Line of edition: 5 ეჯ ლე̄თ კე̄სა̈რ ი მიჩა აფხნეგა̈რ ჩუ̂ასა̈დხ დი̄კუ̂ენიშმჷყ. ჩუ̂ა̈თუ̄ჟდახ,
Line of edition: 6 ეჩქა დი̄კუ̂ენდ ლარა̈ლ ჟ'ესფჷშგჷ̄რე ი თუ̂ით კო̄ბ უ̂ორა̈̄შ ჩი̄
Line of edition: 7 სგე̄სგუ̂ეშ კინკთე̄სგა ი ღუ̂ეშგინპილს კე̄სა̈რს კო̄ბი სგე̄სცუ̂ირ კინკთე̄სგა
Line of edition: 8 მე̄რმა ლადეღ ჰამს ჟ'ანჲა̈ცხხ ალჲა̈რ ი კინკა̈რ მეგბე ხა̄რხ. იჭუ̂დიე̄ლხ:
Line of edition: 9 "მიჩ ესერ ხათჷმ ე̄სამა̄?" -- "მა̈ჲ ესერ მო̄დ ხეთმი, კინკ ესერ
Line of edition: 10 გუ̂ეში ხა̄რ". ამჟი იჭუ̂დიე̄ლხ ი ღუ̂ეშგინპილს კე̄სა̈რს ლა̈ხჭუ̂ედდახ: "მიჩ
Line of edition: 11 ესერ ხათჷმ ე̄სამა̄?" კე̄სა̈რდ ხა̈̄ქუ̂: -- "მიჩ ესერ მა̈ჲ მო̄დ ხეთმი, ნალძიჰო̄რა̈ თხუ̂იმ
Line of edition: 12 ესერ ქა მირე̄ს ახნა̈ჩდე̄ნა ი კინკისგა ესერ ხორი". ეჩუნღო
Line of edition: 13 ჟ'ანჷ̄გა̈̄ნხ მა̈გ ი დი̄კუ̂ენ ჩუ̂ადგა̈რხ.

Line of edition: 14 ალჲა̈რს ჩუ̂ესხა̈დხ ალამა̈გ კეთილ ი ლჷმზჷრე̄უ̂ ხი!

Добавлено (2007-01-16, 1:50 Pm)
---------------------------------------------
Text: 156
Page of edition: 354
Line of edition: 15
156. ბაპ ი მიჩა ლელა̈ტ

Line of edition: 16 ლჷმზჷრე̄უ̂ ხი ი ლა̈̄სუ̂ხ ეშხუ ხეხუ̂-ჭა̈შ. ხეხუ̂ს ეშხუ ბაპ ხალტჷნდა.
Line of edition: 17 აშხუ̂ ლადეღ ჭა̈შ იშგანთე აჩა̈დ. ხეხუ̂თე მიჩა ლელა̈ტ ბაპ ანჴა̈დ ი
Line of edition: 18 ხეხუ̂დ ტაბა̈გ ოხგე ი ხოჩა̄მდ ლა̈ხხელა̈̄ნ. ამ დრო̈უ̂ს ჭა̈ში ლახა̄გა̈̄ნ
Line of edition: 19 ყო̄რს. ბაპდ კეცთე̄სგა ადსკინე ი ეჩქა ხეხუ̂დ ჩოთკარე ყო̄რ. ჭა̈შ
Line of edition: 20 ქორთე ანჴა̈დ ი ხა̈̄ქუ̂ მიჩა ხეხუ̂ს, ერე "ლიცუუ̂ ესერ ოხრეკ, გუ̂ეჭ
Line of edition: 21 ლა̈ყუ̂ფა, გუ̂ეჭს ესერ ა̈ძჰენიხ". ხეხუ̂დ ჟ'ოხრეკ ლიც ი ჟ'ა̈ნფუ̈̄ნა̄ნ, ეჩქა
Line of edition: 22 ჭა̈შდ ჩუ̂ა̈ძიჰ გუ̂ეჭ, ქა̄დიე კეცთექა ი კეცჟი ჩუ̂აყუ̂იფ. კეცისგა ბაპ
Line of edition: 23 არდა ი ეჯაი ჩუ̂აყუ̂ა̈ფ.

Line of edition: 24 ეჯ ლე̄თ ჭა̈შდ ლა̈ჲცუ̂ე ბაპ ი ბერლე საყდა̈რთ' ა̄დიე. ლაზჷნგლაგა̈̄რცახა̈ნ
Line of edition: 25 კაპა̈რ ლოხგე ი ჩუ̂ესგენე კაჩუშ ი მიჯნე̄მ ლიზჷნგლა̈გი ა̈დბინე.
Line of edition: 26 ანშჷ̄დხ ქა ბერა̈ლ ქა̈̄მთე ი ლაზჷნგლაგა̈̄რცახა̈ნ მა̄რე ესწუ̂ე̄ნეხ.
Line of edition: 27 ხოჩიდხ ბერა̈ლდ მინე-მინე ყაურჯელა̈რ ი ბაპ ჟ'ა̈ნუნჴუ̂ა̈̄ნ. ბერა̈ლდ
Line of edition: 28 მა̈̄ნკუ̂ი დეშ მირე̄ს ათირხ ბაპ ი ეჩუნღო ჩუ̂ათირხ, ეჩქა ა̈დბინეხ
Line of edition: 29 ლიტფუ̄რა̈̄ლ ი ლიგუ̂ნი. სერ ხა̄რხ ხოლა მიჰმა̈ნ ი ამჩიქქა ეჯ
Line of edition: 30 მა̄რე ანჴა̈დ-ე, ხედუ̂ა̈̄ჲდ ბაპ ამჩუ აცუ̂ირ ი ხა̈̄ქუ̂ ბერა̈ლს: "იმშა
Line of edition: 31 ხოლა მიჰმა̈ნ ესერ ხა̄რხ, მინ მა̄რა̈̄ლ, მა̈ჲ ესერ ხა̈ყრახ?" ბერა̈ლდ
Line of edition: 32 ხა̈̄ქუ̂ხ: ჰამა ესერ მა̈ჲ ხეყრენხ? ლიზჷნგლა̈გი ესერ ჲერე̄ს ოთბინა ი
Line of edition: 33 მინ ესერ ქა̄ლში̄დლიხ ქა̈̄მთე, ხოყრახ ესერ მინე ყაურჯელა̈რ ი
Line of edition: 34 სგ' ე̄სერ ლახდაგრახ ბაპ ი მინს ესერ სგუ̂ებნაუ̂ დეშ ოთთჷრახ". მა̄რემ
Page of edition: 355 Line of edition: 1 ხა̈̄ქუ̂: "ამღა ესერ ნომაუ̂ იწხუ̂აუ̂ა̈̄ლხ, ამის ესერ ჯა ლახშიდ ი ლახუ̂ე̄მხუ
Line of edition: 2 ესერ ესამა". ბერა̈ლდ ხა̈̄ქუ̂ხ, ერე "თეთრს ესერ მასა̈რდ ლაჰო̈დნეხ,
Line of edition: 3 ოდონდ ესერ ქა ნოსაუ̂ ლა̈ჲკუ̂იშ'. ბერა̈ლდ ხუ̂ა̈ჲ თეთრ ლახუ̂ე̄მხ
Line of edition: 4 მა̄რა ი ბაპ ათბა̈რიეხ.

Line of edition: 5 მა̄რემ ბაპ ადიე ხეხუ̂მჷყ. ბაპს უმუ̂ა̈̄იჟი ჰერ ხო̄სდა̈ნ, მა̈რემ ეჩჟი
Line of edition: 6 ლახტუ̈̄ლ ბაპა̈ ხეხუ̂ს: "ყო̄რ ესერ ჩუუ̂ ოთკარე!" ბაპა̈ ხეხუ̂დ ხა̈̄ქუ̂
Line of edition: 7 ერე "უმუ̂ა̈̄ჲ ესერ ამ მუ̈̄შ ხოჩდა, ეჩხაუ̂უ ესერ აჩად, ჯ' ე̄სერ ამუნღო
Line of edition: 8 ა̈გითე დე̄სა ა̈ნხინნე". ბაპა̈ ხეხუ̂დ ლახ ამჟი უ̂არ ხე̄ქუ̂ ყო̄რა̈ ლიკრე̄შ,
Line of edition: 9 მა̄რე ანჴა̈დ ი ბაპ ჩუ̂ახცჷყე̄რე ბუხუ̂არჩუ ი ჯა ა̈გითე ატა̈ხ.

Line of edition: 10 მე̄რმა ლადეღ ბაპა̈ ხეხუ̂ ჟ'ანჷგა̈̄ნ ი ბაპ ლჷშგრე ა̈ხგუ̂ა̈ბ ბუხუ̂ა̈რცახა̈ნ.
Line of edition: 11 ხეხუ̂დ ათხე ლიგუ̂ნი ა̈დბინე ი გუ̂ის ხამჯა ყო̄რა ნაუ̂კარა:
Line of edition: 12 "ალა ესერ ჩუ მირე̄ს ახცჷყე̄რე̄ნა ბუხუ̂არჩუ ი ჩუ ესერ მირე̄ს
Line of edition: 13 ალყიმე̄ლი!"

Line of edition: 14 სერ ალა ქა̄კუ̂ა̈ჰ ჩიაუ̂, ერე "ბაპ ესერ ალდაგა̈რ" ი მა̈გ აჩა̈დ ლაგუ̂ა̈̄ნათე.
Line of edition: 15 ბაპა̈ ლელა̈ტდ ხა̈̄ქუ̂ მიჩა ჭა̈შს, ერე "ჯაჲ ესერ ღჷრი ლაგუ̂ა̈̄ნათე".
Line of edition: 16 ჭა̈შდ ხა̈̄ქუ̂: "ეზა̈რ, აჩა̈დუ ესერ". ჟ'ა̈ნმა̄რა̈̄ნ ზურა̄ლ ი ლი̄ზა̄ლე პილთე
Line of edition: 17 ხა̈̄ქუ̂ მიჩა ჭა̈შდ, ერე "იუ̂კა ესერ ხოლა̄მდ ხა̄რ ღუ̂ეშგინ, ქაუ̂ ესერ ანჴა̈დ,
Line of edition: 18 ჩუ̂ ესერ ესმესგუ̂ნა̈̄ლი". ზურა̄ლ ქა̄ჩა̈დ მიჩა ჭა̈შთე. ჭა̈შს ეცნა̈რ
Line of edition: 19 ბაპდ ზურა̄ლა̈ ლელა̈ტდ დიე ლუმჰოდე ი ყურნა̈ლ ჟ'ოხქუ̂ი̄ცა ი ჩუ̂ესჩიხნე
Line of edition: 20 ლა̄რტყაჩუ ი ხა̈̄ქუ̂ ხეხუ̂ს, ერე "ლახ ესერ იგუ̂ა̈̄ნე̄დს, ამჟიუ̂
Line of edition: 21 ესერ ხა̈̄ქუ̂: "ისგუ-ჲ მიშგუ ნამეწუ̂ა̈დი̄ლ როქუ̂ მიშგუ̂ა სუმტრუკუ̂ა̈̄ლს
Line of edition: 22 ხეთრა". აჩა̈დ ალა̄, ზურა̄ლ, ბაპა̈ ლაგუ̂ა̈̄ნათე ი ქა̈̄ხჴჷ̄რა̈̄ნ ი ხა̈̄ქუ̂, ერე
Line of edition: 23 ა̈მიჩა-ჲ მიჩა ნამეწუ̂ა̈დი̄ლ ესერ მიჩა სუმტრუკუ̂ა̈ჲს ხეთრა". ლოხსგიდახ
Line of edition: 24 ამის სუმტრუკუ̂ა̈ჲს ი ბაპა̈ ჴუ̂ემ-ყურნა ჟი ხოჩხინა ლა̄რტყაჩუ.
Line of edition: 25 ხა̈ლხს ათსა̈კუ̂რა̈ლჷნხ, ერე "ამის ესერ მირე̄ს ოხქუ̂ი̄ცა ბაპდა̈ ი ნინ
Line of edition: 26 ჟ'ახქუ̂იცხ ზურა̄ლს.

Line of edition: 27 ზურა̄ლ ა̈გითე აჩა̈დ, ეჩქა "ლა, ლა, ლა, ლა", ამჟი გარ გა̈რგა̈ლდა.
Line of edition: 28 ჭა̈შ ხეჭუ̂დია̄ლ: "მა̈გუ̂ა̈ჲ ლაშდღუ̂ა̄ლ ესუ̂რ ოთჩუ̂ემნახ?" ხეხუ̂
Line of edition: 29 ამჟი გარ ხა̈ტხა პასუ̈ხს: "ლა, ლა, ლა, ლა", -- ნინ მექუ̂ცე ხა̄დ.

Line of edition: 30 ჭა̈შდ ხოჩა ლირდე̄-ლიზგე ა̈დჴიდ ი ლჷმზჷრე̄უ̂ ხი.

Добавлено (2007-01-16, 1:51 Pm)
---------------------------------------------
Text: 157
Page of edition: 355
Line of edition: 31
157. ბაპ ი მიჩა ხეხუ̂

Line of edition: 32 ლჷმზჷრეუ̂ ხიშდ ი ლიხ ბაპ ი მიჩა ხეხუ̂. არდახ ეშხუ ბაპ ი მიჩა
Line of edition: 33 ხეხუ̂. აშხუ̂ ლადეღ ბაპ ი დი̄კუ̂ენ აჩა̈დხ ლაბე̄რგათე. ბაპდ ჩუ̂ადშგურა̄ნე
Line of edition: 34 მიჩა ხეხუ̂, ერე "ლა̈დი სა̈დილ როქუ̂ დო̄სგუ ოთჴიდ". ბაპა̈შ ი
Page of edition: 356 Line of edition: 1 დი̄კუ̂ნი მეჩდანღო ბაპა̈ ხეხუ̂ს ოხჴა̈დ ლელა̈ტ. ლა̈დი̄ ლადეღ ა̈რიხ
Line of edition: 2 ალჲა̈რ ამჩუ ი ბაპს სა̈დილ და̈̄რდ ოთჴიდ. იმუ̂ა̈̄ჲ ბაპ ი მიჩა დი̄კუ̂ენ
Line of edition: 3 ხეშდაბდახ, ეჩექა̈̄ მჷბე̄რგას ჩი̄ს ოხჴა̈დხ სა̈დილ ი ალჲა̈რს-დე̄სა.
Line of edition: 4 ბაპს ათსა̈კუ̂რა̈ლჷნ: "იმღა როქუ̂ დო̄სა ა̈ნჴდა მიშგუ ხეხუ̂ სა̈დილს?!"

Line of edition: 5 ნა̈ბოზს დო̄სგ ანჴა̈დხ ა̈გითე. ბაპა̈ ხეხუ̂ მუგუ̂დაჲ ლეგდ ა̈რი, ჩუ̂ადყურდა
Line of edition: 6 ი ეჩჟინ ესხუ̂ი̄დ მიჩა ჭა̈შს. ბაპს ჰელ ესბჷ̄დ: "დოუ̂ როქუ̂
Line of edition: 7 გუნ ლეგდ არდა!" ბაპ ი მიჩა დიკუ̂ენ მა̈იდუ̂შ იდგაროლხ, მარე ეში
Line of edition: 8 დეშმაგუ̂ეშ ხა̈̄ქუ̂ხ ბაპა̈ ხეხუ̂ს. ამ ლე̄თ ჩუ̂ადყურდახ ამჟინ ი ეშხუ უჟ
Line of edition: 9 ერ ჟი ლუუ̂ჟუნე ხა̄დდახ, ეჩქა ხეხუ̂დ ხა̈̄ქუ̂ ჭა̈შს (მახალღა, მუგუ̂დაჲ
Line of edition: 10 ჩუ ხოუ̂ჟა̈̄ნ): "ბა̄ზი როქუ̂ მიჩ ეჯკა̈ლიბ ი̄სნაუ̂ ლახი̄სნაუ̂ა, ერე ჲედ
Line of edition: 11 როქუ̂ ჴანა̈რს ერე ხოქუ̂თერხ, ჲედ ურემს. მა̈დილუ ხე̄რი, ბაპ, ი ჟიუ̂
Line of edition: 12 ესლეჩა̈̄ნ!" ბაპს ალა ტკიცდ ლოხხალდა ი ქა̄ჩა̈დ ი ჩუ̂ადყურდა ურემჟი̄ნ.
Line of edition: 13 ესნა̈რ ბაპა̈ ხეხუ̂ს მიჩა ლელა̈ტ ხა̄რა ლჷმხა̄ლე ი ჰა̄ლ ბაპ ქა̄ჩა̈დ
Line of edition: 14 ყო̄რქა, მე̄რმა ყო̄რისგა ეჯა ა̈ნხინ შიშდ. ალა დი̄კუ̂ენდ ჟი ა̈ნმეჴრე
Line of edition: 15 ი ხოჰუ̂ნა̈რი. ბაპა̈ ხეხუ̂დ ხა̈̄ქუ̂ მიჩა ლელა̈ტს, ერე "მჷხა̈რ როქუ̂
Line of edition: 16 ჯა სა̈დილს ხოჴდე მიჩ, მარე იმე როქუ̂ დო ირდი, ეჩი̄შ მა̄მა ხოხა".
Line of edition: 17 ეჩქა ლელა̈ტდ ხა̈̄ქუ̂, ერე "ჲაღო, ჯა როქუ̂ ესი̄ზინი, ეჩქა შუკუ̂ჟი̄ნ
Line of edition: 18 უ̂ისგუ̂ი ნა̈ბჴუუ̂ა̈რს შიდნუნი ი ეჩისუ ა̈ხჭა̈მ". ალა დი̄კუ̂ენდ ჟი̄დ ა̈ნჰორნე
Line of edition: 19 ი ათხე ქა̄ნსინჯუ̂ე ბაპთე. ალა ესნა̈რ იჭჷრუ̂ელა̈̄ლ ბა̄ზი ლე̄თ
Line of edition: 20 ურემჟი̄ნ ი ჩუ დემჟინ ა̈თუ̄ჟდა.

Line of edition: 21 ლირჰა̈̄ლთე ა̈ხკუ̂ა̈დ მიჩა ხეხუ̂თე ლი̄ზი, მარე მა̈ჲ ჩუ̂ემინეს: სგა ჰე̄
Line of edition: 22 ღჷრი ი ჴანა̈რ ი ურემ ხა̈გუ̂ნებ, მა̄დეჲ ხეხუ̂მი ლიყუ̂ნა̈̄ლ ხაკუ.

Line of edition: 23 მე̄რმა ლადეღ ბაპა̈ ხეხუ̂დ აჯაღ ლეგდ ლირდე̄დ ა̈ნმეზზე ი ბაპდ
Line of edition: 24 ი მიჩა დი̄კუ̂ენდ სა̈დილ შუნ ლა̄ეხ ი აჩა̈დხ. ჰა̄ლ ალჲა̈რ ქე̄სწუ̂ე̄ნე
Line of edition: 25 ყო̄რქა, შიშდ ჟ'ანჷგა̈̄ნ ი ქათალ ა̈ძიჰ ი ჟ'ანჯა̈ბ. ათხ' ე̄ჯკა̈ლიბ სა̈დალ
Line of edition: 26 ჟ'ანმა̄რე, ერე ხოჩა მა̄მა ხეკუ̂ა̈დ ი ადჲე მიჩა ლელა̈ტთე. მარე
Line of edition: 27 დი̄კუ̂ენ ი ბაპ ერ ესღჷრდახ, ეჩქა ანჴა̈დ დი̄კუ̂ენ ი ეჯ შუკუ̂ს ჟი̄კა̈დდა
Line of edition: 28 უ̂ისგუ̂ი ნა̈ბჴუუ̂ა̈რს-ე́, ხედუ̂ა̈̄ჲხა̈ნ ბაპა̈ ხეხუ̂მი ლელა̈ტ შიდა, ი, მინ
Line of edition: 29 იმუ̂ა̈̄ჲთე ესღჷრდახ, ეჩხა̈ნ შიდა. სა̈დლი ლიჴდე̄ დუ̂რეუ̂ ერ ანჴა̈დ,
Line of edition: 30 ეჩქა ბაპა̈ ხეხუ̂ს სგა ლა̈ხჴა̈დჷ̄ნ მიჩა ჭა̈შთე̄სგა. ბაპს ათსა̈კუ̂რა̈ლჷნ ი
Line of edition: 31 მე̄უ̂არ ლოხუ̂ჟინდა ლეგდმერდე ხეხუ̂ ამხაუ̂ მეჴა̈დდ. ხეხუ̂ს მა̄მა ლოხუ̂ცხა̈̄ნ
Line of edition: 32 ალჲა̈რთე̄სგა ლიჴედ, მარე ქაჲ დეშ ლა̈ჲთენე. ბაპდ ერ ხა̈̄ქუ̂:
Line of edition: 33 "მინს როქუ̂ სა̈დილ შუნ ხაღუ̂ე̄ნახ ი სერ მიჩ იმნა̈რ ოხჴი̄და", ეჩქა
Line of edition: 34 ხეხუ̂დ ლახტიხ, ერე "დო̄სა იმე როქუ̂ ჟ'ახიდე̄ნხ ი ეჯღა როქუ̂ ოხჴი̄და".
Line of edition: 35 ჩუ̂ესგურდახ ი ისდილა̈̄ლხ.

Line of edition: 36 ათხე ბაპა̈ ხეხუ̂დ ესსგი̄დრა̄ლე ი ქა ხეწა̈დ მიჩა ლელა̈ტს ი ბაპს
Line of edition: 37 ხა̈̄ქუ̂: "ბაპ, ნა̈ჲ მა̈გ მასა̈რდ გუღუ̂ე ი ეჩ' ე̄რ აბე̄რგე, ეჩას ხეჲდი
Page of edition: 357 Line of edition: 1 იმუ̂ა̄ლე ი ქა̄ლტუ̄ლედ!" ალა ბაპსი ეზერდ ლახბაჟჷნ ი ესღრი ეჩი̄ ლა̈წიჰთე.
Line of edition: 2 დი̄კუ̂ენს ათხი̄დჷნ ალა ი ბაპა̈ მჷქაფ ჯ' ა̄ჩა̈დ. ქა̄ჩა̈დ ბაპა̈ ხეხუ̂მი
Line of edition: 3 ლელა̈ტთე ი ხა̈̄ქუ̂: "ჰე̄, ჯა მა̄რე, თხუმუ ხოწა̄დ, ადო ბაპს ესერ ეჯა
Line of edition: 4 ჩუ ხოხე̄, ჯა ლე̄თი მიჩა ხეხუ̂ცახა̈ნ ლჷმა̈რდ ი ათხ' ე̄სერ ყა̈რუ̂შ გარ
Line of edition: 5 ოთგი̄ჭა ი მე̄უ̂არ ესერ ხა̈ზჷრზე". ამნემ მაჴუ̂ა̄მ ხე̄ქუ̂ ი დი̄კუ̂ენ ანტა̈ხ
Line of edition: 6 მიჩა დაბუ̂თე. ბაპ ი მიჩა ხეხუ̂ ლა̈ხჭუ̂ედდახ: -- იმღ' ე̄სერ მო̄დ ა̈მჴედე̄ლი?" -- მა̄მ'
Line of edition: 7 ე̄სერ გუ̂აწხუ̂ა̈უ̂ი.

Line of edition: 8 ათხე ჟ'ანჷ̄გა̈ნ ბაპ ი ესღრი, დი̄კუ̂ენდ ხა̈̄ქუ̂: "ქ'ე̄სერ-ე́ ღჷრი,
Line of edition: 9 ბერგ ბარჯსუ ესდე". ამნემ ბერგ ბარჯს ესდე ი აჩა̈დ ეჩჟი̄ნ. ალას
Line of edition: 10 ქა ხეწა̈დ ბაპა̈ ხეხუ̂მი ლელა̈ტ ი ეჩჟინ ქა̄დსკინე ლა̄ტუ̂თე, ერე თე
Line of edition: 11 უ̂ედდ ხეჰო̄ლ. ბაპ ქა̈̄თღუ̂ა̈ჭ, მარე ეში̄ დეშ ა̈ჰი̄დ. ქა̄ნტა̈ხ ბაპ, ჩუ̂ა̈დსა̈დლა̈̄ნხ,
Line of edition: 12 მარე მიჩა ხეხუ̂ ხოლა̄მ გუჟინ ა̈დჷრდა ი ქა̈̄ნჰა̄ლე ა̈გითე.

Line of edition: 13 ნა̈ბოზს ა̈გითე ერ ანღჷრდახ, ეჩქა ლახსჷმდახ მეთხუ̂ჲარა̈̄ ლიტუ̂ი̄ლიელ
Line of edition: 14 ი წეუ̂ა̈რ-მეძბარლე ლიჴშდე. დი̄კუ̂ენდ ხა̈̄ქუ̂ ბაპს: "ჰაუ̂, ხოლა
Line of edition: 15 ბაპ, მა̈ჲ დო ჯიჩუ̂მინა! სგა̄დე ამხაუ̂თე̄სგა, ჩალ ჩუქუ̂ა̈ნთე̄სგა ი ჩუ̂ათეპჟ!"

Добавлено (2007-01-16, 1:51 Pm)
---------------------------------------------
ბაპ ჩუ̂ა̈თპა̈ჟ ი წეუ̂ა̈რ-მეძბარა̈ლდი ანჰეხ ამხაუ̂თექა. დი̄კუ̂ენდ
Line of edition: 17 ქო̄თსჷსნე ბაპს წეუ̂ა̈რ-მეძბარა̈ლ ი ალჲა̈რდ ბაპ ჩუ̂ადცჷლჷ̄რეხ.

Line of edition: 18 ა̈გითე ანჴა̈დ დი̄კუ̂ენ ი ბაპა̈ ხეხუ̂ ი მიჩა ლიზგე-ლირდე მა̈გ მიჩ
Line of edition: 19 ესსა̈დ ი ლჷმზჷრეუ̂ ხიშდ.

Line of edition: 20 ალ ცჷგინ ლჷმლახუ ლი.

Добавлено (2007-01-16, 1:52 Pm)
---------------------------------------------
Text: 158
Page of edition: 357
Line of edition: 21
158. ჩა̈ჩია̈ჲ ბაპჷლდ

Line of edition: 22 ლჷმზჷრეუ̂ ხიშდ ი ჩა̈ჩია̈ჲ ბაპჷლდ. არდა ეშხუ ჩა̈ჩია̈ჲ ბაპჷლდ.
Line of edition: 23 აშხუ̂ინ ეჩის ჯუ̂ე̄დია შუკუ̂ს ხა̄დ ლე̄ზი. ესღრი, ესღრი, ჩუ̂ა̈თბურა̈̄ნ.
Line of edition: 24 ამჩუ მეზგე ლი ი სგა̄ჩა̈დ ალჲა̈რთე̄სგა. ამჩუნ (ქორს) ზურლა̈̄რ გარ
Line of edition: 25 არდახ ი ირბია̄ლხ. ქა̄ნნაყეხ ხოშა დია̈რ ი მე̄რმა̈̄ლ ხოხუ̂რა̈̄ლ; ტუ̄ნუშუ̂
Line of edition: 26 ხო̄გა̈ნხ ნა̈̄ყუნდ ღედერ. ღედერ ქე̄სგოშა̄ლეხ აშხუ̂ ხოშა̄მ ფაკა̈ნთე
Line of edition: 27 ი სერ ხოხუ̂რა̈̄ლთე. ბაპ ანღელდა, ერე ხოშა̄მ დია̈რს ი ხოშა̄მ
Line of edition: 28 ფაკა̈ნს მიჩ ლაჰო̈დნახ. ჩოხგეხ ტაბა̈გ ი ჩუ̂ესდეხ ხოხუ̂რა დია̈რ, ჩუ̂ესგეხ
Line of edition: 29 ხოხუ̂რა ფაკა̈ნ ნა̈̄ყუნ. ბაპს ლახლო̄ნ, მარე მა̈ჲუ ხოჩუ̂მინა̈̄ნ. ჩუ̂ა̈დდი̄რა̈̄ნ,
Line of edition: 30 მარე ისგთექა დეშ ახა̄დ. ადირშხ ლაყუ̂რა̈̄ლ: ეშხუ ხოჩა ი
Line of edition: 31 მე̄რმე ხოდრა. ხოდრა̈მ ლაყუ̂რაჟი̄ნ ცა̈გ ი მერხელ ა̈დირშხ. ბაპ ანღელდა,
Line of edition: 32 ერე ხოჩა̄მ ლაყუ̂რაისგა მიჩ ადყუ̂ინნახ, მარე ამჟი̄ნ ზურლა̈̄რდ
Line of edition: 33 მა̄მა ჩუ̂ემინხ. ხოჩა̄მ ლაყუ̂რაისგა მინ ადყურდახ ი ცა̈გ ი მერხელჟი̄ნ
Line of edition: 34 ბაპ ადყუ̂ინეხ. ბაპ მე̄უ̂არ ა̈ნხირნა̈̄ნ, მარე იმუ̂ა̈̄ჲჟი მუშგუ̂რის
Line of edition: 35 ქა ლიკუ̂შე ხოშგუნდა. ჩუ̂ადყურდახ მა̈გ, მარე ბაპს მა̄მა ა̈თუ̄ჟდა. ისი̄პანა̈̄ლ
Line of edition: 36 ბაპ, მარე ჩუქუ̂ა̄ნ ცაგა̈რ ხეჴლიხ ი ჟიქა̄ნ მერხლა̈რ ხეჴფიხ.
Page of edition: 358 Line of edition: 1 უ̂ეშგიმპილს სერ ჟ'ა̈ხფა̈შ ი ჩუ̂ა̈თუ̄ჟდა. ალ დრო̈უ̂ს ზურლა̈̄რდ ჯუ̂ა̈რ
Line of edition: 2 ქო̄თქუ̂ითხ ი ლა̄რტყაჩუნ ჩუ̂ესჩიხნეხ.

Line of edition: 3 ჟ'ანჷ̄გა̈ნ ბაპ ი აჩა̈დ. შუკუ̂ჟინ ლა̈ხშყა̈დ, ერე ჯუ̂ა̈რ მამა ხუღუ̂ა̈̄ნ.
Line of edition: 4 ჟ'ა̈ნწახუ̂ა̈̄ნ ი უ̂ეშგდ ანტა̈ხ. ამჩუნ ზურლა̈̄რს ათსა̈კუ̂რა̈ლჷნხ ი ლა̈ხჭუ̂ედდახ: -- მა̈ჲ
Line of edition: 5 ესერ ხა̈ყრა, ბაპ? -- ჰმ, ჰამა მა̈ჲ მო̄დე, ჯუ̂ა̈რ ჩუ̂ა̈მსა̈დ
Line of edition: 6 ისგუ̂ეჲმჷყ ი ქა̈̄მჴიდდ. -- ზურლა̈̄რს ათსა̈კუ̂რა̈ლჷნხ ი ხა̈̄ქუ̂ხ: "მინეშმჷყ
Line of edition: 7 ესერ მა̄მგუ̂ეშ ხა̈სდა".

Line of edition: 8 ბაპს ლაგუ̂ნია̈ გუ̂ი ოთო̄სდ ი აჩა̈დ მიჩა შუკუ̂ს. ესღრი, ესღრი ი
Line of edition: 9 სგა ლახხუ̂ი̄დ აშხუ̂ მა̄რა. ალას ქა ლახმეშრა̄ლე, მარე მა̈ჲ სა̈რგიბდ
Line of edition: 10 ოხჴა̈დ. ალ მა̄რე ქა ხეწა̈დ, ერე ბაპს ჯუ̂ა̈რ უ̂ეშგინჩუ ხორა̈კ. ქა
Line of edition: 11 ლოხქა̈̄ბ ამჟინ ი გუისგა ხაჩო̄ნ. ესღრი ბაპ ი მე̄რმა მა̄რა̄დ ლახხუ̂ი̄დ.
Line of edition: 12 ალასი ამჟინ ლახმეშრა̄ლე, მარე ამნემი მა̄მგუ̂ეშ ხაყერ: "ხოლა გუ̂ეშ
Line of edition: 13 ესერ ხა̈ყრა", ეჩი ლი̄ქუ̂ი̄სგჷნქა.

Line of edition: 14 ესღრი ბაპ ი ათა̄სდ აშხუ̂ მჷლდეღს. მჷლდეღსი ამჟინ ლახმეშრა̄ლე
Line of edition: 15 ი ეჩქას მჷლდეღდ ხა̈̄ქუ̂: "ჟიუ̂ როქ ა̈ნშუ̂ემ!" ჩუ̂ესგურდახ
Line of edition: 16 ჲერქჷდა: ბაპ ი მჷლდეღ. ბაპდ ქო̄ხო̄მბუ̂ე მა̈გ მიჩა ნა̈ნჭირ: "ლე̄თი
Line of edition: 17 ესერ ჯა ლჷმა̈რდ მეზგაისგა ი ეჯჲა̈რს ესერ კათე ხა̈̄შუ̂ნენახ ეჯ
Line of edition: 18 დრო̈უ̂ს-ე́, შომუ̂ა̈̄ჲ ჯა ა̈მჩედ, ქო̄ხნაყახ ეშხუ ხოშა დია̈რ ი მე̄რმა̈̄ლ
Line of edition: 19 ხოხუ̂რა̈̄ლ. ხოშა დია̈რ ესერ მიჩოშდ ხახლე̄ნა. ნა̈̄ყუნდ ესერ ხა̈გნენახ
Line of edition: 20 ღედერ ტუ̄ნუშუ̂. ქ' ე̄სერ ესგოშა̄ლახ ღედერ აშხუ̂ ხოშა̄მ ფაკა̈ნთე ი

Line of edition: 30 ათხე მჷლდეღს ლოხუ̂ჟინდა ი, მიჩა̈შდ მა̈̄ჲ დია̈რ ხუღუ̂ა̈̄ნ, ეჯა
Line of edition: 31 ბაპს ხა̄მნე. ბაპდ მე̄უ̂არ მაჴუ̂ა̄მ ხა̈̄ქუ̂ ი ჩუ̂ა̈დდი̄რა̈̄ნ. ლჷდიარუნღო
Line of edition: 32 ჟ'ანჷ̄გა̈ნ ი ესღჷრდა. ამჩიქქა ხეწა̈დ მიჩა ნასგურჟი ჯუ̂ა̈რს. ბაპს
Line of edition: 33 ათსა̈კუ̂რა̈ლჷნ ი ლოხხალდა ღერთა̈ ნა̈ჴიდ ჯუ̂ა̈რ, სტა̄რუ̈ნ ა̈დირე ი
Line of edition: 34 ჟ'ა̈ნკიდ. მჷლდეღს ხა̈̄ქუ̂: "ალ ჯუ̂ა̈რ შუკუ̂ჟინ ესერ ათქარუ̂ე̄ნა ი ღე̄რბათ
Line of edition: 35 ესერ ოხჴი̄და მიჩა̈შდ".

Line of edition: 36 ლჷმზჷრეუ̂ ხიშდ.

Добавлено (2007-01-16, 1:53 Pm)
---------------------------------------------
Text: 159
Page of edition: 359
Line of edition: 1
159. და̈შდუ̂ ი მა̄ლ

Line of edition: 2 ლჷმზჷრე̄უ̂ ხიშდ ი და̈შდუ̂ ი მა̄ლ. ალჲა̈რ ლიხ ლახუ̂ბა ი იზგეხ.
Line of edition: 3 და̈შდუ̂ ხოშა მუხუ̂ბე ლი ი მა̄ლ ხოხუ̂რა. ალჲა̈რს ხორიხ ლა̄შგ ნეზუ̂.
Line of edition: 4 ალა ეჯკა̈ლიბდ ქა̄შგი, ერე მინს, ცხა̈ჲ, ხუღუ̂ახ, მარე ქა ხუ̂ა̈ჲ ხესდენიხ.
Line of edition: 5 აშხუ̂ინ მა̄ლდ ხა̈̄ქუ̂ და̈შდუ̂ს:
Line of edition: 6 -- ეჯა მა̄დე, მიშგუ მუხუ̂ბე და̈შდუ̂, ი ლინზო̄რე̄დდ თა̈შს, ადო
Line of edition: 7 ხუ̂ა̈ჲ გუ̂ება̈̄ქი, დეშ ლაგა̄თუ̂ედ. -- და̈შდუ̂დ ლახტიხ:
Line of edition: 8 -- ალა-უნყს მი̄ჲ მეჭკჷ̄რა̈̄ნ, მარე სი ხოლა კა̈ფიშ ხი ი ქა დეშ
Line of edition: 9 ლა̄ჯეკუ̂შ. ჩუ მაკა̈ფ მიჲ ალა!

Line of edition: 10 მინე ჩუქუ̂ა̄ნ იცხჟი ზექრა (ლალთაშა) ადგეხ ი ინზო̄რეხ ამეისგა
Line of edition: 11 თა̈შს. ჟ'ანგუ̂ეშლეხ ი ქა̈̄ნკილხ. ალა მა̄ლს ესნა̈რ ეჯღა ხა̄რ, ერე ნანზო̄რ
Line of edition: 12 თა̈შ მიჩა ლა̈ქუ̂ნიშა̄ლდ ხამკახა. აჩა̈დ დრო̈უ̂ ი სგო̄ხფხჷკნე ქა̄მენისგა
Line of edition: 13 ქორთე მა̄ლდ ი სგა̄ნსკინე უცეფდ. და̈შდუ̂ ლა̈ხჭუ̂ედდა:
Line of edition: 14 -- ჲა̈რ ესერ ლი მჷფხკჷნე? -- მა̄ლდ ლახტიხ:
Line of edition: 15 -- და̈̄რ, კე̄სა̈რშა! მინე ქორ ა̈დშა̈ნუ̂ა̈̄ნ: ლიპრისდა̈ლ როქ ხა̄რხ ი
Line of edition: 16 ეჩხაუ̂ გუ̂ა̈წჰიხ. სი ხოშა მუხუ̂ბე ხი ქა̄დე, და̈შდუ̂! -- ალა ლუშგუ̂ირ
Line of edition: 17 ლი, ამი̄შ მა̄ლს ჩუ ხოხა. დემჟი აჩა̈დ ი ხა̈̄ქუ̂ მა̄ლს: "მი მა̄მ ღური
Line of edition: 18 ეჩხაუ̂, ს' ადე!"

Line of edition: 19 მა̄ლ ჟ'ა̈ნმა̄რა̈̄ნ ი აჩა̈დ კე̄სა̈რშე̄რემ მა̄მა ა̈წჰეხ ი თა̈შ ლაზობთე
Line of edition: 20 აჩა̈დ. ამის, და̈შდუ̂ს, გარ ხეღროუ̂ა̈̄ლ. ჟ'ესბიზა̈̄ნ თა̈შს ი ა̈გით' ა̈ნტა̈ხ.
Line of edition: 21 და̈შდუ̂ ლა̈ხჭუ̂ედდა:
Line of edition: 22 -- მა̈გუ̂ა̈ჲ აჩუ̂მინხ ი მა̈გუ̂ა̈ჲდ ჯა̄დ, ჲედ მა̈ჲ ათჟა̈ხხ?
Line of edition: 23 -- მინე ქორუ ალშა̈ნუ̂ე̄ლი, ეზერ აჩუ̂მინხ ი მი̄ჲ ეზერდ მა̄დ. იბნი̄ლ-მიბნი̄ლ
Line of edition: 24 ათჟა̈ხხ.
Line of edition: 25 -- მინე ხოშა̄ლე ჟახე ესერ ოთჟახახ!

Line of edition: 26 მე̄რმა ჟინ აჯაღ ამჟი̄დ ოთღორუ̂ე მა̄ლდ. ეჩქა აჯაღ ლა̈ხჭუ̂ედდა
Line of edition: 27 და̈შდუ̂: "მა̈ჲ ესერ ოთჟახახ?" მა̄ლდ ლახტიხ: "იხნჷსგილ-მიხნჷსგილ".

Line of edition: 28 მე̄სმა̄მინ ამჟი ოთღორუ̂ე ი ჩუ ლალე̄მ ალ თა̈შ მა̈გ, -- მა̄დხუ̂ა̈ჲ გარ
Line of edition: 29 ოთსა̈დ. "ათხე ესერ იშთხი̄ლ-მიშთხი̄ლ ოთჟახახ".

Line of edition: 30 მე̄შთხუ̂ა̄მინ აჯაღჷდ ოთფხჷკნე მა̄ლდ. ათხე და̈შდუ̂ ადზჷზე

Добавлено (2007-01-16, 1:53 Pm)
---------------------------------------------
ძალოშ ლჷწჰათე კე̄სა̈რშე̄რთე. და̈შდუ̂ ლი̄ზა̈̄ლს ლა̈ხჭუ̂ედდა მა̄ლს:
Line of edition: 32 "იმჟი ესერ ჩო̈მინას ეჩე?, მა̄ლდ ჩუ̂ადშგურა̄ნე: "ჰა̄ლ ესერ იჰა̄ლდე̄დს
Line of edition: 33 კე̄სა̈რშა ყო̄რთე̄სგა, ეჩქ' ე̄სერ ამჟიუ̂ ტუ̈̄ლდა: "კე̄სა̈რშა, უჯბა̈̄შ ი
Line of edition: 34 უტყბა̈̄ მუზბა̄ლა, ქა ჲა̈რ ა̈ხსგიდად ქა̈̄მთე!" კე̄სა̈რშე̄რემ ალა ჟ'ა̈ნგოხლეხ,
Line of edition: 35 ქა̈̄ხჭუ̂ა̄დხ ი ლეგდ აჴიდხ და̈შდუ̂. და̈შდუ̂ ა̈გითე ანტა̈ხ ი
Line of edition: 36 ხემშერა̄ლ მა̄ლს. მა̄ლ ა̈თცუ̄დ: "მიჩ ესერ დემნარ ხაყა ი დე ესერ
Line of edition: 37 ხოხა ლამშგუ̂ართე ლი̄ზი!"

Page of edition: 360
Line of edition: 1 აჩა̈დ დრო̈უ̂ ი მა̄ლდ ხა̈̄ქუ̂ და̈შდუ̂ს:
Line of edition: 2 -- ეჯა მა̄დე, და̈შდუ̂, ი თა̈შ ჟ'ა̈ლწუ̂ე̄ნად, ადო ჩუ დო̄სა ა̈გუ̂-.
Line of edition: 3 ქუ̂ერს.
Line of edition: 4 -- ალა-უნყს მი̄ჲ ჩუ მეჭკჷ̄რა̈̄ნ, მარე ისგოუ̂ მაყლუ̈̄ნდა.

Line of edition: 5 ჟ'ა̈ნმა̄რა̈̄ნხ ი აჩა̈დხ. ეშხუ გუდრა ტჷტ ლა̄ეხ, ზექრათექა ჰა̄ლ
Line of edition: 6 ადჰეხ, და̈შდუ̂ შიშდ ჟი ლა̈ხკუ̂ა̈ფხ ლალთაშას ი ჟ'აჩა̈დ. მა̄ლდ ესტუ̂ი̄ლ:
Line of edition: 7 "ი,ნჷმ' ა̄ჩე, ნჷმ' ა̄ჩე: ცხა̄რა̈ლს ქა ჯაჭკუ̂რე, ადო თა̈შს ჩუ ხაჟღპჷნე!"
Line of edition: 8 და̈შდუ̂ ჩუ̂ანტა̈ხ, მა̄ლდ ცხა̄რა̈ლ ქა̄თჭკუ̂ერ. ლა̈ხკუ̂ა̈ფხ ათხე
Line of edition: 9 და̈შდუ̂ ი ჩუ̂ანშყა̈დ.
Line of edition: 10 -- მიშგუუ̂-უნყს ლა̈მზჷრ ჯეცუ̂ა̈̄ლ, მა̈ჲ-უნყს მეშდენი ათხე?

Line of edition: 11 მა̄ლდ ლახტიხ:
Line of edition: 12 -- მა̈ჲ ი სი ჟ'ა̈მღე̄ლა̈უ̂ ჩუქუ̂ა̄ნ ი მი ჟ'ოდრი ი ჯიშდუნი თა̈შს.

Line of edition: 13 მა̄ლ ჟ'აჩა̈დ ი იზბი თა̈შს. და̈შდუ̂ს ოხკუ̂ა̈რ ეშხუ ნა̈ქუ̂იც. და̈შდუ̂დ
Line of edition: 14 ხა̈̄ქუ̂: "აჯაღუ ესერ ოხკუ̂ა̈რ, ეზერ გა̈მა̈შ ესერ ლი!" მა̄ლდ ლახტიხ:
Line of edition: 15 "ჲაღო, ჩუ̂ათკა̈რ გუნ! და̈შდუ̂დ ჩუ̂ადკარე ი ჩუ̂ადტრიკე, მა̄ლდ ეშხუ
Line of edition: 16 გუდრა ტჷტ ლახშიდ. და̈შდუ̂ს თე̄რა̈ლ ქა̈̄ხხჷპჷ̄რა̈̄ნ.
Line of edition: 17 -- ა̄, მიშგუ ლა̈მზჷრუ ჯეცუ̂ა̈̄ლ, ათხე მა̈ჲ მეშდენი, ჲედ იმ მა̈ჩო?

Line of edition: 18 მა̄ლდ ხა̈̄ქუ̂:
Line of edition: 19 -- ნჷმა ჯაყლუ̄ნი: მი ზანგლა̈გს ლა̈ხუ̂ყედა̈̄ნი ი სი ეჩი̄ ჰერს ხეჭმინა̄ლდა̈ს
Line of edition: 20 ი ამჟი ლიზელა̄ლუ̂ნიდ. -- მა̄ლდ ამჟი ჩუ̂ემინ. აზჷნგლა̈გი,
Line of edition: 21 და̈შდუ̂ ესჭიმ (\\ ეშჭიმ) უ̂ეშგიმ. კოჯა̈ თხუმთექა ოთჟოღ ი ქა̄დკუ̂ა̈რ
Line of edition: 22 კოჯქა. და̈შდუ̂ ჩუ̂ადგან. მა̄ლ ჩუ̂აჩა̈დ ი სგა̄დჲე ჴურუთე̄სგა ი იზბი
Line of edition: 23 და̈შდუ̂ს. ჯიჯუ̂ს ქა̄მენთე აკუ̂ა̄ნე.

Line of edition: 24 ამექა ანჴა̈დ თხე̄რე: -- ხოჩაუ̂ ლადეღ ჯა̄რ მა̄ლს! -- ხოჩაუ̂ ჯა̄რ სი!

Line of edition: 25 თხე̄რე იზბ' ამის-ა, ჯიჯუ̂ა̈რს. ჩუ ლალე̄მ მა̈გ ი ხა̈̄ქუ̂ მა̄ლს:

Добавлено (2007-01-16, 1:54 Pm)
---------------------------------------------
-- სიუ̂ მირ' ი̄უ̂ას, მა̈ჲ ეზერდ მა̄დ! ქა̄ღერ ამნია̈̄ნიდ, ქა ჯეყჰა̈̄ლ!
Line of edition: 27 -- დემნა̈რ მაწჷხ ისგუ ლიყჰა̈̄ლ, ქა̄დე გა̈ნთე! -- თხე̄რე დემ ხაკედ
Line of edition: 28 ჰაჯს, ეში̄ ხაკფუნე ლიყჰა̈̄ლს, მა̄ლ უ̂არს ხაყლე.
Line of edition: 29 -- ჲაღო ჰაკუ̂დი̄ლ ა̈მქუ̂იჭ, ეჩეჟი ჯეყჰა̈̄ლ.

Line of edition: 30 მა̄ლდ ქო̄ხქუ̂იჭე ჰაკუ̂ა̈დ, ჭჷშხა̈რ ქა̄თკიპო̄რე კოჯს, თხე̄რემ ქო̄ხბჷდ
Line of edition: 31 ი ქა ლა̈ხსა̈დ ჰაკუ̂ა̈დ ი აჩა̈დ მიჩა შუკუ̂ს. მა̄ლ ქა̄ჩა̈დ ი სგა
Line of edition: 32 ლა̈ხჩჷ̄დ მე̄რმა მა̄ლა̈რს. ალჲა̈რს ხასკუ̂რელხ: -- იმნა̈რ ესერ ლიზ ამჟი
Line of edition: 33 ლუგუ̂ა̈რ? ქა̄უ̂ ესერ ხა̈̄ქუ̂ ამი̄ ჴერჴ, ღო მინი ესერ ამჟი იჩოხ.

Line of edition: 34 მა̄ლდ ხა̈̄ქუ̂:
Line of edition: 35 -- ჰაკუ̂ა̈დ ესერ ერ ოთქუ̂ი̄ცა, ეჯღ' ე̄სერ ალლუგუ̂რე̄ლი. მინდი̄
Line of edition: 36 ესერ ქა̄უ̂ ა̈დქუ̂იცხ ჰაკუ̂და̈რ, ღო ესერ ჩუ̂ა̈დლუგუ̂რიხ.

Line of edition: 37 მა̄ლა̈რ ლა̈ხჭუ̂ედდახ:

Page of edition: 361
Line of edition: 1 -- იმჟ' ესერ ა̈დქუც[ურ]ახ?
Line of edition: 2 -- იმჟი ესერ ი მე̄ფხა ლე̄თ სგაუ̂ ესერ ადქუ̂იჭეხ ჰაკუ̂და̈რ ლჷცთე̄სგა.
Line of edition: 3 ლიც ესერ ჟ'ა̈ნკუ̂ერმი ი ჰაკუ̂და̈რ ესერ ჟ'ესსედნიხ. ეჩქ'ე̄სერ
Line of edition: 4 ჩუ̂ა̈დლუგუ̂რიხ.

Line of edition: 5 მა̄ლა̈რდ ამჟი ჩუ̂ემინხ, იმჟი[უ̂ა̈̄ჲ] ამნემ ხა̈̄ქუ̂. ჟ'ესკუ̂ერმა̈̄ნ[ხ], ჲერს
Line of edition: 6 ქა̈̄ხყუ̂ა̈ფხ ჰაკუ̂და̈რ, ჲერ ჟ'ესდაგანხ, ჲერ ჟ'ესხა̈დხ, ჲერს მა̈ჲ ხეყა̈რხ
Line of edition: 7 ი ჲერს მა̈ჲ.

Line of edition: 8 მე̄რმაჟინ ალ მა̄ლ (კუდა̈ჲ) მალა̈რცახა̈ნ ა̈რი ი თხე̄რე̄დ ანჴა̈დ
Line of edition: 9 ამექა.
Line of edition: 10 -- ო, ნა̈ტიალუ ჯა̄ქუ̂ა მა̄ლს, მა̈ჲ ლუგუ̂ა̈რ ხი!
Line of edition: 11 -- მა̈ჲღენუ̂ა̈̄ჲ ამჟი ჯაშა მიშგოუ̂ ნალგუ̂ა̈რი, ნა̈ჴჩულა̈ ბოგ ალდად,
Line of edition: 12 ეჩექა ქა̄ნრეკლედ მა̈გ მა̄ლა̈რ, ხოლგუ̂არა ჰე ხუ̂ი̄რი ი ხონგუ̂მა,
Line of edition: 13 ეჩქა მი ჩუ̂ა̈მძგუ̂ებნი.

Line of edition: 14 ალა ტკისდ ამჟი ჩუ̂ემინხ. მა̈გ ქა̄ჩა̈დხ მა̄ლა̈რ ბოგქა ი კუდა̈ჲ
Line of edition: 15 მა̄ლს ჩოთძგუ̂ა̈ბ ბოგ ი ჩუ̂აშყა̈დ ჭალა̈ჲთე. თხე̄რე ჟ'ათსგურდა ჟიქა̄ნ.
Line of edition: 16 -- ა, ლჷკჩეუ̂ ლიზ მიშგუ ბედ, ათხე ჩუ ლა̈ჯზუ̂ები! -- მა̄ლდ ლახტიხ:
Line of edition: 17 -- მი დაგრა მა̄მ მამჭირ, მარე ეშხუ ქა ლამსგიდნა̈̄უ̂ინ დეცთე.
Line of edition: 18 -- იმნა̈რ ესერ? -- თხე̄რემ ლახტიხ.
Line of edition: 19 -- იმნა̈რ-ი ალა მიშგუ ნა̈ჭრა̈ლუ̂ ლ'-ა, დეც, ი მა̈წდუნი. -- თხე̄რე
Line of edition: 20 ჟ'ა̈დსგიდა დეცთე: ეზერ ლესგდი ლახბაჟჷნ მე̄ფხე ანტყუ̂სგა̈რშუ̂

Добавлено (2007-01-16, 1:54 Pm)
---------------------------------------------
ლჷჭრელე დეც ი ლა̈ხჭუ̂ედდა მა̄ლს: -- ამი̄თა̄ნდ ე მოშ ჩუ მა̈ჭრელე,
Line of edition: 22 დე̄მის ჯიზბი. -- ამი̄თა̄ნდ მა̄დე ი ხოჩა̄მდ[ი̄] აჯჭერლი.

Line of edition: 23 ჟ'ანფიშუ̂დ მა̄ლ თხე̄რემ ი აჩა̈დხ. თხე̄რე̄ ლა̈ხჭუ̂ედდა: -- იმჟი ლიჩოდ?
Line of edition: 24 -- იმჟი̄ნ-ი გუშგუ̂ეჲ ლეჟა̈̄ნჩუ ბაპშა აჴნიხ. ნა̈ჲ გუ̂აწჷხ მჷკრა-ჲ
Line of edition: 25 წემა̈შ. სი ქა̄ხეშგბ ეჯჲარე დაჴა̈რს ი ეშხუ დაჴჷლ ქო̄თოღ, ეჯჲა̈რ
Line of edition: 26 ს' ა̈ჯღუ̂ეჭნიხ, ეჩქა მი სგა ლა̈ხუ̂ქა̈̄ლი ი წემა̈შს ი მჷკრას ქო̄თქუ̂ითნე.
Line of edition: 27 ჩუ̂ა̈ლყუ̂აბე̄ნდ ლექუ̂ე̄რისგა.

Line of edition: 28 ალა ამჟი ჩუ̂ემინხ: თხე̄რე დაჴა̈რს ოხშგა̈ბ ი ქო̄თღე ეშხუ დაჴჷლ.
Line of edition: 29 ბაპშა (მჷჴნა) მა̈გ ამის ა̈თღუ̂ა̈ჭხ, მა̄ლ სგა ლა̈ხქა̄ლ ი ლაჴა̈ნხა̈ქა
Line of edition: 30 მჷკრა-ჲ ი წემა̈შ ქო̄თქუ̂ით. ეჩუნღო სგა̄ჩა̈დხ ლექუ̂ე̄რთე̄სგა, ლემესგ
Line of edition: 31 ადა̄შუ̂ეხ, მჷკრა სგა ლახდე მა̄ლდ ლა̈ქჷნთრინას ლემასგუ̂ისგა. თხე̄რე
Line of edition: 32 ხეჭუ̂დიე̄ლ:
Line of edition: 33 -- წემა̈შ მა̈ჲ ჯა̄რ ი ჲედე მჷკრას იმღა ხა̈ქჷნთრინე?
Line of edition: 34 -- მა̈ჲ-ი́ წემაშშუ̂ ჟი ჯა̈ბურკილე (ჟი ჯაკულთხა̈ნი), ერე მჷკროშ
Line of edition: 35 ერ ჯა̈ჭრა̈ლუ̂ნი, ეჩქა ლაქთუნა̄ლ დო̄სა ჯა̈̄ც, ადო ეჩურ დეშ ჯა̈ჭრელე.
Line of edition: 36 -- თხე̄რე ჩუ̂ადყუ̂ინე მა̄ლდ, ჟ'ანკულთხნე ი ხა̈̄ქუ̂: "ლა̈ჲზრი̄ნთხა̄ლეუ̂
Line of edition: 37 ესერ!" თხე̄რემ ლა̈ჲზრი̄ნთხა̄ლე ი ჟ'ა̈ნფუშდუ̄რე. მა̄ლდ მახანჷდ
Line of edition: 38 ანკულთხნე (ანჯჷრქნე). ესზრი̄ნჴა̄ლე თხე̄რემ ი ქუ̂ინ დეშ ა̈ნკიდ. ქა̈̄ნკიდ
Page of edition: 362 Line of edition: 1 მა̄ლდ ალა̄, ლჷქჷნთრინე მჷკრა ლემასგუ̂ხა̈ნქა, ხაზმე თხე̄რა ყიაჩუ ი
Line of edition: 2 ყჷლე: "ა̈ჭი-კა̈ჭი, მეშხე ბედიშ გელია̈ჲ!" რამდენიმეჯერ გაიმეორა
Line of edition: 3 ეს-ფიშრა̄მინ რა̈̄ქუ̂ ალა. თხე̄რე ლა̈ხჭუ̂ედდა მაყლუუ̂ა̄რდ:
Line of edition: 4 -- ალას ესერ იმნა̈რ იჩო?
Line of edition: 5 -- იმნა̈რ ესერ-ი́ ამურ ესერ დემ იჭრელი, -- ი ჟი ხაჴიდ ალა̄, მჷკრა,

Line of edition: 17 მა̄ლდ ჩუ̂აფიშუ̂დ ნა̈პო̄ლ ი ოთჴერდა. ნა̈პო̄ლ სგა̄ჩა̈დ საყდა̈რთე̄სგა,
Line of edition: 18 მა̄ლ ჩუ̂ათპა̈ჟუ̂ნე საყდა̈რისგა ლა̈სგიდ ა̈გის. საყდა̈რისგა ა̈წჷრუ̂ე̄ლიხ
Line of edition: 19 ეშდჲორი ბერ-ბაპ. ყაურჯელა̈რ ჩი̄ შუნ ხუღუ̂ეხ, ნა̈პო̄ლ ჟ'ესა̄გა̈ნ
Line of edition: 20 თხუმია̈ ბაპს თხუმჟი. ამის მე̄რმა ბაპდ ყაურჯელ ახფიშუ̂დ, ნა̈პო̄ლ
Line of edition: 21 ჟ'ანპა̈რ, ყაურჯელ ბაპს ხოჲა̈ხ თხუმ. ათხე ნა̈პო̄ლ მე̄რმა ბაპს ესა̄გა̈ნ
Line of edition: 22 თხუმჟი. ამის ეჯნემ, (ნა̈ყირ) ბაპდ, ახფიშუ̂დ ყაურჯელ, ნა̈პო̄ლ ჟი̄დ
Line of edition: 23 ოხჩა̈შ ი ყაურჯელ ბაპს ხოჲა̈ხ. ა̈თჩჷ̄დხ უშხუ̂ა̄რ ბაპა̈რ ი მა̈გ ხატყციხ
Line of edition: 24 უშხუ̂ა̄რ. მა̄ლს ხაჩა ეჯჟი, ერე ჴადა̈რ დე̄სა ხესდენი. ნა̈პო̄ლ ქა̄ნჴა̈დ
Line of edition: 25 მა̄ლთექა ი ლა̈ხჭუ̂ედდა:
Line of edition: 26 -- მა̈გუ̂ა̈ჲდ ესერ ხა̄რა, ჲედ ხაკუ ესერ ესამა სერ?
Line of edition: 27 -- ათხე ეჯზუმ მიქი̄ზანა̄ლა, ერე ჟ'ამი̄დჷნ ი ლეზბუ̄რას ჰე მოშ
Line of edition: 28 მითმე! -- ჲაღო, მინჴერ!

Line of edition: 29 ამელექუ̂ა ანღრიხ ჲორი ზურალა̈̄რ, ლალა̄შა̈რ ჟი ხა̈̄ცუ̂ხ ქუთუ̂ა̈რდ
Line of edition: 30 გუ̂ეში. ნა̈პო̄ლ სგა ლახა̄გა̈ნ სგუ̂ებინისგა მჷდბაშას ლაპჷრჭილა̈უ̂ს, მა̄ლ
Line of edition: 31 უ̂ეშგიმ ლა̈ხქა̄ლ, ქუთუ̂ა̈რს იკედ ლალა̄შხა̈ნჟი, გუ̂იგუ̂ს ქა ხოკედ ი ჩუ
Line of edition: 32 იზბი, ტეფა̈რს უშხუ̂ა̄რ ხა̈ტხე ი სგა ტიხე ლალა̄შთე. ჟ'ესბიზა̈̄ნ ი
Line of edition: 33 ეჩქა ქა̈̄თყა̈ჩ ი გა̈ნთე აჩა̈დ. ზურალა̈̄რ ა̈გითე ანჴა̄დხ, ა̈ნგეხ ჩუ ტაბა̈გ
Line of edition: 34 ი ტეფა̈რ გარ ა̈ხგუ̂ა̈ბხ. ჩუ ა̈რიხ ლუსკუ̂რელე ი დეშ ა̈ცხრეხ: მა̈ჲ დო
Line of edition: 35 ლი ი მა̈ჲ. ნა̈პო̄ლ ლა̈ხჭუ̂ედდა მა̄ლს: -- სერ ესერ მა̈ჲ ხაკუ?
Line of edition: 36 -- მა̈ჲ ესერ ი ათხე მა̈ბზა̈̄რ ლიზ გუნ ი ხაჭმურია̄ლუ̂ნე ესერ,
Line of edition: 37 ღო ესერ ა̈ხჴეჩნი.

Page of edition: 363
Line of edition: 1 -- ჲაღო, ამეჩუ კე̄სა̈რშა იზგეხ. ეჯჲა̈რს წეუ̂ა̈რ-მეძბარა̈ლ ხორიხ,
Line of edition: 2 ეჯჲა̈რ სი დეშ ჯეჰახ. ჩუ̂ადერ ი ჩუ̂ესი̄გნ ეჯჲარე ყო̄რჟი ი ხატუ̈̄ლდა̈ს:
Line of edition: 3 "კე̄სა̈რშა, უტყბა̈̄შ ი უჯბა̈̄ მუზბა̄ლა, წეუ̂ა̈რ-მეძბარა̈ლ ა̈მსჷსნედ: სჷ-სჷ̄!"

Line of edition: 4 მა̄ლდ ამჟი ჩო̈მინ ოხსჷსნეხ ქა წეუ̂არ-მეძბარა̈ლ. სგუ̂ებინ მა̄ლ,
Line of edition: 5 უ̂ეშგიმ ეჯჲა̈რ. უ̂ოდ-ი-უ̂ოდ ესჭომახ, სგა̈̄ჰი̄დხ ი გინჯილდ ადგენეხ.
Line of edition: 6 ნა̈პო̄ლ მიჩა ლა̄ზს აჩა̈დ ი ლჷმზჷრეუ̂ ხიშდ.

Line of edition: 7 უ̂ოდე ალა-ჲ-ალა დო̄სა ა̈გუ̂ჰი̄დს ნა̈ჲ, ეჩქადუ ლა̈რიდ. -- ო̄, ხუ̂ა̈ჲ
Line of edition: 8 ხა̈ნსუ ხა̈რი!

Добавлено (2007-01-16, 1:56 Pm)
---------------------------------------------
Text: 160
Page of edition: 363
Line of edition: 9
160. ჭუ̂ე̄რო̄ლ

Line of edition: 10 ლჷმზჷრე̄უ̂ ხიშდ ი ა̈რი ამჩუ ეშხუ ჭუ̂ე̄რო̄ლ. ალას მეგმი კა̈ცხჟი
Line of edition: 11 ლა̈ცჷნდაუ̂ ხა̄რ მჷსყე ი სემი ლჷგრილ ჩუ ხო̄ზ. ნაგზალადაღუ̂ ქა̈̄ნკუ̂იშ
Line of edition: 12 სემი ლჷფა̈თო̄ლ. ლახა̄სდ აშხუ̂ ლადა̈ღ ამელექუ̂ა მა̄ლ ი ესწუ̂ე̄ნე,ჭუ̂ე̄რო̄ლს
Line of edition: 13 მეგმი კა̈ცხჟი ლა̈ცჷნდაუ̂ ხა̄რ ი სემი ლჷფა̈თო̄ლ ჩუ ხორი
Line of edition: 14 ი ლახტუ̂ი̄ლ: -- უ̂ო̄, ჭუ̂ე̄რ! -- უ̂ო̄ჰო! ლახტიხ ჭუ̂ე̄რდ. -- ეშხუ ისგუ ლჷფა̈თო̄ლ
Line of edition: 15 ჩუ̂ა̈მიკუ̂რ, ადო ლა̈ხუ̂გემ დაჴლა̈ ანზს, ეჩხა̈ნი̄ აჯქუ̂იცე ი
Line of edition: 16 ამხა̈ნი̄ ი სი̄-ჲ ისგუ̂ა ლჷფა̈თო̄ლა̈რს ჩი̄ ჩუ ლა̈ჯზუ̂ებნე!

Line of edition: 17 ათყალუ̂ი̄ნდა ჭუ̂ე̄რო̄ლს ი ეშხუ ლჷფა̈თო̄ლ ჩუ ლეკუ̂ა̄ნე ხა̄დ. ჲორი̄ლ
Line of edition: 18 გარ ესსა̈დ.

Line of edition: 19 ახა̄სდჷდ მე̄რმა ლადა̈ღ მა̄ლ ი ლახტუ̂ი̄ლჷდ ჭუ̂ე̄რს: "უ̂ო̄, ჭუ̂ერ!
Line of edition: 20 ეშხუ ისგუ ლჷფა̈თო̄ლ ჩუ̂ა̈მიკუ̂რ, ადო ლა̈ხუ̂გემ დაჴლა̈ ანზს ი ეჩხა̈ნი̄
Line of edition: 21 აჯქუ̂იცე ი ამხა̈ნი̄ ი სი̄-ჲ ისგუ̂ა ლჷფა̈თო̄ლა̈რს ჩი̄ ჩუ ლა̈ჯზუ̂ებნე!"
Line of edition: 22 ათყალუ̂ი̄ნდა̄დ ჭუ̂ე̄რს ი ჩუ ლეკუ̂ა̄ნე̄დ ხა̄დდა ეშხუ ლჷფა̈თო̄ლ. მა̄ლ
Line of edition: 23 აჩა̈დ სერ ლაქუ̂ლე̄სია̄ლოშ ი მე̄სმა ლადა̈ღ სგა̄დ ლა̈ხტა̈ხ ჭუ̂ე̄რო̄ლს
Line of edition: 24 ი ლახტუ̂ი̄ლჷდ მეგმი კა̈ცხთეჟი: "ეშხუ ისგუ ლჷფა̄თო̄ლ ჩუ̂ა̈მიკუ̂რ,
Line of edition: 25 ადო ლა̈ხუ̂გემ დაჴლა̈ ანზს, ეჩხა̈ნი̄ აჯქუ̂იცე, ამხა̈ნი̄ ი სი̄-ჲ ისგუ̂ა
Line of edition: 26 ლჷფა̈თო̄ლა̈რს ჩი̄ ჩუ ლა̈ჯზუ̂ებნე!" მე̄უ̂არ თჷმი ღალ ხა̄დ ჭუ̂ე̄რო̄ლს,
Line of edition: 27 მარე მა̈ჲუ ხოჩუ̂მინა̈̄ნ ი ჩუ ლეკუ̂ა̄ნე̄დ ხა̄დ ეშხუ ლჷფა̈თო̄ლ ი სერ
Line of edition: 28 ესსა̈დი̄ დე̄სამა ი მა̈ჲუ ხეკუ̂ა̈დ მეგმი კა̈ცხჟი ი ქა̄პა̈რ ლაყუ̂ა̄უ̂ოშ მინდუ̂ერთე
Line of edition: 29 ი სგა̈̄თნა̈ჩდა̈̄ნ ჭო̄რა̈ლს ი ჩუ̂ა̈რი ამჩუ.

Line of edition: 30 აშხუ̂ ლადა̈ღ ეჯჟი და̈რ ჩუ ლა̈სუ̂, ერე სა̈რკდ ლჷ̄გა̈ნ დეც ი

Добавлено (2007-01-16, 1:56 Pm)
---------------------------------------------
ძუღუ̂' ე̄შ ალსდჷნა. სგა ხა̄გ მა̄ლ ძუღუ̂ათე̄სგა-ჲ ისტღუნა̈̄ლ, ნინ ქა
Line of edition: 32 ხო̄ზ ქა̄მენჩუ. ხა̈წდაჲ ესერ ა̄დუ̂ ალას ჭუ̂ე̄რ ი ა̈ნთჷრგჲა̈ლი̄ნე-ჲ ჭჷშხჟ'
Line of edition: 33 ესკრეტ, მა̄მ' ა̄ფა̈შ მა̄ლ, მუგუ̂დაჲ დო̄სა ა̈ნმეჴრე; ა̈ნთჷრგჲა̈ლი̄ნე-ჲ
Line of edition: 34 ჰაკუ̂ა̈დჟ' ესკრეტ, დე̄სამა̄დ რა̈̄ქუ̂; ა̈ნთჷრგჲა̈ლი̄ნე-ჲ შჷყჟ' ესკრეტ,
Line of edition: 35 მა̄მა̄დ აფა̈შ მა̄ლ; ა̈ნთჷრგჲა̈ლი̄ნე-ჲ თხუმჟ' ესკრეტ, მარე მა̄ლ მუგუ̂დაჲ
Line of edition: 36 ჩუ იუ̂ჟე. ათხ' ა̈̄ნთჷრგჲა̈ლი̄ნე ჭუ̂ე̄რდ ი ნჷნჟ' ესკრეტ, სგა̄ჲ ხაფხეჭ
Page of edition: 364 Line of edition: 1 მა̄ლდ, შჷნ ხუღუ̂ე ჴაფშუ̂ ი ესღუ̂ა მინდუ̂ერ ლექუ̂ა, ხა̈წდახ ესერი̄
Line of edition: 2 ა̄დუ̂ ალას ჭო̄რა̈ლ ი ა̈ხღუ̂ა̈ჭხ მა̈ლს მა̈გ უ̂ეშგინ ი ხატუ̄ლიხ: უ̂ო̄,
Line of edition: 3 მა̄ლ, მა̈დილ ჯე̄რა-ჲ ნომ' ა̄თხჲა ამჟი: ნიშგუ̂ეჲ გუ̂ა̈რიშ ზა̈რურ და̈̄რ
Line of edition: 4 ლუშდღუ̂ე̄ლი-ჲ ზა̈რ ხე̄ქა!" მა̄ლს შდჷქა̈რ ჟი ხო̄გ ჭუ̂ე̄რდ ი ტუ̄ლი:
Line of edition: 5 "ზა̄რა-ჲ ზარა!" -- "ა̄, ალა გარ მა̄დ ლი ნიშგუ̂ეჲ ზა̈რ ი ხოშე̄ლ ათკა̈რ!"
Line of edition: 6 მა̄ლდ ხოშე̄ლ ლაჲკარე ჴარჴ ი რა̈̄ქუ̂' ა̈ზა̄რა-ჲ ზარა!" მარე ჭო̄რა̈ლდ
Line of edition: 7 მა̄დჷდ ახკიდხ ჰაჯ ი ხა̈̄ქუ̂ხჷდ: "ა̄, ხოლა მა̄ლ, ალა გარ მა̄დ ლი ნიშგუ̂ეჲ
Line of edition: 8 ზა̈რ ი ხოშე̄ლ ათკა̈რ!" ჩუ̄ჲ ადკარე მა̄ლდ ჴარჴ, ჰა̄ლ მოშ
Line of edition: 9 ხემჲე̄და̈̄ნ, ჭუ̂ე̄რდ ათხე ლა̈ჲთჷლხნე-ჲ ეშ ლა̈ხქარუ̂ა̈̄ნ ლაყუ̂ა̄უ̂ოშ ჭო̄რა̈ლთე,
Line of edition: 10 მა̄ლ ჩუ̂ასა̈დ მჷგლიჯ ი ლჷმზჷრე̄უ̂ ხიშდ.

Добавлено (2007-01-16, 1:59 Pm)
---------------------------------------------
Text: 161
Page of edition: 364
Line of edition: 11
161. მამაჭირა̈ჲ

Line of edition: 12 ლჷმზჷრე̄უ̂ ხი-ჲ ა̈რიხ ამჩუ სემი ლახუ̂ბა. მაჰუ̂რე̄ნამ მუხუ̂ბილს ხაჟხა
Line of edition: 13 მამაჭირა̈ჲ. კუ̂ილნ ი სკა̈მნ დე̄მ ტეხნი.

Line of edition: 14 აშხუ̂ჟი̄ნ მანე̄სგირა მუხუ̂ბე̄მ რა̈̄ქუ̂: "ოხგონუ̂ეხუ ესერ ესამ' ა̄ლას,
Line of edition: 15 ადო ამჟ' ესერ დეშ ა̈იხ". ანჴა̈დხ ი სემი ქიუ̂ აშიდხ ყო̄რქა ი ხა̈̄ქუ̂ხ
Line of edition: 16 მამაჭირა̈ჲს: "ჰა̄, ხოლა მამაჭირა̈ჲ, ქიუ̂შუ̂ შდუუ̂ე!" მამაჭირა̈̄ლდ ქა̄დსკინე
Line of edition: 17 ყო̄რქა, ესტიტე ჩიქე აშხუ̂ ქიუ̂ს, ღო მე̄რმა ი ღო მე̄სმა. უ̂ოდემჩიქად
Line of edition: 18 სგა ტეხენდა ქორთე, ქა̄ჲ ხოჩიდხ ქორა̈ ყო̄რა̈ლ, მამაჭირა̈ჲ
Line of edition: 19 ქა ლახცუ̂ირხ ქა̄მაუ̂. "ჲაღო, ქორთ' ე̄სერ ჰე დო̄მ იხნიხ ეში̄-ეში̄,
Line of edition: 20 ჰაყრი̄ლ ესერ ეში̄ ქა̄უ̂ ახბიშეხ". ქა̄ხბიშეხ ჰაყრი̄ლ ი ესღრი ღალ
Line of edition: 21 ალა̄, მამაჭირა̈̄ლ, შუკუ̂ს.

Line of edition: 22 ლა̈ხთხანა̈̄ნ ალას და̈̄უ̂ ი ხა̈̄ქუ̂: "ჲაღო, მიჩა მუხუ̂ბად ესერ ეჩქა
Line of edition: 23 ხეყე̄ნი მიჩ, მამაჭირა̈ჲს-ე́, ლახე მუქუხუ̂ს ჭიშხს ხა̈ძგრინე-ჲ ბირღუ̂ს
Line of edition: 24 ახფიშდუ̂ნი, მო̄დეჲ თუ̂ეთნა მუქუხუ̂ს ჰე წუ̂ენდ მოშ ფიშგე". ეჩქა მამაჭირა̈̄ლდ
Line of edition: 25 ლახტიხ ა̈ჲაღო, სგუ̂ებნაუ̂ სი ჩუ̂ემნ ი ეჩუნღო მი
Line of edition: 26 ხუ̂იჩო!"

Line of edition: 27 ა̈ნკიდ და̈̄უ̂დ თუ̂ეთნე მუქუხ ი წუ̂ენდ აფიშგ, ხაძგერ უ̂იშდ ი
Line of edition: 28 ბირღუ̂დ აფიშგ. ათხ' ა̈̄ნკიდ მამაჭირა̈ჲდ ქიუ̂ ი წუ̂ენდ აფიშგ. ა̈ჩუ̄ნყუ̂ს
Line of edition: 29 ჯაყე̄ნა მიშგუ̂ა მუხუ̂ბად".

Line of edition: 30 ეჩუნღო ესღრიხ ტუ̂იბრაქა ი ამნე̄მ-ა́, და̈̄უ̂დ, მამაჭირა̈ჲ ბარჯა̈ლჟ'
Line of edition: 31 ესსგურე. ეჩქა და̈̄უ̂დ ხა̈̄ქუ̂: -- მა̈ჲ-უნყუ̂ს ჰა̈ში ხი!
Line of edition: 32 -- ე̄, ჰა̈ში ხამა ხუ̂ი̄რა, მარე აშხუ̂ ტოტშუ̂ დეცს ხოგუ̂დური,
Line of edition: 33 დო̄სა̄ჯ იმე გუ̂ა̈მი ჯა̈̄ც. -- ჲაღო̄ნყუ̂ს ჩუ̂აფუ! -- ლა̈ჲკიდ მამაჭირა̈ჲდ
Line of edition: 34 თეტე̄ნ ი ჩუ ხაძგერ ჲარუ̂ ბარჯ ნე̄სგაჩუ. ეჩქა და̈̄უ̂დ ყუ̄ლ ა̈ნკიდ ი
Line of edition: 35 ხა̈̄ქუ̂: "სურ'-უ̄ნყუ̂ს გუ̂ა̈მი ხი!" ეჩქა ხაძგერჷდ მამაჭირა̈ჲდ ჰაყრი̄ლს
Page of edition: 365 Line of edition: 1 უ̂იშდ ი ბირღუ̂დ აფიშგ. ალა, ცხა̈ჲ, ჟი გუ̂ეში ლა̈სუ̂ ტჷტშუ̂ ი ბურღუ̂ან
Line of edition: 2 ადჷ̄გა̈ნ. "ჩუ̄ნყუ̂ს ჯაყე̄ნა გაცხა̈ჲდ მიშგუ̂ა მუხუ̂ბად!" -- ხა̈̄ქუდ
Line of edition: 3 და̈̄უ̂დ.

Line of edition: 4 სერ ეჩნღო ანტა̈ხხ და̈̄უ̂ა̈ ქორთე. ალას-ა́, და̈̄უ̂ს, ჴა̈ნ ლატყბას
Line of edition: 5 ხო̄ზ ი ალ ჴა̈ნ და̈̄უ̂დ გარ ლალე̄მ. ქა̄დსურლეხ ლიდიარა̈̄ლ ი და̈̄უ̂დ
Line of edition: 6 რა̈̄ქუ̂: "ლიპუ̈̄ლიე̄ლ-უნყუ̂ს ოგუ̂ა̈̄ც". აფიშუ̂დ და̈̄უ̂დ ი ამი̄ ბიქუ̂დ მამაჭირა̈ჲ
Line of edition: 7 ლჷჭერქ' ა̄თჩიხნე. -- იმ-უნყუ̂ს ხიჩო, მამაჭირა̈ჲ?
Line of edition: 8 -- იმ ი ცხურუ-ბურუს ხუ̂ა̈ფტისა̈̄ლი (ხუ̂აცყე̄რა̈̄ლი) ი ღო ჩუ
Line of edition: 9 ჯაღლა̈ტი.

Line of edition: 10 ათყალუ̈̄ნდა და̈̄უ̂ს ი ესღრი ლა̄ტუ̂თე. ლახხუ̂ი̄დ ალას მა̄ლ ი
Line of edition: 11 ჩუ̂ესღლიჯა̄ლე. ათხჷ̄რჷნ ალა და̈̄უ̂ს, ლა̈ჲკიდ ი ხაჴიდ ჴუ̂ილათე ი
Line of edition: 12 პე̄რო̄ლა̈რ გარ აცუ̂ირ. ათხე ლახხუ̂ი̄დ რა̈ჭუ̂. რა̈ჭუ̂დ ხა̈̄ქუ̂:
Line of edition: 13 -- იმთ' ე̄სღრი, იმთე?
Line of edition: 14 -- იმთე-ჲ მამაჭირა̈ჲ მაღლა̈ტი ი ლა̄ტუ̂თ' ე̄სღუ̂რი.
Line of edition: 15 -- ჲაღო, ჟ'ა̈მღე̄ლა̈უ̂ ი ღო უშხუდ ლჷღრიდ. -- ჟ'ესჭო̄ნუ̂ნე და̈̄უ̂ს.

Line of edition: 16 ესღრიხ სერ ამჟი-ჲ რა̈ჭულდს ჟ'ა̈ხფა̈შ-ი ხა̈̄ქუ̂ და̈̄უ̂ს: "ლა̈რტყას
Line of edition: 17 ლა̈̄მიბ!" სგა ლა̈ჲბე ლა̄რტყას, მარ' ე̄შ ესუ̂თჷრი-ჲ სგა ლახდაგან.
Line of edition: 18 ალას შდჷქა̈რ მჷღლიჯ ოთსა̈დ. ალა და̈̄უ̂ს მიჩა ნამჯანაღა̄დ ლოხუ̂ხალდა-ჲ
Line of edition: 19 ლა̄ე მუქუხ ი სგო̄თშიდ შდჷქა̈რ სგა̈̄ნჩუ.

Line of edition: 20 ანღრი სერ ათხ' ა̈̄გითე და̈̄უ̂, მამაჭირა̈ჲ აჩჷნგი ი აფუნდური.
Line of edition: 21 ლოხსგიდ' ა̄ლას მამაჭირა̈ჲ ი ხა̈̄ქუ̂: "ჰა̄, სი და̈̄უ̂, ალა მა̄დ ჯა̄დ ლეჴდე-ჲ
Line of edition: 22 ეშდჲორი ყუ̂ილ რა̈ჭუ̂ ჯა̄დ ლეჴდე". ჟი̄დ ესჭუ̂ე̄ნ და̈̄უ̂დ ი ეჯჟი
Line of edition: 23 ქე̄სღრ' ერე შუ̂იმ მა̄მა ხა̄რ. მაყალშუ̂ და̈̄უ̂ ნა̈ჴჩულა̈ ბოგს ათა̄სდ,
Line of edition: 24 ოთძგუ̂ა̈ბ ალა ჩუჲ, ჩუ̂აშყა̈დ და̈̄უ̂ ი ჩუ̂ა̈დდა̄უ̂შა̈̄ნ. ამი̄ ლირდე-ლიზგე
Line of edition: 25 მა̈გ მამაჭირა̈ჲს ესსა̈დ ი ლჷმზჷრე̄უ̂ ხიშდ.

Добавлено (2007-01-16, 1:59 Pm)
---------------------------------------------
Text: 162
Page of edition: 365
Line of edition: 26
162. ყურუსუდნა̈ჲ

Line of edition: 27 ლჷმზჷრე̄უ̂ ხიშდ-ი ა̈რი ყურუსუდნა̈ჲ. ალა̄, ყურუსუდნა̈ჲ, მე̄უ̂არ
Line of edition: 28 ქუ̂ით მა̄რე ლი. ა̈ნმა̄რა̈̄ნ აშხუ̂ ლე̄თ ი აჩა̈დ. ესღრ', ესღრი ყურუსუდნა̈ჲ
Line of edition: 29 ი ჯუ̂ე̄დია-ნაჯუ̂და მინდუ̂ერისგა ლახხუ̂ი̄დდა თეტე̄ნ.
Line of edition: 30 -- ხოჩა̈უ̂ ლე̄თ ჯა̄რ ყურუსუდნა̈ჲს! -- ხოჩა̄უ̂ ჯა̄რ სიი̄! -- იმთ' ე̄სღრი,
Line of edition: 31 ყურუსუდნა̈ჲ? -- ხამა მო̄დ ესუ̂ი̄ზინი? ჴა̈ნ ლა̈ქუ̂თა̈რთე. -- ჰა̄, მი̄ჲ
Line of edition: 32 დო მინჴრინეჲ! -- ჰე̄, ტამბაჩა̈ჲ ისგუ ჭჷშხა̈რ!

Line of edition: 33 ლა̈ჲჴერნ' ა̄ლა-ჲ ესღრიხ. ჯუ̂ე̄დია-ნაჯუ̂და მინდუ̂ერისგა წირ ლახხუ̂ი̄დხ.

Page of edition: 366
Line of edition: 1 -- ხოჩა̈უ̂ ლადა̈ღ ჯა̄რხ ყურუსუდნა̈ჲს ი ისგუ̂' ა̈ფხნეგს! -- ხოჩა̄უ̂
Line of edition: 2 ჯა̄რ სიი̄! -- იმაუ̂ ესღრიდ? -- ხამა იმაუ̂, ჴა̈ნ ლა̈ქუ̂თა̈რთე. -- მი̄ჲ დო მინჴრინედი!
Line of edition: 3 -- ტამბაჩა̈ჲ ისგუ ჭჷშხა̈რ!

Line of edition: 4 ესღრიხ, ესღრიხ ი ჯუ̂ე̄დია-ნაჯუ̂და მინდუ̂ერისგა სგა ლახხუ̂ი̄დხ
Line of edition: 5 ჭუ̂ე̄რ.
Line of edition: 6 -- ხოჩა̄უ̂ ლადა̈ღ ჯა̄რხ ყურუსუდნა̈ჲს ი ისგუ̂' ა̄ფხნეგა̈რს! -- ხოჩა̈უ̂
Line of edition: 7 ჯა̄რ სიი̄! -- იმაუ̂ მე̄ზი ხიშდი? -- ჴა̈ნ ლა̈ქუ̂თა̄რთე. -- მი̄ჲ დო მინჴრინედი! -- ტამბაჩა̈ჲ
Line of edition: 8 ისგუ ჭჷშხა̈რ!

Line of edition: 9 სგა̄დ ლოხჴერდახ ალა̄, ჭუ̂ე̄რ ი ესღრიხ. ჯუ̂ე̄დია-ნაჯუ̂და მინდუ̂ერისგა
Line of edition: 10 სგა̄დ ლახხუ̂ი̄დხ კოლა̈ ტა̈ბ.
Line of edition: 11 -- ხოჩა̄უ̂ ლადა̈ღ ჯა̄რხ ყურუსუდნა̈ჲს ი ისგუ̂ ა̄ფხნეგა̈რს! -- ხოჩა̄უ̂
Line of edition: 12 ჯა̄რ სიი̄! -- იმაუ̂ ესღრიდ? -- ჴა̈ნ ლა̈ქუ̂თა̈რთე, ხიად! -- მი̄ჲ დო მინჴრინედი́! -- ტამბაჩა̈ჲ
Line of edition: 13 ისგუ ჭჷშხა̈რ, აღე სი̄ჲ!

Line of edition: 14 სგა̄დ ლოხჴერდახ ალაი̄. სგა ლა̈ხჴა̈დჷ̄ნხ აშხუ̂ სოფელთე̄სგა ი
Line of edition: 15 ჩუ̂ა̈თბურა̈̄ნხ. ჟ'აჩა̈დხ აშხუ̂ მეზგე̄მი ყო̄რთეჟი̄ნ ი ლა̈იმბუ̂ა̄ლეხ. ყუსუდნა̈ჲდ ხა̈̄ქუ̂
Line of edition: 16 მიჩ' ა̄ფხნეგა̈რს: "სგა̈ჲ ჟ'ა̈მღე̄ლუ̂ედ ყო̄რჟი-ჲ მი ჴა̈ნს
Line of edition: 17 ჟ'ა̈ხუ̂ფიშუ̂დე-ჲ ქა̈̄ნჴუ̂დე". ალა მიჩ' ა̄ფხნეგა̈რდ მა̄დ ჩუ̂ემინხ.
Line of edition: 18 -- ნა̈ჲ აშ ცუ̂იდდ მა̄მ ა̈ჯჴერდად, ჲაღო!
Line of edition: 19 -- ღო მა̈ჲ ჲა̈ს ჯა̈მჲე̄დახ მიშგუ̂' ა̄ფხნეგა̈რს? -- ჭუ̂ე̄რდ რა̈̄ქუ̂:
Line of edition: 20 -- ჲაღო, სი სგა̄დრი ჴა̈ნ ლა̈ქუ̂თა̈რთ' ე̄ჩქა მი̄[ჲ] სგა̈̄ჯჭემნი, სგო̄დრინე
Line of edition: 21 ლა̈ყულფათე̄სგა-ჲ ჟ' ერ ოგუ̂ბა̈ჟნეხ ეჯჲა̈რ, ეჩქა ლემესგ ლა̄შუ̂ათე
Line of edition: 22 ლა̈̄პრენიხ ი ლემესგს ლოხბინიხ ლიფუ̄ლის, ეჩქა მი ლა̈ხუ̂ბრი̄ნტყა̈̄ლი
Line of edition: 23 ი ტჷტს ჩი̄ თე̄რა̈ლისგა ხუ̂ა̈ჴდე.

Line of edition: 24 ეჩქა თეტე̄ნს ლა̈ხჭუ̂ედდა: -- სი მა̈ჲ ჯა̈მჲე̄და?
Line of edition: 25 -- მი მა̈ჲ მა̈მჲე̄და-ჲ ლემესგ ლა̄შუ̂აჟი̄ნ მა̈ინძელ ერ უ̂ეშგინჩუ̄ნ
Line of edition: 26 ა̈დშდა̈ბი, ეჩქას ესუ̂ხო̄ლი უ̂ეშგინ ი ჟი ა̈თუ̂შდჷკნი ჯაჭა̈რჟი.

Line of edition: 27 კოლა̈ ტა̈ბს ლა̈ხჭუ̂ედდა: -- სი მა̈ჲ ჯა̈მჲე̄დაჲ?
Line of edition: 28 -- მა̈ჲ-ი ყო̄რქ' ე̄რ ა̈გუ̂ღუ̂ეჭინნიხ, ეჩქა ყო̄რა̈ ლაგა̈̄გიჟი̄ნ ესუ̂თხეკნი-ჲ
Line of edition: 29 ესუ̂გიბე ქა ჭიშხს ი ფოყს ქო̄თყუ̂იჩე.

Line of edition: 30 წირს ლა̄ხჭუ̂ედდა: -- სი მა̈ჲ ჯა̈მჲე̄დაჲ?
Line of edition: 31 -- ჰე̄, მი მა̈ჲ მო̄დ მემჲე̄დი? ყო̄რჟიქა̄ნ ბალუ̂ერდთეჟი̄ნ ოდრინე-ჲ

Line of edition: 33 ალჲა̈რ მა̈გ მინე-მინე ლა̈გნათეჟი̄ნ აჩა̈დხ. ყურუსუდნა̈ჲდ ჟ'ა̈ნფიშუ̂დ
Line of edition: 34 ჴა̈ნ ი ახყა ყო̄რა̈ლქა. ამ დრო̈უ̂ს მეზგე̄მ ჟ'ახბა̈ჟხ. ეშხუ შიშდ
Line of edition: 35 ჟი ლა̄პა̈რ ი ლემასგუ̂ ხოძგა̈რ ლაფუ̈̄ლს. ლა̈ჲბრეტყ ჭუ̂ე̄რდ ი ტჷტ
Line of edition: 36 მა̈გ თე̄რა̈ლისგა ლახშიდ. ა̈დშდაბ უ̂ეშგინჩუ̄ნ ი ესხუ̂ი̄დდა თეტე̄ნ ი
Line of edition: 37 ჟ'ა̈თშდჷკნა̈̄ნ ჯაჭა̈რჟი̄ნ. ანსკინე ყო̄რქა-ჲ ესგე ჭიშხ ლაგა̈̄გიჟინ, ესხუ̂ი̄დ
Page of edition: 367 Line of edition: 1 კოლა̈ ტა̈ბ ი ჭიშხ ქა̄თყუ̂იჩ. ყო̄რქა ლა̈სკნაჟი̄ნ ანშყა̈დ წირო̄ლ
Line of edition: 2 ბალუ̂ერდილხა̈ნჩუ ი თხუ̂იმ პა̈ნტდ ოთგენე.

Line of edition: 3 ქა̄ნჴიდხ ალა̄, ჴა̈ნ, ამჟი̄ნ ი ადჲეხ ყურუსუდნა̈ი ქორთე. ჩუ̂ა̈ძიჰხ
Line of edition: 4 ჴა̈ნ ი ჩუ̂ადტუფუ̄რეხ. ლეღუ̂ა̈რ ქო̄თრა̈კჷ̄ლეხ კა̈უ̂ა̈რს. ათხე ყურუსუდნა̈ჲდ
Line of edition: 5 ხა̈̄ქუ̂ მიჩ' ა̄ფხნეგა̈რს:
Line of edition: 6 -- მა̈ჲ ჲა̈ს ჯისგუუ̂ხ, ჲაღო, ნა̈̄თიდ? -- თეტე̄ნდ რა̈̄ქუ̂:
Line of edition: 7 -- ჰა̄, ჲაღო, გუ̂ა̈რე̄მი კა̈რბჷლდ ესა ლა̈̄მიქუ̂ც ლეთტე̄ნიდ ი ეჩჷნქა
Line of edition: 8 მა̄მაგუ̂ეშ მაკუ. -- წირს ხა̈̄ქუ̂:
Line of edition: 9 -- სი მა̈ჲ ჯისგუუ̂ ნა̈̄თიდ?
Line of edition: 10 -- ჯიჯულდა̈რ ესა ლა̄მო ლეყუ̂ე̄ბა̈̄ლიდ ი სერ მა̄მგუ̂ეშ მაკუ.

Line of edition: 11 ჭუ̂ე̄რს ხა̈̄ქუ̂:
Line of edition: 12 -- სი მა̈ჲ ჯისგუუ̂, ჭუ̂ე̄რ?
Line of edition: 13 -- მი მა̈ჲ ი ჭინჭლიდა̈რ ესა ლა̄მო ლეხუ̂ო̈რა̈̄ლიდ ი ლეცქჷ̄ფა̈̄ლიდ
Line of edition: 14 ი სერ მა̄მაგუ̂ეშ მაკუ. -- კოლა̈ ტა̈ბს ხა̈̄ქუ̂:
Line of edition: 15 -- სი მა̈ჲ ჯაკუჲ?
Line of edition: 16 -- მა̈ჲ მეკუ̂დი ღალ, კოლ ხუ̂ი-ჲ კოლჷლდჷდ ეს' ე̄მთხიკდ ი სერ
Line of edition: 17 მა̄მგუ̂ეშ მაკუ.

Line of edition: 18 ყურუსუდნა̈ჲდ ქო̄თრიგუ̂ა̄ლე მიჩა აფხნეგა̈რს, მა̈̄ჲ ჲა̈ს ხეკუ̂ა̈დხ.
Line of edition: 19 ეჯჲა̈რ მინე შუკუ̂ს აჩა̈დხ. ჴა̈ნ უბი̄რად ყურუსუდნა̈ჲს ესსა̈დ ი ლჷმზჷრე̄უ̂
Line of edition: 20 ხიშდ.

Добавлено (2007-01-16, 2:00 Pm)
---------------------------------------------
Text: 163
Page of edition: 367
Line of edition: 21
163. უ̂ოქუ̂რა̈ კალმახ

Line of edition: 22 ლა̈სუ̂ხ ხეხუ̂-ჭა̈შ. ალჲა̈რს ეჯჟი ხოლა ქორო̄ლ ხოგჷდახ, ერე ხოდრა
Line of edition: 23 მა̄მ ხეკუ̂ა̈დ. ჭა̈შ მჷკჷლმა̈ხი ლა̈სუ̂ ი ჩიგარ არმეჲდა კალხმა̈რს ი
Line of edition: 24 ეჩნოშ იცუ̂რახ ქუ̂ინს. აშხუ̂ინ ალ მჷკჷლმა̈ხიდ ადჷრმე უ̂ოქუ̂რე კალმახ.
Line of edition: 25 ალ კალხმჷდდ ხა̈̄ქუ̂: "ჩუ̂ამფუ ლჷცთე̄სგა ი მა̈̄ჲ ჰაჯ ჯეკუ̂დენი, ეჩას
Line of edition: 26 ჯა̈ჩო". ჩუ̂აფიშუ̂დ ი ანჴა̈დ ამჟი ა̈გითე. მიჩა ხეხუ̂დ ხოლა ლადა̈ღ
Line of edition: 27 ესგენე ი ქა̄დზჷზე ძუღუ̂ათე: "შიშდუ ესერ ა̈ნჷრმე ეჯ კალმახ ი ა̈გითე̄უ̂
Line of edition: 28 ანჴიდ, მო̄დეჲ ხოჩა ქორ ი ხოჩა ლეზუ̂ბა̈რუ̄ ხაშგუ̂მინ!" ქა̄ჩა̈დ
Line of edition: 29 მჷკჷლმა̈ხი, ქა̄ხტუ̂ი̄ლ უ̂ოქუ̂რა̈ კალმახს ი ხა̈̄ქუ̂:
Line of edition: 30 -- მიშგუ̂ა ხეხუ̂დ ამზჷზე-ჲ ხოლა ქორო̄ლ ესერ ხო̄გხ ი ხოჩა̄უ̂
Line of edition: 31 ოთგე!
Line of edition: 32 -- აგით, ადე ი ჩუ ეჯხო̄ლა. -- ხა̈̄ქუ̂ კალმახდ. ა̈გით ა̄ჩა̈დ ი
Line of edition: 33 ტკისდ ეჯჟი ხოჩა ქორ ჩუ̂ესხუ̂ი̄დ ლჷგე, ერე ხოჩა მა̄მ ხაკუ. ათხე
Line of edition: 34 დედბერილდ ხა̈̄ქუ̂ჷდ: "შიშდ ადე ი ხე̄ქა უ̂ოთა̈ხი მოწყობილობ უ̂ოქუ̂რე
Line of edition: 35 ჯა̈რ-ძუჰე̄რა, სკა̈მ ი სტოლ, ლეზუ̂ებ ი ლეთრე-ჲ ალა მა̈გუ̄ ესერ
Line of edition: 36 ხაშგუ̂მინ, ადო ხოლე̄მიშ ესერ ხა̄რ!" ქა̄დ აჩა̈დ კალმახთე. ა̈გით' ა̄ნტა̈ხ,
Page of edition: 368 Line of edition: 1 ეჩქა ჩუ ლა̈სუ̂ მა̈გ ამჟი ი ლჷმა̄რ' ე̄სხუ̂ი̄დ. მარე დედბერ ალას
Line of edition: 2 გარ მა̄დ ესსკა̈ბ ი ქა̄დ ადზჷზე ძუღუ̂ათე ი ადშგურა̄ნე: ამჟი ხე̄ქა
Line of edition: 3 უ̂ოქუ̂რე კალმახს, ერე მი მაკუ ლიხჷლწიფუ̂ ი მიჟიშ ი დოშდუ̂ლა̈ ლიწედ,
Line of edition: 4 ხეკუ̂ეს ერე მა̈გ მიშგუ̂ა ნა̄ქუ̂ჟი იჩუ̂მინო̄ლდე̄დს".

Line of edition: 5 ქა̄დ აჩა̈დ მეჩი მა̄რე ძუღუ̂ა̈̄ პილთექა ი ხა̈̄ქუ̂: "ამჟი-ჲ-ამჟ' ესერ
Line of edition: 6 ოხუ̂ჭირა მიჩა ხახუ̂". ა̈ნხირნა̈̄ნ ჟი კალმახ ი ხა̈̄ქუ̂: "შიშდ ა̈თთჷრ
Line of edition: 7 ა̈გითე ი ეჯ ლე̄ქი̄ლ-ბე̄დი̄ლსჷდ ლა̈ხტეხნიდ-ე́, მა̈̄ჲ ჯუღუ̂ა̈̄ნხ!"

Line of edition: 8 აჩა̈დ მეჩი მა̄რე ა̈გითე ი ტკისდ ეჩასჷდ ლა̈ხტა̈ხხ-ე́, მა̈̄ჲ ლა̈სუ̂ხ:
Line of edition: 9 ხოლა̄მ ქორო̄ლჷნქა ი ლუყუ̂ჩუ̄რა ჯა̈რ-ძუჰე̄რა̈ნქა დე̄სამა ხუღუ̂ა̈̄ნხ.

Добавлено (2007-01-16, 2:01 Pm)
---------------------------------------------
Text: 164
Page of edition: 368
Line of edition: 10
164. ხა̈ჯი დაუთ

Line of edition: 11 (ლუსუ ცჷგინ)

Line of edition: 12 ლა̈̄სუ̂ხ ხა̈ჯი დაუთ ი მიჩა ხეხუ̂. ალჲა̈რს ხორდახ ეშხუ ჭყინტგეზალ
Line of edition: 13 ი მე̄რმე დი̄ნა. ხა̈ჯი დაუთს ი მიჩა ხეხუ̂ს ხეკუ̂ა̈დხ ქაბათე
Line of edition: 14 ლი̄ზი. ჭყინტს ინჴრინახ, მარე დი̄ნა̈̄ ლიესგი მა̄დ ხეკუ̂ა̈დხ. რა̈̄ქუ̂ დი̄ნა̈̄
Line of edition: 15 დიდ, ერე "ჲა̈სუ ესერ ლახბა̈რჲეხ მინე დინაგეზალ?" ხა̈ჯი დაუთდ
Line of edition: 16 რა̈̄ქუ̂: "ჲა̈ს ესერ ი ეფენდის ესერუ ლახბა̈რჲეხ". ზურა̄ლდ რა̈̄ქუ̂,
Line of edition: 17 ერე "ეზა̈რ ესერ, სგაუ̂ ესერ ლახბა̈რჲეხ".

Line of edition: 18 ალჲა̈რდ დი̄ნაგეზალ სგა ლახბა̈რჲეხ ეფენდის ი სგა ლახშგურა̄ნეხ
Line of edition: 19 ეჩჟი̄ნ, უმუ̂ა̈̄ჲჟი (\\ უმჟჷუ̂ა̈̄ჲჟი) მიჩა გეზალ. ალჲა̈რ აჩა̈დხ ქაბათე
Line of edition: 20 ი ჭყინტგეზალი ა̈დჴერნეხ. ეფენდიდ დი̄ნას მომსახუ̂ირდ ლახუ̂ე̄მ ეშხუ
Line of edition: 21 დედბერ. დი̄ნა ეზა̈რ ლესგდი ლა̈̄სუ̂ ი ეფენდის ეზა̈რ ხებჟა̈̄ნ. ეფენდიდ
Line of edition: 22 ხა̈̄ქუ̂ დედბერს, ერე "მა̈ჲ ესერ ხაკუ მიჩა̈შხა̈ნქა, ალ დი̄ნას ესერ
Line of edition: 23 ჰე̄ სგა მოშ ჴიდე მიჩა̈შთე̄სგა". დედბერ აჩა̈დ დი̄ნათე ი ხა̈̄ქუ̂, ერე
Line of edition: 24 "ალა ესერ მა̈ჲ ლ'-ა, მიჩა ნამა̄რ დია̈რს ი ლეზუ̂ებს ესერ ხოლა ქუ̂ინ
Line of edition: 25 ხოჴან?" დი̄ნად ხა̈̄ქუ̂: "ხოლა ქუ̂ინ ესერ იმჟი ხეჴნი, ჩიგა̈რ ესერ
Line of edition: 26 ლჷმსყა̈უ̂ინ ლეზო̈ბს ი ალა ესერ დე̄სა მოშ ხო̄ქუ̂ა მიჩა ბაბა ხა̈ჯი
Line of edition: 27 დაუთს!" დედბერ ჩიგარ ხაყლა, ერე "მიჩა ნამა̄რს ესერ წიდი ქუ̂ინ
Line of edition: 28 ხოჴან". დი̄ნა იჴა̄ნე მიჩა შია̈რს, მარე დე̄მშა ქუ̂ინ ხაჴან. დედბერდ
Line of edition: 29 ხა̈̄ქუ̂: "მიჩა ლაცლ' ე̄სერ ჩიგარ აბანოისგა ისტღუნა̈̄ლხ ი ჯ' ე̄სერ
Line of edition: 30 ხა̈დურდ დე̄სა ლჷბრე̄ლი აბანოისგა". დედბერდ ხა̈̄ქუ̂ ა̈ჯ' ე̄სერ
Line of edition: 31 ადინე აბანოთე ი ჩუ ესერუ ა̈დბარა̈̄ნ".

Line of edition: 32 დი̄ნა ოთჴერდა ი ხოხალდა, ერე "ტკიცდ ესერ აბანოთე მირე̄ს
Line of edition: 33 ა̈ჲე̄სგი". სგა̄დიე დედბერდ ეფენდი̄ ლა̈ლგმა̈̄რმჷყ. ამჩუ ყო̄რა̈ლ სგა̄დკარე
Line of edition: 34 აშხუ̂ ლარდა̈̄შ ი დი̄ნას სგა ლოხჯუ̈̄რ ამხა̄უ̂თე̄სგა. ამე̄სგა ჩუ
Line of edition: 35 სგურ ეფენდი. ეფენდიდ ხა̈̄ქუ̂: "ჯ' ე̄სერ ხოჩა დი̄ნა, მიჩ ესერ ხაკუ
Page of edition: 369 Line of edition: 1 ჯა". დი̄ნად ხა̈̄ქუ̂: "ხაკუჩ ესერ, მარე შგუ̂ირ ესერ ხე̄რა, მიჩა დის
Line of edition: 2 ი მუს ესერ მიჩა გეზლა̈ გუ̂ა̈რდ ლოხბა̈რჲახ მიჩა თხუ̂იმ". ეფენდიდ
Line of edition: 3 ხა̈̄ქუ̂: "ლოხბა̈რჲახ ესერ, მარე დეშ ესერ აჭკჷრნე". დი̄ნად ხა̈̄ქუ̂:
Line of edition: 4 "ეზერ ესერ ჲაღო, მა̄რ' ე̄სერ ზურა̄ლ დეშ ხა̈წრე". დი̄ნად ხა̈̄ქუ̂, ერე
Line of edition: 5 ა̈ჯ' ე̄სერ ღუ̂ა̈ჟმა̄რაცახა̈ნ ნალყურ დე̄სა ლი ი ათხ' ე̄სერ ჯა ქაუ̂ ა̈დბარა̄ლა̈̄ნ
Line of edition: 6 საპონშუ̂". ეფენდი სგა ლახა̄დ ლაბრა̄ლს. დი̄ნა საპენს ხოხჯჷნა.
Line of edition: 7 ამნე̄მ გუნ ოთხჷჯნე ი პე̄რ ახა̄გა̈̄ნ ეფენდის თე̄რა̈ლქა, ეჩქა
Line of edition: 8 ლა̈სგიდ დე̄სა ხა̄დ. დი̄ნად ქა̄დსკინე ჭიქი ლაჴუ̂რაქა (ყო̄რა̈ლ ქა ლჷდე
Line of edition: 9 ლა̈̄სუ̂ხ). დი̄ნა აჩა̈დ მიჩა ბაბა ხა̈ჯი დაუთი ლარდათე (\\ ქორთე). ამეჩუ
Line of edition: 10 არდა ჯა გარ ი იგუ̂ა̈ნდა. ეფენდიდ ლა̈ირ ოთზჷზე ხა̈ჯი დაუთს:

Добавлено (2007-01-16, 2:01 Pm)
---------------------------------------------
"მიჩა დი̄ნ' ე̄სერ ილქა̄მა̈̄ლ, უ̂ოდ-ი-უ̂ოდ ესერ ლჷმგიჭუ̂ინ ი ათხ' ე̄სერ
Line of edition: 12 დეშ ოთგი̄ჭა ი მუნდრო̈უ̂ ესერ ნუმაუ̂ ხა̄რ. მიჩა შია̈რისგა ესერ მა̄მა
Line of edition: 13 ა̈რი ეჯ დი̄ნა".

Line of edition: 14 ლა̈ირ ოთჴა̈დ ხა̈ჯი დაუთს. ალა ქა̈̄დჭოდა̄ნე, ეჩქა მე̄უ̂არ ა̈ნხირნა̈̄ნ.
Line of edition: 15 ხა̈ჯი დაუთს ლიჴდა̄ლე დრო̈უ̂ ხა̄დ ა̈გითე. მიჩა ჭყინტგეზალს
Line of edition: 16 ხა̈̄ქუ̂, ერე "ჯ' ე̄სერ სგუ̂ებინუ აჩა̈დ ი მიჩა დაჩუ̈რ ესერ ჩუ[უ̂] ა̈ძიჰ ი
Line of edition: 17 ზისხ ესერ სგაუ̂ ლახხუ̂იე შუკუ̂ჟი". გეზალ ანჴა̈დ სგუ̂ებინ ი სგა̄ჩა̈დ დი̄ნათე̄სგა.
Line of edition: 18 დი̄ნას ქა ხა̈̄ქუ̂ ერე "ეფენდის ესერ მიჩა ბედჟი ამჟი-ამჟი
Line of edition: 19 ლა̈ირ ოხზჷზა, ერე ჯ'ე̄სერ იქა̄მა̈̄ლ. ალა ესერ მინე მუ ხა̈ჯი
Line of edition: 20 დაუთს მე̄უ̂არ ოთსა̈სტკა ი ჯ'ე̄სერ ოხზჷზა მიჩა ლა̈ძჰენთე ი ზისხ
Line of edition: 21 ესერ სგაუ̂ ლახხუ̂იე შუკუ̂ჟი. დი̄ნად ხა̈̄ქუ̂: "ეზარ ესერ, ალა ესერ ამჟი
Line of edition: 22 ი̄რა, უმუ̂ა̄ლე ესერ ღე̄რბათ ჩუუ̂ ოთცხირა! ჯ'ე̄სერ ჩუუ̂ ა̈ძიჰ ი მიჩა
Line of edition: 23 ზისხ ესერ ოთჴიდუ̄ მინე მუს". მიჩა ჯუმილდ მა̄დ ა̈ძიჰ მიჩა დაჩუ̈რ
Line of edition: 24 ა̈დჴერნე ჯუ̂ე̄დია მინდო̈რთე ი ამე ჩუ̂ა̈ძიჰ დაჩუ̂რა̈ მჷქაფ როსკო̄ლ.
Line of edition: 25 ამი̄ ზისხ სგა ლა̈ჲჭუ̂ე̄ნ პლატოქს ი ადიე ეჩჟი. შუკუ̂ჟი სგა ლახხუ̂ი̄დ
Line of edition: 26 ხა̈ჯი დაუთ ი მიჩა ხეხუ̂. ხა̈ჯი დაუთდ ხა̈̄ქუ̂ მიჩა გეზალს. ერე "მა̈ჲ
Line of edition: 27 ესერ ხოჩუ̂მინა, ოთძიჰ' ე̄სერ მა̄?" გეზალდ ხა̈̄ქუ̂: "ა̄დუ, ჩუ ესერ
Line of edition: 28 ოთძიჰა, ზისხ ესერ პლატოქდ ხოჭო̄ნა". ზისხ ქა ლახწუ̂ე̄ნე ხა̈ჯი დაუთს.
Line of edition: 29 ხა̈ჯი დაუთდ ხა̈̄ქუ̂, ერე "ამჟი̄ნ ესერ ხა̈კუ̂და ეჩის (\\ ეჩას)!"
Line of edition: 30 ხა̈ჯი დაუთ, მიჩა ხეხუ̂ ი გეზალ ა̈გითე ანჴა̈დხ.

Line of edition: 31 დი̄ნა ესღრ' ესღრი ი აშხუ̂ აგის მჷლდეღს ათა̄სდ. ხა̈ქუ̂, ერე "მიჩა
Line of edition: 32 გებენ ესერ ქაუ̂ ლოხცა̈̄დ". მჷლდეღდ ხა̈̄ქუ̂, ერე "მიჩ ესერ ხოჩა
Line of edition: 33 ლერქუ̂ა̈ლ ხა̈̄ქუ̂ ი ალჲა̈რ ესერ ხოლა̈̄ლ ლიხ". დი̄ნად ხა̈̄ქუ̂: "ქაუ̂ ესერ
Line of edition: 34 ლოხცა̈̄დ ეში̄". მჷლდეღდ ქა ლოხცა̈̄დ. დი̄ნად სგა ლა̈ჲქუ̂ე მჷლდეღი
Line of edition: 35 ნაქუ̂ა̈მ ი აჩა̈დ. ესღრ' ესღრი ი აშხუ̂ ა̈გის სარაგცახა̈ნ ხოჩა მეგმა̈რ
Line of edition: 36 ლჷგხ. დი̄ნა ჟ'აჩა̈დ მეგა̈მთეჟი. ლა̈ჲსგიდა ეჩხა̄უ̂-ამხა̄უ̂ ი ფე̄დიას ჰადაუ̂ჯუყშა
Line of edition: 37 (\\ ხადაუ̂ჯუყშა) იზგახ. ჰადაუ̂ჯუყშა ლა̈წდაუ̂ ჩა̄ჟა̈რს ლათუ̂ნათე
Line of edition: 38 ალ სარაგთე ჴიდახ.

Page of edition: 370
Line of edition: 1 აშხუ̂ინ ანჴიდხ ჩა̄ჟა̈რ. ჩა̄ჟა̈რს ქუ̂ინ მირა̈̄მშა ლახჴანდახ ი ჟიბოუ̂
Line of edition: 2 ლა̈ჲსგიდახ. ლიც მა̄დ ლაი̄შხ. ამჟი ჴიდახ ჩიგარ, მარე ჩა̄ჟა̈რ ჟიბოუ̂
Line of edition: 3 გარ ისგიდდახ ი ლიცს დე̄მ ითრახ. ალა ქო̄ხო̄მბუ̂ეხ მეფე̄ გეზალს.
Line of edition: 4 ამნე̄მ ჟ'ა̈ნკიდ თო̈ფ ი აჩა̈დ სარაგთე. ლა̈ჲსგიდა ჟიბოუ̂ ი მეშხო̄ლ
Line of edition: 5 ესწუ̂ე̄ნე. ეჩქა ლახტუ̈̄ლ, ერე "ჩუუ̂ ესერ ანჴა̈დ, ერუ̂ა̈̄ჲღენ ლი, ადო
Line of edition: 6 ესერ თო̈ფს ხატყცი". ეჩქა დი̄ნა ჩუბოუ̂ ლა̈ჲსგიდა მეგა̈მხა̈ნჩუ, ფაყუ̂ ჩოხშყა̈დ
Line of edition: 7 ი ეჩქა ლუსდგუ̂ა̈რი ქა̄ნშჷ̄დხ ი გიმმჷყ ა̈ჰი̄დხ. ეჩქა ჭყინტ, მეფე̄
Line of edition: 8 გეზალ, სგა ლოხგუდირდა ლუსდგუ̂ა̈რს ი ჩუ̂ა̈ნი̄ყ დი̄ნა. ალა
Line of edition: 9 მე̄უ̂არ ათჩო̄ნ ჭყინტს ი ლა̈ხიადა̄ლოშ ადიე მიჩა მუთე: "მიჩოშდ ესერ
Line of edition: 10 ღე̄რბათ ხეხუ̂ ლოჰოდა". ალა მეფესი ათჩო̄ნ, მარე ეჯა ხალო̄ნ, ერე
Line of edition: 11 დი̄ნას და̈̄რ ხორდა. ათხე ჭყინტდ სგა̈̄დგურგუ̂ნე დი̄ნა, მარე დი̄ნა ქა
Line of edition: 12 დე̄მ გა̈რგლი ი აშ ეჯკა̈ლიბ ლესგდი ჩუ ლი, ერე ჟი ხებიდ (\\ ჟი
Line of edition: 13 ტუ̂არ). ამის ი ჭყინტს გეზლი̄რ ა̈ხთენა̈̄ნხ ჲერუ ჭყჷნტა̈რ. დი̄ნა ქა დე̄მ
Line of edition: 14 გა̈რგა̈ლდა ი აშხუ̂ინ ჭყინტ მელთერთე აჩა̈დ. მელთერდ ხა̈̄ქუ̂, ერე
Line of edition: 15 "მიჯნე̄მ ესერ ეშხუ წჷრნი ლჷგრეუ̂ ა̈ნყიდ ი ეჯა აშხუ̂ მიჩა გეზალს

Добавлено (2007-01-16, 2:02 Pm)
---------------------------------------------
ხედუ̂ა̈̄ჲ ესერ ხოშა ხალტინს, ეჩასუ ლახუ̂ე̄მ. ჯა აჩა̈დუ ესერ ი ჩუუ̂
Line of edition: 17 ესერ ა̈თპა̈ჟ".

Line of edition: 18 ჭყინტდ ალა ამჟი ჩო̈მინ. ჟ'ა̈ნყიდ ეშხუ წჷრნი ლჷგრე ი მუგდაჲ
Line of edition: 19 ესღრი იმთე, ეჩჟი ქა ლახუ̂ე̄მ აშხუ̂ გეზალს ლჷგრე ი ქა̄ჩა̈დ ყო̄რქა.
Line of edition: 20 მე̄რმა გეზალდ ლიგუ̂ნი ა̈დბინე: "მიჩოშდ ესერ იმღა მო̄დ ლოჰოდა?"
Line of edition: 21 ეჩქა ზურა̄ლდ ხა̈̄ქუ̂, ერე "ჟიუ̂ ესერ ახშდეხა ლჷგრე-ჲ იშგენი̄, უმუ̂ა̈̄ჲ
Line of edition: 22 ესერ ეშხუ ლჷგრე ჩუ ხოთხა, ეჩე ესერ მე̄რმეი ჩუუ̂ ხოთხა!" ამჩიქქა
Line of edition: 23 ჭყინტ ჩუ ხეპა̈ჟ ყო̄რ სგა̈̄ნჩუ, ქა̄ნსკინე ლაპა̈ჟხა̈ნქა ი ჟი ლა̈ჲცხუ̂ა̈პ
Line of edition: 24 დაშნა̈ჲ ი ხა̈̄ქუ̂ დი̄ნას, ერე "მიჩ ესერ შიშდ ჩუ̂ადგა̈რი, ალამა̈გ ხა̈ნს
Line of edition: 25 ნაღროუ̂ა̄ლუ̈̄რ. ჰე̄ ესერ გა̈რგლა ჩუ ხახლე̄ნა, იმღა ესერ მო̄დ ლჷმგჷრგა̈ლინ?"
Line of edition: 26 დი̄ნა უ̂უშკუ̂დ ა̈ხშჷმ ი ხა̈̄ქუ̂ მიჩა ჭა̈შს: "მიჩაუ̂ ესერ ცოდ
Line of edition: 27 ხა̄რ ჲაღო! მიჩ ესერ ლიგჷრგა̈ლი მა̄დ ხა̈კუ̂და ჩიქე, ეჯღა ერე ხოჩა̄მდ
Line of edition: 28 ესერ ხა̈ჴდა̈ნნა ჩიქე̄ ნაუ̂გჷრგა̈ლი.

Line of edition: 29 დი̄ნად ქო̄ხო̄მბუ̂ე მა̈გ, იმუ̂ა̈̄ჲჟი ლა̈̄სუ̂ მიჩა გუ̂ეშ. ეჩქა მიჩა ჭა̈შდ
Line of edition: 30 ჟ'ანმა̄რე ხეხუ̂ ი გეზლი̄რ ი ჩხარა ლეჴა̈ნ ძღუ̂ენ, ამის სგა ლოხჴერნე
Line of edition: 31 ჩხარა მა̄რე, ეშხუ ზურა̄ლ მიჩა ხეხუ̂მი მჷ̄ზნა̈ნიდ ი ადზჷზე ხა̈ჯი
Line of edition: 32 დაუთიშთე, მიჩა ხეხუ̂მი მუთე. ხეხუ̂ ი გეზლი̄რი̄ აჩა̈დხ მიჩა ლამუ̂ა̈რთე
Line of edition: 33 (\\ ლამუ̂ართე). შუკუ̂ჟი ჩუ̂ა̈თბურა̈̄ნხ ი ჩუ̂ადჷგა̈̄ნხ მინდო̈რისგა.
Line of edition: 34 მინდო̈რისგა ეშხუ ქორ ლჷ̄გა̈ნ ი სგა̄ჩა̈დხ ამხა̄უ̂. ამე̄სგა ჩუ̂ადჷ̄გა̈̄ნხ ბა̄ზი.
Line of edition: 35 ღუ̂აჟა̈რს ლა̈ხგუმა̄რა̈̄ნხ ზურა̄ლდ ი ხა̈̄ქუ̂ხ, ერე "ჯ' ე̄სერ ბა̄ზი მინს

Добавлено (2007-01-16, 2:02 Pm)
---------------------------------------------
ხაკუხ". ზურა̄ლდ ხა̈̄ქუ̂: "მინეშდ ესერ მა̄დ ოხბა̈რჲა მიჩა ჭა̈შს მიჩა
Line of edition: 37 თხუ̂იმ ი მიჩა მუთ' ე̄სერ ოთბა̈რჲა". ღუ̂აჟა̈რდ ხა̈̄ქუ̂ხ, ერე "ოხბა̈რჲა
Page of edition: 371 Line of edition: 1 ესერ, მარე ბა̄ზ' ესერ მინს ხაკუ[ხ] ჯა". ეჩქა ზურა̄ლდ ხა̈̄ქუ̂, ერე
Line of edition: 2 ა̈ეზერ ესერ, ჲაღო, ჩუუ̂ ესერ ადყუ̂ინეხ". აჩა̈დ კოტო̄ლ ხა̈ნ ი დი̄ნად
Line of edition: 3 რა̈̄ქუ̂, ერე "ქა̄მთე ესერ ღჷრი". ეჩქა მა̄რა̈̄ლდ თა̈კუ̂ ლახბეხ ი ქა̄ფუ̈შდხ ეჩჟი.
Line of edition: 4 თა̈კუ̂ს სგა ლოხგუდირდახ. დი̄ნად ხა̈̄ქუ̂ მიჩა მომსახუ̂ირს,
Line of edition: 5 ერე "ქაუ̂ ესერ ოთჴერდა ჯაი". მომსახუ̂ირ ქო̄თჴერდა. დი̄ნად თა̈კუ̂
Line of edition: 6 ქა̈̄ნფიშგ ი მეგა̈მს სგა ლახბე. მომსახუ̂ირ სგა̄ნჴა̈დ ქორთე. ღუ̂აჟა̈რდ
Line of edition: 7 რა̈̄ქუ̂ხ: "მა̄მ' ე̄სერ იჴდა̈ნნი-მუ დი̄ნა ქორთე?" თა̈კუ̂ს სგო̄ხბჷდხ, მარე
Line of edition: 8 ალა მეგა̈მს ხა̈̄ბჷდ ი დეშ ა̈ნთირნეხ სგა. აჩა̈დხ ქა̄მთე ი ზურა̄ლ დე̄სა
Line of edition: 9 არდა. ალა ხოლა̄მდ ლახბაჟჷნხ ღუ̂აჟა̈რს ი რა̈̄ქუ̂ხ, ერე "მა̈ჲ ესერ
Line of edition: 10 ა̈ნგონუ̂ახ, მინე მახუ̂ში ესერ ჩი̄ თხუმა̈რს ოთშჷდი̄რნე!" რა̈̄ქუ̂ხ, ერე
Line of edition: 11 ა̈ჲაღო ესერ მიჩა გეზლი̄რ ესერ ჩუუ̂ ა̈ძიჰხ (\\ ჩუუ̂ ადძიჰნიე̄ლეხ) ი
Line of edition: 12 ეჩუნღო ესერ ჟიუ̂ ანჯა̈ბხ ი ღუ̂ეშგდუ ოთტიხხ მინე ხოშა̄მ". ჩუჲ ამჟი
Line of edition: 13 ჩო̈მინხ: ბოფშა̈რ ჩუ̂ა̈ძიჰხ ი ეჩუნღო ჟ'ანჯა̈ბხ ი რა̈̄ქუ̂ხ, ერე "ალჲა̈რ
Line of edition: 14 ესერ ოთჴიდხუ მინე ხოშა̄მ ი ხა̈̄ქუ̂ხუ, ერე "ეჯ ზურა̄ლ როქუ̂ ჩუ̂ა̈დსო̄ყა̈̄ნ
Line of edition: 15 ი გეზლი̄რ როქუ̂ ჩუ̂ა̈ძიჰ ი ცხუ̂ადისგა როქუ̂ ჟ'ანჯა̈ბ".

Line of edition: 16 მე̄რმა ლადეღ აჩა̈დხ ღუ̂ეშგდ ი მეფე̄ გეზალს ბოფშა̈რ ლჷძჰინიე̄ლე
Line of edition: 17 ოთჴიდხ. ალა ლეგდ ლახბაჟჷნ მეფე̄ გეზალს ი მე̄უ̂არ ათუ̂ა̈შგდჷნ.

Line of edition: 18 დი̄ნა ესღრ' ესღრი ი აშხუ̂ ა̈გის მინდო̈რისგა მჷლდეღს ათა̄სდ.
Line of edition: 19 ხა̈̄ქუ̂ ამის, ერე
Line of edition: 20 -- მიჩა გებენ ესერ მიჩუ ლოხცა̈̄დ ი მიჯნე̄მ ესერ მიჩა ლერქუ̂ა̈ლუ
Line of edition: 21 ლა̈ჲქუ̂ე. -- მჷლ

Line of edition: 24 მჷლდეღდ ქა ლოხცა̈̄დ გებენ ი დი̄ნა აჩა̈დ. აჩა̈დ დი̄ნაი მჷლდეღი
Line of edition: 25 სა̈ხჟი სგა̄ჩა̈დ მიჩა მუე სოფელთე̄სგა. ამე იზელა̈̄ლ ი ხაყლე ჩი̄: "ჯალჩი
Line of edition: 26 ესერ დო̄ს ხაწჷხ" (ჯალჩის სა̈უ̂ჲა̈რ ფა̈მლის ხაყლეხ). აჩა̈დ
Line of edition: 27 მიჩა მუე ქორ ნა̈ფდიათე. იტუ̈̄ლიე̄ლ ამე "დო̄ს ესერ ჯალჩი ხაწჷხხ".
Line of edition: 28 ხა̈ჯი დაუთდ ხა̈̄ქუ̂, ერე
Line of edition: 29 -- მა̈ჲ ესერ ხა̈მჲედა ღო?
Line of edition: 30 -- მა̈ჲ ესერ ი ზექი ლიმა̄რე, ლიცი ლიჴდე ი ყუ̂ელფჩუ ლიშდა̈ბ.

Line of edition: 31 ხა̈ჯი დაუთდ ჩუ̂ადგენე ჯალჩიდ.

Line of edition: 32 მეფე̄ გეზალ ლახსგურდა ჩა̈̄ჟს ი ჩხარა მა̄რე სგა ლა̈ჲჴერნე ი ანჴა̈დ
Line of edition: 33 ხა̈ჯი დაუთი სოფელთე. ამე ლა̄ჲჭო̈დიე̄ლე ხა̈ჯი დაუთი ქორ.
Line of edition: 34 ხა̈ჯი დაუთი ქორ უმუ̂ა̈̄ჲ ლა̈̄სუ̂, ალა ჟ'ა̈ნმეჴრე ი სგა ლა̄ხმუშგუ̂რა̈̄ნ
Line of edition: 35 ამის. ხა̈ჯი დაუთს მე̄უ̂არ ათხი̄დჷნ ამი̄ ლიჴედ. ამნე̄მ ჴა̈ნ ა̈ძიჰ ი ეფენდი
Line of edition: 36 ა̈წჰე აჯაღ. ეფენდი ანჴა̈დ ხა̈ჯი დაუთიშთე. "ბა̄ზი, -- რა̈̄ქუ̂ მეფე̄ გეზალდ,
Line of edition: 37 ჰადაუ̂ჯუყშა ჭყინტდ, ერე -- ლიჰრაკა̈̄ლუ (\\ ჰარკობ) ესერ
Page of edition: 372 Line of edition: 1 ახა̄დხ". ხა̈ჯი დაუთდ ხა̈̄ქუ̂ ეფენდის, ერე "ანჰარკეუ̂ ესერ მა". ეფენდიდ
Line of edition: 2 ქა̄ნჰარკე ეშხუ ჰარა̈კ. ეჩუნღო ხა̈̄ქუ̂ხ ხადაუ̂ჯუყშა ჭყინტს, ერე
Line of edition: 3 "მიჯნე̄მუ ესერ მა ანჰარკე ათხე". ამნე̄მი ანჰარკე. ღუ̂ეშგინპილს ჟ'ანჷ̄გა̈̄ნ
Line of edition: 4 ჯალჩი ი ხა̈ქუ̂, ერე "აშხუ̂ ჰარა̈კს ესერ ჯაი ანა̈̄მბუ̂ი". ეჩქა ხა̈ჯი
Line of edition: 5 დაუთდ, ეფენდიდ ი ალჲა̈̄რდ რა̈̄ქუ̂ხ, ერე "ამის ესერ კისდ ჩუ ხეხლი
Line of edition: 6 ხოჩა ჰარა̈კ. ხუ̂ა̈ჲ ღოლჲა̄ქრე ნა̈ჭმინა̄ლ ესერ ლი". ხა̈̄ქუ̂ხ, ერე "ანა̄მბუ̂ეუ̂
Line of edition: 7 ესერ, ჲაღო!" ჯალჩიდ ა̈ნბინე:

Line of edition: 8 "მიჩ ესერ ხასმა ეშხუ ჰარა̈კ, ერე ლჷმა̈̄რ ეშხუ მა̄რე, ხედუ̂ა̈̄ჲს
Line of edition: 9 ესერ ჟახად ხაჟხე̄ნა ხა̈ჯი დაუთ. ხა̈ჯი დაუთს ესერ ხარდენა ჲერუ
Line of edition: 10 გეზალ. ეშხუ ჭყინტ ი მე̄რმე დი̄ნა. ხა̈ჯი დაუთს ესერ ქაბათე ხა̈კუ̂და
Line of edition: 11 ლი̄ზი. ეჩხა̄უ̂ ესერ ლჷმჲა̈̄სგუ̂ინ ხეხუ̂ს ი ჭყინტგეზალს, დი̄ნაგეზალ
Line of edition: 12 ესერ ა̈გის ოთცუ̂ი̄რა ი ეფენდიდ ესერ ლოხბა̈რჲა. ერე "მიჩა ლიჴდა̄ლ
Line of edition: 13 ესერ ჩუუ̂ ლოხშხუ̂ინ დი̄ნა მიჩა გეზლა̈ გუ̂ა̈რდ". ეფენდის ესერ
Line of edition: 14 ჩოთბაცა ხოჩა̄მდ ლიშხუ̂ნი ი სგ' ე̄სერ ლოხბა̈რჲა. ხა̈ჯი დაუთ ესერ
Line of edition: 15 მიჩა ლჷხა̈ხუ̂-ლჷგზა̈ლდ ა̈მჩედ ქაბათე. ა̈მჩედ ესერ კოტო̄ლ ხა̈ნ ი ეფენდის
Line of edition: 16 ესერ დი̄ნა̈̄ ლილა̈ტ ხა̈კუ̂და. აშხუ̂ინ ესერ სგო̄თღორუ̂ა მიჩა
Line of edition: 17 ლარდათე ი ყო̄რა̈ლ ესერ ჩოთკჷლა. ეჩქა ესერ დი̄ნას ხო̄ქუ̂ა ეფენდიდ,
Line of edition: 18 ერე "მიჩა დი̄-მუს ესერ მიჩა ლელა̈ტდ მა̄დ ლოხბა̈რჲახ მიჩა
Line of edition: 19 თხუ̂იმ. ეჩქა ესერ ეფენდის ხო̄ქუ̂ა: "მა̄დ ესერ ლოხბა̈რჲახ, მარე დეშ
Line of edition: 20 ესერ აჭკჷრნე". ეჩქა ესერ დი̄ნას ხო̄ქუ̂ა: "ჲაღო ესერ ჯა მა̄რაცახა̈ნ
Line of edition: 21 ნალყურ დე̄სა ლი, ქაუ̂ ესერ ა̈დბარა̈̄ნ ხოჩა̄მდ". ეჩქა ესერ ეფენდი
Line of edition: 22 ლაბრა̄ლს ლახა̄რა. დი̄ნა ესერ საპო̈ნს ხახჯინნა, ეჩქა ესერ ეფენდი̄შდ
Line of edition: 23 თე̄რა̈ლქა ოთხჷჯნა საპო̈ნ ი პე̄რ ახგენე̄ნა. ეჩქა ესერ დი̄ნას ქო̄თსკინა
Line of edition: 24 ჭიქი ლაჴუ̂რაქა. დი̄ნ' ე̄სერ ა̄გითე ა̈მტეხ მიჩა. ეფენდის ესერ
Line of edition: 25 ლა̈ირ ოთზჷზა ხა̈ჯი დაუთიშდ ქაბათე, ერე "მიჩა დი̄ნა ესერ სურუს
Line of edition: 26 ილქა̄მა̈̄ლ ი ჩი ლე̄თ ესერ ღუ̂აჟა̈რცახა̈ნ გარ ა̈რი. უ̂ოდ-ი-უ̂ოდ ესერ
Line of edition: 27 ლჷმგიჭუ̂ინ ი ღუ̂ეშგინპილს დეშ ოთგი̄ჭა ი ათხ' ე̄სერ ეჯ დი̄ნა მიჩა
Line of edition: 28 შჷნისგა მა̄მ ა̈̄რი. მუნდრო̈უ̂ ესერ ნუმაუ̂ ხა̄რ ხა̈ჯი დაუთ". ალ ლა̈ირ
Line of edition: 29 ათჴედა ხა̈ჯი დაუთს, ეჩქა ესერ მე̄უ̂არ ალხირნე̄ლი, მიჩა გეზალდ
Line of edition: 30 ესერ ხო̄ქუ̂ა, ერე "აჩა̈დუ ესერ სგუ̂ებინ, მიჩა დაჩუ̈რ ესერ ჩუუ̂ ა̈ძიჰ
Line of edition: 31 ი ზისხ ესერ სგაუ̂ ლახხუ̂იე შუკუ̂ჟი!" ხა̈ჯი დაუთი ჭყინტგეზალ ესერ
Line of edition: 32 ა̈გითე ა̈მჴედ, მიჩა დაჩუ̈რ ესერ ა̈გის ესხუ̂იე̄ნა, მარე ესერ ეჩი̄ ლიძჰენი
Line of edition: 33 ესერ დეშ ოხცხუ̂ა̈ლი̄ნა ი ეჩი̄ მჷქაფ ესერ როსკა ოთძიჰა. ეჩი̄
Line of edition: 34 ზისს ესერ სგა ლოხჭო̄ნა პლატოქდ ი სგ' ე̄სერ ლოხხუ̂ია მიჩა მუ
Line of edition: 35 ხა̈ჯი დაუთიშდ. ხა̈ჯი დაუთ ესერ ლახჭუ̂ედნა. ა̈ოთძიჰ' ე̄სერ მა̄ ჩუ?"
Page of edition: 373 Line of edition: 1 ეჩქ' ე̄სერ მიჩა ჭყინტს ხო̄ქუ̂ა, ერე "ჩუ ესერ ოთძიჰა, პლატოქდ
Line of edition: 2 ესერ ხოჭო̄ნა ზისხ". ხა̈ჯი დაუთს ესერ ხო̄ქუ̂ა, ერე "ამჟი̄ნ ესერ
Line of edition: 3 ხა̈კუ̂და ეჩის!" ხა̈ჯი დაუთ ი მიჩა ხეხუ̂ ი გეზალ ესერ ა̈გითე ა̈მჴედხ.
Line of edition: 4 დინ' ე̄სერ ა̈მჩედ. ა̈მჩედ ი აშხუ̂ ა̈გის მჷლდეღს ათლაკა. ეჯნა̈რ
Line of edition: 5 (\\ ეჩი̄შდ) ხო̄ქუ̂ა, ერე "მიჩა გებენ ესერ მიჩუ ლოხცა̈̄დ ი მიჩა

Добавлено (2007-01-16, 2:05 Pm)
---------------------------------------------
ლერქუ̂ა̈ლ ესერ მიჯნე̄მუ ლა̈ჲქუ̂ე". მჷლდეღს ესერ მა̈ხიადა̈̄რ ქა ლოხცა̄და.
Line of edition: 7 დი̄ნა ესერ ა̈მჩედ ი აშხუ̂ ა̈გის სარაგცახა̈ნ ხოჩა̄მ მეგა̈მთეჟინ ამჩედ.
Line of edition: 8 ეჯ სარაგთ' ე̄სერ ჰადაუ̂ჯუყშა ლჷმჲა̈̄სგუ̈ნხ ჩა̄ჟა̈რს ლათუ̂ნა̈̄ლდ. ოთხუ̂იახ
Line of edition: 9 აშხუ̂ინ ჩა̄ჟა̈რ ი ლიც ესერ მა̄დ ლოხშუ̂ახ ი ჟიბოუ̂ ესერ გარ
Line of edition: 10 ლჷმსგიდუ̈ნხ. ამჟი̄ნ ესერ მე̄რმაჟი ხოჩუ̂მინახ ი მე̄სმაჟი. ეჩქა ესერ
Line of edition: 11 ქო̄ხო̄მბუ̂ახ ალა ჰადაუ̂ჯუყშა ჭყინტდ. ჭყინტ ესერ ა̄მჩედე̄ლი ეჩხა̄უ̂
Line of edition: 12 ი მეშხო̄ლ მირ ესწუ̂ე̄ნა მეგა̈მჟი. ეჩქ' ე̄სერ ლოხტუ̄ლა, ერე "ერუ̂ა̈̄ჲ
Line of edition: 13 ესერ ღენ ლი, ჩუუ̂ ესერ ანჴა̈დ, ადო ჩუ ესერ ადგა̈რი!" დი̄ნას ესერ
Line of edition: 14 თხუ̂იმ ჩუბოუ̂ ხოჩუ̂მინა, ეჩქა ესერ ფაყუ̂ ჩუ̂ახშყედა ი ლუსდგუ̂ა̈რი
Line of edition: 15 ესერ ჩუ̂ალში̄დლიხ. ჭყინტს ესერ ჩოხო̄ყა დი̄ნა ი მე̄უ̂არ ესერ ათჩო̄ნა
Line of edition: 16 ეჩი̄ ლიბეგუ̂. ჭყინტს ესერ ხეხუ̂დ ოთყედა̄ნა. დი̄ნა ესერ ქა
Line of edition: 17 დე̄მ ლჷმგჷრგა̈ლინ ი ეჩჟი̄ნ ესერ ლჷმა̈რდ. აშხუ̂ინ ესერ ჭყინტს წჷრნი
Line of edition: 18 ლჷგრე ლოჰოდა მიჩა გეზალდ, ხედუ̂ა̈̄ჲ ესერ ხოშა ხალტე̄ნა. მერმა
Line of edition: 19 ბეფშუ̂ს ესერ ლიგუ̂ნი ოთბინა, ეჩქა ესერ ხო̄ქუ̂ა დი̄ნას, ერე "ლჷგრეჲ
Line of edition: 20 ესერ ჟიუ̂ ახშდეხა ი იშგენი̄ მა̈გ". ალა ესერ ქა ხასმა მიჩა ჭა̈შს ი
Line of edition: 21 ეჩქა ესერ დაშნა̈ჲ ოხცხუ̂აპა ი ხო̄ქუ̂ა დი̄ნად, ერე "იმღა ესერ ხაღროუ̂ა̄ლა
Line of edition: 22 ათხად ი იმღა ესერ დო̄მ ლჷმგჷრგა̈ლინ?" დი̄ნას ესერ ლიგჷრგა̈ლი
Line of edition: 23 ოთბინა, ქო̄ხო̄მბუ̂ა მიჩა ამბა̈უ̂. ეჩქა ესერ ჭყინტს ჟ'ოხმა̄რა
Line of edition: 24 ჩხარა უ̄ღუ̂ა ჴა̈ნი ლებიდ ძღუ̂ენ, მიჩა ხეხუ̂ ი გეზლი̄რ ი ჩხარა მა̄რე.
Line of edition: 25 ხეხუ̂დ ესერ მომსახუ̂ირ ზურა̄ლ ლოხჴერნა ი ოთზჷზა ესერ ეჩჟი
Line of edition: 26 ხეხუ̂მი ლამუ̂ართე. შუკუ̂ჟი̄ნ ესერ ჩუ̂ათბურე̄ნახ ი აშხუ̂ მინდო̈რისგ'
Line of edition: 27 ე̄სერ ქორ ლჷმგენ, ეჩე̄სგა ესერ ჩუ̂ალგენე̄ლიხ. ეჯ ლე̄თ ესერ ჩხარა̄მ
Line of edition: 28 მა̄რა ზურა̄ლდ ლახგუმა̄რე̄ნახ (\\ გუ̂ი ლახა̄რახ) ი ზურა̄ლ ესერ ქა̄თჩედახ.
Line of edition: 29 ეჩქა ესერ ღუ̂აჟა̈რს ლახყალუ̈̄ნნახ, ერე მინე ხოშა ესერ მინს
Line of edition: 30 თხუმა̈რს ათქუცი̄რნე". ეჩქა ესერ ხო̄ქუ̂ახ, ერე "მინე ხოშა̄მ ესერუ
Line of edition: 31 ხა̈̄ქუ̂ხ, ერე "ეჯ ზურა̄ლ როქუ̂ ჩუ̂ა̈დსო̄ყა̈̄ნ ი გეზლი̄რ როქუ̂ ჩუ̂ა̈ძიჰ ი
Line of edition: 32 ეჩუნღო როქუ̂ ჟ'ანჯა̈ბ ცხუ̂ადუ̈სგა". ღუ̂აჟა̈რს ბო̄ფშა̈რ ჩოთძიჰახ ი
Line of edition: 33 ეჩუნღო ჟ'ოხჯაბახ ცხუ̂ადუ̈სგა. მერრმა ლადეღ ა̈მტეხხ ესერ ღუ̂აჟა̈რ
Line of edition: 34 მეფე̄შთე̄სგა ი ხო̄ქუ̂ახ ესერ ჭყინტდ, ერე ეჯ ზურა̄ლ როქუ̂ ჩუ̂ა̈დსო̄ყა̈̄ნ.
Line of edition: 35 გეზლი̄რ როქუ̂ ჩუ̂ა̈ძიჰ ი ჟი როქუ̂ ანჯა̈ბ ცხუ̂ადუ̈სგა". ალა
Line of edition: 36 ჭყინტს ლეგდ ლახბაჟა ი ა̈მპერე̄ლი ესერ ი ხა̈ჯი დაუთიშთე ა̈მჴედე̄ლი.
Line of edition: 37 ზურა̄ლ ესერ ა̈მჩედ, შუკუ̂ჟი̄ნ ლუღუ̂ეჟმა̄რუ ლერექუ̂ ლოხქუ̂ა
Line of edition: 38 ია́ჯალჩიდ ესერ ჲერე̄ს ათგენე̄ნა".

Добавлено (2007-01-16, 2:05 Pm)
---------------------------------------------
ალა ქა რა̈̄ქუ̂ ჯალჩიდ, ეჩქა ფაყუ̂ ჩუ̂ა̈ნკიდ ი რა̈̄ქუ̂: "ალა ესერ
Line of edition: 2 მა̈გ ჯა ლი ი ხოჩაუ̂ ესერ ლე̄თ ხა̄რ მიჩა მუ ხა̈ჯი დაუთს ი მიჩა
Line of edition: 3 დედეს, მიჩა ჯჷმილს ი მიჩა ჭა̈შს!" ალჲა̈რს ჩი̄ მე̄უ̂არ ათჩო̄ნხ ეფენდი̄შჷნქა
Line of edition: 4 ი ჩხარა̄მ მა̄რანქა. ხადაუ̂ჯუყშა ჭყინტ ლა̄პა̈რ ი ეფენდის
Line of edition: 5 კინჩხ ჟ'ახქუ̂იც. ეჩუნღო ყო̄რა̈ლ ქო̄თდა̄ლე ი ჩხარა̄მ მა̄რა, მიჩა
Line of edition: 6 მჷნჴრა̄ლას, ჩი̄ ჟ'ახქუცუ̄რე თხუმა̈რ. ეჯ ლე̄თ ეჩჩუ ჲეშდ მა̄რე ადგან.
Line of edition: 7 ხადაუ̂ჯუყშა ჭყინტდ მიჩა ა̈გითე ადიე მიჩა ხეხუ̂ ი ხოჩა ლირდე̄ლიზგე
Line of edition: 8 ა̈დჴიდხ.

Line of edition: 9 უ̂ოდ ეჩის თანშუ̂ დო ლეწედ, ეჩქად ნო̄სამაუ̂ ლოგზიგა!

Page of edition: 375
Line of edition: 1
მესტიური

Добавлено (2007-01-16, 2:06 Pm)
---------------------------------------------
Text: 165
Page of edition: 375
Line of edition: 2
165. და̈უ̂თა̈გნ ი ცხუ̂ითა̈გნ

Line of edition: 3 ლა̈სუ̂ხ ხეხუ̂-ჭა̈შ. ჭა̈შ გუნ მეთხუ̂ია̈რ ლა̈სუ̂. ეჯ დრო̈უ̂ქა ალას
Line of edition: 4 გეზალ ა̈ხთენა̈̄ნ ეშხუ̂ი, ჟახად ათჟა̈ხხ ცხუ̂ითა̈გნ. მუ ჩუ̂ადგან. გეზალდ
Line of edition: 5 გუნ ლითხუ̂იარ ა̈დბინე. აშხუ̂ შჷყჟი̄ნ ღუ̂აში ჟი ხა̈̄ცუდა ი მუგუ̂ლი ბიკი̄.
Line of edition: 6 ჩი ლე̄თ ახღუ̂ა̈̄ნდა ა̈გითე, ჰა̈დურდ ჩი ლე̄თ. ლეღუ̂ ჩიგარ მასა̈რდ
Line of edition: 7 ხუღუ̂ა̈̄ნ. აშხუ̂ დრო̈უ̂უნღო ლეღუ̂ ჩუ ხოშთხენდა ი მიჩა̈შდ
Line of edition: 8 ლეზობდ მა̄მ ხუღუ̂ა̈̄ნ, ნა̈ბოზს ლახ ჴედენდა. ხე̄ქუ̂ მიჩა დის: "იმღა
Line of edition: 9 გუ̂ეყა̈რ ალა, ათხედ ლეღუ̂ შუნ გუღუ̂ა̈̄ნ, ათხე მა̄მა გუღუ̂ა?" მიჩა
Line of edition: 10 დიდ ხე̄ქუ̂, ერე "მეზუ̂ბელა̈რს ხუ̂ა̄მნე ი ჩუ შდეხნა". ალა გეზალდ მა̄მა
Line of edition: 11 ა̈დჯირუ̂ე ი ბა̈ქ (\\ ლირტყო̈ლა̈̄ლ) ლახბაჟჷნდა ამი̄ ლი̄ქუ̂ი̄სგ. აშხუ̂ჟი
Line of edition: 12 ხე̄ქუ̂ მიჩა დის: "მიშგუ̂ი დი, ჴა̈დ ნაცხა̈მ იმღა ჯა̄რ?" -- ხოჩა ბედ
Line of edition: 13 გუ̂ა̄რ ი ჩუ̂ა̈თუ̂ლუგუ̂რა̈ნ". ცხუ̂ითა̈გდ მა̄მა ა̈დჯირუ̂ე ალ ამბა̈უ̂, მარე
Line of edition: 14 ალას (\\ ალ ამბა̈უ̂ს) ჩოთთხუ̂მანე.

Line of edition: 15 ოხჴა̈დ ალ ზურა̄ლს დრო̈უ̂ ი ჩუ̂ა̈დღუ̂აჟა̈̄ნ, ჭყინტ ა̈ხთაუ̂ა̈̄ნ. ნა̈ბოზს
Line of edition: 16 ცხუ̂ითა̈გნ ა̈გითე ანჴა̈დ ლა̈თხუ̂იარხა̈ნ. ათჩო̄ნდა ბო̈ფში ლიწედ: "დიდა̈ბუ
Line of edition: 17 ხა̄რ ღე̄რბათუ̂, იმუ̂ა̈̄ჲ ღერთემ მუხუ̂ბე ლამე̄მ!" ხე̄ქუ̂ მიჩა დის,
Line of edition: 18 ერე "მიშგუ̂ი დი, სი მერტყო̈ლა̄ლდა̈ს, მი გუდ მეჴდე ხუ̂ა̈სუ̂, ერე სი
Line of edition: 19 ღანაუ̂ ხა̈სუ̂ ი ათხე ქა ლა̄მეკუ̂შ, ჲა̈რ ლი ისგუ̂ი ლელა̈ტ". ეჩქა ხე̄ქუ̂
Line of edition: 20 ეჩნე̄მ, ერე "თუ̂ეთუ̂ნე და̈̄უ̂ მა̈მთქუ̂ა, ეჩხა̈ნქა მეყა̈რ ალა, ლეღუ̂ს ეჩას
Line of edition: 21 ხუ̂ა̄მნა̈ს ი ნა̈ბოზს ლეღუ̂ ეჯღა ა̈დძუ̂ირა̈̄ნ".

Line of edition: 22 ბა̄ზი ჩუ̂ა̈რიხ ალჲა̈რ, ლახუ̂ბა, უშხუდ, ხოხუ̂რა მუხუ̂ბე კამინს(უ̂) ლადეღუ̂შ
Line of edition: 23 იცხემ, ირთხინს ლე̄თშუ̂. ალ ბეფშუ̂ს შიშდ მახეღუ̂ა̈ჟ ახფას.

Line of edition: 24 ალ დრო̈უ̂ჟი მიჩა მუ ანჴა̈დ. თუ̂ეთუ̂ნე და̈̄უ̂, ხე̄ქუ̂ ალ ზურა̄ლს,
Line of edition: 25 ერე "ალას და̈უ̂თა̈გნ როქუ ათჟა̈ხხ". ზურა̄ლდ ხე̄ქუ̂ და̈̄უ̂ს, ერე "სგუ̂ებნე
Line of edition: 26 გეზალს ოლსახთად მა". და̈̄უ̂დ ხე̄ქუ̂, ერე "ნა̈ბოზს მი ბალუ̂ა̈რდისგა
Line of edition: 27 ხუ̂ირდი ი ბერჟა̈ წირდ ესუ̂სიპი ი ჩუ̂ა̈ნშყუ̂დენი ი თხუ̂იმს ჩოთბიჴუ̂ე
Line of edition: 28 ი ჩოთდაგრი. ეჩქა ნა̈ჲ ი გუშგუ̂ეჲ გეზალ გარ ლირდიდ".

Line of edition: 29 ალა, და̈უ̂თა̈გნ, გუდმეცა̈რ ლი, ჟ'ა̈ნჰურნე ი გუდ აჴა̈დ. ბა̄ზი
Line of edition: 30 მიჩა მუ ბალუ̂ა̈რდისგა ა̈რი. მიჩა მუხუ̂ბე ანჴა̈დ, ეჩქა ყო̄რჟი̄ნ ესხუ̂ი̄დ,
Line of edition: 31 ხა̈̄ქუ̂, ერე ჟი ლა̈მქუ̂ე̄ცინ!" ეჩნე̄მ შჷყთეჟი ჟ'ესგენე ი თხუმქა ქა̈̄ხთხა̈ფ,
Line of edition: 32 თხუმჟი ა̈თფარა̈̄ნ ი ბა̄ზი დაგრა ჩოთჟომე. სგა̄ჩა̈დხ ქორთე̄სგა,

Добавлено (2007-01-16, 2:06 Pm)
---------------------------------------------
ეჩქა მიჩა დი ა̈თცუ̄დ ხოხუ̂რა̄მ გეზალს, და̈უ̂თა̈გნს: მა̈ფშა̈̄რ მუხუ̂ბა
Line of edition: 2 იმღა ხექუ̂ე̄ცინა̈̄ლ?" ეჩქა მიჩა ხოშა̄მ გეზალდ ხე̄ქუ̂, ერე "დე̄მის ფეშუ̂ნა,
Line of edition: 3 მი ალა მალა̈ტ".

Line of edition: 4 მესმა ლადეღ ცხუ̂ითა̈გნ ლა̈თხუ̂იართე აჩა̈დ. თუ̂ეთუ̂ნე და̈̄უ̂
Line of edition: 5 სგა̄ნჴა̈დ ზურა̄ლთე. ცხუ̂ითა̈გნი დითე. ხე̄ქუ̂, ერე "მე̄რმა ლადეღ ნა̈ბოზს
Line of edition: 6 ალას მი ლოქ ჩოთდაგრი. ლალცჷყნათე̄სგა ოდრჷნე. ბერჟა̈
Line of edition: 7 თეტე̄ნა̈რდ ესუ̂სიპი ი ეჩას ნე̄სგაქა ჩუ̂ა̈ქუ̂ცე ი ჩოთდაგრი". გუდმეცა̈რ
Line of edition: 8 მიჩა ხოხუ̂რა მუხუ̂ბე გუდ აჴა̈დ ი მე̄რმა ლადეღ ჰამუნღოჲ ნა̈ბოზდ
Line of edition: 9 იშდრა̄ლდა ყო̄რჟი ი ხოღელდა მიჩა მუხუ̂ბა ცხუ̂ითა̈გს. ნა̈ბოზს
Line of edition: 10 ეჯა ანჴა̈დ. ხე̄ქუ̂: "მიშგუ მუხუ̂ბე, ნა̈ღლია̈შჟი ლა̈მჩიხინ". ამნე̄მ
Line of edition: 11 ჟ'ა̈ნკიდ, ნაღლია̈შისგა ლა̈ჲყედნე ი სგა̄დჲე ქორთე. მე̄რმე დაგრა ბა̄ზ'
Line of edition: 12 ათქა̈დ. ეჩქა მიჩა დი გუნ ბჷგიდ ა̈თცუ̄დ.

Line of edition: 13 ბა̄ზი ჩუ̂ადყურდახ ი ცხუ̂ითა̈გნ ლა̈თხუ̂იართე აჩა̈დ. ანჴა̈დ თუ̂ეთუ̂ნე
Line of edition: 14 და̈̄უ̂ მიჩა ლელა̈ტ ზურა̄ლთე, ცხუ̂ითა̈გნი დითე. ხე̄ქუ̂, ერე "მე̄რაქა
Line of edition: 15 ა̈ნჴუ̂დენა მი, იმუ̂ა̈̄ჲ ა̈გის ისგუ̂ა გეზალს ცხუ̂ითა̈გნს კარაუ̂ ხეგნი, ეჩეჩუ
Line of edition: 16 ჩუ̂ა̈ნშყუ̂დენი, ჩოთყიმი". ალა ხოხუ̂რა̄მ მუხუ̂ბე̄მ, და̈უ̂თა̈გნდ, ჟ'ა̈ნჰურნე
Line of edition: 17 ი აჩა̈დ მიჩა მუხუ̂ბე̄მი ნა̄ზუ̂ს, სგა̄ჩა̈დ კარაუ̂თე̄სგა. ალას თუ̂ეთუ̂ნა
Line of edition: 18 კოჯისგა კარაუ̂ ხო̄გ. ნა̈თხუ̂იარე̄მი ჯიჯუ̂შ ჩუ ლჷგე ი ტუფშუ̂ ჩუ
Line of edition: 19 ლუ̄შგ. მიჩა მუხუ̂ბე ცხუ̂ითა̈გნ ჩუ იუ̂ჟა. ა̈ნკიდ მიჩა მუხუ̂ბე̄მი თხუ̂იმ
Line of edition: 20 ი ღულა̈ჲჟი ჩუ̂ესდე. ეჩქა ალა ჟ'ანჲა̈ცხ, ლოხსგიდა მიჩა მუხუ̂ბა ჟიბაუ̂:
Line of edition: 21 "ჸეჰ, ღე̄რბეთ, სი ლა̄მეშდ, იმნე̄მ აჯჴიდ სი ამჟი ჯუ̂ე̄დიათე უ̄ზუ̂ნუნა
Line of edition: 22 შუკუ̂ს!" ხე̄ქუ̂ ეჩქა ცხუ̂ითა̈გს ერე "ცუჴემა̈დ ქა ლა̄მო!" ამნე̄მ ხე̄ქუ̂,
Line of edition: 23 ერე: "მა̈ჲ ჯა̄რ?" -- "მეშხე მე̄რე ანღრი დეცქა, ეჩის ხუ̂ა̈ფშუ̂დე". ცხუ̂ითა̈გდ
Line of edition: 24 ხე̄ქუ̂, ერე "მე̄რა̈̄ლს მი ლახე ცუჴემა̈დს ხუ̂ა̈ფშუ̂დუნი ეჩქა,
Line of edition: 25 ცხუუ̂ა̈რ ჩუ̂ა̈მშდეხნიხ". ჰაჯ მა̄მა ახკიდ ი ქა̄თჴიდუ̂ნე ცუჴემა̈დ. ჟ'ა̈ნბუ̄წე,
Line of edition: 26 ახფიშუ̂დ მეშხა მე̄რა, ჩუ̂ანშყა̈დ მეშხე მე̄რე ი ტუ̂იბისგა ხოჲა̈ხ.
Line of edition: 27 ეჩჟი ძღჷდ ჰერ ა̈ნკიდ, ერე ქოყანა უშხუ̂ა̄რ ლახა̈̄ნწყუ̂. "ჸოჰ სი ხოლა
Line of edition: 28 ჩუ̂ემნ, მიშგუ̂ი მუხუ̂ბე და̈უ̂თა̈გნ, იმღა ჩუ̂ემნ ალა?" ნა̈თხუ̂იარე
Line of edition: 29 ჟ'ა̈ნცუ̂ეხ, ქორთ' ა̄ნჴა̈დხ.

Line of edition: 30 მინე დის ალა ცხუ̂ითა̈გნდ ქო̄ხო̄მბაუ̂ე. ეჩას ათსა̈სტკჷნ. ბა̄ზი ჩუ̂ადყურდახ

Line of edition: 9 ალჲა̈რ ჩუ̂არდახ უშხუდ. ლახუ̂ბა, ძღჷდს ითხუ̂იარდახ. აშხუ̂ ლადეღ
Line of edition: 10 ლიჩი̄ჟა̈̄ლდ გუ̂ი ლახა̄დხ. ხექუ̂ ხოხუ̂რა̄მ მუხუ̂ბე̄მ: "დეცთე ცუჴემდა̈რ
Line of edition: 11 ალკუ̂ა̈რიდ, ჰე გუშგუ̂ეჲ ცხუუ̂ა̈რ იმუ̂ა̈̄ჲ ა̈გის ხოჲხენა[ხ], ეჩეჩუ
Line of edition: 12 გუშგუ̂ეჲ ლა̈ხხუ̂ა ირდიხ ი ნა̈ჲ ეჩხა̈ნ ლა̈ხხუ̂ას ა̈ლჴდედ". ადკუ̂ა̈რხ ი
Line of edition: 13 კე̄სა̈რშე̄რ ლჷყა̄რჟი ხოჲა̈ხ[ხ]. კე̄სა̈რდ ხუ̂ა̈ჲ მა̄რე ჩუ̂ადნა̈ზო̄რე ი დეშა̈რდ
Line of edition: 14 ა̈ნყუ̂იფ ცხუუ̂ა̈რ. ეჩქა დი̄ნა̈̄ლდ ხე̄ქუ̂ხ კე̄სა̈რს. მინე მუს: "ალას როქუ̂
Line of edition: 15 და̈̄რ მოშ იყუ̂ფე მინე პატრონუნქა, ეჯღა ლახხუ̂იეხუ, მინე პატრონ
Line of edition: 16 ჟი ხეთხე̄ლიხ ცხუუ̂ა̈რს". აჩა̈დ ხა̈ნი ი ანჴა̈დხ მინე პატრონა̈რ ცხუუ̂ა̈რთე.
Line of edition: 17 ჟ'აჩა̈დხ ლჷყა̄რთე ი ხე̄ქუ̂ხ კე̄სა̈რს, ერე "ამე̄სგა მერდე ლაუ̂დილა
Line of edition: 18 მინსუ ლახუ̂ე̄მ ლა̈ხხუ̂ად".კე̄სა̈რდ ხე̄ქუ̂, ერე "ცხუუ̂ა̈რ ჟიუ̂ ა̈ნყუფუ̄რე[ხ],
Line of edition: 19 მინეშ ჰე̄ ლი[ხ]". ეჩქა ცხუუ̂ა̈რ ჟ'ა̈ნყუფუ̄რეხ. კე̄სა̈რს გუნ ათსაკუ̂რლჷნდა
Line of edition: 20 ი ქა ლახუ̂ე̄მ დი̄ნა̈̄ლ ალ ლახუ̂ბას, ცხუ̂ითა̈გს ი და̈უ̂თა̈გს.

Line of edition: 21 ალჲა̈რდ ლა̈ხხუ̂ა ქორთ' ა̄ნჴიდხ ი ხოჩა ლიზგე ა̈დჴიდხ ი ლჷმზჷრე̄უ̂
Line of edition: 22 ხი.

Добавлено (2007-01-16, 2:08 Pm)
---------------------------------------------
Text: 166
Page of edition: 377
Line of edition: 23
166. მეთხუ̂ია̈რ ი და̈ლი ლიწედ

Line of edition: 24 ლჷმა̈̄რ ეშხუ მეთხუ̂ია̈რ მა̄რე. სახელად ქუ̂ია იმას რაუ̂აზი. ა̈მჩედე̄ლი
Line of edition: 25 ლა̈თხუ̂იართე. ჩხარა̄მ თანა̈ღს ი ზაგა̈რს ქა̈̄მჩედე̄ლი ი ეჩეჩუ
Line of edition: 26 ჩუ̂ათბურე̄ნა. ჩუ ლახ ათბურე̄ნა, წიფრა̈̄ ძირისგა ლემესგ ოხო̄შუ̂ა.
Line of edition: 27 ეჩეჩუნ ეჯ ლე̄თ ჩუ ლჷმჷრდე̄ლი. აშხუ̂ კჷ̄ლთხი ზაგა̄რხა̈ნქა ჰერ ხასმა.
Line of edition: 28 ერე "მიჩა მუშგუ̂რი ქა̄უ̂ ა̈ნჴერნე ი ჯაჲ ქა̄უ̂ ანჴა̈დ". ამეჩუნ წიფრა
Line of edition: 29 ჩუ̂აბა̈ჴუ̂. ამხა̈ნქა და̈ლ ანჴა̈დ. ხა̈̄ქუ̂ რაუ̂ა̈ზს, ერე "ე, რაუ̂ა̈ზ, ლჷჩედდ!"
Line of edition: 30 რაუ̂ა̈ზდ ხა̈̄ქუ̂ ამის, და̈ლს: იმთე როქუ̂ გუ̂ა̄რ ლე̄ზი?" -- "მიჩა აფხნეგა̈რს
Line of edition: 31 ლოხტუ̄ლახ ი ლე̄ზი ხა̄რხ ეჩხა̈უ̂, ლჷწჰათე, ქუ̂ერწილთე. მიშგუ̂ა
Line of edition: 32 ჭიშხი ნაგა̈მჟი ჭიშხს ხჷგა̈მდა̈ს. ეჩეჩუ მა̈̄ნკუ̂ი კათხს ოხმა̈ზრი მეფეს და
Line of edition: 33 დედოფა̈ლს. ეჩანღო მე̄რმა კათხს ეჩეჩუ მერდას ოთმა̈ზრი, მესმა
Line of edition: 34 კათხს ჩია̈ ლა̈მზჷრა̈̄ლდ ლა̈ხუ̂თჷრე. სი მიშგუ̂ა გუ̂ა̈რდ ახმა̈ზრა̈̄ლ, ეჩანღო
Line of edition: 35 ჟი ხუ̂იგნა̈̄ლ ი ლჷღრიდ გუშგუ̂ეჲ ნა̄ზუ̂ს".

Page of edition: 378
Line of edition: 1 ალჲა̈რ ქა̄ჩა̈დხ ქუ̂ერწილთე ი ღო სგა̄ნტა̈ხხ. რაუ̂ა̈ზ ჩუ̂ადყურდა ი
Line of edition: 2 და̈ლ წიფრათე̄სგა აჩა̈დ. მე̄რმა ლადეღ ნა̈თხუ̂იარად გუ̂ეში ლა̈სუ̂ ლახუ̂.
Line of edition: 3 ეჩქა რაუ̂ა̈ზ ა̈გითე ანღრი უ̂ეშგდ. ჩხარა ზაგა̈რ უ̂ეშგდ ლეტეხ ხა̄რ.
Line of edition: 4 არა̄მ ზაგა̈რქა ქა̄ნჴა̈დ ი ნა̈თხუ̂იარა̈̄ლს თუ̂ეფ მა̄მ ახფიშუ̂დ. მეჩხრა̈მ
Line of edition: 5 ზაგა̈რთეჟი ანჴა̈დ. ეჩქა თუ̂ეფ ბიდხა̈ნქა ქა̈̄ნკიდ ი ლითოფ ა̈დბინე.
Line of edition: 6 ჩხარა ღუ̂აშ ჩუ̂ადგა̈რ. ჩხარა̄მ ღუ̂აშს ლერსგუ̂ენ შდიმ ჩი̄ ქა̄ხქუ̂იც. ალა
Line of edition: 7 ბაშლჷყთე სგე̄სდე, მიჩა ქორთე ანჴიდ, ხეხუ̂თე ი მუხუ̂ბათე, სგა̄ნჴიდ
Line of edition: 8 ალა̄, შდჷმრა̈რ, ხექუ̂ მიჩა ხახუ̂ემ: "ჯა როქუ̂ ხოლა მა̄რე, ლეღუ̂ ჩოთცუ̂ი̄რა
Line of edition: 9 ი შდჷმრა̈რ სგო̄ხჴი̄და!" ჩუ̂ადკარე მიჩა ხახუ̂ემ სკიუ̂რ. ჟ'ა̈ნკიდ
Line of edition: 10 სკიუ̂რხა̈ნჟი მჷდრა̈ჴ, ხაჴიდ რაუ̂ა̈ზს, მიჩა ჭაშუ̂, ი "წელდუ [ესერ]
Line of edition: 11 ელსიპე̄ლი!" -- ალა ხე̄ქუ̂. ეჩქა ეჯა წელდ ესსიპდა.

Line of edition: 12 ჰა̈დურდ ჩი სოფელს ალა ხაყახ ლამშიად. მიჩა ხეხუ̂ ი მიჩა მუხუ̂ბე
Line of edition: 13 უშხუდ ა̈რიხ ი უშხუდ აყუ̂რეხ ხეხუ̂-ჭა̈ში გუ̂ა̈რდ. ეჩანღო ალა ლიყუ̄ლის
Line of edition: 14 იჩოდა გუნ, ლა̈მჴერ ხუღუ̂ა̈̄ნდა, იმჟუ̂ა̈̄ჲჟი მა̄რა. ეჩქა ჟ'ახჟანდა
Line of edition: 15 მიჩა ხეხუ̂ს ი მიჩა მუხუ̂ბა, ხაჴიდ აჯაღჷდ მჷდრა̈ჴ, მილცდ ესსიპა. ეჯა
Line of edition: 16 რაუ̂ა̈ზი ხეხუ̂მი უდილდ, -- მელთერ ლა̈სუ̂ ი, -- ჟი ლახთირ, ერე რაუ̂ა̈ზს
Line of edition: 17 ამის ხა̈ჩოდახ. ანჴა̈დ ამხა̄უ̂ ეჩი̄ უდილ, ეჩქა სკიუ̂რხა̈ნჟი მჷდრა̈ჴ
Line of edition: 18 ჟ'ა̈ნკიდ, ხაჴიდ მილცს: "რაუ̂ა̈ზდუ ელსიპელი!" ისეუ̂ე, რაუ̂არც იყო
Line of edition: 19 წინ, რაუ̂აზად გედიქცა, რაუ̂ა̈ზიშდ ესსიპდა. ეჩქა რაუ̂ა̈ზს შჷნისგა
Line of edition: 20 მჷდრა̈ჴ ქა ლახუ̂ე̄მ: "ათხე მა̈̄ჲ ჯიცხენდე̄დს, ეჯა ხა̈ყრ!" ჲერქჷდა̈̄შ
Line of edition: 21 ხაჴიდ, ერქჷდა წელდ ესსიპე: ეშხუ ყუ̂ა̈რუ̈ლდ ი მე̄რმე ჭა̈გდ. უშხუდ
Line of edition: 22 ლირდე̄ გა̈მ ი ლილყურიშ მა̄მა ოხჟომე. ათხე სოფლარს ხადია̈̄ნი ჩი̄.
Line of edition: 23 ჲერუ̂ა̈̄ჲ ცა̈გი ლანგა̈უ̂ს ჟი ხა̈ჴჩე, ჲერუ̂ა̈̄ჲ დო̄მა ი დე̄მ ხაჰო̈დდა.

Добавлено (2007-01-16, 2:08 Pm)
---------------------------------------------
Text: 167
Page of edition: 378
Line of edition: 24
167. დი-გეზალ

Line of edition: 25 ლჷმზჷრე̄უ̂ ხიშდ ი ამჩუ̂ ა̈რიხ დი-გეზალ. გეზალ დი̄ნო̄ლ ლი ი ჩიგარ
Line of edition: 26 ესღრი ლაცლაცახა̈ნ ლა̈შდრა̄ლთე, ტეხნ' ა̈გითე ი მიჩა დის ხეჭუ̂დიე̄ლ:
Line of edition: 27 "დედე, მა̈გ ლაჯმილას იღუ̂ნე ი მი იმღა დო̄სა მირი ლეღუ̂ნე
Line of edition: 28 ჯჷმილ?" ამი̄ ლა̈ჭუ̂დია̄ლჟი დის ლიგუ̂ნი ხოცქფენი ი ხა̈ტხე მიჩა გეზალს:
Line of edition: 29 "ე̄, ხოჩა მიშგუ გეზალ, ლაჯმილა იმჟი მო̄მ ჯირდა, ჲორი
Line of edition: 30 ჭყინტგეზალ მირდა ი ეჯჲა̈რ ისგუ ლაჯმილა მა̄დ ი̄რო̄ლხა? მარე
Line of edition: 31 აშხუ̂ ლადა̈ღ აჩა̈დხ ლა̈თხუ̂იართე ი ა̈გითე დე̄მხა̈ნ ანტა̈ხხ. დეშმა ა̈ხუ̂მეჴერ:
Line of edition: 32 ლეჟ' ა̄ჩა̈დხ, ჰა ლექუ̂ა, საბრალ მიშგუ̂ი დი̄ნო̄ლ!" ალა ერ
Line of edition: 33 ჟ'ა̈ნმეჴრე დი̄ნად, ხა̈̄ქუ̂ მიჩა დის: "დედე, ლეზიზ ა̈მმა̈̄რ ი ღო ღური
Line of edition: 34 მიშგუ̂ა ლაჯმილა ლათხე̄ლთე, ჟი ხუ̂ითხე̄ლი, იმუ̂ა̈̄ჲ დო ირდიხ". ალა
Line of edition: 35 მიჩა დის გუნ ხასდიკ ი ამი̄ ლა̈̄ქუ̂ი̄სგჟი ჩიგარ ლიგუ̂ნის იბნე ი ხა̈ტხე:
Page of edition: 379 Line of edition: 1 "დეშ ჯუფშუ̂დე აჯაღ სი, ჩუ̄დ მექრა̈უ̂ი ისგუ̂ა ლაჯმილაშა̄ლ ი ეჩქა
Line of edition: 2 სერ მი̄ჲ თხუმ ხუ̂იდგა̈რი". მარე დი̄ნა დე̄მ იჟუ̂მე მიჩა ლი̄ქუ̂ს ი ეში̄
Line of edition: 3 იმა̄რა̈̄ლ ი ეში̄.

Line of edition: 4 ესღრი ი აშხუ̂ ფა̈კუ̄ლსი̄ ინჴრინე. ესღრი ჯუ̂ე̄დია შუკუ̂ს ი სგა̈̄თჴა̈დჷ̄ნ
Line of edition: 5 აშხუ̂ ცხეკთე̄სჷა ი ამე̄სგა ეჯჟი უდუმბირუ̂ ა̈დგილ ჩუ ლი, ერე
Line of edition: 6 შუ̂იმ მა̄მა ხა̄რ ი ამე̄სგა ჩუ ლჷგ ქორ. სგა̄ჩა̈დ ამხა̄უ̂თე̄სგა ი ჟი ლახთირ,
Line of edition: 7 ერე ამჩუ ღუ̂აჟრე ნარდუ̂ გარ ლი ი ჟი გუ̂ეში ლი ნათხუ̂იარე̄მი
Line of edition: 8 ლეღუ̂შ, მა̄რე და̈̄რ ა̈რი სგა̈̄ნჩუ. ათხ' ა̄ლ დი̄ნა-ჲ მიჩა ფა̈კუ̄ლ უშხუ̂ა̄რ
Line of edition: 9 ლა̈ხნაბნა̈̄ნხ, ერე უშხუ̂ა̄რურ დო̄მთ' ა̄ჩეხ. ათხ' ა̄ნჴა̈დხ ი ჩუ̂ა̈თპა̈ჟხ
Line of edition: 10 ალ ქორისგა. ჩუ ლიპჟა̄ლუ̂ დი̄ნად მა̈გ ქა̄დჯე̄ლუ̂ა̄ლე ი სა̈დილი̄ ჟ'ანსყე,
Line of edition: 11 ლემესგ ჟ'ანა̄შუ̂ე ი ჩუ̂ა̈თპა̈ჟხ ჲერქჷდა: დი̄ნა-ჲ ფა̈კუ̄ლი̄. ნა̈ბოზს ჲარუ̂
Line of edition: 12 მახეღუ̂ა̈ჟდ სგა̄ნკარეხ ყო̄რა̈ლ ი სგა̄ნჴიდხ ნა̈თხუ̂იარე. ა̈დსგი̄დრა̄ლეხ
Line of edition: 13 ქორს, ქაჲ ათჷმბაჟჷნხ: "ჲა̈რ ესერ ანჯე̄ლუ̂ა̈̄ლი̄ს ი ჲედ სა̈დილს ჲა̈რ
Line of edition: 14 ანმა̈̄რი̄ს". მე̄უ̂არ ხასკუ̂რელხ. ალას დი̄ნა ქა ხოსგდი ჩი̄. მე̄რმა ლადა̈ღ
Line of edition: 15 ამჟი̄დ ჩუ̂ემინ დი̄ნად. მე̄სმა ლადა̈ღ ანჴა̈დხ ჭეჷნტა̈რ ი ჩოთდარჯეხ
Line of edition: 16 ი დი̄ნა ერ ქა̄ნჴა̈დ ი ხაშდბა, ეჩქა ალჲა̈რი̄ სგა̄ნჴა̈დხ ქორთე ი ახჭუ̂ედიე̄ლეხ
Line of edition: 17 დი̄ნას: "ჲა̈რ ესერ ლი ჯა ი ჲედ იმხა̈ნ ა̈ხჴა̈დჷ̄ნე̄ნა?" ამნე̄მ
Line of edition: 18 ქო̄ხო̄მბუ̂ე, იმუ̂ა̈̄ჲჟი ლა̈სუ̂ ი იმუ̂ა̈̄ჲხა̈ნ ანჴა̈დ. ეჩქა ჭყჷნტა̈რ სგა̈̄ხჭო̄ნა̈̄ნხ
Line of edition: 19 ი ქა ხაცლჷ̄რეხ ჩი̄ ლაყჰა̄ლს: "ჲაღო, მინ ესერ ლიხ მიჩა ლაჯმილა".
Line of edition: 20 ალჲა̈რს უშხუ̂ა̄რე თხუ̂იმ ეჯჟი ჩუ̂ათხი̄დჷნხ, ერე შუ̂იმ მა̄მა ხა̄რ.
Line of edition: 21 ლაჯმილად შიშდ ახჭუ̂ედიე̄ლეხ მინე დიე̄ ამბა̈უ̂. დი̄ნას ლი̄ზი ხაკფჷნდა
Line of edition: 22 უშხუდ მინე დითე, მარე ლაჯმილა მა̄დ ოხჴა̈დხ თანახმას: "ჩიქე ამეჩუ
Line of edition: 23 ლარდე̄დდ ი ღო ეჩუნღო ალღრიდ ი მო̄დეჲ დედესი̄ ამხა̄უ̂ ა̈ლჴდედ".
Line of edition: 24 ა̈რიხ ამჟი: მახეღუ̂აჟა̈რ ლა̈თხუ̂იართ' ე̄სღრიხ ი მინე დაჩუ̂ირ ი ფა̈კუ̄ლ
Line of edition: 25 ჩუ სედნიხ ა̈გის ი ა̈რიხ ამჟი.

Добавлено (2007-01-16, 2:09 Pm)
---------------------------------------------
აშხუ̂ ლადა̈ღ დი̄ნას შდიხ ა̈ხბა̈გუ̂. ალა ჩუ ლალე̄მ მიჯნე̄მ გარ ი
Line of edition: 27 ფა̈კუ̂ნას მა̄მა ლოხუ̂ე̄თ. ალა გუნ ათხჷრჷნდა ფა̈კუ̄ლს. ათხე დინა
Line of edition: 28 ლემასგუ̂ ა̄შუ̂ე, მარე ფა̈კუ̂ნა ხოდგე-ჲ ხოდგე გარ, უ̂ოდ სპიჩკა ჰა̈დურდ
Line of edition: 29 სგა დო ლახშდიხ. სერ ჟ'ა̈ნხირნა̈̄ნ დი̄ნა, ლახ ლემესგ დოშ
Line of edition: 30 ანა̄შუ̂ე-ჲ ლიგუ̂ნ' ა̈დბინე. ამნე̄მ-ა, ფა̈კუ̄ლდ, ამნოუ̂შ ქა̄ხტიხ ხჷრ
Line of edition: 31 დი̄ნას.

Line of edition: 32 ალ ცხეკისგა იმუ̂ა̄ლე ჯუ̂ე̄დიას იზგა და̈̄უ̂. ალა დი̄ნას ჩუ ხოხალდა
Line of edition: 33 მიჩა ლაჯმილახა̈ნქა. ეჯჲა̈რ აშგურა̄ნახ, ერე "ქა̈̄მთე ი ჯუ̂ე̄დიათ' ე̄სერ
Line of edition: 34 ნო̄მთე̄უ̂ ღჷრი, ადო და̈̄უ̂დ ესერ დო̄ს' ა̄დჷრმას, ადო ესერ, ეჯა ქრისდია̈ნი
Line of edition: 35 ქუ̂ინს შიშდ იყერ, ეჩას ხახუ̂დ ქრისდია̈ნი ზურა̄ლ ესერ ხორი".
Line of edition: 36 ათხე დი̄ნას ერ ლემესგ სგა ლა̈ხდა̈გ, ჲაღო, მა̈ჲუ̄ ჩუ̂ემინ, ანჷ̄გა̈ნ ი
Line of edition: 37 აჩა̈დ და̈̄უ̂ა̈ ხახუ̂თე. ალა სგა ლახხუ̂ი̄დ ყო̄რჟი-ჲ დი̄ნად ხა̈̄ქუ̂: "ჯეჴჷ̄რა̈̄ლ
Line of edition: 38 ი ლემსგი̄ლ ლა̄მო!" ეჩქა და̈̄უ̂ა̈ ხეხუ̂დ ხა̈̄ქუ̂, ერე "ლემესგს ესერ,
Page of edition: 380 Line of edition: 1 მა̈ჲ მაზეზ ი̄რა დო̄მ ლახჰო̈დნე, მარე მიშგუ ჭა̈შ ჰე̄სა იმჴერი, ეჩქა
Line of edition: 2 ეჯა ქა ჯეღუ̂ჭენი, ეჯღა ჲენასდ ადე!" ლემესგ ქა ლახუ̂ე̄მ ი კალთა̈ჲჟი
Line of edition: 3 ტჷტ ოთშიდ. ესღრი დი̄ნა შუკუ̂ს ი კალთა̈ჲ ჩუ̂ა̈თშიხა̈̄ნ ი ტჷტ
Line of edition: 4 ხოშჷ̄დნი შუკუ̂ჟი. იმუ̂ა̈̄ჲჟი დო ლა̈სუ̂, სგა̄ნჰე მიჩა ქორთე ი ჟ'ანა̄შუ̂ე
Line of edition: 5 ლემესგ. ამჩიქქა ლოხფხჷკნე ჲერე̄დ ყო̄რს. დი̄ნას სურუ ათყალუ̂ი̄ნდა,
Line of edition: 6 გუდ ანჴა̈დ, ერე ალა და̈̄უ̂ ლა̈სუ̂. ესნა̈რ ტკისდ და̈̄უ̂ დამ ლჷმა̈̄რ! დი̄ნად
Line of edition: 7 ყო̄რ მა̄დ ოთკარე. ეჩქა და̈̄უ̂დ ხა̈̄ქუ̂: "ჲაღო ფხულე ეში̄ ახყიჰ ყო̄რქა!"
Line of edition: 8 დი̄ნად ტკისდ ქა̄დყიჰე ფხულე. ეჩქა და̈̄უ̂დ ფხულე უშკუ̂თ' ა̈̄დდე
Line of edition: 9 ი ოხუ̂ბინე ზისხს ლიწსუ̂და̈ნ. აშხუნღო სერ დი̄ნა ჩუ̂ა̈დკა̄ფ ყო̄რ სგა̈̄ნ.
Line of edition: 10 ნა̄ბოზს მიჩა ლაჯმილაჲ ანჴა̈დხ ი მინე დაჩუ̂ირ ლახ ამჟ' ესხუ̂ი̄დხ,
Line of edition: 11 სურუ ა̈ნწახუ̂ა̈̄ნხ. ჟ'ოხო̄ზნანეხ მინე დაჩუ̂ირს ი ქა̄ხჭუ̂ედიე̄ლეხ: "მა̈ჲ
Line of edition: 12 ესერ ათყერა?" ამნე̄მ ქო̄ხო̄მბუ̂ე "აშ-ი-აშ ესერ".

Line of edition: 13 მე̄რმა ლადა̈ღ ლაჯმილადი̄ ჩოთდარჯეხ. და̈̄უ̂ ყო̄რსჷდ ლახა̄გა̈ნხ.
Line of edition: 14 დი̄ნა̈̄ ლაჯმილა ქუნოშ არდახ ი შიშდ ჟ'ოხღალბეხ ი ჩუ̂ადგა̈რხ, ჩუ̂აშდუ̈ღხ
Line of edition: 15 მინე ჰა̈ზუ̂ისგა. ამი̄ საფლა̈უ̂ჟი̄ნ ანჴა̈დ გუნ ეზა̈რ ლერტა̈მ. მინე
Line of edition: 16 დაჩუ̂ირს ხა̈̄ქუ̂ხ ლაჯმილად: "დო ხიჴმარი ალ ლერტა̈მს ნა̈̄ყუნთე".
Line of edition: 17 დი̄ნად ჩოთჯჷრუ̂ე-ჲ ანსყე ლეზუ̂ებ ი სგა ხაყერ. სა̈დილდ ერ ჩუ̂ესსგურდახ
Line of edition: 18 მა̈გ დი̄ნანქა, ლაჯმილად თუ̂ით ნა̄პუ ჩუ ლალე̄მხ. შიშდ ჩუ̂ადგანხ.
Line of edition: 19 დი̄ნად ა̈დბინე ლიგუ̂ნი. მა̄მ ხოხალ, მა̈ჲ დო ჩუ̂ემინას. იმუ̂ა̈̄ჲჟი
Line of edition: 20 დო ლა̈სუ̂, ჩუ̂აშდუ̈ღუ̂ ალჲა̈რი̄ ჰა̈ზუ̂ისგა.

Line of edition: 21 ჯა ღალ ანჷ̄გა̈ნ ი აჩა̈დ ჯუ̂ე̄დია შუკუ̂ს. ფა̈კუ̄ლ მა̄დ ა̈დჴერნე:
Line of edition: 22 ხენდროუ̂და გუნ. ესღრი ჯუ̂ე̄დია შუკუ̂ს ი აშხუ̂ ა̈გის ლჷცე პილს
Line of edition: 23 ჟ'ა̈ნშუ̂ემ, ჩუ̂ესგურდა. ამექ' ა̄ნჴა̈დ ეშხუ ღუ̂აჭა̈რ ი ბა̈რგ ხუღუ̂ა̈̄ნ ხუ̂ა̈ჲ.
Line of edition: 24 ალას აჯაღ ხონჴერ აფხნეგა̈რ. დი̄ნას ერ ქა ხეწა̈დ, ეჩქას ჩუ უ̂ეთ
Line of edition: 25 ა̈დსო̄ყა̈̄ნ ღუ̂აჭა̈რ, ეჯჟი ხოჩა ლახბაჟჷნდ' ა̄ლა̄, სი̄მაქ ი ტკისდ ალ დი̄ნად

Добавлено (2007-01-16, 2:09 Pm)
---------------------------------------------
ხოშა ლამა̈ზ და̈̄რ არდა, ეშ ადღმა. ქა̄ჩა̈დ ალა̄ ღუ̂აჭა̈რ, ი
Line of edition: 27 ლა̈ხჭუ̂ედდა: "იმხა̈ნ ნაჴა̈დუ̂ ესერ ლი?" დი̄ნად ქო̄ხო̄მბუ̂ე. ეჩქა ღუ̂აჭა̈რდ
Line of edition: 28 ხა̈̄ქუ̂: "ჲაღო სი ჩუ̂ესგუ ამჩუ ი მი ტუ̂ეხნი შიშდ ი ა̈ჯჴერნი ა̈გითე".
Line of edition: 29 აჩა̈დ ღუ̂აჭა̈რ ა̈გითე. დი̄ნა̈̄შდ ლერექუ̂ ახმა̄რუ̂ნე მიჩა დაჩუ̂ირს.
Line of edition: 30 ათხე ესტიხ ი ხა̈̄ქუ̂ დი̄ნას. ე́ ა̈ა̈გით' ე̄სერ ა̈ი ხახუ̂დ ი ქუ̂ერწილს
Line of edition: 31 ხემა̄რა̈̄ლხ". აჩა̈დხ დი̄ნათე ი ალა ჩუ სგურ ამჩუ. მარე ხოლა
Line of edition: 32 ლახბაჟჷნდახ. ღუ̂აჭა̈რ ლა̈ხჭუ̂ედდა: "მა̈ჲ როქუ̂ ჯეყა̈რ?" დი̄ნად ხა̈̄ქუ̂:
Line of edition: 33 "ამჟი̄ნ ესერ ხა̈ყრა მიჩა ლაღელისგა". ალა ტკისდ ამჟი მა̄მ ლა̈სუ̂,
Line of edition: 34 მარე შომუ̂ა̈̄ჲ ერე ღუ̂აჭა̈რ ა̈გით' ა̄ჩა̈დ, ეჩქა ამექა ანჴა̈დ მჷლდე̄უ̂ა დი̄ნა
Line of edition: 35 ი ალა̄, ხოჩა დი̄ნა ლჷცთ' ა̄დკუ̂ა̈რ ი ჯა ჩუ̂ესგურდ' ე̄ჩი̄ ა̈დგილჟი.
Line of edition: 36 ამნე̄მ ღუ̂აჭა̈რს ჩუ̂ოთღორუ̂ე. ღუ̂აჭა̈რდ ეში̄ ადჲე ა̈გითე. ქუ̂ერწილ
Line of edition: 37 ხა̄რხ ი ამ დრო̈უ̂ჟი აშხუ̂ მჷკჷლმა̈ხიდ ადჷრმე ჭალა̈ისგა კალხმა̈რ.
Line of edition: 38 ეშხუ კალმახ უ̂ოქუ̂რეშ ლა̈სუ̂ ი ალა ღუ̂აჭა̈რს ოთჴიდ ქუ̂ერწილთე
Page of edition: 381 Line of edition: 1 საჩქუ̂ა̈რდ. ალას ღუ̂აჭრი ხეხუ̂ი̄ ქა ხეწა̈დ ი შიშდ გუდ ანჴა̈დ, ერე
Line of edition: 2 ალა ეჯ ხოჩა დი̄ნა ლა̈სუ̂-ე́, ხედუ̂ა̈̄ჲ ლახლატჷნ ღუ̂აჭა̈რს მა̈̄ნკუ̂ინეშ.
Line of edition: 3 დი̄ნად ხა̈̄ქუ̂: "ჲაღო, ალ' ე̄სერ ჟი̄უ̂ ოხჯა̈ბხ, ეჯჟ' ერ ეშხუ ფხაჲჷლდ
Line of edition: 4 დო̄ს' ო̄თშყეხ ი ეჩქ' ე̄სერ ჯა ეჩაუ̂ ტეხნ'-ე́, მა̈̄ნკუ̂ი ერ ლჷმა̈̄რ". ღუ̂აჭა̈რდ
Line of edition: 5 შიშდ ესუ̂ქიქნე მიჩა მომსახუ̂რას. ალ კალმახ ტკისდ ჟ'ოხჯა̈ბხ

Line of edition: 8 აშხუ̂ჟი ღუ̂აჭა̈რს ხა̈̄ქუ̂ მიჩა ხეხუ̂დ, ერე "ალ გაკა̈ ზაქუ̂ხა̈ნქ' ე̄სერ
Line of edition: 9 ჰაკუ̂ა̈ნუ̄ ანტა̄ბეხ. ეჯჟ' ერე ნაფო̈ტ დო̄სა იმე აშყეს იეჩქა ჯა-ჲ მიჩა
Line of edition: 10 გეზალ ესერ ჲერქჷდა ჩუ ისკეთიხ". ალა ჩუ̄დ ჩუ̂ემინხ, მარე ნაფო̈ტ
Line of edition: 11 ეში̄ ჩუ̄დ ოთშყა̈დხ.

Line of edition: 12 ალ ღუ̂აჭრი ფე̄დიას ეშხუ ქუ̂რიუ̂ იზგა ი ანჴა̈დ ალა ფანჩხართე.
Line of edition: 13 ალას ხოჩა ფიცლა̈̄დ ა̈ხგუ̂ა̈ბ ი სგა̄დჲე-ჲ ჟ'ანტუ̂არე მარა̈ნისგა, კეცისგა.
Line of edition: 14 ზურა̄ლ აჩა̈დ ლანყაუ̂ა̄ლთე. ანტა̈ხ ა̈გითე-ჲ ხოსგდი: მიჩა
Line of edition: 15 ღა̈რიბ ქორ კეთილშუ̂ გუ̂ეში ლი, ჩუ ლჷგ სტოლ ი მა̈ჲ ეჩეჟი მო̄დ
Line of edition: 16 ა̈რი. ეჯა მა̄მგუ̂ეშ ლი. ხა̈ხია̈დ ღალ საბალ ქუ̂რიუ̂ ზურა̄ლსი ი იმზირ.
Line of edition: 17 მე̄რმა ლადა̈ღ აჯაღ ამჟი̄დ ლა̈სუ̂ ი ხასკუ̂რელ. ანჴა̈დ მე̄სმაჟი ი ჩოთდარჯე
Line of edition: 18 ი მარა̈ნხა̈ნქ' ა̄ნჴა̈დ ხოჩა დი̄ნა, ხედუ̂ა̈̄ჲ ერ მჷჟშა̄ლ არჰა, ეჯჟი
Line of edition: 19 ლესგდი ჩუ ლი, ერე ეშ ტუ̂არ. ალა ამჟი̄ნჷდ ხოდა̄წყე ჩი̄ ქორისგა̄,
Line of edition: 20 ერ ლა̈სუ̂. ამჩიქქა ზურა̄ლ სგა ჴედნი ი ხეყჰა̈̄ლ დი̄ნას ი ხეჭუ̂დიე̄ლ:
Line of edition: 21 "ჲა̄რ ესერ ლი ი ჲედ იმხა̈ნ ნაჴა̈დუ̂?" დი̄ნა ჩი̄ ქა ხო̄მბუ̂ი, მა̈̄ჲ მიჩ
Line of edition: 22 ჩუ̂ ესამა ხა̈ყრა̈̄ნ. ეჩქა ზურა̄ლ ლიგუ̂ნის იბნე ი მახან ქა̄დ ხეყჰა̈̄ლ. ზურა̄ლ
Line of edition: 23 ერ ჩუ̂ა̈ცხრე გუ̂აშუ̂, ეჩქა ხაყლე: "ჲაღო, ჭყჷნტა̈რ ი ეშხუ დი̄ნა
Line of edition: 24 მიჩ როქუ̂ ათქარუ̂ე̄ნა". ეჩქას გუდ ჴედნიხ ალჲა̈რ-ე̄, მინ დი-გეზალ
Line of edition: 25 ლიხ. ეჯჟი ღალ ჩუ ხა̈ხიადხ, ეჯჟ' ერე შუ̂იმ მა̄მა ხა̄რ.

Line of edition: 26 აშხუ̂ ლადა̈ღ დიდ ხა̈̄ქუ̂ მიჩა გეზალს, ე́ ა̈ქა̄უ̂ ესერ ა̈წჰეხ ღუ̂აჭა̈რ
Line of edition: 27 ი ხოჩა სა̈დილუ̄ ანმა̄რეხ". ალჲა̈რდ ჟ'ანმა̄რეხ ხოჩა სა̈დილ ი ქა̈̄წჰეხ
Line of edition: 28 ღუ̂აჭა̈რ. ესსგურდახ ჩუ ტაბა̈გჟი ი ლა̈ხჭა̈მხ დი-გეზალ ი მა̈̄ჲ ესამა
Line of edition: 29 ალჲარე გუ̂ეშ ჩუ ლა̈სუ̂ თხუმნეშ ი ჰოკარუ̂, ეჯამა̈გ ქო̄ხო̄მბუ̂ეხ. ეჩქა
Line of edition: 30 ღუ̂აჭა̈რ გუდ ჴედნი ჩი̄ ი ალ დი̄ნას ი მიჩა დის ქა ინჴრინე მიჩა
Line of edition: 31 ქორთე. ჯუ̂ინელ ნახა̈ხუ̂ს სგა ხაბემ ჩა̈̄ჟი ჰაკუ̂ა̈დს ი ჟი ხა̈ჴჩე ლაჭმურია̄ლს
Line of edition: 32 გიმს.

Line of edition: 33 ალ ღუ̂აჭა̈რ ი მიჩა ხეხუ̂ ი დიმთილ ხოჩა̄მ ლირდე-ლიზგეს იჴდეხ
Line of edition: 34 ი, უ̂ოდ ნა̈ჲ ალა თანშუ̂ დო ა̈ლსგიდნად ი შდჷმშუ̂ დო ა̈ლჰურნად,
Line of edition: 35 ეჩქადუ̄ ლარიდ!

Добавлено (2007-01-16, 2:11 Pm)
---------------------------------------------
Text: 168
Page of edition: 382
Line of edition: 1
168. ბეფშუ̂

Line of edition: 2 ლჷმზჷრეუ̂ ხიშდ ი ჲაღოჲ ხეხუ̂-ჭა̈შ ლჷმა̈̄რხ, ჭყინტგეზალ ხარდე̄ნახ,
Line of edition: 3 ეშხუ ღოლჲა̄ქ ხარდე̄ნახ. ჭყინტ მჷლდეღზუმ ლჷმა̈̄რ, ეჩქა მიჩა
Line of edition: 4 დიდ ი მუდ ხო̄ქუ̂ა: "ალას ესერ ქა̈̄ჲე̄სგი". მეჯო̈გს ათდენა. ეჩქას
Line of edition: 5 მეჯო̈გს ხო̄ქუ̂ა: "ჯაუ̂ ესერ ლახჴედა შუ̂იდებდ! ჩუ̄ ადჷ̄გა̈ნ მიჩე̄შმჷყ
Line of edition: 6 ჯალჩიდ უ̂ოხუ̂იშდ ზაუ̂". ჟ'ოთგენა ეჯა უ̂ოხუ̂იშდ ზაუ̂. ეშხუ ღოლჲა̄ქ
Line of edition: 7 ხაყე̄ნა. ეჩი ჰამა̈რჟინ უ̂ოხუ̂იშდ ზაუ̂ ალგენე̄ლი.

Line of edition: 8 მე̄რმა ლადეღ ფაუ ლოჰოდა ჯო̈გი ლალდა̈ღთე. ეჩქას ხოლა და̈რ
Line of edition: 9 ა̈მჴედე̄ლი (\\ ჩუ̂ალჰა̄უ̂და̈რლი), ბეფშუ̂ს ლიგუ̂ნ' ოთბინა. ეჩქას მიჩა
Line of edition: 10 ღოლჲა̄ქს ხო̄ქუ̂ა, ერე "ლა̈დი ესერ მიჩა ბა̈დშუ̂ იგუ̂ნი, მიჩა ბა̈დშუ̂
Line of edition: 11 ხა̄რ ჭირ. ჯ' ე̄სერ ზაუ̂ისგა იზა̄ლუ̂ნი, ჲარუ̂ ჟინაღს ხოთუ̂უნი, ლადეღისგა
Line of edition: 12 ესერ ჲარუ̂ სეგდა ლჷჯა ხა̄შგუნი: აშხუ̂ ესერ ა̈გითეუ̂ ხოზიზდა
Line of edition: 13 მიჩა დის ი მუს, აშხუ̂ ესერ იჴმა̈რდაუ̂ მიჩა ხაზა̈ინცახა̈ნ. მჷხა̈რ ესერ
Line of edition: 14 ღედ ნომაუ̂ ხა̄რ, და̈რ ესერ ი̄რა. ლა̈დი ესერ იგუ̂ნი, მჷხა̈რ იღრა̄ლუ̂ნი.
Line of edition: 15 ალა ესერ მჷცხი მერმუც ა̈მჴედე̄ლი, მჷხა̈რ ესერ ხოჩა გუ̂ი ხედი.
Line of edition: 16 აჯაღ ესერ უ̂ოხუ̂იშდ ზა̈ჲ ქა̄დზჷგრას, ეჩქ' ე̄სერ მიჩა ხაზა̈ინსუ ხე̄ქუ̂:
Line of edition: 17 "ჯ' ე̄სერ ღჷრი ა̈გითე, ჯო̈გს ესერ ქა იყუ̂ლე მიჩა. მიჩ ესერ ა̈გის
Line of edition: 18 დი̄-ჲ მუ ხორიხ". უ̂ადა ქო̄თზჷგრე ეჩას (უ̂ოხუ̂იშდ ზა̈ჲ ქა ხა̄რა ეჩი̄ცახა̈ნ),
Line of edition: 19 ეჩქა ხაზა̈ინს ხო̄ქუ̂ა: "მიჩა ღოლჲა̄ქა̈რ ა̈გითეუ̂ ადჲე!"

Line of edition: 20 უ̂ოხუ̂იშდ ზაუ̂ისგა ეშხუ ღოლჲა̄ქხა̈ნქა უ̂ოხუ̂იშდ აშირ ღოლჲა̄ქ
Line of edition: 21 ახფასა. ეჩქა ქო̄ხთიშა მიჩა ღოლჲა̄ქა̈რ, ა̈გითე ახყენა, შუკუ̂ისგა
Line of edition: 22 ჩუ̂ალყუ̂ინე̄ლიხ ღოლჲა̄ქა̈რ ი ჯაჲ. ეჩქა ხო̄ქუ̂ახ მიჩა დის ი მუს ა̈გის:
Line of edition: 23 "უ̂ადა მეშთხე ხა̄რ, უ̂ოხუ̂იშდ ზა̈ჲ ლჷზგჷრე ლი". ეჩქა მიჩა მუ ალგენე̄ლი,
Line of edition: 24 მიჩეშთე ალმა̈̄ზ. სგა ლახგენე̄ნა შუკუ̂ისგა მიჩა გეზალს ი ჯო̈გს.
Line of edition: 25 ქა̈̄მჩედე̄ლი [ი] ხო̄ქუ̂ა: "ჟიუ̂ ანჷ̄გა̈ნ ესერ!" ჟი დეშ ოხუ̂ჲა̈ცხუ̂ნა. "ალა
Line of edition: 26 ესერ ლჷდგა̈რ მჷრე̄ს ლი, ადო ესერ ჟი დო ჲეცხნი!" ეჩქა ჭჷშხა̈რს
Line of edition: 27 ახგუდუ̈რნე̄ნა, ლითჷრნე (\\ ლითრინე) ოხბინა. ეჩქას ჟ'ა̈მჲეცხე̄ლი:
Line of edition: 28 -- მა̈ჲ ესერ ეზერ ლაუ̂ჟა ხა̄რა! -- იმჟი ესერ? -- მიჩა მუს ხო̄ქუ̂ა,
Line of edition: 29 -- ლჷდგა̈რ ესერ ხახლე̄ნა. ეჩქას: -- მიჩა მა̈ზიგ[უ] ლახჴედა, იმუ̂ა̈̄ჲ
Line of edition: 30 ესერ ა̈მჴედე̄ლი ჯა, ჯო̈გ ესერ მინეშ ლიზ, ა̈გითეუ̂ ადჲე. ჯ' ე̄სერ
Line of edition: 31 უ̂ეშგდ ხოჭუ̂ე̄ნი. -- უ̂ეშგდ ესერ ნომაუ̂, ა̈გითეუ̂ ანჴა̈დ, მიჩა დის ესერ
Line of edition: 32 ხა̈წდუნი! -- ჯ' ე̄სერ შიშდ ა̈ნჴდენი.

Line of edition: 33 ეშხუ დალისუ̂ ჟ'ა̈ნჷრმე, ბარჯჟი ესდე ი უ̂ეშგდ ეტიხ. მიჩა მუდ
Line of edition: 34 ღოლჲა̄ქა̈რ ა̈გით' ა̄დჲე. ალ ბეფშუ̂ ჩუ̂ასა̈დ აშხუ̂ ა̈გის ცხეკისგა, ალ
Line of edition: 35 ჟინაღ ჩუ̂ა̈ძიჰ, ჟ'ანტყაბე, ლალემ, მა̈̄ჲ ხეკუ̂ა̈დ ეჯა. მე̄რმა ლადა̈ღ

Добавлено (2007-01-16, 2:11 Pm)
---------------------------------------------
ჟ'ანჷ̄გა̈ნ ი ესღრი სოფელთე. ამეჩუ კე̄სრი სოფელთეჲსგა ა̈თჴა̈დჷნ.
Line of edition: 37 ალას ჯა̈რ ლჷმა̄რე ხა̄რ ი ხელწფი ლალშგა̈რთე ესღრიხ. ალას
Page of edition: 383 Line of edition: 1 ათჩო̄ნა (კე̄სა̈რს): "ეშხუ მა̄რე ლა̈მქა̈მ!" ათხ' ა̄ჩა̈დხ ალჲა̈რ, ხელწფი
Line of edition: 2 ლალშგა̈რთე ესღრიხ. ჲარუ̂ ლა̈დღი ლე̄ზნა ქა̄ჩა̈დხ, ეჩქას კე̄სა̈რს
Line of edition: 3 ლა̈ხშყა̈დ "მიჩ ესერ სკიუ̂რ ათსედა ა̈გის, ეჩას ესერ ბა̄ზი ამაუ̂ ჲერუ̂ა̈̄ჲ
Line of edition: 4 ოხჴიდე, ეჩას ესერ, ეშხუ დი̄ნა ხორი, ეჩას ლახჰო̈დნე ხეხუ̂დ".
Line of edition: 5 ჩუ̂ადყურდახ. ჲა̈ს ხეჲმედო̄ლ ამაუ̂ ლიჴედ?

Line of edition: 6 ჟ'ანჷ̄გა̈ნ ეჯ ბეფშუ̂, ესფჷთხნა̄ლა̈̄ნ, მიმილდ ესსიპდა, ქა̈̄დპო̄რ
Line of edition: 7 ალა-ჲ კე̄სრი ყო̄რჟი ესბეთქ. სგა̄ჩა̈დ მურყუ̂ამთეჲსგა. დი̄ნა ამეისგა
Line of edition: 8 ა̈რი. ა̈ხოჩა ლე̄თ" ხე̄ქუ̂ ალას. -- იმნა̈რ ესერ ა̈მჴედე̄ლი? -- მიჩა მუს
Line of edition: 9 ოხზჷზა, სკიუ̂რა̈̄ლ ესერ ათსედა, ეჯ' ე̄სერ ქაუ̂ ლახუ̂ემ მიჩ. ბა̄ზი
Line of edition: 10 ესერ ამხუ̂ მეჴედდ მიჩა თხუ̂იმ ქა ლოჰოდა. -- მა̈ჲკა̈ლიბ მა̄რე [ესერ]
Line of edition: 11 ა̈მჴედე̄ლი, მიჩა მუ ლახ ლა̈ხჭუ̂ედდე̄დს? -- მა̈ჲ ესერ-ი ჩუ̂ესფჷთხნა̄ლე̄ნს,
Line of edition: 12 უ̂ოქუ̂რა̈ მიმილდ ესსიპდე̄დს, ეჯა ესერ ა̈მჴედე̄ლი, ეჯაუ̂ ხე̄ქუ̂
Line of edition: 13 მიჩა მუს.

Line of edition: 14 სკიუ̂რ ქა ლოჰოდა მიჩა დი̄ნას. ეჩქ' ა̈̄მჴედე̄ლი ყო̄რქა ი ელფჷთხნა̄ლე̄ლი
Line of edition: 15 ი უ̂ოქუ̂რა̈ მიმილდ ელსიპე̄ლი. ქა̈̄მჴედე̄ლი მიჩა ლაშგა̈რთე.
Line of edition: 16 ეჩქას კე̄სრი თხუ̂იმ ჩუ ლჷმყუ̂ინ, ჟი ლოხკი̄და ი ეჯ სკიუ̂რა̈̄ლ სგა
Line of edition: 17 ლოხუ̂და ლათხუმრა̈̄შთე.

Line of edition: 18 ჩუ̂ალრჷჰე̄ლი ი ჟ'ალგენე̄ლიხ. კე̄სა̈რს ხო̄ქუ̂ა: -- ჲა̈ს [ესერ] ოხჴი̄და
Line of edition: 19 მიჩა სკიუ̂რა̈̄ლ?
Line of edition: 20 -- მიჩ ესერ ოხჴი̄და, მიჩა ჩა̈̄ჟსუ ლახსინჯუ̂ე! -- აშხუ̂ ხო̄ქუ̂ა.

Line of edition: 21 ათხე ძუღუ̂აქა ხა̄რახ ლე̄ზი ხელწფი ლალშგა̈რთე. ძუღუ̂აქა შუკუ̂
Line of edition: 22 დეშ ოხთხახ. ჟი ლეჭუ̂ე̄ნი ხა̄რახ. ათხ' ა̈̄გითე ანჴა̈დ სერ, სგა̈̄მჩედე̄ლი
Line of edition: 23 მიჩა გეზალთე. ათხე̄ გზა̄უ̂რობ ჩუ მა̄დ ათმარჯუ̂ა. მიჩა თხუ̂იმ ქა
Line of edition: 24 ლოჰოდა.
Line of edition: 25 -- ჲა̈რ ესერ ა̈მჴედე̄ლი მიჩეშთე̄სგა, მა̈ჲკა̈ლიბ მა̄რე, ჩუ ესერ

Добавлено (2007-01-16, 2:12 Pm)
---------------------------------------------
თერ მოშ ეჩას?
Line of edition: 27 -- მიჩაუ̂ მა̈ზიგ ლახჴედა! მიჩეშთე უბრალო მა̄რე მა̄მ ა̈მჴედე̄ლი.
Line of edition: 28 -- ჲაღო მა̈ჲკა̈ლი ლჷმა̈̄რ?
Line of edition: 29 -- ეჯ' ე̄სერ ლჷმა̈̄რ: ჩუ̂ესფჷთხნა̄ლე̄ნს ი უ̂ოქუ̂რა̈ მიმილდ ესსიპდე̄დს,
Line of edition: 30 აჯაღ ჩუ̂ესფჷთხნა̄ლე̄ნს, მა̄რად ესსიპდე̄დს, ჩი̄ჟე ეჩასუ ხე̄ქუ̂.

Line of edition: 31 ქა̄ჩა̈დ ი ლაშგა̈რს ხე̄ქუ̂, ერე "ამკა̈ლი-ჲ ამკა̈ლი მა̈რე ა̈მჴედე̄ლი
Line of edition: 32 მიჩა დი̄ნათე̄სგა. ჲა̈ს ხა̈ჲმედა (\\ ხა̈მჲედა) ეჩი̄ ლიჩუ̂მე? -- ხე̄ქუ̂ ალა.
Line of edition: 33 იფთხჷნა̈̄ლხ, მარე და̈̄რ ისპი [უ̂ოქუ̂რა̈ მიმილდ].

Line of edition: 34 ქა̄ნჴა̈დ ალ ბეფშუ̂, ესფჷთხნა̄ლა̈̄ნ ი უ̂ოქუ̂რა̈ მიმილდ ესსიპდა, აჯაღ
Line of edition: 35 ესფჷთხნა̄ლა̈̄ნ, მა̄რად ესსიპდა. ეჩქა კე̄სა̈რს ხო̄ქუ̂ა: "მიჩა ჩი̄ჟე [ესერ]
Line of edition: 36 ლი ჯა". სგა ლახგუდირნე̄ნა მეჴა̈რს, სგო̄თგენა მურყუ̂ამთე̄სგა. ათხე
Line of edition: 37 დი̄ნაცახა̈ნ ა̈რი.

Page of edition: 384
Line of edition: 1 დი̄ნა ჩუ̂ა̈დღანუ̂ა̈̄ნ, ჭყინტ ა̈ხთენა̈̄ნ. ათხე ალ ჭყინტ ლა̈შდრა̈ლთექა
Line of edition: 2 მეჴდე ლიზ. [ჭა̈შ] ჩუ ლჷმყუ̂ინ ლი, მიჩა ხეხუ̂ თხუმრა̈̄შს ხასგუ̂რე̄ნა,
Line of edition: 3 ეჩქა ლი̄ცუ̂ნა̈̄ლ ოთბინა ჭა̈შს. მიჩა ხეხუ̂ს ხო̄ქუ̂ა, ერე "იმ
Line of edition: 4 ესერ ი̄ცუ̂ნა̈̄ლ?" ეჯ ბეფშუ̂ გუ̂ამა̈რჟი ხასგუ̂რე̄ნა.
Line of edition: 5 -- იმ ესერ ი, მიჩა მა̈ზიგ[უ] ლახჴედა, მეჩი დი̄-ჲ მუ ხორი ა̈გის.
Line of edition: 6 მინს ესერ ეშხუ ღოლჲა̄ქ ხარდე̄ნახ. ეჯ' ე̄სერ ოხჴი̄და ლაჯოგთე,
Line of edition: 7 უ̂ოხუ̂იშდ ზაუ̂ისგა უ̂ოხუ̂იშდ აშირდ ოთგენა. ა̈გითე ესყე̄ნა, ეჩქა შუკუ̂ისგა
Line of edition: 8 ჩოთყუ̂ინა̄ლა, ჯაჲ ჩუ̂ალყუ̂ინე̄ლი ი ჩუ̂ალუ̄ჟნე̄ლი. ეჩქა მიჩა მუ
Line of edition: 9 ა̈მჴედე̄ლი ა̈გიხა̈ნ. ჯა ჩუ ლჷმუ̄ჟინ, ეჩქა მიჩ ი̄სნაუ̂ ლახი̄სნაუ̂ა. ეჯ
Line of edition: 10 ი̄სნაუ̂ს ლა̈დი ხა̈წდა.
Line of edition: 11 -- ეჯა მა̈ჲ ლიზ? -- მიჩა ხეხუ̂ს ხო̄ქუ̂ა.
Line of edition: 12 -- მა̈ჲ ესერ-ი ნებგუ̂აჟინ მიჟ ხა̈წდა, გუ̂ამა̈რჟი ესერ ანტყუ̂ა̈სგ
Line of edition: 13 ხა̈წდა. ეჯას ესერ ლა̈დი თანშუ̂ ხა̈წდა. მიჟ ესერ ჯა ლი, მიჩა მა̈ზიგ[უ]
Line of edition: 14 ლახჴედა. ანტყუ̂ა̈სგ ესერ ბეფშუ̂ ლი, გუ̂ამა̈რჟი ხეშდრა̈̄ლ.
Line of edition: 15 -- ალა ესერ ტკისდ ხა̈წდა ი̄სნაუ̂ს ი ალა ლჷმა̈̄რ მო ლე̄ცუ̂ნა̈̄ლ?
Line of edition: 16 -- ალა ესერ, ამჷნქა ესერ მა̄მგუ̂ეშ.
Line of edition: 17 -- ჩუ ესგე, მიჩ ესერ დი̄ჲ-მუ ხორი მო? -- მიჩა ხეხუ̂ ლახჭუ̂ედნა.
Line of edition: 18 -- დი̄-ჲ მუ ესერ ჩუ ხორი მიჩ ა̈გის.
Line of edition: 19 -- ლამუ̂არს ლირდე შგუ̂ირ ლიზ, ლა̈მთილთეუ̂ ადჲე სერ.

Line of edition: 20 ანჷ̄გა̈ნხ შიშდ მე̄რმა ლადეღ. ქუ̂ერწილ-მა̄რე ლოხჴერნე. ანღრიხ

Добавлено (2007-01-16, 2:12 Pm)
---------------------------------------------
ათხე ა̈გითე ლჷხა̈ხუ̂-ლჷგზა̈ლდ. ა̈გით' ა̄ნჴა̈დხ ალჲა̈რ. მიჩა დის ი მუს
Line of edition: 22 საბრალდ ხა̄რხ: ღოლჲა̄ქა̈რ ჩუ მეშთხე ხა̄რხ, ლჷრექუ̂ ხოლა̄მდ ლიხ.
Line of edition: 23 მინე გეზალდ ლახტუ̂ი̄ლ ყო̄რხა̈ნისგა: -- შუ̂იდბა ესერ ხა̄რხ მო?
Line of edition: 24 -- შუ̂იდბა ესერ ხა̄რხ. -- ეჯჲა̈რდ ლახტიხხ. ეჩქა ხო̄ქუ̂ახ, ერე
Line of edition: 25 -- მინს ესერ გეზალ ჩუ̂ათქარუ̂ე̄ნახ, მინს ესერ გეზალ იმხა̈ნ
Line of edition: 26 ოხჴედნიხ?
Line of edition: 27 -- ჯ' ე̄სერ მინე გეზალ ლი, ღედ ნომაუ̂ ხა̄რხ!
Line of edition: 28 -- სგა̈̄მჩედლი ქორთე, სგა̄ხშჷ̄დახ მიჩა დი̄-ჲ მუ. ათჩო̄ნახ გუნ.
Line of edition: 29 "ათხ' ე̄სერ იმშა ღედ ხა̄რხ მინს. ხეხუ̂ ახყა ი გეზალი".

Line of edition: 30 ალას ათხე თეთრ მასა̈რდ ხუღუ̂ა. ხოჩა ლარდა ოხყიდ. ამხაუ̂თეჲსგა
Line of edition: 31 ადგენა̄ლე ალჲა̈რ, ამეისგა ათხე (\\ ათხა) ხოჩა სტოლ ესუ̂გე.
Line of edition: 32 ხოჩა ლეზუ̂ებ-ლეთრე. "ათხე ესერ ჩუუ̂ სგურდახ, ხოჩა გუ̂იუ̂ ლა̈ჲდეხ!"
Line of edition: 33 ალჲა̈რდ ხოჩა ლიზგე-ჲ ლირდე ა̈დჴიდხ. სერ მა̄მა ლიზ. ლჷმზჷრეუ̂
Line of edition: 34 ხი.

Line of edition: 35 სერ მე̄რმა ა̈ჯი̄მბუ̂ი.

Line of edition: 2 ზანულ ა̈დილგერი უ̂ა̈რგ ლჷმა̈̄რ ეზერ. ოთკუ̂ი̄ჰა თაფუს, ერე ხი̄რუ̈ლ
Line of edition: 3 მა̄რე ლჷმა̈̄რ: "ეჩხაუ̂ ესერ ღჷრი ლაჭუ̂ნუ̈რდ, ლა̈ხი̄რულდ".

Line of edition: 4 ა̈მჩედე̄ლი ეჩი̄ სოფელთე. სგა̈̄მჩედე̄ლი, ეჩქა სოფელ ლჷზუ̂ერ ლჷმა̈̄რ.
Line of edition: 5 ზანულ ა̈დილგერი ნე̄სგაისგა ლჷმგენ, ლჷმზელა̈̄ლ ლეჟა-ლექუ̂ა,
Line of edition: 6 ლჷმთუ̂ე́დიე̄ლ. ჯა (თაფუ მუჭნური) ჩუ̂ელგენე̄ლი, "ხოჩა ლადეღ"
Line of edition: 7 ხო̄ქუ̂ა. -- შუ̂იდებდუ ესერ ლახჴედა ჯა! თაფუ ესერ ლი მო ჯა? ლიჭნური
Line of edition: 8 ესერ დამ ხოხა? -- ადუ ესერ, მიჩა[უ̂] მა̈ზიგ ლახჴედა. -- სგო̄თხუ̂ჲა
Line of edition: 9 უ̂ოთა̈ხთეჲსგა, ჭუნირ ლოჰოდა. ლიჭნური ოთბინა თაფუს. ჰა̈დურდ სოფელ
Line of edition: 10 სგალახშჷ̄და ლაჰუ̂ნა̈რდ. ზანულ ა̈დილგერი სგა̈̄მჩედე̄ლი,
Line of edition: 11 სჷა ლახსგურე̄ნა. ბა̄ზი თაფუ ამეჩუნ ა̈მსედე̄ლი. ა̈დილგერი̄შდ ხო̄ქუ̂ა,
Line of edition: 12 ერე
Line of edition: 13 -- ჯ' ე̄სერ ეზერ უ̂ა̈რგ ლი მარე აშხუ̂ გუ̂ეშს ხეცხი̄და̈̄ლ.
Line of edition: 14 -- იმ ესერ? -- თაფუ̈̄შდ ხო̄ქუ̂ა.
Line of edition: 15 -- იმ ესერ-ი დ' ე̄სერ ხეხუ̂ ხორი, დ' ე̄სერ მჷ̄ზნა̈ნი ხაყა. მიჩაკა̈ლი
Line of edition: 16 უ̂ა̈რგს ალა მა̄მა ხესგუ, ხეკუ̂ეს ერე ქა̈̄დჩი̄ჟე̄ნს.
Line of edition: 17 -- მიჩაკა̈ლჲა̄ქა̈შ ხეხუ̂ [ესერ] დე̄მე ხოცჷხ. -- თაფუს ხო̄ქუ̂ა, ერე
Line of edition: 18 -- მიჩ ესერ ხოცჷხ მიჩაჲა̄ქა̈შ ხეხუ̂. -- იმე ესერ ხოცჷხ? -- ყოშყაშა.
Line of edition: 19 ეჯჲა̈რს ესერ ხორიხ ეზერ დი̄ნა, მიჩა ხეხუ̂დ ეჯას ხაყა. -- ჲაღო
Line of edition: 20 ესერ, მიჩა მა̈ზიგ[უ] ლახჴედა, ნიშა̈ნჲა̄ქდ უ̂არჩხილს ლაჰო̈დი მასა̈რდ,
Line of edition: 21 ქაუ̂ ოთჴიდ დი̄ნას!

Line of edition: 22 ხოშა კოლეფ ლოჰოდა. დი̄ნა̈̄შდ ოთზჷზა. ქო̄თჴი̄და თაფუს
Line of edition: 23 ეჯნა̈რდ.
Line of edition: 24 -- ალ' ე̄სერ ჲა̈ს ოხზჷზა? -- დი̄ნას ხო̄ქუ̂ა.
Line of edition: 25 -- ზანულ ა̈დილგერის [ესერ] ოხზჷზა ნიშა̈ნდ: იშგუ̂ემ ესერ
Line of edition: 26 ხეხუ̂დ მიჩ.
Line of edition: 27 -- ჲაღო ესერ, მჷხა̈რ ესერ ლერქუ̂ა̈ლს ოხშხებიე̄ლნე, ქაუ̂ ოთჴიდ
Line of edition: 28 ეჩას, უ̂ა̈რგს.

Line of edition: 29 ლახა̄გა̈ნ ალ დი̄ნა, ლერექუ̂ მა̈გ ჟ'ოხშხებ, ეშხუ მჷდრა̈ჴ ანჩუ̂მინ:
Line of edition: 30 -- ალჲა̈რ ესერ მა̈გ ქა̄უ̂ ოთჴიდ! -- თაფუს ლახუ̂ემ. -- ათხ' ე̄სერ მიჩა
Line of edition: 31 მა̈რგია მა̄მა ირახ, მარე მჷ̄ზნა̈ნი ესერ ხეყე̄ნი, ეჩი̄ ლერქუ̂ა̈ლ ესერ
Line of edition: 32 ხე̄რა. ალა ესერ, მჷდრა̈ჴ, ქაუ̂ ლახუ̂ემ. ლახ ესერ იმთე ა̈დჷნგზა̄უ̂რე̄ნს,
Line of edition: 33 ჩა̈̄ჟს ლახ ხაჴჷდეს, ჩუ ლახ აქუ̂ეცს, ეჩქა ესერ მე̄რმე მა̄რე ჴედნი
Line of edition: 34 ლაშგომთე მიჩა.

Line of edition: 35 ლერქუ̂ა̈ლ სგა̈̄დქუ̂ა̄ლე: მა̈გ მიჩა ტა̈ნჟი ნაცბუ̄რშა̄ლ ოხჴა̈დ. -- მიჩაუ̂

Добавлено (2007-01-16, 2:13 Pm)
---------------------------------------------
მა̈ზიგ ლახჴედა, -- თაფუს ხე̄ქუ̂, -- ალას ესერ ჩუ ხაყა მიჩა ხეხუ̂დ.

Page of edition: 386
Line of edition: 1 ათხე ანჴა̈დ-ი თაფუ ქა̄ტა̈ხ უ̂ეშგდ. სერ ზანულ ა̈დილგერი აჩა̈დ,
Line of edition: 2 აფხნეგ ლა̈ჲჴერნე, ლანგზა̄რაუ̂დ აჩა̈დ. მჷდრა̈ჴ შჷნ ხუღუ̂ე. ჩა̈̄ჟს ხაჴიდ
Line of edition: 3 ი მჷდრა̈ჴ ჩუ̂აქუ̂ა̈ც. მიჩა ხეხუ̂ს ოხჭირა, ერე "ლახ ესერ მჷდრა̈ჴ ჩოთქუ̂ეცს,
Line of edition: 4 ეჩქა მიჩა მუშგუ̂ემ ესერ ჴედნი. ეჩქა მაყალ ლახა̄დ. ა̈მჴედე̄ლი
Line of edition: 5 ეშხუ მა̄რე, ლახჴერნა, მიჩა ლა̈მთილთე (დი̄ნათე) ლი̄ზი ლოხუ̂ბინა.

Line of edition: 6 ელმა̈̄ზხ, ეჩქა ეშხუ მა̄რე ლჷმა̈რდლიხ ლჷდგა̈რ შუკუ̂ისგა, ეშხუ
Line of edition: 7 ტა̈ხ, ეშხუ ჩა̈̄ჟ. ათხე ა̈მჴედე̄ლიხ ალჲა̈რ ი ტა̈ხ ქო̄თკუ̂არახ, მა̄რე ი
Line of edition: 8 ჩა̈̄ჟ ჩოთშდუღუ̂ახ. ათხე ალჲა̈რს ჟ'ესჭო̄ნახ: "მინე გზა̄უ̂რობ [ესერ]
Line of edition: 9 გზა̄უ̂რობ მა̄მა ლი" ი ა̈გითე ა̈მტეხე̄ლიხ.

Line of edition: 10 მე̄რმა ლადეღ აჯაღ ქა̄დ ლახტეხახ მიჩა ლა̈მთილთე. ელმა̈̄ზხ.
Line of edition: 11 ამეჩუ, იმუ̂ა̈̄ჲ ა̈გის ჩა̈̄ჟ ი მა̄რე ჩუ̂აშდუ̈ღხ, ეჩეჩუ სგა ლახტყუბე̄ნახ
Line of edition: 12 ფი̄ფაშა̄ლ. სგა̈̄მჩედხ ეჩხაუ̂, ეჯ სოფელთე, მიჩა ლა̈მთილა̈შ. ამეჩუ მახეღუ̂ა̈ჟ
Line of edition: 13 ესხუ̂იე̄ნახ ი აქა̈̄ნი ოხკი̄და.
Line of edition: 14 -- მა̈ჲ ამბა̈უ̂ [ესერ] ლი მიჩა სოფელს?
Line of edition: 15 -- კე̄სა̈რშა ესერ ა̈მჴედე̄ლიხ მიჩა დი̄ნა̈̄ ლაშგომთე, ყოშყაშე̄რ
Line of edition: 16 დი̄ნა̈̄ ლაშგომთე. ქუ̂ერწილ ესერ, ლი ი ეზერ ლარდა ლი მინე
Line of edition: 17 სოფელს.
Line of edition: 18 -- ბა̄ზი ესერ მინ ჲარუ̂ მა̄რა სგა ლა̈ჲმუშგუ̂რი[ხ].
Line of edition: 19 -- ბა̄ზი ესერ მინეშმჷყ ირდიხ, მა̈ჲ მიზეზ ი̄რა. -- სგო̄თჴერნა ეჯ ლე̄თ
Line of edition: 20 ი ჩა̄ჟა̈რს ჩუ̂ახქეხახ. -- ჲაღო ესერ, ათხე დი̄ნათე ღჷრი მოშ! -- ჭყინტს
Line of edition: 21 ხო̄ქუ̂ა. ნა̈ქუ̂ცულ მჷდრა̈ჴ შჷნ ხუღუ̂ა̈̄ნ. ჩიქე ჟ'ანსუ̂იბდ, ეჩანღო დი̄ნას
Line of edition: 22 ლა̄ხო მჷდრა̈ჴი ნა̈ქუ̂იც!" სგა̄ჩა̈დ ალა ამხაუ̂თეჲსგა. ლჷჴმელე
Line of edition: 23 ხა̄რხ ლემესგ. ა̈ჟიუ̂ ანრჷჰეხ, ჯ' ე̄სერ ისუ̂ბინი ათხე". ჟ'ალსუ̈ბნე̄ლი
Line of edition: 24 ყოშყაშე̄რ დი̄ნა̈̄ სგუ̂ებინჩუ. ათხე დი̄ნად ხე̄ქუ̂ ჭყინტს: "უ̂ეშგიმხა̈ნუ
Line of edition: 25 [ესერ] ანჴა̈დ, ლაჴუ̂რახა̈ნ, ლაგჷრგა̈ლდ". ეჯ ჭყინტ უ̂ეშგიმხა̈ნ
Line of edition: 26 ა̈მჴედე̄ლი. დი̄ნას ხო̄ქუ̂ა, ერე "ჲა̈რ ესერ ხორი ბა̄ზი მუშგუ̂რა̈ლდ?"
Line of edition: 27 ა̈ჲა̈რ ესერ ი, მიჩა მა̈ზიგუ ლახჴედა მიჩ, ეჯნოშ ესერ დეშ ჴედნია
Line of edition: 28 გუდ, მიჩა ნაჩომ მჷდრა̈ჴ ჲერუ̂ა̈̄იშდ ლოხოდა?" -- ჩუ̂ა̈მტეხე̄ლი ჭყინტ:
Line of edition: 29 "მჷხა̈რ ესერ ესყახ. მიჩ ესერ ა̈დილგერი̄შთე ხოცხა ლი̄ზი ხეხუ̂დ".

Line of edition: 30 მჷხა̈რ ჩუ̂ა̈დრჷჰა̈̄ნ. ესყახ ალ დი̄ნა კე̄სა̈რშე̄რ. ანჷ̄გა̈ნხ ზანულ ა̈დილგერი

Добавлено (2007-01-16, 2:14 Pm)
---------------------------------------------
ი მიჩა აფხნეგ, ჩა̄ჟა̈რ ანჰჷნგრეხ. ათხე ოხბინეხ ლი̄ცუ̂ა̈̄ლ ალჲა̈რდ.
Line of edition: 32 დი̄ნა ესყახ ეჯჲა̈რს. ეჩქა ხეხუ̂ს ხე̄ქუ̂ხ, ერე "კალონშუ̂ ი სამჷრთალშ[უ̄უ̂]
Line of edition: 33 ესერ ახა̄დხ". ათხე ალჲა̈რს დი̄ნა ჩუ ხაყახ ლჷჩრაუ̂ად. მა̄რა̈̄ლ
Line of edition: 34 აფიშუ̂დხ ქა, ჲეშდჲორი მა̄რე. ათხე დი̄ნას ლა̈ხჭუ̂ედდახ, ერე
Line of edition: 35 -- იმთე როქ ხოცხა ლი̄ზი?
Line of edition: 36 -- მიჩ ესერ ხოცხა ეჩხაუ̂ ლი̄ზ'-ე̄, მა̈̄ნკუ̂ი̄ ნაშგომთე.
Line of edition: 37 -- ჲაღო ესერ, ჩ[უ̄]უ̂ ა̈დსამართლა̈̄ნ, ხოშა ნაჭუ̂ლაშ ესუ̂ა̈̄ჲს ხოჴი̄დე̄ნს,
Line of edition: 38 ეჩხაუ̂ აჩეს.

Page of edition: 387
Line of edition: 1 ლა̈ხჭუ̂ედდახ ზანულ ა̈დილგერის: ეშხუ უ̂ოქუ̂რა̈ კოლეფ ოხზჷზა,
Line of edition: 2 ეჩჷნქა მა̄მგუ̂ეშ. კე̄სა̈რშე̄რ აშირ მა̄რე ოხზჷზახ ნაჭუ̂ლაშდ. "ალ' ე̄სერ
Line of edition: 3 ჟიუ̂ ა̈ნლაგუ̂ნა̈̄ნ, ხედუ̂ა̈̄ჲ ხოშა ირახ, ეჩისუ ხა̄დ ხეხუ̂დ!" ოხუ̂ლაგუ̂ნახ
Line of edition: 4 ი ეჯას ოხსერა -- უ̂ოქუ̂რს. ეჩქა ეჯ დი̄ნა ზანულ ა̈დილგერის ესსედა
Line of edition: 5 ხეხუ̂დ. ათხე ჩუ̂ა̈მყუ̂ელე̄ლიხ. ხეხუ̂ ა̈დილგერის ოთხუ̂ჲა ა̈გითე. ლჷმზჷრეუ̂
Line of edition: 6 ხი.

Добавлено (2007-01-16, 2:14 Pm)
---------------------------------------------
Text: 170
Page of edition: 387
Line of edition: 7
170. მურჭუ̄ლი̄დ

Line of edition: 8 ხელწიფს ხორდა მიჟიუწდუნა სი̄მაქ. მა̈გ ალას იშგომდა, მარე ქა
Line of edition: 9 და̈̄ს ლახუ̂ე̄მ. აშხუ̂ ლადა̈ღ სი̄მაქ ლანყაუ̂ა̄ლთ' ა̄ჩა̈დ მიჩა უ̂ა̈ზრა̈ლცახა̈ნ.
Line of edition: 10 აშხუ̂ მინდუ̂ერისგა მჷხმჷ̄რის ხეწა̈დ, ხედუ̂ა̈̄ჲს ხეყა̈̄დ სემი ხოჩა
Line of edition: 11 ლესგდი გოჭა̈რ. სი̄მაქდ ხაშგუ̂მინ: -- ქა̄უ̂ ესერ ლახუ̂ე̄მ ეშხუ გუ̂ეჭ.
Line of edition: 12 -- აშხუ̂ გუ̂ეჭს ესერ ეჩქა ლახუ̂ედი, ლახე ქუთუ̄ლა̈რთეჟი ტუ̂იტელ კა̈ნს
Line of edition: 13 ქა ლახწუ̂ე̄ნი. -- ალა დი̄ნად ა̈დუ̂ა̈შგდე, მარე იშგანღა მჷხმჷ̄რიდ დე̄მღა
Line of edition: 14 ლახუ̂ე̄მ. ეჩქას უ̂ა̈ზრა̈ლდ ხა̈̄ქუ̂ხ მიჟიუწდუნა სი̄მაქს: "მა̈ჲ ესერ
Line of edition: 15 ი̄რა, ლახ მჷხმჷ̄რის ქუთუ̄ლა̈რთეჟი ტუ̂იტელ ქა ლა̈ხწუ̂ე̄ნ' ეჯღა?"
Line of edition: 16 დი̄ნად ქა ლახწუ̂ე̄ნე მა̈გ ქუთუ̄ლთეჟი მჷხმჷ̄რის ი მჷხმჷ̄რიდ ქა
Line of edition: 17 ლახუ̂ე̄მ ამღა გუ̂ეჭ. მე̄რმაჟი̄ნ აჯაღ ათა̄სდ ალ დი̄ნა მჷხმჷ̄რის. აჯაღჷდ
Line of edition: 18 ხაშგუ̂მინ:
Line of edition: 19 -- ეშხუ გუ̂ეჭ ესერ ჩუ̄უ̂ ათყიდ.
Line of edition: 20 -- გუ̂ეჭს ესერ დე̄მღა ჰო̈დი, ეჩჷნქე̄, ლახ ესერ სი̄მაქ ლა̄რტყანჩუ
Line of edition: 21 ტუ̂იტელ დო ლა̈ხწუ̂ე̄ნი. -- ალა სი̄მაქდ ა̈დუ̂ა̈შგდე̄დ, მარე ლახ მო̄მგუ̂ეშ
Line of edition: 22 ოთჩა̈დ სგუ̂ებდ, ქა ლეწუ̂ე̄ნე ხა̄დ მა̈გ ლა̄რტყანჩუ. გუ̂ეჭ ქა̄დ
Line of edition: 23 ლახუ̂ე̄მ.

Line of edition: 24 მე̄სმაჟი̄ნ აჯაღ ლა̈ხტა̈ხ დი̄ნა ი აჯაღჷდ ხაშგუ̂მინ მე̄სმე გუ̂ეჭ, მარე
Line of edition: 25 ჭყინტდ ხა̈̄ქუ̂ ა̈ლა̄რტყანჟი ესერ ქა̄უ̂ ლახწუ̂ე̄ნე მა̈გ ი ქ' ე̄სერ
Line of edition: 26 ხაჰუ̂დი". ალა ჰა̈დურდ მასა̈რდ ა̈დუ̂ა̈შგდე დინად, მარე მა̄მგუ̂ეშ ოთჩა̈დ
Line of edition: 27 სგუ̂ებდ ი ქა ლეწუ̂ე̄ნე ხა̄დ. დი̄ნას ლერსგუ̂ან ლუსუ̂ ჟიქა̄ნ ნიშა̈ნ
Line of edition: 28 ხა̄გა̈ნ. ალას მჷხმჷ̄რი ქა ხეწა̈დ ი ჩუ̂ა̈დნა̈ცხე.

Line of edition: 29 აჩა̈დ ხა̈ნ ი ხუ̂ა̈ჲ მა̄მა ი აშხუ̂ ლადა̈ღ ალ ჭყინტს ა̈ფიცარ ლახხუ̂ი̄დ
Line of edition: 30 ი ლა̈ხჭუ̂ედდა: "იმთ' ე̄სერ ესღრი?" ა̈ფიცარდ ხა̈̄ქუ̂: -- იმთ'
Line of edition: 31 ესღუ̂რი ი ხელწიფ ა̈წუ̂ი̄ლე მიჩა დი̄ნას, მარე ეჩის გარ ხაჰუ̂დი
Line of edition: 32 [ხახუ̂დ-ე́], ჲერუ̂ა̈̄ჲ ჩუ მოშ ა̈თხო̄ლი, იმე დო ხა̄გ მიჩა დი̄ნას ნიშა̈ნ.
Line of edition: 33 -- ეჩი̄ ნიშა̈ნს ლახ მი ჯა̈̄ქუ̂ნინე, იმ ლამჰუ̂ედნე? -- მა̈̄ჲ ჯეკუ̂ეს,
Line of edition: 34 ეჩის ჯაჰუ̂დი სური̄. -- ჲაღო სი რა̈შ ჯაყა, ალაჲ ქა ლა̄მო ი აჯაღ
Line of edition: 35 ემაქმ ამეჟი ათა̈ს მანა̈თ ი ღო ქა ჯა̈̄ქუ̂ნი. მა̈ჲ ნიშა̈ნ ეჩის ხა̄გ. -- ა̈ფიცარს

Добавлено (2007-01-16, 2:15 Pm)
---------------------------------------------
გუნ ათმა̈ჭრჷნდა რა̈შა̈ ლიჰუ̂დი, მარე დი̄ნა̈̄ მალატდ მა̈გ ათჩომა̈̄უ̂ნე
Page of edition: 388 Line of edition: 1 ი ქა ლახუ̂ე̄მ. ეჩქას ჭყინტდ ხა̈̄ქუ̂: "მიჟიუწდუნა სი̄მაქს, ჲაღო,
Line of edition: 2 მჷრთენ ბარჯჟი ხა̄გ მეშხე ნიშა̈ნ".

Line of edition: 3 ალ' ა̈̄ფიცარს გუნ ათხი̄დჷნ ი აჩა̈დ ხელწიფიშთე̄სგა. ხელწიფს
Line of edition: 4 ხა̈̄ქუ̂: -- მი მიხა ისგუ̂ა დი̄ნა̈̄ ნიშა̈ნ. -- ჲაღუ̂ ე̄სერ ქა̄უ̂ რა̈̄ქუ̂! -- ისგუ̂ა დი̄ნას
Line of edition: 5 მჷრთენ ბარჯჟი მეშხე ნიშა̈ნ ხა̄გ. -- ხელწიფდ რა̈̄ქუ̂: "ჰა̈დურდ ამჟ'
Line of edition: 6 ესერ მა̄მა ლი, მარე მე̄რუ̂ა̄ლე ნა̈მსგიდან ესერ ეში̄ ალა ხოშა ფე̄დიას ა̈რი
Line of edition: 7 ტკიცცახა̈ნ ი ამღ' ე̄სერ ხაჰუ̂დი მიჩ დი̄ნას". მარე ამ დრო̈უ̂ს
Line of edition: 8 მჷხმჷ̄რიდ ა̈ნკიდ ჰერ ი ხა̈̄ქუ̂: -- მიჩ ესერ ხოჩილდ ხოხალ ალ დი̄ნა̄
Line of edition: 9 ნიშა̈ნ. -- ჲაღუ̂ ე̄სერ ქა̄უ̂ რა̈̄ქუ̂! -- ალ დი̄ნას ესერ მურსგუ̂ენ ლისუ̂ ჟიქა̄ნ
Line of edition: 10 უ̂ოქუ̂რა̈ ნიშა̈ნ ხა̄გ. -- ალა ტკიცდ ამჟი ლა̈სუ̂, მარე დი̄ნა ეჯღაი̄
Line of edition: 11 მა̄დ ლახუ̂ე̄მხ ამის. ხელწიფდ რა̈̄ქუ̂: "ბა̄ზი აშხუ̂ უ̂ოთა̈ხისგა ა̈თყუ̂ინიდ
Line of edition: 12 ჲერქჷდა, ჰამს ხედუ̂ა̈̄ჲცახა̈ნ ირდი მიშგუ დი̄ნა, ეჩი̄ ხეხუ̂ ი̄რა".

Line of edition: 13 ამ ლე̄თ ხელწიფდ ძღჷდ ქეიფ აჩუ̂მინ. მჷხმჷ̄რიდ მა̄მგუ̂ეშ ლალე̄მ
Line of edition: 14 ხოჩა̄მ კამპეტა̈რჷნქა. ა̈ფიცარ ჟი უ̂ეთ ესბა̈ჭკუ̂ ლეზობ-ლეთრა. ალჲა̈რ
Line of edition: 15 ჩუ̂ადყურდახ. დი̄ნა შიშდ ა̈ფიცარს ლოხყურდა. ისგლე̄თი უ̂ონაქა
Line of edition: 16 ა̈ფიცარს ჴა̈დ ა̈ხშურა̈̄ნ, მარე ქა̄მაუ̂ ლა̄ზ მა̄მა ხა̄რ. ყო̄რა̈ლ ქა ლჷკილ
Line of edition: 17 ლიხ. მჷხმჷ̄რი კამპეტა̈რს იზბი. ა̈ფიცარ ლა̈ხჭუ̂ედდა: -- იმ ესერ იზბი?
Line of edition: 18 -- იმ ი ლე̄თი ლეზუ̂ებს ჟი უ̂ეთ ესუ̂ებჭკუ̂, ათხე ქა̄მაუ̂ ლა̄ზ მა̄მა მა̄რ
Line of edition: 19 ი ხუ̂იდგა̈რი. -- "ფიცარს ალა ტკიც ლოხხალდა, ჟ'ანჷ̄გა̈ნ ი ჯაჲ ჟ'ესტა̈ხ
Line of edition: 20 მიჩა ქა̄მაუ̂ ნალა̄ზუ̂ს. ალას ხოლა ქუ̂ინ ოთჴანდა. დი̄ნა ამი̄ცახა̈ნ
Line of edition: 21 დეშ აგა̈ჭ ი მჷხმჷ̄რითე ა̈დსიპა̈̄ნ. ალას ხოჩა კამპეტრე ქუ̂ინ ეშ
Line of edition: 22 ხოდურდუნი.

Line of edition: 23 მე̄რმა ლადა̈ღ დი̄ნა მჷხმჷ̄რიცახა̈ნ ა̈ხგუ̂ა̈ბხ. ალა ხელწიფს ათუ̂ა̈შგდჷნ
Line of edition: 24 ი უ̂არ ხა̈̄ქუ̂ მჷხმჷ̄რის: "მიშგუ̂ა გეზალს ეჩქა ლაჯჰო̈დნე̄, ლახე,
Line of edition: 25 ათა̈ს რა̈ჭუ̂ მაყა ი ეჯჲა̈რს სამ ზაუ̂ისგა ეჯჟი ჟ'ემჷლდეღი, ერე აშხუ̂ი̄ლსი̄

Line of edition: 27 ამნე̄მ ალა ჩუ ჩუ̂ემინ. სგა ლა̈ჲბა̈რჲე ათა̈ს რა̈ჭუ̂ ი ადჲე. ჟი ლახსგურდა
Line of edition: 28 რა̈შს ი აჩა̈დ გოროდთე. ამჩუ ლახხუ̂ი̄დ ეშხუ დედბერ.
Line of edition: 29 ალა ლი გუდმეცა̈ლ. დედბერდ ხა̈̄ქუ̂: "იმთ' ე̄სღრი, სი მა̄რე?" ჭყინტდ
Line of edition: 30 ქო̄ხუმბაუ̂ე, იმუ̂ა̈̄ჲჟი ლა̈სუ̂ მიჩა გუ̂ეშ. დედბერდ ხა̈̄ქუ̂: "რა̈ჭუ̂ა̈ლს სი
Line of edition: 31 დეშ ხილდეღ, მარე აშხუ̂ ღუ̂აჭა̈რს ხუღუ̂ა სტუ̂ი̄რა̈ლ, ეჯჲა̈რისგა ეშხუ
Line of edition: 32 მაჰუ̂რე̄ნე ლი. ეჩას ე მოშ ჟი ხიყდი, ეჩქას ეჩი̄ ჰერშუ̂ ჩი̄ ჟი ხილდეღ,
Line of edition: 33 მა̄დეჲ დეშ". ჭყინტდ ალ სტუ̂ი̄რ ჟ'ა̈ნყიდ, ხოჩა ლერქუ̂ა̈ლ
Line of edition: 34 ქა̈̄ნცა̈̄დ, ლახსგურდა რა̈შს ი ატა̈ხ უ̂ეშგდ. უ̂ოდ-ი-უ̂ოდ ხელდეღ რა̈ჭუ̂ა̈ლს.
Line of edition: 35 სემი ლადა̈ღ ხოკა̈ლდა, ეჩქას ხელწიფდ მე̄რმე ლერქუ̂ა̈ლ
Line of edition: 36 ათქუ̂ა̄ლე ი აჩა̈დ მურჭუ̄ლი̄დთე ი ხა̈̄ქუ̂: -- ჩუ̄უ̂ ესერ ათყიდ ეშხუ
Line of edition: 37 რა̈ჭუ̂! -- რა̈ჭუ̂ს ესერ თეთრღა დე̄მის ჰო̈დი; მიჩ ესერ ეშხუ თუ̂ა̈ლ
Line of edition: 38 ხორი, ეჯა ქა̄უ̂ ლახუ̂ე̄მ ი ეჩქას ესერ ჩუ̂ათყიდნე. -- ხელწიფს გუნ
Page of edition: 389 Line of edition: 1 ათლო̄ნ, მარე მა̈ჲუ ხოჩუ̂მინა̈̄ნ? ქა ლეჰუ̂დი ხა̄დ. რა̈ჭუ̂ ა̈გით' ა̄დჲე. ისგლე̄თი
Line of edition: 2 უ̂ონაქა მურჭუ̄ლი̄დ ხელწიფი ჰა̈ზუ̂თე̄სგ' ა̄ნჴა̈დ, ლაჲშჷმე
Line of edition: 3 სტუ̂ი̄რ ი რა̈ჭუ̂დ ეშ წუ̂ისდ გარ ა̈ნკიდ ლაჴუ̂რაქა.

Line of edition: 4 მე̄რმა ლადა̈ღ ხელწიფდ მიჩა ხეხუ̂ ადზჷზე. ხელწიფი ხეხუ̂დ
Line of edition: 5 ხა̈̄ქუ̂: -- ჩუ̄უ̂ ესერ ათყიდ ეშხუ რა̈ჭუ̂! -- რა̈ჭუ̂ს ესერ თეთრღა დე̄მის
Line of edition: 6 ჰო̈დი; მიჩ ესერ ერ მჷსკა̈დ ხა̈̄ზ, ალა ქა̄უ̂ ლახუ̂ე̄მ ი ღო ქ' ე̄სერ
Line of edition: 7 ლახუ̂ედნე. -- ხელწიფი ხეხუ̂დ მჷსკა̈დ ქა ლახუ̂ე̄მ ი რა̈ჭუ̂ ა̈გით' ე̄სყა.
Line of edition: 8 ა̈გითეშა̈̄ლიდ მა̄დხუ̂ა̈ჲ ხოკა̈ლდა ქორთე̄სგ' ე̄ჩქას ესშუმე სტუ̂ი̄რ ი ალას
Line of edition: 9 რა̈ჭუ̂ ჩუ დამ ოთჩა̈დ. ცა̈რიე̄ლ ანტა̈ხ მიჩა ჭაშუ̂თე̄სგა.

Line of edition: 10 მე̄სმა ლადა̈ღ ხელწიფდ მიჩა დი̄ნ' ა̄დზჷზე. დი̄ნად ხა̈̄ქუ̂: -- ჩუ̄უ̂ ესერ
Line of edition: 11 ათყიდ ეშხუ რა̈ჭუ̂. -- თეთრღ' ე̄სერ დე̄მის ჰო̈დი. -- ჲაღო, მა̈ჲ ესერ
Line of edition: 12 ხაკუ? -- მა̈ჲ ესერ-ი მიჩ ესერ არშუ̂ილ ხა̈̄ზ, ეჯა ჩუ̄უ̂ ესცუ̂ირ ი რა̈ჭუ̂ს
Line of edition: 13 ესერ ქა ლახუ̂ედნე. -- დი̄ნად ალა გუნ ა̈დუ̂ა̈შგდე, მარე უ̂ეშგიმპილს
Line of edition: 14 იშგენ მა̄მგუ̂ეშ ოთჩა̈დ სგუ̂ებდ ი ჩუ ლეცუ̂რე ხა̄დ. დი̄ნად რა̈ჭუ̂ ჟ'ანკულთხნე
Line of edition: 15 ი ეჯჟი̄ნ ადჲე ქორთე. ლჷკილ ლარდაისგა ჩუ̂ათბეხ. აშუ̂მე
Line of edition: 16 მურჭუ̄ლი̄დ სტუ̂ი̄რს, ალა რა̈ჭუ̂ს ქა ხესმი, მარე მა̈ჲ ჩუ̂ემინას: ლუკულთხა̈ნ
Line of edition: 17 ლი ლჷკილ ლარდაისგა ი ქა ლა̄ზ დე̄მთე ხა̄რ.

Line of edition: 18 უ̂ეშგინპილი დრო̈უ̂ ერ ანჴა̈დ, ეჩქა მურჭუ̄ლი̄დ ჟ'ა̈ნმა̄რა̈̄ნ, სგა̄ჩა̈დ
Line of edition: 19 ხელწიფი ჰა̈ზუ̂თე̄სგა, რა̈შს ჟი ხასგურდ' ე̄ჯჟი. ალას დი̄ნა ქა ხეწა̈დ
Line of edition: 20 ი ჩუ̂ათირ, მე̄უ̂არ ლახლატჷნ, ჟ'აჩა̈დ ლჷკილ ლარდათე, ჩუ̂ადკარე
Line of edition: 21 ი რა̈ჭუ̂ ჟ'ანფუშდუ̄რე. მურჭუ̄ლი̄დდ ლაჲშჷმე სტუ̂ი̄რ ი რა̈ჭუ̂დ
Line of edition: 22 ეშ წუ̂ისდ ა̈ნკიდ ყო̄რქა. მურჭუ̄ლი̄დ რა̈ჭუ̂ა̈ლ მა̈გ სგა ლახბა̈რჲე. ხელწიფდ
Line of edition: 23 მიჩა ლიხჷლწიფ ალას ოთმა̈ზრე.

Line of edition: 24 ხოჩა ლირდე-ლიზგ' ა̈̄დჴიდხ ი ლჷმზჷრე̄უ̂ ხიშდ.

Добавлено (2007-01-16, 2:17 Pm)
---------------------------------------------
Text: 171
Page of edition: 389
Line of edition: 25
171. კო̄ბო̄ლ

Line of edition: 26 ლჷმზჷრეუ̂ ხიშდ ი ამჩუ ა̈რი კო̄ბო̄ლ. ამის ლახხუ̂ი̄დ წირო̄ლ.
Line of edition: 27 წირო̄ლდ ხა̈̄ქუ̂, ერე: -- იმთ' ე̄სერ ესღრი? -- ფეტუ̂რა მექუ̂რაშე̄რთე
Line of edition: 28 ესერ. -- ჯაჲუ ა̈დჴერნე ესერ! -- ანჴა̈დუ ესერ, ტამბაჩა̈ჲ მიჩა ჭჷშხა̈რ!

Line of edition: 29 ესღრიხ, ესღრიხ ი თეტე̄ნ ლახხუ̂ი̄დხ. ამისი ალა ხა̈̄ქუ̂ხ: "ანჴა̈დუ,
Line of edition: 30 ტამბაჩა̈ჲ მიჩა ჭჷშხა̈რ", აჯაღ ლახხუ̂ი̄დხ ლჷცხე̄ნ ნეზუ̂. -- ეჯაჲ სგაუ̂
Line of edition: 31 ლა̈ჲჴერნეხ! -- ანჴა̈დუ, ტამბაჩა̈ჲ მიჩა ჭჷშხა̈რ!" ესღრიხ, ესღრიხ ი
Line of edition: 32 ჭუ̂ე̄რ ლახხუ̂ი̄დხ. ალაჲ სგა ლა̈ჲჴერნეხ. მამუ̈ლი ლა̈ჲჴერნეხ.

Line of edition: 33 სგა̄დჰეხ ფეტუ̂რა მექუ̂რაშე̄რთე ი მამუ̈ლ ლაჴუ̂რათეჟი აჩა̈დ. კო̄ბო̄ლდ
Line of edition: 34 ხა̈̄ქუ̂, ერე "მამუ̈ლ ლაჴუ̂რაჟიუ̂ ესჷ̄გა̈ნ, კოლა̈ ტა̈ბ -- ჰა̈ზუ̂ისგა,
Line of edition: 35 ნეზუ̂ -- გუ̂ალისგა, თეტე̄ნ -- ჰაგა̈̄მისგა, წირო̄ლ ესერ იცხთეჟიუ̂ აჩა̈დ,
Page of edition: 390 Line of edition: 1 ჭო̈̄რ -- კერა̈ჲ ჩუქუ̂ა̄ნთე". კო̄ბო̄ლ სგა̄მე ყო̄რჟი ესჷ̄გა̈ნ, ა̈თუ ლიცდ გუ̂ეში.
Line of edition: 2 ეჯჲა̈რ ჩუ იუ̂ჟეხ. ა̈ლჲა̈რ ჩუ̂ა̈დრიგუ̂ა̄ლა̈̄ნხ ი ჟ'ანჲა̈ცხუ̂ნე კო̄ბო̄ლდ
Line of edition: 3 ფეტუ̂რა მექუ̂რაშა ღუ̂აჟა̈რ. ჟ'ანჷ̄გა̈ნ ი ლოხფუ̈̄ლ ლემესგს ი ჭო̈̄რდ
Line of edition: 4 ესბირტყლაუ̂ა̄ლე ი თე̄რა̈ლ ქო̄ხხჷპჷ̄რე. ათხე ა̈დშჷმ მიწა̄დს: "ა, ხოლა
Line of edition: 5 მუხუ̂ბე, მიწად!" ესჭომე აჯაღ ი თეტე̄ნს ათა̄გა̈ნ ი ჭჷშხჟინ
Line of edition: 6 ა̈თჴალა̈̄ნ. ათხე ესღრი, კოლა̈ ტა̈ბს ათა̄სდ, ესრა̈ღუ̂ ჩუ ი ფოყ
Line of edition: 7 ა̈დყუ̂იჩ. ესჭომე აჯაღჷდ ყო̄რქა, ქა̄მე ჰა̈ზუ̂თექა ი ანშყა̈დ წირო̄ლ
Line of edition: 8 იცხხა̈ნჩუ ი ხოჲა̈ხ თხუმ ი პა̈ნტდ ოთგენე. ათხე მე̄რმე მუხუ̂ბე ანღჷრდა
Line of edition: 9 ლაჭმუშ, ლახბიდ კო̄ბო̄ლდ ლიც მაფუა ჭჷშხა̈რისგა, ქა̄ხშიხ მა̈გ. კო̄ბო̄ლდ
Line of edition: 10 ხა̈̄ქუ̂ ჭუ̂ე̄რს, ერე "მა̄ლთეუ̂ ესერ აჩა̈დ, ჴა̈ნი მუფშუ̂დე და̈̄რ ესერ ა̈̄რიხ".
Line of edition: 11 ჩუ̂აჩა̈დ ი ჟ'ახტუ̂ი̄ლ მა̄ლს. ჟ'ანჴა̈დ მა̄ლ ი ჟ'ანფიშუ̂დ ჴა̈ნ, ჩუ̂ადჲეხ
Line of edition: 12 ლექუ̂ე̄რთე. ჩუ̂ადჷისენეხ ჴა̈ნ.

Line of edition: 13 კო̄ბო̄ლდ რა̈̄ქუ̂: "მიჩ ესერ თე̄რა̈ლ ხაკუ ლეჟ[ღ]პჷ̄რად". -- "წირო̄ლს მა̈ჲ
Line of edition: 14 ხაკუ?" -- "ჭინჭლა̈რ -- ლედუ̄წად". მა̄ლს ხა̈̄ქუ̂ხ, ერე "მიჩ ესერ მა̈ჲ ხაკუ?"
Line of edition: 15 -- "მიჩ ესერ მა̈ჲ ი ლეღუ̂ ხაკუ მა̈გ".

Line of edition: 16 ლჷმზჷრეუ̂ ხიშდ.

Добавлено (2007-01-16, 2:17 Pm)
---------------------------------------------
Text: 172
Page of edition: 390
Line of edition: 17
172. გა̄ბუ

Line of edition: 18 ლჷმზჷრეუ̂ ლი[შდ ი] ამჩუ ა̈რი გა̄ბუ. ხეხუ̂-ჭა̈შ ლჷმა̈̄რლიხ ი ეშხუ
Line of edition: 19 ბეფშუ̂ილდ ხარდე̄ნახ. დის-ი მუს ხო̄ქუ̂ახ მინე გეზალდ, ერე "ჟიუ̂ ესერ აჩა̈დ,
Line of edition: 20 დაჴა̈რუ ადსინჯუ̂ე, გა̄ბუს [ესერ] დო̄რ იქუ̂თა̈რდე̄დს!" ბეფშუ̂დ ხო̄ქუ̂ახ [აჯაღ],
Line of edition: 21 ერე "ლა̈სგმუნათე ესერუ ადჲე დაჴა̈რ". [ბეფშუ̂ ჟ'აჩა̈დ, ჟ'ა̈ნწუ̂ე̄ნე დაჴა̈რ
Line of edition: 22 ი ლა̈სგმუნათე ადჲე. ამის ხეწა̈დ] ჭჷრელ და̈̄უ̂, უ̂ო̄შთხუ̂ ლუთხუ̂იმ. ა̈მჴედ
Line of edition: 23 ჟიქა̄ნჩუ ი დაჴა̈რი მიჩა ფერიშ ხაყე̄ნა მა̈გ. და̈̄უ̂ს ლოხტუ̄ლა: "ჩუ̄ნყუ̂ს
Line of edition: 24 ღენ ა̈ნჴუ̂დენი, მიშგუ̂ა ლა̈სგმუნაისგა მუთუ̂ნა̈̄ლის იმჟიუ̂ ლადეღ ეჯგენა! დაჴა̈რ-უნყუ̂ს
Line of edition: 25 ალყჷრია̄ლუ̂ნად!" დაჴა̈რ ჩუ̂ადყჷრია̄ლუ̂ნეხ ი გა̄ბუდ ჲერ იმთე აშიდ
Line of edition: 26 ი ჲერ იმთე.

Line of edition: 27 -- ათხე მი̄-ჲ სი-უნყუ̂ს ა̈ლბჷრგიე̄ნდ.
Line of edition: 28 -- ა, ხოლა გა̄ბუ, მიწად, ადო ჩუ̂ა̈მდეხ!

Line of edition: 29 ათხე გა̄ბუ ოხწა̄დ ბეფშუ̂ს ი ჩუ̂ა̈ნდეხ და̈̄უ̂, უ̂ო̄შთხუ̂ თხუ̂იმ ქა̄თქუ̂იცხ
Line of edition: 30 მა̈გ. "ეშხუ თხუ̂იმ სგაუ̂ ესერ ლახცუ̂ირხ ი დაჴა̈რს ესერ ქა ხაჰუ̂დი ჩი̄!"
Line of edition: 31 -- თხუმა̈რ ქა̄თქუ̂იც მა̈გ და̈̄უ̂ს (სგა მა̄მ ლახცუ̂ირ თხუ̂იმ), დაჴა̈რ ა̈გითე ადჲე
Line of edition: 32 მა̈გ, ჩუ̂ადჭებდა̄ლე დარბა̈ზისგა. ჩუ̂ა̈დნა̈ბზა̈̄ნ ი [ხოჩა გუჟი] ჩუ̂ადყურდა.
Line of edition: 33 ჰამს ჟ'ანჷგა̈̄ნ [ი მიჩა დის ხაშგუ̂მინ]: "ქაუ̂ ა̈ნჷრბიე̄ლა̈̄ნ, ლალდა̈ღთე [როქ]
Line of edition: 34 ღჷრი" ... [მიჩა დი] ქა̈̄ნჷრბიე̄ლა̈̄ნ ი ა̈თუ დია̈რ ლუსუ̂ა̈რისგა ლახტყიპ
Line of edition: 35 [ბეფშუ̂დ] ...

Line of edition: 36 (დამთავრებული არაა)

Добавлено (2007-01-16, 2:21 Pm)
---------------------------------------------
Text: 173
Page of edition: 391
Line of edition: 1
173. და̈ლ ი უ̂ობურ დადა

Line of edition: 2 ლიხ სემი ლახუ̂ბა. ალჲა̈რს ხორიხ გუნ ლჷმბეც დი-ჲ მუ, ეჯჟი
Line of edition: 3 ლჷმბეც, ერე ქონება -- დეცე-გიმ, კუმა̈შ ი იშგენ მა̈გ მასა̈რდ ხუღუ̂ახ.
Line of edition: 4 გეზლი̄რე ხოჩა̄მდ ლირდი̄ გუ̄ღა დემგუ̂აშ აზა̄რეხ. დი-ჲ მუ ჩუ̂ათთაგანხ.
Line of edition: 5 ლაქუ̄ნაუ̂ა̄ლჟი გეზლი̄რს ესცუ̂ირხ ამბა̈უ̂, ერე "მინე ნარდა̈უ̂ ქა
Line of edition: 6 ლა̈ხშყეხ ი ხა̈ყრიხ, ლჷდგა̈რიშდ მა̈̄ჲ წეს ლი: ტჷტა̈ დია̈რ, ლაშდღუ̂ა̄ლ
Line of edition: 7 ი კათტაბა̈გ". გეზლი̄რდ მა̄მგუ̂ეშ ადზა̄რეხ: მა̈̄ჲ ქონება შუნ ხუღუ̂ა̈̄ნხ,
Line of edition: 8 მა̈გ მინე დიეშ-ი მუუ̂ე ლაშდღუ̂ა̄ლს, ტჷტა̈ დია̈რს ი კათტაბა̈გს
Line of edition: 9 ლახჴჷმრეხ. ლახუ̂ბას მა̄მგუ̂ეშ ესსა̈დხ: დე ქორ, დე გიმ ი დე კუმა̈შ;
Line of edition: 10 გუნ ა̈დღირბა̈̄ნხ ი ხეკუ̂ეს ერე აჩეხ იშგანთე ლა̈ლზიგა̄ლდ. სერ ხოშა
Line of edition: 11 მუხუ̂ბე̄მი ნა̄ქუ̂ჟი ჟ'ოხქა̈ფხ ამეჩუ̄ნა̈ ლა̈ლზიგას ი აჩა̈დხ ჯუ̂ე̄დია
Line of edition: 12 ქუ̂ეყანათე. ამჩუ აშხუ̂ მინდუ̂ერთე̄სგა ა̈თჴა̈დჷ̄ნხ ი აშხუ̂ ბაღს ხეწა̈დხ
Line of edition: 13 ი სგა̄ჩა̈დხ ამხაუ̂თე̄სგა. ბაღისგა მეჩი ბაბა აბე̄რგა. ალ ბაბას ლა̈ხჴჷ̄რა̈̄ნხ სემი
Line of edition: 14 ლახუ̂ბა:
Line of edition: 15 -- სგა̄უ̂ ესერ ლა̈ჲტყუბე ლა̄ლზიგა̄ლდ. -- ალ სემი ლახუ̂ბა მა̈გ
Line of edition: 16 მეთხუ̂ჲა̈რ ლიხ. -- იმუ̂ა̈̄ჲ ესერ ჩუ̂ადგარნიხ, უშხუდ ლეჴმა̈რი ი̄რა.
Line of edition: 17 -- ეზერ ესერ. -- ბაბად ხა̈̄ქუ̂.

Line of edition: 18 სამ ლადა̈ღუნღო აჩა̈დ მაშე̄ნე მუხუ̂ბე ლა̈თხუ̂ჲართე. ლახუ̂ბას სგუ̂ებინისგა
Line of edition: 19 ქა ლუ̄ქუ̂ ხა̄რხ, ერე "ლახ ესერ ლა̈თხუ̂ჲართე ქა̄დრიხ, ეჯ
Line of edition: 20 ლე̄თ ქა̈̄მ მესედ მა̄მ ლიხ. ლახ ქა̈̄მ ჲა̈რ ა̈სდენიხ, ეჩას მო̄ლე ხეყა̈რ".
Line of edition: 21 მაშე̄ნა მუხუ̂ბა ა̈თჴა̈დჷ̄ნ ხოშა̄მ კოჯთე, გუ̂ი ლახუ̂ე̄მ ი ხეწა̈დ ღუ̂აშს.
Line of edition: 22 ღუ̂აშს ქო̄ხჰაუ̂ჯე ი მა̄მა ხეთხა̈̄ნ. ღუ̂აშდ ქა̈̄დსკინე ი კოჯა̈ ყო̄რა̈ლ ა̈დკარა̈̄ნხ,
Line of edition: 23 ღუ̂აშ სგა̄ჩა̈დ ამხა̄უ̂თე̄სგა. მეთხუ̂ჲა̈რ უ̂ეშგინ ეშჭიმ. ამჩიქს
Line of edition: 24 ჯუ̂ე̄დიახა̈ნ მეთხუ̂ჲა̈რს ლახსჷმდა ლიკილი; ლაჲსგიდა კოჯა̈ თხუმთე,
Line of edition: 25 მარე დე̄მგუ̂აშ ხეწა̈დ. მჷკი̄ლი ლი კოჯა̈ დალ. ალ კოჯისგა და̈ლს
Line of edition: 26 ხორი ღუ̂აშა̈ ჯუ̂ეგ. მეთხუ̂ჲა̈რს და̈ლ ქა ხეწა̈დ კოჯა̈ თხუმხა̈ნჩუ, გურე̄ჭ
Line of edition: 27 ახფიშუ̂დ ი მეთხუ̂ჲა̈რ ჩუ̂ადმჷრცხე. ბა̄ზი ალა ა̈გითე იმ ა̈ტხენ? ა̈გის
Line of edition: 28 ლახუ̂ბა იგუ̂ნიხ: "ხოშა̄მ მუხუ̂ბა ათყერ' ე̄სერ მო̄ლე!"

Line of edition: 29 მე̄რმა ლადა̈ღ აჩა̈დ მანე̄სგჷრე მუხუ̂ბე. ალა̈̄ჲ ალ კოჯს ლახა̄გა̈ნ,
Line of edition: 30 ღუ̂აშს ხეწა̈დ. ამნე̄მი ქო̄ხჰაუ̂ჯე, მა̄მა ხეთხა̈̄ნ. ღუ̂აშს კოჯა̈ ყო̄რა̈ლ
Line of edition: 31 ა̈თკარა̈̄ნ ი სგა̄ჩა̈დ. ა̈თჭა̈მ მეთხუ̂ჲა̈რ, მარე ალასი̄ და̈ლდ გურე̄ჭ ახფიშუ̂დ
Line of edition: 32 ი ჩუ̂ადმჷრცხე. ა̈გის ხოხუ̂რა მუხუ̂ბე ოხღელი ლახუ̂ბას, მარე
Line of edition: 33 დე̄მხა̈ნ ანტა̈ხხ.

Line of edition: 34 მე̄რმა ლადა̈ღ აჩა̈დ ჯაჲ ლათხე̄ლთე ხოშა̄მ ლახუ̂ბა̈̄შ. იმუ̂ა̈̄ჲ კოჯთე
Line of edition: 35 მიჩა ლახუ̂ბ' ა̄ჩა̈დხ, ეჯ კოჯს ხეწა̈დ; კოჯს ღუ̂აშ ხელწბა. ქო̄ხჰაუ̂ჯე

Добавлено (2007-01-16, 2:22 Pm)
---------------------------------------------
ი ჩუ̂ადხუ̂იტლე, მარე ჩუ მა̄მ ესსა̈დ. ღუ̂აშს კოჯა̈ ყო̄რა̈ლ ა̈თკარა̈̄ნ
Line of edition: 37 ი ამხა̄უ̂თეჲსგა ლა̈ჲსკინე. უ̂ეშგიმპილს მეთხუ̂ჲა̈რდ რა̈̄ქუ̂ე: "მი̄უ̂ ლჷჭა̈თ
Page of edition: 392 Line of edition: 1 ხუ̂ი, სგა მო̄დ ა̈თუ̂ჭემ!" ალა კოჯა̈ და̈ლდ ა̈ნმეჴრე ი ლიკი̄ლი ლა̈ჲბინე.
Line of edition: 2 ალა მეთხუ̂ჲა̈რს ქა ხასჷმდა. მეთხუ̂ჲა̈რ კოჯა̈ ყო̄რს სგა ლა̈ხპა̈ჟ. კოჯა̈
Line of edition: 3 და̈ლ ჩუბაუ̂ ლა̈ჲსგიდა, ჩუქუ̂ა̄ნ მაუ̂ინს ქა და̈̄ს ხეწა̈დ ი რა̈̄ქუ̂: "ხეკუ̂ეს
Line of edition: 4 ესერ ერე ხეწეს მიჩა ღუ̂აშა̈ ჯუ̂ეგს". კოჯა̈ და̈ლდ ყო̄რა̈ლ ჩუ̂ესკარე,
Line of edition: 5 მეთხუ̂ჲა̈რ ყო̄რს სგა ხაპიჟ. კოჯა̈ და̈ლს ქა ხეწა̈დ ი ლუსდგუ̂ა̈რს ხაფხეჭ,
Line of edition: 6 სგა იყირ მუჭუ̂ედს ი ქა ლა̈ხყაჰა̈̄ნ. ათხე მეთხუ̂ჲა̈რდ ხაშგუ̂მინ:
Line of edition: 7 -- ლახუ̂ბა მიშგუ ს'ა̈ჯმჷრცხა, ჯაბიც, ერე უ̂ეშგდ ლამტჷხა.
Line of edition: 8 -- ეჯჲა̈რს მი უ̂ეშგდ ლაჯტიხე. ნა̈ჲ ალსყად ლიხეხუ̂-ჭაშუ̂. მიშგოუ̂
Line of edition: 9 ალა და̈̄ს ხობდაუ̂ა: ხუ̂ა̈ჲ მა̄რე ჩუ მიმჷრცხა. სი ლჷმა̈̄რხი ლჷჲმედ.
Line of edition: 10 ჴერჴჲა̈ნ მეთხუ̂ჲა̈რ ი ამღა მაკუ სი მი ჭაშუ̂დ. -- და̈ლდ ხა̈̄ქუ̂ მეთხუ̂ჲა̈რს:
Line of edition: 11 -- სი ჯუგუ̂მა̈რდ მაჴდ ჲარუ̂ ბარჯ ნე̄სგაისგა, მი კი̄ლს ა̈ხუ̂კედნე
Line of edition: 12 ი ლახუ̂ბას ისგუ̂ა ლჷჲარდ ეჯგენი სგუ̂ებინჩუ.

Line of edition: 13 მეთხუ̂ჲა̈რდ ჯუგუ̂მა ხაჴიდ, და̈ლდ კი̄ლ-კი̄ლ ლა̈ჲკიდ ი ლახუ̂ბა
Line of edition: 14 ლჷჲარდ სგუ̂ებინჩუ̄ნ ესგენე. ხოშა ლახუ̂ბა ქორთ' ა̄დზჷზეხ, ხოხუ̂რა
Line of edition: 15 მუხუ̂ბე ჩუ̂ასა̈დ ამჩუ კოჯა̈ და̈ლცახა̈ნ. და̈ლს ჭა̈შმი ღულა̈ჲჟი ჩუ
Line of edition: 16 ლა̈ხუ̄ჟ. ჭა̈შ ხეხუ̂მი ფა̈თუ̂ა̈რს ხეშდრა̈̄ლ. ფა̈თუ̂ა̈რისგა ა̄ხბა̈გუ̂ სემი კჷლ.
Line of edition: 17 ჭაშუ̂ემ ხეხუ̂ს თხუ̂იმ გა̈ნთ' ე̄სუ̂დე ი ჯ აჩა̈დ ყო̄რა̈ლ ლაკრა̈̄ლთე. ალ
Line of edition: 18 დრო̈უ̂ს და̈ლხ ჟ'ა̈ხჲა̈ცხჷ̄ნ, მიჩა ჭაშუ̂ უ̂ეშგიმისგა სგა ხაფხეჭ ი ყო̄რლე
Line of edition: 19 ლიკრე მა̄დ ათნებე. მე̄რმაჟი̄ნ და̈ლს ჩუ̄დ ხეუ̂ჟუნი ჭა̈შმი ღულა̈̄რქა.
Line of edition: 20 უფგოშ ჭა̈შ ქო̄თჩა̈დ, ალ კჷლარშ ყო̄რა̈ლ ჩუ̂ადკარე. და̈ლდ ალა
Line of edition: 21 გუ̂იანდ გარ ა̈ნმეჴრე. ლჷკილ ქორხა̈ნქა, ხედუ̂ა̈̄ჲ ჭაშუ̂ემ ადკარე, აშხუ̂
Line of edition: 22 მეპო̈̄რ ნა̈პრდ ანსკინე, ქა̄მენჩუ ზურა̄ლა̈ არშუ̂ილ ხორიკდა, ჟ'ა̈ნკიდ
Line of edition: 23 ი ეშ ლახქარუ̂ე ჯუ̂ე̄დია ქუ̂ეყანათე. ალა და̈ლს ათსა̈სტკჷნ, ლაგუ̂ა̈ნს
Line of edition: 24 ქჷმრა̈ლს დე̄მის იფკუ̂ე, ეჯღ' ე̄რე "ამუნღუ̂' ე̄სერ მიჩა ლირდე მა̄მა
Line of edition: 25 ლი სერ!"

Line of edition: 26 ნა̈პრს ალ არშუ̂ილ ჩოხშყა̈დ ეჯ ა̈დგილთეჩუ, იმუ̂ა̈̄ჲ ა̈დგილს
Line of edition: 27 იყუ̂ბა̄ლ ჩიე̄სგი სა̈ხჷლწიფი ხა̄ლხ ი ხელწიფ. ხა̈ლხ მა̈გ ალ არშუ̂ილს
Line of edition: 28 ხეწუ̂ე̄ნა̈̄ლ. ალას ხელწიფ ლახე ხეწა̈დ, ხელწიფდ ლა̈ჲფა̈შუ̂დ, ერე
Line of edition: 29 "მიშგუ ლიხჷლწიფ მა̄მ მაკუ ეჩქად-ე́, უ̂ოდ ალ არშუ̂ლი ნადა̈̄სგუ̂
Line of edition: 30 ზურა̄ლს ამაუ̂ დო ჲა̈რ ა̈მჴიდე!"

Line of edition: 7 უ̂ობურ დადად და̈ლ ხელწიფს ოთჴიდ. ხელწიფს ამზუმ მა̄მგუ̂ეშ
Line of edition: 8 ხა̈ხიადე̄ნა.

Line of edition: 9 ალ ხელწიფს მე̄რმე უ̂ა̈ზირი ხორი. ალ უ̂ა̈ზირ ხელწიფს სგა ლა̈ხღანუ̂ა̈̄ნ.
Line of edition: 10 უ̂ა̈ზირ ჩუ̂ა̈დღუ̂აჟ ი ჭყინტ ა̈ხთენა̈̄ნ. ალა ხელწიფს ათლო̄ნ,
Line of edition: 11 გეზალ ფუცხუ̂ჟი ჟ'ესლაჯა̈̄უ̂ნე ი სგა̄თკუ̂არნე ძუღუ̂ათე̄სგა. ძუღუ̂ად
Line of edition: 12 ბეფშუ̂ ჩუ მა̄დ ა̈დლაკუ̂ე ი ჯუ̂ე̄დიათ' ა̄დჲე. ალა ეჯ რიყს ხოძგა̈რ,
Line of edition: 13 ხედუ̂ა̈̄ჲ რიყს ეჯ კოჯ ხა̄გ, იმუ̂ა̈̄ჲ კოჯა̈ და̈ლა̈ ჭა̈შ ა̈რი ლჷბჷნგაუ̂ე.
Line of edition: 14 ბეფშუ̂დ ფუცხუ̂ა̈რ ჟ'ა̈ნძგუ̂იბ, გა̈ნხა̈ნ ლახა̄სდხ ღუ̂აშა̈ ჯუ̂ეგ. ეშხუ ღუ̂აშ
Line of edition: 15 ალას ხეწა̈დ. ღუ̂აშ ქა̄ჩა̈დ ბეფშუ̂თექა ი ლისუ̂ ლოხუ̂დე. ბეფშუ̂ს ჩიგარ
Line of edition: 16 აჩგუნახ. ამჟი ღუ̂აშა̈რცახა̈ნ ალ' ე̄ზა̈რთექ' ა̄ნჴა̈დ ი ღუ̂აშა̈რცახა̈ნ ლიზელა̈̄ლ
Line of edition: 17 ლა̈ჲბინე. ჯუ̂ეგ ნა̈ბოზს ქორთე ღჷრი, ბეფშუ̂ ლჷბჷნგაუ̂ა მა̄რა
Line of edition: 18 ხეწა̈დ სტოლქა. ტუ̂ეტ ლახფედე ი ჟ'ანჲა̈ცხ, ბეფშუ̂ს ათყალუ̈̄ნდა-ჲ
Line of edition: 19 გა̈ნთ' ა̄ჩა̈დ. ალას ჯა ქა ხეწა̈დ ი ხა̈̄ქუ̂ მიჩა თხუმ: "მი̄უ̂ ხუ̂ი ლჷჭა̈თ,
Line of edition: 20 მო̄დ ა̈ხუ̂შინა̄უ̂რა". ამნე̄მ ალა სგა̈̄დშინა̄უ̂რე, ყო̄რ ქა̄მენჩუ̄ნ ლჷჯე̄მი
Line of edition: 21 სარაგ ანღრი. ამნოშ უშხუ̂ა̄რე თხუ̂იმ ქა̄დბარა̄ლეხ. კოჯა̈ და̈ლა̈ ჭაშუ̂
Line of edition: 22 მა̈̄ჲ შჷყჟი ხეჲრა̈̄ნ, ალა ბეფშუ̂დ ქო̄თჭოდა̄ნე. ალას ჲორი რაშა̈ლ
Line of edition: 23 ხორი. ჟი ლახსგურდახ ი აჩა̈დხ ეჯ ხელწიფი ქუ̂ეყანათე, ხედუ̂ა̈̄ჲ ხელწიფიცახა̈ნ
Line of edition: 24 მიჩა ხეხუ̂, კოჯა̈ და̈ლ, ა̈რი. დი̄ნას ხელწიფიცახა̈ნ სემი ზა̈ჲ
Line of edition: 25 ხა̄რ. ალ სამ ზაუ̂ისგა დეჲ ლი̄ცუ̂ ხა̄თხფა, დეჲ ქა იშა̈შდ ხოგჷრგალა.

Line of edition: 26 და̈ლა̈ ჭა̈შ ხელწიფს ყო̄რს ლახა̄გა̈ნ. მიჩა ხახუ̂ ქა ხეწა̈დ ი მჷსკა̈დ
Line of edition: 27 ლაჴუ̂რაისგ' ო̄თკუ̂ა̈რ. ხახუ̂ემ ლი̄ცუ̂ი გჷრჰჷ̄ნს ხაჴიდ. ამი̄ ლი̄ცუ̂ნა̈̄ლ
Line of edition: 28 ხელწიფს ათხი̄დჷნ. ხელწიფდ ბა̄ზი̄შდ ადნა̈შნე და̈ლა̈ ლიგურგუნე.
Line of edition: 29 ქა̈̄წსე ხუ̂ა̈ჲ მა̄რე. შუკუ̂ს ესღჷრდახ ლაგურგუნა̄ლთე, ალ დრო̈უ̂ჟი
Line of edition: 30 სგუ̂ებნე ჭა̈შ ჟი ლახსგურდა მიჩა რა̈შს. ხა̈ლხ ჟიქა̄ნქა ათსკინა̈̄უ̂ნე,
Line of edition: 31 მიჩა ხეხუ̂, კოჯა̈ და̈ლ, ჟი იყირ რა̈შთეჟი ი ეშ ლახქარუ̂ე ა̈გითე.

Line of edition: 32 ათხანღო ხელწიფ აჯაღ აზზი მეჩი უ̂ობურ დადას. ხეკუ̂ეს ერე
Line of edition: 33 უ̂ეშგდ ა̈ნტჷხას კოჯა̈ და̈ლ. მე̄რმა̄მ ლი̄ზიჟი ყო̄რს ლახა̄გა̈ნ კოჯა̈
Line of edition: 34 და̈ლს ი მიჩა ჭაშუ̂ ი ხა̈̄ქუ̂: "მათხოუ̂ა̈რ ესერ ლი, მა̈დილუ ხე̄რახ, ი
Line of edition: 35 სგა̄უ̂ ა̈დხინხ". ხეხუ̂-ჭა̈შდ უ̂ობურ დადას სგა̄ხფხიჭეხ, ჟ'ა̈ნკულთხნეხ
Line of edition: 36 ი ძუღუ̂ათ' ა̄დკუ̂ა̈რხ.

Line of edition: 37 ხეხუ̂-ჭა̈შდ ათხანღო ხოჩა ლირდე-ლიზგ' ა̈̄დჴიდხ ი ლჷმზჷრე̄უ̂
Line of edition: 38 ლიშდ.

Page of edition: 394
Line of edition: 1
ლენჯერული

Добавлено (2007-01-16, 2:23 Pm)
---------------------------------------------
Text: 174
Page of edition: 394
Line of edition: 2
174. სოსრუყუ̂

Line of edition: 3 ამ' ა̈̄რი ლჷმზჷრე ი სოსრუყუ̂. ეჯა ქა̄ლთენე̄ლი, ეჩქა სოლომთე
Line of edition: 4 ოთხუ̂ია მიჩა მუს. ეჩეჩუ ჟ'ოხფჷრახ ი ჩია̈̄გ ჟ'ალფჷრე̄ლი ი ქუთუ̄ლა̈რისგა
Line of edition: 5 დე̄მჟი ალფჷრე̄ლი. ეჯ' ა̄თხჷ̄რე̄ნა ნართა̈ლს. ახჩჷდახ ლიშია̈̄ლ
Line of edition: 6 სოსრუყუ̂ს ი ნართა̈ლს. ნა̈რთს ხო̄ქუ̂ა: "თხუ̂იმუ̂ ესერ ლოხუ̂ხელ
Line of edition: 7 სოსრუყუ̂დ!" სოსრუყუ̂ს თხუ̂იმ ლოხუ̂ხელა, ეჩქას ნართა̈ლს ში̄რა ხოყრახ.
Line of edition: 8 სოსრუყუ̂ს თხუმ მა̄მგუ̂ეშ ხეყა̈რ. ეჩქას სოსრუყუ̂დ ლახტიხ ში̄რა
Line of edition: 9 ნართა̈ლს ი ხუ̂ა̈ჲ ანხუ̂იტ. ეჩქანღო ხე̄ქუ̂ხ ნართა̈ლდ სოსრუყუ̂ს: "ათხ'
Line of edition: 10 ე̄სერ ბარჯუ ლოხუ̂ხელ!" ეჩქას სოსრუყუ̂დ ბარჯ ლოხუ̂ხელ, მარე
Line of edition: 11 ნართა̈ლდ დეშმაგუ̂ეშ ხაყერხ. ათხე სოსრუყუ̂დ ლახტიხ ი ეჩხა̄უ̂ ხუ̂ა̈ჲ
Line of edition: 12 ადგა̈რ. "ათხ' ე̄სერ ჲაღო ლესგუ ლოხუ̂ხელ!" ეჩქას სოსრუყუ̂დ ლესგ ლოხუ̂ხელ,
Line of edition: 13 ახფიშუ̂დხ ში̄რა ი დეშმა ხაყერხ. ათხე ღუ̂ეშგდჷდ ლახტიხ
Line of edition: 14 სოსრუყუ̂დ ი ხუ̂ა̈ჲჷდ ანხუ̂იტ. "ათხ' ე̄სერ ფოყუ ლოხუ̂ხელ",
Line of edition: 15 ეჯისი დეშმა ხაყერხ. ღუ̂ეშგიმპილს, ა̈ქუთუ̄ლა̈რ ესერუ ლოხუ̂ხელ!"
Line of edition: 16 ათხე სოსრუყუ̂დ რა̈̄ქუ̂: "აჰა, ჯა საბრალ ესერ ი ჯა ლეჟრი! ათხ'
Line of edition: 17 ე̄სერ გუდ ახჴედახ, ერე ქუთუ̄ლა̈რქა ფჷრი მა̄მ ლიზ ი ცოდუ̂ ესერ
Line of edition: 18 ხა̄რ სოლომნს, ერე ქა მა̄დ ოხუ̂ფჷრა!" ახფიშუ̂დხ ში̄რა ი ქუთუ̄ლა̈რ
Line of edition: 19 ქა̄თჭკუ̂ერხ სოსრუყუ̂ს. ამის ოხუ̂ჩა̈დ ზისხ. ამექ' ა̄ნჴად თხე̄რე. სოსრუყუ̂დ
Line of edition: 20 ხა̈̄ქუ̂:
Line of edition: 21 -- თხე̄რე, მიჩა̄უ̂ მა̄ზიგ ლახჴედა, ლაი̄შუ ესერ ზისხ!
Line of edition: 22 -- აჰ, ღერთემუ ესერ ხაქდის, ჯ' ე̄სერ დე̄მ ითრე მიჩა ზისხს!
Line of edition: 23 -- ჲაღუ̂ ე̄სერ ჰე დო̄მ ითრე მიჩა ზისხს, მიჩა ჰე̄ჭა̈̄ გაუ̂ა̄უ̂ ესერ
Line of edition: 24 ხუღუ̂ე მიჩა კინჩხს!" ი ეჯღა ლი თხერემი კინჩხ ლჷჴმა̈შ.

Line of edition: 25 ათხე ანჴა̈დ ღუ̂ემა̈ლ. სოსრუყუ̂დ ხა̈̄ქუ̂:
Line of edition: 26 -- ღუ̂ემალ, ლაი̄შუ ესერ მიჩა ზისხ!
Line of edition: 27 -- აჰ, ხეტკლები ესერ, ადო ჰა̈ჲ-ჰა̈ჲ ესერ სური!
Line of edition: 28 -- მა̄მ' ე̄სერ ლიტკლებე. -- ჩუ ლაი̄შ ღუ̂ემა̈ლდ.
Line of edition: 29 -- ესბიზე̄ნ' ე̄სერ მო? -- ი
Line of edition: 30 -- ა̄დუ̂ ესერ.
Line of edition: 31 -- ჲაღუ̂ ე̄სერ მიჩა შჷყშუ̂ ლეკუ̂შე̄უ̂ ხა̄რ მიჩა წინწლარ! ეჩანღო
Line of edition: 32 ეშდჲარუ̂ თანა̈ღსუ ესერ ხა̄რ ლე̄ტუ̂, ადო ჩუ̄უ̂ ესერ აცლჷ̄რეხ მიჩა
Line of edition: 33 წინწლა̈რ.

Page of edition: 395
Line of edition: 1 ათხ' ა̄ნჴა̈დ შყა̈ჟუ̂.
Line of edition: 2 -- ლაი̄შუ ესერ, შყა̈ჟუ̂, მიჩა ზისხ!
Line of edition: 3 -- ღერთემუ [ესერ] ხაქდის, ერე მიჩა ზისხ დო ლაი̄შ მიჩნე̄მ!
Line of edition: 4 -- ჲაღუ̂ ე̄სერ ჯა ლახ ჟი პერენდე̄დს, ეჩჟი ბჷ̄ლუ ხოღნა მიჩა
Line of edition: 5 ღალა̈რს, ერე ჩი̄ ჩუ̂აყა̄ლუ̂ე̄დს! -- ი სერ ჩუ̄ჲ ადგან სოსრუყუ̂.

Добавлено (2007-01-16, 2:23 Pm)
---------------------------------------------
Text: 175
Page of edition: 395
Line of edition: 6
175. სამთი̄ლ

Line of edition: 7 ალა გუ̂ა̈მზჷრას ღერთემ ი ეშხუ ხელწიფ ლიზ. ალას ეშხუ დი̄ნაგეზალ
Line of edition: 8 ხორი, ეჩჟი ქა ხედრეყ ხელწიფ მიჩა დი̄ნას, ერე მურყუ̂ამთეჟი̄ნ ადგენე, ეშხუ
Line of edition: 9 მოჲა̈ხ[ლ] დი̄ნა ლოხჴერნე ი ჩუ̂ადურდუნე ეჩეჟი̄ნ. აშხუ̂
Line of edition: 10 ლადა̈ღ ქა̄ნჴა̈დ მოჲა̈ხ[ლ] ქა̄მა̄უ̂, ლოხუ̂სგიდა ი ლჷც მო̄ლე ახღუ̂ე მირ
Line of edition: 11 ლაზურგუ̂ა̈ნჲა̄ლუშ. ლოხუ̂ხელ სგა კალთა̈ჲ ი უ̂ისგუ̂ ა̄თგურნა̈̄ნ ისგა
Line of edition: 12 კალთა̈ჲიე̄სგა. ალ უ̂ისგუ̂ სგა̄დჲე ხელწიფი დი̄ნათე̄სგა. ხელწიფი დი̄ნად
Line of edition: 13 ქა̄დტა̄ბე უ̂ისგუ̂, გუ̂იგუ̂ მიჩნე̄უ̂ ლალე̄მ ი ცილა̈რ მოა̈ხ[ლ]ს ხა̄მნე.

Line of edition: 14 აჩა̈დ ხა̈ნ ი ჟა̈მ ი ექჷრდა ჩუ̂ა̈დღანუ̂ა̈̄ნხ. ა̈დკუ̂იჰ ალა ხელწიფდ.
Line of edition: 15 ეჩჟი̄ნ ჩუ̂ათხჷ̄რჷნ, ერე ხა̈̄ქუ̂ მიჩა მეთხუ̂ია̈რს: "ქა̄უ̂ ესერ ადჲე ალჲა̈რ
Line of edition: 16 ერქჷდა ი ჩუ̄უ̂ ადგა̈რ, ლა̈ნშა̈ნდ ესერ ყუ̂იჟე-პერშუ̂და სგა̄უ̂ ოხუ̂ჴიდ
Line of edition: 17 ქორთე". ანჴა̈დ მეთხუ̂ია̈რ, ალ დი̄ნა̈̄ლ ქა̈̄დჴერნე ცხეკთე ი დაგრა
Line of edition: 18 ხეკუ̂ა̈დ, მარე დი̄ნა̈̄ლ ა̈თჴჷ̄რა̈̄ნხ ი ხა̈̄ქუ̂ხ: "მა̈დილუ ესერ ხე̄რა ი მინე
Line of edition: 19 დაგრაღ' ე̄სერ მა̈ჲ ლა̈ხქემნი ი ჩუ̄უ̂ აცუ̂ირ მინ ამეჩუ̄ნ. ხელწიფს ესერ
Line of edition: 20 ლა̈ნშა̈ნდ რა̈ჭუ̂არე ყუ̂იჟე-პერშუ̂და̄უ̂ ოთჴიდ ი ღუ̂ ე̄სერ ეჯა ჩუ̂ა̈დჯჷრუ̂ი".
Line of edition: 21 ალა მეთხუ̂ია̈რდ ამჟი̄ნ ჩუ̂ემინ: დი̄ნა̈̄ლ ჩუ̂აცუ̂ირ ცხეკისგა, ხელწიფს
Line of edition: 22 რა̈ჭუ̂არე ყუ̂იჟე-პერშუ̂დ' ო̄თჴიდ ლა̈ნშა̈ნდ ი ალ ხელწიფდ
Line of edition: 23 სგა ლა̈ჲჯჷრუ̂ე.

Line of edition: 24 ანჴა̈დხ ღალ ალ დი̄ნა̈̄ლ, ლა̈ჲბინეხ ლი̄ზი ი აშხუ̂ ა̈დგილს ცხეკისგა
Line of edition: 25 ჩუ̂ა̈თბურა̈̄ნხ. ა̈ნთხეხ ღალ ეშხუ ქუ̂ა̈ბ ი ბა̄ზი ამე̄სგა ჩუ̂ადჷ̄გა̈ნხ.
Line of edition: 26 ბა̄ზი ერქჷდა ჩუ̂ა̈დღუ̂აჟხ. ხელწიფი დი̄ნას ჭყინტ ა̈ხთაუ̂ა̈̄ნ, მიჩა
Line of edition: 27 მოჲა̈ხ[ლ]ს (ჲ)ეშდ ფა̈კუ̂ნა̈რ ი მოჲა̈ხ[ლ] ღალ შიშდ ჩუ̂ადგან. ალ ჭყინტს
Line of edition: 28 ხელწიფი დი̄ნად სამთი̄ლ ათჟა̈ხ ი ჲარუ̂ ლადა̈ღისგა მახეღუ̂ა̈ჟ ა̈ხფას.
Line of edition: 29 ალ ჭყინტ ეჩჟი ქა ითხუ̂ია̈რ, ერე დეცს ფირუ̂ენს დე̄მ ხა̈ცუ̂რე ი კოჯს
Line of edition: 30 ნა̈თხუ̂იარა, ფა̈კუ̂ნა̈რ ჟ'ა̈ნჷრდა̄ლე ი ეჯკა̈ლიბ წეუ̂ა̈რ-მეძბარა̈რ ქა̈̄ხფასხ,
Line of edition: 31 ერე შუ̂იმ მა̄მ ხა̄რხ.

Line of edition: 32 აშხუ̂ ლადა̈ღ ანჴა̈დ სამთი̄ლ, ადკუ̂ა̈რ ცჷჴემა̈დ ი რა̈̄ქუ̂: "ჯა̈უ̂ ესერ
Line of edition: 33 ლჷჭა̈თ ლიზ, იმთუ̂ა̈̄ჲ ალ ცხუ̂ი ადრინე, ჯა̄ჲ ეჩეჩუ̄ნ მო̄დ ა̈დზიგე̄ნს!"
Line of edition: 34 ა̈თჭამ ცხუ̂ი̄მი ნა̄ზუ̂ს, მიჩა დი ი წეუ̂ა̈რ-მეძბარა̈რ სგა ლა̈ჲჴერნე ი
Line of edition: 35 ა̈თჴა̈დჷ̄ნ აშხუ̂ ჩეი̄ ქორთე̄სგა. ალ ქორ ესნა̈რ და̈̄უ̂რეშ ლი. ლა̈დ'

Добавлено (2007-01-16, 2:24 Pm)
---------------------------------------------
ალჲა̈რ ქორს და̈̄რ ა̈რიხ. სამთი̄ლ სგა̄ჩა̈დ ქორთე̄სგა ი ლიზგა̈̄ლ ლა̈ჲბინე.
Line of edition: 2 ამჟი̄ნ ანღრი მირ ხოშე̄მი[შ]თა̄ნ ი ლა̈ჲბინე ლიყუ̂ი̄ლიე̄ლ:
Line of edition: 3 -- ჰატ, მიჩა მაყალუ̂შ ესერ დეცქა ნა̈პო̄ლ დეშ იპუ̂ე̄რიე̄ლ, გიმქა
Line of edition: 4 მჷრშკ დეშ იზელა̈̄ლ ი ჲა̈რ ესერ ალთი̄რლი მიჩა ქორთე̄სგა?! შიშდუ
Line of edition: 5 ხოქა̈ხ, ადო მიჩა იშუ̂სი ა̈ფთქუ̂ე ი ჯიჯუ̂სი̄! -- ალ' ე̄სნა̈რ ეშხუ ლუთხუ̂იმ
Line of edition: 6 გარ და̈̄უ̂ ლიზ.
Line of edition: 7 -- ჰატ, ხოლა ნა̈პილწურა, ქა̄უ̂ ა̈ნთჷრ, ჯ' ე̄სერ ლიზ სამთი̄ლ!
Line of edition: 8 ხედუ̂ა̈̄ჲ ღენ ესერ ა̈ხწინიხ უშხუ̂ა̄რ, ეჯას ესერ უშხუ̂ა̄რ
Line of edition: 9 ახთუ̂ე̄ნიხ.

Line of edition: 10 ანჴა̈დ სგა და̈̄უ̂, ახფხიჭეხ უშხუ̂ა̄რ. სამთი̄ლდ შიშდ ჩუ̂ა̈ნდე, ლა̈ჲშგუ̂ინ
Line of edition: 11 დაშნა̈ჲ, ჩუ̂ადკჷპნე, ქო̄თშიდ მიჩა ჟეღა̈რს ი ჟეღა̈რდ სგა̄შიდხ
Line of edition: 12 ძუღუ̂ათე̄სგა. კუ̂ეტო̄ლ ხა̈ნუნღონ ჲორი ლუთხუ̂იმ და̈̄უ̂ ანჴა̈დ. ალასი
Line of edition: 13 ამჟი̄ნ ხაყერ, ღო სემი ი ამჟი̄ნ არა და̈̄უ̂ მა̈გ ჩუ̂ადგა̈რ. ღუ̂ეშგმეპილს
Line of edition: 14 ანღრი ჩხარა ლუთხუ̂იმ და̈̄უ̂, მარე გიმ-მეგა̈მ მა̈გ ახღუ̂ა.

Line of edition: 15 ერუ̂ა̈̄ჲ ღენ ესერ მიჩა ქორისგა მერდე ითი̄რ, მიჩა ლადა̈ღს
Line of edition: 16 ესერ მა̈გ ქა ხეწდენი ლა̈დი! მიჩა მაყალუ̂შ ესერ გიმჟი̄ნ ი დეცქა
Line of edition: 17 ქუნ და̈̄რ მოშ იკედ.
Line of edition: 18 -- ჲაღუ̂ ე̄სერ სგა̈უ̂ ა̈ნთჷრ, ხოლა ნაჴე̄ცურა ი ღუ̂ ე̄სერ უშხუ̂ა̄რ
Line of edition: 19 ახთუ̂ე̄ნიხ ლიმა̄რს. -- ალ და̈̄უ̂ი ჩუ̂ადგა̈რ სამთი̄ლდ დაშნა̈ჲშუ̂, ჩუ̂ადკჷპნე,
Line of edition: 20 ქო̄თშიდ მიჩა წეუ̂ა̈რ-მეძბარა̈რს ი ეჯჲა̈რდ ძუღუ̂ათე̄სგ' ა̄შიდხ და̈̄უ̂ა̈
Line of edition: 21 ნა̈ქუ̂ცუუ̂ა̈რ. ამჟი̄ნ სერ სამთი̄ლ ჩუ̂ა̈დზიგა̈̄ნ და̈̄უ̂რე ქორისგა ი მიჩა დი
Line of edition: 22 ი თხუ̂იმ ხოჩა̄მდ ესყა.

Line of edition: 23 აშხუ̂ ლადა̈ღ ანჴა̈დ ქა სამთი̄ლა̈ დი ლჷცე პილთექა ი ამეჩუ̄ნ მეგა̈მ
Line of edition: 24 ჩუქუ̂ა̄ნხა̈ნქა ჩხარა ლუთხუ̂იმ და̈̄უ̂ ანჴა̈დ: ესნა̈რ სამთი̄ლს ნანჩქროშ
Line of edition: 25 ეშხუ თხუ̂იმ სგა ლოხუ̂ცუ̂ი̄რა და̈̄უ̂დ. ალას ქუ̂ინ ლახტეხა ი
Line of edition: 26 ჟ'ალსე̄ლუ̂ე̄ლი. ა̈თჴჷ̄რა̈̄ნ ალ და̈̄უ̂ ზურა̄ლს ი ზურა̄ლდ ჩუ̂ათპა̈ჟუ̂ნე.
Line of edition: 27 სამთი̄ლდ მა̄მგუ̂ეშ ა̈ნმეჴრე. და̈̄უ̂ ი ალ ზურა̄ლ ჩუ̂ა̈დმალტა̄რა̈̄ნხ. სამთი̄ლ
Line of edition: 28 მიჩა დისი ჟი ლახსისგჷნდა ეჩჟი̄ნ, ერე ამი̄ დაგრა ხაკუხ ერქჷდა̈̄შ.
Line of edition: 29 ასხა̈თიხ, ერე იმუ̂ა̄ლაჟი̄ნ სამთი̄ლ ჩუ̂ადგრიხ. აშხუ̂ ლადა̈ღ და̈̄უ̂დ
Line of edition: 30 ხა̈̄ქუ̂:
Line of edition: 31 -- მიჩნე̄მ ესერ ლეგდლირდე̄უ̂ ა̈ნფა̈ზ ი სამთი̄ლ ესერ ლახ ლა̈ხჭუ̂ედდე̄დს:
Line of edition: 32 "მა̈ჲ ესერ ლა̈ხშედნი", ეჩქას ესერ ხა̈̄ქუ, ერე "უ̂ა̈ლირუ̂
Line of edition: 33 ნეზუ̂ი გუ̂ეჭი ლეღუ̂ ესერ ახუ̂ჩუ̂ეუ̂ი". ეჯ ნეზუ̂ს ესერ ქა და̈̄რ მოშ ხოსდენი
Line of edition: 34 ი სამთი̄ლს ესერ ჩუ̂ადცჷლჷ̄რი.

Line of edition: 35 ნა̈ბოზს ანჴა̈დ სამთი̄ლ ლა̈თხუ̂იარხა̈ნ. მიჩა დიდ ლეგდლირდე ა̈ნფა̈ზ

Добавлено (2007-01-16, 2:24 Pm)
---------------------------------------------
ი სამთი̄ლ ლა̈ხჭუ̂ედდა:
Line of edition: 37 -- დედე, მა̈ჲ ესერ ღალ ხათჷმ?
Line of edition: 38 -- მა̈ჲ ესერ, დედეღო, ი ლეგდ ა̈რი.

Page of edition: 397
Line of edition: 1 -- ღუ̂ ე̄სერ მა̈ჲ ხე̄რი მაშედ?
Line of edition: 2 -- მა̈ჲ ესერ ი ალ-ი-ალ უ̂ა̈ლირუ̂ ნეზუ̂ი გუ̂ეჭ, მარე მიჩ ესერ დეშ
Line of edition: 3 ფიშუ̂დე ეჩხა̈უ̂ გონაბშუ̂: დომმაგუ̂ეშ ესერ ათყერის.

Line of edition: 4 მე̄რმა ლადა̈ღ ჰამს დო̄სგ ანჷ̄გა̈ნ სამთი̄ლ, ჟ'ა̈ნთხე ალ ნეზუ̂ი
Line of edition: 5 ლარდა, სგა̈̄ხჴუ̂ა̈სგ, ოთუ̂მეწუ̂ნე ცჷჴემა̈დ ი ქა ლიყერს ხემურჯა̈̄ლ, ამჟი̄ნ
Line of edition: 6 ნეზუ̂დ ლახტუ̂ი̄ლ: "იმ ესერ ხაჩმა̈̄უ̂ნე, სამთი̄ლ? ჩუ̂ ე̄სერ ნომუ
Line of edition: 7 ადგა̈რ, გუ̂ეჭ ესერ ჰე̄ ხაკუჩ, ქა̄უ̂ ადჲე, მარე მიჩა დი ესერ ხეღუ̂როუ̂ა̈̄ლ".
Line of edition: 8 სამთი̄ლდ მაჴუ̂ა̄მ ხა̈̄ქუ̂ ნეზუ̂ს, სგა̈̄თმჷკთა̈̄ნ, გუ̂ეჭ ა̈გითე ოხჴიდ
Line of edition: 9 მიჩა დის, ჟ'ოხუ̂ჯა̈ბ ი ჩუ ხა̄მნე. მიჩა დიდ მუგუ̂და ჟ'ა̈ნხოჩუ̂ა̈̄ნ, ეჩჟი̄ნ
Line of edition: 10 ლიზელა̈̄ლ ლა̈ჲბინე ი მაჴუ̂ა̄მ ხა̈̄ქუ̂ მიჩა გეზალს: "სერ ესერ, დედეღონ,
Line of edition: 11 ეზერდ (ეზარდ) ა̈რი ი ჟ'ალხოჩუ̂ე̄ლი".

Line of edition: 12 მე̄რმა ლადა̈ღ აჯაღ ხა̈̄ქუ̂ და̈̄უ̂დ: "ათხ' ე̄სერ აჯაღუ ა̈ნფა̈ზ ლეგდ
Line of edition: 13 ლირდე ი მიჩა გეზალს ლა̈ჩუ̂ა̈ გეზალუ ხაშგუ̂მინ. ეჯ ლა̈ჩუ̂ს ესერ ქა
Line of edition: 14 და̈̄რ მოშ ხოსდენი ი ჩუ̂ ე̄სერ ადდა̈̄უ̂ში". ალა ამჟი̄დ ჩუ̂ემინ
Line of edition: 15 ზურა̄ლდ.

Line of edition: 16 მე̄რმა ლადა̈ღ სამთი̄ლ სგა̈̄ხჴუ̂ა̈სგ ლა̈ჩუ̂ს, ოთმეწუ̂ნე ცჷჴემა̈დ ი ქა
Line of edition: 17 ლიყერს ხემურჯა̈̄ლ, ამჟი̄ნ ლა̈ჩუ̂დ ლახტუ̂ი̄ლ: "მა̈ჲ ესერ ხაგა̈დ დაგრას?
Line of edition: 18 მიჩა გეზალ ესერ ჰე̄ ხაკუჩ, ქა̄უ̂ ადჲე. მიჩ ესერ მიჩა დი ხეღუ̂როუ̂ა̈̄ლ".
Line of edition: 19 სამთი̄ლ ალასი სგა̈̄თმჷკთა̈̄ნ, გეზალ სგო̄ხჴიდ მიჩა დის ი ჩუ
Line of edition: 20 ხა̄მნე.

Line of edition: 21 მესმაჟი̄ნ და̈̄უ̂დ ხა̈̄ქუდ ზურა̄ლს: "ჲარუ̂ინ ესერ დეშ ათმარუ̂ჯახ,
Line of edition: 22 მარე ათხ' ე̄სერ ეჯღა̄ჲ დეშ ტეხნი ლჷჲა̈რ. ათხ' ე̄სერ უ̂ერბი წინწილუ
Line of edition: 23 ხაშგუ̂მინ. ი ეჯ უ̂ერბ ესერ ეჯკა̈ლიბ ლიზ, ერე ლჷჲა̈რს ესერ
Line of edition: 24 და̈̄ს ფიშუ̂დე. სგ'ე̄სუ̂ა̈̄ჲ ხეთხნი". ბა̄ზ' აჯაღჷდ ლა̈ჲბინე ლიკუ̂ე̄ციე̄ლ
Line of edition: 25 ზურა̄ლდ. სამთი̄ლ ლა̈ხჭუ̂ედდა:
Line of edition: 26 -- დედე ქა̄უ̂ ესერ ხე̄ქუ̂, მა̈ჲ ლა̈ხშედნი ი, ნა̈პო̄ლა̈ ლჷჯ' ე̄სერ
Line of edition: 27 ლახ ი̄რა, ეჯასი სგო̄ხჴიდე.
Line of edition: 28 -- ჰმ, დედეღო, ალ-ი-ა&#

Line of edition: 31 ალა სამთი̄ლდ მა̄მჷდ ლა̈ჲსიმნე, ა̈ხჴუ̂ა̈სგ სგა უ̂ერბს, ოთმეწუ̂ნე ქა
Line of edition: 32 ცჷჴემა̈დ. ოდემჩიქდ ქა̄ჲ ხატყცი ი ხა̈̄ქუ̂ უ̂ერბდ: "იმნა̈რ ესერ ადგა̈რი,
Line of edition: 33 ჯა მა̄რე? წინწილ ესერ ქა̄უ̂ ადჲე, დე̄მ ხოდერუ̂ე, მარე მიჩა დ' ესერ
Line of edition: 34 ხეღუ̂როუ̂ა̈̄ლ". სამთი̄ლ ალასი სგა̈̄თმჷკთა̈̄ნ ი წინწილ მიჩა დის ჩუ ხა̄მნე.
Line of edition: 35 სერ მა̈ჲ დ' ო̄ხუ̂სახთახ და̈̄უ̂დ ი მიჩა დიდ სამთი̄ლს, მა̄მ ხოხახ.

Line of edition: 36 აშხუ̂ ლადა̈ღ ხა̈̄ქუ̂ და̈̄უ̂დ ზურა̄ლს: "ჲაღუ̂ ე̄სერ კარდალუ ანგუ̂ა̈შლე
Line of edition: 37 ჟი ლჷცშუ̂, ეჩხაუ̂თე̄სგ' ე̄სერ სგა̄უ̂ იმჟი̄ნ ადგენე სამთილ, ეჩქ' ე̄სერ
Line of edition: 38 ჯა ლაფრის ჟი ხა̈ჴდე ი სგა̄დგურნიხ ძუღუ̂ათე̄სგა".

Page of edition: 398
Line of edition: 1 მე̄რმა ლადა̈ღ სამთი̄ლს ხა̈̄ქუ̂ მიჩა დიდ: "დედე̄შ, სერ ესერ ჯა
Line of edition: 2 ჟი ლუხუ̂ჩოუ̂ე ლიზ. ათხ' ე̄სერ ჩუ̄უ̂ ა̈დსტუღუ̂ნა̈̄ნ კარდალისგა".
Line of edition: 3 სამთი̄ლ ალას დე̄მ იჩომ, მარე მიჩა დიდ ჰაჯ მა̄მ ახკიდ ი სგა̄დგენე
Line of edition: 4 კარდალთე. ამჟი̄ნ და̈̄უ̂დ ა̈ნსკინე, ლაფრი ჟი ხაჴიდხ ჟიქა̄ნ,
Line of edition: 5 ლოხუ̂ჯუ̂ი̄რხ ი ძუღუ̂ათე̄სგა სგა̄დკუ̂ა̈რხ, მარე ძუღუ̂ად ჩუ მა̄დ ა̈დტყჷრშე
Line of edition: 6 ი ჟიქა̄ნქა გარ ესყედა̄ნე. ანჴა̈დხ მიჩა მეძბარა̈რ, ეჩჟი ლიკი̄ლი
Line of edition: 7 ქა̈̄დბინეხ, ერე დეცს ფიტეხ. ხასჷმდახ ალა ნეზუ̂ს, ლა̈ჩუ̂ს ი უ̂ერბს,
Line of edition: 8 ა̈ნნა̈ზო̄რა̈̄ნხ ჟი ი ესჭიმხ პილრუშუ̂ ძუღუ̂ას. უ̂ერბდ რა̈̄ქუ̂: "ჯ' ე̄სერ
Line of edition: 9 ღალა̈რს ადქუთნი, ძუღუ̂ას ესერ ისგდ ა̈ყუ̂ლე ი კარდალს ქა̄ნწუ̂ე̄ნი".
Line of edition: 10 ეჩქას ლა̈ჩუ̂დ რა̈̄ქუ̂: "ჯ' ე̄სერ ლოხუ̂რეკნე მუჭუ̂ა̈რს ი პილჟი̄ნ ესერ
Line of edition: 11 ხა̈ჴდე კარდალს". ეჩქას ნეზუ̂დ რა̈̄ქუ̂: "ჯ' ე̄სერ ჲაღო ქილარშუ̂ კარდლა̈
Line of edition: 12 ლაფრის ჩუ̂ადცჷლჷ̄რი ი ქა̈̄ნჴდენი სამთი̄ლ". ალა გაცხა̈ჲდ ამჟი̄ნ ჩუ̂ემინხ:
Line of edition: 13 სამთი̄ლ ქა̈̄ნტიხხ. ამნე̄მ ალჲა̈რს გუნ მაჴუ̂ა̄მ ხა̈̄ქუ̂. სგა ლა̈ჲჴერნე მიჩა
Line of edition: 14 მეძბარა̈რ ი ა̈გით' ა̄ნჴა̈დ. ა̈გის და̈̄უ̂ ი მიჩა დი აშხუდ ესხუ̂ი̄დხ. ალჲა̈რ
Line of edition: 15 ჩიქ' ე̄შხუ̂ ადგა̈რ ი ღო მე̄რმე, ჩუ̂ადკჷპნე ნეცინდ დაშნა̈ჲშუ̂ ი სგა̄შიდ
Line of edition: 16 ძუღუ̂ათე̄სგა. ჟ'ა̈ნშუ̂ემ. ეჩქას ქა̄ნჴა̈დ ჰა̈ზუ̂თექა ი ამეჩუ̄ნ აშხუ̂ მახეღუ̂ა̈ჟს
Line of edition: 17 ხეწა̈დ. ახფხიჭეხ უშხუ̂ა̄რ, იბჷრგიე̄ლხ ლა̈დი̄ ლადა̈ღ ი ჩუ დეხდა
Line of edition: 18 მოშ იდე̄სგიხ უშხუ̂ა̄რ. სერ აშხუ̂ დუ̂რეუნღო ლა̈ხჭუ̂ედდა სამთი̄ლ:
Line of edition: 19 "ჲა̈რ ესერ ლი ჯა ი ედ იშა გეზალ?" ესნა̈რ ალ მახეღუ̂ა̈ჟ და̈̄უ̂ს ი
Line of edition: 20 ზურა̄ლს ა̈ხთაუ̂ა̈̄ნხ ი ეჯა ლიზ. ალჲა̈რდ უშხუ̂ა̄რე თხუ̂იმ ჩუ̂ათირხ სერ
Line of edition: 21 ი გუნ ათხი̄დჷნხ. ეჩჟი̄ნ ჩუ̂ა̈დმალტა̄რა̈̄ნხ, ერე შუ̂იმ მა̄მ ხა̄რ.

Line of edition: 22 აშხუ̂ ლადა̈ღ ხა̈̄ქუ̂ხ უშხუ̂ა̄რ: "ამჟი̄ნ აშხუ̂ ა̈გის გარ ირდიხ, მა̈ჲ ესერ
Line of edition: 23 ლი ამჟი ლირდე. აჩა̈დხუ იმთუ̂ა̄ლათე ი ქა̄უ̂ ა̈დჩი̄ჟა̈̄ნხ!" ლა̈ჲბინეხ ლი̄ზი
Line of edition: 24 ი აშხუ̂ ლაჭარ შუკუ̂ს ათა̄სდხ. ამეჩუ̄ნ ჩუ̂ა̈დყულუ̄რა̈̄ნხ, მეძბარა̈რ ჩუ̂ა̈დყულუ̄რეხ
Line of edition: 25 ი სამთი̄ლდ ხა̈̄ქუ̂: "ლახ ესერ ჰამს ლაბრა̄ლჟი̄ნ ლიც ზისხდ

Добавлено (2007-01-16, 2:26 Pm)
---------------------------------------------
ესსიპდე̄დს შია̈რისგა, ეჩქას ესერ ხათჷმხ მირ ი ღო ლა̈ნშა̈ნდ ალა̄უ̂
Line of edition: 27 ხუღუ̂ა̈̄ნხ". ლა̄ხყაჰა̈̄ნხ უშხუ̂ა̈რ ი ეშხუ აშხუ̂თ აჩა̈დ ი მერმე-მერმათე.
Line of edition: 28 სამთი̄ლდ ლა̈ჲბინე ლი̄ზი. ათა̄სდ აშხუ̂ ძუღუ̂ას ი ამეჩუ̄ნ ყა̈რუ̂ლა̈რ
Line of edition: 29 ესხუ̂ი̄დხ. ხა̈̄ქუ̂ხ ყა̈რუ̂ლა̈რდ: "ამექა ნაუ̂სკინ' ესერ მა̄მ ხა̄რ-ა, ძუღუ̂აქა!"
Line of edition: 30 ანპა̈რ სამთი̄ლ ი ეჩხა̈ნთე ეშ გარ სხუ̂იპ ა̈ნკიდ. ეჩჟი̄ნ ჲენასდ ა̈დსკინ'
Line of edition: 31 ე̄რე ჩუ მა̄მგუ̂ეშ ა̈თჟირა̈̄ნ. ამეჩუნ აჯაღ მე̄რმე ყა̈რუ̂ლა̈რ ესხუ̂იდდახ ი
Line of edition: 32 ხა̈̄ქუ̂ხ: "ამექ' ე̄სერ და̈̄ს მოშ ხოსკნა, ათხ' ე̄სერ ხელწიფ მიჩა დი̄ნას
Line of edition: 33 ხახუ̂დ ხაჰუ̂დი ამნია̈̄ნიდ. მინ ესერ ეჩი̄ ყა̈რუ̂ლა̈რ ლიხ ი სგა̄უ̂ ოთჴერდა
Line of edition: 34 ხელწიფთე̄სგა".

Line of edition: 35 ხელწიფს მასა̈რდ ათხი̄დჷნ ი დი̄ნაგეზალ ქა ლახუ̂ე̄მ ხახუ̂დ. ბა̄ზი
Line of edition: 36 აშხუდ ადყურდახ ი სამთი̄ლ ლა̈ხჭუ̂ედდა მიჩა ხახუ̂:
Line of edition: 37 -- იმთ' ე̄სერ ლი ხოჩა ლა̈თხუ̂იარ! -- მიჩა ხახუ̂ემ ხა̈̄ქუ̂:

Page of edition: 399
Line of edition: 1 -- ლეჟა̄უ̂ ესერ ადრინე ი ლჷჲა̈რ ა̈ნტხენი ქორთე.
Line of edition: 2 ლექუ̂ა̄უ̂-იდე̄მა.

Line of edition: 3 მე̄რმა ლადა̈ღ ანჷ̄გა̈ნ ჟი სამთი̄ლ ი ლექუ̂ა̈̄ნ აჩა̈დ ლა̈თხუ̂იართე.
Line of edition: 4 ლახხუ̂ი̄დ რა̈ჭუ̂, ალა ჩუ̂ადგა̈რ; ღო (ჲ)ერსკნ ლახხუ̂ი̄დ, ალა̄ჲ ჩუ̂ადგა̈რ;
Line of edition: 5 ღო ლა̈ჩუ̂ ლახხუ̂ი̄დ ი ჩუ̂ა̈თბურა̈̄ნ სერ. აშხუ̂ მეგა̈მ ჩუქუ̂ა̄ნ ლემესგ
Line of edition: 6 ა̈ნი̄შუ̂ე, წუ̂ა̈დ ლატყბას ლახდე, ამჟი̄ნ მეგა̈მხა̈ნჩუ̄ნ (\\ მეგამხა̈ნჩუ̄ნ)
Line of edition: 7 ლახსჷმდა: "უ̄ჲ, მჷცხი ხა̄რ, იდგა̈რი ჯა საბრალ!" ლა̈ჲსგიდა ჟიბაუ̂
Line of edition: 8 სამთი̄ლ ი აშხუ̂ დედბერს ხეწა̈დ.
Line of edition: 9 -- ჩუ̄უ̂ ესერ ანჴა̈დ ჩუქუ̂ა̄ნთე, ერუ̂ა̈̄ჲ ღენ ლი!
Line of edition: 10 -- ჩუ̂ ე̄სერ ა̈ნჴდენი, მარე მიჩა მეძბარა̈რდ ესერ ხაყლუ̄ნი.
Line of edition: 11 -- ჲაღუ̂ ე̄სერ მა̈ჲ ხა̈ყრის?
Line of edition: 12 -- მა̈ჲ ესერ-ი მიჩა ჭი̄მა̈̄ ფა̈თუ̂ა̈რ სგა̄უ̂ ლახთილ კინჩხა̈რქა ი ეჩქას
Line of edition: 13 ესერ მიჩ დე̄მის ხა̈ჩო[ხ].

Line of edition: 14 ალა ამჟი̄ნ ჩუ̂ემინ სამთი̄ლდ ი მეძბარა̈რ ჩუ̂ა̈თბა̈̄ნხ. ჩუ̂ანჴა̈დ დედბერ,
Line of edition: 15 ლოხუ̂ბინე წუ̂ა̈დს ლიზუ̂ებ ი ლა̈ჩუ̂ ქა̄დგა̄თუ̂ე ხია̈̄რ. სამთი̄ლ
Line of edition: 16 ლა̈ხჭუ̂ედდა:
Line of edition: 17 -- ჯა ზურა̄ლ, მა̈ჲ ესერ ხორ' ამგუ̂ა̈რ ჴადუ̂ისგა ერე ჟი ლა̈ტხა
Line of edition: 18 მა̄მ ხა̄რ? მიჩ ესერუი ესცუ̂ირ კუ̂ეტო̄ლ წუ̂ა̈დჷლდ!
Line of edition: 19 -- ჩიქ' ე̄სერ ალ წუ̂ა̈დს ადგა̈̄თუ̂ი ი ღო მიჩ ლა̈ჲზუ̂ებნე ჩუ.

Line of edition: 20 სამთი̄ლ ლა̈ხშჷმ მიჩა მეძბარა̈რს, მარე ალჲა̈რ ღალ ჩუ ხა̈ბხ მა̈გ

Добавлено (2007-01-16, 2:26 Pm)
---------------------------------------------
ი დე̄მგუ̂აშ მოშ იჩოხ. ამჟი̄ნ ა̈ნკიდ კი̄ლ დედბერდ ი მაგ ბაჩა̈რდ
Line of edition: 22 ესსიპა̄ლე.

Line of edition: 23 მე̄რმა ლადა̈ღ სამთი̄ლა̈ მუხუ̂ბა ლაბრა̄ლჟი̄ნ ლიც ზისხდ ესსიპდა
Line of edition: 24 შია̈რისგა ი გუდ აჴა̈დ, ერე "მიჩა მუხუ̂ბა მო̄ლე ხათჷმ მირ!" აჩა̈დ მიჩა
Line of edition: 25 მუხუ̂ბე̄მი ნა̄ზუ̂ შუკუ̂ს, ქა̄თა̄სდ ძუღუ̂ას. ამექა შიშდ ქა̈̄დსკინე. ეჩხა̈ნთე
Line of edition: 26 ყა̈რუ̂ლა̈რ ესხუ̂ი̄დდახ. ალჲა̈რს სამთი̄ლ ხოხახ ი სგა̈̄დჴერნეხ სამთი̄ლა̈
Line of edition: 27 ხახუ̂თე̄სგა. ალას გუდ აჴა̈დ, ერე "სამთი̄ლა̄ ხეხუ̂ ესერ მჷრე̄ს ლი ალ
Line of edition: 28 დი̄ნა" ი ბა̄ზი ლაყუ̂რაისგა უშხუ̂ა̄რ ნე̄სგაჩუ̄ნ დაშნა̈ჲ ლა̈ჲჩიშ ი ეჩჟი̄ნ
Line of edition: 29 ადყურდა. ისგლე̄თქა ლა̈ხჭუ̂ედდა:
Line of edition: 30 -- ხედა̈̄ ფოყთ' ე̄სერ ლიზ ხოჩა ლა̈თხუ̂იარ?
Line of edition: 31 -- ლე̄თ' ესერ ქა მა̄დ ხო̄ქუ̂აჲა, სერ ბა̄ზ' ესერ იმ ხეჭუ̂დიე̄ლ?
Line of edition: 32 -- დე̄მის აშ ესერ ხეჭუ̂დიე̄ლ ი ქა̄უ̂ ხა̈̄ქუ̂!

Line of edition: 33 ამნე̄მ ხა̈̄ქუდ, ერე "ლეჟა̈̄ნ ესერ ლახ ადრი, ლჷა̈რ ტეხნი,
Line of edition: 34 ლექუ̂ა̈̄ნ-ი-მა̄მა.

Line of edition: 35 ალას სამთი̄ლა̈ მუხუ̂ბე გუდ აჴა̈დ, ერე სამთი̄ლ ლექუ̂ა̈̄ნ ა̈მჩედე̄ლი
Line of edition: 36 ი ეჯღა მირ ათყერა.

Line of edition: 37 მე̄რმა ლადა̈ღ აჩა̈დ ალა ლექუ̂ა̈̄ნ, ხეწა̈დ სამთი̄ლა̈ ნადგარუ̂ რა̈ჭუ̂ს
Page of edition: 400 Line of edition: 1 ი (ჲ)ერსკნს, შიშდ გუდ აჴა̈დ. ადგა̈რ მიჩნე̄მი ნა̈თხუ̂იარე ი სამთი̄ლა̈
Line of edition: 2 ნა̈ლგა̈ნუ̂მჷყ ადჷ̄გა̈ნ ი წუ̂ა̈დუ̂ა̈რს ლიტყბე ლოხუ̂ბინე, ამჟი̄ნ მეგამხა̈ნჩუ̄ნ
Line of edition: 3 ხასჷმდა:
Line of edition: 4 -- ო̄ჲ, მჷცხი ხა̄რ, იდგა̈რი! ...
Line of edition: 5 -- ჲა̈რ ესერ ლი? ჩუ̄უ̂ ანჴა̈დ ი ჟა̈უ̂ ა̈ნტებდა̈̄ნ!

Line of edition: 6 დედბერდ ალასი̄ ჩუ ლახბიშე ჭი̄მა მეძბარრე ლაბა̈მდ, მარე
Line of edition: 7 სამთი̄ლა̈ მუხუ̂ბე̄მ ჩუ̂ა̈შიხ ლემასგუ̂ისგა. დედბერ ჩუ̂ანჴა̈დ ი ლეღუ̂ს
Line of edition: 8 მიჩნე̄მ გარ ლოხუ̂ბინე ლიზუ̂ებ.
Line of edition: 9 -- ეჲ, ჯა ზურა̄ლ, მიჩ ესერუი ათნებე მა̄დხუ̂ა̈ჲ!
Line of edition: 10 -- მიჩ ესერ ლიმბე მა̄დე, ამი̄ ნაზობუნღუ̂ ე̄სერ მიჩი ჩუ
Line of edition: 11 ლა̈ჲზუ̂ებნე.

Line of edition: 12 ათხე სერ სამთი̄ლა̈ მუხუ̂ბე გუდ აჴა̈დ, ერე ამის მირ ოთყერა
Line of edition: 13 მიჩა მუხუ̂ბად, ესუ̂ქჷქნე მეძბარა̈რს, ახფხიჭეხ სგა დედბერს ი ლიცლჷ̄რე
Line of edition: 14 ლოხუ̂ბინეხ.
Line of edition: 15 -- შიშდ ესერ ქა̄უ̂ ხა̈̄ქუ̂, მიჩა მუხუ̂ბად მა̈ჲ ოთყერა, ადო გჷლა̈ჯდ
Line of edition: 16 ესერ ხა̈გნა̈̄უ̂ნე მიჩა თხუმ! -- ეჩქას დედბერ ა̈თჴჷ̄რა̈̄ნ:
Line of edition: 17 -- ჲაღუ̂' ე̄სერ ნომა̄უ̂ ადცჷლჷ̄რე ი მიჩ კა̈ნჭო̄ლქა ზისხუ ოხუ̂წურე, ეჯა
Line of edition: 18 ჟი̄უ̂ ესბჷფხნე მიჩა მუხუ̂ბა ი ჟ' ესერ ისე̄ლუ̂ა̈̄ლ ეჩქას.

Line of edition: 19 ალ, ა̄მჟი̄ნ ჩუ̂ემინ ი გაცხა̈ჲდ ჟ'ანგენა̄ლე მიჩა მუხუ̂ბე ი მეძბარა̈რ
Line of edition: 20 ეჩქანღო მეძბარა̈რდ ჩუ̂ადცჷლჷ̄რეხ დედბერ. სამთი̄ლ ჟ'ანჷ̄გა̈ნ, ლა̈ჲბრი̄ნგუ̂ე
Line of edition: 21 თე̄რა̈რ ი რა̈̄ქუ̂:
Line of edition: 22 -- უჰ, მა̈ხუ̂ა̈ჲ ესერ ხოუ̂ჟა?!
Line of edition: 23 -- ლიუ̂ჟ' ე̄სერ მა̄დეჲ ამჟი-ჲ-ამჟი ლჷმა̈̄რლი მიჩა გუ̂ეშ-ი მა̈გ
Line of edition: 24 ქო̄ხუნბაუ̂ე. სამთი̄ლ ხოლა̄მ გუჟი̄ნ ა̈დჷრდა, ლახ მიჩა ხახუ̂ცახა̈ნ
Line of edition: 25 ლიყუ̂რე ჩუ̂ადცხირე მიჩა მუხუ̂ბე̄მიშ. ალას მიჩა მუხუ̂ბე გუდ აჴა̈დ.
Line of edition: 26 ქა̄ნჴა̈დხ მინდუ̂ერთექა, ადკუ̂ა̈რ სამთი̄ლა̈ მუხუ̂ბე̄მ ცჷჴემა̈დ ი რა̈̄ქუ̂:
Line of edition: 27 "მა̈̄ჲ ასშუ̂ ესერ ჯა მიჩა ხახუ̂ სგა ლახთელე̄ნს, ეჩექა̄უ̂ ესერ ახხუ̂იე̄ნა
Line of edition: 28 ი ჯა̄ჲ ჩუ̄უ̂ ალდაგა̈რ!" ცხუ̂ი ჭიშხი კა̈ნჭო̄ლს ათხუ̂ი̄დდა ი ჩუ ღალ
Line of edition: 29 ადგან. ალას სამთი̄ლდ სერ თე მა̄მ ლახხუ̂ეტ ი სგა̄ჩა̈დ მიჩ ხახუ̂თე̄სგა.
Line of edition: 30 მიჩა ხეხუ̂ ლა̈ხჭუ̂ედდა: "მა̈ჲ ესერ ლჷმა̈̄რლი ლე̄თი̄ დაშნი ლიჩშე უშხუ̂ა̄რ
Line of edition: 31 ნე̄სგაჩუ̄ნ?" სამთი̄ლ გუდ აჴა̈დ, ერე მა̄მგუ̂ეშ ხაქდე̄ნა მიჩა მუხუ̂ბა.
Line of edition: 32 აჩა̈დ შიშდ, ადთჷმე ლჷდგა̈რი მჷსე̄ლუ̂ე ლიც, ჟ'ანსე̄ლუ̂ე მიჩა მუხუ̂ბე,
Line of edition: 33 ხახუ̂დ მიჟიუწდუნა დი̄ნა ოთთჷმე ი ხოჩა ლირდ' ა̈̄დჴიდხ.

Line of edition: 34 უ̂ოდ ეჯჲა̈რს დო ლეწედ, ეჩქად ნომა̄უ̂ ლოგუ̂ზიგა ი ლჷმზჷრე̄უ̂
Line of edition: 35 ლიშდ.

Добавлено (2007-01-16, 2:27 Pm)
---------------------------------------------
Text: 176
Page of edition: 401
Line of edition: 1
176. ყარაბახჷლდ

Line of edition: 2 ლჷმზჷრე̄უ̂ ლიშდ ი აშხუ̂ მეჩი ხეხუ̂-ჭა̈შს სუმინ ჩხარა ლახუ̂ბა ხორიხ
Line of edition: 3 გეზლი̄რდ ი ეშხუ დი̄ნა. ლახუ̂ბა ლამშჲათ' ა̄ჩა̈დხ. მინე დაჩუ̂ირ
Line of edition: 4 ჩუ̂ადშგურა̄ნეხ, ერე "სა̈დილ ესერ მიჩნე̄მუ ოხუ̂ჴიდ ღო, ლა̈ნშა̈ნდ ესერ
Line of edition: 5 ცილრე ნატა̄ბა̄ლსუ̂ შიდნუნიხ შუკუ̂ა̈რქა ი ეჯასუ ა̈ხჭა̈მ ი ეჩნოუ̂შ ესერ
Line of edition: 6 ჟი ითხე̄ლი". ლახუ̂ბა აჩა̈დხ, ცილა̈რს ატა̄ბახ ი ეჩჟი̄ნ ქა̄დჰეხ ლამშჲა
Line of edition: 7 ა̈დგილმუყუ̂. ალ ცილა̈რს და̈̄უ̂ ა̈თთხანა̈̄ნ ი სგა ლოხუ̂სიპე მიჩა ქორთე̄სგა.
Line of edition: 8 დი̄ნად სა̈დილ ოთჴიდ მიჩა ლაჯმილას, ა̈თჭა̈მ ცილრე ნატა̄ბა̄ლსუ̂ ი სგა
Line of edition: 9 ლახა̄გა̈ნ და̈̄უ̂ა̈ ყო̄რს. და̈̄უ̂დ სგა̄დჲე დი̄ნა ქორთე ი ხახუ̂დ ესყედა̄ნე.

Line of edition: 10 ნა̈ბოზს ანჴა̈დხ ლაჯმილა ქორთე მა̈ჲდა̈̄რ ი ხოლა მიჰმა̈ნ ა̈დბინეხ:
Line of edition: 11 "იმღ' ე̄სერ ოხხუ̂ი̄ტახ ჟი მა̈იდშუ̂ ლა̈დი, მა̈ჲ ესერ ესგაფე̄ნახ?" დიდ
Line of edition: 12 ი მუდ ხა̈̄ქუ̂ხ, ერე მინს ესერ დი̄ნად ოჰოდახ სა̈დილ. უ̂ა̈ჲ-უ̂ა̈ჲ ესერ
Line of edition: 13 დო̄უ̂ და̈̄უ̂ს ოთხუ̂ია̈̄ნ!" ი ლიგუ̂ნი ლა̈ჲბინეხ.

Line of edition: 14 მე̄რმა ლადა̈ღ ანჷ̄გა̈ნხ ლახუ̂ბა ი სგა ლახა̄გა̈ნხ და̈̄უ̂ს ყო̄რს. და̈̄უ̂
Line of edition: 15 დე̄ს' ა̈̄რი ქორს. ქა̈̄ნსგიდა ყო̄რქა მიჩა დი ი ლა̈ჲბინე ლისე̄ნტყუ̂ა̈̄ლ:
Line of edition: 16 -- უ̄ჲ, საბლუ, მა̈ჲ ესერ ხა̈კუ̂დახ ამხა̄უ̂? -- ლახუ̂ბად ხა̈̄ქუ̂ხ:
Line of edition: 17 -- მა̈ჲ ესერ ი მინე დაჩუ̂ირთ' ა̈̄მჴედე̄ლიხ.
Line of edition: 18 -- ჲაღუ̂ ე̄სერ და̈̄უ̂ ლა̈თხუ̂იარს ა̈რი, ჟი̄უ̂ ლა̈ჲღე̄ლუ̂ეხ ი ეჩქად
Line of edition: 19 უ̂ისგუ ესერ ა̈ნშიდხ ყორჟი.

Line of edition: 20 სუმინ ჩხარა ლახუ̂ბად ლიტჷრხანა̈̄ლ ლოხუ̂ბინეხ უ̂ისგუ̂ს ი ეშხუ̂ი̄ლ
Line of edition: 21 დეშ ოხუ̂კუ̂ა̈რხ, ადო ჰამუნღუ̂ე̄ ნა̈ბოზდ შია̈რ ჟ'ესჴიჩხ ნატჷრხანა̄ლ.
Line of edition: 22 ნა̈ბოზს ანჴა̈დ და̈̄უ̂. აშხუ̂ხა̈ნჩუ̄ნ ღუ̂აშ ხა̈ცუ̂ ი მე̄რმახა̈ნჩუ̄ნ ქა უკცხა
Line of edition: 23 ღუმირ. ალჲა̈რ ჩუ̂აშიდ და̈̄უ̂დ ყო̄რჟი̄ნ ი აქა̈̄ნ' ოხკიდ მიჩა ლა̈სმუნას:
Line of edition: 24 "ა̄, მიშგუ ლა̈სმუნა, სგა̈̄უ̂-უნყუ̂ს ლამჴედად შუ̂იდებდ!" სგა̈̄წსე ქორთე
Line of edition: 25 ი ხა̈̄ქუ̂: ღუ̂აშა̈ ლიშდბუნ' ე̄სერ ხოცხახ, ა ღუმრიშ?" ლახუ̂ბად ღუმრი

Добавлено (2007-01-16, 2:27 Pm)
---------------------------------------------
ლიკცხე ა̈ნცხე̄ნეხ, მარე ოდ აშხუ̂ აშხლი̄დს ახქუ̂იცახ, ეჩქად და̈̄უ̂დ
Line of edition: 27 ღუ̂აშ ჩუ̂ადშდაბუ̂ნე, სგა̄თგე ცხუ̂ადუ̂თე, ეჩქანღო ქა ლა̈ხბი̄შდ ღუმირს,
Line of edition: 28 ჩუ̂ადბუნყუ̂ილაუ̂ე ი ჟ'ოთჩიდ. უ̂ახშმობჟი̄ნ ლა̈ხჭუ̂ედდა: "ძუ̂ერ ესერ
Line of edition: 29 ხოცხახ, ა ჯიჯუ̂ა̈რ?" ლახუ̂ბად ხა̈̄ქუ̂ხ: "მინს ესერ ჯიჯუ̂ა̈რ ქა ხა̄რხ".
Line of edition: 30 ანჴა̈დ და̈̄უ̂, ძუ̂ერს ჯა იზბი, თუ̂ელს მიჩა ხახუ̂ ხა̄მნე ი ჯიჯუ̂ა̈რს მიჩა
Line of edition: 31 ლა̈სმუნას ხოშდე. ლიყუ̂ნა̄ლე დუ̂რეუ̂ ანჴა̈დ, ეჩქას ლა̈ხჭუ̂ედდა̄დ: "მარა̈ნისგა
Line of edition: 32 ლიყუ̂ნა̄ლ ესერ ხოცხახ, ა ლაყუ̂რაისგა?" -- "მინს ესერ მარა̈ნისგა"
Line of edition: 33 ი ლახუ̂ბა გუ̂ალუ̂ა̈რისგა ადყუ̂ინა̄ლე. მე̄რმა ლადა̈ღ ჰამს ჟ'ანჷ̄გა̈ნ
Line of edition: 34 და̈̄უ̂ ი რა̈̄ქუ̂: "დედე, ლენცელ ესერ დე̄სამა ხოცჷხა?" მიჩა დიდ
Line of edition: 35 ხა̈̄ქუ̂: "იმუ̂ა̄ლ' ე̄სერ ლა̈დიარა̈რისგა მე̄რილდა̈რ ა̈რიხ, ეჯჲა̈რ ესერუ
Line of edition: 36 ა̈ნჩხუნკუ̂ა̈ნიე̄ლე!" და̈̄უ̂დ სუმინ ჩხარ მიჩა ლა̈სმუნა მა̈გ ჩუ ლალე̄მ,
Line of edition: 37 ეჩქა აჩა̄დ ლა̈თხუ̂იართე.

Page of edition: 402
Line of edition: 1 საბრალ მეჩი ხეხუ̂-ჭა̈შს მა̄მგუ̂ეშ ესსა̈დხ ი ჩი̄ ღე̄რბათ გეზალს
Line of edition: 2 ხეჴჷ̄რა̈̄ლხ. აშხუ̂ ლადა̈ღ მეჩი მა̄რე ცხეკთ' ა̄ჩა̈დ. ეჩეჩუ̄ნ ტყუბულ
Line of edition: 3 ა̈ნკიჩ. ალ ტყუბულდ ლი̄მბუ̂ა̈̄ლ ლოხუ̂ბინე ი ხა̈̄ქუ̂: "ჯ' ე̄სერ ჩუ̄უ̂ ხა̄მნე
Line of edition: 4 მიჩა ხახუ̂ ი ეჩქას ესერ გეზალ ქა ხეთუ̂იხ". მეჩი მა̄რე̄მ ალა ჩუ ხა̄მნე
Line of edition: 5 მიჩა ხახუ̂. ეჯა გაცხა̈ჲდ ჩუ̂ა̈დღანუ̂ა̈̄ნ ი ჭყინტ ანთაუ̂ე. ალ ჭყინტს
Line of edition: 6 ყარაბახჷლდ ათჟა̈ხხ ი ეჩჟი ჟი იცხემ, ერე კამინუ̂ს ლა̈̄თშუ̂ იცხემ
Line of edition: 7 ი ცერმჷკა̈ჩს ლადა̈ღშუ̂. ღჷრი ქა სარაგთე ი მჷლცას ოხრა̈რს ი სტამა̄ნა̈რს
Line of edition: 8 ჩი̄ ჟი ხაფთქუ̄რე ი ხაკუ̂შუ̈რე.

Line of edition: 9 აშხუ̂ ლადა̈ღ აშხუ̂ კუ̂აჩხა̈ჲ დი̄ნად ხა̈̄ქუ̂: "ამგუ̂ა̈რ უ̂იდიე̄რ ესერ ე̄
Line of edition: 10 ლიზ, მიჩა სუმინჩხარა ლახუ̂ბას ი დაჩუ̂ირსუ ა̈ხთხა̄ლ; მინეცახა̈ნ ესერ
Line of edition: 11 მა̄მგუ̂ეშ ხოწიუ̂ ამი̄შთა̄ნ გუ̂ეშ!" ანჴა̈დ ყარაბახჷლდ ა̈გითე ი ხა̈̄ქუ̂ მიჩა
Line of edition: 12 დის: "დედე, ქუთ ა̈მნა̈ყ". მიჩა დიდ ქუთ ოხუ̂ნაყე, ჟ'ა̈ნბიჴუ̂ ყარაბახჷლდდ
Line of edition: 13 ი სგა ლახტყიპ მიჩა დის ლუსუ̂ა̈რისგა ი ხა̈̄ქუ̂:
Line of edition: 14 -- დედე, ედ ქა მე̄ქარ, მიშგუ ლახუ̂ბა ი დაჩუ̂ირ მა̈ჲ ა̈და̈ნხ, ი
Line of edition: 15 მა̄დეჲ ლუსუ̂ა̈რს ქა ჯა̈შხი!

Line of edition: 18 მე̄რმა ლადა̈ღ ანპა̈რ ყარაბახჷლდ ი სგა ლახა̄გა̈ნ და̈̄უ̂ს ყო̄რს. და̈̄უ̂
Line of edition: 19 დე̄სა̄დ ა̈რი ქორს ი მიჩა დი ა̈ნსგიდა ლაჴუ̂რაქა:
Line of edition: 20 -- უ̄ჲ, საბრალ, ერუ̂ა̈̄ჲ ღენ ესერ ლიზ!
Line of edition: 21 -- საბრალ ესერ ჯა ი̄რა, ხოლა ნადა̈̄ურა, ამჟ' ესერ ხაკუჩა, სა̈მუნ
Line of edition: 22 ესერ ახჴედა ი ყო̄რქა და̈̄რ ხოსგდიხ ქა?! იმ' ე̄სერ ითი̄რ ნა̈პილწურა
Line of edition: 23 მიჩა ჩი̄ჟე?
Line of edition: 24 -- ეჯ' ე̄სერ ლა̈თხუ̂იარს ა̈რი ი ეჩქად ესერ უ̂ისგუ ა̈ნშიდ ი ეჯა̄უ̂
Line of edition: 25 ლალე̄მ.

Line of edition: 26 ახფიშუ̂დ ყარაბახჷლდდ ტარხან უ̂ისგუ̂ს ი მა̈გ ჩუქუ̂ა̄ნთ' ა̄ნრჷხნე,
Line of edition: 27 ეშხუ̂ი̄ლ მა̄დ ლახცუ̂ირ ჟიქა̄ნ. ნა̈ბოზს და̈̄უ̂ ანჴა̈დ ლა̈თხუ̂იარხა̈ნ, ჩუ̂ათირ
Line of edition: 28 მიჩა სა̈მუნ, აქა̈̄ნი ოხკიდ ი ხა̈̄ქუ̂:
Line of edition: 29 -- ღუ̂აშა̈ ლიშდბუნ' ე̄სერ ხოცხაჲ-ა ღუმრა̈შ?
Line of edition: 30 -- ჩუ̂ა̈თთჷრ, ხოლა ნაჴე̄ცურა, ი ღუმირ ისგუ გუ̂ეშ ლიზ ი ღუ̂აშს
Line of edition: 31 მ' ოთშდაბუ̂ნი!

Line of edition: 32 ხაფხეჭ ღუ̂აშს ი ოდ და̈̄უ̂ აშხუ̂ აშხლი̄დს ახქუ̂იცა, ეჩქად მიჩნე̄მ
Line of edition: 33 ღუ̂აშ ქა̄დშდაბუ̂ნე. ეჩქანღო ქა ლა̈ხბი̄შდ ღუმირს, ეჯა ტრა̈კდ ადგენე
Line of edition: 34 აშხუ̂ რა̈კს ი ჟ'ოთჩიდ. უ̂ახშმობჟი̄ნ ლა̈ხჭუ̂ედდა და̈̄უ̂:
Line of edition: 35 -- -- ძუ̂ერ ესერ ხოცხაჲ-ა ჯიჯუ̂ა̈რ?
Line of edition: 36 -- ჩუ̄უ̂ [ესერ] ა̈დლაჟგა̄ლ, ხოლა ნადა̈̄ურა, ჯიჯუ̂ა̈რს ესერ იმჟი
Line of edition: 37 ლა̈ჲზუ̂ებნე ჯა, იშუ ესერუ ლახუ̂ე̄მ!

Page of edition: 403
Line of edition: 1 ყარაბახჷლდ ჯიჯუ̂ა̈რს და̈̄უ̂ს ხოშდე, იშუ̂ს ჯა იზბი ი თუ̂ელს მიჩა
Line of edition: 2 დაჩუ̂ირს ხა̄მნე. ლა̈ყუ̂ნა̄ლჟი̄ნ და̈̄უ̂ ლა̈ხჭუ̂ედდა:
Line of edition: 3 -- გუ̂ემისგა ლიყუ̂ნა̈̄ლ ესერ ხოცხაჲ-ა ლაყუ̂რაისგა?
Line of edition: 4 -- ჩუ̄უ̂ ა̈დთჷ̄რ, ხოლა და̈̄უ̂, ი გუ̂ემისგა ი ლა̈დიარისგა ჯა̄უ̂ ა̈დთჷ̄რ
Line of edition: 5 ი მიჩ ესერ ხოჩა ლაყუ̂რა̄უ̂ ოთერშ! -- ყარაბახჷლდ ლაყუ̂რაისგა
Line of edition: 6 ადყურდა ი და̈̄უ̂ მარა̈ნისგა.

Line of edition: 7 მე̄რმა ლადა̈ღ და̈̄უ̂დ ხა̈̄ქუ̂ ყარაბახჷლდს: -- ჩუ დო ლიბჷრგე̄ლდ.
Line of edition: 8 -- შიშდ ესერ. -- ა̈დბჷრგა̈̄ნხ ჩუ ი ყარაბახჷლდდ შიშდ ჩუ̂ა̈ნდე და̈̄უ̂, ჟი
Line of edition: 9 ლა̈ჲშგუ̂ინ დაშნა̈ჲ ი ხა̈̄ქუ̂: -- შიშდ ესერ მიჩა ლახუ̂ბად მა̈ჲ ხოყრა,
Line of edition: 10 ქა̄უ̂ ხა̈̄ქუ̂, ადო ახჴედ' ე̄სერ მეშხე ლადა̈ღ! -- და̈̄უ̂დ ხა̈̄ქუ̂;
Line of edition: 11 -- მა̈დილუ ხე̄რა, ნომა̄უ̂ ადგა̈რ ი ქ' ე̄სერ ხაყლე, იმჟი̄ნ ხეკუ̂დენი
Line of edition: 12 ეჯჲარე ლისე̄ლუ̂ე.
Line of edition: 13 -- ჲაღუ̂ ე̄სერ იმჟი?
Line of edition: 14 -- იმჟ' ესერ ი კუ̂ეტო̄ლ გუ̂ისუ ახხუ̂იტ, კუ̂ეტო̄ლ ყუ̂იჟა-პერშუ̂დას,
Line of edition: 15 ჯაჭა̈რს, ეჯჲა̈რს ესერ, ღალიდ ხო̄ზ სუ̂ეტისგა, ეჯა̄უ̂ ლახჭემ ი
Line of edition: 16 ჟ' ესერ ისე̄ლუ̂ა̈̄ლხ ეჩქას.

Line of edition: 17 ალა ყარაბახჷლდდ ამჟი̄ნ ჩუ̂ემინ ი მიჩა ლახუ̂ბა ჟ'ანჷ̄გა̈ნხ, ეჩქას
Line of edition: 18 და̈̄უ̂ი ქა̄ხშდიხ სერ. ანკოკუ̂ეხ მა̈გ და̈̄უ̂ა̈ ხოჩე̄რობა, მინე დაჩუ̂ირ სგა
Line of edition: 19 ლა̈ჲჴერნეხ ი აჩა̈დხ ა̈გითე. აშხუ̂ მინდუ̂ერისგა ჩუ̂ა̈დსადგუ̂მა̈̄ნხ ი ყარაბახჷლდ
Line of edition: 20 მეგამ ჩუქუ̂ა̄ნისგა ჩუ̂ა̈დუ̄ჟდა. მიჩა ლახუ̂ბად ხა̈̄ქუ̂ხ უშხუ̂ა̄რ:
Line of edition: 21 "ალ მინე მუხუ̂ბ' ე̄სერ მინს ლირდეს დე̄სა ხა̈ჩო, ანჴა̈დხუ, სგა̄უ̂ ლახლა̈ჯხ
Line of edition: 22 მეგა̈მს ალა ი ჩუ̄უ̂ აცუ̂ირხ ამეჩუნ". მინე დაჩუ̂ირ მასარდ იგუ̂ა̈ნდა,
Line of edition: 23 ეჩჟი̄ნ ხასდიკჷნ, მარე ღალ მა̄მაგუ̂ეშ ლა̈ხქა̈მ. სგა̄თლა̄ჯხ მიჩა
Line of edition: 24 ლახუ̂ბად ყარაბახჷლდ მეგა̈მს ი მინ მა̈გ ა̈გით' ა̄ჩა̈დხ. მინე დის ი
Line of edition: 25 მუს მასა̈რდ ათხი̄დჷნხ ეჯჲარე ლიჴედ. ლა̈ხჭუ̂ედდახ ყარაბახჷლდა̈შს,
Line of edition: 26 მარე ლახუ̂ბად ხა̈̄ქუ̂ხ, ერე "მინს ესერ დე̄სამაგუ̂ეშ ხომჴერახ ეჩი̄შ".
Line of edition: 27 მინე დიდ ი მუდ ღალ ლიგუ̂ნი ლა̈ჲბინეხ, მარე იმ ლახშედენხ
Line of edition: 28 გუ̂ეშს.

Line of edition: 29 ყარაბახჷლდს ჟ'ა̈ხჲა̈ცხჷ̄ნ ი მიჩა თხუ̂იმ ლჷლა̈ჯ ლახ ესწუ̂ე̄ნე,
Line of edition: 30 ა̈თჴჷ̄რა̈̄ნ ღე̄რბათ: "ალას ესერ სა̈ხ ჰე̄ ლახღუ̂ე̄ნე̄ნს მიჩა ლახუ̂ბახა̈ნქა,
Line of edition: 31 ღუ̂ ე̄სერ ჟი̄უ̂ ესსედა ამეჩუ̄ნ: ჰ' ე̄სერ მოდე, ღუ̂ ე̄სერ ჟი̄უ̂ ოხშგიბა ალ
Line of edition: 32 მეგა̈მ". ესჯუ̄ნჯა̄ლე ი მეგა̈მ ჟ'ა̈ნყუ̂იფ, ჟ'ანჷ̄გა̈ნ ი ეჩჟი ლი̄ზი ლა̈ჲბინე
Line of edition: 33 მიჩა ქორთე. სგა̄ჩა̄დ ქორთე, მეგა̈მ ჟი ხა̈̄ცუ̂ ეჩჟი̄ნ, ი ლახტუ̂ი̄ლ მიჩა
Line of edition: 34 ლახუ̂ბას: "ქა̈უ̂ ა̈ნთჷ̄რხ ქა̄მაუ̂ ი მეგა̈მ ჟი̄უ̂ ახფიშგხ!" ლახუ̂ბას ათყალუ̂ი̄ნდახ,
Line of edition: 35 მარე ხა̄დხ დამ ი ჟი ლეფშგჷ̄რე ხადხ. მიჩა დის ი მუს მასა̈რდ
Line of edition: 36 ათხი̄დჷნხ ყარაბახჷლდა̈ ლიწედ. ყარაბახჷლდდ ხა̈̄ქუ̂ მიჩა ლახუ̂ბას:
Line of edition: 37 "მა̈̄ჲ ესერ ღენ ამგუ̂ა̈რ ჯა მინს ლახსისგახ, ხოჩა ლირდე̄უ̂ ესერ
Page of edition: 404 Line of edition: 1 ოთჴი̄დახ მიჩეშურდ, ჯ' ე̄სერ დე̄მის იგნი მინეცახა̈ნ". დი ი მუ ი დაჩუ̂ირ
Line of edition: 2 მასა̈რდ ხეჴჷ̄რა̄ლხ ჩუ ლისედს, მარე ეჯღა̄ჲ მა̄დ ადჷ̄გა̈ნ ი აჩა̈დ.

Line of edition: 3 ესღრი, ესღრი ი აშხუ̂ მინდუ̂ერისგა ბაპს ხეწა̈დ, ლაჴუ̂ა̈მ შჷყჟი
Line of edition: 4 ხა̈̄ცუ̂, ხამა̈რს ხელდეღ, ჯაბრა̈რს იკა̄რზა̈̄ლი, ლა̈ირს ხეჭუ̂დი ი იტშულა̈̄ლ.
Line of edition: 5 ყარაბახჷლდდ ხა̈̄ქუ̂:

Добавлено (2007-01-16, 2:30 Pm)
---------------------------------------------
-- უჰ, ჯა მა̄რე, მა̈ჲ ესერ ლემჲედე ხა̈ჲმედე̄ნა?
Line of edition: 7 -- ალ' ე̄სერ მა̈ჲ მა̈მჲედა ლი, ლიმჲედ' ე̄სერ ეჯა ლ'-ე̄, ყარაბახჷლდს
Line of edition: 8 ხოჩუ̂მინა: სუმინ ჩხარა მიჩ ლახუ̂ბა და̈̄უ̂ა̈ ჴარჴხა̈ნქა
Line of edition: 9 ქო̄ხუ̂ტი̄ხა.
Line of edition: 10 -- ეჯ, ე̄სერ ჯა ლიზ, მარე ალას ესერ დეშ იჩო.

Line of edition: 11 ალჲა̈რ ჩუ̂ა̈დმუხუ̂ბა̈̄ნხ ი აჩა̈დხ. ლახხუ̂ი̄დდახ ეშხუ მა̄რე, რიუ̂ენს
Line of edition: 12 სგა ხოხლა, ითრე, აშხუ̂ კუ̂იფხს ქა დე̄მ ფიშუ̂დე ი ეჯღა̄ჲ ტუ̄ლი:
Line of edition: 13 "ლიცი მაფჷნშუ̂ ესერ იყმი!"
Line of edition: 14 -- უჰ, ჯა მა̄რე, მა̈ჲ ესერ ლჷჴმა̈შ ლჷმა̈̄რლი?
Line of edition: 15 -- ჯ' ე̄სერ მა̄მ ლი, მარე ყარაბახჷლდს ესერ ნაჩომ ხოჩუ̂მინა,
Line of edition: 16 ეჯ' ე̄სერ ლი ნაჩომ.
Line of edition: 17 -- ეჯ, ე̄სერ ჯა ლი, მარე ალას ესერ დეშ იჩო.

Line of edition: 18 ალაჲ სგა̈̄თმუხუ̂ბა̈̄ნ. ესღრიხ ი აშხუ̂ მინდუ̂ერისგა მა̄რე აჴნი, კიცხს
Line of edition: 19 ჩი̄ ჩუ ჲურტყუ̂ი ი ეჯღა̄ჲ ტუ̄ლი: "ჯა საბრალ, ხა̈ჲდ ესერ!" ალა̄ჲ სგა
Line of edition: 20 ლა̈ჲმუხუ̂ბეხ ი აჩა̈დხ. ესღრიხ ი აშხუ̂ მინდუ̂ერისგა ჩეი̄ ქორ ლჷგ.
Line of edition: 21 სგა̄ჩა̈დხ ამხა̄უ̂თე̄სგა ი ჟი გუ̂ეში ლი კეთილშუ̂. ესნა̈რ ალა ჩხარა̄მ
Line of edition: 22 და̈̄უ̂ა̈ ქორ ლიზ, მარე მაყალშუ̂ ქა მჷრა̈̄მთ' ა̄ლიტუ̂ლიხ, ჩუ̂ა̈მსედე̄ლი
Line of edition: 23 ეშხუ კუ̂აჩხა̈ჲ და̈̄უ̂ ი ეჯა ბუხუ̂ა̈რჟი̄ნ ათცჷყე̄რე̄ნა. მე̄რმა ლადა̈ღ მა̈გ
Line of edition: 24 ლა̈თხუ̂იართ' ა̄ჩა̈დხ ი ა̈გის ბაპ აცუ̂ირხ. ამნე̄მ სა̈დილ ჟ'ანმა̄რე ი და̈̄უ̂
Line of edition: 25 ქა̄ნჴა̈დ ბუხუ̂ა̈რხა̈ნქა. ბაპ ღალ ჩუ̂ადყა̄ლუ̂ე ი სა̈დილ მიჩნე̄მ ლალე̄მ.
Line of edition: 26 მე̄რმა ლადა̈ღ ლიცი მუხუ̄წე ადჷ̄გა̈ნ, მარე ამისი ამჟი̄ნ ხეყა̈რ. ღო
Line of edition: 27 უ̂ერი მურტყუ̂ი ადჷ̄გა̈ნ, ეჯასი ეჩჟი̄ნ ხაყერ. მე̄შთხუ̂ა ლადა̈ღ ყარაბახჷლდ
Line of edition: 28 ადჷ̄გა̈ნ. სა̈დილ ჟ'ანმა̄რე ი და̈̄უ̂ ქა̄ნჴა̈დ ბუხუ̂ა̈რხა̈ნქა. ყარაბახჷლდ
Line of edition: 29 ლა̈ხჭუ̂ედდა:
Line of edition: 30 -- მა̈ჲ ესერ ხაკუჩ?
Line of edition: 31 -- მა̈ჲ ესერ ი ლეზუ̂ებ, მა̈გ ჩუ̄უ̂ ათნებ' ა̄დო მიჩ ესერი ჩუ
Line of edition: 32 ლა̈ჲზუ̂ებნე.
Line of edition: 33 -- ეჯ' ე̄სერ იმჟი̄ნ ი̄რა, ჯა მა̄რე?
Line of edition: 34 -- იმჟ' ესერ ი ამჟ'-ა̄ -- ი სგა̄ხფხიჭეხ უშხუ̂ა̄რ. ყარაბახჷლდდ და̈̄უ̂
Line of edition: 35 ჩუ̂ა̈ნდე, კინჩხ ჟ'ახქუ̂იც ი ჩუ̂ადკუ̂ა̈რ ლჷბჷრჯა უ̂ერჩუ̄ნ. ნა̈ბოზს ანჴა̈დხ
Line of edition: 36 მიჩ' ა̄ფხნეგა̈რ ი სა̈დილ ლახ ლჷმა̄რ' ე̄სხუ̂ი̄დხ, გუნ ათჷნბაჟჷნხ. ამეჩუ
Line of edition: 37 სერ ჟ'ახჟანდახ, აჩა̈დხ ი აშხუ̂ ხელწიფს ათა̈გა̈ნხ. ხელწიფს სემი
Line of edition: 38 დი̄ნაგეზალ ხორი, ი ერუ̂ა̈̄ჲ სგა ღჷრი, ჩი̄ ხაყლე, ერე

Page of edition: 405
Line of edition: 1 -- ერუ̂ა̈̄ჲ ესერ სამ ნა̈ბინუ̂თექა ქო̄ხჴედნი ი ეჯას ჩუ იჩო, მიჩა
Line of edition: 2 დი̄ნა̈̄ლს ესერ ეჯას ხაჰუ̂დი ლა̈ხხუ̂ად.
Line of edition: 3 -- ღუ̂ ე̄სერ მა̈ჲ ლიზ ეჯკა̈ლიბ?
Line of edition: 4 -- მა̈ჲ ესერ ი ერუ̂ა̈̄ჲ მიჩა კარდალს ჟი იცუ̂ემ, ქორხა̈ნქა კალუ̂თექა
Line of edition: 5 ქა̈̄ე̄სგი ი ღო სგა იტხე, ალ' ე̄სერ-ეშხუ; მე̄რმე-ერუ̂ა̈̄ჲ ესერ
Line of edition: 6 მიჩა აშხუ̂ კეც ღუ̂ინა̈ლს აშხუ̂ჟი ჩუ ითრე, ი მე̄სმე-ერუ̂ა̈̄ჲ ესერ აშხუ̂
Line of edition: 7 მიჩა კიბდუ̂ენ გუ̂ეში დია̈რს ჩუ იზბი.

Line of edition: 8 ანჴა̈დ ყარაბახჷლდ ი ხა̈̄ქუ̂ მიჩა აფხნეგა̈რს: "ჰე̄, საბლუ, ჲაღო სგა̈ჲ
Line of edition: 9 ჯიხახ, მა̈გუ̂ა̈რს ა̈ხმა̈რგიდ!" ანჴა̈დ ბაპ, კარდალ ჟი ლა̈ჲცუ̂ე, ქორხა̈ნქა
Line of edition: 10 კალუ̂თე ქა̄დჲე, ღო სგა̈̄ნტიხ ი ხაყლა: "სერ ესერ მა̄მგუ̂ეშ ხო̄ზხა,
Line of edition: 11 აჯაღ ესერ იქმე!" კეცს ლიცი მუხუ̄წე ლახა̄გა̈ნ, აშხუ̂ წა̈მს ჩუ ლაი̄შ
Line of edition: 12 ი ყჷლა: "ლიცი მაფჷნშუ̂ ესერ იყმი!" კიბდუ̂ენს კიცხრე მურტყუ̂ი
Line of edition: 13 ლახა̄გა̈ნ, მა̈გ ჩუ̂ადყლემპე ი აჯაღ ყჷლა: "მიჩა ცოდ, მაიდშუ̂ ესერ
Line of edition: 14 იდგა̈რი!" ხელწიფს ხა̄დ ი დამ ი ქა ლეჰუ̂დი ხა̄დ დი̄ნა̈̄ლ ყარაბახჷლდა̈
Line of edition: 15 აფხნეგა̈რდ. მიჩა აფხნეგა̈რ ჩუ̂აცუ̂ირ ყარაბახჷლდდ ხელწიფცახა̈ნ,
Line of edition: 16 ალჲარე თხუ̂იმ სგა ლახშგურა̄ნე ი ჯ' ა̄ჩა̈დ ხახუ̂ ლათხე̄ლთე. ჩუ ითხე
Line of edition: 17 ეშხუ მიჟიშ ი დოშდლა̈ უწდუნა დი̄ნა, ეჯა ხახუ̂დ ესყედა̄ნე. ხოჩა
Line of edition: 18 ლირდე-ლიზგ' ა̈̄დჴიდ ი ლჷმზჷრე̄უ̂ ლიშდ.

Добавлено (2007-01-16, 2:30 Pm)
---------------------------------------------
Text: 177
Page of edition: 405
Line of edition: 19
177. ჯიჯბა̈ჴ

Line of edition: 20 ლჷმზჷრე̄უ̂ ლიშდ ი აშხუ̂ ხეხუ̂-ჭა̈შს გეზალ მა̄მა ხორიხ. ჩი̄ ღე̄რბათ
Line of edition: 21 ალჲა̈რ ხეჴჷ̄რა̈̄ლხ, ერე "გეზალუ ესერ ლახუ̂ე̄მ". ლახ მო̄მ ოთჩა̈დხ
Line of edition: 22 სგუ̂ებდ მინე ლეჴმა̈რი̄ ხჷნსგა ქა̄ჰუ̂ედხ, ამნოუ̂შ ჯუ̂იდ ი საკმეუ̂ელ
Line of edition: 23 ა̈ნყიდხ ი ლა̈კირ ადგეხ ამი̄შ. ათჴანდა ხოშა̄მ ღე̄რბათ ამი̄ ქუ̂ინ,
Line of edition: 24 ოხუ̂თო̄ნე ჩუ ჭუ̂ე̄რს ი ხა̈̄ქუ̂: "ჟი̄უ̂ ოხუ̂მეჴრე, მა̈ჲ ესერ ლიზ ალა".
Line of edition: 25 ანჴა̈დ ჩუ ჭუ̂ე̄რ, ხეწა̈დ ამის-ა, ლა̈კირს, ი ხოშა̈მ ღე̄რბათ ხა̈̄ქუ̂:
Line of edition: 26 "მა̄მგუ̂ეშ, ბოფშა̈რს ესერ ნა̈ჴჩულდ ოხუ̂ბიდნახ, ეჯ' ე̄სერ ლიზ". ხოშა̄მ
Line of edition: 27 ღერთემ ეჩქანღო მუგულდ ანზჷზე. მუგულდდ ტკიც ამბა̈უ̂ ოთჴიდ
Line of edition: 28 ხოშა̄მ ღე̄რბათ. ხოშა ღე̄რბეთ ჟ'ა̈ნხირნა̈̄ნ ჭუ̂ე̄რთე, მაცლა̈ნ ხაჴიდ ი
Line of edition: 29 ღალა̈რ ჩოთჭერლე. მუგულდს ხა̈̄ქუ̂: "ალ ლა̈კუ̂ცა̈̄ნ ი ჯაყულდ ესერ
Line of edition: 30 ჩუ̄უ̂ ადჲე. ლა̈კუ̂ცა̈̄ნ სკელქა̄უ̂ ხაჴიდ მა̄რა, ჯაყულდ ესერ ალ-ი-ალ
Line of edition: 31 მჷშკიდსუ ოთჴიდ ი ხა̈̄ქუ: "ოდ ესერ ზურა̄ლს მა̈ზუმუ̂ა̈̄ჲ ხა̈ნს ბეფშუ̂
Line of edition: 32 ხო̄ზ ჴადუ̂, ეჩზუმ ხა̈ნ დო აჩეს, ეჩქად ქა ნოსა̄უ̂ ოხთხირ სკელ, ეჩქას
Line of edition: 33 ესერ სგა̄უ̂ ხაძგერ!" ალა მუგულდდ ამჟი̄ნ ჩუ̂ემინ. მა̄რა სკელდ
Page of edition: 406 Line of edition: 1 შიშდ ლიშჲე ლოხუ̂ბინე, ეჩზუმ ქა̈̄თშჲა̈̄ნ, ერე ღანაუ̂ ზურა̄ლა̈ ჴადუ̂ზუმ.
Line of edition: 2 ჩხარა თეუ̂ ქა̄ჩა̈დ, ეჩქას ანჴა̈დ ალ მა̄რე ი მჷშკიდთე აჩა̈დ.
Line of edition: 3 მჷშკიდდ ჯაყულდ ხაძგერ ი ჭყინტგეზალ ანჴა̈დ სკელხა̄ნქა. ალ
Line of edition: 4 ბეფშუ̂ს ჯიჯბაჴ ათჟა̈ხ მიჩა მუდ ი ეჯკა̈ლიბ ლჷჴმა̈შ ქა̈̄ხფას, ერე
Line of edition: 5 და̈̄უ̂ს ი ჴეცს ჩუ დე̄მე ცუ̂ირე. ა̈ნშკა̈̄დ ეჩზუმ ცჷჴემა̈დ, ერე ჟი და̈̄რ
Line of edition: 6 მოშ იკედ ი აჩა̈დ. შუკუ̂ჟი̄ნ და̈̄უ̂ ლახხუ̂ი̄დ.
Line of edition: 7 -- იმთ' ე̄სერ ესღრი, ნადა̈̄ურა?
Line of edition: 8 -- ჯ'ე̄სერ იმთ' ე̄სღრი, ღუ̂ ე̄სერ მა̈ჲ ხაკუჩ, ნა̈პილწურა?
Line of edition: 9 -- მა̈ჲ ესერ ი ამჟი̄ნ მეყუ̂ლუ̄რა̄ლდ მა̄მ ხაყახ ი ჩუ̄უ̂ ა̈დმჷქრა̈̄ნხ.
Line of edition: 10 -- შიშდ ესერ.
Line of edition: 11 -- ჩიქე ლა̈ცჴემდა̄ლს ა̈დმჷქრა̈̄ნხ ი ჯიჯბა̈ჴდ ქა̄თსერ, ღო ლაბჷრგია̄ლს
Line of edition: 12 ხაფხეჭხ უშხუ̂ა̄რ ი ეჯგუ̂ა̈რ ჩუ̂ა̈ნდე ჯიჯბა̈ჴდ, ერე ჟ'ესცილ და̈̄უ̂.
Line of edition: 13 ამი̄ ცჷჴემა̈დი შუნ ლა̄ჲე ი აჩა̈დ. შუკუ̂ჟი̄ნ ჲორი და̈̄უ̂ა̈რ ლახხუ̂ი̄დხ.
Line of edition: 14 ალჲა̈რსი ამჟი̄ნ ხაყერ-ა, მა̈̄ნკუ̂ი̄ და̈̄უ̂შა̄ლ, ღო სემი ი ოშუ̂ა̈̄ჲდ და̈̄უ̂ სგა
Line of edition: 15 ლახხუ̂ი̄დ, მა̈გ ჩუ̂ადგა̈რ. ა̈თჴა̈დჷ̄ნ აშხუ̂ ლჷცე პილთე. ამეჩუ̄ნ მზეთუნახა̈უ̂
Line of edition: 16 ნა̈ნო̄ლ იცხე̄ნიე̄ლ ი ხა̈̄ქუ̂: -- ჯ' ე̄სერ ხახუ̂დ ხაკუჩ!
Line of edition: 17 -- ჲა̈რ ესერ ლი ჯა? -- ლა̈ხჭუ̂ედდა ნა̈ნო̄ლ.
Line of edition: 18 -- ჯ' ე̄სერ ჯიჯბა̈ჴ ლიზ.
Line of edition: 19 -- ეჯ' ე̄სერ ჰე̄ ლიზ, ჲაღო, ღერთა̈ ლა̈ნშა̈ნუ ხაწუ̂ე̄ნე. -- ხაწუ̂ე̄ნე
Line of edition: 20 ჯიჯბა̈ჴდ ბარჯ ი ამეჟი̄ნ ღერთა̈ ლა̈ნშა̈ნ ნა̈წილ ჟი ხა̄გა̈ნ.
Line of edition: 21 -- ეზერ ესერ, მარე მიჩა ბაბა რომ ბაპსუ ესერ ლა̄ხჭუ̂ედდახ.

Line of edition: 22 აჩა̈დ ამხა̄უ̂ ჯიჯბა̈ჴ ი რომ ბაპდ ლახე ჩუ̂ათირ, ქა ლახუ̂ე̄მ მიჩა
Line of edition: 23 გეზალ ხახუ̂დ ი ჩუ̂ადგურგუ̂ნე. ჯიჯბა̈ჴს ი ნა̈ნო̄ლს ჲორი ჭყინტგეზლი̄რ
Line of edition: 24 ა̄ხთაუ̂ა̈̄ნხ ი გუნ ეზერ ლირდე ხა̄რხ. აჩა̈დ აშხუ̂ ლადა̈ღ ჯიჯბა̈ჴ
Line of edition: 25 და̈̄უ̂ა̈რ ლათხე̄ლთე. ლახხუ̂ი̄დდა ეშხუ მეშუ̂ელ და̈̄უ̂: ხოშა ნენზ
Line of edition: 26 ჩე̄რიდ ხუღუ̂ე, ში̄რა ჩერშდად ხო̄ზ ი აშხლა̈რს ა̈ლთე. "ჰატ, ხოლა
Line of edition: 27 ნადა̈̄ურა, იმაუ̂ ესერ ოთჩედნი?" ოხუ̂სიპე და̈̄უ̂დ დოლებში̄რა, ხაჴიდ
Line of edition: 28 ჯიჯბა̈ჴს თხუმჩუ̄ნ ი შიშდ ჩუ̂ადგა̈რ. ჯიჯბა̈ჴს ჲორი გეზალ ოთსა̈დ.
Line of edition: 29 ალჲა̈რს ხოჩა ბოფშა̈რ ა̈ხფასხ: ლადა̈ღუ̂შ მინე ლაცლაცახა̈ნ იშდრა̈̄ლხ
Line of edition: 30 ი ნა̈ბოზს ჩი̄ ლუგუ̂ა̈̄ნა ფიშუ̂დეხ ა̈გითე.

Line of edition: 31 აშხუ̂ ნა̈ბოზს აშხუ̂ ყუ̂ირა̈ჲ დი̄ნად ხა̈̄ქუ̂: "მინე ლიგუ̂ა̈̄ნ' ე̄სერ მა̄მ
Line of edition: 32 ხოწიუ̂ხ ი ამგუ̂ა̈რ ამსუ̂ა̄ლდა̈რ ესერ ჰე̄ ლიხ, მინე მუსუ ა̈ხთხა̄ლხ!"
Line of edition: 33 მე̄რმა ლადა̈ღ ჰამს მინე დის ხა̈̄ქუ̂ხ: "დედე, ლა̈დ' ესერ ქუთუ̂ა̈რუ
Line of edition: 34 ოხნაყა̄ლე!" მინე დედედ ქო̄ხნაყა̄ლე. ა̈ნბიჴუ̂ხ ჟი, აშხუ̂ემ აშხუ̂ხა̈ნ
Line of edition: 35 ლახტყიპ სგა ქუთ ი მერე̄მ მე̄რუ̂ახა̈ნ, ხა̈̄ქუ̂ხ მინე დის:
Line of edition: 36 -- შიშდ ესერ ქა̄უ̂ ხა̈̄ქუ̂, მინე მუს მა̈ჲ ათყერ' ა̄დო ქ' ე̄სერ ხა̈შხიხ
Line of edition: 37 ლუსუ̂ა̈რს.

Добавлено (2007-01-16, 2:31 Pm)
---------------------------------------------
- მინე ცოდუ ესერ ხა̄რ მინე ამი̄ მე̄ქუ̂ი̄სგს! -- ი ქო̄ხუმბაუ̂ე:
Line of edition: 2 -- დოლებში̄რა ი ღუმირ ესერ ხუღუ̂ე, ეჯ და̈̄უ̂ს ესერ ოთჴაცა მინე მუ,
Line of edition: 3 მარე ლადაღუ̂შ ესერ დეშ ხეთხნიხ ეჩი̄ საფლა̈უ̂ს, ლეთშუ̂ ესერ გარ
Line of edition: 4 ხა̄რ ლათხე̄ლ. ეჩი̄ საფლა̈უ̂ჟი̄ნ ესერ ეშხუ თხურმა̈̄შ ხატუ̂არ კირუ̂ენ ი
Line of edition: 5 მე̄რმე ჭჷშხრა̈̄შ.

Line of edition: 6 აჩა̈დხ ალ ლახუ̂ბილა̈რ მინე მუუ̂ე ლათხე̄ლთე. შუკუ̂ჟი̄ნ ალ და̈̄უ̂
Line of edition: 7 ლახხუ̂ი̄დხ-ა, ხედუ̂ა̈̄ჲნე̄მ მინე მუ ადდა̄უ̂შე. ლახტუ̂ი̄ლ და̈̄უ̂დ: "შიშდ
Line of edition: 8 ესერ ოთქა̈̄ბხუ შუკუ̂ს, ხოლა წინწლიდა̈რ, ადო მინე მუუ̂ე ჰარა̈კს
Line of edition: 9 ესერ ხოჴდე!" ბოფშა̈რდ ჟიხი̄ნ ა̈დსკინეხ. ა̈ნსკინე ჩუ ხოხუ̂რა̄მ მუხუ̂ბილდ
Line of edition: 10 ი ჭჷშხა̈რისგა ხოჲა̈ხ და̈̄უ̂ს. და̈̄უ̂დ ღუმირ ი ში̄რ' ო̄ხუ̂სიპე,
Line of edition: 11 მარე ქა̄თქა̈დ ი ოდე მახად ჟ'ა̈ნკა̈დნა, ეჩქად ა̈ნსკინე ხოშა̄მ მუხუ̂ბე̄მ,
Line of edition: 12 ხაჴიდ დაშნა̈ჲ ი კინჩხ ქო̄თკუ̂ა̈რ. ალ და̈̄უ̂ ჩუ̂ადგა̈რხ. ეჩქას ლა̈ჲბინეხ
Line of edition: 13 ლი̄ზი მინე ბაბა რომ ბაპთე, სგა̄ჩა̈დხ ყო̄რთე̄სგა ი ლახტუ̂ი̄ლხ: "ბაბა,
Line of edition: 14 მინე მუ ლჷდგა̈რ ესერ ზი, მიჩ ესერ აშხუ̂ მა̄რე̄მი ქუ̂ინ ხუღუ̂ე ღე̄რბათხა̈ნქა
Line of edition: 15

Line of edition: 25 ალას ღალ-ა, ნა̈ნო̄ლს, ჩუ მა̄მ ხაჯრაუ̂ა, მარე სერ მა̈გ სგაჩადხ
Line of edition: 26 მიჩაშთე̄სგა, ეჩქას ჩუ̂ა̈დჯჷრუ̂ე. ალჲა̈რდ ხოჩა ლიზგე-ლირდ' ა̈̄დჴიდხ
Line of edition: 27 ი ლჷმზჷრე̄უ̂ ლიშდ.

Добавлено (2007-01-16, 2:32 Pm)
---------------------------------------------
Text: 178
Page of edition: 407
Line of edition: 28
178. ჯაყულდ

Line of edition: 29 ლჷმზჷრე̄უ̂ ლიშდ, ხოჩა გზა̄უ̂რობუ გუ̂ა̄რ ი აშხუ̂ ბა̈ჲ ხეხუ̂-ჭა̈შს
Line of edition: 30 ეშხუ ჭყინტგეზალ ხორიხ. მარე ალას ეჩჟი მოქეჲფ ი ლოთ ქა̈̄ხფას,
Line of edition: 31 ერე მინე საცხოუ̂რებელ ი ლეჴმა̈რი მა̈გ ჩუ ლალე̄მ მე̄რმა̈̄ლცახა̈ნ
Line of edition: 32 აშხუ̂ ზაუ̂ისგა. მა̄მგუ̂ეშ ესსა̈დხ სამ ქათალჷნქა. აშხუ̂ თანაფ სგუ̂ებნე
Line of edition: 33 ლადა̈ღ მიჩა დი ლა̈ხჭუ̂ედდა: "ქა̈უ̂ ესერ აჩა̈დ, ობა̈შ ხინ ესერ ხოყრა
Line of edition: 34 მიჩა ლაცლად ი ერუ̂ა̄ლ' ე̄სერ მჷხრი ხა̈რჯჲა̄ქს ლაჰუ̂ედნეხ, ადო
Line of edition: 35 მა̄მგუ̂ეშ ესერ ხუღუ̂ეხ". ანჴა̈დ ალ მა̄რე, ქა̈̄ნცხიპ მა̈გ მიჩა ნანფხანაგუ̂ა̈რ,
Line of edition: 36 მარე და̈̄რდ მაგუ̂ეშ ლახუ̂ე̄მხ ხოჩე̄რობა. ანჴა̈დ ღალ ა̈გითე გუ̂ი
Page of edition: 408 Line of edition: 1 მეკუ̂შად. მიჩა დიდ ხა̈̄ქუ̂: "ეშხუ მამილუ̂ ესერ ქა̄უ̂ ადჲე ლაჰუ̂ედთე
Line of edition: 2 ი იმუ̂ა̄ლ' ე̄სერ ა̈ნყიდნე". შუნ ლა̄ჲე მამილუ̂ ი ადჲე. აშხუ̂ შუკუ̂ისგა
Line of edition: 3 ჲარუ̂ მა̄რა ციცუ̂ ხოყუ̂რეხ ლა̈ჲსენს. ქა̄ჩა̈დ ალჲა̈რთექა ი
Line of edition: 4 ლა̄ხჭუ̂ედდა:
Line of edition: 5 -- იმნა̈რ ესერ ა̈ჲსენიხ ლა̈დი ციცუ̂ს?
Line of edition: 6 -- იმნა̈რ ესერ ი ლა̈ქუ̂თა̈რს ჩუ დე̄მგუ̂აშ ცუ̂ირე.

Line of edition: 7 ალ მა̄რე̄მ ხა̈̄ქუ̂:
Line of edition: 8 -- მამილუ̂ს ესერ ქა ხაჰუ̂დი ი ციცულდ მიჩუ ლახუ̂ე̄მხ.
Line of edition: 9 -- ეზერ ესერ. -- ამნე̄მ მამილუ̂ ქა ლახუ̂ე̄მ ი ციცუ̂ ა̈გით' ა̄ნჴიდ.
Line of edition: 10 მიჩა დი ლა̈ხჭუ̂ედდა:
Line of edition: 11 -- მა̈ჲ ესერ ოთდჷნა მამილუ̂?
Line of edition: 12 -- მა̈ჲ ესერ ი ათჩედა ქა, ჟეღა̈რ ესერ ახჭუ̂ა̄დახ ი
Line of edition: 13 ჩუ̂ოთცჷლჷ̄რახ.

Line of edition: 14 ანჴა̈დჷდ მიჩა დი ი მე̄რმე მამილუ̂ ქა̄დ ლახუ̂ე̄მ. ესღუ̂' ა̄ლა ლაჰუ̂ედთე.
Line of edition: 15 აშხუ̂ შუკუ̂ისგა ჲარუ̂ მა̄რა ჟეღ ხოყუ̂რეხ ლა̈ჲსენს.
Line of edition: 16 -- იმნა̈რ ესერ ა̈ჲსენიხ, მინ მა̄რა̈̄ლ, ლა̈დი ჟაღუ̂?
Line of edition: 17 -- იმნა̈რ ი დე̄მგუ̂აშ ესერ ცუ̂ირე ლაცლჷ̄რას ი ლა̈ქუ̂თა̈რს.

Line of edition: 18 ალჲა̈რს ალ მა̄რე̄მ მამილუ̂ ქა̄დ ლახუ̂ე̄მ ი ანჴიდ ჟეღ ა̈გითე. მიჩა
Line of edition: 19 დის ხა̈̄ქუ̂, ერე "ჩუ̄დ ესერ ათჩედა მამილუ̂". მე̄სმე მამილუ̂ ქა̄დ ლახუ̂ე̄მ
Line of edition: 20 მიჩა დიდ ი ადჲე. ლახხუ̂ი̄დ შუკუ̂ისგა უ̂იჯ, ხაჴიდ ფაუ ი თხუ̂იმ
Line of edition: 21 ჩუ̂ოთხიპ. ალა ჩუ̂აცუ̂ირ შუკუ̂ისგა ი აჩა̈დ. აშხუ̂ ა̈გის ჩუ̂ა̈თუ̄ჟდა. მა̈̄ჲ
Line of edition: 22 ე̄სამა უ̂იჯ ჩუ̂ა̈რი, მა̈გ გჷრკიდ ხაჭო̄ნა სამ ორკეცდ ი ჩუ ლიშგუ̂დე
Line of edition: 23 ხაკუხ უ̂იჯი ნადგა̈რიე̄რ, მარე აშხუ̂ უ̂იჯს ათხა̄დ: "ჩიქ' ე̄სერ ჩუ̄უ̂ ესგედახ,
Line of edition: 24 იმჟი̄ნ ესერ ალ მინე დედე ჩუ̂ოთდაგრა, ამჟი̄ნ ესერ ჟი ჰე̄
Line of edition: 25 ანსე̄ლუ̂ი, დე̄მგუ̂აშ ხა̈ჩოხ, მად' ე̄სერ ი ჩიგარ ლაჰას ა̈რიხ ამი̄ ლიყმეს".
Line of edition: 26 ა̈ხჲა̈ცხჷ̄ნ ჟი ალ მა̄რა, ხეწა̈დ ალამა̈გ უ̂იჯს ი მასა̈რდ ათყალუ̂ი̄ნდა.
Line of edition: 27 ქა ლა̄ზ მიჩ დე̄მთე ხა̄რ ი მა̈ჲ ჩუ̂ემინას? ათხა̄დ სერ უ̂იჯს:
Line of edition: 28 -- ჩიქ' ე̄სერ ნომა̄უ̂ ათყალუ̂ი̄ნდა. მინს ესერ ხოსგდი, ალამა̈გ
Line of edition: 29 ესერ, მიჩ უ̂იჯ ოთდაგრა, ეჩი̄ ნა̈თსა̈უ̂ ლიხ. ათხ' ე̄სერ ჯა ხა̈̄ქუ̂ინნე,
Line of edition: 30 ეჯას ესერ ჩუ ჰე̄ იჩო, მა̄მგუ̂ეშ ხოჭირ ხოჩა̄მჷნქა.
Line of edition: 31 -- მა̈ჲ ესერ ჩუ̂ემინას, ადო?
Line of edition: 32 -- მა̈ჲ ესერ ი იმჟი̄ნ ჩუ̂ოთდაგრა, ეჩჟი̄ნ ესერ ჟი̄უ̂ ანსე̄ლუ̂ე
Line of edition: 33 უ̂იჯ.
Line of edition: 34 -- იმჟი̄ნ ესერ ანსე̄ლუ̂ას, ადო?
Line of edition: 35 -- იმჟი̄ნ ესერ ი აშხუ̂ ლუჩჩუ̂ილ დი-გეზალს ესერ თუ̂ით ჭიქ
Line of edition: 36 ლჷჯე̄უ̂ ხაშგუ̂მინ, ეჯ' ე̄სერ ჟი̄უ̂ ათბიდ ი ხოჩა̄დი ლა̈̄ტხენი. ეჩქას
Line of edition: 37 ესერ მიჩ ალ უ̂იჯ ჰაჯს ლახჭარჟი ი ჯაყულდჷნქა ნომმაგუ̂ეშუ
Line of edition: 38 იკუ̂დუნე.

Добавлено (2007-01-16, 2:33 Pm)
---------------------------------------------
ალ მა̄რე̄მ ლჷდგა̈რ უ̂იჯ ბაშლჷყთ' ე̄სდე ი აჩა̈დ ალ ზურალა̈̄რთე,
Line of edition: 2 თე̄რრე მა̈ზიგ ა̈ნფა̈ზ ი ლა̈ხჴჷ̄რა̈̄ნ: "მა̈დილუ ესერ ხე̄რახ, ჩიე̄სგი
Line of edition: 3 ა̈ქმა̄რთ' ე̄სერ ხო̄ზნა, მა̈გ ესერ მინე ლჷჯა ხოთუ̂რი თე̄რრე ჟაგრა̈რდ
Line of edition: 4 ი ნომა̄უ̂ ათმა̈დუ̂ნეხ!" ალჲა̈რდ ქა ლახუ̂ე̄მხ. სგა̄ჩა̈დ ლარდათე̄სგა,
Line of edition: 5 ტა̈შდ ახჴიდუ̂ნე, უ̂იჯ ამხა̈უ̂თე̄სგა სგე̄სდე, ლჷჯე ჟ'ესბიდ ი უ̂იჯს
Line of edition: 6 შიშდ ქუ̂ინ ლა̈ხტა̈ხ. ალ უ̂იჯდ ხა̈̄ქუ̂:
Line of edition: 7 -- ჲაღუ̂ ე̄სერ ლახ ჯა ჩიქე ჩუ̂ოთდაგრა, ღო ჟ'ოხუ̂სე̄ლუ̂ა, მა̈̄ჲ
Line of edition: 8 ესერ ჰაჯ ხეკუ̂ეს, ეჯა̄უ̂ იშგუ̂მინ ი ეჯას ლაჰუ̂ედი! -- ალ მა̄რე̄მ
Line of edition: 9 ხა̈̄ქუ̂:
Line of edition: 10 -- ჲაღუ̂ ე̄სერ ლახ ამგუ̂ა̈რ ჰაჯს ხა̈ჩო, მიჩ ჯაყულდ ხუღუ̂ე, ეჯა̄უ̂
Line of edition: 11 ესერ ლახუ̂ე̄მ.

Line of edition: 12 ესღურჯა̈ნიე̄ლე უ̂იჯდ, ლა̈ჲყუ̂იფ ქა ჯაყულდ, ქა ლახუ̂ე̄მ ი ხა̈̄ქუ̂:
Line of edition: 13 -- ალ ჯაყულდ ესერ შუნ ხეღუ̂ე̄ნი, ეჩქას ესერ მიჩა ჟახა ჟ'ანურშუ̂ენნე,
Line of edition: 14 იმუ̂ა̈̄ჲ ესერ ესუ̂ადე, ჩინა̈რ ბაც ხა̄რ. ჩუ̂ ე̄სერ ნომა̄უ̂ ათუ̂იფ,
Line of edition: 15 ადო იღბა̈ლ ესერ ქა ხეტხუნი ეჩქას.

Line of edition: 16 მა̄რე̄მ უ̂იჯს მაჴუ̂ა̄მ ხა̈̄ქუ̂, ესუ̂ა̈დ ობა̈შ ხოჩე̄რობა ი შიშდ ქა
Line of edition: 17 ლა̈ჰოდა̈̄ნ. ალ ზურალა̈̄რს საჩქუ̂ა̈რ ლახუ̂ე̄მ მასა̈რდ. ესუ̂ა̈დ ა̈გის ლირდე
Line of edition: 18 ი ქორს ესჷ̄გა̈ნ; ესუ̂ა̈დ ამეჩუ̄ნ ხოჩა სადგუ̂ემ ი შიშდ ესჷ̄გა̈ნხ
Line of edition: 19 ეჯკა̈ლიბ ლარდა̈̄ლ, ერე კესრი ლარდა̈̄ლდ ხოჩა ლიხ. მიჩა დი სგადჲე
Line of edition: 20 ამხა̄უ̂თე̄სგა ი ხა̈̄ქუ̂:
Line of edition: 21 -- ჲაღუ̂ ე̄სერ ქა̄უ̂ აჩა̈დ კე̄სა̈რთე. ეჯას ესერ ხოჩა დი̄ნა ხორი,
Line of edition: 22 ეჯა ქა̄უ̂ ხაშგუ̂მინ მიჩეშდ ხახუ̂დ. -- მიჩა დიდ ხა̈̄ქუ̂:
Line of edition: 23 -- იმჟი̄ნ ესერ ხაშგუ̂მინას, ედ ესერ იმჟი ლაჰუ̂ედნე მიჩ ეჯა
Line of edition: 24 ხახუ̂დ გეზალს?
Line of edition: 25 -- ეჩი̄ სერდ' ე̄სერ მიჩ ნომა̄უ̂ ხა̄რ.

Line of edition: 26 ესუ̂ა̈დ ამნე̄მ ოქუ̂რა̈ ტა̈ხდ, ხოჩა ლერექუ̂ ი მიჩა დი სგე̄სსგურე
Line of edition: 27 ამხა̄უ̂თე̄სგა; ესუ̂ა̈დ ამი̄ ამჟი̄ნ ლირდე კე̄სრი დი̄ნა სგუ̂ებინჩუ̄ნ ი ეჩეჩუ̄ნ
Line of edition: 28 ესფადგა̈̄ნ. კე̄სა̈რშე̄რ ათჷნბაჟჷნხ: "იმხა̈ნ ესერ ა̈ნჴდენ ამჟი განგალ
Line of edition: 29 ზურა̄ლ ოქუ̂რა̈ ტახდშუ̂?!" ლა̈ხჭუ̂ედდახ: "მა̈ჲ ესერ ხაკუჩ ი
Line of edition: 30 ჲედ ჲა̈რ ლი?" ალ ზურა̄ლდ ქო̄ხუმბაუ̂ე: "იმჟი̄-ჲ ამჟ' ესერ, მინე გეზალ
Line of edition: 31 ლაშგომთ' ო̄ხუ̂თო̄ნა მიჩა გეზალს". ეჩქას კე̄სა̈რდ ხა̈̄ქუ̂: "ჲაღუ̂' ე̄სერ
Line of edition: 32 მიჩა-ჲ მინე ქორს უშხუ̂ა̄რ ნე̄სგა მა̈გ ციხე-ქალა̈ქდუ ანსყე: ბოგ
Line of edition: 33 ესერ მა̈̄ჲ ქა ხა̈̄ზ, ეჯა ბერჟა̈შდუ ანსყე ი ეჩქას ესერ ტკიცუშ ხაყე̄ნა
Line of edition: 34 მიჩა ჩი̄ჟად ი ქა ლაჰუ̂ედნე". ანტა̈ხ ალ ზურა̄ლ ქორთე ი ქო̄ხუმბაუ̂ე
Line of edition: 35 მიჩა გეზალს. მე̄რმა ლადა̈ღ ა̈ნსგიდა ქა კე̄სა̈რ ქა̄მაუ̂ ი გაცხა̈ჲდ

Добавлено (2007-01-16, 2:33 Pm)
---------------------------------------------
მიჩა-ჲ ალ მა̄რე̄მი ქორა̈რ უშხუ̂ა̄რ ნე̄სგა ციხე-ქალა̈ქდ ლჷგ მა̈გ, ბოგ
Line of edition: 37 მა̈გ ბერჟა̈შ ხა̈̄ზ ლჷცქა. კე̄სა̈რდ ქა̈̄ნჰერ მიჩეშთე ალ მა̄რე ი გეზალ
Line of edition: 38 ქა ლახუ̂ე̄მ ხახუ̂დ. ჩიქე კე̄სა̈რშე̄რმჷყ ხა̄დხ ქუ̂ერწილ, ღო ალ მა̄რე̄მ
Page of edition: 410 Line of edition: 1 ადჲე მიჩა ქორთე. იმუ̂ა̈̄ჲ ქა იუ̂დი, მა̈გ ჩუ ხეფდგი ი ეჯკა̄ლიბ ქუ̂ერწილ
Line of edition: 2 ჩუ̂ათყერ, ერე იუ̂ალადა̈ღ და̈̄ს ხოსგდინა.

Line of edition: 3 აშხუ̂ ლადა̈ღ კე̄სა̈რდ იშგუ̂მინ: -- ლა̈თხუ̂იართე̄უ̂ ესერ აჩა̈დხ.
Line of edition: 4 -- ეზერ ესერ, მარე ჯა̄-ჲ მიჩა მაღუ̂ა̈̄ნ ესერ აშხუ̂ ფოყხა̈ნუ აჩა̈დხ
Line of edition: 5 ი ჯა მე̄რმახა̈ნ ადრინე.

Line of edition: 6 კე̄სა̈რ მე̄რმა ფოყხა̈ნ აჩა̈დ ი მიჩა ჩი̄ჟე მე̄რმახა̈ნ. ნა̈ბოზს ალ
Line of edition: 7 მა̄რა ცხეკისგა ჩუ̂ა̈თბურა̈̄ნ. ჯაყულდ ქორს ათსედა. მა̈̄ჲ ესამა ცხეკისგა
Line of edition: 8 ნა̈დირ ჩუ ლჷმა̈რდ, მა̈გ სგა̈̄ხჭუ̂ა̄დხ. ჟეღილდ სგა ხონჴრი.
Line of edition: 9 ეჯამა̈გ ნა̈დირ ჩუ ლიხ, ერე ალჲარე მაყალუ̂შ თე̄რა̈რ ჩოთო̄გა̈ნ ალ
Line of edition: 10 მა̄რა. ანჴა̈დ ჟეღილდ ი ა̈გით' ა̄ნჴა̈დ, ხა̈̄ქუ̂ ციცულდს:
Line of edition: 11 -- ჰე̄, ციცულდ, გუშგუ̂ეჲ ქუ̂ინი მუცუ̂რე ამჟი სახმა̈ხისგ' ა̈̄რი,
Line of edition: 12 იმუ̂ა̄ლაჟი̄ნ ალსახთად ი ა̈გითე მოშ ალჴჷდედ! -- ციცულდდ ხა̈̄ქუ̂:
Line of edition: 13 -- ჲაღო, სი სგუ̂ებინ ემიჟღუ̂, მი კე̄სა̈რს კალთა̈ჲს ხუ̂ეგუ̂დირნო̄ლ[ნ]ი,
Line of edition: 14 ეჯა გუდ ა̈ჴდენი ი ქა ღალ ა̈ლტიხედ გუშგუ̂ეჲ ქუ̂ინი მუცუ̂რა.

Line of edition: 15 ალჲა̈რდ ამჟი̄ნ ჩუ̂ემინხ. კე̄სა̈რ გუდ აჴა̈დ, ერე მიჩა ჩი̄ჟა მო̄ლე
Line of edition: 16 გაჭიუ̂რება ხა̄რ. ოთჴერდა ალჲა̈რს ი ჟ'ა̈ნთხეხ თე̄რა̈რლჷგნე ი ა̈გით'
Line of edition: 17 ა̄ნჴიდხ. ამზუმხა̈ნს ანჴა̈დ ალ მა̄რე̄მი უ̂ა̈ზირ, ჯაყულდ ჟ'ა̈ნთხე, მიჩა
Line of edition: 18 ხეხუ̂, ალ მა̄რე̄მიშ, ადჲე ი ძუღუ̂ას ეჩხა̈ნთე ხოჩა̄მდ ჩუ̂ა̈დზიგა̈̄ნ. აშხუ̂
Line of edition: 19 ლადა̈ღ ჟეღდ ხა̈̄ქუ̂ ციცულდს:
Line of edition: 20 -- ჰე̄, ციცულდ, იმუ̂ა̄ლაჟი̄ნ ალსახთად მოშ ი ჯაყულდ ცხას
Line of edition: 21 ა̈ლკუ̂ა̈რიდ.
Line of edition: 22 -- ა̄დუ, სური̄, მარე მი დეშ მა̈ჲმედა ჭჷშხშუ̂ ეჩაუ̂ ლი̄ზი.

Line of edition: 23 ჟეღდ ჟი ლა̈ჲსგურე ციცულდ ი აჩა̈დხ. ა̈თჴა̈დჷ̄ნხ შომუ̂ა̄ლე ალჲა̈რთე̄სგა.
Line of edition: 24 ციცულდდ ჟეღ ლაჴუ̂რა სგუ̂ებინჩუ̄ნ აცუ̂ირ, ჯა ლჷჭერთეჟი̄ნ აჩა̈დ,
Line of edition: 25 ლოხუ̂სგიდა ი ეჩჟი̄ნ ქა იშდრა̈̄ლხ ამეჩუ̄ნ შდუგა̈რ, ერე
Line of edition: 26 შუ̂იმ მა̄მ ხა̄რ. ა̈ხჴუ̂ა̈სგ სგა ციცულდ ი მინე თხუ̂იმ ჩუ̂ადირმ, ხა̈̄ქუ̂:
Line of edition: 27 "ედ ესერ ალ ჯაყულდუ ოთქუ̂ით უ̂ა̈ზირს, მა̄დეჲ ჩუ იზბი!" შდუგუ̂დ
Line of edition: 28 ჩუ̂ოთბაცე. უ̂ა̈ზირს ალ ჯაყულდ ჩხარა̄მ ლჷკილ ბერჟა̈ კოლეფისგა
Line of edition: 29 ხო̄ზ. ლახა̄გა̈ნ შდუგულდ, ჩუ̂აკუ̂იშ სკიუ̂რა̈ლ ი ჯაყულდ ქო̄ხჴიდ ციცუ̂ს.
Line of edition: 30 ციცუ̂დ ჩუ̂ანჴიდ ი ჟეღს ლახუ̂ე̄მ, ლახსგურდა ჟი ი აჩა̈დხ. ძუღუ̂აქ' ა̄ნღრიხ,
Line of edition: 31 ეჩქას ლახხუ̂ი̄დხ კალმახ. ათყალუ̂ი̄ნდა ჟეღს ი ჯაყულდ ჩუ̂ოთშყა̈დ.
Line of edition: 32 ალა კალმახდ ჩუ̂ადირტყუ̂. ალჲა̈რს ღალ გუ̂ი ა̈თკუ̂ა̈შხ. ჩუ̂ადჷ̄გა̈ნხ
Line of edition: 33 ძუღუ̂ა̈̄ პილჟი̄ნ. ანჴა̈დ ალ კალმახ ძუღუ̂ა̈̄ პილთექა, ლა̈ხქა̄ლ
Line of edition: 34 ციცულდ, ხაფხეჭ სგა თე̄რა̈რისგა, ამჟი̄ნ ჟეღ ესჰი̄დ, კალმახ ქა̈̄ნთირნეხ
Line of edition: 35 ი ადჲეხ ა̈გითე. სგო̄თჴიდხ კე̄სა̈რს. კე̄სა̈რდ ჩუ̂აბიჴუ̂ ალ
Line of edition: 36 კალმახ ი ჯაყულდ ჟ'ახხუ̂ი̄დ. ალ ჯაყულდ მიჩა ჩი̄ჟ' ო̄თჴიდ. ამნე̄მ
Line of edition: 37 ჩიქე თე̄რრე ლიფხრჷ̄რე ესუ̂ა̈დ, ეჩქანღო უ̂ა̈ზრ ი მიჩა ხეხუ̂. ალჲა̈რ
Page of edition: 411 Line of edition: 1 შიშდ მიჩა სგუ̂ებინჩუ̄ნ ესფადგა̈̄ნხ. ზურა̄ლ იგუ̂ნი უ̂ა̈ზრი მა̈სისგუ̂შუ̂. ალ
Line of edition: 2 მა̄რემ უ̂ა̈ზირ ჩუ̂ადგა̈რ. ხოჩა̄მ ლირდეს იმ დო̄მ ა̈ნსყე̄ნა?

Line of edition: 3 ოდ ეჯა თანშუ̂ დო̄სა მისგდინა, ეჩქადუ ლა̈რიდ ი ლჷმზჷრე̄უ̂ ლიშდ.

Добавлено (2007-01-16, 2:34 Pm)
---------------------------------------------
Text: 179
Page of edition: 411
Line of edition: 4
179. სემი ლახუ̂ბა ი ქაჯა̈რ

Line of edition: 5 სემი ლახუ̂ბა ლიხ. ჲარუ̂ ხოჩა̄მდ ხა̄რხ ი მაჰრე̄ნა̄მ მუხუ̂ბა დეშ
Line of edition: 6 ეჯჲა̈რთა̄ნდ. აშხუ̂ ლადა̈ღ აჩა̈დხ ლა̈ქმათე. შუკუ̂ჟი̄ნ მაჰრე̄ნა̄მ მუხუ̂ბა
Line of edition: 7 ჟ'ა̈ხფა̈შ. ლახუ̂ბად თე მა̄დ ლახხუ̂ეტხ ი ჩუ̂აცუ̂ირხ. ბა̄ზი ღალ ანჴა̈დ
Line of edition: 8 ი ლექუ̂ე̄რთე̄სგ' აჩა̈დ, ჩუ̂ადყურდა ლენკი̄რისგა ი მა̈ღუ̂რუნათე̄სგ' ე̄სღრი.
Line of edition: 9 ეჩქას ანჴა̈დხ ამხაუ̂თე̄სგა სემი ქაჯა̈რ. ლა̈ჲბინეხ ალჲა̈რდ ლიმბუ̂ა̈̄ლ.
Line of edition: 10 აშხუ̂ემ რა̈̄ქუ̂: "მიჩ ესერ ლა̈დი ეჯგუ̂ა̈რ ოხსახთ' ე̄რე ჲორი ლახუ̂ბა
Line of edition: 11 უშხუ̂ა̄რ ლოხუ̂დაგრა". მე̄რმემ რა̈̄ქუ̂: "მიჩ ესერ აშხუ̂ მა̄რად ჴანა̈რ
Line of edition: 12 ლეკლჲად ოხჴი̄და ცხეკისგა ი ჟ' ესერ დეშ ითხე̄ლი". მე̄სმა̄მ ათხა̄დ:
Line of edition: 13 "მიჩ ესერ აშხუ̂ ხელწიფდ დი̄ნა ოთურდუნა ლეგდ. ეჯას ესერ ჟი
Line of edition: 14 ხალჯენიხ ბანდა̈რჟი, ადო ეჩურდ ესერ ჩუ დეშ იგჭეხ. ეჯას ესერ
Line of edition: 15 მა̄მგუ̂ეშ მოშ ახჩუ̂ეუ̂ი, ოდ მინე ყო̄რჟი სემი ჰა̈ლუ̂ა̈ მეგა̈მ ხა̄გ, ეჩჲა̈რ
Line of edition: 16 ჩუქუ̂ა̄ნ ოქუ̂რა̈ ფაკა̈ნს დო ა̈ნთხე̄ლნეხ, ეჩხა̈ნქა ლიცს დო ხა̈ბდუნიხ. ეჩქა
Line of edition: 17 გარ ესერ იხჩოუ̂ა̈̄ლ ჟი".

Line of edition: 18 მე̄რმა ლადა̈ღ ანჷ̄გა̈ნ ი აჩა̈დ. აშხუ̂ ა̈გის ხელწიფი უ̂აზრა̈რ
Line of edition: 19 თუ̂ეთნა გიცრა̈რს ხეთხე̄ლიხ დი̄ნახა̈ნ ნა̈მზურუნ ყუჟა̈რდ. ალ
Line of edition: 20 მა̄რილ ლა̈ხჭუ̂ედდა:
Line of edition: 21 -- მა̈ჲ ესერ ხა̄რხ გიცრა̈რ?
Line of edition: 22 -- მა̈ჲ ესერ ი ამჟი̄-ჲ-ამჟი ნა̈მზურუნ.
Line of edition: 23 -- ჲაღუ̂' ე̄სერ ჯა̄უ̂ ა̈დჴერნეხ ეჯ დი̄ნათე ი ჟ' ესერ ახჩუ̂ეუ̂ი.
Line of edition: 24 ა̈დჴერნეხ სგა ი ხა̈̄ქუ̂:
Line of edition: 25 -- ალ ჰა̈ლუ̂ა̈ მეგა̈მ ჩუქუ̂ა̄ნ ესერ ოქუ̂რა̈ ფაკა̈ნ ჟი̄უ̂ ა̈ნთხეხ ი ეჯ'
Line of edition: 26 ე̄სერ ქა̄უ̂ ლახუ̂ე̄მხ ი სერ ესერ მა̄მგუ̂ეშ ხაკუჩ ეჩი̄ მუხჩუ̂ეუ̂ი ჟაგრა̈რდ.

Line of edition: 27 ალ ფაკა̈ნ ჟ'ოხუ̂თხეხ. ლოხუ̂ბინე ამხა̈ნქა ლიცი ლიბდე ი ტკიცუშ
Line of edition: 28 ჟ'ანჰა̈დუ̂რე დი̄ნა. ხელწიფდ დი̄ნა ხახუ̂დ ლახუ̂ე̄მ ალ ჭყინტს ი ლიხჷლწიფ
Line of edition: 29 ჩოთმა̈ზრე. ა̈დკუ̂იჰხ ალა მიჩა ლახუ̂ბად, აჩა̈დხ ამი̄ ლაწა̈დთე ი
Line of edition: 30 ლა̈ხჭუ̂ედდახ: "მა̈ჲ ესერ იღბა̈ლ ხა̈ყრა ამგუ̂ა̈რ, ერე ამჟი̄ნ დო
Line of edition: 31 ხა̈ყრა? ამნე̄მ ქო̄ხუმბაუ̂ე მა̈გ, იმჟი ხეყა̈რ. აჩა̈დხ ბა̄ზი ალ ლახუ̂ბა
Line of edition: 32 ლექუ̂ე̄რთე, ანჴა̈დხ ქაჯა̈რ, ალჲა̈რ ჟ'ა̈ნთხეხ ი ჩუ ლალე̄მხ.

Line of edition: 33 მაჰრე̄ნამ მუხუ̂ბილდ ხოჩა ლირდე ი ლიზგე ა̈დჴიდ ი ლჷმზჷრე̄უ̂
Line of edition: 34 ლიშდ.

Line of edition: 2 ეშხუ ხელწიფ ლი. ამის ეშხუ გეზალ ხორი ი აჯაღ ეშხუ ხოჩა
Line of edition: 3 უ̂ა̈ზირ. აშხუ̂ ლადა̈ღ ხელწიფდ ხა̈̄ქუ̂ უ̂ა̈ზირს: "ალ მიჩა გეზალ ესერ
Line of edition: 4 ქა̄უ̂ იმთე ა̈დჴუ̂რნე ი ღუ̂ ე̄სერ ქა ლა̈ხსედნი". ლახსგურდახ ალჲა̈რ
Line of edition: 5 ჟი ჩა̄ჟა̈რს ი აჩა̈დხ მინდუ̂ერთე. მინდუ̂ერისგა ეშხუ ბეფშუ̂ილდ ა̈რი,
Line of edition: 6 დია̈რ ლაზობდ ხუღუ̂ე ი ჩუ ქუქუ̂ ი ისგე̄რ. ლახჭუ̂ედდა უ̂ა̈ზირ:
Line of edition: 7 -- ნაღუ̂ჟურ, იმღ' ე̄სერ იჩომ ამჟი̄ნ? ედ ლისგე̄რსუ ა̈თყა̈ჩ ი ედ
Line of edition: 8 ლა̈დიარა̄ლს! -- ბეფშუ̂დ ხა̈̄ქუ̂:
Line of edition: 9 -- მინს ესერ მა̈ჲ ხოხახ, მახ' ე̄სერ სგა ლიცა̈̄დი ხაკუჩ ი ჯუ̂ინელს
Line of edition: 10 ქა ლიჯუ̂ი̄რი.
Line of edition: 11 -- ჲაღუ̂ ე̄სერ ღუ̂ინა̈ლუ ლახა̈̄შ!
Line of edition: 12 -- შიშდ ესერ, მარე ჩა̄ჟა̈რ უ̂ენა̈ხსუ ლახა̈ბხ! -- ხეთხე̄ლიხ ჩია̈̄გ
Line of edition: 13 ალჲა̈რ უ̂ენა̈ხს, მარე იმ' ა̄ნთხე̄ლნახ.
Line of edition: 14 -- ნაღუ̂ჟურ, დეშ ესერ ოხთხახ უ̂ენა̈ხ!
Line of edition: 15 -- ჲაღუ̂ ე̄სერ ჯა უ̂ენა̈ხურ ღუ̂ინა̈ლს იმხა̈ნ ა̈ნჴდა?
Line of edition: 16 -- ო̄, ღე̄რბათუ ესერ ოთჭათუ̂ნა! მიჩა დი-ჲ მუ ესერ იმე
Line of edition: 17 ხორი?
Line of edition: 18 -- მიჩა დი ესერ ქიმ ლაშდებს ი მუ ფათრა̈კ ლალა̈̄შს.
Line of edition: 19 -- ეჯ' ე̄სერ იმჟი ლიზ ნაღუ̂ჟურ?
Line of edition: 20 -- იმჟ' ესერ ი მიჩა დ' ესერ, ზურა̄ლ ალდაგა̈რ ი, ეჩი̄ ლაგუ̂ა̈̄ნათე
Line of edition: 21 ა̈მჩედე̄ლი. მინ ესერ ლახ ა̈დდაგრიხ, ეჯჲა̈რი ა̈ნჴდენიხ ი იგუ̂ნუნიხ.
Line of edition: 22 მიჩა მუ ესერ ღედა̈რს ალა̈̄ში ბოგს ეჩხა̈ნთე შუკუ̂ე პილს. ეჯ'
Line of edition: 23 ე̄სერ ჟ'ა̈ნჴდენი, ეჩქას ესერ მე̄ზ-მეჩედ მა̈გ იწა̄ნუნი ი ტე̄უ̂ა-ჲ ფათრა̈კ
Line of edition: 24 ხე̄რა ჩიგარ.

Line of edition: 25 ალჲა̈რდ სერ ლი̄ზი ლა̈ჲბინეხ ი ეჩქა ბეფშუ̂დ ხა̈̄ქუ̂:
Line of edition: 26 -- ჲაღუ̂ ე̄სერ ეშხუ ამბა̈უ̂[უ] ლა̈ჲჰურნეხ: ერუ̂ა̈̄ჲ ესერ ხეხუ̂ი მინდუ̂ს
Line of edition: 27 არდე̄დს, ეჯას ესერ ჩიგარ ლეჲდჷრე̄უ̂ ხა̄რ ი ხე̄რი-ჲ ადუ; ერუ̂ა̈̄ჲ
Line of edition: 28 ესერ ხელწიფი მინდუ̂ს არდე̄დს, ეჩას ესერი ლეჲდჷრადუ ახჴედა, ი
Line of edition: 29 ერუ̂ა̈̄ჲ ესერ მახა მჷკეთს იცხე̄ნე ჯუ̂ინელდ, ეჯას ესერი ლეჲდჷრეუ̂
Line of edition: 30 ხა̄რ ჩიგარ ი ხე̄რა-ჲ ა̄დუ.

Line of edition: 31 ამი̄ ლაკუ̂ჰუ̈რად ანჴა̈დ უ̂ა̈ზირ ი, ხელწიფს ლა̈ჩუ̂ ხორდა, ეჯა
Line of edition: 32 ქა̈̄თქუ̂ით ი მიჩა ძიძჲა̈რმჷყ ჩუ̂ა̈დშხუ̂ინ. ეჩქანღო ფირუ̂ ა̈ზიჰ, ეჩი̄ ლეღუ̂ა̈რ
Line of edition: 33 ქორთ' ა̄დჲე ი მიჩა ხახუ̂ ხა̈̄ქუ̂: "ქ' ე̄სერ ნოსა̄უ̂ რა̈̄ქუ̂ ი ხელწიფი
Line of edition: 34 ლა̈ჩუ̂ ესერ ოთქუ̂ითა ი ეჩი̄ ლეღუ̂ა̈რ ესერ ლიხ ალჲა̈რ-ა". ანჴა̈დ
Line of edition: 35 ხელწიფ ი ლითხე̄ლი ლოხუ̂ბინე ლა̈ჩუ̂ს. უ̂ა̈ზრი ხახუ̂ემ ხა̈̄ქუ̂: "უ̂არჩხილუ
Line of edition: 36 ესერ ლახუ̂ე̄მ მასა̈რდ ი ქ' ე̄სერ ხაყლე, ლა̈ჩუ̂ ჲა̈ს ოთქუ̂ითა,
Line of edition: 37 ეჯას". ხელწიფდ ქა ლახუ̂ე̄მ უ̂არჩხილ ი უ̂ა̈ზრი ხახუ̂ემ ქა ხა̈̄ქუ̂, ერე
Page of edition: 413 Line of edition: 1 "მიჩა ჭაშუ̂ ესერ ოთქუ̂ითა მიჩა ლა̈ჩუ̂ ი ლეღუ̂ა̈რ ა̈გით' ო̄ხჴი̄და".
Line of edition: 2 ხელწიფ ჟ'ა̈ნხირნა̈̄ნ უ̂ა̈ზირთე, ლოხჴერნე სგა სემი სალდა̈თ ი ლადგა̈რთ'
Line of edition: 3 ა̄თხუ̂ე̄მ უ̂ა̈ზირ. ესღრიხ შუკუ̂ს. ლახხუ̂ი̄დ მახე ნამკეთა̄ლუ̂ უ̂ა̈ზრი
Line of edition: 4 მჷკეთ ი ლა̈ხჭუ̂ედდა:
Line of edition: 5 -- მა̈ჲ ესერ ლახქადა ალ მა̄რა?
Line of edition: 6 -- მა̈ჲ ესერ ი ხელწიფი ლა̈ჩუ̂ ოთქუ̂ითა ი ლადგა̈რთ' ე̄სყახ.
Line of edition: 7 -- მა̈გუ̂ი̄ზ' ე̄სერ, ხეკუთნი ი ხა̄დუ! -- ი ქო̄თქა̈̄ბ. აშხუ̂ ა̈გის აჯაღ
Line of edition: 8 ლახხუ̂ი̄დ ჯუ̂ინელ უ̂ა̈ზრი მჷკეთ ი ლა̈ხჭუ̂ედდა:
Line of edition: 9 -- მა̈ჲ ესერ ლახქადა ალ მა̄რა? -- ალჲა̈რდ ქო̄ხუმბაუ̂ეხ, მა̈̄ჲ ლახქად'
Line of edition: 10 ე̄ჯა. ეჩქას მჷკეთდ ხა̈̄ქუ̂: "მინ მა̄რა̈̄ლ, დეშ ესერ ა̈თწინიხა სემი
Line of edition: 11 მა̄რე აშხუ̂ მა̄რა ი ჟი̄უ̂ ანფუშდუ̄რეხ!" ალჲა̈რდ ჟ'ანფუშდუ̄რეხ ალ
Line of edition: 12 მა̄რე. ეჩქას ლა̈ხჭუ̂ედდა უ̂ა̈ზირს მიჩა მჷკეთ:
Line of edition: 13 -- მა̄მგუ̂ეშ ესერ ლა̈ხშედნია, საბრალ? -- ი უ̂ა̈ზირდ ხა̈̄ქუ̂:
Line of edition: 14 -- ამჟი-ჲ-ამჟი ლაკუ̂ჰუ̄რად ესერ ოთქუ̂ითა ი ოთპა̈ჟუ̂ნა ლა̈ჩუ̂,
Line of edition: 15 ადო ჩუ̂ე̄სერ დე̄სა ხოჲსა.

Line of edition: 16 ეჩქას ჩა̄ჟუ̂თეჟი̄ნ იყირ უ̂ა̈ზირ მიჩა მჷკეთდ ი სგა̄დჲე ხელწიფთე̄სგა,
Line of edition: 17 ქო̄ხუმბაუ̂ეხ მა̈გ ხელწიფს. ხელწიფდ ქა̄ფიშუ̂დ უ̂ა̈ზირ ი მიჩა
Line of edition: 18 მჷკეთ ჩუ̂ადსუჩქუ̂რე.

Line of edition: 19 აჩა̈დ ხა̈ნ ი ალ ხელწიფს მე̄რმა ხელწიფდ ლაკუ̂ჰუ̄რად ჲორი,
Line of edition: 20 უშხუ̂ა̄რი მაჯო̄ნ, ბეფშუ̂ ოხზჷზე: "ხედ' ე̄სერ უ̂ა̈რგი გეზალ ლესუ̂ხ ი
Line of edition: 21 ხედა გლეხიშ, ეჯ' ე̄სერ ჟი̄უ̂ ლახთირ, ადო ხეშია̈̄ლ ესერ!" ხელწიფ
Line of edition: 22 მასა̈რდ ლასკო̄რათე̄სგ' ა̄შყა̈დ. ანჴა̈დ უ̂ა̈ზირ ი ხა̈̄ქუ̂: "ალ-ი-ალ ბეფშუ̂
Line of edition: 23 ესერ ჰე დო ლახთერ ამის, სერ ესერ და̈̄რ მოშ ხათერ". ოთთო̄ნე
Line of edition: 24 ხელწიფდ ალ ბეფშუ̂თე ი სგა̄ხჴიდუ̂ნე. ბეფშუ̂დ ხა̈̄ქუ̂: "ჲაღუ̂ ე̄სერ ჩიქე
Line of edition: 25 ჩუ̄უ̂ ადბიზეხ ალ ბოფშა̈რ, ეჩქანღო ჩუ̄უ̂ ადყუ̂ინა̄ლეხ ი ეჩქ' ე̄სერ ჟი

Добавлено (2007-01-16, 2:36 Pm)
---------------------------------------------
26 ხათერ". ალ ბოფშა̈რ ჩუ̂ადბიზა̄ლეხ ი ჩუ̂ადყურდახ. ეჩქას უ̂ა̈რგი
Line of edition: 27 გეზალ ლურწუ̄რად ადყურდა ი გლეხიშ ლუნკუ̄რად. ბეფშუ̂დ ჟი
Line of edition: 28 ლახთირ ი ქა ხა̈̄ქუ̂ ი ტკიცდ ჩუ̂ათხუ̂ი̄დ. ხელწიფდ ალ ბეფშუ̂ს თე̄რა̈რ
Line of edition: 29 ქო̄ხხჷპჷ̄რე ი მელთერდ ადსგურე ჩუ.

Line of edition: 30 მე̄რმაჟი̄ნ აჯაღ ოხუ̂ზჷზეხ ხელწიფს უშხუ̂ა̄რი მაჯო̄ნ ჲორი ჩა̄ჟა̈რ
Line of edition: 31 ი ხა̈̄ქუ̂ხ: "ალჲა̈რ ესერ ხედა უ̂ა̈რგი ჩა̈̄ჟ ლიხ ი ხედა გლეხიშ, ეჯ'
Line of edition: 32 ე̄სერ ჟი̄უ̂ ლახთირ!" ლა̈ხჭუ̂ედდახ ბეფშუ̂ს ი ბეფშუ̂დ ხა̈̄ქუ̂: "აშხუ̂ ა̈დგილს
Line of edition: 33 ესერ ჭჷმინუ ადჰარეხ ი მე̄რმა ჭემ. უ̂ა̈რგი ჩა̄ჟ ესერ ჭჷმინთექ'
Line of edition: 34 ა̈̄სკნე შიშდ ი გლეხიშ ჭამუ̂თე". ალა ტკიცდ ამჟი̄ნ ჩუ̂ემინხ ი
Line of edition: 35 ჩუ̂ათირხ იუ̂ა̈რგიშ ი გლეხი ჩა̄ჟა̈რ.

Line of edition: 36 ალ ბეფშუ̂ი ლითურე ა̈დკუ̂იჰ ქრისდედ. ლახსგურდა ჰილუ̂ს ი
Line of edition: 37 ანჴა̈დ ალ ბეფშუ̂ ლახჩუ̂ეუ̂თე. შუკუ̂ჟი̄ნ აშხუ̂ მეჩი ზურა̄ლს ლუღუ̂ინ
Page of edition: 414 Line of edition: 1 ფირუ̂ ხაყა. ლოხუ̂ფუ̈̄ლ ქრისდედ ღუნს, სა̄ბელდ ესსიპე ი მიჩა ჰილუ̂ს
Line of edition: 2 უ̂ეშგიმ ლახჭემ. ზურა̄ლ უ̂ეშგიმ ა̈თღუ̂ა̈ჭ:
Line of edition: 3 -- ალ' ე̄სერ მიჩა ღუნ ლიზ!
Line of edition: 4 -- მიჩ' ე̄სერ მა̄დეჲ მიჩა ჰილუ̂ს ოხუ̂თაუ̂ა სა̄ბელ ი მიჩ' ე̄სერ
Line of edition: 5 ლიზ.
Line of edition: 6 -- ჲაღუ̂ ე̄სერ მელთერთე̄უ̂ აჩა̈დხ.

Line of edition: 7 აჩა̈დხ ალ ბეფშუ̂თე ი ლა̈ხჭუ̂ედდახ. ბეფშუ̂დ ხა̈̄ქუ̂:
Line of edition: 8 -- კალმახ ესერ ლჷცხა̈ნქა ქა̈̄მჴედ, კუ̂ეცანშუ̂ ჟ'ალჷრდე̄ლი ი
Line of edition: 9 ეჩქანღუ̂ ე̄სერ სგა̄დ ა̈მტეხე̄ლი ლჷცთე̄სგა. -- ქრისდედ ხა̈̄ქუ̂:
Line of edition: 10 -- ალ' ე̄სერ იმჟი̄ნ ი̄რა?
Line of edition: 11 -- ჲაღუ̂ ე̄სერ ჰილუ̂ი სა̄ბლი ლითუ̂ე̄ჲ ამჟი გარ ლიზ.

Line of edition: 12 ანჴა̈დ ეჩქას ქრისდე, ბეფშუ̂ს თე̄რა̈რ ჟ'ოხფხჷრჷ̄რე ი ხელწიფდ
Line of edition: 13 ადგენე. ხელწფს ქო̄ხხჷპჷ̄რე ი მელთერდ ადსგურე ი ლჷმზჷრე̄უ̂
Line of edition: 14 ლიშდ.

Добавлено (2007-01-16, 2:37 Pm)
---------------------------------------------
Text: 181
Page of edition: 414
Line of edition: 15
181. ალაუ̂გან

Line of edition: 16 ლჷმზჷრე̄უ̂ ლიშდ ი ალაუ̂გან ლი. ალას ლიჩი̄ჟა̈̄ლდ გუ ხარ, მარე
Line of edition: 17 "და̈̄უ̂ა̄ გეზალს ესერ ოდ დო ა̈დყედა̈̄ნი, ეჩქად დე̄მგუ̂აშ ესერ იკკა̈ლი".
Line of edition: 18 ჩუ̂ა̈დყედა̄ნე და̈̄უ̂ ზურა̄ლ ი ჩუ̂ადღანუ̂ე. ეჩქას ხა̈̄ქუ̂ აშხუ̂ გუდმეცა̈ლ
Line of edition: 19 მა̄რე̄მ: "მიჩა ხეხუ̂ ესერ ლახ ილღუ̂აჟა̄ლდე̄დს, ლე̄ბი̄ თხუმჟი̄ნუ̂
Line of edition: 20 ესერ ადყუ̂ინე, ადო გეზალს ესერ ჩუ ჲურტყუ̂ი". ლიღუ̂ჟა̄ლე დუ̂რეუ̂
Line of edition: 21 ოხუ̂ჴა̈დ, ეჩქას ალაუ̂განდ და̈̄უ̂ ლე̄ბი̄ თხუმჟი̄ნ ჩუ̂ადყუ̂ინე. და̈̄უ̂
Line of edition: 22 ჩუ̂ა̈დღუ̂აჟ, გეზალ ლებიჩუნ ოხუ̂შყა̈დ ი დეშ ლალე̄მ. ალაუ̂განდ გეზალ
Line of edition: 23 ჩუ̂ადპა̈ჟუ̂ნე ი მიჩა დის ქა მა̄დ ხაწუ̂ე̄ნე. აშხუ̂ ნაგზანღო ალაუ̂გან
Line of edition: 24 ლა̈ხჭუ̂ედდა მიჩა გეზალს: "ხაყლუ̄ნ' ესერ მა̄ მიჩა დიდ?" გეზალდ
Line of edition: 25 ხა̈̄ქუ̂: "ჩიქ' ე̄სერ ხაყლუ̄ნი, აშხუ̂ დოშდულ-მახა ჩიქდ, ეჩქანღუ̂ ე̄სერ
Line of edition: 26 მა̄მა ხა̄რ მაყალ". ალ ჭყინტ ეჩზუმს ჟი იცხემ, ერე მა̄მ ხა̄რ შუ̂იმ.
Line of edition: 27 მიჩა დი ჩია̈̄გ ხეთხე̄ლი ლერტყუ̂იდ, მარე დეშ ითხე̄ლი ი ლაჟღარმო̄ლას
Line of edition: 28 მა̈გ ჟი ხოკიდ. ქა̄ჩა̈დ ეშხუ დოშდულ-მახე ი ათხე ალაუ̂გან
Line of edition: 29 ლა̈ხჭუ̂ედდა მიჩა გეზალს: "სერ ესერ ხაყლუ̄ნი მა̄ მიჩა დიეშდ?" -- "სერ
Line of edition: 30 ესერ მა̄მა" ი ქა̄ნჴა̈დ თა̈უ̂ისუფალდ მიჩა ლაპა̈ჟ[უ̂]ხა̈ნქა. ეჩქანღო და̈̄უ̂დ
Line of edition: 31 დეშმა ხაყერ მიჩა გეზალს ი ხოჩა მა̄რე ა̈ხფას ი ლჷმზჷრე̄უ̂ ლიშდ.

Добавлено (2007-01-16, 2:37 Pm)
---------------------------------------------
Text: 182
Page of edition: 414
Line of edition: 32
182. ხოჩა ლჷხა̈ლ თელღჷრა

Line of edition: 33 ეშხუ ხეხუ̂-ჭა̈შ ლჷმა̄რდე̄ლიხ. ალჲა̈რს გეზალ ხარდე̄ნახ ეშხუ.
Line of edition: 34 მახაღუ̂ა̈ჟთექა ქა̈̄მჴედ, ეჩქას ქა̄დჩი̄ჟეხ ი ხეხუ̂ ოხჴიდხ. აშხუ̂ჟი̄ნ მუ-გეზალ
Page of edition: 415 Line of edition: 1 აჩა̈დხ მე̄რმა ქუ̂ეყანათე მურყუ̂ამ ლაგა̈მთე უ̂ა̈რგიშ. თანა̈ღს ლახა̄გა̈ნხ,
Line of edition: 2 ეჩქას მუს ჟ'ა̈ხფა̈შ ი ხა̈̄ქუ̂ მიჩა გეზალს: "მა̈დილუ ხე̄რა ი ჩა̈̄ჟუ
Line of edition: 3 ოხჴიდ!" ჩა̈̄ჟს გეზალ იმხა̈ნ ოხჴიდა, ჟი ლა̈ჲცუ̂ე მიჩა მუ ი ესყა. ეზარ
Line of edition: 4 ა̈გიდ ჟ'ადჲე, ეჩქას მუდ ხა̈̄ქუ̂: "დეშ ესერ ა̈ი ჯა ზაგა̈რთეჟი̄ნ ი ჟი̄უ̂
Line of edition: 5 ესჭუ̂ე̄ნხ". ჟ'ესჭუ̂ე̄ნხ ი ა̈გით' ა̄ჩა̈ხ. ხეხუ̂-ჭა̈შს ალა თელღჷრა̈̄ ლაკუ̂ჰუ̄რაღა
Line of edition: 6 ხა̄რახ. "უ̂ა̈ჲ-უ̂ა̈ჲ, მა̈ჲ ესერ ხოლა თელღჷრა ათმარუ̂ჯახ!" ი ქა̄დგენეხ.
Line of edition: 7 მე̄რმე ხეხუ̂ ოხჴიდხ ი აჯაღ აჩა̈დხ მურყუ̂ამ ლაგა̈მთე, მარე
Line of edition: 8 შუკუ̂ჟი̄ნ აჯაღ ამჟი̄ნ ხეყა̈რხ ი უ̂ეშგდ ესჭუ̂ე̄ნხ. მე̄რმე თელღჷრა̄ჲ
Line of edition: 9 ქა̄დგენეხ. მე̄სმე ხეხუ̂ ოხჴიდხ მინე გეზალს ხეხუ̂-ჭა̈შდ. აჯაღ ლა̈ჲბინეხ
Line of edition: 10 მურყუ̂ამ ლაგა̈მთე ლიმა̄რა̈̄ლ მე̄რმა ლა̈დღიშდ. ბა̄ზი ხახუ̂ემ ხა̈̄ქუ̂
Line of edition: 11 მახაღუ̂ა̈ჟს:
Line of edition: 12 -- მიჩა მუს ესერ ჩა̈̄ჟი ლიშგუ̂ემ ლაკუ̂ჰუ̄რაღა ხა̄რ. ჩა̈̄ჟ ესერ ლახ
Line of edition: 13 ხაშგუ̂მინას, ეჩქას ფაუუ̂ ლახბიშე ლაბეჯგდ. ეჩქანღო ალ ჰარა̈კუ
Line of edition: 14 ოხუმბაუ̂ე ი ლა̈ხჭუ̂ედდა̄უ̂ უ̂ეშგიმპილს: ჲა̈რ ესერ ი̄რახ ალჲა̈რ ხოშა?
Line of edition: 15 "აშხუ̂ მეჯუ̂ეგს ესერ სემ' ათა̈ს ჴა̈ნ, ფირუ̂ ი მა̈ნცინ ხაყა. ალ ჯუ̂ეგს
Line of edition: 16 ესერ ეშხუ ბოტა ხონჴრი. ეჩზუმ უ̂ერ' ე̄სერ ხა̄გ, ერე ალამა̈გ ჯუ̂ეგს
Line of edition: 17 ი მეჯუ̂ეგს ჰა̄უ̂და̈რჟი̄ნ ჩუქუ̂ა̄ნისგა სგა ისჷ̄მე ი სადგუ̂ემ მა̄მ ხაკუხ
Line of edition: 18 ლა̈̄თშუ̂. მერმ' ა̈̄გის ძუღუ̂ას ამხა̈ნთე ბუღუ̂ა ლჷგ, ჭჷშხა̈რ უ̂ეშგმეშ ეჩხა̈ნთე
Line of edition: 19 ხო̄გ ი სგუ̂ებნეშ ამხა̈ნთე, ძუღუ̂ა ჴადუ̂ ჩუქუ̂ა̄ნქა ესო̄ზი. ალ
Line of edition: 20 ბუღუ̂' ე̄სერ ჩუ̂ალდაგა̈რლი ი რიყჟი̄ნ ლჷმა̈რდ. ახჭუ̂ა̄და სგა ეშხუ
Line of edition: 21 სოფელ მურგუ̂ალდ, აშხუ̂ხა̈ნიშ ქო̄თტუფუ̄რახ ი მა̈გ ჟ'ალრექუ̂ე̄ლი
Line of edition: 22 ჟ'ალჷლდე̄სგე̄ლი. ეჩქანღო ქა ლისპე ხა̈კუ̂დახ, მარე ქა დეშჲა̈რდ
Line of edition: 23 ადსიპე ალამა̈გ მა̄რე̄მ. უ̂ეშგიმპილს ანჴა̈დ ეშხუ ზურა̄ლ, ბეფუ̂შილდ
Line of edition: 24 ჟი ხაჭჷთხ, ლოხუ̂რეკ ჩე̄რი ი ქა̄დსიპე ბუღუ̂ა, ტუფ ქა̄ხტუ̂იმ ი მიჩა
Line of edition: 25 ბეფშუ̂ი ფაყუ̂ს ოთგე პილჟი̄ნ ტკეჩდ. ალ ბუღუ̂ა̈̄ ბარჯჟი̄ნ ეშხუ სოფელ
Line of edition: 26 ა̈დზიგა̈̄ნ, დაბა̈რ ა̈ნსყეხ ი ლა̄რა̈̄ლ. ა̈ხმითქუ̂ა̈̄ნ ამის მა̄ლ, ყიმბჟი̄ნ
Line of edition: 27 ხეჴშდა̈̄ნი ი ეჩქას სოფელს მა̈ჲ ლეჟა ხა̈ჩო თხუმ ი მა̈ჲ ლექუ̂ა. ალა-ჲალ'
Line of edition: 28 ე̄სერ ქა̄უ̂ ოხუმბაუ̂ე ი ლა̈ხჭუ̂ედდა̄უ̂: "ჲა̈რ ესერ ი̄რიხ ალჲა̈რ
Line of edition: 29 მაშე̄ნე: ბოტა̈̄ უ̂ერე, ბუღუ̂ა̈̄ ბარჯ, ჩე̄რი, ა მა̄ლ?" ამის ესერ გუდ
Line of edition: 30 დეშ ჴედნი ი ხა̈̄ქუ: "მაშე̄ნ' ე̄სერ ბეფშუ̂ი თხუ̂იმ ლჷმა̈̄რლი: ამზუმ
Line of edition: 31 ბუღუ̂ა̈̄ გუ̂ერე̄მი ხჷნსგა ესერ ლახ ფაყუ̂ა̈ პილჟი̄ნ გარ ახმარგა
Line of edition: 32 ტკეჩდ."

Line of edition: 33 მუ-გეზალ აჩა̈დხ მე̄რმა ლადა̈ღ. თანა̈ღს ჟ'ათა̄გა̈ნხ, ეჩქას მუდ
Line of edition: 34 ხა̈̄ქუ̂ გეზალს: "ჩა̈̄ჟუ ოხჴიდ, ადო ჟ' ესერ ახფეშა". ანჴა̈დ გეზალ ი
Line of edition: 35 ი ფაუ ლახბიშე. ეჩქანღო ლოხუ̂ბინე ალ ჰარკი ლი̄მბუ̂ი, ქა̄ჲ ანჷ̄მბაუ̂ე
Line of edition: 36 ი ჟი̄ჲ ა̈დთანღეხ, ჩუ̂ესგურდახ ზაგა̈რჟი̄ნ ი გეზალ ლა̈ხჭუ̂ედდა:

Page of edition: 416
Line of edition: 1 -- ჲა̈რ ესერ ლიხ ალჲა̈რისგა მაშე̄ნე? -- მუდ ლახტიხ:
Line of edition: 2 -- დიდა̈ბუ ესერ ათჴედა ღე̄რბათ, მა̈ჲ თელღჷრა ათმარუ̂ჯა. ალ'
Line of edition: 3 ე̄სერ ეჩი̄ ლაგას ნაგა̈ნუ̂ ლიზ, ეჯას ესერი ქა ხა̈̄ქუ̂ინა, ჲა̈რ ესერ ლიხ
Line of edition: 4 ხოშა. -- გეზალდ ხა̈̄ქუ̂:
Line of edition: 5 -- მაშე̄ნ' ე̄სერ ბეფშუ̂ი თხუ̂იმ ლჷმა̈̄რლი.

Line of edition: 6 აჩა̈დხ ალჲა̈რ უ̂ა̈რგთე, მურყუ̂ამ ჩუ̂ადგეხ ი ქა̄დსურლეხ ი ქირა̈ჲ
Line of edition: 7 ხაშგუ̂მინხ. ეჩქას უ̂ა̈რგდ ბა̈ქ ოხუ̂ცუ̂იბ ი ხა̈̄ქუ̂: "ედ ესერ მურყუ̂ამუ
Line of edition: 8 ოხუ̂მეწუ̂ნე, მა̄დ' ე̄სერი ეშდჲარუ̂ მა̄რე̄მი ლუგუ̂ენუ ლახუ̂ე̄მხ". ალჲა̈რდ
Line of edition: 9 ლახ დოშ ოხჴიდხ ალა, ჩუ̂ადჷრმა̄ლე ი ჩუ̂ადჭებდე. ეჩქას ანჴა̈დ მუ,
Line of edition: 10 მიჩა თელღჷრას ლა̈ირ ოთზჷზე: "მა̈დილუ ხე̄რა ი უღა̈დ ღედიში
Line of edition: 11 სამჷრთა̈ლი მუმწუ̂ინე თჷრქა̈დუ ოხუ̂ზჷზე". ალ ლა̈ირ უ̂ა̈რგს ქა ლახუ̂ე̄მ
Line of edition: 12 ი ხა̈̄ქუ̂: "ეშდჲორი მა̄რე̄უ̂ ესერ ადზჷზე ეჯ თჷრქდი ლა̈ჴდათე, ადო
Line of edition: 13 ეშხუ გარ ესერ დეშ ჴიდე". ანჴა̈დ უ̂ა̈რგ ი ეშდჲორი მა̄რე ადზჷზე
Line of edition: 14 ამხა̄უ̂. დი̄ნად ლა̈ირ ქა̄დჭოდა̄ნე, გუდ აჴა̈დ გუ̂ეშს ი ხა̈̄ქუ̂ მეცქულა̈რს:
Line of edition: 15 "ეშდეშხუ̂ ესერ სგა̄უ̂ ოთჴერდახ: ლჷკილ ოთა̈ხისგ' ე̄სერ ხორი თჷრქა̈̄დ".

Добавлено (2007-01-16, 2:38 Pm)
---------------------------------------------
16 ალჲა̈რ სგა̈̄დჴერნე ლანტყუ̂ი̄რთე̄სგა ი ჩუ̂ადჭებდე. ეშხუ მა̄რე ასა̈დ,
Line of edition: 17 ეჩას ხა̈̄ქუ̂: "მიჩა თჷრქა̈დ ესერ ალა ლიზ-ა: ედ ესერ მიჩა ჭა̈შ ი
Line of edition: 18 მიმთილ, მინე ნამშა̈ჲე̄რ ი ეშდჲარუ̂ მა̄რე̄მი მა̈̄ღუ̂რა შიშდუ ოხუ̂ზჷზე
Line of edition: 19 უ̂ა̈რგდ, მა̄დ' ე̄სერი ალ ეშდაშხუ̂ მარა მაიდშუ̂ ესერ ა̈ყმა̈̄ლი.

Line of edition: 20 ალა უ̂ა̈რგდ ა̈დკუ̂იჰ, მასა̈რდ ოთშგურდა, ოსტატა̈რ ა̈გით' ა̄ნფიშუ̂დ,
Line of edition: 21 ნამშა̈ჲე̄რ ი მა̈̄ღუ̂რა ქა ლახუ̂ე̄მ ალჲა̈რს.

Line of edition: 22 ხოჩა̄მ ლჷხა̈ლ თელღჷრას ესერ ეჯღა მა̄მგუ̂ეშ ხოჩა!

Добавлено (2007-01-16, 2:39 Pm)
---------------------------------------------
Text: 183
Page of edition: 416
Line of edition: 23
183. ადამეტი გეზალ თა̈მხდერა̈ჲ

Line of edition: 24 ჲაღო ლჷმზჷრე̄უ̂ ლიშდ ი ეშხუ ხელწიფ ი მიჩა ხეხუ̂ ლიხ. ალჲა̈რს
Line of edition: 25 ეშხუ დი̄ნაგეზალ ა̈ხთაუ̂ა̈̄ნხ. ალ დი̄ნა სი̄მაქთექა ქა̄ნჴა̈დ, ეჩქას ლჷწსობ
Line of edition: 26 აჩუ̂მინ ხელწიფდ ი ჩიე̄სგიშ ქა̈̄წსე, ძღჷდ ეზერ ლადა̈ღ აჩუ̂მინ. ნა̈ბოზს
Line of edition: 27 ანჴა̈დ ეშხუ ღუ̂ამა̈ლ ი რა̈̄ქუ̂: "ჯ' ე̄სერ მა̄დ ხოწსახ, მარე ოდ ესერ
Line of edition: 28 ალ დი̄ნად ადამეტი გეზალ თა̈მხდერა̈ჲ დო ა̈დყედა̄ნას ჭაშუ̂დ, ეჩქად
Line of edition: 29 ჟაღუ̂შა̄ლუ ესერ ხეზგი ჩიგარ გუ̂ი!" ალა ქა რა̈̄ქუ̂ ი ლა̈ჲპრეტყ ი
Line of edition: 30 აჩა̈დ.

Line of edition: 31 დი̄ნას ტკიცდ ჟეღშა̄ლ ლოხუ̂ბინე გუ̂იდ ლიზგე. ხა̈̄ქუ̂ მიჩა მუს,
Line of edition: 32 ერე "ბაბა, მიჩ ესერ მა̄მ ხა̈მჲედა სერ ამჟი ლირდე, (უ̂)ოდ ესერ
Line of edition: 33 ადამეტი გეზალ თა̈მხდერა̈ჲს დო ა̈თთხა̈ნი. მა̈დილუ [ესერ] ხე̄რა ი
Page of edition: 417 Line of edition: 1 ქა̄უ̂ აფიშუ̂დ ეჩი̄ ლათხე̄ლთე, ადო ჯ' ე̄სერ ჩუ იდგა̈რი". ხა̄დ ი დამ
Line of edition: 2 ხელწიფს ი აფიშუ̂დ მიჩა დი̄ნაგეზალ, ეშხუ̂ აშირ თუ̂ეთნე მჷჩა̈̄ჟი
Line of edition: 3 ლოხუ̂ჴერნე, მე̄რმე-წჷრნი ი მეს

Line of edition: 12 აშხუ̂ ჯუ̂ე̄დია-ნაჯუ̂და მინდუ̂ერისგა მეჩი მა̄რილ ლახხუ̂ი̄დდა. მეჩი
Line of edition: 13 მა̄რილ ლა̈ხჭუ̂ედდა:
Line of edition: 14 -- დინა, იმთ' ე̄სერ ესღრი. -- დი̄ნად ხა̈̄ქუ̂, ერე
Line of edition: 15 -- აშ-ი-აშ ესერ ლიზ მიჩა გუ̂ეშ ი ადამეტი გეზალ თა̈მხდერა̈ი
Line of edition: 16 ლათხე̄ლთ' ე̄სერ ესღრი". მეჩი მა̄რილდ ხა̈̄ქუ̂: "დინა, ეჩას ესერ ჯა ქა
Line of edition: 17 ლახთუ̂ე̄ნნე, მარე ეჯ' ე̄სერ ლჷდგა̈რ ლიზ. აშხუ̂ მურყუ̂ამისგ' ე̄სერ
Line of edition: 18 სგუ̂ეჯი ჩუ, მიჩა ლაგენ ლა̈ირ თხურმა̈̄შ ესერ ხო̄ზ. ეჯ ლა̈ირს ესერ
Line of edition: 19 ერუ̂ა̈̄ჲ ქა̈̄დჭოდა̈̄ნი, ეჩქას ესერ ქუ̂ინ სგა ხეტხენი. ობა̈შ ესერ მეჩდე̄ლი
Line of edition: 20 ეჩი̄ ლაჭუ̂და̈̄ნთე, მარე და̈̄ს ესერ მოშ ხოჭუ̂და̄ნა, ჯ' ე̄სერი დეშ
Line of edition: 21 ა̈დჭოდა̈̄ნი იმუ̂ა̈̄ლე ი ჟი̄უ̂ ესჭუ̂ე̄ნ ი ა̈გითე̄უ̂ აჩა̈დ. დი̄ნად ხა̈̄ქუ̂:
Line of edition: 22 -- მა̈დილუ ხე̄რა ი ეჯ მურყუ̂ამ ქა̄უ̂ ლახთო̄ნე ი სერ ესერ იშგნე̄მი
Line of edition: 23 სერდე ნომა̄უ̂ ხა̄რ.

Line of edition: 24 მეჩი მა̄რილს ლახ სგუ̂ებდ მო̄მგუ̂ეშ ოთჩა̈დ ლიდურუ̂ა̈ნი, ქა ლახთო̄ნე
Line of edition: 25 მურყუ̂ამ, იმუ̂ა̈̄ისგა სგუ̂ეჯდა ადამეტი გეზალ თა̈მხდერა̈ჲ. აჩა̈დ
Line of edition: 26 დი̄ნა მურყუ̂ამთე̄სგა, ლა̈ჲბინე ლა̈ჲრი ლიჭუ̂და̈̄ნი, ეჩჟი̄ნ ქა ხეჭოდ',
Line of edition: 27 ერე შუ̂იმ მა̄მა ხა̄რ. ჟი ხეფშენი ღალ, ეჩქას ჟი იშუ̂მინე ი
Line of edition: 28 ა̈რი ამჟი̄ნ მურყუ̂ამისგა. სემი ფურცლიდ გარ ხოკა̈ლდა, ეჩქას ლა̈ხშგა̈ბ
Line of edition: 29 მჷრა̈̄მხა̈ნ ეშხუ დედბერი̄ლ, ხოხუ̂რა̄მ ბოთლიკილშუ̂ ბადა̈გ ხუღუ̂ე,
Line of edition: 30 სგა ლახსგურდა გა̈ნხა̈ნ დი̄ნას ი ხა̈̄ქუ̂: "დედეღო მადხუ̂ა̈ი̄ლ ესერ ჟი̄უ̂
Line of edition: 31 ლა̈ჲშუ̂ემ, ალ რა̈ნგილდ ესერ ჩუ̄უ̂ ლაი̄შ ი ღუ̂ ე̄სერ ხოჩა ლეჭუ̂დი
Line of edition: 32 ხე̄რა ლა̈ირ". დი̄ნად ღალ ჩუ̂ა̈დჯჷრუ̂ე დედბერი ლიღუ̂როუ̂ა̈̄ლ, ჩუ
Line of edition: 33 ლაი̄შ ბადა̈გ ი შიშდ ღალ ჩუ̂ა̈დუ̄ჟდა გიმჟი̄ნ. ანჴა̈დ ფისრა̈ჲ დედბერი̄ლ,
Line of edition: 34 ლა̈ჲტუ̂არე ჟი ლეტუ̂რე ი აშხუ̂ წა̈მს ქე̄სჭოდა̄ნე სემი ფურცელ
Line of edition: 35 ლა̈ირ. ლა̈ირ ქა̄ლ ადსურლე დედბერდ, ადამეტი გეზალ თა̈მხდერა̈ჲ
Line of edition: 36 შიშდ ჟ'ანჷ̄გა̈ნ, ლა̈ჲბრი̄ნგუ̂ე თე̄რა̈ლ ი რა̈̄ქუ̂:
Line of edition: 37 -- უჰ, მა̈ხუ̂ა̈ჲ ესერ ხოუ̂ჟა?! -- ეჩქას დედბერდ ხა̈̄ქუ̂:

Page of edition: 418
Line of edition: 1 -- ლიუ̂ჟ' ე̄სერ მა̄დეჲ ჯ' ე̄სერ ლჷდგა̈რ ლჷმა̈̄რლიზ, მარე მიჩ
Line of edition: 2 ესერ ოხუ̂გენა ჟი.
Line of edition: 3 -- იმჟ' ესერ მიჩ?
Line of edition: 4 -- იმჟი̄ნ ესერ ი ჯ' ე̄სერ სი̄მაქ ლჷმა̈̄რლი მახე ეჩქე̄, შომუ̂ა̈̄ჲ ამხა̄უ̂თე̄სგა
Line of edition: 5 ა̈მჴედე̄ლი. ეჩი̄ზუმ ხა̈ნ ესერ ახა̄რა ალ ლა̈ირ ლაჭუ̂ედს,
Line of edition: 6 ერე ათხ' ე̄სერ ჯა დედბერ ლი სერ ი ჩუ̂ალმეჩე̄ლი. ალ ესერ მაგ
Line of edition: 7 მიჩა მალატშუ̂ ხა̄რა, მარე ათხ' ე̄სერ სერ მა̈ჲ ხე̄რი მიჩ ჯა, დედბერ
Line of edition: 8 ზურა̄ლ.

Line of edition: 9 ადამეტი გეზალ თა̈მხდერა̈ჲს ალა ლახ ქა ხასჷმდა, ხა̈̄ქუ̂, ერე
Line of edition: 10 "ჲაღუ̂ ე̄სერ ლახ ამჟი̄ნ ლჷმა̈̄რლი გუ̂ეშ ი მიჩა მალატშუ̂ ამზუმ ოხუ̂ჭი̄რა,
Line of edition: 11 ხახუ̂დ ესერ ადიე̄სგი მიჩ". დედბერს ალა, მა̈ჲ ლეგჷრგა̈ლი ლიზ,
Line of edition: 12 მასა̈რდ ათჩო̄ნდა. ეჩქას ლა̈ხჭუ̂ედდა:
Line of edition: 13 -- ალ დი̄ნ' ე̄სერ მა̈ჲ ლიზ-ა, ამეჩუ̄ნ ერ აყუ̂რე? -- დედბერდ
Line of edition: 14 ხა̈̄ქუ̂:
Line of edition: 15 -- მა̈ჲ ესერ ხოხალ, ათხ' ე̄სერ მჷრა̈̄მხა̈ნ ალთი̄რლი, სგ' ე̄სერ ა̈მჴედე̄ლი
Line of edition: 16 ამხა̄უ̂თე̄სგა ი შიშდ ესერ ჩუ̂ალკუ̂ა̄რე̄ლი ამეჩუ̄ნ ი ჩუ̂ათუ̄ჟნე̄ნა.

Line of edition: 17 ამი̄შ-ი-ამი̄ ლაგჷრგა̈ლჟი̄ნ დი̄ნასი ჟ'ა̈ხჲა̈ცხჷ̄ნ, ჩუ̂ა̈ცხირ გუ̂ეშ,
Line of edition: 18 იმჟი̄ნ ლჷმა̈̄რლიზ. მარე მა̈ჲ ჩუ̂ემინეს? ესბა̈ც ადამეტი გეზალ თა̈მხდერა̈ჲს,
Line of edition: 19 ერე "მა̈დილუ ხე̄რა ი მო̄ზნა̈ნდუ ესერ ადგენე მიჩა ი მიჩა
Line of edition: 20 ხეხუ̂მიშ". ალა ჩუ̂ადგენეხ მოსიპდ ი ეჩჟი̄ნ ქა ხო̄ზნა̈ნი ალ დი̄ნა ადამეტი

Добавлено (2007-01-16, 2:42 Pm)
---------------------------------------------
21 გეზალ თა̈მხდერა̈ჲს, ერე მა̄მა ხა̄რ შუ̂იმ: ჰა̈დურდ ღალ ჟი ხეჰნი.
Line of edition: 22 ალ დი̄ნას მა̈გ მასა̈რდ მაჴუ̂მა̈̄რ ხა̄რხ ი მა̈გ ხაყლეხ ერე "საჩქუ̂ა̈რს
Line of edition: 23 ესერ ხაჰუ̂დიხ", მარე დი̄ნა დე̄მგუ̂აშ ა̈ჲა̈̄სგდა. აშხუ̂ ლადა̈ღ თა̈მხდერა̈ჲდ
Line of edition: 24 ხა̈̄ქუ̂: "დინა, ქალა̈ქთ' ე̄სერ ესღრი ლაღუ̂ჭარდ ი ჰე̄სამ' ე̄სერ
Line of edition: 25 ხაწჷხ, ქა̄უ̂ ხა̈̄ქუ̂ ი ეჯას ესერ ოხჴიდე". დი̄ნა მა̈̄ნკუ̂ი უ̂არს ხაყლა,
Line of edition: 26 მარე ლახე ჰაჯ მო̄მ' ა̄ხკიდ, ხა̈̄ქუ̂: "ჲაღუ̂ ე̄სერ სამჷრთა̈ლი უფალო̄და̈რუ
Line of edition: 27 ოხყიდ, ჰე დო̄მ იჩო".

Line of edition: 28 ნა̈ბოზს ოხჴიდ სამჷრთა̈ლი უფალო̄და̈რ. ჩუ̂ესგურდა დი̄ნა, სგუ̂ებინჩუ̄ნ
Line of edition: 29 სამჷრთა̈ლი უფალო̄და̈რ ესდე ი ლა̈ჲბინე გა̈რგლა, მა̈̄ჲ მიჩ
Line of edition: 30 მა̈̄ნკუ̂ინღოჲ უ̂ეშგიმპილდ ჩუ ხა̈ყრა ადამეტი გეზალ თა̈მხდერა̈ი ბედჟი̄ნ.
Line of edition: 31 ალა მა̈გ ქო̄ხუმბაუ̂ე, სამჷრთა̈ლი უფალო̄და̈რდ მა̈გ ჩოთმოწმეხ
Line of edition: 32 დი̄ნას. ეჩქას ადამეტი გეზალ თა̈მხდერა̈ჲ ჩი̄ გუდ აჴა̈დ, ათხი̄დჷნ მასა̈რდ,
Line of edition: 33 მა̈ჲ საკუ̂რელ, ადქჷნთრინე კა, ესსგურე ეჩეჟი̄ნ დედბერ ი
Line of edition: 34 რა̈̄ქუ̂: "ჰ' ე̄სერ ალ დი̄ნას მიჩეშხა̈ნქა ალას სა̈ხ ლახღუ̂ე̄ნე̄ნს, ღუ̂ ე̄სერ
Line of edition: 35 ნომმაგუ̂ეშუ ხა̈ყრა; ჰ' ე̄სერ მო̄დეჲ ღუ̂ ე̄სერ ქა̈მილდა̈რ გარუ ა̈მსედე̄ლი
Line of edition: 36 ალ კა̄ჟი̄ნ!" დედბერ შიშდ გრა̈მდ ადჷ̄გა̈ნ. დი̄ნა ხახუ̂დ ლა̈ჲყედა̄ნე
Line of edition: 37 ადამეტი გეზალ თა̈მხდერა̈ჲდ.

Page of edition: 419
Line of edition: 1 ოდ ეჯა-ჲ-ეჯა ნა̈ჲ თანშუ̂ დო ა̈ლსგიდნად, ეჩქად ნომმაგუ̂ეშუ
Line of edition: 2 ლოგზიგა ი ლჷმზჷრე̄უ̂ ლიშდ.

Добавлено (2007-01-16, 2:43 Pm)
---------------------------------------------
Text: 184
Page of edition: 419
Line of edition: 3
184. ლო̄ბა̈̄რილ

Line of edition: 4 ლჷუ̂ზჷრე̄უ̂ ლიშდ ი ა̈რიხ ამჩუ ხეხუ̂-ჭა̈შ. ალჲა̈რ ეჩჟი ღა̈რიბ ლიხ,
Line of edition: 5 ერე მა̄მგუ̂ეშ ხაწუ̂ახ ი ხა̈ბდაუ̂ახ. აშხუ̂ინ ჭა̈შდ ადჷრმე ჰე̄რია კუ̂ინჩ ი
Line of edition: 6 სგა̄ნჴიდ ქორთე. კუ̂ინჩჷლდდ ხა̈̄ქუ̂:
Line of edition: 7 -- ქა̄უ̂ ესერ აფიშუ̂დ ი მიჩა მაწჷხ ლადა̈ღ ჯაი̄ ესერ ლა̈ხშედნი.
Line of edition: 8 -- ეზერ ესერ. -- ხა̈̄ქუ̂ გლეხდ ი ქა̄ფიშუ̂დ. ანჴა̈დ ხეხუ̂ ი ქაჯა̈რ
Line of edition: 9 ა̈ნშიდ:
Line of edition: 10 -- იმღ' ე̄სერ ოთფი̄შუ̂და მიჩ, ლედგა̈რის, ნა̈პო̄ლ. იმ ესერ ლა̈ჲზუ̂ებნე
Line of edition: 11 ბა̄ზი? შიშდ აჩა̈დუ ი სგა̈უ̂ ა̈ნტიხ!

Line of edition: 12 ანჷ̄გა̈ნ ჭა̈შ, ესღრი, ესღრი ი აშხუ̂ ა̈გის სგა̈̄თლაკ კუ̂ინჩჷლდს:
Line of edition: 13 -- მა̈დილუ ესერ ხე̄რი, მიჩა კუ̂ინჩ ლა̈ხშა̈დუ, ადო ხოლა̄მდ ესერ
Line of edition: 14 ხუღუ̂ე გუ̂ეშ: მიჩა ხეხუ̂ დე̄მის ესერ ხა̈ხუ̂იე̄სგი ლარდას.
Line of edition: 15 -- ეზერ ესერ. -- ხა̈̄ქუ̂ კუ̂ინჩჷლდდ. სგო̄თჴერდა ი ლახუ̂ე̄მ ცხუ̂ადუ̄ლ.
Line of edition: 16 -- ჲაღო, ალა̄უ̂ ადჲე ი სერ ესერ მა̄მგუ̂ეშ ხაკუ.

Line of edition: 17 ანჴიდ ცხუ̂ადუ̄ლ ი ხანბა̈ჟ გლეხს: "მა̈ჲ ესერ ხა̄რ ცხუ̂ად, ამე̄სგა
Line of edition: 18 ლეჯა̈ბ ესერ მა̄მგუ̂ეშ ხუღუ̂ე!" შუკუ̂ჟი ლახხუ̂ი̄დ ეშხუ̂ი მა̄რე ი ხა̈̄ქუ̂:
Line of edition: 19 -- იმხა̈ნ ესერ ოხჴი̄და ხოჩა მა̄რე, ალ ცხუ̂ად?
Line of edition: 20 -- ამჟი̄-ამჟი, ნა̈პო̄ლს ესერ ლოჰოდა, მარე მა̈ჲ ესერ ხა̈̄ცეს,
Line of edition: 21 სგა̈̄ნჩუ ლეჯა̈ბ ესერ მა̄მ ხუღუ̂ე!
Line of edition: 22 -- ჰმ, საბრალ ჯა, ამი̄ მახალ ესერ მა̄მ ხახლე̄ნა. ჯ' ე̄სერ ჟ'ახთუ̂ე̄ნი.
Line of edition: 23 -- ად, ხოლა ცხუ̂ადუ̄ლ, მა̈̄ჲ მაჩე̄ნე სა̈დილ ჟი ხომა̄რე̄ნს, ეჯა̄უ̂
Line of edition: 24 ანმა̄რე!

Line of edition: 25 ა̈ნსიპდა ცხუ̂ადუ̈ლ ი ნჷნქა ლე̄ქუ̂ი̄სგ მა̈გ ესჰარე ეჯჲარე სგუ̂ებინჩუ.
Line of edition: 26 ათჩო̄ნ გლეხს ი ა̈გით' ა̄ნჴა̈დ. მასა̈რდ ათსა̈კუ̂რა̈ლჷნ გლეხი ხახუ̂:
Line of edition: 27 -- მა̈ჲ ჯანა̈ბ ესერ ხა̄რა მიჩ, ლედგა̈რის, ალ ცხუ̂ად? ამე̄სგა
Line of edition: 28 ლეჯა̈ბ ესერ მა̄მგუ̂ეშ ხუღუ̂ეხ.
Line of edition: 29 -- -- ად, ხოლა ცხუ̂ადუ̄ლ, მა̈̄ჲ მაჩე̄ნე სა̈დილ ხუღუ̂ე̄ნხ, ეჯა̄უ̂ ანმა̄რე!

Line of edition: 30 აშხუ̂ წა̈მისგა ტაბგა̈რ ჟი ლა̈ჲგუ̂ეშლა̈̄ნხ ჩინუკუ̂ი ლეზობშუ̂. ათჩო̄ნ

Добавлено (2007-01-16, 2:43 Pm)
---------------------------------------------
ზურა̄ლს. ა̈რიხ ამჟი ხუ̂ა̈ჲ ხა̈ნს. აშხუ̂ ლადა̈ღ ხელწიფ ი მიჩა ნა̈̄თია̈რ
Line of edition: 32 ა̈წსეხ ი ხანბჟჷნხ: "იმხა̈ნ ესერ ხა̈მჲედახ ალჲა̈რს ალა?!" -- ლუწსუს ხა̈ნბჟჷნხ:
Line of edition: 33 "ჩუ მა̄მგუ̂ეშ ა̈რი ქორისგა ი იმხა̈ნ ა̈ნჴდახ?!" მარე მა̄დხუ̂ა̈ჲ ხა̈ნჷნღო
Line of edition: 34 ჟ'ა̈ნგუ̂ა̈შლა̈̄ნ ხოჩა̄მ ლეზუ̂ბა̈რდ ტაბა̈გ. ნჷნქა ლე̄ქუ̂ი̄სგ მა̈გ
Line of edition: 35 ა̈რი ტაბა̈გჟი. ძღჷდ ქეიფ ხა̄რხ. აფხა̈ჟხ ჩუ ი მე̄სმა ლადა̈ღ ხელწიფდ
Page of edition: 420 Line of edition: 1 ა̈დდია̄ნე ცხუ̂ადუ̄ლ. აჩა̈დ ლა̈ტხათე გლეხ ი ტყენარშუ̂ ა̈ხღუ̂ა̈ჭხ მომრაუ̂ა̈რ,
Line of edition: 2 მა̄დ ლახტიხხ ი ქა̄ნფიშდუ̂ხ ლჷტყცა̄ნე. ქორთ' ა̄ნჴა̈დ გლეხ
Line of edition: 3 ი მასა̈რდ ა̈თცუ̄დ მიჩა ხახუ̂, მარე მა̈ჲ ჩუ̂ემინას?

Line of edition: 4 აჩა̈დ აჯაღ ნა̈პო̄ლთე. ნა̈პო̄ლდ ჰილუ̂ ხასჩუქუ̂რე. ანღრი გლეხ ი
Line of edition: 5 ასკო̄რე: "ჰილუ̂ი ლეზუ̂ებ მა̄დეჲ მიჩა მა̄მ ხუღუ̂ე. მა̈ჲ ჯანა̈ბ ესერ ხა̄რ
Line of edition: 6 ჰილუ̂? სგა̄დ ლახხუ̂ი̄დ ეშხუ მა̄რე, ხა̈̄ქუ̂:
Line of edition: 7 -- იმხა̈ნ ესერ ახყა ალ ჰილუ̂? -- ამჟი̄-ამჟი, ამხა̈ნ-ი-ამხა̈ნ ესერ.
Line of edition: 8 -- ჰატ, ხოლა ჰილუ̂, უ̂არჩხილშუ̂ ჟი̄უ̂ ანტჷტნე მა̈გ!

Line of edition: 9 ჰილუ̂დ ჟ'ანტჷტნე მინდუ̂ერ უ̂არჩხილშუ̂. სგა̄ნჴა̈დ გლეხ ქორთე ი
Line of edition: 10 მიჩა ხახუ̂ემ ქაჯა̄რ ა̈ნშიდ:
Line of edition: 11 -- მა̈ჲ. ესერ ხა̄რხ ალა. ჯა ლედგა̈რი? ამი̄ ლეზუ̂ებ ესერ მა̄დეჲ
Line of edition: 12 მინეში მა̄მ ხუღუ̂ეხ.
Line of edition: 13 -- ად, ხოლა ჰილუ̂, უ̂არჩხილშუ̂ ჟი̄უ̂ ანგუ̂ეშლე მა̈გ.

Line of edition: 14 ქორ ჟ'ოხტჷტნე უ̂არჩხილშუ̂. ათხი̄დჷნ ხახუ̂. აჩა̈დ გლეხ ლაღუ̂ჭართე
Line of edition: 15 ი ა̈ნღუ̂აჭრე. ღუ̂აჭა̈რცახა̈ნ ათყალუ̂ი̄ნდა უ̂არჩხილი ლიწუ̂ე̄ნე ი ქა ლა̄ჩა̈დ
Line of edition: 16 ჰილუ̂თექა ი ხა̈̄ქუ̂: "ად, მიჩა ჰილუ̂, უ̂არჩხილუ ანპურტნე!" ჰილუ̂დ უ̂არჩხილ
Line of edition: 17 ანჩორუ̂ე. ხეწა̈დხ ალას ღუ̂აჭრა̈ლ, ახშჷ̄დხ სგა ი ეჯისი ქა̈̄ხბი̄შდხ,
Line of edition: 18 მა̈̄ჲ ხუღუ̂ა̈̄ნ. ადო ეჯა, ცხა̈ჲ, ქო̄თღეხ. ანტა̈ხ ცა̈რიე̄ლ ა̄გითე. ხეხუ̂
Line of edition: 19 ქორს დე̄მ ხაგუ̂ა̈̄უ̂ი. მა̈ჲ ჩუ̂ემინას? აჩა̈დ აჯაღ კუ̂ინჩჷლდთე ი ხა̈̄ქუ̂:
Line of edition: 20 -- ამჟი̄ნ ესერ ხა̈ყრა, მა̈დილუ ხე̄რა, ლა̈ხშა̈დუ.
Line of edition: 21 -- ეზერ ესერ (ქო̄ხჴიდ ლო̄ბა̈̄რილ ი ფაულდ), ადჲე̄უ̂ ესერ
Line of edition: 22 ალჲა̈რ!

Line of edition: 23 ანღრი გლეხ ი ასკო̄რე: "მა̈ჲ ესერ ხა̈̄ცეს ალ ლო̄ბა̈̄რი ნა̈ქუ̂ცუუ̂ა̈რ
Line of edition: 24 ი ფაუ̂ა̈რჷნქ' ე̄სერ მა̈ჲ ხორი?!" ლახხუ̂ი̄დ აჯაღ ეშხუ̂ი მა̄რე ი ხა̈̄ქუ̂:
Line of edition: 25 -- მა̈ჲ ესერ ლოჰოდა კუ̂ინჩჷლდს?
Line of edition: 26 -- მა̈ჲ ი ფაუ ი ლო̄ბა̈̄რ, მარე მა̈ჲ ესერ ხა̄რ? ალჲარე ნა̈ქუ̂იცდ
Line of edition: 27 ი ნა̈ყუ̂იჩდ ჟი გუ̂ეშ' ესერ ხა̄რ მა̈გ.
Line of edition: 28 -- ეზერ, ჯა ჟ' ესერ ახთუ̂ე̄ნი ალჲარე ლიმჷრგენის. -- ად, ხოლა
Line of edition: 29 ლო̄ბა̈̄რ, ჟი̄უ̂ ა̈ნჯჷრხნე ალ გლეხ! -- ლო̄ბა̈̄რდ ჟ'ა̈ნჯჷრხნე მა̄რილ.
Line of edition: 30 -- ად, ხოლა ფაუ, ხოჩიდუ მეგჭად! (აშ ქა ხოჩიდ, ერე შუ̂იმ მა̄მა ხა̄დ).
Line of edition: 31 -- ოხთორ' ე̄სერ მოშ?
Line of edition: 32 -- ა̄დუ̂ ესერ. მა̈დილუ ხე̄რა ი ჟი̄უ̂ ა̈ნფიშდუ̂!
Line of edition: 33 -- ლო̄ბა̈̄რილ ქა̄უ̂ ა̈ხრა̈ღუ̂!
Line of edition: 34 ქა̈̄ხრა̈ღუ̂, ფაუ ქა̈̄თყა̈ჩ. აჩა̈დ გლეხ ა̈გითე. ხეხუ̂დ ქაჯა̈რ ა̈ნშიდ:
Line of edition: 35 -- მა̈ჲ ესერ ხა̄რ ალჲა̈რ, მიჩა კუბი ლაჯჷრხა̈ნა̄?
Line of edition: 36 -- მა̈ჲ ესერ ი ალა̄: ად ხოლა ლო̄ბა̈̄რ, ჟიუ̂ ა̈ნჯჷრხნე ი, ფაუ
Line of edition: 37 ხოჩიდუ ეჯჟ' ერე ზისხ ოხო̄ზდე̄დს!

Page of edition: 421
Line of edition: 1 ლო̄ბა̈̄რილდ ი ფაულდდ ადსურლეხ, გლეხდ მა̈̄ჲ ხა̈̄ქუ̂ ი ეჩჷნღო
Line of edition: 2 ჟი ა̄ნფუშდუ̄რე. მე̄რმა ლადა̈ღ აჩა̈დ ხელწიფიშთე. ქა̄ხტუ̂ი̄ლ მომრაუ̂ა̈ლს:
Line of edition: 3 ი ცხუ̂ადუ̄ლ ესერ ქა̄უ̂ ოხჴიდ!" მომრაუ̂ა̈რ ტყენარშუ̂ ა̈ხღუ̂ა̈ჭხ.
Line of edition: 4 -- ად, ხოლა ლო̄ბა̈̄რილ, ჟი̄უ̂ ა̈ნჯჷრხნე! ად, ხოლა ფაუ, ეჯჟი̄უ̂
Line of edition: 5 ხოჩიდ, ერე ღო მეშხე ქუ̂ინ გარ ლა̈ხსეხ!

Line of edition: 6 ა̄ნჯჷრხნე ლო̄ბა̈̄რილდ ი ფაუდ ხოჩიდ. ეჯჲა̈რ ხეჴჷ̄რა̈̄ლხ: "მა̈დილუ
Line of edition: 7 ხე̄რა, ქა̄უ̂ აფიშუ̂დ ი ჲარუ̂ჷი სამ ეჯგუ̂ა̈ჲს ესერ ხა̈ჩოხ ი ეჯჲა̈რსი̄ ქა
Line of edition: 8 ხა̈ტხეხ!" გლეხდ ა̈დჴუუ̂ე გუ̂ი ი ქა̈̄ხბი̄შდ ცხუ̂ადს ი ხუ̂ა̈ჲ უ̂ოქუ̂რს ი
Line of edition: 9 უ̂არჩხილს ი ადჲე ქორთე. მე̄რმა ლადა̈ღ აჩა̈დ ღუ̂აჭრა̈ლთე ი
Line of edition: 10 ხა̈̄ქუ̂: "ქა̄უ̂ ლახტიხხ ჰილუ̂!" ეჯჲა̈რ ტყენარშუ̂ ა̈ხღუ̂ა̈ჭხ. ლა̈ჲჯჷრხნე ჟი
Line of edition: 11 ლო̄ბა̈̄რილდ ი ხოჩიდ ტყენდ (ფაუდ) ი მეშხე ქუ̂ინ გარ ლახცუ̂ირ
Line of edition: 12 ღუ̂აჭრა̈ლს. მა̈დილუ ხე̄რი ი ქა̄უ̂ აფიშუ̂დ ი მიჩ ჰილუ̂ს ი მინე ქონება̈̄
Line of edition: 13 ხჷნსგაი̄ ქა ხაჰუ̂დიხ". ჟ'ა̈ნფუშდუ̄რეხ ჰილუ̂ ი ქა ლახტიხხ ი ქონება̈̄
Line of edition: 14 ხჷნსგაი̄ ქა ლახუ̂ე̄მხ. ეჯჲა̈რ ა̈გით' ა̄ნჴიდ. ხეხუ̂-ჭა̈შდ ხოჩა
Line of edition: 15 ლიზგე-ლირდ' ა̈̄დჴიდხ.

Line of edition: 16 ჭირ ეჩე ი ხინ ამე: ხოლა მა̈გ ეჩე, ხოჩა ამჩუ. ხოლე̄მი მუჩუ̂მა
Line of edition: 17 ჩიგარ ხოლა, ხოჩე̄მიშ-ხოჩა.

Добавлено (2007-01-16, 2:44 Pm)
---------------------------------------------
Text: 185
Page of edition: 421
Line of edition: 18
185. ა̈ქიმ ბაბა

Line of edition: 19 ეშხუ ბაბა ლიზ ი ლიჲქიმ ხოხალ. აჩა̈დ აშხუ̂ ზურა̄ლთე ლა̈ჲქიმად.
Line of edition: 20 ალა ჟ'ანხოჩუ̂ე ი ნა̈ჲქიმი̄რუ̂ ეშხუ თეტე̄ნ ახკიდ. ეჩქანღო
Line of edition: 21 მე̄რმა ლეგდმერდათე ა̈დჴერნეხ, ალა̄ჲ ჟ'ანხოჩუ̂ე ი ნა̈ჲქიმი̄რუ̂ ამის
Line of edition: 22 ეშხუ მახე ნაყა̈̄ლუ̂ თა̈შ ახკიდ. სგე̄სდე თა̈შ გუდრათე ი ანღრი. შუკუ̂ისგა
Line of edition: 23 და̈̄უ̂ ლახხუ̂ი̄დ ი ლა̈ხჭუ̂ედდა: "ბაბა, იმხა̈ნ ღალ ესერ ანღრი?"
Line of edition: 24 ბაბას ღალ ათყალუ̂ი̄ნდა, მარე გუ̂ი ჩუ̂ადბჷგე ი ხა̈̄ქუ̂:
Line of edition: 25 -- იმხა̈ნ ესერ ი ლა̈ჲქიმხა̈ნ.
Line of edition: 26 -- ჲაღო, ბაბა, ჩუ̂' ე̄სერ იზბი ღალ მიჩ.
Line of edition: 27 -- ჩუ̂ ე̄სერ იმჟი̄ნ ლა̈ჲზუ̂ებნე, იმსგა̈ჲ ესერ მიჩეშდ ხოლჴამშა
Line of edition: 28 ლ' ერე ...

Line of edition: 29 ა̈ნკიდ და̈̄უ̂დ გურე̄ჭ ი მურსი̄ნად ადგენე. ა̈ნკიდ ღალ ბაბად
Line of edition: 30 თა̈შ გუდრახა̈ნჟი̄ნ, ლოხუ̂თჷლჷ̄რე სგა ი წუ̂ენ ახფიშდუ̂ნე. და̈̄უ̂ს
Line of edition: 31 ათყალუ̂ი̄ნდა, ჩუ̂ა̈დფხანგა̈̄ნხ ი ლჷც ლახა̄გა̈ნხ. და̈̄უ̂დ ბაბა ჟი ლა̈ჲსგურე
Line of edition: 32 ი ესყა ლჷცქა. ათხა̄დ და̈̄უ̂ს:
Line of edition: 33 -- ბაბა, მასა̈რდ ღალ ესერ ჰა̈ში ლიზ!
Line of edition: 34 -- ჰმ, ჰა̈შ' ესერ მა̄მა, მარე თა̈კუ̂შ ესერ ხა̈̄ბ ჟიბა̄უ̂ ი ეჯღა.
Line of edition: 35 -- ჲაღუ̂ ე̄სერ ჩუ̄უ̂ ლა̄ფიშუ̂დ ზჷმშუ̂!

Page of edition: 422
Line of edition: 1 ა̈ნკიდ ჟი ბაბად თეტე̄ნ ი ჲარუ̂ ბარჯ ნე̄სგაჩუ̄ნ ათჴალე. და̈̄უ̂დ
Line of edition: 2 ლიკი̄ლი ლა̈ჲბინე ი ხა̈̄ქუ̂: "მა̈დილუ ხე̄რა ი ჟი̄უ̂ ა̈დტიხ, ადო
Line of edition: 3 იდგა̈რ' ესერ!" ბაბად თეტე̄ნ ჟ'ახყუ̂იფ. და̈̄უ̂დ სგა̈̄დჴერნე ბაბა მიჩა
Line of edition: 4 ქორთე ი უ̂ახშა̈მ ანმა̄რე, გიცა̈რ ა̈ზიჰ ჩუ ი მიჩნე̄მ გარ ლალე̄მ. ბაბ