|
|
|
 |
| Svanskaya xrestomatiya |
|
Мужчина |
Date: Среда, 2006-09-06, 5:21 PM | Message # 1 |
Group: Модераторы
Posts: 990
Status:Offline
Дата регистрации:
2006-08-29 |
Line of edition: 1
1. ბალსზემოური კილო
Line of edition: 2
ა) ზნე - ჩვეულებანი Line of edition: 3
1. ზორა̈კ Line of edition: 4 ზორა̈კ ნა̈ჲ გარ ნა̄რ, ტიტიშე̄რას, ეშდარა̄მ მეზგა. მუჟღვერ აშხვ მიშლადა̈ღ
Line of edition: 5 ხერასშვ ჲორი ხოშა ფიკვ ნა̄რ ლეჲსენი. სგვებნა̄ვ ზედა̈შს ი ფუკვა̈რს ჟი ხვა̈მზჷრიდ
Line of edition: 6 ელს ი ეჩქანღო ჩუ ხვა̈ჲსენიდ. ლეჰრა̈ყის ჟი ხვაზვრიდ ი ჩუ მუჩვემ მეზგ'
Line of edition: 7 ა̄ჰრა̈ყი. მეზგახა̈ნქა თვით სემი მა̄რე ხვიშდ მე̄ზი. ლა̈ჲსა̈̄ლს ჩუ ხვაშდბუნედ, ეჩქას
Line of edition: 8 ღვესე̄მი კუბდა̄რა̈რს ხვანყა̈̄ლიდ ი ეჩნოვშ ჩუ ხვინცელა̈̄ლდ, ჰარყი მჷთრე ჰარა̈ყს
Line of edition: 9 ხუთრედ. ეჩქანღო ლა̈ჲსა̈̄ლს ჩუ ხვა̈ჲსურედ ი სგა ხვაგემდ კარდალთე̄'სგა, ადო
Line of edition: 10 იშგან ცხვადვა̈რთე დეშ ხასკდახ ამზუმა̈̄ში ფუკვა̈რ. ლეღვ იჯბი, ეჩი̄ზუმხა̈ნს ჰარყი
Line of edition: 11 მჷთრა ჰარა̈ყს ითრეხ, ზურალა̈̄რ ლემზირს ანყეხ. ლეღვ ჩუ იჯა̈ბ, ეჩქას ზარვლა̈რ
Line of edition: 12 ქა იკედხ ლალა̈ღვ ტაბგა̈რთექა ი ლილეღვს ხაშდბახ. წჷდჲა̈რ მარა̈ნხა̈ნქა ქა
Line of edition: 13 ჴიდეხ დორჲარშვ ჰარა̈ყს ი ქა ხაჰვდიხ ხოშა̈̄ლს ჟი ლემზჷრიდ. ხოშა̈̄ლს ერხის
Line of edition: 14 სტამა̄ნა̈რ ხუღვეხ ი ერხის -- ლემზჷრა̈რ. ქა ხეგნიხ ლა̈მზჷრს ლაჴვრაქა ი ამჟი̄ნ
Line of edition: 15 ხემზირხ: "ო̄, დიდება̄ ღმერთს, დიდა̈ბჷნქა მა̄მგვეშ იშდი. დიდა̈ბუ აჯჴედა ელ ლენჯა̈̄რა̈შს.
Line of edition: 16 ალ ლენჯა̈̄რა̈შ მა̈ლდია̈ნ, სი ლა̄ხეშდ ნიშგვეჲ ხოშა̄მ ი ხოხვრა̄მ ი მეცხა̈მს
Line of edition: 17 მა̈ლდია̈ნ ელ ლენჯა̈̄რა̈შ! იმვა̈̄ჲ ისგუ ჰერ ქ'ა̄ნა̈̄ც, სი ლა̄ხეშდ ნიშგვეჲ ხოშა̄მ ი ხოხვრა̄მ,
Line of edition: 18 მა̈ლდია̈ნ! თანღა̈შ ი ა̈გი̄ ნე̄სგა, მა̈ლდია̈ნ! ცხეკიშ ი ველი ნე̄სგა, ქორა̈შ ი
Line of edition: 19 ქა̈̄მი ნე̄სგა, მა̈ლდია̈ნ! ი მა̈დილი ჟახე ჯე̄რი! ისგუ ჰელ ი ბჷლა̈ჲ ათქა̄ბვინ ნიშგვეჲ
Line of edition: 20 და̈ბს ი ლა̄რა! ჩია̈̄გ სი ლა̈ნჴერ ლერსგვან ფოყხა̈ნ გზა̈̄ვს მა̈დილშვ გვეში სი მა̈ლდია̈ნ!
Line of edition: 21 სი ჯეჴჷრა̈̄ლდ ნებიე̄რ ფუკვარშვ, ზედაშშვ ი სეფსკვერშვ, მა̈ლდია̈ნ ი ახსიპვინ
Line of edition: 22 აშ სგვებდ ი ლერსგვანთე ნიშგვეჲ გვეშ, სი მა̈ლდია̈ნ! ამახვ ანქაბვინ, მა̈ლდია̈ნ!
Line of edition: 23 ნიშგვეჲ ხოლა̄მ სი ლა̄ხეჭმ ისგვა მეხშვ ი ცხუვშ. ხოლ' ა̄ნქა̄ბვინ, ხოჩა გარ
Line of edition: 24 ლანსტა̈̄რვინ, სი მა̈ლდია̈ნ ი მა̈დილშვ გვეში ჯე̄რა!" Line of edition: 25 ეჩქანღო ჟი ისპუნიხ ლერსგვანთე, სტამა̄ნხა̈ნქა მა̄დხვა̈ჲ ჰარა̈ყს ხა̈ბდეხ ლემასგვთე̄'სგა
Line of edition: 26 ი ეჩქანღო ქა ხაჰვდიხ წჷდჲა̈რს. ლემზჷრა̈რს მერბიე̄ლას ხა̈ტხეხ.
Line of edition: 27 მელღვა ლილეღვს ქ'ა̄ზგჷრეხ, ეჩქას ხოშა-ხოხვრა̄მშვ ჩუ ხვისგვრიდ. ზურალა̈̄რ
Line of edition: 28 მე̄რმა ფოყხა̈ნ ისგვრიხ. ჩუ ხვიგა̈̄ლიდ ტაბგა̈რს. ზურალა̈̄რ დიჲა̈რს ნაჰვდა̈̄ლიხ,
Line of edition: 29 მელღვა ლეღვს ნიდე̄სგიხ, მარე ეჩზუმ ლაგფა̈რ ხეფსიხ, ერე ეშხუ ლაგა̈ფ მა̄რა
Line of edition: 30 სამ ლადა̈ღ ქა ხა̄რ. წჷდჲა̈რ ჰარა̈ყს ხა̈ჭმინა̄ლვნეხ. შომვა̈̄ჲ ლიდჲარა̄ლე დვრევ Добавлено (2006-09-06, 5:18 Pm)
---------------------------------------------
ჴედნ', ე̄ჩქას ხოშა ყჷლე: "ჰე̄, ხი̄და̈რ! ათხე ისგვეჲ ნა̈შდვები ი ხოჩა, ჟ'ელნეკვდ
Line of edition: 32 ტაბგა̈რს!" ეჩქას ჟი ხვიბნედ ლიდჲარა̈̄ლს. მა̄დხვა̈ჲს ჩუ ხვიდჲარა̈̄ლდ, ეჩქას წჷდჲა̈რ
Line of edition: 33 კათხა̈რს აჰვდა̈̄ლიხ, ჟი ხვა̈მზჷრა̈̄ლიდ ი ჩუ ხუთრედ. მე̄სმა̄მ კათხჟი̄ნ ჯგჷრა̈̄გი
Line of edition: 34 კათხს ხვა̈ჭმინედ ი ლიჴვა̈̄მჲე̄ლ ნა̄რ. ალ კათხა̈რ, ხაკუხ ერე ნათხუმშვ ი ჲედ ნატხანშვ
Line of edition: 35 გვეში ლესვხ. ალ ლაჴვა̈̄მჲა̄ლ ქა ისრულ', ე̄ჩქას ჩა̄რი̄ნგ ხეჭმენი. ალა ქა
Page of edition: 8 Line of edition: 1 იზგჷრ' ე̄ჩქას -- სა̈რვა̈ში. სა̈რვა̈ში ლამზჷრა̈̄ლ ლი თვით ჲარვ მა̄რაჟი̄ნ. ალ ლა̈მზჷრა̈̄ლ
Line of edition: 2 კაჩუშ ლეთრე ლი. მე̄სმე ლამზჷრა̈̄ლ სა̈რვა̈ში სა̈ყიჲა̄ნა კათხ ლი. ა̈ლჲა̈რ მა̈გ
Line of edition: 3 ლჷჴმა̈შ ჰარაყშვ ლი წეს ი ეჩქანღო სერ იბნი ტოლუბაშობ. ესვა̈̄ჲ მო̄დ ხაკუჩ, ა̈გითე
Line of edition: 4 ღჷრი ი ესვა̈̄ჲ -- ა̄დუ, ეჯჲა̈რ უშხვა̄რ ხემქარა̈̄ლხ. ჯვინალდ ტოლიბაშობ მა̄მ ნემთქვა̄ნ.
Line of edition: 5 სა̈ხსიგლა̈რს ქა ხუთრად, ეჩქანღო იმვა̈̄ჲჟი ჲა̈ს ხეკვა̈დ, ეჩჟი̄ნ გარ ჲჷთრა
Line of edition: 6 მა̈გ. ათხე ტოლიბაშობისგა ჟი ხეცლენი მა̈გ. ალ ზორა̈კ ნა̈ჲ დო̄სგუნღო ნა̄რ ჟი
Line of edition: 7 ლუღვლა̈ჲე. ამი მიზეზ ლჷმარე̄ლი ჯვინელ უშხვა̄რ ნესგა̈̄ ბა̈კა̄რობ. ნა̈ჲ სამხუბ ი
Line of edition: 8 თამა̈ნიშა ღვაჟა̈რ ხვა̈ბკე̄ნად უშხვა̄რ ი მასა̈რდ ფათრა̈კ ნა̄რა. ძაღუშე̄რ ლა̈ზგას
Line of edition: 9 ლჷმღე̄შგა̈̄ლხვიშდ, აშვხა̈ნ ნა̈ი ი მე̄რმახა̈ნ მინ. თამა̈ნიშა ღვაჟა̈რ ჟ'ანცა̄დახ ძაღუშე̄რ
Line of edition: 10 მურყვამთეჟი̄ნ ი ეჩხა̈ნქა ლოხბინახ ლითოფ. ნიშგვეჲ ღვაჟა̈რ მინე მურყვამ
Line of edition: 11 ოთანთეჟი̄ნ ათცა̄დახ ი ეჩხა̈ნქა ჩ'ოხვშდენახ თამა̈ნიშა. ეჩქანღო თაკვა̈რ ოთხვიახ
Line of edition: 12 ნიშგვეჲს ი მურყვმა̈ ლაგვბანდა̈̄რთეჟი̄ნ ლა̄ზა̈რ ჩ'ოთგორვახ. ჟიბე პილი შდურჟი̄ნ
Line of edition: 13 გიე გარ ა̈მსედე̄ლი. ჟიბე პილი ლაგვბანდა̄ჲ ჩ'ოთგორვ', ე̄ჩქას თა̈კვ ოთბა
Line of edition: 14 ი ეჯნოვშ ლიჴედ ლოხვბინა ჩუ, მარე ისგთეჩუ̄ნ მეჴდე გარ ლჷმა̈̄რ, ეჩქას თა̈კვ
Line of edition: 15 სგ'ა̄თცხატა ბა̈ჩა̈რს ი გიე ჟი ხა̈წბე̄ნ' ა̄მჟი̄ნ. ეზარ ხა̈ნუნღო ნიშგვეჲ ღვაჟა̈რს
Line of edition: 16 ჟ'ოხღულჲახ ზორა̈კი ლიჩვემ ელჲა̈ ჟახაჟი̄ნ ი ამ ჩიქქა თა̈კვი ჟ'ა̈მფეშვდე̄ლი. ეჩქანღო
Line of edition: 17 ნაგა̈დ ნა̈ჲ ალ ზორა̈კ ჩი ზავისგა. Line of edition: 18
ლენჯა̈̄რ Добавлено (2006-09-06, 5:18 Pm)
---------------------------------------------
2. ლამპრობ Line of edition: 20 ლამპრობ ლი თებურვა̈ლისგა სვიმნობ ლე̄თ, ეჯ ლე̄თიშდ ქორისგა ეზერ ხა̈ნუნღო
Line of edition: 21 ჟი ლჷმა̄რე ხა̄რ ჩი̄ ლამპრა̈რ. ჩუ იბვრ', ე̄ჩქას აშხვ ხოშა̄მ ლამპა̈რს მეზგახა̈ნქა
Line of edition: 22 მა̈გ ქ'ა̈̄ჲე̄სგი საყდრი ჰა̈ზვთექა ი ეჩეჩუ̄ნ აშხვ ა̈გის ჟი ხატყცი მუსვისგა,
Line of edition: 23 მე̄რმა̈̄ლი ამჟი̄ნ იჩომხ ი ძღჷდ ლემესგ ი̄შვი ალამა̈გ ლამპა̈რხა̈ნქა, ეჩი̄ზუმ ჩუ
Line of edition: 24 ლ'ე̄რე ჟიქა̄ნქა და̈̄რ მოშ ა̈სკნე. ეჩჷნქა ხოხვრა̄მ ლამპრა̈რს თვითო̄ლაჟი̄ნ ლჷდ
Line of edition: 25 გარვი̄ საფლავა̈რჟი̄ნ ხოსვემხ. ეჯ ლე̄თ აშხვ ალა̈გდ ეშ დღამე საყდრი ჰა̈ზვ. მახა
Line of edition: 26 ლჷდგა̈რი ფუსდ ერხი ჰარა̈ყსი ჴიდე ლჷდგა̈რი საფლა̈ვთეჟი̄ნ ლეფა̄ნად ი ეჩეჩუ̄ნ
Line of edition: 27 ქ'ა̄თვნა̈̄ლი. ამჟი̄ნ ლა̈სვ ჩი ზავ ლამპრობ. ლამპა̈რდ ლამპრობჟი̄ნ ი ლამპა̈რის
Line of edition: 28 ჟაჴვა̈რ გარ ხუღვე ჩი̄. იშგან და̈̄რ იჩომ ეჯღ', ე̄რე ჟაჴვა̈რ ესერ ქრისდე̄ ნა̈მზურ ლი.
Line of edition: 29 ალ ჟაჴვრა̈ ლიმზჷრი ამჟი̄ნ ლჷმა̈̄რლი: ქრისდე ღე̄რბათ ესღვიჭნინახ ვირჲა̈ჲა̈რ
Line of edition: 30 ი ჩუ ლირმი ხა̈კვდახ. სგვებინ ქრისდ' ე̄სღრ' ე̄სნა̈რ ლა̈ჭმუშ ი ვეშგიმ ვირჲა̈ჲა̈რ
Line of edition: 31 ესღვიჭხ. ქრისდე სგ'ო̄თჩა̈დ აშხვ ზურა̄ლთე̄სგა ი ჩუ ლიპჟუნე ხაშგვმინ, ანჴა̈დ
Line of edition: 32 ესნა̈რ ალ ზურა̄ლ, ჩვეინ ჩუქვა̄ნთე̄სგა სგ'ა̄დგენე ქრისდე, ჯა ჟიქა̄ნ ლახსგურდა
Line of edition: 33 ი ლილთე ლა̈ჲბინე. ვირჲა̈ჲა̈რ ამჟი̄ნ ქ'ა̈̄თქადხ. ამხა̈ნქა ქ'ა̄ნჴა̈დ ი ვირჲა̈ჲა̈რ ქა̄დ
Line of edition: 34 ხეწა̈დხ. ლა̈ჲბინე̄დ ლი̄ზი ი ლაპა̈ჟდ ერხვ ჩუქვა̄ნთე̄სგ' ა̄ჩა̈დ. ერხვდ აშხლა̈რ მა̈გ
Line of edition: 35 ჟიბავ ა̈დრიწვ. ეჩქას ქრისდედ ალა̄ჲ ჩვადჭათვნე ი ხა̈̄ქვ: "ბიქვღ' ე̄სერ ი ბუქურდ
Line of edition: 36 მიჩა ბალე ჩიგარუ აფჷრღჷ̄ნე!" ღვეშგიმპილს ჟაჴვა̈რ ჩუქვა̄ნთ , ა̄ჩა̈დ. ამნე̄მ აშხ
Line of edition: 37 ალ მა̈გ ჩვა̈ნნიკვ ი ქრისდე ჩვადლაფრე. ეჩქას ქრისდედ ჩვადმა̈ზრე ჟაჴვა̈რ ი
Line of edition: 38 ხა̈̄ქვ: "ნამზურუნდ ესერუ ხაყა ქვინიშდ ი ამსვა̄ლდა̈შდ ლამარგუ ლი ი ღე̄რთა̈შდ
Line of edition: 39 ნა̈მზურუნდუ ხაყა ლიმპა̈რის". Line of edition: 40
ლენჯა̈̄რ Добавлено (2006-09-06, 5:18 Pm)
---------------------------------------------
3. ხვა̈̄ლმი ი ლეღვი აღაბ Line of edition: 2 ხვა̈̄ლმი ლადა̈ღ ნამპარვი ჯჷმალადა̈ღ ლი ი ეჯ ლადა̈ღ ლიმზჷრ ხა̄რხ ჩი̄ჲა̈ ქორისგა.
Line of edition: 3 ხვა̈̄ლმი̄ მეგემ ღვებრა ლექვა̈̄ნჩუ̄ნ ლჷგ. ხოშა გჷგიბ ლი ი ამის ხემზირხ,
Line of edition: 4 ესვა̈̄ჲ ჴვა̈შ ხა̄რ. ხოლა̄მ მუჭვდი პატრონს ი ჴვეშა̈ჲს ამ ლადღიშდ ერს მამილვ ხორი
Line of edition: 5 ნა̈მზურუნდ ი ერს -- ლჷგრა̈̄ლ. ალ ნა̈მზურუნ მოჯლა̈ი ნათორ ხა̄რხ. ხვა̈̄ლმი
Line of edition: 6 ლადა̈ღ ქა ნა̈რბია̄ლუნღო ლემზჷრა̈რს ანყა̈̄ლიხ. ეჩქანღო ესვა̈̄ჲ ხვა̈̄ლმი̄ მამილვ
Line of edition: 7 ი ედ ლჷგრა̈̄ლ ხაგა̈დ, ეჯჲა̈რს მჷმზჷრი ჟი ხა̈მზჷრი ი ხაბიც ხვა̈̄ლმის, ერე "მიჩა
Line of edition: 8 მეფშვდე მა̈ზიგ ათქა̄ბვნას ამი̄ მუძღვნის, ხოლა მე̄კვა̈̄რჲე̄ლ, ჴვა̈შ ი მუჭვდი მა̈თლა
Line of edition: 9 ქ'ა̄თქა̄ბვნას ი ანსიპვნას აშ სგვებდ ი ლერსგვანთე ალ მამვლიშ ი ედ ლჷგრა̄ლე
Line of edition: 10 მუძღვნი". ეჩქანღო მამილვს ჩვა̈ჲსენიხ. ეჩის ი ლჷგრა̈̄ლს ჟ'აჯა̈ბხ ი ჩუ იდჲარა̈̄ლხ.
Line of edition: 11 მოგდა̈̄ნს მამვილ ი ედ ლჷგრა̈̄ლ ლეთხუმდ ხა̄რ ლეყდი ი მუზვებ მა̈გ ლი ქორისგა.
Line of edition: 12 ეჩქანღო კა̄ჟი̄ნ მჷჩხიმისგა ჴიცი კუ̄რპი̄ლა̈რს ა̈ჭიხ სამ. ეჯჲა̈რს შამფვირს ხაცვეხ
Line of edition: 13 ი ქა̈̄მ ჴვილას ხა̈ჩხინეხ. ალ კუ̄რპი̄ლა̈რს მა̄რე დე̄მ იზბი ი მუჟჴვა̈რი̄ლა̈რს ხუღვეხ
Line of edition: 14 ლეზობდ ი ლეკრე̄ნტა̄ლდ. Line of edition: 15 ლეღვი აღაბ ლე̄თ მა̈̄ნკვი ლეღვს ხაგემხ მა̈გ ი ეჩნოვშ ჩუ იდჲარა̈̄ლხ. ჯიჯვა̈რს
Line of edition: 16 ი გა̈ლმოზა̈რს ნა̈ნკთ' ა̄დე̄სგიხ გელვე ლაგა̈ფია̄ქდ. ნა̈დჲარობენ ფეტვრა̈შ ი ჭყა̈ნი
Line of edition: 17 ცჷრცმას იჩოხ ი ეჩას ხოგა̈̄ლიხ ჩი̄ თვით ფაკა̈ნს. ჟი ხებზიხ, ერხი ლჷფშირ მეზგაისგა
Line of edition: 18 ღვაჟა̈რ ი ზურალა̈̄რ ცჷრცმა̈̄ ნა̄პუვა̈რს ხა̈ფშვდეხ უშხვა̄რ ი ჟი ხოთულვა̈ფიხ
Line of edition: 19 ლერქვა̈რს ი ნიჩვა̈რს მჷჩხმა̈̄რ ცჷრცმოვშ. ეჩქანღო ეშხუ მა̄რე ჟი ღჷრი დე̄ფნი
Line of edition: 20 ყო̄რთეჟი̄ნ, ჯიჯვა̈რს ი გა̈ლმოზა̈რს ქა შიდე ი ტუ̄ლი: "ოო უ გელო, ელოს
Line of edition: 21 ა̈ჯზჷზე გელოდ. ამზავ ალა ჯა̈̄ც ი ზავდ ბარჯს ა̈ჯკვა̄ნე." Line of edition: 22
ლენჯა̈̄რ Добавлено (2006-09-06, 5:19 Pm)
---------------------------------------------
4. ყვილჲე̄რი ი მუსვი მურყვამ Line of edition: 24 ყვილჲე̄რისგა ერხი სოფლა̈რ საყდრარე ფე̄დჲას მუსი მურყვმა̈რს ჲჷგემხ ი
Line of edition: 25 ჟიქა̄ნ ერხი̄ სოფლა̈რისგა ჯვა̈რს ხაჴლენიხ. ერხი ჭე̄რა̈რს ხონხენიხ ძირან ი კა̈ცხჟი̄ნ
Line of edition: 26 ზუჰე̄რა̈̄ ნა̈ცლუვა̈რ ი ამკა̈ლიბა̈რ ხალჯახ, მა̄რე ჟი დეშ ხეჰო̄ლი ლაგა̈მთ', ე̄ჩქას
Line of edition: 27 ეშხუ ჟიქა̄ნ ა̈რი, მე̄რმა̈̄ლ მუსი კიცხა̈რს ხოშდეხ ი ჟიქა̄ნ მერდე ხოჩა̄მ უსტად
Line of edition: 28 გჷრკიდ ახჭიმ ლაგა̈მს. ჟი ხეფშენიხ, ეჩქას ქიჩხჩუ̄ნ ჩუ ჴედნი ჟიქა̄ნ მერდე. ამჟი̄ნ
Line of edition: 29 მურყვმა̈ ლაგა̈მს ო̄შთხვ-ოხვიშდ ლადა̈ღ ხაკუხ ი ეჩქას გარ აზგჷრეხ ქა ლიგემს.
Line of edition: 30 ყვილჲე̄რისგა იგო̄ლა მუსვი მურყვამ მჷჟა̄ლს აღბა̈ ლაღრა̄ლჟინა̈შდ, ყვილჲე̄რისგა Добавлено (2006-09-06, 5:19 Pm)
---------------------------------------------
იგო̄ლა ლაღა̈მს ჯგვიბჟი̄ნა̈შდ ი ალ მუსი მურყვამ ლენჯა̈̄რ ჲარვ ა̈დგილს იგო̄ლახ
Line of edition: 32 -- ეშხვი ნე̄სგუნს ი მე̄რმე ლაშთხვერს. მურყვმა̈ ლირღვე̄ ლადა̈ღ ჴედნ', ე̄ჩქას
Line of edition: 33 ხოხვრე̄მი ლალე̄ზი ჟი იყვბა̈̄ლ. მა̈̄ნკვი იყვა̄ბუნა̈̄ლხ ი ჟი ხებზიხ ლიბუძგვა̈̄ლს, ეჩქანღო
Line of edition: 34 ჩუ ყველნიხ ჲარვდ: ჟიბა̄ვიშდ ი ჩუბა̄ვიშდ. ჟიბა̄ვიშა̈რ ჟიქა̄ნჩუ ხეგნიხ
Line of edition: 35 ლა̈რღვას ი ჩუბა̄ვიშა̈რ ჩუქვა̄ნჟი ბერჟა̈ ლა̈̄ხი̄რარშვ ი წაკტარშვ. ითჲა̈̄ლხ, ერე
Line of edition: 36 მინეშხა̈ნჩუ̄ნ ა̈დკა̈̄ფიხ მურყვამ, შომვა̄ლე აშხვხა̈ნჩუ̄ნ ჩუ იკა̈̄ფი მურყვამ ი ჯვა̈რს
Line of edition: 37 ერვა̈̄ჲ ქა იღე̄შგი, ეჯა ხოჩა ხაბჟახ. ეჯ ფოყთ' ე̄სერ ხოჩა ზა̈ჲ ჴედნი, მა̈̄ჲ ფოყხა̈ნჩუ̄ნ
Line of edition: 38 მურყვამ ჩუ იკა̈̄ფი ი ჯვა̈რსი̄ ქა იღე̄შგიხ. Line of edition: 39 ყვილჲე̄რისგა იჩომხ ლაშთხვერ თა̄რინგზელი წირს ი აშხვ ლე̄თ რიჰდ ლითრე
Line of edition: 40 ი ლა̈ხი̄რულ ხა̈რხ სოფალვშ. ყვილჲე̄რე აღაბ ლე̄თ, ლა̄შგ ესვა̈̄ჲ ხა̄რ, ჩიქე ქუთს
Line of edition: 41 ი ჭიშდვა̈რს ანყა̈̄ლიხ ი ჩუ იხჷრჯა̈̄ლხ. ნა̈დჲარობენ ლჷჯე̄მი ქაქს იჩოხ. მინე ნა̈̄იას
Page of edition: 10 Line of edition: 1 ბოფშა̈რ ფაკანშვ შუნ ა̈ჲე̄სგიხ, კელიკაჩხუშ ქა ხეცხპენიხ ყველფს, ქაქს ფხულარშვ
Line of edition: 2 იკლიტიხ უშკთე ი ტუ̄ლიხ: "შიშა ფაფა გა̈მჷრკელა̈ჲ, ელჲა̈ ხოჭორა̈̄ლე̄
Line of edition: 3 ო̄". Line of edition: 4
ლენჯა̈̄რ Добавлено (2006-09-06, 5:20 Pm)
---------------------------------------------
Line of edition: 5
5. ლიღვმესა̈̄რი Line of edition: 6 ლიღვმესა̈̄რი ლი ლიქვრეში სგვებნე ლადა̈ღ -- საფტინს. ეჯ ლადა̈ღ ჲორინ ხონ Line of edition: 7 ნუ̄ნა̈̄ლი მა̈გ ქვინლჷმგენა̈̄ლს ი მანცინს ი ხოჩა̄მ ბედს ხაჩომხ. ჰარა̈კდ ანღრი: "ქვინლჷმგენა
Line of edition: 8 ი მა̈ნცინს ესერ ზავლადა̈ღ ლახვისგა ლიღვმესა̈̄რი ხეშყდენიხ, ლიმტრუკვა̈̄ლს
Line of edition: 9 ესერ იბნეხ." ლიღვმესა̈̄რიშდ მეზგე ლე̄ღა̈ბ მა̈ნცინი ლუგვა̈რ ჯო̄დი ჭინჭილს
Line of edition: 10 შამფვირს ხაჭვე̄ნი, ეჩქანღო ჟ'აწლა̈ვი ი ეჩჟინ შამფირშვ შგილ ჩუქვა̄ნქა
Line of edition: 11 ხა̈ჩხინე ლაფრას. Line of edition: 12 ლიღვმესა̈̄რის ამჟი̄ნ იჩო მა̈გ: ჰამს ჩუ ირჰ' ე̄ჩქას შიშდ კათე ხო̄შვეხ ი ლემზჷრა̈რს
Line of edition: 13 ანყა̈̄ლიხ ზურალა̈̄რ, ეჯჲა̈რს ჟი ხა̈მზჷრიხ ი ჩუ იზბიხ. ეჩქანღო მენენ ჟი
Line of edition: 14 ღჷრი დარბა̈ზთე ი აშხვ ჩუ ხონნუ̄ნა̈̄ლი. ნა̈ნნუ̄ნა̄ლუნღონ კათე ხო̄შვემ ი ქა ირბიელხ
Line of edition: 15 ი ნა̈რბია̄ლუნღო ფიშირ ლემზრა̈რს ანყეხ, ედ კუბდილა̈რს ი მა̄დეჲ ქუთულა̈რს.
Line of edition: 16 ალჲა̈რ ქა იჭიხ, ეჩქას ჩუ ისგვრიხ მა̈გ ხოშა-ჲ ხოხვრა ი ჩუ იდჲარა̈̄ლხ. ჯვინალდ
Line of edition: 17 ხოხვრა̄მ ი̄თა̄ლ მა̈გ ი ფიშირ არდ' მეზგაისგა ი ეჩქას ჰა̈დურდ ხოფშირა
Line of edition: 18 ლემზირ ინყო̄ლდა დარბა̈ზთე ლეიდ. მა̈გ ჩუ იდჲარა̄ლ ი ტაბგა̈რს ჟი იცხემხ, ეჩქას
Line of edition: 19 მენენ შგილჩუქვა̈̄ნხა̈ნქა მარკვზა̈ნს ჩუ იკედ ი ჟ'ატყბე. მარკვზა̈ნ ხაჟხა ეჯ ჭინჭილს,
Line of edition: 20 ე, ხედვა̈̄ჲ შამფვირს ხაჭო̄ნა ჟი ლჷწლავე ი შგილ ჩუქვა̄ნქა ხა̈ჩხინა. ალ მარკვზა̈ნს
Line of edition: 21 ი ლემზჷრა̈რს ჟ'ა̈ჲე̄სგი დარბა̈ზთე, ჟი ხა̈მზჷრი მეზრია̈ თა̈რგლეზერს კუმში
Line of edition: 22 ნა̈შდობახა̈ნ, ეჩქანღო ჩუ ისგვრი ი ჩუ იდჲარა̈̄ლ. ნა̈დჲარობენ ჩუ ხონნუ̄ნა̈̄ლი
Line of edition: 23 მახად ი ლემზჷრა̈რს ნე̄ნის ხა̈ნჩჷდე ი ეჩჟი̄ნ შიდე ლე̄ბიჩუ̄ნ, ეჯჲა̈რს ჩუქვა̄ნ ბოფ
Line of edition: 24 შა̈რ ჩუ იღე̄შგა̈̄ლიხ. Line of edition: 25
მესტია Добавлено (2006-09-06, 5:20 Pm)
---------------------------------------------
6. ლიქვრეში Line of edition: 27 ლიმპა̈რის მიშლადა̈ღ ახჭიმ, ეჩქას ლი ლიქვრეში. ლიქვრეში ხა̈მთქვახ ბა̄ლჷნჟი̄ნ
Line of edition: 28 მესტიას სამ მეზგა, მჷლახს ი მჷჟალს, მესტიას ხა̈მთქვახ მა̈რგია̄ნა̈რს ი
Line of edition: 29 გოშთელია̄ნა̈რს. ერვა̈̄ჲ ლიქვრეში მუჩვემ ლიხ, ეჯას ნანაშყვ ჴა̈ნ (\\ ვისხვ ) ხა̄რ
Line of edition: 30 ლეჲსენი. ჟი ინზო̄რა̈̄ლ ლიქვრეში ჰამს. მა̈̄ნკვი თვით ქვინ ჰარა̈ყს ჲჷთრეხ ღვაჟა̈რ
Line of edition: 31 ი ხომზჷრიხ უშხვა̄რ ფიშირ ლიქვრეში̄ ხერსი ლიჩვემს მუჩვემ მეზგა ი მინე ქორა̈რს.
Line of edition: 32 ეჩქანღო ჟი იგნა̈̄ლხ, ჴანვ ქა ჴიდეხ ლა̈მზჷრ ლაჴვრათექა, ჟი ხალწენიხ მუჭვა̈რჟი̄ნ
Line of edition: 33 თვით ლეტვრა, აშხვ ხოშა̄მ ფაკა̈ნ ჰარა̈ყს შჷნჟი̄ნ ა̈ჲე̄სგიხ ი ჟი ხა̈მზჷრიხ
Line of edition: 34 ჴანვ. ჟი ნა̈მზჷრჷნღო ა&# |
| |
| | |
|
Мужчина |
Date: Четверг, 2007-06-07, 5:52 PM | Message # 2 |
Group: Проверенные
Posts: 352
Status:Offline
Дата регистрации:
2006-09-07 |
ჴანვ. ჟი ნა̈მზϩრϩნღო აშხვ ლეტვროვშ ლერსგვან ბარჯჟი̄ნ ი ფოყჟი̄ნ ფა̈თვს ჟი
Line of edition: 35 ხაცხვლეხ. ეჩქანღო ესვა̄̈ჲ ხაკუჩ, ჰარა̈ყს ჲϩთრე, ეჩქანღო ჟი იკულთხა̈ნიხ ჴა̈ნს
Line of edition: 36 ი ჩვა̈ჲსენიხ ი ჩვატფუ̄რეხ, ჩუ ბიჴვეხ ი ეჩქას აშხვ მა̄რა ფიჩქ ი ჯიმ ჟი ლϩმა̄რე
Line of edition: 37 ხა̄რ. ღვესა ნეც-ნეცინდ ფიჩქჟი̄ნ დე̄სგიხ. ამის მა̄რე მასა̈რდ ჩვაჯმი. ღვეშგიმ პილს
Line of edition: 38 ფა̈შ ი ღვესა ქა ხაჭვე̄ნიხ ქა̄მენქა, ჟ'ათლϩ̄რეხ თა̈კვარშვ ი ჟი ხორკინეხ კა̈ვჟი̄ნ.
Line of edition: 39 ლეღვს სგა ხაგემხ ი ჩვაჯა̈ბხ, ეჩქას ჩუ ისგვრიხ ი ტაბგა̈რ ლϩდა̄წყანღო ქეიფ
Line of edition: 40 ხა̄რხ. ისგ ტაბგობჟი̄ნ საქუნს ხა̈ჭმინეხ ხოშა̄მ ქარხსარშვ. ალ ქარხსა̈რ ლეგ ლეთრე
Line of edition: 41 ლიხ, ეჩზუმვა̈რ ლიხ. ეჩქანღო ტოლიბა̈შს ასგვრეხ ი ხა̄რხ ამჟი̄ნ ხინ, ვოდ მოშ
Page of edition: 11 Line of edition: 1 გეჭნიხ. მე̄რმა ლადა̈ღ აჯად ამჟი̄დ ხა̄რხ ხინ ი ლითრე, ვოდე ლეღვ ი ჰარა̈ყ ჩუ დო
Line of edition: 2 ხოშთხენიხ, ეჩქად ამჟი̄ნ ხა̄რხ ქეიფ. მუშგვრის დე̄მ იხნიხ ქორთე ი ლახე ჲა̈რ
Line of edition: 3 ხოჴდენიხ, კალვთექა ხოჴდეხ ჰარა̈ყს. Line of edition: 4
მϩლახ Добавлено (2007-06-07, 5:50 Pm)
---------------------------------------------
7. ლითო̄დური ი ლიტბϩლი Line of edition: 6 ლითო̄დური ლი ყვილჲე̄რს ნაგზი ხეჭმენი, ეჩქას ი სურუ ხოჩა̄მ მი̄შვს ხვატვფუ̄რად.
Line of edition: 7 გϩმა̈რ ნუღვა̄̈ნხ კაჩლიე̄რ, ყვა̄ბა̄̈ნიე̄რ ი იშგნა̄გ. ხოჩა გიმ ჩუ მა̄̈ჲ არდა
Line of edition: 8 მესტიას, ალა მა̈გ ლიტბϩლიჟი̄შდ ი ლიმზϩრჟი̄შდ ნუღვა̄̈ნხ. აშხვ ზავ ეშხუ მეზგე
Line of edition: 9 ხვაჴა̈ნდად აშხვ და̈ბს ი აშხვ ლიტბϩლის ხვიჩომდად, მე̄რმა და̈ბს -- მე̄რმე მეზგე ი
Line of edition: 10 ეჯა იჩომდა ლიტბϩლის, მე̄სმა̄მ -- მე̄სმე ი ამჟი̄ნ ხერა̈სდ ნიჭა̈მხ. ლიტბϩლი ერ ჯგϩრა̄̈გი
Line of edition: 11 ნა̈მზურუნ ლა̈სვ, ერ ფუსდა̈შ, ერ თა̄რინგზელიშ, ერ ღერთა̈შ, ერ იმშა ი ერ
Line of edition: 12 იმშა. მუჩვემ მეზგე ჰარა̈ყს ამა̄რა. დია̈რს ი ნა̄̈ყუ̄ნს ა̈გი̄-ა̈გიხან ხვაჲა̈სგდად. ხვისგვრო̄ლდად
Line of edition: 13 ჩუ ი ნა̄დ ხინ ი ხიად. ლიტბϩლითე̄სგა ვარგა̈რს დე̄მის ხვინჩϩდად ი სერ
Line of edition: 14 ეჯჲა̈რს მა̄მ ოხგადϩნდახ ამხა̄ვთე̄'სგა. ათხე ალ დაბა̈რ საბრალ მეზგა̄̈ლს ოთრიგვა̄ლეხ.
Line of edition: 15 ერხი ლიტბϩლიჟი̄ნა̈შდ ა̈გინ ი ა̈გინ ხვაზვრიდად ლეჰრა̈ყი ჭϩმინს. ეჯა ჰϩლშიე̄რისგა
Line of edition: 16 ნა̈მთქვა მოლ ჯგϩრა̄გუს. ეჯას ხერასშვ ჩუ ხვაჰრა̈ყდად ი ჲარვ ლადა̈ღ
Line of edition: 17 მასა̈რდ ლითრე ნა̄რ. მა̄̈ნკვი̄ ლადა̈ღ მუშგვრის და̄̈ს ხვიხნიდ. ლითო̄დრიე̄ს ოხვიშდ
Line of edition: 18 ღეთ ი უსგვა მეზგე ხვეტყვბა̄ლდ უშხვა̄რ. ამ მი̄შვიშდ დაბა̈რ ქა ნითრო̄ნხ
Line of edition: 19 ეჯჲარე მაჴა̈დს ჩუ ხვაჰრა̈ყდად. აშხვ ზავ -- ეშხუ მეზგე, მე̄რმაზავ -- მე̄რმე მეზგე
Line of edition: 20 ი ამჟი̄ნ ესჭიმდა ხერა̈ს. ლეზვებ ა̈გიხა̈ნ ენღვა̄̈ნ. ხოშა ლაღა̈ლ ლანზო̄რა̄ლ თაბუშე̄რმϩყ
Line of edition: 21 ნა̄დ. ბაპობ ანჴა̈დ, ეჩქას ბაპა̈რსი ჩუ ხვა̈წϩრველა̄̈ვნად ი ქა ხვა̈წიჰდად
Line of edition: 22 დი̄რობϩნღო ხოჩა ნათხუმ ჰარა̈ყ ი ხა̈რჯ აჯაღ მინსϩდ ესღვა̄̈ნხ, მარე ამღა და̄̈რ
Line of edition: 23 ფეშენდა. Line of edition: 24 ათხე და̄̈ს ხა̄რ ლითო̄დრიე̄რ. Line of edition: 25
მესტია Добавлено (2007-06-07, 5:51 Pm)
---------------------------------------------
. ზურა̄ლმა̄რე ი ლილაობ Line of edition: 27 ზავისგა აშხვ ლადა̈ღ მეზგე ლა̈ჲშუშას ქ'ა̄̈წიჰდა. ეჯ ლადა̈ღ ი ეჯ ლე̄თ გუნ
Line of edition: 28 ხოჩა̄მდ ხეშდაბდა ლა̈ჲსოშ, თა̈შ მϩჯა̈ბშვ, ქუთშვ, ჭიშდვარშვ ი მა̈ჲ ხოჩა ჩუ მა
Line of edition: 29 ლა̈სვ, ეჩნოვშ. Line of edition: 30 ზავისგა ყვილჲე̄რე თახა̈შ ჰასვიშს მა̄გ ლილა̈ჲს (\\ ნაკმარუნს) ხოჴდა. ბა̄̈ლϩნჩუ
Line of edition: 31 ლილა̈ჲს ხაყლეხ ი ბა̄̈ლϩნჟი̄ნ -- ნაკმარუნს. ჰასვიშს ბა̄̈ლϩნჩუ̄ნ აშხვ სტამა̄ნ ჰარა̈ყს
Line of edition: 32 ხოჴდა მა̈გ. ეჯ ლე̄თ ჩი მეზგაისგა მასა̈რდ ჰარყი ლითვნა̄̈ლი ლა̈სვ. ერხი მეზგათე̄,
Line of edition: 33 სგა ეშდ ღეთ სტამა̄ნ ჰარა̈ყ ჴედენდა ი ხოჩა̄მ ლეთს იმღა დო̄მ ა̈დჩომდახ ეჯ ლე̄თ.
Line of edition: 34 მე̄რმა ლადა̈ღ ლილა̈ჲ მϩჴდა მო̄ლა საჩქვა̈რს ხაჰვედდა მა̈გ ი ეჩჟი̄ნ ფიშვდა ქორთე.
Line of edition: 35 ბა̄̈ლϩნჟი̄ნ ნაკმარუნდ ზავისგა აშხვ ხოშა̄მ კარვა ფექს ხოზიზდა მა̈გ ჰასვიშს ი სერ
Line of edition: 36 ამϩნქა დე̄მგვაშ. Line of edition: 37 კერი ლიმზϩრ ზურალა̈რს გარ ხემთქვა̄̈ნხ. ყო̄რა̈რს ქა ხოდა̄̈ლდახ, ქუთვა̈რს ი
Line of edition: 38 ჭიშდვარა̈რს ანყა̄̈ლდახ, თა̈შს აჯა̈ბდახ ი ხოჩა ლადა̈ღს ასყე̄ნახ ამნოვშ. Line of edition: 39 გიმი ლიმზϩრი̄ კერი ლიმზϩრიშა̄ლ ლა̈სვ, მარე კერი ლა̈მზϩრჟი̄ნ კერი ჭϩშხა̈რს
Line of edition: 40 ხემზირდახ ი გიმი ლიმზϩრჟი̄ნ ჩუბა̄ვ ხა̈ხლი̄ნახ ლემზϩრა̈რს გიმს.
Page of edition: 12 Line of edition: 1 ნაჲღაბუნღო ღვაჟა̈რ მა̄მ არდახ ქორს, ეჩქას ზურალა̄̈რ ლϩჭყა̈ნ ქაქს იჩომდახ
Line of edition: 2 ი ჩუ იზობდახ. Line of edition: 3 კიხესი ზურალა̄̈რ გარ ინყახ. ხოშა̄მ ლესკა̈რზუ̄მ ქუთს ანყახ ი ეჯას მუხვრა̈რს
Line of edition: 4 ხა̈ჩომდახ. ქა იჭო̄დ" ე̄ჩქას ჟი ხა̈მზϩრდახ ლამა̄̈რიას ი ჩუ იზობდახ. Line of edition: 5 დვეშდი ნაყა̄̈ლვ თაშა̈რს ჟი იზვერდახ შდა̄შვ, ეჩქანღო ღვაჟრე ლამშა̈ჲათე
Line of edition: 6 ნა̄ზუნღო აშხვ ლადა̈ღ კათე ხო̄შვახ მახან, ქა ინყა̄̈ლდახ ქუთ-ჭიშდვა̈რს, ჟი ხამზϩრდახ
Line of edition: 7 ლამა̄̈რიას მინე ნა̈შდობახა̈ნ ი ეჩქანღო ჩუ იზობდახ. ცა̄̈ში ნაყა̄̈ლვა̈რსი
Line of edition: 8 ამჟი̄ნ იჴმა̈რდახ. Line of edition: 9 ლადბა̈შთე ლახე ღϩრდახ, ეჩქას მინეშდ ქამასა̈რ ხოჩა̄მ ლϩჩი̄დს ინყახ, ეჩის
Line of edition: 10 ჩუ იზობდახ, ეჩქანღო იმჟი̄ნ მე̄რმა̄ლეშდ, მინეშდი̄ ეჩჟი̄ნ ანყახ ლემზϩრა̈რს.
Line of edition: 11 დუღვა̈რს ხაყლახ სგელდ მϩნა̈ყ ქუთვა̈რს. ეჯჲა̈რს ჩიქე კა̄ჟი̄ნ ჟ'აკფხახ, ეჩქანღო
Line of edition: 12 კაჩუქვა̄ნ მϩრთხისგა გუნ ქ'ა̄ჭეჲდახ ი ეჩქანღო ჩუ იზობდახ. ალჲა̈რ ლა̈სვხ
Line of edition: 13 ზურალა̄რე ხოჩე̄ლ ბედ ი ხოჩა ლუგვენ. Line of edition: 14
ლენჯა̄̈რ Добавлено (2007-06-07, 5:51 Pm)
---------------------------------------------
. ისგლილჩა̄̈ლ Line of edition: 16 ისგლილჩა̄̈ლ ხაჟხა, შომვა̄̈ჲ ლილჩა̄̈ლ ჩუ იხნϩსგი. მა̈ხვიად ჩიგარ ჯϩმა̈ლადა̈ღ
Line of edition: 17 ხეხო̄ლი. ისგლილჩა̄̈ლ ხა̄ლ ჩუ ირჰი, ბოფშა̈რ შიშდ იბნეხ ლიღრა̄̈ლს: "ისგი̄ ლილეჩა̄ლე,
Line of edition: 18 ბ... ილეჭა̄ლეხ, მა̈ი ვა̈ი ხაკუხ, ეშხვი ტუ̄ნუ ტუ̄ტხორ" , ალა ზურალა̄̈რს
Line of edition: 19 ხასდიკხ, მარე ბოფშა̈რ ამღა დე̄მის ფეშნიხ, ეჯღ' ე̄რე ღვაჟა̈რ ხეწენა̄̈ლხ ი ეჯჲა̈რ
Line of edition: 20 ხა̄̈ქვი̄სგვნეხ ალ ლიღრა̄̈ლს ჩი ზავ ისგლილჩა̄̈ლ ლადა̈ღ . ლადაღვშ უშხვა̄რ
Line of edition: 21 ხენჴრინიხ სოფელისგა̄̈ ბოფშა̈რ ი ისგლილჩა̄ლე ლაღრალს იტვი̄ლჲე̄ლხ ჩია̄̈გ. ერხი
Line of edition: 22 ზურალა̄̈რ, ხატყციხ ბოფშა̈რს, სერთხი დი̄ნა̄̈ლს, მარე ამღა მე̄რმა̄̈ლ ეში̄ დე̄მ
Line of edition: 23 ქვიცეხ. ამ ლადა̈ღ ლისგვრე̄შ ლი მა̄დხვა̈ჲ გვიზ ი ხაგა̈დ ჩი̄ ლიმკვი̄შდ. ისგლილჩა̄̈ლ
Line of edition: 24 ლე̄თ ლიმკვი ლი. ლიმკვის უშკვ უშϩმ ლიდჲარა̄̈ლს ხვაყლად. ლა̄̈თშვ გვიზი
Line of edition: 25 დი̄რა̈რს ანყე მა̈გ გიმბში ლϩჩი̄დს. ოხდრის ლილჩა̄̈ლისგა მა̄დ შიდდა. ლა̈დჲარა̄ლჟი̄ნ
Line of edition: 26 მა̈გ ჩუ ისგვრი ქორისგა ი უშკვდ უშϩმდ იდჲარა̄̈ლ მა̈გ. ესვა̄̈ჲ ლიცი ლიშგვემ
Line of edition: 27 ხაკუჩ, ეჯა დია̈რს კა̄თექ' ა̄კვა̄ნე ი ეჩჟი̄ნ იშგვემ ლიცს. ლიცნათუნუნღო ჟი̄დ იკედ
Line of edition: 28 დია̈რს ი ჩუ იდჲარა̄̈ლ. Line of edition: 29
ლენჯა̄̈რ Добавлено (2007-06-07, 5:51 Pm)
---------------------------------------------
ყო̄რლიკრა̄̈ლ Line of edition: 31 ყორლიკრა̄̈ლ ლე̄ღაბდ ლი, ლა̈ლჩა̄̈ მიშლა̈დღი სგვებნე მიშლადა̈ღ ლი. ეჯ ლე̄თიშდ
Line of edition: 32 მეზგა ჩი̄ გვიზ ხო̄გ. ჩუ იბვრ" ე̄ჩქას კათე ხო̄შვე მა̈გ, ერვა̄̈ჲს ხაგა̈დ. კათე
Line of edition: 33 ნა̄შვავუნღო აშხვ ბეფშვს ქა̄̈მ ყო̄რჟი̄ნ მϩლჩად ა̈გნე მა̈გ.: "სგ'ე̄სერ დო̄რდ ლახტუ̄ლას,
Line of edition: 34 მა̄დეი ამ ლე̄თი ლეზობ ჲა̈რ ხეწეს მე̄რმე მა̄რე. ოდე ქა დო ირბიე̄ლხ, ჩუ
Line of edition: 35 დო იდჲარა̄̈ლხ ი ამ ლე̄თი ნანაყვ ხა̈რჯს ჩუ დო თვიფეხ, ეჩქად ეშხვი ქა̄̈მ ა̈რი მϩლჩად.
Line of edition: 36 ეჩქანღო მე̄რმე ხეცა̄̈დი ქა̄̈მთე ი ოდე ეჩქადი ქა̄̈მ მერდე მϩლჩე ჩუ დო იდჲარა̄̈ლ,
Line of edition: 37 ეჩქად ეჯ ა̄̈რი ქა̄̈მ ი ეჩქანღო სგა ტეხნი. ჟი̄ჲ ეჩქანღო გარ იშვმინე მეზგე
Line of edition: 38 ლიტუ̄ლი̄ მაყალხა̈ნ. ჯვინალდ ჰა̈დურდ ხოშა ხეჯრავა̄̈ნხ ი ათხე̄ჲ ხვა̄̈ჲს ხაჯრავა, ღერთაშ
Line of edition: 39 ი ლიმზϩრი მომწა̈მ ერვა̄̈ჲ ლი, ერე ყო̄რლიკრა̄̈ლ ლე̄თ მეზგა ერვა̄̈ჲ მეჰერ ი
Line of edition: 40 ჲედ მე̄რმა მეზგე̄მი მა̄რე სგა ლახტვილნე, ეჯ ზავისგა ლეტუ̄ლი მეზგა ქვილϩმგენე̄მი
Line of edition: 41 წყა̈ნ ხედო̄ლი სურუჟი̄ნ ი მახად ლეტϩრხა̈ნი ხა̄რ ყო̄რლიკრა̄̈ლ, ადო ეჩურ
Line of edition: 42 მა̄მ როქვ ხოყა მეზგა. Line of edition: 43
ლენჯა̄̈რ Добавлено (2007-06-07, 5:51 Pm)
---------------------------------------------
. ლიმკვი Line of edition: 2 ალა ქვილϩმგენა̄ლე ნა̈ფშირახა̈ნ ხემთქვა̄̈ნხ ჯვინალდ შვანა̈რს, მეზგე ხათა̈რდ'
Line of edition: 3 ე̄ჩქას, ლინთვისგა ლე̄თშვ, ოშვა̄̈ჲდ ჲა̈რ ირდო̄ლ მეზგაისგა, ეჩშელდ ლემზირს ანყა.
Line of edition: 4 დი̄რლე ქა ლϩჭა̄ლანღო ლემზϩრა̈რს ჟი ხა̈მზმრდახ ქვილϩმგენე̄მი მϩფშირა
Line of edition: 5 ღე̄რბათ, ერე "მინე ქორისგა ქვილϩმგენე ჩ' ოთფიშრე̄ნს". ეჩქანღო ღვაჟა̈რ ლაჴა̈ნ
Line of edition: 6 ლა̈დჲარა̈რჟი̄ნ ისგვრო̄ლდახ, ზურალა̄̈რ ლაფურ ლა̈დჲარა̈რჟი̄ნ ი ეჯჟი უშკვ
Line of edition: 7 უშϩმდ ჩუ იზობდახ ლემზϩრა̈რს. ბოფშა̈რს ქა̄̈მთ' ა̄̈გნა̄̈ლდახ, ოდე ლიდჲარა̄̈ლს
Line of edition: 8 ქა დო ჲა̈რ ასრულახ, ეჯღ' ე̄რე ბეფშვ გა̈რგლას დეშ იგჭე ამზუმხა̈ნს, ჲედ ლიგვნის
Line of edition: 9 იბნე ი ლა̈დჲარა̄ლჟი̄ნ ლახე ჰერს ჲა̈რ ა̈ნკედნე, ეჯ' ა̄შთარაღად ქვილϩმგენა̄̈ლს
Line of edition: 10 ხოლა ხა̄დხ. Line of edition: 11 ბოფშა̈რს ეჯჟი ქახიქ' ა̄̈გნა̄̈ლდახ ქორხა̈ნქა, ერე ეჯჲარე ჰერ ხაკუჩ ერე ქორთე
Line of edition: 12 ნომ' ა̄ლსϩმე̄ლესვ, ადო ეჩქა ლიმზირ ეში ჩუ ლϩდვაშე ხა̄დ ეჯ მეზგა. ლიმზირს
Line of edition: 13 ქორწყელჲა̈ნჟი̄ნ იჩოდახ. Line of edition: 14
ლენჯა̄̈რ Добавлено (2007-06-07, 5:52 Pm)
---------------------------------------------
. თანფა̈ ჲარვ ნე̄სგა̄̈ ცა̄̈შ Line of edition: 16 კϩ̄რა̈შ ჟიქა̄ნ თანფა̈ ჲარვ ნე̄სგა̄̈ ცა̄̈შ ლიმზირ ოხგადϩნდა იფა̄̈რ-ზეგა̈ნს ი
Line of edition: 17 ლიმზϩრს ზაგრა̈რჟი̄ნ იჩომდახ ეჩქას. პირველა̈რს ლენყე ხა̄დხ ლესკა̈რ ი სეფსკვერ,
Line of edition: 18 ეჩϩნქა ლეჲი ხა̄დხ ზედა̈შ. მე̄რმა თემა̈რს ღუნ ხა̄დხ ლეჴდე ი ეჩჟი̄ნ იჩომდახ
Line of edition: 19 ლიმზϩრს. ეჯ ლადა̈ღ გუნ ეზერ ლარდას ასყე̄ნახ. ნა̈მზϩრუნღო ი ნა̈ბოზს გარ ფხეჟენდა
Line of edition: 20 მა̈გ ჩუ. ილ ლიმზϩრ ეჯღა ხემთქვა̄̈ნხ, ერე იფა̄̈რდ მე̄რმა სოფლა̈რს დო̄ მე̄სგა
Line of edition: 21 მოშ ოთსერე̄ნხ. Line of edition: 22
იფა̄̈რ Добавлено (2007-06-07, 5:52 Pm)
---------------------------------------------
ფხუ Line of edition: 24 ყვილჲე̄რე აღაბ მე̄რმა ლადა̈ღ დვეშდიშ ლი. ამ ლადა̈ღ იბნო̄ლდახ ნიშგვეჲმϩყ
Line of edition: 25 ფხუვა̄̈რუ. ფხუვა̄̈რი̄ ლიჩვემ ხერასშვ ნემთქვა̄̈ნ, სგა ხვეყვბა̄დად უშხვა̄რ უსგვა-იშგვიდ
Line of edition: 26 მეზგე. აშხვ ზავ ეშხვი ლა̈სვ მუჩვემ ი მე̄რმა ზავ -- მე̄რმე მეზგე ი
Line of edition: 27 ამჟი̄ნ, ოდე ხერა̈ს ქა დო ისრულო̄ლდა. ეჩქანღო მϩბნა მეზგახა̈ნქა̄დ ხვიბნად ი
Line of edition: 28 ამჟი̄ნ ესჭიმდა ხერა̈სდ მეზგან ი მეზგან. დვეშდილადა̈ღ ჟი ხვიყვბა̄ლდ მა̈გ მუჩვემ მეზგათე.
Line of edition: 29 ჰარა̈ყ ეჯ მეზგემ ლა̈სვ ი დია̈რია̄ქს ი ნა̄̈ყუნია̄ქს ჟი ხვაზვერდად ჩი მეზგახა̈ნქა,
Line of edition: 30 ოშვა̄̈ჲდ ჲა̈რ ირდო̄ლ მეზგაისგა, ეჩი̄ შელდ ლაზიმს. ფხუვა̄̈რუ ლილჩა̄̈
Line of edition: 31 ლისგა ხეხო̄ლ ი ეჩქას ჩიგარ ვიჭმ ლი. ვიჭმისგა̄̈ ნა̄̈ყუნდ ქირს, გიმბში ხϩრხϩტა̈ჲ
Line of edition: 32 ი როგვა̈ ღერღილ ი ორა̄̈ში ნა̄̈ყუნ გარ წვა̄̈ნ, ადო ლობიოს, ქართობილს ი იშგან
Line of edition: 33 ლელϩრტა̈მს ღალ ჲა̈რ ხეწდენ შვა̈ნისგა. სურნელა̈რდ კლიო ი ნივრა გარ წვა̄̈ნდა.
Line of edition: 34 ობა̈შინ ჯიმი დე̄სა ითხო̄ლდა, მარე ღϩნჲა̄̈რვი̄შდ ჩიგარ ჟი იშხვინდა მეზგე. Line of edition: 35 დვეშდი ჰამს ჩუ ხვიყვბა̄ლდად, ეჩქას ჰარა̈ყს ხვათვნა̄̈ლდად. ეჩქანღო ზურალა̄̈რ
Line of edition: 36 გიმს იმზირდახ. ნა̈ჲ ქორს დე̄მ ნაგვა̄̈ვდახ, ღვაჟა̈რს, ი ქა̄̈მთე ნა̄დ ლე̄ზი. გიმი
Line of edition: 37 ნა̈მზϩრუნღო მინ ჩუ იდჲა̄რა̄ლდახ. ღვაჟა̈რს (\\ ღვეჟმა̄რა) მა̄დ ხოშიდდა ამი̄ ლისგდინე.
Line of edition: 38 ნა̈მზϩრუნღო ხა̈რჯს ჟ'ამა̄რახ, ნა̈ჲ სგა ღურდად ქორთე, ტაბგა̈რს ჩუ ნიგა̄̈ლდახ,
Line of edition: 39 დია̈რს ი ნა̄̈ყუნს ჩუ ნიგა̈მდახ სგვებინჩუ̄ნ ი ხვიბნად ლითრეს, იმვა̄̈ჲჟი
Line of edition: 40 ჲა̈ს მოშ ხეკვა̈დ, ეჩზუმს. გვიანდქა, ისგლე̄თი ონაქა გარ ხოქხენდად ტაბგა̈რს ი
Page of edition: 14 Line of edition: 1 ღურდად ა̈გი̄-ა̈გითე. თახა̈ ლადა̈ღ ამჟი̄დ ლიმზϩრ ი ხინ ნა̄დ ი ისგლე̄თჟი ფხვე
Line of edition: 2 ჟენდად. ჯϩმა̈ლადა̈ღ ი ჯϩმა̈ლე̄თ ამჟი̄დ ნა̄დ ი ეჯ ლე̄თ გარ ფხვეჟენდად. სა კუთარდ.
Line of edition: 3 ლენჯა̄̈რ |
| |
| | |
|
Мужчина |
Date: Четверг, 2007-06-07, 5:54 PM | Message # 3 |
|
Group: Модераторы
Posts: 990
Status:Offline
Дата регистрации:
2006-08-29 |
ლელეჰა̄̈ნ Line of edition: 5 ლელეჰა̄̈ნ ლი, მა̈რტისგა გვეგნ" ე̄ჩქას. ამϩნქა ლიჴნიე̄ლი ეჩქას იბნი. ლიჴნიე̄ლისგა̄̈
Line of edition: 6 ნაჴანვ-ნალა̄შვა̈ ლიჯვრენიხა̈ნ ი მასგუვა და̈რი ი ჰა̄ვდა̈რხა̈ნ ლიმზϩრს
Line of edition: 7 იჩოხ. ამ ლადა̈დ ელჲა̈ ლიმზϩრ ლი ი ამ ლადა̈ღს ლელეჰა̄̈ნ ხაჟხა. Line of edition: 8 ჯვინალდ ელჲა̈ დაბა̈რ არდახ ი ეჯჲარე ფა̈თვს იჴმა̈რდა მა̈გ ამ ლე̄თიშდ. აშხვ
Line of edition: 9 ზავ ეშხუ მეზგე ლა̈სვ მუჩვემ ი დაბა̈რსი ეჯა აჴა̈ნდა, მე̄რმა ზავ -- მე̄რმე ი ამჟი̄ნ ესჭიმდა
Line of edition: 10 ხერა̈სდ. ლელეჰა̄̈ნ ლე̄თ მეზგახა̈ნქა თვით ჲო̄რი ი სემი ღϩრდა ლა̈მზϩრთე,
Line of edition: 11 დია̈რს ა̈გიხა̈ნ ა̄ჲა̄̈სგდა მა̈გ ი ნა̄̈ყუნდ მუჩვმე მეზგე ორა̄̈ში ნა̄̈ყუნს იჩომდა ი ეჯას
Line of edition: 12 ხოგა̄̈ლდა ჩი̄ ფაკნარშვ. ტაბგარე ლიგა̄ლა̄̈ლდ ჰარა̈ყს ჟი ხა̈მზϩრდახ ხოშა̄̈ლ ელს
Line of edition: 13 ი ეჩქანღო გარ ისგვრა̄ლ მა̈გ ჩუ. ჟი იბნო̄ლდა ჰარყი ლითვნა̄̈ლი ი ჰა̄ლ მოშ ჲა̈ს
Line of edition: 14 ხეკვა̈დ, ეჩჟი̄ნ ჲϩთრა მა̈გ. ელჲა̈ დაბა̈რ საბრალა̈რს ა̈თრიგვა̄̈ნხ, ეჩქანღო ჭϩმინს
Line of edition: 15 აზვრი მა̈გ მეზგე̄მი ქუნჟი̄ნ ი ეჯას იჴმა̈რი მა̈გ ლელეჰა̄̈ნლე̄თი ჰარა̈ყდ. Line of edition: 16
მესტია Добавлено (2007-06-07, 5:53 Pm)
---------------------------------------------
ტა̈რი ჯϩმა̈შ Line of edition: 18 ტა̈რი ჯϩმა̈შ თანფა̈შ ი უფლიში უშხვა̄რ ნე̄სგა ლი. ალ ლადა̈ღ ძღϩდ უცხვდ
Line of edition: 19 ხოყდა̄ნახ ნიშგვეჲმϩყ ი გუნ ლისგვრე̄შ ლი. ეჯ ლადღიშდ ჩი̄ გვიზ ხაგა̈დ ი ლისგვრე̄ში
Line of edition: 20 ლიკვშე ქვინლϩმგენა აშთარაღად ხოლა̄მდ ხოჴდენი ი ეჯ ზავისგა ლისგვრე̄ში
Line of edition: 21 მუკვშა მეზგა ქვინლϩმგენე̄მი კვა̈დ ხედო̄ლი. ნა̈ბოზს მეზგე აშხვ ხოშა̄მ დიჲა̈რს
Line of edition: 22 ანყე. ქა მϩჭანღო ქორა̈ ხოშა ქ'ა̄̈ჲე̄სგი ჰაგა̄̈მთე ი ეჩეჩუ̄ნ გა̈რ ჭაბიგვს ჟი ხა̈მზϩრი
Line of edition: 23 ქვინლϩმგენე̄მი ნა̈ფშირახა̈ნ ი ნა̈შდობახა̈ნ. ეჩქანღო ოშვა̄̈ჲდ მა̄რე̄მი ქვინ ა̈რი
Line of edition: 24 მეზგაისგა, ეჩშელდდ ჩვაჭკვრეხ. ეჩქანღო ჩი̄ ქა ლე̄ზი ხა̄რ ჰანა̄̈მთე ი ეჩეჩუ̄ნ ჩუ
Line of edition: 25 ლელეზვებ ლესკრი ნა̈ქვცუვა̈რ. Line of edition: 26
ლენჯა̄̈რ Добавлено (2007-06-07, 5:53 Pm)
---------------------------------------------
16. ლიტბϩლი Line of edition: 28 ლიტბϩლი ჯვინალდ ჩიჲა̈გ (\\ ჩიაგ) შალ ხახლე̄ნახ, მარე ჩია̈გ ჩუ ლϩ̄შდნე
Line of edition: 29 ლი ი მესტია̄ლა̈რს გარ ხოგიჭხ, ეჯა̄ ჩი̄ მა̄მა, მოლჯგϩრა̄გას გარ ხაცვირხ, ეჯჲა̈რ
Line of edition: 30 გარ იჩოხ. Line of edition: 31 ჯვინალდ დაბა̈რი ხუღვა̄̈ნხ ლელტაბილ. ალ დაბა̈რს მა̈ჲ ეშხუ მეზგ' ა̄ჴა̈ნდა
Line of edition: 32 ი მა̈ჲ მე̄რმე ი იხრესჲა̄ლხ. ქა ჭϩმინს გარ ხალა̄̈შდახ ი ალ ჭϩმინს ჩვაჰრა̈ყდახ. მა̈ზუმ
Line of edition: 33 ფიშირ ხუღვა̄̈ნხ დაბა̈რ, ეჩი̄ზუმ ფიშირ ლიტბϩლის იჩომდახ. Line of edition: 34 ჲერხი მეხვტე მა̄რა̄̈ლ და̈ბს ცვირახ ობა̈შინ ლელტაბილდ ი შომვა̄̈ჲ ლიტბϩლის
Line of edition: 35 იჩომდახ, ეჩქა ეჯ და̈ბი მუცვრა მა̄რა ჩიქე ქა ხოფა̄ნახ ჰარა̈ყს ი ისგ ტაბგობჟი̄ნ
Line of edition: 36 ლაშϩნდობა̄რს ხა̈ჭმინახ. ფიშირ და̈ბ ესვა̄̈ ხუღვა̄̈ნ ლელტაბილდ, ეჩი̄ მაფასვხა̈ნქა,
Line of edition: 37 ჲერხი ნამშა̈ჲს ლა̈ჲსა̄̈ლღა ჰედვდახ, ეჯჲა̈რს ჩვა̈ჲსენდახ, დიჲა̈რს ქორხა̈ნ ჴიდახ,
Line of edition: 38 ეშვა̈ი ხერა̈ს ლა̈სვ ლიტბϩლი, ეჯ მეზგაისგა ჩუ ინზო̄რა̄ლდახ ი ხა̄დხ ლიმზირ
Line of edition: 39 ი ხინ. Line of edition: 40 ათხე მე̄რმა ნუკვიშდ იჩოხ ლიტბϩლის. მოლჯგϩრა̄გა ქა ითშის ლა̈ჲსა̄ლე მϩყდის,
Page of edition: 15 Line of edition: 1 ალჲა̈რ ხეთხე̄ლიხ სოფელისგა ხოჩა̄მ ლუგვა̈რ ლა̈ჲსას. ჟი ითხე̄ლიხ, ეჩქა სგა
Line of edition: 2 ხერგივა̄̈ლხ ლა̈ჲსა̄ლე ფუსნა̄̈დუს მუჟღვრეში ნამშა̈ჲღა. იმვა̄̈ჲჟი ჩუ ირგივა̄̈ლხ, ეჯ
Line of edition: 3 ნამშა̈ჲს უგუნზიგვდ ჟი ხოზვრიხ ი მაჴვმა̄̈რს ცვირეხ ლა̈ჲსა̄̈ მϩყდის, ქა̄ჲ ა̈წსიხ ლიტბϩლითე. Line of edition: 4 ლა̈ჲსა̄̈ლს, ხოშა ლაღა̈ლდ ჴანა̈რს იყდიხ, მა̄დეჲ ფუკვა̈რს ი იშგან ნეცინ მანგა̈რს
Line of edition: 5 ი ჩვა̈ჲსენიხ, ეჩქას ალ ლა̈ჲსა̄ლე გვერა̄̈ლღა ჰარა̈ყს იყდიხ. Line of edition: 6 ზა̈რვლა̈რ ქა ლϩთიშ ლიხ. ალჲა̈რ ლეღვა̈რს, მა̄̈ჲ მოშ ხაკუხ ლეზობდ ლა̈მზϩრჟი̄ნ,
Line of edition: 7 სგა ხაგემხ კარდლა̈რთე, მა̄̈ჲ მო̄დე, ეჩას ზϩსყიდ ჩვა̄თა̄̈ლიხ მეზგე̄მი ქუნჟი̄ნ.
Line of edition: 8 ყვიჟა̄̈ლს ზა̈რვლა̈რ იტყბეხ, ჟი ხა̈მზϩრიხ ი ჩუ იზბიხ სგვებნა̄ვ. ლეღვა̈რ ჩუ იჯბიხ,
Line of edition: 9 ეჩქას მა̄̈ჲ მეზგაისგა ლიტბϩლი ხა̄რხ, ეჩხა̄ვ ჴედნი მა̈გ. თვით მეზგახა̈ნქა ი დიჲა̈რ
Line of edition: 10 ახღვა, ჩუ ისგვრა̄̈ლ მა̈გ. ეჩქა̄̈ნღო ხოშა̄̈ლ ჰარა̈ყს ი ლემზϩრა̈რს ჟი ხა̈მზϩრიხ, ეჩქანღო
Line of edition: 11 ლეღვს, დიჲა̈რს ი ჰარა̈ყს ქა ხოფა̄ნეხ მინე ხოშა̄̈ლს, ამ ლიტბϩლი̄ მუცვრა
Line of edition: 12 ი ჩუ ისგვრიხ ლახϩრჯა̄ლდ. ხინუნღო ჩუ ფხეჟნიხ. Line of edition: 13
ლენჯა̄̈რ Добавлено (2007-06-07, 5:53 Pm)
---------------------------------------------
ლიპტა̄̈რი Line of edition: 15 ლიპტა̄̈რი ლი ბარბლა̈შჲე̄რისგა. ხა̈მთქვახ ლაშთხვერი სოფელისგა. ეჩეჩუ̄ნ
Line of edition: 16 ბარბალ თა̄რინგზელი ლაჴვა̈მ ლϩგ. ეჩის ხემზირხ ზურალა̄̈რ, ერე "მიჩა მეფშვდა
Line of edition: 17 მა̈ზიგხა̈ნქა ჟი ლა̈ჲϩნთხილას მინ ი მინე ქორა̈ მერდე მა̄რე. ლაჴვა̈მს ქა̄მენჩუ̄ნ ლა
Line of edition: 18 დბა̈შ ზექრა ხა̄გ ი ეჩე̄'სგა კასგვლაქა ირბიე̄ლხ თვითო̄ლაჟი̄ნ ზურალა̄̈რ. ჟი ნადბა
Line of edition: 19 შუნღო ლემზϩრა̈რს ჟი ხა̈ხლინეხ ბარბალ თა̄რინგზელს, კვეტო̄ლ დი̄რი გვიგვს
Line of edition: 20 ლაჴვმი ყო̄რს ჟი ხალწენიხ ი ქა ღϩრიხ ქა̄̈მთე. ქა̄̈მ მϩპტა̄რა ლაშთხვერი ბოფშა̈რ
Line of edition: 21 ხე̄ხო̄ლახ, ეჯჲა̈რს თვითო̄ლაჟი̄ნ ჩი̄ ყა̄̈რი დაშნა̈ჲა̈რ ხა̈ბხ ი მϩდბაშას ნადბა̈შჲე̄რ
Line of edition: 22 ბეგა̈რდ პიტა̈რს ხაკედხ ი ჲედ სამ ი ჲედ ო̄შთხვს. ეჩქანღო ლადბა̈შს მე̄რმე ზურალა̄̈რ
Line of edition: 23 იცა̄დუნა̄̈ლხ ი ეჯჲა̈რსი პიტა̈რ ხაკუხ მϩპტა̄რათე ბეგა̈რდ. Line of edition: 24
ლენჯა̄̈რ Добавлено (2007-06-07, 5:54 Pm)
---------------------------------------------
18. ანღლა̈ბ Line of edition: 26 ანღლა̈ბ ლადა̈ღ ეშხუ მა̄რე მეზგახა̈ნქა ქა ღϩრდა ცხეკთე ი უშკ უშϩმდ ჟი
Line of edition: 27 იქჩა ჟაჴვრა̈ კვადა̈ლს. ეჯჲა̈რხა̈ნქა ჟ'ასყე̄ნა ოშვა̄̈ჲ ა̈გის და̈ბ ხუღვა̄̈ნხ, ეჩშელდ ლϩბა̈ლ
Line of edition: 28 გირგვდა̈რს. ალჲა̈რს ჩϩჩϩნი̄ლა̈რ ხეჟხა̄̈ნხ. ეჩქანღო ჴედენდა, შუნ ა̈ჲა̄̈სგდა
Line of edition: 29 ალ ჩϩჩϩნი̄ლა̈რს ი თვითს თვით დაბისგა ჟი ხოსვა̈მდა. ლახე დაბისგა ჰა̈ნწი ჰუყვ
Line of edition: 30 არდა (ლეფტიშვა̈რისგა), ეჩქა ეჩეჟი̄ნ ხოსვა̈მდა, მა̄დეი -- ნე̄სგა დაბისგა, ამჟი̄ნ დაბა̈რს
Line of edition: 31 ჩი̄ ქა იხრესდა ი ჩϩჩϩნი̄ლა̈რს ჟი ხოსვა̄̈ლდა, ა̈გითე ჴედენდა ი უშკვდი̄ ეჩქას
Line of edition: 32 გარ იშმო̄ლდა. აგის ეჯ ლადა̈ღ ესვა̄̈ჲ კვეტო̄ლ ლა̄შგ ჩუ ხა̄დ, მა̈გ ქუთვა̈რს ანყა
Line of edition: 33 ჰამა̈შდ ი ალჲა̈რშვ ჩუ იხე̄ვსა̄ლხ. აშხვ ქუთს ქა მასა̈რს ანყახ ი ამის ლა̈დი̄ ჩϩჩϩნი̄ლრე
Line of edition: 34 მუსვა̄̈ლის ხაჰვედდახ ლეზგრჟი̄ნ ლემზϩრიდ ი ეჩეჩუ̄ნ ჩუ ლეზობდ. ალ
Line of edition: 35 მϩმზϩრი ჴედენდა, ჟი ღϩ̄რდა ქორა̈ ლეზგϩრათეჟი̄ნ, ქუთს შუნ ა̈ჲა̄̈სგდა, ჟი ხა̈მზირდა
Line of edition: 36 ა̈ნღლა̈ბ დეცეში ლა̈მზϩრს, და̈ბ-ლა̄რე̄მი სევ ი ბარა̈ქხა̈ნ. ეჩქანღო ლეზგϩრჟი̄ნ
Line of edition: 37 ჩუ იყვნა̄ლდა ჴაბ ი ქუთს ამჟინ ჩუ იზობდა, ნიჩვა̈რ დეცთე ხა̄დ, ეჩჟინ. Line of edition: 38
ლენჯა̄̈რ Добавлено (2007-06-07, 5:54 Pm)
---------------------------------------------
. სინი-მოხსნა̈ბ Line of edition: 2 სინი-მოხსნა̈ბაშდ ჩი̄ ლა̈ჲსა ხორდა. თა̈შს ი ლϩგრა ინზო̄რა მა̈გ ამ ლა̈დღიშდ.
Line of edition: 3 სინი-მოხსნა̈ბ ლიმϩრჲეშა̄ლ ი ლიჯგრი დვეშდიშშა̄ლ ქვინი ლადა̈ღ ლა̈სვ.
Line of edition: 4 ჰამს ლა̈ჲსას მა̈გ ჩვა̈ჲსენდა, ჟ'აჯაბდახ ზურალა̄̈რ ლემზϩრა̈რს ი ლავშა̈რს ანყას.
Line of edition: 5 თა̈შს ი ლϩგრა̄̈ლს ჟ'აჯაბდახ, ცხუნი̄ლა̈რს ჩვაცვემდახ. ალჲა̈რს ჩი ტაბგა̈რჟი̄ნ
Line of edition: 6 ადა̄̈სგდახ ი ჟ'ა̈ჲა̄̈სგდახ ლასფლავათე. Line of edition: 7 იმვა̄̈ჲჟი̄ნ ლიმϩრჲეს ხემთქვა̄̈ნხ, ეჯ სა̈ხჟი̄ნ იჩომდახ სინი-მოხსნა̈ბს. Line of edition: 8 ლენჯა̄̈რ Добавлено (2007-06-07, 5:54 Pm)
---------------------------------------------
Text: 20
Page of edition: 16
Line of edition: 9
20. ნაბლაუ̄რა Line of edition: 10 ნაბლაუ̄რა ლი პარპო̄ლდშიე̄რ. ეჩქა̄̈შდ ეშხვი უბა̈ნ ჟი იყდ' ე̄ჯ ლადღიშდ
Line of edition: 11 ჲარვ ლეთ ღველჲა̄ქს ი ედ იშგან მა̈ნცინს ფასვღა. პა̈რპო̄ლდშიე̄რ მუჟღვერ ახჭიმ,
Line of edition: 12 ეჩქას თვით კარნი ლახნისგ ნამშა̈ჲს ხობცი მა̈გ ლა̈ჲსა̄ლე ფუსდს. ალ ნაბაცვს და̄̈რ
Line of edition: 13 ხაგϩრგალვნე ი მუჟღვერ მა̈გ ჟი ხოზვრი ჩუ ლϩბა̈ც ნამშა̈ჲს. ნაბლაუ̄რა ლადა̈ღ
Line of edition: 14 სგვებნა̄ვ მელღვა ჩვა̈ჲსენიხ ლა̈ჲსა̄̈ლს ი ჩვაშდბუნეხ ლახე და̈რ ლი, ლაჴვმი ჰა̈ზვისგა,
Line of edition: 15 ჰა̄ვდა̈რჟი̄ნ მეზგაისგა. ჩუ იჯა̈ბხ ლეღვა̈რ, ეჩქას ჟი ინზო̄რა̄̈ლ მა̈გ, ტუფვა̈რს
Line of edition: 16 ჰარა̈ყღა ჰვედიხ, დიჲა̈რს ა̈გიხა̈ნ ა̈ჲე̄სგიხ ი ხემზირხ ელს, ერე სკარხალ, ჰელ ი
Line of edition: 17 ბϩლა̈ჲ ათქა̄ბუნას მინე დაბა̈რს. Line of edition: 18
ლენჯა̄̈რ |
| |
| | |
|
Мужчина |
Date: Четверг, 2007-06-07, 5:56 PM | Message # 4 |
|
Group: Проверенные
Posts: 352
Status:Offline
Дата регистрации:
2006-09-07 |
Text: 21
Page of edition: 16
Line of edition: 19
21. ლიჩა̄̈ნი̄ში Line of edition: 20 ლიჩა̄̈ნი̄ში გვირკისგა ლი ჰა̈დი̄შ. სოფელ ლეჟა̄̈ნჩუ̄ნ ჯვინელ საყდა̈რ ლϩგ ი
Line of edition: 21 ამის ჯგϩრა̄̈გ ჩა̄̈ნი̄შიშ ხაჟხა. ალ ჯგϩრა̄̈გ ჩა̄̈ნი̄ში ლადა̈ღ ეშხვი ლი ზავისგა ი ლიჩა̄̈ნი̄ში
Line of edition: 22 ხაჟხა. ამ ლადა̈ღ ჰა̈დი̄შა̈რ ლეჟა ღϩრიხ ჯგϩრა̄̈გთე ი იმზირხ. დურშა̈ჲა̈რს ქა
Line of edition: 23 ჴიდეხ ქა̈მენჩუ̄ნ ი ქ'ა̄ჭა̄რვეხ საყდა̈რ სგვებინქა. დურშა̈ჲა̈რს ხაყლეხ აბრეშუმი ლაჩქა̈რს.
Line of edition: 24 ალჲა̈რ მო̄შ-მო̄შ ზომა̄̈შ ი ფერიშ ლიხ ი სგა ხალჯახ ჯო̄დი ფავა̈რს. ჲერ ლϩ
Line of edition: 25 ჩიჩხვ ლიხ ი ჲერ უჩჩხვა. მა̈გ ქალა̈ქისგა ნა̈ყიდვ ლიხ ი ეჩქანღო სგა ნაძღონ. ჩუ
Line of edition: 26 სემეშდ ღეთ ლიხ. ამ ლადა̈ღ ობა̈შ მა̄რე ი ზურა̄ლ ჴედნი ჯგϩრა̄̈გ ჩა̄̈ნი̄ში ლა̈მზϩრ
Line of edition: 27 თე. ესვა̄̈ჲ ჭყინტგეზალ მოშ ხორი, ხოშა ლაღა̈ლ მა̈გ ჴედნი ამ ლადა̈ღ ჰა̈დიშთე
Line of edition: 28 ლა̈ჲსოშ ი ნათხუმ ჰარაყვშ. ლა̈ჲსას ი ჰარა̈ყს მϩმზϩრა ჟი ხა̈მზϩრიხ ჯგϩრა̄̈გ ჩა̄̈ნი̄შიშს
Line of edition: 29 ნა̈მზურუნი მϩჴდე̄მი ლიმსგა̈ვხა̈ნ ი ხაბიც ჯგϩრა̄̈გს სგეი ლიჰვდის. ჩუ იშდმიხ.
Line of edition: 30 ეჩქას მϩმზϩრა აშგვრა̄ნეხ ა̄დუ ჯგϩრა̄̈გს: "ეჯგვა̈რ-ამგვა̈რ ესერ მა̄̈ჲ ი̄რა, მა̄მ'
Line of edition: 31 ხოყა, ჯგϩრა̄̈გ, ამი სგეი უჰვდად." ესვა̄̈ჲ ხოჩე̄ლ ნა̈მზურუნ ხუღვე, ეჯას ხოშე̄ლს
Line of edition: 32 ა̈მზϩრიხ ი ეჩი̄ ლიმსგა̈ვნა̈ხ ხოშე̄ლს ხეჴϩრა̄̈ლხ. ერხი ლაქეიფთე ი ხოჩა̄მ ლარდა̄̈
Line of edition: 33 გუ̄ღა გარ ჴედნიხ. ლიმზე̄რ ქა ხეთშხენ' , ე̄ჩქას სერ ლა̈ჲსა̄̈ლ მϩჯა̈ბ ლიხ. ქა იკედხ
Line of edition: 34 ლეღვს. ჩვაზრულეხ ი ეჩის ი დია̈რს ქა ხორგივა̄̈ლიხ ჩი, ერვა̄̈ჲ ეჩე ირდი. ჰარა̈ყს
Line of edition: 35 უშხვა̄რთ' ა̄ყვბეხ ი ეჩჟი̄ნ ათვნა̄̈ლიხ. ეჩანღო ლიხი̄რვილ ი ლაჭშხა̈შ იბნი ი ესვა̄̈ჲ
Line of edition: 36 ლა̈ხი̄რულ ხა̄რ, იხი̄რვილ ი ილხნე. ჰარა̈ყ ესვა̄̈ჲ ხაკუჩ, მასა̈რდ ხუღვე. ამჟი̄ნ ილხნეხ
Line of edition: 37 ნა̈ბოზდ ი ნა̈ბოზს მა̈გ ჩუ ფხეჟნი. ერხი ჰა̈დი̄ში სედნიხ Line of edition: 38
მესტია Добавлено (2007-06-07, 5:55 Pm)
---------------------------------------------
Text: 22
Page of edition: 16
Line of edition: 39
22. ლიმϩრიე Line of edition: 40 ლიმϩრჲე ეშდოხვიშდ აგუსტჟი̄ნ ნემთქვა̄̈ნ ი ეჯ ლადღიშდ ჩი̄ ხოჩა ლა̈ჲსა ხო̄გა̈ნ.
Line of edition: 41 ალ ლადა̈ღ ქვინი ლადა̈ღ ლა̈სვ ი ლეჯგრიდ ი ლეფა̄ნად დე̄მგვაშ ჲა̈რ აზა̄რა.
Page of edition: 17 Line of edition: 1 მახა ლϩდგა̈რი ფუსდ ჰა̈დურდ ხოშა̄მ იმა̄რა̄ლ ამ ლადღიშდ. ზუურალა̄̈რ ლიმϩრჲე
Line of edition: 2 ლადა̈ღ მახა ლϩდგარვი̄ საფლავა̈რჟი̄ნ გვის ჩუ იჴვახ ლა̈ლჭა̄ლს ი ლაგვა̈ნს. ლიმϩრჲე
Line of edition: 3 სგვებნე ლადა̈ღ ჰამს ჴიცა̈რს ჟი იშგურდენდა მა̈გ ი ნა̈ბზვა̈ დვრევჟი̄ნ, შომვა̄̈ჲ
Line of edition: 4 ჟი ტეხენდახ, ეჩქას ლირბიე̄ლს იბნახ ი ნა̈ბოზდ მე̄რმა ლა̈დღი სა̈ჭირო დია̈რს
Line of edition: 5 ქ'ა̄ნყახ. ალ ლადა̈ღს ლიმϩრჲე̄ ლანყა ხეშხა̈ნ. მე̄რმა ლადა̈ღ მეზგე ლა̈ჲსას ჩვაშდბუნა
Line of edition: 6 ი სგა ხაგა̈მდა ლაჯაბს. ზურალა̄̈რ მა̄̈ნკვი ქუთვა̈რს ანყა̄̈ლდახ ჰამს ი ჩუ ნა̈
Line of edition: 7 დჲარა̄ლვუნღო ჩიქე თა̈შს აჰი̄ჭვდახ, ეჯას ლემზϩრა̈რს ჟი ხაცვმენდახ ქა̄მენქა. ალ
Line of edition: 8 ლუცვემ დია̈რს ცხუნი̄ლ ხაჟხა. ეჩქანღო თა̈შს აჯაბდახ, ღო ლϩგრა̄̈ლს. ლϩგრა̄̈ლს
Line of edition: 9 ცხირა̈რჟი ხოსვა̈მდახ ი ალ ცხირა̈რს ეჩქანღო დი̄რა̈რჟი ხაჴლახ, ქ'ა̄და̄წყახ ტაბგა̈რს,
Line of edition: 10 ჩუქვა̄ნ ლავშა̈რს ი ლემზϩრა̈რს და̄̈სგდახ, ჟიქა̄ნ ცხუნი̄ლა̈რს, ცხუნი̄ლა̈რჟი̄ნ
Line of edition: 11 ლϩგრა̄̈ლ ხოსუდახ ი აჯაღ იშგენ ხილა̈რ. ჯვინელ სიმინდი შდა ესვა̄̈ჲ ხო̄სდა̈ნ
Line of edition: 12 ლეჩხუმხა̈ნ ნა̈ჴიდვ, ეჯასი ჩვადა̄̈სგდახ ტაბა̈გჟი̄ნ, ჟიქა̄ნქა მებϩდ თა̈შს ხა̈თხფახ.
Line of edition: 13 თა̈შ მϩჯა̈ბს ჯა̈რთე და̄̈სგდახ. ღვაჟა̈რ ლეღვა̈რს ლა̈ზრულა̄̈ ტაბგა̈რთე და̄̈სგდახ ი
Line of edition: 14 ამჟი̄ნ ჩი. ლეღვს, ჟი ლϩმა̄რა ტაბგა̈რს, ი̄ნღას ი იშგან ხილა̈რს ჟ'ა̈ჲა̄̈სგდახ ლასფლავათე
Line of edition: 15 ი მიჩა-მიჩა ლϩდგარვი̄ ლასფლავაჟი̄ნ ჩუ ჲϩგა̈მდახ. მა̈გ ჟი იყვბა̄ლ, ეჩქას
Line of edition: 16 ბაპი ჴედენდა, ჩვაჯგირდა საფლავა̈რჟი̄ნ ტაბგა̈რს, ნაჯგრიე̄რ ლეღვს, დია̈რს
Line of edition: 17 ი ჰარა̈ყს ა̈ჲა̄̈სგდა ი ღϩრდა. მეზგა̄̈ლ ტაბგა̈რს ჟი იკა̈დდახ ი მიჩა-მიჩ'ა̄̈გით' ა̄̈ჲა̄̈სგდა
Line of edition: 18 მა̈გ ი ეჩეჩუ იდჲარა̄ლხ. Line of edition: 19
მϩლახ Добавлено (2007-06-07, 5:55 Pm)
---------------------------------------------
Text: 23
Page of edition: 17
Line of edition: 20
23. მო̄შ-მო̄შ ლა̈მზϩ̄რ ა̈დგილა̈რ ი ეჩე ლიმზϩრ Line of edition: 21 1. ჰϩლიშ. ჰϩლშიე̄რ ხა̈მთქვახ შვა̈ნს, პა̈რპო̄ლდში ვიჭმ ჟი იბნი, ეჩქას
Line of edition: 22 ი ღϩნ ლი ჲარვ ლადა̈ღ. Line of edition: 23 მაშე̄ნე ღϩნ ჰϩ̄ლშიე̄რ ხემთქვა̄̈ნხ მესტიას ი ლენჯა̄̈რს. ეჩქა̄̈ში ლიმზϩრეშ ნა̈ღვლა̈ჲ
Line of edition: 24 როქვ ხა̄რ მესტჲას ი ლენჯა̄̈რს ი ალა ლϩმა̄̈რ ამჟი̄ნ: აშხვ ზავ ესნა̈რ მასა̈რდ
Line of edition: 25 გვა̄̈ლიანობ ლϩმა̄̈რ ი ზა̈ჲ დე̄სა ა̈მჴედ. მე̄რმე ზავ ჩვალნა̈ზო̄რე̄ლიხ მესტჲა̄ლა̈რ ი
Line of edition: 26 ლენჯა̄რა̈რ ი ჟ'ოხღულჲახ ჰϩლიშ ი ათჴϩრე̄ნახ ჲელ ლენჯა̄̈რიშს ი ჯგϩრა̄̈გ მესტია̄̈შს
Line of edition: 27 ი ჲორი ლადა̈ღ ჟი ლოხვცხატახ ელჲა̈შ ი ჯგϩრა̄̈გი ლა̈მზϩრდ. Line of edition: 28 ლენჯა̄̈რ ჰϩლშიე̄რს იჩომდახ ამჟინ ა: ჰϩლიშთე̄'სგა ო̄შთხვ-ოხვიშდ ნაგზი
Line of edition: 29 ხო̄ზ" ე̄ჩქას სოფელ ქა ითში ო̄შთხვ მეზგა. ალ ო̄შთხვ მეზგე ქა ხაჭიმ მეზგან ი
Line of edition: 30 მეზგან ი თვით თა̈ს ჭϩმინს იზრი ლეჰრა̈ყიდ. ეჩϩნქა ჲერვა̄̈ჲ პა̈რპო̄ლდა̈შთე̄სგა ვებიშ
Line of edition: 31 ი საფტინს ხაშდბა ი იგმა̄̈ლ, ეჯას თვით კარა̈ნ ჭϩმინს ხაკედხ. ალ ნაზორ ჭϩმინს
Line of edition: 32 ჩვაჰრა̈ყიხ ი ჟი იშვხნიხ ჰϩლშა̈შდ. ჰϩლშა̈ ვებილადა̈ღ ალ ო̄თშხვ მეზგე̄მი ზურალა̈რ
Line of edition: 33 ქა ხეჭმენიხ სოფელს ი თვით გვეგინა̈ჲ თა̈სს კვეცნა̈ ფექს იზვრიხ ლესკრარე
Line of edition: 34 ნა̈ტფუნდ. Line of edition: 35 ღვაჟა̈რ ამ ლადა̈ღ ღუნვა̈რს იყდიხ ი ჲელმϩ̄ყ ლიღუნვა̄̈რის იჩოხ. ჰარა̈ყ,
Line of edition: 36 ლეღვ ი დიჲა̈რ მასა̈რდ ხუღვეხ ი ჰამუნღვე̄ ნა̈ბოზდ ხინ, ხიად ი ლიმზϩრ ხა̄რხ. Line of edition: 37 საფტინ ლადა̈ღ ჰამს ღვაჟა̈რ ქა̄დ ხაჭიმხ სოფელს ი მეზგე მა̈გ თვით ქივს ხოჴდე,
Line of edition: 38 ესვა̄̈ჲ ლა̄შგ ხა̄რ. ალ თა̈შ ამ ლა̈დღი ქუთვარე ნა̈ჩდუნია̄ქ ხა̄რხ. Line of edition: 39 ზურალა̄̈რ ჴიცს ჟი იშგურდენიხ ი ხოშა̄მ ლესკრა̈რს ანყეხ თა̈ში ლϩჩი̄დს. ალჲა̄̈რ
Line of edition: 40 ხაკუჩ, ერე ქა მϩჭანღო ჩვა̈დქუცუ̄რე̄ნხ ი ეჩჟი̄ნ ა̈თრიგვენხ მესვფელს, ჲერვა̄̈ჲ
Line of edition: 41 ჰარყი მϩთრე ჩუ ი̄რი. ისგლადა̈ღუნღო სოფელ ჩუ იზვრი ჲელმϩყ. ხოხვრა̄̈ლ
Line of edition: 42 ლიხი̄რვილს იბნეмხ: ჲერხი ბა̄̈ჩს აკვა̄ნეხ, ხოშა მახეღვაჟა̈რ ლϩგრათე ითვე̄ფ. ლϩგრე
Page of edition: 18 Line of edition: 1 ბიკს ხა̄რ ჟი ლϩჭი̄რხ ი ეჩე̄სგა ა̄̈რი. ხოჩა მეთვეფ ქა ხატყცი ლϩგრა. ბიკს ფინდხა̈რ
Line of edition: 2 სგა ხესდენიხ. ნა̈ბოზს ლϩგრა̄ლე მϩგემ ჩვაცლϩრე ბიკს. ფინდხა̈რს ქა ითში
Line of edition: 3 ბიკხა̈ნქა. ფინდხა̈რ ჩუ ლϩლტϩნე ლიხ, მარე ალჲა̈რს ჩი̄ მახად ა̈ჰნე ი აშხვ ლუტვს
Line of edition: 4 ხაფსე. სოფელ ერ მა̈გ ჩუ იტყვბი, ეჩქას დორჲარშვ ჰარა̈ყს ჴიდეხ ელთექა, ფიჩქარშვ
Line of edition: 5 -- ლესკრა̈რს ი ჟი ხა̈მზϩრიხ ელს ი ხეჴϩ̄რა̄̈ლხ და̈რიშ ი ჰავდრი მასგვობს. ამ
Line of edition: 6 დვრევს მესტჲახა̈ნ ჴედნიხ ლϩწსე მარა̄̈ლ ეშდოხვიშდ ღეთ. ალჲა̈რს სგვებნავ
Line of edition: 7 ჟი იხურჲე̄ლეხ, ეჩქანღო ლაჭშხა̈შს რიღვეხ. ლϩგრათე ხეთვეფხ ი იხი̄რვილხ, ეჩქანღო
Line of edition: 8 ალჲა̈რს მეზგათე ინჴრინეხ. ეჩე მუშგვრარეშდ მო̄შ ტაბა̈გ ხარხ ლϩმა̄რე,
Line of edition: 9 ლაჲსალი ხა̄რხ ლϩზიჰ, ხოჩა ხა̈რჯ -- მϩსყე. მუშგვრა̈რცახა̈ნ ლენჯა̄̈რი ლϩთიშ
Line of edition: 10 მა̄რა̄̈ლი ა̈რიხ, ჩუ ისგვრიხ ი ისგლა̄თვ ხინ ი ხიად ი ლა̈ხი̄რულ ხა̄რხ. Line of edition: 11 ჟი̄ბ, ელმϩყ, სოფელ ჩუ ისგვრი. თვით ლესკრი ნა̈კვიშს ჩი ქა ხაჰვდიხ, ჲერვა̄̈ჲ
Line of edition: 12 ჰარყი მϩთრე ლი, ვარჩხლი თასარშვ ჰარა̈ყს ათვნა̄̈ლიხ ნაბოზდ. იმჟი ჲა̈ს ხაკუ,
Line of edition: 13 ეჯჟი ჲϩთრე მა̈გ ი ნა̈ბოზს მაშდმა̄̈რ ჟი იგნა̄̈ლხ. ჟი ნა̈გნა̄ლუნღო დაბა̈რთე ჩი̄რხუვა̈რს
Line of edition: 14 ხეთვეფხ ი ამჟი̄ნ ლაღრა̄ლუშ ჩუ ფხეჟნიხ მა̈გ. Line of edition: 15 მიშლადა̈ღ მესტჲას ხა̈მთქვახ ჰϩ̄ლიშ. ამ ლადა̈ღ ხა̈ლხ ჩუ ინზვე̄რი, მე̄რმა სოფელხა̈ნი
Line of edition: 16 ხვა̈ჲ ჴედნი მესტჲა̄̈ ჰϩლიშთე, ეჯღ' ე̄რე ამ ლადა̈ღ ჩა̄ჟრე ლიმქϩრა̄ლვნე
Line of edition: 17 ხა̈მთქვახ. ამღა მერმე მესფელა ხოჩა̄მ ჩა̄ჟა̈რს ჴიდეხ. იგსლადაღვ ლა̈ხირუ̄ლ, ბა̈ჩა̈
Line of edition: 18 ლიკვა̄ნე ი ლითოფ ხა̄რხ ლϩგრათე, ნა̈ბზა̈ დვრევჟი̄ნ ჯგϩრა̄̈გი საყდა̈რხა̈ნქა ქა
Line of edition: 19 ჴიდეხ ლემს. ლϩჩა̄ჟუ, ოშვა̄̈ჲდ დო ი̄რიხ, ჟი ლუყვბე ლიხ. ამ ლადა̈ღ მϩჩა̄̈ჟი მϩმსტივ
Line of edition: 20 გარ ლი, მე̄რმა მესვფელს დე̄მ ხასგვრეხ ჩა̄ჟვ, მარე ჟი იდჲა̄̈ნიხ ჩა̄ჟა̈რს. Добавлено (2007-06-07, 5:56 Pm)
---------------------------------------------
21 ეშხუ მელჯგრა̄̈გ ჟი ილჯენი ლემს ი ამჟი̄ნ ლაჴვმი̄ლდხა̈ნქა ი ლეჟა̄̈ ბოგდ
Line of edition: 22 უსგვა̄მინ ლეჟა-ლექვა იტხეს ლაჭმუშ ჩა̄ჟა̈რს ლემ ერვა̄̈ჲს ხოლჯა, ეჯას გუნ გარჯ
Line of edition: 23 ხოჴდენი, ეჯღ' ე̄რე ბიქვ ლემს ქ'ა̄ბე̄ლე ი ეჩქას მასა̈რდ გვა̈მი ლი. ხვა̄̈ინ ლϩ̄მა̄̈რ,
Line of edition: 24 ერე ჩა̄ჟრე ლამქϩრა̄ლჟი̄ნ ობაშ მეშყდე̄ლი ჩა̄ჟვხა̈ნჩუ̄ნ, ჲედე ჩა̄̈ჟ ლუჟო̄რე̄ლი ჩუ,
Line of edition: 25 ეჩქას ჩუ ლϩჴა̄̈ფ ლი ი მა̄რე̄ჲ ჩუ მეშყდე̄ლი. ამ ლადა̈ღ ლენჯა̄̈რხა̈ნი ჴედნიხ მესტჲათე
Line of edition: 26 მუშგვრა̈რ ეშდ-ეშდოხვიშდთეჟი̄ნ. ალჲა̈რს ეშხუ ლერქვა̈შ ჰარა̈ყ ხუღვეხ.
Line of edition: 27 სგვებნა̄ვ ჯგϩრა̄̈გი ჰა̈ზვისგა ჟი იკურჲე̄ლიხ, ეჩქანღო ლაჭშხაშს ფხიჟეხ. ალჲა̈რს
Line of edition: 28 მესტჲა̄̈ ლϩთიშ ხეხო̄ლიხ, ჩუ ისგრიხ ჯგϩრა̄̈გი ჰა̈ზვისგა ი ალ ჰარა̈ყს ჩუ ჲϩთრეხ.
Line of edition: 29 ეჩქანღო მესტჲა̄ლა̈რ ქ'ა̄̈წჰიხ ლენჯა̄რა̈რს, სგ'ა̄̈ჲე̄სგიხ მეზგათე̄სგა ი გუნ ხოჩა̄მ
Line of edition: 30 ხინს ხოსყე̄ნეხ. ისგლა̄თვ ხინ ხა̈რხ ი ეჩქანღო ჩუ ფხეჟნიხ. ლენჯარა̈რ მინე ქორთე
Line of edition: 31 ღϩრიხ ი მესტჲა̄ლა̈რ ქორს სედნიხ. ჰϩლშიე̄რ იშგნა̄̈გი ხა̈მთქვახ. ჩუბეჴევს თეკერისგა
Line of edition: 32 ჩა̄ჟრე ლიმქϩრა̄ლვნე ხა̈მთქვახ, მარე ლემ ი დურშა̈ჲ ეჩე მა̄მ ხუღვეხ, მარე
Line of edition: 33 ხინ მო̄შ ხა̈მთქვახ. ეჩე ლასკა̈რნ ი ლასკა̈რნ ისგვრა̄̈ლ მა̈გ. მიჩა-მიჩა მუშგვრი
Line of edition: 34 ჩი ხაყა, ეჯღ'ე̄რე ამ ლადა̈ღ ბა̄̈ლϩნჩუ̄ნ მა̄რე ფიშირ ღϩრი ჩუბეჴევთე ი ჟი ხელა̈კ
Line of edition: 35 ეჩეჩუ̄ნა̈ ღϩნს ი ხოჩა̄მ ლარდას ი ხინს. Line of edition: 36 ჰϩლშიე̄რისგა ღალ ფიშრა̄მინ ლϩჩი̄დლი ტე̄ვა. ამის ლიყა̄̈რჲე̄ლ ხაჭმა ი ფიშირ
Line of edition: 37 მეჩდე̄ ლი ქორთე და̈თქლიფა̄̈რ, თხვიმ მეკვშე. Line of edition: 38 2. უღვლა̈შობ. უღვლა̈შობ ალა ჩუბეჴევს ხა̈მთქვახ ყვილჲე̄რისგა.
Line of edition: 39 მა̄̈ნკვი ჟი იყვბა̄̈ლხ მახეღვაჟა̈რ ი ქა ითშიხ ყაენია̄ქს(\\ დოლფანა̄ჲს ), ეჩქანღო მიჩა
Line of edition: 40 აფხნეგა̈რს ი მოსმართლას. ამ ლე̄თ ჟი იყვბა̄̈ლხ დოლფანა̈ჲ ი მიჩა აფხნეგა̈რ. ყაენ
Line of edition: 41 ქ'ა̄ზზი აფხნეგა̈რს ჩი მეზგათე. ალჲა̈რდ ხაკუჩ ერე ა̈დქვითეხ მეზგახა̈ნქა მა̄ლე
Line of edition: 42 ბა̈რგ ი სგ' ო̄ხჴϩ̄დეხ დოლფანა̈ჲს. ალ ბა̈რგს მოსმართლა ჟ'ალგვენიხ ი ხაკუჩ ერე
Line of edition: 43 ამი̄ ნაფა̈ს, ჰი̄ბა̄რ ქ'ა̄̈დჴϩდეს მეზგე̄მ ჰარაყვშ. მე̄რმა ლადა̈ღ ჟი ინზო̄რა̄̈ლხ. დოლფანა̈ჲს
Page of edition: 19 Line of edition: 1 ჟი ხაგემხ თხუმჟი მურგვალდ დაჴლა̈ ტუფს ფაყვა̈ მϩქაფდ, ჟი ხოწϩნკრინეხ
Line of edition: 2 ზექი დაშნა̈ჲს, ჟი ხაქვემხ წელჟი ი ამჟი̄ნ ახჭიმხ ეჯ მეზგა̄̈ლს ე, ხედვა̄̈ჲხა̈ნქა
Line of edition: 3 ნაქვთა̈რ ბა̈რგ ხუღვეხ. სგა ხეგნიხ მეზგა ი ხეშგვემხ ჰი̄ბა̄რს. Line of edition: 4 ალ მეზგახა̈ნქა ქა ჴედნიხ ღვაჟა̈რ, ზურალა̄̈რ, ბოფშა̈რ ი ჰესა̄მა ჭვენჭკიშჭვენჭკ
Line of edition: 5 ჩვა̈რი ეჯ ლა̈ზგაისგა. ხობნეხ ლიმსხარა̄̈ლს დოლფანა̈ჲს ი ჩი̄ხა̈ნ ხოცხუნეხ
Line of edition: 6 ეჩი̄ წელს. დოლფანა̈ჲ დაშნაჲშვ აყა̄ლვე ალჲა̈რს ი ლახე ხათერ ეჩქას თხუმ ჩვაკვა̄ნე
Line of edition: 7 წელხა̈ნჩუ̄ნ. ამნია̄̈ნიდ ალ მეზგა აჯაღϩდ ხაკუჩ ჰი̄ბა̄̈რ. Line of edition: 8 ამჟი̄ნ ქა ხეჭმენიხ სოფელს, ჟი იზვრიხ ნა̈ქვთა̄̈რ ბა̈რგი სა̈ყსა̈რს, დოლფანა̈ი
Line of edition: 9 წელხა̈ნჩუ ნაკვრჲე̄რს ი ნა̈ბოზს აშხვ მეზგაისგა ჟი იყვბა̄̈ლხ. ჟი ლიყვბა̄̈ლჩიქდ
Line of edition: 10 აფხნეგა̈რ სგა ხეჭვა̄̈დიხ დოლფანა̈ჲს, ჩვაკვა̄ნეხ წელხა̈ნჩუ̄ნ ი ფიკვიდ ეჯჟი̄ნ ქა Добавлено (2007-06-07, 5:56 Pm)
---------------------------------------------
11 ჴიდეხ, ერე ჩი̄სგა ხაჩხვტენიხ (\\ ხა̈ყვჩეხ). ეჩქანღო სგა ღϩრიხ მეზგათე, ნაზორ ჰარა̈ყს,
Line of edition: 12 ლეღვს, თა̈შს ი ჩიგვაშ -- ჩუ იჴმა̈რიხ ამ ლე̄თ ი ხა̄რხ რიჰდ ხინ. Line of edition: 13 3. ყვილჲე̄რე აღაბ. ყვილჲე̄რე აღაბლადა̈ღ ეშხუ ხოშა მა̄რე ქეზგახა̈ნქა
Line of edition: 14 ქა ღϩრი ცხეკთე ი იქჩე ლეთნაფდ ნა̈პო̄ლრე ჟი ლა̈რკინა სა̈ნჭლა̄̈ლია̄ქს. ალ'
Line of edition: 15 ე̄ჯღა ლ, ე̄რე ლილჩა̄̈ლისგა ნა̈პო̄ლს იმვა̄̈ჲ ჲა̈რ ადდაგრიხ ხოხვრა̄̈ლ ცჴემადშვ,
Line of edition: 16 ეჯჲა̈რ ხაკუჩ ერე ალ სა̈ნჭლაჟი̄ნ ქ'ო̄თრეკიხ ი ეჩჟი̄ნ ლა̈ჲშხუნახ თანაფლა̈დღი ლენ
Line of edition: 17 ცალდ, ეჯღ' ე̄რე თანაფდ ლიშრა̈ვი მა̄დ შიდდა ჯვინალდ. Line of edition: 18 ყვილჲე̄რე აღაბლე̄თ ჩუ იხϩრჯა̄̈ლ მა̈გ, ეჩქას ზურალა̄̈რ ლϩჯე̄მი ქაქს იჩოხ.
Line of edition: 19 ალ ქაქს ფაკნარშვ ქა ხოგემხ ჩი̄, ეჩქას ჴედნიხ ბოფშა̈რ ი ჟი იგნა̄̈ლხ. აშხვ ტოტშვ
Line of edition: 20 ფაკა̈ნ ხუღვეხ, მე̄რმა ფხულოვშ ჟი ილა̄̈ხიხ ქაქს, სგა იდე̄სგიხ უშკვთე, ყლიტს
Line of edition: 21 ხაღნეხ, კელიკაჩხუშ ხაცხიპხ გირგითო̄ლას ქორს ი იტვი̄ლჲე̄ლხ:"შიშა, ფაფა
Line of edition: 22 გა̈მϩრკელა̈ჲ, ელჲა̈, ხაბარ, ხაჭარჟინა ჰამ, ჰამ ი ჰამს თა̈შ! " Line of edition: 23 4. ლა̈ჲსუშა̄̈ ლიწსი. ჰასვშა̈რს ობა̈შ ლიზნა̈ნი ხაკუჩ მეზგახა̈ნქა,
Line of edition: 24 ეჯღ' ე̄რე მინსი ოხვგა̈დხ ლამვარე ქორთე. ამღა ზავისგა ფიშრა̄მინ ხა̄რ ლეწსი ჰასვიშ
Line of edition: 25 ი ეჩის ქა̄̈მჩუ̄ნ ღϩნ-მაღϩნჟი̄ნ ი ჲედ ლახე ხინ მა ხა̄რ მეზგა, ეჩქასი ქა ლეწსი
Line of edition: 26 ლი. ლა̈ჲსუშა̄̈ ლადა̈ღ უფლიშჲე̄რისგა̄̈ თახა̈შ ლი ი ეჩქას ლიხ ქა ლეწსი ოშვა̄̈ჲდ
Line of edition: 27 ჰასვიშ ჩუ ხერდი მეზგა, ეჩϩნქა ყვილჲე̄რისგა ნაკმარუნ ლი ლეჴდე მიჩა ქორთე
Line of edition: 28 ჲედ ეშხუ ხოშა კარა̈ნ ფექ, მა̄დეჲ ეშხუ ლერქვა̈შ ჰარა̈ყ. ხოჩა̄მ ნაკმარუნს ლახ
Line of edition: 29 ხოზზი მეზგე მიჩა ჰასვიშს, ეჯა გუნ ხაჟა̈ხ ზურა̄ლს ი ამი̄ მϩჴდა საჩქვა̈რს ხაჰვდი.
Line of edition: 30 მეზგაისგა ლახე ჩუ ჲა̈რ იდგა̈რი, ეჩქას ჰასვიშს ხვა̈ჲ ლიგვნი ი ლილჭა̄̈ლ ხა̄რ ბაც.
Line of edition: 31 ლახე ლამვარ ჟ'ა̈ხრინე ჰასვიშს, ეჩქას ეჯა ობა̈შინ ხა̈მდუნეჲ ა̄დუ მიჩა ნა̈ლჭა̄ლვ
Line of edition: 32 ი ნაგვა̄̈ნს. მა̄დხვა̈ჲ ღϩნϩლდ ჰე̄სამა ჩუ ხე̄რი ლუშგვირ მეზგა, ლა̈ჲსუშას ჩიგარ
Line of edition: 33 ქ'ა̄̈წჰი. მა̄̈ჲ ლა̈თჲა̄ლს ხა̄რ მეზგა, ხოჩა̄მ ტაბა̈გს ხოგემ ჰასვიშს შდა̄შვ ი ხაყლ, ე̄რე
Line of edition: 34 "მუნდრევ ღალ დამ მა̄მ ხი. ხიად! სი სა̈ხს ლაჯღვ' ე̄ჯკა̈ლიბ ტაბა̈გ ღალ დეშ ჯი̄გ,
Line of edition: 35 მარე მა̈ჲ ხოჩა. ლამვარ ჩვა̈ჯსაბრალა̄̈ნხ ი სერ დეშ მა ხობიც, ადო სი მე̄რმად ლიხვჲე
Line of edition: 36 ჯეკუთვნი ი ჯესგუვ ღალ! ეჩქას ჰასვიშ ხა̈ტხე: "ამკალიბ კათხ ი ტაბა̈გ უჟ |
| |
| | |
|
Мужчина |
Date: Четверг, 2007-06-07, 5:59 PM | Message # 5 |
|
Group: Модераторы
Posts: 990
Status:Offline
Дата регистрации:
2006-08-29 |
: 37 ლი გუშგვეჲ ქორისგა, მა̈გ მასა̈რდ ა̈რი ღერთა̈ (ნაჰოდ ) ნალჟϩ̄რვ, ამჟი̄ნ ჩუ̄ვ
Line of edition: 38 ამღუ̄ზე̄ნა ისგვეჲ თხვიმ ი ჰასვშე̄მი ლა̈მზϩრ ლერსგვანთე̄ვ მისპუნე ისგვეჲ თხუმ!"
Line of edition: 39 ჰასვიშს ზავისგა აშხვ ლადა̈ღ ქანს ხატმϩრნე ი ხაჯდუნე ჲარვ ღეთ წყა̈დს. ალ ქანს
Line of edition: 40 ა̈გით' ა̄ი ჰასვიშ ი ეჩხა̈ნქა სგურა̈რს იჯიშ. ლიწსი ჰასვიშϩნქა ნიბა̄̈შინსი ხაკუჩ. Line of edition: 41 ჰარაკდ ანღრ, ე̄რე "ნიბა̄̈შინს ესერ ქორთე̄სგა ლა̄ზჟი̄ნ ლა̈დჲარე ლაგა̄̈გიჲა̈რი
Line of edition: 42 ჟიხიჲჩუხი ხოქხენიხ" .
Page of edition: 20 Line of edition: 1 ნიბა̄̈შინს მა̈გ ოხვგა̈დ ლა̈დიჲარე ქორისგა: ლიმშავ, ლილხნე ი იშგენ გოშა̈რ
Line of edition: 2 მა̈გ. Line of edition: 3 ჩი̄ჟე̄მი პა̈ტივი ხოხახ შვანა̈რს. მართა̈ლ ლ'ე̄რე ჩი̄ჟა ხოშა̄მ ლაღა̈ლს ლაშდაბთე
Line of edition: 4 ი იშგან ლამა̈რჯვთე ხეშმი ლა̈მთილ, მარე ხინ ლახე მა ხა̄რ, ეჩქას ჩი̄ჟა ჩუ დე̄მ
Line of edition: 5 ხოთვფე ი ჲედ ლაღვრეშ ი მა̄დეი ჰარყი მახვშიდ ა̈გნე ქორისგა. ჰასვიში, ჩი̄ჟა ი
Line of edition: 6 ნიბა̄̈შნა̈ ლიწსი შვა̈ნისგა მა̄̈ნკვინღო ლϩმა̄̈რ ი ათხე̄ჲ ჲერხის ეზერდ ხოგიჭხ. ლახე
Line of edition: 7 ლამვარ შომვა̄ლე ქა დო̄მ ა̈წსი ჰასვიშს, ეჩქას ეჯ ჰასვიშ ჩვაჭთუნე მიჩა ლამვარს
Line of edition: 8 ხოლა̄მდ. Line of edition: 9 5. თანღი̄ლ. ალ თანღი̄ლა̈ ლიმზირ ხოხალხ ლატლის სოფელ ლახოშდ
Line of edition: 10 ჟიქა̄ნ ზაგა̈რჟი, თანღი თა̄რინგზელი ლაჴვა̈მმϩყ, ნამპარვ დვეშდი ლადა̈ღ. ალ
Line of edition: 11 ლადა̈ღს ხაჟხა ლიმხე̄რი. ალ ლადღიშდ ლახვშდა̈ ლϩთიშ ჩუ იყვლუ̄რა̄ლხ ეჩჟი̄ნ,
Line of edition: 12 ერე თვით სოფელს ლატლიისგა თვით ჲო̄რი მა̄რ' ა̄თხვიე̄ნს ბეგრი მუხვრიდ. ლატლის
Line of edition: 13 ჩხარა სოფელ ლი. Line of edition: 14 ალ ჲო̄რი ლϩთიშ მიჩა მა̈ხვაჲ სოფელს ქა ხეჭმენდა ი ჟი იზვერდა ლეღეი ნა̈ქვცუვა̈რს
Line of edition: 15 ლე̄ღა̈ბ ხა̈მხა̈ნქა ი თვიო ხოხვრა კარვა ფექს. Line of edition: 16 ნა̈ბოზს ალ მუზვრა ალ ნაზორს (ლეღვს ი ფექს) აშხვ მეზგაისგა ჟ'აყვბახ.
Line of edition: 17 ლეღვს ჟ'აკვბა̈დდახ, ფექს ჟი იბურდენდახ ი ანყახ კუბდა̄რა̈რს, ოდე ჴიც ი ლეღვ
Line of edition: 18 დო ხა̄დხ, ეჩქად. Line of edition: 19 ეჩϩნქა აჯაღ ანყახ ლემზϩრა̈რს მასა̈რდ. ალ კუბდა̄რა̈რს ი ლემზϩრა̈რს
Line of edition: 20 ღვაჟა̈რ ჟ'ა̈ჲა̄სგდახ თანღი̄ლთე. Line of edition: 21 ამ ლა̈დღიშდ ლიჰრა̈ყი მამ ხემთქვა̄̈ნხ, მარე მეზგახა̈ნქა მა̈გ ა̈ჲა̄̈სგდა ზედა̈შს.
Line of edition: 22 ჰამხა̈ნ ამხა̄ვ ა, თანღი̄ლთე ზურალა̄̈რი ღϩრდახ ი იდბა̈შდახ. შϩნ ხუღვა̄̈ნდახ თვით
Line of edition: 23 შუშა ნათხუმ ჰარა̈ყ. ისგ ლა̈დღი ონაქა მეზგახა̈ნქა თვით მა̄რე ჟი იყვბა̄ლ ამხა̄ვ
Line of edition: 24 ი შϩნ ხუღვა̄̈ნხ თვით კარნიშ ნათხუმ. ალ ჰარა̈ყს ჟი ხა̈მზϩრდახ თანღი თა̄ რინგზელს
Line of edition: 25 ი სგ'ა̄̈გვშახ აშხვ კეცთე. ალ კეც ჩიგარ ჩუ ლϩგ ეჩე. Line of edition: 26 ზურალა̄̈რ ნადბაშუნღო, ესვა̄̈ჲ ილკენდახ მინე ლეწსის, ჰარაყს ხათრახ. ლიმზირს
Line of edition: 27 ქ'ა̄გათვახ, ეჩქა ჩუ ისგვრო̄ლდახ მა̈გ ი ლახვშდა̈რ ქა ხორგივახ ჩი̄ თვით
Line of edition: 28 კუბდა̄̈რს ი თვით სამ ლემზირს. ნათხუმ, ცხა̈ჲ, ეშ ხეჰრა̄̈ნ. Line of edition: 29 მა̄̈ნკვი ჯგϩრა̄̈გი კათხს ϩთრახ, ეჩქანღო სა̄̈ყა̈ნს ი ამჟი̄ნ იბნო̄ლდა ლითრე-ჲ
Line of edition: 30 ლილხნე. ჯვინალდ ხოხალდახ, ერე ჲერვა̄̈ჲ მაშე̄ნე ლუწხვავად ი ლϩმშერად ირდო̄ლ
Line of edition: 31 ლϩდგა̈რი ბედჟი̄ნ, მა̄̈ნკვი ეჯა იბნა სოფელცახა̈ნ ლიხი̄რვილს ი ლიღრა̄̈ლს.,
Line of edition: 32 ჟი იბნო̄ლდა ლა̈ხი̄რულ, ლიშვშპა̈რ ი ლაჭშხა̈შ. ხა̈ლხ ჩუ იშდმო̄ლდა, ეჩქას იბნახ
Line of edition: 33 ჩუ ლიჴედს ლაღრა̄ლუშ. თანღი̄ლა̈ ძირისგა ლახვშდა̈რს სგვებნავ ჩუ ლϩგე
Line of edition: 34 ხა̄დხ მუსი მურყვამ. ეჯას სგა სონხა̄̈ნ ჭე̄რ. ეჯის ჟიქა̄ნ ჟი̄შხე ხა̄დ. ალ მურყვამს
Line of edition: 35 ლე̄თშვ ლიცს ხა̈ბდახ ი ეჩჟი̄ნ მეგჭე ხეფსო̄ლდა ლუკვრემანღვ"ე̄რე ეჩხა̄ვთეჟი
Line of edition: 36 ლი̄ზი სურუ გარჯ ლა̈სვ ი ალ მურყვამთე̄ჟი̄ნ ი ჟშხათეჟი̄ნ მე̄ზის სგვებნავ სოფელ
Line of edition: 37 ქა ითიშდა ი მა̄̈ნკვი ეჯჲა̈რ ანღϩრდახ სგვებინ ჩიდ მა̄̈ნკვი. ამხა̄ვთეჩუ̄ნ ჩუ ჴედენდახ,
Line of edition: 38 ეჩქას ჩუ ისგვრო̄ლდახ ი ლითრეს ი ლიხი̄რულს იბნახ. ჟიქა̄ნჩუ̄ნ ახღვა̄̈ნხ
Line of edition: 39 ნამსა̈დვ ჰარა̈ყ ი დიჲა̈რ. ეჩქანღო ჟი იგნალდახ, მა̄დხვა̈ჲს ქა იზელა̄ლდახ, ეჩქანღო
Line of edition: 40 ჩუ̄დ ისგვრო̄ლდახ ი ილხნახ ი იხი̄რვილდახ. მე̄სმა̄მდ აჯაღϩდ ჟი̄დ იგნა̄ლხ, ქა̄დ
Line of edition: 41 იზელა̄ლხ მა̄დხვა̈ჲს ი ღო ჩუ̄დ ისგვრო̄ლდახ. ათხ, ა̄ჯაღϩდ იბნახ ლიხი̄რვილს ი ლითრეს
Line of edition: 42 ათხენღო სერ ქა ლϩთიშ ხოხვრა̄̈ლ იბნახ მურყვამთეჟი̄ნ ლი̄ზის. ჲერვა̄̈ჲ Добавлено (2007-06-07, 5:57 Pm)
---------------------------------------------
1 ჟი მოშ ღϩრდახ, ჟი̄შხე̄მი აშხალს ჩუ ხა̈ყვჩახ ი ეჩჟი̄ნ ჩუ ტეხენდახ. ეჯა ეჯ სოფლი
Line of edition: 2 ხოჩა̄მ ზავობს ა̈ნშა̈ნდა. სერ ეჩუნღო ფხეჟენდა მა̈გ ი მიჩა-მიჩა ქორთე ღϩრდა. Line of edition: 3 6.ლა̈მზϩრ ღერთა̈ მაჯო̄ნვა̈რ. ქრისდიანრე ლანწამ ღერთა̈რϩნქა
Line of edition: 4 ჯვინალდ შვანა̈რს მო̄შ-მო̄შ ღერთა̈რ ხამწმე̄ნახ, ჲერხის ეჩზუმ პა̈ტივს ხა̈ჩო
Line of edition: 5 მდახ ი ხაყვლი̄ნდახ, ერე ღე̄რბათდ ხოშა. შვანა̈რს ჲერხი მა̄რა̄̈ლი წყილჲა̈ნ მა̄
Line of edition: 6 რა̄̈ლ ხოხალდახ. ობა̈შინ ვირჲა̈ჲრე ღერთა̈რი ხამწმϩნხ. Line of edition: 7 ა. აშხვ ღე̄რბათ ვეჩხტა̈რს ხაყლახ ი ეჩას ვებშა̈რს ხემზϩრდახ ლემზირჟი̄ნ ე̄ჩი ნახა̈ზს ხა̈გნახ. საფტინა̈რს ვირჲა̈ჲა̈რ დიჲა̈რშა̄ლ ლϩჭϩრდიგა ზექი ბეჭედს
Line of edition: 8 ხატყა̈ცდახ ლემზირჟი̄ნ. მაშე̄ნე პა̈ტივისგ სოლომნ ხეყა̄̈დხ, ეჯა ლა̈სვ ლა̈კ
Line of edition: 9 რიშ, ლა̈შკდაშიშ, ლითხვჲარა̈შ, ლილგიმა̄ლეშ, ლიჴϩლვანა̈შ ი ჩი̄მი ხელობა̈ ღე̄რ
Line of edition: 10 ბეთ. ამღა ობა̈შს ხემზირდახ ეჯას. Line of edition: 11 ბ. თე̄რლე მემშედა̄̈ლ ხებჟა̄̈ნხ ჲა̈ნლატლი̄შ. ეჩხა̄ვ ზურალა̄̈რ ლადბა̈შთე
Line of edition: 12 ღϩრდახ, ქ, ა̄ნყახ ფეტვრა̄̈ ჭკϩტა̈რს. ეჯჲა̈რს ჟი ხა̈მზϩრდახ ი ხეჴϩ̄რა̄ლხ თე̄რლე
Line of edition: 13 მასტუ̄ნა̄̈ ლიჟგენის. Line of edition: 14 გ. ცხϩმრი "ტეხიშ" ი ლენჯა̄̈რა "ჴვიდ" ასვარე მა̈ზიგს ხემშედა̄ლხ
Line of edition: 15 ი ეჩხა̄ვ ღϩრდახ ლადბა̈შდ. ასვარე მა̈ზგუვა̄რა ხეჴϩ̄რა̄ლხ ეჯჲა̈რს, ერე ქა̈რ ი მა
Line of edition: 16 ზიგ ი ასვარე მა̈კვშა ქ'ა̄თჟაგე̄ნხ. Line of edition: 17 ლისგვრე̄შ ხა̄დხ შვანა̈რს ი ეჯ ლა̈დღი ლადა̈ღ ჟი ლϩყა̈ჯ ხა̄დხ თხე̄რა̄̈ლხა̈ნ
Line of edition: 18 მϩტა̄̈რხა̈ნ, ჯა̄̈ვრხა̈ნ ხოლა ჭა̈ხხა̈ნ. ამ ღე̄რთა̈რს ხემზირდახ აჯაღ შვანა̈რ. Line of edition: 19 დ. ლითხვჲა̈რ აფსა̄თს ხებრა̈ჲა̄̈ნ ი მეთხვჲა̈რ მა̄რე აფსა̄თს ხემზირდ" ე̄რე
Line of edition: 20 ე̄რენა̈თხვჲარე ლოჰოდე̄ნს მიჩა ჟϩრშვ ი წყალობშვ. Line of edition: 21 აფსა̈თს ი ტეხიშს ღვაჟა̈რ ხემზირდახ ი ჴვიდს -- ზურალა̄̈რ. ჴვიდს აჯაღ ხემთქ
Line of edition: 22 ვა̄̈ნხ ეშხვი გვეშ: ჰϩ̄ლშიე̄რ ზურალა̄̈რ ლადბა̈შს არდახ, ეჩქას ბოფშა̈რ ეჩელექვა
Line of edition: 23 მე̄ზი ლიცხა̈ნქა კვეტო̄ლ ლϩ̄ლჰანდილს იკვა̄ნახ. ეჩექა ცხირი ბოგს ხადა̄̈სგდახ ჟიქა̄ნ ჟ, ატო̄მბახ, ეჩქანღო ბოფშა̈რ ჟი ღϩრდახ ზურალა̄̈რთე, ქა ითიშდახ აშხვ,
Line of edition: 24 შϩნისგა ლემზϩრა̈რს ხა̈ყდა̄ნნვახ, თე̄რა̈რს ჩუ ხოჭვე̄ნდახ ი ვეშგდ ლა̈ტხუშ ჩვა̈ჲა̄̈სგდახ,
Line of edition: 25 ბოგო̄ლთეჩუნ ეჩეჩუ ლემზϩრა̈რს ჟი ხა̈მზϩრა̄̈ვნახ, ლუტო̄მბა ლიცს ქა
Line of edition: 26 თხირახ ი ბოგო̄ლს ქ, ა̄̈ჲა̄სგდა ლიც. ალა ეჩი̄ ლა̈ნშა̈ნ ლა̈სვ, ერე ლიცს ლაღე̄ზა̄ლჟი̄ნ
Line of edition: 27 უმარჯვ ნომ' ო̄თყერე̄ნს ლექო̄რა̈ლდ. Line of edition: 28 ე. სუნდუქ (\\ სუნდუქვ) დეცეშ ძღϩდ ლϩჴმა̈შ ღე̄რბეთ ხებჟა̈ნხ
Line of edition: 29 შვანა̈რს. Line of edition: 30 ამნა̈რ ეჩზუმ ხაყვლუ̄ნიხ, ერე ლახე ჯϩლა̈ჲ ხაყლე, ეჩქას ჴანა̈რს ი უსხვა̈რს ხოლგენდახ ამის. შომვა̄̈ჲ ჩვა̈ჲსენიხ, ეჩქას ხეჴϩ̄რა̄̈ლხ, ერე დიდა̈ბი ლეჴედ Добавлено (2007-06-07, 5:58 Pm)
---------------------------------------------
31 სუნდუქვ დეცეშდ მიჩა მეფშვდე მა̈ზიგ ქ, ა̄თქა̄ბვნას მემზირი ქორა̈ მერდა მა̄რა".
Line of edition: 32 სუნდუქვ დეცეში ლალგენა ჴა̈ნს სუნდუქვა̈ჲს ხაჟხენდახ ი ჟი ნა̈ლგა̈ნუნღო, ოდე ჩუ დო იჲსო̄ლდა, ეჩქად ეჩი̄ ლივღვი და̄̈ს ხოშიდდა. Line of edition: 33 ვ. ნათხა̄̈რვ. თხე̄რა̄̈ლხა̈ნ ლϩცხა̈ტ ლადა̈ღს ნათხა̄̈რვს ხაყლახ ი ეჯ ლადა̈ღ
Line of edition: 34 ლემზϩრარშვ ხე̄ჴϩრა̄ლხ ჯგϩრა̄̈გს, ერე "მიჩა ჟეღა̈რ ნომ' ო̄თფი̄შვდე̄ნს მინე ქვინლϩმგენა̄̈ლთე". თხე̄რა შვანა̈რ ჯგϩრა̄̈გი ჟეღს ხაყლახ. მϩლჯგϩრა̄̈გ მა̄რა მა̄დ
Line of edition: 35 ხოშდϩნ თხე̄რე̄მი დაგრა, ადო შომვა̄̈ჲ ამკა̈ლიბს ჩუ იჩომდა, ეჩქას ეჩი̄ ქვინლϩ̄
Line of edition: 36 მგენა̄̈ლს თხე̄რა̄̈ლ აშხვ დე̄მ როქვ ცვირახ. Line of edition: 37 ჯვინალდ თხერ' ა̄დგა̈რდახ, ეჩქას ეჩი̄ ტუფს ჯო̄დი ხვატჟი̄ნ ჟი ხალჯენდახ,
Line of edition: 38 ჟი ინზო̄რა̄ლხ ეშდ ლეთ მახეღვა̈ჟ. ჩიქე მინე სოფელს ხეჭმენდახ ი ყო̄რჟი̄ნ იღრა̄ლხ
Page of edition: 22 Line of edition: 1 "აშანგელოს". მეზგე ჲედ აშხვ კარვა ნამშა̈ჲს ხოჴდა ი მა̄დეჲ იშგან. ამჟი̄ნ
Line of edition: 2 მერმა სოფლა̄რთე̄ჲ ღϩრდახ ი ქა ხა̈ჭმინახ "აშანგელოს". Line of edition: 3 ხვა̈ჲ ნამშა̈ჲს ინზო̄რახ, მარე ქორთე ლეჲე̄სგიდ მა̄დხვა̈ჲ გარ ხეხო̄ლდახ, ეჯღ ,
Line of edition: 4 ე̄რე მა̄̈ჲ სოფელისგა ჩუ სედენდახ "აშანგელვე̄" მϩჭმინა̄ლა, ეჯ მეზგაისგა მინ იჴ
Line of edition: 5 მა̈რდახ ჟი ნაზორ ნამშა̈ჲს ლეზობ-ლეთრად ი რიჰდ ლიქეიფ ხა̄დხ. Line of edition: 6 ზ. მϩტა̈რხა̈ნ ლიმზირ. მϩტა̈რხა̈ნ ლა̈მზირჟი̄ნ ზურალა̄̈რ გიმს
Line of edition: 7 ხემზირდახ ლემზϩრარშვ ჩუბა̄ვ ი ხეჴϩ̄რა̄ლხ ლამა̈რჲას, ერე მინე დაბა̈რდ ი ნალ
Line of edition: 8 ა̄შვდ მϩტ, მϩრშკ ი მუღულ ოთქა̄ბვნე̄ნს. Line of edition: 9 თ. ჯა̄̈ვრხა̈ნ. ლისგვრე̄ ლადა̈ღ ღვაჟა̈რ ხეჴϩრა̄ლხ ბიქვი მუფშვდა ღე̄რბათ,
Line of edition: 10 ერე მინე ნა̈ლგიმა̄ლვრე ყა̄რა̈რ ჟი ლა̈ჲდერყას ბიქვხა̈ნ ი ყა̄რა̈რ ნომ, ო̄ხჟომას.
Line of edition: 11 ანღლა̈ბ ლადა̈ღ ღვეჟმა̄რე ყა̄̈რჟი̄ნ ჴაბ იყვნა̄ლ, ქუთს შიჲა̈რჟი იყდა̄ნდა, ჟი
Line of edition: 12 ხა̈მზϩრდა ი ეჩქანღო ჩუ იზობდა. Line of edition: 13 ამის ჩუ იჩომდა, ეჩქანღო ქა იცხპა მიჩა დაბა̈რს ი ნე̄სგა დაბისგა ჩი̄რხუვა̈რ
Line of edition: 14 ცახა̈ნ ჩϩჩϩნი̄ლა̈რს ხოსვა̄̈ლდა. ამნოშ ხოხალდ', ე̄რე მიჩა და̈ბს თე̄-ჲ ხა̈ყბა
Line of edition: 15 ქ'ა̄თქა̄ბვნენ. Line of edition: 16 ამჟი̄ნ ხემზϩრდა მუშვა̈ნ ჯვინალდ მო̄შ-მო̄შ ღერთა̈რს, ერე ჟი დო̄რ ოხუნდვ
Line of edition: 17 რევი̄ნე̄ნს ი მა̈გ მაშედ ი მაჴვმა̄̈რ ხაყე̄ნე̄ნს, Line of edition: 18
ლენჯა̄̈რ Добавлено (2007-06-07, 5:58 Pm)
---------------------------------------------
Text: 24
Page of edition: 22
Line of edition: 19
24. ჯვინალდ ლϩფშირ მეზგე̄მი აშხუდ ლირდე, Line of edition: 20 ლიმშავ, ლიქმე, ლილზიგა̄̈ლ, იშგენ გოშა̈რ ი ლი̄თა̄ლ Line of edition: 21 ჯვინალდ სოფლარისგ' ა̄რდახ ეჯკა̈ლიბ მეზგა̄̈ლ, ერე უსგვა ი იშგვიდეშდ მა̄რ'
Line of edition: 22 ა̄რდა აშხვ ქორისგა ჩუ უ̄თად ი ეზერდ ხოსყე̄ნახ უშხვა̄რ ხოშა̄მ ლაღა̈ლს. ამკა̈ლიბ
Line of edition: 23 მეზგა̄̈ლ ჲო̄რი ი სემი გარ იზგახ აშხვ სოფელისგა, იშგენ მეზგა̄̈ლ ხომϩრხელდა
Line of edition: 24 ლა̈სხვ. ფიშირ მა̄რე მეზგაისგა ამის ხეფსოლდა: ლϩრა̄̈ქვედ მა̄რა სემი მახეღვა̈ჟ
Line of edition: 25 გეზალ ხორდა. ალჲა̈რე გეზლი̄რი ჩუ იფშირო̄ლდახ. გეზლი̄რე გეზლი̄რსი
Line of edition: 26 ხეთვო̄ლდახ გეზლი̄რ ი ამჟი̄ნ მეზგე ჩუ იფშირო̄ლდა. ხვა̄̈ინ ლϩ̄მა̄რ ეჯ', ე̄რე ქორა̈
Line of edition: 27 მახვშის ჟი ხე ჰო̄ლდა მიჩა ნა̈თსა̈ვა̈შ ი ნა̈თი ნა̈თსა̈ვა̈ ლიფშირ ოხვიშდუსგვა ეშდ
Line of edition: 28 თეჟი̄ნ ი მა̈გ ალ მეზგა ხენტჲა̄ლ. ლახე შვიდბა ხა̄დ მეზგ', ე̄ჩქა ჩუ იფშირო̄ლდა.
Line of edition: 29 ამჟი̄ნ, ერე უთა მეზგაისგა თვით მეხვშდა̄მი ი მე̄სგვ' ა̄მჟი̄ნ არდახ ლინა̄თვხა̈ნ. მა
Line of edition: 30 რე ეში̄ უშხუდ არდახ ი ჭირ ი ხინ ეშხუ ხა̄დდახ. Line of edition: 31 ქორისგა̄̈ ნაუ̄თა̄̈ლი ქორა̈ მახვშისი ხოხალდა, ეჩი̄ ბედ ლა̈სვ. ლახე ხოჩა̄მ
Line of edition: 32 ჴერჴიანდ ი ბϩგიდ ხოჟოღდა ქორს, ქორს უ̄თად იგჭა: ჲერს ეშ ხონკა, ჲერს ეშ ხე
Line of edition: 33 ცვა̄ლ ი ამჟი̄ნ ჩუ იგჭა ქორს უ̄თად. ხვა̄̈ჲნ ლა̈სვ ქორისგ' ე̄ჯკა̈ლიბ, ერე ი̄მჟი̄ნ დო
Line of edition: 34 ხა̄დხ უშხვა̄რ, ჩუ მა̈მ ხოხა̈ლდახ. აშხვ ჯიჯუნქა ი გვა̈რϩნქა ხიჲა̄̈რი ათხე დვრევჟი̄ნ
Line of edition: 35 მეჲა̄ქა̄ლდ ხეყა̄̈დხ, მარე მუშვა̈ნ მა̄რე ჯიჯვს დე̄მ კვიშა ჯვინალდ. ჯიჯვი ლიკვშეს
Line of edition: 36 შვანა̈რ ხაყლახ გვა̈რიშისგა ლიჲა̄ქა̄̈ლს. ლახე გვა̈რიშისგა ჩუ ჲა̈რ იჲა̄ქა̄̈ლ, ეჯ გვა̈რს
Line of edition: 37 მე̄რმე შვანა̈რ ხეჯღა̄̈ვხ. ათხე და̄̈ს მა ხა̄რ ამკა̈ლიბი სერდე ი გვა̈რიშისგა ფიშირ
Line of edition: 38 იჲა̄ქა̄̈ლ. Line of edition: 39 ამჟი̄ნ არდა ალამა̈გ ფიშირ მა̄რე აშხვ ქორისგა მა̈ჩვი̄ბისგა ქვინϩმგენა ი მა̈ნ
Line of edition: 40 ცინცახა̈ნ. ზავლა̈დღიშდ ჲერხი ხეხვ-ჭა̈შს კვეტო̄ლ მეგმϩრო̄ლა̈რ ხო̄გა̈ნხ ლალყურად
Page of edition: 23 Line of edition: 1 ი ზავლადა̈ღ ეჩე̄სგ' ა̄ყვრახ, მარე ლინთვისგ' ე̄ჯღა̄̈ჲ მა̈გ აშხვ მა̈ჩვი̄ბისგ' ა̄ყვრახ.
Line of edition: 2 ლალყურა ტახდა̈რ ჩი მუხვირისგა ხო̄გა̈ნხ ი აშხვ ტა̈ხდისგ' ა̄ყვრახ ხეხვ-ჭა̈შ
Line of edition: 3 ი მინე გეზლი̄რ მა̈გ აშხუდ. ტა̈ხდისგა ჩიქე ჩალს ჲϩრშეჲდახ ფა̈ტვა̈შს, ი ჲედ ჭϩ̄მნა̈შს,
Line of edition: 4 ეჯის ჟიქა̄ნქა ნაბა̈დს ჲϩრშეჲდახ. თხურმა̄̈შ ეშხუ სასტა̈ვილ ზϩსდან ი ჟიქან
Line of edition: 5 კვილი̄ შართქვინს იქვა̈მდახ. ჲერხი ნე̄შკა̄̈ლჟი ისყე̄ნახ ლაყვრას, ჲერხი იმე ი ჲერ
Line of edition: 6 ხი იმე. მუშგვრი ლახ ხორდა მეზგა, ეჯას ლა̄ნუ̄ნა̄̈ლჟი ხორშეჲდახ ლაყვრას, მა̄დეი
Line of edition: 7 ლϩრგიმჟი̄ნ, მარე ლანუ̄ნა̄̈ლჟი̄ნ ხო̄ნშგვა ლაყვრა ლა̈სვ, ეჯღ' ე̄რე ჩუქვა̄ნ ჩალ ხერშა̄̈ნ
Line of edition: 8 ი ლϩრგიმჟი̄ნ დემის ჲϩრშეჲდახ. ჲერხის მე̄რმე ქორა̈რი ხო̄გა̈ნდახ. ეჩჲა̈რისგა
Line of edition: 9 მა̈ჟი̄ბჟი̄ნ, დარბა̈ზს, ნე̄ნი ხო̄სდა̈ნხ, მა̈ჩვი̄ბს ქვინლϩმგენა̈ლ ხობდახ, ეჯღ' ე̄რე მეზგა
Line of edition: 10 ოხვიშდ-უსგვა უ̄ღვა ჴან, ეჩი̄შ ფირვ, ნეცინ მანგა̈რ ი მა̈ნცინ ხორდა ი მა̈გ აშხვ Добавлено (2007-06-07, 5:59 Pm)
---------------------------------------------
: 11 მა̈ჩვიბისგა დეშ ხასკϩდენდა. ზავლადა̈ღ ჲერხი ხეხვ-ჭა̈შ ეჩე̄სგა იყვნა̄ლდა, მარე
Line of edition: 12 ლინთვისგ' ე̄ში მა̈გ აშხვ მაჩვიბისგ' ა̄ყვრახ. სერთხი̄ მეზგე ლϩჲმა̈ხვ ლახე ლა̈სვ,
Line of edition: 13 ეჩქას ლა̄̈თშვ მა̈გ აშხუდ არდახ. ჲერხი მეზგა ლაბა̄̈ვ მეგმϩრა̄̈ლ ხო̄განხ ჯვე̄დჲას.
Line of edition: 14 ეჩე ლინთვ დაჴა̈რ ხეყა̄̈დხ. მეზგ' ე̄ჩი̄ზუმ ჭემს დეშ იმა̄რ" ა̄ვე ქვინლϩმგენა̄ჲ დაჴϩლს
Line of edition: 15 ჩი̄ ქა ხა̄რა̄̈ნ, ამღა ლინთვისგა ბავთ' ა̄̈ჲა̄̈სგდახ ი ეჩე უსგვა̄მ-იშგვიდ დოშდულმახა
Line of edition: 16 ჩუ ხეყა̄̈დხ. ლეზობდ დაჴა̈რს კვა̈ფხ ი ღუმრა̈შ ი გϩგბი აშხლა̈რ გარ ხუღვა̄̈ნხ.
Line of edition: 17 ჩუ̄ჲ ეჩე იზა̄ლხ დაჴა̈რ . დაჴა̈რს ეშხუ მა̄რე ხეჭა̈მ. ალ მა̄რე ხოდრე̄ლ ლა̈სვ მიჩა ქორისგა
Line of edition: 18 ი ეჯღ' ა̄ზიზდახ ლაბა̄̈ვდ. ალ მა̄რე მϩლდეღი ლა̈სვ, დაჴრე მϩზა̄ლვნე, ნეხშტარე
Line of edition: 19 მუჩგუნა̄̈ლი, ზექი მϩმა̄რე, მერბიე̄ლ ი მა̈გ. ფექს ა̈გიხა̈ნ ა̈ჲა̄̈სგდა ი ჩვარდ'
Line of edition: 20 ა̄მჟინ ლინთვ ლეჟა-ლექვა ჯა გარ დაჴა̈რცახა̈ნ, მარე ლϩჯახა̈ნ ეზერ ბედ ხა̄დ,
Line of edition: 21 ლახე დაჴა̈რ ჩუ იზა̄ლდახ, ეჩქანღო . ნეხშტარე ნამსა̈დვ ლϩჯე მა̈გ მიჩა ლა̈სვ ი მელა̄რა̄̈ლ
Line of edition: 22 და̄̈რ ხეყა̄̈დდა. ლუფხვს ა̈გითე ჴიდახ დაჴ |
| |
| | |
|
Мужчина |
Date: Четверг, 2007-06-07, 6:01 PM | Message # 6 |
|
Group: Проверенные
Posts: 352
Status:Offline
Дата регистрации:
2006-09-07 |
22 და̄̈რ ხეყა̄̈დდა. ლუფხვს ა̈გითე ჴიდახ დაჴა̈რს ი ნეხშტა̈რს. ნეხშტა̈რს ქა
Line of edition: 23 ხაყვლუ̄რახ დაჴა̈რს, ეჩქას ნეხშტა̈რს ბოფშა̈რ ხელდა̈ღდახ ი დაჴა̈რს ეჯა̄დ ე, ხედვა̄̈ჲ
Line of edition: 24 ლინთვისგ' ა̄რდა ლაბა̄̈ვს. ჲერხი მეზგა ჲო̄რი ი სემა̄შირ დაჴϩლ ხორდა, ალჲა̈ს
Line of edition: 25 ბოტა̄̈ლი ხეჩϩ̄დხ მუბტვა̈ნიდ. აჯაღ ო̄შთხვ-ოხვიშდ ლϩ̄ზა̈ჲ ფუკვა̈რ ხეჩϩ̄დხ, ეჯ
Line of edition: 26 ჲა̈რ ძღϩდა̈რ ლა̈სვხ. ლუგვა̈რ ლა̈სხვ, ეჩქას ღϩნჲა̄̈რვისგა ჩვა̈ჲსენდახ ი ხვა̈ჲ ლეღვ
Line of edition: 27 ხეფსო̄ლდახ. Line of edition: 28 მახეღვაჟა̈რ ლინთვისგა ლა̈ქმათე ღϩრდახ ზა̈ნთე, გვირჲათე ი იმრეთთე, იმვა̄̈ჲ
Line of edition: 29 ხოჩა ლემშავ ი ლა̈ქმა ხეთხო̄დახ, ეჩხა̄ვ. ქა ირა̄გახ ჲარვ ი სამ დოშდულმახა.
Line of edition: 30 ნა̈ქიმსვ ქა უბი̄რად ჩი̄ ქორთე ჴიდახ ი კა̄ჟი და̄̈სგდახ. ეჩქანღვ' ა̄მის ქორა̈ მახვში
Line of edition: 31 სგა იბრა̈ჲა ი ჟი იშხვინდა, შომვა̄̈ჲ ქორს ხაწხϩნ, ეჩქას ჩუ იჴმა̈რდა, იმვა̄̈ჲ ნა̈რდ
Line of edition: 32 ხეკვა̈დ, ჲედ ლა̈მგებდ ი ჲედ იშგან გვაშვჟი̄ნ. Line of edition: 33 ზავლადა̈ღ სა̈ვთე ღϩრდახ, ეჩე ჲარვ დოშდულმახა ირა̄გახ ი ეჩხა̈ნ ხაბნა̈რს
Line of edition: 34 ი გიცრა̈რს ჴიდახ, ალა̄̈ჲ ქორა̈შ ლა̈სვ. ამჟი̄ნ, ერე სგა იმვა̄̈ჲ ჲა̈რ იქმა ი ჲედ ჩუ
Line of edition: 35 იმის ჲა̈რ ითხა̄̈ლდა, ეჯა მა̈გ ქორა̈შ ლა̈სვ. ლეთხვიმ ეჯა გარ ლა̈სვ ე, ლახე ქორისგა̄̈
Line of edition: 36 მა̄რე მო̄რევდ ლა̈სვ ლϩთიშ ი ჲედ მოხელდ. ეჩქას იმვა̄̈ჲ ითხა̄̈ლდა: ჲედ ნამბა̈ნჲე̄რს
Line of edition: 37 ი ჲედ ა̈თისთავს, ალას ქორშა̈რ დე̄მის იშგომდახ ი მიჩ გარ ხა̈მბახ ლეთხუმდ,
Line of edition: 38 და̄̈რ ხეცლა̈ვჲა̄ლ. ლახე ხოხვრა̄მ ლუმღვე̄ნა მეზგა გიმ ხა̄დ ლეჰვდი ლϩდგა̈რი ქუნე
Line of edition: 39 გვაშჟი̄ნ, ეჩქას ალ ლϩფშირ მეზგა ხაჭრა̈ჟდა. მეზგა ლახე მაბა̈ც ხუღვა̄̈ნდა, ჟი
Line of edition: 40 იყიდდა ალ გიმს ლექორდ ი ფა̈სი ქორა̄̈შ ლა̈სვ. მეზგე ლახე ზურა̄ლა̈ ნაჭვლაშ-ნა̈ყდანვი̄რს
Line of edition: 41 იკა̈დდა, ალა̄ჲ ქორა̈შ ლა̈სვ. ზურა̄ლა̈ მა̄ყაი ქორა̈შ ლა̈სვ ი ქორს ხა̄დ
Line of edition: 42 ლემა̄რე. ლახე მეზგე თელღϩ̄რას ჴიდა ქორთე, ამი̄ ნაჭვლაშ-ნა̈ყდანვი̄რი ი ქვერწლი
Line of edition: 43 ხა̈რჯ ი მაჴმარა ქორს ხა̄დ ლეჴდე. ქორისგა̄̈შს ლახე მა̄რე ხედგარო̄ლდა, ნა̈ბშვ
Page of edition: 24 Line of edition: 1 ი̄რო̄ლა უმბილდ, ლასყა̄ლჟი̄ნ წორა̈შ ი იშგენ მა̄̈ღვრალე მϩჴდე ქორ ლა̈სვ,
Line of edition: 2 ჩიისგა̈ ქორა̈ კეთილ იჴმარო̄ლდა ქორა გვეში გუ̄ღა. Line of edition: 3 ლახე ქორისგა̄̈შს ჲა̈რ ადგა̈რდა, ეჩქას ეჩი̄ ლიწვრი ქორა̈ გვეშ ლა̈სვ. ნამსყა
Line of edition: 4 ძვირდ გარ ჴა̈დდა მეზგე, მარე ლახე ჩუ ჲა̈რს ხესყა̄ლ ი წორს ი ჲედ გვაშვ ქა იკა̈დდა,
Line of edition: 5 ეჩქას ალა̄ჲ ქორა̈შ ლა̈სვ. ლიშდა̈ბ ჩუ ლϩ̄თა̄ლე ხა̄დხ. ხოშა̄მ, ხოხვრა̄მ, ზურალა̄რს
Line of edition: 6 ი ღვეჟმა̄რა ჩი̄ მიჩა-მიჩა ლეშდა̈ბ ხოთრო̄ნდა ი ეჯას ხეშდაბდა. ქორისგა
Line of edition: 7 მამჭირა̈ჲ ლახე ჲა̈რ ხეჩϩ̄დ, ეჯას ლაშგვრა̄ნოშ ი ლაყა̄ლვოშ ჩვა̈ვზურახ, ადო ლა̈ნ
Line of edition: 8 ტრა̄ლს ი ლა̄ცვს გვის ხოხპახ ქორშა̈რ. მახვშის ხოწვϩნდა ქორა̈ ლითხვმი ი ლი̄ქვი̄სგ
Line of edition: 9 მა̄̈ჲ ჲა̈ს ხა̄დ ლეჩვმე ი ჲედ იმე ლეშდა̈ბ. ხოშა̄მ მახეღვაჟა̈რს ზექ ხა̄დხ ლექჩე
Line of edition: 10 ლელუნთად ი ლიჴნჲე̄ლისგა მუღუნწუში ლა̈სვხ. ხოხვრა̄მ მახაღვაჟა̈რს ხოწვუნდახ
Line of edition: 11 ლიჭმე, ლიჴდე, მϩღვი ლინჭლი, დაბრე ლიჰუნწვი, ლუფხვს ლიდცვე, ლათეჲჟი̄ნ
Line of edition: 12 ლინჩვრი, ლიჲჴეჲ, ლიმჭვა̈ლი ი ლა̈ქმათე ლი̄ზი. ზურალა̄რე გვეშ ლა̈სვ ლიფცხი.
Line of edition: 13 ლითი, ლიბა̄ბე, ლივჴი, ლიშყვდი, ლიგვეჰ, ლიფექ, ლირბჲე̄ლ ი ეჩϩნქა იშგენ ლიჴϩლტა̈რი.
Line of edition: 14 ჭყϩნტრე გვეშ ლილდეღ ლა̈სვ ი ლახვხა̈ნ ლეცი̄რი̄შ, ბუ̄რღვი̄შ, ღეჰიშ,
Line of edition: 15 კϩციგ ი იშგენ ლეზვებ ლეცი̄რარე ლიჴდე. ღველჲა̄ქრე მϩლდეღ დი̄ნა̄̈ლ ლა̈სვხ
Line of edition: 16 ზავლადა̈ღ . ხამრეშ ი გოჭრე მϩლდეღ ხოხვრა ბოფშა̈რ ლა̈სვხ. ლა̄ნშყა ჴანრე ლი̄ნშყე
Line of edition: 17 მენენი გვეშ ლა̈სვ. ლა̄ნშყას გუნ ხო̄ზნა̈ნდახ. ლა̄ნშყა ხამრე მϩ̄ზნა̈ნი ხოშა̄მ
Line of edition: 18 ლაღა̈ლს ზურალა̄̈რ ლა̈სვხ. ობა̈შინ ღვაჟა̈რი ლა̈სვხ. ლირბჲე̄ლ ლა̈ხრესჲა̄ლუშ
Line of edition: 19 ხა̄დხ, აშხვ ზავ ეშხუ ლა̈სვ მერბჲე̄ლ, მე̄რმა ზავ -- მე̄რმე ი ამჟი̄ნ იხრესჲა̄ლხ. მϩ შგა̄ლი,
Line of edition: 20 მϩყე̄ლი ი თა̈ში ოხდრისი მეფდა̄̈ლი ხერასვშ ხა̄დხ ჟი მეკდე ზურალა̄̈რს.
Line of edition: 21 მუნყუ̄ნა̄̈ლი ი მუნჩუდნა̄̈ლიი ხერასშვ ლა̈სვ, იშგენ ზურალა̄̈რ აჭა̄̈ლდახ ლა̈ხრესშვ.
Line of edition: 22 ამჟი̄ნ ხა̄დ მეზგა ჩუ ლუყვლურე მიჩა-მიჩა ლეშდა̈ბ ი ცვიდდ და̄̈რ არდა გუნ მე Добавлено (2007-06-07, 6:00 Pm)
---------------------------------------------
edition: 23 ჩიჲა̈რϩ̄ნქა. ალჲა̈რ ჩუ გარ სგურდახ, ხო̄ზნა̈ნდახ ქორშა̈რ, მა̄̈ჲ ლა̈თჲა̄ლს ლა̈სვ. ქორა̈
Line of edition: 24 ბედჟი̄ნ გოშრეშ, ამახვ-მϩკთი პასხვი ლიტხე̄შ, ნა̈ქიმი ლიშხვნი̄შ ი ლიხϩ̄რჯა̈ვიშ,
Line of edition: 25 ქორა მϩქაფდ პასხვი ლიტხე̄შ ი ჩი ნუკი ლიმხოშა̈ გვეშ მა̈გ ქორა̈ მახვში̄ გვეშ
Line of edition: 26 ლა̈სვ ი ეჯა, მა̄̈ჲ ლა̈თჲალს ხა̄დ, ხოჟოღდა ქორს ი ლაშდაბისგა̄ჲ და̄̈ს ხეყვლენდა ქა.
Line of edition: 27 ჰამა̈შ ი ნა̈ბზა̈ ლა̈დჲარა̄ლჟი̄ნი მიჩა-მიჩა ზϩნე ლა̈სვ ჟი მეკდე. ხოშა̄̈ლ საკარცხვილჟი̄ნ
Line of edition: 28 ისგვრო̄ლდახ. აშხვ ფოყხა̈ნ ღვაჟა̈რ სგურდახ, მე̄რმახა̈ნ -- ზურალა̄̈რ ი მე̄სმახა̈ნ
Line of edition: 29 -- ბოფშა̈რ. ხოშა̄მ ფიჩქს ხოგა̈მდახ ი მე̄რმა̄̈ლს -- ჯო̄დი ტაბგა̈რს. ამჟი̄ნ თვით დიჲა̈რს
Line of edition: 30 ჩუ ხოდა̄̈სგდახ ჩი̄ თვითო̄ლაჟი̄ნ. ეჩქანღო ლახე ნაყუნ ხუღვა̄̈ნდახ, ფაკნარშვ
Line of edition: 31 თვითო̄ლაჟი̄ნ ჩი̄ ჩუ ხოგა̈მდახ სგვებინჩუ, ფაკა̈ნ ჩი̄ მიჩა-მიჩა ქა ხოთრო̄ნ. ლეღვ
Line of edition: 32 ლახე ხუღვა̄̈ნხ, ამის მელეღვ ჩვალგა̈ფდა ი თვით ლაგა̈ფს ჩი̄ ჩუ ხოდა̄̈სგდა. მელეღვი
Line of edition: 33 ქა ლϩთიშ ლა̈სვ მეზგაჲსგა ი წϩ̄და̈ი̄. ლახე ჰარა̈ყ ხო̄გა̈ნ მეზგ" ე̄ჩქა წϩდა̈ჲ ქა
Line of edition: 34 ხოგვშა̄̈ლდა კათხა̈რთე ი ეჩნოვშ ჲϩთრახ. ლალა̈ღვჟი̄ნ ი ლა̈წდა̈ჲაჟი̄ნ მეგნე ხეყა̄დხ.
Line of edition: 35 მეაგნდ ხოხვრა ბოფშა̈რ იგნო̄ლდახ ი ეჩქანღო გარ იდჲარა̄ლხ, შომვა̄̈ ლიზრულ
Line of edition: 36 ი ჰარყი ლითვნა̄̈ლი ქა იზგϩრო̄ლდა. მა̄̈ნკვი ლაგა̈ფ ი კათხ ხოშე̄მიშ ლა̈სვ.
Line of edition: 37 მეზგე ლამშიად სამ ი ო̄შთხვ უ̄ღვა ჴა̈ნს გარ იყდა̄̈ნდა ი იშგვიდ-არა̄მ ფირვს,
Line of edition: 38 სერ დე̄მის, ეჯღ, ე̄რე ლინთვ იშგვიდ-არა დოშდულმახა ლი ი ალჲარე ლა̈ჩფა̄ნქა
Line of edition: 39 დეშ ჴიდა ჭემს, ლა̄რა̄ლე ნავღვა̄̈ნოვშ. ამϩნქა ღველჲა̄ქა̈რსი ჩიფახ ლინთვისგა ეშდ-ეშდოხვიშდთეჟი̄ნ.
Line of edition: 40 ზურალა̈რს ლეთხუმდ ღველჲა̄ქა̈რ გარ ხორიხ, სერ მა̈მგვეშ. Line of edition: 41 ნაჩფი̄რვ ქორს, ღველჲა̄ქ ლახე გიცა̈რს ათვე, ეჯა ხა̄რ. ჟინაღ დის ქა ხეყვლენი,
Line of edition: 42 ეჩქას დარბა̈ზთ' ა̈გნეხ ი სამ ზავ ეჩე̄'სგა ხორიხ ი ეჩქანღო გარ ა̈ჲსენიხ გუნ ლუგვა̈რს.
Line of edition: 43 ტკიცდ ლ' ე̄რე ალამა̈გ ფიშირ მეზგა ო̄შთხვ უ̄ღვა̈ ნაჴანვ დეშ ხა̄დ, მარე
Page of edition: 25 Line of edition: 1 გიმი ლა̈ქმა დე̄მხა̄̈ნ ხა̄დხ ი იმ იჩომდახ. ლასა̈დს ხოშა̄მ ლაღა̈ლდ ლეჩხუმხა̈ნ ჴიდახ
Line of edition: 2 სიმინდს ჩა̄ჟარშვ, მარე ეჯკა̈ლიბ ხოლა შუკვა̈რ ლა̈სვხ, ერე ფიშრა̄მინ ჩა̄ჟა̈რ ქა
Line of edition: 3 ხოშϩდენდახ, ეჯჲა̈რი ჩუ იდგარო̄ლხ ი სიმინდი ჩუ შϩ̄დენდა. ქორისგა ლახე მეხვტე
Line of edition: 4 (\\ უგზელა ) ხეხვ-ჭა̈შ არდახ, ეჯჲა̈რს შუნ ხუღვა̄̈ნხ ლითხუ̄მა̄ლე ნა̈ბ ი დე̄ჲ მეზგე
Line of edition: 5 ხოდურვა̈ნდა. ზავლადა̈ღ ქორს ხეყა̄̈დხ ი ლინთვისგა იშგნა̄̈გ ჩიფახ. ჯვინალდ ხემთქვა̄̈ნხ,
Line of edition: 6 ერე მეხვტე ხეხვ-ჭა̈შ ქუნე გვაშვ ლϩჲარობჟი̄ნ იჩომდახ. ამ დვრევჟი̄ნ
Line of edition: 7 ფექ, ლა̈ჲსა ი ჰარა̈ყ მა̈გ ალ მეხვტა ხეხვ-ჭა̈შმიშ ლა̈სვ, ქორაშ ზექ გარ იჴმარო̄ლდა
Line of edition: 8 ი სერ მა̄მგვეშ. ლϩწსა მა̄რა̄ლცახა̈ნ ი მესფელაცახა̈ნ ქორშა̈რი ხაფსახ ლიზვებ-ლითრეს.
Line of edition: 9 მეხვტა ხეხვ-ჭა̈შს მეზგე ლიშდა̈ბს დე̄მის ხაკფუნახ, მა̄̈ჲ დო ხეცხა̄̈ნო̄ლხ
Line of edition: 10 ეჩϩნქა, ეჯღ' ე̄რე ალჲა̈რს გეზალ მა̄მ ხოსდენდახ ი ალჲარე ნამხუბი მეზგა
Line of edition: 11 ხესდენდა. ალ მეხვტა ხეხვ-ჭა̈შს ლახე ჟი ჲა̈რ ანხირნის ი ჲედ ხა̈ჴდა ი მა̄დეჲ ადდაგრი̄ს,
Line of edition: 12 ეჩქას მეზგე სურუს ივშგედა ი ჩუ დე̄მჟი ხესყა̄ლ ოდე მა̈გიერს ქა დო ლახტიხა
Line of edition: 13 ალჲარე ხოლემი მუჩვემს. Line of edition: 14 მასარდ ხახϩრბϩნხ მერხა̈ლდ მეზგა̄̈ლს ლϩფშირ მეზგად, მარ' ე̄ჩი̄შ მა̄მ ხოხალდახ,
Line of edition: 15 ერე ფიშირ მაღვე̄ნას ფიშირ მუზვები ხეყა̄̈დ, მარე ლეზვებ-ლეთრე ეჯა
Line of edition: 16 გარ ხუღვა̄̈ნ ე, მა̄̈ჲ მერხა̈ლდ მეზგა ხუღვა̄̈ნდა ქორისგა. Line of edition: 17 სოფელთე̄სგა ლახე ხოშა ვარგა̈რ ჲა̈რ ჴედენდახ, ეჯჲა̈რ ალ ლϩფშირ მეზგა
Line of edition: 18 ხემშგვარო̄ლდახ. ჩი̄ გუ ხა̄დ ალ მეზგემი ლიჲა̄ქა̄̈ლდ, ლახე და̄̈ვ ხერდოლხ ქა უწვილად,
Line of edition: 19 ეჯასი ჩუ იყდა̄̈ნდახ მა̈ხჲადა̄̈რ, ხოჩა̄მ დი̄ნას მა̈გ ქა ხაჰვედდა ალ მეზგა, და̄̈ვ
Line of edition: 20 ლახე ხერდო̄ლხ უჩი̄ჟად, ეჯღ' ე̄რე ხოჩა̄მ მეზგე̄მიშ ესერ გურო̄ლი ეზერ ლი Добавлено (2007-06-07, 6:01 Pm)
---------------------------------------------
21 ლეჲე̄სგიდ. Line of edition: 22 ლიჲმახვსი და̄̈რ მოშ ხობდავდ' ა̄ლ მეზგა, ეჯღ' ე̄რე შიშდ ქა ხეტხე̄ნდა ნაცა̄̈დ
Line of edition: 23 ლϩფშირ მეზგაისგა, მა̈ჲ საკვრელ ლი, დაგრა̄ჲ ხოფშირა ი̄რო̄ლ, მარე ლერვენიი
Line of edition: 24 ფიშირ ლა̈სვხ ი მეზგე ჟი დე̄მის იმϩრხდო̄ლდა, ეჯა მა̄დეი აშგარ იფშირო̄ლდა. ალ
Line of edition: 25 დაგრაჟი̄ნ მასა̈რდ ხა̈რჯ ხეკვა̈დ მეზგა. მაკვა̈დ ხეკვა̈დ მეზგა ლა̈ხჲადა̄ლჟი̄ნი, ლა ხე
Line of edition: 26 ჭყϩნტა̈რ ხეთვო̄ლდახ, მარე ამ ჩიქქა ხოხრა იჴმარო̄ლდა ი ლϩდგა̈რჟი̄ნ ღალ -- ხოშა.
Line of edition: 27 ობა̈შ მაკვა̈დ ღϩრდა ქვერწლა̈რჟი̄ნ ი ზურა̄ლა̈ ნაჭვლაშვდ, მარე მეზგე დემის
Line of edition: 28 ითნ' ა̄მის ეჯღ, ე̄რე ფიშირ მა̄რე̄მი ნამშავ აშხუდ ჟი ლუყვბე ხოშა ბა̈რქიჲა̈ნ
Line of edition: 29 (\\ ბა̈რქია̈ნ ) ლი ი ხოშა სევჲა̈ნ. ღϩნჲა̈რუჟი̄ნ ლა̈ჲსა, ჰარა̈ყ, ი ფექ ხეკვა̈დ მეზგა ი
Line of edition: 30 ღϩნჲა̄̈რუ სურუ ფიშირ ლა̈სვხ ი ამჩიქქა გარ ხა̄დ მეზგა ხოჩა ბედ, ადო ჰა̈მურჟი̄ნ
Line of edition: 31 დეშ ხა̄დხ ამგვა̈რ ბედ ი ხოშა ლაღა̈ლ დი̄რი ჰამა̈რჟი გარ არდახ. ხოშა ლაღა̈ლდ
Line of edition: 32 ნა̄̈ყუ̄ნდ როგვ, ქირს, ღედა̈რ ი იშგენ საუჭმ გარ ხუღვა̄̈ნხ. ამკა̈ლიბდ იზგა ლϩფშირ
Line of edition: 33 მეზგე, ოდე ჩუ დო ი̄თა̄ლ ი ჩუ დო იყლუ̄რა̄ლ ღვეშგმე პილს. ფიშრა̄მინ ქო
Line of edition: 34 რისგა ტე̄ვა ხე̄ფსო̄ლდა ზურალა̄რე, ამის ღვაჟა̈რ ხენჩϩდა̄ლხ ი ჟი იტა̄̈ვინო̄ლხ.
Line of edition: 35 ქორისგა̄̈ თელღϩრა̄̈ ლამვარა̈ ნა̈თია̈რცახა̈ნ ლახე ტე̄ვა ი ლიცვა̄̈ლ ხოჩϩ̄დენდა ალ
Line of edition: 36 მეზგე̄მი მა̄რა, ეჩქას ქორისგა თელღϩრა ჩილე̄თ ფათრა̈კს ასყენა, ეჯღ' ე̄რე მიჩა
Line of edition: 37 ლამვარა̈რს ხეწე̄ნა̄ლ. ქორისგა ლახე მაშდმა̄რობ ხა̄დხ, ეჩქასი ხოჩϩ̄დენდახ ტე̄ვა
Line of edition: 38 ი ფათრა̈კ ი ობა̈შინ ლიყა̄̈რჲე̄ლ ი ქაჩა̄რობ. Line of edition: 39 მეზგე თვით დია̈რს გარ ანყა მა̄რე̄მი ქუნჟი̄ნ, ხოშა̄̈ლ ალ დია̈რს შიშდ ჩუ იზობდახ,
Line of edition: 40 ბოფშა̈რს ნამსა̈დვ ხოსდენდახ ი ამის დილა̄რუ ლამტვარა̄̈ლჟი̄ნ და̄̈სგდახ.
Line of edition: 41 ჲერხი ხო̄ლა ქვინიშ ხოშა̄̈ლ უფგოვშ ჟი ხოკა̈დდახ ბოფშა̈რს ალ ნამსა̈დვს. ბოფშა̈რ
Line of edition: 42 მა̈იდჟი̄ნ გარ ხეთხა̄̈ლდახ ნამსა̈დვს ი ლახე მომ ხეგვბენდახ, ეჩქას ლიჟღი̄ლჲე̄ლს
Page of edition: 26 Line of edition: 1 იბნახ. ბოფშრე დილა̄რუ ჭათას ხობნახ ნამსა̈დვარე მϩკედს ი ტე̄ვახ, მარე
Line of edition: 2 ამღა და̄̈რ ფეშენდა, ეჯღ'ე̄რე ამკა̈ლიბ ჩილადა̈ღ შა̄ლ ლა̈სვ ი სგა ლუმთქვე ხა̄დხ ამის. Line of edition: 3 მუნყუ̄ნა̄̈ლ' ე̄რვა̄̈ჲ ლა̈სვ, ეჯას მიჩა ჭა̈შმიშდ ი გეზლი̄რდ ხოშე̄ლ ხა̈ლსა̈რϩნ
Line of edition: 4 ნა̄̈ყუ̄ნ ი ზϩ̄მშვ ხოშე̄ლს ხოგვშა. ამის მე̄რმა̄̈ლ გუდ ჴედენდახ ი ლიღი̄ლჲე̄ლს ხაფსახ.
Line of edition: 5 ჲერვა̄̈ჲ ზა̈რვილ-მელეღვ ლა̈სვ, ეჯა ხოჩე̄ლ ლაგფა̈რს ხოთიშდა მიჩა ბარგა̈რს
Line of edition: 6 ი ამისი ლიღი̄ლიჲე̄ლ ხეფსო̄ლდა. ლეთხვიმ ხა̈მ ესვა̄̈ჲ ხორდა, ეჯას მϩზნა̈ნი ლა̄̈ზნა̈ნჟი̄ნ
Line of edition: 7 ხოშე̄ლს ხო̄ზნა̈ნდა. ალასი გუნ ისდიკა̄ლხ ჲერხი ზურალა̄̈რ ი ღვაჟა̈რ, მარე
Line of edition: 8 ქორა მახვში ლახე ხოჩა ბϩგი ლა̈სვ ი ხოჩა თველჲა̈ნ, ეჩქას ქამავ ლეჲე̄სგიდ დე̄მის
Line of edition: 9 ჴიდა ტე̄ვას ი სგა̄̈ჩუ̄ნ ადა̄წყა გვეშს. ქორშა̈რს ხაყლა: "ხოლამ მა̈ნკიშს ესერ
Line of edition: 10 ხოჩა მა̈ნკიშ ქა დო̄მ ხოსგნუნი, ხოდრა̈მ მϩშა̈ჲს ესერ ხოჩა მϩშა̈ჲ ქა დო̄მ ადჲე̄სგი,
Line of edition: 11 ხოშა̄ჲ ხოხვრ' ე̄სერ ქა მა̄მ ითრი̄ნი ქორისგა, ეჩქას ესერ ლიყოლფ იმჟი ი̄რი"
Line of edition: 12 ი ამჟი̄ნ ლაშგვრა̄ნუშ ჩვაშა̄რდა, ლϩხრინე ერვა̄̈ჲ ლა̈სვ ქორისგ' ე̄ჯას. ამის მე̄რმე
Line of edition: 13 მეყულფა̄ჲ ხომა̈რჯვდახ, ქორ ჩუ იშა̄რდო̄ლდა ი ამჟი̄ნ ლუნყურად ლირდესϩდ
Line of edition: 14 იბნახ. ლϩფშირ მეზგახა̈ნქა ნა̄თა̄ლვა̈რ ათხე̄ჲ ჩვა̈რიხ ლენჯა̈რ ნატრო ი ტარა̈სი
Line of edition: 15 ნატროშა. ალჲა̈რ გუნ მეჩი ლიხ ი ჩუ ხაშყიდხ მინე ლი̄თა̄ლ. ალა̈რ გა̈რგლიხ:
Line of edition: 16 "ჰმ, ხიჲად, ფისევ ხაბა ნიშგვეჲ ლი̄თა̄̈ლს, ნიშგვეჲ ქორისგა ლირდეს მა̄მგვეშ ხოჩა̄̈ნ
Line of edition: 17 უთა ხვასვდ, ეჩქა, ნა̈ჲ ხოხვრა ბოფშა̈რ გარ ხვა̈სვდ, ლა̄თა̄ლჟი̄ნ. ლა̄̈თშვ ჟი ხვიყბა̄ლდ
Line of edition: 18 მა̈გ, ლაჴვრა̄̈ლს ქა ხოდა̈ლდახ ნიშგვეჲ, მუგვა̈ლს ჟი ხადა̄̈სგდახ ლამტვა̄̈რალჟი̄ნ,
Line of edition: 19 ზურალა̄̈რ ლირბჲე̄ლს იბნახ, ღვაჟა̈რ აშხვხა̈ნ სგურდახ ი ზურალა̄̈რ
Line of edition: 20 მე̄რმახა̈ნ, ბოფშა̈რ აშხვ პილხა̈ნ ხვისგვრა̄ლდ ი კϩკϩს და̄̈რმოშ ხვიკა̈დდად. აშხვხა̈ნ Добавлено (2007-06-07, 6:01 Pm)
---------------------------------------------
21 ლაჭვნი̄რს ასყე̄ნახ ხოშა̄̈ლ ი მე̄რმახა̈ნ ლაჩა̈ნგს, ეჩი̄ ლიჰვნა̈რის მა̄მგვეშ ხოჩა̄̈ნდა.
Line of edition: 22 ბოფშა̈რ ერვა̄̈ჲ ქვინს ჟ'ა̈ნკა̈დნახ, ეჯას შიშდ ქა̄̈მთ' ა̄̈გნახ. ამჟი ხვეყა̄̈დდ
Line of edition: 23 ლϩგა̄̈ზდილე ნიშგვეჲ ხოშა̄̈ლს ი ნა̈ი იშგნა̄̈გ ი ქორს ჩიჲა̄̈გ ლუნყუ̄რად ი ხოჩა̄მდ
Line of edition: 24 ხვარდად. ნიშგვეჲ ლი̄თა̄ლე მიზეზ მაშე̄ნე ლასვ ლითხუ̄მა̄̈ლ. ეჩქა̄̈ ნიშგვეჲ ლირდე
Line of edition: 25 ნიშგვეჲ გვა̈რიშს ი იშგან მა̄რა̄ჲ ი̄ცნავდი მა̄მ ლა̈ხი̄ცნა̈ვ' ა̄დო ქა ცხა̄̈ჲ და̄̈რ ხეწდენი,
Line of edition: 26 ეჯგვა̄̈ჲ ლირდე ნა̄დ სური̄". ნატროშე̄რ ა̄თხე აშხვ მეზგახა̈ნქა ნა̄თა̄ლვ ეშდოხვიშდ
Line of edition: 27 მეზგე ლიხ ი ჩუ ლϩფშირე ლიხ. ალ ლϩფშირ მეზგად გუნ ხახϩრბϩნ ჩი̄ ი
Line of edition: 28 ამღა ჲერხი ითჲა̄ლხ, ერე იმვა̄ლაჟი̄ნ ჩუმოშ ოთϩ̄თენხ ალ მეზგე. ლესმინა̄̈ლიდ
Line of edition: 29 ზურა̄ლ ხოჩა ლი ი ზურალა̄̈რ ალ ქორა̈ ზურალა̈რს ხოსმინა̄̈ლდახ. ზურალა̄̈რ ამჟი̄ნ
Line of edition: 30 ხოსმინა̄̈ლდახ: "ჰმ, ხიჲად, სურუ ლეჟრი ღალ ხი სი. ისგვა ლა̈მყა̄̈რვა̈რს თვით
Line of edition: 31 ოხვიშდ ი უსგვა გეზალ ხორიხ ი ს' ე̄შხვი̄ლ გარ. ჭირ მაშე̄ნე სი ჯა̄რ. ისგვა გეზლა̈
Line of edition: 32 აშხვ კოკორა̄̈ლს იმე დოშ ხა̈სყუნი". ამკა̈ლიბ მϩსმინა̄ლა ღვაჟა̈რსი ხეყა̄̈დხ, ჲერვა̄̈ჲ
Line of edition: 33 ხოშა მე̄ნშგვე ლა̈ს |
| |
| | |
|
Мужчина |
Date: Четверг, 2007-06-07, 6:05 PM | Message # 7 |
|
Group: Модераторы
Posts: 990
Status:Offline
Дата регистрации:
2006-08-29 |
33 ხოშა მე̄ნშგვე ლა̈სვხ, ეჯჲა̈რს, ერვა̄̈ჲ ბϩგი გვი̄მიშ ლა̈სვხ, ეჯჲა̈რს დეშ ხოპი̄რახ
Line of edition: 34 ლისმინა̄̈ლის. ალა მა̈გ ლისმინა̄̈ლი, უსკუ̄დუ ლარდა ი იშგენ მა̈გ ჟი იყვბო̄ლდა ი
Line of edition: 35 ქორისგა ჩი ლე̄თ ტევა ი ფათრა̈კ ლა̈სვ. ანღელდახ, ერე შდა̄შვ ესერ ხოჩე̄ლ ლიზგეს
Line of edition: 36 ა̈ჰე̄სგიხ. ამის უმჴერალ გარ ანღელდახ. ქორა̈ მახვში გვის ხაჰვედდ" ე̄რე ამჟი̄ნ
Line of edition: 37 ლირდეს მა̄მ ხეყა̄̈დ, ნა̄̈ქვ მერხა̈ლდს გარ ხესმო̄ლდა, ჲერხი ზურალა̄̈რს ლაჭშა
Line of edition: 38 მინეშხა̈ნჩუ̄ნ ხა̄დხ ლϩგნე ი ეჩი̄ მაყალშვ, ერე ქორისგა უშხვა̄რ დორ ლახდაგრე̄ნს,
Line of edition: 39 ნა̈ბს ხაჰვედდა ლი̄თა̄ლეშ ი მეზგე ჩუ ი̄თა̄ლდა სერ ამჟი̄ნ ა: ჯვინალდ გიმ ლეჴმარი
Line of edition: 40 ი ქორა̈რ ათხე̄შშა̄ლ მა̄რე̄მი ქუნჟი̄ნ მა̄დ იყვლურო̄ლდა, მუმხუბე̄მი შელდჟი̄ნ ყვილახ
Line of edition: 41 ჩი̄. ლა̈სვ, ერე ეშხუ მუმხუბი ერვეშდ ღეთ მა̄რე ლა̈სვ, მე̄რმე -- ხოშა, მე̄სმე
Line of edition: 42 ეშდ გარ, ჲერ -- ხოფშირა ი ჲერ -- ხომϩრხელდა, მარე ნა̈ფშირაღა ხოშა ნა̄̈თი მა̄მ
Line of edition: 43 ხეჰვდოლდა ნა̈ხუმსა̈რ ი, ამჟი̄ნ ლϩრე̄ქვდ, ნამხუბაჟი̄ნ ყველენდა მა̈გ. ჩი̄დ მა̄̈ნკვი
Page of edition: 27 Line of edition: 1 ოშვა̄̈ჲდ ქორა̈რ ხო̄გა̈ნხ, ეჯჲა̈რს აყვლუ̄რახ, ხოდრა̄მ ქორა̈რს ნა̈დვა̈რს ხადა̄̈სგდახ.
Line of edition: 2 ნამხუბე̄მი შელდჟი̄ნ დეშ ხეხო̄ლდახ ქორა̈რ, მარე ეჯჲარე მϩქაფდ გიმს და̄̈სგდახ
Line of edition: 3 მასა̈რდ. ამჟი̄ნ მუმხუბი̄ შელდჟი̄ნ ჩვა̈მგუვახ ჩი̄ ი ღვეშგემპილს ჯϩლა̈ჲს აკვა̄ნახ
Line of edition: 4 ი მა̄̈ჲ ჲა̈ს ხეხოლდ' ე̄ჯას ჟი ხესკბენდა. ეჩქანღო ითშϩდახ მორვა̈რს. ალჲა̈რს
Line of edition: 5 ღვაჟა̈რ თვითო̄ლაჟი̄ნ მა̈გ ქა ხომბა̈ვდახ მინე-მინე ნა̈ჭირვს ი ნა̈ქიმვს ქორთე̄სგა
Line of edition: 6 მე̄რმა̄ლე ნამსგიდვინ. მორვა̈რ ჩუ ისგვრო̄ლდახ, სგვებნა̄ვ ქორა̈ ხოშა̄მ ხოქვცახ
Line of edition: 7 ნამხოშჲე̄რს დაბშვ ი ჲედ ლა̄როშ ნამხუბა ჟიქა̄ნქა. ეჩქანღო ხოშე̄ლ ნა̈ჭირვ ჲერვა̄̈ჲ
Line of edition: 8 ხებჟა̄̈ნხ ქორისგ" ე̄ჯას ხოქვცახ, მა̄̈ სახს ლახღვა̄ნხ ეჯას, ლϩლღედად. ეჩქანღო
Line of edition: 9 და̈ბ-ლა̄რას ი ცხეკა̈რს აყვლუ̄რახ ჩი̄ მუგუდ ი ეჩქანღო ჯϩლა̈ჲს აკვა̄ნახ. მა̄ჲ
Line of edition: 10 ჲა̈ს ხეხოლდ, ე̄ჯას ხესკბენდახ მა̈გ. ამის ჩი̄ ქ'ა̄სრულახ, ეჩქას ნა̈ბოზს მა̈გ ჟი იყვბა̄ლხ,
Line of edition: 11 მო̄რვა̈რი ეჩეჩუ̄ნ ხეყა̄დხ, ჰარა̈ყს ჲϩთრახ ი ხემზϩრდახ უშხვა̄რ, ერე ლი̄
Line of edition: 12 თა̄̈ლ ხოჩა̄მდ ათმარჯუნდე̄დხ, ლეჰდϩრად ნო̄ს ოხჴეხ ჩი̄ ხოჩა̄მ გარ ხოვა̄დდახ უშხვა̄რ
Line of edition: 13 ი ამჟი̄ნ ჩუ იყვლუ̄რა̄ლხ ლაყხა̄ლუშ ი ლაგვნუშ. ჲესვა̄̈ჲ ქორ მო̄მ ხეხო̄ლდა,
Line of edition: 14 ეჯა მე̄რმა მეზგე̄მი ქორთე ღϩრდა ი ეჩ' ა̄შვა ლემასგვ. ჰა̈რი ქორს უშხვა̄რ და̄̈რ
Line of edition: 15 ხა̈მდუნა ი დე̄ჲ ნა̈დჲა̄ნვი̄რს ჲა̈რ ხეშგომდა უშხვა̄რ, ეჯღ'ე̄რე ქორს ლიკვა̄მე ხოჩა
Line of edition: 16 ხა̄რ ი ქორა̈ ფუსდს ხა̈ხჲა̈დϩნი ა̄დუ მე̄რმე̄მი ლიჴედ მიჩა ქორთე. უ̄თა ქორ ესვა̄̈ჲ
Line of edition: 17 ხეხო̄ლდ', ე̄ჯას გიმ ხოხვრა ხეხო̄ლდა, მარე ეში̄ ხაჩო̄ნდა ამი̄ ლიხვჲე, ეჯღ' ე̄რე
Line of edition: 18 მახან ლილგიმა̄̈ლს ეში̄ ალა ხოცხა̄̈ნ. ქორისგა ბა̈რგსი̄ ნამხუბე̄მი შელდჟი̄ნ იყვლუ̄რახ
Line of edition: 19 ი უ̄თა ქორა ფუსდ მიჩა მა̈ხვია ბა̈რგ-ნაბა̈რგს ჩი̄ მიჩა მიჩ' ა̄დგილჟი̄ნ
Line of edition: 20 ადა̄წყა. ესვა̄̈ჲ ქორ მო̄მ ხეხო̄ლდ' ე̄ჯა შიშდ იბნა ქორა̈ ლაგამ ბა̈ჩა̈შ, ქვიშე̄მიშ, კირიშ,
Line of edition: 21 ჭე̄რიშ ი დი̄რი ლიმა̄რეს, ჟი იგნა ჴელვანა̈რს ი ნა̈ჴϩლვანი̄რს სგვებნა̄ვ ხაჰვედდა:Добавлено (2007-06-07, 6:04 Pm)
---------------------------------------------
22 ჲერხის გϩმშვ ი ჲერხის კუმაშშვ. ჴელვანა̈რ ბა̈რგი ლამა̄რასი ხომა̈რჯვდახ მეზგა.
Line of edition: 23 ჩუ ნა̄თა̄ლუნღო მესვფელა ლახე ხეხო̄ლდახ ალ ნა̄თა̄ლვ მეზგე̄მი მა̄რა̄̈ლს მანგვამშა̄ლ
Line of edition: 24 ხაყლახ: "მასა̈რდ მასდიკ ისგვეჲ ლი̄თა̄̈ლ, მარე მა̄დ ჯასმაჲა: ხაბნა უნჭყ
Line of edition: 25 ი ლახვბა უ̄თ'ე̄სერ და̄̈ს ხოწვა. ცოდ ხა̈სვდ მე̄თა̄ლდ, მარე ხოჩა̄მდუ აჯმარჯვახ ი
Line of edition: 26 ლეჲდϩრე ნო̄სავ ჯა̄რხ. თვითო̄ლაჟი̄ნ ეჯგვა̈რუ აჯფასახ, უ̄თად ერ ხა̈სვდ". ამკა̈ლიბ
Line of edition: 27 ამბვა̈რს ეჯჲა̈რი ხაყლახ, ჲერვა̄̈ჲ მϩსმინა̄̈ლი ლა̈სვხ ი ჩი ხოლა̄მ გარ ხოსმინა̄̈ლდახ,
Line of edition: 28 ერე იმვალეჟი̄ნ ჩუ მომ ოთϩ̄თე̄ნხ. ალ მეზგე̄მი მა̄რა̄̈ლ ი ზურალა̄̈რ ხა̈ტხახ: "ჰე̄
Line of edition: 29 ხიჲად, ივასუ ხა̈რი, ცოდდუ ახხვიჲე̄ნა ეჯას, ჲერვა̄̈ჲ ლი̄თა̄ლე თხვიმ ლϩ̄მა̄̈რლეს
Line of edition: 30 ი ჲეშვა̄̈ჲ ბედ ალა ნა̈ჲ ნა̄̈ც". ამკა̈ლიბ ლϩფშირ მეზგე̄მი ლი̄თა̄̈ლ სოფლიშდი მა̄მ
Line of edition: 31 ლა̈სვ ლეცხე̄ნე, ეჯღ' ე̄რე ჩუ ლϩპრი̄ნწკა ეშდიჲარვ-ეშდოხვიშდ მეზგე̄მი ლიმშედა̄̈ლ
Line of edition: 32 გალდამჟი̄ნ ი ლა̈ლგიმა̄ლჟი̄ნ სურუ გარჯს ხოჴდა ეჩურდი̄ ჩუ ლϩსა̄ბრალა სოფელს.
Line of edition: 33 ეჩϩნქა ფხულე̄მი ლადა̄̈სგ გიმი გუ̄ღა ფიშრა̄მინ ტე̄ვა ი ლიყა̄̈რჲე̄ლ ხოჩϩ̄დენდახ
Line of edition: 34 მახა ნა̄თა̄ლვ მეზგა̈ლს, ხოშა ლაღა̈ლ ჰა̄̈ღვრალე ბედჟი̄ნ ტე̄ვახ, ამღა სოფლი
Line of edition: 35 ხოჩ-ხოჩა̄მ მა̄რა სგა ლენჩϩდა̄̈ლ ხა̄დ ი გვეშ ჟი ლესყე̄ნე, ეჩხა̈ნ-ამხა̈ნ ჩუ ლესყე̄ნე
Line of edition: 36 მეზგა̄̈ლ, ერე დაგრობ ნომ' ა̄ხჩϩ̄დენხ. ამის ლადღარე თვა̈ფ' ა̄ხჭიმდა ი ალა
Line of edition: 37 მასა̄̈რდ კვა̈დ ლა̈სვ მოჭირ გლეხიშდ. Line of edition: 38 ლისგვრე̄შღა მუშვა̈ნ მა̄რე დე̄მის ივჟა̄̈შნა̄̈ლ, ხაშდბა დე̄მგვაშ ი ეჩქას დე̄მის
Line of edition: 39 ჲა̈ს ხა̈მდუნე თხუმ გვაშ ლასყე̄ნაჟი̄ნ, მარე ლიჩვმი̄ში ლიკვა̄ნე მუშვა̈ნ მა̄რა სურუ
Line of edition: 40 ხამჭირ. Добавлено (2007-06-07, 6:04 Pm)
---------------------------------------------
41 ხოჩე̄ლ მა̈ნკიშ ჲერვა̄̈ჲ ლა̈სვხ, ეჯჲა̈რ ხომა̈რჯვდახ ეჯ მეხვიბს, ესვა̄̈ჲ ქორ მო̄მ
Line of edition: 42 ხო̄გა̈ნ, ქორა̈ ბა̈რგ ლა̈ჴდაჟი̄ნ, ლა̈ლგიმა̄ლჟი̄ნ ი იშგან გოშა̈რჟი̄ნ. ჲერვა̄̈ჲ ლი̄თა̄ლა̄̈ლდ
Line of edition: 43 უშხვა̄რ ხოჩა̄მდ ხოსყე̄ნა, ეჯჲა̈რ ნა̄თა̄ლუნღო̄ჲ ხოჩა̄მდ ხოსყე̄ნახ უშხვა̄რ.
Page of edition: 28 Line of edition: 1 ჲერვა̄̈ჲ ლი̄თა̄ლა̄̈ლდ ხოდრა̄მდ ხეჩϩ̄დხ უშხვა̄რ, ეჯჲა̈რ ნა̄თა̄ლუნღო ჰა̈დურდ ხოდრა̄მდ
Line of edition: 2 ხეჩϩ̄დხ უშხვა̄რ ი ფიშრა̄მინ გვი̄მიზიგ ხა̄დხ. ჩუ ნა̄თა̄ლუნღო ლახე ლეჭვდიე̄ლ
Line of edition: 3 გვეშ-მაგვეშ ლა̈სვ, ეჩქას ჯვინელ ქორა̈ მახვშითე̄დ ღϩრდახ ლა̈ჭვდიჲა̄ლთე,
Line of edition: 4 ოდ' ე̄ჯა ლϩჲა̈რ ლა̈სვ, ეჯა მა̄მ ხა̈მდუნა თხუმ ი ლაგას ხა̈გნა ჩი̄გვაშისგა, მა̄̈ჲ ჩუ
Line of edition: 5 ხოხალდა. Line of edition: 6 მა̄̈ნკვი̄ ზავჲა̈რისგა ნა̄თა̄ლუნღო სამხუბ ჩუ დე̄მგვაშ ხოთვფახ უშვხა̄რ დე̄ჲ
Line of edition: 7 ჭირჟი̄ნ ი დე̄ჲ ხინჟი̄ნ, ეჯა მა̄დეი, ჲერვა̈ჲ უშხვა̄რ ხოჩა̄მდ ხოსყე̄ნახ, ეჯჲა̈რ ხოჩა̄მ
Line of edition: 8 ნა̄პუს ჩუ დე̄მ ისრახ უშხვა̄რურდ, ეჩჟი̄ნ ხა̈ლსა̈რϩნხ მა̈გ უშხვა̄რ. მა̈ჲ საკვრელ ლ',
Line of edition: 9 ე̄რე ჩუ ნა̄თა̄ლუნღო უშხვა̈რ ხე̄წე̄ნალდახ ლაყა̄̈რჲა̄ლჟი̄ნ ირო̄ლ ა ლაცვა̄ლჟი̄ნ.
Line of edition: 10 სოფელისგა ლახე ლაშდღვა̄ლ ლა̈სვ, ეჩქას ღვაჟა̈რ მა̈გ აშხუდ ღϩრდახ ი მა̈გ აშხუდ
Line of edition: 11 ისგვრო̄ლდახ, ეჯღ' ე̄რე ლახე ლიცვა̄̈ლ ი ლიყა̄̈რჲე̄ლ ანჩϩდენ, ეჩქას მა̈გ გა̈ნხა̈ნ
Line of edition: 12 ხა̈გნე̄ნ უშხვა̄რ ი ლეთხე̄ლი დო̄რ ლϩმა̄რლესვხ. ქა̄მენისგა მϩსგდი აჯაღϩდ ხენტჲა̄ლ
Line of edition: 13 მა̈გ ალჲა̈რს ი ხოხალდ, ე̄რე უშხვა̄რნე̄სგა ჩი ლე̄თი-ლადა̈ღ ხოჩა გვი ხედო̄ლხ,
Line of edition: 14 მარე ეჩი̄შ მა̄მ ხოხალდახ, ერე სგვებნე ლადღა̈რს გარ ლა̈სვხ ნასყა̄ლვ დაბრე
Line of edition: 15 ჰა̄̈ღვრა̄ლე ბედჟი̄ნ ლიცვა̄̈ლხა̈ნქა. Line of edition: 16 ამჟი̄ნ იზგა ხვა̄̈ჲ ხა̈ნს ჯვინელ უ̄თა მეზგე ი ღვეშგმე პილს სერ ნა̈ფშიროშ ი
Line of edition: 17 უშხვა̄რა̈ ნავყია̄ნუშ ჩუ ი̄თა̄ლ. უ̄თად ჩიჲა̈ ლახϩრბა̄ლ ლა̈სვ, მარე ჩუ ნა̄თა̄ლუნღო
Line of edition: 18 ღალ ფიშირ მეზგე ხეფსო̄ლდა ი ჩი̄ ხოლა̄მდ ი საბრალდ ხა̄დხ. ალა̄ჲ ლე̄ქვი̄სგ
Line of edition: 19 ლ' ე̄რე ლახე მერხა̈ლდ მეზგე̄მი მა̄რე მერხა̈ლდ მეზგაისგ' ა̄რდა ი ჰარაყს ხათრახ,
Line of edition: 20 ეჩქას ამზϩრა̄̈ლდა: "მინე ქორს ესერ ეჭკა̈ლიბ კვა̈მუ ესო̄ზიხ ლეზგϩრჟი̄ნ, იმვა̄̈ჲჟი
Line of edition: 21 ალ ი ალ ლϩფშირ მეზგ' ე̄სო̄ზი". Line of edition: 22 შვა̄̈ნისგა ჯვინალდ ფიშირ უ̄თა მეზგა̄̈ლ ლა̈სხვ: ლენჯა̄̈რ: ნატროშა (უდე̄სია̄ნა̈რ),
Line of edition: 23 გუვა̄̈ლშა (გულდა̄ნა̈რ). ლატლის: ნუაშე̄რა (ფა̈რჯია̄ნა̈რ), გირგვლია̄ნა̈რ. Добавлено (2007-06-07, 6:05 Pm)
---------------------------------------------
24 მესტიას: გეგა̄ნშა (გვა̈რლია̄ნა̈რ), მϩლახს: კახია̄ნშა (კახია̄ნა̈რ), ციოყϩ̄ლა̈რ (ქურდია̄ნა̈რ).
Line of edition: 25 წვირმის: ფუთაშა (თამლია̄ნა̈რ). ელის: გუაშა (სამსია̄ნა̈რ). ფა̈რს: ძეგია̈რ
Line of edition: 26 (ჩხვიმია̄ნა̈რ). ჩუბეჴევს: ბურნაყა̈რ (ქალდა̄ნა̈რ). ამჟი̄ნ სოფელისგა ეშხუ-ჲო̄რი
Line of edition: 27 მეზგე ჩიჲა̄̈გ ხეჩϩდ ლϩფშირ ი ჯვინელ. ხოშა̄მ ლϩფშირ მეზგახა̈ნქა̄̈ ნა̄თა̄ლვხა̈ნქა
Line of edition: 28 ჲერვა̄̈ჲ ჩუ სიდხ ხოშა̄ლ, ეჯჲა̈რს მა̈გ ხეჭვდჲე̄ლხ ლილზიგა̄ლე გვაშვ, ეჯღ"
Line of edition: 29 ე̄რე ხოჩა̄მ მეზგაისგ' ე̄სერ ლიხ ნარდა̈ვ ი ჩუ ხეხლიხ, იმვა̄̈ჲჟი̄ნ ი მა̄̈ჲ ჩიქქა ხეკვდენი
Line of edition: 30 ლიმშავ, ლილზიგა̄̈ლ ი იშგან გოშრე ლისყე̄ნე. ალჲა̈რი̄ მა̈ჲ ლა̈თჲა̄ლს ხა̄რხ ლაგას
Line of edition: 31 ხა̈გნეხ მინე მეჭვდჲე̄ლას ი ლახე ჲა̈რ ხოჰვნა̈რიხ, ეჩქას ქა ხო̄მბვიხ, იმვა̈ჲ,
Line of edition: 32 ჟი ლირდე ხა̄დხ ჩუ ლი̄თა̄ლა̄ლვ მინე ხოშა̄̈ლს ი ყϩლეხ: "ჰე̄, ხიჲად, ეჩქა̄̈ დვრევს
Line of edition: 33 ივალადა̈ღ და̈რმოშ ლა̈ხტეხნი ნიშგვეჲ გვა̈რიშისგა, ნა̈ჲ ერ ლიზგე ი ლირდე ნა̄დ". Line of edition: 34
ლენჯა̄̈რ Добавлено (2007-06-07, 6:05 Pm)
---------------------------------------------
Text: 25
Page of edition: 28
Line of edition: 35
25. იმჟი̄ნ არდახ ჯვინალდ ქორისგა Line of edition: 36 ჯვინალდ ათხაშა̄ლ ლϩპრი̄ნწვე მა̄დ ლა̈სვ მა̈გ ი ხვა̈ჲ არდა აშხუდ ქორისგა.
Line of edition: 37 ობა̈შინ ეჯამ მა̈გ ჩვარდახ აშხუდ, ერე იმჟი დო ხა̄დხ უშხვა̄რ წა̈მ, ეჩი̄ში მა̄მ ხო ხალდახ.
Line of edition: 38 ქორისგა ეშხუ ხოშა ქა თერი̄ნდა ი ეჩი̄ ნამხოშს ესჭიმდა მა̈გ, იმვა̄̈ჲჟი̄ნ
Line of edition: 39 ლეჩვემ ხა̄დხ ლიშდა̈ბ ღϩნს ი ჰა̈მურს, ლაჴა̈ნჟი, ლა̈ჭმაჟი, ზექ ლაქჩაჟი, ლახვრევჟი,
Line of edition: 40 ლაჰა̈ნწვჟი, ლალდაღ-ლაჯოგჟი, ლათეჲჟი, ლაკლა̈ვჟი, ლილგუჰე̄რიჟი,
Line of edition: 41 ლა̈ქმათე ლა̄ზჟი ი იშგენ გოშა̈რჟი̄ნ, ჩი̄ მახვში ხაჰო̈დდა შუკვს ი ზϩზს, მარე ჯა
Page of edition: 29 Line of edition: 1 გარ დე̄მის ამო̄რვა ამის, ქა ხეჭვდია̄ლ მე̄რმა ხოშა̄̈ლსი̄ ქორისგა ი ეჩქანღო სერ
Line of edition: 2 მახვში ლა̈სვ ჩი̄მი ქა მუთვრი (ქორისგა) მიჩა-მიჩა გოშა̈რ ლასყე̄ნათე. Line of edition: 3 ლინთვისგა ლინა̈ნ აშხვ ხებრა̈ჲა̄̈ნ, ზექრე ლიმა̄რე -- მე̄რმა, მუგვლარეშ --
Line of edition: 4 მე̄სმა; ლილაღვ აშხვ ხებრა̈ჲა̄̈ნ, ლიწდავ -- მე̄რმა ი ამჟი̄ნ ჩუ ლუყვლუ̄რე ლა̈სვ
Line of edition: 5 მა̈გ. მეგნა̄̈ლ ხოხვრა̄̈ლ ლა̈სვხ ჩიგარ. Line of edition: 6 ლიჴნჲე̄ლისგა მუღუნწუში ქა თე̄რინდა მϩბერგე ი მუჟვეღ ხოხვრა̄̈ლ ი ხოშა
Line of edition: 7 მეჩჲა̈რ ლა̈სვხ, მϩწსხი ზურალა̄̈რ ი ბოფშა̈რ ლა̈სვხ, მϩლა̄̈ში ქა თერი̄ნდა ი ეჯა ილა̄შა̄̈ლდა
Line of edition: 8 დაბა̈რს. Line of edition: 9 ლა̈ქმათე ლახე ღϩრდახ მახეღვაჟა̈რ მე̄რმა-მე̄რმა ქვეყნა̈რთე, ლეზიზს აშხუდ
Line of edition: 10 ინყახ ი ეჩჟი̄ნ ღϩრდახ; ლა̈ქმასი აშხუდ არდახ ი შვიდებდ ლახ ჴედენდახ ა̈გითე,
Line of edition: 11 ეჩქას ნა̈ქიმვს კა̄ჟი და̄̈სგდახ ი ნაღვჭარ ლახე მა ხუღვა̄̈ნდახ, ეჯას ხოშა ჩვაყვლუ̄რა,
Line of edition: 12 ვარჩხილს ჟი იშხვინდა ქორა̈შდ. ეჩქას ლითხუ̄მა̈ლ მა̄მ ლა̈სვ. ლეთხუმდ ზურა̄ლს
Line of edition: 13 ღველია̄ქ ლახე ხერდო̄ლ, ადო ეჩϩნქა მა̄მგვეშ ლა̈სვ ლეთხვიმ, მარე ღველია̄ქს
Line of edition: 14 ლახე ლეგცარა̄̈ლი ხეთვო̄ლდა, ეჯაჲ ქორა̈შ ლა̈სვ; ჟინაღ ლუსვს ქა ხეყვლენდა,
Line of edition: 15 ეჩქას დარბა̈ზთ, ა̄̈გნახ ი ეჩე ხორდახ ჲარვ-სამ ზავ ქა უფი̄შვდად ქა̄̈მთე ი ეჩქანღო
Line of edition: 16 ჩვა̈ჲსენდახ ქორა̈შდ. ლეთხვიმ ღველჲა̄ქრე მა̈ტყხა̈ნქა ზურალა̄̈რ კვილჲა̈რს
Line of edition: 17 ა̈ლთახ მინე ლაჭშა̈შ ი გეზლი̄რეშდ, ეჩϩნქა ქანს ა̈ლთახ ი ეჩი̄ სგვირხა̈ნქა სგა̄̈
Line of edition: 18 ლერქვა̈რს იშხებდახ. Line of edition: 19 ლა̄̈თშვ ლახე ჟი იყვბა̄ლდახ ქორისგა, ეჩქას მახვშჲა̈რ საკარცხვლა̈რჟი̄ნ ისგვრო̄ლხ,
Line of edition: 20 ღვაჟა̈რ აშხვხა̈ნ ისგვრო̄ლხ, ზურალა̄̈რ -- მე̄რმახა̈ნ ი ბოფშა̈რ -- მე̄სმახა̈ნ.
Line of edition: 21 მერბჲე̄ლ ზურა̄ლ ქა თე̄რინდა, აჯაღ მუნყუ̄ნა̄̈ლი ი ნა̄̈ყუნა̈ მϩმა̄რე̄ჲ. ქა თე̄რინდა
Line of edition: 22 ქორისგა. Line of edition: 23 მერბჲე̄ლ ირბია̄ლდა ი მϩჭა̄̈ლია̈რ აჭა̄̈ლდახ დია̈რს. Line of edition: 24 ობა̈შინ ეშხუ მა̄რე ჩა̈ნგს იკა̈დდა, მე̄რმე -- ჭუნირს ი ეჯჲა̈რს აშმახ. ჲერხი
Line of edition: 25 ლიღრა̄̈ლს იბნახ ი ხოჩა̄მ ლარდას ასყე̄ნახ. ტე̄ვა ი ფათრა̈კ ძვირდ გარ ხოჩϩ̄დენდახ
Line of edition: 26 ქორისგა. Line of edition: 27
ლენჯა̄̈რ Добавлено (2007-06-07, 6:05 Pm)
---------------------------------------------
Text: 26
Page of edition: 29
Line of edition: 28
26. სა̈ცქვი ნავჰვედი Line of edition: 29 ჯვინალდ ჲერხი ლϩმჴერ მა̄რა̄̈ლ ი წოკლა̈ჲ ზურალა̄̈რ ჲერხი ხოშა წინგვილ მϩრე̄ს
Line of edition: 30 ლა̈სვხ. ამღად ოხვსკო̄რახ სა̈ცქვი ნავჰვედი მეზგახა̈ნქა. ამღა ათხე̄ჲ ობა̈შ უმჴერა
Line of edition: 31 ი ძონძღვ მეზგე სა̈ციქვს ქა და̄̈ს ხაჰვდი. ლახე ჟი ინდვნე ი ქა ხაჰვდი, ეჩქას
Line of edition: 32 ფინჩს ეჯღა̄̈ჲ ჩუ ხა̈ცვრუნე. სა̈ცქვი ნავჰოდე̄მიშდ ლადღა̈რ ლიხ ჩუ ლϩნშანე. ეჩϩ̄ნქა
Line of edition: 33 ქორისგა ლახე მა გვეშ სა̈ხმახა̈რ ლიხ, ეჯ ლადა̈ღ ფინჩურდ სა̈ციქვდ ბაც და̄̈ს
Line of edition: 34 ხა̄რ. ეჩϩ̄ნქა ზურალა̄̈რს ხოთრახ ლადღა̈რ ი ეჯ ლადღი ნაყა̄̈ლვ თა̈შს მინ გარ იჴმა̈რიხ.
Line of edition: 35 ჭყა̈ნსი მინ გარ იჩდიხ ქაქთე ი კითხვა̈რსი მინ გარ ინყეხ. Line of edition: 36 ამკა̈ლიბა̈რ ობა̈შ ლიხ, მარე ჲერხის ეჯღა̄̈ჲ ქა ლიშϩლდა̈ნიდ ი ჩი̄ ხოხალდე̄დს,
Line of edition: 37 იმჟი ლϩმა̄̈რ ალ გვეშ: Line of edition: 38 1. დო̄შდიშ, ცა̄̈შ ი საფტინს მეზგახა̈ნქა სა̈ციქვ დე̄მჟი̄ნ ღϩ̄რდა, ლახე უმბილდ
Line of edition: 39 ი ნავმა̈ჴროვშ დო ჲა̈რ ხაჰვედდა მე̄რმა მეზგა სა̈ციქვს, ეჩქანღო ლახე ლეგდ ჲა̈რ
Line of edition: 40 ირდნო̄ლდა ეჯ ლა̈ზგაისგა, ამის ჯϩლა̈ჲ ეჩას ხაბრა̈ლდ' ე̄რე "სა̈ციქვ ესერ მϩრე̄ს
Line of edition: 41 ლოჰოდახ ლϩცხა̈ტ ლადა̈ღჟი" .
Page of edition: 30 Line of edition: 1 2.შომვა̄̈ჲ ღვებ ქა ირშგინა, ეჩქას სა̈ციქვი ლიჰვდის ლაღვბა̈ ჟი ლიკედ
Line of edition: 2 ხოხალდა. Line of edition: 3 3. გზა̄̈ვრთე ლახე ჲა̈რ ღϩრდა მეზგახა̈ნქა, ეჯ ლა̈დღი სა̈ცქვი ლიჰვდის ხოლა
Line of edition: 4 გზა̄ვრობ ხოხალდა. Line of edition: 5 4. ლა̈თხვჲართე ლახ ღϩრდა მეთხვჲა̈რ, ეჩქა̄̈ სა̈ცქვი ლიჰვდის ნა̈თხვჲარე̄მი
Line of edition: 6 ნავთხე̄ლი ხოხალდა. Line of edition: 7 5. ლა̈წრექვთე ნა̄ზუნღოჲ მა̄დ შიდდა სა̈ცქვი ლიჰვდი. "ხოლა ლა̈წრექვ ესერ
Line of edition: 8 ხა̄რ მϩწრექვის". Line of edition: 9 6. შომვა̄̈ჲ მეზგაისგა ჟინღა̈რ, ნეხშტა̈რ, გოჭა̈რ, ღუნვა̈რ ი იშგენ იყვროვო̄ლდახ,
Line of edition: 10 ეჩქა̄ჲ მა̄დ შიდდა სა̈ცქვი ლიჰვდი. Line of edition: 11 7. ესვა̄̈ჲ ლაღობ ხო̄გ, ეჯ მეზგა წაქა̈შ, წერქვა̈შ ი მუგვლი ლიჰვდი მა̄დ ხოშიდ.
Line of edition: 12 8. დვეშდი ლადა̈ღი ნაყა̄̈ლვ თა̈შს ზურალა̄̈რ ცა̄̈ ლადა̈ღ იჴმა̈რდახ. ამჩიქქა
Line of edition: 13 ღვაჟა̈რ ქა̄̈მ არდახ, ეჩქას ყო̄რა̈რს ქა̄შდენკა̄̈ლდახ. ალ თა̈შხა̈ნქა ქუთვა̈რს ინყახ,
Line of edition: 14 მინ გარ იზობდახ. ყო̄რჟი̄ნ მϩლჩ& |
| |
| | |
|
Мужчина |
Date: Четверг, 2007-06-07, 6:08 PM | Message # 8 |
|
Group: Проверенные
Posts: 352
Status:Offline
Дата регистрации:
2006-09-07 |
14 მინ გარ იზობდახ. ყო̄რჟი̄ნ მϩლჩად ეშხუ დი̄ნა ხორდახ, ერე ღვეშგდ ლატა̈ხ მა̄მ
Line of edition: 15 ხა̄რენს. Line of edition: 16 9. ზურალა̄̈რ საფტინა̈რს ქა̄დ ხოცყანა̄̈ლდახ ყო̄რარს ი ქაქს იჩომდახ ლϩჭყა̈ნს.
Line of edition: 17 ეჯას მინ გარ იზობდახ. ღვაჟა̈რს ეჩი̄ ლაზობთე დე̄მჩიქქა ითლახ სგახი̄ნ.
Line of edition: 18 ხათა̈რდახ ზურალა̄̈რ, ეჩქას მინϩდ გარ ა̄შვახ ლემასგვ ნა̈დჲარობენ. ღვაჟა̈რ ლამშიას
Line of edition: 19 არდახ. ქ'ა̄ნყა̄̈ლდახ ხოშა̄მ ქუთვა̈რს, კიხვა̈რს ი მინ გარϩდ იზობდახ. Line of edition: 20 ალა ღვაჟა̈რს ჩუ ხოხალდახ, მარე დე̄მის ხოდურვა̈ნდახ, ეჯღ' ე̄რე "ზურა̄ლს
Line of edition: 21 ესერ ხვა̈ჲ ჭირ ხა̄რ" ი სა̈ხ ლახღვა ჩი̄. Line of edition: 22
ლენჯა̄̈რ Добавлено (2007-06-07, 6:06 Pm)
---------------------------------------------
Text: 27
Page of edition: 30
Line of edition: 23
27. ლიშგნი Line of edition: 24 მუჟღვერ, მეზგე ქა ილგვჰო̄ლდ" ე̄ჩქას მა̄̈ნკვი̄ ნანაყვ დიჲა̈რს (\\ დია̈რს) მახა
Line of edition: 25 მϩჰიხა̈ნქა მე̄რმა ხა̈შგნუნა. მϩშგნიდ ხეყა̄̈დხ ხოჩა ჰალა̈ლ, მართალ ი ბა̈რქიჲა̈ნ
Line of edition: 26 მარე ი ჲედ ზურა̄ლ. Line of edition: 27 ნა̈ბოზს ქა მϩნა̈ყ დიჲა̈რს მϩნყა მეზგე̄მი ბეფშვ მϩშგნის ქა ხოჴდა. მϩშგნი ფატნი
Line of edition: 28 შიშდგა̈რს ჩუ იფშგϩ̄რა, ლემზირს ლერსგვანთ' ა̄სპუნა ი ყϩლა "მა̈ლდიჲა̈ნ ლამა̄̈რჲა,
Line of edition: 29 ალ მეზგე̄მი კიბდონარისგა̄̈ ფექს ბა̈ჩა̈ ნა̈ნგჭვი ლა̄ხო, უბი̄რა-უფი̄ცხა ჩვემნ,
Line of edition: 30 ბედ ი ბარაქ ლა̄ხო, სალხინისგა ლეჴმა̈რიდ ახა̈სყ ალ ლა̈ზგა̄̈ მაჴა̈დ, მა̈დილ ჯე̄რი,
Line of edition: 31 მა̈დლიჲა̈ნ!" ლემზირს ლა̈სპუნაჟი̄ნ გϩრკიდ შდϩქშვ პილს ქა ხაფცხა ი მუჭვედთე
Line of edition: 32 სგა იტბϩნა. ეჩქანღო დია̈რს (ლემზირს) ისგდ კვიშა, ხϩნსგა̄მ ჯა იყდა̄̈ნდა. ა̈გის
Line of edition: 33 ოშვა̄̈ჲდ ირდო̄ლხ, ეჩშელდდ ითა̄ლდახ ალას ი ჩუ იზობდახ. Line of edition: 34 ეჩქანღო გარ ხოშდϩნდახ სერ მეზგა̄̈ლს მახა მϩჰიხა̈ნქა ფექი ლიჴმა̈რი. Line of edition: 35
ლენჯა̄̈რ Добавлено (2007-06-07, 6:07 Pm)
---------------------------------------------
Text: 28
Page of edition: 30
Line of edition: 36
28. ნადობ Line of edition: 37 მაშდა̄შა ლახე ლა̈სვ მეზგე, ეჩქას ჯა გარ ლახე დოშ ხა̈წრა ლეშდა̈ბს, ჩუ ლენდი
Line of edition: 38 ხა̄დ. Line of edition: 39 ლინდის ჩი̄მიშ იჩომდა: ლიჴნი̄შ, ლითი̄შ, ლილთე̄შ, ლილგიმა̄ლეშ, ლილკირა̄ლეშს,
Line of edition: 40 ცხეკთეჲ ინდენდა ობა̈შინ ზაქვ ლაქჩათე.
Page of edition: 31 Line of edition: 1 მϩნდი მეზგა ხოჩა ხა̈რჯ ხა̄დ ლემა̄რე ნადა̈რდ, ადო ეჯა ლახე ხოლა̄მ სა̈ხს ხა̈ხ
Line of edition: 2 ვჲა̄̈სგდა ნადა̄̈რს, ეჯა გუნ შგურდ ხოჴდენდა ჩუ მϩნდენი მეზგა ი მე̄რმაჟი̄ნ ამკა̈ლი
Line of edition: 3 წინგვილს და̄̈რ იმთე ხაწა̄დ. Line of edition: 4 მაჩე̄ნე პატივ ლა̈ჭმაჟი̄ნა̈ ნადობჟი̄ნ ხემთქვა̄̈ნხ შვა̈ნს. ლეჲხანახდ მეზგა ლა̈ჲ
Line of edition: 5 სა ხო̄გა̈ნ ი ჩვაჰრა̈ყდა ამ ლა̈დღიშდ. ახანახა ლადა̈ღ ჰამს ნადა̈რ ჟი ხეყვბო̄ლდა მϩნ
Line of edition: 6 დი მეზგა. ალჲა̈რს სგვებნე ლადა̈ღ ხა̄დხ ჩუ ლϩბა̈ც ქა ლიწე. ღϩრდახ აშხუდ ლა̄რათე
Line of edition: 7 ი იბნახ ლიჭმეს. მა̄დხვა̈ჲ ხა̈ნϩნღო ჰამა ლენცლობს ხა̄დხ. ჩუ ისგვრო̄ლდახ ი
Line of edition: 8 ლენცელს იკა̈დდახ. ქუთვა̈რს, ჭიშდვარა̈რს ი დიჲა̈რს, ჰარა̈ყსი ჲϩთრახ მა̄დხვა̈ჲს,
Line of edition: 9 ეჩქანღო ჟი̄დ იბნახ ლიჭმეს ი ისგლადაღვ ა̈ჭმახ. ისგლა̈დღი ონაქა მერჩლა̈რს
Line of edition: 10 ქა იკვთხა̄̈ლდახ, ეჩქანღო ქა იბრა̄ლდახ ი მანჩალისგა ჩუ ისგვრო̄ლდახ ლა̈ დჲარა̄ლდ.
Line of edition: 11 ათხე მასა̈რდ ხუღვა̄̈ნხ მϩჯა̈ბ ლეღვ, მახე ნანაყვ ოხდრის დიჲა̈რ, ქუთვა̈რ,
Line of edition: 12 კუბდა̄რა̈რ ი იშგენ. ჰარა̈ყ იმვა̄̈ჲჟი ჲა̈ს ხეკვა̈დ, ეჩჟი̄ნ ჲϩთრა მა̈გ, ლიჭრა̈ჟი მამ ლა̈სვ
Line of edition: 13 რიგ ალ ლა̈დჲარა̄ლჟი̄ნ. ნა̈დჲარობენ ჟი იშვმინახ ხოჩა̄მდ, ჲერხი ჩუ̄ჲ ივჟუნო̄ლდახ
Line of edition: 14 მა̄დხვა̈ჲ ხა̈ნს ი ეჩანღო ჟი̄დ იბნახ ლიჭმეს. მიჟ ხეჰე̄რუნალ, ეჩქას ჲერვა̄̈ჲ უშხვა̄რე
Line of edition: 15 ფე̄დჲას ა̈ჭმახ, ეჯჲა̈რ აშხუდ იყვბა̄ლდახ, ქა იბრა̄ლხ მა̈გ ი ჩუ ისგვრო̄ლდახ
Line of edition: 16 ყვაბდ. ჰარა̈ყ ი სა̈დლი ნამსა̈დვ ჩი̄ ხუღვა̄̈ნდახ მასა̈რდ. იბნახ ლიზვებს ი ლითრეს
Line of edition: 17 ი გუნ ხოჩა̄მ გუთექა ჴედენდახ. ნა̈ბოზს უშხვა̄რ ხენჴრინო̄ლდახ ი ლაღრა̄ლუშ
Line of edition: 18 სოფელთე̄სგა ჴედენდახ. Line of edition: 19 ნამსადვა̈რ ბოფშა̈რს ი ზურალა̄̈რს ახღვა̄̈ნხ ღვეშგიმ. ამეჩუ̄ნ მა̈გ მიჩა-მიჩა
Line of edition: 20 ქორთე ღϩრდა. Line of edition: 21 ნადა̈რს მϩნდი მეზგაისგა ეჯ ლე̄თ ი მე̄რმა ლადა̈ღ გუნ პა̈ტივ ხა̄დხ. Line of edition: 22
ლენჯა̄̈რ Добавлено (2007-06-07, 6:07 Pm)
---------------------------------------------
Text: 29
Page of edition: 31
Line of edition: 23
29. ლილდეღ ი მϩლდღა̄̈ ლიზვრი Line of edition: 24 ლილდეღ ივანღო ლϩმა̄̈რ შვა̈ნისგა ი ათხე̄ჲ ლი. Line of edition: 25 ზავლადეღ ხოშა̄მ ლაღა̈ლს ლახვთე ხელდეღ მა̈გ. მუჟღვერ, ლა̄რა̄̈ლ ლϩჭმანღო
Line of edition: 26 ი დაბა̈რ ლϩთანღო, სგა ლუკკოვანღო, დაბა̈რთე̄-ჲ ლა̄რა̄̈ლთე ფიშვდე მა̈გ
Line of edition: 27 ლელდაღვ. Line of edition: 28 ქვინლϩმგენა̄̈ლს პა̈რპო̄ლდშია̄რვ ლაჯოგთ' ა̄̈იხ მა̈გ. ლიჯოგ ლახვს ხა̈მთქვახ,
Line of edition: 29 ესვა̄̈ჲ ქვინლϩმგენე, მეზვ-მანგა̈რ: ხაბნა̈რ ი დეკა̈ვლა̈რ ჩუ ხორი, ეჯას ჩი̄ ლახვთ'
Line of edition: 30 ა̄̈გნე მა̈გ პა̈რპო̄ლდშჲარვ. პა̈რპო̄ლდა̈შუნღო ლიჭმა̄̈ლ ი ლითჲე̄ლ იბნი, ეჩქა მა̈გ
Line of edition: 31 ჩუ იტხე ლაჯოგხა̈ნ ქვინლϩმგენა, ეჯღ' ე̄რე ლაჯოგდ და̄̈ს ხოჟიბ. ლიჯოგ ხერასვშ
Line of edition: 32 ლი. ოშვა̄̈ჲდ ქვინლϩმგენე ჲა̈ს ხაყა, ეჩშელდ ლე̄თ ხა̄რ ლეჯვეგ. მეჯვგა ხეკვეს ერე
Line of edition: 33 სემი̄-ჲ ო̄შთხვ ხონჴერდე̄დხ უშხვა̄რ, ეჯაჲ მახეღვაჟ ლუთოფდ, ადო ნა̈დირდ ი
Line of edition: 34 ქვითდ ლემყა̈ლვ ლი ლახვისგა. Line of edition: 35 ლაჯოგთე მე̄ზა ქა ხეჭმენიხ მინე უბა̈ნს, ჟი იზვრიხ ფექს ი თა̈შს ი ეჩჟი̄ნ
Line of edition: 36 ა̈იხ ლახვთე. ეჩე მინოვშ ირბიე̄ლხ ჩიგარ. ჯვეგ ლა̈ტხაჟი̄ნ მეჯგვას მუმურჯა ხეზა̈ზხ
Line of edition: 37 ლახვთე ი აშხუდ იტხეხ ჯვეგს. სოფელთე̄სგა იჰა̄̈ლხ, ეჩქას თოფა̈რს აკვა̄ნეხ ლა̈
Line of edition: 38 ხჲადა̄ლდ, ერე "შვიდებდ ესერ ა̈მტეხე̄ლიხ ლეჯვეგ ი მეჯვეგ". Line of edition: 39 ლახვხა̈ნ გუნ ლულგვარე ტეხნიხ ქვინლϩმგენა̄̈ლ. ნეცინ მანგა̈რს: დაჴϩლს,
Line of edition: 40 ღველჲა̄ქს ი მე̄შგს ჩი ლადა̈ღ ხელდეღხ მϩლდღა. ჰამს ქ'ა̄̈იხ მϩლდღა ნა̈ბოზს
Line of edition: 41 აგითე იტხეხ.
Page of edition: 32 Line of edition: 1 ობა̈შინ მϩლდღა ქა იზვრიხ თა̈შს ი დიჲა̈რს ი ქა ირბჲე̄ლხ ლალდა̈ღს.
Line of edition: 2 ღველჲა̄ქა̈რს, ხამა̈რს ი ღუნვა̈რს ხოხვრა დი̄ნა̄̈ლ ხელდეღხ, ჩიქე ჰამს ქ'ა̄̈ჲე̄ს
Line of edition: 3 გიხ ლელდეღს ლალდღჲა̈რთე ი ხელდეღხ ისგლადაღვ. ჟი იჲთვ, ე̄ჩქას ღველჲა̄ქა̈რს
Line of edition: 4 ლისღვა̈დი ხაკუხ, ეჯღ' ე̄რე ა̈თუისგა დე̄მ იგნიხ ღველჲა̄ქა̈რ. ა̈გითე იტხეხ
Line of edition: 5 ი აშხვ მეზგე̄მი ლამϩნგართე სგ'ა̄̈ჭბიდეხ. ხამა̈რსი ღუნვა̈რს ჩუ ცვირეხ ლალდღია̈რს.
Line of edition: 6 ნა̈ბოზს, ჟი ინქვე̄რი ეჩქას, ქა̄დ იტხეხ ღველჲა̄ქა̈რს ლალდა̈ღთე ი ხელდეღხ
Line of edition: 7 გაწკა̈მ ნა̈ბოზდ. Line of edition: 8 დი̄ნა̄̈ლ აშხვ ქა იზვრიხ ჩიგარ დოშდულმახაისგა მინე მეზგა̄̈ლხა̈ნქა თა̈შს ი
Line of edition: 9 ფექს, ქ'ა̄̈ჲე̄სგიხ ლალდა̈ღთე ი ეჩე კასგვილაქა ქა ინყა̄̈ლიხ ქუთვა̈რს ი ჭიშდვარა̈რს,
Line of edition: 10 მარე ლირბჲე̄ლ მა̄მ ხოხალხ ი ეშ ატϩრტყი̄ნეხ. Line of edition: 11
ლენჯა̄̈რ Добавлено (2007-06-07, 6:07 Pm)
---------------------------------------------
Text: 30
Page of edition: 32
Line of edition: 12
30. გვა̄̈ლი̄ ლინწირ ი ჰა̄ვდრი ლიჴდე Line of edition: 13 შვა̈ნისგა გვა̄̈ლჲა̈ნ ზა̈ჲ ლახე ლი, ეჯა მა̄დ ხოსგუვ შვანე გიმს. გϩჰლობჟი̄ნ გიმ
Line of edition: 14 ჩუ იფრი, დაბისგა ნაჴაწვ-ნალა̄შვ ჩუ იშხი ი ლა̄რაისგა მელვ მა̄̈გ ჟი იცხვლი. Line of edition: 15 ოდ ი ოდ ოხღელი სოფელ ლიჰა̄ვდა̈რს ი ლახე დო̄მის ჴიდე პილს, ეჩქას ქა
Line of edition: 16 ითშიხ აშხვ მა̄რა და̈რი მϩჰა̄ვდრად. ამის თვით კარვა ნამშა̈ჲს ჩუ ხობციხ სოფელ
Line of edition: 17 თვით მეზგახა̈ნქა. Line of edition: 18 სოფლა̈რს ჲერხის ქა ხოთრახ ხოშა ტო̄მბვა̈რ. ეჩხა̄ვთე̄სგა ლახე ნაურწყულა
Line of edition: 19 ჲა̈რ იმის შიდე, ეჩქას შიშდ ჩუ იჰა̄ვდა̈რ ი ხოლა ჭა̈ხ ჴედნი. ეჩϩნქა და̈რი მϩჰა̄ვდრა
Line of edition: 20 როქვ ცოდდ ხეხო̄ლი ეჩაბუა̄სდ. ამღა ხამჭირ სოფელს და̈რი ლიჰა̄ვდრე, მარე ლახე
Line of edition: 21 შვა̈ლას დო̄მის ჴიდე გვა̄̈ლი, ეჩქას ჩუ ლეჩვმე ხა̄რხ. Line of edition: 22 და̈რი მϩჰა̄ვდრე ქა ღϩრი ტო̄მბთე. ტო̄მბა̈რმϩყვ სოფლა̈რხა̈ნქა ხვრვ მაშე̄ნ
Line of edition: 23 შϩნ იყდა̄̈ნი ციცვს, სგა ხა̈ჲსენი ტო̄მბთე̄სგა ი სგა̄კვა̄ნე. ეჩქანღო კა̄რზა̈რს, ძაგვს
Line of edition: 24 ი იშგენ ვიდრობა̄̈ლსი სგა შიდე. ეჩϩნქა იშგან ხოლა̄მი იჩო ტო̄მბთე̄სგა. ამი̄ ნაჩომუნღო
Line of edition: 25 ჯა ღვეშგდ ტეხნი. Line of edition: 26 ტო̄მბ შიშდ როქ ლიფა̄მფუნა̄̈ლს იბნე, ჟი იფვი̄ნი ი კვა̈მს ეშ აჴვშდენი ჟი̄ბა̄ვ.
Line of edition: 27 ჩიჲა̄̈გ ჰე მო̄დე, ტო̄მბა̈ ნა̈ფდია ეში̄ მასა̈რდ იჰა̄ვდა̄̈რ. ლახე სოფელთე̄ჲ ქა ხოჭყრე
Line of edition: 28 ნი, ეჩქას მასა̈რდ ხა̈ხჲა̈დ ალა სოფელს ი მუჟღვერ და̈რი მუჰა̄ვდრა მახა მაჴა̈დხა̈ნ
Line of edition: 29 ქა მა̈გ ჟი ხოზვრი თვით კარვა ნამშა̈ჲს. Line of edition: 30 აშხვ ლახვისგა ლϩგ ეშხუ ტო̄მბ. ამის მϩზა̄̈ ტო̄მბ ხაჟხა. ეჯ ლახვთე მϩლდღას
Line of edition: 31 ჩიგარ ესყახ ლელდეღ ი ლახე ლალდა̈ღჟი̄ნ ალ ტო̄მბთე̄სგა სგა იმის შიდეხ,
Line of edition: 32 ეჩქას შიშდ ხოლა ჭა̈ხ ჴედნი ი ამღა და̄̈რ მოშ ა̈ბდა̈ვი ეჩხა̄ვთე̄სგა ხოლე̄მი ლიშდეს.
Line of edition: 33 ეჩϩნქა, ლახე გვა̄̈ლჲანობ ლი, ლაჴვა̈მხა̈ნქა ჯვა̈რს ჴიდეხ. ეჯას ტვიბრაისგა ჩვაბ
Line of edition: 34 ქვეხ ხვა̄̈ჲ ხა̈ნს. შვანა̈რს ხაჯრავახ, ერე ალ ჯვა̈რი ნაბუქვ ი ნაშყოდ ლიც ლახე ძუღვათე̄სგა
Line of edition: 35 სგა̄დჰე̄სგი, ეჩქას ესერ შიშდ ჩუ იჰა̄ვდა̈რ. Line of edition: 36 გვა̄̈ლჲანობჟი̄ნ სოფელ ჲელსი ხემზირ. Line of edition: 37
ლენჯა̄̈რ Добавлено (2007-06-07, 6:08 Pm)
---------------------------------------------
Text: 31
Page of edition: 32
Line of edition: 38
31. მო̄შ-მო̄შ ლამქϩ̄რა̄ლა̈რ შვა̈ნისგა Line of edition: 39 შვა̈ნისგა ობა̈შ ლაკჰურა̄ლ ი ლამქϩრა̄ლ ისყი. ეჩქას ითნი ხოჩა ი ხოლა. ამკა̈ლიბ
Line of edition: 40 ლამქϩრა̄ლა̈რ ლიხ. Line of edition: 41 1. მა̈რკლა̈ნ. ალა ლაბϩრგა̄ლჟი̄ნ ისყი. ოშვა̄̈ჲდ ჲა̈ს ხეცხე̄ნი, ეჩშელდ ქა
Page of edition: 33 Line of edition: 1 ხეთშიხ მახეღვაჟა̈რ ი ჩუ ისგვრიხ ჭა̄რვიდ, მა̄დე̄ჲ ეჩჟი̄ნ, ერე ნე̄სგაისგა გარდს ას ყე̄ნეხ
Line of edition: 2 ი ეჩე̄სგა ლაბϩრგა̄ლ ლი. ეშხუ ჟი იგნა̄̈ლ. ამის ხაჟხა მა̈რკლა̈ნ. ამის ხაკუჩ,
Line of edition: 3 მე̄რმა ა̈ხბϩრგე̄ნს ი ალჲა̈რ ჟი იბნეხ ლიბϩრგჲე̄ლს. ლერსგვან ბარჯა̈რს უშხვა̄რ ხაგემხ,
Line of edition: 4 ლა̄რტყა̈ლს სგა ხეგვდირნიხ ი იბნეხ ამჟი̄ნ: ჩიქე გϩრკიდ ლისიპს, აკვჰუ̄რეხ
Line of edition: 5 უშხვა̄რ. მა̈ჲ ეშხუ ხა̈ჩომ ჴერჴს ი მა̈ჲ -- მე̄რმე. ეშხუ ხედვა̄ლე ჩუ იდო̄ლიხ, ეჩქას
Line of edition: 6 მϩდე̄სგის მე̄რმე ხატიხ ი ამჟი̄ნ იხრესჲე̄ლხ, ჲერვა̄̈ჲ მა̈ფშირა̄მ ა̈ნდე̄სგი ეჯა სედნი
Line of edition: 7 მა̈რკლა̈ნდ. Line of edition: 8 ლიბϩრგჲე̄ლე ჴერჴა̈რ ობა̈შ ლიხ. ალჲა̈რისგა ჩიდ მაშე̄ნე ხოხახ: ხირკ, დრა̈ჴ,
Line of edition: 9 ქა̄მენისგა̄̈ დრა̈ჴ, სგა̄̈ნქა̄̈ დრა̈ჴ. ფოყთეჟი̄ნ ლიკვა̄ნე, ცერი ლიბკინე ხა̈სილისგა, მუკვრა̄̈ნჩი̄ლ,
Line of edition: 10 გურან, ლისპუნე, ნე̄სგაქა ლიგვდური ი თხუმჟიქა̄ნქა ლიკვა̄ნე, ჭიშხი
Line of edition: 11 ლიხვიე̄სგი გა̈ნხა̈ნ, ეჩხა̄ვ ლიჯვი̄რი ი ეჩჟი̄ნ ლა̈რყინოშ ლიდე̄სგი ლაბϩრგა̄ლჟი̄ნ.
Line of edition: 12 ში̄რე ქა̄მავ ლიცვრე მე̄რმე̄მიშ მა̄დლი რიგ. ჩუქვა̄ნისგა ლიცა̄̈დისი მა̄დ ხაყა. დეჲ
Line of edition: 13 ჭϩშხრე ლიგვდურის ხაყა. Line of edition: 14 ჲერხი უშხვა̄რ ხოჭხϩნა̄̈ლიხ ი ეჩჟი̄ნ იბϩრგჲე̄ლხ. Line of edition: 15 მა̄̈ წესდ ჩუზი ლაბϩრგჲა̄ლჟი̄ნა̈შდ, ეჩი̄ ქა ლიქა̄̈ბის მა̄დ ხაყა ი დე ფა̈რშივიშ
Line of edition: 16 ი ციღვრიტი ლიჩვემს მა̄დ ხაყა ი დეჲ ხა̈მბე ჲა̈რ ამის. ლიბϩრგჲე̄ლ მო̄შ-მო̄შ მესვფელასი
Line of edition: 17 ხა̈მთქვახ. აშხვ სოფლიშს ლახე ქა̄მე სოფლიშ ჩუ ჲა̈რ ა̈ნდე̄სგი, ეჯა გუნ
Line of edition: 18 შგვირ ხაბჟახ შვა̈ნისგა, მარე ჟი დე̄მის იგვხოლეხ. Line of edition: 19 2. ბა̈ჩა̈ ლიკვა̄ნე. ბა̈ჩს ითშიხ ლეკვა̄ნად: ჲერ -- მეგრა ი ჲერ -- ნეცინს.
Line of edition: 20 აშხვ ა̈გის ჩვა̈ნშა̈ნიხ. ეჯ ლϩნშა̈ნთე̄სგა ბა̈ჩა̈ მუკვა̄ნე ლაჭმუშ სგა ჴედნი ი ეჩხა̈ნქა
Line of edition: 21 ქ'ა̄კვა̄ნე ბა̈ჩს. იმვა̄̈ჲ ხოჲხენი, ეჩეჩუ̄ნ ლა̈ნშანს დე̄სგიხ მე̄რმა̄̈ლ. ეჩქანღო̄ნ მე̄რმე
Line of edition: 22 იშდუ̄რმინე ი ეჯ'ა̄კვა̄ნე. ეჩი̄ ნაკვარ ა̈დგილსი ჩვა̈ნშა̈ნიხ. აშ მა̈გ იხრესჲე̄ლხ. ნიშან
Line of edition: 23 ეჩეჟი̄ნ გარ ლϩ̄გ, ღვეშგმა̄ვ ჲეშვა̄̈ი ნაკვარვ მაშე̄ნე ლი. Line of edition: 24 ბა̈ჩა̈ ლიკვა̄ნე ჲერს ლერთან შϩნშვ ხამა̈რჯვ ი ჲერხის ლერსგვანშვ, ალა მა̄მ
Line of edition: 25 სერდელი. Line of edition: 26 3. ლა̈კვჰა̄ლვნა ბა̈ჩა̈ ლიკედ. ლა̈კვჰა̄ლვნა ბაჩა̈რ ჩიჲა̄̈გი სოფელისგა
Line of edition: 27 შა̄ლ ლϩ̄გა̈ნხ ათხად. ალ ბაჩა̈რ ძღϩდა̈რ ლიხ. ჯვინალდ ალ ბაჩა̈რ ლუშნუ
Line of edition: 28 ჟა̈გი ლაყალ ბაჩა̈რ ლა̈სვხ. ალ ბაჩრე ლიკედ ძღϩდ გარჯ ლა̈სვ ი ძღϩდ ჴერჴ ი ჴამშა
Line of edition: 29 ხეკვა̈დ ალჲარე ლიკედს. ჲერხი ეჩი̄ ზუმ ჩუ ლიხ, ერე მახეღვა̈ჟ მეჴრა̄̈რს ქა დეშ
Line of edition: 30 ხოჰე̄სგი ი ეჩქას ფაყვს აჲე̄სგი ი ეჩნოვშ ხობიდ ჟი ჟილაკა̈დთე. Добавлено (2007-06-07, 6:08 Pm)
---------------------------------------------
31 ლა̈კვჰა̄ლვნა ბა̈ჩ შა̈ლჲა̄̈ნი̄ ჰა̈ზვისგაჲ ზი. ეჯა ტანდ მა̄მ ლი ძღϩდ, მარე ლϩგრაშა̄ლ
Line of edition: 32 კუ̄რპი ლი ი მურგვა̈ლ ი სგა ლაგვდირ დე̄მხა̈ნ ხა̄რ, ცხა̄რა̈რს დო ლა̈ჲმა̈რგნე
Line of edition: 33 მა̄რე. Line of edition: 34 ჲერხი მახეღვაჟა̈რ ეჩი̄ზუმ გავას ჴიდახ, ერე ბა̈ჩლაკა̈დჟი̄ნ ნეფხვნაჩუ̄ნ ზისხ
Line of edition: 35 ეშ ხოჩხფუნახ ი ჲერხი ჰა̈დურდ სგა ხემზიგა̄რო̄ლდახ ამი̄ ლაკა̈დს. Line of edition: 36 4. ლა̈ჯშა̈რ. ამის ხოშა ლაღა̈ლ ქორს იჩომდახ ლა̄̈თშვ ლეგმერდე̄მი
Line of edition: 37 ლალგენჟი̄ნ. ლა̈ჯშა̈რს ასყე̄ნახ ამჟი̄ნ ა: შგილა̈ დი̄რს თა̈კვს ხაბემხ, ალ თა̈კვს სგა
Line of edition: 38 ხალჯენიხ ფავი̄ თხვიმს ეჩჟი̄ნ, ერე თხვიმ ხაკუჩ ერე აშხვ ალა̈ბს გარ ხოსა̈რდე̄დს
Line of edition: 39 გიმს, ფავი̄ კა̈ცხ გიმჟი̄ნ ზი. თა̈კვს ლϩბე ფაუ, მა̈ჲ საკვრელ ლ"ე̄რე იგი̄წა̄̈ლ ი ჩუ
Line of edition: 40 მა̄მ სკებნი მეწვინდ. ამეჟი̄ნ ჟი ხესგვრი მა̄რე, ლერსგვან ტოტხა̈ნ ფაუ ხოყდა̄ნა ი
Line of edition: 41 ლერთან ტოტშვ თა̈კვს ხოგვდური. ალ ლერთენ ტვეტ ჟიქა̄ნქა ექϩ̄რდა ჭϩ̄შხა̈რს
Line of edition: 42 ჟი ხადე̄სგი ლϩცხვე̄რპინად, ფაუშ გარ ხოგიჭ თხვიმ ფაუჟი მესგვრა. ხათერ, ეჩქას
Line of edition: 43 ლერსგვან ტოტვშ ფაუს სგვებნა̄ვ თა̈კვს ხატყცი ი ვეშგმა̄ვ -- ჟი ლასგვრა ფაუს.
Page of edition: 34 Line of edition: 1 ამის ხაჟხა ლიჯიშ. ჲერვა̄̈ჲ სუმინ თა̈კვს ი ფაუს ქა მოშ ხატყცი, ეჯა ეზერ მϩჯიშ
Line of edition: 2 ხაბჟახ, ჲერვა̄̈ჲ დოშ, ეჯა ჩუ შყედნი ი ამის ხვა̈ჲ ლი̄ცვ ხეფსი. ლა̈ჯშა̈რს ფოყა̈
Line of edition: 3 გრიხსი ხაყლეხ, ეჯღ' ე̄რე ჩუ მეშყდანღო ფოყს ხატყცი მა̄რე. Line of edition: 4 5. ლიყϩრჲე̄ლ. ამის ხოხვრა̄̈ლს ხაჩვმა̄̈ვნეხ ხოშა̄̈ლ. მა̄̈ნკვი ჲორი ბეფშვ
Line of edition: 5 ფაყვა̈რს ჟი იგემხ, ეჩჟი̄ნ თა̄მა̈შდ იყϩრჲე̄ლხ, ეჩქანღო თხუმა̈რ ლახე ჩუ ხექϩნთრინიხ,
Line of edition: 6 ეჩქას ლϩჴმაშდ ხოშბყϩნეხ უშხვა̄რ ი ლუჟო̄რა̄ლე იკა̄̈ფიხ ეჩხა̄ვ-ამხა̄ვ. Line of edition: 7 6. ჭვეკს ლი̄ზი. ალა̄, ჭვეკს ლი̄ზი, გუნ გარჯ ლი ი მასა̈რდ ლიმა̈რგ ხაკუჩ.
Line of edition: 8 ამის იჩოხ ამჟი̄ნ ა: ჭალა̈ჲქა ქა ხადე̄სგიხ ნეცინ ჭერს ეჩხა̈ნ-ამხა̈ნ ბაჩა̈რჩუ გარ
Line of edition: 9 ხაცხტენიხ. მა̄რე ლახე ჟი ხეგნი, ეჩქას ალ ჭვეკ ჭϩ̄შხა̈რ ჩუქვა̄ნ ისი̄პანა̄̈ლ, იღვე̄
Line of edition: 10 ნსტუნა̄̈ლ. გუნ ლიბგე ხაკუჩ ტა̈ნს ი ჭϩშხა&# |
| |
| | |
|
Мужчина |
Date: Четверг, 2007-06-07, 6:12 PM | Message # 9 |
|
Group: Модераторы
Posts: 990
Status:Offline
Дата регистрации:
2006-08-29 |
: 10 ნსტუნა̄̈ლ. გუნ ლიბგე ხაკუჩ ტა̈ნს ი ჭϩშხა̈რს, ადო მა̄რე ლϩცთე̄სგა შყედნი. Line of edition: 11 ალ ჭვეკქა ლი̄ზი ლა̈თურჲა̄ლი ლი, ეჯღ' ე̄რე მუშვა̈ნ მა̄რა ჩიგარ ხაწხϩნ ლა̈ქმათე
Line of edition: 12 ლი̄ზი ი ფიშრა̄მინ ღალ ხა̄დ ლე̄ზი ჭოკა̈რქა ი ლახე ხოჩა̄მდ მო̄დ ხა̄დ სგა
Line of edition: 13 ლუმთქვე, ეჩქას ჩუ შყედენდა ჭკვეკჩუ̄ნ ი ლიც ა̈ჲა̄̈სგდა. Line of edition: 14 7. მეჴარშვ მა̄რე̄მი ლიკედ. ეშხუ მა̄რე ჩუ იყვნა̄̈ლ ი ჩი̄ ქ'ა̄ქვჭუ̄რე,
Line of edition: 15 მე̄რმე მა̄რე ლერსგვანხა̈ნ გა̈ნხა̈ნ ხექქვი ი შიჲა̈რს ნაბრა̄̈ჴიჲა̈რ ქა̄მენქა უშხვა̄რ
Line of edition: 16 ხაცხო̄რპე. ჩუ მეყვნა̄̈ლ მა̄რე მეჴა̈რს ა̈ქვჭე ამი̄ მეჴრა̄̈რქა, აშხვ მეჴა̈რს სგა
Line of edition: 17 ხეგვდირნი, ჟი იკედ ი ქა რიწვე. ეჩქანღო ჟი ლახ მოშ იგნა̄̈ლ ი ალ მა̄რა ამჟი̄ნ
Line of edition: 18 ჟი მეკდა ი მეჴა̈რ მერწვად ჟი მოშ იკედ, ეჯა ეზერ ჴამშიშ ლი. Line of edition: 19 8. თხუმჟიქა̄ნქა ბა̈ჩა̈ ლიკვა̄ნე. თხუმჟიქა̄ნქა ბა̈ჩა̈ ლიკვა̄ნე
Line of edition: 20 ხემურჯა̄̈ლხ, ეჩქას აშხვ ა̈დგილს ჩვა̈ნშა̈ნიხ. ეშხუ მა̄რე ჲედ ხოშალაღა̈ლს მახე
Line of edition: 21 ღვა̈ჟ, ჟი იკედ ბა̈ჩს ი ჲარვ ტოტშვ თხუმჟიქა̄ნქა ქ'ა̄კვა̄ნე. იმვა̄̈ჲ ა̈დგილჟი̄ნ ჟი ხატყცი,
Line of edition: 22 ეჯ ა̈დგილს ჩვა̈ნშა̈ნიხ, ამ'უნღო მე̄რმ' ა̄კვა̄ნე ი ამჟი̄ნ იმქϩრა̄̈ლხ. Line of edition: 23 9. დი̄რი ლიბიდ. მეზგე ქორს ადϩ̄რი ი აჭრა̈ვი, ეჩქას ფიშირ მა̄რე
Line of edition: 24 ხა̄რ ლემურჯი̄ნე, ეჯღ' ე̄რე დϩ̄რა̈რ სურუ მეგრე ი სურუ გვა̈მი ლიხ. აშხვ დი̄რს
Line of edition: 25 ო̄შთხვ-ოხვიშდ მა̄ხეღვა̈ჟ ხაკუჩ ლაკა̈დდ ი ჲერვა̄̈ჲ დი̄რს აშვხა̈ნ ჟი მოშ იკედ ი ეჯჟი̄ნ
Line of edition: 26 ბარჯჟი ჟი მოშ იდე̄სგი, ეჯა ძღϩდ ნალჴა̈მში ლი, მარე ალას ძვირდ გარ მოშ
Line of edition: 27 ა̈რ იჩო. Line of edition: 28 10. ლისკნე. ლϩნშა̈ნ ა̈დგილხა̈ნქა ეშხუ მახეღვა̈ჟ ქა ნალჭომუნუშ
Line of edition: 29 ქ'ა̄̈სკნე ი იმვა̄̈ჲ ჟი ხა̈ბთქინე, ეჩეჟი̄ნ ნიშა̈ნს დე̄სგიხ. ეჩქანღო მე̄რმე იჟურჟა̈ნჲე̄ლე
Line of edition: 30 ი ეჯ' ა̄̈სკნე, ეჯას მე̄სმე ხაჭიმ ი ამჟი̄ნ იხრესჲე̄ლხ. ჲერვა̄̈ჲ მოშ ხა̈სრე ლა̈სკნას. Line of edition: 31 11. ლიფა̄უნა̄̈ლ. ლაფა̄უნა̄ლჟი̄ნ ჲარვდ ყველნიხ მეფა̄უნა̄ლა. ჩიქე ჩუ
Line of edition: 32 ილთობა̄̈ლხ ი ღო ჩუ იჯლა̈ჲეხ მა̄̈ნკვი̄ ლიბნეს. მეშდრა̄ლას ჲო̄რი ფაუ ხუღვეხ: ეშ
Line of edition: 33 ხუ -- ხოჯვდა ი მე̄რმე -- წეს ფაუ. ხოჯვდა̄მ ჩუ დე̄სგიხ გიმჟი̄ნ. მϩბნე წეს ფაუს აშხვ
Line of edition: 34 პილხა̈ნ ხეგვდირნი, მე̄რმახა̈ნ გიმს ხა̈ბჯგინე , ჟი ხოსპე ჩუბე ფაუს ი ჟი ხატყცი.
Line of edition: 35 ალ ფაუ ქა იგლისტი ი იმვა̄̈ჲმუყვ აჰე̄სგი, ეჩავ იტხეხ ჩუბე ფაუს. ეჩქანღო მეშ
Line of edition: 36 დრა̄̈ლ ლა̈სპუნუშ ხა̈ფშვდე ჩუ ლϩდა ფაუს შϩნისგა ლეყდა̄̈ნი ფაუს ი ქა ლახ ხატყცი,
Line of edition: 37 იმვა̄̈ჲდ იგსა̈რი, ეჩეჩუ ჩუ̄დ დე̄სგიხ ჩუბე ფაუს. Line of edition: 38 მა̄̈ნკვი̄ მϩბნე ლახ ქა ხაქდენი, ეჩქას მიჩა აფხნეგ ხეცა̄̈დი, ეჯას -- მე̄რმე ი ამჟი̄ნ
Line of edition: 39 ეშხუ ფა ქა იხრესი. იმვა̄̈ჲდ ალ ფა̄̈ ნა̄ზვ ი̄რა. ეჯას ჩვა̈ნშა̈ნიხ. ათხე მე̄რმე ნა
Line of edition: 40 ღა̈ლ იბნე ლიშდრა̄̈ლს, იმჟი̄ნ მა̄̈ნკვი̄შდ ა̈ნბინე, ეჩჟი̄ნ ი იმვა̄̈ჲდ მოშ აჰე̄სგიხ, ეჩასი Добавлено (2007-06-07, 6:10 Pm)
---------------------------------------------
41 ჩვა̈ნშანიხ. ქა ხედვა̄̈ჲ ხა̈სრე, ეჯა ჟი ლესგვრე ხა̄რ ბარჯა̈რჟი̄ნ ქა ლესრა ფას ი
Line of edition: 42 სუმინ ქა ლეცხპე ხა̄რ ლიშდრა̄ლე ლა̈ბნახა̈ნქა, იმვა̄̈ჲდ მოშ ლი მეჩდე ქა მϩსრე
Line of edition: 43 ნაღა̈ლ -- ეჩავ.
Page of edition: 35 Line of edition: 1 12. ფაუ ჩუქვა̄ნქა ჟი ლისიპი თხვიმი ლი̄ყი. ამი̄
Line of edition: 2 ლიჩვემ ძღϩდ გარჯ ლი ი მასა̄რდ ჭირ ი ჴერჴ ხაკუჩ. ჲერვა̄̈ჲ ამის ხაკვიჰ, ეჯა ფაუს
Line of edition: 3 ჩუ იბჯგინე სგვებინჩუ̄ნ, მირხა̈ნჟი̄ნ აშხვ კამინვს ქა იზმი. ფაუს ი ეჩექა აშხვ ტოტშვ
Line of edition: 4 სგა ხეგვდირნი, მე̄რმა ტოტშვ ჟიხიქა ხოგვდური. ხაკუჩ, ერე ჩუბე ტვეტშვ
Line of edition: 5 იმვა̄̈ჲ ხოგვდური ფაუს, ეჩი̄ ჩუქვა̄ნქა თხვიმ ქ'ა̄დყიჰას, ჟ, ა̈ ნხϩრზნე̄ნს, ეჩჟი
Line of edition: 6 ჟ'ე̄სსიპე̄ნს ი ჩუ უკა̄ფად ჟ, ანϩ̄გენს. Line of edition: 7 ამი̄ ლიჩვემს მასა̈რდ ჴერჴ, გავა ი მახალ ხაკუჩ. Line of edition: 8 13. ლიღა̄ჭუნა̄̈ლ. კალვ ნე̄სგაისგა აშხვ საჯნია̈ნ ჭე̄რს ხაჴლეხ, ეჯას ჟიბა̄ვ
Line of edition: 9 თხვიმ ქა ლϩსკრე ხა̄რ, მე̄რმა ჯო̄დი ჭე̄რს ნე̄სგაისგა სიფრითვშ ი ჲედ ასალშვ
Line of edition: 10 ჩუ ხოფტეხ ი ჟი ხოსვემხ ჩუ ლϩჴლა ჭე̄რს. ალ ჭე̄რა, ჟიბეშ, ქა ლოხვჯვი̄რნე მა̄რე,
Line of edition: 11 ეჩქას ლისიპს იბნე. მახეღვაჟა̈რ ჟი ხესგვრიხ ეჩხე̄ში ამხე̄ კაცხა̈რჟი̄ნ ი ლაფლიჴოვშ
Line of edition: 12 სიპხ. Line of edition: 13 ამნოვშ კალვი ჩუ ისკრიბი ი იშდრა̄̈ლხი ა̄დვ. Line of edition: 14
ლენჯა̄̈რ Добавлено (2007-06-07, 6:10 Pm)
---------------------------------------------
Text: 32
Page of edition: 35
Line of edition: 15
32. ლითოფ Line of edition: 16 მახეღვაჟა̈რ ლითოფისგა იმქϩ̄რა̄ლხ. ლითოფ ხემთქვა̄̈ნხ ლϩგრათე̄ჲ, ჩაფϩლთეი̄,
Line of edition: 17 თუთინთეი̄, ოსა̈რთე, ფაყვთე, მურყვმარე ლაჴვრა̈ლთე ი ამკა̈ლიბა̈რთე. ჟიქა̄ნჩუ
Line of edition: 18 ლახე ლა̈სვ ლითოფ, ეჩქას დაბა̈რისგა̄̈ ჩი̄რხუვა̈რთე̄ჲ ხეთოფდა მა̈გ. ლიმქϩრა̄ლ
Line of edition: 19 ხოშა ლაღა̈ლ ლϩმშხილთე ლა̈სვ. ყა̄̈რს ნე̄სგაჟი̄ნ ჟი ხატა̄ბახ, ეჩეჟი̄ნ აბზი ნაზიმზუმს
Line of edition: 20 მურგვა̈ლ ლϩმშხილს ხა̈გნახ შიხვშ. ეჯ ყა̄̈რს ქა̄̈ჲა̄̈სგდახ კალვა̈ ნაზიმ ჯვე̄დჲათე
Line of edition: 21 ი ეჩეჩუ̄ნ ბიკს სგა ხა̈ჭდახ ყა̄̈რს. ბიკს ეჯღა ჲϩგა̈მდახ, ერე თვეფი ფინდხა̈რ
Line of edition: 22 ეჩექა ქადეშ ჰა̈სკნახ. ბიკი ფუსდ ეჩქანღო ჩვაცლϩ̄რა ბიკს. ლϩდვაშა ფინდხა̈რს
Line of edition: 23 ქა ითიშდა, მახად ა̈ჰნა ი ფინდხა̈რსϩ̄დ აკვრუ̄რა მიჩა თვეფი კალპეტჩუ̄ნ. მოთვფა
Line of edition: 24 ჲარვდ იყვლუ̄რო̄ლდახ ჩუ. ჩიქ' ე̄შხვი ხერა̈ს ხეთოფდა ლϩ̄მშხილს ი ღო -- მე̄რმე.
Line of edition: 25 მაჩე̄ნე ნაკვარვ ეშვა̄̈ჲშ ლა̈სვ, ქა მϩსრე̄ჲ ეჯ კათ ლა̈სვ ი ლესრა ჰარა̈ყ ხა̄დ ლეყდი,
Line of edition: 26 ეჩქანღო ჰარა̈ყს ჲϩთრახ ი ხოჩა ლარდას ასყე̄ნახ. Line of edition: 27
ლენჯა̄̈რ Добавлено (2007-06-07, 6:10 Pm)
---------------------------------------------
Text: 33
Page of edition: 35
Line of edition: 28
33. ლიბϩ̄რგიე̄ლ Line of edition: 29 ლაბϩრგა̄ლჟი̄ნ ეშხვი ჴედენდა ქა. გუნ იწსიე̄ლ მაგ ლაბϩრგა̄ლთექა ლიჴედს
Line of edition: 30 გა̈ნგდ, მარე უშხვა̄რ ჰაჯს დე̄მ ხაკედხ ი ქა ჴიდეხ. ეშხვი ხედვა̄ლე ჩუ იდე̄სგიხ მა̄̈ნკვი̄
Line of edition: 31 მებϩრგიე̄ლა, ეჩქანღო აჯაღ სგა̄დ ხეტხენიხ ი ხედვა̄ლე ჩუ̄დ იდო̄ლიხ. ეჩქანღო
Line of edition: 32 მე̄რმა̄̈ლ იბϩრგიე̄ლხ ი ამჟი̄ნϩდ. ერხი ლიდე̄სგის ჟი იგვხოლეხ ი ეჯკა̈ლიბს დე̄ჲ
Line of edition: 33 ქა ჲა̈რ ხებϩრგიე̄ლ ი დე̄ჲ ინჩϩდეხ. Line of edition: 34
ლენჯა̄̈რ Добавлено (2007-06-07, 6:10 Pm)
---------------------------------------------
Text: 34
Page of edition: 35
Line of edition: 35
34. ბოფშრე ლა̈შდრა̄ლა̈რ Line of edition: 36 შვანისგაჲ ხოხახ ბოფშა̈რს ლიშდრა̄ლ, იმჟი̄ნ იშგნა̄̈გი ბოფშა̈რს: Line of edition: 37 1. მირმიქე̄ლა. ბოფშა̈რ ჟი ინზო̄რა̄̈ლხ, ეშდღეთ მურგვალდ ჩუ იგნიხ
Line of edition: 38 ი ტოტა̈რს უშხვა̄რ ბარჯა̈რქა ხადე̄სგიხ. მე̄რმე ეშდ ჟი ხეკა̄̈რჩხიხ ალჲა̈რს ი ბარჯა̈რჟი
Line of edition: 39 ჟი ხეგნიხ. ალჲა̈რი ტოტა̈რს უშხვა̄რ ბარჯა̈რჟი ხადე̄სგიხ, ერე ჩუ ნომა ანშყეხ.
Line of edition: 40 ეჩქანღო ჩუბეშა̈რ ლისიპს იბნეხ ი იღრა̄̈ლხ: "ქე̄ილა̄, ქე̄ილა̄, ჟ' აჲ ლაჯსიპვნი,
Page of edition: 36 Line of edition: 1 ჩუ̄ჲ ლაჯკვა̄ნე , ო̄რი მϩრმიქე̄ლა!" ალჲა̈რს ჟიბეშა̈რ ხოცა̄̈დიხ: "ქე̄ილა̄, ქე̄ილა̄,
Line of edition: 2 დეშ ლანსიპვნიდ, დეშ ლანკვა̄ნედ, ო̄რი მირმიქე̄ლა!" ამჟი̄ნ იშდრა̄̈ლხ ეზა̈რ ხა̈ნს.
Line of edition: 3 ეჩქანღო ჩუბეშა̈რ ქა ხოქდენიხ, ჟიბეშა̈რ ჩუ შϩ̄დნიხ ი ხვა̈ჲ ლი̄ცვ ხეფსი. Line of edition: 4 2. ლილთო̄ბა̈ლ. ბოფშარ, ოშვა̄̈ჲ დო ი̄რახ, ჩუ იყვლუ̄რა̄̈ლხ ჲარვდ,
Line of edition: 5 ხϩნსგა -- აშხვთე ი ხϩნსგა -- მე̄რმათე. ალჲა̈რს ჩი ცϩ̄ჴემდა̈რ ხუღვეხ ი ჩუ სგურხ აშხვ
Line of edition: 6 ა̈გის. ზუგვი ძირისგა ნიშა̈ნ ხო̄გხ ი ეჩხა̄ვ ცϩჴემდა̈რს ხა̈ფშვდეხ თვითო̄ლაჟი̄ნ ხერასშვ.
Line of edition: 7 ქა ლესრე ერვა̄̈ჲ ლი, ეჯას ქა მϩსრე ჟი ლესგვრე ხა̄რ ბარჯა̈რჟი̄ნ ი ქა ლეი
Line of edition: 8 სუმინ. Line of edition: 9 3. ლიშნეგალ. ბოფშა̈რ ჩუ ყველნიხ ჲარვდ. ეშხუ მიჯვრა ხუღვეხ ი
Line of edition: 10 ამის თვითო̄ლაჟი̄ნ ხა̈ფშვდეხ ნიშა̈ნს. ქა ლესრა ჟი ლესგვრე ხა̄რ ბარჯა̈რჟი̄ნ ქა
Line of edition: 11 მϩსრე. Line of edition: 12 4. ცხირი ლიჭი̄რხი. ბოფშა̈რ აშხვ ა̈დგილჟი̄ნ ლა̄რაისგა ჯო̄დი ცხირს
Line of edition: 13 ჩუ ხოსვემხ ეჩჟი̄ნ ჩუბა̄ვ, ერე თხვიმილდ ვედნილდ გარ ხოწვა ჟი. ეჩქანღო მინ
Line of edition: 14 ქახიქა ისგვრიხ, გაჩა̈რ ხუღვეხ ი იბნეხ ლიშდრა̄̈ლს. Line of edition: 15 გა̈ჩა̈ ლიკვა̄ნეს ობა̈შ შვიმიშ ხაკუჩ ლეჩვმად. აშხვ შვიმს ჩუ იჩომ ბეფშვ, ეჩქას
Line of edition: 16 მე̄რმა იბნე ი ამჟი̄ნ, ოდე დო იჩვე̄რი. ეჩქანღო მე̄რმე იბნე ი ეჯა იშდრა̄̈ლ ჩუ
Line of edition: 17 ლიჩო̄რა̄ლა̄̈ლვ. Line of edition: 18 გა̈ჩ ლი ლეკვა̄ნე ჩიქა ტაფ შივშ, ეჩქანღო თვითო̄ლაჟი̄ნ ფხულა̈რ ლიხ ლეხრესი
Line of edition: 19 ი ეჩჟი̄ნ, ღო თხუმურულ, ეჩქანღო კუპური, ღო პილშვ ლიკვა̄ნე, ეჩქანღო
Line of edition: 20 შდϩქშვ ლიკვა̄ნე, ნებგვაჩუ̄ნ ლითხპი̄ნე ი ეჩჟი̄ნ ლიკვა̄ნე. ამის ჩი̄ ქ'ა̄სრულეხ,
Line of edition: 21 ეჩქას სერ ეშ ხათგϩნეხ ტოტშვ გა̈ჩს ი ლიჩო̄რა̄ლა̄̈ლვ ხათგϩნე. ეჩქანღო ცერი
Line of edition: 22 ნაზიმს ჟი იზმი ცხირთე̄სგა. ეჩქანღო მე̄რმე იბნე ი ეჯაჲ ამჟი იჩომ, ღო მე̄სმეჲ ი
Line of edition: 23 ოშვა̄̈ჲდ ი̄რიხ, მა̈გ ქა იხრესჲელხ. ჲერვა̄̈ჲ მა̄̈ნკვი სგა̄დჰე̄სგი, ეჯას მა̄მ ხა̄რ ლეჭი̄რხი
Line of edition: 24 ცხირ, ჲერვა̄̈ჲ ღვეშგემეპილდ სედნი ი სგა დოშ ადჰე̄სგი, ეჩის ხა̄რ შდϩქარშვ ლეჴფე
Line of edition: 25 ცხირ, მარე სურუ გარჯ ხოჴდენი, ცხირ ჩუ̄ბა̄რ ხოსვა ი შდϩქარშვ ლეგ ლეგდური
Line of edition: 26 ხა̄რ. Добавлено (2007-06-07, 6:11 Pm)
---------------------------------------------
27 5. ლიჩხϩტა̄̈ლ. ჲორი ბეფშვ ჟი ინზო̄რეხ ჩხϩტა̈რს, ჩუ ილთობა̄̈ლხ ი
Line of edition: 28 ჲესვა̄̈ჲ ხუნკვიდ ხეხო̄ლა, ეჯა იბნე ლიჩხϩტა̄̈ლს. Line of edition: 29 შიყვილთე̄სგა სგა იჰრე ჩხϩტა̈რს ი ჟ'აკვა̄ნე ჟიბა̄ვ. ეჩქანღო შის ქა̄მენ ხოხლინე.
Line of edition: 30 ეჩეჟი̄ნ ჩუ მა̄̈ სედნიხ ჩხϩტა̈რ, ეჯჲა̈რს ჟი იშϩლდა̈ნიხ. ლახე ტველ ი ტველ
Line of edition: 31 ლიხ, ეჩქას მა̄მ გვეშ ხეხო̄ლიხ. ლახე ყად ხეჩდა, ეჯა ეჩი̄შ ლი. ამჟი̄ნ იხრესჲე̄ლხ.
Line of edition: 32 ჟი ხეფშენიხ, ეჩქას ნანზო̄რ ჩხϩტა̈რს ქა იშϩლდა̈ნიხ, ესვა̄̈ჲ ხოფშირა ხუღვე, ჲედ
Line of edition: 33 მა̈ზუმვა̈ჲ ქა ხოსა̈რ, ეჩზუმ ტიკ ხო̄ზ მე̄რმა.
Line of edition: 34 მა̈ზუმვა̈ჲ ქა ხოსა̈რ, ეჩზუმ ტიკ ხო̄ზ მე̄რმა. Line of edition: 35 6. ლიყანსგურა̄̈ლ. დი̄ნა̈ლ ი ჭყინტა̈რ ჩუ ყველნიხ ჲარვდ ი ჩუ ილთობა̄̈ლხ.
Line of edition: 36 ეჩქანღო ყა̄̈რს აკვა̄ნეხ. ყა̄̈რ ლϩ̄ტა̄ბე ლი ეჯკა̈ლიბდ ერე აშხვხა̈ნ ში̄მი
Line of edition: 37 ლაგვდირ ხა̄რ. ყა̄̈რს ნე̄სგაჲსგა აშხვ ფოყხა̈ნ ჯვა̈რ ხა̄გ. ალას ქუთ ხაჟხა. მე̄რმა
Line of edition: 38 ფოყხა̈ნ მა̄მგვეშ ხა̄გ ი ამის კვახ ხაჟხა. Line of edition: 39 ეშხუ ნაღა̈ლ "ქუთს" ილკვჰე ი მე̄რმე ნაღა̈ლ -- "კვახს". ყა̄̈რს ეშხუ ლა̈სპუნუშ
Line of edition: 40 ჟ'აკვა̄ნე. ეშხუ ნაღა̄̈ლ ტუ̄ლი: "ქუთა̈ ლა̈მზϩრ ქუთ ჩვემნ ჟიბა̄ვ, ქუთ,
Line of edition: 41 ქუთ, ქუთ! " Line of edition: 42 მე̄რმე ნაღა̄̈ლ ტუ̄ლი: "კვახა ლა̈მზϩ̄რ', ათხე კვახობ ლი ი კვახ ხა̈ყრ ჟიბა̄ვ.
Line of edition: 43 კვახ, კვახ, კვახ! "
Page of edition: 37 Line of edition: 1 ხედვა̄ლე ლულკვჰე ჟიბა̄ვ ხეყრენი, ეჯა ლი მϩბნე ლიყა̄ნსგურა̄ლა̈შ. ამჩუ
Line of edition: 2 ჟ'ასყე̄ნეხ ჰაგულდშვ მა̄დხვა̄ჲ ფათქϩლდს. ალას ხაჟხა გარდϩლდ. ეჩე̄სგა დე̄სგიხ
Line of edition: 3 ყა̄ნსგვს. ყა̄ნსგვ მეკვშდა ზექხა̈ნქა მექვცე ლი ი აშხვ პილხა̈ნ ლუჭვი̄ლშტ ხა̄რ.
Line of edition: 4 ამეჟი̄ნ მეყა̄ნსგურა̄̈ლ ყა̄̈რს ხატყცი. ყა̄ნსგვ ჟი შყედნი, ეჩას ჩუქვა̄ნჟი̄ნ აჯაღ ყა̄̈რს
Line of edition: 5 ხატყცი მეყა̄ნსგუნა̄̈ლ ი ოშვა̄̈ჲდს მოშ ლა̈ჲყვასგე, ეჩშელდ ხეშϩლდი. მე̄რმა ფას
Line of edition: 6 კალთჲა̈რ ი ფაყვა̈რ ხუღვე ლა̈რმინა̄ლდ. ლახე ყა̄ნსგვს ჟი ირმიხ, ეჩქა მეყა̄ნსგუნა̄̈ლ
Line of edition: 7 ლუჩო̄რე ლი, ლახე დოშ, ეჩქას აჯაღϩდ იყა̄ნსგუნა̄̈ლ, ოდე ჩუ დო იჩვე̄რი,
Line of edition: 8 ეჩქად. ეჩქანღო მე̄რმე ხეცა̄̈დი. სამ ნა̈ყირვჟი ლახე დოშ აკვა̄ნე ჟიბა̄ვ ყა̄ნსგვს
Line of edition: 9 მეყა̄ნსგურა̄̈ლ, ეჩქასი ლუჩო̄რელი. ამჟი̄ნ ქა იხრესი ეშხუ ნაღა̈ლ, ეჩქანღო მე̄რმე
Line of edition: 10 ფა ხეცა̄̈დი ი ამჟი̄ნ იჩო ეჯა̄ჲ. ჟი ხეფშენიხ, ეჩქა ხომϩრხელდა̄მ ეჩშელდ ტიკ
Line of edition: 11 ხო̄ზ ე, ოშვა̄̈ჲდშვ ხოფშირა ხუღვე მე̄რმა. Line of edition: 12 7. კელიკაჩხოშ ლი̄ზი. ჭყϩნტა̈რ აშხვ ა̈გის ჩვა̈ნშა̈ნიხ. ეჩქანღო
Line of edition: 13 ჩუ ილთობა̄̈ლხ. მე̄რმა ლϩნშა̈ნ ა̈დგილხა̈ნქა ეშხუ იბნე კელიკაჩხუჩ ლი̄ზის ი მა̈ნკვი̄
Line of edition: 14 ლϩ̄ნშა̈ნ ა̈დგილდ სუმინ ქა ლეცხეპ ხა̄რ. ლახე დოშ ხეცხპენი, ქა ხეყჩენი. ეჩქანღო
Line of edition: 15 მე̄რმე ხეცა̄̈დი ი ამჟი̄ნ იხრესჲელხ. ხედვა̄̈ჲ ფა ქა ხა̈სრე, ეჯა ხაკუჩ ერე მე̄რმე̄მ
Line of edition: 16 ჟი ლა̄̈ჲსგურას ბარჯა̈რჟი̄ნ ი სუმინ ქ'ა̄ხცხϩპას ლϩნშა̈ნ ა̈დგილა̈რს ჟი უშვმინად. Line of edition: 17 8. ლიფაყუნა̄̈ლ. ბოფშა̈რ ჟი ინზო̄რა̄̈ლხ. აშხვ ხოლა̄მ ნაფყურას
Line of edition: 18 ნა̈ვნარშვ ჟ'ასყე̄ნეხ ფუ̄რთო̄ გოვა̈რდ. ეშხუ ბეფშვ ჩუ იგნი ლუკუ̄ნკვად ბაჩვცახა̈ნ
Line of edition: 19 ი შიყ ვეშგმა̄ვ ხა̄რ. მე̄რმე სგა ხექა̄̈ლ ი ტვეტს ხატყცი ჯაჭა̈რჩუ̄ნ ი ლა̄ტვთე
Line of edition: 20 ყერ. ფაყვ ლეყერს ხუღვე: ჟი ისპუნი ი მეჭვმა, მϩყერს, ქა ხა̈ფშვდე. ქა ლახე
Line of edition: 21 მოშ ხატყცი, ეჩქას ლეყერს ხა̄რ ლეგნე, ლახე დოშ, ეჩქას ჯა̄დ ლი ჩუ მეგნე. ეჩქას
Line of edition: 22 მე̄რმე ბეფშვ ხექა̄̈ლ, ეჯაჲ ტვეტს ხატყცი ი ქ'ა̄̈სკნე. ამისი ხა̈ფშვდე ფაყვს ჩუ
Line of edition: 23 მეგნე. ამჟი̄ნ იხრესჲე̄ლხ ბოფშა̈რ. ესვა̄̈ჲ ხოფშირა̄მინ ხეხოლა ლიგნე, ეჩას ხვა̈ჲ
Line of edition: 24 ნა̈ყირვ ღალ ხენზვე̄რი ჯაჭა̈რჩუნ. ჲერვა̄̈ჲ ხოშა ენა̈სლი, ეჯა ქა იქდენი ბუ̄რთის. Line of edition: 25
ლენჯა̄̈რ Добавлено (2007-06-07, 6:12 Pm)
---------------------------------------------
Text: 35
Page of edition: 37
Line of edition: 26
35. ლიღვჟა̄̈ლ ი ლიხჲადა̄̈ლ Line of edition: 27 ზურა̄ლს ლϩწϩნდე ჩუ ხოშთხენდ" ე̄ჩქას ლაღვჟა̄შ ლა̈სვ, ლიღვჟა̄ლე დვრევჟი̄ნ
Line of edition: 28 ქორშა̈რ ჟ'ასყე̄ნახ ლაყვრას ედ ლამϩნგარისგა, ედ უკვცირ ქორისგა, მა̄დეი
Line of edition: 29 იშგნა̈გ. ჩუ ხორშეჲდახ ჩა̈ვისგა ხოჩა̄მ ლაყვრა̄̈ ლერქვა̈რს. ზექს ი მუგვალს აჲე̄სგდახ
Line of edition: 30 ი ამჟი̄ნ ქა ღϩრდა ზურა̄ლ ლაღვჟა̄ლთე. ლიღვჟა̄ლე დვრევ ხოჴდენდა ზურა̄ლს
Line of edition: 31 ი ლიკი̄ლის იბნა, ეჩქა სგა ღϩრდახ ზურალა̄̈რ, ლაყვრა ჟიქა̄ნ თა̈კვს ხოწბინახ
Line of edition: 32 ლაწე̄ბა̄ლდ ი ლაღვჟა̄ლჟი̄ნ თა̈კვს ხეგვდირნო̄ლდა მეღვჟა̄̈ლ ი ეჯა შეღავა̈თ ხა̄დ.
Line of edition: 33 მუღვჟა̄ლვნა ჩუ დე̄მ ა̈ყვნახ. მა̈ჲ ჩვექი̄ლა̈რჟ' ა̈გნახ ი ეჩჟი̄ნ ხაზელა̄ლვნახ ჩოქარშვ,
Line of edition: 34 მა̈ჲ იმ ხა̈ჩომდახ ი მა̈ჲ -- იმ. ერხი ზურა̄ლ სამ ი ო̄შთხვ ლადა̈ღ ხეკვა̈დ ლაღვჟა̄ლს.
Line of edition: 35 ამკა̈ლიბ მეღვჟა̄̈ლ კა̈ლ-კალϩნ ჩუ ღალი იდგარო̄ლდა. ხოჩა ლეღვჟა̄̈ლ ესვა̄̈ჲ ხა̄დ,
Line of edition: 36 ეჯას ქვინ ხესდენდა ი ლახე ჭყინტ ხეთვო̄ლდა, ეჩქას შიშდ ქორთე ღϩ̄რდახ ეშხვი
Line of edition: 37 მϩ̄ხე̄ნად ი ქა ხახე̄ნახ ქორშა̈რს ჭყინტი ლითვეს, ლახე დი̄ნა ლა̈სვ, ეჩქას აშ ხა̈ბჟი̄ნახ
Line of edition: 38 ქვინი სა̈დას გარ. დი̄ნა̄̈ ლითვენიღა და̄̈რ, იმის ფეშენდა ი ამის გარ ყგლახ:
Line of edition: 39 "ქვინ ესერ აჯემ ათსედა ი ლეხჲა̈დ ჭყინტ ამუნღო̄ვ ხათხე̄ნა. ჭყინტჟი̄ნა̈ ლა̈ხიადა̄ლა̈შ
Line of edition: 40 სგვებნა ჩუ ლϩ̄ჰრაყე ხა̄დ მეზგა ი მე̄რმა ლადა̈ღ ქ'ა̄̈წსϩნი̄რდა. ფე̄დია̄̈ მეზგა̄̈ლ
Line of edition: 41 ი მეხვბარა̈რ შ |
| |
| | |
|
Мужчина |
Date: Четверг, 2007-06-07, 6:20 PM | Message # 10 |
|
Group: Проверенные
Posts: 352
Status:Offline
Дата регистрации:
2006-09-07 |
edition: 41 ი მეხვბარა̈რ შიშდ ჴედენდახ მა̈ხჲად ლა̄̈ქვი̄სგთე. ერს მა̄̈ჲ ახღვა̄̈ნ ი ერს -- მა̈ჲ, ერს
Page of edition: 38 Line of edition: 1 -- ჰარა̈ყ ი ერს -- დია̈რ. ზურალა̄̈რს ნაღვაჟთე̄სგა თვით დია̈რ ი გიმბა̈შ ახღვა̄ნდახ.
Line of edition: 2 ქორთე̄სგა მეჴედ მა̈გ ქა ხეყხა̄ლდა მახა ნაღვაჟს ი ხაყლა: "მა̈დილუ ესერ ხა̄რ ღე̄რბათ,
Line of edition: 3 იმვა̄̈ჲ ლეხჲადილ ლოჰოდა. იმჟი̄ნ ლიწედდ ალბიზე̄ლიხ, ამჟი̄ნ ესერ ლირდიდუ
Line of edition: 4 ალბიზე̄ლიხ". Line of edition: 5 ღვაჟა̈რ ი ჰარყი მϩთრე ზურალა̄̈რ ჩუ ისგვრო̄ლდახ ი ჰარა̈ყს ჲϩთრახ ჰა̄ლ მოშ
Line of edition: 6 ხეკვა̈დხ. მე̄რმე ზურალა̄̈რ ნაღვაჟვს ლϩჰნა ჭყა̈ნს ხათრახ ი მელისვ ბეფშვს ჴარჴს
Line of edition: 7 ხოფტახ. Line of edition: 8
ლენჯა̄̈რ Добавлено (2007-06-07, 6:13 Pm)
---------------------------------------------
Text: 36
Page of edition: 38
Line of edition: 9
36. ლიღვჟა̄̈ლ ი ჭყინტი ლითვე Line of edition: 10 ითჲა̄ლ ი მა̈გ ხე̄ჴϩრა̄ლ ღე̄რბათ, ეჯღ' ე̄რე ქორისგა ლახ ფიშირ მახეღვა̈ჟ არდ"
Line of edition: 11 ე̄ჯა ქორა̈შდი ლემკახე ლა̈სვ, სამხუბსი გა̈ნხა̈ნ ხა̄გა̈ნ მაწϩხლადა̈ღ -- ჭირჟი̄ჲ, ხინჟი̄ჲ
Line of edition: 12 ი სოფელსი ლახე მა გვეშ ხაწხϩნდა, ეჩქას სოფელსი ჟი ხემϩრგო̄ლდა, იმვა̈ჲნა̈რდ
Line of edition: 13 ხაწხϩნ, ეჩნარ. Line of edition: 14 ჯვინალდ შვა̈ნისგა ფიშირ მეზგე ლϩმზიგ ი ხვა̈ჲ მა̄რე ლϩ̄მა̈რდ, მარე აშხუნღო
Line of edition: 15 ჟა̈მობ ლϩმა̄̈რ ღალ ი ეჩქას ხვა̈ჲ მა̄რე ღალ ა̈მხვეტე̄ლი, ეჩϩნქა ლეშჲა̄̈ლ ხა̄რა შვა̈ნს
Line of edition: 16 მა̈ჲ სა̈ვჲა̈რდ ი მა̈ჲ თათრა̈რდ, მა̈ჲ იშეშდ ი მა̈ჲ იშეშდ ი ამღა ღალ მასა̈რდ ალმϩრხდე̄ლი
Line of edition: 17 შვა̈ნ. ამი̄ ბა̈დშვ, მა̈ჲ საკვრელ ლ"ე̄რე ჭყინტი ლითვე ხოშა ხა̈ხჲადე̄ნა მუშვა̈ნს
Line of edition: 18 ი ათხაჲ ხოშა ხა̈ხჲა̈დ დი̄ნა̄̈ ლითვედ. Line of edition: 19 ჭყინტ ლახე ხეთვი მეზგა, ეჩქას ლა̈ხჲადა̄ლს იჩოხ, ჰარა̈ყს ათვნა̄̈ლიხ ი ნა̄̈თი
Line of edition: 20 სამხუბ მა̈გ ჰარაყშვ ესღრი ეჯ მეზგათე̄სგა. ლახე დი̄ნა ითვი, ეჩქას და̄̈სმა ხა̄რ სერდე
Line of edition: 21 ი დეჲ ლა̈ხჲადა̄ლს ჲა̈რ იჩომ. ჰა̈რიდ გარ ხაყლე მა̈გ მეზგა ზურა̄ლა̈ ქვინი სა̈და̄̈
Line of edition: 22 მა̈ხჲადს. ჯვინალდ, მა̄̈ნკვი̄შჟი ზურა̄ლ ჩუ იღნავო̄ლდა, ეჩქას ლაღვჟალვნად ჲარვ
Line of edition: 23 ღეთ ნაგზა სგვებნავ ლიღვჟა̄ლა̄̈ლდ უკცვირ ქორთ' ა̄̈გნახ ი ეჩე ხორდახ, ეჯღ"
Line of edition: 24 ე̄რე ნაღვაჟ ზურა̄ლ ურწყულ ლი ი ლიმზϩრ ჩუ ხედვა̈ში ეჯ მეზგა, ხედვა̄̈ჲ მეზგაისგა
Line of edition: 25 ზურა̄ლ ჩუ იღვჟა̄ლ. ეჯღ' ა̄̈გნახ მეღვჟა̄̈ლს უკცვირ ქორთე. ამე̄სგა ლიღვჟა̄ლე
Line of edition: 26 დვრევ ხოჴდენ მეღვჟა̄̈ლს, ეჩქას ეჯას ზურალა̄̈რ აღვჟა̄ლვნახ მინე შϩრად.
Line of edition: 27 სგა ხეჭვა̄დო̄ლდახ ეჩხა̈ნ-ამხა̈ნ. მა̈ჲ ჩვექი̄ლარშვ ხაზელა̄ლვნახ, მა̈ჲ თა̈კვს ხოწბინახ
Line of edition: 28 დი̄რს ი ეჯას ხეწე̄ბა̄ლ ზურა̄ლ ლადვჟა̄ლჟი̄ნ, ლახე თϩმი ხოჴდენდა. Line of edition: 29 სერ იმჟი დო ლა̈სვ, ზურა̄ლ ჩუ იღვჟა̄ლ, მე̄რმე ზურალა̄̈რ ჟი იწვე̄ნახ მახა
Line of edition: 30 ლϩთა̈ვს. Line of edition: 31
ლენჯა̄̈რ Добавлено (2007-06-07, 6:13 Pm)
---------------------------------------------
Text: 37
Page of edition: 38
Line of edition: 32
37. ლიღვჟა̄ლვნე ი ნაღვაჟი ლიმშედა̄̈ლ Line of edition: 33 ზურა̄ლ ლაღვჟა̈შ ლ' ე̄ჩქას მეზგა ლახე მე̄რმე ქორ ხო̄გ, ეჩხა̄ვ აჲე̄სგი მეღვჟა̄̈ლს,
Line of edition: 34 მა̄დეჲ უკცვირ ქორისგა ხოსყე̄ნე ლარდას. Line of edition: 35 ლიმზირი დვროვა̈რ ლახე ლიხ ი ღϩნჲა̄̈რუ იბნიხ, ეჩქას ჰა̈დურდ ხუ̄ნკვიდ ა̈ჲიხ
Line of edition: 36 ზურა̄ლს ლაღვჟა̄ლვნად უკცვირ ქორთე, ეჯღ' ე̄რე ლიმზირ დო̄ს ა̄თურწყვლე̄ნს
Line of edition: 37 მეზგა. ზურა̄ლს ლიღვჟა̄ლე დვრევ ხოჴდენ" ე̄ჩქას მუმურჯვაჲ ხაყა. Line of edition: 38 ესვა̄̈ჲ ფიშირ ზურა̄ლ ხოღვჟა̄ლვნა სოფელისგა, ეჯა̄ჲ ჴედნი. მეღვჟა̄ლა̄̈ ლაყვრა
Line of edition: 39 ჟიქა̄ნ თა̈კვს ხოწბინეხ ი ეჯას ხეწე̄ბა̄̈ლ მეღვჟა̄̈ლ, ლახე თϩმი ხოჴდენი. ეჩϩნქა
Line of edition: 40 ზურალა̄̈რ სგა ხოგვდურიხ ეჩხა̈ნ-ამხა̈ნ ი ყველფ გϩრკიდ ჩოქუ̄ლარშვ ხაზელა̄ლვნეხ,
Line of edition: 41 ალ' ე̄სერ შეღავა̈თილდ ხოჴდენი მეღვჟა̄̈ლს. ზურა̄ლს მა̄̈ნკვი̄შჟი̄ნა̈შ ხა̄რ ლიღვჟა̄̈ლ,
Page of edition: 39 Line of edition: 1 ეჩქას ხოშა გარჯ ხოჴდენი. ამჟი̄ნ იცვდილა̄̈ლ ღალ ზურა̄ლ, ოდე ჩუ დო
Line of edition: 2 იფცხϩ̄რიხ დიგეზალ. ჩუ ნაფცხϩ̄რუნღო ნა̈გღა̈ბ ზურალა̄̈რ შდიხვს ქა ხა̄̈ქვცეხ ბეფშვს
Line of edition: 3 ი ჩუ ხოჭვე̄ნიხ პინტარშვ. ნაღვაჟვს ჩა̈ვისგა ფა̈ტვა̈ ჩალ ხორშა ი ეჩე̄სგა აყვრე.
Line of edition: 4 ჟიქა̄ნ ხოდრა ნაშურთქულა ხა̄̈ქვ. ზურალა̄̈რ ჭყა̈ნს ა̈ჰნეხ ი ეჩის ხათრეხ ნაღვჟა̄ლვს,
Line of edition: 5 "ხოჩ' ე̄სერ ხა̄რ ი ქ'ა̄̈წყϩლჲა̈ნი." Line of edition: 6 ლახე ჭყინტს ათვე ზურა̄ლ, ეჩქას ეჯ მეზგე მიჩა ქორისგა ლა̈ხჲადა̄ლს იჩო ი
Line of edition: 7 ქ'ა̄̈წსი მიჩა მეხვბარა̈რს ი ნა̄̈თი მა̄რა. Line of edition: 8 ალჲა̈რი ჴიდეხ ობა̈შინ ლეთრა ნა̈წვერდ ი ლა̈ხჲადა̄ლდ. დი̄ნაჟი̄ნ და̄̈რ მა მეფშე̄ლი
Line of edition: 9 ხვა̈ჲ ი დე̄ჲ ფეშნი ჲა̈რ ი ლა̈ხჲადა̄ლსი და̄̈რ იჩომ. ქა ლϩთა̄̈ვ ბეფშვს მა̄̈ნკვი
Line of edition: 10 მაშრი ყა̄̈რჟი̄ნ ა̈ყვნეხ. მელისვ მე̄რმე ზურა̄ლ მა̄̈ნკვი მიჩა ლუსვშ ჴარჴს ჩუ ხოფტე
Line of edition: 11 ბეფშვს ი ეჩქანღო სერ მიჩა დი ხაჩგუნა̄̈ვნე მიჩა ლუსვა̈რს. სამ ი ო̄შთხვ ფა̄ნუნღო
Line of edition: 12 ბეფშვს ჰაკვა̈ნთე იტხეხ ი ეჩე̄სგ' ა̄̈ყვნეხ. ოდე ო̄შთხვეშდ ლადა̈ღ დო ხერა̄̈გი
Line of edition: 13 ზურა̄ლს ჩუ ნაღვაჟუნღო, ეჩქად ქორთე დე̄მ იხნიხ ი ეჩქანღო სერ ქა ლϩწყϩლჲანე
Line of edition: 14 ლი ზურა̄ლ. ლიმზირ მა̄მ ხედვა̈შიხ ქორისგა ი ჩუ ხოშიდ ქორთე ლი̄ზი. Line of edition: 15 ბა̄ზი მეზგა ხოჩა ლე̄თ ხა̄რ ლესყე̄ნე. ლახე ჭყინტ ლი ქორთე ლეჴდე, ეჯა გუნ
Line of edition: 16 ლეხჲა̈დ ლი მუშვა̈ნიშდ ი ხა̈ხჲა̈დხ, დი̄ნაღა და̄̈რ მა ფეშნი ი დე̄მგვაშვ იჩოხ. Line of edition: 17
ლენჯა̄̈რ Добавлено (2007-06-07, 6:13 Pm)
---------------------------------------------
Text: 38
Page of edition: 39
Line of edition: 18
38. ზურა̄ლა̄რე ლიმზϩრ ჰϩლიშ ლადა̈ღ ი ბოფშრე ლიჩϩ̄და̄̈ლ Line of edition: 19 ჰϩლიშ ლადა̈ღ ზურა̄ლა̄̈რ ღϩრიხ ლადბა̈შთე ჴვიდი თა̄რინგზელთე. ამეჩუ̄ნ
Line of edition: 20 ჟი იდბა̈შიხ ი ეჩქას ქა ნა̈რბია̄ლუნღო ბოფშა̈რ ჴვიდი ლა̄რე̄მი ჰოკერ ფუშყვრი
Line of edition: 21 ლϩ̄ლჰა̈ნდისგა ბოგო̄ლს ასყე̄ნეხ. ეჩქანღო ჟი ღϩრიხ მϩდბაშათე ი აშხვ ზურა̄ლს
Line of edition: 22 ქა ითშიხ მემზირდ. ალ ზურა̄ლ სამ ლემზირს შუნ ა̈ჲე̄სგი. ჴედნიხ ბოფშა̈რ, სგა
Line of edition: 23 ხეგვდირნიხ ალ ზურა̄ლს ი ღვეშგდ ლა̈ტხუშ ჩვა̈ჲე̄სგიხ ბოგო̄ლთეჩუ̄ნ. ამეჩუ̄ნ
Line of edition: 24 ალ ზურა̄ლ ჟი ხა̈მზϩრი ალ სამ ლემზირს ეჩი̄ ნაჟხახა̈ნ, ერე "ქა ლϩღე̄ზანღო ფუშყვერდ
Line of edition: 25 წყა̈ნ ნომ ა̄თდას ლექო̄რა̈რს ლϩლჰანდრე ლიდვა̈შივშ." ალ ნამზურუნღო
Line of edition: 26 ლემზϩრა̈რს თხუმჟიქა̄ნქა სგა შიდე ფუშყვერთე̄სგა ი ჟი ისპუნი ლერსგვანთე.
Line of edition: 27 ეჩქანღო ბოფშა̈რ აჯაღ ღვეშგდ ლა̈ტხვშϩდ ა̈ჲე̄სგიხ ალ ზურა̄ლს ი ჟ'ა̈ჲიხ მიჩა ნარდვმუყვ.
Line of edition: 28 ამეჩუ̄ნ მე̄რმა ნადბაშუნს ჟი̄დ ხა̈მზϩ̄რიხ ლამა̄̈რჲას, ხეჴϩრა̄̈ლხ ზურალა̄̈რ
Line of edition: 29 მინეშ ი მინე ქორშარე ნა̈შდობახა̈ნ ი ეჩქანღო ჩუ იდჲარა̄̈ლხ. ხო̄შამ ქუთვა̈რს მინ
Line of edition: 30 იზბიხ ი ნამსა̈დვს ი ლემზϩრა̈რს ა̈გით ა̄̈ჲე̄სგიხ. ჩუ მესედ ბოფშა̈რს თვით ლემზირს
Line of edition: 31 ხაჰვდიხ ი ჩუ ცვირეხ ამჟი̄ნ ეჩეჩუ̄ნ. შუკვს სგა ჲერვა̄̈ჲ ხეხო̄ლიხ, ეჯჲა̈რს ლემზϩრა̈რს
Line of edition: 32 ხაჰვდიხ ი ამჟი̄ნ ა̈გითე ღϩრიხ. Line of edition: 33 შვიდმა̈ჲშიე̄რ შვანა̈რ ცაგე̄რთე ღϩრდახ ლაღვჭარდ. ცაგე̄რთე ლა̄ზ ჯვინალდ
Line of edition: 34 მუშვრა̈ თანა̈ღქა გარ ლა̈სვ. ზა̈ნხა̈ნ ეჩქად ხოხვრა̄მ ხეთი̄ლა̄ლ მა̈გ ი ეჩხა̈ნ ალ
Line of edition: 35 დვრევჟი̄ნ და̄̈რ ღϩრდა. შვიდმა̈ჲშიე̄რ ნა̈ჲ ჩაფლა̈ შოლტა̈რ ენღვა̄̈ნ ლეჰვდიდ ცაგე̄რთე.
Line of edition: 36 ეჩϩნქა ძა̈გვი ესღვა̄̈ნხ ლეჰვდიდ. ეჩეჩუ̄ნ ალჲა̈რს ქა ჰო̈დვდახ ი ეჯჲარე ნაღვჭარ
Line of edition: 37 ა̈გით' ა̄ხღვა̄̈ნხ ქაფარშვ. ეჩხა̈ნ ახღვა̄̈ნ ბარდან, ნე̄სყე ი ჯიმ. Line of edition: 38
ლენჯა̄̈რ Добавлено (2007-06-07, 6:14 Pm)
---------------------------------------------
Text: 39
Page of edition: 39
Line of edition: 39
39. ლაჴვამ ი მიჩა ჰა̈ზვ Line of edition: 40 ლაჴვმი̄ ჰა̈ზვისგა ლϩჯϩირ ვერ ხა̄̈ზ ი ეჩეჩუ̄ნ ლიხ ლაშდღვია̈რ ი ხოშა̄მ ლაღა̈ლდ
Line of edition: 41 ჯვინალდ გუნ კრი̄ნკდ ხო̄გა̈ნდა მა̈გ ლაჴვა̈მს ი მაყალვი̄ გუნ ხა̄დ ჩი̄. ლაჴვა̈მთე̄სგა
Page of edition: 40 Line of edition: 1 ურწყულ და̄̈რ მოშ ღϩ̄რდა სგა, ეჩის ქა̄მენჩუ̄ნ, ხოლა ბϩნა̈ბ ესვა̄̈ჲ ხემთქვა̄̈ნდა
Line of edition: 2 ი ეჩნოვშ იდგარო̄ლდა, ეჯას ლϩჯგირ ვერჟი̄ნ და̄̈რ აშდიღვდა ი იშგნა̄̈გ აშდიღვდა
Line of edition: 3 მაგ. ეჯკა̄̈ლიბდ ნადგარვ ჲარვ მა̄რე̄მი ლასფლავა ათხე̄ჲ ქა თერახ. Line of edition: 4 ლელა̈ტცახა̈ნ ნა̈ყვნა̄ლ ღვაჟმა̄რე ლამბანა̄ლთე ლაჴვა̈მთე̄სგა დეშ ღϩ̄რდა
Line of edition: 5 მე̄რმა ლადა̈დ, ეჩზუმ ხაყვლი̄ნდა ლაჴვა̈მისგა̄̈ ხატრე ლიჴციდ ი ნაცვა̄ლდ. Line of edition: 6 უშდა ზურა̄ლს ლაჴვა̈მთე̄სგა ლი̄ზი გარ მადე ი ლაჴვმი ჰა̈ზვთე̄სგა ლი̄ზი̄ მა̄დ
Line of edition: 7 ხოშდϩნ. უშდა ლახე ჲა̈რ ლა̈სვ, ჯვე̄დიათე ხექა̄ბუნა̄ლ ლაჴვა̈მს. Line of edition: 8 მახე ნაღვაჟ ზურა̄ლს, ოდე ჟი დო ინწილა̄ლდა, ლაჴვმი ფე̄დიათე ლი̄ზი მა̄დ
Line of edition: 9 ხოშიდდა. ბაპრე ლიჴდა̄ლა̄̈ლდ ო̄შთხვეშდ ლადა̈ღ დე̄მ ხეთლენდა. Line of edition: 10 ლიხტა̄ლ ლახე ჲა̈ს ხა̄დ ი ლუფხვილდ მემწოდა̄̈ლს მა̄რა̄̈ლს ხოფხვილდახ, ხეხვ
Line of edition: 11 ესვა̄̈ჲ ღანავ ხა̄დ, ეჯა ლამბანა̄ლთე დე̄მ ღϩ̄რდა ხეხვმი ლიღვჟა̄̈ლდ. Line of edition: 12 ჯვე̄დია̄̈ უნთვი̄რია მა̄რა ი ედ ფა̈მლის ლϩჯგირ ვერჟი̄ნ და̄̈რ აშდიღვდა, ეჯღ'
Line of edition: 13 ე̄რე ქუნა̈რ, ერვა̄̈ჲ ლϩჯგირ ვერჟი̄ნ ხეშდღვა̄̈ნხ, დე̄მ ესერ იხნიხ იშგნა̈ ქვინს. Line of edition: 14 ტანიშდ (\\ უშდად ) ლიჴედდ ესვა̈ჲ ხაყვლი̄ნდა, აშხვ მი̄შვისგა ეჯ ზურა̄ლი დეშ
Line of edition: 15 ღϩრდა ლაჴვმი ჰა̈ზვთე̄სგ', ა̄დო ლაჴვა̈მთე̄სგა ჰა̈დურდი̄ დეშ ა̈ბდა̈ვდა. Line of edition: 16 უშდა ი ედ უნწირნა ზურა̄ლ გუნ სგახიქა̄̈ ლϩდგა̈რს ლა̈კი̄ლუშ ესჭიმდა, ლასფლავა̄̈
Line of edition: 17 ჰა̈ზვ ქა̄მენჩუ̄ნ იგნო̄ლდა ი სგა̄̈ნჩუ საფლა̈ვთექა დეშ ღϩრდა. Line of edition: 18 ერვა̄̈ჲ მა̄რე̄მი ნადგარვ (=მϩდგა̈რი ) ლა̈სვ ი ამსვა̄ლდა̈ ზისხ ხეცვმა̄̈ნ, ეჯ მა̄რე
Line of edition: 19 აშხვ ზავ დეშ ა̈ბდა̈ვდა ლაჴვა̈მთე ლი̄ზის: "ხა̈ტს ესერ ხასდიკ ნაცვდილევი ლი̄ზი
Line of edition: 20 სგა". Line of edition: 21 ლაგურგუნა̄ლთე ლახე ესღϩრდა წვილ ლაჴვმი ფე̄დიას ხეწხო̄და უშდად ლიჴედ,
Line of edition: 22 შიშდ ჟი ხოჭვე̄ნდა შუკვჟი̄ნ ი აშხვ ნაგზანღო გარ ღϩრდა. Line of edition: 23
ლენჯა̄̈რ Добавлено (2007-06-07, 6:19 Pm)
---------------------------------------------
Text: 41a
Page of edition: 40
ა Line of edition: 26 ჯვინალდ ლივშედა̄ლა̈ ბეგა̈რ ღვაჟა̈რს ხაგდე̄ნახ ი ეჯჲა̈რს ზისხ ლაღლჲაშა̈რქ'
Line of edition: 27 ა̄ხა̄̈ზინახ. ეჩი̄ ლა̈ნშა̈ნ როქვ ლი ეჯ' ე̄რე ლახე ლაღლია̈შ ჩუქვა̄ნ ღვაჟა̈რს ფათვა̈რ
Line of edition: 28 სურუ ხოჴდენიხ ი ხახე̄რიხ, ეჩქას ეშ ლეწა̄ნე ხა̄რხ, ადო ღϩჯგა̈რ ხეფშირიხ. ლავშედა̄ლჟი̄ნ
Line of edition: 29 ღვაჟა̈რს ლაღლია̈შ ჩუქვა̄ნ გოგრა̈ჲა̈რ ხალჯე̄ნახ, ეჩხა̄ვთე̄სგ' ე̄ლმა̄̈ზ
Line of edition: 30 ზისხ. Line of edition: 31 ათხე ზურალა̄̈რს ლავშედა̄ლჟი̄ნ ნაბდი ჴა̈ჩვა̈რ ხა̄რხ ლედე̄სგი ზისხი სგა მუცხვრეწიდ.
Line of edition: 32 ალ გვეშ ამჟი̄ნ ლϩმა̄̈რ, მარე ზურალა̄̈რ ათხეჲ ხოფსიხ ეჯ ზურა̄ლს ე, ხედვა̄̈ჲს
Line of edition: 33 ღვაჟა̈რხა̈ნქა ზურალა̄̈რთ' ო̄ხვტი̄ხა ალ ლივშედა̄̈ლ. Line of edition: 34 გვეშ ამჟი̄ნ ლϩმა̄̈რ: ჯვინალდ შვა̈ნს ობა̈შ ამახვ ხაყე̄ნა ი ეჩხა̄ვი ლϩჲმახვჲა̄̈ლ
Line of edition: 35 მუშვა̈ნ. ჩიგარ მაყალვ ხა̄რა ამხა̄ვ შვა̈ნს ი ეჩხა̄ვი ჩი̄ ხაყვლი̄ნნა. ხოშალაღა̈ლ სა̈ვჲა̈რს
Line of edition: 36 იშვანა̈რს ხა̄რახ უშხვა̄რ ნე̄სგა ლიჲმახვა̄̈ლ, დაგრობ ი ღა̄̈შგობ. აშხვ დვრევჟი̄ნ
Line of edition: 37 სა̈ვჲა̈რს მათხვმიდ ხაყე̄ნახ ჟახად მϩრზაბეგ. ეჯ' ე̄ჯკა̈ლიბ ხოლე̄მი მუჩვემ ი
Line of edition: 38 ლამარგ ლϩმა̄̈რ, ერე "ლათშვ ესერ შვანე ზურალა̄̈რს ლავჟახა̈ნქა ბოფშა̈რს ჰაკვანშვ
Line of edition: 39 ქა ხა̈ქვთინა ი ეჩჟი ლϩმჲა̄̈სგვინ სა̈ვთე ი ბოფშა̈რს ლაგვა̈ნჟი̄ნ დილა̄რუ მϩრზაბექი
Line of edition: 40 ჟახოშ ლϩმყა̄ლვინხ". ამი̄ ერ ქა ხასმო̄ლნახ მϩჭყϩ̄ლი ბოფშა̈რს, ეჩქას ჩი̄
Line of edition: 41 ჩუ ლϩმკϩჩხნინხ. ალა მϩრზაბექდ ჩვა̈ცხირ, ერე აშხვ სოფელისგა ღვაჟა̈რ მა̈გ უშდად
Page of edition: 41 Line of edition: 1 ლϩმა̈რდხ. დრო̈ვ ესვთიშ ი სგ' ო̄თშგა̈ბ მიჩა ჯა̈რშვ ალ სოფელს. ღვაჟა̈რ უშდად
Line of edition: 2 ლϩმა̈რდხ ი ქამავ ლიჴედ მა̄მ ხა̈შდე̄ნახ. ამხვა̈რდ ესნა̈რ ჟ'ა̈ნუნჭუ̄რეხ ალ სოფლი
Line of edition: 3 ქვილϩმგენე, კეთილ, ბეფშვ ი ზურა̄ლ ი ადჲეხ მა̈გ. ამის ეშხუ ზურა̄ლ ქ'ა̄ხსედა.
Line of edition: 4 ალა ქა ხა̈სგდინა, იმჟი̄ნ ესყე̄ნახ სა̈ვჲა̈რს ბოფშა̈რ ი ზურალა̄̈რ. Line of edition: 5 ჩვესჩოქვ' ე̄სნა̈რ ი ლა̈ხჴϩრა̄̈ნ ლამა̄̈რჲას: "ლამა̄̈რჲა მალდჲა̈ნ, ლოხვჟინდა̄ვ
Line of edition: 6 ესერ ქრისდია̈ნ ამსვა̄ლდ, უშდობ ღვაჟა̈რს ქა̄ვ ათჟა̈გ ი მიჩუ ახზიგვნე! " Line of edition: 7 ლამა̄̈რჲას სგა ლოხვსიმნა ამი̄ ლიჴϩ̄რა̄̈ლ ი ღვაჟა̈რ ჟ'ალჰა̈დვრე̄ლიხ ი ალ ზურა̄ლ
Line of edition: 8 უშდად ა̈მჴედ. უშდად ა̈მჴედხ ტყვე ზურალა̄̈რი. ამის ქა ხეწადხ სა̈ვჲა̈რ, ეჩქას
Line of edition: 9 ლახურწყულუნხ ზურალა̈რ ი ჩვაცვირხ. ამჩიქდ ჟი ლუხჩოვე ღვაჟა̈რ ესჭვა̄დხ
Line of edition: 10 მინე ნახა ი თვეფ-ხანგა̈რს. ა̈თღვაჭხ ღვეშგიმ სა̈ვჲა̈რს, ჟ'ანხვიტხ ი მა̄̈ჲ ესღვა̄̈ნხ,
Line of edition: 11 მა̈გ ჩვათცვირნეხ. ეჩქანღო როქვ ხაგა̈დ ზურა̄ლს ლივშედა̄̈ლ ი უშდობ. Добавлено (2007-06-07, 6:20 Pm)
---------------------------------------------
Text: 40b
Page of edition: 41
Line of edition: 12
ბ Line of edition: 13 ჩჲე̄სგი ქვეყანაისგა ზურა̄ლ უშდად ჴედნი, მარე შვა̈ნისგა მე̄რმა სა̈ხჟი̄ნ ი ნუკვჟი̄ნ
Line of edition: 14 ხა̈მთქვახ ზურალა̄̈რს ლივშედა̄̈ლ ი მე̄რმე ნაურწყული მϩრა̈მჟი̄ნ ხუღვე. ალ
Line of edition: 15 ბეგა̈რ ჩი ზურა̄ლს ხაგა̈დ ი ალა მა̄მ ხოშგურხ, ჰა̄ლ ჭაშვხა̈ნქა ლიღნავ. Line of edition: 16 შომვა̄̈ჲ ზურა̄ლს ალ ბეგა̈რ ხაწϩხ, ეჩქას აშხვლადა̈ღ სგვებნა̄ვ (ეჯღ' ე̄რე ჩუ
Line of edition: 17 ხოხალ, შომვა̄̈ჲ ხაწხϩნი) ქა იქა̄̈ბდა უკცვირ ქორთე, ჲედ ქახიქა̄̈ სადგვემთე ღϩრდა.
Line of edition: 18 ამნოვშ გუდ ჴედენდა მა̈გ, ერე ალა წყϩლჲან მა̄მ ლი. ალ სადგვემთე ლინთვისგა
Line of edition: 19 ბოფშა̈რ ზექ-მუგვა̈ლს ხოჴდახ ი ქახიქა ჩუ და̄̈სგდახ. ზურა̄ლ სგ' ა̄̈ჲა̄̈სგდა ტ
Line of edition: 20 ლემასგვ ი̄შვა. ეჩϩნქა ზურალა̄̈რ ჩალს (ფა̈ტვა̈შს ი ჲედ ჭϩმნა̈შს), ხოლა̄მ ნამბადვრა̄̈ლს
Line of edition: 21 ი ჟიქა̄ნ ლექვემს ხოჴდახ ი ეჯჲა̈რსი ქახიქა და̄̈სგდახ. ამის უშდა სგ'ა̄̈ჲა̄̈ხსგდა
Line of edition: 22 მიჩა სადგვემთე. ალ მუგვლიშ ი ლაყვრა̄̈ ლერქვარე ქახიქა ლიდე̄სგის ეჯღა იჩომდახ,
Line of edition: 23 ერე უშდახა̈ნქა ნაურწყული დოსა ლახთელე̄ნხ ი ქორ დო̄ს ო̄თურწყვლე̄ნხ.
Line of edition: 24 ამჟი̄ნ არდა უშდა ნაგზა უკცვირ ქორიგსა. ლეზობ-ლეთრა ლახე ხოჴდახ, ქახიქა
Line of edition: 25 ხოგა̈მდახ ი უშდა მიჩოვშ ა̈ჲა̄̈სგდა სგა მიჩა ლალყურათე. ლახე ეჯ სოფელისგა
Line of edition: 26 მე̄რმეჲ ჲა̈რ ლა̈სვ უშდა, ეჩქას ეჯა̄ჲ ეჩხა̄ვ ღϩრდა ი ჩუ იყბა̄ლხ უშდა̄̈ლ. Line of edition: 27 ტა̈ნიშდ მეჴდანღო, შომვა̄̈ჲ ზისხ ლიჴედს ხობნახ, მე̄სმა ლადა̈ღ აშხვ ლიცს
Line of edition: 28 იბდახ, მეხუშდა ლადა̈ღ -- მე̄რმა ლიცს. ათხე სერ ხოხვრა ურწყულ ლასვ უშდა,
Line of edition: 29 მარე ქორთე ლეხნიდ ეჯღა̄ჲ მა̄მ ხეყა̄̈დ. ნაგზანღო მე̄სმა ლიცს იბდა, ქა ისტღუნა̄ლ
Line of edition: 30 ი ეჩქას სერ ქორთე ღϩრდა. ლϩმა̄̈რ გოშა̈რ, ერე &# |
| |
| | |
|
Мужчина |
Date: Четверг, 2007-06-07, 6:23 PM | Message # 11 |
|
Group: Модераторы
Posts: 990
Status:Offline
Дата регистрации:
2006-08-29 |
30 ი ეჩქას სერ ქორთე ღϩრდა. ლϩმა̄̈რ გოშა̈რ, ერე უშდას მე̄რმა ლიცხი ნა̈ბიდუნღო
Line of edition: 31 ლელა̈ტი ხომხა̄ლა მიჩა ლაყვრათე, მარე ამის ლახე ჩუ ჲა̈რ ა̈ცხრა ეჯა
Line of edition: 32 სურუ შგვირდ ხებჟა̄̈ნხ შვანა̈რს ი ამკა̈ლი მახაღვა̈ჟს ლა̈წრა̄ლჟი უშდა̄̈ მელყვირს
Line of edition: 33 ხეწრა̄ლხ. შომვა̄̈ჲ ქორხა̈ნქა უშდა არდა, ეჩქას მეთხვჲა̈რ ეჯ ქორხა̈ნქა ლა̈თხვჲართე
Line of edition: 34 დე̄მ ღϩ̄რდა ეჯღ' ე̄რე ურწყულხა̈ნქა ნა̄ზვს სო̈ვ ხოქვცენდა ი ნა̈თხვჲარე
Line of edition: 35 მა̄მ ხეთხო̄ლდა, ეჩϩნქა, მა̄̈ჲ მეზგა უშდა ჩუ ხერდო̄ლ, ეჯ მეზგაისგა ლიმზირს მა̄მ
Line of edition: 36 ხეყა̄̈დ, ეჯღ' ე̄რე ლიმზირ ჩუ ხეურწყულო̄ლდახ ი ხოლა ლა̈სვ. Line of edition: 37
ლენჯა̄̈რ Добавлено (2007-06-07, 6:22 Pm)
---------------------------------------------
Text: 41
Page of edition: 41
Line of edition: 38
41. ლიჯლა̈ჲე̄ლ Line of edition: 39 ლიჯლა̈ჲე̄ლ ობა̈შ ნუკვიშ ლი ი მა̈გ ლაღვროვა̄ლ ლიხ, მარე ხოშა̄მ ლაღა̈ლს
Line of edition: 40 როგვა̈ ითქარშვ იჯლა̈ჲე̄ლხ მეჯლა̈ჲე̄ლა. მეჯლა̈ჲე̄ლ ხოშა ლაღა̈ლ ზურა̄ლ ლი.
Page of edition: 42 Line of edition: 1 ღვეჟმა̄რე ძვირდ გარ იჯლა̈ჲე̄ლ. ეჯა̄ჲ ლა̈თხვჲარჟი̄ნა̈შდ ლახ ა̈ნთვე̄ნი ცხირშვ ი
Line of edition: 2 პინტშვ ლიჯლა̈ჲე̄ლს, ადო ეჩურ ღვეჟმა̄რა შგვირ ხაბჟა ლიჯლა̈ჲე̄ლ (\\ ლიჯლაე̄ლ). Line of edition: 3 როგვა̈ ითქარშვ ლიჯლა̈ჲე̄ლ ამჟი̄ნ ლი: მეჯლა̈ჲე̄ლ ქა იშϩლდა̈ნი ო̄შთხვეშდიაშხვ
Line of edition: 4 როგვა̈ ითქს, ეჯას ჩვაჰრე ზუჰე̄რა̄̈ ლანკვრიჟი̄ნ. სგა იყვბე აშხვ ა̈დგილთე̄სგა.
Line of edition: 5 ერხის ტოტისგა იყდა̄̈ნი, ტვეტს პილა̈რთე̄სგ'ა̈ჲე̄სგი ი ხაყლე როგვა̈ ითქა̈რს: "ჯგϩრა̄̈გ
Line of edition: 6 ჯϩლიშ მა̈ლდია̈ნ, მა̈დილ ჯე̄რა! ალ ი ალ გვეშ ჩვე̄მმა ისკეთო̄ლდე̄დს, ღო ისგვი
Line of edition: 7 ლუნჯვა̈რ ახაკვრ მა̈ლდია̈ნ, იშგენ ნო̄სამა გვეშ ოხჩϩშა!" ეჩქანღო ქა̄ფხჟϩ̄რე
Line of edition: 8 სამდ თხუმქა, ღო ნე̄სგაქა ი ეჩქანღო ჰოკერქა ი ხოსგდი ქა ნაჴა̈დვ ჯϩლჲა̈რს. მϩჯლა̈ჲს
Line of edition: 9 ლახე ლა̈ხჭვედნი, ჟი როქ ხათერ ლუნჯვა̈რს, ტე̄ვას, კუმში კვა̈დს, საკა̈ცხს,
Line of edition: 10 დაგრას, ჰა̈ყბას, ლიდურვა̈ნის ი ხოლა̄მ ი ხოჩა̄მ. Line of edition: 11 მϩჯლა̈ჲ ჲერვა̄̈ჲ ლი', ჩი̄ საბრალდ ხა̄რ ქორისგა. Line of edition: 12 ნაქსევშვ ლიჯლა̈ჲე̄ლ ამჟი̄ნ ლი: ქა იკმუ̄ნეხ ჯო̄დი პინტს ი ჩვა̈ნშა̈ნიხ. ეჩანღო
Line of edition: 13 ჟ'აპურჭა̈ნჲე̄ლეხ, სგ'ა̄̈ჲე̄სგიხ უშკვმუყვ ი ხაფსტუნეხ: "ჯგϩრა̄̈გ ჯϩლიშ მა̈ლდია̈ნ!
Line of edition: 14 ალ ი ალ გვეშ ჩვე̄ ნემურჯო̄ლდე̄დს, ღო ნაქსევს ლახცხა̈მვინ ი ლა̈ჯიშს ლახკვიდინ! "
Line of edition: 15 ეჩქანღო ქა̄დ იკმუ̄ნეხ პინტს ი ნა̈კვიდ ლი ჰა ნაცხა̈მ პინტი ნაჯვდი ლϩნშანთე̄სგა,
Line of edition: 16 ეჩნუშ ესერ ხეჰვდიხ ლალთა̈რჲა̈ ლა̈ნშა̈ნ. ეჩი̄შ მა̈მ ხოხახ, ე ქა ლაბϩდჟი̄ნ
Line of edition: 17 პინტ ქა იჯოდუნი. Line of edition: 18 ცხირშვ ლიჯლა̈ნჲე̄ლი ამჟი̄ნ ლი: მეჯლა̈ჲე̄ლ ქ'ა̄ჭა̄რვე სამ მუგუ პინტს, ეჩქანღო
Line of edition: 19 ისგდ ჟ'აკვშდენი ჩი̄. ალჲა̈რს სამ ა̈გიქა სგა ხაჭვენი ცხირს ი ნა̈შყვს ჩვა̈ნგჭე,
Line of edition: 20 ეჩქანღო უშკვთე̄სგ'ა̄̈ჲე̄სგი ი სგა ხოდე̄სგი ჯϩლა̈ჲს მა̄̈ჲ ხეჭკϩ̄რ'ე̄ჯას, ეჩქანღო
Line of edition: 21 ქა ხაფშგϩ̄რე ი ერხი პინტა̄̈რ ლახე ქა ხეფშგϩ̄რიხ, ეჯა ხოჩა ხოხახ. Line of edition: 22
ლენჯა̄̈რ Добавлено (2007-06-07, 6:23 Pm)
---------------------------------------------
Text: 42
Page of edition: 42
Line of edition: 23
42. ნახოვშ ლϩ̄დგა̈რი ლირშვნი-ლიფა̄ნე Line of edition: 24 თოფშვ ლϩქა̈ჩ ლახე უჟგუ̄ნად იდგარო̄ლდა ღალ ი ეჩქას, ჩუ ნაშდუღუნღო,
Line of edition: 25 მო̄შ-მო̄შ სა̈ხმახა̈რს ხა̈ჩომდახ ესϩმსედა̄̈ლ, მარე ჩუ ლიშდღვა̄̈ლდი ლა̈სვ ლეწიხ
Line of edition: 26 აჯაღϩდ მო̄შ გოშა̈რ. Line of edition: 27 ლაშდღვა̄ლთე მე̄ზი მეზგე, ჟეღს მა̈გ სგა იჭმინა ლაშდღვა̄ლთე, ეჯღა ერე ეჯასი
Line of edition: 28 ხეთხო̄ლდა ეშხვი-ჲორი ნა̄პუ. ლϩდგა̈რი ფუსდ ჲერვეშდ ღეთ ქაბა̈ბს-ლაშდღვა̄ლა̈
Line of edition: 29 დიჲა̈რს ჩვაკვშუ̄რა ი ლეჲდუ̄ნიდ და̄̈სგდა. ლეჲდუ̄ნი̄ მϩჲე̄სგი ქა ითშო̄ლდა
Line of edition: 30 ი ამის ხა̈ბრა̈ჲახ ლეჲდუ̄ნის. Line of edition: 31 ლაშდიღვთ' ე̄სყა̄̈დხ ლϩდგა̈რ, ეჩქას ლეჲდუ̄ნი̄ მეჲესგის წϩრნი ბაშლϩყ ჟი
Line of edition: 32 ხა̄გა̈ნ თხუმჟი̄ნ, ჴე̄რჲა̈რ ბარჯა̈რჩუ̄ნ ხოთხა̈ფ , ლეჲდუნი კალთჲარდ ხოჭო̄ნა̄̈ნ ი სგვებინ
Line of edition: 33 ესღϩრდა. ამის ჟეღ მა̈გ სგა ხეჭვა̄და̄̈ნ ი ალ მა̄რე ჩუ ხოშდა ნეც-ნეცინდ ნაკვშუვა̈რს.
Line of edition: 34 ამის ჟეღა̈რ სგა ხეჭვა̄დო̄ლდახ ი ხა̄დხ ღი̄ნჯ-მი̄ნჯ. ჟეღა̈რს ლიღϩ̄მბა̄̈ლი
Line of edition: 35 ხოჩϩ̄დენდახ ალ ლეჲდუ̄ნი̄ ლაღე̄შგა̄ლს. ამჟი̄ნ საფლა̈ვთე ლიჰა̄ლვ ლეჲდუ̄ნის ჩუ
Line of edition: 36 ხოშდახ ჟეღა̈რს ამი̄ მϩჲე̄სგი. Line of edition: 37 ლϩდგა̈რ ღვეშგიმ ა̈ხყა̄̈დხ. ლიკი̄ლი, ლიტფუ̄რა̄̈ლ ი ლილჭა̄̈ლ ქა ლუღუ̄ზე
Line of edition: 38 ლა̈სვ. Line of edition: 39 ჟეღა̈რ იღϩ̄მბა̄ლხ, ეჩქას ფუსნა̄̈დუჲ სგა ხეჩϩ̄და̄ლხ ლაწენა̄ლს ი მინს ხოჩϩ̄დენდახ
Line of edition: 40 ლიყა̄̈რჲე̄ლ. Line of edition: 41 ლϩდგა̈რი სერდე ხოხვრა გარ ხა̄დ ჩი̄ ეჩქას ი ალჲარე ლაზა̈ვს ხეკვა̈დ მა̈გ ჟი.
Page of edition: 43 Line of edition: 1 ათხე̄ჲ ხაჭთეხ ჟეღი მϩყერს, ჟეღი ფუსნა̄̈დუ: "მიჩა ლეჲდუ̄ნისუ ესერ იზბი ალ ჟეღ,
Line of edition: 2 ჟეღი ნა̈ყრიე̄რ". Line of edition: 3 ლϩდგა̈რს ჩვაშდიღვდახ, ეჩქანღო მე̄რმა ი მე̄სმა ლადა̈ღჟი̄ნ ყვიჟს ა̈ჲსენდახ
Line of edition: 4 ამი̄ საფლა̈ვჟი̄ნ ი ქა ხოფა̄ნახ. Line of edition: 5 ეჩის ქა̄მენჩუ̄ნ, ნახოშ ნადგარვს მო̄შ ლიფა̄ნე ხეკვა̈დ. ლახე თოფშვ ნადგარვს
Line of edition: 6 ფინდიხ სგა ხესდენდა ტა̈ნისგა, ეჩქას ლე̄თშვ ეჩი̄ საფლა̈ვხა̈ნჟი̄ნ მიჩა მუჭურფსელის
Line of edition: 7 ლიკი̄ლი ხესმო̄ლდა. ეჩქა ამის ჟი იბϩრჯახ, ფინდიხს ქა ხოკა̈დდახ ი ეჩქანღო
Line of edition: 8 სერ ეჩი̄ საფლა̈ვხა̈ნჟი̄ნ ლიკი̄ლი მა̄მ ისმო̄ლდა ი ლϩდგა̈რ ჟი იშვმინა. Line of edition: 9
ლენჯა̄̈რ Добавлено (2007-06-07, 6:23 Pm)
---------------------------------------------
Text: 43
Page of edition: 43
Line of edition: 10
43. ლეჲდუნი ლϩდგა̈რჟი̄ნ Line of edition: 11 მა̄რე ი ჲედ ზურა̄ლ ლახე ჩუ იდგარო̄ლდა შვა̈ნისგა, ეჩის ლაშდღვა̄ლს ი ქუნე
Line of edition: 12 სა̈ხს ხა̈ყრინახ მო̄შ-მო̄შს. Line of edition: 13 ლϩდგა̈რს ხაკუჩ ერე ეჯკა̈ლიბდ ესჭემე̄ნს ესϩმსედე, ერე ამსვა̄ლდ მა̄რე სოფელისგა
Line of edition: 14 ნო̄ს ა̄თსედე̄ნს მუნდვრევ. ჰარა̈კ ჟეღა̈რი ქა ლემშგვა̄ნე ლა̈სვხ. ალჲა̈რს
Line of edition: 15 ქა̄მენჩუ̄ნ ხაკუჩ ერე მულგუჰე̄რას, მϩლდღას ი გზა̄̈ვრთე მეჩდა მა̄რა̄ჲ ნომ' ა̄თთვეფე̄ნს
Line of edition: 16 მიჩა ნა̄̈თი, ადო ეჯა ხოლა̄მდ ხებჟა̄̈ნხ სოფელისგა, ლახე ნა̄̈თი მო̄მ ხოჴდენდახ
Line of edition: 17 ჲერხის ქორთე, ეჩქას ჲერხი ხოლა ი მეკვშდე მა̄რე ი ჲედ ზურა̄ლ ლϩდგა̈რი
Line of edition: 18 ფუსდს ჩვაჭთუნა ი ამის ყϩლა̄: "ალ ლϩდგა̈რს ხოლა̄ვ ჭიშხ ოთცვი̄რა, მიჩა ქორის
Line of edition: 19 გა̄̈ ესϩმსედად, მა̈გუ ეჩის ათჭემახ ი მიჩ ქა ლუჟხვი̄ნე მა̈გ ფისე̄მი ტო̄მბდუ
Line of edition: 20 ლახზაზა! " Line of edition: 21 ალ' ე̄რ მო̄დ ჲა̈ს ხო̄ქვე̄ნს, ლϩდგა̈რი ფუსდ, მა̄̈ჲ ლა̈თჲა̄ლს ხა̄დ, ჩი̄ ჰაშმა̄̈რ
Line of edition: 22 ცვირა. Line of edition: 23 მაჴვმა̄̈რ მეზგე ყϩლა: "ო̄, ხიადუ̄ლ, მა̈ჲ ეზერდ ათჭემხ მა̈გ მინე ლϩდგა̈რს,
Line of edition: 24 ჟახ'ა̄ლა ლი, ეჯა მა̄მ ე̄, ჟი ლϩმა̄რა̄ ჩვა̈დშხვინნე ქორისგა ი ეჩქანღო უფგოვშ ჩუ
Line of edition: 25 ლა̈ჲზვებნე ჯა გარ ". Line of edition: 26 ლϩდგა̈რი ლიშდღვა̄ლა̄̈ლდ ლაშდღვა̄ლა̈ დიჲა̈რს თვით ოშთხვდ ჩვაკვშურახ,
Line of edition: 27 აშხვ მა̄რა ქა ითიშდახ, წϩრნი ბაშლϩყს ხაგა̈მდახ ეჯკა̈ლიბდ, ერე თხუმჟი ი ბარჯა̈რჟი̄ჲ
Line of edition: 28 ჟი ხელფარა̄̈ნ ბაშლϩყ. კალთა̈ჲა̈რს ლაშდღვა̄ლა̈ დი̄რი ნა̈კვშუვარშვ ჟი
Line of edition: 29 ხოგვშილახ. ალ დი̄რი ნა̈კვშუვა̈რს ლეჲდუ̄ნი ხეჟხა̄̈ნ. Line of edition: 30 ლϩდგა̈რს ქა ისგვჯი̄ნახ ქორხა̈ნქა, ეჩქას ლეჲდუ̄ნი̄ მϩჲე̄სგი სგვებინ ესღϩრდა
Line of edition: 31 მეზგე (\\ მეზგა), ესვა̄̈ჲ ჟეღ ჩუ ხორდა, მა̈გ ქა იჭმი̄ნა ლაშდღვა̄ლთე ი ალ ჟეღა̈რ
Line of edition: 32 ლეჲდუ̄ნი̄ მϩჲე̄სგის ხაჭიმდახ ვეშგიმხა̈ნ, ლეჲდუ̄ნი̄ მϩ̄ჲი დი̄რი ნა̈კვშუვა̈რს ხოშდა
Line of edition: 33 ჟეღა̈რს ეჩხა̄ვ-ამხა̄ვ, ამის ჟეღა̈რ ლიღე̄შგა̄̈ლს ხაფსახ ი ჩუ ხო̄გა̈ნხ ყალა-ჩხუბა. Line of edition: 34 ამჟი̄ნ ლეჲდუ̄ნი ლა̈შდოშ ღϩრდა ეჩი̄ მϩჲე̄სგი საფლა̈ვთექა ი ეჩეჩუ სერ კალთა̄̈რი
Line of edition: 35 ქა ლϩჰრე ხა̄დ. Line of edition: 36 ათხეჲ ჭათე მა̈გ შვა̈ნისგა, ლახე ჟეღს ჲა̈რ ხატყცი: "მიჩა ლეჲდუ̄ნისუ ესერ
Line of edition: 37 იზბი ალ ჟეღ, მა̈ჲ ესერ ხაგდე̄ნა ამჟი̄ნ გუნ ლიყერ". Line of edition: 38 დი̄რი ლაჰვდა̄̈ლჟი̄ნ მულგუჰე̄რი ი მϩლდღა̄̈ ეშხუ აფხნეგ ფე̄დიას ლϩ̄გა̈ნდახ
Line of edition: 39 ი ალჲა̈რს ქა ხაჰო̈დდახ მϩლდღა̄̈შ ი მულგუჰე̄რა̄̈ დი̄რა̈რს, ეჩქანღო წϩდჲა̈რთე
Line of edition: 40 ღϩრდახ, ჰარყი შედა̈რ ხუღვა̈ნხ, ალჲა̈რს წϩდჲა̈რ ქა ხებშო̄ლდახ ი ჰარა̈ყს ხოგვშახ
Line of edition: 41 ამხა̄ვთე̄სგა.
Page of edition: 44 Line of edition: 1 მϩლდღა̄̈ მუზვრა ქ'ა̄̈ჲა̄̈სგდახ ნაზორ დიჲა̈რს ი ჰარა̈ყს ი ეჩე აშხვ ა̈დგილს აშხუდ
Line of edition: 2 ჩუ ისგვრო̄ლხ ი ჩუ იხϩრჯა̄ლდახ. Line of edition: 3
ლენჯა̄̈რ Добавлено (2007-06-07, 6:23 Pm)
---------------------------------------------
Text: 44
Page of edition: 44
Line of edition: 4
44. ლϩდგა̈რი ბედჟი̄ნ ლიღფუ̄რა̈ლ ი ლიურწყვევი Line of edition: 5 ლϩდგარს ჩვაშდიღვდა მეზგე, ეჩქანღო იურწყვევდახ ი იღფუ̄რა̄ლხ ზურალა̄̈რ
Line of edition: 6 მო̄შ ი ღვაჟა̈რ მო̄შ. Line of edition: 7 ზურალა̄̈რ კე̄შა̈რს ქა ისპახ ი ეჩჟი̄ნ იქვა̈მდახ, ლაჩქა̈რს ჯვინალდ წϩრნის ლϩმფარვინხ
Line of edition: 8 მეშხე̄მი მϩქაფდ. Line of edition: 9 ლϩდგა̈რს ლაშრავა̄ლს ხა̈ჩომდახ, ეჩქას მა̈გ ჩვაშრა̈ვდა, მარე ჲერხი ზურალა̄̈რ
Line of edition: 10 ამბა̈ვს ქ'ა̄კვა̄ნახ ი ოხდრისს დე̄მ იკა̈დდახ, ოდე დო მინს ხოცხა̄̈ნხ ეჩქად. Line of edition: 11 მუურწყვევი ზურა̄ლ ოხდრისი ნაჯაბ შედისგა ნასყა̄̈ნვ ლეზობ დე̄მ იზობდა
Line of edition: 12 ი მო̄შ ხო̄გა̈ნ ნა̄̈ყუნ ლასყე̄ნა შედ. Line of edition: 13 თა̈ში ნა̈ნჩუდნა̄ლ ჯა̈რისგა ნაშგორდ დია̈რს დე̄მ ხეთლენდა, დე̄ჲ ოხდრისი
Line of edition: 14 ნადა̄̈სგვ ტაბა̈გჟი̄ნ იდა̄̈სგდა დიჲა̈რს "ჩვ ე̄სერ იშრა̈ვი̄ნი ლეზვებ". ამჟი̄ნ წყილჲანდ
Line of edition: 15 იურწყვევდა მიჩეშხა̈ნ მიჩა ლϩდგა̈რს. Line of edition: 16 ამის ეჯღა იჩომდახ ზურალა̄̈რ, ერე ალ ლიურწყვევ ესერ ლϩდგა̈რს ეჩაბუა̄სდ
Line of edition: 17 ლასϩრგებ ხა̄რ. ეჯა ჩუ ხეჯრავა̄̈ნხ მუვურწყოვას ერე, ლახე ნა̈ბუშ ი̄რო̄ლ ჰა
Line of edition: 18 უმბილდ, საშრაუ̄რა მა̄ლე გვეშ სგა მა ლა̈ხთელენ მინე ლეზობთე̄სგა, მინე ნაურწყოვ
Line of edition: 19 ცვიდთე ღϩრდა ი ლϩდგა̈რს მაშედ დე̄მესგა ხა̄დ ალამა̈გ ოხდრისი ლიზვები
Line of edition: 20 ლიჭკრϩნე, ამღა გუნ კრი̄ნკდ ხო̄გა̈ნხ მუურწყოვა მინე ლიურწყვევის ლიშრავა̄̈ლჩიქდ.
Line of edition: 21 ობა̈შინ სამ ი ო̄შთხვ ზავისგა იურწყვევდახ ზურალა̄̈რ. ჩიგარ კე̄შ ქა
Line of edition: 22 ლϩსპე ხა̄დხ ი ლϩღფუ̄რე ლაჩქა̈რ ი ლერქვა̈რ ხა̄̈ქვდახ. Line of edition: 23 ეჯკა̈ლიბი ხვა̈ინ ლϩმა̄̈რ, ერე ერხი ზურალა̄̈რ მინე ლირდეისგა ჩიგარ ურწყვ
Line of edition: 24 ლა̈სვხ, ეჯღ'ე̄რე მა̄̈ნკვი̄ ლიუწყვევის ოდე ქ'ა̄დსურლი̄ს, ეჩქად მე̄რმე ნა̄̈თი̄დ
Line of edition: 25 ხედგარო̄ლდა ჲერვა̄ლე ი ეჩქას ეჩი̄ ლიურწყვევი სგა̄დ ხექმენდა, ღვ'ა̄ჯაღ ხედგარო̄ლდა
Line of edition: 26 ნა̄̈თი, ეჯასი ლიურწყვევი ხეკვა̈დ ი ამჟი̄ნ ქა ლϩჭყარდ ურწყვ ი ლუღფუ̄რე
Line of edition: 27 ლა̈სვ ზურა̄ლ მიჩა ლირდეისგა. Line of edition: 28 ღვაჟა̈რ მე̄რმა ნუკვჟი̄ნ იღფუ̄რა̄ლხ ი იურწყვევდახ. Line of edition: 29 ლϩდგა̈რი ნაშდუღუნღო̄ნ, მე̄რმა ჲედ მე̄სმახი ლადღა̈რს ღვეჟმა̄რე ქა იწბუ̄რა
Line of edition: 30 თხვიმს ი ვე̄რა. ვე̄რე ესვა̄̈ჲ მო̄მ ხა̄გა̈ნ, ეჯა თხვიმს გარ იწბუ̄რა. ეჩქანღო ქა
Line of edition: 31 იხინდა ფა̈თვს ი ამის ჲარვ ღეთ ი სამ ზავ ქა დე̄მის იწბუ̄რა. ფაყვა̈რს წϩრნია̈რს
Line of edition: 32 იგა̈მდახ თხუმჟი̄ნ. Line of edition: 33 ლახე სამხუბისგა ი ჲედ ნა̄̈თიისგა ლიმზϩრი ხოჩა ღϩნ ხა̄დხ, ეჩქას ლუღფუ̄რე
Line of edition: 34 ღვაჟა̈რ წϩრნი ფაყვა̈რს შგილთე̄სგა და̄̈სგდახ ი მინ იბნან ლიღრა̄̈ლს, ერე მეზგა
Line of edition: 35 ლიხი̄რვილ ოხბინენს. ჩა̈ჩს ქა იწბუ̄რა, ეჩქა̄̈შიშდ ჰარა̈ყს იყიდდა ი ეჩის ათვნა̄̈ლდა
Line of edition: 36 ლϩდგა̈რი ლაშუნდებდ. Line of edition: 37
ლენჯა̈რ |
| |
| | |
|
Мужчина |
Date: Четверг, 2007-06-07, 6:25 PM | Message # 12 |
|
Group: Проверенные
Posts: 352
Status:Offline
Дата регистрации:
2006-09-07 |
Text: 45
Page of edition: 44
Line of edition: 38
45. ლიდრა̄̈ლ შვა̈ნისგა ი შგვირი ლიტხჲე̄ლი Line of edition: 39 მუშვა̈ნ მა̄რა ლახე მე̄რმა მა̄რახა̈ნქა შგვირ ხეყრენდ ჲედ დაგროვშ, ჲედ ცვა̈როვშ,
Line of edition: 40 ჲედ ლიშხივშ, ჲედ ნა̈ყირშვ, ჲედ ლიბჭა̄ნშვ ი ამკალიბ ლესდიკ გოშარშვ,
Line of edition: 41 ეჯა მუშვა̈ნ მა̄რა გუნ ხოშგურდა.
Page of edition: 45 Line of edition: 1 ამკა̈ლიბ შგურა̈რ მა̄რა მე̄რმაცახა̈ნ ლა̄ცვდ ი ლატე̄ვა მა̄მ ხა̄დ, ეჯღ' ე̄რე მეცვა̄̈ლ
Line of edition: 2 შიშდ ქა ხესყვა̈დვირდა: "მიჩ ესერ ალა-ჲ ალ შგვირ ხათϩმ მე̄რმახა̈ნქა, ეჯ
Line of edition: 3 ესერ ქა დეშ ხოტხიე̄ლა, ი შგვირ ქა დეშ ხოკცა̄ნა ი მიჩ ესერ ხამა ხე̄მბვა̄̈ლ ი ხე
Line of edition: 4 ცვა̄̈ლ ჯა" ი ლა̈წრა̄ლჟი ხაყლა: "უწვრას, ნამცვირს, ნა̈შიხვ-ნა̈გტურა-ნაცხულს"
Line of edition: 5 ი ჩი̄ ამკა̈ლიბს, მა̄̈ჲ შგვირ ხათმϩნდა მა̄რა. მა̄რა ლახ გუისგა მო̄მ ხედოლ შგვირი
Line of edition: 6 ლიტხჲე̄ლი, ე̄ში უმბილდ ხა̄დ ალა ლეჩვმე, ადო ეჩნურ ობა̈შინ შგურშვ ჰა̈დურდ
Line of edition: 7 ყო̄რქა ლაჴა̈დ მა̄მ ხა̄დ. ამღა ჩი ნუკვი ჴერჴს იჴმა̈რდა, ერე შგვირ ქა იმჟი̄ნ (მოშ)
Line of edition: 8 ლოხვტიხჲე̄ლე̄ნს, უფგოშ ი̄რო̄ლ, ა ჟღაირდ, ეჯა მა̄მ ნა̈ხუმსა̈რ ლა̈სვ. Line of edition: 9 ზურა̄ლხა̈ნქა ლახ ხათϩმდა მა̄რა შგვირ, ეჩქას ზურალს და̄̈რ ხა̈ჩომდა ი დე̄ჲ
Line of edition: 10 იშგდა ჲა̈რ ეჩი̄ ლიტხჲე̄ლს, ეჩϩ̄ნქა ჰარა̈კდ არდა: "ზურა̄ლს ჲორი თხვიმ ხა̄რ: ლამ ვარ
Line of edition: 11 ი ლა̈მთილ ი ეჯას ესერ ჲორი ხაყა მϩთხე̄ლი ი მეწე̄ნა̄̈ლ". Line of edition: 12 დე̄ჲ მეჩის ი ბეფშვს ხა̈ჩომდა მა̄რე. ეჩϩნქა მიჩა ხოლე̄მი მუჩვემს, ეჩი̄ ლახვბას
Line of edition: 13 ი გუნ სგახიქა̄̈ ნა̄̈თის და̄̈ს აზა̄რა ხოლე̄მი ლეჩომდ, ეჯღ' ე̄რე ეჯჲა̈რცახა̈ნ შგვირი
Line of edition: 14 ლიტხჲე̄ლი მიჩა შგვირს სგა ხეგო̄ლდა. Line of edition: 15 მუშვა̈ნს ლიდრა̄̈ლი შგვირი ლიტხჲე̄ლი უფგო̄ვში̄ ხემთქვა̄̈ნ, მარ'ე̄ჯჟი̄ნ ერე
Line of edition: 16 ჩი̄ ჟ'ოხვმეჴრე̄ნს. Line of edition: 17 ლუზორისგა ლახე ირდო̄ლ ლედრა̄̈ლ მა̄რე ი თხუმთე თე მა̄მ ხეღვა̄̈ნო̄̈ლ,
Line of edition: 18 ეჩქას მედრა̄̈ლ მა̄რე სგა ხექა̄ლო̄ლდა ღვეშგიმხა̈ნ ი უფგოვშ ხატყა̈ცდა ხანჯა̈რ
Line of edition: 19 ი̄რო̄ლ, მიჯვრა ჲა ფაუ ი ეჩქას შიშდ ლა̄ტვთე ღϩრდა. Line of edition: 20 ქორ ლახე მო̄მ ხა̄დ ფე̄დიას, ეჩქას ნა̄̈თითე̄სგა ღϩრდა, ყო̄რა̈რს ქა ხოდა̄̈ლდახ
Line of edition: 21 ი ეჩეჩუ̄ნ არდა, ოდე ჩუ დო იშა̄რდო̄ლხ ლეყერი ი მიჩა მეწე. Line of edition: 22 დაგრა ლახე ხეკვა̄̈დ, ეჩქას მϩ̄დგა̈რი ლედგა̈რის ჩუ ხოდრა̈ჯდა ჲედ შუკვე ფე̄დიას
Line of edition: 23 ცხეკისგა, ჲედ მეზგე̄მი უკცვირ ქორისგა ი̄რო̄ლ ა მურყვამისგა, მა̄დეი იშგნა̄̈გ,
Line of edition: 24 ლედრა̄̈ლს მა̄მ ხოხალდა ამი̄შ ი ესღϩრდა მიჩა შუკვს, მედრა̄̈ლ ლადრა̈ჯხა̈ნქა
Line of edition: 25 თვეფს ხა̈ჴდა ი ჩვადგა̈რდა მა̄რა, ეჩქანღო ღϩ̄რდა ლაჭმუშ ლეწვრი̄ საფლა̈ვთეჟი̄ნ
Line of edition: 26 ი ეჩეჩუნ თვეფს აკვა̄ნა, ამნუვშ ლϩდგა̈რს ჟი ხა̈მჴა̄̈რვნა ი ეჯ'ე̄სერ ლუწვერ
Line of edition: 27 ლი. Line of edition: 28 ამჟი̄ნ იშგან შგვირი ლა̈ტხჲა̄ლჟი̄ნი ხედრა̄ლ მედრა̄̈ლ მიჩა ლეჲმა̈ხვს, ოდე
Line of edition: 29 შგვირს ქა დო იტხია̄ლდა მა̄რე, ეჩქად ჩი ნუკვჟი̄ნ ხედრა̄ლდა მედრა̄̈ლ ი კუმა̈შსი
Line of edition: 30 დე̄მ აზა̄რა. Line of edition: 31
ლენჯა̄̈რ Добавлено (2007-06-07, 6:24 Pm)
---------------------------------------------
Text: 46
Page of edition: 45
Line of edition: 32
46. ლიწვრი Line of edition: 33 მა̄რა ლახე მა̄რე ხოლა̄მდ ჩვაქჩენი ლადგა̈რჲაშვ თოფშვ ი მა̄დეი იშგან
Line of edition: 34 ნახოშ, ლϩქა̈ჩს ჩვაყვნეხ ქორს. მა̄̈ნკვი ზურალა̄̈რ ლიკი̄ლჲე̄ლს ასყე̄ნეხ ი ლიწრა̄̈ლს
Line of edition: 35 ი ლიზϩრზეს ხობნეხ მϩქჩენის ი მიჩა ქორს ი სამხუბს. ღვაჟა̈რ თხვიმნა̈კუშ
Line of edition: 36 ჩუ სგურხ. ამჟი̄ნ მესვფელა̄ჲ ჴედნიხ კილ ლა̈კვჰათე. სგა ხაქორქოცახ მა̈გ ლეგ
Line of edition: 37 მერდა ლϩქა̈ჩს. აშხუნღო ჩუ იდა̄̈წყი მა̈გ ი ჩუ ისგვრიხ. ლϩქა̈ჩცახა̈ნ ერხი გარ
Line of edition: 38 სგურხ. ჯვინალდ შიშდ ა̈ქიმს ჴიდა მა̈გ. ეჯა ჟი იწვე̄ნა ლϩქა̈ჩს, ჩუ ხოლჯა̈შდა, ეჩქანღო
Line of edition: 39 ლიღვჭარა̄̈ლს ხობნა მეზგა. მა̄̈ნკვი ხეჭიჭდ აშხვ ქვილϩმგენ'ა̄̈ჲა̄̈სგი, ლახე
Line of edition: 40 ჟ'ანხოჩვი, ეჩქას იშგენ ფა̈ს ხა̄რ ლეჰვდი. ჩი ლე̄თ მϩლგენიდ გვეში ლი ქორ. ერ
Line of edition: 41 იცგϩ̄ნა̄̈ლ, ერ ჭუ̄ნირს აშმე, ერ ჩა̈ნგს აშმე, ერ იმჟი̄ნ ისდუნე ლეგდ მერდა ი ერ
Line of edition: 42 იმჟი̄ნ. ღვეშგმეპილი დვრევ ხოჴდენი ლϩქა̈ჩს, ეჩქას ჩვაშგვრა̄ნე მიჩა ლეშგვრა̄ნა,
Page of edition: 46 Line of edition: 1 ერე: "ჯ' ე̄სერ უწვრად ნომა̄ვ აცვირხ". ეჩქანღო იბნე ლიქუ̄ნავა̄̈ლს ი ჩუ ღალ
Line of edition: 2 იდგა̈რი. ლϩდგა̈რს ვიშკ-პილს ჩუ ხონჭუ̄რეხ, ეჩქას ზურალა̄̈რ ლიკი̄ლჲე̄ლს ი ლიტფუ̄რა̄̈ლს
Line of edition: 3 იბნეხ ი ღვაჟა̈რ -- ლიგვა̈ნეს. ერხი გუნ სგახი̄შ ზურა̄ლ ყაბა̈ ნა̈თსა̈ვს დე̄მის
Line of edition: 4 იცვრე, ეჩჟი̄ნ იტფუ̄რე ჩი̄ ჩუ. მე̄რმა ლადა̈ღ ჴედნი მა̈გ მესვფელ ლაგვა̄̈ნათე.
Line of edition: 5 სოფელისგა ზურა̄ლ ი ღვეჟმა̄რე და̄̈რ სედნი ლϩდგა̈რი ჩუ უგვა̄̈ნად. ქორა̈ ღვაჟა̈რ
Line of edition: 6 ფაყვა̈რს დე̄მის იკედხ ლაგვა̄̈ნაჟი̄ნ ი ლაშდიღვჟი̄ნ. ალ' ე̄ჩი̄ ლა̈ნშა̈ნ ლ', ე̄რე
Line of edition: 7 ღვაჟა̈რ შგურა̄̈ლ ლიხ ი ოდე დო ჩვა̈დწორეხ მინე ლϩ̄დგა̈რს, ეჩქად ფაყვა̈რს
Line of edition: 8 დე̄მის იკედხ ი დე̄ჲ ხა̄რხ ჩუ ლაკა̈დ, ადო ეჩქას აჯაღ ხოშა̄მ ხენტრა̄̈ლხ მა̈გ. ქალაცვა̄ლი
Line of edition: 9 დე̄შა ხა̄რხ, ადო ლაცვა̄ლჟი შიშდ უწვრა-უთხე̄ლას ხეწრა̄̈ლხ მა̈გ. ქა იმვა̄̈თე
Line of edition: 10 ღϩრიხ, ჩიჲა̄̈გ ნახე ხა̄̈ბხ: "ნო̄თავ ესერ ა̈ნდარეხ ჲა̈რ ლედგა̈რიდ მინე მϩდგა̈რი
Line of edition: 11 ნა̄̈თჲა̈რ ". Line of edition: 12 ლϩდგა̈რს ჩვაშდღვიხ, ეჩქას ლϩდგა̈რი მაშე̄ნე ძირიშ (გეზალ ი ჲედ მუხვბე)
Line of edition: 13 საფლა̈ვჟი̄ნ ლაწვრია̈ თვეფს აკვა̄ნე, ეჩქანღო ლაშდღვა̈ლს იჩომ ი სოფელს ეჩჟი̄ნ
Line of edition: 14 ფიშვდე. Line of edition: 15 მა̄როშ ნადგარვ მა̈გ ჩუ მა̄მა იწვრი. ერხის ხოჩა მა̄რა̄̈ლ ხეზელა̄̈ლხ უშხვა̄რ
Line of edition: 16 ნე̄სგა ი ჩვასყე̄ნეხ ლედგა̈რი̄შ ი მϩდგა̈რი̄ ქორშა̈რს ი ნა̄̈თჲა̈რს. ლაწვერთე ლახე
Line of edition: 17 ჲა̈რ ღϩრიხ, ეჩქას ქორშა̈რს მეხვბარა̈რ ი ლა̈დჲა̈რხანი სგახი̄ ნა̄̈თჲარი̄ ხონჴრიხ მო
Line of edition: 18 შიყდ. ლახე ლედგა̈რიდ ჲა̈ს მოშ იკვა̄ნეხ ჲედ მϩდგა̈რის, მა̄დეჲ ეჩი̄ ქორშა̈რს, ეჩ
Line of edition: 19 ქას თვეფ ხაკუჩ ერე ქორა̈ სგახი̄შდ ხაჴϩდეს ლედგა̈რის. სგახი̄შ ლიხ ჲედ გეზალ
Line of edition: 20 ი ჲედ მუხვბე, მე̄რმა̄̈ლ მოშიყდ ხონჴრიხ, ლახე ნაწორუნღო ლედგა̈რი̄ ქორშა̈რ ი
Line of edition: 21 ნა̄̈თჲა̈რ ფა̄და̈სშვ ა̈ხღვეჭნიხ, ეჩქას ეჯჲა̈რე მუვჩენი ლიხ ი ღვეშგდ მϩტხე. ლაწ
Line of edition: 22 ვერჟი̄ნ სგა უფგოვშ ხეჴვსგენიხ ლედგა̈რის ი თვეფს ხატყციხ, ეჩქანღო ლა̄ტვთე
Line of edition: 23 ყერხ. ლაყა̄̈რჲა̄ლისგა̄ჲ ამჟი̄ნ იჩოხ. ერვა̄̈ჲ ლეყერ ხა̄რხ, ეჯას სგა ხეჴვსგენიხ, ჟი
Line of edition: 24 ხატყციხ ღვეშგიმხა̈ნ ჲედ ფაუს, ჲედ მიჯვრას ი ჲედ ხანჯა̈რს ი ეჩქანღო ლა̄ტვთე
Line of edition: 25 ყერხ. ლეყერს მუზვი ჩვაზვენი ი მϩყერ ხოშა ლაღა̈ლ ჰა̈დვირდ ღϩრი ქორთე, მარე
Line of edition: 26 ეჩეჩუ̄ნ ლუზრობ ლახე ლი, ნა̄̈თია̈რ ხეტხენიხ უშხვა̄რ მϩყერიშ ი ლეყერიშ
Line of edition: 27 ი ძღϩდ ქაჩა̄რობ ხეფსი. ფიშრა̄მინ თვით ეშდ, მა̄დეი ხოშა იჩქო̄ლდა ეჩხა̄ვ-ამხა̄ვ
Line of edition: 28 ი ეჩქანღო დაგრობ ხეფსო̄ლდა. Line of edition: 29 მუწვრა ა̈გითე შვიდებდ ჴედნიხ, ეჩქას მინე ლეწვრი̄ საფლა̈ვჟი̄ნ თოფა̈რს აკ
Line of edition: 30 ვა̄ნეხ. ჯვინალდ ხეჯრავა̄̈ნხ, ერე ალ თოფრე ჰერ ესერ საფლა̈ვთე̄სგა სგა ხესმი ლეწვრის
Line of edition: 31 ი ეჩქანღვ' ე̄სერ გარ ოხგა̈დ რϩჰიისგა ლირდე, ადო ექად ესერ მუბვირისგა
Line of edition: 32 გარ ა̈რი შდა̄შვ. ეჩქანღო სგა ჴედნიხ ქორთე, სგახიქა̄̈ ნა̄̈თია̈რს ქ'ა̄̈წსიხ ი
Line of edition: 33 ლა̈ხჲადა̄ლს იჩოხ. Line of edition: 34
მესტია Добавлено (2007-06-07, 6:24 Pm)
---------------------------------------------
Text: 47
Page of edition: 46
Line of edition: 35
47. ლაღლია̈შ ჩუქვა̄ნისგა კა̄მი ლიბემ Line of edition: 36 შვა̈ნს ლახე მა გვეშ ხაჭკϩ̄რე̄ნა ჯვინალდ საჴა̈ვ გოშა̈რ, ეჩქას მესტიას ლϩმნა̈
Line of edition: 37 ზო̄რო̄ლნიხ ჟი. ეჩეჩუ̄ნ სეტისგა ქა ხა̈ქვცინახ შვანე გოშა̈რს. შვანისგა, ბა̄̈ლϩნ
Line of edition: 38 ჟი̄ნ ადეთდ ლეცვრად მა̄̈ჲ ხაკფე̄ნახ, ეჯასი ეჩე ხა̈ქვცინახ ქა. Line of edition: 39 მუხვბე ღალ ესვა̄̈ჲ უმბილდ ხადგარო̄ლნა სგა, ეჯას ხაკუჩ ერე ლაღლია̈შ ჩუქ
Line of edition: 40 ქვა̄ნისგა ეშდჲერუ კა ლოხვბე̄ნს ი ეჩნოვშ ლϩმზელა̄̈ლნე̄ლესვ მიჩა ლϩ̄ჲარობჟი̄ნ.
Line of edition: 41 ესვა̄̈ჲ ალ კა̄რა̈რ ხა̈წბე̄ნა, ეჩი̄ გვა̈რიშხა̈ნქა სამ მა̄რა გარ ხა̈შდე̄ნა ლუზორისგა ჩუ ლისგვრე
Line of edition: 42 ლაშდღვა̄ლობჟი̄ნ, ღϩნჟი̄ნ ი ამკა̈ლიბჟი̄ნ. იშგან და̄̈ს ლϩმთილვინ სოფელ
Page of edition: 47 Line of edition: 1 ლუზორთე̄სგა. ლახვბა ჯვინალდ უშხვა̄რ ხაღე̄შგა̄ლახ ლა̈ხხვას. ერვა̄̈ჲ მიჩა მუხვბა
Line of edition: 2 ხახვ ქა ხაღე̄შგა̄ლა, ეჯას ხაკუჩ ერე მიჩა ლეჴმა̈რი̄ ხϩნსგა ქა ლოჰოდე̄ნს მიჩა
Line of edition: 3 მუხვბად ხეხვი ნაღე̄შგა̄ლვიე̄რ. ეჩზუმ ძნელდ ხა̈გვდირნახ ხეხვმი ლიღის. Line of edition: 4 ამჟი̄ნ ლϩმა̈რ შვანე ლიმო̄როვ მესტიას. Line of edition: 5
მესტია Добавлено (2007-06-07, 6:25 Pm)
---------------------------------------------
Text: 48
Page of edition: 47
Line of edition: 6
48. პანშვირ Line of edition: 7 პანშვირს ხოჩა მეზგე ი ჲედ ხოჩა ბედიშ ხეხვ-ჭა̈შ ლუხორშა̄ლ ჟახაღა ი ლიმ
Line of edition: 8 ზϩრღა იჩომდახ. შომვა̄̈იშდ პანშვირს ხემურჯა̄ლხ, ეჩქა̄̈შიშდ ჴანა̈რს ა̈ჲსენდახ,
Line of edition: 9 ოშვა̄̈ჲ ხეკფო̄ლხ, ეჩშელდს, ლეჰრა̈ყის ჩვაჰრა̈ყდახ. ლაღობ ლახ ხო̄გა̈ნხ. თვის
Line of edition: 10 ამა̄რახ რა̈ნგია̄ქდ, ფექს ლენყად ჟ'ამა̄რახ ი თა̈შს ჟ'ანზო̄რახ ამ ლა̈დღიშდ. ქორ
Line of edition: 11 ლახე იჩომდა, ქორა̈შ ლა̈სვ ალა მა̈გ, ლახე ეშხვი ბა̈რგ გარ იჩომდა, ეჩქას ქორ
Line of edition: 12 ზექ-მუგვა̈ლϩ̄ნქა დე̄მგვაშ ხა̈წვა̈ნდა ი მა̈გ ლეთხუმდ ხა̄დხ ლემა̄რე მუჩვემ ხეხვ
Line of edition: 13 ჭა̈შს. პანშვირ ლადა̈ღ სგვებნა̄ვ ჴანრეშ ი ხამრე მϩჲსენის ა̈წიჰდახ. ალჲა̈რს ჰარა̈ყს
Line of edition: 14 ხათრახ, ეჩქანღო ჟი ხა̈მზϩრდახ ჴანა̈რს პანშვრი (\\ პანშური) მუჩვემი ნა̈შდობა
Line of edition: 15 ხან ი ეჩქანღო ჩვა̈ჲსენდახ, ჩვაშდბუნახ, ჩვაკა̄̈დდახ ი სგა ხაგა̈მდახ კარდლა̈რთე̄
Line of edition: 16 სგა. კარდლა̈რ ქა̄მენჩუ̄ნ ლϩ̄გა̈ნხ კალვისგა, ადო ქორისგა დეშ სკϩ̄დენხ. ზურალა̄̈რს
Line of edition: 17 ხოშა ქაბბა̈რ ქა მϩნა̈ყ ხა̄დხ სგვებნა̄ვ ი ნეცინ დიჲა̈რს გარ ანყახ ი ნეცვნი̄რს
Line of edition: 18 ამა̄რახ ტაბგა̈რჟი̄ნა̈შდ. ეჩϩნქა მა̄̈ნკვი̄ ლენცლობჟი̄ნა̈შდ კუბდϩ̄რა̈რს ანყახ ი ქა
Line of edition: 19 მϩ̄ჭანღო ქორშა̈რ, ზა̈რვლა̈რ ი წϩდჲა̈რ ჩუ იდჲარა̄ლხ. ნა̈დჲარობენ მϩტსϩნϩ̄რას
Line of edition: 20 ხოთო̄ნახ სოფელთე ი ეშვა̄̈ჲ ლიწსი ხაკფϩნხ მეზგა, ეჯჲა̈რს ქ'ა̄̈წიჰდა. ნა̈ბზა̈ დვრ
Line of edition: 21 ევთე მა̈გ ჴედენდა ლϩწსე. ლემა̄რთიე ჟი ლϩმა̄რე ლა̈სვ მა̈გ, ტაბგა̈რს ქ'ა̄და̄წყაუშ
Line of edition: 22 ლეღვა̈რს ქორთ'ა̄̈ჲა̄̈სგდახ, ლა̈ჲსა̄ლე თხუმა̈რს სპა̈ნქ'ა̄ჭარვახ ი ლეტვრა̄̈ლს ხალწ
Line of edition: 23 ენდახ მუჭვა̈რჟი̄ნ. ამ დვრევჟი̄ნ ჯვინელ ლუშნუ ბაპა̈რი ჴედენდახ, პანშვრი მუჩვემ
Line of edition: 24 სგა ხესგვრო̄ლდახ ტაბა̈გს. ბაპა̈რ ეშდჲო̄რი ღეთ ლა̈სვხ აშხვჟი̄ნ. იჭა̄რვო̄ლდახ
Line of edition: 25 ქა, იბნახ ქვინი უხვა̄ნტად ზეპრი ლიყლეს. იმ დო ყϩლახ, მა̄მ ხოხალდახ მინსი̄.
Line of edition: 26 ეჩქანღო ხა̈ლხ ჩუ ისგვრო̄ლდა ქა̄̈მ, თვით ხოშა̄მ დიჲა̈რს ი ლემზϩრა̈რს ხოდა̄̈სგ
Line of edition: 27 დახ ი ეჩეჟი̄ნ ლაგფა̈რს ლეღვიშ. ჰარა̈ყ ი რა̈ნგ იმვა̄̈ჲჟი ჲა̈ს ხეკვა̈დ, ეჩჟი̄ნ ხუღ
Line of edition: 28 ვა̄̈ნდა ჩი. ნა̈ბოზს ნამსა̈დვს მა̈გ კალთა̈ჲს იჭვე̄ნდა ი ა̈გითე ღϩრდახ. Line of edition: 29
მესტია Добавлено (2007-06-07, 6:25 Pm)
---------------------------------------------
Text: 49
Page of edition: 47
Line of edition: 30
49. ჯგϩრა̄̈გ ხოლა̄მ ბϩნბი მაშედ ლი Line of edition: 31 დიდა̈ბი ლეჴედ ჯგϩრა̄̈გს ხოშა̄მ ღე̄რბათვხა̈ნქა ჩი̄მი ლიმშედა̄ლე ჴამშა როქვ
Line of edition: 32 ხუღვე ამსვალდა̈ ბედჟი̄ნ. Line of edition: 33 ჯგϩრა̄̈გ გზა̄̈ვრს, ლა̈თხვარჟი̄ნ, ლა̈ლგიმა̄ლჟი̄ნ ი იშგან მაწϩხჟი̄ნ -- ჩიგარ გა̈ნხა̈ნ
Line of edition: 34 როქვ ხა̄გ მიჩა მეჴϩ̄რა̄̈ლს. Line of edition: 35 ამϩნქ' ა̄ჯაღ ამსვა̄ლდ ლახე ღალ თხე̄რე̄მიშ ი ჲედ წელი ლეღვშ მა̈ბზა̄̈რ ლი
Line of edition: 36 (ალა ხაჟხა, ლახე მა̄რა ხოლა ბϩნა̈ბ ხოჴდენ' ე̄ჯას, ამი̄ ჟახე̄მი ლი̄ქვი̄სგ ჩიგარ მა̄დ
Line of edition: 37 როქვ შიდ), ეჩქას ამკა̈ლიბი ლიშედ ი ლიხვჩევი დიდა̈ბი ლეჴედ ჯგϩრა̄̈გს გარ როქვ
Line of edition: 38 ხობიც. Line of edition: 39 მა̄რა ლახე ხოლა ბϩნა̈ბ ხოჴდენ'ე̄ჩქას ეჯა მა̄̈ნკვი იზურჲე̄ლ ი, ჩუ მა̄მ ხოხალ,
Line of edition: 40 ეჩხა̄ვ ლი̄ზი ხაკუჩ, მარე ეჯას და̄̈რ ხა̈მბე ი აზვი მა̈გ, ლახე ჟი ჲა̈რ ხელა̈კ. ხოლა̄მ
Line of edition: 41 ბϩნბუვა̄̈რს ჴამშოვშ ჩვა̈ყვნე მა̈გ, ხობთქუნეხ სგვებინჩუ̄ნ ჟა̈გს ი გოგირს ხოტუ̄სეხ.
Page of edition: 48 Line of edition: 1 ალ მა̄რა ხეტვი̄ლჲე̄ლხ:"გიორგი, გიორგი! სტა̄რვინ ჩვემნ, ჯგϩრა̄̈გ სი ლა̄მ
Line of edition: 2 ეშდ რე̄ქა". ლეგმერდა ამკა̈ლიბჟი̄ნ ჟახა და̄̈რ ხაყლე ი გიორგის გარ ხეტვი̄ლჲე̄ლხ,
Line of edition: 3 ეჯღ'ე̄რე მა̈ნკვი მა̈დილშვ გვეში ჯგϩრა̄̈გს გიორგი ჟაჟხე̄ნა. ლეგდ მერდა ჟა̈გი ლიბ
Line of edition: 4 თქვნეშ ი გოგრი ლიტუ̄სენქა ესვა̄̈ჲ ლიჭვდი ხოხალ, ეჯა ლიჭვდის ხობნე ხოლა̄მ
Line of edition: 5 ბϩნა̈ბხა̈ნ. ლაჭვედჟი̄ნ ქა მეკვჰა დაშნა̈ჲს ა̈ჲე̄სგი ი ეჯა ხუღვე შია̈რისგა. ნაჭოდუნ
Line of edition: 6 ღო ჯგϩრა̄̈გ ჩუ ხაშიდ ლეგდ მერდა ი ბაჟდ როქვ ჴედნ'ე̄ჩქას სტა̄რვინს იჩო ი
Line of edition: 7 ყϩ̄ლე: "ჯგϩ̄რა̄̈გ, სი ლა̄მეშდ მა̈ლდია̈ნ! ხოჩე̄მი ბაჟ გარ ლა̄მო ი ისგუ მეფშვდე ჟე
Line of edition: 8 ღა̈რ ქა̄მქა̄ბვინ მა̈დილშვ გვეში სი მა̈ლდია̈ნ! მა̈ჲ ჯარ მიშგვი ცოდ?! " Line of edition: 9
ლენჯა̄̈რ |
| |
| | |
|
Мужчина |
Date: Четверг, 2007-06-07, 6:29 PM | Message # 13 |
|
Group: Модераторы
Posts: 990
Status:Offline
Дата регистрации:
2006-08-29 |
Text: 50
Page of edition: 48
Line of edition: 10
50. ლ ხობდავდ' ა̄ლ მ Line of edition: 11 ლანგზა̄რვალჟი̄ნ ღალ ლაქვე̄თ ხეტყვფენდა მა̄რა, ეჯღ'ე̄რე კუ̄ლი̄ შარბრა̈ლ
Line of edition: 12 ხა̄სდა̈ნ ჩი ი ეჩი̄ ნახჯϩნვ ჟი ხა̈ტყვფა მა̄რა ლაქვე̄თს. ეჩი̄ ჟაგრა̈რდ ნაცმუნ ხუღ
Line of edition: 13 ვა̄̈ნ ჩი̄ ი ეჯას იცვმენდა მა̈გ, მა̄დეი ბირღვს იშდა ღალ მა̈გ ნატყვა̈ფჟი̄ნ. ეჩϩ̄ნქა ლი
Line of edition: 14 ნთვისგა ლეჭბი ლახე ლა̈სვ, ავჟანდა̄̈რ ჟი ხექვცუ̄რო̄ლდა მა̄რა ი შალბა̈რ ჟი ხეხ
Line of edition: 15 ი̄ლწო̄ლდა ჟიბა̄ვ მა̄რა ი ჩუ იშხუ̄რო̄ლდა. Line of edition: 16
მესტია Добавлено (2007-06-07, 6:26 Pm)
---------------------------------------------
Text: 51
Page of edition: 48
Line of edition: 17
51. ლალთარა̈ლ Line of edition: 18 1. ხოჩე̄მიშ ი ხოლე̄მი ლალთარა̈ლ: ჴავიჩ ლახე ლერთანხა̈ნ
Line of edition: 19 ხობნე მა̄რა ლიჴϩრჩϩნის, ეჯა ხოლა ნიშა̈ნ როქვ ლი. Line of edition: 20 შუკვჟი̄ნ ლახე კვინჩ ლერთან ფოყხა̈ნ ხაჭვე̄ჭე მა̄რა, ეჯა ხოლე̄მი ნიშა̈ნ როქვ
Line of edition: 21 ლი. Line of edition: 22 ლამბვა̄ლჟი̄ნ ლახე მა̄რა ნექჭა ხახე̄რი, ეჯ' ე̄ჩი̄ ლა̈ნშა̈ნ როქვ ლ', ე̄რე ტკიცს
Line of edition: 23 ყϩლე ი ამჟი̄ნ ტუ̄ლიხ: "მეჴა̈რ ემწა̈დ! " Line of edition: 24 შუკვს ლა̄ზჟი მა̄̈ნკვი ლახე ხოლა მეხვიე მა̄რე ხეხო̄ლი მა̄რა, მასტუ̄ნა როქვ
Line of edition: 25 ხოხალ ეჯ ლა̈დღიშდ. ამკა̈ლიბ მა̄რა̄̈ლ ქა თერახ სოფელისგა ი ეჯჲა̈რს სგა და̄̈რ
Line of edition: 26 ხეხო̄ლი. Line of edition: 27 ლა̈ჲმახვა̄ლთე ი ჲედ შუკვს ლახ ესხრი მა̄რე ი ლაღლა̈ბ ხოშყდენი, სურუ ხო
Line of edition: 28 ლა როქვ ლი. Line of edition: 29 ქვინლϩმგენე ლახე სგვებინისგა მა̄რა ლიყუ̄ლის ხობნე, ეჯას ნა̄̈თი̄ დაგრა
Line of edition: 30 როქვ ხოხა. Line of edition: 31 ქათალ ლახე მამვლი გუვა̈რდ იბნე ლიყლეს, ეჯას აშხვ ზავისგა ქორისგა̄̈ ხო
Line of edition: 32 ლა როქვ ხოხა (\\ ხოხალ). Line of edition: 33 ხოლა ნა̈სგიდვ ესვა̄̈ჲ ხა̄რ, ეჩი̄ ნა̈სგიდვ შიშდ გვის ი გუჩვენჩხს როქვ ხა̈ფხ
Line of edition: 34 ჭი მა̄რა. Line of edition: 35 ჴავიჩ ლახე ლერსგვანხა̈ნ ხაჴϩრჩϩნი მა̄რა, ეჯა ხოჩე̄მი ლა̈ნშა̈ნ როქვ ლი.
Line of edition: 36 ურწყულჟი̄ნა̈ ლიმზϩრ ლახე ხექდი მეზგა, ეშხვუ მა̄რე ლეგდ როქვ ირდვნი
Line of edition: 37 ეჯ მეზგაისგა. Line of edition: 38 ი̄ცნავშ ლახე ზისხ ჯეწვრი მა̄რა, ეჯა ხოჩა როქვ ლი -- მე̄რმა ლადღა̈რს კუმ
Line of edition: 39 ა̈შს როქვ ხეთხნი. Line of edition: 40 შდϩმრ/ლა̈რ ლახ ხოკი̄ლიხ მა̄რა, ესვა̄ლე̄მი დაგრა როქვ ხოხალ სოფელისგა.
Line of edition: 41 ლერსგვენ თა̄ლა̄ფა ლახე ხოქვთა̈ნ მა̄რა, ნა̄̈თი̄ ხოჩე̄მი ლიკვჰე როქვ ხოხა.
Page of edition: 49 Line of edition: 1 ლერთენ თა̄ლა̄ფა ლახე ხოქვთა̈ნ მა̄რა, ხოლა მირ როქვ იკვიჰი სოფელისგა.
Line of edition: 2 ხოჩა ნალხვიჲ ესვა̄̈ჲ ხა̄რ ი ეჯა ლახე მა̄̈ნკვი ლა̈ჯხო̄ლი, ეჯ ლადა̈ღ ხოჩა ტარეს
Line of edition: 3 როქვ ჯარ. Line of edition: 4 კა̈ვჟი̄ნ ლახე ჩა̈ნგ უმზა̈ზდ ლიღϩ̄ლის იბნე, ხოლე̄მი ნიშა̈ნ როქვ ლი. Line of edition: 5 უწვე̄ნა̄̈ ლა̈თვფაჟი̄ნ მე̄რმა მა̄რე̄მი ლიტუ̄ლი აშთა̄რაღდ, ხოლა როქვ ლი.
Line of edition: 6 ლაყვრაისგა ლახე ფოყ ჟი ხესპი მა̄რა, ეჯ ქორისგა ლირდეს როქვ მა̄მ ხაყა
Line of edition: 7 იშეშდ. Line of edition: 8 ი̄ცნავშ შდიქი ლიშყედს ჲედ ნა̄̈თი̄ დაგრა ხოხალ ი მა̄დეი̄ -- კვა̈დ ქორისგა. Line of edition: 9 ლაჴვმი მა̄რე̄მი ნაჭათვ აშთა̄რაღდ ხოლა ხა̄რ ლეჭვღუნა მა̄რა. Line of edition: 10 ჟეღ ლახე ლასგვრათე̄სგა ლა̈ხსე̄ნი მა̄რა, ეჩას აშთარაზდ შგვირ როქვ ხოხალ. Line of edition: 11 გზა̄̈ვრს ლახე კუნჩა̈რ ლერსგვან ფოყხა̈ნ ხა̈ჭვე̄ჭეხ, ეჩას ხოჩა გზა̄ვრობ როქვ
Line of edition: 12 ხოხალ. Добавлено (2007-06-07, 6:26 Pm)
---------------------------------------------
Text: 51a
Page of edition: 49
Line of edition: 13
ა Line of edition: 14 2. და̈რიშ ი ჰა̄ვდრი ლალთა̈რ: ნა̈ბოზთე ლახე დეცე ლა̄̈რტყ
Line of edition: 15 ხეწდენი, ეჯ' ე̄ჩი̄ ლა̈ნშა̈ნ ლ', ე̄რე მე̄რმა ლადა̈ღ ჩუ იჰა̄ვდა̈რ.
Line of edition: 16 ჰამუნღვე̄ ნა̈ბოზდ ლახე უჩხე ი ნა̈ბოზთე მიჟ ხეწდენი, ეჯას მე̄რმა ლა̈დღი
Line of edition: 17 ჰა̄ვდა̈რ ხოხა. Line of edition: 18 ბიქვ ლახე ლექვა̄̈ნისგა ლი ი მე̄რა̄̈ლ ლეჟ' ე̄სღვა, მე̄რმა ლადა̈ღ ჰა̄ვდა̈რ ხოხალ.
Line of edition: 19 ნა̈ბოზს ლახ მე̄ფხე ლი ი ანტყვასგა̈რ მეწდანღო დეცს მა̈რჴიმ ხეჭვდე̄ნი, ეჩას
Line of edition: 20 ჰა̄ვდა̈რ ხოხა. Line of edition: 21 თვეთნϩლდს ი ლა̈კვრას ნა̈ბოზს ლახ კა̈ცხჟი მე̄რე̄მი ლაჩქა̈რ ხა̄გხ, მეჰა̄ვდარ ლი.
Line of edition: 22 ლამϩჟხა̈ნ ლახე მე̄რა̄̈ლ ლაშგედთე ანღრიხ, ეჯა ჰა̄ვდრი ლა̈ნშა̈ნ ლი.
Line of edition: 23 მϩჟა̄̈რჟი̄ნ ქათლა̈რ ლახე იზსყულა̄̈ლხ, ჰა̄ვდრი ლა̈ნშა̈ნდ ლი ლϩცხირ.
Line of edition: 24 ხამა̈რ ლახე ლალდა̈ღხა̈ნ ლაჭმუშ ანღრიხ, ეჯას ჩუ ლიჰა̄ვდა̈რ ხოხალ.
Line of edition: 25 გოჭა̈რ ლახე კაჩუქვა̄ნთე ითჲა̄̈ლხ ი ხოლა ლეშდნა̄̈ნი ლიხ, ეჯა მეჰა̄ვდა̈რ ლი.
Line of edition: 26 მა̄რა ლახე ლადაღვშ უმზა̈ზვდ ხა̈გდი ი ხა̈ქშია̄ლვნე, ჰა̄ვდრი ლა̈ნშა̈ნ ლი.
Line of edition: 27 ყვე̄დი ლე̄თ ი ჩუხიქა სგელდ ლიმე̄რა̄̈ლ ეჯ ლე̄თი ჰა̄ვდრი ლა̈ნშა̈ნ ლი.
Line of edition: 28 მუჟჴვარი̄ლ ლახ "ჭვი̄ბა-ჭვი̄ბას" ტუ̄ლი, ეჯაჲ ჰა̄ვდრი ლა̈ნშა̈ნ ლი.
Line of edition: 29 ნა̈ბოზს ლახე მაზვა̈ბ ლიც ტებდი ლი, ეჯას მე̄რმა ლა̈დღი ლიჰა̄ვდარ ხოხა,
Line of edition: 30 ლემასგვ ლახე სურუ ნა̈ჲთვი ხუღვე, ეჯა ჰა̄ვდრი ლა̈ნშა̈ნდ იცხრი.
Line of edition: 31 ნა̈ბოზს ლახე ლიც მϩცხი ლი, ეჯა მე̄რმა ლა̈დღიშდ ხოჩა̄მ და̈რი ლა̈ნშა̈ნ ლი.
Line of edition: 32 მაშე̄ნე კϩლთხი ზაგრა̈რ ლახე წყϩლჲა̈ნ ლიხ. ეჯას მე̄რმა ლა̈დღი და̈რ ხოხა.
Line of edition: 33 კერა̈ჲს ლახე სგვებინქა კვა̈მ მო̄მ ხეცვმი, მე̄რმა ლა̈დღი და̈რ ხოხა.
Line of edition: 34 ჰა̈ნწი მუღუ̄ლა̈რ ლახე ნა̈ბოზს იბღვი̄ლჲე̄ლხ, ეჯა მეგვა̄ლა̄ლ ლი.
Line of edition: 35 ბიქვ ლახე ლეჟა̄̈ნისგა ლი, ეჯას მე̄რმა ლა̈დღი ხოჩა და̈რ ხოხალ.
Line of edition: 36 დეცჟი მე̄რა̄̈ლ ლახე ბიქურ ხოჩა̄მდ იყვლუ̄რა̄̈ლხ, ეჯას ქა ლიგვა̄ლა̄̈ლ ხოხა.
Line of edition: 37 ლა̄̈თშვ ლახე ზϩ̄სყა̈რ სურუს ხეჴფიხ მა̄რა, ეჯა ჰა̄ვდრი ლა̈ნშა̈ნ ლი.
Line of edition: 38 ჰამს ლახე ლეჟა̄̈ნისგა ქლა̈ვ ლი, ეჯ ლადა̈ღ ხოჩა და̈რ ხოხალ.
Line of edition: 39 მუჟჴვარი̄ლა̈რ ლახე "ტებე̄დი, ტებე̄დის" ტუ̄ლიხ, ეჯას გვა̄̈ლი ხოხალ. Line of edition: 40
მესტია-ლენჯა̄̈რ Добавлено (2007-06-07, 6:27 Pm)
---------------------------------------------
Text: 51b
Page of edition: 50
Line of edition: 1
ბ Line of edition: 2 და̈რს ი ჰა̄ვდა̈რს შვანა̈რ ნა̈პო̄ლა̈რხა̈ნქა, ქვინლϩმგენა̄̈ლხა̈ნქა, ლϩცხა̈ნქა, მϩცხიხა̈
Line of edition: 3 ნქა, ა̈თუხა̈ნქა, ზϩსყა̈რხა̈ნქა ი იშგახა̈ნქა იმჴერდახ მო̄შ-მო̄შდ.
Line of edition: 4 ლიც ლახე ნა̈ბოზს ტებდი ლი, ეჯას ჰა̄ვდა̈რ ხოხალ. ლახე მაზვა̈ბ ნა̈ბოზს
Line of edition: 5 მϩცხი ლი, ეჯას მე̄რმა ლადა̈ღ და̈რ ხოხალ. ლახე ლიც ნა̈ბოზს შϩლი, ეჯასი და̈რ
Line of edition: 6 ხოხალ. Line of edition: 7 ნა̈ბოზს ლახე ზϩსყა̈რ მასა̈რდ იჴა̄̈ფჲე̄ლხ ი გვა̈მიდ ა̈რიხ, ეჯას მე̄რმა ლადღი
Line of edition: 8 ჰა̄ვდა̈რ ხოხა. ქა̈რი მა̈ზგუვა̄̈რს ლახე ასვა̈რ ლა̄̈თშვ ხოშა̄მ ხოკვშეხ, ეჯას მე̄რმა ლა̈
Line of edition: 9 დღი ჰა̄ვდა̈რ ხოხა. ქორისგა ლახ კვა̈მ დო̄მ იგნი ი ქორ წყϩლჲა̈ნ ლი, ეჯას მე̄რმა
Line of edition: 10 ლა̈დღი და̈რ ხოხალ. კერი სგვებნე ლა̈ლსება ლახე ჩუ იკვმუნი, ეჯას ჰა̄ვდა̈რ ხოხა
Line of edition: 11 მე̄რმა ლა̈დღიშდ. ლემსგი მϩლა̄მ ი კვა̈მ ლახე ჟიბავ ესღრიხ, ეჯა მე̄რმა ლა̈დღიშდ
Line of edition: 12 მეგვა̄ლა̄̈ლ ლი. მე̄რა̈რ ლახე ქორისგა ხოფშირა ა̈რიხ ლა̄̈თშვ ი იჴა̄̈ფჲე̄ლხ,
Line of edition: 13 ეჯა მეჰა̄ვდარ ლი. ჟა̄ბრა ბიქვს ნა̈ბოზს, მე̄რმა ლა̈დღი ჰა̄ვდა̈რ ხოხალ, ჩვა̄ბრას --
Line of edition: 14 მე̄რმა ლა̈დღი და̄̈რ. მუჟჴვარი̄ლ ლახე ლადაღშვ "ჭვი̄ბე-ჭვი̄ბე"-ს ყϩლე, ეჯა
Line of edition: 15 აშთა̄რაღად მეჰა̄ვდარ ლი. Line of edition: 16 მუჟჴვარი̄ლ ლახ ლადაღშვ "ტეპეტი-ტეპეტი"-ს ტული, ეჯას აშთარაღად და̄̈რ
Line of edition: 17 ხოხალ. Line of edition: 18 ციცვ ლახე კერა̄̈ჲცახა̈ნ იბრა̄̈ლ ი ლაბრა̄ლჟი შდიმს ჩუ ხა̈ნჩϩდე, მეგვა̄
Line of edition: 19 ლა̄ლ ლი. Line of edition: 20 შდავლა̈რ ლახე ნა̈ბოზს ჟიხიქა იპვე̄რჲე̄ლხ, ეჯას მე̄რმა ლა̄დღი გვა̄̈ლი ხოხალ.
Line of edition: 21 ჯϩჭკა̈რ ლახ ნა̈ბოზს ქარვანშვ იპო̄̈რჲე̄ლხ, ეჯას მე̄რმა ლადა̈ღ ჰა̄ვდა̈რ ახჭიმ.
Line of edition: 22 მა̄ხე̄რა̄̈ მა̈ზგუვა̄̈რს ლახე ხოშა ხახე̄რი ტა̈ნ ლაყვრაისგა, ეჯა მეჰა̄ვდარდ ლი.
Line of edition: 23 მეგრად ლიშდვეს ი ლიფა̈ლთეს ლიგვა̄ლა̄̈ლ ხოხალ, ნეწვიდს -- ლიჰა̄ვდა̈რ.
Line of edition: 24 დიჲა̈რ ლახე ხოჩა̄მდ დო̄მ იჭი ლა̈მყინაისგა, ეჯა მეჰა̄ვდარდ ლი.
Line of edition: 25 ხამა̈რ ლახე ხორხვეცდ იყვნა̄̈ლხ ი უშხვა̄რ ხეცლა̈ვჲე̄ლხ ლაყვრას, ეჯას ჰა̄ვდა̈რ
Line of edition: 26 ხოხა. Добавлено (2007-06-07, 6:27 Pm)
---------------------------------------------
27 მა̄რა ლახე ლადაღშვ ხოშა ხა̈გდი ეჯას მე̄რმა ლა̈დღი ლიჰა̄ვდა̈რ ხოხა.
Line of edition: 28 ნა̈ბოზს ლახე აფხვა̈რ აშხუდ ყϩრყნიხ, ეჯას მე̄რმა ლა̈დღიშდ ჰავდა̈რ ხოხალ.
Line of edition: 29 დეც ლახე ნა̈ბოზს წϩრნი ლი ლეჟა̄̈ნ, ზაგრა̈რ წყϩლჲა̈ნ, ეჯას ლიგვა̄ლა̄̈ლ ხოხალ.
Line of edition: 30 გოჭა̈რ ლახე სურუს ხაჭყϩ̄ლიხ მინე დის ნა̈ბოზს, ეჯა მეჰა̄ვდარდ ლი მე̄რმა ლა̈დღიშდ.
Line of edition: 31 ნა̈ბოზს ლახე ა̈თუ გუნ ხოჭჭყϩნე ჩი̄, ეჯას ეში̄-ეში̄ ეჯ ლე̄თი ჰა̄ვდა̈რ ხოხალ.
Line of edition: 32 მე̄რა̄̈ლ ლახე ლეჟა̄̈ნისგა ლექვა ესღრიხ, ეჯას მე̄რმა ლადა̈ღ ლიგვა̄ლა̄̈ლ ხოხალ
Line of edition: 33 ი ლახე ლექვა̄̈ნისგა ლეჟა̄ვ ანღრიხ, ეჯა მეჰა̄ვდარ ლი, მარე ალა ლახე ჰამხა̈ნ
Line of edition: 34 ლი, ეჩქას ხოხალ ამჟი. მე̄რა̄̈ლ ლახე ჟიხიქა ლϩპა̄ნტად ესღრიხ, ეჯას აშთარაღად
Line of edition: 35 მე̄რმა ლა̈დღი გვა̄̈ლი ხოხალ. ცხვადვს ლახე ლემასგვხა̈ნქა ობა̈შ მϩჭკა̈მ ხეფვე̄ნთი
Line of edition: 36 ი ქა მა̄მ ხეღრენი, ეჯა მეჰა̄ვდარდ ლი. გვალისგა ლახე ქვინლϩმგენა̄̈ლ იჟვმირჲე̄ლხ
Line of edition: 37 ი ძგურბნიხ, ეჯა მეჰა̄ვდარ ლი. მებუ̄̈ლა̈რ ი შვა̈ლვა̈რ ლახე მϩჟ ხოყვრეხ
Line of edition: 38 ი იტბიდა̄̈ლხ, ეჯას ლიგვა̄ლა̄̈ლ ხოხალ. ლემესგ ლახე ეშ ჩქϩ̄ლთე ი ხოჩა̄მდ ჟი დო̄მ
Line of edition: 39 ხებდინი, ეჯას ლიჰა̄ვდა̈რ ხოხალ. მა̄რა ლახე ხა̈მვი̄რწვჲა̄ლვნე ი საჴსრა̈რს ი ლა̈ფშგა̄̈ლს
Line of edition: 40 ყურფუ̄ნ ხა̄რხ -- ჰავდა̈რ ხოხა. ჯვე̄დჲახა̈ნ ლახე გუ̄ლ ისმი, ეჯას ხოლა ლიჰა̄ვდა̈რ
Line of edition: 41 ხოხალ ი ეჩი̄ ნიშა̈ნ ლი. მეშხე მე̄რა̄̈ლ ლახე აშხვ ფოყთე ლუგვრუზად ი
Line of edition: 42 ჩუბავ იზელა̄̈ლხ -- სკარხალ ხოხა. ჭუნირ ლახე ჟი დო̄მ ისყი ი ხოლა ჰერ ხო̄ზ,
Page of edition: 51 Line of edition: 1 ეჯას ლიჰა̄ვდა̈რ ხოხალ. ჩა̈ნგ ლახე ლϩდა̄წყად ი ხოჩა̄მ ჰერჟი̄ნ ყϩლე, ეჯას ლიგვა̄ლა̄̈ლ
Line of edition: 2 ხოხა. ქვინლϩ̄მგენა̄̈ლ ლახე ნა̈ბოზს ქორთე დო̄მ ჴედნიხ, ეჯა მეჰა̄ვდარ ლი.
Line of edition: 3 ლემესგ ლახე ტყϩრსგნი ი ეჩხა̄ვ-ამხა̄ვ მϩჭკმა̈რს აკვა̄ნე, ეჯა მეჰა̄ვდარ ლი. მაზვა̈ბ
Line of edition: 4 ლახე ხოშა მϩცხი ი ხოჩა გა̈მა̈შ ლი, ეჯას ლიგვა̄ლა̄̈ლ ხოხა. მერბიე̄ლ ლახე იჟმირვჲე̄ლ
Line of edition: 5 ლა̈რბია̄ლჟი̄ნ, ეჯას ჰა̄ვდა̈რ ხოხალ ეში̄-ეში̄. მა̄რა ლახე გუნ ხა̈ქშჲა̄ლვნე
Line of edition: 6 ი ვო̄ბა̈შს იქშჲე̄ლ, ეჯა მეჰა̄ვდარდ ლი. ზϩსყი ზექა̈რ გარ ლახ ჯეღვე̄ნი ი ლემესგ
Line of edition: 7 ეში̄ ქა იჴსმელი, მეგვა̄ლა̄ლ ლი. ჩვეინისგა ნა̄̈ყუ̄ნ ლაფვაჟი̄ნ ლახე პე̄რვე, ეჯას
Line of edition: 8 ლიჰა̄ვდა̈რ ხოხალ. ლახე ხოხვრა ბეფშვილდ ნა̈ბოზს გუნ ლინე̄წვეს იბნე, ჰა̄ვდა̈რ
Line of edition: 9 ხოხალ. Line of edition: 10 ლახე ლა̄̈თშვ ბეფშვ ხოჩა̄მ გუჟი̄ნ ა̈რი ი ეჩჟი̄ნ ჩუ იყვნა̄̈ლ, და̈რ ხოხალ. მϩრშკა̈ლ
Line of edition: 11 ლახე ქა ირშკინეხ ლამϩრშკელხა̈ნქა, ეჯა ლიგვა̄ლა̄ლე ნიშა̈ნ ლი. ღობრე
Line of edition: 12 რა̈შგობ ლახ ლი, ეჯას გვა̄̈ლჲანობ ი ხოჩა დარობ ხოხალ. ბუზუ̄ლ ლახე გუნ დო̄სდ
Line of edition: 13 ღϩრი ლამშიათე, ეჯას ეჯ ლა̈დღი და̈რ ხოხალ. გიმხა̈ნჟი̄ნ ლახე ვერთქლ ანღრი,
Line of edition: 14 ეჯას ლიგვა̄ლა̄̈ლ ხოხალ. შდავლა̈რ ლახე გვიანდ გარ ღϩრიხ მინე ქუფვა̈რთე̄სგა,
Line of edition: 15 ეჯა მეგვა̄ლა̄ლ ლი. მა̄რა ლახე შდϩმრა̈რ ხაღვდა̈ნ ლა̄̈თშვ, ეჯა მე̄რმა ლა̈დღიშდ
Line of edition: 16 ჰა̄ვდა̈რს ა̈ნშა̈ნი. Line of edition: 17
ლენჯა̄̈რ Добавлено (2007-06-07, 6:28 Pm)
---------------------------------------------
Text: 52
Page of edition: 51
Line of edition: 18
52. ი̄ცნავ Line of edition: 19 მა̄რა ლახ მი გვეშ ხე̄ცნა̈ვ, ეჯას ჩი̄ მიჩა ლა̈ნშა̈ნს ხაჰვდიდახ შვანა̈რ ი
Line of edition: 20 ხეჯრავა̈ნხ. Line of edition: 21 მა̄რა ლახე ლϩდგა̈რ ნა̄̈თი ლა̈ხი̄ცნა̈ვი, ეჯას როქ ა̈ნშა̈ნ', ე̄რე ეჯ ლϩდგა̈რს
Line of edition: 22 ლიფა̄ნე ხაკუ. Line of edition: 23 ი̄ცნავშვ ლახე მა̄რა შდიქ ოხვშყედნი ი ზისხ მა̄მ ოხჴედნი, ზარა̈ლს როქ ხელა̈კ.
Line of edition: 24 მა̄რა ლახე ი̄ცნავშვ ზისხ ა̈ხწური, მე̄რმა ლადა̈ღ კუმაშ მირ როქ ხექმენი.
Line of edition: 25 მა̄რა ლახე ი̄ცნავშვ თვეფ ოთშყედნი ი ჰერს ა̈ნკედ, მა̄დხვა̈ჲ კვა̈დ როქ ხედა.
Line of edition: 26 ი̄ცნავშვ ლახე ხილა̈რს ჲა̈რ იზბუნი, ეჯას ლეგდ ლირდე როქ ხოხალ.
Line of edition: 27 მა̄რე ლახე ი̄ცნავშვ ჩა̄ჟვ აჭმუნნი, ეჯას მა̄რე̄მი ლეგდ ლირდე როქ ხოხალ.
Line of edition: 28 ხილა̈რს ლახე ჲა̈რ ისსϩ̄ნა̄ლვნი ი̄ცნავშვ, ეჯას მეჭყარ მა̈ზიგ როქ ხეჭყრი.
Line of edition: 29 ბუზუ̄ლა̈რ ლახე ხეჭვა̄̈დიხ მა̄რა ი̄ცნავშვ, ეჯას ქა̈მა მირ როქ ხოხალ.
Line of edition: 30 მებვი̄ლს ლახე ხეწდენი მა̄რე ლა̄̈თშვ ი̄ცნავშვ, ნϩნთე̄სგა ლიშყედ როქ ხოხალ.
Line of edition: 31 ლიდჲარა̄̈ლ ხოლა ლი ი̄ცნავშვ, ნა̄̈თი̄ დაგრა როქ ხოხალ აშთარაღად.
Line of edition: 32 ბოფშა̈რცახა̈ნ ლიშდრა̄̈ლს ი̄ცნავშვ, მა̄რე̄მი შგვირ როქ ხოხა მე̄რმა ლადა̈ღ.
Line of edition: 33 ი̄ცნავშვ კϩლთხიხა̈ნჩუ ლახ ა̈ნშყდენი მა̄რე, ეჩას მეცხა̈მი ლიცხემ როქ ხოხა.
Line of edition: 34 ლახი̄რულს ლახე ხეჩϩ̄დი მა̄რე ი̄ცნავშ, ეჯას ლიწხვავა̄̈ლ როქ ხოხა.
Line of edition: 35 ვერი ლიბϩრჯეს ი̄ცნავშვ ნა̄̈თი მა̄რე̄მი დაგრა როქ ხოხა ქახიქა̄̈შ.
Line of edition: 36 ი̄ცნავშვ ლახე მა̄რე ლაყა̄̈რჲა̄ლს ხეჩდა, ეჯა ხოჩა ლი, ხინს მϩრა̄̈მ როქ ხელა̈კ.
Line of edition: 37 ტიშა̈რ ლახ ხაბო̄ლახ მა̄რა ი̄ცნავშვ, ეჯას მე̄რმა ლა̈დღი ქა̈მა როქ ხოხა.
Line of edition: 38 სგა̄მავ ნა̈ყირვ ლახე ხე̄რი მა̄რა ი ზისხ მო̄მ ახწური, ფათრა̈კს მϩრა̄̈მ როქ
Line of edition: 39 ხელა̈კ. Line of edition: 40 ნა̈პო̄ლა̈რს ლახე ხენჩϩდი მეთხვჲა̈რ ი̄ცნავშვ, ნა̈თხვჲარე როქ ხეთხი.
Line of edition: 41 ი̄ცნავშვ ლახე ღერთა̈რს ა̈თნა̈ჩდი მა̄რე, ლა̈მზϩრს მϩრა̄̈მ როქ ხელკი.
Page of edition: 52 Line of edition: 1 თხე̄რა̄̈რ ლახე ხეჭვა̄̈დიხ, ჯგϩრა̄̈გ ლიმზირს როქ იშგვემ ი ლეჩვემ როქ ლი.
Line of edition: 2 ი̄ცნავშვ ლϩდგა̈რ ლახ ხო̄ზ მა̄რა სგვებინქა, ეჯას ხოჩა გუ̄ჟი ლირდე როქ ხოხა.
Line of edition: 3 ჯვეგს ლახე ხეჩდა მა̄რე ი̄ცნავშვ, ხოლა ლი, ლეგდ ლირდე როქ ხოხა.
Line of edition: 4 თანა̈ღს ლახე ესღრი მა̄რე იცნავშვ, ეჯას ჯვე̄დიათე ლინგზა̄რავ როქ ხოხალ.
Line of edition: 5 ლაგვნუშ ლახ ხეჲცხე̄ნი მა̄რა, ხოჩა ლი, ეჯ ლადა̈ღ გვი ჩუ როქ ხეხჲა̈დი
Line of edition: 6 მა̄რა. Line of edition: 7
ლენჯა̄̈რ Добавлено (2007-06-07, 6:29 Pm)
---------------------------------------------
Text: 53
Page of edition: 52
Line of edition: 8
53. ლიქვთერ იმჟი̄ნ ითნო̄ლდა შვა̈ნისგა Line of edition: 9 ალა ჩი̄ ჩუ ხოხალ, ერე მუქვთერ შომვა̄̈ჲ ქა იქვთერ, ეჩქას კვიშე ხა̈ტს ი
Line of edition: 10 ჯვა̈რს, ეჯღ' ე̄რე შვა̈ნისგა ჯვინალϩნდი̄რან ჩუ ლϩმბანე ლი მა̈გ, ერე უშხვა̄რ ლიქვთერ
Line of edition: 11 ჩუ ჲარდ ჩვემინას. ამღა შა̈ლჲა̈ნი̄ ნაბარვი ჩუ ხო̄გა̈ნ ჩი̄ საფვა̈რისგა ი ეჯა
Line of edition: 12 ხვა̈ჲ ხა̈ნს ხეჟა̈თხხ საფვა̈რს, მარე ქვით ეში̄ დე̄მ ქვიცე მიჩა ზϩნა ი ხოლა მა̈ნკს.
Line of edition: 13 მა̄̈ნკვი უსურმა̈ნს, ზა̈ნს ი იშგნა̄̈გ (ქვეყნა̈რს), ჯვე̄დჲას იქვთა̈რდახ, მარე ეჩხა̄ვი
Line of edition: 14 ჩუ ხოცხვდენდახ შუკვა̈რ, ეჩქა შვა̈ნისგა იბნახ ხოლე̄მი ლიჩვემს ი ლიბურსავა̄̈ლს.
Line of edition: 15 ლექვთერ მეზგე მა̄̈ნკვი ხოლე̄მი მუჩვემს ხაბრა̈ლდა ლიქვთერს. მეცქულა̈რს
Line of edition: 16 ხოზიზდა ქვითს ი ხაკფუნა ქა ლიდჴეს. ქვით ჟი დეცს ხეხპენდა ი ჩუ -- გიმს, ეჩ
Line of edition: 17 ჟი̄ნ ივშგე&# |
| |
| | |
|
Мужчина |
Date: Четверг, 2007-06-07, 6:33 PM | Message # 14 |
|
Group: Проверенные
Posts: 352
Status:Offline
Дата регистрации:
2006-09-07 |
17 ჟი̄ნ ივშგედა ლიბრა̈ლის. ეჩქას ლექვთერ მეზგე ქვითს ლუფხვლა̈რს ხოკა̈ცდა.
Line of edition: 18 უსგვა̄მ მა̄რაისგა სემი ხა̄დ ქა ლეგნე. ალჲა̈რს ლახე ქა იგნა ქვით, ეჩქას ქა ლუმწ
Line of edition: 19 ოდე ლა̈სვ, ლახე -- დოშ ი ეჩქას ჟი ხეცხრო̄ლდა. ლამბანა̄ლ ხოშა̄მ გვეშჟი̄ნ კა̄ლს
Line of edition: 20 ლა̈სვ შა̈ლჲა̈ნი̄ საყდარისგა, ხოხვრა̄მჟი̄ნ მიჩა-მიჩა უცხვ ხა̈ტ ქა ხოთრი̄ნდა ჩი
Line of edition: 21 სოფელს ი ეჩე̄სგ' ა̄მწვედდა ქვითს. Line of edition: 22 ლუფხვილდ ხა̈ტი მϩსგდის გარ ხოთიშდა მა̈გ უშხვა̄რ. ხა̈ტი მϩსგდი მე̄რმა
Line of edition: 23 და̈ს ხა̈კვშე ხა̈ტს, ეჯღ' ე̄რე "ხაყვლუ̄ნი, დო̄ს'ე̄სერ მიჩა ნა̄̈თია̄-ნა̈თსა̈ვს ხოშვრის."
Line of edition: 24 ლახე ლებრა̄̈ლი ქა იმწოდა̄̈ლ, ეჩქას, ლახე ქვით მე̄რმ' ა̄̈გის ქა ითნო̄ლდა
Line of edition: 25 მϩბრა̈ლის ეჯჲარე მა̄̈ღვრა ხა̄დ ლეყრინე ლებრა̈ლიდ ე, ჲერვა̄̈ჲ ლუფხვილდ იგნა
Line of edition: 26 ი ალ მა̄̈ღვრა̄ჲ ქვითს ხეკვა̈დ ლექვთერ მეზგათე. ლამწოდა̄ლჟი̄ნ ლიყა̄̈რჲე̄ლი̄ ხო ჩϩ̄დენდახ
Line of edition: 27 უშხვა̄რ ნე̄სგა ლებრა̈ლის ი მϩბრა̈ლის ი მასა̈რდ ხექჩო̄ლდახ უშხვა̄რ.
Line of edition: 28 ლახე ლიქვთერ სურუდ ხეფხჟენდა ჟა̈ჰ-ბა̄ბაშა̄ლ შვა̈ნისგა, ეჩქას ჩუ სკიბა
Line of edition: 29 შვა̈ნ საჴა̈ვდ ლიმბანა̄̈ლს. ჟი იყვბა̄̈ლ მა̈გ კა̄ლს, ეჩეჩუ̄ნ კა̄ლა̈ ლა̈გურკა-შა̈ლჲა̄̈ნიისა
Line of edition: 30 ქა იკვშა მა̈გ, ესვა̄̈ჲიშდ მა ხექვთო̄ლ იშეშდ. ესვა̄̈ჲ მე̄რმე̄მი ნა̈ქვთა̈რვ ჩუ ხეხლო̄ლ,
Line of edition: 31 ეჯა სგვებნავ ქა ხაყლა ქვითს: "ჲედ ესერ მიჩნე̄მუ ლა̈ჲკვიშ, მა̄დეჲ ჯ' ესერ
Line of edition: 32 ხა̈ტს დეშ კვიშე ი ქა ლე̄ქვი̄სგ ხა̄რ". ეჩქას სერ ქვითს ქა ლეკვშე ხა̄დ მიჩა ხო̄ლე̄მი
Line of edition: 33 ნაჩომ. ამ დვრევჟი̄ნ ხვა̈ჲ ნა̈ქვთა̈რ იუ̄შხო̄ლ. Line of edition: 34
ლენჯა̄̈რ Добавлено (2007-06-07, 6:31 Pm)
---------------------------------------------
Text: 54
Page of edition: 52
Line of edition: 35
54. ჭათა ი თე-ჲ ჰა̈ყბა Line of edition: 36 შვანა̈რს ჭათად ი თე̄-ჲ ჰა̈ყბად ხატა̈რდ ხო̄შა̄ჲ ხაყვლვი̄ნდახ ჯვინალდ.
Line of edition: 37 ჲერხი თემა̈რს და̄̈ვა̈ ნაჭათვ ხაჟხახ ი ლა̈დი̄ჲ ეჩას ხატუ̄ლიხ მე̄რმე მესვფელა.
Line of edition: 38 და̄̈ვა̈ ლიჭთუნედ სურუ ხაყვლი̄ნდახ შვანა̈რს. ეჩϩნქა მაშე̄ნე სოფლი ამϩნიდ ხაყ
Line of edition: 39 ლუ̄ნიხ. ჲერვა̄̈ჲ სოფელს თხუმ ჟი ხა̈სსგე, ეჯას სოფელ ღϩნლადა̈ღ ლა̈მზϩრჟი̄ნ ა
Line of edition: 40 შხვ ჰერჟი̄ნ ჩვაჭვთუნე ი ეჩქანღო ეჯ მეზგე სგვებდ დე̄მის ღϩრი.
Page of edition: 53 Line of edition: 1 ჲერხი ქა მეკვჰე ლა̈სვხ, ერე ხოლა ნაჭათვ ხა̄დხ. მა̈გ ხექა̄ბუნა̄ლ ეჩი̄ ჭათას ი
Line of edition: 2 გუ̄შ ხა̄დ, ერე ლიჭთუნე̄ მϩქაფდ ჩუ იმჟი̄ნ ოთმა̈ზრე̄ნს. ჲერვა̄̈ჲ სოფლი ნა̈სკიბსვ
Line of edition: 3 დე̄მ ხესკბენდა ი ჲედ ლიჭმეს იბნა ხუ̄ნკვი, ჲედ ლელდაღვ დე̄მ აკვა̄ნა ქა ლა̄რა̄̈ლხა̈ნქა,
Line of edition: 4 ეჯასი ჩვაჭთუნა სოფელ. ლიჭთუნე ეჩქად ხემთქვϩ̄ნხ ე, ოდე ლეჭთუნე მეზგე
Line of edition: 5 ჟი დო იჰდϩრა მიჩა ნაჩომს ი სოფელს სგა დო ხეჴϩრა̄ლ ჰარაყშვ. ეჩქას სოფელ
Line of edition: 6 ჟი ხოკა̈დდა ჭათას. ჲერვა̄̈ჲ ლაჴვა̈მს ა̈კვშა ი ხატა̈რს ატდუფუ̄რი̄ს, ჲედ იშგან გა̈ნზს
Line of edition: 7 ა̈დქვითა̈რდა, ეჩი̄ მუჩვემი ლაჭთუნა ლადა̈ღს ჟი იცხა̈ტდახ, ხეჴϩ̄რა̄ლხ ლაჴვა̈მს
Line of edition: 8 ლა̈ჲსოვშ ი ჰარაყვშ, ერე მიჩა მუკვშად ივალადა̈ღ შვალა ნო̄მჟი̄ნ ოხვჴი̄დე̄ნს
Line of edition: 9 ი ლერთანთე გარ ოხვსიპვნე̄ნს. Line of edition: 10 ბა̄̈ლϩნჩვი̄შს ლახმϩლდრე ჭათად ხაყვლუ̄ნიხ მაშე̄ნე. ლახე ალ სოფელ ჩუ
Line of edition: 11 ჲა̈ს აჭთუნეხ, ეჩქას ზურალა̄̈რ ი ღვაჟა̈რ ჰანწა̄̈რ მარდა̈რს ა̈ჲე̄სგიხ, სგა ხეგნიხ
Line of edition: 12 ჯგϩრა̄̈გი ლაჴვა̈მს ი ხატუ̄ლიხ კϩლთხიდ: "შიშდ ესერ ჟი̄ვ ესთენე მინე ჭათა მინე
Line of edition: 13 ლეჭთუნა, ადო ალ მარდარშვ ესერ რიღვეხ ლუხუნდ". ჭათანქა თე̄-ჲ ჰა̈ყბადი მე̄
Line of edition: 14 ვარ ხაყლუ̄ნიხ შვანა̈რს. Line of edition: 15 ხოჩა̄მ ლესგდი ქვინლϩმგენა ი ბეფშვს ქიზუმბურა̈ჲს ხაბემხ, "ღვ' ე̄სერ თე
Line of edition: 16 მა̄დ ლა̈ხგენი". Line of edition: 17 ხოჩა̄მ დაბა̈რისგა ჩი̄რხუვარ ზიხ, თ'ე̄სერ მა̄დ ლა̈ხგენი ამე̄სგა̄̈ მაჴა̈დს. ჲერხი
Line of edition: 18 ხოლა̄მ თე̄მიშდი ხოთრახ ი "ალ მა̄რე̄მიშ იჲედ ზურა̄ლა̈ ნა̈სგიდშვ შიშდ ესერ ხო
Line of edition: 19 ლა̄მ გუჟი̄ნ არდვნე მა̄რა". Line of edition: 20 ეჩის ქა̄მენჩუ̄ნ ხოლა ნალხვიჲჲ ესვა̄̈ჲ ხა̄რ, ეჩი̄ ლიხვჲესი გუნ ხექა̄ბუნა̄ლ მა̄̈ნვი
Line of edition: 21 მუშვა̈ნ მა̄რე. ამკა̈ლიბდ ქა მეკვჰე ჲერვა̄̈ჲ ლი, ეჯა ლახე ხეხო̄ლა გზა̄̈ვრთე მე̄ზის,
Line of edition: 22 ეჯა ჟი ხოჭვე̄ნი ეჯ ლადა̈ღ ქორთე ი გზა̄̈ვრთე მა̄მ ღϩ̄რი. ჲერვა̄̈ჲ ზურა̄ლ
Line of edition: 23 სუტდ ა̈რი ი სერთხი̄ ლახე მეჩი ლი, ეჩი̄ ჭათასი გუნ ხექა̄ბუნა̄̈ლ მა̈გ. Line of edition: 24
ლენჯა̄̈რ Добавлено (2007-06-07, 6:31 Pm)
---------------------------------------------
Text: 55
Page of edition: 53
Line of edition: 25
55. ყერ Line of edition: 26 დიდა̈ბი ლეჴედ ყერ ლა̄̈თშვ გარ ისგვჯინი ი იმვა̄̈ჲ მაშე̄ნე წყილჲა̈ნ ადგილ ხაბჟა,
Line of edition: 27 ეჩეჩუ̄ნ იგნი. ყერ როქვ ა̈გლეზვრე ნა̈ყვილ ლი ი ეჩი̄ ლიმზირ მა̄რა მაშედ
Line of edition: 28 ხა̄რ. ქა̄ჲ წყილჲა̈ნ მა̈რე ერვა̄̈ჲლი, ეჩის გარ ხეწვე̄ნი. ყერ ლემესგშა̄ლ არჰე ლა̄̈თშვ.
Line of edition: 29 აშხვ ა̈გიხა̈ნქა ჟი პერნი, ეჩქას სერ მϩბიდ ლამპა̈რშა̄ლ იწვე̄ნი ლაპო̄რთე̄სგა
Line of edition: 30 ეჩხავ ე, იმვა̄̈ჲ ჩუ ისგვჯინი ი ეჩეჩუ̄ნ ჩუ დეგნი. ყერ ერხი̄ მურყვმა̈რსი̄ ხაცხნე ი
Line of edition: 31 ეჯ მეზგა ზავისგა ობა̈შინ ლემზϩრა̈რ ხა̄რ ლემზϩრი ეჯ მურყვამისგა ყერდ.
Line of edition: 32 აშხვჟი̄ნ ნიშგვეჲ სოფელ ჟიქა̄ნხა̈ნჩუ ანპა̈რ მირ ეჯკა̈ლიბ, ერე ლამპა̈რშა̄ლ
Line of edition: 33 ხებიდ. გუნ მუბვირ ი ბϩ̄რნე̄თა ლე̄თ ლა̈სვ. ალა ჩუბა̄ვ ესღრ', ა მუტვა̈რ მირ. გიმს
Line of edition: 34 ობა̈შ მა̄მ ხაღირ ჟიბა̄ვ ი ეჩჟი̄ნ ქა̄'ნϩრჰ', ე̄რე დაბა̈რ მϩჟა̄̈რშა̄ლ იწვე̄ნი. ა̈თღვა̈ჭდ
Line of edition: 35 ხოხვრა̄̈ლ ლა̈ჭვმუშ. სგა ლიჰეს ხვამურჯიდ, ამჟი̄ნ სგა ლა̈ნჰელა̄̈ნ. ნა̈ჲ ჟ'ესვჭვე̄ნდ,
Line of edition: 36 ამჟი̄ნ ნიშგვეჲ ჩუხი̄ნ ჟ'ი̄დ ანპა̈რ ლემასგვშა̄ლ ი ლა̈ჲბინე ჩუბა̄ვ ლი̄ზი.
Line of edition: 37 ნა̈ჲ ლიღვეჭϩ̄დ ლოხვბინედ. დაბრე ჰოკერდ ჩვა̈თღვაჭდ, ეჩელექვა ხოშა ჭალა̈ჲ
Line of edition: 38 ანღრი ი ნა̈ჲ ჩვოთϩ̄გა̈ნდ. ალა̄, მϩბიდ მა̄̈ჲ ლა̈სვ, ქ'ა̄ჩა̈დ ლϩცეჩხა̈ნ შგედთე ი ეჩე
Line of edition: 39 ჩვათვა̈ფ. ნა̈ჲ ა̈გით' ო̄ნჴვა̈დდ ი ქ'ო̄ხუმბავედ იმვა̄̈ჲ ხვეწა̈დდ ი იმჟი̄ნ ა̈თღვა̈ჭდ.
Line of edition: 40 ხოშა̄̈ლდ რა̄̈ქვხ: "ალ' ე̄სერ, დიდა̈ბი ლეჴედ, ყერ ლϩმა̄̈რ ი ნა̈ჲ ესერ ღალ იმ ა̈ხურმინად
Line of edition: 41 ეჩის". ი ობა̈შ ანϩ̄მბავეხ ალ ყერი ბედჟი̄ნ. ერხი ყϩლახ: "ნა̈პო̄ლა̈ სა̈ხ ესერ
Line of edition: 42 ხუღვე". ერხიდ რა̄̈ქვხ: "ბეფშვი სა̈ხ ესერ ხუღვე". ჲერ იმჟი̄ნ ყϩლახ ი ჲერ იმჟი̄ნ. Line of edition: 43
ლენჯა̄̈რ Добавлено (2007-06-07, 6:32 Pm)
---------------------------------------------
Text: 56
Page of edition: 54
Line of edition: 1
56. და̈ლი ლიმბანა̄̈ლ Line of edition: 2 და̈ვს ესნა̈რ ჯიმ ესწϩხϩნდა. ოთთო̄ნე მიჩა ბეფშვს და̈ლთე ი ქა ხაშგვმინ ჯიმ.
Line of edition: 3 და̈ლ ჩვა̈დნაბნა̄̈ნ: "ეჩქა̄ვ ესერ ათდაგრა მიჩა გეზლი̄რ: ა̈ლი, მა̈ლი, შაქარ,
Line of edition: 4 ქოლო, ანა, დაჯა, და̈ვით, ხოხოლომუ, ლომკაც, კაცი, და̈ვით მეფე, ჰე̄ს' ე̄სერ ჯიმ
Line of edition: 5 ჩუ ხო̄სდენს, ადო დე̄მის ესერ ხოდურვა̈ნი". Line of edition: 6
ლენჯა̄̈რ Добавлено (2007-06-07, 6:32 Pm)
---------------------------------------------
Text: 57
Page of edition: 54
Line of edition: 7
57. ლიურწყული Line of edition: 8 აშხვ ლადა̈ღ ჯვინალდ მϩრშკე̄ლა̈რს ლიმზირ ხა̄რახ. ალ ლა̈მზϩრთე̄სგა ეშხუ
Line of edition: 9 მϩმϩრშკე̄ლ ურწყულდ ა̈მჩედე̄ლი. ესნა̈რ სგვებნე ლე̄თ ლელა̈ტცახა̈ნ ლუმყვინ,
Line of edition: 10 ამხა̈ნქა მϩრშკე̄ლა̈რს ლიმზϩრ ჩვათურწყვლე̄ნახ. ამ ლადა̈ღ ლახვისგა ჩხარა ყვილ
Line of edition: 11 ჴა̈ნ ალდა̄ვშე̄ლი მϩრშკე̄ლრეშ. ალ ჴანრე ლიდვა̈ში ლიმზϩრი ლიურწყულიდ ლოხ
Line of edition: 12 ბϩრლახ მϩრშკე̄ლა̈რს. Line of edition: 13
ლენჯა̄̈რ Добавлено (2007-06-07, 6:32 Pm)
---------------------------------------------
Text: 58
Page of edition: 54
Line of edition: 14
58. ლიჰურჲა̄ლვ Line of edition: 15 ჰე̄რვა̈ჲს შვანა̈რ ეჯკა̈ლიბ მეჩი ზურა̈ლს ხაყლახ, ჲერვა̄̈ჲ ქა მეკვჰე ლა̈სვ გუნ
Line of edition: 16 მϩჭთად ი ლიმა̈ჩვ ლადა̈ღ ი მიჩა ლისი̄მაქ მა̄მ ხეშყა̈დ ალ ზურა̄ლს მა̈გ ხავცხუნ ი
Line of edition: 17 მა̈გ ხამბჟϩნ. ლახე მა მახე გვეშ ქა ხესმოლდა, ეჯა მა̈გხოლა ხოხალდა ი გუ ხა̄დ,
Line of edition: 18 ერე ხოხვრა̄̈ლ უშხვა̄რ ხოლა̄მ ნომ ხა̈ჩვმუნე̄ნხ ი რიგა̈ბჟი̄ნ ლϩმϩრდე̄ლესვხ. ალა
Line of edition: 19 ტკიც ლ', ე̄რე მახე მეჩის დე̄მ ხო̄ჯრა̈ვი, ოდე თველთე̄სგა დო ჴედნი ი ამჟი̄ნ ალა
Line of edition: 20 ხასდიკ, ეჯღ' ე̄რე თველ ჟი ლუსუ̄რე ხა̄რ. Line of edition: 21 ჰე̄რვჲად მეკვჰე ზურა̄ლ ეჯკა̈ლიბ ლა̈სვ, ერე ჲესვა̄̈ჲ ნა̄̈თი მო̄მ ხორდა, ჯა გარ
Line of edition: 22 ლა̈სვ ი ლიმა̈ჩვჟი̄ნ ლიჭთუნე ხემთქვა̄̈ნ ჩი̄მიშ. Line of edition: 23 ამϩნქა ჰე̄რვჲად ლϩჭშხე ლა̈სვ ეჯკა̈ლიბ თე̄მი ი ეჯ თე̄მი მა̄რე, ჲესვა̄̈ჲ ხოლა
Line of edition: 24 ნა̈სგიდვ ხა̄დ. ხოლა ნა̈სგიდვ ჲესვა̄̈ჲ ხა̄დ, ეჯას ეჯკა̈ლიბ მირ ხუღვ' ე̄ თე̄რა̈რისგ',
Line of edition: 25 ე̄რე ჩი ჟ'აჟვმე. ამის ყϩლეხ შვანა̈რ ი გაცხა̈ჲდ, ჩუ ხეჯრავა̄̈ნხ ხოლა თე-ჲ ჰა̈ყბა
Line of edition: 26 ალა ხოლა̄მ თე̄მიშ ი ჰა̈ყბა̄ მუფშვდა მა̄რა ჰერვჲა̈ს ხაყლახ.
Line of edition: 27 ალ ლიჰურჲალვს ეჩნუვშ ა̈ცხირდახ, ერე ლახე ხოლა თე̄მი მა̄რე ხოჩა̄მ ლესგდი
Line of edition: 28 ქვინლϩმგენა ქა ხეწდენდა, ეჩქას ეჯ ქვინლϩმგენე ლიჯჯგϩნეს იბნა ი ვეფ-ვეფს
Line of edition: 29 ხატყა̈ცდა. ალ ლუჟვმა ქვინლϩმგენა აჯაღϩდ ხოლა̄მ თე̄მი მა̄რე̄მი ლიფა̄შგვე̄, ლი სლა̄მა̄̈ლ
Line of edition: 30 ი ლიჭვდი̄დ ხაშიდდა. ამკა̈ლიბ ხოლა̄მ თე̄მი ჰე̄რვიჲა მა̄რე ქა ხოთრო̄ნდა
Line of edition: 31 ჩი̄ ი ეჯ მა̄რა ქა ხეწდენდახ, ეჯ წამჟი̄ნ ხაყლახ: "მა̈დილუ ხე̄რი ი ხოჩა̄მ თანჟი̄ნუ
Line of edition: 32 ლოხვსგიდა მიჩა ქვინლϩმგენა!" ეჩϩ̄ნქა დი̄ნას, ქა უწვი̄ლას, ლახე ლეთშვ ზისხ
Line of edition: 33 აწხვა̈ვდა, ეჩქა ჩუ დე̄მ ხევჟუნო̄ლდა, ქორისგა ნა̄̈თი მახეღვა̈ჟდ გვეში ლა̈სვ, მარე
Line of edition: 34 ჩუ და̄̈რ ხოშდϩნ, ამი̄ ბა̈დშვ მიჩ გუმა̄რა ხა̄დ ი ლახე დო̄რ ხეთხო̄ლდა, ეჩქას ლუ ჟო̄რე
Line of edition: 35 ნესყა იკა̈დდა ი ამნოვშ ჩუ იცხვო̄რა ლუსვა̈რს ი ნიჩვა̈რს, მარე ეჩჟი̄ნ, ერე
Line of edition: 36 ლაწევს ხოლა̄მდ მა̄მ ხეთნო̄ლდა. ამის მე̄რმა ლადა̈ღ ჯა ქა დეშ იკვშა ი ჰე̄რჲა ზუ
Line of edition: 37 რა̄ლს ხაბრა̈ლდა. Line of edition: 38 ალ ლიბრა̈ლის ხვა̈ჲ ლამო̄როვ-ლასო̄როვ ხაფსა შვა̈ნისგა ი ობა̈შინ დაგრობმუყვი
Line of edition: 39 ხოჰა. Line of edition: 40
ლენჯა̄̈რ Добавлено (2007-06-07, 6:33 Pm)
---------------------------------------------
Text: 59
Page of edition: 55
Line of edition: 1
59. შა̈შიკი ლიჭვდი Line of edition: 2 მამისული სამთისა. გარდა შევიდე, გარდა მევიდე. კინა ხურსა ქვა̈ბისა, ა̈ლი
Line of edition: 3 გული შეეყარა, გულსა ნახარ შემეყარე. ანაგე̄თ, მანაგე̄თ, ხინი ხვარამზე̄ლ. თო
Line of edition: 4 შეგსა, ფოშეგსა, წიბლითა ხინდო მახინდო თვერი. დედა მარიამისა, მამასკველა̈
Line of edition: 5 ისა, ნექჭა ნაბეგვისა, შაშიკო ბედნიე̄რო. Line of edition: 6
იფა̄̈რ |
| |
| | |
|
Мужчина |
Date: Четверг, 2007-06-07, 6:35 PM | Message # 15 |
|
Group: Модераторы
Posts: 990
Status:Offline
Дата регистрации:
2006-08-29 |
Text: 60
Page of edition: 55
Line of edition: 7
60. მო̄შ-მო̄შ ჭათა Line of edition: 8 ჭათა, იმვა̈ჲდ იშგნა̄̈გ, ეჩჟი̄ნ შვა̈ნსი̄ ჯვინალდ ი მახად ჩიგარ ლϩმა̄̈რ.
Line of edition: 9 ჭათა̈ჲ ხვა̈ჲ ლი, მარე ჲერხი̄ ჭათად სურუ ხაყვლუ̄ნიხ. ჲერხის ეჯღა̄̈ჲ, ჲერვა̄̈ჲ
Line of edition: 10 ლაჴვმი̄ მა̄რე ლი, ეჩი̄ ჭათა ხოლა̄მდ ხომჴერახ ლეჭთუნა̄̈ლს მასა̈რდ ხეფϩრთხ
Line of edition: 11 ილხ ეჩი̄ ლიხრინეს. ეჩϩნქა ლუძძუ̄რა ზურა̄ლს ი მეჩი მა̄რა̄ჲ დე̄მ ა̈ხრინეხ, ეჯღ'
Line of edition: 12 ე̄რე ეჯჲარე ჭათად გუნ ხაყვლუ̄ნიხ. Line of edition: 13 ჯვინალდ ბაპა̈ ჭათადი ძღϩდ ხაყვლი̄ნდახ ამღა გუნ მეკვმად არდახ ი ბაპს ჟი
Line of edition: 14 დე̄მ ა̈ხრინახ. Line of edition: 15 ჭათახ ამჟი̄ნ ა: და̄̈ვსუ ოთჭათვნა სი̄-ჲ ისგუ ლემკახე ი ქორა̈ მერდე მა̄რე მა̈გ! Line of edition: 16 მა̈ლდია̈ნ ჯგϩრა̄̈გ მიჩა ჟეღა̈რსუ ჯაჭვა̄̈დი ი შვა̈ლას ნო̄მჟი̄ვ ჯიჴდე!
Line of edition: 17 სუნდუქ დეცეშ მიჩა მეფშვდა მა̈ზიგს ქა ნო̄მთე̄ვ ჯაქა̄ბუნე სი ი ისგვა ქორს!
Line of edition: 18 ლამა̄̈რია ჴვიდიშ გა̄ნთხა̈რს ი ასვა̈რსუ ჯიკუ̄ნკვე, დე̄მ ანღელდე̄დ ეჩქას!
Line of edition: 19 მა̈ლდია̈ნ ფუსნაბუა̄სდიშ წϩრნი ქელეფნი ლეჴშდა̄̈ნიდუ ა̈სყი ისგვ' ა̄სვა̈რს!
Line of edition: 20 თანღი თა̄რინგზელ ჭვეკიშ, კოჯა̈შ ი ლიცი ბედიშდუ ა̈სყი ისგვა გზა̄ვრობს!
Line of edition: 21 აფსა̄თ ი სოლომნ მინე ნალჟϩ̄რსვ ნო̄მჩიქქა̄ვ ისრეხ ისგო̄ვ ივალადა̈ღ!
Line of edition: 22 სოლომნ ფუსდ ი ჯგϩრა̄̈გ სი ი ისგვა ქვინლϩ̄მგენა ჭვე̄რ-ღვამლი ბედიშდუ
Line of edition: 23 ჯა̈სყიხ! Line of edition: 24 ჲა̈ნ ლატლი̄შ თერა̈რსუ ჯიგნე ი ჯიცხკϩ̄რე ი ქა̄ვ ჯიწლო̄კე ობურ თე̄რა̈რს!
Line of edition: 25 ისგუ მახე̄რა ქა უჟაგ მა̈ზიგდუ ეჯსიპე̄ნა ი სგა̄ვ ჯა̈მჩი მიჩა მუფშვდე!
Line of edition: 26 ჲელ ლივჭმა̄̈ლ ლე̄თუ ჯატყცი მიჩა მϩლა̈მს ლეზგϩრჩუ̄ნ ლუმჭვმე ხესვდ, ეჩქა!
Line of edition: 27 ჩი̄ ხინ ი ხიად ხა̄̈ც, ეჩქას ისგვა ლა̈ზგაისგა ლა̈ლჭა̄ლ ლა̈კი̄ლჲა̄ლუ ლი!
Line of edition: 28 მეშხადუ იღფუ̄რა̄̈ლხ ისგვეჲ ისგვაღა ი დო̄სგ ლა̈კი̄ლჲა̄ლუ ხა̄რხ ისგვა ბედჟი!
Line of edition: 29 ლამა̄̈რჲა ბედს ი მარაქსუ აბა̄ქე ისგვა კიბდონა̈რისგა ი ლაშდღვალუ ჯა̄რხ დო̄სგ!
Line of edition: 30 ამი̄ ჰამა̈რდუ გარ ა̈მჴედე̄ხი სი ი ისგუ ლემკახე მა̄რე ი იშგენ ხოჩა ნო̄სამა̄ვ
Line of edition: 31 ჯათხე̄ნა! Line of edition: 32 მϩჴფიაშუ აჯმამე̄ნა ისგუ ჭϩშხა̈რ ი ქა უჟაგვ მა̈ზიგ ნო̄სა̄ვ აჯღერა შიჲა̈რქა! Добавлено (2007-06-07, 6:34 Pm)
---------------------------------------------
33 ისგვა გვის ი გუნჩვენჩხს მეშხე ციცვა̈რუ ხაგვრახ ი ჟი̄ვ ოხკო̄და ცხა̄რა̈რთეჟი!
Line of edition: 34 ჩუ̄ვ აჯჭუ̄ჭე̄ნა ი აჯდეთხლე̄ნა ლესგი ქϩპა̈რ ი კუთხულა̈ჲ ხოლა̄მდ ხოლა̄მ ა̈გის!
Line of edition: 35 ლϩგრაშა̄ლუ აჯხეპა ისგუ გვი̄-ჲ გუნჩვენჩხ ი თე̄მი წალ სგა̄ვ ლაჯფუკვე̄ნა
Line of edition: 36 ივილა̈დღიშდ! Line of edition: 37 ალ ჴანა̈რ ისგვა კუბსუ ლახბϩდახ მეკვშდად ი ეჩქანღო ისგვა კონჩხა̈რჟი̄ნ
Line of edition: 38 ლეჲსენი̄ვ ლიხ!
Page of edition: 56 Line of edition: 1 ჩა̄̈ჟ ისგუ ნა̈ბჭკუნუ ლი ისგვა საფლა̈ვჟი̄ნუ იკვჩხჲე̄ლ მეკვშდად. ფისრა̈ჲ!
Line of edition: 2 ფისე̄მი ტომბხა̈ნქა ნომმა̄ვ ა̈მჴედე̄ლი ისგვა ლითვა̄ლეშ ი ლიწსა̄ლე ლე̄თ!
Line of edition: 3 ისგვა თე̄რა̈რს, ნიჩვა̈რს ი ტა̈ნს ჲელჲა̈ მϩლა̈მუ ხეკϩრვა̄ლე დო̄სგ!
Line of edition: 4 ამჟი̄ვ აჯთქომე̄ნა ლიზგე-ლირდე ი თე̄მი დოშდულ ამი̄ ნათქვმიე̄რა!
Line of edition: 5 ჯგϩრა̄̈გ წინალდ ი წირკამა̈ლდუ ჯაბლო̄კეხ სი ი ისგვა ლიზგე-ლირდეს!
Line of edition: 6 ალ მეპე̄რუნა̄̈ლ მიჟილდ აგეჭს ა, ეჩქადუ გარ ამგეჭე̄ლი ისგუ ლა̈დაღ!
Line of edition: 7 ქრისდე ფუსდ ქა ლϩთა̈ვს ჟი̄ვ ჯიშთხეხ ი ლეთვენის ნო̄სა̄ვ ჯიწსეხ!
Line of edition: 8 ისგუ ნაჯგϩრვ ნაფა̄ნვ ისგვა ლϩდგარუს ფისე̄მი ტო̄მბდუ ლახზაზახ!
Line of edition: 9 დო̄ს ხოწვე̄ნს ი ხომჴერე̄ნს, ეჯკა̈ლიბ მა̈ზიგუ აჯთანე̄ნახ ი ქავ ოთხვია!
Line of edition: 10 მა̈ლდია̈ნ ჯგϩრა̄̈გ მიჩა ცხვი̄მიშ ი ხანგრი ბედიშდუ ჯასყე̄ნე მეკვშდად!
Line of edition: 11 და̄̈რ ჯანწა̈მ, მარე ღე̄რბათ ნო̄მჩიქქა̄ვ ლახϩმწამა სი ი ისგუ ლირდე!
Line of edition: 12 ისგუ შდϩქა̈რ ხოლა̄მ მა̈ზიგშუ ლაჯმამე̄ნახ ი მϩტრე ბედიშდუ აჯსყე̄ნახ!.
Line of edition: 13 ისგვა შდϩმრა̈რს, მა̈ლდია̈ნ ღე̄რბე̄თ ხოლა̄მ მა̈ზიგშუ ჯილცϩყნა̄̈ლი!
Line of edition: 14 ეჯკა̈ლიბ ბედ ი ლირდე̄ვ აჯჰე̄ნ' ე̄რე ისგვა ჯიჯვა̈რს ისგოვშ ხიჴშდა̄̈ნდე̄დ!
Line of edition: 15 ხოლა უჯა̈რ ი მებუ̈ლა̈რუ ჯაცხϩრპანახ ამაბუა̄სდ ი ეჩაბუა̄სდ!
Line of edition: 16 ისგუ დაბა̈რ ი ნაჴანვ-ნალა̄შვ ხოლა̄მ მϩტრეშ ი მუღუ̄ლარე ბედიშუ ლიხ!
Line of edition: 17 ამზავიშ ჟ'ა̈ჯჰი̄დ, მარე ზავიშდ ორ ჩუქვა̄ნუ აჯჰე̄ნა ი დეცე რϩჰის ნო̄ვ
Line of edition: 18 ხა̈წდად! Line of edition: 19 მუშუნდვები, ლა̄შდიღვ ვერ, ხოჩე̄მი მე̄ქვი̄სგ ი მϩკეთ-მა̈გ ჟი̄ვ აჯშდეხა სი!
Line of edition: 20 ქათლა̈რ ისგვა ქვინი ნა̈ტხუნუ ლიხ ი ხოლა̄მ ა̈გისუ ეჯწϩხე̄ნა დაგრობ!
Line of edition: 21 ალ ჟეღ ისგვა ლეჲდუ̄ნისუ იზბი ი ამი̄ ბოჯა̈ ჰამა̈რდუ გარ ა̈მჴედე̄ლხი!
Line of edition: 22 მინდვერს ესღϩრდე̄დ, მეხი ბედიშუ ხი, თანა̈ღს ესღϩრდე̄დ, ჟა̈ჰი ბედიშუ
Line of edition: 23 ხი, ცხეკს ესღϩდე̄დ, და̄̈ვრეშ ი ნა̈დრარეშ ი წევრარე ბედიშუ ხი, ლახვა̈რს ესღϩრდე̄დ,
Line of edition: 24 კოჯა̈ ბედიშუ ხი, ლϩცქ' ე̄სღϩრდე̄დ, ჭვეკი ბედიშუ ხი. ქორისგა ხარდე̄დ,
Line of edition: 25 ჟი̄ვ ეჯრეღვა, ჩუ მა̄ჲ ჯირდე̄დს ქვინლϩმგენე, მა̈გ თხე̄რა̄ლე ბედიშდუ აჯსყე̄ნა! ჰი̄!
Line of edition: 26 ეჯგვა̈რდუ ანტიხ, იმვა̄̈ჲთ' ე̄სღϩრდე̄დ ეჩხა̈ნ, ერე მა̈გ და̈თქლიფა̄̈რდ ლϩგნე
Line of edition: 27 ჯა̄̈ც ზისხშვ! Line of edition: 28 იმვა̄̈ჲ ხიშხმუ̄ნე ი ხითკა̈რი, ეჯ'ე̄ჯკა̈ლიბდუ ეჯჴედა სგა̄̈ნჩუ̄ნ, ერე ჟ'აჯბϩთქეს
Line of edition: 29 ისგუ ნაზობ-ნათუნ ქა ნომმა̄ვ აჯ'ჴი̄ჩა ი სგა̄̈ნჩუ ბაპა̈ ჟა̈გდუ ეჯსიპე̄ნა!
Line of edition: 30 იმვა̄̈ჲღენ ხიჰა̄რტყვა̄̈ლ, ნომმა̄ვ ლა̈ჯმამა სერ ი ალა მა̈რგიმიშვდუ ეჯჴედა! Добавлено (2007-06-07, 6:34 Pm)
---------------------------------------------
31 მϩპϩნტილა̈ვი̄ვ ჯა̄რ ი ტრა̈კდ ი ბოჯდუ ოთგენა ხოშა̄მ ღე̄რბათ!
Line of edition: 32 ჯგϩრა̄̈გ მიჩა ცხვისუ ჯატყცი ჟიქა̄ნჩუ̄ნ, ერე ზისხ ეშ ჯიჩხრϩნე̄დს!
Line of edition: 33 ლა̈დი̄ ნაშხმუ̄ნ ქა ნომმა̄ვ ა̈ჯჴი̄ჩა ი ჟი̄ვ აჯშდება სგა̄̈ნჩუ̄ნ!
Line of edition: 34 იმვა̄̈ჲღენ ა̈თთხანა̈ნ ჰერყა̈ლს, ეჯზუმუ ა̈ჯთაკრ', ე̄რე ჟ'ესქვეცე ლეზობ!
Line of edition: 35 ბა̈ჭკვდ ი თხა̈რდუ ესგენე̄ნა აშხუნღო, მა̈ჲ ჟი ლა̈ტხა მა̄მ ჯა̄რ!
Line of edition: 36 აშხუნღო ეჩჟი̄ნუ ესშურე̄ნა ალ ლეთრ', ე̄რე პინტოლდ ათე̄გენ!
Line of edition: 37 ბϩლა̈ჲდ მϩგნადუ ეჯჴედა, იმვა̄̈ჲ ღენ ათა̄̈გნ ამის ი ქϩთხϩ̄ლდუ ა̈მრეღვ ხი!
Line of edition: 38 ალა ს'ა̈ჯწუ̄ხვა̄, ამჟი̄ნუ აჯწუ̄ხვე̄ნა ლიზგე-ლირდე, ისგვა ივალადა̈ღ!
Line of edition: 39 ქა ლϩღϩ̄ფშე მირ ხი ალამა̈გ ნაყუ̄ბ ი აშხუნღო ჟი̄ვ ეს' ე̄სცქეფა!
Line of edition: 40 იმვა̄̈ჲ ღენ ხიშყვი̄რანა̄̈ლ, ეჯგვა̈რდუ ხიშყვი̄რანა̄̈ლ, ერე ქა დო̄რ ჯეწეს!
Line of edition: 41 ლაშვა̄ლდუ ა̈მსედე̄ლხი, სი ლეხპე, ი შვა̈ნ მა̈გ შავსუ ჯა̈შდე.
Line of edition: 42 ყო̄რქა ლეძეგვინად მა̄დ ჯაყა ი ნო̄ჲ ჯაყა̄ვ ივალადა̈ღ! Line of edition: 43 ჩიჲა̄̈გ ი ჩიგარ ქიქა̄̈რ ი ბუჰა̄̈რუ ხი ისგვა ლაცლაცახა̈ნ!
Page of edition: 57 Line of edition: 1 ხოლე̄მი ლატა̈ხდუ ა̈მსედე̄ლხი ი იზდო̈რუ ლაჯჩეფა ჴადვისგა! Line of edition: 2 ჩიჲა̈ ლასე̄ნტყვა̄დუ ა̈მსედეხი, ჰა̄ლ ჩუ მესდე ხი, ამჟი! Line of edition: 3 ბაპსვირუ აჯგვარე̄ნა გასვა̈ლქა ი ქა ნომა̄ვ ახსედა ეჯ ხოლა̄მ მა̈ზიგს!
Line of edition: 4 ისგვა გვის ი ყვიჟა-პერშვდას მა̈ჲნუღუ ახგვარე̄ნა ი ქა̄ვ ოხვშდი̄ხა!
Line of edition: 5 ლა̈ჭϩრდიგა̄ლდუ ა̈მსედე̄ლი ისგუ გვეშ ი ზა̈ჲდიშ ორისგა̄ვ აჯჰე̄ნა!
Line of edition: 6 ლϩხა̈რდუ ალტϩტნე̄ლხი სგა̄̈ნჩუ ი ეჯჲარე ბედიშდუ ალსყე̄ხი! Line of edition: 7 ქა მϩლჲა̄̈სგვნა მა̈ზიგდუ ეჯჴედა ისგუ ნაზობ-ნათუნ ი ჟი̄ვ ესბეჴვა!
Line of edition: 8 ეჯგვარუ ა̈ჯშკი̄ხანალ', ე̄რე ღო ისგვა ლაცლა̄̈ ჰარა̈კ აჯჴეს მეკვშდა ხა̈ნისგა! Line of edition: 9
ლენჯა̄̈რ Добавлено (2007-06-07, 6:35 Pm)
---------------------------------------------
Text: 61a
Page of edition: 57
Line of edition: 10
61. მო̄შ-მო̄შ ნაპო̄ლრეშ, ქვინლϩ̄მგენა̄ლეშ ი იშგნე̄მი ლინწირ
Line of edition: 11
ი ჲერხი ლა̈ნშანა̈რ Line of edition: 12
ა Line of edition: 13 ლინწირ გუნ ხეჯრავა̄̈ნხ შვანა̈რს ჯვინალდ ი ჲერხის ათხეჲ ჩუ̄დ ხაჯრავახ,
Line of edition: 14 მარე ლა̈ჲდ ჩი̄ მა̄მა: Line of edition: 15 გა̈გო ლახე ჰამს იყლვე̄ნნი ი მა̄რა უნცელად ქა ხესმი, ეჩას ესერ ცხეკისგა̄̈ მაყალვ
Line of edition: 16 ხოხალ. Line of edition: 17 მϩჴლი̄ნდს ლახე მა̄რე მა̄̈ნკვი ჰაგა̈რ ქა ხეწდენი, ეჩას ესერ ეჯ ზავჲა̈ ლიჰგარვ
Line of edition: 18 ხოხალ. Line of edition: 19 მეთნაფო̄ლ ლახე ჩვა̈თწინი მა̄რა, ეჯ ზავ ეჯ მა̄რე̄მი ლა̈ზგაისგა ბოფშრე ლეგდ
Line of edition: 20 ლირდე ხოხა. Line of edition: 21 პა̈რპო̄ლდ ლახე ლეჟა̄ვ ესი̄ზინი მა̄̈ნკვი, ეჩქას მა̄რე ხა̈წრე, ლახე -- ლექვა̄ვ,
Line of edition: 22 ეჩქას -- პა̈რპო̄ლდ. Line of edition: 23 მა̄̈ნკვი მϩჴნას ლახე ეჯჟი̄ნ ხეწდენ', ე̄რე ღა̈ნწვიშ ლექვა̄ვ ესი̄ზინი, ეჯას ლეგდ
Line of edition: 24 ლირდე ხოხალ. Line of edition: 25 ჰამს მინზვე̄ ჩϩრჩხϩ̄ნ ურქვად ქა ხესმი მა̄რა, ეჯას ეჯ ზავჲა̈ ნა̈ტტველი როქვ ხოხა.
Line of edition: 26 მϩრშკ ლახე მა̄̈ნკვი ჭϩშხჟი̄ნ ა̈ხბველი მა̄რა, ეჯას ესერ ეჯ მა̄რე̄მიშდ მახე̄რა ხო ხა.
Line of edition: 27 შვა̈ლს ჴურუთე̄სგა ლახ ა̈ხრეკნე მა̄̈ნკვი მა̄რე თან, ეჯ ზავ ეჯ მა̄რე სევჲა̈ნ ი̄რი
Line of edition: 28 ჩიჟი. Line of edition: 29 მებვი̄ლ ლახე მϩჟ ხეყვნი, ეჯჟი̄ნ ლახე ხეწდენი, ეჯ ზავისგა ხოლა̄მ ნϩნთე̄სგა
Line of edition: 30 დე̄მის შყედნი. Line of edition: 31 შყა̈ჟვ ლახე მა̄რე̄მი სგვებინჩუ̄ნ ლაბϩ̄ლუვშ ჟ'ა̈ნპრენი, ეჯ ზავ მაყალისგა ირდი
Line of edition: 32 მა̄რე. Line of edition: 33 ჴავიჩ ლახე ლერთან ფოყხა̈ნ ლაჯჩϩრჩხნი მა̄რა, ეჯას ეჯ ლა̈დღი ხოლა მირ ხოხა.
Line of edition: 34 ბაპრა̄ნდა̈რს ლახე ჰა̄ვდა̈რჟი ხეწდენი მა̄რე მა̄̈ნკვი, ვეფ ხეგნო̄ლხი ლაშდაბისგა.
Line of edition: 35 წა̄̈ვრარე, ყϩრყϩ̄ნ მა̄̈ნკვი ლახე ხესმი მა̄რა, ეჯას ლა̄ხვისგა ჰა̄ვდრია̄̈ნი ხოხა.
Line of edition: 36 მილცს ლახე ლϩცისგა მულცვნა ხეწდენი მა̄რე, ჭვეკქა ჩიგარ ხეყვლი̄ნნ' ე̄ჯ
Line of edition: 37 ზავისგა.
Page of edition: 58 Line of edition: 1 ნეხშტა̈ნ ვა̄̈ლ ლახე ხუნკვი ხესმი მა̄რა, ეჯ ზავისგა ტიშა̈რ ხერდვნი მასა̈რდ.
Line of edition: 2 ჟინღა̈ ძღϩ̄ლ ლახე ხესმი ხუ̄ნკვიდ მა̄რა, ეჯ ზავ ღველჲა̄ქრე კვა̈დ ხოხა.
Line of edition: 3 გვეჭს ლახე ეჩჟი̄ნ ხეწდენი მა̄რე, ერე ჭყϩლ ქა მა̄მ ხესმი, ეჩას ხა̈მრე ლიფშირ ხოხა.
Line of edition: 4 ღუნს ფირვ ლახე ხელო̄კე ი ეჩჟი̄ნ ხეწდენი, ლუნყუ̄რად ლირდე ხოხა მეზგაისგა.
Line of edition: 5 მოდბაშა ლახე სკო̄რუშეს ღϩრიხ ლადბა̈შთე, ეჯჲარე ლიწედს ლეხჲა̈დი ლიდი ხოხა.
Line of edition: 6 მϩჭმა ლახე ღვეშგდ ანტიხხ ლϩმა̄ლრე ნადა̄̈სგუნღო, ეჯჲარე ლიწედ ხოჩა ლი
Line of edition: 7 ეჯ ზავისგა. Line of edition: 8 მა̄̈ლი̄დრე ქარვა̈ნ ლახე მა̄̈ნკვი ლაჭყϩ̄ლოშ ჴედნი, ეჯას ხოლა ლუფხვ ი მუსობ
Line of edition: 9 ხოხა. Line of edition: 10 მაღლავ ლახე ლერსგვანხა̈ნ ლაჯჭϩრხნი, ისგვა ამახვს ა̈ხწინი, ეჯ' ე̄სერ ხოხა.
Line of edition: 11 ფიშირϩდ ლიხ ამკა̈ლიბ ჩი̄მი ლინწირ, მარე ჩი̄ ლახ ჟ'ათგენი მა̄რე, ჰა̈დურდ
Line of edition: 12 სურუ ხეფსი. აშ ალა ჩუ ლ', ე̄რე მო̄შ ნუკვი ლიხვჲე ნა̈პო̄ლრეშ გუნ ხეჯრავა̄̈ნ
Line of edition: 13 მუშვა̈ნ მა̄რა ი მო̄შ-მო̄შ ხესმო̄ლდა. Добавлено (2007-06-07, 6:35 Pm)
---------------------------------------------
Text: 61b
Page of edition: 58
Line of edition: 14
ბ Line of edition: 15 ალა ჟი ლϩჲირ გვა̄რა, ნა̈პო̄ლრე ნალხვიჲ, მარე ლიხ აჯაღ ეჯკა̈ლიბ ნა̈პო̄ლა̈რ
Line of edition: 16 ერე ეჯჲარე ჰერს ი ლიყლეს მო̄შ-მო̄შ ლა̈ნშანა̈რ ი იშგენ ხუღვეხ:
Line of edition: 17 ჰამს დო̄სგ ლახე გვა̈წინა̈ჲ (გვაწანი̄ლ) ლინთჲა̈ ონაჟი̄ნ ქორს ყო̄რისგა ხაჭϩრჭყϩნი,
Line of edition: 18 ეჯა ეჩი̄ ლა̈ნშა̈ნ, ლ', ე̄რე ეჯ ქორ ჲედ ეჯ ქორა̈ მერდე მახა გვეშს მირ იმჴერი.
Line of edition: 19 ლუფხვ, მახად ნაჴა̈დვ მϩჴლი̄ნდს, მა̄̈ნკვი ლახე მა̄რე ჰაგა̈რ ქა ხეწდენი ი ეჩჟი̄ნ
Line of edition: 20 ლა̈ხხო̄ლი ი ლახე მϩჴლი̄ნდ სგვებნა̄ვ ჭϩრჭყϩ̄ნს ჟ'ოხვჩიშე, ეჯა ეჩი̄ ლა̈ნშა̈ნ ლ',
Line of edition: 21 ერე ეჯ ზავისგა მა̄რა ნაჰგა̈რი ხე̄რა ი ჭიშხს ბაჩვ ხორკინვნი.
Line of edition: 22 ანღლა̈ბ ლადაღვ ი ჲედ ანღლა̈ბ ლადა̈ღ ლახა ჰამს მარა უნცელად გა̈გვე̄ ჰერ
Line of edition: 23 ხესმო̄ლდა, ეჯა ხოლა̄მდ ხომჴერა̄̈ნ მუშვა̈ნს ი ამი გუ̄ღა ჰამს ჩიგარ ლენცელს იდ
Line of edition: 24 ა̈სგდა მა̈გ, ერე გა̈გვე̄ ჰერ უნცელად ნომ ხასმე̄ნს. ლϩნცელაჟი̄ნ ლახე ხესმო̄ლდა
Line of edition: 25 მა̄რა ამი ჰერ, ეჩქას ყϩლა: მϩწნე̄ვ ჯა̄რ გა̈გოს ლა̈დინღოჲ ზა̈ჲდი ამჩიქდ, ხოჩა̄ვ ლ25 გვი გარ მი̄ზ" ი ეჩქანღო მა̄რე ჩუ იშა̄რდო̄ლდა.
Line of edition: 26 ღვამა̈ლ ლახე სოფელ ჟიქა̄ნქა ლაყϩრყϩნუშ ღϩრდას, ეჯ სოფელისგა ჲერვა̄ლე
Line of edition: 27 ჩუ იდგარო̄ლდა, მა̄დეჲ სოფლი ნა̄̈თი̄ დაგრა ხეკვჰენდა ესვა̄ლა.
Line of edition: 28 მინზო ლახე ჰამს უნცელად მა̄რა ლახჩϩრჩხნი̄ს, ეჯას ეჩი̄ მϩსმი̄ნა მა̄რე̄მი ხოლა
Line of edition: 29 ნა̄ზვ-ნამჩა̈დვ ხოხალდა კალვისგა ლამშვნაჟი̄ნ ჩიგარ. Line of edition: 30 გა̈გო ლახე უნცელა ზურა̄ლს ჟი ხა̈წრა, ეჯას ხოხალდ'ე̄რე ლა̄შგა̄̈ლჟი̄ნ ზურა̄ლს
Line of edition: 31 უბრაქვ ში ხე̄რო̄ლ ეჯ ზავ ი ნა̄შგვ-ნაყა̄̈ლვი̄ უბრაქვ ხე̄რო̄ლ.
Line of edition: 32 ლახე უნცელა მა̄რა ჴა̈დ მეგა̈მთე ხე̄რო̄ლ ი ეჯ მეგემს მაყგუნა ლახე ხეშდე̄ნკა̄ლ
Line of edition: 33 ნო̄ლ, ეჯას ეჯ მა̄რე̄მი ჴა̈დი ლიყურყუნი ხოხალდა. Line of edition: 34 ღვამა̈ლ ლახე უნცელად ჟიქა̄ნჩუ ლახყϩრყნი̄ს, ეჯას ეჯ ზავისგა ეჯა ხოხალდ'
Line of edition: 35 ე̄რე, ეჯ მა̄რა ჩილადა̈ღ ჴადვისგა ხოლა მიჰმა̈ნ ხე̄რო̄ლ. Line of edition: 36 მუჟჴვარი̄ლ ლახე ჰამს უნცელად მა̄რა ლახჭϩრჭნი̄ს, ეჯას თერა̈რქა წიწვ
Line of edition: 37 ხოხალდა. Page of edition: 59
Line of edition: 1
ბ) გადმოცემები, ამბები |
| |
| |
| |
