|
|
|
 |
| Svanskaya xrestomatiya |
|
Мужчина |
Date: Среда, 2007-06-20, 8:55 PM | Message # 76 |
Group: Проверенные
Posts: 352
Status:Offline
Дата регистрации:
2006-09-07 |
19 ლემშვანჲერა̄ჲსა ჩჲა̄გ მϩშკდარ ძღϩდ ლუგვნიანდ ხაყახ. ლიმშკიდთა̄ნ
Line of edition: 20 მოხელობ დე̄სამა ხაბჟახ. ხვაჲდინ ხა̄რხ ამშა ჩევა, ერე "მϩშკიდ ლოქ ხოჩენი ა̄ ბაპ?"
Line of edition: 21 მარა ლიბაპს აჯაღ ლიშკიდსუდ ხახვჩი̄ნეხ. იშგენ მოხელ ჩუ̄ჲ და̄რ ხოწვახ
Line of edition: 22 შვანარს ი ბაპს ი მϩშკიდს გარ ხოსგდიხ მინე სოფლარისა ი ალჲართა̄ნ ხელობ
Line of edition: 23 დე̄სამა ლოქ მϩრე̄ს ლი იშგენ ი ეჯღა ანჭინხ ამჟი მიშგვა ლალთერშვ. ლა̄ჲრაკდ
Line of edition: 24 ხუღვახ, ერე "მϩშკიდსი̄ ლოქ ხეკლი̄ მა̄ლე, ოდო იშგენს ლაჲდი̄ მაჲ ლოქ
Line of edition: 25 ესცხი̄დი იმშვა̄ლე̄მი ნაუღვე̄ნი". ძღϩდ ლϩკთილ ხაბჟახ მϩშკიდ: ამჟი ლუგვნიანდ
Line of edition: 26 მϩშკდარე მოხელობ შვანისა მიშგვა ლალთერშვ ეჩა ტარ მაბჟა, ერე შვანარ მაგ
Line of edition: 27 უთვრა ლიხ ი მე̄ვარ ხასკვრელხ მაგ მინეშ ჟი ჲესვა̄ჲ კოჭო̄ლ ზედმეტ მაჴედ მა
Line of edition: 28 ხოჴდენო̄ლნი, ჲედ ქემა ე̄სამა ხე̄რი ე̄მხენ. თხამჲანი̄ მევარ ლიხ შვანარ ი მϩშკდარს
Line of edition: 29 კალფორს ხოზვრიხ სოფელისა მϩშაჲ მა̄რე̄მი ქუნჟი თვით ფოხალს ი ალე სერ სურუ
Line of edition: 30 ხვაჲდ ხეწვე̄ნიხ ი ხაბჟახ, ერე მϩშკიდ თელდ ლϩკთილე ლე̄სეს. ალე მაგ მარე ლოქ
Line of edition: 31 ლϩბგრე ხაყა ა ი მაჲ ლოქ ხეკვეს ოთშდეხს მϩშკიდი ქორს. კალფორ მϩშკიდი
Line of edition: 32 ნავდუნ კაკლარს ხა̄ჲშხა. იშგენჟი დე̄მეჟი ი̄ქვი კალფორ. კალფორს ერ იშგოხ,
Line of edition: 33 ეჩქა ხოხალხ, ერე მϩშკიდი ბეგარ ლი ლეჴდე. კალფორი ლიგდენი და̄ს ხაშყიდ
Line of edition: 34 ჩუ, ივანდϩ̄რან ლϩმა̄რ ი ათხეი̄ ამჟი იჴდეხ კალფორს. კალფორისა ხა̄რხ ლეშკა̄დი
Line of edition: 35 მϩშკდარს, მა̄ჲ ესწϩხა მϩკϩლფორის, მაგ. ხონ ახშკა̄დვნახ მა̄ლე ნახმϩნახი
Line of edition: 36 მϩშკდარს ი ხონ მო̄მა -- კალფორ ეში̄ ქა ლეჴდე ხა̄რხ ჩი̄ს, ალ წეს ათხე̄ჲ ამჟი ლი. Line of edition: 37
არსენა ონიანი. სასაში. აკაკი შანიძე. 2.ხიი.1915 Добавлено (2007-06-20, 8:54 Pm)
---------------------------------------------
Text: 266
Page of edition: 245
Line of edition: 38
266. ლემსგი ლიფუ̄ლი Line of edition: 39 ლემეს ერ დეგნი ქორს, ჟი ლი̄შვე ერ ხაკუხ. ეჩქა მუფუ̄ლიდ ხოჩა პეპი
Line of edition: 40 ჲესვა̄ჲ, ხაყა, ეჯის ხატუ̄ლიხ. ჲერხი ნაფუ̄ლინჟი ლოქ დე̄მ ი̄შვი ლემეს ი ეჯი ხოლა
Line of edition: 41 პეპი̄ ტარ ხაბჟახ. ამკალიბ ჩიქა ქა ხატუ̄ლიხ მუფულიდ ლემსგიშ ხოჩა ლϩპეპიჲს.
Page of edition: 246 Line of edition: 1 "ქა ლოქ ლოხფუ̄ლ, ლემესი̄ლ ლოქ ნო̄თი მოშ ენი̄შვე̄ნს გორა, მიჩ ლოქ ხოჩა
Line of edition: 2 პეპი ხაყა". დო̄რიღოი̄ ხემქარა̄ლხ უშხვა̄რ ლემსგი ლიფუ̄ლის ი ხედი̄ში̄ ნაფუ̄ლჟი
Line of edition: 3 მϩლამს ანფვშვდე ლემეს, ეჩქა იბქჲელხ, ერე: "ვო̄! მიჩა პეპი ლოქ ხაჩო̄ნა მიჩა
Line of edition: 4 პეპის, შიშდ ლოქ ბითქ ოხღანა მϩლამს. ჲაღო ჯეჲ ლოქ ლადი აშ ერ ხაფუ̄ლნა̄ნ,
Line of edition: 5 ეში̄ ლოქ დეშ ანა̄შვნა, მარა მიჩ ლოქ ეშხუ ხა̄ლ ლოხფუ̄ლა, შიშდ ლოქ ჟ'ოხო̄შვა
Line of edition: 6 ბობშარ ი ზურალე̄ლ ამკალიბდ ხვა̄ჲდინ იმქარა̄ლხ ლემსგი ლა̄შვაჟი. Line of edition: 7
არსენა ონიანი. სასაში. აკაკი შანიძე. 1.ხიი.1915 Добавлено (2007-06-20, 8:54 Pm)
---------------------------------------------
Text: 267
Page of edition: 246
Line of edition: 8
267. თა̄ბუ Line of edition: 9 თა̄ბუ ხა̄რ ლე̄ქვი̄ს მა̄რას, შომას ერ ჟ'ახწინიხ. ჩუ ერ ინხენიხ ჩუქვა̄ნ, ჟი
Line of edition: 10 დე̄მ ფუშვდეხ ეჩქად, ვოდ თა̄ბუს დო ლე̄ქვნე. თა̄ბუ ეჯღა ხა̄რ ლე̄ქვი̄ს, ერე სგა
Line of edition: 11 ლაჯჴϩ̄რინას მიჩა თხუმ ი მიჩა უშკვშ ქა ლე̄ქვას, ერე "ეშჲეში̄ სი ლოქ ხი მიშგვი
Line of edition: 12 მომწირ ი მი ლოქ ხვი სერ ლადინღო ისგვი მორჩილ". ვოდ მარას ლაბϩრგჲელისა
Line of edition: 13 ჲედ ლაშჲელისა ჟი დო ახწინა̄ხი, ეჩქად მა̄რე თა̄ბუს დე̄მ ჯაყლე, ეღა ერე
Line of edition: 14 ამსვა̄ლდს ამჟი ხაბჟა "მϩგდა̄ჲ მიჩა მომწირ იშგენ დო̄რ ლე̄სეს, მარა თა̄ბუს ერ მიჩა
Line of edition: 15 უშკვშ ქ'ა̄ხა̄ქვი̄სვნი̄ხი, ეჩანღო სერ თა̄ბუ მე̄ქვი̄სს ლაგϩრგალ ჟი მეშთხე ხა̄რ ი
Line of edition: 16 მიჩა უნდდ ეში̄ ლემორჩილ ხა̄რ ეჩაშვდ, ჲერვა̄ჲს ერ თა̄ბუ ხე̄ქვ. ათა̄ბუ ქა უ̄ქვად
Line of edition: 17 მა̄რე მა̄ ლი ჩუ ლϩმორჩილე. Line of edition: 18
არსენა ონიანი. სასაში Добавлено (2007-06-20, 8:54 Pm)
---------------------------------------------
Text: 268
Page of edition: 246
Line of edition: 19
268. ლილობჲოვა̄ლ Line of edition: 20 შვანს ხაზნახ ლილობჲოვა̄ლ ლობიო̄ კაკლარშვ. ხოჩა მელობჲოვა̄ლ ჲერვა̄ჲ
Line of edition: 21 ლი, ეჯკალიბარს ლϩმწრად ხეთხე̄ლიხ. ხოჩა მელობჲოვა̄ლ ხოშა ნაღალდ ზურალე̄ლ
Line of edition: 22 ლიხ. ხონ ხოჩა მეცართე აჩეხ ი ხონ -- ხოჩა მელობჲოვა̄ლთე. ჩუ ერ ე̄სამა
Line of edition: 23 ხეყრენიხ კუმატ: ჲედ ლეგდ ე̄რ ჴედნი, ჲედ ფიშირ იდგარიხ ეშხუ ქორისა, ჲედ
Line of edition: 24 მეზგად დეშ იღუ̄ძიხ ი ჩიგარ ნაღრიბა̄ჲსა გარ არიხ, ჲედ კუმაშ ე̄სამა ეთბერნიხ
Line of edition: 25 დაგრავშ, ჲედ ოთქვითნეხ ე̄სჲამ ი დოშ ენთხე̄ლნეხ, ჲედ ხვაჲ ხანჲა გვამი ლეგმერდე
Line of edition: 26 ხეყე̄ნიხ, გა̄ლ ხე̄რი მეჩდე ი ლიქვთუნა̄ლ მა̄ ხე̄ჲმედი, ეჩქა ღϩრიხ ი ითხე̄ლიხ
Line of edition: 27 ჟი ხოჩა მელობჲოვა̄ლს ი ხეჴϩ̄რიხ სგა. "ოხლობჲოვა̄ლე ლოქ მინს ამ ბეჟდი ი ამ
Line of edition: 28 ბედჟი ი ნავდუნს ლოქ დე̄მამ აზა̄რეხ მიჩაშვდ ე ლოქ ხოჩა̄მდ ახმეჴრა̄ლვნი ჟი
Line of edition: 29 მინე გეეშს ი ხოჩა̄მ ე̄მამ ხათო̄ნნე. მაგ ქა̄ვ ხე̄ქვ ი ნო̄სამა̄ვ ოთვომე ი რიგ ლოქ მადილ
Line of edition: 30 ხე̄რი ი რიგ ჟახე ი მინი̄ მა̄ ლოქ ლიხ ეჲჟი ხოლა ლეიყ მეზგე̄მიშ, ერე ხოჩა ი
Line of edition: 31 ხოლა დოშერს ათტϩხიხ". მელობჲოვა̄ლ აშდე ტაბაგჟი ლϩდა ძვე̄რაჟი ჲერვეშდი
Line of edition: 32 ეშხუ ლობიო̄ კაკალს, თვით ვო̄შთხვ კაკალს იდე̄სხ წყება-წყებად ი ილობჲოვა̄ლხ
Line of edition: 33 სერ ეჯნოვშ. რიგს იმ ხათვრიხ ი რიგს იმ. ჲერხის ხაყლეხ მელობჲოვა̄ლ, ერე "ალ
Line of edition: 34 ხატიშ ი ალ ხატი ტარ ლოქ ხა̄რ ი ლიმზϩრს ლოქ ინუკოვ". ჲესვა̄ჲ ხატი
Line of edition: 35 ნაბრალს ხე̄ქვნეხ, სერ ეჯჲარ ითჲა̄ლჲელხ ი იტვაჟა̄ლხ, მელობჲოვა̄ლა ნათორს ვოდ
Line of edition: 36 ჩუ დო იჩოხ ჩი̄ს. ადრინეხ, ნამზურუნს ადჲესხ, ჲედ ლალგენე̄ლ ე ხე̄რიხ
Line of edition: 37 ლელგენი, ჟი ლოხლაგნა̄ლნეხ; მა̄ჲ ნა̄ქვი̄ს ხე̄რიხ, ჲედ ჴანარე ლილგენი მიჩა-მიჩა
Line of edition: 38 ღერთალე ჟახე̄ლჟი, ჲედ ბაპა ლიტბϩლი, ჲედ გიმე ლიცხტენი; ჲედ მიჩა ნაზϩმ მუტვარი
Line of edition: 39 ლიჲეს ხატთე. ჲედ თხუმ ჟიქა̄ნქა ლი̄ზვნუნე ღოლჲა̄ქაშ ი ჲედ ქათლაშ ი ჩუ
Line of edition: 40 ლიფშვდე უპატრონოდ მიჩა მახვჲა ღერთა ჟახაჟი, ჲედ წისდედალა̄ჲ ლიფშვდე.
Line of edition: 41 მა̄ჲ ჴევისა ხოჩა მელობჲოვა̄ლ ჩვარი, ეჯი ჩი̄ს ჩუ ხოხალხ ი მϩწხა̄რ ჲერვა̄ჲ ი̄რი,
Line of edition: 42 ხათვრიხ სერ, ერე "ამე ლოქ არი ხოჩა მელობჲოვა̄ლ ი ეჯი̄ვ ლოქ ენთხე̄ლე ჟი ი
Page of edition: 247 Line of edition: 1 იმვა̄ჲ ლოქ ხათო̄ნნე, ჩუ̄ვუ ჩომინ ეჯი ი ბაც ლოქ მა̄ ლი, ერე დოშსამა ლოქ
Line of edition: 2 ლახთϩრის ი დოშ ხოწა̄დეს მინე გვეშს". ადინეხ ეჩა̄შთე ი იმვა̄ჲ მელობჲოვა̄ლ ლახთერ
Line of edition: 3 ი ხათო̄ნნე, ეჯის ჩი̄ს ჩუ იჩოხ. ლილობჲოვა̄ლ მე̄ვარ ბϩგიდ ხანწმϩნხ შვანარს. Line of edition: 4
არსენ ონიანი. სასაში Добавлено (2007-06-20, 8:54 Pm)
---------------------------------------------
Text: 269
Page of edition: 247
Line of edition: 5
269. სავჲარე ალდათ Line of edition: 6 ჯვინელდ სავისა ესრენ ლϩდგარა ლიშთხვი მა̄მ ხახლე̄ნახ: ალდათ (var. წეს)
Line of edition: 7 ხაღვე̄ნახ მეჩი მარე̄მიშ კოჯს ქა ლიკვა̄ნე. Line of edition: 8 ეშხვინ ეშხუ მϩსავ ქუფრე̄ნჩს ლϩმშხატინ. გეზლაშდ ხო̄ქვა მიჩა მუს:
Line of edition: 9 იმნარ ჯაკუ, მამა̄შ, ალ ქუფრე̄ნჩ?" "იმნარ მაკუ ი ისგვა სგა ლაგნად ი ქა ლაკვა̄ნად
Line of edition: 10 კოჯს". "ალეს ნო̄მა ხაკვა̄ნე, მამა̄შ, ჩუ ლეხიშხვნ ალე ი მი გარ ქ'ა̄მაკვრ". "იმნარ
Line of edition: 11 მეკვდი ღო ალე მი?" "იმნარ ჯეკვდი ი ისგვა გეზალს მა̄მა ხე̄რი ლეშხტი, ლϩშხატ
Line of edition: 12 ხეღვე̄ნი ი სი ერ ჩვეთმეჩი, სგ'ა̄ჯგენნეხ ი კოჯს აჯკვა̄ნნეხ". "ხემა, ქ'ა̄მკვა̄ნეხა
Line of edition: 13 ღო მი̄?" "მაჲ საკვრელ ლი, ქ'ა̄ჯკვა̄ნნეხ სი̄, მი ერ ქა მაკვა̄ნე̄ხი". "ხემა, ქა
Line of edition: 14 მაკვა̄ნნეხა? ჲაღო დე̄მ ხვაშხტი!" ალ ქა ლე̄ქვ, ჟ'ენკიდ მიჩა ლϩშხატ ქუფრე̄ნჩ
Line of edition: 15 ი სგ'ა̄დკვა̄რ ლემესთე ი ჩვადშიხე. ეჯნე̄მ ერ მო̄მა ადკვა̄რ მიჩა მუ, სერ იშგენდი̄
Line of edition: 16 და̄რდ ადკვა̄რ: ეჩანღო მაგ აშთხვი ი ქა და̄რ აკვა̄ნე კოჯს. Line of edition: 17
ივანე ონიანი. სასაში. აკაკი შანიძე.16.ხიი.1920 Добавлено (2007-06-20, 8:55 Pm)
---------------------------------------------
Text: 270
Page of edition: 247
Line of edition: 18
270. ვიჯე ნაჴეფი ჟაგარ Line of edition: 19 ვიჯ ლოქ ერ მა̄რას ხეჴფი, ეჩქა ლოქ შხამს დე̄მ ხაბდე. ეჩანღო̄ნენ შხამს ლოქ
Line of edition: 20 ითხე̄ლი ი ხაჭიმ ლოქ. ეჩქა ლოქ ხაკვჩერ ეჯ მა̄რე ლიცს ქ'ა̄ჩეს. გიმს ლოქ
Line of edition: 21 ხეჭვდჲელ ვიჯ: "ამექა ლოქ მეჩედ ე̄სა ეჯ მა̄რე?" გიმ ლოქ ხაყლე, ერე "მეჩედ ლოქ".
Line of edition: 22 ეჩანღო̄ნენ ლიცნუნ ჴედნი ლოქ ვიჯ, ლიცსი ლოქ ხეჭვდჲელ: "მა̄რე ლოქ მეჩედ
Line of edition: 23 ე̄სა ამექა?" ლიც ლოქ ხაყლე: "ჯეჲ ლოქ ათხე ემჴედ ი ჯეჲი̄". ლიცქა ერ მო̄
Line of edition: 24 ხა̄დეს ლϩქაჩს ლა̄ზ, ეჩქა ქორთე ხაკვჩერ აჩეს ი ხაკვჩერ ხანჯრალ ჲედ მერჩლარ
Line of edition: 25 ესდე̄ნს ლაგა̄გიჟი, ლაჴვრე̄ლისა ი სანჲარისა ი ჩჲა̄გ, იმეი სგა ლაჴედ ხე̄რი, ეჩქარ
Line of edition: 26 ქ'ერ ეხლაკი ვიჯ ხანჯრალს, ჟ'ესჭკორი ი დეშჲამ ადრი, ჩვედდაგრი. Line of edition: 27
გრიგოლ ონიანი. სასაში. აკაკი შანიძე. 17.ვიი.1920 Line of edition: 28
გადმოცემები, ამბები Добавлено (2007-06-20, 8:55 Pm)
---------------------------------------------
Text: 271
Page of edition: 247
Line of edition: 29
271. ყანსავ ყიფიანი Line of edition: 30 ეშხუ დროჲჟი ოხჴი̄და წერეთელს ლა̄შხთე ლეკი ჯარ ლა̄შხე მϩკდად. ლეჟა̄
Line of edition: 31 ლა̄შხისა ხვაჲ ანკიდხ. ყანსავ ყიფია̄ნ აჩად წერეთელიშთე: "ნომა მიხვტე ხალხს,
Line of edition: 32 მა̄ჲ ჯეკვდი საჩქვარდ, ეჩის ლაჯო̄დი, მϩხარ სადილს ჯა̄მნი სი ი ისგვა ჯარს". "გუნ
Line of edition: 33 ეზარ". მე̄რმა ლადეღ ჩვაწჲე სადილდ, ჩვესსგურე მინდორისა. სოფელ ჯო̄დიას
Line of edition: 34 ხა̄რ. სადილ ოხჴიდხ, ლეზობ ი ლეთრე. ყანსავს ხაშგმინ წერეთელდ: "მიჩ ლოქ
Line of edition: 35 ჟაგი ლისყი ხოხალ, ჟაგუ ლოქ ხაშჩუქვრე". "ა̄დუ ლოქ, ჟაგს ლოქ ქა ხაშჩუქვრი,
Line of edition: 36 ფინთიხს ლოქ ჟ'ოსქიმე". ამჟი ყანსავს ლϩმა̄რე ხაყა ლეკარე მეშჲა̄ლ მიჩა
Line of edition: 37 ჯარ. "ერ ლოქ ლახტუ̄ლას მიჯნე̄მ: წϩრნი ღვინელ! ეჩქა ჩომინდ ლითოფ".
Line of edition: 38 ისგდი̄რობ ერ ლას, ჩვედშდϩმა̄ნხ ლეკარ, ეჩქა ლახტუ̄ლე ყანსავდ: "ათხე ოხჴიდდ
Line of edition: 39 წϩრნი ღვინელ!" ეჩქა ლას ლითოფ. ჟ' ანკიდხ ლეკარ, მინე წერეთელი̄. ჲერხი
Line of edition: 40 ჩ' ოთჩადხ. ეხჭამხ ღოშგინ ფადე̄ს, სგ' ე̄თი̄დახ შგედი ლახვისა, ჟანხვიტხ ლეკარ.
Page of edition: 248 Line of edition: 1 მუ̄მბვიდ და̄რ აფიშვდხ. ეჩანღო ლეკარ დეშსა ანჴადხ ლა̄შხთე, დეთა̄ჲ წერეთლარ
Line of edition: 2 მოშსა ანჴადხ ყანსავი მაყალშვ. ყანსავ ეზერ მა̄რე ლϩმა̄რ. სავ ლϩბგარ ხაყე̄ნა,
Line of edition: 3 ჟიბე შვანი̄ ლϩბგარ ხაყე̄ნა. ჩი̄ს ხემწირდა, მაგ მიჩა შიჩუქვა̄ნ არდ. Line of edition: 4 ჲერხის ლექსი ხოხალხ ყანსავ ყიფია̄ნაშ, უმჩა-უდგარვას ხაყლეხ. Line of edition: 5
ლაზარე მუკვბანიანი. ლამფალაში. აკაკი შანიძე. 15.ვიიი.1920 |
| |
| | |
|
Мужчина |
Date: Пятница, 2007-06-22, 6:44 PM | Message # 77 |
Group: Модераторы
Posts: 990
Status:Offline
Дата регистрации:
2006-08-29 |
გიგო გელვა̄ნ ი ყიფია̄ნარ Line of edition: 7 გიგო გლვა̄ნ ლϩმა̄რე̄ლი მϩლთოდ. ეჩის ხაყე̄ნა მეზვბელდ ყიფია̄ნარ, მარა
Line of edition: 8 მა̄ ხაკვდე̄ნა, ერე მეზვბელდ ხაყე̄ნა̄ნ ეჯჲარ, მე̄რმე გვარიშალ. ეჯ დროჲჟი დადია̄ნ
Line of edition: 9 ლϩმა̄რე̄ლი მეფე, ჩი̄მი მახვში. და̄დია̄ნს ძღϩდ ხალტე̄ნა გიგო გელვა̄ნ. გიგო
Line of edition: 10 გელვა̄ნ ალϩნგზა̄რვე̄ლი და̄დია̄ნაშთე ი ხვაჲ ჯარ ოთϩნჴერა̄ნა, თავადიშვილარ.
Line of edition: 11 სგობნა̄ვ ქა ხობჟი̄ნა, ერე "მი ლოქ ონღვრი". Line of edition: 12 და̄დია̄ნს ჯარ ლოხზაზა ხვაჲ. ორ ლახთხანე̄ნახ ეშხვა̄რ, და̄დია̄ნა ლϩზϩზ
Line of edition: 13 ჯარს დეშმა ოთთი̄რახ გიგო გელვა̄ნ ი ემტეხე̄ლიხ ღოშდ. და̄დია̄ნ ლახჭოდნე̄ნა:
Line of edition: 14 "მაჲ ლოქ ხოჩმი̄ნახ?" "მაჲ ლოქ ი დეშ ლოქ ოთირდ ხედი̄ღენ
Line of edition: 15 ლას გიგო". ალეს ხოლა გუ ოხჴად: "ხემა ლოქ დოშ ოთთი̄რახ? ეჩის ლოქ
Line of edition: 16 მϩჯაბს ჩვათერ ჯეჲ. ეჩის ლოქ ძღϩდ ლიმა̄რა̄ლ მა̄ ხალატ. ლϩმა̄რე ლოქ იშგენ ი̄რო̄ლხ,
Line of edition: 17 ეჯი მა̄დე". სერ და̄დია̄ნ ანჴად მიჩა ჯარშვ, ლეხზაზა̄ნ გიგო გელვა̄ნს. ერ ხეწადხ
Line of edition: 18 ალჲარ ეშხვა̄რ, ძღϩდ ათხი̄დϩ̄ნხ ეშხვა̄რე ლიწედ, და̄დია̄ნს ათხი̄დϩ̄ნ. ლოხჭე̄ნახ
Line of edition: 19 ეშხვა̄რეშდ ჴალარ ი ეჲჟი ემჩედე̄ლიხ და̄დია̄ნა ქორთე̄ჲსა. ეშჩუ ძღϩდ კამპანია
Line of edition: 20 ხოჩმი̄ნა და̄დია̄ნს. ხვაჲ მა̄რე ხოწჲა. სერ ისგ დი̄რობ ერ ხა̄რე̄ნახ, ეჩქა და̄დია̄ნს
Line of edition: 21 ხო̄ქვა გიგო გელვა̄ნა̄შდ: "ამზუმ ხან ლოქ ლი ჯეჲ მა̄ ხოწვა. ლახ ლოქ ათხე მიჩ
Line of edition: 22 ხაწდა, მიჩ ლოქ ეზარ ლადეღ ხა̄რ ლადი. ათხე ლოქ ხეშგო, ერე მაჲ ლოქ
Line of edition: 23 წყალობ ხაკუ მიჩა̄შხენქა, ქა̄ე ხე̄ქვ". ეჩქა გიგოს ხო̄ქვა: "მიჩა ჟϩრ მიჩი ლოქ დე̄სამა
Line of edition: 24 ხაკლი, მარა ეშხუ ლეშგომ ლოქ ხუღვა, ეჩის ლოქ ე ოუსურულებს". და̄დია̄ნს
Line of edition: 25 ხო̄ქვა: "ხემა ლოქ დო̄მ ოუსრულებს, მაჲ ამგვარ ლოქ ლე̄სეს". სერ ქ'ო̄ხო̄მბვე
Line of edition: 26 გიგო გელვა̄ნდ: "მიჩ ლოქ ხაყა მეზვბელდ ყიფია̄ნარ ი მა̄ ლოქ ხაკუ ეჯჲარ
Line of edition: 27 მეზვბელდ ი ე ლოქ ლახო̄დი ნებას. ერე ქ'ა̄დგენას". ალე ძღϩდ ლახმაჭი̄ნდა
Line of edition: 28 და̄დია̄ნს, მარა დეშ ხე̄ქვ ვარ. ხე̄ქვ, ერე "ჲაღო ლოქ ე უმარცხდ მოშ ადგენას, ღო
Line of edition: 29 ლოქ ქა̄ვ ადგენე". სერ ქ'ე̄ნϩნგზა̄რვა̄ნ გიგო გელვა̄ნ და̄დია̄ნაშხენქა. ანჴად აგითე.
Line of edition: 30 ლა̄შხთე ერ ანჴად გიგო გელვა̄ნ, ყიფია̄ნარდ ალ ანბავ ჟ'ენმეჴრეხ ი სგ'ა̄ჩადხ
Line of edition: 31 მუ̄რყვამთე̄ჲსა, ჩვედბინავა̄ნხ ეჩე̄ჲსა ი ჩვედϩმბϩგა̄ნხ. სერ ალ გიგო გელვა̄ნს
Line of edition: 32 ოთგემნა გლეხარეშდ ზექრა მუ̄რყვამი ძირი ლაშთხარს. სადგომ ეჯღა ოთგემნა, ერე
Line of edition: 33 დეშ ლოქ ხეთოფნიხ ჟიქა̄ნჩუ. Line of edition: 34 ეშხუ მა̄რე ჩოთქϩრთამა გიგო გელვა̄ნს: "ამჟივ ლოქ ხათო̄ნე ყიფია̄ნარს,
Line of edition: 35 ერე მუ̄რყვამი ლϩყა̄რჟი ლიცვშ გოში ფაკანუ ესგეხ. ეჩხენქა ერ ლიც ანბϩ̄დნი,
Line of edition: 36 ეჯნოვშ ლოქ ხოხა̄ლდეხ, ერე ეჩქა ლოქ მუ̄რყვამ იკა̄ფო̄ლნი ი ეჩქა ლოქ შიშდ
Line of edition: 37 აშϩ̄დახ მუ̄რყვამხენქა, ოდო სგა ლოქ ეხნახიხ ნამხვირს". ლϩქთრამე მა̄რას,
Line of edition: 38 გაცხაჲდ, ამჟი ხოთო̄ნა ყიფია̄ნრეშდ. ეჯჲარს ჩოთჯϩრვახ ი ეჲჟი ხოჩმი̄ნახ, იმჟვა̄ჲ
Line of edition: 39 ეჯნე̄მ ხათო̄ნე: ოსგახ ლიცვშ გოში ფაკან ლϩყა̄რჟი მუ̄რყვამიშ. კოჭო̄ლ ხანუნღო
Line of edition: 40 ჩუ მϩრა̄მ ოთქუთვნა ფაკან (ბუქვ მϩრე̄ს ლას) ი ჩვალბϩ̄დე̄ლი ლიც ფაკანხენქა
Line of edition: 41 ალეს ერ ხაწდახ მუ̄რყვამისა მერდა̄ლა, ხახლე̄ნახ ერე "იღუპავიხ ლოქ, მუ̄რყვამ
Line of edition: 42 ლოქ იკა̄ფი". ახყალვნე̄ნახ ი ქ'ა̄ლშϩ̄დე̄ლიხ მუ̄რყვამხენქა. გელვა̄ნარს ეჯჲარე
Page of edition: 249 Line of edition: 1 ლიმϩრცხე მა̄ ხაკვდეე̄ნახ, იმჟϩვა̄ჲ და̄დია̄ნდ ადშგურა̄ნრ ი ეჲჟი უმარცხდ ოთფი̄შვდახ.
Line of edition: 2 სერ ყიფია̄ნარ ალუ̄ტვე̄ლიხ ჲერხი რაჭთე, ჲერხი შვანთე ი ეშხუ ლემშახუ̄ლდს
Line of edition: 3 ალზიგე̄ლი. თელდ მინე მაღვე̄ნ მაგ გელვა̄ნარს ათსედახ (var. ათსედე̄ნახ).
Line of edition: 4 ეჯ მუ̄რყვამს ათხეჲ ჟი ხეთრა ეჩქა̄ში ნაშთხარ. ლუ̄ტვნე ყიფია̄ნარ ჩვალფიშრე̄ლოიხ
Line of edition: 5 რაჭს ი შვანს, ლემშახუ̄ლდს -- მა̄მა. ეშჩუ ეშხუ მეჩი მა̄რე გარ არი ყიფია̄ნ,
Line of edition: 6 გეგი ხაჟხა (var. ხაჲშხა). Line of edition: 7
აკაკი შანიძე Добавлено (2007-06-22, 6:44 Pm)
---------------------------------------------
ბესი დედვრია̄ნ Line of edition: 9 ჩვა̄ნ სემი მაზიგ ემჴედ ლა̄შხთე. ჩვედი̄თა̄ნხ. ეშხუ ბესი დევდარია̄ნაშთე აჩად,
Line of edition: 10 ჲერუ -- ლეჟა̄ ლა̄შხთე. ბესი დედვრია̄ნ გვეფ ლას. ჟ'ენმეჴრე, ერე მაზიგ მიჩა̄შთუ̂
Line of edition: 11 ჴედნი. ვახშამდ ესგუ̄რდა. ვახშნობჟი ღვინე̄ლს ითრე. შიდ ხუღვა ტოტისა კათხ,
Line of edition: 12 ღვინელშვ გოში: ანჴად მაზიგ ი ფერფილდ ესსიპდა ი სგ'ა̄დსკინე კათხთე̄ჲსა.
Line of edition: 13 ბესიდ ჟ'ემეჴრე ალე. კათხს ტოტ ესქვე, "არიქა, ჟაგუ ოხჴიდხ!" "იმნარ ლოქ
Line of edition: 14 ხაკუ?" "ხაკუ ლოქ აშიშდ!" ქ'ო̄ხჴიდხ ჟაგ. სგ'ე̄სგოშე ჟაჴთე ლუღვნე̄ლდ
Line of edition: 15 ჩვადჭებდე მაზიგ, ჟაჴს თხუმქა ქ'ო̄ხსკე̄ნე, ჩ'ოხწებე ითხმუ̄ლდ. ხაყა ეჩე̄ჲსა. ვოდ ჟა̄ნ დო
Line of edition: 16 ეხლაკა̄ნხ ლეჟა̄ ლა̄შხხენა მიჩა აფხნიკარ (ლეჟა̄ ლა̄შხს ხვა̄ჲ ოხხვი̄თახ ეჯჲარს).
Line of edition: 17 ლახტუ̄ლეხ: "ანჩადუ ლოქ სერ". ალე ბესის ქა ხასϩ̄ნდ, ჟ'ენკიდ ჟაჴ, ჟი ლოხფიშგ
Line of edition: 18 კიჩხუ̄ნდ, ქა̄ფიშვდ ლაჴვრაქა. ჩვაჴად მიჩა აფხნიკართე მექუ̄ნავა̄ლ. "მაჲ ლოქ
Line of edition: 19 ხაყრა?" ლეხჭოდდახ. ხემა ლოქ მაჲ ხაყრა? ბესი დედვრია̄ნ ლოქ გვეფ ლϩმა̄რ,
Line of edition: 20 ჩუ ლოქ ოთჭებდა ჟაჴისგა, ათხე ლოქ გარ ოხფი̄შვდა. მაჲ ლოქ ხაყრიხ სერ? მა̄მა
Line of edition: 21 ლოქ ხა̄ჲმედა ლი̄ზი". "ჟივ ლოქ ადჲეხ ბაპშე̄რთე, ეჩეჩუ ლოქ ჟ'ანხოჩვიხ".
Line of edition: 22 ჟ'ანჴიდხ ბაპშე̄რთე, ლაბჯგუშ სგა ლახზიგდა ბაპშა ხოშა̄მ, ლეგდ აჴად. ბაპშა
Line of edition: 23 ხოშა დესმა ოხსად, ჩვადგარ. ეჩანღო მაზიგ ადჲეხ მიჩა აფხნიკაარდ. ბესი
Line of edition: 24 დედვრია̄ნს დეშმა ხაყერხ, ჟ'ახყალუ̄ნდახ ბესი დედვრია̄ნაშდ. Line of edition: 25
ლაზარე მუკვბანიანი. ჟახუნდერი. აკაკი შანიძე. 14.ვიიი.1920 Добавлено (2007-06-22, 6:44 Pm)
---------------------------------------------
გაცხაჲდ ანბავ Line of edition: 27 ღობს ნინაშა ხოშა ლϩმზიგე̄ლი. ჟახად ხაჲშხე̄ნა ნინა̄ლუ. ამღა ხაჲშხახ ლადი̄
Line of edition: 28 ნინაშა. Line of edition: 29 ნინა̄ლუ ლϩმა̄რ თელდ ლატეხ მეთხვიარ ი გვეფ. ნინა̄ლუ ვოშელდინი̄
Line of edition: 30 ლϩმა̄ზნ ლათხვიაართე, ეჲშელდინ ლϩმდაგრინ ნათხვიარას. ალე დალს ხასდიკე̄ნა, ერე
Line of edition: 31 ნათხვიარე̄მი ჭიშხ ლოქ მა̄ ლოხცხვი̄რა მინეშდ ნინა̄ლუს. ხაკუხ დალარს ნინა̄ლუ̄
Line of edition: 32 დაგრა, ნინა̄ლუ გვეფ ლას ი ჩიგარ ჟი იმჴერდა. Line of edition: 33 ეშხვინ ჩვადგარ ეზარ კვიცრა ი მე̄რმე, ჩიდ ხოჩულ,ჩვადქაჩე. ალე
Line of edition: 34 ენმეჴრე დალდ. დალდ ლახტუ̄ლე მიჩა უდილს ი ხე̄ქვ, ერე "ნინა̄ლუს ლოქ კვიცრა
Line of edition: 35 ოთქაჩა ი კურმულ-ჯიმი̄ლ ლოქვ ოთზϩზე". უდილდ ლახტიხ, ერე "თითი̄ლუ ლოქ
Line of edition: 36 ოთქაჩა". "დო̄სა ლოქ ხუღვა კურმულ-ჯიმი̄ლ ეჲზუმ ცა̄-თახა ლე̄თი მუჭვმი̄ ქუნს
Line of edition: 37 ლოქ ნო̄სავ ლახჲე̄ნა მიჩა ქუნარ: ალ ლავდილად ადმო̄რვეხ, ერე "ალას ლოქ,
Line of edition: 38 ნინა̄ლუს, მინეშვდ ნათხვიარე მო̄ ლოხცვი̄რა, ჩუვ ადგარხ ეჯი, ქვაბისა ლოქ არი
Line of edition: 39 ი ქვაბ ჟივ ესრიღვხ". Line of edition: 40 ალ ნამო̄რავ გვეფ ნინა̄ლუდ ჟ'ენმეჴრე. ნინა̄ლუ სგ'ა̄ჩად ქვაბთე, წვად
Page of edition: 250 Line of edition: 1 ჟ'ენტყაბე ი ეჩანღო ანჩად აგითე ი ლე̄ქვ: "დალარე ლეცდავიდ ლოქ გომნი̄ ედგენი
Line of edition: 2 ამეჩუ. დალარდ ქვაბ ჟ'ესგვიბხ, მარა ნინა̄ლუ დესა არდა ეშჩუ. ალ ნინა̄ლუ
Line of edition: 3 ლϩმა̄რ ნინაშა ვასილი მუე ბაბა. Line of edition: 4 ლადი̄ ამჟი ა̄ნბავი ალეს ნინაშა ვასილ. Line of edition: 5
ლაშხეთი. აკაკი შანიძე Добавлено (2007-06-22, 6:44 Pm)
---------------------------------------------
. მახუნჯაკ ხვანთქარცახან Line of edition: 7 ჯვინელდ ლϩმარე̄ლი ჯარიანობ მევარ. კე̄სარს ხაწხე̄ნა მოცქულ ლეზზიდ
Line of edition: 8 ხვანთქარ მეფე̄შთე ი მოცქულდ ლი̄ზი დეშერს ოთბედვა ხვანთქარ მეფე̄შთე.
Line of edition: 9 ღოშგინპილს ლახჭოდნე̄ნახ მახუნჯაკს. ერე "ჯეჲ ლოქ ღϩრი ა̄ დოშ?" მახუნჯაკს
Line of edition: 10 ჩვათჩო̄ნე̄ნა: "მაჲ ძღϩდ გვეშ ლოქ ირი ეჩხა̄ვ ლი̄ზი?" "ჲაღო ჩუვ ესღე̄ლე კოტო̄ლ".
Line of edition: 11 ხელწიფს ხოქვა, "ეჲ ლოქ ქაღალთს ადა̄ჲრნე (var. ადირნე) ი ათყევნი ლოქ
Line of edition: 12 ხვანთქარ მეფე̄შთე". ჩვადა̄ჲრე ქაღალთ ი ქა ლახო̄მ მახუნჯაკს. აჩად მახუნჯაკ
Line of edition: 13 ი სგა აჴად ხვანთქარ მეფე̄ ჲეზვთე̄ჲსა. მახუნჯაკს ქაღალთ ხაკვერ ოთყევნე̄ნ
Line of edition: 14 ვეზრალეშდ ხვანთქარ მეფე̄შთე, კალონ ამჟი ლას. მარა მახუნჯაკ მა̄მ ლეხჭოდდა
Line of edition: 15 ეჯ ვეზრალს სგა ლი̄ზის. ვეზრალს ქა ლოხჯილკა̄ლე ეჩხა̄ვ-ამხა̄ვ ი ჯეჲ სგა აჩად
Line of edition: 16 ეჲჟი. ჟ'აჩად ხელწიფი დე̄ფანთეჟი ი ქა ლახბიშე ქაღალთ ხელწიფს. ხელწიფს
Line of edition: 17 ათნა̄ქუ̄ნდა: "ჲარ ლოქ ლი ეშთა̄ნ მა̄რე, ერე მიჩა ვეზრალე უჭვდიელად ლოქ
Line of edition: 18 დე̄ფანთეჟი ოხბედვა". "ჲას ლოქ ოხზϩზა ჯეჲ?" ლახჭოდნე̄ნა ხვანთქარ მეფე. "ჲას
Line of edition: 19 ლოქ ოხზϩზა ი მიჩა კე̄სარს", მახუნჯაკს ხოქვა. "ღო მა̄რე ჟ' ახშდეხაჲა̄ მიჩა̄შთე
Line of edition: 20 ლეზზიდ, ჯეჲ ლოქ დო ოხზϩზა?" (ალე მახუნჯაკ ხოლა თვალაშ ლϩმა̄რ). მახუნჯაკს
Line of edition: 21 ლოხტი̄ხა: "მა̄რე მა̄რათე ლოქ ოთზϩზახ, ჯეჲ ლოქ მიჩა̄შთე ოხზϩზახ". ალეს
Line of edition: 22 ჟ' ასსო̄ყე̄ნა ხვანთქარ: "ალეს ლოქ მიჩაშვდ ხემა ხოშგϩდა?" ამჟი ლოხტუ̄ლა
Line of edition: 23 მიჩა ვეზრალეშვდ, ერე ,"ალე მახუნჯაკ ლაბტი̄რთე ლოქვ ადგენეხ. ბატარე
Line of edition: 24 ნამსედვ მორსალ სგავ ლოქ ოთშიდხ ი ლეზობ ლოქ ხე̄რი ბა̄ზი ბატარცახან".
Line of edition: 25 სგ'ა̄დგენეხ ვეზრალდ მახუნჯაკ ლაბტა̄რთე. ბატარე ნამსედვ მორსალ ლეზობდ
Line of edition: 26 ოთში̄დახ. მორსალე მϩშდე̄მიშდ ალ მორსალ შϩყ ლეჟა ლოხში̄და ი ქა ოხკვა̄რა
Line of edition: 27 ყო̄რქა, მიჩა ლაჭბიდა ყო̄რალ მიჩავშ ოხგა ი ჯეჲ სგა̄ნ ლახჭებდე̄ნა. ეჯ ლე̄თ ჩვემსედ
Line of edition: 28 ეჲჟი. ხვანთქარ მეფეს ოთშგურა̄ნა ვეზრალ. ერე ძინარს ლოქ ერ ქ'ა̄ნფუშდიხ,
Line of edition: 29 მინს ლოქ ერ ლომარ ხაყახ ჲერუ, ეჯჲარ სგავ ლოხფიშვდხ ი მინს ლოქ სეირუ
Line of edition: 30 ახსგიდნა̄ლვნეხ, ხვანთქარს ი მიჩა ჲეხვს. ვეზრალდ, გაცხაჲდ, ეჲჟი ჩომინხ.
Line of edition: 31 ქ'ა̄ნფიშვდხ ძინარს მახუნჯაკ. მახუნჯაკს დაშნაჲ ქა ხა̄ბ. ნე̄სგა ლა̄რათე̄ჲსა ერ ანჴადხ,
Line of edition: 32 ეჩქა უბზანეს ვეზრალს ხვანთქარდ ი მიჩა ჲეხვემ: "ეჰე, ათხევ ლოქ ლოხფიშვდხ
Line of edition: 33 ლომარ ი ჩუ ლოქვ ათგϩლϩ̄რა̄ლვნეხ". ვეზრალდ სგა ლოხფიშვდხ ეჩხენ-ამხენისა
Line of edition: 34 ლომარ. მახუნჯაკდ ამღა ლი̄ზი მა̄მა აქვიც. ჩიქე ეშხვს ლახვსხვლეპე დაშნაჲ,
Line of edition: 35 ღო მე̄რმამ ი ჩვადჭკორე ჲერვე̄და ლომარ ი ჯეჲ ჟ'აჩად ხელწიფიშთე, "ხოჩა ძინარ"
Line of edition: 36 ხე̄ქვ თამამდ. ხელწიფს ი მიჩა ჲეხვს ათნა̄ქუ̄ნხ ძღϩ̄დ. ხვანთქარს ხო̄ქევა: ჯეჲ ლოქ
Line of edition: 37 მიჩა ლაშგდა̄შ პასუხი ლიტხეს დეშ ათხვიე̄ნა". ხვანთქარდ ჟ'ოხკო̄დე მახუნჯაკს
Line of edition: 38 ფაყვ ი ნიგბაჟი ლეხყაჲა̄ნდა, ჩ'ოთოჲრა ხვანთქარს მაგიორ ქაღალთ ი მახუნჯაკიშედ
Line of edition: 39 ვილი ლა̄ბ ვოქრ ხოშჩუქვრა ი ოთზϩზა. Line of edition: 40
ჟახუნდერი. აკაკი შანიძე Добавлено (2007-06-22, 6:44 Pm)
---------------------------------------------
სასა̄შარე ლითხვიარ ძღϩდ მუსობჟი Line of edition: 42 ეშხვდ ძღϩდ მუს ანჴად გუშგვემϩყ (ეჩანღო̄ნე ჲეშდჲერუ ზაჲ ი̄რი მეჩდე).
Line of edition: 43 მუს ჩხარა კამϩლ ლეს. მეთხვიარას ჩუ ხოცხϩ̄ნდახ მუსი ლიჴდა̄ლდ იმე ა̄რდახ
Page of edition: 251 Line of edition: 1 ნათხვიარე̄ლ. მუს ერ ანჴად, ეჩქას მეთხვიარა ნებოზს ეხჭამხ სოფელს ი ხალხს
Line of edition: 2 ხე̄ქვხ, ერე ნათხვიარე̄ლ ლოქ ხოცϩხხ მინს. აჯაღ მაგ ჟივ ენმა̄რა̄ნ, ჲერვა̄ჲს ლიჭბი
Line of edition: 3 ხე̄ჲმედე̄ნს. ჟ' ენმა̄რა̄ნხ ი აჩადხ მე̄რმა ლადეღ. ისგშუკვნუნ ქ' ა̄დჭაბეხ. ეჯი ლე̄თ
Line of edition: 4 აგითე ანტახხ. მე̄რმა ლადეღ ლეხტახ მაგ ეჩხა̄ვ ი აჯაღ აჭბϩდახ შუკვს. გუნ ერ
Line of edition: 5 ჟ'ეხფაშხ, ქ'ა̄ნთიშეხ არა მა̄რე, იშგენ მაგ ღოშდ ატახ. ეჯი არა მა̄რე ხვასდ: 1. ბუჭუ
Line of edition: 6 ვონჲა̄ნშა, 2. ატო თაისავშა 3. ლევარსან ჲეზჲაჲშა, 4. სტეფო ჯაბაშა, 5. ნესტორ
Line of edition: 7 ჟი̄ბშარეშ, 6. ჲერმან გოგიშა. 7. სიმისტრო გოჩშა ი 8. მი, პლატონ გოგიშა.
Line of edition: 8 ხვაჭიმდ ნათხვიარე̄ლს. იბვრელა̄ლდა. ჩ' ოდგარდ ეჩქას ჲერუ. თოფარე
Line of edition: 9 ზატვორს ეჲჟი აკვრემდა, ერე ქ'ე̄დომ ლოხფუ̄ლინ, დემ იქვთუნა̄ლდა. ათხე
Line of edition: 10 ნათხვიარე̄ლს ჟ'ოხსყეხ მიჩა ჭიშხარე ლაცვმარა̄ლ (ეჩქად ხოხა̄ლდახ თეკულარშვ ი
Line of edition: 11 ღვედშვ ღიცვემ ნათხვჲარე̄მიშ, ათხე ჭიშხარს ატფუ̄რეხ ი ეჯნოვშ იცვემხ. დე თეკუ̄ლ
Line of edition: 12 ხაკუ ი დე ღვედ). ჟ' ეხწადხ ანტყვსგარ. ჩუ ხვარიდ შიშველიშ ი ლϩცხეკი ლაეშხვჟი.
Line of edition: 13 ათხე ათა̄დახ გამოცდილ ღვაჟარს: "ჟი ლოქ ნო̄მავ ახყალუ̄ნდახ, ბა̄ზი ლოქ
Line of edition: 14 ქა̄მ სედნიხ". ათა̄დახ ჲერხის, ერე "ქა̄მ ლოქ ხე̄მა ასდენიხ? ლიჭბი ლოქ მინე
Line of edition: 15 გვეშუ ლას. ლიჭბის ლოქ დე̄სა ხაჭკϩ̄რვნიხ, ნომავ ხაყლუ̄ნიხ". სერ ქ'ო̄ხϩგზარვა̄ნდ.
Line of edition: 16 ჲერვა̄ჲ ლაჭაბს დოშ ღϩ̄რდახ, ეჯჲარს ნათხვჲარე ოხღვა̄ნხ მϩჭაბისა. სგ' ერ
Line of edition: 17 ონჴვადდ ფანაგა̄ შუკვთე, ჟ'ოგხვი̄და კოჭო̄ლ მϩჭაბე̄ლ. ოგხი̄დϩ̄ნ ძღϩდ. თხილმარა̄ლ
Line of edition: 18 ქ'ო̄თკდϩ̄რედ. ქ'ო̄ნჩადდ კოჭო̄ლი̄ლჟი ი მϩჭაბ სგა ლოგვშდახ სერ. ალ მϩჭაბე̄ლ
Line of edition: 19 ჩო̄ლარე მეხთვიარა̄ ნა̄ზვ ლას ი ცხეკთე ესღრϩდა. ლა̄შხთე შუკვ უჭბა ლას. "ვა̄ჲ,
Line of edition: 20 ჩუ ლოქ სედნიხ ბა̄ზი ქა̄მ". ლოხვა̄დად თხილმარა̄ლე ლადე̄სს. თხილმარი
Line of edition: 21 ლო̄ბრა̄ლ ლუკვრემე ლესხ ეჲჟი ერე თეკუ̄ლ დე̄მ ცხეპნო̄ლ (var. ჩუ დე̄მ
Line of edition: 22 ცხეპნო̄ლ). ოხბინედ ლი̄ზი ფანაგა ლეჟა. თხილმარ აშ გვეკდენო̄ლ, ჟი დეშ ხეიბჟენდად
Line of edition: 23 მაფეშშვ. ეშხუს ათა̄და: "ჯეჲ ლოქ ადϩნე ფანაგა̄ ლა̄რე̄ლე თხუმდ, ნომავ ლოქ
Line of edition: 24 ხაყლუ̄ნიხ". მი ამა̄და: "სასო̄ ბოგნუნ მი ოთჭაბნე, ნომა ღედ ჯა̄რხ ლიჭბი̄შ!" ლეჟ'
Line of edition: 25 ონჴვადდ სასო̄ ბოგნუნ. ნათხვიარე̄ლ ჩ' ოშიდდ ეჩეჩუ. ჲერუ მა̄რე ჩ'ოგსადხ
Line of edition: 26 ეშჩუ. ეშხუ მა̄რე ჟ' ოთზϩზედ ჭვე̄ლფს დიართე. ჩვახყევნეხ ჲერუ დიარ,
Line of edition: 27 კუპტა̄რალ. ეშხუ ჩუ ლოხმამა ბოგთე ჩულიჴდა̄ლდ ჲერმანს (ჟახად ალე ხაჲშხა. ჟერ
Line of edition: 28 ოთზϩზედ), მე̄რმე დიარი̄ლ ჩ' ოხჴი̄და ლϩ̄ლხა აფხნიკიშდ. ნაჲ მა̄მ ოხღე̄ლედ
Line of edition: 29 ეჯჲარს. ქ'ო̄ნჴვადდ ლϩჯი̄ ჭალაჲთე. ეჩეჩუ მეზგე იზგა. ქა ლოხტუ̄ლედ ი ჩ'ო̄გკარე
Line of edition: 30 ყო̄რ. სგ' ო̄ჩადდ. ეშხუ აფხნიკს ათა̄და: "არიქა, მაიდშვ ლოქ იდგარი". ქ'ო̄გჴიდხ |
| |
| | |
|
Мужчина |
Date: Пятница, 2007-06-22, 6:47 PM | Message # 78 |
|
Group: Проверенные
Posts: 352
Status:Offline
Дата регистрации:
2006-09-07 |
31 ჲერუ დიარ ი ეშხუ ლაფექ ლუბჴველე. ჟახად ბასილ ხეჲშხა̄ნ დიარი მϩ̄მნას.
Line of edition: 32 ათხე სემი აფხნიკ ღოშგინ გვიცვირ. ეშხუ ჩ' ოთცვი̄რახ მეზგა̄ჲსა, ჭვე̄ლფს, ეშხუ
Line of edition: 33 ანჴად. ათხე მაიდშვ კედნიდ მაგ. ისგლე̄თ ი̄რი. ძღϩდ ლემეს ანა̄შვეხ. სგობინ
Line of edition: 34 ლემეს გეაწუხვავი, ლოშგინ მϩცხი, ეჯღაი კედნიდ ი ამღაი̄: მϩცხივშ ი მაიდშვ.
Line of edition: 35 ჟ'ოთზϩზედ ლϩჯის ჲერმან ი სტეფო ლეზობი ლაჴდათე. ჩ'ოგჴიდხ ჩხარა კვა̄ში, ეშხუ
Line of edition: 36 კალათ კომბოსტო. ალ ჲერუ მა̄რე ჟი̄ბ ასადხ, ლეზობ ლϩშომ მა̄რად ჩ'ოგჴიდ. ალე
Line of edition: 37 ქ'ო̄თზϩზედ, ლϩშომ მა̄რე, ნათხვიარე̄მი ლაჴდათე. ალ ჩხარა კვა̄ში ი ეშხუ კალათ
Line of edition: 38 კომბოსტო ჩუ ლოხვე̄მდ ვოხუშდ მა̄რად, ეში̄ ძღϩდ გვა̄ჲდϩნ. ეჩქად ნათხვიარე
Line of edition: 39 ანჴიდ, მარა ნათხვიარე̄მი ლიტფუ̄რე დე̄სა ლოგშყად, ეჯღაი̄ ხვიდგარიდ ი ამღაი̄
Line of edition: 40 მϩცხივშ. "ეშ მა̄დე, ჟივ ოჩადდ ლϩჯითე! ეჩე ლოქ გვეთხი ლეზობ". ჟ'ოხგა̄ნდ
Line of edition: 41 ი ჟ' ოჩადდ ლϩჯითე. ლϩჯის ლეზობ მასარდ გვეთხა̄ნ. ჩვერ ოთბიზა̄ნდ, ყვიჩარდ
Line of edition: 42 ესტუ̄ლეხ. ეშხუ ხოშა მეთხვიარ გვინჴრϩდა, ბუჭუ. ეჩის ათა̄და: "ათხე ფადე̄ს ლოქ
Line of edition: 43 მეჩდე ი̄რი გუშგვე ლათხე̄ლითე. ათხე ლოქ ქ'ე̄ლკϩლდად, ალზϩზად ეშხუ მა̄რე
Page of edition: 252 Line of edition: 1 სგობინ: არგებს სგობინ ლახხვი̄დეს ეჯჲარს, დე̄მ აფშვდე ლათხე̄ლითე". ნაჲ
Line of edition: 2 ლϩჯის ხვარიდ ი ონღვრიდ აგითე. ქ'ო̄ჩადდ ლϩჯიხენ, ჩ'ო̄ნჩადდ მეზგათე, იმეჲ
Line of edition: 3 ნათხვიარე გვიცვარ, ჟ'ოხცვედ ნათხვიარე ონჩადდ აგითე. ლეჟა ონჴვადდ
Line of edition: 4 მურგოულნუნ. ეჩეჩუ̄ნ სგობინ ლოგხვი̄დახ აჯაღ გუშგვე მϩთე̄ლა. ათხი̄დϩ̄ნდახ მე̄ვარ
Line of edition: 5 ი ჩ'ოგყახა̄ლეხ. "მადილუ ლოქ ხა̄რ ღე̄რბათს, შიდობდ ერ ანღრიდ, გვახჲად ალე
Line of edition: 6 ნაჲ მე̄ვარ". ფადე̄ს ქ'ო̄გჩაშ ლათხე̄ლითე გუშგვე. ეჯჲარ ქ'ო̄გქადა̄ნხ, ნაჲი
Line of edition: 7 ქ'ო̄თქადა̄ნდ. ნაჲ ლეჟ' ო̄ნჩადდ აგითე, ეჯჲარ ემჩედხ გუშგვე ლათხე̄ლითე. ეჯჲარ
Line of edition: 8 ესრენ ფიქრახ ერე "ეჯჲარ ჟი მϩრე̄ს ანხვატხ, ჲედ ადცუდვინახ მϩცხი ი ჲედ ჟაჲ".
Line of edition: 9 ესღრიხ სერ ეშხვა̄რე მϩქარჟი: "ჲედ ამეჩუ ოგხვივ ი ჲედ ამეჩუ". ამჟი̄ნე იმისი
Line of edition: 10 ნაჲ ონჴვადდ, ეჯჲარი̄ ეჩის ემჩედე̄ლიხ მϩჭაბისა. ანჴადხ მე̄რმა ლე̄თ. მაფეშშვ
Line of edition: 11 მეხვტე ი ლუშხუ̄რე ლასხ მაგ მϩცხივშ. რიგს ათთვეფახ თხილმარა̄ლ, რიგ ანჴადხ
Line of edition: 12 ლუშხუ̄რე. აგის სერ ლიხჲადა̄ლ გვა̄და. "მადილუ ლოქ ხა̄რ ღე̄რბათს, ერე ქა ლოქ
Line of edition: 13 დო̄რ ლϩკლიდ!" ჟ'ოხხურჲელა̄ნდ ეშხუდ, ლეთხე̄ლი ი მϩთხე̄ლი მაგ. არაყ ი
Line of edition: 14 დიარ აგი-აგიხენ ონჴვიდდ ჩიემ თვითჟი̄ნე. ლეღვ ეჩეჩუ̄ გუღვა̄ნ ნათხვიარე̄მიშ.
Line of edition: 15 ხვამϩრიდ უშხვა̄რე თხუმს ი ხომზϩრიდ ქა ლისედს. Line of edition: 16
პლატონ და ლევარსან ონიანები. სასაში. აკაკი შანიძე. 27.ვიი.1920 Добавлено (2007-06-22, 6:45 Pm)
---------------------------------------------
მეთხვიარი ნა̄მბავ Line of edition: 18 სემი ზაჲ დეშ ი̄რი, მი ერ ლითხვჲარ ოხბინ. კეცხაშ მიშგვა ბუბას ოთϩნჴერდ.
Line of edition: 19 თოფსი̄ ეზარ მეწვინქა ხვაზზის. თამფა მი̄შ ბუბად მე̄ქვ კეცხაშ, ერე "ლათხვიართევ
Line of edition: 20 ოთϩნჴერდ, თოფს ლოქ ეზარ მეწვინქა ხვაზზი̄ხვი, მიჩ ლოქ ე ხონჴრინა̄ლვნი̄ხვი,
Line of edition: 21 ლითხვიარსი̄ სგა ლოქ ამმითქვნე". ოჩადდ ურჲალე ვობი ლადეღ. ძინარს
Line of edition: 22 დო̄სგ ოჩადდ აგიხენქა. ლეჟ' ე̄რ ოჴვადდ ლაბერნუნ, ეშჩუ̄ნენ მახა̄შარ ოგთხანხ,
Line of edition: 23 ჲერუ, ლათხვიართე ესღრϩ̄დახ ეჯჲარი̄. ოჩადდ ლეჟა კო̄ლთხი გედუთე̄ჲსა.
Line of edition: 24 ეშჩუ̄ნენ მაშრი დაბი თხუმისა ჲერსკნალ ლϩმარდე̄ლიხ. მი სგობინ ოსღვრის.
Line of edition: 25 ლოხსგი ჟიბო ი ქა ხვეწდ, ვოხუშდ ლასხ. მი ხა̄ლ ქა ხვეწდ, შიშდ თოფს ხვიფხიჭ ი
Line of edition: 26 სგა ლოხყუხვას მეგემს. აფხნიკარდ მე̄ქვხ ჩუმუ̄ლდაშ, ერე ,"ნომავ ოხვაფშვდ
Line of edition: 27 მინეშურ ი ეჯჲარი̄ ქ' ა̄ჩადხ საფართე̄ჲსა. ეჯჲარს ლაზე̄ლალჟი̄ნენ ჲერსკნალ ქა
Line of edition: 28 ხეწადხ. ჟ' ენბინეხ ლი̄ტვ, ეჩქა ოხთოფედ სერ ჩიემ. ეჯჲარდ თვით ახფიშვდხ, მი
Line of edition: 29 სემი ოხვაფშვდ. მი ვინტოვკა მუღვა̄ნდა (ვინტოვკა ეჩქა მახე მეჴდე ლას ლა̄შხთე̄ჲსა),
Line of edition: 30 ბუბას მარტინაჲ ხუღვა̄ნდა, მახა̄შარს ბერდენე̄ლ, ეჯღა ოხოჩშ სემი̄ ლიფშვდე.
Line of edition: 31 მარა ჩიემ ქ'ო̄თქადედ. ღოშგინპილს მი ოხვაფშვდ მესმე. ეჩქა ქ'ე̄მპϩრტნა̄ნდა
Line of edition: 32 ჲერსკენ ი ბუბად ლე̄ქვ: "დავით, ჟივ ლოქ ღენ ოდერ, ეჩე ჩუვ ოთსი̄ნჯავ,
Line of edition: 33 ეჩის ხაკვჩერ ლოქ ნაყირ ხა̄დეს" ი ჟ'ამზϩზე ლასი̄ნჯავთე. ჟ'ოდერ, ჩ'ოთსი̄ნჯავ,
Line of edition: 34 მარა ნაყირ დე̄სა ხა̄და: ზისხ დე̄სა ოსო̄ზო̄ლდახ. Line of edition: 35 სერ მი მამჭინდა ლეჟა̄ვ ლი̄ზი, მიცხა̄ნდა ეჩე ლეჟა ეჯჲარე ლიჭემ, ნათხვიარე̄ლეშ.
Line of edition: 36 ჩ'ონტეხ ი ბუბას ხვე̄ქარ, ერე "ჲერუ აგის ზისხ ამხვი̄და ი ნაყირ იჯ ხა̄რ.
Line of edition: 37 ჟი იჯ ალჩედდ ი სგა იჯ ლელჲად ლϩქაჩს". "გაცხჲდ ლოქ ე̄სა ლი ლϩქაჩ, ეჩქა
Line of edition: 38 ლოქ ჟი ღϩრი, ე ლოქ მო̄დეი̄, ეჩქა ლოქ დე̄მა". მი ხვე̄ქარ, ერე "ეჯღაჲეჯღა იჯ".
Line of edition: 39 მახა̄შარს ხე̄ქვ: "ანჩადხუ მინი̄ ი სგა ლოქ ეთჲახ ლϩქაჩს ი ჩუ ლოქ ადგარნეხ".
Line of edition: 40 მახა̄შარდ ლე̄ქვხ, ერე "ნაჲუ ლოქ ოჩადდ ამე ლეჟა, მინ ლოქ ლეჟა ადრინეხ, ამე
Line of edition: 41 ლეჟა ლოქ ხეწდენიხ იმვა̄ლე ნათხვიარე̄ლს ი ჟი̄ბ ლოქ ჩ'ოგღე̄ლნეხ გაჲოზი
Line of edition: 42 კარავისა". ჩ'ოყვალდ. ეჯჲარ ლეჟა აჩადხ ი ნაჲ ჟ'ოთჭამდ ნათხვიარე̄ლს. ოჩადდ
Page of edition: 253 Line of edition: 1 ნათოფნუნ, მარა ეშჩუ̄ნენ ზისხ დესა ა̄რდა. ბუბად მე̄ქვ, ერე "იმე ლოქ არი
Line of edition: 2 ზისხ?" "დე̄სა იჯ, მარა ალჲარე ლიჭემ იჯ მიცხა̄ნდა, ეღა იჯ ლო̄ქარ ამჟი". Line of edition: 3 დე̄სამა ლე̄ქვ ი ოთჭამდ სერ ნათხვიარე̄ლს. ბუბა სგობინ ლას. ჟ' ერ ოჴვადდ
Line of edition: 4 ჟიხია̄რ, ეშჩუ̄ნენ თოდ ლეჲმურჯი̄ნე ბუბად. ესრენ ნათხვიარას ხაწდე̄ნა ი ეჩა̄შთე
Line of edition: 5 ესღრϩ̄და. მი ბობშ ხვას ი მა̄ მე̄ჲმედა̄ნდა ჩქა̄რდ ლიზე̄ლა̄ლ. ჟ' ემფაშ ი ჩ' ოთჩერვენ.
Line of edition: 6 ლოხსგი ჩუბო ი ჩ'ოსწვე̄ნ ნათხვიარე̄ლ. სგა ხვიფხიჭ მი̄ თოფს ი ოხვაფშვდ.
Line of edition: 7 ოხვაფშვდ ჩიქე ეშხუ, ღო მე̄რმე, ღო მესმე, ღო მო̄ვუშთხვე მარა̄ მაგ ქ'ო̄თქად.
Line of edition: 8 მეფაშ ი დემ ოთჩერავ თოფ. ეჲჟი̄ნენ ახფიშვდ ბუბადი თოფ ი ჩ' ოთდაგრა Добавлено (2007-06-22, 6:46 Pm)
---------------------------------------------
9 ნათხვიარე. მი ლამტუ̄ლე, ერე მაჲ ლოქ მიჩმი̄ნა. ეჩა ლიტუ̄ლი ი თოფი ლიშყედ
Line of edition: 10 ეშხუ ლას: ოხვაფშვდ ი ხვაჴ ჯაჭარჟინენ ნათხვიარას. ქ'ა̄ნშყად შიშდ. ბუბას
Line of edition: 11 ლოხტუ̄ლხვას: "არიქა, ნათხვიარე ი ოდგარ, ნომა იჯ ოგთვეფეს ჩუ!" "იმე ლოქ
Line of edition: 12 არი?" ბუბად ლამტიხ ჲერ. "ეჩე ლექვა იჯ ანგურნი". "იმე ლოქ?" "გუშგვე
Line of edition: 13 ეჩხენ ხოშა სერ იჯ ერ ხა̄რ, ეჩე ლექვა იჯ ანგურნი". "ეშუ ლოქ მა̄რ ცხონებ", მე̄ქვ,
Line of edition: 14 "ეჩავ ლოქ თოფ დეშ ჴედნი, ნათხვიარას ლოქ ოდგრინა̄?" "ჲაღო გუ̄ნ გუ იჯ ღენ
Line of edition: 15 ლახო. ჩუ იჯ დოშ ესწვე̄ნა̄ხი მუგვრანი". ჩვესწვე̄ნე ი ეჩქა ლე̄ქვ: "მადილუ ლოქ
Line of edition: 16 ხა̄რ ღე̄რბათს!" ჩვანჲად ი ჩვესგუ̄რდა მიშგვაცახან ი ხვიმბვა̄ლდად. ხასკვრელϩ̄ნდა
Line of edition: 17 მე̄ვარ, ერე "ამზუმჟი̄ნენ ლოქ და̄ს ხოდგარა ჩიქე ნათხვიარე". ეჲჟი̄ნენ
Line of edition: 18 ჩ'ოსწვენედ ჯაღ ნათხვიარე. ოხვაფშვდ მი, სგობნე ჭიშხ ოთაქვც, ლიკვჩხი
Line of edition: 19 ენბინე. ეჲჟი̄ნენ ბუბად ახფიშვდ ი ქა ხაჴიდ, არა ეჯღა ეში̄ ესღϩ̄რდა. მი ოხვაფშვდ
Line of edition: 20 აჯღ ი ბარჯლქა ხვაჴ. ჩვადყუ̄რდა. ქ'ო̄ჩადდ ეშჩუ̄ნენ ი ჟანსკინე ნათხვიარად.
Line of edition: 21 ოხფიშვდდ აჯაღ ი ჩ' ოსცვირდ, ჩ'ოგარდ. ეჩუნღო̄ნენ ჟ'ოხხვრჲელედ ნათხვიარე̄ლ.
Line of edition: 22 მანკვი ერ ოდაგრ მი. ეჯი ლას აშთქე ზურაჲ. ეჩქა ლე̄ქვ ბუბად, ერე "მა დილუ
Line of edition: 23 ლოქ ხარ ღე̄რბათს, ერე მი ლოქ მეხთვიარ მეფსი". "ხემა იჯ?" მი ლოხჭოდ.
Line of edition: 24 "ხემა ი̄ ჲერვა̄ჲ ლოქ აშთქა ნათხვიარას ადგარი მანკვი, ეჩის ლოქ ხეფსი
Line of edition: 25 მეთხვიარ. ჲერვა̄ჲ ლოქ მანკვი დეშდვს ადგარნე, ეჯი ლოქ დეშსამამ ადგარი
Line of edition: 26 ეჩუნღო̄ნენ". Line of edition: 27 ჟ'ო̄ხფაშუ̄რედ ნათხვიარე̄ლ. აშთქას ქ'ო̄ხკიდდ კანდრეუ̄ლ. ფათვ ქა მეჴდე
Line of edition: 28 ხა̄და კანდრეუ̄ლს. ჩ'ოთტუფუ̄რედ ეჯი̄ ი კუპრუ̄ლდ ოხსყედ, ლათხვიართე
Line of edition: 29 ლყედა̄ნიდ. ნათხვიარე̄ლ ჩ'ონშიდდ შურ ლექვა, ჩ'ონჴვიდდ ლიცე პილთეჩუ.
Line of edition: 30 ჩ'ოთა̄შვედ ლემეს. ბუბა დე̄მ იზბϩდა ლეღვს: ურჲალე ვობი ლადეღ ლას. მი მახიადϩ̄ნდა,
Line of edition: 31 ნათხვიარე̄ლ დე̄სა მიდგარა̄ნდა ეჩსერ, ეჩქა ჲერუ ოდაგრ ეშხუდ (მესმე ბუბად
Line of edition: 32 ადგარ. კანდრეუ̄ლსი ე ელა̄ჲრნედ, ეჩქა მიშგვი ნადგარ გარ სემი ლიხ). ერ
Line of edition: 33 მახჲადϩ̄ნდა, ეჯღა ოხტყაბ წვადვარ ი ლოხვემ. ბუბად დეშ ანცხვანი̄ნე (var.
Line of edition: 34 ანცხვალი̄ნე) ლისგდი, ესუნჴვა̄ნ იმბუ̄ლდ ი ჩვედუჟე. მი ერ ჩ'ოთგა̄თვ ლიზობ,
Line of edition: 35 ეჩუნღო̄ნენ ქ'ო̄ხვჲეცხუნ. ჲერუ ბუბად ენცვე, ეშხუ მი. ლექვ' ო̄ჩნადდ მელე̄
Line of edition: 36 ბოგთეჟი̄ნენ. ლიმა̄ჲდა̄ლ ლას. ეშჩუნენ ხალხ ანღრϩ̄და. ნათხვიარე̄ლ ჩ' ოთპეჟვნედ,
Line of edition: 37 ნაჲ ჩ' ოსგუ̄რდად ი ხვიშმინდად. ნებვზა პილთე ჴანარ ოხყე̄დახ ლუვღვი̄ნე
Line of edition: 38 ჟაჴუნდერთე ი სგ'ო̄სდედ სევ-ჩევთე̄ჲსა. ჟიქა̄ნ შინელ ოსნათხუ̄ლედ ი ლექვ' ო̄ნჩადდ
Line of edition: 39 აგითე. აგის მე̄ვარ ათხი̄დϩ̄ნდახ. თანაფს ჟ'ენხურჲელა̄ნხ გუშგვე ლანხუბვარე Добавлено (2007-06-22, 6:46 Pm)
---------------------------------------------
40 ჭყინტო̄ლარ ი მახიადს მაყლახ მაგ. ამჟი ლას კეცხა მიშგვი ლითხვიარი ლიბნე. Line of edition: 41 ამϩნქა ხვა̄ჲ მითხვჲარა აჯაღ, მარა ჩი̄ს დეშ ხვა̄მბვი. აშ ჲერხის ქ'ე̄ჯი̄მბვნე. Line of edition: 42 ლე̄ნა ოჩადდ ლახთვიართე მი ი მიშგვი ჩი̄ჟე. ჟ' ოჩადდ დადიაშთე. ეშჩუ
Line of edition: 43 ჩ'ოთϩ̄გა̄ნდ ეჯი ლე̄თ კარავისა. მე̄რმა ძინარს დო̄სგ ოხგე̄ნდად. მϩჟე ლიწდა̄ლდ
Page of edition: 254 Line of edition: 1 კარეტი კეცხთეჟი ოჴვადდ. ეჩეჩუ̄ნენ ჟ'ოხშომედ. ეჩუნღო̄ნენ ქ'ო̄ჩადდ კოჭოლჟი̄ნენ.
Line of edition: 2 უშგულთეჲსა ლასგიდ ოგსყა̄ნდა. ლოხსგიდდად კარეტი ეჩხენჩუ, ქაშანქა
Line of edition: 3 ჴანკვიცრა ანღრϩ̄და. მიშგვა ჩი̄ჟად ლე̄ქვ, ერე: "ე, ჲაღო ათხე ლოქ ხაკუჩ
Line of edition: 4 ლიმარგ. თოფს ლოქ მე̄ვარ მეწვინქა ხაზზი̄ხი, აგის ლოქ ნეპო̄ლარს დე̄მ ხაქდენი̄ხი.
Line of edition: 5 ათხე ლოქ ალეს ე ქა ხაქდენიხი. ეჩქა სი ლოქ მიჴდენი̄ხი ლედგარიდ". Line of edition: 6 ჩი̄ჟას ბერდენაჲ ხუღვა̄ნდა. მი ვინტოვკა მუღვა̄ნდა. ჯო̄დჲა̄ჲ ჩუ გვა̄და. ეჯღა
Line of edition: 7 დე̄მ ხაფშვდა ეჯი. მარა მი მა̄ ჩომხვას ი ოხთოფედ ჲერქე̄და̄შემ. ვოხუშდ მი
Line of edition: 8 ოხვაფშვდ, სემი ენჯე̄მ. მარა ჲერქე̄და̄შემ ქ'ო̄თქადედ. ეჩუნღო̄ნენ მϩლჟაჲს,
Line of edition: 9 ემოშ ჟი ღუ̄რდად, ეჩქა აჯაღ ჟი ხვიდრენდად ლეთოფდ. ისიდორე (მიშგვი ჩი̄ჟე)
Line of edition: 10 მა̄მ ემჭამ. მა̄მ ხე̄მჲედა̄ნ ლი̄ზი. ლეგნარდვინ ლას. მე̄ქვ, ერე "ემა ლოქ მა̄ჲმედა,
Line of edition: 11 ხვიქივ ჟი მϩლჟაჲთე". Line of edition: 12 ოხბინ ლიქნე, ჟ' ოხცა̄დენ ჟიქა̄ნდ, ლოხსგიდ, დე̄სამა ოსწვე̄ნ, ჩ'ოსგუ.
Line of edition: 13 ჟ'ოხშომხვას ი ეჲჟი̄ნენ ბეჩ მϩრა̄მდ ანკვა̄რ. ლოხსგი ი ჩჩ'ოსწვე̄ნ ჴანკვიცრა. ქ'ა̄ჩად Line of edition: 14 ეჩხია̄რ ი სგა ლახა̄გა̄ნ სალატ კოჯს, ჟი ლეხპო̄ტა̄ნ სგობინხენ. ჟ'ოხრიკ მუჭვ კოჯს
Line of edition: 15 ი ჟ' ედი̄ყე ტან ჟიქა̄ნთე. ჟიქა̄ნ ჩვედჩერვა̄ნ. ეჩქა ოხვაფშვდ თოფ ი ქ'ო̄თაქვც
Line of edition: 16 ლერსგვენ ბარჯ. ეჩუნღო ოხვაფშევდ მერმე, ქ'ო̄თაქვც ლერთენ ბარჯ. სგობინხენ Добавлено (2007-06-22, 6:46 Pm)
---------------------------------------------
17 ჩვესრაღვ ი მი ღოშგმა̄ვ ლამსი̄ნჯვე. ოხვაფშვდ აჯაღ მესმე ი ფოყჟი̄ნე ხვაჴ,
Line of edition: 18 ჩეადყუ̄რდა. ეჲჟი̄ნენ ისიდორე̄ჲ ჟ' ანჴად. მე̄ქვ, ერე "მაჲ ლოქ მიჩმი̄ნა?" მი ლოხვატხ,
Line of edition: 19 ერე "ჩუ იჯ ოსიცვრ". Line of edition: 20 ქ'ა̄ნჴად ისიდორე. ჩ' ოსგუ̄რდად კვიცრაცახან, ხვინყავდად. ეჩუნღო̄ნენ
Line of edition: 21 კვიცრა ქ'ა̄შყად კოჯს ი ჩვაჩად ვოლთეჟი. ნაჲი̄ ჩ'ოთჭამდ. ჩვერ ოჴვადდ ვოლი
Line of edition: 22 პილთეჟი, ეშჩუ მი ჩოდერ, ისიდორე დეშ ანჩად. სერ მი ჩუქვა̄ნ თოფ ჩოსაცყ მუსჟი
Line of edition: 23 ი მუჯვრა ლოხმურჯინ ჩუ ლა̄ყიდ. Line of edition: 24 ეჲჟი̄ნე ანჴად დაჴϩლკვიცრა, სგახვაფხიჭ თოფს, ოხვაფშვდ ი ბარჯალქა ხვაჴ.
Line of edition: 25 კვცრა ჩვდჩერვა̄ნდა, მა̄მ ხე̄ჲმედა̄ნ ლი̄ზი. ეჲჟი̄ნე ისიდორედ ახფიშვდ ბერდენა
Line of edition: 26 ი კი̄ნჩხისა ხაჴიდ ი შიშდ ანშყად. ჩუხი მუსჟი ჩვედჩერვა̄ნ. ჩვანჴად ისიდორე
Line of edition: 27 ი ეჲჟინე̄ნ ანჴად აჯაღ მესმე დაჴϩლკვიცრა. ეჩის ოხვაფშვდ სემი ი ქ'ა̄ნშყად.
Line of edition: 28 ეჲჟი̄ნენ ანჴადხ უშგვლარ მეთხვიარა, ჲერუ, ჩ'ოგმეზრეხ ი ლემჭოდდახ: "ვოშა ლოქ
Line of edition: 29 ემდაგრა". მი ხვე̄ქარ, ერე "სემი იჯ ჩოდაგრ". "მა̄დე ლოქ", ეჯჲარდ ლე̄ქვხ,
Line of edition: 30 "ჩხარა ლოქ ემდაგრა". ეჩუნღო̄ნენ ჩვერ ედჯირვეხ, ეჩქა ჩვემმეზრეხ: "ხვა̄ჲუ Line of edition: 31 ლოქ ემდაგრა". ონჩადდ ი ეშხუ დაჴϩლკვიცრა ჩ'ოთტუფუ̄რედ. ხϩნსგე ეჯჲარს
Line of edition: 32 ლოხო ი წიკა̄ნტარი̄. ხϩნსგე ნაჲ ოხვჲედ აგითე. ეშხუ დაჴϩლკვიცრა ი მე̄რმე
Line of edition: 33 ჴანკვიცრა ქ'ო̄ხფაშვრედ ი სგ'ო̄სდედ ბღეჲთე̄ჲსა. ჩ'ოცვირდ ეჯი ლე̄თ ეშჩუ.
Line of edition: 34 ფინთილაჲ ოხსყედ ი ჟ'ოსდედ ჟიქან ნათხვიარე̄ლს. მე̄რმა ლადეღ ლოხϩნჴერა̄ნდ არა
Line of edition: 35 მϩქფი მა̄რე. არაყ ლოხყედნედ მასარდ ი ეჩე წვადვარ ოხტყაბედ მასარდ ი
Line of edition: 36 ჩ'ოთშდϩმა̄ლა̄ნდ. დადიაშთე̄ჲსა ვედნიბედნ ონჴვიდდ არა მა̄რად. დადიაშ ეშხუ ლϩკეხ
Line of edition: 37 ჩა̄ჟ ოგხვიეხ. ჟ'ოხცვედ ეჯის ჲერხი ი ჲერხი ნაჲ გვა̄ცვდა არა მა̄რას. ეში̄ ვედშვ
Line of edition: 38 ონჴვიდდ აგითე. აგის ათხი̄დϩ̄ნხ ჩი̄ს ი ჩ'ოთი̄თა̄ლედ. მეთხვიარას წესდ გუღვა
Line of edition: 39 ამჟი̄ნენ, ერე ჲერვა̄ჲ ჩვადგარი, ეჯის ტუფს ი თხუმს ხვა̄ვდიდ ი ლეღვს მუგვიდ
Line of edition: 40 ხეიყელედ. ამღა სემდა̄ში თხუმვარ ი ტუფვარ მი მახვი̄და. ლეღვ ჩ' ოთი̄თედ მუგვიდ
Line of edition: 41 მი ი მიშგვა ჩი̄ჟად. მϩქფა̄ლას ნაქფუ̄რ ლოხო̄მდ ლეღვ. მე̄ვარ აშმა̄რ ოგსადხ ი
Line of edition: 42 აჩადხ მინე-მინე აგითე. Line of edition: 43 დეშდვ ამზავნუნ დე̄სა მიდგარა. ამზავ სემი ოდაგრ. ეჯი̄მბვნე ეშხუ დეშდვეშ
Line of edition: 44 ი ეჩაცახან ნათხვიარე̄მი ლიდგარის. ალ სემი ნაგზა ხონკვი ოჩადდ ეშხუდ მი ი Добавлено (2007-06-22, 6:47 Pm)
---------------------------------------------
255 Line of edition: 1 მიშგვი მეხუბ რაჯი. ჟ'ერ ოჴვადდ ლერმელთე, ნებოზს ჩ'ოთϩ̄გა̄ნდ. ძინარს დო̄სგ
Line of edition: 2 ოჩადდ. ჩა̄ჟ ოთϩრმედ ი ჟი ლოხსგუ̄რდად, ლექვა ოთჲედ ლანცვა̄რითეჟი ი ეშჩუ
Line of edition: 3 ჩ' ოფიშვდდ. სგ'ო̄თსგიდდად სგა̄ნჩუ ლაჴნუართე̄ჲსა ი ჩ'ოსწვე̄ნედ დეშდვ.
Line of edition: 4 ჩ'ოჩადდ ი სგ'ო̄ჴვასგდ. ოხვაფშვდ თოფ ი ბარჯა̄ლქა ხვაჴ. დეშდვ შიშდ ჟ'ენგურნა̄ნ
Line of edition: 5 ი ჩვაშყად ჩუხი. ჩ'ოთჭამდ ნაჲ ი ლიძღინე ოხბინედ: ლუვარ ჩუ ლას.
Line of edition: 6 ლაღძინაჟი̄ნენ რაჯის ქ'ე̄ხჭამ. რაჯი ჩვედი̄ტვა̄ნ. ეჩუნღო̄ნენ, ლიჭემ ერ მო̄მ
Line of edition: 7 ხემჲედა̄ნ დეშდვს, ეჩქა ახფიშვდ თოფ, მარა ქ'ა̄თქადე. ეჩუნღო დეშდვ ჩვადგა̄ნდა
Line of edition: 8 მიჩავშ. ჩ'ოთტუფუ̄რედ. ჟ'ოხვჲედ ჟიხი ტუფ ი ჩ' ოცვი |
| |
| | |
|
Мужчина |
Date: Пятница, 2007-06-22, 6:49 PM | Message # 79 |
|
Group: Модераторы
Posts: 990
Status:Offline
Дата регистрации:
2006-08-29 |
ეჩხენქა ოთსგიდდად დურბინდქა ი ჩ'ოსწვე̄ნედ ნათხვიარე̄ლ. ლექვ' ო̄ჩადდ
Line of edition: 10 თეტე̄ნართე̄ჲსა. ეშჩუ̄ნენ რაჯი დეშ ემჭამ კო̄ჯარქა ი ჩ'ოცურ ეშჩუ. ჩ'ოდერ ი
Line of edition: 11 სგო̄ხვეჴვესგ. ოხვაფშვდ თოფ ი ჩ' ოდაგრ ნათხვიარე. კანდრევ ჩ' ოთქაჩ, მარა
Line of edition: 12 ჩემთვაფ შამბისა. ეჩანღო̄ნენ ლოხტუ̄ლხვას მიშგვა აფხნიკს ი ჩვანჴად ეჯი̄. ჩუ̄ბ
Line of edition: 13 ნათხვიარე ქ'ო̄ხფაშუ̄რედ, ჟ' ენცვე მიშგვა აფხნიკდ ი ჟ' ანჴიდ დეშდვე ტუფ, იმე̄ჲ
Line of edition: 14 გვიშხვნა̄ნ. ეშჩუ̄ნენ ქა ლოხცა̄დენ მი ი დეშდვე ტუფ ი ნათხვიარე ჩ'ოხვჲედ
Line of edition: 15 აგითე. ჩუშა̄ლი̄ლ ლერმელთე̄ჲსა დო̄სგ ონჴვადდ. ეშჩუ̄ნენ ჟ' ოხშომედ. ჩვერ
Line of edition: 16 ედბურა̄ნდა, ჩ' ოხვჲედ აგითე. აგის ჩ' ოთი̄თედ მუგვიდ. Line of edition: 17
დავით ონიანი. სასაში. აკაკი შანიძე. 27.ვიი.1920 Добавлено (2007-06-22, 6:48 Pm)
---------------------------------------------
იმნარ ოთეჩყ ლითხვიარს Line of edition: 19 ეშხვინ ჟ'ოხგე ლინჩა̄ლისა ი ლათხვიართე ლი̄ზი ლო̄ქვარ. მამად მიშგვა
Line of edition: 20 ლამნიხე: "აბრამ ლოქ ადგარი დეშდვარს სგიმჟი ი სი̄ ლოქ ადგარნე̄ხი, მამა̄შ,
Line of edition: 21 ლინჩა̄ლისა დეშდვარს. მა̄ ლოქ ჯეცხი̄დი სი, ერე აბრამიშთა̄ნ მეთხვიარ ლოქ ხი სი̄".
Line of edition: 22 ალე ლამნიხე მიშგვა მუდ, საყდურშა̄ლ მე̄ქვ. ოხგე ი ოდერ შუკვარ ლექვა.
Line of edition: 23 მეჭვდჲელდახ შუკვარ ლექვა ლამშაჲთე მე̄ზი მა̄რე̄ლ ი მანხϩდახ, ერე "ლინჩა̄ლისა
Line of edition: 24 ლოქ დო̄ს ხასმა ლათხვიართე ლი̄ზი. სი ლოქ იმ ხიმითრულა̄ლ, მაჲ ლოქ ჯაკუ
Line of edition: 25 ეჩხა̄ვ ისგლადეღჟი? ჩი̄ს ლოქ ხო̄მბვი̄ხი ლათხვიართე ლი̄ზის ი ესღრი̄ხი ლოქ
Line of edition: 26 ეჲჟი, ამჟი ლოქ, ჩის ლოქ ერ ხო̄მბვი ლი̄ზის, ეჩქა ცხეკისა მეთხვიარ დესსამ ლოქ
Line of edition: 27 ითხე̄ლი. ქა ლოქ ხაკვჩერ აჩეს მა̄რე, დო̄რდ ახბაჟას ქა ლი̄ზი, ეჩქას ლოქ სოჲ
Line of edition: 28 ხუღვა მეთხვიარს". მი ხვექვარ: "მი ეჲზუმ მა̄მა მიხალ, ეში̄-ეში̄ გუნ დარდ მა̄მ
Line of edition: 29 მა̄რ, ე დოშ ოდგარნე, ეჯღაი მაჲ ი̄რი. ოდϩნე ღენა ჲაღო". ოდერ ლათხვიართე̄ჲსა.
Line of edition: 30 შიდ მუღვა̄ნდა კვაშიო̄ლ. მუს ა̄რდა ძღϩ̄დ ლახვისა. ჲერხი აგის მუჩუფ ლას
Line of edition: 31 ციხვე̄ლ ლეჟა, ბე̄ნარქა, ძღϩდ მუს ა̄რდა. ჟ'ემფაშ. ჟ'ოხჲედϩრ ლი̄ზი
Line of edition: 32 ლათხვიართე. Line of edition: 33 "მაჲ მეკვად ლადი მი ლათხვიართე", ჟ' ერ ემფაშ, ეჩქას ოსფიქრ მიშგვა
Line of edition: 34 გუ̄ჲსა. ჩ' ოსგუ, ეჟ' ოხშომ. კვა̄შიო̄ლს ხვიზბი. ანჴად ჴა̄ჩუ, ი ქ'ე̄სჩხϩ̄ლე
Line of edition: 35 ლერსგვენხენ. ოხვაფშვდ თოფ, ჩ' ოდაგრ ჴა̄ჩუ. ჩვანშყად წიფხენჩუ̄ნენ.
Line of edition: 36 ქ'ო̄დერხვას, ჟ' ოხვიკხვას ჴა̄ჩუ. ჟოხვჲედϩრ ამშა ლიდგარი. ალე ლერსგვენხენ ხოჩა
Line of edition: 37 ამბავს მიჩხϩ̄ლდა იმვა̄ჲღენ. ამშა ლიდგარის ხვი̄ჲდϩრე მიშგვა გუ̄ჲსა, ეჯღა ერე
Line of edition: 38 ლერსგვენ მეჴერხენ მიჩხϩ̄ლდა. ლოხსი̄ნჯავ ეჩხა̄ვ, კოჯთე, ჯო̄დჲათე, დეშდვარ
Line of edition: 39 ესქინახ სემი. ლოხსი̄ნჯავხვეს ი ჩ'ოსწვე̄ნ. თოფი ლიფშვდე დეშ ოხოჩშ, ეჯღა
Line of edition: 40 ერე ჴა̄ჩუს ერ თოფ ოხვაფშვდ, ეჯი დეშდვარს ქ'ა̄თსϩ̄ნდახ ი ჩვალუ̄ტვე̄ლიხ. მე̄ტვს
Line of edition: 41 ქა ხვეწდ მი ჯო̄დიათე, სგ' ეთჩϩ̄დახ ხოშა ცხეკს, ლეწფერს. მიშგვა̄ხენი̄ კოჯ ლას, Добавлено (2007-06-22, 6:48 Pm)
---------------------------------------------
42 ეჩხენი̄ კოჯ ლას, ჯო̄დჲას, ნე̄სგაქა ლეწფერ ძღϩდ. მიშგვა̄ხენი კოჯა ოხუმჟი
Line of edition: 43 ჩ'ოსგუ მი. ათრა̄გϩ̄ნდა ხვა̄ჲ. ეჩხე̄ კოჯთეჟი აჴადხ დეშდვარ. ნე̄სგაქა ცხეკ ლი ი გუნ
Page of edition: 256 Line of edition: 1 ჯო̄დია ლი. ეჩქას ვინტოვკა მიშგვანქა და̄ს ხუღვა̄ნ. ქა ლიჴედ მა̄მ მაჯრავუ̄ნდა
Line of edition: 2 ეჩავუნ თოფიშ. ქ'ა̄სკანა დეშდვ ი ჩვიჩრავო̄ლ. ბარჯჟი თვეთვნე ხა̄და მურგვალდ
Line of edition: 3 დოშდულშა̄ლ. ჩვერ (\ ქ'ერ) ასკნა ი ჩვედცერვა̄ნ, ეჩქას ოხბფაშვდ თოფ ი
Line of edition: 4 ჲერქე̄და ჭიშხარს ხოჲას სგობნეშ. ქ'ენგურნა̄ნ მუსთეჟი, ჟი მუჩუფ ლეჟა ესღრϩ̄დ
Line of edition: 5 ი ქა მუსთე ენგურნა̄ნ მიშგვა̄ხენთე. ჩვედყურავა̄ნ ამჟი მუსჟი̄ნ. ზისხი̄
Line of edition: 6 ჩ'ოსწვე̄ნ შიშდ. ლოხსი̄ნჯავ ი მიჩა ბელარ, ჲერუ ხოსგდიხ მინე დის. ოხვაფშვდ ეჩქას
Line of edition: 7 ი ბელს ხოჲახ თე̄რალე ნენსგაჟი. ესრენ მიშგვა̄თე ხა̄რ თხუმ. მა̄დ ითი̄რო̄ლ,
Line of edition: 8 იმთე ხა̄დ თხუმ. ეჯი ციხვა ეჩხენჩუ ემშყედე̄ლი, მი დეშ ოხოჩშ თე, ხოჲახ ა̄ მო̄დე.
Line of edition: 9 ჩვედი̄ტვა̄ნ ეშხუ. სემი ეჩის ოხვაფშვდ, მულქვაჲთე ეშთა̄ნ ცქვიტდ ედი̄ტვა̄ნ, ერე
Line of edition: 10 დოლობ-ში̄რა ერ ედგურნი მულქვაჲთე, ეჲჟი. სემი ოხვაფშვდ ი დესსა ხვაჴ
Line of edition: 11 მერმა̄მ. სგ'ა̄ჩად დე̄რა ჩუქვა̄ნთე. ლოხბინ ლი̄ზი ქა. მახჲად მე̄ვარ ი ოსღვრი ეჲჟი.
Line of edition: 12 ეშხუს ხოგდი ჩუ ლϩკა̄ფას მუსჟი. ოსღვრი ხეკქა გუნ ჩქა̄რდ, მახჲადშვ ეშ
Line of edition: 13 ხვიპე̄ნა̄ლ. ქ'ო̄ჴვედ დეშდვნუნ. ჟიქა̄ნხენჩუ ონჴვედ ი ფე̄დიათე ოდე გუ̄ნ დეშდვეშ.
Line of edition: 14 ეჩქას ხვე̄ქარ დეშდვ: "ჰატ, მაგვარ ლადეღი̄ლ ჯა̄რ?" ეჩქას ეჯნე̄მ ჟ'ანსკინე
Line of edition: 15 მიშგვა̄თე.თოფს ერ ხეწად, ღოშდ ესჭო̄ნე. ეჩქას ოხვაფშვდ ვოხუშდ ი მაგ ქა
Line of edition: 16 ხვაჴ. სერ ჩვედგურნა̄ნ კოჯ ლექვა. სგ'ა̄შყად მურგოლთე̄ჲსა. ჩ'ოთეჭმ
Line of edition: 17 ლიცნუნ, აკა̄რვნა ჴარჴს. მი ხვიღვძინის, ჟი ლიგნა̄ლ მა̄მ ხემჲედა̄ნ. ხოსგდისმი, ქახი
Line of edition: 18 ოტეხ, ჩუ ხვაღა̄მუნ დაგრა. გეჩ დე̄სა მუღვა ლატფუ̄რად. სერ მაჲ ხვაყრი ათხე
Line of edition: 19 ალეს? ქ'ო̄ხგურან ლიცხენქა პილთე. ქ'ო̄თიკ ჩაფϩლ ი ნანახვ ოხოკ. ჟ'ოსორკხვეს
Line of edition: 20 კვედელჟი̄ნე. ნანახვ ჟი ლϩწერ ლი, მე̄რმე დეშვარ დე̄მ ჴედნიხ ნანახვი ფე̄დიათე.
Line of edition: 21 ჩ'ოცურ ეჲჟი. ჟ'ონტეხ ი იმეჩუი კეცხაშ თოფ ხვაჴ დეშდვს, ეჩეჩუ̄ნენ
Line of edition: 22 ოთსი̄ნჯავ. ეშხუს დესსა ხვეწდ ლა̄ტვჟი. ლϩდგარ მა̄მ მიხა̄ლდა მე̄რმე დეშდვ. ნათოფმϩყ
Line of edition: 23 ოთსი̄ნჯავ. ეშხუ ფაკან თველ ა̄რდა. ლოხსგი ციხვა ეჩხენჩუ̄ნენ: ბიკი ძირს ქურუხვ
Line of edition: 24 მϩრ თერო̄ნ. ჩ'ოდერ ი დეშდვე ბელ ლეს. ეჯი ჟ'ოხვბე̄მბღვ, ბელო̄ლ, ოხვაჲ
Line of edition: 25 აგითე. შუკვარ ლეჟა მანხϩდახ: "ლϩდგარ ლოქ მϩრე̄ს აჲხვი̄და, ოდო სი ლოქ დეშ Добавлено (2007-06-22, 6:48 Pm)
---------------------------------------------
26 ხადგარის". მი ხვე̄ქარ: "მე̄რმე აჯაღ ჩ'ოთდაგარ ამშაცახან, არა ლატფუ̄რა
Line of edition: 27 დე̄სამა მუღვა̄ნ, ჩ'ოცურ უტფუ̄რად". მე̄რმა ლადეღ ოტეხ, ოთϩნჴერა̄ნ ჲერუ,
Line of edition: 28 ჩ'ოთტუფუ̄რედ დეშდვ. ჲერუ ხვატფუ̄რად, ეშხუ ლემესს ხვაშვად. დეშდვე წვადს
Line of edition: 29 ხვატყბϩდად. ეზარ გემა ლეღვ ხა̄და. აგითე ონჴვიდდ; ლეღვი აგითე ონჴვიდდ ი
Line of edition: 30 ტუფი̄. ლეღვს აგის მაგ იზბϩდახ მახე ჭყინტარ, ღოლჲა̄ქა ლეღვთა̄ნ ლეღვ ხა̄და.
Line of edition: 31 ნამეტურ ბელს ერ ლეღვ ხა̄და, ეშთა̄ნ ლეღვ დე̄მშა მი̄მა. Line of edition: 32 ათხე სერ მეჲად მა̄ზუნუნდა ლათხვიართე, ეჯღა ერე მიშგვი თოფს იმვა̄ვი ჩუ
Line of edition: 33 ხვიწვე̄ნე, ჩიავ ქა ხვატცი. იმაჲ ხვაფშვდე, ქა დეამ ხვაქდენი: ალე ლი თათრულ
Line of edition: 34 ვინტოვკა. სერ ღური ჩიგარ ი ქა დესსა ხვეწდენი. ხვა̄ჲ ლი̄ზა ჩ'ომხვეს. ამჟი, ერე
Line of edition: 35 ღულაჲ ოთიხვრ ლათხვარისა ნაწოწავა̄ლ, მარა ლეთოფდ დესსაჲამ ოთთხანენ. სერ
Line of edition: 36 ჟი ლოხგვარნენ ლითხვიარს. Line of edition: 37 აჩად ძღϩ̄დ ხან, ეშხუ ზაჲ.აჯაღ გუ ლამა̄და ლათხვიართე ლი̄ზიდ. ოდერ
Line of edition: 38 ლექვა ბოგი̄ლართე. ეჩე კარავისა ჩ'ოთϩ̄გენ. ეჩეჩუ ქა ლემი̄სნავა̄ნ ისნავ:
Line of edition: 39 ფიშყორიშ ი დადიაში კეცხჟი მაჟავანიაჲ ა̄რდა, ეჩის ხონჴϩრდა გიორგი წერეთელ
Line of edition: 40 (გიორგი წერეთელ მი ხოჩა̄მდ მითრო̄ნ). გიორგი წერეთელს ლϩფკე̄ლუ ხონჴრϩდა.
Page of edition: 257 Line of edition: 1 ჲერუ, ხოჩა თვალაშ, ეშთა̄ნ თვალაშ მი დე̄სამა მიწვა. ეჯჲარ ანგელოზარ
Line of edition: 2 ხაკვჩერ ლვმარე̄ლასხ. ეშხუს ხა̄და ვოქრე ჭიქო̄ლ ცერჟი, ქ'ა̄ჩად ი კოჯა თხუმთე ლიცს
Line of edition: 3 ლოხხელე ვოქრე ჭიქო̄ლ, იმეჩუი ლიც დო̄სა ანღϩ̄რდა. ქ'ო̄დერ მი ი ქა
Line of edition: 4 ლოხჭოდ გიორგის: "ლϩკჩეს, სი ალახ ხარი̄ხი მაჟავანიაჲცახან, სერ ნამშაჲ მა̄მ
Line of edition: 5 მითვფენი, ქ' ა̄მკიდვნი̄ხი სი. ეჩქას ეჯნემ მექვ: Line of edition: 6 "ათხად ლოქ მა̄ჲ ჯიმშაჲა, ეი ლოქ ქა ლი ლეთვფად, სერ ლოქ ნომავ ხოქმე
Line of edition: 7 აჯაღ, ედო ჩუ ლოქ დერ ჯიხალ, ერე მი მაჲკალიბიღენ ხვი მϩშჲართე. ამშაცახან
Line of edition: 8 ნამშაჲს ლოქ დეშ ხიკედხი". Line of edition: 9 სერ მიშგვა̄ვშ ოსფიქრ, ქ'ერ ონჲეცხ, ეჩხა̄ვ (ფიშყორიშ ი დადიაში კეცხთე)
Line of edition: 10 მი̄ზნენ ხვა̄ჲდინ. სერ ეჯნე̄მ, გიორგიდ, ერ ვარ მე̄ქვ, სერ ჩ'ოთჯირავ, ერე მუქვთ
Line of edition: 11 ლას მიშგვი ლითხვიარ ი ეჩანღო̄ნე ქ'ო̄თეყჩ ლითხვიარს. Line of edition: 12
პლატონ ონიანი. სასაში. აკაკი შანიძე. 22.ვიიი.1920 Добавлено (2007-06-22, 6:48 Pm)
---------------------------------------------
ამირან ი მϩშკდარ Line of edition: 14 მϩშკდარს, ხემა̄ჲ მე̄რმა ხელობა̄ მა̄რე̄ლს, ეშხვა̄რე ლიპულტავი ხა̄ზნახ,
Line of edition: 15 მიჩა-მიჩა ნასყეჲს აფშვდი მაგ. Line of edition: 16 მი ერ ლა̄ჲლაშ ხვარდ შაგირდდ, ეჩქას მიშგვი ხაზეინარ ღϩ̄რდას თამფა ცა̄შ
Line of edition: 17 ი უშკუბარდ ქველბჟი̄ნენ კვეთხს ხატცϩდახ უხშგუ̄ლთე ლϩსპϩნას ი ხაყლახ, ერე
Line of edition: 18 ამირანდ ლოქ ნო̄სავ ენფიშვდ, ოდო ჩი̄მიშდ ლოქ ხოლა̄მდ ლი, მϩშკდარეშდ:
Line of edition: 19 ჟი ლოქ ერ ენფუშდას. ეჩქა ლოქ ჩი̄ს ჟი გუჭკჟე (var. ჟი გუკდე), ეღა, ერე
Line of edition: 20 მϩშკდარს მიჩა ბორკლარ ლოქ ოხშკა̄დახ, ეჯღა ხასისგ მϩშკდარ. თამფა ცა̄შ ძინარს
Line of edition: 21 ხვიგნა̄ლ უშკუბარდ ი კოჭოლ წა̄დი̄ლს ხვასყი ბობშარეშდ ი ბობშარს ქა ხაბენხ:
Line of edition: 22 "ხოლა თე ლოქ დე̄მ ხოჲხენი". ჲესვაჲ ჟი ხოსყი, მე̄ვარ აშმა̄რ ლიხ ეჯჲარ.
Line of edition: 23 ჯვინელ მა̄რე̄ლხენქა მასმა, ერე ხაკვერ ლოქ მაჩუ̄ბხენჟი დარბაზთე
Line of edition: 24 ზურა̄ლა ჲერ მო̄დ ათსϩ̄ნდეს, ოდო ამირანს ლოქ მე̄ვარ ხამჯა̄რავ ი ეჯ ზურა̄ლს ლოქ
Line of edition: 25 ჩვადგარი. Line of edition: 26 ეჯი̄ მასმა. ერ ამირანს ლოქ ხოშა წირო̄ლ ცახან ხოყვრე, ხოშა წამ ლოქ,
Line of edition: 27 ბერჟიშ, ჩუ ხოციყ, ეჯის ჯეჲ სგა ხა̄ბ ხოშა ნა̄ჭავშ. სერ შომაჲ ერ ჟი ხებდერ ი
Line of edition: 28 ლაკრო̄ნკს ხაგნე, ეჩქას ჟი ხეგნი ნეპო̄ლი̄ლ, წამჟი, ი ეჩქას ამირან ჩუ იმჯა̄რვი.
Line of edition: 29 ნეპო̄ლი̄ლ ხაყლე, ერე "ამირან ლოქ გვი̄ზი!" ეჩქა ხოშა წირო̄ლს ხოსპე ნეპო̄ლს
Line of edition: 30 ლადგარდ. ნეპო̄ლე ჟი პერნი ი ალ წამს ხატცი ალ წირო̄ლს ეჩა ნაქადს ი ნაციყნუნ
Line of edition: 31 ხაცყე. სერ ამე̄ჲსა დესსა ანფიშვდ ამირანდ ი ჩუ არი ლϩბე. ტარ ხა̄რ მაგ ეჯ
Line of edition: 32 ნეპო̄ლი̄ლაშ. Line of edition: 33
ივანე ონიანი. სასაში. აკაკი შანიძე. 18.ვიიი.1920 Добавлено (2007-06-22, 6:49 Pm)
---------------------------------------------
280. ეშხუ ბატონ ი მიჩა მასძელ Line of edition: 35 გუშგვე ლახვთე ერ ადრი̄ხი, თანაღმოყ ხეწდენი̄ხი ლამზϩრე̄ლს ი ქორა
Line of edition: 36 ნამხვირვალს. ეჯი ქორალისა ლϩმზიგე̄ლი ხალხ. ეშხუ მა̄რას ჲერვა̄ჲ ოხჴედნო̄ლ
Line of edition: 37 მიჩა̄შთე, ჩი̄ს ლეჩომს ხაჩმა̄დვნინა (\ ხაჩმა̄ნდვნინა). ალე ოხმეჴრა ეშხუ ბატონს
Line of edition: 38 ი ხო̄ქვა: ."მი̄ ლოქ ერ ოდრი̄ხვი, ლეჩომს მი̄ ჩუ ლოქ მაჩმა̄დვნია?" ალე ხო̄ქვა ი
Line of edition: 39 ემჩედ. ოთჲა მიჩა გლეხარ ეჩე. მასძელს ოხბინა ლეზობი ლიმა̄რე. ეჯი მა̄რას
Line of edition: 40 ხაღვე̄ნა კალ ლესკირბავიდ. მასძელს ხო̄ქვა ბატონიშდ: "მიჩა ლიმა̄რა̄ლდ ქავ ლოქ
Line of edition: 41 აჩადხ კალთე ი თხუმუ ლოქ ლეჲშდაბნეხ. ლეხშუშპარედ ლოქ ი ჭიშხაშ ლოქ
Line of edition: 42 ლეხღარა̄ლედ. ალე დროისა, ვოდ ეჯჲარ ლენღარა̄ლნახ, მასძელდ ლეზობ ჟ'ანმა̄რე
Page of edition: 258 Line of edition: 1 ი ქა ლახტუ̄ლე ლაზობთე. ჩვერ ესსგუ̄რდახ ი ლალე̄მხ ლეზობ, ბატონდ ხე̄ქვე:
Line of edition: 2 "სი ჩი̄ს ლეჩომს ლოქ ხაჩმა̄დვნე̄ხი ი მი დესსამა ლამმϩშჲა̄ლუნხას". "ფუსნ,
Line of edition: 3 ისგვან ხოჩა მიშგვავ და̄სმა ხოყრა. ალე კალ მუღვა̄ნ ლესყიდ ი ჟ' ემსყედ". ალე
Line of edition: 4 ლახუვშგედϩ̄ნ ფუსნს ი ჩეადჯარიმე, ჲეშდჲერუ უ̄ღვა ჴან ოთღე ი ალეს ჩ'ოთსად
Line of edition: 5 ჩხარა უ̄ღვა ჴან. ალე მა̄რად ლე̄ქვე: "ჲადურდ მა̄მას ალეი̄ (\ ჩხარა უ̄ღვა ჴანი̄)
Line of edition: 6 ჩუ ხოჩა". ათხე ბატონს ლიშჲა̄ლ ოხბინე მე̄რმა ბატონდ ი ალ მა̄რე̄ჲ ადჲეხ
Line of edition: 7 ლაშჲა̄ლთე. ალე მა̄რად ხე̄ქვე მიჩა ჲეხეს: "ალე კოლოფარ ნო̄სავ ლოქ აფიშგ. მიჩა
Line of edition: 8 თხუმე ხოჩა ლოქ ე ხეკვეს". ალე მა̄დ ედჯირვე მიჩა ჲეხვდ ი ეშხუ ლადეღუნღო
Line of edition: 9 ჩვადსი̄ნჯვე. ალე კოლოფისა ა̄რდახ სემი შტავალ ი სემე̄და ქ'ოჩთად. ეჩუნღო
Line of edition: 10 ემჴედ მუს. ეჩქად, ვოდ ალე შტავლარ კოლოფისა ხაყე̄ნა, დე̄სა ლϩმჴედო̄ლინ მუს.
Line of edition: 11 ალე ენმეჴრე მიჩა ჭაშდ, შტავლარ ერ აფიშტვ ი ნიგბაჟი იყირ ტოტ: "ვაჲ
Line of edition: 12 მიშგვი ცოდ!" ანჴად აგითე. აგის მუს ანჴად ი ეჩანღო ეხფასა̄ნ ლუნთ იზავ. ეჯი
Line of edition: 13 შდავლარ ერ მო̄დ ოფთი̄შვდა̄ნ, ეჩქა ი̄რო̄ლ ჩიგარ ზავლადეღ. Line of edition: 14
ლელო ონიანი. ლეკოსანდი. მაქსიმე ქალდანი. 19.იხ.1971 Добавлено (2007-06-22, 6:49 Pm)
---------------------------------------------
ლაფური ლი̄ყრე Line of edition: 16 ეშხუ სოფელ ჴიდარს ლი, მე̄რმე ზესხვს (ალე ლი ეჩქა̄ში ამბავ, შომა̄ჲ
Line of edition: 17 ლაფურს სოფელ ლას). ეშხვა̄რ ეთჲამხვა̄ნხ. დეშერდ ადსყეხ. ანჴიდხ მინე-მინე
Line of edition: 18 ასბარ. ჴიდრალდ ანჴიდხ ასაბიაჲდ სავჲარ, ზესხვარდ ანჴიდხ უშგვლარ. აჩადხ
Line of edition: 19 მოცქვლარ. ნო̄თი ლოქ მოშ ადსყახ. იმციქვლჲელხ, იმციქვლჲელხ, მარა დეშ
Line of edition: 20 ადსყეხ. "ალჲარ მა̄ ლϩმა̄რხ მესყა̄ლე კალიბ. ნაჲ ალჲაყრად. ზესხვ უშგვლარდ
Line of edition: 21 ახჲაყრედ", სავჲარდ ხე̄ქვხ. "გუნ ეზარ, სგაჲ ჴიდარ ახჲაყრედ". "გუნ ეზარ,
Line of edition: 22 ჟ' ოხჲაყრიდ". ანჩადხ ი ჟ' ანჲაყრეხ ჲერქე̄და სოფელ: ჴიდარ სავჲარდ ადჲეხ, ზესხვარ
Line of edition: 23 უშგვლარდ. სოფელ ჩ'ასად ლϩჲყრე. ზესხვს ასად ეშხუ მეჩი მა̄რე, თეურ, ი ეშხუ
Line of edition: 24 ბობშ, ჭყინტ. ალჲარ გარ არიხ მუ̄რყვამისა. მეჩი მა̄რად ხექვ ბობშს: "ეთსგი ღენ
Line of edition: 25 ყო̄რქა, ბოგქა ანღრϩ̄დს ე̄რ". "საბრა ბაბა, ანღრიხ ჲერუ". "თოფ ლამო ჲაღო.
Line of edition: 26 იმავ ლიხ მეჴდე?" "ნე̄სგა ბოგნუნ ლიხ მეჴდე". ახფიშვდ თეურ მა̄რად თოფ,
Line of edition: 27 ჩვადგარ ჲერქე̄და. ლეხჭოდდა ბობშს: "ალუ̄ტვე̄ლიხ ლოქუ მა?" "მა̄მა. ჩვადგა̄ნხ.
Line of edition: 28 ქა ხოჲახხ თოდფ". "ჲაღო სერ ლი̄ტვე̄ნდედ, თხუმ ლუწორ გვე̄რი. ნაჲ ლეჭემედ
Line of edition: 29 ლექვა ნიცს. ლექვა ალჩედ ლა̄შხთე: ნო̄თი თხუმ ლელშხუნად". Line of edition: 30 ლოხჟოღვდა ბობშ. ლექვა ანჴიდ ლა̄შხთე. მეჩი მა̄რე ჩვადგა̄ნ, ბობშ
Line of edition: 31 ჩეედზიგა̄ნ, ეჯი ლϩმა̄რ დოღვა̄ნშა ხოშა. Line of edition: 32
ლაზარე მუკვბანიანი. ლამფალაში. აკაკი შანიძე Добавлено (2007-06-22, 6:49 Pm)
---------------------------------------------
და̄ვ ი ჲესო ქრისტე Line of edition: 34 ლϩმარდე̄ლიხ ეშხუ ჲეხვ ჭაშ. ხაყე̄ნახ ეშხუ გეზალ. ეშხუ ლე̄თ ჩუ მϩრ
Line of edition: 35 ოთϩმჯა̄რვა ბობშს დედე ი დედეს ქ'ო̄თკვა̄რა ბობშ ქა̄მთე ი ამჟი და̄ვ ემჩედ ეჩექა.
Line of edition: 36 ოხფხიჭა ბობშიშდ ი ოთჲა ცხეკთე. კა̄რკი̄ში შუკვარქა ერ ელმა̄ზინ, ოხმეჴრა
Line of edition: 37 ჲესო ქრისტეს ი ახჭემე̄ნა და̄ვს ღოშგინ. ერ დოსსა ლახჲე̄ნა ჲესო ქრისტე და̄ვს,
Line of edition: 38 ეჩქა ქ'ო̄ხსკინა ამხე̄ ლაკო̄ჯართჟეი ი ოხფი̄შვდა ლაცხუ̄ტა̄რ და̄ვაშდ. ეჩქა და̄ვ
Line of edition: 39 ეჩხე̄ ლაკო̄ჯარჟი ლϩმარდ ი ხოყი̄რა და̄ვიშდ ლაცხუ̄ტა̄რ. და̄ვს ბობშ ეში̄ჲ მა̄დ
Line of edition: 40 ოთფიშვდა ი ჟ' ასსიპე̄ნახ ჲერქდა ბეჩდ. ეჯი ბეჩ ჩუქვა̄ნ |
| |
| | |
|
Мужчина |
Date: Пятница, 2007-06-22, 6:52 PM | Message # 80 |
|
Group: Проверенные
Posts: 352
Status:Offline
Дата регистрации:
2006-09-07 |
40 ოთფიშვდა ი ჟ' ასსიპე̄ნახ ჲერქდა ბეჩდ. ეჯი ბეჩ ჩუქვა̄ნ ათხე ნიც ანღი (\ ანღრი). Page of edition: 259
Line of edition: 1 ხალხ ტუ̄ლი: "ეϩი ნიც და̄ვა ზისხ ლოქ ლი". ეჯი ბეჩ ათხე̄ჲ ჩუ არი. "ნე̄სგაქა
Line of edition: 2 ვითომ ლოქ ლა̄რტყი ნათილ ხა̄რ". ამხე̄ ლაკო̄ჯარჟი ჲესო ქრისტედ ერ ენსკინე,
Line of edition: 3 ეჩა ჭიშხე ნაგემ ჟი ლოქ ხეთრა. Line of edition: 4
ლელო ონიანი. ლეკოსანდი. მაქსიმე ქალდანი. 19.იხ.1971 Добавлено (2007-06-22, 6:51 Pm)
---------------------------------------------
მაშე̄ნა Line of edition: 6 მაშე̄ნა̄ ნალსგოჯ ლახვს ლი. ამხენჩუ გუშგვე, ახალშენიშ ი ჩიხრეში
Line of edition: 7 ხოშე̄ლს ჩუ ოხსგოჯნახ ახალშენი თხუმთე ი მაშენა̄ ხატ ეშჩუ ჩ' ოთშდუხვახ. ათას ი
Line of edition: 8 ჩხარა̄შირ ი ვოხუშდისა ჟაჴუნდერი ბაპ ივანე მარგია̄ნ ანჴად ლეჟა ახალშენთე ი
Line of edition: 9 ეჯის ხვექვდ, ერე მაშე̄ნა ამეჩუ ლოქ ხაშთხვა. ივანედ ვარ ლე̄ქვ: "დე ღე̄რბეთ ლოქ
Line of edition: 10 არი გიმისა ი დე ხატი ლიშთხვი ლოქ შეიძლება". მარა ნაჲ მა̄ ჩომინდ. მი
Line of edition: 11 ბობშა̄რა ხვასი მიშგვა მუხბა არსანაჲდ ი ბიძა̄ჲ გეზალ სტეფოდ ჟ'ანწი̄რქეხ ლიშთხრი
Line of edition: 12 ეჩეჩუ, იმეჩვი̄ გუმან გუღვა̄ნ. ჟ' ე̄რ ოხშთხარედ, მეტრ ი მეტრა̄ ხϩ̄ნსგე ლას
Line of edition: 13 ნაჯვდან ი ხϩ̄ნსგე მეტრ ნამშარან. საფლავშა̄ლ ლას ი ნაყარ ვორ ა̄რდა. ვოკერს ბატი
Line of edition: 14 ლϩგრალზუმ რიყი ბეჩარშვ ლას ჩუ ლϩჭერ ი სგა̄რდა ძღϩ̄დ ძივ. ალე ძივ მიშგვა
Line of edition: 15 მუხბა არსანაჲდ ანჴიდ აგითე. მϩწრან ძივ ლას. ეჩანღო ჟ' ატიხ მაშე̄ნათე. "ალე
Line of edition: 16 მაშე̄ნა ძღϩდ ღვით ლოქ ლი". -- გუშგვე ხოშე̄ლხენ მასმა. ალე ძივ მა̄ჲ ღენ ლას,
Line of edition: 17 ამშა მა̄ მიხალ. აშ სულა̄ჲმანსი ხაყლახ გიშერს ი ამკალიბს. ალჲარე ნაშე̄რს
Line of edition: 18 ლϩქაჩიშდ ი მა̄ნცხია̄რიშდ იჴმარდახ ლაბრა̄ლდ ი ლეთრად. Line of edition: 19
გრიგოლ დოღვანი. ლაშხრაში. ჯუნის ონიანი. 16.ვიი.1964 Добавлено (2007-06-22, 6:51 Pm)
---------------------------------------------
ლილშო̄შა̄ლ ჩუკუ̄ლისა Line of edition: 21 ანჴად ლა̄შხთე თამარ დედფალ. ხედი̄ საყდარს იგმϩდა. ჩჲა̄გ ადგე საყდრალ.
Line of edition: 22 ლაშო̄ში საყდარ ადგე. მიჩა მოჯნიბად ლϩჯის ადგეხ საყდარ. მომაჲ აჯგრϩდ
Line of edition: 23 საყდარს, ეჩქა მოჯნიბად ხე̄ქვხ: "გუშგვე საყდარი̄ ჩვათჯგირ". "იმე ლოქ ხუღვახ
Line of edition: 24 მინს საყდარ?" ო̂"მინს ლოქ ლϩჯის ოთგახ საყდარ". "ჲას ლოქ ლოხო̄და მინეშვდ
Line of edition: 25 საყდარი ლიგემი ნება?" "აშ ლოქ ოთგახ, უჭვდჲელად". Line of edition: 26 აჩად თამარ დედფალ, ხეწედ, მიჩა ნაგემს ლოქ ალე ხოჩა. ლახუშგედϩ̄ნ,
Line of edition: 27 ხϩნსგე ჩვახვირ, ხϩნსგე ჩვაცვირ, ეჩანღო ჩვადჯგირ. ა̄რდახ სერ საყდრალ. სოფელ
Line of edition: 28 მზϩრი მე̄ვარ. ეჩა ლადეღ ლას ლϩლშანე ჲერუ ნე̄სგა̄ საფტინ. ეჯის ხაჲშხა
Line of edition: 29 ლილშო̄შა̄ლე საფტინ. ანღრϩდახ მϩმზϩრი. ჲეშდჲერუ თვეთვნე ვილ
Line of edition: 30 ლϩმჴედო̄ლინ. ეჩე კეცარ ლϩგნა̄ხ. ეჯჲარს შენაწირ ღვინლარშვ ჟი ლϩმგოშლინ ჩი̄ს.
Line of edition: 31 ეჯის იჴმარდახ მულზონა. ეჩანღო სოფელ ჟ'ანკად მაზიგშვ. ჩვასად საყდარ.
Line of edition: 32 ჟ'ესპატრონა̄ნ ჩუკუ̄ლ. ამეჟი ანჴადხ სავჲარ, ჩვაკვიშხ ყო̄რ. ატფუ̄რეხ ხატარს.
Line of edition: 33 ლახა̄დახ თა̄რიგძელს ლატფუ̄რას. თა̄რიგძელდ ჟ'ახბაჟე. ჩ'ოთგენე თე ჩი̄ს. სერ
Line of edition: 34 მაჲ ჩომნახ, ყო̄რს დეშ ათხვი̄დახ. სიპხ საყდარისა. ხეჴϩ̄რა̄ლხ ღე̄რბათს: "მა̄ჲღენ
Line of edition: 35 ღე̄რბეთ ხი, თე̄რალს ნϩმა გვიგნე, ჟ' ოგფუშდუ̄რ". ქ'ო̄ხფხარხ თე̄რალ. სგა
Line of edition: 36 ლახა̄დხ აჯაღ ლატფუ̄რას. აჯაღ ჩვეთბურა̄ნხ თეს. მაჲ ჩომნახ სერ? დეშიმთე ღϩრიხ.
Line of edition: 37 ლეხჭოდდახ ეშხვა̄რ: "ალე ძღϩდ ძრიელ საყდარ ლϩმა̄რ. დეშ ლϩღრიდ ლუვარ.
Line of edition: 38 ოლბაცად მა̄ლე საყდარს". "მაჲ ოლბაცად?" "სპილენჯშვ ლი̄ნშგი ოლბაცად,
Line of edition: 39 ნო̄თი ჟ' ოგფუშდი̄რას". "ეშ ლიჩმϩნად". ჟ'ესმოწმა̄ნხ მაგ. სგ' ე̄თჴϩრა̄ნხ:
Line of edition: 40 მა̄ჲღენ ღე̄რბეთ სგოჯი̄ხი, ჟ'ოგფუშდუ̄რ ი სპილენჯშვ აჯϩ̄ნშგნედ. ქ'ო̄ხფხარხ
Line of edition: 41 ჲერვს თე̄რალ. აჩადხ ალ ჲერუ სავთე. ვო̄შთხვ ჩვასადხ. ალე ჩუკუ̄ლი ბაპს
Page of edition: 260 Line of edition: 1 ლეხი̄სნავა̄ნ: "იმ ლოქ ხაშდბა აგის?" საყდარ ლოქ ბუზუ̄ლარშვ ლი გოში". ადშϩმე
Line of edition: 2 სანყურ, ჟ' ენხურჲელა̄ნხ სოფელ: "მაჲ ამბავ ლოქ ლი?" "ბაპს ლოქ ლახი̄სნავე̄ნა.
Line of edition: 3 საყდარისა ლოქ ბუზუ̄ლარ არიხ". აჩად სოფელ, ჟ'აახხვი̄დახ სავჲარ, თე̄რალქა
Line of edition: 4 ლასგიდ დე̄სა ხა̄რხ. ჩვადϩრმალეხ მაგ. ლვჟ' ა̄ნჴიდხ ჩუკუ̄ლთე. ქა მეჩდა
Line of edition: 5 სავჲარდ ანჴიდხ სპილენჯ ვილარშვ. ჩვადგეხ ლაშკდაშ. ჩვადϩ̄შგეხ საყდარ. ჩვერ
Line of edition: 6 ადგა̄თვეხ, ჩი̄ს ქ'ო̄ხფხარხ თე̄რალ. ეჩანღო ჩვაფიშვდხ მაგ. სავჲარ აჩადხ,
Line of edition: 7 საყდარ ჩვაცვირხ. აჩად ვობაშ ხანი ლაშო̄შ საყდარ ჩვახვარ. ხატ ი ჯარ ლეჟა
Line of edition: 8 ანსგოჯნეხ ჩუკუ̄ლი საყდართე ი ათხეი ამი სგოჯიხ. სპილენჯი̄ ლეჟა ანჴიდხ
Line of edition: 9 ჩუკუ̄ლარდ. ანჴადხ რაჭალ. სპილენჯი მϩშკდარ, ჩვათყიდეხ ეჯჲარს. ეჩა ნაფასს ეხფასა̄ნ
Line of edition: 10 ეშხუ ფოხალ თეთრ. ეჯი ლას საყდრი თეთრ. ა̄რდა ეჯი საყდარისა ლეჴმარიდ. ათხე
Line of edition: 11 დე̄სა არი, ჩუ ლალე̄მხ ბაპარდ ი ბლაღოჩინარდ. Line of edition: 12 ათხე ლილშო̄შა̄ლე საფტინ ლაშო̄შ მა̄ ლი, ჩუკუ̄ლისა ლი. ჩი ზაისა ეჯი
Line of edition: 13 ლადეღ გვიხალ დღესასტაულ. გუშგვე ეზერ მა̄რას ჩი̄ს ჩუ ხვაწი̄დ, გვიხალ ხინობ,
Line of edition: 14 ხატს ქა ხვასგვჯინედ სუფთე. ეჩეჩუ ლიმზϩრ ლი, შენაწირი̄ ჴედნი ხვაჲ, ჩუ
Line of edition: 15 ხვისგვრიდ სოფელ. ხინობ ლი ნებოზნუნ, ლიბრია̄ლ, შუშპარ, ჭიშხაშ, ლითოფ,
Line of edition: 16 ძღϩდ მოლხენა ლი. ნებოზს ხატს ქახვასგეჯინედ საყდართე ლაბრია̄ლუშ. ეჩანღო
Line of edition: 17 სოფელ ჩუ ხვერნი, ღϩრიხ აგი-აგითე. მუშგვრალს აგითე აჲესხ. ეჩე ხა̄რხ ხინობ,
Line of edition: 18 მესმა ლადეღნუნ მუშგვრის და̄რ ფუშდე. ალ დღესასტაულ გვიხალ თა̄რიგძელი
Line of edition: 19 ბედშვ (ეჯიე ჯა̄რხ მაშედ!). Line of edition: 20
ლაზარე მუკვბანიანი. ლამფალაში. აკაკი შანიძე. 17.ვიიი.1920 Добавлено (2007-06-22, 6:51 Pm)
---------------------------------------------
ხორჲელაჲ ლა̄შხისა Line of edition: 22 შვანარ ჩიგარ ლანგზა̄რავთე ესღრიხ ჩი ქვეყანათე: იმრე̄თთე, გურიათე,
Line of edition: 23 ვოდი̄შთე, ქართთე. ჲერვეშდივოხუშდ ზაჲშვ ხონკვი ხვა̄რდად ქართს ლამშაჲდ.
Line of edition: 24 ჩიქ სიმინდს ხვაბე̄რგა̄ლდად, ეჩანღო ჭემარს ხვაჭმად, ეჩანღო ქერალს ხვაჭმად,
Line of edition: 25 ღო კვეცნარს (ამეჩუ კვეცენს ნაშდექშვ ხვათი̄დ, ეჯჲარ ჩუ მერჩლარშვ
Line of edition: 26 აჭმეხ). კვეცნარე ლიჭმე ერ იგა̄თვა̄ლდა. ეჩქა ხორჲელაჲ ენთენა̄ნ: თბილი ქალაქს
Line of edition: 27 ლოქ არი ხორჲელაჲ. ჟ' ოგყალუ̄ნდა მე̄ვარ. მესმა ლადეღ გომთე ანჴად ხორჲელაჲ.
Line of edition: 28 ათხე მე̄ვარ გვაყლუ̄ნი, "ა, საბლუ შვანარ, ლი̄ი ხოჩა აგითე!" თეთრალ
Line of edition: 29 ოხკϩდა̄ლედ, გუშგვე ქირჲალ. ონჩადდ. ონჴვადდ ჭერეთხეუ̄ლთე. ამეჩუ არიხ
Line of edition: 30 ყარვლარ. "იმთე ესღრიდ, შვანარ?" ყარვლარდ გვე̄ქვხ. "აგითე ოსღვრიდ". "დე̄მ Line of edition: 31 ჯუფშვდედ!" "იმღა დო̄მ გუფშვდედ?" "დე̄სა ჯასმახა̄, ხორჲელაჲ ერ არი?"
Line of edition: 32 "დე̄სა გვასმა", ჩ' ოთვომედ შვანარდ. ხონ, დო̄სა გვახლა̄ნ. ეჩეჩუ მა̄მა ლოხჭოდდად
Line of edition: 33 ყარულს. ჟ' ონჴვადდ ჯვარნუნ. ამეჩუ ხვაჲ არიხ ყარვლარ. ამეჩუ შვანარი̄
Line of edition: 34 ხვაჲ არიხ ლϩჩრავე: დე̄მ გუფშვდეხ, ხვაჲ ოხხურჲელა̄ნდ. სერ მა̄მა გეაყლუ̄ნი,
Line of edition: 35 ონღვრიდ. ალჲარ, ყარვლარ, სგობინ გვეცა̄დიხ. ოგხვი̄დახ მამასახლ ი მიჩა
Line of edition: 36 წერალ. ჩ' ოთტყეცნედ, ჩოცვირდ ლϩტყცა̄ნე. ონჴვადდ საჩხერედ. ბოგქა დეშ
Line of edition: 37 ოთბედვედ, გვაყლუ̄ნდა ლირმიდ. ლექვა ოჩადდ, ბოგ ლექვა̄ნ, ქ' ოჩადდ ნიცქა. ეჩე
Line of edition: 38 ანჴადხ პრისტავალ, მინე ნაჩალიკ, სტრაჟნიკალ. დე̄მ გუფშვდეხ აგითე. დე̄მ გუფშდეხ,
Line of edition: 39 მარა ნაჲ დე̄მ ხვიჩოდ. დაშნა̄რ ედწა̄ნეხ: "თხუმვარს ჯაჭკვრიდ ჩი̄ს!" ნაჲ
Line of edition: 40 მერჩლარ ოხგაფედ. ეჯჲარს დაშნა̄რ ხუღვახ, ნაჲ მერჩლარ გუღვახ. ლიყა̄რჲელ
Line of edition: 41 დეშ ოთბედვედ, დე ნაჲ, დე ეჯჲარდ, სიპდ ამჟი. ლოგთირხ, ერ დოშ ოგყა̄ლვეხ,
Line of edition: 42 ეჩქა ჟ' ოგფერბა̄ნხ. ოგვჲეხ ბალნიცათე. ჩ'ოგსგურა̄ლეხ მინდორისა. დე̄მთე
Line of edition: 43 გუფფშვდეხ. ნაჲ ხვიზვრჲელდ აგითე. "დოხტურს ლოქ ანჴდეხ, ჩუ ლოქ ოგსი̄ნჯვიხ,
Page of edition: 261 Line of edition: 1 ლეგმერდას ლოქ ღოშდ ატხეხ. ხოჩა̄მდ მერდას ლოქ აგითე გუფშვდეხ". ალე
Line of edition: 2 ჟ'ოგყალუნდა ნაჲ. დოვ ხვაჲ ოგვცირ დოხტურდ. ესღრიხ დოხტურთე. ნაჲ
Line of edition: 3 ლოხჭოდდაღ ეშხეა̄რ: "მაჲ ლიჩმϩნედ? დოხტურ ე ჴედნი, დოვ ხვაჲ ოგვცვირ
Line of edition: 4 ლეგმერდად". "ჲაღო მაჲ ხოჩა?" ჲერხიდ ლექვ: "ჩვალდაგრიდ დოხტურა". ჲერხიდ
Line of edition: 5 ლექვ: "დეშ ლადგარიდ". "სი დეშ ხადგარი, მი ჩუ ხვადგარი". ჲესვა̄ჲ ხოშა
Line of edition: 6 ხაყლუ̄ნი ლეგლირდედ, ეჯი ადგარი დოხტურს. "ამჟი მა̄ ხოჩა, ჲერვაჲ მადრე̄ნე
Line of edition: 7 ლე̄სეს, ეჯნემ ადგარის დოხტურ. ეჩის და̄რ თუფე დოხტური დაგრაღა". ალეს Добавлено (2007-06-22, 6:52 Pm)
---------------------------------------------
: 8 გარგლიდ ლუშნუდ. ალე ეჯჲარს მა̄მა ხესმიხ. პრისტავ ესღრი დოხტურიშთე. მი
Line of edition: 9 ხვე̄ქარ პრისტავს: "ნომა ჴϩდე დოხტურს, ოდო ჩვადგარიხ". "ხემა ადგარნეხა?"
Line of edition: 10 პრისტავდ ლე̄ქვ. ლეხჭოდდა ეშხუ მიშგვა აფხნიკს: "მუშვან, გაცხაჲდ, ხადგარიდა̄
Line of edition: 11 დოხტურს?" "მი დეამ, მარა ჲერეაჲ ხოდრა ლი, ეჯი ადგარი". პრისტავ ნაჩალიკს
Line of edition: 12 ლეხჭოდდა. ."მაჲ ლოქ ჩომნახ? დოხტურს ლოქ დე̄მ იხნეხ შვანარ". ნაჩალიკდ
Line of edition: 13 ლე̄ქვ: "იმღა ლოქ?" "მაჲ ლოქ ხოხალ, შვანარ ლოქ ადგარიხ". "ხემა ლოქ
Line of edition: 14 ადგარნეხ?" "ა̄დუ, ჩვადგარიხ". ღოშგინპილს ნაჩალიკდ ლე̄ქვ: "ეჰ, და̄ვარს დეამ
Line of edition: 15 ჯადგარა̄ლდვნედ დოხტურს. ისგვე ლედგარიდ ცოდ ლი". ოგფიშვდხ. "ჲერვა̄ჲ
Line of edition: 16 ლოქ ღოშგინ ი̄რდიხ, ეჯჲარს დეჲამ ონფშვდედ აგითე. ყაზაყარს ონჴვდედ
Line of edition: 17 ყარულდ". ნაჲ ონჩადდ, იშგენ ღოშგინ ასადხ. ყაზაყარ ანჴიდხ ყარულდ. მარა
Line of edition: 18 შვანარ დეშმა ოგჩერვეხ. ონჴვადდ აგითე. ესრენ ხორჲელაჲ ოგყა. ალე ნაჲ მა̄მა
Line of edition: 19 გვიხალ. აგითე ერ ონჴვადდ, ქა ლეხჭყარა̄ნხ ხვაჲს. გვიანდ გუდ ონჴვადდ. ნანდვილდ
Line of edition: 20 ხორჲელაჲ ლი. ჟ'ოხბინედ ლიხზანა̄ლ. ჲერხი ლახვთე აჩად ლახზანდ, ჲერხი
Line of edition: 21 ცხეკთე. აგის და̄რ არი. დოხტურ ანჴად, ფერშლარ, ხვაჲ ადგა̄ნ, საყდართე ლϩდგარს
Line of edition: 22 დე̄მ იხნეხ. ჩვადჯგირეხ ნიცე პილჟი ლაშდუხ გიმ, ბალნიცა ეჩე ანსყეხ, ალე
Line of edition: 23 მე̄ვარ ხასდიკხ ლა̄შხარს, ლϩდგარს კირს ხაგვშახ საფლავთე: ნო̄სავ ლოქ
Line of edition: 24 ანშთხარეხ. იმეჲ ლას, აჩად მაზიგ. ხიზნარ სგა ანტახხ სოფელთე. ეშხუ მა̄რას მუ
Line of edition: 25 ათდაგა̄ნ, ჩვადშდუხვეხ, მაჲ საკვრელ ლი, ეჩე, ნიცე პილჟი. "ეჩე დე̄მ ცურე მიშგვა
Line of edition: 26 მუს! აჩად, ჟ'ანშთხარე ლე̄თშვ, ერ დო̄რ ხაბჟენდა. ანჴიდ საყდართე ი სგ' ა̄დგენე
Line of edition: 27 მიჩა აკϩლდამთე. Line of edition: 28 ხორჲელაჲ ა̄რდა ლა̄შხს, იშგნა̄გ შვანისა დე̄სა. Line of edition: 29
ლაზარე მუკვბანიანი. ჟახუნდერი. აკაკი შანიძე. 14.ვიიი.1920 Добавлено (2007-06-22, 6:52 Pm)
---------------------------------------------
286. მიშგვი აქმობ Line of edition: 31 მიშგვა ლიბობშჟი̄ნე, ხვას ჲეშდვოხუშდ ლϩზაჲ, ანჴადხ ჯო̄დჲა̄ მა̄რე̄ლ, სემი
Line of edition: 32 ფრანცუცალ. ეჯჲარ ხეთხე̄ლდახ: ვიჯს, ბაყაყს, მუღუ̄ლარს. მუღვჲარს, კენჭარს,
Line of edition: 33 ბალარს, ხავისს, ჩი̄ს. ლახ ერე ღო მი ლურუსუ მესმო̄ლდა, ეჩა ცახან ლემϩნჴერნეხ
Line of edition: 34 ეჩა გუნღა. ხვენჴრინა̄ლის ცხეკთე, ლახვთე, კოჯთე, მინდორთე, ჩი̄თე.
Line of edition: 35 ხეარმϩდად ვიჯვარს, ბაყყარს, მუღუ̄ლარს, მაჲ ერ ხეგვბოდა, ჩი̄ს. მიჩა მოწყობილობ
Line of edition: 36 ხუღვა̄ნდახ: ბანკე̄ლ, შუშე̄ლ, მუღვჲარეშდ ქაღალთარ. ჩუ იმი̄ ხვარმϩდად.
Line of edition: 37 ჩი̄ს სპირტთე̄ჲსა ხვაგნად ლუვარდ. ვიჯვარეშ ლარმიჟი გუღვა̄ნდა მაშინაჲ,
Line of edition: 38 ანმϩრთამნახ ი ოსმეწვნინახ, აფშვდახ მაშინაჲს ი ვიჯს არმϩდა. ქა ლაფშგაჟი ბანკას
Line of edition: 39 ლოხხელნად ვის ი თხუმს სგა აყჲენდა. მაშინაჲს ქა ხვაფშგად. შომაჲ ერე
Line of edition: 40 ბანკათე̄ჲსა სგა ხვაგნად. სპირტს ხვაგვშად, ეჩქა ვიჯვარ ჩვ იდგარო̄ლხ, შომაჲ ერე
Line of edition: 41 სპირტს ქა ხოცა̄დდახ ი ლიცს ერ ოსგოშნად, ეჩქას ჟივ ილვარო̄ლხ. ეშხუ
Line of edition: 42 საოცარ წϩრნი ვიჯს ოთლაკა̄ნდად ბეჩა̄რ კოჯისა. ვოდ ეჯი ჩუ დო ოთϩრმედ, ეჩქად
Page of edition: 262 Line of edition: 1 საშვალობა მა ლოხო̄მდ თხუმს. ეჯი ერ ჩ'ოთϩრმედ, საკუთარ ბანკათე ოთგენედ ი
Line of edition: 2 მე̄რმე ვიჯვარს მა̄დ ოთნეჩდედ, ეჯი ხოშა ხალტϩნდახ, ხახჲადϩ̄ნდახ ი ი̄რინ ხოცადდად
Line of edition: 3 სპირტს ი ლიცს ლადეღისა. შომაჲ ერე ღო ვიჯვარეშ ლარმიჟი გვეჴფო̄ლახ,
Line of edition: 4 ეჩქა ჟაგარს ხოცვენდად ნაჴეფჟი: ეშხუ ლϩჯაშა̄ლ ლას, მე̄რმე თვეთვნე ფექშა̄ლ.
Line of edition: 5 ჩიქე ეჯის ხოცვე̄ნდად, ლϩჯაშა̄ლ ერ ლას ი ეჩუნღო ფექს ხვაშდად ი ჩოთქვშ ჟი
Line of edition: 6 ხვა̄ჲჭვად. ეჩუნღო ლიცვშ ოთბარვნად ი ჟ'ი̄ხჩოვოლდ, დესამა ხეზგოლ. Line of edition: 7 ეშხუნ ლახვთეი̄ ოჩადდ. ეჩე მϩლყე̄რ ოდგარდ ი ეშხუ მϩყგϩნ. ჩვერ ონჴვიდდ,
Line of edition: 8 ეჩქას ჩ' ოთტუფუ̄რედ, ლეღევ ქ'ოხკიდდ, ტუფთე̄ჲსა ჟაგარ ოსშიდდ ი ჟ' ოხსყედ,
Line of edition: 9 ხემაჲ ლუვარ, ამჟი! Line of edition: 10 ამშაშუნღო მინე გვეშ ჩვადგა̄თვეხ ი აჩადხ ი მი მინეცახანჩუ̄ნე ამჲეხ.
Line of edition: 11 ქ'ო̄ჩადდ. თანაღს ი სგ'ო̄თჴადდ რაჭთე̄ჲსა. ოთლაკა̄ნდ ვონს, ეჩუნღო̄ნენ ღრუშევს,
Line of edition: 12 სგ'ო̄დჴსდდ დვალეთთე̄ჲსა, დვალე̄თ, კანცელარიაჲსა ოგხვი̄და მამასახლ ი
Line of edition: 13 პომოშნიკ. ოგწϩხϩნდა ხარჯ. მამასახდ პომოშნიკ ლოგო̄მ სოფელისა̄ მენჴრინა̄ლდ.
Line of edition: 14 ეჩის სოფელთე ოთϩნჴერდ დიარი ლაყიდდ. შომაჲ დიარ ოხყიდედ, ეჩქას პომოშნიკდ
Line of edition: 15 მე̄ქვ: "ალ სოფელისა ეშხუ მა̄რას ვიჯიშ ნაჴეფ ხარ ი მე̄ვარ ლეგდ არი. სგაჲ |
| |
| | |
|
Мужчина |
Date: Пятница, 2007-06-22, 6:54 PM | Message # 81 |
|
Group: Модераторы
Posts: 990
Status:Offline
Дата регистрации:
2006-08-29 |
16 ერე ვიჯვარს ხარმიდ, ჯეჴფიხ ი ჟი ხიხჩოვიდ თხუმს, არგებხ ჟაგარ ჯუღვე̄ნდეხ
Line of edition: 17 ეშთა̄ნ, ერე ალეი̄ ჟ' ახხოჩვად". მი ხვექარ: "იმღა მო̄დე, მი ოხხოჩვი". "სი ე
Line of edition: 18 ხახჩოვი, ეჯი ხოჩა ჯილყიშ პატრონ ლი ი ქა ლუ̄ქვი̄ს ხა̄რ, ჲერვაჲ ჟ' ანხოჩვი, ეჩის
Line of edition: 19 ჯილყისა ჩა̄ჟს ხათშუნე". სერ ჩ'ონჩადდ კანცელარჲაჲთე. ხაზეინარს ვახშამ
Line of edition: 20 ხვა̄მϩნ ი ხვე̄ქარ: "მი იშგნაგთე ღური". ხაზეინარდ ნება ლამო̄მხ ლი̄ზიშ. ჟაგარ
Line of edition: 21 ოხვიკ მიშგვაშურად. ხაზეინარს მა̄მა ხვე̄ქარ, მეკვად ერე ხოჩა აქიმობ გამომეჩინა ი
Line of edition: 22 ჩა̄ჟი̄ ჩვემცვირა̄ნ. ამშა გუ̄ნღა ხაზეინარს მა̄მა ლოხბაჟი̄ნ ი ოდერ ლა̄ჲქიმათე.
Line of edition: 23 პომოშნიკ ცახანჩუ მინჴრი. მაწვე̄ნე ლეგმერდე. ოთსი̄ნჯავ ჩუ, ვიჯი ნაჴეფ სკელჟი ხა̄რ.
Line of edition: 24 მϩში ლი ეჲჟი, ეჲჟი ერე ჭიშხი სახ მა̄ თერϩ̄ნ, დეთა̄ჲ მოშ თერის ეღო ალე ჭიშხ
Line of edition: 25 ლოქ ჩუ ლი. ნამშო̄ ჟი მეჴდე ლას ფოყთეჟი. სგა ლოხვად ჟაგი ლაცმენს ჩუქვა̄ნჟი̄ნენ
Line of edition: 26 ჟიბოვ ი ჟიბოვ. შომვაჲ ერე ღო ღულაჲნუნ ჟ' ონჴვედ, ჭიშხი ფხულარ
Line of edition: 27 ქეხთენა̄ნდა. ალე მასძელარს ათხი̄დϩ̄ნდახ ი ხოშაჲ მი ამხი̄დϩ̄ნდა. ჟ' ონჴვედ
Line of edition: 28 ფოყთეჟინენ ჟაგი ლაცმენუშ. ეჩქას ნამშიას ჩუბო ჩ' ოთკვიდ ი ჟიბო ჩვეთშია̄ნ,
Line of edition: 29 გულგვამისა. ლეგმერდე̄მი პატრონ იხჲადა̄ლ. მი̄ მახჲად, აქიმს. Line of edition: 30 შომვა̄ჲერ ლიხჩოვა̄ლ ლახთირხ, გეზლი̄რ ჩა̄ჟიშ ლაჴდად ადზϩზეხ ჯილყϩთე.
Line of edition: 31 ლეღერთია̄ნიდ ჯϩლϩყ ჯო̄დჲას ხეყე̄დახ. ჩ' ონჩადხ მი ი პომოშნიკ კანცელარიაჲთე
Line of edition: 32 ი აქიმს მახჲად, და̄ს ხასმა, ჩა̄ჟს ემჴიდეხ მϩხარ. ესრენ მიშგვა თხუმჟი უბედრობ
Line of edition: 33 მა̄რ ანღელს. ეჯი ლე̄თი ლე̄თჟი, შომვაჲ ერე ლიყვნა̄ლს ხვამურჯის, ვიჯვარე
Line of edition: 34 ლარდას, ბანკას, ჭიშხ ხვაჴ ი ბანკა ჩვაკვაშ, ვიჯვარ ქა̄ნშϩ̄დახ, უსგვა. ხაზეინარს
Line of edition: 35 მე̄ვარ ათსასტკϩ̄ნდახ, მი ხვა̄ჲ ემტე̄ვეხ, მარა იმ იჩმინახ? მახე ბანკა ლეთხე̄ლი მა̄და,
Line of edition: 36 ვიჯვარ ჟ'ოხფა̄ნდ, სგ' ო̄შϩდხვეს მახე ბანკათე, ჩიქ ლიც ოსგოშ. მაგ ჟ' ენხოჩვა̄ნდახ
Line of edition: 37 ი ეშხუ ლეგდ არდა. Line of edition: 38 ალე ერე ხოჩე̄მიშ მო̄მა ლას, ხაკვჩერე გუდ ემჴვდე̄ლას აქიმ, მარა ეჯის ჩა̄ჟი
Line of edition: 39 მახჲადშვ ლივჟეი̄ მა̄დ ხეკვად ეჯ ლე̄თ. მაგ ჩულუყვნე ხვასდ. ეჯ დროჲჟი ანჴად
Line of edition: 40 ე̄რე, ყო̄რს ხოკაკუნე. მი ყო̄რმϩყ ხვაყვრე. "ჲარ ხი?" მი ხვე̄ქარ. "პომოშნიკ ხვი".
Line of edition: 41 მე̄ქვ ეჯნე̄მ. ჩ'ოთკარ ყო̄რ ი სგ' ა̄ნჴად პომოშნიკ. ეჯნე̄მ მე̄ქვ: "ვასილ, ლეგ გვეშ
Line of edition: 42 გვეყარ: გუშგვე ლე̄ჲქიმე ჩვალდაგრე̄ლი. ათხე ჩუ ხოწად ისგვა თხუმს. ადერ,
Line of edition: 43 ოდო შომა̄ჲ გეზლი̄რ ჯϩლϩყხენ ანჴდენიხ, ეჩქას ლუვარ დე̄შ ხო̄ზი̄ხი". ამეჟი მი,
Page of edition: 263 Line of edition: 1 მაჲ საკვრელ ლი, ჟ' ამყალუ̄ნდა. ხაზეინარს ხვაყლე ი მაყლუ̄ნი, დორაჲღო ი̄
Line of edition: 2 ხოდრა̄მდ ლი მიშგვი გვეშ, ეშხუდ ხაზეინარს ხვაჲცხუნე. ხოშა მახვში ხაზეინ
Line of edition: 3 ანჲაცხ. "მაჲ ამბავ ლი, ვასილ?" მი მიშგვი გარმეობა ქ'ო̄ხო̄მბავ. იშგენ პომოშნიკდ
Line of edition: 4 ხე̄ქვ ქა. ამეჟინენ სემდა ქ'ა̄ნაცხ. ერ ენმეჴრეხ გვეშ, ამთა̄ნ სამაგალითო
Line of edition: 5 ლი̄ქიმე, ლი̄ცვნა̄ლ ედბინეხ. "ალე დო̄ ჯიხა̄ლდა სი, ერე ჩუქვა̄ნჟი ჟაგი ლიცმენი
Line of edition: 6 დო̄ ხასმა? მა ჯიხა̄ლდა̄, ვრე გულ-ჩონჩხთე̄ჲსა შხამ ღϩ̄რდა? სი, საწყალ, ჩუბო Добавлено (2007-06-22, 6:53 Pm)
---------------------------------------------
ხაკვჩერე ეჲცუვე̄ნ ჟაგარ ი ეჩქას შხამს ჟიქა̄ნჩუ ჩუბო ადრეკლინა ი ცხა̄რა̄ქა
Line of edition: 8 ქ'ა̄ძგუბა ი ქ'ა̄ნღინა. ალე ლახ ამჟი ჯეკვად, ქა დო ლოგჭოდდ ი ქა ჯათო̄ნნად,
Line of edition: 9 მა̄რე ჟ' ენხოჩვო̄ლ ი ჩა̄ჟი̄ ისგვი ი̄როლ". ლახ ერე ლი̄ცვნა̄ლ ჩვედჴიდხ, "ჲაღო
Line of edition: 10 ლოქ თხუმს ხოწად!" მე̄ქვხ. პომოშნიკს ჩა̄ჟ ახჴიდვნეხ, ჟი ლამსგურეხ, ლივერ
Line of edition: 11 ში̄სა ლამო̄მხ ი სალიგვარდანი ტანციაჲთე ამზϩზეხ: ეჩევ ლოქ ოგღე̄ლ. ოსღვრი
Line of edition: 12 ჩა̄ჟვშ, ლაჭმანდუშ, ხემაჲ ერე ღო შაურდენს, ეჲჟი. სემეშდ ვერს აშ ოდერ, ერე
Line of edition: 13 ხემა̄ჲ ეშხუ ვერს, მაჟალშვ. სგ'ონჴვედ სალიგვერდთე, ეჩეჩუ̄ნე ეშხუ მედუქნე
Line of edition: 14 ემხვი̄და, ხედი̄ ერე მიშგვა იღბალდ მϩრაჭ ლას. ეჩის მიგშვი გარმეობა მაგ
Line of edition: 15 ხვე̄ქარ ეჯნე̄მ იმედ ლამო̄მ: "ნϩმა ჯაყლუ̄ნი, მი ჩუ ჯიწა". ეჯი ლე̄თ ეშხუდ ხვა̄რდად.
Line of edition: 16 ჩა̄ჟ ჩვესბეხ თავლა̄ჲსა, მე̄რმა ძინარს, ჩა̄ჟს ხვეწადდ ი ლϩდგარ ლი. ესრენ ეჲჟი
Line of edition: 17 ჩქარდ ემყა, ერე ჩემბეჭკვე̄ლი. ამზუმ ნავბედვრას ალეი ჟ'ესქამ. ალ ლადეღი
Line of edition: 18 ნებოზს ანჴადხ მიშგვი ხაზეინარ. მი მაყლუ̄ნი მე̄ვარ: ვაჲ ეღო მიშგვი მϩდგარი
Line of edition: 19 ხონჴერდეს. ლოხსგი ი მიშგვი მϩდგარი და̄რ ლი, ხაზეინარ გარ ლიხ ი ჩა̄ჟი პატრონ
Line of edition: 20 გარ ხონჴრი. მიშგვა ლϩდგარ ჩა̄ჟ ენთხე̄ლე. ლϩდგარ ესხვი̄და ი ჩა̄ჟი ფას მეშგოხ.
Line of edition: 21 ხაზეინარს ხაჩახ. ,"იმშა უბედურ ანჴედ სი, ვასილ, მაგ ნავბედრი ამ ლი̄ზა სი
Line of edition: 22 ჯაჭიმ ჩა̄ჟ ანლაგვნეხ უსგვა თუმანდ, ხϩნსგე ქ'ა̄მჴიდვნეხ ი ხϩნსგე ქა ლამცვირხ. ჲ
Line of edition: 23 მიშგვი ლეჴდე თეთრ, სემეშდ მანათ, ხაზეინარდ ეთჴიდხ. Line of edition: 24 სალიგვარდანხენქა კავკავდ ოთჴადდ. ღოშდ ლატეხჟი დვალე̄თი შუკვს
Line of edition: 25 ლი̄ზი დეშ ოხბედავ ი თბილისთე ოდერ ი ეჩის ონტეხ აგითე. Line of edition: 26
ვასილ ონიანი. ჟახუნდერი. აკაკი შანიძე. 30.ვიი.1920 Добавлено (2007-06-22, 6:53 Pm)
---------------------------------------------
ნაშდბუ̄რვალ Line of edition: 28 არდა ეშხუ ზურა̄ლ. ღოლჲა̄ქარ ხეყე̄და. მარტ ერ აჩად, ესჭკვარე,
Line of edition: 29 ლუ̄ნთ ლოქ ედგა̄თვა̄ნ" ი ესფაშვდე: "აშ აჩად მარტ ი მურტ, ერე ღოლჲა̄ქა ჭიშხ
Line of edition: 30 ლოქ დეშ ამბირ. ალე ერ ხასϩ̄ნდა მარტს, ანϩ̄გა̄ნ ი ენშდებე სემი ლადეღ აპრილხენქა.
Line of edition: 31 ანჴად მუს. სერ მაჲ ჩომნას ალ ზურა̄ლდ: ეშხუ კა̄რისერ ჭემ მა̄ ხუღვა,
Line of edition: 32 ჩ'ოთშიდ ეჯი ღოლჲა̄ქარს მარა ეჯი იმ ეხე̄რო̄ლიხ? ნენი ერ ადგა̄თვეხ, ალ ზურა̄ლდ
Line of edition: 33 ჟაჴთე̄ჲსა ციცვ ესგენე, თხუმ ქ' ო̄ხკე̄ნე ი ჩუ ლოხრეკე ეჲჟი ღოლჲა̄ქარე
Line of edition: 34 ფე̄დჲას. ციცვ ეჩე̄ჲსა მეჲად ფხϩრკϩნდა. ღოლჲა̄ქარ ეჯნე̄მ ქა ლეჲშდაბნე იეჲჟი აჩად
Line of edition: 35 სემი ლადეღ, ერე ეშხვი̄ დე̄სა ხოწხვახ, ა̄რდახ ჩიგარ მაბზა̄რ. ეჩქად მუსი ჟ' ე̄ნკიდ
Line of edition: 36 ი ღოლჲა̄ქარ ჟ' ვნსე̄ლვა̄ნხ (იშგენს ესრენ ჩი̄ს ჟ' ახკედახ). Line of edition: 37 ალ სემი ლადეღს ათხე ნაშდბურვალს ხვაყლედ. იჩა გუ̄ნ გვაჟლუ̄ნი: ეჩქა
Line of edition: 38 მუს ერ მო̄ ანჴეს, ეჲჟი დე̄სა ლი ზაჲ. Line of edition: 39
სონია გელოვანი. ჟახუნდერი. აკაკი შანიძე. 14.ვიიი.1920 Line of edition: 1
Page of edition: 264
საქმიანობა Добавлено (2007-06-22, 6:53 Pm)
---------------------------------------------
ნაცუ̄ლ Line of edition: 3 მი ხვიზგე სოფელ ნაცუ̄ლს. ნაცუ̄ლ ლა̄შხი სოფელ. ნაცუ̄ლარ იზგეხ
Line of edition: 4 მელვ პირდაპირ, ლა̄შხუ̄რი ეჩხე̄ პილს. ნაცუ̄ლს იზგეხ მე̄რმე-მე̄რმე გვარი ხალხ.
Line of edition: 5 ალჲარ ლიხ: ბაკურაძე̄ლ, გაგნიძე̄ლ, ნაკანარ ი გელოვა̄ნარ. ნაცუ̄ლს მეზგე
Line of edition: 6 ვოჯახარს ხაჲშხახ მე̄რმე-მე̄რმე ჟახე̄ლ. ალჲარ ლიხ: ჟიბშარ, ჩუბშარ, გერგლიშე̄რ,
Line of edition: 7 ფაცჲაჲშე̄რ ი ხუცოშე̄რ. ნაცუ̄ლი ლაჴან, ლალა̄შ ი ლაჭმა ადგილარს ხაჲშხახ:
Line of edition: 8 კაჩარ, უცხაშ, ლატფარ, ვოფო̄ლარ, ჭალაჲ, სორმი̄შ, მოლარ, ყო̄რჟი̄ბ, ლეყე̄ლე,
Line of edition: 9 ლეჟა ლა̄რე̄ლ, მϩკა̄ლჲანი, ლაფეთქურაშ, ლახილ. ლებე̄რიშ ი უცხრა̄ლ. Line of edition: 10 ნაცუ̄ლს მϩჟე ლაწედხენ ხეხო̄ლი სოფელ ღობ, მϩჟე ლივრა̄ლხენ ხეხო̄ლი
Line of edition: 11 სოფელ მელე ი შგედ. სამხრეთხენ ხეხო̄ლი მიჩა ლახე რობოზელაჲ ი ლენჭჟ
Line of edition: 12 ლა̄რა, ჩრდილოეთხენ ხეხო̄ლი ლა̄შხურ ი სოფელ მახა̄შ. Line of edition: 13 ნაცუ̄ლარს ხოგხ ჲერუსართულიან ქორალ. ალე ქორალϩნქა არიხ აჯაღ
Line of edition: 14 ჯვინელ ქორალ. მარა ალჲარისა დე̄სა იზგეხ. ალჲარისა კუმაშ ხაყახ. ნაცუ̄ლარ ხოშა
Line of edition: 15 ნაღალდ ალა̄შიხ: სიმინდს, ლობჲოს, ქერს, მანა̄შს, ღედერს, ქართობილს ი კვახნესვს.
Line of edition: 16 ნაცუ̄ლს არი მე̄რმე-მე̄რმე ნაირ ხილ: უსკვ, იცხ, კაპრი უსკვ, გვრამბ, ქლიავ,
Line of edition: 17 ლელუნთე უსკვ ი იცხ, ჭანჭურ, ჲებ, ბარყვენ, ლელმარაჲ, გაკ, შდიხ, ცინყა,
Line of edition: 18 უღვ, ინღა, მეგმუ̄ლდ, მϩნცხარ ი ალუბალ. Line of edition: 19 ნაცუ̄ლს ჩი ვოჯახს ხუვა მინე-მინე ლარტამ. ლარტმალს დოსგ ლუფხვს ჟი
Line of edition: 20 ხაშდეხ კუმაში ჲენწს ი ეჯის ჩვაბარავიხ ბარალშვ სკო̄დიდ, ჲედ ჩვაჴნიხ გუთანშვ.
Line of edition: 21 ლϩჴანუნღო ეჯის ჲედ ბერჟიშ, მო̄დეჲ მეგმი ლაჭა̄დი̄რშვ ჩვაჭა̄დეხ. გიმ ქა
Line of edition: 22 ისწორავი ი ჩუ იმე̄ნშგვი. ეჩუნღო ლარტამისა ასყიხ კვალარს. ჩიქ ჩვალა̄შეხ ლახანა̄ჲშ,
Line of edition: 23 ჭარხალიშ, ხახვიშ, ჭაგვიშ, ნივრა̄შ, პრასიშ, კინტრიშ ი იშგენი ლა̄შის. ალჲარ
Line of edition: 24 ერ ჟი ჴედნიხ, ეჩანღო ეჯჲარს ქ'ა̄ნერგავიხ. ქა ლϩნერგავე ლელϩრტამს
Line of edition: 25 უჩხე̄ მო̄ ლი, ნიცს ხოგვშეხ ძირალისა. გუშგვეჲ ლელϩრტამისა ხოჩა̄მდ იხვარე:
Line of edition: 26 კინტრ, პამიდორ, ლახანაჲ, ჭარხალ, პრას, ხახვ, სალათაჲ, სტამფილო, ბოლოკ,
Line of edition: 27 ჭაგვ, ნივრა, პიმპილაჲ. Line of edition: 28
თამაზ ბაკურაძე. ნაცული. მაქსიმე ქალდანი. 19.იხ.1971 Добавлено (2007-06-22, 6:53 Pm)
---------------------------------------------
სიმინდ Line of edition: 30 სიმინდი ლიჴნეს (\ ლიჴნის) ხვიბნედ ისგ მარტუნღო ი ხვაჴნიდ აპრილი
Line of edition: 31 დამლევნუნ (\ დამლევდ). სემი შტიმს ერ იჴდე, ეჩქა კეცხა ლიბე̄რგეს ხვიბნედ. ჟ'ერ
Line of edition: 32 იცხემ, ეჩანღო მე̄რმად ხვაბე̄რგედ. ჲეკენი თოჲუნღო, ჩვერ იმვი, ჟი ხვაქჩედ
Line of edition: 33 სიმინდს, ტაროს ქა ხვაყვშედ (\ ხვაკვშედ) ი ძარშვ აგითე ხვაჲესდ, ჩუ შϩდედ (\
Line of edition: 34 შვუდედ) ქორს ი ქა ხვატარავიდ, ქ'ე̄რ ოხტარავნედ, ნაქუნჩალს კირავისა
Line of edition: 35 შϩდედ კუმში ლე̄მნად. ტაროს ჩუ ხვათშო̄რედ ხოდრა̄მ მო̄შ ი ხოჩულს მო̄შ.
Line of edition: 36 ხოდრა̄მ (\ ხოდრას) ხამარეშ (\ ხამრეშ) ი კუმაში (\ კუმში) ლე̄მნად ხვაფრედ.
Line of edition: 37 ხოჩა̄მ მა̄რე̄მი ლეზობდ ხვაფრედ. ეჩანღო სგა შϩდედ ჩევთე ი ქა ხვაცე̄ხვედ
Line of edition: 38 ლაცე̄ხვა̄რშვ, კაკალს ჟი ხვატკიცორედ ტკიცორაჲშვ ი სგა შϩდედ კიბდონთე̄ჲსა.
Line of edition: 39 გუგულაჲს ჩუ ხვაშხიდ ლემესისა. კაკალს ქა ხვაგვეჲდ ლეგვე̄რისა ი ფექს აგითე
Line of edition: 40 ჴუდედ ლალა̄შშვ ი სგაშϩდედ კიბდონთე. კვა̄ში̄ ლინყი ე̄ მეკვდი̄, ჟ'ოხკედდ კიბდონხენჟი
Page of edition: 265 Line of edition: 1 ლაფექშვ ი ჩ' ოთძვე̄რნედ ძვე̄რავშვ გობთე̄ჲსა. ჟი ხვატბიდედ ნიცს ი ჟი
Line of edition: 2 ხვა̄ჲჭვედ სიმინდი ფექს ი ქა ხვანყედ კვა̄შის. Line of edition: 3
ლელო ონიანი. ლეკოსანდი. მაქსიმე ქალდანი. 19.იხ.1971 Добавлено (2007-06-22, 6:54 Pm)
---------------------------------------------
290. ფურ ი მიჩა ლი̄ზნანი Line of edition: 5 ფურალე ლისე̄ლვე ვოშვა̄ჲშ ხა̄ჲმედახ, ეჩშელდს გარ ირდვნეხ. ქორისა
Line of edition: 6 მϩსყე ლი კუმში ლარდა ისგϩნტაფარ. ეჯი ჩუ ლუყლუ̄რე ლი: ლაფვრა̄ლ მო̄შ ლი ი
Line of edition: 7 ლაჴნი̄რ -- მო̄შ. ლავფრა̄ლისა ვოხუშდ ჲედ უსგვა ლანთეჲ ფურალეშდ ლი მϩსყე
Line of edition: 8 ი ვო̄შთხვჲედ ვოხუშდ -- ჴანარეშდ. ფურალ მაგ ნა̄რგილ ჯილგიშ ლიხ. ჲერხი Line of edition: 9 ხოჩა მე̄შგი ფურალ ხეჩდახ ნა̄რგილ ფურალისა. ლუფხვისა ივანობა თოჲნეშ
Line of edition: 10 აჲესხ ფურალს ლახვთე ი ხაჭიმხ ზურალე̄ლ მϩლდეღდ ი ლა̄შგ-ლაყე̄ლა̄ მϩ̄ზნანიდ.
Line of edition: 11 ლივრჲელს ლახვს გარ იბნეხ. მავრანდალი̄ ალჲარცახან ხაყახ ი ჩუ ერ ი̄შდექიხ
Line of edition: 12 ლახვისა, ალეს მე̄ვარ გუს ხა̄ვდიხ ი ითჲა̄ლჲელხ, ერე უ̄ჲშდექად მო̄დ ოთსეხ
Line of edition: 13 ფურალ. ნადმოყდ ლისედ მა̄ ხოცხახ. ცარჲელ, უშგა ფურ დე ფურ ლი ი დე ჴან ი
Line of edition: 14 ცუდდ ლესე̄ლვე გარ ლი ი ამღა ითჲა̄ლხ, ერე ჩვედვე̄რე̄ნდეხ მაგ ფურალ. უმზუნა
Line of edition: 15 ფურ ერ ი̄შდექი ი მაკვი̄ ღუნს ჴϩდე, ეჯ ღუნს ჟი და̄რ ირდი: "მა̄ ლოქ შიდ
Line of edition: 16 ეჩა ლირდი" ი ამკალიბ მანკვი̄ ნათენ ღუნვარ ჩი̄ს ჩვაძჲენა̄ლიხ. ალ წეს ივალადეღნეშ
Line of edition: 17 ესრენ ხაღვე̄ნახ. ღუნვარს მϩხნისგად გარ ირდა̄ლიხ. ვო̄შთხვ-ვოხუშდ
Line of edition: 18 ფური პატრონ ზაისა ჲერუ-სემი ღუნდ ხოშა̄მ დე̄მ ირდი; ჩიქე ლუფხვისა ლიხ
Line of edition: 19 ხვაჲ ლე̄ზნანი ღუნვარ ი ღო ლუნთისა მე̄ვარ ლეგϩრჯე ლი ი ამღა დეშ აფშირეხ
Line of edition: 20 ღუნვარს. Line of edition: 21 ღუნს ერ ქა ხაყვლეხ ფურს, წკამდ ხაქვცუნეხ ლიჩვგვანს ი ღუნ ღალ
Line of edition: 22 სურუ იღრიბი ჩუ, ვედნუშ გარ ხესდენი ქუნუ̄ლ. ლϩჭბიდად ხაყახ ღუნ ი წა̄ნის
Line of edition: 23 ხა̄მნეხ ი ეჯნოვშ ხამთქვეხ ლიზობს. ღუნი დი ფურ ლაბლახარხენქა ხოჩდენიხ ი
Line of edition: 24 ჴედნი მიჩა ღუნთე ი ეჩა ლიბღუ̄ლი ი ლისტϩრჲალი ჟი ხასგურ ჩი̄ს ლეთ-ლადეღ
Line of edition: 25 უქვი̄ცად ღუნი ნაყვი̄ლუნღო ეშხუ-ჲერუ ნაგზა̄ჲსა. ხასიპ მიჩა ღუნი ლარდას
Line of edition: 26 ი სტϩრჲალი ღალ. არკელიხ, მარა დე̄მ იგნი ი აჯაღუდ ტეხნი მიჩა ღუნი ნარდვთე
Line of edition: 27 ი ამჟი ეშხუ ნაგზი ეში̄ დე̄მ ი̄შდნე ღუნს. ამჩიქა ფურ ლა̄შგდი̄ დეშ ლი ფარცაგ;
Line of edition: 28 ჩუ იშშვი მიჩა ღუნი ჯა̄ვრშვ ი ვოდ გვიანნუნ დეშ იტხა̄ლი. ლϩღრიბა ღუნს, ლუსს
Line of edition: 29 დო̄სგ ნაყვილს, ხეჭვა̄დი ყივშ ი წათხშვ აბრა̄ლიხ ი ხამი ჭყანშვ აცმენიხ ჩჲა̄გ
Line of edition: 30 ტანჟი ყივში მუხვტად. ამკალიბ ღუნს ეშხუ ზაჲ გარჯ ხა̄რ ლიპა̄ნე. |
| |
| | |
|
Мужчина |
Date: Пятница, 2007-06-22, 6:55 PM | Message # 82 |
|
Group: Проверенные
Posts: 352
Status:Offline
Дата регистрации:
2006-09-07 |
31 ნამაზვ ფურალს ხოშო̄ლს ხეფრება̄ლხ. ხათრეხ შველს. წაქს, ჲესიჲეს ჯიმი̄ლს
Line of edition: 32 ხალო̄კა̄ვნეხ ი ლა̄შგეჲჟი̄ მე̄ვარ ხეფრება̄ლხ: "დე̄თა, დე̄თა"-ს ხატუ̄ლიხ ი ეჲჟი
Line of edition: 33 ი̄შგიხ. ლელე̄თად ხვაჲდინ ლუღუნ ნამაზვ ფურს წა̄ნის ხოჴდეხ ი ხა̄მნეხ ხოჩულ
Line of edition: 34 ლა̄შგი გუ̄ნღა. ღუნს ჲედ სემი ნაგზი. ჲედ ეშხუ თოჲ გარ ხაჭმინეხ სგა ი ეჩანღო
Line of edition: 35 ქა ხაყვლეხ ი ლი̄შგის იბნეხ. გინდ ლეძჲენი ლე̄სეს ღუნ, გინდ ლერდი, ეში̄ ეშხუ
Line of edition: 36 თოჲϩნქა და̄რ ხაჭმინე სგა მე̄შგი ფურს. მახე ლუყვი̄ლ ღუნ ლეგ ლერდი ლი.
Line of edition: 37 წა̄ნიჟი გარ ხაყახ ი ამღა ლი, ერე ნა̄რგილ კუმაშს მე̄ვარ დაცხ ი ხოხრა ტანაშ ხეფსი.
Line of edition: 38 სავჲარს ი მეგრელარს, ვოდ ნამაზვ ფურ მე̄შგი ჩუ ი̄რი, მეჲად სგა ხოჭიმხ ღუნ
Line of edition: 39 ი ქა კოჭო̄ლუდს გარ ხობრეხ ლϩჯას ი ამღა ლი, ერე ლϩმგრელუ ი ლϩსავ კუმაშ
Line of edition: 40 ხოჩა თვალაშ ი ტანაშ ლიხ. Line of edition: 41 თაშო̄რას ანზო̄რეხ ლუფხვისა იჲერხის ლელუნთად იშხვნიხ ყველჲერისა̄შდ,
Line of edition: 42 ჲერხის ლუფხვისა იჴმნარიხ ლუკვნე დიარი ლენჩϩდად. მარწონს ი ერბოს
Page of edition: 266 Line of edition: 1 გუშგვემϩყ და̄რ ასყი. ლენტხას ი ეჩხე̄ შვანს ჩუ ხაზნახ მარწონი ლისყი. ერბო̄შ ლისყი
Line of edition: 2 მა̄მა ხაზნახ ეჯღა. ერე ერბო ქა ლϩბი̄რ თაშ მა̄მ ხასჲამხ ი დე ხაყა ე̄მნარ. ამღა
Line of edition: 3 ლი, ერე შვანისა̄შ თაშ ჩი̄მსგი თაშს ხოჩა. თაშო̄რახენ ასყიხ ლϩჯამარე̄ლს. ჩვაფრეხ
Line of edition: 4 მϩჟა̄რისა ი აშხვნიხ ლემშგვარდ ი ლუნთისა̄შდ. Line of edition: 5 ნა̄შგ-ნაყე̄ლϩნქა ფურალეშს იმკახეხ ჲენწს. ჲენწურაჲ დაბარისა დე̄სამა ჴედნი
Line of edition: 6 ი ჩი ზავ ე დო̄მ ედჲანწი, ეჯნურ მა̄ ხაყა. ლეჴნი გიმს ჟიქა̄ნქა გარ ხა̄ცადა ხოჩა
Line of edition: 7 ვორ. ჩუქვა̄ნ რიყ ი სილაჲ გარ ლი, ჟიქა̄ნქა ვორს სკარხალ ი უჩხა არჩხϩნე ჩიგარ
Line of edition: 8 გოლაჲ გიმარს ი ამღა უ̄ნწა დაბარისა დე̄სამა ღალ ჴედნი ი ამღა ლი მაშე̄ნე ლემწϩხე
Line of edition: 9 კუმში ლიყე̄ნე გუშგვეურე̄ლეშდ. Line of edition: 10 ხვაჲ ნენი ლი ლეშხვნი ლელუნთერ ი მეკვშდა ლუფხვისა დეშ ხეჩი̄ში ეჯი მაგ
Line of edition: 11 ნენი̄ ლიშხვნი, ერე ჯო̄დი ლუნთისა ქა მოშ ახა̄დეს მეზგას ი მახე ლუფხვთე ნაღალდ
Line of edition: 12 მე̄ვარ კვედობ ღალ ლი ნე̄ნიშ ი ფურალ ი იშგენ მოცეტ ქუნმϩწლე̄ბი̄ლ გარ
Line of edition: 13 ხეთხფენიხ ბალახი ლიჴდა̄ლნუნ. ფიშირს ჩუ̄ჲ ხედგარიხ ნაუნენურახენქა. ქა
Line of edition: 14 ლϩვიტავე, ნაუნენუროშ ლϩდა̄ცმულე კუმაშ, ეშგარ ივე̄ნჲელხ ი ხვაინ ქა შყედნიხ
Line of edition: 15 ი ჩუ იდა̄ვშიხ. ვოდ ამჟი მეჩხფე კუმაშ ჟი იპა̄ნე, ეჩქად ჩუ დე̄მ ი̄ჲშდექი ი
Line of edition: 16 ამშა ბედშვ ხვაჲ ფურ სედნი ნადმოყდ (უმზუნად), უჲშდექად. Line of edition: 17 კუმში ლალდღიარ ლახვარ შვანზუმ დე̄მე არიხ, მარა ალჲარ ხვაჲ უსϩრგებად
Line of edition: 18 სედნიხ. სურუ ჯო̄დიახენ ლელუნთად დეშ ჴϩდეხ ჭემარს ი ამღა ლი, ერე
Line of edition: 19 ჯოგობშვ და̄ს ხაყა კუმაშ გუშგვემϩყ. მიჩა-მიჩა სამწϩხ გარ ხაყახ ი სერ მა̄მა. ფური
Line of edition: 20 ლეღვ მე̄ვარ ხოჩა ლი, ტუფ ლა̄ჲდი̄შ ჩაფლარეა̄ქ ხარხ. ჴანარს ხოშულს ხა̄მნეხ Добавлено (2007-06-22, 6:54 Pm)
---------------------------------------------
21 ნენი̄ს ლუნთისა. ფურალს -- დეშ ეჯზუმს ი ამღა ჩხეფნიხ ლუნთისა მანცინ კუმაშ. Line of edition: 22 ყედნაჲ ფურ ჴედნი ჲერხი. ეჩა ლიმზϩრი ხაზნახ. ხაბჟახ, ერე ლიმზϩრ ლეხშეს
Line of edition: 23 ი ლიყდა̄ნის ქ' ე̄თყეჩეს. ყედნაჲ ფურს ლϩჯე ჩუ ხოგ, მარა ჩუ დე̄მ ფუშდე
Line of edition: 24 ლუსვარლექვა ი ეჩქა ხოფა̄შგვეხ ჩილეღვს ი ხეფრება̄ლხ, ერე "დეთა, დეთა,
Line of edition: 25 დეთა ლოქ", მარა ერ ჴედნი ჯილაგდ ყედნაჲ ფურ, ეჩა მაშედ ღე̄სამა ლი ი ეჩქა
Line of edition: 26 ჩვაბორკილეხ თეკუ̄ლშვ ედ მურგვალ წირხი კირკამს (გირგოდს) ასყიხ სგობნე ჭიშხჟი,
Line of edition: 27 ღულა̄ჲ თხუმე ლანკვა̄ჲსა. ხოდე̄სხ სგა ი ეჲჟი ხა̄რხ ლა̄შგეჲს. ჲერხი ფურალ
Line of edition: 28 ღუნურაჲ დე̄მ იჩოხ ლი̄შგის. ღუნ მეჲად სგა მო̄ ხაჭიმ, ეჲჟი დე̄მ ვოდიხ ლϩჯას,
Line of edition: 29 მარა ამკალიბ ფურალს სგობინჩუ ხოგნეხ ღუნს ი ზურალე̄ლ ი̄შგიხ ი ჟი ხემთქვი
Line of edition: 30 ამკალიბდ ი ჩიგარ ღუნ ხა̄რხ სგობინჩუ ლეგნე ლა̄შგეჲჟი. ჲერხი ჟი იმთქვიხ
Line of edition: 31 ეჲჟი, ერე ეშხუ თოჲ გარ ხაჭმინეხ ღუნს ი ეჩანღო ქა ხაყვლეხ ი ეში̄ ხოჩა̄მდ
Line of edition: 32 ი̄შგიხ. Line of edition: 33 ფურალს ეჲჟი ი̄შგიხ. ერე ქა ლიწედ მა̄მ ხოცხახ იშგნაშ ეშჲეში̄. თე-ჲ აყბა
Line of edition: 34 დო̄სა ლოქ ესა̄გენს ი ჩუ ლოქ დო̄სა ეთგϩგნე̄ნდეხ ფურალ, ხოჩა ლა̄შგ ლოქ
Line of edition: 35 დოსა ლეხბაჟე̄ნდეხ. ხოჩა ლა̄შგობ ერ ხე̄რიხ. გუ̄ჲსა ჩუ ხახჲადხ, მარა ქა დე̄მ
Line of edition: 36 იკვშეხ დე̄შაცახან თე̄მიშ ი აყბა̄ მაყალშვ, ლი̄შგი̄ ჟახასი̄ დე̄მ არშვნიხ ი "კოტოლ
Line of edition: 37 ლაწყიგე̄ლ გარ ლოქ ხა̄რხ მინს ამზავ, ლაწყიგე̄ლ გარ ლოქ ლიხ მინე ფურალ".
Line of edition: 38 ლა̄შგა̄ლჟი ქორთე ნაღალდ ერ ოხღვახ ლϩჯე, ეჩქა კალთაჲს ხოჩშეხ ლა̄შგა̄ლ
Line of edition: 39 სეგდას: "ქა ლოქ დო̄რ ხეწეს სეგდა̄ჲსა ლϩჯას ი დო̄სა ლოქ ლახშო̄ნდეს ხვა̄ჲ ლϩჯე
Line of edition: 40 ი დო̄სა ლოქ ხოშურის ფურალე ლი̄შგის ი ხოლა თე̄-ჲ აყბა ლოქ დო̄სა ახა̄გე̄ნს
Line of edition: 41 მინე ფურალს. ამღა ყϩლეხ: "ჩუ ლოქ ოხწყიგა ფურო̄ლ. მარა დე̄სამა ლოქ ხოგ". Line of edition: 42 ჴედნი ჲერხი ფურ ჲედ ჴან ეჯკალიბ, ერე ლე̄თვშ ი ლადეღვშ მეჲად ლიზϩრზϩნი
Line of edition: 43 ხაზნა. ამკალიბ ფურ, ჲედ ჴან ბედნიერ ხაბჟახ ი ხახჲადხ, ერე ამკალიბ კუმაშ
Page of edition: 267 Line of edition: 1 ხაყახ მინს. ალეს ბედნიერ ნარდვ ლოქ ხა̄რ ქორისა ი ქა დე̄მ ვოდიხ ქორხენქა ი
Line of edition: 2 მე̄ვარ ლიმჩა̄ლნუნ ჩუ̄ჲ დე̄მ აძჲენჲ. მϩზϩრხზϩნი ფურს თვალ ლოქ ხუღვა ჴადისა
Line of edition: 3 ი ეჯღა ლოქ ზϩრზნი ი ეჯ ქორისა მაგ ხოჩა ლი ანღელს. ლϩთვალ ფური ნარდვ
Line of edition: 4 ქორისა ლა̄შგ-ლაყე̄ლა ბარქიან ლოქ ლი ი კუმში ნაფშირახენი̄ ხოჩა ლოქ ლი. თვალ
Line of edition: 5 ლოქ ერ ხუღვა ჴადისა, ეჯი ლოქ ზϩრზნი, ლϩთვალ, კუმაშ, ხახიად ლოქ თვალი
Line of edition: 6 ლიღვე̄ნე ჴადისა. Line of edition: 7 იზდორ ლეგლირდე ერ ხეყრენიხ ფურალს ჲედ ხვა̄ჲდინ ტუა ხებგიხ, ეჩქა
Line of edition: 8 ეჩა ჟაგარდ იჴმარიხ ბალხო̄რა̄ ჟაგნაჟგუნს. იზდორიშ ი ბϩგი ტუა̄ ჟაგარდ
Line of edition: 9 ჩვაჭკვრიხ მე̄ვარ თიორშა̄ჲ ბალახს ლϩძირდ ი აფხაზურა̄ჲ ბალახი ძირალს, ჟ' ა̄ჯბიხ ი
Line of edition: 10 ხათრეხ იზდორიან ფურალს. თიორშა̄ჲ ლი̄მნე ლა̄შგსი̄ ლოქ ხოჩა ხა̄რ ი მე̄შგი Добавлено (2007-06-22, 6:55 Pm)
---------------------------------------------
11 ფურალს ხოჯბიხ ი ხა̄მნეხ ამშა ბალახს. ხვაინ ლუსვარ ხებგიხ ფურალს ი ლა̄შგ ფურს
Line of edition: 12 ჩუ ხედა̄ვში ლუსვარ, ძღϩდ ლი̄ზნანი ე მო̄დ ხე̄რი. ეჩქად მინეშურად ბალახო̄რავშ
Line of edition: 13 გარ ა̄ჲქიმახ ფურალს. Line of edition: 14 ჲესჲეს ეჯკალიბ უდროჲ დროჲჟი მϩრ ესბღუ̄ლნეხ ფურალ ჲედ ჴანარ, ერე
Line of edition: 15 ეშ დო̄მ ახღელნი ი ამკალიბ დროჲჟი̄ნა ლიბღუ̄ლი ხოლე̄მი ლალშან ხაბჟახ ქორისა
Line of edition: 16 ი მე̄ვარ ხასდიკხ. ამკალიბჩიქა ლიბღუ̄ლი აშ ხი̄რულ ლიბღუ̄ლის მϩრ მა̄მ
Line of edition: 17 ხაჯევშ, მე̄რმეკალიბ მაყალი მϩშდე ლიბღუ̄ლი მϩრ ლი ი ეჯღა ხაბჟახ ხოლე̄მი ლალშან
Line of edition: 18 ი ეჯღა ხაყლუ̄ნიხ ამჟი უდროჲჩიქა ლიღბუ̄ლიშდ. უდროჲ ჩიქა ერ ესბღუ̄ლნე
Line of edition: 19 კუმაშ ი ლაყა̄ლვი̄რ ჲერშვ, ეჯი ხაბჟახ ხოლე̄მი ლალშან. Line of edition: 20 კუმში ნაძჲენს ერ ხელკიხ ფურალ ი ჴანარ, ეჩქა იბნეხ აჯაღ ლაგვა̄ნია კალიბ
Line of edition: 21 ლიბღულის. ალ ჲერ ხალ ლეხსϩმი მენგრა კუმაშს, შიშდ ეჩეჩუ იხვრჲელიხ
Line of edition: 22 მაგ ი ბღუ̄ლიხ კϩ̄ლთხიდ ი ზეჴხ. იქვნე̄გა̄ლხ ზისხი ნარდვმϩყ ი ეჯნოვშ მϩრ
Line of edition: 23 იმჴერიხ კუმში ნაძჲენ არდგილს. Line of edition: 24 ლაშგ-ლაყე̄ლა შომა̄ჲ ხა̄რხ ხოჩა ფურალე პატრონუს, ეჩქა ასყიხ ლალდϩრს.
Line of edition: 25 ლალდϩ̄რთე̄ჲსა ხეკვეს ესდახ ღუნი ლϩჴ. ღუნი ლϩჴს დო̄სგანღო აშხვნიხ, ქა
Line of edition: 26 ხოდე̄სხ ლაფრად ცხვენთეჟი მახე ლϩძჲა ღუნი მაჭიკს. ლϩჴ ერ ხე̄რი, ეჩქა ხეკვეს
Line of edition: 27 ადძიახ. ვოდ ლაძჲენინუნ მახად ხაჩგუნა̄ლვნეხ ქა ფურს ი ეჩანღო შიშდ ჩვაძჲენიხ
Line of edition: 28 ღუნს ი ლϩჴ ეჩქა ხუღვა ი ჩუ ლϩფრას ღუნი მაჭიკს მიჩა ლϩლϩჴდ სგა იდე̄სხ
Line of edition: 29 ზექი სეგდათე, ჟი ხაგვშეხ შველს მახა ლϩყე̄ლას ი ხანჩϩდვხ ხამი ჯიჯვარს, ლოგი
Line of edition: 30 ნამსედვარს ი ალეს ჯმარიხ ლევდინად. ლივდინე შიშდ ხოხალხ, ხა̄ლ ჩუ ი̄შგიხ ი
Line of edition: 31 ტებდიდ იგემხ ლემესცახან ლევდინა ლϩჯას. სგა ხეჩოხ კოჭო̄ლხ ნავდინუნს. ალე
Line of edition: 32 ლი ლუშნუ კვეთ. კოჭო̄ლ ხანუნღო ჟი იყე̄ლეხ ი ჟი̄ყიხ თაშს. Line of edition: 33 ჲერხი ფურალ ეჲჟი ლϩმთქვე ხაყახ, ერე ამსვა̄ლდშა̄ლ ხესმიხ ნაქვ. ლა̄შგეჲჟი
Line of edition: 34 ლაფრება̄ლდ ი ლაჩრავად ფურალს ხატუ̄ლიხ: "ოდი̄თა, ოდი̄თა, ოდი̄თა!"
Line of edition: 35 ჲედ "დე̄თა, დე̄თა, დე̄თა, დეთინიო̄ლ!" ამხა̄ვ ერ ანტეხეს, ფურალს ხატულიხ:
Line of edition: 36 "ოდი ა̄შ, ოდი ა̄შ, ოდი ა̄შ!" ლარკალჟი ფურალს ხატუ̄ლიხ: "ოდი გვა, გვა! ოდი
Line of edition: 37 გვა, გვა!" ფურალე ჟახე̄ლ: ჯგϩრა̄გი ლალგენა ფურს დაბაჲ ხა̄ჲშხა, ლამა̄რჲა̄
Line of edition: 38 ლალგენას -- ლამრიაჲ. თვეთვნა ფერიშ ფური ჟახე̄ლ ლიხ: თოთი ი თეთრუო̄ლ.
Line of edition: 39 ჭϩრელიშ -- ჭერამ, მϩწრან ფურიშ -- წადავ, მეშხა ფურიშ -- მელანო̄ლ. ფურალე
Line of edition: 40 იშგენ ჟახე̄ლ ლიხ: ჴალდაჲ, ბონდორაჲ, (\ ბონდორო̄ლ), ირემაჲ, ლამაზო̄ლ,
Line of edition: 41 ჩიტო, ჭაბაჲ (\ ჭაბუ̄ლ), ვარდაჲ, ლეფშირი, კვეკვენ, კვანტრა, ნისლაჲ, ფერო,
Line of edition: 42 ყველჲერაჲ, ბედუნო, დუნაჩ, კიოფ, ბამბურაჲ, მაჩვბაჲ, ნიქჭარაჲ, თანდარ,
Line of edition: 43 ფოყაჲ, ჩანთაჲ, პანჭურაჲ, ბანბურაჲ. Line of edition: 44
მარგალიტა ონიანი. სასაში. მაქსიმე ქალდანი. 20.იხ.1971 Добавлено (2007-06-22, 6:55 Pm)
---------------------------------------------
Text: 291
Page of edition: 268
Line of edition: 1
291. ჴან ი მიჩა ლიმშავ |
| |
| | |
|
Мужчина |
Date: Понедельник, 2007-06-25, 6:30 PM | Message # 83 |
|
Group: Модераторы
Posts: 990
Status:Offline
Дата регистрации:
2006-08-29 |
2 ჴანზუმ ლϩგონ კუმაშისა დე̄მამ ხა̄ზ. ამსვალდა ლერსგვენ მეჴერდ ხაბჟახ ჴან.
Line of edition: 3 ჴანურ მეზგას მა̄ ხაყა ი დეშ ისე̄ლვი. ჴანურაჲ მეზგას მეზგად დე̄მ იკედხ ი ჲესვა̄ჲ
Line of edition: 4 ჩუ ხო̄გ წესდა, ჲადურდ ჩი̄ს ხაჟა ჴანარ. ლუვღვი̄ნად ე მო̄დე, ყვილ ეში̄. Line of edition: 5 ჯგϩრა̄გს ლოქ ოხხურჲელა მაგ ნადირ ი კუმაშ ი ჩი̄ს ლახჭოდნე̄ნა, ერე
Line of edition: 6 "ამსვა̄ლდა ლისე̄ლვე ჲას ლოქ ხა̄ჲმედა". დეშერს ხო̄ქვა, ერე "მინს ლოქ ხა̄ჲმედახ".
Line of edition: 7 ეჩქას ჴანს ლოქ ხო̄ქვა, ერე "ჲაღო მიჩ ლოქ ხა̄ჲმედა ამსვა̄ლდა ლისე̄ლვე ი ეჩქა
Line of edition: 8 ლოქ ღოხვოდა ჯგϩრა̄გს ჴანიშდ მუჭვარ ლაბურჯჲელდ ი ქა ლოქ ლოხთო̄ნა
Line of edition: 9 ამსვა̄ლდა ლისე̄ლვე ი ჴანსი̄ ლოქ ჟ ოსკი̄ნჩხა ალ გვეშ. ეჩანღო ლოქ ლი ჴან
Line of edition: 10 ამსვა̄ლდცახან მერდე ქა უყვი̄ლად ი დეხდა ქუნლϩმგენე ლოქ ლი ამსვა̄ლდა სარგებ
Line of edition: 11 ეჲზუმ, ემზუმი̄ ჴან. ამღა ლოქ ხაყა ამსვა̄ლდს ჴან მაჩე̄ნე ი მაშე̄ნე ლუგვნიანდ ჩი
Line of edition: 12 კუმაშისა ი ეჯურაჲ ლირდე ლოქ მა̄მ ხა̄ჲმედა ამსვა̄ლდსი̄. ჴანურ მეზგე ლϩ̄ჲყარათე
Line of edition: 13 იშϩლდანი, ოდო მეზგას და̄რ ხაყლე. Line of edition: 14 ყვილ ჴანი მუვღვი̄ნე მარტუხაჲს ხაგემ ჴანს ი ლინჭლი ი̄რი ა̄ იშგენ ლელჴანϩ̄რი,
Line of edition: 15 მარტუხაჲშვ ასკეთე ჩი̄ს, მარა მარტუხა̄ჲსა ხოშა მენგრე ჴან გარ იმარგ.
Line of edition: 16 ოდო კოჭოლ ტანა ჴან დეშ აჲეს ძღϩ̄დ სევს. ლამშაჲჟი ლუვღვი̄ნე ჴანარ ხოცხახ,
Line of edition: 17 მარა ლუვღვი̄ნად ე მო̄ ხეყე̄ნიხ ჴანარ, ეჩქა მარტუხაჲს ხაგემხ ი ეშხუ ჴანს ხობემხ.
Line of edition: 18 ჲერხის ჲერუ უ̄ღვაი ჩუ ხაყა. ხოჩულ ჴან ხედი̄ ი̄რო̄ლ. ეჩის ჟი ხოლგენდახ
Line of edition: 19 ფუსნ აბუა̄სდიას ი ჟახად ფუსნაჲს ხაჟხენდახ. ეჩა ქორხენქა ქა ლილჲე მა̄
Line of edition: 20 შიდϩ̄ნ ი დეთა̄ჲ ხელჲოლხ, ვოდ ხოჩა̄მდ ჩუ დო ედმეჩო̄ლ. ჩუ ლϩმჩან ჩვაძჲენდახ
Line of edition: 21 ი ლიმზϩრს იჩმუდახ ფუსნაბუა̄სდია̄ ჟახაჟი. ჴანი ტუფ (\ ტუფ ჴანიშ)) ჩუ
Line of edition: 22 ლϩკპი̄რე ქა ლეფრად ცხვენჟი ხუღვახ ი ჩუ ლϩფრან ჩვაცბუ̄რა̄ლიხ შოლტარდ ი
Line of edition: 23 იჴმარიხ ჩაფლარდ ი წემეშია̄ქდ. მუჭვარს ლა̄ჲდი̄ ჲერხი ქერახსდ იმϩრგიხ ი ჲერხი
Line of edition: 24 გეჩრე მუჭვარდ. Line of edition: 25 ჲერხი ღაბნა ჴანარს უსხვაჲდ ფუშდახ ჩუ ულტვად ი ვოხუშდ-უსგვა ლϩზაჲს
Line of edition: 26 აძჲენდახ უსხვობ ლადეღ ი ლესვფელად ლიმზϩრს იჩმინახ ი სკარობჟი ჩვედრიგვინახ
Line of edition: 27 უსხვა̄ჲ ლეღვს სოფელისა მეზგე̄ლე ნაშელდაჟი. თვით ლაგაფ ჩი̄ს ხეხვო̄ლ
Line of edition: 28 უსხვა̄ჲ ლეღვხენქა. ხედი ღაბნა ჴანარს უსხვაჲდ დო̄მ ლახგენნახ, ეჯის ჩვალტუდახ
Line of edition: 29 ი მϩშაჲ ჴანდ ცურახ ი ჲერხი̄ს ულტვად მავრანდალეჲა̄ქდ ცურახ. ჲერხი
Line of edition: 30 ლϩლოტ ჴან ჭანდ სედნო̄ლ ი ჭანდ მესდა ჴანს ლაბურჯჲელისა დეშ ხასრახ აშ ჴანარ,
Line of edition: 31 მარა ლივრჲელს დე̄მ ხეყჩენო̄ლხ ი ჭანდ მესდე ჴან ამშა ბედშვ ლირდე̄ ლაშდი̄ხა̄რ
Line of edition: 32 ლას ი მა̄მ ხოცხა̄ნდახ, ერე ჴან ჭანდ ემსედე̄ლას Добавлено (2007-06-25, 6:30 Pm)
---------------------------------------------
33 ჴანარს იმϩრგეხ: ლაჴანისა, ლანჭლი̄სა, ლაკლავისა, ლა̄ნწა̄ჲსა ი იშგენ ლაუღვ
Line of edition: 34 გვეშარისა. ლუფხვისა ჴანარს მო̄შ აჲესხ ლახვთე ი ფურალს მო̄შ ხაჭიმ მϩლდეღ.
Line of edition: 35 ჴანარს ხოხა ლიჯოგ ხაზნახ. ჴანარე ჯოგს მაჩე̄ნე ჴან მუთხვმიდ ხეთში ჯოგი
Line of edition: 36 სგობინ ი იშგენ ხაჭმიმხ მუთხვმის. ჴანარე ჯოგს დეშდვარ, დე მოშ თხე̄რე̄ლ ხობდავიხ
Line of edition: 37 ლიშგებს. ჴანარ ჟი ხეწე̄ნა̄ლხ უშხვა̄რ ი ჩვაცლϩ̄რეხ მუჭვარვშ მოშგებ ნადდირს.
Line of edition: 38 მადრე̄ნა ჴანი̄ლარს ნე̄სგა ჯოგთე იკვა̄ნეხ ი ხოჩულ ლუშვი̄ნე ჴანარ ხელჩეხ
Line of edition: 39 ი ხავჩიხ ნადირს დაცმულ ჴანი̄ლარს. Line of edition: 40 ვოშა̄ჲ ღენ ლϩზაჲ ი̄რიხ ჯანარ, ეჩის მუჭვარჟი ი შდიქარჟი ხათერხ. Line of edition: 41 ჲესიჲეს ჴანარს ჩუჩვარ ხეზგუნიხ ი ეჯკალიბ ჴანს ხოხრა ლϩგონ ხა̄ზ.
Line of edition: 42 "ჩუჩმაზგა̄რ ლოქ ლი ალ ჴან". ჲერხი ჴან ზისხს ისე̄რ ი ეჩქა ეჯკალიბ ჴანს ლალგვართე
Page of edition: 269 Line of edition: 1 აგნეხ ი ლაძჲენდ ამა̄რეხ. ხეზგუნიხ აჯაღ მე̄რმე-მე̄რმე ლეგლირდე̄ლ. ჲერხი ჟი
Line of edition: 2 იხჩოვი, ჲერხი ლეგლირდე ჩვადგარი. ალ ლეგლირდეს ჭიჭყინაჲს ხატუ̄ლიხ.
Line of edition: 3 ჭიჭყინაჲ ეჩქად ხვაჲ კუმაშს ადგარდა, მარა ათხე̄ დროჲჟი ჩჲა̄გ არიხ კუმში აქმარ ი
Line of edition: 4 ჩუ ხაშიდხ. Line of edition: 5 მϩცგϩლ ჴანრეშ კინჩხი მაზიგ ლი. მϩცგϩლ მაზგა̄რჟი ლევღვიდ მა̄მ ხაყახ
Line of edition: 6 ჴანარს ი ხა̄ჲქიმეხ. მϩცგϩლ ავდარჟი ლაუღვჟი ხეზგუნიხ. ჲერხი ჴან ლიზსხვრეს
Line of edition: 7 იბნე. ჲერხი ნალხავი ბედშვ ი ჲერხის ადმეკ ხოშვრი ი ეჩა ტარ ხა̄რ ლიზსხვრე.
Line of edition: 8 ადრა̄ჲ ხოშვრი. Line of edition: 9 კუმში ნაძჲენ გიმს შიშდ იმჴერიხ კუმაშ ლიქვნეგა̄ლშვ ი ლიბღუ̄ლის იბნეხ. Line of edition: 10 მაშე̄ნე ლϩგონ ხა̄ზ წϩრნი ჴანს, ლიშანურ ერ ი̄რი. თვეთვნა ჴანს ი ჭϩრელს --
Line of edition: 11 ხოხრა ლϩგონ ხა̄ზ. მეშხასი̄ დეშ ხა̄ზ წϩრნი ჴანზუმ ლϩგონ. ფურალ ფერდ მა̄მ
Line of edition: 12 სერდე ლიხ, ხოჩა მე̄შგ ლახ ჩუ ი̄რიხ. ხოჩა ლუმუჭ ჴან ხოშა ლესჲამე ლი. Line of edition: 13 ლეჩფϩლდ ხოლგონა ლი ჴანი ტუფ. მაჩე̄ნე ლი ჴანიშ ი ფური ტუფიშ ჯორაჲქა̄
Line of edition: 14 შოლტ. ლესგარეშს ხოდთხელა ხეფსი ი ჴადრა̄ ტუფს თელდ ხოდთხელა ხეფსი
Line of edition: 15 ი ძღϩდ ლϩგონ მა̄მ ხა̄ზ. Line of edition: 16 ჴანს ლოქ ხოქვა: "უსგვა ლადეღ ლოქ იმშაჲნი ი მე̄ჲშგვიდა ლადეღ ლოქ
Line of edition: 17 ჲერვა̄ჲდ ლახმϩშჲა̄ლვნას, ეჩის მეჴერუ ლოქ ლახფϩრე̄ნა ლერსგვენ". Line of edition: 18 დაცხ ჴან ხა̄ჲშხა ხოლა მეჩხფა ი მე̄ვარ დϩთხელ უმბეცა ჴანს. Line of edition: 19 მინეშთე ლაჴედჟი ჴანარს ხატულიხ: ,"აფს ნიშაჲ, აფს!" ლიჭო̄ნეჟი ხატუ̄ლიხ:
Line of edition: 20 "ხი, ა̄შ, მო̄შ, მო̄შ ლოქ"! "ა̄შ ლომაჲ, ა̄შ!" -- ჴანს ამჟი ხოძხა̄ლიხ. "ხი ანტხ, ხი Добавлено (2007-06-25, 6:30 Pm)
---------------------------------------------
21 ანტხ!" -- ხატულიხ ლატეხჟი. ლახ ხოტე̄ვეხ, ჲედ ხეცვა̄ლხ, ეჩქა ხატუ̄ლიხ: "ჰატ,
Line of edition: 22 თხე̄რელაჲ!" "იშ, იშ, იშ-ს ხატუ̄ლიხ ლაძხა̄ლიჟი. თელდ ჩუ ლაჩრავდ ჴანარს
Line of edition: 23 ეშ ხოწრუპუნიხ: "ნდოჰე!" ცარჲელ ლარკალჟი კუმაშს ჩი̄ს "გვაჰ, გვაჰს
Line of edition: 24 ხატუ̄ლიხ. ფურალს ,"ოდა გვაჰ, ოდა გვაჰ-ს ხატუ̄ლიხ. Line of edition: 25 წϩრნი ჴანიშ ი ფური ტუფ ხოჩა გეჭაჲ ლოქ ლი ი ქა ლავოდჟი̄ ხოშა ლϩგონ
Line of edition: 26 ლოქ ხა̄ზ ი სამარ-სუდარდ ხეთხე̄ლდახ ლეჩხვმარ. მეშხა ი თვეთვნა ჴანი ტუფს
Line of edition: 27 მა̄ ხა̄ზ ეჲზუმ ლϩგონ. Line of edition: 28 ჴანარს ხაზნახ ლიბღუ̄ლი ი ლიბღვი̄რჲელ. ლიღბვი̄რჲელ ხოჩა გუჟი ლარდაჟი
Line of edition: 29 ხაზნახ. Line of edition: 30 ჲერხი ჴანარ კϩ̄ლთხი ლუმუჭ ლიხ ი ჲერხი დამბალ. განთე მუჭვა̄რ ჴანს ი
Line of edition: 31 მეკვეშდ ლუმუჭს გვილაჲს ხატუ̄ლიხ, კϩ̄ლთხი ლუმუჭს კოჩაჲ ხაჟხა, ლϩჴმაშ ჴანს
Line of edition: 32 -- ლომაჲ, მეშხას -- გიშერაჲ, გვიჯი ფერიშს -- კვარაჲ, ფარს -- ვოსურაჲ, ვეჟან
Line of edition: 33 ჴანს -- ვოჟანაჲ. ლალგენას -- ფუსნაჲ, არვიცაჲ, ვოქვრე ფერიშს -- ქერაჲ, ჭϩრელს
Line of edition: 34 -- ტაღმაჲ, კაბაჲ. ჴანარე იშგენ ჟახე̄ლ ლიხ: ჯეგმაჲ, ნიშაჲ, თვალშავაჲ, გვრიტაჲ,
Line of edition: 35 ბეთქარ, ქუმა, ჯიხვაჲ, ღვინაჲ, გურკაჲ, ჯორაჲ, ბინგვაჲ, ბარდუხ, მურეშაჲ,
Line of edition: 36 ბერგელ, ბახსნაჲ, ქარაჲ, ფარნაჲ, ვეფხაჲ, წიქერაჲ, ბურთაჲ, ლემხერა, ვასკი,
Line of edition: 37 ფუთა, ფუსტა, ჲეტლაჲ, ყვითლაჲ, ჯანაჲ, ლილმაჲ, ბოთა, კუდაჲ, ბუაჩ, კოხდაჲ,
Line of edition: 38 ბურღვაჲ, გურმაჩ, ჯოკი, თახშაჲ, ჯიმშაჲ, ბოჩორაჲ, ნიკორაჲ, ცაგურ, თანღაჲ,
Line of edition: 39 ცხეკურ, ცხევრაჲ. Line of edition: 40
გრიშა ონიანი. სასაში. მაქსიმე ქალდანი. 22.იხ.1971 Line of edition: 1
Page of edition: 270
იგავი, სალაღობო Добавлено (2007-06-25, 6:30 Pm)
---------------------------------------------
. ასაბია̄ჲ ძალა Line of edition: 3 ლϩმა̄რე̄ლიხ სემი ლახვბა. ეჯჲარ ჩვერ ალϩ̄თე̄ლიხ, ხოხრა მუხბო̄ლაშდ
Line of edition: 4 დე̄სმა ლოხო̄თახ -- დე ქორ ი დე ქონება. ქა ლოხვოდახ დაბი მუხურ კარავი ლაგემდ
Line of edition: 5 ი ჲერდგულ ასაბიაჲ ჟ' ეშჭვა̄დე̄ნახ (\ ჟ'ასჭვა̄დე̄ნახ) ალე ჭყინტო̄ლს ი
Line of edition: 6 ჩ' ოთგემვნახ ხოჩა ქორ ი ქონებაი̄ ქა ლოხვოდახ. ალე ხოშა ლახვბას მა̄ჲ ქონება
Line of edition: 7 ხაღვე̄ნახ, ჩვათშდეხახ ი ასაბიაი̄ მა̄მ ხაყე̄ნახ მეწედ. ესრენ ასაბიაი̄ ლϩმა̄რე̄ლი
Line of edition: 8 მა̄რე̄მიშდ სიმდიდრე. Line of edition: 9
ალვერდი ჯამბურიძე. მარგვიში. მაქსიმე ქალდანი. 19.იხ.1971 |
| |
| | |
|
Мужчина |
Date: Понедельник, 2007-06-25, 6:32 PM | Message # 84 |
|
Group: Проверенные
Posts: 352
Status:Offline
Дата регистрации:
2006-09-07 |
უჯრავო̄ლია ჲეხვე ჟაგარ Line of edition: 11 ჯამზϩრას ღერთემ ი ამეჩუ არიხ ეშხუ ჲეხვ-ჭაშ. ჭაშს ჩი̄მი გარგლა ხასმო̄ლნა:
Line of edition: 12 მეგემი გარგლა, ლიციშ, მანგერიშ, ნეპო̄ლაშ, ჩი̄მიშ. ღე̄რთაშხენქა ხა̄რა
Line of edition: 13 ნა̄ქვის, ერე იშგენს დო̄ს ხექვას ეჯი გარგლა, მა̄ჲ მიჩ ხესმი. ეშხუ ლადეღ ჯეჲ ი
Line of edition: 14 მიჩა ჲეხვ ქ' ე̄მჩედე̄დიხ ზექრა̄ ძირთე. ეშჩუ ჴან ი წელ ხაბნენახ ეშხუდ. ჴანს
Line of edition: 15 ხოქვა წელიშდ, ერე "მაჲ ამბავ ლოქ ლი, მიჩ ლოქ ჩიგარ ხამშაჲა̄ლვნეხ, მიჩ ლოქ
Line of edition: 16 იქი-ა̄ქ ლოქ ე̄სა აჲესხ ლალა̄ბითე?" წელემ ხე̄ქვ, ერე "ჯეჲ ლოქ ხათო̄ნნე ქა,
Line of edition: 17 ჯეჲ ლოქ უმშაჲად ა̄რდეს". "ჲაღო ლოქ ქა̄ვ ხათო̄ნე", ჴანემ ხე̄ქვ. ეჩანღო წელემ
Line of edition: 18 ხათო̄ნე, ერე "ბა̄ზი ლოქ ჭემს ოხჴიდეხ, ნო̄სავ ლოქ ლალე̄მ ი მϩხარ დე̄მ ლოქ
Line of edition: 19 ადჲესხ ლამშაჲთე". ალე ღვაჟმა̄რას ქა ხასϩ̄ნდა ი ჩვათჩო̄ნ. ჲეხვ ლეხჭოდდა, ერე
Line of edition: 20 "მაჲ ლოქ ხაჩა?" ეჩქა ღვაჟმა̄რად მა̄ ხე̄ქვ, დაგრად ახჟალუ̄ნდა. ზურა̄ლ ხეკვი̄შა̄ლ:
Line of edition: 21 "ქა̄ვ ლოქ ხე̄ქვ". "მიჩ ლოქ მიჩა მალატ ლახშყედა, ეჯღა ლოქ ათჩო̄ნე̄ნა". Line of edition: 22 ზურა̄ლდ ჩვედჯირვე. ეჯი ლე̄თ ლეზობ ოხჴი̄და მოჯმაგი̄რს ჴანიშდ. ჴანს მა̄
Line of edition: 23 ლოხმამა. მოჯმაგი̄რს ხო̄ქვა ხაზეჲნიშდ, ერე ,"ჴანს ლოქ ლეზობ მა̄ ლოხმამა".
Line of edition: 24 ხაზეინდ ხა̄ქვ' ერე "ჴანი მაგჲორ წელო̄ლუ ლოქ ადჲე ლამშაჲთე, ჟივ ლოქ
Line of edition: 25 ესგე უ̄ღვა ი ძინარϩნღო ნებოზდ ხამშაჲა̄ლვნავ ლოქ ჩქა̄რდ". Line of edition: 26 მოჯმაგი̄რდ ეჲჟი ჩომინ. ნებოზს წელო̄ლ მაფშა̄რ სგ' ა̄ნჴიდ, ჩვესბეხ
Line of edition: 27 ჴანცახან. მე̄რმა ლადეღ ჲეხვ-ჭაშ ატახ ზექრათე. ჴანემ ხე̄ქვ წელო̄ლს, ერე "მაჲ
Line of edition: 28 ამბავ ლოქ ხასმა მიჩა ბედჟი?" ეჩქა წელო̄ლდ ხე̄ქვ, ერე "ხოლა ამბავ ლოქ ხასმა
Line of edition: 29 მიჩა ბედჟო̄ნ. მϩხარ ჩუ ლოქ აძჲენიხ!" "ჲაღო ლოქ მაჲ ხეშდენი სერ", ჴანემ
Line of edition: 30 ხე̄ქვ. "ჲაღო ლოქ ჯეჲ ხათო̄ნნე, მო̄ ლოქ ადძიახ ჯეჲ. ბა̄ზი ლოქ ლეზობ მასარდუ
Line of edition: 31 ლალე̄მ! მϩხარ ლოქ ქა̄ვ ესკვაჩხჲელე. ეჩქა ლოქ დე̄მ ადძი̄ჲნეხ". Line of edition: 32 ხაზეინს ჩვათჩო̄ნ, ალე გარგლა ერ ათსϩ̄ნდა. ჲეხვ სგ' ე̄თკვი̄შა̄ნ: "მაჲ ლოქ
Line of edition: 33 ათჩო̄ნე̄ნ?"ო̂დემ ლოქ ხაყლე. მა̄ ლოქ ხუღვა ღე̄რთაშხენქა ლი̄ქვი̄სი ნებ". ეჯი
Line of edition: 34 ჲეხვემ მა̄ ჩომინ: "ქა ლოქ ე დო̄მ ხაყლე, მიჩაცახან ლოქ დე̄მ იგნი". ჭაშემ
Line of edition: 35 ხე̄ქვ, ერე "მიჩ ლოქ ე ქა ხაყლე, ეჩქა ჯეჲ ჩუ ლოქ იდგარი. "მაჲ სერდე ლოქ
Line of edition: 36 ხა̄რ, ქა̄ვ ლოქ ხე̄ქვ, ჩუ ლოქ ედდაგრი, ჯეჲ ლოქ ეში̄ ქ' ე̄დწვი̄ლი. ეჩქა ჭაშემ
Line of edition: 37 ხე̄ქვ, ერე "ჯეჲ ჟი ლოქ ანხვრჲელნე მიჩა ნაღლი მა̄რას ი მიჩაი̄". Line of edition: 38 აჩადხ აგითე. ჟ'ანხვრჲელეხ ჲერქე̄და̄ში ასაბიაჲ. ეჯჲარს ათსკვრელϩ̄ნხ,
Line of edition: 39 იმნარ ლოქ ოხხვრჲელახ. "ჲაღო ჯეჲ ჩუ ლოქ იდგარი", ჭაშემ ხე̄ქვ. "იმნარ ლოქ Добавлено (2007-06-25, 6:31 Pm)
---------------------------------------------
40 იდგარი", ეჯჲარ ლეხჭოდდახ. ღვაჟმა̄რად ხე̄ქვ, ერე "ღე̄რთაშხენქა ლოქ ხუღვა
Page of edition: 271 Line of edition: 1 ნა̄ქვი̄ს, ერე მანგრა გარგლა იშგენს დო̄ს ხე̄ქვას. მიჩა ჲეხეს ლოქ მა̄დ ოხკი̄და აჯ.
Line of edition: 2 ქა ლოქ ე ხაყლე, ჩუ ლოქ იდგარი, დო̄მაი, დე̄მა ლოქ". Line of edition: 3 ეჩქა სგ' ე̄თჴϩ̄რა̄ნხ ჲერქედა̄ში ასაბჲაჲ ზურა̄ლს, ერე "ნომავ ლოქ ადგარი
Line of edition: 4 ჭაშს, ეჩა ნაუქვი̄სკღა მა̄მა ლოქ ხოჭირს''. ზურა̄ლდ მა̄ ჩომინ: "ვოდ ლოქ დო
Line of edition: 5 ხაყლე, ეჩქად ლოქ დე̄მ ხაყიჩ. ჟ ანმა̄რეხ ლაგვან. ხაზეინ ბაღთე აჩად. ყვიჩ
Line of edition: 6 ტუ̄ლი. ჟეღემ ხე̄ქვ, ერე "მაჲ ლოქ ხატუ̄ლვნი?" "მინე ხაზეინ ჩუ ლოქ იდგარი
Line of edition: 7 ლადი". "მაჲ ამბავ ლოქ ლი, ჩუ ლოქ ერ იდგარი, მაჲ თϩმი ლოქ ხა̄რ?" ჟეღემ
Line of edition: 8 ხე̄ქვ, ერე "მიჩა ჲეხვს ლოქ მა̄დ ოხკი̄და აჯ". "ლედგარიდ ლოქ ხოჩა მინე ხაზეინ:
Line of edition: 9 ჲეხვე გარგლა̄ გუ̄ნღა ლოქ თხუმს იდგარი". ყვიჩემ ხე̄ქვ: "მიჩ ლოქ სემეშდ ჲეხვ
Line of edition: 10 ხაყა ჲერხის ლოქ ხეფრება̄ლ, ჲერხის ლოქ ხატსი, ჲერხის ლოქ ხეღვროვა̄ლ,
Line of edition: 11 მაგ ლოქ მიჩა ში̄სა არი. მინე ხაზეინს ლოქ ეშხუ ჲეხვე ლი̄ზნანი მა̄ ხა̄ჲმედაჲა?
Line of edition: 12 ეჯი ლოქ ლედგარიდ ხოჩა". ეჩქა ჟეღემ ხე̄ქვ: "იმჟი ლოქ ხაკვერ ჩომნას ჲაღო?"
Line of edition: 13 ეჩქა ყვიჩემ ლახტიხ პასუხ: "ჲეშდჲერუ კვედელ ჟივ ლოქ ახქვიც მინე ხაზეინდ.
Line of edition: 14 სგავ ლოქ ადჲე ვოთახთე შდა̄შვდ, ჩუვ ლოქ ადტვიტვლე ი ეჯ კვედლარ ლოქ მაგ
Line of edition: 15 ლაყერს ჟივ ესჴიჩ. ეჩქა მიჩა ჲეხვ აჯს ლოქ ახკედ ი ჩი̄ს ლოქ ხოჯრავნი". Line of edition: 16 ალე ხაზეინს მაგ ქ' ა̄თსϩ̄ნდა. აჩად ცხეკთე, ჟ' ახჭკორე კვედლარ ი აგითე
Line of edition: 17 ანჴიდ. ჲეხვს ხე̄ქვ, ერე "სგავ ლოქ აჩადხ ვოთახთე შდა̄შვდ ი ქა ლოქ ხე̄ქვნე სერ ი
Line of edition: 18 ჯეჲ ჩუ ლოქ ედდაგრი. ჲეხვემ ხე̄ქვ: "კვედლარ ლოქ მაჲ სერდე ხა̄რ?" "მიჩ
Line of edition: 19 ლოქ მაჲ სე̄რდე ხა̄რ?" ხალხ მაგ ირჭა̄ლდა მიჩა მატკლებშვ. ჲეხვ-ჭაშ სგ' ა̄ჩადხ
Line of edition: 20 ვოთახთე. ჲეხვს ხე̄ქვ ჭაშემ, ერე "ეშხუ ჩუ̄ვ ლოქ ედიღა̄ლა̄ნ, ტვიტელ ლოქ
Line of edition: 21 მიჩა თხუმ ქა̄ვ ხაწვე̄ნე ლიდგარა̄ლთე". ზურა̄ლ ჩვედტვიტვლა̄ნ ი ხე̄ქვ, ერე "ქა̄ვ
Line of edition: 22 ლოქ ხე̄ქვ, იმღა ლოქ ხაჩონა̄ნა". ეჩქა ჭაშემ ხე̄ქვ, ერე "მა ლოქ ხატკლება̄ ჯეჲ
Line of edition: 23 ლედგარიდ? "მა̄მა ლოქ". "ჲაღო მი̄ მა̄მ მეტკლები̄ხი". -- პასუხ ლახტიხ
Line of edition: 24 ჭაშემ ი ხოჩიდ ი ხოჩიდ კვედლარ. ჲეშდეშხუ კვედელ ჟ' ესჴიჩ. ეშხუ კვედლე̄ლ
Line of edition: 25 ხოკლϩნ, ერე მიწა̄დ ესტუ̄ლე ზურა̄ლდ: "ჩუ ლოქ ნომავ ადგარი. ივალადეღ ლოქ
Line of edition: 26 დე̄სამამ ლე̄ქვნე მიჩა ხოლამ". ეჩქა ჭაშემ ჟ' ანფიშვდ ჲეხვ ი ქ' ა̄ნჴადხ ჲერქე̄და
Line of edition: 27 ლუვარ. ლაგვანი მაგჲორ ლიხჲადა̄ლ ჩომინხ ჩი̄ემ. Line of edition: 28 ათხე̄ დროჲჟი̄ნა უჯრავო̄ლია ლა̄ჲხვასი̄ ამჟი ხაკუ ლიჩომ. Line of edition: 29
სპირიდონ ონიანი. ჟახუნდერი. აკაკი შანიძე. 23.ვიი.1920 Добавлено (2007-06-25, 6:31 Pm)
---------------------------------------------
ღარიბ ი დიდარ Line of edition: 31 ლϩმა̄რე̄ლიხ ეშხუ ჲეხვ-ჭაშ. ეჯჲარს გუ̄ნ ღარიბდ ხა̄რე̄ნახ. დე ქორ ხაგნე̄ნახ,
Line of edition: 32 დე თეთრ ხაღვე̄ნახ, ერე ქორ ჩ' ოთგე̄ნხ. იმ იჩმინახ, დე̄სმა საშვალება ხუვა̄ნდახ.
Line of edition: 33 ეშხუ ლადეღ მვზებელი დუქანმოყ ღე̄რბეთს ხეჴϩ̄რა̄ლდა, ერე "თეთრუვ ლოქ
Line of edition: 34 ოხშიდ ჩუ!" ალე მედუქნედ ენსიმნე. ღარიბ აჯაღ ხეჴϩ̄რა̄ლდა ღე̄რბეთს. ანჴად
Line of edition: 35 მედუქნე, ჟ' აჩად დუქანი ლϩყა̄რთეჟი ი ეშხუ თუმანე̄ლ ჩვანკვა̄რ ი სგ' ო̄თშყად
Line of edition: 36 ტოტთე ღარიბ მა̄რო̄ლს. ეჲჟი ათხი̄დϩ̄ნდა, ერე მახჲადშვ ქა ღო̄თ ენმითრულა̄ნ.
Line of edition: 37 ერ ხეკვად აგითე ლი̄ზი. ანჴად მედუქნე მა̄რე ი ხე̄ქვე: "ქავ ლოქ ლამატხ თეთრ!"
Line of edition: 38 ღარიბო̄ლდ ხე̄ქვე: "ქა ლოქ ალმითრულე̄ლია̄?! ჯეჲ ლოქ ღე̄რბეთს ხაჴϩ̄რა̄ლნა
Line of edition: 39 ი თუმან სგა ლოქ ოხკვა̄რა ტოტართე̄ჲსა. მიჩ ლოქ მაჲ ხაკუ?" მარა მედუქნე
Line of edition: 40 ხაყლϩდა, ერე "ეჯი ჯეჲ ლოქ ლϩმა̄რე̄ლი, ერ ლოქ ხაჴϩ̄რა̄ლნა ღე̄რბეთს, ლახჟϩრნე̄ნა
Line of edition: 41 მიჩ ი ჩუ ლოქ ოხკვა̄რა ლϩყა̄რხენქა თუმნიან". მარა ღარიბო̄ლ დეჲამ
Line of edition: 42 ხოჯრავდა. მაჲ ხაკვერ ხოჩმი̄ნე̄ნ მედუქნო̄ლს. აჩად აგითე ი ქ' ო̄ხო̄მბვე მიჩა ჲეხვს.
Page of edition: 272 Line of edition: 1 "ამჟი-ამჟი ლოქ ლϩმა̄რე̄ლი გვეშ. ჲეხვდ ხე̄ქვე: "ეჯღაჲ-ამღაჲ ქა ხაკვერ (\
Line of edition: 2 ხეკვერ) ლოშჩივარად". მე̄რმა ლადეღ მედუქნო̄ლ აჩად ი ქა ხოშჩივარე, ერე
Line of edition: 3 "ღარიბო̄ლს ლოქ მიჩაშვდ თუმან ოთღა". მე̄რმა ლადეღ ღარიბო̄ლ ედჲერეხ
Line of edition: 4 მთავრობად. მედუქნო̄ლ აჩად მე̄რმა ლადეღ, ღარიბო̄ლს ხე̄ქვე: "მთავრობას ლოქ
Line of edition: 5 ოხმახა̄ლა, ერე მϩხარ ეჩეჩუვ ლოქ ა̄რდა ეჯღაჲ-ამღაჲ".. ღარიბო̄ლდ ხე̄ქვე: "მაჲ
Line of edition: 6 ჩომნა, დე ლერქვალ მუღვა, დე ჩა̄ჟ მაყა. იმჟი ონჴვე". მაჲ ხაკვერ ხოჩმი̄ნა̄ნ (\
Line of edition: 7 ხოჩმი̄ნე̄ნ) მედუქნო̄ლს. ღარიბო̄ლს ხე̄ქვე: "ძინარს მიჩაშთევ ლოქ ანჴად, ლერქვალს
Line of edition: 8 ი ჩა̄ჟს ჯეჲ ლოქ ლახდია̄ნნე". გაცხაჲ, მე̄რმა ლადეღ ქ' ეთლაკა̄ნ მედუქნო̄ლს.
Line of edition: 9 სგა ლენქვე ხოჩა ლერქვალვ ჟი ლახსგუ̄რდა ხოჩა რაშს ი აჩადხ. მთავრობად
Line of edition: 10 სგ' ე̄დჲერეხ ი ლეხჭოდდახ ღარიბო̄ლს: "იმნარ ლოქ ოთქვითა თეთრ ამშაშვდ?"
Line of edition: 11 ეჩქა ღარიბო̄ლდ ხე̄ქვე, ერე "ალე ლოქ გონვაჲ ლი ი ჲაღო ლეხჭოდდახ
Line of edition: 12 ლოქ, ერე ჲეშვა ლერქვალ ლოქ ხაქვ ი ჲეშა ჩა̄ჟ ლოქ ხაყა მიჩ". გაცხაჲდ,
Line of edition: 13 ლეხჭოდდახ მედუქნო̄ლს ი ეჯნე̄მ ხე̄ქვე: "ალეს ლოქ მიჩა ლერექვ ხა̄ქვ, მიჩა
Line of edition: 14 ჩაფლარ ხა̄ზ ი მიჩა ჩა̄ჟ ლოქ ჰა̄ყა". ლე̄ქვხ, ერე "ალე, გაცხაჲდ, ღორვაჲ ი გონვაჲ
Line of edition: 15 ლოქ ლϩმა̄რე̄ლი ი ხაჴიდხ იშთხვ, ქ' ა̄დკვა̄რხ ქა̄მთე. "ვოდ თელდ მოდ გვითვე̄ლა̄ხი,
Line of edition: 16 ეჩქად ლოქ ადერ აგითე!" ღარიბო̄ლს ჟ' ეხფერბა̄ნხ ი აფიშდვხ. მდიდარ
Line of edition: 17 მედუქნო̄ლ ჩვედღარბა̄ნ, ღარიბო̄ლ ჩვედდიდრა̄ნ. ჯამზϩრახ ღე̄რბეთდ! Line of edition: 18
მურისა გულბანი. სასაში. მაქსიმე ქალდანი. 20.იხ.1971 Line of edition: 19
ზღაპრები Добавлено (2007-06-25, 6:32 Pm)
---------------------------------------------
ხოშა ღირტყველა̄ლ Line of edition: 21 ჯამზϩრას ღერთემ! ამეჩუ არიხ ეშხუ ღარიბ ი დიდარ. ლეგვე̄რისა თვით
Line of edition: 22 ფოხალ ფექ ხუღვახ ლეგვეჲდ. სადილდ ღომ ანსყეხ. დიდარდ ხე̄ქვ, ერე "ხედნე̄მი
Line of edition: 23 ხოშა ლირტყველა̄ლ ლოქ ხე̄ქვახ უშხვა̄რ, ეჯის ლოქ ხა̄და ღომ". "ეზარ ლოქ,
Line of edition: 24 ჲაღო". ღარიბდ ხე̄ქვ. "ხონკვი ლოქ მიჯნე̄მუ ლე̄ქვე". Line of edition: 25 ლახა̄და ლა̄მბვის დიდარ. "მიჩა დი ლოქ ერ ხოშგმი̄ნა მიჩა მუს, ეჩქა ლოქ
Line of edition: 26 ჯეჲ ძღϩდ ბობშ ლϩმა̄რ. ზითევდ ლოქ ახყე̄ნა ფური ჯოგ მიჩა დის. მიჩ ლოქ ოთჲა
Line of edition: 27 ეჯჲარ ლახვთე, ლϩმϩ̄შგინ ლოქ ეჯჲარს ლახვს, ღარალ ლოქ ოხსყა აგითე. აგის
Line of edition: 28 ლოქ ხორგ ლოხგახ მინეშს ი ჩუ ლოქ ერ ლϩმϩ̄შგინ ფურალს, სგა ლოქ ხაგვშინა
Line of edition: 29 ლϩჯას ღარალთე ი ჩუ ლოქ ლϩმჴედო̄ლინ აგითე ღარალშვ. აგის ლოქ ხორგისა
Line of edition: 30 ჟი ლϩმყე̄ლინხ თაშს. ეშხვინ ლოქ თხე̄რე ემშყედ ღარალთე̄ჲსა. ჩუ ლოქ ოხჲა
Line of edition: 31 ლϩჯას, ჟი ლოქ ოხყე̄ლახ აგის თაშ, თხე̄რე ლოქ სგა ლახნეჩდე̄ნა თაშისა. ოხზϩზახ
Line of edition: 32 ლოქ მიჩაშდ სადილდ თაშ. მიჩა აფხნიკს ლოქ ლეღვ ახჴედა სადილდ. ხონკვი
Line of edition: 33 ლოქ თაშუ ლალე̄მხ. ჩუ ლოქ ოთქვი̄ცახ ქივ, ქა ლოქ ოხსკინა თხე̄რას. ჟი ლოქ
Line of edition: 34 ოსფხიჭა ლეღვდ ი ოთჲა. ჩუ ლოქ ოთცვი̄რა სადილურ მინ. ალე ლოქ ლი მიჩა
Line of edition: 35 ლირტყველა̄ლ." -- დიდარს ხო̄ქვა. Line of edition: 36 სერ ღარიბდ ლე̄ქვ: "ჲაღო ლოქ მიჩა მუს ერ ხოშგმი̄ნა მიჩა დი, ეჩქა ლოქ
Line of edition: 37 ჯეჲი̄ ძღϩდ ბობშ ლϩმა̄რ. ზითევდ ლოქ ახყე̄ნა მიჩა დის ლალღობა. ვოშა̄ჲ ლოქ
Line of edition: 38 ბუზუ̄ლ ლϩმარდ ეჩე̄ჲსა, ჩი̄ს ლოქ ქა ლϩმშϩლდანინ ჯეჲ. ძინარს ლოქ ლϩმფიშვდვინ
Line of edition: 39 ლამშაჲთე ჩი̄ს, ნებო̄ზს ლოქ ქა ლϩმშϩლდანინ. ეშხუ ნებოზს ლოქ ქ' ა̄სკვედა
Line of edition: 40 ეშხუ ბუზუ̄ლ. ემჩედ ლოქ ლϩყა̄რთეჟი ჯეჲ, ქა ლოქ ოსსგი̄დრა̄ლა, ჩ' ოსწნე̄ნა
Line of edition: 41 ლოქ მიჩა ბუზუ̄ლ, ეჩხენს სგა ლოქ ხაბნე̄ნახ ლაჴანს გუთანისა, ნებოზს ლოქ
Page of edition: 273 Line of edition: 1 ემჴედ გადარწიანებულ, კი̄ნჩხ ლოქ მეტყვფე ხა̄რა. მაჲ ლოქ ლახშიდ ალეს? ჲაღო
Line of edition: 2 ლოქ გაკა ზეთ ხა̄რ ხოჩა. ჟი ლოქ ოსგოშა კი̄ნჩხჟი, ჟი ლოქ ახჴედა გაკ, ჟი
Line of edition: 3 ლოქ ლახგენე̄ნა ყვა̄ვ გაკჟი, ოხფი̄შდვა ლოქ ვორა კვინძ, ჟი ლოქ ლახსედა გაკა
Line of edition: 4 კეცხჟი, ჟი ლოქ ასსიპე̄ნა ეშხუ ქცევა მინდორდ, ჟი ლოქ ემჩედ ეჩა ლაჴანთე. ჩუ
Line of edition: 5 ლოქ ოთჴანა, ჩუ ლოქ ოთლა̄შა კვეცენ, ჩუ ლოქ ალმϩჲე̄ლი, ჟი ლოქ ემჩედ
Line of edition: 6 ლათი̄ჲთე, ქა ლოქ ოხსკინა რეჭვს, ოხფი̄შდვა ლოქ ნაშდექ, მუჭვხენ ლოქ სგ'
Line of edition: 7 ა̄თჴალენა რეჭვს. ოთბინა ლოქ ლიჭმარა̄ლ ი ჟი ლოქ ოხთია ეშხუ ქცევა მინდორ ი
Line of edition: 8 ჩუჲ ალდაგრე̄ლი. ჩუ ლოქ ოთტუფუ̄რა, თხუმ ლოქ ჩ' ოთბი̄ჴვა. თხუმისა ლოქ
Line of edition: 9 ლაირ ხაღვე̄ნა". "მაჲ ლოქ ხაჲრე̄ნა ღო?" დიდარ ლეხჭოდდა. "ღარიბს ლოქ
Line of edition: 10 ღომ, დიდარს ლოქ ფაუ". სერ ღომ ჩ' ოსსად ღარიბს ი დიდარ მაჲდა̄რ ასად. Line of edition: 11
ქიშვარდ ონიანი. ჟახუნდერი. აკაკი შანიძე. 2.ვიიი.1920 Добавлено (2007-06-25, 6:32 Pm)
---------------------------------------------
. ქათლა ნაბიჴუ̄ლ Line of edition: 13 ჯამზϩრახ ღერთემ ი ამეჩუ არი ქათლა ნაბიჴუ̄ლ. ქ' ედϩნგზა̄რვა̄ნ კე̄სარშე̄რთე.
Line of edition: 14 სგობინ ლახხვი̄და თხე̄რე. "იმთე ლოქ ესღრი ჯეჲ ქათლა ნაბიჴუ̄ლ?" "კე̄სარშე̄რთე,
Line of edition: 15 ხიად". "კე̄სარშე̄რთე ლოქ ჯეჲ მა̄დეი, ჯეჲ ლოქ დეშ აბდავი". ,"ეჩა ღედ
Line of edition: 16 ლოქ ნომავ ხა̄რ! ანჩადუ ლოქ მიჩაცახან". "იმჟი ლოქ ანჩეს ამჟი, ჩუ ლოქ ესწვე̄ნეხ".
Line of edition: 17 "ნომავ ლოქ ჯაყლუ̄ნი, ჯეჲ ლოქ ადპეჟვნი. ლეჲკოდე აკვედ ი სგ' ე̄დკვა̄რ
Line of edition: 18 აკვედთე̄ჲსა. აჩად. სგა ლახხვი̄და სგობინ დეშდვ. "იმთე ლოქ ესღრი, ჯეჲ ქათლა
Line of edition: 19 ნაბიჴუ̄ლ?" "კე̄სარშე̄რთე ლოქ". "ჯეჲ ლოქ მა̄დეჲ, ჯეჲ ლოქ დეშ ღϩრი კე̄სარშე̄რთე.
Line of edition: 20 "ნომავ ლოქ ღედ ხა̄რ! ანჩადუ ლოქ მიჩაცახან!" "იმჟი ლოქ ანჩეს, ჩუ
Line of edition: 21 ლოქ დერ ესწვე̄ნნეხ". "ჯეჲ ლოქ ადპეჟვნი". ლეჲკო̄დე აკვედ ი სგა ლეჲკვა̄რ.
Line of edition: 22 აჩად. ლახხვი̄და სგობინ მა̄ლ. ."იმთე ლოქ ესღრი, ჯეჲ ქათლა ნაბიჴუ̄ლ?"
Line of edition: 23 "კე̄სარშე̄რთე ლოქ". "კე̄სარშე̄რთე ლოქ ჯეჲ მა̄დეი, ჯეჲ ლოქ დეშ აბდავი". "ნომავ ლოქ
Line of edition: 24 ღედ ხა̄რ! ანჩადუ ლოქ მიჩაცახან!" "იმჟი ლოქ ანჩეს, ჩუ ლოქ ესწვე̄ნნეხ".
Line of edition: 25 "ნომავ ლოქ ღედ ხა̄რ! ჯეჲ ლოქ ადპეჟვნი". ლეჲკო̄დე აკვედ ი სგ'ე̄დკვარ
Line of edition: 26 აკვედთე̄ჲსა, აჩად. სგა ლახა̄გა̄ნ კე̄სარშე̄რს. "მინ ტიშა̄რუ, მინ ზისყა̄რუ, ქავ
Line of edition: 27 ენსგიდდახ ყო̄რქა!" ქ' ე̄ნსგიდდა მომსახურ. "და̄რ ლოქ არი ქა̄მ. ქათლა ნაბიჴუ̄ლ Line of edition: 28 ქა, ადჲეხუ, სგავ აკდვა̄რხ ლაჴნი̄რთე̄ჲსჲა!" სგ' ა̄დკვა̄რხ. ლეჲკოდე აკვედ,
Line of edition: 29 ქ' ა̄ნფიშვდ დეშდვ. ჴანარ მაგ ყვლაფდ ადგენე. "არიქა, ლახმი̄რთევ ადკვა̄რხ"
Line of edition: 30 სგა̄დკვა̄რ. ანფიშდ თხე̄რე, მაგ გϩნჯილდ ადგენე ხამარ. "არიქა, ლაბტი̄რთევ
Line of edition: 31 ადკვარხ!" სგ' ა̄დკვა̄რხ. ანფიშვდ მა̄ლ. ესა̄და ბატარს, კი̄ნჩხარ ქ'ა̄თშგϩბϩ̄რე ჩი̄ს.
Line of edition: 32 "რიქა, ჟივ ანტყაბეხ!" ანჴიდხ, ჟ' ოხხელეხ. სგა̄ხი ერ ტϩხეხ: "მϩცხი ლოქ ხა̄რ".
Line of edition: 33 ი ერ ტϩხეხ: "ათვი ლოქ ხა̄რ". "არიქა, ქავ ოხჴიდხ, ჩუ ლოქ იზბი ლუვარდ".
Line of edition: 34 ქ'ო̄ხჴიდხ ი ჩვადუნტყვე. ტუ̄ლი ჴადხენქა: "მინ ტიშა̄რუ, მინ ზისყა̄რუ, დეშ
Line of edition: 35 ხე̄რიხა, მანგერ მაგ ჩ' ოთყუჩუ̄რა! ..."დეშ ლოქ ხე̄რია̄, კუმაშ ლოქ მაგ
Line of edition: 36 ჩ' ოთგϩლϩ̄რა, ჯეჲ ლოქ ჩ' ოთდაგრა". ხეშა̄ნა̄ლდა ამჟი ხვა̄ჲ ხანს. ჯამზϩრახ ღერთემ! Line of edition: 37
ნესტორ ონიანი. სასაში. აკაკი შანიძე. 29.ვიიი.1920 Добавлено (2007-06-25, 6:32 Pm)
---------------------------------------------
ტიში̄ლ ი ზისყი̄ლ Line of edition: 39 ჯამზϩრახ ღერთემ! ამეჩუ არიხ ტიშ ი ზისყ. ჩვედკϩრძა̄ნდახ ი აჩადხ შუკვს. Line of edition: 40 შუკჟი̄ნენ ქა ლე̄ზი კოჭო̄ლ ნიცი̄ლ ახხვი̄დახ. ტიში̄ლდ ლე̄ქვ, ერე
Line of edition: 41 "ქა̄ვ ლოქ ადსკინეხ! მარა მიჯნე̄მ ლოქ დო̄ვ დოშ ადსკინე, მარა ეში̄ ქა̄ვ
Page of edition: 274 Line of edition: 1 ადსკინეხ". ანსკინეხ ი ტიში̄ლ სგ' ა̄შყად ლიცთე̄ჲსა. ზისყი̄ლდ ქ'ა̄კვაფხ, ტიში̄ლ ჟი
Line of edition: 2 ლეხსად წვანილ ბალახე̄ლს, ტიში̄ლ ესϩმწა̄რვჲელა̄ნ |
| |
| | |
|
Мужчина |
Date: Понедельник, 2007-06-25, 6:34 PM | Message # 85 |
|
Group: Модераторы
Posts: 990
Status:Offline
Дата регистрации:
2006-08-29 |
2 ლეხსად წვანილ ბალახე̄ლს, ტიში̄ლ ესϩმწა̄რვჲელა̄ნ ზისყი̄ლს: "ა, საბა, მიჩა
Line of edition: 3 კერძმა̄რე ზისყი̄ლ. აჩადუ ხამთე ი ქულავ ხაშგმინ. ღო ჟი ლოქ ანშტϩრნი ი ჟი ლოქ,
Line of edition: 4 ენი̄ყნე მიჩ". Line of edition: 5 აჩად ზისყი̄ლ ხამთე, ხე̄ქვ: "ა, საბა ხამ, კოჭი̄ლ ქული̄ლუ ლახი̄მ. ჟი ლოქ
Line of edition: 6 ანშტϩრნი ი მიჩა კერძმა̄რა ტიში̄ლს ლოქ ენი̄ყნე". Line of edition: 7 ხამემ ხე̄ქვ: "მიჩ ერ მიჩაშვდ შგვიბ ოხჴი̄და, ეჯღა ლახო̄დნე ქულას". Line of edition: 8 აჩად ღალ ზისყო̄ლ ჯი̄რათე, "არიქა, ჯი̄რა, კოჭო̄ლ შგვიბი̄ლ ლოქ ლახო̄მ!
Line of edition: 9 ხამს ლოქ ოთჴიდე, ხამ ლოქ ქულას ლახი̄დი, ჟი ლოქ ანშტϩრნი, სგა ლოქ ოთკვა̄ნნე
Line of edition: 10 ნიცთე̄ჲსა იჟი ლოქ ენი̄ყნე მიჩა კერძმა̄რა ტიშს". ჯი̄რად ხე̄ქვ: "მიჩ ერ მი
Line of edition: 11 ჩაშვდ ჴაჩვარ ოთუჩა (var. ოთყი̄ჩა), ეჯღა ლახო̄დი შგვიბს". Line of edition: 12 აჩად ღალ ზისყი̄ლ ჴა̄ჩუთე. "ბატო მიჩა ჴა̄ჩუ, ჯი̄რასუ ეთყაჩ! ჯი̄რა ლოქ
Line of edition: 13 შგვიბს ლახო̄დი, შგვიბს ლოქ ხამს ოთჴიდე, ხამ ლოქ ქულას ლახო̄დი, ქულას
Line of edition: 14 ლოქ ჟ' ანშტϩრნი, სგა ლოქ ოთკვა̄ნნე მიჩა კერძმა̄რა ტიში̄ლს ი ჟი ლოქ ენი̄ყნე
Line of edition: 15 ნიცხენჟი". Line of edition: 16 ჴა̄ჩუდ ხე̄ქვ: "მიჩ ლოქ ერ მიჩაშვდ წიწილო̄ლ ოხჴი̄და, ეჯღა ათყიჩ ჯი̄რას". Line of edition: 17 აჩად ღალ ზისყილ ქათლო̄ლაშთე. "ბატო მიჩა დედვ, წიწლო̄ლუ ლახო̄მ.
Line of edition: 18 წიწილს ლოქ ჴა̄ჩუს ოთჴიდე, ჴა̄ჩუ ლოქ ჯი̄რას ათყიჩ, ჯი̄რა ლოქ შგვიბს ლახო̄დი,
Line of edition: 19 შგვიბს ლოქ ხამს ოთჴიდე, ხამ ლოქ ქულას ლახო̄დი, ქულას ლოქ ანშტϩრნი, სგა
Line of edition: 20 ლოქ ოთკვა̄ნნე მიჩა კერძმა̄რა ტიში̄ლს ი ჟი ლოქ ენი̄ყნე ნიცხენყი". დედვემ ხე̄ქვ:
Line of edition: 21 "მიჩ ერ მიჩაშვდ ფეტვ ოხჴი̄და, ეჯღა ლახო̄დი წი̄წილს". აჩად ღალ ზისყი̄ლ,
Line of edition: 22 სგა ლახა̄გა̄ნ ვორმოს. "ბატო მიჩა ვორმო, კოჭო̄ლ ფეტუ̄ლუ ლახო̄მ: ფეტვს ლოქ
Line of edition: 23 დედვს ოთჴიდე, დედვ ლოქ წიწილს ლახო̄დი, წიწილს ლოქ ჴა̄ჩვს ოთჴიდე, ჴა̄ჩუ
Line of edition: 24 ლოქ ჯი̄რას ათყიჩ, ჯი̄რა ლოქ შგვიბს ლოხო̄დი, შგვიბს ლოქ ხამს ოთჴიდე, ხამ
Line of edition: 25 ლოქ ქულას ლახო̄დი, ქულას ლოქ ჟ' ანშტϩრნი, სგა ლოქ ოთკვა̄ნნე მიჩა კერძმა̄რა
Line of edition: 26 ტიშს ი ჟი ლოქ ენი̄ყნე ნიცხენჟი". ვორმოდ ხე̄ქვ: "მიჩ ლოქ მიჩაშვდ შდუგვარ
Line of edition: 27 ოთუჩა, ეჯღა ლახო̄დი ფეტვს. Line of edition: 28 აჩად ღალ ზისყო̄ლ შდუგვთე. "ბატო მიჩა შდუგუ̄ლ. ვორმოსვ ეთყაჩ: ვორმო
Line of edition: 29 ლოქ ფეტვს ლახო̄დი, ფეტვს ლოქ დედვს ოთჴიდე. დედვ ლოქ წიწილს ლახო̄დი,
Line of edition: 30 წიწილს ლოქ ჴა̄ჩუს ოთჴიდე, ჴაჩუ ლოქ ჯი̄რას ათყიჩ, ჯი̄რა ლოქ შგვიბს ლახო̄დი,
Line of edition: 31 შგვიბს ლოქ ხამს ოთჴიდე, ხამ ლოქ ქულას ლახო̄დი, ქულას ლოქ ჟ' ანშტϩრნი,
Line of edition: 32 სგა ლოქ ოთკვა̄ნნე მიჩა კერძმა̄რა ტიში̄ლს ი ჟი ლოქ ენი̄ყნე ნიცხენყი".
Line of edition: 33 შდუგვდ ხე̄ქვ: "მიჩ ლოქ ერ მიჩაშვდ ციცვ ოთყი̄ჩა". აჩად ღალ ზისყი̄ლ, ლახა̄გა̄ნ
Line of edition: 34 ციცვს: "ბატო მიჩა ციცვ, შდუგვსუ ეთყაჩ: შდუგვ ლოქ ვორმოს ათყიჩ, ვორმო
Line of edition: 35 ლოქ ფეტვს ლახო̄დი, ფეტვს ლოქ დედვს ოთჴიდე, დედვ ლოქ წიწილს ლახო̄დი,
Line of edition: 36 წიწილს ლოქ ჴა̄ჩუს ოთჴიდე, ჴა̄ჩუ ლოქ ჯი̄რას ათყიჩ, ჯი̄რა ლოქ შგვიბს
Line of edition: 37 ლახო̄დი, შგვიბს ლოქ ხამს ოთჴიდე, ხამ ლოქ ქულას ლახო̄დი, ქულას ლოქ
Line of edition: 38 ჟ' ანშტϩრნი, სგა ლოქ ოთკვა̄ნნე მიჩა კერძმა̄რა ტიში̄ლს ი ჟი ლოქ ენი̄ყნე ნიცხენჟი".
Line of edition: 39 ციცვემ ხე̄ქვ: "მიჩ ერ მიჩაშვდ შველი̄ლ ოხჴი̄და, ეჯღა ათყიჩ შდუგვს". Line of edition: 40 აჩად ღალ ზისყი̄ლ ფურთე, ხე̄ქვ: "ბატო მიჩა ფურო̄ლ, კოჭო̄ლ შველი̄ლუ
Line of edition: 41 ლახო̄მ: შველს ლოქ ციცვს ოთჴიდე, ციცვ ლოქ შდუგვს ათყიჩ, შდუგვ ლოქ ვორმოს
Line of edition: 42 ათყიჩ, ვორმო ლოქ ფეტვს ლახო̄დი, ფეტვს ლოქ დედვს ოთჴიდე, დედვ ლოქ
Line of edition: 43 წიწილს ლახო̄დი, წიწილს ლოქ ჴა̄ჩვს ოთჴიდე. ჴა̄ჩუ ლოქ ჯი̄რას ათყიჩ, ჯი̄რა ლოქ
Page of edition: 275 Line of edition: 1 შგვიბს ლახო̄დი, შვგვიბს ლოქ ხამს ოთჴიდე, ხამ ლოქ ქულას ლახო̄დი, ქულას
Line of edition: 2 ლოქ ჟ'ანშტϩრნი, სგა ლოქ ოთკვა̄ნნე მიჩა კერძმა̄რა ტიში̄ლს ი ჟი ლოქ ენი̄ყნე
Line of edition: 3 ნიცხენჟი". ფურემ ხე̄ქვ: "მიჩ ერ მიჩაშვდ ჭემი̄ლ ოხჴი̄და, ეჯღა ლახო̄დი შველს". Добавлено (2007-06-25, 6:33 Pm)
---------------------------------------------
4 აჩად ღალ ზისყი̄ლ ლა̄რათე, ხე̄ქვ: "ხიად მიჩა ლა̄რე, კოჭოლ ჭემი̄ლუ
Line of edition: 5 ლახო̄მ! ჭემს ლოქ ფურს ოთჴიდე, ფურ ლოქ შველს ლახო̄დი, შველს ლოქ ციცვს
Line of edition: 6 ოთჴიდე, ციცვ ლოქ შდუგვს ათყიჩ, შდუგვ ლოქ ვორმოს ათყიჩ, ვორმო ლოქ
Line of edition: 7 ფეტვს ლახო̄დი, ფეტვს ლოქ დედვს ოთჴიდე, დედვ ლოქ წიწილს ლახო̄დი,
Line of edition: 8 წიწილს ლოქ ჴა̄ჩუს ოთჴიდე, ჴა̄ჩუ ლოქ ჯი̄რას ათყიჩ, ჯი̄რა ლოქ შგვიბს ლახო̄დი,
Line of edition: 9 შგვიბს .ლოქ ხამს ოთჴიდე, ხამ ლოქ ქულას ლახო̄დი, ქულას ლოქ ჟ' ანშტϩრნი,
Line of edition: 10 სგა ლოქ ოთკვა̄ნნე მიჩა კერძმა̄რა ტიში̄ლს ი ჟი ლოქ ენი̄ყნე ნიცხენჟი". Line of edition: 11 ლა̄რად ხე̄ქვ: "მიჩ ერ მიჩაშვდ ნიც ხოფი̄შვდა (var. ოხფი̄შვდა)". Line of edition: 12 აჩად ღალ ნიცთე. ნიც ოხფიშვდ ლა̄რას, ლა̄რად ჭემ ლახო̄მ, ჭემ ფურს
Line of edition: 13 ოთჴიდ, ფურდ შველ ლახო̄მ, შველ ციცვს ოთჴიდ, ციცვ შდუგვს ეთყაჩ, შდუგვ
Line of edition: 14 ვორმოს ეთყაჩ, ვორმოდ ფეტვ ლახო̄მ, ფეტვ დედვს ოთჴიდ, დედვდ წიწილ ლახო̄მ,
Line of edition: 15 წიწილ ჴა̄ჩუს ოთჴიდ, ჴა̄ჩუ ჯი̄რას ეთყაჩ, ჯი̄რად შგვიბ ლახო̄მ, შგვიბ ხამს
Line of edition: 16 ოთჴიდ, ხამემ ქულა ლახო̄მ, ქულა ჟ'ანშტϩრნე ბა̄გი̄რდ ი სგ' ო̄თკვა̄რ ნიცთე̄ჲსა
Line of edition: 17 მიჩა. კერძმა̄რა ტიში̄ლს. ტიში̄ლ ჟი ლეხბოლა̄ნ ბა̄გი̄რს ი ჟ' ენი̄ყეჩჩ ნიცხენჟი. Line of edition: 18
ნესტორ ონიანი. სასაში. აკაკი შანიძე. 29.ვიიი.1920 Добавлено (2007-06-25, 6:33 Pm)
---------------------------------------------
ქათლა ნაკვიშ ჯიმილ-დაჩურ
Line of edition: 20
(ყურშაჲ ი ყარჩაჲ) Line of edition: 21 ჯამზϩრახ ღერთემ! ამეჩუ არიხ ეშხუ ჲეხვ-ჭაშ ი ხაყახ ეშხუ ქათლო̄ლ, თვით
Line of edition: 22 ლϩგრას ჩი ლადეღ ანგრე ი ამნოვშ ისე̄ლვეხ თხუმს. ჲეხვს ათა̄და ეშხუ ლადეღ:
Line of edition: 23 "ჩუ̄ვ ადძიეხ ალ ქათლო̄ლ". ჭაში̄ლ დე̄მ იჩმϩდა, მარა ჲეხვემ მა̄ ჩომინ ი სგა
Line of edition: 24 ლახა̄რვნე გეჩს ლაშე̄რას. ალე ესწვე̄ნე ქათალდ ი ედბინე ლიკარკა̄ცი ი ქ' ა̄პარ. აჩად
Line of edition: 25 ი სგ' ა̄ჩად ეშხუ ბა̄რღვ მეგემთე̄ჲსა. ადϩნგϩრე, ხვაჲ ერ ადϩნგϩრე,
Line of edition: 26 ღოშგიმპილს ქ'ე̄ნკვიშ დი̄ნა ი ჭყინტ. ჟ'ენϩრდე ი სერ ლირდი ერ მო̄ ხე̄ჲმედა̄ნ,
Line of edition: 27 აფიშვდ ი ქა ლახო̄მ მიჩა ღალე ი ჩვადმეზრე ი ხე̄ქვ: "იმჟჲ ლოქ ხოჩა ნიც ლე̄სს
Line of edition: 28 ი ხოჩა მინდორ, ეშჩუ̄ნენ ჟივ ანკაჩეხ ალ ღალე ი ჟი ლოქ ენგი ხოჩა ლარდა-
Line of edition: 29 ლაზგა. ჟივ ანტაფე ი გალვან ეხჭემნი". ამჟი ჩვადშგურა̄ნე ი აფიშვდ. ანჩად ძღϩდ ა̄
Line of edition: 30 კოჭო̄ლ, ჟ'ახხვი̄დახ ხოჩა მინდორ. ანკაჩეხ ღალე ი ჟ'ენშენვა̄ნ ხოჩა ლარდა-
Line of edition: 31 ლაზგა. ანტაფეხ ღალე, ქ' ე̄ხჭამ ხოჩა გალვან. არიხ ხვაჲხანს ი ეშხუნღო̄ნენ აჩად ალ
Line of edition: 32 ჭყინტ ლათხვიართე. ლახხვი̄და ეშხუ მეჩი მა̄რე ალ ჭყინტს ი ხე̄ქვ: "სგა̄ვ ეხბϩრგა̄ნდა".
Line of edition: 33 "იმე ლოქ მინე ლიბϩრგიჲელ: ჯეჲ ლოქ მახე მა̄რე ლი ი ჯეჲ მეჩი". "სგავ
Line of edition: 34 ეხბϩრგა̄ნდა". ჩვედბϩრგა̄ნდახ. ჩვედნახე ალ მეჩი. მეჩი მა̄რად ხე̄ქვ: "ჩუვ აბიჴვ
Line of edition: 35 ჴადჟი". "იმნარ ლოქ აბჴვე". "ჩუვ აბიჴვ, მო̄მავ ხო̄ზა," ენკიდ ხმალ ი ჩვაბიჴϩ
Line of edition: 36 ჴადჟი, ჟ' ენკიდ ჴადხენჟი ხმალ ი ანჲე. ალე ხმალი ლიხვჲე მე̄ვარ ხახჲადϩ̄ნდა ი
Line of edition: 37 ეზარ ალ ხმალ. აჩად აგითე ძღϩდ ლϩხი̄დე. ეშხუ ნაგზი ქა ლახა̄და, ეჩანღო̄ნენ
Line of edition: 38 აჯაღ აჩად ლათხვიართე. აჯაღ ლახხვო̄და მეჩი მა̄რე ი ხე̄ქვ: "სგა̄ვ ეხბϩრგა̄ნდა."
Line of edition: 39 დემ იჩმϩდა მახე ჭყინტ, მარა მა ხაყერ მეჩი მა̄რად. სგ' ე̄ხბϩრგა̄ნდა ი ჩვენნახე
Line of edition: 40 მეჩი მა̄რე. მეჩი მა̄რად ხე̄ქვ: "ჩუვ აბიჴვ ჴადჟი̄ნენ". ჩვაბიჴვ ი ჟ' ენი̄ყე ამშა
Line of edition: 41 ჴადხენჟი ეშხუ უ̄ღეა ფეკვნარ. ალჲარ მე̄ვარ ხახი̄ადხ ალ ჯიმილ-დაჩურს ალჲარე
Page of edition: 276 Line of edition: 1 ლიყე̄ნე ი ხოწვა̄ჲ და̄ს ალჲართა̄ნ, ეშთა̄ნარ ლიხ. მესმა̄მდ აჯაღ აჩად ი სგა ლახხვი̄და
Line of edition: 2 სგობინ მეჩი მა̄რე ი ხე̄ქვ: "სგა̄ვ ეხბϩრგა̄ნ". სგ' ე̄ხბϩრგა̄ნ, ჩვენნახე მეჩი მა̄რე.
Line of edition: 3 მეჩი მა̄რად ხე̄ქვ: "ჩუვ აბიჴვ ჴადჟი". დე̄მ იჩმϩდა ალ ჭყინტ, მარა ჩვაბიჴვ ი
Line of edition: 4 ჟ' ენი̄ყე ხოჩა რაშ ი ანჲე აგითე. ამთა̄ნ და̄ს ხოწვა. ეშთა̄ნ ლი, ერე მა̄მა ხოჩა ამშა
Line of edition: 5 ლისგდის. მოუშთხვა̄მდ აჯაღ აჩად ი ლახხვი̄და აჯაღ მეჩი მა̄რე. ხე̄ქვ ალ
Line of edition: 6 ჭყინტს, ერე "სგავ ეხბϩრგა̄ნდა". დემ იჩმϩდა ალ ჭყინტო̄ლ, მარა ძალა ხაყერ ი
Line of edition: 7 სგა ეხბϩრგა̄ნდა ი ჩვენნახე მეჩი მა̄რე. მეჩიდ ხე̄ქვ: "ჩუვ აბჴვ". ალე დე̄მ იჩმϩდდ,
Line of edition: 8 მარა მა̄ ხაყერ ალ მეჩიდ. ჩვაბიჴვ ჴადჟი. ჟ'ოხკიდ ჴადხენჟი ცხულა̄ჴემეტ ი ანჲე
Line of edition: 9 აგითე. ალ ხანისა მიჩა დაჩურ კე̄სრი გეზალს ლოხმალტუ̄ნა. ანსაქმეხ ამშა დაჩურდ
Line of edition: 10 ი ალ კე̄სრი გეზალდ, ერე:"ალე მიჩა ჯიმილ ლოქ ადინე ლათხვიართე ი
Line of edition: 11 ადზϩზევ ლოქ ჯარ ი ჩუვ ადგარხ". აჩად მე̄რმა ლადეღ, ადზϩზე ჯარ, ოსხვი̄და ალ Line of edition: 12 ჭყინტს ი ოხჴადხ ლიცვა̄ლ, ეშხუ დე̄სა ანფიშვდ მუ̄მბვიდ აგითე. მე̄რმა ლადღიშვდ
Line of edition: 13 ჲერუ ეჲზუმ ჯარ ადზϩზე, მარა ეში̄ დეშსამა ხაყერხ. კე̄სრი გეზალდ ხე̄ქვ:
Line of edition: 14 "არიქა, მϩხრი̄შვდ ჟეღარუ ლოქ ათცვირვნე". ანჴად ნებოზს ალ მიჩა ჯიმილ,
Line of edition: 15 ხე̄ქვ: "ჯეჲ ლოქ ლათხვიართე ესღრი ი მიჩ ლოქ ჩუ ცურე შდა̄შვდ". "ჩუვ ოსცვირ
Line of edition: 16 ჟეღარ მϩხარ ი ხეშდრა̄ლნი ლოქ ეჯჲარს". "ეზარ ლოქ, ჩუ ლოქ ოსცვირე".
Line of edition: 17 მე̄რმა ლადეღ ჲერუ ეჯზუმ ჯარ ადზϩზე. მარა რაშემ ი მიჩა ხმალშვ ჟ' ანხვიტ კე̄სრი
Line of edition: 18 გეზლა ჯარ. ნებოზს ხე̄ქვ: "არიქა, მϩხრი̄შვდ ლოქ ნო̄თი რაში̄ ჩუ მოშ ათვირვნას".
Line of edition: 19 ანჴად ნებოზს ი ხე̄ქვ: "ჟეღარს ლოქ მაჲ ლეხშდაბნენდეს, რაში̄ ჩუვ
Line of edition: 20 ოსცვირ". ჩ' ოსცვირ რაში̄. მე̄რმა ლადეღ ვო̄შთხვ ეჯზუმ ჯარ ადზϩზე. ოსხვი̄დახ
Line of edition: 21 ჩუ ი მე̄ვარ ღალ ოხჴად თϩმი. ესϩმწარვჲელა̄ნ ყარჩა-ყურჩას, მარა დე̄სა ხასϩ̄ნდახ.
Line of edition: 22 ესრენ ეჩის ჟეღარ ჩ' ოთჭებდა ვორმო̄ჲსა ი შტიმრა̄ლ ფისავშ ოხგუმე̄რა. ყურშაჲს
Line of edition: 23 ხო̄ქვა ყარჩა̄ჲშვდ: "ქავ ოხფხინკო̄რე შტიმ ი ხასϩ̄ნდახ მინე პატრონი ჲერ.
Line of edition: 24 ეთზუმ ესცოდლა̄ლეხ, ერე ჟანჴადხ ვორმოხენჟი ი რაშს ლეხბაჟა̄ნხ ი ეჯი̄
Line of edition: 25 ჟ' ანფიშდვხ ი აჩადხ მინე მახვში̄შთე ი ჟ' ანკიდხ კე̄სარ ი მიჩა ჯარ მაგ. სერ მაჲ
Line of edition: 26 ჩომნახ. ანსაქმეხ ამჟი: "ყო̄რსგა̄მენ ლოქუ ლეხპაჟვ ი ერ ლოქ ანჴეს მიჩა ჯიმილ,
Line of edition: 27 ხაძგერუ გეჩ ი ჩუვ ადგარ!" ამჟი ჩომინ. ჩ'ოსდარჯე ყო̄რსგა̄მენ ი ხაძგერ მუჭოდისა
Line of edition: 28 გეჩ ი ჩვადგარ. რაშ ი ცხულა̄ჴემეტ ი ხმალ ადჲეხ ი ჟეღარ დეშმა ადჲეხ. ალე Добавлено (2007-06-25, 6:34 Pm)
---------------------------------------------
29 ზურა̄ლ ადჲე კე̄სარი გეზალდ ი ქორწილ ხა̄რხ. ჟეღარ ირჭა̄ლდახ ი ესფიქრეხ:
Line of edition: 30 "აჩადხუ ამშა დიეშთე". აჩადხ ღალ ი აჴადხ ი ქათალდ ღალე ლახო̄მ: ო̂"ქავ ოხცვიეხ
Line of edition: 31 ლϩქაჩქა ი ჟი ლოქ ანხო̄ჩვიხ". ალჲარდ ღალ ლასკნა̄ლუშ ადჲეხ ღალე ი ქოსცვიეხ
Line of edition: 32 ლϩქაჩქა ი ჟ' ანგე̄ნდა, ათა̄და: "ყოჰჰო, მაჲზუმ ლოქ ათგე̄დნე̄ნა". ჟეღარდ
Line of edition: 33 ხე̄ქვხ: "სამბრა, ჩუ ლოქ ოთდაგრახ ი იმსგია ლივჟე ლოქ. მიჩა დაჩურ ლოქ
Line of edition: 34 ოთჲახ". ალე ჭყინტ აჩად. მეღორე̄შთე ი ხე̄ქვ: "მიჩა ლერქვალ მიჯნე̄მუ ლეჲქვე
Line of edition: 35 ი მიჩა ლერქვალ მიჩუ ლახო̄მ". "იმღა ლოქ დო̄მა, მარა მინე ხამარ ბოგქა ჭიშხჟი
Line of edition: 36 უყა̄ლად დე̄მ ლოქ ღϩრიხ ი ეშხუ ლეხდილე̄ლ მიჩა დედესუ ოთკვა̄რ ბოგჩუქვა̄ნ.
Line of edition: 37 "ნო̄მავ ლოქ ხაყლუ̄ნი, ჩი̄ს ლოქ ხვიჩო". ამჟი ჩვედცი̄დვნჲელა̄ნხ, ალე აჩად
Line of edition: 38 ი ნებოზს ანტა̄ბე ჯი̄რა̄ წამ ი შიდ ესყედა̄ნე. აჴად ბოგნუნ ი ხამარ იჩრავა̄ლხ
Line of edition: 39 ბოგმϩყ. ლახძგარჲელე ხამარს ი ჲერუ-სემი ღე̄თა ოთშიდ მეღორე̄ლილϩ̄ლს: "ბატო,
Line of edition: 40 ნომავ ლოქ ხოშდე, ოდო ოხტე̄ვნეხ ლოქ". "ნომავ ლოქ ხაყლუ̄ნი". აჴად კე̄სარშე̄რთე
Line of edition: 41 ი კე̄სარშე̄რემ ლი̄ცვ ოთბინეხ, "მეღორე ლოქ ათშვი̄ნე̄ნახ". სერ ნებოზს
Line of edition: 42 ქორწლობჟი̄ნენ ჩვახჭემეხ ლაცხუ̄ტა̄რ. მარა დეშერდ ენცხუ̄ტე ალ ლაცხუ̄ტა̄რ.
Line of edition: 43 ალ მეღორეს ათა̄და, ერე "მიჩუ ლოქუ ლახო̄მხ". მექორწილას ათა̄დახ: "მაჲ
Page of edition: 277 Line of edition: 1 ლოქ მიჩა გვეშ ლი". ჲერხის ათა̄დახ, ერე "ქავ ლახო̄მხ" ი ქალახო̄მხ. ენცხუ̄ტე
Line of edition: 2 ი "ჴანს ლოქუ ა̄ ფურს?" მექრწილად ხე̄ქვხ: "ჴანს ლოქუ". ოსმეწუნე ი ჩვადგარ
Line of edition: 3 "მიჩა ჩი̄ჟე, ეჩანღო̄ნენ ესჭამ ი მექორწილა ანხვიტ. მიჩა დაჩურ ანჲე ი ჩა̄შϩნთე
Line of edition: 4 კერჲაჲ ი ჟ' ესსგურე მიჩა დაჩურ ი ხე̄ქვ: "ათხე ლოქ მაჲზუმ ხობიც?" "ათხე
Line of edition: 5 როქ ჴანზუმ". "ათხე ლოქ მაჲზუმ ხობიც?" "ათხე ლოქ ფურზუმ". "ათხე ლოქ?"
Line of edition: 6 "ათხე ლოქ სიმინდი კაკლე̄ლზუმ". "ათხე ლოქ მაჲზუმ ხობიც?" "ათხე
Line of edition: 7 ლოქ ფეტვი კაკლე̄ლზუმ". "ათხე ლოქ?" "ათხე ლოქ დე̄მზუმ" ი ჟი ოხქვაც ქუნ.
Line of edition: 8 ალეს ხოჩა ლირდე ხა̄და. Line of edition: 9 ჯამზϩრას ღერთემ! Line of edition: 10
სასაში. აკაკი შანიძე Добавлено (2007-06-25, 6:34 Pm)
---------------------------------------------
სე̄მი დი̄ნა Line of edition: 12 ჯამზϩრახ ღერთემ! ა̄რდა ეშხუ ჲეხე-ჭაშ. ხაყახ სემი დი̄ნაგეზლი̄რ. ჲეხყდ ხე̄ქვ
Line of edition: 13 ჭაშს: "საწყალ ლიშდ, საბრალ ლიშდ, მაჲ ოლჴϩრჴად ალ დი̄ნე̄ლს, დეშ ლარქვიდ,
Line of edition: 14 დეშ ლასე̄ლვედ?" ჭაშდ ხე̄ქვ: "ცოდ სი̄ვ ჯა̄რ! მϩხარ ოდინე, ჯოდჲა მინდორისა
Line of edition: 15 ლϩ̄გ უსკვ". აჩად მუ ეჯჲარეშ, ჩვადშთხარე საფლავ, უსკვჩუქა̄ნ (var. ჩუქვა̄ნ)
Line of edition: 16 ი ჟიქა̄ნ ჩვადჭერე ფარშივდ. ჟიქა̄ნ ვორ ესშიდ. აგითე ანჴად, მუდ ხე̄ქვ მიჩა
Line of edition: 17 დი̄ნე̄ლს: "მϩხარ ალჩედდ უსკვი ლაშდათე". ადჲე დი̄ნე̄ლ, ჯეჲ ჟ' აჩად უსკვთეჟი,
Line of edition: 18 დი̄ნე̄ლ ჩუქა̄ნ იფა̄ნდიხ უსკვს. ჩ' ოთძგვაბხ, ჩვათვაფხ სემი დი̄ნა მაგ, უსკვი̄
Line of edition: 19 ჩვედყევნეხ, მინი̄ ჩვათვაფხ. ალ უსკვ ჩვედი̄თა̄ლეხ. ხოშა ლავდილა იზბϩდახ ი ხოხრა
Line of edition: 20 უდილ იზა̄რდა. ეჩანღო ხოშა ლავდილას ჩვერ ოთშდახხ, ეჩქას ხოხრა უდლა
Line of edition: 21 ლიზობ ხეკვადხ. ხოხრა უდილს მიჩა ნა̄თი უსკვ ხეცვარ ი ეჩის ხოჟღუნდა ხოშა
Line of edition: 22 ლავდილას. ეჩუნღო, ეჯი̄ ერ ჩ' ოთშდახხ, მიჩ იზბϩდახ. ეჩქა ესვადე ხოხრა უდილდ:
Line of edition: 23 "ღე̄რბეთ, ეშხუ ტოტ ბარდ ლამო, მე̄რმე -- კირკაჲდ!" ჩვესვადა̄ნ. ალე სერ აშთხრი
Line of edition: 24 ვორს. ღოშგინ ხოშა ლავდილა ლეჲჭემე. სერ ალეს მა̄ჲ ხეხო̄ლი, ჩი̄ს ხა̄მნე მიჩა
Line of edition: 25 ლავდილას: მϩტ ხეხო̄ლი ა̄, ვიჯ ა̄, შიხუ̄ნდ, ჩი̄ს იზბიხ ხოშა ლავდილა. სერ ესღრი
Line of edition: 26 ამჟი ლაშთხრუშ. ლეხჴე̄დვნა̄ნ ხელწიფი თავლათე̄ჲსა. ეშჩუ ხელწიფი რაშალ
Line of edition: 27 ხა̄ბϩდახ. ეჯჲარს ხოჴდე ვეზირ ლეზობს, რაშალს: ქერს ნაქერანს. ალ ხოხრა
Line of edition: 28 უდილ ხოკედ ი ხოჴდე ხოშა ლავდილას. სერ რაშალ ჩვაჩხაფხ. ვეზირდ ხე̄ქვ
Line of edition: 29 ხელწიფს: "რაშალდ ლოქ ჩვედკვიდხ. ხოჴდე ლოქ ლეზობს ი ხოკედ ლოქ მϩრ მა̄ჲღვნ".
Line of edition: 30 ხელწიფდ ხე̄ქვ: "ჩუ̄ვ ლო& |
| |
| | |
|
Мужчина |
Date: Понедельник, 2007-06-25, 6:36 PM | Message # 86 |
|
Group: Проверенные
Posts: 352
Status:Offline
Дата регистрации:
2006-09-07 |
30 ხელწიფდ ხე̄ქვ: "ჩუ̄ვ ლოქ ოსდარჯე". ეეზირდ ჩ'ოსდარჯე. ეჩქა ანჴად
Line of edition: 31 ალ დი̄ნა. ვეზირდ ჩვადϩრმე, ადჲე ხელწიფიშთე. ხელწიფ ლეხჭოდდა: "იმნარ
Line of edition: 32 ლოქ ხიჩო ამჟი?" ეჯ დი̄ნად ქა ხე̄ქვ მიჩა გარემოება მაგ. ეჩქა ხელწიფედ ენჲერე
Line of edition: 33 ალ ხოშა ლავდილა. ოხჴიდხ. ალჲარს ლეხჭოდდა ხელწიფ. ჩიქე ხოშა უდილს
Line of edition: 34 ლეხჭოდდა: "სი ლოქ მაჲ ჯა̄ჲმედა?" ეჯნე̄მ ხე̄ქვ: "ეჩთა̄ნ ნოხი ლიჯიშე ლოქ
Line of edition: 35 მა̄ჲმედა, ქვეყანა ეჩეჟი ათსკϩ̄დეს". მანე̄სგრად ხე̄ქვ: "ლϩგრე̄მი გუგვისა ლოქ ეჲზუმ
Line of edition: 36 ლეზობს ოხსყე̄ჲნე, ერე ეშხუ სახენწიფს ქა ახა̄დეს". ხოხრა უდილს ლეხჭოდდა:
Line of edition: 37 "სი ლოქ მაჲ ჯა̄ჲმედა?" "მი ლოქ მა̄ჲმედა: ქა ლოქ ლახ ოთწვი̄ლი, გეზლი̄რ
Line of edition: 38 ემთენი, ეშხუ ჭყინტ ი მე̄რმე დი̄ნა. ისგϩნჟი ვოქრ, იგსნϩჩუ ვერცხლ". სერ
Line of edition: 39 ოხჴიდხ ხოშა დი̄ნას ლეჯიშე, მარა დეშმა ანჯიშე. ათხე მანე̄სგრას ოხჴიდხ ლϩგრე,
Line of edition: 40 მარა დეშმა ანსყე. ხოხრა დი̄ნა ხელწიფი გეზალდ ლეჲგვირგვნე. ალ ლავდილა
Line of edition: 41 მომსახურდ ლახჭემე. ალე ჩვედღა̄ნვა̄ნ ი ქ' ე̄ხთენა̄ნ ეშხუ ჭყინ ი მე̄რმე დი̄ნა.
Line of edition: 42 ისგϩნჟი ვოქრ ი ისგϩნჩუ ვერცხლ. სერ ლავდილას ლახშო̄ნხ ალე ხოხრა უდლაშდ.
Page of edition: 278 Line of edition: 1 ხე̄ქვხ ეშხვა̄რ, ერე "ალ ბობშარ ლოქ ლეგვე̄რი ღარლექვა ალშϩდად".
Line of edition: 2 ეჯჟი ჟეღი ედზა̄ნდა. ეჩა ფეკვნარ ლოხშიდხ ალ ზურა̄ლს ი მიჩა გეზლი̄რ ლეგვე̄რი
Line of edition: 3 ღარლექვა აშიდხ. ხელწიფს ი მიჩა გეზა̄ლს ხე̄ქვხ, ერე "ალჲარ ლოქ ეხთენა̄ნხ
Line of edition: 4 ალეს". ეჩქა ხელწიფდ ხე̄ქვ ვეზრალს: "ადჲეხ ლოქ ალ ზურა̄ლ ი შუკვისა
Line of edition: 5 ჩუვ ადბეხ". ადჲეხ იშუკვისა ჩვადბეხ. ხოჴდახ კოჭო̄ლ ლეზობს ი კოჭო̄ლ ლიცს.
Line of edition: 6 სერ ამჟი ა̄რდა ალ ზურა̄ლ. სერ ალ ბობშარ ახხვი̄და მულგვე̄რის ლეგვე̄რი
Line of edition: 7 ბარბოლდისა. ადჲე მიჩა ჲეხვთე. ხე̄ქვ ეჩის ერე "საბრა, გეზლი̄რ გყიჴϩ̄რა̄ლა
Line of edition: 8 ღერთაშდ, ათხე ჟი ელϩრდად ალჲარ". ალ ჲეხვ-ჭაშდ ჟი ენϩრდეხ ალჲარ. ლეთისა
Line of edition: 9 ეშხუ ირთხინს იცხმϩდახ, ლადეღისა -- ეშხუ კამϩლს. ალჲარს ლϩჯავშ ჩვაბრა̄ლდახ.
Line of edition: 10 სერ ჟი ერ ენϩრდა̄ნხ, ჭყინტდ ჟ'ენბინე ლითხვიარ. სერ აჩად ალ ჭყინტ ლათხვიართე.
Line of edition: 11 მიჩა მუს ქ' ო̄თღე ნათხვიარე ი აგითე ანჴიდ. მინე მუ აჩად აგითე ი ლე̄ქვ:
Line of edition: 12 ერყ, "მა̄ჲღენ ლოქ ჭაბუკ ი̄რო̄ლ, ნათხვიარ ქ' ე̄მღე. სერ ალ ამბავ გიგა̄ლარს
Line of edition: 13 ხასϩ̄ნდახ. ხე̄ქვხ ეშხვა̄რ: "ნაჲ ლოქ ერ ლეგვე̄რი ღარლექვა ალშიდდ, ჟი ლოქ
Line of edition: 14 მϩრე̄ს ენϩრდა̄ნხ. ეჯჲარს სერ მაჲ ლოქ ოლჴϩრჴად? "აჩადხ ალ გიგა̄ლარ ეჯ ბობშართე
Line of edition: 15 ი ქყინტ ლათხვიარს ა̄რდა. დაჩურს ხე̄ქვხ გიგა̄ლარდ: "მაჲ ლოქ ჯϩმილ ჯეყე̄ნი,
Line of edition: 16 ეშხუ გვეშს ლოქ ეჯეჩო!" "იმ ლოქ?" ხე̄ქვ ალ დი̄ნად. "იმ ლოქ ი ჯო̄დჲა მინდორისა
Line of edition: 17 ლოქ სარკ ლϩ̄გ. ე მიჩა ჯϩმილ ოხჴიდე, მინე ტოლ ლოქ და̄რ ი̄რდი". სერ
Line of edition: 18 აჩადხ ალ გიგა̄ლარ. ანჴად ჯϩმილ აგითე. დაჩურ ხოლა გუჟი ესხვი̄და. ლეხჭოდდა
Line of edition: 19 ჯϩმილ: "იმნარ ლოქ ხარი ხოლა გუჟი?" ეჯნე̄მ ხე̄ქვ: "იმნარ ლოქ ი ეშხუ
Line of edition: 20 ჯო̄დჲა მინდორისა ლოქ ეშხუ სარკ ლϩ̄გ. ეჩის ლოქ ე დო̄მ ჴϩდე, ეჩურ ლარდას
Line of edition: 21 ლოქ დე̄მ ხვა̄რ". ჯϩმილდ ხე̄ქვ: "გუშგვე ცოდუ ლოქ ხა̄რ ისგვა ამშა მქუ̄ვისს!
Line of edition: 22 ოდრი ლოქ, ჲაღო იმ ხვიჩო?" Line of edition: 23 აჩად ჯϩმილ შუკვისა და̄ვ დედებრ ესხვი̄და. და̄ვდ ხე̄ქვ, ერე "ამექა მე̄ზი
Line of edition: 24 ლოქ ხვა̄ჲ მიწვა, მეტეხ -- და̄რ". სერ და̄ვ დედბერ დიდ ედგენე, შუკვი̄ ქა ხათო̄ნე
Line of edition: 25 და̄ვდ, ხე̄ქვ ეჯნე̄მ: "აჩადუ ლოქ ი ეჯ სარკს ლოქ ერ ოხბϩდნი, ხიკდϩნი, დეც ი გიმ,
Line of edition: 26 ი მეგემ -- მაგ ჯატუ̄ლნი: "აჩად სარკ, აჩად სარკ!" ეჩქა ღოშგმა̄ვ ნო̄სა ეთსგიდდე,
Line of edition: 27 ოდო ისგϩნჩუ ბეჩდ ლოქ ხისპი. ლახ ეთქადე̄ნ ლისგდის, ეჩქა ბეჩდ ეთსიპი̄ხი.
Line of edition: 28 ბეჩდ ერ ესსიპე̄ნ, დედე̄ სამϩრთალ ახϩშვენ ი ბეჩ ღო ჩუ ეჯშϩ̄დნი". აჩად ალე
Line of edition: 29 ი ეჩავ აჩად. სარკს ერ იკდϩდა, დეც ი გიმ-მეგემ მაგ ხატუ̄ლდა: "აჩად სარკ, აჩად
Line of edition: 30 სარკ!" ალე ღოშგმა̄ვ ლეჲსგიდდა ი ბეჩდ ესსიპდა. ეჩქა ლე̄ქვ: "დედე̄ ლამზϩრ
Line of edition: 31 ლოქ, სი ლემეშდ!" შიშდ ჩ' ოთშϩ̄და. სერ ანჲე სარკ ი ოთჴიდ დაჩურს. ჯეჲ აჩად
Line of edition: 32 აჯაღ ლათხვიართე. აჯაღ ოთღე მიჩა მუს ნათხვიარე. ანჴად მიჩა მუ აგითე. ხე̄ქვ
Line of edition: 33 აგის, ერე "ათხად ლოქ ეზარდ ხვითხვიარის, ათხე ლოქ აჯაღ მϩრ ანჴად. მა̄ჲღენ Добавлено (2007-06-25, 6:35 Pm)
---------------------------------------------
: 34 ჭაბუკ, ემღე ნათხვიარე". სერ ალე გიგა̄ლარს ხასϩნდახ. ხე̄ქვხ ეშხვა̄რ: "ვაჲ გუშგვე
Line of edition: 35 ლოქ ცოდ, ანტახ ლოქ მϩრე̄ს ეჯი". სერ აჩადხ აჯაღ გიგა̄ლარ ეჯ ბობშართე.
Line of edition: 36 ვჯ ჭყინტ ლათხვიართეუდ ლას მეჩდე. დი̄ნას ხე̄ქვხ, ერე "ათხე ლოქ სარკ ჩუ
Line of edition: 37 ჯუღვახ, სერ ლოქ ერ უსკვ არი ჯო̄დჲა მინდორისა, ეჩის ლოქ ჴϩდდეს ისგვი ჯϩმილ.
Line of edition: 38 ეჩქა ჲადურდ ისგვე ტოლ და̄რ ი̄რი. აჩადხ ალ გიგა̄ლარ. ანჴად ლახთვიარხენ
Line of edition: 39 ალ ქყინტ. ხოლა გუჟი ესხვი̄და მიჩა დაჩურ. ხე̄ქვ მიჩა ჯϩმილდ: "იმშა ხოლა გუჟი
Line of edition: 40 ხარი, მიშგვი დაჩურ?" დაჩურდ ხე̄ქვ: "ჯო̄დია მინდორისა ლოქ უსკვ ლϩგ.
Line of edition: 41 ეჩის ლოქ ე დო̄მ ჴϩდე, ეჩურ ლოქ მა̄მა გვიყა". ჯϩმილდ ხე̄ქვ: "ცოდუ ხა̄რ ისგვა
Line of edition: 42 ამშა მუთვრის! ოდრი, ჲაღო იმ ხვიჩო?" სერ აჩად ალე. აჯაღ ალ და̄ვაშთე
Line of edition: 43 ლეხე̄დნუნა̄ნ. ალ და̄ვდ ხე̄ქვ: "ეჩხა̄ვ მე̄ზი ხვა̄ჲ მიწვა ი მეტეხ და̄რ. მიშგვი ჲეშდჲერუ
Page of edition: 279 Line of edition: 1 გეზალ მაგ ეჩია ესდა̄ვშა̄ნ". სერ და̄ვდ შუკვ ხათო̄ნე ი ხე̄ქვ, ერე "ეჯის ლოქ
Line of edition: 2 ერ ხიკდე̄ნი, ეჩქა დეც ი გიმ ი მეგემ -- მაგ ღოშგინისა ჯატუ̄ლნი: "მაჲ უსკვ აჩად,
Line of edition: 3 მაჲ უსკვ აჩად", მარა ღოშგმა̄ვ ნო̄სა ლეხსგიდდე, ოდო ბეჩდ ხისპი. ბეჩდ ლახ
Line of edition: 4 ესსიპდე, დედე̄ ლამზϩრ ახϩრშვენ ი ჩვეჯშϩ̄დნი ბეჩ". სერ აჩად ალე ეჩავ. უსკვს
Line of edition: 5 ერ იკდϩდა, გიმ ი მეგემ, დეც -- მაგ ხატუ̄ლდა: "მაჲ უსკვ აჩად, მაჲ უსკვ აჩად!"
Line of edition: 6 ალე ღოშგმა̄ვ ლეჲსგიდდა ი ისგϩნჩუ ბეჩდ ესსიპდა, ეჩქა ლე̄ქვ: "დედე̄ ლამზϩრ,
Line of edition: 7 იმე ლოქ ხარი, მიწად ლოქ!" ეჩქა ჩ' ოთშϩდა შიშდ ბეჩ. სერ ანღრი ამჟი, ბარჯს
Line of edition: 8 ხა̄ზ ალ უსკვ. ანღრი, ანჴად მიჩა დაჩურნუნ, სგა ლახტყუბეხ ალეი სარკს. ეჩუნღო
Line of edition: 9 ალ ჭყინტ აჩად აჯაღ ლათხვჲართე. ოთჲე მიჩა მუს ნათხვიარე. მიჩა მუ ერ აჩად
Line of edition: 10 აგითე, აჯაღ ქ' ო̄ხო̄მბვე: "ათხად ეზარდ ხვითხვიარის, ათხე აჯაღ მϩრ ანჴად,
Line of edition: 11 მა̄ჲღენ ჭაბუკ, ქ' ე̄მღე ნათხვიარე". სერ ალ გიგა̄ლარს მევარ ხოლა გუ ლოხო̄ზდახ.
Line of edition: 12 ხე̄ქვხ ეშხვა̄რ: "ა საბრა, ანტახ მϩრე̄ს ვჯი". ალ გიგა̄ლარ აჩადხ აჯაღ ალ ბობშართე
Line of edition: 13 ჭყინტ ლათხვიარს არდა. გიგა̄ლარდ ხე̄ქვხ ალ დი̄ნას: "ეზარ ნაგϩრგალ ოგვა̄და.
Line of edition: 14 მა̄ დერ ლϩმა̄რე̄ლხვიშდ ისგვი ამახვ: სარკ ჩუ ჯუღვახ, უსკვ ჩუ ჯუღვახ.
Line of edition: 15 ათხე ჯო̄დჲა ქვეყანას მϩჟე უწვდუნა ზურა̄ლ არი, ხელწიფი გეზალ, ეჩის ე ისგვი
Line of edition: 16 ჯϩმილ ჲეხვდ ენჴიდე, ეჩქა ქვეყანაჟი ტოლ და̄რ ჯეყე̄ნიხ". სერ აჩადხ გიგა̄ლარ.
Line of edition: 17 ჭყინტ ანჴად ლათხვიარხენ. დაჩურ მუგვნი ესხვი̄და. ლეხჭოდდა: "იმ ხიგვნი,
Line of edition: 18 მიშგვი დაჩურ?" "ხემა ლოქ იმ ხვიგვნი? ჯო̄დჲა ქვეყანას ლოქ ხელწიფი გეზალ
Line of edition: 19 მϩჟი უწდუნა ზურა̄ლ არი, ეჩის ე ისგვა ჲეხვდ დო̄მ ლიჴდედ, ეჩურ მა̄მა გვარგია".
Line of edition: 20 ჯϩმილდ ხე̄ქვ: "გუშგვე ცოდუ ხა̄რ ისგვა ამშა მუთვრის! ოდინე, ჲაღო იმ ხვიჩო?"
Line of edition: 21 ვადა ლახო̄მ სემი ზაჲ, სემი თოჲ ი სემი ლადეღ: "ეჩქა ლოქ ე მო̄დ ონჴვე, ლარდა-
Line of edition: 22 ლაზგა ლოქ ჩვათღაფუ̄რ". სერ აჩად ალე ი ესღრი ი ლეხჴე̄დუნა̄ნ ალ მიჩა დიდლϩგნა
Line of edition: 23 და̄ვთე. და̄ვდ ხე̄ქვ: "იმთე ლოქ ესღრი?" "ამჟი ი ამჟი ლოქ". ეჩქა და̄ვდ
Line of edition: 24 ხე̄ქვ: "ეჩხა̄ვ თხუმჟი ფათვ ერ მა̄გ, ამშელდ ლოქ მეჩედ, მარა და̄რ ლოქ. მეტეხ, Добавлено (2007-06-25, 6:35 Pm)
---------------------------------------------
25 მარა სი ლოქ დედე̄ ლამზϩრ ლაჯშიდ". ხათო̄ნე შუკვ ი ხე̄ქვ: "ეჩე ჯო̄დჲა მინდორთე
Line of edition: 26 ლოქ ჴედნიხ ლაბრა̄ლდ სემი ლავდილა, მაგ მეპერ ლიხ. ხოშა უდილ ლოქ ჴედნი
Line of edition: 27 ძინარს. მანე̄სგრა ისგლადღი ვონაქა, ხოხრა ლოქ -- ნებოზს. ჩუ ლოქ ოსდარჯ,
Line of edition: 28 ნებოზს ერ ანჴეს, ეჩის. ლერექვ ლოქ ქ'ო̄თქვით ი ეჩის ლოქ ხატ ხორიკ. ვოდ
Line of edition: 29 ლოქ ეჯნოვშ ჩუ დო ედღვერე̄ნს ისგვა ლიჲეხვჟი, ეჩქად ლოქ ლერექვ ნო̄სა ლახტϩხა".
Line of edition: 30 სერ ესღრი. აჩად ეჩავ, ჩ' ოსდარჯე ნებოზს". ერ ანჴად ლაბრა̄ლთე, ქ'ე̄დი̄ღა̄ლა̄ნ.
Line of edition: 31 ამნე̄მ ქ' ო̄თქვითე ლერექვ. ლϩბრა̄ლანღო ლერექვს ეხთხე̄ლდა, დე̄სა
Line of edition: 32 ახხვი̄და. ეჩუნღო ხეშგმϩდა ალ ჭყინტს, მარა მა̄ ლახო̄მ. ხე̄ქვ, ერე "ხატ ლოქ ერ
Line of edition: 33 ჯირიკ, ვოდ ლოქ ეჯნოვშ ჩუ დო ეთღვერი, ეჩქად ლერექვს დე̄მ ჯატხე". სერ ერ
Line of edition: 34 მო ლახტიხ, ხე̄ქვ დი̄ნად: "მიშგვი ცოდუ ლოქ ხა̄რ ისგვა ამშა მუთვრის!"
Line of edition: 35 ჩვედღვერა̄ნ: "ალვუ ლოქ მეცვა̄ლ, ჲეხვდ ლოქ მო̄დ ეჯჭემე". სერ ეჩქა ქა ლახო̄მ
Line of edition: 36 ლერექვ. ეჩქა ალჲარ ჩვედჲეხვჭაშა̄ნხ. მიჩა ჲეხვდ ლოხკიჩ ღალე ი ქა ლახო̄მ.
Line of edition: 37 ქ'ა̄პარხ ჲერვედა ხელწიფიშთე, დინა̄ მუეშთე. ხე̄ქვ: "ა მიშგვი მუ, მაგვარ ვეზირ
Line of edition: 38 ეჯიჴ?" ალ ხელწიფს ეჲჟი ლახლატϩ̄ნდა, ერყ გეზალშა̄ლ. ალე ხოჩა̄მდ ხეშდაბდა,
Line of edition: 39 ჩი ვეზრალდ მაჩე̄ნა̄მდ. ალ ვეზირ ჴედნი, ქ ა̄კდϩ̄რე, ლაყვრას ხორში, ეჩუნღო
Line of edition: 40 სგა ხეყვნა̄ლ მიჩა ჲეხვს. ლახშო̄ნდახ მე̄რმა ვეზრალს ამშაშდ ი ხე̄ქვხ ეშხვა̄რ: Добавлено (2007-06-25, 6:36 Pm)
---------------------------------------------
41 ოლჴϩრჴად ლოქ მა ალეს, ოლგონვად ესამა ალ მახე ვეზირს". ალჲარდ ოხგონვეხ:
Line of edition: 42 "ალ ვეზირდ ლოქ ბაღი ლიშნავი ედფაშვდე". ხელწიფ ანუნძღვი̄ლეხ. ეჩქა
Line of edition: 43 ხელწიფდ ქ' ე̄დჲერე მიჩა̄შთე. ლეხჭოდდა: "ალე ლოქ ლი მა ტკიც, ერე სი ლოქ
Page of edition: 280 Line of edition: 1 ბაღი ლიშნავი ეჯფაშვდა?" ეჯნე̄მ ხე̄ქვ: "მი ლოქ დე̄სამა მიფშვდა, მარა მიშგვა
Line of edition: 2 ღე̄რბათს ხეხლი". სერ ეჯ ლე̄თ ვეზირდ ჟიუდ ოხო̄ზინე აჯაღ ეჯჟი,
Line of edition: 3 იმჟვა̄ჲ ეჩქად. მინ, ჲეხვ-ჭაშ, აჯაღ ეშხუდ ადყუ̄რდახ. ჭყინტ ლეხჭოდდა: "ამჟი ი
Line of edition: 4 ამჟი ლოქ ემგონვეხ ვეზრალდ: ბაღი ლიშნავი ლოქ ემფაშვდა. ისგვი მუ ადუნძღვი̄ლეხ.
Line of edition: 5 იმჟი ლოქ ხოჩა?" ჲეხედ ხე̄ქვ: "ეჩის ლოქ მი ჯათო̄ნნე. ჟი ლოქ ახგე
Line of edition: 6 ძინარს დო̄სგ. ეხმეზϩრ ღე̄რბეთ, ეხიკ ლაფათქაჲ, ლაჯო̄დი მიჯვარს. ქ' ე̄რ აჩე,
Line of edition: 7 ეჩქა კო̄ლთხი ჲერ ნო̄სა ეხკϩდა, ხემზϩრის ეჲჟი მიშგვა ჯვარს. სუმინ ერ ჟი ხაჴდ,
Line of edition: 8 ჯვარი სახჟი ლაფათქაჲს, ეჩქა ედშენვი ბაღ". ანϩგა̄ნ ჭყინტ ძინარს მϩჟე ლიწედა̄ლდ.
Line of edition: 9 ეჲჟი ჩომინ, იმვა̄ჲ მიჩა ჲეხვდ ხათო̄ნე ი ჩვადშენვე ბაღ. ანϩგა̄ნ ძინარს ხელწიფ,
Line of edition: 10 ხეწად, მე̄ვარ ათსაკვრელდა. ეზარდ ხებჟი̄ნ. ათხე ვეზრალ ხეწადხ ალეს
Line of edition: 11 ი ჲადურდ ხოშა ლახშო̄ნხ. ათხე ოხგონვეხ, ერე ამეჩუ ლოქ ერ ძუღვა ლი, ამშა
Line of edition: 12 ეჩხენ ი ამხენი საყდარი ლიშნავი ლოქ ოსფაშვდა ი ამხენჟი ი ეჩხენჟი̄ ზარა̄ ლიშმე.
Line of edition: 13 ათხე ხელწიფდ ქ'ე̄დჲერე ვეზირ ი ლეხჭოდდა: "სი ლოქ ეჯფაშვდა ალ ძუღვას
Line of edition: 14 ამხენთე ი ეჩხენთე საყდარი ლიშნავი ი ჲერვე̄და̄ხენ ზარა̄ ლიშმე". ვეზირდ ხე̄ქვ:
Line of edition: 15 "მი ლოქ დე̄სამა მიფშვდა, მარა მიშგვა ღე̄რბათს ლოქ ხეხლი ი ხოლე̄მი მუგნოვის
Line of edition: 16 ხოლაუ ხაყრა!" ეჯ ლე̄თ ლეხჭოდდა მიჩა ჲეხვს: "ალ ი ალ გვეშ ლოქ ემგონვეხ.
Line of edition: 17 მაჲ ლოქ ჩომნა?" ეჩქა ეჯნე̄მ ხე̄ქვ: "მაჲ ლოქ ი მი ლოქ ლაჯო̄დი მϩსკადს,
Line of edition: 18 მიშგვი ჯვარ ლოქ ჩიგარ ჩუ ჯირეკეს. ეთსგი ლოქ ძინარს, ლაჴვრაქა ლოქ თხუმ
Line of edition: 19 ქ'ა̄თყი̄, მიშგვა მϩსკადქა ქ' ე̄თსგი". ამნე̄მ ამჟი ჩომინ, იმჟი̄ მიჩა ჲეხვდ ხათო̄ნე.
Line of edition: 20 ეჩხენყი̄ საყდარ ადშენვე ი ამხენჟი̄, ეჩხენჟი̄ ზარა ადშუმე ი ამხენჟი̄. ანϩგა̄ნ
Line of edition: 21 ხელწიფ, ხეწად ალეს, ათსაკვრელდა ი ხოშა ლახლატϩ̄ნდა. ვეზრალ ერ ხეწადხ, ხოშა
Line of edition: 22 ათხე ლახშო̄ნდახ ამშაშდ. ათხე ოხგონვეხ ალეს, ერე "ხელწიფი ყვერული ლინჭყი
Line of edition: 23 ლოქ ოსფაშვდა". ქ'ო̄ხო̄მბვეხ ამჟი ხელწიფს. ხელწიფდ ხე̄ქვ ალ ვეზირს, ერე
Line of edition: 24 "სი ლოქ მიშგვა ყვერული ლინჭყი ეჯფაშვდა". ეჯნე̄მ ხე̄ქვ: "მა̄მა ლოქ მიფშვდა,
Line of edition: 25 მარა მიგნოვიხ ლოქ. მარა მიშგვა ღე̄რბათს ხეხლი. აშ ლოქ ეჲჟი დე̄მ ხვიჩო ალემაგს,
Line of edition: 26 ერე ღოშგინპილს ქა დო̄სამა ლემვოდე̄ნდეს". "მაჲ ლოქ ჯაკუ, ღო ეჩის ჯეჩო".
Line of edition: 27 ეჩქა ეჯნე̄მ ხე̄ქვ: "მი ლოქ მაკუ: მაჩენე ლოქ ჲერვა̄ჲ ი̄რი ისგვა გეზლი̄რისა,
Line of edition: 28 ეჯი ლოქ ხაკვჩერ ოხთიშა ჲეხვდ". სერ ალე ხელწიფდ ჩ.ოთბაცე, პირობ ქა Добавлено (2007-06-25, 6:36 Pm)
---------------------------------------------
29 ლახო̄მ. სერ ეჯ ლეთ ქა ხე̄ქე მიჩა ჲეხვს, ერე "ვეზრალდ ლოქ ემგონვეხ: ისგვა
Line of edition: 30 მუე ყვერული ლინჭყი ლოქ ემფაშვდა. ათხვ ლოქ მაჲ ჩომნა? ჲეხვდ ხე̄ქვ:
Line of edition: 31 "ეჩის ლოქ მი ჯათო̄ნნე. მიშგვა მუს ლოქ ყვერულ დე̄სა ხაყა, მარა მიშგვი მუ ლოქ
Line of edition: 32 ესსიპი ყვერულდ ი მიჩა ოთახხენქა ლოქ ქა̄ნჴდენი, ეჯი ლოქ ლი ლენჭყი. ჟი ლოქ
Line of edition: 33 ლახსგუ ეჯ ყვერულს ი ეშხუ ქა̄ცი კვეთხ ლოქ ლეხყედა̄ნ, მე̄რმე -- მადრაჴ.
Line of edition: 34 ეჯ ყვერულ ჟიბოვ გარ აჯჲეს ლოქ. ოხბინ სი ლიყერ, ეშხუ ქა̄ცი მადრაჴ ლოქ ჟი
Line of edition: 35 ესაჴჩ. ეჯღა ლოქ მა̄მა ფეშნი ეჯი. ეჩუნღო ეხბინ კვეთხი ლიყერ თხუმლექვა ი ეში̄
Line of edition: 36 ლოქ ჟი ი ჟი აჯჲეს. ღოშგინპილს თϩმი ლოქ ხოჴდენი. ეჩქა ლოქ ჩუ აჯტხე ჩუბოვ".
Line of edition: 37 ამნე̄მ ამჟი ჩომინ, იმჟი̄ მიჩა ჲეხვდ ხათო̄ნე. ჟ'ანϩ̄გა̄ნ ძინარს. ეშხუ ქა̄ცი კვეთხ
Line of edition: 38 ლეჲყედნე მე̄რმე -- მადრაჴ. ჟი ლახსგუ̄რდა. ლოხბინე ლიყერ მადრაჴიშ. ეშხუ
Line of edition: 39 ქა̄ცი მადრაჴ ჟ' ესშდიხ ი ესჴიჩ. ეში მა̄მა ედკავა̄ნდა. ეჩუნღო ოხბინე კვეთხი
Line of edition: 40 ლიყერ თხუმლექვა ი ეში̄ მა̄მა ედჩერვა̄ნ. ღოშგინპილს, თϩმი ერ ოხჴად, ეჩქა
Line of edition: 41 ჩვანტახ ჩუბოვ. ჩვერ ოხქახ, ეჩქა სგ' ა̄დჲეხ ჩა̄ჟ ვოთახთე̄ჲსა ი ხელწიფდ ესსიპდა.
Line of edition: 42 სგ'ე̄დჲერე ჭყინტ მიჩა̄შთე. ეზარდ ხებჟა̄ნდა. ხაშგმინ ჭყინდ: "ათხე ლოქ ხვითში
Line of edition: 43 ჲეხვს". სერ ხელწიფდ ჟ' ანრექვე მიჩა გეზლი̄რ ეშხუ ფორმიშდ, მაგ ეშხვა̄რ
Page of edition: 281 Line of edition: 1 ხაჯეშხ. ათხე ჭყინტ ლეხჭოდდა ჲეხვხ: "იმნოვშ ლოქ აჯთერ სი?" ამნე̄მ ხე̄ქვ:
Line of edition: 2 "ეჩქა ერე ნაჲ ლოქ მϩსკდარ ჩი̄ს ეშხუ ფორმიშ გვედი̄, მი ლოქ ამთერ ეჯნოვშ, ერე
Line of edition: 3 მϩსკადს ლოქ ქ'ოო̄ხცა̄დვნე, კენჭაჲსა ლოქ ლოხდე̄ს, კენჭას ლოქ ოხხე̄რნე". სერ
Line of edition: 4 ეჯ ლავდილა ქ'ე̄დსკო̄რა̄ნხ მაგ ი ალე ასინჯავა̄ლი, ჲარ ლოქ ი̄რი მიშგვი ჲეხვ ი
Line of edition: 5 ჲარ მო̄დე. მიჩა ჲეხვდ მϩსკად ენცა̄დვნე ი კენჭა̄ჲსა ლეჲდე ი კენჭა ენხე̄რე. ეჩქა
Line of edition: 6 ჩვათირ მიჩა ჲეხვ ი სგ' ო̄ხგუდუ̄რდა. ქა ლახო̄მხ ჲეხვდ. მუ ქა დე̄მ ლϩმფიშვ& |
| |
| | |
|
Мужчина |
Date: Понедельник, 2007-06-25, 6:38 PM | Message # 87 |
|
Group: Модераторы
Posts: 990
Status:Offline
Дата регистрации:
2006-08-29 |
7 მიჩაშხნქა. ეჯის ჭყინტ დე̄მ იჩო. ხე̄ქვ, ერე "მიჩა დაჩვრაშდ სემი ზაჲ, სემი თოჲ
Line of edition: 8 ი სემი ლადეღ ლოქ ლოხვოდა მიჩა ლიტეხი ვადა. ეჩქად ლოქ ე დო̄მ ტეხნი,
Line of edition: 9 ეჯის ლϩდგარ ხეხლი ჯეჲ". ალეს ხელწიფ დემ იჩო. სერ სემი ლადეღ გარ ოსსად
Line of edition: 10 ვადა ი სერ ნაუ̄ზი მა̄მა ხა̄რ. სერ ქა ოხჴვასგხ ჯეჲ ი მიჩა ჲეხვ ლე̄თშვ. ქ'ა̄ნჩადხ
Line of edition: 11 ეჩხენქა. ალე ენმეჴრე მიჩა მუემ, ბუქვს ლახსგუ̄რდა. ენსგიდდა ღოშგმა̄ვ მϩჟე
Line of edition: 12 უწდუნა ი ხე̄ქვ ჭაშს: "საბრა, მიშგვი მუ ლოქ მაჭიმ". ჩვედჩერვან მინდორისა ი
Line of edition: 13 მინდორ დაბდ ესსიპეხ: "ეშხუ ათი̄, მე̄რმე აკე̄ნე, ეხლაკა̄ნხ მϩჟე უწდუნა̄ მუ ი
Line of edition: 14 ლეხჭოდდა: "ამექა მე̄ზი ლოქ ჯიწვახ ე̄რ?" ალჲარდ ხე̄ქვხ: "ალე ლოქ აშ ოთჴანედ,
Line of edition: 15 ოთლა̄შედ, ათხე ხვათი̄დ, ამექა მეზი და̄რ გვიწვა". სერ ატახ ხელწიფ ჟ' ენჲედრე
Line of edition: 16 ი აჯაღ ეხჭამხ. ჲეხვდ ხე̄ქვ ჭაშს: "საბრა, აჯაღ ლოქ ანღრი მიშგვი მუ". ეჩქა
Line of edition: 17 საყდარ ადგეხ. ეშხუ ბაპე ი მე̄რმე დი̄კვნე. ეხლაკა̄ნ ალ ხელწიფ, ლეხჭოდდა:
Line of edition: 18 ",ხოწვახ ლოქ ე̄რ ამექა მე̄ზი?" ალჲარდ ხე̄ქვხ: "ალ საყდარ ოთგედ, ამე̄ჲსა ხვარიდ,
Line of edition: 19 ბაპედ, ჩ'ოთმეჩა̄ნდ, ამექა და̄რ გვიწვა". სერ ატახ ხელწიფ. ჟივდ ენჲედრე ი აჯაღ
Line of edition: 20 ეხჭამ. ხეწად მϩჟი უწდუნა დი̄ნა ი ხე̄ქვ ჭაშს: ,"საბრა, აჯაღ გვაჭიმ მიშგვი მუ.
Line of edition: 21 მϩლცარდ ელსიპდედ". ესსიპდახ მϩლცარდ. აჩადხ ლიცთე̄ჲსა. მიჩა მუ ქ'ა̄ნჴად,
Line of edition: 22 ეჩექა ქა ლახტუ̄ლე: "სი ლოქ ხი მიშგვი გეზალ, ქ'ა̄ღერ!" ეჯნე̄მ ხე̄ქვ: "ტოტ
Line of edition: 23 ლოქ ლემირწვ ი ქა ლოქ ონჴვდენი". ტოტ ლოხრიწვ ი სგ' ა̄დკვა̄რ მიჩა მუ
Line of edition: 24 ლიცთე̄ჲსა. სერ ჭყინტს ხოკლი ეშხუ სა̄თ ვადანუნ, ეჩქად ე დო̄მ ღϩრი მიჩა
Line of edition: 25 დაჩურნუნ, ეჯი თხუმს იდგარი. იჴე̄დურა̄ლხ ი ეჩქა იმჟვა̄ჲ მიჩა დაჩურდ ხე̄ქვ, ეჲჟი
Line of edition: 26 ჩომინ: ადკვა̄რ უსკვ მიჩა დაჩვრა კალთაჲთე̄ჲსა. ალეს ათხი̄დϩ̄ნდა, დაჩურს, მე̄ვარ.
Line of edition: 27 სერ ანჴად აგითე. ძღϩდ ლიხჲადა̄ლ ჩომინხ. უსკვი̄ შიდ ხუღვახ, სარკი̄ ი მϩჟე
Line of edition: 28 უწდუნა აჯაღ ჩუ ხაყა ჲეხვდ. სერ და̄რ არი ამშა ტოლ. Line of edition: 29 სერ აჩად ლათხვიართე. ოთღე მიჩა მუს ნათხვიარე, აგითე ანჴიდ. აჩად მიჩა
Line of edition: 30 მუ აგითე. ლე̄ქვ, ერე "ალ სემი ზაჲ ლოქ ეზარდ ხვითხვიარის, ათხე ლოქ აჯაღ
Line of edition: 31 მϩრ ემჴედ. მა̄ჲღენ ჭაბუკვ ლი. ოთჲა ნათხვიარე ლოქ". სერ ხე̄ქვხ ალ ლავდილად
Line of edition: 32 ეშხვა̄რ: "სერ ლოქ მა̄მა ლი გუშგვე მაშველებელ: ანტახ ლოქ მϩრე̄ს აჯაღ
Line of edition: 33 ეჯი". სერ მϩჟე უწდუნა ზურა̄ლდ აწჲე მიჩა მუმთილ მიჩა სახენწიფშვ. ეჯი ქა
Line of edition: 34 ხეწჲა̄ნ. ძღϩდ ხინ ჩომინხ. ეჩუნღო ალ ხელწიფდ ქ'ა̄წჲე ალ მϩჟე უწდუნა ზურა̄ლ
Line of edition: 35 მიჩა̄შთე, მიჩა ლϩჯლაბდ. სერ ერ ესღრϩ̄დახ ხელწიფიშვთე, მϩჟი უწდუნა Добавлено (2007-06-25, 6:37 Pm)
---------------------------------------------
36 ზურა̄ლდ ხე̄ქვ მიჩა მϩნჴრა̄ლას: "შუკვისა ლოქ ზურა̄ლ ხა̄ბ, ეჩის ლოქ ჩიქე ქა̄ვ
Line of edition: 37 ლეხყაჲა̄ნხ, ეჩანღო თვით უსკვ ქა̄უ ლახო̄მხ ჩიემ! ხუნკვი ხელწიფე ლეხყაჲა̄ნ!
Line of edition: 38 ამჟი ჩომინხ. სერ აჩადხ ხელწიფიშთე̄ჲსა ი ძღϩდ ლიხჲადა̄ლ ხა̄დახ. ეჩუნღო მϩჟე
Line of edition: 39 უწდუნა ზურა̄ლდ იშგმინ: "ხოხობუ ლოქ ოხჴიდხ!" ისგ დი̄რობ ლას, ეჩქა
Line of edition: 40 ოხჴიდხ. "ჩუვ ღოქ აყვიფხ ი ჟივ ლოქ ოხტყაბეხ, ქა̄ვ ოხჴიდხ!" ამჟი ჩომინხ.
Line of edition: 41 ქ'ოხჴიდხ მϩჟე უწდუნა ზურა̄ლს. ლეხჭოდდა: "ხოხობ, ხოხობ!" "ბატონო!" ლახტიხ
Line of edition: 42 ხოხობდ. ,"ეშჩუ შუკვისა ერ ზურა̄ლ ხა̄ბ, ეჯი ლი ა̄ მო̄დე ალ ბობშარე დედე?
Line of edition: 43 ე ლე̄სეს, ღო ეხზობუნ ღალარ ი აპერ!" ხოხობდ ენზვებნე ღალარ ი აპარ. სერ
Page of edition: 282 Line of edition: 1 ხელწიფ ქ'ა̄ჩად ი ქ'ა̄ნჴიდხ. აბანო ხაყერხ ი ჟ' ანხოჩვეხ. ალჲარდ ძღϩდ ლიხჲადა̄ლ
Line of edition: 2 ჩომინხ. ეჯ ჯϩმილ-დაჩურ გეზლი̄რდ ხეყე̄დ, მϩჟე უწდუნა თერღლად, ალ
Line of edition: 3 ზურა̄ლ ჲეხვდ ი ხოჩა ლირდე ედჴიდხ. ალ ლავდილა ლახბეხ ჩა̄ჟი აკვდარს,
Line of edition: 4 ლეჟა̄ ბუქვს ლახო̄მხ ი ლექვა̄ ნიავს. ალჲარ ჩუ ა̄რდახ ეშხუდ. ეჯჲარე ლიჴდა̄ლდ
Line of edition: 5 ნომავ აჯზიგე̄ნახ! ჯამზϩრახ ღერთემ! Line of edition: 6
სასაში. აკაკი შანიძე Добавлено (2007-06-25, 6:37 Pm)
---------------------------------------------
სემი ლახვბა Line of edition: 8 ჯამზϩრახ ღერთემ! არი ამეჩუ სემი ლახვბა. ალ სემი ლახვბა ჩვედი̄თა̄ნდახ.
Line of edition: 9 ხოშა მუხბას ხახვი̄და გო̄ბ, მანე̄სგრას ძვე̄რა, ხოხრა̄მ ფიჩქ. ხოხრა მუხბას ხაჟხა Line of edition: 10 კამნი̄ლ. აჩად ხოშა მუხბე ლაჯმაგი̄რთე, იმე̄ჲ ხეთხო̄ლ ი გობ შიდ ლეჲყედნე. აჩად
Line of edition: 11 ი ეთთხანა̄ნ ბაპს. ბაპდ ხე̄ქვ: "იმთე ლოქ ესღრი, ჯეჲ მა̄რე?" ამნე̄მ ლახტიხ:
Line of edition: 12 "იმთე ლოქ ი ლაჯმაგი̄რთე, ჲერვა̄ჲ ლოქ ემგენნე". ეჩქა ბაპდ ხე̄ქვ: "ჲაღო ლოქ
Line of edition: 13 მი მაწϩხ მოჯმაგი̄რ, მიშგვაცახან ლოქ ათϩ̄გენ". ეჩქა ეჯნე̄მ ხე̄ქვ: "იმ ლოქ ლამო̄დი?"
Line of edition: 14 ბაპდ ხე̄ქვ: "ჲედ ყვერულს ი ჲედ მიჩა ლუგონს". "მაჲ ლოქ მე̄რი ლეშდაბ?"
Line of edition: 15 "მაჲ ლოქ ი ყვერულიშდ ლოქ ჯე̄რი ლეხნა̄ლი", ბაპდ ხე̄ქვ, "მარა ხედისი̄
Line of edition: 16 ჟ' ოგჟა̄ნდეს, ეჯი ლე̄სედ თხუმი ლექვცე. მოჯმაგი̄რდ ხე̄ქვ: "აშ ლიჩმϩნად".
Line of edition: 17 სერ ჩ' ოთო̄გა̄ნ ალე მოჯმაგი̄რდ. ეშხუ ნაგზი ეზარდ ოხო̄ზნანე, ეჩანღო ჟ' ახჟა̄ნდა
Line of edition: 18 ი ხე̄ქვ ბაპს: "ჟი ლოქ ამჟა̄ნდ ი ქა ლოქ ამაქვც თხუმ". ანჴად ბაპ, ქ'ა̄თქვიც
Line of edition: 19 თხუმ. ეჩუნღო მანე̄სგϩრა იზელა̄ლდა. ძვე̄რა შიდ ხუღვა̄ნდა, ლაჯმაგირი ლათხე̄ლითე,
Line of edition: 20 ჲესვა̄ჲ ლოქ ხეწხი. ბაპდ ხე̄ქვ: "ჲაღო ლოქ მი მაწϩხ, მი ლოქ ემი̄გენ".
Line of edition: 21 "ჲაღო ლოქ ეზარ. მაჲ ლოქ მეღვე̄ნი ლეშდაბ?" "ყვერულიშდ ლოქ ჯე̄რი ლეხნე
Line of edition: 22 გვალ". "მაჲ ლოქ მეღვე̄ნი ქირაჲ?" "ჲედ ლოქ ყვერულ, მო̄დეი მიჩა ლუგონ".
Line of edition: 23 ამნე̄მ ხე̄ქვ: "ეზარ ლოქ ჲაღო". ჩ' ო̄სო̄გა̄ნ ალე მოჯმაგი̄რდ. ჲერუ ნაგზი ეზარდ Line of edition: 24 ოხო̄ზინე, ეჩუნღო თხუმ ახსისგϩ̄ნ. ქ' ა̄ნჴად ბაპთე ი ხე̄ქვ: "ჟი ლოქ ამჟა̄ნდა ამშა
Line of edition: 25 ლი̄ზნანი, ქა ლოქ ამაქვც თხუმ". ანჴად ბაპ ი ქ'ა̄თქვიც თხუმ. ეჩუნღო იზელა̄ლდა
Line of edition: 26 ხოხრა მუხბე, კამნი̄ლ. ფიჩქ შიდ ხოყდა̄ნა̄ნ. ალ ბაპუდ ეთთხანა̄ნ. ბაპ
Line of edition: 27 ლეხჭოდდა: "იმთე ლოქ ესღრი?" ეჯნე̄მ ხე̄ქვ: "ჲესვა̄ჲ ლოქ მოჯმაგი̄რ ხეწხი, ეჩხა̄ვ
Line of edition: 28 ლოქ ღური". ეჩქა ბაპდ ხე̄ქვ: "მი ლოქ მაწϩხ". ამნე̄მ ხე̄ქვ: "ჲაღო ლოქ ეზარ.
Line of edition: 29 მაჲ ლოქ მე̄რი ლეშდაბ?" "ყვერულიშდ ლოქ ჯე̄რი ლეხნე". "მაჲ ლოქ მეღვე̄ნი
Line of edition: 30 ქირაჲ?" "ყვერულ, მო̄დეჲ მიჩა ლუგონ. ,"ჲაღო ლოქ ეზარ". ჩ'ო̄თო̄გა̄ნდა
Line of edition: 31 მოჯმაგი̄რდ ი ალე ჩვედსკიბ სგობნავ, ერე "ჲერვა̄ჲ ლოქ ჩვედϩმჯა̄რვე̄ნდეს, ეჯი
Line of edition: 32 ლოქ თხუმე ლექვცე ლე̄სედ", -- ლე̄ქვ მოჯმაგი̄რდ. ბაპდ ხე̄ქვ: "ამჟი ლოქ ლე̄სედ".
Line of edition: 33 სერ ამნე̄მ სემი ლადეღ ქ' ო̄თხანე, ეჩუნღო ანჴად ი ხაძგერ ხანჯარ ი Добавлено (2007-06-25, 6:37 Pm)
---------------------------------------------
: 34 ქ'ა̄ნცϩლϩ̄რე. ხე̄ქვ ბაპს: "ქა ლოქ ხეწდ ყვერულს". ხეწად ბაპ ი ხე̄ქვ: "სი მა̄რე, მაჲ
Line of edition: 35 ლოქ ჩომ?" "ჟი ლოქ ამჟა̄ნდა ლიხნე, ღო ლოქ ამღა ჩვეთϩმჯა̄რვია̄?" ბაპდ ხე̄ქვ:
Line of edition: 36 "ჩუ ლოქ დე̄მამ ოლიმჯა̄რვენ". ეჩანღო დი̄რობდ სგუ̄რდახ. ბაპა ბობშს ყო̄რქა
Line of edition: 37 ლი̄ზი ხეკვად. ხო̄ქვა ბაპს ი მიჩა ჲეხვს: "ქა̄ვ ლოქ ადჲე ბობშ ყო̄რქა". ქ'ა̄დჲე
Line of edition: 38 ბობშ ყო̄რქა. ქ'ა̄ნცϩლϩ̄რე, ჟ'ადკვა̄რ ლϩყა̄რთეჟი. სგ'ა̄ნჴად ქორთე. ლეხჭოდდახ
Line of edition: 39 ბაპ ი მიჩა ჲეხვ: "მაჲ ლოქ ხაყრ ბობშს?" "ჩუ ლოქ ოდაგრ ი ლϩყა̄რთეჟი
Line of edition: 40 ლოქ ოთაკვრ". ბაპდ ხე̄ქვ: "ეჯი ლოქ ლეგ გვეშ ჯიჩმი̄ნა". ეჩქა ჭყინტდ ხე̄ქვ:
Line of edition: 41 "ღო ამღა ჟი ლოქ ესϩმჯა̄რვი̄ხია̄?" "ხემა ოხϩმჯა̄რვი?" ბაპდ ხე̄ქვ. სერ ეჩანღო
Line of edition: 42 ბაპ ი ალ ჭყინტ აჩადხ ცხეკთე, კუბია̄ქ მეგემი ლაქჩათე. ალ ჭყინტდ კა̄დე̄ლ,
Line of edition: 43 ჲერვედა, აგის აცვირ. სერ ერ აჩადხ ი კა̄დე დე̄სა ხუღვა̄ნხ, ჭყინტდ ხე̄ქვ ბაპს: "ჩუ
Page of edition: 283 Line of edition: 1 ლოქ ემე̄შდϩნდა". "ჲაღო ადერ ი ხე̄ქარ მიშგვა ჲეხვს, ქა ლოქ ლაჯო̄დი". აჩად
Line of edition: 2 ალე, მა̄მა ხაშგმინ. ანტახ. ბაპდ ხე̄ქვ: "მაჲ ლოქ ჩომ?" "ხვაშგომ ლოქ, მარა მა̄
Line of edition: 3 ლამო̄მ". ეჩუნღო აჯაღ ადზϩზე. ეჩქაი მა̄მა ხაშგომ. ანტახ ი ხე̄ქვ ბაპს: "მა̄ ლოქ
Line of edition: 4 ლამო̄მ". ბაპდ აჯაღ ატიხ ი ხე̄ქვ: "თხუმჟი ლოქ ჟი ხაჴ კა̄დე ი ეჯჲარი̄ ჟ'ეხიკ".
Line of edition: 5 აჩად ალე ი ამჟი ჩომინ მახჲადა̄რ: ხაჴიდ კა̄დე თხუმლექვა ბაპა ჲეხვს ი ჩვადგა̄ნ.
Line of edition: 6 ეჩანღო აჩად ალ ჭყინტ ი კა̄დე̄ლი ადიჲე ცხეკთე. სერ ეშხუ კუბია̄ქ ერ ჟ'ანქაჩეხ,
Line of edition: 7 ეჩანღო ჭყინტდ ხე̄ქვ ბაპს: "მე̄რმე კუბია̄ქი̄ ლოქ ლექჩე გვა̄რ". ბაპ ლეხჭოდდა:
Line of edition: 8 "იმნარ ლოქ?" ეჩქა ჭყინტდ ხე̄ქვ: "იმნარ ი ამჟი დერ მე̄ქარ, ერე კა̄დე̄ლ ლოქ
Line of edition: 9 ჟივ ოხვიკ, ეჩის ლოქ თხუმჟივ ხვაჴ? მი̄ ამჟი ჩომ ი ისგვი ჲეხვ ჩვადგა̄ნდა". ბაპდ
Line of edition: 10 ხე̄ქვ: "ეჯი ლოქ ლეგდ ჯიჩმი̄ნა". "ჲაღო ამღა ლოქ ჟი ხიმჯა̄რვია̄ ღო?" "ჟი ლოქ
Line of edition: 11 იმნარ ოხϩმჯა̄რვი?" მარა ეჩანღო, კუბვარ ერ ყ'ანსყეხ, აგითე ადჲეხ, ბაპდ ხე̄ქვ
Line of edition: 12 ჭყინტს: "სი ლოქ ბაპართე ადერ". ქ'ა̄ჩად ჭყინტ. ხატუ̄ლი ლარჲალა̄ლუშ: "ისგვე
Line of edition: 13 ლუვარს ი ლϩდგარს ლოქ ეჯჟი ი ამჟი!" სერ იმ ანჴდენო̄ლხ ი ბაპარ ამჟი
Line of edition: 14 ლარჲალა̄ლუშ?! ანჴად ჭყინტ აგითე, ხე̄ქვ ბაპს: "ხვე̄ქარ ლოქ, მარა მა̄ ლოქ ანჴადხ".
Line of edition: 15 ბაპდ ლე̄ქვ: "ეჩხა̄ვ ლოქ მი ოდრი, სი ლოქ აგის ათჯე̄ლა̄ლ. ლემეს ლოქ ხოჩა
Line of edition: 16 ახა̄შვ". აჩად ალ ბაპ. ამნე̄მ ძღϩდ ლემეს ანა̄შვე, ეჯზუმ, ერე ქორს ჟ'ოხბიდნე.
Line of edition: 17 ანჴად ბაპ, ანჴიდ ბაპარ. ქორ ლϩბდინე ესხვი̄და. ლეხჭოდდა: "სი მა̄რე, მაჲ ჩომ?"
Line of edition: 18 "ამჟი დერ მე̄ქარა, ხოჩა ლემესუ ლოქ ოხვა̄შვ". ჟ'ოხვა̄შვ ი ჟი ლახლეფე,
Line of edition: 19 ჟ'ეხბიდდა. ჩიქე ქა ხოთვრიდ მა̄რას, ეჩანღო ჯატკლებხ. ამღა ლოქ ჟ'ეხϩმჯა̄რვია̄ ღო?"
Line of edition: 20 ბაპდ გე̄ქვ: "ჟი ლოქ ა̄დუ ოლიმჯა̄რვენ". სერ ანჴად მოჯმაგი̄რ ი ქ'ა̄თქვიც ბაპს
Line of edition: 21 თხუმ. მიჩა მაღვე̄ნ მაგ ალ ჭყინტს ოსსად. ლახვბაი ჩვედწორე. Line of edition: 22 ჯამზϩრახ ღერთემ! Line of edition: 23
სასაში. აკაკი შანიძე Добавлено (2007-06-25, 6:38 Pm)
---------------------------------------------
ლამექშოლა Line of edition: 25 ჯამზϩრას ღერთემ ი არი ეშხუ მეხთვიარ. ეზარ ითხვიარ, აშ ერე შომაჲ
Line of edition: 26 ღϩრი, აგითე ცარჲელ დე̄მ ტეხნი, ეშხუნღო̄ნენ ჩვეთყϩრჯა̄ნ ლითხვიარ, ეშხუ ზაჲ
Line of edition: 27 ოთჩად, დე̄სსამა ადგარ. ხოლა კუჭ ოხჴად. ეშხუს ლოქ ღϩრი აჯაღ, ე ლოქ
Line of edition: 28 დოსამამ ადგარი, ეჩანღო ლოქ დე̄მ ღϩრი: აჩად, ქა ხეწად ჲერსკენს, ახფიშვდ თოფ ი
Line of edition: 29 ქა ხაჴიდ, ჩვესცვირ, ჩოხწებე ლატფუ̄რას, ჩვანტუფუ̄რე ისგთეჩუ, ჲერსკენდ
Line of edition: 30 ესკუ̄რთხანჲელე, ჩვენქვიც ლაწბინა, ჩ'ოთჩად, ტუფ სგა ლეჲტიხ ი ესქინე.
Line of edition: 31 ღოშგინ მეთხვიარ ხაჭიმ. ხასკვრელ მე̄ვარ, მაჲ ხაყრა, ლუტფუ̄რე ჲერსკენ
Line of edition: 32 ხამა ოთჩად ჩუ. ხაჭიმ ღოშგინ ეშხუ ნაგზი. სგა ლეხჴე̄დვნა̄ნ ხოშა ცხეკთე̄ჲსა. ღოშდ
Line of edition: 33 ესტახ ჲერსკენ: "იმ ლოქ ხაჭიმ მიჩ ჯეჲ?" "ხამა ლოქ იმ ხაჭიმ, ლϩდგარ ჲერსკენ
Line of edition: 34 ლოქ ჩვათჩედა". "ხასკვრელ ლოქა̄, ღვალე?" ხე̄ქვ ჲერსკენდ. "ხამა ლოქ მო̄
Line of edition: 35 ხესკვრელი, ამკალიბ ლოქ და̄ს ხაყრა". "ე ლოქ ხასკვრელ, აჩადუ ლოქ ი ხაჯი
Line of edition: 36 მეთხვიარსუ ლეხჭოდდა". ჩვაცვირ მეთხვიარ ამეჩუ ი ჲერსკენ აჩად მიჩაშდ. Line of edition: 37 მაჲ ჩომნას სერ? ხაჯი მეთხვიარ მა̄ჲღენ ლი, მა̄მ ხომჴერა, მა̄რე ლია̄ ნეპო̄ლ,
Line of edition: 38 ეჩა მა̄მ ხოხალ. ჩვარი ხოშა უდუმბურ ცხეკისა. იმთე̄ ღენ ხა̄რ ლე̄ზი, ეჩა მა̄მ
Line of edition: 39 ხოხალ. ღე̄რბათს ეთჴϩ̄რა̄ნ ი აჩად. ესღრი ცხეკს ეშხუ ლახვთე̄ჲსა. უზომო ჯოგ არი
Line of edition: 40 ჴანიშ ამეჩუ. ძინარუნღო ნებოზდ ესღრი, პილს დეშ ეთლაკა̄ნ. იმე̄ჲ ლას
Line of edition: 41 ნებოზს აჴად კარავნუნ. ჩვარიხ ამეჩუ მϩლდღა ჴანარეშ. "ხოჩა ნებოზ". "ხოჩავ ხაყრა".
Line of edition: 42 "ადგენნეხ ლოქ მო̄ ბა̄ზი ჩუ?" "ადგენნეხ ლოქ" -- მϩლდღად ხე̄ქვხ. ჩვადϩ̄გა̄ნდა
Page of edition: 284 Line of edition: 1 ლახა̄და ლაჭვდჲელა̄ლს, "ხაჯი მეთხვიარს ლოქ ხეთხე̄ლი ჯეჲ, მარა მა̄მა
Line of edition: 2 ლოქ ხოხალ, მაჲღენ ლოქ ლი, კუმაშ ლი ა̄ მა̄რე". ჩვათჩო̄ნდახ მϩლდღას. "მინს
Line of edition: 3 ლოქ ხოთრახ ეჯი. ეჯი ლოქ ლი მინე ხაზეინ. ამეჩუ ლოქ მაჲმა ჯოგ არი, მაგ ლოქ
Line of edition: 4 ეჩა ლი. ამზუმ ლოქ აჯაღ ჩა̄ჟი ჯოგ ხაყა. ეშ ფურიშ ი დაჴϩლ-ღოლჲა̄ქაშ ეშხუ
Line of edition: 5 ნაგზი ლოქ ერ ესღრϩ̄ნი, ჟი ლოქ ხაკუჩ ქა ლაშთხას". ეჯ ლე̄თ ჩვადϩ̄გა̄ნ ეშჩუ. Добавлено (2007-06-25, 6:38 Pm)
---------------------------------------------
6 ძინარს შუკვ ხათო̄ნეხ ი აჩად. ჩა̄ჟი ჯოგთე̄ჲსა ლეხჴედვნა̄ნ. ძინარუნღო ნებოზდ
Line of edition: 7 ესღრი, ჟ'ეხკვად. ნებოზვ ადჴად კარავნუნ. ჩვადϩ̄გა̄ნ ეშჩუ. ეჯჲარდ აჯაღ ეჲჟი
Line of edition: 8 ხე̄ქვხ მაგ გვეშ ი ამბავ. ძინარს შუკვ ხათო̄ნეხ ი აფიშვდხ. მესმა ლადეღ ფური
Line of edition: 9 ჯოგთე ლეხჴე̄დვნა̄ნ. აჯაღ ძინარუნღო ნებოზდ ესღრი, ნებოზს ადჴად კარავნუნ. ეჯ
Line of edition: 10 ლე̄თ ჩვადϩ̄გა̄ნ ეშჩუ. ძინარს აჯაღ ხათო̄ნეხ შუკვ ი აჩად. დაჴϩლ-ღოლჲა̄ქა ჯოგთე
Line of edition: 11 ლეხჴე̄დვნა̄ნ. ეჯ ლე̄თ ჩვადგϩ̄გა̄ნ ეშჩუ. ხეჭვდჲელა̄ლხ მϩლდღა: "იმავ ლოქ ესღრი?"
Line of edition: 12 "ჲაღო ლოქ ხაჯი მეთხვიარს ხეთხე̄ლი. ჲერუ ნაგზი ლოქ ლი, ერე ეჩა ლათხე̄ლითე
Line of edition: 13 ლოქ ანღრი. ეშხუ ნაგზი ლოქ ცხეკისა ხა̄რ ი მე̄რმე ლახვისა. ათხე ლოქ
Line of edition: 14 ამეჩუ ხოთო̄ნახ შუკვ, მინეშთე. მინდ ლოქ ნო̄თი ხათო̄ნახ? "ადვილ გვეშ ლოქ
Line of edition: 15 ლი. სერ ფე̄დჲას ლოქ ლი ეჯი. სადლობნუნ ლოქ ჩვადჴდენი". ქა ხათო̄ნეხ შუკვ.
Line of edition: 16 "იმჟი ლოქ ათერ ჩუ?" ლეხჭოდდა მϩლდღას. "იმჟი ლოქ ი ეჯის ლოქ ხო̄ბ გუთან
Line of edition: 17 ლაჴანს. ეშხვნენ ლოქ ხო̄ბ წელ ი მე̄რმახენ -- კამბეჩ. ბერჟი უღვა ლოქ ჟი
Line of edition: 18 ხოგ. ეჯი ლოქ ლი ხაჯი მეთხვიარ". ჩვადჴად სოფელთე სადლობა დროჲნუნ.
Line of edition: 19 ესზელა̄ლე ი ქა ხეწად ალ მა̄რას. ხოჩა ლადეღ ხე̄ქვ, "ხოჩავ ლოქ ხაყრა". "ჯეჲ ლოქ
Line of edition: 20 მა̄ ლია̄ ხაჯი მეთხვიარ?" "ჯეჲ ლოქ ლი". "მიჩა̄შთე ლოქ ემჴედ ჯეჲ". "ეზარ ჲაღო,
Line of edition: 21 ჩუვ ლოქ ესსგუ̄რდა!" ჩვესსგუ̄რდახ ჲერქე̄და. სადილ ოხჴად მიჩა
Line of edition: 22 ჲეხვემ ხაჯის. სადილ ჩუ ლალე̄მხ. ეჩანღო̄ნენ ნებოზს აჩადხ აგითე. ნავახშობენ
Line of edition: 23 ლეხჭოდდა ხაჯი: "მაჲ ლოქ ხაწϩხ მიჩ?" "ხამა ლოქ მაჲ ხაწϩხ, მიჩა გაჭირვებას
Line of edition: 24 ლოქ ერ ლახა̄დეს ლა̄მბვის, ბა̄ზი ლოქ ჟი ხაკუჩ". "ოხომბვევ ლოქ ჲაღო". ხაჯიდ
Line of edition: 25 ხე̄ქვ. ლახა̄და ლა̄მბვისა, ქ' ოხომბვე მაგ ალე, მაჲ გაჭირვება ეთლაჴა̄ნ ი ღოშგინ
Line of edition: 26 პილს ხე̄ქვ, ერე .ათხე ლოქ მიჩა̄შთე ოხთო̄ნახ მიჩა ლაჭვდჲელდ. ამჟი ლოქ
Line of edition: 27 ლი მიჩა გვეშ". "ამსერ ლოქ მა̄მა გაჭირვება ხალკენაჲა?" ხაჯიდ ხე̄ქვ: "ალე ლოქ
Line of edition: 28 დეშ ი̄რო̄ლა გაჭირვებად". "ჲაღო ლოქ მიჩაშზუმ გაჭივრება̄ ნა̄ზნან მა̄ ლოქ
Line of edition: 29 ლϩმა̄რ ჯეჲ" -- ხაჯიდ ხე̄ქვ. "ათხე ლოქ ჯეჲ ოხო̄მბვი მიჩა გაჭივრებას: ჯეჲ ლოქ
Line of edition: 30 ხოჩულ მეთხვიარ ლϩმა̄რ მიჩაშდ. ერ ლოქ ლϩმა̄ზინ, ნათხვიარე̄მი ჯოგს ლარკვლუშ
Line of edition: 31 ლოქ ლϩმჴიდინ აგითე. ეშხუ ნებოზ ლოქ მაფშა̄რ & |
| |
| | |
|
Мужчина |
Date: Понедельник, 2007-06-25, 6:41 PM | Message # 88 |
|
Group: Проверенные
Posts: 352
Status:Offline
Дата регистрации:
2006-09-07 |
: 31 ლოქ ლϩმჴიდინ აგითე. ეშხუ ნებოზ ლოქ მაფშა̄რ ლϩმა̄რ. ლϩკდϩრა̄ლე
Line of edition: 32 ლოქ ლϩმა̄რ ი ნავახშობენ ლოქ ლოხტუ̄ლა მϩრა̄მ: ქა ლოქ ალსგიდნე̄ლი ყორქა!
Line of edition: 33 ჩუ ლოქ ასხვე̄ნა ქა̄მ მა̄რე. ხოყი̄რა ლოქ მადრაჴ მიჩაშდ: ვილდ ლოქ ოსსიპა, ჟი
Line of edition: 34 ლოქ ლახსგურე̄ნა. ოთჲა ლოქ. ჩუ ლოქ ოთო̄ზუნა̄ლვნა ძუღვა̄შ ი ხმელადი ნე̄სგა
Line of edition: 35 მაგ ლირვა̄ლნუნ. ლირვა̄ლნუნ ლოქ ოხჴი̄და აგითე გადარწიანებულ. ეჯ ლადეღ
Line of edition: 36 დეშ ლოქ ალქუ̄თნელი. მე̄რმა ლე̄თ აჯაღ ლოქ ლოხტუ̄ლა ყო̄რქა. ქა ლოქ
Line of edition: 37 ოთსკინა ფარფაშაჲ, აჯაღ ლოქ ჩვესხვე̄ნა ქა̄მ ეჯი მა̄რე. ხოყირა ლოქ აჯაღ მადრაჴ,
Line of edition: 38 ირემდ ლოქ ოსსიპა, ჟი ლოქ ლახსგურე̄ნა, ჩუ ლოქ ოთოზინა̄ლვნა მაგ, ცხეკ ი
Line of edition: 39 ველ, ლირვა̄ლნუნ. ლურვან ლოქ ოხტი̄ხა აჯაღ აგითე. აჯაღ ლოქ მე̄რმა ლადეღ
Line of edition: 40 ჩუ დეშ ალქუთნე̄ლი. მე̄სმა ლე̄თიშდ ლო̄ქ ემკვებ, ხანჯარ ლოქ ქა ლოხბა. აჯაღ
Line of edition: 41 ლოქ ლოხტუ̄ლა ყო̄რქა მე̄სმა ლე̄თ. ქა ლოქ ოთსკინა ყო̄რქა. ჩუ ლოქ ესხვე̄ნა
Line of edition: 42 აჯაღ ჲეზვისა. ოხსიპა ლოქ აჯაღ მადრაჴ. ეჩქა ლოქ ქ'ო̄სწა̄ნა ხანჯარ, ხოყი̄რა
Line of edition: 43 ლოქ მადრაჴიშდ ი ქა ლოქ ოთქვი̄ცა ტოტ. მა̄რე ლოქ ჩვათჩედა. მადრაჴი ტოტ
Page of edition: 285 Line of edition: 1 სგა ლოქ ოხჴი̄და ქორთე, ქა ლოქ ხოწვე̄ნა მიჩა ჲეხვეშდ. ალეს ლოქ ხატცინა
Line of edition: 2 ალ მადრაჴს, ჲერვა̄ჲღენ ლოქ ლϩმა̄რ. მაჲ ლოქ ვილდ ხასპინა, მაჲ ირემდ. ათხე
Line of edition: 3 ლოქ ჩ'ოთქვი̄ცა ალ მადრაჴ. ქ ა̄ხბი̄შდე̄ნა მიჩა ჲეხვ. ხოყი̄რა ლოქ მიჩაშდ,
Line of edition: 4 ჯუვა ჟეღდ ლოქ ოსსიპა ჯეჲ. ქა ლოქ ოხკვა̄რა ყო̄რქა, ქვეყანა̄ ჟეღ ლოქ
Line of edition: 5 ჟ'ესბურდე̄ნა ლაჯვანა̄ლდ ი თხუმ ლოქ ოხსისგახ. გაღებ ლოქ ამჟი ხაღვე̄ნა, იმჟი̄ ლოქ
Line of edition: 6 ათხე ხუღვა. ხოლა კუჭ ლოქ ახჴედა, სგა ლოქ ათშგება ქორთე მიჩა ჲეხვს ი
Line of edition: 7 მიჩა მუხვბას. ნო̄თი ლოქ ჩუ მოშ ადგϩლϩ̄რას ჲედ ლოქ ჯეჲ ნოთი ოთდაგრე̄ნხ.
Line of edition: 8 ხაკუდა ლოქ ლიგლϩ̄რე ი ეჲჟი ლოქ აჯაღ ხოყი̄რახ მადრაჴ, წელდ ლოქ ოსსიპახ,
Line of edition: 9 ქა ლოქ ოხკვა̄რახ ყო̄რქა. ჲესვა̄ჲ ლოქ ლელგვე̄რი ხაღვე̄ნა, მაგ ლოქ მიჩ ხაცვმინა.
Line of edition: 10 ლესგი გვე̄რე ლოქ დე̄სა ლოხცვი̄რახ. აჯაღ ლოქ თხუმ ახსისგე̄ნა, სგა ლოქ
Line of edition: 11 ათშგება ქორთე, აჯაღ ლოქ ხოყი̄რა მადრაჴ ი ხვირ ჟეღდ ოსსიპახ. ქოხკვარა̄ხ
Line of edition: 12 ყო̄რქა. ათხი̄დე̄ნა, ლახ ლოქ ჯუვა მო̄ ლი, ჟეღარ ლოქ ეში̄ დე̄მ ხებურდო̄ლნიხ.
Line of edition: 13 ემჩედ ლაკვა̄რჲელთე. ლახვთე ლოქ ლახჴე̄დვნე̄ნა. დაჴლარე მϩლდღას ლოქ
Line of edition: 14 ათლაკე̄ნა. ათხი̄დენახ ლოქ ეჯიარს. ალე ლოქ ეზარ ჟეღ ლი. ნოთი ლოქ ჯოგს
Line of edition: 15 ილჩϩდეს ლე̄თშვ, თხე̄რე̄ლ ლოქ ხამთქვახ, თვითი ჲერუ დაჴϩლს ლოქ ჩი ლე̄თ
Line of edition: 16 აგლϩ̄რეხ. ლეზობ ხო̄მნახ მასარდ, ჩოსბახ ეჯ ლე̄თ ჯოგისა. ისგლე̄თისა ლოქ
Line of edition: 17 ემჴედხ ჲერუ თხე̄რე. ჩ'ო̄თგϩლϩ̄რახ ჲერუ დაჴϩლ. ჯეჲ ლოქ იმ იჩიმნა, ლϩბე ლოქ
Line of edition: 18 ლϩმარე̄ლი. ალგენე̄ლიხ ლოქ ძინარს მϩლდღა, ჲერუ დაჴϩლ ლϩგლϩ̄რე ლოქ
Line of edition: 19 ასხვე̄ნახ. ხო̄ქვახ, ერე "ჲალე ჟეღს ლოქ მა̄ ხაყე̄ნა ლეგვა̄ვიდ". მე̄რმა ლე̄თ ლოქ
Line of edition: 20 აჯაღ ჩ' ოსბახ. აჯაღ ლოქ ემჴედხ თხე̄რე̄ლ. აჯაღ ლოქ ჩ'ოთგϩლϩ̄რახ ჲერუ დაჴϩლ.
Line of edition: 21 ძინარს ლოქ ალგენე̄ლიხ, ლϩგლϩ̄რე ლოქ ასხვე̄ნახ ჲერუ დაჴე̄ლ. ხო̄ქვახ ლოქ
Line of edition: 22 მϩლდღას: "ჩუვ ლოქ ადგარხ ალ ჟეღ, მა̄ ლოქ ხაყე̄ნა ლეგვა̄ვიდ". "დე̄მა ლოქ",
Line of edition: 23 ეშხუს ხო̄ქვა: "ბა̄ზი ლოქ ჟივ ანფიშვდხ, ამ ჲერუ ლე̄თ ლოქ ლϩბე ლϩმა̄რ. ბა̄ზი
Line of edition: 24 ლოქ ეამ დემ იჩო, დო̄მაჲ აჩეს ლოქ მიჩაშდ, ჩუ ლოქ დე̄მ ადგარი, იმნარ ლოქДобавлено (2007-06-25, 6:40 Pm)
---------------------------------------------
25 ენხვი̄ნე ამშა ცოდს". ჟ'ოხფი̄შდვახ მესმა ლე̄თ. ემჴედხ თხე̄რე̄ლ, სგა ხოფხიჭა
Line of edition: 26 ჲერუ თხე̄რად, ჩ'ო̄თშგუდა̄ლა ჲერქე̄და, ეშხვა̄რ ლოხყვინა. ალგენე̄ლიხ ძინარს
Line of edition: 27 მϩლდღა. ხაწდახ, თხე̄რე̄ლ ლუშგუდ ლϩმარდხ. ათხი̄დე̄ნახ მე̄ვარ, "ლახ ლოქ
Line of edition: 28 ამთა̄ნ ჟეღ ლი ალე". მინე ნა̄თი ლეზობს ეჯის ხა̄მნინახ, ხალტე̄ნახ მე̄ვარ. ეჲჟი
Line of edition: 29 ემჴედ ეჯჲარე ხაზეინ ჯოგი ლაწედდ. ხაწდა ჟეღს, მე̄ვარ ლახსიამე̄ნა: "ალე ჟეღ
Line of edition: 30 ლოქ ადჲე. ამშაშურ ლილდეღ ლოქ მა̄ ხაჲმედა". "ჲაღო ლოქ ქავ ლახდია̄ნეხ
Line of edition: 31 ლათხვიარდ". ოთჲა. ქა ხაწდა ჲერსკენს. ახჭემა ლოქ ღოშგინ ჯეჲ ი ეშხუ ნაგზი
Line of edition: 32 ლოქ ხაჭმა. სგა ლოქ ლახჴე̄დვნე̄ნა კოჯთე̄ჲსა. ღოშდ ლოქ ესტეხა. "იმ ლოქ
Line of edition: 33 ხაჭიმ მიჩ? ჯეჲ ლოქ ხაჯი ლი, ჩუ ლოქ ხოხალ". "ჩუ ლოქ ალჩერვე̄ლი. დესსამა ლოქ
Line of edition: 34 ხო̄ქვა. "მიჩაშდ ლოქ ახ ლი, მადრაჴ ლოქ ერ ოთქვი̄ცა მიჩაშდ, ეჯღა ლოქ ხა̄რ
Line of edition: 35 ამჟი. ჟ'ოხკი̄და მადრაჴი კელ ი ქა ხოწვე̄ნა: "ალე ლოქ ლი ეჯი". ზურა̄ლდ
Line of edition: 36 ესსიპე̄ნა ჲერსკვნ, "ჯეჲ ლოქ ერ ხე̄ქვნი, ეჲჟი ლოქ ე ოთჯირვი, მა̄რად ლოქ ესსიპნე,
Line of edition: 37 იმჟი̄ ლოქ ლϩმა̄რ ეჲჟი". "მახჲადა̄რ ლოქ ოთჯირვი". ოხკი̄და მადრაჴ ი მა̄რად
Line of edition: 38 ოსსიპა. "ათხე ლოქ ალ მადრაჴი კელს ქა ლახო̄დი, ადჲეუ ლოქ აგითე ი ხაჴიდუ
Line of edition: 39 ლოქ მიჩა ჲეხვს ი მიჩა მუხვბას. ეშხუ ლოქ წელდუ ესსიპე, მე̄რმე კამბეჩდ ი
Line of edition: 40 ბერჟი უღვა ლოქ ჟიუ ესგე. ჯეჲ ლოქ ჲეხვდუ ადჲე", -- ალ ჲერსკენდ ხე̄ქვ. ამჟი
Line of edition: 41 ჩომინ. აჩად აგითე ი ეშხუ წელდ ესსიპე ი მე̄რმე კამბეჩდ. "ალჲარ ლოქ ლიხ,
Line of edition: 42 ლაჴანისა ერ მი̄ბხ. ეშხუ ლოქ მიჩა ჲეხვ ლი, მე̄რმე მიჩა მუხვბე. ალე ლოქ ჲეხვდ
Line of edition: 43 ოხჴი̄და. ხონკვი ლოქ ერ ჲეზვისა ხატცინა მადრაჴს. ეჯი ლოქ ლი ალე, ათხე ჲეხვ
Page of edition: 286 Line of edition: 1 მიჩა. ათხე ლოქ ალე ოხჴი̄და ჲეხვდ. მიჩ ლოქ მა̄ჲმა ჯოგარ ხოწვა, ეჯი ლოქ ზითევდ
Line of edition: 2 ახყე̄ნა. ამჟი ლოქ ლϩმა̄რ მიჩა გვეშ. მიჯნე̄მი ლოქ ამჟიუ ჩომინ! მადრაჴს ლოქ ქა
Line of edition: 3 ლახო̄დი, ხაჴიდუ ლოქ მიჩა მუხვბას ი მიჩა ჲეხვს, ეშხუ ლოქ კამბეჩდუ ესსიპე
Line of edition: 4 მე̄რმე -- წელდ. ბერჟი უ̄ღვა ლოქ ჟივ ესგე. ეჯი ლოქ ჲეხვდუ ენჴიდ, ლუტფუ̄რე
Line of edition: 5 ჲერსკენ ლოქ ერ ათჩედა. ეჯი ლოქ ლი ამშა უდილ, მიჩა ჲეხვეშ. ამზუმ ჯოგ ლოქ
Line of edition: 6 ახყა ეჯისი̄ ზითევდ". აჩად ალ მეთხვიარ ი ამჟი ჩომინ ი ასადხ ლამექშოლა. Line of edition: 7 ჯამზϩრას ღერთემ! Line of edition: 8
ჟახუნდერი. აკაკი შანიძე Добавлено (2007-06-25, 6:40 Pm)
---------------------------------------------
ღა̄რი̄ბ მა̄რე̄მიშ ლიდოხტურ Line of edition: 10 არდა ეშხუ ღარიბ მა̄რე, ლϩჲეხვ-ლϩგძელ. მინე ბედჟი სარჩო დე̄სამა არდ ი
Line of edition: 11 ხა̄დახ გაჭირვებულდ. ჲეხვემ ხე̄ქვ ჭაშს: "მიშგვი ჭაშ, ადერ ლაჯმაგი̄რთე ი ნო̄თი
Line of edition: 12 ესამა ხითხა". აჩად ღვაჟმა̄რე იეშხუ ზაჲ ჩ'ო̄თო̄გა̄ნ მოჯმაგი̄რდ ეშხუ მა̄რას
Line of edition: 13 ვოხუშდ მანათდ ზაისა. ეშხუ ზაჲ ქ'ო̄თჩად ი ჯამაგი̄რს ქ'ეხბი̄შდა ი აგითე ანჩად.
Line of edition: 14 ჲეხე ლეგდ ოთჴად. მეზვბელარდ ხე̄ქვხ: "ჲეხე ლეგდ ჯაყა, თეთრ ათხე ჯუღვა,
Line of edition: 15 დოხტურ ანჴϩ ი ჲეხვს. ჟ'ახხოჩვი". აჩად ი დოხტურ ანჴიდ. დოხტურ ხეწად
Line of edition: 16 ლეგმერდას, ოხო̄წვე̄ნე მაჯაშ, ჟაგ ოთი̄რე, "ამშა ჟაგ ანჴϩ ი ჟენხოჩვი". ალ ვოხუშდ
Line of edition: 17 მანათ, ჯამაგი̄რ მიჩა, დოხტურდ ადჲე. Line of edition: 18 ალ მა̄რად ესფიქრე: "მი ეშხუ ზაჲ ოხვეკვდ ვოხუშდ მანთი ლათხელის, დოხტურდ
Line of edition: 19 ეშხუ ნიმუტისა ითხე. დოხტურობ ხოჩა ლϩმა̄რ". მიჩა ჲეხვს ხე̄ქვ: "მი დოხტურდ
Line of edition: 20 ღური". ქორს ი ლირდეს ქა ვოდი ი დოხტურიშ ლერექვს ჟი ხვიყდი.
Line of edition: 21 დოხტურდ ღური". ზურალ იმშა ვარს ხე̄ქვნა? ღვაჟმა̄რად ქ'ა̄დვოდე ქორ ი ლირდე,
Line of edition: 22 დოხტური ლერექვ ჟ' ენყიდე, მიჩა ლϩბარგდ აჩად ჯო̄დჲა ქვეყანათე. ეშხუ აგის
Line of edition: 23 ჩვედბϩრგა̄ნ. ვივესკა ანსყე ი ჟი ლახლაჯე ყო̄რს: "მახე დოხტურჲას ჯაწϩხ?" ეშხუ
Line of edition: 24 მა̄რე ანჴად: "დოხტურ ლოქ მიჩ ხაწϩხ, ლეგდმერდე ხაყა მე̄ვარ". ოთϩნჴერდა,
Line of edition: 25 ხეწად ლეგდმერდას, მაჯაშ ოხწვე̄ნე. "ათხე მა̄მა ლი, მϩხარ ძინარს ონჴვდენი ი
Line of edition: 26 ჟ' ოხხოჩვი". დოხტურ აჩად. მე̄რმა ძინარს ანჴად, ხეწად აჯაღ ი მა̄მა ანხოჩვე.
Line of edition: 27 აჯაღ მესმა ლადღიშდ ოთბაცე. მესმა ლადეღ ანჴად. ლეგმერდას ხაგϩრგალი: "ჟივ
Line of edition: 28 ენხოჩვა̄ნ, ოდო ხოლა̄მდ ჯახლა". ალე ქა̄მ ლეგმერდე̄მი პატრონ ხოკϩლდინე; "ჟივ
Line of edition: 29 ანხოჩვე!" დოხტურ ხაყლე: "კოტო̄ლ მაღა̄მϩნ". დოხტურდ ესფიქრე: "მი ეში̄
Line of edition: 30 ხოლა̄მდ მახლახ ი ამის ლუვარს დე̄მ ცურე". ყიას სგა ხაფხიჭე, სგ'ო̄ხთილ ყია̄ჲსა
Line of edition: 31 ი ჯუგმარდს ნიჩვარისა ხატცი. ალ ლეგმერდას ესრენ ხუნაგ ხეზგი. ჩუ დერ
Line of edition: 32 ოთთხარ ყია̄ჲსა ლადგარჟი. ოხბინე თა̄რემ ლი̄ზი ი ლეგმერდე იხჩოვა̄ლ. ალეს
Line of edition: 33 ერ ხეწად, დოხტურ ხოჩა გუჟი ანჴად. ლიმშარა̄ლშვ გარგლა ედბინე: სგაჲ მა̄
Line of edition: 34 ჯიხა̄ლდახ, ერე მი მაჲ დოხტურ ხვას?! ლიც ანჴიდდ ლაბრა̄ლ!" ლიც ოხჴიდხ,
Line of edition: 35 ჩვადბარეხ, ჟ'ოხო̄ზინეხ. ლეგმერდე ჟ'ენხოჩვა̄ნ. დოხტურ ქა̄ნჩად ყო̄რქა.
Line of edition: 36 ნაჲქიმურს ხაჭრაჟიხ. დოხტურ ვარს ხაყლე: "ისგვე თეთრ ლოქ მაჲ მე̄რი?! თეთრ
Line of edition: 37 მიშგვი მასარდ მუღვა". დოხტურ მიჩა აგითე აჩად. სგობინ ლახხვი̄და ეშხუ
Line of edition: 38 მეჩი ზურა̄ლ. ზურა̄ლდ ხე̄ქე: "ნა̄ჲქიმუ̄რს ეხბიშდ სემი ლϩჭიშხ დაჴϩლს ი მიჩა
Line of edition: 39 მადრაჴს". ალ მა̄რად ხე̄ქვ: "დაჴϩლ მაჲ მე̄რი?" ზურა̄ლდ ხე̄ქვ: "დაჴϩლ ხემა მაჲ
Line of edition: 40 ჯე̄რი, ეჯ დაჴϩლ ეშხუ სახელწიფი ფას ლი: ვოშა̄მ მადრაჴს ხაჴდე, ეჩშელდ ვოქრს ი Добавлено (2007-06-25, 6:40 Pm)
---------------------------------------------
41 თვალ-მარგალიტს შϩდე". გაცხაჲდ, დაჴϩლს ი მიჩა მადრაჴს ახბი̄შდა დოხტურ
Line of edition: 42 ნა̄ჲქიმუ̄რდ. ანჴად აგითე. მადრაჴ ხოჩიდ. გაცხაჲდ, ენბინე ლიშდე თვალ-მარგალიტიშ
Page of edition: 287 Line of edition: 1 დოხტურს ათხი̄დϩ̄ნდა. აგითე ლი̄ზი ენბინე. ანჴად ეშხუ მინდორთე. ეშხუ
Line of edition: 2 მინდორისა ჩვედზიგა̄ნ. ხვაჲ ეზერ გეჲჩინა მაგ: მომსახურა ი მაგ იშგენ, მაგ
Line of edition: 3 ჲედურდ. ეშთა̄ნ მეზგე ლი, ერე ძღϩდ დიდარ. მიჩა ჲეხვს ხე̄ქვ დოხტურდ:
Line of edition: 4 "მიშგვი ჲეხვ, მი ღური აჯაღ ლადოხტურთე. მიშგვათა̄ნდ დოხტურობს დეშერ იჩო".
Line of edition: 5 ზურა̄ლდ ხე̄ქვ: "ღერთა ნავოდ კეთილ ნϩმა ალთუფიდ". "ნϩმა ჯაყლუ̄ნი! ამზუმს
Line of edition: 6 აჯაღ ხვითხე̄ლნე". Line of edition: 7 ღვაჟმა̄რე აჩად. ჯოდჲა მინდორს შუკვჟი̄ნე ვილჟი მესგვრე მა̄რე ლახხვიდა.
Line of edition: 8 "ხოჩავ ლადეღ ჯა̄რ, სი მა̄რე!" "ხოჩავ ჯაყრა!" "იმთე ესღრი?" "იმთე ი ლადოხტურთე,
Line of edition: 9 მი ხოჩა დოხტურ ხვი. "დე̄მ ლემჲაფხნიკნეა̄, სი მა̄რე?" "ჯიხალმო დოხტურობ?
Line of edition: 10 "კოტ-კოტო̄ლ ჩუ მიხალ. Line of edition: 11 აჩადხ ეშხუდ. ეშხუ ადგილჟი, ლიჲფხნიკ ერ ლე̄ქვხ, ეჩქას ხე̄ქვ ამნე̄მ:
Line of edition: 12 "სადილს ნო̄მ ლიზბიდ ვოდ ალ ადგილნენ". ალ დოხტურდ ხე̄ქვ: "მი მა̄მა მუღვა
Line of edition: 13 ლეზობ ი სი̄ მა̄მა ჯუღვა, ჩუ იმ ლელზობიდ?" ეჯი ადგილნუნ ერ ადჴადხ, ეჩქას ვილ
Line of edition: 14 ხშგმინ ლალსგურად. დოხტურ ვილს ლახსგუ̄რდა. ალ მა̄რე ქვეით ანღრი. დოხტურს
Line of edition: 15 ლეზობდ გუ ლახა̄და ი ტოტარს ლიფათური ოთბინე აბგათე. აბგა̄ჲსა ახხვი̄და
Line of edition: 16 კეპკვაჲ, დოხტურდ ჟ' ენკიდ ი ჩუ ლალე̄მ მაგ. ეჯი ადგილნუნ ადჴადხ. ჩ'ოხქახ
Line of edition: 17 დოხტურ: "ჟივ ენშომეხ". ათხე დოხტურს ხე̄ქვ მიჩა აფხნიკდ: "აბგა̄ჲსა დიარ
Line of edition: 18 ეხიკ ი ლალე̄მად! ალ დოხტურდ ატკაზ ლე̄ქვ: "დიარ ლოქ დე̄სა არი". "ჲაღო
Line of edition: 19 მაჲ ლაყრიდ?" ლიც ლალϩ̄შხ ი აჩადხ. Line of edition: 20 სგა აჴადხ გოროდთე̄ჲსა. "ჲაღო დოხტურ ჲას ჯაწϩხხ?" ანჴადხ ლეგმერდე̄ლეშ
Line of edition: 21 პატრონუ. დოხტვრალ ადჲეხ. ლეგმერდე̄ლ ხაწვე̄ნეხ. დოხტურდ ხე̄ქვ მიჩა მახე
Line of edition: 22 აფხნიკს: "ჟივ ანხოჩვე მიჯნე̄მ!" "ეზერ". აჩად მიჩა აფხნიკ, ლეგმერდე ჩვაბჴვ,
Line of edition: 23 წიკა̄ნტარ ჟ' ოხკიდ, ჩვადშყოდე, სგ' ო̄თტიხ ი ჟ'ანშხებე. ესბიდ ლიც. ჩვადმეზრე,
Line of edition: 24 უსტა̄რუნ ესა̄ჲრე ი ჟ' ანხოჩვე ლეგმერე. ნა̄ჲქიმუ̄რ ენკიდხ ი ქ'ა̄ჩადხ. Line of edition: 25 აჩადხ მე̄რმა ლეგმერდათე. მე̄რმა ლეგმერდას ალ დოხტურ ლახა̄და ლა̄ჲქიმას.
Line of edition: 26 ლეგმერდას ხეწად. მაჯაშ ოხწვე̄ნე, მა̄მ ენხოჩვა̄ნ. ეჩუნღო̄ნენ ლიკϩლდი̄ნე
Line of edition: 27 ოხბინეხ. "მაღა̄მნედ კოტო̄ლ". ეჩუნღო̄ნენ ყია̄ჲსა ხაფხიჭე, ჯუგვმარდ ნიჩვისა
Line of edition: 28 ხოჩიდ, მარა ეში̄ მაჲ ჩუ დო ადგა̄ნ. მა̄მა ენხოჩვა̄ნ. ეჯის ხოხა̄ლდა, ერე იმჟი̄
Line of edition: 29 კეცხაშ. ოხხოჩავ ნაყირშვ, ეჲჟი̄ნე ენხოჩვი ლოქ ალე ლეგმერდე̄ჲ, მარა სგა
Line of edition: 30 ლახდაგა̄ნდა. "ე, მიშგვი აფხნიკ, მიშგვი გვეშ ხოლა̄მდ ღϩრი, მიწად მა̄ლე, ოდო
Line of edition: 31 ჲექდა̄შ გვადგარიხ". აჩად აფხნიკ ი ლϩდგარ ჟ' ანლუვარე. თეთრ ენკიდხ ი აჩადხ.
Line of edition: 32 შუკვჟი̄ნე თეთრს ი̄თახ, აფხნიკდ ალ თეთრ სემდ აყვილ. ალ დოხტურდ ხე̄ქვ:
Line of edition: 33 "სერ იმნარ ხϩ̄თე? ნაჲ ჲერუ ლიშდ". "იმნარ ი ეჯღა ხუ̄თე, ერე ეშხუ ნა̄თი სი,
Line of edition: 34 მე̄რმე მი, მესმე ჲერვა̄ჲდ დიარ ენკიდ ი ლალე̄მ, ეჩა ნა̄თი ლი". ამშა ლაგϩრგალჟი̄ნე
Line of edition: 35 დოხტურდ ენკიდ ბღე̄ლ-ბღე̄ლ: "ეჯი დიარ მი ლოხვემ!" "ჰმϩ, ჲაღო ჲერუ
Line of edition: 36 ნა̄თი სი ჯე̄რი, მესმედ მი". ამეჟი ჩვაყვალხ. ღოშგინპილს, ლი̄ზა̄ლს, აფხნიკდ
Line of edition: 37 ლახტუ̄ლე დოხტურს: "მაგვარ ლოქ ლირდე ეჩქად ჯა̄და, ეჯჟი̄ნ ლირდე ათხე̄ვ
Line of edition: 38 ლოქ ჯა̄რ". დოხტურ ერ ანჴად აგითე, მიჩა ჲეხვ ი გეზალ მაგ გაჭივრებულ მეგემ
Line of edition: 39 ჩუქვა̄ნ ესხვი̄და. Line of edition: 40 ესრენ ეჯი, ეჩა აფხნიკ, იესო ქრისდე ლϩმა̄რ. Line of edition: 41
ჟახუნდერი. აკაკი შანიძე Добавлено (2007-06-25, 6:41 Pm)
---------------------------------------------
აჩუ Line of edition: 2 ჯამზϩრას ღერთემ! ამეჩუ არი ეშხუ მა̄რე. ეშხუ გეზალ ხაყა ი ჩხარა ლა̄ბ
Line of edition: 3 ვოქრ ი თეთრ ხუღვა. ათა̄და: "გეზალ ლოქ ხა̄რ ლეჲეს ლათორთე". ადლა̄ბე სემი Line of edition: 4 წელ თეთრშვ ი ეოქრშვ ი ადჲე ალე -- სემი ლა̄ბ თეთრ ი ვოქრ ი გეზალ ი აჩადხ.
Line of edition: 5 ესა̄გა̄ნხ შუკვს. ესღრიხ ალ მა̄რე ი მიჩა გეზალ. ოსყა ლათორთე. შუკვჟი̄ნენ ნიც
Line of edition: 6 ახხვი̄და ქა ლე̄ზი. ჩა̄ჟს ხე̄ქვ: "აჩუ, აჩუ, ქავ აჩად ნიცქა!" ამშა ლა̄ქვი̄სჟი ჟ'ანსკინე
Line of edition: 7 ნიცხენჟი წϩრნი მა̄რად ი ხე̄ქვ: "იმ ლოქ ხატუ̄ლი?" გზა̄ვრდ ხე̄ქვ: "მიჩ ლოქ
Line of edition: 8 მიჩაშდ მა̄მ ხოტულა, ჩა̄ჟიშდ ლოქ ხო̄ქვა აჩუ-აჩუ". "ჲაღო მიჩ ლოქ ხაჲშხა აჩუ-აჩუ".
Line of edition: 9 წϩრნი მა̄რე ლეხჭოდდა: ."იმთე ლოქ ესღრი?" გზავრდ ხე̄ქვ: "გეზალ ლოქ
Line of edition: 10 ოსყა ლათორთე, ალ სემი ლა̄ბს ამშა მუთვრის ლოქ ხოცვრე". "ჲაღო ჩუვ ოსცვირ
Line of edition: 11 მიჩ ი ეშხუ ზაჲ ლოქ ერ ქ'ა̄დინე, ანჴადუ ი ემოშ ლოქ ათერ მიჩა გეზალს,
Line of edition: 12 ადჲევ ლოქუ აგითე ი ე ლოქ დოშ ათერ, მიჩ ლოქ ხე̄რი ი ჯეჲ ლოქ ადინე აგითე
Line of edition: 13 ცარჲელაჲ". გზა̄ვრდ ხე̄ქვ: "ეზარ ლოქ". ჩვედრიგვა̄ნხ ამჟი̄ნენ ი ალ მა̄რე აჩად
Line of edition: 14 აგითე. ეშხუ ზაჲ ერ ქ'ა̄ჩად, ადლა̄ბე ალ მა̄რად სემი წელ თეთრშვ ი ვოქრშვ ი
Line of edition: 15 აჩად. ერ აჴად ალ ლიცნუნ, ხე̄ქვ ჩა̄ჟს: "აჩუ, აჩუ!" ჟ' ანსკინე ნიცხენჟი̄ნენ ალ
Line of edition: 16 წϩრნი მა̄რად ი ჩ' ოთჟოღდა ნიცლექვა, ჩვადჲე მიჩა აგითე. ეზარდ ლეხხელა̄ნდა.
Line of edition: 17 ეჯ ლე̄თ გეზალ ქა ხაწვე̄ნე. გეზალდ ხე̄ქვ მიჩ |
| |
| | |
|
Мужчина |
Date: Понедельник, 2007-06-25, 6:44 PM | Message # 89 |
|
Group: Модераторы
Posts: 990
Status:Offline
Дата регистрации:
2006-08-29 |
17 ეჯ ლე̄თ გეზალ ქა ხაწვე̄ნე. გეზალდ ხე̄ქვ მიჩა მუს: "ა, საბა, მამა, მϩხარ ლოქ
Line of edition: 18 ჩვადპწკარნე მინს, ეშხუ აშირთექა ლოქ ი̄რიხ მიჩაშა̄ნ. მაგ ლოქ ეშხვა̄რ
Line of edition: 19 ხეჯო̄ნიხ, ჯეჲ ლოქ მიჩ დეშსა ათერ, მარა ჯეჲ ლოქ ჩაფლარს ლეჲდე̄ს ლϩსიპდ ი ეჩისუ
Line of edition: 20 ლახო̄მ გუ". ამჟი ადგშგურა̄ნე გეზალდ მუ. მერმა ლადეღ ქ'ადჲე ალ მა̄რე
Line of edition: 21 მიჩა გეზლა ლათერთე. ჩ'ოთპწარე მუთვრიალ ი ქ'ა̄ხჭემე ალ მა̄რე მიჩა გეზლა
Line of edition: 22 ლათერდ. დე̄სამა ენმეჴრე ალ მა̄რად, მარა ჩაფლარს ლახსი̄ნჯვე ი ჩვა̄თირ მიჩა
Line of edition: 23 გეზალ. წϩრნი მა̄რად ხე̄ქვ: "ე', ჩუ ლოქ ოთთი̄რა მიჩა გეზალ, ათხე ხოცხე̄ნდესუ
Line of edition: 24 ადჲევ ი ხოცხე̄ნდესუ ჩუვ აცვირ ალ მიჩა გეზალ ეშხუ ზაჲ აჯაღ ი ალ სემი
Line of edition: 25 ლა̄ბ თეთრი ჩუვ ოსცვირ, ზაჲ ლოქ ერ ქ'ა̄ჩეს, იმჟი̄ ათხე ლოქ ხოჩმი̄ნახ, ეჲჟი
Line of edition: 26 ლოქუ ჩომინხ: ე მოშ ლოქ ათერ, ადჲევ ლოქუ, ე დოშ, მიჩ ლოქ ხე̄რი". ალ
Line of edition: 27 მა̄რად ჩ' ოსცვირ მიჩა გეზალ ი სემი ლა̄ბ თეთრ ი ვოქრ ი ჯეჲ აჩად აგითე. ეშხუ
Line of edition: 28 ზაჲ ერ ქ' ა̄ჩად, ადლა̄ბე სემი წელ თეთრვშ ი ვოქრშვ ი აჩად. აჴად ალ ლიცნუნ
Line of edition: 29 ი ხე̄ქვ ჩა̄ჟს: "აჩუ, აჩუ ლოქ". ალე ერ ქა ხე̄ქვ ჩა̄ჟს ი ჟ'ანსკინე ლიცხენჟი ი შის
Line of edition: 30 ეხბი̄შდა ალ მა̄რას ი ჩ'ოთჟოღვდა ი ჩვადიე აგითე ი ქა ხაწვე̄ნე გეზალ. ალჲარს
Line of edition: 31 ათხი̄დϩ̄ნდახ ეშხვა̄რე ლიწედ. გეზალდ ხე̄ქვ: "ა, საბა, ალ წϩრნი მა̄რას ხვაჲ
Line of edition: 32 ლეთვრი ლოქ ხაბრია ი ერ ლოქ დოშ ხოთი̄რახ პატრონუს, ჩუ ლოქ ხოცვრუნა, მაჲ
Line of edition: 33 ლოქ მიჩაშდ ლეთვრიალ ხოწვე̄ნა. მაგ ლოქ იშგნაშდ ხოცრუნა. ამთა̄ნ მუთვრი
Line of edition: 34 ლოქ დე̄სა არი, მარა ქა ლოქ დე̄მ ფუშდე მიჩა̄შხენქა მიჩა ნათორ მა̄რას. არიქა
Line of edition: 35 მიჯნე̄მ ჲეზუ̄მუ ჩომინ, ერე ჯეჲ ქა ლოქ ანჲას ალ მა̄რახენქა". ამჟი̄ნენ ადშგურა̄ნე
Line of edition: 36 მიჩა მუ. "მϩხარ ლოქ ერ ანჴეს, მიჩ ლოქ დეშ იმნოვშ ათერ იშგენშვ, მარა ჯეჲ
Line of edition: 37 ლოქ მϩსკადს ლეჲდე̄ს ლერთენ ტოტისა ი ეჯნოვშ ლოქ ათერ მიჩ". მე̄რმა ძინარს
Line of edition: 38 ჩვადჲე ალ მა̄რე მიჩა გეზლა ლათიშთე. ალ მა̄რად ესთე̄ვრა̄ლე-ანთევრა̄ლე,
Line of edition: 39 მარა დე̄სამა ენმეჴრე. ღოშგინპილს ლახთხეპე თე მϩსკადს ი ქ'ა̄ჩად, სგ'ოხგუდურდა
Line of edition: 40 მიჩა გეზალს. წϩრნი მა̄რად, მიჩა გეზლა მუთვრიდ, ხე̄ქვ, ერე "ათხე ხოცხე̄ნსუ
Line of edition: 41 ადჲეუ მიჩა გეზალ, ხოცხე̄ნს ჩუვ ოსცვირ მესმა ზაჲ ი ლეთვრი ლოქ მაჲ ესამა
Line of edition: 42 ირი, ჩი̄ს ლოქ ჟ'ახთო̄ნვი ი ალ თეთრ ჩუვ ოსცვირ". მო̄ნს ესჭამ ალ მა̄რე.
Page of edition: 289 Line of edition: 1 ჩ'ოსცვირ მესმა̄მდ ალ გეზალ ი სემი ლა̄ბარ ი ჯეჲ აჩად აგითე. ქ'ა̄ჩად ალ მესმე ზაჲ
Line of edition: 2 ი აჩად მიჩა გეზლაშთე. ლეჲს დე̄სა მა ხუღვა. აჴად ალ ლიცნუნ ი ლე̄ქვ: "აჩუ-აჩუ".Добавлено (2007-06-25, 6:42 Pm)
---------------------------------------------
ჟ' ანსკინე ალ წϩრნი მა̄რად ნიცხენჟი. ი ჩ'ოთჟოღვდა აგითე. ქა ხაწვე̄ნე მიჩა
Line of edition: 4 გეზალ. ათხი̄დϩ̄ნდა გეზალს მუე ლიწედ ი ხე̄ქვ: "ა, საბა, მამა, ათხე ლოქ
Line of edition: 5 ღოშგიმპილიაშ ლი მიჩა ლითერ ი ათხე ლოქ ჩუ მოშ ათერ, ეჩქა ლოქ მიჩა ი̄რი ჯეჲ,
Line of edition: 6 იშგაშვ ლოქ დეშ იმნოვშ ათერ მიჩ, მარა ფაყვს ლოქ ესგემ ჴაცდ". მე̄რმა ლადეღ
Line of edition: 7 ადჲე ი ჩ'ოსგენე ლეთვრიალ. ესთევრა̄ლე-ანთევრა̄ლე, მარა დე̄სამა ენმეჴრე.
Line of edition: 8 ღოშგიმპილს ესწვე̄ნე ჴაც ლუფაყვ ი ქ'აჩად, სგ'ო̄ხგუდუ̄რდა: "ალე ლოქ ლი მიჩა
Line of edition: 9 გეზალ". "ეზარ ლოქ, ადჲევ ლოქ მიჩა გეზალ", -- ალ წϩრნი მა̄რად ხე̄ქვ,
Line of edition: 10 ჩვადყა̄ლე ალ მიჩა ლეთვრი ი აფიშვდ. ანჲე ალ გეზალ ი შუკვჟი ირჭა̄ლ ალ მა̄რე.
Line of edition: 11 "ჩხარა ლა̄ბ ლოქ თეთრ ხაღვე̄ნა. ათხე ეშხუი ლოქ დე̄სა ხუღვა. მაჲ ლოქ ხაყრის მიჩა
Line of edition: 12 გეზალს". გეზალდ ხე̄ქვ: "ირჭა̄ლ ლოქ ნომავ ი ჯეჲ ლოქ ესსიპა ხოჩა ვერცხვშ
Line of edition: 13 ლϩტყლაპავა ჟეღდ ი ვოქრე საყელ ლოქ ქა ხებნი, მარა წϩრნი მა̄რასუ ნო̄სავ
Line of edition: 14 ათყიდე". ესსიპდა ჟედდ, მარა დე̄სამა ხოჩა ამშა ლისგდის. მა̄რე მაგ ტუ̄ლი: "ვაჲ
Line of edition: 15 საყვარელ ამშა პატრონს, მაჲ ეზარ ლოქ ალე ლი, დე̄მ ლოქ ქ'ავდინეა̄, მარა ამშა ფასს
Line of edition: 16 ლოქ ჲარ ლე̄ქვნე". ლახვხვი̄და სგობინ წϩრნი მა̄რე ი ხე̄ქვ: "ქავ ლახო̄მ ალ ჟეღ
Line of edition: 17 ი სემი ლა̄ბ თეთრს ლოქ ლახო̄დი". ჩვესმაჭნუნა̄ლე, მარა ქა ლახო̄მ ალ ჟეღ ი
Line of edition: 18 სემი ლა̄ბ თეთრ ანჲე. ადჲე ჟეღ, ლაბენ სგ'ო̄ხთილ ყია̄ჲსა ი ხატცი, ოსყა ეჲჟი
Line of edition: 19 აგითე. შუკვჟი̄ნენ ალ წϩრნი მა̄რე სგ' ა̄ჩად მეზგათე̄ჲსა ი ჟეღს სგ' ო̄ხთილ
Line of edition: 20 ყია̄ჲსა ი ჩვესბე. ალე სგ' ა̄ჩად მეზგათე. ქ'ა̄ნჴად ეჯ მეზგახენქა იშგენ მა̄რე ი ხეწად,
Line of edition: 21 ჟეღ წურწკვნი. ლოხჟϩ̄ნდა ი ჟ' ანფიშვდ. ედϩმწარა̄ნდა ღალ ალე ჟეღ ი სგა
Line of edition: 22 ლეხი̄და მიჩა მუს ლუწვალავე, ხე̄ქვ ერე: "ჩუ ლოქ ერ ოთშგურა̄ნა, ერე წϩრნი
Line of edition: 23 მარასუ ლოქ ნოსავ ათყიდე, ათხე ჩუ ლოქ ღო̄თ ოთშგუდა". ესღრიხ აჯაღ შუკვჟი
Line of edition: 24 ი აჯაღ ლეჲბნე ლირჭა̄ლ ალ მა̄რად: "ჩხარა ლა̄ბ ხაღვე̄ნა, ათხე სემი̄ლ გარ ხუღვა,
Line of edition: 25 ხოფშირა ხაღვე̄ნა, ეჩქა დეშ ხა̄რა, ათხე იმ ხეჩო ალე". გეზალდ ხე̄ქვ: "ჯეჲ ლოქ
Line of edition: 26 ესსიპა ხოჩა ვილდ, მარა მაჲ გვეშღა წϩრნი მა̄რას ნო̄სავ ათყიდე მიჩა თხუმ".
Line of edition: 27 ესსიპდა ხოჩა ვილდ ი ალ მა̄რე ქა ლოხჟოღვდა სგობინ. მაგ ამშა ლიყდის ითჲა̄ლ,
Line of edition: 28 მარა ლიყდი დეშერდ ადბედვე. ღოშგიმპილს ლახხვი̄და წϩრნი მა̄რე ი̄ ხე̄ქვ
Line of edition: 29 "ჩუვ ათყიდე ალე ვილ ი უსგვა ლა̄ბ თეთრს ლოქ ლახო̄დი". ათმაჭი̄ნდა, მარა ეში̄
Line of edition: 30 ქა ლახო̄მ. ქ'ე̄ხბიშდა უსგვა ლა̄ბ თეთრს ი ანჲე, ვილ ქა ლახო̄მ. ჟი ლახხგუ̄რდა,
Line of edition: 31 ღვედარ აშ ოხთϩლϩ̄რე, ერე ჩუ ღო̄თ აქვიც, დეზარ ლეჲდა̄ლე ი აღვირს ეჲჟი
Line of edition: 32 ხებდერდა, ერე გაგდაჲ ჟი ღო̄თ ახპიჭყ. ამჟი ლაცვდილა̄ლუშ ოხყე̄და შუკვჟი.
Line of edition: 33 ეშხვ აგის სოფელისა წირს ლϩმჩომინხ ბაპარ, აჴად ეშჩუ. ჩ' ოხქახ ვილს, ვილ Добавлено (2007-06-25, 6:43 Pm)
---------------------------------------------
34 ჟი ლახლაჯე ლაგამშვ მეგემს, ანჴად ქა დი̄კონ ლახϩ̄ლჲელუშ ი ლახსი̄ნჯვე, ალე
Line of edition: 35 ვილ ჩუ ხოწიბ მეგემს. ლოხჟϩ̄ნდა. ჟ' ანფიშვდ, ეხსიპდა ნეპო̄ლდ ი ლეჲბინე ლიპე̄ნე
Line of edition: 36 პე̄ნე, მარა დეშ ღალ ლეხი̄და მიჩა მუს. ენბაჟე ალე წϩრნი მა̄რად, ესსიპდა ქაჯდ
Line of edition: 37 ი ერ ხეჲა̄ლდა, ეჩქა ნაშხატდ ესსიპდა ალე წϩრნი მა̄რე. ალე ნე̄სყად ესსიპდა.
Line of edition: 38 ქ'ე̄თგვაწ ნაშხატქა. ალე წϩრნი მა̄რე ქიპდ ესსიპდა, ქ'ე̄თსვა̄ნდა. ამნე̄მ ქ'ა̄დსკინე
Line of edition: 39 ლემესქა ი ქიპ ჩვედშიხა̄ნდა. ლუცვდილე ალე სგა ღალ ლეხი̄და მიჩა მუს. Line of edition: 40 ჯამზϩრახ ღერთემ! Line of edition: 41
ლაშხეთი. აკაკი შანიძე Добавлено (2007-06-25, 6:43 Pm)
---------------------------------------------
ლენტეხური კილო Line of edition: 2
ა) ლენტეხის აღწერა Line of edition: 3
304. ლენტეხა̈ჲ აშა̈რ
Line of edition: 4
(ცხეკა̈რ ი მეგამა̈რე ლიმაჯე ლϩც-ლექვა) Line of edition: 5 ეზარ ლა̈სკიდარი ლი მგზა̈ვრიშვ, ხედვა̈ჲ ასხრი ლენტეხა̈ჲ აშა̈რ-ლეჟა. მური
Line of edition: 6 ბოგნეშ დატანებილ შუკვ ჲედურ ლაშხვირს ხაჭიმ. მაშენამისა ირა, ერ შუკვ
Line of edition: 7 ლაშხვირს ათეყველს იერბიჲერბეშტ საჟენშვ. ეჯი ხოსკდი ეჩეხ-ამეხ ათა̈ს-ნა̈ირ
Line of edition: 8 მეგამშვ ლϩჭრელე ცხეკს. ღელალ, მუგვდა̈ჲ დეცხენჩუ ა̈რ აგოშე ლიცს, ეჯჟი
Line of edition: 9 შϩდენიხ ჲერ ა̈გის შუკხოჲსა ი ჲერ ა̈გის ლაშხვირხოჲსა. ათა̈ს-ნა̈ირ ნეპოლა̈ლ
Line of edition: 10 ა̈რიხ ალ ცხეკა̈რისა ი თა̈ვისუფა̈ლდ ი უშომად იპერიელხ, ეჩაღა ერ დროებით
Line of edition: 11 გარ ა̈რიხ მინე სამშობლოჲსა ი ეჩანღო ლელუნთვად ხეკვეს ათოგენხ შუკვს
Line of edition: 12 ეჩოხ, იმა̈ჲხო ასხრიხ იშკენ მინეშკა̈ლიარ. Line of edition: 13 ეჩეხ-ამეხენჟი ჭვა̈დვა̈რშალ მეჭემ ლახვა̈რ ძირს, ლაშხვირი პილჟი, სოფელა̈ლ
Line of edition: 14 იბნიხ, ეჩანღო ლეარ, ღვე ლენეზურა, ლენეზურაϩნჟი ლახვა̈ მეგამა̈რ ი
Line of edition: 15 ღოშკინპილს ტვიტელა̈ ლახვ, ხედეა̈ჲ ზავლა̈დეღ წϩრა̈ნი ხავერდშვ ლϩლაფა̈რეს
Line of edition: 16 ხა̈ჯეშ ი ლუ̈ნთეისა -- თვეთენე მიტკა̈ლშვ. ალ ლახვა̈რ ალბათ ეჩაღა გაჩდენ, ერე
Line of edition: 17 ზავლა̈დეღ ნა̈მეტა̈ნ მიჟხენ ახოლეჩანხ სოფელ ი მგზა̈ვრ ი ლუ̈ნთვისა -- მϩცხა̈ჲხენ
Line of edition: 18 ი ბუ̈ქხენ. Line of edition: 19 ლაშხვირ ლეჟა მგზა̈ვრ ჩიაგვ მეგამა̈ ჯორგა̈ლს ხოსკდი. ალ მეგამ ლი მა̈გ
Line of edition: 20 ნეზვრა, ჲერ მექვერე, ჯვინელ პოტრა̈ჩიკა̈ლეშ, ი ჲერ მა̈ხე. მა̈ხე პოტრა̈ჩიკა̈ლეშ.
Line of edition: 21 ცხეკ ლენტეხაზუმ დემე ა̈რი, მარე მა̈დ აცვირხ: უკანასკვნელ ჲერბეშტიჲეშტ ზა̈
Line of edition: 22 ლი ეჩანღო, იმა̈ჲ ლენტეხას განუწყვეტლივ მეგამს იქა̈ჩეხ ი იმაჯეხ ლაშხვირშვ,
Line of edition: 23 მარე ცხეკ ეში̄ შვა̈ნისა მა̈დეჲ, საქართველოჲსა დემე ა̈რი ჯინიხდ ამზუმ ა̈დგილჟი,
Line of edition: 24 მაზუმვა̈ჲ ლენტეხას. მეგამ ლϩც-ლექვა ტივა̈რშვ მა̈დ ასუღვეხ, რიონ-ლექვა
Line of edition: 25 ერ ხა̈ზნახ: ქა ფიშვტეხ მეგამა̈რს ი ღოშკიმ მუშა̈ ხაჭიმ. ამჟი ეჩაღა იჩოხ, ერე
Line of edition: 26 გუშკვე ლაშხვირ ლექვა ლებაჩვ ლი მევარ ი ლიც ლა̈ჲდი ჩქა̈რდ ასხრი. ტივა̈რ ერ
Line of edition: 27 ანასყახ, ვოშთხვ საჟენს დეშ ადა̈ჲესხ ეჯჟი, ერ ჩუ მა̈დ ათოხვერხ. ამკა̈ლი სურა̈თს
Line of edition: 28 ხოსკდი მარე ლენტეხა̈ჲ აშა̈რ-ლეჟა ლაზჟი. Line of edition: 29
ალ.ქურასბედიანი. კახრი. ა.შანიძე. 1923 წ. Line of edition: 30
ბ) ზნე-ჩვეულებანი Добавлено (2007-06-25, 6:43 Pm)
---------------------------------------------
ქრისტეშ Line of edition: 32 ანჴად ქრისტეშ, -- ღϩნი თხვიმ. აგვახიადϩნ. ლა̈ზია ათვაზიედ ი ლϩწიანობ გვარ
Line of edition: 33 ი ქეიფ. ეჩანღო ანჴად კალანდა. გვახიად ი ლაზია̈ლ ლიზიენი ი ლეთრე, -- არა̈ყ ი
Page of edition: 291 Line of edition: 1 ღვინალ. ი მოშიაშ ა̈ჯჴად მეზგეს ი სკ'ალა̈ჲედ ქორხო ი ქორს ტაბა̈გ ა̈ლსიგედ,
Line of edition: 2 ჩვაჯაშია̈შ ი ლითრე იმა̈ჲმოშ -- ეჯჟი. Line of edition: 3 ეჩანღო სი ამირჴენხეს ი ისკვაშმოყ აჯაღ ლითრე ი კაპანია. ეჩანღო ეჯი ერ
Line of edition: 4 ქ'აჩად ი ერბი ნაგა̈ზი ქ'აჩად ი ძღϩდ ცა̈შ ანჴად. მიშლა̈დეღ თემობ ლაჴვამმოყ:
Line of edition: 5 ხვა̈ჲ მარე ხვინაზორიდ. ჩუ ხვისკვრიდ მა̈გ აშხუმდ, თელ ლანხუბ. მა̈გ აშხუმდ
Line of edition: 6 სკურდ, თელ ხა̈ლხ. ლითრე იმა̈ჲმოშ ი კაპანია. ღერთა̈ დიდაბდ გვაგა̈დ. Line of edition: 7 ეჩანღო ლიტაბლიელ. ლიტაბლიელს ა̈სვიშ-ნიბა̈შილ, -- ალეს ჩიის ხვაწიიდ
Line of edition: 8 კეთილ-მოყვარეს, კეთილ მარე ერვა̈ჲ ჩუ გვეყენი ი ჩიის ხეაწიიდ კეთილ მარა. Line of edition: 9
ქიშვარდი ბენდელიანი. ხელედი. ზ. ჭუმბურიძე. 7.ვი.1951 წ. Добавлено (2007-06-25, 6:44 Pm)
---------------------------------------------
მეისარობ Line of edition: 11 მეისარობ ლი ქრისტეშ თვეისა. -- მა ეშხუ ლა̈დეღ, მა მერბე ლა̈დეღ. მეისარობ
Line of edition: 12 ჴედენი ნა̈ქრისტაშვს. ეჩქა გვა̈მთქვა ლიჭშხიელ. ანჴედენი მოშია̈შ ი ჩვაჯაშია̈ში
Line of edition: 13 (ლიშიაშა̈ლს ხვაყლედ). ანჴედენიხი ი: "ეშა ში ჯიცხა?. ი: "მიშკვი".
Line of edition: 14 ათხე ქ'ა̈ნჴვედენი ი ლეღვს აჯჴიდე ქა̈მხო ი ქა ჯა̈შია̈ში. ეჩანღო ქორს ტაბა̈ϩს
Line of edition: 15 ალსϩგემდ. ტაბა̄გს ალსϩგემდ ი იმა̈იმოშ ϩთრეხ. ეჩანღო მი ამირჴენიხი ისკვა ქორხო.
Line of edition: 16 ისკვაშმოყ მი ჩვათშვიაშენ ი ლითრე იმა̈იმოშ აჯაღ. Line of edition: 17
ქიშვარდი ბენდელიანი. ხელედი. ზ. ჭუმბურიძე. 7.ვი.1951 წ. Добавлено (2007-06-25, 6:44 Pm)
---------------------------------------------
ბა̈მბუ (\ ბა̈მბუღ) Line of edition: 19 გუშკვეშმოყ კალანდა სკვებნე ლა̈დეღ ჩი ვოჯა̈ხისა ა̈ძჲენიხ კალანდა̈ჲშვდ
Line of edition: 20 ლეკალა̈ნდ ხა̈მს. ეჲ ლეთ ქ'ანა̈ყეხ ზურელა̈ლ ხა̈მი ლეღვი კუპატარა̈ლს ენა̈შელდის,
Line of edition: 21 მახვა̈ჲ ირდა თვითეულ ქორისა. ქორა̈ ხოშა ჟ'ა̈ნკედ გვებხოჲსა კუპატარა̈ლს
Line of edition: 22 ი ჟ'ასუღვა მიჩა ნანკლა̈თხიხოჟი. ალ ქორისა მერდე კეჭოლ ბოფშა̄რს ჟი
Line of edition: 23 იბოცეხ ხოშელუ შიყჟი ი შომა̈ჲს ქორა̈ ხოშა დია̈რა̈ლს შიდე, ტული: "კიტი, კიტი
Line of edition: 24 ბა̈მბღუ!" ამშა ლიქვისცახა̈ნ ხოშელუ ლა̈ჲდი ჩუ შიდეხ შიყხენჩუ ბოფშა̄რს ი
Line of edition: 25 ბოფშა̈რ იბნეხ დია̈რი ლიკინკულის ნენიჟი ი იბნეხ ლიმქარა̈ლს, ხედი ხოშას
Line of edition: 26 ა̈ნკინკეილხ. ეჩანღონ ლϩკინკვლე დიარა̈ლს მახან სკა შიდეხ გვებხოჲსა. ქორა̄ ხოშა
Line of edition: 27 მახან შიდე კუპატარა̈ლს ნენიხოჟი ი ბოფშა̈რ აჯახ იბნეხ ლიკინკულის. ამჟი
Line of edition: 28 იჩოხ სϩმინ. ეჩანღონ ჟ'აგაწყობლიხ სტოლს (\ ტაბაგს) ი ჩუ ხოფანეხ ქუნა̈რს.
Line of edition: 29 ჩვერ ახოფანიხ, ჩუ ხოშონდობიხ ლϩდϩარუს. სტოლს ი სკამა̈რს ჟ' ასპϩნეხ
Line of edition: 30 ლერსკვანხო ი ეჩანღონ ჩუ ისკვრიხ ი ჟი იბნეხ ლიდჲარა̈ლს. ლა̈დჲარალჟინ ქორს
Line of edition: 31 მერდე უშხვა̈რ ხომეზრე კალანდა̈ჲ ლიჴედს. ქ' ერ აგათვეხ ლიდჲარა̈ლს, ეჩანღონ
Line of edition: 32 ქორს მერდე ზურალ ჟ'აგაწყობლი ტაბა̈გს. ტაბა̈გჟი ჟ'ა̈დესკ ეჯ ხიბა̈კს, იმა̈ჲ
Line of edition: 33 ხეღვენი კალანდა ლა̈დეღიშვდ ლϩმარე. გვებისა ა̈დესხ ხა̈მი თხვიმს, ლაფაქისა ა̈დესხ
Line of edition: 34 ფექს, ლϩგრეს, კამპეტს, ვისკვს, ალ ვისკვჟი ჟი ხანანცოლიხ თეთრს. სა̈ინშვ ϩდესგხ
Line of edition: 35 ტა̈ფევილს. ეჩანღონ ჩუ ხვიყვნიდ ი ჩუ ხვივჟედ. Line of edition: 36
ელდარ ქურასბედიანი. ბაბილი. მ.ქალდანი. 27.იხ.1971 წ. Добавлено (2007-06-25, 6:44 Pm)
---------------------------------------------
კალანდა Line of edition: 38 კალანდა ხეხოლი ჩიგარ იანვა̈რისა. კალანდა̈იშდ ხემარა̈ლხ ხა̈ლხ: ჩიქე ხა̈მს
Line of edition: 39 ალგუვა̈რიხ, -- ეჯ ხა̈მს ლეკალა̈ნდს ხაყლეხ. შომა̈ჲს ა̈გვჴედენი კალანდა, ეჩქა
Page of edition: 292 Line of edition: 1 ჩვადაძენიხ (\ ჩვადაძინეხ) ლიძიენა̈ლ-ლა̈დეღ. ერ ა̈ძენიხ, ეჩქა ყიას მა̈ცვივშ
Line of edition: 2 ქა ხა̈შხიხ. ერ ა̈ძიენიხ, ეჩქა ზისხ ერ ხოჩედენი, ეჯის ჟი ინაზორეხ ი ზისხორად
Line of edition: 3 ა̈სყეიხ. ხა̈მი თხვიმ უშედა ხარიხ ჩიგარ. ეჩაცახენ ეშხუ ლობიოჲ დია̈რს ქ'ანა̈ყეხ,
Line of edition: 4 ხედვა̈ჲს ხაყლეხ ტაბულს. ეჯ თხვიმს ი ეჯ ტაბულს ძინა̈რს დოსკ ჩუ იზბიხ, ვოდ
Line of edition: 5 ერე ხა̈ლხი ლილაკალ. Line of edition: 6 კალანდა ძინა̈რს ლϩმარად ხუღვახ ლაფაქშვ ფექ, ეჩეჟი ხუღვახ ლϩგრე, ხა̈მი
Line of edition: 7 შიყრა̈ჲ ნა̈ქვიც. სერ ჲერვა̈ჲ ანჴედენიხ, ჩიის ჩვაშიაშიხ. ლიზალხო მა̈გ ხეკვეხ
Line of edition: 8 ჩვადასაჩვქარახ: ერეხის ხავდიხ წერაქვს, ერეხის -- თეთრს. მϩჭხის (\ მϩჭშხის)
Line of edition: 9 განსაკუთრებით ხოჩამდ ასაჩუქვა̈რიხ, ერე ჩუ მა̈დ ადაჭათვნახ. Line of edition: 10 სკ'ერ ანჴედენი მϩჭხი ყორმოყ, ეჩქა ლაფაქს ქა ხაზაზნეხ ი ქა ხავდიხ მუჭხის.
Line of edition: 11 ეჯი ლერსკვან ფოყხენჟი ჟ'ანღინე ი ლექნე: "ჩუვ ალბედნიერეხიდ მარე ი
Line of edition: 12 კუმა̈შ! ერვა̈ჲ ჯარს ჯაყახ, ეჯი შუდებდუ აჯაჴედახ!". ეჩქა მϩშია̈ში ხექნე, ერე:
Line of edition: 13 "მადლობელ ხვესე". სერ მუჭხი ჩუ ისკვრი, სკა ხესკერი ტაბა̈გს, ჩვამეზრე მϩშია̈შს
Line of edition: 14 ი მიჩა ქორს მერდეს. ეჩანღო ქ'ერ ადაგათვი ლიზვებს, ჟი იგენი. ეჩა ლიგენალჟი
Line of edition: 15 მϩშია̈ში ჩვადაშია̈ში ჲედ თეთრშვ, ჲედ წერაქვშ. ღვე ა̈ტეხენი ა̈გხო. Line of edition: 16 შომა̈ჲს ერე კალანდა ლი, ეჩქა თა̈კვს ხა̈ბენხ დირქა ი იგინწოლა̈ლხ ბოფშა̈რ.
Line of edition: 17 კალანდა ძინა̈რს მϩჭხი ლიჴედალ ღვაჟმარე ჟ'ა̈ნგენი დოსკ, ჟ'ა̈ნკედ გვებს,
Line of edition: 18 სკ'ასადეს ტაბულს ი ხა̈მი თხვიმს, ქ'ა̈ჲეს ბეღელხო ი ყϩლე: "ბეღელ ჩინოვშ გვეში! მარა̈ნ
Line of edi |
| |
| | |
|
Мужчина |
Date: Понедельник, 2007-06-25, 6:46 PM | Message # 90 |
|
Group: Проверенные
Posts: 352
Status:Offline
Дата регистрации:
2006-09-07 |
19 ჩინოვშ გვეში! ეჩანღონ ქ'ერ ანტეხენი ქორხოქა, ყორმოყ ყϩლე:
Line of edition: 20 "ყორ მϩკა̈რ ბედნიერ!" ეჩქა ჲერვა̈ჲ ქორს ირდახ, ეჯი ხექნე: ,მა უღვე, ბედნიერ?" ზა̄ჲ
Line of edition: 21 "ზა̈ჲ ნავოზერი, კუმა̈ში ნა̈ფშირი!" სკ' ანჴდე გვებს ი ჩვასადეს შკაფისა. Line of edition: 22
შურა და შოთა ლიპარტელიანი. მელილი. ზ.ჭუმბურიძე. 23.ვ.1951 წ. კალანდა ი ქორა მϩჭშხი Line of edition: 24 კალანდა ძინა̈რს მა̈ნკვი ჟი იგენი ქორა̈ ხოშა ი სკა ირჴენე ეშხუ-ეშხუ ბეფშს.
Line of edition: 25 ქორა̈ ხოშა ჟი იტოტი ლაფაქს ფექშვ გვეშის. ბეფშს ხა̈ყედანნე ღრა̈ფინა̈ გვეში
Line of edition: 26 ღვინალს. ალ ჲერბის ხაჟახახ (\ ხაჲხახ) ქორა̈ მϩჭშხი. ალ ჲერბი მარე მა̈ნკვი ქა
Line of edition: 27 ღϩრიხ ლაკვმაშხო, ჩუ ხოშდეხ ლეზვებს (ნენის). ეჩანღონ ქა ღϩრიხ ბეღელხო
Line of edition: 28 ი ტულიხ: "ჩიღად გვეშიუ ხი გუშკვე ხოჩამშვ ლეჴმა̈რი კეთილშვ!" ღოშკინპილს
Line of edition: 29 ჩუ ჴედენიხ ეჩოხ, იმა̈იჩუნ ხა̈ლხ ყურხ. ყორ ლϩკეტა̈ვე ხეხოლიხ. ქორა̈ მϩჭშხი
Line of edition: 30 ქამეშხენისა ქორს მერდეს ხატული: "ყორ მϩკა̈რ, ბედნიერ!" ქორს მერდე ხეჭვედნი:
Line of edition: 31 "მა აჯუღვა. ბედნიერ? ქორა̈ მϩჭშხი აჯახ ხატული: "კუმამი ნა̈ფშირი, მარემი
Line of edition: 32 ნა̈შდვები, ზა̈ჲ ნამა̈ხი. ხვა̈ჲ მოსავა̈ლ! ეჩანღონ აჯახ ამჟი ხატული მϩჭშხი
Line of edition: 33 ი ღოშკინპილს ქორს მერდე მϩჭშხის ხატული: "სკ'ანსკვეჯ, ბედნიერ!" ი ქორა̈
Line of edition: 34 მϩჭშხი ლა̈ჲდი სკა ღϩრი ქორხო. ამ დვრეს მა̈გ ჟი იგენიხ ქორს მერდე. ვოდდო
Line of edition: 35 ლერექვა̈ლს ლა̈ჲქვემხ, ეჩქად სკა ხეშია̈შიხ გვეში ლაფაქს ი უშხვა̈რ ა̈შია̈შიხ.
Line of edition: 36 ეჩანღონე ჟი ირექვიხ ი ჩუ იდია̈რიხ. კეჭოლ ხა̈ნუნღონ ჴედენი მარემი ი კუმა̈ში
Line of edition: 37 მϩჭშხი. ალ მϩჭშხის ყორჟი ხეკვეხ ლა̈ხეზა̈ზენ ი ჩვათაშიაშა. ეჩანღონ სკა ხეკვეს ათაჲა
Line of edition: 38 ქორხო ი დია̈რ (\ ლეზვებ) ხამნა. ა̈გხო ერ ასხϩრნი, ხეკვეს ქა ლახომე საჩქვა̈რ
Line of edition: 39 -- ლერექვ, ჲედ თეთრ. Line of edition: 40
ელდარ ქურასბედიანი. ბაბილი. მ.ქალდანი. 27.იხ.1971 წ. Добавлено (2007-06-25, 6:46 Pm)
---------------------------------------------
. სკალდ Line of edition: 2 ალ ლახვისა ლϩგ განცალკევებილ ადϩილს ეშხუ კეჭოლ ლაჴვა̈მ. ალ ლაჴვა̈მ
Line of edition: 3 დოსკა̈ ანა̈შენავ ლი, ალე ხატა̈რე სიმდიდრევშ მა̈დმა ლი განთქვმილ, მარე აშ
Line of edition: 4 შენაწირა̈ვ-გა̈ნძეულობ ა̈რი ამეისა მევარ. ალ შეწირულობ ხა̈ლხხენქა ახაზი ალ
Line of edition: 5 ლაჴვა̈მს ჩი ზა̈ჲსა. ეშხუ ღϩნ ხა̈ზნახ ფაყა̈რს (ალ ღϩნ თელ ფა̈ყს ხა̈ზნა, ჴელედϩრა̈ჲ
Line of edition: 6 ხეობალეჟა მეზგალას ლა̈ჲდი), თანაფუნღო ერ ვოხვიშტ ნაგა̈ზი ანღინე, ეჩქა,
Line of edition: 7 ხედვა̈ჲს ფუსტა̈ლიტაბლიელს ხაყლეხ: ამ ლა̈დეღ თელ ლენტეხას (ჩოლირხენ
Line of edition: 8 ლა̈ჲდი ხვა̈ჲს) ხაგა̈ღ ალ ლახვა̈ ლაჴვამმოყ დიდაბ. ჟახად ალ ლაჴვა̈მს სკალდ
Line of edition: 9 ხაჟახა. ამოხ ხა̈ლხ შენაწირა̈ლს იმაჯე ამ ლა̈დეღ მევარ, ერვა̈ჲ ღერბათვ ათობაცოლ:
Line of edition: 10 ჲერ აერცხლი ხანჯარა̈ლს, ჲეს ვერცხლი ლარტყა̈ლს. ათა̈სნა̈ირ მϩსკადა̈რს
Line of edition: 11 ი ჩირიგს ნინქა-ნაქვს ქა ცხვადუვა̈რხოქა. ლიგა̈დანე ეჩქა ხა̈ზნახ გუშკვეშ მოყ
Line of edition: 12 ჲედ ლეგდ ერ ადჴედენიხ ი ჲედ ლამაყალ ერ ხერიხ იმალედ (var. იმალად), ჲედ
Line of edition: 13 ჩინა̈ირ თϩმიჟი. ქა ერ ათობა̈ცი. ეჯი ხეკვეს ალ ლა̈დეღ შესწიროს ალ ლაჴვმილს. Line of edition: 14 ეზერ თვალა̈შ ლი ხკალდი ლაჴვმილ ჩუ მეცელე ლახვა̈რისა. ლახვა̈რე კაცხა̈.
Line of edition: 15 რხენმა ქა თერე ალე თვეთენად. ამეხნი შვა̈ნისა სკალდზუმ ძლიერ მა̈დმა ხაბაჟახამოხ
Line of edition: 16 მეზი მარე ჲერბი ნაგა̈ზივშ ხეკვეს ემზადებოდეს, ერე წმიდდ ადჴეს ამოხოჲსა.
Line of edition: 17 ამ ლადეღ ამეჩუ ხვა̈ჲ მარე ინაზორი. ჟი ღϩრი მა̈გ ნა̈თიშ მარე. ხეკვეს ადაახ
Line of edition: 18 თვით ჟინაღ, დიარა̈ლ ი ღვინალ. ჟი ხეკვეს ხასკურდეხ მა̈გ ჩაჟა̈რს. ერვა̈ჲს ჩა̈ჟ
Line of edition: 19 მა̈დ ხაყა. ეჯემ ხეკვეს ჟ'ა̈ნდიანას. ამ ლა̈დეღ ლი ამეჩუ ჩაჟა̈რე ლიკვიალვნე. ხეკვეს
Line of edition: 20 ჩვადამϩქარვნახ. აღვე ეშა ჩა̈ჟ ლოქ ახასერნე ლაოშთხვნას. ეჩანღო ჩუ ისკვრიხ
Line of edition: 21 ი ქეიფეხ. ღოშკიმპილს ჩუ ტეხენიხ ჟიბე ფა̈ყხო. ალე ნებოზა̈ მეჴარხო (var.
Line of edition: 22 მეჴარს) ლი, იმა̈ჲჩუვა̈ჲ ხალხ ხეხოლიხ სკარისა. გა̈ნძეულობს ალ ლაჴვა̈მისა ქა
Line of edition: 23 დემ იკლიხ. ხა̈ლხს ხაჯრა̈ვ, ერე და̈რ ლოქ მოშ იქვთერ. ერვა̈ჲ ლოქ ლა̈ქვთარხო
Line of edition: 24 ადინე, ლაგაგიმოყ თერა̈ლ ლოქ ხეგენიხ ჩუ. ეშხვინ სა̈ვა̈რ ლოქ ა̈მეჴედხ ამეჩუ
Line of edition: 25 ამმა ლა̈ქვთარდ ი თერა̈ლ ლϩგენე ლოქ ასახვიახ სოფელს. ამჟი ხაჯრავϩნ თელ
Line of edition: 26 ლემშვა̈ნიერას ვოდ ლენახოქა რამოდენიმე საუკუნეჲ განმავლობა̈ჲსა. მარე ნენა
Line of edition: 27 (var. ლენა) ღალ გვი ა̈თეკეაშხ, შომა̈ჲ ეშხუ მϩჴელედ სკ'აჩად ალ ლაჴვმილხოჲსა
Line of edition: 28 ი ქ'ა̈ნმაჯე ϩა̈ნძეულობ. სოფელ გუდ ახოჴად ალ მარას, ლახორ ჩვემინხ ი სკა
Line of edition: 29 ახატიხვნეხ (var. სკა ახაჴიდვნეხ) მა̈გ. ეჩანქა მიჩ ე მამა ხებადავϩნ. ქ'ათოხინხ
Line of edition: 30 ი სოფელდ ჩუ ლალემ. ათხე სერ ეშხუ ზა̈ ლი, ერ და̈რ მოშ ყϩლე ერ სკალდ ლოქ
Line of edition: 31 და̈რს იხნე მიჩა ლაცა̈რცა̈ვიდ. Line of edition: 32 სკალდა̈ ბედჟი გადმოცემა ამის ეϩლე: სოფელს ლოქ ათოუღვნა უნჭყა კურვა̈ლ
Line of edition: 33 ჩა̈ვისა, სკა ლოქ ასოდახ სკალდი ხა̈ტ ი ღერთა̈შვ ლოქ პირობ ლახოვოდახ,
Line of edition: 34 ერე იმა̈ჲჩუ ლოქ ალ კურუვა̈ლ ა̈დყვინიხ ჩუ, ეჩეჩუ ლოქ ალ ხა̈ტი ლარდად ლაჴვა̈მს
Line of edition: 35 ადგემხ. მართლაც კურუვა̈ლს შუკ სკვებინ ხაჟოღახ მϩსყე ი ფა̈ყნეშ დატანებილ
Line of edition: 36 ვოდ ალ ლახეხოჟი, მა̈დ ახოჟომახ ჟი ლიზი. ამეჩუ ერქედა კურუვა̈ლ ჩვალყვინელიხ.
Line of edition: 37 ეჩანღო ხა̈ლხს ბარჯვშ ხარა ლემაჯე კირ, ბა̈ჩ ი სილა ი ჩუ ლეგემ ამეჩუ
Line of edition: 38 ოაჴვა̈მ. ალ ხა̈ტ ხვა̈იდინ ხოტიხახ ჩუ ფა̈ყია̈ ლაჴვა̈მხო, მარე შიშტ ჟი ხა̈ტეხახ:
Line of edition: 39 ჟი ლოქ ლϩმა̈პერენლი ი ეჯჟი ლოქ ლϩმა̈ზლი ჟი. ამჟი ხაჯრა̈ვხ ხა̈ლხს. Line of edition: 40
ალ.ქურასბედიანი. კახრი. ა.შანიძე. 27.იხ.1971 წ. Добавлено (2007-06-25, 6:46 Pm)
---------------------------------------------
ისკალდა̈ თარიგლეზერი ჟϩრ Line of edition: 2 ათორმახ შვანა̈რს ეშხუ მϩფა̈ყ ი ათხიჲახ. შანერ ლϩმა̈რხ სემი. ხოლა ტარო̈ს
Line of edition: 3 ლϩმა̈რ ი შუკვს ბϩრი ასოდა. ჩვათაპინტახ შუკვა̈რ ი მა̈დშ (var. მა̈ დეშ) ა̈მეჩედხ. Line of edition: 4 ჩვათალეთახ. ხოქვახ შვანა̈რს: "ო, დიდაბ ა̈ჯჴად გუშკვე ლა̈გვირკას, ალ მარე
Line of edition: 5 სკ'აგვაჴიდვინ ა̈გვხო ი ისკვა ჟϩრდ ქა გვარ ალე". ეჩქა ხოქვა მϩფა̈ყს: "გუშკვე
Line of edition: 6 ისკალდა̈ თარიგლეზერს ჟივ ახონდუნა, ედო მიშკვ' ა̈გვხო, ა̈მჴიდე, ისკვე ლა̈გვირკას
Line of edition: 7 ჟი ხა̈სერე". მერბა ლა̈დეღ აჯახ ხოლა ტარო̈ს ლϩმა̈რ, უჩხა. შუკვს მა̈დშ ათალაკახ
Line of edition: 8 აჯახ. მინს ეჩოხ მეზი ხახალახ მინე თხვიმ, ალმა̈ზლიხ ამახ. ჩვა̈მეჴედლიხ
Line of edition: 9 ფიჩხანა ნეზხოჩუ, სკიმერი თხუმ. ამეჩუ გუდ ა̈მეჴედლიხ, ერე ათხე ლენტეხახენჩუ
Line of edition: 10 ა̈რიხ. ლϩლეთე ლϩმა̈რ ი ხაფიშხი ძღϩდ ი ხა̈იდხი ძღϩდ, დემოხ ლიზიი თხვიმ
Line of edition: 11 ხაღვენახ. ჩვალგენელიხ ეჩეჩუ. ამ მϩფა̈ყიშდ თა̈კვ ლახობემახ ლალარტყϩლაქა
Line of edition: 12 ი თა̈კვი თხუმა̈რ ეჩეხ-ამეხ ჩვ ასორშახ ი ჟ'ასაყვინახ: "ქა ლოქ ნო ა̈გვჩეს
Line of edition: 13 (\ ნვაგვჩეს)". ჩვ ერ ლახაგედნახ. ლახაისნავა მϩფა̈ყს, ვითამ ანჴად ლეჟან დადიან.
Line of edition: 14 თვეთვენე ჩა̈ჟჟი ჟი ხასკურ. ხოქვა: "იმ ლოქ ხაშტაბა ამეჩუ, ღϩრდაუ ა̈გხო!"
Line of edition: 15 ამ დვრვს ჟ'ანჲაცხ ი უსტარინ ა̈სირნე. ადაკვიალნე ლიგენა̈ლ. ჩიქე აშხვხენი
Line of edition: 16 თა̈კვს ახობიდ ი ქ'ახაყვიფ მაეჟა̈რ მარა-ჩუქანხენქა. ღვე მერბახენ ლა̈ჲდი. ჟ'ანგან.
Line of edition: 17 შვანა̈რდ ჟი მა დეშ ანბა̈ჟხ. თოფა̈რ ხაჭიდდახ ნეზს. ჲერბი ხოჩილა̈რ ჟ'ა̈ნკიდ
Line of edition: 18 ი ა̈გვხო ანაჲე. შვანა̈რ ჩვაცვირ ეჩეჩუ. Line of edition: 19 ამზუმ ხა̈იმედა გუშკეე ისკალდა̈ თარიგლეზერს (დიდაბ ათოჴად!). Добавлено (2007-06-25, 6:46 Pm)
---------------------------------------------
ფუსტა̈ ლიტაბლიელ Line of edition: 21 თანაფუნღო ერე იშკეიდ ნაგა̈ზი ადინე, ეჩქა შვანს ხოხალხ ფუსტა̈ ლიტაბლიელ,
Line of edition: 22 ჯვინელ დღესასწავილ. ალ დღესასწავილ ლეჩხუმსი ხოხალხ ი ხვამლობას
Line of edition: 23 ხაყლეხ. Line of edition: 24 შვანს, სოფელ ფა̈ყი ლახვს, ისკალდ მოყ ლϩგ ლაჴვა̈მ -- თარიგზელი ლაჴვა̈მ.
Line of edition: 25 ამ ლა̈დეღ ალ ლაჴვამ მოყ ანღრიხ ხა̈ლხ ჩიი სოფელხენისკა ი ლეჩხუმხენ ლა̈იდი.
Line of edition: 26 ხუნკვიდ ამეჩუნ ედურ ხვა̈ი ხა̈ლხ ჴედენხ, ათხე ზϩმშვ ხორვილ ჴედენიხ. ამ ლა̈დეღიშ
Line of edition: 27 სკვებნავ ხემარი მა̈გ ჟი. ეჩოხ მეზი მარე ეჯ ჲერბი ნაგაზა̈ისა მა̈დ ხეკვეს
Line of edition: 28 აჩეს ზურალხო, ლერექვ მა̈გ ხოჩა ლუშყვედ ხეკვეს ხაქუდეს. ამ ლაჴვა̈მხო ზურალა̈ლე
Line of edition: 29 ლიზი მა̈დ შიდ. ჯვინალდ ამ ლახვხოჲსა მა̈დ შიდდა ხა̈მი ლიესკ ი წელი ლიესკ,
Line of edition: 30 დეთა̈ი ხა̈მი ჩაფლა̈ლშ ლიზი, დეთა̈ი ხა̈მი ლეღვი ლიესკ. Line of edition: 31 ამ ლაჴვა̈მს ხაყა საროსტა, ხედვა̈ის ითში ხა̈ლხ. ალ საროსტა ხოზნა̈ნი ლაჴვა̈მს
Line of edition: 32 ი მიჩა კეთილს ი ილეჩე ქონაბს. ლეფუსტა̈ლიტაბლიელდ სკვებნავ საროსტა
Line of edition: 33 ქ'ა̈ჯელე ლაჴვა̈მს. იყდი ყვიჟიაქს -- ხოჩა ღუნს. ალ ღუნს ჟ'აფა̈სეხ. ფა̈სს ხა̈ლხ
Line of edition: 34 იჴდე (ეჯმინს ხაჟახახ მუყვჟი ხა̈ლხ). ამ ღუნს ჩვა̈ზიენიხ, ყვიჟე-პერეშტვას
Line of edition: 35 ჟ'ა̈ხელეხ, ლეღეხ ჟ'აჯა̈ბხ ი ჩუ ხორიგა̈ვიხ ხა̈ლხს. Line of edition: 36 საროსტა̈ იყე&"4307;ნე ლერთენ შიისკა ყვიჟე-პერეშტვას ი ლემეზირსს (ალე ხაჟახა
Line of edition: 37 ეჩოხ ლϩიე კვეცენა̈ დია̈რს. ეჯის ხუღვა ვოშთხვ მუჭვ, ჩიფოყს ლი თვით),
Line of edition: 38 ლერსკვენ შიისკა ეშხუ ჭიქ ჲედ არა̈ყს ი ჲედ ღვინალს. სკვებინჩუ ხოგ ღϩრჩა̈ლ,
Line of edition: 39 ეჩეჟი ხა̈შდე ნატუსუნს, ჯვიდს, ი ამჟი ისკახეჴϩრი ღერბათ: "ღერბეთ, სი ლა̈გვეშდ,
Line of edition: 40 აგვსა̈გნ მϩჟრი-მა̈შედდ (\ მჟრიდ ი მა̈შედდ), ლა̈გვლეჩ ხოლა ღვრეხენ. Page of edition: 295
Line of edition: 1 ყვიჟϩნქა აჯაღ ახაყახ ღუნვა̈რ ი ჟინაღა̈რ, ქა ხავდიხ ხა̈ლხს თხუმე ლა̈მეზრალდ.
Line of edition: 2 ალმინს ხაჟახა ლედდები. ამის საროსტა̈ ხებორგი, იყედნე კირენს, ჟი იღვლა̈იხ
Line of edition: 3 ი ჩვა̈მეზრეხ, კირენშვ ჟი ხოტხელეხ ფა̈თვხ, ჩვა̈მეზრეხ ჲერვა̈იდ ანჴიდხ ი
Line of edition: 4 ხა̈ლხ ამენს ხაყლე. |
| |
| |
| |
