Line of edition: 19 4) ლენტეხა̈ჲ ლახვა̈რ ლიხ ლაშხვირი ლერსკვან ფოყხენ: გოლდა̈შ,
Line of edition: 20 სყელდერ, მორელა̈ლ, და̈ბერ, და̈რჩი ლახვ, სკალდ, უწა̈შ,
Line of edition: 21 ბალდიშ, სკიმერ, ლახა̈შ, ვა̈ნი ლახვ, ლაჭხალდ, ბაჯგϩლდა̈შ,
Line of edition: 22 თეკრა̈შ, ედია̈შ, ლა̈კვცირი, ლაბრაჴ; ლაშხვირი ლერთან ფოყხენ:
Line of edition: 23 ტვიბლა̈კესა̈რ, შვი, ნა̈ლიშ ი თეტენა̈რ.

Line of edition: 24 5) ლენტეხა̈ჲ მეზგალ ჯვინალდ. ლენტეხა̈ჲსკა ჯვინალდი მა̈გ
Line of edition: 25 უშხვა̈რი ტველ ლასხვ (\ ლϩმა̈რხ). ფუსტობ ი გლეხობ ამეჩუ და̈რს
Line of edition: 26 ხაშყიდ, მარე ჩუბე შვა̈ნჲა̈ ფუსტა̈რ მϩლენტეხ ჩა̈რკვიანა̈რ ლϩმა̈რხ.
Line of edition: 27 ალმინე ლა̈ზგა ლϩმა̈რ ლექვსირ. ამეჩუ ჴელედϩრა̈ჲშ ი ლასკადϩრა̈ჲ
Line of edition: 28 ნესკა ძღϩდ მურყვამ ხოგდახ. ალ მურყვამისკა ეჯმინს მარალე ლა̈ჭებდა
Line of edition: 29 ლა̈ჲდი ხუღვანხ ი, ერვა̈ჲ ხოლამ იჩომდა, ამეისკა ა̈ჭებდახ
Line of edition: 30 ეჯის. ჩა̈რკვიანა̈რ ფაყა̈რ ხეჴვეს ლϩმა̈რლასხ ი ეჩეხენქა ლეჩხუმხო
Line of edition: 31 ი ჟიბე შვა̈ნხოჲ ალფშირელიხ.

Line of edition: 32 ჩუბე შვა̈ნს (ლა̈შხს ი ჩოლირს) გლეხა̈რϩნქა თავადა̈რი არდახ ი
Line of edition: 33 აზნაურა̈ლი (გელოვანა̈რ, გალაფხანა̈რ, დევდარიანა̈ლ, ყიფიანა̈რ
Line of edition: 34 ი იშკენ). ლენტეხას მა̈გ უშხვა̈რი მეგვი (ტველ) ლასხვ. უშხვა̈რი
Line of edition: 35 ლიმა̈შედა̈ლ ლა̈ჲდი ძღგდ ხახალახ. ეჩქა ამახობ ლϩმა̈რ.

Line of edition: 36 ამახობ ლენტეხას ხაჟახϩნდა ეჯკა̈ლი დვრეს, შომა̈ჲ მა̈დმაბედიგვეშ
Line of edition: 37 კანონიერობ მა̈დ ლϩმა̈რ. იარა̈ღულ ეჩქა ლამშავხო ქა და̈რმოშ
Line of edition: 38 ლϩმა̈ზლი. შტაშვ ეღვე ა̈ჯსიწვენოლხ ესრენ, ეჩქა ლა̈რმიდ
Page of edition: 5 Line of edition: 1 მეჴედე მარალ ქა ლϩა̈ცხვა̈პლიხ ამკა̈ლი მარეს ი ქა ლϩმა̈ჲესკლიხ.
Line of edition: 2 ეჩანღო ქა ხოჭრიდახ ამშა ასაბია̈ს, ერე ლუცხვა̈პ მარე მინეშმოყ
Line of edition: 3 ლოქ ა̈რი ი ლასაჴსა̈რიდ ხვა̈ჲ კუმა̈შს ხაშკომნახ. მϩქაფ ლენტეხალი
Line of edition: 4 ϩრმიდახ ლენტეხა ლეჟა მეზი მარალს. ეჯმინე ლასაჴსა̈რიდ
Line of edition: 5 ლა̈ჲდი კუმა̈შ ხარახ ლევედი ეჯმინე ქორა̈ მარას. ქა ნაცხვაპ
Line of edition: 6 მარეს ტყვე ხაჟახϩნდა ი ტყვედ ნარდობ მევარ შკვირ ლϩმა̈რ.

Line of edition: 7 ლენტეხას ეჯ დვრეჟი ჩი სოფელისკა სანყვირა̈ლ ხა̈ღვენახ ი ჟი
Line of edition: 8 ხემოშ ა̈ნგა̈ჲღებოლხ, ერე იმალა ა̈გის მარე ლოქ ათხოცხვაპახ,
Line of edition: 9 სანყვირშვ თელ სოფელს ქა იტულდახ ი ქა ხეჭემენხ მუცხვაპალას.
Line of edition: 10 სკა ერ ხაოლნახ, ხოლა ლა̈დეღს ხა̈ჲესნახ მუცხვაპალას. ალ ლა.

Добавлено (2007-04-26, 5:13 Pm)
---------------------------------------------
ჭემს ფადა̈ს ხაჟახენა. ეჩქა ლაჭათვნად ლϩმა̈რდ ჲედურ (\ თელ)
Line of edition: 12 შვა̈ნისკა: ლენტეხა̈ჲ ფადა̈სი ბედიშ ლოქუ ლი.

Line of edition: 13 დადიანობ ერ ალბინელი, ეჩანღო ლენტეხალს დადიანა̈რე
Line of edition: 14 სასახლეა̈რე (ზუგდიდს ი გორდს) ქეშიკობ გარ ხადახ დავალებილ.

Line of edition: 15 ჩა̈რკვიანა̈რს ლექვსირ ხარახ ლარდა, ეჩეჩუნ, ათხე ერ ჭურია̈შ
Line of edition: 16 ხაჟახა. ამეჩუ ჩა̈რკვიანა̈რს ეშხუ ძღგდ კეც ხა̈გენახ. ალ კეც ათხეი
Line of edition: 17 ჩუ ლϩგ. პატაშა მიხე ხეზგე ალ ა̈დგილს. ალ კეცხოჲსკა მარალ ერ
Line of edition: 18 აჩეხ, კიბ ლი სკა ლეგენე. აშ და̈რმოშ ღϩრი ისკა, ეჯზუმ ლი ალ
Line of edition: 19 კეც. ამზუმ კეც ათხე ლემშვა̈ნიერაჲსკა დემე ა̈რი. ლϩლენტეხუდ
Line of edition: 20 "ჭურს" კეც ხაჟახა. ფიქრეხ, ერე მაჩა მუსყეჲ ლექვაურა (ქართველ)
Line of edition: 21 ოსტატა̈რ (\ ჴელვანა̈რ) იროლხ ი ეჯმინე ნაქვჟი ა̈თეჟახან
Line of edition: 22 ალ ა̈დგილს "ჭურია̈შ". აშირ ზა̈დ მეტ ლი, ერე ალ კეც
Line of edition: 23 ცა̈რთელ ლასვ. მარე ხოშა გვეშ ეჯი ლთ, ერე ალ კეცისა მარემი
Line of edition: 24 ჯიჯვა̈რ ა̈ნთხეხ ი ეჩანღო ეჯი უწმინდურდ ირშვენდა
Line of edition: 25 ათხეხოქა.

Line of edition: 26 6) ქორ. ჯვინალდ ლენტეხას მაჩუბვა̈რ ი დარბაზა̈ლ გარ
Line of edition: 27 ხოხალდახ. მაჩუბვა̈რ ა დარბაზა̈ლ კვეჭოლ მა̈დ ლასხვ, მარე ჩუ
Line of edition: 28 უყლულად ხუღვანხ ი ხვა̈ჲ მარემი ლარდად უხერხვილ ლასხვ. ჩუქვან
Line of edition: 29 მაჩუბისკა ლინთვისკა არდახ ი ჟიქან დარბა̈ზისკა -- ზავლა̈დეღ.
Line of edition: 30 ნა̈ფთს ეჩქა დესა იჴმა̈რდახ. ნა̈ფთი მϩქაფ ნესკა̈ჲ ლემესკს აშვახ ი
Line of edition: 31 ყა̈რსი მუგვა̈ლს ატვარახ.

Line of edition: 32 ჯვინალდ მარალ ი კუმა̈შ აშხუმდ არდახ მაჩუბისკა. კუმა̈შ
Line of edition: 33 გვალისკა ხაბდახ ი სვირიხო ბაგა̈რისა სვანტაფხენქა თხვიმა̈რ
Line of edition: 34 გარ ხოწვანდახ. ღოშვინ გვალ ლასვ ი ლა̈დეღისკა ეშხვინ ზურელა̈ლ
Line of edition: 35 ქა აანწახ გვალს. ერეხი მაჩუბა̈რს გვალხენქა ლანგვლი ხუღვანხ
Line of edition: 36 ი ა̈ნწს ეჩექა შიდახ ზურელა̈ლ. ინა̈ჲ მაჩუბს ლანგვლი მა̈დ
Line of edition: 37 ხადა, ა̈ნწს ზურელა̈ლ ჩა̈რთვშ ა̈ჲსდახ ქა̈მხო ი ეჩეჩუ აშხვ ა̈გის
Line of edition: 38 შიდახ. ალ ლϩნაზორე ა̈ნწს ქა ა̈ჲესდახ დაბა̈რხო ი ეჩეჩუ ჩუ
Page of edition: 6 Line of edition: 1 ფხიჟახ ლაჴა̈ნი გიმჟი. ეჩანღო ჩუ აჴა̈ნდახ ალ დაბს ი ა̈ნწს ლაჴა̈ნიჟი
Line of edition: 2 ვერს ხონა̈ხდახ.

Line of edition: 3 ჯვინალდ ერ ლახაჭვედნანდ შვანა̈რს, ეჯმინ ჯექნახ, ერე
Line of edition: 4 კუმა̈შს ა̈ნწი გუნღა ლოქ ირდვნეხ. ალე ედურდ (\ თელდ) ტკიც
Line of edition: 5 მა̈დ ლასვ, მარე უანწად შვა̈ნჲა̈ გიმს მა̈დ ხაყა. კუმა̈შ შვანა̈რს
Line of edition: 6 ხოშა ნაღალდ ხა̈ვედდა ლეღვს, თა̈შს, მა̈ტყს, ტუფს ი ეჩანქა,
Line of edition: 7 ცხა̈ეშ (\ ცხა̈ჲეშ) ა̈ნწს ლა̈ჲდი.

Line of edition: 8 ლენტეხას მევარ ხალატϩნდახ კუმა̈ში ლირდვნე. დაჴლა̈ ჯოგა̈რი
Line of edition: 9 ხეყადხ. ლახვა̈რ, ცხეკა̈რ, მოლა̈რ ი იშკენ ა̈დგილა̈ლ ჲედურ
Line of edition: 10 ხოჩა ლასხვ ლაკვმაშირდ. ქუთა̈შ ჟა̈ხე მეშყედე "სვანური ყველი"
Line of edition: 11 ლენტეხახენქა გარ ასღϩრდა.

Добавлено (2007-04-26, 5:13 Pm)
---------------------------------------------
7) ლენტეხა̈ჲ შუკვ ჯვინალდ. ჯვინალდ ჲედურ (\ თელ)
Line of edition: 13 ბა̈ლϩნ ლეჟა̈ჲ შვა̈ნ ლენტეხა ლექვა ანღϩრდა. ეჩქა ჯვა̈რხენ შუკვ
Line of edition: 14 მა̈დ ასხϩრდა ი მა̈გ ჩუბე შვა̈ნხენ ხალხოჩინახ ლიზის. ჩუბე
Line of edition: 15 შვა̈ნხო ჟიბე შვა̈ნხენქა ჴედენდახ ლატფა̈რი თანა̈ღხენ. ალე
Line of edition: 16 ზავლა̈დეღ ლასვ ხოჩა ლაჴად ჟიბე შვა̈ნხენ. ლინთვისკა მუშურქა
Line of edition: 17 ჴედენდახ. ამანქა ჟიბე შვა̈ნხენ ჩუბე შვა̈ნხო ლაზდ ხეყადდა გორვა̈შიშ,
Line of edition: 18 ლასილიშ, უსკვირიშ, ლეშნური ლახვა̈რს. ლექვა̈ჲ ჴევხენ
Line of edition: 19 ვა̈ნჲა̈ ლახვქა ლასვ ლაზ ლენტეხახო. ალმინ მა̈გ ლენტეხა ლექვა
Line of edition: 20 ჴედენდახ (ასხϩრდახ)

Line of edition: 21 თელ ლენტეხა ეჩქა სემი აშირ ვოშთხვჲერბეშტიჩხარა მეზგე ლასხვ,
Line of edition: 22 მარე შუკუვა̈რე პილჟი, იმელექვა̈ჲ ეჩქა ჟიბე შვანა̈რ, ლაშხა̈რ ი
Line of edition: 23 ჩოლლა̈რ იზელალდახ, იზგახ სემიჲერბეშტ მეზგე გარ. იშკენ იზგახ
Line of edition: 24 გულიდს, კახϩრს, ლასკადარს, ლესემას ი მერბე სოფლა̈რს. ალ
Line of edition: 25 ხა̈ლხ ჲედურ ჟიბე შვა̈ნხენ, ლა̈შხხენ ი ჩოლირხენ, ლა̈ქმახო ადინახ
Line of edition: 26 ა ლაღვაჭარდ, ლენტეხას ხეკვეს ახალაკანხ. ლენტეხა̈ჲ საზოგადოება̈ჲ
Line of edition: 27 ნანჯვედი ლაშხვირი პილ ლექვა ჩოლირი ლა̈ღვერახენ
Line of edition: 28 მურხო ლექვა ჲერბეშტიიშკვიდ კილომეტრ ლი. ამის ჭიშხვშ ღϩრდახ
Line of edition: 29 ლა̈ქმახო მეზალალ.

Line of edition: 30 ლა̈ქმახო თელ შვა̈ნ ასხϩრდა ჯვინალდ. ჩემი ლაზ-ლამაჩად ლენტეხა
Line of edition: 31 ლექვა ლასვ. ლა̈ქმახო ასხϩრდახ მუჟოღირ -- ქრისტეში თვეისაი
Line of edition: 32 ტეხენდახ ლეთანაფდ. ჩიგარ ძღϩდ ლი ამ დვრეს ლეთ ი ჩიგარ
Line of edition: 33 მϩცხა̈ჲერობ ლი. ლა̈ქმახო მეზი თელ ჟიბე ი ჩუბე შვა̈ნჲა̈ ხა̈ლხ
Line of edition: 34 ლენტეხა ლექვა მეზგალე ქორვა̈ლისკა იგენოლხ.

Line of edition: 35 8) ლექვემ-ლედეს. ჯვინალდ ნა̈ ხვიქვემდად ხოშა ნაღალღ ქანა̈
Line of edition: 36 ფატა̈ნს, ა̈შკი შარვა̈ლს, ა̈შკი ბანჭა̈რს, ლაღვლა̈ჲა̈რს, ქამეშხენ ა̈შკი
Line of edition: 37 ვოსა̈რს, ჭიშხი ლედეს გუღვან მანგარა̈ ტუფი ჩაფულ, თხუმჟი
Line of edition: 38 ლეგემ -- გუშკვეურა ფაყვ ედ ბაშლოყ.

Page of edition: 7
Line of edition: 1 ხოშა გვია̈ნდს ხვიქვემდად ბარდანა̈ ფატა̈ნს, ამერიკაჲ ფატა̈ნს,
Line of edition: 2 ქამეშხენ საგვილს, საგვილი ქამეშხენ ვოსა̈რს.

Line of edition: 3 ლაღვლა̈ჲა̈რ მერბე ფერიშ ხეკვეს ლϩმა̈რლასხვ, ხოშა ნაღალდ
Line of edition: 4 თვეთენე ფერიშ. ჭიშხა̈რჟი ტუფე ჩაფლა̈ლს იდესდახ. ტუფე ჩაფϩლს
Line of edition: 5 ქართლ-კახეთი მაგვა̈რდ დემ ა̈სყეჲდახ. ჩაფϩლდ ჭიშხ თელდ
Line of edition: 6 ხეკვეს ადალაფარას. ჩაფϩლისკა ლინთვისკა ი ზავლა̈დეღ წერაქვს
Line of edition: 7 ინა̈ხნახ წინდა̈რე მϩქაფ. წერაქვ ეშხუ ნა̈ირ ბალა̈ხ ლი, ლახვისკა
Line of edition: 8 ჴედენი ი ეჩეჩუ იწანეხ მუჟოღირს, ჟი ა̈კენეხ ი ჩუ იშხვნიხ ეჯჟი.
Line of edition: 9 ჲედურ ხოჩა ლი ჩაფლა̈ლისკა ლენა̈ხნად.

Line of edition: 10 ლათხვარხო ლა̈ჭემად ლაზხო ი კოჯა̈რისკა ლა̈ზელალღ
Line of edition: 11 ჯაბრა̈ლს იშხებდახ. ჯაბრა̈ლ ჩუქანა̈ ფოყჟი ლϩკარძე ჩაფლა̈ლ ლიხ. ქა დემ
Line of edition: 12 ხოგბეხ მარას ალ ჩაფლა̈რ ი ლახვხო ი ლათხვარხო ეჩაღა იდესკხ.

Line of edition: 14 9) ლეზვებ. ლეზვებდ ხუღვანდახ კვეცენ, სიმინდ, ქერ. მანა̈შ,
Line of edition: 15 ფა̈ტვ, ხულუგ; ნა̈ყეუნხენქა -- თა̈შ. ლეღვ, ლობიო, ღედერ,
Line of edition: 16 ქირც, ლელარტა̈მ. ჯვინალდ ლეღვს აი ერ ანაჯა̈ბდახ. ნახარშვს
Line of edition: 17 ხოშა ნაღალდ ქა ა̈გვეშდახ, ფუკვიდ იზობდახ ლეღვს. ათხე ალეს
Line of edition: 18 ქა ა̈თეყაჩხ ი ლუწვენდ ა̈სყეჲხ ლეღვა̈რს ნა̈ყეუნდ.

Line of edition: 19 ლეზვებხენქა მევარ ხალა̈ტხ თა̈შმϩჯა̈ბ ი ლუმერწვე ქაქ. ჲერქედა
Line of edition: 20 ალმინ მა̈ხე. ჲერბი-სემი ლა̈დეღჲა̈ჲ უჯმϩნა თა̈შხენქა ისყეჲხ.
Line of edition: 21 თა̈შ ხეკვეს იდუწალდეს. ეჯნურ მა̈დ საყა თა̈შმϩჯა̈ბიშვდ ი
Line of edition: 22 ლუმერწე ქაქა̈შვდ. თა̈შმϩჯა̈ბ თა̈შხენქა გარ ისყეი, ლუმერწვე ქაქ --
Line of edition: 23 სიმინდა̈შ ჲედ კვეცენა̈ ფექხენქა, ხედვა̈ჲს თა̈შს ხანა̈ჩდეხ ლა̈მერწვად.

Line of edition: 24 10) იარა̈ღ. ლენტეხალს მევარ ხალატϩნდახ იარა̈ღ. ჯვინალდ
Line of edition: 25 კა̈ჟია̈ნ თოფა̈რ ხოხალდახ, რუსა̈ლე მეჴედან -- ბერდენა̈ლ. ეჩანღო
Line of edition: 26 შაშხანა̈რ. ხანჯა̈რ ათხეხოქა ხალა̈ტხ. დაშნა̈ ძვირდ გარ ხუღვანხ,
Line of edition: 27 იარა̈ღი ლიზნა̈ნი ეზერ ხოხალდახ.

Line of edition: 28 ჲერვა̈ჲს ჩუ ხეჲმედϩნ, ვერცხლი ხანჯა̈რ, ვერცხლი ლა̈რტყ ი
Line of edition: 29 ვერცხლი დაშნა̈ ხუღვან.

Line of edition: 30 11) ჰავა. ლენტეხას ჩი შვა̈ნისკა მაშენე ტებედი ჰავა ლი. ამეჩუ
Line of edition: 31 ახაყახ კვეცენ, ხულიგ, მანა̈შ, ქერ, ქირც. ფა̈ტვ, სიმინდ, ნეცინ
Line of edition: 32 სიმინდ, ლობიო, ლϩჴარდა̈ნ ლობიო, ღედერ, ქართოფილ,
Line of edition: 33 კვახნეს, ლერწ ლა̈ჲდი მა̈გ იმა̈რგ, იმა̈ჲ ლეჩხუმს ჴედენი. ხილი მა̈გ
Line of edition: 34 იმა̈რგ: გაკ, ვისკვ, ვიცხ, ატამ ი იშკენ.

Line of edition: 35 ჩი მეზგას მიჩა კალ ი ლარტამა̈ლ ხუღვან, მარე ლარტამა̈ლ
Line of edition: 36 ხვა̈ჲდინ ქორხენქა ზϩმშ ჯოდიას ხუღვანხ.

Line of edition: 37 ლენტეხას ერ მა̈გ იმა̈რგ, ამაღა შვა̈ნისკა ეშხუ არა̈კ ლასვ ლუქვ.
Line of edition: 38 ალეს ამჟი ამბა̈ვდახ: ჲესო ქრისტე ლექვაშხენ ალმა̈ზლი. ჯორს
Line of edition: 39 ხა̈სკვრენა ი ჩიჲს ხოჩას ლϩმალა̈შლი ი ლϩმა̈ნერგა̈ვლი შუკვჟი.
Page of edition: 8 Line of edition: 1 ალე ჲეშმა̈ს ახოგა̈ჲღება ი, ჟი ერ ახოჟომან ჲესო ქრისტეჲშვდ
Line of edition: 2 ხოჩა გვეში ლისყეჲ, სკვებინ ლახახვია ლენტეხას, მაზა̈შ ლეჟაშხენ.
Line of edition: 3 ეშმა̈ კერეტა̈ნს ხა̈სკვრენა.

Line of edition: 4 -- იმოხ ლოქ ასხრი? -- ლახაჭვედნა ქრისტეს ეშმა̈.
Line of edition: 5 -- ლეჟავ ლოქ ასხრი ვა̈ზიშ ი იშკენ ხოჩემი ლალაშიდ.
Line of edition: 6 -- ნომავ ჯა̈ვრ ხარ, -- ხოქვა ჲეშმა̈ს, -- ლეჟავ ლოქ მა̈გ მიჩ ათოლაშა
Line of edition: 7 ი ათონერგავა.

Line of edition: 8 ესრენე ჲეშმა̈ს მანცხა̈რ ქერ ი ჟეღი ყურძენ გარ ხოლაშა ი
Line of edition: 9 ხონერგავა ლეჟავ. ჲესო ქრისტეს ეშიჲ ქა ლახოფულა ლეჟავ ხოჩა
Line of edition: 10 გვეში ლალაშიდ ი ალ ნაფულს ლა̈შხდ გარ ათოია. ეჩქად ჲეშმა̈ს
Line of edition: 11 ესრენ ჟიბე ი ჩუბე შვა̈ნჲა̈ ნესკა ძღϩდ თანა̈ღ ათოგა. მაზა̈ში
Line of edition: 12 ლეჟაშხენ, ვოდ ჩუბე შვა̈ნხო ხოჩა შუკვე ლისყეა̈ლ, არდა ეშხუ ძღგდ
Line of edition: 13 ბა̈ჩ გიმისკა ლუშტვიხ, ხედვა̈ჲს ხეთერა ჯორიშ ი კერეტა̈ნი ჭიშხა̈რე

Добавлено (2007-04-26, 5:14 Pm)
---------------------------------------------
ნაგამ. ჭიშხა̈რე ალ ნაგამ ხა̈ჯეშდა ჯორიშ ი კერეტა̈ნი ჭიშხა̈რს,
Line of edition: 15 აშ, ცხა̈ჲ, ლირტყველ ლასვ ქრისტეშ ი ჲეშმა̈ი უშხვა̈რე
Line of edition: 16 ლიხვიეს, მარე ხა̈ლხდ ალე ეჩაღა ანასკორე, ერე მიჯემდ თვითონ
Line of edition: 17 დეშ აფიშკ, იმაღა ლასვ ეჯი, ერე ლექვავ მა̈გ ხოჩა ხილ ჴედენდა,
Line of edition: 18 მა̈გ ხოჩა ნამშა̈ ირდოლ ი ლეჟავ შვა̈ნხო მა̈დ ლასვ ამჟი. ალე
Line of edition: 19 ქრისტეს ი ჲეშმა̈ს აოაბრა̈ლეხ.

Line of edition: 20 12) ლითვერი. ჟიბე შვანა̈რ ი ეჩანღო ლაშხა̈რ ლენტეხალდ
Line of edition: 21 ხოშა ასხϩრდახ ლა̈თვერიხო.

Line of edition: 22 ლენტეხას ლϩმა̈რდ ეშხუ მეზგე, ხედვა̈ჲს დათვშერ ხაჟასϩნდახ.
Line of edition: 23 ალ მეზგეს დაჴლა̈ ჯვეგ ხა̈ყენა. მეზგემი ხოშას სემი ჭყϩნტა̈რ
Line of edition: 24 ხა̈რდენა. ჲერბი გეზალ ლა̈თვერიხო ათოვუზა ი "სამასწავლებლო
Line of edition: 25 სემინარია" ათოგათავნა. ეჩანღო ჲერქედა მასწავლებლა̈ლდ ათოგენახ
Line of edition: 26 სოფელა̈ლისკა. ეჯმინს ჯამა̈გირ კეჭოლ ხუღვანხ ი მინე მუს
Line of edition: 27 ხადა ეჯმინეშვდ ლემა̈შედა̈ლ. ალე ჩიჲს ნინჟი ხუღვანხ (\ ხაგდა)
Line of edition: 28 ეჩქა ლენტეხას.

Line of edition: 29 უსკვა ზა̈უნღო ბოფშა̈რს ლალდაღხო ავზიდახ, ნა̈დიენა̈რს --
Line of edition: 30 ხამა̈რეშ ი ღოლჲაქა̈რეშ, ჭყϩნტა̈რს -- დაჴა̈რეშ ი მანგარა̈შ.

Line of edition: 31 ჯაბაშა ნიკოდ ერ ა̈ნინდუნე მიჩა გეზალა̈შ ი მუხბემი გეზალა̈
Line of edition: 32 ლითვერი, ხა̈ლხდ ლანცვდ ა̈ნკიდ ეჯი.

Line of edition: 33 ლენტეხა̈ჲსკა ხელმწიფი შიჲსკა ვოშთხვ პირველ დაწყებით
Line of edition: 34 სასწავლებილ გარ ლასვ: ლექვსირს, ფა̈ყს, მელილს ი ყვედრეშს.
Line of edition: 35 სავალდებილ მა̈დ ლასვ ლითვერი ი ხვა̈ჲს მა̈დ ხეკვად ლითვერი.
Line of edition: 36 ეშხვინ ლექვსირი მუთვერიდ ლენტეხა̈ჲ მამასახლიშს ჭიშხ ჩაფϩლ
Line of edition: 37 ლახვემ, ერე ბოფშა̈რ ლოქუ ახონაზორე ლა̈თვერიდ. მუთვერის
Page of edition: 9 Line of edition: 1 ვოშთხვ-ვოხვიშტ ბეფშ გარ ხეყად კლასისა ი ხოშკუნდა, ჯამა̈გირს
Line of edition: 2 ერ იკედდა ი ლეთვერი და̈რ ხეყად.

Line of edition: 3 ათა̈ს ჩხარა აშირ ჲერბეშტიეშხუ ზა̈ისკა თელ ჩუბე შვა̈ნ სემი
Line of edition: 4 სტუდენტ გარ არდახ (ირაკლი ი ალექსანდრე ქურასბედიანა̈რ
Line of edition: 5 ლენტეხახენ ი სპირდონ ონიან ლა̈შხხენ).

Line of edition: 6 13) მა̈ხე ლენფეხა. ათხე ლენტეხას დეშ ათერხიდ ჩუ. ლენტეხა
Line of edition: 7 (ლექვსირმოყ) თელ ჩუბე შვა̈ნჲა̈ რა̈იონი ცენტრ ლი ი ხოჩა დაბა
Line of edition: 8 ა̈ხეფასან. ამეჩუ ა̈რიხ რა̈იკომ, რა̈იაღმასკომ. ამეჩϩ ლიზგე ა̈დბინეხ
Line of edition: 9 ლაშხარდ, ჩოლლა̈რდ ი ლენტეხა̈ჲ, სოფელა̈ლხემქა მეჴედე
Line of edition: 10 მეზგალდ, ამჟი ერე ათხე ლენტეხა (ლექვსირ) თელ ჩუბე შვა̈ნჲა̈
Line of edition: 11 ხა̈ლხვშ ლი გვეში.

Line of edition: 12 ლϩლენტეხუ ლირაგა̈დი მერბე ნა̈ირ ლი, მარე ლენტეხალ ი
Line of edition: 13 იშკენ შვანა̈რ ხამეჴერნეხ უშხვა̈რ გარგალას. ათხე ჟი ლϩნა̈ჩდე ლი
Line of edition: 14 ლϩლენტეხუ, ლუჩოლურუ, ლულაშხუ, ლუვშკულუ გარგალა (უშკული

Добавлено (2007-04-26, 5:15 Pm)
---------------------------------------------
სასოფლო საბჭო ლენტეხა̈ჲ რა̈იონხოჲსკა ასხრი). მარე ამეჩუ
Line of edition: 16 ლϩთენე ი ლϩრდ ბოფშა̈რ ლაშხა̈რე, ჩოლლა̈რე, ვუშკულა̈რე,
Line of edition: 17 ნათსა̈ვ ლიხ ა მა̈დე, ეშიჲ მა̈გ ლϩლენტეხუდ რაგა̈დიხ. ლენტეხას
Line of edition: 18 ხვა̈ჲ ლეჩხვმა̈რ ა̈რიხ სამსახურისკა, რუსა̈ლი ა̈რიხ მუშარდ ი ხელოსანა̈რდ.
Line of edition: 19 ალმინე გეზელილ ლა̈ჲდი მა̈გ ლϩლენტეხუდ რაგა̈დიხ.

Line of edition: 20 შვანა̈რ ქართველა̈რ ლიხ. ეჯმინე ნინ ქართვილ ლი ი ჩიჲს
Line of edition: 21 ხოჩამდ ხოხალ ქართვილ.

Line of edition: 22 ლენტეხა ლეჟა ათა̈ს ჩხარა აშარ ი ჲერბეშტიეშტუსკვა ზა̈ხოქა
Line of edition: 23 ლაჩალანდარ (ლაჩაჟ) შუკვ გარ ასხϩრდა. მა̈გ ხეკვეს ჩა̈ჟი შიყვშ
Line of edition: 24 ათხოიანხ ლენტეხა̈ჲ ცენტრხოჲსკა (ხელმწიფი შიჲსკა ქაფვშ ლა̈ჲდი
Line of edition: 25 ხვა̈ჲ ასუღვანხ).

Line of edition: 26 ათხე ითვერი მა̈გ. ლენტეხას გარ (ჩოლურუნ ლექვა) არა დაწყებითი
Line of edition: 27 სკოლა ლი (გულიდს, ბა̈ბილს, ფა̈ყს, წანა̈შს, ჴაჩეშს
Line of edition: 28 ნანარს, გვიმბრა̈ლს, ყვედრეშს), ვოხვიშტ -- არაზა̈ჲა̈ნ სკოლა (მელილს,
Line of edition: 29 ბავა̈რს, ჴოფირს, ლესემას ი ცხუმელილს), ჲერბი -- საშუალო სკოლა
Line of edition: 30 (ლენტეხას ი ჴელედს), ეშხუ სკოლა-ინტერნა̈ტ, პიონერა̈ლე ქორ
Line of edition: 31 (სა̈ხლ)... სტუდენტა̈რს ი უმა̈ღლეს ლϩგათვა̈ლს ლა̈შელდა̈ნი მა̈დ ხარხ.

Line of edition: 32 ლენტეხას ა̈რი ეშხუ ვოშთხვ აშირ მარემი ლასკდა კულტსა̈ხლ,
Line of edition: 33 სემი აშირ მარემი ლასკდა კინოთეა̈ტრ, კლუბ, ჲერბი საბავშო
Line of edition: 34 ბიბლიოთეკა ი ეშხუ საჯარო ბიბლიოთეკა, საყოფაცხოვრებო მომსახურეობა̈ჲ
Line of edition: 35 კომბინა̈ტ.

Line of edition: 36 ჯვინალდ ლენტეხას ეშხუ ფერშა̈ლი მა̈დ არდა. ათხე ლენტეხას
Line of edition: 37 მა̈გ პროფესია̈ჲ (\ ხელობა̈ჲ) ექმა̈რ ა̈რიხ, ლϩგ ძღგდ საავადმყოფო,
Line of edition: 38 ხედვა̈ჲს ხვა̈ჲ ნა̈ირ განყოფილება̈რ ხუღვე. ა̈რი პოლიკლინიკა,
Line of edition: 39 სამშობიარო ქორ (სა̈ხლ). ამანქა სოფელა̈რისკა (ჴელედს, ცხუმელილს,
Page of edition: 10 Line of edition: 1 ჴოფირს ი ბავა̈რს) საექიმო პუნქტა̈რ ა̈რიხ. ა̈ფთია̈ქ ლϩგხ ლენტეხას
Line of edition: 2 ცხუმელილს. ლენტეხას აბანოჲ ხოჩა შენობა ლϩგ. ლენტეხას
Line of edition: 3 ლϩგხ: ელექტროსადგვირ (ლასკადგრა̈ჲ ლიცჟი), სა̈ტყეო, ლიმონა̈თი
Line of edition: 4 ქარხანა, ლა̈ხერხა̈ვი ქარხანა, დევა̈შ ლექვაშხენ კირე ლა̈შხი
Line of edition: 5 ქარხანა. სახანძრო, საავეჯო საამქრო, ფოსტა-ტელეგრა̈ფი კანტორა,
Line of edition: 6 საპარიკმახერო, ხოჩა სასტუმრო, ამჟი ერე ათხე ლეჟაურალს
Line of edition: 7 მა̈დ ხაწϩხხ ჯვინალდშალ ლა̈გენად მეზგალე ლიწხვა̈ვი.

Line of edition: 8 ლენტეხას ლϩგ ძღϩდ ფურნე. ფურნეა̈ლ ლϩგხ აჯაღ ჴელედს,
Line of edition: 9 ცხუმელილს ი ჴოფირს. ლენტეხას ჲერბი რესტორა̈ნ ლϩგ. სასადილო
Line of edition: 10 ლϩგხ ცხუმელილს ი ჴელედსი. ლენტეხას ა̈რი ეშხუ კულტმაღაზია,
Line of edition: 11 ეშხუ რა̈იმაღაზია, ლაღვაჭარ წერტა̈ლ ა̈რიხ ბა̈ბილს, მელილს,
Line of edition: 12 ფა̈ყს, ჴელედს, ლესემას, ჴა̈ჩეშს, ბავა̈რს, ჴოფირს, ყვედრეშს,
Line of edition: 13 ცხუმელილს. კლუბა̈რ ლენტეხაϩნქა ა̈რიხ: ცხუმელილს, ჴოფირს,
Line of edition: 14 ლესემას, ჴელედს, ბავა̈რს. ბა̈ბილს.

Line of edition: 15 ლენტეხას ეჩქად ეშხუ ხოჩა მორელ ანღგრდა ლასკადარს. ათხე

Добавлено (2007-04-26, 5:15 Pm)
---------------------------------------------
ვოშთხვ-ვოხვიშტ ზა̈ ლი, ერე თვითონ ჭურია̈შ ლეჟაშხენ ლასკადϩრა̈ჲ
Line of edition: 17 პილჟი ა̈ნთხეხ ეზერ სკიმ, ხედვა̈ჲ მითაჟა̈მისკა ლასკადϩრას
Line of edition: 18 ხანახენა. ალ ა̈დგილს ეჩქად სკიმა̈რს ხატულდახ. იმაღა ღენ
Line of edition: 19 ხეჟახϩნღა სკიმა̈რ. ჩუ და̈რს ხოხალდა. ესნა̈რ ეჩქად ალ სკიმ მა̈დ
Line of edition: 20 ხარა ლϩნა̈ხ ლასკადϩრას ი ალ ა̈დგილს ეჩაღა ათაჟახა სკიმა̈რ.
Line of edition: 21 ეჩანღო ალ სკიმ ლიცს ათონახა ი მითაჟა̈მისკა ხა̈ლხს ჩვათა̈შტნა, ამეჩუ
Line of edition: 22 ერ სკიმ ლϩმა̈რ ჯვინალდ. ათხე ჟი ა̈ნითხან ალ სკიმ ი ლასკადϩრა̈ჲ
Line of edition: 23 ლიც ბეტონი ჯებირშვ ათაყვილხ ალ სკიმს. სპეცია̈ლისტა̈რე აზრვშ
Line of edition: 24 ალ სკიმ ესენდუკიშ ი ბორჯომი ლიცა̈რდ ხოჩილ ლოქ ლი. ალ
Line of edition: 25 სკიმ ეზერ ლოქ ხარ გვიეშ, ყვიჟეჲშ, კვიჭეშ ი წიკანტა̈რე ლეგლირდას,
Line of edition: 26 ეგზემას, რევმატიზმს. შაქა̈რი ლეგლირდას ი იშკან
Line of edition: 27 ამკა̈ლია̈რს.

Line of edition: 28 ლასკადϩრა ერეხინ ჩუ ისოყოლ (ძღგდ ლიცარობჟი), ეჩქა ჭურია̈შმოყქა
Line of edition: 29 ქა ა̈სკნა ი ჩუ ინა̈ხნა დაბა̈რს. ათხე ლასკადϩრას ბეტონი
Line of edition: 30 ბϩგი ჯებირა̈ლ (\ ჯებრა̈ლ) ხარ მϩსყე.

Line of edition: 31 ლენტეხა̈ჲ დაბა̈ისკა თელდ ასფა̈ლტ ლϩგ. ჩვადანერგავეხ ხვა̈ჲ
Line of edition: 32 დეკორატიულ ჩიგარ ლϩბა̈ლ (ლϩმწვა̈ნე) მეგამა̈რ.

Line of edition: 33 ლაშხვირ ერ გვირაბშვ ლაჯანვირს ათანა̈ჩდეხ ი ეჩანღო ლაჯანჰეს
Line of edition: 34 ადϩგეხ, ეჩეხენ ლენტეხახო ანა̈ჲეხ ელექტროგადმომცემ ხა̈ზ
Line of edition: 35 ი ათხე ალე ლასკადϩრა̈ჲჰესს ხაწა ლენტეხალე სოფლა̈ლე ლატვარად.
Line of edition: 36 ამშა ბადშვ ლენტეხა̈ჲ ხვა̈ჲ სოფელა̈ლ ლიხ ელექტრონშვ
Line of edition: 37 ლϩტვა̈რე.
Line of edition: 38 ლენტეხას ათხე მაჩუბა̈რ ი ჯვინელ ლუშვანუ დარბაზა̈ლ
Line of edition: 39 მეჩია̈რს გარ ხაშყიდხ. თელ სოფელა̈ლისკა ხოჩა ქორვა̈ლ ლϩგხ, ხოშა
Page of edition: 11 Line of edition: 1 ნაღალდ ჲერბი ლϩდარბა̈ზ ქორვა̈ლ, ხედვაჲ ჩუ ლუყვილ ლიხ
Line of edition: 2 ოთახა̈რდ. მარე ტებედიჲ გუნღა ბუხარა̈ლე მϩქაფ ფეჩა̈რ ხოცხახ ი
Line of edition: 3 ჩი ოთა̈ხისკა ფეჩა̈რ ხოგხ. ლიზვებ-ლითრე ლა̈ჲდი მერბე ნა̈ირ
Line of edition: 4 ლი ათხე.

Line of edition: 5 14) ლენტეხა̈ჲ საზოგადოება. ლენტეხა ეჩქად ეშხუ საზოგადოება
Line of edition: 6 ლასვ. ალ სოფელა̈ლ, ხედვა̈ჲ სკვებნავ ალშელდა̈ნედ, მა̈გ ეშხუ
Line of edition: 7 საზოგადოებახოჲსკა ასხϩრდახ. ათხე ლენტეხა ვოშთხვ სოფელი
Line of edition: 8 საბჭო ლი: ლენტეხა̈ჲშ, ჴელედიშ, ჴოფირიშ ი ცხუმელილიშ.

Line of edition: 9 ლენტეხა̈ჲ სასოფლო საბჭოხოჲსკა ასხრიხ სოფლა̈რ: ლექვსირ,
Line of edition: 10 გულიდ, ბა̈ბილ. კახϩრ, მელილ, ლასკადარ ი ყა̈რიშ. ალ საბჭოჲსა
Line of edition: 11 ა̈რი ჲერბი აშირ ჲერბიჲერბეშტიეშტიშკვიდ მეზგე. ამე ხოშა ნაღალდ
Line of edition: 12 ა̈რიხ ლიპარტელიანა̈რ, მეშველიანა̈რ, ქურასბედიანა̈რ,
Line of edition: 13 ბენდელიანა̈რ, ფურელიანა̈რ, ტვილდიანა̈რ, მუსელიანა̈რ. ამეხენქა
Line of edition: 14 მაშენე ლϩფშირ ლიხ ლიპარტელიანა̈რ. მა̈დ ხვა̈ჲდ ა̈რიხ: გუგავალ,
Line of edition: 15 ასროსიანა̈ლ, ქარდავალ.

Line of edition: 16 ლენტეხა̈ჲ საბჭოს ხელა̈ღვერიხ: მიჟლაწადხენ ნა̈ლიში ლახვ,

Добавлено (2007-04-26, 5:15 Pm)
---------------------------------------------
მიჟლავა̈რხენ -- ლაშხირ ჴელედϩრა; ჟიბე ფოყხენ ხელა̈ღვერი
Line of edition: 18 გოლდა̈ში ლახვ, ჩუბე ფოყხენ -- ზაგა̈რ.

Line of edition: 19 ჴოფირიშ ი ცხუმელილი სოფელი საბჭოა̈რს ლექვა̈ჲ აშა̈რ ხაჟახახ.
Line of edition: 20 ამეჩუ მϩზგე ხა̈ლხ მა̈გ გულიდხენ, კახϩრხენ, მელილხენ ი ლექვსირხენ
Line of edition: 21 ნაზვ ლიხ. ლექვა̈ჲ აშა̈რს ჯვინალდ ჲერვალა̈ლ ლϩმა̈ზიგლიხ,
Line of edition: 22 მარე ალ ხა̈ლხ იმალას ჟ'ახოკიდა ი ნალა̈ზიგვჟი ი ნასოფლა̈რჟი
Line of edition: 23 ცხეკ ა̈მეჴედ. ლეჟაშხენ ნაჴადვ ლენტეხალს ჟ'ახოკვიშახ
Line of edition: 24 ალ ცხეკ ი მერბად ასაზიგახ ჟი. ალმინს ამეჩუ ხვა̈ჲ ნალა̈ზიგვ ი
Line of edition: 25 ნალაჴვამა̈რ ასახვიახ.

Line of edition: 26 ჴელედს. წანაშს, ჴა̈ჩეშს, ბავა̈რს ი ცხϩმალდს ლა̈ჲდი მა̈გ ფა̈ყხენ
Line of edition: 27 ნაზვ ხა̈ლხ იზგეხ.

Line of edition: 28 15) ლϩლენტეხუ მეზგა̈რე ჟა̈ხეჲა̈რ ლიხ

Line of edition: 29 გულიდს : ჯაბაშერ, ხა̈ბჯილშერ, კვა̈თშერ, ჟიბე ლა̈ზგაშერ,
Line of edition: 30 ა̈მადიშერ, ხუცაშერ, კაქშერ, გოჩშერ, საგა̈ჲშერ, ბოტშერ, გერგშერ,
Line of edition: 31 ჭუჭშერ, სოსაშერ, ბექშერ, ფგჩეშერ, მელლა̈ლ. ჯაშაშერ.

Line of edition: 32 მელირს : დევლეთშერ, ხვა̈ჩინოლშერ, დაჭკელა̈ჲშერ, სოსინოლშერ,
Line of edition: 33 ხულა̈ჩილშერ, ჯავაშერ.

Line of edition: 34 ბა̈ბილს გულიდხენ ი მელილხენ ნაზვ მეზგალ იზგეხ.

Line of edition: 35 კახϩრს : გაბილოშერ, თა̈ჲსავშერ, ჟაბშარა̈ლ. ფიცოშერ,
Line of edition: 36 დათვშერ.

Line of edition: 37 მელილიშ ი კახრა̈ ნესკა იზგეხ: ბა̈სლიშერა̈ლ. ჯამა̈თშერა̈ლ ი
Line of edition: 38 მა̈კიდოშერა̈ლ.

Page of edition: 12
Line of edition: 1 ლექვსირს : ფϩჩენილშერა̈ლ, პატაშერა̈ლ, ესავშერ, გოგია̈ჲშა,
Line of edition: 2 მოჯალა̈ბშერა̈ლ, მერანგუშერა̈ლ, ოთანშერა̈ლ.

Line of edition: 3 ლასკადარსი ზგეხ ლასკადარა̈ლ.

Line of edition: 4 ლამანაშვირს იზგეხ: ბა̈სშერ ი მელილხენ მეჩედე მეზგალ.

Line of edition: 5 მაზა̈შ, ჴოფირს, ნანარს, წიფლაკაკჲა̈რს ი გვიმბრა̈ლს იზგეხ გულიდხენ,
Line of edition: 6 მელილხენ, ნა̈კიდოშერხენ, ჯამა̈თშერხენ, ბა̈სშერხენ ი
Line of edition: 7 ლექვსირხენ ნაზვ მეზგალ.

Line of edition: 8 ყა̈რიშ ლექვსირხენ ნაზვ მეზგალ იზგეხ.

Line of edition: 9 ჟიბე ი ჩუბე ყვედრეშ კახϩრხენ ნაზვ მეზგალ იზგეხ. ამეჩუ
Line of edition: 10 მეზგალე მა̈ხე ჟა̈ხეჲარ ხაქიმხ: ჯატოშერ ი მიქელშერ.

Line of edition: 11 ჟიბე ი ჩუბე ცხუმელილს ლა̈ჲდი კახϩრხენ ნაზვ მეზგალ ა̈რიხ.
Line of edition: 12 ამეჩუ ლა̈ჲდი მეზგალე მახე ჟა̈ხეჲა̈რ ხაქიმხ: გოტაშერ, კვაკვალშერ,
Line of edition: 13 ბესშერ, გოგინოლშერ, ბექოლშერ.

Line of edition: 14 ჴელედი სასოფლო საბჭოისკა: ლესემას - ადამოშერ, ბასლანშერ,
Line of edition: 15 კაცოლშერ, ბეჟნა̈ჲშერ. გვეგნიშერ, მიქელშერა̈&

Line of edition: 18 ბავა̈რხო, ჴა̈ჩეშხო, ცხϩმალდხო ი ჴელედხო̈ჲ ფა̈ყხენ ნაზვ მეზგალ
Line of edition: 19 იზგეხ.

Line of edition: 20 16) ლϩლენტეხუ გვარა̈ლ იზგეხ:

Line of edition: 21 ავალიან (ჴელედს ი ბავა̈რს), ათრეჯიან (ჴელედს). ასროსიან
Line of edition: 22 (ლექვსირს), აფაქიძე (ბავა̈რს, ფა̈ყს, ბა̈ბილს), ბენდელიან (ლექვსირს,
Line of edition: 23 ფა̈ყს, ბავა̈რს), გაზდელიან (ფა̈ყს, ლესემას, ჴელედს,
Line of edition: 24 ცხϩმალდს), გასვიან (ლექვსირს ი ბა̈ბილს), გვიდიან (ფა̈ყს, ცხუმელილს),
Line of edition: 25 გვიჭიან (ჴელედს ჴა̈ჩეშს), გუგავა (ლასკადარს, ნა̈კიდოშერმოყ,
Line of edition: 26 ჴოფირს), კვასტიან (ლექვსირს), ლიპარტელიან (ბა̈ბილს,
Line of edition: 27 გულიდს, ლექვსირს, მელილს, ჴოფირს, ყვედრეშს, ცხუმელილს),
Line of edition: 28 მეშველიან (ლექვსირს, ჴოფირს, ნანარს. გულიდს), მუსელიან
Line of edition: 29 (მელილს, ჴოფირს, გვიმბრა̈ლს, მაზა̈შს), პირველ (ლექვსირს), სურმავა
Line of edition: 30 (ლექვსირს), ტვილდიან (კახϩრს, ცხუმელილს ი ჴელედს). ქარდავა
Line of edition: 31 (გულიდს, ჴოფირს ი ჴელედს), ქურასბედიან (ბა̈ბილს, გულიდს,
Line of edition: 32 მელილს, კახϩრს, ჴოფირს, ნანარს, ლამანაშვირს ი ლაღარუა̈შ),
Line of edition: 33 ფურელიან (ლექვსირს, ჴოფირს ნაშამუვა̈რს), ჩანქსელიან (ფა̈ყს,
Line of edition: 34 ბავა̈რს, ჴელედს ი ლექვსირს), ჩარკვიან (ჴელედს ი წანა̈შს), ხელაია
Line of edition: 35 (ჴელედს).

Line of edition: 36 ლენტეხას ჩემიშდ ხვა̈ჲ ლიხ ქურასბედიანა̈რ, ღვე ლიპარტელიანა̈რ,
Line of edition: 37 ეჩანღო ტვილდიანა̈რ, გაზდელიანა̈რ, ჩანქსელიანა̈რ ი ამჟი.

Line of edition: 38 ჲერეხი გვა̈რი მეზგალ ლეჟაშხენ ნაჴადვ ლიხ: გასვიანა̈რ, კვასტიანა̈რ,
Line of edition: 39 პირველა̈ლ. ჲერეხი სამეგრელოხენ ნაჴადვ ლიხ: აფაქიძეა̈რ,
Line of edition: 40 გუგავარ, ქარდავალ, სურმავა, ხელაია.

Page of edition: 13
Line of edition: 1 ავალიანა̈რ ლექვაშხენ ნაჴადვ ლიხ, ლეჟაშხენ ა ლენტეხახენ
Line of edition: 2 ალე და̈რს ხოხალ. ჩა̈რკვიანა̈ლ ლენტეხახენქა ხეკვეს ლესხ იშკანა̈გხო
Line of edition: 3 ნაფხაჟვ.

Line of edition: 4
ივანე ბენდელიანი. ლექსურაში. ვ. თოფურია. 23.X.1962 წ.

Добавлено (2007-04-26, 5:17 Pm)
---------------------------------------------
ჴელედი სასოფლო საბჭო

Line of edition: 6 ჴელედი თემსაბჭოჲ ხა̈ლხ იზგე ჴელედურა̈ჲ ტვიბ ლეჟა ლარა̈ში
Line of edition: 7 ბოგხენ ლეჟა ცხუმალდდ. ლექვსირხენ ცხუმალდხოჲსა ჲერბეშტიარა
Line of edition: 8 კილომეტრ ლი.

Line of edition: 9 მიჟლაწადხენ საზღვა̈რ ლი ლექვსირი თემსაბჭო, მიჟლავარხენ
Line of edition: 10 ჟიბე შვა̈ნხო ქა ლაზ თანა̈ღ ვა̈ნი ლი, ლემϩჟხენი საზღვა̈რ ლი და̈ბერი
Line of edition: 11 ლახვ, აწოლილ (\ აწოლირ) ი ლა̈ჲლა, შკედხენ -- ტვიბლა̈კესა̈რ,
Line of edition: 12 ლება̈რდელ ი ლაბრაჴ. ალმინ ლა̈ჲდი ლასვა̈რ ლიხ.

Line of edition: 13 ლექვსირი ვოკერ ხენა̈ჩდი ლაშხირს ჴელედურა. ჴელედურას
Line of edition: 14 ეჩეხ ი ამეხ ა̈რიხ მეზგალ. მა̈ნკვი სოფელ ლი ლესემა, ლესემაუნღო
Line of edition: 15 იბნი ლეჴვდა̈რეშ ი ჟიბე ფა̈ყ. ლესემა ი ლეჴვდა̈რეშ ა̈რიხ (\ იზგეხ)
Line of edition: 16 გაზდელიანა̈რ ი აფაქიძეა̈რ, ლა̈ჲდი იშხუ მეზგე -- ჩანქსელიან, მერბე
Line of edition: 17 -- ბემდელიან. ჟიბე ფა̈ყ ყველანი კუთხეა̈რდ (\ კვითხა̈რდ)
Line of edition: 18 ჴარა̈შ, ლესხან, მიქელშერ, გვეგნიშერა̈ლ, ლექმეთ ი ბაჲა̈რ. ჟიბე
Line of edition: 19 ფა̈ყს ა̈რიხ ხოშა ნაღალდ ლიპარტელიანა̈რ, ჩანქსელიანა̈რ ი გვიდანა̈რ.
Line of edition: 20 ლესემას ეჩეხენ ხაჟახა ჩხალვა̈რ. ეჩეჲსა ა̈რიხ მეზგალ ჩხალვარა̈ლ.
Line of edition: 21 ამან ლეჟა იბნი სოფელ წანა̈შ: ჩუბე წანა̈შ ი ჟიბე წანა̈შ
Line of edition: 22 ჟიბე წანა̈შ ეშხუ ლი. ჩუბე წანა̈შ ა̈რი ჲერბი კვითხ: იფხალდ ი
Line of edition: 23 ბენდა̈შ. წანა̈შ ეშხუ ლი. ჩუბე წანა̈შ ა̈რი ჲერბი კვითხ: იფხალდ ი
Line of edition: 24 ბენდა̈შ. წანა̈შ მა̈გ ლიპარტელიანა̈რ ა̈რიხ.

Line of edition: 25 წანა̈შუნღო ჴელედ ლი. ჴელედ ჲარბდ მეყველე ლი: ჟიბე ჴელედ
Line of edition: 26 ი ჩუბე ჴელედ. ეჩანღო იბნი სოფელ ძუღვა̈რეშ. ძირ ჴელედა̈რ
Line of edition: 27 ლიხ ბენდელიანა̈რ, გვიჭიანა̈რ, ქარდავალ. იშკენ ფა̈ყხენ ნაჴადვ
Line of edition: 28 ლიხ. ხოფშირა მეზგალ გაზდელიანა̈რ ლიხ, ღვე -- ჩანქსელიანა̈რ,
Line of edition: 29 ჲერბი-სემი მეზგე -- ლიპარტელიანა̈რ.

Line of edition: 30 ჴელედს ეჩეხ მა̈ნკვი ა̈დგილს ჴუდიშ ხაჟახა. იმა̈ჲ ჩუ იზგე ჲერბი
Line of edition: 31 მეზგე ჩანქსელიანა̈რ. ეჩა ლეჟაშხენ ტვიბლედ ლი, იზგეხ ჩანქსელიანა̈რ
Line of edition: 32 ი ლიპარტელიანა̈რ. ტვიბლედ ლეჟაშხენ ა̈რი სოფელ ჴა̈ჩეშ,
Line of edition: 33 იმა̈ჲ ჩუ იზგეხ ჩანქსელიანა̈რ ი ლიპარტელიანა̈რ, ლა̈ჲდი ეშხუ მეზგე
Line of edition: 34 ხელაია ლი. ჴა̈ჩეშს ეჩეხ ხურა̈შვილ ლი. ეჩე ა̈რიხ ჩანქსელიანა̈რ, ქარდავალ
Line of edition: 35 ი ლიპარტელიანა̈რ. ხურა̈შვილϩნ ლეჟა მა̈ნკვი სოფელ ჯϩდარ
Line of edition: 36 ჲედ მანანუ̈რ ლი. იზგეხ ლიპარტელიანა̈რ ი ჩანქსელიანა̈რ.

Line of edition: 37 მანანუ̈რ ეჩეხენ ლი შკედილდა̈შ, იმა̈ჲ ა̈რიხ ბენდელიანა̈რ ი
Line of edition: 38 ვვიდიანა̈რ. ეჩე ლეჟაშხენ ლი ჩვა̈ბე ბავა̈რ. იზგეხ აფაქიძეა̈რ.

Добавлено (2007-04-26, 5:18 Pm)
---------------------------------------------
ბავა̈რ მეყველე ლი სამდ: ჩვა̈ბე ბავა̈რ, ნესკა̈ჲ ბავა̈რ ი ჟა̈ბე ბავა̈რ.
Line of edition: 2 ნესკა̈ჲ ბავა̈რ იზგეხ გაზდელიანა̈რ ი ბენდელიანა̈რ, ჟა̈ბე ბავა̈რ --
Line of edition: 3 ჩა̈ნქსელიანა̈რ ი ლიპარტელიანა̈რ.

Line of edition: 4 ბავა̈რი მეჩი მარალს ა̈თხეჲ ჩუ ხაშყიდხ, ერ ბავა̈რ ჲერბი-სემი
Line of edition: 5 მეზგე გარ ლϩმა̈ზიგ ლი. ეჯმინ ლა̈ჲდი ლაბა̈ვიდ ლϩმა̈ჴედენლიხ
Line of edition: 6 ფა̈ყხენ. მა̈ნკვი ლახობინახ ლიკვმა̈ში, ეჩანღვე (\ ეჩანღო) თანდათან
Line of edition: 7 ხოწალდავახ დაბა̈რჲაქ ა̈დგილ ი ლახობინახ ქორვა̈ლე ლიგემ.
Line of edition: 8 ეჩანღვე თანდათანობით ა̈მეჴედხ ფა̈ყხენ მეზგალ ი ჩვა̈დფშირანხ.
Line of edition: 9 ა̈თხე ბავა̈რს იზგე ჲერბიჲერბეშტიეშტიშკვიდ მეზგე.

Line of edition: 10 ბავა̈რს ჯვინალდ ლა̈ჲდი ლϩმა̈ზიგლი სა̈ლხ. ა̈თხე ლა̈ჲდი ჩვა̈რი
Line of edition: 11 ეჩქა̈შია მურყვამა̈ლე ნა̈მსვირუა̈ლ ი ლაჴვამა̈რ.

Line of edition: 12 ჯϩდარ, შკედილდა̈შ, ლექვა̈ჲ ბავა̈რ, ლეჟა̈ჲ ბავა̈რ ი ცხუმალდ
Line of edition: 13 მა̈გ ასხრიხ ბავა̈რი კოლექტივხოჲსკა.

Line of edition: 14 ბავა̈რ ა̈თხე ჲერბი ვოშთხვზა̈ჲა̈ნ კლას ა̈რი. ეშხუ ლეჟა̈ჲ ბავა̈რ
Line of edition: 15 ი მერბე ჯϩდარ. ეშხუ სამკითხველო ა̈რი აჯაღ. ბავა̈რხო ანსყან
Line of edition: 16 მანქანა̈ჲ შუკვ ა̈თხელხი ლექვსირხენ.

Line of edition: 17 ბავა̈რი საზრვა̈რ ლი მϩჟე (\ მიჟე) ლაჴადხენ ჴა̈ჩეშ, მიჟლავარხენ
Line of edition: 18 -- ტეხვირი ზაგა̈რ. ლემიჟ ფოყხენი საზღვა̈რ ლი ლა̈ჲლა ი
Line of edition: 19 წϩრა̈ნია̈შ, შკედხენიშ -- მϩნია̈ში.

Line of edition: 20 ბავა̈რს ეჩეხენ ლი სოფელ ცხუმალდ. იზგეხ გაზდელიანა̈რ ი
Line of edition: 21 ჩანქსელიანა̈რ, ალმინ მა̈გ სკანღრი ჴელედი საბჭოხოისა.

Line of edition: 22 მაშენე ჯოდია სოფლა̈ლ ლიხ გუშკვე თემსაბჭოხენქა: ცხუმალდ,
Line of edition: 23 ბავა̈რ, ჯϩდარ ი ლა̈ჯრებილ. ბავა̈რიშ ი ცხუმალდა̈ სოფელა̈რისკა
Line of edition: 24 ხვა̈ჲნა̈ირ მორელა̈ლ (\\ სკიმა̈რ) ა̈რიხ.

Line of edition: 25 ჯვინალდ, აშირ ზა̈ჲ დეშ ლი ეჩანღო, იმა̈ჲ ერე სოფელ ა̈ნსყან
Line of edition: 26 ჴელედϩნ ლეჟა, ეჩქად ტევრ ლას ი ჴელედა̈რ ხაპატრონენახ. ფაყა̈რ
Line of edition: 27 ი წანაშა̈რ ზურალა̈ლ ერ ადინახ ქალაკოდა̈ჲ ლა̈თხელიდ ი ღვაჟა̈რ
Line of edition: 28 ლათხვიარდ, ხეკვეს ერე ბაჟ (ჯიმ) ლახოვოდანხ ჴელედა̈რეშვ. ფა̈ყს ი
Line of edition: 29 წანა̈შს ხალონდახ ალე ი ადავუზეხ ბაპ თუსტ ნიკო დადიანიშხო.
Line of edition: 30 ეჩემდ საბუთ ლახვემ ლიმოლეჲშ (\ მოლა̈ლე ლიკვშეჲშ) ი ლიზგეჲშ.
Line of edition: 31 ეჩანღო ჩვადამოლეხ ი ჩვა̈დზიგანხ ი ა̈თხე სოფლა̈ლ ლიხ.

Добавлено (2007-04-26, 5:18 Pm)
---------------------------------------------
ჴელედი თემსაბჭოჲსკა ა̈რი ვოშთხვ კოლექტივ. ალ კოლექტივა̈რ
Line of edition: 33 ლიხ ლესემას, ჴელედს, ჴა̈ჩეშს, ბავა̈რს. ამოხქა ფა̈ყს ლა̈ჲდი
Line of edition: 34 ლას კოლექტივ, მარე ჩვადანა̈ჩდეხ ლესემა̈ჲშ ი ფა̈ყი კოლექტივა̈რ.

Line of edition: 35 ჴელედი თემსაბჭჲსკა ასღრი სემი აშირ ი ჲერბიჲერბეშტხოქა
Line of edition: 36 მეზგე.

Line of edition: 37 ამე ანღრი: სიმინდ, მანა̈შ. ქერ, კვეცენ, ქართობილ. ლობიო.
Line of edition: 38 ლესემა̈ჲშ, ფა̈ყიშ, ჴელედიშ ი ჴა̈ჩეში სოფელა̈ლისკა ანღრი ღვინალ
Line of edition: 39 ლა̈ჲდი. ხოშა ნაღალდ ჯვინელ ჯიში ყურძენ ა̈რი; მეშეხე ი
Page of edition: 15 Line of edition: 1 თვეთვენე ა̈დეცა. ალ სოფელა̈ლისკა მა̈გ ნა̈ირიშ შინავარ ი ცხეკი ხილ
Line of edition: 2 ა̈რი: ჲერ ნა̈ლეყან, ჲერ აშ ნაზვაბ. ნა̈ლეყან ხილა̈ლ ლიხ; სა̈ნეფ,
Line of edition: 3 ვისკვ, თურაშოვილ, ყინილ, ბაღა̈ ვისკვ, აყა̈რი, გურთლ, გომბრ,
Line of edition: 4 გა̈მბრ, კაცითავა̈რ, ზურუმბი, დურწუმ, სასალ, ქილვა̈რდ, ჭანჭურა̈,
Line of edition: 5 ვოღნაშო, ბჟოლა, გაკ, ბარყვენ, ჲებ, ბია, ატამ.

Line of edition: 6 ამშაϩნქა ლახვა̈შ ი ბა̈რი ნესკა ა̈რი ხვა̈ჲ ნა̈ირ ხილ: მუგმოლდ,
Line of edition: 7 უღვ, ცინაყა, ინაღა, ბასყი, მურგუ, ზუნტუ, გვიჯ, წიფ, შტიხ,
Line of edition: 8 მანცხϩლდ, წანწოფ (\ წანწვეფ), ჴვა̈რი, ცანცი.

Line of edition: 9 მიჩავშ ნაზვაბ ხილ ეჯზუმ ანღრი, ერე შვიდედ ეჯმინს, ხვიხორჲელიდ
Line of edition: 10 ი არა̈ყს ხვიხნედ (\ ხვალინედ) ეჩეხენქა.

Line of edition: 11 გუშკვე დაბა̈რს ი ლახვს ლა̈ჲდი ა̈რიხ ლეზვებ ბალახა̈რ: მედეგვა
Line of edition: 12 (\ მედეგვო), ქალაკოდა̈, ბურღუ, მაღვნი, ღე, მა̈სენტუ, მეჭეხ,
Line of edition: 13 მერხელ, მუჩვ, ზა̈რჩვ, მათა̈ჲკუთხი (\ მუთა̈ჲკუთხი), შაშკილ,
Line of edition: 14 ფშალა̈, წϩწხა... ბალა̈ხϩნქა ლეზვეგ ლი მანჭკვარა̈ (\ მანჭკორა̈), არყა̈,
Line of edition: 15 ჭედო.

Line of edition: 16 ამე ხა̈ლხს ხა̈მთქვა ლარტამა̈ლ. ლარტამს ხვაბა̈რჯედ, ჟი ხვა̈წმინდა̈ვიდ
Line of edition: 17 ლაფა̈ცხირშვ. ეჩეჟი ხვა̈შდედ დაჴლა̈ ა̈ნწს, ჩუ ხვა̈რინქედ
Line of edition: 18 ფიწა̈ლშვ. ლარტამა̈ლისკა ხვალა̈შიდ: ლახანას, ხა̈ხვს, ნიორა̈ს არასას,
Line of edition: 19 ვოხრახვიშს, ქართს (წϩრა̈ნის ი თვეთვენეს), ძაფანა̈ს, კამა̈ს,
Line of edition: 20 ქინძს, სურნელა̈ლს, პიტნა̈ს, სტამფილოს, ბოლეკს, პატრიჯანს,
Line of edition: 21 ბადრიჯანს, ჭაკუნტელს, ჭაგვს, კინტრს, მოლოქა̈ს შაშკვლავს, თუთინს,
Line of edition: 22 ქანს (ქანს ხვალა̈შიდ ლალქანისკა ლა̈ჲდი).

Line of edition: 23 ლახანა̈ჲშ, ქართა̈შ, ძაფანა̈ჲშ, ხა̈ხვიშ ი პატრიჯანი ნერგს ჩუ
Line of edition: 24 ხვა̈ნერგა̈ვიდ მერბ' ა̈გის.

Line of edition: 25 შომა̈ს გვა̈ლი ლი, ეჩქა ლიცს ხვა̈გვეშიდ ლელარტა̈მს, ჩუ ხვალცუნედ
Line of edition: 26 ი ხოჩა ლელარტა̈მ ჴედენი.

Line of edition: 27 გუშკვე სოფელა̈ლე ხა̈ლხ ხოშანაღალდ ხაჭიმხ ლიკვმა̈შის. კოლექტივა̈რისკა
Line of edition: 28 ჩაჲს ხაყახ ფურა̈ლ, დაჴა̈რ, ხამა̈რ. ამშაϩნქა აჯაღ
Line of edition: 29 ხაყახ ჩაჟა̈რ, წელა̈ლ (\ წელა̈რ), ჯორა̈ლ...

Line of edition: 30 ზავლა̈დეღ ალ კუმა̈შ გუშკვე ლახვა̈რისკა გვაყა. აგვსაყა სკიმერი
Line of edition: 31 ხოჩა ლϩბალა̈ხ ლახვა̈რხო. გუშკვე მერბე ლახვა̈რს ხაჟახახ: ვა̈ნი,
Line of edition: 32 ლა̈ჭშხალდ, თეკრა̈შ, უწყარო, ბავალა̈შ, ღვადარა̈შ, ღგკიშ, ფიჩხან,
Line of edition: 33 ნეზვი დაბ, ლაღუნვა̈რი ი სვორბა̈შ.

Добавлено (2007-04-26, 5:18 Pm)
---------------------------------------------
ლინთვისკა ჲერეხი კუმა̈შ (ხოშა ნაღალდ მეშკი კუმა̈შ) ა̈გის
Line of edition: 35 გვაყა. ამ კუმა̈შიშვდ ლელინთვდ ამარეხ ჭემს ა̈გიჲ ლა̈ჭემოლისკა ი
Line of edition: 36 ლახვა̈შ ლა̈ჲდი. ხვამარედ აჯაღ ჩალს, ნოშს ი სილოსს ლა̈ჲდი.
Line of edition: 37 კოლექტივს გუღვე (გუღვა) ლა̈ჭემალ სოფელისკა ი ლახვა̈რისკა.
Line of edition: 38 ლახვა̈ ხოჩა ლა̈ჭემალს ხაჟახახ: ბალდიშ, მაცხვა̈რიშ,
Line of edition: 39 ლალაჴად დაბ, ლეშვნირ, ჩაზნეკილ, ბესკა̈შ, ბა̈ჯგილდა̈შ ი
Page of edition: 16 Line of edition: 1 ჴა̈ჩეში ლახვ. ა̈გია̈ ლარალხენ ჭემს მუჟოღირ იმაჯეხ ბოსელხო
Line of edition: 2 ი კირავისკა იშხვნიხ. ლახვა̈ ჭემა̈რს ხვაგემდ აწოლა̈ლდ ეჩე ი ლინთვისკა
Line of edition: 3 აგუღვე (\ აგუღვა) ლათრია̈ლშვ. ლათრინად გუღვეხ კევირ
Line of edition: 4 ი თაკვა̈რ. აწოლა̈ ლალაღა̈იდ გუღვე ლა̈ღერ. ჟი ხვალა̈ჯიდ
Line of edition: 5 ლახვს ლათრია̈ლს, ჩუ ფიშტვედ შურ ლექო (\ ლექვა), ძირს ხუშდედ
Line of edition: 6 კევრა̈ლს ი ეჯჟი ჴვიდედ ფერმახო ლა̈თრინუშ.

Line of edition: 7 მეშკი კუმა̈ში ლეზვებდ ფერმა იშხვნი სილოსს სილოსი კოშკა̈რისკა.
Line of edition: 8 მეშკი კუმა̈შიშვდ ხუღვახ ლა̈ჲდი ქართ. ქართს ლინთვისკა
Line of edition: 9 ჟ'აჯა̈ბხ ი ქატოს ხანა̈ჩდეხ ი მეშკი ფურა̈ლს ჩუ ხამნეხ.

Line of edition: 10 ჲერეხი კუმა̈შ კოლექტივა̈რს ასაყახ ჭალადიდხო.

Line of edition: 11 ჴელედურა̈ჲ ტვიბი ლიცისკა ხვა̈ჲ ცუზს ხვირმიდ ა̈ნკეზშვ, ტვეტი
Line of edition: 12 ბა̈დშვ ი ლა̈ფშტვა ბა̈დშვ.

Line of edition: 13 გუშკვე ცხეკა̈რისკა ხვა̈ჲ ხოჩა მეგამ ითხი. ალმინ ლიხ: ნეზვრა,
Line of edition: 14 წიფრა, გვიჯრა, ცა̈ცხვრა, ცა̈ჲრა, ფიხვრა, შა̈ჲრა, თეკარლა, მუნჯორლა.
Line of edition: 15 ალ ცხეკა̈რხენ ხვა̈ჲ მეგამ ასუღვა ლეჩხუმს. ბავა̈რი კოლექტივ
Line of edition: 16 აქა̈ჩე მეგამს ი ხავდი მერბე-მერბე წარმოებას. მაშენე მეგამა̈
Line of edition: 17 ლამარა ტვიბ ლი ლაშთხა̈ში ტვიბ, ჯϩდარა̈ ტვიბ ი მემფარია̈ნ.
Line of edition: 18 ლიმეგემიხენქა კოლექტივი წევრა̈ლ ხვა̈ჲ თეთრს იკედხ.

Line of edition: 19 გუშკვეშმოყ ლახვა̈შ ი ბა̈რი ნესკა ხვა̈ჲნა̈ირ ნა̈თხვჲერა̈ლ ა̈რიხ.
Line of edition: 20 ლახვა̈რისკა ითხიხ: ღვაშა̈რ, ჲერსკნა̈ლ... ცხეკა̈რისკა -- დაშტვა̈რ,
Line of edition: 21 თხერალ, მავლა̈რ, ყურდგელა̈ლ, კვენა̈რ, მანჩვა̈რ, ციყვა̈რ...

Line of edition: 22
ჟორჟო, ანზორი, ვალოდია, ჯონდო ჩანქსელიანები. ხელედი. მ. ქალდანი. 10.IX.1957 წ.

Line of edition: 24 ლექვა̈ჲ აშა̈რისა ა̈რი ჴოფირიშ ი ცხუმელილი სასოფლო საბჭო.

Line of edition: 25 ჴოფირი სასოფლო საბჭოჲ ლა̈ღვერა̈ლ ლიხ: მიჟლაწადხენ
Line of edition: 26 თეტენა̈რიშ, კვეჭოლ ჴოფირილიშ ი მერენა̈ლი ლახვა̈რ, მიჟლავა̈რხენ
Line of edition: 27 -- ბამბა̈ჲსვიკვ ი ლამანაშვირ, ლეჟაშხენ -- ლაჴაშირ, ლექვაშხენ
Line of edition: 28 -- ჭალილ (\ ჭალირ) ი ყვედრეშ.

Line of edition: 29 ჴოფირი საბჭოჲსა ა̈რი ვოხვიშტ სოფელ. ალმინ ლიხ: გიოშერ
Line of edition: 30 (\ წიფლაკაკია̈რ), ჴოფირ, მაზა̈შ, ლამანაშვირ ი ნანარ. ალ საბჭოჲსა
Line of edition: 31 ა̈რიხ აშირ ჲერბიჲერბეშტიჲერბი მეზგე.

Line of edition: 32 სოფელ გიოშერისკა სემი ვოჯა̈ხϩნქა მა̈გ ლიპარტელიანა̈რ იზგეხ.
Line of edition: 33 ალ სემი მეზგახენქა ეშხუ მეზგეჲ გვა̈რ ლი მეგრელიშვილ, მერბე
Line of edition: 34 მეზგემი გვა̈რ -- ნემსაძე, მესემეჲშ -- ქარდავა. ალ სემი მეზგე
Line of edition: 35 ათხელხი ნაჴადვ ლიხ ალ სოფელხო.

Line of edition: 36 გიოშერ, მაზა̈შ ი ლამანაშვირ ა̈რიხ შარა შუკვი პილ ლეჟა ლაშხირი
Line of edition: 37 ლერსკან ფოყხენ.

Page of edition: 17
Line of edition: 1 ჴოფირ ი ნანარ ჲერქედა ა̈რიხ ლაშხირი ლერთან ფოყხენ.
Line of edition: 2 ჴოფირი საბჭოხენქა ნანარხო ხოზი ვოხვიშტ კილომეტრ. ნანარს
Line of edition: 3 ხუღვე (\ ხუღვა) ხოჩა დაბა̈რ, ანღრი ხოჩა მოსავა̈ლ. ისკ ნანარხო
Line of edition: 4 ლეჟა ხოჩამდ იმა̈რგ მამილ. ხვა̈ჲ ა̈რიხ ვიცხა̈რ, ვისკვა̈რ ი ჲება̈რ.

Line of edition: 5 ნანარს ა̈რიხ ხოჩა ლიცა̈რ. ნანარს ხოჩა ლაკვმაშ ლი. ფედიას
Line of edition: 6 ხარ ლახვა̈რ ი ცხეკა̈რ. ალ ცხეკისა მევარ ითხი ლა̈ლგემალ მეგამ ი
Line of edition: 7 ზექჲაქ ლა̈ჲდი. ამე ხოჩა ლარდვნა ლი აჯაღ ლაღობა̈შ.

Line of edition: 8 იშკენ სოფლა̈ლისკა (გიოშერს, ჴოფირს ი მაზა̈შს) ხოჩამდ იმა̈რგ
Line of edition: 9 მა̈გრიგ მოსავა̈ლ, მარე ჩემიშდ ხოჩილდ იმა̈რგ მამილ.

Line of edition: 10 გუშკვე სოფელისკა ამოხხოქა ლას ვოშთხვ კოლექტივ: ეშხუ
Line of edition: 11 ლას წიფლაკაკია̈რ მერბე -- მაზა̈შ, მესემე -- ჴოფირ ი მოუშთხვე
Line of edition: 12 (\ მეუშთხვე) -- ნანარ. ალმინ ჩვა̈დნაჩდანხ ი ათხე ლი ჴოფირი
Line of edition: 13 კოლექტივ. კოლექტივს ხუღვე (\ ხუღვა) მამილ. ალ კოლექტივს ხაყა
Line of edition: 14 მენგერე უმა̈ში ფერმა ი დაჴა̈რეშ ი ხამა̈რეშ.

Line of edition: 15 ჴოფირი საბჭოჲსკა ა̈რი ეშხუ არაზა̈ჲა̈ნ კლას ლა̈დეღშვ ი ლეთნა̈შ,
Line of edition: 16 ნანარს ა̈რი ვოშთხვზა̈ჲა̈ნ კლას. გუღვა აჯაღ კლუბა̈რ (ჴოფირს
Line of edition: 17 ი ნანარს), ბიბლიოთეკა, სამკითხველო.

Line of edition: 18 ჴოფირი საბჭოჲსკა ა̈რი საექიმო უბა̈ნ ი ვეტუბა̈ნ ჴოფირს ი
Line of edition: 19 საფერშლო -- ნანარს. შიდ გუღვე აჯაღ ა̈ფთია̈ქ. გუშკვეშმოყ ა̈რი
Line of edition: 20 აჯაღ ჲერბი მაღაზია; ეშხუ -- ჴოფირს ი მერბე -- ნანარს. ჴოფირს
Line of edition: 21 ა̈რი სატყეო უბა̈ნ ი სასადილო.

Line of edition: 22 ათხე ა̈გვჴად ელექტრო ნა̈რი.

Line of edition: 23 წიფლაკაკია̈რი ნა̈მწვინქა ლაშხირი ლერთან ფოყხენ ანღრი
Line of edition: 24 მორელ.

Line of edition: 25 ცხუმელილი სასოფლო საბჭო ჴოფირი ლექვავ ლი.
Line of edition: 26 ლექვსირხენქა ცხუმელილი სასოფლო საბჭოხოჲსკა ლი ეშტიშკვიდ
Line of edition: 27 კილომეტრ. ცხუმელლა̈რ ხოშა ნაღალდ იზგეხ მარშინა̈ჲ შუკვე
Line of edition: 28 ფედიას ნახვწი ტვიბისკა. ნანჯოდან ცხუმელილს ხუღვე ვოშთხვ
Line of edition: 29 კილომეტრ. ალ საბჭოჲსკა ანღრიხ: გვიმბრა̈ლ, ოთია̈, ჭალირ,
Line of edition: 30 ლაღარვა̈შ, ჟიბე ყვედრეშ, ჩუბე ყვედრეშ, გაბიშერალ (\ გაბილოშერალ).
Line of edition: 31 ჟიბე ცხუმელილ, ჩუბე ცხუმელილ ი ნაშამუა̈რ. ალ სოფლა̈ლისკა
Line of edition: 32 იზგეხ ხოშა ნაღალდ: მუსელიანა̈რ, გუგავალ, ლიპარტელიანა̈რ
Line of edition: 33 ი ტვილდიანა̈რ.

Line of edition: 34 ცხუმელილი სასოფლო საბჭოჲსა ა̈რი. ეშხუ არაზა̈ჲა̈ნ კლას ი
Line of edition: 35 ჲერბი ვოშთხვზა̈ჲანა̈რ. არაზა̈ჲა̈ნ კლას ლϩგ ცხუმელილ, ეშხუ
Line of edition: 36 ვოშთხვზა̈ჲა̈ნ -- ჟიბე ყვედრეშ ი მერბე -- ჭალირ. ამშაϩნქა ა̈რიხ
Line of edition: 37 ცხუმელილ აჯაღ სამკითხველო ი სოფელი კლუბ.

Line of edition: 38 ცხუმელილი საბჭოჲსკა ა̈რი. ეშხუ არაზა̈ჲა̈ნ კლას ი
Line of edition: 39 ჲერბი ვოშთხვზა̈ჲანა̈რ.

Page of edition: 18
Line of edition: 1 ცხუმელილ ხოჩამდ იმა̈რგ მამილ. ყურძენხენქა ხოჩა ღვინალ
Line of edition: 2 ჴედენი ი ბϩგი შტϩმა̈ ლი. ყურძენს იხვერიხ ამე ჲენკენობა̈ჲ
Line of edition: 3 თვეჲსკა. ყურძენს ხვა̈წლიხედ (\ ხვა̈წირხედ \ ხვა̈წილხედ) ნა̈ ხორგისკა
Line of edition: 4 ჭიშხშვ ი ღვინალს ხვა̈გვეშიდ კეცისკა. კეცა̈რ ხოშა ნაოალდ ა̈რიხ
Line of edition: 5 გომისკა.

Line of edition: 6 ცხუმელილს ამშაϩნქა (\ ამანქა \ ამϩნქა) ა̈რი აჯაღ ხვა̈ჲნა̈ირ ხილ.
Line of edition: 7 ვოჯახა̈რს ხუღვეხ ლარტამა̈ლ. ალმინეშϩნქა ნა̈ გვაყა აჯაღ მენგერე
Line of edition: 8 ი ნეცინ კუმა̈შ. ლელუნთად ჲერეხი კოლექტივი კუმა̈შ აგვსაყა ლექვავ
Line of edition: 9 ჭალადიდხო, ჲედ ძუღვა̈ჲ პილხო.

Line of edition: 10
ოთარ ქურასბედიანი, მარლენ ლიპარტელიანი.ხოფირი, ყვედრეში. მ. ქალდანი. 13.IX.1957 წ.

Добавлено (2007-04-26, 5:20 Pm)
---------------------------------------------
ბუნება

Line of edition: 12 შვა̈ნს დიდა̈რ ბუნება ლი ი ფერა̈ლ ლა̈ი (\ ლა̈იდი) მერბე-მერბე
Line of edition: 13 (\ ხვა̈ჲნა̈ირ) ლიხ. მუს თვეთვენე ლი, შიხ -- მეშეხე, ზისხ -- წგრა̈ნი,
Line of edition: 14 ნენზ ბალა̈ხი ფერიშ ლი, დეც -- დეცე ფერიშ ედ ლურჯ, ლϩგრემი
Line of edition: 15 გვიგვ -- ყვითელ, ტϩტ -- ფა̈რვ, ჭყვა̈რტ ჭყვა̈რტი ფერიშ ლი.

Line of edition: 16 ლა̈დეღი ტებედი ლი, ლათ მვცხა̈ჲ ლას, მϩხა̈რ. მი მაბაჟა, ერე
Line of edition: 17 გრილ ირა. ლϩფინე ლიც ა̈თვი ლი, უფინა -- ქვეირ.

Line of edition: 18 ლენტეხა̈ჲ შუკვა̈რ ჯოდი ლიხ ი ნახვწი. ჲერეხი -- მეკვეშტე,
Line of edition: 19 მარე მაშა̈რი. სოფელ ლასკადარ ლენტეხამოყ ფედია ლი, ლა̈შხ --
Line of edition: 20 ჯოდია. მეგამ ჲერეხი კლა̈თხი ლი, ჲერეხი -- დამბა̈ლ.

Line of edition: 21 ბა̈ჩ ბϩგი ლი, მარე ჲერეხი ხეჩდა მენეშკვე.

Line of edition: 22 მი ხოშა ხვი, მიშკვი ჯუმილ ხორვა ლი. მიშკვი აფხა̈ნიკა̈რ ხოჩა
Line of edition: 23 ლიხ, მარე ეშხუ აფხა̈ნიკ ხოლა ხა̈სია̈თიშ ხეჩდახ. ჲერეხი ხოჩილ ლიხ,
Line of edition: 24 ჲერეხი -- ხოლდარა. ბურთ მურგვა̈ლ ლი. ბა̈ჩ მურგვა̈ლ ედ ბრტყელ
Line of edition: 25 ირა.

Line of edition: 26 მა̈ხე ზა̈ ანჴად, ჯვინელ ზა̈ აჩად. წიგნ სკელ ლი, რვეულ --
Line of edition: 27 დϩთხელ. ნა̈ გვაყა მენგერე კუმა̈შ ი ნეცინ კუმა̈შ.

Line of edition: 28
მაყვალა გაზდელიანი. ლესემა. მ. ქალდანი. 26.X.1962 წ.

Добавлено (2007-04-26, 5:20 Pm)
---------------------------------------------
ოჯახი

Line of edition: 3 შვა̈ნს სოფლა̈ლისა იზგეხ მეზგალ. ჩი მეზგეს ოჯა̈ხ ხაჟახა. ჯვინალდგნდირან
Line of edition: 4 ხოშა ნაღალდ ა̈რიხ ძღგდ ოჯახა̈რ.

Line of edition: 5 ოჯახა̈რისა ა̈რიხ ჲერბიხენჟი ერბეშტხოჟი წევრ. მახვში ლი ბაბა,
Line of edition: 6 აღვე ეჯი ჩუ̂ა̈რი ლუვა̈რ, დორიჲ მამა. გეზელილ მუს ხატულიხ
Line of edition: 7 მამას, დის -- დედეს. დედეს ი მამას სა̈ერთოდ ხაჟახახ დიჲმუ.

Line of edition: 8 დიეშ ი მუე გეზალს, აღვე ჭყინტ ლი, ჭყინტგეზალ ხაჟახა, აღვე
Line of edition: 9 დენა -- ეჯის -- დენაგეზალ. ეშხუ ბეფშ გეზალ ლი, ეშხუნჟი --
Line of edition: 10 გეზელილ. ეშხუნჟი ჭყინტ ჭყϩნტა̈რ ლიხ, დენა -- ნა̈დენა̈რ (\ ნა̈დიენა̈რ).
Line of edition: 11 გეზელილ უშხვა̈რეშვდ ლიხ ჯუმილ-დაჩვირ, ლახვბა
Line of edition: 12 ედ (\ ჲედ) ლავდილა. ეშხუ დიეშ ი მუე გეზელილხენ ჭყინტეშვდ
Line of edition: 13 დენა დაჩვირ ლი, დენა̈ჲშვდ ჭყინტ -- ჯუმილ (\ ჯϩმილ), დენა
Line of edition: 14 დენა̈ჲშვდ -- უდილ, ჭყინტ ჭყინტეშვდ -- მუხვბე.

Line of edition: 15 გეზელილ დიეშ ი მუე დედეს დადას ხატულიხ, მამას -- ბაბას.
Line of edition: 16 ლა̈მეჴერნა̈ლდ. ერე ხედ დადა̈ჲშ ი ბაბა̈ჲშჟი რაგა̈დიხ, ნამა̈ჲ დის
Line of edition: 17 ი მუს ა̈გიჲ და დადას ი ა̈გიჲ ბაბას ხატულიხ, დედეჲ დის ი
Line of edition: 18 მუს -- ბაბაშა დადას ი ბაბაშა ბაბას.

Line of edition: 19 მუე მუხვბეს ი დიე ჯუმილს ბუბა ხაჟახა, მინეგ ეზელილს --
Line of edition: 20 ბუბა̈ჲგეზელილ. მუე დაჩვირს ი დიე უდილს გიგა ხაჟახა. მარე
Line of edition: 21 ხოშა ნაღალდ მუე დაჩვირს მამიდას ხვატულიდ, დიე უდილს --
Line of edition: 22 დეიდას, მინე გეზელილს -- მამიდა̈ჲგეზალს ი დეიდა̈ჲგეზალს.
Line of edition: 23 ამϩნქა ბოფშა̈რ ბუბას ხვატულიდ ჩიჲს ხოშა მარას ი
Line of edition: 24 გიგას -- ჩიჲს ხოშა ზურალს.

Line of edition: 25 ჭყინტე ჲეხვს დიჲმუ, ლახვბა ი ლადაჩურა თელეღრას
Line of edition: 26 ხვატულიდ. ლახვბა̈ჲ ლა̈ეხვა უშხვა̈რეშვდ ლამყარ ლიხ. თელეღრა̈ჲშვდ
Line of edition: 27 ჭა̈ში დი ი მუ დიმეთილ ი მუმეთილ ლიხ. ჭა̈ში
Line of edition: 28 დაჩვირ და̈ლი, მუხვბე -- ძმა̈, მარე თელეღრა დიმეთილს დედეს
Line of edition: 29 ხატული, მუმეთილს -- მამას, და̈ს, ძმას ი მეყერას ჟა̈ხევშ
Line of edition: 30 ხარაგა̈დი.

Page of edition: 20
Line of edition: 1 დენაგეზალა̈ ჭა̈შ მიჩა ქორა̈ მარემიშვდ ჩიჟე ლი. ჩიჟეჲშვდ
Line of edition: 2 ჲეხვი დი ი მუ აჯაღ დიმეთილ ი მუმეთილ ლიხ, უდილ ი
Line of edition: 3 ჯუმილ -- სემუნ. ჩიჟე ჩიჟეჲშვდ მოქშა̈ლ ლი, ედ ლაჭაშა
Line of edition: 4 ლამოქშალა ლიხ.

Line of edition: 5
მაყვალა გაზდელიანი. ლესემა. მ. ქალდანი. 26.X.1962 წ.

Добавлено (2007-04-26, 5:21 Pm)
---------------------------------------------
შედა̈რ

Line of edition: 7 ა̈გის მა̈გ ოჯა̈ხს ხუღვახ მერბე-მერბე შედა̈რ. ჯვინალდ მეგამა̈
Line of edition: 8 შედა̈რ ხუღვანხ, ა̈თხე ხოშა ნაღალდ მა̈გ ნა̈ყიდ შედა̈რს იჴმა̈რი.
Line of edition: 9 ალ შედა̈რ ლიხ: ჩვეინ, კასრუკა, ტაფა̈, ცხვად, ასტამ, კეცია̈,
Line of edition: 10 კობზ, სა̈ინ, გა̈ჩ. ჭიქ, ყურუშკა̈, სტამან, დორა̈, ჩა̈ინიკ, კეცა̈რ,
Line of edition: 11 ხორგა̈ლ (ხორგ), ბოჭკა̈რ (ბოჭკა), ვედრა.

Line of edition: 12 ქა ნაქვ შედა̈რხენქა ჲერეხი სპილენძიშ ლი, ჲერეხი -- ბერეჟიშ,
Line of edition: 13 ვოყალა̈შ ედ მეგამა̈შ. ლეღვს, მერხელს ი იშკენს ხვაჯა̈ბდ ჩვეინისა,
Line of edition: 14 ლობიოს -- კასრუკა̈ჲსა, კასრუკა̈ვშ ლϩჯეს ლა̈ჲდი ხვა̈ფინედ,
Line of edition: 15 ცხვადშვ -- არა̈ყს. ტაფა̈ჲსა ლეღვს ი ლϩგრეს ხვატყა̈ბედ, კეცია̈ჲსა
Line of edition: 16 დიარა̈ლს ხვანა̈ყედ ი სტამან ი დორა̈ ლეთრემიშვდ (ლიციშვდ,
Line of edition: 17 ღვინალა̈შვდ, არა̈ყიშვდ) გუღვა, სა̈ინა̈რ -- ლეზვები ქა ლა̈ჴდად.

Line of edition: 18 ლეზვებს შედხენჟი კობზშვ ხვიკედდ, ჭიქშვ ლეთრეს (ლიცს,
Line of edition: 19 ღვინალს, არა̈ყს) მϩთრედ, ყურუშკა̈ვშ -- ლიცს გარ. გა̈ჩვშ ლეღვს,
Line of edition: 20 დია̈რს. ლელარტა̈მს ხვახტურედ, ხილს ი ქართოფილს ხვა̈ცირედ,
Line of edition: 21 ხვა̈ზიენიდ კუმა̈შს ედ შინავირ მეპერს. ჩა̈ინიკისა ლიცს ხვაფინედ.
Line of edition: 22 ხორგხო ყურძენს შვიდედ ი ხვაწურა̈ვიდ (\ ხვა̈წირხედ), კეცხოჲსა
Line of edition: 23 ღვინალს ხვა̈გვეშიდ. ბოჭკა̈ჲსა ლელარტა̈მს (ლახანას, ქართს,
Line of edition: 24 ოხრახვიშს, პრასას. ხა̈ხვს, ბადრიჯანს ი პატრიჯანს) ხვახმედ. ვედრავშ
Line of edition: 25 ლიც აგუღვა, ეჩეჲსა (\ ეჩოხოჲსა) ფუ̈რს ი დაჴϩლს
Line of edition: 26 ხვიშკიდ.

Line of edition: 27
მაყვალა გაზდელიანი. ლესემა. მ. ქალდანი. 21.X.1962 წ.

Line of edition: 29 სოფელისა ჩი მეზგეს ხოგ ნადგამობ: ქორ, ნა̈ლია̈, ბეღელ,
Line of edition: 30 თორნ, მარა̈ნ, კირავ, ლაკვმა̈შ, ლახამ, ლაქათალ.

Line of edition: 31 ქორვა̈ლ ჯვინალდ ჲერბისართულია̈ნϩნჟი და̈რს ხა̈გენა. ჩუბე
Line of edition: 32 სართულს მაჩუბ ხაჟახϩნ, ჟიბე სართულს -- დარბა̈ზ. ზავლა̈დეღ
Line of edition: 33 (მა̈რტხენქა ნოემბერხოქა) ხა̈ლხ ჟიბე სართულჟი არდა, ლინთვისა
Line of edition: 34 (ნოემბერუნღო მა̈რტხოქა) -- მაჩუბისა. მაჩუბ ჩუ ლϩყვილ ლას ჲარბდ:
Line of edition: 35 აშხვხენ ლარდა ლას, მერბახენ -- ლაკვმაშ. ლარდაჲსა ნესკაჩუ
Page of edition: 21 Line of edition: 1 ლემესკ სოშუდახ. გირტა̈ნ ლაყვრალ ხოგϩდახ ჭვა̈დი (\ ჭვედი) ნანჯოდაჟი.
Line of edition: 2 ალ ლაყვრალჟი ჲერბი-სემი ჲეხვ-ჭა̈შ აყურდახ. ეჯმინე
Line of edition: 3 ლაყვრალ ჩუ მეყველე ლასხ სკივრა̈ლშვ. ჲეხვ-ჭა̈შიშ ლეჭშხარა̈შხო
Line of edition: 4 აყურდახ მინე ბოფშა̈რ, ეჩანღო -- მერბე ჲეხვ-ჭა̈შ ი მინე
Line of edition: 5 ბოფშა̈რ.

Line of edition: 6 ლაკვმაშ ჩუბე სართულიშ მერბე ხϩნსკაჲსა ლას. მა̈ნკვი იბნოლ
Line of edition: 7 ჩა̈ჟი ლიბემ, ეჯის მიჩა საკვთა̈რ ბაგ ხუღვანღა. ეჩანღო ხაბϩდახ
Line of edition: 8 ჴანა̈რ, ღვე ფურა̈ლ, ღვე მა̈ნეცϩნ კუმა̈შ: მესნავა̈რ, ღა̈ბენა̈რ. ეჩანღო
Line of edition: 9 ქა ლუყვილ ლას ლაღოლჲაქ. ალმინს ჩიჲს (კუმა̈შს, ღოლჲაქა̈რს)
Line of edition: 10 მინე ბაგ ხუღვანდახ. ბაგისა ხუშდად ლეზვებს -- ნენის, ჩალს,
Line of edition: 11 ნეცვნირს (\ ვეჴს), ლობიოჲ ბა̈რდს. ამნოშ ხვა̈სელად ლინთვისა
Line of edition: 12 კუბა̈შს.

Line of edition: 13
გოგუცა გუგავა-ბენდელიანი. ლასკადარი. ვ. თოფურია. 23.X.1962 წ.

Добавлено (2007-04-26, 5:22 Pm)
---------------------------------------------
აზვ-ლაგამ

Line of edition: 15 ქორ. ა̈თხე ხოგხ ჲერბი ედ სემისართულია̈ნ ქორვა̈ლ. სემისართულია̈ნ
Line of edition: 16 ქორისა მა̈ნკვიჲ სართულ ხϩნსკა მარა̈ნდ ხუღვახ, ხϩნსკა --
Line of edition: 17 მაჩუბდ. მერბე სართულ მინე ლარდა ლი. ალ სართულ ჩუ ლϩყვილ
Line of edition: 18 ლი ჲერბი ედ სემი ვოთა̈ხდ, ამნილხენქა (\ ალმინხენქა) ეშხუ სამზა̈რეულ
Line of edition: 19 ლი. თელდ მესემე სართულ ლამშკვარდ ხუღვახ.

Line of edition: 20 ქორვა̈ლს ϩგემხ ბა̈ჩიშ, ედ ფიცა̈რიშ, დორიჲ ჩუბე სართულ
Line of edition: 21 ბა̈ჩიშ ლი, ჟიბე სართულ -- ფიცა̈რიშ.

Line of edition: 22 ქორა̈ თედიას ლϩგ ვოშთხვ ბა̈ჯგჟი ნა̈ლია̈. ჲერეხი ნა̈ლია̈ს
Line of edition: 23 ლϩფტϩრე ფიცა̈რხენქა ა̈სყეჲ, ჲერეხი კვედალხენქა აშხა̈ტი. ნა̈ლია̈ჲსა
Line of edition: 24 შიდეს შტა სიმინდს ლაფრად.

Line of edition: 25 ბეღელს ϩგემხ კალა̈ პილს. ეჯიჲ ფიცა̈რიშ ლი. ჭვადვა̈რ, პოლ
Line of edition: 26 ი ლიმფა ეჯჟი ლი მϩსყე, ერე შტუგვ მა̈დშ აჩეს. ეშხუ ფოყხენჟი
Line of edition: 27 ლϩჭირხე ხარ ი სკა ხოგ შუშა ნა̈რიჲ ლაზდ. ყორ მანკლათხდ ხარ.
Line of edition: 28 სკაშხენ ბეღელ ჩუ ლუყლულე ლი თვალვა̈რდ დამბალ ჭვადვა̈რშვ.
Line of edition: 29 ნესკალეჟა მანკლათხდ ჩუ ლუცვირ ლი ლაჭϩშხ. თვალვა̈რხოჲსა
Line of edition: 30 მოშ-მოშ შიდეხ: ფექს, როშს, კაკა̈ლ კვეცენს. ლობიოს, გაკს ი
Line of edition: 31 ხილს.

Line of edition: 32 მარა̈ნ, იმა̈ჲჟი ნაქვ გვარ, ქორა̈ ჩუბე სართული ხϩნსკა ლი.
Line of edition: 33 მარა̈ნ ლი ღვინალა̈ ლა̈სყეჲ ი ღვინალა̈შ, არა̈ყიშ ი ლეხმე ლელარტა̈მი
Line of edition: 34 ლაშხვნი. ამაღა ეჩეჲსა ხოშტხვახ კეცა̈რ, ხოგხ ხორგ (ედ
Line of edition: 35 ხორგა̈ლ), ბოჭკა̈რ, კეცი ლაშყოდა̈რ, ხირკა̈ ი იშკენ ნეცინ შედა̈რ.

Line of edition: 36
მაყვალა გაზდელიანი. ლესემა. ვ. თოფურია. 23.X.1962 წ.

Добавлено (2007-04-26, 5:22 Pm)
---------------------------------------------
თორნ

Line of edition: 2 თორნ ჩიგარ მოშ გვიგ ქორხენქა ჯოდია ა̈დგილჟი. ჴვიდედ
Line of edition: 3 ვოყალს, ეჯის ჟი ხვაჭურედ გუნ ბϩგიდ. წმინდ ვოყალ ერ ჩვასედენი,
Line of edition: 4 ეჯის ქა ხა̈ყვლეხ ზომიერ ნა̈წილს, ეჯის ჟ'აჭურეხ გუნ, ეჩანღო
Line of edition: 5 ჟ'აკურკვა̈ტიხ, ღვე ჩვა̈ბტყელა̈ვიხ. ამჟინ ზომიერ ნა̈წილა̈რს
Line of edition: 6 უშხვა̈რჟი ხა̈გემხ. ჟ'ა̈სყეჲხ თორნს. ეჩანღო ჟ'ა̈ლესა̈ვიხ, ღვე თხუმჟი
Line of edition: 7 ჟიქანქა კϩრკინს ხოსყეჲხ, ჩვაფრეხ. ლიფრანხოქა ისკაშხენ ჩვა̈ჭრელეხ
Line of edition: 8 ჯვინელ ხანჯა̈რშვ, დორიჲ ბერეჟი ნა̈კვიშშვ. ჩუ̂ერ ა̈დფϩრი,
Line of edition: 9 ჩუ ϩგემხ ქორხენქა ზϩმშ ჯოდიას. ქამეშხენ თორნს ჲეშტ სანტიმეტრშვ
Line of edition: 10 ქახქა ყა̈რს ხა̈ცხეპეხ. დორიჲ ჟ'აშხა̈ტეხ ზϩსყი კვედალშვ.
Line of edition: 11 თორნა̈შ ი ნაშხატუნი ნესკა ვერს შიდეხ, ხოჩილდ ერ ა̈დქგრთინენს
Line of edition: 12 თორნ. თორნს აშხვ სამ ლა̈დეღ ქა̈შხიხ, შიდეხ ზექა̈რს, ბიკა̈რს,
Line of edition: 13 თორნ ერ ქა̈ნშიხენს. ეჩანღო ჟი იბნეხ ლირბიელს.

Line of edition: 14 ჯვინალდ ხაწამϩნდახ, ერე მა̈ნკვიჲ თორნისა ლიშვეჟი ხოჩა
Line of edition: 15 დიარა̈ლ ხეკვეს ახონაყანხ: თა̈ში დია̈რ, ქართობილი დია̈რ ი ამკა̈ლი
Line of edition: 16 ხოჩა ლეზვება̈რ.

Line of edition: 17 ლირბიელϩნქა თორნისა ატყა̈ბხ (\ ატყაბეხ) გოჭა̈რს, ქათალა̈რს
Line of edition: 18 ი იშკენს.

Line of edition: 19
გოგუცა გუგუნავა-ბენდელიანი. ლასკადარი ვ. თოფურია. 23.X.1962 წ.

Добавлено (2007-04-26, 5:22 Pm)
---------------------------------------------
მა̈რჴილ

Line of edition: 21 გუშკვეშმოყ მა̈რჴილ ჩიჲს ხუვა. მა̈რჴილ გვა̈მი ბა̈რგი ედ ნამშა̈ჲშ
Line of edition: 22 ეჩოხ-ამოხ ლა̈ჲასდ ძღუდ სა̈ჭირო ლი.

Line of edition: 23 მა̈რჴილჲაქ მასალას ცხეკხენ ჴვიდედ. მა̈ნკვი ხეკვეს ხვითხად
Line of edition: 24 მა̈რჴილი ჭიშხა̈რ. ხოჩა ლϩკა̈ნკვე თხვიმ ერ ხადეს. ამჟი ლϩკა̈ნკვე
Line of edition: 25 მეგამ ხოშა ნაღალდ ტყაბ ა̈დგილს ა̈რი. მა̈რჴილი ჭიშხეშვდ ედ
Line of edition: 26 ნეზვრას ხაყა, ედ წიფრას. ცხეკისა მა̈რჴილჲაქს ერ ჟი ხვა̈ქვცედ,
Line of edition: 27 ნა̈ნჯვედი მაზუმა̈ჲ გვაკუ, ეჯზუმს ცვირედ, იშკენს ქა ხვა̈ქვცედ.
Line of edition: 28 აღვე მენგერე ლი, ჩუ ხვატაბედ ი ამჟი აგუღვე ა̈გხო. ვოდდო
Line of edition: 29 ჩვა̈დფϩრი, ეჩქად ზϩსყიჟი მა̈რჴილი ლისყეჲს მა̈დ ხაყა, ხელათ
Line of edition: 30 ჴეჩენი, ჩუ იბჴური ი ძღუდ გვა̈მი ლი. მა̈რჴილი ჭიშხა̈რს ლაფრად
Line of edition: 31 ფუკვი ი ლემიჟ ა̈დგილს ხვა̈ჭდედ. ეჯმინს ლაფრად ხაკუხ ვოშთხვ-ვოხვიშტ
Line of edition: 32 თვე. აღვე ლინთვისა ლი ლეფრე მა̈რჴილი ჭიშხა̈რ, ეჩქა
Line of edition: 33 ცხვენქა ხვა̈დესდ.

Line of edition: 34 მა̈რჴილი ლა̈სყეჲდ ჭიშხა̈რϩნქა სა̈ჭირო ლიხ: უღვა, ლეტა̈ფია̈რ,
Line of edition: 35 ფეკვნა̈რ, ნა̈წირხლაუნ, ლეწითხი ი ლეკედია̈რ. ლა̈სყეჲჟი მანკვი
Line of edition: 36 მა̈რჴილი ჭიშხა̈რს ჴიდეხ. უღვა̈ჲ ლა̈შდად მა̈რჴილი თხუმა̈რს ჩუ
Line of edition: 37 ხვაფტϩრედ ედ ბურაოვშ, ედ ასალშვ. ამჟი ხვა̈სყეჲდ ფეკვნა̈რე
Page of edition: 23 Line of edition: 1 ლა̈შდას ლა̈ჲ. ეჩანღო ხუშდედ უღვას ი ფეკვნა̈რს ჟი ხვაჴა̈ლიდ.
Line of edition: 2 ფეკვნახენქა მერბა თეკვნახო ლეტა̈ფია̈რს ხვა̈დესდ ი ჟიქანჩუ
Line of edition: 3 ნა̈წირხლაუნშვ ჟი ხვა̈წირხედ. ნა̈წირხლაუნს ერ ხოშა ძალა ხუვანდეს,
Line of edition: 4 ნა̈წირხლაუნიშ ი მა̈რჴილი ჭიშხე ნესკა ლეწითხის ხოთლედ.
Line of edition: 5 იშკანს ერ ქა ხვაგათვედ, ღოშკიმპილს ლეკედია̈რს ხუშდედ. ლეკედია̈რე
Line of edition: 6 თხუმა̈რს ედ წირხშვ ი ედ სინავშვ ქა ხუთლედ. ეჩანღო
Line of edition: 7 ლეკედია̈რე თხვიმს წემაშვს ხვა̈ბემდ ი ჴანა̈რშვ აგვსუღვა იმა̈ჲხო
Line of edition: 8 გვაკუ.

Line of edition: 9 მა̈რჴილშვ აგვსუღვა: ნენი, ჩალ, ზექ, ნოშ, სიმინდ, კვახნეს ი
Line of edition: 10 იშკენ. ჲერეხიჲ ლა̈ჲასდ სა̈ჭირო ლი ჩა̈ვ. ჩა̈ვს ნეცინ კვედალა̈ლხენქა
Line of edition: 11 ხვაშხა̈ტიდ. ნენიჲშ ი ჩალა̈ ლა̈ჲასდ ხვიჴმა̈რიდ ფანცხა̈რს.

Line of edition: 12 ფანცხა̈რე ლა̈სყეჲდ ხაკუ ვოშთხვ კეტ ი სამმა̈გქა წირხა̈ლ.

Line of edition: 13
დურმიშხან ლიპარტელიანი. ყარიში. მ. ქალდანი. 17.IX.1957 წ.

Добавлено (2007-04-26, 5:23 Pm)
---------------------------------------------
ღვებ

Line of edition: 15 ჩუბე შვა̈ნს ჯვინალდგნდირან გუღვანდა ი გუღვა ღობა̈რ. ღვები
Line of edition: 16 ბუზულ ხოჩა ჯიშიშ ა̈რი. ა̈რი (\ ლი) ზϩმშვ განსხვავება შინავირ
Line of edition: 17 ბუზულიშ ი ცხეკი ბუზული ნესკა. შინავირ ბუზულ ხოშა მუმფა̈რვ
Line of edition: 18 ლი, ცხეკი ბუზულ ხოშა მეშეხე ლი ი ჴეფა̈ჲ ხოშა ლი, ტა̈ნდი
Line of edition: 19 ხორვილ ლი.

Line of edition: 20 მანანუ̈რ ედ ჯგდარ ხაყახ ცხეკხენ ნა̈ჴიდვ ღვები ბუზლა̈ ჯიშ.
Line of edition: 21 მანანუ̈რი მეზგე ა̈თელაკან ცხეკისა მეგამა̈ ბარღვისა ღვებს. ალ
Line of edition: 22 მეგამ ჩვადაკაფე ი, იმა̈ჲ ბარღვისა ბუზულ არდა, ქახაქვიც ეჯი
Line of edition: 23 ი ა̈გიხო (\ ა̈გხო) ანჴიდ. ჟ'ახოზნე ი ჩვა̈თეფშირან. შომას ერე
Line of edition: 24 გუშკვეშმოყ კოლექტივ ანჴად, კოლექტივდ ქა̈ნყიდ ეჩა̈შხენქა ღობა̈რ.
Line of edition: 25 კოლექტივი მეფუტკრედ სკადაგენე ჩარჩოია̈ნ ღვებხოჲსკა ი
Line of edition: 26 ლახვემ შინავირ ღვები დედე (\ დი). ეჩანღო შინავირ ბუზულა̈რ
Line of edition: 27 ა̈ხეფასანხ.

Line of edition: 28 ეშხუ ღვებს ხაყა ეშხუ დედე. ეჯი ლინგრეს იბნე ისკ თებერვა̈ლონღო
Line of edition: 29 ლიმა̈რიე თვეი ლიშტეხალ, ალახ ერე ამინდა̈რ ლიხ,
Line of edition: 30 ეჩქა ისკ ენკენობა̈ თვეხოქა. კა̈ცხეში ϩნგრე მუშა̈ ბუზულა̈ლჲაქს ი
Line of edition: 31 ჴედენიხ მუშა̈ ბუზულა̈ლ, ეჩანღო მამლა̈ლჲაქს (\ ჟენეღ ბუზულა̈ლჲაქს) ლა̈ჲდი. მა̈ნკვი
Line of edition: 32 ϩნგრე ჲერბეშტხოქა, ეჩანღო ხოცხემ თანდათან ი მა̈ისისა ხოჩა დედე
Line of edition: 33 დვრეჲშ ი დვრეჲ ნესკა ϩდესკ ათა̈ს ჲერბი აშირხენჟი ათა̈ს ი
Line of edition: 34 ვოხვიშტ აშირხოჟი ი მა̈რტისა მუშა̈ გუზულა̈ლ ქა მეჴედელიხ,
Line of edition: 35 აპრილი თვეჲსა -- მამლა̈ლ. მაისი ლიშტეხალხო ჟი იბნეხ მერბე დედეჲ
Page of edition: 24 Line of edition: 1 ლისყეჲს, შომას ერე ღვებ ლიშკერის ხამა̈რჯვი. შომას ერე დედეს
Line of edition: 2 ეშხუ-ჲერბი ლა̈დეღ ხოკლი ქა ლიჴედს ლამოჭახენქა. ეჩქა ღვებ ქა
Line of edition: 3 იშკერი. ჯვინელ დედე ქა ღϩრი ნაშკარცა̈ხენ, მახე დიდე ჩუ
Line of edition: 4 სედენი.

Line of edition: 5 ჲესი-ჲესინ ჯვინელ დედეს ხეყერენი იმალე. ედ ნეპოლ ასაკრეტნე,
Line of edition: 6 ედ ჩვანშყედენი ბალახა̈რისა ი ჩვა̈დმა̈რცხი, ეჩქა ნაშკარ
Line of edition: 7 სკა ხეტეხენი მიჩა ოჯა̈ხს. ჩუ ხეღელნი, შომა̈ჲ ერე მა̈ხე დედო
Line of edition: 8 ლა̈ჲმედი ლიპერს, ეჩქა მϩხან (\ მახან) ქა იშკერი ი მა̈ხე დედეს
Line of edition: 9 სკა ინჴერნეხ. ერ მარას ჩუ ხოხალდეს, ლϩგრეს ერე ჩვასადესკ
Line of edition: 10 დედე, ბუზულ ერ ქანჴეს ლამოჭახენქა, დედე ბუზულს ჲეშტუსკვა
Line of edition: 11 ედ ჲეშტიშკვიდ ლა̈დეღ ხაკუ, მუშა̈ ბუზულს -- ჲერბეშტიეშხუ ი
Line of edition: 12 მამლა̈ლჲაქს -- ჲერბეშტივოშთხვ.

Line of edition: 13 თვიე ლისყეჲს იბნეხ მუშა̈ ბუზულა̈ლ აპრილისა, შომა ერ ბარყვენ,
Line of edition: 14 აკაცია̈ ი ვისკვ მუღვა̈ჲეხ. შომას ერ აპრილისა ხოლა ამინდა̈რ
Line of edition: 15 იგენი ი ღვებს ჯვინელ თვი მა̈დ ხუღვა. ეჩქა მეფუტკრედ
Line of edition: 16 ხეკვეს ლეზვებ ლახომეს, ედო დედე ლϩგრა̈ლე ლიდესკს ქა ხაყიჩ,
Line of edition: 17 მა̈დეჲ მოჭს ლა̈ჲდი ქა შიდეხ ლეზვები ნაუღვენოშ. აპრილისა მინე
Line of edition: 18 ნათხალ თვი მინს ხაკუხ, მა̈ისისა ხოსედენიხ. ნა̈ნდვილ ხოჩა თუ̂ობ
Line of edition: 19 იბნი ივანობა̈ თვეჲსა, პირველხენჟი -- ჲეშტვოხვიშტხოჟი. ეჩანღო
Line of edition: 20 სერ თანდათან იკვდე. ენკენობა̈ თვეჲ მეშტეხან თელდ ქა ხაყიჩხ
Line of edition: 21 თვიე ლიჴდეს.

Line of edition: 22 ჯვინელ ღვებს ეშხუნ ხოკედდ ზა̈ჲსა წიფობა̈ თვეჲსა, აღო (\ აღვე)
Line of edition: 23 ჯეცხენი. მუჟოღირ დემ ხოკედხ ი ჲერბეშტ მა̈რტუნღო ჯა̈ჲმედა
Line of edition: 24 ლიკედ, შომა̈ჲ ჯეკვედი. ეჯნა̈რ, ერე ღვები ბუზულ, მაზუმ
Line of edition: 25 ხაწϩხ, ეჯზუმს ახარჯა̈ვი, მეტს -- დემა. ჩარჩოა̈ნ ღვებხენჟი ისკ
Line of edition: 26 ივანობა̈ თვეუნღო, შომა̈ჲ ხოცხახ. ეჩქას ხოკედხ. ზა̈ჲსა ხოკედხ
Line of edition: 27 ჲერბინ. ლიგვირკე თვეჲსა ხვაწურა̈ვიდ ციბრუტისა ი ფიჭს აჯაღ
Line of edition: 28 სკა ხუდესკდ, წიფობა̈ თვეჲსა ხოკედდ ჩუბე ღვებისა ჯვინელ
Line of edition: 29 მეშეხე ფარა̈ლს ი ხვა̈ინედ ლემესკჟი. ჩუ ხვაწურა̈ვიდ ი ჯვიდს მოშ
Line of edition: 30 ხვიშხვნიდ ი თვის მოშ.

Добавлено (2007-04-26, 5:23 Pm)
---------------------------------------------
თვის ა̈სყეჲხ კა̈ცხე მალფხს ბარყვენი, აკაცია̈ჲშ ი ვისკვი
Line of edition: 32 მუღვა̈ხენქა. ეჩანღო ცა̈ცხვიშ ი გვიჯიშ, თეკარიშ ი ფიხვი მუღვა̈ხენქა
Line of edition: 33 ი ბალა̈ხი მუღვა̈ხენქა. ხოშა ნაღალდ გვიჯხენ ა̈სყეჲხ. მა̈ჩენე
Line of edition: 34 თვი ცა̈ცხვიშ ლი.

Line of edition: 35 ჲესი-ჲესინ თვის შურა̈ ხეფა̈სი. ეჯკა̈ლი თვის ხვაყლედ მანზა̈ვია̈ნს.
Line of edition: 36 შურა̈ თვი ლოქ ხეფა̈სი ადრა ედ შკერიჲ მუღვა̈ხენქა, მარე
Line of edition: 37 ადრახენქა მი მა̈დ მაბაჟა ეჯნა̈რ, ერე, შომას ერე ადრა მუღვა̈ჲე,
Line of edition: 38 ეჩქაშია̈ ნასყავ თვი დეშომა ლი შურა̈, ბუზულა̈ლ ლა̈ჲდი ძვირდ
Line of edition: 39 გარ ამშა̈ჲეხ ეჩა მუღვა̈ჲჟი, შკერიჲშ მა̈დ მიხალ.

Page of edition: 25
Line of edition: 1 თვის ხვიჴმა̈რიდ ლეზობდ. ამϩნქა რა̈ნგს ხვა̈სყეჲდ ლეთრად,
Line of edition: 2 ლა̈ჲდი ლϩლიც ღვინალს ხვეჩოდ.

Line of edition: 3 რა̈ნგს ამჟი ა̈სყეჲხ: სკასაგვეშნეხ ტებედი ლიცს კეცხოჲსა, ეჩის
Line of edition: 4 ხეჩოხ ღვინალა̈ თხϩლეს, ხა̈გვეშიხ ჟი ლϩფინე თვის, ეჯი სერ ჟი
Line of edition: 5 იფინი კეცისა. ϩთრეხ ღვინალა̈ (\ მქაფ).

Line of edition: 6
სოსო გაზდელიანი. ლესემა. ვ. თოფურია. 19.X.1962 წ.

Line of edition: 8 ლიჴა̈ნის ხვიბნედ პირველ აპრილისა. ხვაჴა̈ნიდ ღენწვიშშვ, ათხე
Line of edition: 9 გუთანშვ. ეჩანღო ჩუ ხვალაშიდ ი ჟი ავიჭადიდ. ხვალაშიდ სიმინდს,
Line of edition: 10 კვეცენს, მანა̈შს, ქერს, ფა̈ტვს, ღედერს, ლϩსა̈ბს (\ ნეცინ
Line of edition: 11 ღედერს). სიმინდს ხვაჟგϩნედ ჩიქე ეშხუდ, ღო მერბად. კვეცენს ლიჟგϩნე
Line of edition: 12 დესა ხაკუ, ხუკედდ (\ ხვა̈თშიდ) ბალა̈ხს -- ნახϩრწელს (\ ნაწϩრხელს),
Line of edition: 13 მუსანყურის. მუსანყურის მუღვა̈ ხუღვა ი კვეცენს ადავშე.

Line of edition: 14 კვეცენს ნაშტაქვშ ხვითიიდ, ჟი ხვა̈კენედ, ჩუ მϩგემდ აჴს დაბისა,
Line of edition: 15 ეჩანღო სერ ჴანშვ ა̈გვხო (\ ა̈გხო \ ა̈გიხო) ხვიმაჯედ, ქა
Line of edition: 16 ხუშდედ კალისკა, კევირს ხუბემდ ი ხვაკალა̈ვიდ. ჟი ხვახორიელედ
Line of edition: 17 ნესკა კალისკა. ზურელა̈ლ ფიწა̈ლშვ აბაბახ, ვეჴ მოშ ღϩრდა ი
Line of edition: 18 კაკა̈ლ ჩუ სედენ. კაკა̈ლს შიდახ ლერცვილხოჲსა ი ა̈წმინდა̈ვდახ.
Line of edition: 19 ეჩანღო ღობრა̈ჲსა ჟ'ა̈შყვედდახ (\ ჩვა̈შყვედდახ). მანა̈ში წუა̈რს
Line of edition: 20 ჟ'ასტგვიდახ, ეჯის ჟ'ა̈შხებდახ ი ეჩეჟი ქა ხოშდახ კაკა̈ლს, ჩუ
Line of edition: 21 იფროლ ი ჩვაშხვნიდახ.

Line of edition: 22 სიმინდ ჩუ ერ (\ იმϩჲოლ), ნაშტაქვშ ჟი ხვიქაჩად, შტას
Line of edition: 23 ქა ხვა̈ყვჩად, ჴანშვ ა̈გვხო ჴვიდად, ა̈გის ჩუ ხვა̈თშიდად, ეჩანღო
Line of edition: 24 ნალია̈ხო შვიდად. ნა̈ლია̈ჲსა ჩუ იფროლ. ქა ხვაფურშკვინად, ლეგვერხო
Line of edition: 25 აგვსუღვან ი ეჩე ქა ხვიგოვდად (\ ხვიგვდად). ჩალს ჩუ
Line of edition: 26 ხვაქაჩად, ჟი ხვა̈კენად ი ხვააწოლდად.

Line of edition: 27
იბანე ბენდელიანი. ლექსურა. ვ. თოფურია. 23.X.1962 წ.

Добавлено (2007-04-26, 5:24 Pm)
---------------------------------------------
ცხეკი ლიმაჯე

Line of edition: 29 თელ შვა̈ნხენქა მეგამა̈ ლიმაჯე მა̈ნკვი ლენტეხახენქა ანბინან.
Line of edition: 30 შვანს ხვა̈ჲ ხოჩა ცხეკ ა̈რი, მარე მიჩა ქა ლიმაჯე ლასვ გარჯ. ეჩქა
Line of edition: 31 ეჭკა̈ლი (\ ეჯკა̈ლი) მეგამა̈რს გარ იმაჯახ, ხედვა̈ჲს ლიც ხენწროლ
Line of edition: 32 ი ლაცურავუშ ა̈ესდა. ამკა̈ლი მეგამა̈რ ლასხვ ნეზვრა ი ღუმირლა
Line of edition: 33 ცხეკ. იშკენ ხოჩა ცხეკა̈რ (წიფრა, ცა̈ჲრა, ცა̈ცხვრა, ჯირა, გვიჯრა,
Line of edition: 34 ფიხვრა ი აჯაღ იშკენ) უჴმარდ სედენდა ეჩაღა, ერე ნამგვა̈მოშ
Line of edition: 35 ლიც დეშ ხენწროლდა ეჯმინს. შუკვ დესა ლასვ, ერე შუკვს
Line of edition: 36 ახომაჯანხ ალმინ.

Page of edition: 26
Line of edition: 1 ლენტეხახენქა ცხეკი ლიმაჯე მა̈ნკვი ილია ოქრომჭედლიშვილდ
Line of edition: 2 (სერებრიაკოვდ) ა̈ნბინე. ილიად მეგამა̈რე ლიცვშ ლაცვრა̈ვიი
Line of edition: 3 სპეცია̈ლისტა̈რ ანჴიდ. ალ გვეშ ეჩანღო ხოჩამდ ა̈ნთვერხ ამეურა̈ლდი.
Line of edition: 4 ილიად ლენტეხას ცხეკი ლამარა̈ჲ ხოშად ადაგენე მϩრა̈ჭ პორფილე
Line of edition: 5 ფანჯავიძე. ეჯი თბილისი სემინარიახენქა ლასვ ქა ლϩგენე ი
Line of edition: 6 თბილისს ლირდემი ნა̈ბ მა̈დ ხუღვან რევოლუციონურ ლიმშავღა.
Line of edition: 7 ალ ფანჯავიძე. ეჩანღოჲ ასად შვა̈ნს ცხეკი ლიმარეჲ სპეცია̈ლისტდ.
Line of edition: 8 საბჭოთა ხელისუფლება̈ი დვრეისკა მა̈ნკვი ეჯემდ ა̈ნბინე ჟიბე შვა̈ნხენ
Line of edition: 9 ენგვირშვ მეგამა̈ ლიმაჯე. ჟიბე-ჩუბე შვანა̈რს ჩიჲს ხაშყიდხ
Line of edition: 10 ეჯი. ამემდ შვა̈ნჲა̈ გლეხა̈რხენქა ხვა̈ჲ ცხეკი ლიმარეჲ სპეცია̈ლისტა̈რ
Line of edition: 11 ანთვერ (ნიკო ქურასბედიან ჩვიბე შვა̈ნხენ, ა̈ლექსი პირველ,
Line of edition: 12 სამსონ თამლიან ი გიორგი გულბან -- ჟიბე შვა̈ნხენ).

Line of edition: 13
ალექსანდრე ქურასბედიანი. გულიდი. ვ. თოფურია. 11.IX.1964 წ.

Line of edition: 14 ხივ. მამილ

Line of edition: 15 შვა̈ნხო სკა მეჴედელი მამლა̈ ლილა̈ტ. კა̈ცხეში ჲერეხი ოჯახა̈რს
Line of edition: 16 ხუღვანდახ მამილ. არდა მეშეხე იზაბელა ი თვეთენე ა̈დესა,
Line of edition: 17 ფრანგულა̈, ნაკუთვნოვილ (\ ნაგუთვნოვილ) ი იშკენ. ეჩანღო კულტურა
Line of edition: 18 ანჴად. ლა̈დეღი ლენტეხას -- ლეჟა̈ჲშ ი ლექვა̈ჲ აშა̈რს -- კოლმეურნე
Line of edition: 19 მა̈დ ლი ეჯჟი, ერე მამილ მა̈დ ხუღვანდეს. ქა ლუქვე
Line of edition: 20 ჯიშა̈რϩნქა სკა ლϩჴიდ ხარხ მერბე-მერბე ჯიში ლერწა̈ლ. ამკა̈ლი
Line of edition: 21 ლიხ: ვოჯელეშ (\ ვოჯოლეშ), ცოლიკოურ, ცხვედიანა̈ თეთრა, ა̈ლიგოტე,
Line of edition: 22 მეშეხე პინო, ციცქა, გურული მწვანა̈, ჯვა̈რისა ი იშკენ
Line of edition: 23 ჯიშა̈რ. ჟი ლϩბნე ხარ ჩი გლეხს მიჩა ა̈ზვისკა ჟ'ანასყას მამილ,
Line of edition: 24 ჩვაშϩდის ხოჩა ჯიშა̈რ, მამლა̈ გირტა̈ნ ჩვადანერგავას ნა̈ჴიდვ ჯიშია̈ნ
Line of edition: 25 ვისკვ, ვიცხ ი იშკენ-იშკენ ხილ.
Line of edition: 26 ალ' ერ ჟ'ანასყას გლეხდ, სკვებნავ, მუჟოღირ მიჩა მამილჲაქს
Line of edition: 27 (\ ვენა̈ხჲაქს) ა̈ზვისკა ქა̈წმინდა̈ვი ბაჩა̈რხენქა ი ჩვა̈ჴანი სკოდიდ --
Line of edition: 28 ჩვაწლორე. ჩუ ხოხალხ, ერე ლუწლორეჲსკა ლϩჴა̈ნ იშხვნი ნაშტუვს
Line of edition: 29 ი ნაუჩხს. მალფხა̈რ, მუს ერ ჩუ იჲნი, ჩი გლეხს სკასღვე
Line of edition: 30 მიჩა მამილჲაქ ლϩჴა̈ნხოჲსკა ჯვინელ (ეშხუ ზა̈ჲა̈) ა̈ნწ. ეჯის ქა̈პინტე
Line of edition: 31 ი მახან ჩვაჴა̈ნი.

Line of edition: 32 ჟი იბნე ლერწი ლინერგა̈ვის ამჟი: მეწვინდ ჟი იკედხ ორმოა̈ლს
Line of edition: 33 ეჯჟი ნა̈ირდ, ერე ორმოა̈ლე ნესკა ხოზდეს ჲერბი მეტრ ი მეტრი
Line of edition: 34 ხϩნსკა, ჲერეხი ა̈გის -- სემი მეტრ. სკვებნავ ლϩსყე ბიტონა̈რისკა ქა
Line of edition: 35 მეჩედე ლერწა̈ლს ჟი იკედხ ი ჩვა̈ნერგა̈ვიხ ეჯჟი, ერე ეშხუ კვირტ
Line of edition: 36 გიმუნჟი არდეს. ლა̈ნერგა̈ვიჟი ჯვინელ ა̈ნწს, ი წმინდ ვერს ხანა̈ჩდეხ
Line of edition: 37 უშხვარ, სკა ხოშდეხ ძირა̈ლისკა ი ჩვა̈კიმბეხ ბϩგიდ ეჯჟინ, ერე
Page of edition: 27 Line of edition: 1 ჟიქანა̈ კვირტს ასაშϩდიხ ეერ ა̈შიდ. ამეი ნა̈ირდ ჟ"აგოშლეხ მამილს.

Добавлено (2007-04-26, 5:25 Pm)
---------------------------------------------
ალ კვირტა̈ლს იკმა̈რიხ. ჩუ ერ იყვჩინი ჟიქანა̈ კვირტ ი ლაცხამს
Line of edition: 3 ქა ჴიდე, ეჩქა ვერს ქა ხოკედხ. ეღვე შიდ ხუღვე ლიც
Line of edition: 4 ფედიას, ჟალცუნეხ ნებოზ-ნებოზს. მა̈გ ერ ხოჩამდ ქა ჴიდე ლაცხამს,
Line of edition: 5 ჩუ ხოცყეხ ჴარდანს ი ლაცხამ აშხალს ა̈შიდ ქა ხოკენეხ.
Line of edition: 6 ლა̈დეღ მუჟოღირნოქა ქა ხოკედხ უბრალდ ქა მეჴედე აშხალა̈ლს ი
Line of edition: 7 ბუშვა̈რს. ჟიქანა̈ კაცხა̈რს ქა ხაქცურეხ ი ა̈ნწს ხოშდეხ ძირა̈ლისკა.
Line of edition: 8 ამჟი ნა̈ირდ ხოზნა̈ნიხ მა̈ხე ლერწს ჲერბი-სემი ზა̈ჲსკა, სემი ზა̈უნღო
Line of edition: 9 მა̈ხე მამილ ხოჩა მაშანს გვა̈ვედი.

Line of edition: 10 ამჟი ნა̈ირდ ა̈სყეჲხ სკა ლϩჴიდ მა̈ხე ჯიშა̈რე მამილს.
Line of edition: 11 ჲერეხი გლეხა̈რ გიმს ქა̈სპეხ სემიჲერბეშტიეშტეშხუ სანტიმეტრჟი,
Line of edition: 12 სკა ასუღვახ ა̈ნწ ი მეწვინდ ორმოა̈ლს ჟი იკედხ ი ჩვა̈ნერგა̈ვიხ,
Line of edition: 13 იმა̈ჲჟი ლϩლა̈ქვდ ჟიქან.

Line of edition: 14 მალფხა̈რ ლერწს ჩვასხლა̈ვიხ მერბე-მერბე ნა̈ირდ. გუშკვეურა
Line of edition: 15 ლერწა̈ლს ხვა̈ჲ კვირტჟი ცვირეხ ი ქა ხა̈ბენხ ჴარდანა̈ლჟი. ჟ'ა̈სყეჲხ
Line of edition: 16 კლა̈თხიდ ქა ლϩბენ ჴარდანა̈ლჟი. ისკა ლϩჴიდ მა̈ხე ჯიშა̈რს მალ.
Line of edition: 17 ფხა̈რ ლასხლა̈ვიჟი ჩუ ხოცვრეხ ქა მϩშენე ლერწს ვოხვიშტ-იშკვიდ
Line of edition: 18 კვირტხოჟი ი მერბე ზა̈ჲ მამილჲაქს -- სემი კვირტხოჟი. ღონიერ
Line of edition: 19 ლერწა̈ლს ეშხუ სამამულეს ხოცვრეხ ი ჲერბი-სემის -- ჟი მϩშენე ლერწალს
Line of edition: 20 ეჯჟი ნა̈ირდ, ერე სამამულეს მიჩა ჴარდან ხუღვანდეს ი
Line of edition: 21 მϩშეჲაქს -- მიჩა ჴარდან. ქა ხა̈კენეხ ცა̈ჲრა̈ჲ ჩისტას (\\ ჩიშტას). ზა̈ჲსკა
Line of edition: 22 სϩმინ-ვოშთხვინ ბუშვა̈რს ი იშკენ ქა უშენა აშხალა̈ლს ქა ხა̈ყვლეხ
Line of edition: 23 ი ქა ხაქცურეხ კაცხა̈რს.

Line of edition: 24 სემი ზაუნღო სკა ლϩჴიდ ლერწა̈ლ ლა̈ჲდი ხოჩა მაშანს გვა̈ვედიხ.
Line of edition: 25 ჩუ ხოხალხ, ერე გიმე ლიმშავ ი ლიბა̈რჯე მამილისკა ლერწს
Line of edition: 26 ხოჩა ხარ. ამაღა ჩუ ალა̈შიხ ლერწა̈ლისკა სიმინდს ი ლობიოს
Line of edition: 27 ეჯნა̈რ, ერე ეჯმინს ხაკუხ ლიბა̈რჯე ი ლერწვ ლა̈ჲდი ქა
Line of edition: 28 ხობა̈რჯეხ.

Line of edition: 29 ჩუ ხოხალ აჯაღ, ერე მალფხა̈რ ა̈ნწი ლიშდე ხოჩა ხარ ლერწს
Line of edition: 30 ი ჯვინელ ა̈ნწს ჩი ლერწა̈ლე ძირისკა ჟი ხა̈შდეხ ხϩნსკა-ხϩნსკა
Line of edition: 31 კვიდოლს.

Line of edition: 32 გუშკვეურა ლერწა̈ლს კეტ-კეტოლს ზავლა̈დეღ შა̈ბიამანი ჟაგა̈რს
Line of edition: 33 ხოსყეჲხ ი სკა ლϩჴიდ ლერწა̈ლს ჲϩრბინ-სϩმინ ეშიჲ. [მა̈ნკვი
Line of edition: 34 ხვალჟაგϩრიდ, ვოდ მუღვა̈ს ა̈ნჴდე, მერბად -- მუღვა̈ს ერ ჩვაშდე,
Line of edition: 35 მესემად -- ბიმბილს ერ ქა ისრულე (\ ქა იგოშლი)].

Line of edition: 36 გუშკვეურა ლერწა̈ლ ხუნკვი იმϩიხ. ა̈რიხ ჲერხი სკა ლϩჴიდ
Line of edition: 37 ლერწა̈ლ, ეჯმინ ლა̈ჲდი ხუნკვი იმϩიხ. ლიმა̈რიეხენქა თე ხეჩდახ.
Line of edition: 38 ჲერეხი ლა̈ხვერი ლიხ ჲეკენობი თვეჲსკა. წიფობა̈ თვეჲსკა თელდ
Line of edition: 39 ლა̈ხვერი ლიხ მა̈გ ლერწა̈ლ. მერბე-მერბე ლერწხენქა ნახორ ყურძენს
Page of edition: 28 Line of edition: 1 მერგე-მერბე ხორგა̈ლისკა შიდეხ. ჟი ერ აგოშლეხ ხორგს,
Line of edition: 2 სკა ღϩრიხ ღვაჟა̈რ, ჩაჭყϩტნეხ (\ ჩვაჭყტϩნეხ) ი ლუშყვედ კეცხოჲსკა
Line of edition: 3 სკა ფიშტვეხ. ხოჩა ღვინალს ჲერვა̈ჲ ა̈სყეჲ, კეცხოჲსკა ლუფიშტვ
Line of edition: 4 ღვინალნ ჟი იკედხ, სკა ტიხეხ მახან ლϩჭყტϩნე ხორგხოჲსკა,
Line of edition: 5 ჩუ ხარაგვნეხ კეტოლ ხა̈ნს ჟი ლიფინეხოქა. ეჩანღო ჩვაჭყტϩნეხ
Line of edition: 6 აჯაღ ი სკა ფიშტვეხ კეცხოჲსკა. ნამბϩგიჲ მუვედიდ კეცხოჲსა
Line of edition: 7 წმინდ ღვინალს ჟი ლϩფიჲნე თვის ხეჩოხ, ჟ'აგოშლეხ ხოჩამდ ი
Line of edition: 8 ჩუ ϩლწიხ ოყალა̈ ვერშვ. ამჟი ა̈სყეჲხ ღვინალს ჩი ლერწხენქა
Line of edition: 9 გუშკვეშმოყ.

Line of edition: 10 ვოჯა̈ხისკა̈ჲ ლეჴმა̈რი ღვინალს ამჟი ა̈სყეჲხ ლა̈ჲდი: ჩუ მესედე
Line of edition: 11 ნაჭყტϩნს ჟი ხა̈გვეშიხ ლიცს ხორგხოჲსკა ი ჩვა̈რი ჟი ლიფიჲნეხოქა.
Line of edition: 12 ეჩანღო ქა ფიშტვეხ კეცა̈რხოჲსკა ი იჴმა̈რის.

Line of edition: 13
გაბრიელ ბენდელიანი. ლექვსირი. მ. ქალდანი. 30.VIII.1958 წ.

Добавлено (2007-04-26, 5:25 Pm)
---------------------------------------------
მამილი ლიზნა̈ნი

Line of edition: 15 ჴოფირ ა̈რი მა̈გრიგ ჯიში ლერწ: სებელ, ფრანგულა̈, თვეთენე
Line of edition: 16 ა̈დეცა (\ ა̈დესა), მეშეხე ა̈დეცა, ოჯოლეშ (\ ოჯალეშ), ჯვა̈რისა,
Line of edition: 17 ცხვედიანა̈. ალ ლერწს ხუზნა̈ნიდ ხოჩამდ ი იშენე მა̈გ ეზარდ. ოჯოლეშ
Line of edition: 18 ი ცხვედიანა̈ თეთრა ლიხ ნა̈მყენ, იშკენ ჯიში ლერწ ნა̈მყენ
Line of edition: 19 მა̈დ ლიხ. [ნა̈მყენ ვა̈ზს ხაკუ გიმე ქა ლისპე]. ბა̈რშვ ჟი ხვა̈შთხარდ გიმს
Line of edition: 20 [ეშხუ ალა̈ბი ნანსკოდაჟი] ი ჩუ ხვა̈ნერგა̈ვიდ მალფხა̈რ. ევე მϩრ
Line of edition: 21 იმეჩა̈ლ ლერწ ეჩქა ჩუ ხვპყვინედ სკოდიდ ვა̈ზს ი ჟი ხვა̈შდედ
Line of edition: 22 ვერს ჟიქან. ეჯი ჩუ იმა̈ხი, მერბა ზავ ეჯ ლერწ მა̈ხე ლი ი ხვა̈ჲს
Line of edition: 23 იშენე. ჟ'ერ იშენე, ხოლა ბა̈რდს ქა ხვა̈ყვლედ. ვენა̈ხს იმა̈ჲჩუ
Line of edition: 24 უდგება, ლიცს ხუფშტვედ ძირისა, ხოჩილ ტევა̈ნს იჩო. ჩუ ერ ინϩი,
Line of edition: 25 ჟი ხვიხვერიდ [გიდელხოჲსა, აგვღვა მარა̈ნხოჲსა სალასტარშვ ი
Line of edition: 26 კვიდოლა̈ლშვ].

Line of edition: 27 ძღედ (\ ძღუდ) ხორგა̈ლ გვიხალ, სკა შვიდედ ამოხვისა (\ ამოხისკა
Line of edition: 28 \ ამოხოჲსკა). [ხორგისა ხვარაგვნედ ყურძენს სემი ლეთ ი
Line of edition: 29 ლა̈დეღ. ეჩანღო ჩუ ხვაჭყტგნედ. ჩუ ხვიბა̈რდ ჭიშხა̈რს ღულა̈ჲ
Line of edition: 30 თხუმა̈რუნჩუ ი] სკა ღურიდ ი ჩუ ხვა̈წილხედ ი ჩუ ხვა̈წითხედ
Line of edition: 31 ჭიშხა̈რშვ. ხორგს ღა̈რ ხოგ კეცხოჲსა ი სკასხრი კეცხოჲსა ღვინალ
Line of edition: 32 მϩჭა̈ხვი. ეჩეჲსა ჟი იფინი ღვინალ, ესი-ესინ ჩუ ლϩლწ კეცს (\ კეცი
Line of edition: 33 ლაფა̈რის) ჟი ძგვიბე ეჩა ძალა, ეჯკა̈ლი ბϩგი ხეფა̈სი ღვინალ.

Line of edition: 34 [ეშხუ ნაგაზაჲსა ჟი ხუკედდ ლაფუაჟი თხუმქა ბიმბილს ი ამკა̈ლის,
Line of edition: 35 ხვა̈წმინდა̈ვიდ. ღვინალ სედენი ხოჩა ფერიშ].

Line of edition: 36 ეჩანღონ ჭაჭ იმა̈ჲ სედენი, ალეს ქა ხვა̈ფინედ ლაარა̈ყი ცხვადშვ.
Line of edition: 37 ცხვადხენქა ანღრი, ხოჩ' ევე ლი, ჲეშტ ბოთლ არა̈ყ ეჯკა̈ლი, ერე
Page of edition: 29 Line of edition: 1 ფხულეჟი ხებდინი. ალ არა̈ყს იმა̈ჲხო ათხა̈ესხი, სემი თუმა̈ნდ (ათხე
Line of edition: 2 სემი მანა̈თდ) ქა ვედიხი ბოთლს.

Line of edition: 3
სანდრო ქურასბედიანი. ხოფირი. ვ. თოფურია. 24.X.1962 წ.

Добавлено (2007-04-26, 5:26 Pm)
---------------------------------------------
ლიჴელტა̈რი

Line of edition: 5 გუშკვეშმოყ ჯვინელ დვრეუნღო ხოხალდახ მა̈ტყი ლიჴელტა̈რი.
Line of edition: 6 ღოლჲაქა̈რს გუშკვეშმოყ ხვა̈ფეშტვედ სϩმინ: ეშხუ მალფხს, მერბეს
Line of edition: 7 ზავლა̈დეღ ი მესემეს გა̈ნკეთხ (\ გა̈ნკითხ) მუჟოღირს. ჩიქე ჩუ
Line of edition: 8 ხვაბარალიდ ღოლჲაქს ი ეჩანღო ჟი ხვა̈ფეშტვედ თϩრქა̈დშვ. მა̈ტყ
Line of edition: 9 სერ წმიმდ ლი (\ წმინდდ ა̈რი) ი ჩუ ხაყა ლებძღϩნად ი ლეფეთად.
Line of edition: 10 ჩიქე ჩუ ხვაბძღϩნედ მა̈ტყს ი ჩუ ხვა̈დესკდ ლემასკვ სკვებინქა
Line of edition: 11 ლა̈ტებდად, ხოჩილ ლეფეთი ერ ლესეს.

Line of edition: 12 ლაბძღგნაჟინ მა̈ტყს ჩუ ხვათშორედ. ნეცინ მა̈ტყს ქულას
Line of edition: 13 ხვატულიდ ი მოშ ხვა̈დესკდ ი ხოშილ ჯოდი მა̈ტყს -- მერბ' ა̈გხო
Line of edition: 14 (\ მოშ).

Line of edition: 15 მა̈ტყ ჩვერ (\ ჩუ ერ) იბძღϩნი, ეჩანღო ხვიბნედ ეჩა ლიფეთის
Line of edition: 16 (\ ლიფეთეს) ი ეშხუ ლიფეთიჟინ ჲერბი-ჲერბი კა̈ლ ისყი ი ჟი
Line of edition: 17 ხვანაზორიდ ბეყვილისა. ფაყვა̈შდ აღვე გვაკუჩ ალ მა̈ტყ, ეჩქა ჟი
Line of edition: 18 ხეკვეს ა̈ხკϩდი ბეყვილისა კალა̈ლ ი ჩუ ხეკვეს აჭკორიხი თგრქა̈დშვ
Line of edition: 19 სϩმინ, ჲედ ჲϩრბინ ი ეჩანღო ხეკვეს ლაპენტავა̈რშვ (\ ჴემატშვ)
Line of edition: 20 ჩვათაპენტავა მა̈ტყ ი ეჯი ჟ'ახასყა მურგვა̈ლდ ლაჩა̈ქჟი, ფავლუდს
Line of edition: 21 ლახონა̈ხნეხი ი ჟ'ახაგვრიზიხი ი ჩიქე ხაკუჩ ფუკვიდ ლიიჭვე
Line of edition: 22 (\ ლიკუ̂ლინე) ი ეჩანღო ტებედი ლიცი ლიგვეში ი საპენი ლიცვემი ი
Line of edition: 23 ეჯნოვშვ ხაკუ ლიკუ̂ლინე.

Line of edition: 24 აღვე ფაყვჲაქდ მა̈დ გვეკვედი, ეჩქა ჟი ხეკვეს ახალეთა ჩერიჟინ.
Line of edition: 25 ვოდდო ჟ'ა̈ნგვა̈მინი ჩერი ლϩლეთევშ, ეჩქად შტამილ ჟი ხა̈ზ ჩერის
Line of edition: 26 ი ეჩანღო ქა ხოკედხ. ლა̈ლეთაჟი ჩერის ხაკუ ჩუქან ლაქϩრჩა̈ნიჲ
Line of edition: 27 ლიგემ, ხოჩილ ლელეთე ერ ლესეს. გუშკვეჲ ჩერის ლϩსკრე კა̈ცხ
Line of edition: 28 ხუვა ი ეჩეჟი ჟი ხვამარყუჟედ ქიპს ლა̈ლეთაჟი. ლილეთეს ერ
Line of edition: 29 ქათვაგათვიდ, ეჩანღო ჲერბი გვიდ ჟი ხვანტვლედ ი კუნკვა̈სს ხვა̈სყეიდ,
Line of edition: 30 ჟი ხვაკუნკვა̈სიდ. ეჩანღო ჟი ხვანჩრედ. ლანჩრაჟი ლეშკვერ
Line of edition: 31 ი მიჩა შტამილ გუღვა. ლეშკვერ ერ ჟი ინგვა̈მინი, შტამილს ჟი
Line of edition: 32 ხვიკედდ. ლეშკვერს თხუმჟი კილ ხუვა (\ ხუღვა) ქიპი ლა̈გჭა
Line of edition: 33 ლანჩრაჟი. ლინჩრე სა̈ჭირო ლი ლეწინდა̈ი ირა ა ლიჯიშ.

Line of edition: 34 წამა̈რ ხეკვეს ჩვა̈სეცეყს ვოშთხვ-ვოხვიშტ ა̈დგილს (\ მა̈გის).
Line of edition: 35 ჩოგა̈ნშვ ხეკვეს ჟ'ასათხა ქიპ წამა̈რჟი. ქერ ადაგათვიხ ლითხის,
Line of edition: 36 ეჩანღო ჟი იკედხ ლასტგვიშვ ი კა̈ცხმოყ ჩუ ქვიცეხ თϩრქა̈დშვ.
Line of edition: 37 ეჩანღო ხაკუ ლიმძევა̈ლი ჩიქე ლელჯომა̈რისა, ეჩანღო ლა̈ცხენირისა.
Page of edition: 30 Line of edition: 1 ლა̈ცხენირისა ერ ჩუ იმძევა̈ლი, ეჩქა ხეკვეს ჩვათოცხϩპნა კაცხა̈რ
Line of edition: 2 ი ქა ლახოშϩდი ნეცინ ფავლუდ. ალ ფაუ ხეკვეს სკა ლახაბა
Line of edition: 3 რვილა̈ს. ალე ხეკვეს ა̈ნგაწყობლენს ფა̈ჴჟინ. ჟიქანჩუ ხეკვეს ლახაბა
Line of edition: 4 სა̈გინწალა̈ლ, ჩუქან ხეკვეს ახოსყა ჭიშხა̈რე ლაგამ -- სა̈ფეხურა̈ლ. ალე
Line of edition: 5 (ჲლეჯიშ) ჟი ხაჭონა ფა̈ჴს გირტა̈ნ ი ლა̈ჯიშჟი ლϩჯიშს ერ რვილა̈ჟი
Line of edition: 6 ხაჭონეხ, ეჯჟინ ლეჯიშს ფიშტვეხ ეჩქა. სკ'ერ ხეშტეხენიხ ღოშკიმპილხო,
Line of edition: 7 ეჩქა ლეთხვმის ხა̈ბემხ, ვოდდო თელდ ლიგათვალ.

Line of edition: 8 ლა̈ჯიშჟინ ჟ'ამასლეხ ლა̈ჯიშ ქიპს მასϩლჟინ. ეჩის სკა̈დესკხ
Line of edition: 9 მƮ

Line of edition: 16
მარო ფურელიანი. ლესქვირი. მ. ქალდანი. 18.IX.1957 წ.

Добавлено (2007-04-26, 5:27 Pm)
---------------------------------------------
ლიცბურე ი ლიშხები

Line of edition: 18 1) ზურალა̈ ჟიბე ტა̈ნ ი ჩუბე ტა̈ნ ერ ა̈ხეფასენს, ხეკვეს
Line of edition: 19 გუღვანდეს ვოხვიშტ მეტრ ბარდან. ჩუბავა̈ კაბს ხაკუჩ ჲერბი ი ხϩნსკა
Line of edition: 20 მეტრ ბარდან, ამჟინ ჟიბე ტა̈ნს.

Line of edition: 21 ჩუბე ტა̈ნიშვდ ხეკვეს ა̈ნცუბურენს ბარდანი ჲერბი ნა̈ქვიც,
Line of edition: 22 ჲერქედა ფოყჟინ ჟ'ა̈ნშხები ი ჟიქანქა ლახუპაჲაქ ქიპს ლალოშიდედ.
Line of edition: 23 ტა̈ნი მუგვიდ ერ ალცვრედ, ეჩანღო ჟიქანქა ზვერტს ალსაშხებნედ
Line of edition: 24 ლა̈შხებიელი მაშინავშ, ჩუქანქა ნესყავშ სკა ლალოკვეშტნედ,
Line of edition: 25 ჟიქანქა ლარს ლალოშიდედ, აღვე გვეცხენი ხოჩილ თვალა̈შიშვდ
Line of edition: 26 ჩუქანქა ფოჩს ალსოგემდ.

Line of edition: 27 ჟიბე ტა̈ნ ერ ა̈ნსყენს, ჩიქე ღოშკმე ტა̈ნს ალაცუბურიდ, ეჩანღო
Line of edition: 28 -- სკვებნე ტა̈ნს, ღვე -- ლაჴვენეჟის, ეჩანღო სკა ლალაჭა̈რიელიდ,
Line of edition: 29 ჩუქანქა ჟი ლალოკვეშტნედ, ჴვენეჟა̈რს სკა ლალოკვეშტნედ,
Line of edition: 30 სკვებინჩუნ სადაფილა̈ლს ალსოგემდ. ამჟინ ისყი ჟიბე ი ჩუბე ტა̈ნ.

Line of edition: 31
რუსიკო გაზდელიანი. გულიდი. მ. ქალდანი. 10.IX.1957 წ.

Line of edition: 32 2) კაბა̈ ლიშხები. მიშკვი კაბჲაქ ბარდანს ხვიყდიდ გუშკვე
Line of edition: 33 კოპარა̈ცია̈ისკა. ეჩს ხვა̈ჲესკდ ა̈გხო ი ჲედ დედე ა̈მსყენე, ჲედ მაშოლ.
Line of edition: 34 კაბჲაქს ჟი მა̈ზემალიხ. ენანღო თურქა̈დშვ ჟ'აცბურეხ. ხუნკვი ტა̈ნს
Line of edition: 35 ა̈სყეჲხ, ეჩანღო (\ ეჩϩნღო) მეჴარა̈ლს ი ღოშკინპილს საყალს. ეჩანღო
Line of edition: 36 მარშინა̈ვშ ჟ'ა̈სყეჲხ კაბს თელდ ი სკა ხვიქვემ სერ.

Line of edition: 37
რუსიკო გაზდელიანი. ხელედი. მ. ქალდანი. 10.IX.1957 წ.

Page of edition: 31
Line of edition: 1 3) შარვა̈ლი ლიშხები. ლეღვაჟმა̈რ შარვალა̈ლს ხაწϩხ ეშხუ მეტრ
Line of edition: 2 ი ეშხუ ϩრთხინ (ჲერბეშტ სანტიმეტრ) ბარდან. ბარდან ხეკვეს
Line of edition: 3 ჟ'ა̈ნცუბურენს ლϩკინკდ. ლალარტყϩლაქა ქალსოკვეშტნედ. ჟი ხეკვეს
Line of edition: 4 ა̈ნცუბურენს ჩუბავ ნახვწიდ, ჟიბავ მაშა̈რიდ. მაქასარა̈ლქა ავჟანდა̈რ
Line of edition: 5 ხეკვეს ა̈სეგემენს. ფოყა̈რხენ ჯიბა̈რ ა̈ხესყი ისკაშხენჩუნ, ლალარტყვლაქა
Line of edition: 6 ლარა̈ლ ხეკვეს ლა̈ხეშიდენს.

Line of edition: 7
რუსიკო გაზდელიანი. გულიდი. მ. ქალდანი. 10.IX.1957 წ.

Добавлено (2007-04-26, 5:28 Pm)
---------------------------------------------
4) ბლუზა̈ჲ ლიშხები. ლეღვაჟმა̈რ ბლუზას ხაწϩხ ეშხუ გა̈ნია̈ნ
Line of edition: 9 ბარდან სემი ალა̈ბ. მა̈ნკვი ხეკვეს ალაცუბურად სკვებნეშ ი ღოშკმე
Line of edition: 10 ტა̈ნ, ეჩანღო ჴვენეჟა̈რს ჟ'ალაშხებნედ ი ყიაქა საყალ ა̈სეგემი,
Line of edition: 11 მუჭოდჟი ეჩეხ-ამეხ თვით ეშხუ ჯიბა. ჩუქანქა სკა ლალოკვეშტნედ,
Line of edition: 12 სკვებინჩუნ ჯიბა̈რჟინ ი მეჴარა̈ლჟინ ფოლაქა̈რ ა̈სეგემი.

Line of edition: 13
რუსიკო გაზდელიანი. გულიდი. მ. ქალდანი. 10.IX.1957 წ.

Line of edition: 14 5) ჩაფლა̈ლე ლისყეჲ. ჩაფლა̈ლე ლისყეჲ ხოშა ნაღალდ ზურელა̈ლე
Line of edition: 15 გვეშ ლი გუშკვეშმოყ. ჩაფლა̈ლს ხვა̈ჲნა̈ირს ხვა̈სყეჲდ. ზავლა̈დეღ
Line of edition: 16 მერბე ნა̈ირ ჩაფლა̈ლ გვაწϩხ ი ლინთვისკა ჲედურ მერბე
Line of edition: 17 პლა̈ნიშ.

Line of edition: 18 ტუფე ჩაფϩლ ერ ალშხებიდ, ამშა̈შვ ხეკვეს გუღვანდეს ლეჩაფϩლი
Line of edition: 19 ეშხუ შველტ ტუფ. ლეჩაფϩლი შველტს მანგარა ტუფეშ მა̈ნკვი
Line of edition: 20 ფა̈თვ ერ ალა̈შიდვნად, ჟ'ალსაშიდედ ლϩფა̈თვხენ ტებედი
Line of edition: 21 ტϩტს ი კადა̈ჲ ლადარევშ ჩვალაფხϩკნიდ, ეჩანღო ჩვალბუქვიდ ტებედი
Line of edition: 22 ლიცისა. ლუბქვე ტუფს ჟ'ა̈ლკედდ ი ტვეტშვ ლალერად
Line of edition: 23 ლა̈იჭვას, ოდედო ბϩგიდ ა̈დიჲჭვი, ეჩქად ლა̈იჭვნიდ. ლϩიჭვე ტუფს
Line of edition: 24 ჭიშხე ნამეგვიდ ჟ'ალაცუბურიდ, ჟ'ალაშხებნედ ქანა̈ ნეონშვ, მახა̈თშვ
Line of edition: 25 ი თეტენშვ.

Line of edition: 26 ლეზავლა̈დეღ ჩაფϩლ ისყი ჩუ ლϩზელავე (\ ლϩიჭვე) ტუფხენქა.
Line of edition: 27 ჩუ ლიზელა̈ვიუნღო (\ ლϩიჭვაუნღო) ჟიქანა̈ სა̈პირს ხვაღა̈ფიდ
Line of edition: 28 მეშეხად. ლანჩჲაქ ტუფ სკელ ხეკვეს ლესეს.

Line of edition: 29 ლელინთვ ჩაფϩლ მუსისკა ლა̈ზელალ ლი. ეჩის ხვა̈სყეჲდ ხოშა
Line of edition: 30 ნაღალდ ჴა̈ნიშ, ჲედ ხა̈მი ტუფხენქა. ლინთვისკა ლედესკ ხაფϩლს
Line of edition: 31 ფა̈თვს დემ ხვა̈ყვლედ. ლელინთვ ჩაფლა̈ლისკა იდესკხ ბანჭა̈რს ი
Line of edition: 32 წინდრა̈ლს. ტუფი ჩაფლა̈ლისკა ინა̈ხნეხ წერაქვს ი ქა ითლეხ
Line of edition: 33 ლობარა̈ლშვ.

Line of edition: 34
ანიკო გვიჭიანი. ხელედი. მ. ქალდანი. 12.IX.1957 წ.

Line of edition: 35 6) ფაყვი ლისყეჲ. ლუშვანუ ფაყვ ერ ა̈ნსყენს, ხუნკვი ხეკვეს
Line of edition: 36 ჩვალაბინძღად მა̈ტყ ტვეტშვ, ეჩანღო ჩვალაფეთად ლა̈ფეთირშვ,
Page of edition: 32 Line of edition: 1 ლაპენტად ლა̈პენტავა̈რშვ კვეჭ-კოჭოლდ, ალამარად ბარდან ეშხუ
Line of edition: 2 მეტრ ი ჩვალსორშად სკირიჲსა ედ სტოლჟინ, ლϩპენტა̈ვე მა̈ტყ
Line of edition: 3 ნეც-ნეცინდ მურგვალდ ჟ'ალსასყად ლϩმარე ბარდანჟი. ფაყვ ერ
Line of edition: 4 ალასყად, ეჯის ხაკუჩ ეშხუ ჩერი მა̈ტყ. მურგვალდ ლისყეჲს ქა ერ
Line of edition: 5 ალაგათვიდ მუგვიდ ჩიაგვ, ეჩანღო მერბე ეჯზუმ ბარდანს ჟიქან
Line of edition: 6 ალსათხიფედ ეჯ ლϩსყე მა̈ტყს, ეჩანღო ფაუჟი ჟ'ალსაჭონიდ ი
Line of edition: 7 ჟ'ალაგვრიმბიდ. ჟი ერ ა̈ნგვრიმბი, ეჩანღო ჟიქანა̈ ბარდანს ჟ'ალოკედდ ი
Line of edition: 8 მახან ალსაჭონიდ ფაუჟი ი ლიცს ალსაგვეშნედ ი საპენს
Line of edition: 9 ალსაცვემნედ, ტვეტშვ ლიგვრიმბეს ლალობინიდ. აღვე ტვეტშვ
Line of edition: 10 ჟ'აგვეფეშენი, ეჩქა ჭიშხშვ ალაგვრიმბიდ, ლა̈გვრიმბაჟი ნამძღირი ერ
Line of edition: 11 სკა ხეშტეხენი, ეჩქა ჩუ ლუფხჟედ ი საპენს ლა̈ცვემიდ, ლიცს
Line of edition: 12 ლა̈გვეშიდ, მახან ლა̈გვრიმბედ. ამჟინ ლიჩომნიდ, ოდდო ჩვა̈დკულინი,
Line of edition: 13 ეჩქად. ლიკვლინეს ერ ქა ალოგათვიდ, ეჩანღო ჩვალფხჟედ, ჟ'ა̈ლკედდ
Line of edition: 14 ლუკვლინე ფაყვჲაქს. ხოჩა მურგვა̈ლ ერ ა̈ხეფა̈სენს ფაყვს,
Line of edition: 15 ლუკვლინე პილა̈ლს სკა ლოლომოჭრობიდ უშხვარ, ერე მურგვა̈ლ
Line of edition: 16 ა̈ხეფა̈სენს ფაყვს. პილა̈ლ სკა ლუმოჭრობე ფაყვჲაქს საპენს
Line of edition: 17 ალსაცვემნედ, ლიცს ალსაგვეშნედ ი სკა ლალაჭონიდ ბარდანისა ი მახან
Line of edition: 18 ლიკვლინეს ლალობინიდ, ეჩანღო ქა ერ ა̈ლკედდ ალ ბარდანხენქა,
Line of edition: 19 ჩვალფხჟედ ი ტვეტი ჯუგმა̈რდშვ ისკაშხენისა ქა ლამაშა̈რიდ.
Line of edition: 20 ეჩანღო ლაჭშხა̈რჟი ხეკვეს ჟ'ალსაჭϩშხად ი ლალობინიდ ჩუბავ
Line of edition: 21 ლიგზϩნეს, ეჯზუმ ხეკვეს ალაგϩზნად ჩუბავ, ერე ლაჭშხა̈რი თხვიმი
Line of edition: 22 ზომა ერე ა̈ნსყენს. ლაჭშხა̈რჟი ალაჩერა̈ვიდ ოდ ლიფკვალ. ეჩანღო
Line of edition: 23 ეჯზუმ ხეკვეს ალაქუცად ჩუქანქა, მაზუმვა̈ჲს ლალათერდ ფაყვჲაქდ.
Line of edition: 24 ეჩანღო ჟ'ა̈ლკედდ ლაჭშხა̈რხენჟი ი ჟ'ალაცხულიდ წუვა̈რი ლემესჟი
Line of edition: 25 ეჯჟი, ერე ქამენქა̈ჲ ფა̈თვ გარ ა̈ხეცხულენს, ეჩანღო წაბვშვ
Line of edition: 26 ჩვალაწაბურიდ, ღოშკინპილს ზორა̈ნს ალაცხიპედ ფაყვს ქამეშხენქა.

Line of edition: 27
ჰერკულეს ქურასბედიანი. ლექვსირი მ. ქალდანი. 20.XI.1962 წ.

Добавлено (2007-04-26, 5:28 Pm)
---------------------------------------------
ნამშა̈ჲ ლიჴმა̈რი

Line of edition: 29 სიმინდი ფექხენქა ხვანა̈ყედ კვაშის. ლϩტეფე დია̈რს, ლუკვა̈ნე
Line of edition: 30 დია̈რს, ჭიშტვა̈რს ი ხვა̈სყეჲდ ფელანდიშს (\ ფელამიშს), შა̈მს,
Line of edition: 31 ლϩჯემი ქაქს ი ლϩმერწვე ქაქს, თა̈შმϩჯა̈ბს (\ ლეცვემა̈რს), ხვამნედ
Line of edition: 32 ლუჭურე ჴიცს კუმა̈შს, ხამა̈რს, ქათალა̈ლს, ბატა̈რს, კვა̈ტია̈რს,
Line of edition: 33 კოშია̈რს (\ ინდაურა̈ლს). კაკა̈ლ სიმინდს ხვამნედ, ქა ლϩშელდა̈ნ
Line of edition: 34 კუმა̈შიშ ი მეპერϩნქა, ჩაჟა̈რს.

Line of edition: 35 სიმინდს ნალია̈ჲსა ხვაშხვნიდ. ჩუ ერ ა̈დფϩრი, ეჩქა ჩუ ხვიკედდ
Line of edition: 36 ეჯზუმს. იმა̈ჲზუმ გვაწϩხ ი ქა ხვაფურშკვინედ. ქა ლუფურშკვინან
Line of edition: 37 ჟი ხვა̈რწყლია̈ნიდ ი სკა ხუშდედ ლეგვერს, იმა̈ჲჟი გვეცხენი, ეჯჟი
Page of edition: 33 Line of edition: 1 ხვაგოვნედ. აღვე წმინდ ლუგვე გვაკუ, ეჩქა გაგადას ჟიხი ხვავდიდ,
Line of edition: 2 დორიჲ -- ჩუხი. ამეხენქა ხეფა̈სი ფექ წმინდ ედ მენგერე ლუგვე.
Line of edition: 3 მენგერე ფექს ღერღილ ხაჟახა ი ხოშა ნაღალდ კუმა̈შიშვდ ხვიჴმა̈რიდ,
Line of edition: 4 წმინდ ლუგვეს -- ლეზობდ.

Line of edition: 5 სიმინდა̈ (\ სიმინდი) დია̈რ კვაში ლი. ალეს ამჟი ხვანა̈ყედ:
Line of edition: 6 ფექს ჩუ მურცვიდ ლერცვი ლექვა, ჟი ხვიჭურედ გვებისა ტებედი
Line of edition: 7 ლიცშვ. ლიჭურეჲ ლიგათვალ კეჭოლ ჯიმს ხვა̈შდედ ედ ჩუ ხვა̈ინედ
Line of edition: 8 ლიცისა ი ჟი ხვა̈გვეშიდ ჴიცს ი ქა ხუგათვედ ლიჭურეს. ლუჭურან
Line of edition: 9 ქა ხვანა̈ყედ თორნისა ედ ფეჩქა კეცია̈ჲსა.

Line of edition: 10 თორნს ხუნკვი ჩუ ხვაქϩრთინედ ი ა̈თვიდ ჟი ხვატკბϩრედ. ჟ'ერ
Line of edition: 11 ა̈ნკიფხიხ, ეჩქა ჩუ ხვა̈რექვალიდ ი ჩუ ცვირედ კეჭოლ ხა̈ნს ეჯჟი.
Line of edition: 12 ერ ლა̈ხვმϩგნიდ ლიჭა̈ლს, ეჩქა ჟი ხვიკედდ თორნხენჟი ი მზად ა̈რი
Line of edition: 13 (\ ლϩმარელი) ლეზობდ.

Line of edition: 14 ფეჩჟინ ჩუ ხვაქϩრთინედ კეცია̈ს (ეშხუს ჲედ ჲერბის) ი ჟი
Line of edition: 15 ხვა̈დესკდ დია̈რს. ჟ'ერ ა̈ნკიფხი, სკა ხვა̈დესკდ დუხონკა̈ჲსა ი ეჩეჲსა
Line of edition: 16 ხვა̈ჭეჲდ ქა.

Line of edition: 17
მაყვალა გაზდელიანი. ლესემა ვ. თოფურია. 10.IX.1957 წ.

Добавлено (2007-04-26, 5:29 Pm)
---------------------------------------------
ლირბიელ

Line of edition: 19 ლირბიელ ლა დია̈რი ლინა̈ყე. დია̈რ გვიხალ ხვა̈ჲნა̈ირ: ლავა̈შ,
Line of edition: 20 კოტეტ, თა̈ში დია̈რ, ყურბევილ, ლϩტეფე დია̈რ, ლობიოჲ დია̈რ,
Line of edition: 21 ქართობილი დია̈რ, კვაში. კვაშის ხვანა̈ყედ სიმინდა̈ ფექხენქა, იშკენ
Line of edition: 22 მა̈გ ინა̈ყი კვეცენა̈ ფექხენქა.

Line of edition: 23 ფექი ლა̈რცვიდ გუღვა მერდიმ, კვეცენა̈ ლა̈რცვიდ ხვიჴმა̈რიდ
Line of edition: 24 ხოშა წმინდ მერდიმს, სიმინდიშ -- ხოშა მენგერეს (\ ჩხარს).

Line of edition: 25 შომა̈ჲ ხვირბიელდ, ჩუ ხვა̈მერდინედ გვებისა კვეცენა̈ ფექს. სკა
Line of edition: 26 ხვეჩოდ ძირს, ზϩმა̈რდ ჯიმს ჲედ აშ ხვაშდედ, დორიჲ ლიცისა
Line of edition: 27 ხვა̈ინედ ი ეჯნოვშ ხვიჭურედ ჴიცს. ნა̈ფექუნს ჩუ ხვიცვრედ. ჟ'ერ
Line of edition: 28 ა̈ხვჭურიდ, სკა ხვა̈დესკდ საფუა̈რისა, საფუა̈რს ჩუ მϩგემდ ლა̈ტებიდ
Line of edition: 29 (\ ტებედი) მა̈გის, ერ ხელათ ანტეხს. ჟი მეტეხან, ხვა̈შვედ თორნხო.
Line of edition: 30 ლϩფექ ტვეტშვ ჟი ხვიკედდ ჴიცს საფუა̈რნენჟი გვებხოჲსა.
Line of edition: 31 გვებისა ნა̈ფექუნს ხუნა̈ხნედ. ეი ხვაგუნდა̈ვიდ, მეგვიდ ჩუ ხვა̈ყვლულედ
Line of edition: 32 ი ჟი ხვიბნედ ლირბიელს. ლა̈რბიალჟი მოშ-მოშ ჟი ხვაგუნდა̈ვიდ
Line of edition: 33 (\ ჟი ხვაყვაბედ) ჩუ ლუყლულე/ა ჴიცს ი ხვატკბურედ
Line of edition: 34 თორნისა.

Line of edition: 35 1) ლავა̈შ. ლავა̈შიშვდ ჴიცს ხვაყლულედ ხოშა ძღგდ გუნდალდ
Line of edition: 36 (\ ყვაბა̈რდ) ი ეჯის ქა ხვაბტყელა̈ვიდ დϩთხელდ ი ჯოდია̈რდ.
Line of edition: 37 ლავა̈შ ხელათ იჭი, დϩთხელ დია̈რ ლი. ლავაშა̈რ შომა̈ჲ სკა
Page of edition: 34 Line of edition: 1 გვიტბურახ თორნისა, თორნს დემ ხვა̈რექვა̈ლიდ. ქა მϩჭან ჟი ხვიკედდ
Line of edition: 2 თორნხენჟი ი ჟი ხვა̈სყეჲდ თორნმოყ პუჯერჟი მოშ-მოშ. ჩუ ლუქველან
Line of edition: 3 უშხვა̈რჟი ხვა̈სყეჲდ.

Line of edition: 4 2) კოტეტ. კოტეტს ხვანა̈ყედ მოსა̈კითხდ. შომა̈ჲ სერ ზურალ
Line of edition: 5 ჟი იგენი წურჟი, ასღვახ ჲეშტ-ჲეშტერბი კოტეტ. კოტეტ ინა̈ყი
Line of edition: 6 ამჟი: ხვაყლულედ ჴიცს ზომაჟი, ჩუ ხვაგუნდა̈ვიდ, ქა ხვაბტყელედ,
Line of edition: 7 მარე თხვიმხო ხეკვეს ლესეს სკელ ი მურგვა̈ლ.

Line of edition: 8 3) ყურბევილს ჩი ლა̈დეღ ხვანა̈ყედ ოჯა̈ხისა. მეგვიდ ლუყლულე.
Line of edition: 9 ჴიცს ხვაგუნდა̈ვიდ მოშ-მოშ, ქა ხვაბტყელა̈ვიდ ეშხუნა̈ირდ სკელდ.
Line of edition: 10 სკა ერ ხვატკბედ თორნისა, ეჯი ჩუბავ ფოყხო ჩუ იდუზი ი ეჯნა̈რ
Line of edition: 11 ლი ჩუბე ფოყხო ხოშა სკელ ი ჟიბავ ხოშა დϩთხელ. ალე ლი
Line of edition: 12 ლუშვანუ დია̈რ -- ყურბევილ.

Line of edition: 13 4) ჭურუ უტიხა მურგვა̈ლ დია̈რ ლი. ეჯის ქა ხვანა̈ყედ, შომა̈ჲ
Line of edition: 14 გვაკϩლდალა. ჴიცს ხვაჭურედ ეჯჟი, იმა̈ჲჟი იშკენ დვრეს.

Line of edition: 15 5) გომიჯ. ალეი მურგვა̈ლ დია̈რ ლი, მარე ინა̈ყი ჭირჟი გარ.

Line of edition: 16 6) კუპატა̈რ \ კუპა̈ტი დია̈რ ეზერ ლეზვებ ლი. კუპა̈ტი დია̈რს
Line of edition: 17 ხვანა̈ყედ კვეცენა̈ ჴიცხენქა. ჴიცს ხვიჭურედ ეჯჟი, ინა̈ჲჟი იშკენ
Line of edition: 18 დვრეს. ლეღვდ ხვიჴმა̈რიდ მენეშკვე ლეღვს, ხა̈მიშ ირა ა კუმა̈შიშ.
Line of edition: 19 ჲერეხი იჴმა̈რი და̈შტვი ლეღვს. ხვანა̈ყედ ამჟი: ჩუ ხვა̈ჭკვერიდ.

Добавлено (2007-04-26, 5:29 Pm)
---------------------------------------------
ლეღვს ნეცინდ, ჟი ხვა̈შდედ ხოჩა ლϩსერნელ (\ ლუსურნელ)
Line of edition: 21 ლϩნიორ ჯიმს, ჟი ხვა̈ჭკვერიდ ხა̈ხვს, ეჩანღო ჟი ხვა̈ჩდინედ, ჯიმ ერ
Line of edition: 22 მეგვიდ ა̈სერიგა̈ვენს. ჟი ლϩნა̈ჩდინანღო ჩუ ხვაყლულედ, ვოშა
Line of edition: 23 დია̈რდ გვაკუ, ეჩანღო ქა ხვა̈ტეფედ კვეცენა̈ ჴიცს ი ხვა̈დესკდ
Line of edition: 24 ფეჩჟი კეცია̈ჲსა, ქა ხვა̈სპედ კეცია̈ჲსა ი სკა ხვა̈დესკდ დუხონკა̈ჲსა
Line of edition: 25 ი ეჩეჲსა ქა ხვა̈ჭეჲდ. შომა̈ჲ სერ ისკაშხენქა ლეღვი წვენე ქა ჴედენი,
Line of edition: 26 ეჩქას კუპა̈ტი დია̈რ ლϩჭე ლი.

Line of edition: 27
გოგუცა გუგავა-ბენდელიანი. ლასკადარი. ვ. თოფურია. 28.X.1962 წ.

Line of edition: 28 7) ჭიშტვა̈რ ა) ლϩგრემი ჭიშტვა̈რ. ლϩგრეს (ჲერბის, სემის...).
Line of edition: 29 ჟი თხვიშედ სა̈ინისა, ჟი ხვა̈შდედ ლურცვ სიმინდა̈ ფექს, ჯიმს.
Line of edition: 30 ხვეჩოდ ლϩმგϩნად, ჟი ხვა̈ჩდინედ აშხუმდ ი ჟი (\ სკა) ხვა̈დესკდ
Line of edition: 31 ტაფა̈ჲსა (\ ტაფა̈ხოჲსა). ქ'ერ ა̈ნიჭი, ჟი ხვიკედდ ი ხვიზბიდ.

Line of edition: 32 ბ) თაშა̈რ \ თა̈ში ჭიშტვა̈რ. ჟი ხვიჭურედ სიმინდა̈ ჴიცს ზϩმშ,
Line of edition: 33 სკა ხვეჩოდ თა̈შს ხოშას ი ჟი ხვაჭურედ აშხუმდ. ზგმშ ჯიმს ხვა̈შდედ
Line of edition: 34 ი ჟი ხვა̈ჩდინედ აშხუმდ. ტაფა̈ჲსა ჩუ ხვა̈ინედ კარაქს, ედ
Line of edition: 35 მარგარინს, ედ ხა̈მი უჯმა ქონს ლϩჲნეს ი სკა ხვა̈დესკდ ალ ლუჭურე
Line of edition: 36 ჴიცს. ქა ხვა̈სპედ, შომა̈ჲ სერ ჟ'ა̈ნკიცხი, ეჩანღო ქა ხვა̈ჭეჲდ,
Line of edition: 37 მϩჭეს ხვიზბიდ.

Line of edition: 38
მაყვალა გაზდელიანი. ლესემა ვ. თოფურია. 10.IX.1957 წ.

Page of edition: 35
Line of edition: 1 8) ლუკვა̈ნე დია̈რ. ლუკვა̈ნე დია̈რს ერ ხვანა̈ყედ, ნა̈ყეუნ მა̈დ
Line of edition: 2 ხაკუჩ. ჟი ხვიჭურედ კვეცენა̈ ფექს, სკა ხვეჩოდ ძირს, თორნა̈
Line of edition: 3 ლიქϩრთინალ კვეცენ ჟი ტეხენი. ეჩქა ჟი ხვიჭურედ სიმინდა̈ ფექს,
Line of edition: 4 სკა ხვეჩოდ თა̈შს ხვა̈ჲს, ქა ხვა̈ტეფედ კვეცენა̈ ჴიცს ი სკა ხვატკბურედ
Line of edition: 5 თორნისა. ქა იჭი ი ქა ხვიკედდ. ამჟი ინა̈ყი ლუკვა̈ნე
Line of edition: 6 დია̈რ.

Line of edition: 7 9) ქართობილი დია̈რ ი ლობიოჲ დია̈რ ეშხუნა̈ირდ ინა̈ყიხ. ჟი
Line of edition: 8 ხვაჯა̈ბდ ქართობილს ჲედ ლობიოს, ჩუ ხვაყა̈ლდ, ჟი ხვიჭურედ
Line of edition: 9 კვეცენა̈ ფექს, სკა ხვეჩოდ ძირს, ზϩმშ ჯიმს. ჟ'ერ ანტეხენი ჴიც,
Line of edition: 10 თა̈ში ლϩნა̈ჩიდ ქართობილს ჲედ ლობიოს ქა ხვა̈ტეფედ კვეცენა̈
Line of edition: 11 ჴიცს, ქა ხვანა̈ყედ თორნქა ჲედ ფეჩქა. ხედვა̈ჲს ქართობილ ხეჩდა,
Line of edition: 12 ქართობილი დია̈რ ლი, ხედვა̈ჲს -- ლობიო, ლობიოჲ დია̈რ ლი.
Line of edition: 13 ჲერქედი ხოჩა ლიხ ლეზობდ.

Line of edition: 14
მაყვალა გაზდელიანი. ლესემა ვ. +

Line of edition: 25
მაყვალა გაზდელიანი. ლასკადარი. ვ. თოფურია. 10.IX.1957 წ.

Добавлено (2007-04-27, 7:28 Pm)
---------------------------------------------
20
Page of edition: 35
Line of edition: 26
XX. შა̈მი ლისყეჲ

Line of edition: 27 ჟი ხვაფინედ ლიცს, სკა ხვეჩოდ ზϩმშ ჯიმს, ჩუ მურცვიდ სიმინდა̈
Line of edition: 28 ფექს, სკა შვიდედ მამფუა ლიცხოისა, ჟი ხვა̈ჩდინედ სულთშვ.
Line of edition: 29 ჟ'ერ ა̈ნჯა̈ბი, ჩუ ხვიკედდ ჩოგა̈ნშვ ჲედ სა̈ინშვ, ჩუ ხუგემდ თვითჟი
Line of edition: 30 სა̈ინა̈რშვ. შა̈მისკა სკა ხვაცყϩრედ თა̈შს ჲედ გვა̈რჯილს ლუხტურეს.
Line of edition: 31 ეჯმინ ერ ჩვა̈დტებდიხ, ეჩანღო ხვიზბიდ.

Line of edition: 32
მაყვალა გაზდელიანი. ლასკადარი. ვ. თოფურია. 31.X.1962 წ.

Добавлено (2007-04-27, 7:28 Pm)
---------------------------------------------
ელა̈რჯ

Line of edition: 34 ელა̈რჯ ლუშვანუ ლეზვებ მა̈დ ლი, ეჯი ხოხალხ მეგრელა̈რს.
Line of edition: 35 ნა̈ი ხვა̈სყეჲდ. ჟი ხვა̈თშიდ ხოჩა მუდუწია̈ თა̈შს, ზϩმა̈რდ მამფუა
Page of edition: 36 Line of edition: 1 ლიცისა სკა შვიდედ მუდუწია̈ თა̈შს, ჟი ხვა̈ზელა̈ვიდ გუნ, ლიზელა̈.
Line of edition: 2 ვის ერ ქა ხუგათვედ, სკა ხვეჩოდ სიმინდა̈ ფექს, აჯაღ გუნ
Line of edition: 3 ხვა̈ზელა̈ეიდ. ალ ლა̈ჩდინჲრასა ეჯი ჩუ აჯა̈ბი, ეჩქას ხოჩა ლეზვებ ლი.

Line of edition: 4
მაყვალა გაზდელიანი. ლასკადარი. ვ. თოფურია. 31.X.1962 წ.

Добавлено (2007-04-27, 7:28 Pm)
---------------------------------------------
ლϩმერწვე ქაქ

Line of edition: 6 ლϩმერწვე ქაქ ხილშალ ლეზვებ ლი. ხვა̈სყეჲდ ხოშა ნაღალდ
Line of edition: 7 ზავლა̈დეღ, ეჩქას კფმა̈შ ლახვს გვაყა, თა̈შს მϩჟელა̈დეღ გარ ჴვიდედ.
Line of edition: 8 ქა ხვა̈თშიდ ხოჩილ მუდუწია̈ თა̈შს, ჟი ხვა̈ფინედ ლთცს, ეჩეჲსა
Line of edition: 9 სკა შვიდედ სიმინდა̈ ფექს ჩუ ლურცვს, ჩუ მϩრხიდ ფერთხავშ,
Line of edition: 10 სკა ხვეჩოდ ზϩმა̈რდ ჯიმს, ჩუ ხვაჯა̈ბდ ი ჩუ ხვიკედდ. ზϩმშ ერ
Line of edition: 11 ჟ'ა̈ნინგრილი ქაქ, სკა ხვაჭკვერიდ ჭყა̈ნტ თა̈შს, ჟი ხვა̈ჩდინედ გუნ,
Line of edition: 12 ეჯი ჟი იდუწი, ეჩქას ქაქ მზათ ა̈რი.

Line of edition: 13
მაყვალა გაზდელიანი. ლასკადარი. ვ. თოფურია. 24.X.1962 წ.

Добавлено (2007-04-27, 7:29 Pm)
---------------------------------------------
Text: 23
Page of edition: 36
Line of edition: 14
XIII ქართობილი ქაქ

Line of edition: 15 ქართობილი ქაქ გუნ ხალა̈ტხ შვანა̈რს. ჟი ხვაჯა̈ბდ ქართობილს,
Line of edition: 16 ჩუ ხვა̈ცირედ, ჩუ ხვაყა̈ლდ, ჟი ხვიკმა̈რიდ ჭყა̈ნტ თა̈შს, აღვე ხოჩა
Line of edition: 17 მუდუწია̈ ლი, ეჩქას ჟი ხვა̈სყეჲდ ქართობილი ქაქს. ჟი ხვა̈ფინედ ლიცს
Line of edition: 18 ზϩმა̈რდ, სკა ხვეჩოდ ჯიმს ლϩმგϩნად, სკა შვიდედ ლϩყა̈ლ ქართობილს,
Line of edition: 19 ჟი ხვა̈ჩდინედ. ეჯი ერ ლიფუეს ა̈ნბინი, ეჩქას სკა შვიდედ
Line of edition: 20 ლუჭკვერ თა̈შს. ეჯი ქა იდუწი ი მზათ ა̈რი ქაქ.

Line of edition: 21
მაყვალა გაზდელიანი. ლასკადარი. ვ. თოფურია. 24.X.1962 წ.

Добавлено (2007-04-27, 7:29 Pm)
---------------------------------------------
თაშმჯϩჯა̈ბ

Line of edition: 23 თა̈შმϩჯა̈ბს ხვიჴმა̈რიდ ნა̈ყეუნდ. ჟი ხვა̈სყეჲდ ამჟი: ქა ხვა̈თშიდ
Line of edition: 24 მϩი თა̈შს (ეჯი ხოშა ზეთია̈ნ ლი). წმინდ შედისა სკა ხვა̈გვეშიდ კვეჭოლ
Line of edition: 25 ლიცს. ეჯ ერ ჟ'ა̈ნფინი, ჟი ლუჭურე თა̈შს სკა ხვა̈დესკდ.
Line of edition: 26 ეჯი ჩუ იინი. ეჩანღო სკა ხვა̈შდედ კვეჭოლ ფექს. ჟი ხვა̈ჩდინედ
Line of edition: 27 გუნ. ვოდ ეჯი ზეთს ა̈ნგენი, ეჩქად თელდ ხვა̈ჩდინედ. შომა̈ჲ ზეთს
Line of edition: 28 ქა̈ნგენი, ეჩქას ქა ხარ ლიჯა̈ბ ი ჩუ ხვიკედდ ი მზათ ა̈რი ლეზობდ.
Line of edition: 29 ჯიმს ჲეს სკვებნავ ხვეჩოდ ჟი ლϩმგვნად, ჲეს ჩვერ ხვიკედდ, ეჩქა.
Line of edition: 30 აშ ჩუ ხოჩა სკვებნავ ჯიმი ლიჩვემ. ჩუ მϩგემდ სკოდი სა̈ინშვ, ჲა̈რს
Line of edition: 31 მა̈ზუმ ხაკუ, ეჯჟი ქა̈დკედ კობზშვ ი ლა̈ჲზვები (ლა̈ჲზვებნე).

Line of edition: 32
მაყვალა გაზდელიანი. ლასკადარი. ვ. თოფურია. 24.X.1962 წ.

Добавлено (2007-04-27, 7:29 Pm)
---------------------------------------------
ლობიოჲ ლისყეჲ

Line of edition: 2 დედეს ლობიოჲ ლისყეჲ ხოჩამდ ხოხალ. ლეჯა̈ბ ლობიოს დედე
Line of edition: 3 ჲა̈შიკხენჟი სა̈ინშვ (\ ცინკავშვ) იკედ. სა̈ინისკა ლობიოს ა̈თში,
Line of edition: 4 ეჩანღო სკა შიდე კარდალა̈ჲსა ი კარდალა̈ს ფეჩჟინ ϩგემ ი ლემესკს
Line of edition: 5 ხოშვე. ფეჩჟინ კარდალა̈ ჟი იფუვნი (\ იფინი), ლიც ჟი ერ ხეჴეჩენი,
Line of edition: 6 ეჩქა ლიცს ხვა̈ქმედ. ამჟი აჯა̈ბი ჩუ ლობიო. ხოჩამდ ერ
Line of edition: 7 ა̈დჯა̈ბი, ეშკა (\ ეჩქა) ჩუ მϩრხიდ ლობიოს ფერთხავშ, ლობიო სკელ
Line of edition: 8 ხეკვეს ლესეს.
Line of edition: 9 ლობიოს ხვეჩოდ ჯიმϩნქა: ვოხრახვიშს, ქაგვს, ნიორა̈ს, ხა̈ხვს,
Line of edition: 10 ძაფა̈ნა̈ნ ი ქინძს. ეჩანღო ლობიოს სა̈ჲნა̈რისϩა ხუგვეშიდ, ჩუ ხურგა̈ვიდ
Line of edition: 11 ქორა̈ მარეს ი მუშკვა̈რის ი ჩუ ხვა̈დჲა̈რნედ ალმინს.

Line of edition: 12
ათოლა გაზდელიანი. ხელედი. მ. ქალდანი. 10.IX.1957 წ.

Добавлено (2007-04-27, 7:30 Pm)
---------------------------------------------
ლიშკი

Line of edition: 14 ფირვ ერ ღუნს ქა ჴიდე, სკა ხუგენედ ღუნს ფირვს ი ქა ხვაჩგვანნედ
Line of edition: 15 (\ ხვაჩაგვნედ) ეშხუნ ი მერბად. ეჩანღო ლაჩგვა̈ნი სკვებინ
Line of edition: 16 ჩუ ხვიშკიდ, ქა ხვაჩგვანნედ (\ ხვაჩაგვანნედ) ღუნს, ერ ხოჩამდ
Line of edition: 17 ახარუცხვის
Line of edition: 18 ტუას. სკა ჴვიდედ ლϩჯეს ქორხო, ჩუ ხვაწვდიდ შედხოჲსა
Line of edition: 19 (ჩვეინ ირა ჲედ კასრუკა). ეჯის ჩუ ხვაჯა̈ბდ (\ ჟი ხვა̈ფინედ) ეშხუ
Line of edition: 20 საათს ი ხϩნსკას. ეჩანღო სკა ხვეჩოდ წმინდ ჯიმს ზომაჟი. ჩუ ხვიკედდ
Line of edition: 21 სერ, ეჩქას მზათ ა̈რი ლეზობდ. ალეს ხვაყლედ ლϩჴეს.

Line of edition: 22
გოგუცა გუგავა-ბენდელიანი. ლასკადარი. ვ. თოფურია. 23.X.1962 წ.

Line of edition: 23 ლϩჯე. ლიშკიჲ სკვებინ ჩუ ხვაჩგვანნედ ღუნს, ჩუ ხვაბა̈რდ
Line of edition: 24 ჩილეღვს ფირვს ი ქა ხვიშკიდ ვედრახოჲსა, ჯვინალდ -- კიჭოლხოჲსა.
Line of edition: 25 მა̈ნკვი სკვებნე ლუსვა̈რს ხვიშკიდ, ეჩანღო ღოშკმეს, მახან სკვებნე
Line of edition: 26 ლუსვა̈რს, ღვე აჯაღ ღოშკმეს ხვეტეხენიდ, სკ'ერ მა̈დ ლა̈ხესეს
Line of edition: 27 ლϩჯე ჩილეღვისა. ამჟი ხვაგათვედ ლიშკის. სკა ჴვიდედ ლϩჯეს
Line of edition: 28 ქორხო, ჩუ ხვაწვდიდ, ჲეს ჟი ხვა̈ფინედ, ლϩჯედ ხვიჴმა̈რიდ, მარწვენდ
Line of edition: 29 ხვა̈გენედ.

Line of edition: 30
გოგუცა გუგავა-ბენდელიანი. ლასკადარი. ვ. თოფურია. 23.X.1962 წ.

Добавлено (2007-04-27, 7:30 Pm)
---------------------------------------------
თა̈ში ლისყეჲ

Line of edition: 32 ლიშკიუნღო, ვოდ ტებედიდ ა̈რი ლϩჯე, ჩუ ხვაწვდიდ ფედხოჲსა
Line of edition: 33 (ჩვეინ ჲედ კასრუკახოჲსა), სკა ხვეჩოდ ლალდϩრს ლϩმგϩნად,
Line of edition: 34 ჟი ხვა̈ჩდინედ ლალდϩრი ჩხირშვ ი ჩუ ხუგემდ ტებედი მა̈გის
Page of edition: 38 Line of edition: 1 ლემასკვა̈ პილს, ხუნკვი ერ ა̈ნყელენს. ლალდϩრ აღვე ხოჩა მϩსყე ლი,
Line of edition: 2 ხელათ (შიშტ) იყელი. ლϩყელანღო ჟი ხუგემდ ლემასკვჟი, ჟი
Line of edition: 3 ხვა̈ჩდინედ ტვეტშვ, გუნ ერ ჟ'ა̈ნჲა̈თვი, ეჩქას ჴვიდედ შედს (სა̈ინს
Line of edition: 4 ჲედ ფაკა̈ნს). სკა ხვა̈დესკდ ეჩოხოჲსა ჟი ლϩკიდ თა̈შს. ალე ლი
Line of edition: 5 ჭყა̈ნტ თა̈შ.

Line of edition: 6
გოგუცა გუგავა-ბენდელიანი. ლასკადარი. ვ. თოფურია. 24.X.1962 წ.

Line of edition: 7 თა̈შ. ჭყა̈ნტ თა̈შს ხვიჴმა̈რიდ ნა̈ყეუნდ, ჩუ ხვაჯმუნედ ი ჩუ ხვაშხვნიდ
Line of edition: 8 ლინთვისა ლეჴმა̈რიდ. ჭყა̈ნტ თა̈შხენქა ხვა̈ჲნა̈ირ ლეზვებს
Line of edition: 9 ხვა̈სყეჲდ: გვა̈რჯილს (გვა̈რჯილა̈ლს), თა̈შმϩჯა̈ბს, ლϩმერწვე ქაქს,
Line of edition: 10 ქართობილი ქაქს, თა̈ში დია̈რს, ლუკვა̈ნე დია̈რს, ქართობილი დია̈რს,
Line of edition: 11 ლობიოჲ დია̈რს ი ელა̈რჯს.

Line of edition: 12 გვა̈რჯალს ხვა̈სყეჲდ ამჟი: ჟი ხვიკედდ ჭყა̈ნტ თა̈ში ნა̈ქვიცს,
Line of edition: 13 ჟი ხვიკმა̈რიდ, აღვე ხაყა ლეგვა̈რჯლალიდ. აღვ' ერ ხოჩა ლი, ჟი
Line of edition: 14 ხვა̈სყეიდ ამჟი: წმინდ შედისა კვეჭოლ ლიცს ხვა̈გვეშიდ, ჟი ხვა̈ფინედ,
Line of edition: 15 თა̈შს ლუჭკვერს სკა შუდედ ლϩფინე ლიცხოჲსა, ჩუ ერ
Line of edition: 16 ა̈დტებდი, ეჩქა ჟი ხვიკედდ, აღვე ხოჩა ა̈თვი ლი ი თა̈შ აღვე ქა
Line of edition: 17 იდუწი, ჟი ხვიკედდ ი ჟი ხვაჭურედ, სა̈ინისა ქა ხვა̈გტყელა̈ვიდ,
Line of edition: 18 გვა̈რჯილ მზათ ა̈რი. სა̈ინისა ჟიქანქა ჟი ხვა̈შდედ ჯიმს ზომაჟი ი
Line of edition: 19 ეჩანღო ლეზობდ ხაყა.

Line of edition: 20 აღვე ლეშხვნიდ გვაკუ გვა̈რჯილ, იმკა̈იჟი თა̈შს, სკა ხვა̈დესკდ
Line of edition: 21 წა̈თხისა, ჩუ იჯმუნი. წა̈თხ გვივოშა კეცისა, ხედვა̈ჲ გვიშთხვა
Line of edition: 22 მარა̈ნისა.

Line of edition: 23
გოგუცა გუგავა-ბენდელიანი. ლასკადარი. ვ. თოფურია. 24.X.1962 წ.

Line of edition: 25 შომა̈ჲს დაჴლა̈ (\ დაჴლა̈შ) ლიზჲენი გვაკუ, ეჩქა ჩუ ხვირმიდ
Line of edition: 26 ლადაჴისა ი სკა ჴვიდედ ქორხო. ჩუ ხვაკაფედ სკა̈მჟინ. ეშხუ მარე
Line of edition: 27 ჭϩშხა̈რს ხორმი, მერბე მარას თხვიმ ხოყედანა ბϩგიდ ლერთენ
Line of edition: 28 ტვეტვშვ. ლერსკვენ ტვეტვშვ ლა̈ზჲენი გა̈ჩ ხუღვა. ალ გა̈ჩს ქა ხათხა̈პი
Line of edition: 29 ყიაქა ი ჩვა̈ზჲენი, ხϩხრინტს ჟი ხოქვცე ი ქვინ ჟი ხოშყედენი.

Line of edition: 30 ლა̈ზჲენიჟინ ტა̈შტს სკა ხუგემდ ზისხი ლა̈გვეშიდ. ამ ზისხს ჟეღა̈რს
Line of edition: 31 ხუგემდ. შომა̈ჲს ლა̈ზჲას ქვინ ჟ'ახოპერენი, ეჩქა ჟ'ა̈ხვკედდ
Line of edition: 32 ი იმალაჟი შიყშვ ჩუ ხვა̈ყვნედ ი ლიტფურეს ხვიბნედ. ლაბრა̈ჴიალს
Line of edition: 33 ერ ქათვაგათვიდ, ეჩქა კა̈ვ ლექვა (\ ლექო) ხურეკნედ ი თელდ
Line of edition: 34 ხვატფურედ სერ. დაჴϩლს ი ღოლჲაქს ლეთხვმის კინჩხქა ხვა̈ბემდ ი
Line of edition: 35 ეჯჟინ ჩუ ხურეკნედ კა̈ვ ლექო. ჩვერ ათვატუფურიდ, ეჩანღო ჴა̈დს
Page of edition: 39 Line of edition: 1 ხუბჴვედ ი წიკანტა̈რს ხვა̈შდუნედ ი გვებხოჲსა შვიდედ. ლა̈ზჲენის
Line of edition: 2 ისკაშხენ ჴა̈დისა ხუღეე (\ ხუღვა): ფა̈შვ, წიკანტა̈რ, ბუშტ, ტყლიბ,
Line of edition: 3 ნაცომუნ, ჭაჭა̈რ ი ბა̈ლე. წიკაეტა̈რს ქა ხვა̈ხიორიდ ი ჩუ ხვა̈შყეე-
Line of edition: 4 დიდ ი ჟი ხვაჯა̈ბდ.

Line of edition: 5 ლა̈ზჲას მუჭოდისა ხუღვე: გვი, ყვიჟე, პერეშტვა, ნანღველ.
Line of edition: 6 ლა̈ზაას ჴარჴისა ხუღვე: ნინ, შტϩქა̈რ, ნა̈ქ, ხϩხრინტ. თხვიმს ხუღვე:
Line of edition: 7 ჩუქანა̈ გაგადა, ჟიქანა̈ გაგადა, ლეფხნა, თერა̈ლ, შტϩმარა̈ლ,
Line of edition: 8 ნიქეჭა̈რ, მუჭვა̈რ, თხუმე ტვინ (\ თველ), თხუმე ჯიჯვ, ნერვა̈ლ.

Line of edition: 9 სკაშურას ერ ქა̈ხვკედდ, ეჩანღო ლა̈ზჲას ხვაქვცურედ ხϩნსკახვნსკად
Line of edition: 10 ი ხორვა ნა̈ქცუვა̈რდ ლა̈ჲ (\ ლა̈ჲდი). ალმინს ხაჟახახ:
Line of edition: 11 მა̈შკ, ბარჯ, ლესკ (ლესკა̈რ), შიყე ჯორა̈, ფოყ (ფოყა̈რ), ტუნტვრა̈ლ,
Line of edition: 12 ჭაჭა̈რ, კინჩხ, მუჭოდ, ყია, თხვიმ. დაჴლა̈შ ი ღოლჲაქა̈ თხვიმს
Line of edition: 13 ჟი დემ ხვაცხვლედ. ლϩფა̈თვდ ხვაჯა̈ბდ, ეჩანღო ლϩჯაბან ჩუ ყვიფედ.
Line of edition: 14 ხა̈მი თხვიმს ჟი ხვაცხვლედ.

Line of edition: 15
მურმან გაზდელიანი. ბავარი. მ. ქალდანი. 11.IX.1957 წ.

Добавлено (2007-04-27, 7:31 Pm)
---------------------------------------------
29
Page of edition: 39
Line of edition: 16
XIX. ქათალა̈ ლიზჲენი ი ლისყეჲ

Line of edition: 17 გუშკვეშმო' გვა'ა: ქათალ, ბა̈ტ. კვა̈ტია̈, კოშია̈ ი მტრედ.
Line of edition: 18 ქათალა̈ლ ლიხ: და̈დვ, ყვიჩ. წიწილ ი ჭონტო.

Line of edition: 19 ქათალა̈ ლიზჲენი ენ გვაკუ, ჩიქე ლიცს ხვა̈ფინედ, ეჩანღო
Line of edition: 20 ქათალს ხვა̈ზჲენიდ ი ლϩფინე ლიცისა ჩუ ყვიფედ (\ ხვაბინტყვლედ).

Line of edition: 21 ჩვენ ყვიფედ, ეჩანღო ჟი ხვაცხვლედ ლემესკჟი. ქა ხვაკვჭა̈ვიდ.
Line of edition: 22 ისკაშხენ ხუვა: გვი, კვიჭ, ნანღველ, წიკანტა̈რ, ჩიჩა̈ყვ. ისკაშხენი
Line of edition: 23 ნა̈წილა̈ლს. ხვა̈წმინდა̈ვიდ ი ეჯის სკა ტვიხედ, ჯიმს ხვა̈შდედ, ეჩანღო
Line of edition: 24 ჟი ხვაბანდედ ი ეჯ{ჟ}ი ჲედ ჟი ხვატყა̈ბდ (\ ხვახრაკა̈ვიდ) ი
Line of edition: 25 ჲედ ჟი ხვაჯა̈ბდ. ავე ჟი დემ ხვახრაკა̈ვიდ, ეჩქა ქა ხვაქვცურედ
Line of edition: 26 მოშ-მოშ ნა̈წილა̈ლს: ჭიშხა̈რს, ბარჯა̈ლს, თხვიმს, კინჩხს ი ღალა̈ლს.

Line of edition: 27
ფეფიკო ქურასბედიანი. ხოფირი. ვ. თოფურია. 19.IX.1957 წ.

Добавлено (2007-04-27, 7:31 Pm)
---------------------------------------------
დვრე

Line of edition: 29 ზა̈ჲსა ა̈რი სემი აშირ ი სემიერბეშტივოხვიშტ ედ სემი აშირ
Line of edition: 30 ი სემიერბეშტიუსკვა ლა̈დეღ. სემი აშირ ი სემიერბეშტიუსკვა ლა̈დეღ
Line of edition: 31 ა̈რი ჩი ვოშთხვ ზა̈უნღო. ზა̈ჲსა ა̈რი ჲეშტჲერბი თვე. ალმინ
Line of edition: 32 ლიხ: ქვა̈ხი (იანვა̈რ), თებერვა̈ლ, მა̈რტ, აპრილ, მა̈ის, ივნის, ივლის
Line of edition: 33 (ლიგვირკეჲ თვე), აგვისტო (ლიმა̈რიეჲ თვე), სექტემბერ (ენკენობა̈
Line of edition: 34 თვე), ოქტომბერ (წიფლობა̈ თვე), ნოემბერ (ლიგერგიჲ თვე), დეკემბერ
Line of edition: 35 (ქრისტეში თვე).
Page of edition: 40 Line of edition: 1 ზა̈ ყველენი ვოშთხვ დვრედ: მალფხ, ზავლა̈დეღ, მუჟოღირ ი
Line of edition: 2 ლინთვ. ჩი დვრეჲსა ასხრი სემი თვე. მალფხა̈ თვეა̈რ ლიხ: მა̈რტ
Line of edition: 3 აპრილ ი მა̈ის ი ამჟი.

Line of edition: 4 ზა̈ჲსა ა̈რი ჲერბიერბეშტიეშტჲერბი ნაგა̈ზი. ნაგა̈ზი ლი იშკვიდ
Line of edition: 5 ლა̈დეღ. ალმინს ხაჟახახ: მϩჟელა̈დეღ, დვეშტიშ, თახა̈შ, ჯუმა̈შ,
Line of edition: 6 ცა̈შ, ვებიშ, საფტინ.

Line of edition: 7 დვრეჲშ ი დვრეჲ ნესკა ა̈რი ლეთ ი ლა̈დეღ. ლეთ ი ლა̈დეღისა
Line of edition: 8 ა̈რი ჲერბეშტივოშთხვ საათ. საათისა ა̈რი სემიერბეშტ წუთ (მინუტ),
Line of edition: 9 წუთისა (მინუტისა) -- სემიერბეშტ წა̈მ (სეკუნდ).

Line of edition: 10
მაყვალა გაზდელიანი. ლესემა. ვ. თოფურია. 28.X.1962 წ.

Line of edition: 11 ამზავ ხოჩა ზა̈ ლას: ლინთვისა მუს ანჴად, მარე ეში-ეში ძღϩდ
Line of edition: 12 მϩცხა̈ჲ მა̈დ ლას, მალფხს ჟ'ა̈ნტებდან, ზავლა̈დეღ ჟ'ა̈ნიათვან,
Line of edition: 13 მუჟოღირ ჰავა ტებედი ლას, მოსავა̈ლ დვრეჟი ა̈დმϩჲან ი მევარ
Line of edition: 14 ანჴად.

Line of edition: 15
მაყვალა გაზდელიანი. ლესემა. ვ. თოფურია. 28.X.1962 წ.

Добавлено (2007-04-27, 7:31 Pm)
---------------------------------------------
ლიშელდა̈ნი

Line of edition: 17 ნა̈, შვანა̈რ, ხვიშელდა̈ნიდ იმა̈ჲჟი ქართვილდ, ეჯჟი გუშკვეურად
Line of edition: 18 მილიონხოჟი ი ეჩანჟი. ლუშვანუ ლიშელდა̈ნი მეყველე ლი უშხვა̈რხენქა.
Line of edition: 19 ლაშხა̈რ მერბანა̈ირდ იშელდა̈ნიხ, ნა̈, ლენტეხალ, ამჟი ხვიშელდა̈ნიდ:
Line of edition: 20 1.ეშხუ, 2. {ჲ}ერბი, 3. სემი, 4. ვოშთხვ, 5. ვოხვიშტ,
Line of edition: 21 6.უსკვა, 7. იშკვიდ, 8. არა, 9. ჩხარა. 10.ჲეშტ.

Line of edition: 22 ჲეშტϩნჟინ ჲეშტს ხვა̈ქმედ ეშხუს, ჲერბის ი ამჟი ჲერბეშტხოჟინ:
Line of edition: 23 11.ეშტეშხუ, 12.ეშტჲერბი, 13.ეშტსემი, 14.ეშტვოშთხვ, 15.ეშტოხვიშტ,
Line of edition: 24 16.ეშტუსკვა, 17.ეშტიშკვიდ, 18.ეშტარა, 19.ეშტჩხარა,
Line of edition: 25 20. ჲერბეშტ.

Line of edition: 26 ჲერბეშტϩნჟინ აჯაღ ხვა̈ქმედ ეშხუს, ჲერბის ი ამჟი 40
Line of edition: 27 ჲერბიჲერბეშტხოჟი{ნ}, მარე ჲერბეშტი ი ეშხუ, ჲერბეშტი ი ჲერბი ნესკა
Line of edition: 28 ხვიჴმა̈რიდ კავშირ ი-ს: 21 ჲერბეშტიეშხუ, 22 ჲერბეშტიერბი,
Line of edition: 29 23 ჲერბეშტისემი, 24 ჲერპეშტივოშთხვ, 25 ჲერბეშტივოხვიშტ,
Line of edition: 30 26 ჲერბეშტიუსკვა... 30 ჲერბეშტიეშტ, 31ჲერბეშტიეშტეშხუ,
Line of edition: 31 32 ჲერბეშტიეშტჲერბი, 33 ჲერბეშტიეშტსემი, 34 ჲერბეშტიეშტვოშთხვ
Line of edition: 32 ი ამჟი 40 ჲერბიერბეშტხოჟი.

Line of edition: 33 ეჩანღო აჯაღ ხვა̈ქმედ ეშხუს, ჲერბის, მარე მინე ნესკა ა̈რი
Line of edition: 34 კავშირ ი: 41 ჲერბიერბეშტიეშხუ, 42 ჲერბაერბეშტიჲერბი, 43
Line of edition: 35 ჲერბიერბეშტისემი, 44 ჲერბიერბეშტივოშთხვ... 51 ჲერბიერბეშტიეშტეშხუ,
Line of edition: 36 52 ჲერბიერბეშტიეშტჲერბი ი ამჟი 60 სემიერბეშტხოჟი
Page of edition: 41 Line of edition: 1 ი ეჩანღო აჯაღ ამჟინ ხვიშელდა̈ნიდ 100 აშირხოჟი: 61
Line of edition: 2 სემიერბეშტიეშხუ, 62 სემიერბეშტიჲერბი... 75 სემიერბეშტიეშტვოხვიშტ...
Line of edition: 3 80 ვოშთხვერბეშტ, 81 ვოშთხვერბეშტიეშხუ... 90 ვოშთხვერბეშტიეშტ,
Line of edition: 4 91 ვოშთხვერბეშტიეშხუ, 99 ვოშთხვერბეშტიეშტჩხარა,
Line of edition: 5 100 აშირ.

Line of edition: 6 აშირუნღო აღვე გვაკუ ლიშელდა̈ნი 200 ჲრბიაშირხოჟი, აშირს
Line of edition: 7 ხექემენი ეშხუ, ჲერბი ი ამჟინ, მარე ხოშა ნაღალდ მინე ნესკა
Line of edition: 8 იჴმა̈რიხ კავშირ ი-ს. ეჩანღო აშირს სკვებინ ხექემენი ჲერბი, სემი
Line of edition: 9 1000 ათა̈სხოქა, 1000 ათა̈სუნღო ეჯჟი იშელდა̈ნი, იმვა̈ჲჟი აშირუნღო,
Line of edition: 10 მარე ამეჩუნი ათა̈სიშ ი აშირი ნესკა ა̈რი კავშირ ი:
Line of edition: 11 1000 ეშხუ ათა̈ს, 2000 ჲერბი ათა̈ს... ამზავ ლი ათა̈ს ი ჩხარა
Line of edition: 12 აშირ ი სემიერბეშტიჲერბი ზა̈ჲ.

Line of edition: 13
მაყვალა გაზდელიანი. ლესემა. ვ. თოფურია. 26.X.1962 წ.

Добавлено (2007-04-27, 7:32 Pm)
---------------------------------------------
ზნე-ჩვეულებანი
Line of edition: 2
XXXII. ლიტრელა̈ლ

Line of edition: 3 ლენტეხას ბოფშა̈რს გვიხალ ხვა̈ჲ ლიტრელა̈ლ. ალ ლიტრელა̈ლ
Line of edition: 4 ლიხ: კაკაობა, ვირობია, ლახტ, ქვის გარტყმია, ხმალაობა, მგელობია,
Line of edition: 5 დანასობია, "ტრი უდარა", ლიკენჭავა̈ლ, "მიაჩ კრუგ".

Line of edition: 6 1) კაკაობა. ამჟი ხვიკაკავა̈ლდ; ჴვედენიდ ვოხვიშტ ბეფშ ი ჩუ
Line of edition: 7 ხვახაზა̈ვიდ წრეხა̈ზს. სკა მϩდესდ (ვოხვიშტ) გაკს, ქა ღურიდ
Line of edition: 8 ეშხუ ჲეშტ მეტრჟი ი ქა ხვაგვრა̈ნიდ გაკს (პეტა̈კს). ხედვრაშ გაკ
Line of edition: 9 ხოშა ფედიას ირდა წრეხა̈ზმოყ, ეჯი ახაფიშტვე მა̈ნკვი. ეჯი აღე
Line of edition: 10 (\ აღვე) ქაშდე გაკა̈რს, ეჩქა ვოშა გაკსვა̈ჲ ქაშდე წრეხა̈ზხენქა,
Line of edition: 11 ეჯის ჟ'ა̈ნკედ. ავე მა̈გს ქაშდე, ეჩქა მა̈გს ჟ'ა̈ნკედ ი ლიტრელა̈ლ
Line of edition: 12 ა̈ნბინი მახან. ავე ქათაქა̈დნე, ეჩქა, ხედვა̈ჲ ბეფში გაკ ირდა ხოშა
Line of edition: 13 ფედიას, ეჯი ახაფიშტვე. ეჯი ავე ქაშდე, ეჩქა ჟ'ა̈ნკედ გაკა̈რს, ვოშა
Line of edition: 14 გაკსვა̈ჲ ადაკვანა წრეხა̈ზხენქა, ღჯ მესემე იჩო ამჟი, ეჩანღო
Line of edition: 15 მეოშთხვე ი თელდ ღოშკინპილხო მეოხვიშტე.

Line of edition: 16 2) ვირობია. ვირობიას ამვი ხვიტრელა̈ლდ: ჴვედენიდ ჲეშტ ბეფშ
Line of edition: 17 ი გავითვლით: ეშხუ ლექნე არჩევანს, მერბე -- არედანს. ხედვა̈ჲ გეფშ
Line of edition: 18 არჩევანს ლექნე. ეჯი აირჩევს მა̈ნკვი; მაგალითად: ზურიკო ირა
Line of edition: 19 მიშკვა̈შხო, ეჩქა არედან ლექნე: გურამ ირა მიშკვა̈შხო ი ამჟი
Line of edition: 20 ეჩანღო. შომა̈ჲს გათვლას ქათვაგათვედ, ჩვათოხაზა̈ვიდ წრეხა̈ზს ი
Line of edition: 21 კენჭს უყრითო არედანი ედ არჩევანი პარტია ჩვადაპეჟვნი კენჭს
Line of edition: 22 ტვეტისა ი ქა ხაწვენი მერბა პარტიას. ჟ'ა̈ნთხელნე კენჭს, ეჩქა
Line of edition: 23 ეჯი ქამეშხენ ა̈სგენი. ავე დეშ ა̈ნთხელნე, ეჩქა სკათგენი წრეხა̈ზხოჲსა.
Line of edition: 24 ისკაშხენ მერდე ჟ'ა̈ნთიშნე მცველს (\ მელეჩეს). ალ მცველ
Line of edition: 25 ეჩანღო დაიცავს წრეხა̈ზხოჲსა სკა ლϩგენე ბოფშა̈რს. ქამეშხენქ
Line of edition: 26 მერდე წრევა̈ზისა ლϩგენე ბოფშა̈რს ჟი ლა̈ხეკვეფხენი შიყჟი ეჯჟინ,
Line of edition: 27 ერე მცველდ ჭიშხ მა̈ჩ ადახვიას ჭიშხქა ღულა̈ჲ ჩუქა. ავე ღულა̈ჲ
Line of edition: 28 ჟიქან ხა̈ჴდე ჭიშხს მცველ, ეჯი მა̈დ ითვლება. ავე (\ აღვე) ღულა̈ჲ
Line of edition: 29 ჩუქა ხა̈ჴდე ჭიშხს, ეჩქა ეჯი ჩაიჭრება ი ჩვანჴედენი ბეფში
Page of edition: 43 Line of edition: 1 შიყხენჩუ. ეჩანღო ქამეშხენ მერდე პარტია სკადინე წრეხა̈ზხოჲსა,
Line of edition: 2 წრეხა̈ზისა მერდალ ქანჴედენიხ ქამეშხენხო ი ჟი ლა̈ხეკვეფხენი
Line of edition: 3 ეშხუ-ეშხუ ბეფშს ეჯჟი, ერე მა̈დ ერ ჩაჭრას მცველდ. ავე მცველ
Line of edition: 4 ჩაჭრის, ეჩქა ეჯ პარტია სკადინე წრეხა̈ზხოჲსა ი ამჟი.

Line of edition: 5
თემურ და თამაზ ბენდელიაიანები. ლესქვირი. ვ. თოფურია. 23.X.1962 წ.

Line of edition: 25 4) ქვის გარტყმია. ქვის გარტყმიას ამჟი ხვიტრელა̈ლდ: ჴვედენიდ
Line of edition: 26 ი ჩუ მϩდესდ (\ მϩდესკდ) მურგვა̈ლ ბა̈ჩს ი ბოფშა̈რ ჩუ ხვიყედნედ
Line of edition: 27 ბრტყელ ბა̈ჩს(\ ტაფს) ი ქა ხვაკვანედ. ეშვა̈ჲ ბა̈ჩ ხოშა
Line of edition: 28 ჯოდიას ირდა, ეჯი ლი პირველ ი ეჯი ახაფიშტვე მა̈ნკვი ეჯ
Line of edition: 29 მურგვა̈ლ ბა̈ჩს ბრტყელ ბა̈ჩს, ხედვა̈ჲ ტვეტისა ქვასალდ ხუან. ავე
Line of edition: 30 ქა ხა̈ჴდე მურგვა̈ლ ბა̈ჩს, ეჩქა ეჯი ქა̈დგურნი. იმა̈ჲჩუნვა̈ჲ ეჯ ბა̈ჩ
Line of edition: 31 არდა, გადავზომავთ, ვოშა ბაჴჟი აშყედენ მურგვა̈ლ ბა̈ჩ ი ეჯის
Line of edition: 32 ჩვა̈სნა̈ცხი. ავე ქათაქა̈დნე, ეჩქა ეშვა̈ჲ ბა̈ჩ ირდა ხოშა ჯოდიას,
Line of edition: 33 ეჯი ახაფიშტვე. ავე ქა ხა̈ჴდე, ეჩქა ჟ'ა̈ნშელდა̈ნი ვოშა ბაჴჟი ადაგურნე
Line of edition: 34 მურგვა̈ლ ბა̈ჩ. ავე ქადავურნი, ეჩქა ლიტრელა̈ლ ქა̈დგათვი
Line of edition: 35 ი მახან ა̈ნბინიხ. ავე ქათაქა̈დნე ეჯ ბეფშ, ხედვა̈ჲ მერბე ლას,
Line of edition: 36 ეჩქა მესამე ახაფიშტვე ი ამჟი ეჩანღო.

Добавлено (2007-04-27, 7:33 Pm)
---------------------------------------------
5) ხმალაობა. ალე ფარიკაობა ლი ი ეჯჟი იტრელა̈ლხ იმა̈ჲჟი
Line of edition: 38 ფარიკაობას.

Page of edition: 44
Line of edition: 1 6) მგელობია. მგელობიას ამჟი ხვიტრელა̈ლდ: ჴვედენიდ ი
Line of edition: 2 გავითვლით ამჟი:

Line of edition: 3 წითელი ვაშლი გაგორდა,
Line of edition: 4 თინა ბაღში მირბოდა,
Line of edition: 5 წიგნი ველში ეჭირა,
Line of edition: 6 ფრიადებზე სწავლობდა.

Line of edition: 7 ხედვა̈ჲ ბეფშს ღოშკინპილხო გახვდება "სწავლობდა", ეჯი გავა,
Line of edition: 8 ეჩანღო აჲაღ (\ აჯაღ) მახან ა̈ნბინი ალ ლექსი ლიქვისს ი ხედვა̈ჲს
Line of edition: 9 ქა̈თეხოლი აჯაღ "სწავლობდა", ეჯი გავა ი ამჟი ეჩქად, ვოდ ჲერბი
Line of edition: 10 ედ სემი ბეფშ ასედენი. მაგ., ავე ვოშთხვ ბეფშ იტრელალნიხ,
Line of edition: 11 ეჩქა ეშხუ ბეფშ, ხედვა̈ჲ გათვლაჟინ მგელდ ასად, ეჯი ქა̈ხეჭემენი
Line of edition: 12 ალ ბოფშა̈რს. ავე უსკვა ირახ, ეჩქა ჲერბი მგელ ირა; ავე ჲეშტჲერბი
Line of edition: 13 ირა, ეჩქა ვოშთხვ მგელ ირა -- ი იშკენ ა̈დღუძიხ ი მგელა̈ლ
Line of edition: 14 ქა̈ხეჭემენიხ. ავე ჩვა̈დირმინეხ ბეფშს, ეჩქა ეჯი ჩვა̈დჩერა̈ვი ეჯ
Line of edition: 15 ა̈დგილჟი, იმა̈ჲჩუნ მგელდ გააშეშა. ეჩანღონ ეჯ ბეფშ, ხედვა̈ჲ მგელ
Line of edition: 16 მა̈დ ლი, ეჯი გაანთავისუფლებს ეჯ ბეფშს.

Line of edition: 17
თემურ და თამაზ ბენდელიაიანები. ლესქვირი. ვ. თოფურია. 23.X.1962 წ.

Line of edition: 18 7) შტუგულდ ჟ'ახგი, წრაქϩლდ ლახϩშ! მეჴარჟი ლა̈ტრელალდ
Line of edition: 19 ტვეტს იტყა̈ციხ ი ეჩა ნა̈ყირჟი ჯა̈რღვ ჟი იგენი შტუგვშალ. ამჟი
Line of edition: 20 ერ ჟი იფუნჯვიყნი, ეჩქა ხატულიხ: "შტუგულდ ჟ'ახგი, წრაქϩლდ
Line of edition: 21 ლახϩშ!" ი ხოწრუპუნეხ.

Line of edition: 22
სპირიდონ ტვილდიანი. ცხუმელილი ვ. თოფურია. 2. VIII.1943 წ.

Line of edition: 23 8) ბაბაწა̈ლდინოლ. ბაბაწა̈ლდინოლ ბოფშა̈რე ლიტრელა̈ლ ლი
Line of edition: 24 შვა̈ნს. ხვა̈ჲ ბოფშა̈რ ჟი იხორიელიხ, იმა̈ჲჩუ ხოჩა ლა̈ტრელალ ლი
Line of edition: 25 ი ჩუ ხეჭანჭიხ მინე ნაკლათხაჟი. ჩემიშდ ხოშა ბეფშ სკვებინ იგენი
Line of edition: 26 ი იშკენ მიჩა ღოშკიმ. მა̈გ სკა ხებორგიხ ლა̈რტყისა სკვებინ მეგენეს
Line of edition: 27 უშხვა̈რეშ. ეშხუ ლამარგ ბეფშ ხედვა̈ჲ ლი, ეჯი მოშ ა̈რი ი ლϩჭანჭე
Line of edition: 28 ბოფშა̈რისკა ხედვა̈ჲს სკა ხა̈ფხეჭნე, ეჯი ხეკვეს მიჩა̈შხო აჩეს
Line of edition: 29 ი მიჩა ღოშკიმ ასϩგენს. ამჟი ხარხ უშხვა̈რე ლიღეშკა̈ლ ი ლიტვნა̈ნიელ,
Line of edition: 30 ვოდ ეშხუ-ეშხუ დემ ახასერნე. ღოშკიმპილს ეჯი ლი ლϩ
Line of edition: 31 სერ, ხედვა̈ჲს ა̈სესედენი ბოფშა̈რ. ალ ლიტრელა̈ლს ხაჟახა
Line of edition: 32 ბაბაწა̈ლდინოლ.

Line of edition: 33
სპირიდონ ტვილდიანი. ცხუმელილი ვ. თოფურია. 2. VIII.1943 წ.

Добавлено (2007-04-27, 7:33 Pm)
---------------------------------------------
სა̈ქმე ი ვიქმ ცხუმელილს

Line of edition: 35 დვეშტილა̈დეღ დემ აბანდალიხ: კუმა̈ში ლითვეფ ლოქ ხოხალ.
Line of edition: 36 იშკენ ლემშავს ჩიჲს ხაშტაბახ. თახალა̈დეღ აბანდალიხ მიჟე
Page of edition: 45 Line of edition: 1 ლივერალ, მϩჟ მევერან კუმა̈ში ლითვეფ ლოქ ხოხალ. ჯუმალა̈დეღ
Line of edition: 2 (\ ჯϩმალა̈დეღ) მა̈გრიგ ჩუ შიდ. ცა̈ლა̈დეღ მიჟე ლივერალ შიდ
Line of edition: 3 ლიბანდალი, მიჟ მევერან ლიბანდალის კუმა̈ში თვეფა ლოქ ხოხალ.
Line of edition: 4 იშკან ლეშტა̈ბს ჩიჲს ხაშტაბახ. ვებილა̈დეღ ლიბანდალი ი გიმე
Line of edition: 5 ლიქვთუნე მა̈დ შიდ. ხაშტაბახ იშკენ ლეშტა̈ბს. ალ ლა̈დეღ გიმე
Line of edition: 6 ლიქთუნე ი ჴანა̈რე ლიუ̂ღუნე მა̈დ შიდდა. დაბა̈რე ლიღვარა̈ვი
Line of edition: 7 ლოქ ხოხალ ი თელ სოფელხენ ლი ლϩყა̈ჯ. იშკან ლეშტაბა̈რს
Line of edition: 8 ჩიჲს ხაშტაბახ. საფტინლა̈დეღ ჩიმრიგს ხაშტაბახ დაუქმებახოქა.

Line of edition: 9 დაუქმება ლი სამხრობა̈ დვრეუნღო, მიჟ ერ ჴარჴს ა̈სეგენი. ალ
Line of edition: 10 დვრეჟი მა̈გ ქა ხაყიჩ ლიმშავს ი ა̈გიხო ღϩრის. ა̈გის ხოჩამ ჩუ
Line of edition: 11 იბა̈რიხ, ხოჩამ ირექვიხ, დვეშტილადაღვ იშვემხ ი ინაყავა̈ლხ.
Line of edition: 12 დაუქმებაუნღო დემშა ლიჩვემ შიდ. მϩჟელა̈დეღ ჲედურ დემშა ლიჩვემ
Line of edition: 13 შიდ. ალ ლა̈დეღ მა̈გ იშვემ, ხოშა ნაღალდ ბაზრობხო ასხრიხ
Line of edition: 14 ლაღვაჭარდ, ლა̈ქეიფდ ი ამკა̈ლია̈რე ლა̈სყეჲდ. სოფელისკა ლინაყავ,
Line of edition: 15 ლიღარა̈ლ ი ლიშუშპარა̈ლ ლი.

Line of edition: 16 [ჯϩმა̈შ ი ვებიშ] სა̈შერავი ლიზვებ ცოდობ ლოქ ლი ი მინე
Line of edition: 17 ლϩდგარუ ეჩაბუა̈სტ (\ ეჩაბუასდ) ფისეჲ ტუბა̈ჲსკა მერდე ლოქ
Line of edition: 18 ლიხ. მინ ლა̈ჲდი, ამაბუა̈სტ ჲერვა̈ჲ ლოქ იტამნიხ, ეჩაბუა̈სტ
Line of edition: 19 სამოთხეჲსა მერდე ლოქ ლიხ. ნა̈თელ ხეგენიხ.

Line of edition: 20 ჲერვა̈ჲს მა̈ხე ლϩდგა̈რ ხაყა, ეჯი ლა̈ჲდი დემ იზბი ხვა̈ჲ ხა̈ნს
Line of edition: 21 ჯϩმა̈შ-ვებიშს. ჯϩმა̈შ-ვებიშ ეჯნა̈რ ხაჟახა, ერე ალ ლიუჭმი ლი
Line of edition: 22 ჯუმალა̈დეღ ი ვებილა̈დ

Line of edition: 23
სპირიდონ ტვილდიანი. ცხუმელილი ვ. თოფურია. 6. I.1943 წ.

Добавлено (2007-04-27, 7:34 Pm)
---------------------------------------------
მაჩუბხო ლიზი

Line of edition: 25 შვანა̈რ ლინთვისკა მაჩუბისკა ა̈რიხ ი ზავლა̈დეღ -- დარბა̈ზს.
Line of edition: 26 შომას ლინთვ ხოჲესკ, მაჩუბა̈რს ქა ა̈წმინდა̈ვიხ, კუმაშს ბაგა̈რისკა
Line of edition: 27 ა̈ბემხ. ჟ'ა̈სყეჲხ ლაყვრალს, ყველფს ა ჩიჲს, იმა̈ჲ ხაწϩხხ, ი ეჩანღო
Line of edition: 28 ჩუ ხება̈რგიხ მაჩუბხო.

Line of edition: 29 კა̈ცხეში ჩუ ლიბარგა̈ლ ლეთ ლიხიადა̈ლ ხარს. ეჯ ლეთ ხოჩა
Line of edition: 30 ლეზვებურას ა̈სყეჲხ, ხოჩილ ლეთრეს ჴიდეხ. მაჩუბისა მარემი
Line of edition: 31 ლარდაცა̈ხენ მϩსყე ლი კუმა̈ში ლარდა: სკანტაფა̈რ ი ბაგა̈რ. ამჟი
Line of edition: 32 აშხუმდ ა̈რიხ კუმა̈შ ი მარე ზავლადაღვ.

Line of edition: 33 ზავლა̈დეღ აჯაღ დარბა̈ზხოჟი ტეხენიხ, ჲერვა̈ჲს კა̈ნდღა შიდ
Line of edition: 34 ხუღვე დარბა̈ზ. დარბა̈ზხოჟი ლიჴედა̈ლს ლა̈ჲდი ლიხიადა̈ლ ხარს.

Line of edition: 35 ჩვეულობდ ა̈რი, ერ ლეთანა̈ფდ მა̈გ ხეკვეს დარბა̈ზხოჟი აჩეს,
Line of edition: 36 ჲერვა̈ჲს შიდ ხეღვენი ლϩდარბა̈ზ ქორ.

Line of edition: 37
სპირიდონ ტვილდიანი. ცხუმელილი ვ. თოფურია. 9. I.1943 წ.

Добавлено (2007-04-27, 7:34 Pm)
---------------------------------------------
დენა̈ჲ ლიყედნე ი ქვერწლობ

Line of edition: 2 ა) ქვერწილ. ჯვინალდ დენას ეშტსემი ლϩზა̈ϩნჟი. ქა̈წვილახ
Line of edition: 3 ჭყინტს ლა̈ი ჲეხვს ხოჴდახ. ჭყინტე ოჯა̈ხ ჩიგარ ხეთევრალდა ეჯკა̈ლი
Line of edition: 4 დენას, ჲერვა̈ჲს ერ ხოჩა ოჯა̈ხ ხევენოლ: ხოჩა დედეჲმამა,
Line of edition: 5 ხოჩა ლაჯმილა ი დიდა̈რ ოჯა̈ხ. ამკა̈ლი დენა ერ ირდოლ, ჭყინტე
Line of edition: 6 ოჯა̈ხ ავზიდა ნესკამეზია̈რს. ნესკამეზია̈რდ ავზიდახ დენა̈ჲ ოჯა̈ხი
Line of edition: 7 ნაღა̈ლს. ეშხონ, ϩრბინ, სϩმინ, შეიძლება ა̈სეწϩხϩნხ დენა̈ჲ ოჯა̈ხხო
Line of edition: 8 ლიზი.

Line of edition: 9 შომა̈ჲს ერ დენა ი დენა̈ჲ ოჯა̈ხ ნა̈ბს ლექნახ, ეჩქა ჭყინტე
Line of edition: 10 ოჯა̈ხ ხოჴდა ნა̈ყედანუნს, იმა̈ჲსა ირდოლ: თეთრ მაზუმა̈ჲ ხევენოლხ,
Line of edition: 11 მϩსკა̈დ, ლეშტმარა̈ლ, კაბჲაქ ი ჩაფლა̈რ. დენა̈ჲშ ი ჭყინტე ოჯა̈ხ
Line of edition: 12 ჩა̈დქვინახ სა̈ხინახობა̈ დვრეს.

Line of edition: 13 სა̈ხინახობჟი ჭყინტე ოჯა̈ხ ირჴენდა მიჩა ფედია̈ჲ ნაღალა̈ლს
Line of edition: 14 ეშხო ეშტხოქა ღვაჟა̈რს ი ზურელა̈ლს. ადჴედენდახ დენა̈ჲ ოჯა̈ხხო,
Line of edition: 15 კალისა ეშხო ϩრბინ თვეფს ადაკვანახ ი სკა ღგრდახ ქორხო ი ჟი
Line of edition: 16 იბნოლდა ქეიფ. ჩიჟე სედენი ეშხუ-ჲერბი ლა̈დეღ, იშკენ მა̈გ
Line of edition: 17 ტეხენიხ ქორხო (\ ა̈გხო).

Line of edition: 18 ხა̈ნუნღო ჭყინტე ოჯა̈ხხო ჴიდახ დენას. ჩიქე ასღგრდა ლეჭაშϩრი
Line of edition: 19 გარ, ა̈ჲესკდა ჩა̈ჟს ლϩსელდოს დენა̈ჲ ლა̈ჴდად. დენას ჟი
Line of edition: 20 ხასკვრახ ჩა̈ჟჟი, ლეჭაშϩრი ქა ხეჟეღვნოლ ჩა̈ჟს ჭიშხშვ. დენას ხორჴენდახ
Line of edition: 21 ეშტვოხვიშტხოქა მარე, მა̈გ ძირი ნაღა̈ლ. ამ დვრეხენქა
Line of edition: 22 ჭყინტს დენა̈ჲ ოჯა̈ხხო ი დენას ჭყინტე ოჯა̈ხხო ჩუ ხა̈მედϩნდა
Line of edition: 23 ლიზი. ამ დვრეუნღო ჭყინტს ხა̈მედϩნდა დენა̈ჲ ფედიას ლირდ&"4308;,
Line of edition: 24 ტვეტისა ლიბორგე, ლიყა̈ლ, იშკენ მა̈დმა შიდდა.

Line of edition: 25 ალ სა̈ხინახობჟი ერქედა ოჯა̈ხ ა̈დქვინახ ქვერწილი დვრეს.
Line of edition: 26 ქვერწილ ხოშა ნაღალდ მუჟოღირს ხოხალდახ. ქვერწილხოქა ჩიჟე
Line of edition: 27 ი ჩიჟეჲ ოჯა̈ხ თელეღრას ჟი ხოყდიდახ ეშხო წყვილ ლერში-ლექვემს,
Line of edition: 28 ბა̈ლიშა̈რს, ლება̈რს, საბანა̈რს ი ლერექვა̈ლს (კაბს, ლაჩა̈ქს, ჩაფლა̈რს,
Line of edition: 29 ჩლუქვა̈რს ი იშკენს). ამჟი დენას ხოყდიდა მიჩა ოჯა̈ხ
Line of edition: 30 ლა̈ჲდი.

Line of edition: 31 ლუქვ დვრეს ჟი იბნახ ქვერწილს. ქვერწილიშვდ ერქედა ოჯა̈ხ
Line of edition: 32 დოსკϩნდϩრან ხემარალდახ ლა̈ზიავშ, ღვინალშვ, ლეზვებშვ ი იშკენ
Line of edition: 33 მა̈გშვ (\ ჩიმშვ, ჩიმრიგშვ). ქვერწილ ლა̈დეღ ერქედა ოჯა̈ხ ჩვა̈წიენდახ
Line of edition: 34 მინე ნაღალა̈ლს, ჲერს მექვერწილდ, ერს ლϩწიედ. ჩიჟე
Line of edition: 35 ევე ადა̈ესნა ერბეშტხოქა მექვერწილს, დენა̈ჲ ოჯა̈ხხენქა ერბი ეჯზუმ
Line of edition: 36 ხეკვეს ა̈მეჩედლასხ.

Line of edition: 37 ქვერწილი ლა̈დეღი ნებოზს ჩიჟემი მექვერწილ ი ჩიჟე ღϩრდახ
Line of edition: 38 დენა̈ჲ ოჯა̈პხხო. დენა̈ჲ ოჯა̈ხისკა ერ ადჴედენდახ, თვეფს აკვანახ

Добавлено (2007-04-27, 7:34 Pm)
---------------------------------------------
ი სკა ღϩრდახ ქორხო. ჟი იბნოლდა ქეიფ (ქვერწილ). ამ დვრეს
Line of edition: 2 ტოლობაშდ დენა̈ჲ მექვერწილხენქა ა̈გენახ. ლϩლეთან დენა̈ჲშ ი
Line of edition: 3 ჩიჟემი მექვერწილ ქა იბნახ ლიზის ი ღϩრდახ ლაჴვა̈მხო. ეჩეჩუ ბაპ
Line of edition: 4 გვირგვინს ხა̈გემდა, ჩვა̈მეზრა ი ეჩანღო ჴედენდახ ჩიჟემი ოჯა̈ხხო.
Line of edition: 5 ჩიჟეს დენა ა̈ხეყად ჩა̈ჟშვ. ჩა̈ჟჟი უნა̈გირი მა̈გიერ სელდო ხუვანდახ
Line of edition: 6 ი ეჩეჟი ხასკვრახ. ჩა̈ჟს ხეკვეს ხაჟოღენან ჩიჟე ჭიშხშვ. დენა̈ჲ
Line of edition: 7 ოჯა̈ხხენქა ქა ლიზალ ჩიჟემი ოჯა̈ხხო ავზიდახ ჴა̈ნ-მა̈რჴილშვ დენა̈ჲ
Line of edition: 8 ბზითევს: ლერში-ლერექვს, შკაფს, ლაყვრას, სკამა̈რს, შედმა̈კვედს
Line of edition: 9 ი იშკენს. ჲერვა̈ჲ ალეს ა̈თეჭემენდა, ეჯი ლას მება̈რგ ი ჭყინტე
Line of edition: 10 ოჯახისა ჩვასაჩქვა̈რდახ იმალევშ (წინდარა̈ლშვ ედ ჩლუქვა̈რშვ, ედ
Line of edition: 11 პლატვიკშვ, ედ იშკენშვ).

Line of edition: 12 ჩიჟემი ოჯა̈ხხო ერ ანჴედენდახ, თვეფს აკვანახ. ალ ლიჴედ
Line of edition: 13 ლაღარალუშ ლას. კალისა ჩიჟე მიჩა ლეჲხურის ჩა̈ჟხენჩუ ჩანაგენოლ,
Line of edition: 14 სკა ლანაბორგნოლ პლატვიკს ი სკა ლა̈ხეჟვეღნოლ ქორხო. ქორა̈
Line of edition: 15 ლაგაგიჟი ჩუ ხეხოლდა ჩიჟემი დი (დიმეთილ), ეჯის ტვეტისა
Line of edition: 16 ხუანდა ფაკა̈ნშვ (სა̈ინშვ) თვი ი ფხულევშ ქა ხალოკნა მიჩა გეზალს
Line of edition: 17 ი თელეღრას ლა̈ჲ ი ჩვა̈მეზრა: ამჟი მϩჭა̈ხვიდ ლოქ (\ ლოქუ)
Line of edition: 18 ათოტარავახ (ათაჩედნახ) მინე ლირდე. ყორმოყ ჩუ ხეხოლდახ დენას
Line of edition: 19 ხანჯალა̈ლ ლϩცხპად მიჩა მექვერწილ -- ეშხუ ძმობილ, მერბე ჲედ
Line of edition: 20 ჯუმილ, ჲედ ბუბა, დორიჲ ფედია̈ჲ ნაღა̈ლ, ერ ხოლა თე მა̈დ ლახაფხϩრიხ
Line of edition: 21 მა̈ხე ჲეხვ-ჭა̈შს. ჩიჟეს ი თელეღრას ჩა̈სკვრახ სკამა̈რჟი,
Line of edition: 22 იმა̈ჲჟი ბა̈ლიშა̈რ ხუანდახ. ლესკხენ ხოსკურდა დენა̈ჲ და̈დ.
Line of edition: 23 მინე სკვებინ ჩუ ხოგემდახ კეჭოლ ტაბა̈გს, ქა ხოჴდახ ხოჩილ პურმარილს
Line of edition: 24 (\ ლეზვებს) ი მა̈ხე ჲეხვ-ჭა̈შ ზϩმშ იზობდახ. დენას სკა
Line of edition: 25 ხოსკვრახ კალთა̈ჲსა ჭყინტ ბეფშს, ერ ხვა̈ჲ ხა̈ყენან
Line of edition: 26 ჭყინტგეზეღილ.

Line of edition: 27 ჩიჟემიშ ი თელეღრა̈ჲ მექვერწილს მოშ ასკვრახ, ლϩწიეს -- მოშ.
Line of edition: 28 ჟი იბნოლდა ქვერწილ. მექვერწილს მოშ ხეყადდა ტოლობაშ ი
Line of edition: 29 ლϩწიე ხა̈ლხს - მოშ. ტოლობაშ კა̈ცხეში ა̈მეზრა ალ ქვერწილს ი
Line of edition: 30 მიჩა ხოჩამდ ლიგათვეს. მერბად ჲერბი ჭიქშვ ჩიჟეს ი თელეღრას.
Line of edition: 31 ტოლობაშ ხექნა: "უშხვა̈რ ლოქუ ლახამეჩახ, ხოჩამდ ლოქუ ა̈რიხ,
Line of edition: 32 ხვა̈ჲ გეზელილ ლოქუ ლახაოდახ" ი ჩუ ϩთრა ერქედა ჭიქშვ ლეთრეს.
Line of edition: 33 ამანღო მა̈გ ქა ყϩლახ ალ ლა̈მეზრალს ი ჩუ ϩთრახ.

Line of edition: 34 ეჩანღო მესემე წკაპშვ (სემი ჭიქშვ) ჩვამეზრა ჩიჟემიშ ი დენა̈ჲ
Line of edition: 35 დედე ი მამას, ეჩანღო იშკენს, ალ ლეთ ტოლობაშ ლას ჩიჟემი
Line of edition: 36 მექვერწილხენქა.

Line of edition: 37 მერბე ძინა̈რს მექვერწილს ჟი ხოგემდახ ლϩშა̈ნდ ხოჩა ლეღვს
Line of edition: 38 ი ხეკვეს ახოფიშტვანხ თვეფ ჩიჲს. ერვა̈ჲ ქა ხაჴდა ლϩშა̈ნს, ლϩშა̈ნ

Line of edition: 3 ნებოზს ჩიჲს ჩასკვრახ ი ჟი იბნოლდა სა̈ჩქვრიანობ. ამ დვრეს
Line of edition: 4 მექვერწილცა̈ხენ ჩუ ისკვროლდა მა̈ხე ჲეხვ-ჭა̈შ ი ეჯმინე ლესკხენ
Line of edition: 5 ძმობილ ი დობილ. ძმობილ ლექნა, ერე "ჟი ლოქ ალბინელი
Line of edition: 6 სა̈ჩქვრობ, ჲერვა̈ჲს მაზუმ ლოქ ხაკაფϩნდეს, ეჯზუმ ლოქ ხასაჩქვარახ".
Line of edition: 7 კა̈ცხეში ჯე იბნე ი ეჩანღო იშკენ ხაჭიმხ: ჲერ თეთრს ხავდი,
Line of edition: 8 ჲერ იმ ი ჲერ იმ.

Line of edition: 9 ალ ტაბა̈გს ლიზალე ტაბა̈გ ხაჟახϩნ. ალ ტაბა̈გისა ტოლობაშდ
Line of edition: 10 დენა̈ჲ მექვერწილხენქა ხეკვეს ლϩმარე ლას.

Line of edition: 11 ქეიფ ერ ქა̈დგათოლ, დენა̈ჲ მექვერწილ ღϩრდა ი ქვერწილ
Line of edition: 12 ამოვშ იგათოლდა.

Line of edition: 13
ივანე ტვილდიანი. ხოფირი. ვ. თოფურია. 6. IX.1958 წ.

Line of edition: 14 ბ) ქვერწილ. ათხე ჭყინტს ი დენას ლახ ლა̈ხელა̈ტიხ უშხვა̈რე
Line of edition: 15 თხვიმ, ჩუ ჲეხვჭა̈შიხ. ჯვინალდ მუს ი დის ეღვე ხალატϩნდა̈ხ
Line of edition: 16 უშხვა̈რე თხვიმ, დენას ი ჭყანტს მა̈დ ხეკვედოლხ, ეში ჩვა̈ჲეხვჭა̈შდახ.

Line of edition: 17 ალახ გვეშს ჟ'ანასყენახ, სა̈ხინახობს იჩომდახ. დენა̈ჲ ქორხო
Line of edition: 18 ადინა ჭა̈შ, მარალს ირჴენა, ნა̈ყედანას ათოჴიდახ ი დენას ქა
Line of edition: 19 ლახინახ. დის ნა̈ძძა̈ვიერს ლახინახ. ანამაროლხ ხოჩა ხა̈რჯს ი იჩომდახ
Line of edition: 20 კაპანია̈ს.

Line of edition: 21 ათხე სერ ლა̈მეთილა̈ლხო ხეკვეს ადაჲახ დენა ი ეჩე იჩომდახ
Line of edition: 22 კაპანია̈ს. ალეს ლიყედნე ხაჟახა.

Line of edition: 23 ეჩანღო ლიმკათ ხერიხ ი ჟ'ა̈ხემა̈რიხ ქვერწილს. ქვერწლობდ
Line of edition: 24 არა თუმა̈ნ ხეკვეს ათოჴიდან ჭა̈შს ბა̈რგი ლა̈ყდიდ. ეჩქა̈ში არა
Line of edition: 25 თუმა̈ნ ჲერბი უღვა ჴანა̈რს იყდიდა.

Line of edition: 26 სერ ა̈ხემაროლხ ქვერწილს (\ ქვერწილიშვდ). დენას ჴიდახ
Line of edition: 27 ჭყინტხო ი ჲერბეშტ (ჲედ ჲერბეშტივოხვიშტ) მარე ახეჭამ ისკა.
Line of edition: 28 ჯვინალდ აბა̈ზს ხასაქვა̈რდახ დენას მექვერწილ. მერბა ლა̈დეღ
Line of edition: 29 ლაჴვა̈მხო ა̈ჲესკდახ ი ჩვა̈გვირგვინდახ. სერ ლიჲეხვლიჭაშ ხადახ.

Line of edition: 30
ივანე ტვილდიანი. ცხუმელილი მ. ქალდანი. 6. IX.1958 წ.

Добавлено (2007-04-27, 7:36 Pm)
---------------------------------------------
ზურალა̈ ლიცხვა̈პი

Line of edition: 32 ზურალა̈ ლიცხვა̈პის შვა̈ნს ხვა̈ჲ ხოლა გვეშ ხაჭიმ. ხოშა ნაღალდ
Line of edition: 33 დაგრობ ალეს ხეფა̈სი. ხვა̈ჲდინ თელ ოჯა̈ხ, მა̈დეჲ გვა̈რ ლა̈ჲდი
Line of edition: 34 ჟი ხედი ამვა̈ლი გვეშს. ეშხუ ამკა̈ლი ბედიგვეშ ა̈ხეჭამ გიორგიჲ
Line of edition: 35 ლიეხვა̈ლს.

Page of edition: 49
Line of edition: 1 გიორგის ჲეხვდ ხეკვად მვჴელედ დენა ი ალმინს უშხვა̈რეში
Line of edition: 2 პირობ ხარახ ლუვედ უქობოშ. ამჟა ალ დენას ლუშვანუ წესშ
Line of edition: 3 მოცქვლა̈ლშვ ლϩმა̈შკვემლი და̈ვითი გეზალ კოსტა, თელდ ხოჩა
Line of edition: 4 მეზგემი გეზალ ი ხოჩა ჭყინტ. გიორგის ბϩგი მამა ხეყად. მიჩა
Line of edition: 5 მაყალშვ ლიეხვა̈ლე გეეშ მა̈დშ ლახოკვიშ. ამეჲსა ხა̈ნ ანჩად. დენა̈ჲ
Line of edition: 6 ქორა̈მარალ ჟ'ა̈ხეპირანხ და̈ვითშერს ი დენა ჩვა̈დყედნეხ. შიშტ
Line of edition: 7 ქვერწილ ანამარეხ. სედენი გიორგი ჴარჴმϩკა̈რდ; მიჩა ლეჲეხური
Line of edition: 8 ასაყა და̈ვითი გეზალს. დემოშ ა̈თხე ლა̈ჲკვიშ გიორგიდ. კვეჭოლ
Line of edition: 9 ხა̈ნუნღო ჟ'ა̈ნსყან დენა̈ჲშ ი ჭყინტი ქვერწილ. აშირ ი ჲერბეშტ
Line of edition: 10 მექვერწილ ათარჴენნეხ დენას. და̈ვით ამჟი დიდა̈რ მეზგე, ზრავილ
Line of edition: 11 გვა̈რიშ ლი ი მაჩა̈შხენ აჯაღ ჲერბი ამზუმ ლϩთიშ მარე ასახვიე
Line of edition: 12 მეჴედალას. ჭყინტმოყ სემი ლეთ ი ლა̈დეღ ჟი უკიდა ტაბა̈გ ლას
Line of edition: 13 გაბმϩლ (\ ლϩგე).

Line of edition: 14 გიორგის ალ ლა̈დეღა̈რისა დე ლეზვებ ხომა ი დე ლეთრე ხოშვა,
Line of edition: 15 ქა̈მხო დემ ანღϩრდა, თესკვებინჩუ ჩიგარ დენა ხოგდა. ჩვაყურდა
Line of edition: 16 ი დეა̈რს ქა ხარაგა̈დდა. ხეჭვედიელხ მიჩა დი ი მუ, მუხვბე ი
Line of edition: 17 დაჩვირ: "მა ლოქ ხა̈ყერა? ლეგდ ლოქ, აღვე ა̈რი, დოხდვირს ლოქ
Line of edition: 18 ჴიდეხ". გიორგი პასვიხვს და̈რს ხა̈ტხე. ჯავრშვ თხვიმ ი აბაყა
Line of edition: 19 ჩვა̈თეშიან.

Line of edition: 20 აშხვ ლეთ, ყვიჩე ყილ იროლ, არ გიორგის მა̈დ ხა̈გედდა.
Line of edition: 21 ჟ'ანგან, თვეფ ა̈სრეკ ი ქაჴვასკ ქორხენქა. მა̈ხე ლურვე იროლ, ერ
Line of edition: 22 ყორს ლახაგან და̈ვითი ქორს. ჩიქე ჩვა̈თეპაჟვ ი იმნა̈რი ქორხენქა
Line of edition: 23 მაშტმარ მექვერწილი ლიღარა̈ლს. ფიქრე გიორგი: მა ჩვემნეს,
Line of edition: 24 იმჟი ანაჴერჴას დენა̈ჲ ლიწედ? დენა უნა̈ხველ თელეღრა ლი ი
Line of edition: 25 გიორგის ჲარ ხა̈წვენე ეჩა თხვიმს.

Line of edition: 26 ისკლადაღვ ამჟი ხაპიჟვდა გიორგი ი ეჩანღო ჟ'ანϩგე სკა ლიზი
Line of edition: 27 მექვერწილხოჲსა. მა̈ხე მეჲეცხეშაკ ჟ'ანასკინე ი სკაჩად და̈ვითი
Line of edition: 28 კალხოჲსკა. ვოხვაშტინ ქადაკვა̈რ თვეფ, ქანჴადხ ქა̈მხო მა̈ინძელა̈ლ
Line of edition: 29 ი გიორგის ერ ხეწადხ სკა̈წიეხ ქოხრო, ჩვასასკურეხ ჩიჟე-თელეღრაცა̈ხენ.
Line of edition: 30 გიორგიდ თხვიმ ეჯჟი ლა̈ჲყედნე, ერე მუგვდა̈ჲ ჯე
Line of edition: 31 ლაქვერწილდ ი მისალოცდ ლოქ ა̈მეჴედ და̈ვითიშხო.

Line of edition: 32 მექვერწილ ერ ლიღარა̈ლს იბნახ, გიორგი დენას ხობნა გარგალას.
Line of edition: 33 ხარაგა̈დი, ერე "აღვე ლოქ გაზი ჯე მიჩ ქა დემ ხაჭიმ, ქა
Line of edition: 34 დეშ ჴვესკენიხ ალ ქვერწილხენქა, დარგობს ლოქ იჩო. ვოდ ლოქ
Line of edition: 35 პატრონა̈ლ ხეცვერი, ხა̈ლხს ლოქი ჟი ხვიტე, მიჩა ლეჭაშϩრის ი მიჩ
Line of edition: 36 ლა̈ჲდი ჩუ ლოქ ადგა̈რი".

Line of edition: 37 დენა ჟ'ა̈ნყალან. ალმა̈გ მარემი ხვეტას ანაცხენე ქა ლიჴვესკ
Line of edition: 38 გიორგიჲცა̈ხენ, ჩვადაჭკუა̈რე, ერე ეში-ეში დაგრობ ლოქ აღვე ირა,
Page of edition: 50 Line of edition: 1 მიჩ ი გიორგის ლოქ ადადაგა̈რნეხ ი იშკენ ხა̈ლხს დაგრა ქა ლოქ
Line of edition: 2 ა̈თექა̈დიხ.

Line of edition: 3 ჩვა̈დლეთან, იმჟივა̈ჲ ლას ქაჴვასკხ გიორგი ი დენა. გიორგის
Line of edition: 4 ცხეკისა ჩა̈ჟ ხეყად ლϩპეჟვნე. ჟი ლახასკურდახ ჲერქედა ჩა̈ჟს ი
Line of edition: 5 ლირვალ ჴოფირს აფხა̈ნიკი ქორხო ადჴადხ ი ამეჩუ ჩვა̈თეპაჟვხ.

Line of edition: 6 და̈ვითიშმოყ ა̈ხეთხელდახ თელეღრას, დესა ა̈რი. დე გიორგი
Line of edition: 7 მოშ ა̈ნთხეხ. ალ გვეშ შკვირხო ლა̈ჲდეხ თელ მექვერწილდ. ჩი
Line of edition: 8 ფოყხო აჩადხ ლა̈თხელიდ, მარე ეჯ ლეთ მა̈დმამოშ ა̈ნმეჴერეხ.
Line of edition: 9 მერბა ლა̈დეღ ა გვეშ რა̈იონისკა თელდ ხა̈ლხდ ჟ'ა̈ნმეჴერე. ჩიჲს
Line of edition: 10 ათამჯავრუნდა: "ამკა̈ლი გვეშ ჩუბე შვა̈ნისა და̈რს ლოქ ხოჩვმენა".
Line of edition: 11 გიორგის მა̈გ ლედგა̈რიდ ხეთხელდა, მარე ალ გვეშისა

Добавлено (2007-04-27, 7:36 Pm)
---------------------------------------------
მელიცია
Line of edition: 12 ა̈თენაჩდან ი დენას ი გიორგის ჟ'ა̈სელეჩნან. ქვერწილ, მა ლექვისკ
Line of edition: 13 ლი, ჩვახვარ. და̈ვითშერ მა̈გ გიორგის ი დენას ხეთხელდახ ლედგა̈რიდ,
Line of edition: 14 მარე მილიცია̈ჲ ნა̈წენალშვ დაგრას ქა̈თესელდახ გიორგი
Line of edition: 15 ი მიჩა ჲეხვ.

Line of edition: 16 შიშტ ალ გვეშს ლიმა̈შედა̈ლ ხეკვად, ერ ჲერბი გვა̈რ გიორგიჲ
Line of edition: 17 ნავმეჴრივშ უშხვა̈რ მა̈დ ლახახვეტანხ.

Line of edition: 18 ჟ'ა̈ნხორიელანხ ლϩთიშ ჭკუვიერ ღვაჟა̈რ, ეჯკა̈ლია̈რ, ერვა̈ჲ ფედია̈ჲშ
Line of edition: 19 ლასხ გიორგიჲშ ი და̈ვითი ოჯახა̈რეშ. ჟ'ა̈ნბინეხ ნესკამეზიობ
Line of edition: 20 ალ ოჯახა̈რე ლა̈სყეჲდ.

Line of edition: 21 ეშხუ ნაგა̈ზიჲ ლიდევეუნღო ჟ'ანϩგეხ მედიატორა̈ჲ ლისკვრე,
Line of edition: 22 ჟ'ა̈ნთიშხ ჲეშტჲერბი ჭკვია̈ნ მარე ი ჩვასასკურეხ. მედიატორა̈ლ
Line of edition: 23 ამჟი ოჯა̈ხხენქა ზურალა̈ ლიცხვა̈პის ბϩგიდ ლა̈ხებორგანხ ი ღოშკინპილს
Line of edition: 24 ჟ'ანასყეხ ჲერბი პირობ: ძღვდ მა̈ჴდა, დორიჲ მა̈ღვერა.

Line of edition: 25 და̈ვითშერდ მა̈ჴდაჟი ვარ ლა̈ქვხ ი მა̈ღვერა ა̈ნცხენეხ, ქა ლახაღვერხ,
Line of edition: 26 ერ "ამჟი ლოქ ერ მინეშხენქა ხათმϩნდეხ, მინ უდგარიელად
Line of edition: 27 ქა ლოქ ხა̈სყოლნახ". ამჟი ლახაღვერხ ჲერბეშტ მარად.

Line of edition: 28 ეჩანღო ლისყა̈ლ ა̈ხეფასან. და̈ვითიჲ გეზალდ მერბე ჲეხვ ა̈ნჴიდ
Line of edition: 29 ი ათხე ხოჩა ოჯა̈ხ ხუღვა. ხოჩა ოჯა̈ხ ხუღვახ გიორგის ი მიჩა
Line of edition: 30 ჲეხვს ლა̈ჲდი. თვითან გიორგი ი კოსტა ხოჩა მϩსყად ა̈რიხ. მაბაჟა,
Line of edition: 31 მინე გეზელილ ადაქვერწლეხ უშხვა̈რ ნესკა ი მოყვრა̈ლ ლიხ.

Line of edition: 32
გულიკო გაზდელიანი. ლესემა. ვ. თოფურია. 12.XI.1958 წ.

Добавлено (2007-04-27, 7:36 Pm)
---------------------------------------------
ბეფში ლიზნა̈ნი

Line of edition: 34 ზურალ ღანავ ლი, ცხა̈ჲ, ჩხარა თვეს ი ლა̈ჲბინა ლილღვაჟა̈ლს.
Line of edition: 35 ლალღვაჟჟი მესემე ლა̈დეღ სკა̈ხეჩϩდი გადო ზურალ, ქა̈ნიყე ბეფშ.
Line of edition: 36 ლუა̈რდ ერ ქა̈ნიყე, ეჩქა შტუხვ თϩრქა̈ტშვ ჩუ ლექვცე ლი. ეჩანღო
Line of edition: 37 ბეფშს ღობრა̈ჲსკა ჩვადაბარა̈ლი ი ქუბურდა̈ნისა ჩვადაყვინი გადო
Page of edition: 51 Line of edition: 1 ზურალ. ამ დვრეს ხოჩა ტებედი ლიცშვ ზურალს ლა̈ჲდი
Line of edition: 2 ჩვადაბარა̈ლიხ. ქუბურდა̈ნ ღობროლშალ ლი. ჩუქან წერაქვს ხურშიდ,
Line of edition: 3 ეჩეჟი ლერშია̈ლს ხვა̈დესკდ, ჟიქან უბრალ კირტს ხვა̈ქეემდ. სამ
Line of edition: 4 ლა̈დეღუნღო აკავა̈ნისა ათვაყვინიდ. აკავა̈ნისა ლა̈ჲდი წერაქვს
Line of edition: 5 ხურშიდ, ჟიქან ლერშის ხვარშიდ, შიბა̈ქს ხუგემდ, ხოჩა გადასაკრავა̈ლს
Line of edition: 6 ხოსყეჲდ, ჟიქან ბეფში საბნილს ხვა̈ქვემდ. ჲარბ ზავ აკავა̈ნისა
Line of edition: 7 მეყენი. ეჩანღო ლაყვრახო ლა̈ხვყვინი.

Line of edition: 8 ეშხუ ზა̈ჲსკა ბეფშ ლუსშვ ირდი. ეჩანღო ლϩჯემი ი სიმინდა̈
Line of edition: 9 ფექი ქაქს ახოსყენე კეჭოლ ტუნულისკა ი ხვამნი.

Line of edition: 10 დენა ლახ იროლ, ვოსა̈რი, საგვილთ, კაბა̈ ი ლაცადჲა̈რი ლიცბურეს
Line of edition: 11 ხეკვეს ლახამითქვან, ლიშყვედიელის, ხოჩა დია̈რი ლინა̈ყეს,
Line of edition: 12 ლიფეთის, ლილეთეს, ლინჩრეს, ლითხის ი ლიჯიშს ხეკვეს
Line of edition: 13 ლახიმითქვან.

Line of edition: 14 ჭყინტ აღვე იროლ, ადა̈თ (\ ალდა̈თ) ხეღვენოლ, მეთხვა̈რ
Line of edition: 15 ა̈ხეფასოლ, დორიჲ ხოჩა მϩჴა̈ნი, მϩლა̈ში, მϩბა̈რჯე, აღვე ხოჩა მϩჭემე,
Line of edition: 16 მϩფა̈ცხი, ხოჩა აჴა̈რე მϩგემ ა̈ხეფასოლ.

Line of edition: 17
საბედა გუგავა. ხოფური. მ. ქალდანი. 19.IX.1958 წ.

Добавлено (2007-04-27, 7:37 Pm)
---------------------------------------------
ლაგვა̈ნ

Line of edition: 19 მარე ერ ჩუ იდგა̈რი ლენტეხას, ეჩქა ამკა̈ლი ლაგვა̈ნს ხაშტაბახ:
Line of edition: 20 მარემი დაგრას ქა ხაბა̈ჟნეხ კა̈ცხეში მინე სოფელი მეზგალს, ეჩანღო
Line of edition: 21 სერ თელდ მინე ნაღა̈ლიშ ნაღა̈ლს.

Line of edition: 22 ლϩდგა̈რს სემი ლა̈დეღ დემ აშტხვიხ. ჲერბი ლა̈დეღ ხემარა̈ლხ
Line of edition: 23 ლაგვა̈ნიშვდ ი მესემე ლა̈დეღ იჩოხ ლაგვა̈ნს. ლაგვნობჟი თელ
Line of edition: 24 სოფელი მეზგალ ლϩდგა̈რი პატვრენს ნა̈წევარა̈ლს ხოჴდეხ თვით
Line of edition: 25 ფოხა̈ლ კვეცენს. ფედჲა̈ჲ კვითხე ლანხვბა̈რ ხაწახ ლϩდგა̈რი პატვრენს
Line of edition: 26 ჩი გვეშისკა, იმა̈ჲ კა̈ნდღა ჩუ ხაწϩხ ლაგვნობს: ლეზვები ლისყეჲ,
Line of edition: 27 ლავაშა̈რე ლინა̈ყე, მელგვა̈ნი ჩუ ლისკვრე ი პა̈ტივცემა ი იშკენ
Line of edition: 28 მა̈გ მϩმარჯვალა̈ჲ გვეშ ლი.
Line of edition: 29 ლϩდგა̈რი პატვრენუ ი ჩემიშ ხოშა ფედჲა̈ჲ ნაღალუ ალ ქორა̈შ
Line of edition: 30 ლეშტა̈გს დემბედიგვაშვ ხაშტაბახ. ეჯმინ ლϩდგა̈რმოყ სკურხ
Line of edition: 31 ჭირისუფა̈ლდ. ლϩდგა̈რ ჩუ ხა̈სკვეჯნა ქორს ი ლϩდგა̈რი აშხვ
Line of edition: 32 ფოყლეჟა ჩუ ხაბწკარავახ ჭირისუფა̈ლ: ღვაჟა̈რ ი ზურელა̈ლ, ლϩდგა̈რი
Line of edition: 33 თხუმმოყ სკურ ხოჩა ლϩმხა̈ლ ხოშა მარე ი ჲედ ზურალ.

Line of edition: 34 კუბე თხუმ ჟი ხატვარა კირონა̈ლ, ეშხუხენქა სემიხოქა. ლϩდგა̈რ
Line of edition: 35 აღვე ბეფშ ლი, ეჩის კირონა̈ლცა̈ხენ ჩუ ხოგემხ ფაკა̈ნშვ ლϩჯეს
Line of edition: 36 ი ვეჭოლ ლემეზირილს.

Line of edition: 37 ლϩდგა̈რს აღვე ლუვა̈რ ლარდუშ ხოჩა ლერექვა̈ლ ხუღვა,
Line of edition: 38 ლϩდგარან მიჩა კუბჟი ϩდესკხ ლაგვა̈ნ ლა̈დეღ.
Page of edition: 52 Line of edition: 1 ლϩდგა̈რი ლიშტუხვალ, ალ სემი ლა̈დეღ, ჭირისუფა̈ლ ჩუ სკურ
Line of edition: 2 ლϩდგა̈რმოყ ი იგვა̈ნიხ. მუგვანე ლა̈ჲდი უქვიცად ანღრი. ჲერვა̈ჲ
Line of edition: 3 ლაგვა̈ნხო ანჴედენი, ბოფშა̈რϩნქა ჩემემ ხეკვეს ჩუ ა̈დგვანახ.

Line of edition: 4 ლიგვანე ლი ამჟი: ღვაჟა̈რ აშხუმდ ჲერბი-სემი იგვანეხ. ქორა̈
Line of edition: 5 ყორვა̈ლმოყ ერ ჴედენიხ, თხვიმჟი იმა̈ჲ დო ხეფა̈რიხ, ქა ხეკვეს
Line of edition: 6 ა̈დშყუჟეხ ი სკა ღϩრიხ აშხუმდ. ჩუ ხეჭა̈ნჭიხ უშხვა̈რე ნა̈მწვინქა
Line of edition: 7 ტაფქა. ლϩდგა̈რხოქა ლიჴედალ მა̈გ ტევეხ: ჲერ იმ ყϩლე, ჲერ იმ
Line of edition: 8 ხოლოთ აშხუმდ ხეკვეს ლექეხ; "ვაი-ვაი". მერბახენ ჭირისუფა̈ლისკქა
Line of edition: 9 ჲერვა̈ჲ სკურ, მა̈გ ტევე ი ასოყა̈ლხ. იგვა̈ნიხ მინე-მინეშვ: ჲერ ჭვა̈დს
Line of edition: 10 ხორხϩნე თხვიმს, ჲერ აბაყა̈რს იკაწრა̈ვი, ჲერს გუჟი ხოზნა̈ნი, ჲერს მა
Line of edition: 11 ხეყერენი ი ჲერს მა. ლϩდგა̈რმოყ ჴედენიხ ამჟი ლϩჭანჭად. ჩიქე კაჩუშ
Line of edition: 12 ტევეხ ი ეჩანღო აშხუმდ ნიგობალეჟა იტყვა̈ფიხ ი ყულიხ: "ვაი-ვაი".
Line of edition: 13 ტოტა̈რ ჲედურ ჩემემ აშხუმდ ხეკვეს იყϩრეხ ნიგობალეჟა. მერბან
Line of edition: 14 ჩუ იჩოქა̈ვიხ მა̈გ აშხუმდ ლერსკვენ ჭიშხჟი ი აჯაღ ყϩლეხ იმალას
Line of edition: 15 ი აჯაღ იტყვა̈ფიხ ნიგობალეჟა ი ყϩლეხ: "ვაა-ვაი". მესემან ჩუ
Line of edition: 16 იჩოქა̈ვიხ ჲერქედა ღულა̈ლჟი ი ჭϩშხა̈რს ჩუ აცხპა̈ნიხ უშხვა̈რჟი.
Line of edition: 17 აჯაღ ეჯჟი იტყვა̈ფიხ ი ტულიხ. მევოშთხვად ჩუ იგენიხ ეშხუ ჩოქჟი,
Line of edition: 18 ეჩანღო მერბა ი აჯაღ ტულიხ: "ვაი-ვაი" ი იტყვა̈ფიხ
Line of edition: 19 ნიგობალეჟა. ღოშკიმპილს ჟი ერ იგენიხ, ეჩქა ლა̈ჲდი ამჟი იჩოხ ი
Line of edition: 20 ლაგვა̈ნივშვ ქა ღϩრის ქა̈მხო. ეჩანღო აჯაღ მერბე პა̈რტია̈ ჴედენი
Line of edition: 21 ამჟი. ალე ღვაჟა̈რე ლიგვა̈ნი ლი ამკა̈ლი.

Line of edition: 22 ათხე ზურელა̈ლ იმჟი იგვანეხ: ზურელა̈ლ თითოლაჟი იგვანეხ.
Line of edition: 23 ყორვა̈ლმოყ ერ ჴედენიხ, ლაჩა̈ქს ჩუ ფიშვტვეხ ი ფათვა̈რს ჩუ
Line of edition: 24 იფხჟეხ. ეჩანღო იბნეხ ლირეჭა̈ლს, კლა̈თხიდ ხა̈შელდა̈ნიხ, ჲერ
Line of edition: 25 იმჟი ი ჲერ იმჟი. ღოშკიმპილს მა̈გ ამჟი ტული: "ვაი-ვაი" ი თან
Line of edition: 26 კანჭა̈რს იჭემნეხ აბაყა̈რ ლექვა. ამჟი ლა̈რეჭალუშვ ქა ჴედენიხ
Line of edition: 27 ლϩდგა̈რხოქა ი სკა ხოჩოქა̈ვიხ ჲერქედა ღულა̈ლშვ ი სϩინ ერ
Line of edition: 28 ჟ'ასაშელდიხ ი ქა ლექნეხ "ვაბ-ვაის", ეჩანღო ჟი იგენიხ ი ლა̈რეჭალუშ
Line of edition: 29 ქა ღϩრიხ ქა̈მხო. ჭირისუფა̈ლ ჩიგარ ირეჭა̈ლ ი ტევე, გინდ ღვაჟმარე
Line of edition: 30 იგვა̈ნდეს ი გინდ -- ზურალ.

Line of edition: 31 ლაგვა̈ნ ლა̈დეღ ჲედურ ხვა̈ჲ ხა̈ლხ იხორჲელი ალ მეზგაჲსკა.
Line of edition: 32 ხვა̈ჲდინ ალმინე შელდ ვოხვიშტ აშირხოჟი ღϩრი. ჩემიშდ ხოშილ
Line of edition: 33 ეჯ მეზგას ხოჴედენი, ჲერვა̈ჲს ხვა̈ჲ ნათია̈რ ხორი.

Line of edition: 34 თედია̈ჲ ნაღა̈ლ ჲერვა̈ჲ ლი: ლამძახალა, პა̈პი, ლაჯმილა,
Line of edition: 35 ლადაჩურა ი ამკა̈ლია̈რ, ლაგვნობ ლა̈დეღ მინე მელგვა̈ნშვ ჴედენიხ.
Line of edition: 36 მელგვა̈ნშვ ლიჴედ ამჟი ლი: მელგვა̈ნი მϩესკ მარე ქა ხაბა̈ჟნე მიჩა
Line of edition: 37 ლანხვბა̈რს ი ფედია̈ჲ ნაღა̈ლს, ერ ეშხუ მარე მეზგახენქა
Line of edition: 38 ათორჴენდეხ ლაგვა̈ნხო. ალ ხა̈ლხ ერ ასაყა, ლაგვა̈ნისკა ლა̈ჲდი ხეკვეს
Line of edition: 39 მიჩა ხა̈რჯ ათოჴϩდეს ი ხამნას. იმა̈ჲჟი ხოშა მელგვა̈ნს

Добавлено (2007-04-27, 7:37 Pm)
---------------------------------------------
ადა̈ესკ,
Page of edition: 53 Line of edition: 1 ეჯჟი ალე ხოშა ჟა̈ხე ლი. ლϩდგა̈რი ქორს ერ ჴედენიხ, კა̈ცხეში
Line of edition: 2 მელგვა̈ნი პატვრენდ ხეკვეს ა̈დგვანას ი ეჩანღო იშკენდ ჲერბი-სემიდ
Line of edition: 3 ჩემემ. შომას ამკა̈ლი მელგვა̈ნ იგვენე, იშკენ ხეკვეს და̈რ
Line of edition: 4 ა̈ხენა̈ჩდენხ ი და̈რდ ახოჟომახ. ალ მელგვა̈ნს მოშ ასკვრეხ, ხა̈რჯ
Line of e

Line of edition: 8 ლაგვა̈ნ ლა̈დეღ ჲერვა̈ჲ ლაგვა̈ნხო ჴედენიხ, მა̈გ ხა̈წევა̈ნი თეთრს
Line of edition: 9 ი ჲერ ნამშა̈ს ნა̈წევა̈რს, იმა̈ჲ დო ირა ალე, ჩიჲს იკედ ეშხუ მარე
Line of edition: 10 ხედვა̈ჲ ერე ნა̈წევა̈რი მϩკედდ ირა ლϩთიშ მა̈ჲნძელი ნა̈ბშვ. ალ მარე
Line of edition: 11 ჩუ სკურ მოშ, სტოლ ხუღვა (\ ხუღვე) ი ლა̈ჲრალი. ჲერვა̈ჲ სკა
Line of edition: 12 იმ ანჴდე, თეთრ ირა ალე ა ნამშა̈, მა̈გ ხეკვეს სკა ასაჲრას ხოჩა
Line of edition: 13 ლϩგა̈ჲღებდ. ნამშა̈ს ბეღელხო ხა̈შდუნე ი თეთრს ჯე იშხვნი ნებოზდ.
Line of edition: 14 ნებოზს ალ მარე ანგა̈რიშს სკა ხაბა̈რიეს მეზგა̈ჲ ხოშას. ნა̈წევა̈რი
Line of edition: 15 მϩკედდ ჩაგარ ჩემიშვდ ხოშა ლა̈მინდა მარას ხა̈თშიხ ი ჲერვა̈ჲს
Line of edition: 16 ხოხალ ხოჩამ (\ ხოჩამდ) ლიჲრალი. ალ სია ხეკვეს ალ მეზგად ხოჩამ
Line of edition: 17 ლა̈ჲშხუნეს, ერე, შომას მიჩა მϩნა̈წევა̈რის ჩუ ა̈რ ა̈თედაგა̈რი,
Line of edition: 18 ეჩქას ჩუ ხეკვეს ა̈დჭვედნას, მაზუმ ღენ ხარ ლϩჴიდ ეჯ მეზგას ი
Line of edition: 19 ეჯზუმ მიჩემ ხეკვეს ათოჴϩდეს, ედო ნა̈წევა̈რი სკა ლიცვრე შკვირ
Line of edition: 20 ლი ი ეჩანღო დეთა̈ჲ ეჯ მეზგე ლი ნა̈წევა̈რი მϩჴდე. ნა̈წევა̈რს დემ
Line of edition: 21 იჴდე მელგვა̈ნი მϩჴდე, ეჯნა̈რ ერ მიჩა ხა̈რჯვშ ჴედენი ლაგვა̈ნხო.

Line of edition: 22 ლაგვა̈ნ ლა̈დეღ, შომას ერ მა̈გ ჩუ იგვანეხ, ეჩანღო მოსამსახვირϩნქა
Line of edition: 23 მა̈გ ხეკვეს ჩუ ასკურდეს ტაბა̈გისკა. ტაბაგა̈რს ϩგემხ
Line of edition: 24 ქორვა̈ლისკა, ხერხვ{ი}ლა̈ლჟი ი კალისკა, ჩიაგვ, იმა̈ჲჩუ ა̈სეწϩხახ.

Line of edition: 25 ჩიჲს ერ ჩვასკვრეხ, ეჩანღო ტაბა̈გჟი კა̈ცხეში ჴიდეხ ლავაშა̈რს
Line of edition: 26 თვით მარაჟი თვითს ჲედ თვით ჲერბის, ეჩანღო ლობიოს. ლობიოურ
Line of edition: 27 ლაგვა̈ნ დემ იჩვემნი, აღვე სა̈ჲნა̈რ ი ფაკანა̈რ დეშ ლი,
Line of edition: 28 ეჩქა ჲერბი მარას ეშხუ სა̈ჲნშვ ხოჴდეხ ლობიოს. ეჩანღო ღვინალს
Line of edition: 29 ხოგვეშიხ ჭიქა̈რხო. ღვინალურ ლა̈ჲდი ლაგვა̈ნ დემ იჩვემნი. აღვე
Line of edition: 30 მა̈დ ხეღვენი მეზგას, ჟი ხეკვეს ა̈ნყϩდეს მანგვარვა̈ჲ დო მა ლეს.
Line of edition: 31 ეჩანღო ხოჴდეხ ბრინჯს, ჲედ მაკარონს, აღვე ა მა̈გ ჩუ ხუღვა ი
Line of edition: 32 ჩუ ხა̈ჲმედა მეზგას. ხოჴდეხ ლელარტა̈მს მϩხიმორას (ლახანა, პრასა,
Line of edition: 33 ჭარხალ, ოხრა̈ხვიშ ი ამკა̈ლია̈რ). მახად ა̈სყეჲხ ლა̈ჲდი ლახანას,
Line of edition: 34 ჭარხალს (\ ჭაკუნტელს) ი ქϩნეშს ლϩგა̈კდ. ლობიოს ა̈სყეჲხ
Line of edition: 35 ლϩრხϩნქა ლϩგა̈კს ი ამკა̈ლია̈რს, ჩაჲს ხოჴდეხ ტაბა̈გჟი. ა̈რგა̈ვი ეშხუ
Line of edition: 36 მოსამსახვირ, თვით ტვეტ ლეზვებურას (\ ლეზობურას) ჩი მარემი
Line of edition: 37 სკვებინ ϩდესკ. ლეზვებ ხევვეს და̈რს ა̈სეკვადდეს.

Line of edition: 38 ჯვინალდ ლავაშა̈რ მა̈დ ლϩმა̈რ, ლაგვნობჟი ხა̈ჴდინახ გომჯა̈რს
Line of edition: 39 (გომჯა̈რ ყველფისკა ლϩნა̈ყ მურგვა̈ლ ძღϩდ დიარა̈ლ ლიხ) ი ტაბა̈გისკა

Добавлено (2007-04-27, 7:39 Pm)
---------------------------------------------
მესკერეს იმა̈ჲ ქა ახოსედენდა, დეშ ლა̈ჲზვებნა, ეჯი მიჩა ა̈გიხო
Line of edition: 2 ხეკვეს ათხოიან, ჩუ ლიცვრე შკვირ ლϩმა̈რ.

Line of edition: 3 ჩი ტაბა̈გისკა ჟი ითშიხ ტოლიბაშს. ტაბა̈გისკა ღვაჟა̈რ მოშ
Line of edition: 4 სკურხ, ზურელა̈ლ მოშ ი ბოფშა̈რ მოშ.

Line of edition: 5 ტოლიბაშ იკედ ლა̈მეზრალს ი იშკენ სერ ა̈მეზრეხ ი ϩთრეხ.
Line of edition: 6 ჩი ტაბა̈გს მიჩა-მიჩა მეღვინ ხაყა ი ეჯმინდ ხეკვეს ჩიჲს ჩუ ლახა̈შახ
Line of edition: 7 ლეთრე.

Line of edition: 8 ლაგვა̈ნისკა ლϩშერა̈ვეჲ ლიწვენე ი ლიზვებ მა̈დ შიდ, დეთა̈ჲ
Line of edition: 9 ლიღარა̈ლ. მა̈გ ერ ჩუ იზბიხ, ხვა̈ჲ ჩუ ი ჩუ იშტმი, ეჩანღო ჟი იგენიხ
Line of edition: 10 ტაბა̈გხენქა ი სერ ჩუ ხეკვეს აშტუხვეხ ლϩდგა̈რ. იმა̈ჲჩუ ლაჴვა̈მ
Line of edition: 11 ფედთიას ლი, ეჩე ლϩდგა̈რს ტაბა̈გისკა ლისკვრალ აშტხვიხ.

Line of edition: 12 ლϩდგა̈რი ქა ლისკვეჯნე ლი ამჟი: ქორხენქა ლϩდგა̈რს ქა ა̈სკეჯნეხ
Line of edition: 13 ლგდგა̈რი ქორს მერდეუ ი ჩემიშვდ ხოშა ფედია̈ჲ ნაღალუ.
Line of edition: 14 შომას ლისკვეჯნე იბნი, ასმას და̈რ ხეკვეს ლახაჭϩდდეს ი ტულიხ
Line of edition: 15 ამჟი ხოშა მარალ ჲერბი-სემი: "ასმას ნუ̂ა̈რ ლახაჭϩდდეს, ცოდობ ლი".

Line of edition: 16 ლϩდგა̈რს ჩუ ა̈სკვეჯნეხ კალისკა ი გამოთხოვებას ხეჩო ჭირისუფა̈ლ
Line of edition: 17 ი ჩემიშდ ხოშა ნაღალა̈ლ. კა̈ცხეში გამოთხოვებას ხეჩო
Line of edition: 18 მეზგა̈ჲ ხოშა. სკა ხოჩოქა̈ვი ი ხოშელდა̈ნი, იმა̈ჲ ხეშყედენი, ი
Line of edition: 19 ღოშკიმპილს იბნე ლიყულის; "ვაი-ვაი". ღვე ამჟი აჯაღ ზურალ ეჯ
Line of edition: 20 ქორა̈შ, ეჩანღო ლანხვბა̈რე ღვაჟა̈რ უჩოქავად კაჩუშ ხვა̈ჲ აშხუმდ
Line of edition: 21 ქა ხეცხეპენიხ კუბს, მა̈გ ტევეხ ი ეჩანღო აშხუმდ იტყვა̈ფიხ მა̈გ.
Line of edition: 22 ამჟი იჩოხ მა̈გ. ერ ქა აგათვეხ გამოთხოვებას, ეჩანღო ა̈სკვეჯნეხქ
Line of edition: 23 ლϩდგა̈რს. ქა ლა̈სკვეჯნაჟი მა̈გ წიწინეხ ი ირეჭა̈ლხ. ლϩდგა̈რს ჭიშხა̈რმოყ
Line of edition: 24 ეშხუს ჟ'ა̈სპϩნეხ ლერსკვანხო.

Line of edition: 25 ჯვინალ დვრეჲსა მარე ერ იქუნავალნოლ, ეჩა̈შვდ ხეკვეს ახოჴიდანხ
Line of edition: 26 ბაპ. ბაპ იმალე ჟაგა̈რს ხათრა, ხედვა̈ჲს ხაჟახა ბაპა̈ ჟაგა̈რ.
Line of edition: 27 ლϩდგარან ბაპ ჩუ აჯგრიდა ლჟდგა̈რს ი ლიშტუხვალ სერ ეჯ ოჯა̈ხისკა
Line of edition: 28 არდა ი ბაპცა̈ხენ, ცხა̈ეშ, დიაკვენ ჩიგარ არდა. ქა ერ ანასკვეჯნოლხ
Line of edition: 29 ლϩდგა̈რს, სკვებინ ბაპ ლას კირონა̈ლშვ ი სა̈ცეცხვირშვ,
Line of edition: 30 ეჩანღო ზა̈რიჲ მϩქვისკალა, ეჩანღო ლϩდგა̈რ ი ღვე ხა̈ლხ. იმა̈ჲჩუ

Добавлено (2007-04-27, 7:39 Pm)
---------------------------------------------
ლϩდგა̈რს ჩუ ადაჩერაოლხ, ბაპ ჩიაგვ აჯგრიდა. ეჩანღო ლაჴვა̈მხოჲსკა
Line of edition: 32 ა̈ესდახ ი ეჩეჩუ ლა̈ჲდი აჯგრიდახ ი ღვე აშტხვიტახ.

Line of edition: 33 ათხე ბაპა̈რ ერ დესა ა̈რიხ, ლϩდგა̈რს კირონა̈ლშვ ქა ხეჟვეღნი
Line of edition: 34 ლϩმხა̈ლ ხოშა მარე. ეჯის ხაჭიმხ ღოშკიმ ზა̈რიჲ მუქვისკალა ი ეჩანღო
Line of edition: 35 ლϩდგა̈რ ახაყახ. მუჟვეღს სემი ბოძა̈ლ კირენ ხუღვა ი სერ ალკირენს
Line of edition: 36 ლოქ ხაჭიმ ლϩდგა̈რი ქვინ...

Line of edition: 37
სპირიდონ ტვილდიანი. ხოფური. მ. ქალდანი. 15.IX.1958 წ.

Page of edition: 55
Line of edition: 1 ლაგვა̈ნ ლა̈დეღ ძინა̈რს იბნა ხა̈ლხ ლიჴედს. სკა ჴედენიხ ი,
Line of edition: 2 მა̈ნკვი ჲერვა̈ჲ ჴედენიხ, ხუნკვი ეჯი იგვანე, აჯაღ მერბე ჴედენი ი
Line of edition: 3 ეჯი იგვანე. ქორს აშხვ ფოყხენ ლϩდგა̈რ ხა̈სკვეჯნა ი მერბახენ
Line of edition: 4 მურგვანე ლϩგხ კაჩუშვ. ლიგვანეს ერ ქაგათვეხ, ეჩქა ლეზვებ-ლეთრეს
Line of edition: 5 ქა ჴიდეხ კალხო. ეშხუ ხოჩა მარე ა̈სიამბავა̈ლი. ჟი იკედ ჴიქს
Line of edition: 6 ი ჩუ ხოშონდებდა: ხოჩა მარე ლოქ ლას ი შონდოპა ლოქუ ხარ.
Line of edition: 7 განათლებად ლოქუ ხოგა̈დ, ქრისტეჲ სკვებინ ლოქუ იხიადა̈ლ მიჩა
Line of edition: 8 ქვინ, ბამბა̈ნ ლოქუ ხაშტუე, ზეთს ლოქუ ხაუჩხე.

Line of edition: 9 ეჩანღო კალისა ჩუ ისკვრიხ სერ ალ ხა̈ლხ. გომიჯა̈რშვ გვეში
Line of edition: 10 კა̈რია̈ლ ახოღვანდახ. სემი მარე ხაბორგϩნდახ გვეში კა̈რის ი ხა̈ლხს
Line of edition: 11 ჩუ ხორგა̈ვდახ. სემი გომიჯ ხეკვეს ლახოვოდანხ ხონ თოთ ლϩმა̈რლას
Line of edition: 12 ი ხონ მეჩი მარე. ჲერბი ღვაჟმარეს ცხვად ხუღვანდახ ლაკოდუშვ,
Line of edition: 13 ღოშკინ ზურალ ხაჭიმდა. ჩუ ლუსკვრე მელგვა̈ნს მიჩა ფაკა̈ნ
Line of edition: 14 ი ჭიქ ხუღვანდა ჩიჲს. ა̈გიხენ ახუღვანდახ. ლობიოს ფაკა̈ნხოჲსა
Line of edition: 15 ხოგვეშდახ. ძღϩდ ჟაჴა̈რ ერ გუღვანდა, ეჯი ჲერბი-სემი ჩუ ხაკრალგნდახ
Line of edition: 16 კალისა ი ეჯის თვითოლაჟი ყა̈რევილ ხაგϩდახ ღვაჟა̈რ.
Line of edition: 17 ჲერვა̈ჲ დო ადჴედენდა ეჩეჩუ მუგვანე, ზურალ იროლ ა ბეფშ იროლ
Line of edition: 18 ა ღვაჟმარე, ჟი ხოგოშლახ შედს, ქა̈ჲესკდახ მინე ტაბა̈გხო ი ჩუ
Line of edition: 19 ისკროლდახ.

Line of edition: 20 ღოშკინპილს ადჴდახ ლაჴვა̈მხო ი ლაჴვა̈მს გირტა̈ნ ხეცხეპოლდახ.
Line of edition: 21 საფლა̈ვ ლϩშთხა̈რ ხეხოლდახ. ჩვაშთხვიდახ მოსაფლავა. იშკენ ხა̈ლხ
Line of edition: 22 ღϩრდა მიჩა-მიჩა ქორხო. ეჯ მოსაფლავა̈ლ ჩვაშთხვიდახ ხოჩამდ ი
Line of edition: 23 ღϩრდახ, ეშვა̈ჲშ ლϩღგა̈რს აშთხვიდახ, ეჩა̈შხო. ეჩეჩუ ხოჩა ლეზვებ-
Line of edition: 24 ლეთრეს ხა̈ხვიესკდახ.

Line of edition: 25 ეჯ ნებოზს ღოლჲაქს ა̈ზჲენდახ. სკახიჲ ნა̈თის სკა ხაყლახ ი
Line of edition: 26 შონდობას ხოვზიდახ ი თვითოლაჟი ჩვა̈შერავდახ ვოჯა̈ხი წევრა̈ლს
Line of edition: 27 ჩიჲს. ალეს ხაჟახϩნ ლიშერა̈ვი ჲედ შიე გახსნა.

Line of edition: 28 ლϩდგა̈რს ჩუ ერ ხვაშთხვიდად, მერბა ძინა̈რს ლაფანას ჩუ
Line of edition: 29 ხოგემდად. ეჩეჟინ ლეზვებ-ლეთრეს ხოდესკდად ი ჩუ ხოშონდებდად
Line of edition: 30 (\ ხოშვენდებდად). ამჟი გვიხალდა ალე ჲეს-ჲესინ აშხვ ზა̈ჲსკა ი
Line of edition: 31 ჲეს-ჲესინ ვორმოცხოქა.

Line of edition: 32 ზა̈ჲ თხუმჟი ჴა̈ნს ხვაძჲენდად, ჲედ ფირს (\ ფირვს), ლეზვებლეთრეს
Line of edition: 33 ხვამარად მევარ. ხა̈ლხს ჩიჲს ჩუ ხვა̈წიჲდად. ალეს ხვაყლად
Line of edition: 34 ლიჯგრის. ალ ლეზვებ-ლეთრეს ტაბაგა̈რჟი ჟი ხვაგაწყობლად. ეჯ
Line of edition: 35 ვოჯა̈ხი ხოშა ზურალ, ჲედ იშკენ მიმჯე, ჩუ იგვანა. ეჩეჩუ მერდე
Line of edition: 36 ხა̈ლხ თვითოლაჟი მა̈გ შონდობას ხოვზიხ. ვოდ ჩუ ისკვროლხ,
Line of edition: 37 ეჩქად ჩვა̈შხიდახ ლაფანა სკა̈მ-ტაბა̈გს. ეჩანღო ჩუ ისკვროლხ ი, ვოშა
Line of edition: 38 ტაბა̈გ ირა, ეჯშელდ მეღვინ ჟი ხეგენდახ. იზობდახ ი ϩთრახ.

Line of edition: 39
პორფილე ქურასბედიანი. ხოფური. მ. ქალდანი. 15.IX.1958 წ.

Добавлено (2007-04-27, 7:40 Pm)
---------------------------------------------
ჭიანირ (\ ჭინუ̂ირ)

Line of edition: 2 ჭიანირ ლხინჟი ჭირჟი ლეშმუნე ლაშმუნა̈რ ლი. შომას ქორს ჩუ
Line of edition: 3 ა̈რა̈დდაგა̈რი ი ვოჯა̈ხ ძღϩდ ლϩწხვავად ა̈რი, ეჯ მეზგაჲსა ჭიანირს
Line of edition: 4 აშმუნეხ თხვიმე ლაშტაბნა̈რდ ი ლამრაშვნად.

Line of edition: 5 კა̈ცხეშა ჭიანირი ლისყეჲ ამჟი ლϩმა̈რელი: ლϩმა̈რდელი ეშხუ
Line of edition: 6 ხოჩა მარე. იშკენ მა̈გ ჟ'ახახვეტა ი ჩვასასედა ეშხუ ხოჩა ჭყინტგეზალ.
Line of edition: 7 გვია̈ნ ალე ლა̈ჲდი ლეგდ ათაჴედა ი ჩვათადაგარა. ა̈მეჩედ
Line of edition: 8 ეჯ მარე, ლაგვა̈ნ ხოყერა მიჩა გეზალა̈შვდ ი ა̈მეჩედ ეჩა სასაფლავოხო.
Line of edition: 9 საფლა̈ვი თხვამ ჩვალსუსკურელი ი ლϩმა̈მგვლევლი ამჟი
Line of edition: 10 ხვა̈ჲ ხა̈ნს. ეჯზუმ ათარაგა ლამგლოვჟი, ერე თელდ ჩვათანახა
Line of edition: 11 ფა̈თვს. ეჯზუმ ჯოდი ფა̈თვ ახაგენა, ერე ჭიანირი ძა̈ფდ ათაჲა ქა.
Line of edition: 12 ალგენელი ღალ ალ მარე ი ჟ'ახოსყა ჭიანირ, ძაფა̈რდ მიჩა ფა̈თვ
Line of edition: 13 ლახოშიდა ი ლიდგარალ ჩუ ლϩმა̈სკვირ მიჩა გეზალა̈ საფლა̈ვჟი ი
Line of edition: 14 ლϩმა̈შუმინლი.

Line of edition: 15
სპირიდონ ტვილდიანი. ცხუმელილი. მ. ქალდანი. 6. VIII.1943 წ.

Добавлено (2007-04-27, 7:40 Pm)
---------------------------------------------
მედიატორობ

Line of edition: 17 ეშხუ მარეს უმბილდ თვეფ ათოშყად. ფინთიხ ა̈თელაკან ზურალს,
Line of edition: 18 ბეფშს ი ეშხუ მϩწანა̈შს. სემი ადაგა̈რ ეჩა ფინთიხდ. ეჩა
Line of edition: 19 მედიატორდ მიზნა. ხვარდად ფყრბეშტივოხვიშტ მედჲატორ. ლიმედჲატორ
Line of edition: 20 ლას ჩოლირ.

Line of edition: 21 ჩიქე სი აჯაგენოლხ თავმჯდომარედ, ღვე მერბეს, ღვე მესემეს...
Line of edition: 22 სერ მი მაყლახ: მი ლოქუ ხვეს თავმჯდომარე!

Line of edition: 23 მი, ვოდ ჲერბეშტივოშთხვ მარედ ჩიმემდ ჩამოიარეს (\ ქა̈ხვცხიპდ)
Line of edition: 24 თავმჯდომარეობ, ეჩქად მა̈დ ჩვემნ. დეხედ' ა̈ნმარგანხ. სერ ღოშკიმპილს
Line of edition: 25 მი მა̈ქვხ ი ეჩქა ადვირ სკა. ეჩქა მი ხვექარ: -- მართა̈ლიჯ
Line of edition: 26 ლი, უმბილდიჯ ხეყარ, მარე სემი მარემი წორიჯ ხარ ლეჴდე.

Line of edition: 27 სემი მარემი წორ ა̈ნსყან ჟი ეშტოხვიშტ ათა̈ს მანა̈თ (თვით
Line of edition: 28 ვოხვიშტ ათა̈ს). დათანხმდენ მა̈გ. ქა ლა̈მეყაჲანხ აფხა̈ნიკა̈რ, სერ
Line of edition: 29 აგვა̈ჲეხ, ჩვაგვღვერხ ლაჴვა̈მისკა ი მა̈გ ლექვ' აგვა̈ჲეხ ლექვსირხო.
Line of edition: 30 ჟი ხეკვეს ანვფა̈სიდ, ეშტოხვიშტ ათა̈ს მანა̈თ იმა̈ჲს ა̈ხეფა̈სი. ლა̈ხვირჴენ
Line of edition: 31 გიგო ი ბესი ი ჟ'ანვფა̈სდ ჴანა̈რ, ფურა̈ლ, ჩაეა̈რ, ჯორ,
Line of edition: 32 ლაარა̈ყი ცხვადა̈რ ი იშკენ ხვა̈ჲ კუმა̈შ ი ეშტოხვიშტ ათა̈ს მანა̈თი
Line of edition: 33 ქონაბ ქა ლახვემდ ი ჩვათვასყედ.

Line of edition: 34
ივანე ტვილდიანი. ცხუმელური. მ. ქალდანი. 3. IX.1958 წ.

Добавлено (2007-04-27, 7:41 Pm)
---------------------------------------------
Text: 41
Page of edition: 56
Line of edition: 35
XXXXI. ღϩნა̈რ

Line of edition: 36 მა̈ნკვიჲ ღგნ ლი ქრისტეშ. ქრისტეში ღϩნ ანღϩრდა ჲერბეშტივოხვიშტ
Line of edition: 37 ქრისტეში თვეჲსა (\ თოჲსა). სკვებინ ა̈ზიენდახ ხა̈მს, ჲერეხი
Line of edition: 38 დაჴϩლს.

Line of edition: 39 ქრისტეში ნა̈მწვინქა კალანდა ლი.

Line of edition: 40
ივანე ბენდელიანი. ლექსური. ვ. თოფურია. 23.X.1962 წ.

Page of edition: 57
Line of edition: 1 ლიზჲენა̈ლს ხვაყლედ კალანდა სკვებნე ლა̈დეღს. ჩიჩლა̈კს ხვა̈სყეჲდ,
Line of edition: 2 ხა̈მს ხვა̈ზჲენიდ, ეჩა თხვიმს ჟა ხვაჯა̈გდ, გვებისკა ჩუ ხვა̈დესკდ,
Line of edition: 3 ეჩეჟინ ეშხუ ლაფაქ ფექს ხვა̈დესკდ, ვისკვა̈რს, თეთრს, ეშხუ
Line of edition: 4 სტამან ღვინალს. ამის ჩვაცვრედ მოწყობილს სტოლჟი.

Line of edition: 5 ძინა̈რს კალანდა ერ ჩვა̈დრუვი, ეჩქა ვოჯა̈ხისკა ხოშა (\ მϩჭშხი)
Line of edition: 6 ჲერვა̈ჲ ირი, ჟ'ა̈ნგენი, სკა ლა̈ხებორგი გვებს ი ადა̈ჲეს ქა̈მხო. კირავა̈
Line of edition: 7 ყორმოყ ადა̈ჲეს: "გვეში ლოქუ ლი კირავ!" ბეღელმოყ ანჴედენი
Line of edition: 8 ი ლექნე: "დიდაბ ა̈ჯჴად ზა̈ჲ მა̈ხე ბედნიერს, ახაგოშილ მიშკვი
Line of edition: 9 ბეღელ კეთილშვ ი მϩჴმა̈რიდ ნა̈ გვარდვინ!" ათხე მარა̈ნმოყ
Line of edition: 10 ადინე (\ ადჴედენი): "ზა̈ჲ მა̈ხე ბედნიერ, ახაგოშილ კეთილშვ,
Line of edition: 11 მარა̈ნი მჴმა̈რიდ ნა̈ გვარდვინ"! ათხე ადჴედენა ყორმოყ ი ქორხო
Line of edition: 12 ხატულ:; -- ყოორ მϩკა̈რ, ბედნიერ! ქორხენქალ ახატიხეხ: -- მ' აჯუღვა,
Line of edition: 13 ბედნიერ! -- თხუმშვ ამუღვა ფუსტამბუასტია̈ჲ ჟϩრ, მარემი ნა̈შტვებთ,
Line of edition: 14 ხოჩა ზა̈ჲ მაჴად, ქონაბ ი კუმა̈ში ნა̈ფშირი.

Line of edition: 15 ჲერბინ ქა ხატული, მესემედ ხა̈ტხეხ: -- სკ'აანსკვეჯდ, ბედნიერ!

Line of edition: 16 ეჩქა სერ სკადინე ქორხო. უშხვა̈რ ხვა̈შია̈შიდ სერ მა̈გ. უშხვა̈რ
Line of edition: 17 ამჟი ხვა̈შია̈შიდ: "ხოჩა ზა̈ჲმა̈ხევ აჯსაცადახ, ტა̈ნთელდუ ხა̈რიდ,
Line of edition: 18 ღერბეთ ი მარე მა̈გ ისკვი ხოჩემი მუჩვემუ ლი. იმა̈ჲხო ქაჩეხი, ჩია̈გუ
Line of edition: 19 ხოჩემი სვე ი გამარჯუ ლაჯაოდა. ჩიგარ მომატება̈ჲსკაუ ხა̈რი ი
Line of edition: 20 ხოჩა დვრეჲსკა. ათხე ერ ჯისკდიხვი ხოჩამდ, ამჟი აშირ ათა̈ს ზავ
Line of edition: 21 ხოჩამდუ აჯაჲას!"

Line of edition: 22 ჲალენჟი (\ ჲალვენჟი) ჴედენი მϩჭშხი. ყორს ფაუს ხა̈ჴდე, ეჩქა
Line of edition: 23 "მϩჭშხი ლოქ ა̈მეჴედლი". ათხე ქა̈ხვსკიდნიდ ქა̈მხო, ლა̈ხვეჭვედნიდ
Line of edition: 24 ეჩს (\ ეჩის): -- ეშა ში ლოქ ჯიცხა?

Line of edition: 25 ლექნე: -- ინკვი (ჲედ ამშა) ში ლოქ მიცხა. სკანტეხენიხ ეჩქა
Line of edition: 26 ქორხო. ქორს ჟ'ა̈ნკედხ ფელიკს, ლაფაქს, ღვინალს სტამანშვ, ქა
Line of edition: 27 ლახვაზა̈ზნედ ყორხოქა მϩჭშხის. ქა ხვავდიდ ეჩს. სერ სკანღინე
Line of edition: 28 ქორხო. გვებ შიდ ხუღვა. სკანჴედენი ქორხო, ეჩქას ა̈სპϩნე
Line of edition: 29 ლერსკვანხო გვებს: "ღერბეთ, წაღმა (\ ლერსკანხო) ლოქუ აფუ ალ
Line of edition: 30 ოჯა̈ხ! ხოჩა ჭიშხ ლოქუ ამარა, ეშხუ აშირ ზავ ლოქუ ხვი ისკვე
Line of edition: 31 მϩჭშხი!"

Line of edition: 32 კალანდა ლა̈დეღ ჴულს ჴვიდედ გაკრას. ერ ანჴვდე ჴულს, ეჩქა
Line of edition: 33 ყორმოყ მეხოლიხ ი ჴიცს მა̈ცვემიხ. კუმა̈შ ხეკვეს ანათუნას ჴული
Line of edition: 34 მϩჴდედ ი ჩუ ათვაშიაშად ლϩგრევშ (\ ლϩგრავშ). შიყ ლექვა ხვა̈ჭემნედ:
Line of edition: 35 "ხოჩა ზა̈ჲ მა̈ხე ლოქუ ჯარხ. ლϩგრეშალ (\ ლϩგრაშალ) ლოქუ
Line of edition: 36 ალლუგვა̈რეხი!"

Добавлено (2007-05-04, 6:11 Pm)
---------------------------------------------
კალანდაუნღო ერ ცა̈შ ჴედენი, ეჩქა ლი ქუნა̈რეში ლიჴედა̈ლ.
Line of edition: 38 ეჯ ლეთიშვ ხეკვეს ხვა̈ჲ ა̈ხვირბიელად, კირონა̈ლ ხეკვეს ახვასყად
Page of edition: 58 Line of edition: 1 ფიშირ, ჯოდი ტაბა̈გ გვეღვენი, ეჩეჟი ხვაგაწყობლიდ ლეზვებლეთრეს.
Line of edition: 2 კირონა̈ლს ეჩეჟი ხვატვა̈რედ. ლაფანაჟი ჩუ ხვიჩოქა̈ვი,
Line of edition: 3 ფაყვს ქა ხვიშყვჟედ, შონდობას ხუვზიდ ქუნა̈რს. მესემედ ერ
Line of edition: 4 ჟ'ა̈ხვგენი ი ჩუ აშშონდობი ეჩქა ჟ'ა̈ხვკედდ ტაბა̈გს სერ. ლა̈შვენდებიჟინ
Line of edition: 5 ამჟი ყულედ: "შონდობავ ჯარ დედეს, მამას, ქრისტეჲ ტაბა̈გდუ
Line of edition: 6 ჯიგა̈დხ, ფუსტამბუასტია̈ჲ ტაბა̈გდუ ჯიგა̈დხ!"

Line of edition: 7 ადგომ ლა̈დეღ ლობიო, კვახნეს, ხილ ი ამკა̈ლი ხეკვეს ასვფანად,
Line of edition: 8 საოთხრისო მა̈დე ლი წეს.

Line of edition: 9 ჯϩმა̈შ კრება (\ ლახორ) ლოქ ხარს ქუნა̈რს. დოსკ ხევვეს ანასყახ
Line of edition: 10 ლეზვებ, ლახორხო ლოქ ხეგვია̈ნიხ. ჩვასვფანიდ ძინა̈რს, ნებოზს
Line of edition: 11 მა̈ჲდა̈რ ლოქ ჴედენიხ ი დოსკ ამარეხ ვახშა̈მს. ჩუ ხოფანეხ.

Line of edition: 12 ცა̈ ლა̈დეღ ასხრიხ ქუნა̈რ. ხოჩამდ ხუმარედ ლეზვებს. ჴულ
Line of edition: 13 ხეკვეს ჩვა̈შვუხედ ეჯ ლეთ. ჩუ ლისედს მა̈დ ლოქ ხაყა. ათხე ტაბა̈გს
Line of edition: 14 ჩვამსϩგემდ. ჩვასჩოქა̈ვი, კირონა̈ლ ჟი ხეტვა̈რიხ ი ამჟი ყულედ: "დე
Line of edition: 15 ჯიკϩლდინე, დე ჯარაგე. ზეთსუ ჯაუჩხეხ, ბამბა̈სუ ჯაშტუეხ, ა̈ლი
Line of edition: 16 (\ ალვის) მეგამ ჩუქან ხიღარა̈ლდ, ფუსტამბუასტია̈ჲ ტაბა̈გდ ჯიგა̈დხ!"

Line of edition: 17 მერბად ი მესემედ ჟ'ა̈ხვგენი, ეჩქა სემი კოკოროლა̈ლ ა̈რიხ ფაკა̈ნისკა,
Line of edition: 18 ეჩეჲსკა კირვენ ხაჩხინა, მერბახენ ლϩჯე მუღვე ეშხუ საჩა̈ჲ
Line of edition: 19 ჭიქ. ათხე ტაბა̈გს ჩუ ცვირე. მი ქა ხოჟვეღ სერ ყორქა ჩოქუშვ ი
Line of edition: 20 ლϩჯეს ხუშვენდები, ქასხვრი ქა̈მხო ი ქახი ასმა ირდი, ქორულდ,
Line of edition: 21 ჩვასვგემ ეჩეჟინ. ჩვაცვრე ეჩის. სკა ერ ანტვეხენი, სϩინ ხეკვეს
Line of edition: 22 ჩვასჩოქავა ი მესემე ლიშვენდებიჟინ სერ ჟ'ა̈ხვკედ ტაბა̈გს. ქა̈მ ერ
Line of edition: 23 კოკოროლა̈ლს ცვირედ, ეჯის ძინა̈რს ბოფშა̈რ სკა ჴიდეხ ქორხო
Line of edition: 24 ი ჩუ იზბიხ.

Line of edition: 25
იასონ ქურასბედიანი. ბაბილი. მ. ქალდანი. 28.X.1957 წ.

Добавлено (2007-05-04, 6:11 Pm)
---------------------------------------------
ლიშია̈ში

Line of edition: 27 აშა̈რისა კალანდა ხოხალხ მა̈ხე ზა̈ჲ ლიგენეჲ დვრეს, ჯვინელშვ
Line of edition: 28 პირველ იანვა̈რს. კალანდა̈ჲშვდ ხა̈ლხ ხვა̈{ჲ}ხა̈ნს ხემარალდახ
Line of edition: 29 ხოჩამდ. ჩვალგვა̈რდახ ხა̈მს (ტა̈ხს). კალანდა̈ჲ სკვებნე ლა̈დეღ
Line of edition: 30 ლიზენა̈ლ ძინა̈რს მა̈გ დოსკ იგენალდახ, ტა̈ხზ სკა ჴიდახ ქორხო
Line of edition: 31 მაჩუბხოჲსა, ჩვაკაფდახ ფიცა̈რჟი. ამ დვრეს ზურალ ჟი იკედდა
Line of edition: 32 მა̈ცვის ი ტა̈ხს ფა̈თვს ჟი ხაცხვლა ყიამოყ. ღვაჟმარე გა̈ჩშვ ყიამოყ
Line of edition: 33 ჩვა̈ზენდა, ჩუქან სკა ხოხელდახ კასრუკას (კასრს), ერე ჟ'ახოხორჲელნახ
Line of edition: 34 ზისხ. ეჯ ზისხხენქა ეჩანღო ზისხორა̈ჲ კეპილს ა̈სყეჲდახ.
Line of edition: 35 ხა̈მს მუკვარჩხა̈ლი ლიცშვ ჩუ ყვიფდახ. თხვიმს, ლერსკვენ ჭϩშხა̈რს,
Line of edition: 36 ლერსკვენ გუ-ჩენჩხა̈რს, ლერსკვენ ჭაჭა̈რს ჟ'აჯა̈ბდახ ი ალე უშედა
Line of edition: 37 ლას. ეჩანღო ჩუ ისკვროლდახ, ჟი იმეზრალდახ ი სა̈დილს ჩუ
Line of edition: 38 იზობდახ. ლიზენა̈ლ ნებოზს ქორა̈ მახვში ჴიდა შტϩხინდრა̈ჲ კვა̈ფხს ი
Page of edition: 59 Line of edition: 1 ჟ'ა̈სყეჲდახ ბიმბოსს ი ჩუ ϩდესდახ კირავისა. ზურელა̈ლ ჟ'ამარდახ
Line of edition: 2 ლაფაქშვ ფექს, ფექჟი თეთრს (აბაზა̈რს, მანა̈თს), ვისკვს, ლϩგრეს, ვერცხი
Line of edition: 3 კობზს ხა̈დესდახ. გვებისა სკა ϩდესდახ ეჯმინს, იმა̈ჲ უშედა
Line of edition: 4 ლას, ჩიჲს.

Line of edition: 5 ალანდა ძინა̈რს ჲერვა̈ჲ ჟ'ა̈ნგენოლ კა̈ცხეში, ქა ხეკვეს ა̈მეჩედლას
Line of edition: 6 ბუჯერხო, ქა ლახაფედან თეთრს, ვისკვს, ლϩგრეს, ვერცხი
Line of edition: 7 კობზს ი ამანღო ჩუ ხეკვეს ალბა̈რელას. ალეს ხაჟახϩნ ლიშია̈ში.
Line of edition: 8 ოჯა̈ხი მახვში ი აჯაღ ჲერვა̈ჲს ხეცხენოლ, ჭყϩნტა̈რ გარ, ჟი იკედდახ
Line of edition: 9 გვებს ი ეჩეჟი ლϩდე ლეღვშვ ი ლემეზრა̈ლშვ, ჟი ფიშტვახ
Line of edition: 10 ჴა̈ნს, ლაბამშვ ქა იჟოღდახ, კალს ქა ხაცხიპდახ ლერსკვანხენ, ქა
Line of edition: 11 ღϩრდახ კირავხო, ჟი იკედდახ ბიმბოსს ი ეშხო კა̈რი ვეჴს ი სკა
Line of edition: 12 ხეტეხენდახ ქორა̈ ყორს. ყორ ლϩკეტა̈ვე (\ ლϩკილ) ხეხოლდახ.
Line of edition: 13 მახვში ხატულდა ასკაშხენ მერდე ზურალს: -- ყორ მϩკა̈რ, ბედნიერ!

Line of edition: 14 ზურალ ხექნა ისკაშხენქა: -- მა ლოქ აჯუა, ბედნიერ?

Line of edition: 15 მახვში ხექნა: -- ზა̈ჲ ნაოზერი, ხა̈ლხი ნა̈ფშირი, კუმა̈ში ნა̈ფშირი,
Line of edition: 16 მარა̈ნ ღვინალშვ გვეში ლი, ბეღელ კეთილშვ გვეში ლი, ნა̈ლია̈
Line of edition: 17 სიმინდშვ გვეში ლი.

Line of edition: 18 აჯან ხექნა: -- ყორ მϩკა̈რ, ბედნიერ!

Line of edition: 19 ზურალ ხექნა: -- მა ლოქ აჯუა, ბედნიერ? -- ზა̈ჲ ნაოზერი ლოქ
Line of edition: 20 ახუა, ლამანგარ კუმა̈შშვ გვეში ლი, ლაქათალ ქათალშვ გვეში ლი,
Line of edition: 21 ლახამ ხამა̈რშვ გვეში ლი, ყორ მϩკა̈რ, ბედნიერ ლოქ. ზურალ
Line of edition: 22 ხექნა: -- სვანსკვეჯდ ბედნიერდ!

Line of edition: 23 ალმინ (მახვში, მიჩა მერჴენე ი ჴა̈ნ) ლასხ ქორა̈ მϩჭრხი
Line of edition: 24 (\ მϩჭშხი).

Line of edition: 25 ჩვაკა̈რდა ყორს, სკანღϩრდახ ქორხო, ქორს ლერსკვანჟი ჟი
Line of edition: 26 ისპϩნოლდახ ჩქვიმდ, ჴა̈ნს ქა̈ესკდახ ი ჩვა̈ბემდახ მიჩა ლარდაჲსკა,
Line of edition: 27 ალ ჴა̈ნ ლას კუმა̈ში მϩჭხი. კვიდოლისა ერ არდა ვეჴ, ეჯის ჩუ

Добавлено (2007-05-04, 6:11 Pm)
---------------------------------------------
ხოშიდდახ კუმა̈შს. ქორა̈ მϩჭგხი ქორს ჩუ ხეხოლდახ სკამა̈რ,
Line of edition: 29 სკამა̈რჟი ბა̈ლიშა̈რს ϩდესკდახ ი ეჩეჟი ხეკვეს ალსკურელასხ. ჩუ
Line of edition: 30 ϩგემდახ ტაბა̈გს ი სკა ხესკროლდახ მა̈გ. ამ დვრეს იბნოლდა
Line of edition: 31 უშხვა̈რე ლიშია̈ში.

Line of edition: 32 მϩშია̈შის ჟი ხეკვეს ახოკიდან ლემეზირ, ლემეზირჟი ლეღვ ირდოლ,
Line of edition: 33 ჩუ იყედნა ლერსკვან ტვეტხენ, ლერთანხენ -- ეშხო ჭიქ ღვინალს
Line of edition: 34 ი ჲერვა̈ჲს ა̈შიაშნოლ, ამჟი ხაყლა: ღერბეთ, ხვა̈ჲ კალანდა
Line of edition: 35 ლოქ ახა̈ე მიჩა გიორგის (...), ხოჩა ზა̈ ლოქ ასოგენ ი ხვა̈ჲ ხა̈ნს
Line of edition: 36 ხარდნუნე. ჲერვა̈ჲ ა̈შიაშნოლ, ეჯი ქა ხოჴდა ლემეზირს ი ღვინალს
Line of edition: 37 ლეშია̈შის ი ამჟი ხაყლა: ღერბეთ, ხოჩა ნა̈შიაშ ლოქ ახადეს მიჩა
Line of edition: 38 თამარა̈ს! ევე ზურალ ღვაჟმარეს ადაშიაშოლ, ზურალ სკა̈მხენქა ჟი
Line of edition: 39 ხეკვეს ალკϩრალელას ი ამჟი ხექნა: ამეი ლოქუ ალკვრალელი მიჩა
Page of edition: 60 Line of edition: 1 ნათხუარე. ამჟი ხეჩომდა, ევე ღვაჟმარე ღვაჟმარეს ადაშიაშოლ.
Line of edition: 2 ევე ღვაჟმარე ზურალს ადაშიაშოლ, ეჩქა ღვაჟმარე მა̈დ ხეკვეს
Line of edition: 3 ალკϩრალელას, აშ ხაყლა ეჯჟი, იმა̈ჲჟი საერთოდ იმეზრალდახ. ძინა̈რი
Line of edition: 4 სა̈დილს ერ ჩუ ლა̈ჲზვებნახ, ეჩანღო მა̈გ თა̈ვსუფა̈ლ ლასხ.

Line of edition: 5 ლიჭხიელ ძინა̈რს ამჟი ლას: ჲერვა̈ჲ კა̈ცხეში ანჴედენდა, ზურალ
Line of edition: 6 იროლ ა ღვაჟმარე, ეჯი ლას მარემი (\ ქორა̈) მϩჭხი, მერბად ჲერვა̈ჲ
Line of edition: 7 ანჴედენდა, ეჯი იროლ კუმა̈ში მϩჭხი. მϩჭხის ესი-ესინ სკვებნავ
Line of edition: 8 ხაყლახ მანეშხო ლიჴედს.

Line of edition: 9 მϩჭხი ერ ანჴედენდა, ყორჟი ხეკვეს ასოკაკუნან, ეჯნა̈რ ერე
Line of edition: 10 ლიჭხიელ ძანა̈რს საერთოდ ლიტულა̈ნიელ მად შიდდა. მϩჭხის
Line of edition: 11 ჲერვა̈ჲ ლა̈ხეხოლდა ყორვა̈ლმოყ, ხექნა ერე ეშა ში ლოქ ხოცხა?
Line of edition: 12 ჲერვა̈ჲს მϩჭხი ხექნა, ეჯის ქა ხეკვეს ახოჴიდან ყორხოქა ფექშვ გვეში
Line of edition: 13 ლაფაქ ი ქა ხეკვეს ტახოოდან ეჩა̈შვდ შია̈რისა. მϩჭხი ლაფაქს ქა
Line of edition: 14 ახოხინა, ჟ'ასადესკნა ლაფაქჟი ა̈გიხენ ლϩჲე ვისკვს ედ ლϩგრეს,
Line of edition: 15 სკა ღϩრდა ქორხო ი ამჟი ყϩლა: ღერბეთ, ხოჩა ნაჭϩშხ ლოქ ახარა
Line of edition: 16 მიჩ! ი ჩვასკვრახ ტაბა̈გმოყ. მϩშია̈ში მϩჭხის ტვეტისა ხავდიდა
Line of edition: 17 ლემეზირს ი ღვინალს, ჩვა̈მეზრა ი ჟი იკრალოლდა ი ამჟი ხაყლა:
Line of edition: 18 ამჟი ლოქ ალკϩრალელი მიჩა ლათხუარე (\ ნათხუარე). ამჟი ხეშტა̈ბდახ
Line of edition: 19 კუმა̈ში (მერბე) მϩჭხიცა̈ხენ ლა̈იდი.

Line of edition: 20 მϩჭხის ნებოზს ხეკვეს ახოჴიდან გაკა̈ კენცხალა̈ლ ქუნარეშისკა̈ჲშვდ.
Line of edition: 21 ქუნარეშისკა ლიფანეჲ დვრეს მϩჭხიჲ ნა̈ჴიდ გაკა̈ კენცხალა̈ლს
Line of edition: 22 სკა ხოჩდიდად ლემასკვისკა. ალ გაკა̈ კენცხალა̈ლს ხაჟახა ჴულ.
Line of edition: 23 ნებოზს მϩჭხის ოჯა̈ხი მϩშია̈ში (შიე მუფშტვე) ჩვასაჩქვა̈რდა თეთრშვ
Line of edition: 24 ედ ბარდანშვ ედ იშკენშვ. ქა ხავდიდა ეშხო წერაქვა̈ ლϩკენეს,
Line of edition: 25 ჩვა̈მეზრა, მϩჭხი ლა̈ჲდი ჩვა̈მეზრა ი ღϩრდა მიჩა ა̈გხო.

Line of edition: 26
მიხეილ ლიპარტელიანი. ხოფური. ვ. თოფურია. 28.X.1962 წ.

Добавлено (2007-05-04, 6:11 Pm)
---------------------------------------------
ლეკა̈ლა̈ნდ ხა̈მ

Line of edition: 28 ჲერბი თვეჲ სკვებინ იბნეხ ლინეშყეს ლეკალა̈ნდ ხა̈მიშ. ეჯის
Line of edition: 29 (\ ეჲს) ხამნეხ სიმინდს მენგერად ლუგვეს, როშს (\ როსს), ქატოს,
Line of edition: 30 ლგჯა̈გ კვეცენ, ლუბქვე კვეცენა̈ დია̈რს, შკვიბს, კვახნესს.

Line of edition: 31 ლეკალა̈ნდ ხა̈მს ნა̈ ხვა̈ზჲენიდ ლიზჲენა̈ლ ლა̈დეღ. ლიზჲენა̈ლ
Line of edition: 32 ლა̈დეღ ხაჟახა კალანდა̈ჲ სკვებნე ლა̈დეღს. ლიზჲენა̈ლ ლა̈დეღ ძინა̈რს
Line of edition: 33 დოსკ ჟ'ა̈ნგენიხ ვოჯა̈ხი მერდე მა̈გ. ჟ'ა̈ნირმინეხ ლეკალა̈ნდ
Line of edition: 34 ხა̈მს, სკადა̈ჲესკხ ქორხო, ჟ'ანაკურთხა̈ნიხ. ვოჯა̈ხი ხოშა სკა̈თეჴϩრი
Line of edition: 35 ღერბეთს. ეჩანღო ეშხუ მარე სკა ლა̈ხებორგი ჭიშხა̈რს ი მერბე
Line of edition: 36 მარე ჩიქე ჟ'ახოკურთხა̈ნი ნინჩვს, ეჩანღო ლერთან ტვეტვშვ სკა
Line of edition: 37 ხაბორგა ნინჩვისკა ი ლერსკვან ტვეტვშვ ჩვა̈ზჲენი ხა̈მს ყიახენისკა.
Page of edition: 61 Line of edition: 1 ლა̈ზჲენიჟი მა̈ნკვი ჟი ხეკვეს ლახოქუციხ ხϩხრინტ ი ნა̈ქ, ეჩანღო
Line of edition: 2 აღვ'ერე შიშტ დემ ა̈დდაგა̈რი ხა̈მ, ჟი ხეკვეს ლახაჭკორიხ ფოჩლიკა̈რ
Line of edition: 3 -- ღოშკინქა̈ჲ ჯარღვა̈ლ.

Line of edition: 4 ლეკალა̈ნდ ხა̈მს ჲეს-ჲესინ ჩუ ხვატფურედ. ხოშა ნაღალდ ჩუ
Line of edition: 5 ყვიფედ მამფუა ლიცშვ. ჩუ ლუყვიფან, ხა̈მს ჩუ ხვა̈დესკდ სტოლჟი
Line of edition: 6 (\ ტაბა̈გჟი) ჴაბ-ჴაბელა̈დ. ეჩანღო ჩუ ბიჴვედ ეჯის ჴა̈დ ლექვა ი ქა
Line of edition: 7 ხეკვეს ახვკϩდიდ ისკაშურა (\ სკაშურა). ჩიქე წიკანტა̈რს (მენგერეს
Line of edition: 8 ი ნეცინს), წიკანტა̈რს აჯაღ ხაჭარახ: ფა̈შვ, ლა̈ირ, მა̈ჭიკ, ტყლიბ.
Line of edition: 9 ეჩანღო ხოკედდ გვთს. ეჩის ხაჭარა ყვიჟე, პერეშტვა ი კვეჭოლ
Line of edition: 10 ნანღველ. ეჯ ნანღველს ქა ხოკედხ ეჯჟინ, ერე ჟი მა̈დ ა̈სეთხერს,
Line of edition: 11 ედო ჩვამლა̈ნი ი ეჲ ნანღველს ქაკვანეხ. ხა̈მს ჩუ ბიჴვეხ ეჯჟინ,
Line of edition: 12 ერე შიყეჯორა̈ს ქა ხოკედხ. ალ შიყეჯორა̈ϩნქა სედენი ჲერბი ნა̈ბიჴვ
Line of edition: 13 ხა̈მიშ. ალეს ჩუ ხვაჯმϩნედ, ისკა ხვა̈დესკდ ხორგისვა (ღობრა̈ისკა):
Line of edition: 14 ეჯიე ლა̈ხერა ეშხუ ნაგა̈ზი ი ჟი ხვიკედდ ეჩეხენჟი ი
Line of edition: 15 ჟი ხურეკნედ ლემასკვა̈ ფედიას, ერე ჩვა̈დფϩრენს. ალე ლი
Line of edition: 16 ლვერ.

Line of edition: 17 წიკანტა̈რხენქა ხვა̈სყეჲდ კეპლა̈ლს. ჩვერ ა̈ზჲენიხ, ეჩქა ყიაქა
Line of edition: 18 ახოზი ეჯის ზისხ. სკა ხოხელნედ შედს ი ეჯის წიკანტა̈რს ერ ჩუ
Line of edition: 19 ხვა̈შყვედიდ, ეჩქა ჟი ხვაჯა̈ბდ ზისხს ი სკა ხვანა̈ჩდედ ღვესეს. ეჩეჲსკა
Line of edition: 20 ლϩძაფა̈ნ ჯიმს სკა ხვანა̈ჩდედ. ეჩანღო სკა შიდეხ მენგერე
Line of edition: 21 წიკანტა̈რხოჲსკა, ქა ხოთლეხ წიკანტს ჟიქანა ქიპს ი ჟი ისყი
Line of edition: 22 კეპილ.

Line of edition: 23 აღვ'ერე (\ ეღვ'ერე) ზისხ გარ ლი შტაშვ, ეჩქა ლϩძაფა̈ნ ჯიმს
Line of edition: 24 ხანა̈ჩდეხ ი კვეჭოლ ღვესეჲ ნა̈ქცულა̈ლს ი ჟი ხვაჯა̈ბდ ეჯის ი
Line of edition: 25 ხვატულიდ ზისხორას.

Line of edition: 26
შურა მუსელიანი. გვიმბრალი. მ. ქალდანი. 12.IX.1957 წ.

Line of edition: 28 მეისარობ ლი კალანდაუნღო. მეისარობა̈შვ სკა ხა̈გენეხ ლამნას,
Line of edition: 29 ხედვა̈ჲს ხაჟახა ეჩანღო ლემეისა̈რ. შომას მეისარობ ჴედენი, ალ
Line of edition: 30 ხა̈მს ჩუ ა̈ზიენიხ სამხრებუნღო. ყვიჟე-პერეშტვა ი ჭϩშხა̈რ უშედა
Line of edition: 31 ლი. ოჯა̈ხი ქორა̈ მარეϩნქა და̈რს ხეკვეს ხა̈წვენახ ი და̈რს ხეკვეს
Line of edition: 32 ხამნახ. ვახშმობჟინა̈შვდ ჟი აჯა̈ბხ გვეჭი თხვიმს, ყვიჟე-პერეშტვას,
Line of edition: 33 ჭϩშხა̈რს, ისკაშურას (\ სკაშურას) ი ქანა̈ყეხ ძღგდ ტაბϩლს (\ ხევწა̈რ
Line of edition: 34 დია̈რს) ღვესევშ ი ლეღვშვ ლϩნა̈ჩიდს. ჩიჲს ერ ჟ'ამარეხ, სკა
Line of edition: 35 ა̈სყეჲხ ალმინს ჩიჲს გვებისკა. ხოშა მარე ი ჲედ ზურალ ქა ხეჟვეღნი
Line of edition: 36 ქორა̈ მარას ლახამ სკვებინხო. გვებ ი ტაბϩლ ხოშას ასუღვე.
Line of edition: 37 ლახამ სკვებინხო ღϩრიხ ღვაჟა̈რ, ზურელა̈ლ ი ბოფშა̈რ მა̈გ, ხოშა
Line of edition: 38 ი ხორველუი, ქორხენქა ლახამ სკვებინხო ა̈ესკხ ასტამშვ ღϩრჩა̈ლს
Page of edition: 62 Line of edition: 1 ი ჯეიდს ნატუსუნჲაქ. ქორს ჩუ სედენიხ ეშხუ ი ჲედ ჲერბი, ჲერვა̈ჲს
Line of edition: 2 მა̈დ ხეცხენი ლახამ სვვებინხო ლიზი. ჲერვა̈ჲ ქასხრიხ, ეჯნიმ
Line of edition: 3 ეჯჟი ხეკვეს ადჴეხ ლახამმოყ, ერე და̈რ ხეწეს ი მინდ ლა̈ჲ მა̈დ
Line of edition: 4 ხეკვეს ლა̈ჲრაგა̈დნახ კლა̈თხიდ. სერ მეისარობ ლეთ, შომას ლიმე.
Line of edition: 5 ზϩრი დვრე ლი, მეზგალისა (\ მეზგალისკა) და̈რ იზელა̈ლ. აღვე-
Line of edition: 6 ეში-ეში ჟი ლა̈ხელა̈კი ლა̈მეზვრჟი, ჲერვა̈ჲ დო ირა, ქა ხეკვეს
Line of edition: 7 ა̈სერიდენს ი მა̈დ ლა̈ხეწვევენენს მϩმეზირ ხა̈ლხს ჲერვა̈ჲ ლიმეზϩრს
Line of edition: 8 ჟ'ახოჟომი, ეჯის (\ ეჩის) ჩვაჭათვნეხ.

Line of edition: 9 ლახამმოყ ერ ჴედენიხ, მა̈გ ჩუ ისკვრიხ. მϩმეზირ ჩუ იჩოქა̈ვი,
Line of edition: 10 ჯვიდს (\ ნატუსუნს) ღϩრჩა̈ლჟი ხა̈შდე ი იბნე ლიმეზϩრს კუმა̈შჟი
Line of edition: 11 ი მარაჟი. სϩმინ ერ ქა ყϩლე ლიმეზϩრს, ეჩანღო ალ ძღგდ ტაბϩლს
Line of edition: 12 ეჩხვა̈ჲდ ახვტურე, ვოშელდუვა̈ჲ მინ ლიხ. თვით ნა̈ხვიტს ჩიჲს
Line of edition: 13 ქახორგა̈ვი. ჭϩშხა̈რს ჩვაყლულე ი თვით ნა̈ხვიტს ჩიჲს ქა ხავდი.
Line of edition: 14 ლიმეზϩრს ი ლიზვებს ერ ქაგათვეხ, ქორხო ტეხენიხ. მარე იმა̈ჲ ლახამ
Line of edition: 15 სკვებინხო ხარს ქა ლϩე, ეჩა ქორხო ლიტხე მა̈დ შიდ, ქა ხეკვეს
Line of edition: 16 ადაგათვახ ეჩეჩუ ი ჯიჯვა̈რ ი ნამასადუა̈რ ხამა̈რს ხეკვეს ათოშϩდეხ
Line of edition: 17 ეჯჟი, ერე იშკენ და̈რ ხეწეს, ქორხო ლიტეხა̈ლს, ჲერვა̈ჲ ლახამ
Line of edition: 18 სკვებინ ა̈რიხ, ჩიმემდ ხეკვეს ჭϩშხა̈რ ხაჴϩდეხ ლახამა̈ ყორვა̈ლს ი
Line of edition: 19 ლექეხ: "ჩუვ აგვაფშირად!"

Line of edition: 20 ასტამჟი ერ ღϩრჩა̈ლ ხუღვახ, ეჯის ჩუ შიდეხ ლახამ სკვებინ ი
Line of edition: 21 მინ მა̈გ ქორხო ტეხენიხ. ქორს ლϩმარე ხუღვეხ ხოჩა ვახშა̈მ. ამეჩუ
Line of edition: 22 მა̈გ ჩუ ისკვრიხ, ა̈მეზრეხ უშხვა̈რ ი ხოჩამდ ჩუ ივახშა̈მიხ მა̈გ.
Line of edition: 23 ლϩვახშამან იმა̈ჲ უშედა ლი, ეჯის ჩვა̈პეჟვნეხ ი მინ ჩუ იყვნიხ.

Line of edition: 24 ამკა̈ლი ლას მეისარობა̈ ღϩნ ლენტეხაჲსკა.

Line of edition: 25
სპირიდონ ტვილდიანი. ცხუმელილი. მ. ქალდანი. 6. III.1943 წ.

Добавлено (2007-05-04, 6:12 Pm)
---------------------------------------------
ბოსლობ

Line of edition: 27 ბოსლობ მეისარობს ხაჭიმ. ბოსლობიშვდ ჩუ ა̈ზჲენიხ, იმა̈ჲ დო
Line of edition: 28 ირა, ლა̈ზიას, ჲედ აშ ითხელიხ ლეღვს ი ნებოზს ქანა̈ყეხ კუპატა̈რ
Line of edition: 29 დიარა̈ლს, ყველფჟი.

Line of edition: 30 ყველფი ლიქϩრთინე ამჟი ლი: ჟი ხა̈შდეხ ხვა̈ჲ ზექს, ჩვაშვეხ
Line of edition: 31 ძღϩდ გარვა̈ლს ი, იმა̈ჲჟი ხოშა ხვა̈ჲ ღϩრჩა̈ლ აშϩდენი, ეჯჟი ხოჩილ
Line of edition: 32 ლი. ჟ'აჭურეხ ხვა̈ჲ ფექს, ლეღვს ქა აკვპა̈ტიხ, ყველფჟი ჟი
Line of edition: 33 ხატკბϩრეხ. შომას კუპატა̈რ დიარა̈ლ ქა იჭიხ, ჟი იკედხ ყველფხენჟი,
Line of edition: 34 გვებისკა ხა̈სყეჲხ.

Line of edition: 35 ვახშმობა̈ დვრექა ქორა̈ მახვში, მარე ირა ა ზურალ, ლიმეზϩრს
Line of edition: 36 ხაშტაბა. კირავხენისკა ჴიდეხ ნენის ეშხუ ნაბარეს ი კა̈რის. ნენის
Line of edition: 37 ბაგ სკვებინ ϩდესკხ ი კუპატა̈რ დიარა̈ლს კა̈რიხოჲსკა შიდეხ. ქორს
Line of edition: 38 მერდე მა̈გ ქა ღϩრიხ ბაგ სკვებინხო ი ნენის ხეცხეპენიხ გირტა̈ნ.
Page of edition: 63 Line of edition: 1 ქორა̈ მახვში იმეზრალი ი ეჩანღო კა̈რის ქანჴვემ ნენიჟი ი ეჩქა მა̈გ
Line of edition: 2 ამჟი ტული "ბოსლობ, ბოსლობ, მა̈დილშვ გვეში მა̈დლია̈ნს" ჲერვა̈ჲ
Line of edition: 3 ეჩეჩუ ა̈რიხ, მა̈გ იკედხ კუპატა̈რ დიარა̈ლს ი შიდეხ კა̈რიხოჲსკა.
Line of edition: 4 ამჟი ხაშტაბახ სϩმინ ი ამოვშ ქა იგათვი ლიმეზϩრ. ეჩანღო
Line of edition: 5 ჩუ ისკვრიხ ი ხოჩამ ჩუ ივახშა̈მიხ. ხა̈მი ლეღვ იმა̈ჲ ქა ხოსედენიხ,
Line of edition: 6 ხოშა ნაღალდ მა̈გ ჩვალერი. ბოსლობ ლა̈დეღ ლϩწიანოგ ლა̈ჲდი
Line of edition: 7 ხარხ. შვა̈ნს ლიმეზϩრს ჩიგარ ქორა̈ მახვში ხაშტაბა.

Line of edition: 8 ამჟი ლას ბოსლობ ლენტეხას.

Line of edition: 9
სპირიდონ ტვილდიანი. ცხუმელილი. მ. ქალდანი. 6. III.1943 წ.

Добавлено (2007-05-04, 6:13 Pm)
---------------------------------------------
ქუნა̈რეშ

Line of edition: 11 კალანდაუნღო ეშხუ თვე ერ ქა ღგრი, ეჩქას ჴედენი ქუნა̈რეშ.
Line of edition: 12 ქუნა̈რეშ ჲარბ ნაგაზა ლი. შვა̈ნი ხა̈ლხს ამჟი ხაბაჟა, ერ ალ ჲარბ
Line of edition: 13 ნაგაზა ლϩდგარუჲ ქუნა̈რ ლოქ ხემშვვა̈რიხ.

Line of edition: 14 ა̈გის ლა̈ჲდი ჩი ოჯა̈ხისკა ჩიმრიგს ამარეხ ქუნა̈რეშვდ. ჟ'ა̈სყეჲხ
Line of edition: 15 კირონა̈ლს. კალანდა ლა̈დეღ ჟი იმარეხ გაკრა აშხალა̈ლს ი ჩი ლეთ
Line of edition: 16 ლიფანეჲ დვრეს ჟი ხოჩდიხ ლემასკვჟი თვით აშხალს, ვითამ ქუნა̈რ
Line of edition: 17 გაკრა აშხალა̈ ქვინს ლოქ ხაჭიმხ.

Line of edition: 18 ალ ჲარბ ნაგაზა ლა̈დეღისკა სϩმინ ხოფანეხ: ძინა̈რს, სა̈დლობჟი
Line of edition: 19 ი ვახშმობჟი. ლაფანაჟი ქუნა̈რს ხეჴϩრა̈ლხ, ერ ხოჩა ჭიშხ ლოქ
Line of edition: 20 ათაცვირხ მეზგას. მეზგა̈ჲ ხოშა ლაფანაჟი ტაბა̈გი თხუმ ჩუ იჩოქა̈ვი.
Line of edition: 21 ლაფანაჟი სϩმინ ჩუ ხოშვენდებიხ ი ეჩანღო გარ იკედხ ტაბა̈გს.
Line of edition: 22 ქუნა̈რეშისკა კლა̈თხი ლიყულის, ჲედ კლა̈თხი გარგალას მა̈დ
Line of edition: 23 ხაყა, დეთა̈ჲ ლემასკმოყ იმალე ხოლა ლაყალა̈რი ლიდესკს, ამკა̈
Line of edition: 24 ლჲა̈რეშვდ ხაყამნიხ ლოქ ქუნა̈რს ი მეზგას ხოლას ლოქ ხეჩოხ,
Line of edition: 25 აღვე ლოქ ჟი ა̈ნხირნიხ.

Line of edition: 26 ქუნა̈რეშისკა ქუნა̈რს ეშხუ ლა̈დეღ ლახორ ლოქ ხარს ი ეჯ
Line of edition: 27 ლა̈დეღ ქუნა̈რ სიას ლოქ ა̈ჲრეხ, ეჯ ზავ ჲა̈რ ლოქ ადაჲახადაგარხ.

Line of edition: 28 ეჯ ლა̈დეღიშვდ მϩფანალა ლა̈ჲდი ლახორხენ მეჴედე ქუნა̈რს
Line of edition: 29 ძღუდ ლϩმარე ხეხოლიხ, ერ ნოთიჲ ლოქ აშამა̈რ ლესეხ ქუნა̈რ.

Line of edition: 30 ქუნა̈რე ქა ლიზა̈ლ ლეთ ჲედურ ჩიმრიგს ამარეხ ი დოსკ ხოფანეხ,
Line of edition: 31 ერ შუკვს მა̈დ ათაგვიანახ. ჭიშკა̈რხოქა მეზგა̈ჲ ხოშა ა̈გენე.
Line of edition: 32 ხოშა ქუნა̈რს ქორხენქა ლϩჯევშ ხეჟვეღნი, ლϩჯეცა̈ხენ ხუღვა
Line of edition: 33 კირონა̈ლ ი ლობიოჲ დია̈რი კოკოროლ. შომას ხოშა ქუნა̈რს ქა
Line of edition: 34 ხეჟვეღნი ქორხენქა, ბოფშა̈რდ ხეკვეს თერა̈ლ ა̈დტკუნახ ი ზურელა̈ლ
Line of edition: 35 შიხს ხაცვემიხ, ქუნა̈რდ ლოქ ნო ადაჲახ.

Line of edition: 36 მϩჟვეღ სკირიქა ჩოქვშ ასხრი ი ხეჴϩრა̈ლ ქუნა̈რს ხოჩა გზარობს
Line of edition: 37 ი ხოჩა ჭიშხე ლიცვრეს. ჭიშკა̈რხოქა ერ ქა ჴიდე, ეჩეჩუ ხოშა
Page of edition: 64 Line of edition: 1 მეზგა̈ჲშ ვირონა̈ლს ჭიშკა̈რჟი ცვირე ი მინევშ ხეკვეს ა̈დშიხენხ
Line of edition: 2 მარემი უდიგად. კოკოროლს ლა̈ჲდი ეჩეჩუ ცვირე ი ძინა̈რხოქა
Line of edition: 3 და̈რდ ხეკვეს ა̈ნკϩდეს.

Line of edition: 4
ივანე ტვილდიანი. ცხუმელილი. მ. ქალდანი. 3. IX.1958 წ.

Line of edition: 5 ლაფანაეი ტაბა̈გს ჩუ ლϩგემდ. ჟი ლაგაწყობლიდ ლეზვებ-ლეთრეს.
Line of edition: 6 სერ ირდი ეჯი ხვა̈ჲ ხა̈ნს. ეჩანღო ქანღინე, ჟ'ა̈ხკედ ჭიქს ი
Line of edition: 7 შონდობას ხექნე ქუნა̈რს: "ქრისტეჲ ტაბა̈გდ ლოქუ ჯიგა̈დხ, ზეთს
Line of edition: 8 ლოქუ ჯაუჩხეხ, ბამბა̈ს ლოქუ ჯაშტუეხ, სა̈მეთხი ყორ ლოქუ ჯარხ
Line of edition: 9 მϩკა̈რ!"

Line of edition: 10
ივანე ტვილდიანი. ცხუმელილი. მ. ქალდანი. 3. IX.1958 წ.

Добавлено (2007-05-04, 6:13 Pm)
---------------------------------------------
თანაფ

Line of edition: 12 თანაფა̈ ხუნკვი ლიჴედ აღაბა̈ გვეშ ლი. აღაბ იმა̈ჲჟი ხოშა ჯოდი
Line of edition: 13 ლი, ეჯჟი თანაფ ხოგვიან ჴედენი ი აღვე აღაბ მეკვეშტე ლი, ეჩქა
Line of edition: 14 ხუნკვი ლი თანაფ ლა̈ჲდი. აშ თანაფ ჩიგარ ხეხოლი ჲედ მა̈რტისკა
Line of edition: 15 ი ჲედ აპრილისკა, მარე მϩჟელა̈დეღ ჩიგარ. თანაფ ჲედურ ძღϩდ
Line of edition: 16 ღϩნ ლი შვა̈ნისა (\ შვა̈ნისკა̈). ალ ლა̈დეღ ლოქ ალლუა̈რელი ჲესო
Line of edition: 17 ქრისტე.

Line of edition: 18 თანაფა̈შვდ დოსკϩნდირ ხაყახ ხოჩა ხა̈მ ლამნად ი ალგუვა̈რიხ.
Line of edition: 19 ლამნა ხა̈მს ჩუ ა̈ზიენიხ თანაფა̈ სკვებ ლეთ, ლიზიენა̈ლ ლა̈დეღ.
Line of edition: 20 თხვიმ, ჭϩშხა̈რ ი ყვიჟე-პერეშტვა ლი უშედა.

Line of edition: 21 თანაფ ლა̈დეღიშვდ დოსკϩნდირადჯნ აემარა̈ლხ მა̈გ ხოშა ი ხორვა.
Line of edition: 22 მა̈გ ეჯ ლა̈დეღიშვდ იყდიხ მა̈ხე ლერექვა̈ლს, ამარეხ ლეზვებორას
Line of edition: 23 ი ჩიმრიგს, იმა̈ჲ კა̈ნდღა ჩუ ხაწϩხხ. ალ ლა̈დეღიშვდ ჩუ ა̈ზიენიხ
Line of edition: 24 ყვიჩს ხოშა ნაღალდ, აშ ქათალა̈ლს ი კოშია̈ს ლა̈ჲდი. სკვებ
Line of edition: 25 ლა̈დეღ ჟი აჯა̈ბხ ლϩგრა̈ლს ი ჩუ აღა̈ფიხ წϩრა̈ნიდ. ნებოზს ქა
Line of edition: 26 ანა̈ყეხ ხოჩა ვახშა̈მს ი მა̈გ ხემარა̈ლ მერბა ლა̈დეღიშვდ. სკვებ ლეთ
Line of edition: 27 ჩი ქორს შონ ხარს, ერე მინე მϩთანაფოლ *. ლϩყარჟი ლოქ
Line of edition: 28 ა̈რი ი ძინა̈რს სკა ლოქ ანპერენი. თანაფ ლა̈დეღ ჩი ოჯახისკა სკა
Line of edition: 29 ლოქ პერენიხ მϩთანაფოლა̈ლ.

Line of edition: 30 თანაფ ძინა̈რს ქორა̈ ხოშა ზურალ, ხედვა̈ჲს ერე ხოლა თეჲ
Line of edition: 31 ლიმეზრე ჩუ ხოხალ, ჟი იგენი ყვიჩე ტულჟი უშკუშუნდ (აღვე ამკა̈ლი
Page of edition: 65 Line of edition: 1 ზურალ დესა ხაყა მეზგეს, ჴიდე სკვებნავ მერბა მეზგახენქა ლϩმხა̈ლ
Line of edition: 2 ზურალს). ალ ზურალ უჲეცხვნად თვითოლაჟი მევჟე ხა̈ლხს სკა
Line of edition: 3 ხეგენი შიხვშ, გა̈ჩშვ ი ა̈შკი ქიპშვ. სϩმინ ხომეზრე ხოლა თეჲ
Line of edition: 4 ლიმეზრეს თვითჟი ჩიჲს. შომას ლიმეზϩრს ქა აგათვე, ლერთენ მაჯაქა
Line of edition: 5 ქა სა̈ბემ ა̈შკი ქიპს. ალ ქიპს ხაჟახა მϩთანაფოლ. მϩთანაფოლა̈ ქა
Line of edition: 6 ლიფშკე აშხვ ნაგაზა მა̈დ შიდ. მϩმეზრე ზურალდ და̈რს ხეკვეს
Line of edition: 7 ლახარაგა̈დნას, ვოდ ჩიმე ლიმეზϩრს დემ ადაგათვი.

Line of edition: 8 ალ ძინა̈რს ქორხენქა ეშხუ მარე უშკუშუნდ ჟი იგენი ი ღგრი
Line of edition: 9 ბარძგა̈ნი ლა̈ჴდად, ღოშკმავ უსკდინად ი უშკუშუნდ ჴედენი ეჯ
Line of edition: 10 ხეკისა (\ ცხეკისკა), იმა̈ჲჩუ ბარძგა̈ნ ითხი. ჟი იქცურე ეშხუ
Line of edition: 11 ნაჭთხეხოქა ი ღϩრი ა̈გიხო. ა̈გის თვით აშხალს ჩი ასმას სკა ხა̈ცყე,
Line of edition: 12 ფედია̈ჲ ა̈ზვ-ლაგა̈მისკა ი დაბა̈რისკა თვით აშხალს ჩუ ხა̈ცყე, იმა̈ჲჩუ

Добавлено (2007-05-04, 6:13 Pm)
---------------------------------------------
ლი ლϩჴა̈ნ ი ლϩლა̈შ. დაბა̈რისკა ლϩბორჩხა̈ლ ჲებრას ხა̈ცყეხ,
Line of edition: 14 ეჩეჟი მϩქოხს ϩდესკხ. ა̈გის ამკა̈ლი მϩქოხა̈რს ϩდესკხ ქორა̈ მუხვირმოყ
Line of edition: 15 ქილიქა̈რჟი ი ხოჩა ლა̈სკდი ა̈გის. ამკა̈ლი მუქოხა̈რ შვანა̈რე
Line of edition: 16 ქორვა̈ლჟი ზაობვშ (\ ზაობით) ა̈რიხ. ბარძგა̈ნს ი მუქოხა̈რს ეჯნა̈რ
Line of edition: 17 ϩდესკხ ქორჟი ი დაბისკა, ერე ალე ხოლა თეხენ ლოქ ილეჩე მინე
Line of edition: 18 ნამშავს. ბარძგა̈ნი აშხალა̈ლ ჩუ ა̈რიხ შიხა̈რეში ცა̈შხოქა, ხედვა̈ჲ
Line of edition: 19 ლი თანაფϩნღო ერე მერბე ცა̈შ ანჴედენი. ალ ლა̈დეღ ლი
Line of edition: 20 ორიახოკვიარხო.

Line of edition: 21 თანაფ ლა̈დეღ ჩი ოჯა̈ხისკა ხარს ძღϩდ ლϩწიანობ. შომას ბაპა̈რ
Line of edition: 22 არდახ, მა̈გ ასხვრდა წირხო ლაჴვა̈მხო. წირხენისკა ერ ანტეხენხ,
Line of edition: 23 ჩუ ისკვროლხ სვიფისკა ი სკარობ ხადახ. ალ ლა̈დეღ ბოფშა̈რ ი
Line of edition: 24 მა̈გ მა̈ხიამეზია̈რ ღϩრიხ კუმა̈ში ლალდაღხო. ეჩეხენისკა მϩლდეღა
Line of edition: 25 ჟი ითშიხ (\ იჩშიხ) ლამარგ ჭყϩნტა̈რს ი ავზის ა̈გიხო ზვერი
Line of edition: 26 ლა̈ზვერიდ. ალეს ზორობ ხაჟახა. ა̈გიხენ ჩი ბეფში ქორა̈ მარე მა̈გ ხოვზიხ
Line of edition: 27 მინე-მინე ბოფშა̈რს ხოჩა ლეზვებორას ი ლეთრეს. იმა̈ჲჟი ხოჩილ
Line of edition: 28 ი ხოშილ ლეზვებორას ათოუზიხ, ეჯჟი ხოშა ჟა̈ხე ლი. ზვერი
Line of edition: 29 ლიზვერი კვითხობშ ლი. თვით კვითხე ბოფშა̈რ აშხუმდ ისკვრიხ. ჩუ
Line of edition: 30 ხარხ ლითრე, ლიზვებ, ლიღარა̈ლ ი ლიშუშპარა̈ლ. ჟი ითშიხ
Line of edition: 31 ტოლიბაშვილს ი მა̈გ ჩუ იშტმიხ. ჩიჲს შიდ ხუღვეხ წϩრა̈ნი ლϩგრა̈ლ
Line of edition: 32 ი ა̈შიალნეხ. ა̈გის ლა̈იდი ჩიჲს შიდ ხუღვეხ წϩრა̈ნი ლϩგრა̈ლ ი
Line of edition: 33 უშხვა̈რ ერ ხეხოლიხ, ამჟი ხატულიხ: "ქრისტე აღსდგა". ეჩქა
Line of edition: 34 მერბე ხა̈ტხე: "ჭეშმარიტად აღსდგა" ი ჩუ ა̈შიალნეხ ალ ჲერბი
Line of edition: 35 ლϩგრა̈ლს. ხუნკვი მϩქვისკდ ხეკვეს ჟი ხაჴϩდეს ლϩგრე ი მერბად
Line of edition: 36 ხეკვეს ჩვასოგას. აღვე ჟი მϩტყა̈ციჲ ლϩგრე აკვეშენი, ეჩქა ალ
Line of edition: 37 მარად მეკვეშე ლϩგრე ჩუ ხეკვეს ა̈სცურეს. აღვე მერბემი ლϩგრე
Line of edition: 38 აკვეშენი, ეჩქა ქა ხეკვეს ლახოცადას მეკვეშე ლϩგრე უკვიშა̈ჲსკა.
Line of edition: 39 ალ ლა̈დეღ მა̈გ უშხვა̈რ ხომეზრე თანაფა̈ ხოჩამ ჟი ლია̈ლს. ჲარბ
Page of edition: 66 Line of edition: 1 ლა̈დეღ ჩიაგვ ძღϩდ ლითრე ი ლიხიადა̈ლ ხარხ. ამოვშ ქა იგათვითანაფ
Line of edition: 2 ი ხემარა̈ლხ მა̈ხე ღϩნეშვდ.

Line of edition: n.1 მϩთანაფოლ კვა̈სელა̈ჲ მაჯონ ნეპოლ ლი. ყვითელ გუგუფ ხუღვა, ჯოდი აკვატ, ღაღა̈ლ ი თხვიმ-შიყ ფა̈რვ ხარ. ხოხალ ლიცე პილ ლეჟა ი მალფხა̈რ დაბისკა ლირდე. ლა̈ცინდოლას რიყისკა ბა̈ჩ ჩუქან ისყეჲ ი ლϩგრა̈ლს ლა̈ჲდი ეჩეჲსკა ϩდესკ. ალ ნეპოლ ჩიჲს ხალა̈ტ. მϩთანაფოლა̈ ლიდგრა̈ლს ლა̈ჲდი ეჩეჲსკა ϩდესკ. ალ ნეპოლ ჩიჲს ხალა̈ტ. მϩთანაფოლა̈ ლიდგა̈რი მა̈დ ლოქ შიდ. ^

Line of edition: 3
სპირიდონ ტვილდიანი. ცხუმელილი. მ. ქალდანი. 5. III.1943 წ.

Добавлено (2007-05-04, 6:13 Pm)
---------------------------------------------
ორიახო-კვირიახო

Line of edition: 5 თანაფუნღო ეშხუ ნაგა̈ზი ერ ქა ღϩრი, ეჩქა ლი ლუშვანუ
Line of edition: 6 ღϩნორიახო-კვირიახო. ეჯ ლეთ ჩი ოჯა̈ხისკა ქა ანა̈ყეხ ლობიოჲ
Line of edition: 7 დიარა̈ლს. თვით კვითხე ბოფშა̈რ ჟი იხორიელიხ აშხუმდ, შიჲსა
Line of edition: 8 ხუღვეხ მურგვა̈ლ ბაჩა̈რ, მϩჟვეღ ხაყახ ეშხუ ხოშილ ბეფშ. ეჯის შიჲსა
Line of edition: 9 წა̈ლდ ი მϩკრა ხუღვა. ალმინ ჩუ ხებწკრა̈ვიხ ი ჩუ ხეკვეს ა̈დიზნახ
Line of edition: 10 ფედია̈ჲ დაბა̈რ თელ კვითხეშ. ერ ასხრიხ, ბაჩა̈რს ხორხϩნეხ
Line of edition: 11 უშხვა̈რ ი ამჟი ტულიხ მა̈გ: "ორიახო-კვირიახო, შენი სვი და შენი
Line of edition: 12 ჭამე, ჩვენსას ჯვარი დაგვიწერე!"

Line of edition: 13 დაბისა ჩიაგვ ჩუ ხაციყ ბარძგა̈ნი აშხალ, ეჩეჩუ ხეკვეს ადჴეხ
Line of edition: 14 (\ ატჴეხ) ი ეჯ ბარძგა̈ნს ქა ა̈ხეცხეპხ გირტა̈ნ. თელდ ერ ჩუ
Line of edition: 15 იზნა̈ნიხ ჩიჲს, ეჩანღო ჩუ ისკვრიხ ეშხუ მეზგა̈ჲსკა ი მინე-მინე ა̈გიხენ
Line of edition: 16 მა̈გ ხოჴდეხ ლეზვებს ი ლეთრეს. სერ ამეჩუ ბოფშა̈რ ϩთრეხ ი
Line of edition: 17 იხიადა̈ლხ ისკლათვ. ეჩანღო ღϩრიხ მინე-მინე ა̈გიხო.

Line of edition: 18 ალეს ეჯნა̈რ ხაშტაბახ, ერ ხოლა თეს ლოქ და̈რმოშ ლახაფხირე
Line of edition: 19 მინე ნამშავს ი მაღვანს.

Line of edition: 20
სპირიდონ ტვილდიანი. ცხუმელილი. მ. ქალდანი. 10.I.1943 წ.

Добавлено (2007-05-04, 6:14 Pm)
---------------------------------------------
ხა̈წკვენა̈ლ

Line of edition: 22 თანაფუნღო (\ თანაფუნღვე) უსკვა ნაგა̈ზი ერ ქა ღგრი, ეჩქა
Line of edition: 23 ლი ხა̈წკვენა̈ლ. ვოჯა̈ხხენქა ფიშირ ღურდად ეჯ ლა̈დეღ ღერთა̈
Line of edition: 24 ლაჴგრალდ ფა̈ყი ლამარიახო. ლემეზრა̈ლს ხვა̈ჲესკდად. ღერბათვ
Line of edition: 25 ხვეჴროლდ ისკა. ხა̈ტს ახვასკვეჯნოლდ ლაჴვა̈მხენქა ი ეჩს
Line of edition: 26 ხვეჴϩრალდად: ჟი ხვიჩოქა̈ვდად ი უსტარინს ხვირენდად. ხვეჴϩრალდად:
Line of edition: 27 "ღერ&#