|
|
|
 |
| Svanskaya xrestomatiya |
|
Мужчина |
Date: Четверг, 2007-06-14, 5:28 PM | Message # 31 |
Group: Модераторы
Posts: 990
Status:Offline
Дата регистрации:
2006-08-29 |
. რუსე̄თხა̈ნ ჯიჯვი ლიჴდე ჯვინალდ Line of edition: 7 აშხვ ზავ ნიშგვეჲრე მა̄რე ადჲეს სალდა̈თდ. ჲარვ ზავისგა ანღϩრდახ ლა̈ჲრა̈რ
Line of edition: 8 ცაგერთე̄'სგა ი ეჩა̈ნ ნა̈ჲ ნა̄დ ლეჴდე. ლიჭვდა̈ნი ბაპა̈რϩნქა და̄̈ს ხოხალდა ი
Line of edition: 9 ეჯჲა̈რ იჭვდა̄̈ნდახ სგანქა ნაჴა̈დვ ლა̈ჲრა̈რს. მე̄სმა̄მ ზავ აფხნეგხა̈ნ ლა̈ირ ოხჴა̈დხ,
Line of edition: 10 ერე მინე მა̄რ' ე̄სერ ჩვალდაგა̈რ რუსე̄თ. მა̈ჲ საკვრელ ლი, მასა̈რდ ლიკილჲე̄ლ ი
Line of edition: 11 ლილჭა̄̈ლ ა̈ნსყა̄̈ნ. "ჲაღო იმჟი ხოჩა ლაშდღვა̄ლა̈შ ი იმჟი მა̄დე"? ამი გϩ̄ნჩ-მϩ̄ნჩ
Line of edition: 12 ა̄ნსყა̄̈ნ. ერს ხაკფϩნხ ლაშდღვა̄ლა̈ ლიჩვემ ი ლϩდგა̈რი ჩუ ლიცვრე რუსე̄თ. ერს
Line of edition: 13 სგა ლი̄ზი ხაკფϩნ ი ჯიჯვი ქა ლიჴდე. ღვეშგიმ პილს ჩვასკა̈ბ სგა ლი̄ზი ი ქა ლიჴდე
Line of edition: 14 ჯიჯვა̄რეშ. ქ'ა̄ჰვედხ ეშხუ ნალჯვემ და̈ბ აშირ მანა̈თღა. ალ ვარჩხილ შუნ ლა̄̈ჲე
Line of edition: 15 ლϩდგა̈რი მუხვბე̄მ, სგა ლა̈ჲჴერნე ეშხუ ნიშგვეჲმϩყიშ ნასϩლდათვ. ეჯას ჩუ
Line of edition: 16 ხოცხϩნ ეჯ ქალა̈ქ ე̄, იმვა̄̈ჲ ადგან სალდა̈თ. სგ'ა̄ჩა̈დხ ესნა̈რ ალ ქალა̈ქთე, კიევ ხაჟ Line of edition: 17 ხე̄ნა, ჟ'ა̈ნთხეხ ლϩდგა̈რი აფხნეგ ი ამნე̄მ ქა ლახთო̄ნე, იმვა̄̈ჲ ხეშდღვა̄̈ნ ლϩდგა̈რ.
Line of edition: 18 აშხვ ლე̄თ გუნ მუბვირჟი̄ნ ქ'ა̄ჩა̈დხ საფლა̈ვთექა მინ სემი, ჟ'ა̄ნბϩრჯეხ ლϩდგა̄̈რ
Line of edition: 19 მარე ეჯჟი̄ნ ლუდვაშე ლϩმა̄̈რ, ერე ძვერს სგა ლეფდა̄ლდ მა̄მ ხაყე̄ნა. ეჩქას ესნა̈რ
Line of edition: 20 ა̈ნკიდხ ჟი გაჩა̈რ ი ძვერს ლიტა̄ბე ლოხვბინეხ, სალდა̈თ ქ'ა̄დზϩზეხ ი ყუთ ახჴიდნა̄̈
Line of edition: 21 ვნეხ. ჯიჯვა̈რ ამხა̄ვთე̄'სგ'ესწკატეხ ი საფლა̈ვ უშხვა̄რ ლახტიხხ. ეჩქანღო შϩნ
Line of edition: 22 ლა̄̈ჲეხ ალა ი ა̈გით' ა̄ნჴიდხ. ჩო̄ლირ კუბ ოხტა̄ბახ, ეჩხა̄ვთე̄სგ' ე̄სვდახ ჯიჯვა̄̈რ ი
Line of edition: 23 ეჩჟი̄ნ ანჴიდხ. ლაშდღვა̄ლ ეჩქანღო გარ ათყერხ მიჩა ქორშა̈რდ. Line of edition: 24
მϩლახ Line of edition: 25
გ) საქმიანობა Добавлено (2007-06-14, 5:27 Pm)
---------------------------------------------
. ლილკირა̄̈ლ Line of edition: 27 მეზგე ლიგმა̄̈ლს ხამურჯ', ე̄ჩქას სგვებნა̄ვ კირს, ქვიშა, ბა̈ჩს, მეგემს ი ლელკირს
Line of edition: 28 იმა̄რე. ჩიდ მა̈ნკვი ლა̈კირს ჲϩგემ. ლა̈კრი ლაგა̈მჟი̄ნ მუმურჯვას იწე̄ნე მელკი
Line of edition: 29 რა̄̈ლ მეზგე. ჩიქი კირი ლაგა̈მ ფათქს აბϩრჯეხ მა̈ზუმვა̄ჲ ხაკა̈ფხ, ეჩი̄ზუმს. ეჩქანღო
Line of edition: 30 ფათქისგა ისგხეჟი̄ნ გϩრკიდ ბაჩვშ ჲϩგემხ ი ეჩქანღო სერ კირი ლიგემს იბნეხ.
Line of edition: 31 ჲო̄რი სგა̄̈ნჩუ̄ნ ა̈რი სგა̄̈ნ მϩგა̈მდ ი იშგენ ქა̄მენ ხაშდბახ ლიგემს ი კირი კულრე
Line of edition: 32 ლინგჭვეს. ხოშა̄მ კულა̈რს ეშ ხოწბინეხ სგა̄̈ნჩუ̄ნ ი ეჯჲა̈რს ქა̄მენ მოშდა̈ბ ჩვა̈ნგჭე
Line of edition: 33 კირშვϩდ. ეჩქანღო ქა̄მენქა ხა̈შდეხ ხონცინა̄მ კირს. ამჟი̄ნ ჟი ჴედნი ჟი̄ბა̄რ, ეჩქას
Line of edition: 34 ეშხუ მა̄რე გარ სედნი სგა̄̈ნჩუ̄ნ ლა̈კირისგა ი ეჯ, ა̄̈მსგვენა̄̈ლი სგა̄̈ნ ლა̈კრი ლიგემს.
Line of edition: 35 ამჟი̄ნ ღვეშგმე პილს სგა̄̈ნჩუ̄ნ მერდა თხვიმ გარ ხოწვა ი ალა ეჩის ჩუ იყვფე ლა̈
Line of edition: 36 კირხა̈ნჩუ̄ნ, ეჩქას ცუყვბას ხა̈ტყციხ ჟიქა̄ნჩუ̄ნ ი ლა̈კირ სგა̄̈ნჩუ̄ნ ჩუ ლϩგე ლი.
Line of edition: 37 სგა̄̈ნჩუ̄ნ მერდე ქა ჴედნ', ე̄ჩქას სერ და̄̈ს ხაყვლუ̄ნი ლა̈კრი ლირეღვდ. ჟიქა̄ნ ჰა̄ლ
Line of edition: 38 მოშ ხუღვეხ, ეჩის ჩი̄ ჟი ხადე̄სგიხ. ლა̈კირხა̈ნქა ოდე სგა̄̈ნჩუ̄ნ მერდე ქა დო ჴედნი,
Line of edition: 39 ეჩქად ეშ გარ იფუნჩულა̄̈ლ მა̈გ. ეღჯ, ე̄რე კϩლთხი ჰერ ესერ ხოლა ხა̄რ ლა̈კირს
Line of edition: 40 ჩუ ლაგამჟი̄ნ ი ლირეღვდ ესერ ლი ლემყა̈ლვ. ლა̈კრი ლიგემს საკუთარდ ქ'ა̄სრულეხ,
Page of edition: 107 Line of edition: 1 ეჩქას სგა̄̈ნჩუ̄ნ მა̄̈ნკვი̄ მერდე სგა̄დ ღϩრი ლა̈კირთე̄'სგა, აშხვ ბოთლიკ ჰა
Line of edition: 2 რა̈ყს ჟი ხა̈მზϩრი სოლომნს ი ეჩქანღო ლემასგვ ა̄შვე ი ქა ჴედნი. მϩშჲა̈რ ქა იბრა̄̈ლხ,
Line of edition: 3 ლაკირისგა ლემასგვ ქ'ა̄ღუ̄ზეხ ი ეჩქანღო ჩუ იდჲარა̄̈ლხ ი ჰარა̈ყს ჲϩთრეხ. ნა̈ბოზს
Line of edition: 4 მეზგე ლა̈ჲსას ა̈ჲსენი. მუმურჯვას ქ'ა̄წსი ი მასა̈რდ ხინს ასყე̄ნე. სოფლი ხოხვრა̄̈ლ
Line of edition: 5 ქა̄მენჩუ̄ნ ლელკირს ახე̄რხეხ, ხოკვილცხა̄̈ლიხ ლა̈კირს რიჰდ. ეჯჲა̈რსი ჰარა̈ყ ხუღვეხ
Line of edition: 6 ლეთრად. ქორს ჰა̈დურდ გუნ ქეიფ ი მაშდმა̄რობ ხა̄რხ. ლა̈კირს ჲარვ ლე̄თ-ლადა̈ღ
Line of edition: 7 ხოშვეხ. Line of edition: 8
ლენჯა̄̈რ Добавлено (2007-06-14, 5:27 Pm)
---------------------------------------------
ლა̈კრი ლიგემ Line of edition: 10 მეზგე ლახე იგმა̄̈ლ, ეჩქას ჩიქე ბა̈ჩს, კირს, ქვიშა, ჭერს, დირს ი იშგენ ბა̈რგს
Line of edition: 11 ამა̄რე. ამი̄ ნამა̄რუნღო მა̄̈ნკვი ხაკუჩ ერე ლა̈კირ ადგას. ლა̈კრი ლაგა̈მჟი̄ნ მეზგე
Line of edition: 12 ჴელვანა̈რϩნქა ნადა̈რსი იწვა̈ნი. ჰამს სგვებნა̄ვ ჰარა̈ყს ხა̈მზϩრიხ სოლომნს, ერე
Line of edition: 13 "ლა̈კრი ლაგა̈მჟი̄ნ ლემϩრცხად დო̄რ ა̈დსერის ი ხოჩა სტა̄რვინ ესხა̄რვნას ლა̈კირს".
Line of edition: 14 ჩუ იხე̄ვსა̄̈ლხ, ჰარა̈ყს ჩუ ჲϩთრეხ ი ეჩანღო ჩიდ მა̄̈ნკვი ხოშა̄მ ჯო̄დი ფათქს აბϩრჯეხ,
Line of edition: 15 ამის ხაჟხა გვემ. ალა ლი კირი ლაგა̈მ ი ეჩქანღო ჩუ ლϩშიხ კირი შედ. ფათქა̈
Line of edition: 16 ნაბϩრჯϩნღო სგა̄̈ნჩუ გϩრკიდ აშხვ ალა̈ბზუმ ნაკლათხა ბა̈ჩა̈ ჴვილას ხაგემხ ი ეჩქანღო
Line of edition: 17 იბნეხ კირი ლიგემს. სგვებინისგა აშხვ ყო̄რჲა̄ქს ხა̈ჩოხ ი ხოშა̄მ ბა̈ჩა̈ ლაგა̈გია̈რს
Line of edition: 18 აკჩეხ, ეჩი̄ ჟიქა̄ნქა სგელ კას ხალფა̈რიხ. ლა̈კრი ლაგა̈მჟი̄ნ ჲერხი სგა̄̈ნჩუ̄ნ
Line of edition: 19 ლϩგხ ი ინკვეხ ლა̈კირს, ჲერხი ქა̄მენისგა ხემშედა̄̈ლხ. ჟი ინი̄კვი, ეჩქას სგა̄̈ნჩუ ეშხუ
Line of edition: 20 მა̄რე გარ სედნი. გუნ ჟი ნეკვნი ი ჟი იხუ̄პი ლა̈კირ, ეჩქას სგა̄̈ნჩუ̄ნ მერდა
Line of edition: 21 თხვიმ გარ ხოწვა, ეჩქანღო შიჲა̈რ გარ ი ღვეშგმეპილს ნე̄სგანჩუ̄ნ თალს ხატყციხ.
Line of edition: 22 კϩლთხი ჰერს და̄̈რ მოშ იკედ ლა̈კრი ლა̈ნკვაჟი̄ნ ი სგა̄̈ნჩუ̄ნ მერდა მასა̈რდ
Line of edition: 23 ლემყა̈ლვ ხა̄რ, ეჯღ' ე̄რე ლა̈კირ ლახ სგა̄თრეღვნი, ეჩქას სგა̄̈ნჩუ მერდე ჩუ ილტϩნი.
Line of edition: 24 ამღა ლა̈კრი მϩგა̈მდ გუნ ლϩხა̈ლ ი ჩუ ხეხლი ხოჩა̄მდ ლიგემ, ეჯა გარ ხაშდბა.
Line of edition: 25 თალა̈ ნა̈ყირუნღო სერ მა̈ზუმვა̄̈ჲ ხეღვე̄ნი მეზგა კირ, ეჩზუმს ჩი̄ ჟიქა̄ნ ჟი ხა̈შდეხ.
Line of edition: 26 კირ ჩუ შდეხნ', ე̄ჩქას ჟიქა̄ნ ჯვა̈რს ხოსყე̄ნეხ ი სერ ჟი იშვმინეხ. ეჩქანღო
Line of edition: 27 ეშხუ ქორა̈შ სგ'ა̄დ ღϩრი ლა̈კირთე̄'სგა. აშხვ ბოთლიკ ჰარა̈ყს ჟ'ი̄დ ხა̈მზϩრი სოლომნს
Line of edition: 28 ი ეჩქანღო სგა̄̈ნჩუ̄ნ ლემასგვ ა̄შვე. ლემასგვ ქ'ა̄ღუზე ი ეჩქას ჟი ჴედნი ი
Line of edition: 29 ალ ნათხუმ ჰარა̈ყს მა̈გ ჩუ ითრეხ. ჲერვა̄̈ჲ ლა̈კრი მϩგა̄ლა̄ ი̄რიხ, ეჯჲა̈რს ნა̈ჭმუნდ
Line of edition: 30 ლემზϩრა̈ლ ხუღვეხ. Line of edition: 31 ამ ლადა̈ღ მელკირა̄̈ლ მეზგა ლელკირი მϩხე̄რხად მესვფელა̄̈ ხოხვრა̄̈ლ მა̈გ
Line of edition: 32 ხაწახ. ჲერხი ლელკირს აქვცუ̄რეხ ხერხარშვ, ჲერხი აშხრϩ̄რეხ ი ჲერხი შიდეხ ლაკირთე̄'სგა
Line of edition: 33 ჩუ ლუქვცუ̄რა კუდრა̈რს. ლა̈კირ ქა იღუ̄ზი ი ჰა̄ლ მოშ ხემჟვეღი, ეჩჟი̄ნ
Line of edition: 34 შიდეხ ლელკირს. ლახე სგა̄̈ნჩუ̄ნ უშხვა̄რ ხებვეგიხ ლელკირა̈რ, ეჩქას ჯო̄დი
Line of edition: 35 კეტარშვ ჩვაყლუ̄რეხ ი წესდ არდვნეხ. სა̈დლობა̈ დვრევჟი̄ნ ლა̈კრი მϩგა̄ლა სგა
Line of edition: 36 ღϩრიხ ქორთე ი ჩუ იხϩრჯა̄̈ლხ. ამლა̈დღიშდ ი ამ ლე̄თიშდ მელკირა̄̈ლ მეზგა ლა̈ჲსა̄̈ლ
Line of edition: 37 ხო̄გ. ნა̈სდილობენ ჟი იშვმინეხ ი სერ ლა̈კრი მϩგა̄ლას ლა̈დი მა̄მგვეშ ხოწივხ.
Line of edition: 38 ხოხვრა̄̈ლ იმქϩრა̄̈ლხ ლელკირი ლაჭკვრას, ლაშხრϩ̄რას ი ლა̈კირთე̄სგა
Line of edition: 39 ლიშდეს. Line of edition: 40 ჩუ იბვრ', ე̄ჩქას კალვისგა ლϩმშხილს ϩგემხ ი ეჩხა̄ვ ხეთვეფხ. ჲერვა̄̈ჲ ლϩმშხილს
Line of edition: 41 ქა ხატყცი, ეჯა ეზერდ ხაბჟახ.
Page of edition: 108 Line of edition: 1 ლϩმშხილ ხაჟხა ე̄ჯას ე: ყა̄̈რს ნე̄სგაისგა ქა ხატა̄ბეხ ეჩეჟი̄ნ, თვეთნაჟი̄ნ, შიხშვ
Line of edition: 2 მურგვალ აბზი ნაზიმ ნიშა̈ნს ხა̈გნეხ. ვახშმობა̈ დვრევ ჴედნ', ე̄ჩქას ალ მეზგა იშ
Line of edition: 3 გენ ლϩწსა̄̈ლი ხორიხ ი სგაღϩრიხ ქორთე ლახϩრჯა̄ლდ. ბა̄ზი ხეკვეს ერე გუნ ლითრე
Line of edition: 4 ლესვ. მერდა̄ლას ი ლϩწსას მასა̈რდ ხო̄ზხ სგვებინჩუ̄ნ ლეღვ ი იშგენ ხოჩა
Line of edition: 5 ხა̈რჯ. ლითრ' ე̄ჯკა̈ლიბდ ლ' ე̄რე ისგლე̄თს ქა ხოქა̄̈ბი, მა̄დეჲ ჩუ ირჰი, ეჩქას გარ
Line of edition: 6 იგნა̄̈ლხ ჟი. Line of edition: 7 ქა̄̈მ ლა̈კირცახა̈ნ მერდა̄ლას ჰარყი ნა̈ჭმუნ მასა̈რდ ხუღვეხ, ეჯჲა̈რსი ხა̄რხ ლიხი̄რულ
Line of edition: 8 ი ხოჩა ლარდა. მე̄რმა ლადა̈ღ მესვფელა ჩუ ფხეჟნიხ ი ქორა̈შ გარ ხაშდბა
Line of edition: 9 ლა̈კრი ლიშხის, მარე ობა̈შინ აჯაღ ჴედნიხ მუმურჯვა ი ეჯჲა̈რ აჯაღϩდ ხომურჯვიხ
Line of edition: 10 ლელკირი ლახე̄რხას. Line of edition: 11 ლე̄თი̄ ნათუნ მა̄რა̄̈ლ გვიანდქა ჟი იგნა̄̈ლხ ი ჩუ̄დ ისგვრიხ სა̈დილდ. ლა̈დი
Line of edition: 12 აჯაღϩდ ხა̄რხ ხოჩა ბედ ი ხინ ი ნა̈ბოზს, ესვა̄̈ჲ ხა̈ჲმედა, ხომურჯვი ლა̈კრი ლა̈შიხს.
Line of edition: 13 ლა̈კრი კა̈ცხჟი̄ნ ერ ჯვა̈რი̄ლს ხაჴლეხ, ეჯა ლახე ჩუ იშხი, ეჩქას ლა̈კირი ლϩშიხ
Line of edition: 14 ლი. Line of edition: 15
ლენჯა̄̈რ Добавлено (2007-06-14, 5:28 Pm)
---------------------------------------------
. ლილგიმა̄̈ლ ჯვინალდ შვა̈ნისგა Line of edition: 17 მეზგე ლახ ლილგიმა̄ლს ხემურჯა̄ლ, ეჩქას ძღϩდ ლემა̄რა̄̈ლ ხა̄დ ი ხვა̈ჲ ბა̈რგ-ნაბა̈რგ
Line of edition: 18 ი მასალა ხა̄დ ლემა̄რე, ეჩϩნქა ნამშა̈ი ხა̄დ ლეთმე ი ლემა̄რე მელგიმა̄ლეშ,
Line of edition: 19 ნადრეშ ი მიჩა ხა̈რჯდ, ადო ეჩურ ღალ მა̄მ ხოყა̄̈დ. Line of edition: 20 ნა̄თა̄ლვ მა̄რა ლახე სადგვემ მო̄გვეშ ხეხო̄ლდა, ეჩქას მა̄̈ნკვი ქორ ხა̄დ ლეგემ,
Line of edition: 21 ადო ეჩურ იშგან სადგვემი ლიგემს მა̄მ ხოყა̄̈დდა. ჩიდ მა̄̈ნკვი მეზგე ბა̈ჩს ამა̄
Line of edition: 22 რა. ბა̈ჩს ეჯჟი̄ნ ამა̄რა მეზგე, იმვა̈ჲხა̈ნ ხოჩა ლამარჯვ ხა̄დ ლითმე ი ლიჴდე. ჲერხი
Line of edition: 23 რიყისგა ანზო̄რახ ბა̈ჩს, ჲერხი ეშ იბϩრჯახ ი ჲერხი, ლახ ეჯკა̈ლიბ აგის ი სოფელს
Line of edition: 24 ლა̈სვ, ეჩქას ეშ იკვშა. ქამა̄რა ბა̈ჩს ერ ჟ'ამა̄რა მეზგე, ეჩქას კირს იკვშა. კირი ლა̈კ
Line of edition: 25 ვშა კოჯა̈რისგა ლი. ჲერხი სოფელს ეჯკა̈ლიბ კოჯა̈რ ლიხ კირიშ, ერე ივალადა̈ღ
Line of edition: 26 და̄̈რ მოშ ხა̈შთხე. ჲერხი სოფლა̈რისგა სბენდიკს იბϩრჯეხ. Line of edition: 27 იმვა̄̈ჲ სოფელისგა დო̄ჲ კირ წვა ი დო̄ჲ სბენდიკ, ეჩქას მე̄რმა სოფელთე ღϩრიხ
Line of edition: 28 კირი ლა̈კვშათე ი მა̄დეი სბენდიკ ლაბϩრჯათე. ჲერხი მეზგე მე̄რმა მესვფელხა̈ნქა
Line of edition: 29 ჟი იყდი ქა მეკვშა კირს. Line of edition: 30 ქა მეკვშე ჲორი ლა̈კრიშ კირ ხაჯეშ ეშხუ ფირვმიშ. ქა მეკვშა კირს მეზგე გალ
Line of edition: 31 დამშვ ჴიდე ქორთე. გალდამ ამის ხაჟხა: სოფელისგა მეზგე თვით სა̈ვ-ჩავ ქა მეკვშა
Line of edition: 32 კირს მა̈გ ხოჴდე მელგიმა̄̈ლ მეზგა. ალა ჩიჲაშდ ლეჩვმე ლი, მარე კირი ლიჴდე
Line of edition: 33 ბა̈ჩა̈ ნა̈ჴიდუნღო გარ ლი. ბა̈ჩს, ჟი ლϩმა̄რანღო, ჩიგარ ჴიდე მეზგე ი ხათერ, ერე
Line of edition: 34 სერ ქა ხა̄რ, ეჩქას ჰაჯს ხაკედ ამი̄ ლიჴდეს. ეჩქანღო ქვიშე̄მი ლამა̄რათე ღϩრი,
Line of edition: 35 ქვიშა ჭალი პილჟი̄ნ ამა̄რე. იშვა̄̈ჲ მასა̈რდ ხონხა ჭალი პილს ქვიშე. ეჩეჩუ̄ნ ჴანრე
Line of edition: 36 ლიგნე გარ ხაკუჩ, იმვა̄̈ჲ მო̄დე, ეჩე მო̄შ-მო̄შ ნუკვიშდ ამა̄რეხ ქვიშა. ჲერ ფათქს
Line of edition: 37 აბϩრჯე, ეჩხა̄ვთე̄'სგა მა̄დხვა̈ჲ ლϩლჰენდს ხოფშვდე ი ქვიშე ფათქისგა სედნი, ფათქ
Line of edition: 38 ჟი იგვშილი ქვიშოვშ, ეჩქას ამის ჟი იკედ ლა̄̈ხირშვ ი პილჟი̄ნ დე̄სგი. ეჩქანღო
Line of edition: 39 სგა̄დ ხოფშვდე ლϩლჰენდს ი სერ ამჟი̄ნ, ოდე ქამა̄რა ქვიშე ჟი დო ინზვე̄რი. ჲერხი
Line of edition: 40 იქი აქ ქოჩო̄ლა̈რს ანზო̄რე ქვიშე̄მიშ ი ეჯჲა̈რს აშხვ ა̈დგილთე̄'სგა ჟ'აყვბე.
Line of edition: 41 ამჟი̄ნ ქამა̄რა ქვიშე ჟი ინზვე̄რი, ეჩქას ქვიშაჲ გალდამშვ ჴიდე მეზგე. ჲერხი სოფელს
Line of edition: 42 გალდამ ლა̈ჴდაჟი̄ნ მა̄მგვეშ ხაზნა ხარჯ ი ამკალიბ. ჲერხის გალდამჟი̄ნ ლა̈ჲსა
Page of edition: 109 Line of edition: 1 ხა̈მთქვა ი რიჰდ მოგϩლდამას ი მელგიმა̄̈ლ მეზგა ხოჩა ხინ ი ხიად ი ლიზვებ-
Line of edition: 2 ლითრე ხა̄რხ. Line of edition: 3 ალჲარე ლიჴდა̄ლუ ა, კირიშ ი ქვიშე̄მიშ, მეზგა ლემა̄რე ნარ ლელკირ ი ეჯა̄ჲ
Line of edition: 4 აგითე ლეჴდე, ლელკირდ ეშხვ-ა̄შირ მეგემ ჟი ხაკუჩ მეზგა. ეჩϩნქა ჟი ლემა̄რე
Line of edition: 5 ხა̄რ: დი̄რ, ა̄ღ, ჭე̄რ, ი ყა̄̈რ. Line of edition: 6 ალჲა̈რს, ა, ქა მა̄̈ჲ გვი̄ქვა, მეზგე ჟ'ამა̄რე, ეჩქას მეზგე ჴელვანა̈რს იგნე. ჴელვა̈ნ
Line of edition: 7 ხაჟხა, ქორა̈ ლიგემ ი ლილგიმა̄̈ლ ჲესვა̄̈ჲ ხოჩა̄მდ ხოხალ, ეჯას. მეზგე ლახე Добавлено (2007-06-14, 5:28 Pm)
---------------------------------------------
8 ლϩფშირ ლა̈სვ, ეჩქას მიჩოვშ ამა̄რა, მა̄̈ჲ ლილგიმა̄ლე̄შდ სა̈ჭირო ლა̈სვ, მა̄დეჲ მასალა
Line of edition: 9 ლამა̄რათეჲ ჟი იგნა ჴელვა̈ნს, მარე ნა̈ლგიმა̄ლვირ ღალ ხოშა ხეკვა̈დ.
Line of edition: 10 სამწϩხვ ბა̈რგ ი მასალა ჟი იმა̄რო̄ლდა, ეჩქას მა̄̈ნკვი ლა̈კირს ϩგა̈მდა მეზგე.
Line of edition: 11 ლა̈კირ ლაგა̄მთე ჲესვა̄̈ჲ ქა ხა̄̈ქვნინა მეზგე, ეჯა მა̈გ ქა ხომა̈რჯვდა.
Line of edition: 12 ეჯა მა̄დეჲ ჲერხი ხოხვრა̄̈ლ ქა უ̄ქვადი ქა ჴედენდახ ლელკირ ლაჭკვრათე ი კირი
Line of edition: 13 ლა̈ბშათე. Line of edition: 14 ჩიქე ლა̈კრი ფათქს აბϩრჯახ, მა̈ზუმვა̄̈ჲ ქა მა̄რად ხებჟა̄̈ნხ, ეჩზუმს, ეჩქანღო
Line of edition: 15 ძირხა̈ნჟი̄ნ გϩრკიდ ფათქს ბა̈ჩა̈ ფიკვი ჴვილას ხა̈ცხპახ, ეჩეჟი̄ნ კირი ლიგემს იბნახ,
Line of edition: 16 ჲორი სგა̄̈ნჩუნ არდახ მϩგა̈მდ ი ჲო̄რი ქა̄მენჩუ̄ნ, იშგენ კირს ხა̈ბშახ. ლა̈კრი
Line of edition: 17 ლიგემ ისგთეჟი̄ნ ჟი ჴედენდა, ეჩქას გა̈რგლას და̄̈რ მოშ იჩომდა, ეჯღა ერე კϩლთხი
Line of edition: 18 ჰერს ესერ ლა̈კრი ლაგა̈მჟი̄ნ, ლა̈კრი ლირეღვ ხოხალ. ამჟი̄ნ ქვინ უკი̄დად ი
Line of edition: 19 ლაჴუნჩულა̄ლუშ ϩგა̈მდახ ლა̈კირს. ღვეშგმავ ეშხვი გარ სედენდა სგა̄̈ნჩუ̄ნ ლა̈კირისგა.
Line of edition: 20 ლა̈კირ აშ გარ ისკრო̄ლ ი ინხუწო̄ლდა ჟიბა̄ვ. სგა̄̈ნჩუ მერდე თხვიმს ჩუბა̄ვ
Line of edition: 21 ა̈ჲა̄̈სგდა ი ტოტარშვ გარ იგჭა ჩუ ნაცხატვ კირს. ღვეშმე პილს ქა̄მენ მϩგემ
Line of edition: 22 ცუყვბას, სკϩრა̈ კირს, ხა̈ჩხინა ჟიქა̄ნჩუ̄ნ ი სგა̄̈ნჩუ მერდე ქა ჴედენდა ქა̄მენთე,
Line of edition: 23 მარე მაყალშვ ღალ ჰა̈ბ ქა მეჩდე ხა̄დ. ათხე სერ ლა̈კირ სგა ლეძგვა̈ბდ ლემყა̈ლვ
Line of edition: 24 მა̄მ ლა̈სვ ი მა̄̈ჲ კირ ქა̄მენჩუ̄ნ ჩუ ირდო̄ლ, ეჩას ჩი ჟიქა̄ნ ხა̈შდახ. კირი ჩუ ნაშდა̈ხუნღო
Line of edition: 25 ლა̈კრი კუნჭილჟი̄ნ ზექი ჯვა̈რს ხაჴლახ. ლა̈კირს სკϩრე ხეფსო̄ლდა.
Line of edition: 26 ამი̄ ქა ნასრულუნღო (\\ ნაზგϩრუნღო), ქორა̈ მახვში აშხვ ბოთლიკს, ი ჲედ-ხოხვრა̄მ
Line of edition: 27 სტამა̄ნი̄ლს ჰარა̈ყს შϩნ ა̈ჲა̄̈სგდა ი სგა ღϩრდა ლა̈კირთე̄'სგა. ეჩე̄'სგა ჟი
Line of edition: 28 ხა̈მზირდა ამის ი სამ ლემზირს სოლომნს ი ხეჴϩ̄რა̄ლ ხოჩა̄მ სევს ი ჰაჯს ი ზϩგრი
Line of edition: 29 ლიცხპეს ლილგიმა̄ლეშ. ეჩქანღო ბოთლიკს ქა̄მავ ხა̈ბშა. ქა̄მენჩუ მერდა̄ლა მუტვა̈რ
Line of edition: 30 მუგვა̈ლს ი ნეცინდ ლϩცლϩ̄რა ფϩრი ზექა̈რს ხა̈ბშახ, ალა სგა̄̈ნჩუ ლემასგვ ა̄შვა ი
Line of edition: 31 ეჩქანღო ქა ჴედენდა ქა̄მავ. მე̄რმა̄̈ლ ქა ლუღუ̄ზა ლემასგვთე ნეცინდ ლϩცლϩ̄რა
Line of edition: 32 ზექა̈რს შიდახ. ალჲა̈რს გუნ ჟი ხებდინო̄ლდახ, ეჩქას ხონგრა̄მ ზექა̈რს შიდახ ამხა̄ვთე̄'სგა
Line of edition: 33 ი ამჟი̄ნ ქა̄ღუზახ ბϩგიდ ლა̈კირს, ხოშა̄̈ლ ი ლა̈კრი მϩგა̄ლა, ალ ჟი ნა̈მზურ
Line of edition: 34 ნათხუმს |
| |
| | |
|
Мужчина |
Date: Четверг, 2007-06-14, 5:30 PM | Message # 32 |
Group: Проверенные
Posts: 352
Status:Offline
Дата регистрации:
2006-09-07 |
34 ნათხუმს ჩუ ჲϩთრახ ი ხემზირდახ სოლომნს ხოჩა̄მ სევს ი ჰაჯსი ზϩგრი ლიცხპეს.
Line of edition: 35 ამჟი̄ნ ხა̈რჯი ჟი იმა̄რო̄ლდა ი ქორშა̈რ, ჴელვანა̈რ ი ნადა̈რ სგა ღϩრდახ ქორთე
Line of edition: 36 ლახϩრჯა̄ლდ. აშ ქა უწსად მეჴდა̄ლა ლა̈კირს ხო̄შვახ ლემასგვ ი ჲერხი ლელკირს
Line of edition: 37 ახე̄რხახ. Line of edition: 38 ქორისგა მერდა̄ლას ტაბა̈გთექა ლეღეს, ქუთვა̈რს ი იშგან ხოჩა̄მ ხა̈რჯს ხოჴდახ.
Line of edition: 39 ნა̈დჲარობენ ლა̈კრი მϩგა̄ლა ეშ ი აშ ღϩრდახ ი ჟი იშვმინახ ნა̈ბოზდ. ლა̈კირს
Line of edition: 40 სოფლი ხოხვრა̄̈ლ ხო̄ზნა̈ნდახ. ალჲა̈რს ჰარა̈ყს ხოჴდა მეზგე ი ჲერვა̄̈ჲს ხეკვა̈დ ϩთრა.
Line of edition: 41 ჩუ იბვრო̄ლდა, ეჩქას მახეღვაჟა̈რ ყა̄̈რჟი̄ნ ლϩმშხილს ხა̈გნახ ი აშხვ მუხვირისგა
Line of edition: 42 ჩუ ϩგა̈მდახ, გა̈ნხა̈ნჩუ̄ნ მუგვა̈ლს და̄̈სგდახ ჟი მუტვა̈რს, ერე ლϩმშხილ ხოჩა
Page of edition: 110 Line of edition: 1 ლეწვე̄ნე ლϩმა̄̈რლესვ ი ჲერვა̄̈ჲს თვეფ ხუღვა̄̈ნდა ი ხეკვა̄̈დ ლითოფ, ხა̈ფშვდა
Line of edition: 2 ლϩმშხილს. ქა̄̈მ მერდა̄ლას მეზგე ჰარა̈ყს ხოჴდა ი ხათრა. ჰარყი ნათუნუნღო მეზგა
Line of edition: 3 ლახე ლახი̄რულ ხა̄დ, მახეღვაჟა̈რ ლიხი̄რულს იბნახ, ჲერხი ლელკირს ახერხახ
Line of edition: 4 ი ხოჩიდდახ ლა̈კირთე̄'სგა. ლა̈კრი ჩუბე ლაგა̄̈გიჟი̄ნ ვარჩხილს და̄̈სგდახ ლაკვჰუ̄რა̄ლდ
Line of edition: 5 ი ეჯას ჲერვა̄̈ჲ ჴაფშვ ჟი იკა̈დდა, ეჩი̄შ ლა̈სვ. Line of edition: 6 ქორს ლა̈ჲსა ჟი იჯბო̄ლდა, ეჩქას ჴელვანა̈რს, ლა̈კრი მϩგა̄ლას იშგან ლϩწსა
Line of edition: 7 მა̄რა ჩვასგვრახ ი ეჯ ლე̄თ ხა̄დხ ხინ, ხიჲად ხოჩა ბედ. Line of edition: 8 ლირჰა̄̈ლთე მესვფელა ჩუ ფხეჟენდახ, ლა̈კრი მϩგა̄ლა̄ჲ ა̈გითე ღϩრდახ ი სერ
Line of edition: 9 ლა̈კრი ლიშხი მეზგა ი ჴელვანა̈რს გარ ხოწვუნდახ. Line of edition: 10 ლა̈კირს ხო̄შვახ ჲარვ ლე̄თ-ლადა̈ღს ი სერ მა̄მ ხეკვა̈დ, კირ ჩუ იშხო̄ლდა. ლა̈კრი
Line of edition: 11 ნა̈შიხუნღო ჟი იზიმდახ ქორა̈ ლაგა̈მს ი ხუნი ლიბϩრჯეს იბნახ ო̄შთხვ ფოყჟი̄ნ.
Line of edition: 12 ხუნი ნაბϩრჯუნღო ზურალა̄̈რ ჟი იდბა̈შდახ ამეჩუნ ი ხემზϩრდახ ჩუბე ბუა̄სდა̈
Line of edition: 13 ღე̄რბათ ი სოლომნს, ერე "ხოჩა დოშდლა̈შ ოხსყე̄ნხ ალ ა̈დგილ ი ხოჩა ზϩგირ ოხვცხიპვნე̄ნხ".
Line of edition: 14 ხუნ ლადა̄̈სგჟი̄ნ ი ჟი იდბა̈შდახ ზურალა̄̈რ, ხუნი ლიდა̄ლა̄̈ლდ ჰარა̈ყს
Line of edition: 15 ხა̈მზϩრდა მეზგე სოლომნს, ერე "ხუნი ლიდე̄სგი ბედნიე̄რ ი მეგჭე ლϩმა̄̈რლესვ".
Line of edition: 16 სერ იბნახ ხუნი ლიდე̄სგის. ხუნი ნადა̄̈სგუნღო, ოდე გიმს ჟი დო ხოქა̄̈ბდა
Line of edition: 17 ნა̈ლგიმა̄ლვ, ეჩქად ფიკვიდ გარ იჩომდახ ლიგემს. ამი̄ ლიგა̄ლა̄̈ლდ კირი ჩუ იც
Line of edition: 18 ხა̄ნო̄ლდა. სგვებნავ ჟ'ასყე̄ნახ ლათქა̄რა̈რს ი ლა̈გϩრწყილა̈ვ ღვებს. ჩუ ლϩგა ჴვილას,
Line of edition: 19 ხუნს, ღვებნხა̈ნქა გირწყა̈ლს ხოფშვდახ. გირწყა̈ლ ხაჟხა ღვებისგა, დϩთხელდ
Line of edition: 20 ჟი ლϩჩდი̄ნა კირს ი ქვიშა. ალ გირწყა̈ლს ჩიავ სგა ხა̈ფშვდახ ეჩი̄ზუმს ე,
Line of edition: 21 მა̈ზუმვა̄̈ჲ სა̈ჭირო ლა̈სვ. ეჩქანღო ჭვა̈და̈ ლიგემს იბნახ. ეშხუ ჴელვა̈ნ სგა̄̈ნ ლა̈სვ
Line of edition: 22 მϩგემ ი მე̄რმე ქა̄მენ. ქა̄მენ, ჲერვა̄̈ჲ ხოჩე̄ლ მϩგემ ლა̈სვ, ეჯა ჲϩგა̈მდა ჭვა̈დს.
Line of edition: 23 ალჲა̈რს ჲერხი ბა̈ჩს ხოჴდახ ი ჲერხი -- ხა̈ლიკს კიცო̄რა̄ლშვ. აშხვ ლა̈გϩრწყ
Line of edition: 24 ლა̈ვს ჟი ჴიდახ ფიკვი ჭვა̈დდ, ეჩქას ჟი ითიქდახ. ლა̈გϩრწყილა̈ვ ოხვიშდ-უსგვა
Line of edition: 25 კამინვ ლა̈სვ. Line of edition: 26 ლათქა̄რა̈რისგა სგვებნა̄ვ ჩვა̈გნახ თϩქს, ეჩქანღო ჩვა̈ჰი̄ჭვდახ ბერგარშვ ი
Line of edition: 27 ლა̈ხი̄რარშვ. თϩქს ღვები̄ლა̈რთე̄'სგა სგა და̄̈სგდახ, მϩთქას ქაფჩა̄̈ლ ხუღვა̄̈ნხ ი ეჯჲარშვ
Line of edition: 28 ჟი ითიქდახ, ეჩქანღო გირწყალს ხოფშვდახ ჴვილას. ხუნი ნადა̄̈სგუნღო
Line of edition: 29 აშხვ ფოყხა̈ნ, ხედვა̄̈ჲს მეზგე ილკვჰე, ეჩეჩუ̄ნ ყო̄რა̈ ჩუბე ლაგა̄̈გის დე̄სგი ი ამჟი̄
Line of edition: 30 ამეჟი̄ნ მა̈ჩვი̄ბი ყო̄რს ხოცვბე. აშხვ ლა̈გϩრწყილა̈ვს ქ'ა̄სრულეხ ი ამისი̄ ამჟი̄ნ
Line of edition: 31 ასრულეხ. ჲარვ ლა̈გϩრწყილა̈ვϩნღო ქორს ჲარვ ნახვწი ლაჴვრას ხოცვბეხ ი ალჲარე
Line of edition: 32 სა̈ხსი ქა ხა̈ცვრეხ ლაგა̈მჟი̄ნ. ჩუქვა̄ნ ალ ლაჴვრა̄̈ლსი ლაგა̄̈გია̈რს ხონხენიხ ი
Line of edition: 33 ჟიქა̄ნი̄. მე̄სმა̄მ ლა̈გϩრწყილა̈ვს ჩუ ჲϩგემხ, ეჩქა ყო̄რს ჟიბე ლაგა̄̈გის ხაგფენიხ ი
Line of edition: 34 სერ მა̈ჩვი̄ბ ჩუ ლϩგე ლი. Добавлено (2007-06-14, 5:30 Pm)
---------------------------------------------
35 ყორს ი ლაჴვრა̄̈ლს ნე̄სგაქა ლალცϩყნა̄̈ლს ხა̈ცვრეხ ლაცყანრე ლადა̄̈სგდ. მა̈ჩვი̄ბს
Line of edition: 36 ჩუ ჲϩგემხ, ეჩქანღო ჩუ ლიდϩ̄რი ხაკუჩ. დი̄რა̈რ სგვებნა̄ვ ჟი ლϩმა̄რე ხა̄რხ,
Line of edition: 37 ქა იზმიზ ქორა̈ ნაზიმს ქა ი მასა̄̈რს ქა ხაქვცუ̄რეხ დϩ̄რა̈რს. ლა̈დი̄რჟი̄ნ ნადა̈რ ი
Line of edition: 38 მუმურჯვა ხა̄რ ლეწვა̈ნი მეზგა, ადო ეშხვი ი ჲორი მა̄რე გარ დე̄მგვაშვ მოშ ხა̈ჩომხ
Line of edition: 39 დϩ̄რა̈რს, ეჩზუმვა̈რ ლიხ ალჲა̈რ. Line of edition: 40 ლადი̄რჟი̄ნ ჩიქე საშვემ დი̄რს ხოდიხ. ალა ხაჟხა აშხვ დი̄რს. ნესგაქიი მა̄მ ხა̄̈ზ
Line of edition: 41 ლა̈იდ ი ჰა̈დურდ პილსი̄. ალა ლეჟა-ლექვაჟი̄ნ ხოზ ი ჟიბა̈ჲჩუ ლϩდა დϩ̄რა̈რს მϩნგ
Line of edition: 42 ჭვად ხემა̈რგ, ერე ლϩჭერ მო̄დ აჰϩლბϩნე̄დს დარბა̈ზჟი̄ნ ჭემი ლადა̄̈სგჟი̄ნ ი ლაზელა̄ლჟი̄ნ,
Page of edition: 111 Line of edition: 1 ეჩქანღო ჟიბა̈ჲჩუ ხოდე̄სგიხ უსგვამ ი ჲედ არა̄მ დი̄რს. მა̈ზუმვა̄̈ჲ ხაკუჩ
Line of edition: 2 მეზგა. Line of edition: 3 ლიდϩ̄რი ქა იზგϩრი ეჩქას, ქა ხეყჩენიხ ლაშდაბს ი მუმურჯვას ჰარა̈ყს ხათრეხ
Line of edition: 4 ი მინი ჲϩთრეხ. Line of edition: 5 მე̄რმა ლადა̈ღ მა̈ჩვი̄ბს ჩვაჭრა̈ვიხ ი ღო ჩვავრიხ. ლაჭრავჟი̄ნ ქა ხოცვბეხ ჲარვ
Line of edition: 6 ლე̄ბის. აშხვ მუხვირისგა, ხოშა̄მ ჟი ლა̄ზდ ი მე̄რმა ხოხვრა̄მ ნე̄ნი̄ ლა̈შდად.
Line of edition: 7 ათხე სერ მა̈ჟი̄ბს ჲϩგემხ. ნაჭრაუნმϩყ აჯაღϩდ ხა̈ჩომხ მაჩვი̄ბი ყო̄რხა̈ნ, მა̈დეი
Line of edition: 8 მე̄რმა ფოყხა̈ნ ყო̄რს ნენი̄ ლა̈ჲა̄̈სგდ. ამის დარბზი ყო̄რ ხაჟხა. ჩუქვა̄ნ ლაგა̄̈გის ხონხენის
Line of edition: 9 ბა̈ჩა̈შს. მა̈ჟი̄ბს ხოხვრა̄მ კϩლთხის იჩოხ, ჲარვ ლა̈გϩრწყილა̈ვს ი მა̄დეჲ ჲარვ
Line of edition: 10 ი ხϩნსგა̄მ ჩუ ϩგემხ, ეჩქანღო დარბზი ყო̄რს ჟიბე ლაგა̄̈გის ხაგემხ.
Line of edition: 11 ათხენღო ჲარვ ფოყხა̈ნ კუნჭლა̈რს ხაგა̈მდახ ლა̈შგიშდ, ეჯღა, ე̄რე ლუშნუ
Line of edition: 12 ქორ ჲარვ ფოყხა̈ნ გარ ლი ჩუ ლϩლშგე, ათხე სერ მა̈ჟი̄ბი ჩუ ლϩგე ლი. (ჩუვეთ
Line of edition: 13 ამა̄̈შდϩნ: მაჩვი̄ბს აშხვ მუხვირხა̈ნ ლაგა̈მჟი̄ნ ლაჴვრაშა̄ლ კურუს ხა̈ცვრეხ ჰა̈წნი
Line of edition: 14 ლა̈შდად. ამის ხაჟხა ლანგვლი). ათხე მა̈ჟი̄ბსი̄ ხაკუჩ ლიდϩ̄რი. ჟი̄დ ინზო̄რა̄̈ლხ
Line of edition: 15 სოფლი მახეღვაჟა̈რ ი ხომურჯვიხ მეზგა ლა̈დი̄რთე. მაჟი̄ბს აშხვ დი̄რს კუნჭილქა
Line of edition: 16 ხადე̄სგიხ, თვით ჲარვ, ჲარვ ფოყჟი̄ნ -- ეჩხა̈ნ-ამხა̈ნ -- ი თვითს ჲარვ ფოყხა̈ნ ძირა̈რმϩყქა.
Line of edition: 17 ეჩქანღო ქა ხეყჩენიხ ი ჰარა̈ყს ჲϩთრეხ მასა̈რდ. Line of edition: 18 სერ ქორ ჩუ ლϩდი̄რ ლი. მე̄რმა ლადა̈ღ ცხუტა̈რს ი აღა̈რს ხადე̄სგიხ ი ლახე
Line of edition: 19 მეზგა ნაჭრაუნ შუნ ხუღვე, ეჩქას ჩვაჭრა̈ვი, მა̄დეჲ აღა̈რქა ჭერა̈რს გარ ხად ა̈დგ
Line of edition: 20 ი ჩვა̄შგი. ამის ლϩსა̈თხდ ლი̄შგი გარ ხაჟხა, ლახე უჭრავა ლი.
Line of edition: 21 ჭვა̈დვარე ლაგა̈მჟი̄ნ მა̈ჩვი̄ბი ჭვა̈დვა̈რს სგა̄̈ნ ი ქა̄მენ სანჲა̈რს ხა̈ჩომდახ. სანჲა̈რ
Line of edition: 22 მო̄შ-მო̄შ უბრალო ბა̈რგი შედა̈რდ ხეკვა̈დხ. ჲერხი მეზგე ჴა̈ნი მუჭვა̈რს ხონხენდა
Line of edition: 23 ყო̄რა̈ ფე̄დიას, უღვა̄ლეშ ი იშგნე̄მი ლა̈რკინად. ლახე მეთხვჲა̈რ ჲა̈რ არდა
Line of edition: 24 მეზგაისგა, ეჩქა ეჩი̄ ნადგარვ ღვაშრე მუჭვა̈რსი ხონხენდახ ჭვა̈დს სგვებინხა̈ნ.
Line of edition: 25 მა̈ჩვი̄ბი ლა̈დი̄რჟი̄ნ ლამϩჟხა̈ნ მეკვშდა დირϩლდა̈რს ხონხენდახ ლა̈ლფრა̄̈ ფიც Добавлено (2007-06-14, 5:30 Pm)
---------------------------------------------
26 რარე ნადა̄̈სგუნდ. Line of edition: 27 მა̈ჟი̄ბს დარბა̈ზხა̈ნქა ყო̄რს ხა̈ჩომდახ ხოხვრა̄მ ლალფრათექა. ამის ჲერხი ლა̈ლფრა̄̈
Line of edition: 28 ყო̄რს ხაყლეხ, ჲერხი -- დე̄ფნი ყო̄რს. ჩუ ლϩშგϩნღო სერ ქორა̈ ლიგემ ქა
Line of edition: 29 ლუსრულე ლა̈სვ ი ჴელვანა̈რ ა̈გითე ღϩრდახ. Line of edition: 30 ნა̈ჴϩლვანვი̄რ მეზგა სგვებნავ ხა̄დ ქა ლუჰვედ. სგა ლახ მა ხესდენ, ეჯას ქორა̈
Line of edition: 31 ლიგემი ქა ლიზგϩრა̄ლვ ჩი̄ ქა ხაჰვედდა, ლიზგϩრა̄ლე ლა̈ხჲადა̄ლს მოშვა̄̈ჲ
Line of edition: 32 იჩომდა მეზგე, ეჩქა ჴელვანა̈რ მიჩა მაკაფჟი̄ნ ჩუ ლესჩქვა̈რი ხა̄დ.
Line of edition: 33 ქორა̈ ლიგემ ხეკვეს ერე პა̈რპო̄ლდა̈შდ ალსურლე̄ლესვ, იჯდა ერე ეჩქანღო
Line of edition: 34 ლიჭმა̄̈ლ იბნო̄ლდა ი დეჲ მეზგა ხოჟბϩნდა ლა̈ლგიმა̄ლდ ი დეჲ -- ჴელვა̈ნს. მუჟღო̈რ
Line of edition: 35 შვა̈ნისგა მასა̈რდ ჭირ ლი: ლიჭმა̄̈ლ, ლითჲე̄ლ ი ალჲა̈რს მეზგე ქ'ა̄̈სრულა მუჟღვერ,
Line of edition: 36 ჭემს ი ნამშა̈ჲს სგა იმჭვმა ქორთე, ეჩქას ლიზგϩრა̄̈ლს იჩომდა. ამ ლე̄თიშდ
Line of edition: 37 ჩვაჰრა̈ყდა, ლაჲსას ამა̄რა ი ლϩწსა̄̈ლს აწიჰდა. მა̈ჲ ლემბა̈ჟ, ლ'ერე ჴელვანა̈რ ბა̄ზი
Line of edition: 38 თხუმხა̈ნ ისგვრო̄ლხ. ლა̈სვ ეჯ ლე̄თ მასა̈რდ ლითრე ი ლიხი̄რვილ. ისგ ტაბგობჟი̄ნ
Line of edition: 39 ჴელვანა̈რს ფიჩქს ხოგა̈მდახ სგვებინჩუ̄ნ, ამეჟი̄ნ ლემზϩრა̈რ ზϩსდა̈ნდახ ი ლეტვრე
Line of edition: 40 ხელწა̄̈ნ ჟი მუტვა̈რ. ჴელვანა̈რ ჟი იგნა̄ლხ. ეშხუ ხედვა̄ლე ალჲა̈რ ფიჩქს ჟი
Line of edition: 41 იკადდა ი სგვებინ ესღϩრდა, მე̄რმალ ღვეშგიმ ესჭიმდახ. ალჲა̈რ ყველფს ლერსგვანთე
Line of edition: 42 ხეჭმენდახ. სგვებინ მე̄ზი ყϩლა: "მა̈ლდჲა̈ნ სოლომნ! ალ ქორ ბედნიე̄რ
Line of edition: 43 ჩვემნ, მაჩე̄ნე შვიდბჲა̈ნ, ბა̈რქჲა̈ნ ი ყვე̄დი ქორა̈ ლიგემ ჩვა̄̈ს ხამურჯე̄ნს, ეჯა მე̄რმა̄მდ
Page of edition: 112 Line of edition: 1 ნა̈ჲ ა̈ნმა̈რჯვ. ოშვა̄̈ჲდ ბა̈ჩ ნა̈ჲ უშხვა̄რჟი̄ნ ოთგედ, ოშვა̄̈ჲდ ნარმეცხ კირ, ოშვა̄̈ჲდ
Line of edition: 2 კუნკვილ ქვიშე ხაჴმარა ალ ქორს, ეჩშელდ ხოჩე̄რობა ლა̄ხო მა̈ლდჲა̈ნ სოლომნ,
Line of edition: 3 ალ ქორს, ნიშგვეჲ ნალიგმა̄ლვ ისგვა ნა̈ლგიმალდ ახა̈სყ, მა̈ლდიჲა̈ნ სოლომნ!
Line of edition: 4 ნა̈ჲ ლახე შგურა̄̈რ ნომა̄ნფუშდეს, ეჩქას ჰა̈დურდ ხოჩა გარ ახა̈სყ ალ ქორისგა,
Line of edition: 5 ნა̈ფშირი ი ნა̈დდარი ლა̄ხო, ქვილϩმგენე ი მა̄რე, მა̈გ ათფიშირ ალ ლა̈ზგაისგა! "
Line of edition: 6 ი ამჟი̄ნ ლა̈მზϩროშ ქა ხეცხპენდახ ქორს ლერსგვანთე, ეჩქას ფიჩქს ჩუ ϩგა̈მდახ
Line of edition: 7 ი ჩუ ისგვრო̄ლდახ. Line of edition: 8 ათხე ქორა̈ მახვში ჟი იგნა̄ლდა ი ხაყლა ჴელვანა̈რს, ერე "ალ ქორ ესერ მიჩა
Line of edition: 9 გარ მა̄მ ლი, მინეში̄ ამჟი̄ნ ლი, ბა̄ზ, ესერ იგებას სა̈ხ დოშ ანხვიას, მარე ამუნღვ'
Line of edition: 10 ე̄სერი ჩიგარ მინეშ ი̄რი ალ ლა̈ზგა" ი ეჩქანღო ქა ხაყლა, მა̄̈ჲ ხაკფϩნდა მეზგა, ეჯ
Line of edition: 11 საჩქვა̈რს. Line of edition: 12 ათხენღო სერ ბა̄ზი მასა̈რდ ლითრე ი ხინი ხიად ხა̄დხ. ამჟი̄ნ, მე̄რმა ლადა̈ღ
Line of edition: 13 ჴელვანა̈რს ლუსჩუქვა̈რს ქა ფიშვდახ ხოჩა̄მ გუჟი̄ნ. Line of edition: 14 ჴელვანრე ხოლა̄მ გუჟი̄ნ ლიფშვდეს მა̄მ ხეყა̄̈დ, ეჯღ' ე̄რე მეზგა ალჲარე ჭათად
Line of edition: 15 ხაყვლი̄ნდა. Line of edition: 16 ქორ ი ჭვა̈დვა̈რ ქა იზგϩრო̄ლდახ, მარე ათხე სგა̄̈ნჩუ̄ნ ხეკვა̈დ ქორს ხვა̈ჲ სა̈ხმა̈ხ: Добавлено (2007-06-14, 5:30 Pm)
---------------------------------------------
17 ლეგემ ლა̈სვ მეგმე̄მი ისგϩნტაფ, მარა̈ნ ი ამკა̈ლიბა̈რ. ალჲარე ლიგემ ჩი̄ მა̄მ
Line of edition: 18 ხოხალდა ი მეზგე ამი მოხელს იგნა გვალა̈ სახრე მϩტა̄ბად ი მϩგემდ.
Line of edition: 19 სგვებნა̄ვ, ქორა ყორ იმვა̈ჲხა̈ნ ლი, ეჩხა̈ნ ლϩტა̄ბა მეგა̈მს და̄̈სგდა ჟიბა̈ჲჩუჟი̄ნ,
Line of edition: 20 ერე ქვინლϩმგენე̄მი ნაჯვდი, ნაზიმ ლϩმა̈რლესვ. ეჩქანღო ჲარვ ფოყხა̈ნ გვალა̈რს
Line of edition: 21 ϩგა̈მდა: აშხვ -- ლაჴანს ი მე̄რმა -- ლაფურს. Line of edition: 22 გვალვა̈რს ლათჲა̈რ ხა̄დხ ეჩშელდ, ე, ოშვა̄̈ჲ ჟი ლϩტა̄ბა ფიცა̈რს ხოსყე̄ნა.
Line of edition: 23 სგვებინხა̈ნ ლა̈დჲარა̈რს ხა̈ჩომდა, ლათჲა̈რს ჟიქა̄ნ თვითს ი ჲედ თვით ჲარვ ფიცა̈რს
Line of edition: 24 ხატყა̈ცდა ი ეჩქანღო ჩვაჭრა̈ვდა. Line of edition: 25 ლაფურ გვალჟიქა̄ნ აჯაღ ϩგა̈ნდა ხოხვრა̄მ გვალϩლდა̈ მაჯო̄ნს ი ამისი̄ ხოხვრა̄მ
Line of edition: 26 ლათილა̈რს ხა̈ჩომდა. ამე̄'სგა ლინთვისგა ჟინღა̈რ არდახ ი ლა̈ჟნაღი̄რ ხეჟხა̈ნ.
Line of edition: 27 ალ გვალა̈ სახა̈რ ი იშგენ მა̄̈ჲ ესამა ჩუ იგო̄ლდა ქორისგა, ჩუ ლϩჭრელე
Line of edition: 28 ლა̈სვხ. მე̄სმა ფოყხა̈ნ ტირხს ϩგა̈მდა ი ჟიქა̄ნ ჩვაჭრა̈ვდა. ამის ჟიქა̄ნქა ჭვა̈დს სგა
Line of edition: 29 ხაგა̈მდა ზექი ლაჯრი̄რს, ლაფკანა̄̈რს ი იშგან ნეცვნი̄რი შედს. ჟიქა̄ნ ნიკო̄რთას
Line of edition: 30 ხა̈ჩომდა. ტირხისგა ლინთვ ღველჲაქა̈რ არდახ. Line of edition: 31 მე̄შთხვა̄მ ფოყხა̈ნ აჯაღϩდ გვალა̈ მაჯო̄ნს ϩგა̈მდა ი ლათჲა̈რ ხა̄დ ხოხვრა̄̈ლ.
Line of edition: 32 ამე̄'სგა ნეცინ მანგა̈რ არდახ. ალას ლაღუნვა̄̈რ ხეჟხა̄̈ნ. ლაღუნვა̄̈რიშ ი ტირხი
Line of edition: 33 უშხვა̄რ ნე̄სგა მარა̈ნს ϩგა̈მდა. ამის დამბალ ყო̄რ ხა̄დ ი ჟიქა̄ნ ჩუ ლϩჭრა̈ვე ლა̈სვ
Line of edition: 34 გუნ შენკბირვდ, ეჯღ' ე̄რე ლინთვისგა კეცა̈რისგა ი სტამა̄ნა̈რისგა ჰარაყს მϩცხი
Line of edition: 35 დო̄ს' ე̄სშყედე̄ნხ. Line of edition: 36 ათხე ჲარვ დი̄რს ხოდა̄̈სგდა ჭვა̈დხა̈ნქა. თხუმა̈რ ჭვა̈დისგა ხეყხა̄̈ნხ ი კაცხა̈რ
Line of edition: 37 გვალჟი̄ნ არდახ. ალჲა̈რს ჟიქა̄ნქა კა̄რა̈რს ხაგფენდა, მა̈ზუმვა̄̈ჲ ხეღვა̄̈ნო̄ლ მეზგა,
Line of edition: 38 ნე̄სგაქა მეგჭა ზექი ლϩტა̄ბა მეგრა ფაუს ხადა̄̈სგდა ი ამეჟი̄ნ ყველფი ნა̄ჭას ხორკინა.
Line of edition: 39 ჩუქვა̄ნ ჩიქე ო̄შთხვ კუთხვჟი̄ნ ლა̈ლსება̄̈ლს ხალჯენდახ ი მა̄დხვა̈ჲს ჟ'აბϩრჯახ.
Line of edition: 40 ამის ხეჟხა̄ნ ყველფ. ამისგა̈ნხა̈ნჩუ̄ნ კერა̈ჲს ჲϩგა̈მდახ ი კერა̈ჲს ჟიქა̄ნ მუსგვენ კას
Line of edition: 41 ხალფა̈რდახ. სამ ფოყხა̈ნ ჩუქვა̄ნ ბაჩა̈რს და̄̈სგდახ ი ალჲა̈რს ლა̈მყინა̄̈ კა̄რა̈რს
Line of edition: 42 ხა̈ჭდახ. Line of edition: 43 ამჟი̄ნ სერ ქორ სგა̄̈ნჩუ̄ნ ი ქა̄მენ ქა ლϩზგϩრე ლა̈სვ ი მეზგა სგა ლი̄ზი გარ ხეკვა̈დ.
Page of edition: 113 Line of edition: 1 მეზგე დოშდულს ა̈თიშდა ი ეჯ ლე̄თ სგა ღϩრდა ქორთე. ამ ლე̄თ ლიმზირს
Line of edition: 2 იჩომდა, ა̈წიჰდა მეხვბარა̈რს ი ხოჩა̄მ ლე̄თს იჩომდა. Line of edition: 3 ამჟი̄ნ ლა̈სვ ლილგიმა̄̈ლ შვა̈ნისგა, მარე ქორა̈ ჰამა̈რჟი̄ნ გარ დეშ იგნო̄ლდა
Line of edition: 4 მეზგე, ეჯღ'ე̄რე ლინთვ ი ზავ ჩიგარ მა̈ჩვი̄ბისგა ლირდე ლეგ გა̈მა̈შ ლა̈სვ ი მეზგე
Line of edition: 5 ქორა̈ ლიგემი ხა̈რჯს ი ჴელვანრე ქირა̈ჲს ქა იჟგენდ', ე̄ჩქას გუბა̈ნდს ϩგა̈მდა ლანზა̈ჲდ.
Line of edition: 6 გუბა̈ნდი ამსა̈ხდ იგო̄ლდა, იმვა̄̈ჲჟი ქორ, მარე ხოხვრა ლა̈სვ ი ქორს ხეგო̄ლდა
Line of edition: 7 სგა. ქორს ეშხუ ლა̈კირ გარ დეშ ხა̄დ ი მაჰრე̄ნა̄მისგა ჲორი ლა̈კირ ეჯღა̄̈ჲ ჟი Добавлено (2007-06-14, 5:30 Pm)
---------------------------------------------
8 ხეკვა̈დ, გუბა̈ნდს ეშხუ ლა̈კირ ჟი̄ჲ მა̄მ ხეკვა̈დ, ადო ქა ცხა̈ჲ ქა ხა̄დ.
Line of edition: 9 გუბა̈ნდს ჩუქვა̄ნ ზავლადა̈ღ ლამϩნგარდ იჴმა̈რდახ ი ლინთვ ცა̈რიე̄ლ ლა̈სვ,
Line of edition: 10 ჰარი ი ჰაგა̄̈მდ იჴმა̈რდახ, ჟიქა̄ნ ზავლადა̈ღ კერა̈ჲ ლϩ̄გა̈ნ, მა̈ჩვი̄ბხა̈ნჟი̄ნ ჟი იტხახ
Line of edition: 11 კერა̈ჲს, ნა̄ჭას ი ლამტვარა̄̈ლს. ყველფ ი ეჩეჟი̄ნ არდა ზავლადა̈ღ.
Line of edition: 12 გუბა̈ნდისგა კვა̈მ მა̄მ იგნო̄ლდა ზავლადა̈ღ ლა̈ლმესგჟი̄ნ ი ხოწყϩლჲანა ლარდა
Line of edition: 13 ლა̈სვ. გუბა̈ნდხა̈ნქა დარბაზთე̄'სგა ყო̄რ ხა̄დ. გუბϩნდი მϩგემსი ჟი იგნა მე&# |
| |
| | |
|
Мужчина |
Date: Четверг, 2007-06-14, 5:33 PM | Message # 33 |
|
Group: Модераторы
Posts: 990
Status:Offline
Дата регистрации:
2006-08-29 |
14 ლილკირა̄̈ლ, ლიმზϩრი ი ლიზგა̄̈ლ ეჩჟი̄ნ ხემთქვა̄̈ნხ ე, იმვა̄̈ჲჟი̄ნ ქორა̈ ლϩგანღო ი
Line of edition: 15 ლიმზირი ხემქთვა̄̈ნხ. გუბა̈ნდს მა̈ჩვი̄ბშა̄ლ ლაჯრი̄რ, ტირხა̈რ ი ამკა̈ლიბ მა̄მ ხა̄დ,
Line of edition: 16 მარე ლაგა̈მჟი̄ნ ჭვა̈დს ხოშა̄მ სანჲა̈რს ხა̈ჩომდახ ჯა̈რ-ზუჰე̄რა̄̈შდ, ფაკნარეშ
Line of edition: 17 ი იშგენ ბა̈რგ-ნაბა̈რგი შედდ. ლϩყა̄რს ჲერხი გარ აჭრა̈ვდახ ყა̄̈რ ჩუქვა̄ნ
Line of edition: 18 ი ხოშა ლაღა̈ლ ლϩსა̈თხ ლა̈სვ. ამის ქა̄მენისგა ჩუქვა̄ნჟი̄ნ ბა̈ჩა̈ კიჩხს ხოსყე̄ნახ
Line of edition: 19 მაშრის. Line of edition: 20 გუბანდი ლიგემსი ხვა̈ჲ ჭირ ი მა̈ჴდა ხეკვა̈დ. ამის ქა იჟგენდა მეზგე, ეჩქას
Line of edition: 21 ლახე მაღვა̄̈ნ ხუღვა̄̈ნ, გϩრკიდ ყო̄რთე̄'სგა ძღუდა̈რს იცხპა. ძღუდა̈რს ხვა̈ჲ ბა̈ჩ,
Line of edition: 22 კირ ი ქვიშე ხეკვა̈დ. ამის ჩი̄ ჟ'ამა̄რა მეზგე, ეჩქას ჴელვანა̈რსϩდ იგნა, მა̈ზუმვა̄̈ჲ
Line of edition: 23 ხეკვად ი ჲედ გიმ ხუღვა̄̈ნ კალვია̄ქდ. ეჯას სგა იკვა̄ნა, გირკიდ ხუნს აბϩრჯა ი ხუნს
Line of edition: 24 ხოდა̄̈სგდა. ქორა̈ აშხვ ჭვა̈დს დე̄მის ხა̈ცხპა მეზგე ძღვიდს ი სგა გარ ხაჭრენდა ჲარვ
Line of edition: 25 ფოყხა̈ნ, მა̈ზუმვა̄̈ჲ ჴამშა ი მაბა̈ც ხუღვა̄̈ნ მეზგა, ეჩი̄ზუმ კϩლთხის იჩომდა ძღუდა̈რს,
Line of edition: 26 ჲერხი დამბალს ხა̈ცხპა ი ჲერხი ჲარვ ღეთ საჯენს იჩომდა ნაკლათხან.
Line of edition: 27 ძღუდრე ლა̈გმა̄ლჟი̄ნ ქორა̈ ლიგემზუმ ხა̈რჯ ი მა̈ჴდა ხეკვა̈დ მეზგა აშხვ დი̄რიშ
Line of edition: 28 ი ჭერი ლიჴდენქა, ლილკირა̄̈ლ, ქორა̈ ლილკირა̄̈ლშა̄ლ ხა̄დ ლეჩვმე. ძღვიდს
Line of edition: 29 ეშხუ ყო̄რ გარ ხა̄დ ი ეჩას ქა ხოდა̄̈სგდა მეზგე. Line of edition: 30 ალ ლუძღვდათე̄' სგა ნა̈პო̄ლϩნქა დე̄მშა ლაჴა̈დ ლა̈სვ. ალ ძღუდრე ლიგემსი
Line of edition: 31 ლახე ქა მოშ ასრულა მეზგე, ეჩქას სურუ ხოჩა̄მ ლა̈ხჲადა̄ლს იჩომდა მეზგე. ჴა̈ნს
Line of edition: 32 ი ტახა̈რს ა̈ჲსენდა, ქ'ა̄̈წჰიდა მიჩა მესვფელას, ნა̄̈თი-მϩნა̄̈თის ი გუნ ხოჩა̄მ ლიმზირს
Line of edition: 33 ი ხინს ასყე̄ნა. Line of edition: 34 მა̈გ აფა̈შვდდა ალ მეზგა, ერე ამგვა̈რდ ოთϩლგიმა̄ლა. ამნოვშ ასრულა მეზგე
Line of edition: 35 ლილგიმა̄̈ლს, ლახე მურყვმა̈ ლიგემს დო̄მის ხემურჯა̄ლ, მარე ამის ძვირდ გარ
Line of edition: 36 მოშ ჲა̈რ ϩგა̈მდა. Line of edition: 37
ლენჯა̄̈რ Добавлено (2007-06-14, 5:32 Pm)
---------------------------------------------
ლილგიმა̄̈ლ შვა̈ნისგა Line of edition: 39 შომვა̄̈ჲ მეზგე ლილგიმა̄̈ლს ხამურჯი, ეჩქას მა̄̈ნკვი სა̈ჭირო ბა̈რგ-ნაბა̈რგს იმა̄რე:
Line of edition: 40 ჭე̄რს, დი̄რს, კირს ი ბაჩვ. ალჲა̈რს ჟ'ამა̄რე, ეჩქას ჴელვანა̈რს იგნე, ეჯჲა̈რს
Line of edition: 41 ნა̈ჴელვანირვ ჲედ დაბა̈რს ხაჰვდი ი ჲედ იშგან ქვინლϩმგენა̄̈ლს. ალჲა̈რს სგა ხერგივა̄̈ლ,
Line of edition: 42 ეჩქას დოშდულს ა̈თშიხ ი ლა̈კირს ϩგემხ. ლა̈კრი ნა̈შიხუნღო ხუნი ლადა̄̈სგია̄ქს
Page of edition: 114 Line of edition: 1 იბϩრჯეხ ი ხუნს ხოდე̄სგიხ ქორს ჩუბე ლაგა̄̈გიმუყვ, ეჩქანღო ამის გირწყა̈ლს
Line of edition: 2 ხოფშვდეხ ი გუნ ჩვა̈გϩრწყილა̈ვიხ. ხოჩა მეზგე ლახე ლი მეგმა̄̈ლ, ეჩქას
Line of edition: 3 ლა̈ლგიმა̄ლჟი ობა̈შინ ნადა̈რსი იწვა̈ნი ი ეჯ ლე̄თ ხოჩა ხინ ხა̄რხ. ხუნხა̈ნჟი̄ნ ყო̄რს
Line of edition: 4 ხოცვბეხ ი შომვა̄̈ჲ სა̈ჭირო ლი, ეჩქას -- ლაჴვრა̄̈ლს. მა̈ჩვიბს სამ ლა̈გϩრწყილა̈ვს
Line of edition: 5 ხა̈ჩოხ ი ამჟი̄ნ ჩუ ცვირეხ. Line of edition: 6 ათხე მა̈ჩვი̄ბი ჩუ მეცვრანღო, ქორ ჩუ ლედი̄რი ლი. ქორა̈ ლა̈დი̄რთე მესვფელ
Line of edition: 7 მახეღვა̈ჟ მა̈გ ჴედნი, ესვა̄̈ჲ მა̄დხვა̈ჲ მაჟა̈ბ ჩუ ხა̄რ. Line of edition: 8 მა̄̈ნკვი შაშვემს ხოდე̄სგიხ ი ეჩქანღო ჩვადϩ̄რიხ. ნადϩ̄რϩნღო მეზგე ჰარა̈ყს
Line of edition: 9 ათვნა̄̈ლი მასა̈რდ ი მაჴვა̄მს ხაყლე მუმურჯვი მა̄რა. Line of edition: 10 დϩ̄რა̈რ ძღϩდ მეგრა̄̈ლ ი ჯო̄დი ლიხ, ძღϩდ გვა̈მი ი მა̈ჩვი̄ბს უსგვა ი ჲედ არა
Line of edition: 11 დი̄რ ხაკუჩ. ალჲარე ლიდა̄̈ლი მასა̈რდ გარჯ ლი. Line of edition: 12 ნადϩ̄რϩნღო მა̈ჩვი̄ბს ჩვაჭრა̈ვეხ ი ქა ხოცვბეხ საკვმა̈რს ი ლე̄ბია̈რს ქორთე:
Line of edition: 13 ლა̈გმა̄ლჟი ჴელვანა̈რ ეშხუ სგა̄̈ნ ϩგემ ი მე̄რმე -- ქა̄მენ. ხოჩე̄ლ ჴელვა̈ნ ხედვა̄̈ჲ ლი,
Line of edition: 14 ეჯა ქა̄მენ ϩგემ ჭვა̈დს ი ხოდრა ჲერვა̄̈ჲ ლი, ეჯა სგა̄̈ნ ლი მეგმა̄̈ლ.
Line of edition: 15 ლა̈გმა̄ლჟი ჲერ ბა̈ჩს ჴიდე ი ჲერ ხა̈ლიკს მა̈ჩვი̄ბს ჩუ ცვირეხ, ეჩქანღო მა̈ჟი̄ბს
Line of edition: 16 იბნეხ. მა̈ჟი̄ბს ჲო̄რი ხოშა ლა̈გϩრწყილა̈ვს ი კუნჭლა̈რს ხა̈ჩოხ. ამი̄ ქა ლუსრულანღო,
Line of edition: 17 მა̈ჟი̄ბი ჩუ ლედϩ̄რი ლი. ამი̄ ლა̈დი̄რთე̄ჲ ობა̈შ მუმურჯვი ჴედნი. ათხე
Line of edition: 18 ხოკლათხა̄მთეჟი ლიხ ლეჲი დϩ̄რა̈რ ი ხოფშირა მა̄რე ხაკუჩ მუმურჯვიდ. ჩუ ნადϩ̄რϩნღო
Line of edition: 19 აჯაღϩდ ათვნა̄̈ლი მეგმა̄̈ლ ჰარა̈ყს. Line of edition: 20 ათხე სერ ჩუ ჲϩლშგიხ ქორს ი ჩუ ცვირეხ ამჟი. ალა ხეკვეს ერე პა̈რპო̄ლდა̈შდ
Line of edition: 21 ქ'ა̄̈დზϩგრენს, ადო ეჩქანღო ლიჭმა̄̈ლ-ლითჲე̄ლ ანღრი ი ლა̈გმა̄ლდ და̄̈ს ხოჟიბ.
Line of edition: 22 მუჟღვერ ხეჭმენ' , ე̄ჩქას მეზგე ლიზგϩრა̄̈ლს იჩო ი ამლე̄თ გუნ ლϩწსობ ი ხინ
Line of edition: 23 ხა̄რ. ისგ ტაბგობჟი̄ნ ჴელვანა̈რ ფიჩქჟი̄ნ ლემზϩრა̈რს დე̄სგიხ, ლეტვრ' ა̄ტვრეხ,
Line of edition: 24 ფიჩქს ჟი იკედხ ი ქორს სუმინ ლერსგვანთე ხეცხპენიხ ლა̈მზϩროშ. ალჲა̈რ მეზგა
Line of edition: 25 მინე ნაგა̈მვ ქორს ჩუ ხომზϩრიხ ი მეზგე ამნია̄̈ნიდ ჴელვანა̈რს ჩვასჩქვა̈რი. Line of edition: 26
ლენჯა̄̈რ Добавлено (2007-06-14, 5:32 Pm)
---------------------------------------------
ქორისგა̄̈შ ი ქორა̈ ასმა̄ლე ჟახა̄̈ლ Line of edition: 28 ლუშნუ ქორს ობა̈შ ასმა ხაჭრა, სგა̄̈ნჩუ̄ნ ობა̈შ მუხვირ ი ჩუყუ̄ლ-ბუყუ̄ლა̈რ
Line of edition: 29 ხა̄რხ ი ჩი̄ მიჩა-მიჩა ჟახე ხაჟხა. Line of edition: 30 ქორს ხა̄რ: ო̄შთხვ ჭვა̈დ ჩუ მეყვლე ლი ჲარვდ -- მა̈ჟი̄ბდ ი მა̈ჩვი̄ბდ. მა̈ჩვი̄ბს
Line of edition: 31 ხა̄რ: ლაგა̄̈გი ჟიბეშ ი ჩუბეშ, ყო̄რ, ყო̄რ სგა̄̈ნ ლაგა̄̈გი, ჲარვ ფოყხა̈ნ გვალვა̈რ(ლაჴან
Line of edition: 32 ი ლაფურ). ლაჴა̈ნისგა ჴანა̈რ ხა̄̈ბხ სა̈ნჭლა̈ლშვ ი ლაფურისგა -- ფურა̈რ. ალ
Line of edition: 33 გვალვა̈რს ლათჲა̈რ ხა̄რხ. ალ ლათჲარხა̈ნქა ქა ისგდიხ კუმა̈შ. სგვებინჩუნ ლა̈დჲარა̈რ
Line of edition: 34 ხა̄რხ. ეჩე̄'სგა ნე̄ნი ხო̄ზხ ი იდჲირა̄̈ლხ. ნე̄ნის მენენ ხოშდე ჭემს ი ვეჴს ჩუ ლუფურთი̄ნა.
Line of edition: 35 გვალვა̈რ ჩუ ლϩჭრავე ლიხ. Line of edition: 36 ალ ლϩჭრავე ა̈დგილს ნეშკა̄̈ლ ხაჟხახ. აშხვ მუხვირს მარა̈ნ ხა̄გ. მარა̈ნუნღო
Line of edition: 37 ლაღულჲა̄ქ ტირხ ლϩგ ი ეჩე̄'სგა ღველჲა̄ქა̈რ არიხ. ეჯჲა̈რს ლა̈დჲარა̈რ მა̄მ ხა̄რხ ი
Line of edition: 38 გიმჟი̄ნ ხოდე̄სგიხ ლეზობ. ღველჲა̄ქ ჭემს გარ იზბი ი ვეჴს დე̄მა. ამის ჟიქა̄ნ ჲერხი
Line of edition: 39 ქორისგა ლაჟნაღი̄რ ი ლა̈ნღეშტი̄რ ხა̄გ ი ეჩე̄'სგა ნეღშტა̈რ ი ჟინღა̈რ ა̈რიხ. ამის
Line of edition: 40 გა̈ნხა̈ნჩუ̄ნ ლაჯრი̄რ ხა̄რ მϩსყე. ლაჯრი̄რს გა̈ნხა̈ნჩუ̄ნ გვემი ხა̄გ ჲერხი ქორისგა.
Line of edition: 41 გვემისგა კიბდონა̈რ ლϩგხ ი ეჩხა̄ვ ზურალა̄̈რ გარ ღϩრიხ ლაფა̈ქთე.
Page of edition: 115 Line of edition: 1 მე̄შთხვა ფოყხა̈ნ აჯაღ ხა̈რ მϩსყე ლაღუნვა̄̈რ, ამე̄'სგა ღუნვა̈რ ხა̈ჭბიდახ. ამის
Line of edition: 2 ჟიქა̄ნ მϩსყე ლიხ ნიკო̄რთა̄̈ლ. ეჩე̄'სგა ფაკნარეშ ი იშგენ ნეცვნი̄რი შედ-მაკვედი
Line of edition: 3 შედ ლი. Line of edition: 4 სგა̄̈ლაგა̄̈გის ჟიქა̄ნ სანა̈ჲშა̄ლ ხა̄რ სგა მეცვრე. ამის ნიკო̄რთა ხაჟხა. ნე̄სგა ქორისგა
Line of edition: 5 შგილ ლი მϩსყე. ჲარვ ჩუბე დი̄რჟი̄ნ კა̄რა̈რ ზიხ ლეჟა-ლექვაჟი̄ნ. შგილს ჩუქვა̄ნ
Line of edition: 6 არტა̈ხ ხო̄ზ, ეჩეჟი̄ნ ყველფი ნა̄ჭა ხოწიბ. ნა̄ჭას ჩუქვა̄ნ კერა̈ჲ ლϩგ. ნა̄ჭას გა̈ნხა̈ნ
Line of edition: 7 ლამტვარა̄̈რ ხორიკ, ეჩეჟი̄ნ ლე̄თშვ მუგვა̈ლს ხადე̄სგიხ ი ეჩნოვშ ანϩრჰეხ
Line of edition: 8 ქორს. კერა̈ჲს სგვებინხა̈ნ ლა̈ლსება ხა̄რ ი გა̈ნხა̈ნ ლა̈მყინა̄̈ლ დი̄რლე ლაჭეჲდ. კერა̈ჲჟი̄ნ
Line of edition: 9 მაშრი კა ზი. ამექა ზურალა̄̈რ დიჲა̈რს ანყეხ ი ლა̈მყინა̈ლქა ქ'ა̄ჭა̄̈ლიხ. გა̈ნხა̈ნ
Line of edition: 10 ასტამ ხა̄̈ზხ მϩჭა̄ლას ჩი̄. Line of edition: 11 ლა̈რბჲა̄ლჟი̄ნ კაჩუქვა̄ნისგა ხოშვეხ ლემასგვ ი ქა ნა̈რბჲა̄ლუნღო ქა იტხეხ.
Line of edition: 12 ამჩუ̄ნ ჩიგარ ხა̄̈შვ ლემესგ, შომვა̄̈ჲ სა̈ჭირო ლი. Line of edition: 13 ქორისგა კა̈ვა̈რ ხოწიბხ ჲერ ლეღვრე ლა̈რკინად, ჲერ ლა̈ჲსა̄̈ ლატფუ̄რად ი
Line of edition: 14 ჲერ იშგან ბა̈რგი ლა̈რკინად. შგილა̈შ ი ნე̄შკა̄̈ ლეჟა ნე̄სგაქა ჲო̄რი ჭე̄რ ხო̄ზხ. ალჲა̈რ
Line of edition: 15 ტაბგა̈რე ლაგა̄̈ლ ლიხ ი არტბაგა̈ჲ ხაჟხა. ამის ლაღოლჲა̄ქ ჟიქა̄ნქა ობა̈შინ მა̄მ
Line of edition: 16 გვეშ ხა̄გ ი ჩუ ლϩჭრავე გარ ლი. ამის სპა̈ნ ხაჟხა. ამეჟი̄ნ ϩგემხ ზურა̄ლა̈ მϩსყა ი
Line of edition: 17 მϩჯა̈ბ (ნასყა̈ვ ი ნაჯაბვ) ნა̄̈ყუ̄ნს ჩვეჲნარშვ, გა̈ნხა̈ნ ფაკნა̈რ ხა̄გხ ი ქა̄̈ნყუ̄ნა̄̈ლიხ ნა̄̈ყუ̄ნს
Line of edition: 18 ი ჩუ ხოგემხ ქორისგა მესგვრა̄ლას. Добавлено (2007-06-14, 5:32 Pm)
---------------------------------------------
19 ხოშა ქორისგა̄̈შ საკარცხვილჟი̄ნ სგურ ი სგვებინჩუ̄ნ ფიჩქ ხო̄გ. მე̄რმე მეყულფა
Line of edition: 20 ბანდრა̈რჟი̄ნ სგურხ. ხოშა-ხოხვრე̄მი ლეთშუ̄რად ი სგვებინჩუ̄ნ ტაბგა̈რ
Line of edition: 21 ხო̄გხ. ალ ტაბგა̈რჟი̄ნ დე̄სგიხ ი ϩგემხ ლეზობ-ლეთრა. სპა̈ნჟი̄ნ, მუხვირისგა ϩგემხ
Line of edition: 22 ლალდϩ̄რს ი იშგან ბა̈რგს. ყო̄რმϩყ მუხვირისგა ლϩგხ ლალდϩ̄რ ი იშგენ ბა̈რგ.
Line of edition: 23 ყო̄რმϩყ მუხვირისგა ლϩგხ ნეღრა̈რ ი ლაწფხირვა̈რ. ჲერხი ქორხ ჰაგა̄მა̈რი ხა̄რხ
Line of edition: 24 ი ჰაგა̄მს აშხვ პილთე ლამϩნგარ ხაყვილ. ეჩე̄სგა ზავლადა̈ღ ქვინლϩმგენა̄̈ლ ა̈რიხ
Line of edition: 25 ლა̄̈თშვ ი ამე̄ სგა ჰა̈ნწს იზვრიხ შვანა̈რ. ლამϩნგარს ჟიქან გუბა̈ნდ ხა̄გ ზავლა̈დღი
Line of edition: 26 ლარდად. გუბა̈ნდისგა კერა̈ჲ გარ ლϩგ, საკარცხვილ ი ბანდრა̈რ ი ლა̄შგ-ლაყე̄ლჲა̈
Line of edition: 27 ბა̈რგ. ამე̄'სგა ზავლადა̈ღ მა̄რე̄მი ლარდა გარ ლი. გუბა̈ნდხა̈ნქა დარბა̈ზთე̄'სგა (მაჟ ი̄ბთე̄'სგა)
Line of edition: 28 ლი ლა̄ზ. ამხა̄ვ ზავლადა̈ღ შვანა̈რ ჭემს ჴიდეხ ი ვეჴს. ჭემ ი ვეჴ ლელინთვ
Line of edition: 29 ლასა̈დ ლი ქვინლϩმგენა̄ლეშ. Line of edition: 30 დარბა̈ზს ხა̄რ ლო̄̈ბი, ნე̄ნი̄ ლა̈შდად. ხოშა ლო̄̈ბი, მა̄რე̄მი ლა̄ზ-ლაჩა̈დ ჟი̄ჲჩუ.
Line of edition: 31 ჲერხი ქორა̈რს საკვა̄მი მა̄მ ხა̄რ ჟი̄ბა̄ვ ი ამი̄ ბა̈დშვ ქორისგა კვა̈მ ი დϩგϩლ იგნი
Line of edition: 32 ი თე̄რა̈რს ხოსტვი̄ნნე ქორს მერდა̄ლას. Line of edition: 33 სერთხი̄, ლა̄̈თშვ ნე̄შკაჟი̄ნ ჲერვა̄̈ჲ აყვრე, ეჯას კვა̈მი ბა̈დშვ მე̄რმალადა̈ღ თე̄რა̈რ
Line of edition: 34 ნალა̈ღვდ ხოჯეშ, ეჩჟი̄ნ ხა̄რ ჩუ ლϩწრანა̄ლე. ჲერხი ქორა̈რს მურყვამა̈რი
Line of edition: 35 ხა̄გხ გა̈ნხა̈ნ. მურყვამთე ლა̄ზ დარბზა̈რხა̈ნქა ლი. მურყვმა̈რ ჲერ ოხვიშდ ლაგვბანდა
Line of edition: 36 ლიხ, ჲერ ხოხვრა. თხუმ ლაგვბანდა̄̈ლს გალვანა̈რ ხა̄რხ ი გალვანა̈რს -- სანცხვრა̈რ. Line of edition: 37
ლენჯა̄̈რ Добавлено (2007-06-14, 5:33 Pm)
---------------------------------------------
ლექვე̄რ ი მიჩა სა̈ხმახა̈რ Line of edition: 39 მეზგა ლახე ლექვე̄რ მო̄მ ხო̄გან, იშგნა̈ ლექვე̄რქა ხა̄დ ლეგვეჰ, ეჩქას ნა̈ლგვჰი̄რ
Line of edition: 40 ი ნაკრავ ხა̄დ ლეჴდე. ალ' ე̄რ მო̄მ ხა̈კვდე̄ნს, ეჯღა ლექვე̄რს ϩგა̈მდა მეზგე,
Line of edition: 41 ლახე ლექვე̄რი ლაგა̈მ ჩუ ხა̄დ. ლექვე̄რი ლაგა̈მ ჩი̄ მა̄მ ხა̄რ, ეჯღ' ე̄რე ლა̈ლგუჰერ
Page of edition: 116 Line of edition: 1 ლიცს პილა̈რქა ეჯამა̈გ ნაკϩლდა̈რ მა̄მ ხა̄რ, ერე ხვა̈ჲ ლექვე̄რი ლაგა̈მ ლესვ. მეზგე
Line of edition: 2 ჲედ ფიტკრი ლექვე̄რს ϩგემ ი ჲედ -- ზექრა̄̈შს. ჩიდ მა̄̈ნკვი ლალჰენდას ასყე̄ნე.
Line of edition: 3 ლექვე̄რი ლაგა̈მ იმვა̄̈ჲ ლი, ეჩხა̄ვთე̄'სგა ხო̄ზნე მო̄ლა ი ეჩეჩუ̄ნ ზექი ჯიხვირს
Line of edition: 4 ϩგემ, მა̈ზუმვა̄̈ჲ წϩხი ლი, ეჩზუმ კϩლთხის. ეჩას ჟიბავ ლϩლჰენდი ლაკვა̄ნათეჟი
Line of edition: 5 აშხვ პილხა̈ნ მეგმა̈რს, აშხლა̈რს ი ეჩქანღო ბაჩა̈რს ხოქმე, ერე ლϩლჰა̈ნდ პილა̈რქა
Line of edition: 6 ქა ნომ თხერენდე̄დს. Line of edition: 7 ამის ჟ'ასყე̄ნე, ეჩქას ლექვე̄რს ϩგემ. ჲერხი ხოშა̄მ იგემხ ი ჲერხი -- ხოხვრა̄მ
Line of edition: 8 ტა̈ნიშს. ლექვე̄რს ლაღრამϩყ, იმვა̄̈ჲ ბარბო̈ლდ სიპ, ეჩეჩუ̄ნ ლამϩნქალას ხოსყე̄ნეხ,
Line of edition: 9 ეჩქანღო ჟიქა̄ნ ბϩგიდ ფიცარშვ, კავშ ჩვალფა̈რი, ერე ქა ნო̄მჟი̄ნ იწვრი̄ნო̄ლდე̄დს,
Line of edition: 10 ეჯღ' ე̄რე ალა ლენკი̄რი ძირია̄ქ ლი. ეჩქანღო ლექვე̄რს აშხვ ყო̄რს
Line of edition: 11 აშხვ ხოვხრა̄მ ლაჴვრას ხა̈ჩომ ი ეჩქანღო ჩუ ϩლშგი. სერ ლექვე̄რ ლϩგე ლი.
Line of edition: 12 სგა̄̈ნჩუ̄ნ ლენკი̄რს ასყე̄ნეხ. ლენკი̄რ ჩუხი̄ნ ლი ი ალა ნაგოჰ ფექი შედ ლი.
Line of edition: 13 ი ამხა̄ვთე̄'სგა შϩ̄დნი ნაგოჰ ფექ. ლენკი̄რს გა̈ნხა̈ნჩუ̄ნ ში̄რა̄ლე ლადა̄̈სგ ლი.
Line of edition: 14 ში̄რა̄ლე ლისყი ჩი̄ მა̄მ ხოხალ, დეჲ ჩიჲა̄̈გ ა̈რი ში̄რა̄̈ლია̄ქ ბა̈ჩ. ხოშა ლაღა̈ლ
Line of edition: 15 ამკა̈ლი ბაჩა̈რ უშგულს არიხ ი ეჩხა̈ნ ჴიდა მა̈გ ათხად მϩსყა ში̄რა̄̈ლს. ში̄რა̄̈ლს ჲე
Line of edition: 16 ლა̄რუ ი ლატლარ იჩომდახ ჯვინალდ. Line of edition: 17 ჩუბე ში̄რაჲ ჩუ მეფტე ლი ი ეჯას ჩუქვა̄ნჟი ბერჟა̈ ლაკა̈ჩ ხოსვა მეგჭად. ლაკა̈ჩ
Line of edition: 18 ბარბელდს ხაჯϩნგავა მეგჭად, ბარბელდს ჩუქვა̄ნჟი̄ნ გელჯ ხოსგურ ბერჟა̈შ.
Line of edition: 19 გელჯ ცϩგჟი ლϩგ ი ლა̈სიპ ხა̄რ, ცϩგ ჯო̄დი ლϩტა̄ბა ზექჟი̄ნ ხალჯა. ალ ზექს აშხვა̈ნ
Line of edition: 20 ჯო̄დი ზექ ხა̈ნგჭვა ი ჟი მეტხელი ში̄რა̄̈ლმϩყვ. ლაკა̈ჩს ჟიქა̄ნ ბერჟა̈ ლატა̈ფ ხოსგურ.
Line of edition: 21 ჟიბე ში̄რას ჴარჴϩნქა ჩუქვა̄ნჟი ლატა̈ფი ლასგვრა ხა̄რ ჟი მეკდე ი ჟიბე ში̄რა ლატა̈ფჟი̄ნ
Line of edition: 22 ხეგფი, ლახე ჟი ხა̈ტხეხ. ბარბელდთე̄'სგა ღა̈რ ხა̈ხლა, ლიცს ქა ფიშვდეხ
Line of edition: 23 ბარბელდჩუ̄ნ ი ეჩქას ლექვე̄რ ჟი ისპუნი. Line of edition: 24 ჟიბე ში̄რას ჟიქა̄ნჩუ̄ნ ქუფ ხა̈ხლა, ქუფს ქა ხოსა̈რ ში̄რა̄̈ ჴარჴთექა ითქი ლაჴა̈დ,
Line of edition: 25 ამის გა̈ნხა̈ნ ლარყა̈ნ ხა̈ბ ი ში̄რაჟი̄ნ ზი. ლარყა̈ნ ითქი ლაჴდა̄̈რს ქ'ა̄ქთუნე ლაგოჰჟი̄ნ
Line of edition: 26 ი ეჩქას ითქ ჩუ შϩ̄დნი ში̄რა̄̈ ჴარჴჩუ̄ნ. Line of edition: 27 ში̄რას ეჩხა̈ნ-ამხა̈ნ ზექი კამრა̈ჲა̈რ ხაცხიპხ, ერე ფექ ეჩხა̄ვ-ამხა̄ვ ნო შϩდენდე̄დს
Line of edition: 28 ლაგოჰჟი̄ნ. Line of edition: 29
ლენჯა̄̈რ Добавлено (2007-06-14, 5:33 Pm)
---------------------------------------------
Text: 141
Page of edition: 116
Line of edition: 30
141. ლიჴნი, ლილა̄̈ში, ლითჲე̄ლ, ლიკლა̈ვჲე̄ლ, ლიშყვდი, ლიფრე, |
| |
| | |
|
Мужчина |
Date: Понедельник, 2007-06-18, 6:36 PM | Message # 34 |
|
Group: Проверенные
Posts: 352
Status:Offline
Дата регистрации:
2006-09-07 |
ლილგუჰე̄რი, ლიფექ, გვიზ, ლირბიე̄ლ ი იშგენ გოშა̈რ
Line of edition: 32 მეზგე მუჟღვერ ლუვო̄ბა და̈ბს ჩვაქვთუნე, მადე̄ი, ლუფხვს, ი ეჩქანღო ჩვაჰუნწვი
Line of edition: 33 მა̈ზუმვა̄̈ჲ ჰა̈ნწ ხორი, ეჩნუვშ. ლინთვისგა ჰა̈ნწს ქ'ა̄̈ი დაბართე ი ჟი ხაგემ ჰუყვდ,
Line of edition: 34 ერე ზუნე ქა ნომ ახϩნწϩრე̄ნს ჰა̈ნწს. ალას ეჯღა იჩომ, ერე ნეცინდ ლϩფ
Line of edition: 35 ხჟϩ̄რა ჰა̈ნწს ზუნე ქა ხო̄ზი ი აშხვ აგიჩუ გარ ღϩრი ი ჩჲავ დეშ ხესგვრი გიმს.
Line of edition: 36 მა̄̈ჭვია̄ქ დაბა̈რს მუჟღვერ სკვე̄რდ ხადე̄სგიხ ჰა̈ნწს, შომვა̄̈ჲ ლადა̈ღ ლიჴნის
Line of edition: 37 ხამურჯვიხ, ეჩქას ა̈ჰϩწი, სკო̄რა̈რს ქა ხოფხჟეხ ი ეჩქანღო და̈ბს ჩვაჴნიხ. ლიჴნის
Line of edition: 38 ჩუქვა̄ნჟი̄ნ იბნეხ. ხათერხ მϩჴნ', ე̄ჩქა ჴანა̈რს ჟი ხაშვმინნეხ ი მინი ჟი იშვმინეხ.
Line of edition: 39 ეჩქანღო აჯაღϩდ იბნეხ ლიჴნის ი ამჟი̄ნ ქ'ა̄̈ზϩრეხ ლიჴნის. ეჩქანღო მϩლა̄̈ში ფაყვს
Line of edition: 40 ჩუ იკედ, ლა̄̈შის ლალა̄შთე̄'სგა დე̄სგი ი მა̄̈ნკვი ყϩლე: "ღე̄რბეთ, ბა̈რქია̈ნ ჩვემნ ამზავი
Line of edition: 41 ნიშგვეჲ ნაჴანვ-ნალა̄შვ" ი ვიშკვს ლეჟავ იჩო ი ამჟი̄ნ იბნე ლილა̄̈შის. ლეჟა̄̈
Line of edition: 42 პილდ ლეჟა ღϩრი, ეჩქას ჟი ხოჭვე̄ნი ი ლექვა̄̈ პილდ ალა̄̈ში. ამჟი̄ნ და̈ბს ჟი ილა̄̈ში
Line of edition: 43 ი ლალა̄̈შს ჩუ ჲϩგემ.
Page of edition: 117 Line of edition: 1 ეჩქანღო ჴანა̈რს ლაჭა̄̈დი̄რს ხობემხ, ეშხუ ხოჟვეღ ი მერმე ჟი ხასგურ. ამჟი̄ნ
Line of edition: 2 ჟი იჭა̄̈დიხ და̈ბს ი ნა̈ბოზს ა̈გითე ღϩრიხ. სერ მა̄̈ჲ მუჟღვრეში ლეჴნიდ ხაკა̈ფხ, ეჯას
Line of edition: 3 ქ'ა̄ჴნიხ. მა̄̈ჭვა ლიჴნი გვიანდ გარ ხა̈მთქვახ, ხოშა̄̈მ ლაღა̈ლს ბარბლა̈შჲე̄რ, ეჯღ'
Line of edition: 4 ე̄რე ეჩქა̄̈ში ნაჴანვ მა̄̈ჭვა̈რს ხოჩა ხეფსიხ. ხვა̄̈ინ ლ' ე̄რე მა̄̈ჭვს მუს მეჴდანღო̄ჲ აჴნიხ.
Line of edition: 5 მუსს ჩიქე ქ'ა̄ლღა̈ხიხ ი ეჩქანღო ჩვაჴნიხ და̈ბს, ამჟი ლიჴნის ხოშა ჭირ ი გარჯ
Line of edition: 6 ხაკუჩ, მარე მაჴად ხოჩა ხა̈მთქვა ამ ჩიქქა̄̈ ნაჴანვს. Line of edition: 7 ლინთვისგა ზავლადღი ნაზორ ჰა̈ნწს ჩი̄ დაბა̈რთ' ა̄̈იხ ი ჰუყვა̈რდ ხაჰყვეხ. ლინთვისგა̄̈
Line of edition: 8 ნაზორს ლუფხვს ა̈იხ დაბა̈რთექა ი დაბა̈რს ლახე მუს მასა̈რდ ხა̄̈ზ, ეჩქასი
Line of edition: 9 ჰუყვდ ხადე̄სგიხ. ამჟი̄ნ ლიჰუნწვი ქა იზგϩრი. თებურვა̈ლისგა, ლახე ხოშა მუსობ
Line of edition: 10 ლი, ეჩქას დაბა̈რს, ხუ̄ნკვი̄ ლეჴნიდ მა̄̈ჲ ხაკა̈ფ მეზგა, ამჟ ა: ედ ლეკვცენ ლი, მა̄დეი Добавлено (2007-06-18, 6:34 Pm)
---------------------------------------------
11 ლერეგვ, ეჯას ვერს ხა̈შდეხ მეჯა̈რქა. ამის ხაჟხა ლიდცვე. ამის ეჯღა იჩოხ,
Line of edition: 12 ერე ვერ მუსს ხუ̄ნკვიდ ა̈ჰნე ი ლეჴნიდი ხუ̄ნკვიდ ისყი და̈ბ. ლეჭმინს, ლესმინდს,
Line of edition: 13 ლეფტვიშს ი იშგან მამა ხაკუ ლიდცვე, ეჯღ' ე̄რე კვეცნარეშ ი როგვარე ლიჴნა̄ლა̄ლვ
Line of edition: 14 მუს ჩუ იჰნი ი სერ ამღა დე̄მის ჲა̈რ ადცვ', ა̄დო ეჩქას დაბა̈რ ჩუ იბგიხ ი ხოლა
Line of edition: 15 ლეჴნი ლიხ. ლუფხვს ნადაცვ დაბა̈რ ჩუ იჩვფიხ ი იფკვიხ, ეჩქას იბნი ლიჴნი.
Line of edition: 16 ლელჴნია̄ლდ მეზგე ჟ'ამა̄რე ლაჴნია̈ ბა̈რგს: ღა̈ნწვიშს, ამის ხა̄რ ღა̈წვში ბერ
Line of edition: 17 ი ძვიჰე. ძვიჰე ჟი მენკვე ლი ნესგაქა, ღვეშგიმხა̈ნ ქუთუ̄ლ ხა̄რ მაშრიდ ი ზϩმშ დϩთხალდ
Line of edition: 18 ლϩტა̄ბე. ამის ჩუ ხოსვემხ თხუმთეჩუ მეფტა ბერჩუ̄ნ, ქუთუ̄ლს ღვეშგიმხა̈ნ
Line of edition: 19 ხატყვბეხ ლაგვდირს. ეჯა ჩვექი (\\ ქუთუ̄ლა) ნაკლა̈თხი ლი ი ლაგვდირ სგა ხა̄რ.
Line of edition: 20 ამის ი ქუთუ̄ლს ბერ ჩუქვა̄ნქა ჭვინთს ხოსვემხ ი ჟიქა̄ნჩუ ჩვათლϩრეხ ეჩჟ'
Line of edition: 21 ე̄რე ლაქვთუნა̄ლ მოდ ხა̄̈ც. ლაგვდირს ყა̄̈რი ლახკϩნ ხორიკ ნეცინ თა̈კვშ. ალ' ე̄ჯღ'
Line of edition: 22 ე̄რე ბერ ლახე ვერს იცვმენი, ეჩქას ამნოვშ ქ'ა̄ხკϩნეხ და̈ბა ჟა̄ბეშ ი ჩვა̄ბე პილსძვიჰე
Line of edition: 23 თხუმხა̈ნ ხოშა სკϩრე ლი ი თხუმხა̈ნ (სგვებინხა̈ნ) ჩუ მეფტე ხა̄რ წემში ლა̈თხ
Line of edition: 24 პინად. წემა̈შ ჲერს თა̈კვა̈შ ხუღვე ი ჲერს გვერე̄მიშ ჟი ლϩშდრა̈ნ. უღვა ხოშა ჯო̄დი
Line of edition: 25 ლი. ალ'ე̄ჯღა ლ', ე̄რე ჴანა̈რს ხოხვრა გარჯ ხა̄რხ ეჩნოვშ ლიჴნი. უღვას ნე̄სგაქა
Line of edition: 26 წემში ლაბა̈მ ხა̄რ ი ეჩხა̈ნ-ამხა̈ნ ლასვმანა̈რ ხოსვხ. ლასვმანა̈რს თხუპვა̈რ ხა̈ბხ.
Line of edition: 27 ბერს სგვებინხა̈ნ ქა ლϩსკრე ხა̄რ ი ეჩე̄'სგა მϩკრას ხოსვემხ. მϩკრა ჰა̈ლ ხოშა ლი,
Line of edition: 28 ეჩზუმშვ ხოშა ბა̈რქიჲა̈ნ ნაჴანვ ხა̄რ. ბერს ნე̄სგაჟი ჟი მეკდე ხა̄რ გვიგვ ი პილა̈რქ
Line of edition: 29 ხოდთხელა ლი. ალას ეჯღა იჩოხ, ერე მϩკრა̄̈ ნა̄ზვქა ხოშა̄მ ი ხოჰშა̄მდ აჴნი გიმს.
Line of edition: 30 ჟ'ამა̄რეხ ლეთხვმა̈რს. ლეთხვმა̈რ ჲედ გვერე̄მიშ ლი ჩუ ლუჰიჭვ, მა̄დე̄ჲ თაკვა̈შ.
Line of edition: 31 ეჩხა̈ნ-ამხა̈ნ მუჭვარე ლა̈რკინა ხა̄რ. Line of edition: 32 ბერგა̈რს ხოშა ლაღა̈ლ სგა̄ნქა ჴიდახ, მარე ლახე ჩუ ჴეჩნიხ, ეჩქას ამეჩუ̄ნა̈
Line of edition: 33 მϩშკდა̈რს ხაშკა̄დუნეხ, მა̄დე̄ჲ ჯვინელს ჟი ხალდა̄̈სგუნეხ. ბერგა̈რს ჭომა̈რს სგა
Line of edition: 34 ხოსგვრეხ ი ამჟი̄ნ ჟ'ამა̄რეხ ლელჴნია̄ლვდ. ესვა̄̈ ბერგ მომ ხუღვ', ე̄ჩას
Line of edition: 35 ლაღვა̄̈ნი̄რ ხუღვე. ალ ლაღვა̄̈ნი̄რ ზექხა̈ნქა ლი მე̄სყე ბერგი მაჯო̄ნდ, მარე
Line of edition: 36 ძღϩდშვ ხოშა გვა̈მი ლი, მარე კიცხა̈რს ხოშა̄მ აფთქუ̄რე. ამჟი̄ნ მეზგე ჟ'ამა̄რე
Line of edition: 37 ლელჴნია̄ლვ ბა̈რგ-ნაბა̈რგს. Line of edition: 38 ლელფხუ̄შად ლახე ჯვინელ ლაჭა̄̈დი̄რს მამ ხაყა, ეჩქას მახა ლაჭა̄̈დი̄რს ასყე̄ნეხ.
Line of edition: 39 მა̄̈ნკვი გარვს ატა̄ბეხ. ალა ეშხუ ჴა̈ლ ღეთ ლი ნაჯვდან ი მეგრე ლი, ამის ნე̄სგაქა
Line Добавлено (2007-06-18, 6:35 Pm)
---------------------------------------------
40 ჟი ხოკედ გვიგვს ი ღა̈რს ხა̈ჩომ. ამის სამ ადგილჩუ ი მადეი ოხვიშდ ა̈გიჩუ
Line of edition: 41 ჩუ ხოფტე სიფრითშვ. ამის ეჯღა იჩვ, ე̄რე წირხრე ლასყე̄ნა ხა̈ც სა̈ბრი ლა̈ნგჭვად.
Line of edition: 42 ეჩქანღო ცხეკთე ღϩრი. ეჩე ჟი ითხე̄ლი ლϩცა̈გ ბარყვენდი კვადლა̈რს, მა̄დეი ღამვლი
Line of edition: 43 აშხლა̈რს. ალჲა̈რს ა̈გის მუგუდ ჟ'ასყე̄ნე ი ღვებისგა სგა ხოსგვრე ლაჭა̄̈დი̄რი
Page of edition: 118 Line of edition: 1 გარვს. გარვს ჟიქანქა ფიცა̈რს ხაგფენი მა̄რემი ლა̈გნად. ალასი ეჩშელდ ხა̄რ მეფტე,
Line of edition: 2 ოშვა̄̈დ -- გარვს. ამელექვა წირხა̈რს ა̈ქვჭე ი ამნუვშ ჩვა̈ნგჭე ლაჭა̄̈დი̄რს
Line of edition: 3 ეჩჟ', ე̄რე სა̈ბრ ქა ნომ'ა̄̈ხყვეზს, პილა̈რხა̈ნ ეჩხა̈ნ-ამხა̈ნ წირხა̈რს ხაბემ ჯო̄დიდ ი
Line of edition: 4 ნე̄სგაისგა უშხვა̄რ ხაბემ, ეჩქანღო ლაჭა̄̈დი̄რს ჩვაჭშხე. სა̈ბრს ყა̄რა̈რს ხადე̄სგი ი
Line of edition: 5 ბაჩარშვ ჩვალდევი მასა̈რდ. ამჟი̄ნ ჩუ ცვირე ეზარ ხა̈ნს. ამის ეჯღა იჩვ, ე̄რე ლაჭა̄̈
Line of edition: 6 დი̄რ ი სა̈ბრ მუგუდ ასეს ი ლაჭა̄̈დჟი̄ნ მუგუდ იჭა̄̈დდედს. ლაჭა̄̈დი̄რი გარვს ჩუქ
Line of edition: 7 ვა̄ნჟი̄ნ შდϩქა̈რსი ხოსგვრეხ. Line of edition: 8 ამჟი̄ნ ლუფხვჲა̈ ლიჴნიე̄ლი ჴედნი. შომვა̈ჲ ლიჴნი იბნი, ეჯ ლადა̈ღ ჰამს ზურალა̄̈რ
Line of edition: 9 ლემზϩრა̈რს ანყეხ, ღვაჟა̈რ ჟი ხა̈მზϩრიხ სოლომნ ლიჴნიე̄ლეშს, ერე ხოჩა
Line of edition: 10 ლიჴნი-ლილა̄შჲე̄ლ ხა̈ყრის მინს, ნაჴანვ-ნალა̄შვ ბა̈რქჲა̈ნ ჩვემინეს ი სა̈ლხინისგა
Line of edition: 11 ლეჴმა̈რი ხა̈ყრის. ამჟი̄ნ ქა ღϩრიხ ლაჴა̈ნთე. ჴანა̈რ ლახე ჟი ლუმთქვე ლიხ უჟღვად
Line of edition: 12 ლაჴა̈ნს, ეჩქას მუჟვეღ მა̄მ ხაკუხ, ლახე მო̄დეი აშხვ ლეჟვეღ ხა̄რ, მე̄რმე
Line of edition: 13 ღა̈ნწვიშს ხოგდური ი მე̄სმე მϩბე̄რგე ხაჭიმ ღვეშგიმ, მϩბე̄რგა მϩწსხა ხაჭიმხ, წϩსხა
Line of edition: 14 ითშიხ ი ლაწსხა̄̈რთე დე̄სგიხ. ალ წϩსხა ნა̈ბოზს ხამა̈რს ხა̄მნეხ. ლიჴნის ეჩჟი̄ნ
Line of edition: 15 იჩოხ, იმვა̄̈ჲჟი მუჟღვერ. ჟი ნაჭა̄ნდუნღო ნე̄სგა დაბისგა ჩი̄რხუს დე̄სგიხ ეჯღ'
Line of edition: 16 ე̄რე თე̄ჲ ჰა̈ყბ'ე̄სერ ა̈თქა̄ბვნი და̈ბს. ჩიდ მა̈ნკვი კვეცენს ი როგვს ალა̄̈შიხ, ეჩქანღო
Line of edition: 17 იშგან მალა̄შა̄̈ლს: მა̄ნა̄̈შს, ზϩნთხს, ჭϩმინს, ქირსს ი იშგან. ფა̈ტვა̈რჲა̄ქ დაბა̈რს
Line of edition: 18 სგვებნა̄ვ ქ'ა̄ქვთუნეხ ი ეჩქანღო გვიანდ გარ აჴნიხ. ფა̈ტვ ეჯღა̄̈ჲ ჩუ იჰი ი ლეჰა̄̈ლ
Line of edition: 19 მა̄მ ლი. ლილა̄̈შიჟი̄ნ ლალა̄̈შს კირკა̄ლდ ხორიკ. კირკა̄ლდუ ჴიცხა̈ნქა ლი მϩნა̄ყ ი
Line of edition: 20 ლემზირდ ხოხვრა ლი. ამის ეჯღა ხორკინეხ ლალა̄̈შს, ერე ლა̄̈შის ესერ ბარაქ ლა̈ჰვედი.
Line Добавлено (2007-06-18, 6:35 Pm)
---------------------------------------------
: 21 ლიჴნი ქა ისრულ', ე̄ჩქას მეზგე ჰარა̈ყს ჲϩთრე ი ლემზϩრა̈რს ანყე. ამ ლე̄თს
Line of edition: 22 ლიჴნუ̄რეს ხაყლეხ. ამჟი̄ნ ქა ისრული ლიჴნი. დაბა̈რ ლიცვა̄ლდეს იბნეხ, ეჩქას ზურალა̄̈რ
Line of edition: 23 ლაჩო̄რა̄̈ლთე ღϩრიხ ი დაბა̈რს ქ'ა̄ჩო̄რა̄̈ლიხ. ლიჩო̄რა̄̈ლი ხაჟხა ამის: ზურალა̄̈რ
Line of edition: 24 ჟი იკედხ კიცო̄რა̄̈ლს ი ღϩრიხ დაბა̈რთე. დაბა̈რისგა მა̄̈ჲ ესამა ჩხϩტ ი ბა̈ჩ
Line of edition: 25 ჩვა̈რი, ჩი̄ ჟი იხურჲე̄ლეხ. კიცო̄რა̄̈ლ ჟი ხა̈ცვხ ი ჩხϩტს ი ხოხვრა̄მ ბა̈ჩს ეჩხა̄ვთე̄სგა
Line of edition: 26 სგა შიდეხ, ჟი ხემუნგვა̈მი̄ნიხ, ეჩქას ქ'ა̄̈ჲხ ჩირთთექა ი ეჩეჟი̄ნ ჩვაჰრეხ. ჩირთა̈რ
Line of edition: 27 ძღϩდა̈რ ლიხ ნაჩო̄რა̄ლხა̈ნქა ჟი ლუზუ̄გვე. ამჟი̄ნ ქა̄̈წყϩლჲა̈ნიხ დაბა̈რს ჩხϩტხა̈ნქა
Line of edition: 28 ი ნეცინ ბა̈ჩხა̈ნქა. დაბა̈რ ჟი იცვა̄̈ლდინიხ, ეჩქას ლაჟგϩნათე ღϩრიხ ი კვეცნა̈რს
Line of edition: 29 აჟგϩნეხ მა̄̈ნკვი. ალჲა̈რს მა̈ჩიჩხვს ქა ხა̈ღრეხ. ეჩქანღო როგვა̈რს აჟგϩნეხ.
Line of edition: 30 ალჲა̈რხა̈ნქა მელვს ჟი იყვფეხ წამარშვ ი ეჩჟი̄ნ ქ'ა̄̈წყϩლჲა̈ნიხ. ამჟი̄ნ აჟგϩნეხ ფა̈ტვა̈რსი̄.
Line of edition: 31 ეშხუ გვეშ ლი, როგვა̈რ ზϩმშვ ჟი იცვა̄̈ლდინიხ, ექჩას გარ იჭა̄̈დიხ. სერ
Line of edition: 32 ამჟი̄ნ ქა ისრული ლიჟგϩნე. Line of edition: 33 ლეყურყვე მა̄̈ჲ ლი და̈ბ, ეჯას ჟი იყურყვეხ, ჲერხის ნაშხატვ ი ჲერხის
Line of edition: 34 მა̄გა̄̈რშვ. Line of edition: 35 ლითჲე̄ლ ჴედნ', ე̄ჩქას ჟი იმა̄რეხ ნაშთქა̈რს ი ლაშე̄რა̈რს. ზურალა̄რ მა̄̈ნკვი
Line of edition: 36 ჭϩმნა̈რ ლათეჲთე ღϩრიხ, ღვაჟა̈რ ნაშთქა̈რს ქა ხოშე̄რეხ ი იბნეხ ლითის. ღვაჟა̈რ
Line of edition: 37 აჴა̈რს ასკრეხ, ჩუ ხოსვემხ ი ეჩეჟი̄ნ ჟი ხა̈ჲჴეხ ნათა̈ვს. აჴა̈რს ჟი ხაგემხ, ეჩქას
Line of edition: 38 ჟიქა̄ნჩუ̄ნ ფაყვა̈რს ხაგემხ, ეჯღ' ე̄რე უჩხა ალ ფაყვრე შდა̄რა̈რს ხაჭიმ ი მϩღა̈ვს
Line of edition: 39 სგა დე̄მ ხესგვრი. ჲერხ'ა̄̈გის ჭϩმინს ჟი̄ჲ ანჩვრიხ, მარე აშხვ ი ჲარვ სოფელϩნქა
Line of edition: 40 ჭϩმინს ჟი და̄̈რ ანჩვრი. Line of edition: 41 ჭϩმნარე ნათა̈უნღო როგვა̈რს ითიხ ი ალჲა̈რსი ჭϩმნა̈რშა̄ლ ჟი ხაჲჴეხ.
Line of edition: 42 ეჩქანღო კვეცნა̈რე ლითის იბნეხ. კვეცნა̈რს, მა̈ჲ საკვრელ, ზურალა̄̈რ ა̈თიხ
Line of edition: 43 ღვაჟა̈რ ვეშგიმ ხაჭიმხ ი ანჩვრიხ. ლითის ი ლინჩვრის ქ'ა̄ზგϩრეხ, ეჩქას ლუნჩვრა̈რს
Page of edition: 119 Line of edition: 1 აშხვ ა̈გითე̄სგ' ა̄ხურჲე̄ლეხ მურგვალდ ი ნე̄სგაისგა ჰა̈რის ხა̈ცვრეხ. ალ ლუნჩვრა̈ხა̈ნქა
Line of edition: 2 მა̄რე ჟი იხვნი მაჭვალჲა̄ქს ი იბნე ლიგემს. ოდე მა̄რე ხეჰა̄ლ', ე̄ჩქად
Line of edition: 3 შიჲარშვ ჲϩგემ, ეჩქანღო როკვს აჲე̄სგი ი ეჩნოვშ ჲϩგემ. ამის დეშ ხოჰე̄სგ', ე̄ჩქა
Line of edition: 4 ლამჭვალა̄̈რს ა̈ჲე̄სგი ი ჟი ხონსკრე ჟიბა̄ვ მაჭვალს აშგარ, მარე შდას ქამავ ხა̈ჩო
Line of edition: 5 ლუნჩვერს, ამჟი̄ნ ლასკრუშ ქ'ა̄ზგϩრ', ე̄ჩქას ჟიქა̄ნ ფაყვს ხაგემ. ამჟი̄ნ ლϩგე მაჭვალ
Line of edition: 6 ხოჩა ლესგდი ი კϩ̄ლთხი ლი. Line of edition: 7 ათხენღო მეზგე მϩღვი ლიჴდეს იბნე კალვთე. ლალჩა ჩი̄შა̄ლ ხო̄გ ი ეჩხა̄ვთე̄'სგა
Line of edition: 8 დე̄სგიხ. Line of edition: 9 ამჟი ლიკლა̈ვჲე̄ლი იბნი. ნაბოზს ზურალა̄̈რ ლანგვარშვ კალვს ქ'ა̄ჯე̄ლვეხ.
Line of edition: 10 მე̄რმა ლადა̈ღ, ჰამს, ქა იშდეხ მϩღა̈ვს კალვისგა ი მიჟ ჟი იჴმა̄შ', ე̄ჩქას ლიკლა̈ვის
Line of edition: 11 Добавлено (2007-06-18, 6:36 Pm)
---------------------------------------------
11 იბნეხ. ლაკლავდ კა̈ვირ ხუღვეხ. კა̈ვირს ჩუქვა̄ნ მეგჭა ბაჩრე შდϩქა̈რ ხოსგურ ი
Line of edition: 12 თხუმხა̈ნ ჩვეჲნϩრა̄̈ ნაკვშუვარს ი ჲედ ბერჟა̈შს ხაშკა̄̈დიხ მϩღვი მუჭკვრად. შდϩქა̈რ
Line of edition: 13 ვეჴს ჩვამურსვი̄ნეხ. კა̈ვირს თა̈კვ ხა̈ბ კა̈ვა̈ ლა̈თხპინად. კა̈ვ ზექიშ ლი ი უღვას
Line of edition: 14 ხალჯა. ჴანა̈რს მა̄̈ნკვიქა ზერდა̈რს ხოდე̄სგიხ პილა̈რქა, ეჯღ' ე̄რე მϩღვი ლაზობ
Line of edition: 15 მო̄დ ხა̄̈ცხ. ჴანა̈რს ეშხუ სგვებინ ხოჟვეღ, ეშხუ კა̈ვირჟი̄ნ ხასგურ ი ჲედ ჟი ხა̄გ ხოშა̄მ
Line of edition: 16 ლაღა̈ლდ, აშხვ ტოტისგა კვა̈დალ ხუღვე ი მე̄რმახა̈ნ -- ლა̈ხი̄რ. ლა̄̈ხი̄რ ეჯღა
Line of edition: 17 ხუღვ', ე̄რე ჴანრე კოლ მϩღა̈ვთეჩუ̄ნ ნომ' ა̄ფუშდეს. ჴანა̈რს ლახე ხასე̄ნიხ, ეჩქას
Line of edition: 18 ჩვა̈გნეხ, ეჯღ' ე̄რე ნასა̄̈ნვ აშხვ ადგილჩუ̄ნ გარ ადჟირი მϩღა̈ვს. ამჟი̄ნ აკლავიხ,
Line of edition: 19 ოდე ლიშდბენი̄ დო ჴედნი. ეჩქას ჴანა̈რს ქა ხოფშგეხ ი ლამϩნჩა̈ლთე ფიშვდეხ.
Line of edition: 20 მϩღა̈ვს როკა̈რშვ ჟ'აშდბენიხ ი ეჩქანღო ქა ხომჟუნეხ ეზერ ხა̈ნს. ეჩქანღო ჟ'ი̄დ
Line of edition: 21 ხა̈გნეხ ჴანა̈რს ი აკლავიხ. ამჟი̄ნ სუმინ ჟ'ი̄დ ხოშდბენიხ. ღვეშგმეპილს ლϩშდიქვშ
Line of edition: 22 ხოშდბენიხ ი სერ კალვ ჩუ ლϩკლავე ლი. ჴანა̈რს ფოყა̈რქა ვეჴს ხა̈შდეხ ი ტვეტს
Line of edition: 23 ხა̈ჭმინეხ. "მაფაშს ესერ ხოშდე" ი ქა ფიშდვეხ ლაჩა̈ხვთე. კა̈ვირს ქა ხა̈ჭდეხ ჭვა̈დ თე
Line of edition: 24 ი ლϩკლავა მϩღა̈ვს აშხვ ა̈დგილთე ლაქხი̄რარშვ ჟ'აქხϩრეხ. მϩქხϩრას ზურა
Line of edition: 25 ლა̈რ ესჭიმხ ვეშგიმ ლანგვარშვ ი აჯე̄ლვეხ, ერე ითქ ჩუ ნომ' ა̄სეს კალვისგა ი ნაქხϩ̄რათე̄სგა
Line of edition: 26 ადჯე̄ლვახ. Line of edition: 27 ჟი ნამოჭმუნღო იბნეხ ლიბა̄ბეს. ბიქვ ხედვა̄̈ჲხა̈ნ მო̄მ'ა̄ნღრი, ეჯ ფოყხა̈ნ ხოშა̄მ
Line of edition: 28 ჯო̄დი ჭერს დე̄სგიხ ითქიშ ი ვეჴი ლა̈ყვლად. ლაბა̄ბად ფიწლა̈რ ხუღვეხ. ჩუ
Line of edition: 29 იბა̄̈ბი, ეჩქას ითქი მϩნწირ გარ სედნი ი ფიწალ ეჯას დეშ იკედ, ამღა ლამშვნა̄̈ ლა̄̈
Line of edition: 30 ხი̄რს იკედხ ი ეშხვ'ე̄ჩნოვშ ამშვნე ითქვს, ზურა̄ლ ჟიბა̄ვ ნა̈კიდვ სუგვა̈რს ლანგავშ
Line of edition: 31 ქა ხა̈თში ი ამჟი̄ნ სერ ითქ ჩუ იმშვნი. ეჩქანღო ეშხუ ცხϩრილს იკედ ი ქახირქა ჩუ
Line of edition: 32 იგნი, მე̄რმე კარვოშ ითქს ხოშდე ეჩხა̄ვთე̄სგა ი ამჟი̄ნ ითქს ჟ'აცხრϩლიხ. ეჩქანღო
Line of edition: 33 შედარშვ ჩუ ჲϩგემხ სერ. ამჟი̄ნ ლა̈დი̄ ლიკლა̈ვი ქა ლϩზგϩრე ლი.
Line of edition: 34 მე̄რმა ლადა̈ღ ჟ'ი̄შყვდიხ ითქს ი ლა̈ლფრაჟი̄ნ ჩვაფრეხ, ეჩქანღო ჟ'ი̄რსგვეხ
Line of edition: 35 ი კიბდვენთე̄'სგა სგა დე̄სგიხ. ამჟი̄ნ აკლა̈ვიხ მϩღა̈ვს. Line of edition: 36 ფა̈ტვარე ლითჲე̄ლ ჴედნ'ე̄ჩქას ფა̈ტვს ჟი ითიხ ი შიშდ ჩვამϩნთა̈ჟიხ. მანთა̈ჟს
Line of edition: 37 ტოტვშ ხოფხჟეხ კალვისგა, შდა̄რა̈რს კიბა̄ვ ხა̈ჩოხ ეჩჟი̄ნ ი იბნეხ ლიმϩნთა̈ჟის.
Line of edition: 38 კა̈ვირჟი და̄̈რ ხეგნი, ეჯღ'ე̄რე კა̈ვირ ჟ'ახუ̄პე. ხათერხ ეჩქა ტოტშვ ჟ'ა̈სპეხ ი იბნეხϩდ
Line of edition: 39 ლიმϩნთა̈ჟის. ამჟი̄ნ ჩვამϩნთა̈ჟიხ ი ლახე ჩუ̄დ სიდ ლემϩნთა̈ჟი, ეჯას ჩ'უ̄დ
Line of edition: 40 ამϩნთა̈ჟიხ, მა̄დეი ჟ'აქხϩრეხ ფა̈ტვს, ჟ'აჯე̄ლვეხ ი ლა̄̈ხი̄რშვ ჟ'ამშვნეხ. ღო ჟი იშყვდიხ
Line of edition: 41 ი ჩვაფრეხ. ფა̈ტვს შიშდ ხაკუჩ ლიმϩნთა̈ჟი ი ლიშყვდ'ა̄დო ჩუ იჲთუნი ი ეჩქას
Line of edition: 42 ჩუ იდშა̈ვი. ამჟი̄ნ ლი ლიკლა̈ვჲე̄ლ. ღვეშგმე პილს სუგვა̈რს აკლა̈ვიხ. ვეჴს ნაკლაუნღო
Line of edition: 43 ჩიგარ დარბაზთ'ა̄იხ მარა̄კარშვ ი ჭემცახა̈ნ გა̈ნხა̈ნჩუ̄ნ აშხვ ა̈დგილჟი̄ნ.
Page of edition: 120 Line of edition: 1 ჟი ხა̈შთქვეხ. ლიკლა̈ვი ქა ისრულ', ე̄ჩქას ეჯ ლე̄თ ლიკლაუ̄რეს იჩოხ; ამგვა̈რ საბრალ
Line of edition: 2 მეზგ |
| |
| | |
|
Мужчина |
Date: Понедельник, 2007-06-18, 6:37 PM | Message # 35 |
|
Group: Модераторы
Posts: 990
Status:Offline
Дата регистрации:
2006-08-29 |
: 2 მეზგე მა̄̈ჲ ი̄რი, ეში̄ ჩუ იჩომ ლიკლაუ̄რეს, ადო ეჩურ მა̄მ ხო̄ყა, ხოლა ბა̈რ
Line of edition: 3 ქია̈ნ ესერ ხოხალ ეჯ ზავჲა̈ მაჴა̈დს. Line of edition: 4 მეზგა ითქ მა̈გ ჟი ლუშყვედ ი ლუნჭუ̄რე ხა̄რ, ეჩქას, ლექვე̄რ ლახე ხო̄გ, სგა
Line of edition: 5 ხოდე̄სნი მϩმა̄̈ხვჲარ, მა̄დეჲ იშგნა̈ ლექვე̄რს იმგები. ნაგზაისგა̄̈ ქირა̈ჲდ ჯვინელ მან
Line of edition: 6 თიშს ხაჰვდი ი აშხვ ხოშა̄მ კარა̈ნ ფექს. კარა̈ნთე̄'სგა ხიჲა̄̈რი ფუთ სგა ღϩრი. მეზგა
Line of edition: 7 მა̄̈ჲ ესამა ლეგვეჰ ჩუ ხა̄რ, ჩი̄ ქა იგვეჰ ი კიბდონართე სგადე̄სგი, კვეცენს აშხვ
Line of edition: 8 კიბდვენთე ი ჭϩმინს -- მე̄რმათე, მანა̄̈შს მესმათე. ფა̈ტვს დე̄მის იგვეჰ, ეჯღ'ე̄რე
Line of edition: 9 ქა ლუგვეჰ ფა̈ტვს ეშხუ ნაგზი ლახე ქა ხერა̄̈გი, ეჩქანღო მაკდი გა̈მს იკედ ი ხოლა
Line of edition: 10 მϩხმი გა̈მ ხა̄რ. ხოშა̄მ ლაღა̈ლდ ფა̈ტვს ზავლა̈დღიშ იშხვნიხ, ეჯღ'ე̄რე ზავლადა̈ღ
Line of edition: 11 ლა̄შგ ლი ი ფეტვრა თა̈შცახა̈ნ ეზერ ხაბჟახ შვანა̈რს ლუკვნად ი ჭიშდვა̈რდ. ფექს
Line of edition: 12 კიბდონა̈რისგა ჩვა̈კი̄მბიხ, სგა̄̈ჩუ ღϩრ' ე̄შხუ ი ჭϩშხშვ ჩვა̈კი̄მბი ბϩგიდ. სერ ათხე
Line of edition: 13 მეზგე ქა ლულგუჰე̄რე ლი ი ლიზვებϩნქა დე̄სამა ხოწივ მუჟღვრეშჲე̄რი ლϩწსათე
Line of edition: 14 ლი̄ზინქა, ეჯღ'ე̄რე მუჟღვრეშჲე̄რ ქუნე გოშა̈რ ი ქვერწლა̈რ იჭϩრჲე̄ლიხ ი ჩი ლადა̈ღ
Line of edition: 15 ი ჩი ლე̄თ ხოჩა ტაბა̈გ ი ხოჩა ხინ ლი. ამჟ' ე̄რე მუჟღვრეშჲე̄რ ჲერხი მერხ
Line of edition: 16 ა̈ლდ მეზგა ლერბიჲე̄ლ მა̄მ ხა̄რ. Line of edition: 17 მეზგე მა̄̈ნკვი̄ მახა ზავჲა̈ ფექს ჟი იბნ' ე̄ჩქა ლეშგნის ანყე. ამის მϩშგნის ქა
Line of edition: 18 ხოზზი. მϩშგნიდ, ხოჩა ნარდვ ი ში ჲესვა̄̈ჲ ხა̄რ, ეჯას გარ ხაყა. მϩშგნი დი̄რი მϩჴდა
Line of edition: 19 ქა ხებში დიჲა̈რს, ა̈სპუნე ლერსგვანთე ი ყϩლე: "მა̈ლდია̈ნ ლამა̄̈რჲა, ალ მეზგე̄მი
Line of edition: 20 კიბდონა̈რ უბი̄რ ი უპი̄წკა ჩვემნ, ბარაქ ლა̄ხო, სა̈ლხინისგა ლეჴმა̈რიდ ოხოსყ
Line of edition: 21 ამ ზავი მაჴა̈დ, ამსვა̄ლდს მაჩე̄ნე ნაშგა̈ნვ ჩვე̄სვა̄̈ჲს ხა̄რე̄ნს, ეჯა მე̄რმად მ'ა̄̈მმა̈რჯვ,
Line of edition: 22 მა̈დილშვ გვეში ლამა̄̈რჲა! ამჟი̄ნ დიჲა̈რს მϩშგნი შდϩქარშვ ოხვიშდ-უსგვა̄მ ა̈გიქა
Line of edition: 23 ქა ხა̈ფცხე ი ჴვენაჟთე̄'სგა იტბϩნე. ეჩქანღო დიჲა̈რს ისგდ ჩუ კვიშე, ხϩ̄ნსგა̄მ
Line of edition: 24 ჯა იყდა̄̈ნი ი ხϩ̄ნსგა̄მ ვეშგდ ხა̈ტხე. ათხენღო სერ ჩუ ხოშიდ მეზგა ფექი ლიჴმა̈რი
Line of edition: 25 იმვა̈ჲნა̈რ დო ხეკვდენი. Line of edition: 26 ლირბჲე̄ლს ამჟი̄ნ იჩომხ. ნა̈ბზა̈ ლერბჲე̄ლს ჰამს ა̈გნეხ ზურალა̄̈რ საფვა̈რდ, ლახე
Line of edition: 27 ჭϩმინ ლი. კვეცან ჟი იშგურდენიხ ი ხოჩა̄მდ ჟი იყშდϩნეხ. მეზგა კა-კერა̈ჲ ხო̄გ
Line of edition: 28 ჩი̄. კერა̈ჲ ბერჟა̈შ ლი ი ო̄შთხვ ჭიშხ ხა̄რ, სგვებნე ჭϩშხა̈რს წვა̈დი ლატყბაჟი̄ნა̈შდ
Line of edition: 29 ქა ხოსა̈რხ მენკვე ბერჟა̈რ. ჟიქა̄ნ კა ხალფარა. კერა̈ჲს სამ ფოყხა̈ნ ლა̈მყინა̄̈ლ ხა̄გხ,
Line of edition: 30 ალჲა̈რი კა̄რა̈რ ლიხ ი ვეშგიმხა̈ნ ბაჩა̈რ ხა̄გხ ჩუ მϩგჭად, ეჯღ'ე̄რე ლა̈მყინა̄̈ლ
Line of edition: 31 ხაკუჩ, ერე მϩლტა̄ფრვიარ კაჩ ლϩ̄გა̈ნდე̄დხ, სგვებინხა̈ნისგა ლემსგა̈ ლა̄შვა ი ზექი
Line of edition: 32 ლაჩიდ. შომვა̄̈ჲ ლირბჲე̄ლ ხაკუხ, ეჩქას კათე ხო̄შვეხ. მერბჲე̄ლ ზურა̄ლ ნϩნჲა̈რჲა̄ქ
Line Добавлено (2007-06-18, 6:37 Pm)
---------------------------------------------
33 ფექს ჯა̈რთე სგ'ა̄̈ჲსვე̄რე, მუნჩუდნა̈ლი ნაჩდუნჲა̄ქს ლა̈ნჩუდნა̄̈ლ ჯა̈რთ'ა̄̈ჲსვერე
Line of edition: 34 ი ნა̈ჩდუნვა̈რს იჩომ, ჲედ ფეტვრას, ჲედ სიმინდს ი ჲედ მϩჯბა̄̈რს. მϩჯბა̄̈რ ხაჟხა
Line of edition: 35 ეჯას: როგვს სგვებნა̄ვ ჟ'აჯა̈ბხ, ეჩქანღო ჩვაფრეხ, ღო ქა იგვეჰხ ნა̈ჩდუნჲა̄ქს.
Line of edition: 36 ეჩქანღო თა̈შ ლახე ხუღვე, სგა ხა̈ნჩϩდე ლუშგვერდ ნა̈ჩდუნჲა̄ქ ჴიცს ი ჟი იჩომ ეჩშელდ
Line of edition: 37 ნა̈ჩდუნს, ოშვა̄̈ჲდ ქორისგ'ა̄რიხ. ლახე ქუთვა̈რს ანყა̄̈ლიხ, ეჩქას თა̈შს გარ
Line of edition: 38 ა̈ჰიჭვირ ი ეჯასი ნა̈ჩდუნდ ჟი იჩომხ. ნა̈ჩდუნ მურგვა̈ლ ლი ფუ̄რთიშა̄ლ. მერბჲე̄ლ
Line of edition: 39 საფვა̈რხა̈ნჟი ჟი იკედ ჴიცს ი ნϩნჲა̈რისგა ხაგვრანა̄ლვნე. ეჩქანღო აშხვ ნა̈ტფუნჲა̄ქს
Line of edition: 40 ქა ხა̈ყვლე ჴიცს, ეჯას ჟ'ამϩრკა̈ნი, ღო ში ჯუგვმად მϩსყაჟი̄ნ ფაყვშა̄ლ ჟი ხაგემ
Line of edition: 41 ი ჩუ ხოჴვრიჩი, ეჩქანღო ნა̈ჩდუნს ხა̈ნჩϩდე, ჟ'ამურგვა̈ლი, ღო ნϩნჲა̈რისგა
Line of edition: 42 ქ'ა̄̈ტფხელე ი ეჩქანღო ლϩქϩნთრინა კა̄თექა ქ'ა̄დე̄სგი. ამჟი̄ნ დი̄რა̈რს ქ'ა̄დესგი
Line of edition: 43 კა̄თექა, ხათერხ მϩჭალა, ეჩქას ჟ'ა̈სპეს დიჲა̈რს, ღო ლა̈მყინაისგა ხადე̄სგი̄ხ ი ამჟი̄ნ
Page of edition: 121 Line of edition: 1 ქ'ა̄̈ჭიხ. დი̄რა̈რ ქა იჭიხ, ეჩქას ტაბა̈გთექა დე̄სგიხ, ი ლახე ოხდრის ხუღვეხ,
Line of edition: 2 ეჩქას ლϩდგარუს ქა ხოფა̄ნეხ. სერ ჩუ ისგვრიხ, ხოშა ქორისგა̄̈შ საკარცხვილჟი̄ნ
Line of edition: 3 ისგვრი, მე̄რმა̄̈ლ ბანდრა̈რჟი̄ნ, ალჲა̈რს ზურალა̄̈რ თვითო̄ლაჟი̄ნ ჩუ ხოდე̄სგიხ ჩი̄
Line of edition: 4 დიჲა̈რს. ლახე ნა̄̈ყუ̄ნ ხუღვეხ ჲედ როგვ, ჲედ ქირს ი ჲედე იშგენ მა̄ლე, ეჯასი ფაკნარშვ
Line of edition: 5 ჩუ ხოგემხ ჩი̄ სგვებინჩუ̄ნ. ბოფშა̈რ შდა̄შვ სგურხ. ნა̈დჲარობენ ჟი იგნა̄ლხ
Line of edition: 6 ი ზურალა̄̈რ, ჩუ ლახე ჲა̈სმა ხოსდენდა ნამსა̈დვ, ეჯას ჟი ხოშხვინდახ მიჩა ფუსდს,
Line of edition: 7 ლა̄̈თშვ ლახე ლა̈სვ ხარჯობ, ჩუ იყვნა̄ლხ ი ლადაღვშ ლახე, ეჩქას მიჩა-მიჩა ლეშდა̈ბს
Line of edition: 8 ხეწვდოლდა მა̈გ. Line of edition: 9 მეზგა გუზა̈რი ხო̄გა̈ნდა. ალ გვიზი ფექ ნა̈მზურუნჲა̄ქ ხა̄დდახ ი ლა̄̈თშვ ანყახ,
Line of edition: 10 ეჯღ'ე̄რე მე̄რმა მა̄რა მა̄დ ხოშიდდ' ე̄ჩი̄ ლიწედ, ქორა̈შსი̄ მა̄დ ხოშიდდა. ლახე
Line of edition: 11 ხომხა̄̈ ნაჭშხუნვარ მო̄მ ხოსგდინა̄̈ნ. ლა̄̈თშვ ჲერხი მეზგე ყო̄რჟი̄ნ ყა̈რვილს ა̈გნა,
Line of edition: 12 Добавлено (2007-06-18, 6:37 Pm)
---------------------------------------------
ერე სგა ნო̄ს ლოხვტუ̄ლე̄ნე ეჭკა̈ლიბს, ერე ესვა̄̈ჲ მო̄მ ხეხლო̄ლ ალ მეზგე̄მი ბა̄ზი̄
Line of edition: 13 ლიმზირ ი გვიზი დი̄რრე ლინყა̄̈ლი. გვიზხა̈ნქა ისგ ლილჩა̄̈ლ ლე̄თ ლიმკვი̄ჲ ხემთქვა̄ნხ.
Line of edition: 14 ქა ნა̈რბია̄ლუნღო ბოფშა̈რს ქა̄̈მთ' ა̄̈გნა̈ლდახ, ეჯღ' ე̄რე ლიმკვიჟი̄ნ გა̈რგლას
Line of edition: 15 ი ლი̄ცვნა̄̈ლს დეშ აჭკრϩნეხ ბოფშა̈რ. ხოშა̄̈ლ ჩუ ისგვრა̄ლხ ი უშკვ უშϩმდ
Line of edition: 16 იდჲარა̄ლხ. ხოხვრა̈ლ გვალვა̈რჟი̄ნ ისგვრო̄ლდახ ი ეჩეჟი̄ნ იზობდახ უშკვდუშϩმდვ
Line of edition: 17 დიჲა̈რს. ნა̈დჲა̈რობენ სგა იხინდახ ბოფშა̈რს ი ეჯჲა̈რი ჩუ იდჲარა̄ლდახ.
Line of edition: 18 ამჟი̄ნ ლა̈სვ ი ლი ლიჴნჲე̄ლ, ლილა̄̈ში, ლითი, ლიკლავი, ლიშყვდი ი ლილგვეჰ
Line of edition: 19 შვა̈ნისგა. Line of edition: 20 ათხე ლე̄მბვა̄̈ლ ლი ეჯ ლა̈ნშანა̈რდ' ე̄, ხედვა̄̈ჲ ლაჴანჟი ი იშგან გვაშვჟი̄ნ ლიხ
Line of edition: 21 ჩუ ლϩნშა̈ნ. Line of edition: 22 ჩი̄დ მა̄̈ნკვი ლიჴნჲე̄ლ ჩიქდ მეზგე მϩკრას ხოგემ ი ლა̈შის აქვთუნე. მϩკრა̄̈ ლაგა̈მდ
Line of edition: 23 დოშდულს ათშიხ. ეჯ ლე̄თ ე, შომვა̈ჲ ხოჩა დოშდულ ხაბჟახ, ჲო̄რი მა̄რე
Line of edition: 24 ქ'ა̄̈ი ქა̄̈მთე ღა̈ნწვიშს, მუსს ქ'ა̄̈ფხრიჭვიხ, ეჩქას ეშხუ ქა ხობიდ ღა̈ნწვიშს, მე̄რმე
Line of edition: 25 სგა ხოგემ ი ამჟი̄ნ მა̄დხვა̈ჲს ჟ'ა̄ჴნიხ ვერს, ეჩქანღო ლა̄̈შის ხა̈შდეხ მა̄დხვა̈ჲს ი სერ
Line of edition: 26 ღა̈ნწვიში ქა ლϩგელი ი ლა̄̈შიი ქა ლუქვთუნე ლი. ამის იჩო̄მხ ლელფხუ̄შათე. აჯაღϩდ
Line of edition: 27 ლილა̄შუ̄ნე ლე̄თ ცხვადთე̄სგა ჩი ნუკვი ლა̄̈შის შიდეხ ი ჟ'აჯა̈ბხ, ეჩქანღო ჟი
Line of edition: 28 ხა̈მზϩრიხ ლამა̄̈რიას ი ხეჴϩ̄რა̄̈ლხ, ერე მინე ლა̄̈ში-მალა̄შას ხოჩა ბედ ი ბარაქ ლახ
Line of edition: 29 ო̄მას. ალ ლილა̄შუ̄ნეს იჩოხ, ლილჩა̄̈ლ სგა ლϩგნე ლ'ე̄ჩქას. ალ მო̄შ-მო̄შ მϩჯა̈ბ ლა̄̈შის
Line of edition: 30 ხაყლეხ ჩართულა̈ჲს. შომვა̈ჲ ლიჴნის ჟი იბნე მეზგ'ე̄ჩქას სგვებნე ლე̄თ ზურა
Line of edition: 31 ლა̄̈რ ლემზϩრა̈რს ანყეხ ი ჟი ხა̈მზϩრიხ, ერე "ხოჩა ლიჴნი-ლილა̄̈შჲე̄ლ ესცვადის ღერ
Line of edition: 32 თემ მინე ქორს ი მინე ქორს მერდა მა̄რა ი ნაჴნავ-ნალა̄შვ ბა̈რქჲა̈ნ ი სა̈ლხინისგა
Line of edition: 33 ლეჴმა̈რ ხა̈ყრის. ეჯ ლე̄თ უშხვა̄რე ლიხრინე მა̄დ შიდ, ადვ'ე̄ჩქას ესერ გვიმი მა̈ზგუვა̄̈
Line of edition: 34 ლიჴნჲე̄ლ ხოხალ. ლაჴა̈ნს მეზგე მა̄̈ნკვი ლექვა̄̈ნისგა ხეგნი, ეჯღ'ე̄რე "მიჟ ლეჟა̄̈ნისგა
Line of edition: 35 ხეწდენი. მიჟს ესერ მიჩა ლა̈მზϩრ ხა̄გ თხუმჟი̄ნ ი ეჩი ლა̈მზϩრ ესერ მაშედ
Line of edition: 36 ხე̄რახ". ხა̈ლხს ხოხალ, ერე მϩჴნა̄̈ ლინწირ ესერ ხოჩა ლი. მა̄რე ლახე ესღრი
Line of edition: 37 შუკვს ი მა̄̈ნკვი̄შჟი̄ნ ხეწდენი, ეჩქას ლახე მϩჴნას ლეჟა̄ვ ხა̄რხ ვიშკვ, ეჩქას მϩჴნა
Line of edition: 38 ლიხ ლϩნწირ, ლახე ღვეშგმა̄ვ, ეჩქას მა̄რე ლი ლϩნწირ. ამϩნქა ლაჴა̈ნისგა ლახე
Line of edition: 39 მϩთნა̈ფო̄ლა̈რ მასა̈რდ ა̈რიხ, ეჯა ხოჩა̄მ ზაობა̈ ლა̈ნშა̈ნ ლი. მϩთნა̈ფო̄ლ ყვითე̄ლ
Line of edition: 40 ლი, ჯო̄დი ჰაკვა̈დ ხა̄რ, ეშ ხოქულქუნე. ჩუ კვეტო̄ლ ლი ი ნაყვთილანქა ღო მϩჴ
Line of edition: 41 ლი̄ნდს ხაჯეშ. Line of edition: 42 მეზგე კალვს ქა იშდ'ე̄ჩქას ეშხუ მა̄რე ასტამს ი ჲედ მერჩილს აშხვ ტოტისგ'
Line of edition: 43 ა̄̈ი ი მე̄რმა ტოტშვ ბერჟა̈ ნა̈ქვიცს ხატყცი ი ა̈მნოშვ ხორსკϩნე. ამის ეჯღა იჩოხ,
Line of edition: 44 ერე მϩღა̈ვ ესერ ჩუ იფრი ი ლიკლა̈ვი ხოხვრა გარ ა̈ხკვედნი. ლაბაბაჟი̄ნ დე̄მგვაშ
Page of edition: 122 Line of edition: 1 ხა̈ნჩϩდეხ ლϩკლავა მϩღა̈ვს, მარე ლიმშვნეს იბნეხ, ეჩქას ჲედ ნა̈ლი ნა̈ქვიცს ხონხენიხ
Line of edition: 2 ითქს ი ჲედ ბერჟა̈ იშგან ნა̈ქვიცს. ამის ეჯღა იჩოხ, ერე ბერაჟშა̄ლ ესერ ბϩგი
Line of edition: 3 ი̄რა ითქ. ლაშყვედჟი̄ნ ლიც ლახე ჟიბა̄ვ იკო̄დე ხოდრა̄მ ითქს, ეჯას მა̄̈ნკვი ფიშვდეხ
Line of edition: 4 ქა ღვებხა̈ნქა ი შდა̄შვ ჲϩგემხ. ამის ხაჟხა ყიჯბა̈რ. ყიჯბა̈რს ჩუ ლϩფრანღო,
Line of edition: 5 ქა იგვეჰხ ჲედ ლეჰრა̈ყი ლევრა̄̈შითე̄'სგა ხა̈ნჩϩდეხ ი მა̄დეი ლამნას ხოთϩ̄თხეხ ი
Line of edition: 6 ეჩას ხა̄მნეხ. ფა̈ტვა̈ ლაშყვედჟი̄ნ ხოდრა ითქ მა̄̈ჲ ხეჩდა, ეჯას ჟიბა̄ვ იკო̄დე ლიც,
Line of edition: 7 ამისი შდა̄შვ იხნიხ ღვებხა̈ნქა ი შდა̄შვ აფრეხ. ამის ხაჟხა გოწვა̄̈რ, მარე ამ გოწვა̄̈რს
Line of edition: 8 ლეზობდ იჴმა̈რიხ: იცხრას ხა̈ნჩϩდეხ ი ეჩჟი̄ნ ქა იგვეჰხ. ამის დი̄რი ნა̈ჩდუნდ
Line of edition: 9 იჴმა̈რიხ ი ეზერ გა̈მა̈შ ლი, ლახე თა̈შ ხეჩდა მა̄დხვა̈ჲ. სუგვა̈რ ხაჟხა ეჯას ე, ლახე
Line of edition: 10 ლაკლა̈ვჟი̄ნ შდა̄რა̈რს ქა იყვჩუ̄რეხ ერხი კელა̈რ. ეჯა ლამშვენჟი̄ნ ჟიბა̄ვ ჴედნი ი
Line of edition: 11 ამის ლანგავშ ქა ხა̈ყვლეხ ი აშხვ აგის დე̄სგიხ ლალჩა̄̈ მუხვირისგა, ლიკლა̈ვი̄ ქა
Line of edition: 12 ნაზგϩრϩნღო ალ ნაყვაბ სუგვა̈რს ჩი აშხუდ აკლა̈ვიხ ი ეჩქას ქა ნაყვჩუ̄რ შდა̄რრე
Line of edition: 13 ითქ ჩუ მა̄მ იცვდი. ამისი შდა̄შვ იშყვდიხ, აფრეხ ი ქა იგვეჰხ, ეჯღ'ე̄რე სუგვა̈რს
Line of edition: 14 მა̈გ ნუკვი შდა ხეჩდა: კვეცნა̈შ, ჭϩმნა̈შ, მანა̄̈შიშ, ქირსა̈შ, როგვა̈შ ი იშგან ნამშიშ.
Line of edition: 15 ამის, მა̈ჲ საკვრელ ლი, ფექი მა̄მ ხერი აშხვ ნუკვი ნამშა̈ჲშა̄ლ ი ხოდრა ფერიშ
Line of edition: 16 ი გა̈მაშ ხეფსი. Line of edition: 17
ლენჯა̄̈რ |
| |
| | |
|
Мужчина |
Date: Понедельник, 2007-06-18, 6:39 PM | Message # 36 |
|
Group: Проверенные
Posts: 352
Status:Offline
Дата регистрации:
2006-09-07 |
. და̈ბა̈ ლიშდბუნე ი ლი̄ზნა̈ნი. Line of edition: 19 მუშვა̈ნ მა̄რე ხოშა̄მ ნაღა̈ლს ლინთვისგა ხადე̄სგი დაბა̈რს ჰა̈ნწს. ოშვა̄̈ჲდ სა̈ვ-ჩა̈ვ
Line of edition: 20 ხა̄რ და̈ბს სა̈ჭირო, ეჩშელდ სა̈ვ-ჩა̈ვს აჲე̄სგი დაბთექა. Line of edition: 21 ჰა̈ნწ ნაზავ ლი ქა ლეჲი მა̄̈ნკვი, ეჯღ' ე̄რე ლამϩნგარისგა ხვა̈ჲ ხა̈ნ ხა̄რ ი ლისკრიბიდ
Line of edition: 22 ხაყვლუ̄ნი მეზგა. ეჯა მა̄დეჲ, ობა̈შ ლϩფშირ ქვინლϩმგენე̄მიშ ი მა̈ნცინი
Line of edition: 23 ფუსდა̈ (პატრონი) ლამϩნგარს მარდარშვ ჩუ ვენდილდ გარ ფითქვეხ. ჰა̈ნწს დაბისგა
Line of edition: 24 აშხვ ა̈გის დე̄სგიხ ჰუყვდ, მა̈ზუმვა̄̈ჲ და̈ბ ლი, ეჩზუმშვ ხოშა ჰუყვ ხეფსი.
Line of edition: 25 ჲერხი ჰუყვს ნე̄სგაქაჲ ხოსყე̄ნეხ სა̈ვა̈ ლა̈ჲა̄̈სგს ი ძღϩდ ჰუყვს ϩგემხ. თებურვა̈ლისგა
Line of edition: 26 ჩვადცვეხ, ჟ'აბϩრჯეხ ი გიმს ქ'ა̄̈თნეხ, ეჩქანღო გიმს აბϩრჯეხ ი ეჯას ხა̈შდეხ
Line of edition: 27 ჟი ლϩმჯერა და̈ბს ჟიქა̄ნქა. ვერს მიჟ ჩვა̈ტბიდე ი მუს ხუნკვიდ იჰნი.
Line of edition: 28 მუს ჩუ იჰნ', ეჩქას მეზგე ჰუყვს ქა ხოფხჟϩ̄რე დაბისგა სკვერდ ჩა̈ვა̈ შელდჟი̄ნ,
Line of edition: 29 აშხვ ნალჯვემს სემეშდ სა̈ვ-ჩა̈ვ ღეთ ხაკუჩ ჰა̈ნწ ი ეჩქას ეჯა სამზავ ქა ხა̄რ და̈ბს.
Line of edition: 30 შომვა̄̈ჲ ლიჴნი̄ დვრევ ლი, ჴედნი ეჩქა, ქა ლუსკო̄რა ჰა̈ნწს ლა̄ხი̄რშვ ქ'ა̄ფხჟϩ̄რე ი
Line of edition: 31 ჟი ხა̈შდე ჟიქა̄ნქა და̈ბს, ეჩქანღო ქ'ა̄ჴნი. ლაჴა̈ნჟი̄ნ ლახე და̈ბ გუნ ლϩკიცხ ლი,
Line of edition: 32 ეჩქას ბერგარϩნქა ლაღვა̄̈ნი̄რსი ა̈ჲიხ. ალა ზექი ხოშა მეგრე ყვაბალ ლი ი კიცხა̈რს
Line of edition: 33 ლახე ჟი ხოჲხენი, შიშდ ჩვა̈ბუნყვილა̈ვი. ჩუ ნაჴანუნღო მϩლა̄̈ში ფაყვს ჩუ იკედ,
Line of edition: 34 ლალა̄შს ლერთან შϩნხა̈ნ იყდა̄̈ნი, ი მეჴა̈რს ითხპინე ლაცვამშვ ი ლერსგვან შϩნშვ
Line of edition: 35 ლილა̄̈შის იბნე, მა̈ჲ ლეჟ' ე̄სღრი ი მა̈ჲ ლექვა ამჟი ლალა̄შუშ. ნალა̄შუნღო ჟი იჭა̄̈დიხ
Line of edition: 36 ი სერ ლიჴნი ლϩზგϩრე ლი. Line of edition: 37 აშხვ ნაგზანღო, ლიცვა̄ლდა̄ლე ონაქა ბერგა̈რს ი ლაღვა̄̈ნირა̈რს ა̈ჲიხ ი ჟიქა̄ნქა
Line of edition: 38 მა̈ჲ კიცხ ჩუ ირდი უხი̄პად, ეჯჲა̈რს ჩვაყვე̄ბა̄̈ლიხ ი ჩვაფურშგვი̄ნეხ. და̈ბ ლიცვა̄ლდეს
Line of edition: 39 იბნე, ეჩქას ზურალა̄̈რ კიცორა̄̈ლს იკედხ ი და̈ბს ქ'ა̄ჩო̄რეხ. ბა̈ჩს ი ჩხϩტს
Line of edition: 40 ჩი̄ ჟი იკედხ ი იშგნა̄̈გთე შიდეხ. ეჩქანღო ქ'ა̄ჟგϩნეხ, და̈ბს ჟი ხოკედხ მა̈ჩიჩხვს,
Line of edition: 41 ცა̈გს ი იშგან მავინ-მავინ მელუ̄რას ჩი̄.
Page of edition: 123 Line of edition: 1 ალამა̈გ ჭირ ხეფსი და̈ბა ლი̄ზნა̈ნის ლითჲე̄ლჩიქდ. Line of edition: 2 ლითჲე̄ლ წეს იმვა̄̈ჲჟი ლი, ჩუ გვიხალ. Line of edition: 3
ლენჯა̄̈რ Добавлено (2007-06-18, 6:38 Pm)
---------------------------------------------
. ლიკლა̈ვი Line of edition: 5 შომვა̄̈ჲ მეზგ' ა̄კლა̈ვი, ეჩქას ზურალა̄̈რ ჰამს დო̄სგ კალვს ქ'ა̄ჯე̄ლვა̄̈ლიხ გუნ
Line of edition: 6 წყილჲანდ. მიჟ ჟი ხეწდენი, ეჩქას ქა იშდეხ კალვისგა ლეკლა̈ვი მϩღა̈ვს. მიჟ ქა
Line of edition: 7 ხა̈ტბიდე ი მϩღა̈ვ ჩუ იქϩნთრინი, ეჩქას ჴანა̈რს ხაბემხ კა̈ვირს. ალ კა̈ვირს ჩუქვა̄ნ
Line of edition: 8 სუნწუფ ბაჩა̈რ (კა̈ჭი ჩი̄რხუვა̈რ) ხოსგურხ, ეჯღ'ე̄რე ალ ბაჩა̈რ ხონგჭვა ლიხ ი
Line of edition: 9 ხოშა̄მ კვიშეხ მϩღა̈ვს. ლაკლა̈ვჟი ჴანა̈რს ზერდა̈რ ხო̄ზხ უშკვჟი̄ნ, ეჯღ'ე̄რე მϩღვი
Line of edition: 10 ლაზობ მა̄მა ხა̄რხ. ლაკლა̈ვჟი̄ნ ეშხუ ჴანა̈რს ხოჟვეღ ი მე̄რმე კა̈ვირჟი̄ნ ხა̄გ.
Line of edition: 11 კა̈ვირჟი̄ნ მეგნა შϩნისგა ლა̈ხი̄რ ხუღვე, მე̄რმახა̈ნ კვა̈დალ ლაზხა̈ლდ. ლახე
Line of edition: 12 ჴა̈ნ ϩსგე̄რ, ეჩქას კა̈ვირჟი მეგნე ლა̄̈ხი̄რს ხოხლი̄ნე, ჴა̈ნ ქა ϩსგე̄რ, ეჩქას ჰა̈ნწს ქ'ა̄ კვა̄ნე
Line of edition: 13 მე̄რმა ა̈დგილთე. ალას ეჯღა იჩვ', ე̄რე ჰა̈ნწ ნომ' ა̄̈თნა̈ჩდე̄ნს მϩღა̈ვს, ადო სგა
Line of edition: 14 ლახ ხენჩϩდი, ეჩქას ლეკლა̈ვი ლიხუ̄პა̄̈ლის იბნე ი მეტ ჭირ ხეფსი.
Line of edition: 15 ამჟი̄ნ აკლა̈ვიხ. ლახე ხათერხ, ეჩქას ჴანა̈რს ქა ხოფშგეხ ი მანჩალთ' ა̄̈იხ. სგა
Line of edition: 16 ხეგნიხ ფიწლარშვ ი ორთითარშვ მϩღა̈ვს ი ჟ'აშდბენიხ, ჟიბავიშს ჩუბავ ხა̈ჩოხ.
Line of edition: 17 ამის ქ'ა̄სრულეხ, ეჩქას აშხვ დვრევდ ქა ხომჟუნეხ მϩღა̈ვს ი ეჩქანღო ჟი̄დ ხეგნიხ
Line of edition: 18 ლაკლა̈ვს. ამჟი̄ნ ო̄შთხვინ ი ოხვიშდინ აშდბენიხ კალვს. ღვეშგმეპილს ლϩშდიქშვ
Line of edition: 19 აშდბენიხ ი სერ კალვ ჩუ ლϩკლავე ლი. ქა ხოფშგეხ ჴანა̈რს. ფოყა̈რჟი̄ნ ვეჴს
Line of edition: 20 ხა̈შდეხ, ტოტა̈რს ხა̈ჭმინეხ, ერე მაფა̈შ ოთში̄დხ ი ქა ფიშვდეხ ლაჩა̈ხვთე. ეჩქანღო
Line of edition: 21 ხეგნიხ ლაქხი̄რარშვ ი აშხვ ა̈დგილთე სგ'ა̄ქხϩ̄რეხ. ზურალა̄̈რ ვეშგიმ ლანგავშვ
Line of edition: 22 ესჭიმხ ი ამჟი̄ნ ჟ'ახურჲე̄ლეხ. ბიქვ იმვა̄̈ჲხა̈ნ მო̄მ ლი, ეჩხა̈ნ ლაყვლას დე̄სგიხ ი
Line of edition: 23 ლიბა̄ბეს იბნეხ. ჩუ იბა̄̈ბი ნაკლავ, ეჩქას ითქს აჯაღϩდ ამშვნეხ ლა̄̈ხი̄რშვ, ზურალა̄̈რ
Line of edition: 24 ლამშვნაჟი̄ნ სუგვა̈რს ხა̈თშიხ ითქს ლანგვარშვ. ითქ ჩუ იმშვნ' ე̄ჩქას ჟი იცხრϩლიხ
Line of edition: 25 აშხვ ა̈დგილჟინ. ეჩქანღო ჟ'ა̈რსგვეხ, ჟი იკედხ კვიდო̄ლარშვ ი ესღვახ
Line of edition: 26 შედა̈რთე. მე̄რმა ლადა̈ღ, ლახე ხოჩა და̈რ ლი, ეჩქას ითქს ჟი იშყვდიხ ი ჟ'აფრეხ.
Line of edition: 27 მა̄̈ნკვი ლაკლა̈ვჟი̄ნ ზურალა̄̈რ ქა̈მ კასგვილას ϩგემხ ი ხოჩა̄მ მაჴა̈დხა̈ნ ჟი იდბა̈შიხ. Line of edition: 28
ლენჯა̄̈რ Добавлено (2007-06-18, 6:39 Pm)
---------------------------------------------
. სა̈ვჲა̈ ლიჭმე Line of edition: 30 შვანე ქვინლϩმგენე ხოდრა გვა̈რიშ ლი. ლუშნუ ჴანა̈რ ლუსუ ჴანრე ნა̈ხუმსარდ
Line of edition: 31 ხოხვრა ლიხ. ეჯჲარე ნამსგიდვინ ჩუხვა̈რს ხაჯეშხ. შვანა̈რ სა̈ვთე ღϩრდახ
Line of edition: 32 ლაჭმად, ეჩე ჲარვ დოშდულ მახა ა̈ჭმახ. ლიჭმეს, ანტყვსგა̈რ ხეჰვრენდახ, ეჩქას
Line of edition: 33 იბნახ ი ქ'ე̄ჩქას ხეყჩენდახ ე, შომვა̄̈ჲ ანტყვსგა̈რ ხეწდენდახ. და̈რ ი ჰა̄ვდა̈რ ნა̈ ხუმსა̈რ
Line of edition: 34 ხა̄დხ სა̈ვჲა̈რს ი ვებილადღა̈რს დე̄მის აჭმახ, ეჯღ'ე̄რე ეჯ ლადა̈ღ უსურმა̈ნი
Line of edition: 35 ლიგსვრე̄შ ლი. ეჯ ლადა̈ღ ჟაჴვრა̈ კვა̈დლა̈რ ლაქჩათე ხა̄დხ ლე̄ზი შვანა̈რს ი ეჯა̈რს
Line of edition: 36 იქჩახ გებნა̈რ ჩუქვა̄ნ ლენხენი ბალა̈სია̄ქდ. ობა̈შინ ხოლა̄მ მა̈ნკიშს ხეგნო̄ლდახ
Line of edition: 37 შვანა̈რ მϩჭმად, ლახე ჩუ მო̄მ ხოთრო̄ნდახ. Line of edition: 38 ალ მა̄რე ძდϩდს ხოწϩრმი̄ნა ი ხოთმი̄ნა მϩჭმას ლა̈ჭმათე. მϩჭმი ლადა̈ღისგა აშხვი̄ლს
Line of edition: 39 გარ იშვმინა ლა̈დჲარა̄ლჟი̄ნ, ეჩქანღო ნა̈დჲარობენ მერჩლა̈რს იკვა̈თხდა.
Line of edition: 40 ლეზობდ ხოშა ლაღა̈ლ მეტხე მარწვენ ი ტϩტისგა ნანაყვ ფϩრი კვა̄̈შიჲა̈რ, ქϩრჯინ,
Line of edition: 41 ხუღვა̄̈ნხ. ობა̈შინ ლა̈ჲსასი ხოჲსენდახ სა̈ვჲა̈რ.
Page of edition: 124 Line of edition: 1 ლა̈ჲსას მინ ა̈ჲსენდახ, ეჯღ' ე̄რე ქრისდია̄ნი ნა̈ჲსა̈ნვს უსურმა̈ნ დე̄მ იზბი.
Line of edition: 2 ობა̈შინ შვანა̈რ ხოლა̄მ მა̈ნკიშ თამა̄თას ლეზობთე̄სგა სამტრა̈კს ხონჩϩდახ,
Line of edition: 3 ეჯა სა̈ვჲა̈რს მა̄მ ხოთრახ ი დეშ ჴედნიხ გუდ ეჩი̄ ლინჩϩდეს.
Line of edition: 4 ალ სამტრა̈კ მე̄რმა ლადა̈ღ ეჯჟი̄ნ ლიტხუნეს ქა ხაბნა̈ვნა ეჯ ხოლა̄მ მა̈ნკიშს,
Line of edition: 5 ერე ლადგარა̄ლს ხა̈ბკინა. ლეგდმერდე ჩა̄ჟვ ხესგრო̄ლდა ი ა̈გითე ღϩრდა. სამ ი
Line of edition: 6 ო̄შთხვ ლადა̈ღ ჩვაყვრა ღალ ა̈გის ი ეჩქანღო გარ ჴედენდა ლა̈ჭმათე. ამი̄შ ი ამი̄
Line of edition: 7 ნე̄სგა შვანა̈რ მინე ბϩნა̈ბჟი̄ნ გარ ა̈ჭმახ ი ხოშა ლა̈შვმინა ხოჴდენდახ. ლიჭმე̄ დვრევს
Line of edition: 8 ქ'ა̄სრულახ შვანა̈რ, ეჩქას ნარდიე̄რს ხეშგომდახ. Line of edition: 9 ნარდიე̄რ ეშხუ სემი ლϩზა̈ჲ ი მე̄რმა ჲორი ლϩზა̈ჲ ხაბნა̈რ ხა̄დხ ლეჰვდი, ეჩϩნქა
Line of edition: 10 ეშხუ ზა̄და გიცა̈რ, ღა̈რთ, ნაბა̈დ, ი ეშხუ ში ლეჯბირ. მარე ხოლა მა̈ნკიშ მეზგე
Line of edition: 11 ჩი̄ დე̄მ ხაჰვედდა ალ ჩუ ნაბაცვს ი ამნია̄̈ნიდ ტე̄ვაჲ ყალაჩხუფა ხოჩϩ̄დენდახ. იმჟი
Line of edition: 12 დო ლა̈სვ ჩუ ირგივა̄̈ლხ სერ ი ქა იმშვგვა̄ნახ. შვანა̈რ სგვებინ ირკა̈ლდახ ნა̈ქიმვ
Line of edition: 13 ხაბნა̈რს ი გიცრა̈რს, ი ა̈გითე ჴიდახ. Line of edition: 14
ლენჯა̄̈რ Добавлено (2007-06-18, 6:39 Pm)
---------------------------------------------
. ლიცხეპ Line of edition: 16 მეთხვჲარას მო̄შ-მო̄შ ნა̈ირდ ხა̈მთქვახ ლითხვჲარვ. ფარა̈რს ლინთვისგა ლიცხეპ
Line of edition: 17 ხა̈მთქვახ. ნა̈ბოზს მეთხვჲარა უშხვა̄რ ხა̈ბჟინეხ ი ჩუ სკიბეხ მე̄რმა ლა̈დღიშდ,
Line of edition: 18 ჰამა̈შდ, ლიცხეპს. ამის ამჟი̄ნ იჩომხ: მეცხეპ ეშდ ი მო̄დეჲ ხოფშირა მახეღვაჟა̈რ
Line of edition: 19 ღϩრიხ. სგვებნა̄ვ ჟი ლϩსა̄გე ხა̄რხ, იმვა̄̈ჲ ნა̈ბოზს ჲერსკნარე ჯვეგ არდა ი ლირჰა̄̈ლთე
Line of edition: 20 ჲერხი ჟიქა̄ნ ხეცა̄̈დიხ, ზაგა̈რთეჟი̄ნ, ეშხუ ნაღა̈ლ აშხვ ფოყხა̈ნ ხეცა̄̈დიხ ღა̈რს
Line of edition: 21 ი მე̄რმე ნაღა̈ლ -- მე̄რმა ფოყხა̈ნ, ამჟი̄ნ ნა̈თხვჲარა̄̈ლს ნე̄სგათე იკვა̄ნეხ ლეთოფდ.
Line of edition: 22 ჩუ ირჰ' ე̄ჩქას ჲერსკნა̈რ ლაწევთექა ჴედნიხ ი ხობნეხ სამ ფოყხა̈ნ ლითოფს. ალჲა̈რ
Line of edition: 23 ღალ ა, ჲერსკნა̈რ ჩი̄თე იტვხ, მარე სგვებინხა̈ნ მეთვფა ხეხო̄ლიხ ი ადგა̈რიხ.
Line of edition: 24 ამჟი̄ნ, შომვა̄ლე, ჩუ ნასა̈დვ ჲერსკნა̈რ ქა ითშიხ ლა̄ტვს ი ღϩრიხ. ლϩდგარუნღო
Line of edition: 25 მეთხვჲარა ა̈გითე ჴიდეხ, ჩვატფუ̄რეხ, ჩვაშდბუნეხ ი ლეღვა̈რს ჩუ ი̄თა̄̈ლიხ. ტუფ
Line of edition: 26 ი თხვიმ ეჩი̄შ ლ' ე̄, ჲერვა̄̈ჲ ჩვადგა̈რი ი იშგან ჩი̄ მუგუდ ი̄თა̈ლიხ. ჲარვ-სამ ლადა̈ღუნღო
Line of edition: 27 ჟი იყვბა̄̈ლხ, თხუმა̈რს, ჲესვა̄̈ჲ ალჲა̈რ ათხვი̄დხ, მინ გარ დე̄მ იჴმა̈რიხ ი სგა
Line of edition: 28 ჴიდეხ ლა̈მზϩრთე. ლიმზირს ლაჴვა̈მისგა იჩომდახ, ლადბა̈შისგა, აგიხა̈ნ ლესკრა̈რს
Line of edition: 29 ჴიდეხ. ალჲა̈რს სგა̄̈ნ ნა̈თხვჲარე̄მი ლეღვ ხეჩდახ. ქორხა̈ნ აჯაღ ეჩϩნქა ნატუ̄სუნს
Line of edition: 30 ი ლეტვრა̄̈ლს ჴიდეხ. ლეტვრა̄̈ლს ჟ'ატვრეხ, თხუმა̈რს მუჭვა̈რჟი̄ნ ხალწენიხ,
Line of edition: 31 თხუმა̈რ ქა ლϩჭა̄რვე ლიხ. ა̈გიხა̈ნ ნა̈ჴიდვ ზედა̈ში ხუღვეხ თვით შედ ნათხუმ ჰარა̈ყ.
Line of edition: 32 ალ ლესკრა̈რს, ჰარა̈ყს ი თხუმა̈რს ჟი ხა̈მზϩრიხ აფსა̈თს ი ჯგϩრა̄̈გს. ეჩქანღო
Line of edition: 33 ლეტვრა̄̈ლს ჩუ დე̄მის დიგეხ, ოდე მინოვშ დო ჴეჩნიხ. ჩუ ისგვრიხ, ჲერვა̄̈ჲ ხაკა̈ფხ,
Line of edition: 34 ეჯას ქ'ა̄̈წჰიხ ი ხოჩა̄მ ლარდას ასყე̄ნეხ, ხა̄რხ ლა̈ხი̄რულ. ისგ ტაბგობჟი̄ნ კირჲა̄ლეს
Line of edition: 35 ყϩლეხ ლაღრალშვ. ჩი̄ ღერთა̈რს ი ლაჴვმა̈რს ჟ'არშვნიხ ი ეჩქანღო კირჲა̄ლეს
Line of edition: 36 ხა̈ჭმინეხ. ეჩქანღო აჯაღϩდ ϩთრეხ ი იხირვილხ ი ნა̈ბოზს ჩუ ფხეჟნიხ. Line of edition: 37
ლენჯა̄̈რ |
| |
| | |
|
Мужчина |
Date: Понедельник, 2007-06-18, 6:40 PM | Message # 37 |
|
Group: Модераторы
Posts: 990
Status:Offline
Дата регистрации:
2006-08-29 |
. ლიკვნუ̄რი ი ლიჯლϩ̄რი Line of edition: 39 წივერს შვანა̈რ ჲეს იმჟი̄ნ არმიხ ი ჲეს იმჟი̄ნ. ხოშა̄მ ლაღა̈ლდ ჯალს ϩგემხ წივრი
Line of edition: 40 ლარმეჲდ. Line of edition: 41 ჯალ ხაჟხა ლეღვს. ალ ლაღვს ჲედ ჟი ხორკინეხ მეგა̈მჟი̄ნ, ეჩჟი̄ნ ერე წივერს
Page of edition: 125 Line of edition: 1 ლაჰე̄წვა̄ლ გარ ხა̄̈ც ი ჟი ლაჰა მო̄მა. ჩუქვა̄ნ ყაფლა̄ნს ϩგემხ ეჩჟი̄ნ, ერე ქა მა̄მ თერა.
Line of edition: 2 წივერ ჟი იქვნი ჯალს ი ეჩის ხა̈სიპ გირკიდ. ალ ლა̈სიპჟი უმბილდ სგა ხერმი
Line of edition: 3 ყაფლა̄ნს. ყაფლა̄ნ ჩუ ლϩლა̈ჯ მა̄მ ლი. სგა ლϩრმ თხე̄რე ი̄რი ა მა̄ლ, ჰა კვენ, ქა ითრინე
Line of edition: 4 ყაფლა̄ნს ი ესღვა, შომვა̄ლე ალ ყაფლა̄ნა̈ ფუცხვა̈რ ცხეკისგა სგა ხერკიხ იმვა̄ლა
Line of edition: 5 მეგმე̄მი კურდანს. ყაფლა̄ნს ნა̄ჭა ხა̈ბ. ნა̄ჭას ჰოკერ სგა ხა̄̈ბ ფუცხვ. ალ ფუცხვს
Line of edition: 6 ჟი ლϩკირკო̄ლდე სემი ლϩქიმ ფუცხვ ხა̈ბ. ფუცხვ სგა ხერკ' , ეჩქას სერ სგა
Line of edition: 7 ნარმა̈ვ წივერს ლა̄ზ დე̄მთე ხა̄რ. წივერ ხოშა̄მ ნაღა̈ლ ლა̄̈თშვ ხერმი ყაფლა̄ნს, მე̄რმა
Line of edition: 8 ლადა̈ღ მϩჯლϩ̄რი ჟი იწვე̄ნე ჯალა̈რს ი ლახე ყაფლა̄ნ ჟი მო̄მ ხეხო̄ლი, ეჩქას
Line of edition: 9 ნა̄ზვს ხეჭმენი ი სგა ხელა̈კ წივერს. ეჩეჩუ̄ნ ეჯას ჲედ თოფშვ ი მა̄დეჲ ტყენშვ ჩვადგა̈რი
Line of edition: 10 ი ტუფს, ქა ნატფუ̄რუნღო, ა̈გითე ჴიდე, ძვერს ჯალდϩდ ϩგემ. ობა̈შინ, ლახე
Line of edition: 11 მϩჯლϩ̄რის გვიანდ ხოქიხ ი ჲო̄რი ღეთ ლადა̈ღ ქა ხერა̄̈გი ჯალა̈შ ი ყაფლა̄ნა̈ უწვე̄ნად,
Line of edition: 12 ეჩქას ხოშა̄მ ლაღა̈ლს მა̄ლვა̈რ ი ღო თხე̄რა̄̈ლ ჭიშხს სგა იჴინშდო̄რეხ, ქა
Line of edition: 13 იქვცეხ ი ეჩჟი̄ნ სამ ჭϩშხვშ ქა ი̄ტვხ. ყაფლა̄ნა̈ ფუსდვს ნა̈ქვიც ჭიშხ ი ყაფლა̄ნ გარ
Line of edition: 14 ხეხო̄ლი ეჩეჩუ̄ნ. Line of edition: 15 კონრე ლარმეჲდ ლϩქცა ჭვეკს ხადე̄სგიხ. ალ ჭვეკჟი̄ნ თევლა̈ჲს ϩგემხ ეჩჟი̄ნ,
Line of edition: 16 ერე კვენ, ჭვეკქა ქა ღϩრ' ე̄ჩქას, თევლა̈ჲს ხერმი. თევლა̈ჲს ჟი მენკვე ზექ ხა̈ბ, ალ
Line of edition: 17 ზექ ჟი რეწვნი ი ჟი იყმე კვენს. ეჩϩნქა აჯაღ ღვებილა̈რს ასყე̄ნეხ ჲარვ, უშხვა̄რა̈
Line of edition: 18 ნა̈ბიჴვს, ალჲა̈რს ჩუ ლუჴვი̄რ ხა̄რხ, აშხვ კა̈ცხხა̈ნ უშხვა̄რ ხალჯახ თა̈კულდშვ, მე̄რმახა̈ნ
Line of edition: 19 ჩვაკრეხ ი კა̈პი̄ლს ხოგემხ, კა̈პი̄ლმϩყ ჯალϩლდ ხოწიბ. კვენ ჟი იქვნი ჯალს,
Line of edition: 20 სგა ღϩრი ღვები̄ლთე̄'სგა ი ჯალს ლიზვებს ხობნე, ეჩქას კა̈პი̄ლ ქა ხოქფენი, ღვებილ
Line of edition: 21 უშხვა̄რ ხეტხენი, ჟიქა̄ნ ბა̈ჩ ხოთლე, ეჯა ლაკრად დე̄მ ფიშვდე ღვები̄ლს ი
Line of edition: 22 კვენ სგა ხეყმი ი ჲედ სგა ხელტϩნი ალ ღვები̄ლრე უშხვა̄რ ნე̄სგა. Line of edition: 23
ლენჯა̄̈რ Добавлено (2007-06-18, 6:40 Pm)
---------------------------------------------
გარევილ ნა̈პო̄ლა̈რ Line of edition: 25 ლუფხვისგა მეჴედ ნა̈პო̄ლა̈რ ლიხ: ბა̈ტ, მილც, ღარღა̄ნდ, მუგვ, ქვირთი̄ლ,
Line of edition: 26 გვიჯი გაყრა̄ნდ, სარსნეგ, ჰა̄̈ღვრა̄̈ კვინჩ, მϩჴლი̄ნდ, მϩთნა̈ფო̄ლ, შყა̈ჟვ, ჴა̈ფ, გა̄ს,
Line of edition: 27 მა̄̈ლი̄დ, ჭყუგ, მინზო, ყირვო̄შდ, ბაპრა̄ნდ, მუწუ̄ლ, ხოხვრა კვინჩ, ჯϩჭკ, წა̄̈ვრ,
Line of edition: 28 მϩლქანო̄დ, ვა̈დდა̈ჲ, ჟვი̄ნა, ვერბ, მიმილ, ცხა̈კვ. . . Line of edition: 29 ლვინთისგა შვა̈ნს მესედ ნა̈პო̄ლა̈რ ლიხ: ბაღრი̄ლა̈რ, მუყულმუში̄ლ, გვაწანი̄ლ,
Line of edition: 30 შყაჟვა̈ მაჯო̄ნ კვინჩ, მუჟჴვარი̄ლ, მაღლავ, ჩხϩრϩშტ, ჴა̄̈ლი̄დ, ცხეკი ქათალ,
Line of edition: 31 ლახვა̈ ქათალ, მϩყელ, ღვამა̈ლ, მუგუ̄ლი̄დ. . . Line of edition: 32 ლეზობდ მა̄მ ხაყახ ეჯ ნა̈პო̄ლა̈რ ლიხ: ღვამა̈ლ, ჭვე̄რ, მუგუ̄ლი̄დ, ვერბ, მიმილ,
Line of edition: 33 ცხა̈კვ, მუჟჴვარი̄ლ, მϩჴლი̄ნდ, მϩთნა̈ფო̄ლ, ძუღვა̄̈ ჭვე̄რ, მინზო, ჭა̄ბუ მინზო,
Line of edition: 34 მუყულმუში̄ლ, ვაჟო, ბაღრი̄ლა̈რ, შდავალ, კვიცი შდავალ, ღა̈რთი̄ლდ სამაღლიშ,
Line of edition: 35 ვა̈დდა̈ჲ, უჩხა̄̈ კვინჩ, ჭϩრელ ბაპრა̄ნდ, გვა̈წინა̈ჲ. Line of edition: 36 ლეზვებ ნა̈პო̄ლა̈რ ლიხ: მაღლავ, ჩხϩრϩშტ, ჴა̄̈ლი̄დ, მϩჩხროშტი̄ლ, ბაპრა̄ნდ
Line of edition: 37 ჯϩჭკ(\\ ჭϩჭკ), კვინჩ, მა̄̈ლი̄დ, ჭყუგ, ყირვო̄შდ, ჰა̄̈ღვრა̄̈ კვინჩ, შყა̈ჟვ, გა̄ს, ჴა̈ფ,
Line of edition: 38 გვიჯი გაყრა̄ნდ, სარსნეგ, მუწუ̄ლ, ღარღა̄ნდ, ცხეკი ქათალ, ლახვა̈ ქათალ, მϩყე̄ლ,
Line of edition: 39 წა̄̈ვრ, ბა̈ტ, მუგვ, ქვირთი̄ლ, მილც. . . Line of edition: 40 ნეჯდარშვ დაბა̈რისგა ჲϩრმეჲდახ, ეჯ ნა̈პო̄ლა̈რს ე̄, ერვა̄̈ჲ მეგა̈მჟი̄ნ დე̄მ ხეგნიხ.
Line of edition: 41 ალჲა̈რ ლიხ: მა̄̈ლი̄დ, შყა̈ჟვ, ყირვო̄შდ, მარ' ა̄თხე ჰა̈დურდ ჩვათვა̈ფ ალ ნა̈პო̄ლ.
Line of edition: 42 ჲϩრმიხ აჯაღ: დაბისგა̄̈ მუწუ̄ლს, მაღლავს, ჩხϩრϩშტს ი ჴა̄̈ლი̄დს. მა̄̈ლი̄და̈რს
Page of edition: 126 Line of edition: 1 ლახე დაბისგა ქა ხეწდენდახ ბოფშა̈რ, ეჯჲარე ნა̈ფდია ჩვაგა̈მდახ ყვაბდ ნეჯდა̈რს.
Line of edition: 2 ეჩქანღო მე̄რმა ფოყხა̈ნ ხეცა̄დო̄ლდახ ი ხობნახ ლიმე̄ლეს, იღრა̄ლხ. ალ მა̄̈
Line of edition: 3 ლი̄და̈რს სგა ხესმო̄ლდახ ი სგვებნავ ესღϩრდახ ლაგსარუშვ. ბოფშა̈რ თა̄მა̈შდ ეს
Line of edition: 4 ჭიმდახ ლამა̄̈ლოშვ. ამჟი̄ნ ნეჯდა̈რს ქა ხედო̄ლდახ მა̄̈ლი̄და̈რ ი სგა ხერმო̄ლდახ.
Line of edition: 5 ხოშა̄მ ნეჯდარშვ ირმო̄ლდახ ლახვა̈ ქათლა̈რ ი მϩყე̄ლარ. ეჩϩნქა ცϩჴემადშვ ად
Line of edition: 6 გა̈რდახ. Line of edition: 7
ლენჯა̄̈რ Добавлено (2007-06-18, 6:40 Pm)
---------------------------------------------
. ნა̈პო̄ლა̈რს იმჟი̄ნ ϩრმიხ ბოფშა̈რ Line of edition: 9 ნა̈პო̄ლრე ლარმეჲდ ი ლადგა̈რდ ბოფშა̈რს ნეჯდა̈რ, ცϩჴემდა̈რ ი ლაშყჟურა̄̈ლ
Line of edition: 10 ხუღვეხ. Line of edition: 11 ლუფხვს დაბა̈რისგა მუს ჟი ხოკდენი, ეჩქას მა̈ლი̄და̈რ ჴედნიხ. ალჲა̈რ ხოხვრა
Line of edition: 12 ტა̈ნი ნა̈პო̄ლϩდა̈რ ლიხ ი თხუმჟი̄ნ ქოქოჩა̄̈ლა̈რ ხა̄გხ. ალ მა̄̈ლი̄და̈რ ქარვანშვ იზე
Line of edition: 13 ლა̄̈ლხ. Line of edition: 14 ბოფშა̈რ ქა ხეწდენიხ მა̄̈ლი̄და̈რს, ეჩქას ნეჯდა̈რს ხოგემხ აშხვ ფოყხა̈ნ, მე̄რმა
Line of edition: 15 ფოყხა̈ნ ქა ხეცა̄̈დიხ მა̄̈ლი̄და̈რს ი ხობნეხ ლაღრა̄ლუშ ლიმე̄ლეს, ამჟი̄ნ, ა: "ო̄
Line of edition: 16 მე̄ლო̄დ-მე̄ლო̄დ, მე̄ლო̄დ-მე̄ლო̄და̈ჲ, სი მა̄̈ლი̄დი̄ლ ქოქოჩა̄̈ჲ! მϩტარა̈ჲ, მϩტარა̈ჲ,
Line of edition: 17 მϩტარა̈ჲ! კϩხარა̈ჲ, კϩხარა̈ჲ, კϩხარა̈ჲ! ცა̈ლ ჯა̈სრე, ცა̈ლ ჯა̈სრე. ჯა̈სრე გარ დე̄მაი
Line of edition: 18 ჯა̈ყვჩე, სი მა̄̈ლი̄დი̄ლ მϩქრია̈ნ, მϩქრია̈ნ, მϩქრია̈ნ, მϩქრია̈ნ, ნა̄სϩრვა ი ნა̄ქϩრვა̈ჲ,
Line of edition: 19 სი მა̄̈ლი̄დი̄ლ, გასარა̈ჲ!" ალ ლიღრა̄̈ლ სგა ხესმიხ მა̄̈ლი̄და̈რს ი ლაჭმოშ ესღრიხ
Line of edition: 20 ნეჯდა̈რთექა. ნეჯდა̈რს ქა ხედო̄ლახ ი ჲერხი სგა ხერმიხ. Line of edition: 21 ლუფხუნღო მა̄̈ლი̄და̈რ მუწულა̈რდ ისპიხ. ნეჯიდს ბოფშა̈რ ძუახა̈ნქა აშდ
Line of edition: 22 რა̈ნიხ. სგვებნავ თე̄რა̈რს აშდრა̈ნიხ, ეჩქანღო ჟი იჩოხ ნეჯიდს, ჩხარა̄მ თეს ეშხუ
Line of edition: 23 ლა̈ნტ ხეფსი. თე̄რა̈რ უშხვა̄რ ხაკო̄ბახ ი ეჯ ნეჯიდს ჩუ ლϩგანღო ქა მა̄̈ჲ ხედახ ნა̈
Line of edition: 24 პო̄ლა̈რ სგა ხერმიხ. ხვა̈ჲ ლა̈ნტი ნეჯიდს ლახუ̄წა ხაჟხა. ნეჯიდს ჩუ ნაგა̈მუნღო ჟი
Line of edition: 25 იკედხ ი ჟი ინტიხ ი მუგვდა ხოხვრა̄მ გირგვედზუმ გარ ლი. ქა ფხეჟნ' , ეჩქას უგს
Line of edition: 26 ვა-ჲ იშგვიდ საჯენდ ხოჯვდა ლიხ ჲერხი ნეჯდა̈რ. Line of edition: 27 ნეჯიდ ხვა̄̈ხა̈ნს გეჭნი. Line of edition: 28 ლინთვისგა იმვა̄̈ჲ ლა̄რას მაზვა̈ბ ანღრი, ეჩის ბოფშა̈რ ქა̄ლღა̈ჰიხ ი ნა̈ბოზს
Line of edition: 29 ნეჯდა̈რს ხოგემხ. ჰამს ი ნა̈ბოზს მაზვა̈ბს მაღლავა̈რ ი ჩხϩრშტა̈რ ხაცხნეხ, ეჯღ'
Line of edition: 30 ე̄რე ეჩეჩუ̄ნ მუჩვიფ ლი. ეჯჲა̈რ დეშ იწვე̄ნეხ ნეჯიდს ი სგა ხერმიხ.
Line of edition: 31 მახა ლϩდგა̈რი პატრონ ჩუ ნარმა̈ვ მაღლავს ქა ხოფა̄ნე ლϩდგა̈რს ი ქა ფიშვდე.
Line of edition: 32 დე. "ქვინს ესერ ხოჩა ხა̄რ ი მა̈დილ ესერ ლი ქუნოშ". Line of edition: 33 შყა̈ჟვა̈რს ი იშგან ნა̈პო̄ლა̈რს ცϩჴემადშვ ადგა̈რიხ. ჯვე̄დჲათე̄შდ მეკვშდე
Line of edition: 34 ცხუვა̈რ ხუღვეხ, ფე̄დჲათე̄შდ -- ჯო̄დი ცხუვა̈რ. ჯო̄დი ცხუვა̈რ შყა̈ჟვარეშდ ხუღ
Line of edition: 35 ვეხ ხოშა ნაღა̈ლ, ეჯღ'ე̄რე შყა̈ჟვ ხოშა̄მ ფე̄დჲათე იხნი მა̄რა ი ცხვი მა̄მ ხექდი ქა. Line of edition: 36
ლენჯა̄̈რ |
| |
| | |
|
Мужчина |
Date: Понедельник, 2007-06-18, 6:42 PM | Message # 38 |
|
Group: Проверенные
Posts: 352
Status:Offline
Дата регистрации:
2006-09-07 |
149. ლა̈ჯშა̈რ ი მიჩა სა̈ხმახა̈რ Line of edition: 38 კული̄ ლიჯიშს ობა̈ ჭირ ხაკუჩ. ალა ზურა̄ლს გარ ხამა̈ჯრვ ი ღვეჟმა̄რე დე̄მ
Line of edition: 39 ჩიქქას ხაშდბა ლილთეს ი ლიჯიშს ამგვა̈რ-ეჯგვა̈რ მა̄̈ჲ ი̄რი ეში̄.
Line of edition: 40 ლახე ჲერვა̄ლე ღვეჟმა̄რე ლილთეს იჩო, ეჯას მა̈გ ლა̄ცვდ ი ლასყვა̈დურდ იკედ
Line of edition: 41 ი დი̄ნო̄ლს გარ ხაყლეხ.
Page of edition: 127 Line of edition: 1 ღვეჟმა̄რე̄მი გვეშ ლი ლა̈ჯშა̈რე ლიტა̄ბე, ლაცხნი̄რი ლიჩვემ, დაფრეშ, უ̄ღვა̄̈შ
Line of edition: 2 ი მარქვარე ლიტა̄ბე, ლაღბაბა̄̈იშ, ლათდვი̄რიშ ი ზექი მასლარე ლისყე̄ნე.
Line of edition: 3 ლა̈ლჯვმა̈რს ზურალა̄̈რ იჩოხ ი ღვაჟა̈რს დე̄მ ინჩϩდეხ ეჩი ლაჩომთე. საკენზე
Line of edition: 4 ლა̈რსი ზურალა̄̈რ აშდრა̈ნიხ ქანხა̈ნქა. Line of edition: 5 ზურალა̄̈რ სგვებნავ მა̈ტყს ჩვაბძღϩნეხ, ეჩქანღო ლა̈ფთი̄რშვ ჩვა̈ფთიხ, ღო
Line of edition: 6 ლახე ხათერხ, ეჩქას ჩუ აპენტა̈ვიხ, ეჩქანღო მა̄დხვა̈ჲ-მა̄დხვა̈ჲ ტϩფხელდ ჟ'ასყე̄ ნეხ
Line of edition: 7 [კალა̈რდ ასყე̄ნეხ ლაფეთჟი̄ნ] ი ეჩჟი̄ნ სგა ხაწკტენიხ ცხიკთე̄სგა. ეჩქანღო ჩე̄რიჩერშდას
Line of edition: 8 იკედხ ი ა̈ლთეხ. Line of edition: 9 ლახე ზურა̄ლს ხვა̄̈ჲ ლელთე ხუღვე, ეჩქას ჩუ ინდენი ლა̄̈თშვ ი რიჰდ ა̈ლთეხ
Line of edition: 10 ჯაჲ მიჩა ნადა̈რ. ლა̈ლგენ ლე̄თ იმქარა̄̈ლხი ადუ, ერვა̄̈ჲ მოშ მაშე̄ნა̈მ ლათϩ̄თას ადლეთნეხ.
Line of edition: 11 მϩლთა ზურა̄ლს, ოშვა̄̈ჲდ ლათϩ̄თა ხაკუჩ კვილია̄ქდ, ეჯზუმს ჩვა̈ლთე.
Line of edition: 12 ლათϩ̄თა ხაჟხა ჩე̄რის ლუჭვე̄ნ ნალა̈თვს. ეჩქანღო ჲარვ ლათϩ̄თას სგა დე̄სგი
Line of edition: 13 სა̈ტრთე, თვით პილს ჟი ხოთხე̄ლი, აშხუდ ხეგვდირნი ი ჟ'აკუ̄კვე. ჲარვ ლათϩ̄თას
Line of edition: 14 ეშხუ კვიკვ ხეფსი ჲორი ლϩფა̈ჲ. ოშვა̄̈ჲდს ახფა̈სნე ნალა̈თვ ლათϩ̄თა̄̈ლს კუკვა̈რს,
Line of edition: 15 ეჩშელდს ჩი̄ სა̈ტრთე დე̄სგი ი ეჩქანღო ლინჩრეს იბნე. ლანჩრიჲა̈ ჩე̄რი ხონგრა
Line of edition: 16 ი ხოჯვდა ლი ი ჩერშდაჲ ზექიშ ლი ი ხოშა ლი. Line of edition: 17 ლანჩრაჟი ჩუ ისგვრი ზურა̄ლ კϩლთხი ა̈დგილჟი̄ნ ი ეჩხა̈ნჩუ ლინჩრეს იბნე.
Line of edition: 18 ლანჩრაჟი̄ნ მა̄̈ნკვი მა̈შკჟი̄ნ ა̈სპუნე ჩე̄რის, ეჩქანღო ჩუ ფიშვდე ჩუბა̄ვ ი შომვა̄̈ჲ
Line of edition: 19 ხათერ, ერე ათხე კი ლϩნჩრე ლი, ეჩქას ჟი იტხე ჩერის. ნანჩϩრვს ჩიქე ტოტქა
Line of edition: 20 იჭვე̄ნი ი ეჩქანღო ეჩხა̈ნქა სგა ხაჭვე̄ნი ჩერის. შომვა̄̈ჲ ლანჩრას ქ'ა̄სრულე, ეჩქას
Line of edition: 21 აჯაღ კვიკვდϩდ იტხე. Line of edition: 22 ლანჩრას ჲარვ ფხულაისგა ინხენი ჭიშხიშ ი ეჩხა̈ნქა ქა იტხე კვიკვდ.
Line of edition: 23 ოშვა̄̈ჲდ ლანჩრა ხეღვე̄ნი, ეჩშელდ კვიკვ ისყი. ალ კუკვა̈რს ლახე წიდა̄̈რს
Line of edition: 24 ხათერ, ეჩქას ლაღბაბი̄რჟი̄ნ ხაჭვე̄ნი ი ღϩბა̈ბ ხეფსი. Line of edition: 25 ლაღბაბა̄̈რ ხაჟხა ამის ა: კვილს ჩუ მეფტე ხა̄რ. ეჩას ჟიქა̄ნჩუ ზექ ხოსვა. ზექს
Line of edition: 26 ჟიქა̄ნჩუ ჲო̄რი ჯო̄დი ნახვწი ყა̄̈რ ხალჯა, ო̄შთხვ მუხვრა̈რჟი̄ნ ჭუ̄ნთა̈რ ხოსვა ი ამის
Line of edition: 27 ხაჭვე̄ნიხ ქიპს. ქიპ ლაჭვე̄ნჟი̄ნ ლაღბაბა̄̈რ მიჩოშ სიპ. ამღა ა̈რი ჰარა̈კდ: "ო̄შთხვ
Line of edition: 28 ლავდილ' ე̄სერ ლიხ, მა̈გ იღლი-მიღლის ხაყლე უშხვა̄რ ი ჩუ და̄̈რ ხეღლინიხ უშხვა̄რ".
Line of edition: 29 ალ ღϩბა̈ბს ქა̄შყვდიხ, ეჩქანღო ჟ'ა̈ფკვეხ ი აჯაღ კუკვარდϩდ ინტვლიხ. ქა იტხეხ
Line of edition: 30 კინთშვ. Добавлено (2007-06-18, 6:41 Pm)
---------------------------------------------
31 ოშვა̄̈ჲდ ჭითხ ხაკა̈ფხ კვილი, ეჩი̄ზუმს ქა იზმიხ ზურალა̄̈რ გიმჟი ი ეჩქანღო
Line of edition: 32 წამა̈რს ხაჴლეხ გიმჟი ო̄შთხვს: აშხვ -- აშხვ ა̈დგილს, აშხვ -- ეჩი̄ ქახიქა ი ჲარვ --
Line of edition: 33 აშხუდ მე̄სმ' ა̄̈დგილს. ეჩქანღო ჩვათდვიხ. Line of edition: 34 ლითდვი ამჟი̄ნ ლ'ა: ჰა̈დვირხϩნსგა ალა̈ბი ნაჯვდა ნახვწი ყა̈რს აშხვ პილხა̈ნ
Line of edition: 35 ჲო̄რი ჴურუ̄ლ ხა̄რ, ეჩექა ქϩპა̈რს ქ'ა̄̈ყხეხ. ეჩქანღო ზურა̄ლ ლიზელა̄̈ლს იბნე,
Line of edition: 36 ქიპს ჟი ხა̈თდვი ალ ჩუ ლუსვა წამა̈რჟი̄ნ. ქ'ა̄დზϩგრ', ეჩქას ჟი ლუთვედს ჟი იკედხ
Line of edition: 37 შϩნთეჟი̄ნ ი ჟ'ასდგვიხ. ალ ქიპ ლი ლათხეჲა̄ქ. Line of edition: 38 ალ ლათხეჲს ჩიქე ლა̈ჯვმა̈რქ' ა̄ცვეხ ი ღო ლაცხნი̄რქა. ჟი ლϩმა̈რანღო ლათხეიშ
Line of edition: 39 ი ლა̈ჯიშიშ ლა̈ჯშა̈რს ϩგემხ. ალ ლა̈ჯშა̈რი აშხვ პილხა̈ნ ლუსდვიგვს ხალჯენიხ,
Line of edition: 40 ქა ლუცვა ლაცხნი̄რს დაფა̈რთე̄'სგა დე̄სგიხ, დაფა̈რს საკϩნზელა̈რ ხა̈ბხ. ეჯჲ
Line of edition: 41 ა̈რ ჟი ხორიკხ ჟიბა̄ვ. ლაცხნი̄რხა̈ნქა ლა̈ჯშა̈რი უ̄ღვას ხალჯენიხ ნა̈ვნარშვ ქა ლუცვა
Line of edition: 42 კვილჲა̄ქს ჩუბა̄ვ ფხულრე ლა̈რკინა თა̈კულდა̈რ ხოსა̈რხ -- საფϩრჴელა̈რ ი ლა̈ჯშა̈რ
Page of edition: 128 Line of edition: 1 ჟი ლϩკა̄ზმე ლი. ამჩიქდ ჲერხი ზურალა̄̈რ ი ჲედ ბოფშა̈რ ამსϩლა̄̈რიხ ლა̈ჯიშჲა̄ქს.
Line of edition: 2 მასϩლ ჲედ ნა̈ჴჩულა̈შ ლი ი მა̄დეი ზექიშ. ალ მასϩლს სგა ხოსგვრეხ ლამსϩლა̄̈რ
Line of edition: 3 ბარბელდვს ი ქუთუ̄ლჟი̄ნ ა̈სპუნეხ ი მასϩლს ქიპს ხაჭვე̄ნიხ. ქა ლϩმსϩლა მასϩლს
Line of edition: 4 მარქვთე̄სგა დე̄სგიხ ი ამის ზურა̄̈ლ ჟი ხა̈ჯიშ ლათხეჲს. ლა̈ჯიშჟი̄ნ ზურა̄ლ დაფა̈რს
Line of edition: 5 სგა ირყინე, შომვა̄̈ჲ ქიპს ქა იტხე ლათხეჲქა ი ქა̄მავ ხა̈რყინე, შომვა̄̈ჲ მარქვშვ
Line of edition: 6 ქა ლეტხე ხა̄რ ლაჯიშ. ამჟი̄ნ ქა ნა̈ჯიშვს, კვილის, უ̄ღვაქა ხაჭვე̄ნი.
Line of edition: 7 ლიჯიშ ქა ლუსრულანღო კულის ჟ'ატყვბა̄̈ლიხ ი ჰაბა̈რჟი̄ნ ჩვა̈კვლი̄ნეხ. ლაკვლინაჟი
Line of edition: 8 ჩვაბქვეხ ფიშრა̄მინ ტებდი ლϩცისგა ი საპენს ხოხჯϩნეხ. ეჩქანღო ხეგნიხ
Line of edition: 9 ჭϩშხვშ ი ა̈გვრი̄მბეხ, ვოდ ჩუ დო იკვლი̄ნი კული ეჩქად. Line of edition: 10
ლენჯა̄̈რ Добавлено (2007-06-18, 6:41 Pm)
---------------------------------------------
150. ლიჴϩლტა̈რი Line of edition: 12 ლიჴϩლტა̈რის შვა̈ნისგა ზურალა̈რ გარ იჩომდახ ი ათხეჲ ეჯჲა̈რ იჩოხ, მარე
Line of edition: 13 ჲერხი გარ, ეჯღ' ე̄რე და̄̈რმა ხა̈ხვტინე თანვ მამჭირშვ. Line of edition: 14 ლეფშვდა ღველჲა̄ქს ზურა̄ლ მა̈ნკვი ქ'ა̄სტღუნე ხოჩა̄მდ. მე̄რმა ლადა̈ღ ჟი
Line of edition: 15 ლუფკვანღო ქ'ა̄̈ფშვდე. ამჟი̄ნ კვილია̄ქ მა̈ტყს ჟი ინზო̄რე, ეჩქას ჩიქე ჩვაბძღϩნე
Line of edition: 16 ი ეჩქანღო ჩვა̈ფთი ლა̈ფთი̄რჟი. ნაფა̈თვუნღო ჩვაპტყϩნე ი კალა̈რდ ასყე̄ნე, ცხიკთე̄'
Line of edition: 17 სგა დე̄სგი ჟი ლϩწკა̈ტდ. ეჩქანღო ლილთეს იბნე ჩე̄რიშვ ი ჩერშდოვშ. ჩე̄
Line of edition: 18 რის ჩუქვა̄ნ ლაქϩრჩა̈ნ ხოგ. Line of edition: 19 ზურა̄ლს ლახე მა̈ტყ მასა̈რდ ხუღვე, ეჩქას ჩუ ინდენი ი ქა ხაწახ მϩლთა, მა̈ზუმვა̄̈ჲ
Line of edition: 20 ხაწϩხ. ალჲა̈რ ა̈ლთეხ ნა̈ბოზუნღო რიჰდ. ჰამს მიჩა-მიჩა ქორთე ღϩრი მა̈გ.
Line of edition: 21 ჟი ნალა̈თვ ჩერია̈რს, ლათϩ̄თა̄̈ლს, ჲარვ სგა დე̄სგი კარვათე̄'სგა, ზურა̄ლ ქიპი
Line of edition: 22 კაცხა̈რს კინთქა ქ'ა̄̈ყხე ი იბნე ჲარუ ფად ლუყვბა ქიპი კვიკვდ ლისყე̄ნეს. ამის
Line of edition: 23 ლინტვლა̄̈ლი ხაჟხა. ჟი ლϩლთა ქიპს ჟ'ანტვლა̄̈ლი ი კუკვა̈რდ ასყე̄ნე, ეჩქანღო
Line of edition: 24 ჟ'ანჩრე. ლანჩრად ლანჩრა̄̈ ჩერი-ჩერშდა ხუღვე. ალ ჩე̄რი ლა̈ლთა̄̈ ჩე̄რიდ ხოჯვდა̄ჲ
Line of edition: 25 ლი ი ხონგრა̄ჲ. ჩერშდა̄ჲ ხვა̈ჲშვ ხოშა ლი ი ზექხა̈ნქა ლი ჟი ლϩტა̄ბე.
Line of edition: 26 ზურა̄ლ ლანჩრაჟი̄ნ კϩლთხიჟი ისგვრი, კვიკვ კარვაისგა ხო̄ზ, ქიპს ქა ხახϩრზა̈ნი
Line of edition: 27 ჩე̄რის, ჟიქა̄ნ ჩე̄რის ჩერშდამϩყ ჟი ლϩჭი̄რხ ხა̄რ სევდ. ამის ჭილ ხაჟხა. ამ
Line of edition: 28 ჭილქა ჟი ხაბემ ქიპს, ჩე̄რის ქუთულჟი ჟ'ასპუნე ი ჩუ ფიშვდე ჩუბა̄ვ. ამჟი̄ნ ქიპ
Line of edition: 29 ჟი იშდრა̈ნი. ზურა̄ლ, ხათერ ეჩქას, ალ ლϩნჩრა ქიპს ქა ხაჭვე̄ნი ჩე̄რშდა ჩუქვანქა
Line of edition: 30 ჩე̄რის. ამჟი̄ნ ანჩრე, ოდე სვრილ ლანჩრას ჟი დო ანჩრე. ეჩქანღო ალ ლანჩრას
Line of edition: 31 რის კვიკვდϩდ იტხე ქა ი მე̄რმა ლანჩრას ანჩრე. ამჟი იჩო, ოდე ლენჩრე ჩუ დო
Line of edition: 32 ხოშთხენი. Добавлено (2007-06-18, 6:42 Pm)
---------------------------------------------
33 ობა̈შინ ლანჩრას ლაღბაბა̄̈რთე იტხე ლათდვი̄რშვ. ალა ჩალყვდ ლი ჟი მϩსყე.
Line of edition: 34 ზურა̄ლ ჟი ხაფგენი ლაღბაბა̄̈რს ალ ღϩბა̈ბს ი ეჩქანღო ქა იტხე კვიკვდ. ალ
Line of edition: 35 კუკვა̄̈რ ჟი მϩსყე ი ლϩმა̄რე ხუღვე, ეჩქას ჩვაყვლუ̄რე: ლაჯიშს მო̄შ ცვირე ი ლათხეჲს
Line of edition: 36 -- მო̄შ. Line of edition: 37 ხოჩა̄მ და̄̈რჟი̄ნ ქა̄̈მ კალვისგა ი ჲედ ლალჩაისგა ი მა̄დეი ხოლა̄მ და̈რჟი̄ნ ქორისგა
Line of edition: 38 ზურა̄ლ წამა̈რს ხოსვა̄̈ლი ოხვიშდს. თვით ჲარვ -- სგვებინხა̈ნ სგა-ქაჟი̄ნ ი
Line of edition: 39 აშხვ -- ვეშგიმხა̈ნ. უშხვა̄რნე̄სგა სგვებნეშ ი ღვეშგმე წამა̈რს ეჩი̄ზუმს ხო̄ზნე უშხვა̄რთე,
Line of edition: 40 მა̄̈ზუმვა̄̈ჲია̄ქ კვილი ქიპ ხუღვე. ეჩქანღო ლათდვი̄რს ა̈ჲე̄სგი ყა̄̈რიშ. ალა
Line of edition: 41 ჯო̄დი ლი, ჰა̈დვირხϩნსგა̄მ ალა̈ბზუმ ი ჲო̄რი ფუტუ ხა̄რ აშხვ პილხა̈ნ. ალჲა̈რქა
Page of edition: 129 Line of edition: 1 ქა̄̈ყხე ქϩპა̈რს ი ალ წამა̈რს ესჭიმ ი ქიპს ჟი ხაჭვე̄ნი ალ ოთშხვ წამს ი მე̄ხვშდა ქა̄მენქა
Line of edition: 2 გარ ხა̈ცხპე. ამჟი̄ნ ათდვი, ოდე ლათხეჲ ქიპ ჩუ დო ხოშთხენი, ეჩქანღო აშხვხა̈ნ
Line of edition: 3 ჟი იყვზე, ჟი ლϩთვედ ქიპს ხობნე ლიჩულყვეს ი ამჟი̄ნ ჟ'ა̄სყე̄ნე ჩალყვს.
Line of edition: 4 ოშვა̈ჲდ ჩალყვ ლი, ეჩშელდ ჭითხ ხეფსი კვილის. ნამშარე̄მიშს გუდ ჴედნიხ შელდშვ
Line of edition: 5 ი ამბა̈ვშ. ოშვა̈ჲდ შელდ ლი ი ამბა̈ვ, ეჩი̄ზუმ მაშრი გა̈ნ ხა̄რ კვილის. ალ ჩალყვს
Line of edition: 6 ჩიქე ლა̈ლჯვმა̈რქა იტხეხ ი ღო ლაცხნი̄რქა ი ამჟი̄ნ ჩუ დე̄სგი. ათხე ლა̈ჯ
Line of edition: 7 შა̈რ ლი ლეკა̄ზმე. ლა̈ჯშა̈რ ზექიშ ლი. ამის სგვებინხა̈ნ ჲო̄რი ზექ ხოსა̈რ ი ჟიბავ
Line of edition: 8 ჟი ლϩსკრე ხა̄რ უღვა̄̈ ლასვა̈მდ. ლა̈ჯიშჟი̄ნ ლა̈ჯშა̈რს ჩუ ϩგემ ზურა̄ლ. ლა̈ცხნი̄რხა̈ნქა
Line of edition: 9 ქა ხოწვა, ეჯ ქϩპა̈რს თაკულდა̈რ ხა̄̈ბხ ჟი ლაყვბად ი ალჲარშვ სგა ხალჯენი
Line of edition: 10 უ̄ღვას. ალ უ̄ღვას ჟი ხოსვემხ აშხვხა̈ნ სგვებნე ზექს. უ̄ღვას აშხვხა̈ნ ო̄შთხვ ჴურუ
Line of edition: 11 ხა̄რ, მე̄რმა ზექს აშ ლა̈გჭა ხა̄რ უ̄ღვა̄̈ მე̄რმა პილიშ. ჩა̄ლყვს ღვეშგიმხა̈ნ სგა ხალჯენიხ,
Line of edition: 12 ნე̄სგაჩუ̄ნ ლა̈ლჯვმა̈რ ი ლა̈ცხნი̄რ არიხ. ალჲა̈რს ღვეშგიმხა̈ნ მϩჯიში ლასგვრა
Line of edition: 13 ხა̄რ მϩსყე. ლა̈ლჯვმა̈რს ჟიქა̄ნქა ჯო̄დი თაკულდა̈რ ხა̈ბხ, ალჲა̈რს საკϩნზელა̈რ, ხაჟხახ.
Line of edition: 14 სა̈კϩნზელა̈რ ჟი̄ბა̄ვ ხა̈ბხ ლეჯიში მϩგჭად, ერე მეწვინქა ქა ლϩგϩ̄თხად არდე̄დს.
Line of edition: 15 ჩუქვა̄ნ აჯაღϩდ ჲორი თაკულდა̈რ ხა̈ბხ. ალჲა̈რს სა̈ფϩრჴელა̈რ ხაჟხახ ი ღვეშგმავ ლა̈ჯშა̈რს
Line of edition: 16 სგა ხალჯახ, მარე ეჩჟი̄ნ, ერე გიმთეჩუ̄ნ დოშ ლესვხ ჩუ მეჩდე. ალჲა̈რჟი̄ნ
Line of edition: 17 ლა̈ჯიშჟი̄ნ ზურა̄ლ ცერა̈რს ხაგემ მა̈ჲ აშხვ ი მა̈ჲ მე̄რმა, ამჟი̄ნ ლეჯიშ ჩუ იყვლუ̄რი.
Line of edition: 18 ლახე მარქვშვ ლათხეჲს ხა̈ჯიშ ზურა̄ლ, ლეჯიშ ხეკვეს ერე ეჩშელდინ ყველენდე̄დს
Line of edition: 19 ჩუ, ოშვა̈ჲდინ ქიპ ღϩრი ლა̈ჯიშდ. Line of edition: 20 ლა̈ჯიშ ქიპს ლამსϩლა̄რშვ ქანა̈შ ი ჲედ თვეფილა̈ჲ მასლა̈რჟი̄ნ ჟი ხამსϩლიხ
Line |
| |
| | |
|
Мужчина |
Date: Понедельник, 2007-06-18, 6:44 PM | Message # 39 |
|
Group: Модераторы
Posts: 990
Status:Offline
Дата регистрации:
2006-08-29 |
: 21 ქიპს, მა̈ზუმვა̄ჲს ისკϩ̄დვნე მარქვ, ეჩი̄ზუმს. ალ მასϩლს მარქვთე̄'სგა დე̄სგიხ. მϩჯიშ
Line of edition: 22 ზურა̄ლ სგა ხესგვრი ლა̈ჯშა̈რს. ლაცხნი̄რს ჟიქა̄ნ ი ჩუქვა̄ნ დაფა̈რ ხა̄რ. ალ დაფა̈რსი
Line of edition: 23 ხა̄̈ბხ ჲო̄რი საკϩნზელა̈რ. სგვებინხა̈ნ ზურა̄ლ ქ'ა̄და̄წყე ლეჯიშს, ქ'ა̄̈ყხე მარქვს
Line of edition: 24 ლაცხნი̄რიშ ი დაფრეშ ი ლა̈ლჯვმა̈რი უშხვა̄რ ნე̄სგაქა ი სგა ირყინე დაფა̈რს ი ლაცხნი̄რს
Line of edition: 25 მიჩეშთე. ამი̄ ნაჩომუნღო აშხვ ჭიშხი ცერშვ აშხვ საფϩრჴელს ჩუბა̄ვ ხობიდ
Line of edition: 26 ი ლϩჯიშ ჩუ იყვლუ̄რი, ეჩქანღო აჯაღϩდ ა̈ქვჭე მარქვს ი აჯაღϩდ სგა ირყინე დაფა̈რს
Line of edition: 27 ი ლაცხნი̄რს. სერ ამჟი̄ნ იჯიშ ოდე ჩუ დო შდეხნი ლეჯიშ. Line of edition: 28 ლახე ლეჯიშს ლა̈ლჯვმა̈რი ქა ლა̈ქხა მო̄მ ხა̄რ, ეჩქას ჩალყვს ფიშვდე აშხვქა
Line of edition: 29 ი ქა ნა̈ჯიშვს უ̄ღვას ხაჭვე̄ნი. ამჟი̄ნ იჯიშ სერ ქა კვილის. ლიჯიშ ქა ისრული, ეჩქას
Line of edition: 30 ნა̈ჯიშვს ი ღვეშგმეპილს ქა სედნი მა̄დხვა̈ჲ უჯშა, ხედვა̄̈ჲს სერ ქა ლა̈ჯიშ მო̄მ ხა̄რ,
Line of edition: 31 ეჩას ქა ხა̈ქვცე ზურა̄ლ თϩრქადშვ. ამის ხაჟხა ჩუ ლიყვლუ̄რე. ლაყვლუ̄რაჟი̄ნ მარე̄მი
Line of edition: 32 ლისგდის მა̄დ ხაყა, ეჯღა ერე ლათრაჟი̄ნ ესერ ლიტხუნე ხოხალ.
Line of edition: 33 ქა ნამსა̈დვ უჯშა ქიპს ნა̈ხტულ ხაჟხა ი ალა ჟი ხემა̈რგხ ქიპდ ოსრიშ ი იშგნე̄მი
Line of edition: 34 ლაშხებდ. ქა ლϩჯიშ კვილის ჟ'აგვრუზი ზურა̄ლ ი ჩუ დე̄სგი. ეჩქანღო ჩვეინშვ
Line of edition: 35 ლიცს ხორკინე, კვილის ჟ'ატყვბა̄̈ლი სამ ი ოშთხვდ, ეჩქანღო სგა̄̈ყხე ა̈თუ
Line of edition: 36 ლϩცთე̄'სგა ი ჩვა̈ჟრე. ალ მϩჟირ კვილის ჩუ დე̄სგი ქა ლϩსპა ჩა̈ვჟი̄ნ, ჟი ხეგნი
Line of edition: 37 ჭϩშხარშვ ი იბნე ლიკვლი̄ნეს. ლა̈კლი̄ნაჟი̄ნ ეჩხა̈ნ-ამხა̈ნ ფავა̈რ ხუღვე
Line of edition: 38 თხვიმი ლა̈გჭად, ერე ჩუ მო̄დ ა̈დკა̄̈ფს. ლა̈კვლი̄ნაჟი̄ნ კვილის ჭϩშხარშვ ხაზელა̄ლვნე
Line of edition: 39 ლეჟა̄ჲლექვა ჩა̈ვჟი̄ნ ი ჟი ხაკუ ეზერ ხა̈ნს: ოშთხვ-ოხვიშდ სა̄თს ი ხოშა̄მი̄.
Line of edition: 40 ჩუ ნა̈კული̄ნუნღო ჟი ლუტყვლა̄ლა კვილის ჩვატყცϩ̄რე ი ჟ'აგვრუზი. ეჩქანღო ქა
Line of edition: 41 ხოთხფე ჟი ლა̈ფკვას. ჟი ლუფკვანღო ჟი̄დ აგვრუზი ი ლაგვრიზჟი̄ნ მϩჟირ ტვეტს
Line of edition: 42 ხა̈ჭმინე ი ეჩჟი̄ნ ესჭიმ ლაგვრიზს. კვილის ლახე ლიღფენი ხაკუჩ, ეჩქას ჯვინალდ
Line of edition: 43 ტყვალს ჴიდახ. ტყვალ მეშხე ტყϩრ ლი ი ხოლა ქვინ ხოჴან. ჯერა̈ბს იკვშახ ი ბალჩყი
Page of edition: 130 Line of edition: 1 ცილს იცი̄რდახ. სგვებნა̄ვ ჩვა̈ნკვშდახ ბალყჩი ცილს მასა̈რდ. ცილა̈რს ქა შიდახ
Line Добавлено (2007-06-18, 6:43 Pm)
---------------------------------------------
2 ჩუ ნანკოშდუნღო ი ეჩქანდო ნანკოშდთე̄'სგა ჩუ ლϩყალ ჯერა̈ბს ი ტყვალს
Line of edition: 3 და̄̈სგდახ. ალჲა̈რს ხოჩა̄მდ ჟ'ანჩϩდი̄ნახ ი ეჩქანღო სგადა̄̈სგდახ კვილის ჩვეინს,
Line of edition: 4 ხედვა̄̈ჲსგა ლაღფჲა̈რ ი კვილი არდახ, ჟი ხორკინახ ლემასგვჟი̄ნ ი ა̈ფვი̄ნახ, ოდე
Line of edition: 5 ხათა̈რდახ ეჩქად. ეჩქანღო ქა იტხახ კვილის ი ჩუ და̄̈სგდახ ლანწϩ̄რად. ნანწϩ̄რϩნღო
Line of edition: 6 ჩვაშყვედდახ, ჟ'აფკვახ, ჟ'ა̈გვრიზდახ ი ამჟი̄ნ ჩუ იშხვინდახ, ოდე ლეშხბიდ
Line of edition: 7 დო ხეკვა̈დხ. Line of edition: 8 ჟი ლიშხბა̄ლა̄̈ლდ ობა̈შინ ჟი იკა̈დდახ კვილის ი მე̄რმა ფოყთე ჟ'ა̈გვრიზდახ.
Line of edition: 9 ლაგვრიზჟი̄ნ მϩჟირ ტვეტსϩდ ხა̈ჭმინახ. ალას ფიშრა̄მინ იჩომდახ, ეჯღ'ე̄რე, ფიშრა̄მინ
Line of edition: 10 მϩჟირ ტვეტი ლიჭმინე ი ქა ლიტხე ლაგვრუზუშ კვილის ქა̄გოსპა ი ჩვა̈ნსგლა. Line of edition: 11
* * Line of edition: 12
* Line of edition: 13 სგვირი ლიჯიშ კული̄ ლიჯიშშა̄ლ ლა̈სვ, მარე ლა̈ლთაჟი̄ნ ლანჩროვშ ალთახ
Line of edition: 14 ქა ლϩსნა ქანს ი ჟი მა̄მ ანჩრახ, დე̄ჲ ჩვა̈კვლი̄ნახ. უკვლინა ი უქϩრშა სგვირს ლაშყვდა̄̈რდ
Line of edition: 15 ი ბიდა̈რდ იჴმა̈რდახ. ლერქვა̈რდ ლახე ხეკვა̈დდახ, ეჩქას სგვირს მამფვა
Line of edition: 16 ლϩცთ'ა̄და̄̈სგდახ. ქა იტხახ, ჩუ და̄̈სგდახ ხოშა̄მ ტϩფხელ ბაჩვჟი̄ნ ი წირშვ აქϩრშახ
Line of edition: 17 ეჩქად, ოდე ხოჩა̄მდ ჩუ დო იქϩრშო̄ლდა ი იმე̄შგო̄ლდა. ეჩქანღო ჟ'ა̈ფკვახ,
Line of edition: 18 ღო ჟ'აგვრიზდახ ი ლუგვრუზანღო ფიკვიდ აქϩრშახ მუსგვენ წირშვ ტϩხფელ ბაჩვჟი̄ნ
Line of edition: 19 ეჩქად ე, ოდე ჩუ დო ითთვენო̄ლდა. ეჩქანღო ეჩხა̈ნქა ლერქვა̈რს იშხებდახ. Line of edition: 20
ლენჯა̄̈რ Добавлено (2007-06-18, 6:43 Pm)
---------------------------------------------
. ქანა̈ ლილთე, ლიჯიშ ი სგვირი ლისყე̄ნე Line of edition: 22 ქანა̈ წყადა̈რს ზურალა̄̈რ ჩიქე ჩვაბქვეხ ღვებისგა ი ლϩცისგა, ხათერხ ეჩქას
Line of edition: 23 ჟი იკედხ. ჩუ ლუბქვა ქანს ხოჩა̄მდ ხეჯდი ქა ი ჩვაჯდიხ, ეჩქანღო ჟ'აჭყვა̄რეხ
Line of edition: 24 ი ამჟი̄ნ ჩუ დე̄სგიხ. ქანა̈ ლიჯდის ქ'ა̄ზგϩრეხ, ეჩქას ქა ლϩჯა̈დ ქანს ჩიქე ჩვაბე̄ნგვეხ
Line of edition: 25 წირო̄ლშვ ი ეჩქანღო თვით ტვეტი ლეღვე̄ნად ჩვაყვლუ̄რეხ ი ქ'ა̄სნეხ. ლასნად
Line of edition: 26 ქვინლϩმგენე̄მი ლესგი ჯიჯვ ხუღვეხ. ლასნაჟი̄ნ ქან ჩუ ინწუდი ი ქა̄მენქა ხოლა
Line of edition: 27 ფირფილ ქა ხეღრენი. ალ ქანს ხოხვრა̄მ ჭყავა̄რა̈რდ მϩსყა სგა დე̄სგიხ ცხიკთე,
Line of edition: 28 ეჩქანღო ჟი იკედხ ლაქნიჲა̈ ჩე̄რი-ჩერშდას, ქანა̈ აშხვ ჭყავა̄რსი ჟი იკედხ ცხიკხა̈ნჟი̄ნ,
Line of edition: 29 აშხვ თხვიმს ივკა̄̈ ლე̄ბჩუ̄ნ იჩხინეხ მეგჭად, მე̄რმა თხვიმს -- ლერსგვენ ქუთუ̄ლჩუქვა̄ნ,
Line of edition: 30 ქუთუ̄ლა̈რს ჟი მენკვად იყდა̄̈ნიხ, ერე ქან ჩვა̈დგϩჭანს, ხა̈ბრეხ ამჟი̄ნ
Line of edition: 31 ჭყავა̄რს კვეტ-კვეტო̄ლს კალϩლდა̈რს, უშკვქა ქა ითხპინეხ. ამნუვშ, ნა̈შყვშ,
Line of edition: 32 ჩვა̈ჟრეხ კალს, ეჩქანღო ჩე̄რი-ჩერშდოშ ლილთეს ი ლინჩრეს ხობნეხ. აშხვ კალს
Line of edition: 33 ქ'ა̄სრულეხ, ეჩქას მე̄რმა იცა̄̈დიხ. ჩუ ზϩმშვ კϩლთხიჟი̄ნ სგურხ ზურალა̄̈რ. ლერსგვენ
Line of edition: 34 მა̈შკ ქა ლუტტველე ხა̄რხ ი ეჩეჟი̄ნ ჩე̄რის ა̈სპუნეხ, ლერთენ ქუთუ̄ლეთქა ქა
Line of edition: 35 ლϩგთხϩნე, ქუთუ̄ლ ჩუქვა̄ნისგა ქან ხონხახ. ამკა̈ლიბ ლანჩრაჟი̄ნ ზურა̄ლს ლერსგვენ
Line of edition: 36 მა̈შკ ჟი ხოკაჩ ი ლერთენ ქა მერწვე ხა̄რ. Line of edition: 37 აშხვ ლანჩრას ქ'ა̄ზგϩრე, ეჩქას მე̄რმა იბნე ი ამჟი̄ნ ა̈ლთე, ოდე ქან ჩუ დო
Line of edition: 38 ხოშდხენი. Line of edition: 39 ლიჯიშ იმვა̄̈ჲჟი კვილის ხაკუჩ, ეჩჟი̄ნ ხაკუ სგვირსი̄. ქა ნა̈ჯიშუნღო ლϩჯიშს
Line of edition: 40 სგვირ ხაჟხა. ალ სგვირს სგვებნა̄ვ ტუტხორისგა ჩვაჯა̈ბხ. მϩჯა̈ბუნღო ჟი იტხეხ
Line of edition: 41 ი ჩვაშყვდიხ. მახა ლუშყვედ სგვირს ბაჩვჟი̄ნ წირშვ მასა̈რდ აყფϩნეხ. ეჩქანღო
Page of edition: 131 Line of edition: 1 ქა̄დ აშყდიხ ი ქა ხოთხფეხ ლა̈ფკვას. ჩუ ლუფკვანღო ჟ'აგვრუზიხ. ათხე სერ სგვირ
Line of edition: 2 ჩუ ლუთთვენე ლი, მარე ამის აჯაღϩდ ხაკუ ლიქϩრშე. ფიკვიდ ჩუ̄დ აქϩრშეხ ზექი,
Line of edition: 3 ამკა̈ლიბჟი̄ნა̈შდ მϩსყა ტა̄ფშვ ი სერ სგვირი ლϩმა̄რე ლი, თვეთნე ლი ი ჩინა̈რ
Line of edition: 4 ხაყა. Line of edition: 5
ლენჯა̄̈რ Добавлено (2007-06-18, 6:44 Pm)
---------------------------------------------
152. ლერქვა̈რ Line of edition: 7 ჯვინალდ შვა̈ნისგა ქანϩნქა მა̄მგვეშ ითხო̄ლდა. ეჩი̄ სგვირს იჯიშდახ ზურალა̄̈რ. Line of edition: 8 ეჯას ჩვაქϩრშახ წირშვ ბϩგიდ ი ზϩმშვ ჩუ ითთვა̈ნო̄ლდა. ეჩხა̈ნქა ზურალა̄̈რ
Line of edition: 9 ფატნა̈რს ი არშვლა̈რს ა̈შხბიე̄დახ ი ეჯა გარ ნა̈ქვდა ზურა̄ლს ი ღვაჟმა̄რა. მა̈ნცინდ
Line of edition: 10 დაჴϩლ ხორდა ჩი̄ ხოშა ლაღა̈ლ ი ეჩი ქურქვა̈რს ხვიშხებდად. ობა̈შ მა̄რე მაშყიდ,
Line of edition: 11 ერე მიჩა ლϩჲარობჟი̄ნ ქანა̈ ფატნიშ ი ქვირქვი ჰამა̈რჟი̄ნ გარ არდა ი ეჯჲა̈რϩნქა
Line of edition: 12 მა̄მგვეშ ხეთხო̄ლდა ლექვემდ. ღველია̄ქს ძვირდ გარ ირდვნა მა̈გ ი ჩვე̄სვა̄̈ჲ ხორდა,
Line of edition: 13 ეჯჲარე ტუფვა̈რხა̈ნქა კე̄შა̈რს იშხებდახ. ზურალა̄̈რ ლაჩაქდ ჩუ ლϩღა̈ფ სგვირს
Line of edition: 14 აშხებდახ. ბალყჩი ცილხა̈ნქა მϩრა̄̈მჟი̄ნ ასყე̄ნახ ლაღფია̈რს ი ეჩნოვშ წϩრნიდ ჩვაღფენდახ.
Line of edition: 15 ლუღფუ̄რე ლახე ლა̈სვხ, ეჩქას ჩვატყვა̈ლდახ სგვირს მეშხად ი ეჩი̄ ლერქვა̈რს
Line of edition: 16 იქვა̈მდახ. ლატყვა̈ლს მეშხა ხოლა ქვინ ხოჴა̈ნ ეჩხა̈ნქა. ბალყჩი ცილა̈რხა̈ნქა
Line of edition: 17 ი ჯერა̈ბხა̈ნქ' ა̄სყე̄ნახ ი ეჯა მეშხად აღფენდა. Line of edition: 18 ღვაჟა̈რს ფაყვრე მϩქაფდ კვარულდა̈რ ნა̄გა̈ნხ. ეჯჲა̈რ მურგული̄და̈რ ლა̈სვხ,
Line of edition: 19 კოტო̄ლϩდა̈რ, გუჯს ვედდ გარ ალფა̈რდახ. ლა̈გჭა̄̈რდ ჰა̈შკი ქიპი სა̈ყბავირა̈რ ნაბϩდახ.
Line of edition: 20 მა̈ტყ ლაყიდთე სა̈ვთე ღურდად. მϩჟა̄ლვა̈შ, მესტია̄̈შ, ლაჰბე̄რიშ, ბეჩვი̄შ
Line of edition: 21 ი ჩუბეჴევი თანღა̈რქა ხვიზელა̄ლდ. მა̈ტყი ნაცა̄̈დდ ცხიკა̈რს, ლუბჴველა, ნა̄̈შყის
Line of edition: 22 ი ამკა̈ლიბ ცვირი̄ნბა̈რი̄ლა̈რს ხვა̈ჲა̄̈სგდად. ალჲა̈რღა სავჲა̈რ მა̈ტყს ი ნაბდა̈რს ნი
Line of edition: 23 ცა̄̈დდახ ი ეჯნოვშ ლϩქა̈ფ ონღურდად ა̈გითე. ერხი ლუბჴველაღა ი ხილა̈რღა ნაქვა̈მ
Line of edition: 24 ლერაქვი̄ ნაჰვედდახ. მა̈ტყს ზურალა̄̈რ ჟ'ა̈ლთახ, კულია̈რს იჯიშდახ ი ეჩხა̈ნქა
Line of edition: 25 ვოსრა̈რს ნიშხებდახ. კაბა̈ შორ ღალ იმ' ა̄რდ' ე̄ჩქას, ქანა̈ ფატნა̈რ ნა̈ქვდახ. Line of edition: 26
მϩლახ |
| |
| | |
|
Мужчина |
Date: Понедельник, 2007-06-18, 6:45 PM | Message # 40 |
|
Group: Проверенные
Posts: 352
Status:Offline
Дата регистрации:
2006-09-07 |
153. ქორა̈შ ი ქა̈მი ლიმშავ Line of edition: 28 თებურვა̈ლისგა მუს ჟი იმჯერ', ე̄ჩქას ქა ღϩრი მა̈გ დაბა̈რთე ი ხუნკვი̄ ლეჴნის
Line of edition: 29 ჩვადცვე. ეჩქანღო იშგან ლეშდბა̈რს ხაშდბა. ჲედ ა̈ქვში, ლახე მეგმა̄̈ლ ლი
Line of edition: 30 მეზგე, ი მა̄დეი̄ აბჩი ნა̈ბოზდ. ნა̈ბოზს ჩიქე ზექ-მუგვა̈ლს ამა̄რე ი ღო ჩუ ხონუ̄ნა̄̈ლი.
Line of edition: 31 მე̄რმა ლადღა̈რს ი ეჩქადი̄ ლამϩნგარხა̄̈ნქა ი ლაჰუნწულა̄შხა̈ნქა ჰა̈ნწს ა̈ჲე̄სგიხ
Line of edition: 32 დაბა̈რთექა ი ჰუყვა̈რდ ჟი ხაგემხ აშხვ ა̈დგილჟი̄ნ. ლიჰუნწვი ქა იზგϩრ', ე̄ჩქად
Line of edition: 33 დაბა̈რი ჩუ იჩვფიხ ი ჟი იფკვი ი ლიჴნიე̄ლ იბნი მა̈რტისგა. მა̄̈ნკვი ჰუყვა̈რს
Line of edition: 34 სა̈ვ-ჩა̈ვშ ქა ხოფხჟϩ̄რეხ სკვერდ დაბა̈რისგა. ეჩქანღო ლა̄̈ხი̄რალშვ ჟი ხაფხჟϩ̄რეხ
Line of edition: 35 მეჰად დაბისგა ი ლიჴნის იბნეხ ღა̈ნწვიშვშ. ჯვინალდ ღა̈ნწვიშს ბერჟა̈ მϩკრა̄̈ მϩქაფდ
Line of edition: 36 მიჭვი მϩკრა ხოსგურდა ი ბერგი მϩქაფდ ლაღვა̄̈ნვი̄რ ხუღვა̄̈ნდახ. ეშხუ მϩღϩნწუში
Line of edition: 37 ლი, ეშხვი ი ჲედ ჲო̄რი მϩბϩრგი ი ხოხვრა̄̈ლ ლაწსხარარშვ (\\ ლაწსხარალშვ)
Line of edition: 38 ლაწისხს ესჭიმხ. ჩუ ნაჴანუნღო ჟი ილა̄̈შიხ ი ღო ჟი იჭა̄̈დიხ. ჩიდ მა̄̈ნკვი
Line of edition: 39 კვეცან ი როგვ ალა̄̈ში მა̈გ. ეჯჲა̈რს ხოშა ლიჰი ხაკუხ. ეჩქანღო უჰუნწვა ლახე
Line of edition: 40 ლიხ, ლეგვია̈ნ ჭϩმნა̈რს აქვთუნე მა̈გ ი ღო -- ლეფტიშვა̈რს. ლიჴნიე̄ლ ქა ისრულ',
Line of edition: 41 ე̄ჩქას ლა̄რა̄ლე ლილცე̄რა̄̈ლის იჩო მა̈გ მა̈რტისგა ი აპრილისგა. ეჩქანღო ლელვინთ
Line of edition: 42 ზექი ლამა̄რას ი ლაქჩას ხა̄რ მა̈გ ი ჟ'ამა̄რე, მა̄̈ ხაკუჩ, ეჯას. მაისისგა ფა̈ტვარე
Page of edition: 132 Line of edition: 1 ლიჴნიე̄ლ ლი. ფა̈ტვს ჲო̄რინ ხაკუ ჟი ლიჭა̄̈დი. ჩიქე ნაჴანვუნღო ი ეჩქანღო ჟი
Line of edition: 2 ნალა̄შუნღო. ლეგვჲა̈ნ ჭϩმნა̈რსი̄ ერხი ფა̈ტვა̈რცახა̈ნ აჴნიხ. მა̈ისი ლიშთხა̄̈ლჟი̄ნ
Line of edition: 3 დაბრე ლიჩო̄რა̄̈ლის ი ლა̄რა̄ლე ლიკვცა̄̈ნის ხაშდბახ. პა̈რპო̄ლდშიე̄რ ბა̈რი ლა̄რა̄̈ლს
Line of edition: 4 ა̈ჭმე მა̈გ ი ახანახა ლი. ბა̈რი ლა̄რა̄ლე ლიჭმე ქა იზგϩრ', ე̄ჩქას ჭემს ქორთე ჴიდე Добавлено (2007-06-18, 6:45 Pm)
---------------------------------------------
: 5 მა̈გ ი ზურალა̄̈რ დაბა̈რს აჟგϩნეხ. გვირკისგა ლახვა̄̈ ლიჭმა̄̈ლ იბნი ი ეჩხა̄ვ ესღრი
Line of edition: 6 მა̈გ ლა̈ჭმათე. ბარი ლა̄რა̄̈ლ ესვა̄̈ჲ მო̄მ ხუღვეხ, ეჯჲა̈რს ლახვხა̈ნ გარ ახღვეხ ჭემ ი
Line of edition: 7 მასა̈რდ ჭირ ხა̄რხ ღალ, ეჯღ' ე̄რე ლიჭმა̄̈ლ, ლითჲე̄ლ ი ლიკლა̈ვჲე̄ლ -- მა̈გ ჩუ ლϩნჩϩდე
Line of edition: 8 ხა̄რხ აშხვჟი̄ნ. ნაკლაუნღო ნა̈ბოზს ჟ'ა̈ჲიხ ლახვთე ჴანა̈რს. მე̄რმა ლადა̈ღ
Line of edition: 9 სა̈ვს ჟი ილჯენიხ ი ა̈გითე ჴიდეხ. ეჩქანღო მϩღა̈ვს ჴიდეხ დაბხა̈ნ, აშხვ კალვს ჩვაკლა̈ვიხ
Line of edition: 10 ი ეჩქანღო ნა̈ბოზთე ლახვთე̄დ ესყახ ჴანა̈რ ჭამთე. ლიჭმა̄̈ლუნღო ლითჲე̄ლ
Line of edition: 11 ლი ი ლიკლა̈ვჲე̄ლ. ალა ქ'ა̄ჰე̄სგი ენკანობა̈ თვე̄მი ლიშთხა̄̈ლდ ი ხოშა ქახი̄ნ. ღვეშგმე
Line of edition: 12 პილს ფა̈ტვა̈რს ითი მა̈გ ი ეჯას ჩვამϩნთა̈ჟი. ზურალა̄რე გვეშ ლი ლიბა̄ბე, ლი ცხრϩლი,
Line of edition: 13 ლიკვდე̄ლი, ლიშყვდი ი ლილფრე, ეჩქანღო ლეგოჰდ ჟი ლიმა̄რე. მუჟღვერ
Line of edition: 14 მა̄̈ჭვა̈რია̄ქ ლიხ ლეჰუნწი ი ეჩქანღო ჩუ ლეჴნი. ეჯჲარე ნაჴანუნღო ზექი
Line of edition: 15 ლიჴდეს იბნე მა̈გ ი ლელვინთ ზაქვ სგა იჴდე მა̈გ ქორთე, ერხი მუჟღვერ ი ერხი
Line of edition: 16 ლვინთისგა. ქრისდე̄ თვეისგა ლვინთ ლი, ი მუს ლახე მასა̈რდ ხა̄̈ზ, ლიჰუნწის იბნე
Line of edition: 17 მა̈გ დაბა̈რთე. მა̄̈ნკვი ზავლადღი ნაზორ ჰა̈ნწს ა̈ჲი მა̈გ ლამϩნგარა̈ლხა̈ნქა
Line of edition: 18 (\\ ლამϩნგარა̈რხა̈ნქა). ჰა̈ნწს ეჩი̄ზუმ ლუგვენ ხა̄̈ზ შვა̈ნისგ', ე̄რე ჲარვ ზავ ლენე̄სგϩრიდ
Line of edition: 19 ხაჰვდი მა̈გ და̈ბს ჩუ მუ̄ჰუ̄ნწვის. Line of edition: 20 ლილგუჰე̄რის მუჟღვერ ი ლვინთისგა იჩომ მა̈გ, ოდე ლϩცა̈რ ჟი დო იკვრემიხ
Line of edition: 21 ი მა̄̈ჲ ესამა ლეგვეჰ შუნ ხუღვე ქა ლეხა̈მთექა, ჩი̄ აშხვჟი̄ნ იგვეჰ მა̈გ ი კიბდონა̈რისგა
Line of edition: 22 ჟი იშხვნიხ გომა̈რისგა. ქუნე გვეშ ი სა̈ხ, ესვა̄̈ჲ ხოწივ ი ქვერწლა̈რ, ალჲა̈რ,
Line of edition: 23 ხოშა ლაღა̈ლს მა̈გ მუჟღვრეში̄ერ იჩვმინიხ. ქრისდე̄ თვეისგა ი ქვა̈ხი̄სგა ხოშა
Line of edition: 24 ლაღა̈ლ მა̈გ ა̈ზქი ი ზექ ახღვე ქორთე. ლა̈ქვიშ ლახე ლი, ქვიშაჲ ჴიდე მა̈გ,
Line of edition: 25 ესვა̄ჲ ხაწϩხ. ლეჩფϩ̄რა̄̈ლი ესვა̄̈ჲ ხა̄რ ქვილϩმგენა̄̈ლ, ეჯას ქრისდე̄ში თვეჩიქდ ა̈ბრაჲა̈ლი
Line of edition: 26 მა̈გ ლა̈ჩფათე. აშთქა ფირვი ნა̈ჩვფი̄რ ღუნ ლი, ჴა̈ნი ნაკϩნჩხიე̄რ -- აშხვ ზავ
Line of edition: 27 ჲარვ ქვილϩმგენე̄მი ლიჩფე. Line of edition: 28 ამჟი̄ნ ხაშდბა ზავა̈შ ი ზავა̈ ნე̄სგა მუშვა̈ნ. ლახე ტარესვ ხოჴდენი, ზა̈ნთე ღϩრი
Line of edition: 29 ლა̈ქმათე ი ეჩხა̈ნ ნა̈ქიმ ახღვე. Line of edition: 30
მესტია Добавлено (2007-06-18, 6:45 Pm)
---------------------------------------------
154. ლაღობ ი ნიჩა ლი̄ზნა̈ნი Line of edition: 32 ლაღობ ფიშირს ხო̄გ შვა̈ნისგა, მარე აშხვ ღვებხა̈ნქა ხვა̈ჲ თვი მა̄მ ხეკი̄დი, ეჯღ'
Line of edition: 33 ე̄რე უსგვა̄მ დოშდულმახაისგა მე̄რა̈რს ლამშია მა̄მ ხა̄რხ ი თვის გარ იზბიხ ეჯჲა̈რ.
Line of edition: 34 ეჩϩნქა ღვებ მა̄მ ლი ძღϩდ ი ხვა̈ჲ ფარა̈ ლადა̄̈სგ მა̄მ ხა̄რ. Line of edition: 35 შვანა̈რს ხოხახ, ერე ლაღობ ჯგϩრა̄̈გ ლენჩა̄̈ში ნასყა̈ვ ლი ლენჩაისგა.
Line of edition: 36 აშხვჟი̄ნ ესნა̈რ დიდა̈ბი ლეჴედ ჯგϩრა̄̈გ შუკვს ესღრი გველჲაშა̈პ ლა̈დრა̄ლთე
Line of edition: 37 ა̈თჴა̈დϩ̄ნ ცხეკთე ი ამეჩუ̄ნ შუკვ ჩვა̈თქარვა̄̈ნ ი ქა დე̄მთე მოშ ხეხო̄ლი. სიპ
Line of edition: 38 ამჟი̄ნ ლენჩაისგა, სიპ ი თხვიმს ი შუკვს ი ზϩზს დე̄მთე მოშ ისყე̄ნე. ცხეკთე̄'სგა
Line of edition: 39 ნა̈პო̄ლი დე̄მხა̄ნ ანღრ', ა̄ვე ეჯას ლა̈ხჭვედდა ი შუკვ ქა ლახთო̄ნე იმთვა̄ლე.
Line of edition: 40 ხა̄რ ამჟი̄ნ ესნა̈რ ვისჲა̈შ ი ხოლა მიჰმა̈ნ ი ძღϩდ ვიბთე̄სგა აშყა̈დ. ჩუ
Line of edition: 41 ლიმბოზედ ი ამე̄'სგა ლისედდ ლახყალვი̄ნდა ი ჩ'ოხქა̈ხ ჩა̄ჟვ. ჩა̄̈ჟ ლაჩა̈ხვს
Page of edition: 133 Line of edition: 1 ლახფიშვდ ი ჯა ხოშა̄მ კϩლთხი მეგა̈მთეჟი̄ნ აჩა̈დ ესნა̈რ, "ამხა̈ნქა ესერ ჰე̄მთე
Line of edition: 2 მოშ ესწვე̄ნი შუკვს". ისგთეჟი̄ნ მეჩდე ლი ი ამჟი̄ნ მეგა̈მხა̈ნქა ეშხუ მე̄რილდ
Line of edition: 3 ამპა̈რ ი ჯგϩრა̄̈გს ტოტჟი̄ნ ესა̄გა̈ნ. ჯგϩრა̄̈გდ ტვეტ ადქუთნე, ალა მე̄რდ ა̈დსისტკე
Line of edition: 4 ი ა̈თჴა̈ფ ესნა̈რ ტოტჟი̄ნ. ჯგϩრა̄̈გს ოხვსტვი̄ნდა ი ტვეტს ლიკვთხუნე ლოხვბინე.
Line of edition: 5 მე̄რ ქ'ა̄პა̈რ. ამის ჯგϩრა̄̈გდ გვი ლახვე̄მ ა, იმვა̄̈ჲ ფა̈ყთე მე̄რ აპა̈რ ი რა̄̈ქვ: "ჯა̄ვ ესერ
Line of edition: 6 ლϩჭა̈თ ლი, ამი̄ ნა̄ზვს მო̄დ ა̈თჭემს ა', იმვა̄̈ჲთე მე̄რ ა̈მპერე̄ლი". ათხე სერ ჩვანჴა̈დ
Line of edition: 7 მეგა̈მხა̈ნჩუნ, ჟი ლახსგურდა ჩა̈ჟს ი აჩა̈დ ეჯ ფოყხა̈ნ ე, ხედვა̈ჲხა̈ნ მე̄რ აპა̈რ. ესღრი,
Line of edition: 8 ესღრი ი წეს შუკვთე̄'სგა ლა̈ხჴა̈დϩნ. ალა მასა̈რდ ათხი̄დϩნ. ესსგი̄დრა̄ლე ი
Line of edition: 9 ალ მე̄რო̄ლ ა, ხედვა̄̈ჲ მიჩ ა̈თჴა̈ფ, ესნა̈რ შუკვე პილს მეგმა̈ აშხალჟი̄ნ ხა̄გ. ეჩქას
Line of edition: 10 ჯგϩრა̄̈გდ ჟ'ა̈ნირმ ალ მე̄რ, ბეყვი̄ლ ანსყე ი სგ'ა̄დგენე ამხა̄ვთე̄'სგა ალ მე̄რ ი ხა̄̈ქვ:
Line of edition: 11 "ჯ'ე̄სერ ღერთა̈ ნა̈მზურუ ლი ამუნღო ი ამსვა̄ლდა̈შ ი ღერთა̈ ლა̈სϩრგებდუ ხაყა".
Line of edition: 12 ეჩქანღონ გარ ალბინელი ლაღობ. Line of edition: 13 შვა̈ნისგა ლაღობ ესვა̄̈ჲ ხო̄გ, ეჯჲა̈რ მეკვშდა კუდურს ისგდ ბიჴვეხ, ეჩას სგა̄̈ნჩუ̄ნ
Line of edition: 14 გვიგვს ჟი ხოკედხ, დϩთხელ ბეჰა̈რს გარ ცვირეხ ი ეჩხა̈ნ-ამხა̈ნ ნაქვცუ̄რქა კურივდ
Line of edition: 15 ცვირეხ სამ ღეთ ფხულე̄მი ნამშარა. Line of edition: 16 ლახე ღვებ ქა ირშგინე, ეჩქას ნარა̈შგვს ამხა̄ვთე̄'სგა სგ'ა̄ფთხϩნეხ, სგვებნა̄ვ
Line of edition: 17 ჟიბე ბეჰს წაქვშ ი ჲედ შველშვ ჩვაბფხϩნა̄̈ლიხ. ლა̈რშგინაჟი̄ნ ასტამს ი ჲედ
Line of edition: 18 ბერჟა̈ იშგან სკϩ̄ლა̈ჲ ნა̈ქვიცს არსკϩნეხ. თვის შვა̈ნისგა ლიმϩრჲე ლადა̈ღ ი ლივჭმა̄̈ლჲერ
Line of edition: 19 გარ ხოკედხ. მუჟღვერ სგა ჲϩგა̄̈ლიხ ყვედი ი ტებდი სადგვემთე̄'სგა ი
Line of edition: 20 ეჩე̄სგა ხო̄გხ ხარა̈ბლადაღვ. ალა ლი ლუფხვს ი ეჯ ლადაღ ქა ჲϩგა̄̈ლიხ, ლახე ხოჩა
Line of edition: 21 ტარო̈ს ლი, ლახ ტებდი ლი ი სურუ მϩცხი მო̄დ ხა̄რს ღვები̄ლა̈რს.
Line of edition: 22 ხარა̈ბ ხეხო̄ლ 25 მა̈რტს ჯვინელ შელდჟი. Line of edition: 23
ლენჯა̄̈რ Добавлено (2007-06-18, 6:45 Pm)
---------------------------------------------
155. სა̈ვა̈ ლიწϩრხე Line of edition: 25 სა̈ვი (\\ სა̈ვა̈) ლისყე̄ნე ლახე ჲა̈ს ხაკუჩ, ეჩქას მა̄რე ქა ღϩრი ცხეკთე ი ეჩე
Line of edition: 26 ჟი იჭი̄რხი ოშვა̄̈ჲდ ხაკუჩ, ეჩშელდ სა̈ვა̈ ჭიშხს. ამნა̈რდ მაჩე̄ნე ღუმრა̈ ჭϩშხა̈რ ლიხ,
Line of edition: 27 ეჯღ' ე̄რე მაშე̄ნა̄მ გეჭნიხ, ალჲა̈რ ლახე დო̄სა წვახ, ეჩქას ჟაჴვრა̈შ ი ცხვიმრა̄̈
Line of edition: 28 ჭϩშხა̈რს იკდϩ̄რეხ, მარე ეჯჲა̈რ ხონგვმაჲ ლიხ ი ხოხვრა̄მი გეჭნიხ. ალ ჭϩშხა̈რს
Line of edition: 29 ა̈გითე ჴიდე მა̄რე, ეჯ ლადა̈ღ თხუმა̈რს ქა ხოსყა̄̈ლი ხოჩა̄მდ ი ეჩქანღო მახა ტებდი
Line of edition: 30 ჰა̈ნწს ხაცვმენი, ეჯღ' ე̄რე ჭϩშხა̈რ ჩუ იფრიხ, ეჩქას თხუმა̄̈რ სგვებინხა̈ნისგა ჩუ
Line of edition: 31 ნომ' ა̄̈დცხირა̄ლე̄ნხ, ადო ეჩქას ჭიშხ ჩუ ცელნი ი მა̄მ ხაყა. ამϩნქ' ა̄ჯაღ უღვა̄̈
Line of edition: 32 ლასვა̈მს ჩუ ხოფტეხ ი ამჟი̄ნ ჟი ხა̈ჭდეხ, თხუმა̈რს ჟიბა̄ვ ხა̈ჩომ, ეჩჟი̄ნ.
Line of edition: 33 ჭϩშხა̈რს ლესყე̄ნად მა̄მ ხაყახ, ოდე ჩუ დო იფრიხ. შომვა̄̈ჲ ჭϩშხა̈რ ლϩმა̄რე
Line of edition: 34 ლიხ ლესყე̄ნად, ეჩქას მა̄რე ოსპრა̈რს ატა̄ბა̄̈ლი. ოსპრა̈რ ჟაჴვრა̈შ ლიხ ხოშა ლაღა̈ლ,
Line of edition: 35 მა̄დეჲ ცხვიმრა̄̈შ. ალ ოსპრა̈რ ნაჯვდან ო̄შთხვ-ოხვიშდ კამვინ ლიხ. ეჩხა̈ნ-ამხა̈ნ
Line of edition: 36 ჩუ ხოფტϩ̄რეხ ეჩზუმს, ერე ფა̈კვნა̈რ ჟი ხასკი̄დხ. ეჩქანღო ფა̈კვნა̈რს ატა̄ბეხ.
Line of edition: 37 ალჲა̈რ ნაჯვდან კამინდ ხოშა ზϩმშვ გარ ლიხ, ისგϩნჟი̄ნ ჟი ლϩტა̄ბე ლიხ, ეჩჟი̄ნ ერე
Line of edition: 38 ოსპერ ჟ'ესხეტს ი სა̈ვთეჩუ̄ნ სემი ი ო̄შთხვ ფხულე ხო̄ზდე̄დს.
Line of edition: 39 სა̈ვს სემი ოსპერ, უსგვა ფა̈კვნა ი ეშხუ უ̄ღვა ხაკუჩ. ალ უ̄ღვას, ოსპრა̈რს
Line of edition: 40 ი ფა̈კვნა̈რს ჟ'ამა̄რე, ეჩქას მახა გოგლა̈ნდიშ ი იედ ცხვიმრა̄̈ წირხა̈რჲა̄ქს კვა̈დლა̈რს
Line of edition: 41 ჴიდე. ეჩქანღო სა̈ვს უ̄ღვას ხოსგვრე ჭϩშხა̈რს ეჩხა̈ნ-ამხა̈ნ ამხა̈ნჟი ჭიშხი შელდჟი̄ნ
Page of edition: 134 Line of edition: 1 ფა̈კვნა̄̈ ლასგვრას სიფრითშვ, ჲედ ასალშვ ჟი ხოფტე, ჭიშხს ისგთეჩუ̄ნ, ოსპრიშ
Line of edition: 2 ი ოსპრი უშხვა̄რ ნე̄სგაჟი̄ნ ქა ლა̈ცქფუშ ჲარვ ა̈გის უშხუდ ჟი ხოფტე ხოხვრა̄მ სიფვრითილშვ
Line of edition: 3 ნეწთხარე ლა̈ყრას. ეჩϩნქა სა̈ვა̈ ჭϩშხრე კაცხა̈რჟი̄ნ ჩიქე ჩუქვა̄ნჟი
Line of edition: 4 ისგმუყვ ჟი ხოჭი̄რხი კა̄დოშ ი ეჩქანღო ჩუ ხოფტϩ̄რე თხუმმუყვ. სა̈ვს უ̄ღვას სგა
Line of edition: 5 ხოსგვრეხ, ეჩქანღო ფა̈კვნა̈რს ხოსვა̈ლიხ. ალჲა̈რს ოსპრა̈რს ჟი ხოსგვრეხ, ეჩქანღო
Line of edition: 6 ჩიქე აშხვ ჭიშხი ჰოკერხა̈ნ ი̄ყიხ ჲარვ წირხს. ალჲა̈რს ჟი ხაგვრუზი̄ხ, ოსპრა̈რ
Line of edition: 7 ჟიქა̄ნ ჟი მასა̈რ ფაკვნა̈რჟი ჟი ხაჭშხეხ ი უღვა̄̈ ფე̄დის მეფტაქა ჟი ი̄ყიხ კაცხა̈რს
Line of edition: 8 ი ჟი ხაწϩრხეხ მეგჭად. ოსპრიშ ი ოსპრი უშხვა̄რ ნე̄სგაჩუ̄ნ ნა̈წϩრხუნს ჩუ ხოჯვი̄რიხ
Line of edition: 9 ეჩჟი̄ნ, ერე სა̈ვს ჟი ხეთლენი ი ნეწითხვშ ჟი ხა̈ნგჭვეხ. ამჟი̄ნ ქა იხრესიხ ეჩხა̈ნ-
Line of edition: 10 ამხა̈ნ ჭϩშხა̈რს ი სერ სა̈ვ ლϩმა̄რე ლი. Line of edition: 11 ამუნღო სა̈ვს მა̈რჴლა̈რე ლიბემ გარ ხაკუჩ, მა̈რჴლა̈რს ხოშა̄მ ლაღა̈ლს ჯიჰრა̄̈შს
Line of edition: 12 იჩოხ მეგჭაღა. Line of edition: 13
ლენჯა̄̈რ |
| |
| | |
|
Мужчина |
Date: Понедельник, 2007-06-18, 6:46 PM | Message # 41 |
|
Group: Модераторы
Posts: 990
Status:Offline
Дата регистрации:
2006-08-29 |
156. ლიჰრა̈ყი შვა̈ნისგა Line of edition: 15 შვა̈ნისგა ლიჰრა̈ყის მასა̈რდ ჭირ ხაკუჩ, მარე ხინი მასა̈რდ ხეფსი, ეჯღ' ე̄რე
Line of edition: 16 შვა̈ნისგა ღϩნს, ჰა̈მურს, ჭირს, ხინს, შგვირი ლიმშგვა̄ნეს ი იშგან ჰარყურ ჩქიმ
Line of edition: 17 მა̄მ ხა̄გ. Line of edition: 18 ლეჰრა̈ყიდ ჟი ამა̈რგ: კვეცენ, ჭϩმინ, სიმინდ, ქართობილ, ცინყა ი გა̈ნჭვ.
Line of edition: 19 გა̈ნჭვს ი ცინყას მა̄მ ხაკუხ ხვა̈ჲ ში ლაჰრა̈ყიჟი, მარე ნამში ლიჰრა̈ყი ხოშა გარჯ ლი.
Line of edition: 20 ჩიქე ლევრა̈შის იგვეჰხ. სალა̈ტია̄ქ ითქს სგვებნავ ჩვარშტϩნეხ ხოშა̄მ შედისგა.
Line of edition: 21 ითქ ჩუ ირშტϩნი, ეჩქას ღობა̈რთე იტხეხ ი ეჩე̄'სგა მეფხაჟდ ჩუ დე̄სგიხ. ღობა̈რისგა
Line of edition: 22 ფიშრა̄მინ ხაკუ სალა̈ტს ლიჟრა̄̈ლი. Line of edition: 23 შომვა̄̈ჲ სალა̈ტ ჭიჭკვს ქა ჴიდე, ეჩქას სერ ბიზ ხა̄რ ლისლა̈ტი ი ჟი იკედხ ღობა̈რხა̈ნჟი,
Line of edition: 24 ქ'ა̄ჲე̄სგიხ ლა̈ფრათე დე̄ფა̈ნთე ი ეჩეჟი̄ნ ჩვაბძღϩნეხ, ეჯღ' ე̄რე უშხვა̈რ
Line of edition: 25 ხა̈ჯϩნჯიხა სალა̈ტ. ჩუ ლϩბძღϩნანღო ქა ხო̄დე̄სგიხ მიჟს ზავლადა̈ღ ი ეჩნოვშ აფრეხ.
Line of edition: 26 ლინთვისგა შგილა̈რჟი დე̄სგიხ ი ეჩჲა̈რჟი̄ნ აფრეხ. ჩუ ლϩფრანღო ქა იგვეჰხ
Line of edition: 27 ი სალა̈ტ ლϩმა̄რე ლი. ლევრა̄̈შია̄ქ ფექხა̈ნქა მა̄̈ნკვი საფვა̈რს ა̈გნეხ ო̄შთხვ-ოხვიშდ
Line of edition: 28 ლადა̈ღისგა, მა̄დეჲ -- ნაგზაჲ. საფვა̈რ გუნ ჟი ტეხნი, ეჩქას ალ საფვა̈რს ნეღართე̄'სგ'
Line of edition: 29 ა̄ჰრეხ, ეჩხა̄ვ ფექს შიდეხ, მა̈ზუმვა̄̈ჲ ხეღვე̄ნიხ ლევრა̄̈ში, ეჯას ტებდი ლიცს
Line of edition: 30 ხა̈ბდეხ ი ჟი̄შხოვშ ჟ'ა̈ნჩϩდი̄ნეხ მასა̈რდ, ჩუ ცვირეხ ეჩი̄ზუმ დϩთხალდ, მა̈ზუმვა̄̈ჲ
Line of edition: 31 ხაკა̈ფ მϩჰრა̈ყის. ამის ხაჟხა ლიბქვე. Line of edition: 32 ლაბქვა ჟ'ი̄ფვი̄ნი ი მასა̈რდ ჟი ტეხნი, ეჩქას ჟ'აჯა̈ბხ ამჟი̄ნ ა: სგვებნავ ფათქს
Line of edition: 33 ასყე̄ნეხ. ეჩის ჟიქა̄ნქა მეგრა ზექა̈რს ხაბო̄გებ. ეჩეჟი̄ნ ბაჩა̈რს ხადე̄სგიხ, მა̈ზუმვა̄̈ჲ
Line of edition: 34 სა̈ჭირო ი̄რა. ალ ბაჩა̈რს ორა̄̈ში ლაჯბა̈ ბაჩა̈რს ხაყლეხ. ეჩქანღო ლემასგვ ხო̄შვეხ
Line of edition: 35 ჩუქვა̄ნისგა, ჟიქა̄ნ ბაჩა̈რჟი̄ნ ნათა̈რს ხა̈შდეხ. ბაჩა̈რ გუნ ჩუ იქϩნთრინიხ, ეჩჟ'
Line of edition: 36 ე̄რე ჩუ იწრა̈ნიხ, ეჩქას ალ ბაჩა̈რს წირხარშვ ჟი იკედხ თვითო̄ლაჟი̄ნ ი ლაბქვა̄̈
Line of edition: 37 ნეღართე̄'სგა სგა შიდეხ. ალ ბაჩა̈რხა̈ნქა ნეღარისგა ორა̄̈შ ეჩჟი̄ნ ჟი იფვი̄ნი, ნაპϩრწკელს
Line of edition: 38 ეშ აჰრე ჟიბა̄ვ. Line of edition: 39 ალ ბაჩა̈რს ჩი̄ სგა შიდეხ, ეჩქა ნეღარს ჩვალფა̈რიხ ყა̄რარშვ ი ნეღარ ფუვე,
Line of edition: 40 თქურფნი ი ხა̄რ მიჰმა̈ნ. შომვა̈ჲ ალ მϩჯა̈ბ ორა̄̈შ ჩუ იცხა̄̈ნი გუნ, ეჩქას ჩიქე ქაქს
Line of edition: 41 იკედხ ჟი შედთე, ეჩქანღო ბაჩა̈რს იკედხ ი თვითო̄ლაჟი̄ნ შედთე̄'სგა სგ'ა̄შყვდიე̄ლიხ,
Line of edition: 42 ერე ორა̄̈შ ნომ ლა̈ხსეხ ბაჩა̈რს. ეჩქანღო ალ ბაჩრე ნაშყოდს ი ქაქს სგა̄დ
Page of edition: 135 Line of edition: 1 ტიხეხ ნეღართე, ლიცს ხა̈გვშეხ ტებდის ი ქაქს ჩუ რიწვეხ. ეჩზუმ სგელდ გარ ცვირეხ
Line of edition: 2 ეм, მა̈ზუმვა̄̈ჲ შვიმდ ლი. ეჩქანღო აშხვ კარვა სალა̈ტს ხა̈შდეხ. ჲარვ ლადა̈ღისგა
Line of edition: 3 ჟი იფვი̄ნი ორა̄̈შ, ეჩქანღო ნეც-ნეცინდ აშ გარ ხა̈შდეხ სალა̈ტს ი ამის სგა
Line of edition: 4 ხანწϩ̄რეხ, ეჩქას ხა̈ხვიე̄სგიხ ლაფვას, ოდე ჩუ დო ქვიცე ლიფვეს ი ჩუ დო ჴეჩნი.
Line of edition: 5 ათხენღო სერ ლაჰრა̈ყია̈შ ლი. Line of edition: 6 ლაჰრა̈ყ ზექ სგვებნავ ჟი ლϩმა̄რე ხა̄რ მეზგა. ზექ ხაკუჩ ერე ერხვ, ჲედ გϩგიბ
Line of edition: 7 ი მა̄დეჲ ბალყა̈ჩ ი ბაგვრა ლესვ. წიფრას, ცხვიმრას ი ჯიჰრას სურუ ლϩჴმა̈შ
Line of edition: 8 ლემესგ ხა̈მთქვა ი ცხვადვს ხოლა ხა̄რ, ჩუ ჴიჩე. Line of edition: 9 შომვა̄̈ჲ ორა̄̈შ ლაჰრა̈ყია̈შ ლი, ეჩქას ჟ'აკა̄ზმეხ ლაჰრა̈ყს: ჩიქე ცხვადს ხაგემხ,
Line of edition: 10 ეჩქანღო გა̈ნხა̈ნ გვებილდს ხაგემხ. გვებილდს ნე̄სგაქა თვეფილდ ხოსგურ ჩეი̄შ.
Line of edition: 11 ეჩექა ჴედნი ჰარა̈ყ. გვებილდთე̄'სგა ლიცსი ხა̄რ ლაჴა̈დ თვეფილდა̈ მუნქვე̄რად,
Line of edition: 12 ლინთეისგა ლათოფთე̄'სგა კვარემს დე̄სგიხ ლიცი მϩქაფ ლათვფა̈ სტვი̄რი მუქვე̄ლად.
Line of edition: 13 ეჩუნღო სგა ხო̄შვეხ ლემასგვ, შომვა̄̈ჲ ცხვადთე̄'სგა ვორა̄̈შ სგა ლუგვშე ლი
Line of edition: 14 ი ჟ'ა̈ფუ̄ნეხ. შომვა̄̈ჲ ორა̄̈შ ჟი ლუფუ̄ნე ლი, ეჩქას ცხვადვს ლაფრის ხაგემხ, ლაფრი̄
Line of edition: 15 მეჴა̈რს თვეფილდთე̄'სგა ხოსგვრეხ ი ჟი ალწიხ ტϩტშვ. ამჩიქქა ლემასგვ ქა
Line of edition: 16 შა̄ლ ხოდგეხ ცხვადვს მა̄̈ნკვ', ე̄ჯღ'ე̄რე ორა̄̈შდ ჟი დო̄სა ანტიხვნას (ვორა̄̈შ დო̄სა
Line of edition: 17 ახნა̈ჩდას სტვი̄რქა სტამა̄ნთე̄'სგა). Line of edition: 18 მა̄̈ნკვი̄ ნაჴა̈დვ კათხს სოლმა̈ კათხ ხაჟხა. ეჯას ჟი ხა̈მზϩრიხ ცხვადვა̈ თხუმჟი̄ნ
Line of edition: 19 სოლომნს. ამჩიქქა ერხის ჩუ ბიდეხ ცხვადვა̈ ლაფრიჟი̄ნ ი ჟი ხა̈ბდინეხ, ეჩქანღო
Line of edition: 20 შედდ სტამა̄ნს ხოხლი̄ნეხ ი მა̈ზუმვა̄̈ჲ ჲა̈ს ხეკვდენი, ეჯზუმს ა̈ნხინნე ცხვადვხა̈ნქა. Line of edition: 21
ლენჯა̄̈რ Добавлено (2007-06-18, 6:46 Pm)
---------------------------------------------
157. საპვნი ლიჩვემ Line of edition: 23 ზურალა̄̈რ საპვენს ლახე იჩოხ, ეჩქას სგვებნავ ტϩტს ინზო̄რეხ მასა̈რდ. ტϩტს
Line of edition: 24 ჩიქე ჩვა̈ჲსვე̄რეხ ი შიხს ქა ხა̈თშიხ, ეჩქანღო კიცო̄რათე̄'სგა სგადე̄სგიხ ი ალ კიცო̄რას
Line of edition: 25 ჟი ხორკინეხ; ეჩი̄ზუმ ჟიხიქ', ე̄რე ჩუქვა̄ნ ჩვეჲნი ლაგა̈მ ხა̄̈ც, ეჩქანღო ჟიქა̄ნჩუ
Line of edition: 26 ტებდი ლიცს ხა̈გვშეხ, ჩუქვა̄ნ ჩვეინ ხოხლა. Line of edition: 27 ლიცს ეჩი̄ზუმს იხუ̄წე ტϩტ, ერე ჩუქვა̄ნთე მა̄̈ნკვი წიქვ-წიქვშ გარ ანღრი ი
Line of edition: 28 ეჩქანღო გარ იბნე ზϩმშვ ლიჴედს ლაჰრა̈ყი მა̄̈ზნაშა̄ლ. ამჟი̄ნ აშგარ ხა̈ქმეხ ლიცს
Line of edition: 29 ი ალა ჩვანღრი ჩვეინთე ლა̈სკვი̄რუშვ. ტϩტი ნა̈ცვრი̄ნ მϩწრან მეშხე ფერიშ ლი.
Line of edition: 30 ამის ხაჟხა ჰერა̈მ. აშხვ კიცო̄რა ტϩტი ლიწვრი̄ნეს ჰამუნღვე̄ ნა̈ბოზდ ხაკუხ. ალ
Line of edition: 31 ჰერა̈მს აშხვ ჩვეინს ქა იხნიხ ი ეჩქანღო ჟი ხაგემხ ლა̈ნკვშდას. ლინკვშდეს ქა̄̈მ
Line of edition: 32 იჩოხ ი ქორს დე̄მა, ეჩი̄ ქვინ, სგა̈ნჩუ̄ნ, ქორისგა მერდა ხოლა ხა̄რ ი სერთხი ლეგმერდე
Line of edition: 33 ლახ ჲა̈რ ა̈რი ქორისგა, ეჯას ლეგდლირდე ჟი ხოკვდე. ეჩϩნქა, ლახე ლიმზირი
Line of edition: 34 ხა̄რ მეზგა მეკვშდა ხა̈ნისგა, ეჩქასი მა̄დ ხაყა ჰერა̈მი ლინკვშდეს ქორისგა.
Line of edition: 35 ურწყულ ხაბჟახ. Line of edition: 36 ჰერა̈მს მა̄̈ნკვი ნეც-ნეცინდ გარ ხოკვი̄ლცხა̄̈ლიხ ი თა̄მა̈შდ გარ ა̈ფვი̄ნეხ, ეჯღ'
Line of edition: 37 ე̄რე გუნ ლუფვი̄ნე ქა̄მენჩუ̄ნ ჴედნი ი ჰერა̈მ ხატკლებხ ჩუ ლეცვდად. ალ ჰერმი
Line of edition: 38 ლინკვშდეს ლე̄თ-ლადა̈ღ ხაკუჩ. ლაფვაისგა აშგარ ჴეჩნი ი ღვეშგმე პილს ჩუ სედნი
Line of edition: 39 სგელ მϩდϩ̄ნგლევი ტϩტ. აშხვ ჩვეინ ჰერა̈მს აშხვ ხოშა̄მ ფაკა̈ნდ ხოშა მა̄მ ხეფსი.
Line of edition: 40 ალ ჩუ ნანკოშდს ი ტϩტდ ლϩსპა ჰერა̈მს მეშხე ფერიშ ხეფსი. ალას სგვებნავ ჩვა̈ჰი̄ჭვიხ
Line of edition: 41 ჩვეინისგა კიზარშვ ი ეჩქანღო ფაკა̈ნთე იტხეხ ი ეჩნუშ აშხვნიხ. ჩუ ლუფკვანღო
Page of edition: 136 Line of edition: 1 ალ ლესპენი ტϩტ ლუფურშგვი̄ნე ლი. ჯვინალდ ი ათხეი̄ ეშხუ ფაკა̈ნ ტϩტ
Line of edition: 2 ფაკნი ხϩნსგა̄მ საპვენდ ხაჯეშ. Line of edition: 3 ეჩქანღო, შომვა̄̈ჲ ჭყა̈ნ ხუღვეხ, ეჩქას ალ ტϩტს ი ჭყა̈ნს სგადე̄სგიხ ჩვეინთე̄'სგა,
Line of edition: 4 ჩვეინს ლემასგვჟი̄ნ ხორკინეხ ი ალჲა̈რ ჟი იფვი̄ნიხ, ეჩქას ჟი იფუ̄ნჩი ი ეჩჟი̄ნ
Line of edition: 5 ფუვე. ზურალა̄̈რ კიზარშვ ა̈ნჩϩდეხ ი ხათერხ, ეჩქას ქა იკედხ ი ფაკნა̈რთე დე̄სგიხ.
Line of edition: 6 ათხე სერ საპვენ ჟი ლუჩვმინ ლი ი იჴმა̈რიხ, იმვა̄̈ჲნა̈რდ ხაკუხ, ეჯნა̈რ. Line of edition: 7
ლენჯა̄̈რ Добавлено (2007-06-18, 6:46 Pm)
---------------------------------------------
158. ჟა̈გიშ ი ფინდხი ლისყე̄ნე შვა̈ნისგა Line of edition: 9 შვანა̈რ ჯვინალდ მინოვშ ისყე̄ნახ ჟა̈გს, მინოვშ ათმახ ტყვის ი ამხა̈ნ ფინდხა̈რს
Line of edition: 10 ისყე̄ნახ. გოგირსი მინეშშვ ითხა̄̈ლდახ ჯვე̄დჲა თანღარჟი̄ნ. თანღა̈რს ქვაბა̈რ
Line of edition: 11 ხა̄დხ ი ეჯ ქვაბა̈რს ჟიქა̄ნ, კϩლთხიხა̈ნჩუ̄ნ, ჟი ხორიკდახ ყვითელ გოგრი დუდუ̄ლა̈რ.
Line of edition: 12 ალჲა̈რს ჟი დეშ ხეჰო̄ლდახ მა̄რა̄̈ლ, მარე თოფა̈რს ხა̈ფშვდახ ი ალჲარშვ ჩუ
Line of edition: 13 შიდახ ალ გოგირჲა̄ქ დუდუ̄ლა̈რს, მა̈ზუმვა̄̈ჲ ხეკვა̈დხ, ეჩი̄ზუმს. ამის ა̈გითე ჴიდახ.
Line of edition: 14 კოკერთე ჭყა̈ნს და̄̈სგდახ, სგა ხა̈ნჩϩდახ ალ გოგრი დუდუ̄ლა̈რს ი აშხუდ ჩვა̈ჰნახ
Line of edition: 15 ლემასგვჟი̄ნ. ამის ქა ხეფსო̄ლდა ტკიც გოგირ. გოგირ ლϩმა̄რე ხა̄დხ.
Line of edition: 16 ჲერხი ლუშნუ ქორა̈რს ჩუქვა̄ნ მე̄სმე სადგვემ ხა̄დხ. ალჲა̈რთე̄'სგა ნარჰას
Line of edition: 17 ზϩმშვ გარ ი მა̈დეჲ ჰა̈დურდ მა̄მ ხა̄დ ლა̈ზ ი მასა̈რდ ლა̈მბ ლა̈სვ. ალ სადგვემისგა
Line of edition: 18 ობა̈შინ ზავლადა̈ღ ლეღვა̈რს იშხვინდახ ი ხოშა ლაღა̈ლ ნარმა̄ლვარე ლა̈ჭბიდა̄̈ნ
Line of edition: 19 ხა̄დხ. Line of edition: 20 ალ სადგვემ ჟიბა̄ვ ი ჭვა̈დვა̈რთე თვეთნა̄მ ბიჰვს იდა̄̈სგდა. ამის ჟი ინზო̄რახ,
Line of edition: 21 ჩვეინთე და̄̈სგდახ, ლიცს ხა̈ქმახ ი ჩვა̈წვრი̄ნახ. ეჩქანღო ლემასგვჟი ლინკვშდეს
Line of edition: 22 ხობნახ ი გუნ ჩვა̈ნკვშდახ. ჩუ ლუნკვშდანღო ჩვეინს ჟიქა̄ნქა ნა̈ჴჩულვა̈რს ხაბო̄გახ
Line of edition: 23 ჲარვ ი სამ ფად, ჟიქა̄ნ ძაძრას ხალფა̈რდახ ი ჩუ ცვირახ. მე̄რმა ლადა̈ღ ალ
Line of edition: 24 ნა̈ჴჩულვა̈რს ჟი ხეფო̄ნთა̄̈ნხ ჟა̈გია̄ქ გვა̈რჯილა̈ჲ ნა̈ფცხულა̈რ. ამის ჟი იყვბახ ი შედთე
Line of edition: 25 და̄̈სგდახ. ეჩქანღო ჰადრა̄̈ შიხს იშიხდახ. ალ შიხს, გვა̈რჯილა̈ჲს ი გოგირს ჩვა̈ნჩϩდახ
Line of edition: 26 ი მა̄̈ნკვი ბა̈ჩა̈ ლაყლა̄̈რთე და̄̈სგდახ ი ამე̄'სგა ჟი იყა̈ლდახ. ეჩანღო ზექი ლაყლა̄̈რთე
Line of edition: 27 იტხახ. ლაყლა̄̈რს გურნა̄̈ჲ ზექიშ ხუღვა̄̈ნდა. ამე̄'სგა ხობნახ ლიყა̈ლს ი მა̄დხვა̈ჲ
Line of edition: 28 ლიცსი ხა̄̈ქმახ. ამე̄'სგა ლიყა̈ლს ჟი ხათა̈რდახ, ეჩქას ქა ლϩსპა ზუჰე̄რაჟი̄ნ
Line of edition: 29 და̄̈სგდახ, წერაქვშ ლიცს ხაბფხϩნახ ი ა̈სპუნახ ეჩქად ეм, ოდე ჟი დო იკუნკვილო̄ლდა
Line of edition: 30 ჟა̈გ. ათხე სერ ჩუ ხეყა̄̈დ ლეჴმა̈რიდ. Line of edition: 31 ჲერხის ლახვა̈რისგა ტყვი̄მი ლაკა̈დი ხოცხϩნდახ, მარე ამის ქა და̄̈ს ხოკვშენდახ
Line of edition: 32 ი მინს გარ ხუღვა̄̈ნხ. Line of edition: 33 ტყვის, ჯვიდს ი ნაცმუნს ჩვა̈ჰნახ კოკერისგა ი სგ'ა̄̈გვშახ კალპეტვთე, ეჩქანღო
Line of edition: 34 ეჩხა̈ნქა ქა იტხახ, ჩვაცხა̄ნახ, ჭϩშხა̈რს ქა ხაჭკვრახ ი ეჩქანღო ხაზრა̈რჟი̄ნ ხაცყე̄რახ. Line of edition: 35
ლენჯა̄̈რ Добавлено (2007-06-18, 6:46 Pm)
---------------------------------------------
159. ჯვინელ ბა̄̈ლრე ლისყი ი ლიმϩნჩხრინე Line of edition: 37 ჯვინელ მϩშკდა̈რს, ჯვინალდ, აშხვჩიქქა ათხე̄ გუვა̈რდ მა̄მ ხა̄დხ ლϩდა̄წყე
Line of edition: 38 ლა̈შკდა̈შ ი მიჩა მაჴმარა. ბა̄̈ლა̈რ დაჴლა̈ ტუფვარე გუდრა̄̈ლხა̈ნქა ხა̄დხ მϩსყე.
Line of edition: 39 ალჲა̈რს ამჟი̄ნ ასყე̄ნახ ა: დაჴϩლს ტუფს მურგვალდ ხა̈ტმახ ქა ი ეჩჟი̄ნ, ერე კინჩხ
Line of edition: 40 ჩუ უცვი̄ბად სედენდა, თხვიმს ჩუბავ ხა̈ჩომდახ ლატფუ̄რაჟი̄ნ ი ვეშგიმხა̈ნ იბნახ. ლიტფუ̄რეს.
Line of edition: 41 ამის ა, ტუფს, ქა ხა̈შყვჟახ, ეჩქას მა̄̈ნკვი ჩალშვ აყუ̄ბახ ქა ალ ტუფს ი ეჩჟი̄ნ
Page of edition: 137 Line of edition: 1 ჩვაფრახ. ეჩქანღო ჩუ იკა̈დდახ ი ზϩმშვ ჩვა̈ჰი̄ჭვდახ. სგვებნავ სამ ზექი კამრა̈ჲს
Line of edition: 2 ჟ'ამურგვა̈ლდახ ი სგა ხაყუ̄ბახ გუდრათე̄'სგა ჩუ მეყვლად, ეჩϩნქა აჯაღ
Line of edition: 3 ფიცა̈რს ამურგვა̈ლდახ ეჩი̄ზუმდ, ერე ტუფი ღვეშგიმხა̈ნი ხა̄რე̄ნს. ალ მურგვა̈ლ
Line of edition: 4 ფიცა̈რს გარვს ხაყლახ ი გϩრკიდ ქა̄მენქა ჩია̄̈გ სგა ლϩჭი̄რხ ხა̄დ. ნე̄სგაისგა ჩუ ხოფტახ,
Line of edition: 5 ეჩის სგა̈ნჩუ̄ნ სგელ მა̈შრი გვერე̄მი ნა̈ქვიცს ხორკინახ ეჩჟი̄ნ, ერე ლუმქუთვნა̈ლვნ ეს,
Line of edition: 6 ამის სგა ხოსგვრახ ტუფს, სგა ხა̈ნგვჭახ ნა̈უნშვ, სგა ლϩჭი̄რხ გარვს
Line of edition: 7 ქა ხა̈ყვფახ ტუფს, სგა ლუკვა̈რ ხა̄დ გარვ ეჩჟი̄ნ ი ქა̄მენქა ნა̈უნს ხოთლახ, ეჩქანღო
Line of edition: 8 სერ ჩუ ლϩნგჭვე ლა̈სვ. Line of edition: 9 კინჩხი ა̈დგილისგა ვერი სტვი̄რს ხოსგვრახ ი ეჩის სგა ხა̈ნგვჭახ ნა̈უნშვ.
Line of edition: 10 ათხე სერ ბა̄̈ლ ჟი მϩსყე ლა̈სვ. გარვს აჯაღ ნე̄სგაისგა მარყვინჯ ხა̄დ სგა ლაგვდირ.
Line of edition: 11 ამჟი̄ნ მე̄რმა ბა̄̈ლსი ასყე̄ნახ ი ერქϩდა̄̈შ ჟი ხორკინახ ჟიქან მϩსყა ლა̈რკინა ზექჟი̄ნ
Line of edition: 12 ი ბა̄̈ლა̈რ ჩუ ხოწიბდახ. ალ ბა̄̈ლა̈რს სტუ̄რა̈რხა̈ნ ფათქთე̄'სგა სგ'ა̄̈ყხახ ი ეჩქანღო
Line of edition: 13 ბაჩარშვ ჩვა̈ნგჭვახ სგვებინხა̈ნ ი ბაჩვშ ჲϩგა̈მდახ, ერე ბა̄̈ლა̈რს მუტყვა̈სგ ნო̄სა იმე
Line of edition: 14 ახტყვესგე̄ნს. მϩბე̄ლე მა̄რე ბა̄ლა̈რს ღვეშგიმისგა სგა ხესგვრო̄ლდა, აშხვ ბა̄̈ლა̈
Line of edition: 15 მარყვენჯს აშხვ ტოტშვ ხეგვდირნო̄ლდა, მე̄რმა -- მე̄რმა ტოტშვ ი ამჟი̄ნ ხობე̄ლა.
Line of edition: 16 გარვა̈რს ერ ნე̄სგაისგა მეფტე ხა̄დ, ქა ლაბϩდჟი̄ნ ეჩნოვშ იხუ̄წა ბა̄̈ლ ჰაერს ი სგა
Line of edition: 17 ლა̈ჯვი̄რჟი̄ნ გვერე̄მი ნა̈ქვიც ქა ხენტყო̄ლდა გარვს ი ჰაერ სგვებნა̄ვ ღϩრდა.
Line of edition: 18 ლამϩნჩხრინაჟი̄ნ მϩშკიდ ჩიქე ჩვა̈ქϩნთრინა ბერჟა̈ ნა̈ქვცუვა̈რს, ეჯჲა̈რს უშხვა̄რჟი
Line of edition: 19 ხადა̄̈სგდა ი სგა და̄̈სგდა ლემასგვთე. შიხს გუნ ხადა̄̈სგდა ი მϩბე̄ლე ხვა̄̈ჲხა̈ნს
Line of edition: 20 ხობე̄ლა. მϩშკიდ ხათა̈რდა, ეჩქას ქვიშა ხა̈შდა ჟიქა̄ნ. ბერჟა̈რ უშხვა̄რ ხემϩნჩხრინო̄ლდახ,
Line of edition: 21 ეჩქას ქა იკა̈დდა მϩშკიდ, ბერეჟ ეშ აჰრა ეჩხა̄ვ-ამხა̄ვ მϩნჩხირს, ეშ
Line of edition: 22 აბა̄ბა. Line of edition: 23 ჩიქე კვა̈თხშვ ხობნა ლიკვთხის, მϩშკიდ აჯაღ ა̈მϩნჩხრინა. Line of edition: 24
ლენჯა̄̈რ |
| |
| | |
|
Мужчина |
Date: Понедельник, 2007-06-18, 6:49 PM | Message # 42 |
|
Group: Проверенные
Posts: 352
Status:Offline
Дата регистрации:
2006-09-07 |
160. ლიჩფϩლა̄̈რი შვა̈ნისგა Line of edition: 26 ჭიშხ-ლელდი̄სგს ი ჩაფϩლს მო̄შ-მო̄შ აშხებდა მა̈გ. ობა̈შ ნუკვიშ ლა̈სვ ჩაფϩლ
Line of edition: 27 ი ჩი̄ მიჩა-მიჩა ჟახე ხეჟხა̄̈ნ. ალჲა̈რს ჩი̄ მო̄შ ლიშხბი ხეკვა̈დხ. მა̄̈ნკვი გვერა ჩვაჭკვრახ
Line of edition: 28 ღვაჟა̈რ ჩაფლა̈რდ. ჩაფϩლს ნაჯვდი სემი კამვინ (\\ კამინ) ხუღვა̄̈ნ ი ნამშა̈რი
Line of edition: 29 -- კამვინ ი სემი ფხულე. ჩაფϩლს ჩიქე ქა̄̈ხკϩნახ, ფა̈თვს ქა ხოშდახ. ეჩქანღო
Line of edition: 30 ორა̄̈შთე და̄̈სგდახ ი ეჩე̄'სგა ჩვაბქვახ. ჲერხი ჰირიკთე და̄̈სგდახ, იესვა̄̈ჲს ხუღვა̄̈ნ.
Line of edition: 31 ნა̈ჰრიკვ ჩაფϩლ შიშდ ჩუ ითთვა̄̈ნო̄ლდა ი ხოხვრა ლიჰიჭვი ხეკვა̈დ, ნავრაშ ჩაფϩლს
Line of edition: 32 -- ხოშა. Line of edition: 33 ლა̈ჰი̄ჭვა̄̈რდ ათხე̄ჲ ხუღვეხ, ადო ჯვინალდ ცხა̈ჲ შუნ ხეღვა̄̈ნო̄ლხ საღϩრჭელ.
Line of edition: 34 ალა ლი კუდურ. ნაჯვდი ეშხუ საჯენზუმ ხე̄რა. ეჩის ჟი ხოჴვი̄რიხ სგვებინხა̈ნ , კა̄დოშ
Line of edition: 35 ი ასალშვ, ნაჯვდან ალბი ხϩნსგა̄მ ი ნალსკო̄დან ოხვიშდ ღეთ ფხულა ი მა̄დეჲ
Line of edition: 36 ხოშე̄ლს. ჟიქა̄ნ პილა̈რს ჩუ ხოკცϩ̄რეხ. ლუჴვი̄რი ძირქა სიფვრითშვ ჩუ ხოფტახ
Line of edition: 37 ეჩხა̈ნ-ა̈მხა̈ნი დაფა̈რს. ეჩქანღო ტყენს ატა̄ბახ. თხუმხა̈ნ ეჯასი ჩუქვა̄ნ ეშდ ღეთს
Line of edition: 38 ხოჭი̄რხდახ ი ეჩქანღო პილს სიფვრითშვ ქა ხოფტახ. ალ ტყენს სგ'ა̄̈და̄̈სგდახ ლუჴვი̄რ
Line of edition: 39 კუდურთე̄'სგა ალჲარე ექϩრდა̄̈შ მეფტა̄̈ლქა ყვიტს ხოსვა̈მდახ. სერ ალჲა̈რ ჩუ
Line of edition: 40 ინგჭო̄ლდახ ეჩჟი̄ნ, ერე ტყენს ჟიბა̄ვ ლა̈ტხა̄ჲ ჩუ ხა̄დ ი ჟი ლა̈ჯვი̄რი̄ ჩუბა̄ვ. ეშხუ
Line of edition: 41 მა̄რე ჟი ლუგვრუზა ჩაფϩლს ჲარვ ტოტშვ ა̈სი̄პანა ლუჴვი̄რისგა, მე̄რმე მა̄რე ტყენშვ
Line of edition: 42 ჟიქა̄ნჩუ ხოთლა ი სერ ამჟი̄ნ აშხუნღო ჩუ იჰი̄ჭო̄ლდა ჩაფϩლ. ჩუ ლუჰი̄ჭუნღო
Page of edition: 138 Line of edition: 1 ჩიქე ლϩყა̈ლ ბალყა̈ჩს ხაცვემდახ. ეჯა ჩვაწრა̈ნდა ჩაფϩლს. ეჩქანღო ლϩყა̈ლ ჯერა̈ბს
Line of edition: 2 ხოხჯϩნახ ი ჩაფϩლ ჩუ იმშხო̄ლდა. ეჩქანღო ნაცმუნშვ ჩვაცვემდახ. ზურალა̄̈რ
Line of edition: 3 ჩუ̄დ აბქვახ ამის. ეჩქანღო ჲეშვა̄̈ჲიშდ ლეშხბი ხა̄დხ, ეჩი̄ ჭიშხი ნაზიმდ ჟ'აცბუ̄რახ.
Line of edition: 4 ლაშხებდ მახა̈თ, ნე̄სყე-ჲ მϩჯა̈ბ ქანა̈ ნა̈ვნა̈რ ხუღვა̄̈ნხ ი ეჩნუვშ ჲარვ გუდ
Line of edition: 5 ჟ'აშხებდახ, ეჩქანღო ნე̄სგაჟი̄ნ პრატა̈რს ხოგა̈მდახ. ლათლϩ̄რა̄̈ლს ხოცვბახ ი ჩაფლა̈რ
Line of edition: 6 ლϩმა̄რე ლა̈სვხ. Line of edition: 7 ჯაბრა̈რს ღვაჟა̈რ იჩომდახ ი ეშ აკა̄რზახ, ეჯღ'ე̄რე ლახვს ი კოჯს გა̈ბ ი ქვა̈სტ
Line of edition: 8 მა̄მ ლიხ. ლელვინთ ჩაფϩლს დე̄მის აჰი̄ჭვდახ. ეჯჲა̈რს ლუფათვდ ა̈შხბიხ. ხოტბიდა
Line of edition: 9 ლიხ ლϩფა̈თვ ჩაფლა̈რ . ტუფრა̄̈ ჩაფლა̈რსი ლϩფათვდ ა̈შხბიხ. ეჯჲა̈რ ხოტბიდა ლიხ.
Line of edition: 10 სგა̄̈ნ ჩაფϩლისგა მა̈გ წერა̈ქვს ინხენი, წერა̈ქვ ტებდი ლი-ჲ ჭიშხს დე̄მ ავფუნე. Line of edition: 11
ლენჯა̄̈რ Добавлено (2007-06-18, 6:47 Pm)
---------------------------------------------
Text: 161
Page of edition: 138
Line of edition: 12
161. ლიფკანა̄̈რი, ბარქშარეშ ი კათხრე ლიჩვა̄̈ლი Добавлено (2007-06-18, 6:48 Pm)
---------------------------------------------
13 ლიფკანა̄̈რი ჩი̄ მა̄მ ხოხალ ი ამი მოხელ ჲერხი გარ ლა̈სვხ, ათხე და̄̈რშა̄ლ ხაშდბა
Line of edition: 14 ამკა̈ლიბა̈რს, ეჯღ'ე̄რე იშგენ ჭიქ ი შედ-მაკვედ ხუღვე ჩი̄ჲ ი ზექი ფაკნა̈რს ი
Line of edition: 15 კათხა̈რს და̄̈რმა ხაგვა̄̈ვი ქორისგა, კვანჩხვა̈რ ი კო̄ბა̈რ ჰა̈დურდ ჩუ მეთვფე შა̄ლ ლიხ.
Line of edition: 16 ლაფკანა̄̈რს ამჟი̄ნ ასყე̄ნეხ: ჲარვ სგელ ფიცა̈რს სგვებინხა̈ნ ჟი ხოქვი̄ლშტა̄̈ლიხ
Line of edition: 17 ი კაჩ ϩგემხ. ეჯჲა̈რს ლუქვი̄ლშტა̄̈რმϩყქა ლϩფტϩ̄რე ხა̄რხ ი უ̄ღვა ხოსვა. ეჩი
Line of edition: 18 ღვეშგიმქა აჯაღ მაშრი ფიცა̈რ ხაშკა̄და ი ეჩეჟი̄ნ მϩფკანა̄̈რი ხასგურ აშხვხა̈ნ ი მე̄რმახა̈ნ
Line of edition: 19 ფიცრა̈რს სგა ხო̄სვხ ჲო̄რი მურგვა̈ლ ზექი ნა̈ქვცუვა̈რ. ეჯჲა̈რს სგვებინხა̈ნ
Line of edition: 20 მა̄დხვა̈ჲ ლϩფტϩ̄რილა̈რ ხა̄რხ. აშხვ მურგვა̈ლ სკϩრე ბერჟϩლ ხოსგურ ლეჩვემ ფაკნი
Line of edition: 21 ლა̈გჭად აშხვხა̈ნ. Line of edition: 22 მϩფკანა̄̈რი ხოშა̄მ ლაღა̈ლს ბალყჩი ფაკნა̈რს ატა̄ბე, მეგრა ბალყჩი ფენურ
Line of edition: 23 კუდურს ჩუ ცილე ისგდ ზϩსყის. ეჩხა̈ნქა, აშხვ ნა̈ცილვხა̈ნქა, ხერხვშ ქა იქვცე
Line of edition: 24 ფაკა̈ნჲაქს ი ეჩქანღო ჟი აკϩლპეტვი ფაკნი მაჯო̄ნდ. მϩფკანა̄რის ასალ ხუღვე. ამის
Line of edition: 25 ჯო̄დი ჭვემ ხა̄რ ი ჭვემს ქა̄მე პილს სკϩრე ბერჟϩლ ხოსგურ. მϩფკანა̄რი ფაკა̈ნჲა̄ქს
Line of edition: 26 ნე̄სგაჟი̄ნ მუგუდ ჟი იზმი, ერე ხოშა-ხოხვრა ი ხონგვმა ი ხოჰშა დო̄მხა̈ნ ლესვ ი
Line of edition: 27 ნე̄სგაჩუ̄ნ ალ ასალს ჟი ხოსვემ. ეჩქანღო ლაფკანა̈რს ერ ეჩხა̈ნ-ამხა̈ნ ჲო̄რი ზექი
Line of edition: 28 ნა̈ქვცუვა̈რ ხოსგურხ, ეჩხა̄̈ვთე̄'სგა სგა ხოსგვრე ალ ფაკა̈ნჲა̄ქს. აშხვხა̈ნ ფაკა̈ნს ქა̄
Line of edition: 29 მე პილს ნე̄სგაისგა ხოხვრა ბერჟϩლ ხესგვრი, მე̄რმა, ნაქვიცს, ასლა̈ თხვიმს ერ
Line of edition: 30 ბერჟა̈ ნა̈ქვცულ ხოსგურ, ეჯა ხოსო̄ლი სგა. ეჩქანღო მϩფკანა̄̈რი ა̈სპუნე ქა ამის
Line of edition: 31 ი ეჩავ ქა ჴიდე, ერე ჰალალდ ი მარჰალდ სიპ ალ ფაკა̈ნჲა̄ქ, ეჩქანღო ასლა̈ ჭვემქა
Line of edition: 32 ქა ხაჭვენი ჯო̄დი თა̄სმა̈, ლა̄რტყშა̄ლ გვერე̄მი ჯო̄დი ნა̈კიდვს. ამის ეჩხა̈ნ-ამხა̈ნ მარყონჯა̈რ
Line of edition: 33 ხა̄რხ. იო̄რი მა̄რე სგა ხესგვრიხ სგვებინისგა ი მა̈ჲ ეშხუ ხობიდხ ალ თა̄სმას
Line of edition: 34 ი მა̈ჲ -- მე̄რმე. Line of edition: 35 მϩფკანა̄̈რის ჭირა̈ხ ხუღვე ი ამნოვშ ხოჭი̄რხი ფაკა̈ნს, ჩიქე ქა̄მენ ხა̈ჩო ფაკნი
Line of edition: 36 სა̈ხს, ეჩქანღო სგა̄̈ნ ხოჴვი̄რი, ნე̄სგაისგა ყვაბალ ხესდენი. ქა ლϩზგϩრანღო ალ
Line of edition: 37 ყვაბალს ქა ხა̈ყვჩეხ ი ფაკა̈ნ მϩსყე ლი. Line of edition: 38 ბარქშა̈ლს ი კათხა̈რსი ამჟი იჩვა̄̈ლდახ მϩფკანა̄რა. Line of edition: 39
ლენჯა̄̈რ Добавлено (2007-06-18, 6:48 Pm)
---------------------------------------------
Text: 162
Page of edition: 138
Line of edition: 40
162. მანგრი ლიჲსენი, ლიტფუ̄რე ი ლიჲსუ̄რე Line of edition: 41 მა̄რე ჲედე მეზგე ლახე მანგა̈რს ა̈ჲსენი, ეჩქას ამის ფიშირ მა̄რე ხეჭვა̄̈დი. ლϩრა̄̈ქვედ,
Line of edition: 42 ჴა̈ნ ლი ლეჲსენი, ეჩქას ჴა̈ნ ლახე ნა̈მზურუნია̄ქ ლი, ეჩქას ქორისგა ალ
Page of edition: 139 Line of edition: 1 ჴა̈ნს, აშხვ დორა̈ჲ ჰარა̈ყს ი ლემზϩრა̈რს ჟი ხა̈მზϩრიხ ეჩის ეм იმვა̈ჲშა ნაჟხა ჴა̈ნ
Line of edition: 2 იჲსენი. ჴა̈ნს ლა̈მზϩრჟი̄ნ მუჭვა̈რს ლეტვრა̄̈რს ხალწენიხ. ჟი ნა̈მზურუნღო ლა̈ჲსას
Line of edition: 3 კინჩხჩუ̄ნ თა̈კვს ხაბემხ ისგდ ლუკვეშდს ი გუჰმϩყ ჟი ცხიპეხ, ეჩქა აშხვხა̈ნი
Line of edition: 4 თა̈კვს აშხვ ვეშგმე ჭϩშხქა ი̄ყიხ ი მე̄რმა -- მე̄რმახა̈ნიშ, ჲო̄რი მა̄რე ალ თა̈კვს ქა ხობიდხ.
Line of edition: 5 ჲერხი თხუმხა̈ნ ხოგვდურიხ ლა̈ჲსას ი ამჟი̄ნ ჩვაკა̄̈ფიხ ალ თა̈კვშ. სგვებნეშ
Line of edition: 6 ი ვეშგმე ჭϩშხა̈რს ჟი ხოკულთხა̈ნიხ, ეჩქანღო წირს ჴიდეხ ი ამის ნებგვაჟი ი ნიჩვა̈რჟი
Line of edition: 7 ჟი ხალჯენიხ თა̈კვშ ი ჟი ხობიდხ თხვიმს ი კინჩხს, ერე მϩჲსენის ხოჩა ლა̈ჲსენ
Line of edition: 8 ხა̄̈ც. Line of edition: 9 მϩჲსენი სგა იხილწიე̄ლი მეჴრა̄̈რს ი აშხვ ლერსგვან ტოტშვ ქა ხა̈ძგრი ყიაქა
Line of edition: 10 ლა̈ჲსას გა̈ჩს, ეჩქანღო ქა ხობიდ ი ქა ხოხნე ყიას. აშხვ შუნ ხარა̄გუნე, ეჯღ'ე̄რე
Line of edition: 11 ლა̈ჲსას ზისხ ქო̄ხჴეს მასა̈რდ. კიას ჩუქვა̄ნ ლა̈ზისხ ხოხლა ი ზისხ ეჩხა̄ვთე̄'სგა ღϩრი.
Line of edition: 12 აშხუნღო გაჩშვ კინჩხი თველს ჟი ხოქვცე მϩჲსენი ლა̈ჲსას. ამის ქვინი ლიქვცეს
Line of edition: 13 ხაყლეხ. ჩუ ლϩზიჰϩნღო თაკვა̈რს ქა ხაფშგϩ̄რეხ. ლა̈ჲსას ჯაჭა̈რჟი̄ნ ა̈გნეხ ი
Line of edition: 14 ეჩხა̈ნ-ამხა̈ნ ხეგნიხ ლატფურას. მა̄̈ნკვი ქილჩა̈რხა̈ნჟი̄ნ გუჰთე̄'სგა ჟი ხოცვბეხ
Line of edition: 15 გვერა. ეჩქანღო გუჰხა̈ნჩუ ი ჭყონა̈რთეჩუ̄ნ ჩუ ცვიბეხ ტუფს ი ამჟი ლიტფუ̄რეს
Line of edition: 16 იბნეხ. Line of edition: 17 ლა̈ჲსას ქ'ა̄ტფურეხ, ეჩქას გვერა ქ'ა̄კპო̄რეხ ნაკპო̄რუნვარშვ. ნაკპო̄რუნვა̈რ
Line of edition: 18 ზექიშ ლიხ, მეგრე კვა̈დლა̈რ. ქა ლϩკპო̄რა გვერა შგილჟი̄ნ ჲედ იშგნა̄̈გ
Line of edition: 19 დე̄სგიხ ი ითხე ლა̈ჲსას ჩვა̈ჲსუ̄რეხ. მა̄̈ნკვი მაშკა̈რს ხაბჴუ̄რეხ ი ჟი ხორკინეხ, ეჩქანღო
Line of edition: 20 ბარჯა̈რს ი ეჯჲა̈რსი ჟი ხორკინეხ. ამი ნაჩომუნღო ტა̈ნს ჩუ ბიჴვეხ ნე̄სგაჩუ̄ნ.
Line Добавлено (2007-06-18, 6:49 Pm)
---------------------------------------------
: 21 გუჰჩუ ი ღვეშგიმხა̈ნ ფოყა̈რმϩყქა კა̄და̄ლშვ აყვლუ̄რეხ. ეჩქანღო ლა̄̈ნქიპს
Line of edition: 22 სგა ხა̈თშიხ ძვერს ი ეჩჟი̄ნ ჟი ცხიპეხ, ეჯღ' ე̄რე ცქϩრ დო̄ს' ა̄ნჴეს ფა̈შხა̈ნქა.
Line of edition: 23 მა̄̈ნკვი ფა̈ში ღვესა ხოკედხ. ამის ფიჩქჟი̄ნ ქა ფხიჟეხ ი ჯიმს ხა̈შდეხ. ეჩქანღო ყვიჟა
Line of edition: 24 ი პერშვდას ხოკედხ ი ჟი ხორკინეხ, მა̄დეჲ შიშდ ლატყბას ხა̈ხლინეხ. ეჩქანღო
Line of edition: 25 ფაშა̈რს ხოკედხ ი სგა̄შვირს მა̄̈ჲ ნალგვარი ხა̄რ, ეჯას ჩი̄ ფა̈შ-ღვესაჟი̄ნ დე̄სგიხ ი
Line of edition: 26 ჩვაჯმიხ. სერ სა̈თფულა̈რს ხოკედხ. ალჲა̈რს ჩვახტუ̄რეხ, ჟი ხადე̄სგიხ ფა̈ში ღვესაჟი̄ნ
Line of edition: 27 ი ჩვაჯმიხ. მაგვა̈ჲვა̄̈ჲ ლუგვა̈რ ლი ლა̈ჲსა, ეჩი̄ზუმ ღვესა ხაფსეხ ი ღვეშგმე პილს
Line of edition: 28 ფა̈ში ღვესა ქა ხაჭვე̄ნიხ ქამენქა, ჟ'აკϩრფხა̈ნიხ თა̈კვარშვ ი ჟი ხორკინეხ. ლესგა̈რს
Line of edition: 29 ქა ხაბჴუ̄რეხ ი ალჲა̈რსი ჟი ხორკინეხ. ამჟი̄ნ ფოყა̈რსი ქა ხოკდϩ̄რეხ. ჩუ სედნი
Line of edition: 30 ცხაპ გარ ი სა̈თფულა̈ ნახა̈რ. სა̈თფულა̈ ნახა̈რს შდა̄შვ დე̄სგიხ, ცხაპა̈ ძვერს ქა
Line of edition: 31 ხაქვცუ̄რეხ, ჟ'აკვბა̈დიხ ი სგა დე̄სგიხ ლϩჯიმს მეგრა̄მ ჭინჭლა̈რთე̄'სგა. ამის ჟ'აწლა̈ვიხ
Line of edition: 32 ი ეჩქანღო ქა ხორკინეხ. ალჲა̈რს ნალძიჰორვა̈რ ხაჟხახ ი ხვა̈ჲ ხა̈ნს გეჭნიხ.
Line of edition: 33 სერ ათხე ლა̈ჲსა ჩუ ლუშდბუნე ლი, მარე ლა̈ჲსას ხვა̈ჲ ლა̈ფშგა ხა̄რ ი ხვა̈ჲ ჯიჯვ
Line of edition: 34 ი ამის ჩი̄ მიჩა-მიჩა ჟახა̈ლ ხაჟხახ. ა̈ლჭემდ სგვებინხა̈ნ.
Line of edition: 35 ჩიქე თხვიმ. თხვიმს ხა̄რ: ჩარბა̈რ, კაპრა̈ჲ, კაკაფ, ჩუბე შდϩქა̈რ, ჟიბე შდϩქა̈რ.
Line of edition: 36 მანგა̈რს ი მა̈ნცინს მა̄მა ხა̄რხ, მარე ჟიქა̄ნ ლელგვიჲა̈რ ჩუ ხა̄გხ. კაპრა̈ჲ ი თხვიმ
Line of edition: 37 უშხვა̄რ ხელჯიხ, ეჯას ლაღა̄ჭა ხაჟხა. ნებგვა, ჩვენჩხ, თე̄მი გალვანა̈რ, შდϩმრარე
Line of edition: 38 ჴურვა̈რ, მუჭვა̈რ ი ალ თხვიმ სგა ხალჯა კინჩხს. კინჩხს ცხაპ ხალჯა ი ცხაპს ჰაკვა̈დ.
Line of edition: 39 სგა̄̈ნჩუ̄ნ ლა̈ჲსას ხო̄ზ: ყვიჟე ი პერშვდა. ალჲა̈რს ხალჯა ყაყრი̄ნჯ. ფა̈შს ხალჯა ნა̈ქ,
Line of edition: 40 გვი, ყვან, მეგრე ჭინჭლა̈რ ი ნეცინ ჭინჭლა̈რ, ლა̈ირ, მუხურჲა̈შ, ჭაშრა ი ლაფუ̄ლა.
Line of edition: 41 ალა ჰოკერ ხა̄რხ. Добавлено (2007-06-18, 6:49 Pm)
---------------------------------------------
42 სგვებნე ჭიშხს ჩიქე ქილჩ ხა̄რ, ეჩქანღო ქილჩრე ნახ ჯიჯვა̈რ, ეჩქანღო ლიხ
Page of edition: 140 Line of edition: 1 ლაგო̄ჯა̄ლა̈რ. ალჲა̈რს წახვ ხალჯა, წახვს -- ბარჯა̈ უ̄ღვა ი ღო ამის -- ბარჯა̈ და̈ფ.
Line of edition: 2 მე̄რმა სგვებნე ჭიშხსი ამჟი̄ნ ხა̄რხ. Line of edition: 3 ღვეშგიმხა̈ნ ხა̄რ: ქილჩა̈რ, მიჩა ჯიჯვა̈რ, ლაგო̄ჯა̄ლა̈რ, წახვ, გა̄ნთხ, მა̈შკ ი
Line of edition: 4 ლათოლ. ამის ექϩრდა̄̈შხა̈ნ ყიმბრა̈რ ხა̄რ. აშხვხა̈ნი ყიმბ გა̄ნთხს ხალჯა ჯა̈რღვარშვ
Line of edition: 5 ი მე̄რმახა̈ნიშ -- ფოყს. ფოყს ხა̄რ ღილ. ალა მე̄რმახა̈ნი ამჟი̄ნ ლი. ჟი უჯბად ლესგი
Line of edition: 6 ლეღვა̈რს ხაჟხახ: ფესვ, ლესგრა ი კა̈ლვერ. კა̈ლვერ სგვებინქა̄̈ ლუგვა̈რს ხაჟხა
Line of edition: 7 ი მაჩენე გა̈მა̈შ ლი. აშ ქϩპა̈რს ხაჟხახ: ჰოკრი ქიპს ხაჟხა ლა̈ნქი ქიპ, ეჩქანღვე̄
Line of edition: 8 ქϩპა̈რს, ნე̄სგაქა̄̈შს, ნე̄სგა̄̈ ქϩპა̈რს ხაყლეხ ი თხვიმჲა̈ ქიპს თხვიმჲა̈ ქიპს ხაყლეხ,
Line of edition: 9 ჲერხი წირღვსი ხაყლეხ. ლაგო̄ჯა̄ლა̈რ ჲო̄რი ლიხ. მაშე̄ნე ბϩგი ლეღვ ლა̈ჲსას კინჩხქა
Line of edition: 10 ხა̄რ ი მაშე̄ნე მე̄ნშგვე -- სა̈თფულა̈ ნახა̈რს. Line of edition: 11 გვერე ჩუ იფრი, ეჩქას ნაკპო̄რუნვარს ქა ხოკედხ. ეჩქანღო პილი ნა̈მყა̈რვსი
Line of edition: 12 ქა ხოკედხ გაჩშვ. ეჩქანღო ჟი იზმიხ ჩაფლა̈ ნამშარა აშხვ კამინვს ი აშხვ ცერს.
Line of edition: 13 ამი̄ ნამშარაჟი̄ნ ფაუს დე̄სგიხ ი გა̈ჩს ხა̈ჭმინეხ. ამნუშ გუდ ჴედნიხ, ოშვა̈ჲდ შველტ
Line of edition: 14 ხეფსი ჩაფϩლს. ხოშა̄მ ლა̈ჲსა̄̈ გვერა ხოფშირა შველტ ხექვცენი ი ხოხვრე̄მიშს --
Line of edition: 15 ხომϩრხელდა. ალ შოლტა̈რს ქა ხაჭკვრეხ. ხოჩა̄მ შველტს სემი ჩაფϩლ ხეფსი.
Line of edition: 16 ჩაფϩლს ნაჯვდი ხუღვე სემი კამინვ. მაშე̄ნე ლულგვენ ჰაკვდუ̄ლქა̄̈ ჩაფϩლ ლი ი
Line of edition: 17 ფოყა̈შ. ეჩქანღო ჰაკვდუ̄ლა̄̈ მაჭრა ი ფოყა̈ მაჭრა. მე̄რმა̄̈ლ მა̄მ ლიხ ეჯჲა̈რზუმ ლულგვენ.
Line of edition: 18 ჩაფლა̈ ლიშხბი ლახე ხაკუხ, სგვებნა̄ვ ქ'ა̄ხკϩნეხ, ღო ჩვაჰი̄ჭვიხ ი ეჩქანღო
Line of edition: 19 ჟ'ა̈შხბიხ ზურალა̄̈რ, მარე ჟი ლიშხბა̄ლვ ი ჩუ ლიჰი̄ჭვა̄ლ ჰირიკთე̄'სგა დე̄სგიხ ი
Line of edition: 20 ნა̈ჰრიკუნღო გარ ა̈ჰი̄ჭვიხ. Line of edition: 21
ლენჯა̄̈რ |
| |
| | |
|
Мужчина |
Date: Понедельник, 2007-06-18, 6:51 PM | Message # 43 |
|
Group: Модераторы
Posts: 990
Status:Offline
Дата регистрации:
2006-08-29 |
Text: 163
Page of edition: 140
Line of edition: 22
163. სგϩმა̈რ შვა̈ნისგა Line of edition: 23 ჟიბე შვა̈ნისგა ობა̈შ ა̈დგილს ანღრი სგიმ, მარე სგϩმა̈რ მა̈გ მუგუ მა̄მ ლიხ,
Line of edition: 24 მო̄შ-მო̄შ ლიხ ლუყვლუ̄რე: ჲერ ლავფუნალვ ლიხ, ჲერ ლეთრე, ჲერ დი̄რიშ, ჲერ
Line of edition: 25 ქვინლϩმგენე̄მიშ, ჲერ გოგრიშ ი ჲერ ყვიყვი ჟაგა̈რდი იმა̈რგ.
Line of edition: 26 ლავფუნალ სგიმ ლეთრედ მა̄მ ლი ლϩჴმა̈შ ი მა̄მ იმა̈რგ, მარე ქა̈რი მა̈ზგუვა̄̈რს
Line of edition: 27 ეზერდ ხომჴერა ალ სგϩმარშვ ლივფუნა̄̈ლ. დი̄რიშდ ჩი̄ ჩუ შა̄ლ ხაყა, მარე მაჩე̄ნე
Line of edition: 28 ეჯა ლ'ე̄, ხედვა̄̈ჲს ნალჴა̈მში ზუმულდშვ გარ ხუღვე, ეჩნოვშ ლუშგვერდ ჴიცს
Line of edition: 29 ჟი ლიტხე მა̄მ ხაკუ ი შიშდ ქ'ა̄ნყეხ კა̄ქა. ალ დიჲა̈რ ეჩჟი̄ნ ჟი იფუ̄ნჩი. ეჩჟი̄ნ, ერე
Line of edition: 30 კამინვს ღეთ, სგა̄̈ნჩუ̄ნ ჴურვა̈რს იყე̄ნე ი ქა მϩჭანღო ლეზობდ მუჭხვი გა̈მა̈შ ლი.
Line of edition: 31 ლϩსგიმ დიჲა̈რს ხოშა̄მ ლაღა̈ლს ლაშდღვა̄ლა̈შდ ანყახ, იმვა̄̈ჲ ჩუ წვა ამკა̈ლიბ სგიმ,
Line of edition: 32 ეჯ სოფლა̈რისგა. Line of edition: 33 ქვინლϩმგენე̄მიშდ მო̄შ სგϩმა̈რ თერახ. ალ სგϩმა̈რ ლეთრადი ლϩჴმა̈შ ლიხ ი
Line of edition: 34 ქვინლϩმგენა-ჲ მა̈ნცინსი ხოჩა ხა̄რხ ნათუნუნღო . ჯიმი ში მა̄მ ხაკუ მეზგა-ჲ სოფელსი
Line of edition: 35 ქვინლϩმგენა̄ლეშდ, იმვა̈ჲ სგიმ ანღრი. ობა̈შინ, ლახე ქვინლϩმგენა̄̈ლ ჟი ხეწხვა̈ვიხ
Line of edition: 36 სგიმი გუმა̄როვშ ჯვე̄დჲა̄̈ სოფლა̈რს, ეჩქას ქ'ა̄̈ჲიხ მე̄რმა სოფლა̈რთე ქვინლϩმგენა
Line of edition: 37 ი მა̈ნცინს ლესგმუნად. ეშხუ ნა̈სგმუნ გარ დეშ ხა̄რხ, სამ ლადა̈ღ ლიხ
Line of edition: 38 ლესგმუ̄ნე გესნიგესნ ი ეჩქანღო აშხვ ღეთ დოშდულმახა მა̄მ ხაკუხ სერ ლისგმუნე,
Line of edition: 39 დეჲ ჯიმი გუმა̄რა ხოჴდენიხ. Line of edition: 40 ყვიყვი ჟაგრა̈რდ ხაყა, ეჯკა̈ლიბ სგიმ ლენჯა̄̈რ გარ ანღრი ჭალი პილს, ცხვარვა̈შ.
Line of edition: 41 სგიმ ანღრი, ეჯ ა̈დგილს ცხვარვა̈შ ხაჟხა. ამი ლისყის მასა̈რდ ჭირს ხაფსეხ ლენჯა̄რა̈რ.
Page of edition: 141 Line of edition: 1 სემი ღეთ ნეღარ ხა̄გ უშხვა̄რჟი̄ნ ი ძღϩდ სკო̄დი ლი. ჯო̄დი თაკვა̈რ ხუღვეხ,
Line of edition: 2 ეჯჲა̈რს სეგდა̄̈ლს ი იშგან შედა̈რს ხაბემხ ი ეჩნუვშ იტხეხ ჟი სგიმს. ალ სგიმს დირიშდი
Line of edition: 3 ეზერდ ხაყა, ლეთრადი გუნ ლϩჴმა̈შ ლი. ქვინლϩმგენე̄მიშდი ეზერ ლი ი
Line of edition: 4 ყვიყვსი ჩუ ხაშიდ ობა̈შინ. Line of edition: 5 ყვიყვ ჲესვა̄̈ჲ ხა̄რ, ეჯა ალ სგიმი ქვიშა იკედ ძირხა̈ნჟი̄ნ, ეჯას პინტჟი ხაცვმი
Line of edition: 6 ი ყიჲას ჩუ იჭვე̄ნი. ალ ქვიშე სე̄ტ იშა̄ლ ხოთლე ყვიყვს ი გუნ ლϩფეთე დო ხა̄რ
Line of edition: 7 ყვიყვ, ჩუ ხაშიდ. Line of edition: 8
ლენჯა̄̈რ Добавлено (2007-06-18, 6:50 Pm)
---------------------------------------------
Text: 164
Page of edition: 141
Line of edition: 9
164. ნახა̄̈ლს მა̈ჲ ხაჴმარახ Line of edition: 10 ჩი ნახა̄̈ლს მიჩა-მიჩა ბარგა̈რ ხაჴმარახ ი მო̄შ-მო̄შ ჟახა̄̈ლ ხაჟხახ.
Line of edition: 11 თვეფს ხანყა ალ მაყა̄̈ნ: ვერჩხ, უ̄ღვნა, ჯიჯვი ყვიმბ, ყოშ, სტვი̄რ, სგა̄̈შ
Line of edition: 12 ი ქა̄მე სათლა̈რ, ძუმბარა̈ჲ, ჰაკვა̈დ, ჩა̈ხმა̈ხ. ჩა̈ხმა̈ხს ხა̄რ კა̈ჭა̈ ლა̈გნა, კა̈ჭ, ჴემა̈დ,
Line of edition: 13 ქვიჯ, და̈ფ. ეჩϩნქა თვეფს ხა̄რ საბურნა̈ჲ, ხუღვე ნე̄სყე ჟა̈გი ლანე̄სყდ, ლე̄ბ, ჩხირი
Line of edition: 14 ი ბიდი ლა̈თლა̄̈რ. Line of edition: 15 ხანჯა̈რ: ხანჯა̈რს ხა̄რ ჭვემ, ვიშკვ ჲო̄რი, ნე̄სგაჩუ̄ნა̈ ღარა̈რ, კა̈ცხ, მიჭვი
Line of edition: 16 ყუმბა̈რ, ვერჩხ, ბერკილ, ბულუკვ, ლაბა̈შ, ჲერხი ხანჯა̈რს მიჭვ მურგვა̈ლ ხა̄̈ზ. Line of edition: 17 ცϩჴემა̈დს -- გველ, ჴემა̈დ, თა̈კვ, ბარϩმბა̈ჲ, ლა̈თლა̄̈რ, ცხვი ი შვალა̈ფ. Line of edition: 18 ღა̈ნწვიშ. ღა̈ნწვიშს ხა̄რ: ძვიჰე, ლაღვა̄̈ნი̄რ. ძვიჰეს კა̈ცხ ქა მეფტე ხა̄რ
Line of edition: 19 წემში ლა̄თხპინად, ბერ, მϩკრა, ლახკინ. ლახე ბერ ვერს იფო̄ნთე, ეჩქას ლახკინშვ
Line of edition: 20 ა̈ხკა̄̈ნიხ. Line of edition: 21 სა̈ვს ხა̄რ ჲორი ჭიშხ, უ̄ღვა, მარჴლა̈რ, წირხა̈რ, ოსპრა̈რ, ფა̈კვნა̈რ ი ნეწთხა̈რ.
Line of edition: 22 სა̈ვს ჭემიშ ი მϩღვი ლა̈ჴდაჟი̄ნ ჟიქა̄ნ ფა̄რცხ ხა̄გ. ფა̄რცხ ოხვიშდ ნეცინ ფა
Line of edition: 23 ვი̄ მაჯო̄ნ ზექა̈რხა̈ნქა ლი მϩსყე ი სამ ა̈გიქა ნეცინ წირხარშვ უშხვა̄რ ხალჯა. ლახე
Line of edition: 24 მე̄რი ლი ლეჴდე, ეჩქას ლამა̄̈რს ხაგემხ ჟიქა̄ნ. ლამა̄̈რ ეშ ლϩშხა̈ტ ლი გოგლა̈ნდი
Line of edition: 25 ნეცინ კვადა̈ლხა̈ნქა ი აშხვ სა̈ვზუმ სგა ღϩრი ეჩხა̄ვთე̄'სგა. ლაჰა̈ნწვჟი̄ნ ჩა̈ვს
Line of edition: 26 ხაგემხ. ჩა̈ვი ნეცინ კვადა̈ლხა̈ნქა ლი ლϩშხა̈ტ. Line of edition: 27 თოფა̈რ. თოფა̈რს მო̄შ-მო̄შ ჟახა̄̈ლ ხაჟხახ: ყϩრმილ, ნამცა, კუდა̈ჲ, სკϩრე,
Line of edition: 28 კუთხვ ი იშგენ. Line of edition: 29 ყϩრმილვს მურგვა̈ლ სტვი̄რ ხა̄რ ი კა̈ცხქა ფირჩა̈ჲ ლი ზϩმშვ. Line of edition: 30 კუთხვს ქა̄მენქა კუთხვა̈რ ხა̄გ. ნამცა ქა̄მენ მურგვა̈ლ ლი ი სგა̄̈ნ
Line of edition: 31 ლუჭვე̄ნე მა̄მ ხა̄რ. კუდა̈ჲ ხაჟხა მეკვშდად ლϩშკა̈დ ხოჩა̄მ თვეფს. ჲერხი თოფა̈რ
Line of edition: 32 ჯვინალდ ეჯჟი ლა̈სვხ ქა მეკვჰე, ერე არა̄მ, ჩხარა̄მ ნალჯვემ და̈ბდ იზელა̄ლდახ.
Line of edition: 33 ნალჯვემ ჲარვ უ̄ღვა ჴანა̈რდი ხაჯო̄დხ ჲერხ'ა̄̈გის, ამი̄ ბა̈დშვ ამკა̈ლიბრე ლა̈ყიდს
Line of edition: 34 გუნ ლϩმბეც მეზგე გარ ხეგნოლდა. Line of edition: 35 თვეფიშდ მუშვა̈ნ ჟა̈გს მიჩოშ აყალდა ი ტყვისი ი გოგირსი მიჩოშ ითხა̈ლდა
Line of edition: 36 ჩიგარ. Line of edition: 37
ლენჯა̄̈რ Добавлено (2007-06-18, 6:50 Pm)
---------------------------------------------
Text: 165
Page of edition: 141
Line of edition: 38
165. ჟა̈გ-ნაჟგუნ მოლრე ჟახა̄̈ლ Line of edition: 39 სამტრა̈კ, მϩთ, მედჴϩლდ, მϩდრϩ̄წა̄̈ ბალე, შვარა̈ ჟაგა̈რ, მა̄ლა̈ თუს, ბაშუშა
Line of edition: 40 ჟაგრა̈რ, ჩხე̄ტი, ბაბდიში თუთინ, შველა ფერიშ ბალე, მელე̄ნი, ნენზი მაშა̈ნ, ბუ̄რღვი̄
Line of edition: 41 ბალე, ქალა̈კუდა̈ი ძირ, ღეჰ, ღეჰი ძირ, ლეშყვი̄ლფი ი მიჩა ძირ, ტელე̄ფი,
Line of edition: 42 დო̄გ, მედგა, მϩხლიწი̄ლ, ჯიჰრა̄̈ ცილი ნანკოშდ, მეტშა̄ლდ, თუთნი ძირ Line of edition: 43
ლენჯა̄̈რ Добавлено (2007-06-18, 6:50 Pm)
---------------------------------------------
Text: 166
Page of edition: 142
Line of edition: 1
166. მო̄შ-მო̄შ ჟა̈გ-ნაჟგუნს იმჟი იჴმა̈რიხ შვა̈ნისგა Line of edition: 2 შვა̈ნს ობა̈შ მოლა̈რ ხა̄გხ ი ჲერხი ჟაგრა̈რ ლიხ. ალჲა̈რს მო̄შ-მო̄შ კა̈ლიბდ
Line of edition: 3 იჴმა̄̈რიხ ა̈ქმა̈რ ი ობა̈შინ ძღϩდ მაშედ ლიხ. Line of edition: 4 1. სამტრა̈კი ძირ. ლახე მა̄რა მანცხ ხა̄რ, ეჩქას სამტრა̈კი ძირს ჩიქე
Line of edition: 5 ჩვაფრეხ, ეჩქანღო ჩვაყა̈ლხ ი ღო ჩვა̈ჯდა̈ჲეხ პინტჩუ̄ნ, ეჩქას გა̈ჩა̈ კაცხშვ აშხვ
Line of edition: 6 ჭიქ ლϩჯათე̄სგა სგა შიდეხ ალ ჟაგრა̈რს ი ჩუ ϩგემხ შგილჟი̄ნ, ამეჟი̄ნ აშხვ ლე̄თ-
Line of edition: 7 ლადა̈ღ ჩუ ცვირეხ ი ეჩქანღო, ჟი მეტხანღო, ჩუ ხათრეხ მანცხია̄̈ მა̈ზგუვა̄̈რს.
Line of edition: 8 მა̄დხვა̈ჲ ხა̈ნუნღო ლიტხუნეს იბნე ი ხა̈შმხა̈ნქა ქა იწყϩლჲა̈ნი. Line of edition: 9 2. მელე̄ნი̄ ძირ. ამსვა̄ლდს ი ჲედ ქვინლϩმგენა ლახე მაგვეშ ხეკვშენი,
Line of edition: 10 ეჩქას ჟი იბϩრჯეხ მელე̄ნი̄ ძირს, ეჩის ქა̄მენქა ქ'ა̄ხკϩნეხ, პინტჟი̄ნ ხაცვმიხ, ეჩქანღო
Line of edition: 11 ნამკვიშქა ქა ხაჭვე̄ნიხ ალ პინტს ი ჟი ხოკϩრფხა̈ნიხ. მელენი მასა̈რდ ხობგე ქა
Line of edition: 12 ლუჭვე̄ნს ი ოდე მიჩოვშ დო ხეფშგენი ი ხეთულჴვი. ეჩქად ქა დე̄მის ხა̈ფშგეხ. მიჩოვშ
Line of edition: 13 ერ ქა ხეფშგენი, ეჩქას ნამკივში ჟი ლϩჭა̈რ ლი. მელე̄ნის აჯაღ იზბიხ მუჭვდი
Line of edition: 14 მა̈ზგუვა̄̈რ ი ლიჴვშჲე̄ლს ხოჩა ხა̄რ ი ჩვანყუ̄რე. Line of edition: 15 3. მϩთ. მა̄რა ლახე ქა̈რი მა̈ზიგ ხა̄რ ი ჩუ ლϩქϩრჲანე ლი, ეჩქას მϩთი
Line of edition: 16 ძირს იბϩრჯეხ, ეჯას ჩვახკϩნეხ, ჲერხის ნათხუმ ჰარა̈ყთე̄'სგა ხა̈ნჩϩდეხ ი ჲერხის
Line of edition: 17 ჟი იცვმიხ ი ჩუ იჰი̄ჭვიხ, მა̈ზგუვა̄̈რ იმვა̄̈ჲ ჲა̈ს ხა̄რ. ეჯას, ნათხუმს, სუმინ ϩთრეხ ლადა̈ღისგა
Line of edition: 18 ხოშა̄მ ყოშვშ. ალა ქა̈რი მა̈ზგუვა̄̈რს ხოჩა̄მდ ხომჴერა. Line of edition: 19 4. შვარა̈ ჟაგა̈რ. მა̄რა ლახე ლϩკა̈ც ი ჲედ მა ხა̄რ, ეჩქას ეჯა ჟი ხეშვ
Line of edition: 20 რი, ჩუ ხეწრა̈ნი ი ქა ხეშჲი. ამის შვარა̈ ჟაგრა̈რ ხაშიდ. ალა მელვ ლი, ყვითელ
Line of edition: 21 მუმღვა̈ჲა ხა̄რ ი ჲϩრჟი ბალიდა̈რ. ამის ქა იხვრიხ, ჩვაფრეხ ი ნეწვიდდ ჩვაყა̈ლხ.
Line of edition: 22 ეჩქანღო ლϩგრე̄მი ცილს ხა̈ნჩϩდეხ, ჟ'ათϩ̄თხეხ ი ჟი ხაცვმენიხ ლუშვა̈რ ა̈დგილჟი̄ნ,
Line of edition: 23 ეჩქანღო ჩუ ხოჭვე̄ნიხ ი ოდე მიჩოშ დო ხერშვი ქა, ეჩქად დე̄მის ხა̈ფშგეხ
Line of edition: 24 ნალჯაშუნს. Line of edition: 25 ალ ჟაგრა̈რ მასა̈რდ ხოთლϩ̄რე ლეჭვე̄ნის, მარე ეჩი̄ზუმ ლა̈სϩრგებელი ხა̄რ. Добавлено (2007-06-18, 6:51 Pm)
---------------------------------------------
: 26 5. ნენზი მაშა̈ნ. ლახე მა̄რა ლϩქა̈ჩ ჩუ ხეურწყული ი ჩუ ხეთა̄რუნი,
Line of edition: 27 ეჩქას ეჩი̄ მϩწყϩლჲა̈ნიდ ნენზი მაშა̈ნს იჴმა̈რიხ. ლი ალა, ნენზი შვარს ერ ფისე
Line of edition: 28 ხა̄რ, ეჯა. ამის ჟი ხადე̄სგიხ ლϩქა̈ჩჟი̄ნ, მϩწბია მა̄მ ლი ი ლϩქა̈ჩს ქ'ა̄წყϩლჲა̈ნი ხოლა̄მ
Line of edition: 29 ვიდრობახა̈ნქა. Line of edition: 30 6. მა̈რგიმიშვ. ალ ჟაგრა̈რ თვეთნე ლიხ ი ეშ ლეხკϩნე ლი. შომვა̄̈ჲ
Line of edition: 31 ლϩქა̈ჩს ხოლა ძვერი ხედო̄ლა ი ეჯას სგა ლიჴჩე ხაკუჩ, ეჩქას ა̈ქმა̈რ ალ ხოლა̄მ
Line of edition: 32 ძვერჟი̄ნ მა̈რგიმიშვს ხახკϩნეხ. ალა სგა ხესგვრიხ ხოლა̄მ ძვერს ი ოდე სგა დო ხა̈ჴჩე,
Line of edition: 33 ეჩქად აშ ხო̄შვ სგა ლϩქა̈ჩს. ალ ძვერი თა̄მა̈შდ ლიჴჩე სურუ თϩმის ი გარჯს
Line of edition: 34 ხოჴდე ლეგდ მერდა ი ოდე სგა დო ხეჴჩენი ხოლა ძვერ, ეჩქად ლიკი̄ლის ი ჰა̈ჲიდო
Line of edition: 35 დევს დე̄მ ხა̈ქვცუნე. Line of edition: 36 7. მანცხია̄̈ ჟაგრა̈რ აჯაღϩდ სამტრა̈კϩნქა. ნათხუმ
Line of edition: 37 ჰარა̈ყთე̄'სგა ლϩგრე̄მი გვიგვს და̄̈სგდახ ი ეჯას ჲϩთრახ ჰამს ი ნა̈ბოზს.
Line of edition: 38 მანცხიას ხოჩა ხა̄რ ჟვი̄ნა̈შ, მϩყე̄ლიშ ი ღვამლა̈ ნანღველ. Line of edition: 39 8. თე̄მი ჟაგრა̈რ. თე̄მი მასტუნაჟი̄ნ შვანა̈რ წϩრნი ი თვეთნა შაქა̈რს
Line of edition: 40 იხკϩნახ თე̄რა̈რთე̄'სგა. ეჩϩნქა აჯაღ თვის იცვმენდახ თე̄მი კილვა̈რქა, ზურა̄ლსი
Line of edition: 41 ხა̄შგუნახ ლისვს. Line of edition: 42 ო̄ბა̈შინ მϩწყϩლჲა̈ნიდ წიწვიშ მა̄დხვა̈ჲ ქოქთაშსი იხჯϩნახ თე̄მი კილვა̈რქა.
Page of edition: 143 Line of edition: 1 9. შდიქი მა̈ზიგი ეჩი̄ ლიმშედა̄̈ლ. ლახე მა̄რა შდიქ ხოკვშე
Line of edition: 2 (ხოშა ნაღა̈ლ ლელგვიჲა̄რს გარ ხა̈მთქვახ), ეჩქას შდიქი მა̈ზგუვა̄̈რ ჩინუკვი
Line of edition: 3 ჟაგრა̈რს ხა̈ჩომდა შდიქს, ერე იმვა̄ლაჟი̄ნ ქა̄თჟაგე̄ნს. მაშე̄ნე მაშედ ხებჟა̄̈ნ მა̈ქშდუნა̄̈
Line of edition: 4 კუნკვლა̈რ. მϩჰი მა̈ქშდუნა̄̈ კუნკვლა̈რს ჟ'ანზო̄რახ. ეჩქანღო ჟ'ასყენახ ჯვიდხა̈ნქა
Line of edition: 5 ფაყულდს ი ეჯას ჟი იგა̈მდა მა̈ზგუვა̄̈რ შდიქჟი̄ნ. ეჯას ჩუქვა̄ნჟი ჯო̄დი ნა̈ჴჩულა̈
Line of edition: 6 მასϩლს ხოსგვრა ეჩჟი̄ნ, ერე შდიქს სგა ხეთა̈ლ. ეჩქანღო წყილჲა̈ნ ლიცს
Line |
| |
| | |
|
Мужчина |
Date: Понедельник, 2007-06-18, 6:53 PM | Message # 44 |
|
Group: Проверенные
Posts: 352
Status:Offline
Дата регистрации:
2006-09-07 |
: 7 ფაკანშვ სგვებინჩუ̄ნ იგა̈მდა. ამი̄ გა̈ნხა̈ნ ასტამშვ ღურჩა̈რს იგა̈მდა. მასϩლს ფაკა̈ნთე
Line of edition: 8 ხა̈ჩომდა ჩუბავ კა̈ცხს, ღურჩა̈რჟი̄ნ მა̈ქშდუნა̄̈ ჲϩთქა̈რს შიდა ი ჯა ჩუ ინჴო̄ლა̄ლდა
Line of edition: 9 ბϩგიდ. ფაკა̈ნ ი ღურჩა̈რ სგა̄̈ნჩუ ხოკვრა̄̈ნ ლუნჴო̄ლათე̄'სგა. ეჩქას მა̈ქშდუნა̄̈
Line of edition: 10 ითქა̈რ ჟი იბუ̄რღო̄ლდახ, ბირღვ ი კვამ მასϩლაჟი̄ნ ჟი ღϩრდახ შდϩქა̈რთეჟი̄ნ.
Line of edition: 11 ამჟი̄ნ არდა შდიქი მა̈ზგუვა̄̈რ, ოდე ღურჩა̈რ ჩუ დო დეგენდახ. ეჩქას ნანჴო̄ლუნს
Line of edition: 12 ქა იღრა, გვის ხაჰო̄ლდა ფაკა̈ნისგა̄̈ ლიცს ი ეჩე̄'სგა ეშხუ ლუთხვიმ მϩტϩლდა̈რ
Line of edition: 13 არდახ. ალ მა̈ქშდუნა̄̈ ლიბუ̄რღვე მე̄რმა შდϩქა̈რსი ხოჩა ხა̄დ ი ეჯჲა̈რხა̈ნჩუჲ
Line of edition: 14 ჩუ ჴიდა მϩტა̈რს. Line of edition: 15 10. ლივფუნა̄̈ლ. მა̄რა ი ჲედ ზურა̄ლს ლახე ქა̈რ ხეზგუნო̄ლდა, ეჩი̄
Line of edition: 16 ჟაგრა̈რდ მაჩე̄ნე ლივფუნა̄̈ლ ხებჟა̄̈ნ. Line of edition: 17 ქა იხვერდა გა̈ნჭვა̈შ ი ჰადრა̄̈ ბალა̈რს. ალჲა̈რს სგა შიდა ჩვეინთე ი ლიცდ
Line of edition: 18 (\\ ლიცშვ) ჟ'ა̈გვშილა. ალ ბალა̈რს ხვა̈ჲხა̈ნს აჯაბდა ჩვეინისგა. ლახე ხათა̈რდ',
Line of edition: 19 ე̄რე ჩუ ლუნკვშდე ლა̈სვ, ეჩქას სგ' ა̄̈გვშა ჯო̄დი ლასლატჲა̈ ღვებთე̄'სგა. ამე̄'სგა
Line of edition: 20 ზომშვ ჩვაცხა̄ნა, ერე სგა მეყვნა̄̈ლ მა̄რე ა̈თუს ჩუ მოშ ათგეჭე̄ნს. ამის ხათა̈რდ',
Line of edition: 21 ე̄ჩქას ქა̈რი მა̈ზგუვა̈რ სგა იყვნა̄ლდა ალ ღვებთე̄'სგა. მა̄̈ნკვი ზϩმშვ ა̈თუ ჩუ ხა̄დ
Line of edition: 22 ღალ, მარე ჩვაჭკრϩნა. ჟიქა̄ნ ნაბდა̈რს ი შართქვინს იქვა̄მდა ეჩჟი̄ნ, ერე ალჲა̈რ
Line of edition: 23 ლϩცშვ ჩუ დო̄სა ალჟირე̄ლესვხ ი სერ თხვიმ გარ ხოწვა̄̈ნ ქა ღვებხა̈ნქა. ლახე ნიჩვა̈რქა
Line of edition: 24 ვეფ მასა̈რდ ხეგნო̄ლდა, ეჩქას ლაყვრათე ღϩრდა ი ეჩე̄'სგა ვეფს იგნა. Line of edition: 25 11. ჯაჭრე მა̈ზგი ჟაგრა̈რ. შომვა̄̈ჲ მა̄რა ჯაჭა̈რ ხეზგუნო̄ლდა,
Line of edition: 26 ეჩქას ჩი̄თე ხეკვჰენდა მა̄რე, "ნო̄თავ ესერ ხოჩა ლახა̄დ" , მარე ვეშგიმპილს ეში̄
Line of edition: 27 ჯიჰრა̄̈ ქაქ ხა̄დ ხოჩა. Line of edition: 28 ალ ჯიჰრა̄̈ ქაქს მუშვა̈ნ ასყე̄ნა ამჟი̄ნ ა: ქა იცი̄რდა ჯიჰრა̄̈ ცილს. ეჯას ა̈გითე ჴიდა.
Line of edition: 29 ალ ცილს ხეკვეს ერე სგა̄̈ ცილი ჰა̈ბტკი სგა ხა̄რე̄ნს. ალ ცილს ცხვადვისგა
Line of edition: 30 ლϩცშვ ჩვა̈ნკვშდახ. ლუნკვშდანღო ცილა̈რს ქა ხა̈თიშდახ ი ამჟი̄ნ ჯიჰრა̄̈ ნანკოშდ
Line of edition: 31 შϩნ ხუღვა̄̈ნ მა̄რა. ლეგდმერდე ჩვაყვრა ი ალ გოშა̈რს მო̄ზნა̈ნ გარ იჩომდა. ეჩქანღონ
Line of edition: 32 ალ ჩუ ლუნკვშდა ჯიჰრა̄̈ ცილი ნაკოშდვს ჩვეინშვ ჟ'ა̈ფვი̄ნახ. ლუფვი̄ნანღო
Line of edition: 33 ფექს ხა̈შდახ ი ქაქს ასყე̄ნახ. ალ ქაქს ჯაჭრე მა̈ზგუვა̄̈რს ხა̄̈მნახ ი ხოჩა ხა̄დ. Line of edition: 34 12. ხოლა ბϩნა̈ბ ი ეჩი̄ ლიმშედა̄̈ლ. ჲერხის ღალ ხოლა ბϩნა̈ბ
Line of edition: 35 ხა̈მთქვა. ამის ლექვა̄ვ ლეგჟვეჰს ხაყლეხ, ბა̄̈ლϩნჩუ̄ნ -- წელი ლაღვშვ მა̈ბზა̄̈რს,
Line of edition: 36 ბϩნა̈ბს ი ფხრა̄ნჭას. Line of edition: 37 ხოლა̄მ ბϩნბი მა̈ზგუვა̄̈რს მა̄̈ნკვი ჩიქე ლიჯჯგϩნეს ხა̈ბნუნე, ეჩქანღო ლიკი̄ლის
Line Добавлено (2007-06-18, 6:52 Pm)
---------------------------------------------
38 ი ლიზურჲე̄ლს იჩო. ბაჟ ქა ხო̄ზი ი იზურჲე̄ლ, მა̄მ ხოხალ, იმთე დო . ამჩიქქა სგა
Line of edition: 39 ხეჭვა̄̈დიხ მა̈გ, აზვიხ, ხატყციხ ი ხეტვი̄ლჲე̄ლხ. ჟახა და̄̈რ ხაყლე ი გიორგი, გიორგის
Line of edition: 40 ხეტვი̄ლჲე̄ლხ. ხვა̈ჲ ხა̈ნ ღϩრი ამე̄'სგა. ხოლა̄მ ბϩნბუვა̄̈რს ჩვაკა̄̈ფიხ ი ჩვა̈ყვნეხ
Line of edition: 41 იმვა̄ლაჟი̄ნ: ჲერ ჟა̈გს ხობთქუნეხ, ჲერ თვეფს აკვა̄ნე, ჲერ ძაგვს აცხვლე ი ხოტუ̄სეხ
Line of edition: 42 ნეფხვნაჟი̄ნ, ჲერხი აშხვ და̈შნა̈ჲს ჴიდეხ. ეჯ დაშნა̈ჲს ფანგვირ ხაჟხა. აშხვ ფოყხა̈ნ
Line of edition: 43 მა̄ლა̈შ ი თხე̄რე̄მი ნახა̈ზ ხა̄რ ჟი ლϩჭი̄რხ.
Page of edition: 144 Line of edition: 1 ალ დაშნი ფუსდ ყϩლე: "ალა თხე̄რე̄მი ლეღვშვ მა̈ბზა̄̈რ ლი, ამი̄ მაშედ მი მიხალ"
Line of edition: 2 ი ხობნე ლიჭვდის: "ელეგენი ქϩრსდესა, მელეგენი დედასა. ლა̈ჩვსა, ერსკა̈ნსა,
Line of edition: 3 ღვაშსა, ჰილვსა, რა̈ჭვა̈ წკინტილსა, ერევეზისა, ჩენ იყავი ძალი, სამებისა ძალი
Line of edition: 4 შენი, ორონქო, მორონქო, ქრისდეს გარა̄̈ქი, წმინდისა გივორგისა ხანგა̈რისა ძალი
Line of edition: 5 შენი, გამოშორდი, გამეცა̈ლი, სი ეშმა̈კისა ყაფლანი ხარ, სი მურდა̈ლისა დაჭრილისა
Line of edition: 6 ხარ, ონქორო, ქონქორო, თავა̈რ ა̈ნგელოზი, დასწარი ჯვარი შენი! "
Line of edition: 7 ალ ლიჭვდის სუმინ ქა ხეჭვდიხ, ეჩქანღო დაშნა̈ჲს ა̈გით' ა̄̈ჲე̄სგიხ.
Line of edition: 8 სერ შომვა̄ლე ჩუ ხეშრი ა, ქა ხეჴჩენი ბϩნა̈ბ ლეგდმერდა, ჩუ ინყუ̄რი ი ლიპე̄რვეს
Line of edition: 9 იბნე. ამის ქა ხა̈შთხ', ე̄ჩქას ჩუ ივჟუნი ი ნაუ̄ჟუნღო ჰა̈დვირ ა̈რი, მარე ალამა̈გ
Line of edition: 10 ნაზურჲა̄ლვ ი ნა̈ყირვ მა̈გ ტვინშილდ ხა̄გ ი ქა ვედნილდ გარ იქვთუნა̄̈ლ.
Line of edition: 11 ხოლა ბϩნა̈ბ ამი̄ მა̈ზგუვა̄̈რს მახა დოშდულჟი̄ნ ხოჴდენი. ამი̄ მა̈ზგუვა̄̈რს ჲერს
Line of edition: 12 ლა̈გურკა̄̈ ლიმზირ ხაგა̈დ ი ჲერს -- გულა̈ გა̈ბრელიშ. ლა̈გურკათე მე̄ზი ლიგურკე
Line of edition: 13 ლადა̈ღ ნეღა̈შტს აჲე̄სგი კა̄ლთე ლა̈გურკათე. Line of edition: 14 ამი̄ მა̈ზგუვა̄̈რ ვობა̈შ ლიხ ი ამ ლადა̈ღ ლა̈გურკა̄̈ მოლზონა̈რს ობა̈შ ნეღა̈შტ
Line of edition: 15 ხენზვე̄რიხ. ალჲა̈რს ჩვა̈ჲსენიხ კა̄ლა̈რ. ლეგდმერდა ზედა̈ში ხუღვე, ალ ზედშა̈რს
Line of edition: 16 ჩვა̈ყვბეხ, ჩვა̈მზϩრიხ მϩჴდა ი მინ ხოჩა ლადა̈ღს ისყე̄ნეხ. გულა̈ თახა̈ლადა̈ღ, გულთ'
Line of edition: 17 ე̄სღრიხ ხოლა ბϩნბვა̄̈რ. ეჩხა̄ვ ჟინღა̈რ ესყახ ი ზედა̈შ ესღვახ.
Line of edition: 18 ამჩუ̄ნი კა̄ლა̈ გუვა̈რდ ლიმზϩრ ლი. Line of edition: 19 13. მა̈ჴფიას იმჟი ხემშედა̄ლდახ შვანე ა̈ქმა̈რ. ჩი
Line of edition: 20 ნუკვიშ ლϩქა̈ჩს, ჲედ ლუქვინს, მა̄დეჲ ლϩფხა̈ჲს ი იშგან ნუკვი მო̄შ-მო̄შ ლϩქა̈ჩს
Line of edition: 21 ი მეთა̄რუნა̄ლ მასტუნას ა̈ქმა̈რ ხემშედა̄ლხ. Line of edition: 22 ტკიცდ ლ'ე̄რე ხოშა̄მ ლაღა̈ლს ა̈ქმა̈რ ჩუ ხოჟღმახ მასტუ̄ნას მასტუ̄ნვა̈რ მა̄რა.
Line of edition: 23 ალას ეჯღა იჩომდახ, ერე ეჩუნღო მასტუ̄ნვა̄̈რდ ხოშე̄ლ ნა̈ჲქიმი̄რვ ოხკი̄დე̄ნხ,
Line of edition: 24 მარე ალაჲ ჩუ ლა̈სვ, ერე მახე მეთურიჲე̄ლ ა̈ქიმს ჩუ მა̄მგვეშ ხოხალდა ქა მასϩმϩნქა
Line of edition: 25 ი ეჩქას მასტუ̄ნვა̄̈რს ლიმშედა̄ლე მϩქაფდ ხოშა̄მ ჭირს ი თϩმის ხოჴდა. ერხი
Line of edition: 26 ხოჩა ლϩგღებ ა̈ქმა̈რი ხეჩϩ̄დახ ი ეზერდ ხოხალდახ ლϩქა̈ჩი ლიმშედა̄̈ლ.
Line of edition: 27 ა̈ქმა̈რ ჟაგა̈რს მინეშშვ ასყე̄ნახ: კახვრას, მაჰლამს, შვარა̈ ჟაგრა̈რს, თათრი
Line Добавлено (2007-06-18, 6:53 Pm)
---------------------------------------------
: 28 ჟაგრა̈რს ი ამკა̈ლიბა̈რს. მა̈რგიმიშვს იმხა̈ნქა დო ასყე̄ნახ, ამი̄შ და̄̈ს მა ხოხალდა.
Line of edition: 29 ა̈ქმა̈რი ყϩლახ, ერე "მა̈რგიმიშვს ი ლეხკϩნა ჟაგრა̈რს სგა̄̈ნქა, თანა̈ღს ეჩხა̈ნჩუხა̈ნ
Line of edition: 30 როქ ლϩმჴიდვინხ". მა̈რგიმიშვს ხოლა̄მ ძვერი ლა̈ჴჩად იჴმა̈რდახ. ალ მა̈რგიმიშვი
Line of edition: 31 ნადა̄̈სგუნღო მასტუ̄ნვა̄̈რ მა̄რე სურუს იჭი̄რო̄ლდა, ეჯღ' ე̄რე მა̈რგიმიშვ
Line of edition: 32 თა̄მ-თა̄მა̈შდ ხა̈ჴჩა მა̄რა ხოლა̄მ ძვერს ი ეჩი̄ ნადა̄̈სგვა̈რ ყϩლახ, ერე ოდ ესერ ძვერ
Line of edition: 33 სგა დო ხეჴჩენი მა̄რა (ხოლა ძვერ), ეჩქად ესერ ლϩქა̈ჩჟი̄ნ ლϩმϩნჩხრინე ბერეჟ
Line of edition: 34 ხედი, ეჩჟი̄ნ ესერ მუსტვი̄ნია ლი მა̈რგიმიშვი ლიდე̄სგი ლϩქა̈ჩისგა.
Line of edition: 35 მა̈ჴფია მა̄რა სკელს ხეყრენი ი წახვქა მა̄̈ნკვი ლათა̄რა ხოჴდენი, ეჯა აშხვ
Line of edition: 36 ა̈დგილს ჟი ხეფკვი, ეჩქანღო მე̄რმა ა̈დგილქა̄დ ხოთხრენი ი სერ ამჟი̄ნ ესჭიმ, ქა
Line of edition: 37 დე̄მჟი ხეჟგი მა̄რა. Line of edition: 38 ალ მა̈ჴფიას ა̈ქმა̈რ ობა̈შინ ჩუ ხეშდენდახ ჯვინალდ. ა̈ქიმ მასტუ̄ნვა̄̈რი ქორისგა
Line of edition: 39 ჩუ სედენდა ხვა̄̈ინ ლა̄̈თშვ ი ნა̈ბოზს მეშხა ქათალს ხა̈ჴდუნა, ქათალს ხაკუჩ ერე
Line of edition: 40 იშგენ ლა̈ნშა̈ნ დო̄მე ხა̄რე̄ნს ი ჩიავ მეშხე ლϩმა̄̈რლესვ, ამის ჩვა̈ჲსენდა ეჩქანღო
Line of edition: 41 ა̈ქიმ ქ'ა̄ტფუ̄რა ალ მეშხა ქათალს, ძვერს, ჯიჯვა̈რს ქა ხა̈თიშდა, ძვერს ჩვაკპϩნა ი
Line of edition: 42 სგა და̄̈სგდა ქათლა̈ ტუფთე̄'სგა. ეჩქანღო ლϩქა̈ჩ ი ლϩთა̄რუნა სკელჟი̄ნ გϩრკიდ
Line of edition: 43 სგა ხადა̄̈სგდა ლϩკპϩნა ლეღვს (ქათლა̈შ) ი ქა̄მენქა ქათლა̈ ტუფს ხალფა̈რდა, ეჩქანღო̄ნ
Page of edition: 145 Line of edition: 1 ტუფ სგა̄̈ნ ჟაგრა̈რს მϩრა̄̈მ ხა̈ჩომდა, ჩუ ხოჭვე̄ნდა ი სერ ეჩქანღო ქა̄მენქა
Line of edition: 2 ჩუ̄დ ხოჭვე̄ნდა პინტშვ. Line of edition: 3 ა̈ქიმ გა̈ნხა̈ნ ხესგვრო̄ლდა მასტუ̄ნვა̄̈რს ი ხაყლა: "შომვა̄̈ჲ ესერ ლϩკა̈ცქა ლიქვთუნა̄̈ლ
Line of edition: 4 ი ლიფრი̄ნთა̄̈ლ ა̈ნმეჴრას, ეჩქას ესერ ქა̄ვ ხა̄̈ქვ". Line of edition: 5 შომვა̄ლე ლϩკა̈ცჟი̄ნ ლიფრი̄ნთა̄̈ლს იმჴერდა ლეგდმერდე, ეჩქას ა̈ქიმ ენასდ
Line of edition: 6 ქა ხა̈ფშგა ქათლა̈ ტუფს ი ძვერს ი ამის ქა ხეყნა̈ვდა თვეთნე მϩტ. ამის მეშხე
Line of edition: 7 თხვიმ ხა̄დ ი ეჯკა̈ლიბ ბϩგი ნიკრა̈ტ, ერე ბერეჟდ ხოშა. ამი ქა მეჴდანღო მა̄რა მა̈ჴფია
Line of edition: 8 ქა ხეჟგო̄ლდა. Line of edition: 9 14. ლϩფხა̈ჲ. მა̄რა ჲედ ზურა̄ლს შიმი ფხულა̈რქა ლϩფხა̈ჲ ხოჴდენდა.
Line of edition: 10 ალა მა̄̈ნკვი ჟი ხეწრანო̄ლდა აშხვ ადგილჟი̄ნ იმვა̄ლა. ეჩქანღო ქა ხეშჲო̄ლდა ი სურუს
Line of edition: 11 ა̈მშერა მა̄რა, ეჩჟი̄ნ სგა ხო̄შვდა მა̄რა ალ ფხულე̄მი მა̈ზიგ ი მასტუ̄ნა, ერე
Line of edition: 12 ლა̈კირდ ხოშა̄მ. ხა̄დ თϩმი მა̄რა ი მა̈ზიგ თხუმ დე̄მთ'ა̄̈თნა. ეჩქა მა̄რე გუდ ჴედენდ',
Line of edition: 13 ე̄რე ალა აშ მირ მა̄მა ლი. ი ამის ლიმშედა̄̈ლ ხაკუჩ. ამი̄ ბა̈დშვ ჩი̄ ხეჭვდჲა̄ლ: "მა̈ჲ
Line of edition: 14 ესერ ი̄რი ალა ი იმღ' ე̄სერ ხეწკლა̈ჲა̄ლვნი ამჟი̄ნ ალ ფხულაისგა?" ლეჭვდი̄ელ ჟი
Line of edition: 15 ხოწვე̄ნა ფხულა ი ხაყლ', ე̄რე: "ალა ესერ ლϩფხა̈ჲ ლი ი მუჭვდითე̄ვ აჩა̈დ". ქა
Line of edition: 16 ღϩრდა ლϩფხა̈ჲ მუჭვდითე ი ქა ხაწვე̄ნა ჩუ ლϩწრანა ხოშა̄მ მϩშϩნგϩრი ფხულა.
Line of edition: 17 მუჭვდი შიშდ გუდ ჴედენდ', ე̄რე ამის ლϩფხა̈ჲ ხა̄დ ი ხაყლა: "მიჩ ესერ ლϩფხა̈ჲ
Line of edition: 18 ხა̄რ ი ამის ესერ ლიჭვდი ხაშიდ". Line of edition: 19 ხობნა ლიჭვდის. შომვა̄ლე მასტუ̄ნა ქა ხოთხრენდა ფხულე̄მი მა̈ზგუვა̄̈რს.
Line of edition: 20 ეჩქანღო მუჭვდი მეგმა̈ ტყუბულს იკა̈დდა, ეჯას ლერსგვან შϩნისგა იყდა̄̈ნდა, ხა̈ჭმინა
Line of edition: 21 ნათხა̈რქა ი ხობნა ლიჭვდის, ხოჭო̄დდა, ხოჭო̄დდა. ეჩქანღო, ლახე ჟი ხეფშენდა,
Line of edition: 22 ეჩქას ტყუბულს ქა ხა̈ღრა ლϩქა̈ჩს, ალ ტყუბულს ქა ხეყნავო̄ლდახ ფხა̄
Line of edition: 23 რა̈რშა̄ლ. Line of edition: 24 ამღა ხაჟხა ალ მა̈ზიგს ლϩფხა̈ჲ. Line of edition: 25 ლϩფხა̈ჲ ნამზიგვ ფხულე ამსვა̄ლდს ლასϩრგებ დე̄მთე ხა̄რ. Line of edition: 26 ლϩფხა̈ჲϩნქა ლϩყა̈ლ ი ლუქვინ ხეყრენი მა̄რა, მარე ეჯჲა̈რი ქა მეთხა̈რ ლიხ
Line of edition: 27 ი ლიჭვდი ხაკუჩ. Line of edition: 28
ლენჯა̄̈რ Добавлено (2007-06-18, 6:53 Pm)
---------------------------------------------
Text: 167
Page of edition: 145
Line of edition: 29
167. ქვინლϩმϩენა̄ლე ლიჲქიმვ Line of edition: 30 მუშვა̈ნ მა̄რა ლახე ლიჲქიმვ იმშა ხაწხϩნ, ეჩქას ა̈ქიმს ხეშმო̄ლდა ი ეჯა ხეჲქიმა.
Line of edition: 31 ქვინლϩმგენა ლახე მა ხეყრენდა, ეჩქას ა̈ქმა̈რϩნქაჲ ფიშირს ხოხალდა ალჲარე
Line of edition: 32 ლიმშედა̄̈ლ ი ჲერხი ეჩჟი̄ნ ლϩხა̈ლ ი ხოჩა ში̄მიშ ლა̈სვხ, ერე ჟ'ა̈ჰდურახ ქვინლϩმგენა̄̈ლს.
Line of edition: 33 ამჟი ლϩრა̄̈ქვედ: Line of edition: 34 1. ჴა̈ნ ლახე ქა იბა̄̈ლო̄ლდა, ეჩქას წირხშვ ლიჭმუ̄რჲა̄ლვნანქა მϩლდϩრას
Line of edition: 35 ხათრახ ი ეჯა ჩუ ლიჴვა. Line of edition: 36 2. მϩჴფია ლახე ხა̄დ ჴა̈ნს ჭϩშხა̈რს, ეჩქას, ეშხუ ნუკვი მელვ ლი, ეჩას ჩვაყალდა
Line of edition: 37 ი ქილჩა̈რ უშხვა̄რ ნე̄სგა სგა ხოყუ̄ბა, ეჩქანღო ჩუ ხოჭვე̄ნდა. სამ აფა̄ნუნღო
Line of edition: 38 ნალჯაშუნს ქა ხა̈ფშგა. ფხულოვშ ხობნა ქილჩა̈რ ნე̄სგა ლიფხრიკვის ი ქა ხო კვა̄ნა
Line of edition: 39 მეგჭა მϩრა̄̈მს. Line of edition: 40 3. ლახე მიჭვ ხეყვჩენდახ ლაყϩრჲა̄ლჟი̄ნ ქვინლϩმგენა̄̈ლს, მა̄ლა̈ თუსს ხა̈შდახ
Line of edition: 41 ი ჩუ ხოჭვე̄ნდახ. Line of edition: 42 4. ჩა̄̈ჟს ლახე ჯაჭა̈რ ჟი ხეტყვფენდა, ფϩრი ტეფს ი ბარღვს აყა̈ლდახ ი ეჯას
Page of edition: 146 Line of edition: 1 ხა̈შდახ მეტყვფაჟი̄ნ. ეჯა ქა ხაჟგენდა მეტყვფა. ეჩϩნქ' ა̄ჯაღ ჯერა̈ბსი ხა̈შდახ ი ეჯა̄ჲ
Line of edition: 2 ხოჩა ხა̄დ. ლახე თე̄რა̈რ ხოქმა ჩა̄ჟვ, ეჩქას მა̄̈ნკვი ჩუ ხოტბϩნახ ი ეჩქანღო ნენზი
Line of edition: 3 მაშა̈ნს ხაცვმენდახ ქა̄მენქა -- კილვა̈რქა -- ი ჩუ ხოჭვე̄ნდახ. ეჯასი ხოჩა̄მდ იმჴერდა
Line of edition: 4 ჩა̄̈ჟ. Line of edition: 5 ლახე ჩა̄ჟვ ხა̈ჴვშუნა, ეჩქას მϩლდϩ̄რაისგა მეტხა ლϩგრა̄̈ლს ხარტყუნახ ი ქა
Line of edition: 6 ხეჟგო̄ლდა. Line of edition: 7 5. ლახე ღველჲა̄ქს მა̈ჲნაღ ხორდა, ეჯას სგიმთე ა̈ჲა̄̈სგდახ, ეჯას ხათრახ ი
Line of edition: 8 ჟ'აჴვჩევდახ. Line of edition: 9 6. ფირვ ლახე ზისხვშ ლიშგის იბნა, ეჩქა ჩილეღვქა გუნ ჟი მეტხა ლϩჯიმ
Line of edition: 10 მარწვენს ხაცვმენდახ. Line of edition: 11 7. ქვინლϩმგენა ლახე ქაყვრევდახ ი ეჩქანღო ყურნა̈რ ჩუ ხეშჲო̄ლდა, ჲერხვა̈
Line of edition: 12 ცილს ხობუ̄რღვახ. Line of edition: 13 8. ღუნვა̈რს ლახე ტიშ ხერდვნო̄ლდახ, თუთნი კელრე ნანკოშდშვ ასტღუნახ
Line of edition: 14 ი ხოჩა ხა̄დხ. Line of edition: 15 ი ლახე დაჴა̈რს ხვარს ხოჴდენდახ, ეჩქას ფისა ი გოგირს ჩუ ლϩნჩϩდა ხოხჯϩნახ.
Line of edition: 16 10. ხამა̈რს ლახე ყაყბვირ ხეზგუნო̄ლდახ, ეჩქას ჴა̈რზლი ძირს ხორკინახ ყიჲა̄̈ლჟი̄ნ
Line of edition: 17 ი შდϩმრა̈ლჟი̄ნ. Line of edition: 18 11. ჴა̈რზილს ბოფშა̈რსი ხორკინახ, ლახე ყაყვბირ არდა ბოფშრეშ ი ქა დე̄მ
Line of edition: 19 ხეჭყრო̄ლდახ. Line of edition: 20 12. ჩა̄̈ჟს ლახე ოფა ხა̄დ ჭიშხს, ეჩქას ასალშვ ჟი ხოჭი̄რხდახ ჩუქვა̄ნ ფოლს
Line of edition: 21 ი ჟაგა̈რს ხადა̄̈სგდახ. Line of edition: 22 13. ჴა̈ნ ლახე ხოლა̄მ გუჟი̄ნ არდა ი ქϩმრა̈რს შიდა, ეჯას ჟი ხოლგენდახ ქა
Line of edition: 23 უჰდუნაჟი̄ნ. Line of edition: 24 14. გიცა̈რ ლახე ჭვა̈დვა̈რს ხეყϩრჲა̄ლ, ეჯას მϩტს ხაბრა̈ლდახ ი მუჭვა̈რქა
Line of edition: 25 ზისხს ხოკა̈დდახ. Line of edition: 26 15. გოჭა̈რს ქა ნაყვროუნღო ყურნარე ნარდვთე ტϩტს ხოყუ̄ბახ ი ეჩქა ჩუ
Line of edition: 27 დე̄მ ხემტა̄ნო̄ლდახ. Line of edition: 28
ლენჯა̄̈რ Добавлено (2007-06-18, 6:53 Pm)
---------------------------------------------
Text: 168
Page of edition: 146
Line of edition: 29
168. ქვინლϩმგენე ლახე იბე̄ლი. Line of edition: 30 ქვინლϩმგენა̄̈ლისგა ლუფხვს ლაჩა̈ხვჟი̄ნ ჴანა̈რ გარ იბე̄ლიხ ი ფურა̈რ მა̄მა,
Line of edition: 31 დე̄ჲ ღუნ, დე̄ჲ ჩა̄̈ჟ ი დე̄ჲ იშგენ მა̈ნცინ. Line of edition: 32 ჴა̈ნ ლახე ქა იბე̄ლი, ეჩქას გოგლა̈ნდი წირხს აწϩრხეხ, ეჯას სგა ხოდე̄სგიხ უშკვთე̄'სგა.
Line of edition: 33 ჟიბავ თხუმთე უშხვა̄რ ხალჯენიხ წირხი კაცხა̈რს ი ჴა̈ნს ლიჭმურჲე̄ლს
Line of edition: 34 ხაბნა̄̈ვნეხ. ეჩქად ეм, ოდე ქა დო ხეჴჩენი. ეჩϩნქა აჯაღϩდ ხობნეხ ლიჭვდის ი ხატუ̄ლიხ:
Line of edition: 35 ავანგელ-მავანგელ, და̈რჲა̈ნ-დურჲა̈ნ, ჩაგრა̈ხ-ჩუგრა̈ხ, მურდა̈ლ სოფელ დავანგელ,
Line of edition: 36 ე̄ლო̄დ-ბე̄ლო̄დ, არზალი-მა̄რზალი, არე̄ხი̄ლი-მარე̄ხი̄ლი, სემი ლადა̈ღ, სემი
Line of edition: 37 კამინვ მა̈გ ეშხუ ლი ისგო̄ვ. ლϩხისა ხარ, მელვისა ხარ, ჭაფვირ ბალახისა ხარ".
Line of edition: 38 ჴა̈ნ ლახე ჩუ ლეჴვნი, ეჩქას წირხს ქა ხოკედხ ი ჩვა̈დჲა̈რნეხ. Line of edition: 39
ლენჯა̄̈რ Page of edition: 147
Line of edition: 1
დ) თავგადასავალი |
| |
| | |
|
Мужчина |
Date: Понедельник, 2007-06-18, 6:55 PM | Message # 45 |
|
Group: Модераторы
Posts: 990
Status:Offline
Дата регистрации:
2006-08-29 |
Text: 169
Page of edition: 147
Line of edition: 2
169. აშირ ი ჲერვეშდ ლϩზა̈ჲ ზურა̄ლა̈ ნა̄მბავ Line of edition: 3 მა̈ჲ აჯϩმბავა თა̈ვირ ი მეჩი ზურალდ? ათხე̄ დვრევ მა̄დ ლა̈სვ ჯვინალდ, ათხეშშა̄ლ
Line of edition: 4 ხინა̄რდ მა̄მ ხვარდად ჯვინალდ. მა̈ჲ ესამა ჭირ ი მეშხე ჟი ისყო̄ლდა. ეჯა მა̈გ
Line of edition: 5 ზურა̄ლა̈შდ ლა̈სვ. მა̈გ მა̄მ მაშყიდ, მარე მა̄̈ჲ ლა̈მშყედნი, ჩი̄ ქ'ა̄̈ჯϩმბა̈ვი.
Line of edition: 6 ჟამობ ჩუ მაშყიდ ი მიჟ ა̈დბურა̄̈ნ, ეჯა იმჟი მო̄დ მეშყდი. ეჩქას სი̄მაქ ხვასვ.
Line of edition: 7 მი თხვიმ გეზალ ლϩმა̄̈რნე̄ლხვი. მიშგვა დის ლვის ხარა ლედი მიშგოვ ი ჴარჴ ჩუ
Line of edition: 8 ლეფტე. ქვინ ამსედა ი ლირდი ლოხვბინახ მიშგო̄ვდ. უსგვა ი იშგვიდ ლϩზა̈ჲ ხვასვ.
Line of edition: 9 მა̄̈ნკვი ხამა̈რ ლალდა̈ღთე მაზიზდახ, ეჩქანღო ღველჲა̄ქრეშ. მიშგუ დი მა̈ტყი ლიფთის
Line of edition: 10 ი მასლარე ლინტვლა̄̈ლის მათვერდა მა̄̈ნკვი, ეჩქანღო კუკვრე ლიკუ̄კვეს, ღო
Line of edition: 11 ლინჩრეს ი ქანა̈ ლისნეს ი ეჩქანღო მა̈ტყი ლილთეს ი სგვირია̄ქდ ქანა̈ ლილთეს.
Line of edition: 12 ქა ნა̈ჯიშუნღო ჩუ ხვატყვა̈ლდად კვილის, სგვირს ჩუ ხვაქϩრშად ჟი ნაჯაბუნღო.
Line of edition: 13 ალჲა̈რ გარ ლა̈სვხ ჯვინალდ ზურა̄ლა̈ ლეშდბა̈რ ნავსტატახა̈ნ.
Line of edition: 14 ეშდიშგვიდ ღეთ ლϩზა̈ჲ ხვი̄რვე̄ლ, ეჩქას ჭიშხ ამფვიშდნეხ მიშგვა ლა̈მთილდ
Line of edition: 15 აშხვ ნაგზა ეჩეჩუ̄ნ ხვარდ, მარე ეჩქა̄̈ დვრევჟი̄ნ ჭაშვ სგა და̄̈რ ხეყვნა̄ლ ლიგურგუნა̄̈ლჩიქდ.
Line of edition: 16 ლამვარს ოდე ხვარდ, ეჩქად ობა̈შ მემციქულდახ ლელა̈ტდ ლისყე̄ნეს,
Line of edition: 17 მარე "ეშხვი ლელა̈ტურ ლამა̄̈რ'ე̄სერი̄ მა̄დ ოლგენე̄ლი" ი ეშხვი ლელა̈ტ მი̄ჲ
Line of edition: 18 ჟ'ა̈ხვისყ უფგოვშ, მარე ჩუ ობა̈შს ხოხალდა ჭაშუნქა ი ქორშა̈რϩნქა. აშხვ ზავ
Line of edition: 19 მიშგვა ჯϩმილს მა̄რე ლახდაგან. ღვაჟა̈რ ქამა̄ვ დეშ ჴედენდახ ლაშდაბთე ი ლეღვეჟმა̄̈რ
Line of edition: 20 ი ლეზვრა̄̈ლ ლეშდა̈ბ მა̈გზურალა̄̈რს ნა̄დ ლეშდა̈ბ. ლა̈ჭმათე ი ლაჴა̈ნთე მიშგვი
Line of edition: 21 ჭა̈შ ი მე̄რმე ლა̈ჩჟა ჴედენდახ. ეჩქას ათხეშშა̄ლ მერხა̈ლდ გარ მა̄დ არდა მეზგაისგა
Line Добавлено (2007-06-18, 6:54 Pm)
---------------------------------------------
: 22 ჩუ ძვირდ გარ ი̄თა̄ლ მა̈გ ი ქორისგა ობა̈შ არდა ზურა̄ლ ი ღვეჟმა̄რე
Line of edition: 23 (\\ ღვაჟმა̄რე). ეჩქანღვ' ა̄ჩა̈დ ჲო̄რი ღეთ ზა̈ჲ ი მიშგუ ჯიმილ ჩვადგა̈რხ. ლϩდგა̈რჟი̄ნ
Line of edition: 24 ჭირისუფა̈ლ ჩიგარ ზურა̄ლ გარ ლი. ჩუ ნაშდუღუნღო ეშხვი ზა̈ჲ ქ'ა̄მა̄დ ურწყვდ.
Line of edition: 25 ეჩქას მიშგუ მუ ღალ ადგან, ღო მიშგუ ბიძა̈ჲ ი სემი ზა̈ჲ ამა̄დ ურწყვდ.
Line of edition: 26 ტა̈ნიშდ ლახე ჴვედენდა̈ს, ედ ლამϩნგარისგა ხვარდა̈ს, ლახე იშგნა̈ უკვცირ
Line of edition: 27 ქორ მო̄მ ითხო̄ლდა, ი ედ ლექვე̄რისგა. აშხვ ნაგზანღო გარ მიხინდახ ქორთე.
Line of edition: 28 მაღვე̄ღ ი მეკვა̄̈რიე̄ლ მეზგუნო̄ლდა მϩცხუშ ლვინთისგა ი ლატუ̄სა̄ლუშ გარ მაჟ
Line of edition: 29 გენდახ ქა. ერვეშდ ღეთ ლϩზა̈ჲ ხვი̄რო̄ლ, ეჩქას ნაჭვლაშ ა̈ნკიდხ მიშგვი. ეჩქა̄̈ ნაჭვლაშვდ
Line of edition: 30 ჲო̄რი ნალჯვემ და̈ბ ლა̈სვ, უ̄ღვა ჴანა̈რ, სემი ფურა̈რ ი ეჩϩნქა მა̄̈ღვრა̄ლ.
Line of edition: 31 ეშხვი ზა̈ჲ ქ'ა̄ჩა̈დ ეჩქას გარ ამფიშვდხ ლა̈მთილთე. ეჩეჩუ̄ნ მა̄̈ნკვი დი̄ნაგეზალ ა̈მთ
Line of edition: 32 ავა̄̈ნ ი ეჯა ჟ'ა̈ხვირდ ი ეჩქანღო აჩა̈დ ხა̈ნ ი ჲო̄რი ჭყϩნტა̈რ ა̈მთავა̄̈ნხ. ამჟი̄ნ ჭა̈ში
Line of edition: 33 ჩვამდაგა̈ნ ი ბოფშა̈რ მი მა̄დხ ლევჴარა̄̈ლი. მე̄რმაჟი̄ნ ქა̄დ ამწვი̄ლეხ მეჩი მა̄რათე
Line of edition: 34 ი მიშგვა ლამვარდ ეჩხა̈ნი ჯვინელ ნაჭვლაშ ა̈ნკიდხ. ალ ლა̈მთილ ხოჩა მეზგე
Line of edition: 35 ლა̈სვხ, მარე ჭა̈შ ლა̈სვ ხოლა კაფიშ ი ჩიგარ მეცვა̄ლ. მახაღვა̈ჟს (\\ მახეღვაჟს)
Line of edition: 36 ჩი ლელა̈ტდ მაბრა̈ლდა, მარე მი ღალ მა̈გ ჩუ ლეჭკრϩნე მა̄დ. ამჟი̄ნ მე̄რმე ჯϩმილ
Line of edition: 37 ამდაგან ლამვარს ი სემი ზა̈ჲ ეჩი̄ ურწყვ ხვა̈სვ. მე̄რმა ჭაშვხა̈ნქა ეშხვი დი̄ნა ი ეშ
Line of edition: 38 ხვი ჭყინტ ა̈მთავა̄̈ნ. ეზერდ ნა̄დ ეჩქას. ჩუ უ̄თა ხვა̈სვდ, მარე აშხვ ზავ ჟა̈მ ანჴა̈დ.
Line of edition: 39 ჩი ქა ლექა̄̈ბი ხა̄დ ჯვე̄დიათე. ქორისგა ლეგდ მერდა̄̈ლ გარ ასა̈დხ. მიშგვი ჭა̈შ,
Line of edition: 40 მიჩა მუხვბე ი ეჩი̄ ხეხვ -- ალჲა̈რ ჩვალდაგა̈რხ ქორისგა უ̄ზნანად. ეჩქას ა̈მჴედე̄ლიხ
Line of edition: 41 სოფლა̈რ ი ქორ ი ლϩდგარუ ჩ' ოთშიხახ ი კეთილ მა̈გ სგ'ა̄თნახე̄ნა. ეჩქას იმვა̄̈ჲ
Line of edition: 42 მა̄̈ნკვი მეზგაისგა ჟა̈მ ქ'ა̄̈ნთა̈ნო̄ლ ი ჩუ ჲა̈რ ა̈დდაგრო̄ლ, ეჯ მეზგა ი ლϩდგა̈რს
Page Добавлено (2007-06-18, 6:55 Pm)
---------------------------------------------
edition: 148 Line of edition: 1 სოფელ ჩვა̈შიხდა: "ღვ'ე̄სერ სოფელხა̈ნქა ჟა̈მ ქ'ა̄დრინე ი მა̈გ ჟი დე̄მ ა̈ნხვტენი". ჟამ
Line of edition: 2 ქ'ა̄ჩა̈დ სოფელხა̈ნქა, ე̄ჩქას სგ'ო̄ნტა̈ხდ (\\ სგ'ო̄ნტვა̈ხდ) ქორთე, მარე მა̄მგვეშ ენ
Line of edition: 3 ხვი̄დ ხოჩე̄რობა. ღვაჟა̈რდ ქორ, იმჟი̄ნ დო ლა̈სვ, სოფლი ლამურჯუშ ჩვადი̄შგხ.
Line of edition: 4 ჲო̄რი ღეთ კვიდო̄ლ ლეზვებ ა̈ნშდებხ ი მინ ლა̈ქმათ' ა̄ჩა̈დხ. მი̄-ჲ მიშგუ ბოფშა̈რ
Line of edition: 5 მა̈იდშვ ვეთ ონხვა̈ტდ ი მიშგვა ლამვარდ ანჲეხ მინეშთე. ეჩეჩუ̄ნ ხვივჴარა̄̈ლდა̈ს
Line of edition: 6 ბოფშა̈რს ი მა̄̈ნკვი̄ გეზლი̄რსი თან ხვა̈ხვტინა̈ს. ზურა̄ლს ეჩქას სურუ ჭირ ხა̄დ:
Line of edition: 7 ლიბϩრგი, ლიჩო̄რა̄̈ლი, ლიფცხი, ლითი, ლიბა̄ბე, ლიშყვდი, ლილფრე, ლილგუჰე̄რი,
Line of edition: 8 ლი̄შგა̄̈ლი, ლირბიე̄ლ, ლინყუ̄ნა̄̈ლი ი მა̈გ ქა პილთექა. მე̄სმა̄მდ აჯაღϩდ ქა̄დ
Line of edition: 9 ამწვი̄ლეხ მიშგვა ლამვარდ ათხე ხვა̈რ' ა̄ლ მეზგათე. ჭა̈შ მი̄ჲ ჩუ მალტϩნ. მე̄სმე
Line of edition: 10 ნაჭვლაშ ალჲა̈რხა̈ნ ქა̄დ ა̈ნკიდხ ნიშგვეჲდ ი მი ლამე̄მხ მა̄̈ნკვინღო ი ღვეშგმე პილდ
Line of edition: 11 სემი ნაბა̈დ ი სემი შართქვინ კვილი̄შ. სერ მა̄მგვეშ. Line of edition: 12 ამჟი̄ნ ლა̈სვ ეჩქა წეს. ალ ქორისგა სემი ჭყინტ გეზალ ამთავა̄̈ნხ. ალჲა̈რ ათხე̄ჲ
Line of edition: 13 აშ ა̈რიხ მა̈გ ი ჩუ ლϩმჩე ლიხ. ადო მა̄̈ნკვი გეზლი̄რი ნა̈მჩოშ ადგანხ. მი გარ
Line of edition: 14 ა̈მსა̈დ ქვინ ი ჩუ̄დ ხვა̈რი ჭირი მუნკვლიდ. სემი ჭა̈შ მადგარა, ოხვიშდ გეზალ,
Line of edition: 15 ო̄შთხვ ლაჯმილა, სემი ლავდილა, უსგვა გეზლა̈ გეზლი̄რ ი ეჩϩნქა ოშა ნა̈თი! თვეთნე
Line of edition: 16 ლაჩა̈ქ დე̄სა მიწვა თხუმჟი̄ნ. Line of edition: 17
მესტია Добавлено (2007-06-18, 6:55 Pm)
---------------------------------------------
Text: 170
Page of edition: 148
Line of edition: 18
170. ლეჩხუმთე გზა̄ვრობ ენკანობჲე̄რ Line of edition: 19 ენკანობჲე̄რ ეშდღეთ მა̄რე აშხუდ ოჩა̈დდ ნიშგვეჲ სოფელხა̈ნქა ჩა̄ჟარშვ ცაგე̄რთე.
Line of edition: 20 ეჩე ენკანობ ლა̈სვ ი ეჩე ხვიყიდდად, ლახე სურუ ძვირ მო̄დ ლა̈სვ, ჯიმს ი
Line of edition: 21 სიმინდს ი იშგან ნეცვნირს, ლახე ვარჩხილ შუნ მა ნუღვა̄̈ნ.
Line of edition: 22 ქ'ო̄თა̄გა̈ნდ ა̈გიხა̈ნქა ი ეჯ ლე̄თ ლატფა̈რი ძირხა̈ნჟი̄ნ ჟ'ოჩა̈დდ ცხეკი თხუმდ.
Line of edition: 23 ამეჩუ̄ნ ლა̄რაისგა ჩვა̈თვსადგვმა̄̈ნდ ი ლემესგ ოხვა̄შვედ მასა̈რდ. ჩა̄ჟა̈რდ ჟ'ა̈ნშვემხ,
Line of edition: 24 ეჩქას ლა̈ლკა̄̈ლ ჩ'ოხკϩდϩ̄რედ, ჟ'ოხვბერკლედ ი ლაჩა̈ხვთ' ო̄ფიშდვდ (\\
Line of edition: 25 ო̄ფიშვდდ), ნა̈ჲ ხა̈რჯ ა̈ხვკიდდ. ეშხვი მა̄რე ჟა̈ჴვშ ლϩცთ' ო̄თზϩზედ ი ლიც სგ'ა̄ნჴიდ,
Line of edition: 26 ეჩქას ჩვა̈თვხარჯა̄̈ნდ. გვიანდქა ჩ'ოთყურდად ჩა̄ჟა̈რ ნაწვნა̈ნუნღო. ისგლე̄თ
Line of edition: 27 ირო̄ლ, ეჩქას ჩა̄ჟა̈რდ ხოლა მიჰმა̈ნ ანჩვმინხ. ონშϩ̄დდ ჟი ი ა̈ხვწვე̄ნედ ჩა̄ჟა̈რ, ა̈ხვშϩლდედ
Line of edition: 28 ქა ი ეშხვი დე̄სა ხეჩϩ̄დ. ლოხვბინედ ლითხე̄ლი მაცლანარშვ ი ქახიქა ჟ'ა̈ხვთხედ
Line of edition: 29 ჩუ ლϩცლϩ̄რე. და̈შდვ ახშგება ამ ლე̄თ ჩა̄ჟა̈რს ი ეშხვი ჩ'ოთცϩლϩ̄რა.
Line of edition: 30 მე̄რმა ლადა̈ღ ჩა̄̈ჟი პატრონდ ჭϩშხვშ ვეშგდ ესჭვე̄ნ ა̈გითე ი ნა̈ჲ ლა̈ხვბინედ ლი̄ზი.
Line of edition: 31 ქ'ა̄̈თვთანღედ ი ჩვოჩა̈დდ მა̄მთე. ამეჩუ̄ნ გალფხა̄ნშ' ე̄ნხვიდხ ი ჩა̄̈ჟი შელდჟი̄ნ
Line of edition: 32 თვით ეშდ შაურ ანკიდხ ლატფა̈რქა ნა̄ზვიე̄რ. ეჩქას ლატფა̈რ გალფხა̄ნა̈რს ხა̄დხ
Line of edition: 33 ლϩბგერე. ბეგა̈რურ ქა და̄̈ს ფიშვდახ. მე̄სმა ლადა̈ღ სგ'ო̄თჰედ ცაგე̄რთე̄'სგა. ამეჩუ̄ნ
Line of edition: 34 ჩიე̄სგი მა̄რად ჟი გვეში ლა̈სვ ი შვანა̈რი ობა̈შ არდახ -- ერხი ჯიმი ლა̈ყიდს ი
Line of edition: 35 ერხი -- სიმინდიშ. ნა̈ჲ ვირჲა̈ჲა̈რ ლა̈ნჭვადხ შიშდ ი ნაკფუნახ მინე-მინე დუქნა̈რთე
Line of edition: 36 ლი̄ზის ი მინეშხა̈ნქა ლიღვჭარს. ინბანა̄ლხ მინე ჯვრილშვ, ერე "ნაჲ ესერ მე̄რმად
Line of edition: 37 ხოჲფა̄მდ ნა̈ყდიხ ჩი̄". ეჩი̄შ მა̄მ ხოხალდახ, ერე ნა̈ჲ თვით სემი ი ოშთხვ მანა̈თ
Line of edition: 38 გარ ნუღვა̄̈ნ ზანე ნა̈ქიმვ ი სერ მა̄მგვეშ. ნა̈ჲ ჩა̄ჟა̈რ ქ'ო̄თხვიედ მინდვერთე ი ეჩეჩუ̄ნ
Line of edition: 39 ჩვოფიშვდდ ლაჩა̈ხვისგა. ლაჩა̈ხვ ხეჟხა̄̈ნ, ადო ჟი ლუცხვლე მელვ გარ ხა̄გა̈ნ,
Line of edition: 40 სერ მა̄მგვეშ. ეშხვ' ა̄ფხნეგ ლა̈ლკა̄ლეშ ი ჩა̄ჟრე მϩლჩად ოცვირდ ი ნა̈ჲ სგო̄ჩა̈დდ
Line of edition: 41 ქალა̈ქთე̄'სგა. ნიშგვეჲ აფხნეგს ეშხვი ვირჲა̈ჲ ლა̈ხჭვედდა: "ქალაბან ესერ ხუღვე
Line of edition: 42 მა̄, მუშვა̈ნ?" ამის ესნა̈რ ქანა̈ ბალე ლოხვხალდა. "ალ'ე̄სერ ქა მϩრე̄ს იჰვდი
Page of edition: 149 Line of edition: 1 ამეჩუ̄ნ". ლა̄პა̈რ ესნა̈რ უფგოშ, აჩა̈დ ცხვიმე̄ლი̄დთე ი ეშხვი გუდრა ქანა̈ ბალე
Line of edition: 2 ქ'ა̄̈ნხი̄ლწ, სგ'ა̄ნჴიდ ქალა̈ქთე̄'სგა, ლა̈ჲბინე ლიტუ̄ლი: "ქანა̈ ბალე! ქანა̈ ბალე!
Line of edition: 3 მარე ამის ჲა̈რ ა̈დყიდნა, ნა̈ჲ ლა̄ცვდ ა̈ხვკიდდ ალ მა̄რე ი გვის ხოხპად შუკვჟი̄ნ
Line of edition: 4 "ქანა̈ ბალე̄მი" ლა̈ქვი̄სგს. აშხვ ა̈დგილს ჯიმ უსგვა̄მ შაურდ ნეთხა̄̈ნ ფუთ ი ესვა̈ჲს
Line of edition: 5 ნაწხϩნ, ჟ'ა̈ხვყიდდ თვით უსგვა ფუთ. ესვა̄̈ჲ მო̄მ ხაწხϩნხ, ეჯჲა̈რ ძუფთ' ა̄ჩა̈დხ ი
Line of edition: 6 ეჩხა̈ნ ანჴიდხ მე̄რმა ლადა̈ღ სიმინდ ფუთ უსგვა̄მ აბა̈ზდ. ბა̄ზი ჩუ̄დ ოსა̈დდ ცაგე̄რ.
Line of edition: 7 ნა̈ბოზს ერხიდ თვით მანთიშ ი ერხიდ თვით ღეთ სამ მანთიშ ბარდან ა̈ხვყიდდ აშხვ
Line of edition: 8 ვირჲა̈ჲხა̈ნქა. მანა̈თღა ეშდ ალა̈ბს ნაჰვედდა ი ალა ეზერდ ნებჟა̄̈ნ, მარე ა̈გით'ო̄ნ ჴვა̈დდ
Line of edition: 9 ეჩქას ა̈ხწვე̄ნედ ჟი ი მა̈გ მექვრე ლა̈სვხ ი თა̄რშა̄ლ ესღϩრდახ. მე̄რმა ლადა̈ღ
Line of edition: 10 დოსგ ოხვა̄გა̈ნდ ქა ცაგე̄რხა̈ნქა. ლელტხაქა უფგოშ სიმინდი შდა̄რა̈რ ა̈ხვყუჩუ̄რედ
Line of edition: 11 ა̈გითე ლეჴდად. ეჩქას შვა̈ნს სიმინდს მა̄დე ი კვეცანი̄ კვეტო̄ლს გარ ხალა̄̈შდა
Line of edition: 12 მა̈გ. სიმინდი შდა̄რა̈რ ეჩჟი̄ნ ჩუ ხამბჟϩნ ჩი̄, სერთხი ზურალა̄̈რს, ერე დეცხა̈ნჩუ̄ნ
Line of edition: 13 ნაშϩდვ ხოხალდა ჩი̄. Line of edition: 14 ამ ლე̄თ ჩო̄ლირთე̄'სგ' ო̄ჩა̈დდ ი ამეჩუ̄ნ ნამთივ დაბისგა ჩვა̈თვსადგვმა̄̈ნდ,
Line of edition: 15 მარე მუჩო̄ლირდ მა̄დ ლანგვა̄ვე ნახთალვისგა. მე̄რმ'ა̄̈გითე ნა̄დ ლე̄ზი ი ეჩეჩუ
Line of edition: 16 ლერჰე. მე̄რმა ლადა̈ღ ჟ'ოხვა̄გა̈ნდ ლატფა̈რს. წელი ნაფხაკვქა ონღურდად, ეჩქას
Line of edition: 17 აშხვ ჩა̄̈ჟ ოთშყა̈დ ი სიმინდი ჩვა̈დდა̄ვშა̄̈ნ ი ფუსდ ღალ ჰა̈რიდ ანჴა̈დ. Line of edition: 18
ლენჯა̄̈რ Добавлено (2007-06-18, 6:55 Pm)
---------------------------------------------
Text: 171
Page of edition: 149
Line of edition: 19
171. ზა̈ნთე ლინგზა̄რვა̈ლ Line of edition: 20 მ'ე̄ჩქას ეშდარ'-ე̄შდჩხარა ლϩზა̈ჲ ხვი̄რო̄ლ ი ეჯ ზავ ოდე მა̄̈ნკვი ზა̈ნთე ლა̈ქმათე.
Line of edition: 21 ხოშა̄მ ლაღა̈ლს ჩუ ხოხალდ, ე̄რე ა̈გითე მა̈გ ლϩჲა̈რ მა̄მ ტეხენდა, მარე "თϩმი
Line of edition: 22 ღალ ზϩსყის აკლა̈ვი". ა̈გის მა̈იშდვ დაგრას მა̈გ ხოჩა მა̄რე̄მიშდ ი ნა̈ჲ უმბილდ
Line of edition: 23 ნა̄დ ლე̄ზი ზა̈ნთე ლა̈ქმად. ნა̈ქიმშვ სიმინდს ხვიყიდდად ი ეჯ'ა̄ნღვა̄̈ნ აგითე ქაფშვ
Line of edition: 24 ი ამნოშ ქა ხვისა̄̈ლვო̄ლდად. ზა̈ნს თხრილა̈რ ხემთქვა̄̈ნხ ნაშხვტა̈ მϩქაფ. ეჯჲარე
Line of edition: 25 ლითხრილა̈ვის შვანა̈რϩნქა და̄̈რ იშგდა ი ეჯჲარე ლა̈თხრილა̈ვთე ღურდად. ეჯკა̈ლიბ
Line of edition: 26 ხოლა შუკვა̈რ ლა̈სვხ ლენჴე̄რა ლექვა ი სერთხი ბაჴა̈რქ', ე̄რე სვისტ მა̄რე ჩუბა̄ვ
Line of edition: 27 ლა̈სგიდჟი̄ნ ჩუ იჟო̄რო̄ლდა ი ქა შყედენდა კოჯქა ჭალა̈ჲთე̄'სგა. აშხვ ლინთვ
Line of edition: 28 ლიჰლომა̄̈ლი ლადა̈ღ ერვეშდ მა̄რ' ო̄ხუ̄გა̄̈ნდ ი ოჩა̄დდ ზა̈ნთე ლა̈ქმათე. ლეზზა̈რ
Line of edition: 29 ი წერა̈ქვ გუდრა̄̈ლისგა ნირდახ ი ჟი ნა̄̈ცუდახ. იმჟი დო ლა̈სვ ეჩხა̄ვშა̄̈ლიდ ბაჴა̈რქა
Line of edition: 30 შვიდებდ ოჩა̈დდ. იშგნა̄̈გი მა̄მ ლა̈სვხ ხოჩა შუკვა̈რ, მარე წიბარა̈რშვ ი მიჯვრა̄ლშვ
Line of edition: 31 ხვიგჭად თხუმ ი ეჩჟი̄ნ ესღურდად. აშხვ ლე̄თ ტყაბედნიე̄რ ხვარდად,
Line of edition: 32 ეჩეჩუ̄ნ ღუტუნა̈ჲ ჭანტურიას ზექი კარა̈ვ ხო̄გა̈ნ ი უფასოდ სგა ნიხინდა, ეჩხა̄ვთე̄'სგა,
Line of edition: 33 მარე ქირა̈ჲ მϩქაფდ ჭალა̈ჲხა̈ნჟი̄ნ მიჩა ქორთე ზექს ნაქფუნა̄̈ვნა სამ ი ო̄შთხვ
Line of edition: 34 ხერა̈სს. ეჯაჲ მასა̈რდ გარჯ ლა̈სვ ლϩმშერა მა̄რე̄მიშდ, მარე ეჩურ სგა დე̄მ ნიხინდახ
Line of edition: 35 კარა̈ვთე̄'სგა. მე̄რმა ლადა̈ღ ჯვა̈რთ' ო̄თჰედ ი ეჩნეშ ლახვბინედ ლეშდა̈ბი ლითხე̄ლი.
Line of edition: 36 აშხვ ვა̈რგს ოთა̄გა̈ნდ სოფელისგა. ეჯას თხრილ ხა̄რა ლესყე̄ნე ი ქა ლა̈ნ
Line of edition: 37 თო̄ნე მა̈ზუმვა̈ჲ ნა̄დ ლექვცე. ლახვბინედ ლითხრილა̈ვი ი ჰა̄ვდარღა დე̄მის ფვეშენდად
Line of edition: 38 ი ქუთუ̄ლა̈რმუყვ ტყϩრისგა ხვა̈თხრილა̈ვდად. საჯნი ნა̈თხრილავი̄რ ქი̄რად
Line of edition: 39 ო̄შთხვ კაპეკ გარ ნუღვა̈ნ ი ლადა̈ღისგა თვით აბა̈ზს ი ობა̈შინ თვით ოხვიშდ შაურს
Line of edition: 40 ხვასყე̄ნად. ლეზობდ შა̈მ ი ლობიო ნუღვა̄̈ნ. ნა̈ჲ ა̈გი̄ ნატამვ მასა̈რდ ხვიზობდად
Line of edition: 41 ალჲა̈რს ი ზანა̈რს ეჩჟი̄ნ ქა ხამბჟϩნხ ნიშგვეჲ ამზუმ ლიზვებ, ერე შვიმ მა̄მ
Line of edition: 42 ხა̄დ. ერხი ნენტრა̄ლხ ი ნაყლახ: "ლაგუჯამ შონ, ყორადილ შონ" ი ამი̄თა̄ნა̈რს,
Page of edition: 150 Line of edition: 1 მარე ნა̈ჲ მა̄მ სერდე ნა̄დ. ჲარვ ნაგზაისგა ჟ'ა̈ხვკვა̄̈შგდ, ეჩჟი̄ნ ა̈ნსგუვდა ლუზნუ
Line of edition: 2 ლეზვებ: შა̈მ ი ლობიო. ხვამშიად ამჟი̄ნ მა̈ჲ იმე ი მა̈ჲ იმე ჲარვ ღეთ დოშდულმახა.
Line of edition: 3 ამჟი̄ნ აშხვ ნიშგვეჲ აფხნეგს მანცხი' ა̄ხზიგდა ი ხია̄̈რ ჩუ ვეთ ადგან. სერ ოთხვიედ
Line of edition: 4 ზუგდიდთე ი სგ'ა̄̈თვჴერნედ დოხვტურთე̄'სგა. ამნე̄მ მϩხიმ ჟაგრა̈რ მირ ოხვირ
Line of edition: 5 ლეგმერდა ი ამის ალჲა̄̈რ ლეგ ლეთრე ხა̄დ. ესნა̈რ ალ ჟაგრა̈რ ხინა ლი. ეჩქას
Line of edition: 6 ახვმეჴრედ ჩი̄დ მა̄̈ნკვი, მა̈ჲ ლϩმა̄̈რ ხინა ი იშგენ სგა̄̈ნჩვი̄ ჟაგრა̈რ. ეჯ მი̄შვ გუნ
Line of edition: 7 ანმუსე ზუგდიდ ი ლილღაჰა̄̈ლი ლა̈ხვბინედ. ლადა̈ღისგა თვით უსგვა შაურს ჩუ
Line of edition: 8 ხვითხა̄̈ლდად, ობა̈შინ, მეტსი̄. ლა̄̈თვშ დი̄რი მϩნყაცახა̈ნ ხვარდად. ფურნეს ხაყლახ
Line of edition: 9 ი თვით შაურს ნაკა̈დდა ლე̄თისგა ნარდიე̄რ. ამჟი̄ნ თანფა̈ მი̄შვიდ ი ა̈გითე ლა̈ხვბინედ
Line of edition: 10 ლიმა̄რა̄̈ლ. ა̈ხუნგრიშედ ქა ნა̈ქიმვ, ჲარვ ლადა̈ღ ა̈ხვკვა̈დდ ლანგრიშას ი
Line of edition: 11 თვით ეშდოხვიშდ მანა̈თ ნა̈ხვი̄დ. ამ ლადა̈ღ ჟ'ა̈ხვღვაჭრედ მო̄ლე-მო̄ლე, თვით
Line of edition: 12 ჲო̄რი ფუთ სიმინდ ჟ'ა̈ხვყიდდ ი ლა̈ხვბინედ ლი̄ზი. აშხვ ა̈დგილს ჭვეკქა ნა̄დ ლეჴედ.
Line of edition: 13 ეშხვ ა̄ფხნეგ ჩვაშყა̈დ ჭვეკჩუ̄ნ ი ჭალა̈დ ადჲე. ნა̈ჲ ღალ იმ ლა̈ხვშედენდ ეჩეჩუ̄ნ.
Line of edition: 14 ონჴვა̈დდ ამჟი̄ნ ლუწხვავე. ბაჴა̈რქ' ო̄ნღურდად, ეჩქას ნაჟჰვა̈რ ჟი ლუკვრემე
Line of edition: 15 ლა̈სვხ, ეჩექა წი̄ბა̄რა̈რს დეშ ხვიმϩრგად ი ლაჴჩϩნუშ ი ცხა̄ვშ გარ ონღურდად.
Line of edition: 16 ისგ ბაჴა̈რჩუ̄ნ სემ' ა̄ფხნეგ ჩვა̈ნშϩ̄დხ ი ეჩეჩუ̄ნ ა& |
| |
| |
| |
