̄ჭა̄ლხ ზურა̄ლე̄ლ ლეჯგრი ლე̄თ ტაბაგჟი
Line: 31 ჩუ ლიჯგრა̄ლნუნ ტაბგიშ. ეჩϩნღო ჟი იკედხ ი ლერექჳს ჩჳაშხჳნიხ
Line: 32 მინეშდ. შჳანს ლერექჳს ჩი̄ს ბაპს ხაჳდიხ, ნაჯგირ მინეშდ მა̄ შიდ, ბაპაშ
Line: 33 ლი, მარაМ ლა̄შხს დე̄მ ხაჳდიხ ბაპს ლელშან-ლერქჳალს, მინეშჳდი̄
Line: 34 დე̄მ იწნაჳიხ. ჯჳინელდ ლა̄შხსი̄ ქა ხა̄ჳდინახ, მარაМ ათხეМ სერ და̄რ ხაჳდიხ
Page: 42 Line: 1 ლელშან-ლერქჳალს ბაპარს. ლϩდგარ ე ზურა̄ლ ი̄რო̄ლ, ღო ლეზჳრა̄ლ
Line: 2 ლერქჳალს ხოჯგრიხ ლϩშანდ, ჩი̄ს ეჩჟი ლϩგაწყობლად, იმჟი
Line: 3 ლუჳარდ ლარდუშ ირქჳა̄ლნო̄ნ ეჯ ზურა̄ლ. Line: 4 სერ ლუშნუ ხოშა-ხოშა წესარ ჩუ ლϩჩომ ლი ლϩდგარაშ, მარაМ
Line: 5 საკურთხალ ხა̄რ ლეჴდე ლϩდგარა პატრონ მეზგას ჩიგარ ხოშა გაჲნგალ
Line: 6 ლადღარჟი: თანაფს, ანღლებს, პერპო̄ლდაშს, ლიმრიეს, ქრისდე̄შჲელ
Line: 7 ი აღაბისა̄ საფტინს, სულთა̄ საფტინს ხაყლეხ, ეჯისი̄ ეჩქაМ ჴϩდეხ
Line: 8 საკურთხს. Line: 9 ლაგჳან-ლაშდხჳა̄ლ ი მიჩა სახმახარ ეჩანღო̄ნაშ ქე̄დსრულა̄ნ. ამϩნღო
Line: 10 ზაჲსა სუმინ ჳო̄შთხჳინ ე̄სა ადჲესხ საკურთხ, აგის ლიფა̄ნეს ჳო̄ბაშინ
Line: 11 იჩოხ. ათხად* ჲერჳაჲ ლϩკთილ ლას ეჯჲარ ლუჳარდ იჩმϩდახ აღაპს ი
Line: 12 მინ ლუჳარდ ლარდუშ ჟესჯგირიხ ტაბაგჟი: ლელშანარს ერ იგემხ, ეჩა
Line: 13 მϩქაფ მინ ხესგჳრიხ სგა ლუჳარდ. ჲერუ სემი უ̄ღჳა ჴანარს აძჲენდახ.
Line: 14 მესჳფელϩნქა თელდ ჴეჳს აწი̄ნახ ი ჩჳადბიზნახ ი ჩჳადშდϩმნახ ჩი̄ს.
Line: 15 ათხეМ დროჲჟი დეშერ იჩო ლუჳარდ ლარდუშ აღაპს მეხჳტე̄ლϩნქა. Добавлено (2007-06-05, 5:41 Pm)
---------------------------------------------
16 ეჯჲარ იჩოხ ჲერხი აგის. ლოშგმა̄ჳ მა̄მა ხოსდენიხ გეზლი̄რ ი ნათსაჳ
Line: 17 ი მინე ქუნე გუ̄ნღა დე̄მამ აზა̄რეხ მინე მაღჳე̄ნს ი სგა ხაკჳი̄ხ აღაპი
Line: 18 ლიჩომს. Line: 19 იმჟი ერე ლეჯგრიჟი ლი სახმახარ, ეჯკალიბდ ლი აღაპჟი̄, მარაМ ხოშა
Line: 20 ხჳაჲ კეთილ ხა̄რხ ლემა̄რე, იშგენ წესარ მაგ ლეჯგრიშა̄ლ ლიხ. ბაპარს
Line: 21 აღაპჟი ხე̄ქჳნეხ ერე მϩსყე გოში ჟილϩმა̄რე ტაბაგჟი ლოქ ოგჯგირედ.
Line: 22 მო̄ მიხალ ლუჳარ მა̄რას, იმჟი ხოჯგრϩნიხ ბაპარ ტაბაგს. ლϩდგარჟი
Line: 23 ლე̄ქჳი̄ს ლუჳარ მა̄რაჟი მა̄დ ი̄ქჳი ი ჳარს ე ხე̄ქჳნე ჩუ ლიჯგრი̄შს, ეჩქაМ
Line: 24 სურუ ლესდიკად ჴედნი გჳეშ. ალე მაგ ლϩმა̄რე კეთილ ჩულϩქრაჳად
Line: 25 ხაბჟახ, ბაპარ ე დო̄მ ოთჯგირნეხ ი ბაპარ ლϩდგარა წესი მϩქაფ ლუჳარდ
Line: 26 მერდა მა̄რე̄მი წესარს იჩოხ ტაბაგჟი ი ჟილეჯგრი მა̄რე̄ლს,
Line: 27 ლუჳარდ მერდე̄ლს, ბაპარ ლოცს ლახ ქა ლე̄ქჳნეხ, სერ მინე მϩჯგრი
Line: 28 ხაბჟახ. მაჲ საკჳრელ ლი, ბაპარ სამშჳიდობო პარაკლისს იჩოხ, მა̄დე̄ჲ
Line: 29 ლϩდგარა პანაშუდს. Line: 30 ეშხუ გჳეშ ღო̄თაშდ ოგჳე̄შდϩ̄ნდა. ალე ლას ლაშდხჳა̄ლჟი ლϩდგარს
Line: 31 ერ ჩჳაშდხჳიხ საფლაჳისა ი ეჩϩნღო დი̄რობდ ერ ისგჳრი სოფელ
Line: 32 ი მუნწჳარა, ხაჭიმხ ხოჩა მოღრა̄ლ ჭყინტარ ისგდი̄რობϩნღო
Line: 33 "შო̄ნდო̄ ლიღრა̄ლ"ს ი ამჟი ლაღრა̄ლუშ ქა̄ხჭიმხ ჩის ჩუ მესგჳრა̄ლას.
Line: 34 მოღრა̄ლა ლიხ "შო̄ნდო̄შ" იშგჳიდ არა მა̄რე, ჲერ კიჳანს
Page: 43 Line: 1 ყϩლე, ჲერხი ბანს ი ჲერხი მაჟოღჳს. ლიღრა̄ლ შო̄ნდო̄შ ხაჯეშ საღϩრბეთს
Line: 2 მა̄მა, აშ სალხნია ლიღრა̄ლს ხაჯეშ. მოღრა̄ლას შო̄ნდო̄შ ხოჟოღჳ
Line: 3 სგობინ ეშხუ მა̄რე, ჩოინ-ი-ცხჳად ხოყდა̄ნა შიარისა, ეჩე̄ჲსა
Line: 4 ლემეს არი ლϩღϩ̄რჩე. მე̄რმა მა̄რას ლაფექჳშ კჳეცნა გატ ხოყდა̄ნა ში̄სა
Line: 5 ი ქა ერ ახჭიმ, ჩი̄ს ხეკჳეს ლახბიშას ლაფექ ი ჟი ხეკჳეს ეხკϩდი
Line: 6 ლაფექხენჟი ეშხუ ფხა̄ნჭჳა გატ ი ჟესშϩდი ჩოინიცხჳადთე ღϩრჩალჟი.
Line: 7 გატ ერ იშხი, ეჩე̄ჲსა კჳა̄მე საკმეჳელშა̄ლ. ჲერჳაჲ ლაგჳანისა̄ ჩუ
Line: 8 ი̄რდი მა̄რე, ჩიემ ერ მო̄დ ოსტუ̄სას ცხჳადთე გატ, ეჯი მა̄ შიდ
Line: 9 ღოშჳენდბაჲ ლოქ ჯა̄რ, ეჯი ხეკჳეს ლე̄ქჳას ი ჟესშიდე ღϩრჩალთეჟი
Line: 10 ფხა̄ნჭჳა გატს. ამϩნქა დე̄სამა ლი სერ ლა̄შხისა ლϩდგარჟი̄ნა ლეჩომ
Line: 11 ბედიგჳეშარ. Добавлено (2007-06-05, 5:41 Pm)
---------------------------------------------
ლიკერძ-ლიმა̄რ შჳანისა ლა̄შხისა. Line: 13 ლიკერძ-ლიმა̄რ მე̄ჳარ ხოხალხ ლა̄შახრს კერძ-მა̄რას ხაყლეხ მირჳნობ
Line: 14 ერ ხე̄რიხ უშხჳა̄რისა. მირჳნობს ძღϩდ მეკჳბად ხო̄გხ-იМ ძღϩდი̄
Line: 15 ხანწამხ. ნაღლობ ჳო̄შთხჳ-ჳოხუშდთექა გარ ლი-იМ მირჳნობ ჲეშდჲერჳთექა
Line: 16 ხეკჳეს ედგი̄ჭე̄ნდეს. მარაМ მირჳნობϩნქა ხოხალხ მე̄რმე კალიბ
Line: 17 ლიკერძ-ლიმა̄რ შჳანარს. ერ ხესჲამიხ უშხჳა̄რე თხუმ, ანღინე
Line: 18 ეშხუ ხედი̄ დო ი̄რი̄, ლეხმუშგჳრი ქორთე მიჩა ლეკერძϩ̄ლის ი ხაშგმინნე,
Line: 19 ერე მე̄ჳარ ლოქ ხალატ ჯეჲ-იМ ჩუ ლოქუ ელკϩრძა̄ნდად. ეჩხე̄
Line: 20 შჳანარს ხოხალხ ერე ლაკϩრძა̄ლთე მეჴედდ ხეკჳეს ეშხუ სტამა̄ნ არაყ
Line: 21 ლეჲყედნას-იМ ოთჴϩდის ლეკერძϩ̄ლი მეზგაშე̄რ. ჯჳინელდ ამჟი ლϩმა̄რ
Line: 22 წეს, მარაМ ათხე̄ დროჲჟი ძჳირდ გარ ე̄რ იჩო, ღϩრი აშ ქორდ
Line: 23 ლეკერძϩ̄ლი̄შე̄რთე-იМ ხაშგმინნე ერე მაკუჩ ლოქ ერე სი კერძმა̄რად მეყე̄დეხი-იМ
Line: 24 მაკახ ლა̄დედ უშხჳა̄რ ჭირისა-იМ ხინისა. დო̄სგϩნღო ლოქ ხჳას ისგჳა
Line: 25 ლიკერძ-ლიმა̄რი მოთჲა̄ლ-იМ ათხეМ ლოქ ჩჳელკერძე̄ნდედ. Line: 26 ჲერხი ეჩა გუ̄ნღა ხაკჳი̄ ქა ლიკერძ-ლიმა̄რს ერე ეჯი ლოქ ხოჩა მა̄რე
Line: 27 ლი ი მაკახ ლოქ მე̄რი ჩი გჳეშისა, მა̄ჲ ლოქ ე̄სამა ემწϩხა. ჳო̄ბაშინ
Line: 28 კერძობ თხუმე მოგები გუ̄ნღა გარ ხოხალხ. ჲედ ლეკერძϩ̄ლის ხეღჳ ე̄ნი
Line: 29 მა̄ლე ხოჩა ჲარაღ, ჲედ დაშნაჲ ჲედ ხოჩა ხანჯარ ჲედ ხოჩა თოფ ჲედ
Line: 30 ტამბაჩაჲ ი ჲედ ლუჳერ. ჲედ ხეყე̄ნი ლეკერძϩ̄ლის ხოჩა ჴან ჲედ ხოჩა
Line: 31 ჩა̄ჟ ი ქა დე̄შ ხელჲო̄ლნი ფასღა. ეჩქაМ ასა̄ზრეხ ლიკϩრძა̄ლს. კერძ ლოქ
Line: 32 ერ ხჳე̄რი̄ხჳი, ეჩქაМ დეშ ლოქ მე̄ქჳნე ჳარს-იМ გაცხა̄ჲდ (გაცხაМჲდ?) შგურდი̄
Page: 44 Line: 1 ბი̄ზ ხე̄რი, კერძობϩნღო ერ ჳარ ე̄მშა ხე̄ქჳას. ეჩქაМ ჩჲა̄გ კი̄ნჩხ მექჳცე
Line: 2 ი̄რი ჲედურდ ჴეჳისა, მა̄რად ღალ და̄რ იკედ ეჩϩნღო. ალეს ჩი̄ს სგობნა̄ჳ
Line: 3 ამო̄რჳეხ ლეკერძϩ̄ლჲალ-იМ ქა ხაკჳი̄`ხ ლიკერძა̄ლს. ლაკϩრძა̄ლჟი
Line: 4 მეხჳბარალ-იМ ჟი იხჳრჲელიხ, იმე̄ჲ კერძობ ლი, ეჯ მეზგა̄ჲსა. ჩჳადძი̄ნეხ
Line: 5 ლაძჲას, ანმა̄რნეხ ლეჳახშამს დიარს, არაყს, ლეღჳს ი იშგენ ქუცმაცე̄ლარს-იМ
Line: 6 ჩჳესგემხ ტაბაგს-იМ ჩჳესგურიხ ლალხინდ. Line: 7 ლეჳახშამდ ხოხალხ ლელე̄თად ლიკერძ-ლიმა̄რ, ეჯღა ერე თეჲაყბა
Line: 8 ლოქ დო̄სა ახა̄გე̄ნდეხ იშგნაშ ი ჩუ ლოქ დო̄სა ეთგა̄წბულე̄ნდეხ კერძობა
Line: 9 ლისკეთე. გჳეშ მაგ მა̄ჲმა ი̄რი, ლაბნა ლელე̄თად ხოხალხ შჳანისა,
Line: 10 ლიმო̄რაჳ-ლისო̄რაჳ ი̄რჲა̄ იშგენ მაგ თე̄მიშ-იМ აყბა̄ ნაქა̄ბუნა̄ლ. Line: 11 ტაბაგჟი ენმეზრი ქორა მახჳში არყი ჭიქს, ანურშონნე ღერთალს
Line: 12 ერე ბა̄ზი̄ ლე̄თ ჩჳეთმურჯე̄ნდეხ მინე გუ̄მიშდ, იმჟი̄ მაჩე̄ნა̄მდ
Line: 13 ე̄ს ხამურჯე̄ნდეს ამკალიბ გჳეშ-იМ ჩუ ლეჲთრე არაყს, ჩოსჴჳა̄მნე Добавлено (2007-06-05, 5:42 Pm)
---------------------------------------------
14 არყი ჭიქს ლეკერძϩ̄ლის ქორდ მეჴედს იშგნა̄გხენ. მანკჳი̄
Line: 15 არყი ჭიქი ლითრე ჩჲა̄გ შჳანისა წეს ლი მასძელხენ, ჳოდ მიჩა
Line: 16 ნაჴიდ არაყს ჯეჲ დო ლეჲთრე, ეჩქად* მე̄რმას ხეკჳეს მო̄ ლახჭარჟას.
Line: 17 ერ ლახჭარჟას, დე̄მ ლეჲთრე ეში̄ მანკჳი მუშგჳრი, ეჯღა
Line: 18 ერე არგებს ლϩჟაგ არაყ ხუღჳა̄ნდეს მასძელს ი ეჯი ხეკჳეს ლალϩ̄შისა̄?
Line: 19 ამღა ლი წესდ ერე ლეთრე ხეკჳეს მანკჳი მასძელდ ენმეზრას-იМ
Line: 20 ლალϩ̄შის-იМ ღო მუშგჳრალდ. ალე იჳანდϩ̄რან აშ ლϩმა̄რ ლემშჳანჲერა̄ჲსა
Line: 21 წესდ ი აშ ი̄რი იჳალადეღ. ჩუნაჴჳა̄მ არაყს ჟენკედ ლეკერძϩ̄ლი-იМ
Line: 22 ქადინე მიჩა მე̄რმა ლეკერძϩ̄ლი მა̄რათე, ჟენჩოქჳი ეჩა სგობინ, ენმეზრი
Line: 23 ღე̄რბათს ერე ქა̄თჲესა̄ლჳნას მინს ალ გჳეშ პილთექა, ჩჳედგϩჭიხ
Line: 24 იმჟი̄ რიგ ი წეს ლი ლიკერძ-ლიმა̄რეშ, ეჩჟი-იМ ჩუ ლეჲთრე არაყს. მიჩა
Line: 25 სგობინ მეგნე ლეკერძϩ̄ლი შიშდიქს ჟი ლეჲფიშგე, ფატანს ჟი ლოხბϩდნი
Line: 26 ჟიბაМჳ-იМ ალ ნაჴედ ლეკერძϩ̄ლი ჟესგემ ლუსჟი შდიქს-იМ ხე̄ქჳნე:
Line: 27 "სი მუ̄ჲ მი გეზალ", სუმინ ესგემ შდიქს ლუსჟი-იМ სუმინ ლე̄ქჳნე
Line: 28 ამჟი. სერ ჩუ ლϩკϩრძე ლიხ. კერძალ ლიხ უშხჳა̄რეშ ამϩნღო. ენგენიხ
Line: 29 ეჩხენ ამხენ ტაბაგისა მესგჳრა̄ლა მაგ-იМ ადმეზრიხ არყი ჭიქარშჳ
Line: 30 ალჲარე ლიკერძლიმა̄რს ერე დო̄სა ლოქ ეხჟომე̄ნდეხ ალჲარს უშხჳა̄რე
Line: 31 თხუმ მინე იმედდ-იМ მაკახდ. მაჩენა̄მდ ლოქ ე̄ს ხამურჯენს კერძობ,
Line: 32 ეჲჟი სგაჲუ ლოქ აჯმურჯე̄ნახ ხოშა ღე̄რბათხენქა. ეჯ ლე̄თ ხე̄რიხ
Line: 33 ძღϩდ ხინ ი ძღϩდ ლითრე ლიბრჲა̄ლ-ლიღრა̄ლშჳ-იМ შუშპარშჳ. Line: 34 ჲერხი ღჳაჟრე ლიკϩრძა̄ლე მϩქაფ ზურალე̄ლს იკϩრძეხ. ლუსჟი
Page: 45 Line: 1 შდიქს ესგემხ ზურა̄ლს-იМ ხე̄ქჳნეხ: "სი დი̄ მი გეზალ" სუმინ ხე̄ქჳნეხ
Line: 2 ამჟი-იМ ლϩკϩრძე ი̄რიხ. სერ ზურა̄ლ დიდლϩგნე ლი, ღჳაჟმა̄რე გეზალდლϩგნე
Line: 3 ლი. უშხჳა̄რ სერ ჟახას დე̄მ ხაყლეხ. ზურა̄ლს დიდლϩგნას ხაყლეხ-იМ
Line: 4 მიჩა კერძს გეზალდ ლϩგნას. ე ღჳაჟმა̄რას ხაგემხ ლუსჟი შდიქს,
Line: 5 ეჯის მუდლϩგნას ხაყლეხ. ჲესჳა̄ჲ ლოქ მაჩე̄ნამდ ხამურჯე̄ნს დი-გეზალს
Line: 6 ლიდი̄-ჲ ლიგზელ, ჲედ მუ-გეზალს ლიმუ̄ჲლიგზელ, ეჲჟი̄უ
Line: 7 ლოქ ნაჲ ოგმურჯე̄ნა ბა̄ზი̄ ამϩნღო ჩიგარ ლოქ. მე̄რმა ლადეღ ჳოდ
Line: 8 ნებოზნუნ ხინ უდ ხე̄რიხ-იМ ეჩϩნღო ადინე კერძ-მა̄რე მიჩა აგითე
Line: 9 დიდლϩგნას ჲედ მუდლეგნას გეზალდლϩგნად ხეკჳეს საჩჳქარ ლახო̄მას,
Line: 10 მაჲ ზუმი̄ ხე̄ჲმედი, ეჯზუმ ლუსჟი შდიქი ნაგმუ̄რ. მა̄ჲ ქორისა̄ჲ კერძობ
Line: 11 ედჩომნა̄ნ, ჲერუ სემი ლადეღϩნღო ეჯჲარს ოთჟოღჳნი მინე
Line: 12 კერძმა̄რე მიჩა ქორთე-იМ ეჩე ხე̄რიხ ამჟი მი̄მან, იმჟი̄ ამეჩუ ლას.
Line: 13 ლი̄ზალთე ჩჳადსაჩქჳრი, იმჟი̄ თხუმ ხეჟხი-იМ ალგონნი საჩჳქარს-იМ ეჯ
Line: 14 კალიბს ხაშჩუქრი. |
| |
| | |
|
Мужчина |
Date: Вторник, 2007-06-05, 5:45 PM | Message # 84 |
|
Group: Модераторы
Posts: 990
Status:Offline
Дата регистрации:
2006-08-29 |
ლისყა̄ლეშ-იМ ლიმო̄რაჳ-ლისორაჳ გჳეშარ ლა̄შხისა. Line: 16 ჯჳინელ ლϩხ ლახ ე̄სამა ხეღჳე̄ნიხ უშხჳა̄რისა-ი ხე̄ჲმახჳნიხ უშხჳა̄რ
Line: 17 ი უსყად ი̄რდიხ, იგნიხ, ეჩქაМ ნე̄სგაჩუ ჩუმსϩყი მა̄რელ "ნე̄სგამე̄ზჲარ"
Line: 18 (მოცქჳლარ) იზელა̄ლხ ეჩხა̄ჳ ამხაჳ-იМ ხოჴდეხ ეჩხენ ამხენისა̄
Line: 19 ნამციქულს, მარაМ ლესდიკა ამბჳარს დე̄მ ხაყლეხ ი ჩუმϩშა̄რდა
Line: 20 ამბაჳს გარ ხოჴდეხ უშხჳა̄რთე მოსყა̄ლას. ეშხუ ლადეღ
Line: 21 ეშხუ ხარჯს ეშხუ მოსყა̄ლ მეზგე ხა̄მნი̄ნე ნე̄სგა მე̄ზჲარს-იМ მე̄რმა
Line: 22 ხარჯს მე̄რმე მოსყა̄ლ მეზგე. ამჟი იზელა̄ლნიხ ალჲარ ეჩხა̄ჳ ამხა̄ჳ
Line: 23 მეზგე̄ლთე, ჳოდ სგა დო ანჴდეხ ლასყა̄ლთე̄ჲსა ჲერქდა̄შ ეჩხა̄ჳიშსი̄-იМ
Line: 24 ამხა̄ჳიშსი̄. ალ მოცქჳლარ ითჲა̄ლხ ერე კაფϩნშჳ მოშ ადსყახ
Line: 25 უმო̄რაჳნად-უსო̄რაჳნად, ეჯღა ერე ეჯის ხჳა̄ჲ ხარჯ-ი ხჳა̄ჲ გჳეშ ხაჭიმ,
Line: 26 მარაМ, ძღϩდ გჳამი გჳეშ ე ლი, ეჩქაМ კაფϩნშჳ მა̄დ ისყი ეჯი-იМ ჩუ სკϩბეხ
Line: 27 ლიმო̄რაჳს. Line: 28 ჲესიჲეს ლომო̄რაჳი მϩქაფ ლუფხულშჳ ლეღჳნად სკებნი გჳეშ,
Line: 29 მარაМ ალე მულფხულჲერ ლიღჳნე მა̄რე̄ლეშ ძღჳდ გჳამი გჳეშობჟი
Line: 30 გარ ლი. ჲედ წორობჟი-იМ ჲედ ცჳერობჟი, ჲედ ძღϩდ გჳამი ქაჩობ
Line: 31 ერ ი̄რი, ეჩქაМს ლი ლუფხულშჳ ლისყა̄ლ. მო̄რაჳ ჩულეღჳერ ლი
Line: 32 მაშე̄ნე უცხჳ ხატჟი ერე მა̄ჲ ლახთϩრის მიჩა აზრშჳ ი სჳინდისშჳ,
Page: 46 Line: 1 ეჯი ადმო̄რჳას-იМ აქუცის. ლუფხულ ქამუჟღჳა̄ნე ლი კეთილიშ. ამჟი
Line: 2 ლოქ ერ მი მაყრე̄ნ, ალეს ლოქ ერ ხათϩმ, ამის ლოქ ოსგეჭე̄ნ მი̄, მა̄ჲ
Line: 3 ხეკფი ქალეჟღჳა̄ნად ჩულექჳცად კეთილ ლϩქაჩთე, ჯეჲ, იმი̄
Line: 4 ჟესგეჭნო̄ლ ეჯზუმს ენჟოღჳა̄ნნე მაქჳცას ჩულაღნუშ ხატ ჩუქჳა̄ნ, ხედისი̄ გუ
Line: 5 ხეზგი, ეჩა̄შთე. ამგჳარ მა̄ჲ ხოლა გჳეშ ე̄ს ლეხჩმუ̄ნდნე̄ნს, ლუფხულშჳ
Line: 6 მაქჳცას-მაჟღჳა̄ნას მაგ ჟი ხაგიჭ. გუს ხაზმეხ ხატ ჩუქჳა̄ნ ლუფხჳლარ-იМ
Line: 7 ალე ჩი̄ს ჩჳაჩრაჳი სერ. ქა ლისყჳედურ და̄ს ხა̄ჲმედა ერე სი ლოქ
Line: 8 ამჟი ჯეყარ, მარაМ დე̄სამა ლოქ ლეჯტუ̄სეხ ეჯჲარდ ი სგა ლოქ ლეჯსად
Line: 9 შგურ. ლუფხულ ჩიმი მϩჩრაჳი-იМ მϩგნე ლი, ემოშ იჴდეხ ლუფხჳლართე̄ჲსა
Line: 10 გჳეშს. ჩუ მო̄რჳალი̄ ჩუ ქუცეხ ლუფხულშჳ მარაМ ეჩქაМ ლამორაჳჟი̄ნა
Line: 11 ხარჯ ხაკუხ ხჳა̄ჲ-იМ ნამო̄რჳუ̄ლ ეჩϩნქა აჯაღ ი ალეს ხჳა̄ჲ ხაკუჩ
Line: 12 ი ლეგ ლემბეცჳე ლი ალაალა მეზგე̄მიშდ. ემოშ აჴϩრჴეხ ნე̄სგამე̄ზჲარ
Line: 13 უმო̄რაჳად ლისყა̄ლის-იМ ეზარ. სგა̄ჲესხ ლეყერს მϩყერიშთე ქორთე-იМ
Line: 14 ჩჳასყიხ ამჟი. ალეს კაფϩნშჳ ლისყა̄ლ ხა̄ჲშხა. მაჲ (|mა̄ჲ) ხეკფიხ
Line: 15 მინს მოცქჳლარს საჩჳქარი ლიჳდი ლეყერიშდ, ეჯის ქა ლახკაფნიხ
Line: 16 მϩყერს ი ჩუ ე იჩო სერ კაფϩნშჳ, მϩსყე ი̄რიხ. ლეყერ ე ჟესგიჭ მϩყერი Добавлено (2007-06-05, 5:43 Pm)
---------------------------------------------
17 მაღჳრას გარ ხატჟი, ერე ამჟი სი ლოქ ჯიყი̄რე̄ნ მიშგჳაჳ ღო ალეს
Line: 18 მი ლოქ ერ სი ჯა̄ჳდი ლადი, მი̄ ჟაჯგეჭე̄ნ, მარაМ ლეყერ დე̄მ ხაგიჭ
Line: 19 მϩყერი მაღჳრას გარ, ეჯი ლოქ ხოხრა̄მ ენჟოღჳა̄ნნე კეთილს მიჩა̄შთე-იМ
Line: 20 შგურ ლოქ მე̄რი ეჩა მაღჳრა გარ. ეჩქაМ ხეფსი ჲედ ლიმო̄რაჳ ე ჲედ
Line: 21 მულფხულჲერ ლისყა̄ლ. სგა ემოშ* იჴდეხ ნე̄სგა. მე̄ზჲარ ჩიქე
Line: 22 ლასყა̄ლთე̄ჲსა, ეჯი̄ ძღϩდ გჳეშ ხაბჟახ. ჩუ ლისყა̄ლ ეზერ გჳეშ ლი. ქა ხექდიხ
Line: 23 ლი̄ყრა̄ლ მეზგე̄ლს. ნაყირს ჟი დეშერ იზმე. ჲერჳე̄და მხარე̄მიშდ ხოლა̄მდ
Line: 24 ჴედნი ჩუ ნაუსყა̄ლი. ნა̄ქჳი̄ს ლი დო̄სგϩნღო ბრძენიშ ერე ჭირ
Line: 25 ლალა̄რა ლოქ ლი ჩი̄მიშდ. იმჟი ეთმურჟი ჯა̄ჳრი ლიწჳრი, ეჩა მაჲ
Line: 26 თერა, არგებს ხოდრულ უდ ხეყერეს მე̄რმა ლაყა̄რჲელჟი. "მაგ ქა ხასიდ
Line: 27 ლოქ მეზჳბელი ჭირს-იМ ხინს" ნა̄ქჳი̄ს ლი იჳანდϩ̄რან ალ არაკი-იМ
Line: 28 მოცქჳლარი̄ ამღა ითჲა̄ლხ ჩულისყა̄ლს ი ეშხუ სგა ლახ მოშ იჴდეხ ნამსყე̄მი
Line: 29 პირობთე̄ჲსა, სერ ხონი̄ ჩუმϩსყე ლე̄სეხ, ეჲჟი ხაბჟახ მოცქჳლარს ი
Line: 30 იშგენსი̄ მეზჳბელ-მესჳფელს ჩი̄ს. სერ თელდ ჩუმϩსყე მა̄ ლიხ, მარაМ
Line: 31 ლეკჳებ ეში̄ დე̄სამა ლი ეჯჲარე ნე̄სგა სერ. დე ლიშჩიჳარიდ ლი ლემყალ
Line: 32 სერ ი დე ლიყა̄რჲელდ, სგა ერ ლახხჳი̄დეხ უშხჳა̄რ ეში̄. ლისყა̄ლს
Line: 33 ლახ ჟი ხანდუნა̄ლჳნეხ ჲერჳე̄დაშ მხარე̄ლს, ჲედ კაფϩნშჳ ი̄რჲა̄
Line: 34 ლამო̄რაჳუშა̄ ლუფხულშჳ, ჩუ სკϩბეხ ეშხუ ლადეღს ერე ამ ლადეღ ი ამ
Page: 47 Line: 1 ლადეღ ლოქ ელხურჲელე̄ნდედ ი ოგჳა̄დეს ლოქ ეჩქაМ გჳეშობ. ათხე̄
Line: 2 დროჲჟი პირობს ა̄ჲრენიხ ლასყა̄ლჲაშს. ეჯ პირობისა მო̄რჳალე
Line: 3 ლითში ხე̄ჲრი, ერე ჲარ ი ჲარუ ლოქ ლასხ მო̄რჳალ. აში გჳეშჟი
Line: 4 სემი მო̄რაჳ ლი ლეთში. ეშხუ მო̄რაჳ ეშხუ წყება მოშჩიჳარა̄შ ი̄რი
Line: 5 ლϩთიშ, მე̄რმე მო̄რაჳ მე̄რმე წყება̄შ ი̄რი. მესმე მო̄რაჳს ჲერქდა
Line: 6 ადგენნეხ ი ენთიშნეხ, ჲერჳედა̄შხენ ი̄რი ეჯი ი თხუმ მო̄რაჳი̄ ეჯი ი̄რი.
Line: 7 იმთე̄ჲ ეჯი ი̄რი, ნასმართალი̄ ეჩხა̄ჳ ი̄რი ლϩგი̄წე ზედმეტი̄ლ. ეჩთა̄ნ
Line: 8 ხეკჳეს ლე̄სეს ალ თხუმ მო̄რაჳ, ერე ზემჩემობ მო̄ ჩომნას. ჩი̄თე მუგჳიდ
Line: 9 ხეკჳეს ლე̄სს ი ეჩქაМ ი̄რი ეჯჲარე ნასმართალი̄ ნამო̄რაჳი̄ ხოჩა,
Line: 10 ოდო ზემჩემობ ე̄სა ი̄რი, ეჩქაМ დეშ ლი წყϩლჲანდ ნამო̄რაჳ გჳეშ.
Line: 11 გჳამი გჳეშჟი სემი მო̄რაჳს და̄რ ხაგიჭ. ჲეშდჲერუ მო̄რაჳ ხეკჳეს
Line: 12 ესგურახ. ალ მო̄რჳალს ენთიშნეხ თემნ ი-თემნ, თჳით ხოჩა ლϩთიშ
Line: 13 მა̄რას თემისა. მϩთში მო̄რჳალეს მომჩიჳან ლი. ჲეშდჲერუ ე ი̄რი
Line: 14 ლეთში მო̄რაჳ, ეჩქაМ სემეშდეთქა ხეკჳეს ადლϩშნას მომჩიჳანდ მა̄რე̄ლ
Line: 15 თემნი-თემნ, ჲერჳაჲ მიჩ ხეცხე̄ნი ი ხემინდჳო̄ლნი, ეჯკალიბარს ალშანა̄ლი
Line: 16 ი ჩუ ალ სემეშდ მა̄რაჲსა ჲეშდჲერუ ხეკჳეს ითხას მუპსუხიდ.
Line: 17 ჲერჳა̄ჲს მოშ ითხე̄ლნე ალ სემეშდ ლϩლშანე მა̄რე̄ლისა, ეჯის ოსხჳი̄ნე Добавлено (2007-06-05, 5:43 Pm)
---------------------------------------------
18 მუპსუხი მო̄რაჳდ. ნამო̄რჳუ̄ლ ლა̄შხისა წორობჟი თუმან ლი ეშხუ მო̄რაჳი
Line: 19 ლეჳდი. იშგენ ხოშა აში გჳეჟი ჩუ უღჳნად ჳოხუშდ მანათს
Line: 20 იკედხ მო̄რჳალ. ნაჳდუნს ჳოდ სგობნა̄ჳ დო ლახო̄დნეხ, ეჩქაМდ დე
Line: 21 ნასმართალს აჳშხიხ-იМ დე ჩუ იღჳნიხ საყდარისა. ნამო̄რჳუ̄ლ სგობდ
Line: 22 ხეკჳეს ლეხჳოდე̄ნდეს მო̄რჳა̄ლს. მო̄რაჳს, ჲერჳაჲს მაღჳრა ხა̄რ ჟი ლϩკაბ
Line: 23 ხატჟი, ეჯ კალიბს დე̄მ აგნეხ. ჩუ უღჳნად დე̄მ ხაგიჭხ-იМ ჩუ ლახ დო̄მ
Line: 24 ედღჳენი, სერ ეშ მაჲ მაკახ ლი ეჩა ნამო̄რაჳ? ლასყა̄ლჟი̄ნ პირობს ერ
Line: 25 ასყიხ, ეჩე̄ჲსა ხეკჳეს ხე̄ჲრე̄ნს ერე ალ-ი-ალ მა̄რე̄ლ ლოქ გჳაყა ლϩთიშ
Line: 26 მო̄რჳალდ ნაჲ ჲერქე̄და მხარეს-იМ ალ მო̄რჳალე ნამო̄რაჳს-იМ ნასმართალს
Line: 27 ხედნი̄ ლოქ მო̄დ ელგეჭედ-იМ ყაბულ მო̄ ლესედ ალჲარე ნასმართალჟი,
Line: 28 ეჯნე̄მუ ლოქ ედჴϩდის შტრაფ ამშელდ ი ამშელდ მანათ
Line: 29 ლოქ, ხედი ყაბულს ლე̄სეს, ეჩა̄შთე ლოქ. ალ პირობს ხაყლეხ ჟახად
Line: 30 "ზაპის"ს. ალ ზაპისობ ათხე̄ხი გარ ედბინა̄ნ ლურუსუ კალონუნღო.
Line: 31 ეჩქაМდ ჩუ ლუმღჳენინხ მო̄რჳალ, ამჟი ერე მინე ნასამართალს-იМ
Line: 32 ნამორაჳს მინ ჟესსყე̄ნდეხ-იМ ყაბულ ხა̄დეხ, ეჩქაМ მაშედუ ლოქ ხა̄რხ ალ
Line: 33 ხატიჯჳარ. მო̄ ლე̄სეხ ყაბულს მინე ნასმართალიშ-იМ ეჩქაМ მეცჳა̄ლუ ლოქ
Line: 34 ჯა̄რხ ალ ხატიჯჳარ-იМ ჩჳაჭთუნეხ. ქუნს დეშერ ლϩმბე̄ლინ ალ მაღჳრე̄ლϩნღო.
Page: 48 Line: 1 ჲერხი აგის ათხე̄ჲ დე̄მამ ა̄ჲრენიხ ზაპისს, ჩჳაღნეხ ბϩგიდ ი
Line: 2 ჩჳამო̄რჳეხ ეჲჟი. ჩუ დეშერ კუშე ხატს ი ჯჳარს, ამგჳარ მა̄ჲ ხელო̄ნი
Line: 3 ნამო̄რაჳ, ეში̄ ჟი ლესკებ ხა̄რ. ლამო̄რაჳჟი ძღϩდ სარჩელობ ლი,
Line: 4 მო̄რჳალ იჳნარიხ, ხეჭჳდჲელხ მოწმარს, ხარჯს ჲეს ეშხჳმიშმϩყ იზბიხ ი
Line: 5 ჲეს მე̄რმე̄მიშმϩყ. ქა̄ჯო̄დჳნეხ ლისმართალს ჲერუ სემი ლადეღ. სარჩელი
Line: 6 მუ̄ქჳი̄ს ჩუ იჩრაჳი მათსჳარა̄შ, ფაუს ჩუ იბა̄ჯგე ი ეჲჟი ხაჭიმ თხუმნეშ
Line: 7 სარჩელი ლი̄მბჳის. მო̄რჳალ ქა უცხრად დე̄სამ ცურეხ, ჩი̄ს ფესოთე̄ჲსა
Line: 8 ხაჭიმხ სგა, ქა უჭჳდჲელად დე̄სამა ხოსდენიხ. ჩი̄ს ერ ჟენმეჴრიხ,
Line: 9 გჳეშ იმჟი̄ ი̄რო̄ლ კეცხანდϩ̄რან, ეჩქაМ ქა ღϩრიხ მო̄შ ჯო̄დჲათე-იМ
Line: 10 ამო̄რჳეხ ეჩე ჳო̄ბა ხანს, ჳოდ ჩუ დო ადმო̄რჳიხ ჩი̄ს, მაჲ
Line: 11 ხაჭკϩ̄რახ ლემო̄რჳე. ჳო̄ბაშინ ლი ეჩჟი, ერე დეშ ხოსყიხ სგა უშხჳა̄რ
Line: 12 მო̄რჳალ-იМ ეჩქაМ ჩუ ფხეჟნიხ გჳეში უგა̄თჳად. ლამო̄რაჳჟი მაღჳრე̄ლს
Line: 13 ხოქჳცეხ ეჩხა̄ჳ-ამხა̄ჳ ჲედ ნამწოდაჟი-იМ ედ ნაღე̄ჳარაჟი. თხუმშჳ მინ ე
Line: 14 მაღჳრას გარ დე̄მ ხაგჭეხ, სგა ხეკჳეს ედყეჳნახ მაღჳრათე̄ჲსა ნაქა̄მ
Line: 15 მა̄რე̄ლ, ლუფხჳლარ. ლუფხჳლარს, მაღჳრათეჲსა მეჭემ ნაქა̄მ მა̄რელს,
Line: 16 მო̄რჳალ ხოლშანიხ, ჲერჳა̄ჲ ღენ ი̄რიხ ლეთხე̄ლი ლუფხულდ.
Line: 17 ლუფხჳლარს ჩიქ მϩთხე̄ლი მა̄რა ხეკჳეს ლახღჳერას-იМ ღო ეჩა გარცემჟი
Line: 18 ეჯჲარი̄ ჩჳედღჳენიხ. ლეჟღჳა̄ნე ყმა ხეკფიხ, ქე̄ნჟოღჳა̄ნნეხ-იМ ემო̄მა Добавлено (2007-06-05, 5:44 Pm)
---------------------------------------------
19 ხეკფიხ-იМ დე̄მამ ენჟოღჳა̄ნნეხ. ხონ ოთქუციხ მო̄რჳალდ-იМ ხონ მო̄მა, ეჯი
Line: 20 მა̄მა სერდე-მერდე ლი. ნამსყი ეში̄ ქა ხეფსი, მო̄რჳალ-იМ ლუფხჳლარ
Line: 21 ალახ ჩუ ლუღჳერ ლიხ-იМ გუ ქა ლϩზმე ხა̄რხ, საყდურდ მა̄მა ხა̄რხ
Line: 22 ლემყალ სოფელ-ქჳეყნიშ. ე ი̄რი მაქჳცად კეთილ ჩუ, ჩუ ხოცხახ, მარაМ
Line: 23 იმთე̄ჲ ხაკაფხ მო̄რჳალს მაქჳცა, მინე გჳეშ ლი, კეთილი უქჳიცად დე̄სამა
Line: 24 გჳეშ სედნი. ლუფხჳლარს აშ ხაყლეხ მომჩიჳნა ერე ფათუ̄ლ ლოქ ეხკიჩდ,
Line: 25 ე ლოქ ჯეკჳეხ, გუ ქა ლოქ ლამზϩმედ ხატ ჩუქჳა̄ნ-იМ სგაჲ ლოქ ე
Line: 26 ჯეკჳეხ, ფათუ̄ლ ლოქ გარ ეხკიჩდ. მი ლოქ მაჲ სერდე მა̄რ? ხატარჟი
Line: 27 ჟი ლოქ ეჯბუჭკუ̄რნე̄ჲ იმჟი ლოქ ჯი̄ნდეხ, ეჲჟი ლოქ ჩომინდ სგაჲ,
Line: 28 ისგჳე მანდა ლოქ ლე̄სეს. ნასმართალს ჲესიჲეს ჩჳა̄ჲრენიხ ქაღალდჟი,
Line: 29 ეჯის განჩინებას ხაყლეხ. ლიმო̄რაჳს ქა ხოჳშხიხ ლϩმო̄რჳანღო. ქა იგნი
Line: 30 მო̄რჳალე სგობინთე ეშხუ ხოჩა̄მდ მϩგϩრგალი მო̄რაჳ ი ქა ხო̄მბჳი,
Line: 31 იმჟი̄ ღენ ადმო̄რჳეხ, ჩი̄ს. ჲესიჲესინ ძღϩდ ლირჲალა̄ლ ხა̄რხ მო̄რჳალს-იМ
Line: 32 მინე მϩთშა̄ლას. დეშ ლოქ ოთმო̄რჳახ ხოჩა̄მდ-იМ ეჯღა ხერჲალა̄ლხ,
Line: 33 მარაМ ლოშგინ პილს ეში̄ ჟი ხესკბენიხ ეჯჲარე ნამო̄რაჳს. ლიმო̄რჳა̄ლ
Line: 34 ერ ქა იგა̄თჳი, ნასმართალ იმჟი̄ ღენ ი̄რი, ეჯის ნე̄სგამეზჲარ
Page: 49 Line: 1 ქა ხაგა̄თჳალჳნეხ ჲერქე̄და̄შ. ეჩანღო ჟახჳრჲელეხ ეშხუდ.
Line: 2 ჟაჲესხ საყდართე-იМ ჩჳაღჳნა̄ლიხ ბϩგიდ ხატარჟი უშხჳა̄რე ნაჲერთგულაჟი
Line: 3 იჳალადეღ. დო მინდ, დო მინე ნა̄თი-მϩნა̄თიდ, დო გეზალდ ი
Line: 4 გეზლა გეზალდ მინეშ ალ გჳეშ უშხჳა̄რ დო̄სა ოხურშონახ იჳალადეღ.
Line: 5 ერ ე̄სა ოხურშონახ, მა̄ შიდ, ეჩქაМ ხატ ხოკჳშენიხ. ლიღჳერϩნღო სგა
Line: 6 ხოჟოღჳხ ქორთე მომჩიჳანს მუპსუხ ი მო̄რჳალ ი ნე̄სგამე̄ზჲარი̄ ეშჩუ
Line: 7 ი̄რდის მაგ ლასყა̄ლჟი. ქა ლახყა̄ლჳნიხ უშხჳარ ტაბაგჟი-იМ ხექჳნეხ
Line: 8 ეჩხენ-ამხენ მაგ, ერე ამϩნღო̄ჳუ ლოქ ოთქა̄ბჳნა ისგჳეჳ ღერთალს
Line: 9 ქაჯიჲეშმაჲ, უშხჳა̄რუ ლოქ ლახმუჭხჳე̄ნად. ეჯ ლე̄თ ხე̄რიხ ძღϩდ ლირთე
Line: 10 არყიშ ი ძღϩდ ხინობ. ეჩანღო ნე̄სგამე̄ზჲარ ენთიშნეხ კუმში მϩლგონი
Line: 11 მა̄რე̄ლს ი ჟალგონიხ კუმაშს, მა̄ჲ ქა ლეჳდი ი̄რიხ-იМ ქა ხა̄ჳდიხ შიშდ.
Line: 12 სერ მϩსყე ლიხ. Line: 13 ალე ლი ლისყალეშ-იМ ლიმო̄რაჳჲა წესარ ლა̄შხისა. Добавлено (2007-06-05, 5:44 Pm)
---------------------------------------------
II. არკალ ი ციგინარ
Line: 2
I. არაკ სტა̄რჳნიში თანაღჟი დიასახლი ლაჭთუნო̄ლაშ. Line: 3
(ჯჳინელ არაკ ლა̄შხისა). Line: 4 სტა̄რჳნიში თანღი ზაგარჟი ლϩგა̄ნ ესრენ ჯჳინელდ ძღϩდ ძალუმ
Line: 5 საყდარ. ეჩა ნამხჳირ ათხე̄ჲ ჟი ხეთრა. ეჩხა̄`ჳ ელმა̄ზინ ლამზϩრდ
Line: 6 მϩლა̄შხ დიასახლ. ჳოდ ჟადინა სტა̄რჳნიში ზაგრი საყდართეჟიМ, ეჩქაМდ
Line: 7 ჩუხი ჩჳალჩერჳე̄ლი. დეშ ოთბედჳა მე̄ჳარ ფე̄დჲად ლიჴედ საყდრი
Line: 8 მიარეთე. ესრენ ურწყჳულ ლϩმა̄`რ ი ეჯღა დეშ ლϩმბედჳინ. ჳოშელდი̄ნ-ი
Line: 9 ლϩმა̄ზინხ ეჯ დიასახლ ი იშგენ ზურა̄ლე̄ლ, ჩიგარ ეჯ ეშხუ აგის
Line: 10 ლϩმჩერჳო̄ლინხ ი ეჩხენქა ხამზϩრნახ სტა̄რჳნი̄ში ჯგϩრა̄გს. ეშხჳინ
Line: 11 ემჴედე̄ლი ამხა̄`ჳ ლამზϩრდ თამარ დედჳფალ. ეჯი დიასახლი ლაჩრაჳმϩყ
Line: 12 მა̄მა ალჩერჳე̄ლი ი ჟემჩედ მეწჳინდ სტა̄რჳნიში ჯგϩრა̄გთეჟი ლამზϩრდ.
Line: 13 დიასახლი ლაჩრაჳ გიმ ჩოМთჭათჳნა მიჩ ი მიჩა მϩნჴრი ჯარს ი
Line: 14 თჳით ბეჩ ჩი̄ს ოსდა ეჩეჩუ მა̄რე̄მი შელდჟი. ალე მაგ მა̄რე̄მი ნადე̄ს
Line: 15 ბეჩს ძღϩდ კϩ̄ლთხი ზუგჳ ახფასე̄ნა. ეჯ ზუგჳ ათხე̄ჲ ხოჩა̄`მდ ხეთრა.
Line: 16 ეჯის ხა̄ჲშხა დიასახლი ლაჭთუნო̄ლ ი ლადი̄ ამჟი ხაყლეხ ლა̄შხარ. ათხეМ
Line: 17 სტა̄რჳნიში ზაგარჟი ჯგϩრა̄გი საყდრიშ ნამხჳირ გარ ხეთრა. ჯგϩრა̄გი
Line: 18 ხატარ ლϩმსგოჯნე̄ლიხ ჲერუ. ათხეМ ეშხუ ჯგϩრა̄გი ხატ ჴე̄რის სგო̄ჯი,
Line: 19 მე̄რმე ოთსგოჯნახ ჩო̄`ლურთე ბებჳშა ხოშე̄`ლს ი ლადი̄ ეჩე სგოჯი,
Line: 20 ბებჳშე̄რალ-იМ ეჩაცახან იზგეხ მიჩა მომზϩრ-მϩჴერა̄`ლ ლიხ. ყϩლეხ
Line: 21 ამბაჳდ ერე ბებჳშე̄რალი̄ ლოქ სტა̄რჳნი̄ში ზაგარჟი ლϩმზიგე̄ლიხ. მინს
Line: 22 ერ ლეხჭოდდე, ამჟი ყϩლეხ მინი̄`. ათხეМ სტა̄რჳნი̄ში თანაღს ლეჩხჳმარ
Line: 23 ჯჳარი თანაღს ხაყლეხ. ჯგϩრა̄გი საყდრი ნაგემჟი ათხეМ უთინ ლϩგ.
Line: 24 ეჩეჩუ ქამელაკ მეშუკ მϩლა̄შხ მა̄რე მაგ უსტა̄რუნს ი̄`რენი ჯგϩრა̄გი
Line: 25 ლაჴϩ̄რა̄ლუშ. Добавлено (2007-06-05, 5:45 Pm)
---------------------------------------------
აჯაღ მერმე ამბაჳ სტა̄რჳნიშიშ. Line: 2 იმე̄`ჲ ჯგϩრა̄გი საყდარ სგოჯდა სტა̄რჳნი̄ში ზაგარჟი, ეჩაცახაМნ
Line: 3 ლϩმზიგე̄ლი ძღϩდ ლϩკთილ მეზგე. ალ მეზგე ბებჳშა ხოშა ლას ა̄ მა̄დე,
Line: 4 ათხეМ დეშერს ხაშყიდ. ეჩა̄`შთე მუშგჳრი ჲერჳა̄`ჲ ლϩმჴედო̄ლინ, ძღϩდ
Line: 5 ხოჩა̄მდ ხახლენო̄ლნა, მარაМ უმშაჲად დეშერ ხაჩდენო̄ლნა. ალ ამბაჳ ქა
Line: 6 ლახსϩმე̄ნა შჳანე ნეფეს. ოთჲა მიჩა ჯარ ი სგა ლახმუშგჳრე̄ნა სტა̄რჳნი̄ში
Line: 7 ზაგარჟი მეზგა̄`ლ მეზგას. ეჯ მეზგე, იმჟი̄ მიჩა წეს ლას, ეჯჟი
Line: 8 ლეხხელა̄ნ, მϩქორწილჲერ ხეყე̄და სემი ლე̄თილადეღ. კალ ხა̄რა ეჯ
Line: 9 მეზგას ზაგრი მა̄`ჲდანჟი. ნეფე ი მიჩა ჯარ ჭიშხაშს მა̄`ჲდანჟი
Line: 10 ლϩმჩომინხ. ნეფე ი მიჩა ჯარ ლი̄ზა̄`ლს ჩოთსაჩქჳრა მეზგას ი ეჯჟი
Line: 11 ოთმუშგჳა̄ნა მიჩა ქორხენ. ქა ერ ემჩედ ნეფე ი ჯარ, ეჩქაМ ნეფეს ქა
Line: 12 ლოხტუ̄ლა მეზგე̄მიშდ მიჩა̄`შთე ი ხო̄ქჳა ერე სი ლოქ ჩი̄მიშჳდ ჯიმშია̄ლჳნა
Line: 13 მეხედ მუშგჳრი̄შჳდა ი მი ლოქ დეშსამა ლამმϩშჲა̄ლუნ. ეჩქაМ ეჯ მეზგე̄მი
Line: 14 ხოშას ხო̄ქჳა: ძღϩდ აშმა̄რ ჯა̄რხჳი, სი ი ისგჳა ჯარდ კალ ემსყედ
Line: 15 ი ლიმშაჲე ამϩნ ხოჩულ მაჲ მე̄რო̄ლ? ესრენ კალ ხაღჳე̄ნა ლϩჳყალე
Line: 16 ი უსკიბნაჳა. ნეფეს ი მიჩა ჯარს ლაჭϩშხაშჟი ჩ& |
| |
| | |
|
Мужчина |
Date: Вторник, 2007-06-05, 5:48 PM | Message # 85 |
|
Group: Проверенные
Posts: 352
Status:Offline
Дата регистрации:
2006-09-07 |
17 მაჲსაკჳრელ ლი. ალე ეზერ ნამშაჲ ლი ნეფე̄შხენ ი მიჩა მϩნჴრი
Line: 18 ჯარხენქა. ამეჟი ნეფეს ჩჳათჩო̄ნდა ი ჩჳადსაჩქჳრე ეჯ მეზგე მე̄ჳარ.Добавлено (2007-06-05, 5:47 Pm)
---------------------------------------------
ჯგϩრა̄გი ციგინ. Line: 20 ჯამზϩრახ ღერთემ-იМ ამეჩუ ლϩმარდე̄ლიხ სემი ლახჳბა. ჩჳალϩ̄თე̄ლიხ:
Line: 21 ეშხჳს ჩა̄ჟ ხახჳე̄ნა ნა̄თიდ, მე̄რმა̄მ ძუღჳაМ ეჩხენ კერძ-მა̄რე ი მესმა̄მ
Line: 22 ლორი̄ლ. მე̄რმა̄ მუხჳბას ლე̄ზი მϩრ ხა̄რა მიჩა ნა̄თი კერძ-მა̄რათე
Line: 23 ძუღჳაМ ეჩხენთე. ჟენდია̄ნე ხოშა მუხჳბე̄მიშხენ ჩა̄ჟ. ხოშა მუხჳბად
Line: 24 ჩჳადღჳენე ჯგϩრა̄გჳშ ერე ძუღჳაქა დო̄სა ლახსგუ̄რდეს ჩა̄ჟს. აჴად
Line: 25 ძუღჳანუნ ი, ლეხფხანკა̄ნ სგა მეჩი მა̄რე ი ესღრიხ ძუღჳაქა. მეჩი მა̄რე
Line: 26 ჩა̄ჟჟი ხასგურ-იМ ალეს ლაჭე̄ნუშ ოსყა ჟი უსგჳრად ძუღჳაქა. მეჩი მა̄რე
Line: 27 ხაყლე ერე ჟიუ ლახსგუ̄რდა ჩა̄ჟს. ჯგϩრა̄გ ლოქ ესცჳო̄ლი მიჩ ჟი
Line: 28 ნასგრუ̄ლ, ლი̄ზა̄ლს ჩუ ლოქ ამღჳენე მუხჳბად ერე მო̄ ლოხსგუ̄რდე
Line: 29 ძუღჳაქა ჩა̄ჟს ი ამღა მაყლუ̄ნი ჯგϩრა̄გი ნაცჳა̄ლდ. ალ მეჩი მა̄რე
Line: 30 ითჲა̄ლ ერე მოშ იმჟი მაღჳრა მოშ ათკჳიშჳნას ი ჩუ მეძგჳბა
Line: 31 კჳარემთე̄ჲსა სგოთჯილკე ი სგა̄დკჳა̄რ ი მე̄რმა აგის ჟანკჳა̄რ, ნოთი ლოქ
Page: 52 Line: 1 ათხეМ ეში̄ ლახსგუ̄რდეს ჩა̄ჟს ი ათკჳიშჳნას ჯგϩრა̄გი მაღჳრა. ლუწუწკნაჳე
Line: 2 ანტახ ჟი მϩძღირ თელდ, მარაМ ეში̄ მა̄ ლახსგუ̄რდა ჩა̄ჟს. ა̄მჟი ქა̄ჩადხ
Line: 3 ძუღჳაМ ეჩხენთე ი სგა̄ჴადხ მიჩა კერძ-მა̄რათე̄ჲსა. მϩძღირ ლას-იМ
Line: 4 ჟენზϩსკა̄ნ, ლემესჟი̄ ჟენტებდა̄ნ. კერძალ ლეხჭოდდახ ერე იმნარ ლოქ
Line: 5 ალძღირე̄ლი ამჟი, ეჯნარ ლოქ ერე ლუღჳერ ლოქ ლϩმა̄რ ჯგϩრა̄გჳშ
Line: 6 ერე ჩა̄ჟს მო̄ ლახსგურა̄ნ ძუღჳაქა ი ეჯღა ლოქ ალძღირე̄ლი ამჟი,
Line: 7 მაღჳრა ლოქ მა̄დ ოთკჳი̄შა. მასძელარდ ხე̄ქჳხ ერე მაღჳრას მინ ჲერჳეშდინ
Line: 8 ლოქ ეში̄ ჩუ კუშეხ ლადეღისა, მარაМ დეშ ლოქ ხოსგდია̄ იმჟი
Line: 9 ხოჩა̄მდ ლოქ ხა̄რხ მინს ჩინოჳშ ჩი̄ს. ანჩად ალ მეჩი მა̄რე, ჩჳესგეხ
Line: 10 ტაბაგ-იМ ჩჳესგუ̄რდახ ტაბაგჟი. ქორს ჟოხბიდნე ალჲარეშ, მარაМ
Line: 11 ლადჲარა̄ლჟი ფერფილ დე̄სა ლეხფედა̄ნხ ცუდდ. ალ მასძელ მეზგე
Line: 12 ჩჳადშიხე მაგ. ამხენისა ანტახხ მინე აგითე მეჩი მა̄რე-იМ მიჩა აფხნიკ მიჩა
Line: 13 ლახჳბათე. ამეჩუ ლეხჭოდდა ხოშა მუხჳბას მეჩი მა̄რე: "მაჲ ლოქ ჯაკუჩ
Line: 14 ღე̄რბათხენქა ერ ლოქ ლაჯო̄მას?" მაჲ ლოქ მაკუჩ-იМ დიარიშ-იМ
Line: 15 კეთილი სოჲ ლოქ ერ მუღჳა̄ნს. ხოხრა მუხჳბას ლეხჭოდდა ერე მიჩ
Line: 16 ლოქ მაჲ ხაკუჩ-იМ ეჯი ლეჲსგიდდა რიყთე ი ლე̄ქჳ ერეМ ალ რიყ მაგ
Line: 17 დაჴლაშ-იМ ღოლჲა̄ქა ჯოგ ლოქ ერ ლე̄სეს, ეჯი ლოქ ხაკუჩ მიჩ.
Line: 18 ლემჳო̄დე̄ნს ლოქ ისგჳეჳ ჲერქე̄და̄შიშდ, მა̄ჲ ლოქ სგაჲ ესნატჲელედ.
Line: 19 სერ მიჩა აფხნიკს ლეხჭოდდა ერეМ მიჩ ლოქ მაჲ ხაკუჩ? მიჩ ლოქ
Line: 20 ხაკუჩ ხოჩა ბაჟჲან ზურა̄ლ. ალე ლეგ ლეჳდი ლოქ ოსჳადა მიჩ. ბაჟიან Добавлено (2007-06-05, 5:47 Pm)
---------------------------------------------
: 21 ზურა̄ლ სემი̄ლ ლოქ გარ ლϩმარდე̄ლი ქჳეყანაჟი̄ ჲერჳუ ლოქ ქა̄ლწჳი̄ლე̄ლი,
Line: 22 მესმე̄მი ქორწილ ბა̄ზი ლოქ ხა̄რხ. ალჩედ ლოქ-იМ ემოშ ლოქ
Line: 23 ელცჳირედ ეზარ-იМ დო̄რიღო-ი მაჲ ლოქ ლაყრედ. აჩადხ. აჴადხ, ეჩეჲ
Line: 24 ქორწილ ხა̄რხ. ლეჭშϩ̄რი ურიაჲ ლი. მეჩი მა̄რას ათა̄და ერეМ ჲერჳა̄ჲ
Line: 25 ლოქ ყურძენი მეგემს ანჴდე ამეჩუ ათხეМ, ჩჳესციყე დϩტისა, მუღჳაჲს
Line: 26 ქა̄ხჴიდჳნი, ეჩϩნღო ყურძენს ახჴიდჳნი, ჩჳადმϩჲნე, ამეჩუ მექორწილას
Line: 27 ქო̄ხრიგჳი, თჳით ტეჳანს ჩი̄ს ქახახჳი̄ნე, ზურა̄ლი̄ ეჩისუ ხა̄და. ალე
Line: 28 დეშერდ ჩომინ იშგენდ. ადზϩზე მეჩი მა̄რად მიჩა აფხნიკ ლე̄ჲხუ̄რი̄,
Line: 29 ახჴიდჳნე ჳა̄ზ ყურძენიშ, სგე̄სციყჳნე დϩტთე, ქოხჴად მუღჳაჲ, ჩჳედმϩჲა̄ნ
Line: 30 ყურძენ, ქო̄ხრიგჳე ჩი̄ს-იМ თჳით ტეჳან ჩი̄ს ქახახჳი̄და. სერ ქა̄ჳ
Line: 31 ლახო̄მხ ჲაღო ზურა̄ლ მინს, მარაМ ეჯჲარ ჩუ ღო̄თ ედრო̄ცა̄ნდახ, ხემა
Line: 32 ლოქ ლახო̄დიხ მინს ზურა̄ლს. ჲაღო ლოქ აჯაღ ლე̄ქჳ მეჩი მა̄რად,
Line: 33 ჲერჳა̄ჲ ფაუ̄ თხუმჟი ჟენმო̄რთხნე, ლამო̄რთხუშ ფაუჟი წერექჳს
Line: 34 ჟენწა̄ნნე, ამეჩუ მერდა მექორწილას ქო̄ხრიგჳი̄ თჳით ნინჩორს ჩი̄ს ქა
Page: 53 Line: 1 ხახჳი̄ნე, ეჩისუ ხა̄და ალ ზურა̄ლ. ლე̄სს ლოქ ამჟი, ეჯჲარდ ხე̄ქჳხ, მარაМ
Line: 2 ლეხკჳაჲხ-იМ დეშერდ ჩომინხ. ადზϩზე ალ მეჩიდ მიჩა აფხნიკ-იМ
Line: 3 ჟენმო̄რთხე ფაუჟი, ჟენწა̄ნე წერექჳ, ქო̄ხრიგჳე ეჩეჩუ მერდა მექორწილას-იМ
Line: 4 თჳით ნინჩორ ჩი̄ს ქა̄თხჳჲე. ჲაღო ათხეМ ლოქ ეში̄ჳ ლას მინეშ
Line: 5 ლიზურა̄ლ. ჩუ̄დ ედროცა̄ნდახ-იМ მა̄ ჩომინხ ზურა̄ლა ლიჳდი. ჲაღოა
Line: 6 ლოქ ათხეМ მესმა̄მდ ელდად ნებულ. ელდად ლოქ, ხე̄ქჳხ ეჩეჩუ მერდე̄ლდ
Line: 7 ჩიემ. მაჲ ლოქ? მაჲ ლოქ-იМ ჲერჳა̄ჲდ ხანჯრალე კეცხჟი ჩომნას შუშპარ,
Line: 8 ეჩა̄ჳ ლოქ ლას ალ ზურა̄ლ. ლეხკჳა̄ჲხ მექორწილა, მარაМ დეშ ჩომინხ
Line: 9 შუშპარ ხანჯრალე კეცხჟი, ხა̄ლ ჟადსკინე კეცხთეჟი ეჩა ლეჭშϩ̄რიდ,
Line: 10 შიშდ ჟესცϩლϩ̄რა̄ნ ხანჯრალჟი. ადსკინე ალ მეჩი̄ აფხნიკდ-იМ ჩუ ჩომინ
Line: 11 შუშპარ ხანჯრალე კეცხჟი. ალჲარს ოხქჲო̄ლეხ ნაყირ ჩიემ მექორწლად,
Line: 12 მარაМ დეშ ხაჴიდხ-იМ ზურა̄ლ ეშ ლახქარჳეხ ალჲარდ-იМ სგა
Line: 13 ლოხგჳირგჳნეხ ალ მეჩი̄ აფხნიკს ჲეხჳდ. ჩჳაცჳირ მეჩი მა̄რად მიჩა აფხნიკ
Line: 14 ლϩჲეხჳდ-იМ ხე̄ქჳ ამის-იМ მიჩა ლახჳბას ერე ღე̄რბეთ ჩიგარუ ლოქ
Line: 15 ჯეშყადხ, მაღჳრა ლოქ ნო̄საჳ აკჳიშდ-იМ აჩად იმთე̄ჲღენ. გჳი̄ანდს ანტახ
Line: 16 აჯაღუდ, ლახა̄გა̄ნ ხოშა მუხჳბას ქორდ-იМ ხაშგმინ. მადილუ ლოქ ხერი
Line: 17 მიჩ, ჯეჲ გზა̄ჳრ ლოქ ლი-იМ ჩუ̄ჳ ადგენე. ხოშა მუხჳბე̄მდ ხე̄ქჳ ერე ჳოშა
Line: 18 მა̄რე ლოქ ამელეჟა იზელა̄ლ, ჩი̄ს ჩუ ლოქ დე̄მ აგნე ჯეჲ. მა̄მა ადგენე
Line: 19 გზაჳრ მეჩი ალ მუხჳბად. ჩჳადჭათჳნე ამნე̄მ, იმჟი̄ნი̄ ლოქ ხოჩდე̄ნს,
Line: 20 ეჩჟი̄ნუ ლოქ არი ამϩნღო. ეჯ ხოშა მუხჳბე ლუჭჳთუნანღო ჩჳედღარბა̄ნ.
Line: 21 აჩად ალ მეჩი მე̄რმა მუხჳბათე, ჯოგი პატრონთე, ი ხაშგმინ. გზაჳრ Добавлено (2007-06-05, 5:47 Pm)
---------------------------------------------
22 ლოქ ლი ჯეჲ, ჩუ ლაგნა ლოქ ხაწϩხ-იМ მადილი გუ̄ნღა ჩუ̄ჳ ადგენეხ
Line: 23 მარაМ ალჲარდ-ი მა̄დ ადგენეხ, ხე̄ქჳხ ერე ჳოშა ლოქ მეთϩ̄რანა̄ლ მა̄რო̄
Line: 24 ლარ ითϩ̄რანა̄ლნიხ, მინს ეჯჲარე ლაგნად მა̄ ლოქ ხოჟიბხ ი დე ლოქ
Line: 25 ჩჳაგნეხ. ჩჳადჭათჳნე ალჲარი̄: იმჟი̄ ლოქ ეჩქად ხა̄რახ; ეჲჟი̄ნუ ლოქ
Line: 26 ხა̄რხ ამϩნღო. ალჲარ ჩჳედღირბა̄ნდახ, იმჟი̄ნი̄ ეჩქაМდ ლასხ, ეჩჟი̄ნ. აჩად
Line: 27 ათხეМ ალ მეჩი მიჩა ნა̄ჲფხნიკ მუხჳბათე, ბაჟჲან ჲეხჳ ერ ხაყა, ეჩა̄შთე-იМ
Line: 28 ხაშგმინ ლაგნა ლელე̄თად მადილი გუ̄ნღა. ალ ზურა̄ლდ სგადჲე
Line: 29 შიშდ ქორთე-იМ ჩჳადგენე, ჭაშ ღალ ჩჳათდაგრე̄ნა, მარაМ ეში̄ მე̄ჳარ
Line: 30 ოხϩლხინე ალ გზაჳრს ეჯ ლე̄თ. ეშხუ ღოლჲა̄ქი̄ლ ხეყე̄და-იМ ეჯი ჩოთძიე,
Line: 31 ეშხუ სტამა̄ნ ღჳინელი̄ლ ხაღჳე̄ნა-იМ ეჯი ქო̄ხჴიდ-იМ ჩუ ლახა̄შ. მუშგჳრიდ
Line: 32 ხე̄ქჳ ერე ქა̄ჳ ადზϩზე ბობშარ ღჳინლა ლაჴდათე, ხუღჳა ლოქ
Line: 33 დე̄სა, ხიად-იМ იმხენ ლოქ ახჴიდჳნას ამϩნქა, ქა̄ჳ ადზϩზე, აჯაღუდ ხე̄ქჳ
Line: 34 მუშგჳრიდ-იМ ეჩქაМ ქა̄დზϩზე, მარაМ ბობშარ ქე̄რ აჩადხ, ჩჳედშგუდა̄ლა̄ნხ
Page: 54 Line: 1 ალ ჲერუ ჭყინტო̄ლარ. ალჲარϩნქა დე̄სამა ხეყე̄და მინე დის. ქა̄ჩად ალ
Line: 2 მასძელ ზურა̄ლ, ეჯჲარ ჟენი̄ყა̄ლე-იМ (ლუშგუდ ბობშარ), ჩჳადყჳინე
Line: 3 ლაყჳრა̄ჲსა ი ღჳინელ ქა̄დჲე მუშგჳარი̄შთე ი ჩუ ლახა̄შ. ლიბრჲა̄ლი̄
Line: 4 ჟენბინეხ. ალჲარე ლაბრჲა̄ლჟი ლუშგუდ ჭყინტარდი̄ ჟენბინეხ ლიბრჲა̄ლ,
Line: 5 ესრენ ჟოხლუარა ჯგϩრა̄გს. ჭაში̄ ჟოხლუარე ი ჩჳადმეზრე ალჲარ იჳალადღიშდ.
Line: 6 ალ მეჩი მა̄რე გზა̄ჳრიშ-იМ მუშგჳრი̄ პირობჟი ერ იზელა̄ლდა,
Line: 7 ესრენიშ ჯგϩრა̄გ ლϩმსგოჯნე̄ლი. ხოჩა ბაჟჲან ზურა̄ლს-იМ მიჩა ჭაშს-ი
Line: 8 გეზალს ღალ ეჩქაМდ მე̄ჳარ ღარიბდ ხა̄რახ, დიარს ხჳაჲდინ ხაშგმინნახ
Line: 9 ხოდდარა მიჩა ლახჳბას, დიდარდ ერ ხა̄რახ, ეჩქა.* ათხეМ ალჲარ ადდიდრე
Line: 10 ჯგϩრა̄გდ-იМ ეჯჲარ ჩჳადღარბე, მადილს-იМ ცოდს ერ დო̄მ ათშϩდახ ეჯღა-იМ
Line: 11 ათხეМ ეჯჲარ ლϩღრიბე ჴედნო̄ლხ-იМ ალ ბაჟჲან ზურა̄ლს ხეშგმϩდახ
Line: 12 დიარს. ენსგიდდა ეშხჳინ დეცხენ ფუსნა ბუა̄სდჲა ი ჩი̄მი დაბარ ხოლა
Line: 13 ლას-იМ ალ ჯგϩრა̄გი ნამზϩრ მეზგე̄მიშ ლϩჳზერე ლას ნამშაჳ მაგ დაბარისა.
Line: 14 ათა̄და ფუსნა ბუა̄სდჲას ერე ეშთა̄ნ სკარხალს ლოქ იჩო ერე
Line: 15 გიმდ ლოქ ესტიხე ჩი̄ს ნამშაჳარს. ალე ერ ჟენმეჴრე ჯგϩრა̄გდ, ადზϩზე
Line: 16 შიშდ ბაჟინ ეჯ ნამშაჳი პატრონ მეზგათე, ა̄ საბრა ლეМჲწეჳნეუ ნადარ-იМ
Line: 17 ჟი̄უ ანთია̄ლე დაბარ მაგ ლაკϩლდა̄ლუშ ლოქ ი ჩუ̄ჳ ლოქ ადჲაჴა̄ლე.
Line: 18 ენსგიდდა მე̄რმა ლადეღ ფუსნა ბუა̄სდჲა ი ჩი̄მი დაბარ ლϩდა̄ჳშე ლიხ,
Line: 19 ეჯ მეზგე̄მიშ ლϩჲჴე ლϩგხ, კაკალე̄ლ დე̄სა ხაკალიხ სკარხალხენქა. ეჩქაМ
Line: 20 სგოჯ ფუსნა ბუა̄სდჲად ერე ეშთა̄ნ ბუქს ლოქ ანკაჩნე, ერე აჴარ
Line: 21 მა̄დეჲ ქორალი̄ მოდ აცურის უ̄ნხჳად. ჯგϩრა̄გდ ადზϩზე შიშდ ბაჟინ
Line: 22 მიჩა კერძმა̄რათე: ა̄ საბრა ხოწა̄დაუ-იМ ნადუ ლეჲწეჳნე ი სგა̄ჳუ ედმა̄ჯე Добавлено (2007-06-05, 5:47 Pm)
---------------------------------------------
23 აჴარ მაგ აგითე. ლეჲწეჳნე ამნე̄მ ნადარიМ მაგ აგითე ენმა̄ჯე. ენსგიდდა
Line: 24 ქა ფუსნ-აბუა̄სდჲა ი ჩი̄მი დაბარისა ლϩპი̄ნტე ლიხ აჴარ ი ლϩბურდლაჳე
Line: 25 ი ეჯ მეზგე̄მიშ სგა ლϩჲე ლიხ ქორთე. ეჩქაМ ესცუ̄და ფუსნაბუა̄სდჲა
Line: 26 მიჩაცახან მერდა̄ლას ჯგϩრა̄გს-იМ თა̄რიძელარს ერე სგაჲ
Line: 27 ლოქ მϩრე̄ს ე̄ს ჯაყახ კერძმა̄რე ი ქა ლოქ მϩრე̄ს ხაბჟი̄ნედ მიშგჳი
Line: 28 მანდა, მა̄ჲ ლოქ ლას. ეჩქაМ ჯგϩრა̄გს ათა̄რე̄ნა ერე მიჩ ლოქ ხაყა
Line: 29 კერძმა̄რე ჲაღო ჩუ̄ჳ აწჲე ჯეჲ მიჩა კერძ-მა̄რათე. ეზარ ლოქ ი ოთზϩზე
Line: 30 ბაჟინ მიჩა კერძალს ერე ფუსნა-ბუა̄სდჲა ლოქ ოხყა მინეშთე მუშგჳრიდ
Line: 31 ი ხოჩა ლϩმა̄რე ლოქ ოგხჳი̄დად. ლეხმუშგჳრა̄ნდახ სგა ი ძღϩდ
Line: 32 ხინობ ხაყერხ, ღოშგინ პილს ლი̄ზა̄ლს ფუსნა-ბუა̄სდჲად ხაჩქჳარ
Line: 33 ხაშგმინ მასძელს, ეშხუ უ̄ღჳა ლϩშკა̄დ ჴანარ-იМ ბობშარ. ქა ხაშჩუქრეხ
Line: 34 შიშდ, მარაМ კოჭო̄ლუ̄ლჟი ერ ქა̄დჲეხ, ღოშდ ლახტიხ ი ჩჳადმეზრე
Page: 55 Line: 1 იჳალადღიშდ, მინ-იМ მინე ნათსაჳ ლϩმზϩრე̄`უ ლოქ ლიხ ი ჯამზϩრახ
Line: 2 ღერთემ მაგ ხოჩა სგაჲ. Line: 3 ალ ციგინ ნესტორი ნა̄მბაჳ ლი ჯაბაშა. მაღჳრაჟი ახჭემე ამშა
Line: 4 ლი̄მბჳი. Добавлено (2007-06-05, 5:48 Pm)
---------------------------------------------
ცხეტაკიშ ი დეჳთაკი ციგინ. Line: 6 ჯამზϩრას ღერთემ-იМ ლϩმარდე̄ლიხ ეშხუ დი-გეზალ. ეჯჲარს დე̄სა
Line: 7 ხაღჳე̄ნახ ლარდა. ცხეტაკ მეთხჳჲარ ლϩმა̄რ, ლϩმზელალინხ ი ჟათლაკე̄ნახ
Line: 8 ეშხუ მინდორისა ნამხორს. ქოთჯე̄ლახ ეჯი-იМ ჩოთϩ̄ნშგახ. ლაჯე̄ლა̄ლჟი
Line: 9 დი̄ლϩ̄ლს ახხჳჲე̄ნა და̄ჳა ყიმბრჲელაჲ. ლϩჯაჳშ ჩუ ლϩმბარალინ
Line: 10 ი ბამბაჲს სგა ხაჭო̄ნნა. ყიმბრჲელაჲ ალსიპე̄ლი და̄ჳდ. ჭაშდ
Line: 11 ალსყე̄ლი დი̄ლϩლაშ ი თოთღა̄ნჳა ზურა̄ლო̄ლ. ეჩის ახთენენა გეზალ
Line: 12 დეჳთაკ. დი̄ლϩ̄ლს ხაყლუ̄ნე̄ნა მიჩა გეზალ ცხეტაკიშდ ი სგა ლოხჭო̄ნა
Line: 13 ყჳელფთე̄ჲსა დეჳთაკი̄ლ. ცხეტაკ ერ ემჴედ ლათხჳჲარხენ, ლახჭოდნე̄ნა
Line: 14 მიჩა დი̄ლϩ̄ლს, მაჲ ლოქ ხოჭო̄ნა ყჳელფისა. "მაჲ ლოქ ჭკϩ̄რა ხა̄რ,
Line: 15 დედე̄შ, ჳოშაჲ ღენ ჯეჲ ნათხჳჲარე̄მი ჯიჯჳარს ყჳელფთე̄ჲსა ლახჭო̄ნნე?
Line: 16 ქა̄უ ლოქ ღენ ანფხირკე, დედე. მა̄დ ოხფხირკა. ეჩანღო̄ნე მიჩაჳშ
Line: 17 ოხფხირკა ცხეტაკს. სგა ხაჭო̄ნე̄ნა დეჳთაკ. დედე! ეჯის დე̄სა ალმაღლინ
Line: 18 ერე მუხბე ჩუ ხათხე̄ნ, ჯეჲ ლოქ ჩუ ლϩმშიხინა̄? დეჳთაკ ლადეღჳშ
Line: 19 კამϩლს ლϩმცხემინ ი ლე̄თჳშ ირთხინს. ი ქა̄ლგა̄თჳელი ძღϩდ
Line: 20 ყაზა̄ყდ ი ეჩϩნღო დეჳთაკ ხაცხე̄ნა დი̄ლϩ̄ლს ცხეტაკნ. დი̄ლϩ̄ლს
Line: 21 ცხეტაკი ლიდგარი ოხუნდუნა. მიჩა ჭაშ და̄ჳ სგო̄თზϩზა ლეჯჳრანითე̄ჲსა,
Line: 22 ერ ლოქ ანღϩრდეს ცხეტაკ ლათხჳჲარხენ, სგა̄ჳ ლოქ ხაჴიდ ლეჯჳრანი-იМ
Line: 23 ჩუ ლოქ ედϩდაგრი. ეჩქაМ ცხეტაკს ქა ლახზაზე̄ნა მიჩა მუხჳბე დეჳთაკ ი
Line: 24 ჟი ლახქო̄ცე̄ნა შიყჟი. და̄ჳს დეშ ოთსერა მიჩა გეზალ ლეჯჳრანი̄ ლეყერდ
Line: 25 ი ქა̄თყეჩა. ეჩანღო და̄ჳს ხო̄ქჳა ერე მაუ ლოქ ჩომინხ? მა̄ჳ ლოქ
Line: 26 ჩომინხ-იМ ჟი̄ჳ ლოქ აჩად ლϩყა̄რთეჟი ი დოლობ-ში̄რაუ ესრიღჳ
Line: 27 ჟიქა̄ნჩუ. ქა ლახზაზე̄ნა დეჳთაკ, მიჩა ლირდე ჯჳარა, ჟი̄ჳ ლოქ
Line: 28 ლეჲტო̄ტე, ეჩქაМ ლოქ მა̄ ხაკჳდე̄ნა ლიტო̄ტე, შომა̄ჲ ლოქ ხოხრო̄ლ
Line: 29 ლϩმა̄რ, ათხეМ ლოქ იმნარ ხაკუ ლიტო̄ტე, მარაМ აჯ მა̄დ ოხკი̄და ი ჟი
Line: 30 ლოხსგურა დეჳთაკ ცხეტაკს ბარჯჟი, სგო̄თჲა ქორთე. და̄ჳს დეშმა
Line: 31 ხოყი̄რა ჟიქა̄ნჩუ დოლობ-ში̄რა. დი̄ლϩ̄ლ ლახჭოდნე̄ნა ცხეტაკს ერე
Line: 32 დე̄სა ლოქ ლიჳჟე ხამთქჳა̄, დედე ჯჳარა? "ა̄დჳ ლოქ, ჯოდ-ნაჯჳდა
Line: 33 მინდორისა ეშხჳს ქა დო̄მ იჳჟე, ეჲჟი ლოქ მა̄ ხაჲმედა ლათხჳჲართე
Page: 56 Line: 1 ლი̄ზი". ეჩქაМ ოხსა̄ზრახ ერე, ჩუ ლოქ ერ ედუჟას, ჟი̄ჳ ლოქ ესრაღჳ
Line: 2 ჟიქა̄ნ ი ჩუ̄ჳ ლოქ ადცუდჳე. ალე ჟოხუნარა მაგ დეჳთაკს ი სგა̄თჴϩ̄რენა
Line: 3 მიჩა მუხჳბა ცხეტაკს, ედϩნჴერა̄ნეუ ლოქ ლათხჳჲართე. აგის ლოქ მა̄მ
Line: 4 ხაჯრაჳ, ლათხჳჲართე ლოქ ედϩნჴერა̄ნნეა̄. მა̄დ ოხკი̄და აჯ ი ოთϩნჴერა̄ნა
Line: 5 ლათხჳჲართე. ჯოდ-ნაჯჳდჲა მინდორთე ერ ემჴედე̄ლიხ, ეჩქაМ
Line: 6 ცხეტაკს ჩოთუჟა. ალმე̄რე̄ლი ჟიქა̄ნხენჩუ, ჟი ერ ხარღჳენო̄ლნა და̄ჳ, |
| |
| | |
|
Мужчина |
Date: Вторник, 2007-06-05, 5:49 PM | Message # 86 |
|
Group: Модераторы
Posts: 990
Status:Offline
Дата регистрации:
2006-08-29 |
7 ეჩქაМ ოხცხუ̄ტა ცხულა̄ჴემეტ ი სგახოყი̄რა და̄ჳაშდ. ეჩანღო ქე̄მჲეცხე̄ლი
Line: 8 ცხეტაკ ი ხო̄ქჳა დეჳთაკიშდ: ჯეჲ ლოქ თჳეთჳნე კოჯხენუ აჩად,
Line: 9 ხოჩა ლამა̄რ ლი ი ნათხჳჲარე ხოხრა ლოქ არი, ჯეჲ ლოქ წϩრნი
Line: 10 კოჯხენ ადრი, ეჩხენ ნათხჳჲარე ლოქ ხოშა არი ი ლამა̄რული̄ ლოქ
Line: 11 ხოდრა ლი. ხედი̄ ლოქ ლუჳარ ი̄რდიხ, ეჯი ლოქ ძინარს დოსგუ
Line: 12 ანჴადხ წყაროთეჟი ი ტოტუ ლოქ ლოხხელეხ წყაროს. მე̄რმე ე ლϩდგარ
Line: 13 ი̄რიხ, ეჩქაМ ზისხშჳ ლოქ ესგოშლიხ ტოტ ი ჟი ლოქ ელთხე̄ლნედ უშხჳა̄რ.
Line: 14 ძინარს დეჳთაკ დოსგ ემჴედ, ლოხხელა ტოტ წყაროდ ი ზისხჳშ
Line: 15 ახგოშლე̄ნა, ეჩთა̄ნ ქიმ ახშყედა ერე აყბა ოხშიხა. ემჩედე̄ლი
Line: 16 ლათხე̄ლთე წϩრნი კოჯხენ, ეჩე ხჳაჲ ოსთხჳჲარა, ჯიჯჳარ ბაჯგარდ
Line: 17 ლოხგა, ტუფჳარ ჟოსϩ̄ნშგა, ჩოთგა კარაჳ. ემჴედე̄ლი და̄ჳ ი ხოშგმინა,
Line: 18 ლემესი̄ლუ ლოქ ლახბიშე, ქალოხბიშა ი ჟასსე̄ნე̄ნა. აჯაღ ხოშგმინა ლემესი̄ლ
Line: 19 ი აჯაღ ჟახსე̄ნე̄ნა, აჯაღ ხოშგმინა ი ეჩქაМ ხო̄ქჳა ერე სგაუ ლოქ
Line: 20 ანთϩ̄რდა კარაჳთე, მიჩა ფა̄რ ხანგარდ ლოქ ხაყლუ̄ნი, ჲაღო ლოქ მაჲ
Line: 21 ხაყრის ფა̄რ-ხანგარს, მიჩა მϩჭიმ-ჭიმო̄ლ ლოქ ლახბე. "ქა̄ჳ ლოქ ლახო̄მ!"
Line: 22 ქა ლოხჳოდა ი სგო̄თკჳარა ლემესთე. "სგა̄ჳ ლოქ ანჴად ქორთე!" მიჩა
Line: 23 წეჳარ-მეძბარდ ლოქ ხაყლუ̄ნი". ჲაღო ლოქ მაჲ ხაყრის წეჳარ-მეძბარს?"
Line: 24 მიჩა დოლობ-ში̄რა ლოქ ოსთილ". "ქა̄ჳ ლოქ ლახო̄მ ჲაღო!"
Line: 25 ქა ლოხჳოდა ი ჩოთკჳა̄რა კოჯლექჳა. "სგა̄ჳ ლოქ ანჴად!" სგემჴედე̄ლი.
Line: 26 ლახა̄რა ტϩტს ი შიხს ლაზობს. "იმ ლოქ იჩო ჯეჲ, მართლა და̄ჳ, ლეღჳ
Line: 27 ლოქ ჳოხერდ არი-იМ ტϩტს ი შიხს იმნარ იზბი?" "ჩიქ ლოქ ტϩტს ი
Line: 28 შიხს ლეჲზობნე, ლო ლოქ ლეღჳს, ეჩა̄ნღონ ლოქ მიჩ. ჩიქ ტϩტი შიხ
Line: 29 ლოხმამა, ლო ლეღჳ ლოხმამა, მიჩა̄შთე ერ ალმა̄ზნე̄ლი, ეჩქაМ ლოხტუ̄ლა
Line: 30 წეჳარ მეძბარდ. "არიქა, მიჩა წეჳარ მეძბარ, ხოწა̄დახუ!" ათშϩდე̄ნახ
Line: 31 ი ქო̄თქჳი̄ცახ თხუმ, ჩოთბი̄ჴჳახ ჴადჟი ა აშ ემჴედ მა̄რე̄ჲ მϩჟ-დოშდულ
Line: 32 ერე ლასკϩ̄დ მამ ხა̄რახ". ამი̄ მუხბე̄ჲ ქეემჴედ. აგითე ერ ალმა̄ზნე̄ლიხ,
Line: 33 ეჩქაМ დეჳა მϩრ ახჩϩ̄დე̄ნახ დეჳთაკს-იМ ცხეტაკს. დეჳთაკ ლϩმყლო̄ნინ
Line: 34 ერე მიჩ ლოქ ხოშა ნამშე̄დჳა̄ლ ხუღჳა. ცხეტაკს ხო̄ქჳა ერე მიჩ Page: 57
Line: 1 ლოქ ხუღჳა ხოშულ ნამშე̄დჳა̄ლ. ჲაღო ლოქ ჩუ̄ ესϩ̄გა̄ნხ ეჩხენ-ამხენ-იМ
Line: 2 ახთოფეხუ ლოქ უშხჳა̄რ, ხედისი̄ ლოქ ხოშა ნამშე̄დჳა̄ლ ხუღჳე̄ნიხ, ეჯის
Line: 3 ლოქ ქე̄თქადიხ ი ხედისი̄ ლოქ ხოხრა, ეჯის ლოქ ხო̄ჲხენი. ოხთოფახ
Line: 4 უშხჳა̄რდ ი ცხეტაკს ხა̄ჲხე̄ნა კე̄ნჭას ი ჩჳალდაგრე̄ლი. ეჩქაМ დეჳთაკი̄
Line: 5 ჟასცϩლϩ̄რე̄ნა მიჩა ფა̄რ-ხანგარს. ეჯჲარე წეჳარ-მეძბარ ხოლა̄მდ
Line: 6 ლϩმშდაბინხ. ჟიბე-ბუა̄სდთე ღერთალ ოხწუხჳახ. ღერთალს ოხზϩზახ
Line: 7 ჟიბე-ბუა̄სდგხენ ჩუბე ბუა̄სდთე ღომელ, მაჲ ლოქ ამბაჳ ლი, ჟი̄ჳ ლოქ Добавлено (2007-06-05, 5:49 Pm)
---------------------------------------------
8 ენმეჴრეხ. ჩჳემჴედე̄ლი ღომელ, თე̄რალ ქო̄ხკϩდϩ̄რა, ჟასბიზე̄ნა ი ჟემტეხ
Line: 9 ჟიბე-ბუა̄სდთე. ჟიბ ლახჭოდნე̄ნახ ღერთალ, მაჲ ლოქ ხოჩმი̄ნა.
Line: 10 მა̄მადედბერალ ლოქ იკჳლიზა̄ლხ, ხა̄რხ მი̄მან. წეჳარ-მეძბარს აჯაღ მა̄მა
Line: 11 ოთქჳი̄ცახ ლიყუ̄ლი. ეჩქაМ ოხზϩზა ჩუ მუგუ̄ლ. "ა̄ მიჩი მიგუ̄ლ, ჯეჲ
Line: 12 ლოქ გარ გარგლი ტკიცს-იМ ჟიჳ ლოქ ოხმეჴრე, მაჲ ღენ ამბაჳ ლი
Line: 13 ჩუბე-ბუა̄სდ". ჩჳემჴედე̄ლი მუგუ̄ლ, ჟალსურაჳე̄ლი ზისხისა ი ეჲჟი
Line: 14 ემჩედ ჟიბე-ბუა̄სდთე. ღერთალ ერ ლახჭოდნე̄ნახ "მაჲ ლოქ ამბაჳ ლი
Line: 15 ჩუბე ბუა̄სდ?" მუგუ̄ლს ხო̄ქჳა ერე ხოჩა ცხეტაკ ი დეჳთაკ ერ ლϩმარდხ,
Line: 16 ეჯჲარ ლოქ ლახდაგრახ უშხჳა̄რ". "ეში̄ ლოქ ეზარ ლი, აჯაღ ლოქ ჩუ̄
Line: 17 ატახ ჩუბე-ბუა̄სდთე, მაჲ ლოქ გარჯ ი̄რი? ქა ლოხჳოდახ ჲაგუნდი ქიპ,
Line: 18 ქა̄ჳ ლოხცჳჲე ლოქ ნიქჭა̄რდ, ჳერცხლი წყაროჟი ლოქ ჩუ̄ ადბარა̄ლუ,
Line: 19 ჳოქრე პლატუკშ ლოქ ჩუ̄ ადკჳეცნა̄ლე ი ჟი ლოქ ენლϩჳარიხ.
Line: 20 ჩჳემხჴედე̄ლი-იМ ეჩჟი ხოყრა, იმჟი̄ ღერთალს ხოთო̄ნახ. დეჳთაკ ი ცხეტაკ
Line: 21 ჟალჳარე̄ლიხ ი ემჩედხ აგითე. აგითე ერ ემჴედე̄ლიხ, მინე დი̄ლϩ̄ს დიარალ
Line: 22 მϩნაყ ოსხჳია. ცხეტაკიშდ ხაღჳე̄ნა მϩნაყ დიარ და̄ჳა ფოჩლიკარეშ სგა
Line: 23 ლუკჳან. მიჩაშდ ი დეჳთაკიშდ აშ ლუკნე̄ლ. დეჳთაკს ხო̄ქჳა ერე ჴადარ
Line: 24 ლოქ ხეზგი, ნიჳრო̄ლ ლოქ ოხჴიდ. ქე̄მჩედე̄ლი დი̄ლϩ̄ლ ნიჳრა̄ ლაჴდათე,
Line: 25 ეჩქაМ ცხეტაკი დიარ, იმე̄ჲ ლϩმარდ, ეჩეჩუ მიჩა დი̄ლϩ̄ლა დიარ
Line: 26 ოსდა ი იმეჩუ̄ჲ მიჩა დი̄ლϩ̄ლა დიარ ლϩმარდ, ეჩეჩუ ცხეტაკიშ.
Line: 27 ჟოხკი̄დახ ცხეტაკს ი დეჳთაკს ი ჩუ ლოხმამახ დიარალ. დე̄სამა ხაყრე̄ნახ.
Line: 28 მინე დილϩ̄ლს ერ ოხკი̄და, ხა̄ლ ლოხმამა, შიშდ ჩჳალშგირე̄ლი, და̄ჳა
Line: 29 ფლოქი ლϩ̄ჩი̄დ ერ ლას, ეჯღა. სგა ლოხბახ წირხ ი სგო̄თკჳა̄რახ
Line: 30 ღელათე̄ჲსა. ეჩϩნღო მინს ხოჩა ლირდე ოთჴი̄დახ ი ამჟი ლოქ ხეყრენი ჩი̄ს
Line: 31 დის გეზლა მϩღლატის-იМ ჯამზϩრახ ღერთემ. Line: 32 ალ ციგინ ანა̄მბჳე შამშე ჳონჲა̄ნდ მიჩა დიე ნა̄მბაჳ. Добавлено (2007-06-05, 5:49 Pm)
---------------------------------------------
Text: 5
Page: 58
Line: 1
V. ღარიბ ჲეხჳ-ჭაში ციგინ. |
| |
| | |
|
Мужчина |
Date: Четверг, 2007-06-07, 5:30 PM | Message # 87 |
|
Group: Проверенные
Posts: 352
Status:Offline
Дата регистрации:
2006-09-07 |
2 ალე ჯამზϩრახ ღერთემ-იМ ლϩმარდე̄ლიხ ეშხუ ღარიბ ჲეხჳ-ჭაშ.
Line: 3 ეჯჲარს დე̄სა ხაყე̄ნახ გეზალ. მინე ადგილ-მამულ მაგ ქო̄თჳოდახ
Line: 4 ჯჳიდღაჲ ნატუ̄სუნღა, ნოთი ლოქ ღერთემ გეზალ ლახო̄მეხ. ჩოთო̄შჳახ
Line: 5 ჯჳიდიშ-ი საკმოჳელი ლაკირ, ჟიბე-ბუა̄სდთე ღერთალ ოხწუხაჳახ. ჩოხზϩზახ
Line: 6 ღერთალს ღომელ, ჟი ლოქ ოხმეჴრე ჩუბე-ბუა̄სდს, მაჲ ლოქ
Line: 7 ამბაჳ ლი. ჩჳემჴედე̄ლი ღომელ ი ჟი ერ ემტეხე̄ლი, ხოქჳა ერე ლეჲრაყის
Line: 8 ლოქ აჯბიხ, ზურა̄ლე̄ლ ლოქ იცხე̄ნიელხ, ფათჳარს ლემესთე შϩდეხ
Line: 9 ი ეჩა ქუნ ლოქ ჴან. აჯაღ ჴან ესრენ ქუნ. ეჩქაМ ჩოხზϩზახ მუგჳ.
Line: 10 "ა̄ მინე მუგუ̄ლ! ჯეი ლოქ გარ ლი ტკიც ი ჟი̄ჳ ლოქ ოხმეჴრე
Line: 11 ჩუბებუა̄სდია̄ ამბაჳ". ჩჳემჩედე̄ლი, ჟოხმეჴრა ამბაჳ. ერ ლახჭოდნე̄ნახ
Line: 12 ღერთალ, ხო̄ქჳა ერე ღარიბ ჲეხჳ-ჭაში̄ლ ლოქ ლϩმარდე̄ლიხ, გეზალ ლოქ
Line: 13 მა̄ ხაყე̄ნახ, ადგილ-მამულ ლოქ ოთჳოდახ მინე ლაჴϩ̄რა̄ლს, ნო̄თი ლოქ
Line: 14 გეზალ ლახო̄მად. ეჩქაМ ფუსნაბუა̄სდჲას ხო̄ქჳა ერე ქა̄ჳ ლოქ ლახო̄მხ
Line: 15 ხოჩა გეზალ-იМ ისგ-ლიმა̄რჟი კოჯი ბედიშუ ლოქ ჩომინხ. ჯგϩრა̄გს
Line: 16 ხო̄ქჳა ერე ნიცი ბედიშუ ლოქ ჩომინხ. ლამა̄რჲას ხო̄ქჳა ერე ქა ლო ქე
Line: 17 ხაჳდიხ, ქა̄ჳ ლახომხ, დო̄რი̄ ქა̄ჳ ეთყაჩხ. ქა ლოხჳოდახ საქებ გეზალ. Line: 18 ალე ჟოხუნარა დი̄კონს. ქა ერ ახთენე̄ნა ჲეხჳ-ჭაშს გეზალ, ქო̄თქჳითა
Line: 19 დი̄კონს გეზალ ი გეზლა მϩქაფ სგა ლოხჭემა ჟინაღ. ეჯჲარს
Line: 20 ხახლე̄ნახ ერე ეჯი ლϩმა̄რე̄ლას მინე გეზალ ი ეჩის ხაფრება̄ლნახ.
Line: 21 დი̄კონს ნაქჳთერ ბობშ აგითე ოთჲა. ბობშ ლე̄თჳშ ირთხინს ლϩმცხემინ-იМ
Line: 22 ლადეღჳშ კამϩლს. ქა̄ლგა̄თჳე̄ლი ყაზა̄ყდ: დი̄კონს ხაჭჳდიელნა
Line: 23 მიჩა ჲეხჳ ერუ იმხენ ოხჴი̄და ამთა̄ნ ბობშ? დი̄კონს მა̄ ხო̄ქჳა, ეში̄
Line: 24 სგა̄თკჳი̄შე̄ნა, ქა̄ჳ ლოქ ხე̄ქჳ, ათხეМ ბობშს ლოქ ხაგდი-იМ მა̄მა ლოქ ხესმი.
Line: 25 ჲაღო ჩუ̄ჳ ლოქ ადშϩნთე ასტამ ი ჩოთშϩნთა ასტამ, ქო̄თია ბობში
Line: 26 აყბა̄ ნაფდიათე, მე̄ჲცხე ე ლოქ ი̄რი, ჟენმეჴრი, დო̄რიღო-იМ დეჲამ. ქე̄რ
Line: 27 ოთჲა აყბა̄ ფე̄დჲათე, ეჩქაМ ოსშურჲელა ბობშს, ღე̄რბეთ, ჩუ̄ჳ ადქჳე̄ლე
Line: 28 ასტამ ი ჩჳალქჳე̄ლე̄ლი. ალჲარს ხო̄ქჳახ ეჩქა, ხაგდი ლოქ. ეჩქაМ
Line: 29 ქო̄ხო̄მბჳა დი̄კონს მიჩა ჲეხჳეშდ, ალ ბობშ ჲესჳა̄ჲ ღენ ოთქჳითე ი
Line: 30 იმჟი̄ ლას ეჯ ბობში ამბაჳ. ალე ჟოხუჳნარა მაგ ბობში̄ლს. ალგენე̄ლი-იМ
Line: 31 ემჩედ მიჩა დიეშთე̄ჲ მუეშთე. ალ ბობში̄ლს ხაМჳდო̄ლნა ჳად, იმჳაჲ
Line: 32 ესჳადნა ერ ემჩედე̄ლი მიჩა დიეშთე̄ჲ მუეშთე, ეჩქაМ მიჩა დის ი მუს
Line: 33 ხო̄ქჳახ ერე მიჩაშთა̄ნ ხოჩა მა̄რას ლოქ მაჲ ხაკუჩ მინე ლϩბინძურა
Page: 59 Line: 1 ქორთე̄ჲსა. ბობშს ხო̄ქჳა ერე დიარდ ლოქ ხა̄რ გუ. დიარ ლოქ მინეშდ
Line: 2 დე̄სა ხუღჳახ, მინე კიდბონარისა ჳობობუა̄ჲ ფა̄ნთხარსერ ლოქ
Line: 3 დე̄სამა არი. მო̄მაჳ ლოქ ხო̄ზა. ლაფექო̄ლ ლოქ ღენ ადიე. ჟოთჲა ი
Line: 4 ჟახხჳე̄ნა ფექ კიდბონისა ი ჩოხჴი̄და. ლოხო̄ზინა ბობშიშდ ნაფდიაქა
Line: 5 ჟინაღუ̄ლს ლაკუნტრუშა̄ლუშ. ბობშს ქო̄სწა̄ნა დაშნაჲ, ხოყი̄რა კი̄ნჩხქა
Line: 6 ჟინაღუ̄ლაშდ ი ქო̄თკჳარჳნა თხუმ. ჲეხჳ-ჭაში̄ლს ლიბღა̄ჳე ოთბინახ.
Line: 7 ღერთალს ლოქ ალე ლოხჳოდახ მინეშჳდ გეზალდ-ი იმნარ ლოქ
Line: 8 ოთდაგრა მიჩ. ჳა̄ჲ მინ და̄ჳარ, ალე ლოქ მა̄ ლი ისგჳე გეზალ, მი ლოქ
Line: 9 ხჳი, მარაМ ისგჳი ნალდა̄ჳოშ ჩუ ლოქ ეჯქარჳახ მიშგჳი თხჳუმ. ეჩქაМ
Line: 10 ღალ სურუ ათხი̄დე̄ნახ ეჯჲარს. მიჩა დი̄ლϩ̄ლაშდ ხო̄ქჳა ერე ღჳინელუ
Line: 11 ანჴიდ. მინე კეცარისა ჳობობუა̄ჲ ფანთხარსერ დე̄სამა ლოქ არი. მო̄მ
Line: 12 ლოქ ხო̄ზა, ქა̄ჳ ლოქ ღენ აჩად. ქე̄მჩედე̄ლი-იМ გოში ლϩმა̄რ კეც.
Line: 13 ჟოხკი̄და ღჳინელ-ი სგო̄ხჴი̄და ი ხინობ ხოჩმი̄ნახ. ეჯჲარს ხოჩა ლირდე
Line: 14 ოთჴი̄დახ-იМ ჯამზϩრახ ღერთემ. Line: 15 ალე̄ჲ შამშე ჳო̄ნჲა̄ნდ ლე̄ქჳ. მიჩ ხასმა ლოქ გიგა ეუკიშხენქა. Добавлено (2007-06-07, 5:30 Pm)
---------------------------------------------
. ჲეხჳ-ჭაში ციგინ. Line: 17 ალე ჯამზϩრახ ღერთემ-იМ ლϩმარდხ ეშხუ ჲეხჳ-ჭაშ. ალგენე̄ლი
Line: 18 ჲეხჳ ი ჟოხლაჯა ბარგ ი ლი̄ზის ხამურჯნა ჩულიჩედს ჭაშიშ. ჭაშს
Line: 19 ხო̄ქჳა ერე იმ ლოქ ხამურჯი ჯეჲ? იმ ლოქ ხამურჯი-იМ ჳოდ ლოქ ეშთა̄ნ
Line: 20 ქორს დო ოთგემ, ერე დო ლოქ გიმს ხეთილეს-ი დო დეცს ხება̄ჯგე̄ნს,
Line: 21 ეჩქად ლოქ დეშ იგნი მიჩაცახან. ჲაღო ოდინე ლოქ, ჭაშს ღალ ხო̄ქჳა
Line: 22 ჲეხჳეშდ-ი ნო̄თი ლოქ მოშ ითხა̄ს ეშთა̄ნ ჳოსტატ, ერე ალე ლოქ
Line: 23 ხე̄ჲმედე̄ნს. ჟანგა̄ნდა̄ჲ აჩად. შუკჟინ ეთლაკა̄ნდა ბობშს მა̄რას. ჩუ
Line: 24 ყუყდა ი ისგე̄რდა. ლეხჭოდდა ჭაშ: ისგჳი მუ ლოქ იმე ა̄რი? იმე
Line: 25 ლოქ არი-იМ შუკჳარისა ლოქ ლიცჳა̄ლს ალა̄ში. იმჟი ლოქ ალაში ლიცჳა̄ლს?
Line: 26 იმჟი ლოქ-ი ამჟი: შუკჳეპილისა ღედერს ლოქ ალა̄ში-იМ, ჲერჳაჲ
Line: 27 ლოქ ხელკო̄ლნი, იწა̄ნნიხ ლოქ ღედერს, ეჯი ლოქ მიშგჳა მუს ხესდიკი-იМ
Line: 28 ჩიგარ ლიცჳა̄ლ ლოქ ხე̄რი. ალე ათსაკჳრელϩ̄ნ ჭაშს ი ეჩϩნღო
Line: 29 ლეხჭოდდა აჯაღ: ეჯკალიბ ქორა ლიგემ ჯა̄ჲმედა ლოქ მოშ, ერე დო
Line: 30 გიმს ხეთილეს-ი დო დეცს. მა̄ჲმედა ლოქ, ამნემ ხე̄ქჳ. ჩჳედსყა̄ნხ ამჟი,
Line: 31 ერე დოშდიშ ხაკუჩ-ერ ემჴედე̄ლას ჲეხჳ-ჭაში ქორთე ქორა მϩგემდ. აჩად
Line: 32 დოშდიშ ი დე̄სა ანჴად, აჩად თახაშ-ი დე̄სა ანჴად, აჩად ჯიმაშ-ი დე̄საუდ Page: 60
Line: 1 ანჴად, ცა̄ ლადეღ გარ ანჴად. ლეხჭოდდახ ჲეხჳ-ჭაშ, იმღა ლოქ მო̄დ
Line: 2 ემჴედე̄ლი დოშდიშ. იმღა ლოქ მო̄დ ემჴედე̄ლი-იМ ძუღჳა̄ჲ ხმელათ ლოქ
Line: 3 ხა̄რა ლეზმა̄ლი. ხედი ლოქ ათსერე̄ნახ ქა? კოჯ ლოქ მაგ ძუღჳათე
Line: 4 ხოჩმი̄ნა, მარაМ ეში̄ ლოქ ხმელათ ათსერე̄ნა. თახაშ ლოქ იმღა მო̄დ
Line: 5 ემჴედე̄ლი? ლϩკა̄ფე მეგემ ი ჟიმეგნე მეგემ ლოქ ოხზϩმა̄ლა ი ჟიმეგნე
Line: 6 მეგემ ლოქ ათსერე̄ნა. ჯიმაშ ლოქ იმღა მო̄დ ემჴედე̄ლი? ლუჳარ-ი
Line: 7 ლϩდგარ ლოქ ხა̄რა ლეშϩლდანი. ხედი ლოქ ათსერე̄ნა? ჭაშ ლახჭოდნა.
Line: 8 ჲერჳაჲს ჭაშს ჲეხჳ ლოქ ჟი ხაწრე, ეჯი̄ ლოქ მაგ ლϩდგართე ხოჩმი̄ნა,
Line: 9 მარაМ ეში̄ ლოქ ლუჳარ ახსერე̄ნა. ემტეხ აგითე ჭაშ, ოხკი̄და ხოშა
Line: 10 ტყენ ი ჩოთჟჳერაჳა გულჲანდ. ეჩქაМ სგა̄თჴϩ̄რენა ჲეხჳ, ერე ჩუ ლოქ
Line: 11 ნო̄მუ მადგარი-იМ ფაცხი̄ლისა̄ჲ ლოქ ჩოთგენი მახჲადა̄რ. ამϩნღო ბობშ
Line: 12 ჩოთსაჩქჳრა ჭაშს ი ოთფი̄შჳდა ეჲჟი მიჩა აგითე-იМ ჯამზϩრახ ღერთემ
Line: 13 ამშა მუჳნარი მა̄რე მაგ. Line: 14 ალ ციგინი̄ ნესტარდ ანა̄მბჳე ჯაბაშა ჭყინტდ. ჲერჳაჲს ჲეხჳ
Line: 15 ხემწირ-ი ეჩა ლუქჳს ჩუ იჯრაჳი ჭაშ, ეჯ კალიბ მა̄რაჟი ხოხალხ ალ
Line: 16 ციგინი ლი̄მბჳი ლა̄შხარს. Добавлено (2007-06-07, 5:30 Pm)
---------------------------------------------
ჲაკოფ სარე̄ჩი ციგინ. Line: 18 ალე ჯამზϩრას ღერთემ-იМ ლϩმარდ ეშხუ ჲაკოფ სარე̄ჩ, გეზალ მა̄
Line: 19 ლახჳოდე̄ნა. ღერთალ ოხწუხჳა ლაჴϩ̄რა̄ლს. ოხზϩზა ღე̄რბათს ანგლოზ,
Line: 20 ოხყეჳნა ანგლოზიშდ წϩრნი უსკჳ, ჩოთბიჴჳა ჲეხჳ-ჭაშიშდ ეჯ უსკჳ
Line: 21 ი ხოქჳა, "მინს ლოქ ეხთენიხ გეზალ ი ჟახად ეჯის ჲაკოფუ ლოქ
Line: 22 ესჟახეხ მიჩა მუე ჟახე. სემი ზაჲ მურგჳალ მუ̄რყჳამხენქა ნო̄საჳ ლოქ
Line: 23 ანფიშჳდხ, ოდო ჩუ ლოქ ოთთჳეფნიხ სემი ზაჲ მურგჳალ ი ეჩანღო
Line: 24 მინეშ ი̄რი აჯაღუდ". ჩჳედღანჳა̄ნ ჲაკოფ სარე̄ჩი ჲეხჳ ი ქე̄ხთენა̄ნდა
Line: 25 ბობშ ი ჟანპრისდეხ ი პეპიდ ედგენეხ ჯგϩრა̄გ, ჟესჟახეხ ჲაკოფ მუეშა̄ლ.
Line: 26 ხეყე̄დახ სემი თოჲ მუ̄რყჳამისა ი დეშ ედგიჭხ, ქა ხოჩდენო̄ლხ
Line: 27 მუ̄რყვამხენ. ლე̄თჳშ ირთხინს იცხმϩდა ი ლადეღჳშ კამϩლს. ალახ დოშ
Line: 28 ედგიჭხ მუ̄რყჳამისა, ქა̄ნფიშჳდხ. ოხჴიდხ ჩა̄რე ჯოგ ი იმჳაჲ ტოტ
Line: 29 ოსცჳჲე, მაგ ჩჳადჯაჭუ̄რე, ჲაღო მიჩა ბაბა̄ რაშ ლოქ ხა̄ბ ჳორმო̄ჲსა ი
Line: 30 "ეჯჲუ ლოქ ოხჴიდხ". ოხჴიდხ-იМ ოსცჳიე ტოტი ღულა̄ჲ თხუმჳარ ესშიდჳნე,
Line: 31 ჟანსკინე რაშემ ი ხე̄ქჳ ერე "ალე ლოქ მიჩ დე̄სა ხაჲე̄ნა იჳალადეღ".
Line: 32 ქა̄ფიშჳდხ ეშხუთოჲა ჳადაჳშ ბალახთე̄ჲ ეჩϩნღო ანჴად მიჩაჳშ.
Page: 61 Line: 1 ოსცჳჲე ტოტ-იМ ფათჳ დეშსა ათკჳარჳნე. რაშემ ხე̄ქჳ: "ჲაღო უნგირ
Line: 2 ლოქუ ესგე მიჩ". ჟანუნგრე ი ჟი ლახსგუ̄რდა. რაშემ ხე̄ქჳ ერე "ჩუ̄
Line: 3 ოხქახ. ოდოМ დეცს ლოქ ლახხიპე ჟი, ჯეჲ ლოქ ჩუქჳა̄ნ ეხცა̄დი, ჩუბო̄ჳ
Line: 4 ლოქ ლახხიპე, ლესგხენ ლოქ ეხცა̄დი, ლესგთე ლოქ ლახხიპე, მე̄რმა
Line: 5 ლესგხენ ლოქ ეხცა̄დი". ანპარ რაშ დეცთეჲ დეცელიხპე ხაკუჩ-ი ჲაკოფ
Line: 6 ჩუქჳა̄`ნ ესცა̄და̄ნ. ჩუბოჳ ლიხპე ხაკუჩ-ი ლესგხენ ეხცა̄და̄ნ. ლესგთე
Line: 7 ლიხპე ხაკუჩ-იМ მე̄რმა ლესგხენ ეხცა̄და̄ნ. ეჩხა̄ჳ ხაკუჩ ლიხპე̄ჲ ჟიქა̄ნ
Line: 8 ეხცა̄და̄ნ. ჩჳესϩ̄გან რაშ სერ ი აშამ ხე̄ქჳ ჲაკოფს ერე "მიჩა პატრონϩნღო
Line: 9 ხჳაჲ ხან ლოქ მეჩდე̄ლი-იМ ჩუ ლოქ არი ცუდდ". ანსკინე ცხეკხენ
Line: 10 თჳეთჳნე ილჳდ, ეხჭამ ღოშგინ ჲაკოფ მიჩა ლϩრაშდ, ატა-ტა-ტა
Line: 11 ხეჲა̄ლ ი დეშ ხეჲა̄ლ, ესქინე-იМ ეჯი̄ ესქინე. დო̄მ ესქინე-იМ ეჯი̄ დე̄მ
Line: 12 ესქინე. სგა̄ჴად უდუნბურ ცხეკთე̄ჲსა ი ჩჳედბა̄ქა̄ნ ილჳ. ლახსინჯჳე კოჯთე̄ჲ
Line: 13 ამეჟი სგურ ზითუნახაჳ-იМ იცხე̄ნჲელ, იმხენ ჩუ̄ჲ იცჳენი ლაცხნი̄რს,
Line: 14 კოჯს ეჩხენჩუ ატრო̄ნტე. ზითუნახაჳდ ლახტუ̄ლე ჲაკოფს: "ჲარ ლოქ
Line: 15 ჯეჲ?" "ჯეჲ ლოქ ლი ჲაკოფ სარე̄ჩი გეზალ", ჩუ̄ჳ ლოქ ედი̄ღა̄ლა̄ნ ი მიჩა
Line: 16 ლეჭშϩ̄რიდ ლოქ ე ხეყე̄ნი, ჟი̄ჳ ლოქ ანჴად, დო̄რიღო̄ჲ აჩადუ ლოქ
Line: 17 მიჩაშჳდ". ჩჳედი̄ღა̄ლა̄ნ ჲაკოფ-ი ქა ხეწად ზითუნახაჳ. ჲაკოფ ისგϩნჩუ
Line: 18 ჳერცხლ-ი ისგϩნჟი ჳოქრ ლას. ჟი̄ჳ ლოქ ანჩად ჲაღო". ლახტუ̄ლე |
| |
| | |
|
Мужчина |
Date: Четверг, 2007-06-07, 5:33 PM | Message # 88 |
|
Group: Модераторы
Posts: 990
Status:Offline
Дата регистрации:
2006-08-29 |
19 ზითუნახაჳდ. ჟაჩად ჲაკოფ ი ხე̄ქჳ: "ჲაღო ჩუ̄ჳ ლოქ ელგჳირგჳნე̄ნდედ!" "მა̄დე,
Line: 20 ბა̄ზი მეშხად ლϩღაფ სადგომისა ლოქ ადϩ̄გა̄ნ ი მϩხარ სგა ლოქ
Line: 21 ლეჲგჳირგჳნი, ჩუ ლოქ ნო̄რდუ ადქადჳნე ბა̄ზი". სგა̄ჩად მეშხა ჳოთახთე
Line: 22 ჲაკოფ-ი იღრა̄ლ მიჩაშურად. ზითუნახაჳდ ხაჴიდ შიარ უშხჳა̄რ ი კოჯთე̄ჲსა
Line: 23 ეთკარა̄ნ ყო̄რ-ი სგა̄ჩად. ჩჳედბურა̄ნდა-იМ ანჴადხ ჲეშდთექა და̄ჳარ.
Line: 24 ხაკუხ, ერე ჩუ მოშ ადქადჳნახ ამსჳა̄ლდ, მარაМ დეშ ადქადჳნეხ-ი ჟანხჳიტ
Line: 25 და̄ჳარ ჲაკოფდ. ქაშიდ ღელათე̄ჲსა ი ჩჳადყუ̄რდა. ჩუ ერ ედრუა̄ნდა,
Line: 26 ლაგა̄გიჟი ეშ მϩრ კი̄ჳა. ძინარს ზითუნახაჳი̄ სგა̄ნჴად-ი ჲაკოფ ლეხჭოდდა:
Line: 27 "იმნარ ლოქ ალკი̄ჳი̄ნე̄ლი ლაგა̄გიჟი". "იმნარ ლოქ-ი ალ სადგომს
Line: 28 და̄ჳარ ლოქ ხაფსჳნახ ჟი, ეჯჲარს ლოქ ემოშ ჩი̄ს ჟანხჳტე, ალე ლოქ
Line: 29 თელდ ჩჳედღი̄ჳი̄ნი". ამ ლადეღ ეშხუდ არიხ ჲაკოფ-ი ზითუნახაჳ, ჩუ ერ
Line: 30 ედნებჳზა̄ნდა, ზითუნახაჳ ჟიМ-უდ აჩად კოჯთე̄ჲსა, ჲაკოფ ჩჳასად
Line: 31 სადგომისა. ამ ლე̄თ ხოფშირა̄უდ ანჴადხ და̄ჳარ აშ ერე გარჯ ხა̄რ მიჩ
Line: 32 გარ ეჯჲარე ლიხჳტე დაშნა̄ჲ უჴმარად-ი რაში უწე̄ნა̄ლად, მარაМ ეში̄
Line: 33 ჟანხჳიტ, სგა ერ ეხნეჩდა̄ნდა ეჯი, მაგ და̄ჳარ გულიბდ ადგენა̄ლე ი ქა̄შიდ
Line: 34 მაგ კოჯს. მეშხე სადგომ მესმე ლϩმა̄თი ჩჳედკი̄ჳი̄ნა̄ნ თელდ. ჩჳედრუა̄ნდა,
Page: 62 Line: 1 ანჴად ზითუნახაჳ. ჲაკოფდ ხე̄ქჳ ერე "მიჩა ლირდე ღჳარა,
Line: 2 ლე̄თი ძღϩდ გარჯ ლოქ ხა̄რა და̄ჳარე ლიხჳტე". Line: 3 "გარჯ ლოქ ბა̄ზი ხე̄რი, ლე̄თი ლოქ ერ ემჴედხ, ჲერუ ეჲზუმ ლოქ
Line: 4 ანჴდენიხ ბა̄ზი მინე ლϩხენწიფდ და̄ჳარ. ლიმარგ ბა̄ზი ლოქ ეჲკჳეჲნი
Line: 5 ეჯჲარცახან ლაცჳა̄ლისა". Line: 6 ჩჳედბურა̄ნდა ი ეჯი კოჯთე აჩად ი ჯეჲ ჩჳასად მიჩა სადგომისა.
Line: 7 ანჴადხ და̄ჳარ, მარაМ მაჲ, ჩუ დეშ ხასკდახ მიდამისა. რაშს ლეხჭოდდა:
Line: 8 "მიჩ ლოქ მაჲ ხა̄ჲმედა?" მიჩ ლოქ ეჯი ხა̄ჲმედა, ერე სი ლოქ ლახ ჟი
Line: 9 მესგჳრი̄ხი, ჲესჳა̄ჲ ძუას ხორკინნი ჲედ ჴეფს, ჩი̄ს ლოქ ჟი ხუტნი".
Line: 10 ხმალს ლეხჭოდდა ერე "მიჩ ლოქ მაჲ ხა̄ჲმედა?" მიჩ ლოქ ეჯი ხა̄ჲმედა,
Line: 11 ერე ჯეჲ ლოქ აქთუნდაუ ი და̄ჳარს თხუმჳარ ლოქ ხეჭკჳრო̄ლნიხ".
Line: 12 და̄ჳარე ხენწიფდ ხე̄ქჳ ჲაკოფს. "ხჳაჲ ლოქ ოხხჳი̄ტა, მარაМ ბა̄ზი
Line: 13 ხოლაМ ლე̄თს ლოქ ახჲეს, მიჩ მა̄დე̄ჲ მიჩა მუ̄ლუ̄დსი̄ ჩუ ლოქ ადტკურნი".
Line: 14 ჟენბინა̄ნ ლიცჳა̄ლ. ხუტე ი ხუტე ჲაკოფ და̄ჳარე ჯარს, კოჭო̄ლ
Line: 15 ერ ხოკლϩნდა, ეჩქაМ ხმალ ოთკჳაშ ჩუ. მაგ ჟანხჳიტ-ი ეშხუ კაჩხჳ
Line: 16 და̄ჳუ̄ლ ოთსად უდგარად, ლϩდგარუ̄ცახან მეყჳნე. მაფეშჳშ ჯე̄ჲ სგე̄დსიპა̄ნ
Line: 17 ლაყჳრათე̄ჲსა ი ტოტ ქა̄მენჩუ ოსსად. ანჩად ალ კაჩხჳ და̄ჳუ̄ლ-ი
Line: 18 ჟენკო̄დე კეტჳშ ხმალი ნაკჳიშ-ი ჟესრიღჳ ქალუცჳირ ტოტ ჟი
Line: 19 ჲაკოფს ი ქა̄თქჳიც მეჴერ, მარაМ ჲაკოფს ეში̄ დე̄სამა ხობჯა ჟი, ეჲჟი Добавлено (2007-06-07, 5:32 Pm)
---------------------------------------------
20 მაფშა̄რ ლას-იМ ბϩგიდ ხაგდϩდა. ძინარს ანჴად ზითუნახაჳ ი ლϩდგარუ
Line: 21 და̄ჳარ მაგ ქა̄შიდ ღელთე. ხეწად მექჳცა ტოტს ჲაკოფიშ ი ლოხცჳიე
Line: 22 პლატუკ ი სგალახბე ტოტ, იმჟი̄ ეჩქაМდ ხა̄და, მარაМ კოჭო̄ლ დაღი̄ლ
Line: 23 ესთენა̄ნდა. ქა̄ნჲეცხჳნე ი ჲაკოფდ ხე̄ქჳ: "მიჩა ლირდე ღჳარა ლოქ, ლე̄თი
Line: 24 ძღϩდ თϩმი ხა̄რე̄ნა, ლაჳჟაჲსა ტოტ ლოქ ე̄რეს ოხქჳი̄ცა". ზითუნახაჳდ
Line: 25 ხე̄ქჳ ერე "ეჯ ტოტ მიჩ ლოქ ლოხტი̄ხა სგა. ადსინჯჳეხ სადგომ ი
Line: 26 თელდ ლϩკი̄ჳი̄ნე ლი, მარაМ ეშხუ ყალბი̄ლ ხეცჳარ მეშხად ეშხუ აგის ი
Line: 27 ეჯის ლოქ ოთქჳი̄ცა ლე̄თი მიჩაშჳდ ტოტ". სერ ჩჳედგჳირჳნა̄ნხ
Line: 28 ალჲარ, მარაМ ლაგჳირჳინა̄ლჟი ნიც ახფϩ̄ნდა ჲაკოფს-ი ოხჴიდ თოთობაჲ
Line: 29 ბობში̄ლდ ლიც, ლალϩ̄შ-ი ჩჳადშდϩმე ი ჩჳადყუ̄რდა ი ჩჳასად
Line: 30 უგჳირგჳნად. ეჩჟი მე̄რმა ლადეღუდ ხაყერ. კაჩხჳ და̄ჳულ ასსიპე̄ნა
Line: 31 თოთობაჲ ბობში̄ლდ-ი ეჯი ხაფნა̄სჳნინა ლიცს ჲაკოფს ლაგჳირგჳნა̄ლჟი.
Line: 32 მესმა̄მდ ჟი ლეთმი̄ნე ლოქ ჯა̄რ ლიცი მაფϩნ, ოდოМ ჩუ ლოქ ჯექრაჳი
Line: 33 მიჩა თხუმ იჳალადღიშდ. ე ლოქ დო̄მ ეხთϩმი̄ნნე ლიცე ლითრეს.
Line: 34 ჲაკოფდ ხე̄ქჳ ერე მაჲ ლოქ ხაყრის ღო. მესმა̄მდ ლაგჳირგჳნა̄ლჟი აჯაღუდ
Page: 63 Line: 1 ჩჳეთგა̄წბულა̄ნდახ ლიცე მაფϩნშჳ. ერ ახფϩ̄ნდა, ოხჴიდ თოთობაჲ
Line: 2 ბობშემ ლიც ი ლალϩ̄შ ი ჩჳედგურნა̄ნ მაშდმა̄რ. სერ ეთქარჳა̄ნ ზითუნახჳ
Line: 3 იჳალადღიშდ. ჩჳადი̄რე ლაჲრ, ჟესდე გუჟი, ატლასი ქესა̄ჲ
Line: 4 ჟესდე გუჟი ჲაკოფს ი ჩჳედგჳა̄ნე, სგე̄სგუ̄რდა ხჳალმანდთე̄ჲ აჩად.
Line: 5 ანჲაცხ ჲაკოფ ი დე̄სა ხაყა ჲეხჳ ი ატლასი ქესა ი ქაღალთ ჟი ხა̄ზ
Line: 6 მუჭოდჟი. ჩჳესჭოდა̄ნე ქაღალთ-იМ ხე̄ჲრა̄ნ ერე "ჯეჲ ლოქ სერ იჳალადეღ
Line: 7 დეშსა ხეთხნი მიჩ". მე̄ჳარ ხოლა გუჟი ღალ ადϩ̄გა̄ნ ჲაკოფ. დე ლა̄რტყს
Line: 8 იბენ ი დე ჩაფლარს იდე̄ს ი დე ფაყჳს იგემ ი იზელა̄ლ ეჲჟი. ლახხჳი̄და
Line: 9 მიჩა პეპი ჯგϩრა̄გ ი ლეხჭოდდა მიჩა ლუწხჳაჳად ლირდე, "იმშა ტარ
Line: 10 ლოქ ლი". "ამჟი-ამჟი ჲეხჳ ლოქ ემთჳაფ ჩუ". "ჯეჲ პილწ, იმღა ლოქ
Line: 11 დო̄სი ლახჭოდნე̄ნა მიჩ? ჯეჲ ლოქ და̄ჳარე ლახჳტას ლესგხენ ხაგნე̄ნა,
Line: 12 ოდოМ ჯეჲ ლოქ მიჩაМ-შურაМჲ იმ ანხჳტა, ჯეჲ ლოქ უმჴერა!" ხათო̄ნე
Line: 13 ჯგϩრა̄გდ ამჟი: "ჩუ̄ჳ ლოქ ადგარ მიჩა რაშ კოჯა ძირმϩყ, თხუმ ი
Line: 14 ფაშ ჯო̄დჲათეუ ლოქ ადჲე ქა. გობრანჯთე̄ჲსა ჯეუ ლოქ აჩად სგა
Line: 15 ი ქაჳ ლოქ ანშხებე ი ეჲჟი ლუპჟუნადუ ლოქ ა̄რდა სგა̄მენ
Line: 16 გობრანჯისა. ენსგიდნი ლოქ არწიჳ, ესწჳე̄ნნე ლოქ გობრანჯს, ესფხიჭნე
Line: 17 ი ადჲეს ლოქ, მარაМ ჟი̄ბ ბა̄რტყალდ ნო̄სა ლოქ აჯდა̄ჳშახ, მი ლოქ
Line: 18 მუმურჯი ჯე̄რი მეჲად. არწიჳ ანტხენი ეჩანღო თხუმთე ი ფაშთე, ეჩქად*
Line: 19 სი ქო̄ხჩედნი̄ხი ლოქ, ჳოდ ჟანჴდე არწიჳ თხუმს ი ფაშს". რაში ლიდგარი
Line: 20 ღალ მე̄ჳარ ხამჭი̄ნდა ჲაკოფს, მარაМ რაშემ ხე̄ქჳ ერე "ნომა̄ჳ Добавлено (2007-06-07, 5:32 Pm)
---------------------------------------------
: 21 ლოქ ხატკლებ ჯეჲ, რაშალ ლოქ ხჳაჲ ჯეთხი სი ი მი ლოქ მე̄ჳარ
Line: 22 მა̄ზნუნი ისგჳა ბაბა̄შთე". ხაკიდ ხმალ-იМ ქა̄`თკჳარჳნე თხუმ, ფაშ ი
Line: 23 თხუმ ჯო̄დჲას ესდე. გობრანჯთე სგა̄ჩად ი ჟანშხებე. ენსგიდდა არწიჳ
Line: 24 ი ესწჳე̄ნე რაში გობრანჯ. ანპარ ჩუ̄ჲ ჟადჲე. ეჩანღო ანტახ ჩუ
Line: 25 თხუმთე̄ჲ ფაშთე. ჲაკოფ ეჩქაМ ქო̄ხჩად ბა̄რტყა̄ლს ი ჩჳაჩად ზითუნახაჳი
Line: 26 ლარდა სახელმწიფთე̄ჲსა. ჩჳედბϩრგა̄ნდა ღარიბ ზურა̄ლო̄ლმϩყ.
Line: 27 ატლასი ქესახენქა ხოშდე თჳალ-მარგალიტს ი ჩჳადკეთლე ეჯ
Line: 28 ზურა̄ლო̄ლ. იმე̄ჲ ჯეჲ ხებϩრგა̄ნდა. ეჯ ზურა̄ლო̄ლი ჲეზჳმϩყ ლϩ̄გა̄ნდა
Line: 29 საყდარ. ქა̄მენქა ხე̄ჲრა̄ნდა ეჯის: "ვინც შევიდეს, არ გამევიდეს".
Line: 30 ალე ესჭოდა̄ნე ჲაკოფდ-იМ ხაჴიდ იშთხჳ-იМ სგა̄დკარე ყო̄რალ. ეჩა
Line: 31 ჴურჳალლეჟაМ ხეტყჳბა̄ნდახ სემი ლახჳბა გმირალ ჩუ ლϩშშაჳე. ლახაგა̄ნ
Line: 32 ხოშა მუხჳბას. ხაყერ წეს-აგება-იМ ქა̄ნჲაცხ. "მიჩა მადილუ ლოქ ხა̄რ
Line: 33 ჲაკოფს, დე ლოქ გიმს ხაბრიე̄ნახ მინ-იМ დე დეცს. მინე ცოდ ლოქ
Line: 34 ხა̄ცჳ. ჲერჳა̄ჲდ ღენ ლოქ ყო̄რალჟი ესა̄ჲრე: "ვინც შევიდეს, არ გამეივდეს"
Page: 64 Line: 1 ლოქ. სგა ლოქ დეშერს ოთბედჳა ლიჴედ. ალ გმირდ ხე̄ქჳ
Line: 2 ჲაკოფს ერე ჯეჲ ლოქ ლოხფუ̄ლნე მიჩ მიჩა ნალჴმაშას. ქა̄ჩად, ქა
Line: 3 ლოხფუ̄ლე მიჩა ნალჴმაშა ი გმირ ჩჳედბა̄ქა̄ნ. ჲაკოფ ერ ლას, ჲერუ
Line: 4 ეჲზუმ ნალჴმაში ლეხჳოდა̄ნ. ქა̄ჩად ი მერმაМ მუხბას ლახა̄გა̄ნ, ხაყერ
Line: 5 წეს-აგება ი ქა̄ნჲცხხ, მიჩა მადილუ ლოქ ხა̄რ ჲაკოფს მიჩა ქუნე ნაგნუ̄რ,
Line: 6 დე ლოქ გიმისა ლϩმარდხ მინ ლუშდუხ ი დე ლოქ დეცეშდ ხაგდენახ.
Line: 7 მინე ცოდუ ლოქ ხა̄ცჳ, ჲერჳა̄ჲს ამეჟი ლოქ ოთო̄ჲრა: "ვინც შევიდეს,
Line: 8 არ გამევიდეს". სგა ლოქ დეშერს ოხბედჳა ლიჴედ. ქა̄უ ანჩად-იМ
Line: 9 ქა ლოქ ლოხფუ̄ლნე მიჩა ნალჴმაშას. ქა̄ჩად-ი ქა ლოხფუ̄ლე. ჲაკოფ
Line: 10 ეჲჟი ენϩნგჳამი̄ნა̄ნ ერე გიმს ხა̄და გჳამი ნალჴმაშოშ. ლახა̄გა̄ნ
Line: 11 მესმა ხოხრა მუხბა გმირს-ი ეჯისი̄ ამჟი ხაყერ, იმჟი ი ალჲარს.
Line: 12 ქამე̄ჲცახან ეჯნე̄მ, ქა ლახო̄მ ლაფუ̄ლუშ მიჩა ნალჴმაში ი ლეხჭოდდა:
Line: 13 "მიჩა ლახჳბას ლოქ მაჲ ხოშჩუქრახ მიჩაშჳდ". "ნალჴმაში" ლოქ. "ეჯღა
Line: 14 ლოქ ლϩმა̄რხ ეჩქადი̄ და̄ჳარ, ერე იმნარ ლოქ ხაკუხ მინს ლოქ ერ
Line: 15 რაშალ ხაყახ. ჩუ ლოქ ადერ ამეჩუ, ჩუ ლა̄ზ, ლო̄ბი ლოქ ერ ხა̄რ
Line: 16 ეჩელექჳა-იМ ეჩეჩუ რაშალ ლოქ ეჩხო̄ლიხ სემი" ეშხუ წϩრნი, მე̄რმე მეშხე
Line: 17 ი მესმე თჳეთჳნე ეჯჲარს ჩი̄ს ლერექჳ ხა̄ზხ, მეშხას მეშხე, წϩრნის
Line: 18 წϩრნი ი თჳეთჳნას თჳელთჳნე. შომა̄ჲ. ლოქ ხოშა თϩმი ჯა̄დეს, ეჩქაМ
Line: 19 წϩრნი რაშხუ ხესგჳრო̄ლდა ი წϩრნი ლერექჳსუ იქჳმუდა. თჳეთჳნა
Line: 20 რაშს მეშხე ლოქ ხოჩა ნაბგან, მეშხას -- წϩრნი ი ლერქჳალცახან
Line: 21 მიჩა-მიჩა ფერი იარაღ ლოქ ხორიკ ჩუ ჩი̄ს. ჩჳაჩად ლო̄ბი ლექჳა, გაცხა̄ჲდ Добавлено (2007-06-07, 5:32 Pm)
---------------------------------------------
: 22 ეჲჟი ოსხჳი̄დახ რაშალ მინე მინე ლϩრექჳდ ი ლϩჲარაღდ გაწყობილ.
Line: 23 ლეზობდ რაშალს ჩუ ხოშϩდახ ხოჩა ირინჯ-იМ იზბϩდახ. ქა̄ნტახ მიჩა
Line: 24 ბინათე, ლაყჳრა დეშსა ხოგიჭ ჲაკოფს, დეთა̄ჲ სკამ. გიმჟი იყჳნი ჩუ.
Line: 25 მარაМ მიჩა ნაზϩმს ჟი ხათნე, ჟი ერ იგნა̄ლ, ეჩქაМ. მიჩა ლეჲხუ̄რი
Line: 26 ზითუნახაჳ ეჩქაМ გარ ემჴედე̄ლი ეჯ სახენწიფთე̄ჲსა მიჩა ეჩე ლარდუშ,
Line: 27 აშ ერე ჯეჲ ახჩეშა, ჩუ მეჩდას მეჭემ, სგა ლაბედდ. იმთე̄ჲ ზითუნახაჳ
Line: 28 ადჲეხ ხენწიფიშთე, ეჯ ხენწიფს ლოხზϩზე მოცქულ ჩხარა ლუთხუმ
Line: 29 და̄ჳდ. აშიშდუ ლოქ ოთჴიდხ მიჩ ძინრი ხეჳსდ მინე ზითუნახაჳ,
Line: 30 ოდო მინს მა̄დე-იМ ჩი̄ს ლოქ ჟანხჳტე მინე სახენწიფს, მუ̄მბჳის
Line: 31 ლოქ და̄ს აფშჳდე. ალ ზითუნახაჳს ჲაკოფიშდ ლოქ ოხხჳიტჳნა მიჩა
Line: 32 მეხუბ და̄ჳარ ი ეჯღა ლოქ ლი ლϩმჯა̄რჳე ამშა̄შთე ი აშიშდუ ლოქ
Line: 33 ოთჴიდხ ჩუ მიჩ ძინარს დო̄სგ!" ალ ამბაჳ ჩჳედკჳჲე ჲაკოფდ. ლეხჭოდდა
Line: 34 რაშალს: "იმჟი ლოქ ხოჩა?" წϩრნი რაშემ ხე̄ქჳ, ერე ეჩა დაგრა Page: 65
Line: 1 ლოქ მა̄მ ხოჴდენი ძღϩდ კჳედდ-იМ ჟი̄უ ლოქ ლახსგუ̄რდა მა̄ნკჳი
Line: 2 თჳეთჳნა რაშს, თჳეთჳნე ჲარაღ ი თჳეთჳნე ლერექჳშუ ენგა̄წყობლა̄ნ, მინ
Line: 3 ლოქ მარქაფდუ ლეჲყედნე. ერ ირჳა̄ლ ალჲონი პილთე, ძუღჳად ედბინე
Line: 4 ლიტორტმანი. ესრენ ხენწიფს ჟახყალუ̄ნდა ჩხარა ლუთხუმ და̄ჳაშდ
Line: 5 ი ჩოთჴი̄დახ ძუღჳა̄ პილთეჟი ზითუნახაჳ. ეჯემ ხამურჯი ჩუ ლინტყჳის
Line: 6 და̄ჳ ზითუნახაჳიშ, ანჴადხ ამჩიქა დეცე ნამფა̄რჳაქა ჲაკოფ-ი
Line: 7 მიჩა რაშალ ი ხეძგარხ და̄ჳს ი შიშდ ადგარხ. ესტუ̄ლე ჩიემ ერე
Line: 8 მინს ლოქ ღერთალ ახწე̄ნახ, ოდო იშგენ ლოქ დეშერ ლϩმდაგრინ
Line: 9 ჩხარალუთხუმ და̄ჳს. ამშა დაგრა ერ ედკჳიე ჲეშდ-ჳოხუშდლუთხუმ
Line: 10 და̄ჳდ, შიშდ ანზϩზე მოცქულ. ჩუ̄ჳ ლოქ ოთჴიდხ მინე ზითუნახაჳუ̄ლ
Line: 11 აშიშდ, ოდოМ ჩი̄ს ლოქ ქუნს ოხქჳიცე ფუ̄ლ ხანისა. ალე ერ
Line: 12 ხე̄ქჳხ ჲეშდ-ჳოხუშდ და̄ჳა ნამციქულ ჲაკოფს, ლეხჭოდდა მიჩა რაშალს,
Line: 13 მაჲ ლოქ ხოჩა. რაშალდ ხე̄ქჳხა მეშხა რაშს ჟი̄უ ლახსგუ̄რდა,
Line: 14 წϩრნი̄ თჳეთჳნე მარქაფდუ ედჭე̄ნე ი სგა ლოქ ლელცჳა̄ლე̄ნდედ. ჩუ
Line: 15 ერ ედრუა̄ნდა, ძუღჳად ედბინე ლიტორტმანი. ანღლი მაგ ერე აჯაღ
Line: 16 ლოქ ანჴდენიხ ღერთალ და̄ჳა მϩდგარიდ. დეცე ნამფა̄რჳაქა ენთენა̄ნხ
Line: 17 ჲაკოფ-ი მიჩა რაშალ, ხეძგარხ და̄ჳს-იМ ჩჳადგარხ ეჯი̄. ატახ მიჩა ბინათე
Line: 18 ჲაკოფ-ი ჩჳესბა̄ლე რაშალ. ათხე ანზϩზე მოციქულ ჲერჳეშდჳოხუშდლუთხუმ
Line: 19 და̄ჳდ. შიშდუ ლოქ ოხჴიდხ მინე ზითუნახაჳუ̄ლ, ოდო
Line: 20 ეშთა̄ნ ჳორგულს, მინს ლოქ ერ მი̄მანს ესტყჳიფე. ლეხჭოდდი რაშალს
Line: 21 ჲაკოფ: მაჲ ლოქ ჯახოჩხ ამშა? ათხეМ ლოქ მე̄ჳარ გარჯ ლი
Line: 22 ეჩა ლიცჳა̄ლ. "ეჩქადი̄ ლოქ ხჳაჲდინ ხოცჳა̄ლახ ეჩაშდ მიჩს, მარაМ Добавлено (2007-06-07, 5:33 Pm)
---------------------------------------------
: 23 დეშსამა ლოქ ხოყრახ. თჳეთჳნა რაშსუ ლოქ ლახსგუ̄რდა, აჯაღ წϩრნი
Line: 24 ი მეშხე მარქაფდუ ლეჲჭე̄ნე ი სგა ლოქ ლელცჳა̄ლე̄ნდედ. ემოშ ლოქ
Line: 25 ალწინად, ეზარ, დო̄რიღო̄ჲ მაჲ ლოქ ლაყრიდ? მი ლოქ, ჴარჴს ერ ადკარნე,
Line: 26 სგა ლოქ ოთშყედნი ჴარჴთე. ღო ჴადთე ი ლოხჳე̄რი ლოქ
Line: 27 ლაჳუ̄რას გულ-ჩონჩხს ი სგაჲ ქა̄მენხენისა ხეშჲა̄ლნიდ. ემოშ ლოქ
Line: 28 ანტხენი ჴადხენქა, ეზარ ი დო̄რიღო, მა̄ჲ ლოქ ლაყრიდ. ალე ოხჩეჳე
Line: 29 წϩრნი რაშემ. ედრუა̄ნდა ჩუ ი ედბინე ძუღჳად ლიტორტმანი, ანღრი
Line: 30 ჲერჳეშდჳოხუშდლუთხუმ და̄ჳ, დეც ი გიმ ქუთან. ენთენა̄ნხ ამჩიქა
Line: 31 დეცე ნამფა̄რჳაქა ჲაკოფ-ი მიჩა რაშალ. ენცხუ̄ტი̄ნე წϩრნი რაშემ-ი
Line: 32 სგო̄თშყაМ*დ მϩკარ ჴარჴთე̄ჲსა ი ღო ჴადთე ადსკინე, სგა ლახა̄და
Line: 33 ლაჳუ̄რას გულჩონჩს, ამხენ ალჲარ ხეძგარხ ი ხაქცუ̄რეხ თხუმჳარს-იМ
Line: 34 ხეტხენიხ აჯაღუდ თხუმჳარ, გარჯ ლი სერ ლიწნე, ეჲჟი ლი გჳეშ, მარაМ
Page: 66 Line: 1 ამჩიქა ნეპო̄ლი̄ლდ ლახტუ̄ლე: "ჲაკოფ, ნიორწყალუ ესგოშე ქამექჳცა
Line: 2 თხუმჳარჟი". ჟესგოშე ნიორწყალ-ი მა̄მ ლეხტახ თხუმჳარ
Line: 3 და̄ჳს. ჩჳეს მორჩლეხ, წϩრნი რაშემ ერ ანსკინე ქა ჴადხენ,
Line: 4 ეჩϩნღო ი ჩჳადგარხ. წჳრნი რაშ ზისხა̄რ ლას ჴადისა
Line: 5 ნარდჳ ი ჩჳადბარა̄ლე ჲაკოფდ-ი ანჩადხ აგითე მინე ბინათე
Line: 6 დო̄რო̄ლდ. ათხეМ გარ ათირ ზითუნახაჳდ ჲაკოფ. ათხაМდ დეშ
Line: 7 თერდა, ეჲჟი მაჲე̄ლჳაშა̄ლ ხერღჳენო̄ლ და̄ჳარს. მიჩაჳშ ჲაკოფდ
Line: 8 მა̄მ ლახლათრუ̄ნე თხუმ. ჲაკოფს ალმასი თე ხა̄რაი ეჯნარ ლოხთხეპა
Line: 9 თე ზითუნახაჳს, ალე ლოქ მიჩა ჲაკოფ ლი. ადზორე ხენწიფდ
Line: 10 მიჩა სახენწიფ-ი ხეთხე̄ლიხ ჲაკოფს, მარაМ დეშერ ეთლა̄კან
Line: 11 ამსჳა̄ლდ. მე̄რმადუდ ადზორე აჯაღ, ეჩქა̄ჲ დეშერ ეთლაკა̄ნ.
Line: 12 მესმად ერ ადზორე ხენწიფდ, ლეხჭოდდა ჩი̄ს, და̄რ ლოქ არჲა̄ მიჩა
Line: 13 სახენწიფისა მა̄რე. ეჩქაМ გარ ლექჳ ჲაკოფი მასძელ ზურა̄ლო̄ლდ ერე
Line: 14 მიჩაშმϩყ ლოქ არი ეშხუ და̄ჳუ̄ლ, ჩუ ლოქ ერ იყჳნი გიმჟი, მიჩა
Line: 15 ნაყჳინს ჟი ლოქ ხათნე. ზითუნახაჳს ათა̄და ერე ეჯი ლოქ ლი მიჩა
Line: 16 ჲაკოფ. ანჲე წϩრნი რაშ ჲაკოფდ-ი ჟი ლახსგუ̄რდა, აჩად-ი ქა
Line: 17 ლეხწჳე̄ნა̄ნ ზითუნახაჳს ი ეჩϩნღო ჩჳესპაჟჳ. აჩად ზითუნახაჳ ლათხე̄ლითე
Line: 18 ჲაკოფიშ-ი ჟენთხე̄ლე საყდარისა, მარაМ აჯაღ ჩუ̄დ ესპაჟჳ ჲაკოფ.
Line: 19 აჩად-ი ზითუნახაჳდ მესმა̄მდ ჟიუდ ენთხე̄ლე-ი ეჩქაМ ხე̄ქჳ ერე ჩუ ლოქ
Line: 20 ე დო̄მ იჩრაჳი, ჩუ ლოქ იდგარი ჯეჲ. ეჩქაМ ჩჳედჩერჳა̄ნ ზითუნახაჳიცახან
Line: 21 ი ჩუ̄ჲ ედგჳირგჳნა̄ნხ. ეჩე̄ ხენწიფდ მიჩა ხϩნსგე ნა̄თჲობა ქა
Line: 22 ხაშჩუქრე ალჲარს. ამ ხანისა ჲაკოფს სემი ზაჲ ლახრა̄გϩ̄ნ ქორხენ
Line: 23 მეჩდან. ათხეМ ანტახ სერ მიჩა აგითე. ზითუნახაჳი̄ ანჲე მიჩაცახან. |
| |
| | |
|
Мужчина |
Date: Четверг, 2007-06-07, 5:36 PM | Message # 89 |
|
Group: Проверенные
Posts: 352
Status:Offline
Дата регистрации:
2006-09-07 |
24 ათხეМ ერ ათარა̄გϩ̄ნ ჲაკოფს, ზითუნახაჳს ერ ხეწად, ეჩანღო სემი ზაჲ,
Line: 25 ეჯი ანგლოზდ ერ ხე̄ქჳ ჲაკოფ სარე̄ჩს ერე ჲაკოფ ლოქ ეჯთენიხ,
Line: 26 მარაМ სემი ზაჲ მუ̄რყჳამისა ლოქ ეთგიჭდ-იМ ე ლოქ დოშ ეთგიჭედ,
Line: 27 სემი ზაჲ მურგჳალ ჩუ ლოქ ეჯქარჳიხ, ეჯ ანგლოზი ნასგოჯ
Line: 28 ამბაჳ ადგა̄თჳე ღერთემ ი სემი ზაჲ ქა კϩლϩ̄ნ ჲაკოფ ი ამჟი
Line: 29 ეთჯო̄დნა̄ნ ჲეხჳე ლითხე̄ლ-იМ ლიჴდე, მარაМ ეჩანღო ლოქ ეში̄ ანჴდენი
Line: 30 ჲაკოფ, ეჯი ერ ხოსგოჯ ანგლოზდ ჲაკოფი მუ სარე̄ჩს, ათხეМ
Line: 31 ეჯღა ტეხნი აგითე ღერთა ლϩმსგოჯჳშ ჲაკოფ. სარე̄ჩს, ჲაკოფი
Line: 32 მუს, მიჩა სახენწიფ მაგ ჩოთღაფუ̄რა, ლϩდგარ ხახლე̄ნა მიჩა
Line: 33 გეზალ ჲაკოფ. ჲაკოფი დი̄ჲ მუ ჩუ ღალ ალმეჩე̄ლიხ ალ სემიზაჲსა
Line: 34 გეზლა მატკლებჳშ. ანჴადხ აგითე ჲაკოფ ი მიჩა ჲეხჳ ზითუნახაჳ ი Page: 67
Line: 1 ძღϩდ ლიხჲადა̄ლ აჩმინხ მინე სახენწიფისა. ეჯჲარს ეზარ ლირდე
Line: 2 ხა̄რახ-ი ჯამზϩრახ ღერთემ ამშა მუჳნარა̄ლა. Line: 3 სარე̄ჩს ათხეМ მახე-მახე მა̄რე̄ლ გარ ხაყლეხ, ოდოМ ჯჳინელ მა̄რე̄ლ
Line: 4 სარე̄ჯს ლϩმყლო̄ნინხ. სარე̄ჩ მაჲ ჟახე დო ლი, და̄სმა ხომჴერა "ახსნა"
Line: 5 ამშა. აშ ხა̄ჲშხა იაკოფს სარე̄ჩ ჲედ სა̄რე̄ჯ ი მაჲ დო ლი, მა̄მა გჳიმჴერა. Line: 6 ალ ციგინ ანა̄მბჳე ნესტორდ ჯაბაშა. მახე მა̄რე ლი. ხასმა მიჩა
Line: 7 ბაბა მაზი̄შხენ ჯაბაშა. Добавлено (2007-06-07, 5:34 Pm)
---------------------------------------------
ღარიბ მეზგო̄ლა ციგინ. Line: 9 ჯამზϩრახ ღერთემ-იМ ამეჩუ ლϩმარდე̄ლი ღარიბ ქრუჳ ზურა̄ლო̄ლ.
Line: 10 ეჯის ხაყე̄ნა ეშხუ ჭყინტო̄ლ გარ. ეჯ სახელწიფისა ხენწიფეს ხაყე̄ნა
Line: 11 ზითუნახაჳ ხოჩა ლეწჳი̄ლე. ჲერჳაჲ ეშთა̄ნ ლირტყჳელა̄ლს ლე̄ქჳნა,
Line: 12 ერე გაცხაჲდ ლირტყჳელა̄ლ ლϩმა̄რე̄ლას, ჳეზრალ ერ ჩჳადტკიცნახ
Line: 13 ლირტყჳელა̄ლდ, ეჯის ხა̄ჳდინახ ქა ზითუნახაჳს ჲეხჳდ ემჴედე̄ლი ალ
Line: 14 ქრუჳი ჭჳინტო̄ლ ი ხო̄ქჳა ხელწიფიშდ ერე მიჩ ლოქ ხოხალ ხოჩა
Line: 15 ლირტყჳელა̄ლ. ჲაღო ლე̄ქჳარ ლოქ. ათა̄და ალ ჭყინტო̄ლს ერე ჳახშამს
Line: 16 ლოქ ხამა̄რა̄ლნახ მინ ი ლეჳახშამ ლოქ დე̄სამა ხაღჳე̄ნახ, ლარტამისა
Line: 17 ლოქ ხაცხე̄ნა მიჩ კჳახნესუ̄ლ, ემჩედე̄ლი ლოქ ეჩა ლაჴდათე-იМ
Line: 18 ათჭემე̄ნა ეჯ კჳახნესუ̄ლა ბარდს ი დეშსა ლოქ ათლაკე̄ნა, ათჭემე̄ნა
Line: 19 ლოქ ი ძუღჳა ეჩხენთე ლოქ ხა̄რა ქა ლეჭემ კერკაჩხჳშ. ეჩე ჟი ლოქ
Line: 20 ოხგი̄ლა კჳახნესუ̄ლ ი ქა ლეტეხ ლოქ ხა̄რა ძუღჳაქა კერკაჩხჳშ, მარაМ
Line: 21 ჳახშამ ლოქ ეში̄ ჩი̄მიშდ ჟოხჩი̄შა. ალე ეშხუ ლოქ. Line: 22 ათხეМ მე̄რმე ლირტყჳელა̄ლუ ლოქ ლე̄ქჳ ჲაღო. ჟენბინე მე̄რმე̄მი
Line: 23 ლი̄მბჳი: ჳახშამს ლოქ ხამურჯინახ ი ჯიმ ლოქ დე̄სა ხაღჳე̄ნახ მინს.
Line: 24 ძუღჳა ეჩხენ ლოქ ხაცხე̄ნა მიჩ კურმულ ჯიმი კოჯ. ემჩედე̄ლი ლოქ-იМ
Line: 25 ეჩე კოჯი ქა ლაკჳშა კჳერთხ ლოქ დე̄სა ხაღჳე̄ნა, ლოხყა̄ბჲელა ლოქ
Line: 26 კურმულ ჯიმი კოჯდ თხუმ ეჩხენ-ი ამხენ ი ქა ლოქ ოხკჳიშა ჯიმ ი
Line: 27 აგითე ლოქ ოხჴი̄და ძუღჳაქა ი ნა̄ყუნი ლისყი̄ ლიჳახშმა̄ლ ჩიმიშდ
Line: 28 ლოქ ლოხჩი̄შახ მინს ეში̄. Line: 29 ალე ლოქ ჲერუ ლირტყჳელა̄ლ ეზარ ლოქ ლიხ ი ათხეМ მესმე
Line: 30 ლოქ ეხბინ, ხე̄ქჳ ალ ჭყინტო̄ლს. ენბინე ლიმბჳი მესმე̄შიშ. აჩად
Line: 31 აგითე, ხე̄ქჳ მიჩა დის ქრუჳს ერე ხამო̄ლარ ლოქ ერ ხაყახ მინს,
Page: 68 Line: 1 ქა̄ჳ ლოქ ლახო̄მ ეჯჲარ. ქე̄ხბი̄შდა მიჩა დის-იМ ქა̄დჳოდა̄ლე, ეჩა ნაფასჳშ
Line: 2 ენყიდე კეცარ, სგა̄დჲე კეცარ ხენწიფი სასახთე̄ჲსა. ხე̄ქჳ ხელწიფს
Line: 3 ერე ალჲარე ლიგჳშილე ლოქ ხაგად მიჩ ჩილადეღისა ვოქრშჳ.
Line: 4 ალე მესმე ლირტყჳელა̄ლ ლას. ლახსჲამϩ̄ნხ ალ სემი ლირტყჳელა̄ლარ-იМ
Line: 5 ჩჳადტკიცეხ ხელწიფდ-იМ მიჩა ჳეზრალდ გაცხა̄ჲდ ლირტყჳელა̄ლარ
Line: 6 ალ ჭყინტო̄ლა ნაქჳი̄ს. ხელწიფი ასუშ ზითუნახაჳ ქა ლახო̄მხ
Line: 7 ალ ლირტყჳელა̄ლი მუ̄ქჳი̄ს ჭყინტო̄ლს ჲეხჳდ, სგა ლოხგჳირგჳნეხ ი
Line: 8 ხელწიფი ნა̄თჲობა̄ჲ ამის ოთტკიცეხ ჩუ მაგ. ეჯიარს ხოჩა ლირდე
Line: 9 ოთხკი̄დახ-იМ სგაჲ ჯამზრϩ̄რახ ღერთემ ამშა მუჳნარი მაგ. Line: 10 ალ ციგინი̄ ნესტორი ნა̄მბაჳ ლი ჯამაშა. Добавлено (2007-06-07, 5:35 Pm)
---------------------------------------------
ბელხანჯარი ციგინ. Line: 12 კე̄სარს დე ჲეხჳ ეთღა̄ნჳა̄ნ ი დე ჩა̄ჟ ეთჲაშთქა̄ნ. ათა̄და ლϩმჯა̄რჳად
Line: 13 ერე მიშგჳა ღე̄რბათს ლოქ ხჳადგარი ჩუ. ენკიდ ბერჟა კეტ-იМ
Line: 14 ეშ ლეხქარჳა̄ნ მიჩა ღერდა ლათხე̄ლთე ი ღო ჟი ემოშ ითხე̄ლდა,
Line: 15 ჩჳადგარდა კეტჳშ. სგობინ ლახხჳი̄და ჯგϩრა̄გ. ამთე ესღრი ლოქ კე̄სარ.
Line: 16 იმთე ლოქ ესღჳრი̄ მიშგჳა ღერთა ლათხე̄ლითე, ჟი ლოქ ემოშ
Line: 17 ოხთხე̄ლნე, ჩუ ლოქ ოდგარნე. ჯგრა̄გდ ხე̄ქჳ ერე მი ლოქ ხჳი ჲაღო
Line: 18 ისგჳი ღე̄რბეთ. ოხქჲო̄ლე კე̄სარდ კეტ, მარაМ დეშმა ხაჴიდ. ეჩქაМ
Line: 19 ჯგϩრა̄გდ ხე̄ქჳა ღϩრდ ლოქ აგითე ი ჲეხჳი̄ ღა̄ნაჳ-იМ ჩა̄ჟი̄ აშთქე
Line: 20 ი̄რი. ბობშს ლოქ ბელხანჯარ ესჟახედ ი ჩა̄ჟს შაჳჩიტ ი ჳოდ
Line: 21 ბობშდ ჩა̄ჟი მიჩაჳშ ლიფშჳდეჲ ლილსგურა̄ლ დო ლეჲმბეცჳას,
Line: 22 ეჩქაМდ ნო̄რდ ლოქ ანფუშდად. ანტახ კესარ აგითე-იМ ჲეხჳი̄ ღა̄ნაჳ
Line: 23 ესხჳი̄და ი ჩა̄ჟი̄ აშთქე ლას. ახრაგϩ̄ნ ხან ი ჲეხჳემ კე̄სრიშ ქა̄ნთაჳე
Line: 24 ბობშ, ჟესჟახეხ ბელხანჯარ. ჩა̄ჟემ ანთაჳე სა̄ბელ ი ჟესჟახეხ შაჳჩიტ.
Line: 25 ლახრა̄გϩ̄ნ ჳობა ხან-ი-ჟამ ი ბობშემ ბელხანჯარდ ჟილეჲნბეცჳე ჩა̄ჟი
Line: 26 ლიჴმარი. სგა̄ჩად მაჩუ̄ბთე, ხეწად ხოჩა ჩა̄ჟს ი ხოჩა დაშნაჲ ჟიხორაკ.
Line: 27 ბელხანჯარი მუე კე̄სრი ლახჳისა ხამთქჳე̄ნა მაჲღენ ნადირ.
Line: 28 ლϩმა̄ზნ კე̄სარ მიჩა ჯარშჳ ეჯ ნადირი ლადგარდ, მარაМ ნადირ ჩი̄ს
Line: 29 ჟი ლუმხჳიტინ ი დეშერს მა ხოყრა ეჩაშჳდ. ეშხჳინ წყაროჟი ზურა̄ლაშდ
Line: 30 ბელხანჯარს ლიც მა̄დ ოთნება ლეკედდ, ეჩქაМ ეჯ ზურა̄ლს ხო̄ქჳა,
Line: 31 სი ლოქ ე ამთან მა̄რე ხი, ისგჳა მუე ლახჳისა ლოქ ერ ნადირ
Line: 32 ხამთქჳა, ეჯი ლოქ ადაგრ. ბელხანჯარდ ჟესჭო̄ნე შიშდ აგითე ი
Page: 69 Line: 1 მიჩა დის ი მუს ლახა̄და ლაცჳა̄ლს. აშიშდ ლოქ ხექჳხ, მაჲღენა მინე
Line: 2 ლახჳისა ხამთქჳა ნადირ. აჩად ნადირი ლათხე̄ლიდ ლახჳთე, ჟეთლაკა̄ნ
Line: 3 ი ჩჳადგარ ნადირ. ერ ატფუ̄რდა ნადირს, ენკიდ მიჩა დაშნაჲ ი
Line: 4 ეჩეჟი ხეწად ზურა̄ლა ნახატს. ჩჳესგუ̄რდა-იМ ლიგჳნი ედბინე. ჯეჲ
Line: 5 ლოქ ამშა უთხე̄ლად დეშ იგნი, ჲედ დაგრა ჲედ ამშა ლითხე̄ლი,
Line: 6 ესლაღდე მიჩა გუ̄ისა, მარაМ დო̄უ ლოქ ლϩდგარ ე̄სა ლესეს ი ამშა
Line: 7 ღედ ხა̄და. ჩუ სგუ̄რდა ი გჳა̄ნდა. იშგენს ხოხა̄ლდახ ერე ეჯ ნადირ
Line: 8 დეშ ლოქ მϩრϩ̄ს ადგარ ი ამღა ლოქ მϩრე̄ს იგჳნი. ეშხუ ლე̄თ
Line: 9 ესგენეხ მუჳნარი, იმნარიღენ ლოქ იგჳნუდეს. ჟი ერ ენკიდ ბელხანჯარდ
Line: 10 დაშნა̄ჲ ნახატ ლაწედდ ი ლეგჳნიდ, ეჩქაМ ქახეწად მუჳნარი
Line: 11 დაშნაჲჟი ზურა̄ლა ნახატს-იМ ეჯი̄ ჩჳანშყად დე̄ფანხენჩუ. ეჩქაМ სერ
Line: 12 ჟენმეჴრე მიჩა მუ კე̄სარდ, იმნარი̄ ღენ იგნუდა ბელხანჯარ მეჲად. Добавлено (2007-06-07, 5:35 Pm)
---------------------------------------------
13 კე̄სარდ ხე̄ქჳ მიჩა გეზალ ბელხანჯარს ერე ეჩა ლათხე̄ლიდ მიჩი̄ ლოქ
Line: 14 ხჳა̄ჲდინ ხო̄ზნა, მარაМ დეშ ლოქ ხოთხა, ეჯის ლოქ და̄ჳარ ხაცხიპ
Line: 15 გირგტანდ ი ჲესჳა̄ჲ ლოქ ქა ხეწდენიხ, ბეჩდ ლოქ ასპეხ. აჩადუ
Line: 16 ლოქ ი ემოშ მამ იჩო, ეზარ, დო̄რიღო̄ჲ მიჩი̄ ლოქ ჩჳადგარნეხ ი
Line: 17 ეჯი ლოქ ი̄რი. ჟი ლახსგუ̄რდა ბელხანჯარ მიჩა ჩა̄ჟს-ი აჩად მიჩა გუე
Line: 18 ლეჲხური̄ ლათხე̄ლითე. ჳო̄ბა ხანუნღო ლა̄ზჟი შუკჳდ ეღლაკა̄ნდა გიმე
Line: 19 ხელწიფს. გიმე ხელწიფ ხატსϩდ გიმს მათრახს ერე ხოჩა ლეზობ ი
Line: 20 ნამშაჳ ი ბალახუ ლოქ ანჴიდ გიმდ. ბელხანჯარდ ხე̄ქჳ გიმე ხელწიფს:
Line: 21 ნატჲელ ლოქ ა̄ქჳა, გიმსი ლოქ ხაგა̄ზდილე, ამϩნ ხოჩა ლიმა̄რ
Line: 22 მაჲ ლოქ ხაკუ სერ. გიმე ხელწიფდ ლახტიხ ერე ხოჩა მარე
Line: 23 ბელხანჯარ ლოქ ლი, იშგენ ლოქ და̄რ. ბელხანჯარდ ხე̄ქჳ ერე
Line: 24 "მი ლოქ ხჳი ბელხანჯარ ი აღერ ლოქ მიშგჳაცახან. ჟი ლეჲთქებნე
Line: 25 მიჩა ჩა̄ჟჟი-ი აჩადხ. ესზელა̄ლეხ ჳობა ხან-ი-ჟამს ი ეთლაკა̄ნდახ ძუღჳა̄
Line: 26 ხელწიფს. ხატსϩდა მადრახს ძუღჳას, კალხმარს ხეცჳა̄ლდა, ნომა̄ჳ
Line: 27 ლოქ იცხუ̄ლიელხ ხოლა̄მდ. ბელხანჯარდ ხე̄ქჳ ერე ნატიელ ლოქ
Line: 28 ჯა̄ქჳა, ძუღჳა̄ მახჳში ლოქ ხი ი ხოჩა ლიმა̄რი̄ აშ ლოქ ხაკუჩ. ძუღჳა̄
Line: 29 ხელწიფდ ხე̄ქჳ ერე ნატიელ ლოქ ბელხანჯარს ხა̄ქჳა, ხოჩა
Line: 30 მა̄რე ეჯი გარ ლოქ ლი. ჲაღო ბელხანჯარ მი ლოქ ხჳი, ჟი
Line: 31 ლოქ ლემთქებნენ ჩა̄ჟჟი-იМ აღერ ლოქ მიშგჳაცახან. ჟი ლეჲთქებნე-იМ
Line: 32 ადჲე. ესზელა̄ლეხ აჯაღ ჳობა ხანს ი ეთლაკა̄ნდახ დეცე ხელწიფს.
Line: 33 ანტყჳსგარს ხეცჳა̄ლდა ერე დეც ჟი ნომაჳ ლოქ იცხუ̄ლჲელხ ხოლა̄მდ.
Line: 34 ბელხანჯარდ ნატიელ ლახშიდ დეცე ხელწიფს, მარაМ ეჯნემ
Page: 70 Line: 1 ხე̄ქჳ ერე ნატჲელ ლოქ ბელხანჯარს ხა̄ქჳა ი ხოჩა̄ჲ ეჯი გარ
Line: 2 ლოქ ლი. ჲაღოМ ბელხანჯარ მი ლოქ ხჳი, ჟი ლოქ ლემთქებნენ
Line: 3 ჩა̄ჟჟი-იМ აღერ ლოქ მიშგჳაცახან, ჟი ლეჲთქებნე ჩა̄ჟჟი დეცე
Line: 4 ხელწიფ ი ადჲე მიჩაცახან. ჳობა ხანϩნღო ლა̄ზჟი ბელხანჯარდ ესწჳე̄ნე
Line: 5 და̄ჳა სასახ ძღϩდ ჯო̄დჲათე ი ეჩაჳ ესწჳე̄ნე ზითუნახაჳი̄, ეჯი
Line: 6 ლოხხა̄ლდა მიჩა დაშნაჲჟი̄ნა ნახატ ი მიჩა ლეჲხუ̄რი. ჟენკიდ დაშნაჲ,
Line: 7 ლახსინჯჳე ეჯის, მა̄რა ალ ზითუნახაჳ დეშ ხაჯო̄ნ ეჯის ი დემოშ ლას
Line: 8 ეჩთა̄ნ. აჴადხ სასახნუნ, მარა ამეჩუ ზითუნახაჳდ ხე̄ქჳ: არიქა თხუმსუ
Line: 9 ლოქ ხოწა̄დახ, ოდო და̄ჳაშ ლოქ ლი ალ სასახ-იМ ერ ლოქ ენმეჴრი
Line: 10 ისგჳე ლიჴედს, შიშდ ჟი ლოქ აჲხჳტეხ. ბელხანჯარს ათა̄და ერე
Line: 11 ეჩაშჳდ ლოქ მა̄მ ხაყლუ̄ნი მიჩ-იМ სგა̄ჩადხ სასახთე. და̄ჳა ლიჴდა̄ლე
Line: 12 დროჲჟი ბუქდ ანყირ. ზითუნახაჳდ ხაბჟი̄ნე ერე ათხეМ ლოქ ანღრი
Line: 13 და̄ჳ. და̄ჳი̄ ანჴად ყო̄რალთექა, ჩა̄ჟ ხებგა̄ლ სგა ლი̄ზის, იმ ლოქ Добавлено (2007-06-07, 5:35 Pm)
---------------------------------------------
14 ხიბგა̄ლ, ისგჳი ლირდეღჳარა, ბელხანჯარ დო̄სა ლოქ ოგხჳი̄დეს
Line: 15 ამეჩუ. ჳო̄, ბელხანჯარ ლოქ არი ამეჩუ, ჩა̄ჟემ ხე̄ქჳ. "ღო მაჲ? ხეჳს
Line: 16 ლოქ ხე̄რი ამეჩუ." სგა̄ჲ აჩად და̄ჳ-იМ სგა̄ჲ ხეძგარხ უშხჳა̄რ ბელხანჯარ
Line: 17 ი და̄ჳ. ჩჳენნახე ბელხანჯარდ და̄ჳ-იМ ჩუ̄ჲ ადგარ. ეჩა ჲეხჳ ზითუნახაჳ
Line: 18 ჟი ლეჲსგურე ჩა̄ჟჟი-იМ ანჲე. აჯაღუდ ესწჳე̄ნე ჯოდჲათე და̄ჳა
Line: 19 სასახ ი ალე ხოხალ ეშიეში̄ მიჩა ლეთხე̄ლი ზითუნახაჳი სასახ. ენკიდ
Line: 20 ჟი დაშნაჲ, მარაМ ალე̄ჲ მა̄მა ხაჯო̄ნდა მიჩა ლეჲხუ̄რი ზითუნახაჳს.
Line: 21 აჴადხ ეჩაუМნ. ეჩხენ ლახტუ̄ლეხ ერე ამექა ნეპო̄ლსი̄ დე̄მ ლოქ
Line: 22 აპე̄ნე ამეჩუ̄ნა ფუსდ და̄ჳ ი ხოწა̄დად ლოქ თხუმს, ოდო დეშ ლოქ
Line: 23 ლი წყϩლჲანდ ისგჳე გჳეშ ლადი̄შ. ბელხანჯარს ათა̄და ერე "ეჯნარ
Line: 24 ლოქ მა̄მ ხაყლუ̄ნი მიჩ". სგა̄ჩადხ სასახთე̄ჲსა. ნებჳზა პილდი̄ ანყირ-იМ
Line: 25 და̄ჳა ჳოშჲორდი̄ ანყირ. ქახაბჟი̄ნე ზითუნახაჳდ ბელხანჯარს და̄ჳა
Line: 26 ლიჴედ. ყო̄რალთეჟი ერ ანჴად და̄ჳ, ჩა̄ჟემ ლიბგა̄ლ ედბინე, ხამჭირ
Line: 27 სგა ლი̄ზი სასახთე. და̄ჳემ ხე̄ქჳ ჩა̄ჟს ერე მიჩა ლირდეღჳარა ამეჩუ
Line: 28 ბელხანჯარ ლოქ დო̄სა ოსხჳი̄დეხ. მა̄ჲღენ ლოქ ხამჭირ სგა
Line: 29 ლი̄ზი. "ჳო̄, ბელხანჯარ ლოქ არი ამეჩუ", ჩა̄ჟემ ხე̄ქჳ. ჩა̄ჟიშდ და̄ჳს
Line: 30 ეშხჳხენ ბიკ ხო̄ცუდა ი მე̄რმახენ ნათხჳჲარე, სგა̄ჩადხ სგა̄ნთე სასახთე.
Line: 31 ეჩე ესხჳი̄დახ ბელხანჯარი, სგა̄ჲ ხეძგარხ უშხჳა̄რ, მარაМ ჩჳენნახე
Line: 32 ბელხანჯარდ და̄ჳ ი ჩუ̄ჲ ადგარ. ეჩა თხუმე თჳელ ჟენკიდ, სგე̄სჭო̄ნე
Line: 33 ურიბთე ი სგე̄სდე ჯიბაჲთე. ჟი ლეჲთქებნე ალ და̄ჳა ზითუნახაჳი̄,
Line: 34 ლახსგუ̄რდა მიჩა ჩა̄ჟს-იМ აჩადხ მიჩა ზითუნახაჳი ლათხე̄ლითე. ათხეМ
Page: 71 Line: 1 ჳოხუშდ ხოთქბϩნა ჩა̄ჟდ, სემი ხენწფარ-იМ ჲერუ ზითუნახაჳარ. აჯაღ
Line: 2 ესწჳე̄ნეხ ლა̄ზჟი მესმე და̄ჳა სასახ. ამე̄ჲსა̄ჲ ხეყე̄და და̄ჳს ხოჩა
Line: 3 ზითუნახაჳ ი ალე ხაბჟა ბელხანჯარს ეშჲეში̄ მიჩა ლეჲხუ̄რი, მარაМ
Line: 4 ჟი ერ ენკიდ დაშნაჲ ი ლახსინჯჳე ნახატს, ალ ზითუნახაჳ დეშ ლას
Line: 5 ეჩთა̄ნ თჳალაშ. ალ ზითუნახაჳდ ხე̄ქჳ ალჲარს ერე არიქა თხუმსუ
Line: 6 ხოწა̄დახ, ოდო ლეგდ ლოქ ლი მინე გჳეშ. ამექა ბუზუ̄ლი ლი̄ზისი̄
Line: 7 ჟი ლოქ იმჴერი ამეჩუ̄ნა ფუსდ და̄ჳ ი ჟი ლოქ აჲხჳტეხ, მარაМ
Line: 8 ბელხანჯარს მა̄მა ხაყლუ̄ნდა ეჩაშჳდ-იМ სგა̄ჩადხ სასახთე̄ჲსა. ჯეჲ
Line: 9 ჩჳესსგუ̄რდა და̄ჳა ლასგჳრა ჳოქრე ბეჩჟი, მიჩა აფხნიკარ ჩჳადშდუხჳე
Line: 10 ჳორმო̄ჲსა ი ჟიქა̄ნ ფიცრალ ესქჳე, ქა ლოქ დო̄სა ხეწეს და̄ჳ. ნებჳზა
Line: 11 პილთე ჟენმე̄რა̄ნ ი ანყირ ბუქდ ი და̄ჳა უშუშდი̄. ეМϱ ათხეМ ლოქ
Line: 12 ანღრი და̄ჳ. ანჴად და̄ჳ მიჩა ლϩჩა̄ჟდ. ჩა̄ჟდ ეშხჳხენ ბიკ ხო̄ცუდა-იМ
Line: 13 მე̄რმახენ ნათხჳჲარე. გალჳანისა ჩჳედბϩგა̄ნ ჩა̄ჟ ი სგა დე̄მ ღϩ̄რდა.
Line: 14 და̄ჳემ ხე̄ქჳ ჩა̄ჟს ერე "მიჩა ლირდეღჳარა ბელხანჯარ ლოქ არი ამეჩუ". Добавлено (2007-06-07, 5:36 Pm)
---------------------------------------------
15 "ჳო̄ჳ, ეჯი ლოქ არი ამეჩუ". "მა̄ჲღენ ამთა̄ნ ჭაბუკ ლი ბელხანჯარ,
Line: 16 ჯეჲ ლოქ ხაწჳე̄ნნე სეჲრს, მიჩა ლახჳბა ჲერუ ლოქ ერ ჟოხხჳი̄ტა".
Line: 17 სგა̄ჩად და̄ჳ ი სგაჲ ხეძგარხ უშხჳა̄რ. ალ და̄ჳ ჩიდ ხოშა ლϩმა̄რ ი
Line: 18 ჩიდ ხოშა ხაბცე̄ნა ი ჩჳენნახე და̄ჳდ ბელხანჯარ. ეჩქაМ ლუშდუხ ერ
Line: 19 ხეყე̄და ბელხანჯარს ხელწფარ, ჟანშϩ̄დახ, მარაМ ლიწეჲ მა̄მა ესწϩხϩ̄ნდახ
Line: 20 ბელხანჯარიშ. ბელხანჯარ ჟოხჩად და̄ჳს, დეშ ახწი̄ნდა და̄ჳ ი მიჩა
Line: 21 აფხნიკარ ჟანხჳიტ მა̄ნკჳი. დო̄ჳ ლოქ და̄ჳემ ე̄სა ლოხჩიშ ალჲარე
Line: 22 ლიხჳტე ი ღო და̄ჳა ნადგარს ჯეჲ დეშ ალჳარდა. ალჲარე ლუხჳი̄ტან,
Line: 23 სგა ხეძგარ და̄ჳს ი მიჩა ლϩჩა̄ჟდ ჩჳადგარ ი ქე̄დღირ, ლუხჳიტ
Line: 24 მიჩა აფხნიკარს ლოხცჳჲე და̄ჳა თჳელ, ურიბს ერ ხოჭო̄ნა̄ნ,
Line: 25 ი ჟანლჳარე მაგ ეჯჲარ. მანკჳი̄ ნათხე̄ლ ზითუნახაჳ
Line: 26 გიმე ხელმწიფს ლახო̄მ ჲეხჳდ. მე̄რმე ზითუნახაჳ ძუღჳა̄ ხელმწიფს
Line: 27 ჲეხჳდ-იМ მესმე დეცე ხელწიფს ჲეხჳდ. ალ მესმა ხოშა და̄ჳა ნაღე̄შ
Line: 28 ზითუნახაჳდ ხე̄ქჳ ბელხანჯარს ერე "მიჩა ლეჲხუ̄რი ზითუნახაჳ ფე̄დჲას
Line: 29 ლოქ ლი ამეჩუ" ი ქა ხაწჳე̄ნე დეცე ნამეგჳდ ბროლი კოშკ
Line: 30 ი "ეჩე̄ჲს ლოქ არი ისგჳი ლეთხე̄ლი ლეჲხუ̄რი. ბროლი კოშკს
Line: 31 გირგტანდ და̄ჳა ჯარ ლოქ ხაცხიპ ზითუნახაჳი მϩლჩად. ჲესჳა̄ჲს
Line: 32 ლოქ ქა ხეწდენიხ ეჯჲარ, ჩი̄ს ლოქ ბეჩდ ხასპეხ. ჳოდ ლოქ სი
Line: 33 აჴდენი̄ხი ეჩაჳ, ფიშირ ბეჩდ ლϩსპა მა̄რას ლოქ ეთლაკიხი̄ მინე
Line: 34 ლϩჩა̄ჟდ ი სი̄ ლოქ ბეჩდ აჯსიპნეხ ეჯჲარ", მარაМ ბელხანჯარს მა̄მა
Page: 72 Line: 1 ახყალუ̄ნდა. ეში̄ ლახსგუ̄რდა შდა̄შჳდ მიჩა ჩა̄ჟს-იМ აჩად. მიჩა
Line: 2 აფხნიკარ ჩჳაცჳირ ამეჩუ. ერ აჴად ეჩა მინდორთექა, ხჳაჲ ბეჩდ ლϩსპა
Line: 3 მა̄რას ეთლაკა̄ნდა, მარაМ მაყალ ეში̄ მა̄ ლოხჩოდ გუთე |
| |
| | |
|
Мужчина |
Date: Четверг, 2007-06-07, 5:38 PM | Message # 90 |
|
Group: Модераторы
Posts: 990
Status:Offline
Дата регистрации:
2006-08-29 |
Line: 4 მიჩა ჩა̄ჟს ი ჳოდ და̄ჳარ ქა ლისინჯაჳის ლოხჩიშახ, ეჩქაМდ ძღუდი
Line: 5 ყო̄რალ სგაჲ ადყუჩუ̄რე, და̄ჳარდ ჩა̄ჟი ღოშგმე ჭიშხი̄ლს გარ ლახთხეპეხ
Line: 6 თე, სერ დეშსამა ლოხჩიშხ, ეჯჟი ჲენას მა̄რე ლას ბელხანჯარ,
Line: 7 ეჯ ღოშგმე ჭიშხი̄ლ ბეჩდ ოსსიპეხ, ბელხანჯარდ და̄ჳა თჳელ
Line: 8 ოსცჳჲე ი ჟოხხოჩჳე მიჩა ჩა̄ჟს ჭიშხ. ჩა̄ჟ ჩჳესბე ჩუ̄ბ ძღუდისა
Line: 9 ი ჯეჲ ჲეშდჲერუ ლე̄თ-ლადეღ ეხკჳად ბროლი კოშკთეჟი ლა̄ზს.
Line: 10 ჟი ერ აჴად ბროლი კოშკთე-ჟი, ზითუნახაჳ ჩუ ლუმყჳინე̄ლი ი ეშხუ
Line: 11 მუტჳარ თხუმრა̄შ ხატჳრე̄ნა ი მე̄რმე ლაჭშხარა̄შ. ბელხანჯარი
Line: 12 ლიჴედჟი ქე̄მჲეცხე̄ლი. ბელხანჯარს ხო̄ქჳა ერე "ჯეჲ ლოქ ლი მიჩა
Line: 13 ლეჭშϩ̄რი". ზითუნახაჳ ჳარს ხაგნე̄ნა, "მა̄ ლოქ ლი მიჩა ლეჭშϩ̄რი?"
Line: 14 ლურჳან ძინარს ლაბრა̄ლდ ემჴედე̄ლიხ სემი მუგჳარ, ეშხჳს ტაშტ
Line: 15 ოხჴი̄და, მე̄რმას ლაბრა̄ლ ნიც ი მესმას ლაკჳცა̄ნ. ჩოთბარახ ზითუნახაჳ
Line: 16 ი ბელხანჯარი̄. ჩოსგურახ ეშხუდ მუგჳარს, ლეზობ ოხჴი̄დახ
Line: 17 ი ლეთრე. ლეთრას გოში ლათრა̄ლხენ მუგჳარ ჩიქე ზითუნახაჳს
Line: 18 ხათჳნინახ, ღო ეჩაМ ქანაბირს ბელხანჯარს ხაჴდინახ, ღო ქა უდ
Line: 19 ლϩმტიხინხ ი ეჩის ხათრინახ, ქა ლახუ̄ლუშ ეშ, ოდო თჳითჟი ქა დე̄მ
Line: 20 ხანწϩ̄რჳინახ ლათრა̄ლს დეხდაშ ი ამყალიბდ ჩოთგჳირჳნახ მუგჳარს
Line: 21 ჲეხჳ-ჭაშდ ჲერქდა. ლϩმარდხ ეშხუდ ჳო̄ბა ხანს. ალსგიდნე̄ლი ლაჴჳრაქა
Line: 22 ზითუნახაჳ ი ოსწჳე̄ნა ჟი მეფშჳდე ბელხანჯარი ჩა̄ჟ, ესრენ
Line: 23 ჩა̄ჟს და̄ჳარ მაგ ჟოხხჳი̄ტა ძღუდი მϩლჩა̄ლა ი ჯეჲ ზისხისა ცურაჳე.
Line: 24 ზითუნახაჳს ხო̄ქჳა ერე "ჯეჲ და̄ჳ იმნარ ლოქ ოთსერა ამთა̄ნ ჩა̄ჟ
Line: 25 ამჟი ლეცჳრად". ოხსკინა ალ ამბაჳჟი ბელხანჯარს კოშკხენ ჩუ,
Line: 26 ჩოთϩრმა ჩა̄ჟ, ჩოთბარა̄ლა ზისხა̄რ ი ჩოსბა ჳო̄შთხჳე̄და ჭიშხარშჳ, ჟი
Line: 27 ლოქ ერ დოშ ენქუცის. ჯეჲ ჟიუდ ემტეხ კოშკთე ჟი, ჟახკჳედე̄ნა ჟი
Line: 28 ლა̄ზს ჲეშდჲერუ ლე̄თ-ლადეღ. ნასკინი̄ ალეს ხა̄ჲშხა, ჲაღო იმ!
Line: 29 ათრა̄გენა ამე ჳობა ხანს ზითუნახაჳი ცახან. ზითუნახაჳს უჟ ხამთქჳე̄ნა
Line: 30 ლა̄ჲრაკი ქა ხო̄ქჳა მიჩა ჭაშიშდ ერე მიშგჳა ლაჳჟაჟი ლოქ ეშხუ
Line: 31 სადგომ ნო̄სა ლოქ ათკარა, ეჩა კϩლარ ლერსგჳენ ლუსდგჳარს
Line: 32 ლოქ ხა̄ბ-იМ იშგენ სადგჳმარს ხაკრენიხ ლოქ. ჩოთუჟა ზითუნახაჳს.
Line: 33 ბელხანჯარს ხო̄ქჳა ერე ლϩკϩრლაჳეუ ლოქ ლი ჯეჲ, ეჯ სადგომ
Line: 34 მო̄დ ადკარას მიჯნე̄მ. ჩჳადკარე სადგომ, ხედი̄ ხეკჳეს მო̄დ ოთკარე̄ნ,
Page: 73 Line: 1 ი ქა̄ნსკინე სადგომხენქა ჳოქრე ფატანდ. ხა̄ლ ყო̄რ ედკარა̄ნ
Line: 2 შიშდ. კϩლი ლიბენ ლერსგჳენხენ დეშ ლოხჩიშ ი ლერთენხენ ლახბე.
Line: 3 ზითუნახაჳ ქა̄ნჲაცხ ი ჩუ ერ ედკჳიე სადგომი ლიკრენი, ლე̄ქჳ ერე
Line: 4 "ამღა ლოქ მა̄მა ი̄რი, მარაМ მეკჳბად ლირდე ლოქ ხაკუჩ, ოდოМДобавлено (2007-06-07, 5:38 Pm)
---------------------------------------------
: 5 ხოლა̄მდ ლოქ ოგჴედნი მა̄ლე". სადგომხენ ნაჩედ ჳოქრე ფატან
Line: 6 ძუღჳა̄ პილისა ლϩმსიპინ მე̄რმა სახელწიფისა ი ჟახხჳე̄ნა საბრალ
Line: 7 ზურა̄ლო̄ლს. ეჯის ოხჴი̄და მინე ხენწიფიშდ. ხენწიფს ხო̄ქჳა ეჩაშჳდ
Line: 8 ერე "ამშა მუქჳემს ლოქ ედო̄მ ოხთხე̄ლნე, მიჩ ჩუ ლოქ ადგარნე".
Line: 9 ესრენ ეჯ ზურა̄ლო̄ლ ხაზელა̄ლჳნე სახენწიფისა ჩია̄გ ი ხამϩრგიე
Line: 10 ჩი̄ს, მარაМ და̄ს ხერგია̄ნ ი დეშსამოშ ენთხე̄ლე ეჩა მუქჳემ. ლათხე̄ლჟი
Line: 11 ლახხჳი̄და მეჩი გა̄ბუ ზურა̄ლ. "მაჲ ლოქ ხაწϩხ?" მეჩიდ ხე̄ქჳ მიჩ.
Line: 12 "ხემა მაჲ ლოქ ხაწϩხ, ჳოქრე ფატან ლოქ ახხჳე̄ნა მიჩ-იМ, ოთხი̄და
Line: 13 ხენწიფიშდ. ეჯის დაგრა ლოქ ოსხუნა̄ლა მიჩაშჳდ, ამშა მუქჳემს
Line: 14 ლოქ ედო̄მ ენთხე̄ლნე". მეჩი გა̄ბუ ზურა̄ლს ხობცა ეჩა მუქჳემი
Line: 15 ლითხე̄ლი. ქალახო̄მ მეჩის ალ ჳოქრე ფატან ი აჩად გა̄ბუ ზურა̄ლ
Line: 16 ლათხე̄ლითე ფატნი მარგიად მუქჳემიშ, ყაურჯენ ში̄სა ლეჲყედნე. ეჩა
Line: 17 ნათხე̄ლუ̄ლ მეჩიდ ხაშგმინ, დედჳფალი ნაქჳემ ლერექუ̄ლალნ ლოქ
Line: 18 ხოჟϩ̄ნდახუ ჯეჲ ი ხოჩა წყϩ̄ლჲან ლეზობ იშგმინ ლეზϩზდ ლეყდა̄ნიდ
Line: 19 ი მე̄ჳარ მϩშდმია̄ნ ლეთრე. ალე მაგ ქა ლახო̄მხ მეჩი გა̄ბუს ი
Line: 20 აჩად. ესრენ ალ მეჩი გა̄ბუ ზურა̄ლ გჳეფ ლი, აფხიჟ ღალარ ი ეშ
Line: 21 ლეხქარჳა̄ნ ძუღჳაქა, ძუღჳა ქა̄დში̄ნშხე ი ჩჳესგუ̄რდა ბროლი კოშკი
Line: 22 დე̄ფანჟი, ბელხანჯარიშ-ი ზითუნახაჳი ლარდამϩყ ქა ი ლახა̄და ეჯჲარს
Line: 23 ლაჴϩ̄რა̄ლს. "ჯეჲ ლოქ ლი მინეშთე ღერთა ნაზϩზ მინე ფარეშდ ი
Line: 24 მუახლდ ი ჩულიგჳა̄ჳეს ხეშგმϩდა მინეცახან". ზითუნახაჳ დე̄მ იხნა
Line: 25 ი დე̄მ აგჳა̄ჳა, მარაМ ჟახწი̄ნდა ბელხანჯარ ი ჩჳადგჳა̄ჳე მინეცახან
Line: 26 მომსახურდ მერდად. ბელხანჯარს ი ზითუნახაჳს ღერთალ ხაზზინახ
Line: 27 ლეზობ-ლეთრას, ღერთა ნაწილ ლϩმა̄რხ ი ეჯის ლϩმზობინხ. ეშხუ
Line: 28 ლე̄თ ხოშგმინა გჳეფ მეჩი ზურა̄ლს, ჯე̄ჲ, ლოქ ღერთალუ ნაზϩზ
Line: 29 ლი მინეშთე ი მიჩა ნა̄თი ლეზობუ ლოქ ლალე̄მხ მინდ. ზითუნახაჳ
Line: 30 დე̄მ ხაჯრაჳნა, დემ ლϩმზობინ. "მინს მინე ნა̄თი შიდ ლოქ
Line: 31 ხუღჳახ, ღერთალხენ ნაზϩზ ი მიჩა ნა̄თი მაჲ ლოქ ხა̄რხ, მარაМ
Line: 32 ბელხანჯარს მა̄დ ოთჯირჳა მიჩა ჲეხჳეშდ ი ჩუ ლოხმამახ გა̄ბუ
Line: 33 ზურა̄ლა ლეზობ. ეჩანღო გა̄ბუ ზურა̄ლს მϩშდმია̄ნ ლეთრე ლოხთუნა
Line: 34 ი ჩოთშდϩმა̄ლა ჲერქე̄და. ბელხანჯარიშდ ოხკი̄და დაშნაჲ ი სგოთკჳა̄რა
Page: 74 Line: 1 ძუღჳათეჲსა. ბელხანჯარი ქუნ ესრენიშ დაშნაჲსა არი ი ბელხანჯარ
Line: 2 დაშნა̄ჲ ლϩქრაუნღო ჩუ ღალ ალდაგრე̄ლი შიშდ. ზითუნახაჳიშდ
Line: 3 ხოფხიჭა ლუსდგჳარა̄ლდ-იМ ჩოთϩთირნა ძუღჳათე̄ჲსა. ერ
Line: 4 ასყე̄ნა გჳეფ გა̄ბუს ზითუნახაჳ, ჩა̄ჟ ხაწდა ჩულϩბე ჳო̄შთხჳე̄და
Line: 5 ჭიშხარშჳ ი დემ ღალ ხაყჳანნა ი ჟოხგი̄ლა ეშხუ ჭიშხ ჳოდ Добавлено (2007-06-07, 5:38 Pm)
---------------------------------------------
Line: 6 ძუღჳათე̄ჲსა ლიესა̄ლდ. ძუღჳაქა ერ ასყე̄ნა, ეჩქაМ ღალ მე̄რმე ჭიშხ უდ
Line: 7 ოხგი̄ლა. ქე̄რ ოთჲა ძუღჳას, ეჩქას მესმე ჭიშხ უდ ოხგი̄ლა. სგა ერ ოთჲა
Line: 8 მე̄რმა სახენწიფნუნ, ეჩქაМ ღალ თელდ ჟოხგϩლϩ̄რა მაგ ჭიშხარ ი ახჭემე̄ნა
Line: 9 ზითუნახაჳს. სგე̄მჴედე̄ლი, იმთე̄ჲ ეჯი ადჲეხ, ეჯ სახელწიფთე̄ჲსა.
Line: 10 ჩუ დეშერს ოთϩ̄რმა ჩა̄ჟ. ბელხანჯარ ი ნა̄ჲფხნიკ ხელწიფარს
Line: 11 ათხეМ გარ ოხმეჴრახ ბროლი კოშკ მϩყ და̄ჳარე ხჳეტა ი სერ ქა̄ბდაჳიხ
Line: 12 ლიჴედს ეჯჲარე ლაწედდ. ათხაМდ ერ ამჴედე̄ლასხ, ბეჩდ ლისპედ
Line: 13 ხაყლუ̄ნდახ. ანჴადხ ბროლი კოშკთე ი ხეწადხ ლϩდგარ ბელხანჯარს.
Line: 14 ზითუნახაჳს ლϩქრაჳას ი მე̄ჳარ ენწუხჳა̄ნხ. ეჯი ჩუ ხოხა̄ლდახ ერე
Line: 15 ბელხანჯარს ქუნ დაშნა̄ჲსა ხო̄გან. ენთხე̄ლეხ დაშნაჲ, მარაМ დე̄სა
Line: 16 ახხჳი̄დახ. გიმე ხელწიფ, გიმჟე ე̄მე ი̄რდო̄ლ. ეჩა ლათხე̄ლის ლახა̄და.
Line: 17 ძუღჳა̄ ხელწიფ ძუღჳა̄ჲსა ესთხე̄ლდა, დეცეშ -- დეცჟი. ძუღჳა̄ჲსა
Line: 18 ხელწიფდ ჟანხურჲელე კალმახ, მაჲმა ა̄რდა, მაგ. ლეხჭოდდა ძუღჳა̄
Line: 19 ხელწიფ ჩი̄ს კალმხარს "ჯიხალხ ლოქ ე̄სმა ბელხანჯარი დაშნა̄ჲშ ი ედ
Line: 20 ხარიდ ლოქ მო მაგ, მა̄ჲმა ძუღჳა̄ჲსა კალმახ არი". "დაშნა̄ჲშ დე̄სამა
Line: 21 ლოქ გჳიმჴერა, აშ ლოქ მაგ ხჳარიდ ამეჩუ, ეშხუ კოჭო̄ლ
Line: 22 კალმახე̄ლϩნქა, ეჯი ლოქ ლეგდ არი ი დეშ ლოქ ემჴედ ამხა̄ჳ.
Line: 23 არგებს ლოქ ეჯის ე̄სამა ხოხა̄ლდეს ი ლაბჯგუშუ ანჴიდხ მიჩა̄შთე".
Line: 24 აჩადხ ი ანჴიდხ ლაბჯგუშ ეჯ კოჭო̄ლ კალმახე̄ლ. ხაჴიდ მადრაჴ ი
Line: 25 ჟა̄ნშყად დაშნაჲ ეჩა ჴადხენქა, მარაМ ხოჩა ბელხანჯარი დაშნაჲ ეჯჟი
Line: 26 ემჴეჩ ერე კოჭო̄ლ კალმახე̄ლა ჴადთე̄ჲსა ათსკϩ̄დე̄ნ. ძუღჳა̄ ხელმწიფდ
Line: 27 ხე̄ქჳ კალხმარს ერე "ხოცჳენდად ლოქ დაშნაჲს ღალარს მაგ ი
Line: 28 ეჯჟი ლოქ ახსყედ, იმჟი̄ ეჩქად ლას. ოდოМ ჩი̄ს ლოქ ჟანხჳტე
Line: 29 მინს". ლოხცჳიეხ ჩიემ ღალარ ი ჟენსყა̄ნ დაშნაჲ ეჩჟი, იმჟი̄ ეჩქად
Line: 30 ლϩმა̄რ. ჟანიე ი სგოსდე ბელხანჯარს ჳორჩხთე მიჩა დაშნაჲ.
Line: 31 ბელხანჯარ შიშდ ჟენლჳარა̄ნდა, ლეჲსგი̄დრა̄ლე, ზითუნახაჳ დე̄სა ხაყა.
Line: 32 ძუღჳა̄ ხელწიფდ ქო̄ხო̄მბჳე, იმჟი̄ ლϩმა̄რე̄ლი, მაგ. "მინს ლოქ
Line: 33 მომსახურდ ერ გჳეფ მეჩი ზურა̄ლ ოხხინახ კოშკთე, ეჯის სგაჲ ლოქ
Line: 34 ჩოთშდϩმად ბϩგი ლეთრაჳშ, ისგჳი დაშნაჲ ძუღჳათე ოთკჳა̄რა. ეჩქა
Page: 75 Line: 1 სი ჩჳალდაგრე̄ლხი, ზითუნახაჳ ოთჲა ძუღჳაქა მე̄რმა სახელწიფთე,
Line: 2 ისგჳა ჩა̄ჟს ჭიშხარ ჟი ლოხჭკორა მაგ, ეჩა ლიჲესს ერ ხაწდა ი
Line: 3 ათჭემა ეჯის. ნაჲ ლოქ ისგჳი ნა̄ფხნიკჳარ ისგჳა ლაწედთე ლოქ
Line: 4 ონჴჳადდ, და̄ჳარე ხჳეტა შომაჲ ლოქ ოხმეჴრედ ი სი ლოქ ლϩდგარ
Line: 5 ოგხჳიდ, გიმე ხემწიფდ, მა̄ჲმა გიმჟი ედჩომნა̄ნ, ეჯი ენმეჴრე,
Line: 6 დეცეშ -- დეცჟი. მი დაშნაჲ ოხთხე̄ლ ისგჳი ლოქ ძუღჳა̄ჲსა კოჭო̄ლ Добавлено (2007-06-07, 5:38 Pm)
---------------------------------------------
7 კალმახე̄ლა ჴადისა, ონჴუ ეჯი ამეჩუ ი ეჩქაМ სი̄ ჟეხლუარენ. ალე მაგ
Line: 8 ერ ჟენმეჴრე ბელხანჯარდ ხოჩა̄მდ, ანჩად ბროლი კოშკხენ მიჩა
Line: 9 ჲეხჳე ლათხე̄ლთე, ჩა̄ჟი ფოლარ მაგ ჟანხურჲელე ძღუდისა ი შიდ
Line: 10 ესყედნე მიჩაცახან და̄ჳა თჳელ-იМ ადიე. აჴად მე̄რმა სახენწიფთე ი
Line: 11 ჩჳადϩ̄გა̄ნ ეშხუ ქრუჳ ზურა̄ლაშმϩყ. ალ გჳეფ მეჩი გა̄ბუ ზურა̄ლს
Line: 12 მე̄რმა სახელწიფისა ოთჴიდა ხენწიფიშდ ბელხანჯარი ზითუნახაჳ.
Line: 13 ზითუნახაჳ ესრენ ქა და̄ს ხეშდა̄ლ ი დეთა̄ჲ ჩუ ლუ̄ცჳნე ე̄ს ხოწჳა
Line: 14 ესრენ ეჯი ი ჯილდოს ხა̄ჳდი ხϩნსგა სახენწიფს, ჲერჳა̄ჲ ეჯის მოშერ
Line: 15 ადა̄ცჳნი, მარაМ ჩიქე დეშერს ოხჴერჴა დეცე ჩუქჳა̄ნ ეჩა ჩული̄ცჳნე.
Line: 16 ალ ამბაჳ ქო̄ხო̄მბჳე ბელხანჯარს მიჩა მასძელ ქრუჳ ზურა̄ლდ.
Line: 17 ბელხანჯარდ ხე̄ქჳ ქრუჳ ზურა̄ლს. "ადერ ლოქ სი, მϩსკადს ლოქ
Line: 18 აჯყეჳნი ი ჩუ ლოქ ათა̄ცჳნი სი ი ჯილდო̄ჲ ლოქ სი ჯე̄რი". ქა
Line: 19 ლახო̄მ ქრუჳს მϩსკად-იМ აჩად. ერ აჴად ხენწიფი სასახთეჟი, ტუ̄ლდა
Line: 20 ერე "ჯეჲ ლოქ ადა̄ცჳნი ზითუნახაჳს". მარაМ დე̄მ იხნახ, "ცალთე ქა̄ჳ
Line: 21 ედკჳარა̄ნ ჯეჲ, ლაწი̄ნგჳა̄რ", ჯეჲ მა̄დეჲ გაცხაჲდ ლალყაფიან ი ხუმრიან
Line: 22 ხოჩა მა̄რე̄ლს დეშერს ლოქ ოთო̄ცჳნახ ზითუნახაჳ-იМ ათხეМ ჯეჲ
Line: 23 ლოქ ადა̄ცჳნია̄?" ეშჲეში̄ ალახ იკჳი̄შა̄ლდა ი აჯ მა̄დ ახკიდ ეჯჲარს,
Line: 24 სგე̄დხინეხ ზითუნახაჳიშთე. ქა ერ ხაწჳე̄ნე ზითუნახაჳს ქრუჳდ მϩსკად,
Line: 25 შიშდ ჩჳათჩო̄ნდა სურუ მახჲადშჳ. ხელწიფდ იმჟი ნა̄ქჳ ხა̄და,
Line: 26 ხϩნსგე ნა̄თჲობა შიშდ ქა ლახო̄მ ქრუჳს. ანჩად ბელხანჯარ ი ადϩ̄გა̄ნდა
Line: 27 სასახლისა მოჯნიბდ. სგა̄ჩად საჯინიბთე̄ჲსა, ლახტუ̄ლე მიჩა
Line: 28 ჩა̄ჟს, შაჳჩიტ-შაჳჩიტ! ლოქ ი შიშდ-ქა ლეხზაზა̄ნ მიჩა ჩა̄ჟ. ფლოქარ
Line: 29 სგა ლოხგე ჭიშხარს, ოსცჳიე და̄ჳა თჳელ-იМ ჟეხხოჩჳა̄ნ ჭიშხარ
Line: 30 ჩა̄ჟს. ხესგჳრი ჲეს-იМ-ჲეს ჩა̄ჟს ბელხანჯარ ი ქა ღϩრი ჯო̄დჲად ი
Line: 31 მახჲადშჳ ლიღრა̄ლს იბნე. მიჩა ლიღრა̄ლჟი ესრენ ბეჩარ შϩ̄დნიხ
Line: 32 კოჯარხენ ჩუ, დეც, გიმ, მეგემ, მაგ ქუნ ლϩ̄მგენე ე̄სამა ჩჳარი, ჲესჳა̄ჲ
Line: 33 ლეხსϩმიხ ბელხანჯარი ლიღრა̄ლ, ეჯჲარი̄ ლϩმღარა̄ლნიხ მიჩაცახან.
Line: 34 ზითუნახაჳს ხოქჳა ხენწიფიშდ ერე ლაზელა̄ლთეუ ლოქ აფიშჳდხ ჩა̄ჟშჳ
Page: 76 Line: 1 სასახენქა მოჯნიბცახან. ხენწიფს ჟი ლოხსგურა შაჳჩიტთეჟი ზითუნახაჳ
Line: 2 ი ქა ერ ლოქქა̄ბა სასახლიშდ, ბელხანჯარი̄ ჟი ლახსგურე̄ნა ეჩაცახან.
Line: 3 ეჩქაМ ხოყირა მადრაჴ ჩა̄ჟიშდ-იМ ეშ მϩრა̄მთე ლახქარჳე̄ნახ დეცე
Line: 4 ნამფა̄რჳაქა. ემჩედხ მინე აგითე, ხოჩა ლირდეჳ ოთჴი̄დახ-იМ ჯამზϩ̄რახ
Line: 5 ღერთემ ამშა მუ̄ჳნარი მაგ. Line: 6 ალ ციგინ ანა̄მბჳე ჯჳინელდϩ̄რან ნასϩ̄მ ჯაბაშა ნესტორდ მϩსსა̄შდ
Line: 7 მიჩა ბაბა მაზი̄შხენ ხასმა ესრენ. |
| |
| |
| |
