|
|
|
 |
| Svanskaya xrestomatiya |
|
Мужчина |
Date: Четверг, 2007-06-07, 6:39 PM | Message # 16 |
Group: Проверенные
Posts: 352
Status:Offline
Дата регистрации:
2006-09-07 |
Text: 62
Page of edition: 59
Line of edition: 2
62. თამარ დეთფა̈ლ Line of edition: 3 ჯვინელ ხელწფა̈რისგა მაშე̄ნე მაჴვმა̄̈რ ხა̄რ შვა̈ნ თამარ დეთფა̈ლს ( დედფა̈ლს).
Line of edition: 4 თამარ დეთფა̈ლ შვა̈ნისგა საყდრა̈რს ლϩმგა̈მვინ, შუკვა̈რს ლϩმსყა̈ვინ, შვანა̈რ
Line of edition: 5 ჩიდ მაშე̄ნე ხალტე̄ნა ი ჩიდ მაშე̄ნე იმედ ხა̄რა შვანრეშ ლაშჲა̄ლჟი̄ნ. ზურალა̄̈რს
Line of edition: 6 თამარ დეთფა̈ლი ჩიქქა გარ ახსყე̄ნახ ყო̄რქა ლაჴა̈დ ი ლუზორთექა ქა ლიჴედ.
Line of edition: 7 საბრალ ჲერვა̄̈ჲ ლϩმა̈რდე̄ლი, ეჩას ჩი̄ ხა̈მშედა̄ლა ი ჩი̄ ხოჩა̄მდ ხა̄რა ეჩქა̈,
Line of edition: 8 დვრევჟი̄ნ. ზავლადა̈ღ თამარ დეთფა̈ლ შვა̈ნს ლϩმა̈რდე̄ლი ლანქვე̄რდ ი ლინთვისგა
Line of edition: 9 -- კახე̄თ. თამარ გუნ ხოჩა მეფე ლϩმა̄̈რ. ლაბარგ ლაბϩრგϩნა̄ლა̈ ღუმირ ჩუქვა̄ნ
Line of edition: 10 ხა̈რა, ეჩეჩუ̄ნ ოთგა საყდა̈რ ჯგϩრა̄̈გ ლენჩა̄̈შიშ. ეჩე̄სგ'ა̄თხად სტამა̄ნრე ნა̈კვშუვა̈რი
Line of edition: 11 ჩვარდახ. ზავლადა̈ღ ხოშა ლაღა̈ლს ლენჩა̄̈ში ლა̄რაისგა ლϩმა̄̈რ ჩუ ლუსდგომე
Line of edition: 12 ი ეჩეჩუნ ოხსკო̄რახ შვანა̈რს რავქნა ჭϩშხა̈შ. აშხვჟი̄ნ თამარ დეთფა̈ლ ალმა̄̈ზ
Line of edition: 13 შვა̈ნთე. ლენჩა̄̈ში ლა̄რაისგა ჩვალსადგვმე̄ლი ი მე̄რმა ლადა̈ღ ლეჟა ლი̄ზი ხა̈კვდა
Line of edition: 14 უშგულთე. ალგენე̄ლიხ ჟი ჰამს ი ეჩჟი̄ნ ლϩღე̄ზე ქა ლϩმა̄̈რხ ყო̄რშა̈ ი მუღვა̄დერი
Line of edition: 15 ტვიბ, ერე დე̄ჲ სგვებდ ლა̄ზ ხა̄რახ ი დე̄ჲ ღვეშგდ. ამჟი̄ნ ეჩეჩუ̄ნ ეზა̈რ ხა̈ნს
Line of edition: 16 ჩვა̈მსედხ ი ალ არდგილ გუნ ლახლატა თამარ დეთფა̈ლს, ეჩქანღო̄ნ ოხბინა სერ
Line of edition: 17 ზავლადა̈ღ ლენჩია̄̈შ ლირდე. ტუბა̈რს ჩვოთკვი̄დახ, ეჩქას ეჯ ლა̄რაისგა ობა̈შ ბა̈
Line of edition: 18 რგ ოთშხუნახ ვორუნჩუ̄ნ ი ეჩეჩუ̄ნ ჩვა̈მსედელ ა̄ლ ბა̈რგ. თამარ დეთფა̈ლ ლϩმდაგ
Line of edition: 19 რო̄ლინ, ეჩქას სემ'ა̄ლა̈ბ ნარმა ლოხვჲა ი ეჩჟი̄ნ ალდაგა̈რ. იმედო ხაშდღვა, იფა̄̈რიშ
Line of edition: 20 ი უშგვლა̈ ნე̄სგა, და̄̈ს ხოხალ. ანღლიხ, ერე ლაბϩრგϩნა̄ლა̈ ღუმირ ჩუქვა̄ნ
Line of edition: 21 ესერ ალშდუღვე̄ლი. Line of edition: 22
იფა̄̈რ Добавлено (2007-06-07, 6:37 Pm)
---------------------------------------------
Text: 63
Page of edition: 59
Line of edition: 23
63. თამარ დეთფა̈ლი ლა̄̈რტყ Line of edition: 24 თამარ დეთფა̈ლ ეჯკა̈ლი ხოჩა თვალა̈შ ლϩმა̄̈რლ' ე̄რე დეცლϩფარ ჩუქვა̄ნ
Line of edition: 25 ეჯგვა̈რ და̄̈რ ლϩმϩრდე̄ლი. ჩიე̄სგი ხელწიფს გუ ხა̄რ' ე̄ჯნა̈რ, მარე დე̄მთე ლოხვშ
Line of edition: 26 გედა ლი̄ზი ი ტველდ ჟი და̄̈ს ლϩმკიდვინ. ლახე ქა დო̄მ ლϩმა̄̈ზ, ეჩქას ხელწფა̈რ
Line of edition: 27 ლიშჲა̄̈ლს ხაგცხადვნახ, მარე თამა̄რ დეთფა̈ლ ი მიჩა ლაშგა̈რ ჩი ჟი ხა̈წნო̄ლდახ
Line of edition: 28 ლა̈შია̄ლისგა. თათრი ხელწიფ ეში̄ დე̄მჟი̄ნ ხა̈კდუნა ჰაჯს. ლიშია̄̈ლი ხვა̈ინ ხა̄რახ, ლ28 მარე ეში̄ დე̄მჟი მოშ ოხკვარა ცხას თამარ დეთფა̈ლ. ეჩქას ხო̄ქვა: "მიჩა ლიგნ'
Line of edition: 29 ე̄სერ ეჩქად მა̄მა ლიზ ბაც, ოდე დო თამარ დეთფა̈ლს ედ ლϩჲა̈რს ი მა̄დეჲ ლϩდგ
Line of edition: 30 ა̈რს ჩუ დო ა̈დხვიე̄სგი. საფლა̈ვისგ' ე̄სერ ლახე ირდი, ეჩის ესერი ჟ'ა̈ნთხინე,
Line of edition: 31 ლϩდგა̈რს ჟ'ა̈ნშდუღვე̄რი ი ეში̄ ესერ ადი̄ნე ი ეში̄". Line of edition: 32 ობა̈შ ხა̈ნ ახა̄რახ ამჟი̄ნ. ღვეშგმეპილს ლოხვთϩრა თამარ დეთფა̈ლს, ერე "სერ
Line of edition: 33 ესერ ხვა̈ჲ ხა̈ნს მერდე მა̄მა ლი ამაბა̄სდ". ლოხვბინა ჩი̄თე ლი̄ზი ლაქა̄̈ბდ, მარე ჩუ
Line of edition: 34 დე̄მე მოშ ლϩმსკა̈ბვინ. ჩია̄̈გ ხაყვლინნ'ე̄რე "მიჩა საფლა̈ვს ესერ ჟ'ა̈თნხინე თათრი
Line of edition: 35 ხელწიფ". ჰარა̈კ უშგულთე̄ჲ ა̈მჩედ ი ეჩეჲ ოთგა სალუნთ ი სანზავ სანგეჭვ მურყ
Line of edition: 36 ვმა̈რ, მარე ეჩე̄ჲჲ დეშ ა̈მსკებელი. ღვეშგმეპილს ჰეცერთ'ა̄̈მჴედ ი ჩვა̈მსედ ოთარშე̄
Line of edition: 37 რმϩყ. ამის ხა̈ნჴრინა ეშხუ ხოჩა თვალა̈შ ვა̈ზირ, ჟახად შოთა ხაჟხე̄ნა. ალჲა̈რ
Line of edition: 38 ეჩჟი̄ნ მალტა̄̈რ ჩუ ლϩმა̄̈რხ, ერე მϩფცხϩ̄რე მა̄მგვეშ მოშ ლϩმფϩცხϩ̄რვინ. დაგრო
Line of edition: 39 ბა̈ პილ ახჴედ', ე̄ჩქა მიჩა ლა̄̈რტყ ოთარშე̄რ ლϩფკე̄ლდ ხოსჩუქვრა ი ჩვალდაგა̈რ.
Page of edition: 60 Line of edition: 1 შოთაჲ ეჯ წა̈მჟი̄ნ ალდაგა̈რ ი აშხუდ ოთშდუღვახ ჩეი̄ კუბშვ ეცერისგა. ალ
Line of edition: 2 ლა̄̈რტყ ჩუ ხარდე̄ნახ ოთარშე̄რ (\\ ოთარშე̄რს) ი შომვა̄̈ჲ თენგიზ ოთარშა ჩვიბი
Line of edition: 3 ოთარშა ნამა̄̈ტვ ლეჩხუმთ' ა̄̈მჩედ, ალ ლა̄̈რტყ შუნ ლო̄ხვია ი და̈დია̄ნშე̄რ ლϩფკე̄
Line of edition: 4 ლდ ლოჰოდა. Line of edition: 5
ლენჯა̄̈რ Добавлено (2007-06-07, 6:37 Pm)
---------------------------------------------
Text: 64
Page of edition: 60
Line of edition: 6
64. აკϩლდამა̈რ ი კარა̈რ შვა̈ნისგა Line of edition: 7 შვა̈ნს ჯვინალდ გუნ ეზერ ლისყე̄ნე ხახლე̄ნახ აკϩლდამრეშ. ამნოვშ ჲერხი თემა̈რ
Line of edition: 8 ლϩდგარუსი ლϩმლაგვნინხ ი საფლავრე ლიბϩრჯე̄ ჭირსი ქა ლϩმქადვინხ.
Line of edition: 9 აკϩლდამა̈რს ძღϩდ მა̈ბციე̄რ მეზგა̄̈ლ ი თემა̈რ გარ ლϩმსყა̈ვინხ. ალჲა̈რთე̄სგა
Line of edition: 10 სამხუბვა̈რ ლϩდგარუს სგა ლϩმგა̈მვინხ კუბვარშვ. ჟი ლუმგვა̈შლო̄ლინხ, ეჩქას
Line of edition: 11 მე̄რმა̄დ ლϩმგა̈მვინხ. Line of edition: 12 ჯვინალდ მაყლობ ლϩმა̄̈რლი ჩიჲა̄̈გ შვა̈ნისგა ი ჲერხი მეზგა̄̈ლ უშხვა̄რთე ლაზელ
Line of edition: 13 ა̄ლდ ორუნჩუ̄ნ კა̈რს ლϩმსყა̈ვინხ. ალ კარა̈რ ათხე̄ჲ ჩუ სიდხ იმე-იმე. ჩუქა̄
Line of edition: 14 გიმ ლი. ეჩხა̈ნ-ამხა̈ნ ჭვა̈დვა̈რ გა̈რ ლϩგხ, ჟიქა̄ნ ჩიქე კაშვ ლიხ ჟი მენკვე ი ეჩქან
Line of edition: 15 ღო გირწყალშვ ჩუ ლϩგϩრწყილავე. ჟიქა̄ნ აჯაღϩდ ვერ ხაფრა ი გუდ ლაჴა̈დ მა̄მ
Line of edition: 16 ხა̄რ, იმე დო ლი კა̈რ. ამი̄შ ეჯ მეზგა̄̈ლს გარ ხოხალდახ ე, ჲესვა̄̈ჲ ამკა̈ლიბა̈რ ჟი მϩ
Line of edition: 17 სყე ხა̄დხ. Line of edition: 18 მესტჲას ჯგϩრა̄̈გი ჰა̈ზვისგა ოხვიშდ ღეთ ლϩგხ აკϩლდამა̈რ. ეშხუ ჩა̈რთოლა̄ნრეშ
Line of edition: 19 ლი ი ათხე̄ჲ ლაჴმა̈რდ ხუღვეხ, მე̄რმა̄̈ლს და̄̈რ იჴმა̈რი ი თესი და̄̈რ ხა̈ხვტინე,
Line of edition: 20 მარე ქა თერახ, ეშვა̄̈იშ ლიხ. Line of edition: 21 ალ ჯგϩრა̄̈გი ჰა̈ზვხა̈ნქა ჯვინალდ სეტელშე̄რ ბაპ ფუთუს კა̈რ ხა̄რა მϩსყე მიჩა
Line of edition: 22 ქორთე̄სგა ი ლა̈წϩრველჟი̄ნ ალ კა̈რქა ლϩმზელა̄̈ლ ჰილვშ. ათხე ჩუ ლუქვმე ლი ალ
Line of edition: 23 კა̈რ, მარე იმე-იმე ქა̄დ ხეთრა. ჯგϩრა̄̈გი ჰა̈ზვისგა ჩეი̄ კუბი ანგვა̈ბ. გუდ ლაჴა̈დ ლ',
Line of edition: 24 ერე მასა̈რდ ლϩმბეც მეზგა̄̈ლ ლϩმა̈რდხ შვა̈ნისგა ი ანღელს ლ', ე̄რე ჯვინელ აკϩლ
Line of edition: 25 დამა̈რისგა ობა̈შ გა̈ნზ ანგვებს. ლაღმი მაცხვა̄̈რს ქა̄მეჩუ̄ნ ი სგა̄̈ნჩუ̄ნ ჰა̈ზვისგა ობ
Line of edition: 26 ა̈შ აკϩლდამა̈რ ლϩმგენხ, მა̄რე და̄̈ს ხაშყიდ ი დე̄ჲ ხასმა ჲა̈ს, მა̈ჲ მეზგა ი სამხუბს
Line of edition: 27 დო ხოგა ი იშა დო ლიხ. ლენჯა̄̈რი ობა̈შ ლϩგხ აკϩლდამა̈რ. ჲერხი ეჯ ჩიქქა გვებ
Line of edition: 28 ნიხ საფლა̈ვი ლაბϩრჯაჟი̄ნ, ერე ეშ და̄̈რ ა̈ნღლი. ალჲა̈რϩნქა ჲერხი სოფლა̈რს ჯვე̄
Line of edition: 29 დჲახა̈ნ სტუ̄რარშვ ლიცი ხა̄რახ ლუკვა̈რ . ალჲა̈რ სგა̄̈ნ ვერი სტუ̄რა̈რ ლიხ, ქა̄მენ
Line of edition: 30 ქა ჩუ ლϩგϩრწყილავე, ეჩქანღო უშხვა̄რ ხო̄გხ ეჩჟი̄ნ, ერე კკუკუმ ლიც დე̄მის ხოჩ
Line of edition: 31 დენიხ, ეჩჟი̄ნ შეკϩმბვი̄რდ ლემსყა̈ვინხ ჯვინალდ ხოშა̄̈ლ. Line of edition: 32
ლენჯა̄̈რ Добавлено (2007-06-07, 6:37 Pm)
---------------------------------------------
Text: 65
Page of edition: 60
Line of edition: 33
65. ოთარშა ი ბა̄̈ლϩნჟი̄ნა̈ შვანე ლიშჲა̄̈ლ Line of edition: 34 ოთარშა ბა̄̈ლϩნჩუ̄ნა̈ ფუსდ ლϩმა̄̈რხ. ბა̄̈ლϩნჟი̄ნ ფუსდ და̄̈რ ხაყე̄ნახ ი დე̄ჲ ლოხვთი̄
Line of edition: 35 ლახ ჲარ, ადო ხვა̈ჲს ხა̈კვდა ჟი ლიფსვნე. ოთარშა ხოშა̄̈ლ ლϩმა̄̈რხ ფუთა ი ის
Line of edition: 36 ლამ. ისლამ ეჯკა̈ლიბ ხოლა მა̈ნკიშ ჩუ ლϩმა̄̈რ, ერე შვიმ მა̄მა ხა̄რა. აშხვ ლადა̈ღ
Line of edition: 37 ხა̄̈ქვხ ესნა̈ უშხვა̄რ: "ჟიბე თა̈ვისუფა̈ლ შვა̈ნ ესერ ჟი̄ვ ა̈ნკიდხ". ფუთას ხო̄ქვა:
Line of edition: 38 "ჯ'ე̄სერ უშგულხა̈ნისგა ლა̈ხჭემნი ი ჯ'ე̄სერ ლატლიხა̈ნ ლეჟა̄ვ ა̈თჭა̈მ. ამჟი̄ნ ესერ
Line of edition: 39 უშხვა̄რ ლა̈ხხო̄ლიხ ი შვა̈ნ ესერ მურგვალდ მინეშ ი̄რი". ალა ჩვა̈დი̄ქვი̄ნეხ ესნა̈რ
Line of edition: 40 ამჟი̄ნ. ფუთა ი მიჩ' ა̄ფხნეგა̈რ ლეჟ' ა̄ჩა̈დხ ესნა̈რ უშგულთე. ჲარვ ი სამ ლადა̈
Line of edition: 41 ღუნღვ'ე̄სნა̈რ ისლამ ლა̈ხჭა̈მ მიჩ' ა̄ფხნეგარშვ. ყა̈რვილდ ლატლი ლϩმგენ. ხაკუჩ,
Page of edition: 61 Line of edition: 1 ერე ლახე თა̈ვისუფა̈ლ შვანე ლა̈შჲა̄ლთე ჲა̈რ ლϩმჴა̈დო̄ლნესვ, ეჩქას ნომ' ო̄ხხϩნ
Line of edition: 2 ე̄ნხ. ეჩურდ შუკვდ ქა ლϩმხϩნინვხ უშხვა̄რ. ლატლა̈რდ ესნა̈რ დეშ ა̈დგიჭხ ისლამ
Line of edition: 3 ი მიჩ' ა̄ფხნეგა̈რ ი ლϩნწირდ ა̈მსედხ, მარე ლეჟა̄̈ თემა̈რდ ქა ხობჟინახ. ანჴა̈დხ ესნ
Line of edition: 4 ა̈რ მϩლხა̈რ, მესტჲა̄ლა̈რ ი ლენჯა̄რა̈ლ ი აჩა̈დხ სგვებინხა̈ნ ლა̈ხვიათე ისლამიშ.
Line of edition: 5 უჯე̄რ ზაგა̈რქ' ე̄სნა̈რ იფა̄რა̈რდ ი კა̄ლა̈რდ ლაჲჴუფნეხ ი ჩვა̄ნეშ უშხვა̄რ ლახნა̈ზო̄
Line of edition: 6 რა̄̈ნხ ალჲა̈რ. ისლამ ი მიჩ' ა̄ფხნეგა̈რ ლექვა̄̈ ჩვა̄ნეშ არიხ ი მე̄რმა ლადა̈ღ უშხვა̄რ
Line of edition: 7 ლახხვი̄დხ ესნა̈რ ალ ჲორი ლაშგა̈რ ი ლიშჲა̄̈ლ ოხჩϩ̄დხ. ოთარშერ ჯა̈რს მათხვი
Line of edition: 8 მდ ბუღვდა ხაყე̄ნახ. ეჯა ხოშე̄მიშთა̄ნ კϩლთხი მა̄რე ი ძღϩდ ვიდჲე̄რ ლϩმა̄̈რ, ეჩჟ
Line of edition: 9 ი̄ნ, ერე სისო̄დ ხაღვე̄ნა. "ჲაღვ'ე̄სერ ამის ჲა̈რ მოშ ადგა̈რი": რა̄̈ქვხ ესნა̈რ. ანჴა̈დ ესნა̈რ
Line of edition: 10 დადა̈ში ჯაფრა̄ნ, ახფიშვდ თვეფ, ლა̄̈ჲდ ნებგვაისგა ხაჴიდ. ა̈თჩϩ̄დხ ესნა̈რ ეჩქანღო
Line of edition: 11 უშხვა̄რ ი ჩვაბა̈რ ქ'ა̄და̄̈ტუნეხ. სგვებინხა̈ნ ლატლა̈რ ესხვიდხ ი ალჲა̈რდი
Line of edition: 12 ობა̈შ ადგა̈რხ. ამჟი̄ნ ჟ'ახწინდახ ისლამს ი ქ'ა̄და̄̈ტუნეხ. ფუთა-ჲ მიჩ' ა̄ფხნეგა̈რ
Line of edition: 13 უშგვლა̈რდ ადგა̈რხ. Line of edition: 14
მესტია Добавлено (2007-06-07, 6:38 Pm)
---------------------------------------------
Text: 66
Page of edition: 61
Line of edition: 15
66. ყიფია̄ნრეშ ი ჯაფრა̄ნრე ლიშჲა̄̈ლ Line of edition: 16 ყიფია̄ნა̈რ წვირმის ლϩმზიგხ ი ჯაფრა̄ნა̈რ -- მესტიას. ყიფია̄ნრე გლეხს ჯაფრა̄ნრე
Line of edition: 17 გლეხ ლახდაგრა. ახა̄რახ ლისყა̄̈ლ ი წორ ქა̄მენჩუ̄ნ ჯაფრა̄ნა̈რს ჩვოთბეგრახ
Line of edition: 18 ყიფია̄ნრე გლეხ. ოდ ი ოდ ხაკდუნახ ჯაფრა̄ნა̈რ ალ ბეგა̈რს. აშხუნღო ყიფია̄ნს
Line of edition: 19 ლახჟირნა მიჩა გლეხ ი ჯაფრა̄ნა̈რდ ბეგა̈რ მა̄დ ლოჰოდა̄̈ვნა. ალ'ა̄თხϩ̄რე̄ნახ ჯაფრ
Line of edition: 20 ა̄ნა̈რს. აშხვ ლადა̈ღ ესნა̈რ ანϩ̄გა̈ნხ, ლა̈ჲჴერნეხ მინე გლეხა̈რ ი ეჩϩნქ' ა̄ფხნეგა̈რ
Line of edition: 21 ი აჩა̈დხ ბენთე, წვირმარე ქვინლϩმგენა̄ლე ლაღე̄შგა̄ლთე. ალ'ე̄სნა̈რ ჟ'ა̈ნმეჴრეხ
Line of edition: 22 ყიფია̄ნა̈რდ, ლა̈ჲჴერნეხ მინე გლეხა̈რ ი ჩ' ოთშგა̈ბხ ბენთე ჯაფრა̄ნა̈რს. ოთჩϩ̄დხ
Line of edition: 23 ამეჩუ̄ნ გუნ ლიშჲა̄̈ლ, ხვა̄̈ჲ ადგანხ ეჩხა̄ვ-ახნა̄ვ ი ჯაფრა̄ნა̈რ ბენისგა ჟ'ახწინე̄ნახ. Line of edition: 24
მესტია Добавлено (2007-06-07, 6:39 Pm)
---------------------------------------------
Text: 67
Page of edition: 61
Line of edition: 25
67. აცა̈ ყიფია̄ნა̈შ ი მესტია-ლენჯა̄̈რა̈ ლიშჲა̄̈ლ Line of edition: 26 აცს ლϩმზიგ ყიფია̄ნა ვა̈რგ ი ეჩას ხა̈კვდა ზურულდა̈შ ი ეჩექა̄̈ გიმრე ლიფსვნე.
Line of edition: 27 ამი̄ გუ̄ღა ჯაფრა̄ნრე ვა̈რგცახა̈ნ ოხსყა ნინ. ხაკუჩ, ერე ლოხვმარჯვე̄ნს ალ ჯაფრა̄ნა̈
Line of edition: 28 ვა̈რგს ალ გიმრე ჩუ ლა̈ხვჲა̄̈სგდ. ეჩϩნქ' ა̄ჯაღ ალ ყიფია̄ნს გუ ხა̄რა ჯაფრა̄ნრე
Line of edition: 29 ვა̈რგი დაჩვირდ ხახვდ. ამი̄ თხვიმი̄ ქა ხოშგვმინა ყიფია̄ნს. მა̄̈ნკვი̄შჟი̄ნ ყაბულს ახ
Line of edition: 30 ჴედა ჯაფრა̄ნა̈ ვა̈რგ, მარე ეჩქანღო ახჩϩ̄დახ მირ უშხვა̄რ ნე̄სგა მϩქრობ ი მიჩა დაჩვირ
Line of edition: 31 მა̄მ ლოჰოდა ყიფია̄ნა̈შდ. ალა მასა̈რდ ხახϩ̄რე̄ნა ალ ყიფია̄ნა ვა̈რგს ი ჩიგარ
Line of edition: 32 ხა̈დრა̄ლა, მარე დე̄მე მოშ ლϩმდარვინ. აშხვ ლადა̈ღ ესნა̈რ ალ ჯაფრა̄ნა̈ ვა̈რგ ელით'
Line of edition: 33 ა̄ჩა̈დ ი ამეჩუ̄ნ გუაშე̄რ ხოშა̄მ სგა ლა̈ხმუშგვრა̄̈ნ. ა̈დკვიჰ ალა ყიფია̄ნდ ი ხაკუჩ,
Line of edition: 34 ერე ალ ჯაფრა̄ნ ჩვადϩრმეს ი სგა ლიშგებს ლახპი̄რ'ე̄სნა̈რ გვაშე̄რთე̄სგა, მარე ალ
Line of edition: 35 მეზგეჲ მეგჭად ესხვი̄დ. სგა და̄̈რ ოხხϩნა ქორთე ი ბა̈ჟინ ხოყრა მესტია-ლენჯა̄̈რ
Line of edition: 36 თე: "აშ ი აშ ამჟ' ე̄სერ ლი გვეშ: ჯაფრა̄ნა̈ ვა̈რგს'ესერ ჩვარმი ყიფია̄ნ ი ესვა̄̈ჲ მა
Line of edition: 37 გვეშ მა ხემჲედე̄ნს ანჴა̈დხუ ჟი ელითე, ადო სერ მინს დეშ ხა̈მჲედახ მინე
Line of edition: 38 ფუსდ ყიფია̄ნა̈ ჩუ ლიგჭე". Line of edition: 39 ალ ბა̈ჟინ ჩვაჩა̈დ მესტიათე ი ამეჩუ̄ნ ქ'ო̄ხუნბავე ჯაფრა̄ნა̈რს, გვეშ იმჟი̄ნ
Line of edition: 40 ლϩმა̄̈რ, ეჯა. ანჴა̈დხ ესნა̈რ ალჲა̈რ. ჩიქე მესტიაისგ' ა̄დბა̈ჟნა̄ლეხ ი ალ სოფელ ა̈დყვაბეხ,
Page of edition: 62 Line of edition: 1 ეჩქანღო ლენჯა̄რთ'ო̄თთო̄ნეხ მა̄რა. ალ სოფელსი ქა ხა̈ბჟინეხ. ლოხვჴერდ'
Line of edition: 2 ე̄სნა̈რ უშხვა̄რ მესტია ი ლენჯა̄̈რ ი ჟ'ა̈თჭვა̄დ აცა̈ სოფელს. ამეჩუ̄ნ ყიფია̄ნა̈ ვა̈რგი
Line of edition: 3 ლϩმა̈რად ესხვიე̄ნა. ახჩϩ̄დახ ბენი ლა̄რა̄̈ლისგა ლიშჲა̄̈ლ. მესტია ი ლენჯა̄̈რ ჟ'ახწინე̄ნახ
Line of edition: 4 აცა̈რს ი ჯაფრა̄ნ ქ'ო̄ხვტი̄ხახ. Line of edition: 5
მესტია Добавлено (2007-06-07, 6:39 Pm)
---------------------------------------------
Text: 68
Page of edition: 62
Line of edition: 6
68. ყიფია̄ნრე ლაშგრი ლიხვტე უშგვლა̈რხა̈ნქა Line of edition: 7 ლა̄̈შხი სოფელ შგედს ლϩმზიგხ ყიფია̄ნა̈რ. ალჲა̈რს ხა̈კვდახ უშგვლა̈ შϩ̄ნთე̄სგა
Line of edition: 8 ლიკვა̄ნე ი ჟი ლიფსვნე. ჩი ნუკვჟი̄ნ ჩი ლϩმსკო̄რინხ ყიფია̄ნა̈რ ალ გვეში ქა
Line of edition: 9 ლიზგϩრეს ი ღვეშგმე პილს ოხსკო̄რახ.: "ქა̄ვ ესერ ა̈ტსეხ (\\ ა̈წსეხ) უშგვლა̈რ,
Line of edition: 10 უშგვლა̈ მახვში̄ გეზალ მინე მახვშისუ ოთგენეხ გეზალდ. ეჩქას ესერ უშგვლა̈რ
Line of edition: 11 ქ'ა̄დრიხ მინეშთე ლϩწსად ი ეჩქას ჩუ̄ვ ადღალტეხ უშგვლა̈რ.
Line of edition: 12 ალ' ა̄მჟი̄ნ ჩვასკიბხ ი ქ'ო̄თთო̄ნეხ უშგულთე მϩწსი მა̄რა. უშგვლა̈რ ქა ხეწსა̄̈ნხ.
Line of edition: 13 ყიფია̄ნა̈რ გუნ ხოჩა̄მდ ესხვი̄დხ. ჴამშოშ ლოხვბინეხ ჰარყი ლიჭრა̈ჟი. უშგვლა̈რ
Line of edition: 14 გუდ ა̈მჴედხ, ერე ყიფია̄ნა̈რ მინს ჩვაღლა̈ტიხ. ჟ'ანϩგა̈ნხ ესნა̈რ ი ლა̈ჲბინეხ
Line of edition: 15 ა̈გითე ლიჴედ. ღვეშგიმ ყიფია̄ნ ი მიჩა ჯა̈რ ა̈ხღვა̈ჭ. უშგვლა̈რ ხეჴϩ̄რა̄̈ლხ ესნა̈რ:
Line of edition: 16 "მა̈დილუ ხე̄რახ, ჰაჯუ ახკიდხ ი ქა̄ვ აფვიშდხ შუკვს". მარე ყიფია̄ნა̈რ ეში̄ ახღვიჭხ
Line of edition: 17 ესნა̈რ. ხაკუხ, ერე ჟ'ა̈ნϩრმა̄ლახ ი ჩვადϩნტყოვი̄ნახ. ამჟი̄ნ სგ'ო̄ჰახ უშგვლა̈რს
Line of edition: 18 ნაქლაქო̄ლა̈ მურყვამ მϩყვ. ამეჩუ̄ნი ესბეცახ უშგვლა̈რ: "მახვში ყიფია̄ნ, ჰაჯუ
Line of edition: 19 ახკიდ ი ნომუ ახღვიჭ!"მარე ეჯღა̄ჲ ახღვიჭნინახ ღვეშგიმ. ამჟი̄ნ ჟ'ოჰახ ზაგრიერე
Line of edition: 20 მურყვამთე (ცა̄̈ნს). ამეჩუ̄ნ ლϩმზიგ ეშხუ მეზგე. ალჲარე მახვშის გიერგ ხაჟხე̄ნა
Line of edition: 21 ი ამის ხახლე̄ნა ცხვივშ ლიშჲა̄̈ლ ეჩქას თოფა̈რ მა̄მ ლუმწვე̄ნხ. ალ გიერგს ესბა̈ცხ
Line of edition: 22 ესნა̈რ უშგვლა̈რ: "მა̈დილუ ხე̄რა, თხვიმუ ახმარგე მიჩე̄მი!" ამნე̄მ ესნა̈რ
Line of edition: 23 ლოხვმარჯვე, ლოხვბინეხ ყიფია̄ნა̈რს უშგვლა̈რდ ლიხვტე. ალჲა̈რ მა̈გ ჟ'ანხვიტხ
Line of edition: 24 ი მუ̄მბვიდ ეშხვი მა̄რე გარ აფვიშდხ. ყიფია̄ნა̈ ვა̈რგს დიჲე ლუმჰოდე ქ'ა̄ხჭკვერხ,
Line of edition: 25 სგ' ე̄სდეხ გუდრათე ი მიჩა ხახვ ოთზϩზეხ. ალ ზურა̄ლს ხახლე̄ნ", ე̄რე "მიჩა
Line of edition: 26 ჭაშვ ესერ კეთილ მϩრე̄ს ოთზϩზა". ხეწა̈დ ჩალდა̈ყხა̈ნქა მიჩა ჭა̈შმი "ბარგა̈რს" ,
Line of edition: 27 ქ'ა̄ნსკინ' ე̄სნა̈რ ჩალდა̈ყხა̈ნქა ი ჩუქვა̄ნ ჟ'ესბა̈ჭკვ. ალ ზურა̄ლ ღანავი ლϩმა̄̈რ ი,
Line of edition: 28 მა̈ჲ საკვრელ ლ', ე̄რე ქვინ მა̄მ ა̈თსედენ ჩალდა̈ყხა̈ნქა ნაშყა̈დვს. ალ ზურა̄ლ ქურდა̄ნშა
Line of edition: 29 ჰასვიშ ლϩმა̄̈რლი. ქურდა̄ნა̈რ მϩლახს ლϩმზიგხ. ალჲა̈რდ ესნა̈რ ლირ&# |
| |
| | |
|
Мужчина |
Date: Четверг, 2007-06-07, 6:42 PM | Message # 17 |
Group: Модераторы
Posts: 990
Status:Offline
Дата регистрации:
2006-08-29 |
29 ჰასვიშ ლϩმა̄̈რლი. ქურდა̄ნა̈რ მϩლახს ლϩმზიგხ. ალჲა̈რდ ესნა̈რ ლირმ' ო̄ხვბინეხ
Line of edition: 30 უშგვლა̈რს. უშგვლა̈რდ ესნა̈რ მეცქულა̈რს ოთთო̄ნეხ გელაშე̄რთე ი ლისყა̄̈ლ
Line of edition: 31 ლახკაფვნეხ:"ფუსდ გელაშა, ჩუ̄ვ ესერ ა̈დსყა̄̈ნხ ი ა̈დგილს ესერ მინს ლაჰვედნეხ! "
Line of edition: 32 გელაშე̄რ (\\ გელაშერს) ლოხვჭირახ: "უშგვლა̈ მათხუმი̄ გეზალ ესერ
Line of edition: 33 ქა̄ვ ლახვე̄მხ ძევა̈ლდ ი ეჩქას ეგებას სგ' ა̄̈თსყე̄ნხ". ალ უშგვლა̈ მახვშის ეშხუ გეზალ
Line of edition: 34 გარ ხარდე̄ნა ი ქა და̄̈რ მოშ ხაკვშა̈ნვნა ალ ამბა̈ვს. მარე ალ ამბა̈ვ ეში̄ ჟ'ა̈ნმეჴრ'
Line of edition: 35 ე̄სნა̈რ უშგვლა̈ მახვიშდ ი ხა̄̈ქვ სოფლა̈რს: ჯ' ე̄სერ სოფლი გუ̄ღა დე̄მის
Line of edition: 36 აზა̄რე მიჩა გეზალს. იმვა̄̈ჲთ' ე̄სერ ხოცხე̄ნხ, ეჩხა̄ვ ადზიზნე ძევა̈ლდ. ალ ბეფშვ
Line of edition: 37 ქ'ა̄დჲეხ ქურდა̄ნა̈რდ ძევა̈ლდ, მარე გელაშე̄რემ ალ ბეფშვ ჩვადϩნტყოვი̄ნეხ. ეჩქას
Line of edition: 38 ა̈მჴედე̄ლიხ უშგვლა̈რ ი ლატლიდ ოთზϩზახ მეცქვლა̈რ: "სგა̄ვ ესერ ლა̈ხნაბნა̄̈ნხ
Line of edition: 39 უშხვა̄რს ნა̈ჲϩრთგვილაჟი̄ნ". ამი̄ ვარ ლატლა̈რსი̄ მა̄მ ხო̄ქვახ ი სგა ლა̈ხნაბნა̄̈ნხ
Line of edition: 40 ესნა̈რ ალ ჲორი უშხვა̈რ ნა̈ჲϩრთგულაჟი̄ნ. გელაშე̄რემ ესნარ იშგვმინხ უშგვლა̈რხა̈ნქა
Line of edition: 41 მინე მახვში̄ გეზლა საჴსა̈რდ ნაქალაქო̄ლა̈ ადგილხა̈ნქა ი ცა̄̈ნმუყვ. ამი̄
Page of edition: 63 Line of edition: 1 ყაბულს უშგულ მა̄მ ა̈მჴედ. ეჩქას ლატლა̈რს ოხვსკო̄რახ:"ჲაღვ' ე̄სერ უშგვლა̈რდ
Line of edition: 2 ლიბϩრგიე̄ლუ ხაშგვმინხ ქურდა̄ნა̈რს. ეჯჲა̈რ ესერ სამგვი ჩაფლა̈რს ლა̈ჲდი̄ნეხ ი
Line of edition: 3 მინდ ჯაბრა̈რუ ლა̈ჲდა̄ლეხ. ეჩი̄ ქა̄მენჩუ̄ნ ესერ ლაბϩრგა̄ლ ლა̄რა ჩუ̄ვ ადϩლცე̄რეხ,
Line of edition: 4 ეჩქ' ე̄სერ ქურდა̄ნა̈რს ქა ხოგბუნიხ ჭϩშხა̈რ ი მϩნწირ ესერ უშგვლა̈რ ი̄რახ."
Line of edition: 5 ალ' ა̄მჟი̄ნ ხოჩვმინახ ი ლაბϩრგია̄ლს ჟ'ახწინე̄ნახ უშგვლა̈რ ი ბეფშვი ქ'ო̄ხტი̄ხახ. Line of edition: 6
მესტია Добавлено (2007-06-07, 6:40 Pm)
---------------------------------------------
Text: 69
Page of edition: 63
Line of edition: 7
69. ლატლარეშ ი მესტია̄ლრე ლიჲმახვა̄̈ლ Line of edition: 8 ჯვინალდ მესტჲა-ჲ ლატლი უშხვა̄რ ხა̈ბკე̄ნახ ი ჩი̄ ხოლა̄მ გარ ხა̄ჩვმინახ უშხვა̄რ.
Line of edition: 9 მა̈ჲ მესტჲა̄ლა̈რს ხა̈წნო̄ლახ ღალ ლატლა̈რ, მა̈ჲ ლატლა̈რს ხა̈წნო̄ლნახ მესტჲ
Line of edition: 10 ა̄ლა̈რ. გუნ ბა̈კა̄რობ ი ლიჲმახვა̄̈ლ ხა̄რახ უშხვა̄რნე̄სგა. ჲეს-ჲეს ლϩმდაგვრინხ უშ
Line of edition: 11 ხვა̄რ, ჲეს-ჲესინ ჩუ ლϩმϩრმინხ ი ღო საჴსა̈რს ხა̈კდინახ. დე̄მჟი̄ნ ლϩმზა̄რვინხ უშხ
Line of edition: 12 ვა̄რ ხოლე̄მი ლეჩვმად. Line of edition: 13 აშხვჟი̄ნ ესნა̈რ მესტიას ჟა̈მ ა̈მჴედე̄ლი ი ჩი̄ ქა ლექა̄̈ბი ხა̄რა მა̈ზგი ნამა̄̈ტვ. ლატ
Line of edition: 14 ლის მა̄მ ა̈მჴედე̄ლი ჟა̈მ ი დეჲ ხაყვლი̄ნნახ ეჯღ', ე̄რე ეჩე ქელეფა̈ნ ხა̄მთქვე̄ნა ი ქელეფნი
Line of edition: 15 მა̈ზიგთე̄'სგა ფისრა̈ჲ ჟა̈მ როქვ დე̄მ ღϩრი. Line of edition: 16 ლატლა̈რ ჩიგარ ლϩმჴა̈დვინხ მესტიათე ი ესღვე̄ნახ კეთილ ი ხოჩე̄რობა. "იმღა
Line of edition: 17 დო̄მ ადჲა̄̈სგდახ, ლახე მუდურვა̈ნი დო̄რ ხეყა̄̈ნო̄ლხ?! " Line of edition: 18 ჟა̈მს მესტჲა მერხა̈ლდ გარ ოთცვი̄რა ი ჩვა̈მთვეფ, ეჩქას ღალ ჩუ ნამსა̈დვ მიჩა-მიჩა
Line of edition: 19 ქორს ლახტეხა მა̈გ, ხოშა̄მ ნაღა̈ლს ქა ლϩბა̄რგე ხა̈ხვო̄ლნახ ქორა̈რ.
Line of edition: 20 მესტჲა̈ლრე ქორთე ლიჴედ ჩ' ოთკვიჰახ ლატლა̈რს. აშხვ ლადა̈ღ ესნა̈რ ჩვა̈დნა̈ზო̄რა̄̈ნხ
Line of edition: 21 ი ჩვასკიბხ, ერე ხეკვეს სგა̄ჩეხ მესტჲათე ი ჲერვა̄̈ჲ ესამა ჩუ ჲა̈რ არდე̄დს,
Line of edition: 22 მა̈გ ჟ'ანხუტახ. ამჟი̄ნ ესნა̈რ ლეჟა ლიჴედ ლა̈ჲბინეხ მესტჲათე. ეჩქას, დიდა̈ბი
Line of edition: 23 ლეჴედ ჯგϩრა̄̈გი მონზვერ მიტულჲა̄ნშა ლϩმა̄̈რხ. ა̈დკვიჰ ესნა̈რ ალჲარე ზურა̄ლდ
Line of edition: 24 ლატლარე ლიჴედ, ჟ'ა̈ნკიდ ჰანწა̄̈რ მარდ ი რა̄̈ქვ:"ჰე̄, ჯგϩრა̄̈გ! მიჩა მემზირ მესტჲას
Line of edition: 25 ესერ ლატლა̈რს ჩუ ჰე ხა̈ნბე ლეჴცად, ეჩქას ესერ ალ მარდს ა̈ჲე̄სგი ი მიჩ ჟ,
Line of edition: 26 ანჴვემ". Line of edition: 27 ანჴა̈დ ესნა̈რ დიდა̈ბი ლეჴედ ჯგϩრა̄̈გ ი მიჩა ლეზგϩრჟი ვერბ ანფიშვდ. ალ
Line of edition: 28 ვერბ ესნა̈რ ქ'ა̄თა̄სდ ჲელ ლენჯა̄̈რისშ ი ხა̄̈ქვ: "ლატლა̈რს ესერ შუკუ ოხვჟომე
Line of edition: 29 მესტჲათე ლაჴა̈დ, ადო ეჩურ ესერ მა̄მ ხოყა, ალ' ე̄სერ ოხვჭირა ჯგϩრა̄̈გს".
Line of edition: 30 ანჴა̈დ ესნა̈რ ჲელ ლენჯა̄̈რიშ, დიდა̈ბი ლეჴედ, ი ეჯკა̈ლიბ სკარხალ ი ჭა̈ხ ქ'ა̄ნფიშვდ
Line of edition: 31 ლატლა̈რთ', ე̄რე ალჲა̈რს ესნა̈რ ჟი ლეჭვენი ხა̄რახ ი ა̈გითე ლეტეხ. ეჩქანღო
Line of edition: 32 სერ დე̄სამა მოშ ოთბა̈დვახ მესტჲა̄̈ ლაღლა̈ტთე ლიჴედ ლატლა̈რს. ალა როქ
Line of edition: 33 მა̈გ დიდა̈ბი ლეჴედ ჯგϩრა̄̈გი ჴამშოშვ ლϩმა̄̈რ, მა̄̈ჲ მესტჲა ღალა̈ტს ქ'ა̄ხსედა
Line of edition: 34 ეჯდვრევჟი̄ნ. Line of edition: 35
ლენჯა̄̈რ Добавлено (2007-06-07, 6:40 Pm)
---------------------------------------------
Text: 70
Page of edition: 63
Line of edition: 36
70. ქაშგარეშ ი შვანრე ლისყა̄̈ლ Line of edition: 37 ჯვინალდ ქაშგა̈რს ი შვანა̈რს მასა̈რდ ლიშჲა̄̈ლ ი ფათრა̈კ ხა̄რახ უშხვა̄რ ნე̄სგა.
Line of edition: 38 ეჩხა̄ვ-ამხა̄ვ დაგრობი ხაჩϩ̄და̈ნვნახ. ეს აშხვთე ლϩმა̄̈რ ხოფშირა ლϩდგა̈რ ი
Line of edition: 39 ეს მე̄რმათე, მარე ეჩხა̄ვ შვანა̈რ გარ ხა̈შგბა̈ნვნახ ქაშგა̈რს, ქვინლϩმგენა̄̈ლს ი ჩა̄ჟა̈რს
Line of edition: 40 ხაღე̄შგა̄ლახ, ქაშგა̈რ დე̄მჩიქქა მოშ ლϩმბა̈დვნინხ შვა̈ნთე ლიჴედს. ეჯა მა̄დეჲ
Line of edition: 41 სა̈ვთე დეშ ლϩმჴა̈დვინხ ზავლადა̈ღ შვანრე მაყალვშ, ეჯჟი ლϩყა̄ლვე ხა̄რახ
Page of edition: 64 Line of edition: 1 შვანა̈რს, ჯვინალდ შვა̈ნისგა ხოშა ლϩტა̈ნ მა̄რა̄̈ლ ხაჩϩ̄დო̄ლნახ. ეჯჲა̈რს გმირა̈რ სი̄
Line of edition: 2 ხატუ̄ლინახ ი ნართა̈რსი̄. ეჯჲა̈რე ჯიჯვა̈რ ლახე გვებნიხ ათხე ლაკϩლდამა̈რისგა,
Line of edition: 3 ეჩზუმვა̈რ ლიხ, ერე წაღვა̈ ჯიჯვა̈რს ნე̄სგაქა̄̈ მა̄რა მუჭვედთეჟი̄ნ ხეხო̄ლიხ. ეჩϩნქა
Line of edition: 4 ხახლე̄ნახ ლϩქა̈ჩი მოშ ჟაგრა̈რ. ლახე თხუმჟი̄ნ მა̄რა ჩუ ნაქაჩუნღო ჯიჯვ ხაკლიე̄ნა,
Line of edition: 5 ჩეიშვ ხა̈ჩჲა̄̈ნახ ჩუ ი ეჩი̄ ტკეჩა̈რს ხა̈სგვრინახ. ათხე და̄̈ს ხოხალ ეჯ ხელობ.
Line of edition: 6 ამჟი̄ნ ჩიგარ უშხვა̄რ ხა̈ბკე̄ნა ქაშა̈გ, შვა̈ნ ი სა̈ვჲა̈რ უშხვა̄რთე ხა̈სმინა̄ლვნახ
Line of edition: 7 ი ჰა̈დურდ ხოშა̄მ ლიმსისგა̄რვს ხალა̄შუნახ უშხვა̄რ ნე̄სგა. ეჩის ქა̄მენჩუ̄ნ ქაშგა̈რს
Line of edition: 8 ჯოგორაშვ ხა̈ქვთუნახ სა̈ვჲა̈რ ქვინლϩმგენა. სგა ლϩმმახა̄ლვინხ შვანა̈რს ი კვეტო̄ლ
Line of edition: 9 ფასვღა ჩუ ხა̈ყდინახ, ეჩქანღო ქაშგა̈რს ხაყლო̄ნნახ, ერე ალ ჯოგა̈რ ესერ შვანა̈რს
Line of edition: 10 ოთქვითახ ი ჰა̈დურდ ხოშა̄მϩდ ხა̈შვმინახ ლემასგვ უშხვა̄რ ნე̄სგა შვანა̈რს ი ქაშგა̈რს.
Line of edition: 11 ლახე უფგოვშ იმე ლϩმლაკვინხ ქაშგა̈რ შვანა̈რს, შიშდ ჩუ ლϩმდაგვრინხ,
Line of edition: 12 ქა ლუმშყუჟუ̄რვინხ ლϩდგა̈რს ი ეჩჟი̄ნ ლეგვრევისგა ჩუ ლუმგორვინხ. ამკა̈ლიბდ
Line of edition: 13 დაგრა, მა̈ჲ საკვრელ, შვანა̈რს ხოშა ხავშგედე̄ნახ ი მინი̄ ეჩჟი̄ნ ლϩმშდაბვინხ ქაშ
Line of edition: 14 გა̈რს, შომვა̄̈ჲ ჩუ ლϩმდაგვრინხ. სა̈ვჲა̈რ ეჯღა ლϩმლა̈ძღვნინხ შვანა̈რს ი ქაშგა̈რს,
Line of edition: 15 ერე სა̈ვჲა̈რს ხოშა ლაღალ ქაშგი გიმ გარ ხუღვეხ ლა̈ჭმად ი ლაკვმაშდ. ამე̄სგა ქაშ
Line of edition: 16 გა̈რ ბეგა̈რს ხაკა̈დდახ, ფუსდშა̄ლ ხასგურდახ სა̈ვჲა̈რს თხუმჟი̄ნ ი ეჯღა ხა̈სსგϩნ
Line of edition: 17 დახ გუნ. აშხუნღო ჩეფელევშა ვა̈რგ ი ქაშგი უზდენ ალყვაბე̄ლიხ ჩუ ი ახა̄რახ შორ
Line of edition: 18 შვანეშ ი ქაშგი ლისყა̄ლე ბედჟი̄ნ. მϩქშა̈გ ესბეცა ჩეფელევშე̄რ ვა̈რგს: "მა̈დილუ
Line of edition: 19 ესერ ხე̄რა ი ჟი̄ვ ანსათხე იმვა̄ლეჟი̄ნ მინეშ ი შვანრე ლისყა̄̈ლ. ამის ესერ ჰე̄მჟი მოშ
Line of edition: 20 ასხათი, სურუ ლემდა გვაშვ ესერ ესდინე ქაშგი ბედჟი̄ნ. ჩეფელევშე̄რ ვა̈რგს იმედ
Line of edition: 21 ხო̄ქვა. ალ ვა̈რგ ოთარშა ნიბა̄̈შინ ლϩმა̄̈რ ი ობა̈შინ ლϩმჴა̈დვინ შვა̈ნთე მიჩა ლა̈დჲარლე
Line of edition: 22 ლაწა̈დთე. ანϩ̄გა̈ნ ესნა̈რ აშხვ ლადა̈ღ ი ქ'ა̄ნჴა̈დ შვა̈ნთე ი სგ' ა̄ჩა̈დხ მიჩა
Line of edition: 23 ლა̈დჲართე. ალჲა̈რდ, მა̈ჲ საკვრელ, მასა̈რდ ა̈დხი̄დეხ ნიბა̄̈შინა̈ ლიწედ ლა̈ჲსა̄̈ლ ათ
Line of edition: 24 ზიჰვნეხ მიჩა შϩნშვ ეჯღ', ე̄რე უსურმა̈ნ ქრისდია̈ნი ნა̈სა̈ნვ ლა̈ჲსა̄̈ ლეღვს დე̄მ იზბი
Line of edition: 25 ი ძღϩდ დიდებულ ხინ ოთჩვემნახ. აშხვ ლადა̈ღ მიჩა ბიძა̈ჲ ოთარს ხა̄̈ქვ: "იმღ'
Line of edition: 26 ე̄სერ დო̄მ ისყა̄̈ლხ ჩუ მინ ი ქაშგა̈რ. დეშ ესერ ხაბჟახა ბიზდ ალამა̈გ ხოლე̄მი ლიჩვემ
Line of edition: 27 უშხვა̄რ ნე̄სგა. სერ ესერ ნუკუ ანჴიდხ, ადო ამჟ' ე̄სერ შომვა̄ლე უშხვა̄რ ლა̈ხკედნიხ
Line of edition: 28 ი სა̈ვჲარე ლეხჲა̈დდ ანსყე̄ნეხ თხუმ, ეჯჲა̈რ ესერ უშხვა̄რ ნე̄სგა ხოსმი̄ნეხ
Line of edition: 29 გარ ი იშგანღ' ე̄სერ დე̄მღა ფეშნიხ. გვივ ლახვე̄მ ი ხოჩა̄მდ ჰე ხოჴდენდე̄დს მიჩა
Line of edition: 30 ლი̄ქვ, ჩუ̄ვ ესერ ა̈დსყა̄̈ნხ". Line of edition: 31 ოთარდ ლახტიხ ესნა̈რ: "მიჩ ესერი ჩუ ხოცხა, მარე ხოჩა ნე̄სგა მეზ' ე̄სერ
Line of edition: 32 და̄̈რ ხაყახ. ეჩϩნქ' ე̄სერ ბა̄̈ლϩნჟი̄ნა̈ შვა̈ნდი ჟი ლემჴერა̄̈ვნე ლი. ეჯჲა̈რ ესერ ი მინ
Line of edition: 33 ყვაბდ ა̈თსყო̄ლიხ ქაშგა̈რს". "ნე̄სგა მე̄ზიდ ესერ ჲაღო ჯ'ე̄სგენი ი მიჩნე̄მ ხა̈ლხუ
Line of edition: 34 ა̈ნყვაბე." Line of edition: 35 ადზϩზეხ ესნა̈რ ბა̄̈ლϩნჟი̄ნ მა̄რე ი ჟ'ახმეჴრა̄̈ვნეხ, ერე "ჰემმ' ე̄სერ ხოცხახ,
Line of edition: 36 ღვ' ე̄სერ ჩვასყე̄ნეხ მინს ი ქაშგა̈რს". ბა̄̈ლϩნჟი̄ნა̈ ჴევ ესნა̈რ ჩვა̈დნა̈ზო̄რა̄̈ნ. ახა̄დხ
Line of edition: 37 ლახორ ი ჩვასკიბხ ლისყა̄̈ლ. ქ'ა̄̈ნთიშხ ეშდჲორი მა̄რე ი ჟ'ანმა̄რეხ სა̈ვთე მე̄ზიდ. Добавлено (2007-06-07, 6:41 Pm)
---------------------------------------------
38 ჩვადშგურა̄ნეხ. ერე "ლიმო̄როვ ბახსანსუ ახა̄დხ ი ქაშა̈გთე ნომა̄ვ აჩა̄დხ. ეჩϩნქა
Line of edition: 39 ჰ' ე̄სერ ა̈დჴϩდახ სა̈ვჲა̈რდ მინე ნა̈ქვთია̈რვი ფასა̈რ ქაშგა̈რთე, ხოჩა, მა̄დ' ე̄სერი
Line of edition: 40 ქა̄ვ ოთუ̄შხეხ მა̈გ სა̈ვჲა̈რს". ალ ეშდჲორი მა̄რე ლექვ'ა̄ნჴა̈დხ ბეჩვითე ბა̄̈ლϩნჩვი̄შ
Line of edition: 41 დი ეშდჲორი მა̄რ'ა̄̈ნთიშ. ლოხვჴერდახ უშხვა̄რ. სგვებინ ჩეფელევშა ვა̈რგ
Line of edition: 42 ესჟოღდა ი ოთარ ი ამჟი̄ნ სგ'ა̄ჩა̈დხ ბახსანთე̄სგა. ამეჩუნ ბახსნა̈რდ სადგვემ ოხვ
Line of edition: 43 მა̄რეხ ი ხოჩა̄მ ხა̈რჯს ხოსყე̄ნახ შვანა̈რს ვოდ ეჩ'ა̄რდახ. ქაშა̈გთე̄ჲ ბა̈ჟინ ჩვემინხ
Page of edition: 65 Line of edition: 1 ი ამხა̈ნი ერვეშდიო̄შთხვ მა̄რ'ა̄ნჴა̈დ. ა̈დყვაბა̄̈ნხ ჩუ მა̈გ ბახსანისგა ი ახა̈დხ ლიმო̄რ
Line of edition: 2 ოვ. ლϩდგარუ უშხვა̄რ ლოხვგეხ ი სა̈ვჲა̈რდ ლახე ქა მო̄დ ადმϩქფეხ მინე ნა̈ქვთა̈რ,
Line of edition: 3 ანჴა̈დხ შვანა̈რ ი სა̈ვჲარე ნა̈ყიდვ ი მინე ნაღე̄შგა̄ლვ მა̈გ სა̈ვჲარე ლაბრა̈ლდ
Line of edition: 4 ანსყეხ. ალამა̈გ მა̄რახა̈ნქა მო̄რე̄ვდ ჩხარა მა̄რე გარ ა̈ნთიშხ. ალა̈ჲრს ახკაფϩნხ: მა̄̈ჲ
Line of edition: 5 ქაშა̈გს ზარა̈ლ ჟი ხადე̄ნა, მა̈გ სა̈ვჲარე ლეჴდად ი ამეჟი̄ნ ჩვა̈დრიგვა̄̈ნხ.
Line of edition: 6 ეჩქანღო სერ ეზერდ ხოსყე̄ნად უშხვა̄რ. Line of edition: 7
მესტია Добавлено (2007-06-07, 6:42 Pm)
---------------------------------------------
Text: 71
Page of edition: 65
Line of edition: 8
71. კა̄̈რშარეშ ი ლა̈შხა̄ნშა ბა̈კობ Line of edition: 9 ჯვინალდ ბა̈კარობ ლϩმა̄̈რ. იმვა̄̈ჲ მოშ ლϩმსახვთინხ, დე̄მნოვშ ლϩმზა̄რვინხ
Line of edition: 10 უშხვა̄რ, მა̄̈ მოშ ლა̈თჲა̄ლს ხა̄რახ. ლებეკ ი მებეკ უშხვა̄რი ხოლა̄მ გარ ხაშდბე̄ნახ
Line of edition: 11 ი ხვა̈ჲ ხოლა̄მ ხა̈ჩვმუნახ უშხვა̄რ. Line of edition: 12 კა̈რშრეშ ი ლა̈შხა̄ნრე უშხვა̄რნე̄სგა̈ ბა̈კობ ბოფშრე ლიკϩნტა̄̈ლს ახფასა. აშხვ
Line of edition: 13 ლადა̈ღ ესნა̈რ ბოფშა̈რ ლალდა̈ღს არიხ ი ლიშდრა̄̈ლ ლა̈ჲბინეხ. ლაშდრა̄ლჟი̄ნ ლიკϩ̄ნტა̄̈ლ
Line of edition: 14 ოხჩდϩხ ესნა̄̈რ ი უშხვა̄რ ჩვახტუფუ̄რეხ მა̈გ ლაკანჭუ̄რას. ლა̄̈შხა̄ნშა ხოშა̄ლე
Line of edition: 15 ბეფშვ ჟი მϩრეს ახწინდა კე̄რშა̈რშა ხოშა̄ლე ბეფშვს ი ხოშე̄ლ ოხკანჭუ̄რა.
Line of edition: 16 ნა̈ბოზს ა̈გით' ა̄ჩა̈დხ ალ ბოფშა̈რ ამჟი მϩჟღϩ̄ლი. კϩ̄რშა̈რშა ბეფშვი დი ხეწა̈დ მიჩა
Line of edition: 17 ბეფშვს ქა ლϩკანჭუ̄რა ი ლახჭვედნა: "მა̈ჲ ესერ ხა̈ყრა, ჲა̈ს ესერ ლოხვგენ'ა̄მჟი
Line of edition: 18 ჩქიმ?" ალ ბეფშვს ლოხვტი̄ხა: "ჲა̈ს ესერ ი ლა̄̈შხა̄ნშე̄რ ბეფშვს". "მიჩ ესერ
Line of edition: 19 ოსკანჭუ̄რა მა̄ ღო?" "მიჩ ესერ ა̄დუ". Line of edition: 20 ალ ზურა̄ლ ესნა̈რ ხოჩა ზურა̄ლ ლϩმა̄̈რ. ჩვადშა̄რდ' ე̄სნა̈რ გეზალ ი ხა̄ქვ: "ჯ'
Line of edition: 21 ე̄სერ ი̄რო̄ლ ღე̄ვა̈რ, ადო ასცვიდდ ესერ დე̄მის ახკანჭუ̄რი̄ს. ამუნღვ' ე̄სერ ნო̄სუ
Line of edition: 22 ხეკϩ̄ნტა̄̈ლ ი ღვ' ე̄სერ მა̄მ ხე̄რ' ა̄ლა". Line of edition: 23 ლა̄̈შხა̄ნშა ბეფშვი დი ქა ხა̈წდა მიჩა გეზალს ამჟი ჩქიმა̈რს, ეჩქა ლა̈ხჭვედდა
Line of edition: 24 "მა̈ჲ ესერ ხა̈ყრა ჭყϩტრა?" "მა̈ჲ ესერ ი კϩ̄რშა̈რშე̄რი ბეფშვს ოხკანჭუ̄რა". ალა
Line of edition: 25 ზურა̄ლდ ა̈დვა̈შგდე. კუდა̈ჲ ზურა̄ლ ლϩმა̄̈რ. ბეფშვი ლიშა̄რდე̄ მϩქაფდ ოთშგა̈ბ
Line of edition: 26 კϩ̄რშა̈რშე̄რ ყო̄რთეჟი̄ნ. ლოხვბინე ალ მეზგა ლიწრა̄̈ლ ი შვანე რიჲა̈ლ ჯაჭა̈რჟი̄ნ
Line of edition: 27 ხაჴიდ. ალჲარე ზურა̄ლ ქ'ა̄̈ნსგიდდ' ე̄სნა̈რ ი ლა̈ხჭვედდა: "ჯა ზურა̄ლ, მა̈ჲ ქაჯა̈რ
Line of edition: 28 ესერ ახჭვა̄და? იმნა̈რ ესერ ხა̄რ ამჟი̄ნ მიჰმა̈ნ?" "ხამ'ე̄სერ იმნა̈რ, მინ ბაგრაუ, მინ
Line of edition: 29 ეჯა ი მინ ალა, მინე ხოლა̄მდ ლϩნში̄ლა წოკლა̈ჲ ბეფშვს მა̈გ ჩვოხტუფუ̄რა მიჩა ბეფ
Line of edition: 30 შვდ. ჲა̈რ ესერ ხოხალხ მინს ეჯა?" "ჯა ზურა̄ლ, მიჩა ბეფშვდ ესერ ჰა̈დურდ ხოდრა
Line of edition: 31 ჩქიმ ლოხვგენა მიჩა გეზალს, მარე ჯ'ე̄სერ აჯაღ ეჩხა̄ვ ათცუვე̄ნა, ბეფშვი თველს
Line of edition: 32 ესერ ჲა̈რ ა̈ნჴდე თველია̈ნ, მა̄მ'ე̄სერ ხოშგურა ბოფშრე ლიწე̄ნა̄̈ლ?"
Line of edition: 33 ოხჩϩ̄დხ ალ ზურალა̄̈რს ტე̄ვა ი უშხვა̄რ ლა̈ხწერა̄ლა̄̈ნხ ხოლა̄მდ, კϩ̄რშარშე̄რ
Line of edition: 34 ზურა̄ლდ ხა̄̈ქვ: "ჯ' ე̄სერ ჰერვია ლი. ლა̄̈თშვ ესერ ციცვდ ისპი ი ხოჩა̄მ სიმქა̈რს
Line of edition: 35 ესე გვის ი ყვიჟა ქა ხამა̈მ". "უ̄ჲ, ჯ'ე̄სერ ყა̈ხბა, ჩუ̄ვ ღენ ესერ ესგენე, ამნია̄̈ნდ
Line of edition: 36 ესერ მა̄̈ვ ხა̈ყრის მიჩ მიჩა ჭაშვემ. ჲედ ესერ ესცხირნე ჟი ალ ლიჰურჲალსვ ი მა̄დ'
Line of edition: 37 ე̄სერი იმთ' ო̄თჩედნი?" Line of edition: 38 ამჟი̄ნ ლა̈წრა̄ლუშ ა̈გით'ა̄ჩა̈დ ლა̄̈შხა̄ნშა ზურა̄ლ. ნა̈ბოზს მიჩა ჭა̈შ ლაშდაბხა̈ნ
Line of edition: 39 ა̈გით'ა̄ნჴა̈დ, ეჩქას ალ ზურალდ ჩვესხვიჲე ა̈გის ალ ამბა̈ვ ი ხა̄̈ქვ: "ჲედ ესერ
Line of edition: 40 ქა̄ვ ამმაწვდე ჯა ამხა̈ნქა, ალ შგვირ ესერ ჟი̄ვ ახღირ ი მა̄დ'ე̄სერ ი ჯა მიჩა ლამვართე
Line of edition: 41 ღϩრი ი ეჯჲა̈რს ესერ ახთხა̄̈ლვნი მიჩა შგურ". ჭაშვემ ესნა̈რ ლახტიხ:"ჯა ზურა̄ლ,
Line of edition: 42 ჟი̄ვ ლახშვა̈მნე კვეტო̄ლ ხა̈ნს ი ღვ'ე̄სერ ეჩქანღო ი̄რ'ა̄ლ გვეშ. მა̄მ' ე̄სერ
Page of edition: 66 Line of edition: 1 ხოსგდია, ვედნილდ გარ ა̈რი, ეჩჟი̄ნ ლახმეშრე̄ნა ლა̈დი ლამშიას". მე̄რმა მეყულფა |
| |
| | |
|
Мужчина |
Date: Четверг, 2007-06-07, 6:43 PM | Message # 18 |
|
Group: Проверенные
Posts: 352
Status:Offline
Дата регистрации:
2006-09-07 |
2 დი ათსა̈სტკვნეხ ბა̄ზი ალ ზურა̄ლს ი ჩვადშა̄რდეხ. მე̄რმა ლადა̈ღ შიშდ ლიმცი
Line of edition: 3 ქვილ ლოხვბინეხ ალ ხეხევ-ჭა̈შდ კϩ̄რშა̈რს: "ჲედ ესერ იმვა̄ლეჟი̄ნ ქა̄ვ ანმაწვდეხ
Line of edition: 4 ალ ზურა̄ლ ლიჰურჲალვხა̈ნქა, მა̄დე̄ჲ მა̄̈ღვრა̄ვ ხაყერხ, ადო ამჟი̄ნ ესერ დეშ აჭკრ
Line of edition: 5 ϩნეხ ი ფათრა̈კს ხაფსეხ. ივალადა̈ღ ესერ მინე გვა̈რიში ლიჰურჲალვ და̄̈ს ხასმა".
Line of edition: 6 კϩ̄რშა̈რშე̄რ ღვაჟა̈რს მა̄მაგვეშ ხოხალდახ ამი̄შ ი ეშ ა̈დϩმბაჟეხ. ლა̈ხჭვედდახ
Line of edition: 7 მინე ზურა̄ლს ი ამნე̄მ მა̈გ ქ'ო̄ხუნბავე ღვაჟა̈რს, იმ ახფასეხ მინე ზურალა̄̈რდ ტე̄ვა.
Line of edition: 8 მეცქულა̈რს ლახტიხხ ღვაჟა̈რდ, ერე "მინს ესერ მა̄მგვეშ ხოხახ ხიად, ზურალა̄̈რ
Line of edition: 9 ესერ იმვა̄̈ჲ ღენ ლახწერა̄̈ლი̄სხ უშხვა̄რ. ლა̄̈შხა̄ნშე̄რ ზურა̄ლა̈ ნალფე̄თ' ე̄სერ გიმ
Line of edition: 10 სი გვა̈მი ხა̄რ. მინს ესერ მა̄მა ხოჟიბხ ეჩი̄ ლა̈ჭმინა̄ლდ ი მა̈დილუ ხე̄რახ ი მინს ჰაჯუ
Line of edition: 11 ახკიდხ". მეცქულა̈რდ ქ'ე̄სვტიხხ პასუხვ ი ალ ხეხვ-ჭა̈შ ლა̈ზϩრხოვშ აჩა̈დხ
Line of edition: 12 ქორთე. აშხვ ლადა̈ღ ლახევი̄დ ლა̄̈შხა̄ნშა ზურა̄ლა̈ ჭა̈შ კϩ̄რშა̈რე ზურა̄ლს, ახფხი
Line of edition: 13 ჭე ლუსდიგვს ი ხანჯარშვ ჩვახჭკვერ. ჯვინალდ შვა̈ნისგა მა̄რე̄მი დაგრად ხოშა
Line of edition: 14 ხϩ̄რ ხეყა̄̈დ, ათხე̄ჲ მასა̈რდ შგვირ ლი ლახე ზურა̄ლს ლუსდიგვს ჲა̈რ ახჭკორე. ალა,
Line of edition: 15 მა̈ჲ საკვრელ ლი, ჭაშვემ ი მიჩა მეყულფად მასა̈რდ ა̈დხϩ̄რეხ. "ეჯღა̄ჲ ესერ ოთხი̄
Line of edition: 16 პახ გვი ხოლა̄მ ყა̈ხბა ზურა̄ლა ბა̈დშვ, ყორქა ლაჴა̈დ ესერ ოხვშდი̄ნახ ი სერ ესერ
Line of edition: 17 მინე ლირდე ამუნღო დე̄მნა̈რდ ხაჯეშ". Line of edition: 18 ალ ზურა̄ლა̈ ჭა̈შდ ლიმშავს ჰაჯ ახკიდ, ყო̄რქა ლიჴედსი დე̄მ იჩომ ი ოხღელი
Line of edition: 19 ტარესვს. აშხვ ლადა̈ღ ოთდარჯე ჩუ ლახვს ლიჭმა̄̈ლისგა ლა̄̈შხა̄ნშე̄რ მა̄რა. ალ მა̄რა
Line of edition: 20 მერჩილ ბარჯს ხა̄̈ზ, თვეფ ჟი ხორიკ ი ესღრი ლა̈ჭმათე. ახფიშვდ კϩ̄რშა̈რშე̄რ მა̄რე̄მ
Line of edition: 21 თვეფ ი შუკვისგა ჟ'ესცვირ ალა. ანჴა̈დ ა̈გითე, ჟ'ა̈ნნა̈ზო̄რე ნა̈თჲა̈რ ი ბა̄ზი ხოჩა
Line of edition: 22 ლა̈ხჲადა̄ლ აჩვმინ, ერე შგვირ ქა ლა̈ჲტიხჲე̄ლე ი ყო̄რქა ლაჴა̈დ ჟ'ა̈ხსყა̄̈ნ.
Line of edition: 23 ეჩქანღო სერ უშხვა̄რ ახბეკე̄ნახ ალ ჲო̄რი თემ ი მასა̈რდ დაგრა̄რობ ხა̄რახ.
Line of edition: 24 თვით ოხვიშდ ღეთ ოთდაგრახ ეჩხა̄ვ-ამხა̄ვ ი ეჩქანღო ვედნილდ გარ ოთსყახ მინე
Line of edition: 25 მესვფელას, მარე ა̈მჩედელი დვრევ ი ალ ჲო̄რი მეზგე ჟ'ა̈მხვეტე̄ლიხ, ეჯჲარე
Line of edition: 26 ნაქურვა̄ლე ნამჴიჩვა̈რ წვირმი̄შ ი ჲელი̄ უშხვა̄რ ნე̄სგა ათხე̄ჲ ზϩმშვ ჩუ სიდხ. ეჯ
Line of edition: 27 ჲარე გვარიში და̄̈რ სიდ ლა̈დი. Line of edition: 28
ლენჯა̄̈რ Добавлено (2007-06-07, 6:43 Pm)
---------------------------------------------
Text: 72
Page of edition: 66
Line of edition: 29
72. ეცრიშ ი ფა̈რი ოთარშე̄რრე ბა̈კა̄რობ Line of edition: 30 ჯა̈ნსუხვი ნაბერწყ ეცერ იზგახ ი ლაზგად ბა̈რშისგა იზგახ. ალჲარე შϩნჩუქვა̄ნ
Line of edition: 31 არდახ ეცერ-ცხϩმა̈რ ი ბეჩვი. ფა̈რს იზგა ციოყ ი მიჩა ნა̈თსა̈ვ. ალჲა̈რს ჩიგარ
Line of edition: 32 ხა̈სგϩნხ უშხვა̄რე თხვიმ ი ჩიგარ ბა̈კა̄რობ ხა̄დხ. Line of edition: 33 ხა̈ლხცახა̈ნ ი ლუზორ-მაზორჟი̄ნ უშხვა̄რე მა̈სისგს ქა დე̄მ ითნახ ი ხეყხა̄ლხ
Line of edition: 34 უშხვა̄რ, მარე გუისგა ეჯას გარ ხესკო̄რა̄ლხ, ე, უშხვა̄რეშდ მა̄ლე ლედვრე̄ჴი მოშ
Line of edition: 35 ესვდე̄ნხ. მინე ლეფსვნა გლეხა̈რს ი ჟი ლϩჟა̈ხ ხა̄დხ მინეშდ ქა ლϩკϩლპოტე ჟახე:
Line of edition: 36 "ჩინოვშ უმჴა̄და ოთარშა". Line of edition: 37 ალ ჲო̄რი ოთარშა ჲეს ეშხუ ხა̈წრახ აშხვჟი̄ნ ი ჲეს -- მე̄რმე, შვა̈ლას დე̄მჟი
Line of edition: 38 ხოჴდახ უშხვა̄რ ი გუ ხა̄დხ, ერე ჟი იმჟი მოშ ოხხვი̄ტე̄ნხ ი ღო ეჯჲარე ნამსა̈დვ მინს
Line of edition: 39 ესსედე̄ნხ, ალა ჲექϩრდა̈შ ჩუ ხოხალდახ ი ჩიგარ ხეფϩრთხილდახ უშხვა̄რ.
Line of edition: 40 ალჲა̈რს მϩსმი̄ნეჲ ხვა̈ჲ ხორდახ, ამნოვშ აშ გარ ხოკვი̄ლცხა̄̈ლდახ უშხვა̄რ ნესგა
Line of edition: 41 თე̄ ხოლე̄მი ლიჩვემს. აშხვჟი̄ნ ფა̈რი ოთარშა ლეჟ'ა̄ხშგებახ ეცრი ოთარშე̄რს,
Line of edition: 42 შომვა̄̈ჲ ღვაჟა̈რ ქორს მა̄მ არდახ, ეჩქას ჟ'ოხვბიდნახ ეცრი ოთარშე̄რდ ი ხვა̈ჲ
Page of edition: 67 Line of edition: 1 წყა̈ნ ოთჩვემნახ. ქორთე ნაჴა̈დუნღო ლϩღლატად ესხვიე̄ნახ მა̈გ, მარე ქა მა̄მ ლოხ
Line of edition: 2 თენახ, ახმა̈ღლინახ, ერე მინს ესერი ოხვჴედნიხ იმვა̄ლე დვრევ ი გა̄მს ლახტიხეხ.
Line of edition: 3 ფა̈რი მახვში ციოყ ჩვალდაგა̈რ, ეჩქას ეჯას ხეხვ ი ოხვიშდ ჭყინტ გეზალ ათსედა.
Line of edition: 4 ალ ჭყϩნტა̈რ ხოხვრა გარ ლϩმა̄̈რხ ი ეცრი ოთარშე̄რ მაყალშვ ქ'ოთქა̄მვნა
Line of edition: 5 ზა̈ნთე მინე დი დიგორხანს. ქორს ჯაჲ მიჩა ფა̈მლია̈რ გარ ა̈მსედე̄ლიხ.
Line of edition: 6 ათხე აშხვ ლე̄თ ეცრი ოთარშე̄რ ჯანსუხვს ი მიჩა ლახვბას დვრევ ესვთიშახ
Line of edition: 7 ი ჩვათშგებახ ფა̈რთე, ამეჩუ̄ნ ჟ'ოხვმეჴრახ ი დიგორხან ი მიჩა ფა̈მლი დი̄ნა̄̈ლ მურ
Line of edition: 8 ყვამთეჟი̄ნ ა̈მჩედე̄ლიხ ლა̄ტვთე. ეცრა̈რ სგა̄თშგებახ, მა̄̈ჲ ესამა კეთილ ი ბა̈რგ-ნაბა̈
Line of edition: 9 რგ ი გა̈ნზ ჩუ ხარდე̄ნახ მა̈გ ჟ'ოხხუ̄პახ ი ქა̄მენჩუ̄ნ ოხვჴი̄დახ, ეჩქანღო ქორდი
Line of edition: 10 მურყვამდ ჟ'ოხვბიდნახ ი მინ ა̈მჩედე̄ლიხ. Line of edition: 11 ლემასგვ ჟ'ოთჰა მურყვამთეჟი̄ნ, ეჩქას დიგორხანს ქ'ოთჭო̄ნა ლაყვრა̄̈ ლერქვა̈რ,
Line of edition: 12 ჲერ შიჲა̈რჟი̄ნ ესვყედა̄ნა ი ამჟი̄ნ ქ'ო̄ხვსკინა მურყვამხა̈ნქა. ლერქვა̈რ ქ'ა̄ლბϩლბა̈ი
Line of edition: 13 ნე̄ლიხ ი ჩუქვა̄ნთე ლϩსკნანღო მამგვეშ ხა̈ყრა, -- ქა̄ხსედა, მარე მიჩეშუნღო
Line of edition: 14 მიჩა ფა̈მლის ოხვსკინა, ჟიქა̄ნ ხა̈ჲხა ი ჩვალდაგა̈რლიხ. Line of edition: 15
ლენჯა̄̈რ Добавлено (2007-06-07, 6:43 Pm)
---------------------------------------------
Text: 73
Page of edition: 67
Line of edition: 16
73. მაქსიშა ლიხვტე Line of edition: 17 ვიბია̄ნშა ლენჯა̄̈რს ჟ'ოხხვიტახ. ეჩქანღო გვიანდქა ქედუშ ალზიგე̄ლიხ ი
Line of edition: 18 ეზერ მეზგე ლϩმა̄̈რხ. ალჲა̈რს ლერდიდ ოთხვიახ ნიშგვეჲ გიე ი სოლთანშე̄რ სოლთანი
Line of edition: 19 გეზალ. ალ ქორს მეჩი ბაბა ხარდე̄ნახ ჩუ ლუთურე ი ზურალა̄̈რს სურუ ხოლა̄მდ
Line of edition: 20 ხა̈ჩვმუნახ. აშ ღერთია̄̈ნიდ, მეხვრი ახანახა სგვებნე ლე̄თ (ლიგვირკე ლე̄თ)
Line of edition: 21 გიე ნიშგვეჲს ა̈გით'ო̄ხვტი̄ხახ ი მე̄რმა ლადა̈ღ ესნა̈რ ლეღვჟმა̄რე მა̈გ მეხვირთ'ა̄ჩა̈დ
Line of edition: 22 ლა̈ჭმათე. ანჴა̈დ ესნა̈რ ქედუშა ბაბა ი სოლთანი გეზალს ი მინე ბეფშვს ჰაკვნა̈რთ
Line of edition: 23 ე̄'სგა ყია̄̈რ ქ'ო̄ხვხანე ი ჩვადგა̈რ ამეჩუ̄ნ. მა̈ჲ ი̄რო̄ლ მიზეზ, ლა̈კი̄ლჲა̄ლ მო̄დ
Line of edition: 24 ა̈ნსყო̄ლ ალ ქორისგა. Line of edition: 25 ანჴა̈დ ესნა̄რ გიე̄ დი, ჟ'აჩა̈დ მეხვირთე ი ქედუშა ღვაჟა̈რ ჩვადბა̈ჟნე. ალჲა̈რს,
Line of edition: 26 მა̈ჲ ი̄რო̄ლ მიზეზ, სოლთანიშდ ი ნიშგვეჲ გვა̈რდ ათყალვი̄ნდახ ი აჩა̈დხ ლა̄ტვს
Line of edition: 27 მესტჲა̈ხა̈ნჩუ̄ნ, ჟ'ა̈მჩედხ ჭო̄ლა̈შთე ი ამეჩუ̄ნ ჩვალზიგე̄ლიხ. მასა̈რდ ხა̈დრა̄ლახ
Line of edition: 28 ნიშგვე გვა̈რშია̄̈დუ ქედუშე̄რ ღვაჟა̈რს, მარე დეშ ოხვდარახ. ქედუშე̄რ ნა̈რშავს,
Line of edition: 29 მა̈ჲ საკვრელ ლი, აშ ხათრო̄ნა მა̈გ ნე̄სგუნა გიმ-მეგემ. მასა̈რდ ხატკლებე̄ნა
Line of edition: 30 მიჩა ქორ ი ლიზგე-ლირდე ჩუ ლეცვრად. აშხვ ლადა̈ღ ლოხვჴერდახ ესნა̈რ მინ
Line of edition: 31 ლახვბა უშხვა̄რ ი ანჴა̈დხ ლენჯა̄̈რთე. ლეჟ' ა̄ჩა̈დხ ტვიბნა̈რთე ი ამეჩუ̄ნ ლა̈ქნი̄ლა̈
Line of edition: 32 ცხეკისგა ჩვა̈თპა̈ჟხ. ხაკუხ, ერე ეშხუ გარ ერვა̄̈ჲ ლა̈ხდო̄ლახ ლახვხა̈ნ მϩნე̄სგვინ,
Line of edition: 33 ალა ჩვადϩრმახ. ლეჟ'ა̄დიახ მϩლახთე ი ამი̄ საჴსა̈რ ა̈ნკϩდეხ. მა̈გ ჩვა̈მჴედე̄ლი ლახვხა̈ნ
Line of edition: 34 ი ლერმიდ და̄̈რმოშ ოხვდარახ. ჟი ლიჭვე̄ნის ხამურჯა̄ლახ, ამჟი̄ნ ესნა̈რ ხეწა̈დხ
Line of edition: 35 ლა̄̈ქვთე̄რი̄ლჩუ̄ნ მეჴედ აშხვ გარ მა̄რა. ალა ღალ ესნა̈რ გაგუ ლი ქაუშა. ქა მირ
Line of edition: 36 ლახქეხა̄̈ნ ლახვს ი ჯა გარ ალმა̄̈ზ. ესხვი̄დხ ესნა̈რ სგვებინჩუ̄ნ ალჲა̈რ ი ჩუ ლირმი
Line of edition: 37 ხაკუხ, მარე გაგუდ ესნა̈რ თხვიმ ლერმიდ მა̄დ ათნებე. ლა̈ჲშგვინ ხანჯა̈რ ი ნა̈რშავს
Line of edition: 38 ხაძგერ, მარ' ე̄ჩქად კვეტო̄ლ ლუვრე ხანჯრი̄ლა̈რ გარ ლϩმწვე̄ნხ ი მა̄მ გვეშ
Line of edition: 39 მოშ ხაყერ ღალ ესნა̈რ. ახჭვა̄დხ ამის ლახვბა, ჩვადბა̈რხ ი მინ ჩვა̈დი̄ტვხ. ეჩქანღო
Line of edition: 40 ჩიგარ ლϩმა̄̈ზხ ნიშგვეჲ ღვაჟა̈რ, ქაუშა ი სოლთანშა, მარე და̄̈ს მოშ იდრენდახ
Line of edition: 41 ესნა̈რ. აშხვჟი̄ნ ოხვლოთმა̄̈ნხ ლექვა̄̈ მϩლახს მაქსიშა ლეღლა̈ტიდ. ლოხვჴერდახ
Line of edition: 42 ესნა̈რ უშხვა̄რ სოლთან, გიო ქაუშა, ბაბში ი კვეტო ნიშგვეჲ, გურმაჩშა გურმაჩ,
Page of edition: 68 Line of edition: 1 ჲო̄რი ღეთ აჯაღ ი აჩა̈დხ ბა̄ზი მϩლახთე. სგ' ე̄სჭვა̄დხ მაქსიშე̄რ ლაყვრა̄̈ლთე̄'სგა
Line of edition: 2 ი მა̈გ ჟ'ანხვიტხ ხოშა ი ხოხვრა. ეჩქანღო ქ'ა̈ნსკინა̄ლეხ ი შგედრუშ ა̈გითე ლიჴედ
Line of edition: 3 ლა̈ჲბინეხ. ლა̈ჲსგიდახ ი გიო დე̄სა ხონჴრიხ. ვა̄̈ჲ ღალ ა̈დშიდხ. ჟი დეშ ხოჭვე̄ნიხ
Line of edition: 4 ფა̄და̄̈სი მაყალშვ ი სოლთანს ლოხვბინეხ ლიმჯა̄̈ლ: "დო̄ვ ესერ გიო ლახცილვა̄̈ნ
Line of edition: 5 მიჩ ლეცლϩ̄რად". ალა ხა̈ტხ' ე̄სნა̈რ: "მინ მა̄რა̄̈ლ, მიჩ ესერ ლაყვრათე̄'სგა
Line of edition: 6 ოთცϩლϩრა მა̄რა̄̈ლ ი გიოს ესერ დეშ ათა̈რდაჲა?" ესნა̈რ გიოს ქორისგა ფოყ ესსიპდა,
Line of edition: 7 იმ დო̄მ იჩო, მარე ყო̄რა̈რს დე̄მჟი მოშ ხეხოლი ი სგა ხასიდ ქორთე. ა̈დკვიჰ
Line of edition: 8 ესნა̈რ ალა ბა̄ზი მϩლახდ ი ქ'ა̄̈დფადას. სგა̄ჩა̈დხ ესნა̈რ მა̄̈ნკვი მაქსიშე̄რ ქორთე̄'სგა,
Line of edition: 9 ლϩდგარუ ჟ'ა̈ნწვე̄ნეხ ესნა̈რ ი ეჩქანღო აჩა̈დხ ფა̄და̄̈სდ. გივ' ე̄სნა̈რ ნე̄სგაქა ლოხვჴერდა
Line of edition: 10 მუბვირისგა ფა̄და̄̈სს ი ქ'ა̄ნჴა̈დხ ქა̄̈მთე. ესვთიშ ფოყ, ფა̄და̄̈სს ქა̄̈ხყვა̈ლ ი
Line of edition: 11 მიჩა შუკვს აჩა̈დ. ლა̈ჲბინ' ე̄სნა̈რ შგედრუშ ლი̄ზი ი მიჩ' ა̄ფხნეგა̈რს ბოგϩლდჟინ
Line of edition: 12 სგვებინ ესხვი̄დ. ალჲა̈რდ მასა̈რდ ა̈დხი̄დეხ ი ლა̈ხჲადა̄ლა̈ თოფა̈რ ეჩქანღო გარ
Line of edition: 13 ოთკვარახ. Line of edition: 14
ლენჯა̄̈რ Добавлено (2007-06-07, 6:43 Pm)
---------------------------------------------
Text: 74
Page of edition: 68
Line of edition: 15
74. ლენჯა̄̈რა̈შ ი ჩა̈რკვია̄ნრე ბა̈კა̄რობ Line of edition: 16 მϩლხა̈ ქურდა̄ნა̈რს ი მინე ლაშგა̈რს ხეშკილ ჩ' ოთჴაცახ. ეჩქას ეჩი̄ ლასხა̈თს
Line of edition: 17 ჩა̈რკვია̄ნა̈რი̄ ხაჩϩდახ, მარე ქურდა̄ნა̈რს ჟ'ოხვჩი̄შახ ხეშკლა̈ ლიღლა̈ტი. ეჯჲა̈რ
Line of edition: 18 ლენჯა̄̈რს ქო̄თვა̄̈ტვნა, ერხი ჟ'ოხხვი̄ტა. კეთილ ი ეშხვი ლϩრმ ბეფშვ ღვეშგ ოხვტი̄ხახ.
Line of edition: 19 ღო ჩა̈რკვია̄ნა̈რს ხეშკილ ხაკვდახ, მარე ეჯა ლენჯა̄̈რს მა̄დ ოთნება ი ჩა̈რკვი
Line of edition: 20 ა̄ნა̈რ ჩი̄ვშ მა̄მაჟი̄ნ ი ჰა̈რიდ ა̈მსედხ ალ გვეშხა̈ნქა. ეჩქას ოხვა̈ზრახ, ერე "იმვა̄ლეჟ
Line of edition: 21 ი̄ნ ესერ ლატლი̄ გუვა̈რდ ლენჯა̄̈რი̄ ჩუ̄ვ ა̈დხვიეხ ლეფსვნად. ჲარვ სოფლი ფუსდ
Line of edition: 22 ესერ ი̄რახ ი ჯვინელ ხϩრსი ქა ლა̈ჲტიხჲე̄ლიხ ალ სოფელხა̈ნქა". ჩა̈რკვია̄ნა̈რს ეჩქას
Line of edition: 23 ლაჩჟი̄რ ი ჰილვრე ლარდა მაშა̈რჭალი ლექვა̄̈ პილს ცხეკი ლა̈ბნამϩყ ხა̄რახ.
Line of edition: 24 ლოხვბინეხ ესნა̈რ ლიმციქვილ ლენჯა̄რა̈რს ხოჩ-ხოჩა თხვიმ ლატლიისგა̈ მა̄რა̄ლშვ
Line of edition: 25 ი ხოჭრეხ, ერე "მინუ ესერ ა̈ნცხე̄ნეხ ფუსდდ ი მა̈გ ესერ ხოჩა̄მდ ოხჴედნიხ მინე
Line of edition: 26 შϩნჩუქვა̄ნ. მინე მაყალშვესერ მა̄̈ჲ სოფელთე დო ი̄ზნიხ, ლირმის ესერ და̄̈რ მოშ
Line of edition: 27 ხობდავნიხ, ბეგა̈რს კვეტო̄ლ გარ ხეკვდა̈ნვნიხ. მა̄̈ნკვი̄ ლე̄თს ესერ მინე სიმქა̈რა̈ნქა
Line of edition: 28 დე̄მის იშგვმინნიხ" ი ამკა̈ლიბ ხოჩა̄მ ხობციხ ესნა̈რ: "ადო ედ ესერ მესტიჲა̄̈
Line of edition: 29 ვარგა̈რ ესფუსნიხ, მა̄დე̄ი ქურდა̄ნა̈რ ესერ ეში̄ ლϩხრინე ლიხ. ანჴდენიხ ესერ იმვა̄ლე
Line of edition: 30 ლაშგარშვ მϩლახხა̈ნ, მესტჲახა̈ნი̄ ესერ ლოხვმა̈რჯვიხ, ლექვა̄̈ნისგ' ე̄სერ მინი
Line of edition: 31 ლოხვმა̈რჯვნეხ ი ეჩქას ესერ მა̈გ ხოლა̄მდ ოხვჴედნიხ". ლენჯა̄̈რა̄̈ ხოშა̄̈ლდ ესნა̈რ
Line of edition: 32 გუნ ა̈ჰი̄ჭვხ ალჲარე ნა̈ჭირვ ამბა̈ვ. გუნ ლასკო̄რათე̄სგ' ა̄შყა̈დხ ი ღეეშგმე პილს
Line of edition: 33 მეცქულა̈რს ლახტიხხ:"მინს ესერ ვიბია̄ნშ'ე̄ჯღ'ო̄ხხვი̄ტახ, ერე ფუსდ მა̄დ ხა̈კვდახ,
Line of edition: 34 დე̄ჲ ესერ ლა̈დი ხაკუხ ფუსდ ი ჰაჯუ ახკიდხ". მეცქულა̈რდ ქ'ე̄სტვიხხ ალა
Line of edition: 35 ჩა̈რკვია̄ნა̈რს. ანჴა̈დხ ესნა̈რ აშხვ ლადა̈ღ ჩა̈რკვია̄ნა̈რ ი სოლმუყვ ახჭვა̄̈დხ მინე
Line of edition: 36 ლელდეღ დაბა̈რს ი მინ ი მინე ლაშგა̈რ ღვეშგიმ ახჭიმხ. ა̈დკვიჰ ალა ლენჯა̄̈რდ,
Line of edition: 37 ადშϩმეხ სანყვირ. ა̈ნნა̈ზო̄რა̄̈ნხ ჟი, ესხვი̄დხ სგვებინხა̈ნ ჩა̈რკვია̄ნა̈რს, ჟ'ახწინდახ,
Line of edition: 38 ხვა̈ჲ ადგა̈რხ ი ქ'ა̄და̄ტუნეხ. ეჩქანღო აჩა̈დხ ერხი მაშარჭალა̈ჲთე ალჲარე ჩა̄ჟა̈რ
Line of edition: 39 ი ჰულა̈რ ლეჟ' ა̄ნჴიდხ. ეჩქანღო დეშ იმის ლϩმბა̈დვინხ სერ. Line of edition: 40
ლენჯა̄̈რ Добавлено (2007-06-07, 6:43 Pm)
---------------------------------------------
Text: 75
Page of edition: 69
Line of edition: 1
75. ვიბია̄ნშა ლიხვტე Line of edition: 2 ვიბია̄ნშა ლϩმზიგხ ნე̄სგუნს. ეჯჲარე ქორ ათხე̄ჲ ჩუ ლϩგ. ალ ქორს ჲორი ხა̄რ
Line of edition: 3 სვადა̈რ. ეჯგვა̈რ მეზგე ლϩმა̄̈რხ ალ ვიბია̄ნშ', ე̄რე აშხვ სვა̈დქა შველს ლუმგოშინხ
Line of edition: 4 ი მე̄რმაქა-ნაწრექს. ალ ვიბია̄ნშა ლენჯა̄̈რს ფუსდ ლϩმა̄̈რხ ი ჩუ ლϩბეგრე ხა̄რახ
Line of edition: 5 სოფელ. ერს მა̈ჲ ხა̈კვდა̈ნუნა ბეგა̈რდ ი ეს მა̈ჲ. ეჯკა̈ლიბ ვიდჲე̄რ მე̄ზგე ლϩმა̄̈რხ,
Line of edition: 6 ერე მინე უჭვდია̄ლვდ შუკვქა და̄̈ს ლϩმხϩნინხ ი მასა̈რდ ლუწხვავე ხა̄რახ სოფელ ი
Line of edition: 7 მე̄რმე მა̈გ. Line of edition: 8 აშხვჟი̄ნ ესნა̈რ ყანსავშა ვა̈რგ ჟი ხასგურ ჰილვს ი ვიბია̄ნშე̄რ ვა̈რგი უჭვდია̄ლდ
Line of edition: 9 ჩვა̄̈ბშხა̄̈ლექვ' ა̄დჲე შუკვს ჰილვ. ალ ვა̈რგ ლატლით' ე̄ლმა̄̈ზ მიჩა გოშრე ლას
Line of edition: 10 ყე̄ნათე. ამჟი̄ნ ესნა̈რ ვიბია̄ნშე̄რ ვა̈რგდ ა̈დკვიჰ, ერე მიჩა უჭვდია̄ლდ ესერ ჩვა̄̈ბშხა̄̈
Line of edition: 11 შუკვა̈რქა ჰილშვ ა̈მჩედ ყანსავშა ვა̈რგ. ლა̈ჰიდ ესნა̈რ ღვეშგიმხა̈ნ, ლა̈ჲკაჩე
Line of edition: 12 თვეფ ი ჯაჭა̈რისგა ხაჴიდ ი ჰილვხა̈ნჩუ̄ნ ჩვანკვა̈რ. ამკა̈ლიბ ვიდჲე̄რ ლϩმა̄̈რხ ვიბია̄ნშა
Line of edition: 13 ი მასა̈რდ ხანჟარა̄ლა ლენჯა̄̈რ ალჲარე ლიფუსდს. მა̄̈ჲესამა ხოჩა ქა ლϩმთა̈ნო̄ლინ
Line of edition: 14 მეზგაისგა, ეჯა მა̈გ ვიბია̄ნშე̄რ ხა̈კვდახ. ხოჩა სი̄მაქ ი ზურა̄ლ მა̄̈ნკვი მინეშ
Line of edition: 15 ლϩმა̄̈რ. ჟ'ახჟანდა სერ ამის ლენჯა̄̈რ ი ჩვასკიბხ ალჲარე ლიღლა̈ტი. აშხვ ლე̄თ
Line of edition: 16 ა̈ნნა̈ზო̄რა̄̈ნხ ლენჯა̄̈რ, ხოჲა̈ხ სგა ვიბჲა̄ნშე̄რ ი მა̈გ ჟ'ანხვიტხ. ქ'ო̄თჩა̈დხ ეშხუ ზუ რა̄ლ.
Line of edition: 17 ალ' ე̄სნა̈რ ივსელია̄ნრე ჰასვიშ ლϩმა̄̈რლი ი ღანავ ლϩმა̄̈რ. ლა̄რო̄ლა̈რჩუ̄ნ
Line of edition: 18 ესღრ' ე̄ჩქას ლიზϩრზე ლა̈ჲბინე. ეჩქას ლენჯა̄რა̈რდ ხა̄̈ქვხ უშხვა̄რ: "ამის ესერ
Line of edition: 19 ვიბია̄ნშა გეზალ ხო̄ზ ჴადვ ი ნომა̄ვ აფვიშდხ". ლა̈ჰი̄დხ ესნა̈რ სგა ი მარდარშვ ჴა̈დ
Line of edition: 20 ქ'ო̄ხთხირხ. Line of edition: 21
ლენჯა̄̈რ |
| |
| | |
|
Мужчина |
Date: Четверг, 2007-06-07, 6:45 PM | Message # 19 |
|
Group: Модераторы
Posts: 990
Status:Offline
Дата регистрации:
2006-08-29 |
Text: 76
Page of edition: 69
Line of edition: 22
76. ლაზრა̈შ Line of edition: 23 ლაზრა̈შ ხაჟხა ნე̄სგუნა̈ ლახვისგა აშხვ ა̈დგილს. გულა̈ ჴარჴს ამხა̈ნჩუ̄ნ ლი ი
Line of edition: 24 ალა ლა̈ჭმა ლი ი ლალდა̈ღდი ხაღვე̄ნახ ჯვინალდ ნე̄სგუნა̈რს. აშხვ ლადა̄ღ ესნა̈რ
Line of edition: 25 ნესგუნა̈ მϩლდღას ლელდეღ ხაყახ ლახვს ი ლეჯვეგი̄, ამჟი̄ნ ესნა̈რ ბეჩვი̄ ოთარშა
Line of edition: 26 ხოშა ი მიჩ' ა̄ფხნეგა̈რ ლა̈ხზუ̄რთა̄̈ნხ გულა̈ ჴარჴქა. ალჲა̈რს ესნა̈რ ჟი ლϩმჴერე
Line of edition: 27 ხა̄რხ, ერე ნე̄სგუნა̈რს ჯვეგ ი ლელდეღ მა̈გ ლახვს ხაყახ. ლა̈დი ღϩნლადა̈ღ მირ
Line of edition: 28 ლი ი ხოშა̄̈ლ და̄̈რ ხაჭიმხ ლაჯოგს ი ხოხვრა̄̈ლ გარ ადზϩზეხ ლა̈დი მინე მϩქაფდ.
Line of edition: 29 ნა̈ბოზს მინი ჟი ლა̈ხცა̄̈დიხ ალ ხოხვრა̄̈ლს ი ექად მა̄მ ხა̈გვნებხ.
Line of edition: 30 ანჴა̈დხ ესნა̈რ ბეჩვი̄ ოთარშა ხოშა ი მიჩ' ა̄ფხნეგა̈რ ი ჟი ლაჲვა̈ზრეხ, ერე "ოდ'
Line of edition: 31 ე̄სერ ხოშა̄̈ლ ლა̈ხცა̄̈დიხ, ეჩქად ესერ ქა̄ვ აჩა̈დხ გულა̈ ჴარჴქა, სგა̄ვ ოთშგა̈ბხ მეჯ გვას,
Line of edition: 32 ჯვეგი სგვებინუ ლა̈ჲკვა̈რხ ი მეჯგვა̄ჲ". ალა ამჟი̄ნ ჩვემინხ ი ანჴა̈დხ გულა̈ ჴარჴქა.
Line of edition: 33 სგ' ა̄ხფე̄დლა̄̈ნხ, ეჩქას ხეწა̈დხ ამის მϩლდღა ი მა̈გ ლა̄ტვთ' ა̄ჩა̈დხ გვიე̄შϩნქა
Line of edition: 34 ქაუშე̄რ. ქა ლოხვყურდ' ე̄სნა̈რ ბაჩვ, ათღანე ჰერ თვეფს ი ოთარშა ხოშა ჩვადგა̈რ.
Line of edition: 35 ამჩიქდ მე̄რმა მϩლდღად სოფელ ჩვადბა̈ჟნეხ ი სოფელ ქ'ა̈დფადა̄ს. ალა ბეჩვილა̈რდ
Line of edition: 36 ჟ'ა̈ნმეჴრეხ. ლახფხიჭეხ ლϩდგა̈რს ი ღვეშგღ ესჭვე̄ნხ. აშხვ ა̈დგილს ესნა̈რ
Line of edition: 37 ზა̈რ რა̄̈ქვხ ი ალ ა̈დგილს ხაჟხა ათხე ლაზრა̈შ. ეჩქანღო ა̈დმო̄როვხ ესნა̈რ ჩუ ი
Line of edition: 38 ოთარშე̄რთე ბეგა̈რდ ხაკვდა ნე̄სგუნს ჩი ზავ ეშხუ კარვა ნამშა̈ჲ მეზგახა̈ნქა ი ეშ
Line of edition: 39 ხუ კათხ ჟა̈გ. Line of edition: 40
ლენჯა̄̈რ Добавлено (2007-06-07, 6:44 Pm)
---------------------------------------------
Text: 77
Page of edition: 70
Line of edition: 1
77. ტყვა̄̈ლს იმჟი̄ნ ჲϩრმეჲდახ Line of edition: 2 ჯვინალდ აშხვ სოფელხა̈ნქა მე̄რმა სოფელთე ძვირდ გარ ჲა̈რ მოშ ღϩრდა ეშხვი
Line of edition: 3 მა̄რე. ეჯღ' ე̄რე მე̄რმე სოფლა̈რ ჩვარმეჲდახ ი ვოდე საჴსა̈რს დო იკადდახ ეჩი̄
Line of edition: 4 ქორშა̈რხა̈ნქა, ეჩქად ქა დე̄მ ფიშვდახ. ხოშა̄მ ლუმღვე̄ნს ხოშა̄მ საჴსა̈რს ხაკა̈დდახ
Line of edition: 5 ი ხოხვრა̄მ, მა̄̈ჲ ღალ ხობცϩნხ, ეჯას. საჴსა̈რს თვითონ მა̄რე̄მი მϩრმი მეზგე ხადა̄̈ს
Line of edition: 6 გდა ჟახა, მა̈ზუმვა̄̈ჲს მოშ რა̄̈ქვნინა, ეჩზუმს ხაკა̈დდა. წორდ ხოხვრა̄მ ლუგვნიშს
Line of edition: 7 ძვირდ გარ ჲა̈რ ა̈ჲა̄̈სგდა. საჴსრი მϩჴდა დაბა̈რ ხა̄დ ლეჰვდი, ადო წორა̈ ლუგვენთ
Line of edition: 8 ე̄ქა დეშ ხოჰა̄̈სგდა ქვინლϩმგენე ი გა̈ნზ. მეზგე ტყვეს ჩუ ჲϩრმეჲდა, ეჩქას ჭϩშ
Line of edition: 9 ხა̈რს ჴულვა̈რს ხადა̄̈სგდა, მურყვმა̈ დილეგთესგ' ა̄̈გნა, ჟიქა̄ნ კას ხაფრენდა ი სერ
Line of edition: 10 ნარჰი̄ ლაჴა̈დ დე̄მხა̈ნ ლა̈სვ. ალ დილეგს სანტყვი̄რ ხეჟხა̄̈ნ. ტყვეს ლადა̈ღისგა აშ
Line of edition: 11 ხვ კოკორა̈ჲს ხოკვა̄ნახ ჟაღვშა̄ლ ი ლეთრად მϩცხი ლიცი მϩქაფ ტებდი ლϩც ხათრ ახ.
Line of edition: 12 ხოჩა̄მ მა̈ნკი მეზგათე ლახ ხეჴდϩ̄ნო̄ლდა ტყვეს, ეჩქას ქორს გარ ხეყა̄̈დხ, ვოდე
Line of edition: 13 საჴსა̈რს ქა დო იკადდახ. ვო̄ბა̈შინ ტყვეს სოფალშვ ი ჲϩრმეჲდახ. ჴული ნადა̄̈სგუნღო
Line of edition: 14 აშხვ ლე̄თ აშხვ მეზგაისგ' ა̄რდა, მე̄რმა̄ ლე̄თ -- მე̄რმა მეზგაისგა ი ამჟი̄ნ ხერა̈სდ
Line of edition: 15 ხოჭა̈მხ მეზგან ი მეზგან. ხვა̄̈ინ ლϩმა̄̈რ, ერე ლახე მეზგე საჴსა̈რს ღალ ქა
Line of edition: 16 დოშ იჴდა, ეჩქას ხაფხა̈ჭდახ ტყვეს, სგ'ა̄̈ჲა̄̈სგდახ სა̈ვთე ი ეჩე ქა ჰო̄დდახ ქვინლϩმ
Line of edition: 17 გენა̄̈ლღა. ტყვე ღალ ჩიგარიშდ ჩუ სედენდა უსურმა̈ნს. ჲერხი ქა̄ჲ ლϩმჩი̄ჟა̄̈ლხ,
Line of edition: 18 ლახე უსურმა̈ნი ჯვრილს ჟი ლϩმკიდვინხ ი ჩუ ლϩმფიშრო̄ლინხ. ეჯჲარე ნაბერწ
Line of edition: 19 ყა̈რ ათხეჲ ვო̄ბა̈შ ა̈რიხ სა̈ვს ი ყა̈რჩას. ჲერხის მოგვა̈რ ჩუ ხორიხ ამე ი ვობა̈შინ
Line of edition: 20 ჴედნიხ შვა̈ნთე მინე გვა̈რშჲა̄̈დვი̄ ლათა̈რთე. ამხა̈ნისგა̄ჲ ინჴრინეხ მინე მოგვა̈რ მა̄რ
Line of edition: 21 ა̄̈ლსი ამჟი̄ნ ჩუ თერხ უშხვა̄რა თხუმ. Line of edition: 22
მესტია Добавлено (2007-06-07, 6:45 Pm)
---------------------------------------------
Text: 78
Page of edition: 70
Line of edition: 23
78. ჯაბა̈იშ ი სანჯახათი ლირმი Line of edition: 24 იფა̄რა̈რს მა̄̈ნკვი სვიბიშა ბიტი̄ლ ოთϩრმახ. ალჲარე მϩრმი ხვისტა̄ნა̈რ ლϩმა̄̈რხ.
Line of edition: 25 ანჴა̈დხ ესნა̈რ სვიბიშა ი იფა̄̈რი ჯგϩრა̄̈გს ჴა̈ნ ლახბეხ ძღვენდ. ა̈მჴედე̄ლი სოფელ
Line of edition: 26 ი ქ'ო̄თფი̄შვდახ ბიტი̄ლ სვიბიშა. ეჩქანღო ა̈მჴედხ ლატლა̈რ ი ჯაბა̈ჲ ი სანჯახათ
Line of edition: 27 ოთϩრმახ. ვოდე ჲარვ მა̄რე̄მი საჴსა̈რ დ'ო̄ხვჴი̄დახ, ეჩქად ქა მა̄დ ოთფი̄შვდახ.
Line of edition: 28 სანჯახათიშ ი ჯაბა̈ჲ ლირმი ბენისგა ლϩმა̄̈რლი. ეჩქანღო იფა̄რა̈რ ჩიგარ ხა̈დრა̄ლ
Line of edition: 29 ახ ლატლა̈რს ლერმიდ, მარე და̄̈რ მოშ ოხვდარახ. ლახე დო̄რ მოშ ოხვდარახ,
Line of edition: 30 ეჩქას ჰა̄რა̄̈შთ' ა̄̈მჩედხ ი ეჩხა̈ნ ჯვეგ ოხვღახ ლატლა̈რდ. ლატლა̈რ ამჴედე̄ლიხ ლა̈ტხათე,
Line of edition: 31 მარე ვოდე ჯაბა̈იშ ი სანჯახათი საჴსა̈რ ქა დო ლოხვტი̄ხახ, ეჩქად ჯვეგ მა̄დ
Line of edition: 32 ოთნებახ ლექვა. ალ ჯვეგს ეშხუ მაჩე̄ნე ჴა̈ნ ხაჩϩ̄და. ეჯა ნუაშა ჴა̈ნ ლϩმა̄̈რ ი ლაგმა̈ჲ
Line of edition: 33 ხაჟხე̄ნა. ალ ჴა̈ნ ესნა̈რ იფა̄რა̈რდ მეგამვ ლა̄ხა̈ბხ. ნუვაშე̄რს ალ ჴა̈ნი მϩქაფდ
Line of edition: 34 უ̄ღვა ჴანა̈რ ლოჰოდახ ი ეჩქას ქა ლოხტი̄ხახ. Line of edition: 35
იფა̄̈რ Добавлено (2007-06-07, 6:45 Pm)
---------------------------------------------
Text: 79
Page of edition: 70
Line of edition: 36
79. მუშვგვილი ლირმი Line of edition: 37 აშხვ ხოჩა̄მ მეუხვჲა̈რ მუვშგვილდ ლა̈თხვჲარჟი̄ნ ესნა̈უ ღვაშ აღგა̈რ. ადსკო̄რე:
Line of edition: 38 იმთე ლიე̄სგ' ე̄სერ ხეჩვე̄ნი ალ ღვაშა̈შ?" ხა̄̈ქვ ესნა̈რ მიჩა გვის. "ხვა̈ჲ ხა̈ნ ესერ
Line of edition: 39 ხა̄რ, მინე ლერდი გელახსან ყანსავშა დე̄სა ხოწვა. საუდ ესერ ხა̄რ ი ალ ღვაშ ესერი
Line of edition: 40 ხოჩა ძღვენ ი̄რი მუჟღვერ ლადა̈ღ", ანჴა̈დ ესნა̈რ ი ამჟი̄ნ ჩვემინ: ჟი ლა̈ჲცვე ღვაშ
Line of edition: 41 ი ახღვა მესტიათე. მიჯვრი̄შქ'ა̄ნღრი, ამჟი̄ნ ლახხვი̄დხ კა̄ლა̈რ ი ჴალდე̄შა̈რ ი ლა̈ხჭვედდახ:
Page of edition: 71 Line of edition: 1 "იმთ'ე̄სერ ესღვა მიჩ ალ ღვაშ?" "იმთ'ე̄სერ ი მესტიათე. მინე ლერდი
Line of edition: 2 ყანსავშე̄რ გელახსანიშთე". "მინს ესერ ოთარშა ფუ̄თ'ე̄ჯღ ო̄თდაგრახ, ე ათხე ჯაფ რა̄ნა̈ლ
Line of edition: 3 ხე̄რახ ფუსდ, ა იმღა?" მუვშგვილს ლოხვტი̄ხა: "მინ მა̄რა̄̈ლ, გელახსან
Line of edition: 4 ესერ მიჩა დიჲე ნარდა̈ვ ლი, მუხვბე ხა̄რ. ხვა̈ჲ ხა̈ნ ლი, ერე დე̄სა ხოწვა ი ეჯღ'
Line of edition: 5 ე̄სერ ხოჴდვ ა̄ლ ღვაშს, ადო ჯაფრა̄ნრე ლიფუსდ ესერ დეჲ ხა̈კვდა ივალადა̈ღ ი დეჲ
Line of edition: 6 ხეკვდენი! " Line of edition: 7 ოხვჩϩ̄დხ ესნა̈რ ამეჩუ̄ნ ლიცვა̄̈ლ ი ალ მუვშგვილ ჩვადირმხ ი ღვაშ ქ'ო̄თღეხ.
Line of edition: 8 ალა უშგულდ ა̈დკვიჰ ესნა̈რ ი კა̄ლ-უშგულს ლიყა̄̈რიე̄ლ ახჩϩ̄დახ უშხვა̄რ ნე̄სგა.
Line of edition: 9 ამჟი̄ნ ავგულრე გეგის ათხა̄რა: "მინ ესერ ლალე̄ზია̈რ ლიხ, მინ ნომა̄ვ ლა̈ხხვა̈ტხ
Line of edition: 10 უშხვა̄რ, ლეჟა̄ვ ესერ ა̈ნჰერხ ყანსავშა მა̄რე ი გვეშს ესერ ჩვადსიკთიხ უშხვა̄რ
Line of edition: 11 ნე̄სგა". ლექვ'ო̄თჭირახ ყანსავშე̄რდ ი ეჯჲარე თათარყან ა̈მჩედ ლეჟა. ახა̄რახ ლიმო̄როვ
Line of edition: 12 ი კა̄ლს ი ჴალდეს წორა̈ ხϩნსგ' ა̄თქვეცახ, ეჯღ'ე̄რე ხოშილ შგურა̄̈რ ლϩმა̄̈რხ
Line of edition: 13 ი სოფლი ჯილი ლიგჭაღა ხა̄რახ ტე̄ვა. ანჴა̈დ ესნა̈რ თათარყან ყანსავშა ი ხϩნსგა
Line of edition: 14 ლეჴდე გვეშ მიჩნე̄მ ა̈დჴიდ, ეჯღ'ე̄რე "მინე გუ̄ღ ე̄სერ ხა̄რახ ლიცვა̄ლ". კა̈ლა̈რხა̈ნქა
Line of edition: 15 ი ჴალდე̄შა̈რხა̈ნქა მინე ნარმა̈ვ მა̄რა უსგვა̄მ მა̄რე̄მი მა̈ღვრ' ა̄თქვეცა.
Line of edition: 16 ალჲა̈რდ ესნა̈რ წორა̈ ხϩნსგაჲ ღვეშგდ ლახტიხხ უშგულს ი თვით ფირვი̄ ქა
Line of edition: 17 ლახვე̄მხ. Line of edition: 18
მესტია Добавлено (2007-06-07, 6:45 Pm)
---------------------------------------------
Text: 80
Page of edition: 71
Line of edition: 19
80. ალა̈მი რა̈ტია̄ნა̈ ნამარგვ Line of edition: 20 ალა̈მი რა̈ტია̄ნ ლϩხრინე ლϩმა̄̈რლი მϩლახს აშხვ მეზგათე. აშხვ ლე̄თ ესნა̈რ
Line of edition: 21 ლა̈ჲჴერნე მეხვბარა̈რ ლა̈ჲმახვა̄ლდ ალჲა̈რთე. ჟ'ანტაბ' ე̄სნა̈რ ეშდ ჯიჰრა̄̈ თალ ი
Line of edition: 22 ეშხუ ჯიჰრა̄̈ წირო̄ლ. ძღვიდჟი̄ნ ესნა̈რ ალა̈მი ჯიჰრა̄̈ თალა̈რს სგა ხოყბϩნე წირო̄ლშვ
Line of edition: 23 ი ლა̄ზს ისყე̄ნე. ამჟი̄ნ ესნა̈რ ალა̈მი ჟ'აჩა̈დ ძღვიდთეჟი̄ნ. ჩუ ღϩრი ჰა̈ზვთეჩუ, ამჟი̄ნ
Line of edition: 24 ესნა̈რ რომუშა ხოშა ჩვადშგურა̄ნე: "ჯ'ე̄სერ ყო̄რჟი̄ნუ̄ ესხვი̄დ". სგ' ა̄ჩა̈დ
Line of edition: 25 ქორთე, ქ'ა̄̈ნფუშდუ̄რე კუმა̈შ, ქ'ა̄ნჴიდ ქა̄̈მთე ი ქა ლახბა̈რჲე მიჩ' ა̄ფხნეგა̈რს. ჯა
Line of edition: 26 სგა ლა̈ხტა̈ხ ი ლახტვი̄ლ ყო̄რისგა: "მინე კუმში მϩჲ' ე̄სერ ჯა ლϩმა̄̈რ". ახღვეჭა ფა̄ ლ25 და̄̈ს, მარე ჯა გელაშე̄რთე̄სგ' ა̄თჩეშა. Line of edition: 27
მესტია Добавлено (2007-06-07, 6:45 Pm)
---------------------------------------------
Text: 81
Page of edition: 71
Line of edition: 28
81. ბϩღა̄̈ მურყვამ ჰა̈დი̄შ Line of edition: 29 ჰა̈დი̄შ სოფელ ნე̄სგაისგა ლϩგ ეშხვი ჰა̈დვირ მურყვამ. ამის ჰა̈დი̄შა̈რ ბϩღა̄̈
Line of edition: 30 მურყვამს ხაყლეხ. ალ მურყვამს სგა ლაზ ყო̄რ ჩუქვა̄ნჩუ̄ნ მϩმშხა დუღვრა̈ჲა̈რ
Line of edition: 31 ხაჭიმხ. ჰა̈დი̄შთე̄სგა მა̄̈ნკვი̄ მე̄ზის ხასკვრელ ი ხამბა̈ჟ: "იმღ'ე̄სერ ი̄რი ამჟი̄ნ. ჯერ ა̈ბს
Line of edition: 32 ესერ მა̄მ ხაჯეშ". ჯერბა̈ ბა̈ჩ ლახე ხენხი ჭვა̈დს ლა̈გმა̄ლი̄ნ, ეჯა გვიანდქა წϩრნი
Line of edition: 33 დუღვრა̈ჲს იჭმინე ჩუბა̄ვ. Line of edition: 34 ჰა̈დი̄შა̈რ ამი̄ ბედჟი̄ნ ამის ა̄მბვიხ ა: ჯვინალდ ჰა̈დი̄შ ლეჟა̄̈ნ ოლ ერ ლი ათხე,
Line of edition: 35 ამეჟი̄ნ სოფელ ლϩმზიგ. ამის წვირმი ხაჟხე̄ნა, მარე ალ სოფელს თაშა̈რ ოთგახ
Line of edition: 36 ლათოფდ, ეჩქას ღე̄რბეთ ჟ'ალხირნე̄ლი, ოლ ოხძგვიბა ი ალ სოფელ ჩ' ოთნახა
Line of edition: 37 ოლს ივალა̈დღიშდ. ალ წვირმიხა̈ნქა შუკვ ელმა̄̈ზ შვა̈ნთე ი ჯვინალდ ამექა ხა̄რახ
Line of edition: 38 ლაზ-ლაჩა̈დ სა̈ვჲა̈რს ი შვანა̈რს. ლა̈ჲმახვა̄ლჟი̄ნ ი̄რო̄ლ ჰა აშ, წვირმის ი ჰა̈დი̄შს
Line of edition: 39 ეშხუ მახვში ხარდე̄ნახ ი ამის ბϩღა ხაჟხე̄ნა.
Page of edition: 72 Line of edition: 1 აშხვ ზავ ესნა̈რ სა̈ვჲა̈რ ოხვშგა̈ბხ წვირმის ი ჰადი̄შს. წვირმა̈რდ ჰადი̄შთ'ა̄̈დქა̄̈ბხ
Line of edition: 2 ესნა̈რ. ჰა̈დი̄ში ჟ'ა̈ნნა̈ზო̄რა̄̈ნ ი ლახორ აჩვმინხ ი ლა̈ხჭვედდახ მინე მახვში
Line of edition: 3 ბϩღას: "იმჟ' ესერ ხეჩვე̄ნი მინე გვეშ?" სა̈ვჲა̈რს სგა უჰა ხა̄რახ ჰა̈დი̄შთე̄სგა. ბϩღად
Line of edition: 4 ხა̄̈ქვ ესნა̈რ: "მინ, მახეღვაჟა̈რ, სოფლი ფე̄დჲასუ ა̈თპა̈ჟხ. ბეფშვ ი ზურა̄ლ
Line of edition: 5 ესერ ქა̄ვ ადქა̄ბვნეხ. ჯ' ესერ მურყავმთეჟი̄ნ ადრი, მიჩა ხეხვ ესერ სგა ლა̈ხჴერნი
Line of edition: 6 მიჩა მϩლჩად თვეფ ლაკვა̄ნჟი̄ნ. სა̈ვჲარე მათხვმი მიჩ ესერ ჩუ ხოთრა. თვეთნე
Line of edition: 7 ხაზრა̈რ ესერ ხო̄გ ოსა̈რჟი̄ნ. ეჩის ესერ ჯა მურყვამხა̈ნჩუ̄ნ ჩვადდაგრი. ეჩქას ეჯას
Line of edition: 8 აფხნეგა̈რ ესერ ჟ'ა̈ხჟვემი, ამჩიქქ' ე̄სერ მინ ჩი̄ხა̄ნ სგა̈ვ ა̈ხჭვა̄დხ ი ჟი̄ვ ანხვიტხ სა̈ვჲა̈რ.
Line of edition: 9 სემი ღეთ ესერ ჩუ̄ვ აცვირხ ლϩჲა̈რ ი ეჯჲა̈რ მიჩ ჟი̄ვ ოთჴიდხ მურყვამთეჟი̄ნ".
Line of edition: 10 ალჲარდ ჩ' ოთჯϩრვეხ. ბϩღა მურყვამთეჟი̄ნ აჩა̈დ. ხეხვ ჩვადშგურა̄ნე, ერე
Line of edition: 11 "მიჩნე̄მ ესერ თვეფ ქ'ო̄თმეწვნას, ეჩქას ესერ ჯა ბარჯა̈რსუ ლოხვგუდირდა. თვეფ
Line of edition: 12 ესერ ღვეშგმა̄ვ ხა̈ძგრინე, ეჩქას ესერ ჩუ დო̄საიმე ა̈დკა̄̈ფს". ამჩიქქა სა̈ვჲა̈რი ანჴა̈დხ
Line of edition: 13 სოფელთე̄'სგა ი ლიმბჟა̄̈ლ ლა̈ჲბინეხ. ბϩღად თვეფ ახფიშვდ მინე ხოშა̄მ ი
Line of edition: 14 ჩვადგა̈რ. ათხე ჰა̈დი̄შა̄რ ი წვირმა̈რ სგა̄̈ხჭვა̄დხ სა̈ვჲა̈რს ი მა̈გ ჟ'ანხვიტხ სამ მა̄რ
Line of edition: 15 ა̄ნქა. ალჲა̈რ ბϩღას ჟ'ოთჴიდხ, ბϩღად ალჲა̈რ ხანჯარშვ ჩუ როქვ ა̈ძიჰხ მურყვმა̈
Line of edition: 16 ყო̄რჟი̄ნ ი ეჯჲარე ზისხ როქვ ლი ათხე ბϩღა̄̈ მურყვამს ერ დუღვრა̈ჲა̈რდ ახჭიმ ჩუ. Line of edition: 17
ლენჯა̄̈რ Добавлено (2007-06-07, 6:45 Pm)
---------------------------------------------
Text: 82
Page of edition: 72
Line of edition: 18
82. ჟორჟლა̄ნა̈ ბოგ Line of edition: 19 ჟორჟლა̄ნა̈ ბოგ ჯეგა̈მს ლი, ეჩეჩუ̄ნ მაზვა̈ბ ანღრი ი ეჯას შვა̈ნჲა̈ ლიცილდს
Line of edition: 20 ხაყლე მა̈გ ათხე̄ჲ. Line of edition: 21 აშხვ ზავ ესნა̈რ მϩლხა̈რ აჩა̈დხ ჯეგა̈მთე ჯვეგი ლაღე̄შგა̄ლდ. მათხვიმდ ჟორჟლა̄ნშა
Line of edition: 22 ჟორჟლა̄ნ ხეყა̄̈დხ. ხვა̈ჲ ა̈დთია̄ლეხ ესნა̈რ, მარე ჯვეგ დე̄მჟი̄ნ მოშ ოხვდარახ
Line of edition: 23 ლეღე̄შგა̄ლდ. აშხვ ა̈გის აშხუნღო სგ'ა̄̈თთხანა̄̈ნხ ჯვეგს ი ქა ლიჴდე ხაკუჩ, ამჟი̄ნ ჯეგმა̈რდ
Line of edition: 24 ესნა̈რ ჟ'ახბა̈ჟხ ი ჩვა̈დფადა̄სხ. მϩლხა̈რდ ლა̄ტვთ' ა̄ყირხ ი ბა̈ში̄ლა̈ თანა̈ღქ'
Line of edition: 25 ა̄ნჴა̈დხ. ჟორჟლა̄ნდ მა̄დ ლა̈ჲშგედ ამექა ლი̄ზი ი ნა̄ზვს ანტა̈ხ. ღვეშგიმ ესნა̈რ ფა̄და̄̈ს
Line of edition: 26 ახჭიმ. ჟორჟლა̄ნ სგვებინ ანღრი ი ამჟი̄ნ სგა ლა̈ხჴა̈დϩ̄ნ ალ ბოგთე̄სგა ი ბოგ
Line of edition: 27 ჩუ ლუკვა̈რ ხა̄რახ. ოსპა̈რ ესნა̈რ ჟი ჟორჟლა̄ნ ი ქ'ა̄დსკინ' ა̄ლ ბოგქა. ჩვოთჩა̈დ.
Line of edition: 28 ეჩქანღვ' ა̄თჟახე̄ნა ალ ბოგს ჟორჟლა̄ნა̈ ბოგ. Line of edition: 29 ალ ბოგ ლი ღო შვანრეშ ი ჯეგმი საძღვა̈რ. Line of edition: 30
იფა̄̈რ |
| |
| | |
|
Мужчина |
Date: Четверг, 2007-06-07, 6:47 PM | Message # 20 |
|
Group: Проверенные
Posts: 352
Status:Offline
Дата регистрации:
2006-09-07 |
Text: 83
Page of edition: 72
Line of edition: 31
83. გულედა̄ნა̈რ, გულერდავა̄̈ლ ი გოლეთია̄ნა̄̈რ Line of edition: 32 ლენჯა̄̈რა̈ მათხვმი ჯვინალდ ვიბჲა̄ნშა ლϩმა̄̈რხ. ალჲარე ვიბია̄ნ ხოლა მა̈ნკიშ
Line of edition: 33 ლϩმა̄̈რლი. ყვილჲე̄რისგა სამრაკვა̈ ჰა̈ზვისგა მუსი მურყვმა̈ ლიგემ ხა̈მთქვე̄ნახ.
Line of edition: 34 აშხვ ზავ მურყვმა̈ ლაგა̈მჟი̄ნ მუსი ყვაბშვ ლიყვა̄ბუნა̄̈ლ ხა̄რახ, ამჟი̄ნ გულედა̄ნრე
Line of edition: 35 ხოშა̄მ უმბილდ ფუსდ ვიბია̄ნშე̄რ დი̄ნად ხოყრა ყვაბ თანვისგა ი ქ'ო̄ხხი̄პა. ალა
Line of edition: 36 გუნ ოთხϩ̄რა ვიბჲა̄ნს ი ხა̈კვდა მიჩა გეზლა̈ თემი მϩხპე̄მი დაგრა, მარე ალ გულედა̄ნს
Line of edition: 37 ი ჲარვ მიჩა ლახვბას ქ'ო̄თო̄ტახ ი ქორ ი ლიზგე ჩ'ოთცვი̄რახ ღალ. ალჲა̈რ
Line of edition: 38 ლϩმზიგხ, ათხე ჩუბე ქაუშა იზგეხ, ალ ქორისგა. ა̈მჩედე̄ლიხ ალ სემი ლახვბა,
Line of edition: 39 სგა̄თჴადϩ̄ნე̄ნახ ლეჩხუმთე ი ამე ნაკურალე̄შ ჩვალზიგე̄ლიხ. ობა̈შ ხა̈ნ ა̈მჩედე̄ლი
Line of edition: 40 ი ხოშა̄მ მუხვბა ვიბია̄ნშე̄რ დი̄ნა̄̈ თე̄მი მϩხპა ნა̄̈თი̄შ ი ქორა̈ საუდ ახჴედა. სგა ლოხვჭე̄ნა
Page of edition: 73 Line of edition: 1 აშხვ ლადა̈ღ თვენთნე ჴა̈ნ, ლოხვბინა ლიჴედ ი სგა̄̈მჩედ ლენჯა̄̈რთე̄'სგა. ქორთე
Line of edition: 2 მა̄მ ოთსიპა, ამჟი̄ნ ჟ'ა̈მჩედ ელმϩყთე ი ამეჩუ̄ნ ელდ ჴა̈ნ სგა ლოხვბა. ოხვმეჴრახ
Line of edition: 3 ალა სოფლა̈რს. აჩა̈დხ ესნა̈რ ჟი ი ამეჩუ̄ნ ალ მა̄რე ჩვესხვი̄დხ. ესბა̈ც ესნა̈რ
Line of edition: 4 თხვიმ მა̄რა̄̈ლს: "მა̈დილუ ხე̄რიხ ი ვიბია̄ნ მახვშისუ ხა̄̈ქვხ: მიჩა თხვიმ ელისუ ხასა̄̈რვინე
Line of edition: 5 ი ნა̈ბუ ლახვე̄მ ქორთე ლიტეხიშ". ალ მა̄რა̄̈ლ ანჴა̈დხ ესნა̈რ, ესბა̈ცხ ვიბია̄ნს:
Line of edition: 6 "მა̈დილუ ხე̄რა ი სგა̄ვ ლა̈ჲჴϩ̄რვნე ალ მა̄რე! მიჩ ესერ ალა შგურდ მა̄მ ხეხო̄ლი
Line of edition: 7 ი მა̈დილდ ა̈ხხო̄ლა. ეჩϩნქ' ე̄სერ ალა ხოჩა ჴელვა̄ნ მა̄რე ლი ი ლა̈ჲსϩრგებლე̄ვ
Line of edition: 8 ამი თხვიმ, მა̈ჲ ესერ ხაშა". მარე ვიბია̄ნშე̄რ ვა̈რგს ფე̄დიათე მა̄დ ლოხვთი̄ლა
Line of edition: 9 ალჲარე ლიჴϩ̄რა̄̈ლ. Line of edition: 10 ანჴა̈დ ეჩქას გულედა̄ნ ი ხა̄̈ქვ სოფლა̈რს: "ალ ჴა̈ნ ესერ ეში̄ ჟი̄ვ ლახმა̈ზრეხ
Line of edition: 11 ელს ი ჯ' ე̄სერ ღალ ადრი, ჲაღვ' ე̄სერ მა̈ჲ ჩვემნეს". ლა̈ჲბინ' ე̄სნა̈რ ი მϩგნა̄ლა
Line of edition: 12 სგა ხონჴრიხ. ალ დვრევჟი̄ნ ვიბია̄ნ მურყვამს ლϩმგა̈მვინ ი ჩუბე ლაჴვრა ჩუ მეცვრე
Line of edition: 13 ხა̄რახ ჴელვანა̈რს. ჩირთϩლდთექა იჰა̄ლხ, ეჩქას ათხა̄დ ესნა̈რ გულედა̄ნს: "მიჩა
Line of edition: 14 ქა ლირკა̈ლივშ ესერ მა̈ჲ ლა̈ხქემნი ვიბია̄ნ ფუსდს. ჩვესერ ჰა̄ვ ლოხგვა̄ვა̄̈ნ, მურყვამ
Line of edition: 15 ესერი ჟი ლϩჴცე ხა̄რ, ამის ესერ ჯა ჟ'ოხვმეწვნი̄ს" ი აჩა̈დ. ღვეშგდ მუჭო̄ნა̄ლა̄დ
Line of edition: 16 ესნა̈რ ქ'ო̄ხუმბავეხ ალ ამბვა̈რ ვიბია̄ნს. "ჲაღვ' ე̄სერ მურყვამს ჟი ჰე ხომწვინე,
Line of edition: 17 სგა̄ვ ლა̈ჰი̄დხ ი ჟი̄ვ ესჭო̄ნნეხ!" ლახსგურ' ე̄სნა̈რ ეშხუ მა̄რე ჰილვს ი ათღვა̈ჭვნე.
Line of edition: 18 კა̈ხშია̄̈ნის სგა̄̈ჰი̄დ ესნა̈რ ი ხა̄̈ქვ: "ვიბია̄ნს ესერ ჟ'ოხვია̈დრა მიჩა ქა ლი̄ზი.
Line of edition: 19 სგ'ე̄სერ იხნი ი ჟი̄ვ ესჭვე̄ნ." Line of edition: 20 გულედა̄ნრე ხოშემნე̄მ ჟ'ესჭვე̄ნ ესნა̈რ ი სგა̄ნჴა̈დ მიჩა ქორთე. ეჩქანღო ლახა̄დ Добавлено (2007-06-07, 6:46 Pm)
---------------------------------------------
edition: 21 ესნა̈რ ი ქა მეცვბე ჩუბე მურყვამა̈ ყო̄რ ქ'ა̄ნგე, მე̄რმა ა̈გიქა ოხვცვიბ ყო̄რ,
Line of edition: 22 მურყვამ ჟ'ოხვმეწვნე, ჩ'ო̄თგე ი სგა ლახბა̈რჲე ამჟი̄ნ. ეჩქანღო სერ ვიბია̄ნს მასა̈რდ
Line of edition: 23 ხალტე̄ნა ალ მა̄რე ი ლილზიგა̄ლე ნა̈ბ ლოჰოდა. ალ გულედა̄ნრე ხოშ' ე̄სნა̈რ
Line of edition: 24 ჩვა̈დზიგა̄̈ნ, ქ'ა̄̈დჩი̄ჟა̄̈ნ ი ჩვა̈დგეზლა̄̈ნ. გუნ ხოჩა ლიზგე-ლირდ' ო̄ხვსყა ი მურყვამი
Line of edition: 25 ჩ' ო̄თგა. ალ მურყვამ ათხე̄ჲ ეზერდ ლϩგ. ვიბჲა̄ნშა მურყვამი ეზერდ ლϩ̄გა̈ნ,
Line of edition: 26 იო̄რი ყო̄რ ქა ხეთრი̄ნდა, მარე და̈დავშე̄რემ ბა̈ჩა̈ გუ̄ღა ჩვარიღვხ ი ათხე ნამჴიჩვ
Line of edition: 27 გარ ხასიდ. ვიბჲა̄ნშა ქორ ათხე̄ჲ ჩუ ლϩგ ი ეჩე̄სგა თევდორე და̈დავშ' ა̄̈რი.
Line of edition: 28 ლეჩხუმს ლახვბ' ა̄თსედა გულედა̄ნს, ეჯია̈რს ახმა̈ჭრინე̄ნახ შვა̄ნთე ლიჴედ ი
Line of edition: 29 ჩვა̈მსედხ ნაკურალე̄შ. ეშხუ მუხვბე საკუთარდ ალზიგე̄ლი, ეჩე, ქ'ა̄ლჩი̄ჟე̄ლი ი
Line of edition: 30 ეჩი̄ ნა̈თსა̈ვ ნაკურალე̄შ ი გვესოს იზგეხ, გვა̈რდ გოლეთია̄ნა̈რ ლიხ ი ფიშირ მეზგე
Line of edition: 31 ლიხ. მე̄სმე მუხვბე ზა̈ნთ' ა̄̈მჩედ, ეჩე ლახლატა ლარდად ი ეჩ'ა̄ლზიგე̄ლი ი ქ'ა̄ლჩი̄ჟე̄ლი.
Line of edition: 32 ეჩი ნა̈თსა̈ვ ათხე ზა̈ნს (ლიას, ჭკადუა̄შს ი იშგნა̈გ) იზგეხ. ობა̄შ ფიშირ
Line of edition: 33 მეზგე ლიხ ი გვა̈რდ გულერდავა ხა̄რხ. ლენჯა̄̈რ ალზიგე̄ლი, ალა გუნ ლიმა̈ჩვდ
Line of edition: 34 ლϩმϩრდე̄ლი ი ჩვლდაგა̈რ. ამის ათსედა ჲო̄რი ჭყინტ გეზალ: გუვა ი გულედა̄ნ.
Line of edition: 35 გუვა ქორა̈ მϩშა̈ჲ ლϩმა̄̈რ ხოშა ი გულედა̄ნ ქამა̄ვ მეზელა̄̈ლ ი მϩქმე. აშხვჟი̄ნ გუ
Line of edition: 36 ლედა̄ნ ყა̈რჩათ' ა̄̈მჩედ ლა̈ქმათე. გუვ' ე̄სნა̈რ ელმϩყთ' ი ბაჩა̈რს იბϩრჯე ელმϩყ ლა̈ლგიმა̄ლდ.
Line of edition: 37 ბაჩა̈რს კაპა̈რჩუ̄ნ შიდ' ე̄სნა̈რ ბა̈ბილა̄̈ნითე̄სგა. ანკვა̈რ ესნა̈რ ეშხვი.
Line of edition: 38 კვილ ი ბა̈ბილა̄̈ნითეჩუ̄ნ ჩვანჴა̈დ, ეჩქას ხვა̈ჲ ა̈გის ათთუფნე̄ნა ორჩუ̄ნ. ნა̈ბოზს
Line of edition: 39 ა̈გითეშა̄̈ლიდ ა̈ნწვე̄ნ ე̄სნა̈რ ალ ბა̈ჩ ი ალა ჩეი ლϩმა̄̈რ. ა̈გით' ა̄ნჴიდ ესნა̈რ, ჩვადჰინე
Line of edition: 40 ი ამხა̈ნქა ლϩლღენ ი კარდლა̈რ ანშკა̄̈დ, ეჯა მა̈გ ა̈ხფას ა̄ლ კვილს. მუჟღვერ
Line of edition: 41 ესნა̈რ გულედა̄ნი ანჴა̈დ ლა̈ქმახა̈ნ ი ქვილϩმგენა̄̈ლ ანჴიდ ი შიშდ ლიმდუნე ლოხ
Line of edition: 42 ბინე გუას: "მიჩ ესერ ალა მა̈გ კუმა̈შ ოხვჴი̄და, ჯ'ე̄სერ დე̄მგვაშ იჩომ ქორისგა ლიდჲარა̄̈ლϩნქა.
Line of edition: 43 ეჩქას ესნა̈რ ანჴად გუა ი მიჩა ნაშკა̄დვ ლϩლღენ ი კარდლა̈რ ხაწვე̄ნე.
Page of edition: 74 Line of edition: 1 ოხჩϩ̄დხ ესნა̈რ ამეჟი̄ნ ლიცლა̈ვჲე̄ლ ი ჩვა̈დი̄თა̄̈ნხ. უ̄თა ქორ გულედა̄ნს ხა̈ხვიე̄ნა
Line of edition: 2 ი ნა̈დვა̈რ -- გუას. გუა ჟ'ანხჴა̈დ ესნა̈რ ნე̄სგუნთე ი გულერ ჩვა̈დზიგა̄̈ნ, ათხე
Line of edition: 3 რაჟდენს ქორ ხუღვე, ალ' ა̄̈დიგ ესნა̈რ. Line of edition: 4 გულედა̄ნა̈ ნა̈თსა̈ვ ლიხ: ო̄თხვ მეზგე ქაუშერა , ჲო̄რი მეზგე გურმაჩშა ი ეშხუ
Line of edition: 5 მეზგე კა̈რშა̈რ. მა̈გ-იშგვიდ. გუვა̄̈ ნა̈თსა̈ვ ლიხ: ეშდარა მეზგე -- ტიტიშა, ჩხა̄რა
Line of edition: 6 მეზგე -- და̄და̈შვა, სემი მეზგე -- სოლთანშა ი ეშხუ მეზგე -- ხვა̈შა̄ლშა. მა̈გ სემეშდ
Line of edition: 7 მეზგე ლიხ. Line of edition: 8
ლენჯა̄̈რ Добавлено (2007-06-07, 6:47 Pm)
---------------------------------------------
Text: 84
Page of edition: 74
Line of edition: 9
84. იმხა̈ნ ნაჴა̈დვ ლიხ ჯაფრა̄ნა̈რ Line of edition: 10 ჯაფრა̄ნა̈რ რაჭს ლϩმზიგხ, ჩა̈რთოლა̄ნა̈რ -- ზა̈სხვს ი ეჩქანღო მესტიაისგა ალზიგე̄
Line of edition: 11 ლიხ. ჭალა̈ჲს ჩვოთკვი̄დ, ე̄ჩქას აშხვჟი̄ნ ესნა̈რ ზა̈სხვხა̈ნ აჩა̈დ ჩა̈რთოლა̄ნრე
Line of edition: 12 ხოშა რაჭთე. ამეჩუ̄ნ ჯაფრა̄ნა̈რმϩყ ათმარჯვა ლირდე. ეჯჲა̈რ გუნ ხოჩა̄მდ ხაშდბე̄ნახ
Line of edition: 13 ი ღვეშგმე პილს საჩქვა̈რი ლოჰოდახ. ეჩქას ა̈მჴედ ჩა̈რთოლა̄ნრე ხოშა ი ეშხუ
Line of edition: 14 მინე გეზალ ხოშგვმინა ლერდიდ. ალჲა̈რს ქა ლოჰოდახ. ალ ბეფშვ ქ'ო̄ხჴი̄და ჩა̈ რთოლა̄ნრე
Line of edition: 15 ხოშა̄მ ზა̈სხვთე, ზა̈სხვხა̈ნ მესტიათ' ა̄̈მჴედე̄ლიხ. ეჩქას ალ მიჩა ლერდიჲსგა
Line of edition: 16 ლოხვჴერნა ი ჩვოთზიგვნა ქვაჩრა̄ნა̈ მურყვამმϩყ. ქორხა̈ნ ჯაჲ მასა̈რდ ხა̈მშედა̄ლა.
Line of edition: 17 ქ'ო̄თჩი̄ჟა-ჲ ხოჩა მეზგ' ა̄ხფასა. ამეჩუ̄ნ ესნა̈რ ამის სემი ჭყინტ გეზალ
Line of edition: 18 ა̈ხთავა̄̈ნ ი გუნ ხოჩა მახეღვაჟა̈რ ახფასახ. აშხუნღო მინე მუჲ ჩვალდაგა̈რ. ალ სამ
Line of edition: 19 ლახვბას ესნა̈რ მა̄რე ლახდაგა̈ნხ მესტიაისგა ი ქა ლე̄ტვ ხა̄დხ საუსურმანთე. ამეჩუ̄ნ
Line of edition: 20 ესნა̈რ ეზერ ხა̈ნ ახა̄დხ, ყა̈რჩათეჲ ა̈მჩედხ , ეშხუ მუხვბ' ე̄სნა̈რ ჩვასა̈დ ყა̈რჩას,
Line of edition: 21 მე̄რმე სა̈ვს ასა̈დ ი მე̄სმე ქ'ა̄ნტა̈ხ აგითე ი ჩვა̈დზიგა̄̈ნ. ეჩი̄ ნაბერწყვ როქვ ხვიშდ
Line of edition: 22 ათხე̄ მესტიაისგა̄̈ ჯაფრა̄ნა̈რ (ჯაფარი̄ძა̄̈ლ) მა̈გ. Line of edition: 23
მესტია Добавлено (2007-06-07, 6:47 Pm)
---------------------------------------------
Text: 85
Page of edition: 74
Line of edition: 24
85. ვიბლია̄ნა̈რ ი ხვიბლია̄ნა̈რ Line of edition: 25 ვიბლია̄ნა̈რ ჩუბე ჴევს იზგეხ ი ხვიბლია̄ნა̈რ ელის ხვიზგედ. ნიშგვეჲ ხოშა ეჩე̄შ
Line of edition: 26 (ჩუბეჴევიშ) ლϩმა̄̈რ. ჲო̄რი ლახვბა ლϩმა̄̈რხ. აშხვ ვიბლია̄ნ ხაჟხენა ი მე̄რმა --
Line of edition: 27 ხუბუ. აშხვ დვრევჟი̄ნ ჩვალϩ̄თე̄ლიხ ვიბლია̄ნ ი ხუბუ. ვიბლია̄ნ ჩვა̈მსედე̄ლი
Line of edition: 28 ჩუბეჴევს ი ხუბუ ლეჟა̄ვ ა̈მხჴედე̄ლი. მა̄ნკვი ლაღა̈მთე̄სგ' ა̄ხჴა̈დϩ̄ნენა ი ეჩეჩუ̄ნ
Line of edition: 29 ჩვალზიგე̄ლი, მა̄რე ჟა̈მ ა̈მჴედე̄ლი ლაღა̈მთ', ე̄ჩქას ახქეფა ი წვირმის ალზიგე̄ლი,
Line of edition: 30 ათხე ფა̄ნგა̄ნა̈რ იზგეხ, ამეჩუ̄ნ. ეჩქა ფა̄ნგა̄ნა̈რ ელის ლϩმზიგხ. ახჴედახ მირ აშხვჟი̄ნ
Line of edition: 31 ფა̄ნგა̄ნა̈რს ელიისგა ფათრა̈კ ი ეჩავ ახჴედახ გვეშ, ერე ელიისგა ლა̈ლზიგა̄ლ
Line of edition: 32 მა̄მ ხა̄რახ. ხუბუს ელის ხაცხე̄ნა ლილზიგა̄̈ლ ი ქა ლოხვცა̄და წვირმი̄ ქორ ი ჩვალ
Line of edition: 33 ზიგე̄ლი ელის. ეჩი̄ ნა̈თსა̈ვ ხვიშდ ხვიბლია̄ნა̈რ, ათხე ელის ერ ხვიზგედ. Line of edition: 34
იფა̄̈რ Добавлено (2007-06-07, 6:47 Pm)
---------------------------------------------
Text: 86
Page of edition: 74
Line of edition: 35
86. ფილფა̄ნა̈რ ლენჯა̄̈რ Line of edition: 36 ლენჯა̄̈რს ხაფსვნე̄ნა ვიბია̄ნშა ვა̈რგ ი ჩუ ლϩმზიგ ფუშყვრი თხუმ. ამხა̈ნქა
Line of edition: 37 ლϩმბეგვრინ ლენჯა̄̈რს. ალ ვიბია̄ნშე̄რ ვა̈რგს ხაყე̄ნა დი̄ნაგეზალ, ჟახად ცაცა. ალ
Line of edition: 38 ცაცა ეჯკა̈ლიბ ჰა̈ში ი მასხარა̄̈ჲ ლϩმა̄რ, ერე მიზეზი უკი̄დად და̄̈ს ლუმფვიშდინ ქა.
Line of edition: 39 ალ' ა̄̈დკვიჰ ესნა̈რ ივსელია̄ნრე ვა̈რგდ. ქა ხესმა̄̈ნ, ერე "ამბა̈ვს ესერ ვიბია̄ნშე̄რ
Line of edition: 40 ცაცას და̄̈რ მოშ ხოტხე ქა, მარე მიჩ ესერ დეშ იბერკლე". Line of edition: 41 ჟ'ა̈ნმა̄რა̄̈ნ ხოჩა̄მდ ივსელია̄ნრე ვა̈რგ, სგა ლა̈ჲჴერნე ეშხუ ფა̈მლი ი ლა̈ხმუშგვარ
Line of edition: 42 ვიბია̄ნშერს. ყო̄რჟი̄ნ ესნა̈რ ცაც' ე̄სხვი̄დ. ივსელია̄ნს მϩდრა̈ჴ ჟი ხობჯგა კაპრა̈ჲჟი̄ნ
Page of edition: 75 Line of edition: 1 ი ლა̈ხჭვედდა ცაცას: "მინე ღვაჟა̈რ ესერ იმ' ა̄̈რიხ?" "კაპრა̈ჲ სოტა̈რ ლაქჩათ'
Line of edition: 2 ე̄სერ ა̈მჩედხ" . -- ლახტიხ ცაცად. ვა̈რგ გუდ ა̈მჴედე̄ლი იმღა ხო̄ქვა ალი. "გაცხა̈ჲდ
Line of edition: 3 ესერ ქა ლϩსკნე ცაცა ლϩმა̄̈რ". "ა̄დუ ესერ, მარე ჯ' ე̄სერ ლახე ზურა̄ლს
Line of edition: 4 ხე̄მბვა̄ლვნი, ჩა̄ჟვხენქ' ე̄სერი̄ ჩვა̈სკნე". ალა̄ჲ ოთშგუნდა ვა̈რგს ი ლიწრა̄̈ლ ლოხვბინე.
Line of edition: 5 ამჟი̄ნ ქორხა̈ნქ' ა̄ნჴა̈დ ვიბია̄ნშა ვა̈რგ. ოხჩϩ̄დხ ლიყა̄̈რჲე̄ლ. ივსელია̄ნშე̄რ
Line of edition: 6 ვა̈რგდ ჩვაქა̈ჩ ვიბია̄ნშა ვა̈რგ ი ჩვაცვირ ამჟი̄ნ. ჯა ი მიჩა ფა̈მლი ჩირთϩლდთექ'
Line of edition: 7 ა̄ნჴა̈დხ, ეჩქას ლა̈ჲსკო̄რე ფა̈მლიდ (ამის ფილიფ ხაჟხე̄ნა): "ამხა̄̈ნქ' ე̄სერ ჭირϩნქა
Line of edition: 8 მა̄მგვეშ ხოწვა". ხაფხეჭ ჩა̄ჟვთეჟი̄ნ ვა̈რგს ი ჩვანკვა̈რ. ჩვაქა̈ჩ გუნ. ეჩქანღო
Line of edition: 9 ჟ'ახდე ი ლეჟ' ა̄ფიშვდ ამჟი̄ნ მიჩა ქორთე. მიჩნე̄მ ჟ'ესჭვე̄ნ ი სგა̄ჩა̈დ ვიბია̄ნშე̄რ ხოშა̄მთე.
Line of edition: 10 ქ'ო̄ხუ̄მბავე მა̈გ ი ხა̄̈ქვ: "ათხ' ე̄სერ მა̄̈ჲ ხოცხე̄ნს ეჯა̄ვ ხაყერ". "ჲაღვ' ე̄სერ
Line of edition: 11 ამგვა̈რ ნაჯრ ჩვე̄სვდა მიჩაცახა̈ნ, ნომმა̄ვ ღედ ხა̄რ. მიჩა გვეშ ესერ ხოჩა̄მდ ი̄რი".
Line of edition: 12 ანჴა̈დ ვიბია̄ნშა ვა̈რგ ი ფილიფ ჩვადზიგე ქაშვე̄თი სვიფი ჰოკერ ქორისგა.
Line of edition: 13 ალ ფილიფ ჩვა̈დფიშრა̄̈ნ. მიჩა ნაბერწყ ლიხ: გისაშე̄რა, დუდაშე̄რა, ბაბადიშე̄რა,
Line of edition: 14 მϩრა̄̈თბიშე̄რა, ფა̈ფიშე̄რა ი გუჩაშე̄რა, მა̈გ ერვეშდიო̄შთხვ მეზგე ი გვა̈რდ
Line of edition: 15 ფილფა̄ნა̈რ ლიხ. Line of edition: 16
ლენჯა̄̈რ Добавлено (2007-06-07, 6:47 Pm)
---------------------------------------------
Text: 87
Page of edition: 75
Line of edition: 17
87. სორთმან ჯაფრა̄ნ Line of edition: 18 აშხვ ზავ ა̈მჩედე̄ლი სორთმან ჯაფრა̄ნ ქაშა̈გთე ლა̈ქმათე. ამე სგა̄თჴედϩ̄ნე̄ნა
Line of edition: 19 ქაშგი მეფეთე̄სგა, ამი̄ დი̄ნას ესნა̈რ გუნ ლახლატϩნდა ალ სორთმან ი ხა̄̈ქვ:"ჰ'ე̄სერ
Line of edition: 20 ხაკუჩ, ქა ხონჴრი მიჩ ხახვდ შვა̈ნთე, შომვა̄̈ჲ ესერ ხოცხა̄̈ნდეს, ეჩქას". სორთმანს
Line of edition: 21 ხო̄ქვა: "მინე ჯვრილიშ ესერ ქრისდია̄ნს ხახვ დე̄მის ხაჰვდი, მარე ჯ' ე̄სერ იშგან
Line of edition: 22 ანსათხი: მიჩა მუს ესერ ქორა̈ ლიგემდ გუ ხა̄რ. ჯ'ე̄სერ ქ'ა̄დრინე შვა̈ნთე, ეჩხა̈ნ
Line of edition: 23 ჴელვანა̈რს ა̈ნჴდე ი ქორა̈ ნაგა̈მუნღო იგებს ესერ ქა ლახო̄მეხ მინეშდ მიჩა
Line of edition: 24 თხვიმ". Line of edition: 25 ალ სორთმან სგა̄̈მჴედ შვა̈ნთე, სგა ლოხჴერნა უსგვა ჴელვა̈ნ ი ქა̄̈მტეხ ამჟი̄ნ
Line of edition: 26 ქაშა̈გთე. ალ ჴელვანა̈რს, მა̈ჲ საკვრელ ლი, მა̈ნკვი ლა̈კირ ოთგახ ი ა̈შხიხ. სორთმანს
Line of edition: 27 ი მიჩ' ა̄ფხნეგა̈რს ესნა̈რ მასა̈რდ პა̈ტივს ხა̈ჩოხ ქაშგა̈რ. ქორა̈ ლიგემ ქ'ა̄დსურლეხ,
Line of edition: 28 ეჩქას, მიჩ' ა̄ფხნეგა̈რ ი ნა̈ჴϩლვანვი̄რ სგვებინ ანფიშვდ ი ჯა ზურა̄ლცახა̈ნ
Line of edition: 29 ასა̈დ. ხაკუჩ, ერე უფგოვშ იმვა̄ლეჟი̄ნ ქ'ა̄ნჴϩდეს შვა̈ნთე ხახვდ ალ ზურა̄ლ. აშხვ
Line of edition: 30 ლე̄თ ლოხჴერდახ უშხვა̄რ ი ლა̈ჲბინეხ ლიჴედ, მარე ჟ'ახბა̈ჟხ ი ფა̄და̈ს ა̈ხღვა̈ჭ ვეშგიმ
Line of edition: 31 ი ვეშგდ ახჭო̄ნნეხ. სორთმანს ხოქვა: "მიჩ ესერ ძალოვშ მა̄მ ესყა მინე დი̄ნა
Line of edition: 32 ი ლა̈ხჭვედდახუ ამის". ალ დი̄ნას ლახჭვედნახ ი ლახე ჩუ ხაცხე̄ნა სორთმანი
Line of edition: 33 ლინჴრი, ხა̈კვდახ სორთმანი დაგრა, მარე სორთმანდ ესნარ სგ'ა̄დსკინე ქორთე̄'სგა,
Line of edition: 34 ჩვესϩ̄გა̈ნ ყო̄რ სგა̄̈ნ ი ჲერვა̈ჲ სგა ხედო̄ლი ჩი ხანჯარშვ ჩვაცლϩ̄რე. ამჟი̄ნ, ესნა̈რ
Line of edition: 35 ეშდჲო̄რი მა̄რე ჩვადგა̈რ, ეჩქანღო ქ'ოხსკინა ქა̄̈მთე, მარე ჯა̄ჲ ჩვოთქაჩახ ფოყისგა.
Line of edition: 36 ლϩქა̈რ სორთმანდ ეში̄ ლი̄ტვ ლა̈ჲბინ' ე̄სნა̈რ, ღვეშგიმ ფა̄და̈ს ახღვიჭ. ამჟი̄ნ
Line of edition: 37 სორთმან სგ'ა̄ხჩედა ჯეგა̈მთე. ამეჩუ̄ნ სგ'ა̄̈დსკინ' ე̄სნა̈რ ბა̄ვთე̄'სგა. ამე̄'სგა
Line of edition: 38 ჩვა̈თპა̈ჟ. ისკო̄რ' ე̄სნა̈რ: "ეშდჲო̄რი მა̄რ' ე̄სერ ჩვოთდაგრა, ჲარვ ღეთს ესერ ჩუ̄დ
Line of edition: 39 ადდაგრი, ეჩქანღვ' ე̄სერ მიჩა დაგრაღაი̄ ჩუ ი̄რი. მარე ანჴა̈დ ესნა̈რ მϩჯგემ ა̈ლიმϩ რზა
Line of edition: 40 სვინჩშა, სგ'ა̄ჩა̈დ სორთმანიშთ'ე̄სგა. ამეჩუ̄ნ ალა ჩვადშა̄რდე ი ხა̄̈ქვ: "ნომმა̄ვ
Line of edition: 41 ღედ ხა̄რ, ბა̄ზ' ე̄სერ ჯა მიჩ ჩუ ხოწა". ანჴა̈დ ესნა̈რ გაცხა̈დ ა̈ლიმϩრზა, ბა̄ზი
Line of edition: 42 უფგოვშ ჩა̄̈ჟ ოხჴიდ სორთმანს, ჟი ლახსგურე ი თანღი ძირდ ქ'ა̄ნგენე. ამეჩუ̄ნ სერ
Line of edition: 43 სორთმანდ ჟ'ესჭო̄ნნე ა̈ლიმϩრზას ი ჯა ქ'ა̄ნჴა̈დ მϩჟა̄ლვა̈ თანღა̈ქა. ამექა ლაჴა̈დს
Page of edition: 76 Line of edition: 1 ჲარვ ლადა̈ღ ახკვედა, მარე მϩჟა̄ლთე̄'სგ' ე̄ში სგ'ა̄̈მჴედე̄ლი. ამეჩუ̄ნ მϩჟა̄ლვს ა̈ქიმ
Line of edition: 2 ხოთრახ ი ალ ა̈ქიმს ჟ'ოხხოჩვა სორთმან. ა̈გითე ნაჴა̈დუღო ჟ'ა̈ნშვემ. ეჩქანღვ'
Line of edition: 3 ა̄ჩა̈დ ჩო̄ლირთე. ამეჩუ ეშხუ ზურა̄ლ ხოთხა ი ქ'ა̄ნჴიდ შვა̈ნთე. მე̄რმე ზურა̄ლ
Line of edition: 4 შვა̈ნს ხოთხა ი ალჲა̈რ ესნა̈რ სგ'ო̄თჴიდ ა̈ლიმϩრზას საჩქვა̈რდ ჯეგა̈მთე. ალ ზურა ლა̄რე
Line of edition: 5 ნა̈თსა̈ვ როქვ ლიხ ათხე მალვა̈ნგს ჯაფრია̄ნა̈რს ხაყლეხ ეჯჲა̈რ.
Line of edition: 6 სორთმანი დაგრობ ამჟი̄ნ ლϩმა̄̈რ: აშხვჟი̄ნ ესნა̈რ მუშგვრიდ აჩა̈დ ოთარშე̄რთე.
Line of edition: 7 ამეჩუ̄ნ ესნა̈რ ხოშა ლა̈ |
| |
| | |
|
Мужчина |
Date: Четверг, 2007-06-07, 6:49 PM | Message # 21 |
|
Group: Модераторы
Posts: 990
Status:Offline
Дата регистрации:
2006-08-29 |
7 ამეჩუ̄ნ ესნა̈რ ხოშა ლა̈კვჰა̄ლვნა ლაკა̈დ ბა̈ჩ ა̈რი ი ამი̄ ლიკედ ლახკაფვნეხ.
Line of edition: 8 ოთარშე̄რს მა̄მ ხალტე̄ნახ სორთმან ი ჟ'ოხვა̈ზრახ ლა̈დ' ა̄მი̄ დაგრა. სორთმან ბა̈ჩს
Line of edition: 9 იკედ, ამჟი̄ნ ა̄ნჴა̈დხ ესნა̈რ ოთარშა ი ჯაჭა̈რისგა თვეფ ხაჴიდხ. სორთმანს ხანჯა̈რ
Line of edition: 10 ლოხვცხვაპა ი ოთარშე̄რ ვა̈რგი დაგრა ხა̈კვდა, მარე მუზვად ოთარშა ფა̈მლიჲა̈რ
Line of edition: 11 ახჭვა̄დახ ი მა̄დ ოთნებახ ლიცლϩ̄რე. ამჟი̄ნ ანჴა̈დ ესნა̈რ სორთმან, ლახე მა̄დ აფიშ
Line of edition: 12 ვდხ, ჲო̄რი ფა̈მლჲა̈რ ჩვადგა̈რ ამეჩუ. Line of edition: 13
მესტია Добавлено (2007-06-07, 6:48 Pm)
---------------------------------------------
Text: 88
Page of edition: 76
Line of edition: 14
88. დადა̈ში ჯაფრა̄ნ Line of edition: 15 ჯვინალდ ლატლა̈რს ი მესტჲა̄ლა̈რს გუნ დაგრობ ხა̄რახ უშხვა̄რ ნე̄სგა. ლატლა̈რ
Line of edition: 16 ხოშა̄მ ლაღა̈ლ ჟი ხა̈წნო̄ლნახ. დადა̈ში ჯაფრა̈ნს ეშდ ღეთ ხა̄რა ლϩდგა̈რ ლატლა̈რ
Line of edition: 17 მარე გვი დეშϩდ ხა̄რა ლუჴვე. ლატლი̄შ ი მესტია̄̈ ლისყა̄̈ლ ესნა̈რ შვა̈ნდი ა̈ნგუ̄შე.
Line of edition: 18 ეჩქას ლანზო̄რა̄ლ წვირმის ლϩმა̄̈რ, ეჯღ' ე̄რე ყანსავ ყიფია̄ნ ლϩმა̄̈რ შვანე
Line of edition: 19 მახვში ი ეჯა წვირმის ლϩმზიგ. ჟიბე შვანე ლϩთიშ მა̄რე ჟ'ა̈ნნა̈ზო̄რა̄̈ნ ესნა̈რ წვირმის
Line of edition: 20 ი მესტჲა̄ლა̈რ ი ლატლა̈რი ჟ'ა̈დჰერხ. ამეჩუ̄ნ ლოხკაფვნახ ლისყა̄̈ლ ი მა̈გ
Line of edition: 21 ყაბულს ახჴა̈დახ, მარე დადა̈შის ხო̄ქვა: "მიჩ ესერ ლეკე̄შϩრითექაჲ ჲო̄რი ღველჲა̄ქა̄̈
Line of edition: 22 ტუფ ხოკლი, ეჯჲა̈რს ესერ ჩვადთიმნე, ეჩქას ესერ სგა̄̈თსყო̄ლი ლატლა̈რს".
Line of edition: 23 ალა ლატლა̈რღა ხა̄რა: "ჲარვ ესერ ჩუ̄დ ადგა̈რი ი ეჩქას ესერ სგა ხესყა̄̈ლ". ამჟი̄ნ
Line of edition: 24 ჩვა̈დჟომა̄ნ ესნა̈რ მესტია̄შ ი ლატლი̄ ლისყა̄̈ლ. აშხვ ლადა̈ღ ესლოთმე დადა̈შიდ.
Line of edition: 25 ლახსგურდა ჩა̄ჟვ ი აჩა̈დ ლატლითე. ლატლი̄ სვიფისგა ბოფშა̈რ იშდრა̄̈ლხ. ანჴა̈დ
Line of edition: 26 ესნა̈რ დადა̈ში ი მϩდრა̈'ჴ ჩვადკვა̈რ ჩა̄ჟვხა̈ნჩუ̄ნ, ეჩქას ლახტვი̄ლ ბოფშა̈რს:
Line of edition: 27 "მალატი̄ლა̈რ, ჟი̄ვ ესერ ლახბიშეხ მϩდრა̈ჴ!" "ანჴა̈დ ესნა̈რ ეშხუ ბეფშვ ი ჟი ლახბი
Line of edition: 28 შე მϩდრა̈ჴ. დადა̈შიდ ალ ბეფშვ ჟ'ა̈დი̄ყე ჩა̄ჟვთეჟი̄ნ ი მϩდრა̈ჴ ჩუ̄დ ადკვა̈რ.
Line of edition: 29 ეჩქას მე̄რმა ბეფშვდ ლახბიშე ჟი. ალ ბეფშვი ჟ'ა̈დი̄ყე ჩა̈ჟვთეჟი̄ნ. ლახფხიჭე
Line of edition: 30 ი ლეჟ' ა̄ნჴიდ ალჲა̈რ ესნა̈რ მესტჲათე. ეჩქანღო ლახპა̈რვნე ი ქ'ა̄ჰვედ სა̈ვს. ამნოვშ
Line of edition: 31 ეშდჲარვმუყვ ქ'ა̄დსურლე ლატლარე დაგრა ი ლირმი. ალა, მა̈ჲ საკვრელ, ა̈თჴϩ̄რო̄ლხ
Line of edition: 32 ლატლა̈რს. აშხვ ლადა̈ღ ესნა̈რ ფუშყვრი ლექვე̄რისგა ჩვოთდარჯეხ დადა̈შის.
Line of edition: 33 ნა̈ბოზს ესნა̈რ ჯა̄ჲ მინე ყანსავ ანღრიხ მიჩა ძიძჲა̈რხა̈ნ. ბოϩქა ქ'ა̄ნჴა̈დხ, ეჩქას
Line of edition: 34 ოთცა̄დვნეხ ლატლა̈რდ, თოფა̈რს ი დადა̈ში ჩვადგა̈რხ ამეჩუ̄ნ. ყანსავს ეშხუ
Line of edition: 35 მϩლტა̈ლ ჩვოთდაგრა ეჩეჩუ̄ნ, მე̄რმა̄̈ლს მϩქაშე̄რთე̄' სგ' ო̄თო̄ტვახ ი ეჯჲა̈რმϩყ
Line of edition: 36 ათპეჟახ ჩუ. Line of edition: 37
მესტია Добавлено (2007-06-07, 6:49 Pm)
---------------------------------------------
Text: 89
Page of edition: 76
Line of edition: 38
89. ბევა ჩხვიმია̄ნ Line of edition: 39 ჯვინალდ აშხვ დრევჟი̄ნ ოთარშ' ა̄̈მჩედხ აფხზე̄თი ლახვა̈რთე ქვინლϩმგენე̄მიშ
Line of edition: 40 ი მა̈ნცინი ლაღე̄შგა̄ლთე. ობა̈შ გლეხა̈რ ოთჴერნახ ი აშხვდ ბევა ჩხვიმია̄ნი
Line of edition: 41 ხა̈ნჴრინახ ფა̈რხა̈ნ. ეჯა, ბევა ჩხვიმია̄ნ, ფა̄ლე̄დ ლϩმზიგ ი ნა̈პოლა̈ ნინ სგა ხასმო̄ლნა.
Line of edition: 42 ესღრიხ ესნა̈რ ი ბა̄ზი ცხეკისგა ჩვა̈დსადგვმა̄̈ნხ. ამეჩუნ ისგდმეცლე წიფრა
Line of edition: 43 ხა̈გნენა, ამეჟი̄ნ ნა̈პო̄ლა̈რ ხა̈გნე̄ნახ ი აშხვ ნა̈პო̄ლს ხო̄ქვა მე̄რმა ნა̈პო̄ლდ: "ნა̈ტლავ
Page of edition: 77 Line of edition: 1 ესერ ეჯას ხერ' ე̄, ერვა̄̈ჲ ალ წიფრახა̈ნქა ფიჩქს ი ბანდრი̄ლს ჟ'ანსყე̄ნე".
Line of edition: 2 ალ' ე̄სნა̈რ ბევას ქა ხასϩმდა. ანჴა̈დ ბა̄ზი ი ალ წიფრა̄̈ ნა̈ცლუვა̈რხანქა ფიჩქ ი ბანდრი̄ლ
Line of edition: 3 ჟ'ანტა̄ბე ი ჩვა̈დშხვინ ამეჩუ̄ნ. ამხა̄ვშა̄̈ლიდ ქ'ა̄̈ხდო̄ლ ეჩქას ა̈გითე ჴიდე.
Line of edition: 4 მიჩ' ა̄ფხნეგა̈რ ხაყლეხ ესნა̈რ: "ჯა მა̄რე, მა̈ჲა̄ქ ესერ ხა̄რ ამზუმ ჯვე̄დიახა̈ნ ფიჩქიშ
Line of edition: 5 ი ბანდრი ლიქფი. ა̈გის ესერ დეშ ანტა̄ბი̄სა?"ბევას ლოხვტი̄ხა:"ამგვა̈ჲ ხოჩა თვალა̈შ
Line of edition: 6 წიფრ' ე̄სერ დე̄სა ხა̄გ მინეშმϩყ. ლახლატ' ე̄სერ ალ წიფრას ხოჩა ჭადრია̈ნ
Line of edition: 7 ესერ ლი. ღვ' ე̄სერ მა̈ჲ ხოჭირ ალჲარე ა̈გითე ლე̄სგიღა?" Line of edition: 8 მე̄რმა ლადა̈ღ ანϩგა̈ნხ ჟი ი აჩა̈დხ აფხზეთი ლახვა̈რთე. ამეჩუ̄ნ მასა̈რდ ოთღეხ
Line of edition: 9 ესნა̈რ ქვილϩმგენე̄მი ჯვეგ, ჩა̄̈ჟი ჯϩლყϩ ი დაჴლა̈შ ი ღველჲა̄ქა ჯვეგა̈რ ი ლა̈ჲბინეხ
Line of edition: 10 ღვეშგ(\\ ღვეშგდ) ლიტეხ. ქ'ა̈ხა̄სდხ მეშხრა წიფრას. ამეჩუ̄ნ ბევად ფიჩქ ი ბანდრი̄ლ
Line of edition: 11 ჟ'ა̈ნკიდ, ჟი ლა̈ჲცვე ი ანღრი ჯა̄ჲ. ჩა̄̈ჟი ჯϩლყϩს ესნა̈რ კვაჩხა̈ჲ სა̄ბლიდ ხონჴრი
Line of edition: 12 ი ამის შუკვჟი̄ნ ჟ'ა̈ფხა̈შ. მიჩა დიდ ლახთϩრტϩნ' ე̄სნა̈რ ღვეშგმა̄ვ: "ქა̄ვ ა̈ნკიდა,
Line of edition: 13 იმ ესერ ხესე̄დურჲე̄ლ ღვეშგმა̄ვ". სა̄ბელდ ლახტიხ: "ალ ჯϩლყი̄ ნა̈ბდნჲე̄რ'
Line of edition: 14 ე̄სერ მიჩ გარ ხა̈ცვ ჯაჭა̈რჟი̄ნ ი ჟ'ე̄სერ ახფეშა. მინს ესერ მა̈ჲ ხოჭირხ, იმნა̈რ ა̈ხფეშნიხ,
Line of edition: 15 ჯაჭა̈რჟი̄ნ ესერ მამგვეშ ხა̈ცვხ ი ჰა̈რიდ ანღრიხ". Line of edition: 16 ფირვი ჯვეგს ესნა̈რ კვაჩხა̈ჲ ღუნულდ ხონჴრიხ, ღველჲა̄ქა̈შ ი გიცრი ჯვეგს --
Line of edition: 17 კვაჩხა̈ჲ ჟინღϩლდ ი ალა̈რსი ჟ'ა̈ხფა̈შხ. მინე დილა̄რუ ხატუ̄ლიხ "მა̈ჲ ესერ ესგაფე̄ნახ
Line of edition: 18 მინს გარ! ქა̄ვ ლა̈ჲბა̄ჴხ ი ჯვეგცახა̈ნუ ანღϩრდახ, ადო ჩვესერ ა̈სდენიხ ი ნადირ
Line of edition: 19 ადცϩლϩ̄რიხ". "მინს ესერ ალა მა̈გ ჯვეგი ნა̈ბდϩნჲე̄რი ჯაჭა̈რჟი̄ნ ხა̈ცვხ ი ჟ'ახფეშახ.
Line of edition: 20 მინს ესერ მა̈ჲ ხოჭირხ სური̄, ჰა̈რიდ ესერ ანღრიხ ი იმნა̈რ ესერ ა̈ხფეშნიხ".
Line of edition: 21 ალჲარეშ ი სა̄ბლი ლი̄მბვა̄̈ლ ქა ხასϩმდა ბევას ი თე ლა̄ჲე ალ სა̄ბელთე, ღუნთე
Line of edition: 22 ი ჟინაღთე. ოთარშა ი მინ' ა̄ფხნეგა̈რ ქ'ა̄ნჴა̈დხ ესნა̈რ შვა̈ნთე ი ჯვეგ ბევას ათყულუ̄რა̄̈ვნეხ.
Line of edition: 23 ამის ესნა̈რ ათხად: "ჯ'ე̄სერ ჩვადყულუ̄რი ჯვეგს, მარე მიჩეშდ ესერ
Line of edition: 24 დე̄მგვაშ იყვლე, ეჯღ'ე̄რე ობა̈შ ხოჩ' ე̄სერ ხაშყიდ ოთარშე̄რხა̈ნქა, ობა̈შ ნა̈მშედა̄ლვ
Line of edition: 25 ესერ ხა̄რხ ი ალჲა̈რხა̈ნქ'ე̄სერ ნა̄̈თის მა̄მა იყვლე. ჰემმ' ე̄სერ ა̈ხკა̈ფიხ, ჯ'ე̄სერ კვაჩხა̈ჲ
Line of edition: 26 სა̄ბლიდს, კვაჩხა̈ჲ ღუნულდს ი კვაჩხა̈ჲ ჟინღϩლდს ჟი ხასკიბ". ამის გარ დე̄მ
Line of edition: 27 ხასკბეხ ოთარშა ი აჯაღ ხაჰვდიხ, მარე ალა ბევად მა̄დ ჩვემინ. ჯვეგ ჩ' ოთყულუ̄რე
Line of edition: 28 ჩი̄ ი მიჩ ალ სა̄ბლიდ, ღუნულდ ი ჟინღϩლდ გარ ხა̈ხვიდ". ალჲა̈რ ი ფიჩქ ი ბანდრი̄ლ
Line of edition: 29 გარ ადჲე მიჩა ქორთე. აჩა̈დ ხა̈ნ ი ალ სა̄ბელ, ღუნ ი ჟინაღ ეჩჟი̄ნ ჩვა̈დფიშრა̄̈ნხ,
Line of edition: 30 ერე ჯϩლყϩს ი ჯვეგს ქა დე̄მთე მოშ ხოსპე ი გუნ ა̈დდიდრა̄̈ნ, ეჩჟი̄ნ, ერე შვანისგა
Line of edition: 31 ეჯგვა̈რ მეზგე ი ეჯგვა̈რ ლϩკთილ ჩუ და̄̈რ ლϩმა̈რდ. კეთილ ეშ ხა̈ფვინა ი ჩი
Line of edition: 32 ლეთ ლა̈ჲსას ლϩმზიჰვინ მიჩეშდ ი მუშგვრი̄შდ. მიჩა კეთილ ჩი̄თე ქა მეკვჰე ლϩმა̄̈რლი
Line of edition: 33 შვა̈ნისგა ი მაშრ' ა̈დგილთეჲ ქ'ა̄̈მკვეჰ. აშხვჟი̄ნ ესნა̈რ მესტიათ' ა̄ნჴა̈დ მუშგვრიდ
Line of edition: 34 მიჩა მეხვბარა̈რ ხერგია̄ნა̈რთე. ხერგია̄ნშაი ეზერ მეზგე ლϩმა̄̈რხ, მარე ბევა̄̈შთე
Line of edition: 35 ლა̄ზ ეჯჲა̈რს მა̄დე ი იშგანვი̄ და̄̈ს ხა̄რა შვა̈ნისგა. ბა̈ზ, ე̄სნა̈რ ხერგია̄ნშა სურუ
Line of edition: 36 ხოჩა̄მდ ესხვი̄დხ ამის. მე̄რმა ლადა̈ღ ესნა̈რ იბრა̄̈ლ ქა̄̈მ. ამჟი̄ნ კვინჩდ ლა̈ჲბინე
Line of edition: 37 ლიჭვე̄ჭე. ბევა ქ'ა̄̈დბარა̄̈ნ ესნა̈რ ი ეჩქას ხა̄̈ქვ მიჩა მეხვბარა̈რს: "ლეთ' ე̄სერ მიჩა
Line of edition: 38 ქორს ჟ'ახბϩდა ი ჩვალშიხე̄ლი, ალ' ე̄სერ ხო̄ქვ' ა̄თხე კვინჩს მიჩეშდ ა". ამჟი̄ნ
Line of edition: 39 ესნა̈რ ბა̈ჟინი ანჴა̈დ ლექვა̄̈ნისგა ი ქ'ა̄ნϩმბავე ლიშხი. ბევა ლა̈ხჭვედდ' ე̄სნა̈რ: "ფიჩქ
Line of edition: 40 ი ბანდრი̄ლ ესერ ალშიხე̄ლიე მა̄ ჩუ?" "ეჯჲა̈რ ესერ დე̄სა". ჲაღვ' ე̄სერ დიდა̈ბუ
Line of edition: 41 ხა̄რ ღე̄რბათ, ამღ'ე̄სერ მა̄მ ხოჭირ". ი გაცხა̈ჲდ ეჩქანღო ხოჩა̄დი ლიზგე ხა̄რა ეჩქადი
Line of edition: 42 ნამსგიდინ. Line of edition: 43
მესტია Добавлено (2007-06-07, 6:49 Pm)
---------------------------------------------
Text: 90
Page of edition: 78
Line of edition: 1
90.ღუ̄ნჩაშა ხოშა ი და̈ლ Line of edition: 2 ღუ̄ნჩაშა ლϩმზიგხ ხეშკილ ი ეჯჲა̈რთა̄ნ მეზგე ბა̈რვა̄ნა̈რი̄ მა̄მ ლϩმა̄̈რხ. ჩი̄მი
Line of edition: 3 ჯვეგ ხარდე̄ნახ. ნახმუ̄ნდია̈რ ოხრა̈რდ ჩეი̄შ ხა̈გნენახ ი მინე ლეთხვიმ ლაჴვა̈მი ხა̈გნე̄ნახ,
Line of edition: 4 ეჯკა̈ლიბ გუნ დიდებულ მეზგე ლϩმა̄̈რხ. ალ მეზგა თვა̈ლი ხარდე̄ნახ. თვა̈ლ
Line of edition: 5 მა̄̈ჲ მეზგაისგა როქვ სგვეჯი, ეჯ მეზგე ჩიგარ როქვ ლერსგვანთე გარ სიპ ჩიე̄სგა.
Line of edition: 6 ეჯკა̈ლიბ ბედნიე̄რ ჩუ ლϩმა̄̈რხ მა̈გ, ერე ლეგდი და̄̈რ ლϩმა̈რდო̄ლინხ. ალჲა̈რს ქორისგა
Line of edition: 7 ეშხუ მა̄რე ხარდე̄ნახ ეჯგვა̈ჲ მეთხვჲა̈რ ჩუ ლϩმა̄̈რ, ერე ჰამს ლახ ქა ლϩმა̄̈ზ
Line of edition: 8 ლა̈თხვჲართე, ნა̈ბოზს ღვაშ ჰე მო̄დე, ერსკნ ეჯღა̄̈ჲ ახყე̄ნა. ლაღვ ჟი ლϩჟა̈რ ხა̄რახ
Line of edition: 9 სერ ქორისგა̄̈ მერდა მა̄რა. ალ მეთხვჲა̈რ ეჯკა̈ლიბ ლამარგ ლϩმა̄̈რ, ერე ლინღა̈შტვჟი̄ნა̈
Line of edition: 10 ნარმა̈ვ ი ღო ჟი ნარდა̈ვ ღვაშა̈რ ი ესკნა̈რ ხარდე̄ნა. ლინღა̈შტვჟი̄ნ ფუკვა̈რს
Line of edition: 11 ქა ლϩმყორვინ ი შინა̄̈ვირდ ლϩმსიპო̄ლინხ. Line of edition: 12 ალ მეთხვჲა̈რს და̈ლ ხალტე̄ნა. ალ და̈ლი ნასჩქვარ ხა̄რა თვა̈ლი̄ ი ამღა ხა̈რახ
Line of edition: 13 ამგვა̈რ ხოჩა ბედ ალ ღუ̄ნჩაშე̄რს. Line of edition: 14 აშხვ ლადა̈ღ ესნა̈რ ალ მა̄რე ლაშვარდალა̈ კოჯთ' ა̄ჩად ლა̈თხვჲართე. ა̈ხჴვა̈სგ
Line of edition: 15 ესნა̈რ თვეთნა̄მ ღვაშს. თვეფ ჟი მϩკა̈ჩ ხა̄რ, ამჟი̄ნ ესნა̈რ შϩნ ჲერე̄ ლოხვგუდირდა.
Line of edition: 16 ლა̈ჲსგიდდა ღვეშგდ ი ეჯგვა̈რ თვალა̈შ დი̄ნას ქა ხეწა̈დ, ერე ხია̄̈რ კოჯქა ქა ვეთ
Line of edition: 17 ათსიპდა მალატშვ. ამბვი ლი̄ქვი̄სგს დეშ მოშ ასხა̈თი. ეჩქას დი̄ნად ხა̄̈ქვ ესნა̈რ,
Line of edition: 18 ერე "ჯ'ე̄სერ ლი და̈ლ. მიჩა მალატ ესერ ათცა̄და გუთე̄'სგა ი ჩუ̄ვ ა̈დმალტა̄რა̄̈ნხ".
Line of edition: 19 ალ მა̄რეი̄ გუნ ხოჩა ლა̈წვა̈შ ლϩმა̄̈რ. ამნე̄მ ლახტიხ ესნა̈რ: "მიჩა̄ვ მა̈ზიგ ლახჴედა!
Line of edition: 20 იმჟი̄ნ ესერ ლა̈ჲშგედნე მიჩა კა̈ლიბ ვიდრობა მა̄რა ამკა̈ლიბ ანგლეზვ". "ეჩი̄ ღედ
Line of edition: 21 ესერ მიჩ ნომმა̄ვ ხა̄რ, მარე ეშხუ გვეშ ესერ ლი: მინე უშხვა̄რი ლილმატა̄რ ესერ
Line of edition: 22 ხაკუჩ ერე დო̄რდ ა̈დკუჰეს, ადო ეჩქ' ე̄სერ მიჩ ხოლა̄მდ ხოჴდენი გვეშ. ლახე მა
Line of edition: 23 ხეყერს, ეჯ'ე̄სერ თხუმუ გარ ლახბϩრლე ი მიჩ ნო̄სამა". "ა̄დუ ესერ, მიჩა̄ვ მა̈ზიგ
Line of edition: 24 ლახჴედა, მარე მიჩ ესერ ხეხვ ხორი ი მა̈ჲ ჩვემინეს, ადო მიჩაცახა̈ნ ესერ მა̈ჲ
Line of edition: 25 ახჟა̈რნე ი მა̈ჲ ესერ აჰე̄სგნე მიჩაცახა̈ნ ლირდეს". "ხახვცახა̈ნ ესერ ნო̄სავ ლა̈ხქად
Line of edition: 26 ამუნღო ი ნო̄ჲ ქა̄ვ ხა̄̈ქვ". Line of edition: 27 ჯ'ე̄სერ თვა̈ლს ლაჰვედნე, ა̈გით' ა̄დინე ეჩქას ესერ ქორშა̈რსუ ხა̄̈ქვ: ალ'
Line of edition: 28 ე̄სერ ჯგϩრა̄̈გს ლოჰოდა, მა̈გ ესერ ხოჩა̄მდ ხე̄რიხ ი მიჩეშდ ესერ მუგვდა ხეხვცახა̈ნ
Line of edition: 29 ლიყვნა̄̈ლ ჟ'ოხკავა. ქორშა̈რ ესერ ჩვოთჯϩრვიხ ი ეჩქას ესერ მა̄მგვეშ ხეფსი".
Line of edition: 30 ალ მა̄რე ყაბულს ოხვჴა̈დ ი ამჟი̄ნ ჩვა̈დმალტა̄რა̄̈ნხ. ბა̄ზი აშხუდ ადყურდახ
Line of edition: 31 და̈ლი ქვა̈ბისგა. ამე̄სგა ეჯკა̈ლიბ ლარდა ჩუ ხა̄რ და̈ლს, ერე ლისგდი მა̈დილ ლი.
Line of edition: 32 ალ ქვა̈ბისგა სემი ლე̄თ-ლადა̈ღ ათრა̄გϩნ და̈ლცახა̈ნ ი მე̄შთხვა ლადაღ აჩა̈დ ა̈გითე.
Line of edition: 33 ქორშა̈რ ტϩტ-ლϩჩხრიკა ხასგურხ, ეჩჟი̄ნ ხა̈გვნა̈ბϩნხ. ბა̄ზი ლა̈ხჲადა̄ლ აჩვმინხ ი
Line of edition: 34 გუნ ეზერ ლარდა ხა̄დხ. მუშგვრა̈რ ქ'ა̄ჩა̈დხ, ეჩქას ალ მა̄რე̄მ ხა̄̈ქვ მიჩა მეყულფას:
Line of edition: 35 "მიჩეშდ ესერ ჯგϩრა̄̈გს ალ თვა̄̈ლ ლოჰოდა, ა̈ნკიდ ჟი ი ეშ ადდღამე ქორ, მარე
Line of edition: 36 ეშხუ გვეშ ესერ ხო̄ქვა: ამუნღვ' ე̄სერ მიჩ ხახვცახა̈ნ მეყვნა̄ლდ მა̄მ ხაყა ი ხაკუჩ
Line of edition: 37 ერე ბერშა̄ლ ესერ არდე̄დს, ოდო ჯგϩრა̄̈გ ნა̈ბს დო ლაჰვედნე, ეჩქად".
Line of edition: 38 ალ თვა̈ლ ლეშხვნიდ მიჩა ხახვ ლახბა̈რჲე ი ამნე̄მ ჩვაშხვინ სკივრისგა. ჭა̈შდ
Line of edition: 39 ჩვადშგურა̄ნე ქორშა̈რ, ერე "ქ' ე̄სერ ნომე̄ვ ლა̈ჲკვიშხ ალ თვა̈ლა̈ ლიდე, ადო ჟ'
Line of edition: 40 ესერ ხვეტნიხ". მიჩნემ შდა̄შვ ა̈ნსყე ლაყვრა ი ამჟი̄ნ ჩვა̈რიხ. ალ თვა̈ლა̈ მეჴდ
Line of edition: 41 ანღო ეჩჟი̄ნ ჩვა̈დღუ̄ზა̄̈ნხ ალ მეზგე, ერე კეთილს თხუმ ქა დე̄მთე მოშ ხა̈ჩოხ ი ძუღვად
Line of edition: 42 ადϩ̄გა̈ნხ. ალა მა̄რა ლახე და̈ლა̈ საუდ ხოჴდენი, ლა̈თხვჲართე ი ლა̈წვერთე |
| |
| | |
|
Мужчина |
Date: Четверг, 2007-06-07, 6:51 PM | Message # 22 |
|
Group: Проверенные
Posts: 352
Status:Offline
Дата регистрации:
2006-09-07 |
79 Line of edition: 1 ლი̄ზის იმზეზი ი ესღრი ჰამს და̈ლთე, მე̄რმალადა̈ღ ჰამს ღვაშს ადგა̈რი ი აგითე
Line of edition: 2 ჴიდე. აჩა̈დ ამჟი̄ნ ხა̈ნ ი მა̈გ გარ ხოჩა̄მდ ხა̄რხ, მარე ზურა̄ლს ღალ ჭაშურ ჟი მϩრე̄ს
Line of edition: 3 ხაჟა̈რ ი ამი̄ ხახვ ლეგ გვი ხო̄ზ. მიჩი̄ ხა̈ყვნა̄ლვნე მიჩა ჭაშვდ, ადო იშგენ დე̄სამა
Line of edition: 4 ხაკლი. ბედ ხოჩა ხა̄რ, ლϩრექვი ხოჩა̄მდ ლი, ჭა̈შ ი მეყულფა ხოჩა̄მდ ხა̈ჩოხ,
Line of edition: 5 მარე ჯა ეში̄ მუწვრიშა̄ლ ა̈რი ქორისგა. ობა̈შინ ლახე ლა̈ხდი ლი̄ცვი მუ̄ქვ, ადო
Line of edition: 6 სერ დე̄მშა სერდე ხა̄რ. Line of edition: 7 აშხვ ლადა̈ღ ალ მა̄რე აჯაღϩდ აჩა̈დ და̈ლი ლაწა̈დთე. ეჩენ ქა ხო̄ზნა̈ნ ა̄მის
Line of edition: 8 და̈ლ, ერე ჰა̄ლ ხა̈ნ ესღრი, აშგარ იმხი ი ისკეთი. ამისე, ლახე ეშხვი ი ჲედ ჲო̄რი
Line of edition: 9 ლადა̈ღ ქა ხერა̄̈გი და̈ლურდ, გვი ლა̈გას მა̄მ ხო̄გ. ა̈გის ლახ ა̈რი ლა̄̈თშვ ქა ღϩრი
Line of edition: 10 ქა̄̈მთე ი და̈ლა̈ სადგვი̄მთე გარ ისგზი. ქორშა̈რს მელცოვა̄̈ლ ხოხახ.
Line of edition: 11 აშხვჟენ უფგოვშ მიჩა ხეხვ ა̈თჭა̈მ ი გუდ აჴა̈დ, მა̄̈ ქვა̈ბთე̄სგ' ა̄ჩა̈დ მიჩა ჭა̈შ.
Line of edition: 12 ბა̄ზი ღვეშგდ ესჭვე̄ნ ალ ზურა̄ლდ ი მიჩა მეყულფას ქ'ო̄ხუ̄მბავე, ი̄რი̄ "მიჩა ჭაშვ
Line of edition: 13 და̈ლ ესერ მϩრე̄ს ხალა̈ტ ი ალ ი ალ ქვა̈ბთ'ე̄სერ იზელა̄̈ლ". მეყულფას ათϩნბაჟϩნხ
Line of edition: 14 ალა ი მა̄დ ა̈დჯϩრვეხ. "ჯა ზურა̄ლ, მეთხვჲა̈რ მა̄რა ჩიგარ ესერ ხოცϩხ ლა̄̈თშვ
Line of edition: 15 ლასდგვემ ქვა̈ბ ი ეჩე̄სგ'ე̄სერ ხე̄რი ლარდა, ადო ჲა̈რ ესრე და̈ლ ი ჲა̈რ გვეეშ". ამის
Line of edition: 16 ზურა̄ლ დე̄მ იჩო. მე̄რმა ლადა̈ღ ალ მეთხვჲა̈რდ ღვაშϩდ ანჴიდ ქორთე. ეჩქას ა̈ხჭვა̄დხ
Line of edition: 17 ხეხვ ი მეყულფა ეჩხა̈ნ-ამხა̈ნ: "იმთ'ესერ იზელა̄̈ლ ი იმღ'ე̄სერ იხვიე̄სგი
Line of edition: 18 ალ ზურა̄ლა̈ ცოდს. მა̄მ ესერ ხოშგურა?" "მინ მა̄რა̄̈ლ, იმ ესერ ხაჩვმა̄ვნეხ, ქ'
Line of edition: 19 ე̄სერ ხო̄ქვა ამϩნქა მიჩ მა̄მგვეშ ესერ ხუღვე ლე̄ქვი̄სგ". Line of edition: 20 ეჯა მა̈გ ხაყერხ, ერე ქ'ა̄ხა̄̈ქვი̄სგნეხ, იმვა̄̈ჲჟი̄ნ ლϩმა̄̈რ გვეშ მიჩა ი და̈ლა̈ უშხვვა̄რ
Line of edition: 21 ნე̄სგა. ალა ქა ლუ̄მბვე დეშ ხა̄დ, აძგვა̈ბ ჩუ ქორ ი მა̈გ უშხვა̄რჟი̄ნ ა̈თსყა̄̈ნხ.
Line of edition: 22 ესნა̈რ თვა̈ლს ქ'ო̄ხსკინა სკივრხა̈ნქა ი სგა̄̈მჩედე̄ლი და̈ლთე̄სგა. ალ ქორ ღალ
Line of edition: 23 ჟ'ა̈მხვეტე̄ლი ი კეთილ ეშ ი აშ ოთღე̄შგა̄ლახ მინე მესვფელას. Line of edition: 24
ლენჯა̄̈რ Добавлено (2007-06-07, 6:50 Pm)
---------------------------------------------
Text: 91
Page of edition: 79
Line of edition: 25
91. ლა̈ჭმათე ლი̄ზი Line of edition: 26 აშხვ ზავ, მი ხოხვრა გარ ხვა̈სვ, ეჩქას რუსე̄თთ' ო̄ჩა̈დდ ლა̈ჭმათე ერვეშდ
Line of edition: 27 ღეთ მა̄რე ნიშგვეჲ სოფელხა̈ნქა. აშხვ ნაგზანღო, იმ ი დო ლა̈სვ, სგ'ო̄ჩადდ ნარსანთე
Line of edition: 28 (ნარსანას კისლოვოდსკს ხაყლეხ). შუკვს ლეზიზ ჩვა̈ნშდა̈ხ ი ქაშა̈გ ლექვა
Line of edition: 29 მϩჟეგის (ფეტვრა̄̈ ჭკϩტს) ხვიზვერდად მეზგა̄̈ლხა̈ნქა ი ი̄ჯა ნუღვა̄̈ნ ლეზობდ. ნარსანთე
Line of edition: 30 ჩ' ოჩა̈დდ, ეჩქას დი̄რი ლიშგვმა̄̈ნი ლა̈ხვბინედ ი ამჟი̄ნ ხვიზვერდად დია̈რს
Line of edition: 31 ი ეჯას ხვიზობდად. სერ ჩ' ოჩა̈დდ აშხვ ხოშა̄მ სოფელთე. ამეჩუნ მიშ ლადა̈ღ ყაზა̄ყა̈რდ
Line of edition: 32 ჟ'ა̈ნგენეხ. ერ იმთ' ა̄ნჲეხ ი ერ იმთე მϩჭმად. დესეტი̄ნას სამ აბა̈ზღა ხოჭმად.
Line of edition: 33 მიჲ მიშგვ ა̄ფხნეგა̈რ დროგშვ ანჲეხ აშხვ ლადღი ლე̄ზნა ი ჩვანსადგვმეხ აშხვ მინდვერისგა.
Line of edition: 34 ამეჩუ̄ნ ბალაგან ლϩ̄გა̈ნ ი ლარდ' ა̄მე̄სგა ნა̄დ. ლეთრე ლიც ბოჭკოშ
Line of edition: 35 ანჴიდხ. ეჯა ქა̄მენჩუ̄ნ ესგეხ. მე̄რმა ლადა̈ღ ლა̈ხვბინედ ლიჭმე ოხვიშდ მა̄რე̄მ ი
Line of edition: 36 ხვა̈ჭმედ ჰამუნღვე̄ ნა̈ბოზდ. ნიშგვეჲ ხაზა̈ინდ სამ ლადღი ქა მა̄რა დია̈რ ი ტარან
Line of edition: 37 ენცვირ ი ჯ'ა̄ჩა̈დ. ნა̈ჲ ხვა̈ჭმედ ამ სამ ლადა̈ღ, მარე ლიცი ნავღვე̄ნი ნიჴდა თϩმის.
Line of edition: 38 ლϩჯიმ ტარან ი ფურნე̄ დია̈რ ლიცს ნაფვნუნა. ლიც ბოჭკაისგა ლϩგა̈ნ, მარე ნაფვი̄ნშა̄ლ
Line of edition: 39 ა̈თუ ლა̈სვ, ჟიქა̄ნქა ლϩდგა̈რ მე̄რშვ ი კუღუნშვ გვეში ლა̈სვ ი ლეთრად
Line of edition: 40 მა̄მ ხეყა̄̈დ, მარე სურუს ლახე ნითლϩ̄რა ლიცი მაფϩნ, ეჩქას ღალ დეშ ხვაჭკრϩნად
Line of edition: 41 ი ჩუ ლეთრე ნა̄დ ყა̈რშვ. მე̄სმა̄მ ლადა̈ღჟი̄ნ აჯაღ ანჴიდ ლიც ი ხა̈რჯ ი ჯა აჩა̈დϩდ.
Page of edition: 80 Line of edition: 1 ამჟი̄ნ ჟ'ანა̄დ ჲო̄რი ნაგზი ი ლიჭმე̄ჲ ქ'ო̄თსურლედ. ჟ'ა̈ხვზϩმა̄ლედ ნაჭა̈მ, მარე
Line of edition: 2 ნა̈ჲ ღალ მა̈ჲ ნიხალდა ლიზმა̄̈ლი̄შ, მიჩა სვინდდ ოფიშვდდ ყაზა̄̈ყ. ა̈ხუნგრიშედ ქა
Line of edition: 3 ვარჩხილ ი თვით არა მანა̈თ ნა̈ხვი̄დ. ალ' ე̄ზერ ნა̈ქიმვდ ლანბაჟϩნ. ლა̈ნსგურე
Line of edition: 4 დროგს ყაზა̄̈ყდ ი სგა̄ნჴიდ ბაზა̈რთე. ამეჩუ̄ნ თვით ჭიქ ოტკა ჩუ ლანა̄̈შ ი
Line of edition: 5 ჯ'ა̄ჩა̈დ. Line of edition: 6 ამ ლადა̈ღ ნა̈ჲ ოხვიშდ-ოხვიშდ აშხვ ყაზა̄̈ყდϩდ ა̈ნეგნე მϩჭმად ი ანჲე ლა̈ჭმათე.
Line of edition: 7 ამეჩუ̄ნი ჲო̄რი ნაგზ' ა̄ნრა̄გϩნ, მარე ვარჩხილ თვით იშგვიდ მანა̈თ გარ ნა̈ხვიდ.
Line of edition: 8 მიშლადა̈ღ ბაზა̈რთე̄დ ონჴვა̈დდ ი ამე ჟი გვეში̄დ ლა̈სვ ჩიე̄სგიშდ. ამ ლადა̈ღ აშხვ
Line of edition: 9 მϩქშა̈გდ ყვარვილ ჩა̄ჟვ ლახსკინა̄̈ვნე ბაზა̈რთე̄'სგა ი უსურმანრე ლა̈დჲარა̄ლ სგვებინჩუ̄ნ
Line of edition: 10 ჩვესა̈ბ, ღა̈რთ ი ბაშლϩყ ჟიქა̄ნ ესთხიფ ი ჯა დუქვა̈ნთე̄'სგ' ა̄ჩა̈დ, ეჯგვა̈რ
Line of edition: 11 ლუშდბუნე ჰϩნგირ-ჰა̈ღვირ სგა ხეჴმარა̄̈ნ, ერე მა̈გ ალ ჩა̄ჟვ ხოსგიდდა. ანჴა̈დ იმვა̄ლეხა̈ნ
Line of edition: 12 იშგენ მა̄რე, ღა̈რთ სგა ლა̈ჲქვე, ბაშლϩყ ჟე̄სგე, ლახსგურდა ჟი ჩა̄ჟვ, ლა̈ჲრეყ
Line of edition: 13 ი წკვა̈მ აშ ადჰელა̄̈ნ. ჩა̄̈ჟ ესნა̈რ ქ'ა̄დჲე მიჩ' ა̄̈გითე ქ'ა̄თყიდ ვა̈რგს. ანჴა̈დ ქა
Line of edition: 14 მϩქშა̈გ, ხეთხე̄ლი ჩა̄ჟვ, მარე იმ' ა̄̈ნთხა̄̈ლნა. ამ ლადა̈ღ ქუჩაისგა აშხვხა̈ნ წვირმა̈რ
Line of edition: 15 ი იფარა̈რ იქეიფხ ი მე̄რმახა̈ნ ყაზა̄ყა̈რ. ჩვა̈დშდϩმა̄̈ნხ. ეჩქას ყაზა̄ყა̈რდ დიე
Line of edition: 16 ლიწრა̄̈ლ ლოხვბინეხ შვანა̈რს. ამღა ლიყა̄რჲე̄ლ ოხჩϩდხ ამეჩუნ ყაზა̄ყა̈რს ი
Line of edition: 17 შვანა̈რს. Line of edition: 18 ლა̈დ'ამეჩუნ ოსა̈დდ ი ოხვღელდად: "ნოთავ როქვ ქა ჲა̈რდ ანჲე ლა̈ჭმათე".
Line of edition: 19 ლახე დო̄რდ ანჲ' ე̄ჩქას დია̈რ ჟი̄დ ა̈ხვზვერდ ჲარვ მა̄რაჟი̄ნ თვით შაურდ გიცრი
Line of edition: 20 თხუმა̈რ ა̈ხვყიდდ მϩჯა̈ბ ი ამნოვშ გუნ ეზერდ ათვხარჯა̄̈ნდ. ბა̄ზი დუქნარე ჩალდყა̈რჟი̄ნ
Line of edition: 21 ოთყურდად, ეჩეჟი̄ნ ლიყვნა̄̈ლს დე̄მის ნიდურვა̈ნდახ ლა̄̈თშვ. მე̄რმა ლადა̈ღ
Line of edition: 22 ეშხუ ყაზა̄̈ყϩდ ა̈ნთხანა̄̈ნ ი ლა̈ნბინე ლირგვივა̄̈ლ. დესეტინაისგა ეშდ შაურϩნქა
Line of edition: 23 მა̄დ ა̄̈დჴიდ. Line of edition: 24 ნაჲ ი დამ ი ყაბულს ოხვჴა̈დდ. ჲარვ ნაგზაისგა თვით ოხვიშდ მანა̈თ სგა̄დ ლა̈ხვქიმდ
Line of edition: 25 ი თვით ერვეშდ მანა̈თ ჩ' ოთყვაბედ მა̈გ. ალა ეჩქას ეზერ ნა̈ქიმ ლა̈სვ. მიშლადა̈ღ
Line of edition: 26 ჟ'ა̈ხვღვაჭრედ ქალა̈ქისგა ჩაფϩლ ი ბარდან მაზუმვა̄̈ჲ ჲა̈ს ნაწხϩნ. სგ'ო̄ჩვა̈დდ
Line of edition: 27 დუქვა̈ნთე ი ამეჩუნ თვით ოხვიშდ შაურ ღალ ჩვა̈თვსერდ ი ჲარვ მა̄რაჟი̄ნ თვით
Line of edition: 28 ბოთლიკ ოტკ'ა̄̈ხვყიდდ. Line of edition: 29
იფა̄̈რ Добавлено (2007-06-07, 6:50 Pm)
---------------------------------------------
Text: 92
Page of edition: 80
Line of edition: 30
92. ლიჭმე ი ლიბϩრგიე̄ლ Line of edition: 31 ჯვინალდ ღალ მუშვა̈ნ მახეღვა̈ჟ ჩი̄თე ღϩრდა ლა̈ქმად. ლვინთ -- ზა̈ნთე ი ზავ --
Line of edition: 32 რუსე̄თთე ი სა̈ვთე. ეჩქა̄̈ თϩმის ათხე ქა ლა̄მბა̈ვ მა̄მა ხა̈რ, ეჩი̄ზუმ გარჯ ნა̄დ. ათხე
Line of edition: 33 ლირდ' ო̄ხვტა̈ხ ჩი̄. აშხვ ზავ რუსე̄თ ხვარდად ლა̈ჭმას. ჩი ლადა̈ღ ლეჭმე მა̄მ
Line of edition: 34 ნუღვა̄̈ნ ი ლისგვრე̄ში ნა̄დ, ეჩქას მო̄შ-მო̄შ სოფელხა̈ნქა მეჴედ მახეღვაჟა̈რ ლიბϩრგიე̄ლსი
Line of edition: 35 ხვასყე̄ნად. მიშგვა ჩიქს მაჩენე მებϩრგიე̄ლ მϩცხმა̈რ სათგერ არღვლია̄ნ
Line of edition: 36 ლა̈სვ ი მϩლϩნჯე̄რ კოსდა ფილფა̄ნ. ალჲა̈რ მე̄რმა შვანა̈რს ჩი̄ ჩუ იდა̄̈სგდახ, მარე
Line of edition: 37 ჴერჴხა̈ნ ეში̄ კოსდა მϩრა̄̈თბიშა ხა̈წრა სათგერს. Line of edition: 38 აშხვ ლადა̈ღ რუსა̈რი̄ ანჴა̈დხ მიშლადა̈ღ ბაზა̈რთე. ნა̈ჲ ესენტუკვს ხვარდად ი
Line of edition: 39 მინდვერისგა ხვესდგომა̈ნდ. ანჴა̈დხ ამხა̄ვთე̄სგა რუსა̈რ ი ლიბϩრგიე̄ლ ლანკაფვნეხ.
Line of edition: 40 ნიშგვეჲხა̈ნ შიშდ კოსდ' ო̄ხვმა̄რედ. ესნა̈რ რუსა̈რს გურან ხოხალხ, ალა კოსდას,
Line of edition: 41 იმჟი ნასϩლდათვს, ჩუ ხოხალ. მურისვ ეჩზუმ ჩუ ლა̈სვ, ერე საჯენ დეშ ხეჰო̄ლდა
Page of edition: 81 Line of edition: 1 ბარჯა̈რქა. ხაფხეჭხ უშხვა̄რ. ამჟი̄ნ მურვისდ შიშდ გურან ხაყერ, მარე ანჴა̈დ კოსდა
Line of edition: 2 ი ჟ'ესთვილ ი ამჟი̄ნ მურვის ჩუქვან ა̈ნნა̈ხ. Line of edition: 3 მე̄რმაჟი̄ნ სა̈ვჲა̈ ლა̈ჭმას ხვარდად რუსე̄თი ლა̈ჭმახა̈ნ ნატა̈ხვ. ჟ'ოთა̄გა̈ნდ აშხვ
Line of edition: 4 ვა̈რგს ჩეფელევშერ ი ქ'ა̄̈ნჴერნეხ ჲარვ ლადღი ლე̄ზნა. ამეჩუ̄ნ ხვა̈ჭმედ ი სა̈ვჲა̈რ
Line of edition: 5 ლახე ლა̈ჭმას დოშ ნა̈სრახ, ეჩქას ლიბϩრგიე̄ლ იშგვმინხ. ანჴა̈დ გაბრიე̄ლ გისაშა
Line of edition: 6 (ფილფა̄ნ). გა̈ჩ ადჴალე ჩუ მინდვერისგა ი რა̄̈ქვ: "ამეჟი̄ნ ესერ ჲერვა̈ჲ მოშ ჟი
Line of edition: 7 ხაჴდეხ უშხვა̄რ, ეჩჟ' ე̄სერ ხა̄რხ ლიბϩრგიე̄ლ". ამნა̈რ მϩსა̈ვს ათყალვინდა ი შვანრე
Line of edition: 8 ლაბϩრგა̄ლს ქა̄̈თყა̈ჩ ი მიჩა ლა̈გნათ' ა̄ჩა̈დ. Line of edition: 9
ლენჯა̄̈რ Добавлено (2007-06-07, 6:51 Pm)
---------------------------------------------
Text: 93
Page of edition: 81
Line of edition: 10
93. ლისϩლდათ ჯვინალდ Line of edition: 11 სალდათობა̈ კენჭობ მა̄̈ნკვი ლა̄̈შხ ლა̈სვ, ეჩქანღო ბეჩვით' ა̄ნტა̈ხ ი ეჩე ლა̈სვ.
Line of edition: 12 სგანქა მϩზმა̄ლა დოხვტურ ჴედენდახ. ეჯჲა̈რს ვერზი ნაჩა̈ლიკ ი იშგენ ვარგა̈რ ხონჴერდახ.
Line of edition: 13 ამეჩუ̄ნ ოთარშა ვარგა̈რ ხეხო̄ლდახ. ვარგა̈რს თვითო̄ლაჟი̄ნ ლესϩლდა̈თი
Line of edition: 14 ქორშა̈რხა̈ნქა ჩაფϩლ ქა მეკდე ხა̄დხ ი აჯაღ ოხღელდახ მეჴϩ̄რა̄̈ლს ი კუმში მუჰვდის.
Line of edition: 15 სგანქა ხოჩა თვალა̈შ ლϩფკა̄̈ლვი̄ ჴედენდახ კენჭობჲე̄რ. ეჯჲა̈რი ობა̈შ კუმა̈შს
Line of edition: 16 ი კეთილს ათმახ შვანა̈რხა̈ნქა̄ჲ, რუსა̈რხა̈ნქაი̄. შვანა̈რ ჩაფϩლს ხაჰვედდახ ი
Line of edition: 17 რუსა̈რ -- მაჰვდას. Line of edition: 18 კენჭობ ლიმϩრჲე̄ მი̄ში ლა̈სვ ი ერვეშდ ლϩზა̈ჲ მახეღვა̈ჟ ერვა̄̈ჲ ჩუ ლა̈სვ, მა̈გ
Line of edition: 19 მე̄ზი ლა̈სვ კენჭთე. ალჲა̈რს მინ' ა̄ფხნეგა̈რ სგა ხონჴერდახ ი ობა̈შ მა̄რე ინზო̄რო̄ლდა
Line of edition: 20 დოლა̈ სვიფისგა, ბეჩვის. მა̄̈ნკვი თხვიმ გეზალ ერვა̄̈ჲ ლა̈სვ, მა̄დეი̄ ეშხვი გარ
Line of edition: 21 ხორდა მიჩა დის ი მუს, ეჯას დე̄მ ა̈ჲა̄̈სგდახ, მარე ამეჩუ̄ნ ა̈თნახ ვარგა̈რ მინე ხოლა̄მ
Line of edition: 22 მახალს ი ჴერჴა̈რს. ესვა̄̈ჲ მინ ჩუ ლϩჩფϩლე ხა̄დხ, ეჯჲა̈რს ერხის მა̄̈ნკვი ხა̈ფშდუნახ:
Line of edition: 23 მუგვდა თხვიმ გეზლი̄რ ლა̈სვხ (მწერლა̈რ სგვებნავ ჩუ ლუშგვრა̄ნე ხა̄დხ ვარგა̈რს
Line of edition: 24 ი სიაჟი̄ნ იმვა̄̈ჲჟი̄ნ ხეკვა̈დხ, ეჩჟი̄ნ ხა̈გნუნახ. კვეტო̄ლს ეჯჲა̈რსი ხოთახ), ერხის ლაზმა̄̈ლჟი̄ნ
Line of edition: 25 ი დოხვტურრე ლაწვენაჟი̄ნ ლეგდ მერდად ხა̈ნშანა̄̈ვნახ ი ა̈გითე ფიშვდახ.
Line of edition: 26 ღვეშგმე პილს საბრალა̈ მϩნწირ ი უმჴერა̄̈შ გარ სედენდა ი ალჲა̈რს სგვებნავ კენჭს
Line of edition: 27 ხოკვა̄ნახ. კენჭ ესვა̄̈ჲ ხეხო̄ლდა, ეჯას სგა იგნახ სალდათრე სიათე. ეჩქანღო მა̈გ
Line of edition: 28 ჩუ ფხეჟენდა ბეჩვის ი ა̈გი̄-ა̈გითე ღϩრდახ. ჩუ ლუხვიჲე ესვაა̄̈ჲ ხა̄დ, ეჯა მუჟღვერ
Line of edition: 29 გარ ლასვ მე̄ზი. ქორთე ჴედენდახ ბეჩვიხა̈ნ, ეჩქას სალდათდ ლუხვიე̄მი ქორისგა
Line of edition: 30 ლა̈გვი̄ლჲა̄ლ ი ლიგვნი ლა̈სვ ლϩდგა̈რჟი̄ნა̄ გოვა̈რდ, ერვა̄̈ჲ თა̈ვისუფა̈ლდ
Line of edition: 31 ჴედენდა, ეჯჲარე ქორა̈რისგა ლა̈ხჲადა̄ლს იჩომდახ მასა̈რდ. სერ ეჩქანღო ი დო ლი̄ზა̄̈ლ
Line of edition: 32 დო ლა̈სვ ეჩქად სალდა̈თდ ლუხვიე ქორს დე̄მგვაშ იჩომდა. იმვა̄̈თე დო ხეკვა̈დ,
Line of edition: 33 ეჩხა̄ვ ღϩრდა ი მიჩა თხვიმი ხინს გარ ხეშდაბ. ერხი ჰა̈დურდ აბრეგდ ღϩრდახ
Line of edition: 34 სალდა̈თდ ლი̄ზი მამჭირშვ. სგა ლი̄ზი შომვა̄̈ჲ ლა̈სვ, ეჯ ლადა̈ღ სოფელხა̈ნქა
Line of edition: 35 სალდა̈თდ მე̄ზი ჟი იმარა̄ლხ ი ჟი იყვბა̄ლხ, სოფელ მა̈გ ეჩეჩუ̄ნ იფდგო̄ლდა. ერს
Line of edition: 36 ჰარა̈ყ ახღვა̄̈ნ ლეთვნა̄̈ლიდ, ერს ვარჩხილ ახღვა̄̈ნ საჩქვა̈რდ ი მასა̈რდ ლითვნა̄̈ლი
Line of edition: 37 ლა̈სვ ჰარყიშ. ამჟი̄ნ მე̄რმა სოფლი აფხნეგარი ხედო̄ლდახ, ალჲა̈რს სტრაჟნიკა̈რი
Line of edition: 38 ხონჴერდახ სგა მϩჲე̄სგიდ. ამეჩუ̄ნ ჰარა̈ყს ხათრახ ი იბნახ ლი̄ზის, ნა̄̈თია̈რ ი სოფლა̈რ
Line of edition: 39 ვეშგიმ ესჭიმდახ ლაგვნუშ ლϩდგა̈რი გუვა̈რდ. აშხვ სალდა̈თს ეშხვი მϩგნე
Line of edition: 40 სგა ხენჴრინო̄ლდა ქუთა̄̈შდ. ეჩხე̄ შვა̈ნთე ღϩრდახ. ეჩქას სალდა̈თდ ლუხვიე ერვა̄̈ჲ
Page of edition: 82 Line of edition: 1 ჩუ ლა̈სვ, დემგვაშ აზა̄რა ლეღე̄შგა̄ლდ: ყუნზელს, ხამა̈რს, დაჴა̈რს, ქათლა̈რს
Line of edition: 2 ი ამკა̈ლიბს იმვა̄̈ჲ ხეთხნო̄ლდახ, ჩი̄ ა̈ჲა̄̈სგდახ ი ეჯ ლე̄თ იმვა̄̈ჲ ისდგომო̄ლდა, ეჩეჩუ̄ნ
Line of edition: 3 ჩვა̈ჲსენდახ, ჟი იმა̄რახ ი ჩუ იზობდახ. ეჯ მი̄შვ ლელტხა-ჩო̄ლირს მა̈ნცინ ჲედ
Line of edition: 4 ჯვე̄დჲას ხორდახ ი ჲედ ჩუ ხოპჟუნა̄̈ნხ. ამჟი̄ნ ლეჩხუმ ლექვა ი ქუთა̄̈ში გაჭრილ
Line of edition: 5 ლექვა, იმვა̄̈ჲ ხეთხნო̄ლდახ, დე̄მგვაშ აზა̄რახ. მედუქნას ლახე დუქნი ყო̄რა̈რ ჩუ
Line of edition: 6 მϩკა̈რ ხა̄დხ, ხოშგბენდახ სგა ი მა̈ზუმვა̄̈ჲ ხეკვა̈დხ ღვინა̈ლ, ეჩზუმს ჴიდახ ქა̄მენჩუ̄ნ
Line of edition: 7 ი ჩუ ითრახ. ქა და̄̈რ იმგვაშ მოშ ხაყლა მაყალშვ, ადო ეჩქას ხოლა̄მდ ჴიდახ.
Line of edition: 8 ამჟი̄ნ ლა̈ხი̄რულშვ ი ტაფა̈ ლაჩმოშვ ჩუ ღϩრდახ ქუთა̄̈შთე. სტრაჟნიკა̈რ სგა ხა̈ბრა̈ჲახ.
Line of edition: 9 ეჩეჩუ̄ნ ჩვაყვლუ̄რახ. ერს იმთე ხეხო̄ლდა ი ერს იმთე რუსე̄თთე ლი̄ზი. ობა̈შ
Line of edition: 10 მა̄რე ღალ ლი ლϩდგა̈რ ეჩე̄ ლასϩლდა̈თისგა შვა̈ნხა̈ნქა ნა̄ზვ მახეღვა̈ჟ. Line of edition: 11
ლენჯა̄̈რ |
| |
| | |
|
Мужчина |
Date: Четверг, 2007-06-07, 6:53 PM | Message # 23 |
|
Group: Модераторы
Posts: 990
Status:Offline
Дата регистрации:
2006-08-29 |
Text: 94
Page of edition: 82
Line of edition: 12
94. სალდათობ Line of edition: 13 მა̄̈ნკვი რვისი მთავრობ ა̈მჴედ, ეჯა მა̄მ მაშყიდ ხოჩა̄მდ. მა̄̈ნკვი̄შქა მა̄მ ლϩმა̄̈რ
Line of edition: 14 სალდათობ ი ეჩქანღო გარ ა̈ნბინეხ ფისრაუდ. მა̄̈ნკვი ზავ კენჭობ ი სალდათობ
Line of edition: 15 ა̈ნბია̄̈ნ ეჯ ზავ ამხვიე̄ნა მიი კენჭთე ლი̄ზი. ეჯ ზავ მი სა̈ვჲა̈ ლა̈ჭმას ხვარდ ი ეშხვი
Line of edition: 16 თვე მიკა̈ლდა ვადა̄̈ ქა ლიზგϩრა̄ლა̄̈ლდ, ეჩქას მიშგვი ბიძა̈ჲ ანჴა̈დ სგა სა̈ვთე ი ეჯა
Line of edition: 17 ლა̈მცა̄დ ლა̈ჭმას. მი ქ'ო̄ღვერ ა̈გითე. ეჩქას კენჭობ ბეჩვის მა̄დ ლა̈სვ ი ლა̈შხთე
Line of edition: 18 ხა̄დ ჩი̄ ლე̄ზი. ა̈ხვმა̄რა̈ნ ჟი. მიშგვი მუ ი ბიძა̈ჲ ოთარშე̄რთ' ა̄ჩა̈დხ, ჯა̈ნსუხვიშთე.
Line of edition: 19 ჩხარა ლϩნგა̈ზ ღუნ ოთჴიდხ ი ვარჩხლი ნა̄ჭა ძღვენდ ი მიშგვი თხვიმი სგა ლახჴϩ̄რნეხ
Line of edition: 20 ესნა̈რ. ღუნ ი ნა̄ჭა ჩვესცვირხ ი მინ ა̈გით' ა̄ნჴა̈დხ ლახე̄ნა̄ლუშ: "ჯა̈ნსუხვს ესერ
Line of edition: 21 ეჯკა̈ლიბ იმედ ხო̄ქვა, ერე სერ მი დე̄მის მა̈ჲე̄სგიხ. სალდა̈თდ ლი̄ზა̄ლე დვრევ ანჴა̈დ,
Line of edition: 22 ეჩქას ლოხვჴერდად უშხვა̄რ მი ი ო̄შთხვ მიშგვ ა̄ფხნეგ (ნიშგვეჲ სოფელხა̈ნქა
Line of edition: 23 ოხვიშდ ხვა̈სვდ მე̄ზი) ი ოჩა̈დდ ლა̄̈შხთე. სამწϩხვდ ნიშგვეჲდ ეშხვი თვიმენ ლამე̄მხ.
Line of edition: 24 მე̄რმა ლადა̈ღ სგ' ო̄ჩა̈დდ ლა̄̈შხთე ი ეჩხე̄შ ი ამხე̄ შვანე ლესϩლდა̈თ მახეღვა̈ჟ
Line of edition: 25 მა̈გ ჩვა̈თვნა̈ზო̄რა̄̈ნდ. ობა̈შ მა̄რე ხვა̈სვდ ი ჩიე̄სგი სოფლი მამასახლა̈რი ეჩ'
Line of edition: 26 ა̄რდახ. მი თხვიმ გეზალ ხვა̈სვ ი ხაკუჩ, ერე ნომმ' ო̄თხუჲე̄ნ. მა̄̈ნკვი სგა̄̈მჰერხ, ეჩქას
Line of edition: 27 მა̄̈ქვხ, ერე "ა̈გითე̄ვ ესერ ოდე, თა̈ვისუფა̈ლ ესერ ხვი". მა̈ჲ საკვრელ, მასა̈რდ
Line of edition: 28 ამხი̄დϩნ ი ქ'ო̄ღვერ. ნა̈ბზა̈ დვრევთე ა̈გითე ლიჭვე̄ნის ყულედ, ამჟი̄ნ ჩაფა̈რ ანჴა̈დ
Line of edition: 29 ი ნა̄̈ქვ, ერე "მϩხა̈რ ესერ კენჭ ნა̄რ ჩი̄ ლეკვედ". მე̄რმა ლადა̈ღ კენჭი ლიკედ ლა̈სვ.
Line of edition: 30 მი ჩვამხვი̄დდა კენჭ. ეჩჟი̄ნ ლϩშდϩრკი̄ნე ხვა̈სვ ნასავ, ერე ქა მა̈ჲა̄̈სგდახ, მარე ეშხუ
Line of edition: 31 ფხულე ფϩრი მა̄რ ტვეტიშ ი ამი̄ ბა̈დშვ მა̄მ ამჲეხ. შვა̈ნხა̈ნქა ეშდ მა̄რ' ა̄თხვი̄დ
Line of edition: 32 სალდათობ. ალჲა̈რს ჩიემ თვით მანა̈თ ჟ'ოხვზვერდ საჩქვა̈რდ ი ა̈გით' ო̄ნჴვა̈დდ.
Line of edition: 33 ეჯჲა̈რ ღალ შიშდ ადჲეხ ი მა̈გ ჟ'ანხვა̈ტხ. Line of edition: 34
ლენჯა̄̈რ Добавлено (2007-06-07, 6:51 Pm)
---------------------------------------------
Text: 95
Page of edition: 82
Line of edition: 35
95. შარგია̄ნშა ხოშა Line of edition: 36 ლატლის ლამშგედხა̈ნ ოხო̄ზი შვანე ხოშა ჭალა̈ჲ. ეჩხა̈ნთე ხოხვრა̄მ სოფელს
Line of edition: 37 ლა̈ჰილ ხაჟხა. ლა̈ჰილს ლექვა̄̈ნჩუ̄ნ ზუგვლა̄̈დჟი̄ნ ლაჴვმი̄ ნამრიღვ ლϩგ. ჯვინალდ
Line of edition: 38 ლა̈ჰილისგა და̄̈რ ლϩმზიგ. ალ ლაჴვმი̄ ფე̄დიას ეშხუ მეზგე ლϩმზიგ ი ჟახად შარგია̄ნშა
Line of edition: 39 ხაჟხე̄ნახ. ალა ლატლი̄ სოფელს ქა ლϩთიშ ხა̄რახ მϩბჟინად, ლახ' ე̄სა ოთარშა
Page of edition: 83 Line of edition: 1 ა̈ნი̄ზინიხ ლა̈ჰლა̈ ჭალა̈ჲ ლაღე̄შგა̄ლთე. ალ ლა̈ჰლა̈ ალა̈ჲ ლატლი̄ ლი. ხვა̈ჲ
Line of edition: 2 ლა̄რა̈ლ ი ცხეკა̈რ ზიხ ამე. ეჩქას ხაკუჩ სოფელდ ქა ლოხვბა̈ჟნე̄ნს. ალა, გაცხა̈ჲდ,
Line of edition: 3 ამჟი̄ნ ლუმჩვემ. Line of edition: 4 ალ შა̈რგია̄ნშე̄რ ხოშა̄მ ძღϩდ ხოჩა ლიზგე ხა̄რა ი ჰა̈ზვისგა ლაჴვა̈მ ხაგნე̄ნა.
Line of edition: 5 ალ ლაჴვა̈მს ჲელ მϩჲე̄რეშ ხაჟხე̄ნა. ღვეშგმავ სერ ჩვალლაქდე̄ლი. ეჩზუმ ათღვესე̄ნა
Line of edition: 6 გვი, ერე ოხვსკორა ალ ლაჴვა̈მჟი̄ნ მურყვმა̈ ლიგემ ი, გაცხა̈ჲდ, სგა̄ხა̄რა ამი̄
Line of edition: 7 ლაგა̈მს. ჟ'ოხვმა̄რა კირ, ქვიშე, ბა̈ჩ ი იშგენ ბა̈რგ ი ჟ'ოხვმა̈გბა ჴელვანა̈რ. ალჲა̈რდ
Line of edition: 8 მასა̈რდ ლოხჰოდა ნალგიმა̄ლვი̄რ. სერ, გაცხა̈ჲდ, ხოჩა მურყვამ ოთგახ ალ
Line of edition: 9 ჴელვანა̈რს. სამ ზავ ახკვედახ ალ მურყვმა̈ ლაგა̈მს, მარე ძღϩდ ხოჩა ლესგდი ათმარჯვახ.
Line of edition: 10 ქა ნაზგϩრϩნღო ხო̄ქვახ ჴელვანა̈რს: "ჰე, ხოჩა მა̄რე, ჟი̄ვ ესერ ა̈ნწვე̄ნე
Line of edition: 11 მინე ნაშდაბვ. ჩია̄̈გუ ხოჩა̄მდ გვი ლახვე̄მ ი ლახე ხოჩა ნა̈ლგიმა̄ლვ ლახბაჟϩნდე̄დს,
Line of edition: 12 ეჩქ' ე̄სერ ჩუ̄ვ ათხვი̄დ მინე საჩქვა̈რს". Line of edition: 13 ჯვინალდ ი ათხე̄ჲ, ნაჴϩლვანვი̄რს ქა̄მენჩუ̄ნ, ლახე ხოჩა̄მ ნა̈ლგიმა̄ლხ ცვირეხ
Line of edition: 14 ჴელვანა̈რ, ეჩქას მეზგე საჩქვა̈რს ხაჰვდი. Line of edition: 15 შა̈რგია̄ნშე̄რ ხოშა̄მ ლოხვტი̄ხა: "მიჩა ფუსდ ჲელს ჟი ნომმა̄ვ ოხვჴϩმრა̈ვნა
Line of edition: 16 მინე ნა̈ჭი̄რვ ი ნაშდაბვ, ალ მურყვამს ჯა ჩვადსინჯვი, დე̄მგვაშ ოხვცხი̄დი, ეჩქ'
Line of edition: 17 ე̄სერ მიჩნე̄მ მინ ხოჩა̄მ გუჟი̄ნ მო̄დ აფუშდეს". Line of edition: 18 ამჟი̄ნ ესნა̈რ ალა ჟ'აჩა̈დ მურყვამთეჟი̄ნ, ჟ'ა̈ნწვე̄ნა̄ლე ლაგვბანდა̄̈ლ, ჟიბე
Line of edition: 19 ლაგვბანდა̄̈ შდურვა̈რხა̈ნქა ქ'ა̄დსგი̄დრა̄ლე ესნა̈რ ჩი̄თე, ლატლი მურგვა̈ლს ქა
Line of edition: 20 ხოსგდი ი გუნ ეზერ ნაშდაბვ ლახბაჟϩნ ი გუნ ხოჩა გვი ლოხო̄სდ, მარე ჲელს გუნ
Line of edition: 21 ათხϩ̄რე̄ნა მიჩა თხუმჟი̄ნ მურყვმა̈ ლიგემ, ალ მა̄რე ჩვალმა̄̈ზ ი ეჩქას მურყვამ
Line of edition: 22 ჩვოთრი̄ღვა ი ალ მა̄რე̄ჲ სგ' ო̄თნახა. ეჩქანღო ეჯ მეზგე ჟ'ა̈მხვეტლი ი და̄̈რ ა̈მსედელი. Line of edition: 23
ლენჯა̄̈რ Добавлено (2007-06-07, 6:52 Pm)
---------------------------------------------
Text: 96
Page of edition: 83
Line of edition: 24
96. მეჩი მეთხვჲა̈რი ნა̄მბვა̄ლ Line of edition: 25 ლითხვჲა̈რ მაჩე̄ნე მუჟღვერ ლი. ეჩქას ნა̈თხვჲარე ხოლგვარა̄ჲ ლი ი ლენღეშტი̄ჲ
Line of edition: 26 ქა ლϩნღეშტე ხა̄რ. ამღა ხოშა ლაღა̈ლ მეთხვჲარა მუჟღვერთე ითხვჲა̈რხ, მარე
Line of edition: 27 ობა̈შინ, ლახე ღვაშა̈ ბა̈რგს ხვიმცϩხედ ლვინთისგა, ეჩქას დეშ ხვაჭკრϩნედ ი
Line of edition: 28 ღურიდ ეჯჲარე ლაცხა̈პთე ი სგა ლა̈ჭბიდა̄̈ნთე. ლა̈ჭბიდა̄̈ნ ქვაბა̈რ ობა̈შ ხა̄რ კოჯა̈რს
Line of edition: 29 ი ლა̄̈თშვ ეჩე̄'სგ' ა̄̈რიხ ლაყვრად ღვაშა̈რ. ფიშრა̄მინ მიზნა ღვაშრე სადგვემთე̄სგა.
Line of edition: 30 სგა̄̈ნჩუ̄ნ კინკო̄ლშვ ჟი გვეში ლი. აშხვ ა̈გის ლაყვრა ხა̄რხ ი ეჩეჩუ̄ნ წყილჲა̈ნდ
Line of edition: 31 მϩსყე ხა̄რხ მინე სადგვემ. სგა̄̈ნჩუ̄ნ ეჩჟი̄ნ ტებდი ი ა̈თუ ჩუ ლ', ე̄რე ლვინთისგა
Line of edition: 32 ლემესგ მა̄მ ხაკუჩ მა̄რა. ლადაღვშ ღვაშა̈რ ქა ჴედნიხ, მუსს ა̈ფხრიჭვიხ, ეჩხა̈ნჟი̄ნ
Line of edition: 33 ჟ'აწვე̄ნეხ ჭყივა̈რს ფϩრის ი ეჯას იზბიხ. ერხი სავა̈ტ კოჯა̈რქა̄ჲ ითშიხ შუკვს
Line of edition: 34 ი კოჯა̈რქა ფϩრი მოლა̈რს ჭყივა̈რშა̄ლ იჩეხვხ. Line of edition: 35 ობა̈შ ხოშა ი ხოჩა ღვაშ ი კვიცრა ხორდა ჯვინალდ შვანე კოჯა̈რს ი ლახვს.
Line of edition: 36 ერსკნა̈რ ცხეკს ა̈რიხ. მეთხვჲა̈რ ლახ ქა ღϩრდა ლა̈თხვჲართე, ჰა̈რიდ დე̄მჩიქქა ტეხენდა,
Line of edition: 37 ეჯა̄ჲ ლუშნუ თოფშვ, ადო ბერდანა̄̈ლ ი ამკა̈ლიბ იმ' ა̄რდახ ჯვინალდ. ათხე
Line of edition: 38 მასა̈რდ ა̈ნმϩრხელდა̄̈ნხ ი ძვირდ გარ ხეთხნი მეთხვჲა̈რ ღვაშა̈რს ი ერსკნა̈რს.
Line of edition: 39 ერხი აშხვ ნაგზა̄ჲ ხვა̄̈ჲინ ირა̄გეხ ლა̈თხვჲარს, მარე ჰა̈რიდ ტეხნიხ. ჯვინალდ მახა
Line of edition: 40 დოშდვლა̈რჟი̄ნ ნა̈თხვჲარა̄̈ლ სგიმს ხაცხნახ ი ეჩქას ერვა̄̈ჲ ხოჩა̄მ ლადრა̈ჯს ჟი ისყე̄ნა,
Line of edition: 41 ეჯას ნა̈ბოზს ნა̈თხვჲარ ა̄ხღვა̄̈ნ ქორთე. ხიჲადუ̄ლ ღვაშა̈რ, ხოშა ჴერჴია̈ნ ლიხ.
Page of edition: 84 Line of edition: 1 მა̄რე დე̄მ ა̈ნღლ' ე̄ჩქა მϩრა̄̈მჟი̄ნ ითშიხ შუკვს, ჲარვ ღეთ საჯენს ისკნეხ აშხვ ბაჩვხა̈ნქა
Line of edition: 2 მე̄რმათექა. ჭიშხი ცხას იმვა̄̈ჲ სგა ხა̄̈თლეხ მოშ, ეჩეჩუ̄ნ ჩიჲა̄̈გჟი იმა̈რგხ ი ქა
Line of edition: 3 ღϩრიხ, ობა̈შინ მუჭვა̈რსი იმურჯი̄ნეხ ლა̄ზჟი̄ნ. ობა̈შ მა̄რე ლϩდვაშე̄ლი ღვაშრე
Line of edition: 4 ლა̈ჭმინა̄ლჟი̄ნ, მარე სგა ხემთქვ', ე̄ჩქას ქა დე̄მჟი მოშ ხაყიჩ, ეჩჟი̄ნ ხა̈მთქვახ
Line of edition: 5 ლაჭმინა̄ლჟი̄ნ აქ ლიჭმი̄ნე, ერე ათხე̄ჲ მამბაჟ: იმჟი̄ნ ღურდა̈ს ეჯკა̈ლიბ ა̈დგილა̈რქა.
Line of edition: 6 აშხვ ლადა̈ღ ლოხვა̈ზრედ უშხვა̄რ მი-ჲ ნიშგვეჲმϩყი სამ მახაღვა̈ჟდ (ეჯჲა̈რ
Line of edition: 7 ღალ ათხე ლϩდგა̈რ ლიხ). ლოხვა̈ზრედ უშხვა̄რ მე̄რმა ლადა̈ღ ლირჰა̄̈ლთე ღვაშა̈რთე
Line of edition: 8 ლი̄ზი. ლვინთ ლა̈სვ ი აშ ნიცხϩნ, იმვა̄̈ჲ ხემთქვა̄̈ნხ ღვაშრე ბა̈რგ. ლა̈ხჭვედდად
Line of edition: 9 უშხვა̄რ: "ურწყულ როქვ დამ და̄̈რ გვირია ქორს" ი და̄̈ს ნირდა. მე̄რმა ლა̈დღიშდ
Line of edition: 10 პა̈ჲმა̈ნ ოსკიბდ შϩლა̈ჲ ბაჩვმϩყ. ბა̄ზი ლეზზა̈რ ა̈ხვნაყედ, სგე̄სვდედ გუდრა̄̈ლთე,
Line of edition: 11 თვით ბოთლიკ ნათხუმ ჰარა̈ყ შუნϩდ ლოხვიედ ი ლირჰა̄ლე ონას ჩვა̈თვყვაბა̄̈ნდ
Line of edition: 12 იმვა̄̈ჲ მესკბე ნა̄დ, ეჩეჩუ̄ნ, ა̈ხვმა̈ზრედ აფხსა̄თ ი სოლომ, ლა̈ხვბინედ ლი̄ზი
Line of edition: 13 ი ისგლადაღვ ესღვრიდ. და̈რი მა̄მ ნა̄რ გუნ ხოლა. ამეჩუ̄ნ ჟ'ა̈ხვშვემდ, ლეზვებ
Line of edition: 14 ა̈ხვკიდდ ი ჩვა̈თვდი̄რა̄̈ნდ. ლა̈ხვბინედ ლი̄ზი ი ბა̄ზი ქვა̄̈ბთე̄სგ' ო̄ნჩა̈დდ. ამეჩუნ
Line of edition: 15 ლემესგ ა̈ხვიშვედ, დი̄რა̈რ ჟ'ა̈ხვტებდა̄ლედ, ეშხუ ბოთლიკ ნათხუმ ჟი ლოხვმა̈ზრედ.
Line of edition: 16 ბა̄ზი ჩვა̈თვხარჯა̄̈ნდ ი ჰარა̈ყი ჩუ ლოხვი̄შდ, ლირჰა̄̈ლთე ოთვა̄გა̈ნდ ჟი ლა̈კვცირთე
Line of edition: 17 ი ჟი̄ჲ ა̈ნმე̄რა̄̈ნ, მარე ნა̈ჲ მა̄მ ოფაშდ ამღა ი ესღვრიდ ი ესღვრიდ. აშხვ შϩნ
Line of edition: 18 მე̄რე ქა ლა̈ხღა̈რ ზაგა̈რს, ეჩქას ლა̈ხვსგიდად ი ნიშგვეჲ ჟიქა̄ნ ზაგა̈რჟი̄ნ ღვაშა̈რ
Line of edition: 19 ესვწვე̄ნედ. ესვჩოქვევ ჩუ ი ოხვაფშვდ შიშდ თვეფ. მე̄რმა̄̈ლდი̄ ამჟი̄ნ ჩვემინხ ი
Line of edition: 20 ორი ღვაშ ქ'ო̄ხვსგვეჯნედ, მარე ალჲა̈რდ ჩუშა̄̈ლიდ მუს ა̈ნჟოღა̄ნეხ. ა̈ხძგვა̈ბ ქა
Line of edition: 21 ჟა̈ჰ ი მა̈გ სგა ლა̈ნპურტი̄ნე. მი მა̄მგვეშ მაშყიდ ეჩქანღვე̄შ, იმჟი დო ა̈მფხირჭვეხ
Line of edition: 22 მუსხა̈ნჟი̄ნ. ესნა̈რ ეშხუ ნიშგვეჲ აფხნეგ ქ'ო̄ხვსა̈დ ი სოფელ ადბა̈ჟნე. სოფელ
Line of edition: 23 ქ'ა̄ლფადა̄̈სლი ი ჟ'ოხვფხირჭვად ნა̈ჲ. მი ქვინ ლა̈მტა̈ხ, აშხვ აფხნეგს მა̈შკ ხა̄დ მეკვშე,
Line of edition: 24 მე̄რმა -- თხვიმ ი ამჟი̄ნ ანჲეხ ა̈გითე საკარცხვშ. ღვაშა̈რი ჟ'ახხვი̄დხ ესნა̈რ ი
Line of edition: 25 ეჯჲა̈რი ანჴიდხ ა̈გითე. Line of edition: 26
მესტია Добавлено (2007-06-07, 6:52 Pm)
---------------------------------------------
Text: 97
Page of edition: 84
Line of edition: 27
97. მϩჟა̄ლვა მეთხვჲარა Line of edition: 28 აშხვ ლადა̈ღ მϩჟა̄ლვა̈ მეთხვჲარად ესნა̈რ ლა̈ჭბიდა̄̈ნთე̄'სგა ღვაშა̈რ ა̈დჭებდა̄ლეხ
Line of edition: 29 ი ადგა̈რხ ფიშირ. ჯვინალდ ეჩზუმ ლϩმა̈რდ ღვაშ ი ნა̈თხვჲარე, ერე შვიმ
Line of edition: 30 მა̄მა ხა̄რა. ლა̈ჭბიდა̄̈ნ ქვა̈ბი ფიშირ ა̈დგილს ხა̄რა. ალ ქვაბა̈რთე̄'სგა ნა̈თხვჲარე̄მიშ
Line of edition: 31 ი ღვაშა̈ ჯოგა̈რს აშხვ ა̈გიისგა გარ ხა̄რახ სგა ლა̄ზ ი ქა ლატა̈ხი̄. მეთხვჲარა ალ
Line of edition: 32 ა̈დგილს ჩუ ლϩმყედა̄ნვინხ აშხვხა̈ნ, ნა̈თხვჲარა̄̈ლს ქა ლა̈ზ დე̄მთე ხა̄რახ ი მეთხვჲარ'
Line of edition: 33 ე̄შ ლϩმთიშვინხ ჯვეგისგა ლედგა̈რის. ამკა̈ლიბ ქვა̈ბთე̄სგა მϩრე̄ს ა̈დჭებდა̄ნეხ
Line of edition: 34 მϩჟა̄ლვა მეთხვჲარადი̄ ღვაშა̈რ. ალ' ე̄სნა̈რ კა̈ხია̄ნშე̄რ ხოშა̄̈ლდ ა̈დსა̈სტკეხ:
Line of edition: 35 "ლა̈ჭბიდა̄̈ნ ესერ მინეშ ლი ი ამე̄სგა ღვაშრე ლიდგა̈რის და̄̈ს ხა̈მბეხ". ალჲა̈რდ მე̄რმა̄̈ლსი̄
Line of edition: 36 ლოხვმარჯვახ ი ხა̈კვდახ ღვაშრე ქა ლიბშე, მარე მეთხვჲარას მა̄დ ოთნებახ.
Line of edition: 37 ეჩქას კა̈ხია̄ნშე̄რს ი სოფლა̈რს ხო̄ქვახ: "ჲაღვ' ე̄სერ იმვა̄̈ჲ ადგარვნიხ მინ ღვაშა̈რს,
Line of edition: 38 ეშხუ მაჩე̄ნე ნა̄̈თ' ე̄სერ მინეშუ ლა̈სვ". ამეჟი̄ნ ესნა̈რ მინდ ი მეხთვჲარად უშხვა̄რ
Line of edition: 39 ოხვსყეხ, მარე ეჩქანღვ' ა̄ჯაღ ვარϩდ ხო̄ქვახ მეთხვჲარას. ახჩϩ̄დახ ეჩქანღო
Line of edition: 40 ლიმო̄როვ ი ჴა̈ნ ასკაფახ სოფლიშდ მო̄რვა̈რს. Line of edition: 41
მესტია Добавлено (2007-06-07, 6:52 Pm)
---------------------------------------------
Text: 98
Page of edition: 85
Line of edition: 1
98. დედე̄ კულფხა̈რ Line of edition: 2 ეშხვი მეთხვჲა̈რ ლϩმა̄̈რ. ამის ხოჩა დი ხარდე̄ნა ი ეჯკა̈ლიბდ ჟ'ოხურდ', ე̄რე
Line of edition: 3 ლა̈თხვჲართე უსგვა ლϩზა̈ჲ ლო̄ბა̄რა̈რს ხაშდრანვნა ი ეჩჟი̄ნ ლუმფვიშდინ ლა̈თხ
Line of edition: 4 ვჲართე. აშხვ ლადა̈ღ ესნა̈რ აჩა̈დ ალ მეთხვჲა̈რ ლა̈თხვჲართე. აშხვ ა̈გის კოჯისგა
Line of edition: 5 ნალკვიჰ ღვაშ ჩუ ხეთხა̄̈ნ ი ქ'ა̄ნსგვა̈ჯნე კოჯქა, მარე ჯა ღალ დე̄მთე მოშ ითში ქა
Line of edition: 6 შუკვს ი სგა ლა̈ხსა̈დ სავა̈ტ კოჯა̈ თხუმ. ამჟი̄ნ ლა̈ხშყა̈დ მიჩა დი̄ე ნაშდრანვ უსგვა
Line of edition: 7 ლϩფა̈ჲ ლო̄ბა̄რა̈რ. ანჴა̈დ ი ალჲა̈რ ქ'ა̄̈დფϩშგϩ̄რე ი ლა̈ხბა̈ც ლამა̄̈რიას: "მიჩა დედე̄
Line of edition: 8 კულფხა̈რ ესერ ნომა̄ვ ადსტვი̄ნნე, მა̈ლდია̈ნ ლამა̄̈რია, ი ლახშა̈დუ̄!" ანჴა̈დ ი ბაჩვმϩყ
Line of edition: 9 სგა ლახა̄̈ბ ლო̄ბა̄რა̈რ. ა̈ხჭა̈მ მუბა̄ვ კოჯს ი ლა̈შდვებთე ჩუ̄ნ ა̈ხჴა̈დϩნ ალ მეთხვჲა̈რს. Line of edition: 10
მესტია Добавлено (2007-06-07, 6:52 Pm)
---------------------------------------------
Text: 99
Page of edition: 85
Line of edition: 11
99. გივნϩშა გვეგნϩ Line of edition: 12 ჯვინალდ ერ ლიჲმახვა̄̈ლ ლϩმა̄̈რ, ეჩქა გივნϩშა გვეგნϩ ი მიჩ' ა̄ფხნეგა̈რ ა̈მჩედე̄ლიხ
Line of edition: 13 ელითე ლა̈ჲმახვა̄ლდ. ამეჩუ̄ნ მϩლივ მϩრზა ჟ'ოხვდარახ ლერმიდ ი ჩვოთϩრმახ.
Line of edition: 14 ეჩქანღვ' ე̄სნა̈რ ლიბურკილე ლოხვბინეხ მϩრზას. მϩრზად ხა̄̈ქვ: "მინ მა̄რა̄̈ლ,
Line of edition: 15 მიჩ ესერ მა̄მ ხაკუჩ ჟი ლიკულთხა̈ნი, ჯ'ე̄სერ უკულთხანადი̄ სგა ხონჴრი".
Line of edition: 16 მარე მა̄დ ოთჯϩრვეხ, ჟ'ანკულთხნეხ, ჩვანჴიდხ მესტიათე ი ჴულ ათდეხ. ეჩქანღო
Line of edition: 17 ოთჭირეხ ელითე მϩრზა̄̈ სამხუბს ი ქორშა̈რს: "მϩრზ' ე̄სერ მინს ოთϩრმახ ი საჴსა̈რუ
Line of edition: 18 ანმა̄რეხ, ადო ეჩქად ესერ ამჟი ხერმიხ ჩუ დილეგისგა". ელარუს ოხვჭირახ:
Line of edition: 19 "მა̈ზუს ესერ ხეშგვემხ წორს?" "მა̈ზუმვა̄̈ჲდ ესერ მა̄რე̄მი ქვინ ხაჯეშ, ეჩი̄ზუმს".
Line of edition: 20 მϩრზა̄̈ ქორშა̈რდ ი ნა̄̈თია̈რდ ქ'ა̄̈დჴიდხ ესნა̈რ ო̄შთხვ ჴა̈ნ, ო̄თშხვ ფირვ,
Line of edition: 21 ჲო̄რი ხოშა კიბდვენ ლეზვებ ი წყილნი ბალთა. Line of edition: 22 ეჩქას წესდ ლϩმა̈რდ, ერე შომვა̄̈ჲ ტყვეს ქა ლუმფიშვდინხ, მϩრმა̄ლა, ტყვე
Line of edition: 23 ი ტყვე̄მი ნა̄̈თიჲა̈რ უშხვა̄რ ხამბანა̄ლახ საყდა̈რისგა უშხვა̄რა̈ ნაჲϩრთგულაჟი̄ნ. ალ
Line of edition: 24 მϩრზა̄ჲ ქა̄ფიშვდხ ესნა̈რ გვეგნϩდ ი მიჩ' ა̄ფხნეგა̈რდ ი უშხვა̄რ ლოხვჴერდახ მა̈გ
Line of edition: 25 საყდა̈რთე უშხვა̄რ ნე̄სგა ლამბანა̄ლთე, ერე "ამუნღო ნა̈ჲϩრდგული გარ მო̄დ ლა̄ჲჲახ
Line of edition: 26 უშხვა̄რ ნე̄სგა ი ალ ლირმი გუხა̈ნ ჰე̄სა ჲა̈რდ ლა̈ჲჩϩშეს". ლამბანა̄ლჟი̄ნ მϩრზა̄̈
Line of edition: 27 სგახიქა̄̈ აშხვ ნა̄̈თის ხო̄ქვა: "ესვა̄̈ჲ ესერ მϩრზა̈შდ მა̄̈ნკვი ლარმეჲჟი̄ნ სგ'ო̄ხფხიჭა,
Line of edition: 28 ეჩი̄ცახა̈ნ ესერ შემინდუ ხა̄რ ხა̈ტ ი მე̄რმა̄̈ლს ესერ სგა ხემბანა̄̈ლ ნა̈ჲϩრთგულაჟი̄ნ".
Line of edition: 29 ალ'ე̄სნრ მიჩ' ა̄ფხნეგა̈რს ათსისტკϩნხ ი ხა̄ქვხ მინეშდ: "ხოჩ' ე̄სერ ჯა მა̄მ
Line of edition: 30 ლი ი მინ ესერ სგა ხემბანა̄̈ლხ, ჯ'ე̄სერ მა̈ჲ ნა̈ხუმსა̈რ ლი". ალ მა̄რ' ე̄სნა̈რ აფხნეგა̈რდ
Line of edition: 31 ქა მა̄მგვეშ ახა̄̈ქვი̄სგვნეხ. ამის უშხვა̄რ ლა̈ხნაბნა̈ნხ მა̈გ. ეჩქანღო სერ ხა̈ტ
Line of edition: 32 ჩვოთგი̄ჭახ ი უშხვა̄რ ხოჩა̄მდ ხეჩდახ. Line of edition: 33
მესტია Добавлено (2007-06-07, 6:53 Pm)
---------------------------------------------
Text: 100
Page of edition: 85
Line of edition: 34
100. ტიტიშე̄რ ჯახვი̄ თვეფ Line of edition: 35 ჯახუ ნიშგვეჲ ეჯგვა̈რ მეთხვჲა̈რ ლϩმა̄̈რ, ერე შვა̈ნისგა ტველ და̄̈რ ხარდე̄ნა.
Line of edition: 36 მეკვშდე კუთხვ თვეფ გარ ხაღვე̄ნა ჩიგარ ი ეჩϩნქა იშგან თვეფს დე̄მ ლϩმჲა̄̈სგვინ.
Line of edition: 37 ალ თვეფს ლეგვმი ფინდიხ ხასგუვე̄ნა ი ჯახუ ქა დე̄მგვაშვ ხაქდუნა. ობა̈შ ნა̈თხვჲარე
Line of edition: 38 ი მϩყე̄ლი ი ქაƯ |
| |
| | |
|
Мужчина |
Date: Четверг, 2007-06-07, 6:56 PM | Message # 24 |
|
Group: Проверенные
Posts: 352
Status:Offline
Дата регистрации:
2006-09-07 |
38 ი მϩყე̄ლი ი ქათალ ხადგარე̄ნა ალ თოფშვ. აშხვ ზავ ლაღა̈მს ჟა̈მ ალთენე̄ლ
Line of edition: 39 ი ეჩჟი̄ნ ლϩჴმაშვდ ლϩმა̈რდ, ერე მე̄სმე ნა̄̈თი̄ დეშ ოთცვი̄რა. აშხვ ლადა̈ღ ესნა̈რ
Line of edition: 40 ჰა̈ნდრაშა ხოშა ი ჯახუ მϩლდეღ ლიხ ი ლახვთ' ა̄დჲეხ ლელდეღ. ჟ'აჩა̈დხ კალვა̈რთ',
Page of edition: 86 Line of edition: 1 ე̄ჩქას ჯახუდ ხა̈ქვ ჰა̈ნდრაშე̄რ ხოშა̄მ: "მა̈დილუ ესერ ხე̄რი ი მიჩა ლიჴდა̄̈ლდ
Line of edition: 2 თე̄ვ ლაჲე ლელდეღთე ! ჯ'ესერ ფოშდელთე ღϩრი ი ნო̄თავ ესერ ლაჭვდია̄ლს ჲა̈ს
Line of edition: 3 ხეწა̈დ ი მინე ლა̈მბა̄̈შნა̈შ ა̈ნმეჴრე მა̄ლე გვეშ". ამნე̄მ ესნა̈რ დერვა მა̄მ ხა̈ქვ. ანϩ̄გა̈ნ
Line of edition: 4 ღალ ესნა̈რ ჯახუ, ჟ'აჩა̈დ ფოშდელთე ი ლახე ეჩე დო̄ს ხეწა̈დ მϩმსტივს, ჩვაჩა̈დ
Line of edition: 5 ცხა̈კვზაგა̈რთეჩუ̄ნ, ამხა̈ნქა ლა̈ჲსგიდდა ირღულდთეჩუ̄ნ ი ამეჩუ̄ნ მა̄რა̄̈ლ ესწვე̄ნე.
Line of edition: 6 ლოხვბინე ლიტუ̄ლი: "ჲა̈რ ესერ ლიხ ეჩეჩუ̄ნ მერდე!" "ჲა̈რ ესერ ი ჯა ლი
Line of edition: 7 ბა̈დი ბაშვშა". "ჲაღვ' ე̄სერ ლაღა̈მს ალ ი ალ მეზგა ა̈თსედენმა̄ ქვინ ი მა̄დე, მა̈დილუ
Line of edition: 8 ხე̄რა ი ქა̄ვ ხა̄̈ქვ ჰე̄სამა ხასმა! " Line of edition: 9 ლოხვბინეხ ესნა̈რ ამჟი̄ნ უშხვა̄რ ლიჭვდიე̄ლ. ალ მა̄რ' ე̄სნა̈რ ბა̈დიშა ბადი
Line of edition: 10 ლი ი ბაშვშა მა̄დე, მარე თხუმ ხავჰმი. ბა̈დიდ ხა̄̈ქვ ესნა̈რ მიჩ' ა̄ფხნეგა̈რს: ალ'
Line of edition: 11 ე̄სერ ჯახუ ლი ტიტიშა. ამგვა̈რ მეთხვჲა̈რ ესერ შვა̈ნისგა ჩუ და̈რ ა̈რი ი ამი̄ თვეფ
Line of edition: 12 ესერ ეზერ მა̄დ ი̄რა! ჩუვ ესერ ადგა̈რხ ი ღო თვეფი მინს ხე̄რიხ ი ჟახე ქამასად ხეღვე̄ნიხ".
Line of edition: 13 ეჩქა̄ დვრევჟი̄ნ მა̄რე̄მი დაგრა ჩი̄ ჟახად ხაბჟე̄ნა ი ჩუ და̄̈რ ლუმჰომინ.
Line of edition: 14 ანჴა̈დ ესნა̈რ, ჟაჴვრა̈ აშხალ ა̈ნნიკვ ი ამექა უფგოშვ (\\ უფგოვშ) ქ'ა̄ფვიშდ ჲო̄რი
Line of edition: 15 მა̄რე ჯახვი̄ ღვეშგიმხა̈ნ ლაცხა̈პდ ი ღო ჩუ მϩდგა̈რიდ. ბა̈დ' ე̄სნა̈რ ლა̄მბვა̄ლს
Line of edition: 16 ისდუნე ჯახუს ი მϩდგარა ესჴვისგხ. ჯახუს ხოჩა ჟეღ მირ ხარდე̄ნა ი ჩიჲა̄̈გ სგა ხა̈ნჴრინა.
Line of edition: 17 ა̈დბა̈ჟ ესნა̈რ ალ ჟაღვემ ი ლიჰევ ლა̈ჲბინე. ამჟი̄ნ ჲარვ მა̄რე̄მ სგა̄̈ნსკინეხ
Line of edition: 18 ჯახვი̄შთე̄სგა მϩკა̈ჩ თოფარშვ. ჯახუს ესნა̈რ ათხა̄დ: "დედეს მინეშ, მა̈ჲ ესერ ხაგა̈დ
Line of edition: 19 ა დაგრას, ადო მიჩ ესერ ხოჩა ლახვბა ხოსდენი ი უწვრად დე̄მის ცვირეხ". ალ
Line of edition: 20 მა̄რა̄̈ლ ესნა̈რ თოფა̈რს აჩხა̄̈ნკვინეხ, მარე ქა დეხდა̄̈შ ხოშყდენიხ. ლა̈ჲკაჩ' ე̄სნა̈რ
Line of edition: 21 თვეფ ჯახუდ ი ეშხუ მϩმსტივ ჩვადგა̈რ. ლახა̄დ თვეფს ენასდ ლასყე̄ნას, მარე ალ
Line of edition: 22 თვეფს ლეგვმი ფინდიხ ხასგუვე̄ნა ი ისგთეჩუ̄ნ ჩუ ლϩზზე ხა̄რა ფინდიხ, ეჩქას
Line of edition: 23 ჩხირ სგა ლახკვეშა. თვეფ მა̄მ ხა̄დ სერ ლამარგ. ეჩქას ლა̈ჲბინე ლი̄ზი. ღვეშგიმ
Line of edition: 24 მϩმსტივ ახჭიმ ი თვეფს აჩხა̄̈ნკვინე. აშხუნღო ქ'ო̄თშყა̈დ ესნა̈რ ი ფოყისგა ღალ
Line of edition: 25 ხაჴიდ ჯახუს. ამნემ მა̄მ ადჩარვ' ე̄სნა̈რ ლი̄ზი. თვეფ ლაბეჯგიდ ლა̄ჲე ი ზაგა̈რს ამხა̈ნჩუ̄ნ
Line of edition: 26 ანღრი. მϩმსტივ ღვეშგიმ ახჭიმ. ლახვემ ღალ ესნა̈რ გვი: "თვეფი გუღ'
Line of edition: 27 ე̄სერ ნო̄ს' ა̄ხჭიმდე̄დს ალ მϩმსტივ". ანჴა̈დ ესნა̈რ ი ლეშგო̄რას ლახჩიხნე ჩუქვა̄ნჟი̄ნ
Line of edition: 28 ი მიჩნე̄მ ლი̄ზი ლა̈ჲბინე კალვა̈რთეჩუ̄ნ. ალ თვეფი ლიშხვნის ქა ხეწა̈დ მϩმსტივ.
Line of edition: 29 ჯახუს ჰაჯ ახკიდ, თვეფ ჟ'ა̈ნკიდ ლეშგო̄რაისგა ი ა̈გით' ა̄დჲე. ჯახუ სგ' ა̄ნჴა̈დ
Line of edition: 30 ესნა̈რ ჰა̈ნდრიაშე̄რ ხოშა̄მთეჩუ̄ნ. ამეჩუ̄ნ ლϩქა̈ჩ ჩვადჯალშე ი ა̈გით'ა̄ნჴა̈დ ნა̈ბოზს,
Line of edition: 31 მარე თვეფი მატკლაბშვ გვი ხა̈ხპა̈ნვნა. ეჩქანღო ჩიგარ ლϩმა̄̈ზ ლა̈თხვჲარე ი ობა̈ შსϩდ
Line of edition: 32 ლϩმდაგრვინ, მარე ეჯ თვეფი ნამსმიდვინ მე̄რმე ხოჩა თოფა̈რ დე̄მნა̈რ ხაბჟენა.
Line of edition: 33 ჩიგარ ლუმშგურა̄ნვინ მიჩა ხოხვრა̄̈ლს: "შომვა̄̈ჲ ესერ მიჩა თვეფ ცხას ა̈ნკვა̈რიხ
Line of edition: 34 ი ჯა მო̄მ არდე̄დს, ეჩქას ესერ საფლა̈ვი თხურმა̄̈შ წამუ ათჴალეხ ი ეჩელექვა
Line of edition: 35 ჩუ̄ვ ლახტვი̄ლხ მიჩა თვეფი სგა ლიტხე". აშხვ ლადა̈ღ ესნა̈რ აჩა̈დ ჴაშერთე ლა̈თხვიართე
Line of edition: 36 ი ამე თვეთნე ნა̈თხვჲარე ხათხე̄ნა. ალა ჩ'ოთშდაბვნა ი ყვიჟე-პე̄რშვდა
Line of edition: 37 ი გვი ჟ'ოხტყაბა, ჟი ლოხვმა̈ზრა ი ჩუ ლოხვმამა, ეჩქას ჩუ ლახუ̄ჟნე̄ნა. მა̄̈ჲ ესამა
Line of edition: 38 მიჩ ნა̈თხვჲარე ი მემპვე̄რ ჩუ ხადგარე̄ნა, მა̈გ გϩრკიდ ლანგენე̄ნახ ი ჩ' ოთგვანიხ. Добавлено (2007-06-07, 6:55 Pm)
---------------------------------------------
: 39 ნა̈ბოზს ესნა̈რ ა̈გით' ა̄ნჴიდ ნა̈თხვჲარე ი მიჩა მეყულფას ქ'ო̄ხუმბავე მიჩა ლა̈დი̄
Line of edition: 40 ი̄ცნავ. ბა̄ზ' ე̄სნა̈რ ნა̈თხვჲარე̄მი კუბდა̄რა̈რ ანნაყა̄ლეხ. მა̈გ ი მა̈გ ხოჩვმინახ ი ქა
Line of edition: 41 დე̄მჟი̄ნ მოშ ოხვჭა̄ლახ. ამ ლე̄თ ესნა̈რ და̈დავშა ხოშა̄̈ლ ანჴა̈დხ ი ხა̄̈ქვხ: "ოთარშ'
Line of edition: 42 ე̄სერ ხემცოქვილხ სოლა̈რს. ლექვა̄ვ აჩა̈დხ ი ეშხუ მინე აფხნეგ ჩუ̄ვ ადირმხ ი ა̈გითე̄ვ
Line of edition: 43 ანჴიდხ". ალ' ე̄სნა̈რ ზურალა̄̈რდ ა̈დსა̈სტკეხ მასა̈რდ. ჯახუს ღალ ათხა̄რა: "ხოლა
Page of edition: 87 Line of edition: 1 ი̄ცნავ ი ლა̈ნშანა̈რ ესერ ლაჰოდე̄ნა ლა̈დი. მინს ესერ ბა̄ზი ლϩმა̈რჯვ გზა̄ვრობ
Line of edition: 2 მა̄მ ხა̄რხ ი ჰაჯუ ახკიდხ ბა̄ზ' ე̄ჩხა̄ვ ლი̄ზის". Line of edition: 3 ალ' ე̄სნა̈რ და̈დავშე̄რ ი სოლთანშე̄რ ღვაჟა̈რდ ეშ ა̈დϩნბაჟეხ. დემჟ' ა̄ხკიდხ
Line of edition: 4 ესნა̈რ ჯახუს ღალ ჰაჯ ოდედო ლექვ' ა̄̈დჴერნეხ სოლთე. ანჴა̈დხ ესნა̈რ ალჲა̈რ ბა̄ზი
Line of edition: 5 ი მიქლა̈ჲშე̄რ გიერგი ქორისგა ჩვა̈თპა̈ჟხ. ამჟი̄ნ ესნა̈რ ამხა̄ვთე̄'სგა ნუაშა
Line of edition: 6 ფა̈რჯია̄ნ ანღრი. ამი̄ ლირმი ხაკუხ ესნა̈რ ნიშგუ̄რა̄̈ ღვაჟა̈რს ი ჯახუს, მარე ფა̈რჯია̄ნდ
Line of edition: 7 ესნა̈რ ჟ'ო̄ხჩვიშ ი ჯახუ ღალ ამეჩუ̄ნ ჩვადგა̈რ. მე̄რმა̄̈ლ ესნა̈რ ქ'ა̈დი̄ტვხ ამხა̈ნქა.
Line of edition: 8 აჩა̈დ დვრევ, მარე თვეფ დე̄მჟი მოშ ა̈ნტიხხ ესნა̈რ ნიშგვეჲდ. ჯახუ ღალ ესნა̈რ
Line of edition: 9 ჩვა̈დწვერხ ნიშგვეჲდ. აშხვ ლადა̈ღ ესნა̈რ ნუვაშე̄რ შამერთვს ჴანა̈რ ხაყა
Line of edition: 10 ზაქვ. ალა ნიშგვეჲდ ჟ'ა̈ნმეჴრეხ, ოთდარჯეხ ჩუ ი ალა ჩვადგა̈რხ ამეჩუ̄ნ. ეჩქანღო
Line of edition: 11 რიგბა ნა̄რა ი ნა̈ ი ნუაშა ჩ'ოლსყე̄ხვიშდ. ამ დვრევჟი̄ნ ესნა̈რ ჯახვი̄ თვეფ ხუღვეხ,
Line of edition: 12 ალა მეზგე̄მ სოლა თათაშა გუვ' ა̄დირმ, ს'გა̄დჲეხ ქორთე ი ჴულ ათდეხ.
Line of edition: 13 ჩუ ხორიხ ამჟი̄ნ ი საჴსა̈რს ოხღველიხ. ალ მეზგა სიმაქ ხარდე̄ნახ, მა̈რიამ ხაჟხე̄ნა
Line of edition: 14 ი ალ დინ' ე̄სნა̈რ მასა̈რდ ხო̄ზნა̈ნი გუვას. აშხვ ღϩნ ლე̄თ ესნა̈რ ხეხვ-ჭაშ მაშდმა̈რ
Line of edition: 15 უშხვა̄რ ხოყვრეხ. ანჴა̈დ ესნა̈რ გუა, ა̈ნკიდ ჟი ლϩქϩლბϩნე კა̄და ი ალ ხეხვ-ჭა̈შს
Line of edition: 16 თხუმა̈რ ჩ'ოთხϩპϩ̄რე. მა̈რჲამϩლ ესნა̈რ ლედგა̈რიდ დეშ ა̈დსერ ი ჩუ გარ ადბაჟვრე.
Line of edition: 17 ჟ'ა̈ნკიდ ალა̄, ჯახვი̄ თვეფ, ჴულ ქა დეშ ა̈დკიდ ამჟი̄ნ ლა̈ჲბინე ა̈გითე ლიჴედ.
Line of edition: 18 ცაგდრი ბოგქა ქ'აჩა̈დ ფა̄და̈სი მაყალვშ ი შგედრუშ ლა̈ჲბინე ლიჴედ. ამჟი̄ნ ესნა̈რ
Line of edition: 19 მაშგვლა̈რჩუ̄ნ ჲო̄რი სოლა̈რ ესღრიხ მესტჲათე გუვა̄̈ საჴსრი ლა̈მჴერდ. გუად
Line of edition: 20 ჩვათირ ესნა̈რ ალჲა̈რ ი ლიტუ̄ლი ლოხვბინე, მარე დეშ ღალ ათსიმნე. ალ ჲო̄რი
Line of edition: 21 მა̄რე სგ' ა̄ჩა̈დხ მესტჲათე. მესტჲა̄ლა̈რს ათხი̄დϩნხ სოლრე ლი̄ზი. ალჲა̈რ ჩვადგა̈რხ
Line of edition: 22 ი მინე ლϩდგარუ ჩვა̈დწვერხ. ალ ლϩდგარუ ლექვ' ა̄ნჴიდხ სოლთე ი ლაშდღვა̄ლ
Line of edition: 23 ლადა̈ღ ჯახვი̄ თვეფ გუად ალჲარე კუბვა̈რჟი̄ნ ესდე. ხეწა̈დხ ამის ნიშგვეჲ
Line of edition: 24 ღვაჟა̈რ ი ქა ლიღე̄შგა̄̈ლ ხა̈კვდახ, მარე ალა ნიშგვეჲ ჩი̄ჟა, ანტროშე̄რ მϩრზას,
Line of edition: 25 ოთსა̈სტკა. "ამის ესერ ლახე მინ ლა̈დი ჩუ იჩომხ, ლენჯა̄̈რ ესერ უშხვა̄რ ხეხვტენი
Line of edition: 26 ი ნომა̄ვ ჩვემინხ ალ გვეშ". Line of edition: 27 ალ' ა̄̈დკვიჰ ესნა̈რ გუად, ეშხუ მანთიშ ჰარა̈ყ ესყედა̄ნე, ალ თვეფი შუნ ლა̄ჲე
Line of edition: 28 ი სგ' ო̄ხჴიდ ესნა̈რ ნიშგვეჲს. ნიშგვეჲს მასა̈რდ ათბაჟϩნხ ალა. მაჩენე ჴა̈ნ ჟი
Line of edition: 29 ლა̈ჲფიშვდხ ესნა̈რ ი გუას ქა ხასჩუქვრეხ ამნია̄̈ნიდ. ამ დვრევჟი̄ნ მესტჲას ლϩმა̈რდ
Line of edition: 30 ეზერ ვა̈რგ, გელა ყანსავშა. ამის ესნა̈რ ალ მა̈რიამϩლა̈შდ გუ ხა̄რ ლელატვდ ი გუნ Добавлено (2007-06-07, 6:55 Pm)
---------------------------------------------
31 ხემციქვილ. მა̈რიამϩლდ ოხვჭირე: "მიჩა თხვიმ ესერ ჰე გუ ხა̄რ, თათაშა გუვა სგა̄ვ
Line of edition: 32 ოხჴიდ მიჩეშთე̄'სგა ლედგა̈რიდ ი ეჩქას ესერ მა̄̈ჲ ხეცხე̄ნი, ჩი̄მი ნა̈ბ ესერ ხეღვე̄ნი
Line of edition: 33 მიჩაცახა̈ნ". ა̈დდ'ე̄სნა̈რ ალა გუთე გელად ი ლენჯა̄̈რთე ლითი̄ლა̄̈ლ ლა̈ჲბინე. ხაკუჩ
Line of edition: 34 ერე გუა იმვა̄ლაჟი̄ნ ჩვადϩრმის ი ს'გა̄დჲას მესტჲათე. Line of edition: 35 აშხვ ლადა̈ღ უშხვა̄რ ლა̈ხნა̈ზო̄რა̄̈ნხ ესნა̈რ ლემსჲა ლექვა̄̈ნჩუ̄ნ, ლა̈ჲბინეხ უშხუდ
Line of edition: 36 ლი̄ზი, ლϩჴა̈ნთე̄'სგა სგ'ა̄ჩა̈დხ, ეჩქას ხაფხეჭ გელად ი გუა შიშდ ჩუქვა̄ნ ა̈ნნა̈ხ.
Line of edition: 37 გუად ხანჯა̈რ ლა̈ჲშგვინ, ხაძგერ ჩუქვა̄ნჟი̄ნ ჴადვისგა გელას ი ფაშა̈რ ქამენჩუ
Line of edition: 38 ე̄სდე. გელად ლიყუ̄ლი ლა̈ჲბინე. ა̈დბინ'ე̄სნა̈რ ჩუქვა̄ნისგა ლი̄ზი ი სგა ლა̈ხჴა̈დϩ̄ნ
Line of edition: 39 ფა̈ფიშე̄რთე̄'სგა ი ამეჩუ ჩვადგან. ანჴა̈დხ ესნა̈რ ფა̈ფიშა, ჟ'ანკიდხ ლϩდგა̈რ
Line of edition: 40 ი მინე ლექვა̄̈ნ ქუ̄რე̄ლ ჰუყვჟი̄ნ ჩვესდეხ. ა̈დკვიჰხ ესნა̈რ ალა ყანსავშე̄რემ, ლϩდგა̈რ
Line of edition: 41 ლეჟ' ა̄დჲეხ ი ჩვაშდიღვხ. ლოხვბინეხ ესნა̈რ გუას ლიდრა̄̈ლ, მარე დეშ ა̈ნდარეხ
Line of edition: 42 ლედგა̈რიდ. ეჩქა ხა̄̈ქვხ ფა̈ფიშე̄რს: "ედ ესერ ერვა̄ლე მუსველუ ლახდარეხ
Line of edition: 43 ლედგა̈რიდ, მა̄დ' ე̄სერი მინს ადგა̈რიხ". ფა̈ფიშერემ ესნა̈რ მინე ნიბა̈შინ შაგუშა
Page of edition: 88 Line of edition: 1 მა̄რე ა̈ნღორვეხ ქორთე ი ქა ლახვე̄მხ ყანსავშე̄რს. ალჲა̈რდ ესნა̈რ ალ შაგუშე̄რ
Line of edition: 2 მა̄რა დაშნა̈ჲშვ კინჩხ ჟ'ახქვიცხ, თხვიმს შამფვირ ოთსვეხ ი ეჩჟი̄ნ ადჲეხ
Line of edition: 3 მესტჲათე. Line of edition: 4
ლენჯა̄̈რ Добавлено (2007-06-07, 6:55 Pm)
---------------------------------------------
Text: 101
Page of edition: 88
Line of edition: 5
101. გერგა̈ჲ Line of edition: 6 მϩლჯგϩრა̄̈გ მა̄რა მუჟღვრეში ლიგჲერგის გერგა̈ი ლიჲსენი ნა̈მთქვა. გერგა̈ჲს
Line of edition: 7 ხვაყლედ ფიკვს. ამის სგვებნა̄ვ ლინღეშტჟი̄ნ ჟი ხოლგენიდ დიდა̈ბი ლეჴედ ჯგϩ
Line of edition: 8 რა̄̈გს ი ეჩქანღო შომვა̄̈ჲ დრო̄ვ ხოჴდენი, ეჩქას ლიგჲერგი ლადა̈ღ სგვებნავ ჯგϩრა̄̈გთე
Line of edition: 9 ხვა̈იდ. ეჩეჩუ̄ნ ეჯას ლემზϩრა̈რს, ლეტვრა ი ნატუ̄სუნს ჟი ხვა̈მზϩრიდ. ლემზϩრა̈რს
Line of edition: 10 ი ზედა̈შს ჩუ ხვიჴმა̈რიდ. ეჩქანღო გერგა̈ჲს ა̈გითე ხვა̈ჲე̄სგიდ ი ეჩე ჩუ ხვა̈ჲსენიდ.
Line of edition: 11 ეჩი̄ ლეღვ ქა ლეჰვდიდ მა̄დ ნიშიდ. ალ გერგა̈ჲ იმღა ნაგა̈დ, ეჯას ქა̄̈ჯი̄მბვინე.
Line of edition: 12 სემი ლახვბა ლϩმა̄̈რხ. მე̄სმე მუხვბე ესნა̈რ, დიდა̈ბი ლეჴედ, ჯგϩრა̄̈გ სგვეჯი.
Line of edition: 13 ალჲა̄̈რ ესნა̈რ აშხუდ იზგახ. ჯგϩრა̄̈გ ეჩქას მა̄რე ლϩმა̄̈რ. ალჲა̈რ ესნა̈რ აშხუნღო
Line of edition: 14 ჩვა̈დი̄თა̄̈ნხ. ლა̄თა̄ლჟი̄ნ ესნა̈რ მაჰვრე̄ნა̄მ მუხვბე̄მ ჯგϩრა̄̈გდ ხა̄̈ქვ მიჩა ლახვბას:
Line of edition: 15 "მიჩ ესრე მა̄მგვეშ ნა̈თი ხაკუ აშხვ ლეფკვა̄̈რი̄ნქა". ალ'ე̄ჯღა ხო̄ქვა დიდა̈ბი ლეჴედს,
Line of edition: 16 ერე ჟი ლϩმჴერე მϩრე̄ს ხა̄დ, ერე მიჩ ღერთა̈რ ა̈ჲა̄̈სგდახ მინეშთე ი ამსვა̄ლდა̈
Line of edition: 17 მემშედა̄ლდ სედენდ:ა ჩუ. ამჟი̄ნ ესნა̈რ ჯგϩრა̄̈გ ღერთა̈რდ ლაჲფხანგეხ ი ალ
Line of edition: 18 ლახვბას, ა ჯგϩრაგიშ, ლეჴმარი მაგ ჩვესსადხ. ალ ჲარვ ლახვბა̄̈ ნაბერწყვ როქვ
Line of edition: 19 ხვიშდ ნა̈ჲ -- ლელჯგϩრა̄გუ ო̄შთხვ თემ: ნიგურჲა̄ნა̈რ, ჭედლჲა̄ნა̈რ, რატჲა̄ნა̈რ ი ფა̈ლჲა̄ნა̈რ.
Line of edition: 20 ნა̈ჲ ნა̈მთქვა ხო̄შელ ლიმზირ, დიდა̈ბი ლეჴედ, ჯგϩრა̄̈გიშ ი ეჩქანღო როქვ
Line of edition: 21 ნასიდ ჟი გერგა̈ჲი ლიჲსენი ლელჯგϩრა̄გუს. მა̄̈ნკვი ლეფკვა̄̈რჲა̈რ გარ ნა̄რა ლეჲსე
Line of edition: 22 ნი, მარ' ა̄თხე გიცა̈რს ჲედ ლეგცარა̄̈რის ი ღუნსი ჩუ ხაყა ლეჲსენიდ ლიგჲე̄რგი
Line of edition: 23 ლადაღ. Line of edition: 24
მესტია Добавлено (2007-06-07, 6:56 Pm)
---------------------------------------------
Text: 102
Page of edition: 88
Line of edition: 25
102. ჯგϩრა̄̈გ |
| |
| | |
|
Мужчина |
Date: Вторник, 2007-06-12, 5:31 PM | Message # 25 |
|
Group: Модераторы
Posts: 990
Status:Offline
Дата регистрации:
2006-08-29 |
26 ჯგϩრა̄̈გს დიდა̈ბუ ათჴედა, ხვა̈ჲ წყილჲა̈ნ! ეჯა ჯვინალდ მა̄̈ნკვი მა̄რე ლϩმა̄̈რ
Line of edition: 27 ი ამსვა̄ლდა̈შდ მა̄̈ჲ მავინ ჩუ ლϩმა̄̈რე̄ლი: და̄̈ვ, ჴეც, ურწყულ ი ამკალიბვა̈რ -- ჩი
Line of edition: 28 ლუმხვიტვინ ი ხოლა̄მ გარ ხა̈ჩვმინა, მარე ღვეშგმა̄ვ ნალჴამშოშ დეშ ლϩმგიჭვინ
Line of edition: 29 თხუმ ი ობა̈შინ ამსვა̄ლდსი ხოლა̄მ ხა̈ჩვმინა: ალა ღერთა̄ლს ოთსა̈სტკახ ი ხოქვახ:
Line of edition: 30 "ალ მა̄რ' ე̄სერ ოხვგონვეხუ ესამა ი მინეცახა̈ნ მერდადუ ანსყეხ".
Line of edition: 31 ანჴა̈დ ესნა̈რ აშხვ ლადა̈ღ ქრისდე ფუსდ ი თა̄რინგზელ, მა̄რა̄̈ლდ ანსყეხ თხვიმ
Line of edition: 32 ი ჩვანსგვეჯდახ გიმთეჩუ. აშხვ ცხეკისგა სგა ლახხვი̄დხ ჯგϩრა̄̈გს ი ხა̄̈ქვხ: ჟი̄ვ ესერ
Line of edition: 33 ა̈ნშვემ მინეცახა̈ნ. ამნე̄მ, ა ჯგϩრა̄̈გდ, ესნარ ჟ'ა̈ნშვემ. ალჲა̈რდ, ა ქრისდედ ი თა̄რინგზელდ,
Line of edition: 34 ჟ'ა̈ნკიდხ ხა̈რჯ ი ლახϩრჯა̄ლჟი̄ნ ჩვადუ̄ჟნეხ. ჯგϩრა̄̈გს ლავჟაისგა ქ'ო̄ხკვიდხ
Line of edition: 35 სგა̄შვი̄რ ი ჯიჰრა̄̈ ნამქაჩვჟი̄ნ ჩვესდეხ. ჟ'ადჲეხ ჯგϩრა̄̈გ დეცთეჟი̄ნ ი მინეცახა̈ნ
Line of edition: 36 მერდად ანსყეხ. აშხვ ლადა̈ღ ესნა̈რ ჩვა̈ნჴერნეხ ალჲა̈რდ ჯგϩრა̄̈გ ი ცხეკისგა
Line of edition: 37 ქ'ა̄ნწვე̄ნეხ მიჩა სგა̄შვი̄რ. ალ სგა̄შვი̄რ ეჩჟი̄ნ ლϩჴმა̈შ ი გვა̈მი ჩუ ლϩმა̈რ, ერე
Line of edition: 38 ჯიჰრა̄̈ ნამქაჩვ ძირთეჩუ̄ნ ესვჴი̄ჩა. ჯგϩრა̄̈გს ხოლა ქვინ ლახჴანა ი ლახჭვედნა: "მა̈ჲ
Line of edition: 39 ესერ ლ' ა̄ლა̄: ამჩუ̄ნ ხოლა ქვინ ესერ მირ ჴან?" "ალ' ე̄სერ მიჩა სგა̄შრი ქვინ ლი,
Line of edition: 40 მინს ესერ ქ'ო̄ხკიდახ მიჩეშდ სგა̄შვი̄რ ი ალ ნამქაჩვჟი̄ნ ესერ ესვდახ". ჯგϩრა̄̈გს
Line of edition: 41 ესნარ გუნ ათϩმბაჟϩნ ალა.
Page of edition: 89 Line of edition: 1 ეჩქანღო სერ ღერთა̈ლს ჩ'ოთცვი̄რახ დიდა̈ბი ლეჴედ ჯგϩრა̄̈გ ამსვა̄ლდა̈ მაშედდ.
Line of edition: 2 ეჩქანღო ლი ამბა̈დ მეცვრე, ერე ლახე ქრისდია̈ნ მა̄რე ჯგϩრა̄̈გს ხეჴϩრა̄̈ლ
Line of edition: 3 ლიმშედა̄̈ლს, ეჩქა ეჯა ჩუ როქვ ხაშიდ ამსვა̄ლდს ი მიჩა მეწე̄ნა̄̈ლ როქვ ლი. Line of edition: 4
ლენჯა̄̈რ Добавлено (2007-06-12, 5:30 Pm)
---------------------------------------------
ჯგϩრა̄̈გ ცხვი̄მი მუკვა̄ნე Line of edition: 6 ჯვინალდ ლიშჲა̄̈ლ ცხვიშ ი ჴემადშვ ლϩმა̄̈რნე̄ლი. მა̄̈ჲ ესამა ლა̈შჲა̄ლა̈შ ი ლა̈შკდა̈ში
Line of edition: 7 ნახე ჩუ მა გვეშ ლი, ალი მა̈გ მა̈ლდია̈ნ ჯგϩრა̄̈გი ნაწა̈სვ როქვ ლი. ლა̈შჲა̄ლა̈ში
Line of edition: 8 ლა̈შკდა̈ში ბა̈რგ, ცხვიჲჴემა̈დ, შუბ, ცხუვა̈რ, დაშნა̈ჲ ი ხანჯა̈რ, გა̈ჩ, თვეფ ი ხანგა̈რ
Line of edition: 9 -- ალი მა̈გ ჯგϩრა̄̈გი ნაშკა̄დვ როქვ ლი ი მიჩა მა̈ლდ ჩი̄ ჟი როქვ ხა̄გ.
Line of edition: 10 აშხვჟი̄ნ ესნა̈რ თათრა̈რ ახაგა̈ნხ შვანა̈რს ი ხა̈კვდახ შვანე ჟი ლიკედ ი ლიჴცე.
Line of edition: 11 ეჩქას ლიშჲა̄̈ლ ცხვი ი ჴემა̈დშვ ლϩმა̈რ ი ალჲა̈რ ხაღვე̄ნახ ეჩხა̈ნ ი ამხა̈ნ.
Line of edition: 12 თათრა̈რდ ესნა̈რ ლინწირ ოხვბინეხ შვანა̈რს. შვანა̈რდ ჯგϩრა̄̈გს ლოხვბინეხ
Line of edition: 13 ლიჴϩრა̄̈ლ: "მა̈დილუ ხე̄რა ი ლა̈ხშა̈დუ მა მიჩა მომზირ ხა̈ლხს!"
Line of edition: 14 ამჩიქქ' ე̄სნა̈რ ანჴა̈დ ჯგϩრა̄̈გ ი ჩვესϩ̄გა̈ნ აშხვ ზაგა̈რჟი̄ნ, ლა̈ჲკიდ მიჩა ცხვიჲჴემა̈დ,
Line of edition: 15 ლოხვბინე თათრა̈რს ლიხვტე მიჩა ცხუვშ ი მა̈გ ჟ'ანჭკიჟ. Line of edition: 16 ეჩქანღვ' ა̄თჟახე̄ნა დიდა̈ბი ლეჴედ ჯგϩრა̄̈გს ცხვი̄მი მუკვა̄ნე. Line of edition: 17
ლენჯა̄̈რ Добавлено (2007-06-12, 5:30 Pm)
---------------------------------------------
იფა̄̈რი ჯგϩრა̄̈გი ხა̈ტ Line of edition: 19 იფა̄̈რი ჯგϩრა̄̈გი ხა̈ტ ძღϩდ უცხვ ლϩმა̄̈რ ი მემზირ მა̄რე ობა̈შ ლϩმჴა̈დვინ ეჩხა̄ვ.
Line of edition: 20 ეჩი̄ მოლზვენ ხაჭვა̄ნშა ლϩმა̄̈რხ ი ობა̈შ კეთილ ახა̄̈ზინახ ჩი̄ხა̈ნქა. ეჩქას საყდრი
Line of edition: 21 მოლზვენა̈რთა̄ნ ლირდე სოფლა̈რისგა გლეხმა̄რა და̄̈ს ხა̄რა, ეჯამა̈გ კეთილს
Line of edition: 22 ლϩმნა̈ზო̄რინხ. ალ კეთილ გარ დეშ მϩრე̄ს ხა̄დ ქა აშხვ მოლზვენს ი ჯგϩმრა̄̈გი ხა̈ტ
Line of edition: 23 ქ'ო̄თქვითა, სგ' ო̄თხვჲა ჩო̄ლი̄რთე ი ეჩე საყდა̈რ სოფელდ ჩ' ოთყიდა. ობა̈შ ხა̈ნ
Line of edition: 24 ახა̄რა იფა̄̈რს ალ ხა̈ტი ლათხე̄ლს ი შომვა̄ლე ჩ'ო̄თცხირა' ე̄რე ჯგϩრა̄̈გი ხა̈ტ საყდა̈რს
Line of edition: 25 ლϩმა̈რდე̄ლი. სგ'ა̄̈მჩედხ იფა̄რა̈რ ეჩხა̄ვ. ალ ხა̈ტი საჴსა̈რ ქა ლოჰოდახ ჩო̄ლა̈რდ.
Line of edition: 26 ეჩქანღვ' ა̄̈გით' ო̄ხჴი̄დახ. მოლზვენდ ალ საჴსრი მϩქაფი ქ'ო̄ხკი̄დახ ი ეჩϩნქა
Line of edition: 27 მასა̈რდ ჰი̄ბა̄̈რ ოხკი̄დახ, ეჩზუმ, ერე ეჩქანღო ნა̈ღრიბი ქა როქვ დეშϩდ
Line of edition: 28 ხოჟგახ. Line of edition: 29
იფა̄̈რ Добавлено (2007-06-12, 5:31 Pm)
---------------------------------------------
. ჯგϩრა̄̈გ ი უსუსურმა̈ნ Line of edition: 31 ეშხვი ხეხვ-ჭა̈შ ლϩმა̄̈რხ, ჩვალმეჩე̄ლიხ ი გეზალ მა̄მ ხარდე̄ნახ. ღვეშგმე პილს
Line of edition: 32 ესნა̈რ ჯვიდი ლა̈კირ ადგეხ ი ამნოვშ ლა̈ხჴϩრა̄̈ნხ ღე̄რბათვ: "მა̈დლია̈ნ ღე̄რბეთ!
Line of edition: 33 მიჩა ლიჴϩ̄რა̄̈ლϩნქ' ე̄სერ მა̄მგვეშ ხოჩვმინანხ მინე ივალადა̈ღ, მა̈დილუ ხე̄რა, ნომა̄ვ
Line of edition: 34 ანხვიტ ი ეშხვი გეზალ ესერ ქა̄ვ იმჟი̄ნ ლახვე̄მ, ალ გვეში ლიჩვემ ესერ მიჩ ჩუ
Line of edition: 35 ხობიც, დიდა̈ბი ლეჴედ! ი ეჯ გეზალ ესერ მიჩა მემზირია̄ქ ხე̄რახ".
Line of edition: 36 ღე̄რთემ ესნა̈რი სგა ლა̈ჲჴϩ̄რვნე ალ ლიმზირ ი ალ ხეხვ-ჭა̈შს ესნა̈რ ეშხუ ჭყინტ-გეზალ
Line of edition: 37 ქა ლახვე̄მ. ალ ბეფშვ ჟ'ანპრისდეხ ი ჟახად გიორგი ათჟა̈ხხ. ამნე̄მ ჟ'ა̈ნცხე
Line of edition: 38 ი ეზერ მახეღვა̈ჟ ა̈ფხას ესნა̈რ. ეჯკა̈ლიბ მეშჲა̄̈ლ ქა ლϩმა̄̈რ, ერე ჟი და̄̈რ მოშ
Line of edition: 39 ხა̈წნო̄ლნა, ლაშგა̈რს ჟი ხა̈წნო̄ლნა.
Page of edition: 90 Line of edition: 1 ალ გიორგის ათჟახე̄ნა ჯგϩრა̄̈გ. ჯგϩ̄რა̄̈გს ესნა̈რ უსურმა̈ნ ი ურჯულ მა̈გ ხა̈სისგ
Line of edition: 2 ალჲა̈რს ხეშჲა̄̈ლ ი ქრისდია̈ნ მა̄რ'ე̄სნა̈რ ხეწვე̄ნა̄̈ლ. Line of edition: 3 აშხვჟი̄ნ ესნა̈რ ა̈დნაზო̄რა̄̈ნხ ჩუ უსურმანა, ახჭვა̄დხ სგა ჯგϩრა̄̈გს ი ჩვადირმხ.
Line of edition: 4 ლა̈ხჭვედდახ ესნა̈რ უშხვა̄რ: მა̈ჲ ესერ ოხვგონვახ ალ მა̄რა ი იმჟი̄ნ ა̈დღϩრეხ ქა,
Line of edition: 5 ერე მინე ხოლე̄მი მუჩვმად მო̄დ არდე̄დს? "ჲაღვ' ე̄სერ ლა̈კირუ ადიგხ, ეჯა ჩუ̄ვ
Line of edition: 6 ადქϩნთრინეხ ი ეჩხა̄ვთე̄'სგა̄ვ ადკვა̈რხ, ეჩე̄სგ' ე̄სერ ჩვა̈დშიხი".
Line of edition: 7 ალჲა̈რდ ესნა̈რ ამჟი ჩვემინხ: ჩვადქϩნთრინეხ ლა̈კირ ი ამხა̄ვთე̄'სგა სგ' ა̄დკვა̈რხ
Line of edition: 8 ჯგϩრა̄̈გ, ანჴა̈დ ესნა̈რ დიდა̈ბი ლეჴედ, ქა ლახა̄გა̈ნ მუხვირთე, იმვა̈ჲ ხომბვრა
Line of edition: 9 ლა̈სვ, ეჩხა̄ვ. ჩვა̈რი სერ ამე̄'სგა ი ხეჴϩ̄რა̄̈ლ ღე̄რბათვ. Line of edition: 10 ლა̈კირ ჩვა̈დშიხა̄ნ, ეჩქას ა̈ნწვე̄ნეხ ი ჯგϩრა̄̈გ ლϩჲა̈რ ესხვი̄დხ. მასა̈რდ ა̈დϩნბაჟეხ
Line of edition: 11 ესნა̈რ, ერე ჩვე̄სერ მა̄დ ალშიხელ ალ მა̄რე ლϩქϩნთრინა ლა̈კირისგა. ლა̈ხჭვედდახ
Line of edition: 12 უშხვა̄რ: "სერ ესერ მა̈ჲ ოხგონვახ ალ მა̄რ', ე̄რე ჩუ იმჟი̄ნ მოშ ადგარიხ,
Line of edition: 13 ადო ლირდეს ესერ დე̄მის ხაჩო ალ მა̄რე ამუნღო მინს". Line of edition: 14 ალჲა̈რდ კირ ჩვაფიშგხ ი ამე̄სგ' ა̄შდიღვხ. ა̈ნწვე̄ნეხ სამ ლადა̈ღუნღო ი ესნა̈რ
Line of edition: 15 ამხა̈ნქაი ლϩჲა̈რ ანჴა̈დ ჯგϩრა̄̈გ ქა. ეჩქას ესნა̈რ ანჴა̈დ უსურმანა̈რ ი ჯგეϩრა̄̈გ ხოშა̄მ
Line of edition: 16 ზაგა̈რთეჟი̄ნ ჟ'ადჲეხ. ამეჟი̄ნ ხოშა̄მ ბარბელდს ჟ'ათლა̈ჯხ ბϩგიდ ი ქ'ა̄ნგურნეხ
Line of edition: 17 ზაგა̈რხა̈ნჩუ̄ნ. მინ ღვეშგიმ ა̈ხჭა̈მხ ი ჯგϩრა̄̈გი ძვერი ნა̈ქცუვა̈რს იხურჲე̄ლეხ. ანჴა̈დხ
Line of edition: 18 ჩუ. ამეჩუ̄ნ ძვერი ნა̈ქცუვა̈რ მა̈გ სგა ლა̈ხტა̈ხ ჯგϩრა̄̈გს, ჯა ჩუ ლϩგ ი ღე̄რბათ
Line of edition: 19 ხეჴϩ̄რა̄̈ლ. სერ დიდა̈ბი ლეჴედ ხოშა̄მ ღე̄რბათ ოთჟინდა მϩრე̄ს ი უსურმანა̈რ ქ'ა̄თყიჩ,
Line of edition: 20 ჯა ა̈ნგლეზდ ესსიპე. Line of edition: 21 ამჟი̄ნ ესნა̈რ რა̄̈ქვ ხოშა̄მ ღე̄რთემ: "ამის ესერ, ა, ჯგϩრა̄̈გს, ხვა̈ჲ ლიზვებ ხაკუჩ
Line of edition: 22 ი სგა̄ში̄რ ქა̄ვ ოსკიდხ". ალჲა̈რდ ესნა̈რ ჩვადბϩნგავეხ აშხვ ლადა̈ღ ჯგϩრა̄̈გ, სგა̄ში̄რ
Line of edition: 23 (სგა̄შვი̄რ) ქ'ო̄ხკიდხ ი ჯი̄ჰრა̄̈ ნამქაჩვჟი̄ნ ჩვესდეხ. ამი̄შ ჯგϩრა̄̈გდ მა̄მგვეშ ა̈ნმეჴრ'
Line of edition: 24 ე̄სნა̈რ. აშხვ ლადა̈ღ ანღრიხ ესნა̈რ ამელქვა ჯგϩრა̄̈გ, ივა̈ნ ნა̈თϩმცემელ ი მიქა̈მ
Line of edition: 25 თა̄რინგზელ ხოლა ქვინ ლახჴანდა ი რა̄̈ქვ: "ფუჰჰუ! მა̈ჲ ესერ ხოლა ქვინ მირ
Line of edition: 26 ჴან ამელექვა". მიჩ' ა̄ფხნეგა̈რს ათჩო̄ნხ ი ხა̄̈ქვხ: "ალ' ე̄სერ მიჩა სგა̄შვრი
Line of edition: 27 ქვინ ლი. მინს ესერ მიჩეშდ სგა̄ში̄რ ქ'ო̄ხკი̄დახ ი ამეჟ' ე̄სვდახ". სერ ესნა̈რ დიდა̈ბი
Line of edition: 28 ლეჴედ ხოშა̄მ ღე̄რთემ საკუთარ ა̈ნგლეზდ ესსიპე მა̈ლდია̈ნ ჯგϩრა̄გ ი ჩი̄მი სევ
Line of edition: 29 ლახვე̄მ. ეჩქას ხა̄ქვ ჯგϩრა̄̈გდ ხოშა̄მ ღე̄რბათ: ჲაღვ' ე̄სერ აშხვ გვაშვ ხაბიც ი ალ
Line of edition: 30 გვეში სევ ესერ ქა̄ვ ლახვე̄მ". "მა̈ჲ ესერ ლი, ქა̄ვ ხა̈ქვ. "მა̈ჲ ესერ ი შომვა̄̈ჲ ესერ
Line of edition: 31 მიჩ ამსვა̄ლდ გვიწყილჲა̈ნჟი̄ნ მიჩ ქა ლა̈ხჴϩ̄რი ი ლიმშედა̄̈ლს ხაშგვმინნე, ეჩქას
Line of edition: 32 ესერ ეჩი̄ ლიმშედა̄ლე ჰაჯუ ლახვე̄მ". Line of edition: 33 ამი̄ ჰაჯ ესნა̈რ ქა ლახვე̄მ ხოშა̄მ ღე̄რთემ. სერ ეჩქანღო როქვ ხუღვე ჯგϩრა̄̈გს
Line of edition: 34 ამსვა̄ლდა̈ ლიმშედა̄ლე ჴამშა ხოშა̄მ ღე̄რბათვხა̈ნქა. Line of edition: 35
ლენჯა̄̈რ Добавлено (2007-06-12, 5:31 Pm)
---------------------------------------------
ჯგϩრა̄̈გი ჟეღა̈რ Line of edition: 37 ჯვინალდ თხე̄რა̄̈ლ მა̄მ ლϩმა̈რდხ. თხე̄რა̄̈ლ ჯგϩრა̄̈გი ჟეღა̈რხა̈ნქა ალფიშრე̄ლიხ.
Line of edition: 38 ალ' ა̄მჟი̄ნ ლϩმა̄̈რ (მ' ა̄მჟი̄ნ მასმა ხოშა̄ლე ნა̄მბავ ი მა̈ჲ მიხალ, ტკიც ლია
Line of edition: 39 ბა̈ქ. ხოშა̄̈ლს ხოშა̄ლე ნა̄მბვა̄ლ ხასმახ ი მი̄ჲ ხოშა̄ლე ნა̄̈მბვა̄ლს გარ ჯი̄მბვ', ა̄დო
Line of edition: 40 მი დე̄მგვაშ მოშ ხვა̈ქმე. ლიქმე მა̄დეჲ ალაჲ ვედნილდ გარ მაშყიდ).
Line of edition: 41 სემი ლახვბა ლϩმა̄̈რხ. მაჰვრე̄ნე მუხვბე ჯგϩრა̄̈გ ლϩმა̄̈რ. ეჯა მა̄̈ნკვი ამსვა̄ლდ
Line of edition: 42 ლϩმა̄̈რ ი ძღϩდ ლϩჴმა̈შ ი ლამარგ ამსვა̄ლდ ლϩმა̄̈რნე̄ლი. ალ ლახვბა ჩვალϩ̄თე̄ლიხ
Page of edition: 91 Line of edition: 1 ი ჯგϩრა̄̈გს მა̄მგვეშ ხოკვდუნა ნამხუბი. ძღϩდ ლϩჴმა̈შ ერ ლϩმა̄̈რ, ამღა დიდა̈ბი
Line of edition: 2 ლეჴედ ხოშა̄მ ღე̄რბათ ი ქრისდე მაცხვა̄̈რს გუნ ხალტე̄ნახ ი ვეშგიმპილს მინეშთ'
Line of edition: 3 ო̄თჴერნახ მინე გა̈ნხა̈ნ მეგნად ი ამსვა̄ლდა̈ მემშედა̄ლდ ი გა̈ნხა̈ნ მეგნად თϩმი ლად
Line of edition: 4 ა̈ღ, შომვა̄̈ჲ მიჩ ჲა̈რ ლახსე̄მწა̄̈ლი. Line of edition: 5 ჯგϩრა̄̈გ ერ ქ'ა̄ხე̄თე̄ნა მიჩა ლახვბას ი ღერთა̄რთ' ე̄ლმა̄̈ზ, ეჩქას მიჩა ჟეღ ვეშგიმ
Line of edition: 6 ათჭემა. ქა დე̄მ ღალ მϩრე̄ს ხეყვლენდა მიჩა ფუსდს. ეჩქას ჯგϩრა̄̈გს ხო̄ქვა,
Line of edition: 7 დიდა̈ბი ლეჴედს: "ჰე̄, საბრალ ყურშა̈ჲ! მიჩ ესერ დალ მა̄მ ხაყა მიჩა მენჴრინდ ი
Line of edition: 8 ჩუ ლესედ ესერ ღალ ხა̄რ, მარე ამუნღო̄ნ ესერ მიჩა მა̄რე̄მი ქვინლϩმგენე̄მი მϩლჩე̄ვ
Line of edition: 9 ლიხ ჯა-ჲ მიჩა ნაბერწყ". ეჩქანღო ჟეღ თხე̄რად ელსიპე̄ლი ი ჩვალფიშრელი.
Line of edition: 10 ჯვინალდ მოლჯგϩრა̄̈გი ქვილϩმგენა დე̄მ ხა̈ჩვმინა თხე̄რე დე̄ჲ ლემყა̈ლვ ლϩმა̄̈რლი,
Line of edition: 11 ჰა̄ვე თხე̄რა მავინ მა ხოყრა̄̈ნ მოლჯგϩრა̄̈გი კუმა̈შდ ი მა̈ნცინდ.
Line of edition: 12 მოლჯგϩრა̄̈გი ჭათად ეჯზუმ ხაყვლი̄ნნა ჩი̄, ერე ლახე ქვითრა̈რ მოლჯგϩრა̄̈გი
Line of edition: 13 კუმა̈შს ლϩმქვითინხ უმბილდ, ჩუ ლϩმცხირვინხ, ერე ალ ქვილϩმგენ' ე̄სერ მოლჯგ
Line of edition: 14 ϩრა̄̈გიშ ლი, შიშდ ჩუ ლუმფიშვდინხ ი უფგოვშ ეჩავ ლϩმტიხვინხ, ე, იმვა̄̈ჲხა̈ნ
Line of edition: 15 ქა ლϩმჴიდვინხ. მარ' ა̄თხე დე̄ჲ ჯგϩრა̄̈გ ჲა̈ს ხა̄რ ი დე̄ჲ იშგენ ღერთა̈რ ჲა̈ს მა ხანწა̈მ.
Line of edition: 16 ეჯღა დე̄მის აზა̄რეხ ათხე თხე̄რა̄̈ლ მოლჯგϩრა̄̈გი კუმა̈შს ი მა̈ნცინს, ადო ჯვინალდ
Line of edition: 17 ჰა̈დურდ დე̄მგვაშ ხა̈ჩვმინახ. Line of edition: 18
ლენჯა̄̈რ |
| |
| | |
|
Мужчина |
Date: Вторник, 2007-06-12, 5:33 PM | Message # 26 |
|
Group: Проверенные
Posts: 352
Status:Offline
Дата регистрации:
2006-09-07 |
ჯგϩრა̄̈გ მესტჲა̄̈შ Line of edition: 20 მესტჲა̄̈ ჯგϩრა̄̈გჟი̄ნ ერ ხახტავახ, ჯგϩრა̄̈გ მϩჩა̄̈ჟის ჩუქვა̄ნ ხელწიფ ხონხა,
Line of edition: 21 ეჩხა̈ნ-ამხა̈ნ ჲო̄რი ლϩჩა̄̈ჟ ერ ხა̄გ, ამი̄ ბედჟი̄ნ ამჟი̄ნ მასმა მიშგვა ბიძა̈ჲხა̈ნქა: ქრის
Line of edition: 22 დე ვირჲა̈ჲა̈რს როქვ ოთდაგრახ ი ჩ' ოთშდუღვახ. ჩუ ნაშდუღუნღო ღალ ქრისდე
Line of edition: 23 ჟი დეშ ლϩმგენა̄̈ლ ი ჩუ ლϩმა̈რდ საფლა̈ვისგა. მასა̈რდ თϩმი ღალ ხა̄რა ი გუნ
Line of edition: 24 გუ̄შ ხა̄რა ჟი ლიგნა̄̈ლ. ქრისდიანა̈რ ი მიჩა მეცქვილ აფხნეგა̈რ ახმაღლინახ ქრის
Line of edition: 25 დე̄ ჟი ლიგნა̄̈ლს, მარე ლახე დვრევ ა̈მჩედე̄ლი, ქა დე̄სა ხა̈წდახ ჟი ლϩგნა ქრისდეს,
Line of edition: 26 ეჩქას ლაჭკვა̈რთე̄სგ'ა̄̈მშყედხ. ამჟი̄ნ დიდა̈ბი ლეჴედ ჯϩϩრა̄̈გს ლახი̄ცნავა ქრისდე
Line of edition: 27 ი ხო̄ქვა: -- ჯ'ე̄სერ ჟი დეშ იგნა̄̈ლ, ოდე მიჩა მϩდგა̈რი ვირჲა̈ჲრე ხელწიფს ჩუ დო
Line of edition: 28 ჲა̈რ ადდაგრ'ე̄ჩქად. ალ ხელწიფი დაგრ'ე̄სერ მიჩ გარ ხა̈მჲე̄და. ეჯა ჩუ̄ვ ადგა̈რ,
Line of edition: 29 ჯ'ე̄სერ ჟ'ა̄ნგენი ი ეჩქანღვ' ე̄სერ ჯა მიჩ განხა̈ნ ლა̈ჲჴერნი ი ამსვა̄ლდა̈ ლიმშედა̄
Line of edition: 30 ლე ჟϩრს ესერ ლაჰვედნე". ჯგϩრა̄̈გ ამღა მა̄მ აფა̈შ, ა იცნავღა. მე̄რმაჟი̄ნ აჯაღϩდ
Line of edition: 31 ლა̈ხი̄ცნავ, აჯაღϩდ მა̄მ აფა̈შ. მე̄სმაჟი̄ნ აჯაღϩდ ლა̈ხი̄ცნავ ამკა̈ლიბდ ი ეჩქას
Line of edition: 32 სერ ჩვა̈დჯϩრვ', ე̄რე გაცხა̈ჲდ ქრისდეს თϩმი ხა̄რა ი მიჩა ლიმშედა̄̈ლ ხა̈კვდა. ანϩ̄გა̈ნ
Line of edition: 33 ესნა̈რ ჯგϩრა̄̈გ ი მიჩა ლახვბათ' ა̄ჩა̈დ. ალჲა̈რს ქ'ო̄ხუ̄მბავე იმვა̄̈ჲჟი̄ნ ლა̈ხისნავ
Line of edition: 34 ი ხა̄̈ქვ: "სგა̄ვ ესერ ლოხვჴერდახ ი ხელწიფ ჩუ̄ვ ადგა̈რხ". ლახვბად ხა̄̈ქვხ: "მინ
Line of edition: 35 სემი გარ ესერ იმჟი̄ნ ა̈ხწინიხ ხელწიფს ი მიჩა ჯა̈რს?" "ეჯღ' ე̄სერ მინ ნომა̄ვ აფ
Line of edition: 36 ა̈შხ ი ხონჴერდახუ! " Line of edition: 37 ლა̈ჲჴერნე სგა მიჩა ლახვბა, ჟ'ა̈ნმა̄რა̄̈ნხ მინე ჲარა̈ღვშ ი ნახოვშ. ჟი ლახსგურდახ
Line of edition: 38 ჩა̄ჟა̈რს ი აჩა̈დხ ხელწიფიშთე. ხელწიფდ ლიშჲა̄̈ლ ლოხბინე, მარე ჯგϩრა̄̈გ
Line of edition: 39 ი მიჩა ლახვბა ჟ'ახწინდახ. ჯგϩრა̄̈გდ ხელწიფ ჩუქვა̄ნ ა̈ნნა̈ხ მიჩა ჩა̄ჟვშ, შუბ ათჴალე
Line of edition: 40 თხუმქა ი ჩვადგა̈რ. ალ ხელწიფი დაგრანღო ქრისდე ჟ'ალგენე̄ლი, ჯგϩრა̄̈გ
Line of edition: 41 მიჩ'ა̄ფხნეგდ ლოხვჴერნა ი ამსვა̄ლდა̈ ლიმშედა̄ლე ჰაჯ ლოჰოდა. Line of edition: 42
ლენჯა̄̈რ Добавлено (2007-06-12, 5:32 Pm)
---------------------------------------------
ჯგϩრა̄̈გ ბურტყვლიშ Line of edition: 2 სოფელ ელი̄ ჰოკერ, ჭალი პილს, მა̄დ ხვა̈ჲ სოფლი̄დ ლი. ამე მერხა̈ლდ მეზგე
Line of edition: 3 იზგე ი ამის ხაჟხა აც. Line of edition: 4 ამ სოფელისგა ოქვრა ლითხე̄ლის ხაშდაბახ ჭალი პილა̈რჟი̄ნ ი ობა̈შინ მასა̈რდ
Line of edition: 5 ხებგვენიხ ოქვრ. ალ სოფელისგა ლϩმზიგ გიე კვე̄ბა̄ნშა. ამის ესნა̈რ აშხვჟი̄ნ ჭალი
Line of edition: 6 პილს მურგვა̈ლ ი მუსგვენ ბა̈ჩ ახხვი̄და. ალ'ე̄სნა̈რ ა̈გით' ა̄ნჴიდ ი ლა̈მყინას სგა
Line of edition: 7 ლოხვდე ბა̈ჩდ. Line of edition: 8 აშხვ დვრევჟი̄ნ ალ გიეს ოთარ ლახმუშგვრე̄ნა ოთარშა. გიეს ხოჩა ტაბა̈გ
Line of edition: 9 ოხვგა ამნა̈რდ ი მიჩა ფა̈მლია̈რდ ი აფხნეგ მა̄რად ი მასა̈რდ ა̈დϩლხინე მუშგვრა̈რ.
Line of edition: 10 ალა̄, ოთარ, ძღϩდ ლუთვერ ი ლϩმხა̈ლ მა̄რე ლა̈სვ, ხეწა̈დ გიე̄ ნათხა̄̈ლვ ბა̈ჩს,
Line of edition: 11 ლა̈მყინას ერ ხო̄სდა̈ნ ღვეშგიმხა̈ნ. ჟ'ა̈ნკიდ, გვი ლახვე̄მ. ესნა̈რ ალა ოქვრა ლუგვ
Line of edition: 12 ლი, ამი̄ ფა̈სს ჲა̈რ ა̈თხო̄ლ? Line of edition: 13 ქ'ა̄̈ნჰერ მიჩეშთე გიე ი ხა̄̈ქვ: "გიე! ალ ბა̈ჩ ესერ ქა̄ვ ხასჩქვარე მიჩ ი მა̈გიე̄რ
Line of edition: 14 სა̈ხს ესერ ჯაჲ ჩვა̈თხო̄ლა". Line of edition: 15 გიედ ესნა̈რ ლახტიხ: "მახვში, მიჩა̄ვ მა̈ზიგ ლახჴედა, ბაჩა̈რ ესერ მა̄დ ლიხ
Line of edition: 16 ლესჩქვა̈რი ი იშგენუ მა ხოსგვეჯ ი ეჯას ლაჰვედნე!" ოთარდ იშგენ მა̄ გვეშ იკვდუნე
Line of edition: 17 ი სერ გიედ ქა ლახვე̄მ ალ ბა̈ჩ. ეჩი̄შ მა̄მ ხოხალდა უთვრა მა̄რ' ე̄რე ალა ბა̈ჩ
Line of edition: 18 მა̄მ ლა̈სვ ი ოქვრ ლა̈სვ. Line of edition: 19 ალ სოფელს ჭალა̈ჲს ეჩხა̈ნთე ეშხუ უდუმბირ ლემგა̈მ ლი ი ჲელა̄რუ ი აცა̈რ
Line of edition: 20 ა̄მბვიხ, ერე "ალ ლემგა̈მისგ' ე̄სერ ბურტყვლი ჯგϩრა̄̈გ ლϩგ, მარე სისნას ი ბალა
Line of edition: 21 ესერ ჩ' ოხვნახა ი ათხე მა̄მ თერა ქა. ამე̄'სგ' ე̄სერ თათრიანობჟი̄ნ შვა̈ნს ხვა̈ჲ გა̈ნზ
Line of edition: 22 ოთშხუნა. ლϩყა̈რ ი ყო̄რა̈რ ესერ ჩეი̄შ ხა̈რ". Line of edition: 23 აშხვ ლადა̈ღ ესნა̈რ ეშხუ მეთხვჲა̈რ მა̄რ' ა̄ნღრი ალ ცხეკჩუ̄ნ. აშხვ ა̈გის ესნა̈რ
Line of edition: 24 ქ'ე̄სვგიბ ჭიშხდ ი ჩვა̈დკა̄ფ. ხეწა̈დ ი ჩეი̄ ლϩშგს ხეწა̈დ. ლა̈ჲფხირკვა̄ლ' ა̄ჯაღϩდ ი
Line of edition: 25 ჩეი̄ ყო̄რა̈რი ქ'ა̄̈ნთენე. ლა̄პა̈რ ესნა̈რ ალ მა̄რე ი ლიჴედ ლა̈ჲბინე. შუკვა̈რჩუ̄ნ მეგ
Line of edition: 26 მა̈რს სგა ხოკცენი გაჩშვ ი ლა̈ნშა̈ნს ხა̈გნე, ამჟი̄ნ ბერ თეუფანე̄შთ' ა̄ჩა̈დ ი ეჯა სგა
Line of edition: 27 ლა̈ჲჴერნე ი აჩა̈დ ამი̄ ლაწვე̄ნათე, მარე ალ მეთხვჲა̈რს შუკვ ჩვათა̄̈შდϩნა ი ჟი დეშ
Line of edition: 28 ღალ ოხვთხახ საყდა̈რ. Line of edition: 29
ლენჯა̄̈რ Добавлено (2007-06-12, 5:32 Pm)
---------------------------------------------
ხეშკილ Line of edition: 31 ხეშკილ (\\ჰეშკილ) აშხვ ჩიქქა ეზერ სოფელ ლϩმა̄̈რ ი ჲო̄რი გვა̈რ ლϩმზიგ:
Line of edition: 32 გა̄გა̄ნ ი ბა̈რვა̄ნ. ბა̈რვა̄ნშა ბა̈რვა̄ნ ძღϩდ ლϩკთილ მეზგე ლϩმა̄̈რლი. ეშხუ მამილვ
Line of edition: 33 ხარდე̄ნა ი ეჯკა̈ლიბ ჰერ სგა ხა̄დენ' ე̄რე ხეშკილ ლახე ლიყლეს ლϩმბინვინ, ჰერ
Line of edition: 34 ლახმϩლდმუყვ ჩუ ლϩმსϩმო̄ლნე̄ლი. Line of edition: 35 აშხვჟი̄ნ ესნა̈რ ოთარშა მა̄რე ი მიჩ' ა̄ფხნეგა̈რ ლა̈ხმუშგვარ ალ ბა̈რვა̄ნს. ალ
Line of edition: 36 ბა̈რვა̄ნ ხოჩა̄მდ ესხვი̄დ ი ლა̈ხჭვედდა: "მახვში, ხედ' ე̄სერ ხოცხა ლა̈ჲსად: ჩხარა
Line of edition: 37 ლϩნგა̈ზ ღუნ ჰა ეშხუ მამილვ?" ალ ოთარშე̄რ ვა̈რგდ ადსკორ' ე̄სნარ ი ხა̄̈ქვ:
Line of edition: 38 "მა̈ჲ ესერ ამგვა̈რ მამილვ (\\ მამვილ) ხორი, ეჯა̄ვ ოთზიჰ". ანჴა̈დ ესნა̈რ ბა̈რვა̄ნ,
Line of edition: 39 ღუნი ჩუ ოთზიჰ ი მამვილი̄, მარე მამვილს ჟ'ოხვსერა ღუნდ, ამგვა̈რ მეზგე ლϩ
Line of edition: 40 მა̄̈რნე̄ლი. ალ ბა̈რვა̄ნა̈რს ი გა̄გა̄ნა̈რს გუნ ეზერ ლისვფა̈ლ ხა̄რახ. გა̄გა̄ნა̈რ ჟიბე Добавлено (2007-06-12, 5:33 Pm)
---------------------------------------------
41 ხეშკილს ლϩმზიგხ ი ბა̈რვა̄ნა̈რ -- ჩუბეშს. ალჲარე ამგვა̈ჲ ხოჩა ლისვფა̈ლ ათთხამ
Line of edition: 42 ე̄ნახ ლატლი̄ ჩა̈რკვია̄ნა̈რს ი მϩლხა̈ ქუ̄რდა̄ნა̈რს. ლოხვბიდნახ უშხვა̄რდ ამბა̈ვ ი
Page of edition: 93 Line of edition: 1 ოხვსკო̄რახ ალ ჲარვ სოფლი ლიმსისგა̄რ უშხვა̄რ ნე̄სგა. გაცხაჲდ, ჟი ლოხვმისს
Line of edition: 2 გა̄რახ უშხვა̄რდ ი ეჩქანღო ხოლა̄მდ ხასყუნახ უშხვა̄რ. ეჩქანღო ა̈ნსკო̄რეხ ესნა̈რ
Line of edition: 3 ალჲარე ღალა̈ტ ი ჩვასკიბხ, მა̈ჲ ლადა̈ღ ხაკუჩ ერე ადღალტახ. მარე ქუ̄რდა̄ნა̈რ
Line of edition: 4 აშხვ ლადა̈ღვშ ხუ̄ნკვიდ ოთჩა̈შხ. აშხვ ლადა̈ღ ესნა̈რ გა̄გა̄ნ ლა̈თხვჲართ' ა̄ჩა̈დ ი
Line of edition: 5 მიჩა ყურშა̈ჲ ისგა ლა̈ჲჴერნე. ხეშკლა̈ ბოგϩლდს ეჩხა̈ნთე ქ'ა̄̈თბა̄ჴ, ეჩქას ესნა̈რ
Line of edition: 6 ა̈ნმეჴრ', ე̄რე პირწამა̈ლ ა̈გის ათსედა. ხა̈ქვ მიჩა ყურშა̈ჲს: "ჰატ, ხოლა ყურშა̈ჲ,
Line of edition: 7 ჟი̄ვ აჩა̈დ ა̈გითე ი პირწამა̈ლ ჩუ̄ვ ოხჴიდ. ლა̄პარ ესნა̈რ ჟეღ ი ა̈გით'ა̄ჩა̈დ. ა̈გის თოფ
Line of edition: 8 რე ლა̈რკინა კა̈ვჟი̄ნ პირწამა̈ლ ჟი ხა̈რკე̄ნა ი ამის ლოხვბინე ლიკა̄რჩხა̈ლ. გა̄გა̄ნა̈
Line of edition: 9 ხეხვ ხოჩა ზურა̄ლ ლϩმა̄̈რნე̄ლი ი გუდ ა̄̈მჴედ, ერე მიჩა ჭაშვ პირწამა̈ლ ჩვათსედა
Line of edition: 10 ქორს. ჩ' ოხვკი̄და, ალ ჟაღვ ყიად სგა ლოხუბა. ამპერე̄ლი ჟეღ ი ჩ' ოთჴი̄და
Line of edition: 11 გა̄გა̄ნა̈შდ პირწამა̈ლ. ლოხვბინა ლი̄ზი ი ხა̈წდა მინეშთე მეჴედ ამხვა̈რს. ბოგთე
Line of edition: 12 ქვა ლი̄ზი დეშ ოხვჩი̄შა ი ლϩცეჩხა̈ნთე კოჯხა̈ნქა ქ'ო̄თსკინა. ათხეჲ ამ ა̈დგილს
Line of edition: 13 გა̄გა̄ნა̈ ნა̈სკინ ხაჟხა. ჟ'ანჴა̈დ ესნა̈რ სოფელთე ი სოფლა̈რ ჩვადბა̈ჟნე. ამჩიქდ მϩლ
Line of edition: 14 ხა̈ ლაშგა̈რ ა̈ხჭვა̄დ სგა ღალ ხეშკილს. ოხჩϩდხ ლიშჲა̄̈ლ ი ხეშკილა̈რ ღალ მა̈გ
Line of edition: 15 ჟ'ანხვიტხ. ლა̈ჲრაკლეხ ალჲარე ქვინლϩმგენა̄̈ლ მϩლხა̈რდ სგვებინ ი ლა̈ჲბინეხ
Line of edition: 16 ლი̄ზი. ხეშკლა̈რს ი ლენჯა̄რა̈რს ხოჩა ლისვფა̈ლ ხა̄რახ უშხვა̄რ ნე̄სგა. ხეშკლა̈რს
Line of edition: 17 ლატლიხა̈ნ ამხვარე ლა̈ყრულდ წე̄რში მურყვამ ხა̈გნე̄ნახ. ეჯ მურყვამ ათხეჲ ჩუ
Line of edition: 18 ლϩგ. ობა̈შინ ჩუ ლϩმჴა̈დვინხ კვირჲა̄̈ ლა̄̈ქვი̄სგმუყვ. ამჩუ̄ნ კვირჲას ქა ლϩმყϩლვე̄ნხ,
Line of edition: 19 ჟი ლϩმმა̈ზვრინხ ლენჯა̄̈რა ლაჴვმა̈რს ი ეჩქანღო ჟი ხაჭონნახ ეჩჟი̄ნ. ალ
Line of edition: 20 ხეშკლა̈ ღალა̈ტ ა̈დკვიჰ ესნა̈რ ლენჯა̄̈რდ. ა̈დფადა̄ს ქა ი ალ ფა̄და̈ს სგ'ა̄̈ჰი̄დ მϩლხა̈რს
Line of edition: 21 ჰაწვალ ნა̈შჲა̄ლა̈ ტვიბისგა. ოხჩϩ̄დხ ლიშჲა̄̈ლ. ლენჯა̄რა̈რ ჟ'ახწინდახ ესნა̈რ ი მϩლხარე
Line of edition: 22 ჯა̈რი მათხვმი ჩვაქა̈ჩხ ბϩგიდ. ალ ლϩქა̈ჩ მა̄რე ჩუ ზ'ე̄სნარ ლა̄რაისგა ი
Line of edition: 23 ითჲა̄̈ლ: "ჰა, ბედნიერ ესერ, ერვა̄ლე ჟა̈გი მϩდე̄სგი ჩუ̄ვ ხეყა̄̈დ!" "ჟა̈გს ესერ ჲაღო
Line of edition: 24 ჯა ლოხვდე̄სგი". -- რა̄̈ქვ ესნა̈რ აშხვ მϩლϩნჯე̄რდ. ესფხიქე ხოშა̄მ ჩი̄რხუს, ხაჴიდ
Line of edition: 25 ნიჩვა̈რჩუ̄ნ ი თხვიმ ჟღა̈ბდ ოთგენე. ამჟი̄ნ ალა ამეჩუ̄ნ ჩვადგა̈რხ ესნა̈რ. ხეშკლარე
Line of edition: 26 კეთილს ი ქვილϩმგენა (\\ქვინლϩმგენა) ღვეშდ ესჭო̄ნნეხ. ხეშკლა̈რხა̈ნქა ეშხუ
Line of edition: 27 ბეფშილდ გარ ახსედა. ალა̄ჲ ტყვედ ესყენახ მϩლხა̈რს, ამისი ჟ'ახჭო̄ნნეხ, ჩუ
Line of edition: 28 ანჴიდხ ლენჯა̄̈რთე ი ამეჩუ სოლა̈ თხუმ ჩვადზიგვნეხ. ეჩი ნაბერწყ ათხე ბა̈შშა ლიხ
Line of edition: 29 ი ჩუ იზგეხ ჲო̄რი მეზგე. ეჩქანღვ'ე̄სნა̈რ ალ ხეშკლი ლიფსვნე ლატლა̈რს ხა̈კვდახ
Line of edition: 30 ი მანა̄̈შ ოთლა̄შახ. ლითე̄ლჟი̄ნ ესნა̈რ ა̈დკვიჰხ ალა ლენჯა̄რა̈რდ, ოთშგა̈ბხ ჟი ლატ
Line of edition: 31 ლა̈რს ი ქა̄და̄ტვნეხ. ეჩქანღო სერ ლატლა̈რს დეშ ოთბე̄დავახ ხეშკლა̈ ლიგვდირჲ
Line of edition: 32 ე̄ლ ი ლენჯა̄̈რს ესსედა. ათხე ხეშკილ ქაშვე̄თა̈რს ხუღვეხ. ერხი ჩუჲ იზგეხ ეჩეჩ
Line of edition: 33 უ̄ნ ი ერხის ლაბა̄̈ვდ გარ ხუღვეხ. . აშ ლალდა̈ღდ ლაშთხვერჲა̈რსი სგ' ო̄ხგა̈დხ.
Line of edition: 34 ბა̈რვა̄ნა̈ ლიზგე ათხეჲ ლაჰრა̈კდ ხუღვე ჩი̄. ლახე ჲა̈რ ა̈მზϩრი უშხვა̄რ, ხაყლეხ:
Line of edition: 35 "ბა̈რვა̄ნა̈ ლიზგე̄ვ ესერ ოხსყა მიჩ, ეჩჟი̄ნუ ესერ ოთმა̈ზრა ღე̄რბათ მიჩა ლიზგე
Line of edition: 36 ი ლირდე!" თვითონ ბა̈რვა̄ნ მღϩდ ვიდჲე̄რ, ხოჩა თვალაშ ლϩმა̄̈რ. გა̄გა̄ნ მეთხვჲა̈რ
Line of edition: 37 ლϩმა̈რლი, ქა შომვა̄̈ჲ ლϩმა̄̈ზ ლა̈თხვჲართე, ჰა̈რიდ ეჩი̄ ქორთე ლიტეხ და̄̈ს
Line of edition: 38 როქვ ხასმა. ღϩნჟი̄ნ ლა̈ჲსა მა̄მ ხა̄რა ლეჲსენი. Line of edition: 39
ლენჯა̄̈რ Добавлено (2007-06-12, 5:33 Pm)
---------------------------------------------
ხეშკლა̈ ლიხვტე Line of edition: 41 ლა̈შნა̄̈ ნავერია̄ნა̈რ ი ხეშკლა̈ ბა̈რვა̄ნა̈რ ხა̈ბკე̄ნახ უშხვა̄რ ი ჩიგარ ფათრა̈კ ხა̄რახ
Line of edition: 42 უშხვა̄რ ნე̄სგა, მარე ჟი ხოშა̄მ ლაღა̈ლს ბა̈რვა̄ნა̈რ ხა̈წნო̄ლნახ. აშხუნღვ' ე̄სნა̈რ
Line of edition: 43 ლიმო̄როვ ახა̄დდახ. ხეშკლა̈ ბა̈რვა̄ნა̈რდ ლატლიხა̈ნ ი ლენჯა̄̈რხა̈ნ ანჴიდხ ესნა̈რ
Page of edition: 94 Line of edition: 1 ნა̈რ მო̄რვა̈რ ი ლა̈შნა̄̈ ნავერია̄ნა̈რდ -- მϩლახხა̈ნ ი იფა̄̈რხა̈ნ. ალ ჲარვ თემდ ეჩხა̈ნ-
Line of edition: 2 ამხა̈ნ ესნა̈რ სარჩელ ქა ხა̄̈ქვხ მო̄რვა̈რს ი ეჩქანღო მო̄რვა̈რ უშხვა̄რ ლახსგურდახ
Line of edition: 3 ლამო̄რვას. ალჲა̈რდ ჩვასკიბხ ესნა̈რ: "ჟი̄ვ ესერ ანხვიტხ ხეშკლა̈რ ი ლა̈შნა̄̈ ნავერია̄ნა̈რ
Line of edition: 4 ი ღვ'ე̄სერ კეთილ მინს ესსედნიხ. ანჴა̈დხ ესნა̈რ ი იფა̄რა̈რდ ი ლენჯა̄რა̈რდ
Line of edition: 5 ჟ'ანხვიტხ ალჲა̈რ. ხეშკილ ლენჯა̄̈რს ესსედა ი ლა̈შნა -- იფა̄̈რს. Line of edition: 6
იფა̄̈რ Добавлено (2007-06-12, 5:33 Pm)
---------------------------------------------
. ტიტი ი გუა Line of edition: 8 ტიტი ი გუა წა̈მ ლახვბა ლϩმა̄̈რხ. ტიტი ხოშა მაგვრე̄მა ღალ ლϩმა̄̈რ ი გუახოშა
Line of edition: 9 ლϩმხა̈ლ ი ხოლე̄მი ჰარა̈კ. გუა გუნ ხასხათა̄ლ', ე̄რე ტიტი იმვა̄ლეჟი̄ნ ქ'ო̄თღი̄რე̄ნს
Line of edition: 10 დაგარშვ ი ერქϩდა̄̈ში ნამხუბი მიჩ ესსედე̄ნს, მარე ტიტ'ე̄ში̄ ჩუ ლϩმა̈რდ
Line of edition: 11 ი ლა̈ლზიგა̄ლისგა სურუ ხოჩა ლϩმა̄̈რ ქორს ი ცხეკს. მა̄̈ნკვი ქორ ხახვიე̄ნახ მინე
Line of edition: 12 ხოშა̄მ. ეჩϩნქ' ა̄ჯაღ ჟი̄ბი ლა̈ლზიგ' ო̄თგახ ი სარაგ ჰა̈ზვისგა ლოხვზვაბნახ, სგვებინჩუ̄ნ
Line of edition: 13 ხოჩა ლა̄რე ლეჭა̄̈ხი ხაღვე̄ნახ ი გუნ ხოჩა ლიზგე ხა̄რახ. აშხუნღვ' ე̄სნა̈რ
Line of edition: 14 ლაჴვა̈მი ჩუ ადგეხ. გუვ' ე̄ში̄ ხესხათა̄ლ ტიტი̄ დაგრას იმვა̄ლეჟი̄ნ. აშხვ ლადა̈ღ
Line of edition: 15 ესნა̈რ ელმϩყთ' ა̄ჩა̈დხ ზაქვთე, ჟ'ანსყეხ ხოშა ლაგვრა̈ნ (\\სვეთ) ი ხაკუჩ, ერე
Line of edition: 16 ქ'ა̄ნკვა̈რიხ ელმϩყა̈რჩუ̄ნ. გუად ხა̄̈ქვ ესნა̈რ მუხვბა ტიტის: "ჯ'ე̄სერ ჩუქვა̄ნუ
Line of edition: 17 ლოხო̄გა̈ნ სვეთს ი იგჭა̄ვ, ჯ'ე̄სერ ჟიქა̄ნჩუ ხომურჯვინვნი ი ხოჩა̄მდ ადკვა̄ნეხ ესერ
Line of edition: 18 ეჩქანღო". ტიტი ღალ ესნა̈რ გუდ დეშ აჴა̈დ გუვა̄̈ მახალს ი ჩუქვა̄ნჟი̄ნ ლოხო̄
Line of edition: 19 გა̈ნ სვეთს. ოხჯვირ' ე̄სნა̈რ გუად სგა სვეთს ი ქა̈ნგურნე. გუვ' ა̄̈ნღლ' ე̄სნარ, ერე
Line of edition: 20 "ტიტი სვეთს ესერ ა̈თნა̈ხი, ჩვა̈დდაგრი". მარე ტიტიშიშდ გიმს ხა̈ჲხა, სვეთ ჟიქა̄ნქა
Line of edition: 21 ქ'ა̄თქადა ი მა̄მ გვეშ ხა̈ყრა. ეჯღა ხაყლეხ ათხე ამჲა̈რს "ტიტი გურანს".
Line of edition: 22 აშხუნღ'ი ჟი მϩრე̄ს ახჟანდა ტიტის ი ქ'ა̄ხეთენა გუას. ჟიბე ლა̈ზგა ტიტის
Line of edition: 23 ათხვიე̄ნა ი ჩუბეშ -- გუას. ალა გუას ათლო̄ნა. ჴედნ' ე̄სნა̈რ ლა̄̈თშვ ი ყა̄̈რჩუ̄ნი
Line of edition: 24 ქორთე̄'სგა ლიგვრე̄ჭის ხობნე ტიტის. ტიტის ესნა̈რ მასა̈რდ ხაყლუ̄ნი. ეჩქას გუას
Line of edition: 25 ხო̄ქვა: "მიჩა ქორს ესერ და̄̈ვ ხა̈მთქვა, ქა̄ვ ესერ ლოხვცა̄̈დ ქორ". ტიტის შიშდ
Line of edition: 26 ქა ლოხვცა̄და. ი ჩვა̈მჴედ ჩუბე ქორთე, ათხე რაჟდენ ა̈რი, ამხა̄ვ. ტიტი̄ ნა̈თსა̈ვ ტიტიშე̄რა
Line of edition: 27 ლიხ, ერვეშდიუსგვა მეზგე ლიხ. გუვა̄̈ ნა̈თსა̈ვ გუვა̄̈ლშე̄რა ლიხ ი ეშდარა
Line of edition: 28 მეზგე იზგეხ. Line of edition: 29
ლენჯა̄̈რ |
| |
| | |
|
Мужчина |
Date: Вторник, 2007-06-12, 5:35 PM | Message # 27 |
|
Group: Модераторы
Posts: 990
Status:Offline
Дата регистрации:
2006-08-29 |
ბექა̈ჲ ი და̈რჯϩ Line of edition: 31 გვენეს გვენშე̄რ ლϩგზელ ზურა̄ლ ოხვცხვაპა ხახვდ. ზურა̄ლ ჰა̈ნდუშა თელღϩრა
Line of edition: 32 ლϩმა̄̈რლი. ალ ზურა̄ლს სამ ზავ ხა̈ჭმა სგა გეზალ გვენე. ზურა̄ლს ხაჟხე̄ნა
Line of edition: 33 და̈რჯϩ. გვენეს ჟ'ოხცხა ი მიჩა მუ ბექა̈ჲ ჩვოთდაგრა. გვენე მასა̈რდ ლϩჴმა̈შ მϩრე̄სგ
Line of edition: 34 ლა̈სვ. აშხვ ლადა̈ღ ესნა̈რ ესღრიხ გვენე ი მიჩა ნიბა̈შინ. შუკვისგა და̈შდვ ლახხვი̄დ
Line of edition: 35 ჭალა̈ჲს, სგ'ა̄ხფხიჭეხ ესნა̈რ უშხვა̄რ. და̈შდვს ეჩჟი̄ნ ოხთვϩლϩ̄რა გვენე̄შდ,
Line of edition: 36 ერე ჴადვისგა ჩვოთფი̄შგა. გვენს ვედნილდ გარ ოხჴე̄ვსრა ქა თხვიმ და̈შდვა̈ ჴალა̈რხა̈ნქა.
Line of edition: 37 ეჩქანღო ხაყლეხ გვენეშე̄რს: "გვენე გურიე̄ლა̈ჲ, ჭალა̈ჲ ლექვა ტყϩრიე̄ლა̈ჲ". Line of edition: 38
იფა̄̈რ Добавлено (2007-06-12, 5:34 Pm)
---------------------------------------------
ოთარშა ნაჭვლაშ Line of edition: 40 ეჩქას მი მახე ქემქეთ გარ ხვა̈სვ. ოთარშე̄რს მასა̈რდ ხვალტϩნდა̈ს ი აფხნეგდ
Line of edition: 41 მინჴრინახ, ლახე იმთე ღϩრდახ. მიე მასა̈რდ ხვაცხნა̈ს ოთარშე̄რთე ი ა̈გის ლირდეს
Page of edition: 95 Line of edition: 1 ეჯჲა̈რმϩყ მიცხა̄̈ნდა. აშხვ ზავ ჯა̈ნსუხდ ოთარშე̄რ მიჩა დაჩვირ ადწვი̄ლე ყა̈რჩათე,
Line of edition: 2 დუდაშე̄რთე. ეჯჲა̈რ ეჩეგ ლა̈სვხ ფუსდ ი ყა̈რჩა მინე შϩნისგ' ა̄რდა. ლინჭვლაშა̄ლე
Line of edition: 3 დვრევ ანჴა̈დ, ეჩქას ა̈დჰერხ დუდაშე̄რემ ყა̈რჩათე ნაჭვლაშა̈ ლაკა̈დდ. ოთარშა
Line of edition: 4 ჟ'ა̈ნმა̄რა̄̈ნხ. სემი ღეთ მინ აჩა̈დხ: მოსოსტრ, ბექϩრბი ი ჯა̈ნსუხ. ეჩϩნქა ფა̈მლი
Line of edition: 5 მა̄რა̄̈ლ ლა̈ჲჴერნეხ. მიე სგა ლა̈მფხანგეხ ი ოჩა̈დდ ყა̈რჩათე. ეჩეჩუ̄ნ მე̄რმა ნუკვიშდ
Line of edition: 6 ხა̈მთქვე̄ნახ მუშგვრი̄ სა̈ხ. ოთარშა ლარდა̄̈ლთე̄'სგ' ა̄დჲეხ ი ნა̈ჲ ეშხვი ოთა̈ხ ლან
Line of edition: 7 ვე̄მხ ლარდად. ლა̈ჲსა̈ლ აზიჰხ. ლეღვი ი დიარ ლეზობდ ხამვა̄̈ჲ მოშ ნეკვა̈დ, ეჩჟი̄ნ
Line of edition: 8 ნუღვა̄̈ნ, მარე გა̈ჩ მა̄მ ხახლე̄ნახ ეჩეგ ლეღვ ლაზობჟი̄ნ ი შია̈რშვ ხვიზობდად. ლეთრად
Line of edition: 9 ორა̄̈შ ი სϩრა ჰა̄ლ მოშ ნეკვა̈დ, ეჩჟი̄ნ ნუღვა̄̈ნ. სამ ლადა̈ღ ამჟი̄ნ ხვარდად ი
Line of edition: 10 ხოჩა̄მდ ჟ'ა̈ხშვემდ. მე̄შთხვამ ლადა̈ღ ქ'ა̄̈ნკიდხ ოთარშე̄რემ ნაჭვლაშდ: ერვეშდ
Line of edition: 11 ხოშა ჴა̈ნ, ეშდოხვიშდ ხოჩა ლϩქშაგუ ყვა̈რვილ, სემეშდ ლუღვინ ფირვ, აშირ ლϩნღეშტ
Line of edition: 12 დაჴϩლ ი აშირ გიცა̈რ. ეჩϩნქა სემეშდ ღეთ თვით სემი ლϩზა̈ჲ ხაბნა. ეშხვი
Line of edition: 13 ხაბნა ი გიცარ ლეზიზდ ლანვე̄მხ. ლა̈ხვრეყდ ალი მა̈გ ჯვეგ ი ლა̈ხვბინედ ლიჴედ.
Line of edition: 14 დუდაშე̄რემ ხოშა̄მ ბაჩვმუყვ მინე ფა̈მლია̈რ ლა̈ნჴერნეხ, დუდაშე̄რემ ბა̈ჩა ბოგმუყვ
Line of edition: 15 ანგენეხ ი ამეჩუ̄ნ ჩვა̈თყულუ̄რა̄̈ნდ. ოთარშე̄რ ჲეშდ ღეთ ხონჴერდახ აფხნეგა̈რდ
Line of edition: 16 მე̄რმე მესვფელა ი ეჩϩნქა ფა̈მლჲა̈რ. ბა̄ზი ხოშა̄მ ბაჩვმϩყ ხვარდად სადგვემდ. ნე̄სგაჲსგა
Line of edition: 17 ხოშა ლემესგ ოხვა̄შვედ ი ნა̈ჲ ქვინლϩმგენა̄̈ლს ი მა̈ნცინს გϩრკიდ ლა̈ხვცხა̈პდ
Line of edition: 18 მϩლჩად. მე̄რმა ლადა̈ღ აშხვ თანა̈ღს ქ'ა̄̈ხვთანღედ ი უზღვადთე̄'სგა შვიდებდ
Line of edition: 19 ონჴვიდდ ქვინლმგენა̄̈ლ. ბა̄ზ' ამეჩუ̄ნ ხაბნ' ა̄̈ზვიჰდ ი ამი̄ ლეღ ა̈ხვმა̄რედ.
Line of edition: 20 მე̄შთხვა ნა̈ბოზს გარ ონჴვა̈დდ ეცერთე̄სგა ი ჰა̈ზვ ჟ'ოხვტϩტნედ კუმაშშვ. Line of edition: 21
ლატლი Добавлено (2007-06-12, 5:35 Pm)
---------------------------------------------
ჯვინელ ხერსტავობ Line of edition: 23 მაშე̄ნე თხვიმ ბა̄̈ლϩნჟი̄ნა̈ თა̈ვსუფა̈ლ შვა̈ნისგა ჴეობ ლა̈სვ. ჴევ აშხვ ა̈დგილს
Line of edition: 24 (ხოშა̄მ ლაღა̈ლ მესტია̄̈ სეტისგა) ინზო̄რა̄ლდა. ეჩეჩუ ობა̈შ ხოჩა მა̄რე იბნა ლი̄მბ
Line of edition: 25 ვა̄̈ლს ი ხვა̈ჲ პასიხვ იჴი̄დო̄ლდა. ჴევ ქა იმვა̄̈ჲ ახქვიცა, ეჯას ჟი და̄რ მოშ აჟვმ,
Line of edition: 26 ჩუ ლეჩვემ ხა̄დ. სოფელისგა ეშხვი თხვიმ ხეყა̄̈დ ჩი̄. ეჩϩნქა ითშო̄ლდახ ხერსტავ
Line of edition: 27 ა̈რ. ხერსტავა̈რს სოფელ ამჟი̄ნ ითიშდა: ჩიქე სოფელ მოხელა̄̈შ ი ხერსტავრე მϩთ
Line of edition: 28 შის ითიშდა ქა, ეჯღ'ე̄რე აშხუდ მა̈გ ჟი იტა̄̈ვინო̄ლდა ი ლაგას დე̄მგვაშ მოშ ხა̈განა.
Line of edition: 29 მϩთშია̈რ ქა ღϩრდახ შდა̄შვ, ჩუ ისგვრო̄ლდახ ი იბნახ ლითშის. უბა̈ნხა̈ნქა
Line of edition: 30 ეს ჲორი ითშო̄ლდა, ეს -- სემი, იმხა̈ნქა ეშხვი. მა̄̈ჲ უბა̈ნისგა ხოფშირა მეზგე იზგე,
Line of edition: 31 ეჩხა̈ნქა ხოფშირა ითშო̄ლდა. ხეჩϩნქა მϩთში მა̄რა̄̈ლ, ერვა̄̈ჲ მაშე̄ნე ტე̄ვა̈ჲ ი მოხელა̄̈
Line of edition: 32 ნა̄̈ქვა უჩვმინა ლა̈სვ, ეჯასი ითშიდახ: ღვ'ე̄სერ მიჩი̄ ალას გარ ხა̄ჩვმუნი ნა̄̈ქვს
Line of edition: 33 ი ხეჰვნარვნი მა̈გ ეჩჟი̄ნ, ე, იმვა̄̈ჲჟი ჯა ხოჰვნა̈რდა ჩი̄. ეჩქანღო ჴედნიხ ი სოფელს
Line of edition: 34 ქა ხოგცხა̈დიხ, ერვა̄̈ჲ ლϩთიშ ლიხ. ალჲა̈რს, ა ხერსტავა̈რს, ჟი იყვბა სოფელ, ქ'ა̄̈ჲა̄̈სგდახ
Line of edition: 35 ლაჴვა̈მთე, ქა ითიშდახ ხოჩა̄მ მϩგϩრცა̈მის ი ჩვამბა̈ნდახ სოფლი ნა̈ჲϩრთგულაჟი̄ნ.
Line of edition: 36 მϩგϩრცა̈მი ხაყლა: "სოფლიშ მა̄̈ჲ ხოჩა̄მდ ჴედენდე̄დს, ეჯას გარ მო̄დ
Line of edition: 37 ხეშდა̈ბხ, მინე ხოჩა̄მდ სოფლი ხოჩა მო̄დ ა̈ნცხე̄ნახ, ჟიხი ი ჩუხი ჩუ ჲა̈რ ესყედა̄ნახ
Line of edition: 38 ი მუგუქა მო̄დ ესღϩრდე̄დხ, ნა̄̈თი ი მეჰერ მუგუდ მო̄დ ესყედა̄ნახ, ალ ხა̈ტ აშხვ
Line of edition: 39 ესერ ქა̄ვ ხაბა̄ჴუნ ი მე̄რმაჟი̄ნ წინწილშა̄ლუ ა̈შგრეხ!" ეჩქანღო ხერსტავა̈რ
Line of edition: 40 ხეშდაბხ მინე გვაშვ. ხოწივდახ ნა̈ვრიე̄რი ლიქვცე, სოფლი მუჟვმე̄მი ლიჲბა̄̈რი
Line of edition: 41 ქვითი ლიჲბა̄̈რი, ნეცინ ნაცვა̄ლვარე ლისყე̄ნე, და̈ბ-ლა̄რაისგა ლა̈ცლა̈ვჲა̄ლ, და̄ბ-ლა̄რაისგა
Line of edition: 42 ჰა̄̈ღვრა̄̈ ლიმწვინე ი ამკლიბ გოშა̈რ, ოდე ქა დო იცა̄დო̄ლდახ. Line of edition: 43
მესტია Добавлено (2007-06-12, 5:35 Pm)
---------------------------------------------
.მოხელა̄̈ ლითში სოფელისგა Line of edition: 2 ჯვინალდ სოფლა̈რისგა მოხელა მო̄შ შვიმჟი̄ნ ითშო̄ლდახ ი არდახ ეჩქად-ეჩქად
Line of edition: 3 ე, ოდე სოფელ მახა დო იცა̄̈დდა, ლახე ჯვინელ მოხელა დოშ ხემურჯო̄ლდახ
Line of edition: 4 ლა̈ჲდ ხოჩა. Line of edition: 5 ლისგვრე̄ ლადა̈ღ სოფელ თვით მეზგახა̈ნქა ჩუ იყვბა̄ლ. ლაყვბად ჲედ სანყვირს
Line of edition: 6 აშვმახ, მა̄დეი ჩვაზϩნგლა̈გდახ. ლაყვბალა̈ ზანგლა̈გ ქა ხოთრი̄ნდახ ი ეჩი̄
Line of edition: 7 ჰერს მა̈გ გუდ ჴედენდა. ჩუ ლუყვბანღო მა̄̈ნკვი მოხელა̄̈ მϩთშის ითიშდა სოფელ.
Line of edition: 8 ალჲა̈რ ქახიქა ღϩრდახ ეჩჟი̄ნ, ერე ჟი დო̄ს ოჰუნრე̄ნს მინე ლი̄მბვა̄̈ლ. ალ მϩთშა
Line of edition: 9 ქა ითიშდახ მოხელას ჩიქე მამასახლიშს, ღო სუდია̄̈ლს ი ეჩქანღო პოპოშნიკა̈რს,
Line of edition: 10 ამϩნქა ითიშდახ აჯაღ ხერსტავა̈რს. ამის ლაგას ხა̈გნახ, ეჩქას ქა ჴედენდახ სოფელთექა
Line of edition: 11 ი ქ'ა̄უ̄შხახ, ჲერვა̄̈ჲ ა̈ნთიშა̄̈ნხ. ჲერხი ლϩთიშს გუნ ხამჭირდახ ამხავთე̄'სგა
Line of edition: 12 ლი̄ზი, მარე სოფელ ჰაჯს დე̄მის ხაკა̈დდა ი ჩუ ლეჩვმე ხა̄დხ.
Line of edition: 13 ობა̈შინ მოხელათე̄'სგა ი ხერსტა̈ვდ ეჯკა̈ლიბა̈რსი ითიშდახ ე, ჲერვა̄̈ჲ სოფელისგა
Line of edition: 14 მაშე̄ნე კერპ ლა̈სვ ი ნა̄ქვა̈ უჩვმინა, "ღვ'ე̄სერ ჟ'ა̄ნკვიჰე, მაგვა̈რუ გა̈მა̈შ
Line of edition: 15 ხა̄̈ც მიჩ ლახე კერპდ ჲა̈რ ხეგნო̄ლნი სოფელისგა". Line of edition: 16 ლϩთიშ მა̄რა̄̈ლს სოფელ ლაჴვა̈მთე ა̈ჲა̄̈სგდა. ეჩხა̈ნქა ხა̈ტს ქ'ა̄̈სგვჯინა. მϩგϩრცა̈მი
Line of edition: 17 სგვებინხა̈ნ ხეგნოლდა ლϩთიშს ი ქა ხოგϩრცა̈მდა. ჩვამბა̈ნდა ამჟი̄ნ, ერე იმვა̄̈ჲჟი
Line of edition: 18 მინე ლირდე̄-სერდე ხა̄რხ, ამჟი̄ნ სოფლი სერდე მო̄დ ხა̄̈ცს, იმჟი̄ნ თხუმთე
Line of edition: 19 ი ქორთე ხოჩა ხაკუხ, ამჟი̄ნ სოფლი ხოჩა̄მ მო̄დ ხესკო̄რა̄ლდე̄დხ. გვაშვ ლასყე̄ნაჟი̄ნ
Line of edition: 20 წა̈მ ი მეჰერ, ამახვ ი მϩკეთ მუგუდ მო̄დ ესყედა̄ნახ, სოფელს ხოლა მახალ ჰე̄სა
Line of edition: 21 ლახჴϩმრახ, ღე̄რბათვდ ხოხვრა ხოშგურდე̄დხ ი ხაყვლი̄ნდე̄დხ ი მარად ხოშა,
Line of edition: 22 ალა ჰე̄სა ჩვემინეხ, ჩიგარ მეწვინ სამϩრთა̈ლს დო̄მ იჟღვა̄ნე̄დხ მა̄რათექა ი სოფელთექა,
Line of edition: 23 კუმა̈შდ ი ჩაფϩლდ ჰე̄სა ჩ'ოთღორვახ. Line of edition: 24 ლახე ამჟი̄ნ ქ'ა̄დჲახ ალ გარცა̈მ, ეჩქას ჩვა̈მზირდახ ი ლახე მო̄დე, ეჩქას ხოლა̄მ
Line of edition: 25 გვა̈რიშჟი̄ნ ჩვაჭთუნახ. ქა ნაგϩრცამუნღო მოხელა გარცა̈მს ხა̈ტხახ, ერე მინს
Line of edition: 26 ჩუ მა̄̈ჲ ხეხლიხ ი ლა̈თჲა̄ლს ი ღვენი ბედს მა̄̈ჲ ხე̄რიხ, თხვიმ ჩვე̄ს' ა̄დზა̄რახ სოფლი
Line of edition: 27 ბედჟი̄ნ, ტკიცჟი̄ნ მო̄დ არდე̄დხ, სოფლი ხოჩა̄მ გარ დო̄მ ხეშდა̈ბხ.
Line of edition: 28 ალ გარცმი ნა̈ტიხუნღო მოხელაჲ ჩვანბა̈ნდახ სოფელს, ერე "მინე ლი̄ქვს ჩუ
Line of edition: 29 დო̄მ იჩომდე̄დხ". სერ ეჩუნღო ჩუ ფხეჟენდახ. Line of edition: 30
ლენჯა̄̈რ Добавлено (2007-06-12, 5:35 Pm)
---------------------------------------------
მϩმჟა̄̈ლ ვა̈რგი დაგრობ Line of edition: 32 გუნ დო̄სგ, ჯვინალდ მϩლახ-მϩჟა̄ლს ხაფსვნე̄ნა მϩჟა̄ლვა̈ ვა̈რგ. ეჯჲარე გვა̈რიშ
Line of edition: 33 ათხე დარ ა̈რი ი მა̄̈დო გვა̈რ ხა̄დხ, ალა̄ჲ და̈ს ხოხალ ათხე. Line of edition: 34 ალ ვა̈რგს მა̈გ ჩუ ლϩბგერე ხა̄რა მϩლახ-მϩჟა̄ლისგა. სურუ ვიდჲე̄რდ ლϩმა̈რდე̄ლი.
Line of edition: 35 ტველდ ჟი და̄̈ს ლϩმკიდვინ ი მასა̈რდ ლϩმჭი̄რვინ მϩლახ-მϩჟა̄ლვა გლეხა̈რს
Line of edition: 36 (\\ ხა̈ლხს). ხოჩა სი̄მაქ მა̈გ მიჩ ხა̈კვდა ლელატდ ი ესვა̄̈იშდ გვი ხა̄რა, ვარს და̄̈რმოშ
Line of edition: 37 ხაყლუნა. ეჩϩნქა ხოჩა ჴა̈ნ ი ფირვ ესვა̄̈ჲ ხარდე̄ნა, ედ ას ცვიდდ ხა̈ბშო̄ლნა
Line of edition: 38 ი მა̄დეი უყე̄ნა ქვინლϩმგენა ხაცა̄დუნა. ობა̈შინ ჟი ხასგვრო̄ლნა ჰილვს, ლϩმბინვინ
Line of edition: 39 ლი̄ზის ლექვა̄̈ სოფლა̈რთე. ჯა ჟა̄ბეშ ლϩმზიგ ი ეჩხა̈ნ ლექვა ხა̈ჭმა̈ნვნა. მეზგახა̈ნ
Line of edition: 40 ქა ზურალა̈რს ხაკუხ, ერე ბარჯა̈რჟი̄ნ ჯარა̈რშვ თა̈შმϩჯა̈ბ ხა̈გნე̄ნხ, ალჲა̈რს ქა ხადო̄ლნა
Line of edition: 41 ალ ვა̈რგ, ჰილვხა̈ნჩუ̄ნ ჩუ ლიქეხს დე̄მ ლϩმშგა̈დვინ, ეჩხა̈ნქა ხა̈ჰწვა̈ნნა ქა
Page of edition: 97 Line of edition: 1 ჯა̈რს ი ყო̄შშვ ჟი ლუმწვა̄̈ნვინ. ლახე ხოლა̄მდ მϩსყე ხაბჟე̄ნა თა̈შმϩჯა̈ბ, ეჩქას ჯა̈
Line of edition: 2 რს ჩუ ხაკვრუნა ბარჯხა̈ნჩუ̄ნ ი ჩუ ლϩმცϩლϩ̄რვინ. ამჟი̄ნ ლექვა ხაჭმა̈ნვნა ლექვა̄̈ მϩლახთე.
Line of edition: 3 ეჩხა̈ნ ლექვა-ლექვა ლϩმჴა̈დვინ კახϩრ ზაგარვ. მესტიას ჩუ ლϩმსϩ̄ნჯვინ,
Line of edition: 4 ეჩქანღო ჟი ხაჭო̄ნნა ი ა̈გითე ლϩმა̄̈ზ. ამის ესნა̈რ მა̈გ ჟ'ახჟანდა, მარე ქა და̄̈რ იმის
Line of edition: 5 მოშ ხობე̄და̈ვი. აშხვ ლადა̈ღ ესნა̈რ ჟორჟლა̄ნა̈რდ უშხვა̄რ ლახვა̈ზრეხ ალ ვა̈რგი
Line of edition: 6 ლიღლა̈ტი. ალ ვა̈რგ აშხვჟი̄ნ აჯაღ ანჴა̈დ ესნა̈რ თა̈შმϩჯბი ლაწვა̄̈ნუშ ლექვა. ეჩქას
Line of edition: 7 ესხვი̄დხ ჟორჟლა̄ნშა ხოშა̄̈ლ ი ჩვა̈ტსეხ (\\ ჩვა̈წსეხ) არცხე̄ლთე. ამეჩუ̄ნ ესნა̈რ
Line of edition: 8 სგ' ო̄თჟოღხ ნესტანშე̄რ მა̈ჟი̄ბთე̄'სგა ი გუნ ხინ აჩვმინხ. ბა̄ზი ალ ვა̈რგს ესნა̈რ
Line of edition: 9 რა̈ნგს ი ნათხუმ ჰარა̈ყს ხოცა̄დუნეხ ი გუნ ჩვადშდϩმეხ, ეჩქანღვ' ა̄̈ხჭვა̄დხ სგა ი
Line of edition: 10 ჩვადგა̈რხ. ამჟი̄ნ ა̈დღირხ ქა ალ ვა̈რგ. Line of edition: 11
მესტია |
| |
| | |
|
Мужчина |
Date: Вторник, 2007-06-12, 5:37 PM | Message # 28 |
|
Group: Проверенные
Posts: 352
Status:Offline
Дата регистрации:
2006-09-07 |
იფა̄̈რიშ ი ზეგა̈ნი გვეშ Line of edition: 13 ჩიდ მა̄̈ნკვი ბოგრეშ ლϩმზიგხ პირველშა, მარე ალ მეზგე შარვა̄ნშე̄რ ჩვოთღალტახ.
Line of edition: 14 შა̈რვა̄ნშა ეჩქად ბოგრეშ ჟიქა̄ნ შა̈რს ლϩმზიგხ. პირველშე̄რ მა̄რა მϩლატეხ
Line of edition: 15 ზურა̄ლ ხაყე̄ნა ხახვდ ი შა̈რვა̄ნა̈რ სგ' ა̄̈მჩედხ პირველშე̄რთე̄'სგა, ეჩქას ალ
Line of edition: 16 ზურა̄ლ ჩვათჩედახ ი სგ'ა̄̈მჩედ ლელტხათე, მიჩა ლამვარა̈რთე. ალ ზურა̄ლ ღანავ
Line of edition: 17 ლϩმა̄̈რ, ჩვალღვა̈ჟ ი ჲე̄რუ ჭყინტ ოხვთავა. ალ ბოფშა̈რს ჟ'ოხვცხახ ი გუნ ლამარგ
Line of edition: 18 მახეღვაჟა̈რ ახფასახ, ლელტხაისგა̄̈ მახეღვაჟა̈რს ჩი̄ ჟი ხა̈წნო̄ლნახ, ეჩქას
Line of edition: 19 ლელტხა̄̈ლ ხასყვა̈დრუნახ: "მინ ესერ ხოჩა მახეღვაჟა̈რ ჰე̄ ლიხ, მინე ქორ ი მინე
Line of edition: 20 ტყოფუ ა̈ნთხეხ". ალჲა̈რ ესნა̈რ ქა ლა̈ხჭვედდახ მინე დის ი: "ლ'ე̄სერ მა̄ ალა ტკიც,
Line of edition: 21 ა ლელტხა̄̈ლ ხესყვა̄დირხ". მინე დიდ მა̈გ ქ'ო̄ხუნბავე, იმჟი̄ნ ანხვიტხ შა̈რვა̄ნა̈რდ,
Line of edition: 22 იმჟი̄ნ ოხვჩა̈დ ჯა ქა ი მა̈გ ქა ხა̄̈ქვ: "მინე ლა̈ლზიგ' ე̄სერ ბოგრეშ ლი" ი შუკვი
Line of edition: 23 ქა ლახთო̄ნე ლალსი̄ლქა̄̈შ. ეჩϩნქა ხა̄̈ქვ, ერე "მინ ესერ ქა ხეწდენიხ შა̈რვა̄ნა̈
Line of edition: 24 ქორს. ახანახა ლადა̈ღ ესერ ნადობ ხე̄რი, შა̈რვა̄ნ ესერ ჰილვს ხესგვრი. მინ ესერ
Line of edition: 25 ლაჴა̈ვ მა̈რკვა̄ლა̈ ბა̈ჩა̈რს სგა̄ვ ლა̈ხპა̈ჟხ ი ეჩხა̈ნქ' ე̄სერ ეზერ ლადგა̈რ ხოჴდენიხ".
Line of edition: 26 ალ მახეღვაჟა̈რ ქ'ა̄ნჴა̈დხ ესნა̈რ ამხა̈ნჩუ̄ნ ი სგა ლა̈ხპა̈ჟხ მა̈რკვა̄ლა̈ ბა̈ჩა̈რს. ლა̈დ'
Line of edition: 27 ე̄სნა̈რ შა̈რვა̄ნს ახანახა ხა̄რ ი ნადა̈რ ხაწა. ეჯკა̈ლიბ ხოლა მა̈ნკიშ ლϩმა̄̈რ ალ შა̈რვა̄ნ,
Line of edition: 28 ერე ხოჩა̄მ ზურა̄ლს ი ხოჩა̄მ ჭემი სა̈ვს ჩი̄ მიჩე ქორთე ხა̈სპუნა. ახანახა ლადა̈ღ
Line of edition: 29 ესნა̈რ ჟ'ახსგურდა ჰილვს ი ლა̈ჲბინე ლი̄ზი ლა̄რა̄̈ლთე. მა̈რკვა̄ლა̈ ბა̈ჩა̈რთექა
Line of edition: 30 ქ'ა̄̈ხჴა̈დϩ̄ნ, ეჩქას ოთცა̄დუნეხ ლახვბად თოფა̈რ ი შა̈რვა̄ნ ჟ'ესრიწვხ ამეჩუ̄ნ. ნა̈ბოზს
Line of edition: 31 ესნა̈რ ნადა̈რ ალმა̄̈ზხ ლა̈ჭმახა̈ნ, ეჩქას გარ ახხვი̄დხ შა̈რვა̄ნ ჩულϩდგა̈რ
Line of edition: 32 ი გუნ ათϩმბაჟე̄ნახ: "ჲა̈რ ესერ ადდაგრი̄ს ამეჩუ̄ნ ალ მა̄რა!" ალ ლახვბად
Line of edition: 33 ესნა̈რ შა̈რვანა̈რ ჟ'ანხვიტხ ქორისგა ამ ლადა̈ღ ჟი ნაჭო̄ნუნღო ი მინ სგ'ა̄
Line of edition: 34 ჩა̈დხ ჴაც მურყვამთე̄'სგა. ეჩხა̈ნჩუ̄ნ ჩვანჴა̈დხ ესნა̈რ ი მინე ჯვინელ ნალზიგვჟი̄ნ
Line of edition: 35 ჩვა̈დზიგა̄̈ნხ. ეჩქანღვ' ე̄სნა̈რ ჩვა̈დფიშრა̄̈ნხ. ეშხუ ჩვასა̈დ ბოგრეშ ი მე̄რმე ნაკი
Line of edition: 36 ფა̄̈რს ა̈დზიგა̄̈ნხ. იფა̄̈რ ქორ ა̈დგე აშხვ მუხვბე̄მ. ეჯ ქორისგ' ა̄თხე ჩიტჲა̈ჲშა იზგეხ.
Line of edition: 37 ამეჩუ̄ნ ესნა̈რ ჩვა̈დზიგა̄̈ნხ ი ეჩქანღო ჩვა̈დფიშრა̄̈ნხ. რა̄̈ქვხ ესნა̈რ: "სანგეჭუ მ'ა̄დ
Line of edition: 38 გეხ ესერ". ბაკუს ხო̄ქვა: "ჯ'ე̄სერ ადგემ ლაბიგ ქორს ი ლოხმარჯვეხუ̄". ამჟი̄ნ
Line of edition: 39 ესნა̈რ ჩვადგეხ კϩ̄რშა̄̈რ ქორ ი მურყვამ. მურყვამ ქ'ა̄დზϩგრეხ, ეჩქას ესნა̈რ ჴა̈ნი
Line of edition: 40 ქ'ა̄ნკვა̈რხ ჟიქა̄ნხა̈ნჩუ̄ნ. მურყვმა̈ ლაგა̈მჟი̄ნ ბა̈ჩს ი იშგან მასალას ლამე̄შხოშ ლϩმ
Line of edition: 41 ჲა̄̈სგვინ მა̈გ, ადო მა̄რე იმჟი̄ნ აჲა̄̈სგუნო̄ლ ამჟი̄ნ კϩლთხითეჟი̄ნ. ალ ქორა̈შ ი მურყვმა̈
Page of edition: 98 Line of edition: 1 ნაგა̈მუნღვ' ე̄სნა̈რ გუნ ეზა̈რ ლა̈ხჲადა̄ლ აჩვმინხ. ეჯ ქორისგა ერვა̄̈ჲ იზგეხ
Line of edition: 2 ეჯჲა̈რს კϩ̄რშა̈რს ხვაყლედ. Line of edition: 3
იფა̄̈რ Добавлено (2007-06-12, 5:37 Pm)
---------------------------------------------
ქედიშა Line of edition: 5 ქედიშა მა̄̈ნკვი იფა̄̈რისგა ლϩმზიგხ. აშხვ დვრევქა ეზერ თემ ლϩმა̄̈რხ, მარე
Line of edition: 6 აშხუნღო ჟ'ამხვეტე̄ლიხ, ეშხუ მეზგე გარ ა̈მსედე̄ლი. ჯვინალდ ხოხვრა̄მ თემი
Line of edition: 7 მა̄რა გუნ ჟიბავ თხვიმი ლაკა̈დ მა̄მა ხა̄დ. ეჯღ' ე̄რე ლახე იმის ოთბა̈დვი̄ს ხოშა̄მ
Line of edition: 8 ლϩჴმა̈შ თემს, მიჩ მეწე̄ნა̄̈ლ და̄̈რ ხეყად ი ხოშა̄მ თემი მა̄რა ხვა̈ჲ მეწე̄ნა̄̈ლ ხეყა̄̈დ.
Line of edition: 9 ამჟი̄ნ ჟი მϩრე̄ს ახჟანდახ ქედიშე̄რ ი ჩოლირთ' ა̄̈მჩედ ლა̈ზგა̄ლდ. ამეჩუ̄ნ მϩწდის
Line of edition: 10 ჩვალზიგე̄ლიხ. ამეჩუ̄ნ გუნ ხოჩა მეზგ' ა̄ხფასახ ი ეზერდ ლϩმზიგხ, მარე აშხუნღო
Line of edition: 11 ამეჩუი ჟ'ა̈მხვეტე̄ლიხ ი და̄̈რ ათსედახ ღალ ქორისგა. ანჴა̈დ ესნა̈რ იფა̄̈რ ი სგ'ა̄ჩა̈დ
Line of edition: 12 ჩო̄ლირთე. ამეჩუ̄ნ ქედიშე̄რ გიმ-მეგა̈მს ი ქორს ალჲა̈რ ლოხვგუდირდახ. ახა̄დხ
Line of edition: 13 ეჩქანღო ლიმოროვ ი იფა̄რა̈რს ოთქვა̈ცხ ჩო̄ლა̈რხა̈ნქა ერვეშდიჲერუ ჩხა̈ფ
Line of edition: 14 კვეცენ, გიმ ჩო̄ლირს ესსა̈დ, ალ კვეცენ ჩო̄ლა̈რს ჟი ლეჴდე ხა̄რახ ჩე̄რხა̈შ ზაგა̈რთე.
Line of edition: 15 ამეჩუ̄ნ იფა̄რა̈რ ქა ხა̈ბშო̄ლნახ ი ა̈გითე ლϩმჴიდვინხ. ჩო̄ლრიშ ი იფა̄̈რი
Line of edition: 16 საზღვა̈რ ლი ლე̄ლო̄და̈ ლატა̈ფ. Line of edition: 17
იფა̄̈რ Добавлено (2007-06-12, 5:37 Pm)
---------------------------------------------
119. ფალა Line of edition: 19 ცხϩმა̈რისგა სოფლა̈რს აშხვ ლეზგარა ხაჟხა ი მე̄რმა -- მაგარდელ. ალჲარე
Line of edition: 20 უშხვა̄რ ნე̄სგაჩუნ ტვიბრ' ა̄ნღრი. ტვიბრას ჟიქა̄ნ ლა̄რა̄ლ ლიხ ლა̈ჭმა. ალ ლა̄რა̄̈ლ
Line of edition: 21 ნე̄სგაისგა მურყვამ ხუნ გარ ლϩგ. ეჩის ლექვახი̄ნ ზუგულდშა̄ლ ხა̄რ. ამის ლექვახი̄ნ
Line of edition: 22 ლეგვროვა̄̈რ გიმ ლი. ამის გϩრკიდ ცხეკ ხაჭო̄ნა ი ალ ა̈დგილა̈რს ცხϩმრა̈რ
Line of edition: 23 ფალას ხაყლეხ. Line of edition: 24 ალ ფალა̄̈ ბედჟი̄ნ ჩუ მესდე ლი ალ ამბა̈ვ ა, ხედვა̄̈ჲს ამუნღვ' ა̄̈ლმეჴრიდ:
Line of edition: 25 ჯვინალდ ამჩუ ლϩმზიგ ლϩფკე̄ლ იმახათ. გუნ ეზერ ლა̈წვა̈შ ლϩმა̄̈რ ი ფა̈თვ
Line of edition: 26 ხა̈გნე̄ნა ეჯზუმ ჯოდი, ერე ჩალდა̈ყჟი̄ნ ლახე ლუმსგურო̄ლინ ლაცხე̄ნჲა̄ლდ, გიმთეჩუ̄ნ
Line of edition: 27 ხაჰო̄ლნახ ლუსდგვა̈რ. ალ ზურა̄ლს გუნ ხალტე̄ნა მიჩა გლეხა̈რ ი ქორსმერდა̄ლა
Line of edition: 28 სი ი სოფელსი̄ გუნ ხალტე̄ნახ, ეჯკა̈ლიბ მალჟϩრვა̄̈რ ი მოლა̈ტ ლϩმა̄̈რ ჩი̄მიშ.
Line of edition: 29 დვრევ ახჴედ' ე̄ჩქას ჩვალდაგა̈რ ალ იმახათ ი სოფელს ჲო̄რი ჩეი̄ ლϩლღენ
Line of edition: 30 ოხვსყახ კუბი მϩქაფდ (ჯვინალდ ხოშა̄მ ლϩმბეცს ამ ლϩლღნარშვ ლϩმშდუღვინვხ).
Line of edition: 31 ამხავთე̄'სგ'ე̄სგვეჯნახ ალ ზურა̄ლ ი იშგენ განზა̈რსი̄ ათყა̈ნვი̄სხ, მა̈ჲ საკვრელ ლი.
Line of edition: 32 ამჟი უცხვდ ჩ'ოთშდუღვახ ეჩეჩუნ ე, იმვა̄̈ჲ ათხე რიყი გოვარდ ლი.
Line of edition: 33 სერ ალ ლϩფკე̄ლს და̄̈რ ათსედა ღალ ი ჟ'ა̈მხვეტლიხ ალ გვა̈რ ი მინე მერდე.
Line of edition: 34 ეჩქანღო, ხვა̄̈ჲ ხა̈ნ მეჩდანღო, ოთარშ' ე̄სფუსნე̄ნახ ცხϩმა̄̈რს.
Line of edition: 35 აშხვ ზავ, ალა ლა̈სვ ხელწიფი დვრევჟინ, რუსე̄თხა̈ნ ამჴედϩლი ოთარ ოთარშა,
Line of edition: 36 თათარყანი მუხვბე. ამის ქა ხასმა იმახათი ლაშდღვია̈რ. აშხვ ლადა̈ღ ესნა̈რ
Line of edition: 37 ლა̈ჲჴერნე მიჩა ბიძა̈ჲ, ცხϩმრი მახვში ბექϩრბი̄ დი̄ნაგეზალ, კატი, ეჩϩნქა გლეხა̈რ,
Line of edition: 38 აჩა̈დ ამხა̄ვ. Line of edition: 39 ლახბინა̄̈ვნე ლიბϩრჯე, მარე ლϩლღნა̈რმუყვ დეშ ოთჰა ი იშϩენ ბა̈რგ ახხვიე̄ნა.
Line of edition: 40 ალჲარე ნა̄ზუნღო კატი ლეგდ ალმარდლი ი ჩვალდაგა̈რლი. ალ კატი დაგრა
Page of edition: 99 Line of edition: 1 მიჩა დის ი მუს ალ საფლა̈ვი ლიბϩრჯედ ლოხვბϩრლახ. ეჩქანღო იმახათი საფლა̈ვჟი
Line of edition: 2 ჲო̄რი ბა̈ჩ ა̈რი. ეჯჲა̈რჟი̄ნ ჩიგარ ლეტვრა̄̈ლს ლუმტვარინხ ი ხაჴϩ̄რა̄ლახ ღე̄რბათ
Line of edition: 3 ალ ცოდა̈ ლიჩვემი ლისა̄̈რვინეს. Line of edition: 4 ალ ბა̈ჩა̈რ სბენდკიშ ლიხ ჲო̄რი. ექϩრდა̈შ ლეჭვდი ხა̈ჲრახ ი ცოდ ლიხ ლედა̄ვშად. Line of edition: 5
ლენჯა̄̈რ Добавлено (2007-06-12, 5:37 Pm)
---------------------------------------------
120. ურზა̈ჲშა გიცა̈რ Line of edition: 7 ტიტიშა ფა̈მლი ლϩმა̈რდ ლაღამს მიჩა ლა̈დჲარა̈ლმϩყ. ჯვინა̈ლდ ი ათხე̄ჲ ლა̈დჲა̈რთე
Line of edition: 8 მა̈გ ესღრი. ჯვინა̈ლდ ნიბა̄̈შინ ქანა̈ სა̈ხსი ქა იკა̈დდა ლა̈დჲარხა̈ნქა. ქანა̈
Line of edition: 9 სა̈ხ ხეჟხა̄ნ ამის ა: ზავისგ' ა̄შხვ ლადა̈ღ, მუჟღვერხა̈ნ ი̄რო̄ლ, ჰა ლუფხვხა̈ნ, ნიბა̄̈
Line of edition: 10 შინ ღϩრდა მიჩა ლა̈დჲა̈რთე ქანა სა̈ხ ლაკა̈დთე. ლა̈დჲა̈რ ქა ხოჴდახ სამღეთ ი ო̄შთხვ
Line of edition: 11 წყა̈დ ქანს. ნიბა̄შინ ჩუ ისგვრო̄ლდა ი ჰამუნღვე̄ ნა̈ბოზდ იმვა̄ჲ მოშ ატმϩ̄რა
Line of edition: 12 ქანს. ეჯა ქორთ' ე̄სღვა̄̈ნ ლელთად ი თა̈კვა̈რია̄ქდ. ამი ლაკა̈დთ' ა̄ჩად ესნა̈რ ტიტიშა
Line of edition: 13 ფა̈მლი, მარე მესტჲათ' ა̄ჩა̈დ, ეჩქას ა̈ცხირ, ერე მესტჲას ჟა̈მ ა̈მჴედე̄ლი ი ლაქა̄̈ბთ'
Line of edition: 14 ე̄ლმა̄̈ზ მა̈გ. ამნე̄მ ესნა̈რ ჟ'ოსჭვე̄ნ ი ა̈გით' ა̄ნჴა̈დ. ა̈დკვიჰ ესნა̈რ ალა სოფელდ
Line of edition: 15 ი ჟ'ა̈ნნა̈ზო̄რა̄̈ნ. ეჩქას სოფალშვ ხა̈მთქვე̄ნახ, ერე მა̄̈ჲ მეზგაისგა ჟა̈მ ჟი ლϩმგვა̈
Line of edition: 16 ბო̄ლინ, ეჯ მეზგა ი ლეგდ მერდა ჩუ ლϩმშიხვინხ, ღვ' ე̄სერ სოფელს დე̄მ ესფხეჟნი
Line of edition: 17 ჟი ჟა̈მ. ჟ'ანსყეხ ესნა̈რ ლა̈შხია̈რ ი სგ'ა̄ხა̄გა̈ნხ ტიტიშე̄რს ი ჩუ ლიშხი ხაკუხ.
Line of edition: 18 ამჟი̄ნ ალჲარე ხოშა̄მ გიედ ხა̄̈ქვ: "მინე ფა̈მლ' ე̄სერ ა̈მჩედე̄ლი მესტჲათე, მარე სო
Line of edition: 19 ფელთე̄სგ'ე̄სერ მა̄მ ხო̄ზნა. ჩიქ' ე̄სერ და̄̈ს მაგვეშ ხათϩმხ ი შომვა̄̈ჲ ესერ ჟ'ანგვბ
Line of edition: 20 ენი ეჩქ'ე̄სერ იმთ' ო̄თჩედნიხ. ეჩქად ესერ იმნარ იცვემხ მინე ცოდს". სოფელდ
Line of edition: 21 ესნა̈რ ჟ'ესჭვე̄ნხ ი ლაქა̄̈ბთე ლი̄ზი ლა̈ჲბინე ჩიემ. ნე̄სგუნ ესნა̈რ ტვიბნა̈რთ' ა̄ჩა̈დ
Line of edition: 22 ლაქა̄̈ბდ. გიე ურზა̄̈ჲშა ჩი̄ჟე ლϩმა̄̈რ. ალჲა̈რ იშგვიდ ლϩმა̄̈რხ ლახვბა ი სურუ
Line of edition: 23 ხოჩა ლიზგე მირ ხა̄რახ. გიე მინე ჩი̄ჟე ლϩმა̄̈რ. ამის ხა̄̈ქვახ ესნა̈რ მიჩა ლა̈სმუნად:
Line of edition: 24 "მინ ესერ ლიმზϩრშვ ჩუ ხაშიდხ თხუმ ი მინეშთევ აჩად". მარე გიეს მა̄დ ხოჩვმინა.
Line of edition: 25 ალჲა̈რს ესნა̈რ იშგვიდ ლϩზა̈ჲ თვეთნე გიცა̈რ ხარდე̄ნახ დარბა̈ზს. ანჴიდხ
Line of edition: 26 ესნა̈რ ჩუ, ჟ'ათმა̈ზრეხ. ა̈ზიჰხ ჩუ ი ლატფუ̄რაჟი̄ნ ლახვე̄მხ ესნა̈რ გვი ტუფიშ ი
Line of edition: 27 ძვერი ნე̄სგა კინჩხხა̈ნქა ი ჰაკვა̈დმუყვ მეშხე ვიჯ ხა̈ყვნე̄ნა. ამის იმ ა̈დჴϩმრი̄სხ. ეჯჲა̈რ
Line of edition: 28 მა̈გ ჟ'ა̈მხვეტე̄ლიხ ჟა̈მშვ. Line of edition: 29
ლენჯა̄̈რ Добавлено (2007-06-12, 5:37 Pm)
---------------------------------------------
Text: 121
Page of edition: 99
Line of edition: 30
121. მურყვმა̈ ნამრიღვ დოლა̈ სვიფისგა |
| |
| | |
|
Мужчина |
Date: Четверг, 2007-06-14, 5:22 PM | Message # 29 |
|
Group: Модераторы
Posts: 990
Status:Offline
Дата регистрации:
2006-08-29 |
31 ბეჩვის დოლა̈ სვიფ ხაჟხა სოფელ დოლჩუქვა̄ნ ლა̄რა̄̈ლს. ამეჩუ̄ნ ათხე მო̄შ
Line of edition: 32 ქორა̈რ ლϩგხ: ფოშტა, ოქვრა̈ წარმოება̄̈ შენობა̄̈ლ ი იშგენ. Line of edition: 33 ნე̄სგა სვიფისგა ხოშა̄მ ბაჩვჟი̄ნ მურყვმა̈ ნამრიღვ ლϩგ, მარე ეჩჟი̄ნ მეგჭად
Line of edition: 34 ჩუ̄დ ლϩგ, ერე ნარმეცხი ლა̈ფცხა მა̄მ ხა̄რ. გუდ ლაჴი̄და̄̈რ ლი, ერე ალ ბაჩვჟი̄ნ
Line of edition: 35 წეს მურყვამ ლϩმგენელი შომვა̄ლე. ალ მურყვმა̈ ნამრიღვი ბედჟი̄ნ ბეჩვი̄ლა̈რ ალ
Line of edition: 36 ამბა̈ვს ამბვიხ ა: ალ მურყვამ ლϩმა̄̈რ ლა̈ყრულ მურყვამ ი თხუმ ზანგლა̈გ ხა̈რკე̄
Line of edition: 37 ნა. ალ ზანგლა̈გს ჲო̄რი ბერჟა̈ ნა̄ჭა ხა̈ბმე̄ნა. დოლ ლექვა̄̈ნ, ჭალა̈ჲ დოლრა̄̈ პილს,
Line of edition: 38 ხოშა ლა̄რე ლი, ჩეშა̈რ. ამე̄'სგა კϩლთხი ღუმირ ლϩმგენელი ი ამის ხა̈ბმე̄ნა აშხვ
Line of edition: 39 ნა̄ჭა̄̈ კა̈ცხ. დოლ ლეჟა̄̈ნ სოფელს ჭკიდანა̈რ ხაჟხა. ალ სოფელ ლექვა̄̈ნჩუ̄ნ, ფედჲ
Line of edition: 40 ას, ათხე̄ჲ ჩულϩგ ეშხუ ხოშე̄მიშთა̄ნ მეჩი ღუმირ, მე̄რმე კა̈ცხ ალ ღუმირს ხა̈რკე̄ნა.
Line of edition: 41 ეშხუ მა̄რე ჩიგარ მურყვამჟი̄ნ ლϩმა̈რდ ლა̈ყვრილდ, მე̄რმე -- ჩეშა̈რი ღუმირმϩყ
Page of edition: 100 Line of edition: 1 მე̄სმე -- ჭკიდანრი ღუმირმϩყ. ალ ღუმრა̈რსი კაცხა̈რჟი̄ნ ზანგლაგა̈რ ხა̈ბმე̄ნახ ი
Line of edition: 2 ნა̄ჭა̄̈ კაცხა̈რ ეჯჲა̈რს ხა̈ბმე̄ნახ. Line of edition: 3 მურყვამჟი̄ნ მერდე ლახე ლϩმმა̈ჴვრინ, ერე ამხვა̈რ ანღრიხ ბეჩვითე̄'სგა იმ
Line of edition: 4 ვა̄ლეხა̈ნ, ჩუქვა̄ნ მურყვამჟი̄ნ ზანგლა̈გს ხატყცინა ი ღუმრა̈რჟი̄ნა ზანგლაგა̈რსი.
Line of edition: 5 ჩეშა̈რ მერდე ლეჩყა̈ნს ი ქართვა̄̈ნის ხა̈ბჟინნა ალ ამბა̈ვს, ალჲარ -- ცხϩმა̈რს ი ჲეცერს.
Line of edition: 6 ჭკიდანრი ღუმირ ჩუქვა̄ნ მერდე უშხვა̄ნა̈რს ხა̈ბჟინვნა, უშხვა̄ნა̈რ -- მაზე̄რს,
Line of edition: 7 მურყვამჟი̄ნა̈ ზანგლა̈გს ეჩი̄ზუმ ჰერ ხადე̄ნ', ე̄რე ლატლი̄ სოფლა̈რს (ლეშუკვს
Line of edition: 8 ი სიდჲა̄ნა̈რს) ქა ხასმო̄ლვნა. Line of edition: 9 ამჟი̄ნ უშხვა̄რა̈ ბა̈ჟინუნღო თვეფი მϩგჭე მახეღვა̈ჟ მა̈გ ჟი ლϩმნა̈ზო̄რა̄ლვინ
Line of edition: 10 ი ჩუ ლϩმფადა̄სნო̄ლნი იმხა̈ნვა̄̈ჲ ამხვა̈რ ანღϩრდახ, ეჩხა̄ვ ი სგვებინხა̈ნ ხა̈ხვჲო̄ლნახ
Line of edition: 11 სგა მეშგებს. Line of edition: 12 ამჩუ̄ნ ლიშჲა̄̈ლ ხაჩϩ̄დო̄ლნახ, ტკიც გვეშ ლ', ე̄რე ამხა̄ვი ლϩმდაგრო̄ლინხ
Line of edition: 13 შვანა̈რს, მარე ხოშა̄მ ლაღა̈ლს შვანა̈რ ლϩმა̄̈რხ ჟი მϩნწირ ი ამხვა̈რს აშხვ დე̄მ ლϩმფიშვდინხ
Line of edition: 14 მუ̄მბვიდ. Line of edition: 15
ლენჯა̄̈რ Добавлено (2007-06-14, 5:21 Pm)
---------------------------------------------
ქრისდე̄ ნაჭო̄ნ Line of edition: 17 ხოშა̄მ ღე̄რბათ ქრისდედ ი სამა̄̈ლა̈შდ ლოხვბარჲა შვანს ი მაშრ' ა̈დგილს ლეყ უნზელა̄̈
Line of edition: 18 ლიშნა̈ვი. ფისრა̈ჲ სამა̄̈ლს შვა̈ნისგა ხა̈ხვჲე̄ნა ამი ლიშნა̈ვ ა̄ ლეყუნზელა̄̈შ,
Line of edition: 19 ი ქრისდეს იმრე̄თ, ლეჩხუმს ი ეჩხე̄ შვა̈ნს. ალჲა̈რ ნა̈შნაუნღო უშხვა̄რ იმვა̄̈ჲ ლა̈ხხო̄ლხ,
Line of edition: 20 ეჩქას სერ მინე გვეშ ქა ლუსრულე ხა̄რახ ი ჩუ მეფხეჟ ლϩმა̄̈რხ. ქრისდედ,
Line of edition: 21 დიდა̈ბ ლეჴედდ ი მა̈ლდშვ გვეშიდ, ჩვადშანვ' ე̄სნა̈რ მიჩა ფოყხა̈ნ ლეყუნზელა-ჲ
Line of edition: 22 ხოჩერო̄ბა. სამა̄̈ლდ ესნა̈რ ფისრა̈ჲდ შვა̈ნისგა გოწხირ, გოგლა̈ნდ, სანწვეფ ი ამკა̈ლიბ
Line of edition: 23 ვისინდობირ ხილ გარ ადშა̈ნვე. Line of edition: 24 ამჟი̄ნ, ლელტხას, ლექვა̄̈ აშა̈რს, ქრისდე̄ ნაჭო̄ნმϩყ, უშხვა̄რ ლახხვი̄დხ ქრისდე
Line of edition: 25 ი სამა̄̈ლ ი ლა̈ხჭვედდახ უშხვა̄რ: "მა̈გვა̈რდ ესერ ოთშა̈ნვა̄ლახ მინე ლეშნა̈ვი
Line of edition: 26 ქვეყანაისგა ლეყუნზელა?" სამა̄̈ლდ ხა̄̈ქვ: "მიჩ ესერ გუნ ეზა̈რდ ოთშა̈ნვა მა̈გ".
Line of edition: 27 ეჩქას ქრისდედ ჩ'ოთჯϩრვე ი რა̄̈ქვ: "მიჩ ესერ ჲაღო მიჩა ფოყხა̈ნ ლეყუნზელა ი
Line of edition: 28 ხოჩა ხილ მა̈გ ჩ'ოთშა̈ნვა̈ ი ჟ'ესჭვე̄ნ. ალ ლაჭვე̄ნჟი̄ნ ქრისდე̄ ჰილვდ ბაჩვჟი̄ნ
Line of edition: 29 სგვებნე ჯა̈ბ ხაჴიდ ი მიჩა ნაზიმ (=ჯა̈ბიშ) ჟ'ესგნე. გა̈ნხა̈ნჩუ̄ნ შიშდ ხოჩა მაზვაბ
Line of edition: 30 ლა̈ხზვა̈ბ, ეჯჲა̈რ ათხეჲ ჩვა̈რიხ, ე ბა̈ჩ ი მაზვა̈ბ. ეჯა ლელტხას ლი, მაზა̄̈ში ჰოკერ
Line of edition: 31 შუკვისგა. ამჟი̄ნ ესნა̈რ სგვებინ ჯგϩრა̄̈გ ლახხვი̄დდახ ი ხა̄̈ქვ ქრისდეს: "მიჩეშდ
Line of edition: 32 ესერ სამა̄̈ლს ჩ'ოთღორვა, შვა̈ნისგ' ე̄სერ ხოლე̄რობა გარ ოთშა̈ნვა ი ლეყუნზელა
Line of edition: 33 მა̄მა". Line of edition: 34 ქრისდედ ესნა̈რ ჩვადჭათვნე სამა̄̈ლ, მარე ღვეშდ ეში̄ მა̄მ, ე̄სჭო̄ნა ი შვა̈ნ ყუნზელურ
Line of edition: 35 ა̈მსედ. Line of edition: 36 ეჩქანღო ამახვდ ესსიპე̄ნა ჯგϩრა̄̈გს სამა̄̈ლ ი ხვა̈ჲ ხოლ'ო̄ხვსახთა ჯგϩრა̄̈გი ბედ
Line of edition: 37 ჟი̄ნ, მარე ჯგϩრა̄̈გს ღე̄რბეთ ი მაცხვა̄̈რ (=ქრისდე) ხაწე̄ნა̄ლახ ი სამა̄̈ლ ქ'ოხვშდი̄ნახ. Line of edition: 38
ლენჯა̄̈რ Добавлено (2007-06-14, 5:22 Pm)
---------------------------------------------
ჰა̄̈რში გველჲაშა̈პი დაგრა Line of edition: 40 ჰა̄̈რში ლახვისგა გველჲაშა̈პ ლϩმა̈რდ, ეჯკა̈ლიბ ფისრა̈ჲ ი ლϩტა̈ნ ჩუ ლϩმა̄̈რ,
Line of edition: 41 ერე ეშხუ ქვილϩმგენე აშხვ ნა̄პუდ ქა დეშ ხა̄რა. ერვა̄̈ჲ ქა ხადო̄ლნა ქვილϩმგენე ი
Page of edition: 101 Line of edition: 1 მა̄რე, ჩი ჩუ ლϩმჴაცვინ ი ჩუ ლუმურტყვინ. ობა̈შ წყა̈ნ ი მა̄რცხ ოთდა ლატლიდ
Line of edition: 2 ი ლენჯა̄̈რდ ი ეჩავ ახჴედახ გვეშ, ერე ქვილϩმგენა და̄̈რ მოშ ლϩმჲა̄̈სგვინ ჰა̄̈რა̈შთე
Line of edition: 3 ლაჯოგდ ი ეჩხა̄ვ უჲად ზავლადა̈ღ ქვილϩმგენა ქუნ და̄̈რ მოშ ხა̈ცვრე. სურუ თϩმ'
Line of edition: 4 ა̄ხჴედახ სოფლა̈რს ღალ. ამ დვრექა ლϩმა̈რდ მეთხვჲა̈რ კა̄ხა̄ნ ჩამგელია̄ნ. ამის ი
Line of edition: 5 მე̄რმა მეთხვიჲარას ჩიგარ ხა̈კვდახ ალ გველჲშა̈პი ლიჴვესგ, მარე ქა ღალ და̄̈რ
Line of edition: 6 მოშ ლϩმპირვინ მაყალშვ ეჯღ, ე̄რე გველჲაშა̈პს ქა და̄̈რ მოშ ხა̈სდა̈ნვნა. ალ კა̄ხა̄ნ
Line of edition: 7 ჩიგარ ხა̈სიპ ესნა̈რ ალ გველჲაშა̈პს ი ხესხათა̄̈ლ, ერე იმვა̄ლაჟი̄ნ ოხსახთას დაგრა.
Line of edition: 8 აშხუნღვ' ე̄სნარ ჟ'ა̈ნმეჴრე შომვა̄̈ჲ ივჟუნო̄ლდა გველჲაშა̈პ. აშხვ ლადა̈ღ ესლოთმე
Line of edition: 9 გველოჲაშა̈პი ლი̄ვჟ', ე̄ჩქას ადჲე ეშხვი ჩვეინ მეშხა ფირვი ლϩჯე, ლა̄ჲე ი
Line of edition: 10 აჩა̈დ. ალ ლϩჯოშ გვეში ჩვეინ ჩვესიგ გველჲაშა̈პი ლავჟა̄̈ ფე̄დი̄ს, მიჩნე̄მ კიჩხ ა̈ნტა̄ბე,
Line of edition: 11 სგა ლა̈იგ გველჲაშა̈პა̈ თხუმთეჟი̄ნ. აჩა̈დ ამხა̄ვთეჟი̄ნ ი სემი ცხვი ხაჴიდ შდϩმ
Line of edition: 12 ლექვა, მიჩნე̄მ ჩვა̈ნსკინე ენასდ კიჩხჩუ̄ნ ი ლა̄ტვთ' ა̄ჩა̈დ. ამჟინ ფისრა̈ჲ გველჲაშა̈პ
Line of edition: 13 ჟ'ანჲა̈ცხ ი ლიღვეჭ ლოხვბინე კა̄ხა̄ნს. ალ ლაღვაჭჟი̄ნ გველჲაშა̈პ ლϩჯ' ა̄ხა̄სდ
Line of edition: 14 ი ამის ესსკვა̈დ. ეჩხა̄ვთე̄'სგა აჯაღ ხაჴიდ კა̈ხა̄ნდ ცხუვა̈რ ი გველჲშა̈პ ჩვადგა̈რ. ეჩი
Line of edition: 15 ჯიჯვს ეჩი̄ზუმ ახფას', ე̄რე ხოშა სიკვ ათხე̄ჲ ქა ხეთრა ჰა̄რა̈შ. ალ გველჲაშა̈პი დაგრა,
Line of edition: 16 მა̈ჲ საკვრელ, მასა̈რდ ათხი̄დახ ლატლა̈რს ი კა̄ხა̄ნა̈შდ ი მიჩა მესვფელა ლახვშდა̈რდ
Line of edition: 17 ლახვშდულდა̈ ლახულდ ი სგიმ ხოსჩქვარახ ი მა̄̈ნკვი ლა̈თხვჲართე ჩამგელა̄ნა̈რ
Line of edition: 18 ლϩმა̄̈რხ მე̄ზი ჰა̄̈რა̈შთე. Line of edition: 19
მესტია Добавлено (2007-06-14, 5:22 Pm)
---------------------------------------------
კე̄სრი ლϩფა̈შვდ Line of edition: 21 ლახმϩლდ ლექვა̄̈ნ, იშგვიდ-არა ვერზ ხე̄ზნი, ეჩეჩუ̄ნ ათხე სემი მეზგე იზგე
Line of edition: 22 ი ჟახად შდϩხირ ხაჟხა. შდϩხირ ლეჟა̄̈ნჩუ̄ნ ჭალა̈ჲ ნაკრა ანღრი. ალი ჩუბეჴევჲა̈
Line of edition: 23 თანღი ძირისგა ხაზვიმ ი მასა̈რდ ხორი კალმახ. შდϩხირ ჟიქა̄ნ ჩი̄ხა̈ნ მეშხე ლემგა̈მ
Line of edition: 24 ლი, ძღϩდ გესϩმფევირ მეგმა̈რ ხა̄გხ, შდϩხირ ჟიქა̄ნ, გუნ ეზერ ჟიქან ლახვ ლი,
Line of edition: 25 გუნ ნაკ ი მასა̈რდ წვა ხოჩა ჩი ნუკვი მელვ. ალ ლახვისგა ჭაფვირი როქვ წვა, ადო
Line of edition: 26 იშგენ ნუკვი მელვ ცხა̈ჲ მა̈გ. ალ ლახვთე მე̄ზის შდϩხირხა̈ნჟი̄ნ ათხე̄ჲ ხებგვენიხ
Line of edition: 27 ვერი სტუ̄რა̈რ, ალჲა̈რ მϩჲროჟა ლიხ ი გუნ ხოჩა ლესგდი, მარე ქა̄მენქა გირწყა̈ლ
Line of edition: 28 მა̄მ ხა̄რხ. ალ ლახვე სტუ̄რრე ბედჟი̄ნ ათხეჲ ი̄მბვა̄̈ლხ ხოშა̄̈ლ ალ ამბა̈ვს ა: ლახვს
Line of edition: 29 ხაჟხა კე̄სრი ლϩფაშდვ (\\ ლϩფაშვდ). Line of edition: 30 ჯვინალდ შვა̈ნს ლახვა̈რხა̈ნ კე̄სა̈რ ი მიჩა ლაშგა̈რ ახსგურე̄ნახ. ალა ლახვთე̄'სგა
Line of edition: 31 სგ'ა̄ხჴა̈დϩ̄ნე̄ნა, ეჩქას მასა̈რდ ლახლატა ეჩას ალა ი ჩვოთფაშვდა, ეჩქანღო ათჟახე̄ნა
Line of edition: 32 კე̄სრი ლϩფა̈შდვ ალას. ალ კე̄სა̈რს ნაღე̄შგა̄ლვ ჯვეგ შელდურ ხაყე̄ნა ი ალ
Line of edition: 33 ლახვისგ' ო̄თსა̈დგვმა. ჯა ჩვა̈მჴედლი შდϩხირი ნაკთეჩუ ი ამეჩუ̄ნ ალჩარვე̄ლი. ქა
Line of edition: 34 დე̄მთე ა̈მჩედ, ეჯღ'ე̄რე ლინთვ ყო̄რს ხა̈ბკე̄ნა. ლϩჯე̄მი ლა̈ჴდა ლახვხა̈ნ ხა̄რა ჟი მϩს
Line of edition: 35 ყე, მარე მასა̈რდ ჭირს ხაფსინახ ლϩჯე̄მი მϩჴდა̄ლა. კე̄სა̈რს ლახჟირნა მიჩა აფხნეგა̈რ
Line of edition: 36 ალ ჭირდ. ლოხვბინა ლისკო̄რა̄̈ლ: "იმჟი̄ნ ესერ ა̈ნსახთი, ერე მიჩა ლϩჯე̄მი
Line of edition: 37 მϩჴდა̄ლას ხოშა უგარჯვდ ხე̄რახ ლეჴდე ლϩჯე". ლϩმსკო̄რა̄̈ლ, ლϩმსკო̄რა̄̈ლ ი შომვა̄ლე
Line of edition: 38 ჟ'ოხვსკო̄რა, ერე "სტუ̄რა̈რუ ახსყა̈ვნე მიჩა ჯა̈რი მა̄რა ი შდϩხირხა̈ნჟი ლახვთე
Line of edition: 39 ჟი̄ვ ათლაჯვნე. ჟი̄ბ ხოშა მაშრივ ანსყე ლϩჯე̄მი ლა̈გვშად ი ჩვი̄ბ ღა̈რუ ლოხვსგურე
Line of edition: 40 ლϩჯე̄მი ლაჴა̈დდ". გაცხა̈ჲდ, ალა ამჟი̄ნ ხოჩვმინა. Line of edition: 41 შდϩხირ ოყალვ მასა̈რდ ლϩმა̈რდ ი ამხა̈ნქა ჟ'ოხვსყა̈ვნა სტუ̄რა̈რ. ეჩქანღო
Page of edition: 102 Line of edition: 1 ჟ'ოხვტყა̄ბა̄ლა ლა̈კირისგა. ამი̄ ნაჩომუნღო უშხვა̄რ ლოხვსგურა სტუ̄რა̈რ ი
Line of edition: 2 ჟ'ოთხვჲა̄̈სგვნა ლახვთეჟი̄ნ. ეჩე მეგჯვა სგა ლუმგოშვინხ ჟიქა̄ნ ლϩჯა, ჩუქვა̄ნ ღა̈რს
Line of edition: 3 სეგდა̄̈ლს ხა̈ხლინნახ ი ჟი ლϩმზო̄რინხ ლϩჯა. Line of edition: 4
ლენჯა̄̈რ Добавлено (2007-06-14, 5:22 Pm)
---------------------------------------------
ლო̈მი ისტორია Line of edition: 6 ათხად მესტჲა̈ ჯგϩრა̄̈გისგა ი ათხე მუზეუმისგა ლვემი ნახა̈ზ ა̈რი ჟი ლϩშხებ ი
Line of edition: 7 ეჯა ფაუჟი̄ნ ხალჯა. აბურეშიმიშ ლი. ალ ლემ ჰϩლშჲე̄რისგა ჩა̄ჟრე ლაჭმუნა̄̈ლჟი̄ნ
Line of edition: 8 ხუღვეხ ჟი ლϩლა̄̈ჯ. Line of edition: 9 ჯვინალდ თათრიანობჟი̄ნ, შვა̈ნს თათრა̈რ ახსგურე̄ნახ, ეჩქას შვანა̈რ შიშდ
Line of edition: 10 ჟ'ალნა̈ზო̄რე̄ლიხ ი ქ'ა̄ხშია̄ლე̄ნახ თათრა̈რს. ლა̈შჲა̄ლისგა შვანა̈რ ჟ'ახწინე̄ნახ
Line of edition: 11 ი ალ ლვემი ქ'ო̄თღახ. თათრარე ჟი ლინწირი ლა̈ხჲადა̄ლდ ი ჟი ლა̈შყდუნა̄̈რდ
Line of edition: 12 ოხვსკო̄რახ ალ ლვემი ლიბე̄ლე. ლიშჲა̄̈ლი ჰϩლშიე̄რისგა ლϩმა̄̈რ ი ეჯ ლადა̈ღ ლოხვბინახ
Line of edition: 13 ამი̄ ლიბე̄ლე. Line of edition: 14 ეჩქას ჩა̄ჟა̈რ და̄̈ს ხარდე̄ნა ი ჭϩშხვშ ლაჭმუვშ ლϩმბა̄̈ლვინხ. ერვეშდ საჯენი
Line of edition: 15 ნაზიმს ეშხუ მა̄რე ლϩმგენ, ეჩჟი̄ნ -- მე̄რმე, ეჩჟი̄ნ -- მე̄სმე ი ამჟი̄ნ ქა ლϩმჭა̄რვო̄ლ
Line of edition: 16 ინხ მესტჲა̄̈ ბოგხა̈ნქა ი ლაჴვმი̄ლდ. Line of edition: 17 მა̄̈ნკვი მუღვე̄ნე ლაჭვმახა̈ნქა ქა ხა̈ბშინა მე̄რმა მა̄რა ი ამჟი̄ნ ქა ლϩმხა̄̈რსვინხ
Line of edition: 18 ჩი̄. ეჩქანღო სგა ლϩმჲა̄̈სϩვინხ საყდა̈რთე̄სგა. Line of edition: 19 ეჩქას ოთარშე̄რმϩყ ი̄რო̄ლ ა, მე̄რმა ვა̈რგმϩყ, მϩმსტივ რა̄̈ტჲა̄ნ ჰა̈ნდრაშა ლϩმა̈რდ
Line of edition: 20 ქორს მერდად. ამნე̄მ ა̈ნსკორ' ე̄სნა̈რ: "მახვშის ესერ ჩა̄̈ჟ ჩუ ხორი. მინეშმϩყი
Line of edition: 21 მახეღვა̈ჟ ესერ სგა ხეხვტენი მა̈გ ლაჭმუშ ლემ ლაბე̄ლას, მახვშ' ე̄სერ ჩა̄̈ჟს დე̄მის
Line of edition: 22 ხა̈დჲა̄̈ნი, მარე ქა̄ვ ესერ ა̈დქვით ჰϩლიშ ლადა̈ღ. ჩა̄ჟშუ ადჭომნე ლვემ ი ეჩქას
Line of edition: 23 ესერ მინეშმϩყი მახეღვაჟა̈რ დე̄მის ა̈ნწახვიხ". Line of edition: 24 ანჴა̈დ ესნა̈რ ი აშხვ ჰϩლიშ ლადა̈ღ მახვში ქორს მა̄მ ლϩმა̈რდ, ეჩქას ჰამს
Line of edition: 25 ჟ'ა̈ნირმ ვა̈რგი ჩა̄̈ჟ, ჟი ლახსგურდა ი ნა̈ბზვა ონაქა, ლეჟ' ა̄ნჴა̈დ მესტიათე, ლემ
Line of edition: 26 ჟ'ესლა̈ჯ ესნა̈რ ჩა̄ჟვჟი ი ამჟი̄ნ ადბე̄ლე. მე̄რმა ლადა̈ღ ესნა̈რ ლექვ' ა̄დჲე ჩა̄̈ჟ მიჩა
Line of edition: 27 ფუსდა̈ სოფელთე ი ქ'ა̄ფიშვდ ლაჩა̈ხვთე. Line of edition: 28 აშხუნღო ჩვა̈დკვიჰ ესნა̈რ ალა ვა̈რგდ, ქ'ა̄̈ხშϩმ რა̄̈ტჲა̄ნს ი ხა̄̈ქვ: "ჯა ჟეღი გეზალ,
Line of edition: 29 ჲა̈ს ესერ ლოხვთო̄ნა მიჩეშდ მიჩა ლალსგურა ჩა̄̈ჟი ლისგვრე?"
Line of edition: 30 ა̈ხშϩმ ესნა̈რ ფა̈მლია̈რს, ქ'ა̄თა̄ღა̄ლვნე ლერქვა̈რ რა̄̈ტჲა̄ნა̈შდ ი ტიტველ სგა
Line of edition: 31 ლახლა̈ჯ ჟი მϩკა̈ჩ კა̈ვირს. Line of edition: 32 ეჩქას შუბვა̈რ ლუმწვე̄ნხ ქახიქა ლა̄ჩა̈დ ესნა̈რ ვა̈რგ, ახფიშვდ ალ შუბ რა̄̈ტჲა̄ნს
Line of edition: 33 ი გვამა̈რისგა ლიყერ ი დაგრა ხა̈კვდა, მარე ქ'ა̄̈თქად ესნა̈რ ი ლაღლია̈შ ჩუქვა̄ნქა.
Line of edition: 34 მა̄მ ესერ მϩრე̄ს ლახღვე̄ნა სა̈ხს დაგრას". ათხა̄დ ვა̈რგს ი რა̄̈ტჲა̄ნ ჟ'ანფუშდურე
Line of edition: 35 ი თა̈ვისუფალდ აცვირ. ეჩქას რა̄̈ტჲა̄ნ ჟ'ალხირნე̄ლი ი მა̄დ ალგენე̄ლი
Line of edition: 36 ეჯ ვა̈რგცახა̈ნ. Line of edition: 37 ეჩქანღო ა̈მსედე̄ლი სერ წესდ ჰϩლშიე̄რ ჩა̄ჟვშ ლემი ლიბე̄ლე მესტჲას. Line of edition: 38
ლენჯა̄̈რ |
| |
| | |
|
Мужчина |
Date: Четверг, 2007-06-14, 5:26 PM | Message # 30 |
|
Group: Проверенные
Posts: 352
Status:Offline
Дата регистрации:
2006-09-07 |
ჲო̄რი ლახვბა Line of edition: 40 ჲო̄რი ლახვბა ლϩმა̄̈რხ. ჩვალϩ̄თე̄ლიხ ი უშხვა̄რ ლახსისგახ. ხოშა̄მ მუხვბა
Line of edition: 41 ცა̄ლ ხეყა̄̈დ ი ეჩჟი ქა ხალტϩნ, ერე მუხვბად ეჯა ხოცხა̄̈ნ.
Page of edition: 103 Line of edition: 1 აშხვ ლადა̈ღ ლა̈თხვჲართ' ა̄ჩა̈დ ესნა̈რ ხოშა მუხვბე, ოხვიშდ ღვაშ ჩუ ხეთხა̄̈ნ
Line of edition: 2 ი ა̈გით' ა̄ნჴა̈დ. აჩა̈დ მიჩა ცა̈ლთე ი ხა̄̈ქვ: "მა̄რ' ე̄სერ ლახდაგრა ი მა̈დილუ ხე̄რა
Line of edition: 3 ი ლოხვმარჯვე̄ვ ეჩი ჩუ ლა̈თვფას". Line of edition: 4 "ა̈ჰ, მა̈დილუ ესერ ხე̄რი ი იშგენ ესერ მა̄̈ჲ ი̄რი ი ამხა̄ვ დეშ ხომურჯვი".
Line of edition: 5 ალ მა̄რე̄მ ჟ'ესჭვენ, მიჩა მუხვბათ' ა̄ჩა̈დ ი ხა̄̈ქვ: "მასა̈რდ ესერ მა̈სსგა̄̈რ ლიხ,
Line of edition: 6 მარე მიჩა თϩმის ესერ ქა ხო̄მბვი: აშ ი აშ, ამ ა̈დგილჟი̄ნ მა̄რე ლახდაგრა, მა̈დილუ
Line of edition: 7 ესერ ხე̄რი ი ლოხმარჯვე̄ვ ეჩი̄ ჩუ ლა̈თვფას". Line of edition: 8 "უ̄ჲ, მიჩა ცოდ! მა̄̈ჲ ნავბა̈დვრ' ე̄სერ ხა̈ყრა? ჟი̄ვ ლა̈ჲღე̄ლვე აშხვ წა̈მ, ჟ'ა̈ნϩლდე̄სგი
Line of edition: 9 ი ღვ'ე̄სერ აშხუდ ადრი̄ნეხ". Line of edition: 10 ლოხვჴერდახ უშხვა̄რ ი ხოშა̄მ მუხვბე̄მ სგა ლახგენე ოხვიშდ ღვაშს. ხოშა̄მ
Line of edition: 11 მუხვბე̄მ ხა̄̈ქვ: "მიჩეშდ ესერ ცა̈ლ ხაცხე̄ნა, მარე მუხვბათა̄ნ ესერ და̄̈რ ლი მუხვბე̄მი
Line of edition: 12 ბედჟი̄ნ. მიჩა ცა̈ლდ ესერი ლოხვკაფვნა ლინჴრი, მარე მა̄დ ათჴერნა". Line of edition: 13
მესტია Добавлено (2007-06-14, 5:24 Pm)
---------------------------------------------
ქრისდე̄ თა̄̈სვდებ Line of edition: 15 ქრისდე̄ თა̄̈სვდებ ლუსკო̄რე ლϩმა̄̈რლი აშხვ ხოჩა̄მ მა̄რე̄მიშ. ალ გვეშ ამჟი̄ნ
Line of edition: 16 ლϩმა̄̈რ: ქრისდე ღე̄რბათ ესწϩხე̄ნა მალე გვეშ, მა̄̈ჲ დო ი̄რო̄ლ, ამი̄შ და̄̈ს მა ხოხალ,
Line of edition: 17 მარე ლϩმა̄̈რ ძღϩდ გვეშ ი უშხვა̄რ ნე̄სგა ლი̄მბვა̄̈ლ ახჩϩ̄დახ ქრისდე ღე̄რბათ ი ალ
Line of edition: 18 მა̄რა. ქრისდე ღე̄რბათ ხო̄ქვა: "მიჩ ესერ ხაწϩხ ალ გვეშ ესერ ჟი̄ვ ოხვსყე ი ეჩქ
Line of edition: 19 ანღვ'ე̄სერ მა̄̈ჲ ხეკვდენი, ეჯ ჟϩრს ქა ლაჰვედნე". "მა̈ჲ ესერ ხაწϩხ ეჯკა̈ლიბ?" "მაჲ
Line of edition: 20 ესერ ი ეშხვი გვეშ ლი: თხვიმ ესერ იმხა̈ნ ხა̄რ მა̄რა? ამი̄შ ესერ მა̄მგვეშ ხომჴერა
Line of edition: 21 ი ამი̄ ლალთა̈რს ესერ ერვა̄̈ჲ ქა ლახთვე̄ნი, ეჩი̄ ა̈რთგვილ ესერ ი მაშედ ჯა ი̄რა".
Line of edition: 22 ეჩქას ალ მა̄რე̄მ ხა̄̈ქვ ესნა̈რ: "ჲაღვ ე̄სერ მიჩა თა̄̈სდვებ (\\ თა̈სდვებ) ქა̄ვ ლახვე̄მ
Line of edition: 23 ი ეჩქას ესერ ჯა ქა ლახთვე̄ნი, ამსვა̄ლდს თხვიმ იმხა̈ნ ხალჯა". ანჴა̈დ ესნა̈რ ქრისდე
Line of edition: 24 ღე̄რბეთ ი თა̄̈სდვებ ლახვე̄მ: "ალ გვეშს ესერ ე̄ ქა ხოჴსნე, მა̄̈ჲ ჟϩრ ხეკვდენი,
Line of edition: 25 ეჯ ჟϩრს ლახვედნე". ეჩქას ალ მა̄რ' ა̄თხა̄რა: "ჲაღვ' ე̄სერ ლϩჲარჟი̄ნ მა̄მ ხოხალ,
Line of edition: 26 მა̄რა თხვიმ იმე დო ხალჯა ი ლϩდგარუნღვ' ე̄სერ იმ ა̈ნმეჴრი?" ამეჩუ̄ნ ქრისდე ღე̄ რბათ
Line of edition: 27 ხო̄ქვა: "ალ' ე̄სერ მიჩი ჩუ ხახლე̄ნა ი მა̈ჲ ჟϩრ ესერ ხაყრის?" "მაჲ ესერ
Line of edition: 28 ი მინე თა̄̈სვდებ უდგარა̈ვ ლა̈სვ. მიჩა ი მიჩა ჟახ'ე̄სერ უდგარა̄ვ ლა̈სვ ი ქრისდია̈ნ
Line of edition: 29 მა̄რა მინე თა̄̈სდვებ ლაჰრა̈კდუ ხუღვა̄ნ". ამი̄ თანახმას ქრისდე ღე̄რბათ ქ'ა̄ხჴედა
Line of edition: 30 ი ამჟი̄ნ უშხვა̄რდ ოხვსყახ ალ მა̄რა ი ქრისდე ღე̄რბათ. ეჩქას უშხვა̈რდ ლოჰოდახ
Line of edition: 31 შიჲა̈რ ქრისდეს ი ალ მა̄რა ი ჩვალმϩკთე̄ლიხ. ეჩქანღო ლი ლϩწსე ქრისდე̄-თა̄̈სვდებ. Line of edition: 32
მესტია Добавлено (2007-06-14, 5:24 Pm)
---------------------------------------------
ლემხვიბ და̈ბ Line of edition: 34 ქურდა̄ნა̈რს ოთდაგრახ პირველშა ჩი̄ჟე. ამის ღალ მუწვრი და̄̈რ ათსედა, დე̄ჲ
Line of edition: 35 მეხვიბ ჲა̈რ ხარდე̄ნ' ე̄ჯკა̈ლიბ ი დე̄ჲ იშგენ ნა̄̈თი, ჰა̄ვე ქურდა̄ნა̈რდ ქა მა გვეშ ოთბა̈დვა̄̈ნ
Line of edition: 36 ი ალ მა̄რე ჩვოთწორა̄̈ნ. Line of edition: 37 ქურდა̄ნა̈რს ეშხუ და̈ბ ხაღვე̄ნახ, ჟახად ნახვწიჲა̈რ. ანჴა̈დხ ესნა̈რ პირველა̈რ,
Line of edition: 38 ჩუ მა̄მ ა̈დწვერხ მინე ჩი̄ჟე, ეჯღ'ე̄რე ჩი̄ჟე̄მი გუ̄ღა მე̄რმა თემა̈რს ლადგა̈რჲა̄ლდ
Line of edition: 39 და̄̈რ მოშ იბკინე ი დე̄ჲ ჩუ ჲა̈რ იწვრი ჩი̄ჟა შვა̈ნისგა. ლიწვრი̄ მϩქაფდ ესნა̈რ
Page of edition: 104 Line of edition: 1 ქ'ო̄თღეხ ქურდა̄ნა̈რს ალ და̈ბ ნახვწიჲა̈რ. ალ და̈ბს ჩი ზავ აჴა̈ნდახ, მოსავა̈ლს ჩვაჰრა̈ყდახ,
Line of edition: 2 ჟი ხა̈მზϩრდახ, ჩი̄ჟაი ჩუ ხოშუნდვებდახ ი ეჩქანღო ჩუ ჲϩთრახ სამხუბშვ
Line of edition: 3 ალ ჰარა̈ყს. Line of edition: 4
იფა̄̈რ Добавлено (2007-06-14, 5:24 Pm)
---------------------------------------------
ჰაგა̈რ ლიზელა̄̈ლ Line of edition: 6 ჯვინალდ ღალ მასა̈რდ ნასბრა̈ლი ი ნავღვე̄ნი ლϩმა̄̈რ შვა̈ნს. ხოშა ლაღა̈ლ
Line of edition: 7 ჰაგა̈რ ლϩმა̈რდე̄ლი მა̈გ. ეჩჟი̄ნ ჩუ ხაბგო̄ლნახ ჭϩშხა̈რ, ერე ლϩლდე̄სგშა̄ლ
Line of edition: 8 ჰალალდ ლϩმზელა̄̈ლხ. Line of edition: 9 აშხვჟი̄ნ ესნა̈რ ეშხუ მა̄რე შვა̈ნხა̈ნ ცაგერდ ჰაგა̈რ აჩა̈დ თანა̈ღქა ი ამხა̄ვ
Line of edition: 10 ქ'ა̄ნტა̈ხ, მარე ჭϩშხა̈რ ნა̈ხუმსა̈რ დე̄ს'ა̄ხსტვი̄ნნა, ეჩჟი̄ნ ლϩნსგლე ხა̄რა ჩუქვა̄ნ ტუფ. Line of edition: 11
ლენჯა̄̈რ Добавлено (2007-06-14, 5:25 Pm)
---------------------------------------------
ლილა̄ტუნა̄̈ლ ი დაგრობ Line of edition: 13 ლილა̄ტუნა̄̈ლ, ალა ჩიგარ მϩრე̄ს ლა̈სვ ი ჯვინალდი ლϩმა̄̈რლი. აშხვ მახაღვა̈ჟს
Line of edition: 14 ესნა̈რ ხალა̈ტ აშხვ მეზგე̄მი დი̄ნა. ალა ჩი̄ ჩუ ხახლე̄ნა ი ღვეშგმე პილს გარ ოთკვი̄ჰახ
Line of edition: 15 დი̄ნა̄̈ ქორშა̈რს. ამი ლაჯმილას ი ნა̄̈თია̈რს საერთოდ ჩი̄ ხასდიკხ მინე ჰასშვე̄მი
Line of edition: 16 ლილა̄ტუნა̄̈ლ ი ლახე ტარესვ ხოჴდენიხ, ეჩქას ზურა̄ლა ლელა̈ტს ლეყა̈რდ დე̄მის
Line of edition: 17 აზა̄რეხ ი ლახე სგა ხებჭა̄̈ნი დი̄ნა მახაღვა̈ჟს, ეჩქას ხოშა ლაღა̈ლს დაგრობ ხეფსი.
Line of edition: 18 ღო ალ დი̄ნა̄ჲ ესნა̈რ სგა̄ჲ ლახბიჭა̄ნე̄ნა ალ მახაღვა̈ჟს ი გუნ ლასკო̄რათე̄სგა
Line of edition: 19 ლϩმა̄̈რ მეშყდე, მარე იმ იჩომდა. აშხვ ზავ ელმϩყ ჰϩლიშ ლადა̈ღ ალ მახეღვა̈ჟი
Line of edition: 20 აჩა̈დ ამხა̄ვ. ამეჩუ̄ნ არიხ ესნა̈რ ი ლენჯა̄̈რ მურგვა̈ლ მა̈გ ლϩმა̄̈რდ. ალ მახაღვა̈ჟს
Line of edition: 21 ქა ხეწა̈დხ, ეჩქას ჟ'ანვა̈ზრეხ ეჩი̄ დაგრა. Line of edition: 22 ჰϩლიშ ლადა̈ღ ლϩგრათე ლითოფ ლა̈სვ ლუშნუ თოფარშვ. ალ მახეღვაჟი ქა
Line of edition: 23 ლახსგურდა ლϩგრათე ლათოფს, ეჩქას ანჴა̈დ ესნა̈რ ლϩბჭა̄ნე დი̄ნა̄̈ ჯϩმილ, ლა̈ჲკაჩე
Line of edition: 24 თვეფ ი ჯაჭა̈რისგა ხაჴიდ მϩბჭა̄̈ნის. ქა ნა̈სკინვ თვეფი ცხვი ესნა̈რ უმბილდ
Line of edition: 25 მე̄რმა მეზვბელს ათხვი̄დ ი ერქϩდა ჩუ ადგანხ ამეჩუ̄ნ. უმბილდ ლედგა̈რია̈ ქორშა̈რდ,
Line of edition: 26 მა̈ჲ საკვრელ ლი, გუნ ა̈დვა̈შგდეხ ი ჩიგარ ხედრა̄ლხ მϩდგა̈რის ლედგა̈რიდ,
Line of edition: 27 მარე დე̄მე მოშ იდრენდახ, აშხვჟი̄ნ ა̈ცხირხ ესნა̈რ, ერე ბა̄ზი მϩდგა̈რი ლატლის
Line of edition: 28 ა̈რი ი ხაკუ, ერე ანჴეს ქორთე. ანჴა̈დხ ლედგა̈რია̈ ნა̄̈თია̈რ, ოთდარჯეხ სოლა̈ ლექვე̄რისგა,
Line of edition: 29 ლახა̄სდხ ამექა მϩდგა̈რი ი ჩვადგა̈რხ. Line of edition: 30
ლენჯა̄̈რ Добавлено (2007-06-14, 5:25 Pm)
---------------------------------------------
131. სა̈ნგჭა̄̈რვა̄ლე მურყვამ Line of edition: 32 სა̈ნგჭა̄̈რვა̄ლე მურყვამს ატკვრϩლა̄̈ მურყვამი ხაჟხა ი ლალჩაი̄. ჯვინალდ თათრა̈რ
Line of edition: 33 ლϩმჴა̈დვინხ შვა̈ნთე ი ლიშჲა̄̈ლს ხა̈ბნინახ შვანა̈რს. ხვა̈ინ თათრა̈რ (\\ თათრა̈ლ)
Line of edition: 34 ხა̈წნო̄ლნახ ღალ, მარე ხოფშირა̄მ ლაღა̈ლს შვანა̈რ ლϩმა̄̈რხ მონწირ. თათრარე
Line of edition: 35 მაყალ ჩიგარ ლϩმა̄̈რ შვა̈ნისგა ი ხვა̄̈ჲ ა̈გის ლϩმგა̈მინვხ სანგეჭ მურყვმა̈რს
Line of edition: 36 ლა̈ყრულდ ი ლა̈ლჩად. ალ დვრევქა̄̈ ნა̈შნავ როქვ ლი სა̈ნგჭა̄̈რვა̄ლე მურყვამ შვანა̈რხა̈ნქა. Line of edition: 37
იფა̄̈რ Добавлено (2007-06-14, 5:25 Pm)
---------------------------------------------
ბაბში ი ჭიტი Line of edition: 2 ბაბში ი ჭიტი ეჯკა̈ლიბ ქვით ლϩმა̄̈რხ, ერე მა̈გ ჰარყრს ლϩგნე ხა̄რახ ლა̈ქვთა̈რს
Line of edition: 3 ბაბში̄ ქორ ათხე ჟი მეხვტე ლი ი მე̄რმა ხუღვე, ჭიტის გეზლა̈ გეზლი̄რი ჩუ
Line of edition: 4 ოთსა̈დ. Line of edition: 5 აშხვჟი̄ნ ესნა̈რ ბაბში̄ს ქორისგა ლე̄ღა̈ბ მა̄მ ხორი. მიჩა ხახვენ ხა̄̈ქვ: "მა̄̈ჲ ესერ
Line of edition: 6 ხეშდენი̄ხ აღბიე̄რისგა ლე̄ღა̄̈ბურდ? "ეჩი̄ ღედ ესერ ნომმა̄ვ ხა̄რ". ანϩ̄გა̄̈ნ ესნა̈რ
Line of edition: 7 ვებილე̄თ ი აჩა̈დ მϩლახთე. ამეჩუ̄ნ აშხვ ხეხვ-ჭა̈შს ესნა̈რ მახელϩზიჰ ტა̈ხ ქა ხორიკხ
Line of edition: 8 კა̈ვჟიხ. ლა̈ხცა̄დ ესნა̈რ ქორთე̄'სგა ბაბში, ჟ'ა̈ნკიდ ალ ტა̈ხ მურგვალ, სგ'
Line of edition: 9 ე̄სდე ბიდთე̄'სგა ი რიჰდ ა̈გით' ა̄ნჴიდ. Line of edition: 10 ალ ბაბში ესნა̈რ ალჲა̈რშე̄რემ ნიბა̄̈შინ ლϩმა̄̈რ ი მე̄რმა ლადა̈ღ ესნა̈რ ალჲა̈რშე̄რემ
Line of edition: 11 ლეღვი ნა̈ქვიც ოთზϩზეხ. ალჲა̈რს ხოხახ, ერე ლეღვ მა̄მ ხერდი ბაბშის. ბაბშიდ
Line of edition: 12 ხა̄̈ქვ ესნა̈რ ლეღვი მϩჴდა: "სგა̄ვ აჩა̈დ ქორთე ი ჟი̄ვ ა̈ნწვე̄ნე მიჩა ლე̄ღა̈ბ, მინეშდ
Line of edition: 13 ხოდრა ლე̄ღა̈ბ ესერ ჰემმა ხერდი. მინე ლეღვი შ'ე̄სერ მა̄მ ხაკუჩ მიჩ".
Line of edition: 14 სერ მე̄რმაჟი̄ნ ესნა̈რ ჯა-ჲ ჭიტი აჩა̈დხ აჯაღ ლა̈მახვა̄ლთე. ა̈დმა̈ცხეხ აშხვ მეზგაისგა
Line of edition: 15 ტახი ფელკა̈რ გარ მა̄დე ი ჴანა̈რი. ჭიტი ციცვშა̄ლ ლϩმა̄̈ზ ლანგვლიისგა,
Line of edition: 16 მე̄რმე და̄̈რ მოშ. ანჴა̈დ ესნა̈რ ჭიტი ი სგ'ა̄ჩა̈დ ლანგვლიისგა ი გვალისგა ჴანა̈რ უშხვა̄რ
Line of edition: 17 ნე̄სგა ჩვადყურდა. ალ ქორა̈ ზურალა̄̈რ ესნა̈რ ირბიე̄ლხ ი მეყულფა̄̈ შელდ
Line of edition: 18 ქუთვარე ნა̈ჩდუნ ქა ლუნჩუდნა̄ლე ხა̄რხ. ანჴა̈დ ესია̈რ ჭიტი ი სემი თა̈ში ნა̈ჩდუნ
Line of edition: 19 ქ'ო̄თქვით, სგ'ა̄დჲე გვალთე. ჲო̄რი ყვაბ ბაბშის ათბიშ' ე̄სნა̈რ ლანგვლიქა ი ეშხუ
Line of edition: 20 მიჩნე̄მ ლალე̄მ ი ჴანა̈რ უშხვა̄რ ნე̄სგა ჩუ̄დ ადყურდა. მერბიე̄ლ ირბიე̄ლ ესნა̈რ.
Line of edition: 21 ხეწა̈დ ნა̈ჩდუნვა̈რს ი მუნჩუდნა̄̈ლს ლა̈ხჭვედდა: "შელდს ესერ იმღა ხაკლიხ ნაჩდუნვა̈რს?"
Line of edition: 22 "ეჯ' ე̄სერ იმჟი̄ნ ლი?! მიჩ ესერ მა̈გ ქ'ო̄ხვნა̈ჩდუნა̄ლა". "ჲაღვ' ე̄ ხა̈
Line of edition: 23 მა̈ჲ ლ'ა̄ლა̄, შელდს ქა ხაკლი?!" ოხჩϩ̄დხ ესნა̈რ სერ ალჲა̈რს ლიცვა̄̈ლ ი ხია̄̈რ როფდ
Line of edition: 24 ლახგენე̄ნახ უშხვა̄რ. მა̄მა სერ ი ბა̄ზი ჩვა̈დვახშმა̄̈ნხ, ჩვადუ̄ჟდახ, მა̈გ ეჩქას ესნა̈რ
Line of edition: 25 ანϩ̄გა̈ნ ჟი ჭიტი, ადკარე ჩუ ყო̄რა̈რ, მაჩე̄ნე ჴა̈ნ ჟი ლა̈ჲფიშვდ ი ქ'ა̄ნჴიდ ქა̄̈მთე.
Line of edition: 26 ლა̈ხტახ ეჩქანღო ი ტა̈ხი ფელკა̈რი ჟი ლა̈ჲცვე ი ეჯჲა̈რი ქ'ა̄ნჴიდ ქა̄̈მთე. ლოხჴერდახ
Line of edition: 27 ესნა̈რ უშხვა̄რ ი რიჰდ ა̈გით' ა̄ნჴა̈დხ. Line of edition: 28 აშხვჟი̄ნ ესნა̈რ აჯაღ ლოხჴერდახ უშხვა̄რ ბაბში ი ჭიტი ი აჩა̈დხ მϩლახთე.
Line of edition: 29 აშხვ მეზგა̈ისგა ბაბშის ლვერი ფელკა̈რ ოთმა̈ცხა̄̈ნ ი ეჩი ლიქვთერ ლახვა̈ზრეხ
Line of edition: 30 უშხვა̄რ ალჲა̈რდ. სგა ლა̈ხმუშგვარხ ესნა̈რ ალ მეზგა. ბაბში ქა̄̈მთ ა̄ჩა̈დ ი ლაჴვრამϩყ
Line of edition: 31 ოხღელი, ჭიტიდ ფელიკ ჟ'ა̈ნკიდ ი ლაჴვრაქა ლიბშე ხაკუჩ, მარე ქა დეშ
Line of edition: 32 ხასკდა. სგ'ა̄ნტა̈ხ ბაბში ი ჩუ̄დ ადყურდახ. ჭიტიდ ხა̄̈ქვ: "დეშ ახსკϩდა̈ი გეზალ,
Line of edition: 33 მა̈ჲ ესერ ჩვემინეს?" "ჩუვ ა̈დთϩ̄რ ისგდ ნაჭკორი გეზალ! მა̄მ ესერ ხოხალა?" ლა̈ ჲბინეხ
Line of edition: 34 ლიცვა̄̈ლ. ბაბშის ათხა̄დ: "ჯ' ე̄სერ ამი̄ცახა̈ნ მეგნე მა̄მ ლი" ი მუგვრიდ აჩა̈დ.
Line of edition: 35 ქორს ჩვადუ̄ჟდახ, ეჩქას ანჴად ჭიტი, ფელკა̈რ ჩვაჭკვერ ი ეჩჟი̄ნ ქ'ა̄თბიშე
Line of edition: 36 ბაბშის ლაჴვრაქა. ბაბშიდი ჟი ლა̈ჲცვე ი ა̈გით' ა̄ნჴიდ. მე̄რმა ლადა̈ღ ჭიტი დო̄სგ
Line of edition: 37 ანϩგა̈ნ, მა̈ინძელს მაჴვა̄მ ხა̄̈ქვ ი ა̈გით' ა̄ნჴა̈დ. Line of edition: 38
ლენჯა̄̈რ Добавлено (2007-06-14, 5:26 Pm)
---------------------------------------------
მა̄ლდ იმჟი̄ნ ახთო̄ნე შვანა̈რს ლიდცვე Line of edition: 40 თებურვა̈ლისგა მუს ჟი იმჯერ', ე̄ჩქას დაბა̈რს მა̈გ ჩვადცვე ხუნკვი̄ ლეჴნიდ
Line of edition: 41 მა̄̈ჲ ხაკუჩ მეზგ', ე̄ჯჲა̈რს, ნადაცვ და̈ბ ჲარვ ნაგზოშ ხუნკვ' ე̄ჯღა̄̈ჲ ჩუ იჩვფი უდცუნა
Line of edition: 42 და̈ბდ. ჯვინალდ ჰა̈დურდ ხოშა მუსობ ლϩმა̄̈რ, ლიდცვე̄შ მა̄მგვეშ ხახლე̄ნახ
Page of edition: 106 Line of edition: 1 შვანა̈რს. დაბა̈რ გვიანდ გარ ლუმჩვიფო̄ლინხ ჩუ. აშხვ ლადა̈ღ ესნა̈რ მა̄ლ ა̈ფხრი
Line of edition: 2 ჭვი მუსს. გიმთეჩუ̄ნ ჩვადჰე ი ვერს ჟიბა̈ვ ლოხვბინე ლიშდე. ხა̈ნუნღ ხეწა̈დხ, ერე
Line of edition: 3 ალ ა̈დგილჟი̄ნ ხუნკვ'ა̄̈დჩუფა̄̈ნ გიმ ი ეჩქანღვე, ა̄̈დბინე ჩიჲემ ლიდცვე.
Line of edition: 4 ამჟი̄ნ ახთო̄ნე შვანა̈რს მა̄ლდ ლიდცვე. Line of edition: 5
მესტია |
| |
| |
| |
