Line of edition: 30 ა̈რიხ ვოშთხ ლახვბა ი გუნ ღალ საბრალ ლიხ. ალა̈რ ცხეკთ'
Line of edition: 31 ადგენეხ ი ეშხუ მანთიშ ლეზებ ოხჟიდხ: ქორს ესერ ა̈დდაგრია, ეჩა
Line of edition: 32 მქაფდ ცხეკს ესერ ა̈დდაგრიხ, ეჯი ესერ ხარხ
Line of edition: 33 ხოჩა.

Line of edition: 34 ადგენეხ ცხეკთე ი ცეროდენად ჩხჷტჷლდა̈რ ა̈ნკიდ ი ალა̈რს
Line of edition: 35 შიდე შუკვს, ბოჯჷლდსი ა̈მირსლა̈ვი.
Page of edition: 187 Line of edition: 1 ანღრიხ, ანღრიხ ი ჩხჷტჷლდა̈რს ხაჭიმხ ი ისჷანჰიეხ ქორთეჲსგა.
Line of edition: 2 ნებოზს მინე დიდ რა̈ქვე: -- ვოჲ, დია, დია, მიშგუ ცოდ, მიშგუ
Line of edition: 3 ლა̈ცვდილა̈რ ბეფშილდა̈რ იმეგ ირდიხ?!

Line of edition: 4 ათხე ქანჴადხ ბოფშა̈რ ყორ ღეშგიმხენქა ი სგაჩა̈დხ ქორთე.
Line of edition: 5 ეშხუ მანთიშ ლევიზ ჟიად ოხყიდხ ი ქაიდ ადგენეხ ცხეკთე ი
Line of edition: 6 ჩუიდ ოთშდა̈ხხ ლევიზ.

Line of edition: 7 ანღრიხ, ანღრიხ ი ეშხუ მუბურღვის ლახასდხ. ალი და̈ვა̈შ ქორ
Line of edition: 8 ლჷა̈რ ი და̈ვა̈შ ხეხვდ სგა̈დჴერნე. ქორთე. და̈ვ ანჴა̈დ ი: -- მახე
Line of edition: 9 ლეღვიშ როქ ქვინ ხაჴან.

Line of edition: 10 -- ლა̈დიშ ესერ ჩუ ხოზ ი მჷხრიშს ესერ ჩვა̈სინე (\ ჩვადჷჲსენისგ).

Line of edition: 11 ათხე ჩვა̈დბურა̈ნ ი ცეროდენად ი მიჩა ლახვბად და̈ვა̈შ ბოფშა̈რს
Line of edition: 12 ხოჩა ფაყულდა̈რ ჟ'ოხკიდხ ი მინე ხოლა ფაყულდა̈რ ჟ'ესა̈გხ. და̈ვ
Line of edition: 13 ანჴა̈დ ლარდათეჟი. მიჩა გეზლირ ფაყულდრე ბედშვ ცეროდენა
Line of edition: 14 ი მიჩა ლახვბა ლოხხალდ, დაშნა̈ ლახჭემ ი კინჩსა̈რ ჟ'ახქუცურე
Line of edition: 15 ანჴა̈დ ლარდათეჟი ამარე დი ი ჩვა̈დჰალმა̈ნ.

Line of edition: 16 ათხე და̈ვ ა̈თღვა̈ჭ ეჯა̈რს ი ამხეხჟი ი ბაბაშერთეჟიშ ბრა̈ჴს
Line of edition: 17 ჷგემ.

Line of edition: 18 ეჯჲა̈რ ვიცხს ა̈თკარჩხა̈ნხ. და̈ვს ჩვა̈თუჟდა ვიცხ ჩუქა. ცეროდენად
Line of edition: 19 ქადშყუჟურე და̈ვ ი ადჲე და̈ვა̈შ ქორთე. ხეხვს ხა̈ქვე:
Line of edition: 20 -- ჯიბგირა̈რს ესერ ჩოთჷრმახ და̈ვ ი კეთილ-ქონებ' ესერ მა̈გ ქა
Line of edition: 21 ლეჰვდი ხარს.

Line of edition: 22 ამნემ ქა ლახემ მა̈გთან ი ცეროდენად მიჩა ქორთ' ადჲე. ამზუ
Line of edition: 23 ხა̈ნს მიჩა ლახვბადი ქორთ' ა̈დქინეხ ი ლა̈იდ ხოჩა ლიზგ' ა̈ნსყეხ.

Line of edition: 24 ოდ' ეჯა̈რს ლეწედ, ეჩქადუ (\ ექადუ) ლა̈რიდ.

Line of edition: 25
ფრიდონ ქურჩიანი. ბარში. მ. ქალდანი. 10.VIII.1954

Добавлено (2007-03-15, 5:34 Pm)
---------------------------------------------
Text: 87
Page of edition: 187
Line of edition: 26
LXXXVII. გუდმეცა̈რ ნაღვყურ

Line of edition: 27 არდახ ეშხუ დადა ი ბაბა ი ხორდახ ნაღვჟურგეზალ.

Line of edition: 28 აშხვ ლადეღ ბაბა ი ნაღვჟურ ცხეკთ' აჩა̈დხ. ეჩეჩულა, ნაღვჟურ
Line of edition: 29 გუდმეცა̈რ ლი ი მიჩო მუს ხა̈ქვე: -- ლა̈დი ესერ წჷრნი მარე ჴედნი
Line of edition: 30 აშთეჲსგა, ეჯი ესერ ხეჰრი მიჩა თხუმ, მარე ეჯი ესერ ა̈ნჴდენი,
Line of edition: 31 ეჩქას ჯი წჷრნი ჴანვდ ესსიპი. წჷრნი მარე ლიღვჭარელს ესერ
Line of edition: 32 ხობნე ჴანვემ. ჯინემ ესერ, ეჯგვა̈რ მა̈ ლესეს ი ამგვა̈რ მა̈ ლესეს,
Line of edition: 33 მიჩა თხვიმ ქა ნომოვ ათყიდ ეჯ მარა.

Line of edition: 34 ანჴა̈დ ტკისდ ეჯ წჷრნი ხოშა მარე ი ალ ბეფშილდ ჴანვდ ესბიპჷდ.
Line of edition: 35 ხეღვჭარელ ათხე ალ ჴანვ ეჯ მარე, ბაბა დემ ხა̈ყდივ, მარე
Line of edition: 36 ეჯღაჲ ქახღორვე. სგაღჲე მიჩა ქორთე ი ამეჩულა ალ ჴა̈ნ ჩაჟვდ
Page of edition: 188 Line of edition: 1 ესსიპჷდ. ალ ჩაჟვ ეჯჟი ხაშდბა ალ მარ', ერე აშხვ წა̈მს (\ ასწვა̈მ)
Line of edition: 2 დემის ხამუნდა̈ნივ ბოფშა̈რს. ჯი ახა (\ ლახა) იმთე ღჷრდ, ბოფშა̈რ
Line of edition: 3 ქორთე გარ ათვნახ ალ ჩაჟვ. აშგურა̈ნივ, ერე: -- ქ' ესერ ნომეგოვ
Line of edition: 4 ოთჩა̈დხ ალ ჩა̈ჟ!

Line of edition: 5 ეჯჟი იშდრალ ალ ჩა̈ჟ, ეჯჟი იშდრალ, ერე ამიშ ლიშდრა̈ლ
Line of edition: 6 ბოფშა̈რსი მასა̈რდ ხალტჷნხ.

Line of edition: 7 ქადჲეხ ეშხუ ლათვნათე. ესმურტკვალე ალ ჩაჟვემ ი ქოთჩა̈დხ.
Line of edition: 8 ამჟი წჷრნი მარეჲ ანჴა̈დ. ხეღვეჭინალხ ბოფშა̈რ, მარე დეშ ადირმხ.
Line of edition: 9 ათხე წჷრნი მარე ა̈ხღვა̈ჭ ი დოსდ ირმივ, ეჯჟი კალმახდ ესპჷდ,
Line of edition: 10 სგაჩა̈დ ლჷცთეჲსგა, მარ' ეჯი ძუღვა̈შ ა̈მკდ ესსიპჷდ. ალი ხერმინალ
Line of edition: 11 კალმახს ლჷცისგა, ჟი ირჰივ, ეჯჟი ოხპა̈რ ალ კალმახ ი ა̈ნთროლდ
Line of edition: 12 ესსიპდა, მიჟ-დოშდლა̈შ უწდუნა სიმაქა̈შ კალთა̈თეჲსგ' ესსკინე.
Line of edition: 13 ძუღვა̈შ ა̈ნკ ეჯი ჯაყვდ ესსიპდა. ალ ჯაყვდი ეშთეჲსგ' ადსკინე.
Line of edition: 14 სიმაქდ ჟი ლა̈ჲკიდ ალ ა̈ნთროლ ი ჯაყვ ი იმბაჟელ, "იმხენ ესერ
Line of edition: 15 ა̈ნჴდენივხ?!" ჟი ლა̈ჲკიდ ი ლახტურას ლოხოგა̈ნ. ლიხტურელ ჩიქდ
Line of edition: 16 ოხპა̈რ ა̈ნთროლ ი ნესყად ესსიპჷდ. ჯაყულდ ეჯი ქიპდ ესსიპჷდ ი
Line of edition: 17 ნესყემ ჴემქ' ა̈თცუა̈ნ ქა. ეჩქას ნესყემ ლემსგემ ჰელქ' ადსკინე. ქიპ
Line of edition: 18 ჩვა̈დშიხა̈ნ ი ნესყე ქანტა̈ხ ი ჩიგარიშშალ ხოჩა მახეღვა̈ჟდ
Line of edition: 19 ესსიპდა.

Line of edition: 20 ხეწა̈დ ალ მახეღვა̈ჟ სიმაქს ქა: -- მიჩ ესერ მიჩა კალთაჲსგ'
Line of edition: 21 ათსედა ქვინ. ჰედ ესეროღვ ლა̈სვხ ჯიმილ-დაჩვიღ, მადეჲ
Line of edition: 22 ხეხვ-ჭა̈შ.

Line of edition: 23 ტკისდ ალა̈რ ჩჷა̈დხეხვჭაშა̈ნხ ი ნაღვჟურიშ ქორთ' ამჴა̈დხ.

Line of edition: 24 დადა ი ბაბ' ეჯი ჩა̈რჩს ჭჷშხ ჟი ხაგამხ. ლახედალ ხოჩ' აჩვმინხ.

Line of edition: 25 ეჯა̈რ ოდ ანჴეხ, ეჩქადოვ ლა̈რიდ.

Line of edition: 26
სალიბე გურჩიანი. ბარში. მ.ქალდანი. 10.VIII.1954

Добавлено (2007-03-15, 5:34 Pm)
---------------------------------------------
Text: 88
Page of edition: 188
Line of edition: 27
LXXXVIII. გუდმეცა̈რ

Line of edition: 28 ხელწიფხეს ხოგ ლაკგლმა̈ხი ტობ. აშთეჲსგა და̈ს ფიშვდე მიჩეშჷნქა.
Line of edition: 29 მიჩა გეზალ ა̈თჴჷრა̈ნ მასა̈რდ ი სგაფიშვდ ალი. აჩა̈დხ ლაკჷლმა̈ხითე
Line of edition: 30 ი ადკვა̈რხ ისგა ბერჟემ კა̈ვა̈რ ი, მაზუს ქა ხობიდხ, ეჯზუს
Line of edition: 31 სგა ხობიდ.

Line of edition: 32 ათხე ჰედურდ მარე ჩუ მა̈ ხორიხ ამ სახელწიფისგა, მა̈გ აჩა̈დხ
Line of edition: 33 ეჩა ქა ლაბჷდთე. ეჯღაჲ ქა დეშ ხობიდხ. მაზუს ქა ხობიდხ,
Line of edition: 34 ეჯზუს სგა იტხე.

Line of edition: 35 ათხე ვოშთხ უღვა კამბეშ ანჴიდხ ი მა̈გ ხობიდხ. ოხბჷდხ ქა ი
Line of edition: 36 ქანჴიდხ ი ამსვალდ ლა̈სვ. მა̈გ ხარგა̈დიხ, ჩი ხა̈ჰიესგხ ი ლაცვს დეშ
Page of edition: 189 Line of edition: 1 ხოთხრეხ, დეჲ რაგდი. ხელწიფხედ რა̈ქვე: -- ისგოღვ ლოხჴერივხ
Line of edition: 2 ი ქალა̈ქს კჷრკა̈ნდოღვ (\ გჷრკა̈ნდოღვ) ახცხიპხ, იმგვალეგ ესერ
Line of edition: 3 ჰედ ლაცვ ოთთხერნი, მადეჲ ადრა̈გდინისგ.

Line of edition: 4 ლოხჴერივხ ისგა ი ესყახ. ქალა̈ქთე ლექვა მოლე გარ ხოკლიხ,
Line of edition: 5 ეჩეჩუ დად' აჩხტა̈რი ი ლაცვ ოთთხა̈რ.

Line of edition: 6 ქალა̈ქს ლექვ' ოთქა̈ბხ ი ლეჟა ლახტიხხ ი ეშხუ მარე მერმა
Line of edition: 7 ხეღვჭარელ: -- ჲეშდ ზავ ესერ ათხადეს, ეჯ ჩექმოლოღვ (ჲ
Line of edition: 8 ლა̈ფჩინაოა̈როღვ) ათყიდ.

Line of edition: 9 ათხეჲ ლაცვ ოთთხა̈რ ალ მარა. ლა̈ხჭედივხ: -- იმღ' ესერ ათთხერა
Line of edition: 10 ლაცვ მჷჩხტა̈რი დადა̈შმჷყ ი მეღვჭარელაცახა̈ნ?

Line of edition: 11 -- დად' ესერ ხოჩა მჷჩხტა̈რი ლი ე, ჯი სგურ, ეჩეჩუ
Line of edition: 12 ორჩუქა ოქრშვ ერ ჷვეში ლი, იმღ' ესერ დეშ ომჴედელი გუდ?
Line of edition: 13 ჲეშდ ზავემ მეგეჭ ლა̈ფჩინრე მეღვჭარელ ესერ ბა̈იშ მედგა̈რი ლი.

Line of edition: 14 -- ჟჲოღვ ა̈ნკჷრმეხ, აღვე, ალ მარე ლჷდგა̈რ ლესეს ა მადე, ი
Line of edition: 15 ე{ჯ} დადა̈შ ჩუქა ოქრ ზჷსდეს ა მადე.

Line of edition: 16 ათხ' აჩა̈დხ ალ მარათე ი ლჷდგა̈რ ახხვიდხ. ლექვ' აჩა̈დხ, ალ
Line of edition: 17 დად' აჩხტა̈რივ, ამთე, ი ეჯზუ ოქრ ი ვარჩხილ ახხვიდხ, ერე ლეჟა
Line of edition: 18 ვენდ გარ ახშდიხხ.

Line of edition: 19 ალა̈რ მა̈გ ტკიც ლა̈სვხ, ეჩქას, -- ისგოღვ აფიშვდს მიჩა ნარდვთეჲსგა,
Line of edition: 20 -- ალ მარემ იჰერ.

Line of edition: 21 ქაჩა̈დხ ტობთექა, ხგაფიშვთხ ტობთე. ესბა̈ნჩხვ ლერსგვან შივშ
Line of edition: 22 ი ფექ ლახემ კვეცნემ, ესბა̈ნჩხვ ლერთან შივშ ი ლა̈ჲრა̈რ ლახემ.
Line of edition: 23 სგადჲეხ ალა̈რ. ფექ ალი ხელწიფხიშ დიხსა̈ლს ლახემხ. დიხსა̈ლდ
Line of edition: 24 ქანნაყე. აშხვხენიშ მეყილდ ალი ჩვა̈თჩენჩურა̈ჩ. ლჷჩენჩურახენიშ
Line of edition: 25 ხელწიფხეს ოთჴიდ სგა. ათხე ალა̈რა, ქვეყანაჲსგა ქა მა̈ ა̈დქუთნი
Line of edition: 26 ი ჩუ მა̈ ა̈ღჩემნი, მა̈გ ხესმიხ, ჩიმი რაგა̈დ აშ ხოხალხ.

Line of edition: 27 ხელწიფხედ რა̈ქვე: -- ნა̈კვიშ ესერ ჲა̈ს ლოხმამა?

Line of edition: 28 -- ალი ესერ დიხსა̈ლს ლოხმამა.

Line of edition: 29 დიხსა̈ლ ქა იჰერ ხელწიფხედ მიჩეშთე ი ჯინემ ლა̈ჲსგურე სტილს:
Line of edition: 30 -- მიჩ ესერ ხამჷნკა, ეჯი ესერ ხემჷნკი ამისი.

Line of edition: 31
პავლე პაკელიანი. ჭელირი. მ.ქალდანი. 12.VIII.1954

Добавлено (2007-03-15, 5:35 Pm)
---------------------------------------------
Text: 89
Page of edition: 189
Line of edition: 32
LIXXXIX. ტჷტარა̈ილ

Line of edition: 33 ა̈რიხ ეშხუ დი-გეზალ, ხორიხ ეშხუ ვოჴა̈რ დინა. ალის ხოლამდ ი
Line of edition: 34 ბეშდაბხ.

Line of edition: 35 აშხვ ლადეღ ლუზრობთ' ესღრიხ დი-გეზალ. ალა̈რ ისჷრკა̈ლხ
Line of edition: 36 ი იმარელხ. ათხე ტჷტარჷლდ ხა̈ქვე: -- სა̈რკ ესეროღვ ლიხწონეხ.

Page of edition: 190
Line of edition: 1 ზურალდ ოსჭყილ: -- მიჩ ესერ ჲა̈რ ლახწენისგ სა̈რკს, მუქვნი'
Line of edition: 2 ესერ დეჲშა ფერიშ!

Line of edition: 3 ალა̈რს ხორდახ ეშხუ ფირუ̈ლდ. ალი ფირუ̈ლდ აშმეიდ ლალდა̈ღთ'
Line of edition: 4 ესყა̈დ ვოჴა̈რ დინას. ალის ალ ზურალდ ეჯი მოლე მა̈ტყილდი
Line of edition: 5 ლახემ ი ქანჷლდი, ხა̈ქვ', ერე: -- მა̈ტყ ესერ ნებოზს ჩუ
Line of edition: 6 ლუკულინე კულიდოვ ა̈ნტიხ, ქაჷ ეჯი -- სგვირ ქა ლჷჟფჷნედ.

Line of edition: 7 ესყა დინას ფირუ̈ლდ, იგვნი ეჯჟი. ფირუ̈ლდ ლა̈ხჭედივ: -- იმღ'
Line of edition: 8 ესერ იგვნი?

Line of edition: 9 -- იმღ' ესერ ი მინე ზურალდ მა̈ტყ ეჯი კულიდ ლჷსყე ი ქან
Line of edition: 10 ეჯი სგვირდ მჷსყ'ოღვ ოხჴიდ ნებოზს.

Line of edition: 11 ფირუ̈ლდი ლა̈ხჭედივ: -- გელა̈ლახვს ესერ ხამურტკვალნე მა?

Line of edition: 12 -- ჲე 'სერ.

Line of edition: 13 -- ჭაფხვრის ესერ ხა̈ჩხუნე მა? -- ჲე 'სერ.

Line of edition: 14 -- სგიმილდს ესერ ხათრე მა? -- ჲე 'სერ.

Line of edition: 15 -- აღვე მა̈ტყ ეჯი ჰაკვა̈დს ესეროღვ ლახა̈ბ, ქან შდჷმ ლექვ'
Line of edition: 16 ესეროღვ ოსდე, ჯი ამეჩუ ჩვ ესეროღვ ესგურდა ი ნებოზს
Line of edition: 17 ამთეჲსგა ისგ' ესერ ჴედნი.

Line of edition: 18 ქაფიშვდ ფირუ̈ლდ, ჯი აიეჩუ სგურდა. ნებოზს ფირუ̈ლდდ მა̈ტყ
Line of edition: 19 კულიდ მჷსყე ი ქან სგვირდ მჷსყე ოხჴიდ. სგანჴა̈დ დინა ი ფირუ̈ლდ
Line of edition: 20 სგა̈ნკვა̈რ. ალა̈რ მა̈გ, იმჟი ზურალდ ხა̈ქვე, ეჯჟი მჷსყ'
Line of edition: 21 ოხჴიდ.

Line of edition: 22 მერმა ლადეღ მიჩა დინას ლახემ ფირვ ლელდაღვდ, მა̈ტყი
Line of edition: 23 ლახემ ი ქანი: -- მა̈ტყ ესერ კულად მჷსყე ი ქან სგვირდ მჷსყ'ოღვ
Line of edition: 24 ა̈ნტიხ.

Line of edition: 25 ესყა ალ დინას ფირუ̈ლდ, ღეშგიმ ხაჭიმ ლაგვნიშვ. ფირუ̈ლდ
Line of edition: 26 ლა̈ხჭედივ: -- იმღ' ესერ იგვნი?
Line of edition: 27 -- იმღ' ისერ ი მიჩა დის ესერ ოთშგურანა ი მა̈ტყ კულიდ
Line of edition: 28 მჷსყე ი ქან სგვირდ მჷსკ' ესეროღვ ოხჴიდ.

Line of edition: 29 -- აღვე გელა̈ლახვს ესერ ხამურტკვალნე მა?

Line of edition: 30 -- ქვიშშვ ესერ- მუბჭკვე, მა̈ ხეკვდი.

Добавлено (2007-03-15, 5:36 Pm)
---------------------------------------------
-- ჭაფხვრის ესერ ხა̈ჩხუნე მა?

Line of edition: 32 -- ზისხშვ ესერ მჷჰრე. მა̈ ხეკვდი.

Line of edition: 33 ათხე ლა̈ჲბინე ლიქინე ფირუ̈ლდდ ეჩხავ-ამხავ ი დინას ალა̈რ
Line of edition: 34 ჟ'ოხბირდლავე. ნებოზს დინად ფირუ̈ლდ სგა̈ნკვა̈რ, ლაგვნიშვ ხაჭამდ',
Line of edition: 35 ეჯჟი. მიჩა დი ლა̈ხჭედივ დინას: -- იმღ' ესერ იგვნი?

Line of edition: 36 -- იმღ' ესერ ი ამჟ'-ამჟი, ჟ' ესერ ოხბირდლავა ქან ი მა̈ტყ
Line of edition: 37 ფირუ̈ლდს მიჩეშდ.

Page of edition: 191
Line of edition: 1 მერმა ლადეღ ვოჴრჷლსიდ ლახემ. ნებოზს ვოჴრჷლდ მა̈ტყ
Line of edition: 2 კულიდ მჷსყე ი ქან სგვირდ მჷსყ' ოხჴიდ.

Line of edition: 3 მესსა ლადეღ მიჩა დინასიდ ლახემ, მარე ეჯნემ ლჷბირდლავეიდ
Line of edition: 4 ა̈ნტიხ. ეჩქანღვე დი-გეზალდ ხა̈ქვეხ უშხვარ, ერე: -- ფირუ̈ლდ
Line of edition: 5 ჩვ ესეროვ ა̈ზიჰა̈.

Line of edition: 6 ალი ტჷტარჷლდ ჩვა̈ცხირ, ეჩქას ფირუ̈ლდს გა̈ნხენჩუ ლახსგურდა
Line of edition: 7 ი ლა̈ჲბინე ლიგვნი. ფირუ̈ლდ ლა̈ხჭედივ: -- იმღ' ესერ იგვნი?

Line of edition: 8 ვოჴრჷლდ ქა ხა̈ქვ', ერე: -- ამჟ'-ამჟი, ლისენის ესერ ხედრა̈ლხ
Line of edition: 9 ი ეჯღ' ესერ იგვნი.

Line of edition: 10 -- აღვე ამიღა ნომოვ ანფა̈შ. ჯინემ მიჩა ნოჲ ლეღვ ესეროღვ
Line of edition: 11 ლა̈ემ, ნოჲ ტუფ ესეროღვ ლა̈ჲსჷრგებე. მიჩა ფა̈თვ, ჯიჯვ ი ამკა̈ლიბა̈რ
Line of edition: 12 ნომაგვეშ ესეროღვ ადცუდე ჩუ ი მა̈გ მიჩა ლალდია̈რმჷყ
Line of edition: 13 ესეროღვ აშდვიხვ ჩუ. შომ' ესერ ეჩხავ ამხავ ლიზელა̈ლ ესწჷხე/ჷნეს,
Line of edition: 14 ეჩქას ჟ' ესეროღვ ა̈ნბარჯე ი ეჩეჩუ რა̈შ ესერ ჟი ლჷჰინგირ ი
Line of edition: 15 მიჩა ლერექვ ი ლელდისგ ესერ ხეხელი.

Line of edition: 16 ათხე ალ დი-გეზალ აჩა̈დხ ლუზრობთე. ანჴა̈დ ალ დინა ი
Line of edition: 17 ფირუ̈ლდა̈შ ლალდია̈რმჷყ ჟ'ანბარჯე. ამეჩუ რა̈შ ჟი ლჷლა̈ბ, აშხვხენჩუ
Line of edition: 18 ოქრ ი ვარჩა̈ილშვ ი მერმახენჩუ მიჩა ლერექვ-ლელდისგვშ, ხაბჷდ.

Line of edition: 19 ჟ'ა̈ნრჷქვა̈ნ, ჟ'ა̈ხჷლდესგა̈ნ ი რა̈შს ჟი ლახაგურდა ი აჩა̈დ ლუზრობთე.
Line of edition: 20 ლუზრობისგა მა̈გ მიჩ ხენთურალ. ანჴა̈დ ალ დინა ი უშდილ ჩვადკვა̈რ
Line of edition: 21 ეშხუ კალოშ. ჯი ხონკი სგანტა̈ხ ქორთე ი რა̈შ,
Line of edition: 22 იმგვა ხაბჷდ, ეჩეჩუ ათა̈ბ.

Line of edition: 23 ალ კალოშ კესა̈რშერდ ა̈დკვა̈რხ შითეჲსგა. ნა̈ზირ-ვა̈ზრა̈რს
Line of edition: 24 ხა̈ქვეხ, ერე: -- ალი კალოშ ესვა ხემარგდეს, ეჯი ხელწიფხეშ
Line of edition: 25 გეზლა̈შ ხეხვ ესეროღვ ლა̈სვ.

Line of edition: 26 ესხრიხ ალ ვეზირ-ნა̈ზირა̈რ ი ალ დი-გეზალთეჲსგა ლა̈ხჴედჷნხ.
Line of edition: 27 ჩიქი ეშხუ იზმეხ ალ კალოშს, ღვე მერმე, მარე ჟი დეხდასმოშ
Line of edition: 28 ხემა̈რგხ.

Line of edition: 29 ათხე ტჷტარჷლდ ხკქვე ი: -- მიჩ ესეროღვი ლახწონეხ.

Line of edition: 30 ზურალდ ოსჭყილ: -- ჯ' ესერ იმხენ ა̈ნჴდა ამგვა̈რ კალოშს?

Добавлено (2007-03-15, 5:36 Pm)
---------------------------------------------
ჩვ ესეროღვ ა̈თთჷრ!

Line of edition: 32 ათხე ვეზირ-ნა̈ზირა̈რდ მადე ჩემინხ ი ქა ლახწონეხ კალოშ.
Line of edition: 33 ალის ჟ'ა̈ხმარგ კალოშ ი ვეზირ-ნა̈ზირა̈რდ ხა̈ქვეხ: -- ოთჴერივ ესე
Line of edition: 34 როღვ.

Line of edition: 35 ალ დინად ჟ'ა̈ნფიშგ მიჩა რა̈შ, ჟ'ა̈ნრექვა̈ნ, ჟ'ა̈ნჷლდესგა̈ნ ი
Line of edition: 36 ოთჴერივ ნა̈ზირ-ვეზირა̈რს.

Line of edition: 37
კლარა აფრასიძე. ჭელირი. მ.ქალდანი. 12.VIII.1954

Line of edition: 2 ა̈რიხ ჯიმილ-დაჩვირ ი დეჲ დი ხორიხ ი დეჲ მუ, მინ გარ ა̈რიხ
Line of edition: 3 ქორს, საბრალდ ა̈რიხ, მამაგვეშ ხაწვახ.

Line of edition: 4 აშხუნ ხოხვრა ცჷჴემდილ ანტაბე ნაღვჟურდ. ეჩქანღვე ხოშ'
Line of edition: 5 ანტაბე ი ეჯნოშ ხა̈პვრ ადგა̈რ, ალი მიჩა დაჩვირს ლახწონე ი
Line of edition: 6 მასა̈რდ ათჩონ. ეჩქანღვე ა̈დბინე ლიდგა̈რი ი მასა̈რდს ადგა̈რივ ი
Line of edition: 7 ხოჩა ლიზგ' ა̈ნსყეხ. ალის ხოჩა მეთხვა̈რ ა̈ხფას. ალა̈რდ ჟ'ა̈ნიცხხ.
Line of edition: 8 მიჩა დაჩვირდ ვოდედილა̈შ ქადჩიჟ', ეჩქად მად' ადჷგა̈ნ.

Line of edition: 9 სგანჴიდ ქორთე ხეხვ, ხოჩა ქვერწილ ათყერ. ალა̈რს ნაღვჟურ
Line of edition: 10 ა̈ხწესა̈ნხ.

Line of edition: 11 აშხუნ ჭა̈შ ლა̈თხვარს ა̈რი ი მიჩა ხახვემ ნაღვჟურ ჩვა̈ზიჰ, ჯინემ
Line of edition: 12 ვედრ' ა̈ნკიდ ი ქაჩა̈დ ლჷცთე ი სგა ლახხვიდ მიჩა ჭა̈შ ი სგანჴა̈დხ.
Line of edition: 13 აშხუდ ქორთე. ამეჩუ მიჩა ნა̈ჲსენ (\ ნა̈სენ) ბეფშვს ეჯი ლა̈ჩგუნათე
Line of edition: 14 ჟი ლოხტყვირე, ამჟი ლიკილელ ა̈დბინე. ათხე მიჩა ჭაშვ
Line of edition: 15 ხა̈ქვე: -- იმღ' ესერ დემ თვიფე მიჩა დაჩვირს, ერე მიჩა ლჷცხენ
Line of edition: 16 ლიტხა̈ლდ ნაღვჟურ ჩოთზიჰა!

Line of edition: 17 მიჩა ჭა̈შდ ჩუ გარ ჟსყედნე, მამაგვეშ რა̈ქვე. აჩა̈დიდ ლა̈თხვართე
Line of edition: 18 მერმა ლადეღ, ანჴა̈დ ამიშ ხეხვ ი, ბაგჟი ჩაჟა̈რ საბჷდხ, ალა̈რ მა̈გ
Line of edition: 19 ჩვადთხჷრჷლე გა̈ჩშვ ამ ზურალა̈შ მა̈სისგშვ. ლჷცთეიდ აჩა̈დ ი სგაიდ
Line of edition: 20 ლახხვიღ მიჩა ჭა̈შ. სჷანჴა̈დს აშხუდ ი ალა̈რს ქა ხეწა̈დ ი ლიკილიიდ
Line of edition: 21 ა̈დბინე: -- იმღ' ესერ დემ თვიფე მიჩა დაჩვირს? ეშდორი
Line of edition: 22 თანღი ეჩხენჩ'ოღვ ადჲე ი კინჩხ ჟ'ოღვ ახქვიც ი ეშხუ ბოთლიკ
Line of edition: 23 ზისხ სგრღვ ოხჴიდ ლეთრად!

Line of edition: 24 ჭაშვემ [ხა̈ქვე]: -- მინ' ეიერ ნარდევ ლიხ ი ადა̈იდ ესერ
Line of edition: 25 ა̈ნჷრდინეხ ჩაჟა̈რს.

Line of edition: 26 აჩა̈დიდ მიჩა ჭა̈შ ლა̈თხვართე. ნებოზს ეჯი სგაიდ ლახხვიდ მიჩა
Line of edition: 27 ხეხვ. ალის ჴანა̈რ ლჷთხრჷლ' ოთცვირა. სგანჴა̈დხ ი ათსისტკჷნ მასა̈რდ:
Line of edition: 28 -- იმღ' ესერ დემ ა̈ისგ ეშდორი თანდი ეჩხენჩუ? ადაეოღვ (\ ადჲეოღვ),
Line of edition: 29 მადეჲ ბა̈ზი ესერ ჩვა̈სენი (\ ჩვა̈ჲსენი) მიჩა
Line of edition: 30 დაჩვირს, დემ ესერ ხა̈ხტუიე ლა̈ზგა-ლარდას!

Line of edition: 31 ჭაშვემ ოსცა̈დ: -- მინ' ესერ ნარდევ ლიხ ი ადა̈იდ ესერ ა̈ნჷრდინეხ
Line of edition: 32 ჴანა̈რს.

Line of edition: 33 ეჯ ლეთ ლემზურუ̈ლ ალ ზურალ ეჩა ლა̈სენითე (\ ლა̈ჲსენითე),
Line of edition: 34 მარე ჭაშვ ხოქვა: -- ქ' ესერ ა̈ისგ ი ნომ' ესეროღვ ადჷჲსენე (\ ა̈ზიჰ).

Line of edition: 35 ჰამს ჟ'ანჷგა̈ნხ ალ ჯიმილ-დაჩვირ ი აჩა̈დხ. ეშდორი თანღი ეჩხენჩუ

Добавлено (2007-03-15, 5:37 Pm)
---------------------------------------------
ადეჲ. ლა̈იდ თხუმემ ლექვცად დეშ ა̈დსერ ი მეჴრ' ათქვიც,
Page of edition: 193 Line of edition: 1 ეშხუ ბოთლიკ ზისხ ჟ'ა̈ნზერ ი სგადჲე მიჩა ხახვთე. მიჩა ხეხვდ
Line of edition: 2 ჩუ ლაიშ.

Line of edition: 3 ალ ზურალ (დაჩვირ) ჩვა̈რი ათხე ი ესხრი, ესხრი. აშხუნღვე

Line of edition: 4 იმგვალეგ მჷჭკჷვეს ხეწა̈დ. ალ მჷჭკჷვეთეჲსგ' ოსმეწვნე ი ეშთეჲსგ'
Line of edition: 5 ესხრი. აშხუნღვე სგადჰიე. ამეჩუ ხელწიფეშ ჰარტამს ხალიჩ სემი
Line of edition: 6 მარე. ალა̈რს ჩუ ხევჟეხ ი ეშხუ კინტვრი ქა̈ნყვიჩ ი ცხეკთ' ადჲე ი
Line of edition: 7 ჩუ ლა̈ჲემ (\ ლა̈ლემ). მერმა ლადეღ ა̈დშელდეხ ი ეშხუ ხაკლივხ.
Line of edition: 8 მერმა ლეთ ალა̈რს ჩუიდ ხევჟახ ი ეშხუ ქაიდ ა̈დქვით ი ცხეკთ'
Line of edition: 9 ადჲე ი ჩუ ლა̈ჲემ (\ ლა̈ემ).

Line of edition: 10 მესმა ლეთ ხელწიფხ' ესლა̈ჩ. ამნემ შამფუ̈რ სგებინჩუ ესყირ.
Line of edition: 11 ჩუ ხევჟუნივ, ეჩქას ნებგვას ხა̈ძგრივ ი ჟი ხეჲცხჷნივ. ალ ზურალ
Line of edition: 12 ანჴა̈დ ი ა̈ნყვიჩ, ეჯჟი ჟ'ახბა̈ჟ: -- სგოღვ ანჴა̈დ, მადეჲ, ჲერვ' ესერ
Line of edition: 13 ლი, ადგა̈რ' ესერ.

Line of edition: 14 -- ჩოღვ ადგა̈რ ი მიჩეშთეჲსგა მეჴადდ ესერ დემეგ ხაყა: მეჴრ'
Line of edition: 15 ესერ ქა მექვცე ხარ ი დ' ესერი ლერქვა̈რ ხა̈ქვ.

Line of edition: 16 -- ნომოღვ აჩა̈დ ი ლერქვა̈რს ი ლელდისგა̈რს ესერ ჯი ქა
Line of edition: 17 ხოკვანე.

Line of edition: 18 ამნემ ქა ლოხკვა̈რ ი ჟ'ა̈ნრექვა̈ნ ი ჟ'ა̈ნჷლდესგა̈ნ ი სგაჩა̈დ
Line of edition: 19 მიჩეშთეჲსგა". ღეშგიმჩუ ათსიპდახ უშხვრერიშ მალატშვ.. ჩვა̈დხეხვჭაშა̈ნხ
Line of edition: 20 ამჟი ალის, ხელწიფხეს, ჯა̈რთე ლიზი ათხვიდ. ალის ეჩხენ
Line of edition: 21 მასა̈რდ ხა̈ნ ახად. ეჩქად მიჩა ხეხვ ჩვა̈დღვაჟ. ამნემ ეჯგვა̈რ ბიძილ
Line of edition: 22 ანთავ', ერე სახელწიფისგა ეჯგვა̈რ ბიძილ ქა ლჷთავე დემეგ ლი.

Line of edition: 23 ამჟი მიჩა ჭაშვთე ლა̈ირ ადუზეხ ი ესღვა ფოშდას. ეშხუ მეზგათეჲსგ'
Line of edition: 24 ა̈დსიპე ფოშდად ი ჩვადყურდა. ეშხუ ობურ ზურალ
Line of edition: 25 ლა̈ხცად ამის, ჟ'ა̈ნკიდ ალ ლა̈ირ ი მერმე ლა̈ირ ა̈ირ. ხოჲრი,
Line of edition: 26 ერე: -- სგოღვ ანჴა̈დ, ედო მიჩა ხახვ ეჯგვა̈რ როქ გეზალ ოხთავ',
Line of edition: 27 ერე ეშხუ ესერ მიჭ ხაგ თხუმჟი, ეშხუ თე როქ ხარ ნებგვაჲსგა.

Line of edition: 28 ალი (ფოშდა) მერმა ლადეღ ჟ'ანჷგა̈ნ ი აჩა̈დ, სგადჰიე ი ქა
Line of edition: 29 ლახემ ალ ლა̈ირ. ქა̈ნჭედ (\ ა̈ნჭვედ) ამნემ ი პასხვიშ ლა̈ტხაღა ლა̈ირ
Line of edition: 30 ადიჲრე ი: -- ეშხუ თევ გარ როქ ხოკლი, ეჩქად ნომაგვეშ როქოღვ
Line of edition: 31 ხაყერა.

Добавлено (2007-03-15, 5:37 Pm)
---------------------------------------------
სგამა̈ლიდ ალ მეზგათეჲსგაიდ ა̈თჴედჷნ ფოშდას. ალი ჩვადყურდ',
Line of edition: 33 ეჩქას ობურ დადად ჟ'ა̈ნკიდ ალ ლა̈ირ ი მერმე პასვიხ
Line of edition: 34 ოთიჲარე.

Line of edition: 35 ამნემ ადიჲრე, ერე: -- ნენსგა ლაკვშდი შუკვისგ'ოღვ ესსგურეხ
Line of edition: 36 მიჩა ხეხვ ი გეზალ ი, ლეჟა 'სერ ერვ' ანღჷრდეს, ხატბჷნაოღვ მა̈გ
Line of edition: 37 ი, ლექვა ერვ' ანღჷრდეს, ხატყცივოღვ ი ხატბჷნა მა̈გ.

Page of edition: 194
Line of edition: 1 ალი ამჟი ესსგურეხ, ცხა̈ჲ, ი ჟიბე ღერთემ რა̈ქვე ი: -- ცოდა̈შ
Line of edition: 2 როქ ქვინ ჴან, -- ი ცხა̈კვს ოხთონე: -- ა̈ნგაღბეოღვ მოლე ი ღვე
Line of edition: 3 ჟ'ოღვ ანტა̈ხ.

Line of edition: 4 ალი ჩვაჩა̈დ ი, ბეფშვიშ დის აშხვ მეჴროშ ალი ხოყდინა, მერმე
Line of edition: 5 მეჴრა ქა მექვცე ხარ ი ქა დეშ ა̈დვიჩ, ეშხუ თე ქოხკიდ ნაღვჟურულს.

Line of edition: 6 ათხე ღვემალს ოხთონე: -- ა̈ნგაღბეოღვ მოლე.

Line of edition: 7 ალი ჩვანჴა̈დ ი მერმე თ' ამნემ ოხკიდ. ალა̈რ დემეგ ომტეხელიხ
Line of edition: 8 ჟი ი: -- ვარეს ცოდა̈შ ქვინ როქ ათხე ჴან.

Line of edition: 9 მუგულდს ოხთონე: -- ა̈ნგაღბეოღვ მოლე.

Line of edition: 10 ალი ჩვაჩა̈დ ი ლაგვნიშვ ანტა̈ხ ჟი: -- მუქვნი' ესერ ცხა̈კულდს
Line of edition: 11 ი ღვემალს ბეფშვილდდ თერა̈რ ქოხკჷდჷრახ ი ხოჩა როქ თვალა̈შ
Line of edition: 12 ნაღვჟურ ამჟი ხოსგურ ზურალს კალთა̈ჟი ი ალ ზურალს მეჴრა
Line of edition: 13 როქ ქა მექვცე ხარ.

Line of edition: 14 ღერთემ ეჯი მუგულდს ლჷშნავე ღალე ლახემ, ეშხუ ვისგ ლახემ
Line of edition: 15 ი: -- ალი ჩოღვ აბიჴვ ი თერა̈რისგ' ოღვ ლახდე ნაღვჟურს ი ლჷშნავე
Line of edition: 16 ღალ' ეჯი მექვცე მეჴრაქ'ოღვ ლახჭემ ზურალს.

Line of edition: 17 ჩვაჩა̈დ მუგულდ. ზურალ ივჩი, მარე მუგვდ ეჯღაჲ ისგათჯუქვრე
Line of edition: 18 ი თერა̈რისგა ხაჴიდ ვისგ მებჴვე ი თერა̈რ მა̈შომა̈ჲშშალ ლოხსგურ-
Line of edition: 19 და, ლჷშნავე ღალე ამის ლახჭემ მეჴრაქა ი მეჴრა ისგა ლა̈ხყა̈დ.

Line of edition: 20 ათხე, ცხა̈ჲ, ჟი ლა̈ჲჭჷთხე ნაღვჟურ ი ესხრიხ, ესხრიხ. ამჟი
Line of edition: 21 ლეთშვ ეშხუ მჷჭკჷვეს ხეწა̈დ ი აშთეჲსგა სგაჩა̈დ. ამეჩუ ჯა̈რ ა̈რი,
Line of edition: 22 ყარვილ ჟი ხაგხ ი: -- სგოღვ იხიმხ, -- დემ იხნიხ, მარე ეჯღაჲ
Line of edition: 23 მად' ა̈თყა̈ჩ.

Line of edition: 24 ხა̈ქვეხ ალა̈რდ: -- მოლე ჰარკა̈როღვ "ნჷმბავე.
Line of edition: 25 -- ჰარკა̈რ ესერ მინს ხეხლიხ, ედო მიჩ ესერ მამაგვეშ ხოხა. '
Line of edition: 26 ეჯღაჲ მად' ა̈თყა̈ჩხ. ეჩქას ანჷმბავე ალი ა, იმჟი მიჩა გვეშ
Line of edition: 27 ლა̈სვ. ეჩქას მიჩა ჭა̈შდ შიშდ ჩვათირ ი ლა̈ხჭედივ: -- ღვე ნაღვჟურს
Line of edition: 28 ესერ ეშხუ აიჭ ხარ ი ეშა̈უ თე ნებგვაჲსჷა, ეჯის ესერ მა̈ ხა̈ყრა?

Line of edition: 29 -- ეჯი ესერ ეშხუ ზურალ ესხვია ფოშდას ი ეჯის ესერ ოთიჲრა
Line of edition: 30 ამჟიშ ლა̈ირ.

Line of edition: 31 ჩქას ანჷგა̈ნხ ალიმა̈გ სალდა̈თ ი ალ ხეხვ-ჭა̈შ ი ა̈ნთხეხ ალ
Line of edition: 32 ობურ ზურალ ი ამიშ ჯიმლა̈შ ხახვთეჲსგ' ა̈თჴერნეხ. ალ ობურ
Line of edition: 33 ზურალ ი ამიშ ჯიმლა̈შ ხეხვ უშხვარ ათა̈ხხ ი ეშხუ რა̈შს ლაპა̈ბხ
Line of edition: 34 ისგა ი ეჩა ლა̈თრინალს ომჴეჩელიხ ეჯარე ჯიჯი ი მერ. ეჩქანღვე
Line of edition: 35 ხეხვ-ჭა̈შ ატა̈ხხ მინე ქორთე ი ხოჩა ლირდ' ა̈დჴიდხ.

Line of edition: 36 ეჩგიშ ხოჩა ამეჩუ, ამგიშ ხოლა ეჩეჩუ.

Line of edition: 37
ზაქრო პაკელიანი. ჭელირი. მ.ქალდანი. 12.VIII.1954

Добавлено (2007-03-15, 5:38 Pm)
---------------------------------------------
Text: 91
Page of edition: 195
Line of edition: 1
IV. ფარული
Line of edition: 2
XCI. ფა̈რ

Line of edition: 3 ფა̈რ მესტია̈შ რა̈ჲონს ხეკუთნი. ფა̈რიშ სა̈ბჭოშ სოფლა̈რ ლიხ:
Line of edition: 4 სვიფ, კა̈ცხ, ფა̈რ, ზაგა̈რ, ჟაბე ლჷჰა, ჩვაბე ლჷჰა, ღეშდერ, ფალედ ი
Line of edition: 5 ხოსრა̈რ. ფა̈რს მერმა შვიმდ მა̈ჟიბჩუ'სი ხატულიხ.

Line of edition: 6 ფა̈რიშ სა̈ბჭო ნენსგა ფა̈რისგა̈ ლი. ფა̈რს ლჷგ ეშხუ არაზა̈ჲა̈ნ
Line of edition: 7 კლა̈ს ი ჲორი სოფლიშ ოშთხზა̈ჲა̈ნ კლა̈ს. კლასა̈რჷნქა ფა̈რს ლჷგხ
Line of edition: 8 კლუბ ი სამკითხველო.

Line of edition: 9 ათა̈ს ი ჩხარ' აშირ ი ურინერვეშდიჩხარა ზაუნღვე ფა̈რისგა
Line of edition: 10 კოლექტივ ლი. კოლექტივს ხოგ ფერმა. ფერმას ხორი აშირ მეშგ
Line of edition: 11 ფუ̈რ, ოშთხერვეშდიჲორი მუვღვი ჴა̈ნ ი ჲორი აშირ ი ეშდსემი
Line of edition: 12 (\ ეშ{თ}ცემი) ღვენდელ. ამჷნქა ხორი მასა̈რდ მა̈ნცინა̈რ.

Line of edition: 13 ფა̈რიშ კლა̈სიშ ჰა̈ზვისგა ლჷმგენ ლაჴვმი. ეჯი ათხე ჩუ მეხვრე
Line of edition: 14 ლი ი ნა̈მხვირა̈რ გარ სიდხ. ეჩეჩუ ლასფლავა̈რი ხარს ცალანა̈რს.
Line of edition: 15 საფლა̈ვს ახ აბარჯეხ, ვერს ხეჩდახ ნეწუდ ძივა̈რ, ვარჩხლიშ ი
Line of edition: 16 ოქრეშ თასა̈რ ი კათხა̈რ, თჷრქდილა̈რ, ვარჩხლიშ ხოხრა მჷსკდა̈რ,
Line of edition: 17 ჩაბრასტა̈რ ი ლეშდმარა̈რ.

Line of edition: 18 ხოშოლუე ნამპუალდ ნასმა ი ამ ნა̈მხვირმჷყ, მა̈ დორ ფოყს ლი,
Line of edition: 19 მა̈ თერა ი, ეშხუ ლჷფკელ როქვ ხაშთხვა ოქრეშ კუბშვ.

Line of edition: 20 ფა̈რს ნემთქუნ ხოშა ღჷნა̈რ: ნამპრობ, ლიჴვდიში, უფლიშერ,
Line of edition: 21 ელობ, ლიგერგი. ალ ლადღა̈რ ხოშა ცხოველ ლადღა̈რდ ნადხ
Line of edition: 22 ლჷნშა̈ნ. ამ ლადღა̈რჟი მეჩია̈რ კაჰდასი დემ იკადვხ შითეჟი, დინოლს
Line of edition: 23 ფა̈თვს დემ ხა̈ცხენნახ.

Line of edition: 24 ჯვინალდ ფა̈რსი ვარგა̈რ ხეფსვდა̈ნა, მარე ათხე თავისუფა̈ლ
Line of edition: 25 ლი ხა̈ლხ.

Line of edition: 26
სირმა ვიბლიანი. ფარი. ჩაიწერა მ.ქალდანი. 6.II.1956

Добавлено (2007-03-15, 5:38 Pm)
---------------------------------------------
Text: 92
Page of edition: 196
Line of edition: 1
ზნე-ჩვეულება, ამბები
Line of edition: 2
XCII. მჷჟეღ ნამპა̈რ

Line of edition: 3 ლაყვრია̈რს ჯვინალჷნდრინ ნა̈გდენა ეშხუ ნამპა̈რ ჟა̈ჰიშ ნაშხა.
Line of edition: 4 ეჯის ნიშგეშჷნქა და̈რმოშ ა̈ჲასგვ. ჲერვა მჷისგ ხვირივდ, ეჯი ჟი
Line of edition: 5 ნატვარუნღვე გარ ხვითნივდ ქა, ეჩქად და̈რმოშ იკვშა.

Line of edition: 6 ალ ნამპა̈რ ლაყვრიხენ ღეშდერთ' ენღვანდა ქა. შუკვჟი ლიცად
Line of edition: 7 წეს დე ნად: აშხვ გარ ხეკვეს ოთხვაჲენს ღეშდერთექა. ნა̈ ვოდე
Line of edition: 8 მჷჟეღ ნამპა̈რს ქოთხვაჲასგვდ, ეჩქად მერმოღუ დეშ ატვრახ
Line of edition: 9 ნამპა̈რს.

Line of edition: 10
რაჟდენ ცალანი. ლაყვრი. მ.ქალდანი. 21.VIII.1956

Добавлено (2007-03-15, 5:38 Pm)
---------------------------------------------
Text: 93
Page of edition: 196
Line of edition: 11
XCIII. ლიჲრა̈ყი

Line of edition: 12 მა̈ნკუ სგა ლა̈თქედ ლავრაშთეჲსგა. ლა̈თქად მა̈გ იმა̈რგ: ჭჷმინ,
Line of edition: 13 სიმინდ, ფეტვ... ჟ'ა̈ნტხენი, ეჩქას სკჷხის ჩუ ლაჯა̈ბდ. სგა ლა̈შდედ
Line of edition: 14 ლჷქჷნთრინე ბაჩა̈რს. ჩვა̈დქეინი, ეჩქას ბაჩა̈რს ჟი ლა̈თშიდ.
Line of edition: 15 ბაჩრე ნა̈თიშუნღვე სალა̈ტს ლეჩოდ.

Line of edition: 16 სალა̈ტდ იმა̈რგ ჭჷმინ, მანა̈შ, სიმინდ, ფეტვ... (ჭიჭკვს ქა მა̈
Line of edition: 17 ჴიდე, მა̈გ იმა̈რგ). სალა̈ტჲაქ მა̈ნკუ ჩუ ლებქვე ლი ტებდი ლჷცთეჲსგა.
Line of edition: 18 აშხვ ლეთ ჩუ ლაგვა̈ვიდ ამჟი ი მჷხა̈რ ქა ლანწჷრედ. ეჩქანღვე
Line of edition: 19 ვეჭნახვთეჲსგა ლა̈დისგდ, აშხვ ნაგზაჲსგა ლიჟრე ხაკუ ლუკვაშე
Line of edition: 20 ლჷცშვ. ხოჩა ჭიჭკვს ქა̈ნჴდე, ეჩქას მჷჟთექ' ა̈ნჴდე ი მჷჟ ლოხდისგ
Line of edition: 21 ტელა̈ფჟი. ლინთვისგა ლემასგვ ჟიქაქა ჩელტშვ ლაგემდ ი ეჯნოშ
Line of edition: 22 ჩუ ლიფრე ხაკუ ეჯჟი, ერე ლექვერ ქანგეჰნე. ქა ლიგეჰდ. ბაჩრე
Line of edition: 23 ჟი ნა̈თიშუნღვე ლავრაშთეჲსგა სალა̈ტს სგა ლეჩოდ. ეჯი შიშდხი
Line of edition: 24 ჟი იფუინი. შომა ლიფუეს ჩუ ქვიცე, ეჩქას ლაჯბა̈შ ლი (ა̈რყიშ
Line of edition: 25 ქვინ ხოჴან ამ დრევჟი).

Line of edition: 26 ნამშა̈ჷნქა უცხემ ა̈რა̈ყსი ლაჯა̈ბდ. ვიცხ ჩუ ლელტჷნე ლი.
Line of edition: 27 ნალტჷნუნღვე ნაგზი ჟი ა̈ხერი, ჟი იფუინი ი ღოშგიმ ა̈რყიშ ქვინ ხეჴნი
Line of edition: 28 ალისი. ეჩქას ლაჯბა̈შ ლი სერ. კუდა̈დ ა̈ხხინნე ი ლჷჴმა̈შ ჴედნი,
Line of edition: 29 ხოშამ ა̈ხხინნე ი -- ჯაზნა̈რ. ხოლჴმაშა ლახ გვიცხა, სგა ლა̈ტხედ ი
Line of edition: 30 ნატხანს ლიხნიდ.

Line of edition: 31
აჩი ცალანი. ჟაბე ლჷჰა. მ.ქალდანი. 18.VIII.1956

Добавлено (2007-03-15, 5:38 Pm)
---------------------------------------------
Text: 94
Page of edition: 197
Line of edition: 1
XCIV. მჷფლედი ბევა

Line of edition: 2
1

Line of edition: 3 ჯვინალდ ბევა̈რს ხა̈რდენახ ბაბა ბევა.

Line of edition: 4 აშხუნ ბევა ლჷმჭემნელი ლებგა̈რილისგა. ჰვიჯს მერჩილ ათხვეტა
Line of edition: 5 ი ნინ ქა̈მინჩუ ოხდა. ბევას ქეშპიშ სტვირილდ ოხქაჩა ი აშხვხენ
Line of edition: 6 ჰვიჯს ხა̈ბკენა ნჷნისგა ი მერმახენ ბაბა ბევას -- შდჷმისგა. ჰვიჯს მიჩა
Line of edition: 7 მუჰდური მელ ლოხთონა ბევა̈შდ ი ჰვიჯ ჟ'ოჰედვრა. ეჩქანღვე
Line of edition: 8 ესსტარმინან ბაბა ბევას, ერე ჩიმი რაგა̈დს გუდ ჴედნივ.

Line of edition: 9
2

Line of edition: 10 ზორგეთ ხაშხა აშხვ ლარა ნიშგე ეჩხენ. ბაბა ბევა ლჷმჭემზელი
Line of edition: 11 ზორგეთისგა. გიგუს ხოქვა: -- ბევა, ა̈ჲრა̈ყოღვ ლახაშ.

Line of edition: 12 ბევას ოსცადა: -- დემეგ ესერ ხუღვე მიჩ ა̈ჲრა̈ყ.

Line of edition: 13 -- მიჩ ესერ ქორს ყუბ სტამნჷლ ხოგ, ეჯი ესერ მიჩა ხარჯა̈რს
Line of edition: 14 ჩუქაქა ხონხა.

Line of edition: 15 ბაბა ბევრად კათხთექა ქოხგვეშ ა̈ჲრა̈ყ ი ჯიკჟი ჩოსეგ, ისგანჴად
Line of edition: 16 გიგუ ი ჩუ ლაიშ.

Line of edition: 17 ხა̈ნ ი დრეუნღვე შვა̈ნეშ ფადა̈სს ლა̈შიალთე ა̈თჴედჷნ უსურმანთე.
Line of edition: 18 ეჩხალიდ თა̈ვითალჟი თვით ბა̈ჩ ოხკიდახ ი ჭჷქრი ლარაჲსგ'
Line of edition: 19 ოსდახ ჩუ ი ისგა̈ლიდ, ლჷა̈რ ჲერვ' ა̈ნტხენივ, თვით ბა̈ჩ ჟი ლეკედ
Line of edition: 20 ი ლჷცთე ლეკვანე ხადხ. ჩუ ვოშა ბა̈ჩ ა̈სდენივ, ეჩშელდ ლჷდგა̈რ
Line of edition: 21 ირივხ.

Line of edition: 22 ამ ლა̈შიალჟი ბაბა ბევა გარ ომსედელი ჩუ ი ჯიი გაჭირება
Line of edition: 23 თეჲსგ' ომშყედელი. ათხე გიგუ ომჴედელი მიჩეშთეჲსგა ი: -- მ' ესერ
Line of edition: 24 მეგამთექა ჯი ღჷრდეს, ეშთექ' ოღვ ხეჭამ ღოშგიმ.

Line of edition: 25 ჩვა̈დბურან ი მეგამ ჩუქაქა ბევ' ა̈დუჟა ი მეგამჟი -- გიგუ. მერმა
Line of edition: 26 ჰამს ბევას ჟ'ახეჲცხჷნენა ზორგეთისგა უცხ ჩუქაქა, იმგვა გიგუს
Line of edition: 27 აჲრა̈ყ ლახა̈შ.

Line of edition: 28
3

Line of edition: 29 აშხუნ ლა̈ქვერწილთ' ოთჴერნახ ბევა ლეჟა ბეჩვითე. ჩოლრჷჰელი
Line of edition: 30 მერმა ლადეღ ი ყორქ' ომჴედელი ი ლჷმბარა̈ლლი ქა̈მ. ამჟი
Line of edition: 31 ნა̈პვრს ლოხრა̈გდინა: -- ბევა, მიჩ' ესერ ქორ ლეთი ჩოლშიხელი,
Line of edition: 32 ჯი ესერ ქვერწილისგ'. ა̈რი ამეჩუ!

Line of edition: 33 შიშდ წა̈მჟი სგომჴედელი ი "ხოჩა ლადეღ" ხოქვა ხა̈ლხდ ი:
Line of edition: 34 -- ქორს ესერ ჩოლშიხელიხ ი ქორთ' ესერ ლეჰია̈ლ ხარ.

Line of edition: 35 ლექვ' ომჴედელი ი ქორშა̈რს ლახშჷმა ხოსურშერხენქა ამხავ:
Line of edition: 36 -- ტაბგილ როქვ ოხღახ მა ქა, ტაბგილ?

Page of edition: 198
Line of edition: 1 -- ტაბგილ ესერ იე.

Line of edition: 2 -- ტაბგილ როქვ ქოხღახ ე, გონა̈ბ როქვ ნომოღვ ხარს, ლა̈დიდ
Line of edition: 3 ესერ ხა̈დისგუნა ლაღვ, ამჟი ესერიდ სედისგუნი ჩი.

Line of edition: 4 ამ ტაბგილჟი ლეღვ დემის ლჷმშდეხოლნელი ჩუ. ლალაღვდ
Line of edition: 5 ხა̈ღვენახ ი. მელეღვ მაზუს იდისგალნივ, ეჯიცა̈ლ ლაღვ სგა ხა̈ქმოლნა.

Line of edition: 6
ვარლამ ჩხვიმიანი. ფალედი. მ.ქალდანი. 22.VIII.

Line of edition: 8 ყჷრჷმშერ ჩხარა ლახვბა ლჷმა̈რელიხ. ალჲა̈რ ლამხერ ლჷმზიგხ,
Line of edition: 9 ისლამ ი ციოყ ფა̈რს ლჷმზიგხ.

Line of edition: 10 ყჷრჷმშერს ციოყრე მემახველდ ჰეცრიშ ოთარშერ ფადა̈ს ოხხჷნაბ
Line of edition: 11 ჩუ. ეჯი, ცხა̈ჲ, ბა̈ჟინ ათჴეღახ ციოყა̈რს. ეჯჲა̈რი ჰედურდ მაღვა̈ნს ჩი
Line of edition: 12 ისგახშჷმახ. ფა̈რ ლექვა შუკვ ანღრი, ამელექვა ჰინკა̈რ
Line of edition: 13 ჩუ ჲესვა ხა̈გნენახ, გურებდ ოხსყახ ი ლიშხი ხა̈კვდენახ ყჷრჷმშერ
Line of edition: 14 ი ჰეცრიშ ფადსიშ. გურებ ქოხთჷრჷლახ ი ლექვა ხეკვეს ოხკჷრანკენენხ
Line of edition: 15 ი ისგა ხეკვეს ლოხდენხ ყჷრჷმშერ ლა̈ზგა-ლარღად ჟიქამშხვნჩუ
Line of edition: 16 ი ჟი ხეკვეს ოხბიდნენხ. გურებს ლაკრა̈ნკის ვოშთხვ მარე
Line of edition: 17 ხა̈გნენა ისგა ი ლჷმკჷრანკვნელიხ ლექვა. ისგთე ლექვა ლექვ' ოხკჷრანკახ
Line of edition: 18 ი ჩომრეღველი ეჩქას. ამხენიშ ეჯი ხა̈შიალახ, მარე ეჯჲა̈რ
Line of edition: 19 ისგა ლახყვინენახ გურებს ი დემეგ ხარენახ მაყალვ. ჩოთბურახ
Line of edition: 20 ეჯჟი.

Line of edition: 21 ჰეცრიშ ფადა̈ს გუდ ომქედელი ი ლატვთ' ომჩედელი ეჲ ლეთ.
Line of edition: 22 ამეჩუ ომჩედელიხ ი ჭალა̈ ლეჟა მჷლჷცრ ომჩედელიხ ჩჲა̈გ, ჟი
Line of edition: 23 ლახვთე ი ყორა̈რიშ ბაჩა̈რისგა ომჩედელიხ ისგა. ეჩქანღვე ახარახ
Line of edition: 24 ლიმცოქულ ჟა̈ბიშ ვარგა̈რს ი ალჲა̈რს. ქახჴედახ ლა̈რგავალთე უშხვარ.
Line of edition: 25 ჲერდგვილჟი უშხვარ ხეკვეს ა̈თნაბნენეხ. ამეჩუ ლადეღ ოთნიშნახ ი
Line of edition: 26 ყჷრჷმშერ ჩხარა ლახვბას ლეჟ' ათშჷმახ ციოყა̈რ ლა̈რგავალთე ი ლანბანალ
Line of edition: 27 ხა̈ტ ჩუ ოხჴიდახ.

Line of edition: 28 ციოყს ი ისლამს ამჲა̈რე მჷღლატა ქორა̈შ ი მურყვმა̈შ სა̈ნცხვერა̈რდ
Line of edition: 29 ჟ'ოთგენახ. ნაბნობ ეჯი ლაგალვამჷყ ხარენახ.

Line of edition: 30 ალჲა̈რ ლეჟ' ომჩედელიხ, ყჷრჷმშერ. მჷღლატა ჩუ ლუშგურანე.
Line of edition: 31 ხარენა ისლამს: -- მიჩ ესერ ხა̈ტ ხეღვენი შილისგა, მინ, ლახვბ',
Line of edition: 32 აშხვხენ ესერ იგნიხ ი ეჯჲა̈რ მერმახენ ესერ იგნიხ. შომ' ესერ ჯი
Line of edition: 33 გარცა̈მს ქა ხექინე, ერე "ლა̈დიუნღვე როქვ ლიურდგულ ლესეს ი
Line of edition: 34 ლიღლა̈ტი დემეგ" ი ჯინემ ხა̈ტ ესერ ჟ'ოხოსგეს, ხაჴიდხოღვ თოფა̈რ.

Line of edition: 35 ამჟი ხა̈ტ ჟიჲ ოხოსგა ისლამს ი შიშდ აშხვ ჰერდ ოთტიხახ ი
Line of edition: 36 არა უშხვარჟი ოსდახ ი მეჲჩხრე, მაჰრენ მუხვბე, ქათჩედახ ი
Page of edition: 199 Line of edition: 1 ლჷა̈რ ომსედ. ტვიბ ლექვ' ომჩედელი ი ბაჴლისგა ისგათჩედახ
Line of edition: 2 უსგვირთე. ეჩეჩუ ეშხუ ნაგზი ჟ'ახარა ი ეჩქანღვე ისგათჴედჷნენა
Line of edition: 3 ლეჩხუმთე. ეჩეჩუ, ვა̈რდიას, მოლე მაშედ ხეკჷრქივ, აღვე მა̈ ირივ,
Line of edition: 4 ი ქოლჩიჟელი. ეჩა შთამომავლობა ათხე როქვი ამჟი ა̈რი.

Line of edition: 5 ამეჩუ ლექვა ხა̈ვხახ ი ბა̈რგ მა̈გ ქოხჴიდახ ი ქორა̈რდ ჟ'ოხბიდნახ.
Line of edition: 6 ქონება მეშიალადი ლოხოთახ, ხეხვა̈რ მა̈ ხაჩჷდახ, ქოთჰოდახ. გიმა̈რ ისგ
Line of edition: 7 ჩუბავ მა̈გ ყჷრჷმშერ ლჷმა̈რელიხ. ეჯჲა̈რ ხჷნსგა ფასვჟი ქოთჰოდახ ი
Line of edition: 8 მინს ლოხსჷრგებახ.

Line of edition: 9
ალექსანდრე ნარსავიძე. ლამხერი. მ.ქალდანი. 20.VIII.195

Добавлено (2007-03-15, 5:39 Pm)
---------------------------------------------
Text: 96
Page of edition: 199
Line of edition: 10
XCVI. კვიმფხან

Line of edition: 11 კვიმფხან ლჷმზიგ ლამურყვამს (ჟაბე ი ჩვაბე ლჷჰას უშხვარ ნენსგა
Line of edition: 12 გორგილჟი). ეჯგვა̈რ ხოლა წისიშ მეზგე ლჷმა̈რელიხ, ერე გზა̈რს
Line of edition: 13 როქვ ხოლამურ ქა დემის ფიშვდახ. ხა̈ლხს დეშ ოხნაჟრა ი: -- მოლ'ოღვ
Line of edition: 14 ოხსახთეხ.

Line of edition: 15 -- მ' ესერ ირი ლესხა̈თი, ჟ'ოღვ ესლა̈ჩხ ყარვილდ ი ნოჲ ლჷცთ'ოღვ
Line of edition: 16 იხნიხ ი ნოჲ ნომთე.

Line of edition: 17 ლჷცთე ი ამთე დემთე ლჷმხჷნნელიხ, მარე ჟი დეშ ოხხვიტახ,
Line of edition: 18 ეჯღაჲ ამჟია̈დ ლჷმჩომნელიხ. ლიც ისგაშხენ ახა̈ზინახ ქორისგა.

Line of edition: 19 ეჩქას მელთერთ' ომჩედელიხ. მელთერს ხოქვა: -- ლიცოღვ ოხკავეხ ჟი
Line of edition: 20 ალა̈რს.

Line of edition: 21 ალი დეშ ოხკავეხ ი მერმადიდ ლა̈ხტა̈ხხ მელთერს ი ამნემ
Line of edition: 22 ხა̈ქვე: -- ჰვილოღვ ადჯუმნეხ ი ეჯი ლჷც ესერ ჟი ითხი.

Line of edition: 23 ჰვილ ჩოთჯუმნახ ი ომჩედ ი ლოხბინა ლიბარჯე ჭჷშხშვ ი, იმგვა
Line of edition: 24 ლიც ოლმა̈ზ, ალი ჟი ოხთხა ჰვილს. ეჯა̈რს ხარენახ ლიც სტურა̈რშვ
Line of edition: 25 ლჷყე ი ალ სტურა̈რ ჩუ ოთყუჩურახ ი ლიც ჩვათხვეტახ ი
Line of edition: 26 მინი ჟ'ომხვეტელიხ.

Line of edition: 27
აჩი ცალანი. ზედა ლუჰაში. მ.ქალდანი. 18.VIII.1956.

Добавлено (2007-03-15, 5:39 Pm)
---------------------------------------------
Text: 97
Page of edition: 199
Line of edition: 28
XCVII. ბესილადა̈შ ნალმა̈რგი

Line of edition: 29 ლჷმა̈რდელიხ ჩა̈გიშერ ბესილ ი მიჩა ჲორი ლახვბა.

Line of edition: 30 ბესილა̈დ ი ფა̈რიშ ოთარშერ ლევან ლჷმა̈რელიხ მა̈სსგა̈რ. ლევანს
Line of edition: 31 გალდამ ხაწენა ლუშნუ ქორა̈შ დჷრრე ლა̈ჴდას. ჩიდ ქა ხობჟინა ი
Line of edition: 32 ბესილადა̈შდ დემეგ ხოქვა. ხა̈ღლინა ბესილა̈დ ვა̈რგიშ ლიქვისგს,
Line of edition: 33 მარე შომას დემეგ ხა̈ქვე, ეჩქას ბესილა̈დდ დაქა̈რ ადაე
Line of edition: 34 ლალდაღთე: ნებოზს დაჴა̈რ ისგახყა ბესილა̈დს, ნანგა̈ვჲაქ ბარჯს
Line of edition: 35 ხა̈ზ ი ისგა ლა̈ჰიდ ლევანს ი მიჩა გალდამს. ათხე ლახა ამჟი
Page of edition: 200 Line of edition: 1 მუგვრის ხოგხ უშხვარ, ბესილა̈დდ ქა ლოხქა̈ბ, დეჲ ხოჩა ხა̈ქვე ი
Line of edition: 2 დეჲ ხოლა, ლევანდ ღეშგიმხენ ჰერ ლახდე: -- ბესილა̈დ, ნომოღ
Line of edition: 3 ლოხქა̈ბ ქა!

Line of edition: 4 ბესიდ ხაქვე: - მიჩ' ესეროღვ მა̈ზიგ ლახჴედა, ჴანარ ესერ დეშ ჴიდეხ,
Line of edition: 5 ჯინემ ესერ მა̈ ხა̈ყრის?

Line of edition: 6 ათხე ღეშდ ესტა̈ხ ბესი ი ა, ხედა ჴა̈ნ დეშ ხობიდ, ალის უღვა
Line of edition: 7 ჟ'ოხკიდ ი ჴანვემ მჷქაფდ ჯი ლახაგა̈ნ ი ხა̈ქვე ხა̈ლხს, ერე: --
Line of edition: 8 ლოხზახლეხოღვ ჴანვ ი კვარემ ლეჟა ლეჟ' ესერ ხა̈ჲსგუნე ჯი.

Line of edition: 9 ლოხზახლეხ ამ ჴანვ ი ბესილა̈დ ეჯგვა̈რ მეგჭად ესხვიდ, ერე
Line of edition: 10 ჴა̈ნ ღეშდ ანშყა̈დ დჷრქა. ეჩქას მახად ხა̈ქვე ბესილა̈დდ ი: -- მინ
Line of edition: 11 მაროლ, მახეღვაჟა̈რ ესერ ლიხ ი ლოხზახლეხ ესეროღ ჴანვ!

Line of edition: 12 ალი ლევანს ათვა̈შგდჷნ ი ეჯგვა̈რ ხაჴიდ ფაუ ჴანვ ჭაქა̈რქა,
Line of edition: 13 ერე ჴა̈ნ ჩვადგან ამეჩუ.

Line of edition: 14 ლევან ლჷხრინე ატა̈ხ ქორთე ი ბესილა̈დ ი მიჩა ლახვხა ხოშილიდ
Line of edition: 15 ლესისგდ ა̈ნკვა̈რ.

Line of edition: 16 ბესილა̈დ გუდ აჴა̈დ ი მურყვამჟი გარ ა̈რი, მარე მა̈ჲ დო ლა̈სვ
Line of edition: 17 ლევანდ ისგა ლა̈ჲჩქუნე (\ ლა̈ჲმჷკთე) ი ხეკვეს ოხსახთას მოლე.
Line of edition: 18 ლევანდ ბესილა̈დს ლა̈ირ ლახემ და̈დიანშერთე. ანჷგა̈ნ ი აჩა̈დ ი
Line of edition: 19 ქადჰიე ლექსვირთე. ამეჩუ დაჩვირ ხორი ი ალი პაპა̈შ ხეხვ ლი ი
Line of edition: 20 ამთეჲსგ' აჩა̈დ ბა̈ზი. ამეჩუ ათჷნხაჟჷნ მიჩა დაჩვირს ი: -- იმთ'
Line of edition: 21 ესერ ესხრი?

Line of edition: 22 -- იმთ' ესერ ი ამჟი-ამჟი, ლევანს ესერ ლოჰოდა ლა̈ირ ი
Line of edition: 23 ეჯი ესერ ხარ ლეისგ და̈დიანშერთე.

Line of edition: 24 -- ჲაღვ' ესერ ქოღვ ლახწონე ლა̈ირ, -- მიჩა დაჩვირდ ხა̈ქვე.

Line of edition: 25 ალი ბესილა̈დდ ა̈დსისტკე: -- ამიშ ესერ ლაწონა დეჲშა ხარ,
Line of edition: 26 ვოდოდო და̈დიანშერს ოთჴიდე, ეჩქად.

Line of edition: 27 მიჩა დაჩვირდ მად' ოთჯჷრვე. ალის ჩუ ხოხალ, იმჟი მა̈სსგა̈რ
Line of edition: 28 ლიხ ლევან ი ბესილა̈დ ი ხამბაჟ: " იმნა̈რ როქვ ა̈თმუნდ ლევან
Line of edition: 29 ბესილა̈დს?! " ი ხაყლუნი მიჩა ჯიმლა̈შ ღალა̈ტდ. მად' ა̈თყა̈ჩ მიჩა
Line of edition: 30 ჯიმილს ი ქახჴიდვნე ლა̈ირ. ადტყჷცჷრე ჩუ კანვერტ ი ამეჲსგა
Line of edition: 31 ხა̈ჲრა, ერე -- ხემა ქა̈ნჭედნეხ, ამჟი ბესილა̈დ ხეკვეს ჩვადგა̈რიხ და̈დიანშერდ,
Line of edition: 32 მიჩა ლახვხას ესერ ჯი ადგა̈რი ამეჩუ, -- ამის ხოჲრი
Line of edition: 33 და̈დიანშერს ლევან.

Line of edition: 34 ათხე ალ ლა̈ირ ქა̈ნჭედ მიჩა დაჩვირდ, ეჩქას ხა̈ქვე ბესილა̈დს,
Line of edition: 35 ერე: -- ალ ლა̈ირ მიჩა ლაღლატა̈რ როქვ ლი. მიჩა როქვ ჲორი
Line of edition: 36 ლახვბა ქორს ლჷდგა̈რ ლიხ ი მიჩ როქვ ამეჩუ ადგა̈რიხ
Line of edition: 37 და̈დიანშერ.

Page of edition: 201
Line of edition: 1 ოსჭენ (\ ოშჭენ) ამეჩუ ბესილა̈დდ ჟი ი ანტიხ ღეშდ. მიჩა
Line of edition: 2 დაჩვირდ ადშგურანე, ერე: -- შუკვს ნომოღვ აჩა̈დ. ვიცხილდთეჟი
Line of edition: 3 როქვოღვ ანჴა̈დ, ეჩხენჩუ გვალჷლდთეჩუ. გვალჷლდხენქა როქვ გუდ
Line of edition: 4 ჴედნი, მიჩა ლახვბა ლჷდგა̈რ ირიხ ა მადე, ეჯის.

Line of edition: 5 ანჴა̈დ ბესილა̈დ ი ჩვანჴა̈დ გვალჷლდთეჩუ ი ჭი{რ}სუფა̈ლ მა̈გ

Добавлено (2007-03-15, 5:40 Pm)
---------------------------------------------
ისგა მეჴდე ლი მეშხად ლჷრექვ ი გუდ აჴა̈დ, ერე მიჩა ლახვბა
Line of edition: 7 ლჷდგა̈რ ლიხ. მა̈ ხეკვეს ჩემნეს, ისკორე მიჩა გუჲსგა: ქორთ' ა̈ნჴდენი
Line of edition: 8 ი მიჩი ჩვადგა̈რიხ. ანჴა̈დ ი, ლატლის ხოზგეხ ლა̈ნბა̈შნა ჯარაშერ,
Line of edition: 9 ლჷც მერმახენ ლეჟა ლეჟ' აჩა̈დ ლატლითე ი ჯარაშერ თეჲსგა.

Line of edition: 10 ჯარაშერ ალა̈რ ვოხუშდ ლახვბა ლიხ ი ვოშთხვ ლექვა მეჴდე
Line of edition: 11 ლიხ მინე გაჭირებათე ი ეშხუ ჩუ სიდ ქორს. ამთეჲსგ' ანჴა̈დ ბესილა̈დ
Line of edition: 12 ი ალა̈რ წა̈მ ჯიმილ-დაჩვრემ გეზლირ ლიხ. ათხე ბესიდ ამ
Line of edition: 13 მიჩა მუხვბა ხა̈ქვე: -- ჲაღვ' ესერ ჲარა̈ღოღვ ა̈ნკიდხ ი ლექვ'ოღვ
Line of edition: 14 აჩა̈დხ ლჷჰათე.

Line of edition: 15 ლექვ' ანჴა̈დხ ათხე ბესილა̈დ ი მიჩა მუხვბე ლჷჰათე. ამეჩუ
Line of edition: 16 ლევანს ნოდა̈რ ხაწა მჷჭმემ ი ბესილადა̈შ ლაროლს ა̈ჭმე კაჩჩუ.
Line of edition: 17 ისგლადეღქა ხა̈რჯ ოხჴიდხ ლევანდ ი მიჩა ვა̈ზრა̈რდ მჷჭმას. ნოდა̈რ ლახ
Line of edition: 18 ჩვა̈დდირა̈ნ, ლევან ჰვილს ხაბურგა ი ჩვაჩა̈დ კაჩჩუ ნაჭემიშ ლაკმა̈რითე.
Line of edition: 19 ამჟი ბესილა̈დდ ი მიჩა მუხვბემ ოსცადუნეხ ი ლევან ჩვადგა̈რხ. ბესიოა̈დ
Line of edition: 20 ი მიჩა მუხვბე ატა̈ხხ ლეჟა ლატლითე.

Line of edition: 21 ესნა̈რი ლევანიშ დაჩვირს ი ბესილა̈დს უშხვარიშ თხჷიმ ხალატხ.

Line of edition: 22 ლევანიშ დაჩვირდ ბჷნა̈ბ ლა̈ჲმიზზე ი: -- ბესილა̈დ ესერ ისგოღვ
Line of edition: 23 ლა̈ჲსყეხ ოთარშერდ, ოდო ჟ' ესერ ხვეტნიხ.

Line of edition: 24 ლიხვეტიშ მაყალშვ ბესილა̈დ ტკისდ ისგა̈ნსყეხ ოთარშერდ ი
Line of edition: 25 ამ ბესილადა̈შ ნაბა̈რწყ ლიხ წულკიანა̈რ, ჩუ მა̈ ა̈რიხ.

Line of edition: 26
ერმინე ცალანი. ზედა ლუჰა. მ.ქალდანი. 18.VIII.1956

Добавлено (2007-03-15, 5:40 Pm)
---------------------------------------------
Text: 98
Page of edition: 201
Line of edition: 27
XCVIII. ლაყვრია̈შ ლიტყეც

Line of edition: 28 ალ სოფელს ლაყვრი ხაშხა. ათხე ეშხუ გარ მეზგე ხვიზგე.

Line of edition: 29 ათა̈ს ი ჩხარ' აშირ ი ჲერვეშდიეშდიშგვიდ ზავჟი მა̈რტიშ თევლისგა
Line of edition: 30 აშხვ ლეთ მიშგუ მუხვბე მახა̈ილ ღეშდერ კრებას არდა.
Line of edition: 31 ქანჴა̈დ, ეჩქას ლოხჭედ: -- მა̈იჯ ამბა̈ვ ლა̈სვ კრებას?

Line of edition: 32 ეჲნემ მა̈ქვე: -- ეჯისოღვ ნომა ლოხჭედ ი მა̈გ ესერ ა̈მის ხარგა̈დნა:
Line of edition: 33 ამხენქა ქოღვ ოჩვა̈დ, მადეჲ დემის ესერ ფეშნიხ ნიშგეშღა.

Line of edition: 34 სოფელ ჟიქამშხენჩუ ეჯ მჷიშ ბაჩა̈რ ანღჷრდახ: -- ეჯნა̈რ ლეგნებ
Line of edition: 35 ესერ ხვიდ ი იშგანთ' ესეროღვ ოქა̈ხდ მჷხა̈რ.

Page of edition: 202
Line of edition: 1 -- ჲაღვე ლახაიჯ ამჟი ლი, ხოჩ'ოღჴიჯ ჰამ გვარ ი სემი უღვა
Line of edition: 2 ჴანა̈რიჯ ა̈რიხ ამეჩუ ი მჷხა̈რიჯ ბა̈რგს ქა ლა̈ისგდ.

Line of edition: 3 ირჰალ ეჩქას, ლა̈იდ ლეჰჷრმაშთე, ნა̈ ლარდაჟი ხვაყვრედ ჩუ ი
Line of edition: 4 ფიცრიშ ლარდა, ფიტკრიშ ქორ ი მერმე ლარღა, ქორს ჟიქაქა
Line of edition: 5 ხაგა̈ნ, ა̈ლი მა̈გ აშხვჟი ა̈ხსგა̈ნ.

Line of edition: 6 სოფელ ჟიქაქა, ათხე ლჷხეკ იწვენი, ამექა ხოშა ფაფალ ხად.
Line of edition: 7 ესნა̈რი ა̈ლი ა̈ხძგვა̈ბ ჩუ, ჩუ ხოვა̈ხ სოფელს ი ლა̈ლზიგალ ნაკჷლტ
Line of edition: 8 ა̈ლი ჩვადაჲე. ა̈ლი ფიკვიდ გარ ესღჷრდა ჩუ. ჟიქაქა ხირდვ, ხოლემ
Line of edition: 9 ჰარა̈კ, ჭგშხა̈რ დემის ჯეჟრივ ჩუ.

Line of edition: 10 მი ნებჷვა ი სა̈ულდ მებჴვე მად ი ჴადვისგა ლჷქა̈ჩ ხვა̈სვ. მახა̈ილს
Line of edition: 11 მამაგვეშ ახრეკა ი ფიტკრიშ ქორთ' ოთქინა ქა ი ამხენქა
Line of edition: 12 მა̈ჲდანქა ქა მეჴღე, მა̈გ მიჩ ოხიყა გიმთეჩუ. ამ წა̈მჟი ქორი ჩომთვეფელი.
Line of edition: 13 მა̈გ ფატა̈ნშვ გარ ი არშვილშვ გარ ასა̈დ სერ.

Line of edition: 14 მი მიხალდა: მახა̈ილიჯ ლუდვაშე ირი. ა̈მის ხვეყჷლელ, ჯინემ
Line of edition: 15 ჟიბ ემცა̈დ: -- ჯი ესერ ამეჩუ ა̈რი, ქა ჰენწთექა ლაშდობთექა მეჴდ'
Line of edition: 16 ესერ ლი მა̈გ, გონა̈ბ ნომოღვ მარ.

Line of edition: 17 ეჩქად მი სეითბეშ ქორთეჲსგ' ოდვირ ი ჩვა̈მჭენხ მა̈გ, ლერქვა̈რ
Line of edition: 18 ლამა̈ქვხ. ამზუქა ჩვა̈დრჷჰა̈ნ ი გიმ ლექვა მეჩდე ლა̈სვ ჭალა̈თე.

Line of edition: 19 მიშგვა ქორა̈შ ჲერვეშდიარა მეგრე მანგა̈რხენქა ჰარა̈კ ეშხუ დემეგ
Line of edition: 20 ასა̈დხ ჩუ. ჲერვეშდ ღოლა̈ქხენქა ჲეშდ ქოხსა̈დხ ი ჲეშდ ჩვა̈დდავშა̈ნხ.
Line of edition: 21 ჲერვეშდ ხა̈მ მა̈გ ქოხსა̈დხ: ჩვალხენქა ქა ხეყვფენივხ.

Line of edition: 22 ჩოჩვა̈დდ ი ბარგა̈რ ქა ხეწვენივხ. ვობა̈შ ოხთხედ ჟი მოლემოლე.
Line of edition: 23 ქვინჷმგენოლ აშხვ ა̈დგის ჲერვეშდ ღეთ ადტუმურეხ. სოფელ
Line of edition: 24 მა̈გ ნა̈ ნიმა̈რჯვივ.

Line of edition: 25 მერმა ლადეღ შიშდ თავრობ ანჴა̈დ მესტიახენ. თავრობ დემიჯრა̈ვივ: --
Line of edition: 26 ამეჩუ ქორა̈რ როქვ იმჟი იგნივხ, ნა̈ როქვ ეჩეჲსგა იმჟი ხვირდივდ, მადეჲ
Line of edition: 27 ქ' ესერ იმჟი ოხსედნივდ.

Line of edition: 28 თავრობდ, -- მ' ესერ ნა̈ღვენა, ქვინჷმგენ' ესერ ვოშა ნა̈რდენა,
Line of edition: 29 ნამშა̈ მაზუ ნა̈ღენა, ლაყვრა̈შ ი ლა̈გნა̈შ ლერექვ ესერ ვოშა ში
Line of edition: 30 ნა̈დენა, კიბდონა̈რ ი შკაფა̈რ ვოშა ნა̈გნენა, -- ა̈ლი მა̈გ ჟ'ა̈დიჲრ
Line of edition: 31 ი: -- მისიშ ლეზობდ ნამშა̈ს ესერ ნაჰვდიხ ი ეჯჷნქა ვარჩხილშვ.

Line of edition: 32 ა̈ლი ქა ლანემხ.

Line of edition: 33 მერმოლუ მად' ა̈დზიგა̈ნხ ამეჩუ, აჩა̈დხ ტაფ ი ათხე მი გარ
Line of edition: 34 ხვა̈რი სერ.

Line of edition: 35
ნ.ცალანი. ლაყვრი. მ.ქალდანი. 21.VIII.1956.

Добавлено (2007-03-15, 5:40 Pm)
---------------------------------------------
Text: 99
Page of edition: 203
Line of edition: 1
XCIX. ღვაშრე ლიკარქ

Line of edition: 2 აშხუნ ოჩვა̈დდ ნა̈ სემი მარე ლა̈თხვა̈რთე. ლექვ' ოჩვა̈დდ ნენსგერ
Line of edition: 3 ლექვა. სადგემ ქა ლანთონე აშხვ ნიშგე აფხნეგდ ი: -- ბა̈რგილდა̈რ ესერ
Line of edition: 4 სგოღვ ოთხვაჲედ სადგემთე ი ჯი ამეჟი ესერ ღჷრი ლა̈სგიდა̈რითე, კოჯა̈რჟი.

Line of edition: 5 ამჴა̈დ ნა̈ბოზს ი ხოშა ღვაშ ანჴიდ, სემი კამინ ხაგა̈ნ მჷჭა̈რ.
Line of edition: 6 ბა̈ზი ამეჩუ ჩუ ხვა̈რიდ ი ხოჩა ლეთ ოხსყედ. მჷსა̈რ ჰამს დოსდ
Line of edition: 7 ოხუგა̈ნდ ი ოჩვა̈დდ სა̈გ სემი ი ჲორი აშხვ აფხნეგდ ადგა̈რ ღვაშა̈რ ი
Line of edition: 8 ეშხუ -- მი. ჟ'ოხვიცვდ მა̈გ სემი ი სგონჴვიდდ სადგემთელისგა.
Line of edition: 9 მერმა ლადეღ ლალა̈ბია̈რ ლახზეზხ ი ქორთ' ონჴვიღდ ვოშთხვ
Line of edition: 10 ღვაშ მა̈გ.

Line of edition: 11
შემხუზ გადრანი. კაცხი. მ.ქალდანი 20.VIII.1956

Добавлено (2007-03-15, 5:40 Pm)
---------------------------------------------
Text: 100
Page of edition: 203
Line of edition: 12
C. და̈შდვა̈შ მახალ

Line of edition: 13 ჭუბერხენ ა̈მჭირეხ ი ხვარა̈შ ჴარჴისგ' ესერ ომჴედელი და̈შდვ.
Line of edition: 14 მერმა ლადეღ ლექვ' ოდვირ. აფხნეგ და̈რ მეკარქ ი მი გარ ოდვირ ლეჟა
Line of edition: 15 ჰოკრილა̈შ ტვიბ ლეჟა. ლექვცე მად ლჷთხილმარდ ქუთულთეჟი.
Line of edition: 16 მიჩა ნაზვ იმგვა ქა თერჷნ ი იმგვა დემეგ. ხვეჭმ, ხვეჭმ ი
Line of edition: 17 აშხუნღვე ჩვა̈მთვა̈ფ ნაზვ. ჩუ ხუგ ი კჷრკა̈ნდ გარ სვიპ. ლამად ჟიბავ
Line of edition: 18 თე ი ჟა̈ჴვრას ცილა̈რ ქა ლჷფენჩხურე ხად. აშთეჲსგა ისგ'
Line of edition: 19 ოდვირ. ლოხო გვი ი ა̈მის ათკარჩხენა. ამხენქა მერმა ჟა̈ჴვრათ'
Line of edition: 20 ოთსკინა, ღვე მესმათე ი ეშხუ კილომეტრ ი ხჷნსგამ მეგმა̈რქა გარ
Line of edition: 21 ომჩედელი ნაზვა̈შ ლა̈თვფაღა.

Line of edition: 22 ათხე ა̈მის გარ ხვაჭიმ. ამეჩუ ესპერა ქა ი მეგამხენქა, კჷნჯა̈ბს
Line of edition: 23 ფოქ ხარ, ამთეჲსგ' ოთსკინა, მუსვ ჟიქამშხენჩუ ჩოხშიდა ი ფუნთქვირ
Line of edition: 24 ისგოთხვაჲა.

Line of edition: 25 მეჲსგა, ლაჯვიჰთეჲსგა, ხვეჭყჷლელ, მარე დემშვ ანჴპდ ქა.
Line of edition: 26 ჩვა̈დბურა̈ნ სერ ი ონჴვედ ი ხვატ ოხვიქჩ. ეჯის მჷბიდ მჷხირ
Line of edition: 27 ლოხცვი

Line of edition: 34 ი ღოშდ ი ღოშდ გარ ონღვრი. ყორჷლდთექა ქონჭვედ ი და̈შდვ
Line of edition: 35 დემეგ ანჴა̈დ ქა. ქა̈მ ეჯჟი მუწკვირტ ლი, ერე ფხულა დემეგ ხარ
Page of edition: 204 Line of edition: 1 თეთე ლა̈ისგ. გუნ მჷცხი მად. ისგა ლუკვრემე მად ჩაფჷლ, ზჷთჴა̈რ,
Line of edition: 2 სახშვირ, მარე ლა̈იდიჯ ჩუ ხვიდგაროლნი, ეჯღაჲ ჟია̈ჯ ხვინჟა̈რი
Line of edition: 3 ა̈მიშ ლალა̈ჩს. ამჟი ჲორი საღა̈თ ქაჩა̈დ ი ფიცხ-ფიცხ მესმი. ათხე
Line of edition: 4 გუდ ონჴვედ, ერე აღრი ქა პირველდ. ვოხუშდ მინუტ ადრინა,
Line of edition: 5 ეჯჟი თხვიმ ქა ლაჲქვიჭე ყორქა. ეჯგვა̈რ ი ეჯგვა̈რ ესყვილ, ერე
Line of edition: 6 შდჷქა̈რდ აშ აჩჴეჩხ.

Line of edition: 7 ათხე ისგა ხვა̈ძგრ თეფიშ სტვირ ნანღლა̈შისგა ი ქაჲ ლოხოთლ
Line of edition: 8 ი ქაჲ აშყა̈დ თეფ ი და̈შდვი ქათსიპჷდ ამექა. სერ მჷხრა̈რს ოსა̈ფხჭ
Line of edition: 9 ი ჟ'ოხბიდინ ი ჩოდვირ. ქინქილ გარ ხოწვა̈ნდა, მუს ჟიქაქა
Line of edition: 10 უშხვა̈რ ლახტეხა. პრატჷლდ მუღვანდა, ა̈ლი ოთაბ კინჩხს ი კაჩკაჩჩუ
Line of edition: 11 გარ ჩოხთირინ ჰოკრილა̈შ ტვიბთე. ეჩეჩუ ჩოცურ ი მი ფოქთ'
Line of edition: 12 ოდვირ. მერმა ლადეღ ლეჟა ლოხვეტხ ი ქოთტუმირ.

Line of edition: 13
ხაბჟი ჩხვიმიანი. ღეშდერი. მ.ქალდანი. 21. ვიიი 1956

Добавлено (2007-03-15, 5:41 Pm)
---------------------------------------------
Text: 101
Page of edition: 204
Line of edition: 14
CI. და̈შდვა̈შ ლიდგა̈რი ტყენშვ

Добавлено (2007-03-19, 5:19 Pm)
---------------------------------------------
დაჴა̈რს ხვეჭმ ტიტას ი ეჩელეჟა ა̈ბეშიკა̈რ ანჴა̈დხ იშგვიდ მარე.
Line of edition: 16 ალჲა̈რდ მა̈ქვეხ ი: ეშხუ და̈შდვ ესეროღვ ოდაგრ, ტუფ ესერ
Line of edition: 17 ხაწჷხხ.

Line of edition: 18 ოთსუნთა̈ლ ხარა̈მთე ი ნაზვს ხვეწდ. ქოდვირ ჭუბრულაქა
Line of edition: 19 ჭეკქა ჟი ხარა̈მთე. ოდვირ ჟი ი და̈შდვა̈შ ნაზვ ლა̈სვ. ლაჯვიჰხენქა
Line of edition: 20 ლჷმჴედოლნელი ი ჟა̈ჴვრა̈შ გვიზს ლჷმზებ. ხვაჭიმ ი ხოშა კჷნჯა̈ბთეჲსგ'
Line of edition: 21 ა̈მჴედჷნ. ამხენქა ნაზვ დემთე ხაგ. ხოხვრა ღუმლად ხაგ ი
Line of edition: 22 ა̈მის ხვაბურგა აშხვ შივშვ ი მერმა შივშვ ცენტრა მუღვა. ჟ'ოსენკვ
Line of edition: 23 ი ლოხციქვა̈რ ი ლიყული ა̈დბინე ლაჯვიჰისგა. ანღრი ქა, მა̈შკისგა
Line of edition: 24 ლიფხჭი ხეკვა̈დ, მარე ქოსოქდ" -- ჰა, მუქვნია, ისგაიჯ ნომა მა̈ფხჭი,
Line of edition: 25 ოდო ხოლაიჯ ლადეღს ჯიცა̈დი!

Line of edition: 26 ქაჲ ა̈ხშდა̈ხ ი მურულდისგა ისგა ხვა̈სგრ ი ქაჲ ლოხოთლ ი
Line of edition: 27 ქაჲ აშყა̈დ, ჩუქაქა ჟ'ოხპა̈რ ი აჩა̈დ ღა̈რჩუ. ეჩეჩუ ლჷდგა̈რ ამხვიდ
Line of edition: 28 ი თხილმა̈რიშ ლესკვერ ოთაბ ისგა ი ეჯჟი ა̈მთირი აშხვ ღეთ კილომეტრს.
Line of edition: 29 ამეჩუ ქვინ ლა̈ხტა̈ხ, თხილმა̈რ ყიას ხა̈ბ, ეჯჟი. ცენტრა
Line of edition: 30 ქა̈მკჷლა̈ნ ი დეჲ ჩუ მოშ ხვაუზე ი დეჲ ჟი მოშ ხვიტხე ჩახმა̈ხს.

Line of edition: 31 ათხე მი ჟიბავ ოსხვრი ი ჯინემ ლიღვეჭ ლა̈მბინე. ეჩქას წიფრა̈შ
Line of edition: 32 ტყენ ოხვიქჩ ზჷსყი. ჟიჲ ლამასდ ი შიშდ წა̈მჟი მაშდმჷლ
Line of edition: 33 ლექვა ხვაჴდ ჩიქი ეშხუ, ღვე მერმე, ღვე მესმე, ეჩქას ქვინ
Line of edition: 34 ჟ'ოჩა̈დ სერ.

Line of edition: 35
ხაბჟი ჩხვიმიანი. ღეშდერი. მ.ქალდანი. 21. ვიიი 1956

Добавлено (2007-03-19, 5:20 Pm)
---------------------------------------------
Text: 102
Page of edition: 205
Line of edition: 1
CII. ხოჩა ზგარობ

Line of edition: 2 ვოხუშდ ოთჩიდინა̈ნდ მეთხვარა მაშრიჭალა̈ს. ბა̈ზი ჩუ ხვა̈რიდ
Line of edition: 3 სადგემისგა. მერმა ლადეღ და̈რ ა̈მჴერივხ ლაზელალთე, მი ხომედე:
Line of edition: 4 -- ქაიჯ ჲერვ' ა̈მჴერნიდ, ჩუიჯ ჯადგარვნე, პირობსიჯ ჯაჰვდი ა̈მი'მ.

Line of edition: 5 აშ ხვეჴჷნა̈ლ, .მარე და̈რ ა̈მჴერივხ. ათხე მი გარ ოდვირ. ამხვიდხ
Line of edition: 6 ჰერსკნა̈რ. ეშხუ ჩოდაგრ. ა̈ლის ნეჴშდ ხაჭიმ. ამნემ ადსკინე
Line of edition: 7 ი ტაფ აჩა̈დ. აშ მიხალ, ერე ა̈ლი აშთეჲსგა ისგა ტეხნი. ონჴვედ
Line of edition: 8 ი ამეჩუ პრატჷლდა̈შ ყურყვ ოხვა̈სყ ი მი ჩოთეპჟ. საღა̈თუნღვე
Line of edition: 9 ამექ' ანჴა̈დ, სგებნე ჭიშხ ყურყვჟი ესიგ, ქა ლოხობდ უცბად ჟიბავ
Line of edition: 10 მჷნწირდ, ისგა ლა̈ხჷრმა̈ნ. ლჷბა̈რ ოთიფშგ ი ჟ'ოხბერკილ ჭჷშხა̈რ,
Line of edition: 11 ქონჴუ მიჩა დიეშთექა. მიჩა დი ჟი მაფონთხა ი ჯი კინჩხა̈რქა
Line of edition: 12 მა̈ზ ლჷბერკილ ი ოღვრი ღა̈რჩუ. ჩუხი ლამად თე ი ჴვამა̈რხენქა
Line of edition: 13 მოლე მეშხემ ლაჲწვენე თხვიმ. ლოხვაგ სვანთალ ი და̈შდვა̈შ თხვიმ.
Line of edition: 14 ათხე მჷჯრა სგებინჩუ ოსიბჯგ, ა̈მის ლოხტყვიბ თეფ ი ოსმჷგინ ა
Line of edition: 15 მეშხა, ათღანდა ჰერ ი ნებგვაჲსგა ხა̈ვხა, ქახსიპჷდ ა და̈შდვ ი
Line of edition: 16 დერა ლექვა კილომეტრს გარ მად' აშყა̈დ!
Line of edition: 17 ონტვეხ ისგა სადგემთეჲსგა ი აფხნეგ მა̈გ მი მეხარბალხ.

Line of edition: 18
ხაბჟი ჩხვიმიანი. ღეშდერი. მ.ქალდანი. 21. ვიიი 1956

Добавлено (2007-03-19, 5:20 Pm)
---------------------------------------------
Text: 103
Page of edition: 205
Line of edition: 19
CIII. მეთხვა̈რიშ ჰისტამ

Line of edition: 20 ლელმარვდ ოდვირ ლა̈თხვართე ცხვანდირისგა. მჷჟემ ქა ნა̈ჰვერუნღვე
Line of edition: 21 ჲორი მეკარქხ ღვაშა̈რ. ათხე სერ ჩვა̈მბურა̈ნ ა̈ ლაზ დემთე მარ ხოშა
Line of edition: 22 კჷნჯბიშ სავა̈რტჟი. ამეჩუ კჷნჯა̈ბ ლექვა მებჭკვილ ხად ი ეჩელექვ'
Line of edition: 23 ოთცჷყერენ ეჲ ლეთ. ისგლეთ ირივ, ეჩქას ეშხუ მარე
Line of edition: 24 ანჴა̈დ ჰისტამისგა ი: -- ნეპოლ, ჟიბავოღვ ოთსგი! -- ჟ'ა̈მეჲცხჷნ' ი
Line of edition: 25 ოთსგი ჟიბავ ი კალა̈შ ნაზიმ დეშ მეზნივ, ეჩეჟი ლჷგა̈ნ ხოშა ნეჴშდ.
Line of edition: 26 ჟ'ოხკაჩენ სგებინხენ ი სტვირ გარ ოსმეწვინ კაჩჟი ი ჰერ ახღანდა,
Line of edition: 27 მერმახენჩუ აშყა̈დ.

Line of edition: 28 მერმა ლადეღ მჷჭა̈რს გარ ხორკა̈ნ ლა̈კცურია̈შ ღორღობჩუ. ეშხუ
Line of edition: 29 გა̈ჩ ქა ლოხვა̈ჭმ ყიაქა ი ნალგვმიდ ჩვახმგვიბ, ძიკვ ჟი
Line of edition: 30 ლა̈ხსა̈დ.

Line of edition: 31
ხაბჟი ჩხვიმიანი. ღეშდერი. მ.ქალდანი. 21. ვიიი 1956

Добавлено (2007-03-19, 5:21 Pm)
---------------------------------------------
Text: 104
Page of edition: 205
Line of edition: 32
CIV. მეთხეა̈რ და̈შდვა̈შ ლიმირჩვლა̈ნი

Line of edition: 33 ათა̈ს ი ჩხარ' აშირ ი ჲერვეშდიეშდიშგვიდ ზავჟი მა̈რტიშ თევისგა
Line of edition: 34 ლა̈თხვართ' ოჩვადდ მი ი ტარიელ ღალ ხვარა̈შ ჴარჴისგა
Line of edition: 35 კვანთეჩუ. აშხვ ლასგვრახენქა არა ღვაშს ხოსგდიდ. ამთეჲსგა
Line of edition: 36 ნესმი ჟეღრე ლიღჷნჯელიშ მაჯონ ჰერ. ლანად თე ი ღვაშრე ჩუქა
Page of edition: 206 Line of edition: 1 ლა̈კცურია̈შ ძირისგა ა̈რიხ სემი და̈შდვა̈რ: ეშხუ ხოშა ი ჲორი
Line of edition: 2 ბელა̈რ. ესნა̈რი ალჲა̈რ იღჷნჯელხ. ტარიელდ ღალ მა̈ქვე ი: იჩოღვ
Line of edition: 3 ოჩვადდ ამჲა̈რთე, ჩოღვ ოდგა̈რდ". ამჲა̈რთე ლიზია̈შ ვა̈რია ხვექარ.
Line of edition: 4 ვოდე ამტყვასგა̈რ ჟ'ა̈სწადხ, ეჩქად ლაზ-მიზ დემთე ნარ. ხანსარჟი
Line of edition: 5 ხვა̈რიდ ი ღვაშა̈რ ქა ნეწდენიხ, აშ ნაშგახ ჟიფშხენჩუ. ნაბურუნღვე
Line of edition: 6 ჩოჩვადდ სადგემთეჩუ. ბა̈ზი ამეჩუ ხვა̈რიდ სადგემისგა. ა̈ლი დეშდი
Line of edition: 7 ლადეღ ლა̈სვ.

Line of edition: 8 თახა ლადეღ ლირჰა̈ლდ ჟი მეჩდე ხვა̈სვდ ლა̈კცურია̈შ თხუმთეჟი.
Line of edition: 9 დეშდი ლადეღ ღვაშა̈რ არდახ, ეჩეჟი მერმა ლადეღ ხოხვროლუ
Line of edition: 10 გარ არდახ, თვით სემი ლჷზა̈უ, მუღვშირა̈რ. ალჲა̈რ ჲორი
Line of edition: 11 ჩოდგა̈რდ ამეჩუ. ათხე ოხსგიდივდ ჩუბავ ი, დეშდი ლადეღ იმგვა
Line of edition: 12 არდახ და̈შდვ ი მიჩა ბელა̈რ, ამეჩუიდ ა̈რიხ ლა̈დიჲ.

Line of edition: 13 მუღვშირა̈რს ჩუ-ჲ ჩუ ხვაკვანედ კაჩჩუ ი ხირთეჩუ ჩონჴვიდდ.
Line of edition: 14 ძირისგა ჩოსდედ ი ქოჩვადდ და̈შდვა̈რთექა, ლოხბინედ ლითხელი.
Line of edition: 15 მა̈ ფოქთეჲსგა ისგოდვრინედ, ისგაშხენ ჩჲა̈გ ნა̈თხვრა̈შ ჯიჯშვ გვეში ლი.
Line of edition: 16 ღოშგიმ ყორს ლოხვაგანდ და̈შდვრე ლა̈ჯვიჰს ი ქა დემ ჴედნიხ.
Line of edition: 17 აშხუჷღვე ქადსკინე ი ნა̈ჲ ოხთოფედ ი ქაშყა̈დ დერათეჩუ.
Line of edition: 18 ათხე ისგოჩვადდ ლა̈ჯვიჰთეჲსგა. ისგაშხენ უსგვა-იშგვიდ მარე ჩუ
Line of edition: 19 სკჷდა, ეჯჟი ფიკვი ა̈დგი ხუღვა. მი ხვარგა̈დი ტარიელს ღალ:
Line of edition: 20 -- სგა̈იჯ ხოფშირა ხა̈რიდ ქორისგა ი ისგვაიჯ ლიცრჷლეს დემის
Line of edition: 21 იშვრიხ ისგეშ ი ლეჟაიჯ ადირ ი ჩვა̈ჯ ათხჷრმ ეშხუ ბელ.

Line of edition: 22 ტარიელდ ღალ ვა̈რია მა̈ქვე: -- ჯი ესერ მიჩა დიეშ ი მუეშ
Line of edition: 23 ღოშგმე გეზალ ლი ი დემის ესერ ხაცრჷლნე მიჩა თხუმ და̈შდვა̈რს.

Line of edition: 24 ათხე სერ ქვირქვ ქოხჭონ თხუმქა ი: -- შია̈რღ' ესერ ნომოღვ
Line of edition: 25 ონფეშ, -- ი ლეჟ' ოდვირ ი ოთბურგენ ლესგისგა ი წესდ დეშ
Line of edition: 26 ხვიტანტვე ისგა. ტარიელს ხვექარ: -- ტარიელ, ხოშაიჯ ღერმეთღო,
Line of edition: 27 ისგაიჯ დეშ ხვიტანტვე ი დოღვეიჯ ხოშოლუ ლა̈სვხ.

Line of edition: 28 -- ა 'სერ ლუცხვლე ნიშგე ბედ, ნიშგ' ესერ თან-ნა̈თსა̈ვს ნიშგე
Line of edition: 29 ჯიჯვ ლეშთხვიდ-ახშდეხახ ჟი.

Line of edition: 30 სერ აჷოთხურგენ კინჩხჩუ ი ლა̈თრიშვ ლექვ' ონჴუ, მიჩეშთე
Line of edition: 31 ლექვა. ნა̈რჰის ქა ხეწა̈დ, ეჩქად მამაჷვეშ რა̈ქვე, მეგემ

Добавлено (2007-03-19, 5:22 Pm)
---------------------------------------------
ა̈მთირნივ
Line of edition: 32 ეჩა ნახუნსერ, ი ა̈მეჩუ მა̈ფხეჭ ისგა ღოშგმე ჭჷშხა̈რშვ ი ლერექვ
Line of edition: 33 მა̈გ სგა ლჷცრჷლე სგებინჩუ ემდე.

Line of edition: 34 ტარიელს ხვექარ: -- ტარიელ, ხონკი, თა̈კვა̈შ ყურყვ ისგაიჯ ხაჴდ
Line of edition: 35 ჭჷმხა̈რს, ჟ'ა̈ჯ ოლხერკლად ხონკი, ოდო მაცრჷლეიჯ.

Line of edition: 36 ა̈ლი ჟ'ოხბერკლედ ი ჩუ ნიზ ამეჩუ. ათხე ტარიელს ხვექარ:
Line of edition: 37 -- ლეჟაიჯ ადირ ი მერმე ბელილდ ლექვაიჯ ანჴჷ.

Page of edition: 207
Line of edition: 1 ლეჟ' აჩა̈დ ი ისგაჲ ლა̈ხბურგან ი ეჯნემ ჴა̈ფშვ ხა̈ფხეჭ ფხულა.

Line of edition: 2 -- ლეჟ' ოღვ ოდვირ, ოდო აცრჷლ' ესერ.

Line of edition: 3 -- ლექვაიჯ დემის ა̈ნჴდე, ლეჟაიჯ დემის ჴვედნი.

Line of edition: 4 ლექვ' ანჴიდ სერ ი ჟ'ოხბერკლედ ა̈ლიჲ.

Line of edition: 5 ალჲა̈რ ფაუს ოთაბ ისგა ი მი ამღვა ლა̈თრიშვ ჩუ-ჲ ჩუ, ჯი
Line of edition: 6 მუღვშირა̈რთ' აჩად ქა ი ეჯჲა̈რ ახღვე. ხოშა და̈შდვა̈შ ნაზვ ჩუ
Line of edition: 7 ხაგ ღა̈რჩუ ი ჯი დემეგ წვა.

Line of edition: 8 სადგემთეჲსგა ისგოხუნჭურედ ბელა̈რ ი მუღვშირა̈რ. მა̈ფშა̈რ ი
Line of edition: 9 მა̈ჲდა̈რ ხვა̈სვდ. ჩისა̈ხვ ჟ'ოხტყაბედ, ეშხუ ბაკლაშკა ა̈ჲრა̈ყ ნუღვე,
Line of edition: 10 ა̈ლი ლოხვიშდ, ჩოთდირანდ.

Line of edition: 11 ათხე ჲორი აშირ მეტრს ხვიდ ტაფთე ქა მეზი ი ღა̈რ ნარ
Line of edition: 12 ლეკმა̈რი ი, ჩუ მეჩდე ემა ირი და̈ლხენჩუ ე, ხვა̈ხვიესგდ, მადეჲ
Line of edition: 13 მჷხა̈რ როქვ ჟ'ოგხელი ლჷდგა̈რ ღოშდ ლატახჟი.

Line of edition: 14 ოთსგიდივდ ღა̈რჩუ ი ჩუ მეჩდე დემეგ ლა̈სვ, ოთსგიდივდ ჟიბავ
Line of edition: 15 ი და̈შდვა̈შ ნაზვ ჩუ მეჴდელი ნიშგე ნაზიმთეჩუ. ტარიელდ მა̈ქვე:

Line of edition: 16 -- ტყენს ესერ მიქჩე, შეიძლებ' ესერ ქა ხვეწედ.

Line of edition: 17 ღარისგა ხოშა ბა̈ჩ ხაგ. ნაზვ ამთეჩუ ლი მეჴდე. აშხვხენჟი ჟი
Line of edition: 18 ლოხქა̈ბდ ამ ბაჩვ ი მერმახენჩუ ჩუ ლოხტახდ. თხუმ მი ხვი ი ბაჩვ
Line of edition: 19 ჩუქა ლეჟა ლოხციქვა̈რ. ეჯგვა̈ გვიშგ' ამახვს! ლანსკინე ქა ამხენქა
Line of edition: 20 მჷჟღჷლი, ვიშკ ჩუ მჷკა̈რ და̈შდვდ. ეჯგვა̈რ ამყალვნივ, ერე ტაფთ'
Line of edition: 21 ოთსკინ ქა. ტარიელდ მა̈ქვე: -- ა 'სერ ხოლა ვარლან, ლატვთ'
Line of edition: 22 ესერ ლიზი მადმა!

Line of edition: 23 ოხსგა̈ ღოშდ ი ტარიელს ხაღვიკ. ლერთან ტეტს ქა ისვილი ი
Line of edition: 24 ლერსგვანხენ ჟი ხეხვრენი, თეფიშ ნა̈ყირ ხარ. ათხე ტარიელდ
Line of edition: 25 ლახ ემჭჷრჭკინე, ქოხქინ ი ჭაჭა̈რ ლექვა ტყენ ხვაჴდ. ათხე მი
Line of edition: 26 ლა̈მბინე ლიღვეჭ. მი ხვატყცი თხუმხენ. მიშგვათე ჟიჲ ესპჷდ და̈შდვ
Line of edition: 27 ი ტარიელდ შიშდ კაჰდილ ხაჴიდ ჭაჭა̈რისგა, ღვე სგებინხენ ა̈ხცად
Line of edition: 28 და̈შდვს. კაჰდ' ოხსვილ თხუმ ი ეჯის მიშგუ ტყენ ლა̈ჰიდ ისგა ი
Line of edition: 29 კაჰდა სგა ლა̈ხსად თხუმისგა. ხა̈ფხეჭ კაჰდას სგა [ტარიელდ] ი
Line of edition: 30 ქახყვიფ ი ჩიქი ეშხუ ხაჴიდ, ღვე მერმე, ღვე მესმე ი ლიფჷლფჷნე
Line of edition: 31 ა̈დბინე და̈შდვდ ი ჟ'ესხვარ ღოშგიმჩუ სერ.

Line of edition: 32 ქოტვახდ ბინათე ი თეფ ბელა̈რს ქოხკვარახ ი ნენსგა ლარჰაქ'
Line of edition: 33 ოთდახ ი გვა̈ჰდ ლჷგნ' ენხვიდ. ვერჩხ ჩოლშიხელი.

Line of edition: 34
ვ.ჩხვიმიანი. ფალედი. მ.ქალდანი. 22. ვიიი 1956

Line of edition: 2 ბაბა სოლომა̈ნიშცა̈ლ მეთხვა̈რ, ცხა̈ჲ, და̈რ ლჷწსელი. აშხუნ
Line of edition: 3 ომჩედელი ჩვიბეჴევიშ ტვიბ ლეჟა. ამეჩუ ღვაშ ი კვიცრა ჩოთდაგრა
Line of edition: 4 ეჲ ლადეღ. ათხე ნებოზს და̈რს ოთბინა ლიჟმურელ. ხაკუჩ ბა̈ზი
Line of edition: 5 ხოჩა ბინა ა̈ნთხას. ჩოხჴიდა ძირთე (ნენჩათე) ნა̈თხვროლ ი ამეჩუ
Line of edition: 6 ხა̈თხელინა ნენზს, ერე ლასჷმდ ჟ'ა̈ხმარგეს ეჯი. ეჯგვა̈რ ესერ
Line of edition: 7 ახხუა ნენზ, მიჩას ჩი აბთქჷნა, ერე აშხალ ესერ მა̈გ გიმდ ხა̈ბკენა,
Line of edition: 8 ქა ლუსუფთავე, ქა ლჷჯელვაშალ.

Line of edition: 9 ნა̈თხვროლ ამთეჲსგა ისგოხჴიდა ი ჴაშვა̈რჟი ჟი ლოხრეკა. ზექ
Line of edition: 10 ოხჴიდა მასა̈რდ. ჩიხახვა̈რ ლატყბად ლოხდა ისგა. ამჟი ჩოლბურელი
Line of edition: 11 ხოჩამდ, ეჩქას გვა̈მიდ სრვილ ბა̈ჩ ომშყედელი. ლახჷმბაჟა ესერ
Line of edition: 12 ჩუ, მარე დემეგ ოთჯჷრვა ი ადა̈იდ ოხკვარ', ეჩქას ლემასგვჟი ხოყირა
Line of edition: 13 ი ლემესგ ჩოთპანტა. ათხე ჰეჭვ ლახარა, -- იშგანდ ესერ ლი გვეშ.

Line of edition: 14 -- მარ' ესერ ე ჲა̈რ ლი, ე სგოღვ ანჴა̈დ, ღირთემ ესერ ნალჟჷრ
Line of edition: 15 მასა̈რდ ხუღვე.

Line of edition: 16 მესმა̈შჟი მაგრიშ (მეგმემ) ნა̈ყვიჩ ესერ ოხკვარა ი სერ ჩოთთქვიმა
Line of edition: 17 ლემესგ, მჷჭკმა̈რ გარ ოთცვირა.

Line of edition: 18 ათხე გუდ ომჴედ, ამსვალდ დემეგ ლი, ეჯის. თეფდ ოსფხეჭა
Line of edition: 19 ჟი: -- ატ, ხოლ' ესერ კუჭულდ, ნომოღვ ოსღალტე ჩუ: -- ამჟი
Line of edition: 20 სგა 'სერ ათგენა მეგამ ლასჷსჯა̈ვიდ, დოშდულ ჟ'ახწედა გიმს,
Line of edition: 21 ლოჰოდ' ესერ გვი ი ხოჩა გვა̈რიშ. ლჷღა̈რთ მეგამცა̈ლ ესერ ოლმა̈ზ
Line of edition: 22 მიჩეშთეჲსჷა. ათხე ქა ლოხდა თეფ ლადგა̈რიდ, გუნ ესერ ნა̈კლებ ჰერ
Line of edition: 23 ხასმოლნა ქა თეფიშ. ა̈ლი ნაზიმჟი ესერ ესჩემა ჟი, ლასგამშვ ესერ
Line of edition: 24 დემეგ ახსგენა ჟი. ეჯგვა̈რ ესერ ოთბინა ლიყულელ, ერე გიმ-მეგემ
Line of edition: 25 ესერ ოლქუთნელი, "კიდევ, კიდევ"ს ესერ ხაყლუნა.

Line of edition: 26 -- ვოშ' ესერ ლჷმა̈რ მიჩა მჷდგა̈რი, ვოშა? -- ეჯის ესერ ლახჭედნახ
Line of edition: 27 ჲარვ-სამ ა̈დგიხენქა ქა̈მ მერდოლ.

Line of edition: 28 -- ეშხუ ესერ, ეშხუ! -- ა̈მის ესერ ოსცადა.

Line of edition: 29 -- იმღა როქვ ათწინენა ეშხუ გარ ამსვალდ, შან გარ
Line of edition: 30 როქოღვ ხარ!

Line of edition: 31 ათხე ბა̈ზი სგა ხაგ ალ მეგამ ლალფარს. "ჩუ როქვ დემ ირჰი"
Line of edition: 32 აშხუნღვე ჩოლრჷჰელი. ლეჟ' ათპირე ამთე ლეჟა: "იმჟი ესეროღ
Line of edition: 33 ლესესხ გოშა̈რ!"

Line of edition: 34 ლეჟ' ომჩედელი ი ამეჩუ წჷრნი პერ ლჷმგენ. ალ პერს შხჷლ,
Line of edition: 35 შხჷლ გარ ესერ ხა̈გნენა ი ხემ' ეჯჟი ლუმკვიდნელი გარ ესერ.

Page of edition: 209
Line of edition: 1 ლოხბინა მჯჷროშვ პერიშ ეჩხავ-ამხავ ლიპანტე (ლიფხინკა̈ლი),
Line of edition: 2 ცხვი ჟ'ახხუა ნენსგაჩუ, მამაგვეშ ხა̈თმენ', ეჯჟი.

Line of edition: 3 ლეღვა̈რ ჩოთცვირა სერ ამჟი ი მიკვა̈რ ჟი ოხკიდა, ლექვ' ახგენა
Line of edition: 4 ი შუკვს ლახხუახ ქამცთე მეზა მეღვჭარა, ლახჭედნახ:

Line of edition: 5 -- იმღ' ესერ ხა̈ზ ამჟი ხოლა ჰა̈ბ, მ' ესერ ხათჷმ?

Line of edition: 6 ქა ლოხთონა ლეღვ, იმგვ' აცვირ ა̈ლი ი: -- ა̈ნკიდხოღვ, მიჩ
Line of edition: 7 ესერ დეშ ოხჴიდა. მინ ჩუ ნომოღვ ა̈დჷგა̈ნხ ეჩეჩუ.

Line of edition: 8
პირიბე აფრასიძე. ქვედა ლუჰა. მ.ქალდანი. 19.ვიიი 1956 cт.

Добавлено (2007-03-19, 5:23 Pm)
---------------------------------------------
Text: 106
Page of edition: 209
Line of edition: 9
CVI. უსგვირიშ ლიხვტე

Line of edition: 10 ეშხუ უსგვირს ახშჷდახ მჷღლატა, ეჩქას მა̈ნკვუ' ჯვარილდსს ოთშჷმახ
Line of edition: 11 სანყვერ (\ სა̈ნყვერ), ღვე აპკვირ ი ღვე ფხჷტრერ. ეჩქას
Line of edition: 12 ქათქვეცა შვანეშ ფადა̈ს.

Line of edition: 13 გვალდერ, კვაკვა̈ტ ხა̈შხენა, ეჯი ლჷმზიგ. ა̈მის ხა̈გნენა ვიღვიშ
Line of edition: 14 გვა̈მიდ ლჷჴმა̈შ ა̈რა̈ყ. ა̈ლი ომჴედელი ი ფადა̈სს ესხუა სგებინხენ ი
Line of edition: 15 ა̈მის ხათრე: -- ხოჩ' ესერ ჯა̈რღვს ხოდისგ.

Line of edition: 16 ა̈ლი ჲსვა ქა ლოხშვა, მა̈გ ჩომსედელი. ნიშგე ხოშამ აფრასუყ
Line of edition: 17 ხა̈შხენა. ომჴედელი ა̈ლი ი ჩხარა მახეღვა̈ჟს თოფა̈რს ქა ლახბიშდა,
Line of edition: 18 თხუმ ლოხკვარა, ჟ'ოთხვაჲა ბაჴ ეჩხენჩუთე. თოფა̈რ მიჩ ხა̈ღვენა,
Line of edition: 19 ვოდე ქახჴეჩახ, ეჩქად.

Line of edition: 20 ქა უსგვირთე ი უსგვირს ჰელ ქა ხა̈ფშვდენა ჩი, ქამა̈რ გარ
Line of edition: 21 ლჷმსიდხ. ქვინჷმგენე ი მარე მამაგვეშ ლუმწვენელი.

Line of edition: 22 ათხე შვანეშ ფაღა̈ს ისგდ აყვა̈ლ ი ხჷნსგემ მარქაფ ხაჴიდ ი
Line of edition: 23 სჷნსგა ღეშგიმ ა̈თჭა̈მ. ანჴა̈დხ აჟენიშ ჴარჴისგა მეზა ი მჷღლატა̈შ
Line of edition: 24 ხჷნსგა ჯა̈რ ქახქვიცხ ამხავ ი მარე სგებდ ქოთჩიშხ. ჟ'ოხბინეხ
Line of edition: 25 ამეჩუ ლიშია̈ლ. ამხენისგა ლაღვნა̈რიხენ მეზად ოხბინეხ.

Line of edition: 26 -- ატ, ლაჯგვა̈შ ესერ მეჩი თხეროლ, იმუგვ ესერ ოთჩედნიხ! -- ი
Line of edition: 27 ჩოთჭკიჟახ. ქვინჷმგენე მა̈გ ღოშდ ა̈ნტიხხ, მარე ღალ დეშ, ქა ლჷე
Line of edition: 28 ხადხ.

Line of edition: 29 სგამა̈ლიდ მელშვ (ბურღვიშვ, კიცშვ, ლეცირიშვ, ღეჰიშვ ...) გარ
Line of edition: 30 ომჴედელიხ. სგახდენახ გვალდერიშ კვაკვა̈ტს.

Line of edition: 31 -- ეზ' ესერ პა̈ტივ ხოყრა მიჩ ი გუნ როქვ მაჴვმა̈რ ლიხ მიჩა:
Line of edition: 32 შვანეშ ესერ ფადა̈ს ხჷნსგა ქოთყვიჩა!

Line of edition: 33 ჟ'ანხვიტხ ა̈ლჲა̈რ (\ ა̈ლა̈რ) შვანეშ ფადა̈სდ, მამაგვეშ აცვირხ.

Line of edition: 34
პირიბე აფრასიძე. ქვედა ლუჰა. მ.ქალდანი. 19.VIII.1956

Добавлено (2007-03-19, 5:24 Pm)
---------------------------------------------
Text: 107
Page of edition: 210
Line of edition: 1
ზღაპრები
Line of edition: 2
CVII. ჯამა̈ხჷრსა̈

Line of edition: 3 იმეგ ა̈რი ეშხუ [ოჴა̈რ] ბეფშილდ. ჟ'ა̈ნპირსდეხ ი ჯამა̈ხჷრსა
Line of edition: 4 ათჟა̈ხხ. [აშხვ] დადად ჟ'ა̈ნკიდ მიჩა ჭაშვემ თეკრა̈შ ლა̈თხვარა̈რ ი
Line of edition: 5 ქა ლახემ ალ ბეფშილდს [ი ხა̈ქვე]: -- ჩიქი ესერ ეშდსემი გარ ლჷზა̈
Line of edition: 6 ლი ჯი. ვოდედ' ესერ ეშდარა ზავთეჟი აჩეს, ეჩქად ალა̈რს გაროღ
Line of edition: 7 ლახხვეტ თე ი ეჩქანღვ' ესერ იღბა̈ლ ბაცს ხარ მიჩ. ლიზელა̈ლოღ
Line of edition: 8 [ჲნოლითხვაროღ] ა̈დბინე. ურინ ესერ ქა̈ტხენი ი ხოჩ' ესერ ზგარობ
Line of edition: 9 ხერი. მესმა̈შჟი ესერ ლემბა̈ჟდ ნომოღ ა̈ნჴიდ, იმ დო ხეწეს.

Line of edition: 10 ჟ'ა̈ნიცხ ი ურინ ქაჩა̈დ ლა̈თხვართე ი ხოჩა ზგარობ ხად. მესმა̈შჟი
Line of edition: 11 აჩა̈დ ი ხეკარქ ჲორი ნა̈თხვრა. ისგანტა̈ხ ბინათეჲსგა ი ჩვა̈თბურა̈ნ.
Line of edition: 12 ამეჩუ სგა ლახაგა̈ნ მიჩა ბინას ი რაგა̈დ ხესმი, ამჟი სგაჩა̈დ
Line of edition: 13 ალი კარა̈ვთეჲსგა ი და̈რ ესხვიდ ამეჲსგა.

Line of edition: 14 ჯამა̈ხჷრსა̈ს პირწამა̈ლჩუ მჷხირ ხოჩხინა̈ნ ი ჟ'ანნარჰე ეჯნოშ ი
Line of edition: 15 ბა̈ზი ჩვა̈რი. მჷხა̈რ ჩვა̈დრჷჰა̈ნ ი ჟ'ანჷგა̈ნ. ხოპირა ლაზელალთე ლიზი,
Line of edition: 16 ეჯჟი ყორისგა მარე ლახხვიდ. ამნემ "ხოჩა ლადეღ" ხა̈ქვე: -- სემი
Line of edition: 17 ლადეღ ესერ იზელალოღ ლა̈თხვარს ი, მ' ესერ ქა ხასჷმდეს, ლემბა̈ჟდ
Line of edition: 18 ნომაგვეშოღ ოხჴა̈დ.

Line of edition: 19 ჲორი ლადეღ ქაჩა̈დ ი მესმა̈შჟი ჩვა̈თბურა̈ნ კოჯლისგა ი ჩვა̈თუჟდა.
Line of edition: 20 ა̈ხეჲცხჷნ ჟი ი, ჯი ადყურდა, ეჩეჩუ მადეჲ ხოჩა ბინაჲსგა
Line of edition: 21 ლა̈ხეჲცხჷნ ჟი. ლა̈ჲსგიდივ ი კარავა̈ტ ლეჟა აყვრე სიმაქ ი ალი
Line of edition: 22 ხარგა̈დი: -- მიჩ' ესერ ბედჟი ჯი ურინ ლი ჟი ლუჲცხუნე. ათხე
Line of edition: 23 ლა̈თხვართ'ოღ აჩა̈დ ი, საბრალ ესერ ჰერ იმგვა ხასჷმდეს, ეჩეჩუ
Line of edition: 24 ქოღ ათხვიდ ხვის.

Line of edition: 25 აჩა̈დ მერმა ლადეღ ლა̈თხვართე, ხეკარქ ნა̈თხვრა. ჩუ ლჷდგა̈რ
Line of edition: 26 ხოხალდა ი ეჯღაჲ ესხრი ა ქვინჷმგენე. ეშჭიმ, ეშჭიმ ი ლექვ' ა̈თჴედჷნ
Line of edition: 27 კოჯ მებჭკვა ლექვა. ამეჩუ ნა̈თხვრას ქა სეწა̈დ, ჩუ ლჷხნერე ლი.
Line of edition: 28 ისგა ლიბერგ ხოპირ', ეჯჟი კოჯხენქა ლიმშერა̈ლ ხასჷმდ. ნა̈თხვრას
Line of edition: 29 ლახხვიე ი თეფ ლა̈ჲმურჯვინე ი ამ ჰერთეჲსგ' ესხრი. აჩა̈დ აშთეჲსგა ი
Line of edition: 30 და̈ლ იღვჟა̈ლ კოჯლისგა. ქა მეჴდელი კარავა̈ტხენქა ი კოჯს ხაბურგა ისგა
Line of edition: 31 ი მაშედ და̈რ ხაყა. ალის ხეწა̈დ, ეჩქას ლახყალვნივ ი ჟ'ოშჭენ. ამნემ
Line of edition: 32 ღეშგიმხენ ლაჰიე: -- ჰა, ხოჩ' ესერ ჭაბიგვ, იმღ'

Добавлено (2007-03-19, 5:24 Pm)
---------------------------------------------
ესერ ცვირე? მიჩ ესერ ნასბრალოშ ხარ, იდგა̈რი ესერ ი ღეშდოღ
Line of edition: 2 ანტა̈ხ, შგვირ ესერ მამა ხარ!

Line of edition: 3 ათხე ლა̈ხშყა̈დ ნაშგურან ი სგაჩა̈დ ი ჟ'ა̈დტიხ კარავა̈ტთეჟი
Line of edition: 4 და̈ლ. და̈ლდ ხა̈ქვე ი: -- ეშხუ მეგჭად ქოღ ესჭყჷლალე: ღვაჟმარემ
Line of edition: 5 ჰერ ესერ ხოჩა ლი, ჰა̈ლდ ესერ ხაყვლენი.

Line of edition: 6 ათხე ჯამა̈ხჷრსა̈ ესხრი სერ ი და̈ლდ ხა̈ქვე: -- მ' ესერ დო ლესეს
Line of edition: 7 მიჩა ლერექვ მოლე ჩოღ ესცვირ.

Line of edition: 8 ქა̈დშყვიჟ ფატა̈ნ ი, ჯი ქა ხოსგდივ, ეჯჟი ა ფატა̈ნ სგა ლახჴჷრმე
Line of edition: 9 ბეფშს და̈ლდ.

Line of edition: 10 ლოხსგიდივ და̈ლ ამიშ ცხვი-ცჷჴემდს ი: -- ალი ესერ მიჩა დედეს
Line of edition: 11 ჩუ ხაწვენა. ჯი ქა̈ხიოღ აჩა̈დ ი ცხვი-ცჷჴემდ, ჩოღ აცვირ
Line of edition: 12 ამეჩუ.

Line of edition: 13 ეშხუ-ჲორი ბა̈ჴ ლაჲგ ი სგანტა̈ხ ი, ღვაშა̈შ ჯუღვ ხაბჷდ, ეჯჟი
Line of edition: 14 ესხვიდ ალ ცხვი-ცჷჴემდ.

Line of edition: 15 ნა̈თხვრა ქადძენძურე. ოშჭენ ბინათე ი ესხრი სერ, სგატა̈ხ ა
Line of edition: 16 ბინათეჲსგა ი ამეჲსგა და̈რ ესხვიდ ათხე. მოლე ხა̈ნუნღვე ანჴა̈დ
Line of edition: 17 ეშხუ მეთხვა̈რ ი იმბუა̈ლხ. ჯამა̈ხჷრსა̈ ლა̈ხჭედივ: -- მ' ესერ ხაშხა მიჩ?

Line of edition: 18 -- მიჩ ნაჰაჯ ესერ ხაშხა.

Line of edition: 19 ჯამა̈ხჷრსა̈დ ხა̈ქვე ი: -- მიჩ ესერ ეჯზუ აფხნეგა̈რ ხონჴრი ბა̈ზი,
Line of edition: 20 ერე ხეჰრი ესერ ნა̈ნკდ-ნა̈ნკდ ლირდეს.

Line of edition: 21 ნაჰაჯდ ნაქვ ხაყერ ი აჩა̈დ.

Line of edition: 22 მოლე გარ ხა̈ნ ლი მეჩდე ი ანჴა̈დ აშთეჲსგა ეშხუ ზურალ. ამნემ
Line of edition: 23 ოხკჷრმე ბარგა̈რ ი ჯუღვს ქა ხეწა̈დ, ეჩქას ლაცვ ოთთხა̈რ ი ხა̈ქვე: -- მიჩ
Line of edition: 24 ესერ ალ ი ალ საჩქვა̈რ ხუღვა ი, ვოდ ესერ ირდი, ეჩქად როქვ
Line of edition: 25 ლითხვარიშ იღბა̈ლ ხუღვა. ათხე როქვ მიჩ ლა̈ხმუშგვრი,
Line of edition: 26 ეჯისი ლა̈ხშა̈დოღ.

Line of edition: 27 ამჟი აშთეჲსგა ლა̈ხსადგომ ეშხუ მახეღვა̈ჟ. ოხჴა̈დხ ლიმბუა̈ლ ი
Line of edition: 28 მუშგვრიდ ოხუმბავე ი: -- მიჩეშდ ესერ მეჩი ზურალს ლოხსა̈ყვდურა
Line of edition: 29 ი მიჩა ჲორი ლახვბა და̈ვს როქვ ოთდავშა ი ეჩეჩუოღ
Line of edition: 30 ლოხვმარგ.

Добавлено (2007-03-19, 5:25 Pm)
---------------------------------------------
ალა̈რს ნა̈თხვრა̈შ ჩიხა̈ხვ ლატყბას ხოზხ ი ამჟი ყორს ლოხშყუბმე
Line of edition: 32 ჲერდვალეშემ. ესკარეხ ყორ ჩუ ი და̈ვ.

Line of edition: 33 -- ჰა, ხოლ' ესერ მეთხვარა, მოლე ყვიჟ'ოღ ლოხოთეხ, ოდო
Line of edition: 34 მა̈იდშვ ესერ იდგა̈რი.

Line of edition: 35 ათხე ალ ბეფშ ჟ'ანპა̈რ ი ყვიჟე ქა ლოხხელ და̈ვს. და̈ვდ ყლიპ
Line of edition: 36 გარ ათღანე ალ ბეფშს, ჩვადირტყვ. ათხე ჯამა̈ხჷრსა̈ს ხაჰერ:

Line of edition: 37 -- ადა̈იდოღ ლახემ ყვიჟე.

Page of edition: 212
Line of edition: 1 ამნემ ჟი ლა̈ჲშგვინ გა̈ჩ ი ქა. ლოხხელ ამნოშ ჩიხა̈ხვიშ ნა̈ხვიტ.
Line of edition: 2 და̈ვდ ადთხჷპნე თხვიმ ი ვარ ხა̈ქვე: -- ამნოშ ესერ დემინ ხებიშდი,
Line of edition: 3 შივშვოღ ლახემ.

Line of edition: 4 შივშვ მადე ლახემ ი უშხვა̈რ (\ უშხვარ) ხაფხეჭხ, იბურგელხ
Line of edition: 5 ი ჩვათწინდა ჯამა̈ხჷრსა̈. ათხე, ლაჲსვილ გა̈ჩ ი ეშდთირი ლუთხვიმ
Line of edition: 6 ლი ი ხაქცურე კინჩხა̈რს. ეშხუ გარ ხოკლი, ეჩქას ა̈თბა̈ც და̈ვ:

Line of edition: 7 -- ნომოღ ათქვიც ალი ი, მ' ესერ ხასკორა, ჩი ესერ ქა ხოსრულე.

Line of edition: 8 ჯამა̈ხჷრსა̈ტ ხაჰერ: -- ჲაღვე, ამეჩუ ესერ მა̈ ამსვალდ ხოდვაშა,
Line of edition: 9 მა̈გ ქოღ ანტიხ.

Line of edition: 10 -- აღვ' ესერ ჩელტიშ ყოროღ ლაჲკარე ნანღლა̈შქა ი ამეჲსგ'
Line of edition: 11 ესერ ხორი მიჩა ლიხვბა.

Line of edition: 12 ამხენქა სემი გარ მარე ბადეჲ ეშდჲორი მარე ანჴა̈დხ მიჩა ნადვაშ
Line of edition: 13 ი ალ თხვიმი ჟ'ახქვიც და̈ვს. ჯამა̈ხჷრსა̈ ქორთ' აჩა̈დ ი ხოჩა ლირდ'
Line of edition: 14 ა̈დჴიდ.

Line of edition: 15 ვოდ ეჯა̈რს ლეწედ, ეჩქადოღ ლა̈რიდ

Line of edition: 16
ვლადიმერ წულუკიანი. ზედა ლუჰა. მ.ქალდანი. 17.ვიიი 1956

Добавлено (2007-03-19, 5:26 Pm)
---------------------------------------------
მაჰრენ მუხვბემ ნალმა̈რგი

Line of edition: 18 ლჷმა̈რდელიხ ეშხუ ხეხვ-ჭა̈შ. გუნ დიდა̈რ ლჷმა̈რხ, მარე გეზალ
Line of edition: 19 დემეგ ხა̈რდენახ ი ამნოშ გუნ გვი ათკვეშახ. აშხვ ლეთ უშხვა̈რ
Line of edition: 20 ხა̈სგვრჷნახ ი ლიმბუა̈ლ ახარახ: -- მ' ესერ ხარს მინე ქონება, ლა̈ს
Line of edition: 21 ესერ ჷსცურეხ?

Line of edition: 22 ამჟი ყორლისგა ლა̈ხშჷმ ლერვალე (\ ჲერვალე). ოთკარეხ ჩუ
Line of edition: 23 ყორ ი ჴეც ლა̈ხმუშგვრა̈ნხ ისგა: -- მ' ესერ ლი, იმემ ესერ გვი
Line of edition: 24 ხაკვიშხ, მა̈გ ესერ მინე ქონებას რაგდი?

Line of edition: 25 -- მ' ესერ ხარხ, მიჩ' ესეროღვ მა̈ზიგ ლახჴედახ, გეზალ ესერ
Line of edition: 26 დემეგ ხორიხ.

Line of edition: 27 -- ჷეზალს ესერ აღვე ჯი ოხწესისგ.
Line of edition: 28 სანაფ ა̈ნკიდ ჯიბხენჟი ი ა̈ლი ლახემ ქა ი: -- ა̈ლი სამდ ჩვ
Line of edition: 29 ესეროღვ აბიჴვხ ი ჩვ ესეროღვ ლა̈ლემხ (ლა̈ნემხ) ი სემი ესერ
Line of edition: 30 ნაღვჟურგეზალ ა̈ხთა̈ვიხ სამ ზავლისგა ი, ჟი ესერ ლას ა̈ნჷრდეხ, ეშხუ
Line of edition: 31 ნაღვჟურგეზალ ნომ' ესეროღვ ათტკა̈ლბჷნხ ი მიჩ ესეროღვ ლახეჰხ.

Line of edition: 32 ამჲა̈რდ (\ ა̈მჲა̈რდ) იმედ ხა̈ქვეხ. ა ჴეც ა̈ლი ატა̈ხ მიჩა ქორთე.
Line of edition: 33 სანაფ ჩუ ლა̈ლემხ ი სამ ზავჟი ტკისდ სემი ნაღვჟურგეზალ ახთაუნხ
Line of edition: 34 ი ეჯგვა̈ს იცხემხ, ერე მახეღვა̈ჟთექა ანჴა̈დხ. სემი ზა̈ ქა̈დსრულა̈ნ,
Line of edition: 35 ა̈ლი ისგაიდ ლა̈ხმუშგვრა̈ნხ.

Line of edition: 36 -- ათსრულენახ ესერ მა მიჩა ნა̈ქვ ა?

Line of edition: 37 ამჲა̈რდ მაჴვამ ხა̈ქვეხ: -- ალ ესერ მახეღვაჟა̈რ მიჩა ნაჰოდ ხარხ.

Page of edition: 213
Line of edition: 1 ქეიფ ათყერხ ი ეჯ ლეთ ჩვარდა: მინეშმყ. მერმა ლადეღ ჰამს
Line of edition: 2 ესღჷრდა, ეჩქას ხა̈ქვე ი: -- მინ' ესერ ჟჷრ ჲერვა ხოცხომეხ, ეჯი
Line of edition: 3 მიჩა რა̈შიშ ესერ ჭგშხრე ნაზვსოღვ ხეჭა̈მ ი მიჩა ლა̈ზგათეჲსგ'
Line of edition: 4 ესერ ხეჴდჷნი.

Line of edition: 5 ა̈ლი ქა̈დჷნგზარვა̈ნ ი ბოფშა̈რს ხა̈ქვეხ: -- ამჟი ი ამჟი ესერ
Line of edition: 6 ხა̈ღვენახ პირობ ი და̈ს ესერ ხა̈მედახა ეჩხავ ლაზი?

Line of edition: 7 ხოშა ლახვბად ა̈დმიჭრალეხ. ეჩქას ხოხვრილ ოხპა̈რ ჟი ი:
Line of edition: 8 -- ჲაღვ' ესერ ჯი მინ' ესეროღვ ნაცა̈დ ლი. მინ მინე დის ი მუსოღვ
Line of edition: 9 ლოხსგიდივხ ხოჩამდ ი ჯი ესერ ეჩხავ ღჷრი, მ' ესერ პირობა̈რ
Line of edition: 10 ლოჰოდახ, ეჯის ესერ ქასრულე.

Line of edition: 11 აჩა̈დ ა̈ლი. ქა̈თყაჰა̈ნ მიჩა დის ი იუს ი ლახვბას, ეშჭიმ რა̈შიშ
Line of edition: 12 ნაზვს, სგა̈თჴედჷნ ამჲა̈რე ა̈დგითე. ამეჩუ ამჲა̈რე ქორ ღოშგიმ
Line of edition: 13 ლექვა ტვიბრ' აღრი. ეშხუ ზურალ აშყვდელი ამეჩუ ტვიბრაჲსგა,
Line of edition: 14 ესნა̈რი ა̈ლი ლი და̈ვა̈შ დი. ა̈მის ლუსვა̈რ ეჯი ღოშგიმჩუ ხა̈კვრენა.
Line of edition: 15 ათხე ოთჭკუარა ნაღვჟურს ი: -- ისგ' ესეროღვ ა̈ხჴვა̈სგ ი ლუსვჟი
Line of edition: 16 შდიქ' ესეროღვ ესა̈გ.

Line of edition: 17 ისგა̈ხჴვა̈სგ ი ლუსვჟი შდიქ ესა̈გ: -- ჯი ესერ დი ი ჯი გეზალ.

Line of edition: 18 -- ჰა, ნაურ, მ' ესერ ღერმათ ლოჰოდა მიჩეშდ ალ ლიღბა̈ლ,
Line of edition: 19 იმ ესერ ლოხშყა̈დვნა ა̈ლი? ა̈ლი ესერ ოდო ხოყრენს, ბა̈იშ ესერ
Line of edition: 20 ლეზჰჷნი ხარენა ჯი მიჩა გეზალს. ათხე მიჩა გეზალს ესერ ხორი
Line of edition: 21 ეშდჲორი დინაგეზალ. ამ ესერ ტობლისგა ხარა̈ ეჯჲა̈რს ლაქნალ.
Line of edition: 22 მუგვრე ბიდა̈რ ესერ ხა̈ზხ ქა̈მშხენ, ეჯჟი ესერ ღჷრიხ ჩი ლადეღ
Line of edition: 23 ეშთელისგა. ეშდეშხუ ესერ აშხვჟი ჴედნიხ ი იქნა̈ლხ, მეშდჲორე
Line of edition: 24 ეჯი ღოშგიმ ნა̈ჩკდ ესერ იქნა̈ლ ი მიჩა ლიღბა̈ლ ეჩეჲსგ' ესერ
Line of edition: 25 ა̈რი. ქ' ესეროღვ აჩა̈დ ი ეჯ ტობა̈შ ძგიდს ფათქჷლდოღვ ადბარჯე,
Line of edition: 26 ჟიქაქა ჩოღვ ა̈დლაფრა̈ნ. ღოშგიმ ესერ ანჴეს, ეჯის ბიდილდ ჟ'ოღვ
Line of edition: 27 ოხკიდ ი, ვოდე დ' ესერ ხახვდ ლა̈ხღვენენეს, ეჩქად ბიდილდ ქა
Line of edition: 28 ნომოღვ ლახტის. ეჩქას ეჯი ლაგას ესერ ხა̈გნე.

Line of edition: 29 ქაჩა̈დ, ამჟი ჩემინ. ფათქჷლდთეჲსგა ისგაჩა̈დ. ისგლადეღქა ანპა̈დხ
Line of edition: 30 ეშდეშხუ აშ ლაპორშვ ი ა ბიდილდა̈რ

Page of edition: 214
Line of edition: 1 -- ხახვდ ესერ ხეღვნი მოშ?

Line of edition: 2 ედ ხახვდ ლიღვნემ ვა̈რია ხა̈ქვე: -- დაჩვირდ ესერ ხეღვნი.

Line of edition: 3 ამჟი ამნემ მადე ლახტის ი ჟ'ანნა̈კვ ა̈ლი: -- ჲაღვ' ესერ ეზერ-
Line of edition: 4 -- ი ში ი ში ქა ლახემხ უშხვა̈რ ლიხეხვჭაშჟი: -- ჯი ესერ მიჩ დე-
Line of edition: 5 მის ხოღლა̈ტი, ოღონდ მიჩა ნა̈ქვს ქ' ესეროღვ ა̈ხჭა̈მ. მინ ესერ
Line of edition: 6 ეშდჲორი ლიხ ლავდილა, თვით ვოთა̈ხისგა ნა̈ნკ-ნა̈ნკდ ესერ ა̈რიხ.
Line of edition: 7 ბა̈ზი ესერ ისგანჴეს მიჩა ბაბა̈შთეჲსგა, ეჩქას კა̈ცხა̈შ ლექვა ლაღ-
Line of edition: 8 რალშვ ი გვა̈მიდ ლა̈ხირულშვოღვ აჩა̈დ ი ქ' ესერ ხაპა̈ტივეხ ბა̈იზ
Line of edition: 9 ლეთს ეჩქას. ეჩქანღვე ქ' ესეროღვ ანჴა̈დ მინე ლარდოლთექა ი
Line of edition: 10 მიჩა ლარდაჲსგა ლეტვრ' ესერ ჩუ დემის დეგნი ჰამდ ი მერმო-
Line of edition: 11 ლეშს ჩვ ესერ დიგეხ. ეჩქას ესერ ლეტვრე იმგვა ხეტვარეს, ეშ-
Line of edition: 12 თეჲსგა ლოხყუგნეოღვ ი ჯი ყორს ესერ ჩუ ხოკრე, ეჩქას ესერ
Line of edition: 13 ლაგას ათგენისგ ადა̈იდ.

Line of edition: 14 ამჟი ა̈მიშ ნაქვ (ნა̈ქვ) ქადსრულე. ისგა ლა̈ხმუშგვარ ჴეცს-
Line of edition: 15 ისგაჩა̈დ ქორთე ი ეჯჟი ლაღრალშვ ი ზირულდ, ერე აშგარ ათჷნ-
Line of edition: 16 ბაჟჷნხ: -- ამგვა̈რ ესერ ლა̈ხირულშვ და̈რმოშ ლი მინეშთეჲსგა მეჴ-
Line of edition: 17 დე, ჰეურდ ესერ ა̈ლი ხოჩ' ამსვალღ ლი.

Line of edition: 18 მიჩა ხეხვ ა̈თბა̈ც ჴეცს ი: -- ბა̈ზი ესერ ნომოღვ ა̈ზიჰხ ა̈ლი-
Line of edition: 19 ჩვესეროღვ ხორდახ.

Line of edition: 20 ათხე, ცხა̈ჲ, ჩვაცვირხ ბა̈ზი ი ჩვა̈რი. ჴეც ი მიჩა ხეხვ ჩვად.
Line of edition: 21 ყურდახ. ა̈მისი ლაყვრა ლახთონეხ, მარე ა̈ლი დემეგ ადყურდა ი მიჩა
Line of edition: 22 ხახვემ ლარდათ' აჩა̈დ ქა. ხაჭიმ ლარდოლს ლეჟა-ლექვა. აშხვ ლარ-
Line of edition: 23 დახენქა ნა̈რჰი ანღრი. ლოხყუგნე ამელისგა. მიჩა ლეჲხურიდ ყორ
Line of edition: 24 ჩოსკარე ი ისგა̈დჴერნე ლარდათელისგა. ჩვა̈რიხ ბა̈ზი აშხუდ.

Line of edition: 25 -- ჲაღვ' ესერ მჷხა̈რ ჰამს დოსდ ესერ ანგენისგ მიჩ "ი, ლირ-
Line of edition: 26 ჰა̈ლდ. მიჩა დედეშ ი ბაბა̈შ ჟი ლიგნა̈ლდ ყერბ ქ' ესეროღვ ადჯელვე
Line of edition: 27 ი ეჯჲა̈რე ლერქვა̈რ ქ' ესეროღვ ადშდაბვნე. ეჩქას ესერ ეჯჲა̈რ ჷ'ა̈ნ-
Line of edition: 28 გენის ი ეჯგვა̈რ ესერ ხენწმიხ, ერე ლა̈დიშ ლადეღს ეცერ ქაიდ
Line of edition: 29 ხაკვრჟნეხ ი ბა̈ზი მიჩეშთეჲსგ' ესეროღვიდ ანტა̈ხ.

Line of edition: 30 ამჟი ირჰალ ი სგაჩა̈დ, ყერბ ქადჯელვე, ლერქვა̈რ ქოთშდაბვნე
Line of edition: 31 ი ალჲა̈რს ხამბაჟხ: -- მ' ესერ ამსვალდ ირი ამგვა̈რიშ, დემეგ ესერ
Line of edition: 32 ხაჴდჷნენა მინეშთეჲსგა ა̈მიშ მაჯონს.

Line of edition: 33 ხეხვ ხარგა̈დი მიჩა ჭაშვ ი: -- აშ ესერ ხოჰრა ეჯღაჲ ნა̈თხვრა̈ზ
Line of edition: 34 ლეღვ ი ქ' ესეროღვ ლახსა̈რინე ლა̈დიშ ლადეღი.

Line of edition: 35 -- ეზერ ესერ, ჩვ ესეროღვ არდა.

Line of edition: 36 ი ჟ'ანჷგა̈ნხ ალჲა̈რ. ანჴა̈დ ი ლიც ანჴიდ ი ლაბრალს ხა̈გვშე.

Line of edition: 37 -- ჲაღვ' ესერ ბა̈ზი ჩოღვ არდა ი, იმგვა ესერ ხოცხონეს"
Line of edition: 38 იშდრალოღვ მინე ა̈დგიჲსგა.

Page of edition: 215
Line of edition: 1 ა̈ლი ჩუ ლიბვრეს აშ ხა̈კიკ. ჩვა̈დბურა̈ნ ი ათხე ნებოზს ჴეც
Line of edition: 2 ანჴა̈დ ი აშხვხენჩუ ლა̈ჩვ ხა̈ცვ ი მერმახენჩუ ბიკ. ბიკ ა̈ლი ჩვადბუჭკურე
Line of edition: 3 ი ლა̈ჩვ ქადტუმურე. მახეღვა̈ჟილდს ხა̈ქვე: -- ხა̈მედ' ესერ
Line of edition: 4 მა ლიმა̈რჯვი?

Line of edition: 5 -- მიჩ ესერ მა̈ ხემედი, ათხე გარ ესერ ხოწვა დეცე რჷჰი.
Line of edition: 6 და̈ვდ ლა̈ჩვ ისგათა̈გ ხოშა სალჯაბთელისგა, ჩვაჯა̈ბხ ი ნაღვჟური
Line of edition: 7 ისგა ლა̈ჲსგურეხ მინე ტაბა̈გს ი ჩვა̈დდირპნხ. ჩჭადყურდახ
Line of edition: 8 ი ნაღვჟურსი ხა̈ქვეხ: -- ჩვ ესეროღვ ადყურდა, ბა̈ზი ნაბ ესერ ხუღვა.

Line of edition: 9 ამჟი ქაჩა̈დ ა̈ლი ი მიჩა ლეჲხურითეჲსგა ისგაიდ აჩა̈დ.

Line of edition: 10 -- მ' ესერ ხოჩა, მჷხა̈რდ ესერ დრევ ლოჰოდახ ი მჷხა̈რ ესერ
Line of edition: 11 ეჯღაჲ ჩვ ესერ ა̈ზჰენიხ.

Line of edition: 12 -- გონა̈ბ ესერ ნომოღვ ხარ ი მჷხა̈რ ესერ მიჩა დედე უშდად
Line of edition: 13 ესერ ჴედნი, ეჩქას ესერ ჟ'ოღვ ა̈ნნაჟრე, ნომ' ესეროღვ ა̈დვა̈შგდე
Line of edition: 14 ი მიჩა დედეშ ლჴრქვა̈რ ესერ ქოღვ ადშყოდელე.

Line of edition: 15 ა̈ლი ტკისდ ამჟი ჩემინ მერმა ლადეღ. ჴეციშ ხახვ მასა̈რდ
Line of edition: 16 ათბაჟჷნ ი: -- მა̈ღილ ესერ ხერი, ქ' ესეროღვ ლახსა̈რინე ი ჩვ ესეროღვ
Line of edition: 17 ხორდახ ა̈ლი.

Добавлено (2007-03-19, 5:28 Pm)
---------------------------------------------
-- ეზერ ესერ აღვე, -- და̈ვდ (ხა̈ქვე): -- ჩვ ესეროღვ ხორდახ.
Line of edition: 19 ეშდჲორი ესერ ხორიხ დინაგეზალ ი ეშხუ ქოღვ ლახემხ ხახვდ.

Line of edition: 20 ქოხჴა̈დ თანახმათე ხეხვი.

Line of edition: 21 -- მარე იმჟი ესერ ხეკვეს ლახომეხ, მიჟ-დოშდულ ესერ დემეგ
Line of edition: 22 ხოწვახ ეჯჲა̈რს?

Line of edition: 23 -- იმჟი ესერ ი თვით ჭიშხ ლარდახენქა ქ' ესეროღვ ახწონნეხ
Line of edition: 24 დინოლს ი, ჲერვ' ესერ ა̈დცხონას, ეჯი ესეროღვ ხად.

Line of edition: 25 ამჟი ჩვასკა̈ბხ. ბა̈ზი ჩვა̈რი. ისგაიდ ატა̈ხ მიჩა ხახვთე. -- მ' ესერ
Line of edition: 26 ხოქვახ? -- ლა̈ხჭედივ ლეჲხური.

Line of edition: 27 -- მ' ესერ ი აშ-აშ ამჟი ესერ ი იმჟი ესერ ათჷრეს ჯინემ ჯი?

Line of edition: 28 -- იმჟი ესერ ი ხეჭა̈მ ესეროღვ ი ჯი ესერ ჭჷშხემ ცერს იქვთუნნი
Line of edition: 29 ი ეჯის ესერ ლა̈ხბერგი.

Line of edition: 30 მერმა ლადეღ ჩვა̈დრჷჰა̈ნ ი ყერბ ქადჯელვე, ლაბრალს ჟ'ესგვეშ
Line of edition: 31 ი ათხე და̈ვდ ლოხთუმუნე მიჩა ხახვ ი: -- ქ' ესეროღვ აჩა̈დ ი თვით
Line of edition: 32 ჭიშხ ქ' ესეროღვ ახწონნე ლარდახენქა ი ა̈ლიი ქოღვ ა̈დჴერნე.
Line of edition: 33 ჲესვ' ესერ ლა̈ხბურგენეს, ეჯი ა̈მისოღვ ხად ხახვდ.

Line of edition: 34 ამჟი ქაჩა̈დხ ლარდოლთე. მინე დიდ ხა̈ქვე: -- თვით ესერ ჭიშხ
Line of edition: 35 ქოღვ ანწონეხ ლარდოლხენქა.

Line of edition: 36 ნაღვჟურს ხა̈ქვე: -- ათხე ქ' ესეროღვ ა̈ნულკუჰე.

Line of edition: 37 ა̈ხჭა̈მ ნაღვჟურ ი, ა ცერ ესქუთნე, ა̈მის ლა̈ხბურგა̈ნ.

Page of edition: 216
Line of edition: 1 ა̈მიღა ჴეციშ ხეხვ კილს აფა̈შგ. მანმა ხაკუ მაჩენემ ლიჰვდი ი
Line of edition: 2 ხა̈ქვე ჴეცს: -- ა̈ლის ესერ, ბა̈ქ ესერ ლი, დეშ ესერ ხაჰვდი ჯი ი
Line of edition: 3 ჩვ' ესეროღვ ა̈ზიჰ ბა̈ზი!

Line of edition: 4 ა̈ლი და̈ვდ ა̈დსისტკე: --ჯი ესერ პირობა̈რს დემის აჟვმე. ეჯობ
Line of edition: 5 ესერ დემეგ ლი ათხე.

Line of edition: 6 -- ჲაღვ' ესერ იმჟი ხოჩა?

Line of edition: 7 -- იმჟი ესერ ი ქ' ესეროღვ ხაწონე თედ დინოლ მა̈გ ი, ჲერვ'
Line of edition: 8 ესერ ა̈ნულკუჰას, ეჯიოღვ ხად.

Line of edition: 9 ამჟი მერმა ლაღრიშდ ა̈მიშ მჷჩემ ლიხ. ბა̈ზი ისგაჩა̈დ მიჩა
Line of edition: 10 ხახვთე.

Добавлено (2007-03-19, 5:29 Pm)
---------------------------------------------
-- მ' ესერ ხოჩა, ამჟი ი ამჟი ესერ ლიხ გოშა̈რ ი იმჟო ესერ ჯი?

Line of edition: 12 -- ჯი ესერ ლერსგვან თეჩუ ქიმს ანკვანე, ეჩქას ესერ მიჩ ლა̈ხბერგი
Line of edition: 13 ისგა.

Line of edition: 14 ა̈ხჭა̈მ ამელეჟა ა ნაღვჟურ ი, ა ქიმ ანკვა̈რ, ა̈მის ლა̈ხბურგა̈ნ ისგა.
Line of edition: 15 ჴეციშ ხახვემ ლიკილიიდ ა̈დბინე: -- ა̈ჰ, ბა̈ქ ესერ ლი, ბა̈ქ: -- და̈ვს
Line of edition: 16 ხა̈ქვე.

Line of edition: 17 -- ჲაღვ' ესერ იმჟი ხოჩა, პირობა̈რს ესერ დეშ აჟვმე, მარე ა̈მიშ
Line of edition: 18 ესერ ლეჭშჷრიდ ჩუ ემა ხეყენი, ეჩქას მჷხა̈რ ჰამს მიჩა რა̈შ ჟ' ესეროღვ
Line of edition: 19 ა̈ნჰინგრე, ჟ'ოღვ ახსგურა ი ძღვიდქ' ესერ ეშხუ ქოღვ
Line of edition: 20 ათსკინავნე ი მერმე სგოღვ ახსკინავნე, ეჩქას ესერ ა̈მიშ ლეჭშჷრიდ
Line of edition: 21 ჩუ ხაყა.

Line of edition: 22 ათხე ბა̈ზი ჩვა̈დპანტა̈ნხ. ჯი მიჩა ხახვთჷჲსგაიდ აჩა̈დ: -- მ' ესერ
Line of edition: 23 ჩემნეს, ამჟი ი ამჟი ესერ ლიხ გოშა̈რ.

Line of edition: 24 -- გონა̈ბ ესე{რ} ნომოღვ ხარ, ჯი ესე{რ} ჟი ხოჴერჴე ა̈მიშ
Line of edition: 25 მაშედს. ჯი ესერ მჷსკდილს ლაჰედნე. ჯი ესერ ჭაჭა̈რთეჟი ჟ'ადრინე, ეჩქას
Line of edition: 26 რა̈შ ჟ' ესერ პერნი ი დეცს ესერ ხა̈ხპე ი ჩვ ესერ ადვა̈ში,
Line of edition: 27 მარე შომ' ესერ ჟ'ახსგურდეს ი რა̈შ ჟ'ოხპერეს, ეჩქას ალ მჷსკდილ
Line of edition: 28 ისგოღფ ხასდა ი ფოყა̈რჩუოღვ ხაჴიდ ი ჟ' ესერ ხეხვრენი. ეჩქანღვ' ესერ
Line of edition: 29 ჯი ლაგას ხა̈გნე.

Line of edition: 30 ჰამს ჟ'ანჷგა̈ნ ი ა მჷსკდილ ისგა ხა̈ზ ი რა̈შ ა̈ლი ჟ'ა̈ნჰინგრე.
Line of edition: 31 და̈ვ ი მიჩა ხეხვ ქანჭა̈დხ. ათხე ჟ'ახსგურდა ა̈ლი. ჟ'ამპა̈რ კაჩ რა̈შ.
Line of edition: 32 ამჟი ვობა̈შ ჟი დემეგ აფიშვდ, ა მჷსკა̈დშვ ში ფოყა̈რჩუ ხაჴიდ რა̈შ
Line of edition: 33 ა̈ლი ჩვანტა̈ხ გიმთეჩუ. დინა̈შ დიდ რა̈ქვე: -- ბა̈ქ ესერ ლი
Line of edition: 34 მა̈გ, ა̈მის ესერ დეშ ხაჰვდიხ! -- ი ისგაჩა̈დ ქორთე.

Line of edition: 35 ამჟი ქანსკინე მიჩა ლეჲხურიდ, მიჩა დედეშ რა̈შს ჰინგირ ჟი
Line of edition: 36 ხაჴიდ, ჟი ლახსგურდა ი ჟი ლა̈ჲქაბუნე მიჩა ლეჭშჷრი. ესხრიხ,
Line of edition: 37 ესხრიხ, ამჟი და̈ვა̈შ ხეხვ გუდ აჴა̈დ, ერე დინა ქა მეჩდელი.

Page of edition: 217
Line of edition: 1 -- ჰატ, ა̈ნმარგ ესეროღვ, ოდო მინე გეზჷლ .ესერ ომჩედ ი
Line of edition: 2 ნაღვჟურ ესერი ოთხვაჲას!

Line of edition: 3 ჴეცდ ჟ'ა̈ნჰინგრე მიჩა რა̈შ, ხაღვიჭ. ისგოხკუდსე ეჯა̈რს, დინად რა̈ქვე:
Line of edition: 4 -- მიჩ' ესერ ბაბ' ახღვიჭხ.

Line of edition: 5 -- მ' ესერ ხოჩა ღვე?

Line of edition: 6 -- გონა̈ბ ესერ ნომოღვ ხარ.

Line of edition: 7 ჩოხქა̈პხ რა̈შს, რა̈შ ეჯი ჯვინელ ლაჴვმიდ ესსიპე, ფუნთქვირ
Line of edition: 8 ხაგ ქა̈მშხენ, ეჯჟი, მიჩა თხვიმ -- მეჩი პაპდ ი ნაღვჟურ -- ლა̈ჲრა̈რდ.
Line of edition: 9 ამჟი ჴეცსი ლა̈ხჴედჷნ ამთელისგა ი ნაზვ ჩოთთვა̈ფ. პაპს ხეჭვდელ:

Line of edition: 10 -- და̈რ ესერ იმეგ ხოწვა ამექაჲა? -- პაპდ ა̈დჷმბაჟე გარ: -- ჯი ესერი
Line of edition: 11 ჩოლმეჩელი ი ა ლაჴვმიჲ ჩვათმეჩენა ი მიჩეშჷნქ' ესერ და̈რ ხოწვა.
Line of edition: 12 ჟ'ოშჭენ ათხე ჴეცდ, სგატა̈ხ მიჩა ხახვთელისგა.

Line of edition: 13 -- მ' ესერ ხოჩვმინა?

Line of edition: 14 -- იმ ესერ იჩმუდ, რა̈შიშ ესერ ნაზვ ჩვათთვეფა, ეჩეჩუ ესერ
Line of edition: 15 მეჩი პაპ ი ჯვინელ ლაჴვმიჷნქა მამაგვეშ ახხუა.

Line of edition: 16 -- ვოტ, ჯი ესერ მუქვნია, შიშდ წა̈მჟიოღვ. ოშჭენ ჟი ი ეჯა̈რ
Line of edition: 17 ისგოღვ ანჴიდ:

Line of edition: 18 ჟი ღალიდ ოშჭენ, ჲაღვე იმ იჩმუდ! ესხრი, ესხრი ი ამზუ ხა̈ნს
Line of edition: 19 ალჲა̈რ, მა̈ შომა, ამჟი ესპჷდხ ი აჩა̈დხ. ხაღვიჭ ა̈ლი. ისგოხკუდს',
Line of edition: 20 ეჩქას მიჩა თხვიმ ჯუდ ესსიპე, მიჩა ჭა̈შ ი რა̈შ -- ფეკვნოლდ. ა ჴეც
Line of edition: 21 ისგანჴა̈დ ამჲა̈რთელისგა. ამჲა̈რდ ლიჰევ ლოხბინეხ, ნაზვ ჩოთთვა̈ფ.

Line of edition: 22 ჟ'ოშჭენ, სგაჩა̈დ მიჩა ხახვთე ი:

Line of edition: 23 -- მ' ესერ ხოჩვმინა?

Line of edition: 24 -- ა' ესერ ი ნაზვ ესერ ჩვათთვეფა ი ეჩეჩუ ჯუ ი ფეკვნოლ
Line of edition: 25 ესერ ესხკიახ, ეჯჷნქა მამაგვეშ.

Добавлено (2007-03-19, 5:29 Pm)
---------------------------------------------
-- ჲაღვე ათხ' ესერ ჯი ხეღვჭენი ი, იმუგვ ესერ ოთჩედნიხ,
Line of edition: 27 გუ ესერ ლაჰედნე.

Line of edition: 28 ჟ'ახსგურდა და̈ვა̈შ ხეხვ რა̈შს, ესხრი, მარე გიმ-მეგემს აქთუნე,
Line of edition: 29 ეჯჟი ლჷხრინად ხაღვიჭ. მიჩა გეზალ გუდიდ აჴა̈დ: -- ა, ვა̈ჲ,
Line of edition: 30 ვა̈ჲ, ათხე მიჩა დედ' ესერ ახღვიჭ!

Line of edition: 31 ზუღვა̈შ ნა̈კვილ ტობს ათასდხ მინ. რა̈შ, ჭა̈შ ი მიჩა თხვიმ მა̈გ
Line of edition: 32 წყა̈რშინდა̈რდ ესსიპე, ისგადსკინეხ ტობთელისგა, ამჟი ა მიჩა დედესი
Line of edition: 33 ლა̈ხჴედჷნ აშთელისგა.

Line of edition: 34 -- ჰატ, იმუგვ ესერ ოთჩედნიხ! ა ხოლა რა̈შ, ტობ ჟ' ესეროღვ
Line of edition: 35 ა̈ნჷნწჷრე:

Line of edition: 36 ამჟი ჷთრე რა̈შ, ჷთრე ი ლა̈ფკვალთე ახყა̈რვნე, ეჩქას ჟ'ანპა̈რხ
Line of edition: 37 ალჲა̈რ ი ჟი ესხრიხ დეცთე.

Line of edition: 38 -- ა, ხოლა რა̈შ, ჟ' ესეროღვ ანპა̈რ ი ისგ' ესეროღვ ლა̈ჰიდხ!

Page of edition: 218
Line of edition: 1 -- მ' ესერ ლა̈ჰიდეს, ტობდ ესერ ჟ'ოსბიჭკვა!

Line of edition: 2 -- ეჯობ ესერ მადმა ლი! -- ი ხატყვეფ რა̈შს.

Line of edition: 3 ამჟი ჟ'ომპერელი რა̈შ ი ოლმა̈ზლი დეცთე. ამ ჩიქდ რა̈შს
Line of edition: 4 ჩვათქვეცა ჯა̈რღვ ი ჩომშყედელი, ა და̈ვა̈შ ხეხვ ა̈ლი ჩუქალისა
Line of edition: 5 ლახნახეხა. რა̈ში ჩოლდაგა̈რლი ი ეჯა̈ი.

Line of edition: 6 ალჲა̈რ ჩომტეხელიხ ი, მა̈ შომა, ამჟი ოლსიპელიხ. ლახსგურენახ
Line of edition: 7 ჟი რა̈შს ი ოთყჷრახ ნაღვჟურიშ ქორთე. მიჩა დი ი მუ ი ლახვბა
Line of edition: 8 მა̈გ აშ ლჷმა̈რდელიხ ი ეშთელისგა ახჴედჷნენახ ისგა, ა̈ზვლისგა
Line of edition: 9 ჩვახქეხახ ი

Line of edition: 10 -- ათხე ისგ' ესეროღვ აჩა̈დ ჯი ქორთე! -- დინას ხოქვა მიჩ
Line of edition: 11 ჭაშვდ.

Line of edition: 12 სგაჩა̈დ ი ალჲა̈რს ჩუ მამა ხაჯრავახ, ერე ჯი ირი იინე გეზალ
Line of edition: 13 მიჩა ლახვბა ი მიჩო მუ ჩა̈რჩს ხონხახ ჩუ, ეჯზუ ფა̈თვ ხაგხ. ანჴა̈დ
Line of edition: 14 ი ფა̈თვ ქათწაბურნე ეჯჲა̈რხ ი ჯი ქანჴა̈დ მიჩა ხახვთე ი ქოხუმბავე
Line of edition: 15 ა̈მის ქორა̈შ გვეშ. მიჩა ხეხვ ისგა̈დჴერნე ქორთე. ალჲა̈რს ჩუ
Line of edition: 16 მადე ხაჯრავახ, ამგვა̈ ხახვ ა̈ნჴდა ეჯი. ესჭა̈მ ათხე ა სიმაქ, ალჲა̈რ
Line of edition: 17 მა̈გ გა̈ნხენჩუ ლა̈ჲსგურე, ეჯჟი, მა̈ ხეყა̈რ, ა̈ლი მა̈გ ქოხუმბავე
Line of edition: 18 ამნემ. ათხე სერ სგა̈დჯჷრვეხ ი ქვერწილს ახადხ. ჰარა̈კ ესერ
Line of edition: 19 ნა̈პვრა̈შ ლჷჯე მადმაიდ ხა̈კლინახ.

Line of edition: 20 ეჩგიშ ხოჩა ამეგ ი ამგიშ ხოლა ეჩეგ.

Line of edition: 21
ლამხერი. ალექსანდრე ნარსავიძე. მ.ქალდანი. 20.VIII.1956 cт.

Добавлено (2007-03-19, 5:30 Pm)
---------------------------------------------
Text: 109
Page of edition: 218
Line of edition: 22
CIX. ხენწიფხეშ ლჷნთერუ

Line of edition: 23 ზუღვა̈შ ამხე სგიდს ლჷმა̈რდ ეშხუ ხენწიფხე. ოთთონა უსგვა
Line of edition: 24 მარად ჴვალმა̈ნდშვ ზუღვათეჲსგა ი ქა ლოჰოდა უსგვა თევიშ მარა̈ჷ
Line of edition: 25 მა̈გ: ლეზებ ი ლეთრე. ა̈მჲა̈რდ ხოქვა: -- ზუღვა̈შ ეჩხე ძგიდ ჟ'ოღვ
Line of edition: 26 ანმეჴრეხ.

Line of edition: 27 ეჯჲა̈რ ისგომჩედხ ი ოლმა̈ზხ ზუღვაქა. და̈რ ოლმჷხელი ი ზუღვა
Line of edition: 28 ჩილდავშელი, ჴვალმა̈ნდ კოჯდ ხოყირა ი ჩოლდაკშელი ი ჩუ ლიჭლა̈ჲ
Line of edition: 29 ლოხბინა. ა̈ლჲა̈რს ათყალვნინენახ ჩუ ლიყმედ ი ქომჴედხ კოჯთექა ი
Line of edition: 30 კოჯს ფოქ ხარენა ი ამეჲსგა ჩოლსგურელიხ. მინე მარა̈გი ჩოთთვა̈ფხ
Line of edition: 31 ი ჴვალმა̈ნდი ი მჷტმად ი ჰა̈რიდ ა̈რიხ ამეჩუ.

Line of edition: 32 ბა̈ზი ჩვა̈რიხ მჷტმად ი მჷხა̈რ ბინტვ ა̈ხუნჴვა̈ნ კჷნჯა̈ბჩუ ი ბინტვ
Line of edition: 33 ქა̈თღა̈რ, ეჩქას ეშხუ მარე კა̈ლი. ა̈ლჲა̈რს ხამბაჟხ, ერე მა̈ ხეყა̈რ
Line of edition: 34 ალ მარა.

Line of edition: 35 ბა̈ზი (\ ბაჲ) ჩუიდ ა̈რიხ ამჟი ი მერმა ლადეღ ამჟიდ ათხვიდ:
Line of edition: 36 ეშხუ ჩუიდ ათვა̈ფ. ჩვა̈რიხ ი ხამბაჟხ ი მა̈ დო ხეყრენიხ, დეშ
Line of edition: 37 იმჴერიხ.

Page of edition: 219
Line of edition: 1 ამჟიიდ ათხვიდ მესმა, მევშთხვა ი მევხუშდა ლადეღ. სერ ეშხუ.
Line of edition: 2 გარ ასა̈დ ჩუ. ამნემ ა̈დსკორე ი: "ა ბინტვს ესერ ხონჴრი მოლე ი,
Line of edition: 3 შომ' ესერ ჩვანჴეს, ეჩქას ამეჟი თეფ ჟ'ოღვ ადკვა̈რ, ქოღვ ა̈ხფიშვდ
Line of edition: 4 ბინტვს ამეჟი".

Line of edition: 5 მეუსგვა ლადეღ დირობჟი ბინტვიდ ა̈ხუნჴვა̈ნ, კჷნჯა̈ბჩუ ჩვანჴა̈დ.
Line of edition: 6 ათხე ა̈ნკიდ თეფ ი უსგვა პატრონ მა̈გ ჟი ხაჴიდ ამეჟი
Line of edition: 7 ბინტვს. ესნა̈რი ჟიქა სოფელ ლი. ამეჟი მეგმა̈რ ხაგხ ი გველეშა̈პ
Line of edition: 8 მეგამ ისგა ხაცხორპა ჰაკვადხენ ი სგებინხენ ჩუ ჴედნი ი ჴა̈ფშვ
Line of edition: 9 მაროლს ა̈ისგ ჟი ლეზობდ.

Line of edition: 10 ესნა̈რი თეფ ათხვიდ ა̈მის ყია ლექვა ი ჩვადგან. ბინტვ ჟ'ატა̈ხ
Line of edition: 11 ი ა̈ლი ჩუ ხოწიბ ჟიფშხენჩუ ი ყია ლექვა ზისხ ოხეზი. ამნემ ხანჯრჷლ
Line of edition: 12 ჟ'ა̈ნნიკვ, თეფ ჩვადკვა̈რ ი ა ხანჯა̈რს ისგა ხათგგნე გოლერშა̈პი ი ეჩხენ
Line of edition: 13 კოჯს ხებერგი მერმა შივშვ ი აღრი ჟი, თხუმთეჟი ჟ'ანჰიე. ა̈მის ჟი
Line of edition: 14 ოხქა̈ბ ი ლახემ გვი ი ხოჩა სოფელ ლი.

Line of edition: 15 ათხე ა̈ლი იდგა̈რი მა̈იდშვ ი, იმეგ დორ ა

Line of edition: 20 -- ათხე მიჩ ესერ მამაგვეშ ხაშიდ ა̈ლიმა̈გ ხა̈ნს ნამა̈ჲდუნ, -- ი
Line of edition: 21 ტებდი ლჷჯოშვ ქაქა̈ნხ. ეჩქანღვე ლჷჯე ლახა̈შხ უსგვა ყეშ. მერმა
Line of edition: 22 ლაღეღ ხა̈ქვეხ ი: -- ჩიდ ესერ მა̈ ხოცხა?

Line of edition: 23 -- ჩიდ ესერ მა̈ ხოცხა ი, მიჩ' ა̈დგით' ა̈ტხენი, ეჯი.

Line of edition: 24 -- ჲაღვ' ესერ ეჯი ხოცხა ე, -- ლოხჴერივხ ისგა ალ მაროლ
Line of edition: 25 ი მიჩ' ა̈დგით' ა̈ნტიხხ ისგა. ესნა̈რი ა̈ლჲა̈რ ლჷმა̈რხ ბოგირ ი ჩატა̈
Line of edition: 26 (მა̈ზიგ).

Line of edition: 27 ხენწიფხედ მასა̈რდ საჩქვა̈რ ლახემ ი ეჯჟი აფიავდ მინე
Line of edition: 28 ქორთე.

Line of edition: 29
ფარი. ნიკოლოზ ნარსავიძე. მ.ქალდანი. 20.VIII.1956 cт.

Добавлено (2007-03-19, 5:31 Pm)
---------------------------------------------
Text: 110
Page of edition: 219
Line of edition: 30
CX. დინილ, ჟინღჷლდ ი თხერე

Line of edition: 31 ჟინღჷლდ ხაყენა ლალდა̈რს ეშხუ დინილს. ახყენა ი ბოგს ათდენა.
Line of edition: 32 ლოლსგიდნელი ამხავ ი თხერე ბოჷა̈შ ხუნჟი ხა̈პჟენა. დინა დე ღოშდ
Line of edition: 33 მოშ ხაჭონუნა ი დეჲ სგებდ მოშ ლჷმა̈ზ ბოგქა. მა̈ ჩემნეს დინილდ?
Line of edition: 34 ისკორე, ისკორე ი თხერე ჟ'ანჴა̈დ ბოგა̈შ ხუნთეჟი:

Line of edition: 35 -- ქოღვ ანჴა̈დ, იმნა̈რ ესერ ხაყლენი? მიჩ ღოლაქა̈შ ლეღვ ესერ
Line of edition: 36 დემეგ ხალა̈ტ, ქ' ესერ ათყეჩა ლაღვემ ლაზობს.

Page of edition: 220
Line of edition: 1 ქანჴა̈დ დინა ი "ხოჩა ლადეღ" ხა̈ქვე თხერა. თხერე ჟ'ესყურა
Line of edition: 2 ბოგჟი ი ლა̈ჲყვიფ დინილდ ჯიბხენჟი ჯიჯვ, ქადკვა̈რ ეჩექა ი ჟ'ანპა̈რ
Line of edition: 3 თხერე ი ქა̈თღვა̈ჭ ეჯის.

Line of edition: 4 დინილ ღოშდ ატა̈ხ ი ჟინღჷლდ ჟ'ახფიშგ ი ქინჴიდ ბოგქა.
Line of edition: 5 ესყა შუკვ ლიჟა ი თხერემ რა̈ქვე: -- ოთღორვ' ესერ მიჩეშდ მა̈ბგა̈რ
Line of edition: 6 დინას.

Line of edition: 7 ლეჟ' ანსკინე თხერემ ი ჟინღჷლდს ქა ლა̈ხბიშდივ. დინილ ღალ
Line of edition: 8 ქოთჩა̈დ ი იგვნი, ეჯჟი ესხრი შუკვ ლეჟა. თხერე ჟინღჷლდს
Line of edition: 9 იზბი შუკვლისგა.

Line of edition: 10 ლახხვიდ მეგვნი დინას ბეფშ, ფილითა̈ [თეფ] ბარჯს ხა̈ზ,
Line of edition: 11 ეჯჟი. -- იმღ' ესერ იგვნი, დინა?
Line of edition: 12 -- იმღ' ესერ ი ჟინღჷლდს ესერ ქა ლახბიშდა თხერე ი იზბი
Line of edition: 13 ესერ ეჩეჩუ.

Line of edition: 14 -- ჯინემ ჩუ გაროღვ აქვიც ლიგვნი.

Line of edition: 15 ლექვ' ადსკინე ი ფილითა̈ ხაჴიდ ი ჩვადგა̈რ თხერე.

Line of edition: 16 ვოდ ეჯა̈რს ლეწედ, ეჩქადოღვ ლა̈რიდ.

Line of edition: 17
კაცხი. შემხუზ გადრანი. მ.ქალდანი. 20.VIII.1956 cт.

Добавлено (2007-03-19, 5:32 Pm)
---------------------------------------------
Text: 111
Page of edition: 220
Line of edition: 18
CXI. ზურუბხან

Line of edition: 19 იმეგ ა̈რი ეშხუ ზურალ ი ლჷცთე თვინგ ადაჲე. ლჷც ისგა
Line of edition: 20 ლოხვეგ თვინგ ი თვინგთეჲსგა ა̈ნთროლდ ადსკინე. ა̈ნთროლ ჩუ
Line of edition: 21 ლა̈ლემ. ეჩა ლიზებღა ჩვა̈დღანვა̈ნ. ეჩქანღვე ნაღვჟურ ა̈ხწესა̈ნ.
Line of edition: 22 ა̈ლი ეჯგვა̈რს იცხემ, ერე ლა̈იდ სურუ ხოჩამ ი ლითხვჯრ ა̈დბინე
Line of edition: 23 შიშდ.

Line of edition: 24 ეჩქად ი ეჩქად და̈ვ ა̈ხმითქვა̈ნ ა ზურალს. ა ნაღვჟურს ზურუბხან
Line of edition: 25 ხაშხა.

Line of edition: 26 ანჴა̈დ აშხვ ნებოზს ზურუბხან ქორთე ი ეშხუ ბეფშილდ კერა̈მჷყ
Line of edition: 27 იბურღვანელ მახე ნათავ. ლა̈ხჭედივ მიჩა დის:

Line of edition: 28 -- დია, მ' ესერ ლი ა̈ლი, იმხენ ესერ ოხჴიდა?

Line of edition: 29 -- ა̈ლი, დიაღო, მიჩეშჟი ესერი ამჟი ხა̈ყრა ი იღბა̈ლდ ესერ
Line of edition: 30 ამჟი ხა̈ღვენა.

Line of edition: 31 ზურუბხან ა̈ვა̈მიდ ხოჩამდ ხაშდბა ა̈მის. სერ ა̈ლი ჟი ხეჰელა̈ლ
Line of edition: 32 ლაცხაპს დანწარებილ, ეჩქას და̈ვ ხარგა̈დნა ა ზურალს:

Line of edition: 33 -- ოხსახთეოღვ მოლე მიჩა გეზალს, ოდო ლადეღშვ გარ ესერ
Line of edition: 34 ხარ მიჩაცახა̈ნ ლარდა ი ლეთშვ მადჷა.

Line of edition: 35 -- ჯინემ ' ესერ მ' ოხსახთას, ჯინემ ესეროღვ ა̈ნსკორე ა̈მიშ
Line of edition: 36 მჷღლა̈ტი, ოდო.

Line of edition: 37 -- ჲაღვ' ესერ ლეგმერდადოღვ ანსყე მიჩა თხვიმ.

Page of edition: 221
Line of edition: 1 ანჴა̈დ ზურუბხან -- ლა̈თხვხრხენ ქორთე ი მიჩა დი ლეგმერდ'
Line of edition: 2 ესხვიდ.

Line of edition: 3 -- დია, მ' ესერ ხათჷმ?

Line of edition: 4 -- მ'სერ დერი იდგა̈რი ესერ.

Line of edition: 5 -- ღვე, და̈ს ესერ მაგვეშ ჟაგრა̈რ ოსთინაჲა მიჩეშდ?

Line of edition: 6 -- ეშხუ ესერ ზურალს ოსთონა ი იმგვა̈ლეგ ტვსბისგ' ესერ
Line of edition: 7 ტყა̈რ ყერს გეჭილდ ხაჭიმ ი ეჩ' ესერ ხარშვ ხარ ხოჩა.

Line of edition: 8 ანჷგა̈ნ მერმა ლადეღ ზურუბხან 'ი აჩა̈დ ა̈მიშ ლა̈თხეღითე ი
Line of edition: 9 ყერ ესერ ლჷმჩიგვნავნელი მიჩა გეჭილდა̈რს, ეჯაი ესერ ესჰია.
Line of edition: 10 ზურუბხანს მეძბარა̈რ ესერ ხა̈ნჴრინა. აშხვ თემიკვირ ესერ ხა̈შხენა,
Line of edition: 11 მერმა -- შდიმიკვირ. გეჭ ესერ ჟ'ოხორმა ზურუბხანს, ეჩქას ტყა̈რ
Line of edition: 12 ხამა̈რ მა̈გ ესერ ისგახშჷდახ ლაცრჷლათე. ზურუბხან თემიკვირს
Line of edition: 13 ი შდიმიკვირს ესერ ლახშჷმა. ლოხბინახ ესერ ეჯჲა̈რს ხამრე
Line of edition: 14 ლიჴეფ ი:

Line of edition: 15 -- ჰა, მა̈დილ ესერ ხერი, ნომოღვ ათცჷრჷლნე მინე თხვიმ,
Line of edition: 16 გეჭილდს ესერ მადეჲ მოლე ხოჩამ ესერი ლაპედნეხ.

Line of edition: 17 ჩქვაჷლდ ესერ ლოხყვიფა ეშხუ კერილდს, ეჯი ესერ ლოჰოდა:
Line of edition: 18 -- ა̈ლი ესერ მიჩა წჷხი ლადეღ ჟ' ესეროღვ ოხსჷრგება.

Line of edition: 19 გეჭილდ ისგ' ესერ ოხჴიდა მიჩა დიეშთე" მერმა ლადეღ ომტეხ
Line of edition: 20 ესერიდ ლა̈თხვართე. ქორთე ნა̈ჴედვჟი მიჩა დი ხოლამდ ესერიდ
Line of edition: 21 ესხვია. ლახჭედნ' ესერ მიჩა დის:

Line of edition: 22 -- და̈რ ესერ ომჴედა ლა̈დი, მოლ' ოსთონასგვ ეჯი?

Line of edition: 23 -- ეშხუ ესერ ზურალ ომჴედელი ი იმგვალეგ ესერ და̈ვა̈რს
Line of edition: 24 სანაფ ხოგხ ი ეშხუ ფაყვ ეჯის ესერ ოხჴიდე, ეჯი ესერ ლი მიჩა
Line of edition: 25 მაშედ.

Line of edition: 26 ომჩედ მერმა ლადეღ სანაფიშ ლა̈ჴდათე. ხოყირ' ესერ და̈რკვიც
Line of edition: 27 ა და̈ვრე სანაფდ ი ჰედურდ ესერ მა̈გ ჩუქაქა ესდენა. ოთბინახ ესერ
Line of edition: 28 და̈ვა̈რს ლიყულელ, მა̈გ ესერ ქომჴედხ, ზურუბხანს ესერ
Line of edition: 29 ახშჷდახ ისგა ლადვა̈შითე. ზურუბხან ლახშჷმ' ესერიდ მიჩა თემიკვირს
Line of edition: 30 ი შდიმიკვირს, ლოხბინახ ესერ ალჲა̈რს და̈ვა̈რდ ლიჴეფ.

Line of edition: 31 -- ჰა, ხოჩ' ესერ ამსვალდ, ნომ' ესეროღვ ათცჷრჷლნე მინე
Line of edition: 32 თხვიმ ი, მ' ესერ ხაკუჩ, ეჯიოღვ ხა̈ქვე ი ეჯის ესერ ხეჩოხ.

Line of edition: 33 -- ლიხ ესერი აგრა̈ჲ და̈ვა̈რ, ოდო ეშხუ ფაყვ სანაფ ესერ ხარ
Line of edition: 34 ლეისგ, სერ მადმაგვეშ.

Добавлено (2007-03-19, 5:32 Pm)
---------------------------------------------
თემიკვირ ი შდიმიკვირ ქოთყა̈ჩვნა ლაჴა̈ფს. ომჴედ ესერ ეშხუ
Line of edition: 36 და̈ვ ი კვერილდ ესერ ლოხჴიდა ყორქა, ეჯი ესერ ლოჰოდა:

Line of edition: 37 -- მიჩ' ესერ წჷხი ლადეღ ჟ' ესეროღვ ახმარგა ა̈ლი.

Page of edition: 222
Line of edition: 1 ა სანაფ ქორთ' ოხჴიდა მიჩა დიეშ ლემნეჲაქდ. ჯი მერმა ლადეღ
Line of edition: 2 ლა̈თხვართეიდ ომტეხელი. ა, ქორთ' ომტეხ, ეჩქას ხოლამ დიდ ესხვია
Line of edition: 3 მიჩა დი.

Line of edition: 4 -- დია, მამ' ესერ ათსგუენაჲა, მიჩ ოხჴიდ' ეჯი?

Line of edition: 5 -- დემეგ ესერ, დია̈შ. იმგვალეგ ესერ ჰავლიშ მეგამჟი შაურდენს

Line of edition: 6 ხარ ლაპონტყ ი ეჩ' ესერ წინწლიშ ხარშვ ხარ ხოჩა, სერ
Line of edition: 7 მამაგვეშ.

Line of edition: 8 მერმა ლადეღ ომჩედ შაურდენიშ წინწილთე. ომჩედ ესერ ჰავლიშ
Line of edition: 9 მეგამთეჟი ჷი ი წინწილ ესერ ჩოხჴიდა ჯიკთეჩუ, ეჩქას გარ
Line of edition: 10 ესერ ოთბაჟახ შაურდენა̈რს. ახშჷდახ ესერ ისგა ეჩქას ლაცრჷლათე
Line of edition: 11 ი თემიკვირს ი შდიმიკვირსიდ ლახშჷმა. ალჲა̈რ სგაიდ
Line of edition: 12 ახშჷდახ ლაცრჷლათე შაურდენა̈რს.

Line of edition: 13 -- ჰა, ხოჩ' ესერ ამავალდ, ნომოღვ ათცჷრჷლნე მინე თხვიმ
Line of edition: 14 ი წინწილს ესერ დერი მოლე ხოჩამ ესერ ქაიდ ლაჰედნეხ.

Line of edition: 15 ეშხუ შაურდენს ესერ ღალიდ ლოხკიჩა ი ეჯი ესერ ლოჰოდა ქა:
Line of edition: 16 -- ა̈ლი ესერ მიჩა ჭირიშ მჷშდნ'ოღვ ლი.

Line of edition: 17 ა̈ლი ქორთეიდ ოხჴიდ მიჩა დის. მერმა ლადეღ ჯი ლა̈თხვართეიდ
Line of edition: 18 აჩა̈დ. ა̈მიშ ქორთე ლიტხა̈ლდ და̈ვდ ოსთონეიდ ა ზურალს:

Line of edition: 19 -- მჷხა̈რ ესერ გვა̈მიდოღვ ნამთილი ა̈ნჴიდ ი გემთე ლიზიოღვ
Line of edition: 20 ხა̈ქვე ი გვიოღვ ლახემ, მა̈ ხოსდეს, ეჯის. ღვე ჯი ესერ გემიშ
Line of edition: 21 ყორჟი დოლბიშ შირად ა̈დსიპი ი ჟ' ესერ ხოვხენი ი ჩვ ესერ ადლჷტნისგ.

Line of edition: 22 ა̈ლი, ქორს ხა̈რდენა, ეჯ ნაღვჟურულს ქა ხასმოლმა ი გემთე
Line of edition: 23 ლაზჟი ზურუბხანს ჭაჭა̈რ ლექვა ლახფორცხენა. ეჩქას და̈ვს დეშ
Line of edition: 24 ოთსერა მიჩა გეზალ ი მამაგვეშმოშ ხოყრა ზურუბხანიშდ.

Line of edition: 25 და̈ვს ადა̈იდ ოსთონა ა ზურალდ: -- მურყვამთეჟი ესეროღვ
Line of edition: 26 აჩა̈დ ი ეჩხენქა გვიოღვ ლახემ მინე ცხეკს, ა̈ღვრას ი ჩიგვაშვ.

Line of edition: 27 ეშთეჟი ჟ' ესერ ომჩედ ზურუბხან. ლოხტჷბნ' ესერ და̈ვს მურყვმა̈შ
Line of edition: 28 ყორდ ქ' ესერ ოხთჷქა, ლოხფულ' ესერ ი ზუღვაჲსგ' ოსგა
Line of edition: 29 ალ მურყვამ.

Line of edition: 30 მერმა ლადეღ მიჩა თემიკვირ ი შდიმიკვირ წკულიხ ი
Line of edition: 31 სიპს ესერ კჷრკა̈ნდ. ომჩედხ ესერ მურყვმა̈შ ლაწვ' ა̈დგითე.
Line of edition: 32 ზურუბხანს ესერ ლა̈წიკვა̈რი ხარენა მურყვმა̈შ გალვა̈ნხენქა ი
Line of edition: 33 ლახშჷმ' ესერ მიჩა მეძბარა̈რს: -- დეშ ესერ ხა̈მედახა, ლაყვრა̈შ
Line of edition: 34 თხუმქა ლათთუნ ზი, ეჩა ქა ლიჴდე ამთექა?

Line of edition: 35 ოთქინახ ესერ ეჯჲა̈რს ი ოხჴიდახ ესერ შიშდ.
Line of edition: 36 -- ლა̈ხჭედივხ ესეროღვ ჩქვაჷლდს: მ' ესეროღვ ხემედჷნეს?
Line of edition: 37 ჩქვაჷლდს ესერ ხოქვა:

Page of edition: 223
Line of edition: 1 -- ჯი ესერ ა̈რწვენი ქა ი მურყვამს ესერ ა̈თრეკი ისგა ი კა-

Line of edition: 2 და̈რისგ' ესერ ესგემ.

Line of edition: 3 -- კვერილდს ესეროღვ ლა̈ხჭედივხ: მ' ესეროღვ ხემედიჷნეს?

Line of edition: 4 კვერილდს ესერ ხოქვა ი: -- იმგვ' ესერ ხეცხენი, ეჩეჲსგა
Line of edition: 5 ყორჷლდს ესერ ლახყენისგ, ეჯი ესერ ხა̈მედა.
Line of edition: 6 -- ჲაღვ' ესერ ღალიდსოღვ ლა̈ხჭედივხ, მ' ესერ ხემედი
Line of edition: 7 მიჩ, ეჯი.

Line of edition: 8 ღალიდს ესერ ხოქვა: -- მურყვამს ესერ აშხვხენჟი ჟ'ა̈თჭემნი,
Line of edition: 9 მერმახენჩუ ჩვა̈ნტხენი. ჭირს ესერ ი ხლინს ჩი ხლინდ ოთსიპისგ.

Line of edition: 10 ამჟი ჩემინხ. ზურუბხან ხოჩა შვიდებდ ჩვანტა̈ხ მურყვამხენჩუ,
Line of edition: 11 და̈ვ ჩვადგა̈რ ი ხოჩა ლირდ' ა̈დჴიდ.

Line of edition: 12 ვოდ ეჯჲა̈რს ლეწედ, ეჩქადოღვ ლა̈რიდ.

Line of edition: 13
ღეშდერი. კაკუ ჩხვვმიანი. მ.ქალდანი. 22.VIII.1956

Добавлено (2007-03-19, 5:32 Pm)
---------------------------------------------
Text: 112
Page of edition: 224
Line of edition: 1
V. ჩუბეხეურ
Line of edition: 2
CXII. ჩვიბეჴევ ი ჭუბერ

Line of edition: 3 1. ჩვიბეჴევს ჯვინალდ ლა̈ლვერ ხეკვეს ხა̈შხენენს ი შვა̈ნეშ
Line of edition: 4 ჩვა̈ბე ჰოკერ ა̈ლი, ლა̈ლვერ, ხეკვეს ლჷმა̈რლასვ, ჟა̈ბე ჰოკერ -- უშგულ.
Line of edition: 5 ნაკა̈შ' ი შდჷხრიშ უშხვა̈რ ნენსგა̈შ ა̈დგია̈რდ ი ლაწომბახენჩუშ
Line of edition: 6 აშხვ ლარად ათხეი ლა̈ლვერ გვიშხა ჩვიბეჴევა̈რს. დრევ ი
Line of edition: 7 ვანაუნღვე ლა̈ლვერს თავრა̈რი ათჟახენა ი ჩვიბეჴევი ი ათხე, ლა̈ლზიგალდ
Line of edition: 8 ხა̈ლხიშ ნაკთე ნა̈ქეხუნღვე, ალ ჴევდ ნაკი ხოშხახ.

Line of edition: 9 ჩვიბეჴევს ჰადჷლდა̈შ ზაგა̈რ ჲარვ ნა̈თიდ ყვილე: მჷჟლაწადხენჩუშ
Line of edition: 10 ფოყს თავრა̈რ ხაშხა ი მჷჟლაჰვარხენჩუშს -- ნაკ. თავრა̈რხენჩუშ სოფლა̈რ
Line of edition: 11 ლიხ: კიჩხჷლდა̈შ, ჩუბა̈რ, ჟიბე ი ჩვიბე ცა̈ლერ, თავრა̈რ,
Line of edition: 12 ხერხვა̈შ, ჯუხვლა̈ნი, ლა̈შხრა̈მ. ნაკხენჩუშ სოცლა̈რ ლიხ:
Line of edition: 13 ლაწომბა, გურსა̈ნი, კვიცა̈ნი, ა̈ნილ, ქართჷლდა̈შ, ნესკვა̈შ, კურხვა̈იშ,
Line of edition: 14 ჰებიშ, ნენსგა̈შ ნაკ ი ჩვა̈ბე ნაკ.

Line of edition: 15 თავრა̈რს ი ნაკს ვოშთხვ-ვოსუშდ გარ კილომეტრ ხოზიხ უშხვა̈რთე,
Line of edition: 16 მარე თავრა̈რდ შვა̈ნ გვიშხა ი ნაკდ -- მამა. ნაკხენ თავრა̈რთე
Line of edition: 17 მეზის შუკვს მეხელი ლახ ხეჭვდელ: -- იმხავ როქვ ესხრი?

Line of edition: 18 -- ეჯი პასვიხდ ხა̈ტხე: -- შვა̈ნთე როქვ ოსხვრი.

Line of edition: 19 ჩვიბეჴევს მჷჟლაწადხენ ფა̈რ ხა̈ზ, მჷჟლაჰვარხენ -- ჭუბრიშ ი
Line of edition: 20 ჩვიბეჴევიშ სანზავ ლახვა̈რ: კესრი{შ}ლჷფაშდ, ჟა̈ჴვრა̈შ ჭალა̈, უთვირ,
Line of edition: 21 ლათაშ, ლეჭმოლ, კვერთხლა̈რ, ა̈ზი ი ლესგ. მაკლათხე ლახვა̈რ
Line of edition: 22 ამ ფოყხენ შდავლერ ი კირა̈რ ლიხ. ჩვიბეჴევიშ ჩვა̈ბშხენიშ სამზღვარ
Line of edition: 23 ლახმჷლ ი ნენჴერა ლიხ, ჟა̈ბშხენიშ -- კჷლთხი ლახვა̈რ: ყვა, ცალგმჷლ,
Line of edition: 24 კვარმა̈შ ი ნაკა̈შ ტვიბ.

Line of edition: 25 ჩვიბეჴევ" ლახვა̈ნი ა̈დგი ლი, ჯვედი ლინთვ ხა̈მთქვა ი ქეირ
Line of edition: 26 ამზავ. შვა̈ნისგა ეშხუ ა̈დგი ამგვა̈რ ლა̈ქვნიმგენ მერხალდ ა̈დგის ლი.

Line of edition: 27 ჩვიბეჴევს სვრილ ლიც ჲორი ახა̈ზი. აშხვ მავლა̈შ ხაშხა ი
Line of edition: 28 კიჩხჷლდშია-ჩუბრიშ ი ცა̈ლრია-თავრა̈რიშ უშხვა̈რ ნენსგა ლექვ' ესხრი.
Line of edition: 29 ჰადჷლდა̈შ მჷჟლაწადხენჩუშ მჷჩბეჴევის ლექვერ ჩი ამ ლჷცემ ძგიდ
Line of edition: 30 ლეჟა ხოგ. მერმა, ამანდ ხოშა ლჷც, ნაკრა ხაშხა. ნაკრა ნენსგა
Line of edition: 31 ნაკ ლექვ' ანღრი ი ვობა̈შ ხოჩამ იჩო: ნა̈მგემვ მეგემ მა̈გ ა̈მის
Line of edition: 32 ოსღვე ჩი ზავ.

Line of edition: 33 ნაკს სუმინფრვეშდ ღეთ ზავ სგებინჩუ და̈რ იზგა, ცხეკდ ლასვ
Line of edition: 34 მე ფშვდე ალ ა̈დგი, ათხე ურინჲერვეშდივოხუშდ ღეთ მეზგე იზგე.

Добавлено (2007-03-19, 5:33 Pm)
---------------------------------------------
ჩვიბეჴევისგა ჯვინალდ ეშხუ ჲორიზა̈ჲა̈ნ კლა̈ს გარ ლჷგან,
Line of edition: 2 ათხე ლჷგხ ეშხუ არაზა̈ჲა̈ნ ი ჲორი ვოშთხვზა̈ჲა̈ნ კლასა̈რ, სემი
Line of edition: 3 სამკითხველო ი ეშხუ კლუბ. მუთვრიდ ი კლუბისგა̈შ ი სამკითხველოჲსგა̈შ
Line of edition: 4 მემსახვირდ ხოშა ლაღა̈ლ მა̈გ მჷჩბეჴევი გარ ლიხ.
Line of edition: 5 ეჯჷნქა ჩვიბეჴევხენქა ითვრიხ ტეხნიკუმა̈რს, საშუალო კლასა̈რს ი
Line of edition: 6 უმაღლესა̈რს.

Line of edition: 7 ლამშა̈ი ა̈დგია̈შ ხოშა ნა̈თი ლარად ხარხ მეფშვდე. ამეჩუშ
Line of edition: 8 ლაროლ შენდი მასა̈რდ ლიხ, მა̈შედდ ი ნადა̈შდი ხოჩა ჭემს
Line of edition: 9 იგნეხ.

Line of edition: 10 ლაჴნი დაბა̈რისგა ჩვიბეჴევს ლალა̈შიდ: კვეცან, კულს, მანა̈შს,
Line of edition: 11 ჭჷმინს, ზჷნთხს, სიმინდს, ფეტვს, ქირსს, ღედა̈რს, როგს, ლებიას,
Line of edition: 12 ქართებილს, კოპეშიას. ლალქანოლისგა ქანს ლალა̈შიდ ი ლაქართისგა
Line of edition: 13 -- ქართს. ჰარტმა̈რისგა გვილაშა: ლახანა, ჩიგინდვირ, ჭაგვ, ხა̈ხვ, ქინზ,
Line of edition: 14 ნივრა, კჷნტჷრ, კამა, შა̈ბლიკა̈...

Line of edition: 15 ნაკს ლეთრე ი ლავფუნალ სგიმა̈რ მასა̈რდ აღრიხ. აშხვ სგიმმჷყ
Line of edition: 16 ვა̈შჲა ხა̈ნუნღვე ალპინისტრე ბანა̈კ ლი. ამხავ ლა̈შვმინათე ი ლასვა̈რთე
Line of edition: 17 ლიზია̈შ ლათვრითე ჩი ზავ ვობა̈შ ალპინისტ ანღრი მოსკოვხენ.
Line of edition: 18 ლენინგრა̈დხენ, კიევხენ, თბილისხენ ი მერმა ქალქა̈რხენ. ნა̈ჴედუნღვე
Line of edition: 19 მოლიდს იშვმინეხ ი კოჯს ლიზის ითვრიხ. ეჩქანღვე ლასვა̈რთ' ესხრიხ
Line of edition: 20 ჰედ შდავლერიშ თხუმთე, მადეჲ ცალგმჷლთე. ჲერვა
Line of edition: 21 ამჲა̈რე თხუმთეჟი ჟ'ადრინე, ეჯის ალპინისტიშ ნიშა̈ნს ხაჰვდიხ.
Line of edition: 22 ეჩხენჩუ ჩუ ნა̈ტეხუნღვე ჲერვეშდ ლადეღ იშვმინეხ ბანა̈კს ი ღვ'ალ
Line of edition: 23 პა̈რტია ტეხნიხ ი მერმე პა̈რტია სგა ხეცა̈დიხ.

Line of edition: 24 სემი ღეთ მა̈კვშოლე მა̈შედ, ხოჩა ლავფუნალ სგიმა̈რ აღრიხ
Line of edition: 25 ქართჷლდა̈შ. ალჲა̈რ ლეთრადი ხოჩა ლიხ. ეზერ ლეთრე სგიმა̈რ
Line of edition: 26 აღრიხ ადა̈იდ ნენსგა̈შ ი ჩვა̈ბე ნაკს.

Line of edition: 27 ჩვიბეჴევიშ სანზავ ლახვა̈რ ქა მეკვჰე ლიხ შვა̈ნისგა. ჭაფხვირ,
Line of edition: 28 პერპილ ი ხოჩა მუწვალ აშ ხაჰრა ამ ლახვა̈რისგა. ამ ლახვა̈რხენქა
Line of edition: 29 მაჩენამთეშდ ხონშანახ: უთვირ, ლეჭმოლ, ლათაშ, ყვა, ღებ...
Line of edition: 30 ამზავ ლადეღ ჩვიბეჴევიშ ქვინჷმგენე მა̈გ ა

Line of edition: 34 მჷჰს ივლისისგა ჰჷლშობ ხემთქუნხ. ხოშა ი ხოხვრა, ზურალ ი
Line of edition: 35 ღვაჟმარე მა̈გ ამხავ ესღჷრდა ი ჩაჟრე ლიმქარალნე ი ამკა̈ლიბა̈რ
Line of edition: 36 ლასვ ამ ლადეღ წეს.

Line of edition: 37 ნაკა̈შ ტვიბს გუნ ნენჩა ხარ. ჲერვეშდიჲეშდ ღეთ ზა̈ ლი, ერე ამ
Line of edition: 38 ნენჩას ცხეკიშ ლიმშავ ლი, მარე ლექჩე მეგემ ჩიქი მასა̈რდიდ წვა.

Page of edition: 226
Line of edition: 1 2. ჭუბერ მერმე თემ ლი. ჩვიბეჴევხენ ჭუბერთე ეშხუ ლადღიშ
Line of edition: 2 ლეზნე ხოზი. ჭუბრა̈რს ი ჩვიბეჴევა̈რს უშხვა̈რთე ლა̈ზელალ
Line of edition: 3 ჰედ უთვრიშ ჴარჴქა ხარს, მადეი ნენჴერას.

Line of edition: 4 ჭუბერ სვრილ ჴევ ლი. ნაჯვდან ჲერვეშდიჲეშდ კილომეტრ
Line of edition: 5 ღეთ ლი, ნამშარან, ცხეკს ი ლახვს ისგოლჩიდინისგდ, ურინჲერვეშდ
Line of edition: 6 კილომეტრ გარ მადე ირი.

Line of edition: 7 მჷჟღაწადხენ ჭუბერს ხენჴერა ი ჩვიბეჴევ ხა̈ზხ, მჷჟლაჰვარხენ
Line of edition: 8 აფხზეთიშ ლახვა̈რ, ჩვა̈ბშხენ ნენჴერა ი ჟა̈ბშხენ ნენსგერ, უზღვად
Line of edition: 9 ი ინგითავ. ჭჟპრიშ ლახვა̈რი გუნ მეკვჰე ლიხ. მჷჟლაწადხენ მაჩენ
Line of edition: 10 ლახვა̈რდ თერახ: ტობჷლდა̈რ, ტიტა, ლარე, კვიცმეკვშდა;
Line of edition: 11 მჷჟლაჰვარხენ: მემულ, ჰოკრილ, შავალჷრა, შამფჷრილ, რა̈ტიან,
Line of edition: 12 დომბა̈ჲშ ლარე, თენგიზიშ ნაკრავ, ხიდა, და̈რჩვ ი მერმოლუ. ამზავ
Line of edition: 13 ლადეღ ვობა̈შ ჯეგ ახყახ ამხავ აფხზეთხენი ი ზა̈ნხენი.

Line of edition: 14 სუმინჲერვეშდიჲეშდ ღეთ ზავ სგებინჩუ ჭუბერ ულტეხვ ცხეკ
Line of edition: 15 ლჷმა̈რელი. ჩვიბეჴევხენ ი მეზვბელ ჴევა̈რხენ ლა̈თხვართ' ოლმა̈ზლიხ
Line of edition: 16 ამხავ. ტყა̈რ ქვინჷმგენახენ ჭუბერ ლუმწვენ: ხა̈მ, ლა̈ჩვ, ჰერსკნ,
Line of edition: 17 ღვაშ, და̈შდვ. ამეჩუშ ხოშა ლახვა̈რს დომბა̈ჲ ლჷმა̈რდ. ხოშოლუს
Line of edition: 18 ათხე ჩუიდ ხაშყიდხ, ერე ჰეცრიშ ვარგრე მეთხვარას თენგიზიშ
Line of edition: 19 ნაკრავიშ ჩვა̈ბშხენ დომბა̈ ოთდაგრახ. ამ ა̈დგის ათხე დომბა̈ჲშ
Line of edition: 20 ლარე ხაშხა.

Line of edition: 21 ამკა̈ლიბ ლჷნტყარვე ნენჩა ლჷმა̈რელი ჯვინალდ ჭუბრიშ ა̈დგი,
Line of edition: 22 მარე აშხვ დრეუნღვე ჩვიბეჴევა̈რს ჩოთჷთალახ ჭუბრიშ ტვიბ, ოხბინახ
Line of edition: 23 ზჷმ-ზჷმჟი ნენჩა̈შ ლიქჩე, ა̈დგია̈შ ლიმოლე, ლიჩირთე, დაბა̈შ ი ლარემ

Line of edition: 24 (\ დაბ-ლარემ) ლისყი ი ღოშგიმ ხოჩა ლჷშნავე ჴევდ
Line of edition: 25 ესპჷდ.

Line of edition: 26 ჭუბრიშ სოფლა̈რ ლიხ: ჩვა̈ბე ი ჟა̈ბე ლახამ, ლეწფერ, დევრა,
Line of edition: 27 ჩვიბე ი ჟიბე ყა̈რ, ჩვა̈ბე ი ჟა̈ბე სგურიშ, ტიტა, ლარილა̈რ, ჩვიბე
Line of edition: 28 ი ჟიბე მა̈რღ ი ლაკჷლმა̈ხი.

Добавлено (2007-03-19, 5:36 Pm)
---------------------------------------------
ჭუბერ მეცხამ ლი ი დოსდ მახე სოფლა̈რდ იშნა̈ვიხ: ჰოკრილ,
Line of edition: 30 პაპა̈შ ლარე, მაშრიჭალა̈, ჟიბე ტიტა, ჟიბე დევრა, ორმელეთ,
Line of edition: 31 და̈რჩვ, ლახმა̈შ ტვიბ...

Line of edition: 32 ჭუბერ ვობა̈შ ლეთრე ი ლავფუნალ სგიმ აღრი. ლავფუნალდ
Line of edition: 33 მაჩენამდ ხაბჟახ ჩვიბე ტიტა̈შ სგიმ. ჟიბე ტიტა̈შ სგიმს თერრე
Line of edition: 34 ჟაგრა̈რდ იჴმა̈რიხ.

Line of edition: 35 ჭუბრიშ მაშენ ლაც ჭუბრულა ლი. ჭუბრულა ნენსგერხენ ანღრი
Line of edition: 36 ი ჴა̈იშდ რიენს ხეტყუბი. ალ ლიც ნენსგა ჭუბერ ლექვ' ანღრი.
Line of edition: 37 ჭუბრულაჭა ეჩხავ-ამხავ ლა̈ზელალდ მეკვშდა ბოგმჷყ, ჩვიბე მა̈რღს,
Line of edition: 38 ლიხამს ი ლუხვს ხოჩა ბოგა̈რ ხოზხ. ამჲა̈რქა ტრაქტორა̈რ ი
Page of edition: 227 Line of edition: 1 მა̈შინოლი ქა იზელა̈ლხ. ა"ჷნქა ლეგავ ი ლეგავ ხოხვრა ბოგა̈რს ი
Line of edition: 2 ჭოკა̈რს ხა̈დისგხ ეჩხავ-ამხავ ლაზდ.

Line of edition: 3 ჭუბრიშ იშგენ ლჷცა̈რ ლიხ: ორმელეთიშ ლიც, ლახმა̈შ ლიც,
Line of edition: 4 დევრა̈შ ლიც, თეთნაშჷრა, ჰოკრილა̈შ ლიც, ტიტა̈შ ლიც, მა̈რღჷრა
Line of edition: 5 ი იშგეს. ჲრხი ამ ლჷცა̈რს გუნ სა̈რგებ ხეფსიხ. თეთნაშჷრახენქა,
Line of edition: 6 მა̈რღჷრახენქა, დევრა̈შ ლჷცხენქა ი ლახმა̈შ ლჷცხენქა ლალცუნა
Line of edition: 7 ლჷლჰნა̈რ ხარხ ქა ლუკვა̈რ ი ამნოშვ ალცუნეხ გვა̈ლიობჟი დაბა̈რს
Line of edition: 8 ი ლაროლს. მა̈რღჷრა, თეთნაშჷრა ი დევრა̈შ ლიც ამზავ ლადეღ
Line of edition: 9 აშგარხი ნირღედ გარ ანღრიხ ი დაბ-ლარემიშდ ალ ლჷცა̈რ გუნ
Line of edition: 10 მა̈შედ ლიხ.

Line of edition: 11 მა̈რღჷრა̈შ აშხვ ნა̈ყვილს კირა̈რხენჩუ გუა̈შ ღა̈რ ლექვა ხარ
Line of edition: 12 ლაჴად. ამზავქა მჷხარობჟი გუა̈შ ღა̈რს ლიჩველ ხა̈მთქვა. ჩვალ
Line of edition: 13 ლექვა ჴედნი სოფლა̈რ უშხვა̈რ ნენსგა ლექვა ი ხოჩა თეთნე კირშვ
Line of edition: 14 ჟ'ა̈გვერშლე მიჩა რიყა̈რს ი თელ ჭუბერს ხამჟეღი ამ კირს. სოფლა̈რ
Line of edition: 15 უშხვა̈რთე ანჭურეხ ი ლინთვისგა სა̈ვ-ჩავშვ მინე-მინე ქორა̈რთე
Line of edition: 16 ოსღვეხ. ამ კირს ქა იშხიხ ლა̈კირა̈რისგა ი ფიტკრიშ ქორრე ი
Line of edition: 17 ლარდოლე ლა̈ლგიმალდ იჴმა̈რიხ. ჭუბრა̈რ ათხე სერ მა̈ბხი ხოჩა
Line of edition: 18 ლჷლგიმალე ლიხ. ჩი ფიტკრიშ ქორა̈რ ი ხოჩამდ ლუშდბუნე ლარ-
Line of edition: 19 დოლ ხოგხ.

Line of edition: 20 ჭუბრიშ ლჷცა̈რს გუნ ხორიხ კალმახ. კალმახს ფოცხა̈რშვ ჷრმიხ
Line of edition: 21 მჷკჷლმახა.

Line of edition: 22 ჭუბრიშ ა̈დგი ჯვინალდ ჩჲა̈გ ნა̈ლზიგალ თერა. ლაჴნიჟი ი
Line of edition: 23 ლა̈ლგიმალჟი ჭუბრა̈რს ათა̈ს შვიმიშ ჲა̈რა̈ღ ი ცვირიმბა̈რი ხეხელიხ.
Line of edition: 24 ხეხელიხ ლა̈შიალ წაკტჷლა̈რ, ნაჭოლ, ვოქრეშ ვარჩხილ ი ვოქრეშ

Добавлено (2007-03-19, 5:36 Pm)
---------------------------------------------
იშგენ სამკალა̈რ, ბაჩრე ქვიჯა̈რ, ძივა̈რ ი იშგენ დასაფას. ათა̈ს
Line of edition: 26 ჩხარ' აშირ ი ჲეშდ ზავა̈რქა ჟიბე ყა̈რს ნავლა̈დ ვიბლიანს ი ჟიბე
Line of edition: 27 მა̈რღს ივანე დევდერიანს ახხვიახ ვოქრეშ ვარჩხილ. ათა̈ს ჩხარ'
Line of edition: 28 აშირ ი ეშდსამ ზავჟი ლარილა̈რ სელიბე ქალდანს ახხვია ნაჭა̈ ი
Line of edition: 29 ვარჩხლიშ ვარჩხილ. ამეჟი ხახტავენა ცხა̈კვ. ამ ცხა̈კვს ცხარა̈რშვ
Line of edition: 30 ხა̈ღვენა კალმახ. ათა̈ს ჩხარ' აშირ ი ფჲრვეშდიფჲშდ ზავა̈რქა ლა̈ლგიმალჟი
Line of edition: 31 ლარილა̈რ ყასბულათა̈რს, დიმიტრი ჯა̈ჭვლანა̈შ ქორშა̈რს,
Line of edition: 32 ვოქრეშ სამაჯურ ი ლჷირ ბა̈ჩ ახხვიახ. ათა̈ს ჩხარ' აშირ ი
Line of edition: 33 ურინჲერვეშდიიშგვიდ ზავჟი ია̈სონ ქალდანს ა̈ზვისგა კაკა̈შ ლალჯიჟი
Line of edition: 34 თითბრიშ ეშდჲორი რეჟენ ახხვია მა̈გ აშხვ ა̈დგის. ამჷნქა̈შ
Line of edition: 35 ჭუბერ ხა̈ხვიახ ჴანვემ ვოქრეშ თხვიმ, ვოქრეშ სამაჯურა̈რ, თითბრიშ
Line of edition: 36 კახვა̈რ (ჲკალპტა̈რ), ლჷირ ბაჩა̈რ ი ამკა̈ლიბა̈რ.

Line of edition: 37 დაბისგა ჩვიბეჴევს იმ ალა̈შიხ, ეჯის ჭუბერი ჩიგვაშვ ალა̈შიხ
Line of edition: 38 ი მა̈გ ეზარ იმა̈რგ, მარე ჩიდ მაჩენამ ამეჩუ სიმინდ იმა̈რგ"

Page of edition: 228
Line of edition: 1 ჭუბერ ხოჩა ლა̈ხილ ა̈დგი ლი. მა̈ნკვი ჩვიბეჴევხენ ოხჴიდახ ამხავ
Line of edition: 2 ხილმა̈ხილიშ ლა̈ში: ფხანჭშიშ, ლჷშყერულა̈შ, წჷრანიშ, ა̈მროლა̈შ,
Line of edition: 3 და̈შდოლა̈შ ი ამკა̈ლიბრე. ეჩქანღვე მაშრ' ა̈დგიხენ ა̈ჩბინეხ
Line of edition: 4 ხილმა̈ხილიშ ლიჴდე ი ათხე მა̈გხი ხილმა̈ხილ ხოლჯახ ამეჩუ,
Line of edition: 5 ა̈ნთროლ, სანაფ, ბა̈ბა̈ნი, მარგვილ, ლჷლტეხუ ჰებ, ყუნზელ, კაკ...

Line of edition: 6 ჭუბერ მასა̈რდ წვა ბა̈სყ, ინღა, ვიღვ, მენცხვა̈რ, ცა̈ნცი, წონწოფ,
Line of edition: 7 ჴვა̈რი, მურგვი, შდიხ, გვიჯ, მელგმა. ლეზებ მელა̈რ წვახ:
Line of edition: 8 ღეჰი, ჰერდელ, ბურღვი, კიც, გიცრულ ი იშგენ.

Line of edition: 9 გა̈ნჭვ მასა̈რდ წვა ამეჩუ, მჷჰი გა̈ნჭვს ქა იხვრიხ კვიდოლა̈რთეჲსგა ი
Line of edition: 10 რაყა̈რთეჲსგა ისგა ხა̈თქეხ. ამეჲსგა ჩვა̈ჰვიჭიხ ჟიშხოლშვ ი ამჟი ხოგხ
Line of edition: 11 სამ-ვოშთხვ ლადეღ. ლადეღისგა ურინ-სუმინ ლიჩდინე
Line of edition: 12 ხაკუ ი ღოშგიმ ა̈რყიშ ქვინ ხეჴნი ი სერ ლიჯა̈ბ გარ ხაკუ[ჩ]. გა̈ნჭვა̈შ
Line of edition: 13 ა̈ჲრა̈ყს ჩვატხა̈ნიხ ი მა̈კვშოლე ჟაგრა̈რდი იჴმა̈რიხ.

Line of edition: 14 ჭუბრიშ მაჩენ მაღვან-მაწვან ლი მეშხე ნენჩა. ამ ნენჩას მაშენე
Line of edition: 15 წვა ნენზ, ღუმირ, წიფრა ი ფიხვრა. ამეჩუშ ნენჩას ამჷნქა მასა̈რდ
Line of edition: 16 ხაგ ადა̈იდ: გჷგიბ, ცა̈ჲრა, შა̈ჲრა, თეკრა, ზესხრა, ჟა̈ჴვრა, ჯიჰრა,
Line of edition: 17 ცხვიმრა, ლა̈ჯრა, გვიჯრა, ხერხვლა, მურგვი, გოგლა̈ნდ, შდჷხჷნდ,
Line of edition: 18 ბა̈რცხილ, წყევ, შგერი ი იშგენ ნეც-ნეცინ მეგემ.

Line of edition: 19 მახე დრევიშ ნა̈გენუნღვე ჭუბერისგა აშგარ ლიმგემი ლი. ამეჩუ
Line of edition: 20 ჩი ზავ გუნ მეგემ იმა̈რი. მეგამ ლინთვისგ' აქჩეხ ი ქამიზა̈ლს
Line of edition: 21 ტრაქტორა̈რშვ, მა̈შინოლშვ ი ჴანა̈რშვ ქახღვეხ ცხეკხენქა ი
Line of edition: 22 ჭუბრულათეჲსგა შიდეხ. ჭუბრულას ჩოსღვე რიენთე ი რიენს ლექვ'
Line of edition: 23 ოსღვე ჯვა̈რთე.

Line of edition: 24 ჭუბერ ჯვინალდ ჲორიზა̈ჲა̈ნ ეშხუ კლა̈ს გარ ლჷგან. ათხე სემი
Line of edition: 25 ვოშთხვზა̈ჲა̈ნ კლასა̈რ ლჷგხ ი ეშხუ საშუალო. ამჷნქა ამეჩუ ლჷგ
Line of edition: 26 საავადმყოფო, სამკითხველო, კლუბ ი ლა̈მგემი კანტორა. ამეჩუ
Line of edition: 27 ლჷგხ ადა̈იდ ტრაქტორრე ი მა̈შინოლე ლამსგვა̈ნია̈რ
Line of edition: 28 ი ლა̈ხერხა̈რ.

Line of edition: 29 ათხელდ ჭუბერთე ლაჩაჟ გარ შუკვ ხაბჷდ. ათხე ავტომობილიშ
Line of edition: 30 შუკვ ჭუბერთეჟი გარ მადე ლი მჷიყე, ჩი ხოშა ნენჩათე ი ლახვა̈რთეი
Line of edition: 31 ჟ'ესხრი.

Line of edition: 32
თავრარი. მაჰარბი ცინდელიანი. მ.ქალდანი. 10.IX.1956

Добавлено (2007-03-19, 5:38 Pm)
---------------------------------------------
Text: 113
Page of edition: 229
Line of edition: 1
საქმიანობა, ზნე-ჩვეულებანი
Line of edition: 2
CXIII. ლიჴნი, ლილა̈ში ი ფიმჷჰერი

Line of edition: 3 გუთნა̈რე ლიჴდა̈ლდ დაბრე ლაჴნიდ ღენწშა̈რ ნუღვანდა ნა̈.
Line of edition: 4 ლენწიშჲაქდ ჲარვთე მენკვა მეგამ ხვიკედდ ნენჩაჲსგა. ა̈მის ხოჩამდ
Line of edition: 5 ქატაბეხ ი ზუჰე ხაშხა. ზუჰად მაჩენე ლი წიფრა. ზუჰა ჩუქამშხენ
Line of edition: 6 ბერს ხოსგვრედ ი ბერიშ კა̈ცხს მჷკრას ხვა̈დისგდ. ზუჰა ღოშგიმჩუ
Line of edition: 7 შიმი ლაბორგ ლი მეფშვდე. ა̈მის ქვა̈ჯ ხაშხა.

Line of edition: 8 ლაჴნიჟი ეშხუ მარე ჴანა̈რს ხოჟეღ, ეშხუ ხოღენწიში, ეშხუ, მადეჲ
Line of edition: 9 ჲორი მარე ლა̈ბერგიშვ ხაჭიმხ. ალჲა̈რ კიცხა̈რს რიღვეხ ი
Line of edition: 10 მავინ მელიშ წჷსხა ჟიბავ აკვანეხ ლაფრათე. მჷჟეღს ჴანა̈რ მეწვინდ
Line of edition: 11 ლეისგ ხარ, მჷღეხწიში "ჟიხი"ს ლახ ხექინე, ჟიბავ ლებიდ ხარ
Line of edition: 12 ჴანა̈რდ, "ჩუხი"ს ლას ხექინე -- ჩუბავ. ეჩხე-ამხე ძგჷდა̈რს ხოჩამდ
Line of edition: 13 ხეკვეს ესჭონნას ჴანა̈რს. მჷჟოღდ ხოშა ლაღა̈ლ ბოფშა̈რ ხაყახ.

Line of edition: 14 მჷღენწიშიდ ღენწიშ ნა̈ბა̈შ სკედიდ ხეკვეს აფუშდეს ჩუბავ,
Line of edition: 15 ბაჩა̈რს ი წუსხუნდა̈რს ქათქაბვნას, ლაჭენიჟი ღენწშიშ ბერ ქადშდაბვნას
Line of edition: 16 ხოჩამდ ი ჴანა̈რს ხოზხა̈ლიდეს. ათხე ლაჴნიდ ხოშა ლაღა̈ლ გუთნა̈რ ნუღვე.

Line of edition: 17 ლიჴნელ მუჟღურ ი ქამიზა̈ლს ლი შვა̈ნისგა. მუჟღურ აჴნიხ
Line of edition: 18 მუჟღვრეშიშ კვეცან, ქამიზა̈ლს -- ქამიზა̈ლიშ კვეცან, კულს, ჭჷმინს,
Line of edition: 19 სიმინდს, ფეტვს ი იშგან ნამშა̈ს.

Line of edition: 20 კვეცენ ი კულ ჲორი შვიმიშ წვა ნიშგეშმჷყ: გურ ი ლჷფხა̈.

Line of edition: 21 ხოშა ბა̈რ ა̈დგითე სიმინდს ხვალა̈შიდ. ჭუბერ ი ნაკს მაჩენამ
Line of edition: 22 სიმინდ ჴედნი. ლახვა̈ნი ა̈დგითე კვეცან, მანა̈შს, ჭჷმინს, ქართებილს
Line of edition: 23 ი ამკა̈ლიბს ხვალა̈შიდ ი ა̈მიშ მოსავა̈ლ ჴედნი ხოჩამ. მახე
Line of edition: 24 ნა̈კვიშ გიმისგა სიმინდცახა̈ნ ალჯიხ ქართებილს ი ჲექდა ეზარ
Line of edition: 25 ჴედნიხ. სიმინდისგა ალა̈შიხ ადა̈იდ ლებიას ი კოპეშიას.

Line of edition: 26 როგ, ღედა̈რ ი ქირს ნა̈ნკდ ხოლაშა ჩი. როგს ღედა̈რშალ ი
Line of edition: 27 ლებიაშალ ნაყუნდ ა̈სყიხ ი მა̈ჲდარობჟი ჲერხი სოფლა̈რ ჩუ როქვ
Line of edition: 28 აფრეხ, ქა როქვ ილქვერიხ ი კვეცნემ, მადეჲ ჭჷმნიშ ფაქვ როქვ
Line of edition: 29 ხა̈ჩდინეხ, ამხენქა დია̈რს როქვ ანყეხ ი ამ დია̈რს კოკერა̈ჲშ დია̈რ
Line of edition: 30 ხაშხა. ქირსი ლებიაშალ ლესყი ლი ნაყუნდ. ზჷნთხ, მანა̈შ ი ჭჷმინ
Line of edition: 31 ხოშა მჷნწირ ლეჲრა̈ყი ლი.

Line of edition: 32 მაშენე დოსდ ნიშგეშმჷყ ჭჷმინ იჰელი, ღვე მანა̈შ ი ეჯის ხაჭიმ
Line of edition: 33 კვეცენ, ლებია ი იშგენ მალაშა.

Page of edition: 230
Line of edition: 1 ლითელ გვირკისგა იბნი. ლა̈თიდ ათხე ხოჩა ფოლედიშ ნაშთქა̈რ
Line of edition: 2 ხუღვეხ. მჷთი ზურალმარე ლი. ლითელქა ნოდობ ხემთქუნხ. ნა̈თევ
Line of edition: 3 ნამშა̈ს ნადრად ა̈დისგხ მჷთა. ეშხუ მარე ლანჩვრის ხაჭიმ ღოშგიმ ი
Line of edition: 4 ლუნჩვრა̈რს უშხვა̈რთე ხა̈დისგ ქვირთ-ქვირთდ. ჭჷმინს ი
Line of edition: 5 ზჷნთხს ლინჩვრი მადმა ხაკუ, ლენჩვრი კვეცენ, კულ ი მანა̈შ გარ
Line of edition: 6 ლიხ.

Line of edition: 7 ნებზვაშა̈რს ჩი ლადღიშ ნა̈თევ მოღა̈ვს ჟი ხაგემხ ღაბისგალგნჩერ
Line of edition: 8 მა̈ ლი, ეჯის პაშანდ ხაგემხ ი, უნჩვრა მა̈ ლი, ეჯის -- ჴა̈შდ.
Line of edition: 9 პაშან ი ჴა̈შ ეჯჟი ხეკვეს ა̈დიგენეს, ერე მჷჟირს ლანწჷრა ქამავ
Line of edition: 10 ხადეს ი ისგაშხენ ფიკვიდ სედნიდეს. მოლა ხა̈ნუნღვე ამ მიღა̈ვს
Line of edition: 11 სა̈ვა̈რჟი ხოლჯიხ ი ჴანშვ ისგა იმღა̈ვიხ ქორთე. ქორს ამ მოღა̈ვს
Line of edition: 12 ლასჷმისგა ჟიიდ ხაგემხ. მოღა̈ვიშ ლაშხვნი ცაომა̈გისგა ნარ.

Line of edition: 13 ლეკლა̈ვიდ მა̈ნკვი წყილია̈ნს (კვეცან ი კულს) ხვაკლა̈ვიდ. ჭჷმნიშ
Line of edition: 14 ნაკლავ კალვისგა წყილია̈ნს დემ აკლა̈ვიხ, ჭჷმინ ხენჩჷდი კვეცან.

Line of edition: 15 ნებოზს ჩვა̈ჟრეხ კალვს, ჰამს ქა̈ჯელვეხ ი მჷჟემ ლიწღა̈ლჟი
Line of edition: 16 შიშდხი ქა ხოფხჟეხ (ქა ხოქვცეხ კალვს). მოლიდ ნაფჷრუნღვე
Line of edition: 17 კალვს გჷრკა̈ნდ ხეჭმენი ეშხუ მაშენამთეშ ბერჟა̈რე ლარსკჷნოშვ ი
Line of edition: 18 ქა̈ჯს ი ჲეშმა̈ს ქა ხოჰერინე კალვხენქა. ეჩქანღვე კეურს ჴასა̈რს
Line of edition: 19 ხობემხ კა̈ვშვ ი აკლა̈ვიხ. მეზ-მეჩედდ კალვთეჲსგა "ხოჩა ლადეღ"იშ
Line of edition: 20 მჷქაფდ ივობა̈შოღვ ა̈ჲფასახ!" ხეკვეს ხექეს. მჷკლავა ხა̈ტხეს:
Line of edition: 21 "ჰა, ვობა̈შოღვ ლადეღ ჯიზ ა!"

Line of edition: 22 ლახა ჟიბავიშთეშ ხოჩამდ ლჷკლავე თერა, ჴანა̈რს ქა ხა̈გნეხ ქამავ,
Line of edition: 23 ქა ხოფშგეხ ი კალვს ჟ'ა̈სპეხ. ამჟუნეხიდ მოლე ხა̈ნს ი აკლა̈ვიხ ეჩქანღვე.
Line of edition: 24 მესმა̈შჟი ი მეუშთხვა̈შჟი ლიფთხჷნე ხაკუ ი დოსდ
Line of edition: 25 ლა̈ფშგა̈შ ლი სერ. ჴანრე ქა ნა̈ფიშგუნღვე ბეფშ მერხელს იკიჩი ი
Line of edition: 26 ამნოშვ ჩუ იგვრა̈ნ კალვისგა ი ეშხუ ტეტ ნა̈კლავს თხუმ ლეჟა იშდე,
Line of edition: 27 ეჩქანღვე კალვს უშხვა̈რთ' ანჭურეხ ლაქხირა̈რშვ ლა̈წვრემი ა̈დგითეჲსგა,
Line of edition: 28 ნანგავა̈რშვ სგა̈ჯელვეხ ითქს ი ლა̈მენირს ქა ხოდისგხ
Line of edition: 29 ლა̈წვრემი ფოყხენ ი ლიწვრემის იბნეხ. ჩიქი როკა̈რშვ, მარდა̈რშ
Line of edition: 30 ი ბიწრა̈რშვ ა̈წვრემიხ, ღვე ითქიშ მჷნწირ გარ სედნი, ეჩქას -- ლავხია̈რშვ.

Добавлено (2007-03-19, 5:38 Pm)
---------------------------------------------
ქა ნა̈წვრემუნღვე ითქ (\ მაშდ) აშხვთე სედნი ი ნა̈კლავ მერმათე.
Line of edition: 32 ნა̈კლავს ღვაჟა̈რ იმაჯეხ გოდრა̈რშვ დარბა̈ზთე ი მაშდს
Line of edition: 33 ხეხვა̈რ ა̈ცხრილიხ ლანკვაჩხა̈შ ცხჷრილშვ ი, ლანკვაჩხა̈შ ცხჷრილისგა მა̈
Line of edition: 34 სედნი, ა̈მის გა̈ნთე ა̈დისგხ. ა̈ლი ლი ყვიჟბა̈რ. ითქს
Line of edition: 35 ძაძროლთე იკედხ ი ჰედი ამნოშვ ჷგემხ, მადეჲ რაყთე ა̈დისგხ.
Line of edition: 36 ამეჲსგა ითქს მოლიდს გარ ხარაგუნეხ. აშხვ-ჲარვ ფანუნღვე, მა̈
Line of edition: 37 მა̈ნკვი ხოჩა და̈რ ირი, ამ ითქს ჟი იშყვდიხ ვეჭნახვისგა. ვეჭნახვა̈შ
Line of edition: 38 ჴომ ძაძრას ხოხლინეხ ი ხოლამთეშ ამთეჲსგა ინჭური მა̈გ. ა̈მისი
Page of edition: 231 Line of edition: 1 ყვიჟბა̈რ ხაშხა ი ნა̈ნკდ ა̈დისგხ. ხოჩა წჟილია̈ნ ითქს ნა̈ნკდ +

Line of edition: 4 მანა̈შს, ჭჷმინს, ზჷნთხს ი ფეტვს აშ აპარტეხ, კვეცან ი კულს
Line of edition: 5 ჩუ კვიშეხ, ნა̈კლავდ ა̈სპეხ.

Line of edition: 6 მაშენ დოსდ ფეტვ იკლა̈ვი, შიშდ ქა ხეფურშგვინი, აშგარ
Line of edition: 7 ხალმჷნა ითქ, მარე მანდრენე ლეკლა̈ვი ლი: ლიჰუყვე ხა̈მთქვა. ლებიას აშ
Line of edition: 8 აბგუნეხ კალვისგა ი ღედა̈რს ი როგს აშ აკლა̈ვის.

Line of edition: 9 გვიანდ, ენკენობა̈შ ლიშთხა̈ლჟი იჰელი სიმინდ. ამ დრევდ ლიყვჩელ
Line of edition: 10 ნიშხა. ჭუხერ ი ნაკს სიმინდს დაბისგა ხა̈ყვჩეხ. ნა̈ყვიჩ შდას
Line of edition: 11 უშხვა̈რთე შიდეხ ი ჭას ჟი ხა̈ქვცეხ, ნეწვიდ კვედალშვ კჷლა̈რს
Line of edition: 12 ა̈სყიხ ი ჰედ ჰანწვალდ ხაგემხ მეგმა̈რჟი, მადეჲ ქორთე ჴიდეხ ი
Line of edition: 13 დარბა̈ზთ' ა̈დისგხ. შდას ქორთე ჴიდეხ, ქაფურჩა̈იხ. ფურჩა̈ დარბა̈ზთე
Line of edition: 14 ხეკვეს ადჲახ ი შდას მაღაზათეჟი იმაჯეხ. ამეჟი ლიჩდინე
Line of edition: 15 ხაკუ აშგარხი, ვოდე ხოჩამდ ჩუ იფრი, ეჩქად. ლეჴმა̈რიდ ლახა
Line of edition: 16 ხაკუხ, ჰედ შივშვ იჩხვარეხ, მადეჲ აშ აჩაჩეხ ლაჩაჩა̈რშვ.

Line of edition: 17 სიმინდიშ ნა̈ყვიჩუნღვე ჩიქი კოპეშიას იკედხ ი ეჩქანღვე ქართებილს
Line of edition: 18 იბარჯეხ. კოპეშიას ქორთე ჴიდეხ ი მა̈ დარბა̈ზჟი იშხვნიხ ი მა̈ ნეშკა ლექვ'
Line of edition: 19 ა̈დისგხ. ჩუ ხეკვეს ნომ' ა̈დკვერმენეს. კვარემ ჩვადვა̈ში ი დემნა̈რ ხაყა
Line of edition: 20 ეჩქანღვე. ქართებილს ქორთე ჴიდეს ი ხოჩა ლა̈მფიკვ ა̈დგის ა̈დისგხ აშხვ
Line of edition: 21 ალა̈გდ ი ჩუშალ ხეკვეს ა̈დწჷრდენეს მოლე ი ეჩქანღვე ფათქს აბარჯეხ
Line of edition: 22 ხოჩა ლა̈მფიკვ ა̈დგის ი ამეჲსგა იშხვნიხ. ქართებილიშ ლაშხვნიდ ლექვშერ
Line of edition: 23 ა̈დგი ხოჩა.

Line of edition: 24 ამსვალდა̈შ ლეზობჷნქა ნიშგეშმჷყ ზავ ლეჟა-ლექვა ქვინჷმგენემ
Line of edition: 25 ლეზობი ხვიმოწედ. ამეჩუ დაბდ ხოშილ ა̈დგი ლარა ხოყდინა ი
Line of edition: 26 ვობა̈შ ნენი ხეჭმი ჩვიბეჴევიშ ლარა. ეჯჷნქა ლახვა̈რს ა̈ჭმეხ ი ეჩხენ
Line of edition: 27 ახღვეხ მასა̈რდ ნენი.

Line of edition: 28 ამზავ სურუ ხოჩა ლაქვნიმგენ ლი ნიშგეშმჷყ, მარე ლინთვ სურუ
Line of edition: 29 გარჯ ლი ქვინჷმგენემ ლისელვე: სურუ ნენი ხაკუ.

Line of edition: 30
ლაწომბა. ილო ქალდანი. მ.ქალდანი. 10.VIII.1949

Добавлено (2007-03-19, 5:40 Pm)
---------------------------------------------
Text: 114
Page of edition: 231
Line of edition: 31
CXIV. უღვლაშობ

Line of edition: 32 ბა̈ლს ლექვქვიშ ჲერხი სოფლა̈რს ლა̈დი ჩიქდ სიდ ჯვინლიშჯვინელ
Line of edition: 33 ეშხუ ღჷნ -- უღვლაშობ. ალ ღჷნ მაშენ საგუნზილდ ჭუბრა̈რს ი
Line of edition: 34 ჩვიბეჴევა̈რს ხოგაჭხ. უღვლაშობ თებურვა̈ლისგა ხა̈ხვია.

Line of edition: 35 უღვლაშობ სოფნისოფელ სკარშვ ხემთქუნხ. სკარობ ხერასშვ
Line of edition: 36 ხადხ მჷსყე: აშხვ ზავ აშხვთე, მერმა ზავ მერმათე, მესმა ზავ მესმათე
Page of edition: 232 Line of edition: 1 ი ამჟი ხეჭამ გჷრკა̈ნდ სოფელს აშხვ ძგიდხენ მერმა ძგიდთეჲსგა.
Line of edition: 2 ეჩქანღვე თხუმხენიდ იბნივ ღვე. სკაროპთეჲსგა ხვა̈ჲჷნ ეშდოხუშდ
Line of edition: 3 ი ჲერვეშდ მეზგათეჟი ინჩჷდი.

Line of edition: 4 უღვლაშობა̈შდ მეხელი მეზგე ლინთვიშ ლიგნა̈ლუნღვე იმარალ.
Line of edition: 5 ჩიდ მა̈ნკვი მეხელი მეზგახენ ეშხუ მახეღვა̈ჟ ჰედ ქაფშვ, მადეჲ ლალა̈ბიშვ
Line of edition: 6 სოფელს ხეჭმენივ ი ლეჲრა̈ყი სიმინდს, მანა̈შს, მადეჲ ჭჷმინს იზვრივ,
Line of edition: 7 ლაზმიდ ჩი ზავ ეშხუ კარვა ხუღვანდხ ი მუზვრის ყორთეჲსგა
Line of edition: 8 ლიზიჷნქა მადმაგვეშ ხაკუჩ. ქორა̈შ დიხსა̈ლ კარვას ჟ'ადურინა ი
Line of edition: 9 ეჯჟი ხოჰრა შედთეჲსგა. ნაზორ ნამშა̈ ჲერხი ლა̈თქაჲაქ ხადხ, ჲერხი
Line of edition: 10 სალა̈ტჲაქ. მა̈ ლა̈თიალს ხერიხ, ხოჩა ა̈ჲრა̈ყ ხეკვეს აჯბიხ.

Line of edition: 11 უღვღაშობ ვოშთხ-ვოხუშდ ლადეღ ჭყერნივ. მა̈ნკვიშ ლადეღ
Line of edition: 12 ისგლადღიშ ვანაუნღვე მეხელი მეზგახენ ეშხუ ლალმა̈გნათეშ ღვაჟმარე
Line of edition: 13 ინჴრინა ჲარვ-სამ ღეთ მახეღვა̈ჟს ი სოფელს ხეჭმენივხ
Line of edition: 14 გჷრკა̈ნდ ჯვედი შამფვრა̈რშვ. მეზგემ ქუნჟი მა̈გ ხოქვცა კერიშ
Line of edition: 15 აპეხდიშ ჲარვ ლესგიშ ქიპს ი შამფვრა̈რს ხოცუახ. ამ ლაღვ მეხელი
Line of edition: 16 მეზგე ეჯ ლეთიშდ ჟ'აჯაბ, იშგან ლეზობ მასა̈რდ ამარე ი
Line of edition: 17 ნებოზს იბნი ლინზორა̈ლ. მა̈ნკვიშ ლეთ აღრიხ ბაბოლ, ლალმა̈გნათე
Line of edition: 18 მეჴდე ლემხეღვაჟე ი ბეფშ კათ. სიმაქზურალ მა̈ნკვიშ ლეთ მა̈გ
Line of edition: 19 მიჩა-მიჩა ქორს ა̈რი.

Line of edition: 20 ამ ლეთ მეხელი მეზგამჷყ ტოლბაშობა̈შ ქა ნა̈ლიასგუჷღვე
Line of edition: 21 მახეღვაჟა̈რ ჟი ინჭურივხ უშხვა̈რთე ი ესხრიხ სოფლიშ ლაჭამთე.
Line of edition: 22 აშხვ ძგიდხენ იბნეხი ჩი მეზგა ისგა ხეგნიხვ ყორს ი ხეჰრივხ ყორრე
Line of edition: 23 ლიკრეს ი ქორთე ლიხნის, მარე ჩი მეზგემ ყორა̈რ, მა̈ჲდანა̈რ ი ლაჴვროლ
Line of edition: 24 ჰეჭა̈რშვ ხოზხ ისგა̈შხენქა, ი ნა̈ბშვ ისგა დემ იხნივხ. მახეღვაჟა̈რ
Line of edition: 25 ჩიხენ ხეკვჰენივხ ისგა ლიზის, მარე დემხენ მოშ ასხა̈თივხ. ღოშგიმ ჰედი
Line of edition: 26 ისგა̈შხენ მერდა ხოკრეხ ყორა̈რს, მადეჲ გუნა̈ს ხა̈ჭმინეხ
Line of edition: 27 უშკჟი ი ხოლა ფერიშს ა̈სყიხ. ხეხელი ეჭკა̈ლიბი, ერე ამშელდ
Line of edition: 28 ფიშირ მახეღვა̈ჟ ჲერხი ქორთე ისგა ლიზის დეშ ასხა̈თი ი შგურა̈რ
Line of edition: 29 მესდე მერმა მეზგა ხეგნიხ ყორს. ამჟი ლჷჴმაშდ ლიხელი ჟახად
Line of edition: 30 ხაბჟახ დინოლს ი სიმაქა̈რს.

Добавлено (2007-03-19, 5:40 Pm)
---------------------------------------------
ვობა̈შ ა̈დგის ყორა̈რ მჷკა̈რ ხეხელიხ მახეღვაჟა̈რ, მარე ისგა
Line of edition: 32 გუნ ლჷნთხლად გარ ესხრიხ, ხაყვლენიხ ლიღლა̈ტიდ. ხეხვა̈რ ამეჩუი მოლე
Line of edition: 33 ხოლამულ დემის ხეყჩენიხ მახეღვაჟა̈რს.

Page of edition: 233
Line of edition: 1 ისგა ნაზუნღვე ქორს ლილყაფელ იბნი, ღვე ლემზირს ი ა̈ჲრა̈ყ
Line of edition: 2 ხა̈ჴდუნეხ. ამ ლეთ მეზგა ხემზირხ ნაღვჟურგეზლა̈შ, ხაბნა̈შ, გიცრიშ
Line of edition: 3 ფიკვიშ ი ამკა̈ლიბრე ლითნეს ი ლიფშირის. მემზირ ეშხუ ლი
Line of edition: 4 "მენ"იშ მუქვისგ ფიშირ. ა̈მიშ ნა̈ლიასგუნღვე, იმგვა ნა̈ბშვ ხაჰვდიხ
Line of edition: 5 ნა̈ბშვ ესღვახ, მადეჲ ლა̈ღეშგალშვ ა̈ისგხ ლაყვრა̈შ ლერქვა̈რს ი
Line of edition: 6 ხვა̈ჲჷნ იშგენ შედ-მა̈კვედსი.

Line of edition: 7 ამჟი ხაჭიმხ თელ სოფელს ისგლათვ ჩიქდ. ჩი მეზგათეჲსგა ისგა
Line of edition: 8 ღჷრიხ. ღოშგიმ, ნა̈ღეშგალ ბა̈რგნაბა̈რგშვ ჟი ლჷქა̈ფ, მეხელი
Line of edition: 9 მეზგათე ტეხნიხ. ნა̈ღეშგალ ლაყვრა̈შ ლერქვა̈რს ჩუ ირშიხ ი ჟი
Line of edition: 10 იშვმინეხ.

Line of edition: 11 მერმა ლადეღ შიშდხი ჰამხენ ლიტოლბაშსიდ იბნეხ. ტაბგობუნღვე
Line of edition: 12 ლვმხეღვაჟახენ აშხვ მაჩენ ლაყფიშს ითშიხ, ფაყვდ დაჴლა̈შ
Line of edition: 13 ტუფს ხოგვრიზიხ, ტანვ და̈შდვა̈შ, მადეჲ იშგენ ნა̈თხვრა̈შ ტუფს
Line of edition: 14 ხაქვემხ, ყა̈რიშ ხოშა ჯვედი დაშდნა̈ს ხაბემხ. ამ მარად დოლფანა̈
Line of edition: 15 ხოჟხახ. დოლფანა̈ს ხონჴრინეხ კა̈ლჷნ ჲარვ, კა̈ლჷნ ვოშთხვს ი
Line of edition: 16 ხოფშირამი ლჷთიშა̈რს. ლა̈დი ალჲა̈რ ესხრიხ სოფლიშ ლაჭამთე. თხუნ
Line of edition: 17 დოლფანა̈ ხოჟეღხ, ეჯის მიჩა ლჷთიშა̈რ ხაჭიმხ ი ღვე იშგენ
Line of edition: 18 ხა̈ლხ.

Line of edition: 19 დოლფანა̈ ი მიჩ' აფხნეგა̈რ მინე სოფელისგა ჩიმი ყორთეჲსგა
Line of edition: 20 ისგა ღჷრიხ. დოლფანა̈ ილყაფელ ი ა̈მის მა̈გ ხოლამ გარ ხეჩოხ.
Line of edition: 21 დოლფანა̈ჲშ ხოლემ მჷჩემს ლჷთიშა̈რ შტრა̈ფს ხაკედხ ჰედ ვარჩჩხილშვ
Line of edition: 22 ი მადეჲ ა̈ჲრა̈ყშვ. ვარჩხილღა ა̈ჲრა̈ყს იყდიხ ი ა̈ლი მეხელი
Line of edition: 23 მეზგათე ოსღვახ ი ეჩეჩუ მა̈გ უშხუდ იჴმა̈რიხ.

Line of edition: 24 ამ ლადეღ ისგლადღუნღვე მა̈გ მეხელი მეზგათეიდ ტეხნი. ამეჩუ
Line of edition: 25 მახადიდ ტაბგობ ხარხ. ალ ტაბგობ ხოჩა ისგლათვთექა ჩუ დემის
Line of edition: 26 ხვერნი. ხა̈მთქვახ ლიღრა̈ლ, ლიშდრა̈ლ, ლიშვპარელ ი ლაყა̈ფ. აშხვ
Line of edition: 27 ხოჩა ლაყფიშ ღვაჟმარა ლუზვრალუდ ა̈რქვიხ, ჴადვჟი ვოთილს
Line of edition: 28 ხონხიხ ი ღანავ ზურალს ხამჯენიხ. ამჟი ქა ინჴრინეხ ა̈მის ი
Line of edition: 29 ქორს მაშენ ლა̈წვე ადგის ვითომ ლიღვჟა̈ლს ხა̈ბნუნეხ. ა̈ლი
Line of edition: 30 იმშერა̈ლ, იკვცელ ი ღვე იკილელ მეღვჟა̈ლ ზურალშალ ი ა̈მისი გუნ
Line of edition: 31 ლაცვ ხეფსი.

Line of edition: 32 ამჟი ესხრი უღვლაშობ ვოშთხ-ვოხუშდ ლადეღ ი ღოშგმე
Line of edition: 33 ლადეღ მა̈ნკვიშ ლეთიშ ნა̈ღეშგალ ბა̈რგნაბა̈რგს ჩი უკლინდ
Line of edition: 34 ხა̈ტხეხ მინე-მინე ფუსდედუს.

Line of edition: 35 ამჟი ხემთქუნხ უღვლაშობ ათხელდ, მარე ათხე ლაშდნალთე
Line of edition: 36 ხარხ ჩჲა̈გ.

Line of edition: 37
სამსონ გვარმიანი. ავედა ნაკრა. მ.ქალდანი. 19. VIII.1950

Добавлено (2007-03-19, 5:41 Pm)
---------------------------------------------
Text: 115
Page of edition: 234
Line of edition: 1
CXV. ლითხვარ

Line of edition: 2 ლითხვარს ჯვინალდ ხოშილ ლჷგენ ხა̈დენა ათხეშდ. ლითხვარ
Line of edition: 3 მახჷღვაჟრე გვეშ ლი ი ქორა̈შ ლიმშავ -- ხეხვრე ი მეჩითეშ მარემ.

Line of edition: 4 მეთხვა̈რ მარე ლა̈თხვართე უშდილდა̈შ ესხრი. ზურალს ლევიზს
Line of edition: 5 ხამარუნე, მარე მა̈ჲაქ დორ ხარ ალ ლევიზ, ეჯის დეჲ ზურალ მოშ
Line of edition: 6 ხეჭვდელ ი დეჲ ღვაჟმარე ხეკვიშ. ამჟი უშდილ ხედი აფხნეგს ი
Line of edition: 7 ლირჰა̈ლდ სოფელხენქა ქა მეჩდე ხეკვეს ლესეხ. მესვფელ სგებინხენ
Line of edition: 8 ნა̈რ ხეკვეს ლახხვიდეგ.

Line of edition: 9 ლა̈თხვართე ჩი ქვინჷმგენათე მიჩა-მიჩა დრევჟი ხა̈მთქვახ ლიზელა̈ლ.
Line of edition: 10 ჰერსკნ, კვიცრა ი ღვაშ ლელმარვდ ლი მაშენ ლუგვა̈რ,
Line of edition: 11 მეთხვარაჲ ამ დრევქა იზელა̈ლხ ხოშა ლაღა̈ლს ამჲა̈რე ლა̈თხვართე.
Line of edition: 12 და̈შდვს მუჟღურ მახე ნაშდუვჟი ხეჭემინა̈ლხ, ჟვა̈ნს -- გვირკუნღვე,
Line of edition: 13 ლახვა̈შ ქათალს -- ლახვა̈ნითე მუსვიშ ლიკდა̈ლჟი გვიანდ ქამიზა̈ლხენ,
Line of edition: 14 კვენს (ნა̈ცხეკვს) ი მალვს -- ლინთვლადეღ.

Line of edition: 15 კვიცრა ი ღვაშ ლა̈კვცურის ი კჷნჯბა̈რე ჭუქვა̈რისგახი გარ
Line of edition: 16 ა̈რიხ. ველიშ ი ცხეკიშ ლა̈ყვლათე ქამიზა̈ლს დვიდობჟი გარ ჴედნიხ
Line of edition: 17 ჩუ. ლინთვლადეღ კვიცრა ი ღვაშ ლამჷნჩალ ლა̈კვცურია̈რისგა
Line of edition: 18 გარ როქვ ა̈რი. ლინთვიშ ლეზობდ კოჯაშა̈რს ლა̈კვცურია̈რე
Line of edition: 19 ბოჯგჷნქა მამაგვეშ ხაწვახ. ლა̈კვცურია̈რისგა ნათხვროლე ლარდად ხოშა
Line of edition: 20 ფოქა̈რ ხარს. ლეთშვ ამ ფოქა̈რისგ' ა̈რიხ ი ლადეღშვ ლა̈დარალთე
Line of edition: 21 იზელა̈ლხ. კოჯაშა̈რ ეჯჟი ხარხ ლუმთქვე კოჯს, ერე აშხვ ლჷცხეტხენ
Line of edition: 22 მერმათე მემპრა̈რშალ იპორელხ. ღვაშა̈რ, ლახა ეჩქას, მინვე
Line of edition: 23 მჷჭა̈რს იმა̈რვჯინეხ კოჯა̈რქა ლა̈სკნაჟი. კოჯაშა̈რ მაშდა̈შიად მერხალდჷნ
Line of edition: 24 გარ იზელა̈ლხ. ფიშირ ხეტყუბიხ უშხვა̈რ ი უშხუდ ესხრიხ
Line of edition: 25 ლა̈დარალთე, მჷჟირიშ ლალოკათე ი ლა̈შვმინათე.

Line of edition: 26 კოჯაშა̈რს გუნ ლინთხლა̈ლ ხა̈მთქვახ, ლა̈დარალჟი ირი ა
Line of edition: 27 ლა̈შვმინაჟი, ეშხუ-ეშხუ ცველდ ხოგხ. ცველ ხოჩა ლასჷნჯა̈ვი
Line of edition: 28 ა̈დგითეჟი ღჷრი ი ჩი ფოყთე ასჷნჯა̈ვი, ჟიბავიშჷნქა. კოჯაშა̈რ ა̈ნჭირხ,
Line of edition: 29 ერე მინეშდ ხოშა ჟიხი მინე მავინ მამაგვეშ ა̈რი ი ჩუბავ ი
Line of edition: 30 ეჩხე-ამხე ლესგა̈რთე გარ ასჷნჯა̈ვიხ. ცველ მინე მავინს თევშ
Line of edition: 31 გარ მადე ასჷნჯა̈ვი ი ლაქვნიშვი იქვნი. მავინს ლახ ხეწდენი იმგვაშვ,

Добавлено (2007-03-19, 5:41 Pm)
---------------------------------------------
ლიშვპელს იბნე ი მერმოლუცახა̈ნ ლატვთ' ესხრი. ლჷბა̈ჟინე
Line of edition: 33 კოჯაშა̈რ მა̈ნკვი ჰედ ჩუბავ, მადეჲ ლესგთე ხეპრენიხ ი ეჩქანღვე
Line of edition: 34 ხეტხენიხ ჟიბავ ი, ვოდედე კჷნჯბიშ ჭუქვა̈რთე ღჷრიხ, ეჩქად ჩუ
Line of edition: 35 დემის იგნიხ.

Line of edition: 36 კოჯაშა̈რ იმგვ' ა̈რიხ, ეჯის ჟვანა̈რი ა̈რიხ ჩჲა̈გ. ჟვანა̈რ მეთხვარას
Line of edition: 37 გუნ ხომა̈ვინეხ. ჟვა̈ნ მეთხვა̈რს ქაჲ ხეწდენი, მჷცხი ლიშვპელს
Page of edition: 235 Line of edition: 1 იბნე ი კოჯაშა̈რ გუდ ჴედნიხ, ერე მინე ნავინ ა̈რი იმგვალეგ
Line of edition: 2 ფედილს ი ლატვთე ლიზის იბნეხ შიშდ. ჟვა̈ნ ამღა კოჯაშრე
Line of edition: 3 ერდგვილ მემპერდ ლი ლჷნშა̈ნ.

Line of edition: 4 კოჯაშა̈რს მეთხვარა ჯვედიახენ ასჷნჯა̈ვიხ სვანთალშვ. ქა ლახ
Line of edition: 5 ხეწდენიხ მა̈ლდია̈ნუს (ამჟი ხოჟხახ მეთხვარას ნა̈თხვროლდ), იბნეხ
Line of edition: 6 ლიჴვესგს. ლაჴვასგჟი ზაგრა̈რს ხელფა̈რიხ ი, ფიშირ ლიხ ლიხ,
Line of edition: 7 ჲა̈რ აშხვ ფოყხენ ესხრიხ ი ჲა̈რ -- მერმახენ. აფხზათს ხეჴჷრა̈ლხ,
Line of edition: 8 ერე ეშხუ მაჩენე ჩვათნებას ი ჰა̈რიდ ნომ' ესჭონნას. ლიჴვესგ ხოცხახ
Line of edition: 9 ეჯ ფოყხენ, იმხავ ქნა̈ვ ლი, ღვე ქუნ როქვ დემ იყერხ მა̈ლდია̈ნუ.
Line of edition: 10 ისგი ნა̈ჴვესგუნღვე, მეთხვარა ფედილს ლახ ა̈რიხ, უშხვა̈რ
Line of edition: 11 ქა ხათონეხ, ჲა̈რდ ხედა ნა̈თხვრას ხეკვეს ა̈ხფუშდეხ, ი ქაჲ ხოჰვჯინეხ.
Line of edition: 12 ჯვედიას ლას ა̈რიხ მეთხვარა, ნა̈ჰვჯინუნღვე უშხვა̈რ ჰერს
Line of edition: 13 ხა̈დისგხ: -- იმ როქვ ხა̈თერ, ნეპოლ, ხაკჷრქა როქვ ნა ქა?

Line of edition: 14 ქ'ემმა ხეკჷრქიხ ხედას ე, ამჟი ხოცა̈დიხ: -- ეშხუ ესერ ამეჩუ
Line of edition: 15 სგეჯი ი მერმა ჰაშიდ ნა̈ჟეთხ გარ ესერ ხეთირი, ნაზვჟი მჷჟირს
Line of edition: 16 ესერ ცვირე, -- მადეჲ იმჟი ა̈თხელივ, ეჯჟი.

Line of edition: 17 ღოშგიმ მეთხვარა ნაკარქვ ნა̈თხვროლმჷყ უშხვა̈რთე ჴედნიხ ი
Line of edition: 18 ამჲა̈რსი უშხვა̈რთე ანჭურეხ. ტარხნა̈რს (ჲთოფა̈რს), ლა̈ბჯგია̈რს
Line of edition: 19 (ჲმჷჯროლს) ი იშგან ჰა̈ვეჯს მა̈რჯვ ა̈დგის ჟი ხა̈ჭდეხ, მინ
Line of edition: 20 ნაკარქვრე ლა̈ძენძურას ხეგნიხ. ძერს ჩვაჲასურეხ ი ცილს ქა̈მშხენ
Line of edition: 21 ხაჭენიხ ი მა̈რჯვ ქაფდ ისყიხ. ჩიხა̈ხვს ქა ხოკედხ ი, მა̈ მა̈ნკვი
Line of edition: 22 ლეშხი (ჲზექ) ხეკჷრქიხ, ჟი იტყბეხ. ძიკვს (ჲთხუმ) ნა̈ცხტუნა̈რ
Line of edition: 23 (ჲმჷჭა̈რ) ისგა ხაყა, ეჯჟი ა̈ისგხ ქორთე.

Line of edition: 24 გაჭირებაჟი კოჯაშა̈რს უშხვრეშიშ ლიმშედრა̈ლი ხა̈მთქვახ. ლახა
Line of edition: 25 მინე აფხნეგ იქჩენი, ხოშა ნეჴშდა̈რ სგა როქვ ხაშჷდენიხ ეჩხენ-
Line of edition: 26 ამხენ, ჲა̈რ როქვ ნა̈ცხტუნა̈რს ხორკინეხ, ჲა̈რ როქვ თხუმშვ ხოჯვირიხ
Line of edition: 27 ლოშგიმხენ ი ამჟი როქვ ესყახ ლაშდობნათე:

Добавлено (2007-03-19, 5:41 Pm)
---------------------------------------------
ჰერსკნა̈რდ მეთხვარას ცხეკიშა̈რ ხოშხახ. ალჲა̈რ ცხეკს ა̈რიხ,
Line of edition: 29 მარე ხოშა ლეკჷნჯა̈ბ ცხეკს გარ. კჷნჯბა̈რისგა წუსხვრა̈დ (ჲთხერად)
Line of edition: 30 ხოხვრა მაყალვ ხარს.

Line of edition: 31 მეთხვა̈რს ცხეკიშა̈რ ხოლა ლედრე ხარ, მარე ჲერხი მეთხვარას
Line of edition: 32 ჟი ლჷმჴერე ხარს ცნეკიშრე ლარდა ა̈დგია̈რ. ამჲა̈რე ლა̈ნცვლად
Line of edition: 33 მაჩენე ლიხ ლალოკოლ. ლალოკოლმჷყ მეთხვარას ლადრაჯა̈რ ხარხ
Line of edition: 34 მჷსყე ი ჩუ ხოდრა̈ჯიხ ჰამაშა̈რს დოსდ. ნა̈თხვროლს ჰამს ხა̈მთქვახ
Line of edition: 35 ლალოკოლთე ლიზელა̈ლ.

Line of edition: 36 კოჯაშრე ი ცხეკიშრე ძიკვს შითეჟი ჲერვა იკედ, მა̈გ ხეყჰა̈ლ
Line of edition: 37 ნებგვაჲსგა. ა̈მიშ მჷჴდა ხემზირხ: -- ფა̈თვ შელდდ ესეროღვ ათგენა!

Page of edition: 236
Line of edition: 1 ხოშა ღვაშდ ნეჴშდ ხოჟხახ, ჲორიზა̈ჲა̈ნდ -- მუღვშირ ი' ეჯანდ
Line of edition: 2 ხოხვრამდ -- ფჷთ. დი ღვაშს კვიცრა ხაშხა.

Line of edition: 3 და̈შდვრე ლა̈თხვართე ხოშა ლაღა̈ლ მუჟღურხენ ესღრიხ მახე
Line of edition: 4 ნაშდუვუნღვე. და̈შდვა̈რ ამ დრევქა ლაყვრათე ესხრიხ ი მეთხვარა
Line of edition: 5 ამჲა̈რე ნაზვს ხეგნიხ ი, ვოდედე ისგა ხეჰელიხ, მადეჲ ლაჯუვთეჲსგა
Line of edition: 6 ხეჴდჷნიხ, ეჩქად ამჟი ესჭიმხ.

Line of edition: 7 და̈შდვ გუნ ლჷმხა̈ლ ლი. ლაჯუვ ქა ხოთრა ი, ეჩა ფედილთეჲსგა
Line of edition: 8 ლახ ისგა̈ ხეჴდჷნი, ნაზვა̈შ ლა̈თვფაღა, ჩიქი აშხვ მეგამთეჟი ღჷრი <

Line of edition: 12 ლჷქა̈ჩ და̈შდვ ჩიქი ლატვთ' ესხრი ი ღვე ღოშგდ ხოჭენი ი მიჩა
Line of edition: 13 ნაზვ გა̈ნხენჩუ ჟიბავ მჷნნირდ ხოჩა მა̈რჯვ ა̈დგის ჩუ ხეპჟენი. აშ
Line of edition: 14 ხოხალ, ერე მეთხვა̈რ მიჩა ნაზვს ხაჭიმ ი ლეჟაჲ ხედი ი ქაჲ
Line of edition: 15 ხეშდვრი. ჷვიშგ' ამახვს, ოდო ამკა̈ლიბ დრევჟი ჰედ ხანჯა̈რშვ დემ
Line of edition: 16 ა̈ხმა̈რგი, მადეჲ მახალს დემ ლა̈ხჴჷმრისგ, ქა და̈რმოშ ხოსდენი.
Line of edition: 17 ჲა̈რა̈ღს ლას დემგვაშმოშ ა̈ხჴჷმრისგ, მაჩენე ლი ქუნემ ლიქვთე, თხვიმ
Line of edition: 18 ლჷდგა̈რდ ხეკვეს ახსყა ი ეჩქას შდჷმ როქვ ხა̈ბლინე და̈შდვ მარა:
Line of edition: 19 ქუნ როქვ იკადვდეს მაჲა ი, ლჷდგა̈რთე როქვ ლას ხა̈გნე ლაგას,
Line of edition: 20 ეჩქას ფროტა̈რს ი მაგრა̈რს როქვ ითრინე ი ეჯჲა̈რს როქვ ხოთლე
Line of edition: 21 ჟიქა ლეჟა ი ჯი როქვ ღჷრი ი სამ ლადეღუნღვე გარ როქვ ტეხნი.

Line of edition: 22 გუნ ლემყა̈ლვ ლი შდიქ მა̈კვშოვა̈რ და̈შდვი. ჰარა̈კდ ზი: შდიქ
Line of edition: 23 მა̈კვშოვა̈რ და̈შდვს ესერ ხოქვა̈ ი: "მიჩა ვიდლა̈შ გეზალ ესერ ნომოღვ
Line of edition: 24 ლახხვია, იშგან ესერ ლეცრჷლად და̈ს აზარე".

Line of edition: 25 და̈შდვ მასა̈რდ ა̈რი შვა̈ნეშ ნენჩას ი ზარა̈ლსი მასა̈რდ იჩო.
Line of edition: 26 და̈შდვა̈რ ქვინჷმგენოლსი აცრჷლეხ, ღობა̈რსი იქვთერხ ლაღობხენქა
Line of edition: 27 ი სიმინდიშ დაბა̈რსი სურუს ა̈ვრეხ.

Line of edition: 28 და̈შდვ ლინთვლადეღ მიჩა ლაჯუვისგა ივჟე ი ქამიზა̈ლს გარ ჴედნი
Line of edition: 29 ეჩხენქა. დინთვისგა მიჩა ჭჷშხა̈რს ხეჩიგვ ი ეჯნოშვ ა̈რი. ლაჯუვხენქა
Line of edition: 30 მახე ნა̈ჴედვჟი ჭჷშხა̈რ ხოსტუნი ი ქა ვენდ გარ როქვ იზელა̈ლ.

Line of edition: 31 ჯვინალდ და̈შდვა̈შ ლაღვ და̈რ ლჷმზებ, ათხე მა̈გხი იზბი. და̈შდვა̈შ
Line of edition: 32 ლეღვ ხამემ ლაღვ ხაჯეშ, ხამა̈რშალ ლუგვა̈რ ხა̈მთქვახ. ა̈მიშ
Line of edition: 33 ჭყა̈ნშვ საპენსი ა̈სყიხ. და̈შდვა̈შ ტუფს ჰედ ჭვედა̈რს ხაშკა̈დიხ, მადეჲ
Line of edition: 34 ჩუქა ირშიხ. და̈შდვა̈შ ნა̈ნღველს ჩვაფრეხ ი ჴადვემ მა̈ზიგიშ
Line of edition: 35 ჟაგრა̈რდ იჴმა̈რიხ. ნაცმუნ მა̈კვშოლსი ხოჩა როქვ ხარ.

Line of edition: 36 ნა̈ცხეკვიშ ლაკარქათე ლინთვისგა იზელა̈ლხ. ნა̈ცხეკვიშ ლიბერგს
Line of edition: 37 გუნ ჭირ ი ჴერჴ ხაკუ: ეშხუ ი ნა̈ცხეკვ სურუს იზელა̈ლ,
Line of edition: 38 მერმე ი ნა̈ცხეკვ მეგმა̈რე კა̈ცხთეჟი ესხრი ი წჷხიჟი მეგამხენქა
Page of edition: 237 Line of edition: 1 მერმა მეგამთე ლაპარშვ პერნი. ამღა ლა̈ჭემინალშვ მერხალდჷხ
Line of edition: 2 გარ ხეჭემინა̈ლხ ი ა̈მიშ მჷქაფდ ნენჩოლისგა̈შ ლჷცა̈რს ხეფსვდიხ ი

Добавлено (2007-03-19, 5:43 Pm)
---------------------------------------------
ცხეკიშ ლიშდა̈ბს იბნეხ. ამ ა̈დგია̈შ ფედილს მეგმა̈რს ჯვარა̈რს ხა̈გნეხ
Line of edition: 4 ი სერ იშგან და̈ს ხუღვე ნა̈ბ ამხავ ლიზელა̈ლიშ.

Line of edition: 5 ცხეკიშ (\ ლჷცემ) ლაშდაბჟი მეთხვარა ლჷცა̈რქა ჭოკა̈რს ხა̈დისგხ.
Line of edition: 6 ჭოკა̈რჟი ლაშდბა̈რს ჷგემხ ი ლაშდბა̈რისგა ჯჷლდ ხოდისგხ
Line of edition: 7 მოლემ ხერს. ხოშა ლაღა̈ლ ჭერელ მაყვგუნა̈შ, მაღლავიშ ი ამკა̈ლიბიშ
Line of edition: 8 ძერ ხოცხახ. მეთხვარა ამ ლჷცრე ფედილს კარა̈ვს იგემხ ი
Line of edition: 9 აშხვ თევს, მადეჲ ხოშილ ხა̈ნსი ქორთე დემის ტეხნიხ, ეჩეჩუ გარ
Line of edition: 10 ა̈რიხ. ლევიზ სგებინჩუ ხარხ ეჩხავ ქა ლჷმაჯე. ჩი სამ-ვოშთხვ ლა
Line of edition: 11 დეღჟი იკმა̈რიხ ჭოკა̈რს. ფიშირ ა̈დგის ლაშდბა̈რს ნა̈ცხკვა̈რ ხაცვმას.
Line of edition: 12 ალჲა̈რს ქა ხა̈ფშგეხ ი მახადიდ აფანდურიხ ლაშდბა̈რს ი ნა̈ცხკვა̈რს
Line of edition: 13 ქა̈ძენძურეხ. ჩუ ღოშგიმხენ გარ ბიჴვეხ ლა̈ძენძურაჟი ი ნა̈ძენძურუნღვე
Line of edition: 14 ცილს ქაჭშხეხ ფიცრიშ, მადეჲ ყა̈რიშ ნახა̈ზშვ.

Line of edition: 15 ნა̈ცხეკვს ჯვინალჷნდირ გუნ ფა̈ს ხა̈დენა ი ათხეჲ ამჟი ლჷფა̈ს
Line of edition: 16 ლი. ჯვინალდ ქა̈რთთე, ქუთა̈შთე, ბათუმთე ი ამკა̈ლიბ ჰალქა̈რთე
Line of edition: 17 ოსღვანდახ ნა̈ცხეკვიშ ტუფა̈რ ი ამხა̈ლიდ ამჲა̈რე ნაფა̈სდ ბარდან
Line of edition: 18 ი იშგენ ქორა̈შ მაჴმარა ოხღვანდახ, ათხე მონკავშირა̈რ იყდიხ.

Line of edition: 19 ნა̈ცხეკვიშ ლიბერგს მეთხვა̈რ გვიანდ ქამიზა̈ლდ ქა დემის იკვშე:
Line of edition: 20 მადე როქვ შიდ. მა̈რტიშ ლიშთხა̈ლუნღვე სერ შემინდვილ ლი.

Line of edition: 21 ხეჭემინა̈ლხ ადა̈იდ მალვა̈რს ი თხეროლს. ამჲა̈რს ჴადლანა̈რსი
Line of edition: 22 ხოჷემხ ი ტირხინოშვი აჟგჷრიხ. ტირხინას ლაღვთეჲსგა ხოჩდინეხ
Line of edition: 23 ი ცხეკს ხოდისგხ. მალვს ი თხერაჲ ნა̈ცხეკვშალ ატმურეხ. ჩუ ნაფჷრუნღვე
Line of edition: 24 თხერემ ტუფს ფაუს ხაცუეხ ი ბარჯს იდისგხ. ამჟი ხეჭშენიხ
Line of edition: 25 სოფნისოთელნ გჷრკა̈ნდ ი ჩი მეზგახენქა ეშხუ კარვა ნამშა̈
Line of edition: 26 ახღვეხ ამ თხერემ ნადგარვერ. ეჯჷნქა მა̈გ მაჴვამს ხაყლე ი ხემზირხ: --
Line of edition: 27 ფა̈თვ შელდდ როქვოღვ ათგენა.

Line of edition: 28 ჯვინალდ ჭუბრიშ ა̈დგიჟი ი ჭუბერხენქა და̈ლთექა დომბა̈, ლა̈ჩვ
Line of edition: 29 ი 'ტყა̈რ ხა̈მ ჩჲა̈გ ლჷმა̈რდ, ათხე ალ ქვინჷმგენოლ შვა̈ნეშ ა̈{გ}რევას
Line of edition: 30 ჟი მეხვტე ლიხ სერ.

Line of edition: 31
ლარილარი (ჭუბერი). მიხეილ ცინდელიანი. მ.ქალდანი. 5.VIII.1946

Добавлено (2007-03-19, 5:43 Pm)
---------------------------------------------
ცხეკიშ ლიშდა̈ბს იბნეხ. ამ ა̈დგია̈შ ფედილს მეგმა̈რს ჯვარა̈რს ხა̈გნეხ
Line of edition: 4 ი სერ იშგან და̈ს ხუღვე ნა̈ბ ამხავ ლიზელა̈ლიშ.

Line of edition: 5 ცხეკიშ (\ ლჷცემ) ლაშდაბჟი მეთხვარა ლჷცა̈რქა ჭოკა̈რს ხა̈დისგხ.
Line of edition: 6 ჭოკა̈რჟი ლაშდბა̈რს ჷგემხ ი ლაშდბა̈რისგა ჯჷლდ ხოდისგხ
Line of edition: 7 მოლემ ხერს. ხოშა ლაღა̈ლ ჭერელ მაყვგუნა̈შ, მაღლავიშ ი ამკა̈ლიბიშ
Line of edition: 8 ძერ ხოცხახ. მეთხვარა ამ ლჷცრე ფედილს კარა̈ვს იგემხ ი
Line of edition: 9 აშხვ თევს, მადეჲ ხოშილ ხა̈ნსი ქორთე დემის ტეხნიხ, ეჩეჩუ გარ
Line of edition: 10 ა̈რიხ. ლევიზ სგებინჩუ ხარხ ეჩხავ ქა ლჷმაჯე. ჩი სამ-ვოშთხვ ლა
Line of edition: 11 დეღჟი იკმა̈რიხ ჭოკა̈რს. ფიშირ ა̈დგის ლაშდბა̈რს ნა̈ცხკვა̈რ ხაცვმას.
Line of edition: 12 ალჲა̈რს ქა ხა̈ფშგეხ ი მახადიდ აფანდურიხ ლაშდბა̈რს ი ნა̈ცხკვა̈რს
Line of edition: 13 ქა̈ძენძურეხ. ჩუ ღოშგიმხენ გარ ბიჴვეხ ლა̈ძენძურაჟი ი ნა̈ძენძურუნღვე
Line of edition: 14 ცილს ქაჭშხეხ ფიცრიშ, მადეჲ ყა̈რიშ ნახა̈ზშვ.

Line of edition: 15 ნა̈ცხეკვს ჯვინალჷნდირ გუნ ფა̈ს ხა̈დენა ი ათხეჲ ამჟი ლჷფა̈ს
Line of edition: 16 ლი. ჯვინალდ ქა̈რთთე, ქუთა̈შთე, ბათუმთე ი ამკა̈ლიბ ჰალქა̈რთე
Line of edition: 17 ოსღვანდახ ნა̈ცხეკვიშ ტუფა̈რ ი ამხა̈ლიდ ამჲა̈რე ნაფა̈სდ ბარდან
Line of edition: 18 ი იშგენ ქორა̈შ მაჴმარა ოხღვანდახ, ათხე მონკავშირა̈რ იყდიხ.

Line of edition: 19 ნა̈ცხეკვიშ ლიბერგს მეთხვა̈რ გვიანდ ქამიზა̈ლდ ქა დემის იკვშე:
Line of edition: 20 მადე როქვ შიდ. მა̈რტიშ ლიშთხა̈ლუნღვე სერ შემინდვილ ლი.

Line of edition: 21 ხეჭემინა̈ლხ ადა̈იდ მალვა̈რს ი თხეროლს. ამჲა̈რს ჴადლანა̈რსი
Line of edition: 22 ხოჷემხ ი ტირხინოშვი აჟგჷრიხ. ტირხინას ლაღვთეჲსგა ხოჩდინეხ
Line of edition: 23 ი ცხეკს ხოდისგხ. მალვს ი თხერაჲ ნა̈ცხეკვშალ ატმურეხ. ჩუ ნაფჷრუნღვე
Line of edition: 24 თხერემ ტუფს ფაუს ხაცუეხ ი ბარჯს იდისგხ. ამჟი ხეჭშენიხ
Line of edition: 25 სოფნისოთელნ გჷრკა̈ნდ ი ჩი მეზგახენქა ეშხუ კარვა ნამშა̈
Line of edition: 26 ახღვეხ ამ თხერემ ნადგარვერ. ეჯჷნქა მა̈გ მაჴვამს ხაყლე ი ხემზირხ: --
Line of edition: 27 ფა̈თვ შელდდ როქვოღვ ათგენა.

Line of edition: 28 ჯვინალდ ჭუბრიშ ა̈დგიჟი ი ჭუბერხენქა და̈ლთექა დომბა̈, ლა̈ჩვ
Line of edition: 29 ი 'ტყა̈რ ხა̈მ ჩჲა̈გ ლჷმა̈რდ, ათხე ალ ქვინჷმგენოლ შვა̈ნეშ ა̈{გ}რევას
Line of edition: 30 ჟი მეხვტე ლიხ სერ.

Line of edition: 31
ლარილარი (ჭუბერი). მიხეილ ცინდელიანი. მ.ქალდანი. 5.VIII.1946

Добавлено (2007-03-19, 5:43 Pm)
---------------------------------------------
Text: 117
Page of edition: 238
Line of edition: 26
CXVII. ლერექვ

Line of edition: 27 ამსვალდს ჲორი შვიმიშ ლერექვ ხაწვა: ლაყვრა̈შ ი ლა̈გნა̈შ.
Line of edition: 28 ლაყვრა̈ში ლერექვ წეს ლი: ლერშ, შართქვინ, მჷთაქა, ვოთილ,
Line of edition: 29 ბა̈ლიშ, ზეწა̈რ, შა̈ლთა. ვოთილს ი ლერშს მინე-მინე ბჷდა̈რ ხა̈ზხ.

Line of edition: 30 ლა̈გნა̈შ ლერექვ ვობა̈შ შვიმიშ ლი წეს. ლენზა̈ვდ ღვაჟჰარემ
Line of edition: 31 ლერექვ ი ლელდისგ ხა̈მთქვახ: ხოდთხელა თეთნე, მადეჲ ფა̈რვ
Line of edition: 32 ლუშნუ კურ ფაყვ, ბოლოზა̈, ქა̈მე არშვილ (ბამბიშ, ბარდნა̈შ, მარე
Line of edition: 33 მა̈ტყიშს, კულია̈შს სახვშირ ხაშხა), ისგა̈შ არშვილ, ფატა̈ნ, ზჷთჴარა̈რ,
Line of edition: 34 ბერა̈რ, ლჷლანჩოლ ი ლჷლანჩოლთეჲსგა ლენხი წერქვა.
Line of edition: 35 ნენსგაქა ლა̈რტყს ითლჷრეხ ი ზჷთჴარა̈რქა ნეკურთხა̈რ ხა̈ბხ. არშვნლს
Line of edition: 36 თხუმქა ჟი ლჷკეშდ ხარ ი შიბ ხოზ ეჩექა ი ამნოშ ითლჷრეხ
Line of edition: 37 ეჯის. ჩაფლა̈რს ლჷბარა̈რშვ მეგჭად ითლჷრეხ გაწრა̈რქა.

Page of edition: 239
Line of edition: 1 ზურალა̈შდ ლენზა̈ვ ლერექვ ი ლელდისგ ნა̈მთქვა: კაბ, კოფთა̈,
Line of edition: 2 ივკა, ფატა̈ნ, არშვილ, ბერა̈რ, ლჷლანჩე ჩაფლა̈რ ი იშგენ. კაბ ი
Line of edition: 3 ივკა ჯვედია̈რ ხა̈მთქვახ, ისგ სკელთეჩუ ეჯღაჲ. ჴვენჟა̈რი ჯვედი
Line of edition: 4 ხა̈მთქვახ, შემბერთე ლექვა მეჰელი.

Line of edition: 5 ლინთვიშდ ლეღვჟმა̈რს ა̈შხბიხ: ვოსა̈რს, მადეჲ სურდუქს, სახშვირს
Line of edition: 6 (კულია̈შს), ზჷთჴარა̈რს, ლექთულარა̈რს ი ხონსგლა̈რშალ
Line of edition: 7 ფაყვა̈რს ჰედ ფა̈რვს, მადეჲ მეშხა. ჩაფლა̈რს ლინთვისგა ტყებერა̈რს
Line of edition: 8 იშხბიხ. ტყებერა̈რს ა̈შხბიხ ღუნიშ, დაჴლა̈შ, მადეჲ ხამემ
Line of edition: 9 ტუფიშს. ტყებერა̈რთე წერქვას ინხიხ სვრილდ ი გაწრა̈რქა ქა
Line of edition: 10 ითლჷრეხ ლჷბარა̈რშვ. ამჷნქა ჩაფლა̈რდ იშხბიხ ჯაბვრა̈რს. ჯაბვრა̈რდ
Line of edition: 11 ლუჰვიჭე ი ლჷღა̈ფ ტუფს იჴმა̈რიხ. ჯაბვრა̈რ ჟიქა ტუფ
Line of edition: 12 ლიხ, ჩუქა თასმოშვ აშხტიხ. ისგა̈შხენ ამხავი წერქვას ინხიხ. ჯაბვრა̈რს
Line of edition: 13 ლა̈თხვარჟი იდისგხ ზავლადეღ კოჯ ა̈დგის ლა̈ზელალდ.

Line of edition: 14 ლელუნთდ ვოსა̈რ ისგა̈შხენ ლექვამდ ღვაჟმარა კაბს ხოშხბიხ.
Line of edition: 15 კაბს ი ვოსა̈რს ღირკლა̈რშვ იგემხ სგებინჟი. ვოსა̈რს მუჭვედქა
Line of edition: 16 საბჷრწმა̈რ ხარ. საბჷრწმა̈რჩუ ჰედ პატრონა̈რს, მადეჲ ლაზმარა̈რს
Line of edition: 17 იცყერიხ.

Line of edition: 18
თავრალი. ჯანდრე ცინდელიანი. m.kaldani15.VIII.1949

Добавлено (2007-03-19, 5:43 Pm)
---------------------------------------------
Text: 118
Page of edition: 240
Line of edition: 1
გადმოცემანი, ამბები
Line of edition: 2
CXVIII. ბეკარობ

Line of edition: 3 აშხვ დრევქა (შომა დორ, ათხე ლჷცხჷრდ და̈ს ხოხალ) შვა̈ნს
Line of edition: 4 ლჷმა̈რ ლიმახველ ი ბეკარობ. გვა̈რს ი გვა̈რს უშხვა̈რ ნენსგა ლიმახვ
Line of edition: 5 ხა̈რენახ, თემ თემს ხა̈ბკა ი ვა̈შჲამჷნ თემისგა ი გვა̈რისგაჲ
Line of edition: 6 დეშ ხა̈სყუნახ უშხვა̈რ ი მეზგე ი მეზგე ხა̈ბკენახ უშხვა̈რ.

Line of edition: 7 ამ დრევჟი თხუმემ ლა̈ნთხლად შვანა̈რ მურჟვმა̈რს ლჷმგემნელიხ.
Line of edition: 8 მა̈ნკვიშ მურყვმა̈რ სემი სართულია̈ნ გარ ლჷმა̈რხ. ალ მურყვმა̈რ
Line of edition: 9 ჩუქა ხომშარა ლიხ ი, ხემა ჟი ესხრიხ, ეჯჟი ინხუწიხ. ჩვიბე
Line of edition: 10 სართულ ქვინჷმგენემ ლარდა ხა̈რენახ, ნენსგა̈შ სართულ ამსვალდა̈შ
Line of edition: 11 ლარდა ი მესმე სართულ თხუნემ ლა̈ნთხლა ი ლა̈შიალ. ალ მურყვმა̈რ
Line of edition: 12 ათხეჲ სიდხ ი გუნ ლუჯვნელე ლიხ. ეჩქანღვე ფიტკრიშ
Line of edition: 13 ძღვიდიშ ლიჭმინ' ოხბინახ ა̈ზვ-(\ აზ)-აგამდ ი ქვინჷმგენემ ლარდად
Line of edition: 14 ფიტკრიშ ქორა̈შ სგირი ომსედელი ი თხუმემ ლა̈ნთხლად ი ლა̈შიალდ
Line of edition: 15 -- მურყვმა̈რ. მახე მურყვმა̈რ ხოკლათხაჲ ლიხ, ხოშილ საგუნზილი
Line of edition: 16 ლიხ ი ხოფშირა სართულია̈ნი ლიხ. ბეკარობჟი ამ მჟრყვმა̈რე ქვინ
Line of edition: 17 ხა̈გნენახ შვანა̈რს.

Line of edition: 18 ბეკარობს ეჯჟი ოთდავშა ხა̈ლხ, ერე ჲერხი-ჲრხის ხოლემ ლაჩომთე
Line of edition: 19 გარ ოთყევანახ. ეშხუ თემიშ ლემხეღვაჟე მერმა თემს ხაშჷდოლნახ,
Line of edition: 20 ქონებას ხა̈ღეშგალახ ი, ჲესვა ა̈ნდარასგვხ ი ა̈თწინივხ,
Line of edition: 21 ტყვედ ოჷმჴიდვნელიხ. ტყვედ ხოშა ლაღალ ხეხვა̈რ ი ბოფშა̈რ
Line of edition: 22 ახეენახ. ალჲა̈რს' ჰედ ჴულა̈რს ხა̈დისგუნახ ჭჷშხ, მადეჲ დილეგთე
Line of edition: 23 ლუმკვარნელიხ. ლეზობდ ტებდი ლჷც ი შველჷნქა დემგვაშვ
Line of edition: 24 ხაჰდუნახ. ჭირსუფა̈ლს ქა ხა̈ჭრუნახ, ერე ალ ი ალ მარე ამ ა̈დგის
Line of edition: 25 ხაყახ ლუნტყოვნე ი დრევს ხაკცუნახ. ამ დრეეისგა ქ'ემოშ ა̈დჴიდახ
Line of edition: 26 სა̈ჭირო სახსა̈რს, ეჰე ეზერ, მადეჲ ლაჰვდითე ლჷმა̈ისგვნელიხ
Line of edition: 27 უსურმა̈ნთე. ტყვეღა სვრილ ფასვ ლჷმკიდვნეტიხ. მაშენე ლუგვნიშ
Line of edition: 28 ხეკეეს ლჷმა̈რლასუნ დინა ტყვე. მოლემ სურუ წჷხი ლახა ხარხ,
Line of edition: 29 ათხეი ამჟი რაგდიხ: "ა̈ლი ესერ დინა ტყვედ ხოჯეშ ათხე".

Line of edition: 30 ბეკარობჟი ბოფშა̈რს ჰენწა̈რშვ ხა̈ქვთარახ, ლაჲხვას ლაყვროლ ხენქა
Line of edition: 31 ხა̈ბიშდოლნახ, ლემხეღვაჟე უშხვჷრ ხა̈ჭკჟოლნა.

Добавлено (2007-03-19, 5:44 Pm)
---------------------------------------------
ამ დრევქა ლა̈შიალდ ხა̈ღვენახ: ხანგრა̈რ, კალდმა̈რ, ცჷემდა̈რ,
Line of edition: 2 ჯიჰრა̈შ ი ლა̈ჯრა̈შ ტყონა̈რ ი ღოშგმავ ლუშნუ თოფა̈რ ი ჯიჰრა̈შ
Line of edition: 3 ზარბუზნა̈რ.

Line of edition: 4 მურყვმა̈რს ლა̈შიალ სა̈ნცხვრა̈რ ხარხ. სა̈ნცხვრა̈რ ისგა̈შხენ
Line of edition: 5 მაშრი ლიხ, ხია̈რ ღეთ ეშხუ მეტრ, ნაკლათხანი ა̈მიცა̈ლ ღეთ ლიხ,
Line of edition: 6 მარე ქა̈მშხენ ეჯჟი ინხუწიხ, ერე ქა̈ხიხენქა ნეწვიდ ხა̈ზილდ გარ
Line of edition: 7 ხეთრა: ღვე როქვ ქა̈მშხენისგა ნა̈ფიშვდ ცხვი დემ ა̈თხელი ი ისგა̈შხენი
Line of edition: 8 ნა̈რჰი ხოჩამდ იფხჟოლნი.

Line of edition: 9 მურყვმა̈რე ხოშა ლაღა̈ლს თხუმჟი თხა̈ფ ხაჭიმ გჷრკა̈ნდ (\ კჷრკა̈ნდ).
Line of edition: 10 ამთეჟი ვობა̈შ დოლებს ლჷმმაჯვნელიხ ი უშხვა̈რჟი ლჷმწკჷტნელიხ.
Line of edition: 11 სა̈ნცხვრა̈რხენქა ცჷჴემდშვ ი თოფშვ ლა̈შიალ ხა̈რენახ, მარე
Line of edition: 12 ხუნთეჲსგა სგა ხა̈ჩდოლნახ ლალფარა̈რშვ ი ეჩქანღვე სა̈ნცხვრა̈რხენჩუ
Line of edition: 13 დემგვაშმოშ ხაჩმუნახ. ეჩქას ხუნიშ ლიბარჯეს ლჷმბინვნელიხ
Line of edition: 14 ი მაშენ ლემყა̈ლვ ამნოშ ლჷმა̈რ მურყვამ. ამ დრევჟიშდ ხა̈ღვენახ
Line of edition: 15 ლჷმარე მურყვმა̈რე თხუმჟი დოლბა̈რ ი თხა̈ფხენჩუ თხუმ ლექვა
Line of edition: 16 ხა̈შდუნახ ხუნიშ მჷბარჯას ი ამნოშ ლჷმვიჩნელიხ მემახველას.

Line of edition: 17 ლიმახველ მამ' ოლგენელი და̈ჩქელანობუნღვეი. ვარგა̈რ უშხვა̈რ
Line of edition: 18 ხა̈სსგუნახ თემს ი თემს, გვა̈რს ი გვა̈რს, მეზგა ი მეზგა, ღვე უშხვა̈რ
Line of edition: 19 ხა̈ხ{ვ}ტუნახ ი ნა̈მხვიტ გიმს ი ლა̈ზგა-ლარდას მინ ხა̈ფსვდოლნახ.
Line of edition: 20 ამსვალდა̈შ ლინტყოვნე ი ჰედ სახსრიშ ლიკედ, მადეჲ უსურმა̈ნთე
Line of edition: 21 ქა ლიჰვდი, ალჲა̈რსი ჲელწესდ ხა̈ღვენახ.

Line of edition: 22 მუშვნი მჷრგა̈დი ეჯ დრევს ქა ვენდ გარ ახსედა.

Line of edition: 23
თავრალი. დათა გვარმიანი. მ.ქალდანი. 12.VIII.1949

Добавлено (2007-03-19, 5:44 Pm)
---------------------------------------------
Text: 119
Page of edition: 241
Line of edition: 24
CXIX. შვა̈ნეშ ვოქრ

Line of edition: 25 შვა̈ნს ვოქრეშ მა̈დენ წვა. ქვიშად მეჴჩე ვოქრეშ ლითხელი რიენს
Line of edition: 26 ი შვა̈ნეშ მერმა ლჷცა̈რს ივაიდამს ლჷმა̈რელი.

Line of edition: 27 ჯვინალდ შვანა̈რ ვოქრს მოშდ ხა̈თხელინახ. ვოქრეშ ლაშყვდიდ
Line of edition: 28 ღოლაქა̈შ უფშდა ტუფა̈რ ხა̈ღვენახ. ამჲა̈რს ლინთვისგა, ლჷცა̈რ
Line of edition: 29 ისგა მეშყდელიხ, ეჩქას ამ ლჷცრე. რიყა̈რისგა ჟი ხალჯუნახ. ამჟი
Line of edition: 30 ვობა̈შ ხა̈ნს ლუმცვირნელიხ. დრევ ი ვანაუნღვე ნანგვმან ლჷმკჷმრავნელიხ
Line of edition: 31 ი ხა̈თრუნახ, ეჩქას ჟი ლჷმკიდვნელიხ ტუფა̈რს ი &#

Line of edition: 8
1.

Line of edition: 9 ისგე (ჲქალდანრე) ხოშოლუ ჯვინალდ ლატლის ლჷმზიგხ. ხოჩა
Line of edition: 10 ლიზგე ხა̈რენახ. ეშხუ კეც როქვ თუვშვ გვეში ხა̈გნენახ მარა̈ნისგა
Line of edition: 11 ი, მაზუს ქახბირახ, ეჯზუ როქვ სგა ხექმენივ.

Line of edition: 12 ამჲა̈რე ხოშამ ალმა̈სგირ ხა̈შხენა. ალმა̈სგირიშ (\ ალმა̈ცგირიშ)
Line of edition: 13 ხოჩა ლიზგე ჲერხის ხაურცეფენახ ი ა̈მიშ ლიღლა̈ტის ახშდაბახ.
Line of edition: 14 სოფელ მინეშხენჩუ ოთკვარახ ი ისგა ლაშჷდთე ლჷმმარა̈ლხ. ამჟი
Line of edition: 15 აშხვ ერდგვილ მარა ალმა̈სგირიშდ ბა̈ჟინ ხოყრა ა̈მიშ ბედჟი. ალმა̈სგირდ
Line of edition: 16 ა̈დსკორე ი: "ათხეუნღვ' ესერ ამეჩუ მიჩა ლილზიგა̈ლს მამა
Line of edition: 17 ხაყა" ი ბა̈რგნაბა̈რგ მა̈გ ლალა̈ბია̈რს ოსდე ი აყირ ლატვთე
Line of edition: 18 მჷჟლაჰვარ ლაღა̈ლთე.

Line of edition: 19 მერმა ლადეღ სოფელ ისგახშჷდა ალმა̈სგირიშ ლა̈ზგა-ლარდას.
Line of edition: 20 მაშენე კეცისგა̈შ თუმი მაზვაბ ხამკახენახ, მარე ა̈ლი ჩუ ლუფკვე
Line of edition: 21 ესხვიახ. ეჩქას სოფლიშ ხოშ-ხოშოლუ ოხთიშახ ი ეჯჲა̈რ ლოჰელინახ
Line of edition: 22 ალმა̈სგირიშდ ღოშგიმხენ. ალჲა̈რს ხოქვახ ალმა̈სგირიშდ:

Line of edition: 23 -- მინეშდ ესერ მიჩა ამხვა̈რს ოთღორვახ ი ათხ' ესერ სოფელს
Line of edition: 24 ჟი ლჷჰდჷრე ხარ ი ჟ'ოღვ ოსჭენ. ათხეუნღვე მა̈გ ესერ მიჩა
Line of edition: 25 ერდგვილ ირიხ.

Line of edition: 26 . ალმა̈სგირს ვარ ხოქვა ი ქოთყჷრა და̈ლთე. ჷთნა̈რიშ ჴარჴ ჩვა̈ფშხენ
Line of edition: 27 ჟა̈ბე ტიტა̈შ ნაზიმჟი შუკვ ნახვწი კჷნჯბა̈რქ' ესხრი. ამექა
Line of edition: 28 ლაზჟი ეშხუ ჯვედი ბა̈ჩ ლჷმდენ შუკვქა ტაფთე. ალმა̈სგირ ჰვილხენჩუ
Line of edition: 29 ესრეწგა ი ალ ბა̈ჩ შუკვს ჟიბავ ლოხდა. ამ ა̈დგის ამ დრევუნღვე
Line of edition: 30 ალმა̈სგირიშ ბაჩა̈რ ათჟახენა ი ათხეი ალ ჟახე ხასიდ ჟი.

Line of edition: 31 აშხუნღვე ქოთქაბახ ხვარა̈შ ჴარჴდი ი და̈ლთეჲსგ' ათჴედჷნენახ.
Line of edition: 32 ამეჩუ ჩოლზიგელიხ სა̈კენ. ამჲა̈რე ნა̈ლზიგალჟი ფიტკრიშ ქორა̈შ
Line of edition: 33 ი ძღვიდიშ ხუნა̈რ ჩიქი ჩუიდ სიდხ.

Line of edition: 34
2

Добавлено (2007-03-19, 5:45 Pm)
---------------------------------------------
ალმა̈სგირს ხა̈რდენა ეშხუ მიჩეშშალ - ლჷჲმედ - ნაღვჟურგეზალ,
Line of edition: 36 მარე ჩიქი მადე ხა̈კვდენა გეზლა̈შ მა̈მედა̈შ ქა ლითნე. ამ მახეღვა̈ჟს
Line of edition: 37 ჟახად მჷრზა ხა̈შხენა.

Page of edition: 243
Line of edition: 1 აშხუნ მჷრზა მიჩა მუეშ უჭვდალდ ლა̈თხვართ' ოლზვირ ი მიჩა
Line of edition: 2 დიეშდ ხოქვა: -- დია, მა̈დილ ესერ ხერი ი ეშხუ სემი ლემზირი
Line of edition: 3 ლოღვ ოხნაყე ბა̈ზი მჷხრიშ ლევიზჲაქ.

Line of edition: 4 მიჩა დის მამა ლახჩონა, მარე ვა̈რია დეშ ხოქვა გეზალდ ი
Line of edition: 5 ლევიზჲაქ ლემზჷრა̈რ ქა ლოხსერა. ჰამს ურჰად მჷრზა ლა̈თხვართე
Line of edition: 6 მეჩდე ესხვიახ. ნებოზს, მახე ნაბურჟი, ყორისგა ჰა̈რიდ ლომჴედ
Line of edition: 7 მჷრზა ი მიჩო მუ ლახჭედნა: -- იმეგ ესერ ლჷმა̈რდ ლა̈დი, ბუაჯო,
Line of edition: 8 ჰამუნღვე?

Line of edition: 9 -- ლა̈ზელალს ესერ ლჷმა̈რდელი, ბუა.

Line of edition: 10 -- ღვე ხაკჷრქ' ესერ მაგვეშა?

Line of edition: 11 -- ჲორი ლა̈ჩვ ესერ ხაკჷრქა, სერ მამაგვეშ.

Line of edition: 12 -- ღვე მ' ესერ ხოყრა?

Line of edition: 13 -- მა̈-ი სა̈ნჴდ ესერ ოსრეკა ქა უძენძურად ი კალვისგ' ესერ
Line of edition: 14 ოსდა.

Line of edition: 15 ოხპარხ მახეღვაჟა̈რ ი ქაჩადხ ლა̈ჩვრე სგა ლა̈ჴდათე, მარე ძჷძჷ
Line of edition: 16 დეშ ხა̈ყერხ ი ჰა̈რიდ ანტახხ ყორისგა.

Line of edition: 17 -- ჰა̈რიდ ესერ იმღ' ომტეხხ? -- ალმა̈სგირ ლახჭედნა.

Line of edition: 18 -- იმღა ი ეჯგვა̈რ ესერ ლიხ ლა̈ჩვა̈რ სვრილ, ერე ქ' ესერ
Line of edition: 19 დეშ ოთქუთნახ.

Line of edition: 20 ოხპარ ეჩქას მჷრზა ი ჲორი ლა̈ჩვ ჲექდა ყერბჩუ ესდე. ალმა̈სგირ
Line of edition: 21 ლალმა̈გნათე მეჴდე ლასვ ი მიჩა ლიმარვ მჷრზას ოსმეზრე.

Добавлено (2007-03-19, 5:45 Pm)
---------------------------------------------
აშხუნ ალმა̈სგირიშ ვეთხვმალე ანდავს ფურა̈რ ოთხვაჲა ლალდაღთე.
Line of edition: 24 ნებზვა̈შ ჩიქს ვეთხვმალს ქორთე ლუმუნჭურინ, ეჩქას ეშხუ
Line of edition: 25 ფუ̈რ ღოშგდ ლუმზურა̈ლ. ოხკიდა ეშხუ კურენჭ ალ ნაღვჟურს,
Line of edition: 26 ოხსვილა ფურდ ი ლესგისგა ხოყირა. კურენჭს ფურქა აშგარ
Line of edition: 27 ცხჷლ ოხკიდა ი ვორჩუ ჴურუიდ ლოხყენა. ფუ̈რ ჟ'ახსიპა ი ჩოლდაგა̈რ,
Line of edition: 28 ცხა̈ჲ. ანდავს ლიგვნი ლოხბინა ი ქორთე ლაგვნიშვ გარ
Line of edition: 29 ომჴედელი. ალმა̈სგირს ათჷმბაჟენა ი ანდავს ლახჭედნა: -- მ' ესერ
Line of edition: 30 ამბა̈ვ ლი, იმღ' ესერ იგვნი?

Line of edition: 31 -- იმღ' ესერ ი აშ-აშ, ფურდ ესერ ოხფიშვდა ბა̈ჩ, ფურქა
Line of edition: 32 ქ' ესერ ოთსკინა მერმათე ი ფუ̈რ ჩვ ესერ ოლდაგა̈რ.

Line of edition: 33 -- ჰა, ეჯღა ჯინემ შვა̈ბ გაროღვ იყირ ი ხონჴრივოღვ, ქოღვ
Line of edition: 34 ლახთონე ეჯ ა̈დგი.

Line of edition: 35 ათაგანხ ქა ი აშხუნღვე სგა̈თჴედჷნხ ლჷდგა̈რ ფურთეჲსგი. გიმჩუ
Line of edition: 36 ტკისდ ჴურუ ხარ ბაჩვემ ნაზვ. ლოხბინეხ ლიფხრიჭი ი ა̈ფხრიჭიხ,
Line of edition: 37 ა̈ფხრიჭიხ ი ჩუ ვედდ გარ ადჰიეხ ბაჩვთეჩუ. ა̈ნკიდ ჟი ალ ბა̈ჩ
Page of edition: 244 Line of edition: 1 ალმა̈სგირდ ი ალმა̈ს. შიშდხი მჷშკიდთ' ადაჲე ი ხანგრიშ ლიშკა̈დი
Line of edition: 2 ხა̈ჰერ ამხენქა. მჷშკიდდ იმედ ხა̈ქვე ი დრევ ლოხკა̈ც ი ამ დრევჟი
Line of edition: 3 ესერ ლჷმარე ხერი. ალმა̈სგირ ა̈თჴჷრან ი: -- ეშხუ თეტენოღვ ოხშკა̈დ
Line of edition: 4 ამხენქა ლა̈დი.

Line of edition: 5 მჷშკიდდ ჟ'ოხშკა̈დ ა̈მიშ თეტნილ ი ალმა̈სგირ აჩად მიჩა ქორთე.
Line of edition: 6 ლჷკა̈ც ლადეღ ალმა̈სგირ აჩად მჷშკიდთე ი მიჩა ხანგა̈რ ხა̈ჰერ.
Line of edition: 7 მჷშკიდდ ქოხჴიდ ეშხუ ხანგა̈რ ი ქა ლახემ ალმა̈სგირს. ალმა̈სგირდ.
Line of edition: 8 თეტნილ ლა̈ჲკიდ ჯიბხენჟი, ლახგენე ამ ხანგა̈რს ი მერმათე აშგარ
Line of edition: 9 ცხჷლ ათღანე. ეჩქას ალმა̈სგირ ჟ'ოლხირნელი ი მჷშკიდს ჟი ლოხკიდა
Line of edition: 10 ალსმიშ ხანგა̈რ ვოქრშვ ლჷშკა̈დ ი ქა ლოჰოდა ალმა̈სგირიშდ. ლოხგენა
Line of edition: 11 ამნა̈რ ალსმიშ თეტნილ ი იმ ხეჩმუდ ალმა̈სს ალმა̈ს. ალმა̈სგირს მაჴვამ
Line of edition: 12 ხოქვა ი ომჩედ მიჩა შუკვს.

Добавлено (2007-03-19, 5:46 Pm)
---------------------------------------------
აშხუნ ალმა̈სგირიშ ვეთხვმალე ანდავს ფურა̈რ ოთხვაჲა ლალდაღთე.
Line of edition: 24 ნებზვა̈შ ჩიქს ვეთხვმალს ქორთე ლუმუნჭურინ, ეჩქას ეშხუ
Line of edition: 25 ფუ̈რ ღოშგდ ლუმზურა̈ლ. ოხკიდა ეშხუ კურენჭ ალ ნაღვჟურს,
Line of edition: 26 ოხსვილა ფურდ ი ლესგისგა ხოყირა. კურენჭს ფურქა აშგარ
Line of edition: 27 ცხჷლ ოხკიდა ი ვორჩუ ჴურუიდ ლოხყენა. ფუ̈რ ჟ'ახსიპა ი ჩოლდაგა̈რ,
Line of edition: 28 ცხა̈ჲ. ანდავს ლიგვნი ლოხბინა ი ქორთე ლაგვნიშვ გარ
Line of edition: 29 ომჴედელი. ალმა̈სგირს ათჷმბაჟენა ი ანდავს ლახჭედნა: -- მ' ესერ
Line of edition: 30 ამბა̈ვ ლი, იმღ' ესერ იგვნი?

Line of edition: 31 -- იმღ' ესერ ი აშ-აშ, ფურდ ესერ ოხფიშვდა ბა̈ჩ, ფურქა
Line of edition: 32 ქ' ესერ ოთსკინა მერმათე ი ფუ̈რ ჩვ ესერ ოლდაგა̈რ.

Line of edition: 33 -- ჰა, ეჯღა ჯინემ შვა̈ბ გაროღვ იყირ ი ხონჴრივოღვ, ქოღვ
Line of edition: 34 ლახთონე ეჯ ა̈დგი.

Line of edition: 35 ათაგანხ ქა ი აშხუნღვე სგა̈თჴედჷნხ ლჷდგა̈რ ფურთეჲსგი. გიმჩუ
Line of edition: 36 ტკისდ ჴურუ ხარ ბაჩვემ ნაზვ. ლოხბინეხ ლიფხრიჭი ი ა̈ფხრიჭიხ,
Line of edition: 37 ა̈ფხრიჭიხ ი ჩუ ვედდ გარ ადჰიეხ ბაჩვთეჩუ. ა̈ნკიდ ჟი ალ ბა̈ჩ
Page of edition: 244 Line of edition: 1 ალმა̈სგირდ ი ალმა̈ს. შიშდხი მჷშკიდთ' ადაჲე ი ხანგრიშ ლიშკა̈დი
Line of edition: 2 ხა̈ჰერ ამხენქა. მჷშკიდდ იმედ ხა̈ქვე ი დრევ ლოხკა̈ც ი ამ დრევჟი
Line of edition: 3 ესერ ლჷმარე ხერი. ალმა̈სგირ ა̈თჴჷრან ი: -- ეშხუ თეტენოღვ ოხშკა̈დ
Line of edition: 4 ამხენქა ლა̈დი.

Line of edition: 5 მჷშკიდდ ჟ'ოხშკა̈დ ა̈მიშ თეტნილ ი ალმა̈სგირ აჩად მიჩა ქორთე.
Line of edition: 6 ლჷკა̈ც ლადეღ ალმა̈სგირ აჩად მჷშკიდთე ი მიჩა ხანგა̈რ ხა̈ჰერ.
Line of edition: 7 მჷშკიდდ ქოხჴიდ ეშხუ ხანგა̈რ ი ქა ლახემ ალმა̈სგირს. ალმა̈სგირდ.
Line of edition: 8 თეტნილ ლა̈ჲკიდ ჯიბხენჟი, ლახგენე ამ ხანგა̈რს ი მერმათე აშგარ
Line of edition: 9 ცხჷლ ათღანე. ეჩქას ალმა̈სგირ ჟ'ოლხირნელი ი მჷშკიდს ჟი ლოხკიდა
Line of edition: 10 ალსმიშ ხანგა̈რ ვოქრშვ ლჷშკა̈დ ი ქა ლოჰოდა ალმა̈სგირიშდ. ლოხგენა
Line of edition: 11 ამნა̈რ ალსმიშ თეტნილ ი იმ ხეჩმუდ ალმა̈სს ალმა̈ს. ალმა̈სგირს მაჴვამ
Line of edition: 12 ხოქვა ი ომჩედ მიჩა შუკვს.

Добавлено (2007-03-19, 5:46 Pm)
---------------------------------------------
ამ დრევჟი ლიშია̈ლ ლჷმა̈რელი და̈ლ ლეჟა. ნა̈მჴედვ ჯა̈რ როქვ
Line of edition: 15 სურუ ლჷმა̈რ ი მეხელი მოლე გარ. ლახსგურენა ალმა̈სგირ მიჩა ჰვილს,
Line of edition: 16 ჟი ლოხკიდა ალსმიშ ხანგა̈რ, ახფურთინენა ისგა ჯა̈რს ი
Line of edition: 17 ბერჟემ ხანგრა̈რს ი კინჩხა̈რს მეგუდ ხაქცურნა. ნა̈შიალუნღვე
Line of edition: 18 ქორთ' ომტეხ ალმა̈სგირ ი მიჩა ხახვ ხოქვა: -- ქოღვ ადკვეცნე
Line of edition: 19 ხანგა̈რ, ლეგ ესერ ლესგდი ლი.

Line of edition: 20 ალმა̈სგირს ლაკვცა̈ნიდ მა̈შკქა ლოხჭემა მიჩა ხანგა̈რ, ესსიპენა
Line of edition: 21 ჟი ი ალმა̈სგირ ისგდ ოთქვიცა ალ ხანგა̈რს.

Добавлено (2007-03-19, 5:46 Pm)
---------------------------------------------
ალმა̈სგირიშ ხეხვ ი მიჩა გეზლირ ლასკორათ' ომშყედელიხ.
Line of edition: 24 ქოხქვიცახ, ერე ათხეუნღვე სა̈კენ მინე ლილზიგა̈ლს მამა ხაყა ი.
Line of edition: 25 შვა̈ნთე ხეკვეს ანტეხეხ. ამ დრევქა ლახვა̈რს მუსვ ხა̈დენა ი ჩუქა
Line of edition: 26 ხეკვეს ომჴედენლასვხ აფხზეთხენ ი ზა̈ნხენ.

Line of edition: 27 აშხვ ლეთ ზა̈ნს ისგა ლახმუშგვრენახ აშხვ მეზგა. ალჲა̈რს ხა̈რდენახ
Line of edition: 28 ეშხუ უწვილა სიმაქ. ალმა̈სგირიშ გეზლირ სემი ლჷმა̈რელიხ
Line of edition: 29 მახეღვაჟა̈რ ი მაჰრენამ ეჯგვა̈რ ლახლატა ალ სიმაქ, ერე მერმა
Line of edition: 30 ლადეღ შვა̈ნთე ლიზია̈შ ვარ ხოქვა ი ამჲა̈რს ესჩიჟენა ისგა. ჲორი
Line of edition: 31 ლახვბა ი მინე დი ლეჟ' ომჴედელიხ შვა̈ნთე. ამჲა̈რე ნაპა̈რწყ როქვ
Line of edition: 32 ხიდ, შვა̈ნს ქალდანა̈რ ჩუ მა̈ ხიზგედ, ი მაჰრენ მუხვბემ ნაბა̈რწყ
Line of edition: 33 როქვ ზა̈ნეშ ქარდავოლ ლიხ.

Page of edition: 245
Line of edition: 1 ეჩქანღვე ალმა̈ცგირიშ ნაბა̈რწყისგა გვიანდ ეშხუ მეკვჰე მარე
Line of edition: 2 ოლწესელი ი ამნა̈რი მჷრზაიდ ოთჟახახ. ეჩქას სგა̈ (ჲბურნაყა̈რ)
Line of edition: 3 ლა̈შხრა̈შ ჩუქა ლჷმზიგხიდ ი ჟახად გელა̈რ ჯა̈შხენახ.

Line of edition: 4 აშხუნ მჷრზა ლა̈თხვარს ლჷმა̈რდ კვარმა̈შ ლეჟა ი ღვაშ ხაკჷრქა.
Line of edition: 5 ეჯ ლეთ მიჩა ლჷნჟა̈ხ მჷრზა̈შ ბაჩა̈რ ჩოლსადგემ. ლერყია̈შ შჷხენქა
Line of edition: 6 კვარმა̈შთე და̈ლ ლახშჷმა მერმა და̈ლს:

Line of edition: 7 -- ვო 'სერ, ერენქილ!

Line of edition: 8 -- მ' ესერ ლი, დერენქილ?

Line of edition: 9 -- მ' ესერ დერ ი, ვიდლა̈შ, მაგვა̈რ ესერ ოლჩემნელი?

Line of edition: 10 -- მ' ესერ, მინე ლივდილჯონ? -- ი

Line of edition: 11 -- მ' ესერ დერ ი ჲესვალა ქალდანა̈შ ალმა̈ცგირ ოთდაგრა
Line of edition: 12 კიჩხჷლდა̈შ, ეჩ' ესერ ურწყვ ლი ი ეშხუ ესერ ნაყუნ ჯიმოღვ ლახშდებ.
Line of edition: 13 ჰა 'სერ, ვა̈ჲ, ვა̈ჲ, ფოთაშ ესერ ქა ხორი ლაჯმის ქა̈რთ-კახეთს,
Line of edition: 14 ეჩა ლიტხა̈ლდ კახეთს, ეჩა ლიტხა̈ლდ დემეგ ესერ ხოზ, ოდო ქ' ესერ მადე
Line of edition: 15 ლახშდების, ცა̈შ-თახშიშ ნანშურს ესეროღვ ხეჩდა მიჩა ქვინ, ოდო ეჩა
Line of edition: 16 ურწყვ ჯი ესერი ლი, ვიდლა̈შ!

Line of edition: 17 ა̈ლი მჷრზას ქა ხასმოლნა. ღვაშ ჟი ლოხცვა ი ლექვა. ჰადჷლდს
Line of edition: 18 ხოშა ვიცხ ხა̈გნენა (ათხელდ ამჟი ხაგან ეჩა ჯიკ), ამნა̈რ ჟი ლოხრეკა
Line of edition: 19 ღვაშ, ჯი ჩუ ი მიჩო მუ ჩოთწორა, ღვე ჟ'ომტეხ ი ღვაშ ჟი
Line of edition: 20 ლოხცვა ი ლექვა, გელაშერ მურყვამ ლჷგ ლა̈შხრა̈შ, ამთე ლექვა.

Line of edition: 22
თავრალი. მაჰარბი ცინდელიანი. მ.ქალდანი. 10. IX.1956

Добавлено (2007-03-19, 5:48 Pm)
---------------------------------------------
Text: 121
Page of edition: 245
Line of edition: 23
CXXI. ბა̈ჲ მეზგე ი საბრალ ზურალ

Line of edition: 32 სერ ბოფშა̈რ მჷტმად ხა̈ჭკჟოლნა. მინე დის ხაჴჷრალახ: -- ჰა,
Line of edition: 33 მა̈დილ ხერი, ლეზებ ოხსახთას, იდგა̈რიხ მა̈იდშვ!

Page of edition: 246
Line of edition: 1 ლეჟრი მინე დის ჭყერუა̈რ ოთგა კონტჷლდშვ ბოფშრე
Line of edition: 2 ლაღროვალდ ი: -- ლაჲჭკჷრნეხოღვ მოლიდ ი ალ ლეღვილდა̈რ ესერ
Line of edition: 3 ჩუჲ ა̈დჯა̈ბიხ ი მაგვა̈რდ ესეროღვ ადდირას.

Line of edition: 4 იმედ-იმედშვ ხა̈გჭენა გეზლირ ი მაჰრენამ ეჯღაჲ ლა̈დი-ბა̈ზი
Line of edition: 5 ქვინ ხა̈ჩდოლნ', ეჯჟი ა̈მის ლახმუშგვრენა ჯგჷრა̈გ ი ზურალს ლახჭედნა:
Line of edition: 6 -- მ' ესერ ხოგ კონტისგა?

Line of edition: 7 -- ბოფშრე ლაღროვალდ ესერ ხოგ ჭყერუარ.

Line of edition: 8 -- აღვე ჟ'ოღვ ა̈ნკიდ.

Line of edition: 9 -- მ' ესერ ა̈ნკჷდეს ჭყერუა̈რ?

Line of edition: 10 -- ეჯღა ჟ'ოღვ ა̈ნკიდ.

Line of edition: 11 ოხკიდა ჟი ი ხოშა ტაბა̈გ გვეში ლაღვდ ესერ ოლსიპელიხ,
Line of edition: 12 ჯგჷრა̈გს ხოქვაიდ ი: -- ათხე კიბდენოღვ ადკარე ი დირა̈როღვ
Line of edition: 13 ანნაყე ბოფშრეშჲაქ.

Line of edition: 14 -- კიბდენ ესერ იმნა̈რ ადკარას, მიჩა მა̈ზიგ მიჩ, ეშხუ ითქილდა̈შ
Line of edition: 15 ესერ ნა̈ხიპვ მადმაგვეშ ხოცჷხ კიბდენისგა.

Line of edition: 16 -- ეჯღა ნომოღვ ხარ, ჩოღვ ადკარე.

Line of edition: 17 ომჩედელი ტკისდ კიბდენთექა ი კიბდენ ფაქვშვ გვეში დერ
Line of edition: 18 ლია! ათხე ჯგჷრა̈გს ხოქვა: -- ჲაღვე ჯი ესერ ღჷრი ი, ეჯგვა̈რ
Line of edition: 19 ესერ ი ამგვა̈რ სა̈ხმა̈ხ მა̈ დო ა̈ხსყენეს ბა̈ზი, ყორ ი ლაჴვრა ქოღვ
Line of edition: 20 ოხშემბურე ი ქამავ ნომეგოღვ ა̈ნსგიდივ.

Line of edition: 21 ზურალს ყორ-ლაჴვრა გუნ ოთჩემნა. ისგლეთიშ ვანაქა ეჯგვა̈რ.
Line of edition: 22 ოლბინელი ტურშუნ-ბურგუნ, ერე მა̈გ ღეთ ხა̈რხოლნა უშხვა̈რ.
Line of edition: 23 ლახ ამჟი ხოლა სა̈ხმა̈ხ ახსყენა, მერმე სობ, ეჩქას ზურაოს დეშ
Line of edition: 24 ოთჭკჷრნა ი ლაჴვრ' ოსტკირა ი ეჩექ' ოთციქვარა. ამეჲსგა ჩხჷტ
Line of edition: 25 ომშყედელი იმხვალეხენ, ა̈ლი ხა̈ვხა თეჲსგა ი თე ქახხეპა.

Line of edition: 26 ღოშგიმ ისგომჴედელი ჯგჷრა̈გ ამთეჲსგა ი ლახჭედნა: -- ჯი
Line of edition: 27 ზურალ, მ' ესერ ხა̈კრა თეს?

Line of edition: 28 -- მ' ესერ ი დეშ ესერ ოთგიჭა გვი ი ლაჴვრ' ესერ ოსტკირა
Line of edition: 29 ი ჩხჷტ, ესერ ხა̈ვხა.

Line of edition: 30 -- ჲაღვ' ესერ ა̈ლი მად' ოთჭაბა მიჩ ი ეჯღაჲ დეშ ესერ ოთჭკჷრნა ე,
Line of edition: 31 მიჩი შან გარ ესეროღვ ხარ.

Line of edition: 32 სერ ა̈ლიი ისგოთჩიდინა. სოფელ ლეგრევს ოთნახა ჩუ ი
Line of edition: 33 ეშდჲარვ ზავ ესერ ამჟიიდ ლჷმყჷლინ მამვილ ამ ლეგრევისგა.

Line of edition: 34
თავრალი. მაჰარბი ცინდელიანი. მ.ქალდანი. 10.IX.1956

Добавлено (2007-03-20, 5:04 Pm)
---------------------------------------------
Text: 122
Page of edition: 247
Line of edition: 1
CXXII. კესრილჷფაშფ

Line of edition: 2 ჩვიბეჴევხენ მჷჟლაჰვართე, უთვრიშ ჴარჴ ჩვა̈ფშხენ, ჟა̈ჴვრა̈შ ჭალა̈ჲშ
Line of edition: 3 ნაზიმქა, აშხვ გორა̈გჟი ნენსგა ნენჩაჲსგა ზი მასა̈რდ ჯვედი ი მაშრი
Line of edition: 4 შვიშელ ნაკ. ამ ა̈დგის ჟახად კესრილჷფაშდ ხაშხა. კესრილჷფაშდს
Line of edition: 5 ფედიას ხა̈ზხ შვა̈ნისგა̈შ მაჩენამთეშ ლახვა̈რ. მაშენამ
Line of edition: 6 აფშდიხ უთვირს, ჷთნა̈რს, ჟა̈ჴვრა̈შ ჭალა̈ს. მცლაჰვარხენ კესრილჷფაშდს
Line of edition: 7 ხოშა ტვიბ ხა̈ზ. ამ ტვიბს ლუხვ ხაშხა. ლუხვიშ ი ჷთნა̈რიშ
Line of edition: 8 თხუმ გუნ კჷლთხი კჷნჯბა̈რ ლიხ. ამჲა̈რს კირა̈რ ხაშხახ. ალ ქჷნჯბა̈რ
Line of edition: 9 კირიშ გარ ლიხ ი ჟახადი ეჯღა ათჟახენახ კირა̈რ.

Line of edition: 10 ნამბუალდ სიდ, ერე ჯვინლიშ ჯვინალდ, ბა̈რობა̈შ დრევჟი,
Line of edition: 11 კესრილჷფაშდ ეშხუ გუნ ლჷჲმედ მეზგე ლჷმზიგ. მეგრე მანგრიშ
Line of edition: 12 ლა̈დჲარუნა ხა̈რენახ ჟა̈ჴვრა̈შ ჭალა̈, უთვირ ი ჷთნა̈რ, დაჴლა̈შ
Line of edition: 13 -- ლუხვ. მეშგ ქვინჷმგენემ ლარდა ი ლაშგა̈ლი კესრილჷფაშდ ხა̈რენახ ი
Line of edition: 14 ლა̈ყელი -- შდჷხირ. ნაშგვს ვორემ სტურა̈რშვ ლჷმფიშვდნელიხ
Line of edition: 15 კესრილჷფაშდხენ შდჷხირთე. ამხენ შდჷხირთე არა ღეთ კილომეტრ
Line of edition: 16 ხოზი. შდჷხრიშა̈რს აშგარ ხეხელიხ კესრილჷფაშდა̈შ ი
Line of edition: 17 შდჷხრიშ უშხვა̈რ ნენსგა ჲარვ ღეთ ფხულემ ნა̈ნსგლი ვორემ
Line of edition: 18 სტურა̈რ.

Line of edition: 19 კესრილჷფაშდ კჷლთხი ზაგა̈რ ლეჟა ლი ი ლიც დემეგ-იმეგ ახა̈ზი
Line of edition: 20 ნა̈ფდიას, მარე კესრილჷფაშდა̈რს ეჩქა̈ჲშ დრევჟი ლიცი ქა ლუკვა̈რ
Line of edition: 21 ხა̈რენახ ამხავ ჷთნა̈რხენ. უთვრია შჷყხენქა ლა̈ხსგიდნი, ათხეი ჟი
Line of edition: 22 ხეთრა ლჷცემ ნაკვარ ჷთნა̈რიშ ლესგ ლექვა. ალ ლჷლჰენს უსგვა
Line of edition: 23 გარ კილომეტრ მადე ხა̈ღვენა ნაჯვდი. ათხე ლემბა̈ჟდ მეჴდე ხარ
Line of edition: 24 ჩი: იმჟი როქვ ოთკვარახ ლიც ამჟი ხოლა ა̈დგია̈რს?! ვობა̈შ ა̈დგის
Line of edition: 25 ეჯკა̈ლიბ კჷნჯბა̈რქ' ოთიყახ ლიც, ერე ხოჩა მეთხვა̈რურ ჰა̈რი მარე
Line of edition: 26 ქა დეშ ღჷრი.

Line of edition: 27 რაგდიხ, ერე ეჯ დრევჟი შვა̈ნეშ ლასჷნჯა̈ვითე იმხვალეხენ კესა̈რ
Line of edition: 28 როქვ ომჴედელი ი შუკვდ ამ ა̈დგის როქვ ახდენა. ალ ა̈დგი ი ამეჩუშ
Line of edition: 29 ლა̈ზგა-ლარდა კესა̈რს სურუ როქვ ლახლატა ი გუნ როქვ ფაშდ ხოქვა
Line of edition: 30 ამ ა̈დგია̈შ. კესრილჷფაშდ ჟახად ექანღვე როქვ ესსედა.

Line of edition: 31
კურხვაიში. დათა გვარმიანი. მ.ქალდანი. 12.VIII.1949

Добавлено (2007-03-20, 5:04 Pm)
---------------------------------------------
Text: 123
Page of edition: 247
Line of edition: 32
CXXIII. ლიშკდიშიშ ლიმხური

Line of edition: 33 მა̈ნკვიშ ამსვალდს ლიშკდიშ მადმა ხა̈ხლენა. ლიმშავიშ ნა̈ბინუნღვე
Line of edition: 34 ამსვალდს ათა̈ს შვიმიშ ია̈რა̈ღ ესწჷხენა, მარე ამ ჲარაღრე (\ ჲა̈რა̈ღრე)
Line of edition: 35 ლისყი ი ლიშკა̈დი მადმა ხა̈ხლენახ.

Page of edition: 248
Line of edition: 1 აშხუნ, ჯვინლიშ ჯვინალდ, ოლთენელი ეშხუ ამსვალდ, ნოშ
Line of edition: 2 თველ ი ბაჟ ხა̈ღვენა. ამ მარა ჟი ლუმსურე ხა̈რენა ლამშაჲა̈რ ჲარაღრე
Line of edition: 3 ლიშკა̈დი ი ლუჭკვივ მარემ ლითხელი ოხბინა ლიშკდიშიშ
Line of edition: 4 ლეთვრიდ. აშხვ ლადეღ ამ მარა ხოჩამთეშ მეზვბელა̈რ ჟ'ოხუნჭურა
Line of edition: 5 უშხვა̈რთე, ქოთჴერნა აშხვ მინდერთე. ამ მინდერ ლეჟა შუკვ ხა̈ბმენა.
Line of edition: 6 ლჷხა̈ლ მარა ნენსგა შუკვისგა შიხ ოთჰარა ი ალ მეზვბელა̈რ ამელეჟ'
Line of edition: 7 ოთქინალნა. აშხვ მარაჷნქა ჩი შიხ ლეჟ' ოთქინახ ი
Line of edition: 8 მა̈გ ჟ'ოლკურეკელიხ. აშხვ მარა ქა ლოხქაბა შიხდ გა̈ნხენ ლეჟა ი
Line of edition: 9 მადმ' ოლკურეკელი. ალ მარე გუნ ლჷხა̈ლდ ლახბაჟა ლჷთნე მარა
Line of edition: 10 ი ხოქვი: -- მიჩ ესერ ლეთვრიდ ხა̈ყენა, ქოღვ ოთჴერივ მიჩ ი ჯი
Line of edition: 11 ესერ ლიშკიდს ახმეჴრუნისგ.

Line of edition: 12 ესხრიხ ათხ' ალჲა̈რ ი ქაჩადხ ამ ლჷთნე მარემ ქორთე. ჟ'ოხფანდურე
Line of edition: 13 ამ მარემ მიჩა ლეთვრის ლა̈შკდა̈შ. ქურა შიხშვ ოხგვერშლე,
Line of edition: 14 ქურმილ ოსეგ, კვერ ლახემ, შიხიშ ლა̈ჩდინად კიზ ლახემ ი
Line of edition: 15 ჲარვ ბერჟემ ნა̈ქვიც სგებინჩ' ოსდე: "ალ ბერჟა̈რს ესერ ჩვემოშ
Line of edition: 16 აჭრენი, მიჩეშრიგ ესერ და̈რ ირდი". ალ მარა ღალ ჩითე ლოხკვიჰა
Line of edition: 17 ალ ბერჟა̈რ, მარე უშხვა̈რ დემ ხა̈ჭროლნახ. აშხუნღვე ლემჷნჩხრინე
Line of edition: 18 ბერჟა̈რ უშხვა̈რ ნენსგაქა ქვიშე ლოხშიდა ი ბერჟა̈რ უშხვა̈რ ლახჭარენახ.
Line of edition: 19 ეჩქანღვე ლა̈კვჰალ ოსდა: "ქვიშაურ ესერ ემოშ ხაჭრენი
Line of edition: 20 უშხვა̈რ". ეჲ ლეთ ამ მარემ ხახვ ბელ ლექვა ქვიშ' ოთჰარა". მერმა
Line of edition: 21 ლადეღ ლახკვეჰა ბერჟა̈რე ლაჭრის. ლა̈ბელიჟი ქვიშე ხაჩჷდოლნა
Line of edition: 22 ჰა̈ერს ი ბერჟა̈რ უშხვა̈რ ლახმჷნჩხრინენახ. ეჩქას ლჷთნა მარა მამაგვეშ
Line of edition: 23 ლოხთენა. ლა̈ლკვჰალდ ოსდა ლჷმჷნჩხრინე შა̈ნთიშ ლაბორგ ჲა̈რა̈ღიშ
Line of edition: 24 ლიგნევი. ჩითე ლოხტიხა, მა̈გ ოთკუჰურა. მარე დემგვაშმოშ ლჷმსკორნვლი.
Line of edition: 25 ეჯჟი ამ მჷშკიდ გა̈ნხენჩუ ჟეღ ლუმყვიმლი ი ამ ჟაღვ ჭჷშხა̈რ უშხვა̈რქა
Line of edition: 26 ხა̈დენა. ხახვ ათხარა: -- ამ ჟაღვემ ჭჷშხა̈რსოღვ ლახემ გვი ი ამჷნქა̈შ
Line of edition: 27 ესერ მიჩ მამაგვეშ ხაშიდ.

Line of edition: 28 ჟი ესერ ოხსყა ტკისდ ამ ჟაღვემ ჭჷშხრე მაჯონ ჯვა̈რ ი მარწვიხვ
Line of edition: 29 ეჩქანღვ' ესერ ლი ლუმსურე. ლჷთნა მარა ხოქვა ზურალდ:

Line of edition: 30 -- ჯი ესერ მა̈ბგა̈რ ქა̈ჯიშ ჴადვხენქა ნა̈ჴედვ ლჷმა̈რელი ი მიჩ
Line of edition: 31 ესეროღვი ლჷგენ ხა̈ზ ათხეუნღვე.

Line of edition: 32 ამჟი ოლბინელი ლიშკდიშ ჯვინელ დრევჟი. ეჩქანღვე სგებდ გარ
Line of edition: 33 ესხრი ლიშკდიშიშ გვეშ.

Line of edition: 34 ჩიმი ლაგნევია̈შ ლა̈ნშანა̈რ ქა̈მშხენისგა ხეჰვდი ამსვალდს.

Line of edition: 35
ლეწფერი (ჭუბერი). მჭედელი შავხან სუბელიანი (\ სუბარი). მ.ქალდანი. 2.1949 წ.

Добавлено (2007-03-20, 5:05 Pm)
---------------------------------------------
Text: 124
Page of edition: 249
Line of edition: 1
CXXIV. ჩხარა ლიხვხა ჰამაშა̈რ

Line of edition: 2 ჰამაშა̈რ ჩხარა ლახვბა ლჷმა̈რელიხ. მინე სიმაქა̈რ გუმი ნა̈მეტახენქა
Line of edition: 3 ლეთშვ ლეცვმა̈რს როქვ იჭენივხ ჭჷშხა̈რს ლაყვრათე ი
Line of edition: 4 ეჯჟი როქვ ღჷრდახ ჰამშია მურყვამთეჟი.

Line of edition: 5 ალ ლახვბას ხოქვახ ფშხვა̈რდ ი: "ფალედრე ბვვა ხოჩა როქვ
Line of edition: 6 მეზგე ლი ი ჟ'ოღვ ანხვიტხ". ა̈ლის ბევა გუდ ომჴედ ი კალვისგ'
Line of edition: 7 ესხუა. "ხოჩა ლადეღ" ხოქვახ ალჲა̈რს ი ბევა ლახქედნა:

Line of edition: 8 -- იმთ' ესერ ესხრიხ?

Line of edition: 9 -- იმთ' ესერ ი ფათრეკიშ ლა̈თხელითე.

Line of edition: 10 -- ჲაღვე მიჩ ესერ აშ ხოხალ, იმთ' ომჴედხ, ეჯი ი სგოღვ ხეწჰანხ.

Line of edition: 11 ისგათჴერნახ ი ბევას პა̈ტივ ხოყრა. ალჲა̈რ უშხვა̈რ როქ ხაფსტუნეხ:
Line of edition: 12 -- ცოდ ესერ ლი ბევა ლეხვტად.

Line of edition: 13 ღოშგიმ ქომჴედხ ი ბევას ქოხბჷრდაგა ყორქა ი ალ ლახვბად
Line of edition: 14 ხოქვა:

Line of edition: 15 -- ჲაღვე, მიჩ ესერ შომა დეშ ა̈თწინიხ, ჯი გარ ესერ ა̈რი
Line of edition: 16 ქორისგა, მინჴშშალ ესერ ფათრეკს ხეთხელიხ ხოსორშერ, ეჩხავოღვ
Line of edition: 17 აჩადხ, ეჯჲა̈რს მინე ჩუქა ღედა̈რ ესერ ხოლაშახ, ეშთეჲსგ'ოღვ
Line of edition: 18 აჩადხ.
Line of edition: 19 ამჲა̈რდ ამჟი ჩემინხ. იხვრიხ ღედა̈რს ი იზბიხ. ჟი ნა̈ბიზუნღვე
Line of edition: 20 ლიწანე ლა̈ჲბინეხ ი ჰალა̈გ ქა̈მინჩფ ლიშდე. ხოსურშერ ხეჭყჷლელხ:
Line of edition: 21 -- ნომოღვ ოხხვიტხ ღედა̈რ ჟი! -- ალჲა̈რ ეჯღაჲ იწანეხ ი შიდეხ
Line of edition: 22 ჰალა̈გ მერმახენჩუ.

Line of edition: 23 ეჩქას ლოხბინეხ ხოსურშერდ ლითოფ ი არა მა̈გ უშხვა̈რჟი
Line of edition: 24 სდეხ ი ეშხუ ვენდ გარ ოხბად ქა.

Line of edition: 25
კიჩხულდა. ზოსიმე ჩხვიმიანი. მ.ქალდანი. 22. VIII.1956

Line of edition: 3 აშხვ სოფელს ნენჩა ღალ ისგა̈ხი დემეგ-იმეგ ხარ. ქორჲაქ ი
Line of edition: 4 ამკა̈ლიბ ლჷლგიმალემ მასალას ჯვედიახენ ილჴა̈ნიხ. აშხვ ლელჴა̈ნის
Line of edition: 5 ჲორი ლადეღ ხაკუხ ი ჴა̈ნ ი მარე მა̈გ ისგა მესგვზე ხარხ
Line of edition: 6 ლა̈ლგიმალჟი ი ლა̈ზქიჟი ეჯღაჲ.

Line of edition: 7 აშხუნ ამეჩუ ეშხუ მეზჷე ფიტკირშვ ლჷმჷლგიმა̈ლლი. დჷრა̈რჲაქ
Line of edition: 8 თანღი მერმახენისგა ოხლაჴნახ. სგირი ქა მჷლი ხადხ ი ლადრის
Line of edition: 9 ოხოგანხ, ეჩქას გვი ლახემხ ი ეშხუ მაშენე დჷრს ნაჯვდი ხაკლი
Line of edition: 10 -- ქა დეშ ხეჰელი. ჩითე ლახტიხხ, მარე დჷრს ეჯდაჲ დეშ ხა̈ჰელინეხ ქა.
Line of edition: 11 აშხუნღვე ჲერდვალემ რა̈ქვ', ერე: -- ჴანა̈როღვ ოხვებხ
Line of edition: 12 ი ქოღვ ადრუწვნეხ.

Line of edition: 13 ოხვებხ ტკისდ ეჩხენ-ამხენ ჲეშდ ღეთ უღვა ჴა̈ნ ი ხოჭჷრჭკინეხ
Line of edition: 14 საბრალ ჴანა̈რს, მარე დჷრს დეი ა̈ლი მოშ ლა̈ხშად. ეჩქას ეშხუ
Line of edition: 15 მეშვიკვ მარე ახასდ ამჲა̈რს ი ამნემ ხა̈ქვ', ერე: "ქა მასარს ესერ აშგარ
Line of edition: 16 ხარ ლა̈ბრა, მარე ქა მაკლას ესერ დემეგ ხარ ლა̈ქმა".

Line of edition: 17
ჯოკია ცინდელიანი თვარალი.. მ. ქალდანი. 22.VIII.1950

Добавлено (2007-03-20, 5:06 Pm)
---------------------------------------------
Text: 126
Page of edition: 250
Line of edition: 18
CXXVI. ხახვემ ლიჲქიმი

Line of edition: 19 ისმა̈ჲშ ხეხვ ღალ გუმი მა̈ზიგშვ ლეგდ ლჷმა̈რდ ი ლჷჴმაშდ ლიმშავს
Line of edition: 20 დეშ ლჷმა̈ჲსგვნელი. მასა̈რდ ხაშრუნა კაჩჟი ი კაჩჩუ ლიზელა̈ლ.
Line of edition: 21 ქორ ამჲა̈რს ფაფალჟი ხა̈გნენახ ი მაზვაბ ფაფლა̈შ ძირისგა გარ
Line of edition: 22 ახა̈ზინახ.

Line of edition: 23 აშხუნ ამჲა̈რთეჲსგა დოხთურს ახჴედჷნენა იმხვალეხენ. ამნა̈რ
Line of edition: 24 ოხკჷმრავნახ ისმა̈ჲშ ხეხვ ი ა̈მის ლაგას ოსგენა, ერე ლჷჴსა̈შ ლიმშავდ
Line of edition: 25 ხეკვეს ჰაჯ ოხკიდენს, კაჩჟი ი კაჩჩუ ნომოღვ იზელა̈ლ. მარე
Line of edition: 26 დოხთურ ქართველ ლჷმა̈რ, ლეგმერდა ღალ ქართვილ მადმა ხა̈ხლენა ი
Line of edition: 27 მერმოლუს ლახჭედნა: -- მა̈ როქვ ხოქვა დოხთურს?

Line of edition: 28 მიჩა ჭაშვ ოსცადა ი: -- მიჩ როქვ გუმი მა̈ზიგ ხა̈რენა ი ლიყვნა̈ლ
Line of edition: 29 ი მევარ ლირდე როქვ ხოლა ხარ ამ მა̈ზიგს. ლჷჴმაშდ როქვხეკვეს
Line of edition: 30 ხიმშავდე. ჰამაშა̈რს ი ნებვზაშა̈რს ჲარვ-ჲარვ გა̈ბშვ როქვ.
Page of edition: 251 Line of edition: 1 ხეკვეს ღჷრდე მაზვაბთეჩუ ი ჟინა̈ლიდ უშვმინად, ლა̈ქინოშვ როქვ
Line of edition: 2 ხეკვეს ჴედნიდე ქორთეჟი. ამჷნქა ღალ ისგუ ი მიშგუ მა̈შედ მადმაგვეშ
Line of edition: 3 როქვ ლი, ისგუ თერაღო ...

Line of edition: 4
ვასილ ქალდანი. ჯუხვლანი. მ.ქალდანი. 20.VIII.1949 cт.

Добавлено (2007-03-20, 5:07 Pm)
---------------------------------------------
Text: 127
Page of edition: 251
Line of edition: 5
CXVII. ისმა̈ჲშ ლისჷლდათ

Line of edition: 6 ჯვინალდ კენჭობჟი ისმა̈ ცა̈გერთ' ესერ ოთჰერახ ი დოხთურა̈რ
Line of edition: 7 ესერ ლახჭედნახ: -- ხათჷმ ესერ მაგვეშა?

Line of edition: 8 ისმა̈ს ოსცადა: -- ეშხვმა̈რ ესერ მჷლდევა მარე ლი, ოდო იშგენ
Line of edition: 9 ესერ მამაგვეშ.

Line of edition: 10 ღოხთურა̈რს ხოქვახ ი: -- მჷლდევა მარარიგ ესერ მა̈ ლი ხელწიფხიშ
Line of edition: 11 ჯა̈რისგა!

Line of edition: 12 სერ ისმა̈ ჯა̈რთ' ოთხვაჲახ. ჯა̈რს ვობა̈შ ნალმა̈რგი ესერ ოთჩემნა
Line of edition: 13 ი ლა̈იდ მოლაუსვახვიშ ჟჷრს ესერ ახღელნა ი ეჩა მჷქაფდ ბერჟემ
Line of edition: 14 ჯვა̈რ გარ ესერ ოსრეკახ მუჭვედჩუ. ღოშგიმ ჩუ ღალ ესერ ოლქაჩელი
Line of edition: 15 ი ჲორი თევ ესერ ახარა ლაზარეთს. ლაზარეთხენ ქორთე
Line of edition: 16 ლიფშვდეს ესერ ოლმა̈ჭირ, მარე ა̈მიშ მჷქაფდ აშხვ ღვაჭარმჷყ
Line of edition: 17 ქართებილიშ მჷცირიდ ესერ ოსგენახ. ამეჲსგა ხოჩამ ესერ ლჷმთია̈ლ
Line of edition: 18 ი ლეჲღა̈ბ კერშალ ესერ ოლლუგვრელი.

Line of edition: 19 აშხვ ლადეღ მინე ღვაჭა̈რს ესერ ხოქვა ფა̈მლად: -- ისმ' ესერ
Line of edition: 20 სურუ ოლლუგვრელი ი როზგ ესეროღვ ხაჴიდხ.

Line of edition: 21 ისმა̈ჲშდ ღალ ჭაჭრიშ გოზა̈პ ოხკვარახ.

Line of edition: 22 ეჯ ლეთ ისგლეთქა ისმა̈ თხუმემ ლაწვრით' ომჩედ ი ღკაჭა̈რ
Line of edition: 23 ესერ ეჯაბასდთ' ოთჷნგზარვა. ქ' ესერ ოთშყვიჟა მიჩა ხოლა ლერქვა̈რ
Line of edition: 24 ი ღვაჭრიშ ხოჩა ლერქვა̈რ ესერ ისგა ლოხქვა. ქ' ესერ ომჴედ ყორთექა
Line of edition: 25 ი ყარვილ მევჟ' ესერ ესხვია. ყლიფ ი ყლიფ ესერ ოთღანა ამნა̈რ: --
Line of edition: 26 ჯი ესერ ჟეღ, ჟაღვემ გეზალ, ლივჟემ ესერ გვეშ ლია?
Line of edition: 27 ამ წა̈მჟი ფა̈ჲტონოღვ
Line of edition: 28 ოხმარე!

Line of edition: 29 ოჩმედ ესერ ყავრილ ი ფა̈ჲტონ ესერ გა̈ნხენჩუ ლოხგენა. ჟი
Line of edition: 30 ესერ ახსგურენა ი გვიშგეშთეშ შუკვდ ესერ ოსგენა. ოლმა̈ზხ ესერ,
Line of edition: 31 ოლმა̈ზხ ი აშხუნგვე ჩვ ესერ ათრჷჰენახ. ლახსგიდნენ} ესერ ღოშგდ
Line of edition: 32 მიჩა ჯალჩჷ, ი ფიკვიდ გარ ესერ ომსედ: -- ა̈ლი ესერ მი ხვია, ისმა̈?

Line of edition: 33 -- მია̈ჯ, მიშგვა ჩა̈გიშ სევღო.

Line of edition: 34 ესნა̈რი ჯალჩჷსი მიჩა ღვაჭა̈რ ი ისმა̈ჲშდ ლაყჰალს ხოფხჭა.

Line of edition: 35 ოლმა̈ხ, ოლმა̈ზხ ი ნებოზს აშხვ სოფელთეჲსგ' ოჰიახ. ემეჩუ ჯალჩჷ აშხვ მაჩენ
Line of edition: 36 მეზგათეჲსგ' ომჩედ ი : -- ღვაჭა̈რ ესერ ხონჴრი ი ხოჩ' ესერ ლარდა ხეკვეს
Line of edition: 37 ოხსყახ ბა̈ზი. -- სგათშჷმახ ი გუნ პა̈ტივ
Page of edition: 252 Line of edition: 1 ხოყრახ. ისმა̈ჲშდ სვა̈მჟი ჲორი ვოთილ ოსდახ: "მეგჭე ლასგვრ'
Line of edition: 2 ესერ ნო ხადეს". ჩქიმი ხოჩ' ესერ ხა̈გნენა;. ნეფხვნა ი ჰაყბოლ წჷრნი
Line of edition: 3 პატრაჯანდ ესერ ხა̈გნენა ნალგვაროშვ.

Line of edition: 4 ჩიქი პა̈პიროზდ ესერ ოხბიდნა (ღვაჭა̈რს ესერ ათსედა ჯიბჩუ),
Line of edition: 5 ღვე გაზეთ ესერ ოხა̈იდა მერმა ფიბხენჟი ი ვითამ პმის ვსერ
Line of edition: 6 იქვდი. ამეჩუ მჟრდოლუ ფია̈ვიდ გარ ესერ ლვგნე ხა̈სგდინ-ხ:
Line of edition: 7 -- ღვაჟა̈რ, სურუ ესერ ლჷთერ ნადვ ხეთირია ამ ღვაჭა̈რს

Line of edition: 8 ესნა̈რი გაზეთ უთხმულ ხა̈ღვენა ისმპს ი მერმა ლადეღ შუა̈ვს
Line of edition: 9 ლაცვშვ ლჷმდაგროლინხ ფი ი მიჩა ჯალჩჷ.

Line of edition: 10
ვასილ ქალდანი. ჯუხვლანი. მ.ქალდანი. 20.VIII.1949

Добавлено (2007-03-20, 5:07 Pm)
---------------------------------------------
Text: 128
Page of edition: 252
Line of edition: 11
CXVIII. იმჟი ა̈ნთონეხ სამ ლახვბად შა̈მა̈შ ლიჩემ

Line of edition: 12 აშხვ ზავ შვა̈ნს სურუ მა̈ჲდარობ ლასვ. შვანა̈რ, ჲა̈რ ლეჩხუმთ'
Line of edition: 13 ესჭონუდხ ხალთა̈რშვ ი თულყვა̈რშვ ლეზვბემ ლაკარქათე, ჲა̈რ
Line of edition: 14 ზა̈ნთე ი აფხზეთთე.

Line of edition: 15 ა̈ლი ლასც ნილა (ჲნია̈ოლოზიშ) დრევჟი ი ეჩქას, ცხა̈ჲ,
Line of edition: 16 შუა̈ვა̈რ დემეგ ლასვხ ნენჴერას მჷსყე. ლაჩაჟ მა̈ჲ ლასვ ი მა̈ჲ
Line of edition: 17 ვენდ. ნენჴერათე ჩაჟვ ქა ჲერვ' ა̈ჲასგვ, ხჷნსგა ქორთე დემის იტხა
Line of edition: 18 -- კოჯა̈შ ნაცმუნდ ხესვივ. ა̈მიშ მაყალშვ ზა̈ნხენ ი აფხზეთხენ
Line of edition: 19 შვანა̈რს მა̈გ ქაფშვ ოხღვანდახ.

Line of edition: 20 ათხეი სემი ლახვბა ხალთა̈რშვ ლჷმარვ ჭჷშხშვ ომჩედხ სიმინდიშ
Line of edition: 21 ლაკარქათე ლექვავ. ზა̈ნს აშხვ მეზგიჲსგა სიმინდ ჟ'ა̈ნყიდხ
Line of edition: 22 თვით სემი ფუთ, ქაფა̈რ ჟ'ანმარეხ ი ბა̈ზი ჩვა̈რიხ ამეჩუ. მასპინძელდ
Line of edition: 23 სურუ ხოჩა პა̈ტივ ხა̈ყერ. შა̈მ ოხჩემინ, ლები' ოხჯა̈ბ ი ჩვა̈დდირანხ.
Line of edition: 24 ნა̈დარალუნღვე მაშენ მუხვბემ ხა̈ქვე მა̈სპინძელს: -- ჰ' ესერ,
Line of edition: 25 ხოჩა მა̈სპინზელ, ვობა̈შ ესერ პა̈ტივ ხოყრა მინეშდ ი ათხე შა̈მა̈შ
Line of edition: 26 ესერ ლიჩემს ჟ' ე ხათვრი, სურუ ესერ მაჴვმა̈რ ირიხ.

Line of edition: 27 -- ა̈მის ესერ მა̈ ვობა̈შ გვეშ ა̈ხა̈ვედნი, ათა̈შ ი ათა̈შ, ჩიქი ესერ
Line of edition: 28 წყა̈რს ხაკუ გეფუნაფა ი გვა̈მიდ ესერ დგვარბს ია̈ვრუნი, ეჩქას
Line of edition: 29 ფექ ესერ ლი ისგა ლეშდე ი ჩუ ლვდები გუმშვ.

Line of edition: 30 ლახვბად მაჴვამ ხპქვეხ მა̈სპინძელს ი მვრმა ლადეღ ლეჟ" ას-.
Line of edition: 31 განხ შვა̈ნთე. ანღრიხ, ანღრიხ ნენჴერა ლეჟა. თვით სემი ფუთ
Line of edition: 32 ქაფდ ხა̈ცვხ ი მაფაშშვ იდგა̈რიხ.

Line of edition: 33 შვა̈ნხენ ნა̈რმევ ლევიზ ისგა ლა̈ხშდახხ ი მჷტმად ხვეტნიხ. ლახად
Line of edition: 34 მაშენ მუხვბა რიენთე თე ი ამეჩუ მანჴვრაფისგა ეჯჟი ქა ფუე
Line of edition: 35 ლიც, ერე დგვარბს აშ აკვანე. ათხე მაშენ მუხვბემ ხა̈ქვ', ერე:
Line of edition: 36 -- ამეჩუოღვ ლა̈ჲშვემხ ი ამ მაფუა ლჷცისგა შა̈მოღვ ანჩვნინხ,
Line of edition: 37 ოდო მჷტმად ესერ ქვინ ჟი ხოჩდენიხ.

Page of edition: 253
Line of edition: 1 ანჴად ნაშენ მუხვბე ი ტოტშვ ამ მანჴვრაფთეჲსგა სიმინდიშ
Line of edition: 2 ფაქვემ ლიშდე ლა̈ჲბინე. შიდე, შიდე, მარე ჩუ დენ ინსგლი. ეშხუ
Line of edition: 3 ქაფ ისგაშიდ ი ნახუნსერ ნა̈ნსგელვ დემეგ ხეთრჷნ. ათხე ხოშა
Line of edition: 4 მუხვბემ რა̈ქვე, ერე: -- დოღვ' ესერ ფექ ჩვიბე ძგიდთ' ოთტყირშან
Line of edition: 5 ი შა̈მი ეჩეჩუ გარ ოლჩემნელისუნ. ჯი ესერ ჩუ იგღები ი, ლუჩვმინ
Line of edition: 6 ესერ ემა ირი ე, მინს ესერი ჟი ხოჴდე ი ჩვ ესერ ა̈დნენცლიხ.

Line of edition: 7 ხოშა მუხვბემ ლერქვა̈რ ქა̈დშყუჟურე ი ჩუ ხა̈ძგერ მანჴვრაფჩუ.
Line of edition: 8 ხოხვრა ლახვბა უშხვა̈რ ხასგურხ ი ხოღლიხ ლა̈დიშ ლადეღ ხოშა
Line of edition: 9 მუხვბა, მარე ა̈ლი დემხენ ანტახ.

Line of edition: 10 ნენსგა̈შ მუხვბემ რა̈ქვ', ერე: -- ეჯი ესერ, ხოლა ჰერყლია̈ნ, ვოდე
Line of edition: 11 ჯი ხოჩამდ ჟ'ესბიზი, ეჩქად დემის ტეხნი. ჯი ესერი იგღები, ოდო
Line of edition: 12 მინ ესერ მჷტმად სედნიხ.

Line of edition: 13 ა̈დშყუჟურან ა̈ლიი ქა ი აშგარ ჟულ ა̈ნა̈იდ მანჴვრაფთეჲსგა
Line of edition: 14 ამნემი. ხოღლი ათხე მაჰრენ მუხვბე კვაკვა̈შშალ ჯი გარ ი ახჟანდ',
Line of edition: 15 ეჩქას გუისგ' ესსა̈ორე: -- ეჯჲა̈რ ესერ უშხვა̈რდ ხოლა ჰერყლია̈ნუ
Line of edition: 16 ლიხ ჲექგრდა ი ლიღლი ესერ ხეირს დემის ხაწონე, -- ი ჯინემი
Line of edition: 17 ქა̈დშლიჟ ლერქვა̈რ, ოხპარ რივნიშ ძგიდისგა ი ჯია̈ჲ ეჯჲა̈რე ნაზვს
Line of edition: 18 ათჭამ მანჴვრაფჩუ.

Line of edition: 19 სერ სამ ლახვბახენქა ღალ მემბუა̈ლი და̈რ ლა̈ხტჰხხ ქორშა̈რს.

Line of edition: 20
ვასილ ქალდანი. ჯუხვლანი. მ.ქალდანი. 20.VIII.1949

Добавлено (2007-03-20, 5:07 Pm)
---------------------------------------------
Text: 129
Page of edition: 253
Line of edition: 21
CXXIX. მოლა̈შ "ლიჭნური"

Line of edition: 22 აშხვ ლეთ მოლა დუქნიშ ლაცჷრცა̈ვის ახგენა ი ყორრე ლიყვჩურე
Line of edition: 23 ლოხბინა. ეჩხავ-ამხავ მეზელალა ლახჭედნახ: -- მოლა, იმ
Line of edition: 24 ესერ იჩომ?

Line of edition: 25 მოლას ოსცადა: -- ჭჷნირს ესერ აშმე.
Line of edition: 26 მეზელალას ხოქვახ: -- ღვე ჰერ ესერ იმღა დემ ისმი?
Line of edition: 27 -- ჰერს ესერ მჷხა̈რ ა̈ნჰუნრისგხ.

Line of edition: 28
ვასილ ქალდანი. ჯუხვლანი. მ.ქალდანი. 20.VIII.1949

Добавлено (2007-03-20, 5:07 Pm)
---------------------------------------------
Text: 130
Page of edition: 254
Line of edition: 1
საბავშვო ზღაპრები
Line of edition: 2
CXXX. ჴერჴ ი ჴამშა

Line of edition: 3 ეშხუ მარე ზაქვემ ლამარათ' ომჩედ ცხეა̈თე. ა̈მიშ ლია̈ჰა̈დი
Line of edition: 4 ათსჷმა და̈შდვს ი ხოქვა: -- ჲა, ა̈ნგაღბას ესერ, ჲა̈რ ესეროღვ
Line of edition: 5 აქჩადეს მიჩა ნენჩაჲსგა მეგმა̈რს.

Line of edition: 6 ანჷგან ალ და̈შდვ ი მჷჰა̈დის ლახაგან გა̈ნხენჩუ:

Line of edition: 7 -- ხოჩა ლადეღუთ ჯარ, ხოჩა მარა!

Line of edition: 8 -- ოო, ლა̈იდ ხოჩა სიოღვ ჯარ ა̈!

Line of edition: 9 -- მა̈უთ ლი, ნენჩასუთ იმნა̈რ მიხვტე?
Line of edition: 10 გლეხდ ოსცა̈დ ი: -- ზექს ესერ იმარე ლელუნთდ.

Line of edition: 11 -- ქირაურ ესერ მიჩა ნენჩაჲსგა ზაქვ და̈სმოშ ხამარუნე.

Line of edition: 12 -- ქირას ესერ ჯი დეშ იჴდე, ჲაღვე.

Line of edition: 13 -- ჲაღვე, ქოღვ ა̈ხბურგალ ი, ხედ' ესერ ა̈ხწინიხ, ეჩა ირი
Line of edition: 14 ნენჩა.

Line of edition: 15 -- ეზერ ესერ, მარე ლიბურგელ ესერ მა̈ სა̈ჭირო ლი. ამ ა̈უდირს
Line of edition: 16 ესერ ისგთე ლექვა ჯი ბიჴვე ი ისგჷნ ლექვავ ესერ ჯი ემოშ
Line of edition: 17 ბიჴვ' ეჰე ლჷნწიჴ ესერ ირი, მადეჲ ჯი ესეროღვ ლასვ ლჷნწირ.

Line of edition: 18 და̈შდვ თანახმათ' ოხჴად. ხაჴიდ ა̈უდირს ზაქვემ მჷმარემ კაჰდა
Line of edition: 19 ი ნა̈ბიჭა̈ვ ესგენე. ამ ნა̈ბიჭა̈ვ ლექვა თალ ხაჴიდ, ა̈მის მერმეიდ
Line of edition: 20 ოსცა̈დ ი ა̈უდირ ტა̈ისდ. ნენსგათე ლექვ' აბიჴვ. ათხე ახსგურდა
Line of edition: 21 თხუმ ლექვა ამ ა̈უდირს და̈შდვ, ადქვიჭე სგებნე ტოტა̈რ მებჴვა
Line of edition: 22 ლექვა ი ხობიდ ეჩხავ-ამხავ, მა̈ ღვენიბედ ხაწვა, მარე ა̈უდირს ჩუ
Line of edition: 23 დეშ ბიჴვე. ღოშგიმ მჷზქჷრიდ ხა̈ქვე: -- ლჷჴმაშდოღვ ოთჯვირე
Line of edition: 24 ეჩხავ-ამხავ ი მოლიდს ჯი ესერი ხომა̈რჯვი.

Line of edition: 25 ადქვიჭე მებჴვაჩუ სა̈ედიდ ტოტა̈რ, ოთჯვირეიდ ეჩხავ-ამხავ,
Line of edition: 26 მარე ამზუ ხა̈ნს ლიმა̈რჯვია̈შ მჷქაფდ თალ ჟ'ოხა̈ვარ მჷზქჷრიდ ი
Line of edition: 27 მვბჴვე მეგმემ უშხვა̈რთე ლა̈ჲგვა̈რ და̈შდვა̈შ ტოტა̈რ. ა̈ნქა̈ჩ ტყენ
Line of edition: 28 მჷზქჷრიდ ი ლოხბინე ჯიჭა̈. ეჯჟ' აჴიდ, ეჯჟ' აჴიდ, ერე ჯიჯვ ი
Line of edition: 29 იშვ მა̈გ იშვდ ოთოგან. სერ ა̈თჴჷრან და̈შდვ: -- ქოღვ აფიშვდ ი
Line of edition: 30 ივალადეღ მიჩა ჲერდგვილ ესერ ირი.

Line of edition: 31 მჷზქჷრის ლოხჟინდა ი მებჴვა ლექვა თალ ლექვაიდ ხაჴიდ.
Page of edition: 255 Line of edition: 1 დაშდვდ ღუბგუნე ტოტა̈რ ჟ'ახყვიფ მებჴვახენჟი ი ლაკლი. ლაკლიშვ
Line of edition: 2 თე-ლა̈წვეს ათვაფ.

Line of edition: 3 ამჟი ახწინდა მახალშვ მჷზქვრი ლჷჴმა̈შ და̈შდვს.

Line of edition: 4
ჯანდრე ცინდელიანი. თავრარი. მ.ქალდანი. 13.VIII.1949

Добавлено (2007-03-20, 5:08 Pm)
---------------------------------------------
Text: 131
Page of edition: 255
Line of edition: 5
CXXXI. დჷჴჷლ ჲ თხერე

Line of edition: 6 არდა ეშხუ დაჴლჷდ ი ილზიგალ საბრალა̈შ წესჟი. ლა̈ლზიგალდ
Line of edition: 7 ცხეა̈თ' ომჩედ, ქანა̈შ ნა̈ჴჩოლა̈შ ლათჴჷლ ოთგა ი მიჩა საბრალ
Line of edition: 8 ნეჴშდჷლდა̈რშვ ამეჲსგ' ოხსყა ლაქონც.

Line of edition: 9 აშხვ ლადეღ დაჴგლდ ხა̈ქვე მიჩა გეზლირს: -- ჯი ესერ ლა̈დჲარალთე
Line of edition: 10 ღჷრი, ჩილეღვშვ ესერ ლჷჯა ხოჴდე ი მჷჭა̈რშვ ბალა ი ყორ
Line of edition: 11 ნა̈სოღვ ოსკარეხ იშგან.

Line of edition: 12 დაჴგლ აჩად ი მიჩა გეზლირდ ლათჴჷლა̈შ ყორ ისგა̈შხენქ' ოხდეხ
Line of edition: 13 ლჷმა̈შ ნა̈ჴჩოლა̈შ ჰეჭა̈რშვ. ხა̈ნ ი დრეუნღვე ლათჴჷლა̈შ ყორს
Line of edition: 14 აშხვ მეჩი თხერემ ლოხფხჷა̈ნე. ნეჴშდჷლდა̈რ ლა̈ხჭედივხ: -- ჲა̈რ
Line of edition: 15 ესერ ლი?

Line of edition: 16 თხერემ მინე დიეშ ჰერჟი ოსცა̈დ: -- ჲა̈რ ესერ ი მინე დი.
Line of edition: 17 ნეჴშდჷლდა̈რს ტა̈ისდ მინე დი ლოხხალდახ ი ყორ ჩოსკარეხ,
Line of edition: 18 თხერემ ისგანსა̈ინე ყორისგა, ჟ'ესფხეჭ აშხვ ნეჴშდს ი აშგარ ცხჷლ
Line of edition: 19 ათღანვნე ნენჩა ლეჟა.

Line of edition: 20 აჩად მოლე ხა̈ნ ი მინე დი ლახაგანხ ყორისგა. ხოფხა̈ჷნე ლა̈დიშ
Line of edition: 21 ლადეღ, ხეჴჷრა̈ლ ყორრე ლია̈რეს, მარე გეზლირ მაყალშვ აშგარ
Line of edition: 22 აფსგჷნეხ ი ყორს დემ ხოა̈რეხ, ლიღვროვა̈ლდიდ ხაყვლენიხ. ღოშ-
Line of edition: 23 გიმ ვა̈იბედუშვ ჩვათა̈ა̈რვნე მინე დიდ ი ნეჴშდა̈რდ ქოხუმბავეხ
Line of edition: 24 ლა̈დიშ მინე ლადეღ. მინე დიდ ლა̈ჲბინე ლილჭა̈ლ ი ლიბღჷლელ ი
Line of edition: 25 მიჩა ცოდშვ ქვეყანა ღეთ აყვაფ. ნეჴშდჷლდა̈რს ბალე ჩოთშიდ ი
Line of edition: 26 ჯი მიჩა გეზლა̈შ ლა̈თხელით' აჩად ნენჩა ლეჟა. იტენტურალ ი
Line of edition: 27 ისენტყვალ ლა̈დიშ ლადეღ, მარე მა̈შედ დემხენ წვანდა.

Line of edition: 28 აშხუნღვე თხერა ხეწად. მა̈ბზა̈რ თხერე ლჷხა̈იშ თხუმჟი ოლყვინელი.
Line of edition: 29 ჩვათუჟნენა ი ახჴვესგა ისგა დაჴჷლ, ხოძგრა მჷჭა̈რ ი ლჷხეა̈
Line of edition: 30 ლექვ' ოთა̈ვარა. ლჷხეა̈ს ჩუბავ ხოლა ა̈ჷნჯბა̈რ ხა̈რენა. მა̈გდოვა̈რ
Line of edition: 31 თხერა თხვიმ დემთემოშ ოხმარგა ი ა̈ოჯა̈შ ნაცმუნდ ახსყენა.

Line of edition: 32 ამჟი ოთწორა ლჷნღეშდ დაჴჷლს მიჩა გეზლჷდ ი ეჩქამღვე ხოჩა
Line of edition: 33 ლიზგე-ლირდ' ოთჴიდახ.

Line of edition: 34
სეით ჩხვიმიანი. ა̈იჩხულდაში. მ.ქალდანი. 13.VIII.1949.

Добавлено (2007-03-20, 5:08 Pm)
---------------------------------------------
Text: 132
Page of edition: 256
Line of edition: 1
ზღაპრები
Line of edition: 2
CXXXII. ა̈მირმ

Line of edition: 3 არდა ეშხუ ხელწიფხ. ამ ხელწიფხს ხეჟხჷნ ივა ი ხორდა სემი
Line of edition: 4 ნაღვჟურგეზალ. აშხვ ხეჟხჷნ ვისიბ, მერმა ბა̈დრ ი მესმა ჩალა̈მკალა̈მ.
Line of edition: 5 ალ ლახვბა ლა̈იდ გუნ მეკვჰე ლასვხ ლიმხეღვაჟისგა. და̈ვ მა̈გ წჷსხა-ბალად
Line of edition: 6 ანკიდხ ი ნა̈თხვრა̈შ ლაღვშვ გარ არდახ. ქვეყანა მა̈გ ამჲა̈რს
Line of edition: 7 აფშდივ.

Line of edition: 8 აშხვ ლადეღ ალჲა̈რ ლა̈თხვართ' აჩადხ. აშხვ ზაგა̈რჟი ხეწადხ
Line

Line of edition: 15 ოხბინეხ ლიცჴომდ ი უზარად ხეფშვდეხ, მა̈ ღვენიბედ ხარხ,
Line of edition: 16 მარე ჩხირა̈რს გვერე ღოშგდ ხოკვფხე ი ლეთლად დემ ითლე
Line of edition: 17 ისგა̈სი. ამჟი ატყვიფხ ლა̈დიშ ლადეღ ჰამუნღვე ნებოზდ. ნებოზს
Line of edition: 18 ჭიშხ ლჷტყცა̈ნ, შია̈რ ჰა̈რი ქორთ' ანტახხ. ბა̈ზი ქორს მამაგვეშ
Line of edition: 19 ლა̈ჲკვიშხ, ჩვა̈რიხ უშკუშუნდ. მერმა ლადეღ ქაიდ ლა̈ხტახხ გვერემ
Line of edition: 20 ლა̈თხელის. გვერე ლჷშიდგმუნე აყვრა აშხვ ლამჷჟ ა̈დგის.
Line of edition: 21 ა̈ხჴვასგხ ისგა, -- ჟი როქვ ოლჷრმინედ, -- ი მოლე გარ ხოკლივხ
Line of edition: 22 გვერათეჲსგა, ეჯჟი ლიკვჩხელ ი ლიპრელიდ ა̈დბინე ი ისგა̈ხი მადე
Line of edition: 23 ლა̈ჲთილ. ამჟი ხემჷრმისგალხ სამ ლადეღ ქა ლუბუწე, მარე ჭირჷნქა
Line of edition: 24 მამაგვეზ ლა̈ხქამხ.

Line of edition: 25 მესმა ლეთ გვიმა̈კვშოვა̈რ ანტახხ ქორთე ი უშკუშუნდიდ ეს{ს}გურდახ
Line of edition: 26 კაღეშგიმ ლექვა. მინე მუ ლა̈ხჭედივ: -- მ' ესერ ამბა̈ვ
Line of edition: 27 ლი, იმნა̈რ ესერ ა̈რიხ ამჟი ხოლა გუჟი, ჰედი ნა̈თხვრ' ესერ იმღა
Line of edition: 28 დეშ ხოდგარახ ამ მჷიშ?

Line of edition: 29 გეზლირდ ქოხუმბავეხ მა̈გთან მინე მუს: იმჟი გვერა ხეწადხ,
Line of edition: 30 იმჟი ლირმიდ გვი ახად, მარე გვერა ჟი ლა̈რმი მადმა ხარ ი დეი
Line of edition: 31 ცჷჴემდს ირკინე ისგა̈ხი.

Line of edition: 32 ივად ხა̈ქვე: -- ეჯი ესერ ჲაღვე ა̈ნგლეზიშ გეზალ ლი ი ქვეყანაჟი
Line of edition: 33 ესერ ლი ჩუ ლჷდე ეჯღა, ერე ამსვალდდ როქვ ესსიპი. ეჯის
Page of edition: 257 Line of edition: 1 ამჟი ა̈დვილდ დეშ ხირმიდ. მი იმჟი ჯექინე, ეჯჟი ჩემინდ ი ალეს

Добавлено (2007-03-20, 5:10 Pm)
---------------------------------------------
გვიშგე იღბა̈ლდ ესპჷდეს. იმგვა ალ გვერე ზი, ეჯ ლახვა̈შ ქომ ეშხუ
Line of edition: 3 მაზვაბ აღრი. ეჯის ხაჟხა იუ̂რდანიშ ლიც. მა̈ნკვი ამ მაზვაბთეჩუ
Line of edition: 4 აჩადდ, შჷნ ლახირმდ ალ აბრეშუმიშ ბა̈დ ი ჩოთეგდ მაზვბა̈შ
Line of edition: 5 ძგიდმჷყ.' ალ ბა̈დ მი მიშგვა პა̈პი ქრისდე ღერთემ ლამემ ი მიჩა
Line of edition: 6 ჭვადანდ გვერა ი მოლაფერიშდ ჟ'ახსახთედ, ერე ბა̈დ ლაღა̈ლთე
Line of edition: 7 ათუზად. ბა̈დს სგა̈თჷრმენეს, ეჩქას ვოდე ჲუ̂რდანიშ ლჷცშვ ჩვა̈დ
Line of edition: 8 ჟირენეს, ეჩქად სგა ნომეგ ა̈თბურგენედ, ოდო ქა̈სკნე ი ჩუ ჯამარცხეხ.
Line of edition: 9 ლჷც ჟ'ათბიდედ, ეჩქას ჩუ იყვედი გვერე, ჟ'ა̈ხკიდდ ი
Line of edition: 10 ქორთ' ანჭიდდ, მარე ქორთე ლიჴდა̈ლდ ჩუ ნომეგ ათფჷშგჷრად,
Line of edition: 11 ოდო ხოლამდ გვიჭდენი გვეშ.

Line of edition: 12 ალ ლახვბად ტკისდ ამჟი ჩემინხ, იმჟი მინე მუ ივად ადშგურანე.
Line of edition: 13 ნებოზს ჟ'ა̈ნირმხ, ჲუ̂რდანიშ ლიც ჟ'ათბიდხ, ლუგვრიზე გვერე ჟ'ა̈ნყვედან
Line of edition: 14 ი ქორთ' ანჴიდხ, მარე ეჯგვა̈რ ლასვ გვა̈მი, ერე სამ გჷმრა̈რდ სგა ვენდ
Line of edition: 15 გარ ანჴიდხ. მინე მუდ ღერმათ დიდა̈ბ ხა̈ქვე, ყორ ი ლაჴვრა ქოთდე:
Line of edition: 16 ქადუნკვილე, ჩვადფჷშგჷრე გვერე ი ამხენჟი ლეტვრე მუტვა̈რშალ ნაღვჟურდ
Line of edition: 17 ანსკინე. ამნემ ყორს ი ლაჴვრას ლა̈ჲბინე ლიზვრელ, მარე ალჲა̈რ ლახა
Line of edition: 18 ქა ლუჩვმინ ესხვიდხ, ჭერქა ლა̈ჲბინე ლიპორელ ი ამჟი უქვიცდ იპორალ
Line of edition: 19 აშხვ ლეთნილადეღნ. მერმა ლადეღ ჩვანჴად ი ყერბჩუ ესჷგან. ივად თხვიმ
Line of edition: 20 ოხნიკვ, ღერმათ დიდა̈ბ ხა̈ქვე ი ამჟი ქრისდე ღერმეთი ანჴად. ჟ'ა̈ნპირსდე ალ
Line of edition: 21 ბეფშ ი ა̈მირმ ათჟა̈ხ, ეჩქანღვე ჩვადმეზრე ალ ქორ ი აჩად. ივა
Line of edition: 22 ხელწიფხდ ი მიჩა გეზლირდი დიდა̈ბ ხა̈ქვეხ ქრისდე ღერმათ ი
Line of edition: 23 ა̈მიშ ნაზუნღვე ქაჩადხ ა̈მირმიშთე, ლიყჰა̈ლდ გვი ლახადხ ი ლიფრება̈ლ-
Line of edition: 24 ლიშდრა̈ლდ, მარე ამნემ ჩვესგენე ალჲა̈რ ი ხა̈ქვე: -- ჯი ესერ
Line of edition: 25 ჴანვემ ტუფთეჲსგაიდ მეტეხ ლი. სემი ლეთ ი ლადეღ ესერ ხარ
Line of edition: 26 ეჩეჲსგა ლერდე. ხჯჩამდ ჟი ნა̈შვმინუნღვ' ესერ ქა̈ნჴდენი ი მინეცახა̈ნ
Line of edition: 27 გარ ირდი.

Line of edition: 28 ივა ხელწიფხ ი მიჩა გეზლირდ ტკისდ ამჟი ჩემინხ. სამ ლეთ
Line of edition: 29 ი ლადეღუნვე გვერახენქა აქნჴად ი ეჯკა̈ლიბ ლი ლესგდი მახეღვა̈ჟ,
Line of edition: 30 ერე ლესგდიდ ლი ცოდ. ქა ლა̈ხცხორპან ლაყჰალდ ამ ბოფშარს,

Добавлено (2007-03-20, 5:11 Pm)
---------------------------------------------
ივა ხელწიფხდ გეზალდ ლა̈ჲღვენე ა̈ნირმ ი მიჩა გეზლირდ
Line of edition: 32 ხოშილიდ ხალა̈ტ. აშხვ თევისგა ჲერვეშდ ლჷზა̈ მახეღვა̈ჟს ა̈თმაჯონან.
Line of edition: 33 ლა̈ღხვართე ოსჴერი მიჩა ლახვბას ჩი ლადეღ ი ნა̈თხვრა̈შ გარ
Line of edition: 34 ლაღვშვ ხორიხ მინე ქორშა̈რ.

Line of edition: 35 აშხვ ლადეღ, ლა̈თხვარხენ ლატახჟი, ლა̈შვმინად ჩვეც{ს}გურდახ.
Line of edition: 36 ა̈მირმ ლა̈ხჭედივ მიჩა ლახვბას: -- მ' ესერ ლი, მინე მუს ეშხუ გარ

Page of edition: 258
Line of edition: 1 ესერ თე იმღა ხოსგურ? მ' ესერ ხა̄ყრა მერმა თვს, იმ ესერ ოხხიჰა,
Line of edition: 2 იმ ესერ ოთღა? ჩვ ესერ ემაგვეშ ხოხალხ ა̈მიშ ხვირი-მახალ
Line of edition: 3 ე, ნომოღვ ათჰემხ ი ქოღვ ხა̈ქვეხ.

Line of edition: 4 ბა̄დრიდ ოსცა̄დ: -- აშხვ ლადეღ ესერ ჩალა̄მკალა̄მ ლახჭედნა
Line of edition: 5 მინე ბაბას ა̈მიშ ბედჟი, მარე ეჯგვა̄რ ესერ მიჰმა̄ნ ოსგენა, ერე
Line of edition: 6 ეჩქანღვე და̄სმოშ ესერ ოთბედავახ ლიჭვდელ.

Line of edition: 7 -- ჲაღვე ა̄მირმ ნომოღვ მაჟხა, ალ გვეშ ჟი მადე ოხმეჴრა!
Line of edition: 8 ბა̄ზი ქორს უშხვა̄რთე ა̄ნუნჭურანხ, ლამბუალ ადსყეხ ათა̄ს
Line of edition: 9 გვაშვჟი ი ლიხჷრჯა̄ტიშ დრევჟი პმირმ პთჴჷრან მიჩა ბაბას; --
Line of edition: 10 ჯერი ი ემა ემა გეზალდ მაბურგა ე, აშხვ გვაშვ ჯეჭვდელ ი
Line of edition: 11 ნომ' ა̄მცუდე!

Line of edition: 12 -- იმნა̄რ ა̄ჯცვივი, ბაბა̄შ ლადეღ სი! ლიჭვდელღა მი და̄ს ხვცუალა
Line of edition: 13 ი სი იმღა ა̄ჯცვივი, გეზლირისგა მაშენ ლენწა̈მს ი იმედს?

Line of edition: 14 -- ჲაღვე, ბაბა, ათხელდი მეკვად ა̄მიშ ლიჭვდელ, მარე მორდა̄ბ მად.
Line of edition: 15 მა̈ ჯეყარ აშხვ თეს? ნამა̄რინ ლი ა იშგანშვ ნა̄ყრინ? ნამა̄რინ
Line of edition: 16 ემა ლი ეჰე, ქა ნექარ ისგვა გეზლირს ი მჷქაფს ქა ლოხტიხედ
Line of edition: 17 ისგვა ამგვა̄რ ჩქიმიშ მჷგნა, მადეჲ თხუმ ეჯღაჲ დემ ოთზა̄რისგდ
Line of edition: 18 ი ჴევცახა̄ნ შგურა̄რ დემ ოლსდენიდ.

Line of edition: 19 ა̄ლი ჟ'ა̄ნჰუნრე ივა ხელწიფხდ, სურუ ა̄ნხირნან, მარე ქა მამაგვეშ

Line of edition: 20 რა̈ქვე ი შიყ გარ ლახა̄სგ მიჩა გეზლირს.

Line of edition: 21 ა̄მირმდ ხა̄ქვე: -- მი ღევა̄რ ხვი ა̄მიშ ნაჭვდალერ, მარე ლახა
Line of edition: 22 ისგვა თემი გვაშვ მადმა მიცხრი, მადმა ჯა̄კვდენა მიშგუ თხვიმ
Line of edition: 23 გეზალდ ი მი მჷხა̄რ ხეკვეს ოჩვე მიშგვა შუკვს, ემეჩუ მერდე მადმა
Line of edition: 24 ხვი. ტკიც ლი, ჟ'ა̄მირდ სი ი ისგე ლიყველ მჲა̈ჲ გუნ გარჯ ა̄მერი,
Line of edition: 25 მარე ა̄ლჲა̄ჲ ტკიც ლი, ერე მიშგუ წა̈მ მუ სი მადმა ხი.
Line of edition: 26 ეჩქას ჟ'ა̄ნსპჷდ მიჩა გეზლირთე ივა ხელწიფხ ი ხა̄ქვე: -- ა̄მირმ,
Line of edition: 27 ისგუ ნაფა̄ს მი მამაგვეშ მაწვა, მიშგვა წა̈ვ გეზლირდ სი მიცხა
Line of edition: 28 ი ლეჰვმი მა̄ მერი, მარე მაგნებდ, ნომაგვეშიჯ ფეყერეხ მიშგვა
Line of edition: 29 თემი ბედშვ.

Добавлено (2007-03-20, 5:11 Pm)
---------------------------------------------
-- ეჯღა შვა̈ბ გარ ხიყრ. ისგვა ბედჟი ლახა მა̈ ა̄ნრეკნი, ეჯღა
Line of edition: 31 შგურ დემის ხვეწდენიდ, მარე ნავყურებიღა ჩჲა̄გ შგურა̄რ ხეკვეს
Line of edition: 32 ხვარდედ, ფაყვა̄შ ჟიხი ლაგამ ხეკვეს მადმა ნადეს.

Line of edition: 33 -- ეზერ, ბაბაღო, ბა̈ზი ლამბვიედ, მჷხა̈რ აშხვ გვაშვ ლა̄ჲკა̄ცნე
Line of edition: 34 ი ქ'ემოშ ათსრულისგდ ეჰე, მა̈ სა̄ჭირო ირი, ჩიგვაშვ ქა ჯექინე.
Line of edition: 35 მერმა ლადეღ ივა ხელწიფხდ სგა̈დჰერ მიჩა გეზლირ ლა̈ვზირალდ
Line of edition: 36 ი ხა̈ქვე: -- ჲაღვე ჰაჯ ეჯღაჲ მად' ამკიდდ ი ეშდჲარვ თანღი ეჩხენჩუ
Line of edition: 37 ეშხუ მჷნწლა ა̈რი ი მერმა ღებ ლჷგ. მჷნწლა̈შ ლაღვ ი ლაღვბა̈შ

Page of edition: 259
Line of edition: 1 თუ ისგ' ევოშ მიჴდედ ამთეჲსგ' ეჰე, ქა ჯეკვიშ მიშგვა თემი
Line of edition: 2 ამბა̈ვს.

Line of edition: 3 ათაგანხ მერმა ლადეღ ლახვბა ლა̄თხვართე. ესხრიხ, ესხრიხ ი
Line of edition: 4 აშხვ ზაუნღვე ვა̄ჲ-ბედოშ ქა ვენდ ადჰიეხ მჷნწლა̄შ ლარდა ქვეყანათე,
Line of edition: 5 მარე მჷნწლა ეჯგვა̄რ ლასვ სვრილ, ერე შვიმ დემთე ხად.
Line of edition: 6 ალჲა̈რს ქაჲ ხეწად ი ადქუთნე ღალოლ ი ეჯგვა̄რ ბიქვ ადგენე, ერე
Line of edition: 7 ფისიბ, ბა̄დრ ი ჩალა̄მკალა̄მ ჟი ლა̄ჲკიდ ი ჩხარა თანღი ეჩხენჩუ
Line of edition: 8 ადჰარე. ა̄მირმდ ქუთულა̄რთეჩუ ოთ{ვ}ესვ სკელა̄რ ი ა̄მის მამაგვეშმოშ
Line of edition: 9 ხა̄ყერ. ნჷნწლად ღალა̄რ ჩვადგენე, ჩვა̄დშიდგმუნან, ეჩქას
Line of edition: 10 ოთშგაბ ქა ა̄მირნ, ლა̄ჲყვიფ ლარტყვხენჟი დიეშ ჴადვხენქა ნა̄ყენვ
Line of edition: 11 ვეფხიშ ჰა̄კვედ ი, ვოდედე ღალოლე მახად ლიქვთუნეს ი ბიქვიშ
Line of edition: 12 ლისგვრეს ა̄დბინასგვ, ეჩქად ჩიქი ეშხუ ღალ' ათქვიც, ღვე მერმე'
Line of edition: 13 ლვე ლა̄ჲყვიფ დაშდნა̄ ი ჩვადჲასურე ასვნიასვნ. ეჩქად ი ეჩქად მიჩა
Line of edition: 14 ლახვბადი ანჰიეხ ჩხარა თანღი ენხენჩუხენ. ათხე აჩადხ ღებიშ
Line of edition: 15 ლათხელითე. ესხრიხ, ვსხრიხ ი აშხფნღვე აშხვ მინდერისგა ხეწადხ
Line of edition: 16 ხოშა ქორცა̄ლ ღებს. ამხენქ' ანღჷრდახ მარაცა̄ლ სვრილ ლაღვბა̄შ
Line of edition: 17 მერა̄რ. ეჯგვა̄რს იკადვხ ბჟჷლმაბჟჷლს, ერე აშხვ ლადღიშ ლა̄ზნათე
Line of edition: 18 ისმივ მინე ჰერ ი ფედილთე ლიზალდ ჩვაყვგახ მარა. ა̄მირმდ მიჩა
Line of edition: 19 ლახვბას მჷნწლა̈შ ნადგარვთექა ოთთონე: -- ღალოლსოღვ ახქუცუ-
Line of edition: 20 რეხ შდჷმრა̄რე ნა̄ცყერუნ ი ქ' ესერ დემ ა̈ნყუგიხ.

Line of edition: 21 ჩალა̄მკალა̄მ, ბა̈დრ ი ვისპ ტკისდ ქაჩადხ მჷნწლა̄თექა, ღალემ
Line of edition: 22 ნა̈ქვცა̄რ ა̄დცჷყერეხ შდჷმრა̄რ ლექვა ი ა̄მირმსი ოხჴიდხ შდჷმემ
Line of edition: 23 ნა̄ცყერუნცა̄ლ. ა̈მირმდ ხა̄ქვე: -- შდგმრე ნა̄ცყერუნღვ' ესერ უშხვა̄რ
Line of edition: 24 დემგვაშვმოშ ოთცხირნეხ რაგა̄დშვ, მარე შია̄რშვ ესეროღვ ხა̄ბჟინახ
Line of edition: 25 უშხვრეშიშ გვაშვ.

Добавлено (2007-03-20, 5:12 Pm)
---------------------------------------------
აჩადხ ამჟი ი ლა̄ჲბინეხ ლიშია̄ლ. ქორცა̄ლ ღებხენქა მეგრე მანგრა̈რე
Line of edition: 27 მაჟონ მერა̈რ ანღჷრდახ ი გუნ ნამთილის ხოჴდახ, ა̈მირმ ვეფხიშ
Line of edition: 28 ჰა̄კვედშვ სგვიზა, მიჩა ლახვბა მინე-მინე დაშდნა̄უშვ ი ღოშგიმ ვა̄ჲ-ბედოშ,
Line of edition: 29 იმჟი დორ ხადხ, ჟ'ახწინდახ, მერა̄რ ჩვაჭკიჟხ ი სარა̄ჯ
Line of edition: 30 მინდერისგა ლახა̄გხ ჰინკარ-ჰინკარდ. ა̄ნკჷმრეხ მა̄ფშა̄რ ი მა̄ჲდა̈რ
Line of edition: 31 ლახვბად, მარე ამანდ ხოჩამ იმ ა̈ნკჷმრასგვხ. ჩუ ნა̄ბიზუნღვე
Line of edition: 32 ჟ'ახა̄ცვხ კაბურჯა̄რ ლჷჭკერ მერა̄რს ალ სარა̄ჯ, მინდ მჷნწლა̄შ
Line of edition: 33 ლეღვ ა̄ნიცვხ ი სამ ზაუნღვე ვენდ გარ ანჰიეხ მინე ქორთეჲსგა.

Line of edition: 34 ბაბა ივას გუნ ათხიდჷნ მიჩა გეზლირ შშვიდებდ ლიტეხ.
Line of edition: 35 ლა̈ხედალ აჩვმინ სურუ ხოჩა. ლა̄ხედალუნღვე გეზლირ ლა̄ვზირალთ'
Line of edition: 36 ა̈დჰერ ი გუნ მა̈ხჲად ხა̄ქვ', ერე ამკა̄ლიბ ლამარგ გეზლირ ა̄ხთენან.
Line of edition: 37 ათხ' ესერ' ქოხუმბა̄ვისგ მიჩა თემი გვაშვ:
Page of edition: 260 Line of edition: 1 -- ალ თვი ი ალ მჷნწლა̈შ ლეღვ მიშგუ ლეზებ ლასვ, მარე და̈ვდ
Line of edition: 2 მა̈ყმა̈ყიშ სიმაქგეზალდ, ფისე ეჩა ლითავა̈ლსოღვ ხაბა ი, ლელატდ
Line of edition: 3 ლიგნე მა̈ჰერ, ეჯი მი მადე ჩვემნ. ეჯნემ ესნა̈რი მიჩო მუ ანუნძღულე:
Line of edition: 4 მი ესერ მიჩეშდ ამკა̈ლიბ ი ეჯკა̈ლიბ შგვირ მიყრა, მი ესერ
Line of edition: 5 მოლე ხოლა ნიშა̈ნურ ჩუ მუცვრ' ეჰე, თხუმ ესერ კოჯს ხა̈ხპე ი
Line of edition: 6 ლა̈ზგა-ლარდასი ხოლემ ჰარა̈კდ ცვირე.

Line of edition: 7 ა̈ლიმა̈გ ნანძღულ და̈ვ მა̈ყმა̈ყდ ჩიქი თვი ი მჷნწლ, ა̈მღე, ღვე
Line of edition: 8 მიშგუ ლიმახვ ა̈დბინე. ლა̈თხვარჟი ნა̈ ჲორი გარ ლოხხვიდდ უშხვა̈რ,
Line of edition: 9 ჟ'ამწინდა, თე ქ'ა̈მკიდ, მიჩა გეზალს ოთჴიდ ი ეჯის როქვ
Line of edition: 10 ხოზ ათხეჲ ვოქრეშ სა̈ინჟი. იმქას მაჟარ ხა̈ჴდოლნა, ლა̈შდრალდ.
Line of edition: 11 ლჷმკიდვნელი თრა̈ვ, დეჲშაფერიშ ეჯი!

Line of edition: 12 და̈ვ მა̈ყმა̈ყიშ ლინწირ ამჟი ა̈დვილ ნომა ჯიხალხ. ქორდ ი მურყვამდ
Line of edition: 13 გჷრკა̈ნდ ხოცხიპ: ჩიქი გველერშა̈პიშ, ღვე ბერჟემ სალდა̈თიშ
Line of edition: 14 ი მაშენ ისგა̈ხი ლჷფეთე ჟეღრე ჯა̈რ. ეჯჷნქა და̈ვ მა̈ყმა̈ყს ყიაჟი
Line of edition: 15 ჲელა̈შ მჷლა̈მ ოხვეზი ი ლა̈შიალჟი აშ ხა̈ბდე ჰელს მეშიალას, სგებდ
Line of edition: 16 დოლბიშ შირა ხოჟღვინა ლა̈შიალდ, მეშიალას ფილიკდ ა̈გნე
Line of edition: 17 ეჲნოშვ. მარე სგა̈ ჴერჴ ჯარხ ლეჴმა̈რი, ეჩა ლინწირ ემა ჯაკუხ
Line of edition: 18 ეჰე, აი, მა̈ ჯარხ ლეჩემ: თვით თულუყვ ბამბ' ათხაჲედ, თვით ლჷზიჰ
Line of edition: 19 გიცა̈რ ა̈თჟეღნედ ი ეჯის ქა̈მინჩუ სა̈ჭირო ჯარხ ეშხუ ჟა̈ჴ გვეში
Line of edition: 20 წელიშ ნ... ქადრინედ, მა̈ნკვი გველერშა̈პიშ ჯა̈რ ჯარს ლეჭკჟე,
Line of edition: 21 ღვე ბერჟემ მარემ ჯა̈რ, ეჩქანღვე ჟეღა̈რ ა̈ჲშგებნიხ, ეჩქას გიცრა̈რ
Line of edition: 22 ლოხშიდდ ი ეჯჲა̈რე ლაღვემ ლაზობს ქა ლა̈ხსედნიხ, ეჩქად სგა̈
Line of edition: 23 და̈ვ მა̈ყმა̈ყს ხეკვეს ახშჷდედ. და̈ვს სგებდ ჲელა̈შ მჷლა̈მ ხეჟღვინი,
Line of edition: 24 სგა̈ წელიშ ნ.. ლახბიდდ ი ეჯი ისგა ხატსუნე ჰელს. დოლბიშ
Line of edition: 25 შირას ბამბა̈შვ გვეში თულყვა̈რს ხოხლინად ი აშხუნღვე ეჯჲა̈ჲ
Line of edition: 26 ჩვა̈გნე ლიშია̈ლს. ექას და̈ვს ისგა ხა̈ფხეჭდ ჩუ ლა̈დისგთე ი, მა̈
Line of edition: 27 ლა̈თიალს ჯადეხ, ჴამშა. ნომ' ათზარად. ჩვა̈თდად, ეჩქას ყიაჟი კალდიმ

Добавлено (2007-03-20, 5:12 Pm)
---------------------------------------------
ესბეკდ ი ქახა̈ქუნედ, იმგვა ხოშხვნენეხ მიშგუ თე, ეჯი.

Line of edition: 29 ა̈ლი ქაჲ ოხუმბავე ი ალჲა̈რდ ლიმარელ ლა̈ჲბინეხ. ჟ'ა̈ნიცვხ
Line of edition: 30 თვით თულუყვ ბამბა̈, თვით ლჷზჰენ გიცა̈რ, ეშხუ ჟა̈ჴ წელიშ ნ...
Line of edition: 31 ი ესხრიხ, ესხრიხ, მარე ფოყ ესსიპჷდხ. ეჯგვა̈რ ნენჩათ' ა̈თჴედჷნხ,
Line of edition: 32 ერე დეცთეშჷნქა ლა̈წვე დემთე ლი, იმთე დო ხარხ ლეზი, ჟი დეშ
Line of edition: 33 იმჴერიხ. ა̈მირმ ჩექს ესაგან მიჩა პა̈პი ქრისდეშ ლაჴჷრალს: -- მა̈დილ
Line of edition: 34 ესერ ხერი ი ლოხჟინდ' ოღვ მიჩა ლჷპრისდე, ნომ'ოღვ ა̈დსერ
Line of edition: 35 ამ ნენჩაჲსგა გვაშურ ლეთვა̈შიდ.

Line of edition: 36 პა̈პიშხენ ჰერ ახსჷმდ: -- ქრისდეშ თა̈ჲსდებს ესერ ხენთხლალოღვ
Line of edition: 37 ლეკვშად, ოდო სამ ნა̈კვიშუნღვ' ესერ მიჩ მამაგვეშ ხა̈მედა.
Line of edition: 38 ათხე ა̈მისოღვ ა̈თჭამხ, -- ი მიჩა პა̈პიდ მუგულდ ოხუზე შუკვა̈შ
Page of edition: 261 Line of edition: 1 მუთვრიდ. ხოჟეღ ალ მუგვ ლახვბას სგებინ. ესჭიმხ ალჲა̈რ. ესზრიხ,
Line of edition: 2 ესხრიხ ი აშხუნღვე ჩვაშდახ ნენჩა ი ხოშა ნაკ ა̈დგი ანწვანდა.
Line of edition: 3 ამეჩუ მუგულდ ჩვესკიჰან ი ქანწვანდა და̈ვ მა̈ყმა̈ყიშ ლა̈ზგა-ლარდა.
Line of edition: 4 აჩადხ ისგა̈ხი ი ანწვანდ გჷრკა̈ნდ მეცხპე გველერშა̈პიშ ჯა̈რ. ა̈მირმდ
Line of edition: 5 ხა̈ქვე მიჩა ლახვბას: -- ათხე მინოღვ ა̈ნმარგხ. სგოღვ ხოვახხ მინე
Line of edition: 6 ხანგრა̈რშვ ი, შომ' ესერ გაჭირებათ' ა̈შყდენიხ, ჯი ესერი გა̈ნხენჩუ
Line of edition: 7 ლა̈ხგენი.

Line of edition: 8 ხოვახხ ალჲა̈რ ქა გველერშაპა̈რს ი სამ ლეთ ი ლადეღ უქვიცდ
Line of edition: 9 ჭკიჟახ ი ღოშგიმ ჩვაჭკიჟხ, მარ' ეჯჟი ლა̈ხჴადხ მინი, ერე აშ
Line of edition: 10 ესთქაშხ გიმჟი. ქაჩად ა̈მირმ, ჟ'ანჰედვრე ი ჯ