Line of edition: 37 იმეგ ა̈რიხ ეშდჲორი ლახვბა. დი გარ ხორიხ ი ეშვი ხოხვრა
Line of edition: 38 დაჩვირ. აშვ ლა̈დეღ ყა̈რა̈შ ლაყარათე აჩა̈დხ ი მინე დის ჩვათშგურანეხ,
Page of edition: 326 Line of edition: 1 რანეხ, ერე: დინად ლახთჷრეს, ეჩქას ლევიზ ქოვ ოთჴიდ, იმგვა̈ ა̈რიხ,
Line of edition: 2 ეჲთე. მინე დიდ ლევიზ ქანმარე ი, ლახთირ, ეჩქას დინას ქა ლა ხემ
Line of edition: 3 მიჩა ლაჯმილათე" ეჯის ცხეკლისგა და̈ვ ახხვიდ ი ქა̈თცხვა̈პ ჲეხვჲაქდ.
Line of edition: 4 ლახვბა მჷტმად იდგა̈რიხ ჰამუნღვე ი ლევიზ და̈რდ ოხჴიდ. ქორთე
Line of edition: 5 ანტა̈ხხ ნებოზს, ეჩქას მინე დის ლოხბინეხ ლიმშერა̈ლ:
Line of edition: 6 -- მ' ესერ ხა̈გდენა, იმღ' ესერ ოდდაგრა ლა̈დი მინ მჷტმად?

Line of edition: 7 ეჲნემ ქა ხა̈ქვ, ერე: -- აშ-აშ, შიშდ ესერ ლოხოდა ქა დინად.
Line of edition: 8 ვე დემეგ ესერ ოხჴიდაჲა?

Line of edition: 9 ლახვბად ხა̈ქვს, ერე: -- მინს ესერ დემეგ ხოწვახ ჲა̈ღვე დინა!
Line of edition: 10 ჰა̈, ეჯი და̈ვს ესერ ხარ, ჲა̈ღვე, ნაცხვაპ.
Line of edition: 11 ა̈ნმარანხ ლახვბა ი ესხრიხ მინე დაჩვრემ ლა̈თხელითე. აშვ ა̈დგის
Line of edition: 12 მჷხმჷრი ახხვიდხ. ეჯი ლა̈ხჭედივ: -- იმთ' ესერ ესხრიხ?

Line of edition: 13 -- იმთ' ესერ ი მინე დაჩვირ და̈ვს ესერ ოთცხვაპა ი ეჩა
Line of edition: 14 ლა̈თხელითე.

Line of edition: 15 -- ჲა̈ღვე, მინს ესერ ჰემავ მჷთხელიდ ხეყენიხ ეჰე, ეჯის ჯი
Line of edition: 16 ასწვა̈მ ესერ აცხრინე: ჟ' ესერ ლოხგემ აშვ ხა̈მს ლათოფდ ი ქ' ესერ
Line of edition: 17 ჰემოშ ხა̈ჴდეხ ეჰე, მჷთხელიდ ხეყენიხ, მოდეი ესერ -- დემეგ.

Line of edition: 18 -- ლა̈იდ ესერ ეზერ, -- ესვცა̈დხ ა ლახვბად. ჟი ლოხეგ
Line of edition: 19 ეჲნემ ხა̈მ. ხეთეჭხ ა ლახვბა, მარე აში მოდე (უნდა: დეშ) ოხვრეკხ.
Line of edition: 20 -- მინი ესერ დემგია მჷთხელიდ ხა̈ყენახ ი ქორთ'ოვ ატა̈ხხ!

Line of edition: 21 ლახვბა ესხრიხჷდ ი მუღვლაქა̈რის ათასდხ. ამნემ ამჟიად ხა̈ქვ ი
Line of edition: 22 ეშვი ღოლაქ ლოხეგ ლათოფდ. ა̈ლჲა̈რ ხეთეფხჷდ ჰამუნღვე ნებოზდ,
Line of edition: 23 მარე ფინჩ დეშ ოდშიდხ. მუღვლაქა̈რიდ ამჟიად ხა̈ქვ, მარე ა ლახვბა
Line of edition: 24 ეჯღა̈ი ესხრიხჷდ ლა̈თხელითე.

Line of edition: 25 ღეშგმე ძგიდს აშვ ცხეკთელისგა ა̈თჴედჷნხ, ეჯგჯა̈რ, ერე დეცთეშჷნქა
Line of edition: 26 ლა̈წე დემთე ლი. ა̈მეჩუ ეშვი ქორ ლჷგ ი ყორჟი ეჯგვა̈რ
Line of edition: 27 სანაფ ლჷგ, ერე აშ ხოგუნგური. ახფიშვდხ ა̈მის და̈რკეც, მარე
Line of edition: 28 ჰარა̈კ ბა̈ლე დეშ ოხკვა̈რხ. ქორხენქა ლაჴა̈დ მინე დაჩვირ ი ხა̈ქვ,
Line of edition: 29 ერე "მიჩა ჭა̈შ, და̈ვ, ესერ არდეს ა̈მეჩუ ეჰე, ხოლ' ესერ ლა̈დეღს
Line of edition: 30 ხოსყი მინს". ისგა̈თჴერნე ა̈ლჲა̈რ ქორთე ი ლოხქვილ ი ლა̈ცხნირდ.

Добавлено (2007-03-28, 5:19 Pm)
---------------------------------------------
ესსიპე, ეჩქა̈ხი ჭედს ლახჩიხნე.

Line of edition: 32 ანღრი ნებოზს და̈ვ, აშვხენჩუ ღვაშ ხორკა ი მერმახენჩუ
Line of edition: 33 მჷხრიშ ბიკ. ისგანჴა̈დ ქორთე. ა̈ლჲა̈რ ჩვადკვა̈რ ი ჩვესგურა კეცხა̈შმიყჩუ.

Line of edition: 34 -- ჯი ზურალ, ამსოლდა̈შ ესერ ქვინ ხაჴან.

Line of edition: 35 -- ჩჲა̈გ ესერ ჯი იგოგელ ი იმგვალეგ ამსოლდა̈შ ნაზვს ესერ
Line of edition: 36 ადდივ.

Line of edition: 37 -- ეჯი ესერ დერი მეკვშდად ესერ ხაჴან.

Line of edition: 38 -- ჲა̈ღვე ქ' ესერ ა̈ნჴდე ი, მიჩ' ესერ ლაჯმილა ჰე ირიხ ეჰე, ხეჩო
Line of edition: 39 ესერ იმა?

Page of edition: 327
Line of edition: 1 -- ქოვ ანჴიდ, დემგვაშვ ესერ ხეჩო.

Line of edition: 2 ეჩქას ა დინად ლა̈ცხნირს ლოხქგილდ ი მიჩა ლაჯმილადჷდ
Line of edition: 3 ესსიპე. და̈ვდ ხა̈ქვ ა̈ლჲა̈რს, ერე: -- ჲა̈ღვე, ღვაშს ესერ ცეროვ ესძგერხ
Line of edition: 4 ი ბიკსოვ ჰაგვ ესძგერხ, ჩოვ ადბენღურეხ ი ჟიოვ
Line of edition: 5 ლოხჩიდხ.

Line of edition: 6 ა̈ლჲა̈რ ა̈ხკვაჰხ, მარე დეი ღვაშ მოშ ატტუმურეხ ი დეჲ ბიკ მოშ
Line of edition: 7 ადშხჷრჷრეხ. ეჩქას და̈ვ ანჷგან ჟი ი ეჲნემ აშვწა̈მ ადსიკთე მა̈გ ა̈ლა̈რ.
Line of edition: 8 ლეღვ ჟი ხორკა ლაჯაბს ი და̈ვ ზექა̈რს ხოკულცხა̈ლი. ჩვა̈დჯაბან
Line of edition: 9 ლეღვ, ჩვა̈ნკიდ და̈ვდ ი ტაბა̈გჟი ესდე. ლა̈ჲბინეხ ლიდჲარა̈ლ. და̈ვ იშვს
Line of edition: 10 ჯი იზბი ი ჯიჯვს ლახვბას ხატყცი. "ო და̈ვ, იბენძღუ ესერ
Line of edition: 11 ი მიბენძღუ!" ხა̈ფხეჭხ უშხვარ და̈ვდ ი ა ლახვბად, იბურგელხ, იბურგელხ
Line of edition: 12 ი ღეშგიმ და̈ვდ მა̈გ ჩუ ლაირტყვ.

Line of edition: 13 აჩა̈დ ობა̈შ ხა̈ნ. ეჯჲა̈რე დის ეშვი ნაღჟურ ადა̈იდ ა̈ხთავან. ეჯი
Line of edition: 14 ეჯგვა̈რ ჭაბიგვ ლიზ, ერე ლეთშვ ჭითხს იცხემ ი ლა̈დეღშვ კამინს.
Line of edition: 15 შიშდ მა̈ხეღვა̈ჟ ა̈ხფას. აშვ ლა̈დეღ მიჩა დის ქუთა̈რ ახნაყვნე, ჟი
Line of edition: 16 ანბიჴვ ი ლუსვა̈რლისგა ლახდე ი ხა̈ქვ: -- ჰედ ქოვ ხა̈ქვ, მიჩა ლახვბა
Line of edition: 17 მ' ომდენლიხ, ეჯი ი მოდეი ქ' ესერ ხა̈შხი ლუსვა̈რს!

Line of edition: 18 -- ჰე, ნავუ, მიჩ' ესეროვ ცოდ ხარ, ჲა̈ღვე, ი აშ-აშ, ამჟი ესერ
Line of edition: 19 ლჷმა̈რ ი ამჟი.
Line of edition: 20 ა̈ნმარან ა ნაღჟურ ი ისგაჩა̈დ და̈ვე ლა̈ზგათელისგა. სანაფს ახფიშვდ

Добавлено (2007-03-28, 5:20 Pm)
---------------------------------------------
და̈რკეც ი აშვხენჟი ჟი აცხეტ ი მერმახენჩუ ჩუ ანცხეტ. ქად
Line of edition: 22 ანჴა̈დ მიჩა დაჩვირ ი ხა̈ქვ, ერე: -- მიჩა ჭა̈შ, და̈ვ ესერ არდეს ა̈მეჩუ ეჰე,
Line of edition: 23 ვე დეშ ესერ ხერი ხოჩა ლა̈დეღ!
Line of edition: 24 -- ქოვ ოხჴიდ, იმეგ ესერ ა̈რი ხოლა მიჩა და̈ვ!
Line of edition: 25 ნებოზს ანჴა̈დჷდ და̈ვ ი ხა̈ქვ მიჩა სემუნს:

Line of edition: 26 -- ხოჩ' ესეროვ ლეთ ხარ!

Line of edition: 27 -- ხოლა ესეროვ ხა̈ყრა, მუქვნია და̈ვ!

Line of edition: 28 უშხვარი ხა̈ფხეჭხ. იბურგელხ ი ანჴა̈დ ა დინა ი მიჩა ჯიმილს
Line of edition: 29 ჭჷშხა̈რქა როგა̈შ ითქა̈რ ლოხჰარე. ეჩქას ნაღჟურდ და̈ვ ესსიპე ჟი
Line of edition: 30 ეჩხავ ი შყიბ გარ ახკიდვნე. ლოხბინე თხუმრე ლიქცურე. ხა̈ქვცე,
Line of edition: 31 ხა̈ქვცე ი ეშვი გარ ხოკლივ, ეჩქას და̈ვდ ხა̈ქვ, ერე: -- ეშვი თხვიმ ისგ'
Line of edition: 32 ესეროვ ლახცვირ ველიშ ი ცხეკიშ ლაშყანბუნალდ ი მიჩა ლახვბას
Line of edition: 33 ქ' ესერ ხა̈ტხე.

Line of edition: 34 -- ქოვ ლახტის, ჲა̈ღვე!

Line of edition: 35 -- ჩუოვ ოდბიჴვ ჴად ი ლესგლისგა გა̈ნთე ესერ ხაჭიდხ მიჩა ლახვბა
Line of edition: 36 ი ქოვ ა̈ნკიდ!

Line of edition: 37 ა ნაღჟურდ ამჟი ჩემინ. და̈ვს გვის, ყვიჟეს ახტაბე, ეჯჲა̈რ
Page of edition: 328 Line of edition: 1 ლახჭემ ი ჟი ანჰედვრე მა̈გ. ა და̈ვს ეჯის კინჩხ ჟიად ახქვიც,
Line of edition: 2 მიჩა ლახვბა ი დაჩვირ თხუმ ლა̈ჲკვა̈რ ი ქორთე ანჴიდ. ეჩეჩუ
Line of edition: 3 მინე დის ათხიდჷნ, ცხა̈ჲ, ლა̈ხჲა დალ აჩვმინხ ი ხოჩა ლიზგე
Line of edition: 4 ა̈ნსყეხ.

Line of edition: 5 ეჯგია ხოჩა ა̈მეგ ი ა̈მგია ხოლა ეჩეგ.

Line of edition: 6
ვიჩი ჭკადუა. ლალხორალი. მაქსიმე ქალდანი. 15.VI.1929

Добавлено (2007-03-28, 5:20 Pm)
---------------------------------------------
ეშვი ჲეხვ-ჭა̈შ

Line of edition: 8 ემეგ ა̈რიხ ეშვი ჲეხვ-ჭა̈შ. მაღვან ეჯზჷ ხუღვეხ, ერე მა̈გთან ჭჷშხ
Line of edition: 9 ჩუქა ხოზხ, მარე ნავბედვრი ეჯი ხოჭირხ, ერე გეზალ დემეგ ხორიხ. ჭა̈შ
Line of edition: 10 ჩჲა̈გიშ ნენსგა ხაჭიმ, ჲესვა̈ს ქუნდრ ლილთერ ი ლიჯლა̈ი ჩუ ხოხალ, ჩი
Line of edition: 11 ხეჭვდელ: -- მ' ესერ ღერმეთ ირი მინე მანდროვა̈რ, გეზალ ესერ იმღა დემ
Line of edition: 12 ხეთავოვნიხ?

Line of edition: 13 აშუნ ა̈დკვიჰ: "აშვ სოფელს ესერ ოლთენელი ეჯგვა̈რ მელთერ,
Line of edition: 14 ერე ამსოლდს მა̈ ლეჩემ ხერი, ჩიგვაშვ ესერ ქა ხა̈თერ".

Line of edition: 15 ა მა̈რე აჩა̈დ ა მელთერთე. ნა̈ლთერეშ ჲორი-სემი ნაზიმ ადა̈ჲე.
Line of edition: 16 მელთერდ ქახჭოდალე, მა̈გთან ჟ'ა̈ნჰუნრე ი ღეშგიმ ხა̈ქვ: -- ჯი ესერ
Line of edition: 17 ჲარვ უსგ ლაჰედნე. ე უსგა̈რ ეშვიოღვ აშვ ლა̈ყვნალჟი ლახმამნე
Line of edition: 18 მიჩა ჲახვ, მერმე -- მერმა̈შჟი ი ჲორი გეზალ ესერ ა̈ხთა̈ვი.

Line of edition: 19 ათხიდჷნ ა მარა. ქორთე მა̈ხჲადა̈რ ანტა̈ხ, ქოხუმბავე მიჩა ჲახვ,
Line of edition: 20 იმჟი მა̈ მელთერდ ხა̈ქვ, ეჯი ი ეშვი ვისგ შიშდ ეჲ ლეთ ხამნე.
Line of edition: 21 ზურალ ეჩქანღვე მეკვშდა დრევჟი გუდ აჴა̈დ, ერე ღანავ ლასვ.
Line of edition: 22 ჲეხვ-ჭა̈შ მა̈ხჲადშვ ჭჷშხ დემეგ ხაგანხ. გეზალს ჴადვთელისგა ხეშდრალხ
Line of edition: 23 ი ხეყჷლალხ. ა ზურალ ისგა̈ხბაკ ლაღვჟალს ი ჩუ დეშ იღვჟა̈ლ.
Line of edition: 24 ჩინჩვილს ანთუ-ფანთუ ხარ ჴადვლისგა ი დის ნამთილოშ
Line of edition: 25 თერა̈რ ჟიბავ ლჷჭერდ ხოცვირ. ჭა̈შ ხეჭვდელა̈ლ ჩი, ხეხვწება̈ლ, მარე
Line of edition: 26 და̈რ იმგვაშვმოშ ხოთერ მეღვჟა̈ლიშ მა̈შედს.

Line of edition: 27 აშვ ლა̈დეღ ეშვი მეჩი დადა ლახხვიდ ი ხა̈ქვ: -- ჯი ესერ ღჷბბილს
Line of edition: 28 ლა̈ჰედნე, ეჯის ხეჭამოღვ ღეშგიმ ი მიჩა ჲახვემ მა̈შედთე ლისგა ესერ
Line of edition: 29 ა̈თჭედჷნი!

Line of edition: 30 ღჷბბილ დადად ჴენაჟხენქა ქა ლა̈ჲკიდ ი ა მარა ქა ლახემ.
Line of edition: 31 ქორლისგა მა̈გთან ლიგას ადგენე, ეჩქას ა მა̈რე ქანჴა̈დ მინდერთექა,

Добавлено (2007-03-28, 5:20 Pm)
---------------------------------------------
ჩვესდე სგებინჩუ ი ღჷბბილდ ლიკრა̈ნკ ლა̈ჲბინე. თხუმ ღჷბბილ
Line of edition: 33 ესჭემი ი ღეშგიმ ე მა̈რე ხეღვაჭ. აშვ ა̈დგის ეშვი ზურალ ლჷცჟი
Line of edition: 34 არდ, ლჷცდ ცხჷრილ ხოხლჷნ ი ჟი დემ ხეზვრივ. ა ზურალ ლა̈ხჭედივ
Line of edition: 35 ეჯ მარა: -- ხოჩა მა̈რე, იმთ' ესერ ესხრი ამგვა̈რ გუნკვაშა̈რ?

Page of edition: 329
Line of edition: 1 -- მიჩა ესერ მა̈ზიგოღვ ლახჴედა, ხოჩა ზურალ, გუნკვაშა̈რ ესერ
Line of edition: 2 იმღა მოდე ირდი, ჲეხვ მეღვჟა̈ლ ესერ ქორს ათსედა, ჩუ ესერ დეშ
Line of edition: 3 იღვჟა̈ლ ი მელთერთე 'სერ ესხრი.

Line of edition: 4 -- ხოჩა მა̈რე, მიჩა ჲეხვ ჩვ ესერ ა̈დღვა̈ჟი, მარე გვიოღვ ლახემ
Line of edition: 5 მიჩა ჭირობს, ლიც ესერ ჟი დემ ხეზვრი ცხჷრილლისგა ი ქორშა̈რ
Line of edition: 6 ესერ ჩუ ხოღლიხ. ემეგ ესერ მელთერს ა̈თთხანენეს, მიჩა
Line of edition: 7 სა̈ხოვი ქოხუმბავე ი ჩუოვ ოთცხირ.

Line of edition: 8 მა̈რემ იმედ ხა̈ქვ ი ჩვაცვირ ა ზურალ. ქა̈ხიშალ ანჴა̈დ, ეჩქას
Line of edition: 9 ღჷბბილდ ქად ანსკინე მა̈რემ სგებინთექა ი ესკჷრკალჷდ მინდერ
Line of edition: 10 ლექვა. მინდვრიშ წჷსხა ხოშაუსვახვიშ ლა̈ჩჴ ლჷგან. ეშვი მიჭ გიმდ
Line of edition: 11 ხოშტკჷნან ი მერმე დეცდ. ღჷბბილ ლა̈ჩვა̈შ მჷჭჟი ჟი ლა̈ხთვაფ.
Line of edition: 12 ა მა̈რემ ხა̈ქვ ლა̈ჩვს: -- ხოჩა ლა̈ჩვ, მოდმ' ესერ ირია ოღვ ე ჟ'აფიშვდ
Line of edition: 13 მჷჭჟი, სურუ ესერ უთნებ ხარ.

Line of edition: 14 ლა̈ჩვდ ხა̈ქვ: -- მჷჭჟი ესერ ჟი ფიშვდე, მარე მოლე ლა̈ჭირ მიჩოვი
Line of edition: 15 ოთხეჲე. მჷჭა̈რ ესერ ჟი ხოშდკჷნა დეცდ ი გიმდ, ათშერ'
Line of edition: 16 ესერ. მიჩოღვი ლოხვთირ, მოლე ლჷცხირ ამბა̈ვოღვ ოხჴიდ
Line of edition: 17 დეცხენჩუ.

Line of edition: 18 ა მა̈რემ ესვცა̈დ: -- მიჩ გაროღვ ხა̈ხვიე, ჩიგვაშვ ლჷცხირ ესერ
Line of edition: 19 ოხჴიდე.

Line of edition: 20 ა მა̈რე ჟ'ა̈ჩად ლა̈ჩვა̈შ მჷჭჟი ი დეცთე ა̈თჴედჷნ. დეც ლექვა

Добавлено (2007-03-28, 5:21 Pm)
---------------------------------------------
ლჷბბილ თხუმ ესკჷრკალ ი ღეშგიმ მა̈რე ხეღვაჭ. აშვ ა̈დგის ბერჟემ
Line of edition: 22 ქორს ათასდხ, ღჷბბილდ ქა ლოხქა̈ბ ა ქორს. ესხრიხ, ესხრიხ
Line of edition: 23 ი ჩეჲა̈შ ქორს ათასდხ, ღჷბბილდ ქაჷდ ლოხქა̈ბ. ესხრიხ ი ვოქრე
Line of edition: 24 ქორს ათასდხ. ღჷბბილდ ვოქრე ქორა̈შ ქორლისგა ისგა ხა̈ძგერ ი
Line of edition: 25 ა მა̈რეი ისგა ლა̈ხჭამ. ვოქრე ქორ ისგა̈შხენ აშ დაღზა, მიჟ ი დოშდულ
Line of edition: 26 ძგჷდა̈რთე ხასგურდხ, ლამა̈რია ვოქრე ტა̈ხდჟი ჩუ სგურდ ი
Line of edition: 27 გიმბა̈შს ა̈ზთუნა.

Line of edition: 28 -- საბრალ ამსოლდ, იმ ესერ ოხჴიდა მიჩეშთელისგა?

Line of edition: 29 ა მა̈რემ ქოხუმბავე: -- აშ-აშ, ამჟი ესერ ლი მიჩა გეშ, ჲეხვ ესერ
Line of edition: 30 მეღვჟა̈ლ ქორს ხექნოვა̈ლ ი მიჩეშთ' ესერ ომჴედ ლაჴჷრალთე.

Line of edition: 31 -- მიჩ' ესერ ჲეხვ ბუმბლა̈რჟიშ მჷქაფდ ბირდვა̈რჟიოვ ლაჲყვინე
Line of edition: 32 ი ჩვ ესერ ა̈დღვა̈ჟი შიშდ.

Line of edition: 33 -- ეშვი ზურალ ლჷცჟი ესერ იცვდილა̈ლ, ლჷცდ ცხჷრილ ესერ
Line of edition: 34 ისგა ხოხლა, ჟი ესერ დემ ხეზვრი ი ქორშა̈რ ლჷცემ მაფჷრშვ ხეყმი
Line of edition: 35 ესერ.

Line of edition: 36 -- ეჯ ზურალდ ცხჷრლიშ მჷქაფდ ლჷნჷნკვა̈რ (\ ლუნკვა̈რ)
Line of edition: 37 შედოვ ლოხხელ ლჷც ი ჟ' ესერ ა̈ხზერი.

Page of edition: 330
Line of edition: 1 -- მიჩა ესერ მა̈ზიგოღვ ლახჴედა, ლა̈ჩვ ესერი იცვდილა̈ლ
Line of edition: 2 მინდერლისგა, მჷჭა̈რ ესერ დეცდ ი გიმდ ხოშდკჷნა ი ქა ლაქახ დემთ'
Line of edition: 3 ესერ ხარ, მ' ესერ ხარ, მ' ესერ ე ლა̈ჩვდ?

Line of edition: 4 -- მახა მიშლა̈დეღ ესფჷთხნალოღვ, მჷჭა̈რ ესერ ჩოთშჷდნი ი
Line of edition: 5 შუკვ ესერ ლა̈ჰედი, იმთვა̈თე დე ხეცხენი.

Line of edition: 6 ა მა̈რემ მაჴვამ ხა̈ქვ ლამა̈რიას ი მა̈ხჲადა̈რ ქანტა̈ხ ვოქრე
Line of edition: 7 ქორხენქა. ლა̈ჩვდ ჩვანფიშვდ მჷჭა̈რჩუ, ეჯნა̈ლიდ მიჩეშთე მა̈ ლა̈ჭირ
Line of edition: 8 ხუღვანდ, ეჯი მა̈გ ქა ხა̈ქვ. ზურალ ლჷცჟიად ესხვიდ, ცხჷრილ ისგად
Line of edition: 9 ხოხლჷნ. ლამა̈რია̈შ ნაქვ ლახა ჩვაცხირ, მა̈ხჲადშვ ვიშკ ქა̈თნარჰან,
Line of edition: 10 ქორთე ლა̈ხთვაფ, ლჷნჷნკვა̈რ შედ ანჴიდ ი ლიც შიშდ ჟი

Line of edition: 13 ა მა̈რე ქორთ' ანტა̈ხ ი მიჩა ჲახვ ხოშაი თჷმი ხად. შიშდ ეჯ
Line of edition: 14 წა̈მჟი ჩა̈ვთე პა̈რტ ესვერშხ ი .ეჩელისგა ადყვინეხ, მა̈დე ლასვ, ე
Line of edition: 15 მა̈რემ ჲეხვ ჩვა̈დღვაჟ ი ეჯგვა̈რ ჭაბიგვ ანთავე, ერე ჟი ლჷრდცა̈ლ
Line of edition: 16 ლასვ. ა ჭაბიგვ ლეთშვ ჭითხს იცხამ ი ლა̈დეღშვ -- კამინს. ეჯგვა̈რ
Line of edition: 17 მა̈ხეღვა̈ჟ ა̈ხფას, ერე სოფელლისგა ბარჯს და̈რმოშ ხა̈ბკინა, კოჯს
Line of edition: 18 ღვაშს დემ ხა̈ცვრა, ცხეკს -- წივერს ი ლჷც -- აკალმახვს.

Line of edition: 19 ა ზურალ ჩუად ა̈დღანავ ი მერმა̈შჟი დინა ანთავე. დინა
Line of edition: 20 ჭჷმინშალ იცხამ ი ეჯგვა̈რ სიმაქ ა̈ხფას, ერე ა̈ვერას მიჩა ტელ დემეგ
Line of edition: 21 არდ.

Line of edition: 22 აშვ ლა̈დეღ ა დინა̈შ ქორშა̈რ ლაჩომს არდხ ი ქორს დინა
Line of edition: 23 გარხელაჩ. ანჴა̈დ იმგვალეხენ ხოშა და̈ვ, ხა̈ფხეჭ ა დინას ი კვა̈მდ ლახ
Line of edition: 24 თვიფ. ნებოზს ქორშა̈რ ანჴა̈დხ ლამშახენ, ქორა̈შ ყორ ა̈რ ეშ ი აშ
Line of edition: 25 ხაჭჷდხ ი დინა დემეგიმეგ წვანდ, იჭვდელალხ სოფელლისგა, მარე
Line of edition: 26 და̈ს მა̈გეშ ხოხალდ.

Line of edition: 27 ა დინა̈შ ჯიმილ ჟ'ა̈ნმარან ლა̈თხელითე, აჩა̈დ ქა სოფელხენქა,
Line of edition: 28 ჩვესჷგან ლაჭრი შუკვლისგა, ა̈დსკორე გვა̈მიდ, გუმი ნაყჷლს ესჭჷდ
Line of edition: 29 ი მინდერ ლექვა ადსყე ლიზი. ესხრი, ესხრი ი მინდვრიშ ჴომთე
Line of edition: 30 ლექვა ლახშდიხ, ა̈მეჩუ ჲორი მა̈რე ლა̈ჭმას ლასვხ ქა ლჷთმარე. ა
Line of edition: 31 ნაღვჟურ ლა̈ხჭედივ მჷჭმას: -- ლათუნღვე მიჩა დაჩვირ დემთ' ესერ
Line of edition: 32 წვა, ხვა̈დინას მოდმაგეშ ესერ მა̈ ხოხალხა?

Добавлено (2007-03-28, 5:22 Pm)
---------------------------------------------
ლათ ისგლა̈დეღქა მოლეგეშ ბიქვშალ ესერ ოლმა̈ზ მინდერ
Line of edition: 34 ლექვა, მოლე ბამბიშ ყვაბშალ ჟი ისერ ხა̈ჭთხენა, ამჷნქ' ესერ მინს
Line of edition: 35 დე ხოწვახ მა̈, დეჲ ხაიმახ ესერ მა̈გეშ.

Line of edition: 36 ნაღვჟურდ მაჴვამ ხა̈ქვ მჷჭმას ი შუკვს ათაგან. ესხრი, ესხრი
Line of edition: 37 ი ხოსაუსვახიშ ქორს ხეწად. ძგიდს ქორს ი ა̈ზვს ხოშა თხრილ ხეცხაპ.
Line of edition: 38 თხრილ ლჷცშვ ლასვ ი ჟიქაქა ამფხვა̈რ ი ჰერწმა̈რ
Page of edition: 331 Line of edition: 1 ჩუ ლუფურთინე ლასვხ. აშვ ფოყხენ თხრილქა ლჷწისხ მეგმა̈რ ბოგშალ
Line of edition: 2 ხასდხ. ა მეგმა̈რ ეჯჟი ლუხვამბუნე ლასვხს, ერე თხუმემ ქა
Line of edition: 3 ლითში ნაცხეკვსი გარჯ ლა̈ხერივ. ნაღვჟურ თხრილქა ეშვი გარ
Line of edition: 4 ესვპა̈რ ი მერმათე ადსკინე. ისგაჩა̈დ ყორთელისგა ი ქორა̈შ ყორა̈რდ
Line of edition: 5 ჯჷრჭკჷნ ა̈ნკიდხ ი ქორხენქა ზურალა̈შ ჰერ ანსჷმდ: -- ჲა̈რ
Line of edition: 6 ესერ ლი, ერე თხვიმ ამგვა̈რ ლახსისგა, მიჩ' ესერ ჭა̈შ ესჰელი ეჰე,
Line of edition: 7 შდჷქმი ნაცყერუნდ დეშ ესერ ა̈თხერი.

Line of edition: 8 ნაღვჟურდ მიჩა დაჩვრემ ჰერ ჩვათირ ი ხა̈ქვ: -- მიჩ' ესერ ჯიმილ
Line of edition: 9 ლი ი მიჩა ლა̈ტხათ' ესერ ომჴედ.

Line of edition: 10 -- ჰე, მიჩა ჯიმილ ესერ ლი ე, ღჷრდოღვ შიშდ, ოდო მიჩა ჭაშვ
Line of edition: 11 ჯი ესერ დერი სოფელ დეშ ესერ ხა̈წრე.

Line of edition: 12 -- ეჯღ' ოვ შვა̈ბ იყირ, ჯი ჟ'ოვ ა̈ნმარან, დია̈შ ი ბუა̈შთ' ესერ
Line of edition: 13 ინჴრინე.

Line of edition: 14 ალ ი ალ რაგა̈დ ხადხ, ეჯჟი იმგვალეხენ და̈ვ ანჴა̈დ, აშვხენ ბიკ
Line of edition: 15 ხაცუდ ი მერმახენ ღვაშ.

Line of edition: 16 -- ჲა̈რ ესერ ლი მიჩა უჭვდალდ მიჩა ყორჟი მერდე?

Line of edition: 17 -- მიჩა ყორჟი ლირდეს მიჩ ესერ ჲა̈რ ლა̈ხჭედნი, მუქვნია, ჯი
Line of edition: 18 ესერ ლი, ღვე, მ' ესერ ხაკუ?

Line of edition: 19 და̈ვ ი ა ნაღვჟურ უშხვართე გარ ანღჷრდხ ი უშხვარი ხა̈ფხეჭხ.
Line of edition: 20 იბურგელხ, იბურგელხ ი უშხვარ ჩუ დეხედამოშ ხა̈წრეხ. ეჩქას ქორხენქა
Line of edition: 21 ზურალდ ანსკინე, ეშვი ხოშა ფაკნი ჭჟა̈ნ ანჴიდ ი, მიჩა ჯიმილ იმგვა̈ხენ
Line of edition: 22 ლჷგან, ეჩხენ ესგეშ გიმს. ნაღვჟურდ ჭყა̈ნხენ და̈ვ
Line of edition: 23 ლა̈ჲჩიშ ი კიჩხ გარ ახღანვნე. ლა̈ჲშგვინ ხანჯა̈რ ი კინჩხრე

Добавлено (2007-03-28, 5:22 Pm)
---------------------------------------------
ლიქვცურე
Line of edition: 24 ლოხვბინე. ხა̈ქვცე, ხა̈ქვცე ი ეშფეშხვი კინჩხ მა̈გ ჟი ახქვიც.

Line of edition: 25 -- სი ნაღვჟურ, ეშვი კინჩხ ეჯღა̈ჲ ჟ'ემაცვრ მიშგვა ველიშ ი
Line of edition: 26 ცხეკიშ ლაშყამბუნალდ ი მიშგვი მაღვან-მა̈წვან მა̈გ ბედნიეროვ ჯარ!

Line of edition: 27 -- მა̈ მა̈დეს, სი მუქვნია, ისგვი მაღვან-მაწვან, ეჩა მჷქაფდ მიშგვი
Line of edition: 28 დაჩვირ იმჟი ლასვ, ეჯჟი ლამატხ.

Line of edition: 29 და̈ვდ ლიღურმუშა̈ლ ლაჲბინე, ეჯგვა̈რ იჯგვა̈რ ესყვილ, ერე გიმმეგემდ
Line of edition: 30 აშ ათფჷრღნინე. ნაღვჟურდ ესსიპე ხანჯა̈რ, ღეშგმე ძგიდიშ
Line of edition: 31 კინჩხი ჟ'ახქვიც. მიჩა დაჩვირ ისგა ლა̈ჲჴერნე ი ქორთე ანტა̈ხხ.

Line of edition: 32
ვიჩი ჭკადუა. იდლიანი. მაქსიმე ქალდანი. 15.VI.1929

Добавлено (2007-03-28, 5:23 Pm)
---------------------------------------------
ა̈ბიხანჯა̈რ

Line of edition: 34 ემეგ ა̈რიხ ხელწიფ ი მიჩა ჲეხვ. გეზალ დემ ხეთა̈ვიხ ი ხელწიფ
Line of edition: 35 მელთერიშ ლაჭვდალთე აჩა̈დ. ესხრი, ესხრი ი ეშვი მა̈რე ლახხვიდ:
Line of edition: 36 -- იმთ' ესერ ესხრი? -- ლა̈ხჭედივ ა მა̈რე.

Page of edition: 332
Line of edition: 1 -- გეზალ ესერ დემ ხეთა̈ვი ი მელთერს ესერ ხეჭვდელ, --
Line of edition: 2 ხა̈ქვ ხელწიფდ ი ქა ლოხვქა̈ბ. ა მა̈რემ მარქაფ ხაჴიდ ი სგებინხენჷდ
Line of edition: 3 ლახხვიდ. ამჟიად ლა̈ხჭედივ ი ჩვად აცხირ ი აფიშვდ ხელწიფ. მესმაჟი
Line of edition: 4 მოშდჷდ ლჷრექვ სგებინხენჷდ ლახხვიდ ი ქად ახჭოდელე.

Line of edition: 5 სგებინ მეხელი ესნერ ე ჯგჷრა̈გ ლი. ჯიბხენჟი სანაფ ლა̈ჲკიდ: -- ა̈ლი
Line of edition: 6 ესერ ისგდოვ აბიჴვ, ქორთე ა̈ჩეს, ეჩაქს ხჷნსგა ჯინემოღ ლა̈ლემ ი
Line of edition: 7 ხჷნსგა მიჩა ჲახვოღვ ხამნე. ეჩქას მიჩა ჲეხვ ესერ ჩვა̈დღანვი, მარე
Line of edition: 8 ლაღვჟალ ქორ ვორუნჩუოღვ ოთვეგ, მიჩა ლიჴდა̈ლდ ჩინჩვილ
Line of edition: 9 ნა̈რჰისოღვ ნომა ხეწად. ჩინჩვილს ჯი ესერ იპრისდი.

Line of edition: 10 ხელწიფდ მიჩა ჲახვ ქოხუმბავე მა̈გთან, სანაფ ჩუ ლა̈ლემხ ი
Line of edition: 11 ზურალ ტკისდ ჩვა̈დღანავ. ხელწიფდ ლარდ' ადიგ ვორუნჩუ ი მიჩა
Line of edition: 12 ჲეხვ ამთე ადგენე. ზურალ ჩვა̈დღვაჟ ი ნაღვჟურ ანთავე. ა ჩინჩვილ
Line of edition: 13 ლეთშვ ჭითხს იცხემ ი ლა̈დეღშვ კამინს. ლა̈პრისდითე ჯგჷრა̈გ ანჴა̈დ.
Line of edition: 14 ამნემ ადკარე ლაჴვრა ი ლაჴვრალისგა მჷჟემ ანსკინე. ბეფშ
Line of edition: 15 ნა̈რჰის ათხე გარ ხეწად ი აშ ადჯჷჯგნე. ჟ'ა̈ნპირსდე ბეფშ ი ჟახად
Line of edition: 16 ა̈ბიხანჯა̈რ ათჟა̈ხ ჯგჷრა̈გდ. ათხე პა̈პიდ ჩვადმეზრე მიჩა ლჷპრისდე:
Line of edition: 17 მიჩა მჷნწირ ნემეგ ესეროღვ ოლთენელი, ჲარვ ზუღვა უშხვარ
Line of edition: 18 ნენსგა რა̈შ ესერ ა̈რი, ლასგვრად ეჯჷნქა ნომაგეშ ესეროღვ
Line of edition: 19 ხოგიჭ.

Line of edition: 20 ათხე ჯგჷრა̈გდ ხანჯა̈რ ლა̈ჲცხვა̈პ ი ლჷპრისდა ხაშჩქვარე: ა̈ლი
Line of edition: 21 ესერ ვოდდე ხაბჷდეს, მჷნწირ ესერ ნომოღვ ლახთელა. ხანჯა̈რს
Line of edition: 22 სისნა̈ხეშ ნახა̈ზ ხაგ. ა̈მჷნქა ჲახვდ ნა̈რ ესეროღვ ხოშიდ.

Line of edition: 23 ა̈ბიხანჯა̈რს ეჯგვა̈რ სვრილ მა̈ხეღვა̈ჟ ა̈ხფას, ერე გიმქა ლახ
Line of edition: 24 იზელა̈ლ, გიმ ხოქხენი. ჩა̈ჟ მოდმა მა̈ ხოგიჭ ი ხელწიფდ ეშდჲარვ
Line of edition: 25 მარა ოთთონე ჲარვ ზუღვა უშხვარ ნენსგახენ რა̈შიშ ლა̈ჴდათე.
Line of edition: 26 ისგა̈ხჴედჷნხ ა̈ლჲა̈რს ზუღვა̈შ ძგიდთე. მაფუა ზუღვახენქა რა̈შ
Line of edition: 27 ლა̈ხშგაბ ი ისგა ლახაგან ა̈ლჲა̈რს. ა̈ხფურთინან ისგა ი მემბავდ ეშვი
Line of edition: 28 ყვირა̈ მა̈რე გარ აცვირ. ამჟი მემბა̈ვ გარ აცვირ მერმა̈შჟია̈.

Line of edition: 29 ა̈ბიხანჯა̈რ ჯი იზვრელ რა̈შიშ ლა̈ჴდათე, მარე ხელწიფდ მესმად
Line of edition: 30 ოთთონე ეშდჲარვ მარა. რა̈შდ ეჩქასი მემბა̈ვ გარ აცვირ, ეშვი თე
Line of edition: 31 ქოხვხიპ, ეჯჟი.

Добавлено (2007-03-28, 5:23 Pm)
---------------------------------------------
-- ჰა̈, ფუოღვ მაქვა, მი მოდე ოჩვე რა̈შიშ ლა̈ჴდათე! --
Line of edition: 33 რა̈ქვ ა̈ბიხანჯა̈რდ. ისგა ლა̈იბ მიჩა პა̈პიშ ნაშჩქვარ ხანჯა̈რ ი ანჴა̈დ
Line of edition: 34 ზუღვა̈შ პილთე. მაფუა ზუღვახენქა რა̈შდ ანსკინე ი ა̈ბიხანჯა̈რდ კინჩხჩუ
Line of edition: 35 ხა̈ფხეჭ. იბურგელხ ა̈მეჩუ ი რა̈შდ ხა̈ქვ: -- იმღა მადვაშვნე ისგვა
Line of edition: 36 თხუმ, ჲრვა̈ ხი? მი ა̈ბიხანჯა̈რიშჷნქა და̈რმოშ მესგვრი.

Line of edition: 37 ა̈ბიხანჯა̈რდ ქოთცხირ ი რა̈შდ თხვიმ ჟ'აჰინგრუნე ი ჟი
Line of edition: 38 ლა̈ჲსგურე. ქაკვა̈ჰ ჩითე, ცადაქეყანათე, ა რა̈შიშ ნახსი. აშვ ლა̈დეღ
Page of edition: 333 Line of edition: 1 ა̈ბიხანჯა̈რდ რა̈შ ლარალისგა აფიშვდ ი ჯი ჩუ ლა̈ჲუჟა. დეც მეფხაქა
Line of edition: 2 მერილშალ ლა̈ხყვაფ მოლეგეშ, ანჴა̈დ ისგა̈ხი ი ა̈ბიხანჯა̈რ ჟ'ანეცხვნე:
Line of edition: 3 -- ჲა̈ს ესერ ლოჰოდა ნა̈ბ, ლარალისგა რა̈შ ქოთფიშვდა ი ჯი ჩოლუჟნელი,
Line of edition: 4 ეჩა?

Line of edition: 5 ა̈ბიხანჯა̈რდ ქოთცხირ ი ღეშგიმ ხა̈ქვ: -- ამღ' ესერ, ხოცხონოვ,
Line of edition: 6 ლიმხუბ ხადხ, მოდეი ლიმახვ.

Line of edition: 7 ა მა̈რემ ლიმხუბ ა̈დცხონე ლიმახვდ ი აჩა̈დხ. მერმე ლარ' ათასდხ.
Line of edition: 8 ა̈მეჩუ ა̈ლჲა̈რდ ქად აფიშვდხ რაშა̈რ ი მინ ჩვა̈დუჟახ. ამთელისგა
Line of edition: 9 მესმე ლჷრა̈შ ანჴა̈დ ი ა̈ლჲა̈რს ისგა ა̈თმუხვბან.

Line of edition: 10 ა̈ბიხანჯა̈რ ი მიჩა მემხუბალას აშვ სა̈ხელწიფთე ა̈თჴედჷნხ. ა̈მეჩუ
Line of edition: 11 სოფელ მა̈გ მეშხად ლჷრექვ ლი ი აცხირხ, ერე: სემი და̈ვ ესერ
Line of edition: 12 ხაფვსდახ კოჯხენჩუ, ჩი ლა̈დეღ მა̈რემ ქვინ ესერ ხარხ ლეჰვდი ი
Line of edition: 13 ეჩა ლჷღფჷრ' ესერ ლიხ. ჲერვ' ესერ ა̈მის ქა ლა̈ხშედნი, ხელწიფ
Line of edition: 14 მიჩა სამ დინალისგა აშესერ ხა̈თშუნე ი სა̈ხელწიფიშ ხჷნსგამ ესერ
Line of edition: 15 ქა ხაჰვდი.

Line of edition: 16 ა̈ბიხანჯა̈რ ჟ'აჩა̈დ კოჯჟი ი ა̈მეჩუ სამ და̈ვს სურუ ათხიდჷნხ:
Line of edition: 17 -- ნენცელჲაქ ესერ ახჴედახ.

Line of edition: 18 -- ეჯის ესერ უშხვარ ახთენისგხ, -- ხა̈ქვ ა̈ბიხანჯა̈რდ.

Line of edition: 19 ისგა̈ხფურთინან ი და̈ვა̈რს თხუმა̈რ უშხვარ ლოხხჷპჷრე. ჩვანტა̈ხ,
Line of edition: 20 ეჩქას ხელწიფდ სემი დინა მა̈გ ლალკვჰად ესვგენე. ა̈ბიხან

Line of edition: 24 ჩვადჲეხვჭაშე ა დინა ი მიჩა მუხვბად ლჷგნე. ა̈მის თეტენ
Line of edition: 25 ათცვირ: -- ლაყვრა̈შოღვ თხუმრა̈შლისგა ლოხვესვ ი, შომ' ესერ
Line of edition: 26 ზისხშვ ლიჰა̈ჲდური ლა̈ჲბინას, მიჩ ესერ ლჷყრინ ხარ ი ა̈ხთხელივოღვ, --
Line of edition: 27 ი აჩა̈დხ ჯია̈ ი მიჩა მერმე მუხვბე.

Line of edition: 28 ესხრიხ, ესხრიხ ი წჷრნი სოფელთე ა̈ხჴედჷნხ. ა̈მეჩუი ამჟი ლა̈ლჭალ
Line of edition: 29 ხარს და̈ვრე ბედშვ. ა̈მეჩვიშ ხელწიფი დინაგეზალს ი სა̈ხელწიფიშ
Line of edition: 30 ხჷნსგამ ხემედა̈ლ, ჲერვა̈ და̈ვა̈რს ქათღირე, ეჯის. ა̈ბიხანჯა̈რდ ჟ'ა̈ნთხე
Line of edition: 31 ე სემი და̈ვ. ეჯჲა̈რს, -- ნენცელჲაქ ესერ ახჴედახ, -- ეჯი
Line of edition: 32 ათჩონხ, ეჯი დერი ჯინემ უშხვარ ლახხჷპჷრე ი სა̈ხელწიფს ქა ლა̈ხშად.
Line of edition: 33 ხელწიფდ ნა̈თიშვ დინა ა̈მეჩუ ახჭარჟე, მარე მიჩა ხანჯა̈რჟიშ ნახა̈ზს
Line of edition: 34 ლახ მოდმა ხაჯოდ, ნენსგა̈შ მუხვბა ესვყედნე. მიჩა ხოლემ
Line of edition: 35 ი ხოჩემ ლა̈ცხრიდ მერმე თეტენ ა̈ლჲა̈რს ათცვირ, ჩვათშგურანე ხოშა
Line of edition: 36 მუხვბაშალ ი აჩა̈დ.

Line of edition: 37 ესხრი, ესხრი ი აშვ ლუძღვიდთელისგა ა̈თჴედჷნ. ა̈ბიხანჯა̈რს
Line of edition: 38 გუემ ხა̈ქვ, ერე -- მიჩა ლეჲხური ა̈მელისგ ა̈რი.

Page of edition: 334
Line of edition: 1 ათხე რა̈შს ხა̈ქვ: -- მოლოვშვ ესერ ისგა ლეკვშე ხარს.

Line of edition: 2 რა̈შდ [ხა̈ქვ]: -- ჲა̈ღვე, ჩოღვ ა̈დსერ, ხაჴიდოღვ გვა̈მიდ ი ჯი
Line of edition: 3 ძღვიდს გუგუფს ესერ ხა̈ძგრინე.

Line of edition: 4 ხაჴიდ მადრა̈ჴ ი რა̈შდ ძღვიდს გუგუფ ხა̈ძგერ, მარე მოდმაგეშმოშ
Line of edition: 5 ხა̈ყერ. ა̈ბიხანჯა̈რს გვი ლა̈ხკვაშ. ძღვიდლისგა ნავკვიში მოდმა
Line of edition: 6 ხეჩვმინი. რა̈შდ ხა̈ქვჷდ: -- ეჯგვა̈რ ესეროღვ ხაჴიდ, ერე
Line of edition: 7 ჯიჯვა̈რდ ადტკჷრჩჷნახ.

Line of edition: 8 ხაჴიდ ი ტკისდ ჯიჯვა̈რდ ლახ. ადტკჷრჩჷნეხ, ა̈თვი ქჷმრა̈რ
Line of edition: 9 ოხვშყა̈დ მაჟჷრშვ. ქჷმრა̈რ რა̈შს ახბჷდხ ი ცხჷღ-ცხჷლ ა̈ნკიდხ. რა̈შდ
Line of edition: 10 გუგუფ ეჯგვა̈რ ლჷხრინად ხა̈ძგერ, ერე ძღვიდ ისგათყვიჩ ი ისგადსკინე

Добавлено (2007-03-28, 5:24 Pm)
---------------------------------------------
ა̈ზვთე.

Line of edition: 12 ა̈ზვლისგა ა̈ბიხანჯა̈რს მეძბარა̈რ ახშჷდხ, მარე ისგა ლა̈ხშინრანხ.
Line of edition: 13 ა̈ლის მურყვმა̈შ გალვა̈ნხემჩუ ეშვი სიმაქ ხეწად. ისგესვჭენ ი, მიჟუწდუნა
Line of edition: 14 სიმაქ ჩვაყვრე, ა̈მის ქოხუმბავე. ა მიჟუწდუნად ხა̈ქვ: -- ეჯი ესერ მიჩა
Line of edition: 15 ლეჭშჷრი ა̈ბიხანჯა̈რ მოდ ე ირი, მეძბარა̈რ ესერ დემის
Line of edition: 16 ხა̈შნაროვნახ.

Line of edition: 17 ათხე ხა̈ქვ ა სიმაქს ი ტან ლეჟა ეშდჲორი პილატოკ ესლაფრუნე.
Line of edition: 18 ჟ'ანჴა̈დ ა̈ბიხანჯა̈რ, ხოკედ ა პილატოკა̈რს (შირე ლაკვცანარა̈რს) ი
Line of edition: 19 ლარდალისგა ხემ' ეჯჟი ინა̈რჰი. მა̈გ ჟ'ოხვკიდ, ეჩქას ლარდა
Line of edition: 20 მჷჟშალ ა̈დნარჰან. ხეწადხ ა̈ლჲა̈რ უშხვარ ი მალატშვ ბაჟ ქოთჩა̈დხ.
Line of edition: 21 მოვა̈ხდ ჟ'ანეცხვნე, ბაჟ ლახტის. ა̈ბიხანჯა̈რდ მიჩა ხანჯა̈რჟიშ ნახა̈ზ
Line of edition: 22 ახგენე ი ა სიმაქ ლი. სერ ჩვა̈რიხ მურყვამჟი. სისნა̈ხ ისგლა̈დეღქა
Line of edition: 23 ჩუ ივჟუნი აშხვა̈ნს. ა̈ბიხანჯა̈რ ჩვადშგურანე: -- მიჩა კიბდენიშ
Line of edition: 24 ლაკრას ნ'ეშომოღვ ა̈ხკვაჰ, ოდო მინე ჴაცა ეჯის ესერ
Line of edition: 25 ხა̈ბ.

Line of edition: 26 ა̈ლი ა̈ბიხანჯა̈რს გუთ' ოთჩა̈დ ი აშვ ლა̈დეღ ლა̈თხელის გა̈ნთე
Line of edition: 27 მოდმამა̈ ლახცვირ, მარე ლაკრა̈რ დეშ ა̈ნთხე.

Line of edition: 28 აშვ ლა̈დეღ მიჩა ჲეხვ ჩუ ივჟა ი თხვიმ ღულა̈ჟი ხოსდ. ფათვა̈რს
Line of edition: 29 ხეშდრალ ი კიბდენიშ ლაკრა̈რ ა̈მელისგ' ა̈ნთხე. ადკარე კიბდენ ი
Line of edition: 30 მოლაგვაშვემ ჟ'ანსკინე კიბდენხენჟი ი მურყვმა̈შ ლაჴვრაქა
Line of edition: 31 ქა ლა̈ხთვაფ.

Line of edition: 32 -- 'აჰ, მინე თხვიმ ესერ იმღა ოთჴაცა? -- ხა̈ქვ ზურალდ ი ა̈ბიხანჯა̈რს
Line of edition: 33 ჰა̈ბ ქოთჩა̈დ.

Line of edition: 34 მურყვამხენქა ნა̈პერვ შრა̈ფ ანდავას ახხვიდხ ი კესა̈რს ოთჴიდხ.
Line of edition: 35 კესა̈რდ გუნ ა̈დხიდე ი: -- ჰა̈, ა̈მიშ მჷჭენიოღვ ოხვთხეხ, მიჩა გეზლა̈შ
Line of edition: 36 ლეჲხური ესერ ხარ.

Line of edition: 37 ხეთხელიხ ჩჲა̈გ, მარე და̈რდმოშ ა̈ნთხე. ეჩქას აშვ დადად რა̈ქვ:

Добавлено (2007-03-28, 5:24 Pm)
---------------------------------------------
-- ჲაღვე, ჯი ხოლა ლჷჩორხე კიბდენთ' ოღვ ადგენეხ ი ეშვი
Page of edition: 335 Line of edition: 1 ბოთლიკ ბა̈ნგ, ეშვი ბოთლიკ ღვინალ ი სემი ლემზირ ისგოღვ ესვდეხ
Line of edition: 2 ი კიბდენ ზუღვათ'ოღვ ადკვა̈რხ.

Line of edition: 3 კიბდენ ზუღვას ჩჲა̈გ ხოტანტუნალნა ი აშვ ლა̈დეღ მურყვამხენქი
Line of edition: 4 ა̈ბიხანჯა̈რ ი მიჩა ჲეხვ ხეწადხ. ლახჷმბაჟჷნხ: -- მ' ესერ ირი ა̈ლი?
Line of edition: 5 ი ა̈ბიხანჯა̈რდ ქა̈ნკიდ კადა̈რთე, ადკარე ჩუ ი ამხენჟი ჩუ ლჷწჷლწყჷნე
Line of edition: 6 დადა ლა̈ხშგაბ. ა̈ბიხანჯა̈რდ ჟა̈ნჴერნე დადა მიჩა ლულვუზდ. ა̈ლი სისნა̈ხეს
Line of edition: 7 მოდ' ოთცხონ, მარე მ' ოღვ სოჩვმინან.

Line of edition: 8 აშვ ლა̈დეღ დადად მიჩა ლევზა̈რ ქანჴიდ სტოლთექა, ბა̈ნგ ა̈ბიხანჯა̈რს
Line of edition: 9 ლახა̈შ, ღვინალ ჯინემ ლაიშ ი მოლე სისნა̈ხედი. ა̈ბიხანჯა̈რს ბაჟ ქოთჩა̈დ,
Line of edition: 10 ეჩქას დადად ხანჯა̈რ ჟ'ოხშგვინ ი ლაჴვრაქ' ადკვა̈რ. ა̈ბიხანჯა̈რს ქვინ
Line of edition: 11 ქოთჩა̈დ ი სისნა̈ხედ ლიკილი ლა̈ჲბინე. დადად ლახფხეჭ ი კესა̈რიშთე
Line of edition: 12 ადა̈ჲე.

Line of edition: 13 ა̈ბიხანჯა̈რიშ ლახვბა̈შ ქორა̈რლისგა თეტნა̈რდ ზისხშვ ლიჰა̈ჲდური
Line of edition: 14 ა̈დბინეხ. ამნოშვ ლახვბა გუდ აჴა̈დხ, ერე ა̈ბიხანჯა̈რს ლჷყრინ ხად.
Line of edition: 15 ა̈ხჭამხ რა̈შიშ ნაზვს ი ა მეხვრა ძღვიდს ლახაგანხ. ისგაჩა̈დხ ი
Line of edition: 16 ა̈ბიხანჯა̈რს მიჩა რა̈შ ძჷვშვ ესვბა, ა̈მის რა̈შდ ჭიშხ ქოთქვიცა. ჟ'აჩა̈დხ
Line of edition: 17 მურყვამთეჟი ი ლჷდგა̈რს ებაგანხ. ათხე ახადხ რაგა̈დ ხანჯრიშ
Line of edition: 18 ლა̈თხელია̈შ ი აშვ მუხვბემ რა̈ქვ: -- ჯი ესერ დეცე მეპერს ჩი ჟ'ა̈ნზერნე.

Line of edition: 19 მერმემ ესვცა̈დ: -- ჯ' ესერ გიმჟი ი ლჷცლისგა მექვთუნა̈ლს ჩი
Line of edition: 20 ქახჭოდელისგ ი მოლაგვაშვ ესერ აცხრინეხ.

Line of edition: 21 ა̈ლი ამჟი ჩემინხ ი კალხვმა̈რე მუნჭურე მუხვბე ლა̈ხჭედივ: -- ათსედახ
Line of edition: 22 ესერ მა̈ჲა ღეშდ?

Line of edition: 23 კალხვმა̈რდ ესვცა̈დხ: -- ეშვი ესერ ჴადვემ მა̈ზგოვა̈რ კალხვმუდ
Line of edition: 24 ომსედ, ეჯჷნქა მა̈გ ესერ ა̈მეჩუ ა̈რიხ, მარე ხანჯრიშ ესერ მოდმაგეშ
Line of edition: 25 ხომჴერახ.

Line of edition: 26 ანჴიდხ ა ჴადვემ მა̈ზგოვა̈რ ი ა̈ბიხანჯა̈რიშ მუხვბე ლა̈ხჭედივ:
Line of edition: 27 -- მ' ესერ ხა̈ყრა ჴადვ?

Line of edition: 28 -- მ' ესერ ი, მიჩ'ოვ მა̈ზიგ ლახჴედა. აშვ ლა̈დეღ ესერ მჷჟ ხა̈ყვნენა
Line of edition: 29 ჴაბვ, ეჩქას მოლე მჷჟშალ მჷთჷლთჷნ' ესერ ომშყედ ი მიჩა ჴადვთე
Line of edition: 30 ესერ ოთსკინა, ეჩქანღვ' ესერ ხათჷმ ამჟი.

Добавлено (2007-03-28, 5:24 Pm)
---------------------------------------------
ა კალმახვს ჴა̈დ ჩოთბიჴვხ ი ხანჯა̈რ ჟ'ა̈ნთხეხ. ანღრიხ ლახვბა
Line of edition: 32 მურყვამთე. ლახჭემხ ხანჯა̈რ ლჷდგა̈რს ი ა̈ბიხანჯა̈რ ჩიგარიშშალ
Line of edition: 33 ესპჷდ, ლახჭემხ რა̈შს ი ჭიშხ ისგა ლა̈ხტახ. ლახვბა ჩვა̈დყაჰალხ' მა̈ხჲადშვ.

Line of edition: 34 სისნა̈ხე გუნკვაშა̈რ ა̈რი კესა̈რშერ ქორლისგა. ჭაშვ ჭაშვემ თეჟი მოდმა
Line of edition: 35 ხოსგდი ი ხოშა ლაღა̈ლს ლაგვნის ხა̈ჴდუნე.

Page of edition: 336
Line of edition: 1 აშვ ლა̈დეღ ა̈ბიხანჯა̈რ ი მიჩა ლახვბა კესა̈რშერს ლა̈ხმუშგვრანხ.
Line of edition: 2 აბიხანჯა̈რს აშ ხოხალ, მიჩა ჲეხვ მურყვამჟი ხორიხ, ეჯი ი მოვა̈ხ
Line of edition: 3 ა̈დქჷრთამე (ადმახლე). თვინგთელისგა მჷსკა̈დ ოთკვა̈დ ი მოვა̈ხ
Line of edition: 4 სისნა̈ხეს ხა̈გვშე. ლაბრალს ხა̈გვშე, ვოდდედე მჷსკა̈დ ქა̈ხჩჷდ. სისნა̈ხედ
Line of edition: 5 მჷსკა̈დ ჩვათირ ი სერ ჯია̈ ი ა̈ბიხანჯა̈რ უშხვართეად ანჴა̈დხ.

Line of edition: 6 აშვ ლა̈დეღ ა̈ბიხანჯა̈რდ ჰასტამ ჩვადღჷნდრინე გვა̈მიდ ი დადა.
Line of edition: 7 ეჩეჟი ესსგურე: "იმინეშვ ესერ ე ხა̈გდენენს ეჰე, ნომაგეშ ესეროღვ
Line of edition: 8 ხა̈ყრა, მოდ' ესერ ი ჩოღვ ოლშიხელი". დადა ჰასტამჟი ქა̈მილდა̈რ.
Line of edition: 9 გარ ასა̈დ. კესა̈რ ი მიჩა ჟ'ანხვიტ ა̈ბიხანჯა̈რდ ი მინე ლა̈ზგა-ლარდა
Line of edition: 10 მა̈გ მიჩ ესსად.

Line of edition: 11
ტაცი ჩხვიმიანი. ლახამულა. მ.ქალდანი. VIII.1952

Добавлено (2007-03-28, 5:25 Pm)
---------------------------------------------
მა̈შედ კოლფგდ

Line of edition: 13 ა̈რი ეშვი მა̈რე. სემი ნაღვჟურ ხორი. მიჩ ხაშხა ხანუ. თერა̈რ
Line of edition: 14 ჩოთოგან. მაშენ ნაღვჟურდ რა̈ქვ ი: -- ბუა, ლა̈თხვართ' ესერ ღჷრი
Line of edition: 15 ი იმეგ ესერ ა̈ჩეს.

Line of edition: 16 -- ჟიბ' ესერ შუკვა̈რს ნომოვ აჩა̈დ, ეჯჷნქ' ესერ იმგვა̈ ხოცხონეს.

Line of edition: 17 -- ღერმათ ესეროვ ოხკიდა მიჩა ლირდე, ჟიბე შუკვა̈რს მოდ ა̈ჩეს.

Line of edition: 18 აჩა̈დ ი აშვ წიფრა ჩუქალისგ' ახხვიდ ბა̈ლე. უსგვა ჴა̈ლ აშვთე
Line of edition: 19 ლასვ ი ჩხარა ჴა̈ლ მერმათე. ღეშდ ესვჭენ ი ისგოხჴიდ მიჩო მუსლა̈ხჭედივ: --
Line of edition: 20 ბუა, ა̈ლი ესერ მა̈ გეშ ლი?

Line of edition: 21 -- ა̈ლი ესერ მა̈ხეღვაჟობქა̈შ ლასიმ ლჷმა̈რ, მარ' ათხ' ესერ ჩოლმეჩელი --
Line of edition: 22 ი ეჯისი (ჲ გეზალსი) ჩოთოგან თერა̈რ. მერმა ლა̈დეღ ნენს.
Line of edition: 23 გაქა̈შ გეზალდ რა̈ქვ: -- ლა̈დი ესერ ჯი ღჷრი ლა̈თხვართე, იმეგ
Line of edition: 24 ესერ ა̈ჩეს?

Line of edition: 25 -- ნენსგა̈შ ესერ შუკვა̈რს ნომოვ ა̈ჩა̈დ, ეჯჷნქა ესერ იმგვა̈ხოცხონეს.
Line of edition: 26 ეჯი ეჯღა̈ი ნენსგა̈შ შუკვა̈რს აჩა̈დ ი მეპერიშ ღა̈ლე ახხვიდ.
Line of edition: 27 ჩხარა ჴა̈ლ აშვთე ლასვ ი ეშდჲორი მერმათე. ისგოხჴიდ მიჩო მუს,
Line of edition: 28 ლა̈ხჭედივ: -- ა̈ლი ესერ მა̈გეშ ლი?

Line of edition: 29 -- ა̈ლი ესერ მიჩა მა̈ხეღვაჟობქა̈შ ლასიმ ლჷმა̈რ, მარე ათხ' ესერ
Line of edition: 30 ჩოლმეჩელი.

Line of edition: 31 ეჯისი (ჲ ნენსგა̈შ გეზალსი) ჩოთოგან თერა̈რ. ეჩქას მაჰენ მუხვბილდ
Line of edition: 32 ხა̈ქვ ი: -- ლა̈ჩიჟალთ' ესერ ღჷრი.

Page of edition: 337
Line of edition: 1 ესხრიხ ი აშვ მინდერთ' ა̈თჴედჷნხ. ა̈დსგიდივხ ი იმგვალე ჯედიას
Line of edition: 2 ლჷგან ეშვი ურყვამ (ჲ მურყვამ) ი ისგაჩა̈დხ ეჲთელისგა ი ოთთონე
Line of edition: 3 ჲორი მარა: -- ჩოვ აცხირ, მ' ესეროვ ამბა̈ვ ლესეს.

Line of edition: 4 -- ესხრიხ ა̈ლჲა̈რ ი ქა̈მე ძგიდიშ ყორჟი სემი ყარვილ. ჟიბავ ხაგანხ
Line of edition: 5 ი სემი -- ჩუბავ, ეჯჲა̈რდ ხა̈ქვხ: -- ისგოვ ნომ' აჩა̈დხ, ოდო,
Line of edition: 6 ისგ' ესერ მეჩდე ჲერვა̈ ლი, ქა მეტხე და̈რ ლი.

Line of edition: 7 -- ისგ' ესერ უზად მოდმა ხაშიდხ.

Line of edition: 8 ნენსგა̈შ ყორჟი ჲორი ჟიბავ ხაგანხ ი ჲორი ჩუბავ. ეჯჲა̈რდ ოხდურვანეხ: --
Line of edition: 9 ნომოვ აჩა̈დხ, ოდო, ისგ' ესერ მეჩდე ჲერვა̈ ლი, ქა
Line of edition: 10 მეტხე და̈რ ლი.

Line of edition: 11 -- ისგ' ესერ უზად მოდმა ხაშიდხ მინს.
Line of edition: 12 ესხრიხ ი ისგა̈შ ყორჟი ახხვიდხ ჲორი მა̈რე: ეშვი ჟიბავ ხაგან
Line of edition: 13 ი მერმე -- ჩუბავ. ეჯჲა̈რდ ხა̈ქვხ: ი -- ნომოვ აჩა̈დხ! ისგ' ესერ ფიშირს
Line of edition: 14 ხოზნა, მარე ქა მეტხე და̈რ ესერ ლი.

Line of edition: 15 -- ისგ' ესერ უზად მოდმა ხაშიდხ მინს.

Line of edition: 16 ისგაჩა̈დხ ი ეშვი სიმაქ ვოქრე ჰენწშვ ჟი ხორკახ ი ჲორი დადოლ
Line of edition: 17 ეჩხენ-ამხენ ხასგურხ. ეჯგვა̈რიშს ხაყლეხ "ნანი"ს, ერე ჩიგვაშმი ლიჰვნა̈რის
Line of edition: 18 ეჩა ლიჰვნა̈რი ხოჩა.

Line of edition: 19 ათხე დადოლ ისგახშჷდხ: -- ჰა, მინ ესეროვ ლახჴედახ შვიდობდ, --
Line of edition: 20 ი ჰა̈რი ფაკნა̈რ ი ყოშა̈რ ჩვესვეგხ. ეჩქანღვე ეჯჲა̈რ ჟ'ოხკიდხ ი

Добавлено (2007-03-28, 5:26 Pm)
---------------------------------------------
ხა̈ქვხ: -- ალ სიმაქს ესერ სამ ამბა̈ვს ქ'ემოშ ხა̈ქვნეხ, ხახვდ ესერ
Line of edition: 22 ქა ხაჰვდიხ, მოდ' ესერ ი კინჩხა̈რს ჟი ხაქცურეხ.

Line of edition: 23 ლაჲბინეხ ა̈ლჲა̈რდ ლიმბავა̈ლ ი ღერმეთ ი მა̈რე მა̈გ ჟ'ანუჟა̈შნეხ,
Line of edition: 24 მარე ალ სიმაქს მოდმაგეშმოშ ხა̈ქვნეხ. ეჩქას დადოლ თჷრქდა̈რე
Line of edition: 25 ლამარათ' აჩა̈დხ. ა̈დსგიდარეხ მეჴდად ეჩხავ-ამხავ ი ქორს
Line of edition: 26 ბაჯგა̈რჟი მა̈რემ თხუმა̈რ ხოყირხ ჟი ლუქცურე. ანჴა̈დხ დადოლ ქა
Line of edition: 27 ი თხუმა̈რ ა̈ლჲა̈რსი ჟ'ახქუცურეხ ი ჟ'ესვყირხ ბაჯგა̈რჟი. ქა̈მ მჷღლას
Line of edition: 28 ხამბაჟხ: -- იმ ესერ ხეღლინიხ ამზჷქა?! -- ი სგაჩა̈დხ მინი. ყორა̈რჟი
Line of edition: 29 მეგნად ა̈ლჲა̈რსი ოხდურვანეხ, მარე ისგაჩა̈დხ ეჯღა̈ი. დადოლდ ქად
Line of edition: 30 ახჯუქვრეხ, ჰა̈რი ფაკნა̈რ ი ყოშა̈რ ჩუჷდ ესვეგხ ი
Line of edition: 31 ღეშგიმ ჟ'ოხკიდხ, ეჩქას ხა̈ქვხ: -- ალ დინას ესერ სემი ამბა̈ვს
Line of edition: 32 ქ'ემოშ ხა̈ქვნეხ, მოდეი მინს ესერი კინჩხა̈რს ჟი ხა̈ქვცეხ.

Line of edition: 33 ა̈ლჲა̈რდ ა̈დბინეხ ჩიგვაშვმი ლიმბა̈ვ, მარე მოდმაგეშმოშ ხა̈ქვნეხ.
Line of edition: 34 ეჩქას ეჯჲა̈რდ თჷრქდა̈რ ქანჴიდხ კინჩხრე ლაქცურად. ეჩქას ხანუშ
Line of edition: 35 მაჰენ ნაღვჟურს ლა̈ხშყად მიჩო მუეშ ნაჰოდ კოლფჷდ ი ჟ'ა̈ნკიდ ი
Line of edition: 36 ჩვადკარე. ამხენჟი ანსკინეხ ჩიმთილდდ, სანფჷლდ ი ლეტვრილდ.
Line of edition: 37 ჩიმთილდ სტოლქ' ესჷრშან, სანფჷლ ჟიქ' ესდან, ლეტვრილ ჭედს
Page of edition: 338 Line of edition: 1 ლა̈ხჷნტყან. ლეტვრილდ ხა̈ქვ ჩიმთილდს ი: -- ჟ' ესერ ა̈ნბინის, ჲა̈ღვე,
Line of edition: 2 ი ჯი ესერ ხეტვრუნი.

Line of edition: 3 ჩიმთილდდ რა̈ქვ: -- ჲა̈ღვ' ესერ, ფუსდ, მიჩა მა̈ზიგ ესეროვ
Line of edition: 4 ლახჴედა, აშვ ა̈დგიჩუ ესერ ლჷმა̈რდლიხ: პაპ, ხარა̈ზ ი ჴელვა̈ნ. ეჯჲა̈რ
Line of edition: 5 ესერ ჩი ლეთ მჷრჰე ლჷმა̈რხ, ხერასშვ ესერ ხა̈რენახ. აშვ ლეთ ჴელვა̈ნ
Line of edition: 6 ესერ ლჷმა̈რ ლი მჷრჰე, ახჟარა ი ომჴედელი ი მა̈რემ ნახა̈ზ
Line of edition: 7 ესერ ოხსყა. ეჯჟი ახგიდნენა ი ხარა̈ზ ოხეცხვნა ი: -- ათხე ჯიოვ
Line of edition: 8 ლა̈ხცად, ოდო ახგიდნენ' ესერ.

Line of edition: 9 ჟ'ანჷგან ხარა̈ზ ი ნახა̈ზს ხეწად ი ხელმწიფე ხოხალ. აქა̈ნ'
Line of edition: 10 ოხკიდ. მოდმაგეშ ლახტიხ, ეჩქას მერმად ოხკიდჷდ აქა̈ნი. მოდმაჷდ
Line of edition: 11 ლახტის. აჩა̈დ ისგა, ლახფედალე ი მეგემ. ეჩქას რა̈ქვ ი: -- ა̈ლი ესერ

Добавлено (2007-03-28, 5:26 Pm)
---------------------------------------------
მიჩა ქაჯრა̈ მუხვბემ ნასკორ ლი ი ჯინემოვი ოხთენე მოლეგეშ.

Line of edition: 13 ლა̈ჲბინე ლერქვა̈რე ლიშხბი ი ლერქვა̈რ ჟ'ოხვშხებ ი ისგა
Line of edition: 14 ლახა̈ქვ ი ახგიდჷნ მიჩი. პაპ ანეცხვნე ჟი: -- ათხე ჯიოვ ლა̈ხცად, ოდო
Line of edition: 15 ახფეშ' ესერ, -- ჯი ჩვა̈დუჟა. პაპ ჟ'ანჷგან, ხეწად ა̈მის ი ხელმწიფე
Line of edition: 16 ხოხალ ი აქა̈ნი ოხკიდ. ურინ ჟ'ოხკიდ ი მოდმაგეშ ლახტიხ, ეჩქას
Line of edition: 17 ლახბუგვნალე ი მა̈რემ ნახა̈ზ ლი. ლა̈ჲსკორე: -- ა̈ლი ესერ მიჩა ქაჯრა̈
Line of edition: 18 ლახვბა̈შ ნასკორ ლი ი ჯინემ ესეროვი ოხთენე მოლეგეშ, --
Line of edition: 19 ლა̈ჲბინე ლიწირველი. წირველი, წირველი ი ქვინ ლოხგენე.

Line of edition: 20 ჩიმთილდ ლა̈ხჭედივ სიმაქს: -- ჲა̈ღვ' ესერ, ფუსდ, მიჩა მა̈ზიგ
Line of edition: 21 მიჩ, ეჯჲა̈რ ესერ იღეშგა̈ლხ ი იშეშდ ესერ ხაკა̈ფ ა̈ლი?

Line of edition: 22 ეჩქას სიმაქდ რა̈ქვა: -- თფუ ესერ, მინ ქა̈ჯ-ჲეშმაუ! იშ' ესერ ირი,
Line of edition: 23 ჲესვ' ესერ მა̈ნკვი ჟ'ოხგონვა ეჩა ლინხა̈ზი, ეჩჷნქა?

Line of edition: 24 ამჟი ეშვი ამბა̈ვ ქახა̈ქვინეხ.

Line of edition: 25 ეჩქას სანფჷლდ ლა̈ჲბინე: -- ჲა̈ღვ' ესერ, ფუსდ, მიჩ' ესეროვ მა̈ზიგ
Line of edition: 26 ლახჴედა, აშვ ა̈დგიჩუ ესერ ლჷმა̈რდლიხ ეშვი ჲეხვ-ჭა̈შ. ჲეხვ
Line of edition: 27 ესერ ღანავ ლჷმა̈რ ი ლიღვჟა̈ლ ახჴედა. მიჩა ჭაშვდ მუღვჟალნათ'
Line of edition: 28 ოთთონა. ევმა̈ზლი შუკვს, ეჯჟი ა̈ბრეგა̈რ ახხვიახ, თხვიმ ჟი
Line of edition: 29 ოხქვიცახ ი ჩვესვდახ ეჯჟი. ხოღლი ესერ მიჩა ჲეხვ ი დემეგ ესერ
Line of edition: 30 ომჴედ, ეჯჟი მერმე მა̈რე ლახდენ' ეჩექა. ეჲნა̈რ ოთჭირა ი: -- მა̈დილ
Line of edition: 31 ესერ ხერი ი მიჩა ჭაშვდ ესერ ოთთონა მუღვჟალნათე ი' ემეგ
Line of edition: 32 ესერ ა̈თწეს ეჰე, ოხვთუმუნეოვ.

Line of edition: 33 ესხრი ა̈ლი ი ა̈მისი ჟ'ახქვიცხ კინჩხ.

Line of edition: 34 ეჩქად ჩვა̈დღვაჟ ალ ზურალ ი ჟ'ა̈ნკიდ მიჩა ჩინჩვილ ი ესხრი:
Line of edition: 35 მ' ესეროვ ომდენლასვ მიჩა ჭა̈შ? ა̈ლჲა̈რ ქჷრდა ჟ'ახხვიდხ, კინჩხა̈რ
Line of edition: 36 ლუქვცურე უშხვარ ხა̈ზხ. ა ზურალს ხა̈ცხენა ეშვი მელილდ.
Line of edition: 37 ჟ'ა̈ნკიჩე ალ მელილდ, კინჩხა̈რქა ლახჭემ ქჷრდა̈შ ი ქვინ ლა̈ხტახხ,
Line of edition: 38 მარე მიჩა ჭაშვემ თხვიმ ნერმად ესვგა ი მერმემ -- მიჩა ჭაშვდ. ე
Page of edition: 339 Line of edition: 1 ჲორი ესერ მა̈რე იღეშგა̈ლხ ზურალს, -- ი სანფჷლ ლა̈ხჭედივ სიმაქს:
Line of edition: 2 -- იშეშდ ესერ ხაკა̈ფ, მიჩა მა̈ზიგ მიჩ?

Line of edition: 3 სიმაქდ ესვცა̈დ: -- თფუი ესერ, მინ ქა̈ჯ-ჲეშმაუ! მიჩა ჭაშვემ ესერ
Line of edition: 4 ტა̈ნ ხედას ხალჯახ, ეჩ' ესერ მოდე, ირია?

Line of edition: 5 ი ამნოშვ ქად ახა̈ქვინეხ მერმე ამბა̈.

Line of edition: 6 ათხე ლა̈ჲბინე ლეტვრილდ: -- ჲა̈ღვ' ესერ, ფუსდ, მიჩა მა̈ზიგ მიჩ,
Line of edition: 7 ლჷმა̈რდხ ესერ მუგვ, შაურდენ ი ცხა̈კვ. ოლსგიდინ ესერ ყორქა
Line of edition: 8 მუგვ, აშვ მინდერლისგა ლუმშდუღვნელიხ აშვ სიმაქს ი ეჯის
Line of edition: 9 ხა̈წდა. ისგომტეხელი ი ხოქვა: -- ა 'სერ ცოდა̈შ კალა̈, მ' ესერ
Line of edition: 10 ხოჩა სიმაქს აშდღვიხ მინდვრიშ ჴომ!

Добавлено (2007-03-28, 5:27 Pm)
---------------------------------------------
ცხა̈კვს ხოქვა: -- ჰა 'სერ ლჷჰა̈ჯ ი ბედნიერ, მიჩ ესერ ლიცილდ
Line of edition: 12 ხოგ, ეჯი ესერ ჟი ესწუქვნი ჩუ ლიშდღვა̈ლდ (\ ლიშთხვა̈ლდ).
Line of edition: 13 ქ' ესერ ხაშიდ.

Line of edition: 14 შაურდენდ რა̈ქვ: -- ეჯი ესერ, ჲა̈ღვე, მიჩა კაბჷრჯს სგოვ ლახლა̈ჯხ
Line of edition: 15 ი ჩუ ლიშთხვა̈ლდ ესერ ჟი ხა̈ჰიესგ.

Line of edition: 16 ეჯი ისგა ლახლა̈ჯხ ი მა̈ჩიქქა ვორ ხა̈შდახ, ეჩქად ჟ'ესჰიე, ჟ'ესწუქვნე
Line of edition: 17 ი სიმაქ ლჷა̈რდ ესპჷდ.

Line of edition: 18 ათხე სიმაქს ლა̈ხჭედივ ლეტვრილ: -- ჲა̈ღვ' ესერ, ფუსდ, მიჩა
Line of edition: 19 მა̈ზიგ მიჩ, ა სიმაქს ე სემი ესერ იღეშგა̈ლხ ი იშეშდ ესერ ხაკა̈ფ მიჩ?

Line of edition: 20 სიმაქდ რა̈ქვ: -- თფუი ესერ, მინ აგრა̈ჲ ქა̈ჯ-ჲეშმაუ, ოდო ჲესვა̈ს
Line of edition: 21 ესერ ჟ'ოხჭირა ი ვეფ ოხგენა ეჩა ბედჟი ი ქვინ ლოხტიხა, ეჯჷნქ'
Line of edition: 22 ესერ იშა ირი?

Line of edition: 23 ამჟი ქახა̈ქვინეხ სემი ამბა̈ვ. ეჩქას დადოლდ სიმაქ ჟ'ანფუშდურეხ
Line of edition: 24 ი ქა ლახემხ ჲახვდ ხანუშ გეზალს ი ლა̈ხედალ ი ქერწლობ
Line of edition: 25 აჩვმინხ.

Line of edition: 26
გიორგი დავითიანი. ზედა ლახამულა. მ.ქალდანი. 14.VIII.1952

Добавлено (2007-03-28, 5:27 Pm)
---------------------------------------------
ბროლიჩონგ

Line of edition: 28 ამეჩუ ფექ, ეჩეჩუ გა̈ტ. ლჷმა̈რდხ ეშვი ჲეხვ-ჭა̈შ ი ხა̈რდენახ სემი
Line of edition: 29 დინაგეზალ. ზურავ ჩუ ოვდაგა̈რ ი სემი გეზალ ი ჭა̈შ ჩუ ომსედხ, მუ
Line of edition: 30 ქოვჩიჟელი ი სურუ ხოლამდ ხა̈შდბენახ დინოვს. აშვ
Line of edition: 31 ლა̈დეღ ჲეხვს ხოქვა ჭა̈შდ, ერე: დინოვ ესერ ქოვ ადგენეხ იმთვალე.
Line of edition: 32 ოდო დეშ ესერ იცვრეხ ქუნ. მერმა ლა̈დეღ მინე მუდ ხა̈ქვ:
Line of edition: 33 -- ჯი ესერ ინჴრინე ხოჩ' ა̈დგითე.

Line of edition: 34 ესხრიხ, ესხრიხ ი ა̈თჴედჷნხ ვისგ ჩუქამთელისგა. ა̈მეჩუ ჟი
Line of edition: 35 ახბარჯვნე ხოშა ფათქ, ვისგ ჩვანფჷთხნე ი ხა̈ქვ: -- ათხე ჟ'ოვ
Line of edition: 36 ა̈ნხორელეხ!

Page of edition: 340
Line of edition: 1 დინოვ ჩვაჩა̈დხ ი მინე მუდ ჟ'ესლაფრე ჩევტ ი ვერ ესშიდ ჟიქა,
Line of edition: 2 ჯი ქორთ' ანტა̈ხ. ა დინოვ თვით ვისგს ჰამს იზბიხ ი თვითს
Line of edition: 3 ნებოზს. აშვ საღა̈თს ეჯგვა̈რს იგვნიხ, ერე გიმ ი მეგემ მა̈გ იცნა̈ვ,
Line of edition: 4 მერმე საღა̈თს ეჯგვა̈რს იგვნიხ, ერე დეცეგიმ იგვნი. აშვ ლა̈დეღ
Line of edition: 5 ხემწიფეშ ანდავად ა̈ნჰუნრეხ ი აჩა̈დხ ი ქოხუმბავეხ ხემწიფს. ადუზე
Line of edition: 6 ხემწიფდ მაროვ, მარე მოდმაგეშმოშ ა̈ნმეჴრეხ. ანდავად მერმა
Line of edition: 7 ლა̈დეღ ამჟიჷდ ხა̈ქვხ ხემწიფს. ხემწიფდ ადუზეჷდ მაროვ, თელი
Line of edition: 8 ქეყანა ქა̈დზელალეხ, მარე ბაიგეშ ა̈ნმეჴრეხ. მესმა ლა̈დეღ ანჴა̈დხჷდ
Line of edition: 9 ანდავა ი: -- ამჟი ესერჷდ იღრა̈ვ ი ამჟი ესესჷდ იგვნიხ.

Line of edition: 10 ეჩქას ხემწიფდ ჟი ა̈ნნაზორე მიჩა მოვა̈ხ მა̈გ. ლჷჩაჟდ ქა ადა̈ჲე
Line of edition: 11 მინდერთე ი ა̈ჭმურავნეხ ჩაჟა̈რს ი ისგლა̈დეღქა აშვ ჩაჟვემ ჭიშხს
Line of edition: 12 ჩევტ ა̈ჰყად. ა̈თსგიდივხ ისგანჩუ ი ჟი ა̈ნთხეხ სემი დინა ვორუნჩუ
Line of edition: 13 მარე ლერექვ ბაი ხა̈ქვხ. ჟი ა̈ნჴერნეხ ი ადა̈ჲეხ ხემწიფიშთე. ეჲნემ
Line of edition: 14 ქადქანვნე ი ხოჩამდ ახრექვნე. ეჩქანღვე ხემწიფ ლა̈ხჭედივ: -- იმხენ
Line of edition: 15 ესერ ომჴედელიხ?

Line of edition: 16 დინოვდ ქოხუმბავეხ მინე გაჭირება მა̈გ. ეშვი თევ ჟ'ახათხ
Line of edition: 17 (\ ჟ'ახადხ), ეჩქას აშვ ლა̈დეღ ლა̈ხჭედივ ხემწიფ მაშენ ვიდივს: --
Line of edition: 18 მ' ესერ ხა̈მედა მიჩ?

Line of edition: 19 -- მიჩ ესერ მეტრ ბარდანს ქა ლაჰედნეხ, თელ ქეყანას ესერ
Line of edition: 20 ჟ'ა̈რქვი.

Line of edition: 21 ნენსგა̈შ ვიდივს ლა̈ხჭედივ: -- მიჩ ესერ მა̈ ხა̈მედა?

Line of edition: 22 -- მიჩ ესერ ეშვი კარვა ფექ ქა ლა̈ჰედი, თელ ქეყანას ესერ
Line of edition: 23 ჩუ ა̈ბზე.

Line of edition: 24 მაჰენ ვიდივს ლა̈ხჭედივ: -- მიჩ ესერ მა̈ ხა̈მედა?

Line of edition: 25 -- ჯი ესერ ათავე ეშვი დინას ი ეშვი ნაღვჟურს. დინა ესერ
Line of edition: 26 ვარჩხლიშ ირი, ნაღვჟურ -- ვოქრე.

Line of edition: 33 ხემწიფს სურუ ათსა̈სტკჷნ, მარე ლა̈ირ ოხუზე ი: -- მიჩა
Line of edition: 34 ლიჴდა̈ვდ ნომაგეშ ესეროვ ხა̈ყერხ.

Line of edition: 35 ლავდილად შუკვს ლა̈ირ ქოხვცა̈დხ. ამეჟი ხაგ: "გეზლიროვ
Line of edition: 36 ლჷცთ' ადკვა̈რხ, მიჩა ჲეხვ ჟა̈ჴთ'ოვ ადგენეხ ი მეგმემ კა̈ცხქ'ოვ
Line of edition: 37 ლოხვწებხ, ლეზებსოვ ნემ ხაჰვდიხ".

Line of edition: 38 ა̈ლი მა̈გ ამჟი ჩემინხ მიჩა ლავდილად.

Page of edition: 341
Line of edition: 1 ლჷცთე ნაკვარ ბოფშა̈რ ლჷცემ დიდ ჟ'ა̈ნკიდ ი ჟ'ა̈ნირდ,
Line of edition: 2 ჩვადზიგე ზუღვა̈შ ძგიდს. ნაღვჟურს ეჯგვა̈რ მეთხვა̈რ ა̈ხფას, ერე
Line of edition: 3 ნა̈თხვრა̈შ ჯიჯვიშ ქორ ადიგხ ი ხოჩამდ არდხ. ა̈ლი ა̈დკვიჰხ მინე
Line of edition: 4 გიგალა̈რდ ი სურუ ათსა̈სტკჷნხ. ქა ლიკეჰდ ადყავნივხ ი უშხვარ
Line of edition: 5 ხა̈ქვხ: -- ოხთენებოვ მოლე!

Line of edition: 6 ანჷგანხ აშვ ლა̈დეღ ი აჩა̈დხ (\ აჩა̈თხ). ქორს დაჩვირ გარ

Line of edition: 7 ახხვიდხ (\ ახხვითხ). ჯიმილ ლა̈თხვართე ლასვ მეჩდე. ა̈ლჲა̈რდ ხა̈ქვხ:
Line of edition: 8 -- მინს ესერ სურუ ხოჩა ლიზგე ხარხ, მარე ეშვი ესერ გეშ ხაკლიხ.

Line of edition: 9 -- მა̈ 'სერ ირი?

Line of edition: 10 -- მა̈ 'სერ ი ეშდჲორი ზუღვას ეჩხენ ესერ ურყვამჟი (\ მურყვამჟი) ა̈რი სემი
Line of edition: 11 შდავალ. ეჯგვა̈რ ესერ მეღრა̈ლ ლიხ, ერე მა̈გ
Line of edition: 12 ესერ ეჯჲა̈რს რაგდი,

Line of edition: 13 ნებოზს ანტა̈ხ მიჩა ჯიმილ ლა̈თხვარხენ ი ღვაშ ანჴიდ. ჯიმილ
Line of edition: 14 გუდმეცა̈რ ლასვ ი რა̈ქვ: -- ჲა̈რ ესერ ლჷმა̈რდხ (\ ლჷმა̈რთხ)
Line of edition: 15 ა̈მეჩუ ლადი?

Line of edition: 16 -- ჲორი ესერ ჲეხვა̈რ ომჴედლიხ, მარე შიშდ ესერ ომტეხხ.

Line of edition: 17 -- მა̈ 'სერ ხოქვახ?

Line of edition: 18 -- მოდმაგეშ ესერ, ომჴედხ ი ომტეხხ, ეჯჷნქა.
Line of edition: 19 დაჩვირს გონა̈ბ (\ გუნა̈ბ) ხად ი მოდე ხეკვად ქა ლიქვისგ, მარე ეჯ.
Line of edition: 20 ღა̈ი ქახა̈ქვინე. ბა̈ზი ბაიგეშ რა̈ქვ ჯიმილდ ი მერმა ლა̈დეღ ურჰად ანპა̈რ

Добавлено (2007-03-28, 5:29 Pm)
---------------------------------------------
ჟი ი აჩა̈დ. ეშდეშხვი ზუღვა ქა̈დქა̈ნ ი მეეშდჲორექა ისგთექა
Line of edition: 22 ქაჩა̈დ, ეჩქას დეც ჩუქა̈შ მებვილ ისგა̈ხჭვადან ი დოსდ იზბუდხ,
Line of edition: 23 ეჯჟი ლჷცემ დიდ ანფუინე ზუღვა ი ბეფშს ინთხლე ი ა̈ლჲა̈რ მა̈გ
Line of edition: 24 ჟ'ანხვი ბეფშ შვიდობდ აჩა̈დ ზუღვაქა, ჟ'აჩა̈დ ურყვამთეჟი, ჟ'ა̈ნირმ
Line of edition: 25 შდავლა̈რ, ჴენაჟთ' ა̈დგენე ი ისგანჴიდ ქორთე შდავლა̈რ. ა̈ლი
Line of edition: 26 ქა̈დკვიჰხ მინე გიგალა̈რდ ი ჟ'ესდაგანხ. ანჷგანხჷდ ი ატა̈ხხ ჯიმილდაჩვირთე.
Line of edition: 27 ჯიმილ ბაი ახხვიდხ ქორს, დაჩვირ გარ არდ ი ხა̈ქვხ:

Line of edition: 28 -- ათხ' ესერ მინე ლიზგეს დეჲშა ხოჩა, მარე ეშვი გეშ ესერ ხაკლიხ.

Line of edition: 29 -- მა̈ 'სერ ირი? -- დაჩვირდ ოსცა̈დ.

Line of edition: 30 -- მა̈ 'სერ ი თელღჷრ' ესერ ბაი ხორი ი ეშდჲორი ესერ ლა̈დღიშ
Line of edition: 31 ლეზნე ხოზი, ეჩეჩუ ურყვამჟი ესერ ა̈რი ბროლიჩონგ, ეჯგვა̈რ ესერ
Line of edition: 32 დემეგ ა̈რი დეც ჩუქა.

Line of edition: 33 ანტა̈ხ ნებოზს ჯიმილ ი კვიცრ' ანჴიდ. დაჩვირს ლა̈ხჭედივ: -- ჲა̈რ
Line of edition: 34 ესერ ლჷმა̈რდხ ლა̈დი, მოდეი მ' ესერ ხა̈კვდენახ?

Line of edition: 35 დაჩვირს გუნა̈ბ ხად ი ხამჭინდ ქა ლიქვისგ, მარე ეჯღა̈ი ქახა̈ქვინე.
Line of edition: 36 ბა̈ზი ბაიგეშ რაქვ. მერმა ლა̈დეღ ანჷგან ი აჩა̈დ. მიჩა დაჩვირ
Line of edition: 37 კივშ ხეღვაჭ, მარე ღეშდ მოდე ესვსგიდივ. ეშდჲორი ლა̈დღიშ ლეზნე
Line of edition: 38 ქაჩა̈დ, ლახემ გვი ი ხოშა ურყვამ დეცთეჟი ხეჰელი, მიჩა ჩუქა

Page of edition: 342
Line of edition: 1 ნაჭლავ კურეჭშვ გეში ლი. ჩუ ევგენ აშვ ა̈დგის ი ლახშჷმა
Line of edition: 2 ბროლიჩონგს. ჟიქა ესვცადა ი ბეფშ ბაჩვდ ევსიპლი.

Line of edition: 3 ეშვი ნაგზი ქაჩა̈დ ი დემხენ ანტა̈ხ ი მიჩა დაჩვირ ა̈დღჷფჷრან
Line of edition: 4 ი ლეთნ ი ლა̈დეღ იგვნი. აშვ ლა̈დეღ მელთერთ' ომჩედ ი მელთერს
Line of edition: 5 ხოქვა: -- აჩა̈დოვ ჯიმლა̈შ ნაზვს ი ალეს ესერ ანჴერქას მოლე.

Line of edition: 6 ანტა̈ხ ქორთე ი ა̈ნმარან მერმა ლა̈დეღ ი აჩა̈დ. ესხრი, ესხრი
Line of edition: 7 ი ეშდჲორი ლა̈დღიშ ლეზნე უსგვა ლა̈დეღ ქაჩა̈დ ი ლახემ გვი ი
Line of edition: 8 მიჩა ჯიმილ ბაჩვდ ლჷსპე ა̈მეჩუ ხეჩდა მერმა ბაჩა̈რს ურყვამ სგებინჩუ.
Line of edition: 9 ლახემ გვი ი მინდერლისგა ეშვი ბილიკვცა̈ლ დადილ სგური ლუსვა̈რ
Line of edition: 10 ღეშგიმჩუ ხოკვრა. ა̈ჰჴვასგ ისგა ი დადას ლუსვიშ შდიქ

Добавлено (2007-03-28, 5:29 Pm)
---------------------------------------------
ათა̈გ. დადად ხა̈ქვ: -- ამსოლდ მა̈ბგა̈რ, მა̈ 'სერ ხოჩვმინა?

Line of edition: 12 -- დადა, გაჭირებოშღალ ესერ ხოჩვმინა, ეშვი ესერ ჯიმილ
Line of edition: 13 ხა̈რდენა, ამხავ ესერ ომჴედ ი ბაჩვდ ესერ ოვსიპელი. მა̈ 'სერ დერ
Line of edition: 14 ჩემნეს, მოდმა ხოხალ.

Line of edition: 15 დაღად ხოხვრა კერივდ ლახემ ი ქესვთონე, იმჟი ხად ლეჩემ,
Line of edition: 16 ეჯი. ქაჩა̈დ დინა ი ლა̈ხშჷმ ჩვიბშხენჟი. ჟიქა ესვცა̈დ: "უდარაშა
Line of edition: 17 ჰეჲტ", მარე ბაიგეშ ხეყარ. მერმად ქაჷდ ლა̈ხშჷმ, ჟიქა ესვცა̈დჷდ,
Line of edition: 18 მარე მოდმაგეშ ხეყარ. მესმე ქად ლა̈ხშჷმ ი ჟიფშხენჩუ ჰერჷდ ლახდე,
Line of edition: 19 მარე ბაიგეშჷდ ხეყარ. ეჩქას ქანსკინე ი თხუმ ოხვჟეღ ლუსდგვა̈რ.
Line of edition: 20 დინად ისგა ხა̈ფხეჭ ლუსდგვა̈რს. ბროლიჩონგ ეჩქა̈ხი ჩვესჷგან, ეჩქას
Line of edition: 21 დაჩვირდ ხა̈ქვ: -- ქოვ ლახტიხ მიჩა ჯიმილ, ოდო თხვიმს
Line of edition: 22 ესერ ჩუ ხოხპე კერშვ.

Line of edition: 23 ბროლიჩონგდ პილატოკ ლახემ: -- ა̈ლიოვ ლიხჭემ.

Line of edition: 24 ი ლახჭემ პილატოკ ი ჟ'ანპა̈რ, მა̈ჟი შომა ლასვ, ეჯჟი
Line of edition: 25 ესპჷდ ანჴა̈დხ ჯიმილ-დაჩვირ ი ისგა ლა̈ჲჴერნეხ ბროლიჩონგ ი ისგანტა̈ხხ
Line of edition: 26 მინე ქორთე. ეჯგვა̈რიშ ლიზგე ა̈ნსყეხ, ერე დეც ჩუქა ეჯჲა̈რრიგ
Line of edition: 27 და̈რ იზგა. აცხირხ მინე გიგალა̈რდ ი ჟიჷდ ესდაგანხ: -- მა̈ 'სერ.
Line of edition: 28 ჩემნეხ ათხე?

Line of edition: 29 აშვ ლა̈დეღ ხა̈ქვხ ხემწიფს ი: -- აშვ ა̈დგის ესერ ა̈რი ვოქრე
Line of edition: 30 ბეფშ, ეჯისოვ ხა̈წჰე.

Line of edition: 31 ხემწიფს ათხიდჷნ ი მა̈რე ოთუზე: -- ხეწჰანოვ მჷხა̈რ.

Line of edition: 32 ანჷგან მერმა ლა̈დეღ ა ნაღვჟურ ი ესღჷრდ, ეჩქას მიჩა ჲეხვდ
Line of edition: 33 ხა̈ქვ: მა̈გთანოვ ლა̈ლემ, ჩუ მა̈ ზჷსდეს, ქათლა̈შ ლაღვჷნქა ი მერმა
Line of edition: 34 ლა̈დიშ ლა̈დეღ ხემწიფსოვ ხა̈წჰე.

Line of edition: 35 ისგაჩა̈დ ა ბეფშ ი გუნ ქეიფ ათყერხ. მასა̈რდ ლაიშხ ი ლა̈ლემხ,
Line of edition: 36 ქათლა̈შ ლაღვშვ ჟი გეში ლი, მარე ა̈ლი დემ იზბი. ა გიგალა̈რ ეჯგვა̈რ
Line of edition: 37 გუვშვ ხაჭრა̈ჟიხ, ერე მა̈ ხოჰიახ, მარე ბეფშდ: ბაი
Line of edition: 38 ესერ იზბი ქათლა̈შ ლეღვს.

Page of edition: 343
Line of edition: 1 ჟ'ანჷგანხ, ეჩქას ა ნაღვჟურდ ხემწიფს ხა̈ქვ: -- მერმა ლა̈დიშ
Line of edition: 2 ლა̈დეღ მიჩოვ ხეწჰან.

Line of edition: 3 -- ეზერ ესერ, იმღ' ესერ დემ.

Line of edition: 4 ამჟი ბეფშდ ქათლა̈შ ლაღვ ახბირ მოლე ი ჟაღვ ოდკვა̈რ (\ ოთკვა̈რ).
Line of edition: 5 ჟეღდ ჭიშხ გარ ადქუთნე (\ ათქუთნე), ჩვადგან.

Line of edition: 6 ლჷნშანე ლა̈დეღ ანჴა̈დ ხემწიფ. სურუ ხოჩა .ტაბა̈გ ა̈ნმარეხ.
Line of edition: 7 თვით ჲორი ჭიქ ქახჭემხ, ეჩქას ბროლიჩონგდ ა̈ნკიდ შითეჟი ჭიქ ი
Line of edition: 8 ხემწიფს ხა̈ქვ: -- ჯი ესერ მიჩა თელღჷრა ლი, -- ბეფშთე ლახთონე, --
Line of edition: 9 ა̈ლი ი ა̈მიშ დაჩვირ ესერ მიჩა გეზლირ ლიხ. ა̈ლჲა̈რე დი კუპრშვ
Line of edition: 10 ესერ ხოწიბ ი ა̈ლჲა̈რ ესერ ლჷცთე ოთშიდახ მინე გიგალა̈რს.
Line of edition: 11 ა̈მჲა̈რე მჷქაფდ ციცვ ი ფეკვნ' ესერ ოდყვინახ (\ ოთყვინახ) ჰენწლისგა.

Добавлено (2007-03-28, 5:30 Pm)
---------------------------------------------
ა̈ლჲა̈რ ლჷცემ დის ქ' ესერ ოხტიხა ი ჟ'ოხორდა. ამჲა̈რე
Line of edition: 13 დი ესერ მევარ ხოწიბ კუპრშვ მეგამხენჩუ.

Line of edition: 14 ხემწიფ ლჷმბაჟე გარ სიდჷდ ი ა̈ლი მა̈გ ქოთცხირ, ეჩქას ჟ'ანპა̈რ
Line of edition: 15 ი შია̈რჟი ა̈ტყაჰან (\ ა̈თყაჰან) თელღჷრას. ჟ'ანგენე ი მიჩა ქორთე
Line of edition: 16 ა̈ღჴერნე (\ ა̈თჴერნე), ეჯჲა̈რე დი ჩვახფიშგ, ქაქა̈ნხ, ჟ'ანმარეხ
Line of edition: 17 ხოჩამდ ი ხემწიფედ ხა̈ქვ მიჩა ვა̈ზრა̈რს: -- მინე სა̈ხელმწიფლისგა
Line of edition: 18 მა̈ მანდრე მა̈ნკიშ ვარყოლ არდეხ, ეჯჲა̈როვ ანჴიდხ.

Line of edition: 19 ანჴიდხ ისგა ი ისჷათა̈ბხ ჰა̈კედს თვითილობჟი ლავდილ ი აშვ
Line of edition: 20 ნაგზაუნღვე გარ ანტიხხ მინე ჯიჯვა̈რ დეცხენჩუ ი ხემწიფდ ხოჩაჷდ
Line of edition: 21 ხემწიფობ ანსყე.

Line of edition: 22 ეჯია̈რ ამთე ა̈ნჴეხ, ეჩქადოვ ლა̈რიდ.

Line of edition: 23
გივი ჭკადუა. იდლიანი. მ.ქალდანი. 12.V.1948