Line of edition: 11 და̈̄უ̂ს ათყალუ̂ი̄ნდა ი ეშ ლა̈ხქარუ̂ა̈̄ნ ეშდჲარუ̂ თანა̈ღ ეჩხა̈ნჩუ̄ნ.
Line of edition: 12 ბაბას და̈̄უ̂ა̈ ხოჩე̄რობა მა̈გ ჩუ̂ესსა̈დ. ა̈გით' ა̄ნჴიდ, ხოჩა ლიზგელირდ'
Line of edition: 13 ა̈̄დჴიდ ი ლჷმზჷრე̄უ̂ ლიშდ.

Добавлено (2007-01-16, 2:45 Pm)
---------------------------------------------
Text: 186a
Page of edition: 422
Line of edition: 14
186. ბა̈ქ
Line of edition: 15
ა

Line of edition: 16 მ' ა̈ხუ̂თაუ̂ა̈ნ, ეჩქას გუნ ეზართექა მეჴდე ხუ̂ა̈სუ̂. ეჯა მა̄დეჲ მიშგუ̂ა
Line of edition: 17 დიე ლითუ̂ა̈̄ლჟი̄ნ ცხჷრილშუ̂ ლიც მ' ამღუ̂ა̈̄ნ, ლახ მიშგუ̂ა დის გუ̂ი
Line of edition: 18 ხესუ̄სტანა̄ლდა. ეჩქანღო ჩუ̂ა̈დღუ̂აჟ. მ' ამთაუ̂ე ი ლა̈ხიადა̄ლთე მჷწსა̈ნიე̄ლი
Line of edition: 19 მი ხუ̂ა̈სუ̂. გუნ ეზერ ლარდ' ა̄ნსყეხ, მარე ჲორი მა̄რე ჩუ̂აცუ̄დხ.
Line of edition: 20 ალა მ' ა̈თუ̂ა̈შგედ ი ა̈გის მა̄დ ოთი̄გნ, ლა̈ხუ̂ბინ ლი̄ზი, ეჩჟი
Line of edition: 21 ღულა̈ჲ სგა მი̄გა̈ნ, ერე ნა̈თხუ̂იარა ქა ხუ̂ა̈სრა̈ს ლაჭუ̂მას. აშხუ̂ ა̈გის
Line of edition: 22 ჟ'ა̈ხუ̂იშუ̂მ, სა̈დილ ა̈ხუ̂იკდ, ჰარა̈ყს შდუგუ̂ი მუჭხა̈ნქა ხუთრა̈ს. მიჭუ̂
Line of edition: 23 ეჩზუმ ლა̈სუ̂, ერე ეშხუ უ̄ღუ̂ა ჴანა̈რ სგ ღჷრდახ. ლა̈დიარა̄ლჟი̄ნ
Line of edition: 24 ეშხუ ქირსა̈ ითქ ა̈მშყა̈დ, ეჩზუმ ჟ'ა̈ნცხ' ე̄რე მი ჟ'ა̈მქა̈̄ბ. "სი̄-უჯ
Line of edition: 25 ლჷჭა̈თ ხი, ჟი მო̄დ ა̈თჭემ ალას!" ლა̈ხუ̂ბინ ლი̄ზი. ესღუ̂რი, ესღუ̂რი,
Line of edition: 26 ა̈მფა̈შ ჟი ი აშხუ̂ აშხალჟი̄ნ ჟ'ა̈ხუ̂იშუ̂მ. ლოხუ̂სგი მიშგუ̂ა ქორს, მიშგუ
Line of edition: 27 მჷხრინე მა̄რა̈̄ლ აჯაღ იცუ̂ა̄ლხ ქა̄მენჩუ̄ნ. სერ გუუ̂ემ დეშ ა̈მჭკჷრნე,
Line of edition: 28 ოხუ̂აფშუ̂დ ქირსა̈ ითქ, ახხუ̂ი̄დდა აშხუ̂ ჭჷშხა̈რქა ი ქა̄თჭკუ̂ერ ერქჷდა.
Line of edition: 29 ნაჭკორ ჭიშხ მე̄რმა მა̄რა ახხუ̂ი̄დ, თე̄რა̈რისგა ლახბჷ̄დ ზისხ ი თე̄რა̈რ
Line of edition: 30 ქო̄ხხჷპჷ̄რე. "ალა̄ჯ სგა̈ჲ ლახე̄მდ ერქჷდა̈̄შნე̄მა̈ ი ლა̈ხუ̂ბინ ლი̄ზი ი
Line of edition: 31 სგა ლოხუ̂ა̈̄გნ დეცს.

Line of edition: 32 დეც მასა̈რდ მეგჭე ლა̈სუ̂. ხუ̂ა̈ძგრ თხუ̂იმ ჟიბაუ̂, ჟ'ოხურ ჟიბაუ̂
Line of edition: 33 დეც ი ლასგიდ ა̈მსყა̈̄ნ. ჟი̄ბ ლიმზჷრ ხა̄დდახ ი ეჩჟი ლარდა ჩუ ხა̄დდახ,
Line of edition: 34 ერე ლისგდი მა̈დილ ლა̈სუ̂. მეწა̈დხ მი, ათჷნბაჟჷნხ, მა̈ჲ ესერ
Page of edition: 423 Line of edition: 1 მა̈კუ̂და ამხა̄უ̂ ი ედ იმჟი̄ნ ამკუ̂ი̄შა დეც! ხეწა̈დხ მიშგუ̂ა ნა̈კუ̂იშ დეცს
Line of edition: 2 ი უ̂იბთე̄სგ' ა̄შყა̈დხ. დეცს მებჭკუ̂ე ოთგენა ეჩზუმ, ერე ჩუ ლიში̄დდ
Line of edition: 3 ლახყალუ̂ი̄ნდახ დეცჟი მერდა̄ლას, მარე ალ ე̄სერ მიშგუ ბედ ხა̄რხ
Line of edition: 4 ი ა̈მჭუ̂ა̄დხ სგა, ერ იმხა̈ნ მეჴფიხ ი ერ იმხა̈ნ. მი ხუ̂ე̄ქარ: "ქა̄ჯ ა̈მყა̈ჩდ
Line of edition: 5 ი დეცს-ჷჯჟ ხუ̂ა̈სტე̄რე". -- იმჟ' ესერ? -- "იმჟი̄ჯ ი ამჟ'-ა̄": ლო̄ხუ̂ა̈ჭმ
Line of edition: 6 ღალოშ ლჷგრე̄მი ცილ მებჭკუ̂აქა დეცს ი ეჩჟი̄ნ სგა ლო̄ხუ̂ატხ
Line of edition: 7 უშხუ̂ა̄რ, ერე მე̄რმ' ა̈̄გიქად ხოშა მეგჭე ლა̈სუ̂. ეჩქას ჟი მა̈წჰეხ მინეშთე.
Line of edition: 8 სგა ლამსგურეხ ხოჩა̄მ ტაბა̈გს ი მა̈̄ჲ თე̄მი ლეზუ̂ებ-ლეთრე
Line of edition: 9 მო̄დ ა̈მმა̄რეხ, ეჯა ჟი მა̈ჲ ა̈ნსყუ̂ე̄ლ! ეჩქანღო ლაჭშხა̄შ ა̈ხუ̂ჭა̄ნჭედ ი
Line of edition: 10 ხუ̂აჭშხა̈შდად. ემჩა̈დ თე ჩუბაუ̂, ლოხუ̂სგი ი ჭჷშხა̈რურ მა̄რე ეჩჟი
Line of edition: 11 ქა̄ნჭომე, ერე ბიქუ̂დ ხოშა. თე̄რა̈რ ლჷხპჷ̄რე მა̄რე ქა მა̈წდა დეცჟი̄ნ
Line of edition: 12 ი ქა ლოხუ̂თო̄ნა ჭჷშხა̈რურ მა̄რად მიშგუ თხუ̂იმ ი ქირსა̈ მეგა̈მ ა̈ხფედლა̈̄ნ
Line of edition: 13 სგა კა̄დოშ ი ჩუ ლიქჩე ხეკუ̂ა̈დ ქირსა̈შ. მი მა̈̄უ̂ ჩუ̂ემნ?
Line of edition: 14 სერ ქირსა̈ ლიქჩეს მა̈გ მიცხა̈̄ნდა. ესუ̂ტულ ლახ მო̄დ ლა̈ჲსიმნე,
Line of edition: 15 ჟ'ა̈ხუ̂სა̈რ ჟიქა̄ნჩუ̄ნ ი თე̄რა̈რ ქო̄ხუ̂ხჷპი̄რ. ოხუ̂ეჭმ ჩუ ქირსა̈ მეგა̈მს,
Line of edition: 16 ისგთეჩუ მეჴდე ხუ̂ა̈სუ̂, ეჩქას ლოხუ̂სგი ი მიშგუ̂ა ნასა̈̄ნუ̂ს ძირ ქო̄ხუ̂ქუ̂ი̄რა
Line of edition: 17 ქირსდ. იგი̄წა̈̄ლ ი შიშდ ლიკა̈̄ფის ხამურჯი, ამჟი̄ნ მი ქა̈̄ხუ̂სკინ
Line of edition: 18 ეჩხა̈ნქა. მარე ეჩჟი̄ნ კჷ̄ლთხიხა̈ნქა ა̈მმარჯუ̂, ერე ყიამუყუ̂ უ̂ერისგ'
Line of edition: 19 ა̈̄თუ̂ჴალა̈ნ. ამჟი ლა̈ხუ̂სგი ი თა̈უ̂ირ მა̄რე ანჭომე. -- ჰატ, მი ჟეღ,
Line of edition: 20 იმაუ̂ ესერ ოთჩედნი?!" მა̈ჲ ჩუ̂ემინ' ა̄თხე? თა̈უ̂ირ მა̄რა დაშნა̈ჲ ქა
Line of edition: 21 ლჷქჷლბჷნე ხუღუ̂ე ი კინჩხს ჟი მა̈ქუ̂ცე. ქა ლა̄ტუ̂ მი დე̄მთე მა̄რ.
Line of edition: 22 ხუ̂აჴდ ჭიშხ ბჷგიდ ჩუბაუ̂ ი ეჩაბუა̄სდთე ა̈მჴა̈დჷ̄ნ. ეჩეჩუ̄ნ მასა̈რდ ათხი̄დჷნხ
Line of edition: 23 ნიშგუ̂ეჲ ხოშა̈̄ლს მიშგუ ლიწედ. ეჩაბუა̄სდა̈ თხუ̂იმდ მა̈̄ქუ̂: "მა̈ჲ ესერ
Line of edition: 24 ეზერ ამსუ̂ა̄ლდ ხუ̂იზ, ჩუ̄უ̂ ესერ ხუ̂არდ მიჩაცახან". -- "მიჯ ხამ' ა̈̄თუ̂გენი
Line of edition: 25 ისგუ̂აცახა̈ნ, სი ნა̈ფინთურა?" ხუ̂ა̈ფხჭ სგა უ̂ერა ი ქო̄ხგჷზინ. ა̈მჭუ̂ა̄დხ
Line of edition: 26 ეჩხა̈ნ-ამხა̈ნ ქუნა̈რ, ერ იმხა̈ნ მაპანწკუ̄რეხ ი ერ იმხა̈ნ. მიშგუ
Line of edition: 27 ცოდ, შუკუ̂ს დე̄მთე მოშ ხუ̂ითხე̄ლი. მიშგუ̂ა ღე̄რბათდ აშხუ̂ ნა̄ჭო̄ლს
Line of edition: 28 ხუ̂ეწდ, ოხუ̂ფხიჭ ეჯას, ჟი̄ჯ ლა̈ხუ̂სედნი; ეჯა მა̄დეჲ ესნა̈რ ნიშგუ̂ეჲს
Line of edition: 29 ჟ'ოხუ̂მეჴრახ მიშგუ ეჩაბუა̄სდთე ლი̄ზი, ოხქუ̂იჭას ჩუ ნა̄ჭა მიშგუ̂ა ჟი
Line of edition: 30 ლა̈ტხად ი მი ნა̄ჭას სგო̄ხუ̂ფხიჭ, ეჩქას ა̈მბჷდხ ჟი ი ჟიბებუა̄სდთე
Line of edition: 31 ა̄მჴა̈დჷ̄ნ. სგო̄დერ ნიშგუ̂ეჲთე ი ნიშგუ̂ეჲს მიშგუ ლითუ̂ა̈̄ლ ხა̄დხ. მი
Line of edition: 32 ჰაკუ̂ა̈ნისგა ხუ̂აყუ̂რა̈ს. მიშგუ დი ლუ̈სს მა̄მნა, მი ქა დე̄მ ხუ̂ებშო̄ლდა̈ს
Line of edition: 33 ი ხუ̂იგუ̂ა̈ნდა̈ს.

Добавлено (2007-01-16, 2:46 Pm)
---------------------------------------------
Text: 186b
Page of edition: 423
Line of edition: 34
ბ

Line of edition: 35 მი ა̈ხუ̂თაუ̂ა̈ნ ეჩქას მჷწსა̄ნიე̄ლი ხუ̂ა̈სუ̂ ი ობა̈შ მა̄რე ნირდა. მი
Line of edition: 36 ლაშუ̂პარს და̈̄რ მოშ მა̈სრა. ეჯ ლადა̈ღ სემი ბუღუ̂ა მი გარ ა̈ზუ̂იჰ
Line of edition: 37 ჟი უკულთხანად ი მუმურჯუ̂ი და̈̄რ მეკუ̂ა̈დ. ცერშუ̂ გარ ხუ̂აბუნყუ̂ილა̈უ̂და̈ს
Line of edition: 38 ლეღუ̂ა̈რს.

Page of edition: 424
Line of edition: 1 აშხუ̂ ლადა̈ღ ესღურდა̈ს ლანგზა̄რაუ̂თე, ოთასდ აშხუ̂ უ̂ისგუ̂ს ი ტარხან
Line of edition: 2 ოხუ̂აფუ̂შდ, უსგუ̂ა̈რ ჟ'ა̈ხუ̂ხურიე̄ლ. ლა̈ხუ̂ბინ ლი̄ზი. უ̂ისგუ̂ი ლიზუ̂ებ
Line of edition: 3 მეკუ̂ა̈დ, ლა̈ხუ̂წუ̂ე̄ნ შია̈რ ი დე̄სა მეყა̈̄დხ, ა̈ნტუ̂ხ უ̂ეშგდ ი ლოხუ̂სგი ი
Line of edition: 4 შია̈რ მინოშ ხეტჷრხანა̈̄ლხ უ̂ისგუ̂ს. ჩუ̂ოთკუ̂ე̄ნთხა̈̄ლ შია̈რ ი სგა
Line of edition: 5 ლა̈̄ხუ̂იჭრ. ოთასდ ეჩქანღო ლეჭუ̂ბა̈რს, ქო̄თქაბ, ლოხუ̂სგი ი ჭჷშხა̈რ
Line of edition: 6 დე̄სა მეყა̈̄დხ. ესუ̂ჭონ ჟი ი ჭჷშხა̈რ იტყო̄მპა̄ლხ ჭუ̂იბისგა. სგა ლა̈̄ხუ̂იჭრ
Line of edition: 7 ჭჷშხა̈რ ი ოდერ. ოთასდ ლიცს, ჟ'ესუ̂ესკუ̂დ, ლიც ლო̄ხუშ.
Line of edition: 8 ეზერ ა̈გიდ ქო̄დერ, ლოხუ̂სგი ი თხუ̂იმ დე̄სა მეყა̈̄დ. ესუ̂ჭონ ღუ̂ეშგდ,
Line of edition: 9 ლოხუ̂სგი ი თხუ̂იმ ჟი ხასკუ̂იდ ლჷც ი ჷთრე ლიცს მასა̈რდ. ესუ̂ფხიჭ
Line of edition: 10 ჟი, ხოლა̄მდ ოთსა̈ნტუ̂ე̄რ ი სგა ლა̈̄ხუ̂იჭრ. ამჟი̄ნ ოდერ ლა̈ქმათე.
Line of edition: 11 ეშხუ მუწუ̄ლა̈ წემა̈შ ა̈ხუ̂იყდ. ეჯა შუნ ლო̄ხუ̂ა̈ჲ. ლამხუ̂ი̄დდახ ეშხუ
Line of edition: 12 ლაშგა̈რ ბერჟა̈ ნა̄ჭა̈̄ლ, სგა ხო̄ბხ მურყუ̂ამდ, ჟი ლიყუ̂ჩე ხაკუხ, მარე
Line of edition: 13 ნა̄ჭა̈̄ლ ჩუ ხექუ̂ცუ̄რიხ. ლო̄ხობ მუწუ̄ლა̈ წემა̈შ, ოხობდ ქა ი ჟ'ოხუ̂აყუ̂ჩ
Line of edition: 14 მურყუ̂ამ. მურყუ̂ამ ჩუქუ̂ა̄ნ რა̈შ არდა, ეჯას ჟოხუ̂სგუ ი ათხე ამეჩუ̄ნ
Line of edition: 15 ხუ̂ა̈რი.

Добавлено (2007-01-16, 2:46 Pm)
---------------------------------------------
Text: 187
Page of edition: 424
Line of edition: 16
187. ჭყინტ ი სემი გუ̂ეჭი̄ლა̈რ

Line of edition: 17 ლჷმზჷრე̄უ̂ ლიშდ ი აშხუ̂ ხეხუ̂-ჭა̈შს ეშხუ ჭყინტ გარ ხორიხ. მინე
Line of edition: 18 ლეჴმა̈რი მა̈გ სგა ლახჴჷმრეხ ამი̄ ლათუ̂ერს ი უ̂ეშგიმპილს ნეზუ̂ ი სემი
Line of edition: 19 გოჭა̈რ გარ ესსა̈დხ. ჭყინტი ანტა̈ხ სერ ლათუ̂რია̈რხა̈ნ ი ნეზუ̂ს ი
Line of edition: 20 გოჭა̈რს ლილდეღ ლოხუ̂ბინე. ჰამს ქა̈̄ი ი ნა̈ბოზს სგა იტხე მჷბიზს.

Line of edition: 21 აშხუ̂ ლადა̈ღ ხელდეღ მინდუ̂ერისგა ალ ჭყინტ მიჩა ნეზუ̂ს ი გუ̂ეჭი̄ლა̈რს.
Line of edition: 22 ამჟი̄ნ ახა̄სდხ ხელწიფი დი̄ნა ი მიჩა მოჲახლა̈რ. ხეწა̈დ გუ̂ეჭი̄ლა̈რს
Line of edition: 23 ხელწიფი დი̄ნა ი ეჩჟი̄ნ ქა ლახლატჷნხ გოჭა̈რ, ერე ჩუ უ̂ეთ
Line of edition: 24 ა̈დსო̄ყა̈̄ნ. ლოხუ̂ბინე ჭყინტს ლიშგუ̂ემ: "მა̈დილუ ხე̄რა ი ქა̄უ̂ ლახუ̂ე̄მ
Line of edition: 25 ფასუ̂ღა ეშხუ გუ̂ეჭი̄ლ". ჭყინტდ ხა̈̄ქუ̂: "ქუთუ̄ლა̈რთეჟი̄ნ ესერ
Line of edition: 26 ქა̄უ̂ ხაწუ̂ე̄ნე ტიტუ̂ელ მიჩა სკელა̈რ ი ეჩქას ესერ აშხუ̂ გუ̂ეჭი̄ლს
Line of edition: 27 ხაჰუ̂დი, მა̈დეჲ იშგენ ფა̈ს ესერ მა̄მგუ̂ეშ ხაკუჩ". ხელწიფი დი̄ნად კი̄ლ
Line of edition: 28 ა̈ნკიდ, ეჩჟი̄ნ ათუ̂ა̈შგდჷნ, მარე იშგანღა ჭყინტდ მა̄დ ლახუ̂ე̄მ. სერ
Line of edition: 29 ჟი ლა̈ჲტყი̄რ ი ქუთუ̄ლა̈რთეჟი̄ნ ქა ხაწუ̂ე̄ნე სკელა̈რ. ჭყინტდ ქა ლახუ̂ე̄მ
Line of edition: 30 გუ̂ეჭ ი ნა̈ბოზს ჲორი̄ლ გარ ანჴიდ ქორთე გოჭა̈რ. მე̄რმა ლადა̈ღ
Line of edition: 31 აჯაღ ადჲე ლალდა̈ღთე. ახა̄სდჷდ ალ ხელწიფი დი̄ნა ი ლა̈ხღუ̂აჭრა̈̄ნ
Line of edition: 32 გუ̂ეჭს. ჭყინტდ ხა̈̄ქუ̂: "ლა̄რტყათეჟი̄ნ ესერ ქა̄უ̂ ა̈დტუ̂ეტლა̈̄ნ
Line of edition: 33 ი ეჩქას ესერ ქა ხაჰუ̂დი". იშგანღა ლახ მო̄დ ლახუ̂ე̄მ, ეჩქას ლა̄რტყათეჟი̄ნ
Line of edition: 34 ქა ხაწუ̂ე̄ნე ტიტუ̂ელ ტა̈ნ ი მე̄რმე გუ̂ეჭი̄ლ ქა̄დ ლახუ̂ე̄მ. მე̄სმა
Line of edition: 35 ლადა̈ღ აჯაღჷდ ადჲე ეშხუ გუ̂ეჭი̄ლ ლალდა̈ღთე. ახა̄სდჷდ ალ დი̄ნა
Line of edition: 36 ი ლა̈ხღუ̂აჭრა̈̄ნ გუ̂ეჭი̄ლს. "ჲაღუ̂ ე̄სერ ჩიაუ̂ ქა̄უ̂ ა̈დტუ̂ეტლა̈̄ნ ი ეჩჟი̄ნ
Page of edition: 425 Line of edition: 1 ჟი̄ნ ქა̄უ̂ ხაწუ̂ე̄ნე ტა̈ნ, მა̄დ' ე̄სერ იშგანღა დე̄მღა ჰუ̂ედი". დი̄ნად ქაჯა̈რ
Line of edition: 2 უ̂ეთ ა̈ნჭუ̂ა̈̄დ, ეჩჟი̄ნ ჩუ̂ა̈დსა̈სტკე, მარე გუ̂ეჭი̄ლა̈ მალატუ̂ში გუ̂ი
Line of edition: 3 ხოხპენი. ათკაფუ̂ნეხ მიჩა მოჲახლა̈რდ: "მა̈ჲ ესერ ი̄რი ღო?" დი̄ნა
Line of edition: 4 ქა̈̄დტუ̂ეტლა̈̄ნ ი ტიტუ̂ელ ქა ხაწუ̂ე̄ნე მიჩა თხუ̂იმ ჭყინტს. ჭყინტდ მე̄სმე
Line of edition: 5 გუ̂ეჭი̄ლი ქა ლახუ̂ე̄მ ი ა̈გით' ა̄ნჴა̈დ. ლა̈ხჭუ̂ედდახ მიჩა დი ი მუ:
Line of edition: 6 -- მა̈ჲ ესერ ოთყერა გოჭა̈რდ?
Line of edition: 7 -- მა̈ჲ ესერ-ი აშ-ი-აშ ხელწიფი დი̄ნად ლოჰოდა. -- დიდ ი მუდ
Line of edition: 8 გუნ ა̈დუ̂ა̈შგდეხ:
Line of edition: 9 -- უ̂ა̈ჲ, უ̂ა̈ჲ, მა̈ჲ ესერ ცუ̂იდ ლახა̄რახ მიჩა ლითუ̂რი! შიშდ ესერუ
Line of edition: 10 აჩა̈დ ი მინე თან ნოსა̄უ̂ ხეწა̈დ!

Line of edition: 11 ანჷ̄გა̈ნ ჭყინტ ი აჩა̈დ შუკუ̂ს. ლახხუ̂ი̄დდა ეშხუ ა̈ფიცარ. ჭყინტ
Line of edition: 12 ლა̈ხჭუ̂ედდა:
Line of edition: 13 -- იმთ' ე̄სერ ესღრი?
Line of edition: 14 -- იმთე ი ხელწიფ ესერ დი̄ნას ა̈წუ̂ი̄ლე. ერუ̂ა̈̄ჲ ესერ ეჩი̄ ლა̈ნშა̈ნს
Line of edition: 15 ჩუ̂ა̈თხო̄ლი, ეჩას ესერ ხაჰუ̂დი ხახუ̂დ. ნოთა̄უ̂ ესერ ჯ' ე̄სა იმე

Line of edition: 17 ალ ხელწიფი დი̄ნას ლერსგუ̂ან ბარჯჟი̄ნ ფა̈თუ̂ ხა̄გ ლა̈ნშა̈დ.
Line of edition: 18 ალას ჭყინტ ქა ხეწა̈დ, გოჭა̈რ ლახუ̂ე̄მ ეჩქას. ა̈ფიცარს ხა̄̈ქუ̂:
Line of edition: 19 -- ეჩი̄ ლა̈ნშა̈ნს ესერ ქა ლახ ლახთუ̂ე̄ნი, იმ ესერ ლაჰუ̂ედნე?
Line of edition: 20 -- იმ ესერ ი ათა̈ს მანა̈თს.
Line of edition: 21 -- ეზერ ესერ. ჲაღუ̂ ე̄სერ ამჟი̄უ̂ ხა̄̈ქუ̂-ა: "დი̄ნას ესერ ბარჯჟი̄ნ ლა̈ნშა̈ნ
Line of edition: 22 ხა̄გ". საკუთარდ მა̄დ ხა̄̈ქუ̂. ა̈ფიცარდ ათა̈ს მანა̈თ ქა ლახუ̂ე̄მ.
Line of edition: 23 ჭყინტდ ალა მიჩა დის ი მუს ქორთ' ო̄ხჴიდ ი ჯა̄ჲ აჩა̈დ ხელწიფთე.
Line of edition: 24 ამჩუ̄ნ ჩუ ლუზუ̂ერ ლიხ მა̈გ, ჲერ იმ ყϩლე ი ჲერ იმ. აშხუნღო
Line of edition: 25 ა̈ფიცარს ათხა̄დ: "ალ დი̄ნას ესერ ბარჯჟი̄ნ ლა̈ნშა̈ნ ხა̄გ". -- ო̄, მა̈ნტკცა̄მთ,
Line of edition: 26 ე̄სერ ამი̄ ამბა̈უ̂ ანჴა̈დ ი ამის ხაჰუ̂დიხ სერ ხახუ̂დ". ათხ' ა̄ნჴა̈დ
Line of edition: 27 ჭყინტ ი რა̄̈ქუ̂: "ალ დი̄ნას ესერ ლერსგუ̂ან ბარჯჟი̄ნ ფა̈თუ̂ ხა̄გ
Line of edition: 28 ლა̈ნშა̈ნდ". ალა ჰა̈დურდ ტკიცს ათხუ̂ი̄დ, მარე დი̄ნას ი მიჩა დის ი
Line of edition: 29 მუს ა̈ფიცარ ხოცხახ ი ჭყინტ მა̄დე. ხელწიფდ რა̄̈ქუ̂: "ჲაღუ̂ ე̄სერ
Line of edition: 30 ბა̄ზი აშხუდუ ადყურდახ დი̄ნა, ა̈ფიცარ ი ჭყინტ ლϩკილ ოთახისგა.
Line of edition: 31 ჰამს ესერ ჴა̈დ ეშუ̂ა̄̈იშთე ხე̄რა დი̄ნას, ეჩასუ ხა̄დ". -- "ეზერ ესერ".
Line of edition: 32 ანჴა̈დ ჭყინტ ი ეშხუ ჯიბ კამფეთა̈რ ა̈ნყიდ. ბა̄ზი უ̂ახშა̈მდ აშხუდ ასგურდახ,
Line of edition: 33 ა̈ფიცარ ჟი უ̂ეთ ესბა̈ჭკუ̂ ლეზობ-ლეთრა ი ჭყინტდ მა̄მგუ̂ეშ
Line of edition: 34 ლალე̄მ. ჩუ̂ადყურდახ აშხუდ, დი̄ნად შიშდ ჴა̈დ ა̈ფიცერთე ჩუ̂ემინ.
Line of edition: 35 ისგლე̄თი ონაქა ა̈ფიცარს ახსგე̄ნდა ეჩჟ' ერე ბეჭკუ̂ნი, ქა ლა̄ზ
Line of edition: 36 მიჩ დე̄მთე ხა̄რ. ალ ჭყინტ კამფეთა̈რს იზბი. ა̈ფიცარ ლა̈ხჭუ̂ედდა:
Line of edition: 37 "იმ ესერ იჩომ?" -- "იმ ესერ-ი ქა̄მაუ̂ ლა̄ზ მა̄მ ხა̄რ, კოლს ესერ ქა
Page of edition: 426 Line of edition: 1 იკედ სატ##კხა̈ნქა ი იზბი". ალა ა̈ფიცარს ტკიც ლოხხალდა ... ლახჴანდა
Line of edition: 2 დი̄ნას ხოლა ქუ̂ინ, ა̈ფუ̄ჰ ესერა̈ ი შიშდ ჭყინტთე ა̈სიპდა.

Line of edition: 3 მე̄რმა ლადა̈ღ ადკარეხ ჩუ ყო̄რა̈რ, ხეწა̈დხ დი̄ნას ი ჭყინტს სგა
Line of edition: 4 ხატკბϩნა. ა̈ფიცარ შიშდ ქა̄დკუ̂ა̈რხ, მარე ჭყინტს ეში̄ დე̄მϩდ ხაჰუ̂დიხ
Line of edition: 5 ქა. ხა̄̈ქუ̂ხ: "მიჩ ესერ შინა̄̈უ̂რ რა̈ჭულდ ხორი. ეჯას ესერ ქა ლახ დოშ
Line of edition: 6 ოთქუ̂ითერხ ალ-ი-ალ დუ̂რეუ̂ ჩიქდ, ეჩქას ესერ ქა ხაჰუ̂დიხ სერ საკუთარდ;
Line of edition: 7 ქ' ე̄სერ ჰე ოთქუ̂ითახ ი ჲედ ქა̄ხღორუ̂ახ, ღუ̂ ე̄სერ ჰაჯუ̄ ახკიდ". -- "ეზერ
Line of edition: 8 ესერ". ანჴა̈დ ჭყინტ, ჟ'ათა̄გა̈ნ აშხუ̂ მეჯუ̂ეგს. ალას
Line of edition: 9 ჭა̈გ ჩა̄̈ჟ ი ჟეღ ხორი, სტუ̂ი̄რილდ ადთϩმე ი ლახ აშმე, მიჩა
Line of edition: 10 რა̈ჭულდ ეჩჟი̄ნ ქა იშდრა̄̈ლ, ერე ლისგდი მა̈დილ ლიზ. ანჴა̈დ აშხუ̂
Line of edition: 11 ლადა̈ღ ხელწიფ, ლერქუ̂ა̈რ მო̄შ ლა̈ჲქუ̂ე ი ლიღუ̂ჭარა̄̈ლ ლოხუ̂ბინე
Line of edition: 12 რა̈ჭულდა̈შ. ჭყინტდ შიშდ ჩუ̂ათირ ხელწიფ, მარე მუგუ̂და დო̄სა ხოთრა,
Line of edition: 13 ხა̄̈ქუ̂: "ალ' ე̄სერ-ა, მიჩა ჭა̈გ ჩუ̄უ̂ აჩ##შ ი ეჩქას ესერ ქა
Line of edition: 14 ხაჰუ̂დი". ხელწიფდ ჭა̈გ ჩუ̂აჩ##შ ი რა̈ჭულდ ა̈გით' ე̄სყა, ეჩჟი ჩუ ხაჩ'
Line of edition: 15 ე̄რე შუ̂იმ მა̄მ ხა̄რ. ლაჲშϩმე ჭყინტდ სტუ̂ი̄რილდ, რა̈ჭუ̂ ქო̄თჩა̈დ შია̈რხა̈ნქა
Line of edition: 16 ხელწიფს ი ჭყინტ სგუ̂ებინჩუ̄ნ ესფადგა̄̈ნ ეჯ წა̈მჟი̄ნ. მე̄რმა
Line of edition: 17 ლადა̈ღ ხელწიფი ხეხუ̂ აჩა̈დ. ამნე̄მი მე̄რმე ლერექუ̂ ლა̈ჲქუ̂ე, ლოხუ̂ბინე
Line of edition: 18 ჭყინტს რა̈ჭულდა̈ ლიღუ̂ჭარა̄̈ლ. ჭყინტდ ალა̄ჲ ჩუ̂ათირ, მარე ქა
Line of edition: 19 მა̄მ ლა̈ჲთნე ი ხა̄̈ქუ̂: "მიჩა ჟეღს ესერ ჩუ̄უ̂ ესჩუ̂ე##უ̂ნე ი ეჩქ' ე̄სერ
Line of edition: 20 ქა ხაჰუ̂დი". ხელწიფი ხახუ̂ემ ... რა̈ჭულდ ადჲე, მარე ისგ შუკუ̂თექა
Line of edition: 21 მეჩდე ლა̈სუ̂, ეჩქას ესშϩმე ჭყინტდ სტუ̂ი̄რილდ, ოთჩა̈დ ქა შია̈რხა̈ნქა
Line of edition: 22 ხელწიფი ხახუ̂ რა̈ჭულდ ი მიჩა სგუ̂ებინჩუ̄ნ ესფადგა̄̈ნ. მე̄სმაჟი̄ნ ხელწიფი
Line of edition: 23 დი̄ნა აჩა̈დ რა̈ჭულდა̈ ლაღუ̂ჭარა̄ლთე: "ნო̄თა̄უ̂ ესერ მიჩ ეჯღაჲ
Line of edition: 24 მა ოთჩა̈დ სგუ̂ებდ". ლოხუ̂ბინე ლიღუ̂ჭარა̄̈ლ ჭყინტს. ჭყინტდ
Line of edition: 25 ხა̄̈ქუ̂: "ჲაღუ̂ ე̄სერ ქა̄უ̂ ლა̈ჲჩუ̂##ჲა̄ლუ̂ნე ჯა ი ეჩქას ესერ ქა ხაჰუ̂დი".
Line of edition: 26 დი̄ნად ქა ლა̈ჲჩ##შნე, რა̈ჭულდ შუნ ლა̄ჲე, ჟ'ანბერკლე ო̄შთხუ̂ ჭϩშხშუ̂
Line of edition: 27 ი სგე̄სსგურე სადგუ̂ემთე̄სგა. ჭყინტ სტუ̂ი̄რილდს აშმე, მარე რა̈ჭუ̂
Line of edition: 28 ჟი ლუკუ̄ლთხა̈ნ ლი ი ქა დე̄მთე მოშ ღϩრი. ამჟი̄ნ დი̄ნად სგა̄დჲე
Line of edition: 29 მიჩა მუუ̂ე ქორთე̄სგა რა̈ჭულდ. ამეჩუ̄ნ ყო̄რ-ლაჴუ̂რა მა̈გ ქა̄კილხ ი
Line of edition: 30 ჟ'ანფუშდუ̄რეხ. უ̂ადა̄ჲ ლა̈დი ხოშთხენი ჩუ ალ ჭყინტს. ჭყინტ აშმე
Line of edition: 31 სტუ̂ი̄რილდს, ალა რა̈ჭულდს სგა ხესმი, ლა̈ჲბინე ლისიპ, ხოძგა̈რ ლაჴუ̂რას
Line of edition: 32 ი წკუ̂ა̄̈მ აშ ლა̈ხთუ̂ა̈ფ ი ჭყინტცახა̈ნ ესფადგა̄̈ნ. ჭყინტდ ლა̈დი რა̈ჭულდ

Добавлено (2007-01-24, 9:43 Pm)
---------------------------------------------
სგა ლა̈ჲჴერნე, სგა̄ჩა̈დ ხელწიფთე̄სგა ი ხა̄̈ქუ̂: "ხაჰუ̂დიხ ესერ მა̄,
Line of edition: 34 ჲაღო, მინე გეზალს?" ხელწიფდ უ̂არϩდ ხა̄̈ქუ̂. ეჩქას ჭყინტდ ხა̄̈ქუ̂:
Line of edition: 35 "რა̄̈ქუ̂ას ესერ მო?" -- "აჰ მა̈დილუ ხე̄რი, ნომა̄უ̂ რა̄̈ქუ̂!" ეჩქანღო ხელწიფი
Line of edition: 36 ხახუ̂ ხა̄̈ქუ̂: "რა̄̈ქუ̂ას ესერ მო?" -- "ო̄, მა̈დილუ ხე̄რა, ნომა̄უ̂ რა̄̈ქუ̂ ი
Line of edition: 37 მინე გეზალ ქა̄უ̂ ადჲე ხახუ̂დ!" ჭყინტდ სერ ხელწიფი დი̄ნა სგა̄̈დგურგუ̂ნე.
Line of edition: 38 ღუ̂ეშგიმპილს ლიხϩლწიფ მიჩ ესსა̈დ ი ხოჩა ლირდე-ლიზგე ა̈დჴიდ.

Добавлено (2007-01-24, 9:43 Pm)
---------------------------------------------
Text: 188
Page of edition: 427
Line of edition: 1
188. უ̂ა̈რგ ი მიჩა მოჯმა̈გი̄რ

Line of edition: 2 ეშხუ უ̂ა̈რგ ლიზ. ალას ხეხუ̂ ი ეშხუ დი̄ნაგეზალ გარ ხორი. მოჯმა̈გი̄რდ
Line of edition: 3 ა̈დგენე ეშხუ მახეღუ̂ა̈ჟ ი იზგეხ ხოჩა̄მდ. დი̄ნას ეჯკა̈ლიბ
Line of edition: 4 ხოჩა ლა̈წუ̂ა̈შ ქა̄̈ხფას, ერე ხოჩა და̄̈რ ა̈რი ლაჩქი მϩფრენი. აშხუ̂ჟი̄ნ
Line of edition: 5 უ̂ა̈რგ ი მიჩა ხეხუ̂ ლϩწსობთ' ა̄ჩა̈დხ ი ქორს დი̄ნა ი მოჯმა̈გი̄რ გარ
Line of edition: 6 ასა̈დხ. აშხუ̂ ლადა̈ღ მოჯმა̈გი̄რდ ხა̄̈ქუ̂:
Line of edition: 7 -- დაჴϩლ ესერ ჩუ̄უ̂ ა̈ზიჰხ ი ღო ლეღუ̂ ხე̄რახ.
Line of edition: 8 -- ა̄დუ̂ ესერ, -- დი̄ნას ათხა̄დ, -- მარე თხუ̂იმს ესერ იმჟი̄ნ ადპა̈ჟუ̂ნიხ?
Line of edition: 9 -- თხუ̂იმს ესერა ჯა ლა̈ჲცϩყე̄რი სატ###ჟი̄ნ ი და̄̈რ ესერ
Line of edition: 10 ხეწდენიხ.

Line of edition: 11 ანჴა̈დხ ტკიცდ ი დაჴϩლ ჩუ̂ა̈ზიჰხ, ლეღუ̂ ჩუ ლალე̄მხ. ეჩქას დი̄ნად
Line of edition: 12 ხა̄̈ქუ̂ მოჯმა̈გი̄რს: "ათხ' ე̄სერ, ჲაღო, თხუ̂იმ ჟი̄უ̂ ლა̈ჲჩიხნე!" მოჯმა̈გი̄რდ
Line of edition: 13 ლა̈ჲზϩმე, მარე დეშ ათსკϩ̄დ, მა̈ჲ საკუ̂რელ. ეჩქას დი̄ნას ხა̄̈ქუ̂: "ა̈ნიგებას
Line of edition: 14 ესერ მიჩ ათსკი̄დს, მიჩნე̄მუ ლა̈ჲზϩმე!" დი̄ნად ჟი ლა̈ჲტყი̄რ,
Line of edition: 15 ჭყინტს ჟ'ა̈ხϩხϩთნა̄̈ნ ტატუ̄ლ, თხუ̂იმ გა̈ნთ' ა̄დკუ̂ა̈რ ი დი̄ნა ჩუ̂აჩ##შ
Line of edition: 16 შომუ̂ა̄ლე უ̂ა̈რგ ი მიჩა ხეხუ̂ი ანჴა̈დხ ი დაჴლა̈შს ლა̈ჲჭუ̂ედდახ, -- "დაჴϩლ
Line of edition: 17 ესერ თხე̄რა̄̈ლს ოთხუ̂იახ", უ̂ა̈რგდ მა̄მგუ̂უ̂შ რე̄ქუ̂.

Line of edition: 18 ქა̄ჩა̈დ ხა̈ნ ი დი̄ნა ჩუ̂ა̈დღანუ̂ა̄̈ნ. ალას ხოხალ, ერე "დაჴლა̈ თხუ̂იმს
Line of edition: 19 ესერ ჟი მϩრე̄ს ოხუ̂ცხა ჴადუ̂ისგა ი ეჯ' ე̄სერ ლიზ. ანჴა̈დ აშხუ̂ ლადა̈ღ,
Line of edition: 20 ესგურდა ჩუ ლარტამისგა, იუ̂კა ჟი ლა̈ჲტყი̄რ ი ხატუ̄ლი ტოტშუ̂:
Line of edition: 21 "ჰე̄ე̄, ჰე̄ე̄!" მარე ქა მა̈ჲ ა̈ნჴდენ? ხეწა̈დ ამის მიჩა მუ ი ლა̈ხჭუ̂ედდა:
Line of edition: 22 -- მა̈ჲ ესერ ლი, იმ ესერ იჩომ?
Line of edition: 23 -- ჰმ, იმ ესერ ი დაჴϩლ თხე̄რა̄̈ლს დე̄ს' ო̄თხუ̂იახ, მარე მინს
Line of edition: 24 ესერ ლოხუ̂მამახ, თხუ̂იმ ესერ მიჩ ოთჩიხნა ი ჟ' ესერ მϩრეს ოხცხა
Line of edition: 25 ჴადუ̂ისგა.

Line of edition: 26 უ̂ა̈რგდ ჩუ̂ა̈ცხირ გუ̂ეშ, ხა̄დ ი დამ ი ქა ლეჰუ̂დი ხა̄დ ხახუ̂დ მიჩა
Line of edition: 27 მოჯმა̈გი̄რდ.

Добавлено (2007-01-24, 9:43 Pm)
---------------------------------------------
Text: 189
Page of edition: 427
Line of edition: 28
189. ლახუ̂ბა

Line of edition: 29 სემი ლახუ̂ბა ლიხ. ალჲა̈რდ ჩიემ ლა̈ხხუ̂' ა̄̈ნჴიდხ, მარე მაჰრე̄ნა̄მ
Line of edition: 30 მუხუ̂ბა ხოჩა ხეხუ̂ ათმარჯუნ. ამღა ლახუ̂ბად ჟი ლა̈ჲსისგეხ მაჰრე̄ნე
Line of edition: 31 მუხუ̂ბე, ქა̄̈დი̄თხ ი ეშხუ კუ̂აჩხა̈ჲ ფირუ̂ილდ გარ ლოხუ̂ე̄თხ. ანჴა̈დ
Line of edition: 32 მაჰრე̄ნე მუხუ̂ბე, ფირუ̂ ჩუ̂ა̈ზიჰ ი უსგუ̂ა ჩაფϩლ ახფასე ეჩი̄ გუ̂ერა. ალ
Line of edition: 33 ჩაფლა̈რ შუნ ლა̄ჲე, ესღუ̂ა ლეჰუ̂დიდ. ათა̄სდ ლა̈ჭმას აშხუ̂ ბაპს. ამნე̄მ
Line of edition: 34 ჩაფლა̈რ მა̈გ ჩუ̂ა̈დყიდ უსგუ̂ა̄მ მანა̈თღა. უსგუ̂ა მანა̈თ ქა ლახუ̂ე̄მ
Page of edition: 428 Line of edition: 1 ი ხა̄̈ქუ̂: "ალ ჩაფლა̈რ ესერ სგა̄უ̂ ადჲე მიჩა ქორთე ი ქა̄უ̂ ლახუ̂ე̄მ
Line of edition: 2 მიჩა ხახუ̂". ალ ბაპს უსგუ̂ა ფირუ̂ ხორი. ანჴა̈დ ალ მა̄რე ი ხა̄̈ქუ̂
Line of edition: 3 ბაპა̈ ხახუ̂: "ბაპს ესერ მიჩეშდ უსგუ̂ა ფირუ̂ მა̈გ ჩოთყიდა ი ქა ლეჰუ̂დ'
Line of edition: 4 ესერ ხა̄რ". ალას ზურა̄ლ დე̄მ იჯრა̈უ̂ი. ეჩქას მა̄რე̄მ ლახტუ̂ი̄ლ
Line of edition: 5 ბაპს: -- უსგუ̂' ე̄სერ გარ მა̄დ ლიხა?
Line of edition: 6 -- ჰო̄, უსგუ̂' ე̄სერ ლიხ ი ქა̄უ̂ ლახუ̂ე̄მ.

Line of edition: 7 ალა ზურა̄ლს ფურრე ლიჰუ̂დიღა ლოხხალდა ი ფურა̈რ მა̈გ ქა
Line of edition: 8 ლახუ̂ე̄მ. ადჲე ალ მა̄რე̄მ უსგუ̂ა ფირუ̂ ა̈გითე. ლახუ̂ბა ლა̈ხჭუ̂ედდახ:
Line of edition: 9 -- იმხა̈ნ ესერ ოხჴი̄და ალ ფურა̈რ?
Line of edition: 10 -- იმხა̈ნ ი თუ̂ით ჩაფϩლღა თუ̂ით ფურ ესერ ლϩმცა̄დუ̂ინ.

Line of edition: 11 ანჴა̈დხ ამი̄ ლახუ̂ბა, მინე ჯოგა̈რ ჩუ̂ა̈ზიჰხ, ჩაფლა̈რ ჟი ლა̈ჲცუ̂ეხ,
Line of edition: 12 მარე ჩაფლა̈რღა ფურა̈რ იმე ხეთხო̄ლხ? ანჴა̈დხ ა̈გითე ი მინე მუხუ̂ბა
Line of edition: 13 ქორ ჩოთშიხხ. ანჴა̈დ ღალ მაჰრე̄ნე მუხუ̂ბე, უსგუ̂ა მანა̈თ ჩუ
Line of edition: 14 ხორი, ალა გუდრათე̄სგ' ე̄სდე, ჟიქა̄ნ შიხ ესდე ი ადჲე. აჩა̈დ ჯუ̂ე̄დია
Line of edition: 15 სოფელთე. ამეჩუ̄ნ აშხუ̂ უ̂ა̈რგს სგა ლა̈ხმუშგუ̂რა̄̈ნ. ბა̄ზ' ანჴა̈დ ი გუდრა
Line of edition: 16 ქა̄დჲე, ლϩცე პილს ეშხუ მანა̈თ ჩუ̂ადკუ̂ა̈რ, შიხ ლϩცთ' ა̄შიდ,
Line of edition: 17 მე̄რმე მანა̈თ ისგ შუკუ̂ისგა ადკუ̂ა̈რ, მე̄სმე მანა̈თ ყო̄რჟი̄ნ ი ჩუ̂ადყურდა.
Line of edition: 18 მე̄რმა ლადა̈ღ ა̈ნწუ̂ე̄ნე ჟი გუდრა, ლა̈ჲბინე ლილჭა̄̈ლ: "უ̄ჲ,
Line of edition: 19 მიჩ ესერ გუდრა ჟი გუ̂ეში ხა̄რა მანთარშუ̂. ქ' ე̄სერ ოთქუ̂ითახ. მა̈ჲ
Line of edition: 20 ესერ ხაგდე̄ნა?" ანჴა̈დ უ̂ა̈რგ, გუდრა უ̂არჩხილშუ̂ ი ოქუ̂რშ ჟ'ოხგუ̂ა̈შლე
Line of edition: 21 ი ეჩჟი̄ნ აფიშუ̂დ. ანჴიდ ამნე̄მ ქორთე ალ უ̂არჩხილ. ლახუ̂ბა
Line of edition: 22 ლა̈ხჭუ̂ედდახ: -- იმხა̈ნ ესერ ოხჴი̄და ალამა̈გ კეთილ?
Line of edition: 23 -- იმხა̈ნ ესერ ი ჟი ლოხუ̂ცუ̂ა შიხ გუდროშუ̂ ი ლუმტუ̄ლინ:
Line of edition: 24 "შიხღა უ̂არჩხილს ჲა̈რ ცა̄̈დი?" ათლაკ' ე̄სერ აშხუ̂ უ̂ა̈რგს ი ქა ლოხუ̂ცა̄და.

Добавлено (2007-01-24, 9:43 Pm)
---------------------------------------------
ანჴა̈დხ მიჩა ლახუ̂ბა, ქორა̈რ ჩუ̂ა̈შიხხ, ჟი ლა̈ჲცუ̂ეხ შიხ გუდრა̄ლშუ̂
Line of edition: 26 ი ტუ̄ლიხ: "შიხღა უ̂არჩხილს ჲა̈რ ცა̄̈დი?" ჲა̈რ ლოხუ̂ცა̄̈დნა ი
Line of edition: 27 ჰა̈რიდ ანტა̈ხხ ა̈გითე. ლახუ̂ბა ლϩხრინე ლიხ, ანჴა̈დხ ი ხეხუ̂ ჩოთდაგა̈რხ
Line of edition: 28 მინე მუხუ̂ბა. ამნე̄მ ღალ ჟი ლა̈ჲცუ̂ე ლϩდგა̈რ ზურა̄ლ, ესღრი,
Line of edition: 29 ესღრი ი აშხუ̂ კე̄სა̈რშე̄რთე̄სგ' ა̄̈თჴა̄დϩ̄ნ. ამეჩუ̄ნ ყო̄რჟი ზურა̄ლს
Line of edition: 30 კაპა̈რ ლოხუ̂გე, ჯა სგა̄ჩა̈დ ი ხაშგუ̂მინ: "მა̈დილუ ხე̄რახ, მიჩა
Line of edition: 31 ხეხუ̂ მო̄ლე ლეგდ ა̈რი ი სგა̄უ̂ ა̈დხინხ?" ალჲა̈რდ სგა̄̈დხინხ. ამნე̄მ-ა,
Line of edition: 32 მა̄რილდ სგა̄̈დბეჯგ ლϩდგა̈რ ზურა̄ლ ქორთე ი ჩუ̂ადყუ̂ინე ლაყუ̂რაჟი̄ნ,
Line of edition: 33 ბა̄ზ' ანჴა̈დ ი კე̄სრი მაჰრე̄ნა̄მ დი̄ნას ჯაყულდ ქო̄თქუ̂ით, მიჩა ხახუ̂
Line of edition: 34 ყია ქო̄ხხანე, ზისხილდ ახცუ̂ემ ჯაყუ̄ლდს ი ეჩქანღო სგა̄დ ესუ̂დე
Line of edition: 35 ალ დი̄ნას ჯიბთე. მე̄რმა ლადა̈ღ ანϩ̄გა̈ნ ჟი, ხეწა̈დ მუგუ̂და მიჩა
Line of edition: 36 ხახუ̂, ლა̈ჲბინე ლიტფუ̈რა̄̈ლ: "მა̈ჲ ესერ ხაგდე̄ნა ხეხუ̂მი ლიჲსენის?
Line of edition: 37 სგ' ე̄სერ ნომა̄უ̂ ოთხϩნახ, ლახ ამჟი ხა̈ჩმუნახ!" ა̈ხჭა̈მხ ლაწუ̂ე̄ნა̄̈ლს
Page of edition: 429 Line of edition: 1 ი მაჰრე̄ნა̄მ უ̂იდილს ჯაყუ̂ ზისხა̄̈რ ხა̄რ. კე̄სა̈რდ ალ დი̄ნა ხახუ̂დ ლახუ̂ე̄მ,
Line of edition: 2 ხუ̂ა̈ჲ კეთილ ათყა̈უ̂ნე ი აფიშუ̂დ ამჟი̄ნ ქორთე. ხეწა̈დხ ამის
Line of edition: 3 მიჩა ლახუ̂ბა ი ლა̈ხჭუ̂ედდახ: -- იმხა̈ნ ესერ ოხჴი̄და ამგუ̂ა̈რ ხეხუ̂?
Line of edition: 4 -- იმხა̈ნ ი ჟ'ესერ ლოხუ̂ცუ̂ა მიჩა ლϩდგა̈რ ხეხუ̂, ლუმტუ̄ლინ:
Line of edition: 5 "ლϩდგა̈რღა ლϩჲა̈რს ჲა̈რ ცა̄̈დი?" ი აშხუ̂ კე̄სა̈რს ესერ ქა
Line of edition: 6 ლოხუ̂ცადა.

Line of edition: 7 ანჴა̈დხ მიჩა ლახუ̂ბა, ლა̈ხხუ̂ა ჩუ̂ადგა̈რხ, ჟი ლა̈ჲცუ̂ეხ, მარე ჲა̈რ
Line of edition: 8 ლოხუ̂ცა̄̈დნახ?! ანჴა̈დხ ა̈გითე ლახუ̂ბა ი ხა̄̈ქუ̂ხ მინე მუხუ̂ბა:
Line of edition: 9 -- მიჩ ესერ ჩუ̂ადგა̈რიხ.
Line of edition: 10 -- ჲაღუ̂ ე̄სერ ამჟი ნომუ ადგა̈რხ, ჭუ̂ეკ ნე̄სგაისგ' ე̄სერ ესგენი
Line of edition: 11 ჯა, მინდ ეჩხა̈ნ-ამხა̈ნ თოფარუ ახფიშუ̂დხ ი ჯ' ე̄სერ ლϩცთ' ა̄̈შყდენი
Line of edition: 12 ი ღო ლეშდღუ̂ი მა̄მ ხე̄რიხ.

Line of edition: 13 ალჲა̈რდ ამჟი̄ნ ჩუ̂ემინხ. მარე თოფრე ქა ლითლეს ხემურჯუ̂ა̄ლხ
Line of edition: 14 ლახუ̂ბა, ეჩქას ჭყინტდ ჩუ̂ა̈დსკინე ლϩცთე, ოთშყა̈დხ მიჩა ლახუ̂ბას
Line of edition: 15 ქა თოფა̈რ, მინე თხუ̂იმ ჩუ̂ადგა̈რხ. მაჰრე̄ნე მუხუ̂ბე ქა̄ნტა̈ხ ლϩცხა̈ნქა,
Line of edition: 16 ალ მიჩა ლახუ̂ბა̄̈ ქონებას ჯ' ე̄სპატრონა̄̈ნ ი ხოჩა ლიზგ' ა̄̈დჴიდ.

Line of edition: 18 ლϩმზϩრე̄უ̂ ლიშდ ი ეშხუ ხეხუ̂-ჭა̈შ ლიხ. ხეხუ̂ს ბაპ ხალა̈ტ. ჭა̈შ
Line of edition: 19 ჟი დეშ ხეჰო̄ლი უშხუდ ლარდას. მიჩა ხეხუ̂ ხოჩამ ლეზობ-ლეთრა
Line of edition: 20 ჩი̄ ბაპს ხა̄მნე ი ეჩჟი მეჩხფე ჩუ ლიზ ალ მა̄რე, ერე იშუ̂ ჯიჯუ̂ს
Line of edition: 21 ხა̈გϩრგილაუ̂ა.

Line of edition: 22 აშხუ̂ ლადა̈ღ აჩა̈დ მიჩა დაჩუ̂ირთე. მიჩა დაჩუ̂ირ ამჟი მეჩხფა
Line of edition: 23 ლახ ხეწა̈დ ჯϩმილს, ლიგუ̂ნი ლა̈ჲბინე მაჟϩრშუ̂:
Line of edition: 24 -- მა̈ჲ ესერ ხა̈ყრა ამგუ̂ა̈რ, ჯა მა̄რე?!
Line of edition: 25 -- ჰმ, მა̈ჲ ესერ ი ამჟი-ჲ-ამჟი ლიზ მიჩა გუ̂ეშ: ჟ'ესერ დეშ
Line of edition: 26 ხეჰო̄ლი, ადო ჩუ̂ ე̄სერ ადგა̈რი სური ბაპს.
Line of edition: 27 -- ჲაღუ̂ ე̄სერ ეჯას ჯა ლა̈ხშედნი. -- ლახტუ̂ი̄ლ ჟიბაუ̂: ლამტუ̂არა̄̈რილ,
Line of edition: 28 ჩუ̄უ̂ ანჴა̈დ ი შუშპა̈რუ̈ ჩუ̂ემინ!"

Line of edition: 29 ა̈ნსკინე ჩუ ლამტუ̂არა̄̈რილდ ი ეჩჟი შუშპა̈რ ჩუ ჩუ̂ემინ, ერე შუ̂იმ
Line of edition: 30 მა̄მ ხა̄დ. ალ ლამტუ̂არა̄̈რილ ქა ლახუ̂ე̄მ მიჩა ჯϩმილს ალ ზურა̄ლდ
Line of edition: 31 ი ხა̄̈ქუ̂: "მიჩა ხეხუ̂ გარ ესერ ლახ ასეს, ეჩქას ესერ ჩუ̄უ̂ ადშგურა̄ნე,
Line of edition: 32 ერე ლიშუ̂პარ ლახ ა̈დბინას, ჩუ ნოსა̄უ̂ აქუ̂იც". ალა ადჲე ალ მა̄რე̄მ,
Line of edition: 33 სგო̄თჴიდ მიჩა ხახუ̂ ი ლიშუ̂პარ ათბინა̄̈უ̂ნე. ალ ზურა̄ლს გუნ ათხი̄დϩნ.
Line of edition: 34 ბაპა̈ ლიჴედს მე̄რმა ლადა̈ღ ქუნუშ ა̈რი. მე̄რმა ლადა̈ღ ჭა̈შ
Line of edition: 35 აჩა̈დ ლამშიათე ი ხოშა წირ ანტა̄ბე. ბაპ სგა̄ჩა̈დ ზურა̄ლთე. ზურა̄ლდ

Page of edition: 430 Line of edition: 1 ლახტუ̂ი̄ლ ლამტუ̂არა̄̈რილს ი შუშპა̈რ ათბინა̄̈უ̂ნე. ეჩქანღო ხა̄̈ქუ̂:
Line of edition: 2 -- სერ ესერ ჩუ̄უ̂ აქუ̂იც!
Line of edition: 3 -- ჩუ̂ ე̄სერ დე̄მა ლიქუ̂ცე.
Line of edition: 4 -- შიშდ ესერ ჩუ̄უ̂ აქუ̂იც, ადო ხოლა̄მ ლადა̈ღს ხა̈გნე!

Line of edition: 5 ა̈თღუ̂ა̈ჭ ქა ლამტუ̂არა̄̈ლს, ლამტუ̂არა̄̈ლდ ლა̈ჲჭუ̂ე̄ნ სგა ალ ზურა̄ლა̈
Line of edition: 6 ფა̈თუ̂ა̈რ ი ეჩჟი ქა შუშპრეხ ერქϩდ' ე̄რე ლისგდი მა̈დილ ლიზ. "ხოლა
Line of edition: 7 ბაპ, იმ ესერ ოხღელი, ჩუ̄უ̂ ადჩარუ̂ე ლამტუ̂არა̄̈ლ!" ბაპდ ქა̄დსკინე.
Line of edition: 8 ლა̈ჲჭუ̂ე̄ნ სგა ამი̄ უ̂ერე ი ფა̈თუ̂ა̈რ ი სემი მა̈გ აშხუდ სიპხ ლარდაისგა.
Line of edition: 9 ამჟი̄ნ ჭა̈ში ანჴა̈დ, ესსიპე წირ ი თხუ̂იმ ტრა̈კდ ლახგენე ბაპს
Line of edition: 10 ი ჩუ̂ადგა̈რ. ლა̈ჲცუ̂ე ჟი, სგა̄დჲე ბაპა̈ დარბა̈ზთე ი ლე̄ბიჩუ̄ნ ჩუ̂ადკუ̂ა̈რ.
Line of edition: 11 ქორშა̈რს გაცხა̈ჲდ ლე̄ბიჩუ̄ნ მეშყდე ლოხხალდახ. ჟ'ანმა̄რეხ ლაშდღუ̂ა̄ლ.
Line of edition: 12 ჭა̈შდ სგუ̂ებნაუ̂ ბაპს ჴ###-ყურნა ქა̄ხჭკუ̂ერ.

Добавлено (2007-01-24, 9:45 Pm)
---------------------------------------------
მე̄რმა ლადა̈ღ მიჩა ხახუ̂ ლა̈ხჭუ̂ედდა:
Line of edition: 14 -- დო ესერ ღϩრი ჯა̄ჲ ლაშდღუ̂ა̄ლთე?
Line of edition: 15 -- შიშდ ესერ სური̄, მარე მიჩა მორიდა̈ბ ესერ ხა̄რ.
Line of edition: 16 -- ნომმა̄უ̂ ესუ̂რ ხა̄რ, აჩა̈დუ ი ჩუ̄უ̂ ა̈დგუ̂ა̄̈ნე, მარე ლაგუ̂ა̄̈ნაჟი̄ნ
Line of edition: 17 ესერ ამჟი̄უ̂ რა̄̈ქუ̂-ა: "მიჩა ნაუ̂აზერი ი ნამაწუ̂ედი მიჩა სუნტრუკუ̂ელა̈ჲს
Line of edition: 18 ესერ ხეთრა" ი ეჩქას ჟი̄უ̂ ლა̈ჲტყი̄რ! (ჴ###-ყურნა უფგოუ̂შ სგა
Line of edition: 19 ლახლა̈ჯ მიჩა ხახუ̂ ღუ̂ეშგიმხა̈ნ ლერქუ̂ა̈რს).

Line of edition: 20 ანჴა̈დ ალ ზურა̄ლ, აჩა̈დ სგა ლϩდგა̈რთე̄სგა, ლა̈ჲბინე ლილჭა̄̈ლ:
Line of edition: 21 "მიჩა ნაუ̂აზერა̈ ი ნამაწუ̂ედი მიჩა სუნტრუკუ̂ელა̈ჲს ესერ ხეთრა ი
Line of edition: 22 ჟი ლა̈ჲტყი̄რ. ამჟი ბაპა̈ ჴ###-ყურნა ქო̄ხუ̂წუ̂ა̄̈ნდა. ხაფხეჭხ სგა ალ
Line of edition: 23 ზურა̄ლს ბაპა̈ ჭირისუფა̈ლდ ი ნინ ჟ'ახყუ̂იფხ. ანჴა̈დ ა̈გითე ნა̈ბოზს
Line of edition: 24 ზურა̄ლ ი მიჩა ჭა̈შ ლა̈ხჭუ̂ედდა: "მა̈გუ̂ა̈რ ესერ ლაშდღუ̂ა̄ლ ოთჩუ̂ემნახ?"
Line of edition: 25 ზურა̄ლს ნინ მა̄მ ხაყა ი ლახტიხ: "ბლუ-ბლუ-ბლუ-ბლუ! ..."
Line of edition: 26 -- ჰი, ლϩკჩე̄უ̂ ესერ ლი მიჩა ლირდე, -- ჭა̈შდ ხა̄̈ქუ̂, -- გუ̂' ესერ
Line of edition: 27 ოთხი̄პახ მიჩეშდ, მარე ათხ' ე̄სერ ალა̄უ̂ ხა̄დხ-ა!

Добавлено (2007-01-24, 9:45 Pm)
---------------------------------------------
Text: 191
Page of edition: 430
Line of edition: 28
191. ბაპ ი დიაკუ̂ენ

Line of edition: 29 ეშხუ ბაპ ი მიჩა ხეხუ̂ ლიხ. ალჲა̈რს ეშხუ ქორს მერდე ჭყინტ ხორიხ.
Line of edition: 30 ბაპა̈ ხახუ̂ დიაკუ̂ენს ხალა̈ტ. აშხუ̂ ლადა̈ღ ბაპ ი მიჩა ქორს
Line of edition: 31 მერდე ლა̈ჭმათ' ა̄ჩა̈დხ. შუკუ̂ჟი̄ნ ჭყინტდ ხა̄̈ქუ̂: "ლაშე̄რ ესერ ათსედა
Line of edition: 32 ქორს". ესჭუ̂ე̄ნ ჟი ი ესღრი ქორთე. ამჟი̄ნ დიაკუ̂ენ ბაპა̈ ხეხუ̂ცახა̈ნ
Line of edition: 33 ა̈რი. ხეწა̈დხ ჭყინტს, დიაკუ̂ენ ჴა̈ნი გუ̂ერა ა̈თჭო̄ნა̄̈ნ სგა ი ჩუ̂ა̈თპა̈ჟ.
Line of edition: 34 ზურა̄ლ ლა̈ხჭუ̂ედდა ჭყინტს: -- მა̈ჲ ესერ ხაკუჩ?

Page of edition: 431
Line of edition: 1 მა̈ჲ ესერ ი ჩაფლა̈რ ესერ ათხენღო ხოშა სა̈ჭირო ხა̄რხ ი
Line of edition: 2 გუ̂ერე̄მი ლაბე̄ნგუ̂ათე ხა̄რა ლეჴედ.
Line of edition: 3 -- ეჯას ესერ ჯა ადბე̄ნგუ̂ი. -- ხა̄̈ქუ̂ ზურა̄ლდ.
Line of edition: 4 -- ჯ' ე̄სერ ა̈დუ, მარე ბაპ ესერ ხოლა მა̈ნკიშ ლი ი დე̄მ
Line of edition: 5 ხოჯრა̈უ̂ი.

Line of edition: 6 ა̈ნკიდ ჟი ტყენ, ეჩჟი ქა ხოჩიდ გუ̂ერ' ე̄რე მა̄მ ხა̄დ შუ̂იმ ი აჩა̈დ
Line of edition: 7 ლა̈ჭმათე. აჩა̈დ ქა ბაპა̈ ხეხუ̂ დიაკუ̂ენთე ი ალა უ̂ედნილდ გარ ანჴა̈დ
Line of edition: 8 ქა გუ̂ერახა̈ნქა ჩუ ლუბე̄ნგუ̂ე. მე̄რმა ლადა̈ღ აჯაღϩდ ესჭუ̂ე̄ნ ჟი ჭყინტდ
Line of edition: 9 ლაშე̄რთე. დიაკუ̂ენ აჯაღ ამეჩუ̄ნ ა̈რი. ზურა̄ლ ლა̈ხჭუ̂ედდა:
Line of edition: 10 -- მა̈ჲ ესერ ხაკუჩ?
Line of edition: 11 -- მა̈ჲ ესერ-ი კეც ლა̈შუ̂ი̄ნათე ოხუ̂თო̄ნა ბაპს (დიაკუ̂ენ კეცისგა
Line of edition: 12 ხეპა̈ჟ ჩუ).
Line of edition: 13 -- ეჯას ესერ ჯ' ა̄დშუ̂ინი.
Line of edition: 14 -- მა̄დ ესერ ხოხაჲა, იმჟი უჯრაუ̂ ლიზ ბაპ!

Line of edition: 15 ლა̈ჲჩი̄შდ ეშხუ ლა̄̈ხი̄რ მϩრთხ, ღო მე̄რმე, ღო მესმე ი მაგ სგაშიდ
Line of edition: 16 კეცთე̄სგა. დიაკუ̂ენს ა̈ჰარა̄̈ნ ჟი თხუმჟი̄ნ ი მა̈გ ქა̄ხშიხ. უ̂ედნილდ
Line of edition: 17 გარ ანჴა̈დ ქა კეცხა̈ნქა ქა ლუშხუ̄რე. ათხე მე̄რმა ლადა̈ღ ბაპ, მიჩა
Line of edition: 18 მოჯმა̈გი̄რ ი ხეხუ̂ მა̈გ აჩა̈დხ ლა̈ჭმათე. ბაპა̈ ხეხუ̂დ ხოჩა ხა̈რჯ ანმა̄რე.
Line of edition: 19 დიაკუ̂ენ მინე ჩუქუ̂ა̄ნ მიჩა ლა̄რას ა̈ჭმა ჯა გარ. ზურა̄ლს ლახტკა̈ლბϩნ
Line of edition: 20 დიაკუ̂ენურ ხოჩა ხარჯა̈რ ი ხა̄̈ქუ̂ მიჩა ჭა̈შუ̂: "ქა̄უ̂ ესერ
Line of edition: 21 ა̈წსეხ დიაკუ̂ენ, ადო ცოდ ესერ ლი ჯა გარ მϩჭმად". ქო̄თთო̄ნეხ
Line of edition: 22 ჭყინტს ი ჭყინტდ ხა̄̈ქუ̂ დიაკუ̂ენს: "მა̈დილ ჯე̄რა ი ბაპს ჩუ მეკუ̂ჰე
Line of edition: 23 ხა̄რ, ერე სი მიჩა ხეხუ̂ ჯალა̈ტ. ჰ' ე̄სა იმე ანღϩრდე̄დს ისგუ̂ათე, ეჩქას
Line of edition: 24 თხუმ ხოწად, ადო გურნარშუ̂ ესერ თხუმ ჩუ ჯიხპე!" ჟ'ატა̈ხ ბაპთე
Line of edition: 25 ჭყინტ ი ხა̄̈ქუ̂: მა̈გ-ი-მა̈გ ხუ̂ა̈ყრ, მარე დე̄მჟი̄ნ ა̈მჴერდა. სი ლახ
Line of edition: 26 ადრი, იგებას ჟ'ანჴეს, ადო ამჟი დე̄მ ჴედნი". ჟ'ანϩ̄გა̈ნ ბაპ ი ლი̄ზი
Line of edition: 27 ლა̈ჲბინე. ჭყინტდ ხა̄̈ქუ̂: "ამჟი ნომ' ა̄ჩე, ბაპ, ადო გუშგუ̂ეჲ ეჩხა̈ნ კე̄სა̈რშა

Добавлено (2007-01-24, 9:46 Pm)
---------------------------------------------
წეუ̂ა̈რ-მეძბარა̈რ ა̈რიხ ი დომმაგუ̂ეშ ჯა̈ყრიხ. ჟ'ა̈ხხურიე̄ლ
Line of edition: 29 ეშხუ კალთა̈ჲ გურე̄ჭა̈რ ი ლიშუ̂ილიე̄ლ ლა̈ხბინ სგუ̂ებნა̄უ̂ ი ღო ეჩქას
Line of edition: 30 ა̈თყალუ̂ი̄ნნიხ ი ქა̄დრიხ". ბაპდ ამჟი ჩუ̂ემინ: ლა̈ჲბინე ლიგუ̂რე̄ჭე.
Line of edition: 31 ხეწა̈დ ამის დიაკუ̂ენ, მერჩილ ჩუ̂ადკუ̂ა̈რ ი ლა̈ჲბინე ლიჭუ̂მე. ბაპ ხატუ̄ლი:
Line of edition: 32 "ნომმა̄უ̂ აჩა̈დ' ჯა მიჩა ლა̈წიჰთ' ა̄̈მჴედე̄ლი!" ბაპა̈ ლიჴდა̄ლა̄̈ლდ
Line of edition: 33 მიჩა ხახუ̂ ხა̄̈ქუ̂: "მა̈დილ ჯე̄რა ი სი თხუმ ხოწად ადო ბაპს ჩუ
Line of edition: 34 მეკუ̂ჰე ხა̄რ ისგუ ი დიაკუ̂ნი ლილატ ი ლა̈დი მეშხა ლადა̈ღს ჯა̈გნე,
Line of edition: 35 ეჯღა თხუმ ხოწად!" ანპა̈რ ალა̄, ბაპა̈ ხეხუ̂, ი ა̈გითე ეშ გარ წუ̂ისდ
Line of edition: 36 ა̈ნკიდ.

Line of edition: 37 ანჴა̄დ ბაპ ი ჩუ̂ესგურდა. ამჟი̄ნ კე̄სა̈რშა მურჭუ̄რა ახღუ̂იჭხ რა̈ჭუ̂ა̈რს.
Line of edition: 38 ჭყინტდ ხა̄̈ქუ̂: "ჰე, ბაპ, კე̄სა̈რშა წელი ლიჩ##ის ჯაბრა̈ლიხ. ჩუ̂ათეპჟ,
Page of edition: 432 Line of edition: 1 ადო ანღრიხ ათხა̄-ჲ ხოლა ლადა̈ღ გუ̂ა̄რ ბაც. სგა̄დერ ამჩუ̄ნ აჴთე̄სგა
Line of edition: 2 ი ჩუ̂ათეპჟ, ღო ნოთა̄უ̂ დო̄სა ჯეწა̈დხ". ბაპ სგა̄ჩა̈დ აჴთე̄სგა ი
Line of edition: 3 ჩუ̂ა̈თპა̈ჟ. ამექა მურჭუ̄რა ანჴა̈დხ, ჭყინტდ ხა̄̈ქუ̂: "ეჯგუ̂ა̈რ რა̈ჭუ̂ ესერ
Line of edition: 4 ამჩედე̄ლი ალ აჴთე̄სგ' ე̄რე ღუ̂აშზუმ ესერ ლიზ. ჟი̄უ̂ ახბიდნეხ აჴს ი
Line of edition: 5 ა̈თუ ახე̄რი, ეჩქას ესერ ქა̄̈ნჴდენი ი ჩუ̂ადϩრმინეხ". ალჲა̈რდ ჟ'ახბიდნეხ
Line of edition: 6 აჴს, ანსკინე ქა ბაპდ ი იმბანა̄̈ლ: "ღე̄რბეთუ ხეჴცი' მინე წელ
Line of edition: 7 ესერ ჰ' ე̄ს ხოჩ##ე̄ნს, დე̄ს' ე̄სერ ხოჩ##ა მინე წელ!" ალჲა̈რდ
Line of edition: 8 ლი̄ცუ̂ნა̄̈ლ ლა̈ჲბინეხ ჩიემ ი ლϩმზϩრეუ̂ ლიშდ.

Добавлено (2007-01-24, 9:47 Pm)
---------------------------------------------
Text: 192
Page of edition: 432
Line of edition: 9
192. ჟინღϩლდ ი მა̄ლϩლდ

Line of edition: 10 ამ' ა̄̈რი, ლϩმზϩრე̄უ̂ ლიშდ ი ჟინღϩლდ ი მა̄ლϩლდ ა̈დმუხუ̂ბა̄̈ნხ.
Line of edition: 11 და̈ბ ხუღუ̂ეხ ეშხუ̂ი. მა̄ლϩლდდ ხა̄̈ქუ̂ ჟინღϩლდს: "ქა სი აჴან ი ჟი
Line of edition: 12 მ' ა̈ხუ̂ლა̄̈შნე". ქა̄ჴა̈ნ ჟინღϩლდდ. ათხე მა̄ლდ ხა̄̈ქუ̂: "ჟი ს' ა̈ხლაშ ი
Line of edition: 13 ჟი მ' ა̈ხუ̂თინე". ქა̄ლა̄̈შ ჟინღϩლდდ ი აჯაღ ხა̄̈ქუ̂: "ჟი ს' ა̈ხით ი ჩუ
Line of edition: 14 მ' ოთკალუ̂ი". [ჟინღϩლდდ ჟ'ა̈ნთე. მა̄ლდდ აჯაღ ხა̄̈ქუ̂: "ჩუ ს'ათკალა̈უ̂მ
Line of edition: 15 ი ჩუ მ'ოთბა̄̈ბნე"]. ჩუ̂ადკალუ̂ე [ჟინღϩლდდ] ი ათხე მა̄ლდ ხა̄̈ქუ̂:
Line of edition: 16 ჩუ ს' ათბა̄̈ბ ი ითქს ი უ̂ეჴს მ'ოთხუ̂ინე დარბა̈ზთე". ამჟი ლაღუ̂როუ̂ა̄ლუშ
Line of edition: 17 სგა̄თხია̄̈სგუ̂ნე მა̄ლϩლდდ ჟინღϩლდს მა̈გ დარბა̈ზთე.

Line of edition: 18 უ̂ეშგიმპილს მა̄ლდ ხა̄̈ქუ̂ ჟინღϩლდს: "ათხე ქა̄ლსკინა̄ლად ი იმუ̂ა̄̈ჲჟი
Line of edition: 19 ჲა̈რ ელბეთქნედ, ეჯას ეჯა გუ̂ე̄რა". ადსკინე მა̄ლდ ი უ̂ეჴჟი̄ნ
Line of edition: 20 ესბეთქ, ადსკინე ჟინღϩლდდ ი ითქჟი̄ნ ესბეთქ. ითქ ჟინღϩლდს ხა̄დ
Line of edition: 21 ი უ̂ეჴ მა̄ლს. ანჴა̈დ მა̄ლ, ლოხუ̂ბინე ლიფხრიჭუ̂ი ი სემი ითქილდ ახხუ̂ი̄დ.
Line of edition: 22 სგე̄სდე გუდრათე ჩიქე შიხ, ღო ჟიქა̄ნქა ითქა̈რ ესშიდ ი აჩა̈დ
Line of edition: 23 აშხუ̂ მეზგათე. სგა ლა̈ხმუშგუ̂რა̄̈ნ ალ მეზგა ი ხა̄̈ქუ̂, ერე "ჰაგა̄̈მისგა
Line of edition: 24 გუდრ' ე̄სერ ხო̄გ, ეჯა ითქშუ̂ ესერ გუ̂ეში ხა̄რ ი მა̈დილუ ხე̄რიხ ი
Line of edition: 25 ნოსამა̄უ̂ ა̈თყა̈რ!" ისგლე̄თი ონაქა ანϩ̄გა̈ნ ჟი მა̄ლ ი ითქილდა̈რ ქა̄შიდ
Line of edition: 26 გუდრახა̄ნქა ი ჩუ̂ადყურდა. მე̄რმა ლადა̈ღ ანϩ̄გა̈ნ ჟი, ა̈ნწუ̂ე̄ნე გუდრა
Line of edition: 27 ი შიხშუ̂ გუ̂ეში ასხუ̂ი̄დ. ლა̈ჲბინე ლიგუ̂ნი: "უ̄ჲ მიჩა ცოდ, შიხ ესერ
Line of edition: 28 ერეს ლოხუ̂ცა̄და ითქღა!" ალ მეზგე̄მ ჟ'ოხგუ̂ა̈შლე გუდრა ითქშუ̂.
Line of edition: 29 ლა̈ჲცუ̂ე მა̄ლდ ჟი ითქ ი აჩა̈დ კე̄სა̈რშე̄რთე. ალჲა̈რს ხა̄̈ქუ̂, ერე
Line of edition: 30 "ოქრშუ̂ გუ̂ეში გუდრ' ე̄სერ ხუღუ̂ე, მა̈დილუ ხე̄რიხ ი ჟი̄უ̂ ოხუნთხილეხ,
Line of edition: 31 ადო ხეხუ̂ი ფა̈სჲა̄ქ ესერ ხა̄რ!" ისგლე̄თი ონაქა მა̄ლდ ითქ ქა̄დჰარე
Line of edition: 32 ლϩცთე ი ჰა̈რი გუდრა ჰაგა̄̈მისგა ჩუ̂ადკუ̂ა̈რ. მე̄რმა ლადა̈ღ ჰა̈რი
Line of edition: 33 გუდრას ლახ ხეწა̈დ მა̄ლ, ლა̈ჲბინე ლიტფუ̄რა̄̈ლ: "უ̄ჲ, მიჩა ცოდ, ხეხუ̂ი
Line of edition: 34 ფა̈ს ესერ ხა̄რა მიჩ ოქუ̂რ, ათხ' ე̄სერ მა̈ჲ ხეშდენი?" ანჴა̈დხ კე̄სა̈რშა
Line of edition: 35 ი დი̄ნა ლახუ̂ე̄მხ მა̄ლს. ა̈ნცუ̂ე ჟი მა̄ლდ გუდროუ̂შ დი̄ნა ი აჩა̈დ.
Page of edition: 433 Line of edition: 1 ჰამს ბაპს ლა̈ხმუშგუ̂რა̄̈ნ. ბაპ გუდ აჴა̈დ, ერე მა̄ლს დი̄ნა ესყა̄̈დდა.
Line of edition: 2 დი̄ნა ჟ'ა̈ნტიხ გუდრახა̈ნჟი ი ეჩი̄ მϩქაფდ ჯუუ̂ა ესგენე გუდრათე̄სგა.
Line of edition: 3 მა̄ლ აჩა̈დ ბაპხა̈ნქა ი მინდუ̂ერთექ' ა̄ჩა̈დ. ეჩქას ოხჴა̈დ დი̄ნა̄̈ საუდ.
Line of edition: 4 ჩუ̂ესგე გუდრა, თხუ̂იმ ჟოხფϩშგϩ̄რე ი ლიყხა̄̈ლ ლახკაფუ̂ნე დი̄ნას, მარე
Line of edition: 5 დი̄ნა̄̈ მϩქაფდ ჯუად ანსკინე გუდრახა̈ნჟი̄ნ, ახფხიჭე სგა მა̄ლს, ხია̄̈რ
Line of edition: 6 ჩუ უ̂ეთ ადცϩლϩ̄რე ი უ̂ედნილდ გარ ოთჩა̈დ ი ლϩმზϩრე̄უ̂ ლიშდ.

Добавлено (2007-01-24, 9:47 Pm)
---------------------------------------------
Text: 193
Page of edition: 433
Line of edition: 7
193. და̈შდუ̂ ი მა̄ლ

Line of edition: 8 და̈შუ̂დ ი მა̄ლ აშხუდ იზგეხ ი ეშხუ ხოშა ნაუ̂ხარუ̂ლა ნაფეტუ̂ აჩუ̂მინხ.
Line of edition: 9 აშხუ̂ ლადა̈ღ მა̄ლს ნაფეტუ̂ი გუმა̄რ' ო̄ხჴა̈დ ი და̈შდუ̂ს ხა̄̈ქუ̂:
Line of edition: 10 -- ლა̈დი კე̄სა̈რშე̄რ ლიპრისდა̄̈ლ ხა̄რხ ი ეშხუ̂ ესერ ლϩწსე
Line of edition: 11 ლიშდ.
Line of edition: 12 -- ჲაღო ს' ადერ, მა̄ლϩლდ!

Line of edition: 13 აჩა̈დ მა̄ლ, ჟ'ა̈ნბინე ნაფეტუ̂ ი ჟ' ესბიზა̄̈ნ. ანჴა̈დ ნა̈ბოზს ა̈გითე,
Line of edition: 14 და̈შდუ̂ ლა̈ხჭუ̂ედდა:
Line of edition: 15 -- მაგუ̂ა̈რ ესერ ლიპრისდა̄̈ლ ოთჩუ̂ემნახ, ჲედ ესერ მა̈ჲ ოთჟახახ?
Line of edition: 16 -- ეზერ ესერ ი ჟახად იბნი̄ლ-მიბნი̄ლ ოთჟახახ.

Line of edition: 17 მე̄რმა ლადა̈ღ აჯაღ ხა̄̈ქუ̂ მა̄ლდ: -- ლა̈დ' აჯაღ ლიშდ ლϩწსე
Line of edition: 18 ლა̈პრისდა̄̈ლთე.
Line of edition: 19 -- ჲაღო, სი̄დ ადერ!

Line of edition: 20 აჩა̈დ მა̄ლ ი ნაფეტუ̂ ჩუ̂ადხϩ̄ნსგე.
Line of edition: 21 -- ლა̈დი მაგუ̂ა̈რ ლიპრისდა̄̈ლ აჩუ̂მინხ? -- ლა̈ხჭუ̂ედდა და̈შდუ̂.
Line of edition: 22 -- ლა̈დი̄ჲ ეზერ ი ჟახად იხნისგი̄ლ-მიხნისგი̄ლ ათჟა̈ხხ.

Line of edition: 23 მე̄რმა̄მ ლადა̈ღ აჯაღ ამჟი̄დ ჩუ̂ემინ მა̄ლდ ი ჩუ ლალე̄მ მა̈გ ნაფეტუ̂.
Line of edition: 24 და̈შდუ̂ს ხა̄̈ქუ̂: -- ლა̈დი ჰა̈დურდ ეზერ ლიპრისდა̄̈ლ აჩუ̂მინხ ი
Line of edition: 25 იშდხი̄ლ-მიშდხი̄ლ ათჟა̈ხხ.
Line of edition: 26 -- იმჟ' ესერ საკუ̂რელ ჟახა̄̈ლს ხაჟხენიხ! ჯა̄უ̂ ლϩჭა̈თ ლი, მϩხა̈რ
Line of edition: 27 ჯა მო̄დ აჩეს!

Line of edition: 28 მე̄რმა ლადა̈ღ აჩა̈დ და̈შდუ̂ კე̄სა̈რშე̄რთე ი ხა̄̈ქუ̂: -- მინუ ესერ ხორიხ
Line of edition: 29 შუ̂იდებდ! იმნა̈რ ესერ იუ̂ჟა̄̈შნა̄̈ლხ ალამა̈გს?

Line of edition: 30 ა̈ხჭუ̂ა̄დხ ქა კე̄სა̈რშა-ჟეღ ი მა̄რე ი ჩუ უ̂ედნილდ გარ ოთჩა̈დ.
Line of edition: 31 და̈შდუ̂ ლϩხრინ' ა̈ნღრი ა̈გითე ი მა̄ლϩლდა̈ დაგრა ხაკუჩ. ჟ'აჩა̈დ მეგამთეჟი̄ნ,
Line of edition: 32 ეშხუ გუდრა მϩრთხ ლა̄ჲე, ნაფეტუ̂ი ნარდუ̂ ნაუ̂ხარუ̂ლა̄ჲ
Line of edition: 33 ჟ'ადჲე ი ჩუ̂ა̈რი. ანჴა̈დ ლაფϩრჴა̈ნჲა̄ლუშ და̈შდუ̂ ი ლოხუ̂ბინე მა̄ლს
Line of edition: 34 ლიწრა̄̈ლ; -- იმღ' ე̄სერ ოთდაგრა, ლϩწს' ე̄სერ დე̄სა ლϩმა̄̈რლიხ?!

Page of edition: 434
Line of edition: 1 -- ჰმ, საბრალ, ჯ' ე̄სერი ჩუ უ̂ეთ ოთცϩლϩ̄რახ ამეჩუ̄ნ, ნაფეტუ̂
Line of edition: 2 ესერი ჩუ ლოხუ̂მამახ კე̄სა̈რშე̄რ ჟეღა̈რს. მა̄დხუ̂ა̈ილ ესერ გარ სიდ
Line of edition: 3 ამე̄სგა-ჲ ეჯ' ე̄სერ უ̂ედნილდ გარ ოთცუ̂ირნა.

Line of edition: 4 ოხკუ̂ა̈რ ჩუ მა̄დხუ̂ა̈ჲ ნარმეცხულ და̈შდუ̂ს. და̈შდუ̂დ ჩუ ლალე̄მ
Line of edition: 5 ალა ი სურუ ხოჩა ლახბაჟϩნ.
Line of edition: 6 -- ჰა̄, მა̄ლ, მა̈დილ ჯე̄რა ი აჯაღ ა̈მიკუ̂რ!
Line of edition: 7 -- ჲაღო, მა̈გ ჩუ̂ათტრიკ ი ათციც, ადო ყიაჩუ̄ნ დეშ ჯა̈ხუ̂იე̄სგი.
Line of edition: 8 და̈შდუ̂დ ჩუ̂ადკარე ჴარჴ ი თე̄რა̈რ. ანკუ̂ა̈რ მა̄ლდ ჩუ მϩრთხშუ̂ გუ̂ეში
Line of edition: 9 გუდრა, მა̈გ თე̄რა̈რთე̄სგ' ო̄თშიდ ი თე̄რა̈რ ქო̄ხხϩპϩ̄რე. ეჩქანღო
Line of edition: 10 ა̈დღორუ̂ე ქა კოჯთექა. ეჩექა ქა̄დკუ̂ა̈რ ი და̈შდუ̂ ჩუ̂ადგან. ამი̄ ლეღუ̂
Line of edition: 11 მა̄ლს ხუ̂ა̈ჲ ხა̈ნს ახა̄დ.

Line of edition: 13 და̈შდუ̂ ი მიჩა ბელა̈რ ლიხ. აშხუ̂ ლადა̈ღ და̈შდუ̂დ კალუ̂ ა̈ნშიდ
Line of edition: 14 ი მიჩა ბელა̈რს ხა̄̈ქუ̂: "სგა̈ჲ კალუ̂ ჩუ̂ათკალუ̂ედ ი მი ი̄ნღა-ცი̄ნყა ლალო̄ფა̄ლთე
Line of edition: 15 ღური". ბელო̄და̈რ აკლა̈უ̂იხ. ამჟი̄ნ ანჴა̈დ მა̄ლ ი ლახტუ̂ი̄ლ:
Line of edition: 16 -- ბელო̄და̈რ, ისგუ̂ეჲ დი იმე ჯირიხ?
Line of edition: 17 -- იმე-ჲ ი̄ნღა-ცი̄ნყა ლალო̄ფა̄ლთ' ა̄ჩა̈დ.
Line of edition: 18 -- აშ კისდ, ეჯას ლა̈დი ხოლა გუ̂ეშ ხუ̂ა̈ყრ.

Line of edition: 19 ბელო̄და̈რდ ლიგუ̂ნი ლა̈ჲბინეხ ი კალუ̂ უკლაუ̂ად ოთსა̈დხ. ანჴა̈დ
Line of edition: 20 და̈შდუ̂ ი ლა̈ხჭუ̂ედდა ბელო̄და̈რს:
Line of edition: 21 -- იმღ' ე̄სერ ოთცუ̂ი̄რახ კალუ̂ უკლაუ̂ად?
Line of edition: 22 -- იმღა-ჲ ამჟი̄-ჲ-ამჟი ხო̄ქუ̂ა მა̄ლს ი ეჯღა.

Line of edition: 23 მე̄რმა ლადა̈ღ ამჟი̄დ ხაყერ მა̄ლϩლდდ. მე̄სმა ლადა̈ღ და̈შდუ̂ ჩუ̂ა̈თპა̈ჟ
Line of edition: 24 კალუ̂ისგა მარა̄კ ჩუქუ̂ა̄ნ. ანჴა̈დ მა̄ლ ი ბელო̄და̈რს ლახტუ̂ი̄ლ:
Line of edition: 25 -- ისგუ̂ეჲ დი იმ' ა̄̈რი?
Line of edition: 26 -- იმე-ჲ ი̄ნღა-ცი̄ნყა ლალო̄ფა̄ლს.
Line of edition: 27 -- აშ ყა̈ნ, აშ, ეჯას ლა̈დი ხოლა გუ̂ეშ ხუ̂ა̈ყრ.

Line of edition: 28 ანპა̈რ ჟი და̈შდუ̂, ა̈თღუ̂ა̈ჭ ქა მა̄ლს: სგუ̂ებინ მა̄ლ, ღუ̂ეშგიმ
Line of edition: 29 და̈შდუ̂. ამჟი̄ნ ხეწა̈დ მა̄ლ როკუ̂ მეგემს, ანპა̈რ მა̄ლ ი ქა̄̈დსკინე ამექა;
Line of edition: 30 ა̈თჭა̈მ და̈შდუ̂ ი ქა̄̈თცϩყე̄რა̄̈ნ მეგა̈მქა. ლახა̄გა̈ნ მა̄ლ უ̂ეშგიმისგა ი მა̈გ
Line of edition: 31 ხოლა გარ ხაყერ ...