Line of edition: 30 ეჩუნღო მანე̄სგრა̄მ მუხუ̂ბა ხა̈̄ქუ̂ხ:
Line of edition: 31 -- მიჩ ესერ მა̈ჲ ხოცხა?
Line of edition: 32 -- მიჩ ესერ კუმა̈შ ხოცხა.

Line of edition: 33 ეჩუნღო მაჰუ̂არე̄ნა̄მ მუხუ̂ბა ხა̈̄ქუ̂ხ: -- მიჩ ესერ მა̈ჲ ხოცხა? -- მაჰუ̂რე̄ნა̄მ
Line of edition: 34 მუხუ̂ბემ ხა̈̄ქუ̂:

Page of edition: 290
Line of edition: 1 -- მიჩ ესერ ლჷმჴერ ხეხუ̂ ხოცხა. -- ა̈ნგლოზა̈რდ რა̈̄ქუ̂ხ, ერე
Line of edition: 2 -- ლჷმჴერ ზურა̄ლ ესერ ეშხუ გარ ლჷმა̈რდ ი ეჩი̄ ქუ̂ერწილ ესერ
Line of edition: 3 ბა̄ზი ლი.

Line of edition: 4 აჩა̈დხ ხოშა ლახუ̂ბა ა̈გითე ი მაშე̄ნა̄მ მუხუ̂ბა კიბდონა̈რ საქუ̂ნელშუ̂
Line of edition: 5 გუ̂ეში ესხუ̂ი̄დ, მანე̄სგრა მუხუ̂ბა -- კუმაშშუ̂ გუ̂ეში ქორ. მაჰუ̂რე̄ნე მუხუ̂ბე
Line of edition: 6 სგა ლა̈ჲჴერნეხ ა̈ნგლოზა̈რდ ი ჯგჷრა̈̄გდ ი აჩა̈დხ ეჩხა̄უ̂-ე, უმუ̂ა̈̄ჲ
Line of edition: 7 ლჷმჴერ ზურა̄ლა̈ ქუ̂ერწილ ლა̈სუ̂. ამე ხა̈̄ქუ̂ხ:
Line of edition: 8 -- ზურა̄ლ ესერ მინსუ ლახუ̂ე̄მხ.

Line of edition: 9 ეჯჲა̈რ დე̄მ ხაჰო̈დდახ. ეჩქა ა̈ნგლოზა̈რდ ხა̈̄ქუ̂ხ, ერე
Line of edition: 10 -- ჲაღო ესერ ლეჭშჷ̄რია̈ლს ფჷრი მჷდეუ̂ ესერ ლახუ̂ე̄მხ ... უ̂ა̈ზ,
Line of edition: 11 ი ხედუ̂ა̈ჲს ესერ ტაბგობჟი ქო̄ხშენას, ეჩი̄შუ ესერ ლა̈სუ̂ ზურა̄ლ.

Line of edition: 12 ლახუ̂ე̄მხ უ̂ა̈ზ ი ეჩის-ე̄, ხედუ̂ა̈̄ჲ ჯგჷრა̈̄გს ი ა̈ნგლოზა̈რს ხონჴერდა,
Line of edition: 13 ეჩი უ̂ა̈ზდ ლიმღუ̂ა̈ჲეჲ ქა̈̄დჴიდ ი ჩუჲ ა̈დჰა̈̄ნ ტაბგი ლიცხმა̄ლუ̂ ი ტაბა̈გჟი
Line of edition: 14 მასა̈რდ ხუღუ̂ა̈̄ნხ. ამის-ა̄, ლეჭშჷ̄რის, ჩუ ხოყდა̄ნა ტოტისგა
Line of edition: 15 ფჷრი უ̂ა̈ზ. ა̈ნგლოზა̈რდ ხა̈̄ქუ̂ხ:
Line of edition: 16 -- ათხ' ე̄სერ ხაჰუ̂დიხ მუ? -- ეჯჲა̈რდ ხა̈̄ქუ̂ხ, ერე
Line of edition: 17 -- ათხე ესერ დე̄მა. -- ეჩქა ა̈ნგლოზა̈̄რდ ხა̈̄ქუ̂ხ:
Line of edition: 18 -- ჲაღო ესერ დაშნა̈ჲუ ესდეხ კაჩ ი ეჩეჟი ესერ ჟიუ̂ ანსუ̈ბდახ
Line of edition: 19 ლეჭშჷ̄რია̈ლ ი ხედუ̂ა̈̄ჲს ესერ ჭჷშხა̈რ მო̄მა ა̈თჭკუ̂ერიხ, ეჩი̄შუ ესერ
Line of edition: 20 ლა̈სუ̂ ზურა̄ლ.

Line of edition: 21 დაშნა̈ჲ ჩუ̂ესდეხ კაჩ. ანსუ̈ბდა, ხედუ̂ა̈ჲ ჯგჷრა̈̄გს ხონჴერ ი ეზა̈რდ
Line of edition: 22 ანსუ̈ბდა, დესამა ხეყა̈რ ჯგჷრა̈̄გი ჟჷრშუ̂. ეჩუნღო ანსუ̈ბდა ეჯე̄, ლეჭშჷ̄რი,
Line of edition: 23 ი ჭჷშხა̈რ მა̈გ სგა̈̄ხჭკორა̈̄ნ. ათხეჲ დე̄მ ხაჰუ̂დიხ ალჲა̈რ ზურა̄ლს,
Line of edition: 24 მარე ეჩქა ჯგჷრა̈̄გდ ი ა̈ნგლოზა̈რდ მინე ძალა ლა̈ჲჴჷმრეხ ი ზურა̄ლ
Line of edition: 25 ქო̄თღეხ. ზურა̄ლ ქა ლახუ̂ე̄მხ, ხედუ̂ა̈̄ჲ მინს ხონჴერდა, ეჩის, ი ამნე̄მ
Line of edition: 26 ა̈გითე ადიე. ხოჩა ლიზგე ა̈დჴიდ. ჯგჷრა̈̄გდ ი ა̈ნგლოზა̈რდ ადშგურა̄ნეხ
Line of edition: 27 ლახუ̂ბა, ერე
Line of edition: 28 -- ეჩქად ესერუ ხუღუ̂ეხ ხოჩა ლირდე, უ̂ოდ მუშგუ̂რი დო
Line of edition: 29 ლახსისგინხ!

Line of edition: 30 აჩა̈დ დრო̈უ̂ ი მე̄რმაჟი̄ნ მა̄რა̄ლე სა̈ხჟი ლახა̄გა̈̄ნხ მაშე̄ნა̄მ მუხუ̂ბა ი

Добавлено (2007-01-16, 12:42 Pm)
---------------------------------------------
ლახტუ̈̄ლხ, ერე
Line of edition: 32 -- სგაუ̂ ესერ ა̈დხინხ.

Line of edition: 33 მაშე̄ნა̄მ მუხუ̂ბემ მა̄დ ა̈დხინ. ლახ მო̄დ ა̈დხინ, ეჩქა ა̈ნგლოზა̈რდ
Line of edition: 34 ი ჯგჷრა̈̄გდ ხა̈̄ქუ̂ხ, ერე
Line of edition: 35 -- მა̈̄ჲ ესერ ჯუ̂ინალდ ლჷმა̈̄რ, ეჯაუ̂ ესერ ლი ათხეჲ! -- მაშე̄ნე
Line of edition: 36 მუხუ̂ბე ჩუ̂ა̈დღირბა̈̄ნ.

Page of edition: 291
Line of edition: 1 ეჩუნღო ლახა̄გა̈̄ნხ მანე̄სგჷრა̄მ მუხუ̂ბა ი ხა̈̄ქუ̂ხ, ერე
Line of edition: 2 -- ყო̄რუ ესერ ოთკარე ი სგაუ̂ ესერ ა̈დხინ ქორთე. -- მანე̄სგრა
Line of edition: 3 მუხუ̂ბემ მა̄დ ოთკარე ყო̄რ. ეჩქა ჯგჷრა̈̄გდ ი ა̈ნგლოზა̈რდ ჩუ̂ადჭათუ̂ნეხ,
Line of edition: 4 ერე
Line of edition: 5 -- ჯუ̂ინალდ ესერ უმუ̂ა̈̄ჲჟი ლჷმა̈̄რ, ეჩჟიუ̂ ესერ ლი ამუნღოი!
Line of edition: 6 -- მანე̄სგრე მუხუ̂ბე სგა ლა̈ხტა̈ხ ლიღრიბს.

Line of edition: 7 ღუ̂ეშგინპილს სგა ლახა̄გა̈̄ნხ მაჰუ̂რე̄ნა მუხუ̂ბა ი ლახტუ̈̄ლხ, ერე
Line of edition: 8 -- ბა̄ზ' ესერ ბინაუ̂ ლახუ̂ე̄მ.

Line of edition: 9 მაჰუ̂რე̄ნე მუხუ̂ბე უ̂ოდიმჩიქქას უ̂არს ხაყლე, ეჩქად ზურა̄ლდ ტო̈ტ
Line of edition: 10 ლოხდე პილა̈რქა ი მა̄დ ათნებე უ̂არი ლი̄ქუ̂ი̄სგ ი ხა̈̄ქუ̂, ერე
Line of edition: 11 -- სგაუ̂ ესერ ანსგუ̂ეჯდახ!

Line of edition: 12 ზურა̈ლდ შიშდ ქა̄თჭემ ყუ̂ელფ, ლეტუ̂რა̈̄ლ ანტუ̂არე ი ჟ'ანრჷჰე.
Line of edition: 13 სგა̄ნჴა̈დხ ალჲა̈რ-ა̄, ჯგჷრა̈̄გ ი ა̈ნგლოზა̈რ, ჩუ̂ადმა̈ზრეხ მაჰუ̂რე̄ნე მუხუ̂ბე
Line of edition: 14 ი მიჩა ხეხუ̂ ი აჩა̈დხ.

Line of edition: 15 მაჰუ̂რე̄ნა მუხუ̂ბემ ი მიჩა ხეხუ̂დ ხოჩა ლირდე-ჲ ლიზგე ა̈დჴიდხ ი
Line of edition: 16 ლჷმზჷრე̄უ̂ ხი.

Добавлено (2007-01-16, 12:42 Pm)
---------------------------------------------
Text: 131
Page of edition: 291
Line of edition: 17
131. ა̈რთქუ̂ილ ხეხუ̂

Line of edition: 18 ლჷმზჷრე̄უ̂ ხი ი სემი ლახუ̂ბა.

Line of edition: 19 ლა̈სუ̂ხ სემი ლახუ̂ბა. ხოშა̄მ ლახუ̂ბას ჩუ ხორდახ ლა̈ხხუ̂ა, მაჰუ̂რე̄ნა̄მ
Line of edition: 20 მა̄მ ხორდა ხეხუ̂. ამნე̄მი ჩუ ითხე ხეხუ̂. ლა̈დი ხეხუ̂ ოხჴი̄დე̄ნს
Line of edition: 21 ი მჷხა̈რ კანცალა̈ჲთე ა̈დჰერხ. ამე ქო̄ხგაცხდეხ, ერე "მჷხა̈რ ესერ
Line of edition: 22 სალდა̈თდ მე̄ზი ლი". ნა̈ბუზს ანჴა̈დ ა̈გითე მე̄უ̂არ ლჷწხუ̂აუ̂ე. მიჩა
Line of edition: 23 ხეხუ̂დ ხა̈̄ქუ̂, ერე
Line of edition: 24 -- მიჩა ლიჴდე ესერ ე მო̄დ ხაცხე̄ნა, ლა̄თ ესერი (\\ ლა̄თი ესერ)
Line of edition: 25 ამზუმ ლჷმა̈̄რ! -- ჭა̈შდ ხა̈̄ქუ̂:
Line of edition: 26 -- მიჩა ლიჴდე ესერ ა̄დუ, სური̄ მარე მჷხა̈რ ესერ სალდა̈თდ
Line of edition: 27 მე̄ზი ლი ი ეშხუ კაპეიკ ესერ დე̄სა ხუღუ̂ე ლეზიზ. -- ზურა̄ლდ ხა̈̄ქუ̂,
Line of edition: 28 ერე
Line of edition: 29 -- ამღ' ე̄სერ ნუმაუ̂ ლი ლუწხუ̂აუ̂ე. ჯ' ე̄სერ აშხუ̂ კუ̂ერს ლაჰო̈დნე
Line of edition: 30 ი უ̂ოდ ესერ მიჩ ჩუ დო ჲა̈რ ა̈დქადუ̂ნი, ეჩქად ესერ მა̈გ მასა̈რდ.
Line of edition: 31 ხეღუ̂ე̄ნი.

Line of edition: 32 მე̄რმა ლადეღ ჟ'ანჷგა̈̄ნ ჭყინტ ი აჩა̈დ. სალდა̈თს ხუ̂ა̈ჲ დიდა̈რ
Line of edition: 33 ხეჩჷ̄დ ი ჩი̄ სგა ლა̈ხშდა̈ხ თეთრ. ჭყინტს მა̈გ ულეუ̂დ ხუღუ̂ე. სალდათა̈რდ
Line of edition: 34 ალა ქო̄ხო̄მბუ̂ეხ ხელწიფს. ხელწიფდ ა̈დჰერ ჭყინტ ი
Line of edition: 35 ლა̈ხჭუ̂ედდა:

Page of edition: 292
Line of edition: 1 -- ალა ესერ მა̈ჲ ლ'-ა̄, მიჩ ესერ მა̈გ მასა̈რდ ხუღუ̂ე? -- ჭყინტდ
Line of edition: 2 ხა̈̄ქუ̂:
Line of edition: 3 -- ალა ესერ მა̈ჲ ი ჯა ესერ ალმა̈̄ზ, ეჩქა ესერ მიჩა ხეხუ̂ს ეშხუ
Line of edition: 4 კუ̂ერ ლოჰოდა ი ხო̄ქუ̂ა: "მიჩ ესერ უ̂ოდ ჩუ დო ჲა̈რ ა̈დქადუ̂ნი, ეჩქად
Line of edition: 5 ესერ მა̈გ მასა̈რდ ხეღუ̂ე̄ნი".

Line of edition: 6 ხელწიფი კაზარმაისგა ეშხუ უ̂ეზირ ხეჩჷ̄დ ი ათჩო̄ნ. ხელწიფ
Line of edition: 7 ლა̈ხჭუ̂ედდა:
Line of edition: 8 -- მა̈ჲ ესერ ხაჩა? -- უ̂ეზირდ ხა̈̄ქუ̂:
Line of edition: 9 -- მა̈ჲ ესერ (მიჩა მა̈ზიგ ლახჴედა!) ი ალა ესერ ლირტყოლა̈̄ლ
Line of edition: 10 ლი. ამის ესერ სემი ზა̈ჲ ხა̄რ ამე ი ამზუმ ხა̈ნს ესერ ამი̄ ზურა̄ლს
Line of edition: 11 დეშჲა̈რ ა̈დქადუ̂ნი̄სა̄? -- ხელწიფდ ხა̈̄ქუ̂:
Line of edition: 12 -- მა̈ჲ ესერ ჲა̈ს ხოხა? იგებს ესერ პა̈ტიოსა̈ნ ზურა̄ლ ლი! -- უ̂ეზირდ
Line of edition: 13 ხა̈̄ქუ̂:
Line of edition: 14 -- ჲაღო ესერ, ლინძლა̈უ̂უ ლა̈სუ̂, ჯ' ე̄სერ ამჟი ჯუ̂ე̄დია̈̄შ ლი
Line of edition: 15 ადჷრნე ესერ ეჩხა̄უ̂ ი ჩუ ესერ დოშ ა̈დქადუ̂ნას ჲაღო!

Line of edition: 16 ხელწიფდ ლინძლა̈უ̂ ესდა̈̄სგუნე: -- ჰე ესერ უ̂ეზირდ ჩუ̂ა̈დქადუ̂ნას
Line of edition: 17 ამი̄ ზურა̄ლ, ეჩქა ესერ ჭყინტი თხუ̂იმ ამი̄შუ ლა̈სუ̂, უ̂ეზირიშ; ჰე
Line of edition: 18 ესერ დოშ ა̈დქადუ̂ნას უ̂ეზირდ, ეჩქა ესერ უ̂ეზირი მაღუ̂ა̈̄ნ სალდა̈თიშუ
Line of edition: 19 ლა̈სუ̂.

Line of edition: 20 მე̄რუ̂ა ლადეღ უ̂ეზირდ ეშხუ ჰუ̈ლ ლალსგურად ლა̈ჲყედა̄ნე ი
Line of edition: 21 მე̄რმე ჩუ̂ალა̈̄ბ უ̂ოქუ̂რშუ̂ ი აჩა̈დ. იჭუ̂დია̄ლ უ̂ეზირ ალ სალდა̈თი ქორს,
Line of edition: 22 იჭუ̂დია̄ლ ი ადჰე ეჯ სოფელთე̄სგა. ალ სოფელისგა ლა̈ჲჭუ̂ედიე̄ლე ი
Line of edition: 23 სგა ლახა̄გა̈̄ნ ალჲარე ქორს. ხაშგუ̂მინ, ერე
Line of edition: 24 -- ბა̄ზი ესერ ბინაუ̂ ლახუ̂ე̄მხ! -- სალდა̈თი ხეხუ̂დ:
Line of edition: 25 -- მიჩა ჭა̈შ ესერ ამზუმ ხა̈ნ ლი ი ჯუ̂ე̄დიას ესერ ა̈რი, ეჩის ესერ
Line of edition: 26 ლახ სგა დო̄რ იხნუნი, ეჩქა ესერ მა̈ჲ ხეშდენი? -- სგა̄დჲე უ̂ეზირ ი ხოჩა
Line of edition: 27 ბინა ლახუ̂ე̄მ. ჩუ̂ა̈დუ̂ოხშმა̈̄ნხ ი სალდა̈თი ხეხუ̂დ მე̄რმა უ̂ოთა̈ხისგა ლახუ̂ე̄მ
Line of edition: 28 ლაყუ̂რა უ̂ეზირს ი მიჩა დიმთილს. უ̂ეზირდ ოხბინე დიმთილს:
Line of edition: 29 -- მა̈გ ესერ ხოჩა გარ ხოყრახ ბა̄ზი ი ალ ხოჩა̄მჟი ეჯ' ე̄სერ
Line of edition: 30 ჟიუ̂ ესქიმ-ე, მიჩა თელღჷრა ჟიუ̂ ახსყე ი ეშხუ ჰუ̈ლ ესერ უ̂ოქრშუ̂

Добавлено (2007-01-16, 12:43 Pm)
---------------------------------------------
ლჷლა̈̄ბ ხაყა, ეჩის ესერ ჩუ̂ესცუ̂ირე.

Line of edition: 32 ალა დიმთილს ეზა̈რდ ლახბაჟჷნ ი ქა̄ჩა̈დ მიჩა თელღჷრათე ი
Line of edition: 33 ჰაჯ მა̄მა ახკიდ, უ̂ოდ ჟი დო ახჷნდუნა̈̄სგუ̂ნე. თელღჷრად ხა̈̄ქუ̂, ერე
Line of edition: 34 -- სგაუ̂ ესერ ადჲე ჲაღო!

Line of edition: 35 თელღჷრას ლჷლჟაგრჷ̄ლე თჷრქა̈ტ ხუღუ̂ა̈̄ნ. სგა̄დჲე დიმთილდ უ̂ეზირ,
Line of edition: 36 ეჩქა ზურა̄ლდ ძირქა ახქუ̂იც დიე̄ ლჷმჰოდე. უ̂ეზირდ ჟი მა̄მა
Line of edition: 37 ა̈ნბა̈ჟ ი ლაჲჭკუ̄რე, ერე აშ ესერ მირე̄ს ალდა̄უ̂შე̄ლი მა̄რად. ეჯ ლე̄თ
Line of edition: 38 აშ ხა̄დ უ̂ისია̈შ, უ̂ოდ ზურა̄ლს უ̂ოქუ̂რე მჷსკა̈დ ქა დო ახყუ̂იფ.

Page of edition: 293
Line of edition: 1 მე̄რმა ლადეღ ჟ'ანჷგა̈̄ნ ი აჩა̈დ. ზურა̄ლდ ლაჲჭკუ̄რე, ერე "ბაც
Line of edition: 2 ესერ მა̄მ ლი, ჰა̄უ̂ე ალა̄, უ̂ეზირ ესერ მიჩა ჭა̈შმი ნანბანა̄ლუ̂ მომ
Line of edition: 3 ლა̈სუ̂". ჟ'ანჷგა̈̄ნ ჯაი ი ჟ'ა̈ნმა̄რა̈̄ნ ლუღუ̂ეჟმა̄რუდ ი ჟი ლახსგურდა
Line of edition: 4 ჩა̈̄ჟს ი აჩა̈დ.

Line of edition: 5 შუკუ̂ჟი სგა ლა̈ჰი̄დ უ̂ეზირს ი ა̈ხოჩა ლადეღა̈ ხა̈̄ქუ̂. უ̂ეზირდი
Line of edition: 6 "ხოჩა ლადეღ" ხა̈̄ქუ̂. ზურა̄ლს ჩუ ხოთრა ალა̄, უ̂ეზირ, ი უ̂ეზირდ
Line of edition: 7 დეშ ათირ. ზურა̄ლდ ხა̈̄ქუ̂:
Line of edition: 8 -- იმაუ̂ მე̄ზი ესერ ლი? -- უ̂ეზირდ ხა̈̄ქუ̂:
Line of edition: 9 -- ხელწიფიშთე მე̄ზი ესერ ლი. -- ზურა̄ლდ ხა̈̄ქუ̂:
Line of edition: 10 -- ჯაი ესერ ეჩხა̄უ̂ მეჴედ ლი.

Добавлено (2007-01-16, 12:43 Pm)
---------------------------------------------
ჲაღო აჩა̈დხ ალჲა̈რ ხელწიფიშთე.

Line of edition: 12 ხელწიფ ლა̈ხჭო̈დდა უ̂ეზირს:
Line of edition: 13 -- მა̈ჲ ესერ ხოჩუ̂მინა? -- უ̂ეზირს მუ̄ქუ̂ ლახა̄სდ ი რა̈̄ქუ̂:
Line of edition: 14 -- იმღა ესერ დოშ ადქადუ̂ნი̄ს? -- ხელწიფდ სგა̈̄ნჰერ სალდა̈თ ი
Line of edition: 15 ხა̈̄ქუ̂, ერე
Line of edition: 16 -- მიჩა ხეხუ̂ ესერ ჩოთქადუ̂ნა უ̂ეზირს. -- ჭყინტდ ხა̈̄ქუ̂, ერე
Line of edition: 17 -- დე̄სა ესერ ხოქდუნა. -- ხელწიფდ ხა̈̄ქუ̂:
Line of edition: 18 -- იმნოშუ̂ ესერ ხათერ?
Line of edition: 19 -- იმნოშ ესერ ი ეჩნოშ-ე, მა̈̄ჲ ესერ ხაღუ̂ე̄ნა, ეჯა ესერ ხუღუ̂ე.

Line of edition: 20 უ̂ეზირდ ხა̈̄ქუ̂ სალდა̈თს:
Line of edition: 21 -- ძუ̂ირფა̈ს ესერ ხაღუ̂ე̄ნ' ე̄სამა მიჩა ხეხუ̂ს? -- სალდა̈თდ ხა̈̄ქუ̂,
Line of edition: 22 ერე
Line of edition: 23 -- მჷსკა̈დ ესერ ხაღუ̂ე̄ნა უ̂ოქუ̂რეშ.

Line of edition: 24 უ̂ეზირდ ჟი ლა̈ჲკიდ მჷსკა̈დ ჯიბხა̈ნჟი ი ქა ლახწუ̂ე̄ნე სალდა̈თს.
Line of edition: 25 ათხე სალდა̈თდი დეშმა რა̈̄ქუ̂ ი მიჩა თხუ̂იმ ჩოთქუ̂იცხ უ̂ეზირს.

Line of edition: 26 ამჩიქქა ჟი ლაჲჷგა̈̄ნ სალდა̈თი ხეხუ̂, ლუღუ̂ეჟმა̄რუდ ლჷრექუ̂, ი
Line of edition: 27 ხა̈̄ქუ̂ ხელწიფს:
Line of edition: 28 -- ჰემმა ესერ იშგდი, ჯა ესერ რა̈̄ქუ̂ინნე აშხუ̂ ამბა̈უ̂ს. -- ხელწიფდ
Line of edition: 29 ხა̈̄ქუ̂:
Line of edition: 30 -- რა̈̄ქუ̂უ ესერ! -- ზურა̄ლდ რა̈̄ქუ̂

Line of edition: 36 ხელწიფდ ეში̄ მა̄დ ჩუ̂ემინ ი ოხწუ̂ე̄ნეხ. ოხწუ̂ე̄ნეხ, მარე უ̂ეზირს
Line of edition: 37 ძირქა მექუ̂ცე ხა̄დ დიე̄ ლჷმჰოდე. ათხე ჩუ̂ა̈დსაკუ̂რელა̈̄ნხ მა̈გ ი უ̂ეზირი
Line of edition: 38 მაღუ̂ა̈̄ნ მა̈გ სალდა̈თს ოთქუ̂იცხ. სალდა̈თ ძღჷდ ა̈დდიდრა̈̄ნ.

Page of edition: 294
Line of edition: 1 აშხუ̂ ლადეღ ხელწიფ ა̈წჰე. ხელწიფდ რა̈̄ქუ̂:
Line of edition: 2 -- ალ' ესერ ცოდ ლი, ხუ̂ა̈ჲ ხა̈ნ ესერ ხა̄რ ამის ამე ი ქ'ე̄სერ,
Line of edition: 3 ათა̈̄უ̂სუფლე". ხელწიფდ ქა̄ფუ̈შდ სალდა̈თ ა̈გითე. ა̈გითე ანჴა̈დ,
Line of edition: 4 ეჩქა ა̈გის მიჩა დი გარ ესხუ̂ი̄დ. დის ლა̈ხჭუ̂ედდა: -- მიჩა ხეხუ̂ ესერ
Line of edition: 5 იმ' ა̈̄რი? -- დიდ ხა̈̄ქუ̂:
Line of edition: 6 -- მიჩა ხეხუ̂ ესერ ნაჟხაღა გარ ლი მიჩა, აშ ესერ მე̄რმე̄მიშ
Line of edition: 7 (ლი). -- ალა ეჯღა ხა̈̄ქუ̂ მიჩა დიდ, ერე მიჩ ხოლა̄მდ ლირდე ხაკფჷნხ
Line of edition: 8 თელღჷრა̈̄შდ ი ეჩას ეჯა დე̄მ იჩოდა. სალდა̈თ ჟ'ა̈ნხირნა̈̄ნ. მიჩა ხეხუ̂
Line of edition: 9 ა̈გითე ანჴა̈დ, ეჩქა ქა მა̄დ ლახგჷრგლე. ეჩუნღო ხა̈̄ქუ̂ ჭა̈შდ, ერე
Line of edition: 10 -- მჷხა̈რ ესერ მიჩა ლამუ̂არა̈ლთეუ̂ აჩა̈დხ.

Line of edition: 11 მე̄რმა ლადეღ ჟ'ანჷგა̈̄ნხ ი აჩა̈დხ. ჭა̈შ ლჷხრინე ლა̈სუ̂ ი ცხეკისგა
Line of edition: 12 გაჩშუ̂ თხუ̂იმ ჟ'ახქუ̂იც მიჩა ხეხუ̂ს ი ჯა ა̈გითე ატა̈ხ. ამჩიქქა ანღრიხ
Line of edition: 13 ამექა ბერ, ა̈ქიმ ი ხოლე̄მი მუჩუ̂მე მა̄რე. ქა ხეწა̈დხ ალჲა̈რ ზურა̄ლს.
Line of edition: 14 ი ბერდ რა̈̄ქუ̂:
Line of edition: 15 -- ქუ̂ინილდ ესერ, ამი̄ თხუ̂იმი ლილჯენიუ̂ ჲა̈ს ხოხალდა! -- ა̈ქიმდ
Line of edition: 16 რა̈̄ქუ̂:
Line of edition: 17 -- ქუ̂ინილდ ესერ, ამი̄ ქუ̂ინი ლიგნეუ̂ ჲა̈ს ხემჲედა̈̄ნ! -- ბერდ რა̈̄ქუ̂,
Line of edition: 18 ერე
Line of edition: 19 -- ქუ̂ინს ესერ ჯა ლოხგენი, მარე თხუ̂იმს ესერ ჰ' ა̈̄რ ახლაჯე!

Line of edition: 20 ა̈ქიმდ რა̈̄ქუ̂, ერე
Line of edition: 21 -- თხუ̂იმს ესერ ჯა ახლაჯე". ა̈ქიმდ სგა̄ხლა̈ჯ თხუ̂იმ. ბერდ ჩუ
Line of edition: 22 ლა̈ჲჩოქუ̂ე, ღე̄რბათუ̂ ა̈თჴჷ̄რა̈̄ნ ი ზურა̄ლს ქუ̂ინ ლა̈ხტა̈ხ. ჟ'ანჷგა̈ნ ალა̄,
Line of edition: 23 ზურა̄ლ, ი ოთჴერდა ალჲა̈რს. აშხუ̂ ბოგქა ალჲა̈რს ჩუ ლეყუ̂ლუ̄რა̈̄ლ
Line of edition: 24 ხა̄დხ. ბერ ი ა̈ქიმ აშხუ̂ შუკუ̂ს ლა̈სუ̂ხ მე̄ზი ი ხოლე̄მი მუჩუ̂მე ი ზურა̄ლ
Line of edition: 25 -- მე̄რმა შუკუ̂ს. მე̄რმა ბოგქა ესღრიხ ხოლე̄მი მუჩუ̂მე ი ზურა̄ლ,
Line of edition: 26 ეჩქა ხოლე̄მი მუჩუ̂მა მა̄რემ ლახკაფუ̂ნე ზურა̄ლს, მარე ზურა̄ლდ მა̄დ
Line of edition: 27 ჩუ̂ემინ. ხოლე̄მი მუჩუ̂მე მა̄რემ ჩუ̂ადკუ̂ა̈რ ზურა̄ლ ბოგჩუ ჭალა̈ჲთე̄სგა.
Line of edition: 28 ზურა̄ლ ადჲე ჭალა̈ჲდ ი აშხუ̂ ლექუ̂ე̄რი ლაღრაჩუ̄ნ ათცხა̈ტ. ამის ქა
Line of edition: 29 ხეწა̈დ მულგუჰე̄რი ი ჟ'ა̈ნტიხ ზურა̄ლ, ჟ'ანტებდა̄ლე ი ჟ'ანსე̄ლუ̂ე. ზურა̄ლდ
Line of edition: 30 მუდ ა̈დგენე მულგუჰე̄რი. ქა̄ნჴა̈დ ქა̈̄მთე ი ჩუ̂ა̈დჩოქუ̂ე მინდო̈რისგა,

Добавлено (2007-01-16, 12:45 Pm)
---------------------------------------------
ლა̈ხჴჷ̄რა̈̄ნ ღე̄რბათუ̂:
Line of edition: 32 -- ამჩუ̄ნ ესერ ხოჩა ქალა̈ქუ ადშა̈ნუ̂ე. ეჩე ესერ-ე́, უმუ̂ა̈̄ჲ ჯა ხა̈წუ̂ი̄ლე̄ნა,
Line of edition: 33 სამ ზაუ̂ ესერ ჴა̈ნიშ ი მა̄რე̄მი ნამშაუ̂ ნოსაუ̂ ანჴიდ!

Line of edition: 34 ამჩუ ჩუ̂ესშა̈ნუ̂ა̈̄ნ ტკიცდ დიდა̈რ ქალა̈ქ ი ეჩე, უმუ̂ა̈̄ჲ ჯა ხეწუ̂ი̄ლა̈̄ნ,
Line of edition: 35 სამ ზაუ̂ ჴა̈ნიშ ი მა̄რე̄მი ნამშაუ̂ დე̄სა ანჴა̈დ. ეჯ სოფელხა̈ნ ჩიგარ
Line of edition: 36 ეჩხა̄უ̂ ანღჷრდახ ლეზუ̂ებ ლა̈ყიდთე.

Line of edition: 37 აშხუ̂ინ ლა̈ჲსგიდა ალა̄, ზურა̄ლ, ლაჴუ̂რაქა ი ჩუ̂ესწუ̂ე̄ნე მიჩა ჭა̈შმი
Line of edition: 38 ლახუ̂ბა. მომრა̈უ̂ს ხა̈̄ქუ̂, ერე

Page of edition: 295
Line of edition: 1 ალჲა̈რს ესერ ხოჩა̄მდუ ლა̈ხხელა̈̄ნ ი ეჩუნღო ესერ გუდრა̈̄ლ
Line of edition: 2 ჟიუ̂ ოხგუ̂ეშლე ლეზობშუ̂ ი ათბა̈რჲეუ̂.

Line of edition: 3 მომრა̈უ̂დ ტკიცდ (\\ კისდ) ჟ'ესბიზა̄ლე ალჲა̈რ, ეჩუნღო ჟ'ოხგუ̂ეშლე
Line of edition: 4 გუდრა̈̄ლ ი ქა ლახუ̂ე̄მ. აჩა̈დხ ალჲა̈რ-ა́, ლახუ̂ბა, ა̈გითე ი ქა
Line of edition: 5 რა̈̄ქუ̂ხ, ერე "ამჟი̄-ამჟი". ზურა̄ლა̈ ჭა̈შდ ლაჲჭკუ̄რე, ერე "ჯაი̄ ესერ
Line of edition: 6 ადჷრნე, ნოთაუ̂ ესერ მიჩი მა ლახუ̂ე̄მ!" ანჷგა̈̄ნ ი აჩა̈დ. ლა̈ჲსგიდა
Line of edition: 7 ალა̄ ზურა̄ლ, ლაჴუ̂რაქა ი ქა ხეწა̈დ მიჩა ჭა̈შს. მომრა̈უ̂ს ხა̈̄ქუ̂, ერე
Line of edition: 8 -- ალა ესერ ჟიუ̂ ესბიზე ი ეჩუნღო ესერ ჟიუ̂ ანჴიდ!

Line of edition: 9 მომრა̈უ̂დ ჟ'ესბიზე ალა ი ეჩუნღო ჟ'ადჲე ზურა̄ლთე. ზურა̄ლდ
Line of edition: 10 ქო̄ხო̄მბუ̂ე მა̈გ პილიშ ი პილი ნე̄სგა, მა̈̄ჲ ესამა ხოლა-ჲ ხოჩა ჩუ ხემგჷნა̈̄ნ.
Line of edition: 11 ეჩუნღო ხა̈̄ქუ̂, ერე
Line of edition: 12 -- მიჩ ესერ ამჟი̄-ამჟი ხოყრა მიჩოშდ, მარე ესერ ლა̈დი გურგუ̂ინ
Line of edition: 13 მიჩა̈შჟი ხა̄რ ლჷგე ი ჯ' ე̄სერ ჭა̈შუ ლა̈სუ̂ ი ჯ' ე̄სერ ხეხუ̂ ი̄რა!

Line of edition: 14 ალჲა̈რ ჩუ̂ა̈დხეხუ̂ჭაშა̈̄ნხ ი ხოჩა ლირდე̄-ლიზგე ა̈დჴიდხ ი ლჷმზჷრეუ̂
Line of edition: 15 ხი.

Добавлено (2007-01-16, 12:45 Pm)
---------------------------------------------
Text: 132
Page of edition: 295
Line of edition: 16
132. სიმონ

Line of edition: 17 ლჷმზჷრეუ̂ ხი ი სიმონ. ლა̈სუ̂ხ სემი ლახუ̂ბა ი სემი ლადჩურა.
Line of edition: 18 აშხუ̂ინ ხოშა უდილ ჲანუ̂ა̈რისგა ლაშყუ̂დიე̄ლთ' ა̄ჩა̈დ. ლაშყუ̂დიე̄ლს
Line of edition: 19 მჷცხ' ახა̄დ ი ა̈გითე ლეტეხ ხა̄დ. ყო̄რს ლახა̄გა̈̄ნ, ეჩქა ლახტუ̈̄ლ მიჩა
Line of edition: 20 ხოშა̄მ ჯუმილს, ერე
Line of edition: 21 -- ყო̄რუ ესერ ოთკარე. -- ხოშა̄მ ჯუმილდ მა̄დ ოთკარე ყო̄რ ი
Line of edition: 22 ხა̈̄ქუ̂, ერე
Line of edition: 23 -- უ̂ოდ ესერ ში̄ჲპირობს დო ლაჰო̈დნე, ერე ჯა ხეხუ̂ ი̄რა ი ჯა
Line of edition: 24 ჭა̈შ, ეჩქად ესერ დე̄მის ხოკრე ყო̄რს ი ქ' ე̄სერ ლახ ლაჰო̈დნე ში̄ჲპირობს,
Line of edition: 25 ეჩქა ესერ ჩოთკა̈რი ყო̄რს.

Line of edition: 26 ხოშა̄მ დაჩუ̈რდ ქა ლახუ̂ე̄მ ლიხეხუ̂ჭაშა̈ პირობ. ეჩქა ჩოთკარე
Line of edition: 27 ყო̄რ.

Line of edition: 28 მე̄რმაჟი̄ნ ლაშყუ̂დიე̄ლთე აჩა̈დ მანე̄სგრე დაჩუ̈რ, მარე ამისი̄
Line of edition: 29 ჟ'ა̈ხმჷცხა̄ნა̈̄ნ ი ა̈გითე ანჴა̈დ. ა̈გის ლახტუ̈̄ლ მანე̄სგრა მუხუ̂ბა, ერე
Line of edition: 30 -- ყო̄რუ ესერ ოთკარე! -- მანე̄სგრა̄მ მუხუ̂ბემ ხა̈̄ქუ̂, ერე
Line of edition: 31 -- უ̂ოდ ესერ ჯა მიჩა ხეხუ̂ დო ი̄რა, ეჩქად ესერ დე̄მ ხოკრე
Line of edition: 32 ყო̄რს. მანე̄სგრა უდილდ ჩოთბაცე, ერე
Line of edition: 33 -- მიჩა ხეხუ̂ ესერ ი̄რა.

Line of edition: 34 ჯუმილდ ჩოთკარე ყო̄რ. ალჲა̈რ ჩუ̂ა̈დხეხუ̂ჭაშა̈̄ნხ.

Line of edition: 35 მე̄სმაჟი ლაშყუ̂დიე̄ლთე აჩა̈დ მაჰუ̂რე̄ნე უდილ. ამისი მჷცხ' ახა̄დ ი
Line of edition: 36 ა̈გითე ლეტეხ ხა̄დ. ამნე̄მ ლახტუ̈̄ლ მაჰუ̂რე̄ნა̄მ ჯუმილს, ერე

Page of edition: 296
Line of edition: 1 -- ყო̄რუ ესერ ოთკარე.
Line of edition: 2 -- მაჰუ̂რე̄ნა̄მ ჯუმილდი ლიხეხუ̂ჭაშა̈ პირობ ხაშგუ̂მინ, დაჩუ̈რდ მა̄დ
Line of edition: 3 ჩო̈მინ ლიხეხუ̂ჭაშუ̂. ლახ მო̄დ ჩო̈მინ, მაჰუ̂რე̄ნე ჯუმილ ქა̈̄თღუ̂ა̈ჭ. დი̄ნად
Line of edition: 4 ა̈დსკინე ი აშხუ̂ ა̈გის, შუკუ̂ე პილს, საყდა̈რ ლჷ̄გა̈ნ, ეჩი̄ ყო̄რ,
Line of edition: 5 ჩუ̂ა̈დკარა̈̄ნ, ზურა̄ლ სგა̄ჩა̈დ, ეჩქა ჩუ̄დ ა̈დკჷლა̈̄ნ. დი̄ნა სგა ლა̈ხსა̈დ
Line of edition: 6 საყდა̈რთე ი ჯუმილს ა̈გითე ლეტეხ ხა̄დ.

Line of edition: 7 საყდა̈რისგა ლჷ̄გა̈ნ ეშხუ კუბ. ეჩე̄სგა ეშხუ ლჷდგა̈რ არდა. ლჷდგა̈რ
Line of edition: 8 ლე̄თშუ̂ ლჷჲა̈რ ლა̈სუ̂ ი ლადეღუ̂შ ლჷდგა̈რ. მა̈̄ჲ ლე̄თ ზურა̄ლ
Line of edition: 9 ლა̈ხსა̈დ საყდა̈რთე, ეჯ ლე̄თ ლჷდგა̈რ ჟ'ანჷ̄გა̈̄ნ ი ლა̈ხჭუ̂ედდა
Line of edition: 10 ზურა̄ლს:
Line of edition: 11 -- მა̈ჲ ესერ ლი მიჩა გუ̂ეშ, იმღა ესერ ახქადა ამხა̄უ̂? -- ზურა̄ლდ
Line of edition: 12 ქო̄ხო̄მბუ̂ე:
Line of edition: 13 -- ამჟი-ამჟი ესერ ლი მიჩა გუ̂ეშ.

Line of edition: 14 ამე̄სგა ერუ̂ა̈̄ჲ მა̄რე არდა ალა ლა̈სუ̂ ხელწიფი გეზალ სიმონ.
Line of edition: 15 ალა მეთხუ̂ჲა̈რ ლჷმა̈̄რ გუნ.

Line of edition: 16 აშხუ̂ინ მჷჟე გეზალდ ოხუ̂ფუ̈̄შდა თო̈ფ. ეჩის ჩოთჭათუ̂ნა, ერე
Line of edition: 17 ა̈ლადეღუ̂შ ესერ ლჷდგა̈რუ ლი ი ლე̄თშუ̂ ლჷჲა̈რ!" ალა ტკიცდ ამჟი
Line of edition: 18 ხა̈ყრა. ათხე სიმონდ ხა̈̄ქუ̂ დი̄ნას, ერე
Line of edition: 19 -- მინუ ესერ ა̈დხეხუ̂ჭაშა̈̄ნხ.

Добавлено (2007-01-16, 12:46 Pm)
---------------------------------------------
ზურა̄ლდ ჩუ ჩუ̂ემინ ი ჩუ̂ა̈დხეხუ̂ჭაშა̈̄ნხ სიმონ ი დი̄ნა. დი̄ნა ჩუ̂ა̈დღანუ̂ა̈̄ნ.
Line of edition: 21 ეჩქა სიმონდ ხა̈̄ქუ̂:
Line of edition: 22 -- ჯ' ე̄სერ აჩა̈დუ მიჩა მუთე, ხელწიფთე, ი ეჩ' ე̄სერ მიჩა მუ, ხელწიფ,
Line of edition: 23 მიჩ ჩუ̂ადღუ̂აჟა̄ლუ̂ნი ხოჩა̄მდ. მინს ესერ მე̄უ̂არ ლჷფე̄თე ჟეღა̈რ ხორიხ ი
Line of edition: 24 ეჯჲა̈რ ესერ მიჩ ქო̄ხშგებნიხ, მარე ჯ' ე̄სერ მიჩ მჷსკა̈დს ლაჰო̈დნე ი
Line of edition: 25 ეჯაუ̂ ესერ ხაწუ̂ე̄ნე ჟეღა̈რს ი ხა̈̄ქუ̂უ ესერ, ერე "ჰე̄სამა მა̈ყრიდ, ისგუ̂ეჲ
Line of edition: 26 სიმონუ როქუ̂ აჯდაგრახ" ი ეჩქა დე̄მგუ̂აშ ესერ ხა̈ჩოხ ჟეღა̈რ.

Line of edition: 27 სიმონდ მჷსკა̈დ ქა ლახუ̂ე̄მ. დი̄ნა აჩა̈დ ხელწიფთე. ხელწიფი ჟეღა̈რ
Line of edition: 28 ქო̄ხშგა̈ბხ დი̄ნას, მარე სიმონი ნაჰოდ მჷსკა̈დ ლახწუ̂ე̄ნე ჟეღა̈რს
Line of edition: 29 ი ხა̈̄ქუ̂, ერე "მინე სიმონუ ესერ ათდაგრახ, ჰე̄სამა ესერ ხა̈ყრიხ".
Line of edition: 30 ჟეღა̈რდ სიმონი მჷსკდა̈რ ჩუ̂ათირხ ი დე̄სამა ხაყერხ დი̄ნას. დი̄ნა ქა
Line of edition: 31 მა̄მ ლოხკუ̂ა̈შ, ერე ჯა ხელწიფი გეზალ სიმონი ხეხუ̂ ლა̈სუ̂. აშ ხაშგუ̂მინ
Line of edition: 32 ხელწიფს ერე "მჷდე̄უ̂ ესერ ლახუ̂ე̄მ ... ლარდა, მიჩა ლაღუ̂ჟა̄ლდ".
Line of edition: 33 ხელწიფდ ნაგუ̂ე̄დს სგა̄თჭუ̂ე̄ნ ზურა̄ლ ი ჩუ̂ადღუ̂აჟა̄ლუ̂ნე ამჟი. ეჩუნღო
Line of edition: 34 ჩი ლე̄თ უფგოშ ჴედენდა სიმონ მიჩა ხეხუ̂თე ი ხეჭუ̂დია̄ლ მიჩა ამბა̈უ̂ს
Line of edition: 35 ი მიჩა გეზლა̈შ.

Line of edition: 36 აშხუ̂ინ ალა ჟ'ახბა̈ჟხ უ̂ეზრა̈ლდ ი აჩა̈დხ მე̄რმა ლადეღ ხელწიფთე.
Line of edition: 37 ხა̈̄ქუ̂ხ ხელწიფს, ერე

Добавлено (2007-01-16, 12:46 Pm)
---------------------------------------------
ამჟი-ამჟი: ჴედნი მირ ი ზურა̄ლს ესერ ხეჭუ̂დიე̄ლ მიჩა ი მიჩა
Line of edition: 2 გეზლა̈ ამბა̈უ̂ს. -- ხელწიფდ ხა̈̄ქუ̂, ერე
Line of edition: 3 -- ამუნღო ესერ ჰე̄სა ანჴეს, ჟიუ̂ ესერ ა̈ნირმხ.

Line of edition: 4 ხელწიფს მა̄მ ხოხალდა, ერე მეჴედ მიჩა გეზალ სიმონ ლა̈სუ̂.
Line of edition: 5 მე̄რმა ლე̄თ უ̂ეზრა̈ლდ ჩუ̂ესუ̂დარჯეხ ი ანჴა̈დ სიმონ. ეჩქა ჟ'ა̈ნირმხ.
Line of edition: 6 სიმონ ათხე ლე̄თი̄ ჩუ̂ადგან ი ლადეღი̄.

Line of edition: 7 აჩა̈დხ ათხე მელთერთე ლა̈ჭუ̂დია̄ლდ, ერე "მა̈ჲუ ესერ ხა̈̄ც ხოჩა?"
Line of edition: 8 მელთრა̈ლდ დე̄სამა მოშ ლახთირხ. ეჩუნღო აჩა̈დხ აშხუ̂ მელთერთე
Line of edition: 9 ი ეჩის ლა̈ხჭუ̂ედდახ. ეჯნე̄მ ხა̈̄ქუ̂, ერე
Line of edition: 10 -- ამის ესერ მჷჟე ნაბრა̄ლ ხე̄რა ხოჩა. -- რა̈̄ქუ̂ ხელწიფდ, ერე
Line of edition: 11 -- ჲა̈რ ესერ ადჷრნე ეჩხა̄უ̂, ეჩჟი ჯუ̂ე̄დიათე? -- სიმონი ხეხუ̂დ
Line of edition: 12 რა̈̄ქუ̂, ერე
Line of edition: 13 -- ეჩხა̄უ̂ ესერ ჯა ადჷრნე.

Line of edition: 14 ჟ'ანმა̄რე ლეზიზ ი აჩა̈დ. აშხუ̂ ა̈გის მინდო̈რისგა ჩუ̂აყუ̂რა ეშხუ
Line of edition: 15 კამბეჩ ი ეშხუ მიჭუ̂ დეცდ ხობკა̈̄ნ ი მე̄რმე გიმდ. კამბეჩდ ხა̈̄ქუ̂
Line of edition: 16 ზურა̄ლს:
Line of edition: 17 -- იმაუ̂ ესერ ღჷრი? -- ზურა̄ლდ ხა̈̄ქუ̂, ერე
Line of edition: 18 -- ამჟი-ამჟი, მიჟდ ე̄სერ ღჷრი. -- კამბეჩდ ხა̈̄ქუ̂, ერე
Line of edition: 19 -- -- ჲაღო ესერ მიჩ ეშხუ ლა̈ჭირუ ოთხუ̂იე მიჟთე. -- ზურა̄ლდ
Line of edition: 20 ხა̈̄ქუ̂:

Line of edition: 26 ზურა̄ლ აჩა̈დ. ესღრ' ესღრი ი აშხუ̂ ა̈გის მინდო̈რისგა ჩუ ლჷგხ
Line of edition: 27 მა̄რა̈̄ლ, მჷშჲა̈რ.
Line of edition: 28 -- ხოჩაუ̂ ესერ ლადეღ ხა̄რ! -- მჷშჲა̈რდ ხა̈̄ქუ̂ხ.
Line of edition: 29 -- ხოჩაუ̂ ესერ ხა̈ყრახ! -- ზურა̄ლდ ხა̈̄ქუ̂. მა̄რა̈̄ლ ლა̈ხჭუ̂ედდახ:
Line of edition: 30 -- იმაუ̂ ესერ ღჷრი? -- ზურა̄ლდ ხა̈̄ქუ̂, ერე
Line of edition: 31 -- ამჟი-ამჟი ესერ. -- მჷშია̈რდ ხა̈̄ქუ̂ხ, ერე
Line of edition: 32 -- ჲაღო ესერ ეშხუ ლა̈ჭირუ ოთხუ̂იე მიჟთე.
Line of edition: 33 -- მა̈ჲ ესერ? -- ზურა̄ლდ ხა̈̄ქუ̂. მჷშჲა̈რდ ხა̈̄ქუ̂ხ:
Line of edition: 34 -- მა̈ჲ ესერ ი ალამა̈გ ხა̈ნ ესერ ხა̄რ და̈ბს უქჷრთად ი ეზა̈რ მაჴა̈დ
Line of edition: 35 ესერ ხა̈ჴდა̈ნნახ ი ამზაუ̂ ესერ ჟ'ოხქჷრთახ ი დე̄სამაგუ̂ეშ ესერ
Line of edition: 36 ახჴედახ. -- ზურა̄ლდ ხა̈̄ქუ̂:

Page of edition: 298
Line of edition: 1 -- მა̈ჲ ესერ გარჯ ხე̄რა? იმღა ესერ დოშ ოთხუ̂ია?

Line of edition: 2 ზურა̄ლ აჩა̈დ მიჩა შუკუ̂ს. ესღრ', ესღრი ი სგა̄დჰე მიჟთე̄სგა. მიჟე
Line of edition: 3 გეზალ ლა̈თხუ̂ჲარს არდა, მიჟს ხა̈̄ქუ̂ ზურა̄ლდ, ერე
Line of edition: 4 -- საბრალ ესერ მინე ნაჭთუნ სიმონ ლე̄თ ესერ ჩუ̂ალდაგა̈რ ი
Line of edition: 5 ლადეღი̄, მა̈ჲ ესერ ხე̄რი ეჩის ხოჩა? -- მიჟდ ხე̄ქუ̂, ერე
Line of edition: 6 -- მა̈ჲ ესერი მიჩა ნაბრა̄ლუ̂ ესერ ხე̄რა ხოჩა. -- ზურა̄ლ ლა̈ხჭუ̂ედდა:
Line of edition: 7 -- ეშხუ კამბეჩ ესერ ა̈რი მინდო̈რისგა ი ეშხუ მიჭუ̂ ესერ დეცდ
Line of edition: 8 ხობკა ი მე̄რმე გიმდ. მა̈ჲ ესერ ხე̄რი ეჩის ხოჩა?
Line of edition: 9 -- მა̈ჲ ესერ ი ეჩის ესერ სამინ ბჷგიდ ფაუ ჟიუ̂ ხაჴიდ ხაკუ̂დუ̄ლა̈
Line of edition: 10 ძირისგა ი ეჯ' ე̄სერ ხე̄რა ხოჩა, ეჩქა ესერ ქა̈̄დბინნე ლიჩეხუ̂ს.

Line of edition: 11 ათხე ლა̈ხჭუ̂ედდა ზურა̄ლ:
Line of edition: 12 -- აშხუ̂ ა̈გის ესერ და̈ბ ხუღუ̂ეხ მჷშჲა̈რს ი ხუ̂ა̈ჲ ხა̈ნ ესერ ახა̄რა
Line of edition: 13 ეჩის უქჷრთად ი ჩიგარ ესერ ქა ხა̈ჴდა̈ნნახ მაჴა̈დ ი ამზაუ̂ ესერ
Line of edition: 14 ჟ'ოხქჷრთახ ი დე̄სამა ესერ ახჴედახ. -- მიჟდ ხა̈̄ქუ̂:
Line of edition: 15 -- ჲაღო ესერ ამუნღო ნოსაუ̂ იქჷრთეხ და̈ბს ი ჩიგარ ესერ ქა
Line of edition: 16 ხეჴდა̈ნნიხ მაჴა̈დ. ათხად ესერ გზა̈̄უ̂რი მა̈დილშუ̂ ხა̈ჴდა̈ნნახ მაჴა̈დ ი
Line of edition: 17 ამუნღო ესერი̄ ქა ხეჴდა̈ნნიხ. -- ზურა̄ლს მიჟდ ქა ლახუ̂ე̄მ ნაბრა̄ლ
Line of edition: 18 ი ათბა̈რჲე.

Добавлено (2007-01-16, 12:48 Pm)
---------------------------------------------
ზურა̄ლ ესღრი ი ქა̄თა̄სდ მინდო̈რისგა მჷშჲა̈რს. მჷშჲა̈რდ ხა̈̄ქუ̂ხ:
Line of edition: 20 -- მა̈ჲ ესერ ხოჩმინა მინე ლა̈ჭირიშ? -- ზურა̄ლდ ხა̈̄ქუ̂:
Line of edition: 21 -- მა̈ჲ ესერ ი ამუნღო ესერ ნოსაუ̂ იქჷრთეხ ი ეჩქა ესერ ქა
Line of edition: 22 ხეჴდა̈ნნიხ მაჴა̈დ. -- ეჩუნღო დე̄სა იქჷრთახ ი ჩი ზაუ̂ ხოჩა მაჴა̈დ
Line of edition: 23 ხოჴდენხ (\\ ხოჴდენდახ) დაბუ̈სგა (\\ და̈ბისგა).

Line of edition: 24 ზურა̄ლ ანღრ', ანღრი ი კამბეჩს ახა̄სდ. კამბეჩს ხა̈̄ქუ̂, ერე

Line of edition: 25 მიჯნე̄მ ესერ სამინ ჟიუ̂ ხაყრა̈̄უ̂ნე ფაუ ბჷგიდ ჰაკუ̂დულა̈ (\\ ჰაკუ̂დი)
Line of edition: 26 ძირისგა ი ეჩქა ესერ ქა̈̄დბინნე ლიჩეხუ̂ს. -- კამბეჩდ ჟი ხაყრა̈̄უ̂ნე
Line of edition: 27 ფაუ სამინ ი ეჩქა ქა̈̄დბინე ლიჩეხუ̂.

Line of edition: 28 ზურა̄ლ ა̈გითე ანჴა̈დ ი ეჩქა ჩუ̂ადბარა̄ლეხ სიმონ მიჟი ნაბრა̄ლშუ̂.
Line of edition: 29 სიმონ ჟ'ა̈ნცოცხლა̈̄ნ ლე̄თი ლადეღი̄.

Line of edition: 30 სიმონდ ი მიჩა ხეხუ̂დ ხოჩა ლირდე-ჲ ლიზგე ა̈დჴიდხ ი ლჷმზჷრეუ̂
Line of edition: 31 ხიშდ მა̈გ ამჩუ მერდე მა̈რე.

Добавлено (2007-01-16, 12:49 Pm)
---------------------------------------------
Text: 133
Page of edition: 298
Line of edition: 32
133. ჩიქე ლიღრიბ, ღო ლიდდარ

Line of edition: 33 ლჷმზჷრე̄უ̂ ხი ი ხელწიფ. ლა̈სუ̂ ეშხუ ხელწიფ. ხელწიფ ლა̈თხუ̂იართე
Line of edition: 34 იზელა̄ლ. აშხუ̂ ლადეღ ლა̈თხუ̂იარს ქა̈̄ხგაცხდა̈̄ნ მა̄რე̄მი სა̈ხჟი̄ნ
Line of edition: 35 ა̈ნგლო̈ზ ი ხა̈̄ქუ̂ ხელწიფს, ერე

Page of edition: 299
Line of edition: 1 -- მა̈ჲ ესერ ხოჩა სგუ̂ებნაუ̂: ლიღრიბ, ა̄ ლიდდარ? -- ხელწიფდ
Line of edition: 2 დეშმა ხა̈̄ქუ̂, ჩოთბაცე, ერე
Line of edition: 3 -- მიჩ ესერ ჭკუ̂იერ ხეხუ̂ ხორი ი ეჩის ესერ ლა̈ხჭუ̂ედნი. -- ნა̈ბუზს
Line of edition: 4 ა̈გით' ა̄ნჴა̈დ ხელწიფ ი ხა̈̄ქუ̂ მიჩა ხეხუ̂ს, ერე
Line of edition: 5 -- მა̈ჲ ესერ ხოჩა სგუ̂ებნაუ̂: ლიდდარ, ა̄ ლიღრიბ? -- მიჩა ხეხუ̂დ
Line of edition: 6 ხა̈̄ქუ̂, ერე
Line of edition: 7 -- ესუ̂ა̈̄ჲს ესერ ღერბეთ ხეჟრი, ჩიგარ ესერ ლიდდარ ხოჩა, ადო
Line of edition: 8 ესერ ლახ ესერ ლიდდარ ჩიგარ მო̄მა (ლი), ეჩქ' ე̄სერ მა̈ნკუ̂ი ლიღრიბ
Line of edition: 9 ხოჩა ი ეჩუნღო ლიდდარ, ეჯღა ესერ, ერე მა̈̄ნკუ̂ი̄ ნა̈ღრიბს
Line of edition: 10 ესერ ღუ̂ეშგინ ლიდდარ ჩუ ხა̄შდნე.

Line of edition: 11 მე̄რმა ლადეღ აჩა̈დ ხელწიფ ლა̈თხუ̂იართე ი ა̈ნგლო̈ზ ჩუ̄დ ესხუ̂ი̄დ.
Line of edition: 12 ანგლო̈ზდ ხა̈̄ქუ̂ ხელწიფს, ერე
Line of edition: 13 -- -- მა̈ჲ ესერ ხოჩმინა, ჲედ იმ ესერ ხაყლე? -- ხელწიფდ ხა̈̄ქუ̂,
Line of edition: 14 ერე

Line of edition: 15 ესუ̂ა̈̄ჲს ესერ ღერბეთ ხეჟრი, ჩიგარ ესერ ლიდდარ ხოჩა, მო̄დ'
Line of edition: 16 ე̄სერ ი მა̈̄ნკუ̂ი ლიღრიბ ი ეჩუნღო ლიდდარ.

Line of edition: 17 ა̈ნგლო̈ზ აჩა̈დ. ნა̈ბუზს ხელწიფ ა̈გითე ანჴა̈დ ი ეჩჟი ლჷღრიბე
Line of edition: 18 ჩუ̂ესხუ̂ი̄დ მიჩა ა̈გი, ერე ეშხუ ქათალი̄ დე̄სა არდა. ეჩუნღო ხელწიფდ
Line of edition: 19 წელს ოხბინე ლილა̈̄ბი ზექუ̂შ ი ქალა̈ქს ჰო̈დდა ზექს ი ეჩი̄
Line of edition: 20 ნაფა̄სშუ̂ დია̈რს იჟღუნახ. მიჩა ხეხუ̂ ჩი̄ ხოშყუ̂დიელდა ი ეჩნოშ ბოფშა̈რ
Line of edition: 21 ი მინ ლერექუ̂ს იქუ̂ა̈მდახ.

Line of edition: 22 აშხუ̂ინ ხელწიფდ ქალა̈ქთე ადჲე წელ ზექუ̂შ ლჷლა̈̄ბ. ხელწიფი
Line of edition: 23 ხეხუ̂ აშყუ̂დიელდა. ამჩიქქა ანღრი ამექა ეშხუ დიდა̈რ მა̄რე ი თუ̂ეთუ̂ნა
Line of edition: 24 ჩა̈̄ჟს ჟი ხასგურ. დიდა̈რ მა̄რა ზურა̄ლ ეზა̈რ ლახბაჟჷნ ი ათსაკუ̂რა̈ლჷნ:
Line of edition: 25 "ამგუ̂ა̈ჲ ზურა̄ლ ესერ ლიშყუ̂დიელის ჰამა იშგდე?! ღა̈რიბ
Line of edition: 26 ესერ ე̄ ლი, ჰამა ესერ ათჴერნა ღა̈რიბ მა̄რა?!" ქა̄ჩა̈დ ალა̄, მა̄რე, ზურა̄ლთექა
Line of edition: 27 ი ხა̈̄ქუ̂:
Line of edition: 28 -- ჯა ხოჩა ზურა̄ლ, იმღ' ე̄სერ იშგდე ლიშყუ̂დიე̄ლის? -- ზურალდ
Line of edition: 29 ხა̈̄ქუ̂, ერე
Line of edition: 30 -- იმღა ესერ ი ღა̈რიბ ესერ ლი. -- დიდა̈რ მა̄რე̄მ ხა̈̄ქუ̂:

Добавлено (2007-01-16, 12:49 Pm)
---------------------------------------------
-- ჲაღო ესერ ამუნღო მა̄მ ი̄რა ღა̈რიბ. -- ზურა̄ლდ ხა̈̄ქუ̂:
Line of edition: 32 -- იმღა ესერ მო̄მ ი̄რა ღა̈რიბ? -- მა̄რე̄მ ხა̈̄ქუ̂:
Line of edition: 33 -- იმღა ესერ ი ჯ' ე̄სერ ადინე ხახუ̂დ მიჩ. -- ალა ზურა̄ლდ ეშ
Line of edition: 34 ა̈დსაკუ̂რელე:
Line of edition: 35 -- მიჩა გუ̂ირგუ̂ინს ესერ დე̄მ ხოღლა̈ტი ჯა. -- ეჩქა ღუ̂აჟმა̄რე̄მ
Line of edition: 36 ჟ'ესტიტე ჩა̄ჟხა̈ნჩუ, ჟი ლა̈ჲსგურე ჩა̄ჟჟი ი ადჲე.

Page of edition: 300
Line of edition: 1 ანჴა̈დ ნა̈ბუზს ხელწიფ ა̈გითე ი ლა̈ხჭუ̂ედდა მიჩა ბეფშუ̂ილდა̈რს:
Line of edition: 2 -- მიჩა ხეხუ̂ ესერ იმ' ა̈̄რი? -- ბოფშა̈რდ ხა̈̄ქუ̂ხ, ერე
Line of edition: 3 -- ამექა ესერ ეშხუ მა̄რე ა̈მჴედ, ჟ' ესერ ესტუ̈ტა ეჩის ი ოთხუ̂ია
Line of edition: 4 ესერ. -- ხელწიფს ხოლა გუ̂ი ოხჴა̈დ: ესტიტე ბოფშა̈რს, ეშხუ სგა̄დკუ̂ა̈რ
Line of edition: 5 ლჷცთე ი უ̂ოდიმჩიქქას მე̄რმა̄მ სგა̄კუ̂ა̄ნა. თხე̄რე ლა̈ხქა̄ლ ი ბეფშუ̂
Line of edition: 6 ქო̄თქუ̂ით (ქო̄თღე).

Line of edition: 7 ეჯ ბეფშუ̂, ხედუ̂ა̈̄ჲ თხე̄რემ ოთღე, მჷლდეღდ (\\ მეჯო̈გდ) ათცუ̈რნე.
Line of edition: 8 ეჯ ბეფშუ̂, ხედუ̂ა̈̄ჲ ლჷცთე ადკუ̂ა̈რ, ლექუ̂ე̄რი ლაღრაჩუ̄ნ ა̈თცხატ
Line of edition: 9 ი მულგუჰე̄რიდ ჟ'ა̈ნი̄ყე ი ჟ'ა̈ნჷრდე (\\ ჟ'ა̈ნირდ). ხელწიფ მე̄რმა
Line of edition: 10 სა̈ხჷლწიფთ' ა̄ჩა̈დ ი ხაშგუ̂მინ ეჩე̄ ხელწიფს, ერე
Line of edition: 11 -- ლახუ̂ე̄მუ ესერ მა სამსახურ! -- ხელწიფდ ხა̈̄ქუ̂, ერე
Line of edition: 12 -- მა̈ჲ სამსახურ ესერ ხა̈მჲედა. -- ამნე̄მ ხა̈̄ქუ̂, ერე
Line of edition: 13 -- მებაღობ ესერ ხა̈მჲედა. ხელწიფდ ქა ლახუ̂ე̄მ მებაღობ.

Line of edition: 14 გუ̂იანდქას ალ ქუ̂ეყნი ხელწიფ ჩუ̂ადგან. ეჩი̄ ა̈დგილჟი მა̄რე
Line of edition: 15 ხა̄დხ ლეთში. ეჯ ხელწიფს ხორდა კოლეფისგა ჲერუ ანტყუ̂ა̈სგ. მა̄რა
Line of edition: 16 ლა̈თიშჟი ქა̄ფშდუ̄რახ ანტყუ̂სგა̈რს ი ესუ̂ა̈̄ჲს ანტყუ̂სგა̈რ ეჩხა̈ნ-ამხა̈ნ
Line of edition: 17 ჟ'ესგა̈ნო̄ლ, ეჯა ხეკეუ̂ს ერე ეჩუნღო ხელწიფ ლჷმა̈̄რლესუ̂.

Line of edition: 18 აშხუ̂ ლადეღ ანფუშდუ̄რეხ ქა ანტყუ̂სგა̈რ ი და̈̄ს ესა̄გა̈ნ. ლა̈ჲჭო̈დიე̄ლეხ:
Line of edition: 19 -- ა̈გის ესერ ა̈რი ჲა̈რჷ̄?
Line of edition: 20 -- ა̈გის ესერ მებაღე̄შჷნქა და̈̄რ ა̈რი. -- ქა̈̄ხტუ̈̄ლხ მებაღეს ი ანტყუ̂სგა̈რ
Line of edition: 21 ერქჷდა ჟ'ესა̄გა̈̄ნ ეჩხა̈ნ-ამხა̈ნ. ხელწიფდ ალა ადჲა̈შნეხ (\\
Line of edition: 22 ადნიშნეხ).

Line of edition: 23 აშხუ̂ ლადეღ მეჯო̈გს ხა̈̄ქუ̂ ხელწიფი ბეფშუ̂დ, ერე
Line of edition: 24 -- ქაუ̂ ესერ აფუ̈შდ: ჯ' ე̄სერ ადჷრნე სამსახურთე უმუ̂ა̄ლათე.

Line of edition: 25 მეჯო̈გდ ქა̄ფუ̈შდ ალა̄, ბეფშუ̂. ბეფშუ̂ აჩა̈დ ი მულგუჰე̄რის ათა̄სდ.
Line of edition: 26 მულგუჰე̄რი ლა̈ხჭო̈დდა:
Line of edition: 27 -- იმთ' ე̄სერ ესღრი? -- ბეფშუ̂დ ხა̈̄ქუ̂, ერე
Line of edition: 28 -- ადჷრნ' ე̄სერ ლამსახურთე. -- მულგუჰე̄რიცახა̈ნ ერ ბეფშუ̂ არდა,
Line of edition: 29 ეჯნე̄მი ხაშგუ̂მინ მულგუჰე̄რის:
Line of edition: 30 -- ჯა̄უ̂ი ესერ აფუ̈შდ, ხონჴრ' ესერ ამის. -- მულგუჰე̄რიდ

Добавлено (2007-01-16, 12:50 Pm)
---------------------------------------------
ქა̄ფუ̈შდ.

Line of edition: 32 აჩა̈დხ ბოფშა̈რ ხელწიფიშთე (\\ ხელწიფთე). ხაშგუ̂მინხ ხელიწიფს:
Line of edition: 33 -- სამსახურუ ესერ მა ლახუ̂ე̄მ. -- ხელწიფდ ხა̈̄ქუ̂:
Line of edition: 34 -- მა̈ჲ სამსახურ ესერ ხა̈მჲედახ-ი? -- ბოფშა̈რდ ხა̈̄ქუ̂ხ:
Line of edition: 35 -- მა̈ჲ ესერ ი ლიყრულ.

Line of edition: 36 ხელწიფდ ქა ლახუ̂ე̄მ ლიყრულ.

Line of edition: 37 აშხუ̂ ლადეღ ანჴა̈დხ ხელწიფთე დიდა̈რ მარე ი მიჩა ხეხუ̂.
Line of edition: 38 ხელწიფი კაზარმაისგა ზურა̄ლა̈შ ი მა̄რემი ლიყუ̂ნა̈̄ლ აშხუდ ნა̈ბ მა̄დ
Page of edition: 301 Line of edition: 1 ლი. მა̄რე შდა̄უ̂შ ადყუ̂ინეხ ი ზურა̄ლ შდა̄უ̂შ. ზურალს ყა̈რუ̂ლა̈რდ
Line of edition: 2 ლოხთენეხ ბოფშა̈რ. ლა̈̄თშუ̂ ხა̈̄ქუ̂ხ უშხუ̂ა̄რ ბოფშა̈რდ, ერე
Line of edition: 3 -- ანა̄მბუ̂ეხუ ესერ ესამა. -- ხოხუ̂რა̄მ ბეფშუ̂დ ხა̈̄ქუ̂, ერე
Line of edition: 4 -- ჯ' ე̄სერ ხოშა ლი ი მიჯნე̄მუ ესერ ესამა ანამბუ̂ე.

Line of edition: 5 ხოშა̄მ ბეფშუ̂დ ანა̄მბუ̂ე: -- ჯ' ე̄სერ ხელწიფი გეზალ ლჷმა̈̄რ. მიჩა
Line of edition: 6 მუ ესერ მეთხუ̂ია̈რ ლჷმა̈̄რ. აშხუ̂ ლადეღ ესერ მიჩა მუ ლა̈თხუ̂იართე
Line of edition: 7 ა̈მჩედ. ეჩ' ე̄სერ მა̄რე ესხუ̂იე̄ნა ი ხო̄ქუ̂ა ესერ მა̄რა ხელწიფდ, ერე
Line of edition: 8 ა̈ხედ' ე̄სერ ხოჩა სგუ̂ებნაუ̂: ლიღრიბ, ა̄ ლიდდარ?" მიჩა მუს ესერ
Line of edition: 9 დეშმა ხო̄ქუ̂ა ი ჩუ ესერ ოთბაცა, ერე "მჷხა̈რ ესერ ქა ხა̈̄ქუ̂ინნე".
Line of edition: 10 ხელწიფ ესერ ეჯ ლეთ ა̈გითე ა̈მჴედ ი ხო̄ქუ̂ა მიჩა დიდ: "ხედა ესერ
Line of edition: 11 ხოჩა სგუ̂ებნა̄უ̂: ლიღრიბ, ა̄ ლიდდარ?" მიჩა დის ხო̄ქუ̂ა, ერე "ესუ̂ა̈̄ჲს
Line of edition: 12 ესერ ღე̄რბეთ ხაშიდ, ჩიგარ ესერ ლიდდარ ხოჩა. ჰე ესერ ლიდდარ
Line of edition: 13 მო̄დე, მა̄ნკუ̂ი ესერ ლიღრიბ ხოჩა ი ეჩუნღო ლიდდარ". მე̄რმა ლადეღ
Line of edition: 14 ესერ ა̈მჩედ ხელწიფ ლა̈თხუ̂იართე ი მა̄რე ესერ ჩუ̂ესხუ̂იე̄ნა ეჩე
Line of edition: 15 ი ხო̄ქუ̂ა ესერ, ერე "იმ ესერ ხაყლე?" მიჩა მუს ესერ ხო̄ქუ̂ა, ერე
Line of edition: 16 "ესუ̂ა̈̄ჲს ესერ ღე̄რბეთ ხაშიდ, ჩიგარ ესერ ლიდდარ ხოჩა. ჰე ესერ
Line of edition: 17 მო̄დე-ჲ მა̈̄ნკუ̂ი ლიღრიბ ი ეჩუნღო ლიდდარ". ა̈მჴედ ესერ მიჩა მუ
Line of edition: 18 ა̈გითე ი ა̈გის ესერ მე̄უ̂არ ლჷღრიბე ესხუ̂იე̄ნა ქორ. ეჩუნღო ესერ
Line of edition: 19 მიჩა მუს წელი ლილა̈̄ბი ოთბინა ზექუ̂შ. ეჩის ესერ ქალა̈ქს ქა ლჷმჰოდინ
Line of edition: 20 ი ეჩი̄ ნაფა̈სშუ̂ ესერ დია̈რს ლჷმზობინხ. აშხუ̂ ლადეღ ესერ
Line of edition: 21 მინე დი ქა ჲერეს ოთხუ̂ია (\\ ოთცხუ̂აპა). მინე მუ ესერ ქალა̈ქს
Line of edition: 22 ლჷმა̈რდ ი ა̈გითე ესერ ა̈მჴედ, ეჩქა ესერ ხეხუ̂ ლახ დო̄სა ესხუ̂იე̄ნა,
Line of edition: 23 ხოლა გუ̂ი ესერ ახჴედა ი ჯ' ე̄სერ ლჷცთ' ო̄თკუ̂არა ი მიჩა მუხუ̂ბე
Line of edition: 24 ესერ თხე̄რა ოთღა. ჯ' ე̄სერ ლიცს ლექუ̂ე̄რი ლაღრაჩუ ოთცხატა
Line of edition: 25 (\\ ლოხცხატა) ი მულგუჰე̄რის ესერ ჟ'ოხჷრდა ი მიჩა მუხუ̂ბა ესერ
Line of edition: 26 მა̈ჲ დო ხა̈ყრა, დე̄სამა ესერ ხოხა.

Line of edition: 27 ხოხუ̂რა̄მ მუხუ̂ბემ რა̈̄ქუ̂: "მიჩ ესერი ამი̄ ლი̄ქუ̂ისგ ხა̈კუ̂და, მინ ესერ
Line of edition: 28 ლახუ̂ბა ლჷმა̈̄რხ ი ქა̈̄თტჷ̄შა̈̄ნხ უშხუ̂ა̄რ.

Line of edition: 29 ალჲარე ნა̄მბუ̂ა̄ლ ზურა̄ლდ მა̈გ ჟ'ა̈ნჰურნე, სგა̄თტუ̈ლ ბოფშა̈რს ი
Line of edition: 30 ქო̄ხო̄მბუ̂ე, ერე "ჯაი ესერ მინე დი ლი", ი ეშხუ აშხუ̂ ლუსუ̂ჟი

Добавлено (2007-01-16, 12:50 Pm)
---------------------------------------------
ესტჷ̄შე ი მე̄რმე-მე̄რმაჟი.

Line of edition: 32 მე̄რმა ლადეღ ქა̄ნჴა̈დ მიჩა ხეხუ̂ ლაწუ̂ე̄ნათე დიდა̈რ მა̄რე ი ბოფშა̈რ
Line of edition: 33 ეშხუ აშხუ̂ხა̈ნი ლუსუ̂ჟი ხაუ̂ჟე ი მე̄რმე მე̄რმახა̈ნ. დიდა̈რ მა̄რე
Line of edition: 34 აჩა̈დ ხელწიფთე ი ქა იშჩიუ̂ლე, ერე
Line of edition: 35 -- მიჩა ყარუ̂ლა̈რ ესერ სგა ხოყუ̂რეხ მიჩა ხეხუ̂ს! -- ხელწიფდ ხა̈̄ქუ̂
Line of edition: 36 უ̂ა̈ზრა̈ლს, ერე

Page of edition: 302
Line of edition: 1 -- შიშდ ესერ ჩუუ̂ ადყიმეხ ყა̈რუ̂ლა̈რ! -- ზურა̄ლდ ხა̈̄ქუ̂, ერე
Line of edition: 2 -- ეშხუ-ჲერუ ამბა̈უ̂ ესერ ქა̄უ̂ ახა̄ქუ̂ისგუ̂ნეხ ი ეჩუნღო ესერ ლეყმა̈̄ლი
Line of edition: 3 ჰე ი̄რახ ბოფშა̈რ, ჩუუ̂ ადყიმა̄ლეხ! -- ხელწიფდ ქა̄ხა̈̄ქუ̂ისგუ̂ნე
Line of edition: 4 ამბა̈უ̂ ი ჩუ̂ადცხირე, ერე ზურა̄ლ მიჩა ხეხუ̂ ლჷმა̈̄რ ი ბოფშა̈რ მიჩა
Line of edition: 5 გეზლი̄რ.

Line of edition: 6 ალჲა̈რ მინე ლიხეხუ̂ჭაშუ̂ს ლა̈ხტა̈ხხ ი დიდა̈რ მა̄რა პაღუ̂ირ
Line of edition: 7 ხაჴიდხ ი ქა̄დკუ̂ა̈რხ ეჩჟი. მინდ ხოჩა ლირდე̄-ლიზგე ა̈დჴიდხ ი
Line of edition: 8 ლჷმზჷრე̄უ̂ ხი.

Line of edition: 10 ლა̈სუ̂ხ სემი ლაუ̂დილა. ეჯჲა̈რს ხორდახ დი-ჲ მუ. დი ლეგდ
Line of edition: 11 ოთჷრდახ ი ჩუ̂ათდაგანხ. ალ დი̄ნა̈̄ლ მინე მუს უ̂ოსა̈რს ხოშხებდახ.
Line of edition: 12 აშხუ̂ჟი მინე მუდ ოხჴიდხ უ̂ისგუ̂. ალა მე̄უ̂არ ათლატჷნხ ი უ̂ოსრი
Line of edition: 13 ლიშხბი ჰა̄ლ ქა̄დზჷგრეხ, ეჩქას შიშდ ხაშგუ̂მინხ მინე მუს ალ უ̂ისგუ̂
Line of edition: 14 ლა̈შდათე ლინჴრინე.

Line of edition: 15 მინე მუდ ადბჷრჯე თხრილ, სკო̄დი თხრილ. უ̂ისგუ̂ ეჩხა̄უ̂თე̄სგა
Line of edition: 16 აშიდ ი დი̄ნა̈̄ლი̄ ეჩხა̄უ̂ ადგენე, ჟიქა̄ნქა ფიცლა̄და̈რ ესფარჷ̄ლე, ეჩჷნღო
Line of edition: 17 უ̂ერ ათშიდ ი ჩუ̂აცუ̂ირ ამჟი. უ̂ოდ დინა̈ლს უ̂ისგუ̂ ხეცუ̂ა̈რხ, ეჩქად ეზერდ
Line of edition: 18 არდახ, მარე ჩუ ერ ოთშდა̈ხხ, ეჩქა ხოშა̄მ უდილდ რა̈̄ქუ̂:
Line of edition: 19 -- ჩუ ლალა̈̄მად ხოხუ̂რა უდლიდ, ადო მა̈ჲ გუ̂აშიდ?

Line of edition: 20 ალა მანე̄სგირე̄მ მა̄დ ჩუ̂ემინ. ხოხუ̂რა უდლიდ ჩიგარ უდიარად
Line of edition: 21 სედენ, უ̂ოდ უ̂ისგუ̂ ხუღუ̂ა̈̄ნხ ი მიჩა ნა̈̄თის ჩიგარ ჩუ იშხუ̂ინდა. ლახ
Line of edition: 22 ლაუ̂დილას ამჟი გაჭიუ̂რება ხა̄დხ, ეჩქა ხოხუ̂რა უდლიდ ჩიგარ ხოჴდა̈
Line of edition: 23 მიჩა ნა̈̄თი უ̂ისგუ̂ს. ალა ჩუ̄დ ოთშდა̈ხხ. ეჩქა აშხუ̂ჟი̄ნ ხოხუ̂რა უდლიდ
Line of edition: 24 ა̈თლაკ ხელწიფი ლაჩა̄ჟი̄რს ი ეჩხა̈ნ ა̈დბინე სიმინდი ლიჴდე ი მანა̈̄შიშ.
Line of edition: 25 ხელწიფს ჩა̄ჟა̈რ აშ-ი-აშ გარ ხოჩხფენიხ. ათხე ხასკუ̂რელხ ალა
Line of edition: 26 ი მიჩა უ̂ა̈ზრა̈ლს ხა̈̄ქუ̂: "ეჯა მა̄დეჲ ლიყრულ ღენ ოლბინად გუშგუ̂ეჲ
Line of edition: 27 ლაჩა̄ჟი̄რს, მა̈ჲუ ლესუ̂?" ანჴა̈დხ ი ყა̈რუ̂ილ ესგენეხ.

Line of edition: 28 აშხუ̂ინ დი̄ნას ჟ'ა̈ხლაკხ ი სგა̄დჲეხ ხელწიფიშთე̄სგა. ათსაკუ̂რელჷნ
Line of edition: 29 ალა ხელწიფს ი ქა̄ხჭუ̂ედიე̄ლე მა̈გ. ამნე̄მ ქო̄ხო̄მბუ̂ე მა̈გ მინე გუ̂ეშ ი
Line of edition: 30 ეჩქა ხელწიფდ ქა̄ხჴიდუ̂ნე მიჩა მე̄რმე ლაუ̂დილაი̄. ამჩიქქა ხელწიფს
Line of edition: 31 ლიშია̄ლე ლა̈ირ ოხჴა̈დ. ამნე̄მ ჩუ̂ა̈დზუ̂ერ ლაუ̂დილა ი ლა̈ხჭუ̂ედდა:
Line of edition: 32 -- ჲაღო, სგა̈ჲ მა̈ჲ ჲა̈ს ჯა̈მჲე̄დახ? -- მაშე̄ნა უდილდ ხა̈̄ქუ̂:
Line of edition: 33 -- მი ლახ ეშხუ კალ მა̈ტყ მეღუ̂ე̄ნი, ეჩნოუ̂შ ჯა̈რი-მა̄რა ჩი̄ ჟი
Line of edition: 34 ხუ̂ა̈რქუ̂ი. -- მანე̄სგირე̄მ ხა̈̄ქუ̂:
Line of edition: 35 -- მი ლახ ეშხუ კოტო̄ლ გაკა̈ გუ̂იგუ̂ილდ მეღუ̂ე̄ნი, ეჩნოუ̂შ ჯა̈რი-მა̄რა
Line of edition: 36 ჩი̄ ჩუ ხუ̂ა̈დია̈რნე. -- ათხე მაჰუ̂რე̄ნა უდლიდდ რა̈̄ქუ̂:

Page of edition: 303
Line of edition: 1 -- მი ჰა̈დურდ მა̄მგუ̂ეშ მა̈მჲე̄და.
Line of edition: 2 -- ჰა̈დურდ მა̄მგუ̂ეშ ჯა̈მჲე̄დაჲა? -- ლა̈ხჭუ̂ედდა ხელწიფ.
Line of edition: 3 -- მა̄მგუ̂ეშ ეჩჷნქე̄, ლახ მირ ქა ა̈თუ̂წუ̂ი̄ლი, ოხუ̂თენი ჭყინტს ი
Line of edition: 4 ეჯა ისგჷნჟი̄ნ ესერ უ̂ოქუ̂რ ი̄რა ი ისგჷნჩუ წყჷლჲა̈ნ.

Line of edition: 5 მაჰუ̂რე̄ნე დი̄ნა მიჩ ხა̄დ ხეხუ̂დ ი ლა̈შია̄ლთე ერ აჩა̈დ ხელწიფ,
Line of edition: 6 ეჩქა ხეხუ̂ ღანაუ̂ ოთსა̈დ. მე̄რმა ლაუ̂დილად ნა̈̄ქუ̂ი̄სგუ̂ მა̄მგუ̂ეშ ადსურლეხ
Line of edition: 7 ი მაჰუ̂რე̄ნე̄მ ქა̄ნთენე კისდ გეზლი̄რ ი ალჲა̈რ ისგჷნჟი უ̂ოქუ̂რ
Line of edition: 8 ლა̈სუ̂ხ ი ისგჷნჩუ წყჷლჲა̈ნ. ლახ ალ დი̄ნა ჩუ̂ა̈დღუ̂აჟ, ხელწიფს ლა̈ირ
Line of edition: 9 ოთზჷზე, ერე "ჩუ ესერ ალღუ̂ა̈ჟლი ი ეჯკა̈ლი ბეფშუ̂ ესერ ხორი-ე́,
Line of edition: 10 მა̈̄ჲკა̈ლი ქა ხო̄ქუ̂ა". ანჴა̈დხ მიჩა ლაუ̂დილა ი ლა̈ირ ჟ'ა̈ნჷრმეხ შუკუ̂ჟი

Добавлено (2007-01-16, 12:52 Pm)
---------------------------------------------
ი მიჩა ჭა̈შს ლჷსპად ოთირხ, ერე "მიჩა ხახუ̂ ესერ ეშხუ ფა̈კუ̂ნა
Line of edition: 12 ახთენე̄ნა ი მე̄რმე კიტაუ̂". ეჩქა ხელწიფდ ოხუ̂ჭირე, ერე "ქა̄უ̂ ესერ
Line of edition: 13 ადკუ̂ა̈რხ ეჯჲა̈რ ი ზურა̄ლ ესერ კუხნათე̄უ̂ ადკუ̂ა̈რხ". ალ ლა̈ირ ქო̄ხჴიდხ
Line of edition: 14 ი ჩუ̂ესუ̂დეხ სგუ̂ებინჩუ.

Line of edition: 15 ეჩჷნღო ანჴა̈დხ აშხუ̂ ლე̄თ ი გეზალ ქო̄თქუ̂ითხ, ჟ'ანკჷპნეხ ი სგა̄თგეხ,
Line of edition: 16 ეჩი̄ ხარშუ̂ ჩუ̂აბიდხ ყო̄რჟი ი მიჩა მუს მიჩა გეზლა̈ ლეღუ̂ ჩუ
Line of edition: 17 ხა̄მნეხ. ხარშუ̂ა̈ ნა̈ბიდუ̂ჟი ჰა̈ლუ̂ა̈ მეგმა̈რ ანჴა̈დხ. უ̂ოშუ̂ა̈̄ჲდინ ღჷრი
Line of edition: 18 ყო̄რქა ხელწიფ, ეჩშელდინ ტუ̄ლიხ: "უ̂ა̈̄ჲ კე̄სა̈რ, უ̂ა̈̄ჲ კე̄სა̈რ!" სერ
Line of edition: 19 ჩიგარ ამი̄ ლა̈̄ქუ̂ი̄სგს ჟ'ახჟანდა კე̄სა̈რს, ანჴა̈დ ი ჩუ̂აქა̈ჩ ალჲა̈რ-ა,
Line of edition: 20 მეგმა̈რ, ი ჟ'ანტა̄ბე ლაყუ̂რად. ეჯა ჩი რა̈კს ღჷრჭინდა ი ალასი̄
Line of edition: 21 ჟ'ახჟანდა̄ ხელწიფს ი ჩუ̂ა̈შიხ. მარე ლემესგ ტყჷრსგნა̈ჲ ლა̈სუ̂ ი ეშხუ
Line of edition: 22 მუტყუ̂ა̈სგ სგა̄შყა̈დ მაჰუ̂რე̄ნა̄მ უდლა̈ კალთა̈ჲთე̄სგა. ამნე̄მ ქა̄დჲე ი
Line of edition: 23 სარაგჟი ჩუ̂ადკუ̂ა̈რ ი ალა̄, მუტყუ̂ა̈სგ, მა̄რად ესსიპდა. სარაგთე ლახ
Line of edition: 24 ღჷრდახ მჷლცა, ეჩქა ეჯჲა̈რს თუნგა̈რს ჟი ხაყჩუ̄რა თხუმჟი ი ლიცსი̄
Line of edition: 25 დე̄მ ხა̈მბა. ალა ჩუ̂ა̈დკუ̂იჰ კე̄სა̈რდ ი ქა̄ნჴა̈დ ი სგა̄დჲე ალ ბეფშუ̂.
Line of edition: 26 -- კე̄სა̈რ, ჰარა̈კჰურა̈კ ოგუ̂ა̈̄ც! -- ხა̈̄ქუ̂ ბეფშუ̂დ.
Line of edition: 27 -- ჰე̄, ჲაღო.
Line of edition: 28 -- ეჯა მა̈ჲ მოშ ლ'-ე, მიშგუ̂ა მუდ მიშგუ ლეღუ̂ ჩუ ლალე̄მ?

Line of edition: 29 ალას ხელწიფ გუდ დეშ აჴა̈დ ი ბეფშუ̂დ ოხო̄მბუ̂ე მა̈გ, იმუ̂ა̈̄ჲჟი
Line of edition: 30 ჩუ ლა̈სუ̂. ალა მე̄უ̂არ ათხი̄დჷნ-ა, ლახე ჩუ̂ადცხირე მა̈გ მიჩა ამბა̈უ̂.
Line of edition: 31 ანჴა̈დ ი მიჩა ხეხუ̂მი ლაუ̂დილა ლჷქჷნთრინა კა̄ჟი ესსგურე ი იმუ̂ა̈̄ჲჟი
Line of edition: 32 სა̈ხ ლახღუ̂ა̈̄ნხ, ეჯჟი ხეყა̈რხ. ხელწიფი ხეხუ̂ ქა̈̄ნტიხხ ლა̈ჭბიდახა̈ნქა
Line of edition: 33 ი ხოჩა ლირდე-ლიზგე ა̈დჴიდხ ი ლჷმზჷრე̄უ̂ ხიშდ.

Добавлено (2007-01-16, 12:52 Pm)
---------------------------------------------
Text: 135
Page of edition: 304
Line of edition: 1
135. სემი ლახუ̂ბა ი აფხუ̂

Line of edition: 2 ლა̈სუ̂ხ სემი ლახუ̂ბა. ალჲა̈რ მა̈გ ქა უჩი̄ჟა̄ლა ლა̈სუ̂ხ. მაჰუ̂რე̄ნა̄მ
Line of edition: 3 მუხუ̂ბად რა̈̄ქუ̂:
Line of edition: 4 -- ცხემდა̈რ ალკუ̂ა̈რიდ ი ჲერუ̂ა̈̄ი ლჷყა̄რჟი ლა̈ჴდედ, ეჩხა̄უ̂
Line of edition: 5 ა̈ლჩი̄ჟა̄ლე̄ნდ.

Line of edition: 6 ადკუ̂ა̈რ ცხემა̈დ მაშე̄ნა მუხუ̂ბე̄მ ი კე̄სა̈რშა ლჷყა̄რჟი ხაჴიდ,
Line of edition: 7 ადკუ̂ა̈რ მაჰუ̂რე̄ნე̄მ ი ტო̄მბისგა აფხუ̂ს ხაჴიდ, ადკუ̂ა̈რ მანე̄სგირა
Line of edition: 8 მუხუ̂ბად ი ამნე̄მი̄ კე̄სა̈რშა ლჷყა̄რჟი ხაჴიდ. ქა̄ნჴიდხ ჩიემ ლა̈ხხუ̂ა ი
Line of edition: 9 მაჰუ̂რე̄ნა მუხუ̂ბე̄მი̄ ანჴიდ. ალას ღალ აფხულდ ათხუ̂ი̄დ.

Line of edition: 10 მე̄რმა ლადა̈ღ აჩა̈დხ ლა̈ხხუ̂ა ლათეჲთე ი მაშე̄ნა̄მ აფხულდ ითეჲდა.
Line of edition: 11 ალჲა̈რ სა̈დილ ლამა̄რად ა̈გის მა̈ჲ ჲა̈რ სედენხ ი მა̈ჲ ჲა̈რ.

Line of edition: 12 აშხუ̂ ლადა̈ღ აფხულდსი̄ ათხუ̂ი̄დ. ლა̈დი ალა ასა̈დ სა̈დილ ლამა̄რას.
Line of edition: 13 ა̈დკიდ ქა ბიდ ი ეჯკა̈ლი დი̄ნა ჩუ ესფადგა̈̄ნ, ერე ჭუ̂ა̈დუ̂ა̈რს
Line of edition: 14 მიჟს ხა̈წდუნე. მიჩა ჭა̈შ ხოსგიდდა ი სგა̄ჩა̈დ ი ბიდჷლდ ჩოთცჷლჷ̄რე.
Line of edition: 15 დე̄მ ხა̈მბა აფხულდ, მარე მა̄დ ჩუ̂ემინ მიჩა ჭა̈შდ. ათხე ჟი ა̈ნბა̄ნდე
Line of edition: 16 ალა აფხუ̂დ ი სგა ლა̈ჲქუ̂ე. ლალე̄მხ სა̈დილ, მარე მე̄რმა ლა̈თლა̈ღრან
Line of edition: 17 ძღჷდშუ̂ ხოჩილ ოთმარჯუნ.

Line of edition: 18 მე̄რმაჟი აჯაღ ათხუ̂ი̄დ სა̈დლი ლიმა̄რე ი ლამა̄რაჟი ბიდჷლდ ქა̄დ
Line of edition: 19 ა̈დკიდ, ლა̈ხცა̄დ მიჩა ჭა̈შ ი ბიდ ჩოთშიხ.
Line of edition: 20 -- ო, ჲაღო, მ' ამჟი ლირდე მიცხა, მარე სი ღალ ახფა̈სი ხუ̂ა̈ჲ
Line of edition: 21 ჭირს. -- ხა̈̄ქუ̂ აფხულდდ.
Line of edition: 22 -- ჩი ჭირდ ჩუ მიჯეშ ეჯე̄, ლახ სი აშხუ̂ ქა ლა̈ხზელა̈̄ლი მიშგუ̂აცახა̈ნ
Line of edition: 23 ი ლახე მა̈გ ქა ჯეწდენი ერე აფხუ̂ მა̄დეჲ ხოჩა დი̄ნა მირი
Line of edition: 24 ხეხუ̂დ.

Line of edition: 25 ტკისდ ქა̈̄დზელა̄ლეხ აშხუ̂ჟი ი ჩი̄ ეზერ ლახბაჟჷნ ალ დი̄ნა. ალა
Line of edition: 26 ჩიემ ჩუ̂ა̈დკუ̂იჰ ი ხელწიფსი̄ ჩუ̂ათკუ̂იჰუ̂ნეხ. ეჯნე̄მ ა̈დჰერ მაჰუ̂რე̄ნე
Line of edition: 27 მუხუ̂ბე ი ხა̈̄ქუ̂:
Line of edition: 28 -- ჲედ აშხუ̂ ლადა̈ღ ა̈მიჴნ ი ა̈მლაშ ეშდჲორი ლა̈დღიშ ი მო̄დეჲ
Line of edition: 29 ისგუ ხეხუ̂ ჩუ ლენბე ჯა̄რ მიშგოუ̂.

Line of edition: 30 ანჴა̈დ ა̈გითე აფხულდა̈ ჭა̈შ ი ქო̄ხო̄მბუ̂ე მიჩა ხახუ̂: -- ამჟი-ჲ-ამჟ'

Добавлено (2007-01-16, 12:53 Pm)
---------------------------------------------
ესერ ხო̄ქუ̂ა ხელწიფს.
Line of edition: 32 -- ო̄, ჲაღო ქა̄დე მიშგუ̂ა დითე ი ეჯა ქა ლა̈ჯთუ̂ე̄ნი, იმჟი̄უ̂
Line of edition: 33 ჯა̈̄ცეს ლეჩუ̂მე. ალა მა̄მა ლი გარჯ, მარე ეჯკა̈ლის ჯა̈̄ქუ̂ნინე იმუ̂ა̄ლე,
Line of edition: 34 ერე ალა თუ̂ი-ჲ შაქა̈რ ჯებჟი ეჩი̄ ნა̈მსგიდჷნ. -- ხა̈̄ქუ̂ აფხულდდ
Page of edition: 305 Line of edition: 1 აჩა̈დ აფხულდა̈ დითე ი ეჯნე̄მ ლახუ̂ე̄მ მიჩა ჴანა̈რ. ეჯჲა̈რდ ჩუ̂აყუ̂ილხ
Line of edition: 2 ი ჩუ̂აჴა̈ნხ; ეჩჷნღო მიჭუ̂ ხაძგერხ გიმს ი ჟი̄ჲ ჟ'ა̈ნლა̄შა̈̄ნ ი ჟი̄ჲ
Line of edition: 3 ჟ'ა̈ნჭა̄და̈̄ნ. ლექუ̂ა̈̄ნჩუ ლჷჴცე ლა̈სუ̂, ეჩქა ქა̄დზჷზეხ ი ქა ხა̈̄ქუ̂ხ ხელწიფს
Line of edition: 4 ი აჩა̈დ ა̈გითე.

Line of edition: 5 მე̄რმა ლადა̈ღ აჯაღ ა̈ნჰერ ი ხა̈̄ქუ̂:
Line of edition: 6 -- მა̈̄ჲ ლა̄თ ქა̄თლაშ, ეჯა მა̈გ, ეშხუ კაკა̈ლ ნო̄სა ათკა̈ლი̄ნად,
Line of edition: 7 ეჯჟი ა̈მიჴ სგა ქორთე, მო̄დეჲ ისგუ ხეხუ̂ ლა̄მო!

Line of edition: 8 აჩა̈დ მუხუ̂ბე აფხულდა̈ დითე ი ეჯნე̄მ, ანჴა̈დ ი მჷრშკ მა̈̄ჲ ესამა
Line of edition: 9 არდა, მა̈გ ქა ლოხწა̈უ̂ნე ი კაკა̈ლ მა̈გ ჟ'ოხხურიე̄ლეხ. ეშხუ კაკლი̄დ
Line of edition: 10 ხაკლი̄ნდახ ი ეჯაი̄ მუკუ̂ჩხი მჷრშკჷლდს ახღუ̂ა̈̄ნ უ̂ეშგდ. ანტა̈ხჷდ
Line of edition: 11 აგითე.

Line of edition: 12 ათხე მე̄სმა ლადა̈ღ აჯაღჷდ ა̈დჰერ ი ხა̈̄ქუ̂:
Line of edition: 13 -- ჲედ ა̈მიჴ ეჯე̄, მიშგუ̂ა ბაბას ეჩაბუა̄სდ უ̂ოქუ̂რა̈ სკა̈მ ხო̄გ ი
Line of edition: 14 უ̂ოქუ̂რა̈ კუ̂ილა̈̄დჟი ჭჷშხა̈რ ხო̄გ, ეჯა, მა̄დეჲ ისგუ ხეხუ̂ მიშგოუ̂ ჯარ
Line of edition: 15 ლეჰუ̂დი.

Line of edition: 16 ანტა̈ხჷდ ი აჩა̈დ მეგუ̂ნი აფხულდა̈ დითე.
Line of edition: 17 -- ო̄, დედე̄შ, ეჯღა მა̄დ ხეყა̈̄დ ბიდჷლდა̈ ლიშხის, ერე ამჟი
Line of edition: 18 ხიჭი̄რო̄ლდა̈ს. -- ხა̈̄ქუ̂ აფხულდა̈ დიდ ი ქა ლახუ̂ე̄მ კუ̂იკუ̂ა̈̄ლ: -- ალას
Line of edition: 19 ათეჭმ ი ალა იმუ̂ა̈̄ჲ ა̈გიჩუ ჩუ̂აჩეს, ეჩელექუ̂ა ათეჭმ სიი̄, -- ხა̈̄ქუ̂ აფხულდა̈
Line of edition: 20 დიდ.

Line of edition: 21 ესღრი კუ̂იკუ̂ ი აშხუ̂ ა̈გიჩუ ჩუ̂აჩა̈დ. ეჩელექუ̂ა ჩუ̂ა̈თჭა̈მ ალაი̄ ი
Line of edition: 22 ჟ'ა̈თლაკ კე̄სრი მუს. -- ამჟი-ჲ-ამჟ' ესერ ლი მიჩა გუ̂ეშ. -- ქო̄ხო̄მბუ̂ე
Line of edition: 23 მა̈გ. კე̄სრი მუდ ქა ლახუ̂ე̄მ უ̂ოქუ̂რა̈ სკა̈მ ი კუ̂ილა̈̄დი̄ ი ხა̈̄ქუ̂: -- ჰა̄ლ
Line of edition: 24 ჟ'ესსგურდე̄დს სკა̈მჟი ი კუ̂ილჟი, ჭჷშხა̈რ ესგას, ეჩქა პე̄რო̄ლა̈რუ გარ
Line of edition: 25 ა̈მსედლი.

Line of edition: 26 ქო̄თჴიდ ჰა მა̄დე კე̄სა̈რს სკა̈მ ი კუ̂ილა̈̄დ ი ჩუ̂ესგურდა ამეჟი̄ნ ი
Line of edition: 27 პე̄რო̄ლა̈რ გარ ასა̈დ. აფხულდდ ი მიჩა ჭა̈შდ ხოჩა ლირდე-ლიზგე
Line of edition: 28 ა̈დჴიდხ ი ლჷმზჷრე̄უ̂ ხიშდ.

Line of edition: 30 ლჷმზჷრე̄უ̂ ხიშდ ი ამჩუ̂ ა̈რიხ ჲორი ლახუ̂ბა -- ხალო-ჲ სემშდა̈რ.
Line of edition: 31 ხალო ხოშა მუხუ̂ბე ლი ი სემშდა̈რ ხოხუ̂რა. ალჲა̈რს ხოლა ლიზგე
Line of edition: 32 ხა̄რხ. ხალო ხოშა ლჷნყუ̄რე ლი ი მა̈გ ხოჩა ხაზნა, სემშდა̈რ ხოშა
Line of edition: 33 ლუსო̄ყე-ჲ ხოშა მამჭირა̈ჲ.

Line of edition: 34 აშხუ̂ ლადა̈ღ სემშდა̈რდ წაქა̈ ნა̈̄ყუნუ̂ა̈რ ანჩუ̂მინ, ქე̄სგოშა̄ლე-ჲ
Line of edition: 35 იდიარა̈̄ლხ. ამჩიქქა სოფლი ლჷთიშ ლახა̄გა̈ნხ ყო̄რს, მამასახლი̄ სგა
Page of edition: 306 Line of edition: 1 ხონჴრიხ. მამასახლდ ლოხუ̂კი̄კუ̂არე ალჲა̈რს ლაჴუ̂რაისგა, დე̄სამა
Line of edition: 2 რა̈̄ქუ̂ სემშდა̈რდ ი ლოხსგიდა გარ; მა̄მა-ჲ მე̄რმა̄მდ სგა̄დ ოხუ̂კი̄კუ̂არე.
Line of edition: 3 -- იმუ̂ა̈̄ჲ ღენ ნეკი̄კუ̂არა̈̄ლ, ალა ნუღუ̂ა̄, წაქა̈ ნა̈̄ყუნ, ი ჰე ჯაკუ,
Line of edition: 4 ისგუ̂ოუ̂ი̄ მა̄მ ნატკლებ, ჰე მო̄დეჲ ლა̈ცი̄უ̂არა̄ლს ჰაჯ ანაკდ, ადო
Line of edition: 5 ქ' ე̄სა ჴუ̂ედნი, ეჩქა კინჩხს ქა ჯა̈შგბე!

Line of edition: 6 მა̄მა-ჲ სგა̄დ ოხცი̄უ̂რე-ჲ ჟი̄ჲ ლა̄პა̈რ სემშდა̈რ, სგუ̂ებინ სემშდა̈რ
Line of edition: 7 ი უ̂ეშგინ ხალო. ალა ხეჴჷ̄რა̈̄ლ: ღერთა̈ ლჷჴცინ, ლა̈ჯქა̈დს ნო̄სამა,
Line of edition: 8 დე̄სამა გუ̂იჭირ ამი̄ ლიკი̄კუ̂არა̈̄ლღა!" მარე ამნე̄მ მა̄მ' ე̄სჰურნე ხალო̄და̈̄
Line of edition: 9 ნაგჷრგალუ̂ ი სგა̄ხფხიჭე მამასახლს, კინჩხ ქა̄თყუ̂იჩ ი სგა̄ნჴიდ
Line of edition: 10 ქორთე-ჲ გუ̂ალთეჟ' ადკუ̂ა̈რ.

Line of edition: 11 ღერთა̈ ლჷჴცინ, მა̈ჲ ჩუ̂ემნ? ეში̄ მა̄მ გუ̂ა̄დ ხოჩა̄მდ ი ათხე
Line of edition: 12 ჰა̈დურდ ქა ლე̄ზი გუ̂ე̄რა!
Line of edition: 13 -- მა̈ჲ ღალ ხუ̂ა̈ყრი. ამჩუ̄ნ ეში̄ მა̄მ ხუ̂იგნო̄ლდა̈ს: ლარდა̈̄შ მა̄მა
Line of edition: 14 გუ̂ა̄დ მამასახლიშ ი მიჩა მოხელა̈̄ ბა̈დშუ̂ ი ქა ლე̄ზ' ეში̄ გუ̂ა̄დ ი ათხე
Line of edition: 15 ქა̄ჲ ალღრიდ.

Line of edition: 16 ა̈დუ̂ა̈შგდეხ ალა სოფლი მოხელად ი ახა̄გა̈ნხ ყო̄რს ი ლა̈ხჭუ̂ედდახ:
Line of edition: 17 -- იმღ' ე̄სერ ოთდაგრახ მამასახლ? -- ხალო̄დდ ხოლა̄მჟი უ̂არ
Line of edition: 18 ხა̈̄ქუ̂:
Line of edition: 19 -- მინს ესერ ღალ მა̈ჲ ხომჴერახ მინე მამასახლიშ? ეშხუ გა̄ბუ̄ლ
Line of edition: 20 ესერ გაცხა̈ჲდ ხარდე̄ნახ ი ღერთა̈ ლჷჴცინ მიჩა მუხუ̂ბე ესკჷნე̄ნ'
Line of edition: 21 ე̄სერ მირ ი კინჩხ ესერ ქო̄თშგი̄ბა. ეჯ' ე̄სერ გაცხა̈ჲდ ხოკუ̂ა̄რახ
Line of edition: 22 გუ̂ალჟი-ჲ ჰე̄ს' ე̄სერ ხოცხახ, ქა ლახწუ̂ე̄ნი.

Line of edition: 23 სგა̄ჩა̈დ ქორთე-ჲ გა̄ბუ̄ლს ჟ'ოხხჷრზნე კინჩხ ი ქა̄ნჴიდ მოხელათექა-ჲ
Line of edition: 24 ჩუ̂ესუ̂დე სგუ̂ებინჩუ: -- ჰ' ა̄ლა ლა̈სუ̂ ი ეჯა მა̄მე̄, მამასახლი
Line of edition: 25 თხუ̂იმ!

Line of edition: 26 ა̈დუ̂ა̈შგდ' ა̄ლა სემშდა̈რდ ი ჟი ლა̄პა̈რ ი ჟ'ესფხიჭე მამასახლი
Line of edition: 27 თხუ̂იმს, ქა̄ნჴიდ ი ჩოთკუ̂ა̈რ სგუ̂ებინჩუ სოფლი ლჷთიშს:
Line of edition: 28 -- ჰ' ა̄ლა ლა̈სუ̂ ი ეჯა მა̄მე̄, ხალოდ, ეშხუ გა̄ბუ̄ლ ნირდა ი, ეჩასი̄
Line of edition: 29 ქა̄თშგიბ კინჩხ ი ათხე ჰა̈დურდ მა̄მ ნერდი.

Line of edition: 30 ა̈დუ̂ა̈შგდეხ ალა სოფლი ლჷთიშდ: -- ხამ' ე̄სერ, ერე სოფლი მათხუ̂მიდ
Line of edition: 31 ალა დო ლოხუ̂შგედახ?! -- ი ქა ლიზგუნ' ო̄თპი̄რეხ.
Line of edition: 32 -- ამჩუ̄ნ ესერ ეში̄ მა̄მ ლჷმგა̈ნო̄ლინ! -- ი ა̈ნკიდხ მინე ბა̈რგილდა̈რ
Line of edition: 33 ი ესღრიხ. ესღრიხ, ესღრიხ ი იმუ̂ა̄ლა ჯუ̂ე̄დია-ნაჯუ̂და მინდუ̂ერისგა
Line of edition: 34 კე̄სა̈რ იზგე-ჲ სგა ლა̈ხმუშგუ̂რა̈̄ნხ ალას. კე̄სა̈რს მა̄რე̄მი თჷმი
Line of edition: 35 ჩუ ხა̄დ ი მე̄უ̂არ ათჩო̄ნ ალჲარე ლიჴედ. ხალო̄დ დაჴა̈რს ა̈თჭა̈მ ლალდა̈ღთე-ჲ
Line of edition: 36 სემშდა̈რ ა̈გის ხაშდბა უ̂ა̈ზრა̈ლცახა̈ნ.

Page of edition: 307
Line of edition: 1 ნაგზალადაღუ̂ ჟი̄დ ახჟანდა-ჲ ხა̈̄ქუ̂ კე̄სა̈რს:
Line of edition: 2 -- ა̄, ხიად, ალა მი̄ ჩუ მა̈მჲე̄და̄, დაჴლი̄დარე ლირკა̈ლი-ჲ ალა̄,
Line of edition: 3 ხალო, ამშიე̄დს მიშგუ̂ა მჷქაფ. -- ხალო ხეჴჷ̄რა̈̄ლ:
Line of edition: 4 -- მა̈დილ ჯე̄რა-ი ამჩუ ეში̄ ეზერ ლარდა გუ̂ა̄რ ჟ'ელუ̂თჷლედ!
Line of edition: 5 -- ა̄, ეჯა ისგუ გუ̂ეშ მა̄მა ლი-ჲ მჷხა̈რ მი ღური ლალდა̈ღთე.

Line of edition: 6 ლახ მო̄დ ლა̈ჲსიმნე იშა ნა̄ქუ̂ სემშდა̈რდ, ქა̄ფიშუ̂დხ მე̄რმა ლადეღ
Line of edition: 7 ლალდა̈ღთე. ა̈თჭა̈მ დაჴა̈რს ი იმუ̂ა̄ლა ჯუ̂ე̄დია-ნაჯუ̂და მინდუ̂ერისგა
Line of edition: 8 უ̂ისგუ̂ ლჷგ ი ეჯჟი ჟი ხეშა̈ნ, ერე ეშ ხახო̄ნხა. მა̄მა-ჲ დაჴა̈რ ფელტთე
Line of edition: 9 ლახშიდ ი ჯა ჟ'აჩა̈დ უ̂ისგუ̂თეჟი-ჲ ჩუ̂ანქუთნე. ალა მა̈გ ჩუქუ̂ა̄ნ
Line of edition: 10 ესფა̈შუ̂დ. ხასჷმდახ ი ა̄დუ̂ ამი̄ ხჷ̄ლ დაჴა̈რს ი სგა̄ჲ ახშჷ̄დხ ბჷრთქჷ̄ნშუ̂.
Line of edition: 11 ეჯჟი ჩუ იზბიხ უ̂ისგუ̂ს, ერე შუ̂იმ მა̄მა ხა̄რ. სემშდა̈რ ხეჴჷ̄რა̈̄ლ ჟიქა̄ნჩუ:
Line of edition: 12 "ე̄, მა̈დილ ჯე̄რიხ ი გუ̂ი ნომ' ა̈̄მხჷპედ ი ერხი̄ლ ეში̄ ჩუ̂ემშხუ̂ინდ,
Line of edition: 13 ადო ჩუ ჰე̄სა ჴუ̂ედნი, ხუ̂იკედ ჯიჰრა̈̄ ტყენს ი უშხუ̂ა̄რჟი ჯასყე̄ნე ჩი̄!"
Line of edition: 14 მარ' ა̄ლა მა̄მ ლა̈ჲსიმნეხ დაჴა̈რდ ი ეშხუ̂ი̄ლი̄ მა̄დ აცუ̂ირხ. აშხუ̂
Line of edition: 15 დაჴლი̄დს მირ ესნა̈ცო̄ლა̈̄ნ ბროჴ უ̂ისგუ̂ილდა̈რ ჲარუ̂ მუჭუ̂ ნე̄სგაჩუ-ჲ
Line of edition: 16 ათბაჟჷნ ალა სემშდა̈რს მე̄უ̂არ: "ო̄, სი გარ ხი თუ̂ელია̈ნ ი ეჯღა ჯე̄რი
Line of edition: 17 ხოჩა̄მდი̄!" ლახბე ალას ჩალქმეტილ ი ქა ლახბე გა̈ნთე. ეჩუნღო
Line of edition: 18 ლა̄ე ჯიჰრა̈̄ ტყენ ი დაჴლა̈ ჯუ̂ეგ მა̈გ ჟესსყე უშხუ̂ა̄რჟი.

Line of edition: 19 ამი̄შ-ი-ამი̄ ნე̄სგა გუ̂იანდ ოთქა̈ხ ა̈გითე ლიჴედ ი გუნა̈ბ ღალ ახა̄დ
Line of edition: 20 ხალო̄დს-ი ქა ლა̈ხზაზ; ლოხუ̂სგიდა-ჲ დაჴა̈რ დე̄სა ხაყა.

Добавлено (2007-01-16, 12:55 Pm)
---------------------------------------------
-- მა̈ჲ ჩუ̂ემნ, ღერთა̈ ლჷჴცინ, დაჴა̈რ მა̈̄დჷ?
Line of edition: 22 -- მა̈̄დუ-ჲ უ̂ისგუ̂ ოხუ̂სჷსინ ი ათხე̄ ლადა̈ღ ხუ̂ეჴჷ̄რა̄ლდა̈ს: "კოტო̄ლჷჯ
Line of edition: 23 ეში̄ ჩუ̂ემშხუ̂ინდ" ი ნა̈ნკუ̂ილ მა̄დ ემცუ̂ირხ. ეჩქ' ა̈̄ხუ̂ხირნა̈ნ
Line of edition: 24 ი ჟ'ონსგუზ. ამნე̄მ ჩუ̂ემჰურნე ნა̄ქუ̂ ი ღო ეჯღა ხა̄დ ხოჩა̄მდ.
Line of edition: 25 -- ჰე̄, ღერთა̈ ლჷჴცინ, ამჩუ̄ნ ეში̄ ჩუ გუ̂ეყა̈̄დ ჟი ლითლეს ი
Line of edition: 26 ათხე მა̈ჲ გუ̂ე̄რა სერ ლეჩუ̂მე?
Line of edition: 27 -- ამჩუ ეში̄ მა̄მ ხუ̂იგნო̄ლდა̈ს!

Line of edition: 28 ა̈დკუ̂იჰ ალა კე̄სა̈რდ ი მა̄მ ლახჩო̄ნ, მარე იმ იჩოდა?

Line of edition: 29 ანჷ̄გა̈ნხ ლახუ̂ბა-ჲ აჩა̈დხ. ესღრიხ, ესღრიხ ი აშხუ̂ ჯუ̂ე̄დია-ნაჯუ̂და
Line of edition: 30 მინდუ̂ერისგა და̈̄უ̂ა̈ ქორ ლჷგ ჩეი̄შ ი ჩეი̄ გალუ̂ა̈ნ ქა ხაცხიპ. სგა
Line of edition: 31 ლა̈ხმუშგუ̂რა̈̄ნხ ალას. და̈̄უ̂სი̄ მე̄უ̂არ ათჩო̄ნ. ალას მეჩი დი ხორი-ჲ ჯა
Line of edition: 32 ლახ ლა̈თხუ̂იართე ღჷრი, ეჩქ' ა̄მი̄ მჷ̄ზნა̈ნი ხაწჷხ. ხალოს ა̈გის ცუ̂ირე
Line of edition: 33 ამი̄ მჷ̄ზნა̈ნიდ ი ჯა-ჲ სემშდა̈რ ლა̈თხუ̂იართ' ე̄სღრიხ. ამჟ'ა̈რიხ ნაგზალადაღუ̂.
Line of edition: 34 ხალო̄დ ხო̄ზნა̈ნი და̈̄უ̂ა̈ დის ი ლახ ა̈გითე მეტხანღო ხეჭუ̂დიე̄ლ
Line of edition: 35 და̈̄უ̂: დედე მა̈გუ̂ა̈ჲდ-უნყუ̂ს ხა̈რი?" და̈̄უ̂ა̈ დი ხა̈ტხე მიჩა გეზალს:
Line of edition: 36 "ლირდე̄ნყუ̂ს ათხ' ა̈̄მტა̄ხ, დედე̄შ!" ალა და̈̄უ̂ს ეჯჟი ჩუ ხაჩ' ე̄რე
Line of edition: 37 შუ̂იმ მა̄მა ხა̄რ.

Page of edition: 308
Line of edition: 1 ნაგზანღო ახჟანდა̄დ სემშდა̈რს ი აშ ხა̄დ ჭირ, უ̂ოდ ჯა ა̈გის დო
Line of edition: 2 ასა̈დ ი ხალო ლა̈თხუ̂იართე დ' ო̄თჴერნე და̈̄უ̂ს. მა̄მ ხოცხა̈̄ნ ალა და̈̄უ̂სი̄,
Line of edition: 3 მარე მა̄დ ლა̈სუ̂ მონწირ. ესღრიხ ლა̈თხუ̂იართე-ჲ აშგურა̄ნე და̈̄უ̂
Line of edition: 4 სემშდა̈რს:
Line of edition: 5 -- მა̈დილ-უნყუ̂ს ჯე̄რი-ჲ დედეს ხოჩა̄მდ მოშ ოხო̄ზნა̈ნ!
Line of edition: 6 -- ჰა̄, ეჩი̄ ღედ ნომმა ჯა̄რ! ალა მი̄ჲ ჩუ მა̈მჲე̄და̄, ქაქა̈ ლიჩუ̂მე. და̈̄უ̂ა̈რცახა̈ნ
Line of edition: 7 დე̄მ ხუ̂ებჭკუ̂ენი სგა ლაძგუ̄მბა̄ლს.

Line of edition: 8 ესგე ლემასგუ̂ჟი ეშხუ ხოშე̄მიშთა̄ნ ლჷლღენ, ლჷჯოშ გუ̂ეში-ჲ ჟი
Line of edition: 9 ლიტბიდე̄ მჷქაფ ჟ'ანფუ̈̄ნე. ქა ლა̈ჲყუ̂იფ ლაყუ̂რახა̈ნქა და̈̄უ̂ა̈ დი-ჲ სგე̄სქუ̂იჭე
Line of edition: 10 ლჷლღენთე̄სგა.

Добавлено (2007-01-16, 12:56 Pm)
---------------------------------------------
პა-პა-პა, მა̈შხი!..
Line of edition: 12 -- ჰა̄, დე̄სამა ჯიჭირ ათხ' ა̄მღა: სი მჷცხუშუ̂ ნაბრა̄ლუ̂ გარ ხი.
Line of edition: 13 ეჯღა ჯაბჟ' ა̈̄თუ. ალა ხოჩა ჯა̄რ!

Line of edition: 14 მა̄მა-ჲ და̈̄უ̂ა̈ დი ჟ'ა̈ნჯაბა̈̄ნ ამე̄სგა-ჲ ჟი ლა̈ჲყუ̂იფ ამხა̈ნჟი სემშდა̈რდ
Line of edition: 15 ი სგა̄დკუ̂ა̈რ ლაყუ̂რათე̄სგა, ბამბილა̈რ ქა ლახჭუ̂ე̄ნ ქა̄მენქა.
Line of edition: 16 ეჩქანღო ეშხუ კარდალ ქაქ ანჩუ̂მინ, ქა̄დჲე ლაყუ̂რათექა-ჲ ხაჭრა̈ჟი
Line of edition: 17 ხოშე̄მიშთა̄ნ ზექი ყო̄შშუ̂. ამი̄შ-ი-ამი̄ ნე̄სგა და̈̄უ̂ა̈ დიდ ჩუ̂ა̈დქუ̄ნაუ̂ა̄ლე-ჲ
Line of edition: 18 შდჷქა̈რ მჷღიჯ ოთსა̈დ ლაქუ̄ნაუ̂ა̄ლჟი. სემშდა̈რს ლოხხალდ'
Line of edition: 19 ე̄რე "ალ' ე̄სერ მიჩ მჷრე̄ს იღჯინე-ჲ ხაჩა", ა̈ნხირნა̈̄ნ ჟი-ჲ ჩუ ხაძგერ
Line of edition: 20 ყიაჩუ ქაქუ̂შ გუ̂ეში ზექი ყო̄შ ი ჩუ̂ესუ̂ცუ̂ირ ამჟი. ეჩუნღო ჩუ̂ესგურდა-ჲ
Line of edition: 21 ჩუ̂ა̈დდი̄რა̈̄ნ, მა̈̄ჲ მაჩე̄ნა̄მდ.

Line of edition: 22 ამჩიქქა სერ ანჴა̈დხ ლა̈თხუ̂იარხა̈ნი̄. და̈̄უ̂დ შიშდ ქა ლა̈ჲფილფე
Line of edition: 23 მიჩა დითექა-ჲ ლახგჷრგლე: "დედე̄ნყუ̂ს, დედე!" აჯაღჷდ: "დედე̄ნყუ̂ს,
Line of edition: 24 დედე!" დე̄სამა ლახტიხ. ლაჲჯრი̄ნჯე-ჲ თხუ̂იმ ქე̄სფა̈შგ. ჟი̄ჲ ლა̈ჲტეტ
Line of edition: 25 ი სგა̄ჲ ახფხიჭე ხალოს, სემშდა̈რს ღალ დეშმ' ო̄თბა̈დუ̂ე. ხა̄რხ
Line of edition: 26 ლიბჷრგე̄ლ. სემშდა̈რდ ალჲა̈რს ნა̈̄ყუნუ̂ა̈რ ოხჩუ̂ემინ ი ალა ხო̄გ ქა ლუგუ̂შა̄ლე
Line of edition: 27 ტაბა̈გჟი. უ̂ოდ-ი-უ̂ოდ ხოსგდი-ჲ ხეჰრა̈ბუ̄ლა̈̄ლ: "ე̄, ნა̈̄ყუნუ̂ა̈რს
Line of edition: 28 ნო̄ს მ' ა̈̄მყერიდ, ადო ეჩქა ხოლე̄მიშ ჯა̄რხ ჲერქჷდა̈̄შ!"

Line of edition: 29 მა̄მა-ჲ ქა̄ჲ ოხრეკ და̈̄უ̂დ ჭიშხ ტაბა̈გს ი ჟი̄ჲ ოხუნჴუ̂ე ნა̈̄ყუნუ̂ა̈რ ი
Line of edition: 30 ჟი̄ჲ ლა̄პა̈რ ი სგა̄ჲ ახფხიჭე სემშდა̈რდ და̈̄უ̂ს. იბჷრგე̄ლხ ი ლახ და̈̄უ̂
Line of edition: 31 ფხურსკუ̂ა̈ლთეჩუ ხა̈თუ̂ფე სემშდა̈რს, სემშდა̈რ ქუთუ̄ლა̈რთეჩუ ხა̈თუ̂ფე
Line of edition: 32 მიჩ. ხა̄რხ ამჟი-ჲ უ̂ეშგიმპილს, იმუ̂ა̈̄ჲჟი დო ლა̈სუ̂, ჩუ̂ა̈ნდე სემშდა̈რდ
Line of edition: 33 და̈̄უ̂, ჩხარა თხუ̂იმ ხა̄რ ი მა̈გ ქა̄თქუ̂იც ი ეშხუ̂ი̄ლ გარ ხოკლი. ათხე
Line of edition: 34 ხა̈̄ქუ̂ და̈̄უ̂დ:
Line of edition: 35 -- მა̈დილ-უნყუ̂ს ჯე̄რი-ჲ ტუბა̈რისგა მუყუ̄მბლეუ̂იდ ნომ' ა̄მდაგრა.
Line of edition: 36 მა̈̄ჲ ჯეკუ̂დი, ეჩას ჯა̈ჩო!
Line of edition: 37 -- მა̈ჲ ესერ?

Page of edition: 309
Line of edition: 1 მა̈ჲ ესერ-ი ამეჩუ ესერ ერ ში̄რო̄ლ ხალჯა, ეჩი̄ ჩუქუ̂ა̄ნ ესერ
Line of edition: 2 ჴურუ ხა̄რ ი ეჩე̄სგ' ე̄სერ ხუ̂ა̈ჲ კეთილ ხორი-უ̂ოქუ̂რ ი უ̂ერცხლ ი
Line of edition: 3 ეჯ' ე̄სერ მა̈გ მინსუ̄ ხა̄დხ, ოღონდ ესერ ქუ̂ინილდ სგა̄უ̂ ლახცუ̂ირხ!

Line of edition: 4 ქა̄ჲ ხა̈̄ქუ̂ ალა-ჲ ჟი̄ჲ ახქუ̂იც თხუ̂იმ და̈̄უ̂ს სემშდა̈რდ. და̈̄უ̂ა̈ ქორ ი
Line of edition: 5 ლირდე მინს ესსა̈დხ.

Line of edition: 6 ხოჩა ლირდე-ლიზგ' ა̈̄დჴიდხ ი ლჷმზჷრე̄უ̂ ხიშდ.

Добавлено (2007-01-16, 12:57 Pm)
---------------------------------------------
Text: 137
Page of edition: 309
Line of edition: 7
137. ჭიტი-კუ̂ა̄ბა

Line of edition: 8 ლჷმზჷრე̄უ̂ ხიშდ ი ჩხარა ლახუ̂ბა. ლა̈სუ̂ხ ჩხარა ლახუ̂ბა. მაჰუ̂რე̄ნა̄მ
Line of edition: 9 ხეჟხა̈̄ნ ჭიტი-კუ̂ა̄ბა. ალა̄, ჭიტი, მჷლდეღ ხა̄დხ. აშხუ̂ინ ჭიტის
Line of edition: 10 დაჴა̈რ ათბა̈რჲეხ ლალდა̈ღთე. ჭიტი ა̈თლაკ გუნ მაშა̈ნ უ̂ისგუ̂ს. ჭიტი
Line of edition: 11 ჟ'აჩა̈დ ჟიქა̄ნთე, დაჴა̈რ ჩუ̂ადშგურა̄ნე, ერე "უ̂ისგუ̂ ესერ ნოსაუ̂ ლალე̄მხ!"
Line of edition: 12 ჭიტიდ ჩუ̂ანსჷსნე ალა̄, უ̂ისგუ̂, მარე დაჴა̈რდ ჩუ ლალე̄მხ. ჩუ̂ანჴა̈დ
Line of edition: 13 ჭიტი ჩუქუ̂ა̄ნთე ი უ̂ისგუ̂ დე̄სა ესხუ̂ი̄დ: დაჴა̈რს ჩუ ლოხმამახ.
Line of edition: 14 ჭიტი ჟ'ა̈ნხირნა̈̄ნ ი ჲარ დაჴჷლჷნქა მა̈გ ჟ'ანხუ̂იტ: ჲარ დაჴჷლს თუ̈თჲერუ
Line of edition: 15 უ̂ისგუ̂ ლახსედახ ჲარ მუჭუ̂ ნე̄სგა ი ჩუ მა̄დ ადგა̈რ.

Line of edition: 16 ნა̈ბუზს ა̈გითე ა̈ნჴიდ ჲერუ დაჴჷლ ი ჩუ̂ადჭებდე მინე ლარდაისგა.
Line of edition: 17 ეჯ ლე̄თ დაჴა̈რ დე̄სა იყჷრჲა̄ლხ ი ჭიტის ლა̈ხჭუ̂ედდახ:
Line of edition: 18 -- დაჴა̈რ ესერ იმღა მო̄მა ბურთქუ̂ნიხ? -- ჭიტიდ ლახტიხ, ერე
Line of edition: 19 -- ლა̈დი ესერ ხოჩა̄მდ ესუ̂ბიზა̄ლა ი ეჯღა ესერ მა̄მა ბურთქუ̂ნიხ. -- ალა
Line of edition: 20 მა̄მა ოთჯჷრუ̂ეხ ჭიტის ი ჟი ა̈ნწუ̂ე̄ნეხ დაჴა̈რ, მარე ჲერუ
Line of edition: 21 დაჴჷლ გარ ა̈ხგუ̂ა̈ბხ. ალჲა̈რდ-ა̄, ლახუ̂ბად, რა̈̄ქუ̂ხ, ერე "მინ ესერ
Line of edition: 22 ქაუ̂ ა̈დჩი̄ჟა̈̄ნხ ი ჭიტი ჩუუ̂ აცუ̂ირხ ა̈გის".

Line of edition: 23 ჟ'ანჷგა̈̄ნხ არა ლახუ̂ბა ი აჩა̈დხ ლა̈ჩი̄ჟა̄ლთე. ჭიტი ა̈გის აცუ̂ირხ.
Line of edition: 24 ჭიტი მა̄დ ადჷგა̈̄ნ ა̈გის ი სგა ლა̈ჰი̄დ მიჩა არა̄მ ლახუ̂ბას. ლახუ̂ბად
Line of edition: 25 ჭიტი მა̄დ ა̈დჴერნეხ ი სგა ლახბეხ ხოშა̄მ მეგა̈მს ი მინ აჩა̈დხ. ჭიტიდ
Line of edition: 26 ჟ'ა̈ნშგიბ მეგა̈მ ი სგა ლა̈ჰი̄დ მიჩა ლახუ̂ბას. ანჴა̈დხ ალჲა̈რ-ა̄, ლახუ̂ბა,
Line of edition: 27 ი სგა ლახბეხ ლექუ̂ე̄რი ში̄რა̈̄ლს ი მინ აჩა̈დხ. ჭიტიდ ჟ'ა̈ნკიდ ში̄რა̈̄ლ
Line of edition: 28 ი სგა̄დ ლა̈ჰი̄დ მიჩა ლახუ̂ბას. ალჲა̈რდ-ა̄, ლახუ̂ბად, ლაჲჭკუ̄რეხ, ერე
Line of edition: 29 "ჭიტ' ესერ ამჟი ლჷგა̈უ̂ (\\ ლჷჴმა̈შ) ლი ი ჟიუ̂ ესერ ა̈ხცუ̂ა̈̄ნხ მა̈გ".
Line of edition: 30 ალჲა̈რ-ა̄, ლახუ̂ბა, ჟ'ა̈ხცუ̂ა̈̄ნხ მა̈გ ჭიტის. ჭიტიდ ალჲა̈რ და̈̄უ̂თე̄სგა ადჲე.

Добавлено (2007-01-16, 12:58 Pm)
---------------------------------------------
და̈̄უ̂ს, ამის, ხორდა ჩხარა დი̄ნა. ეჯ ლე̄თ და̈̄უ̂ცახა̈ნ ასა̈დხ ი ლიჩი̄ჟუ̂
Line of edition: 32 ხა̈̄ქუ̂ხ. და̈̄უ̂დ ხა̈̄ქუ̂ ლახუ̂ბას, ერე "ბა̄ზ' ესერ ჩუუ̂ არდახ ი ღო
Line of edition: 33 მჷხა̈რ ესერ ჟი ესჩი̄ჟიხ". და̈̄უ̂დ ლახუ̂ბა ჩუ̂ადყუ̂ინა̄ლე აშხუდ ი მიჩა
Page of edition: 310 Line of edition: 1 დი̄ნა̈̄ლ სგა ლოხყუ̂ინა̄ლე გა̈ნხა̈ნჩუ. ალა̄, და̈̄უ̂ი, ჩუ̂ადყურდა. ამნემ-ა̄
Line of edition: 2 ჭიტიდ, მიჩა ლახუ̂ბა̈̄ უ̂ოსრა̈ლ და̈̄უ̂ა̈ დი̄ნა̈̄ლს ათქუ̂ა̄ლე ი დი̄ნა̄ლე კაბა̈რ.
Line of edition: 3 მიჩა ლახუ̂ბას ათქუ̂ა̄ლე. ისგლე̄თი უ̂ონაქა და̈̄უ̂დ ლახტუ̈̄ლ ჭიტის:
Line of edition: 4 -- იუ̂ჟ' ესერ მა̄ ჩუ? -- ჭიტიდ ლახტიხ, ერე
Line of edition: 5 -- მიჩა დიე ლაშუ̄ნშხუ̂ას ესერ ლაუ̂ჟა მა̄მა ლი. -- და̈̄უ̂დ მიჩა
Line of edition: 6 დის კინჩხ ახქუ̂იც დაშნაუ̂შ. ეჩუნღო აჯაღ ლახტუ̈̄ლ ჭიტის:
Line of edition: 7 -- იუ̂ჟ' ე̄სერ მა̄ ჩუ? -- ჭიტიდ ხა̈̄ქუ̂, ერე
Line of edition: 8 -- მიჩა ჟეღი ლა̈ჴშდას, მიჩა ჴანრე ლაფშუ̂ი̄ლს ი მიჩა ხეხუ̂მი
Line of edition: 9 ლა̈ჴუ̂შია̄ლს ესერ ლარდა მა̄მა ლი. -- და̈̄უ̂ ჟ'ანჷგა̈̄ნ ი დაშნაუ̂შ თხუმა̈რ
Line of edition: 10 ჟ'ახქუცუ̄რე ჩი̄. მე̄სმა̄მდ ლახტუ̈̄ლ და̈̄უ̂დ ჭიტის, მარე ჭიტიდ ჰერ
Line of edition: 11 მა̄მ ლახტიხ. და̈̄უ̂ ჟ'ანჷგა̈̄ნ ი ქა̄ჩა̈დ ჭიტი̄შ ი მიჩა ლახუ̂ბა̈̄ ლაყუ̂რათე.
Line of edition: 12 და̈̄უ̂დ ადსჷნჯუ̂ე ლაყუ̂რა ი ერუ̂ა̈̄ჲს კაბა̈რ ხა̈̄ქუდხ, ეჯჲა̈რს მა̄დ ახქუცუ̄რე
Line of edition: 13 კინჩხა̈რ ი ერუ̂ა̈̄ჲს უ̂ოსრა̈ლ ხა̈̄ქუდხ, ლახჭემ დაშნა̈ჲ ი თხუმა̈რ
Line of edition: 14 ჩი̄ ჟ'ახქუცუ̄რე. და̈̄უ̂ს ალჲა̈რ ჭიტი̄ ლახუ̂ბა ხოხალდა ი ჩუ მიჩა დი̄ნა̈̄ლ
Line of edition: 15 ლა̈̄სუ̂ხ.

Line of edition: 24 ამის-ა̄, და̈̄უ̂ს, თხუმჟი ოქუ̂რე ქოქუ̂ეჩ ხა̄გა̈ნ. ფა̈თუ̂დ მე̄უ̂არ ოხცხე.
Line of edition: 25 ჭიტი მიჩა ლახუ̂ბას ხასსგჷნდახ. ჭიტი̄ ლახუ̂ბად ხა̈̄ქუ̂ხ ხელწიფს, ერე
Line of edition: 26 "ჭიტის ესერ ოთფაშუ̂და და̈̄უ̂ა̈ ქოქჩა̈ ლიჴდე მიჩა̈შთე̄სგა". ხელწიფდ
Line of edition: 27 ა̈დჰერ ჭიტი მიჩა̈შთე ი ხა̈̄ქუ̂, ერე "და̈̄უ̂ა̈ ქოქუ̂ეჩ ესერ ამაუ̂უ ანჴიდ".
Line of edition: 28 ჟ'ა̈ნრექუ̂ა̈̄ნ ჭიტი მე̄რმა ნუკუ̂იშდ ი აჩა̈დ და̈̄უ̂ა̈ ქოქუ̂ეჩ ლა̈ჴდათე.
Line of edition: 29 და̈̄უ̂, ალა, ჩუ სგურ ი ილჭა̈̄ლ. სგა აჩა̈დ ლა̈ლჟირჲა̄ლოშ: "მიჩაუ̂ ესერ
Line of edition: 30 ცოდ ხა̄რ, ესუ̂ა̈̄ჲს ესერ ალა ხოყრე̄ნს მიჩოშდა̈ ი ხეფრება̈̄ლ და̈̄უ̂ს
Line of edition: 31 ჭიტი. და̈̄უ̂ს ჩუ ხაჯრაუ̂ა ი მაჴუ̂ა̄მს ხაყლე. ჭიტიდ ხა̈̄ქუ̂, ერე "ალა̄,
Line of edition: 32 ფა̈თუ̂ ესერ ხოლა ხა̄რ ი თჷრქა̈ტ ესერუ ოხჴიდ ი ღო ჟ'ესერ ა̈ფშუ̂დე".
Line of edition: 33 და̈̄უ̂დ ქო̄ხჴიდ თჷრქა̈ტ ი ჩუ̂ადშგურა̄ნე, ერე "ქოქუ̂ეჩ ესერ
Line of edition: 34 ნოსაუ̂ ახქუ̂იც". ა̈ფშუ̂დე ალა̄, ჭიტი, და̈̄უ̂ს. ჟი̄ ახქუ̂იც ქოქუ̂ეჩ ი
Line of edition: 35 ქა̄დსკინე ყო̄რქა. ლა̈ჲბუგუ̂ნე და̈̄უ̂დ თხუ̂იმ ი ქოქუ̂ეჩ დე̄სა ა̈ხბა̈გუ̂.
Line of edition: 36 ა̈თღუ̂ა̈ჭ და̈̄უ̂ ჭიტის ი უ̂ოდიმჩიქქა სგა ხეჰა, ნა̈ჴჩულა̈ ბოგქა ხა̄დხ
Line of edition: 37 ლე̄ზი. ჭიტი, ალა, ეშ ლა̈ხკიჰა̈̄ნ ამექა ი და̈̄უ̂ დეშ აჩა̈დ. ა̈გითე ლეტეხ
Line of edition: 38 ხა̄დ და̈̄უ̂ს.

Добавлено (2007-01-16, 1:00 Pm)
---------------------------------------------
ამნე̄მ-ა̄, ჭიტიდ, ქოქუ̂ეჩ ხელწიფს ოთჴიდ. ხელწიფს ეზა̈რდ ლახბაჟჷნ.
Line of edition: 2 ეჩუნღო მიჩა ლახუ̂ბად: "ჭიტის ესერ ხო̄ქუ̂ა, ერე და̈̄უ̂ა̈ ყო̄რს
Line of edition: 3 ესერ ამაუ̂ ჴიდე, ალას-ა̄, ჭიტის, ესერ ამჟი̄ნ ოთფაშუ̂და". ხელწიფდ
Line of edition: 4 ა̈ნჰერ ჭიტი ი ქო̄ხო̄მბუ̂ე ამჟი̄-ამჟი. ჭიტის ლახლო̄ნ ალა, მარე ეში̄
Line of edition: 5 მა̄მა ათყალუ̈̄ნდა ი აჩა̈დ და̈̄უ̂ა̈ ყო̄რ ლა̈ჴდათე. ადჰე და̈̄უ̂ა̈ ქორმჷყ.
Line of edition: 6 და̈̄უ̂, ალა, ჩუ სგურ ი ილჭა̈̄ლ. და̈̄უ̂ა̈ ყო̄რ ბერჟა̈შ ლა̈̄სუ̂. ამნე̄მ-ა,
Line of edition: 7 ჭიტიდ, გურნა ახფიშუ̂დ ყო̄რს ი ღჷ̄ლ ა̈ნკიდ. ახფიშუ̂დ აჯაღ ი ღჷ̄ლ
Line of edition: 8 ა̈ნკიდ. და̈̄უ̂დ ხა̈̄ქუ̂, ერე "ნუმუუ̂ ესერ ღჷ̄ლი. ადო ესერ იკედ ი ეჩ'
Line of edition: 9 ე̄სერ ხატყც' ე̄!" ჭიტიდ აჯაღ ახფიშუ̂დ (\\ ახფუ̈შდ) გურნა ი ღჷ̄ლ
Line of edition: 10 ა̈ნკიდ ყო̄რდ. და̈̄უ̂დ აჯაღ ხა̈̄ქუ̂, ერე "ნუმუუ̂ ესერ ღჷ̄ლი, ქ' ე̄სერ
Line of edition: 11 აკუ̂ა̄ნე!" ჭიტიდ აჯაღ ახფიშუ̂დ გურნა ყო̄რს ი ღჷ̄ლ ა̈ნკიდ. ჟი ლა̄პა̈რ
Line of edition: 12 ალა̄, და̈̄უ̂, ი ყო̄რ ეჩე ხაჴიდ-ე́, ჯა სგა̄ჩა̈დ ქორთე. ჭიტიდ ჟი
Line of edition: 13 ლა̈ჲცუ̂ე ყო̄რ ი ეშ ლახქარუ̂ე. ა̈ნსგიდა ალა̄, და̈̄უ̂, ქა ი ქა ხეწა̈დ
Line of edition: 14 ჭიტის. ალ ა̈თუ̂ა̈შგდჷნ და̈̄უ̂ს ი ათღუ̂ა̈ჭ, მარე დეშ ა̈ჰი̄დ ი ა̈გითე
Line of edition: 15 ლეტეხ ხა̄დ. ჭიტიდ ალა ხელწიფს ოთჴიდ. ხელწიფს ეზა̈რდ
Line of edition: 16 ლახბაჟჷნ.

Line of edition: 17 მე̄სმა̄მინ აჯაღჷდ ხა̈̄ქუ̂ხ ჭიტი̄ ლახუ̂ბად ხელწიფს: "ჭიტის ესერ
Line of edition: 18 ოთფაშუ̂და და̈̄უ̂ა̈ ამაუ̂ ლიჴდე". ხელწიფდ ა̈დჰერ ჭიტი ი ხა̈̄ქუ̂: "ამჟი̄-ამჟი
Line of edition: 19 ოთფაშუ̂და მიჩ ი და̈̄უ̂ა̈ ამაუ̂ ნაუ̂ჴი̄დ' ესერ მა̄მა ხა̄რ". ჭიტი
Line of edition: 20 ჟ'ა̈ნრექუ̂ა̈̄ნ მე̄რმა ნა̈ირდ ი აჩა̈დ და̈̄უ̂თე. სგა̄ჩა̈დ ალა̄, ჭიტი, და̈̄უ̂თე,
Line of edition: 21 ხელჟირიე̄ლ ი ხეფრება̈̄ლ ამის-ა̄, და̈̄უ̂ს, ი და̈̄უ̂ მაჴუ̂ა̄მს ხაყლე. ჭიტიდ
Line of edition: 22 ხა̈̄ქუ̂, ერე
Line of edition: 23 -- ჟიუ̂ ესერ ა̈ნშო̈მ, საბრა! -- და̈̄უ̂დ ხა̈̄ქუ̂:
Line of edition: 24 -- მა̈ჲ ესერ ახშუ̂ა̈მნი მიჩ? -- ჭიტიდ ხა̈̄ქუ̂, ერე
Line of edition: 25 -- მა̈ჲ ესერ ი კუბს ე̄სერ ოხტა̈̄ბნე, ჯ' ე̄სერ სგაუ̂ ადყურდა,
Line of edition: 26 ჯ' ე̄სერ ეჩის ჩუ̂ადლუსმი ი ეჩქ' ე̄სერ ჟა̈ნშო̈მნე. -- ალა ჩუ̂ა̈დჯჷრუ̂ე
Line of edition: 27 და̈̄უ̂დ.

Line of edition: 28 ჭიტიდ ჟ'ანტა̄ბე კუბ ი სგა̄დყუ̂ინე ეჩხა̄უ̂ და̈̄უ̂. დაშნა̈ჲ სგა ხოყუ̂რა.
Line of edition: 29 კუბ ჩუ̂ადლუსმე ჭიტიდ ი ხა̈̄ქუ̂ და̈̄უ̂ს: "ლა̈ჲზრინჴა̄ლეუ̂ ესერ ათხ' ა̄".
Line of edition: 30 და̈̄უ̂დ ლა̈ჲზრინჴა̄ლე ი კუბ ჟ'ა̈ნტყიც. მე̄რმაჟი̄ნ ჭიტიდ ბჷგიდ ადლუსმე

Добавлено (2007-01-16, 1:00 Pm)
---------------------------------------------
კუბ ი ხა̈̄ქუ̂ და̈̄უ̂ს: "ლა̈ჲზრინჴა̄ლეუ̂ ესერ ათხ' ა̄". და̈̄უ̂დ ლა̈ჲზრინჴა̄ლე
Line of edition: 32 ი დეშმა ჩუ̂ემინ. ლა̈ჲცუ̂ე ჭიტიდ კუბ ი ესღუ̂ა. და̈̄უ̂ გუდ
Line of edition: 33 აჴა̈დ, იტუ̈̄ლია̄ლ. ჭიტიდ ადჲე ხელწიფთე და̈̄უ̂.

Line of edition: 34 ხელწიფდ ქა̄ნგაცხდე, ერე "მჷხა̈რ ესერ და̈̄უ̂ს ფიშუ̂დეხ ი ჟიუ̂
Line of edition: 35 ა̈ნყუ̂აბა̈̄ნხ!" ხა̈ლხ ჟ'ა̈ნნა̈ზო̄რა̈̄ნ. და̈̄უ̂ ჟ'ანფუშდუ̄რეხ. ლა̈ჲცხუ̂ა̈პ ამნე̄მ-ა̄,
Line of edition: 36 და̈̄უ̂დ, დაშნა̈ჲ ი ხელწიფ ი ხა̈ლხ მა̈გ ჟ'ანხუ̂იტ. ჭიტი ჟიბე პილჲა̈
Line of edition: 37 არტაჟაისგა არდა. ღუ̂ეშგინპილს და̈̄უ̂დ ჩუ̂ესწუ̂ე̄ნე ჭიტი ი ლახუ̂ტუ̈̄ლ:

Page of edition: 312
Line of edition: 1 -- იმხა̈ნ ესერ ლი ეჩხა̄უ̂ ლა̄ზ? -- ჭიტიდ ხა̈̄ქუ̂, ერე
Line of edition: 2 -- ეჩ' ე̄სერ ხოშა ზექრა ლჷგ, ეჩის ესერ ჟიუ̂ ახბიდნე, ეჩუნღო
Line of edition: 3 ესერ სგაუ̂ ადსკინე მჷლა̈მთე̄სგა ი ჟ'ესერ ა̈ნჴდენი ამაუ̂.

Line of edition: 4 და̈̄უ̂დ ჟ'ახბიდნე ზექრას ი მაშე̄ნა̄მ მჷლა̈მთე̄სგა სგა̄დსკინე. ალა̄,
Line of edition: 5 და̈̄უ̂, ჩუ̂ა̈დშიხა̈̄ნ. ხელწიფი ლა̈ზგა ი მაღუ̂ა̈̄ნ მა̈გ ჭიტის ესსა̈დ. ხოჩა
Line of edition: 6 ლირდე̄-ლიზგე ა̈დჴიდ ი ლჷმზჷრე̄უ̂ ხი.

Добавлено (2007-01-16, 1:01 Pm)
---------------------------------------------
Text: 138
Page of edition: 312
Line of edition: 7
138. ჭიტი-კუ̂ა̄ბო̄ლ

Line of edition: 8 ლჷმზჷრე̄უ̂ ხიშდ ი ჭიტი-კუ̂ა̄ბო̄ლ. ჭიტი-კუ̂ა̄ბო̄ლ ღა̈რიბ მა̄რე
Line of edition: 9 ლა̈სუ̂ ი ეშხუ დაჴჷლ გარ ხორდა. აშხუ̂ინ ადრეკლე დაჴჷლ ლალდა̈ღთე
Line of edition: 10 ი ნა̈ბუზს ა̈გითე დე̄სა ოხჴა̈დ. აჩა̈დ ჭიტი-კუ̂ა̄ბო̄ლ ლათხე̄ლთე
Line of edition: 11 ი სგა ლახხუ̂ი̄დ თხე̄რე. თხე̄რა ლა̈ხჭუ̂ედდა: "დაჴჷლ ესერ ხოწუ̂ა ესა̄?"
Line of edition: 12 თხე̄რემ ხა̈̄ქუ̂: "დე̄სა ესერ ხოწუ̂ა". ჭიტი-კუ̂ა̄ბო̄ლდ ხა̈̄ქუ̂: "ჲაღო ესერ
Line of edition: 13 ჩუუ̂ ა̈დნაბნა̈̄ნ". თხე̄რე ჩუ̂ა̈დნაბნა̈̄ნ: "ენჩა̈ჲ-გენჩა̈ჲ ესერ". ჭიტი-კუ̂ა̄ბო̄ლდ
Line of edition: 14 მა̄დ ოთჯჷრუ̂ე ი ხა̈̄ქუ̂: "ჲაღო ესერ ჩუუ̂ ესკრიჭა̄ლე". თხე̄რემ
Line of edition: 15 ჩუ̂ესკრიჭა̄ლე ი ლესგ-ლჷმჴერ შდჷქა̈რჟი ხეცხტა̈̄ნ. ჭიტი-კუ̂ა̄ბო̄ლ ჟ'ათსგურდა
Line of edition: 16 ი ხა̈̄ქუ̂: "ჩუ ესერ ა̈ყმე". თხე̄რემ ხა̈̄ქუ̂: "ნუმაუ̂ ესერ ადყიმე,
Line of edition: 17 ი მიჩა დაჴჷლ ესერ ეშხუ ლჷმა̈̄რ ი ჯ' ე̄სერ ჲარუ̂ ლაჰო̈დნე". ჭიტი-კუ̂ა̄ბო̄ლდ
Line of edition: 18 ხა̈̄ქუ̂: "ჲერუ ესერ მა̄დ ხაკუ". თხე̄რემ ხა̈̄ქუ̂: "სამ ესერ ლაჰო̈დნე".
Line of edition: 19 -- "სემ' ესერი მა̄დ ხაკუ". -- "უ̂ოშთხუ̂ს ესერ ლაჰო̈დნე"."უ̂ო̄შთხუ̂
Line of edition: 20 ესერი მა̄დ ხაკუ". -- "უ̂ოხუ̂იშდს ესერ ლაჰო̈დნე". -- "ჲაღო ესერ

Добавлено (2007-01-16, 1:01 Pm)
---------------------------------------------
ქაუ̂ ლახუ̂ე̄მ უ̂ოხუ̂იშდ დაჴჷლ", ი ჭიტი-კუ̂ა̄ბო̄ლ ჟ'ოხქა̈ხ. თხე̄რემ ქა
Line of edition: 22 ლახუ̂ე̄მ უ̂ოხუ̂იშდ დაჴჷლ. ჭიტი-კუ̂ა̄ბო̄ლდ ა̈გითე ანჴიდ.

Line of edition: 23 მეზუ̂ბელა̈რს ლახშო̄ნდახ ჭიტი-კუ̂ა̄ბო̄ლა̈შდ აშხუ̂ დაჴჷლისგა უ̂ოხუ̂იშდ
Line of edition: 24 დაჴჷლ ი ლიცუ̂ა̈̄ლ ლოხბინეხ. ჭიტი-კუ̂ა̄ბო̄ლდ ხა̈̄ქუ̂: "მინდ ესერი
Line of edition: 25 ქაუ̂ ადრეკლეხ დაჴა̈რ ი ამზუმშუ̂ ხოშა ესერ ლა̈ხტეხნიხ". მეზუ̂ბელა̈რდ
Line of edition: 26 ქა̄დრეკლეხ დაჴა̈რ ი თხე̄რა̈̄ლდ ჩუ ლალე̄მხ. მეზუ̂ბელა̈რ ჟ'ა̈ნხირნა̈̄ნხ.
Line of edition: 27 ჭიტი-კუ̂ა̄ბო̄ლა̈შთე ი ლიცუ̂ა̈̄ლ ოხბინეხ. ჭიტი-კუ̂ა̄ბო̄ლდ ხა̈̄ქუ̂: "მიჩ ესერ
Line of edition: 28 ყო̄რჟი ნოსაუ̂ ლახსგენე̄ნახ". მეზუ̂ბელა̈რდ რა̈̄ქუ̂ხ: "ალა ესერ მირე̄ს
Line of edition: 29 ხაუ̂შგედ მაშე̄ნე" ი სგა ლა̈ხსგა̈̄რხ ყო̄რჟი. მე̄რმა ლადეღ ჭიტი-კუ̂ა̄ბო̄ლდ
Line of edition: 30 ჟ'ა̈ნყუ̂აბე ქა̄მოუ̂-ნალა̄ზუ̂ ი სგე̄სდე გუდრათე ი აჩა̈დ. აჩა̈დ ი
Line of edition: 31 ხა̈მი ჯო̈გს ა̈თლაკ. ამჩუ გუდრას ლოხძგირნე გა̈ჩ ი ქა̄მოუ̂-ნალა̄ზუ̂
Line of edition: 32 ქა̄მენჩუ ანჴა̈დ. ხამა̈რს ქუ̂ინ ლახჴანდახ ი მა̈გ ჭიტი-კუ̂ა̄ბო̄ლს ლა̈ხჭა̈მხ.
Line of edition: 33 ჭიტი-კუ̂ა̄ბო̄ლ ლოხჟოღ (\\ ლოხჟო̈ღ) ხამა̈რს ი მა̈გ ეშ ლახქარუ̂ე
Line of edition: 34 ა̈გითე.

Page of edition: 313
Line of edition: 1 მეზუ̂ბელა̈რს ლახშო̄ნხ ჭიტი-კუ̂ა̄ბო̄ლა̈შდ ი ლიცუ̂ა̈̄ლ ოხბინეხ.
Line of edition: 2 ჭიტი-კუ̂ა̄ბო̄ლდ ხა̈̄ქუ̂: "მინდ ესერი ამჟიუ̂ ჩუ̂ემინხ ი სგა̈ჲი ქა ლა̈ჯცა̈̄დნეხ
Line of edition: 3 ხამა̈რს". მეზუ̂ბელა̈რდ ჟ'ანყუ̂აბეხ ქა̄მოუ̂-ნალა̄ზუ̂ გუდრა̈̄ლთე,
Line of edition: 4 ჟი ლა̈ჲცუ̂ეხ ი აჩა̈დხ. ამე ხაყლეხ ჩი̄, ერე "ქა̄მოუ̂-ნალა̄ზუ̂ღ' ე̄სერ
Line of edition: 5 ხამა̈რუ ლოხცა̈̄დხ". მარე ჩიემ ლა̄ცუ̂დ ა̈ნკიდხ ი ხამა̈რ და̈̄რდ ლოხცა̈̄დხ.
Line of edition: 6 ანჴა̈დხ ა̈გითე ი ხოშა̄დი ლიცუ̂ა̈̄ლ ათხე ლოხბინეხ
Line of edition: 7 ჭიტიკუ̂ა̄ბო̄ლს.

Line of edition: 8 ჭიტი-კუ̂ა̄ბო̄ლდ ხა̈̄ქუ̂, ერე "მიჩოშდ ესერ ხორეუ̂ ნოსაუ̂ ოთშიხახ!"
Line of edition: 9 მეზუ̂ბელა̈რდ ჩოთშიხხ ხორეუ̂. მე̄რმა ლადეღ ჭიტი-კუ̂ა̄ბო̄ლდ ლა̈ჲნა̈ზო̄რე
Line of edition: 10 შიხ გუდრათე ი აჩა̈დ კე̄სა̈რშე̄რთე. კე̄სა̈რშე̄რმჷყ გუდრა ჟ'ოთრეკ.

Добавлено (2007-01-16, 1:02 Pm)
---------------------------------------------
ეჯ ლე̄თ კე̄სა̈რშე̄რმჷყ ასა̈დ. ისგლე̄თი უ̂ონაქა ჟ'ანჷგა̈̄ნ უფგოშ,
Line of edition: 12 ჟ'ა̈ნკიდ გუდრა, ჩუ̂ადჲე ჭალა̈ჲთე ი სგა̄შიდ ჭალა̈ჲთე̄სგა. ჟ'ანტა̈ხ
Line of edition: 13 აჯაღ უფგოშ ი გუდრა ჟ'ოთრეკ. მე̄რმა ლადეღ ანწუ̂ე̄ნე გუდრა ი
Line of edition: 14 ჰა̈რი ესხუ̂ი̄დ. ჭიტი-კუ̂ა̄ბო̄ლდ ხოლა მიჰმა̈ნ ა̈დბინე. კე̄სა̈რდ ხა̈̄ქუ̂:
Line of edition: 15 "იმღა ესერ ხა̄რ?" ჭიტი-კუ̂ა̄ბო̄ლდ ხა̈̄ქუ̂: "იმღა ესერ ი ეშხუ გუდრა
Line of edition: 16 უ̂ოქუ̂რ ესერ ხაღუ̂ე̄ნა ი ლე̄თ' ესერ ჟი ერე̄ს ოხკი̄და. კე̄სა̈რდ ხა̈̄ქუ̂:
Line of edition: 17 "მიჩა ხა̈ზინა̈ჲსგა ჟიუ̂ ანგუ̂ეშლე გუდრა უ̂ოქრშუ̂ ი ადჲეუ̂". ჭიტი-კუ̂ა̄ბო̄ლდ
Line of edition: 18 ჟ'ანგუ̂ეშლე გუდრა უ̂ოქრშუ̂ ი ადჲე ა̈გითე.

Line of edition: 19 მიჩა მეზუ̂ბელა̈რს ლახთხამჷნხ. ჭიტი-კუ̂ა̄ბო̄ლდ ხა̈̄ქუ̂: "მინდ ესერი
Line of edition: 20 ამჟიუ̂ ჩუ̂ემინხ". მეზუ̂ბელა̈რდ ჩუ̂ა̈შიხხ მინე ხორუ̂ა̈ლ ი შიხ ლაცა̈̄დდ
Line of edition: 21 ადჲეხ. ლაცა̈̄დს ტუ̄ლიხ: "შიხღა უ̂ოქრუ ლოხცა̈̄დხ, შიხღა უ̂ოქრუ
Line of edition: 22 ლოხცა̈̄დხ!" მარე შიხღა უ̂ოქრს ჲა̈რ ლოხცა̈̄დნა? მა̈გ ხატყა̈ცდახ ი
Line of edition: 23 ა̈გითე ლეჴედ (\\ ლეტეხ) ხა̄დხ. ჭიტი-კუ̂ა̄ბო̄ლს ლიცუ̂ა̈̄ლ ლოხბინეხ.
Line of edition: 24 ჭიტი-კუ̂ა̄ბო̄ლდ ხა̈̄ქუ̂, ერე "მიჩოშდ ესერ ხეხუ̂ ნოსაუ̂ ოთდაგრახ-ი!"
Line of edition: 25 მეზუ̂ბელა̈რდ ჩოთდაგა̈რხ ხეხუ̂. ჭიტი-კუ̂ა̄ბო̄ლდ ლა̈ჲცუ̂ე ლჷდგა̈რ ხეხუ̂
Line of edition: 26 ი ადჲე. აშხუ̂ ბოგჟი ხეხუ̂ს კაპა̈რ ლოხგა̄ლე ი ჯა ჟ'აჩა̈დ კე̄სა̈რშე̄რთე.
Line of edition: 27 კე̄სა̈რ ლა̈ხჭუ̂ედდა: "ხონჴრ' ე̄სერ ჲა̈რჷ̄?" ჭიტი-კუ̂ა̄ბო̄ლდ ხა̈̄ქუ̂: "მიჩა
Line of edition: 28 ხეხუ̂ ესერ ხონჴრი, მარე ესერ ლუშგუ̂ირ ლი ი ჟ'ესერ მა̄დ ა̈მჴედ".
Line of edition: 29 კე̄სა̈რდ ხა̈̄ქუ̂, ერე "ჟიუ̂ ესერ ა̈ნჴერნეხ" ი ჩუ̂ადზჷზე მა̄რა̈̄ლ. მა̄რა̈̄ლ
Line of edition: 30 ხეგჷნგა̈̄ჩჲე̄ლხ, მარე დეშიმის ხასმინეხ. აშხუ̂ მა̄რემ ქო̄ხქიფ კა̈პ ი ზურა̄ლ
Line of edition: 31 სგა̄შყა̈დ ჭალა̈ჲთე̄სგა. ჟ'ანჴა̈დხ კე̄სა̈რშე̄რთე. კე̄სა̈რ ლა̈ხჭუ̂ედდა:
Line of edition: 32 "ოხჴერნახ ესერ მა̄? მა̄რა̈̄ლდ ხა̈̄ქუ̂ხ, ერე "ჰერ ესერ მა̄მ ლოხტი̄ხა,
Line of edition: 33 კა̈პ ესერ ქო̄ხქი̄ფახ ი სგ' ე̄სერ ა̈მშყედ ჭალა̈ჲთე̄სგა". ჭიტი-კუ̂ა̄ბო̄ლდ
Line of edition: 34 ლიტფუ̄რა̈̄ლ ა̈დბინე: "ჰამ' ე̄სერ ოთყიმახ ხეხუ̂ მიჩოშდ?" კე̄სა̈რდ ხა̈̄ქუ̂:
Line of edition: 35 "ამღა ესერ ნომაუ̂ იტფუ̄რა̈̄ლ, მიჩ ესერ სემი დი̄ნა ხორი ლეწუ̂ი̄ლე
Line of edition: 36 ი ეშ ესერ ახთიშუ̂ნი მაჩე̄ნა̄მ". ჭიტი-კუ̂ა̄ბო̄ლდ ჩუ̂აქუ̂იც ლიტფუ̄რა̈̄ლ
Line of edition: 37 ი კე̄სა̈რდ ქა̄ხთიშუ̂ნე დი̄ნა.

Добавлено (2007-01-16, 1:02 Pm)
---------------------------------------------
ჭიტი-კუ̂ა̄ბო̄ლდ ხა̈̄ქუ̂ (მეზუ̂ბელა̈რს), ერე "მინდ ესერი ჩუუ̂ ადგა̈რხ
Line of edition: 2 ლა̈ხხუ̂ა ი ხოჩა̈̄ლს ესერ ა̈ნცა̈̄დნეხ ლჷდგარუღა". მეზუ̂ბელა̈რდ ჩუ̂ადგა̈რხ
Line of edition: 3 ლა̈ხხუ̂ა ი ადჲეხ ლაცა̈̄დთე. ამე ტუ̄ლიხ, ერე "ლჷდგა̈რღა ესერ
Line of edition: 4 ლჷჲა̈რუ ლოხცა̈დხ". მარე ლჷჲა̈რ და̈̄რდ ლოხცა̈̄დხ ი ა̈გითე ლეტეხ
Line of edition: 5 ხა̄დხ.

Line of edition: 6 ჭიტი-კუ̂ა̄ბო̄ლდ ხოჩა ლირდე̄-ლიზგე ა̈დჴიდ ი ლჷმზჷრე̄უ̂ ხი.

Добавлено (2007-01-16, 1:03 Pm)
---------------------------------------------
Text: 139
Page of edition: 314
Line of edition: 7
139. ტჷტა̈̄რ გჲერგი̄ლ

Line of edition: 8 ლჷმზჷრე̄უ̂ ხი ი ტჷტა̈̄რ გჲერგი̄ლ. გჲერგი̄ლ, ალა, ღა̈რიბ
Line of edition: 9 მა̄რე ლა̈სუ̂. ქა ხეჭო̄ნა̈̄ნ ნაგუ̂ე̄დი̄ლს ი ღომრა̈ აშხლი̄დჟი ჩუ̂აყუ̂რა. ამის
Line of edition: 10 ხორდა სემი ლჷგრი̄ლ. აშხუ̂ ლადეღ ანჴა̈დ მა̄ლ ი ხა̈̄ქუ̂ გჲერგი̄ლს:
Line of edition: 11 "უ̂ოუ̂ ესერ გჲერგი̄ლ! ეშხუ ლჷგრი̄ლ ქა̈̄მიკუ̂რ, ღო ქა ჯა̈ჩი̄ჟე".
Line of edition: 12 გჲერგი̄ლდ ქო̄ხკუ̂ა̈რ ეშხუ ლჷგრე. მე̄რმაჟი̄ნ აჯაღ ანტა̈ხ მა̄ლ ი ლახტუ̈̄ლ:
Line of edition: 13 "ეშხუ ლჷგრი̄ლ ქა̄დ ა̈მიკუ̂რ ი ღო ქა ჯა̈ჩი̄ჟე". გჲერგი̄ლდ
Line of edition: 14 ქა̄დ ოხკუ̂ა̈რ ლჷგრი̄ლ. ა̈მე̄სმე ქა̄დ ა̈მიკუ̂რ, ღო ქა ჯა̈ჩი̄ჟე". გჲერგი̄ლდ
Line of edition: 15 ქა̄დ ოხკუ̂ა̈რ მე̄სმე. მა̄ლ აჩა̈დ კე̄სა̈რშე̄რთე ი ხა̈̄ქუ̂ კე̄სა̈რშე̄რ:
Line of edition: 16 -- ფუსდ კე̄სა̈რ, სი ჯეშგდი, ეჩჟი ლეჩჟჷ̄რი ჯითხ. -- კე̄სა̈რდ
Line of edition: 17 ხა̈̄ქუ̂:
Line of edition: 18 -- ჲა̈რ ლი ღო ეჯკა̈ლიბ მა̄რე? -- მა̄ლდ ხა̈̄ქუ̂:
Line of edition: 19 -- ჲა̈რ ლი ი ხოჩა სატეუ̂ა̈რ გჲერგი̄ლ, ეჯგუ̂ა̈ჲ ჩუ მა̄მ' ა̈̄რი
Line of edition: 20 (ეჯა მა̄დ ლა̈ჲკუ̂იშ-ე̄, გჲერგი̄ლს ტჷტა̈̄რს ხაყლახ). კე̄სა̈რდ ხა̈̄ქუ̂:
Line of edition: 21 -- ა̈ხჴერინ ღენა̄ ი ქა ლაჯჰო̈დნე დი̄ნას. -- მა̄ლ ანტა̈ხ გჲერგი̄ლა̈შთე
Line of edition: 22 ი ქო̄ხო̄მბუ̂ე. აშხუ̂ ლადეღ მა̄ლდ ხა̈̄ქუ̂ გჲერგი̄ლს:
Line of edition: 23 -- აღე ჲაღო, ლა̈ჩი̄ჟა̄ლთე ჯინჴრინე. -- ანჷგა̈̄ნხ ი აჩა̈დხ ლა̈ჩი̄ჟა̄ლთე.
Line of edition: 24 აშხუ̂ ბოგჟი მა̄ლდ ხა̈̄ქუ̂ გჲერგი̄ლს:
Line of edition: 25 -- სი ჟ'ა̈მღე̄ლა̈უ̂ (\\ ჟ'ემღე̄ლა̈უ̂) ამჩუ, მი ჟი ღური კე̄სა̈რშე̄რთე.

Line of edition: 26 გჲერგი̄ლ ჩუ̂ესჷ̄გა̈̄ნ ბოგჟი̄ნ. მა̄ლ ჟ'აჩა̈დ კე̄სა̈რშე̄რთე ი ხა̈̄ქუ̂
Line of edition: 27 კე̄სა̈რს:
Line of edition: 28 -- გჲერგი̄ლ ი მიჩა ქუ̂ერწილ-მა̄რე ამყა̈̄დ, ბოგ ჩუ̂ა̈ნძგუ̂ა̈ბ ი მა̈გ
Line of edition: 29 ჩუ̂ა̈დყიმა̄ლა̈̄ნხ, გჲერგი̄ლა̈შჷნქა. ხიადუ̄ლ ეჯა, მა̈ჲ ლამარგ მა̄რე ლი!
Line of edition: 30 ეჩჷნქა და̈̄რ მოშ ანტა̈ხ ქა, ეჯა ქა̄ნტა̈ხ, მარე ტიტო̈ლ (\\ ლუტტო̈ლე),

Line of edition: 18 მე̄რმა ლადეღ ზურა̄ლ ქა ლახუ̂ე̄მხ. ანჴა̈დხ გჲერგი̄ლ ი მიჩა ქუ̂ერწლა̈რ.
Line of edition: 19 შუკუ̂ჟი გჲერგი̄ლ ხაყლა მა̄ლს:
Line of edition: 20 -- იმთე ოთხუ̂ია ათხე ზურა̄ლ ი ქუ̂ერწლა̈რ? -- მა̄ლდ ხა̈̄ქუ̂:
Line of edition: 21 -- ნუმაუ̂ ესერ ღედ ხა̄რ! -- მა̄ლდ ქო̄თქა̈̄ბ ქუ̂ერწლა̈რს. აჩა̈დ მა̄ლ
Line of edition: 22 ი სგა ლახხუ̂ი̄დ მეჯო̈გ. მა̄ლდ ხა̈̄ქუ̂ მეჯო̈გს:
Line of edition: 23 -- ა, ხოლა სი, ხოწად ისგუ̂ა თხუ̂იმს! კე̄სა̈რ ი მიჩა ლაშგა̈რ
Line of edition: 24 ანღრიხ, ჲელჲა̈-მჷლა̈მ სგუ̂ებინ ხოჟო̈ღხ ი ჩი̄ ა̈შხიხ ი ა̈გჷრმა̈უ̂იხ.
Line of edition: 25 სი ღჷრდ ი მი ჟ'ეჯჷლდეღი ჯო̈გს. -- მეჯო̈გდ ჩოთჯჷრუ̂ე ი აჩა̈დ.
Line of edition: 26 მა̄ლდ ლა̈ჲრეკლე ჯო̈გ ი ადჲე.

Line of edition: 27 ესღრი, ესღრი ი აჯაღ ა̈თლაკ მეჯო̈გს ი ხა̈̄ქუ̂:
Line of edition: 28 -- ა, ხოლა მეჯო̈გ, ხოწად ისგუ̂ა თხუ̂იმს! კე̄სა̈რ ი მიჩა ქუ̂ერწლა̈რ
Line of edition: 29 ანღრიხ, ჲელჲა̈-მჷლა̈მ სგუ̂ებინ ხოჟო̈ღხ ი ჩი̄ ა̈შხიხ ი ა̈გჷრმა̈უ̂იხ.
Line of edition: 30 სი ღჷრდ ი მი ჟ'ეჯჷლდეღი. -- მეჯო̈გდ ჩოთჯჷრუ̂ე. მა̄ლდ ლა̈ჲრეკლე
Line of edition: 31 ჯო̈გ ი ადჲე.

Line of edition: 32 ადჲე ჯო̈გ ი და̈̄უ̂ა̈ ჰა̄ზუ̂თე̄სგა სგა̄დჲე. და̈̄უ̂ა̈ ქორ ლა̈სუ̂ ბერჟა̈შ ი
Line of edition: 33 ჰა̄ზუ̂ი ბერჟა̈შ ხეცხა̈პ. და̈̄უ̂ს ხა̈̄ქუ̂:
Line of edition: 34 -- ა, ხოლა და̈̄უ̂, ხოწად ისგუ̂ა თხუ̂იმს, ადო კე̄სა̈რ ი მიჩა ლაშგა̈რ
Line of edition: 35 ანღრიხ ი ჩი̄ ა̈შხიხ ი ა̈გჷრმა̈უ̂იხ. -- და̈̄უ̂დ ხა̈̄ქუ̂:

Добавлено (2007-01-16, 1:04 Pm)
---------------------------------------------
-- მა̈ჲ ჩუ̂ემინა? -- მა̄ლდ ხა̈̄ქუ̂:
Line of edition: 37 -- მა̈ჲ ი სი ხოშა ხორეუ̂ ჯი̄გ, ამი კაცხა̈რთე̄სგა ადერ, მი ჟ'ოხბიდნი
Line of edition: 38 ი მჷლა̈მთე̄სგა დეშ ეჯწუ̂ე̄ნიხ. -- და̈̄უ̂ სგა̄ჩა̈დ ხორეუ̂თე̄სგა ი
Page of edition: 316 Line of edition: 1 მა̄ლდ ჟ'ახბიდნე ი და̈̄უ̂ ჩუ̂ა̈დშიხა̈̄ნ. ლა̄პა̈რ მა̄ლ ი სგა̄დ ლახხუ̂ი̄დ კე̄სა̈რს
Line of edition: 2 ი მიჩა ქუ̂ერწლა̈რს ი სგა ლოხჟოღ და̈̄უ̂ა̈ ქორთე̄სგა. ქორთე̄სგა
Line of edition: 3 ერ სგა̄ჩა̈დხ, ეჩქა გჲერგი̄ლ ათე̄უ̂რა̈̄ლდა. კე̄სა̈რდ რა̈̄ქუ̂:
Line of edition: 4 -- იმ ათე̄უ̂რა̈̄ლი ალა̄, ნიშგუ̂ეჲ ჩი̄ჟე? -- მა̄ლდ ხა̈̄ქუ̂ კე̄სა̈რს:
Line of edition: 5 -- იმ ი მა̈გუ̂ნა̈ბუ̂ა̈̄რ ლი, ლუსუ̂ემ ესერ დო̄სა ახშყედე̄ნს.

Line of edition: 6 მე̄რმა ლადეღ კე̄სა̈რ ი მიჩა ქუ̂ერწლა̈რ აჩა̈დხ ი გჲერგი̄ლ ჩუ̂აცუ̂ირხ
Line of edition: 7 ლჷხა̈ხუ̂დ.

Line of edition: 8 მა̄ლ ჩუ̂ა̈დმეჩა̈̄ნ ი ხა̈̄ქუ̂ გჲერგი̄ლს:
Line of edition: 9 -- ჩუ ლახ ა̈თუ̂მეჩი, იმ მა̈ჩო? -- გჲერგი̄ლდ ხა̈̄ქუ̂:
Line of edition: 10 -- წირხს ა̈ჯთილე ი ჭალა̈ჲთე ა̈ჯთირნი. -- აჯაღ ხა̈̄ქუ̂ მა̄ლდ:
Line of edition: 11 -- იმ ესერ ხა̈ჩოჲ? -- გჲერგი̄ლდ ხა̈̄ქუ̂:
Line of edition: 12 -- იმ ი ჭალა̈ჲთე ა̈ჯთირნი. -- მა̄ლ ჟ'ა̈ნხირნა̈̄ნ, აჩა̈დ კე̄სა̈რთე ი
Line of edition: 13 ქო̄ხო̄მბუ̂ე გჲერგი̄ლა̈ ხოლა ლიმა̄რუ̂.

Line of edition: 14 კე̄სა̈რდ ზურა̄ლ ქა̄თტიხუ̂ნე ი ხოლა ლირდე-ჲ ლიზგე ა̈დჴიდხ ი
Line of edition: 15 ლჷმზჷრე̄უ̂ ხი.

Добавлено (2007-01-16, 1:05 Pm)
---------------------------------------------
Text: 140
Page of edition: 316
Line of edition: 16
140. გიერგ სა̄ლტუ̂ა̄ნ

Line of edition: 17 ლჷმზჷრე̄უ̂ ხიშდ ი ამჩუ არდა ტჷტა̈̄რ გიე̄რგ. ალას ხორდა ეშხუ
Line of edition: 18 ქათლა̈̄დ, ამჷნქა ხაწუ̂ა-ჲ ხა̈ბდაუ̂ა დე̄სამა. ამი̄ ლჷგრილა̈რს ხორი ი
Line of edition: 19 ეჩჷნქა ლეზუ̂ები̄ დე̄სამა ხუღუ̂ე. ქა̄მენქა ქა ხაჭო̄ნა ნაგუ̂ე̄დი̄ლ ი ჰამა̈
Line of edition: 20 ტჷტს ჰამს იფთუ̂ი, ნა̈ბზუ̂ა̈შს-ნა̈ბოზს ი ა̈რ' ამჟი.

Line of edition: 21 აშხუ̂ინ ლა̈ხმუშგუ̂რა̈̄ნ მა̄ლ ი ხა̈̄ქუ̂:
Line of edition: 22 -- გიე̄რგ, ქათლა̈̄დ ჩუ̂ა̈მიძჰ ი ღო ქა ჯა̈ჩი̄ჟე. -- გიე̄რგდ ხა̈̄ქუ̂:
Line of edition: 23 -- ო̄, ჲაღო, ეჩას ს' ა̈ჯძიჰნე-ჲ ღო მი სი ჯესგდინი?!

Line of edition: 24 მა̄მ ოთძიჰ ქათლა̈̄დ ი მა̄ლდი̄ ჟ'ესჭუ̂ე̄ნ ი აჩა̈დ. მე̄რმა ლე̄თ სგა̄დ
Line of edition: 25 ლა̈ხტა̈ხ ი ხა̈̄ქუ̂:
Line of edition: 26 -- ე̄, გიე̄რგ, ქათლა̈̄დ ჩუ̂ა̈მიძჰ, ღო ქა ჯა̈ჩი̄ჟე ფარსაგ ა̈გითე.

Line of edition: 27 გიე̄რგდ ხა̈̄ქუ̂:
Line of edition: 28 -- ეჯჟი̄უ̂ ლაჯშედა მიშგუ̂ი ლა̈მზჷრ-ე́, დო̄მთე ლეჩი̄ჟედ მაყა ი
Line of edition: 29 დო̄მთე მა მა̈ჩი̄ჟე!

Line of edition: 30 მა̄მ ოთძიჰ ი ქა̄დ ესჭუ̂ე̄ნ მა̄ლდ. მე̄სმა ლე̄თ სგა̄დ ლა̄ხტა̈ხ ი ამჟი̄დ
Line of edition: 31 ხა̈̄ქუ̂:
Line of edition: 32 -- გიე̄რგ, ქათალ ჩუ̂ა̈მიძჰ, ღო მი ქა̄ჯჩი̄ჟნე ხოჩა̄მ ა̈გითე, ჰემმა
Line of edition: 33 ჯეშგდი. -- გიე̄რგდ ხა̈̄ქუ̂:
Line of edition: 34 -- ე̄, ჲაღუ̂ ა̄ლას ჩუ̂ა̈ჯძიჰნე, მარე მი მამგუ̂ეშ ემსედნი.

Page of edition: 317
Line of edition: 1 ჩუ̂ოთძიჰ სერ მა̄ლს ქათლა̈̄დ ი ჟ'ოხტყაბე ი ჩუ ხა̄მნე. ანჷ̄გა̈ნ მა̄ლ
Line of edition: 2 ი ათა̄გა̈ნ შუკუ̂ს ი ესღრი. სგა ლა̈ხჴა̈დჷ̄ნ კე̄სა̈რშე̄რთე̄სგა. კე̄სა̈რდ
Line of edition: 3 მე̄უ̂არ ა̈დხი̄დე ი სგო̄თჟოღდახ ქორთე-ჲ ჩუ სგურხ მა̄ლ ი კე̄სა̈რ ი
Line of edition: 4 ა̈დბინეხ ლი̄მბუ̂ა̈̄ლ. მა̄ლდ ოხო̄მბუ̂ე:
Line of edition: 5 -- ე̄, კე̄სა̈რ, მა̈ჲ ეზა̈რ მა̄რე მაყა ლეჩი̄ჟად ი დი̄ნა ლაშგომთე
Line of edition: 6 ოღუ̂ე. -- კე̄სა̈რ ლა̈ხჭუ̂ედდა:
Line of edition: 7 -- ჲა̈რ მა̄რე ლი ღო?
Line of edition: 8 -- ე̄, მა̄რე ხამა მო̄დ ი̄რი, ეჩჷნ ხოჩა მა̄რე დეცლჷფარჩუქუ̂ა̄ნ
Line of edition: 9 მა̄მ' ა̈̄რი. ჟახად გიე̄რგ ხაჟხა ი გუ̂ა̈რ სა̄ლტუ̂ა̄ნ ხა̄რ.

Line of edition: 10 ლახ ამჟი, კე̄სა̈რ თანახმას ოხჴა̈დ. ჩუ̂ადნიშნე მაჰუ̂რე̄ნე დი̄ნაგეზალ
Line of edition: 11

Добавлено (2007-01-16, 1:06 Pm)
---------------------------------------------
ი კე̄სა̈რს ხა̈̄ქუ̂ მა̄ლდ:
Line of edition: 12 -- ჲაღო, ნაგზა ლადაღუ̂ ა̈ნტუ̂ხენიდ, ეჩქა ლჷმა̄რად ენხუ̂იდ. ნა̈ჲ
Line of edition: 13 ჟ'ა̈ნტუ̂ხენიდ, ქა ლოსგდიდ ალ ზაგა̈რთეჟი, ეჩქა ზაგა̈რჟი ლითოფს
Line of edition: 14 ა̈თუ̂ბინიდ. ლახ ლითოფ მო̄მ ლაჯსჷმდე̄დხ, ეჩქა ღო თუ̂ეფი კუ̂ა̈მს ეში̄
Line of edition: 15 ლახუ̂ე̄მდ გუ̂ი.

Line of edition: 16 ამჟი ჩუ̂ა̈დყულუ̄რა̈̄ნხ კე̄სა̈რ ი მა̄ლ. მა̄ლ უ̂ეშგდ ატა̈ხ გიე̄რგიშთე.
Line of edition: 17 ათხე მა̄ლდ ხა̈̄ქუ̂ გიე̄რგს:
Line of edition: 18 -- ათხე ქა̄ჯჩი̄ჟ, ჟ'ა̈ხმა̄რა̈ნ ი ღო ლჷჩედდ! -- გიე̄რგდ ხა̈̄ქუ̂:
Line of edition: 19 -- ეჯჟიუ̂ ლაჯშედა მიშგუ̂ი ლა̈მზჷრ-ე, ი დო̄მთე ლეჩი̄ჟად მა მაყა
Line of edition: 20 ი დო̄მთე მე̄ზიდ!

Line of edition: 21 მა̄ლდ ეში̄ მა̈დ ახკიდ ჰაჯა̈̄ბოლ. ანმა̄რე ყა̈რშუ̂. სერ ჟ'ა̈ნცუ̂ეხ
Line of edition: 22 თუ̂ით გუდრა ტჷტ ი აჩა̈დხ შუკუ̂ს. იმუ̂ა̄ლე ჩიქქა ჟ'ადჰეხ ლჷნშინ
Line of edition: 23 ზაგა̈რთეჟი. ამ ლადა̈ღ კე̄სა̈რ ი მიჩა უ̂ა̈ზრა̈ლ მა̈გ ქა̈̄მ ა̈რიხ ი ათხე̄
Line of edition: 24 ლადა̈ღ ისგდიხ ზაგა̈რთე, ოხღელიხ: "შომ' ე̄სერ ა̈ნჴდენიხ მინე ჩი̄ჟე
Line of edition: 25 ი ქუ̂ერწილ-მა̄რე?"

Line of edition: 26 ამ დრო̈უ̂ქა მა̄ლდ ი ტჷტა̈̄რ გიე̄რგდ ჩუ̂ა̈ნკჷდჷ̄რეხ გუდრა̈̄ლ ზაგა̈რჟი
Line of edition: 27 ი ა̈დბინეხ ტჷტი ლიბუ̄რღუ̂ე გუდრა̈̄ლხა̈ნქა ი ეჯკა̈ლი ბირღუ̂
Line of edition: 28 ჩუ̂ადგენეხ ზაგა̈რჟ', ერე ჲა̈რ თუ̂ეფი კუ̂ა̈მ ი ჲა̈რ ალა! კე̄სა̈რდ ი მიჩა
Line of edition: 29 უ̂ა̈ზრა̈ლდ რა̈̄ქუ̂ხ:
Line of edition: 30 -- ე̄, ათხ' ე̄სერ ოხჰახ მინე ჩი̄ჟა-ჲ ქუ̂ერწლა̈რს ზაგა̈რთეჟი.
Line of edition: 31 ა̈ნმა̄რა̈̄ნხუ̄ ესერ სერ!

Line of edition: 32 კე̄სა̈რ სგა̄თხა̄დ ქუ̂ერწლი ლამა̄რას. ამ დრო̈უ̂ჟ' ანჰეხ მა̄ლდ ი
Line of edition: 33 ტჷტა̈̄რ გიე̄რგდ ჭალა̈ჲთეჩუ. ჭალა̈ჲქა ჭუ̂ეკ გარ ხა̈̄ზ ი ამექა ხა̄რხ
Line of edition: 34 ლე̄ზი. მა̄ლ ქე̄სჟოღდა, უ̂ეშგინ გიე̄რგ ა̈თჭა̈მ. მა̄ლ ქა მეჩდე ლი ეჩხე̄
Line of edition: 35 პილთე, ლა̈ჲსგიდა უ̂ეშგმაუ̂ ი გიე̄რგ ნე̄სგათექა გარ ლი მეჴდე, ესზჷრგნა̄ლე
Line of edition: 36 მა̄ლდ ჭუ̂ეკ ი ტჷტა̈̄რ გიე̄რგ სგა̄დკუ̂ა̈რ ჭალა̈ჲთე. ესღუ̂ა
Line of edition: 37 ალა̄, ტჷტა̈̄რ გიე̄რგ, ჭალა̈ჲს. ლა̈ჲმჷგნე მა̄ლდ, ერე "ათხ' ე̄სერ ალას
Page of edition: 318 Line of edition: 1 წიდ ქა მეყუ̂ლე ხე̄რა ი ნაგუ̂ე̄დი̄ ქა მეშყუ̂ფე", ეჩქა ქა̈̄ნტიხ ი ჩუ̂ესსგურე
Line of edition: 2 ბაჩუ̂ჟი̄ნ. ათხე ხა̈̄ქუ̂ მა̄ლდ გიე̄რგს:
Line of edition: 3 -- ო̄, ჲაღო, სი ჟ'ა̈მღე̄ლა̈უ̂ ამჩუ-ჲ მი ჟოდრინე-ჲ კე̄სა̈რხა̈ნ
Line of edition: 4 ლერქუ̂ა̈ლს ა̈ჯჴიდე! -- გიე̄რგდ ლახტიხ:
Line of edition: 5 -- ეჯჟი̄უ̂ ლაჯშედა მიშგუ ლა̈მზჷრ-ე̄, დო̄მხა̈ნ ა̈მჴჷდე ლერქუ̂ა̈ლ!
Line of edition: 6 ეჩჩუჲ მა̄დ ლამგუ̂ა̈̄უ̂-ე́, იმუ̂ა̈̄ჲ ხუ̂არდა̈ს ლუნყუ̄რად, ამჩუჲ ცოდუ̄ლდ
Line of edition: 7 მე̄რი.

Line of edition: 8 ლა̈ჲკუშდუ̄რე მა̄ლდ კალთა̈̄რ ი აჩა̈დ კე̄სა̈რთე. კე̄სა̈რ ლა̈ხჭუ̂ედდა
Line of edition: 9 მა̄ლს:
Line of edition: 10 -- მა̈ჲ ლი, იმ' ა̈̄ჯსა̈დ ნიშგუ̂ეჲ ჩი̄ჟე?

Добавлено (2007-01-16, 1:06 Pm)
---------------------------------------------
-- ხამა მო̄დ ა̈მსედენ, ეჯ' ა̄მჟი მა̄მ იზელა̈̄ლ-ა́, აშ მა̄რა̈̄ლშა̄ლ.
Line of edition: 12 ჩუ ერ ონჴუ̂ა̈დდ ჭუ̂ეკთეჩუ̄ნ, ეჩქა ეჯჟი მა̄დ ლა̈ჲშგედ ჭუ̂ეკქა ლიჴედ-ე,
Line of edition: 13 მიშგუ̂აშა̄ლ, ი კელიკაჩხუშ ანღჷრდა. ნე̄სგა ჭუ̂ეკთექა ქა მეჴდეჲ
Line of edition: 14 ლა̈სუ̂, ესუ̂გიბ ი ა̄დუ̂ ქა ჭიშხდ ი სგა̄შყა̈დ ჭალა̈ჲთე̄სგა. ჭალა̈ჲდ გიე̄რგი̄ლ
Line of edition: 15 ქა̄დჷ̄ღა̄ლე, მარე ჯ' ე̄ში̄ ეზა̈რდ ანტა̈ხ ჭალა̈ჲხა̈ნქა. ეჩქა ჯა
Line of edition: 16 ჟი ლიჭუ̂ე̄ნის ხამა̈რჯუ̂და ა̈გითე ი მახან ჟი ლირქუ̂ა̈̄ლს, მარე მი მა̄დ
Line of edition: 17 ოთნებ მახან ა̈გითე ლიტეხ: "ეჩქა̄ჯ კე̄სა̈რს ქუ̂ერწილ ჩუ ხეჟუ̂მი". ჟ'ოღუ̂ე
Line of edition: 18 ისგუ̂ათე-ჲ ისგუ̂ა ლერქუ̂ა̈ლს-ჷჯ ლახ მოშ ოთჴიდე, ჰემმა ლა̈ჲშგედნე.

Line of edition: 19 კე̄სა̈რდ შიშდ ესუ̂ქიქნე მიჩა უ̂ა̈ზრა̈ლს: -- ქო̄ხჴიდდ შიშდ მიშგუ
Line of edition: 20 ლამე̄რაუ̂ ლერქუ̂ა̈ლ!

Line of edition: 21 ქო̄ხჴიდხ ი ქა ლახბიშეხ ალა მა̄ლს შია̈რისგა, მარე მა̄ლდ ა̈დუ̂ა̈შგდე:
Line of edition: 22 -- ხამა ლამშგედდ მი ი ისგუ̂ეჲ ჩი̄ჟა ალ ლერქუ̂ა̈ლ?! ალჲა̈რს
Line of edition: 23 ეჯა ხამ' ა̈̄დქუ̂ა̈̄ლნე, ხამა ლა̈ჲშგედნე?

Line of edition: 24 ეჩქა კე̄სა̈რდ ესუ̂ქიქნე̄დ:
Line of edition: 25 -- ჰე̄, ქო̄ხჴიდდ მიშგუ ლალსგურე̄შ ლერქუ̂ა̈ლ!

Line of edition: 26 ქო̄ხჴიდხ მა̄ლს ლალსგურე̄შ ლერქუ̂ა̈ლ. ალა მა̄ლდ მა̄დჷდ იკუ̂დუნე
Line of edition: 27 ი სერ ქა ლეჴდე ხა̄დხ ლამა̄რ ლერქუ̂ა̈ლ: კაბ ი უ̂ოსა̈რ, ფაყუ̂ ი
Line of edition: 28 ლა̈̄რტყ-ხანჯა̈რ, ხოჩა ჩაფლა̈რ ი დაშნა̈ჲ. ლა̈ჲკოკუ̂ა̄ლე ალა მა̈გ მა̄ლდ
Line of edition: 29 ი ეშ ლახკიჰე გიე̄რგიშთე, ჩუ ესუ̂დე გიე̄რგს სგუ̂ებინჩუ ი ხა̈̄ქუ̂:
Line of edition: 30 -- ჰე̄, გიე̄რგ, სგა̈̄თქუ̂ა̈̄ლ ი ღო გუ̂ია̈ნ გუ̂ა̄რ ქუ̂ერწილთე.
Line of edition: 31 -- ო̄, ალჲა̈რს ღალ იმ ა̈თუ̂ქუ̂ა̈̄ლი მი?! ალჲა̈რს ლახ ჟ'ოხთულუ̂ა̈ფი,

Добавлено (2007-01-16, 1:07 Pm)
---------------------------------------------
ღო კე̄სრი ლეტხე მა̈ჲ გუ̂ეღუ̂ე̄ნი?

Line of edition: 33 მა̄ლდ სგა̄თქუ̂ა̄ლე იმუ̂ა̄ლაჟი ლერქუ̂ა̈ლ ი აჩა̈დხ. ჟ'აჩა̈დხ კე̄სრი
Line of edition: 34 ყო̄რთეჟი. კე̄სა̈რდ მე̄უ̂არ ა̈დჷლხინე. სგო̄თჟოღდა ქორთე-ჲ ჩუ̂ასგურდახ
Line of edition: 35 ქუ̂ერწილ ტაბა̈გდ. ანსყეხ ქუ̂ერწლობ. ა̈დბინეხ ათხე ლიმზჷრა̈̄ლი
Page of edition: 319 Line of edition: 1 ი ისგ ლათრათექა ქა მეჴდე ლიხ, ეჩქა მა̄ლს ლახფუნჩუ̂ლე ამნე̄მ-ა,
Line of edition: 2 გიე̄რგდ:
Line of edition: 3 -- მა̄ლ, ქა̄მაუ̂ მაკუ ლი̄ზი! -- მა̄ლდ ხა̈̄ქუ̂:
Line of edition: 4 -- ჩუ̂აქუც, კინჩხ ნომ' ა̈̄თქუცე ქა, ადო ხოლა ლე̄თ ჯა̄რ!

Line of edition: 5 ალა კე̄სა̈რდ ა̈ნბა̈ჟ ი ხა̈̄ქუ̂:
Line of edition: 6 -- მა̈ჲ ლი, მა̈ჲ ხაკუ ალას-ა, მიშგუ̂ა ჩი̄ჟა?
Line of edition: 7 -- მა̄მა, იცჷნცქელა̈̄ლ ი იფჷრცქეუ̂ლა̈̄ლ. ა̈გის ხა̈ჩოხ მინეშ, ეჯჟი
Line of edition: 8 ხაკუ ჩია̈̄გ: ფხულა̈რჟი მჷტყა̈ბ თა̈შმჷჯა̈ბდ ესერ გუხა̄რ. -- კე̄სა̈რდ
Line of edition: 9 რა̈̄ქუ̂:
Line of edition: 10 -- ჰა̄, ალა მა̄მ გარჯ ლი.

Line of edition: 11

Line of edition: 19 ესუ̂ქიქნე̄დ კე̄სა̈რდ. ჲეს ჲა̈რ ხა̈ხლინეხ შდჷმრა̈ლს ი ეს ჲა̈რ.
Line of edition: 20 უ̂ეშგიმპილს შდჷმრა̈ლი̄ გრა̈მდ ლახა̄გა̈ნხ უ̂ა̈ზრა̈ლს ი ჟი̄ჲ ანტყაბეხ
Line of edition: 21 თა̈შმჷჯა̈ბ ი ქო̄ხჴიდხ ტაბა̈გთექა. გიე̄რგდ რა̈̄ქუ̂:
Line of edition: 22 -- ე̄, ალა მა̄დ მაკუ, ქა̄მაუ̂ ლი̄ზი მაკუ! -- კე̄სა̈რ ლა̈ხჭუ̂ედდა̄დ:
Line of edition: 23 -- ათხ' ე̄სერ მა̈ჲ ხალა სერ?
Line of edition: 24 -- მა̈ჲ ესერ-ი იცჷნცქელა̈̄ლ: ჭჷშხა̈შს ესერ იშგუ̂ემ.

Line of edition: 25 ჟ'ა̈ნკიდხ ტაბა̈გ ი სგო̄ხო̄გა̈ნხ ჭჷშხა̈შს, მარე მა̈ჲ? მა̄ლი̄ სგო̄ხჴერდა
Line of edition: 26 ალ ჭჷშხა̈შს გა̈ნხა̈ნ ი გიე̄რგი̄. ისგ ჭჷშხა̈შთექა მეჴდე ლა̈სუ̂ხ, ეჩქა
Line of edition: 27 სერ ღალ დეშ ა̈დგიჭ გიე̄რგდ ი ჩოთჩა̈დ. ალას მა̄ლ გუდ აჴა̈დ. ქა
Line of edition: 28 ლახყუ̂იზ ჭჷშხა̈შს ი ქა̄დჲე ქა̈̄მთე ი ქა̄ხლო̄კე მა̈გ ეჯჟ', ერე სპედა̈გდ
Line of edition: 29 ოთგენე მა̈გ. ეჩჷნღო სგა̄ნჴა̈დხ სერ ქორთე-ჲ ალა კე̄სა̈რდ ჟ'ა̈ნმეჴრე
Line of edition: 30 მა̈გ ი ლა̈ხჭუ̂ედდა̄დ: -- მა̈ჲ ლი სერ გუ̂ეშ?
Line of edition: 31 -- ე̄, მა̄დ ჯიხაჲა, ქუ̂ერწილს, ალას ლიმა̄რა̈̄ლ ხაკუ, მი სგუ̂ებინ
Line of edition: 32 მაზზი გიე̄რგ, მარე ჩუ ჩუ̂ამშგურა̄ნე, ერე ხეკუ̂ეს ერე აშირ ლჷჩა̈̄ჟ ი
Line of edition: 33 აშირ ლუქუ̂ე̄თ ახმა̄რად ი სგა ლოხჴერნად.

Line of edition: 34 ათხე გიე̄რგს ლახსაკუ̂რა̈ლჷნ ი ხეჭუ̂დიე̄ლ მა̄ლს: "ღუ̂' ე̄სერ იმ
Line of edition: 35 ხა̈ჩო ალამა̈გ მა̄რაჲ?" მარე მა̄ლდ ჩუ̂ადშგურა̄ნე გიე̄რგ ერე "ჯ' ე̄სერ
Line of edition: 36 აშ დეშ ა̈ხხო̄ლა, მარე ჯ' ე̄სერ ფაუს ატა̄ბუნი-ჲ ნატა̄ბა̄ლუ̂ ესერ
Line of edition: 37 იშჷ̄და̈ნუ̂ნიხ ი ეჩასუ̄ ესერ ა̈ხჭა̈მ ჯა.

Добавлено (2007-01-16, 1:08 Pm)
---------------------------------------------
ესღრ' ათხ' ა̄ლა̄, მა̄ლ, ი ფაუსი̄ ატა̄ბე-ჲ სგა ლა̈ხჴა̈დჷ̄ნ ღოლჲა̄ქა̈
Line of edition: 2 მეჯუ̂ეგთე̄სგა.
Line of edition: 3 -- ხოჩა̄უ̂ ლადა̈ღ ჯა̄რ მეჯუ̂ეგს!
Line of edition: 4 -- ო, ხოჩა̄უ̂ ჯა̄რ სი̄!
Line of edition: 5 -- ამი̄შ მა̄მ ჯიხა მო-ა̄, გიე̄რგ სა̄ლტუ̂ა̄ნ ანღრი-ჲ გიმ-მეგა̈მს
Line of edition: 6 ესერ უფი̄თქუ̂ად დე̄მგუ̂აშუ̂ ცუ̂ირე, ბა̈ჩჟი̄ნ ესერ ბა̈ჩს ხა̈ფუ̈̄ნე?
Line of edition: 7 -- ჲაღო, მი მა̈ჲ ჩუ̂ემინა?
Line of edition: 8 -- მა̈ჲ-ი ჩუ ლეპეჟ ჯე̄რი.
Line of edition: 9 -- იმ' ა̈̄თუ̂პეჟ ღოჲ?
Line of edition: 10 -- იმე-ჲ ქა̄დე ეშდჲარუ̂ თანა̈ღ ეჩხა̈ნჩუ ი მი ჩუ̂ეჯყედა̈̄ნი ჯუ̂ეგს.

Line of edition: 11 მეჯუ̂ეგდ ტკისდ ჩოთჯჷრუ̂ე-ჲ აჩა̈დ ლაპა̈ჟთე. მა̄ლდ ლა̈ჲრეკლე
Line of edition: 12 ალა̄, ჯუ̂ეგ, ი ესყა. ესღრი-ჲ ესღრი ი სგა ლა̈ხჴა̈დჷ̄ნ ფუ̈რუ̈შ ი ჴა̈ნი
Line of edition: 13 მეჯუ̂ეგთე̄სგა. ალასი̄ ამჟი ხა̈̄ქუ̂:
Line of edition: 14 -- ა̄, იმ ღალ ხოღლი? გიე̄რგ სა̄ლტუ̂ა̄ნ ანღრი ი ბაჩუ̂ჟი ბაჩუ̂
Line of edition: 15 ხა̈ფუ̈̄ნე ი გიმ-მეგა̈მს ესერ ჩი̄ უშხუ̂ა̄რ ხა̈ნჩჷდე.

Line of edition: 16 ალჲა̈რს ჯუ̂ეგს ქა̄დ ა̈ხბი̄შდ ი ესყა. ესღრი-ჲ ესყა ალ ჯუ̂ეგი̄.
Line of edition: 17 სგა ლა̈ხჴა̈დჷ̄ნ ჯუ̂ე̄დია-ნაჯუ̂და მინდუ̂ერთე̄სგა-ჲ ამჩუ ჩეი̄ ქორ ლჷგ,
Line of edition: 18 სგა̄ჩა̈დ ამხა̄უ̂თე̄სგა. ამეჩუ ყო̄რჟი და̈̄უ̂ ჩუ სგურ ი ატმჷ̄რე.
Line of edition: 19 -- ხოჩა̄უ̂ ლადა̈ღ ჯა̄რ და̈̄უ̂ს!
Line of edition: 20 -- ხოჩა̄უ̂-უნყუ̂ს ჯა̄რ სიი̄!
Line of edition: 21 -- მა̈ჲ ლი, მა̈ჲ ნაუ̂ბა̈დუ̂რი ჯაკუ ამჩუ̄ნ?
Line of edition: 22 -- მა̈ჲ-უნყუ̂ს ლი ღო?
Line of edition: 23 -- ი ამი̄შ მა̄მ ჯიხა მ'-ა̄, გიე̄რგ სა̄ლტუ̂ა̄ნ ანღრი, ბაჩუ̂ჟი ბა̈ჩს
Line of edition: 24 ხა̈ფუ̈̄ნე, გიმ-მეგა̈მს უფი̄თქუ̂ად დე̄მგუ̂აშუ̂ ცუ̂ირე ი ს'აჯზა̈̄რია?
Line of edition: 25 -- ეჲ, ჲაღო, მი̄ნყუ̂ს მა̈ჲ ჩუ̂ემინე?
Line of edition: 26 -- ო̄, ისგუ გუ̂ეშ სურუ ლეგა̈რჯ ლი.
Line of edition: 27 -- ა̄, მა̈დილ-უნყუ̂ს ჯე̄რა-ჲ ა̈მჴერჴ მა!

Line of edition: 28 ალას-ა́, და̈̄უ̂ს, ზექი ხორეუ̂ ხო̄გ ყო̄რჟი̄ნ ი ლა̈ხჭუ̂ედდა და̈̄უ̂ს:
Line of edition: 29 -- ალ' ე̄სერ ლი მო მიჩა ზექი ხორეუ̂-ა́?
Line of edition: 30 -- ალ' ე̄სერ ა̄დუ.
Line of edition: 31 -- ჲაღო, სგა̈უ̂ ესერ ა̈თცჷყე̄რა̈̄ნ ალას-ა́, ხორეუ̂ს, კაცხა̈რხა̈ნ ი
Line of edition: 32 ჩუ̄უ̂ ა̈თპა̈ჟ.

Line of edition: 33 სგა̄ჲ ესერ ათცჷყე̄რე̄ნა ნე̄სგათე̄სგა ხორეუ̂ს და̈̄უ̂ ი ანჴა̈დ მა̄ლ
Line of edition: 34 ხორეუ̂ს ქა̄მენისგა ნა̈ჴჩულ ლახჩიხნე, ხაჴიდ ლემესგ ი ჟ'ახბიდნე ხორეუ̂ს
Line of edition: 35 მურგუ̂ალდ.

Line of edition: 36 ათხე სერ და̈̄უ̂დ რა̈̄ქუ̂:
Line of edition: 37 -- ა̈თუ-უნყუ̂ს მირ მა̄რ!

Page of edition: 321
Line of edition: 1 -- ალ, ე̄ჯღ'ე̄, გიე̄რგ სა̄ლტუ̂ა̄ნ ი მიჩ' ა̄ფხნეგა̈რ მჷრე̄ს ანღრიხ ი
Line of edition: 2 ეჯღ' ე̄სერ მჷრე̄ს ხა̈ჲთუ̂ა̈̄ლი.

Line of edition: 3 ალას-ა́, ხორეუ̂ს, ჟ'ა̈ხბჷდდა ი და̈̄უ̂ გრა̈მდ ადჷ̄გა̈ნ. ამი̄ ჯუ̂ეგ, ამი̄
Line of edition: 4 ქორ ი ამი̄ მაღუ̂ა̈̄ნ მა̈გ გიე̄რგს ესსა̈დ.

Line of edition: 5 ათხე ტჷტა̈̄რ გიე̄რგი̄ლ ჩოხქა̈ხ ჩა̄ჟუ̂ ი ხაგჷრგა̈ლი მა̄ლს:
Line of edition: 6 -- ალას ესერ ჲა̈რ ათნები მინს, ჲედ ესერ იშა ლი ალა̄, მაღუ̂ა̈̄ნ?! -- ხასკუ̂რელ
Line of edition: 7 გიე̄რგი̄ლს.
Line of edition: 8 -- ა̄, ჩუ̂ა̈თთჷრ, ეჯა ისგუ გუ̂ეშ მა̄მა ლი!

Line of edition: 9 ათხე კე̄სა̈რსი̄ ეზა̈რდ ხაბჟა, ლახ ტკისდ ამთა̄ნ ლიზგე ხა̄რ გიე̄რგს
Line of edition: 10 ი კე̄სა̈რ ლა̈ხჭუ̂ედდა̄დ:
Line of edition: 11 -- ათხე მა̈ჲ ხალა სერ?
Line of edition: 12 -- მა̈ჲ-ი ეჯ' ე̄, ქორ ესერ ჟ'ა̈მგებე̄ლი ი ჯა ხალა; კუ̂ა̈მ ი ალ'
Line of edition: 13 ე̄სერ ახცომე̄ნა-ჲ ეჯ' ე̄სერ ხალა.

Line of edition: 14 სერ კე̄სა̈რს ეზა̈რდ ლახბაჟჷნ ი აჩუ̂მინხ ქუ̂ერწილ ი ნაგზალადაღუ̂
Line of edition: 15 დე̄ს' ა̄ფხა̈ჟ ქუ̂ერწილ ი მექურწილ-მა̄რე. სერ აშხუნღო̄ნ ქუ̂ერწლა̈რ ჩუ̂აფხა̈ჟხ
Line of edition: 16 ი ჩუ̂ასა̈დხ მა̄ლ, გიე̄რგ ი მიჩა ხეხუ̂.

Line of edition: 17 სერ ღალ მა̄ლ ჩუ̂ა̈დმეჩა̈̄ნ ი სგა̈̄დკოკუ̂ა̈̄ნ ლაყუ̂რათე̄სგა-ჲ დე̄სამა
Line of edition: 18 ხა̈მჲე̄და ი ხეშგუ̂ემ გიე̄რგი̄ლს: "ხაყერუ̄ ესერ ესამა, ლჷცფექილ ესერ
Line of edition: 19 ეში̄უ̂ ესა ოხჩუ̂ემინ!" მარე გიე̄რგს ალა ეშ ხასკუ̂რელ ი ხა̈ტხე:
Line of edition: 20 -- ჰო̄, ათხე ჩუ ჰე ხიდგა̈რი, ჩუ̂ადაგნ ი ჰე მო̄დეჲ წირხს ჯითლე-ჲ

Добавлено (2007-01-16, 1:09 Pm)
---------------------------------------------
ჩუ ჯაკუ̂ა̄ნე ბოგჩუ̄ნ.
Line of edition: 22 -- ჰო̄, გიე̄რგ, ალას მა̄დ ლამღუ̂ა სა̈ხ იხგუ̂ახა̈ნქა: ქა̄ჯჩი̄ჟ ი ხოჩა̄მ
Line of edition: 23 ლირდე-ლიზგეს ი ხუ̂ა̈ჲ ქონებას ჩუ ჯა̈ცუ̂რე ი ალას-ა́, ამჟი ლუგუ̂ენს,
Line of edition: 24 მა̄დ ლამღუ̂ა სა̈ხ.

Line of edition: 25 მარე გიე̄რგს ალ' ე̄შ ხასკუ̂რელ. ეჩქა მა̄ლდ ხა̈̄ქუ̂:
Line of edition: 26 -- ჲაღო, ლაშდღუ̂ა̄ლს ესერ ხა̈ჩო მა̄ჲ?
Line of edition: 27 -- ეჩას ესერ მა̄მე̄, ლაშდღუ̂ა̄ლს, ი ჩუ ესერ ლახ ა̈დდაგრი,
Line of edition: 28 ეჩქას ესერ ლახბემნე წირხს ი ჩუ ესერ ა̈დთირნი ი ჩუ ესერ ადკუ̂ა̄ნე
Line of edition: 29 ბოგჩუ ჭალა̈ჲთე.
Line of edition: 30 -- ჰო̄, ჲაღო, ალას ესერ მა̄დ ლახღუ̂ა სა̈ხ! -- ი ჟ'ანმა̈ზრა̄ლე
Line of edition: 31 მა̄ლდ:

Line of edition: 32 ჰე̄, ჲაღო, ჰე ამჟი მო̄დ ლამღუ̂ე̄ნე̄ნს სა̈ხ, ღო ჯუ̂ინელ ლე̄ქი̄ლ-ბე̄დი̄ლსუ̄
Line of edition: 33 ლახტეხა!

Line of edition: 34 ტკიცუშ მა̄ლ ჩუ̂ადგან ი ტჷტა̈̄რ გიე̄რგი̄ლ ჯუ̂ინელ ლე̄ქი̄ლ-ბე̄დი̄ლს
Line of edition: 35 ლა̈ხტა̈ხ ი

Line of edition: 36 ლჷმზჷრე̄უ̂ ხიშდ.

Добавлено (2007-01-16, 1:10 Pm)
---------------------------------------------
Text: 141
Page of edition: 322
Line of edition: 1
141. ზურაბ ი თინა

Line of edition: 2 ლჷმზჷრე̄უ̂ ხიშდ ი ა̈რიხ ამჩუ ხეხუ̂-ჭა̈შ. ალ ხეხუ̂-ჭა̈შს ხორიხ ეშხუ
Line of edition: 3 ჭყინტგეზალ. ალას ხაჟხა ზურაბ. ზურაბს დი დო̄სდ ათდაგან ი მიჩა
Line of edition: 4 მუდ მე̄რმე ხეხუ̂ ა̈ნჴიდ. ალ მე̄რმა ხახუ̂ხა̈ნქა ა̈ხთენა̈̄ნ დი̄ნა. ალას
Line of edition: 5 ჟახად ათჟა̈ხხ თინა.

Line of edition: 6 აშხუ̂ ლადა̈ღ აჩა̈დ ზურაბი დიუ̂ითრა მიჩა ლამუ̂არა̈ლთე-ჲ ანჴიდ
Line of edition: 7 ეჩხა̈ნ უ̂ისგუ̂. ალა ჲერხი თინას ლახუ̂ე̄მ ი ეჩჷნქა სგე̄სდე სკიუ̂რთე.
Line of edition: 8 იზბი თინა უ̂ისგუ̂ს ი ზურაბ ხოსგდი. ეჩქა თინად რა̈̄ქუ̂:
Line of edition: 9 -- დედე, ზურაბსი̄ ესერ ხაჰუ̂დი!
Line of edition: 10 -- ალას ესერ ჯა ლახჰო̈დნე-ჲ მიჯნემ ესერ ლალემუ, მა̈̄ჲ
Line of edition: 11 ხუღუ̂ე.

Line of edition: 12 ჩუ̂ადკარე სკიუ̂რ ზურაბი დიუ̂ითრად ი ზურაბ სგა̈̄თქუ̂იჭა̈̄ნ სგა̈̄ნჩუ.
Line of edition: 13 მიჩა დიუ̂ითრად ხა̈̄ქუ̂ ზურაბს: "ა̈ნკიდუ ესერ, მა̈ზუმუ̂ა̈̄ჲ ხეკუ̂ეს!" სგა
Line of edition: 14 ხა̈ქუ̂ჭა ზურაბ სკიუ̂რთე̄სგა ი იკედ უ̂ისგუ̂ს. ჟი̄ჲ ხოჩიდ ზურაბს სკიუ̂რი ლაფრი
Line of edition: 15 მიჩა დიუ̂ითრად ი ჩუ̂აქუ̂იც ნე̄სგაქა. ეჩჷნღო ჟ'ანკჷპნე-ჲ
Line of edition: 16 სგა̄თგე. ნა̈ბოზს ანჴა̈დ ა̈გითე ზურაბი მუი̄. ათხე მიჩა ხახუ̂ემ ქო̄ხჴიდ
Line of edition: 17 ალას სგუ̂ებინთექა მიჩა გეზლა̈ ლეღუ̂.
Line of edition: 18 -- იმშა ლეღუ̂ ესერ ლ'ალა̄?
Line of edition: 19 -- იმშ' ე̄სერ ი მინეშს ესერ ჴა̈ნ ოთძიჰახ ი ეჩი̄შ.

Line of edition: 20 ათხე ლა̈ხჭუ̂ედდა̄დ ზურა̄ლს მიჩა ჭა̈შ:
Line of edition: 21 -- ზურაბ ესერ იმ' ა̈̄რი?
Line of edition: 22 -- ზურაბ ესერ ქა̈̄მ იშდრა̈̄ლ ბოფშა̈რცახა̈ნ.

Line of edition: 23 ზურა̄ლდ ხარშუ̂ ქა̄დჲე ქა̈̄მთე-ჲ ჩუ̂აბიდ ყო̄რჟი. ამეჟი̄ნ ეჯჟი
Line of edition: 24 ჰა̈ლუ̂ა̈ მეგა̈მ ჟ'ანჴა̈დ, ერე ლისგდი მა̈დილ ლი. სგე̄სღრი ზურაბი
Line of edition: 25 მუ ი სგა ხატუ̄ლი ალ ჰა̈ლუ̂ა̈ მეგა̈მ: "უ̂ა̈̄ჲ, ბაბა! უ̂ა̈̄ჲ, ბაბა!" ქა̄ნღრი-ჲ
Line of edition: 26 ქა ხატუ̄ლი: "უ̂ა̈̄ჲ, ბაბა! უ̂ა̈̄ჲ, ბაბა!"

Line of edition: 27 აშხუ̂ ლადა̈ღ სერ ჟ'ა̈ნხირნა̈̄ნ ზურაბი მუ ი ჩუ̂აქა̈ჩ ალა̄, ჰა̈ლუ̂ა̈ მეგა̈მ,
Line of edition: 28 ი ამხა̈ნქა ლაყუ̂რ' ა̄ნტა̄ბე (კრაუ̂ა̈ტ). ალა̄, ლაყუ̂რა, ეჯჟი ქა
Line of edition: 29 ღჷრწნი, ერე შუ̂იმ მა̄მა ხა̄რ. ა̈ნხირნა̈̄ნ აშხუ̂ ლადა̈ღ ზურაბი მუ ი
Line of edition: 30 ჩუ̂ა̈შიხ ალა̄, კრაუ̂ა̈ტ. ჩუ̂ა̈შიხ, მარე მუტყუ̂ა̈სგ თინას ესტყუ̂ა̈სგ კალთა̈ჲთე̄სგა.

Добавлено (2007-01-16, 1:11 Pm)
---------------------------------------------
ქა̄დჲე თინად მუტყუ̂ა̈სგ ი სგე̄სდე ლჷცთე̄სგა-ჲ ჩუ̂ადიგ.
Line of edition: 32 ამჩუ მუტყუ̂ა̈სგ მუგულდდ ესსიპდა-ჲ ქა̄პა̈რ ყო̄რქა-ჲ იცხჟი ჟ'ესა̄გა̈ნ.

Line of edition: 33 ანღრ' ამექა მჷჯიშ მა̄რე ი ლახტუ̂ი̄ლ ალას მუგულდდ იცხხა̈ნჩუ:
Line of edition: 34 -- ალა ჯასმახ ჲა̈̄ს-ა́, მიშგუ̂ა დიუ̂ითრად ჩუ̂ამდაგა̈რ, ჟ'ამკჷპნე,
Line of edition: 35 მიშგუ̂ა მუს მიშგუ ლეღუ̂ ჩუ ხა̄მნე?

Page of edition: 323
Line of edition: 1 აჯაღუ ესერ რა̈̄ქუ̂, -- ლახტიხ ბარდნა̈ მჷჯიშდ --, ი ღუ̂ ე̄სერ
Line of edition: 2 ბარდანს ხაჰუ̂დი.

Line of edition: 3 ეჩუნღო̄ნ ანღრი ამექა ხარა̈ზ, ჩაფლარე მჷშხბიე̄ლი, ი ლახტუ̂ი̄ლჷდ
Line of edition: 4 ალას მუგულდდ:
Line of edition: 5 -- ალა ჯასმახ ჲა̈̄ს-ა́, მიშგუ̂ა დიუ̂ითრად მი ჩუ̂ამდაგა̈რ ი ჟამკჷპნე,
Line of edition: 6 მიშგუ̂ა მუს მიშგუ ლეღუ̂ ჩუ ხა̄მნე?
Line of edition: 7 -- აჯაღუ ესერ რა̈̄ქუ̂ ი ღო ჩაფლა̈რს ესერ ხაჰუ̂დი. -- ამნე̄მ აჯაღჷდ
Line of edition: 8 ა̈ნტჷრხნე მიჩ' ა̄მბა̈უ̂ ი ხარა̈ზდი̄ ქა ლახუ̂ე̄მ ჩაფლა̈რ.

Line of edition: 9 ათხ' ა̄მექ' ა̄ნღრი მჷშკიდ. ამნე̄მჷდ ლახტუ̂ი̄ლ-ა́, მუგულდდ:
Line of edition: 10 -- ალა ჯასმახ მა̄ჲ-ა́, მიშგუ̂ა დიუ̂ითრად მი ჩუ̂ამდაგა̈რ ი ჟ'ამკჷპნე,
Line of edition: 11 მიშგუ̂ა მუს მიშგუ ლეღუ̂ ჩუ ხა̄მნე?
Line of edition: 12 -- აჯაღუ ესერ რა̈̄ქუ̂ ი ღო კუ̂ა̈თხს ესერ ხაჰუ̂დი. -- ქა̄დ რა̈̄ქუ̂ ი
Line of edition: 13 მჷშკიდდი̄ ქა ლახუ̂ე̄მ კუ̂ა̈თხ.

Line of edition: 14 სერ ჩუ̂ა̈რი ამეჟ'-ა́, იცხჟი, მუგულდ ი ამჩიქქა ამექა ლახა̄სდ
Line of edition: 15 მიჩა მუ.
Line of edition: 16 -- ბაბა, ჟ'ა̈მღე̄ლა̈უ̂, ღო წუღუ̂ა̈̄ლს ჯიშდე! -- ჟ'ა̈ნღე̄ლუ̂ე-ჲ ჩოხუ̂შიდ
Line of edition: 17 წუღუ̂ა̈̄ლ. ალას უ̂ეშგინ ა̈ხჭა̈მ თინა.
Line of edition: 18 -- თინა, ჟ'ა̈მღე̄ლა̈უ̂ ი ღო კაბჷლდჲა̄ქს ჯიკუ̂ა̄ნე! -- ჟ'ა̈ნღე̄ლუ̂ე-ჲ
Line of edition: 19 ჩოხკუ̂ა̈რ.

Line of edition: 20 ათხ' ა̄ნღრი ამექა მიჩა დიუ̂ითრა, ახფიშუ̂დ ალას მუგულდდ
Line of edition: 21 კუ̂ა̈თხ ი თხუ̂იმ ჩოთცილ. მუგულდ ქა̄პა̈რ მიჩაია̈̄ნიდ ი ლჷმზჷრე̄უ̂
Line of edition: 22 ხიშდ.

Добавлено (2007-01-16, 1:12 Pm)
---------------------------------------------
Text: 142a
Page of edition: 323
Line of edition: 23
142. უ̂ოჴრი̄ლ
Line of edition: 24
ა.

Line of edition: 25 ა̈რიხ ეშხუ ხეხუ̂ ჭა̈შ ი ალჲა̈რს ხორიხ ეშხუ დი̄ნა. მარე ჭა̈შს
Line of edition: 26 მა̄ნკუ̂ი̄ ხახუ̂ხა̈ნქაჲ ესსა̈დ დი̄ნო̄ლ-უ̂ოჴრი̄ლ.

Line of edition: 27 ალ ხეხუ̂-ჭა̈შს ეშხუ ფუ̈რუ̈ლდ ხორიხ ი ეჩჷნქა დე̄სამა ხა̈ბდაუ̂ახ.
Line of edition: 28 ალ ფუ̈რუ̈ლდს ჩიგარ უ̂ოჴრი̄ლს ხა̈ბრა̈ჲეხ ლალდა̈ღთე ი ქანა̈ ჭყაუ̂ა̄რი̄ლსი̄
Line of edition: 29 ხაჰუ̂დიხ ი ჩუ̂აშგურა̄ნეხ, ერე "ალ' ე̄სერ ჟი̄უ̂ ანლეთ, ღო ქა̄უ̂
Line of edition: 30 ა̈ნჯიშ ი ნა̈ბოზს ესერ სგუ̂ირ ლჷქჷრშე̄უ̂ ოხჴიდ ა̈გითე".

Line of edition: 31 ესჭიმ უ̂ეშგინ ფუ̈რუ̈ლდს ალა̄, უ̂ოჴრი̄ლ ი იგუ̂ნი. ფუ̈რუ̈ლდ ლა̈ხჭუ̂ედდა:
Line of edition: 32 -- სი ნა̈დიანულ, სგიმს ლამთჷრე მა̄ჲ?
Line of edition: 33 -- მჷდრეყის.
Line of edition: 34 -- ჭაფუ̈რს ესერ ახჩა̈ხუ̂ნი მა̄ჲ?
Line of edition: 35 -- მჷდრეყის ესერ.

Page of edition: 324
Line of edition: 1 -- ზაგნი-ზაგა̈რ ესერ ათკუ̂ა̈ჩხია̄ლუ̂ნი მა̄ჲ?
Line of edition: 2 -- მჷდრეყის ესერ.

Line of edition: 3 ჰო̄, იაღო, იმნა̈რ ესერ იგუ̂ნი?
Line of edition: 4 -- იმნა̈რ ესერ-ი მიჩა დიუ̂ითრას ესერ ოთშგურა̄ნ' ე̄რე ჯაჲ
Line of edition: 5 ესერ ჟი̄უ̂ ა̈ნჷლდეღე-ჲ ქანა̈ ჭყაუ̂ა̄რი̄ლხა̈ნქ' ე̄სერ სგუ̂ირი̄ ჟი̄უ̂ ოხუ̂ლეთ
Line of edition: 6 ნა̈ბოზდ ი ალას ესერ იმჟი იჩო ჩი̄?
Line of edition: 7 -- ჲაღო, ქანა̈ ჭყაუ̂ა̄რი̄ლ ესერ შდჷმთე̄უ̂ ესუ̂დე-ჲ ჯა ხოჩა̄მ ა̈გის
Line of edition: 8 ჩუ̄უ̂ ესსგურდა-ჲ ჯ' ე̄სერ სგიმსი̄ ჩუ ლა̈ჲთჷრე, ჭაფუ̈რს ესერი̄ ჟ'ა̈ნჩეხუ̂ნე-ჲ
Line of edition: 9 ზაგნი-ზაგა̈რ ესერი̄ ქა̈̄დკუ̂ა̈ჩხიე̄ლი-ჲ ნა̈ბოზს ესერ ალ სგუ̂ირსი̄
Line of edition: 10 სგა ლახბა̈რი ლჷქჷრშა-ჲ ლჷყფჷნა.

Line of edition: 11 ათხე ნა̈ბზუ̂ა̈ პილთე ფუ̈რუ̈ლდ ანღრ' ა̈გითე-ჲ დი̄ნა ჩუ̂ესხუ̂ი̄დ
Line of edition: 12 ხოჩა̄მ ა̈გის. ამნე̄მ-ა́, ფუ̈რუ̈ლდდ, ქა̈̄ნკიდ შდჷმხა̈ნქა სგუ̂ირ, ხოჩა̄მდ ჩუ.
Line of edition: 13 ლჷქჷრშე ი ლჷყფჷნე ი ქა ლახბიშე უ̂ოჴრი̄ლს. ალა̄, დი̄ნა, სგა̈̄თჭა̈მ
Line of edition: 14 ხოჩა̄მ გუჟი̄ნ ა̈გითე-ჲ ფუ̈რუ̂ი̄ სგა̄დჲე. ალჲა̈რს ჩუ̂ესხუ̂ი̄დს ყო̄რჟი
Line of edition: 15 უ̂ოჴრი̄ლა̈ დიუ̂ითრა-ჲ ლა̈ხჭუ̂ედდა:

Line of edition: 20 მე̄რმა ლადა̈ღ ზურა̄ლდ ფუ̈რუ̈ლდ ლალდა̈ღთე მიჩა დინას ათბა̈რჲე
Line of edition: 21 ი ქანა̈ ჭყაუ̂ა̄რი̄ლი̄ ქა ლახუ̂ე̄მ. ალ დი̄ნო̄ლი̄ ესჭიმ ლაგუ̂ნუშ
Line of edition: 22 ფუ̈რსუ̂. ფუ̈რუ̈ლდ ლა̈ხჭუ̂უ̂დდა:
Line of edition: 23 -- სგიმს ესერ ლახთჷრე მა̄?
Line of edition: 24 -- გუ̂ერად მჷგნ' ე̄სერ.
Line of edition: 25 -- ჭაფუ̄რს ესერ ახჩა̈ხუ̂ნი მა̄ჲ?
Line of edition: 26 -- გუ̂ა̈ჰდ მჷგნ' ე̄სერ.
Line of edition: 27 -- ზაგნი-ზაგა̈რჷნ ესერ ათკუ̂ა̈ჩხია̄ლუ̂ნი მა̄ჲ?
Line of edition: 28 -- გუ̂ა̈ჰდ მჷგნ' ე̄სერ. -- ეჩქა ფუ̈რუ̈ლდდ ხა̈̄ქუ̂:
Line of edition: 29 -- ჲაღო ჰაკუ̂ა̈დსუ ესერ ლოხგუდირდა.

Line of edition: 30 ფურდ მა̈გ ამჟი ჩუ̂ემინ ი დი̄ნ'ა̄მიშ-ი-ამი̄ ნე̄სგა სგა ხოგუ̂დური
Line of edition: 31 ჰაკუ̂ა̈დს ი პე̄რო̄ლა̈რ გარ ლა̈ხსა̈დ ნა̈ბოზთე̄სგა ალას-ა, ფუ̈რსუ̂.

Line of edition: 32 ა̈გით' ა̄ნჴა̈დ ფუ̈რუ̈ლდ ნა̈ბოზს ი ზურა̄ლ ლა̈ხჭუ̂ედდა:
Line of edition: 33 -- ეჯნა̈რ ესერ მა̈ჲ ოთყერე̄, მიჩა დი̄ნად?
Line of edition: 34 -- ჰაკუ̂ა̈დხა̈ნუ ესერ ლოხუ̂სგიდა. -- ლახტიხ ფუ̈რუ̈ლდდ.

Line of edition: 35 ლოხსგიდა ჰაკუ̂ა̈დხა̈ნ ი პე̄რო̄ლა̈რ გარ ხეცუ̂არ მიჩა გეზლაშ.

Line of edition: 36 ანჴა̈დ ეჩქა ალ ზურა̄ლ ი ჩუ̂ა̈ძიჰ ალა̄, ფუ̈რუ̂. ლა̈ძჰენჟი ქა̄ნჴა̈დ
Line of edition: 37 ალა̄, უ̂ოჴრი̄ლ, სგა ლახა̄გა̈ნ ფუ̈რუ̈ლდს ი იგუ̂ნი.

Page of edition: 325
Line of edition: 1 -- იმღა ხიგუ̂ნი, მიშგუ და̈დი̄ლ?
Line of edition: 2 -- იმღა-ჲ ამღა̄, ჩუ ჯა̈ძჰენიხ ი ალა მაცუ̂დილ.
Line of edition: 3 -- ჲაღო, ისგუ ლიგუ̂ნი მა̄მ ხაშიდ ათხე-ჲ ჩუ ლახ ამძიჰეხ, ეჩქა
Line of edition: 4 ლეღუ̂ ნო̄სა ლახა̈̄მე, ნო ხარშუ̂ ლახჷ̄შა, ჩუ ნო̄სამა ათცუ̂იდა: ნო იშუ̂,
Line of edition: 5 ნო ჯიჯუ̂ ი ნო ხარშუ̂. გუ̂ალა̈ თხუმ ლო̈̄ბი̄ლ ლი ი ჩუ̂ათკოკუ̂ეუ̂ მა̈გ
Line of edition: 6 ეჩელექუ̂ა, ეჩას ჟიქა̄ნ ხოჩა ლაფრი ათაფრ ი შომუ̂ა̈̄ჲ გუნ ლუხუ̂რობ
Line of edition: 7 ლესუ̂, ეჩქას ეჩას ლაფრი̄ლს ჟი ხოკა̈დდა̈ს.

Line of edition: 8 მე̄რმა ლადა̈ღ ლახორ ლა̈სუ̂ ი უ̂ოჴრი̄ლ ლაშჷყ ჩუქუ̂ა̈ნთე̄სგ' ა̄დჭებდე
Line of edition: 9 მიჩა დიუ̂ითრად, სგუ̂ებინჩუ̄ნ ფაკა̈ნ ესუ̂გე-ჲ ჩუ̂ადშგურა̄ნე:
Line of edition: 10 -- ნა̈ბოზს ესერ ალ ფაკა̈ნ (ფაკნი̄ლ) ქიმშუ̂ გუ̂ეში̄უ̂ ესხუ̂იე!

Добавлено (2007-01-16, 1:14 Pm)
---------------------------------------------
იგუ̂ნი ალა̄, უ̂ოჴრი̄ლ, იგუ̂ნი, მარე ფაკა̈ნს ეში̄ დეშ ა̈გუ̂შილე
Line of edition: 12 ქჷმშუ̂. ალას ხეწა̈დ მეზუ̂ბელი ზურა̄ლ ი ამნე̄მ ოხუ̂სყე ნიურწყა̈ლ ი
Line of edition: 13 ხა̈̄ქუ̂ უ̂ოჴრი̄ლს: -- ალა̄უ̂ ესერ ესხუ̂იე მიჩა დის ი მუს ა̈გითე ლახ
Line of edition: 14 ანჴეხ.

Line of edition: 15 მიჩა დიუ̂ითრა-ჲ მუ ამჩიქქა ლახორს არდახ. ეჩქა ლა̈ხშყა̈დ უ̂ოჴრი̄ლს
Line of edition: 16 ფუ̈რუ̈ლდა̈ ნაშგურა̄ნუ̂, ჟ'ოხკიდ ლო̈̄ბის ლაფრი̄ლ ი ეჩხა̈ნჟი̄ნ
Line of edition: 17 ჟ'ანჴა̈დ რა̈შ ეჯჟი მოწყობილ, ეჯჟ' ერე ლისგდი მა̈დილ ლი ი
Line of edition: 18 დი̄ნა̈̄ მოწყობილობ ეჩჷნქა ხუღუ̂ე.

Line of edition: 19 ათხ' ა̄მ ლადა̈ღ ლუზრობ ლი-ჲ ხელწიფი გეზალ ითში ლეხხუ̄რის.
Line of edition: 20 აშხუ̂ მინდუ̂ერისგა ლჷგ უ̂ოქუ̂რე სუ̂ეტ ი ეჩეჟი̄ნ უ̂ოქუ̂რე ჭიქჷლდ
Line of edition: 21 ლჷგ.
Line of edition: 22 -- ჲერუ̂ა̈̄ჲ ესერ ალას ჟი ლა̈ხჰეწუ̂ნი, ხელწიფი გეზალს ესერ
Line of edition: 23 ხეხუ̂დ ეჯა გარ ხაკუ.

Line of edition: 24 ჟ'ა̈ნმა̄რა̈̄ნ ალა̄, უ̂ოჴრი̄ლ, ი ხოჩა̄მ ლჷმნაყა რა̈შს ჟი ლახსგურდა-ჲ
Line of edition: 25 მე̄რე̄მიშ ი მე̄ფხე̄მი ნე̄სგაქა ქა̄პა̈რ ი ეშ ესფადგა̈̄ნ მინდუ̂ერისგა,
Line of edition: 26 ჟ'ესფხიჭე ჭიქჷლდს, ჟი ლა̈ჲკჷთნე-ჲ ღო ჩუ̄დ ესგე, ჩუ მა̄მ ოხქა̈ხ
Line of edition: 27 რა̈შხა̈ნჩუ̄ნ ი ეშჷდ ლა̈ხქარუ̂ა̈̄ნ უ̂ეშგდ. ამჩიქქა უ̂ოჴრი̄ლს ჩაფჷლ ჩოთშყა̈დ.
Line of edition: 28 ა̈გით' ა̈ნჴა̈დ, ეჩქა რა̈შ ჩუ̂ადზჷზე ლო̈̄ბიჩუ̄ნ, ჯაჲ ქა̈̄დი̄ღა̈ლა̈̄ნ
Line of edition: 29 ი ჩუ̂აშხუ̂ინ ლერქუ̂ა̈ლ, მიჯნე̄მ ჩალჷლდა̈რჷდ გარ ესლაფრე-ჲ სგა̄დ
Line of edition: 30 აჩა̈დ ლაშჷყ ჩუქუ̂ა̄ნთე ი ფაკა̈ნი̄ ჩუ̂ესხუ̂იე ქიმშუ̂ გუ̂ეში. ამჩიქქა ანჴა̈დ
Line of edition: 31 ი ა̄დუ სერ ა̈გითე ზურა̄ლ ი შიშდ ლა̈ხჭუ̂ედდა:
Line of edition: 32 -- ოხგუ̂ეშლ' ესერ მა̄ჲ ფაკნი̄ლ?
Line of edition: 33 -- ა̄დუ̂ ესერ.

Line of edition: 34 ამჩიქქა ა̈ხჭა̈მ კე̄სრი გეზალ ი ჩაფჷლ შჷნ ხუღუ̂ე-ჲ ჩი̄ ალას ხაზმე,
Line of edition: 35 მარე და̈̄ს მოშ ა̈ხრიგია̈̄ნ. უ̂ოდ დი̄ნა ფუ̈რუ̈ლდს ა̈თჭემენ ლალდა̈ღთე,
Line of edition: 36 ეჩქად ლა̈სუ̂ ალა ი ალ დი̄ნა̈̄ დის გუნ გუ ხა̄დ, ერე სგა მოშ ახშჷ̄დე̄ნს
Line of edition: 37 მიჩა გეზალს, ჭჷშხა̈რი̄ ქა̄ხტა̄ბე ეშ, მარე ეში̄ დე̄მჟი მოშ ახშჷ̄დ
Line of edition: 38 ი ეში̄.

Добавлено (2007-01-16, 1:14 Pm)
---------------------------------------------
ათხე კე̄სრი გეზალ ი მიჩა უ̂ა̈ზრა̈ლ ხეღუ̂ირა̈̄ლხ ზურალს: "ხერდიხ
Line of edition: 2 ესერ აჯაღ ჲერუ̂ა̄ლე ი ქა̄უ̂ ოხჴიდხ ი ქა̄უ̂ ლახწუ̂ე̄ნეხ, მარე
Line of edition: 3 ზურა̄ლ დე̄რუ̂ას ტუ̄ლი: -- და̈̄რ ესერ მინე ლა̈შგდა̈̄შ.
Line of edition: 4 -- ქა̄უ̂ ესერ ღენ ოხჴიდხ ეჯე̄, ჲერუ̂ა̈̄ჲ ღენ ხორიხ მა̈გუ̂რე̄მა
Line of edition: 5 ლაშჷყ ჩუქუ̂ა̄ნ!

Line of edition: 6 ეჩქა ქა̄ნჴიდხ მარა̄კ ჩუქუ̂ა̄ნხა̈ნქა უ̂ოჴრი̄ლ, ლახზჷმეხ ალას ჩაფჷლ
Line of edition: 7 ი ეშ ოთშყა̈დ ჭიშხ სგა̈̄ნჩუ ჩაფჷლთე̄სგა. ეშ გუნ მა̄მ ლახხი̄დჷნ კე̄სრი
Line of edition: 8 გეზალს, მარე სერ ეში̄ ალ დინა ხა̄დ ჩუ ლეყდა̈̄ნი ხახუ̂დ. ალა ეჯჟი
Line of edition: 9 ჩუ̂ათლო̄ნ ამი̄ დიუ̂ითრას, ერე ჩუ უ̂ეთ ადგან, მარე მა̈ჲუ ხოჩუ̂მინა̈̄ნ?

Line of edition: 10 ესყა სერ უ̂ოჴრი̄ლ კე̄სრი გეზალს ხახუ̂დ ი, ლახ ალა სგა ლა̈ხჯჷრუ̂ა̈̄ნ
Line of edition: 11 უ̂ოჴრი̄ლს, ეჩქა ხა̈̄ქუ̂ კე̄სრი გეზალს: "ჲაღო, ჩიქე ჟი̄უ̂ ესერ ღენ
Line of edition: 12 ლა̈ჲღე̄ლუ̂ეხ!" ადკარე ლო̈̄ბი̄ლ, ამხა̈ნჟი ჟ'ანჴა̈დ ჩინუკუ̂ი ლერექუ̂ ი
Line of edition: 13 ეჯკა̈ლიდ ჟ'ა̈ნმა̄რა̈̄ნ უ̂ოჴრი̄ლ, ერე ლისგდი მა̈დილ ლი. ეჩჷნქა ჟ'ანჴა̈დხ
Line of edition: 14 ამხა̈ნჟი მიჩა ლალსგურა ი მიჩა ჭა̈შმიშ რაშა̈ლ. ახსგურდახ ალ
Line of edition: 15 რაშა̈ლს ი ეშ ლა̈ხქარუ̂ა̈̄ნხ დეცე მე̄რე̄მიშ ი მე̄ფხე̄მი ნე̄სგაქა ი ეშ
Line of edition: 16 ესფადგა̈̄ნხ კე̄სრი ლა̈ლზიგაჟი. ამჩუ ხოჩა ქუ̂ერწილ აჩუ̂მინხ ი ძღჷდ
Line of edition: 17 ხინ ი ხიად ხა̄დხ.

Line of edition: 18 ზურა̄ლს მე̄უ̂არ ხალო̄ნ ალ უ̂ოჴრი̄ლა̈ ნა̈ბნიე̄რი, მარე მა̈ჲუ
Line of edition: 19 ხოჩუ̂მინა̈̄ნ?

Line of edition: 20 კე̄სრი გეზალდ ი უ̂ოჴრი̄ლდ ხოჩა ლირდე-ლიზგ' ა̈̄დჴიდხ ი ჯამზჷრახ
Line of edition: 21 ღერთემ.

Добавлено (2007-01-16, 1:15 Pm)
---------------------------------------------
Text: 142b
Page of edition: 326
Line of edition: 22
ბ.

Line of edition: 23 არდახ ეშხუ ხეხუ̂-ჭა̈შ. ხეხუ̂ ჩუ̂ადგან ი ეშხუ გეზალ-დი̄ნა ოთსა̈დ.
Line of edition: 24 ალჲა̈რს ეშხუ ფირუ̈ლდ ხორდახ. ხეხუ̂ ლჷდგარუნღო მიჩა ჭა̈შდ მე̄რმე
Line of edition: 25 ხეხუ̂ ა̈ნჴიდ. დიუ̂ითრა სგუ̂ებნე ხახუ̂ხა̈ნქა̈̄ გეზალს ხოლა̄მდ ხა̈ჩოდა.
Line of edition: 26 ჰამჷნღუ̂ე̄ ნა̈ბოზდ ფირუ̈ლდს ხელდა̈ღდა. ჰამს ლალდა̈ღთე ლა̄ზჟი
Line of edition: 27 აშხუ̂ კალს მა̈ტყს ხაჰუ̂ედდახ ი ეჯნა̈რ ხეკუ̂ეს ერე ეშხუ კული ოხუ̂ფასე̄ნს.
Line of edition: 28 მახა ხეხუ̂სი̄ ა̈ხთენა̈̄ნ გეზალ. უ̂ოჴრი̄ლ (მა̈̄ნკუ̂ი̄ ხეხუ̂მი დი̄ნა)
Line of edition: 29 ჩიგარ კულჲა̈რს იტხა ა̈გითე ი ეჩნოშუ̂ ქუ̂ინს იცუ̂რა.

Line of edition: 30 აშხუ̂ინ უხიაგუ̂ მა̈რიამდ მიჩა გეზალ ადზჷზე ლალდა̈ღთე. ფირუ̂
Line of edition: 31 ხეჭუ̂დიე̄ლ:
Line of edition: 32 -- მიშგუ და̈დი̄ლ, ლაჩა̈ხუ̂ს მა̈ჩხუნე მა̄? -- მა̄მა.
Line of edition: 33 -- სგიმს მათრე მა̄? -- მჷცლა.
Line of edition: 34 -- ჭაფუ̈რს მა̄მნე მა̄? -- მჷცლა.
Line of edition: 35 -- ჲაღო, სგა ლა̈მგუდირ ჰაკუ̂ა̈დს ი ქა̄ჯსე̄რინა̄ლუ̂ნი.

Page of edition: 327
Line of edition: 1 სგა ლოხგუდირდა უხიაგუ̂ მა̈რიამი გეზალ ი ფუ̈რდ ქა̄ხცხიპუ̂ნე
Line of edition: 2 მეჰად ცხეკ ი მა̈გ ძინძიხდ ლახგენე. ანჴა̈დ ა̈გითე მეგუ̂ნი. ათხე ჟ'ა̈ნხირნა̈̄ნ
Line of edition: 3 უხიაგუ̂ მა̈რიამ ი მიჩა ჭა̈შს ხა̈̄ქუ̂: -- ფირუ̂ ჩუ̂ალძიჰედ!ალა

Line of edition: 4 ქა ლახსჷმდა უ̂ოჴრი̄ლს ი ქა̄ჩა̈დ ფუ̈რთექა ი ამჟი ჩუ იგუ̂ნი,
Line of edition: 5 ერე გუ̂ი̄მი ნა̈ხიპუ̂ს ჟ'აკუ̂ა̄ნე.
Line of edition: 6 -- იმნა̈რ ხიგუ̂ნი, მიშგუ და̈დი̄ლ?
Line of edition: 7 -- იმნა̈რ ი ს'ესერ ჩუ ჯა̈ძჰენიხ.
Line of edition: 8 -- ეჯღა ნო̄მის ფეშნი. ჩუ ჰე̄სა ამძიჰეხ, მიშგუ ხარშუ̂ ნო̄სა
Line of edition: 9 ლახჷ̄შა ი ჯიჯუ̂ა̈რ ნო̄სა აშჷდა ი ათბა̄ქა. ეჯჲა̈რ მა̈გ მიშგუ̂ა ლა̈დიარა̈
Line of edition: 10 თრომჩუ̄ნ აშჷდ. აშხუ̂ ნაგზანღო ჟ'ა̈ხწუ̂ე̄ნ.

Добавлено (2007-01-16, 1:16 Pm)
---------------------------------------------
ჩუ̂ა̈ძიჰხ ფუ̈რ ი უ̂ოჴრი̄ლდ ტკისდ ეჯჟი ჩუ̂ემინ-ე́, იმუ̂ა̈̄ჲჟი ფუ̈რილდდ
Line of edition: 12 ადშგურა̄ნე. აშხუ̂ ნაგზანღო ა̈ნწუ̂ე̄ნე: ხოჩა რა̈შ, ხოჩა ლერქუ̂ა̈ლ,
Line of edition: 13 ჩაფლა̈რ, მჷსკა̈დ ი სკიუ̂რ ი ალა მა̈გ გუ̂ეში ხა̄დ. მჷსკა̈დ სგა̈̄დდე
Line of edition: 14 ი სარაგჟი ლაბრა̄ლჟი ჩუ ოთსა̈დ. ალ' ა̈̄ხგუ̂ა̈ბ ხელწიფი გეზალს ი
Line of edition: 15 რა̈̄ქუ̂:
Line of edition: 16 -- ესუ̂ა̈̄ჲს ალა სგა̄თშჷ̄და. ეჩჷნქა და̈̄რ მაკუ ხეხუ̂დ.

Line of edition: 17 ქა̈̄ნცხიპ მთელ ქუ̂ეყან ი და̈̄ს მოშ ა̈ხრიგია̈̄ნ. ახჭიმ ჩია̈̄გ ი სგა̈̄ხჴა̈დჷ̄ნ
Line of edition: 18 უხიაგუ̂ მა̈რიამიშთე̄სგა. ამნე̄მ ქა̈̄ნჴერნე მიჩა დი̄ნა. იმჟი̄ნ ალა
Line of edition: 19 მო̄დ ხატა̄ბე ფხულა მიჩა დი̄ნას, მარე ეში̄ დე̄მჟი მოშ ახშჷ̄დ.
Line of edition: 20 -- სერ და̈̄რ ჯირიხ მო? -- ხა̈̄ქუ̂ ხელწიფი გეზალდ.
Line of edition: 21 -- სერ და̈̄რ, ეშხუ ნა̈დიანულ მირ ნიკუ̂ა̄რა, ეჩჷნქა.

Line of edition: 22 ქა̄ნჴიდხ ალა ი სგაჲ ალას ა̈ხრიგია̈̄ნ.

Line of edition: 23 ანჴა̈დ ი ალა ადჲე ხეხუ̂დ. ალ დი̄ნა ჟ'ა̈ნრექუ̂ა̈̄ნ ხოჩა̄მდ, ჟი ლახსგურდახ
Line of edition: 24 რა̈შს ი აჩა̈დხ. უხიაგუ̂ მა̈რიამ თხამშუ̂ ჩუ უ̂ეთ აბა̈ჭკუ̂.

Line of edition: 25 ალჲა̈რდ ხოჩა ლირდე-ლიზგე ა̈დჴიდხ ი ლჷმზჷრე̄უ̂ ხიშდ.

Line of edition: 27 ლჷმზჷრე̄უ̂ ხიშდ ი ამჩუ ა̈რიხ ხეხუ̂-ჭა̈შ. ალჲა̈რს გეზალ დე̄სა ხორიხ.
Line of edition: 28 ხეჴჷ̄რა̈̄ლხ ღე̄რბათუ̂ ი ჩუ ხეთხა̈̄ნხ გეზალ-ჭყინტ, მარ' ა̄ლას
Line of edition: 29 ეჯჟი ლიზუ̂ებ ჩუ ხაკუ, ერე ლადა̈ღისგა ჴა̈ნს ქა̄გა̄თუ̂ე ი ამი̄ზუმ დია̈რს
Line of edition: 30 იმკუ̂ედი. ლახ ამჟი, ალ ხეხუ̂-ჭა̈შს სგა ლა̈ხშდა̈ხხ მა̈გ ი რა̈̄ქუ̂ხ,
Line of edition: 31 ერე "ოხგონუ̂ეხუ ესერ ესამა ალას". ეჩუნღო ახტუ̂ი̄ლხ ხელწიფს ი
Line of edition: 32 ლა̈ხჭუ̂ედდახ:
Line of edition: 33 -- ხა̈̄ცუ ესერ ესამა̄ ალას ხოჩა?
Line of edition: 34 -- ჲაღო მა̈ჲ ესერ-ი ადზჷზეხუ̄ არაფერა̈ი ლათხე̄ლთე ი ეჯ' ე̄სერ
Line of edition: 35 ჩუ ლახშიდ იმუ̂ა̄ლა.

Page of edition: 328
Line of edition: 1 ადზჷზეხ ტკიცდ ალ ჭყინტ მიჩა დიდ ი მუდ არაფერა̈ი ლათხე̄ლთე.
Line of edition: 2 ესღრი-ჲ აშხუ̂ ლიცილდცახა̈ნ ჟ'ა̈ნშუ̂ემ. ანჴა̈დ ამხა̄უ̂ ეშხუ
Line of edition: 3 მახეღუ̂ა̈ჟილდ ი ლა̈ხჭუ̂ედდ' ა̄ლას:
Line of edition: 4 -- იმ' ე̄სერ ი̄რა არაფერა̈ი ლათხე̄ლ?
Line of edition: 5 -- იმ' ე̄სერ ჲაღო-ჲ ამეჩუ̄ნ ესერ საყდა̈რ ლჷგ, ეჩასუ̄ ესერ ა̈თჭა̈მ.
Line of edition: 6 უ̂ეშგიმპილს ესერ ყო̄რსუ̄ ლახჭჷ̄დ, ეჩქ' ე̄სერ ყო̄რ სგა̈̄დკა̈რი ი
Line of edition: 7 ჯ' ე̄სერ სგა̄დრი სგა̈̄ნჩუ. ეჩე̄სგ' ე̄სერ შკაფ იგნი. ეჩი̄ ყო̄რ ესერ ჩუ̄უ̂
Line of edition: 8 ადკარე-ჲ ეჩე̄სგ' ე̄სერ სა̈ტრო̄ლ იგნი. ეჯ' ე̄სერ ჟი̄უ̂ ა̈ნკიდ ი ეჯ
Line of edition: 9 სა̈ტრო̄ლ ესერ ი̄რა არაფერა̈ჲ.

Line of edition: 10 ამნე̄მ ტკიცდ ამჟი ჩუ̂ემინ: ჟ'ა̈ნკიდ ეჯე̄, სა̈ტრო̄ლ, ი ა̈გით' ა̄ნჴიდ.
Line of edition: 11 მიჩა დიდ ი მუდ ადკარეხ ალა̄, სა̈ტრო̄ლ, ი ამხა̈ნქა ეჯამა̈გ
Line of edition: 12 ხა̈ლხ ქა̄ნჴა̈დ, ერე შუ̂იმ მა̄მა ხა̄რ. ოხუ̂ბინეხ ალ ხა̈ლხდ ხელწიფს ი
Line of edition: 13 ხეხუ̂-ჭა̈შს ლიშია̈̄ლ ი ჟ'ახწინდახ. ალჲარე ლიზგე-ლირდე მა̈გ ალ
Line of edition: 14 ხა̈ლხს ესსა̈დხ.

Line of edition: 15 ალჲა̈რდ ხოჩა ლირდე-ლიზგ' ა̈̄დჴიდხ ი ლჷმზჷრე̄უ̂ ხიშდ.

Добавлено (2007-01-16, 1:17 Pm)
---------------------------------------------
Text: 144
Page of edition: 328
Line of edition: 16
144. მოკუ̂და̈̄ბია̈̄ ლიც

Line of edition: 17 ლჷმზჷრე̄უ̂ ხიშდ ი ამჩუ ა̈რიხ ხეხუ̂-ჭა̈შ. ალჲა̈რს ხაწუ̂ახ ი ხა̈ბდაუ̂ახ
Line of edition: 18 დე̄სამა, ეშხუ ჟეღილდ ხორიხ, ეჩჷნქა.

Line of edition: 19 აშხუ̂ ლადა̈ღ ალა̄, ჭა̈შ, აჩა̈დ ლა̈თხუ̂იართე: "ნო̄თაუ̂ ესერ ადთჷმ'
Line of edition: 20 ე̄სამა!" ალაჲ ა̈დჭემ-ა́, ჟეღილდ. ა̈თლაკ რა̈ჭუ̂ს ი ეჯჟი̄ნ ათყალუ̈̄ნდ'
Line of edition: 21 ე̄რე უ̂ეშგდ ლეთხპინე ხადდა. ალ ღუ̂ა̈ჟმა̄რე ეჯჟი მეჩი ჩუ ლი, ერე
Line of edition: 22 ცხირს უ̂ენდ გარ ხება̈̄ჴ ჟიქა̄ნქა. ანჴა̈დ ა̈გითე. მიჩა ხეხუ̂ ა̈გის ესხუ̂ი̄დ
Line of edition: 23 ი ლეღუ̂ სგა ხო̄გ ლაჯაბს. აგით' ე̄რ ანჴა̈დ ი ლა̈ხჭუ̂ედდა მიჩა ხეხუ̂ს
Line of edition: 24 (\\ ხახუ̂):
Line of edition: 25 -- მა̈ჲ ესერ ხო̄გხ ლაჯაბს?
Line of edition: 26 -- მა̈ჲ ესერ-ი ასუ̂ა̈რ ესერ ოხქუცუ̄რა-ჲ ეჯ' ე̄სერ ხო̄გხ.
Line of edition: 27 -- ღუ̂ ე̄სერ ამგუ̂ა̈ჲ გამაშ ლი მო მა̄რემი ლეღუ̂?
Line of edition: 28 -- ამგუ̂ა̈ჲ ესერ ღო.
Line of edition: 29 -- ჲაღო, ქა̄უ̂ ესერ აჩა̈დ ი ბეფშუ̄ იშა ა̈ნჷრმე-ჲ სგა̄უ̂ ანჴიდ.

Line of edition: 30 ქა̄ჩა̈დ ი ა̈თღუ̂ა̈ჭ ჲარუ̂ ბეფშუ̂ს: ჭყინტს ი დი̄ნას. ალჲა̈რ ჟ'აჩა̈დხ აშხუ̂
Line of edition: 31 ბაჩუ̂თეჟი ი ლა̈ხჴჷ̄რა̈̄ნხ ღე̄რბათუ̂, ერე "იმუ̂ა̈̄ჲ ღენ ესერ მინ
Line of edition: 32 ამაუ̂ ქო̄ხჴი̄და ი მა̈ზუმუ̂ა̈̄ჲ ამაუ̂ ხო̄ზი ეჯზუმ ნაკლა̈თხი̄უ̂ ლა̈ხჰოდა̈̄ნ!"
Line of edition: 33 ალ ჭყინტდ ი დი̄ნადი̄ ეჯჟი ჟ'ა̈ნცხეხ. ერე დეცს ხელუ̂ე̄ფიე̄ლხ. დი̄ნას
Line of edition: 34 ეჯკა̈ლი ლუსდგუ̂ა̈რ ოხუ̂ჴა̈დ, ერე ბაჩუ̂ხა̈ნჩუ ლახ ჩუ̂ა̈ქუ̂ჭა, ჩუქუ̂ა̄ნ ეშ
Line of edition: 35 ხოთჷნთირდა. ათხე სერ ჟ'ახჟანდახ ალ ბაჩუ̂ჟი ლარდას, ლიცი ახფჷნდახ
Page of edition: 329 Line of edition: 1 ი ჩუ̂ანჴა̈დხ ჩუქუ̂ა̄ნთე-ჲ ეჩექა ტო̄მბო̄ლა̈რ ლა̈სუ̂ხ ი ალჲა̈რ ჩუ
Line of edition: 2 ლაი̄შხ ი ჭყინტ ირემდ ესსიპდა.

Line of edition: 3 ესღრიხ სერ, ესღრიხ ამჟი-ჲ ალა სგა ხონჴრი ღალ-ა, ირემ, სგა
Line of edition: 4 ლახა̄გა̈ნხ აშხუ̂ კე̄სა̈რშა ყო̄რს. ლახა̄გა̈ნხ ყო̄რს კე̄სა̈რშე̄რ ი კე̄სა̈რშე̄რემ
Line of edition: 5 მე̄უ̂არ ა̈დჷლხინეხ ი ლა̈ჲმაკხეხ დი̄ნა კე̄სრი გეზლა̈ ხეხუ̂დ. ეჩქა

Добавлено (2007-01-16, 1:18 Pm)
---------------------------------------------
ამნე̄მ რა̈̄ქუ̂-ა́, ალ დი̄ნად:
Line of edition: 7 -- ალას ესერ-ა, მიჩა ჯჷმილს, ჰე მოშ ქა ხაჟგენიხ ლა̈ჩუ̂ობს,
Line of edition: 8 ეჩქ' ე̄სერ ქა ხონჴრი-ჲ ადო აშ დე̄მა.

Line of edition: 9 აჩა̈დ მელთერთე ალა̄, კე̄სრი გეზალ. ი ლა̈ხჭუ̂ედდა:
Line of edition: 10 -- ხე̄რ' ესერ ესამა̄ ალას ლაშა̈დ? -- ეჩნე̄მ ხა̈̄ქუ̂-ე́ მელთერდ,
Line of edition: 11 ერე:
Line of edition: 12 -- ჲაღო, ჯ' ე̄სერ ლახჰუ̂ედნე მიჩ მოკუ̂და̈̄ბია̈̄ ლიცს ი ეჯა̄უ̂ ესერ
Line of edition: 13 ლახა̈̄შ!

Line of edition: 14 კისდ ქა ლახუ̂ე̄მ ეჯე̄, მოკუ̂და̈̄ბია̈̄ ლიც, ი ლახა̈̄შ ირემს, ხოსტჷრფილ
Line of edition: 15 მახეღუ̂ა̈ჟი̄ ლა̈ხტა̈ხ. ეჩუნღო̄ნ ალ დი̄ნა ტკისდ ქო̄თჴერდა კე̄სრი
Line of edition: 16 გეზალს.

Line of edition: 17 ალჲა̈რდ ხოჩა ლიზგე-ლირდ' ა̈̄დჴიდხ ი ლჷმზჷრე̄უ̂ ხიშდ.

Добавлено (2007-01-16, 1:18 Pm)
---------------------------------------------
Text: 145
Page of edition: 329
Line of edition: 18
145. გრუზიელ ი გრუზაუ̂ოჲ

Line of edition: 19 ლჷმზჷრე̄უ̂ ხი̄-ჲ ა̈რიხ ამჩუ ხეხუ̂-ჭა̈შ. ალჲა̈რს გეზალ დე̄სა ხორიხ
Line of edition: 20 ი ლა̈ხჴჷ̄რა̈̄ნხ ღე̄რბათუ̂, ერე "გეზალუ ესერ ლახუ̂ე̄მ". სერ ადგეხ
Line of edition: 21 ჯუ̂იდი ლა̈კირ ი ეჩი̄ ქუ̂ინ ღე̄რბათუ̂ ლახჴანდა ჟიბებუა̄სდთე ი ადზჷზე
Line of edition: 22 ჩუბებუა̄სდთე ჭო̈̄რ ლა̈მჴერთე: "მა̈ჲუ ესერ ლესუ̂ ჩუბებუა̄სდ?"
Line of edition: 23 ანტა̈ხ ალა̄, ჭუ̂ე̄რო̄ლ, ი ხა̈̄ქუ̂: "ალ' ე̄სერ ზურალა̈̄რ იცხე̄ნიე̄ლხ ი ეჩი̄
Line of edition: 24 ქუ̂ინ ესერ ალჴა̈ნლი". მარე ღერთემ მა̄დ ოთჯჷრუ̂ე ი ადზჷზე მახან
Line of edition: 25 ლა̈მჴერთე მუგულდ. ამნე̄მ ტკიცდ ჟ'ა̈ნმეჴრე ამბა̈უ̂ ი ხა̈̄ქუ̂: "ეშხუ
Line of edition: 26 საბრალ ხეხუ̂-ჭა̈შ ესერ ლიხ ი გეზალ ესერ დე̄სა ხორიხ ი ეჩას ხეჴჷ̄რა̈̄ლხ
Line of edition: 27 მიჩ (ღე̄რბათუ̂)-ე́ გეზლა̈ ლიჰუ̂დის". ეჩქა ღერთემ ახბა̈რჲე
Line of edition: 28 უ̂ისგუ̂ილდ: "ალა̄ ნა̈ბიჴუ̂, ესერ ზურა̄ლდუ ლალე̄მ ი ნა̈ბიჴუ̂ ჭა̈გ ჩა̈̄ჟსუ
Line of edition: 29 ხა̄მნეხ!" ალა ტკისდ ამჟი ჩუ̂ემინხ ი ზურა̄ლ ჩუ̂ა̈დღანუ̂ა̈̄ნ ი ჩა̈̄ჟ ჩუ̂ა̈დჷნშდექა̈̄ნ.
Line of edition: 30 ა̈დღუ̂აჟ ზურა̄ლ ი ჭყინტ ანთენე, ა̈დზა̈̄ნ ჩა̈̄ჟ ი ყუ̂ა̈რუ̈ლ
Line of edition: 31 ანთენე. ჰა̄ლ ბეფშუ̂ ქა̈̄ნთენა̈̄ნ, შიშდ ლიგჷრგა̈ლი ა̈დბინე ი ჟი
Line of edition: 32 ლახსგურდა მახა ნათა̈ნუ̂ ყუ̂ა̈რუ̈ლს. მიჩა მუს ხა̈̄ქუ̂:
Line of edition: 33 -- გაცხა̈ჲდ ესერ ამჟი ღა̈რიბ ლიხ მო, ერე დო̄სამა ხორიხ ჰა̈დურდ?
Line of edition: 34 -- მიჩა მუდ ლახტიხ, ერე

Page of edition: 330
Line of edition: 1 -- ღა̈რიბ ესერ დე̄სამა ლიხ, კუმში ჯუ̂ეგ ესერ და̈̄უ̂დ ხობრა̈ჲახ
Line of edition: 2 ლახუ̂ს.
Line of edition: 3 -- ჲაღუ̂ ე̄სერ ეჩხა̄უ̂ ჯა ღჷრი.

Line of edition: 4 ჟი ლახსგურდა მიჩა ყუ̂ა̈რუ̈ლს ი აჩა̈დ. ესღრ', ესღრი ი ჯუ̂ე̄დია-ნაჯუ̂და
Line of edition: 5 მინდუ̂ერისგა ჟ'ა̈თლაკ ბამბი კარაუ̂ს. ამე̄სგა ჩუ სგურ ეჯკა̈ლი
Line of edition: 6 სი̄მაქ, ერე ლისგდი მა̈დილ ლი. ალჲა̈რ ერ უშხუ̂ა̄რ ქა ხეწა̈დხ,
Line of edition: 7 ეჯჟი ჩუ ლახლატჷნხ უშხუ̂ა̄რე თხუ̂იმ, ერე შუ̂იმ მა̄მა ხა̄რ.
Line of edition: 8 ჩუ̂ა̈რიხ ამჩუ ჲარუ̂ ი სამ ლადა̈ღ, ეჩჷნღო დი̄ნად ხა̈̄ქუ̂, ერე
Line of edition: 9 -- ჲაღუ̂' ა̈თხ' ე̄სერ ქა̄უ̂ იმთე აჩა̈დხ, ადო მიჩა დი-ჲმუ ესერ ჴედნიხ
Line of edition: 10 სამ ლჷჭიშხ კერეტანშუ̂ ი ეჩქ' ე̄სერ მიჩი̄ ქა̈̄იხ.

Добавлено (2007-01-16, 1:19 Pm)
---------------------------------------------
ლახსგურდა ყუ̂ა̈რუ̈ლს ი აჩა̈დ ა̈გითე ალა̄, ჭყინტ. მე̄უ̂არ ლუწხუ̂აუ̂ად
Line of edition: 12 ა̈რი. ხეღუ̂ი̄რა̈̄ლხ მა̈გ ა̈გის: "ქა̄უ̂ ესერ ლა̈ჲკუ̂იშ, მა̈̄ღენუ̂ა̈̄ჲ
Line of edition: 13 ხათჷმ", მარე ქა და̈̄ს იმის ხა̈ტხე. უ̂ეშგიმპილს სერ ქა ლოხკუ̂ა̈შ მიჩა
Line of edition: 14 მუს, იმუ̂ა̈̄ჲჟი დო ლა̈სუ̂, ერე
Line of edition: 15 -- ჲაღო, ჯ' ე̄სერ ბამბი კარაუ̂ს ათლაკა-ჲ ეჩე̄სგ' ე̄სერ ლჷმსგუ̂ირ
Line of edition: 16 სი̄მაქ, ხედუ̂ა̈̄ჲ ესერ მიჩ სურუ ლახლატა, მარ' ე̄სერ მინე უჭუ̂დია̄ლუ̈ნდ
Line of edition: 17 ა̈გითე დეშ ოხჴი̄და. -- მიჩა მუდ ხა̈̄ქუ̂, ერე
Line of edition: 18 -- ჲაღუ̂ ე̄სერ ეჩხა̄უ̂ ლი̄ზის ჯა მა̄მ ხოდურუ̂ა̈ნი ი აჩა̈დუ̄.

Line of edition: 19 აჩა̈დ ალა̄, ჭყინტ, ი ათა̄სდ ალ ბამბი კარაუ̂ს-ა́, ხედუ̂ა̈̄ისგა დი̄ნა
Line of edition: 20 ა̄ცუ̂ირ, მარ ალ სი̄მაქ დე̄ს' ე̄სხუ̂ი̄დ ამე̄სგა. ეჩქა მიჩა ყუ̂ა̈რუ̈ლდ
Line of edition: 21 ხა̈̄ქუ̂:
Line of edition: 22 -- ჲაღუ̂ ე̄სერ ჟი̄უ̂ ლახსგურდა ბჷგიდ მიჩ ი ქა̄უ̂ აფიშუ̂დ მიჩა
Line of edition: 23 ნა̈ბჟი (ჩა̈̄ჟ)!

Line of edition: 24 ესღრიხ, ესღრიხ სერ ალჲა̈რ, ესღრიხ, ჯუ̂ედია-ნაჯუ̂და მინდო̈რისგა
Line of edition: 25 ჩუ̂ესწუ̂ე̄ნეხ ქორ. ეჩქ' ა̄ჯაღ ადშგურა̄ნე ყუ̂ა̈რუ̈ლდ:
Line of edition: 26 -- ამჩუ̂ ესერ ლიშია̈̄ლ ხოწუ̂იუ̂ ი ბჷგიდუ̄ ლახსგურდა!

Line of edition: 27 აჩა̈დხ ალჲა̈რ აშხუ̂ ჰა̈ზუ̂თე̄სგა, ანკუ̂ა̈ფხ ჟ' ალა̄, ჩა̈̄ჟ, ი, ალჲა̈რს
Line of edition: 28 ჩეი̄ ყო̄რა̈ლ ხოწიბხ, ეჯჲა̈რ სგა̄თძგუბუ̄რეხ. ჰა̄ლ სგა̄თძგუბუ̄რეხ,
Line of edition: 29 ამეჩუ̄ნ შიშდ ჩუ̂ესწუ̂ე̄ნეხ ეჯ სი̄მაქ-ე́, ხედუ̂ა̈̄ჲ ერ ბამბი კარაუ̂ისგა
Line of edition: 30 სგურდა. ჟი ლახსგურდა ალ დი̄ნაი̄ სამ ლჷჭიშხ კერეტა̈ნს ი ოხუ̂ბინეხ

Добавлено (2007-01-16, 1:19 Pm)
---------------------------------------------
უშხუ̂ა̄რ ლიშია̈̄ლ. იშია̈̄ლხ, იშია̈̄ლხ ი ჟ'ახწინდახ ჭყინტ ი მიჩა
Line of edition: 32 ყუ̂ა̈რუ̈ლ. ამჩიქქა სიმქა̈ დი̄ჲ ანჴა̈დ მჷრა̈̄მხა̈ნ ი ქა ლახუ̂ე̄მხ ალ დი̄ნა
Line of edition: 33 ხეხუ̂დ. ათხე ჩუ̂ა̈რიხ ამჩუ-ჲ უ̂ეშგიმპილს დი̄ნად რა̈̄ქუ̂:
Line of edition: 34 -- მიჩ ესერ ხორი სემი ლაჯმილა-ჲ ეჯჲა̈რ ესერ ხეშია̈̄ლხ თათრი
Line of edition: 35 ჯა̈რს ი ეჯჲა̈რთე̄უ̂ ესერ აჩა̈დხ ი ლოხუ̂მარჯო̈̄უ̂!

Line of edition: 36 ჟი ლახსგურდა ალა მიჩა ყუ̂ა̈რუ̈ლს ი აჩა̈დ. ეჩუნღო̄ნ სგა̈̄თთხანა̈̄ნ
Line of edition: 37 ალჲა̈რს. ალჲა̈რ ჩუ იუ̂ჟახ ბამბი კარაუ̂ისგა, თათრი ჯა̈რ გა̈ნთე ხაშჷ̄დდახ
Page of edition: 331 Line of edition: 1 მა̈ფშა̈̄რ. ლა̈ჲცხუ̂ა̈პ დაშნა̈ჲ ი ხუ̂იტე ალჲა̈რს. სემი̄ლ ხოკლი̄ნდა
Line of edition: 2 ლეხუ̂ტად, ეჩქა ჟ'ანჲა̈ცხხ სემი ლახუ̂ბა. ალჲა̈რდი̄ ჩოთბაცეხ მინე
Line of edition: 3 დაჩუ̂ირ. აჩა̈დხ ა̈გითე-ჲ ამეჩუ ჩუ̂არდახ უ̂ოდ-ი-უ̂ოდ (ჭყინ-ი ლა̈მთილს).
Line of edition: 4 ეჩუნღო ჭყინტდ რა̈̄ქუ̂:
Line of edition: 5 -- ათხ' ე̄სერ სერ მიჩა ქორთე̄უ̂ აჩა̈დხ.

Line of edition: 6 ალას-ა́, დი̄ნას, ხაჟხა გრუზიელ. ჟი ლახსგურდახ ხეხუ̂-ჭა̈შ ჩა̄ჟა̈რს
Line of edition: 7 ი აჩა̈დხ. ჯუ̂ე̄დია-ნაჯუ̂და მინდუ̂ერისგა ათა̄სდხ მე̄რმა ქორს. ამჩუ̄ნ
Line of edition: 8 ყუ̂ა̈რუ̄ლდჷდ ხა̈̄ქუ̂:
Line of edition: 9 -- ჲაღო, ამჩუ̄ნ ესერ ლიშია̈̄ლჷდ ხოწუ̈უ̂ხ.

Line of edition: 10 ანკუ̂ა̈ფხ ჟ'ალა̄, ჩა̈̄ჟ, ი, ალჲა̈რს ჩეი̄ ყო̄რა̈ლ ხა̄დდახ, ეჯჲა̈რ
Line of edition: 11 სგა̄თძგუბუ̈რე. ამეჩუ̄ნ, ალ ქორისგა, დი̄ნა არდა ი ალა ჟი ლახსგურდა
Line of edition: 12 უ̂ო̄შთხუ̂ ლჷჭიშხ კერეტა̈ნს ი ლიშია̈̄ლ ოხუ̂ბინე ალას-ა́,
Line of edition: 13 ჭყინტს. იშია̈̄ლხ, იშია̈̄ლხ ი ჟი̄დ ახწინდა ალა̄, ჭყინტ. ალაჲ ქა̄დ ადჲე
Line of edition: 14 ი ალა მე̄რმა მუხუ̂ბე̄მი ხეხუ̂ჲა̄ქ ხა̄დ. ალას ხაჟხა გრუზაუ̂ოჲ.

Line of edition: 15 ანღრიხ ათხ' ა̄ლჲა̈რ ი ალ მახაღუ̂აჟრე ლა̈ხხუ̂ა ჲერქჷდა სგა ხონჴრიხ.

Добавлено (2007-01-16, 1:20 Pm)
---------------------------------------------
იჰა̈̄ლხ მინე ქორთე̄სგა, ეჩქა ა̈ნკიდ ჯიბხა̈ნჟი გრუზაუ̂ოჲდ ლა̈კუ̂ცა̈̄ნ ი
Line of edition: 17 ლაჲტი̄ფანე მინდუ̂ერისგა ი ლარდა̈̄ლ ა̈დგა̈̄ნხ. ა̈ნკიდ ჯიბხა̈ნჟი
Line of edition: 18 ლაშე̄რილ ი ძღუდა̈რ ახცხიპ ლარდა̈̄ლს. ეჩუნღო̄ნ ა̈დკუ̂იჰხ სერ ალა
Line of edition: 19 ჩიემ, სოფლა̈რდ, ი ლიშია̈̄ლ ოხუ̂ბინეხ ალ მახაღუ̂ა̈ჟს ი მინე ლა̈ხხუ̂ას,
Line of edition: 20 მარე ჟი და̈̄რ მოშ ახწინდახ ი ალჲა̈რდ ეშხუ სა̈ხჷლწიფუ̂ მა̈გ
Line of edition: 21 ჟ'ანხუ̂იტხ. ეჩუნღო̄ნ ა̈წჰეხ სერ ალჲა̈რ ჭყინტი მუდ, მარე ლა̈ხხუ̂ა
Line of edition: 22 მა̄დ ხეწჰა̈̄ნხ. ი მახეღუ̂ა̈ჟ გარ აჩა̈დ. ალჲა̈რ უ̂ოდ-ი-უ̂ოდ ჰარა̈ყს ათუ̂ნა̈̄ლიხ
Line of edition: 23 ი ა̈მზჷრიხ ალას-ა́, მინე გეზალს, ი უ̂ეშგიმპილს ბა̈ნგ ლახა̈̄შხ.
Line of edition: 24 ჩუ̂ადბჷნგუ̂ეხ ი ჟ'ესლა̈ჯხ ბანდა̈რჟი̄ნ ალა̄, მინე გეზალ. ეჩუნღო თე̄რა̈ლ
Line of edition: 25 ქო̄ხკჷდჷ̄რეხ, მურსგუ̂ენ თე მჷრთენ ჯიბთ' ე̄სუ̂დეხ ი მჷრთენმურსგუ̂ენთე,

Line of edition: 33 ამჩიქქა ამი̄ ლა̈ხხუ̂ას ხეშია̄ლხ მე̄რმე-მე̄რმე სა̈ხჷლწიფუ̂ა̈რ, მარე
Line of edition: 34 ჯა̈რ ლახ ჩოთშდა̈ხხ, სათათრე̄თხა̈ნ ანჴიდხ სერ ჯა̈რ. ეჯ ჯა̈რს ალ
Line of edition: 35 მახეღუ̂ა̈ჟი ა̈ხჩჷ̄დ. ამნე̄მ მეცქუ̂ილ ოთზჷზე მიჩა მუს ი ხაშგუ̂მინ, ერე
Line of edition: 36 "ჲაღო, მიჩ ესერ ერ მიჩა გეზლა̈ ყუ̂ა̈რუ̈ლ ესსედა, ეჯ' ე̄სერ ქა̄უ̂
Line of edition: 37 ლახუ̂ე̄მხ ი ეჩქ' ე̄სერ არიგებს ჟ'ახჟანდე̄დხ ალ ზურალა̈̄რს", ათხე
Page of edition: 332 Line of edition: 1 სერ იშია̈̄ლხჷდ ი თათრი ჯა̈რ მა̈გ ჟი̄დ ანხუ̂იტხ. ეჩუნღო სერ ლიშია̈̄ლ
Line of edition: 2 ალ ჭყინტსი̄ ათხუ̂ი̄დ ი ალა ჟ'ახწინდა ზურალა̈̄რს. ალ მახეღუ̂ა̈ჟ
Line of edition: 3 ლა̈სუ̂ ეჯე̄, მინე ლეჭშჷ̄რი. ჩუ̂ათირხ ზურალა̈̄რდ. ლახჭემხ ალჲა̈რდ
Line of edition: 4 პლატკულ თე̄რა̈ლქა ი ხოსტჷრფილი̄ ლა̈ხტა̈ხხ. ალჲა̈რს ალ
Line of edition: 5 ხელწფარე მაღუ̂ა̈̄ნ მა̈გ ჩუ̂ესსა̈დხ, ხოჩა ლირდე-ლიზგ' ა̈̄დჴიდხ ი ლჷმზჷრე̄უ̂
Line of edition: 6 ხიშდ.

Добавлено (2007-01-16, 1:21 Pm)
---------------------------------------------
Text: 146
Page of edition: 332
Line of edition: 7
146. ღუ̂აჭა̈რ

Line of edition: 8 ლჷმზჷრე̄უ̂ ხი ი ა̈რიხ ეშხუ დიმთილ-თელღჷრა. თელღჷრას ჭა̈შ
Line of edition: 9 ლა̈შია̄ლს ხორი ი ჯა ღანაუ̂ ლი. ოხჴა̈დ ლიღუ̂ჟა̄ლე დრო̈უ̂ ი აშხუ̂
Line of edition: 10 ლე̄თ იღუ̂ჟა̄ლ, აშ ამჩიქქა ალჲა̈რს ღუ̂აჭა̈რ ლახა̄გა̈ნხ ყო̄რს ი ხაშგუ̂მინ
Line of edition: 11 ბინა. ალჲა̈რს მე̄უ̂არ ხამჭინდახ ამი̄ სგა ლიხნი. მარე დე̄რუ̂ასი
Line of edition: 12 დეშ ლახგენეხ ი სერ სგა̈̄დხინხ.

Line of edition: 13 თელღჷრა ერ ჩუ̂ა̈დღუ̂აჟ, აშ ეჯ დრო̈უ̂ს ანჴა̈დხ ეჯჲარე ყო̄რთეჟი̄ნ:
Line of edition: 14 ჯგჷრა̈̄გ, ბარბალ ი თა̄რინგზელ. ალჲა̈რდ ა̈დი̄ნბუ̂ა̄ლეხ, ერე
Line of edition: 15 -- მა̈̄ზუმ ხა̈ნი ლირდე̄ ნა̈ბუ ესერ ლახუ̂ე̄მხ ალ ბეფშუ̂ს? -- ჯგჷრა̈̄გდ
Line of edition: 16 ლა̈̄ქუ̂, ერე
Line of edition: 17 -- ალასუ ესერ ლახუ̂ე̄მხ, ნაჰა̈̄ნდურ ერ ლჷყა̄რხა̈ნჩუ ჩუ ხექუ̂ცენი
Line of edition: 18 ი გიმჟი̄ნ ჟი ხოჲხენი, ეჩი̄ზუმ ხა̈ნი ლირდე̄ ნა̈ბ. -- ბარბალდ ლა̈̄ქუ̂,
Line of edition: 19 ერე
Line of edition: 20 -- მაცლა̈ნს ესერ სგა ხოჩდიხ ი ჩუ შდეხნი, ეჩი̄შ-ი-ეჩი̄ ნე̄სგა
Line of edition: 21 მა̈̄ჲ ხა̈ნ ღჷრი, ეჩზუმ ხა̈ნს ლირდე̄ ნა̈ბ. -- ეჩქა თა̄რინგზელდ ლა̈̄ქუ̂,
Line of edition: 22 ერე
Line of edition: 23 -- ეჯ' ე̄სერ მა̄მა-ჲ ალჲა̈რს ესერ ბა̄ზი ღუ̂აჭა̈რ ხორიხ, ეჩი̄ კეთლი
Line of edition: 24 პატრონდუ̄ ანსყეხ.

Line of edition: 25 უ̂ეშგინპილს სერ ჩუ̂აცუ̂ირხ ეჩეჟი ი აჩა̈დხ.

Line of edition: 26 ალჲარე გა̈რგლა ღუ̂აჭა̈რს ქა ხესმო̄ლ ი მე́უ̂არ ხასკუ̂რა̈ლჷნ.
Line of edition: 27 -- ღე̄რბეთ ესერ ჯა̄უ̂ ლა̈ხშა̈დ, ალ ბეფშუ̂ ესერ იმჟინ ი̄რა მიჩა
Line of edition: 28 კეთლი პატრონ?

Line of edition: 29 მე̄რმა ლადეღ ოხუ̂ბინე ღუ̂აჭა̈რდ ალ ბეფშუ̂ი ლიღუ̂ჭარა̈̄ლ, მარე
Line of edition: 30 დე̄მ ხა̈ყდიხ. ეჩქა ხა̈̄ქუ̂, ერე
Line of edition: 31 -- ბეფშუ̂იშ როქუ̂ მა̄მა თერა ი ჯა როქუ̂ აშხუ̂ ჰილუ̂ს ლახუ̂ედნე
Line of edition: 32 უ̂ოქუ̂რშუ̂ ლჷლა̈̄ბს. ნა̈ბ ი უმბილ მა̈გ ოთნა̈ჩდე ი სერ ღალ ჩუ̂ათყიდხ.
Line of edition: 33 ღუ̂აჭა̈რდ კალთა̈ჲს ლა̈ჲჭუ̂ე̄ნ ბეფშუ̂ ი აჩა̈დ. აშხუ̂ მინდუ̂ერისგა
Line of edition: 34 ჩუ̂ესჷ̄გა̈ნ ი ადჭკუ̄რე: "ჩუ̂ადგრის ალ ბეფშუ̂, ჰა მა̈ჲ ხა̈ყრის?" უ̂ეშგინპილს
Line of edition: 35 ქა̄თქუ̂იც თხუ̂იმ სერ ი ქა̄დკუ̂ა̈რ ცა̈გი ტა̈̄ნთექა, ჯ' ა̄ჩა̈დ.

Добавлено (2007-01-16, 1:22 Pm)
---------------------------------------------
ალ ბეფშუ̂ს ა̈თლაკ ლა̈ჩუ̂ ი ჟანჷრდე. ეზერ მახეღუ̂ა̈ჟ ა̈ხფას. ლახ
Line of edition: 2 ჲა̈რ ხეჭუ̂დია̄ლ: "იშა გეზალ როქუ̂ ხი, ჲედ მა̈ჲ გუ̂ა̈რიშ?" ეჩქა ეჯა
Line of edition: 3 ხა̈ტხა, ერე
Line of edition: 4 -- ჯა როქუ̂ ლა̈ჩუ̂ა̈ ნარდა̈უ̂ ლი ი მა̄მა ხოხა, იშა გეზალ დო
Line of edition: 5 ლი, ჲედ გუ̂ა̈რ მა̈ჲ დო ხა̄რ.

Line of edition: 6 აშხუ̂ ლადეღ ესღრი ალ ჭყინტ შუკუ̂ს ი სგა ლახხუ̂ი̄დ ღუ̂აჭა̈რ ი
Line of edition: 7 ლახჭუ̂ედდა:
Line of edition: 8 -- იმთე როქუ̂ ესღრი?
Line of edition: 9 -- იმთე ი ლა̈დია̄ნათე. -- ლახტიხ ჭყინტდ. ეჩქას ხა̈̄ქუ̂, ერე
Line of edition: 10 -- იშა გეზალ ჲედ მა̈ჲ გუ̂ა̈რიშ როქუ̂ ლი?

Line of edition: 11 ჭყინტდ ქო̄ხო̄მბუ̂ე მა̈გ, იმჟი̄ნ ნარდა̈უ̂ ლი ჯა ი იმჟი̄ნ მა̄დე. ეჩქა
Line of edition: 12 ღუ̂აჭა̈რ გუდ ანჴა̈დ, ერე ალა ლა̈სუ̂ მიჩა ნაკუ̂არუ̂ ბეფშუ̂ ი ხა̈̄ქუ̂:
Line of edition: 13 -- მიჩუ როქუ̂ ოთო̄გა̈ნ ლჷდია̄ნად.
Line of edition: 14 -- ეზერ როქუ̂.

Line of edition: 15 ღუ̂აჭა̈რდ ჩუ̂ა̈ირ ლა̈ირ ი ქა̄თბა̈რჲე მიჩა ხეხუ̂თე:
Line of edition: 16 -- ჩუ როქუ̂ ჰე სგურდე̄დს ი შიშდ ჟი̄უ̂ ანჷ̄გა̈ნხ ი ჩუ̄უ̂ ადყიმეხ
Line of edition: 17 ალ ჭყინტ ი ჟი ჰე ლჷ̄გენხ ი ჩუ ნო̄უ̂ ესსგურდახ, ეჩჟი̄უ̂ ადყიმეხ!

Line of edition: 18 შუკუ̂ჟი̄ნ ჭყინტს ლახხუ̂ი̄დდა თა̄რინგზელ ი ხა̈̄ქუ̂, ერე
Line of edition: 19 -- ლიცი ლათრა როქუ̂ ხეღუ̂ე̄ნი მა̄ლე ი ლახდია̄ნე̄უ̂. -- ჭყინტდ
Line of edition: 20 უ̂არ ხა̈̄ქუ̂:
Line of edition: 21 -- მიჩ როქუ̂ მა̄მაგუ̂ეშ ხუღუ̂ე ეჯკა̈ლიბ. თა̄რინგზელდ ხა̈̄ქუ̂:
Line of edition: 22 -- მიჩ როქუ̂ ჩუ ხოხა, ერე მიჩ ლიცი ლათრა̈̄ლ შუნ ხუღუ̂ე. ღუ̂აჭა̈რდ
Line of edition: 23 ჭყინტს ლა̈ირ კოლფი̄დთ' ე̄სუ̂დე ი ეჩჟი ლახუ̂ე̄მ. ჟ'ა̈ნკიდ
Line of edition: 24 ალ კოლფი̄დ ი ქა ლახუ̂ე̄მ. თა̄რინგზელდ ქა̈̄დჭოდა̄ნე ლა̈ირ ი ჩუ̂ადცჷლჷ̄რე.
Line of edition: 25 ჩუ̂ა̈ირ მიჯნე̄მ ლა̈ირ, ერე "ჰა̄ლ როქუ̂ ალ ჭყინტ სგა̄ჩეს,
Line of edition: 26 შიშდ ჩუ̄უ̂ ადგურგუ̂ნე მინე დი̄ნა ი ალა!"

Line of edition: 27 ჭყინტდ ადჲე ალ ლა̈ირ ი სგო̄თჴიდ ღუ̂აჭრი ხეხუ̂ს ი გეზლი̄რს.
Line of edition: 28 ალჲა̈რდ ქა̈̄დჭოდა̄ნეხ ი მე̄უ̂არ ათსაკუ̂რა̈ლჷნხ: "ალამა̈გ მუშგუ̂ემ როქუ̂
Line of edition: 29 ხა̈ჴდახ ი დე̄შა̈შდ ლოჰოდახ ი ალას როქუ̂ იმნა̈რ ლაჰუ̂ედნა?!" ალჲა̈რ
Line of edition: 30 ჩუ̂ადგურგუ̂ნეხ ი ღუ̂აჭა̈რი̄ ანტა̈ხ ა̈გითე. ეჩის ხა̈ხიადჷნ: "ათხე
Line of edition: 31 როქუ̂ ჩუ ლჷყმე ხე̄რიხ!"

Добавлено (2007-01-16, 1:22 Pm)
---------------------------------------------
ა̈გით' ა̄ნჴა̈დ ი მე̄უ̂არ ათსაკუ̂რა̈ლჷნ, მიჩა დი̄ნა ი ალ ჭყინტ ერ
Line of edition: 33 უშხუ̂ა̄რ ხასგურდახ, ეჯა, მარე ქა მა̄მა ლა̈ჲთენე.

Line of edition: 34 ალ ღუ̂აჭა̈რს ლახუ̂ს ჯუ̂ეგ ხორდა ი აშხუ̂ ლადეღ აჩა̈დ მეჯუ̂გათე
Line of edition: 35 ი ხა̈̄ქუ̂, ერე "ბა̄ზი ესერ ჲერუ̂ა̈̄ჲ მა̈̄ნკუ̂ი ანჴეს მინეშთე̄სგა, ეჯა როქუ̂
Line of edition: 36 შიშდ ჩუ̄უ̂ ადგა̈რხ!" ამ ლე̄თ ჩუ ლუუ̂ჟუნე ლა̈სუ̂ხ მა̈გ, ეჩქა ლა̈̄ქუ̂
Line of edition: 37 ღუ̂აჭა̈რდ: "ახჰა̄, ბა̄ზი როქუ̂ მიჩ ეჯკა̈ლიბ ი̄სნაუ̂ ლახი̄სნაუ̂ა, ერე ჰა̄უ̂
Page of edition: 334 Line of edition: 1 როქ დო̄სამა ხათმჷნხ ჲედ ჯუ̂ეგს ი მა̄დეჲ მეჯუ̂გას, ბაც მა̄დ ლი!"
Line of edition: 2 ესუ̂ქიქნე მიჩა ჩი̄ჟა: "მა̈ჲ როქუ̂ დო ხოჩუ̂მინა ი აჩა̈დუ მოშ!" ჩი̄ჟე
Line of edition: 3 დეშ ოხჴა̈დ ალ მახალს გუდ ი ტკისდ ღჷრდა, მარე მიჩა ხეხუ̂დ მა̄დ
Line of edition: 4 აფიშუ̂დ. ალა ღუ̂აჭა̈რს მეჩდე ხოხა ი ეჩუნღო ლა̈ხჭუ̂ედდა მიჩა
Line of edition: 5 გეზალს:
Line of edition: 6 -- ა̈მჩედე̄ლი როქუ̂ მა̄?
Line of edition: 7 -- ეჯ' ე̄ჩქა როქუ̂ ა̈მჩედე̄ლი შიშდ.

Line of edition: 8 ათხი̄დჷნ ღუ̂აჭა̈რს: "ათხე როქუ̂ ჩუ ლჷდგა̈რ ხე̄რიხ, ი აჩა̈დ სგა
Line of edition: 9 ლახა̄გა̈ნ მეჯუ̂გას ი ლოხჰურნე, მა̄მაგუ̂ეშ ლახსჷმდა: "ჰა, ლჷკჩე̄უ̂
Line of edition: 10 როქუ̂ ლი მიჩა ლირდე, ჩუ ლჷდგა̈რ ესერ მჷრე̄ს ხა̄რხ!" სგა ერ ესღჷრდა
Line of edition: 11 ყო̄რისგა, ეჩქას ჟ'ახბა̈ჟხ მეჯუ̂გად, ტკიცდ ჩუ̂ადგა̈რხ.

Line of edition: 12 მიჩა ლირდე-ლიზგე ეში̄ ეჩის ესსა̈დ-ე́, ესუ̂ა̈̄ჲს თა̄რინგზელდ ესცუ̂ირ,
Line of edition: 13 ი ლჷმზჷრე̄უ̂ ხიშდ.
Line of edition: 14

Добавлено (2007-01-16, 1:23 Pm)
---------------------------------------------
Text: 147
Page of edition: 334
Line of edition: 15
147. კამნი̄ლ

Line of edition: 16 ლა̈სუ̂ხ ეშხუ ხეხუ̂-ჭა̈შ. ჭა̈შს ხეჟხა̈̄ნ კამნი̄ლ. ალა მე̄უ̂არ ხოლე̄მი
Line of edition: 17 ჰარა̈კ მა̄რე ლ'-ა, კამნი̄ლ.

Line of edition: 18 აშხუ̂ინ კამნი̄ლდ ა̈დნა̈დ ლაქჩათე. ნადა̈რ ი კამნი̄ლ ქა̄ჩა̈დხ ცხეკთე
Line of edition: 19 ი ხეხუ̂ ჩუ̂ასა̈დ ა̈გის. კამნი̄ლს ა̈გის ხორდა ჲორი რა̈ჭუ̂. ეშხუ
Line of edition: 20 ქა̄დჲე ლაქჩათე, მე̄რმე ჩუ̂აცუ̂ირ ა̈გის ი ხეხუ̂ ჩუ̂ადშგურა̄ნე, ერე
Line of edition: 21 "სა̈დილ ესერ ქა̄უ̂ ოთჴიდ". ამჩიქქა ა̈ნზელა̄ლე ღუ̂აჭა̈რდ ი კამნი̄ლა̈
Line of edition: 22 ხეხუ̂ს ხა̈̄ქუ̂: "ჯაჲ ესერ ხაწა ლაქჩათე". ღუ̂აჭა̈რი̄ ქა̄ჩა̈დ ლაქჩათე.
Line of edition: 23 კამნი̄ლდ სა̈დლობა̈ დრეუ̂ჟი რა̈ჭუ̂ ჟ'ა̈ნფიშუ̂დ ი ხა̈̄ქუ̂:
Line of edition: 24 -- ა̈გით' ა̄დერ ი მიშგუ̂ა ხეხუ̂ს ხე̄ქა სა̈დლი ლიჴდე.

Line of edition: 25 რა̈ჭუ̂ იმ ადრინა ა̈გითე ი ხეხუ̂დ ქო̄ხჴიდ სა̈დილ. ალა ღუ̂აჭა̈რს
Line of edition: 26 ლახხარბჷნ ი ლოხუ̂ბინე ლიღუ̂ჭარა̈̄ლ. ამჩიქს ჩუ̂ა̈დბურა̈̄ნ ი კამნი̄ლდ
Line of edition: 27 ნადა̈რ ა̈გით' ა̄ნჴიდ. ღუ̂აჭა̈რდ ჩუ̂ა̈დყიდ რა̈ჭუ̂ ი აჩა̈დ.

Line of edition: 28 მე̄რმა ლადეღ ღუ̂აჭა̈რდი̄ ა̈დნა̈დ ი რა̈ჭუ̂ ადჲე ლაქჩათე. ჰამს მიჩა
Line of edition: 29 ხეხუ̂ ჩუ დე̄სა ადშგურა̄ნე სა̈დლი ბედჟი. ანჴა̈დ სა̈დლობა̈ დრო̈უ̂ ი
Line of edition: 30 ღუ̂აჭა̈რდ ადზჷზე რა̈ჭუ̂:
Line of edition: 31 -- მიშგუ̂ა ხეხუ̂ს ხე̄ქა ი სა̈დილ ა̈ნჴჷდეს!

Line of edition: 32 რა̈ჭუ̂ ეჩხა̄უ̂ იმ ადრინა ი ღუ̂აჭა̈რს ნადა̈რ უსდილად ოთსა̈დხ.
Line of edition: 33 აჩა̈დხ ნა̈ბოზს ა̈გითე ი ღუ̂აჭა̈რდ ახმაჯე მიჩა ხეხუ̂ს:
Line of edition: 34 -- სა̈დილ იმღა მო̄დ ა̈ნიჴდ, ნადა̈რ მა̈გ უდიარად ა̈გუ̂სა̈დხ? რა̈ჭუ̂
Line of edition: 35 ეჯღა ოხუ̂ზიზ ა̈გით', ე̄რე სა̈დილ ა̈ჯჴი̄დე̄ნს.
Line of edition: 36 -- ეჯა დე̄სა იმე მეჴდე̄ლი, ჲაღო. -- ლახტიხ მიჩა ხეხუ̂დ.

Добавлено (2007-01-16, 1:24 Pm)
---------------------------------------------
-- ახჰა̄, ა̈მღორუ̂ე კამნი̄ლდ, ა? -- ათხა̄დ ღუ̂აჭა̈რს.

Line of edition: 2 აშხუ̂ინ კამნი̄ლს ქეიფ ხა̄დდა ი ღუ̂აჭა̈რი̄ ა̈წჰე. მარე მიჩა ხახუ̂
Line of edition: 3 მა̈̄ნკუ̂ი ზისხო̄რა ათბე. აჩჷნგი ი აფუნდური ი მიჩა ხახუ̂ ხეჴჷ̄რა̈̄ლ:
Line of edition: 4 "ჟი̄უ̂ ესერ ანსუ̂იბდა". ეჯა დე̄მ ისუ̂ბინო̄ლ. ეჩქა ოხუ̂სიპე-ჲ ხანჯა̈რ ხაჴიდ
Line of edition: 5 ი ჩუ̂ა̈დკა̄ფ უ̂ეშგინჩუ. ეჩქა ესუ̂ქიქნე: "ჰა̄, ხოლა მიშგუ ხეხუ̂, ჟი
Line of edition: 6 ლა̈̄პრ!" ეჯა ჟი ლა̄პა̈რ ი ჟ'ანსუ̂იბდა. ღუ̂აჭა̈რს ლახხარბჷნდა̄დ
Line of edition: 7 ი ჟი̄დ ა̈ნყიდ ჩა̈ნგ ი ფანდუ̈რ. ათხე ღუ̂აჭა̈რდი̄ ა̈დზუ̂ერ ხა̈ლხ ი მიჩა
Line of edition: 8 ხახუ̂ ლისუ̂ბი ლახკაფუ̂ნე, მარე ეჯა ჟი დე̄მ ისუ̂ბინო̄ლ. ოხუ̂სიპე ხანჯა̈რ
Line of edition: 9 ი კინჩხ ჟ'ოხკუ̂ა̈რ. აჩჷნგი ი აფუნდური, მარე მიჩა ხეხუ̂ დესამა
Line of edition: 10 ანჷ̄გა̈ნ ჟი.
Line of edition: 11 -- ახჰა̄ ა̈მღორუ̂ე̄დ? -- რა̈̄ქუ̂ ღუ̂აჭა̈რდ ი ხედრა̈̄ლ ლედგა̈რიდ
Line of edition: 12 კამნი̄ლს.

Line of edition: 13 ათხ' ა̄ნჴა̈დ კამნი̄ლ ი ჰილუ̂ს ეშხუ შიყუ̂ილ აბზა̈რ ოთშიდ ლასგუ̂რაისგა
Line of edition: 14 ი ადჲე ლაჰუ̂ედთე. ლა̈ხთხანა̈̄ნ ალას ღუ̂აჭა̈რ ი ხეწა̈დ, ე
Line of edition: 15 ჰილუ̂ აბზარშუ̂ ანჩო̄რუ̂ე. ათხე ალა ჟი̄დ ა̈ნყიდ.
Line of edition: 16 -- ალას ჟიბაუ̂ ხაბა̈მდა̈ს ი ჭემს ქა̄მა̄რ ხოგა̈მდა̈ს, ადო ჩუ მა̄მა
Line of edition: 17 ილგუ̂ა̈რი ი აბზარშუ̂ ლინჩო̄რუ̂ეს ჩუ ქუ̂იცე. -- ხა̈̄ქუ̂ კამნი̄ლდ. ალა
Line of edition: 18 ღუ̂აჭა̈რდ ტკისდ ამჟი ჩუ̂ემინ. კამნი̄ლ აჩა̈დ ი ღუ̂აჭა̈რს ჰილუ̂ ჩუ̂ათდაგან
Line of edition: 19 ჟიბაუ̂ ნაბა̈მუ̂.

Line of edition: 20 აშხუ̂ ლადა̈ღ კამნი̄ლ სგა ლახხუ̂ი̄დ ღუ̂აჭა̈რს.

Line of edition: 31 კამნი̄ლდ ლა̈ჲსურმა̈̄ტინე ღუ̂აჭა̈რ ი სგა̄დკუ̂ა̈რ ძუღუ̂ათე ი ჯა აჩა̈დ
Line of edition: 32 ა̈გითე ი ჯუ̂ეგი̄ ადჲე.

Добавлено (2007-01-16, 1:25 Pm)
---------------------------------------------
Text: 148
Page of edition: 335
Line of edition: 33
148. ღუ̂აჭა̈რ ი სემი ლახუ̂ბა

Line of edition: 34 ლა̈სუ̂ხ სემი ლახუ̂ბა. ალჲა̈რს ხორდახ: ჯა̈რ-ძუჰე̄რა, რჷდინ-გურნა
Line of edition: 35 ი ფიჩქ. ალ ლახუ̂ბა ჩუ̂ა̈დი̄თა̈̄ნხ: მაშე̄ნა მუხუ̂ბა ხა̈ხუ̂ი̄დ ჯა̈რ-ძუჰე̄რა,
Line of edition: 36 მანე̄სგირა -- ფიჩქ ი მაჰუ̂რე̄ნა -- რჷდინ-გურნა. აშხუ̂ ლადა̈ღ მაშე̄ნე
Page of edition: 336 Line of edition: 1 მუხუ̂ბე აჩა̈დ ა̈გიხა̈ნქა. ესღრი ი აშხუ̂ ა̈გის ლჷგ ღუ̂აჭა̈რ ი ალა
Line of edition: 2 ლა̈ხჭუ̂ედდა:
Line of edition: 3 -- -- იმთ' ესღრი?
Line of edition: 4 -- ლა̈დია̄ნათე. -- ლახტიხ ამნე̄მ.
Line of edition: 5 -- ჟ'ა̈მდიანა̈ნ ჲაღო მი აშხუ̂ პირობშუ̂.
Line of edition: 6 -- იმნოუ̂შ?
Line of edition: 7 -- იმნოუ̂შ ი ხედუ̂ა̈̄ჲ ხუნკუ̂იდ ა̈ლხირნე̄ნდ, ეჯნა̈რ თხუ̂იმ გუ̂ა̈̄ც
Line of edition: 8 ლექუ̂ცე.
Line of edition: 9 -- ეზერ, ეშ ლუჩუ̂მინედ.

Line of edition: 10 ათხე ღუ̂აჭა̈რდ შიშდ ლოხთო̄ნე: -- სგა̄დე-ჲ ქა̄თჰჷნწა̈̄ლ!

Line of edition: 11 ალა სგა̄ჩა̈დ ი ქა̈დჰჷნწა̄ლე. ქა მეტხე დეშ ლი ალა-ჲ ღუ̂აჭა̈რდ
Line of edition: 12 აჯაღჷდ ლოხუ̂თო̄ნე: -- სგა̄დ ადე-ჲ ქა̄თჰჷნწა̈̄ლ!

Line of edition: 13 ლახ აჯაღჷდ ადზჷზე, ალა ჟ'ა̈ნხირნა̈̄ნ ი ეჩქა ანჴა̈დ ღუ̂აჭა̈რ ი
Line of edition: 14 თხუ̂იმ ქა̄თქუ̂იც.

Line of edition: 15 ათხე მე̄რმე მუხუ̂ბე ანჴა̈დ, მარე ალასი̄ ამჟი ხა̄დ ლეჩუ̂მე-ჲ დეშ
Line of edition: 16 აგა̈ჭ, ეჩქა ალასი̄ ჟ'ახქუ̂იც თხუ̂იმ.

Line of edition: 17 უ̂ეშგიმპილს ანჴა̈დ მე̄სმე მუხუ̂ბე, მაჰუ̂რე̄ნე. სგა̄დზჷზე ალაი̄ ღუ̂აჭა̈რდ
Line of edition: 18 ლაჰჷნწა̈̄ლთე. მახე ლჷჰჷნწა̈̄ლე ხა̄რ ი აჯაღჷდ ადზჷზე. სგა̄დ
Line of edition: 19 აჩა̈დ ალა ი ქა̄დ ადჰჷნწა̈̄ლე. ლახ მე̄სმა̄მდ ამჟი უისტუ̂დ სგა̄დ
Line of edition: 20 ადზჷზე ლაჰჷნწა̈̄ლთე, ეჩქას ანჴა̈დ ი ფუ̈რ ოთდაგა̈რ ღუ̂აჭა̈რს, ეჩუნღო
Line of edition: 21 ჩა̈̄ჟ. ათხე ღუ̂აჭრი გეზალ ბეფშუ̂ს ქა̄მაუ̂ ლი̄ზი ა̈ხკუ̂ა̈დ. ქა̄დჲე
Line of edition: 22 ხოხუ̂რა̄მ მუხუ̂ბილდ ი ხა̈̄ქუ̂: "ჩუ ნო̄სამა ჩუ̂ემინე, ადო ხოლე̄მიშ
Line of edition: 23 ჯა̄რ!" სგა̄ნტა̈ხხ ი აჯაღ ა̈ხკუ̂ა̈დ ბეფშუ̂ს ქა̄მაუ̂ ლი̄ზი. -- ქა̄თხა̈ჲ ალა-ჲ
Line of edition: 24 ჩუ̂ათხჷრ. -- ხა̈̄ქუ̂ ღუ̂აჭა̈რდ. ქა̄დჲე ტკისდ ალა̄, ბეფშუ̂, ი ჩუ̂ათხირ.
Line of edition: 25 ეჩუნღო სგა̄ნტა̈ხ ი ღუ̂აჭა̈რ ლა̈ხჭუ̂ედდა:
Line of edition: 26 -- ბეფშუ̂ს მა̈ჲ ათა̈ყრ?
Line of edition: 27 -- -- ათხ' ა̄მჟი ხი̄რა ღუ̂-ა̄ "ჩუ̄უ̂ ესერ ოთხჷრ" ეჯა მე̄ქა ი ჩოთხჷრ.
Line of edition: 28 ჟ'ა̈ხხირნა̈ნ ესა̄?
Line of edition: 29 -- ჟი დე̄სა მარე ...

Line of edition: 30 ათხე აჩა̈დხ ბეფშუ̂ი კუბ ლატა̄ბათე ი კა̄და ჩუ̂ათა̈̄შდჷნხ ა̈გის. სგა̄ნტა̈ხ

Добавлено (2007-01-16, 1:26 Pm)
---------------------------------------------
ხოხუ̂რა მუხუ̂ბილ ი სგა̄ჩა̈დ ქორა̈ ყო̄რთე̄სგა, ღო შიშდ ქა̄დ
Line of edition: 32 ანტა̈ხ ი ხა̈̄ქუ̂:
Line of edition: 33 -- ეჯნე̄მ-ე́, ისგუ̂ა ხეხუ̂დ, კა̄და მა̄დ ამნებე.
Line of edition: 34 -- სგა̄დე ი კა̄დაჲ ჟ'ა̈ხიკდ ი მიჩი̄ ჟი ხა̈შყბ თხუმჟი! -- ხა̈̄ქუ̂
Line of edition: 35 ღუ̂აჭა̈რდ.

Line of edition: 36 სგა̄ჩა̈დ ალა-ჲ ღუ̂აჭრი ხახუ̂ ჟი ხაშყებ კა̄და ი თხუ̂იმ ჩოთცილ
Line of edition: 37 ი ჯა ეშ ლა̈ხქარუ̂ა̈̄ნ ცხეკთე. ჟ'ანტა̄ბეხ კუბ ი ათხე ხოხუ̂რა̄მ მუხუ̂ბილდ
Line of edition: 38 ხა̈̄ქუ̂:

Page of edition: 337
Line of edition: 1 -- ისგუ̂ა ხეხუ̂მი კუბს მა̄მ ხატა̄ბე მო?

Line of edition: 2 ლახ ა̄მჟი ლა̈სუ̂, ჟ'ანტა̄ბეხ ეჯაი̄ ი ღუ̂აჭა̈რ ბაპთ' ა̄ჩა̈დ ი ლჷდია̄ნილ
Line of edition: 3 ჩუ̂ადშგურა̄ნე: "ხოჩა ლემესგუ ესერ ანა̄შუ̂ე". ანჴა̈დ ათხ' ა̄ლა̄,
Line of edition: 4 ლჷდია̄ნილ, ი ჰა̈დურდ ჟ'ახბიდნე ქორს. ანჴა̈დ ღუ̂აჭა̈რ ა̈გითე-ჲ
Line of edition: 5 ქორ ლჷშიხ ესხუ̂ი̄დ ი ჟ'ა̈ნჷმჯა̄რუ̂ა̈̄ნ. ათხე ლჷდია̄ნილ ლა̈ხჭუ̂ედდა:
Line of edition: 6 -- ჟი დამ დე̄ს' ა̄ხხირნა̈ნ?
Line of edition: 7 -- ა̄დუ ღო სერ.
Line of edition: 8 ანჴა̈დ ეჩქა ალა̄, ჭყინტ, ი თხუ̂იმ ქა̄თქუ̂იც ღუ̂აჭა̈რს ი ეჩი̄ ლირდელიზგე
Line of edition: 9 მიჩ ესსად ი ლჷმზჷრე̄უ̂ ხიშდ.

Добавлено (2007-01-16, 1:26 Pm)
---------------------------------------------
Text: 149
Page of edition: 337
Line of edition: 10
149. წიქერა̈ჲ ი ბუღუ̂ერა̈ჲ

Line of edition: 11 ჯა̈მზჷრახ ღერთემ ი ამჩუ̂ ა̈რიხ დი-გეზალ. ალჲა̈რს ეშხუ რჷდინგურო̄ლ
Line of edition: 12 ხო̄გხ, ეჩჷნქა მა̄მგუ̂ეშ ხაწუ̂ახ ი ხა̈ბდაუ̂ახ ხოჩე̄რობა. მარე
Line of edition: 13 ალ რჷდინ-გურნას ხაზნახ ეჯკა̈ლიბ ზჷნე, ერე, ლახ მირ ესწჷხახ ლეზობლეთრა,
Line of edition: 14 ეშ აჰრეხ. ეჯა მა̄მგუ̂ეშ ლი ნჷნქა ლე̄ქუ̂ი̄სგ-ე̄, ალჲა̈რ
Line of edition: 15 დო̄მ ა̈წჰახ.

Line of edition: 16 აშხუ̂ ლადა̈ღ მეჩი დედბერილდ ხა̈̄ქუ̂ მიჩა გეზალს: "ჰი̄ ეჯა როქუ̂
Line of edition: 17 მა̄დე, ნა̈̄უ̂ ლჷჭა̈თ ლიშდ, ეშხუ ქა მო̄დ ესა ლა̈წჰად კე̄სა̈რ!" ალა ეჯჟი̄ნ
Line of edition: 18 ჩუ̂ა̈დუ̂ა̈შგდე ამი̄ გეზალდ, ერე გიმს უ̂ეთ ესხა̈პ: "ჲაღო, ეჯა მა̄რ
Line of edition: 19 ლეჩუ̂მე, ნა̈ჲ აშხუ̂ რჷდინ-გურო̄ლჷნქა გუ̂აწუ̂ა-ჲ გუ̂ა̈ბდაუ̂ა დე̄სამა ი
Line of edition: 20 მჷდა ხუ̂ა̈წჰი, კე̄სა̈რს!" მა̄მ' ე̄სჰუნრე ნაღჟურდ, მარე მე̄რმაჟი̄ნ აჯაღ
Line of edition: 21 ამჟი̄დ ხა̈̄ქუ̂ დედბერილდ. ჭყინტდ მა̄მა̄დ ესჰუნრე ი მე̄სმა̄ჟი̄ნ აჯაღჷდ
Line of edition: 22 ლახ ა̈თღუ̂ი̄რა̈̄ნ ი მო̄მ' ახკიდ ჰაჯ, სერ ღალ ქა ლეწჰი ხა̄დ კე̄სა̈რ
Line of edition: 23 ი მიჩა უ̂ა̈ზრა̈ლ.

Line of edition: 24 ათხე ლახ ამჟი ლჷწჰა̄რობ ხა̄რხ, დედბერილს ხაჟა̈ხ, ა უ̂ითომ
Line of edition: 25 ამთა̄ნ რჷდინ-გურნა ხო̄გ ი ესუ̂ქიქნე: "ჰა̄, ხოლა მიშგუ რჷდინ-გურნა,
Line of edition: 26 ჲაღო, მაჩე̄ნა̄მდ ესა ჯა̈მთქუ̂ა, ეჯჟი̄ნ მოშ ესსი̄პანა̈̄ლ!" ესტი̄ფანე ალჲა̈რ-ა́,
Line of edition: 27 რჷდინ-გურნა-ჲ ეჯკა̈ლიბ ხა̈რჯ ჟ'ა̈ნმა̄რა̈̄ნ, ერე მა̈̄ჲ ესამა და̈სიფასელ
Line of edition: 28 ნჷნქა ლე̄ქუ̂ი̄სგ ჩუ ლი, მა̈გ ეშ ესჰარა̈̄ნ. ო̄, ისგ ტაბგობთექა
Line of edition: 29 ქა მეჴდელიხ-ა́, კე̄სა̈რ ი მიჩა ლა̈ჲმოხლა, მარ' ა̄ლა̄, კე̄სა̈რ,
Line of edition: 30 დე იზბი ი დე ითრე.
Line of edition: 31 -- ეჲ, ალა მა̈ჲ ი̄რა̄, კე̄სა̈რ მირ დე ითრე დე იზბი? -- ლა̈ხჭუ̂ედდა

Добавлено (2007-01-16, 1:33 Pm)
---------------------------------------------
დედბერილ მიჩა გეზალს. ათხე ალა კე̄სრი უ̂ა̈ზრა̈ლსი̄ ხასკუ̂რელხ,
Line of edition: 33 მარე დეშ ხობდა̈უ̂იხ ქა ლიჭუ̂დიე̄ლს. ათხე ქა̈̄დჰერ ნაღჟურულდ
Line of edition: 34 ალჲა̈რ-ა́, უ̂ა̈ზრა̈ლ, ი ესბა̈ც: "ოხუ̂მეჴრახ მა: იმღა დო̄მ იკედ
Line of edition: 35 ხეუ̂სს კე̄სა̈რ?" მა̄მა-ჲ ალჲა̈რდ სერ ქა̄დპი̄რეხ ი ქა ლა̈ხჭუ̂ედდახ: -- მა̈ჲ
Page of edition: 338 Line of edition: 1 მიზეზ ლი, ფუსდ კე̄სა̈რ, ერე ღო ხეუ̂სს დო̄მ ხიკედ? -- მა̄მა, მა̈ჲ
Line of edition: 2 ი̄რა? -- მარე მა̄მ' ა̄ხკიდხ ჰაჯა̈̄ბოლ მიჩა ლა̈ჲმოხლად ი უ̂ეშგინპილს
Line of edition: 3 ქა̄ხა̈̄ქუ̂ინეხ მა̈გ, მა̈̄ჲ ხეკუ̂ა̈დ. "ჲაღო, რჷდინ-გურო̄ლა̈ ლიდია̈̄ნის ესერ
Line of edition: 4 იშგუ̂ემ კე̄სა̈რ". მე̄უ̂არ ათლო̄ნ ჭყინტს ი მე̄უ̂არ ა̈ნხირნა̈̄ნ მიჩა დითე
Line of edition: 5 -- დედბერილთეჲ, მარე მა̈ჲ ჩუ̂ემინას, ნა̈ბ ი უმბილ მა̈გ ლჷნჩჷდე ხა̄რ
Line of edition: 6 მე̄უ̂არ ხემჯა̈̄ლ დედბერილს:
Line of edition: 7 -- ჰი̄, ეჩქად ეში მა̄დ ა̈თირკ-ე́, უ̂ოდ ალა დო გუ̂ა̄დ ი ათხე გუ̂ე̄რი
Line of edition: 8 სერ მა̈გ ხოლა̄მდ.
Line of edition: 9 -- ო̄, მა̄მა როქუ̂ გუ̂იჭირ ამღა, კე̄სა̈რს როქუ̂ ლა̈დია̄ნდუ̂ გარ ხაკუ
Line of edition: 10 რჷდინ-გურნა-ჲ ღო როქუ̂ ა̈გითე ა̈ლტიხედ! -- მა̄მა სერ ი ადზჷგრეხ
Line of edition: 11 ტაბგობ ი ლახ კე̄სა̈რდ ჰაჯა̈̄ბოლ მო̄მ' ა̄ხკიდ, ქა ლეჴდე ხა̄დხ
Line of edition: 12 რჷდინ-გურნა ი ქა ლეჰუ̂დი. აჩა̈დხ ალჲა̈რ სერ ა̈გითე, რჷდინ-გურო̄ლი̄
Line of edition: 13 ადჲეხ.

Line of edition: 14 ათხე აჩა̈დ ხა̈ნ ი ნაგზალადა̈ღ ოთჭირეხ, ერე "მინე რჷდინ-გურო̄ლ
Line of edition: 15 ესერ ქა̄უ̂ ლახტიხხ". მარე ალა კე̄სა̈რდ ეშ ა̈დსაკუ̂რელე ი ოთჭირე,
Line of edition: 16 ერე "ჲაღო, მიჩ ესერ ეშდჲარუ̂ ლა̈დღი ნამხუ̂ერ (და̈ბ) ხუღუ̂ე
Line of edition: 17 ი ალას აშხუ̂ ლადა̈ღ ჩუ̄ჲ მოშ ხოჴნი, ჟი̄ჲ მოშ ხოჭა̈̄დი, მაჴა̈დსი
Line of edition: 18 სგა მოშ ჴიდე ი მიჩა ბეღლა̈რთე ეჯჟი სგა მოშ ხოდი, ერე ეშხუ
Line of edition: 19 კაკლი̄დი̄ დო̄სა ა̈თბერს, ეჩქ' ე̄სერ ქა ლახტიხე-ჲ აშ დეშ". ლახ ალა
Line of edition: 20 ხასჷმდა ნაღჟურულს, ჩუ უ̂ეთ ა̈დკა̄ფ, ეჯჟი̄ნ ჟ'ა̈ნწახუ̂ა̈̄ნ ი ლაგუ̂ნუშ
Line of edition: 21 ატა̈ხ ა̈გითე. მიჩა დის ახმაჯე, ერე
Line of edition: 22 -- ალ' ე̄სერ მა̈გ მიჩა ტა̈რ ხა̄რ, ადო მა̈ჲ ესერ ხაწხე̄ნა კე̄სრი
Line of edition: 23 ლიწჰი? ჩუ ესერ ლჷმჷრდე̄ლიხ ქრისდე̄ ლჷმზჷრად ი ათხ' ე̄სერ მა̈ჲ
Line of edition: 24 ჩუ̂ემინას?
Line of edition: 25 -- ჲაღო მა̈ჲ ი მიშგუ̂ა ლამუ̂არლე ხოშა̈̄ლს ეჩაბუა̄სდ წიქერა̈ჲ
Line of edition: 26 ი ბუღუ̂ერა̈ჲ ხორიხ. ეჯჲა̈რს როქუ̂ ლოგუ̂დია̈̄ნიხ, ღო როქუ̂ ა̈ლჴჷ̄რიდ
Line of edition: 27 გუშგუ̂ეჲ ხოშა̄ლე ქუნა̄რუს, ონჟუუ̂ა̈იშ ი ბონჟუუ̂ა̈იშ, ი ეჯჲა̈რ
Line of edition: 28 როქუ̂ აჯხუ̂ინეხ ხუ̂ილი-მახალს ი ალას როქუ̂ ჩუ ხიჩო, ღედ ნომ
Line of edition: 29 ჯა̄რ!

Line of edition: 30 ათხე ლა̈ჲბინე დედბერილდ მინე ლჷდგარუ̈̄ ქუნრე ლიფა̄ნე ი

Добавлено (2007-01-16, 1:33 Pm)
---------------------------------------------
ხემწა̈̄დიე̄ლ: "ე̄, ხოლა ნიშგუ̂ეჲ ხოშა̄ლე ქუნა̄რუ, მა̈̄ჲუ დო ჯიჩუ̂მინახ,
Line of edition: 32 ლა̈დი ლი, საბლუ, ნიშგუ̂ეჲ მაწხა̈ ლადა̈ღ ი ლა̈ნშა̈დდ მა!" ალჲა̈რ
Line of edition: 33 ტკისდ მურსგუ̂ენ ფოყხა̈ნ ლოხჴერდახ წიქერა̈ჲს ი ბუღუ̂ერა̈ჲს. ალჲა̈რდ
Line of edition: 34 აშხუ̂ ლადა̈ღ ალ ეშდჲორი ლა̈დღი და̈ბ ქაჲ აჴა̈ნხ, ჟი̄ჲ ა̈ნჭა̈̄დხ,
Line of edition: 35 მაჴა̈დი სგა̄ნჴიდხ ი სგ'ე̄სუ̂დეხ მა̈გ ბეღლა̈რთე̄სგა. უ̂ეშგინპილს ეშხუ
Line of edition: 36 კაკლი̄დ ესღუ̂ა̈̄ნ მჷრშკჷლდს, ეჩასი̄ სგა̈̄ხჰი̄დ წიქერა̈ჲ ი ეჯაჲ სგო̄ხჴიდ
Line of edition: 37 ი სგ'ე̄სუ̂დე ბეღელთე̄სგა. ათჩო̄ნ ღალ ალა ნაღჟურულს ი
Line of edition: 38 მე̄რმა ლადა̈ღ ოთზჷზე მეცქუ̂ილ ი ოთჭირე, ერე

Page of edition: 339
Line of edition: 1 ჲაღო, იმუ̂ა̈̄ჲჟი̄ნ კე̄სა̈რდ ქა მა̈̄ქუ̂, ეჯჟი̄ნ მა̄დეჲ ხოსტჷრფილდი̄
Line of edition: 2 ოთმჷშა̈ჲ მა̈გ ჩუ. უ̂ეშგინპილს აშხუ̂ მჷრშკჷლდს ესღუ̂ა̈̄ნ ეშხუ კაკლი̄დ,
Line of edition: 3 ეჯაჲ მა̄დ ოთნებ, ეჩასი̄ სგა̈̄ხჰი̄დ წიქერა̈ჲ. ბუღუ̂ერა̈ჲდ ხა̈̄ქუ̂: ე̄, ხოლა,
Line of edition: 4 ჭიშხ ნო̄ს' ა̄თგა მჷრშკჷლდს, ჩუ დო̄სა აჟღჷპა, დე̄მნა̈რ გუ̂აკუ
Line of edition: 5 ნა̈ჲ ეჩი̄ ცოდულდ!" ეჯაჲ სგე̄სუდ ისგუ̂ა კიბდო̈ნთე.

Line of edition: 6 სერ წიქერა̈ჲ ი ბუღუ̂ერა̈ჲ ატა̈ხხ მინე ნა̄ზუ̂ს ონჟუუ̂ა̈იშ ი ბონჟუუ̂ა̈იშთე
Line of edition: 7 ეჩაბუა̄სდთე. ათხე ნაღჟურულ ა̈ნღლი სერ, ერე "მიჩა
Line of edition: 8 რჷდინ-გურნას როქუ̂ ქა ლახტიხე კე̄სა̈რ", მარე ტა̄უბაჰა,
Line of edition: 9 ეში̄რაღალ.

Line of edition: 10 ლახ ხეტხუნა̈̄ლხ კე̄სა̈რს, ეჩქას ოხუ̂ჭირე, ერე "ჲაღო, ეჩაბუა̄სდ
Line of edition: 11 მიშგუ დი-ჲ მუ ა̈რიხ. ეჯჲა̈რს ეჩხა̄უ̂ ოთყა̈უ̂ა̈ნ უ̂ოქუ̂რე სკა̈მი̄ლ ი უ̂ოქუ̂რე
Line of edition: 12 კუ̂იკუ̂ა̈̄ლ. ეჯჲა̈რს უ̂ოდ ამაუ̂ დო ა̈მჴიდედ, ეჩქად ამი̄ მჷტხე მა̄მა
Line of edition: 13 ხუ̂ი". ჟი̄დ ღალ ა̈ნწახუ̂ა̈̄ნ ალა̄, ჭყინტჷლდ, მა̄მ ხოხალ ეჩი̄შ-ე́, იმჟი̄ნ
Line of edition: 14 დო ლი სერ ეჩხა̄უ̂ ლე̄ზი. ა̈გისი̄ დე̄სამა ხაწუ̂ახ ი ხა̈ბდაუ̂ახ ი ხა̄რხ
Line of edition: 15 მა̈გ ხოლა̄მდ.

Line of edition: 16 აშხუ̂ ლადა̈ღ დედბერილდ ახჭემ ყუ̂ელფ ი ალა ჩუ̂აშიდ ყო̄რჟი.
Line of edition: 17 ალას ა̈ხჩჷ̄დ ესნა̈რ ეშხუ ფა̈ტუ̂ა̈ კაკლი̄დ. ამეჟი̄ნ ეჯჟი ჰა̈ლუ̂ა̈ მეგა̈მ
Line of edition: 18 ჟ'ანჴა̈დ, ერე დეცს ხეუ̂ე̄ფიე̄ლ. აშხუ̂ ლადა̈ღ რა̈̄ქუ̂ ამნე̄მ-ა́, ჭყინტჷლდდ:
Line of edition: 19 "მი̄უ̂ ლჷჭა̈თ ხუ̂ი, ჟი მო̄დ ა̈თუ̂ჭემ ალას კა̈ცხო̄ლთეჟი, მა̈ჲუ
Line of edition: 20 ლესუ̂". ესღრ' ესღრი ალა̄, ჭყინტ ი ჟი̄ჲ ადჰე კა̈ცხო̄ლთეჟი. ამი̄

Line of edition: 30 ათხ' ე̄სღრ' ესღრი̄დ ალა̄ ჭყინტჷლდ, ი ა̈თლაკ მე̄რმა მეჯო̈გს.
Line of edition: 31 ალას კუმა̈შ რიყისგა ხაყა, მარე ეჯჟი ჩქიმ ჩუ ხა̄გხ, ერე ლისგდი
Line of edition: 32 მა̈დილ ლი.
Line of edition: 33 -- ა̄, ხოჩა̄უ̂ ლადა̈ღ ჯა̄რ, ნაღჟურ! იმაუ̂ მე̄ზი ხი?
Line of edition: 34 -- აშ-ი-აშ. -- ქო̄ხო̄მბუ̂ე, იმუ̂ა̈̄ჲჟი ლა̈სუ̂ გუ̂ეშ.
Line of edition: 35 -- ო̄, ჲაღო, მი̄ჲ დო მიმჴერიჲ, იმშა̄უ̂ ტა̈რ ლესუ̂ ალა̄, რიყისგა
Line of edition: 36 მირიხ კუმა̈შ, მარე ეში̄ ამგუ̂ა̈ჲ ჩქიმ ხა̄გხ-ა́.

Page of edition: 340
Line of edition: 1 -- ეზერ, ხიად, მა̈ჲ ი̄რა მიზეზ?!

Line of edition: 2 ესღრი̄დ ი ამეჩუ აშხუ̂ ზურა̄ლს ა̈თლაკ. ალას ზისხი სარაგ ახა̄ზი.
Line of edition: 3 ი აშყუ̂დიე̄ლი ამნოშ. ამნე̄მ ახჭუ̂ედიე̄ლე: "იმთე მე̄ზ' ესერ ლი ჯა?"
Line of edition: 4 ჭყინტ ქო̄ხო̄მბუ̂ე, მა̈̄ჲ ლა̈სუ̂ ალა. ალას ქო̄თქა̈̄ბ ი ა̈თჴა̈დჷ̄ნ მე̄რმა
Line of edition: 5 ზურა̄ლმჷყ. ალას ლჷჯე̄მი სარაგ ახა̄ზი ი აშყუ̂დიე̄ლი ეჩნოშ. ლერქუ̂ა̈ლ
Line of edition: 6 ეშ ხოთჷნთაე.
Line of edition: 7 -- იმაუ̂ მე̄ზი ხი? -- ლა̄ხჭუ̂ედდა̄დ ზურა̈ლ.
Line of edition: 8 -- იმაუ̂-ი ეჩაბუა̄სდთე, აშ-ი-აშ.
Line of edition: 9 -- ჲაღო, მიშგ' ამბა̈უ̂ი̄ ა̈ხმეჴერ, მა̈ჲუ ლესუ̂. -- ეზერ ხიად!
Line of edition: 10 ესღრი, ესღრი-ჲ სგა̄ჲ ა̄თჴა̈დჷ̄ნ სერ კე̄სრი დითე̄სგა-ჲ მუ̈თე̄სგა.
Line of edition: 11 -- ეჲ, ნაღჟურ, იმნე̄მ აჯჴიდ, სი მა̄რე, ამაუ̂. იუ̂ალადა̈ღ ლჷჲარ
Line of edition: 12 და̈̄რ მეჴდე̄ლი ამაუ̂. -- ალა̄, კე̄სრი დი, ჩუ სგურ უ̂ოქუ̂რე სკა̈მი̄ლჟი.
Line of edition: 13 -- ო̄, ჲაღო, მი ისგუ̂ეჲ გეზალდ ამზჷზე. სგა̈ჲ ესერ უ̂ოქუ̂რე სკა̈მი̄ლ
Line of edition: 14 ი უ̂ოქუ̂რე კუ̂იკუ̂ა̈̄ლ ჯუღუ̂ეხ, ეჯჲა̈რ ესერ უ̂ეშგდუ ამბა̈რჲედ.
Line of edition: 15 -- ეჩუნღო̄ნ ქო̄ხო̄მბუ̂ე სერ ეჯაი-ე, იმუ̂ა̈̄ჲჟი̄ნ ჲა̈რ ხეხო̄ლხ შუკუ̂ს ამხა̄უ̂
Line of edition: 16 ლაჴა̈დჟი ი მა̈̄ჲ ჲა̈ს ხეჭკჷ̄რა̈̄ნხ მინეშთე ლა̈ჭირ.
Line of edition: 17 -- ეზერ, ხიად! კუმში მჷლდეღს ლეჭმაისგა ხე̄ქა, ერე "სი̄ჯ ესერ
Line of edition: 18 ჩი̄მი კუმა̈შთე ხოლა თე-ჲ გუ̂ი ჯუღუ̂ე ი ღო̄ჯ ეჯღა ხა̈გჷრგილაუ̂ახ
Line of edition: 19 ისგუ კუმა̈შ იშუ̂-ჯიჯუ̂ს". ხოჩა თე-ჲ გუ̂ი ლახ ხეღუ̂ე̄ნი ეჩქა მიჩა კუმა̈შსი̄
Line of edition: 20 ხოჩა̄მდ ხე̄რიხ. რიყისგა კუმში მჷლდეღს ხე̄ქა, ერე "სი̄ჯ ჩითე

Добавлено (2007-01-16, 1:35 Pm)
---------------------------------------------
ჰალა̈ლ თე-ჲ გუ̂ი ჯუღუ̂ე, ღო̄ჯ ეჯღა ჯაჰუ̂დი ღე̄რბეთ კუმში ბედს
Line of edition: 22 ი ბარაქს". ზისხუ̂შ მუშყუ̂დიე̄ლი ზურა̄ლს ხე̄ქა, ერე "სი̄ჯ გუ̂ი წყჷლჲა̈ნ
Line of edition: 23 დე̄მთე ჯუღუ̂ე ი ღო̄ჯ ეჯღა ჯა̄რ ამგუ̂ა̈ჲდ". ლჷჯოშ მუშყუ̂დიე̄ლი
Line of edition: 24 ზურა̄ლს ხე̄ქა, ერე "სი̄ჯ გუ̂ი რჷჰი ჯუღუ̂ე ჩი̄თე ი მა̈გ ხოჩა
Line of edition: 25 ჯაკუ ჩი̄მიშდ ი ღოჯ ესერ ეჯღა ჯითჷნთაე ლერქუ̂ა̈ლ ი ლჷჯე̄მი სარაგ
Line of edition: 26 ლაშყუ̂დიე̄ლდ აჯა̄ზი". ხოჩა̄მ მშიშგუ̂ა გეზალხა̈ნქა, ჰე ალ სკა̈მი̄ლს
Line of edition: 27 დოშ ლამღუ̂ე̄ნს სა̈ხ ი ღო ხოჩა̄მდუ ოხჴჷმრა მიშგუ ნალჷრდი ი ჰე
Line of edition: 28 ა̄დუ̂, ღო ჩუ ჰა̄ლ ესსგურდე̄დს, ეჩქა ქა̈მილდა̈რუ გარ ამსედ ი
Line of edition: 29 მიშგუ ნალჷრდი ი ნა̈ნჭირუ̂ ხოლა̄მდუ ოხუ̂ჴი̄ჩა!

Line of edition: 30 ჩუ̂ადჭათუ̂ნეხ ამჟი კე̄სა̈რ ი სკა̈მი̄ლჟი̄ნი ჟ'ანჷ̄გა̈ნ ზურა̄ლ ი ქა
Line of edition: 31 ლახუ̂ე̄მ ნაღჟურულს. უ̂ოქუ̂რე კუ̂იკუ̂ა̈̄ლ სგუ̂ებინ ესჟოღა̄ნე-ჲ ანღრი
Line of edition: 32 უ̂ეშგდ ლჷხია̈დ ალა̄, ნაღუ̂ჟურულ. ერუ̂ა̈̄ჲს შუკუ̂ჟი̄ნ ქა̄თა̄სდ უ̂ეშგდ ლატა̈ხჟი̄ნ,
Line of edition: 33 ალჲა̈რს ჩი̄ ქო̄ხო̄მბუ̂ე ალა̄, მა̈̄ჲ პასუხ ოხუ̂ჭირეხ მინეშთე.
Line of edition: 34 ეჩუნღო ესჟოღ ჩუ ჴურუჩუ̄ნ ალა̄, კუ̂იკუ̂ა̈̄ლ, ი ჩუ̂ა̈თჴადჷნხ ჰალუ̂ა̈
Line of edition: 35 მეგმი კა̈ცხთეჩუ̄ნ. ჩუ̂ანჴა̈დ ჩუქუ̂ა̄ნთე-ჲ დედბერილ ტჷტ-ლჷჩხრიკაჟი̄ნ
Line of edition: 36 სგურ. ალას ჩუ მა̄მ ხაჯრაუ̂ა, ლახე გეზალ ლჷჲა̈რ ლა̈ხტა̈ხ ი ოთზჷზეხ
Line of edition: 37 მეცქუ̂ილ კე̄სა̈რს, ერე "ჲაღო, მიჩა უ̂ოქუ̂რე სკა̈მი̄ლ ი კუ̂იკუ̂ა̈̄ლ
Page of edition: 341 Line of edition: 1 ესერ უ̂ეშგდ ოხუ̂ტი̄ხა ი რჷდინ-გურო̄ლ ქა̄უ̂ მოშ ლახტიხ!" კე̄სა̈რდ,
Line of edition: 2 იმუ̂ა̈̄ჲჟი დო ლა̈სუ̂, რჷდინ-გურნა უ̂ეშგდ ლახტიხ. მიჩ სგო̄თჴიდხ სკა̈მი̄ლ
Line of edition: 3 ი კუ̂იკუ̂ა̈̄ლ. ჩუ ჰა̄ლ ესსგურდა სკა̈მი̄ლჟი, ქა̈მილდა̈რ გარ ასა̈დ.
Line of edition: 4 იმუ̂ა̈̄ჲჟი ჩუ̂ადჭათუ̂ნე მიჩა დიდ, ჩუჲ ეჯჟი ხეყა̈რ.

Line of edition: 5 დედბერილდ ი მიჩა გეზალდ ხოჩა ლირდე ა̈დჴიდხ ი ჯა̈მზჷრახ
Line of edition: 6 ღერთემ.

Добавлено (2007-01-16, 1:35 Pm)
---------------------------------------------
Text: 150
Page of edition: 341
Line of edition: 7
150. ხა̈ჯი̄ და̈უ̂ით

Line of edition: 8 ჯა̈მზჷრახ ღერთემ ი ა̈რიხ ხა̈ჯი̄ და̈უ̂ით ი მიჩა ხეხუ̂. ალჲა̈რს ხორდახ
Line of edition: 9 ჲორი გეზალ: ეშხუ ჭყინტ ი მე̄რმე დი̄ნა. ალ ხეხუ̂-ჭა̈შ ესღრიხ
Line of edition: 10 ქუ̂ინ ლა̈ტხა̈̄ლთე. ზურა̄ლს ხეკუ̂ა̈დ დი̄ნა̈̄ ლინჴრინე ი ჭა̈შს-ჭყინტიშ.
Line of edition: 11 ღუ̂ა̈ჟმა̄რე̄მი ნა̄ქუ̂დ ჟ'ახსერ ი ჭყინტ ა̈დჴერნეხ, დი̄ნა სგა ლახბა̈რჲეხ
Line of edition: 12 ეფენდის-ჭყინტი ძიძა̈ი ბაბას. ეჯა სურუ ეზერ დი̄ნა ლა̈სუ̂ ი ლახლატჷნ
Line of edition: 13 ეფენდის. ოხუ̂ბინე ლიმციქულ, ერე "ჟი̄უ̂ ესერ ა̈ნსყე ჯა".
Line of edition: 14 ალა ამნე̄მ ა̈დუ̂ა̈შგდა̄, დი̄ნად, ი ჩოთჩა̈დ ამხა̈ნქა ი ქალქი ჰოკერ
Line of edition: 15 ლარდო̄ლ ა̈ნქირჲე ი ჩუ̂არდახ ჯა-ჲ მიჩა მომსახუ̂რილ. ათხე ეფენდის
Line of edition: 16 მე̄უ̂არ გუ ხა̄რ, ერე ალას-ა́, დი̄ნას, ჩუ მოშ ჲა̈რდ ოთღორუ̂ას ი ღო
Line of edition: 17 სგა̄ხრა̈კუ̂ნას ცხას მიჩ. აშხუ̂ ლადა̈ღ ხა̈̄ქუ̂ დედბერილდ: "ეჯ დი̄ნას სგა
Line of edition: 18 ხუ̂იღუ̂რეუ̂ი მი, ჰე ლაჰჷნწა̈̄ლს ქა მა̈ყჩე". ეფენდიდ ხა̈̄ქუ̂, ერე "ლიჰჷნწა̈̄ლის
Line of edition: 19 ესერი̄ ქა̄თყიჩე ი საჩქუ̂ა̈რსი̄ ლახჰო̈დნე, ლახ ეჩას სგო̄ხჴიდე".

Line of edition: 20 აშხუ̂ ლადა̈ღ ანჷ̄გა̈ნ დედბერილ ი სგა ლა̈ხმუშგუ̂რა̈̄ნ ზურა̄ლს.
Line of edition: 21 ეჯნე̄მ ა̈დჷლხინე-ჲ ლეზო̈ბ ოხჴიდ შიშდ. დედბერდ ჩიქე ეშხუ ნუკუ̂ი
Line of edition: 22 ლეზო̈ბ ადწინუ̂ე, ღო მე̄რმე ი ღო მე̄სმე: "ქუ̂ინ ესერ ხოჴანხ". ეჩქა
Line of edition: 23 ხა̈̄ქუ̂ დი̄ნად:
Line of edition: 24 -- იმღ' ე̄სერ დო̄მ იზბი? -- დედბერდ ლახტიხ:
Line of edition: 25 -- იმღ' ე̄სერ ი ქუ̂ინ ესერ ხოჴანხ მიჩა ნა̈ფდა̄ლუ̂ ლეზუ̂ბა̈რს ი
Line of edition: 26 ეჯღა: ჩუ̂ ესერ დე̄სა მჷრე̄ს ისტღუნა̈̄ლ.
Line of edition: 27 -- ჩუ̂ ესერ ხამა მო̄დ ისტღუნა̄ლუ̂ნი, ჩი საფტინს ესერ ჩუ ისტღუნა̈̄ლ
Line of edition: 28 ჯა.
Line of edition: 29 -- აბანოთე ესერ დე̄სა მჷრე̄ს ხო̄ზნა ი ეჩურ ლისტღუნა̈̄ლ ესერ
Line of edition: 30 მა̄მა ხაშიდ.

Line of edition: 31 მე̄რმა ლადა̈ღ ა̈ნმა̄რა̈̄ნ დი̄ნა-ჲ დედბერი სგა ლა̈ჲჴერნე ი ესღრი
Line of edition: 32 ეჯჟი̄ნ აბანოთე. ათხე კოტო̄ლ გარ ხოკლიხ ეფენდი̄ ყო̄რმჷყ, ეჩქა
Line of edition: 33 დედბერილ ლა̈ხჭუ̂ედდა:
Line of edition: 34 -- უ̂ოშა რიგ ესერ ხუღუ̂ე ნაცა̄და̈რ?
Line of edition: 35 -- ეშხუ რიგ ესერ გარ.

Добавлено (2007-01-16, 1:36 Pm)
---------------------------------------------
-- ო̄, ალა გარ ესერ დეშ ხა̄რ, -- ი მომსახუ̂ირ აჯაღ უ̂ეშგდჷდ
Line of edition: 2 ათტიხნა̈̄უ̂ნე ლაცა̄დრე ლა̈ჴდათე. ჯა იღუ̂რეუ̂ი დი̄ნას, იღუ̂რეუ̂ი ი
Line of edition: 3 სგაჲ ა̈დღორუ̂ე ეფენდი̄ ყო̄რთე̄სგა. ეფენდიდ ყო̄რა̈ლ ჩუ̂ადკარა̄ლე
Line of edition: 4 ი დედბერილდ სგო̄თჯილკე ეშ დი̄ნას ლარდათე̄სგა. ათხე ეფენდიდ
Line of edition: 5 შიშდ იშგუ̂მინ ლიყუ̂ნა̈̄ლ. ამნე̄მ ხა̈̄ქუ̂-ა́, დი̄ნად, ერე "მიჩა შჷნშუ̂ ესერ
Line of edition: 6 ჩუ̄უ̂ ათბარა̄ლუ̂ნე ხოჩა̄მდ საპონშუ̂ ი ეჩქ' ე̄სერ სგა ლა̈ხყუ̂ინი". ამნე̄მ-ა́
Line of edition: 7 დი̄ნად, თუ̂ინგ ლა̄ე ი საპო̈ნ თე̄რა̈ლქა ჟ'ოთხჷჯნე ბჷგიდ ი ეჩუნღო
Line of edition: 8 ხაჴიდ უ̂იშდ ლაჴუ̂რას, ალა ჩუ̂ადყუჩუ̄რე-ჲ ქა̄დსკინე ამექა ი ჩოთჩა̈დ.
Line of edition: 9 ჩოთჩა̈დ ი ქა̄დსკინე ი სგა̄დ ატა̈ხ მიჩა ლარდათე̄სგა. ათხე ეფენდიდ
Line of edition: 10 ოთირ ლა̈ირ მიჩა (დი̄ნა̈̄) დის ი მუს, ერე "მინე დი̄ნას ესერ კინჩხ
Line of edition: 11 ქო̄თქუ̂ი̄ცა მინეშდ: მახეღუ̂ა̈ჟ ესერ ჲერუ̂ა̈̄ჲ ქა ითნი, ჩი̄ჲ ესერ ეჯა
Line of edition: 12 ხეყუ̂ნა̈̄ლ, ჯ' ე̄სერ ალას ხადურუ̂ა̈ნნა-ჲ ეჩქ' ე̄სერ ეჩას ქალქი ჰოკერ
Line of edition: 13 ოხუ̂ქირჲა ლარდო̄ლ, ჩუ̂ ესერ ა̈რი ეჩე̄სგა".

Line of edition: 14 ალა ლახ ამჟი, ეჩქა მიჩა დიდ ი მუდ ჟ'ანმა̄რეხ ჭყინტ (დი̄ნა̈̄
Line of edition: 15 ჯჷმილ) ამი̄ მჷძჰენიდ. მინე დიდ პლატუკ ქა ლახუ̂ე̄მ ჭყინტს ი ხა̈̄ქუ̂,
Line of edition: 16 ერე "ზისხ ესერ მიჩა დი̄ნა̈̄შ სგა̄უ̂ ლოხუ̂ჭუ̂ე̄ნ ი ქა̄უ̂ ოთჴიდ მიჩ". ალა
Line of edition: 17 ქა̈̄ნჷნგზა̄რუ̂ა̈̄ნ ი შუკუ̂ჟი̄ნ აჭკუ̂ა̈რი: "მი̄უ̂ ლჷჭა̈თ ხუ̂ი, ალა̄, მიშგუ დაჩუ̂ირ,
Line of edition: 18 მი ბა̄ზი ჩუ მო̄დ ოთკუჰუ̄რა: ტკიცუშ ამჟი̄უ̂ ლესუ̂ მო-ა́, გა̈რგლიხ,
Line of edition: 19 ჰა მო̄დე". ამნე̄მ-ა, მიჩა ჯჷმილდ, ფინია̈̄ლი სგა ლა̈ჲჭემ უ̂ეშგინ.
Line of edition: 20 სგა ლახა̄გა̈ნ ისგლე̄თი უ̂ონაქა მიჩა დაჩუ̂ირს, სგა ლოხუ̂ფხჷკნე, დი̄ნად
Line of edition: 21 ჰერ ესდე:
Line of edition: 22 -- ჲა̈რ ესერ ლი ყო̄რჟი მერდე? -- ამნე̄მ ლახტიხ-ა́ ჭყინტდ:
Line of edition: 23 -- ეჯე̄ ჲერუ̂ა̈̄ჲ ჩიგარ ჴუ̂ედნი. -- სუმინ ამჟი ლახტუ̂ი̄ლ ჭყინტდ.
Line of edition: 24 მარე ეჯნე̄მ ეში̄ მა̄მ ოთკარე ყო̄რ-ე́, დაჩუ̂ირდ:
Line of edition: 25 -- მიჩეშთ' ე̄სერ და̈̄რ ესა ჴედნი. -- ჭყინტდ ათხე ლაჲჭკუ̄რე,

Добавлено (2007-01-16, 1:36 Pm)
---------------------------------------------
ერე
Line of edition: 27 -- ე̄, საბრალ მი, მიშგუ დაჩუ̂ირ ამჟი ლჷქა̈დ მა̄მ ლი, იმუ̂ა̄ლა̄.
Line of edition: 28 მიშგუ ბაბა ეფენდი ერ ა̈ირი. -- ათხე ლახტუ̂ი̄ლ, ერე
Line of edition: 29 -- ჲაღო, ჯ' ე̄სერ ღო მიჩა ჯჷმილ ლი ი ეჩქა დი̄ნად ჩოთკარე
Line of edition: 30 სერ ყო̄რ. ბა̄ზი მა̄მა ლოხკუ̂ა̈შ ალა̄, მიჩა ჯჷმილ, ეჩის-ე́, ჰა̄უ̂ე ჯა
Line of edition: 31 ამი̄ ლა̈ძჰენთე ა̈მჴედლა̈სუ̂ ი მე̄რმა ლადა̈ღ ანჷ̄გა̈ნ ჟი-ჲ ა̈დჴერნე მიჩა
Line of edition: 32 დაჩუ̂ირ ხოშა̄მ ლეტე̄უ̂რ ცხეკთე̄სგა. ეშხუ გუ̂ი ლიძჰენის ხაყლე, მე̄რმა
Line of edition: 33 გუჟი ხაცუ̂დილ. მა̄მ ა̈ძიჰ დი̄ნა-ჲ ჩუ̂ა̈ნდე ფინია̈ჲ ი ჩუ̂ა̈ძიჰ ეჯა. ქა̈̄ნხინ
Line of edition: 34 ზისხ ი სგა̄თჭუ̂ე̄ნ მიჩა დიე̄ პლატოკს, დი̄ნა ჩუ̂აცუ̂ირ ლეტე̄უ̂რისგა
Line of edition: 35 ი მიჯნე̄მ ა̈ნკიდ პლატუკ ი ადჲე მიჩა დითე-ჲ მუთე.

Line of edition: 36 ათხე ანღრი დი̄ნა, ანღრი-ჲ ქა̄ნჰე მინდუ̂ერთექა. ამჩუ მჷლდეღს
Line of edition: 37 ა̈თლაკ ი ხა̈̄ქუ̂, ერე "ლერქუ̂ა̈ლს ესერ ქა დო ხოცა̈̄დი? -- "შიშდ ესერ,
Line of edition: 38 სური̄, ჰემმა ესერ ხეყე̄ნიხ". -- ლახტიხ მჷლდეღდ. დი̄ნად ჭყინტი ლერქუ̂ა̈ლ

Добавлено (2007-01-16, 1:37 Pm)
---------------------------------------------
ლა̈ჲქუ̂ე ი მჷლდეღს მიჩა ლერქუ̂ა̈ლ ლახქუ̂ე ი ათხე ესღრი,
Line of edition: 2 ესღრი ი იმუ̂ა̄ლე სოფელისგა ჰა̈ლუ̂ა̈ მეგა̈მს ა̈თლაკ ი ათხე ჰა̈ლუ̂ა̈
Line of edition: 3 მეგა̈მთეჟი ლი̄ზა̄ლუ̂ ჟ'ა̈ნკა̈უ̂ გა̈რგლა ეშდჲარუ̂ ზაუ̂ჲა̈ უ̂ა̄დოშ. ჟ'აჩა̈დ
Line of edition: 4 ჰა̈ლუ̂ა̈ მეგა̈მთეჟი ი ჩუ̂ა̈რი ამეჟი. ამი̄ ჩუქუ̂ა̄ნ სარაგ ანღრი ი ამეჩუ
Line of edition: 5 ხელწიფი ლა̈წდაუ̂ა̈რს ლათუ̂ნა̈̄ლ ხა̄რხ. ლახ უ̂აზრა̈ლ ქა ჴიდეხ ლა̈წდაუ̂ა̈რს
Line of edition: 6 ლათუ̂ნათე, ალჲა̈რ ხეწდენიხ ალ დი̄ნა̈̄ ფი̄ფას ჰა̈ლუ̂ა̈ მეგა̈მხა̈ნჩუ
Line of edition: 7 ი ჩუ დე̄შ ითუ̂ნა̈̄ლიხ ამი̄ მაყალშუ̂. ალჲა̈რ-ა, ლა̈წდაუ̂ა̈რ, ნაგზალადაღუ̂
Line of edition: 8 იშუ̂-ჯიჯუ̂ს ა̈თგჷრგილაუ̂ა̈̄ნხ. ხელწიფ ხეცუ̂ა̈̄ლ მიჩა უ̂ა̈ზრა̈ლს.
Line of edition: 9 უ̂ა̈ზრა̈ლ ხა̈ტხეხ, ერე "ფუსდ, ისგუ̄უ̂ ნაცუ̂ა̄ლუ̂ ნა̄რ, ალა ნიშგუ̂ეჲ
Line of edition: 10 ტა̈რ ჰემმა ლესუ̂, მარე ჰა̈ლუ̂ა̈ მეგა̈მჟი ა̈რი მირ ი ეჩი̄ ფი̄ფას
Line of edition: 11 ხეწდენიხ ი ჩა̄ჟა̈რ ჩუ დე̄მ ითუ̂ნა̈̄ლიხ".

Line of edition: 12 ათხე ქა̈̄ხჭა̈მ აშხუ̂ ლადა̈ღ ჩა̄ჟა̈რს ლათუ̂ნა̈̄ლთე ჯა, თუ̂ითან ხელწიფ,
Line of edition: 13 ი ქა ხეწა̈დ, ერე ტკისდ ჰა̈ლუ̂ა̈ მეგა̈მჟი ჩუ მირ ა̈რი. ლა̈ჲკაჩე
Line of edition: 14 თუ̂ეფ ი ხა̈̄ქუ̂: "ე̄, ღე̄რბეთ ხი-ა ამსუ̂ა̄ლდა̈ ქუ̂ინ ხი-ა მა̄ლე იშგენ,
Line of edition: 15 ჩუ̂აღე ჩუქუ̂ა̄ნთე, ადო ჯადგა̈რი!" ზურა̄ლა̈ გუ̂ი ღალ კოტო̄ლ ლი ი
Line of edition: 16 ათყალუ̈̄ნდა ი ჩუ ლეჴედ ხა̄დ. ჩუ ლაჴა̈დჟი ლისუ̂ ოხშყა̈დ ჴუ̂ინაჟუ̂ხა̈ნქა.
Line of edition: 17 ალას ლახ ხელწიფ ხეწა̈დ, რა̈̄ქუ̂: "ლჷკჩე̄უ̂ ესერ ლი მიჩა ბედ,
Line of edition: 18 აშხუ̂ ხეხუ̂მი ლაშდღუ̂ა̄ლ ესერ ლა̄თ ხა̄რა, მარე მე̄რმ' ე̄სერ ქა ლახცადა
Line of edition: 19 ლადი!" სგა̄დჲე ალა ქორთე ი ჩუ̂ა̈დხეხუ̂ჭაშა̈̄ნხ, მარე გა̈რგლი
Line of edition: 20 დე̄მის ალა̄, ზურა̄ლ. ამჟი სემი ჭყინტგეზალ ქა̈̄ხთენა̈̄ნხ სერ თჷმი

Добавлено (2007-01-16, 1:37 Pm)
---------------------------------------------
ოხჴა̈დ ალას-ა, ხელწიფს, ი მელთერთე აჩა̈დ. მელთერს ჩუ̂ესუ̂დე აშირ
Line of edition: 22 მანა̈თ ი ხა̈̄ქუ̂: "ჲედ ესერ ლოხუ̂თირუ მა ჟი-ჲ მო̄დეჲ კინჩხს ხა̈ქუ̂ცე
Line of edition: 23 ჟი!" მელთერდ ხა̈̄ქუ̂. ერე
Line of edition: 24 -- ხოშა ესერ ჟი ლჷთმი̄ნე ხა̄რ ი ხოხუ̂რა ლეთმი̄ნად ხორი. ჟი̄უ̂
Line of edition: 25 ესერ ლა̈ჲღე̄ლუ̂ე, ადო ხოლა̄მდ ესერ ხოჴდენი.
Line of edition: 26 -- ამგუ̂ა̈ჲ მა̈̄ჲ ლესუ̂, ეში̄ ლა̈̄მითრ ი ეში̄!
Line of edition: 27 -- ჲაღუ̂ ე̄სერ ჯა ოხუ̂შკა̈̄დნე ბერჟა̈ ლჷგრა. ეჯ' ე̄სერ ხოშა̄მ ჭყინტგეზალს
Line of edition: 28 ქა̄უ̂ ლახუ̂ე̄მ ი ჩუ̄უ̂ ადშგურა̄ნე, ერე "ეჯგუ̂ა̈ჲ მა̈̄ჲ ხეღე̄შგა̄ლდე̄დხ
Line of edition: 29 ხოხუ̂რა ჭყჷნტა̈რ (ლახუ̂ბა), ქა ეში̄ ნო̄სა̄უ̂ ლახუ̂ე̄მ". ეჩქ'
Line of edition: 30 ე̄სერ ზურა̄ლ ჟ'ა̈ნხირნი-ჲ ხეღე̄შგა̄ლუ̂ნი ი ლახ ესერ აკუ̂შურნი-ჲ ჩუ
Line of edition: 31 დოშ ადკუშუ̄რი, ეჩქ' ე̄სერ ჟ'ა̈ნხირნი ი ჟი ლეშიმ ესერ ხე̄რი უშკუ̂ნ.
Line of edition: 32 ეჩქ' ე̄სერ მიჯნე̄მი̄ ჩუ̄უ̂ ადყა̄ლუ̂ე-ჲ ეჩქ' ე̄სერ ქა ლეგჷრგა̈ლი ხე̄რა.

Line of edition: 33 ათხე ა̈გით' ა̄ნჴა̈დ ალა̄, ხელწიფ, ი ლჷგრე ქა ლახუ̂ე̄მ მაშე̄ნა̄მ
Line of edition: 34 ჭყინტს ი ჩუ̂ადშგურა̄ნე, ერე "ეჯგუ̂ა̈ჲ ესერ მა̈̄ჲ ლესუ̂, ალ' ე̄სერ ქა
Line of edition: 35 ნო̄მჟი̄უ̂ ი ნო̄მჟი̄უ̂ ლახუ̂ე̄მ მიჩა გეზლი̄რს, მე̄რმა ბოფშა̈რს". ათხე ხეღე̄შგა̈̄ლხ

Добавлено (2007-01-16, 1:38 Pm)
---------------------------------------------
ალჲა̈რ-ა, მე̄რმე ბოფშა̈რ, მარე ლახ ქა დო̄მჟი მოშ ოთღეხ,
Line of edition: 37 ეჩქა ჟ'ა̈ნხირნა̈̄ნ ალა̄, ზურა̄ლ, ი ქო̄თღე ალა̄, ლჷგრე. ა̈ნკიდ
Line of edition: 38 კუ̂ა̈თხ ი აკუ̂შუ̄რე, აკუ̂შუ̄რე, მარე ჩუ დე̄მჟი მოშ აკუ̂შუ̄რე, ეჩქა ხა̈̄ქუ̂:

Page of edition: 344 Line of edition: 1 "ფისე̄უ̂ ესერ ხაბა ამი̄ მჷშკა̈̄დის, ამი̄ მჷჴდა-ჲ მინსი̄!" მიჩა ჭა̈შ ყო̄რ
Line of edition: 2 სგა̈̄ნჩუ ჩუ ხაპიჟ-ი სგა̄ჲ ანსკინე ქორთე ი ბოფშა̈რ ქა ხოჲა̈ხხ ყო̄რქა:
Line of edition: 3 "ბაბა, დედეს ესერ გა̈რგლ' ო̄თბინა, ბაბა, დედეს გა̈რგლ' ო̄თბინა!"
Line of edition: 4 მარე ზურა̄ლ ჟი̄დ ა̈ნკჷლა̈̄ნ ი ეჩქა ხანჯა̈რ ა̈ნცხუ̂ა̈პ ჭა̈შდ ი ხა̈̄ქუ̂,
Line of edition: 5 ერე
Line of edition: 6 -- ჩუ ესერ აცლჷ̄რე, ჰ' ე̄სერ ქა დო̄მ გა̈რგლი!
Line of edition: 7 -- ე̄, ჲაღო, მიშგუ̄უ̂ ცოდ ჯა̄რ ი ხოშა ლჷთმი̄ნე მა̄დ ი ხოხუ̂რა
Line of edition: 8 ლეთმი̄ნად მირი! -- ათხე ოხუ̂ბინე ამნე̄მ-ა, მიჩა ჭა̈შდ, ლიჭუ̂დიე̄ლ:
Line of edition: 9 "იმხა̈ნ ნაჴა̈დუ̂ ესერ ლი, ჲედ ესერ იშა გეზალ ლი?" ეჩქა ამნე̄მ-ა,
Line of edition: 10 ზურა̄ლდ, ქო̄ხო̄მბუ̂ე სერ, ერე "ჯ' ე̄სერ ლი ხა̈ჯი̄ და̈უ̂ითი გეზალ".

Добавлено (2007-01-16, 1:38 Pm)
---------------------------------------------
ალა ლახ ა̈დკუ̂იჰ ხელწიფდ, მე̄უ̂არ ათჩო̄ნ: "ო̄, ჲაღო, ჯაჲ ესერ ამი̄თა̄ნს
Line of edition: 12 ხათხე̄ლინა ხახუ̂დ!" ათხე მახან ქუ̂ერწილ აჩუ̂მინ. ქუ̂ერწილუნღო
Line of edition: 13 ზურა̄ლ ჟ'ანმა̄რე მე̄ზიდ მიჩა ლამ

Line of edition: 17 ესღრიხ, ესღრიხ ი ჯუ̂ე̄დია-ნაჯუ̂და მინდუ̂ერისგა ჩუ̂ა̈თბურა̈̄ნხ ი
Line of edition: 18 ჩუ̂ა̈დკარუ̂ა̈̄ნხ. ალჲა̈რდ-ა, უ̂ა̈ზრა̈ლდ, თუ̂ით ბოთლიკ ბა̈ნგ ჩი̄ ჩუ ლახა̈̄შხ
Line of edition: 19 დი̄ნა̈̄ლს ი ჩუ̂ადბა̈ნგუ̂ეხ. ათხე მეცქუ̂ილ ლოხზჷზეხ ხელწიფი ხეხუ̂ს, ერე
Line of edition: 20 ა̈სგა̄უ̂ ესერ ლა̈ჲყუ̂ინე, ადო მიჩა გეზალს ესერ ჩუ ხოძჰენიხ". ლა̈ჲმოხლა
Line of edition: 21 ეჯღა ადბა̈ნგუ̂ეხ, ე ა̈ღო როქუ̂ მა̄მ ხემჲე̄დიხ ლიწე̄ნა̈̄ლ ხელწიფი ხეხუ̂მიშ".
Line of edition: 22 ჟი ლა̄პა̈რ ალა̄, ზურა̄ლ, ი ქა̄ჩა̈დ ლა̈სიამქათე, ა̈ჲცხუნე ალჲა̈რს,
Line of edition: 23 თუ̂ით ჯაყუ̂ ჩი̄ სგა ხაძგერ, მარე ჟი და̈̄რ მოშ ანჲა̈ცხუ̂ნე. ათხე ხოშა
Line of edition: 24 გეზალ ჩოთძიჰხ ღალ ალ ზურა̄ლს. ათხე მანე̄სგირილსჷდ ხოძჰენიხ,
Line of edition: 25 მარე ზურა̄ლდ ხა̈̄ქუ̂, ერე "ჰა̈დურდ ესერ ლახ ჩი̄ ჟ'ოხხუ̂იტეხ, ეში̄
Line of edition: 26 ესერ დე̄მის ითლე მინს ნა̈ფდიათე!" ათხე მაჰუ̂რე̄ნა̄მ გეზალსჷდ ხოძჰენიხ, მარე
Line of edition: 27 ზურა̄ლდჷდ ლახტიხ, ერე "ჩუ̄უ̂ ესერ ოთძიჰხ ეჯაი̄, მინს
Line of edition: 28 ესერ ეში̄ მა̄მა იყუ̂ნე!" ათხე სგო̄ხჯჷრქუ̂ეხ ღალ სერ ხელწიფი ხეხუ̂ს,
Line of edition: 29 მარე ამნე̄მ ხა̈̄ქუ̂, ერე "ეშხუ̂ ესერ ქა̈̄მთე ქა̄უ̂ აფუ̈შდხ ი ეჩჷნღო̄ნ
Line of edition: 30 ესერ მა̈̄ჲ ხეკუ̂ეხ, ეჯა̄უ̂ ხაყერხ!" მარე ალა აშ მა̄დ აფუ̈შდხ ი თა̈კუ̂
Line of edition: 31 ათბეხ ი ამჟი̄ნ აფიშუ̂დხ. ეჩქა ზურა̄ლდ თა̈კუ̂ ქა̈̄ნფიშგ ი ჟაჴუ̂რა̈
Line of edition: 32 ჯირკს სგა̄თბე. ჯა ჩოთჩა̈დხ.

Line of edition: 33 მე̄რმა ლადა̈ღ ჟ'ანჲა̈ცხხ ალჲა̈რ-ა, დი̄ნა̈̄ლ, ითუ̂ით ჯაყუ̂ა̈ ნაძგა̈რუ̂
Line of edition: 34 ჩი̄ ხა̄რხ ი უ̂ეშგდ ანტა̈ხხ ხელწიფიშთე ლა̈ჲმოხლა-ჲ უ̂ა̈ზრა̈ლი̄. ლა̈ხჭუ̂ედდა
Line of edition: 35 ხელწიფ: "მა̈ჲ ესერ ხოჩუ̂მინახ-ი?" ეჩქა უ̂ა̈ზრა̈ლდ ლახტიხხ,
Line of edition: 36 ერე "ეჯე̄, ზურა̄ლ, ესერ ქა̈ჯიშ ლჷმა̈̄რ ი ჩიქ' ე̄სერ ჭყჷნტა̈რ ოთძიჰნიე̄ლა-ჲ
Line of edition: 37 ღო ლა̈სიამქად ხოძგრა თუ̂ით ჯაყუ̂ ი ეჩჷნღო̄ნ ესერ ჯაჲ
Line of edition: 38 ჩუ̂ათჩედახ".

Page of edition: 345
Line of edition: 1 ალა̄, დი̄ნა, ესღრი ღალ, ესღრი ი სგა̄დჰე იმუ̂ა̄ლე მიჩა ლამუ̂არა̈
Line of edition: 2 სოფელთე̄სგა. სგა ლა̈ხჴა̈დჷ̄ნ მიჩა ლამუ̂არლე ჭიშგა̈რთე̄სგა, სგა
Line of edition: 3 ლოხუ̂ფხჷკნე ალჲა̈რს ი ქა̈̄ნსგიდა მიჩა ჯჷმილ ი ხა̈̄ქუ̂ ალას: "ჲაღო,
Line of edition: 4 მინს ესერ მომსახუ̂ირ ხეწხიხ იმუ̂ა̄ლე ი მიჩ ესერ ეზერ ლირბიე̄ლ
Line of edition: 5 ხოხა-ჲ სგა̄უ̂ ა̈დხინხ მომსახუ̂ირდ!" ამნე̄მ-ა́, ჭყინტდ, შიშდ ლახმა̈ჯო̄ნე
Line of edition: 6 მიჩა დაჩუ̂ირს თე̄რა̈ლქა-ჲ ლახლატჷნ ი სგა̄ჩა̈დ ი ლა̄ხჴჷ̄რა̈̄ნ მიჩა დის
Line of edition: 7 ი მუს, ერე "ამჩუ̄ნ ესერ ა̈რი დი̄ნა-ჲ ჩუ̄უ̂ ესერ ა̈დგენეხ მომსახუ̂ირდ!"
Line of edition: 8 ეჯჲა̈რდ ნა̈ბ ლახუ̂ე̄მხ-ე́, მიჩა დიდ ი მუდ, ი ხა̈̄ქუ̂ხ: "სგა̄უ̂ ესერ ა̈ნჴერნე".
Line of edition: 9 მიჩა დიდ ი მუდ ჩუ დეშ ათირხ ალა̄, ზურა̄ლ: ეჯა ჩუ ლჷძიჰ ხოხალდახ-ე́,
Line of edition: 10 დი̄ნა. ალა ჩუ̂ა̈რი ამჩუ ი ხემსახუ̂ირ ეზა̈რდ ალჲა̈რს-ა́,
Line of edition: 11 მიჩა დის ი მუს.

Line of edition: 12 აშხუ̂ ლე̄თ ალჲა̈რს-ა́, ხა̈ჯი̄ და̈უ̂ითს ი მიჩა ხეხუ̂ს, ლჷწჰობ ხა̄დხ.
Line of edition: 13 ლჷწჰად ხორდახ ხელწიფ ი მიჩა უ̂ა̈ზრა̈ლ ი ეფენდი. ათხე ზურა̄ლდ
Line of edition: 14 (ხელწიფი ხეხუ̂დ) შო̈თილდ ანნაყე ი ხა̈̄ქუ̂ ალ შო̈თილდს ეჩქე̄, შომუ̂ა̈̄ჲ
Line of edition: 15 ნაქა̄მუ̂ა̈რ მა̈გ ჩუ ლუსგუ̂რე ლა̈სუ̂ხ ტაბა̈გჟი, ერე "ცჷგნილუ ესერ
Line of edition: 16 ანა̄მბუ̂ე!" შო̈თილდდ ლახტიხ: "მიჯნე̄მუ ესერ ანა̄მბუ̂ე!" ათხე ჟ'ა̈ნბინე
Line of edition: 17 სერ ხა̈ჯი̄ და̈უ̂ითი დი̄ნაგეზალდ, ერე

Line of edition: 18 "ჲაღო, ლჷმა̈რდ ესერ აშხუ̂ ქუ̂ეყანას ხა̈ჯი̄ და̈უ̂ით. ხარდე̄ნა ესერ
Line of edition: 19 ეშხუ ჭყინტ ი მე̄რმე დი̄ნა. ეჯ ხეხუ̂-ჭა̈შს ხა̈ჯი̄ და̈უ̂ითს ი მიჩა ხეხუ̂ს
Line of edition: 20 ესერ ქუ̂ინ ლა̈ტხა̈̄ლთე ლი̄ზი ხა̈კუ̂დახ. მუს ესერ ხა̈კუ̂და ჭყინტი

Добавлено (2007-01-16, 1:40 Pm)
---------------------------------------------
ლინჴრინე ი ზურა̄ლს დი̄ნა̈̄შ. მარე ღუ̂ა̈ჟმა̄რე̄მი ნა̄ქუ̂ ესერ ჩიგარ ხოშა
Line of edition: 22 ლი ი ჭყინტ ესერ ოთჴერნახ, დი̄ნა ესერ სგა ლოხუ̂ბა̈რჲახ ჭყინტი
Line of edition: 23 ბაბა-ეფენდი̄შდ. ალ ეფენდი-ჲ ალ ხა̈ჯი̄ და̈უ̂ით ესერ მა̄დ ლჷმა̈̄რხ-ა,
Line of edition: 24 ამჩუ ერ ა̈რიხ, ეჯ' ე̄სერ მე̄რმა ქუ̂ეყანას ლჷმა̈̄რ. -- ათხე ეფენდიდ
Line of edition: 25 ლი̄ზი ლა̈ჲკჷლდა̄ლე, დი̄ნად ლახფანჩუ̂ლე მიჩა ჯჷმილს: "მიშგუ ჯჷმილ,
Line of edition: 26 ყო̄რა̈ლ ბჷგიდ ოთდა̈̄ლ!" ეჩშელდინ მიჩა ჯჷმილ ქა ღჷრი-ჲ ყო̄რა̈ლს
Line of edition: 27 ბჷგიდ ხოდა̈̄ლი. -- ამჩიქქ' ე̄სერ ეფენდის ლახლატა მჷრე̄ს დი̄ნა-ჲ
Line of edition: 28 ლიმციქულ ლოხუ̂ბინა, ერე "ჟი̄უ̂ ა̈ნსყე ჯა". მარე დი̄ნა ესერ მა̄მ
Line of edition: 29 ლჷმა̈̄რ ეჯკა̈ლი ი ნა̈ფდჲათე̄ჲ ესერ მა̄დ ლოხუ̂თი̄ლა. დი̄ნა ქ' ე̄სერ
Line of edition: 30 ღალ ა̈მჩედ ქალქი პილთე ი ამჩუ̄ნ ესერ კოტო̄ლ ლარდო̄ლ ოხუ̂ქირჲა-ჲ
Line of edition: 31 ჩუ̂ ესერ ლჷმა̈რდ ეჩე̄სგა. ათხე ეფენდის ესერ დედბერ ოთქადუ̂ნა,
Line of edition: 32 ქ' ე̄სერ ოხუ̂ზჷზა დი̄ნათე ლაღუ̂რუ̄უ̂ა̄ლდ. სგ' ე̄სერ ლახმუშგუ̂რე̄ნა-ჲ
Line of edition: 33 დი̄ნას ესერი̄ მე̄უ̂არ ათჩო̄ნა ეჩი̄ ლიჴედ-ე́, დედბერიშ. ათხე
Line of edition: 34 დი̄ნა ესერ შიშდ ლეზუ̂ებ ოხჴი̄და, მარე დედბერს მა̄დ ლოხუ̂მამა;
Line of edition: 35 ღო მე̄რმე̄დ ესერ ოხუ̂ჴი̄და, მა̄დჷდ ლოხმამა; ღო მე̄სმე, ეჯაჲ მა̄დჷდ,
Line of edition: 36 მა̈გ ჩოთწინუ̂ა ეჩქ' ე̄სერ დი̄ნას ხო̄ქუ̂ა: -- იმღ' ე̄სერ დო̄მ იზბი მიჩა
Line of edition: 37 ნანყა̈უ̂ ლეზუ̂ებს? -- ქუ̂ინ ესერ ხოჴან. -- ალა ლახტიხ დედბერდ. -- იმშა
Line of edition: 38 ტა̈რ ესერ ლი ღო ალაჲ? -- იმშ' ე̄სერ ი ჩუ̂ ესერ დე̄სა მჷრე̄ს ხოსტღუნა̄ლა-ჲ
Page of edition: 346 Line of edition: 1 ეჩი̄შ. -- ალ' ე̄სერ გუნ ლახსაკუ̂რელე̄ნა. დი̄ნას: -- ჯ' ე̄სერ
Line of edition: 2 ჩი საფტინს ისტღუნა̈̄ლი ეჯ' ე̄სერ იმჟი ლი? -- მარე დედბერს ესერ
Line of edition: 3 ლოხუ̂ტი̄ხა: -- აბანოთე ესერ დე̄სა მჷრე̄ს ხო̄ზნა-ჲ ეჩი̄ ტა̈რ ესერ ლი
Line of edition: 4 ეჯა̄. -- მე̄რმა ლადა̈ღ ესერ სერ დი̄ნაჲ ქა̄თჴერნა დედბერს აბანოთე.
Line of edition: 5 დედბერილ ესერ ლახჭუ̂ედნე̄ნა: -- საცუ̂ლა̈რ ესერ უ̂ოშა რიგ ხუღუ̂ე?
Line of edition: 6 -- უ̂ოშა-ჲ ეშხუ ესერ გარ. -- ალ' ე̄სერ გარ დეშ ხა̄რ ი სემი რიგ ესერ
Line of edition: 7 ხაკუ ნაცა̄და̈რ. მიჩა მომსახუ̂რილ ესერ უ̂ეშგდუ ატიხ. -- ალა უ̂ეშგდ
Line of edition: 8 ატიხ. ათხე დედბერილს ესერ ჯა სგო̄თღორუ̂ა ეფენდი̄ ყო̄რისგა ი
Line of edition: 9 ეფენდის ესერ აშ-ი-აშ ხოყრა. ალ ეფენდი ესერ მა̄დ ლჷმა̈̄რ ეჯა.
Line of edition: 10 -- ყო̄რა̈ლ ესერ ბჷგიდუ ოთდა̄ლე მიჩ ჯჷმილდ, მარე ეფენდიდ ლი̄ზი̄დ

Добавлено (2007-01-16, 1:40 Pm)
---------------------------------------------
ლა̈ჲკლდა̄ლე. -- ალას-ა, დი̄ნას ხოშგუ̂მინა ეფენდი̄შდ საპონშუ̂ ბჷგიდ ჩუ
Line of edition: 12 ლიბრა̄ლუ̂ნე, ეჩქ' ე̄სერ თე̄რა̈ლქა ბჷგიდ საპო̈ნ ოთხჷჯნა ეფენდი̄შდ.
Line of edition: 13 ეჩჷნღო̄ნ ესერ ხოყრა უ̂იშდ ლაჴუ̂რად ი ქ' ე̄სერ ოთსკინა ამექა. სგა̄დ
Line of edition: 14 ესერ ა̈მტეხ მიჩა ლარდო̄ლთე̄სგა. ამჩიქქ' ე̄სერ ეფენდის ლა̈ირ ოთზჷზა
Line of edition: 15 დი̄ნა̈̄ დიდ ი მუდ, ერე "მინე დი̄ნაგეზალ ესერ ამჟი-ჲ-ამჟი ხოლა
Line of edition: 16 ლი ი შგუ̂ირ ესერ ხოწუ̂ე̄ნა მიჩა̈შდ". ეჩქ' ე̄სერ მიჩა დის ი მუს
Line of edition: 17 მიჩა ჯჷმილ ოთზჷზახ დი̄ნა̈̄ ლა̈ძჰენთე ი პლატოკ ესერ ოთუ̂ბა̈რჲახ
Line of edition: 18 ზისხი ლაჭუ̂ე̄ნდ, მარე ესერ ჭყინტს ფინია̈̄ლ ოთძიჰა ი ჯა ჩოთცუ̂ი̄რა
Line of edition: 19 ლეტე̄უ̂რ ცხეკისგა. ეჩუნღო̄ნ ესერ ჰა̈ლუ̂ა̈ მეგა̈მთეჟი̄ნ ა̈მჩედ ი ამეჩუ̄ნ
Line of edition: 20 ესერ გა̈რგლა ჟ'ოხკაუ̂ა ეშდჲარუ̂ ზაუ̂. ეჩქ' ე̄სერ ხელწიფს ჩოხუ̂ტი̄ხა
Line of edition: 21 მიჩა ხახუ̂დ, მარე გა̈რგლას ესერ მა̄მა̄დ ლჷმჩომინ ი სემი გეზალ ესერ
Line of edition: 22 ამჟი̄ნ ახთენე̄ნა ი ეჩჷნღო̄ნ ესერ ხელწიფს მიჩა ხეხუ̂ მიჩა ლამუ̂ართე
Line of edition: 23 ოთჷნგზა̄უ̂რა ი ეშდჲორი უ̂ა̈ზირ ი ეშდჲორი ლა̈ჲმოხლა ლოხჴერნა.
Line of edition: 24 მარე უ̂ა̈ზრა̈ლს ესერ მიჩა ლიქდუნე ხა̈კუ̂დახ ი ლახ ესერ მო̄დ ხოჩუ̂მინა,
Line of edition: 25 ეჩქ' ე̄სერ გეზლი̄რ ჩოთძიჰნიე̄ლახ ი მინ უ̂ეშგდ ა̈მტეხხ ხელწიფთე
Line of edition: 26 ი ზურა̄ლდ ესერ გეზლი̄რე ლიქდენი ლოხუ̂ბჷრლახ ი სერ
Line of edition: 27 ესერ მიჩ ათჴა̈დჷ̄ნე̄ნა მინეშთე, -- მიჩა დითე-ჲ მუთე, -- ხა̈ჯი̄ და̈უ̂ითიშთე
Line of edition: 28 ი მიჩა ხახუ̂თე მომსახუ̂ირდ ი ლა̈დი ესერ ამჩუ̄ნ ა̈რი ჯაი̄.
Line of edition: 29 ხა̈ჯი̄ და̈უ̂ით ი მიჩა ხეხუ̂ ესერ მიჩა დი-ჲ მუ ლიხ, ალ' ე̄სერ მიჩა
Line of edition: 30 ჯჷმილ-ა, ხელწიფ ესერ მიჩა ჭა̈შ, ეჯ მიჩა მოღლა̈ტ ეფენდი-ჲ მიჩა
Line of edition: 31 უ̂ა̈ზრა̈ლ ესერ ალჲა̈რ ლიხ-ა́.
Line of edition: 32 -- მიჩა ჯჷმილ, ყო̄რა̈ლ ესერ ბჷგიდუ ოთდა̄ლე, ჩუ̂ ესერ ნო̄რუ
Line of edition: 33 ოთჩა̈დ!

Line of edition: 34 ლახ ამნე̄მ მიჩა გაჭიუ̂რება ამჟი̄ნ ქა̄ნა̄მბუ̂ე ი ჩოთცხირე ჩი̄, ეჩქა
Line of edition: 35 უ̂ა̈ზრა̈ლ მა̈გ ჟ'ანხუ̂იტხ. ადქჷნთრინეხ ეჩუნღო ჩეი̄ კა ი ეფენდი ჩუ̂ა̈შიხხ
Line of edition: 36 ამეჟი. ალ ზურა̄ლ სგა̄დ ლა̈ხტა̈ხ მიჩა ჭაშუ̂ ხელწიფს. ხა̈ჯი̄
Line of edition: 37 და̈უ̂ითდ ი მიჩა ხეხუ̂დ საჩქუ̂რა̈ლ ლახუ̂ე̄მხ მინე დი̄ნას ი ხელწიფს.
Line of edition: 38 ალჲა̈რ ა̈გით' ა̄ტა̈ხხ ი ხოჩა ლირდე-ლიზგ' ა̈̄დჴიდხ ი ჯა̈მზჷრახ ღერთემ.

Добавлено (2007-01-16, 1:43 Pm)
---------------------------------------------
Text: 151
Page of edition: 347
Line of edition: 1
151. სალდა̈თ ი მიჩა ხეხუ̂

Line of edition: 2 ლჷმზჷრე̄უ̂ ხი ი სემი ლახუ̂ბა. ეჯჲა̈რს ხაყახ მახე თელღჷრა, მანე̄სგრა
Line of edition: 3 მუხუ̂ბე̄მი ხეხუ̂, ეზა̈რ ზურა̄ლ ლა̈სუ̂. მიჩა ჭა̈შს ათხუ̂ი̄დ სალდა̈თდ
Line of edition: 4 ლი̄ზი. ეჩას ხამჭირ მე̄უ̂არ ლიფშუ̂დე, ხე̄ქუ̂ მიჩა ხახუ̂ემ, ერე
Line of edition: 5 -- თჷმი ლახ ა̈ჯჴედნი, ეჩქას მი მა̈მჲედა ისგუ ლიშედ.
Line of edition: 6 -- იმნოშ ჯა̈მჲედა სი? მიჩა ჭა̈შდ ხე̄ქუ̂.
Line of edition: 7 -- იმნოშ მა̈მჲედა ი სი ლაშგა̈რთე ქა̄დრი. ეჩქა თჷმი ლახ ჯე̄რი
Line of edition: 8 ლეზო̈ბიშ, ეჩქა ჩუ ლაჯშიდ.
Line of edition: 9 -- იმნოშ მაშიდ?
Line of edition: 10 -- იმნოშ ი ჯა̈რი-მა̄რა ჩუ̂ა̈ჯხა̈რჯი, ლეთრა ლოხთჷრე ჯა̈რი-მა̄რა
Line of edition: 11 ი ეჯნოშ ქა ჯიტხე სი.

Line of edition: 12 ბაპ ა̈რი ლაშგა̈რს, რომ ბაპ ხაჟხა. ეჯნე̄მ ქა̈̄დფა̈შდ ეჩი̄ ხეხუ̂მი
Line of edition: 13 ლილატ. ჩუ̂ა̈დმჷქრა̈̄ნხ. ხეხუ̂დ ადშგურა̄ნე მიჩა ჭა̈შ, ერე "უ̂ოდ ოსრი
Line of edition: 14 კალთა̈ჲ ჩუ დ' ა̈̄ჯღაფე̄ნს ი მიშგუ მჷსკა̈დ დ' ა̈̄ჯჴეს, ეჩქად მიშგუ
Line of edition: 15 ლილა̄ტუნა̈̄ლ ნომა ა̈თჯჷრუ̂ა". ანჴა̈დ ბაპ ი ...

Line of edition: 16 (დამთავრებული არაა)

Добавлено (2007-01-16, 1:44 Pm)
---------------------------------------------
Text: 152
Page of edition: 347
Line of edition: 17
152. სემი ქუ̂ითრა̈ლ

Line of edition: 18 სემი ლჷმა̈̄რლიხ ქუ̂ითრა̈ლ. ჩუ ლჷმბანე ლჷმა̈̄რხ: უშხუ̂ა̄რულ ქა
Line of edition: 19 დომთ' ა̄ჩეხ ლა̈ქუ̂თა̈რთე. ლეღუ̂ ლახ ჩუ ხა̈შთხა̈ნუ̂ნახ, ეჩქას ჩიგარ
Line of edition: 20 ლჷმა̈̄ზხ ლა̈ქუ̂თა̈რთე, მარე უშხუ̂ა̄რულ დემ ღჷრდახ.

Line of edition: 21 აშხუ̂ აფხნეგს ჩოთშდა̈ხ ლეღუ̂ ი ქა̄ჩა̈დ ლა̈ქუ̂თა̈რთე მიჩა აფხნეგა̈რულ
Line of edition: 22 ი ქა̈̄დქუ̂ით ეშხუ ლა̈ძჰა. ა̈გითე ანჴიდ ი ჩუ̂ა̈ძიჰ. ლეღუ̂ ჟ'ოთრეკ
Line of edition: 23 კაუ̂ა̈რჟი. ამ დრო̈უ̂ს ლამშჲათე აჩა̈დ. ლა̈ხბაჟხ მიჩა აფხნეგა̈რ
Line of edition: 24 ლა̈ქუ̂თა̈რთე. ალა ქორს დე̄სა ა̈რი. მიჩა ხეხუ̂დ სგა̈̄წჰე ქორთე, ჩუ̂ესსგურე
Line of edition: 25 ალჲა̈რ სკამა̈რჟი ი ღუ̂ინა̈ლ ლახა̈̄შ ქარახსშუ̂. ჟი ლა̈ჲკჷთნეხ
Line of edition: 26 ქარა̈ხს ი ღუ̂ინლა̈ ლათრაჟი ქა ხეწა̈დხ ლეღუ̂ს, -- კა̈უ̂ჟი ხორა̈კხ.
Line of edition: 27 ხა̈̄ქუ̂ხ უშხუ̂ა̄რ: "ამის ესერ ჩოთკუ̂ი̄შა ხა̈ტ, გუშგუ̂ეურ ა̈მჩედ ალა ლა̈ქუ̂თა̈რთე,
Line of edition: 28 მარე ნა̈ჲ ქო̄ლქუ̂ით(ერ)ნედ ბა̄ზი".

Line of edition: 29 ალჲა̈რ აჩა̈დხ ი ანჴა̈დ ეჯ ქორა̈ პატრონ, მინე აფხნეგ. მიჩა
Line of edition: 30 ხეხუ̂დ ხა̈̄ქუ̂, ერე
Line of edition: 31 -- მიჩა აფხნეგა̈რ ესერ ლახბაჟახ.
Line of edition: 32 -- სგ' ე̄სერ ოხჴი̄და მა̄ ქორთე? -- მიჩა ხეხუ̂ს ლა̈ხჭო̈დდა.
Line of edition: 33 -- ოხჴი̄დ' ე̄სერ, სგ' ე̄სერ ოხჴი̄და ქორთე ი ჩოთსგურა̄ლა სკამა̈რჟი̄ნ.

Page of edition: 348
Line of edition: 1 -- ღუ̂ინა̈ლ ესერ ლოხთუნა მა̄? -- ლა̈ხჭუ̂ედდა მიჩა ხეხუ̂ს. მიჩა
Line of edition: 2 ხეხუ̂დ ხა̈̄ქუ̂, ერე "ა̄დუ ესერ". -- "იმნოშ ესერ ლოხთუნა?" "ქარახსშუ̂
Line of edition: 3 ესერ ლოხთუნა". -- "ათხ ესერ მიჩუ ლახა̈̄შ!"

Line of edition: 4 ქო̄ხჴიდ მიჩი̄ ი ლახა̈̄შ. ეჯჲარე ნასგურჟი სგურდა, ეჩქას ჩუ ლაი̄შ
Line of edition: 5 ღუ̂ინა̈ლ, ჟი ლა̈ჲკჷთნე ქარა̈ხს ი ლეღუ̂ა̈რს ქა ხეწა̈დ. ესჭკუ̄რე
Line of edition: 6 გუისგა, ერე "ეჯჲა̈რი̄ [ესერ] ქა ხეწდენხ ლეღუ̂ს ი ქა მიქუ̂თერხ
Line of edition: 7 ეში-ეში̄ ბა̄ზი". ჩუ̂ა̈ნკჷდჷ̄რე ლეღუ̂ა̈რ ი ა̈შიკთე ესდე ი ლათხურმა̈̄შ
Line of edition: 8 ესგე ლეღუ̂დ გუ̂ეში.

Line of edition: 9 ბა̄ზი ანჴა̈დხ ქუ̂ითრა̈ლ, მიჩა აფხნეგა̈რ, ი იუ̂ე̄ლიე̄ლხ ციცუ̂ი გუ̂ა̈რდ.
Line of edition: 10 ამი̄ ხეხუ̂დ ჟ'ა̈ნბა̈ჟ ალჲარე ლიუ̂ე̄ლიე̄ლ. მიჩ ციცუ̂ა̈რ ხოხა ი ლახგჷრგლე,
Line of edition: 11 ერე "ბაზ' ესერ ცუ̂იდდ ხარხ ლიუ̂ე̄ლიე̄ლ: ლეღუ̂ ესერ თხურმა̈̄შ
Line of edition: 12 ხო̄გხ მინს ა̈შიკშუ̂". ეჯჲა̈რს, ქუ̂ითრა̈ლს, ქა ხასჷმდახ ალა. ეჩქა
Line of edition: 13 ეჯჲა̈რდ რა̈̄ქუ̂ხ ერე "ა̄, თხურმა̈̄შ მჷრე̄ს ხო̄გხ ლეღუ̂ა̈ ი ლა̈ხქა̄ლხ
Line of edition: 14 ი ქო̄თქუ̂ითხ თხურმა̈̄შხა̈ნქა.

Line of edition: 15 აშხუ̂ემ ჟი ლა̈ჲცუ̂ე ა̈შიკ, მე̄რმე სგუ̂ებინ ესღრი. ამ დრო̈უ̂ს ჟ'ა̈ნბა̈ჟ
Line of edition: 16 ლეღუ̂ი პატრონდ ი ა̈თღუ̂ა̈ჭ, გა̈ნ ლოხქუ̂იც. ეჯა სგუ̂ებნაუ̂ ლახცუ̈რ,
Line of edition: 17 ჰა̈რი მა̄რე. ხედუ̂ა̈̄ჲს ჟი ხა̈̄ცუდა ა̈შიკ, ეჩას სგა ლახხუ̂ი̄დ,
Line of edition: 18 ხა̈̄ქუ̂, ერე "ათხ' ე̄სერ ქაუ̂ ლახუ̂ე̄მ მიჩ. ჯ'ესერ სგუ̂ებინუ აჩა̈დ". ეჩას
Line of edition: 19 მიჩა აფხნეგ ხოხალდა, ქა ლახუ̂ე̄მ ლეღუ̂ ი ჯა სგუ̂ებინ აჩა̈დ. ამნე̄მ
Line of edition: 20 ჟ'ა̈ნცუ̂' ა̈̄შიკ ი ჟ'ესჭუ̂ე̄ნ ღუ̂ეშგდ. სგა̄დჲე ქორთე, მიჩა თხურმა̈̄შ ჩუ̄დ
Line of edition: 21 ესგ' ა̄ჯაღ. ეჯჲა̈რ-ე, აფხნეგა̈რ, უშხუ̂ა̄რ ლა̈ჰიდხ. -- "ა̈შიკ ესერ მ' ო̄თდჷნა?"
Line of edition: 22 -- "მიჩა̈შდ ესერ მა̄დ ლოჰოდაჲა̄?" -- "პატრონ მჷრე̄ს ლაჰე̄ნახ
Line of edition: 23 სგა, ადო მიჩა̈შდ ესერ დე̄სა ხოჰუ̂და".

Line of edition: 24 ათხე ჟი̄დ ესთხო̈პხ აჯაღ ამი̄ ქორთე, ქა̄დ ოთქუ̂ითხ აჯაღ. ა̈შიკ
Line of edition: 25 ლეღუ̂დ გუ̂ეში თხურმა̈̄შ. უ̂ო ი ... ანჴიდხ მინე ქორა̈ლმჷყ.

Добавлено (2007-01-16, 1:44 Pm)
---------------------------------------------
ათხე ჟი̄დ ა̈ნბა̄ჟ ლეღუ̂ი პატრონდ ი ა̈თღუ̂ა̈ჭ ღუ̂ეშგინ. ა̈თღუ̂ა̈ჭ
Line of edition: 27 ღუ̂ეშგინ ი სგა̈ჰი̄დ მინე ქორა̈ლმჷყ. მუბირ ლი. აშხუ̂ ჟი ხა̈̄ცუ̂ ა̈შიკ,
Line of edition: 28 მე̄რმე ლემასგუ̂ ლა̈ჴდათე აჩა̈დ. ანჴა̈დ ლეღუ̂ი პატრონ ი ხა̈̄ქუ̂, ა̈შიკ
Line of edition: 29 ერ ხა̈̄ცუდა ეჩას: "ლემესგ ესერ დე̄სა ახგუ̂ება. ჯაუ̂ ესერ აჩა̈დ ლემასგუ̂თე,
Line of edition: 30 მიჩა ქორთე, ა̈შიკ ესერ მიჩუ ლახუ̂ე̄მ". ალას მიჩა აფხნეგ
Line of edition: 31 ხოხალ ი ქა ლახუ̂ე̄მ ა̈შიკ. ეჯა ქორთ' ა̄ჩა̈დ. ამნე̄მ ჟი ლა̈ჲცუ̂ე ა̈შიკ
Line of edition: 32 ი წკუ̂ა̈მ აშ ლახქარუ̂ე, ადჲე მიჩა ქორთე.

Line of edition: 33 ალჲა̈რდ, ერქჷდა̈̄შნემ ლემესგ ანჴიდხ. -- "ეჲ, ა̈შიკ ესერ მ'ო̄თდჷნა?"
Line of edition: 34 -- "ეჲ, მიჩ ესერ მა̄დ ხაღუ̂ე̄ნაჲა̄?" -- "ეჲ, ჯ'ე̄სერ ლემასგუ̂თე მა̄დ ოთზჷზაჲა?"
Line of edition: 35 ეჩუნღო გუდ ანჴა̈დხ: "ა̄, მინე აფხნეგ ესერ მჷრე̄ს ახბიშე̄ნა!" -- რა̈̄ქუ̂ხ
Line of edition: 36 ი აჩა̈დხ მინე-მინე ა̈გითე.

Line of edition: 2 ლჷმზჷრე̄უ̂ ხი ი ხეხუ̂-ჭა̈შ. ლა̈სუ̂ხ ეშხუ ხეხუ̂-ჭა̈შ მე̄უ̂არ ღა̈რიბ.
Line of edition: 3 ხორდახ ეშხუ ჭყინტგეზალ ი ეშხუ ნეზუ̂. ნეზუ̂ ჩუ̂ა̈დზა̈̄ნ ი გოჭა̈რ ანთაუ̂ე
Line of edition: 4 უსგუ̂ა. ათბა̈რჲეხ მინე გეზალს ლალდა̈ღთე. ხელდეღ ალა̄, ჭყინტ,
Line of edition: 5 ი ამჩიქქა ანღრი ამექა ხელწიფი დი̄ნა ი მიჩა აფხნეგა̈რ. ხელწიფი
Line of edition: 6 დი̄ნას ეზა̈რ ლახბაჟჷნ გოჭა̈რ ი სგა ლა̈ხღუ̂აჭრა̈̄ნ მჷხმჷ̄რის. ხა̈̄ქუ̂
Line of edition: 7 მჷხმჷ̄რის, ერე "ეშხუ გო̈ჭ ესერ ჩუუ̂ ათყიდ ი, მა̄ზუმ ესერ ხეკუ̂დენი
Line of edition: 8 თეთრ, ეჩზუმს ესერ ლაჰო̈დნე". მჷხმჷ̄რიდ ხა̈̄ქუ̂: "თეთრღა ესერ დე̄მ
Line of edition: 9 ჰო̈დი, იშგენუ ესერ მა ლახუ̂ე̄მ". ხელწიფი დი̄ნად ხა̈̄ქუ̂: "იშგენ ესერ
Line of edition: 10 მა̈ჲ ლახო̄მას?" მჷხმჷ̄რიდ ხა̈̄ქუ̂: "მა̈ჲ ესერ ი ბარჯა̈ლთეჩუ̄ნ ესერ მა̈გ
Line of edition: 11 ქაუ̂ ხაწუ̂ე̄ნე ი ეჩქა ესერ ქა ლაჰო̈დნე გოჭა̈რს". დი̄ნას ხამჭირჷნ, მარე
Line of edition: 12 მიჩა აფხნეგა̈რდ ხა̈̄ქუ̂ხ: "მა̈ჲ ესერ ხოჭირ ეჯღა, ერე ამის ლახწუ̂ე̄ნი
Line of edition: 13 ბარჯა̈ლთეჩუ?" დი̄ნად ქა ლახწუ̂ე̄ნე ი მჷხმჷ̄რიდ ქა ლახუ̂ე̄მ ეშხუ
Line of edition: 14 გუ̂ეჭ. ნა̈ბუზს ა̈გითე ანჴიდ ხამა̈რ ი ეშხუ გუ̂ეჭ ქა ხაკლი̄ნ. ალა ჟი
Line of edition: 15 ლახთირხ მიჩა დი-ი-მუდ ი ხოლა̄მდ აჴიდხ მინე გეზალ.

Line of edition: 16 მე̄რმა ლადეღ აჯაღ ადჲე ლალდა̈ღთე ი მიჩა დი-ი-მუდ ჩუ̂ადშგურა̄ნეხ,
Line of edition: 17 ერე "ლა̈დი ესერ ეში̄ ხოჩა̄მდუ ესჷლდეღა̈̄ნ, ადო ა̈გითე
Line of edition: 18 ესერ ა̈ნჴდენი, ეჩქა ესერ ჰა̈დურდ ხოლა̄მდჷდ ა̈ჴდეხ!" ჭყინტდ ადჲე
Line of edition: 19 ლალდა̈ღთე ი ამჩიქქა ანღრიხ ამექა ხელწიფი დი̄ნა ი მიჩა აფხნეგა̈რ.
Line of edition: 20 ხელწიფი დი̄ნად რა̈̄ქუ̂, ერე "მა̈ჲ ესერ ეზა̈რ ლი ეშხუ გუ̂ეჭ მიჩა
Line of edition: 21 გუ̂ეჭი ტყუბად (\\ ტუ̂ელდ)!" დი̄ნა აჯაღ სგა̄დ ლა̈ხღუ̂აჭრა̈̄ნ მჷხმჷ̄რის
Line of edition: 22 აშხუ̂ გუ̂ეჭს: "ეშხუ გუ̂ეჭ ესერ ჩუუ̂ ათყიდ ი ხუ̂ა̈ჲ თეთრს ესერ ლაჰო̈დნე".
Line of edition: 23 მჷხმჷ̄რიდ ხა̈̄ქუ̂: "თეთრღ' ე̄სერ დე̄მ ხაჰუ̂დი". "ჲაღო ესერ
Line of edition: 24 იმღა ხაჰუ̂დი?" -- "იმღ' ე̄სერ ი ლუსუ̂ა̈რთეჩუ̄ნ ესერ მა̈გ ქაუ̂ ხაწუ̂ე̄ნე
Line of edition: 25 ი ეჩქ' ე̄სერ ქა ლაჰო̈დნე". დი̄ნას მა̄დ ხონდა ლიწუ̂ენე, მარე მიჩა
Line of edition: 26 აფხნეგა̈რდ ხა̈̄ქუ̂ხ, ერე "მა̈ჲ ესერ ხოშგურ ხოლა̄მ მჷხმჷ̄რიდ? ქაუ̂
Line of edition: 27 ესერ ლახწუ̂ე̄ნე!" დი̄ნად ქა ლახწუ̂ე̄ნე ლუსუ̂ა̈რთეჩუ. ჭყინტდ ქა ლახუ̂ე̄მ
Line of edition: 28 ეშხუ გუ̂ეჭ. დი̄ნას მურსგუ̂ენ (\\ ლურსგუ̂ენ, ლერსგუ̂ენ) ბარჯჟი ეშხუ
Line of edition: 29 უ̂ოქუ̂რა̈ ლუსდუ̈გ ხა̄გა̈ნ. ამის მჷხმჷ̄რი ქა ხეწა̈დ. უ̂ოქუ̂რა̈ ლუსდუ̈გ
Line of edition: 30 ლა̈სუ̂ დი̄ნა̈̄ ლა̈ჲშა̈ნ. ნა̈ბუზს მჷხმჷ̄რიდ ანჴიდ ხამა̈რ ა̈გითე ი ეშხუ

Добавлено (2007-01-16, 1:46 Pm)
---------------------------------------------
გუ̂ეჭ აჯაღ ქა ხაკლი̄ნდა. ათხე ჟ'ათსგურდახ მიჩა დი-ი-მუი ლაყა̈რს
Line of edition: 32 ჰაჯ მა̄მა ახკიდხ. მჷხმჷ̄რიდ ხა̈̄ქუ̂, ერე "ნუმაუ̂ ესერ ხატყციხ ი
Line of edition: 33 გოჭრე ფა̈სს ესერ ოხჴიდე". მერმა ლადეღ აჩა̈დ მჷხმჷ̄რი ი შუკუ̂ისგა
Line of edition: 34 ჩუ̂ადყურდა.

Line of edition: 35 დი̄ნა̈̄ მუ-ხელწიფს ოხგაცხდა, ერე "ერუ̂ა̈̄ჲ ესერ მიჩა დი̄ნა̈̄ ლა̈ჲშა̈ნს
Line of edition: 36 გუდ ა̈ჴდენი, ეჩას ესერ ლაჰო̈დნე დი̄ნას ხეხუ̂დ". ამხა̄უ̂ მა̈გ
Page of edition: 350 Line of edition: 1 ესღრ' ათხე ი ლა̈ჲშა̈ნ და̈̄ს ხოხა. ეჯ შუკუ̂ქ' ე, უმუ̂ა̈̄ჲ მჷხმჷ̄რი აყუ̂რა,
Line of edition: 2 ა̈ნჴა̈დ ეშხუ ა̈ფიცარ. მჷხმჷ̄რიდ აქა̈̄ნი მა̄მ' ო̄ხკიდ. ა̈ფიცარდ რა̈̄ქუ̂:
Line of edition: 3 "უ̂იდრობა მჷხმჷ̄რის ესერ აქა̈̄ნი მა̄მ ოხკიდა!" ალა ქა ხასჷმდა მჷხმჷ̄რის
Line of edition: 4 ი ხა̈̄ქუ̂ ა̈ფიცარს: "უ̂იდრობა ესერ ეჯა ი̄რ' ე̄, ესუ̂ა̈̄ჲს ესერ, იმთე

Line of edition: 5 დო ესღრი , ეჯა მა̄მ ხოხა". ა̈ფიცარდ ხა̈̄ქუ̂: "იმღ' ე̄სერ ხა̄რ ალა?
Line of edition: 6 მჷხმჷ̄რიდ ხა̈̄ქუ̂: "ჲაღ' ე̄სერ ხოხა მა̄, მა̈ჲ ნიშა̈ნ ესერ ხა̄რ ხელწიფი დი̄ნას?"
Line of edition: 7 ა̈ფიცარდ ხა̈̄ქუ̂: "მიჩ ესერ დე̄სა ხოწუ̂ა, მა̈ჲ ესერ ხოხა, მა̈ჲ
Line of edition: 8 ნიშა̈ნ დო ხა̄რ!" მჷხმჷ̄რიდ ხა̈̄ქუ̂: "ჯ' ე̄სერ ლახთო̈̄ნი ი თეთრუ ლახუ̂ე̄მ
Line of edition: 9 ხუ̂ა̈ჲ!" ა̈ფიცერდ ხა̈̄ქუ̂: "ქ' ე̄სერ ლახ ლახთო̈̄ნნე, ეჩქ' ე̄სერ ქა
Line of edition: 10 ლაჰო̈დნე". მჷხმჷ̄რიდ ხა̈̄ქუ̂: "ჩიქე ესერ თეთრუ ლახუ̂ე̄მ ი ეჩუნღო
Line of edition: 11 ესერ ქა ლახთო̈̄ნნე". ა̈ფიცერდ ქა ლახუ̂ე̄მ უსგუ̂ა ქე̄სა თეთრ. მჷხმჷ̄რიდ ქა
Line of edition: 12 ხა̈̄ქუ̂, ერე "ბარჯჟი̄ნ ესერ ხა̄რ დი̄ნას უ̂ოქუ̂რე ლუსდუ̈გ" (ეჯა
Line of edition: 13 მა̄დ ხა̈̄ქუ̂ მჷხმჷ̄რიდ, ხედუ̂ა̈̄ჲ ბარჯჟი ხა̄დ ლუსდუ̈გ). ა̈ფიცარს ათხი̄დჷნ
Line of edition: 14 ი აჩა̈დ. ჭყინტდ ა̈გითე აჩა̈დ ი უ̂ო̄შთხუ̂ ქე̄სა თეთრ მიჩა დის ი
Line of edition: 15 მუს ლახუ̂ე̄მ: "ალ' ე̄სერ გოჭრე ფა̈სდუ ხა̄დხ". ჲერუ ქე̄სა მიჯნე̄მ
Line of edition: 16 ესყედა̄ნე ი აჩა̈დ ქალაქთე. ქალა̈ქს ა̈ნყიდ შაქა̈რ, კანფეტ ი იშგენ მუხუ̂ჭი
Line of edition: 17 ლეზბუ̄რა. ეჩუნღო აჩა̈დ ხელწიფთე, ხედუ̂ა̈̄ჲ დი̄ნას ა̈წუ̂ი̄ლა,
Line of edition: 18 ეჩხა̄უ̂.

Line of edition: 19 დჲნა̈̄ ლა̈ჲშა̈ნს ჩუ და̈̄რ მოშ ხეხუ̂ა, ჲერ იმ ყჷლე ი ჲერ იმ. ღუ̂ეშგინპილს
Line of edition: 20 ა̈ფიცარდ რა̈̄ქუ̂, ერე "ჲაღო ესერ ჯა რა̈̄ქუ̂ინნე დი̄ნა̈̄ ლა̈ჲშა̈ნს".

Добавлено (2007-01-16, 1:47 Pm)
---------------------------------------------
ხელწიფდ ხა̈̄ქუ̂: "ქაუ̂ ესერ რა̈̄ქუ̂ აღო!" ა̈ფიცარდ ხა̈̄ქუ̂, ერე
Line of edition: 22 "დი̄ნას ესერ ბარჯჟი უ̂ოქუ̂რე ლუსდუ̈გ ხა̄გ". ეჩუნღო ხელწიფ ლა̈ხჭო̈დდა:
Line of edition: 23 "ხედა̈̄ ბარჯჟი̄ნ ესერ ხა̄გ უ̂ოქუ̂რე ლუსდუ̈გ?" ა̈ფიცარდ
Line of edition: 24 დეშმა ლახტიხ. ეჩქა ქა̄ნჴა̈დ მჷხმჷ̄რი ი რა̈̄ქუ̂, ერე "ჲაღო ესერ ჯა
Line of edition: 25 რა̈̄ქუ̂ინნე, ხედუ̂ა̈̄ჲ ბარჯჟი̄ნ ესერ ხა̄რ უ̂ოქუ̂რე ლუსგუ̈გ".ხელწიფდ
Line of edition: 26 ხა̈̄ქუ̂: "ჲა̈ღო ესერ ქაუ̂ რა̈̄ქუ̂". მჷხმჷ̄რიდ ხა̈̄ქუ̂: "დი̄ნას ესერ უ̂ოქუ̂რე
Line of edition: 27 ლუსდუ̈გ ხა̄გ მურსგუ̂ენ ბარჯჟი".

Line of edition: 28 ათხე დი̄ნა ლა̈ცლა̈უ̂ია̄ლდ ოხჴა̈დხ ა̈ფიცარს ი მჷხმჷ̄რის. დი̄ნას,
Line of edition: 29 მა̈ჲ საკუ̂რელ, ა̈ფიცართე ხოცხა̈̄ნ ლიწუ̂ი̄ლა̈̄ლ. ხელწიფდ რა̈̄ქუ̂, ერე
Line of edition: 30 "ბა̄ზ' ესერ ა̈ფიცარ ი მჷხმჷ̄რი სგაუ̂ ლოხყუ̂ინეხ დი̄ნას ეჩხა̈ნ-ამხა̈ნ
Line of edition: 31 ი მჷხა̈რ ესერ ხედუ̂ა̈̄ჲშთე ქა ისპი დი̄ნა, ეჩი̄შ ესერუ ლა̈სუ̂".

Line of edition: 32 ეჯ ლე̄თ ჩუ̂ადყუ̂ინეხ აშხუდ. დი̄ნა ა̈ფიცერთე გარ სიპდა, მჷხმჷ̄რის
Line of edition: 33 ქაჲ დე̄სა ხეთლენ. მჷხმჷ̄რიდ კანფეტა̈რ ი ალა ლალე̄მ. ამ
Line of edition: 34 დრო̈უ̂ს ა̈ფიცარს ქა̄მოუ̂ ლი̄ზი ა̈ხკუ̂ა̈დ ი ლა̈ხჭუ̂ედდა მჷხმჷ̄რის: "ქა̄მოუ̂
Line of edition: 35 ლა̄ზ ესერ იმე ი̄რა?" მჷხმჷ̄რიდ ხა̈̄ქუ̂: "ქა̄მოუ̂ ლა̄ზ ესერ დე̄მე, მიჩ
Line of edition: 36 ესერი ხა̄რა ქა̄მოუ̂ ლე̄ზი ი ტა̈შდჟი̄ნ ესერ ა̈მჩედ ი ეჩუნღო ესერ
Line of edition: 37 ჩუ ლოხმამა, ადო მჷხა̈რ ესერ ლეყმე ი̄რო̄ლ". ა̈ფიცარ ჟ'ანჷგა̈̄ნ, ქა̄ჩა̈დ
Page of edition: 351 Line of edition: 1 ტაშდჟი ქა̄მოუ̂ (\\ ჩუ̂ადსგა̈̄რ ტა̈შდჟი) ი ეჩუნღო ჩუ ლალე̄მ.
Line of edition: 2 ლაზობჟი ულმაშა̈რს ჟ'ა̈ხცომა̈̄ნ ი ჩუ̂ადყურდა ეჯჟი. ათხე დი̄ნას
Line of edition: 3 ხოლა ქუ̂ინ ლახჴანდა ი მჷხმჷ̄რითე ა̈სიპდა ი ქა̈̄თტჷ̄შა̈̄ნ ამის.

Line of edition: 4 მე̄რმა ლადეღ ა̈ნწუ̂ე̄ნეხ ი დი̄ნა ქა ხატჷ̄შა მჷხმჷ̄რის ი ა̈ფიცარს
Line of edition: 5 ჟი ლუთულუ̂აფე ხა̄რ მა̈გ სგუ̂ებინჩუ. დი̄ნა მჷხმჷ̄რის ლახუ̂ე̄მხ ი სგა̄თგურგუ̂ნეხ,
Line of edition: 6 ა̈ფიცარს პაღუ̈რ ხაჴიდხ ი ქა̄დკუ̂ა̈რხ ეჩჟი.

Line of edition: 7 მჷხმჷ̄რიდ ი დი̄ნად ხოჩა ლირდე̄-ლიზგე ა̈დჴიდხ ი ლჷმზჷრე̄უ̂ ხი!

Добавлено (2007-01-16, 1:47 Pm)
---------------------------------------------
Text: 154
Page of edition: 351
Line of edition: 8
154. კინტო

Line of edition: 9 ლა̈სუ̂ხ ეშხუ ხეხუ̂-ჭა̈შ. ალჲა̈რს ხორიხ ეშხუ ჭყინტგეზალ. მინე
Line of edition: 10 ხოჩე̄რობო̄ლა̈რ მა̈გ სგა ლახშდიხხ ამი̄ ლათუ̂ერს. უ̂ეშგიმპილს ა̈გით'
Line of edition: 11 ა̄ნჴა̈დ ი რა̈̄ქუ̂: -- ლათუ̂რია̈ლ ესერ ქა ლჷზგჷრე ხა̄რ სერ.
Line of edition: 12 -- ჲაღო, მა̈ჲ ესერ ოხუ̂თორა? -- ლა̈ხჭუ̂ედდა ხელწიფ.
Line of edition: 13 -- მა̈ჲ ესერ-ი კინტოობ. -- ლახტიხ ალ ჭყინტდ.
Line of edition: 14 -- ჲაღო, კინტოობ ესერ ჰე ოხუ̂თორა, მიჩ ესერ ლახუ̂ს ხო̄გ
Line of edition: 15 ლარდა, ეჯ ლარდას ესერ ხა̄რ ეშდჲორი ყო̄რ, ეშდჲარუ̂ ყო̄რს ესერ
Line of edition: 16 ეშდჲორი ბოქლომ ხორიკ ი თუ̂ით ეშდჲორი სალდა̈თ თუ̂ით ყო̄რჟი
Line of edition: 17 ლჷგ.

Line of edition: 18 ა̈ნრექუ̂ა̈̄ნ ხელწიფიშშა̄ლ ალა̄, კინტო, ი აჩა̈დ. აჩა̈დ ი ლახუ̂ს
Line of edition: 19 სალდათა̈რს სგა ლახა̄გა̈ნ ი ხა̈̄ქუ̂: "ჲაღო, ჯ' ე̄სერ ხელწიფს ოხუ̂ზჷზა-ჲ
Line of edition: 20 სგა̄უ̂ აფიშუ̂დხ ამხა̄უ̂თე̄სგა". სგა̄ფიშუ̂დხ ამხა̄უ̂თე̄სგა-ჲ ამჩუ ალჲა̈რს
Line of edition: 21 ხოჩა რა̈შ ხო̄ბხ, ჟ'ა̈ნფიშუ̂დ ალა-ჲ ქა̄ნჴიდ. მე̄რმა ლადა̈ღ ჟი ლახსგურდა
Line of edition: 22 ალას ი ხელწიფი ყო̄რა̈ლქა ქა̄ნჴიდ. ამღა მა̄მ' ა̄ფა̈შ ალა̄,
Line of edition: 23 ხელწიფ, ი სგა̄ნჴა̈დ კინტოთე̄სგა ი ხა̈̄ქუ̂ ალას: -- მიჩა ხეხუ̂ს ესერ ხოჩა
Line of edition: 24 ლუგუ̂წუ̂ელ პალტო ხორი. ეჩას ესერ ჰე მოშ გაცხა̈ჲდ ქა ხოქუ̂თერ,
Line of edition: 25 ეჩქას ესერ გაცხა̈ჲდ კინტო ი̄რა.

Line of edition: 26 ათხე ხელწიფ ქა̄ნტა̈ხ ა̈გითე-ჲ ი მიჩა ხეხუ̂ს ხოჩა პალტო სგა̄თქუ̂ე-ჲ
Line of edition: 27 ჩუ̂ადშგურა̄ნე გუ̂ა̈მიდ, ერე "ალ' ე̄სერ ქა ნო̄სა̄უ̂ ა̈დი̄ღე ნო
Line of edition: 28 ლაყუ̂რას ი ნო ლა̈გნას!" ჩუ̂ადყურდახ ი ხელწიფდ ალა̄, პალტო,
Line of edition: 29 სგა̄თქუ̂ე მიჩა ხეხუ̂ს. ათხ' ა̄ნჴა̈დ ალა̄, კინტო, ი ანსყე მიჩა ნახა̈ზ ი
Line of edition: 30 სგა ლახგენე ხელწიფს ლაჴუ̂რაისგა ი ჯა ჩუ̂ა̈თპა̈ჟ. ხელწიფ ალას ქა
Line of edition: 31 ხეწა̈დ, ა̈ნხირნა̈̄ნ ი რა̈̄ქუ̂, ერე "ალას-ა́, კინტოს, ესერ ჩუ̂ადგა̈რი ბა̄ზი".
Line of edition: 32 ლოხხალდა ნახა̈ზ კინტო-ჲ ჩუ̂ადგა̈რ ალა, ქა̄დჲე ლაშდუ̂იღუ̂თე.
Line of edition: 33 ეჩქად ალა̄, კინტო, სგა̄ნჴა̈დ ი ხა̈̄ქუ̂ ხელწიფი ხახუ̂: "ათხე ქა̈̄თი̄ღ
Page of edition: 352 Line of edition: 1 სერ ალა̄, პალტო, კინტოდ მა̄მ ლი სერ ლემყა̈ლ!" ქა̄თა̄ღე პალტო-ჲ
Line of edition: 2 აჩა̈დ.

Line of edition: 3 მე̄რმა ლადა̈ღ ჰამს ჟი ლახსგურდა კინტო ჩა̄ჟუ̂. პალტო ფაუს
Line of edition: 4 ლახცუუ̂ე̄რე-ჲ ალა ჲარა̈ღდ ესყედა̄ნე-ჲ ქა̄ნჴა̈დ ამჟი ხელწიფი ყო̄რა̈ლქა.
Line of edition: 5 ამ დრო̈უ̂ს ხელწიფს ი მიჩა ხახუ̂ ხოლა ლიზურიე̄ლ ხა̄დხ. ხელწიფი
Line of edition: 6 ხეხუ̂ ხაყლე: "მიჩ ესერ მა̄დ ოთა̄ღაჲა მიჩა̈შდ პალტო?" ალას
Line of edition: 7 ხელწიფ დე̄მ იჩო-ჲ ი ოხუ̂სიპე მიჩა ხახუ̂ ხანჯა̈რ ი კინტოს ხაჴიდ
Line of edition: 8 თხუმჩუ, მარე კინტოდ ჟ'ესუ̂ტაფე, ეჩუნღო̄ნ ჩუ̂ა̈დკა̄ფ, მუგუ̂და̈ჲ ლჷდგა̈რ
Line of edition: 9 ლი. ხეხუ̂-ჭა̈შ ჩუ̂ა̈დყულუ̄რა̈̄ნხ. კინტო ჟ'ანპა̈რ ი ეშ ლა̈ხქარუ̂ა̈̄ნ
Line of edition: 10 ა̈გითე.

Добавлено (2007-01-16, 1:48 Pm)
---------------------------------------------
Text: 155
Page of edition: 352
Line of edition: 11
155. დი̄კუ̂ენ

Line of edition: 12 ლჷმზჷრე̄უ̂ ხი ი დი̄კუ̂ენ. ესღრ' ალა̄, დი̄კუ̂ენ, ი შუკუ̂ჟი ლჷჩა̈̄ჟ
Line of edition: 13 მა̄რე ლახხუ̂ი̄დ ი ხა̈̄ქუ̂ ამის, ერე "მიჩ ესერ ეჩჟი წჷრნი ხა̄რ ნეფხუ̂ნა
Line of edition: 14 ერე ხასგე̄ნე ესერ (\\ ქა̄მოუ̂ ლი̄ზი ხაკუ). ქაუ̂ ესერ აჩა̈დ ი ჩა̈̄ჟს ესერ
Line of edition: 15 ჯ' ე̄სყედა̈̄ნი". მა̄რე ქა̄დზჷზე დი̄კუ̂ენდ. ეჩუნღო დი̄კუ̂ენდ ჩა̈̄ჟს ჰაკუ̂ა̈დ
Line of edition: 16 ქა̄ხქუ̂იც ი ჭუ̂ი̄ბჩუ ჩუ̂ათცჷყე̄რე, ჩა̈̄ჟ ჩუ̂ათპა̈ჟუ̂ნე. ქა̄ნჴა̈დ მა̄რე ი ხა̈̄ქუ̂,
Line of edition: 17 ერე "ჩა̈̄ჟ ესერ მა̈ჲ ოთდჷნა?" დი̄კუ̂ენდ ხა̈̄ქუ̂. ერე "მა̈ჲ ესერ ი მიჩა
Line of edition: 18 ლჷდგარუდ ესერ დე̄სამ მირე̄ს ხოჯგრა ი ხოფა̄ნა ი ჩუ ესერ ოთხუ̂ჲახ
Line of edition: 19 ჭუ̂ი̄ბჩუ, ჰაკუ̂ა̈დ ესერ გარ ხოწუ̂ა ჟი". მა̄რე ჟ'ოხბჷდ ჰაკუ̂ა̈დს ი
Line of edition: 20 ჟი ლა̈ხყა̈̄დ ნა̈ქუ̂იც? მა̄რე აჩა̈დ. დი̄კუ̂ენ ჟი ლახსგურდა ჩა̈̄ჟს ი ადიე.

Line of edition: 21 შუკუ̂ჟი ლჷდშნა̈ჲ ლახხუ̂ი̄დ. ამის ხა̈̄ქუ̂, ერე "აშხუ̂ რა̈კს ესერ დაშნა̈ჲუ
Line of edition: 22 ლახდია̄ნე ი შიშდ ესერ ოხჴიდე". ლჷდშნა̈ჲდ ხა̈̄ქუ̂, ერე "მიჩ
Line of edition: 23 ესერ ლიდშნაუ̂ ჩუ̂ა̈თე̄შდჷნი". დი̄კუ̂ენდ ხა̈̄ქუ̂, ერე "მიჯნე̄მ ესერ ყა̈̄რი
Line of edition: 24 ნა̈ცილუ (\\ მაშხე̄რუ) ლა̈ჲბე". ლჷდშნა̈ჲდ ქა ლახუ̂ე̄მ დაშნა̈ჲ ი მიჯნე̄მ
Line of edition: 25 სგა ლა̈ჲბე ყა̈̄რი ნა̈ცილ (\\ მაშხე̄რ) ი ჩუ̂ესჷ̄გა̈̄ნ შუკუ̂ისგა. დი̄კუ̂ენ
Line of edition: 26 აჩა̈დ.

Line of edition: 27 ესღრი დი̄კუ̂ენ ი სგა ლახხუ̂ი̄დ ლუთუ̂ეფ. ამის ხა̈̄ქუ̂, ერე "თუ̂ეფუ
Line of edition: 28 ესერ ლახდია̄ნე". ლუთუ̂ეფდ ხა̈̄ქუ̂, ერე "მიჩ ესერ ლითოფ ჩუ̂ა̈თე̄შდჷნი".
Line of edition: 29 დი̄კუ̂ენდ ხა̈̄ქუ̂, ერე "მიჯნე̄მ ესერ ნანკუ̂ალუ ლა̈ჲბე". ლუთუ̂ეფდ
Line of edition: 30 ქა ლახუ̂ე̄მ თუ̂ეფ ი მიჯნე̄მ სგა ლა̈ჲბე ნანკუ̂ალ ი ჩუ̂ესჷ̄გა̈̄ნ
Line of edition: 31 შუკუ̂ისგა.

Line of edition: 32 დი̄კუ̂ენ აჩა̈დ ი შუკუ̂ისგა სამ ლახუ̂ბას ლახხუ̂ი̄დ. ალჲა̈რს კა̄და̈̄ლ

Line of edition: 33 ხუღუ̂ეხ ი ესღრიხ მირა̈̄მთე. დი̄კუ̂ენდ ხა̈̄ქუ̂, ერე "იმთე ესერ ესღრიხ?"
Line of edition: 34 ი ლახუ̂ბად ხა̈̄ქუ̂ხ, ერე "იმთე ესერ ი შუკუ̂ ესერ ხეტყცენი ი
Line of edition: 35 კაპა̈რ ლაქჩათე ესერ ესღრიხ". დი̄კუ̂ენდ ხა̈̄ქუ̂, ერე "მინ ესერ სგაუ̂
Page of edition: 353 Line of edition: 1 ლოხო̄გა̈̄ნხ შუკუ̂ს ი ჯ' ე̄სერ კაპა̈რს ა̈ნქაჩნე, კა̄და̈̄ლ ესერ ქაუ̂ ლახუ̂ე̄მხ!"
Line of edition: 2 ლახუ̂ბად კა̄და̈̄ლ ქა ლახუ̂ე̄მხ ი მინ სგა ლოხო̄გა̈̄ნხ შუკუ̂ს.
Line of edition: 3 დი̄კუ̂ენდ კა̄და̈̄ლ შუნ ლა̄ჲე ი აჩა̈დ, მუგუ̂დაჲ კაპა̈რ ლაქჩათე ღჷრი.
Line of edition: 4 ლახუ̂ბა ხოღლიხ.

Добавлено (2007-01-16, 1:48 Pm)
---------------------------------------------
აჩა̈დ ალა̄, დი̄კუ̂ენ, ი კე̄სა̈რშა მჷხმჷ̄რის ათა̄სდ. მჷხმჷ̄რის ხა̈̄ქუ̂, ერე
Line of edition: 6 "კე̄სა̈რ ესერ ა̈რი მა ა̈გის? სგაუ̂ ესერ აჩა̈დ ი ქაუ̂ ესერ ოხთო̄ნე, დი̄კუ̂ენ
Line of edition: 7 ესერ ხაყლე, ამჟიუ̂ ესერ ხა̈̄ქუ̂!" მჷხმჷ̄რი სგა̄ჩა̈დ. დი̄კუ̂ენდ ლა̈ჲრეკლე
Line of edition: 8 ხამა̈რ ი ადიე მიჩა ა̈გითე ალამა̈გ კეთილ.

Line of edition: 9 კე̄სა̈რ ანჷგა̈̄ნ ი აჩა̈დ. ესღრი ი შუკუ̂ისგა ჩუ ლჷგ მა̄რე. ამის
Line of edition: 10 ხა̈̄ქუ̂, ერე "მა̈ჲ ესერ ხაკუ ამჩუ?" მა̄რემ ხა̈̄ქუ̂: "აშხუ̂ მა̄რ' ე̄სერ ხო̄ქუ̂ა,
Line of edition: 11 ერე მიჩ ესერ ქა̄მოუ̂ ლი̄ზი ხაკუ (\\ მიჩ ესერ ხასგე̄ნი), ეჩჟი
Line of edition: 12 წჷრნ' ესერ ხა̄რ ნეფხუ̂ნა ი მა̄მ ე̄სერ ოხკი̄და ჰაჯ, უ̂ოდ ქა დო ოთზჷზა.
Line of edition: 13 ქ' ე̄სერ ა̈მტეხ (\\ ა̈მჴედ) ი ჩა̈̄ჟ ესერ დე̄სა ესხუ̂იე̄ნა". კე̄სა̈რდ
Line of edition: 14 ხა̈̄ქუ̂, ერე "ეჩის ესერ მიჩოშდი ოთღორუ̂ა. აჩა̈დხუ ესერ". ალჲა̈რ აჩა̈დხ.

Line of edition: 15 ესღრიხ ი შუკუ̂ისგა ჩუ ლჷგ მა̄რე ი ყა̈̄რი ნა̈ცილ (\\ მაშხე̄რ)
Line of edition: 16 სგა ხა̈̄ბ. ლახჭუ̂ედდახ: "მა̈ჲ ესერ ხაკუ ამჩუ?" -- მა̈ჲ ესერ ი ეშხუ მა̄რ' ე̄სერ
Line of edition: 17 ახდე̄ნა ი ხო̄ქუ̂ა ესერ, ერე დაშნა̈ჲუ ესერ ლახდია̄ნე. მიჩ ესერ
Line of edition: 18 მიჯნე̄მ ესერ ყა̈̄რი ნა̈ცილუ (\\ მაშხე̄რუ) ლა̈ჲბე. მიჩ ესერ ქა ლოხდია̄ნა
Line of edition: 19 დაშნა̈ჲ ი ეჯა ესერ დე̄სა ა̈მტეხ". ალჲა̈რდ ხა̈̄ქუ̂ხ, ერე "ეჩის
Line of edition: 20 ესერ მინეშდი ოთღორუ̂ა. აჩა̈დხუ ესერ ი ჩუუ̂ ესერ ადღალტეხ".
Line of edition: 21 აჩა̈დხ მა̈გ.

Line of edition: 22 ესღრიხ ი შუკუ̂ისგა ჩუ ლჷგ მა̄რე ი ნანკუ̂ალ სგა ხა̈̄ბ. "იმ ესერ
Line of edition: 23 ლჷგ ამჩუ?" -- ლა̈ხჭუ̂ედდახ. -- "იმ ესერ ი ეშხუ მა̄რ' ე̄სერ ა̈მჴედ ამექა
Line of edition: 24 ი ხო̄ქუ̂ა ესერ, ერე აშხუ̂ რა̈კს ესერ თუ̂ეფუ ლახდია̄ნე. მიჩ ესერ
Line of edition: 25 ხო̄ქუ̂ა, ერე ლითოფ ესერ ჩუ̂ა̈თე̄შდჷნი. მიჯნე̄მ ესერ ნანკუ̂ალუ ლა̈ჲბე.
Line of edition: 26 მიჩ ესერ ქა ლოხდია̄ნა თუ̂ეფ ი ეჩის ესერ დე̄მხა̈ნ ოხჴი̄და". ალჲა̈რდ
Line of edition: 27 ხა̈̄ქუ̂ხ, ერე "ეჩის ესერ მინეშდი ოთღორუ̂ა. აჩა̈დხუ ესერ".

Line of edition: 28 ალჲა̈რ აჩა̈დხ მა̈გ ი აშხუ̂ ა̈გის შუკუ̂ს სგა ხო̄გხ სემი მა̄რე კაპრე
Line of edition: 29 გუ̂ა̈რდ. კე̄სა̈რდ ი ალჲა̈რდ ხა̈̄ქუ̂ხ, ერე "იმ ესერ ხო̄+