Line of edition: 26 აჩა̈დ ხა̈ნ ი ალ კე̄სრი ნანუ̄ლს ლიღნაუ̂ ა̈ხთენა̄̈ნ. კე̄სრი უ̂ა̈ზრა̈ლდ
Line of edition: 27 ხა̄̈ქუ̂ინხ კე̄სა̈რს:
Line of edition: 28 -- ე̄, კე̄სა̈რ, სი ნო̄უ̂ ანდაგრა, სი ნო̄უ̂ ანცუე̄ნა, ისგუ ნანუ̄ლ
Line of edition: 29 ღანაუ̂ ლი! -- ალა კე̄სა̈რდ ა̈დუ̂ა̈შგდე:
Line of edition: 30 -- მიჩა ნანუ̄ლს ესერ მა̈ჲ ადღანუ̂ი̄ს, შომუ̂ა̄̈ჲ ესერ ეჩას დე დეც
Line of edition: 31 ხოწუ̂ა ი დე გიმ?! ჲა̈რ ესერ ადბა̈დუ̂ი̄ს ეჩხა̄უ̂თე̄სგა ლი̄ზის?

Line of edition: 32 ალ უ̂ა̈ზრა̈ლს თხუმა̈რ ქა̄თჭკუ̂ერ. აჩა̈დ ხა̈ნ ი კე̄სრი გეზალ ნანუ̄ლ
Line of edition: 33 ჩუ̂ა̈დღუ̂აჟ ი ჭყინტ ა̈ხთენა̄̈ნ. კე̄სრი უ̂ა̈ზრა̈ლ ქა̄დ აჩა̈დხ კე̄სა̈რთე
Line of edition: 34 ი ხა̄̈ქუ̂ინხ: -- კე̄სა̈რ, სი ნო̄უ̂ ანდაგრა, სი ნო̄უ̂ ანცუე̄ნა, ისგუ დი̄ნა
Line of edition: 35 ჩუ ლუღუ̂ა̈ჟ ლი ი ჭყინტ ხორი!

Line of edition: 36 ალ ამბა̈უ̂დ კე̄სა̈რ ლეგ გუჟი̄ნ ადურდუნე ი ძღϩდ ათϩნბაჟϩნ ეჩი̄შთე̄სგა
Line of edition: 37 იშგნა̈ მა̄რე̄მი ლი̄ზი. ადზϩზე მა̄რა̄̈ლ მეთერთე: "ჲაღო, ჲა̈რუ
Line of edition: 38 ესერ ლესუ̂ მიჩა გეზლა̈ მϩღნა̈უ̂ი?" მეთერდ ხა̄̈ქუ̂ინ, ერე "მიჩა საბძანებელისგა
Page of edition: 166 Line of edition: 1 ჩუ̄უ̂ ესერ ა̈დზუ̂ერ მა̈გ მϩჩა̄̈ჟი ი მინდუ̂ერისგა ანზუ ადჴალე
Line of edition: 2 ი ეჩეჟი̄ნ ოქუ̂რა̈ კათხუ ესერ ათჴალე ი ერუ̂ა̄̈ჲ მა̄რე ჩიე ჩიქდ
Line of edition: 3 ეჩხა̄უ̂თექა ქო̄თჩიშ ლϩჩა̄̈ჟ ი ეჯ კათხს ჟი ა̈ნკედნე, ეჯ' ე̄სერ ი̄რა
Line of edition: 4 კე̄სრი ნანუ̄ლა̈ მϩღნა̈უ̂ი".

Line of edition: 5 აშხუ̂ ლადეღ კე̄სა̈რდ ჩუ̂ა̈დზუ̂ერ მა̈გ ლϩჩა̄̈ჟ ი მინდუ̂ერისგა ჩუ̂ათჴალე
Line of edition: 6 ანზშუ̂ ოქუ̂რა̈ კათხ. ადუ̂ო̄შთხუნეხ ჩიემ ქა ჩა̄ჟა̈რ, მარე ჩიე
Line of edition: 7 ჩიქდ ლა̈ხშგა̈ბ ერე̄ ეშხუ ლϩჩა̄̈ჟ ი ჟ'ესფხიჭე ოქუ̂რა̈ კათხს ი იმთე
Line of edition: 8 დო აჩა̈დ, თე და̄̈რდ მოშ ლახრეკ.

Line of edition: 9 ალ მეთერს თე̄რა̈ლ ოხხϩპϩ̄რე კე̄სა̈რდ ი მე̄რმა მეთერთე აჩა̈დხ
Line of edition: 10 ლა̈ჭუ̂დია̄ლდ. მე̄რმა მეთერდ ხა̄̈ქუ̂ინ: "ჩუ̄უ̂ ესერ ა̈დზუ̂ერ მϩჩა̄̈ჟი მა̄რე
Line of edition: 11 მა̈გ ი მინდუ̂ერისგა ანზჟი̄ნ ოქუ̂რა̈ თა̈ს ჟი̄უ̂ ესჴალე ი ჲერუ̂ა̄̈ჲ ესერ
Line of edition: 12 ეჯ თა̈სს ჩინ მა̄̈ნკუ̂ი ჟ'ესფხიჭნე, ეჯა ესერ ი̄რი კე̄სრი დი̄ნა̄̈ მϩღნა̈უ̂ი".
Line of edition: 13 კე̄სა̈რდ ჩუ̄დ ა̈დზუ̂ერ მა̈გ მϩჩა̄̈ჟი მა̄რე ი მინდუ̂ერისგა ანზჟი̄ნ ოქუ̂რა̈
Line of edition: 14 თა̈ს ჟ'ესჴალე. კე̄სრი გეზალ ქა̄დ აჩა̈დ ჩეი̄ ქორთე ი ჟი ლახსგურდა
Line of edition: 15 მიჩა რა̈შს. ადუ̂ო̄შთხუნეხ ქა ჩიემ ჩა̄ჟა̈რ ი ჩიე ჩიქდ ლა̈ხშგა̈ბ მϩრა̄̈მხენ
Line of edition: 16 კე̄სრი გეზალ მიჩა რა̈შშუ̂, ჟ'ესფხიჭე ოქუ̂რა̈ თა̈სს ი იმთე დო
Line of edition: 17 აჩა̈დ, და̄̈რდ მა ა̈ნმეჴრე.

Добавлено (2006-12-20, 6:12 Pm)
---------------------------------------------
კე̄სა̈რდ ალ მეთერს თე̄რა̈ლ [ქა̄დ] ოხხϩპϩ̄რე ი მე̄სმა̄მ მეთერთე
Line of edition: 19 ადზϩზე მა̄რა̄̈ლ. ალ მეთერდ უ̂არ ხა̄̈ქუ̂ინ: "აჯაღ ესერ ჯა დე̄მის
Line of edition: 20 იხპϩ̄რე ქა თე̄რა̈ლს. ხუნკუ̂ი̄ მეთერს ესერ ტკიცდ ხო̄ქუ̂ახ, მარ'
Line of edition: 21 ე̄სერ მინს დეშ ლოხოდახ გუ̂ი, ათხე ესერ ჯაი ლახე ტკიცდ ხა̄̈ქუ̂ნინე
Line of edition: 22 ი ჩუ დო̄მის ოთჯϩრუ̂იხ, ეჩქა ესერ თე̄რა̈ლს ქა ხოხპϩ̄რეხ მიჩ ი ეჯღა
Line of edition: 23 ესერ დე̄მგუ̂აშ ხაყლე". კე̄სრი ლϩზზა მა̄რა̄̈ლდ ქა ხა̄̈ქუ̂ინხ ალა მა̈გ კე̄სა̈რს,
Line of edition: 24 მა̄̈ჲ მეთერდ ხა̄̈ქუ̂ინ ალ მა̄რა̄̈ლს. კე̄სა̈რდ აჯაღ ქა̄დ ადზϩზე
Line of edition: 25 მა̄რა̄̈ლ მეთერთე ი პირობ ესდუ̂ეხ ამჟი̄ნ, ერე "მიჩ ესერ დე̄მგუ̂აშ
Line of edition: 26 ხა̈ჩოხ". მეთერდ ხა̄̈ქუ̂ინ, ერე "ჲაღუ̂ ე̄სერ კე̄სა̈რდ ჩუ̄უ̂ ა̈დზუ̂ერ მა̈გ
Line of edition: 27 ღუ̂ა̈ჟმა̄რე, მიჩა საბზანებელისგა ერუ̂ა̄̈ჲ არდე̄დს, ჩუ̄უ̂ ესერ ადსგურე
Line of edition: 28 მა̈გ, ბეფშუ̂ ესერ ჟი̄უ̂ ლა̈ჲჭϩთხეხ, უ̂ისგუ̂ ესერ ტუ̂ეტისგა̄უ̂ ლახუ̂ე̄მხ ი
Line of edition: 29 აშხუ̂ პილხენისგა̄უ̂ ა̈ხჭა̈მხ ი, ერუ̂ა̄̈ჲს ესერ ბეფშუ̂ უ̂ისგუ̂ს ქა ლახუ̂ედნე
Line of edition: 30 ი "მამა"ს ქა ხა̄̈ქუ̂ნინე, ეჯა ესერ ი̄რი კე̄სრი დი̄ნა̄̈ მϩღნა̈უ̂ი". კე̄სა̈რდ
Line of edition: 31 შიშდ ჩუ̂ა̈დზუ̂ერ მა̈გ, მიჩა საბზანებელისგა ერუ̂ა̄̈ჲ ღუ̂ა̈ჟმა̄რე ჩუ̂არდა,
Line of edition: 32 ჩუ̂ადსგურე მა̈გ ი ბეფშუ̂ ჟი ლა̈ჲჭϩთხეხ, უ̂ისგუ̂ ტუ̂ეტისგა ლახუ̂ე̄მხ.
Line of edition: 33 ა̈ხჭა̈მხ აშხუ̂ პილხენისგა ი ქა̄̈ნცხიპხ გირკიდ, მარე ბეფშუ̂დ და̄̈ს ლახუ̂ე̄მ
Line of edition: 34 უ̂ისგუ̂ ი დე "მამა" ჲა̈ს ხა̄̈ქუ̂ინ.
Line of edition: 35 -- ა̈სდენ ესერ ჲა̈რ ა̈გის ქა უჴა̈დუ̂? -- ლა̈ჲბინეხ ლიჭუ̂დიე̄ლ. ლა̄̈ქუ̂ინხ
Line of edition: 36 ერე̄დ, ერე "კე̄სრი ხოხუ̂რა გეზალ ესერ ა̈მსედ ა̈გის". ეჩი̄ ლახუ̂ბად
Line of edition: 37 ლა̄̈ქუ̂ინხ: "ეჩას ესერ ა̈გის დემნა̈რდ ხაყა ი ალ კე̄სრი გეზალ
Line of edition: 38 ნანუ̄ლა̈შთე ლიჴედს ესერ იმ ადბა̈დუ̂ი̄ს?" ალჲა̈რს მა̄მა ლა̈ხჭუ̂ედდახ,
Page of edition: 167 Line of edition: 1 ეჯჟი̄ნ ქა̄ნჴიდხ ეჯ კე̄სრი გეზალ ი ჩუ̂ადსგურეხ, ბეფშუ̂ ჟი̄დ ლა̈ჲჭϩთხეხ
Line of edition: 2 ი პილხენისგა̄დ ა̈ხჭა̈მხ. ალ კე̄სრი გეზალმϩყ ერ ანჰეხ, ალ
Line of edition: 3 ბეფშუ̂დ უ̂ისგუ̂ სგო̄თკუ̂ა̈რ კალთა̈ჲთე̄სგა ი "მამა" ხა̄̈ქუ̂ინ. ხა̈ლხდ
Line of edition: 4 ლისყუ̂ა̈დუ̂ირ ა̈დბინეხ: "ჲას ესერ მირ ოთღანუ̂ა კე̄სრი ნანუ̄ლ?!"
Line of edition: 5 კე̄სა̈რ სგა ლოხგუდირდა ალ ჭყინტს ი ქორთე ადჲე. "ე̄, ჲაღო,
Line of edition: 6 ათხე სი მიშგუ̂აუ̂დ ნაჭუ̂ლაშ ჯა̈რ ლეჰუ̂დი ი ხეკუ̂ეს ერე მიშგუ ციბ
Line of edition: 7 ოქუ̂რა̈ ლუმიჭუ̂ ჴანშუ̂ ჟი ა̈მგუ̂ეშლა ი ეჩქა მიშგუ დი̄ნა ისგუ მე̄რა".

Line of edition: 8 ალ ჭყინტ აჩა̈დ თუ̂ეთნა̄მ ზუგუ̂თექა ი თუ̂ეთნა̄მ რა̈ში ძუა ჟი ანტუ̄სე

Line of edition: 9 ი თუ̂ეთნა̄მ რა̈ში ჟახე ანϩრშუ̂ენ: "თუ̂ეთნე რა̈შ, სი[ი] მეწდ ი ისგუ
Line of edition: 10 ნამნაყუნი̄ მაწუ̂ე̄ნ!" თუ̂ეთნე რა̈შ შიშდ ქა ლა̈ხშგა̈ბ ამხა̄უ̂თექა
Line of edition: 11 ი ლა̈ხჭუ̂ედდა: -- მა̄ჲ ეჯწϩხϩნ, სი ჭყინტϩლდ?
Line of edition: 12 -- ჰამა მა̈ჲ, კე̄სრი ნანუ̄ლ ლა̈მღანუ̂ა̄̈ნ ი ნაჭუ̂ლაშდ მიჩა ციბ
Line of edition: 13 გუ̂ეშის ოქუ̂რა̈ ლუმიჭუ̂ ჴანა̈რს მეშგუ̂ემ.
Line of edition: 14 -- ჲაღო, ათხე მი წურა̄̈ლ ღაბო̄ლს ლაჯუ̂ედნე, სოფელ ლექუ̂ა
Line of edition: 15 ხუ̂ა̈ჲ ჯე̄ცუნიხ, მარე სი ამღა ნომა აფეშ, სგა̄თხა̈ჲ, ჩუ̂ესაბ ციბისგა
Line of edition: 16 ეჯჟი̄ნ, ერე ქა ნო̄ს ლახგϩრგლა.

Добавлено (2006-12-20, 6:14 Pm)
---------------------------------------------
ამნე̄მ სგა ლა̈ჲჭუ̂ე̄ნ ალ წურა̄̈ლ ღაბო̄ლ ი ესღრი სოფელ ლექუ̂ა.
Line of edition: 18 სოფლა̈რდ ლი̄ცუ̂ ლოხბინეხ: "ალა ხე̄რაჲა კე̄სრი ნაჭუ̂ლაშ, ალა ხე̄რია?
Line of edition: 19 მახან კინჩხს ესერ ათხე ხა̈ქუ̂ცე კე̄სა̈რს". ამნე̄მ შდიმ და̄̈ს ლახდია̄ნე,
Line of edition: 20 აჩა̈დ კესრი ლა̈ზგამϩყ ი ჩუ̂ადბე ღაბნა ციბისგა ი ჯა სგა̄ჩა̈დ

Line of edition: 21 კე̄სა̈რიშთე: "კე̄სა̈რ, ხეწდ ღენა, ჲაღო, მიშგუ̂ა ნა̈ჴიდუ̂ს!" ქა̄ჩა̈დ კე̄სა̈რ
Line of edition: 22 ი ციბ გუ̂ეში ესხუ̂ი̄დდა ოქუ̂რა̈ ლϩმიჭუ̂ ჴანა̈რშუ̂ ი ეზერდ ლახბაჟϩნდა.
Line of edition: 23 სგა̄ჩა̈დ ქორთე ი აჯაღϩდ ხა̄̈ქუ̂ინ მიჩა ლეჩჟϩ̄რის:

Line of edition: 24 ჲაღო, ათხე მიშგუ ციბ ხეკუ̂ეს ერე ჟი ა̈მგუ̂ეშლა გიცა̈რშუ̂ ი
Line of edition: 25 ბარჯ ი ბარჯ ჩი̄ს უშხუ̂ა̄რ ხობჯგე̄ნხ. -- ალა ქა̄დ აჩა̈დ წϩრნი ზუგუ̂თექა
Line of edition: 26 ი ჟი ანტუ̄სე წϩრნი რა̈ში ძუა ი ეჩი̄ ჟახეი̄ ანϩრშუ̂ენ: "წϩრნი
Line of edition: 27 რა̈შ, სიი მეწდ ი ისგუ ნამნაყუნი̄ მაწუ̂ე̄ნ!" წϩრნი რა̈შ შიშდ ქა̄ნჴა̈დ
Line of edition: 28 ამხა̄უ̂თექა ი ლა̈ხჭუ̂ედდა: -- მა̈ჲ ეჯწϩხϩნ, სი ჭყინტϩლდ?
Line of edition: 29 -- ჰამა მა̈ჲ, კე̄სრი ნანუ̄ლ ლა̈მღანუ̂ა̄̈ნ ი ნაჭუ̂ლაშდ მეშგუ̂ემ მიჩა
Line of edition: 30 ციბ გუ̂ეშის გიცა̈რშუ̂ ი ბარჯ ი ბარჯ ხეკუ̂ეს ერე ჩი̄ს უშხუ̂ა̄რ ხობჯგე̄ნს.
Line of edition: 31 -- ჲაღო, ათხე მი ჟინღϩლდს ლაჯუ̂ედნე ი სოფელ ლექუ̂ა მა̈გ
Line of edition: 32 ჯე̄ცუნიხ, მარე ეჯღა სი ნომა აფეშ.

Line of edition: 33 ამნე̄მდ სგა ლა̈ჲჭუ̂ე̄ნ ალ ჟინღϩლდ ი სოფელ ლექუ̂ა ჩიემ ლი̄ცუ̂
Line of edition: 34 ლოხბინეხ, მარე ამნე̄მ შდიმ და̄̈ს ლახდიანე, სგა̄დჲე კესრი ციბთე̄სგა,
Line of edition: 35 ჩუ̂ათბე ი ჯა სგა̄ჩა̈დ კე̄სა̈რიშთე. ქა̄ნჴა̈დ კე̄სა̈რ ი მიჩა ციბ გუ̂ეში
Line of edition: 36 ესხუ̂ი̄დდა გიცა̈რშუ̂ ი ბარჯ ი ბარჯ ჩი̄ს უშხუ̂ა̄რ ხობჯგა̄̈ნხ. ეზა̈რდ
Line of edition: 37 ლახბაჟϩნდა კე̄სა̈რს.

Page of edition: 168
Line of edition: 1 -- ათხე მიშგუ ციბ ხეკუ̂ეს ერე ჟი ა̈მგუ̂ეშლა მეშხა̄მ ჰილშუ̂. -- ხა̄̈ქუ̂ინ
Line of edition: 2 კე̄სა̈რდ.

Line of edition: 3 ალა ქა̄დ აჩა̈დ მეშხა̄მ ზუგუ̂თექა ი ჟ'ანტუ̄სე მეშხა̄მ რა̈ში ძუა.
Line of edition: 4 მეშხე რა̈შ შიშდ ქა̄ნჴა̈დ ეჩხა̄უ̂თექა ი ლა̈ხჭუ̂ედდა: -- მა̈ჲ ეჯწϩხϩნ, სი
Line of edition: 5 ჭყინტϩლდ?
Line of edition: 6 -- ჰამა მა̈ჲ, კე̄სრი ნანუ̄ლ ლა̈მღანუ̂ა̄̈ნ ი ნაჭუ̂ლაშდ მეშგუ̂ემ მიჩა
Line of edition: 7 ციბ გუ̂ეში ჰილუ̂ს.
Line of edition: 8 -- ჲაღო, ათხე მი წურა̄̈ლ სა̄ბლი̄დს ლაჯუ̂ედნე ი სოფელ ლექუ̂ა
Line of edition: 9 მა̈გ ჯე̄ცუნიხ, მარე ეჯღა სი ნო̄მა აფეშ.

Line of edition: 10 ამნე̄მ სგა ლა̈ჲჭუ̂ე̄ნ ალ სა̄ბლი̄დ ი ადჲე. სოფელ ლექუ̂ა მა̈გ ალას
Line of edition: 11 ხე̄ცუ̂და, მარე ამნემ შდიმ და̄̈ს ლახდიანე, სგა̄დჲე კე̄სრი ციბთე̄სგა,
Line of edition: 12 ჩუ̂ათბე ი ჯა სგა̄ჩა̈დ კე̄სა̈რიშთე. კე̄სა̈რდ ა̈ნწუ̂ე̄ნე მიჩა ციბ ი ჰილშუ̂
Line of edition: 13 გუ̂ეში ესხუ̂ი̄დდა ი ეზა̈რდ ლახბაჟϩნდა.
Line of edition: 14 -- ათხე, ჲაღო, ეჯჲა̈რი̄ ქა̄̈მიჴ-ეм, ოქუ̂რა̈ კათხ ი თა̈ს! -- ამნე̄მ ალჲა̈რი̄
Line of edition: 15 ქო̄ხჴიდ.
Line of edition: 16 -- ო̄, მე̄ცუ̂დახ მა̈გ ისგუ̂ა თხუ̂იმს, მარე ლა̄ცუ̂ მა̄მა ლϩმა̄̈რე̄[ლ]ხი,
Line of edition: 17 ჩუ ჯაყე̄ნა მიშგუ̂ა ჩი̄ჟად! -- ხა̄̈ქუ̂ინ კე̄სა̈რდ. ამნე̄მ მიჩა ქონა̈ბ ჩუ̂აყუ̂ილ
Line of edition: 18 ისგდ ი ხϩნსგა მიჩა ჩი̄ჟას ი მიჩა დი̄ნას ლახუ̂ე̄მ

Добавлено (2006-12-20, 6:14 Pm)
---------------------------------------------
Part No. 86

Text: 93
Page of edition: 168
Line of edition: 19
93. ხუ̂ეჯე

Page of edition: 169
Line of edition: 1 ალას ათხი̄დϩნდა ი ჟი ა̈თდია̄ნა̄̈ნ.
Line of edition: 2 -- ალა მა̈ჲ ლ' ა̄, ტუ̂ეტისგა ერ ჯუღუ̂ა?
Line of edition: 3 -- ალა მა̈ჲ-ი ოქუ̂რა̈ ტაბგი ჭიშხ, ნო̄თაუ̂-ϩჯ ოხუ̂იყდ ე̄სამა ამღა,
Line of edition: 4 მარე ათხე ალაი̄ მა̄მა მაწϩხ სერ-ი ლა̈ჲსურმა̄̈ტნე ი მა̈ხიადშუ̂ ჭალა̈ჲთე
Line of edition: 5 ადკუ̂ა̈რ. ალ ხუ̂ეჯედ სგა ლახბა̈რჲე ალ მა̄რას მიჩა ჯუ̂ეგ
Line of edition: 6 ლელდა̈ღდ. ალ მარე̄მი̄ სგა ლა̈ჲბა̈რჲე ხუ̂ეჯე̄ ჯუ̂ეგ ლელდა̈ღდ ი ხელდა̈ღდა.
Line of edition: 7 აშხუ̂ ზაუ̂ ხელდა̈ღდა. ეშხუ ლადეღ გარ ხოკალდა უ̂ადა̄̈ ლისრულა̄ლუ̂
Line of edition: 8 ი იმკახა ჯუ̂ეგი ლიყუ̂ლეს, ამ ლადეღ ესსიპდა ხუ̂ეჯე თხე̄რად ი
Line of edition: 9 ალ მიჩა ჯუ̂ეგს ოხშგა̈ბ ქა ი იმთე დო ოთჩა̈დხ კუმა̈შ, დეშმა
Line of edition: 10 ა̈ნმეჴრე. ხეთხა̄̈ლდა, ხეთხა̄̈ლდა, მარე დე̄მე მოშ ა̈ნთხე. ნა̈ბუზს სგა̄ჩა̈დ
Line of edition: 11 ხუ̂ეჯე̄შთე̄სგა ლაგუ̂ნუშ.
Line of edition: 12 -- იმნა̈რ ხიგუ̂ნი, სი მა̄რე? ათხე ლიგუ̂ნი მა̄დეჲ ხეკუ̂ეს ერე ხიღრა̄ლდე̄დ
Line of edition: 13 ი ხიმკახე̄დ: მϩხა̈რ ჯუ̂ეგს ა̈ლყუ̂ილედ ისგდ.

Line of edition: 14 ე̄, ხოჩა ხუ̂ეჯე, ხუ̂იმკახა̈ს სური, ხუ̂იმკახა̈ს, მარე მა̈გ ცუ̂იდდ
Line of edition: 15 ა̈მჩა̈დ, ზაუ̂ მურგუ̂ა̈ლ ეჯჟი̄ნ ოხულდეღ, ერე კუმში კირ დე̄ს' ო̄თაბრ,
Line of edition: 16 მარე ლა̈დი მირ ა̈მჴა̈დ ნაუბა̈დუ̂რი.
Line of edition: 17 -- ჰამა, სი მა̄რე, ჯათϩმ დამ დე̄სამა? ლა̈ხჭუ̂ედდა ხუ̂ეჯე.
Line of edition: 18 -- მა̄ჲ მო̄დ მეთმი, ა̈მშგა̈ბ ლა̈დი თხე̄რე ი კუმა̈შ იმთე დო ა̈მჩა̈დხ,
Line of edition: 19 დეშმა მოშ ოხუ̂მეჴერ.

Line of edition: 20 ჟი ლა̄პა̈რ ხუ̂ეჯე ი ჟ'ესფხიჭე ლაყა̈რს: დედეს ისგუ̂ა, მა̈ჲ მა̈ყრ,
Line of edition: 21 იმნა̈რ ა̈მიდგ კუ̂ა̈მ? -- სგუ̂ებინ ალ მა̄რე ესჭომა ი უ̂ეშგინ ხუ̂ეჯე ესღუ̂იჭდა
Line of edition: 22 ი ეჯჟი̄ნ ადკუ̂ა̈რ ქა, ერე ეშხუ მანგა̈რ მა̄დ ლახუ̂ე̄მ. სგა̄ნჴა̈დ
Line of edition: 23 ალ მა̄რე მიჩა ლახუ̂ბათე̄სგა ჰა̈რიდ.

Line of edition: 24 ათხე მანე̄სგრე მუხუ̂ბე აჩა̈დ ლა̈დია̄ნათე ი ტაბგი ჭიშხ ამნე̄მდი̄
Line of edition: 25 შϩნ ლა̈ჲყედნე. ესღრი, ესღრი ი ალაი̄ ეჯ სოფელს ათა̄სდ-ეм, ხედუ̂ა̄̈ჲ
Line of edition: 26 სოფელისგა ხუ̂ეჯე იზგა. ალ ხუ̂ეჯე ჩუ̄დ ესხუ̂ი̄დ ალასი̄ შუკუ̂ისგა ი
Line of edition: 27 აქა̄̈ნი ოხკიდ.
Line of edition: 28 -- იმაუ̂ მე̄ზი ხი, ხოჩა მა̄რე სი? -- ლა̈ხჭუ̂ედდა ხუ̂ეჯე. -- იმაუ̂-ი
Line of edition: 29 ლა̈დია̄ნათე.
Line of edition: 30 -- ალა მა̈ჲ ლ' ა̄, ტუ̂ეტისგა ერ ჯუღუ̂ა?
Line of edition: 31 -- ალა მა̈ჲ-ი ოქუ̂რა̈ ტაბგი ჭიშხ. ღა̈რიბ მა̄რე ხუ̂ი ი ნო̄თაუ̂
Line of edition: 32 ოხუ̂იყდ ე̄სამა.
Line of edition: 33 -- ო̄, ჲაღო მი ჯუ̂ეგი პატრონ ხუ̂ი ი ჟ'ა̈მდია̄ნა̈ნ. აშხუ̂ ზაუ̂ ხელდა̈ღდა̈ს
Line of edition: 34 ი აშხუ̂ ზაუნღო̄ნ მიშგუ̂ა ჯუ̂ეგს ისგდ ოყუ̂ლე ი ხϩნსგა̄მ სი
Line of edition: 35 ლაჯუ̂ედნე.

Line of edition: 36 ალას ათხი̄დϩნდა ი ჟი ა̈თდია̄ნა̄̈ნ. ტაბგი ჭიშხ ერ ხუღუ̂ა̄̈ნდა,
Line of edition: 37 ეჯაი̄ ჭალა̈ჲთე̄სგა ადკუ̂ა̈რ. ალა იმნა̈რ ათაკუ̂რ, სი მა̄რე, სა̈რგიბ
Line of edition: 38 ჯე̄რო̄ლ მა̄ლე! -- ხუ̂ეჯედ ხა̄̈ქუ̂ინ. ალ მა̄რე̄მ სგა ლა̈ჲბა̈რჲე ხუ̂ეჯე̄ კუმში
Page of edition: 170 Line of edition: 1 ჯუ̂ეგ ი ზაუ̂ მურგუ̂ა̈ლ ხელდაღდა. ეშხუ ლადეღ გარ ხოკალდა აშხუ̂

Добавлено (2006-12-29, 4:11 Pm)
---------------------------------------------
ზა̈ჲთექა ი იმკახა ალ მა̄რე მე̄რმა̄მ ლა̈დღი ლირჰეს ი ჯუ̂ეგი ლიყუ̂ლეს.
Line of edition: 3 ალ ლადეღ ნა̈ბუ̂ზა̄̈შთე ხუ̂ეჯე თხე̄რად ესსიპდა ი ქო̄ხშგა̈ბ მიჩა
Line of edition: 4 ჯუ̂ეგს. ალ ჯუ̂ეგ იმთე დო აჩა̈დხ, დეშმა ა̈ნმეჴრე მϩლდეღდ. ნა̈ბუზს
Line of edition: 5 სგა̄ჩა̈დ ხუ̂ეჯე̄შთე̄სგა ლაგუ̂ნუშ.
Line of edition: 6 -- მა̈ჲ ლი, სი მა̄რე, ჯათϩმ დამ დე̄სამა? -- ხუ̂ეჯე ლა̈ხჭუ̂ედდა.
Line of edition: 7 -- მა̈ჲ მო̄დ მეთმი, ალამა̈გ ხა̈ნ ამა̄დ ლალდა̈ღს ი კუმში კირ
Line of edition: 8 დე̄სა ა̈მბა̈რ აშხუ̂ ზაუ̂ისგა ი ლა̈დი ეჯჟი̄ნ ნაუბა̈დუ̂რი მირ ლა̈მრა̈კ,
Line of edition: 9 ერე ოხშგა̈ბ მირ ჯუ̂ეგს ი იმთე დო ა̈მჩა̈დხ, დეშმა ოხუ̂მეჴერ.
Line of edition: 10 -- დედეს ისგუ̂ა, იმნა̈რ ამჴა̈ც, იმნა̈რ ა̈მიდგ კუ̂ა̈მ? შიშდ მიქხ,
Line of edition: 11 ადო ხოლა ლე̄თ ჯა̄რ ბა̄ზი!

Line of edition: 12 სგუ̂ებინ ალ მა̄რე̄მ ანსკინე ქა ქორხენქა ი უ̂ეშგინ ხუ̂ეჯე ა̈ხღუ̂ა̈ჭ.
Line of edition: 13 სგა̄ნჴა̈დ ალ მა̄რეი̄ მიჩა ლახუ̂ბათე̄სგა ცა̄რიე̄ლდ.

Line of edition: 14 ათხე ა̈ნმა̄რა̄̈ნ ხოხუ̂რა მუხუ̂ბილ ი ამნე̄მდ ტაბგი ჭიშხი̄ მა̄მა ლა̈ჲყედნე.
Line of edition: 15 ესღრი, ესღრი ი ალასი̄ ალ სოფელთე̄სგა ლა̈ხჴა̈დϩ̄ნა̄̈ნ-ა, ხედუ̂ა̄̈ჲ
Line of edition: 16 სოფელისგა ხუ̂ეჯე იზგა. ალ ხუ̂ეჯე ჩუ̄დ ესხუ̂ი̄დ სოფლი ჰოკერ
Line of edition: 17 ი აქა̄̈ნი ოხკიდ.
Line of edition: 18 -- იმაუ̂ მე̄ზი ხი, ხოჩა მა̄რე სი?
Line of edition: 19 -- იმაუ̂ ი ლა̈დია̄ნათე.
Line of edition: 20 -- ჲაღო, მი ჯუ̂ეგი პატუ̂რენ ხუ̂ი ი ჟი ა̈მდია̄ნა̈ნ აშხუ̂ ზაუ̂ ი აშხუ̂
Line of edition: 21 ზაუნღო̄ნ მიშგუ̂ა ჯუ̂ეგს ისგდ ოყუ̂ლე ი ხϩნსგა̄მ სი ლაჯუ̂ედნე.
Line of edition: 22 -- სი დე̄მ ჯედია̄̈ნი, ხიად. მა̈გ სი ჯინჩლი, ხოლა გადნიშ
Line of edition: 23 ესერ ხი.
Line of edition: 24 -- ა̄, ხოლა მა̄დე ხუ̂ი ღო, მარე სი დეშ ჯითრა მი, ადო ჩუ
Line of edition: 25 ლახე ამთერნე ხოჩა̄მდ, ეჩქა ამჟი̄ნ დე̄მის ლა̄̈ქუ̂ნინე.
Line of edition: 26 -- ო̄, ჲაღო მე̄რმა̄̈ლ მირ ჯინჩლიხ, ადო მი დე̄სამა მიმჴერა.

Line of edition: 27 ალ მა̄რეი̄ ჟი ა̄თდია̄ნა̄̈ნ ი სგა ლა̈ჲბა̈რჲე ხუ̂ეჯე̄ კუმა̈შ ლელდა̈ღდ.
Line of edition: 28 ალ მა̄რე ჩილადეღ თა̈კუ̂ს აშდრა̈ნდა. აშხუ̂ ზა̈ჲთექა ეშხუ
Line of edition: 29 ლადეღ ხოკა̈ლდა, ეჩქა მინდუ̂ერისგა კუმა̈შ მა̄̈ჲ მა ხეყა̄̈დდა ლელდა̈ღდ,
Line of edition: 30 მა̈გ ჩუ̂ათბა̄ლე თა̈კუ̂შ. ნა̈ბუზს ხუ̂ეჯეს მიჩა კუმა̈შ მინდუ̂ერისგა
Line of edition: 31 ჩუ მეყუ̂რე ხოხალდახ ი თხე̄რად ესსიპდა. ოხუ̂შგა̈ბ ქა, მარე კუმა̈შ
Line of edition: 32 ეჯჟი̄ნ ბϩგიდ ლა̈სხუ̂ ლϩბა̄ლე, ერე დე̄მნე̄მ მოშ ა̈ნქუ̂იცხ ჟი. ნა̈ბუზს
Line of edition: 33 სგა̄ჩა̈დ მϩლდეღ ხუ̂ეჯე̄შთე̄სგა ი ხა̄̈ქუ̂ინ: "ე̄, ხუ̂ეჯე, კუმა̈შ მა̄გ ლუკკოუ̂ად

Line of edition: 34 მაყახ ი ჟი ა̈ხშϩლდნა̄̈ლ, მϩხა̈რ უ̂ადა მიშთხენი ი ხეკუ̂ეს ერე
Line of edition: 35 ჩუ̂ა̈ლყულად კუმა̈შ". ქა̄ჩა̈დ ხუ̂ეჯე ი ჟი ა̈ნშϩლდანე ი დე̄სამა ხაკლი̄ნდა
Line of edition: 36 ი დეშმა ხა̄̈ქუ̂ინ. -- ო̄, ჲაღო, მϩხა̈რ ჩუ̂ა̈ლყუ̂ილედ ჯუ̂ეგს
Line of edition: 37 ისგდ.

Page of edition: 171

Добавлено (2006-12-29, 4:12 Pm)
---------------------------------------------
ჩუ̂ა̈დრϩჰა̄̈ნ მე̄რმა ლადეღ ი ხა̄̈ქუ̂ინ მϩლდეღდ: -- ხუ̂ეჯე, ჲაღო, ათხე
Line of edition: 2 დუ̂რეუ̂ ლი კუმში ლიყუ̂ლე̄შ.
Line of edition: 3 -- კუმა̈შს ჩუ̂ა̈ლყუ̂ილედ, მარე მი მაკუჩ, ერე, მი მა̄̈ჲ მახალ მიხა,
Line of edition: 4 ალა ჟი აჯთო̄ნა. ქა̄დე ქა̄̈მთე ი სგა̄̈თჩიხნა̈ნ ხორეუ̂ს, ღო მი ლემესგს
Line of edition: 5 ლოხჩიდნე ი ნო̄თაუ̂ ა̈ხთონ ე̄სამა.

Line of edition: 6 ალა ქა̄ჩა̈დ ი სგა̄̈თჩიხნა̄̈ნ ხორეუ̂ს. ხუ̂ეჯედ ანტუ̂არე ლამპა̈რ, ჟი
Line of edition: 7 ახბიდნე ხორეუ̂ს ი ქა̈მილდა̈რ გარ ასა̈დხ ხორუ̂იშ ი ალ მϩლდეღი̄
Line of edition: 8 ჩუ̂ა̈შიხ. ლა̄ჲფუ̄̈ლიე̄ლე ეჩუნღო̄ნ ხუ̂ეჯედ ი ჟი ა̈ნსე̄ლუ̂ა̄̈ნ ალა̄, მϩლდეღ. -- ა̈ხთონ
Line of edition: 9 ე̄სამაჲ? -- ლა̈ხჭუ̂ედდა ხუ̂ეჯე.
Line of edition: 10 -- ჟი იმ ოხუ̂თუ̂ე̄ნნა̈ს, სი მა̄რე, ლემასგუ̂ისგა? ლითუ̂რი მადეჲ
Line of edition: 11 ეჯაი̄ ჩუ̂ამა̄̈შდϩნ-ეм, ჩუ მა̄̈ჲ მიხალდა.
Line of edition: 12 -- ჲა̈ღო, სგა̄დ ღენ ა̈თჩიხნა̈ნ მე̄რმა ხორეუ̂ს!

Line of edition: 13 ალა სგა̄დ ა̈თჩიხნა̄̈ნ ხორეუ̂ს. ხუ̂ეჯედ ანტუ̂არე ლამპა̈რ, ჟი ახბიდნე
Line of edition: 14 ხორეუ̂ს ი ქა̈მილდა̈რ გარ ასა̈დ[ხ] ხორუ̂იშ ი მϩლდეღი̄ ჩუ̂ა̈დშიხა̄̈ნ. ესფუ̄̈ლიე̄ლე
Line of edition: 15 ხუ̂ეჯედ ი ჟი̄დ ა̈ნსე̄ლუ̂ა̄̈ნ ალა, მϩლდეღ.
Line of edition: 16 -- ა̈ხთონ ე̄სამაჲ? -- ლა̈ხჭუ̂ედდა ხუ̂ეჯე.
Line of edition: 17 -- ჟი იმ ოხუ̂თუ̂ე̄ნნა̈ს, სი მა̄რე, ლემასგუ̂ისგა? ლითუ̂რი მა̄დეჲ
Line of edition: 18 ალაი̄ ჩუ̂ამა̄̈შდϩნდა̄, ჩუ მა̄̈ჲ მიხალდა.
Line of edition: 19 -- სი მა̄რე ზექდ მირ ამϩშთხ ჟი. სგა̄დ ღენ ა̈თჩიხნა̈ნ, ჲაღო,
Line of edition: 20 მე̄სმა̄მდ ხორეუ̂ს!

Line of edition: 21 ალა სგა̄დ ა̈თჩიხნა̄̈ნ ი ათხე ჩუ̂ადბϩრჯე გიმ ი ჩუ̂აჩა̈დ ეჩელექუ̂ა.
Line of edition: 22 ანტუ̂არე ხუ̂ეჯედ ლამპა̈რ, ჟი ახბიდნე ხორეუ̂ს ი ჯა სგა̄ჩა̈დ ქორთე
Line of edition: 23 ი ჩუ̂ესგურდა. მϩლდეღდ ლა̈ჲრა̄გე ი ხუ̂ა̈ჲ მა̄მა ი ჟი ანჴა̈დ გიმი
Line of edition: 24 ჴურუხენჟი̄ნ, სგა̄ჩა̈დ ქორთე ი ხა̄̈ქუ̂ინ: -- იმღა მო̄მა ემფუ̄̈ლიე̄ლ,
Line of edition: 25 ხუ̂ეჯე?
Line of edition: 26 -- სი მა̄რე, ყუ̂ელფ მირ ა̈მსა̈დ ხოლა̄მდ, ადო ათხე ხუ̂ამა̈რჯუ̂და̈ს
Line of edition: 27 შიშდ ქა ლიჴედს-ა.
Line of edition: 28 -- ო̄, გოგმიზა̈ჲ, სი მა̄̈ჲ ჯიხალ, ეჯაჲ ჟ'ოხუ̂თონ ი ეშხუ ნუკულდ
Line of edition: 29 ქა̄ჲ ლა̈ჯა̈სრ. -- მϩლდეღდ ლა̄̈ქუ̂ინ. ხუ̂ეჯედ მიზეზ დეშმა ოხკიდ ი უ̂არი
Line of edition: 30 ლა̄̈ქუ̂ი̄სგ მა̄მა ხა̄დდა ი ჯუ̂ეგი ხϩნსგა ქა ლეჰუ̂დი ხა̄დდა.

Добавлено (2006-12-29, 4:12 Pm)
---------------------------------------------
ალ მა̄რე სგა̄ჩა̈დ მიჩა ლახუ̂ბათე̄სგა ლუკუ̂მა̈შ. ალჲა̈რს მე̄უ̂არ
Line of edition: 32 ათხი̄დϩნდახ მუხუ̂ბე̄მი შუ̂იდებდ ლიჴედ ი კუმში ლიჴდეი̄. ალჲა̈რს ათხე
Line of edition: 33 ეზა̈რ ლირდე-ლიზგე ხა̄დდახ. აშხუ̂ ლადეღ ხოხუ̂რა̄მ მუხუ̂ბად ხა̄̈ქუ̂ინ
Line of edition: 34 მიჩა ლახუ̂ბას: "ათხე მი სა̄ბელდ ხუ̂ისპი ი სგა̈ჲ ლაჰო̈დთე ამჲედ,
Line of edition: 35 მარე ალე ჩუ ჯეშყეხ, ერე იმუ̂ა̄̈ჲ ა̈გის მი ჭიშხ ესუ̂ფხϩკნა ი ქიმ ოხუ̂კუ̂ა̈რი,
Line of edition: 36 ეჩჩუ̄ნ ნო̄სა ამჰო̈დიდ; იმუ̂ა̄̈ჲ ა̈გის ჭიშხი̄ დო̄სა ესუ̂ფხϩკნა ი
Line of edition: 37 ქიმი̄ დო̄სა ოხუ̂კუ̂ა̈რი, ეჩეჩუ̄ნ ქა̄მჰო̈დდ, მარე ლაბა̈მს ნო̄სა ლახგუდრა̄̈სგუ̂ნად
Line of edition: 38 ი ლაბა̈მ ნო̄სა ათნებად მიშგუ̂ა მϩყდის. ქა ჰა̄ლ ამჰო̈დიდ,
Page of edition: 172
Line of edition: 1 ლაბა̈მ ქა̄მყუ̂იზდ ი სგა̈ჲ ესყედნედ". ხოშა ლახუ̂ბა ჩუ̂ა̈დსო̄ყა̄̈ნხ ამ
Line of edition: 2 ბედჟი̄ნ. "ქ' ე̄სერ ჰამა აჰუ̂დი̄ნეხ მიჩ, ლირდ' ე̄სერ მიჩ ოჰა მინეშდ ი
Line of edition: 3 ათხ' ე̄სერ იმნა̈რ აღუ̂პა̈უ̂ი მინს ი მიჩა თხუ̂იმსი̄?" ხოშა̄მ ლახუ̂ბას
Line of edition: 4 მე̄უ̂არ ხასდიკϩნდახ, მარე ამნე̄მ მა̄მა ჰაჯ ახკიდ. ალა სა̄ბელდ ესსიპდა
Line of edition: 5 ი ადჲეხ ხოშა̄მ ლახუ̂ბად ლაჰო̈დთე. ალჲა̈რს შუკუ̂ჟი̄ნ სგა ლახხუ̂ი̄დდახ
Line of edition: 6 ხუ̂ეჯე. ხუ̂ეჯედ ალ ლახუ̂ბა ჩუ̂ათირ ი ალჲა̈რდ დეშ ათირხ; ხუ̂ეჯე სგა
Line of edition: 7 ლა̈ხღუ̂აჭრა̄ლა̄̈ნ სა̄ბელს. სა̄ბელდ ქიმ ანკუ̂ა̈რ ი ჭიშხი̄ ადფხϩკნე. ალ
Line of edition: 8 ლახუ̂ბას ქა ლა̈ხშყა̈დხ, მინე მუხუ̂ბად იმუ̂ა̄̈ჲჟი̄ნ ადშგურა̄ნე, ი მა̄დ
Line of edition: 9 ათყიდხ ი აჩა̈დხ შუკუ̂ს. ხუ̂ეჯედ გა̈ნ ლოხუ̂ქუ̂იც ი ჩუ̄დ ესხუ̂ი̄დდა
Line of edition: 10 შუკუ̂ისგა მე̄რმა ფორმიშდ. ალჲა̈რდ ჩუ დეშϩდ ათირხ. ხუ̂ეჯე სგა̄დ
Line of edition: 11 ლა̈ხღუ̂აჭრა̄ლა̄̈ნ ი ხუნკუ̂ი̄და̈შდ ჲერუზუმ ლახჭარჟე ფა̈ს, მარე სა̄ბელდ
Line of edition: 12 ჭიშხϩდ ლაჲფხϩკნე ი ქიმი ანკუ̂ა̈რ. ალჲა̈რდ მა̄დϩდ ათყიდხ ამეჩუ̄ნ.
Line of edition: 13 ესღრიხ, ესღრიხ ი აშხუ̂ ა̈გის ბოგჟი̄ნ ჩუ̄დ ეხხუ̂ი̄დდა ხუ̂ეჯე ი სგა̄დ
Line of edition: 14 ლა̈ხღუ̂აჭრა̄ლა̄̈ნ სა̄ბელს. ალ სა̄ბელდ დე ჭიშხ ადფხϩკნე ი დე ქიმ
Line of edition: 15 ანკუ̂ა̈რ. ალ ლახუ̂ბა გუდ ანჴა̈დხ, ერე ამეჩუ̄ნ ჩუ ხეყა̄̈დდა ალ სა̄ბლი
Line of edition: 16 ქა ლიჰუ̂დის ი ჩუ̂ათყიდხ. ჰა̄̈ღუ̂ირს ოდემ ჩიქად ხუ̂ეჯე იხუ̂ია̄̈სგდა,
Line of edition: 17 ეჩქად ალ ლახუ̂ბად ხაფხეჭხ ი მა̄დ ათნებეხ. ალჲა̈რ ალას ერ იგϩ̄ნცა̄ლხ,
Line of edition: 18 სა̄ბელ ლა̄კუ̂ა̈ფხ ბოგჟი̄ნ ი სგა̄̈დსკინე ლიცთე̄სგა [ი] კალმახდ
Line of edition: 19 ესხიპდა, ხუ̂ეჯე ბა̈დდ ესსიპდა ი ჟი ა̈ნϩრმე. ალა ნე̄სყად ესსიპდა ი
Line of edition: 20 ქა̄ნსკინე ბა̈დხენქა, ხუ̂ეჯე ქიპდ ესსიპდა ი ქა ლა̈ხცუუ̂ა̄̈ნ. ალ ნე̄სყად
Line of edition: 21 ლა̈ჲბინე ლი̄ზი ი აშხუ̂ ა̈გის მϩლდღას ლემსგი̄ლ ხო̄შუ̂დახ, აჩა̈დ ამი̄
Line of edition: 22 მϩლა̈მქა ი ჩუ̂ა̈დშიხა̄̈ნ ქიპ. ალ სემი ლახუ̂ბა ქა̄ჩა̈დხ ლა̈ლზიგათე ი,
Line of edition: 23 იმუ̂ა̄̈ჲ მოშ ათწინდახ ქონა̈ბს, ადჲეხ მინე ა̈გითე.

Line of edition: 24 ალ ლახუ̂ბად ხოჩა ლირდე-ლიზგე ა̈ნჰეხ.

Добавлено (2006-12-29, 4:12 Pm)
---------------------------------------------
Part No. 87

Text: 94
Page of edition: 172
Line of edition: 25
94. ჯიჯბა̈ჴი̄ლ

Line of edition: 29 აშხუ̂ ლადეღ ფუსნაბუა̄სდდ ჩუ̂ანზჷზე ა̈ნგუ̂ლეზ დეცხენჩუ̄ნ: "ჩუ̄უ̂
Line of edition: 30 ესერ აჩა̈დ ი ჟი̄უ̂ ა̈ნმეჴრე, ჲა̈რუ ლესუ̂ ჩილადეღ ამჟი̄ნ ნატუ̄სუნა̈
Line of edition: 31 მუტუ̄სე?, ა̈ნგუ̂ლეზ ჩუ̂ანჴა̈დ ი აშხუ̂ ზუგუ̂ჟი̄ნ ჩუ̂ესხუ̂ი̄დ მეჩი მა̄რე, ნატუ̄სუნს
Line of edition: 32 ატუ̄სა. "მიჩა ნატუ̄სუნა̈ ქუ̂ინს ესერ ფუსნაბუა̄სდიშმჷყ ოჰა
Line of edition: 33 ი ეჩას ესერ ოხზჷზა ჯა ლა̈მჴერდ: მა̈უ ესერ ხეკუ̂ეს მიჩ, ედე იმნა̈რ
Line of edition: 34 ესერ ატუ̄სე ჩილადეღ ი იმშა მუშგუ̂ემ ლი?" ა̈ნგუ̂ლეზდ ხა̈̄ქუ̂ინ. ალ
Line of edition: 35 მა̄რე̄მ ხა̈̄ქუ̂ინ: "მიჩ ესერ გეზალ მა̄მა ხორი ი ხეჴჷ̄რა̈̄ლ ესერ ღე̄რბათუ̂
Page of edition: 173 Line of edition: 1 გეზლა̈ ლითნეს". ა̈ნგუ̂ლეზ ჟი̄დ ატა̈ხ ი ფუსნაბუა̄სდიშს ქა
Line of edition: 2 ოხო̄მბუ̂ე. ფუსნაბუა̄სდიშდ ეშხუ უ̂ისგუ̂ ლახუ̂ე̄მ: "ჩუ̄უ̂ ესერ ოთჴიდ ალა
Line of edition: 3 ეჯ მა̄რას ი ნა̈ბიჴუ̂ ეჩასუ ხა̄მნე ი ნა̈ბიჴუ̂ მიჩა ხეხუ̂ს". ა̈ნგუ̂ლეზ ჩუ̂ანჴა̈დ
Line of edition: 4 ჩუბებუა̄სდთე ი ალ მა̄რე ჩუ̄დ ესხუ̂ი̄დ ალ ზუგუ̂ჟი̄ნ ი ნატუ̄სუნს
Line of edition: 5 ატუ̄სა. ა̈ნგუ̂ლეზდ ხა̈̄ქუ̂ინ ალ მა̄რას: "მიჩა ლიჴჷ̄რა̈̄ლ ესერ სგა ლოხუ̂სიმნა
Line of edition: 6 ღე̄რბათუ̂ ი მინს ესერ გეზალ ქა̈̄ხთენიხ აშხუ̂ ზაუ̂ისგა". ქა
Line of edition: 7 ლახუ̂ე̄მ უ̂ისგუ̂ ი ხა̈̄ქუ̂ინ: "ხჷნსგ' ე̄სერ მიჯნე̄მუ ლალე̄მ ი ხჷნსგა მიჩა
Line of edition: 8 ხეხუ̂სუ ხა̄მნე. ალ მა̄რე ქა̈̄ხბი̄შდ ალას, ხჷნსგა მიჯნე̄მდ ლალე̄მ ი
Line of edition: 9 ხჷნსგა მიჩა ხეხუ̂ს ხა̄მნე.

Line of edition: 10 ამი̄ ხეხუ̂ გაცხა̈ჲდ ჩუ̂ა̈დღანუ̂ა̈̄ნ ი ჭყინტ ა̈ხთენა̈̄ნ, ჟი ა̈ნპირსდეხ ი
Line of edition: 11 ჯიჯბა̈ჴი̄ლ ათჟა̈ხხ. ალა ეჯჟი̄ნ ცხემა̈ჲ ჩუ ლა̈სუ̂, ერე კამინს ლა̈̄თშუ̂
Line of edition: 12 იცხა̈მდა ი ირთხილს ლადეღუ̂შ. ჯიჯბა̈ჴი̄ლდ ლანყაუ̂თე ლი̄ზი ა̈დბინე
Line of edition: 13 ი ჭყჷნტა̈რს ჩი̄ს ცეჴემდა̈რ ხუღუ̂ა̈̄ნდახ ი მიჩ -- მა̄მა. აშხუ̂ ლე̄თ ა̈გითე
Line of edition: 14 ერ ანჴა̈დ, ხა̈̄ქუ̂ინ მიჩა მუს: -- მამა, ჩი̄ს ცეჴემდა̈რ ხუღუ̂ახ ი მი[ი] ა̈მტა̈̄ბ!
Line of edition: 15 -- ბაბას ისგუ მა̈ზიგ, ჩიქი დეშ ხი მეცჴემდა̈̄ლზუმ, ადო ცეჴემა̈დს
Line of edition: 16 ოქუ̂რა̈შსი̄ ჟი ა̈ჯტა̈̄ბნე სური̄.

Line of edition: 17 აჩა̈დ აჯაღ ლა̈შდრა̄ლთე ი ჭყჷნტა̈რს ჩი̄ს ცეჴემდა̈რ ხუღუ̂ა̈̄ნდახ ი
Line of edition: 18 ჯიჯბა̈ჴი̄ლს -- დე̄სა. ნა̈ბუზს ა̈გითე ანჴა̈დ ი ხა̈̄ქუ̂ინ: "ბაბა, ჩი̄ს ცეჴემდა̈რ
Line of edition: 19 ხუღუ̂ახ ი მი[ი] ა̈მტა̈̄ბ!" ჯიჯბა̈ჴი̄ლს ჟ'ოხუ̂ტა̄ბე მიჩა მუდ ცეჴემა̈დ,
Line of edition: 20 ა̈ნბუ̄წე ჟი ჯიჯბა̈ჴი̄ლდ ი ადკუ̂ა̈რ.
Line of edition: 21 -- ბაბა, ათხე ლათხე̄ლთე ღური ცხუ̂ი̄მიშ, მა̈ზუმ ჯუ̂ე̄დიადუ ა̈მშყედე̄ლა̈სუ̂.
Line of edition: 22 -- ბაბას ისგუ მა̈ზიგ, ღე̄რბათუ̂დ ი მა̄რად მა̈გ ისგუ თხუ̂იმ მითია̄ლა
Line of edition: 23 ი ნჷმა აჩე, ნჷმა ათკიჰა თხუ̂იმ, ცხუ̂ის ოქუ̂რა̈შსი̄ ჟი ა̈ჯტა̈̄ბნე.

Line of edition: 24 ჯიჯბა̈ჴი̄ლდ ეში̄ მა̄დ ა̈დჟომე ლი̄ზი ი აჩა̈დ ლათხე̄ლთე. ესღრი,
Line of edition: 25 ესღრი ი აშხუ̂ ა̈გის სგა ხეშტკჷნა̈̄ნ ცხუ̂ი კოჯისგა. ჯიჯბა̈ჴი̄ლ ქა ხობიდდა
Line of edition: 26 ი დეშ ახყუ̂იფ ქა ცხუ̂ი. სგა̄უ̂ ლოხჯუ̂ი̄რ ი ყო̄რ ხეყა̈რ. სგა̄ჩა̈დ
Line of edition: 27 სგა̈̄ნჩუ̄ნ ი სგა̈̄ნჩუ̄ნ ოქუ̂რა̈ ტა̈ხდჟი̄ნ ნანუ̄ლ აყუ̂რა. ალჲა̈რს უშხუ̂ა̄რე
Line of edition: 28 თხუ̂იმ ლახლატჷნდახ ი ჩუ̂ა̈დხეხუ̂ჭაშა̈̄ნხ. აშხუ̂ ლადეღ ჯიჯბა̈ჴი̄ლ
Line of edition: 29 მე̄რმა ოთა̈ხთე აჩა̈დ ი ამეჩუ̄ნ და̈̄უ̂ ხა̈̄ბდა. "ა̄, ჯიჯბა̈ჴი̄ლ-უნყუ̂ს ლა̈ნჴა̈დ
Line of edition: 30 შუ̂იდებდ, დ' ო̄ნყუ̂ს ხიჩო ეჩთა̄ნ მა̈დილს ი ჟი̄ნყუ̂ს დო მუფშუ̂დე!"

Добавлено (2007-01-11, 1:56 Pm)
---------------------------------------------
ჯიჯბა̈ჴი̄ლს ლოხუ̂ჟინდა ალ და̈̄უ̂ ი ჟი ანფიშუ̂დ. ალ და̈̄უ̂ ეშ ლა̈ხკიჰა̈̄ნ
Line of edition: 32 ცხეკთე. ჯიჯბა̈ჴი̄ლდ მიჩა დი̄-ჲ მუ ქა̄ნჴიდ ამხა̄უ̂ ი ამეჩუ̄ნ
Line of edition: 33 ადზიგუ̂ნე.

Line of edition: 34 აშხუ̂ ლადეღ ჯიჯბა̈ჴი̄ლ ლა̈თხუ̂იარს არდა. ჯიჯბა̈ჴი̄ლდ ერ და̈̄უ̂
Line of edition: 35 ჟ'ანფიშუ̂დ, ეჯ და̈̄უ̂ სგა̈̄მჴედე̄ლი ი ჯიჯბა̈ჴი̄ლა̈ დი̄-ჲ მუ ჩუ ლოხმამა,
Line of edition: 36 თხუმა̈რს ყუ̂ელფჟი̄ნ ხაგუ̂რანა̄ლუ̂ნა: "ამჟი̄უ̂ ალფჷრე̄ლი ჯიჯბა̈ჴი̄ლ, ამჟი̄უ̂
Page of edition: 174 Line of edition: 1 ალჩხჷკნე̄ლი ჯიჯბა̈ჴი̄ლ!" ალ დუ̂რეუ̂ს ჯიჯბა̈ჴი̄ლი̄ ანჴა̈დ ყო̄რისგა ი
Line of edition: 2 ქა ხესმი და̈̄უ̂ა̈ გა̈რგლა. "აჲ, სი ნაჴე̄ცურა, მი სი ქა̄ჯთა̄უ̂სუფა̈ლ, ადო
Line of edition: 3 ჩუ ხა̈̄ბდა̈ს ბერჟა̈ ნა̄ჭოშ, ათხე მა̈გუ̂ა̈რდუ ლა̈ჯხელე̄ნ!" ხაფხეჭხ ალჲა̈რდ
Line of edition: 4 უშხუ̂ა̄რ, იბჷრგიე̄ლხ, იბჷრგიე̄ლხ ი ჩუ̂ა̈ნდე ჯიჯბა̈ჴი̄ლდ და̈̄უ̂.
Line of edition: 5 -- ე̄, მა̈დილ ჯე̄რი, ჯიჯბა̈ჴი̄ლ, ი ხა̈დურდ ჩუ ნჷმა ამდაგრა ი
Line of edition: 6 ისგუ̂ა დის ი მუს ჟი ჯისე̄ლუ̂ე.
Line of edition: 7 -- ეჲ, სი ნაჴე̄ცურა, ჟ'ა̈მსე̄ლა̈უ̂, ადო ჩუ ჯადგა̈რი!
Line of edition: 8 -- ეჯჲა̈რ ქა̈̄ხი̄ყ მიშგუ̂ა ჴადუ̂ხენქა ი მიშგუ პლატკულ ლა̄ხა̈ჭმ ი
Line of edition: 9 ეჯჲა̈რ შიშდ ჟი ა̈ნსე̄ლუ̂იხ.
Line of edition: 10 -- აჲ, სი ნაჴე̄ცურა, ეჩასი̄ ჩუ ხუ̂იჩო ი სიი ჩუ̂აჯდაგრი.
Line of edition: 11 ალ და̈̄უ̂ ჩუ̂ადგა̈რ ჯიჯბა̈ჴი̄ლდ ი მიჩა დი̄-ჲ მუ ჟი ანსე̄ლუ̂ე ი ალჲა̈რდ
Line of edition: 12 ხოჩა ლირდე-ლიზგე ა̈დჴიდხ.

Добавлено (2007-01-11, 1:57 Pm)
---------------------------------------------
Part No. 88

Text: 95
Page of edition: 174
Line of edition: 13
95. კორაკიშუ̂ილ

Line of edition: 14 არდა ეშხუ ხელწიფ, ხორდა სემი ჭყინტგეზალ. აშხუ̂ინ ხა̈̄ქუ̂ინ
Line of edition: 15 ხელწიფდ მიჩა გეზლი̄რს: "იმუ̂ა̄ლ' ე̄სერ აშხუ̂ მინდუ̂ერისგა მურყუ̂ამ
Line of edition: 16 ლჷგ ი ეჩეისგა ნანუ̄ლ ა̈რი, ჟახად ესერ სურა̈თ ხაჟხა. ერუ̂ა̈̄ჲ ესერ
Line of edition: 17 ეჩას ხეხუ̂დ ა̈დხუ̂იე̄სგნეხ, ლიხჷლწიფს ესერ ეჩას ხომზჷრი".

Line of edition: 18 ა̈ნმა̄რა̈̄ნ ხოშა მუხუ̂ბე ი აშირ მჷჩა̈̄ჟი ლა̈ჲჴერნე ი აშირ მუქუ̂ეითი.
Line of edition: 19 ესღრი, ესღრი ი აშხუ̂ ა̈გის სომხი ყო̄რთეჟი̄ნ ლა̈ხჴა̈დჷ̄ნა̈̄ნ. ალ სომეხდ
Line of edition: 20 ხა̈̄ქუ̂ინ: "ჟი̄უ̂ ესერ ა̈ნშუ̂ემხ". ალჲა̈რდ ჟი ა̈ნშუ̂ემხ ი სა̈დილ ლალე̄მხ.
Line of edition: 21 ნა̈სდილობენ სომეხდ ხა̈̄ქუ̂ინ: "ლიბულქოუ̂ა̈̄ლუ ესერ ახა̄დხ".
Line of edition: 22 ახა̄დხ ლიბულქოუ̂ა̈̄ლ ი ხელწიფი გეზალს თეთრ მა̈̄ჲ მა ხუღუ̂ა̈̄ნ, ალას
Line of edition: 23 ჩი̄ს ქა̈̄ხბი̄შდ ნაბულქოუ̂ა̄ლი̄რ. ახა̄დხ აჯაღ ი, მა̈̄ჲ მა აფხნეგ-მა̄რე
Line of edition: 24 ხონჴერდა, ჩი̄ს ქა̈̄ხბი̄შდ [სომეხ]. ეჩუნღო̄ნ თხუ̂იმ ი თხუ̂იმ ა̈დქუ̂იცხ.
Line of edition: 25 ჟი̄დ ახწინდა სომეხ ი ხელწიფი გეზალს ჩუ ლესედ ხა̄დდა ალ სომეხცახა̈ნ.
Line of edition: 26 ამნე̄მდ ალ ხელწიფი გეზალ მელეღუ̂დ ლა̈ჲყედნე.

Line of edition: 27 აჩა̈დ ხუ̂ა̈ჲ ხა̈ნ ი დე̄მხენ ლა̈ხტა̈ხ ხელწიფს მიჩა გეზალ. ათხე
Line of edition: 28 მანე̄სგრე გეზალ ა̈ნმა̄რა̈̄ნ ი ამნე̄მდი̄ აშირ მჷჩა̈̄ჟი ლა̈ჲჴერნე ი აშირ
Line of edition: 29 მუქუ̂ეითი. ესღრიხ, ესღრიხ ი ალასი̄ ალ სომხი ყო̄რთეჟი̄ნ ლა̈ხჴა̈დჷ̄ნა̈̄ნ.
Line of edition: 30 ალ სომეხდ ხა̈̄ქუ̂ინ: "ჟი̄უ̂ ესერ ა̈ნშუ̂ემხ სა̈დილუ ლალე̄მხ". ხელწიფი
Line of edition: 31 გეზალდ ჟი ა̈ნშუ̂ემ ი სა̈დილ ლალე̄მ. ნა̈სდილობენ სომეხდ ხა̈̄ქუ̂ინ:
Line of edition: 32 "ლიბულქოუ̂ა̈̄ლუ ესერ ახა̄დხ". ახა̄დხ ლიბულქოუ̂ა̈̄ლ ი ჟ'ახწინდა სომეხ
Line of edition: 33 ხელწიფი გეზალს ი, თეთრ მა̈̄ჲ მა ხუღუ̂ა̈̄ნ, ჩი̄ს ქა̈̄ხბი̄შდ. აჯაღჷდ
Line of edition: 34 ახა̄დხ ი ჟი̄დ ახწინდა ი, აფხნეგ-მა̄რე მა̈̄ჲ მა ხონჴერდა, ჩი̄ს ქა̈̄ხბი̄შდ
Page of edition: 175 Line of edition: 1 სომეხ. ახა̄დხ აჯაღ ი თხუ̂იმ ი თხუ̂იმ ა̈დქუ̂იცხ. ჟი̄დ ახწინდა სომეხ
Line of edition: 2 ი ხელწიფი გეზალს ჩუ ლესედ ხა̄დდა სომეხცახა̈ნ ი ალა მჷრბიე̄ლდ
Line of edition: 3 ლა̈ჲყედნე.

Line of edition: 4 აჩა̈დ ხუ̂ა̈ჲ ხა̈ნ ი დე̄მხენ ლა̈ხტა̈ხ ხელწიფს მიჩა გეზალ. ათხე
Line of edition: 5 მაჰუ̂რე̄ნე გეზალ ა̈ნმა̄რა̈̄ნ. ხელწიფ დე̄მჟი̄ნ ფუშდა: "ჲერუ ხოშა გეზლი̄რ
Line of edition: 6 ესერ ჩუ̂ათთუ̂ეფა ი აჯაღ ესერ მიჩ დე̄მ ა̈კჰე ჩუ". ხელწიფი
Line of edition: 7 გეზალდ ეში̄ მა̄დ ადჟომე ლი̄ზი ი აჩა̈დ, აჩა̈დ ი აფხნეგ-მა̄რეჲ და̈̄რ
Line of edition: 8 ლა̈ჲჴერნე. ესღრი, ესღრი ი აშხუ̂ ა̈გის ჲარუ̂ მა̄რა ჩუ ხოკა̄ფახ ეშხუ
Line of edition: 9 მა̄რე ი ბერჟა̈ ტყენა̈რშუ̂ ხატყციხ. -- მა̈ჲ ამბა̈უ̂ ესერ ლი, მინ მა̄რა̈̄ლ,
Line of edition: 10 იმნა̈რ ესერ ხატყციხ ამჟი̄ნ ლჷსა̈რდ ალ მა̄რას?

Line of edition: 11 ალჲა̈რ ჰერს დეხდა ხა̈ტხეხ. ჩუ მეყუ̂რა მა̄რე̄მ ხა̈̄ქუ̂ინ: -- ხოჩა მა̄რე
Line of edition: 12 ჯა, მიჩ ესერ ხაგდე̄ნა ალ ჲარუ̂ მა̄რე̄მი აშირ მანა̈თ. დუ̂რეუ̂ჟი̄ნ ესერ
Line of edition: 13 დეშ ოთთჷმა ი ცოდა̈ ლახუ̂ა̈̄შინად ესერ ალჲა̈რს ჯაჲ ნა̈ბს ხახუ̂დი
Line of edition: 14 ლიყერიშ, ადო ალჲა̈რ ესერ დეშ ხა̈წრეხ მიჩ.

Line of edition: 15 ხელწიფი გეზალდ ჟი ა̈ნკიდ აშირ მანა̈თ, ოხუ̂იშდ თუმა̈ნ აშხუ̂ ლახუ̂ე̄მ
Line of edition: 16 ი ოხუ̂იშდ თუმა̈ნ მე̄რმას. ანღრი ალა̄, ხელწიფი გეზალ, ი უ̂ეშგინისგა
Line of edition: 17 ალ მა̈რე̄მდ ლახტუ̂ი̄ლ: "ჟი̄უ̂ ესერ ა̈ნღე̄ლუ̂ე, ჯ' ე̄სერი̄ მიჩა
Line of edition: 18 აფხნეგ ი̄რი; მიჩ ესერ ხაჟხა კორაკიშუ̂ილ ი მიჩა ლამარგ ესერ ი̄რი
Line of edition: 19 ჩიუ̂შ". ხელწიფი გეზალდ ქო̄ხო̄მბუ̂ე, იმუ̂ა̈̄ჲთე მე̄ზი ლა̈სუ̂. ესღრიხ,
Line of edition: 20 ესღრიხ ი აშხუ̂ თუ̂ეთნა̄მ სოფელთე̄სგა ლა̈ხჴა̈დჷ̄ნა̈̄ნხ. ალ სოფელისგა
Line of edition: 21 მა̈გ თუ̂ეთნე ლი ხა̈დურდ: გიმ ი მეგა̈მ, მა̄რე ი ქუ̂ინლჷმგენე, ხა̈დურდ
Line of edition: 22 მა̈გ თუ̂ეთნე ლი. ალჲა̈რ სგა ლა̈ხმუშგუ̂არხ ალ სოფლი მახუ̂შის -- და̈̄უ̂ს.
Line of edition: 23 ალ და̈̄უ̂ ქორს მა̄მა არდა ი მიჩა ხეხუ̂ს სა̈დილ ახმა̄რუნეხ. ალჲა̈რდ
Line of edition: 24 სა̈დილჟი̄ნ ქა̈̄დრა̄გეხ მე̄უ̂არ ი გუ̂იანდქა და̈̄უ̂ა̈ ხეხუ̂დ ხა̈̄ქუ̂ინ, ერე "სერ
Line of edition: 25 ესერ ქა̄უ̂ ა̈დკჷლდეხ, ადო ჯ' ე̄სერ ხოლა̄მ ჭა̈შმი პატუ̂რენ ლი ი ეჯ'
Line of edition: 26 ე̄სერ შიშდ ჴედნი ათხე".
Line of edition: 27 -- ეჩი̄ მაყალ ესერ მა̄მა ხა̄რხ მინს. -- ხა̈̄ქუ̂ინ კორაკიშუ̂ილდ.

Line of edition: 28 ალჲა̈რდ ჟი ა̈ნცხეხ ტაბა̈გ ი ქა̄ნჴა̈დხ ჭიშგა̈რს ქა̄მენჩუ̄ნ. ამეჩუ̄ნ
Line of edition: 29 ხაძგერ ჰაგუ̂ კორაკიშუ̂ილდ ი ეშხუ ჴა̈ლ გიმ აქუ̂იც ი სგა̄ჩა̈დხ ალჲა̈რ
Line of edition: 30 ალ თხრილთე̄სგა ი ჩუ̂ა̈თპა̈ჟხ. ანღრი ნა̈ბოზს თუ̂ეთნე და̈̄უ̂ ი თუ̂ეთნა̄მ

Добавлено (2007-01-11, 1:57 Pm)
---------------------------------------------
რა̈შს ჟი ხასგურ ი მა̈გ ადთუ̂ეთნე ხა̈დურდ. თხრილი ნა̈ფდიათე ჰა̄ლ
Line of edition: 32 ანჴა̈დ, რა̈შ შიშდ ჩუ̂ა̈დბჷჯგნა̈̄ნ. და̈̄უ̂დ ხაჴიდ მადრა̈ჴ ი ღო აჯაღ
Line of edition: 33 ხაჴიდ, მარე რა̈შდ ბა̈̄ჴ მა̄დე ლა̈ჲბა̈̄ჴ. "ჯა ფა̈თქოშა̈ჲ, იმსგა̈ჲ ესერ
Line of edition: 34 კორაკიშუ̂ილ ა̈რი ამეჩუ̄ნ?, კორაკიშუ̂ილდ ჟ'ანსკინე თხრილხენჟი̄ნ
Line of edition: 35 ი ხა̈̄ქუ̂ინ: "ჯ' ე̄სერ კორაკიშუ̂ილ მა̄მა ი̄რი, მიჩ ჩუ დოშ ესხო̄ლი".
Line of edition: 36 ხაჴიდ დაშნა̈ჲ კინჩხქა ი ჩუ̂ანკუ̂ა̈რ რა̈შხენჩუ̄ნ. ალჲა̈რ სგა̄ჩა̈დხ ამი̄
Line of edition: 37 ქორთე̄სგა ი ამი̄ ხეხუ̂ კორაკიშუ̂ილდ ხეხუ̂დ ა̈დგურგუ̂ნე. ამ ლე̄თ კორაკიშუ̂ილდ
Line of edition: 38 ხა̈̄ქუ̂ინ მიჩა ხეხუ̂ს:

Page of edition: 176
Line of edition: 1 -- იმუ̂ა̄ლ' ე̄სერ მინდუ̂ერისგა მურყუ̂ამ ლჷგ, ეჩისგ' ე̄სერ ნანუ̄ლ
Line of edition: 2 ა̈რი, ჟახად [ესერ] სურა̈თ ხაჟხა, ჰე̄სამ' ე̄სერ ხასმა ეჩი̄შ?
Line of edition: 3 -- მიჩ ესერ დე̄სამა ხასმა ი მიჩა უდილ ესერ ხაყა წჷრნი და̈̄უ̂ს
Line of edition: 4 ი იგებს ესერ ერე ეჩას ე̄სამა ხოხალდე̄დს ეჩი̄შ.

Line of edition: 5 მე̄რმა ლადეღ ჟი ანჷგა̈̄ნხ ი აჩა̈დხ, აჩა̈დხ ი აშხუ̂ წჷრნი სოფელთე̄სგა
Line of edition: 6 ლა̈ხჴა̈დჷ̄ნა̈̄ნხ. ალ სოფლი მახუ̂ში ლი ეშხუ წჷრნი და̈̄უ̂ ი სგა
Line of edition: 7 ლა̈ხმუშგუ̂არხ ალას. ალ და̈̄უ̂ ქორს დე̄სა არდა ი მიჩა ხეხუ̂ს სა̈დილ
Line of edition: 8 ახმა̄რუნეხ. სა̈დილ ქ' ე̄რ ადჯო̄დუნეხ, ეჩქა ხა̈̄ქუ̂ინ ზურა̄ლდ: -- ჯ' ე̄სერ
Line of edition: 9 ხოლა̄მ ჭა̈შმი პატუ̂რენ ლი ი მა̈დილუ ესერ ხე̄რახ ი ხუ̂ა̈ჲ ნო̄უ̂
Line of edition: 10 ა̈დრა̄გეხ? -- ეჩი̄ მაყალ ესერ მა̄მა ხა̄რხ მინს. -- ხა̈̄ქუ̂ინ კორაკიშუ̂ილდ.
Line of edition: 11 ალჲა̈რდ ტაბა̈გ ჟ' ერ ა̈ნცხეხ, ქა̄ნჴა̈დხ ჭიშგა̈რ ქა̄მენჩუ̄ნ ი ამეჩუ̄ნ
Line of edition: 12 კორაკიშუ̂ილდ ჰაგუ̂ ხაჴიდ გიმჟი̄ნ ი ეშხუ ჴა̈ლ ჩუ̂აქუ̂იც ი სგა̄ჩა̈დხ ამხა̄უ̂თე̄სგა.
Line of edition: 13 ნა̈ბუზს ანღრი წჷრნი და̈̄უ̂ ი წჷრნი რა̈შს ჟი ხასგურ. თხრილი
Line of edition: 14 ფე̄დიათე ერ ანჰე, ამეჩუ̄ნ რა̈შ ჩუ̂ა̈დბჷჯგნა̈̄ნ. და̈̄უ̂დ ხაჴიდ ი ხაჴიდ
Line of edition: 15 მადრა̈ჴ რა̈შს, მარე რა̈შდ ბა̈̄ჴ მა̄დ ლა̈ჲბა̈̄ჴ. "ჯა ფა̈თქოშა̈ჲ, იმსგა̈ჲ
Line of edition: 16 ესერ კორაკიშუ̂ილ ხეხუ̂ა ამეჩუნ, იმჷნ ესერ ხაყლუნი?" კორაკიშუ̂ილდ
Line of edition: 17 ჟი ანსკინე თხრილხენჟი̄ნ ი ხა̈̄ქუ̂ინ: "ჯ' ე̄სერ კორაკიშუ̂ილ მა̄დ ი̄რა,
Line of edition: 18 მიჩ ჩუ დოშ ესხო̄ლი". ხაჴიდ დაშნა̈ჲ კინჩხქა ი ჩუ̂ანკუ̂ა̈რ რა̈შხენჩუ̄ნ
Line of edition: 19 წჷრნი და̈̄უ̂. ალჲა̈რ სგა̄ჩა̈დხ ი ამი̄ ხეხუ̂ კორაკიშუ̂ილდ ა̈დგურგუ̂ნე
Line of edition: 20 ხეხუ̂დ. ამ ლე̄თ კორაკიშუ̂ილ ლა̈ხჭუ̂ედდა მიჩა ხეხუ̂ს:
Line of edition: 21 -- იმუ̂ა̄ლ' ე̄სერ მინდუ̂ერისგა ეშხუ ნანუ̄ლ ა̈რი ი ჟახად ესერ
Line of edition: 22 სურა̈თ ხაჟხა. მინ ესერ ეჩი̄ მჷთხე̄ლი ლიხ ი ჰე̄სამ' ე̄სერ ხომჴერე̄ნს.
Line of edition: 23 ხა̈̄ქუ̂ინუ მა.
Line of edition: 24 -- მიჩ ესერ დე̄სამა ხოხალ ეჩი̄შ ი აშხუ̂ ეშხუ სოფელს ესერ
Line of edition: 25 მეშხა̄მ და̈̄უ̂ს მიჩა უდილ ხაყა ხეხუ̂დ ი იგებს ესერ ერე ეჩას ე̄სამა
Line of edition: 26 ხოხალდე̄დს ეჩი̄შ.

Line of edition: 27 მე̄რმა ლადეღ ჟი ანჷგა̈̄ნხ ალჲა̈რ ი აჩა̈დხ. ესღრიხ, ესღრიხ ი
Line of edition: 28 სგა ლა̈ხჴა̈დჷ̄ნა̈̄ნხ აშხუ̂ მეშხა̄მ ქალა̄ქთე̄სგა. ამეჩუ̄ნ მა̈გ მეშხე ლი: მა̄რე
Line of edition: 29 ი ქუ̂ინლჷმგენე, გიმ ი მეგა̈მ, -- მა̈გ მეშხე ლი. ალ ქალქი მახუ̂ში
Line of edition: 30 მეშხა̄მ და̈̄უ̂ს ლა̈ხმუშგუ̂არხ. ალ და̈̄უ̂ ა̈გის დე̄სა არდა ი მიჩა ხეხუ̂ს
Line of edition: 31 სა̈დილ ახმა̄რუნეხ. ალჲა̈რდ სა̈დილჟინ ხუ̂ა̈ჲ ა̈დრა̄გეხ ი და̈̄უ̂ა̈ ხეხუ̂დ

Добавлено (2007-01-11, 1:58 Pm)
---------------------------------------------
ხაშგუ̂მინ: -- ჯ' ე̄სერ ხოლა̄მ ჭა̈შმი პატრონ ლი ი მა̈დილუ ხე̄რახ ი
Line of edition: 33 ქა̄უ̂ ესკჷლდეხ. -- ეჩი̄ მაყალ ესერ მა̄მა ხა̄რხ მინს. -- კორაკიშუ̂ილდ
Line of edition: 34 ხა̈̄ქუ̂ინ. ალჲა̈რ ჟ' ერ ანჷგა̈̄ნხ, ქა̄ნჴა̈დხ ჭიშგა̈რ ქა̄მენჩუ̄ნ ი ამეჩუ̄ნ
Line of edition: 35 კორაკიშუ̂ილდ ჰაგუ̂ ხაჴიდ გიმჟი̄ნ ი ეშხუ ჴა̈ლ გიმ აქუ̂იც ი
Line of edition: 36 სგა̄ჩა̈დხ ამხა̄უ̂თე̄სგა. ნა̈ბუზს ანღრი მეშხე და̈̄უ̂, მეშხა რა̈შს ჟი
Line of edition: 37 ხასგურ ი თხრილი ფე̄დიათე ერ ანჰე, ამეჩუ̄ნ რა̈შ ჩუ̂ადბჷჯგნა̈̄ნ.
Line of edition: 38 და̈̄უ̂დ ხაჴიდ ი ხაჴიდ მადრა̈ჴ, მარე რა̈შდ ბა̈̄ჴ მა̄დე ლა̈ჲბა̈̄ჴ.
Page of edition: 177 Line of edition: 1 -- ჯა ფა̈თქოშა̈ჲ, იმსგა̈ჲ ესერ კორაკიშუ̂ილ ხეხუ̂ა ამეჩუ̄ნ? -- ჯ'ე̄სერ
Line of edition: 2 კორაკიშუ̂ილ მა̄მა ი̄რა, მიჩ ჩუ დოშ ესხო̄ლა!

Line of edition: 3 ჟი ა̈ნსკინე თხრილხა̈ნჟი̄ნ, ხაჴიდ დაშნა̈ჲ კინჩხქა ი ჩუ̂ანკუ̂ა̈რ
Line of edition: 4 და̈̄უ̂ რა̈შხა̈ნჩუ̄ნ. ალჲა̈რ სგა̄დ აჩა̈დხ და̈̄უ̂ა̈ ქორთე ი ალ და̈̄უ̂ა̈ ხეხუ̂
Line of edition: 5 კორაკიშუ̂ილდ სგა̄დ ა̈დგურგუ̂ნე ხეხუ̂დ. ამ ლე̄თ კორაკიშუ̂ილ ლა̈ხჭუ̂ედდა
Line of edition: 6 მიჩა ხეხუ̂ს:
Line of edition: 7 -- მინ ესერ ესღრიხ აშხუ̂ ნანუ̄ლა̈ ლათხე̄ლთე. იმუ̂ა̄ლე მინდუ̂ერისგა
Line of edition: 8 ესერ მურყუ̂ამ ლჷგ, ეჩისგა ესერ ა̈რი ი ჟახად ესერ სურა̈თ
Line of edition: 9 ხაჟხა. ჰე̄სამ' ე̄სერ ხოხალდე̄დს, ღო ხა̈̄ქუ̂ინუ მა.
Line of edition: 10 -- ჯ' ე̄სერ ლახთუ̂ე̄ნნე, ჲაღო, ეჯ ნანუ̄ლა̈ ძიძა̈ჲს ი ეჯასუ ესერ
Line of edition: 11 ახჭუ̂ე

Line of edition: 12 ალ ამბა̈უ̂ კორაკიშუ̂ილს მე̄უ̂არ ათხი̄დჷნდა ი მე̄რმა ლადეღ
Line of edition: 13 აჩა̈დხ ალ ზურა̄ლთე. ესღრიხ, ესღრიხ ი სგა̄ჩა̈დხ ალ ზურა̈ლა̈ ლა̈ზგათე̄სგა
Line of edition: 14 ალ ზულა̄ლ იცხე̄ნია̄ლდა ი კორაკიშუ̂ილდ ხა̈̄ქუ̂ინ ხელწიფი
Line of edition: 15 გეზალს: "სგა̄უ̂ ესერ ლა̈ხქა̄ლა̈̄ნ ი ლისუ̂ჟი̄ნ ესერ შდიქუ ათგე". ალა
Line of edition: 16 სგა ლა̈ხქა̄ლ-ა́, ხელწიფი გეზალ, ი ლისუ̂ჟი̄ნ შდიქ ათგე. ალ ზურა̄ლდ
Line of edition: 17 მა̈̄ნკუ̂ი მე̄უ̂არ ა̈დსა̈სტკე, მარე კორაკიშუ̂ილდ ჩოთნაკე:
Line of edition: 18 -- ათხე̄ ლისდიკა̈̄ლ ესერ მა̈ჲ ჩიქქა̈̄შ ლი? ჯ' ე̄სერ დი ი̄რა ი
Line of edition: 19 ალა ჭყინტგეზალ. -- ზურა̄ლდ ლა̈̄ქუ̂ინ:
Line of edition: 20 -- იმშა მუშგუ̂ემ ესერ ლიხ, ხა̈̄ქუ̂ინხუ ი ღო ჰე̄სამ' ე̄სერ ხემჲე̄დი,
Line of edition: 21 ჯაი მუმურჯი ხე̄რა.
Line of edition: 22 -- მინ ესერ ლიხ, ჲაღო, მიჩა ლერდი სურა̈თი მჷთხე̄ლი ი
Line of edition: 23 მა̈დილუ ხე̄რა ი ეჩი̄შუ მა ხა̈̄ქუ̂ინ.
Line of edition: 24 -- ეჩხა̄უ̂ ესერ ხუ̂ა̈ჲ მა̄რე მეჩედ, მარე ამხა̄უ̂ და̈̄რ მოშ მეტეხ, --
Line of edition: 25 ზურა̈ლდ ლა̈̄ქუ̂ინ, -- ეჩი̄ მჷნწირ ესერ და̈̄რ ა̈რი.
Line of edition: 26 -- ამგუ̂ა̈ჲ ესერ მა̈ჲ ი̄რი? ეჩხა̄უ̂ ნაუ̄ზი ესერ მა̄მა ხა̄რ ი, მა̈დილუ
Line of edition: 27 ხე̄რა, შუკუ ლახთო̄ნე, იმჟი̄ნ ხაკუჩ ეჩხა̄უ̂თე̄სგა ლი̄ზი! -- ხაშგუ̂მინ
Line of edition: 28 კორაკიშუ̂ილდ.
Line of edition: 29 -- ჲაღო, ეჩას ესერ ჰაგა̈̄მისგა რა̈შ ხო̄ბ. ეჯ რა̈შ ესერ ქა
Line of edition: 30 ერუ̂ა̈̄ჲს ხეწდენი, ლითჷრტჷნის იბნე ი ეჯ ზურა̄ლს ჟი ა̈ჲცხუნე. ეჯ
Line of edition: 31 ზურა̄ლ ესერ უცეფდ რა̈შს ჟი ხესგუ̂რი ი თე̄[მი] ტკა̈ბს ესერ ქა
Line of edition: 32 იცხპე ჩი̄ს ი ქ' ე̄სერ ერუ̂ა̈̄ჲს ხეწდენი, თჷრქა̈დშუ̂ ესერ თხუ̂იმს ჟი
Line of edition: 33 ხა̈ქუ̂ცე ი ანზჟი̄ნ ხაცუ̂ე. ეჩი̄ მურყუ̂მა̈ ჰა̈ზუ̂ ესერ მა̄რე̄მი თხუ̂იმშუ̂ ქა
Line of edition: 34 ლჷჯგო̄რე ლი გირკიდ. ათხ ესერ მინს ეში-ეში ჰე ხაკუჩხ ეჩხა̄უ̂
Line of edition: 35 ლი̄ზი, ღო ეჯჟი̄ნუ მოშ აჩა̈დხ, ერე რა̈შ მინს ქა მო̄მა ხეწეხ. ჩუ̄უ̂
Line of edition: 36 ესერ ა̈თპა̈ჟხ ი სუმინ თხუ̂იმ ქა̄უ̂ ლახწუ̂ე̄ნეხ. აშხუ̂ინ ესერ ერ ხეწდენი
Line of edition: 37 მინს, ეჩქა ესერ ეჯა თჷრტჷ̄ნს ა̈ნკედნე, ეჯ ზურა̄ლ ჟი ა̈ნცხენი
Line of edition: 38 ი ჟი ლა̈ხსგური რა̈შს ი ქა̄დრინე ქა̈̄მთე. ეჩქა მინ ესერ ჩუ̄უ̂ ა̈თპა̈ჟხ.
Page of edition: 178 Line of edition: 1 ამჟი̄ნუ ესერ ჩუ̂ემინხ სუმინ ი სუმინ ერ ქა̈̄მთე ა̈ნჴდენი ი დო̄ს ხეწდენი,
Line of edition: 2 ეჩქა ესერ ჩუ̂ანბა̈ნი რა̈შს, ერე "ამგუ̂ა̈ჲ ესერ ჯა ლა̈თრუშ ჲა̈ს
Line of edition: 3 ესყე̄დდე̄დს, ეში̄ ესერ ნო̄სა̄უ̂ ანჲა̈ცხუ̂ნე!" ეჩას ესერ ლიუ̂ჟე ხალა̈ტ
Line of edition: 4 მე̄უ̂არ. ალჲა̈რ ათა̄გა̈̄ნხ შუკუ̂ს ი ჟი ა̈თლაკხ ალ მურყუ̂ამს. სგა̄ჩა̈დხ
Line of edition: 5 უქბოშ ჰა̈ზუ̂თე̄სგა ეჯჟი̄ნ, ერე რა̈შ დე̄სა ხეწა̈დ ალჲა̈რს. კორაკიშუ̂ილდ
Line of edition: 6 ხაჴიდ ჰაგუ̂ გიმჟი̄ნ ი ეშხუ ჴა̈ლ გიმ აქუ̂იც, სგა̄ჩა̈დხ ალჲა̈რ
Line of edition: 7 ამხა̄უ̂თე̄სგა ი ჩუ̂ა̈თპა̈ჟხ. ანქუ̂იჭეხ ალ თხრილხენჟი̄ნ თხუმა̈რ ი რა̈შდ
Line of edition: 8 შიშდ თჷრტჷ̄ნ ა̈ნკიდ. ზურა̄ლ ჟი ლა̄პა̈რ ლაყუ̂რახენჟი̄ნ, ჟი ლახსგურდა
Line of edition: 9 რა̈შს ი თე̄[მი] ტკა̈ბს გირკიდ ქა̈̄ნცხიპ მა̈გ ი და̈̄ს ხეწა̈დ. სგა̄ტა̈ხ
Line of edition: 10 მურყუ̂ამთე̄სგა ი ჩუ̂ადყურდა. კორაკიშუ̂ილდ ი მიჩა აფხნეგდ
Line of edition: 11 ჟი̄დ ანქუ̂იჭეხ თხუმა̈რ ი რა̈შდ ლითჷრტჷნი̄დ ა̈დბინე. ზურა̄ლ ჟი̄დ
Line of edition: 12 ანჲა̈ცხ, ჟი ლახსგურდა რა̈შს ი თე̄[მი] ტკა̈ბს გირკიდ მურყუ̂მა̈შ ქა̈̄ნცხიპ
Line of edition: 13 მა̈გ, მარე და̈̄რ ესწუ̂ე̄ნე. სგა̄დ აჩა̈დ მურყუ̂ამთე̄სგა ი ჩუ̂ადყურდა.
Line of edition: 14 მე̄სმა̄მდ კორაკიშუ̂ილდ ი მიჩა აფხნეგდ ჟი̄დ ანქუ̂იჭეხ თხუმა̈რ
Line of edition: 15 ი რა̈შდ თჷრტჷ̄ნჷდ ა̈ნკიდ. ზურა̄ლ ჟი̄დ ანჲა̈ცხ ი ქა̄დ ა̈ნცხიპ მა̈გ,
Line of edition: 16 მარე და̈̄რჷდ ესწუ̂ე̄ნე ი სგა̄დ ატა̈ხ ი ათხე რა̈ში̄ ჩუ̂ადნაბნე: "უ̄ჟდ
Line of edition: 17 ესერ ა̈მშდეხლი ჟი ი მიჩა ცოდუ ესერ ხა̈̄ცუ̂, ამგუ̂ა̈ჲ ესერ მა̈̄ჲ ლათრუშ
Line of edition: 18 ჲა̈ს ესყე̄ნდე̄დს ჯა ამხენქა, მიჯნე̄მ ესერ ჰერ ჟ' ესა ა̈ნკჷდას
Line of edition: 19 ი ჟი ჰე̄სა ანჲა̈ცხუ̂ნას!"

Добавлено (2007-01-11, 2:00 Pm)
---------------------------------------------
კორაკიშუ̂ილდ ი მიჩა აფხნეგდ ჟი ანქუ̂იჭეხ თხუმა̈რ, მარე რა̈შ
Line of edition: 21 მა̄მა აფა̈შ. ჟი ანჴა̈დხ ჟიქა̄ნთე ი რა̈შ მა̄მა აფა̈შ. სგა̄ჩა̈დხ ალჲა̈რ
Line of edition: 22 მურყუ̂ამთე̄სგა ი ამეჩუ̄ნ ოქუ̂რა̈ ტა̈ხდისგა ჩუ̂აყუ̂რე ნანუ̄ლ ი ჩუ იუ̂ჟე.
Line of edition: 23 კორაკიშუ̂ილდ ხა̈̄ქუ̂ინ ხელწიფი გეზალს: "ქა̄უ̂ ესერ აჩა̈დ ი ქაუ̂
Line of edition: 24 ლა̄ხყახა̈̄ნ ნანუ̄ლს!" ხელწიფი გეზალ ქა̄ჩა̈დ ი ლიყხა̈̄ლს ხამა̈რჯუ̂და,
Line of edition: 25 მარე ალ ნანუ̄ლ ჟ'ანჲა̈ცხ, ლოხფუ̈̄ლ ალ ხელწიფი გეზალს ი ქახი̄ნ
Line of edition: 26 ადკუ̂ა̈რ.
Line of edition: 27 -- ე́ჲ, ალ' ე̄სერ მა̄მა ხესკეთი ათხე, ქა̄უ̂ ესერ ლა̈ჲყახა̄ლუ̂ნე! --
Line of edition: 28 კორაკიშუ̂ილდ ხა̈̄ქუ̂ინ. -- ქა̄უ̂ ესერ აჩა̈დ ი ქა̄უ̂ ლა̈ხყახა̈̄ნ! -- ხა̈̄ქუ̂ინ კორაკიშუ̂ილდ
Line of edition: 29 ხელწიფი გეზალს. ალა ესღრი ქა, მარე ნანუ̄ლ ქა ლახ
Line of edition: 30 ხოფუ̄ლი, გა̈ნთე აკუ̂ა̄ნე. კორაკიშუ̂ილდ ჟი̄დ ოხტე̄უ̂ე: -- ქა̄უ̂ ლა̈ჲყახა̄ლუ̂ნე
Line of edition: 31 ესერ, ადო ამჟი̄ნ მა̄მა ხესკეთი! -- ნანუ̄ლდ ხა̈̄ქუ̂ინ:
Line of edition: 32 -- ჲაღო, ღე̄რბათუ̂ ესერ მჷრე̄სგ ახკაფა ამჟი̄ნ, ადო ალ' ე̄სერ
Line of edition: 33 და̈̄ს მოშ ხობდაუ̂ა მიჩა̈შდ ი დ' ე̄სერ მინე მაყალ მა ხარა, მარე
Line of edition: 34 ამჟი̄ნ ესერ მჷრე̄სგ ახკაფა ღე̄რბათუ̂ ი ლა̈სუ ესერ, ჲაღო, ამჟი̄ნ
Line of edition: 35 ი ჯ' ე̄სერ ხეხუ̂ ი̄რი ამუნღო̄ნ ი ალა ჭა̈შუ ლა̈სუ̂.

Line of edition: 36 ალჲა̈რ ჩუ̂აცუ̂ირ კორაკიშუ̂ილდ ამეჩუ̄ნ ი ჯა აჩა̈დ მიჩა ლა̈ხხუ̂ათე.
Line of edition: 37 ლი̄ზა̈̄ლს ლა̈ნშა̈ნ ასკიბხ: "ხედუ̂ა̈̄ჲს ესერ მა ა̈თყერხ, ეჩქა
Page of edition: 179 Line of edition: 1 ესერ, ლჷჲა̈რ ხედუ̂ა̈̄ჲ ლესუ̂ხ, ეჩას ესერ ლაბრა̄ლჟი̄ნ ზისხშუ ახგუ̂ეშლე̄ნახ
Line of edition: 2 შიყუ̂ილ". კორაკიშუ̂ილ ერ აჩა̈დ, ეჩქა ალ ნანუ̄ლდ ხა̈̄ქუ̂ინ
Line of edition: 3 ხელწიფი გეზალს, ერე "მიჩ ესერ ლიუ̂ჟე ხალა̈ტ ი აშხუ̂ ოთა̈ხი ყო̄რ
Line of edition: 4 ესერ ნო̄სა̄უ̂ ადკარე". ალ ნანუ̄ლს ერ ჩუ̂ა̈თუ̄ჟდა, ალ ხელწიფი გეზალდ
Line of edition: 5 ადჭკუ̄რე: "ჩუ ესერ ღენა აკრე ალ ოთა̈ხი ყო̄რს, მა̈̄ჲ ესერ
Line of edition: 6 ი̄რი, ი̄რი". ადკარე ამნე̄მდ ალ ოთა̈ხი ყო̄რ ჩუ ი სგა̈̄ნჩუ̄ნ და̈̄უ̂ კეჟია̄ნ
Line of edition: 7 ხა̈̄ბჷდა ბერჟა̈ ნა̄ჭოუ̂შ. და̈̄უ̂ კეჟია̄ნდ ხა̈̄ქუ̂ინ ხელწიფი გეზალს:
Line of edition: 8 "მა̈დილუ ესერ ხე̄რა ი მიჩა სგუ̂ებინჩუ̄ნ ესერ ხმა̈ლილდ ხაკუ̂რა, ეჯა
Line of edition: 9 ესერ ქა̄უ̂ მოშ ოთკუ̂ა̈რ მიჩ. ჭიშხილდუ ესერ ლოხუ̂რეკ, ადო ტოტუ̂შ
Line of edition: 10 ესერ დეშ ხა̈შგდე". ამნე̄მ ლა̈̄ქუ̂ინ გუისგა: "მა̈ჲ ესერ ი̄რ ღო ამი̄
Line of edition: 11 ლიკუ̂ა̄ნეღა". ლოხუ̂რეკ ჭიშხ ი ქო̄თკუ̂ა̈რ ხმა̈ლ. და̈̄უ̂ კეჟია̄ნდ ალ
Line of edition: 12 ხმა̈ლშუ̂ ჩუ̂აქუ̂იც ბერჟა̈ ნა̄ჭა ი ჟი ა̈ნფუშდუ̄რე თხუ̂იმ. ალ ხელწიფი
Line of edition: 13 გეზალსი̄ ქო̄თკუ̂ა̈რ კინჩხ ალ ხმა̄ლშუ̂ ი ალ ნანუ̄ლს ხაფხეჭ ი ეშ
Line of edition: 14 ლახკიჰე მჷრა̈̄მთე. ალ ნანუ̄ლა̈ მჷნწირ დე̄სამა არდა, ოდ ღუ̂ა̈ჟმა̄რას
Line of edition: 15 დო ლა̈ხყუ̂ინო̄ლ, ი ალ და̈̄უ̂ კეჟია̄ნი̄ ამი̄ ნაბა̈მ ლა̈სუ̂, მარე ათხე
Line of edition: 16 ღუ̂აჟმა̄რე̄მი ტა̈ნი ნა̈თილუნღო̄ნ [გაუ̂ა] დეშ ხუღუ̂ა̈̄ნდა ი ალ და̈̄უ̂
Line of edition: 17 კეჟია̄ნი̄ ჩუ̂ათწინდა. ლა̈ჲსგურე ბარჯჟი̄ნ ი ეშ ლახკიჰე.

Line of edition: 18 აშხუ̂ ლადეღ კორაკიშუ̂ილ იბრა̄ლდა ი ლაბრალჟი̄ნ შიყუ̂ილ
Line of edition: 19 ზისხშუ̂ ჟი ა̈ხგუ̂ეშლა̈̄ნ. "აჰა̄, მიჩა აფხნეგს ესერ მირ ათყერა!" ალა
Line of edition: 20 ა̈ნმა̄რა̈̄ნ მიჩა აფხნეგ ხელწიფი გეზლა̈ ლათხე̄ლთე.

Добавлено (2007-01-11, 2:01 Pm)
---------------------------------------------
ანჴა̄დ ალა ამაუ̂ ი ლჷდგა̈რ ესხუ̂ი̄დ. ამნე̄მ უ̂ეშგდ ოხუ̂ჭუ̂ე̄ნ სურა̄თი
Line of edition: 22 ძიძა̈იშთე ი ქო̄ხო̄მბუ̂ე ალა̄, დე ზურა̄ლ არდა ეჯ მურყუ̂ამისგა
Line of edition: 23 ი ეჩი̄ ჭა̈ში̄ ლჷდგა̈რ ხეკუ̂რა̈̄ნ ლარდაისგა. ძიძა̈ჲს მე̄უ̂არ ათლო̄ნდა:
Line of edition: 24 "მიჩა ლერდი̄ ნაშგურა̄ნ მა̄მ ესერ მჷრე̄სგ ხოჩუ̂მინა, ადო ეჩქ' ე̄სერ
Line of edition: 25 ალა მა̄მა ხეყრენ!" ამნე̄მ ლა̈კუ̂ცა̈̄ნილ ლახუ̂ე̄მ ი ჩუ̂ადშგურა̄ნე: "ალა̄უ̂
Line of edition: 26 ესერ ლახჭემ ლჷდგა̈რს ი ეჩქ' ე̄სერ ჟი ა̈ნსე̄ლუ̂ი". კორაკიშუ̂ილ ქა̈̄ხბი̄შდ
Line of edition: 27 ალ ზურა̄ლს ლა̈კუ̂ცა̈̄ნს, აჩა̈დ ეჩაუ̂-ე́, იმუ̂ა̈̄ჲ ხელწიფი გეზალ
Line of edition: 28 არდა ლჷდგა̈რ. ამნე̄მ თხუ̂იმ ი ტა̈ნ უშხუ̂ა̄რ ლახჭა̈რ, ლახჭემ ლა̈კუ̂ცა̈̄ნ
Line of edition: 29 ი ალა შიშდ ჟი ლა̄პა̈რ ლჷჲა̈რ.
Line of edition: 30 -- ხუ̂ა̈ჲ ესერ მჷრე̄სგ ხოუ̂ჟა! ლა̈̄ქუ̂ინ ამნე̄მდ.
Line of edition: 31 -- ცხა̈ჲ ესერ ხოუ̂ჟა: ტა̈ნ ესერ მო̄შ ხაკუ̂რე̄ნა მიჩა ი თხუ̂იმ
Line of edition: 32 მო̄შ ი ზურა̄ლ ესერი̄ დე̄სა ა̈რი.
Line of edition: 33 -- ღუ̂ ე̄სერ იმ ოხსე̄ლუ̂ა ჯა? -- ლა̈ხჭუ̂ედდა ხელწიფი გეზალ.
Line of edition: 34 -- იმ ესერ-ი́ მიჩა ხეხუ̂მი ძიძა̈იშთე ა̈მჩედლი ჯა ი ეჩას ესერ
Line of edition: 35 ლა̈კუ̂ცა̈̄ნ ლოხოდა, ეჯ' ე̄სერ ლოხჭემა მიჩა̈შდ ი ეჩნოუ̂შ ჟი ალსე̄ლუ̂ე̄ლი.

Line of edition: 36 აჩა̈დ ალა ქა ეჯ ლარდათე̄, იმუ̂ა̈̄ჲ მიჩა ხეხუ̂ აყუ̂რა ი გაცხა̈ჲდ
Line of edition: 37 დე̄სა ესხუ̂ი̄დდა. ამნე̄მ ლაგუ̂ა̈ნს ჩუ̂ა̈ნტუფუ̄რე მა̈გ. ალჲა̈რ ქა̄დ ატა̈ხხ
Page of edition: 180 Line of edition: 1 ძია̈იშთე ი ხაშგუ̂მინ კორაკიშუ̂ილდ: -- მა̈დილუ ხე̄რა ი ლახთუ̂ე̄ნუ მა,
Line of edition: 2 იგებს ესერ ერე ა̈ნჴჷრჴე̄ნს იმჟი̄ნ სურა̈თი ლითხე̄ლი.
Line of edition: 3 -- ძღჷდ გარჯ ესერ ლი ათხე ეჩი̄ ლითხე̄ლი. ეჩას ესერ და̈̄რ
Line of edition: 4 მოშ ხა̈წრე̄, და̈̄უ̂ კეჟია̄ნს. -- ძიძა̈ჲდ ხა̈̄ქუ̂ინ.
Line of edition: 5 -- ეში̄ იმჟი̄ნ ესერ ხეჩუ̂ე̄ნი ლითხე̄ლი, ჰაჯა̈ მჷკედ ესერ დე̄მჟი̄ნ
Line of edition: 6 ლიხ მინ. -- კორაკიშუ̂ილდ ხა̈̄ქუ̂ინ.
Line of edition: 7 -- ეში̄-ეში̄ ესერ ჰე ხაკუხ, ჲაღო ქ' ე̄სერ ლახთუ̂ე̄ნნე, მარე
Line of edition: 8 დო̄უ̂ ესერ ცუ̂იდდ ლა̈სუ̂! -- ძიძა̈ჲდ ხა̈̄ქუ̂ინ: -- აშხუ̂ მინდუ̂ერისგა ესერ
Line of edition: 9 მურყუ̂ამ ლჷგ. ეჯ მურყუ̂ამისგა ესერ ზაუ̂ისგა აშხუ̂ინ ყუ̂იჩ ყჷლე ი
Line of edition: 10 ეჩქა ესერ ეჯა ყიაჟი̄ნ სა̄ბელს აკუ̂ა̄ნე ი ეჩას ესერ ერუ̂ა̈̄ჲ მოშ ჩუ
Line of edition: 11 იხუ̂იე̄სგი, ეჩი̄ მეჰე ესერ დე̄სამა ა̈რი. მარე შომუ̂ა̈̄ჲ ესერ ეჯ ყუ̂იჩ
Line of edition: 12 ლიყლეს ა̈დბინი, ეჯ ლეთ ესერ მა̈̄ჲ ნა̈დირ ჩუ ირდი, მა̈გ გირკიდ
Line of edition: 13 ხეცხპენი ი ეჩას ხოდრა̈ჯიხ. ეჯ და̈̄უ̂ კეჟია̄ნს ესერ ეჯზუმ ოთნა̈ზუ̂რა
Line of edition: 14 ნა̈თხუ̂იარე, ერე შომუ̂ა̈̄ჲ ლე̄თ ყუ̂იჩ ლჷმყჷლო̈̄ნ, ეჯ ლე̄თ ესერ თუ̂ით
Line of edition: 15 ნა̈თხუ̂იარე ჩიდ ქა ოთხუ̂ია, მარე აშხუ̂ თხე̄რას ესერ ათკუ̂ა̈დუ̂ნე̄ნა
Line of edition: 16 ქა ი ეჩას ესერ ხოფხჭა სა̄ბელდ ი ეშხუ ჭიშხ ქო̄ხქუ̂ი̄ცა ი ათხ' ე̄სერ
Line of edition: 17 სემი ლჷჭიშხ რა̈შ გარ ხაყა. მინ ესერ ჰე მოშ ო̄შთხუ̂ ლჷჭიშხს ა̈დხუ̂იე̄სგნეხ,
Line of edition: 18 ეჩქა ესერ მინ ი̄რიხ ეჯ და̈̄უ̂ კეჟია̄ნა̈ მჷწრე.

Line of edition: 19 კორაკიშუ̂ილდ ი მიჩა აფხნეგდ ლა̈ჲბინეხ ლითხუ̂ია̈რ ი აშხუ̂
Line of edition: 20 ზაუ̂ისგა ინზო̄რახ ნა̈თხუ̂იარს. შომუ̂ა̈̄ჲ ლე̄თიშდ ლჷნშა̈ნ ლა̈სუ̂ ყუ̂იჩი

Добавлено (2007-01-11, 2:03 Pm)
---------------------------------------------
ლიყლე, ეჯ ლე̄თ მინი̄ აჩა̈დხ ალ მურყუ̂ამთე. ისგლა̄თუ̂ ხოღელდახ ი
Line of edition: 22 ისგლე̄თჟი̄ნ ა̈დტუ̂ი̄ლ ყუ̂იჩდ ი ჟი ანკუ̂ა̈რ ყიაჟი̄ნ სა̄ბელ. ამ დუ̂რეუ̂ჟი̄ნ
Line of edition: 23 ალ მურყუ̂ამს გირკიდ ხეცხა̈პ, მა̈̄ჲ მა ნა̈დირ ჩუ̂არდა. მარე ყუ̂იჩდ ჟი
Line of edition: 24 ჰა̄ლ ანკუ̂ა̈რ ყიაჟი̄ნ სა̄ბელ, შიშდ კორაკიშუ̂ილდ ხაფხეჭ, ნა̈დირს
Line of edition: 25 ლოხბინეხ ნა̈თხუ̂იარე̄მი ლიშდე ი ეჯზუმ ხუღუ̂ა̈̄ნხ, ერე თუ̂ით ჩი̄ს
Line of edition: 26 ქა̄თხუ̂იეხ. ალჲა̈რდ ქო̄ხღეხ ალ სა̄ბელ ჰა̈დუ̂ირდ ი სგა̄ნჴა̈დხ სურა̈თი
Line of edition: 27 ძიძა̈იშთე̄სგა. ძიძა̈ჲს მე̄უ̂არ ათხი̄დჷნ, ლახე სა̄ბელ ჰა̈დუ̂ირდ ხეყა̈̄ნდახ.
Line of edition: 28 -- ათხ' ე̄სერ ჲაღო ეშხუ ჩა̈̄ჟი ლა̈̄ბ დია̈რუ ლა̈ჲყედნეხ.
Line of edition: 29 ეშხუ ჩა̈̄ჟი ლა̈̄ბ თუ̂ი ი ეშხუ ჩა̈̄ჟი ლა̈̄ბ ბამბა̈ჲ. ეჩხა̄უ̂ ესერ ერ ესი̄ზინიხ,
Line of edition: 30 მა̈̄ნკუ̂ი ესერ ჟეღრე ჯუ̂ეგს ა̈თდო̄ლახ, მარე მინდ ესერ ეჯჲა̈რს
Line of edition: 31 დია̈რუ ოთშიდხ ი ეჩქ' ე̄სერ ეჯჲა̈რ ქა̈̄ფშუ̂დეხ მინს. ეჩუნღო̄ნ
Line of edition: 32 ესერ ბუზუ̄ლა̈რ, ესხო̄ლახ, მარე ეჯჲა̈რს ესერ თუ̂ი̄უ̂ ესუ̂დეხ. ეჩუნღო̄ნ
Line of edition: 33 ესერ ესხო̄ლახ კოჯ. ეჯ კოჯა̈რ ესერ უშხუ̂ა̄რ ხოშყბჷნეხ, მარე
Line of edition: 34 მინდ ესერ ეჯჲა̈რს ლილჟირიე̄ლუ ლოხბინეხ ი ბამბა̈ჲსუ ესერ ხონხენდახ
Line of edition: 35 ი ეჩქ' ე̄სერ ეჯჲა̈რ ქა̈̄ფშუ̂დეხ.

Line of edition: 36 ძიძა̈ჲდ იმუ̂ა̈̄ჲჟი̄ნ ქა ლოხუ̂თუ̂ე̄ნ, ალჲა̈რდ მა̈გ ეჯჟი̄ნ ჩუ̂ემინხ.
Line of edition: 37 ათა̄სდხ მა̈̄ნკუ̂ი ჟეღი ჯუ̂ეგს ი კორაკიშუ̂ილდ შიშდ დია̈რ ოთშიდ
Page of edition: 181 Line of edition: 1 ხა̈̄ქუ̂ინ: "საბლუ ჟეღა̈რ, დო̄უ̂ ჯა̈იდჷნდახ ი ლახე̄მდ ალა̄, დია̈რ!"
Line of edition: 2 ჟეღა̈რდ ხა̈̄ქუ̂ინხ: "ნიშგუ̂ეჲ მახუ̂ში ამთა̄ნ დია̈რს მა̄დეჲ ტაბგი ნარყჷნუ̂ა̈ლს
Line of edition: 3 ლახე ნიშდე, ეჯაი ხაშა ი ლიყრულ მე̄უ̂არ ხაკა̈ფ. ღჷრდ,
Line of edition: 4 იმთუ̂ა̈̄ჲთე ესღრი, ხოჩა̄უ̂ შუკუ̂ ჯა̄რ! ისგუ მეთელ დე ეჩხა̄უ̂ ხუ̂იშდ ი
Line of edition: 5 დე ამხა̄უ̂". ალჲა̈რს ქა ლოხუ̂ქა̈̄ბხ ი ბუზუ̄ლა̈რს ათა̄სდხ. ბუზუ̄ლა̈რს
Line of edition: 6 კორაკიშუ̂ილდ შიშდ თუ̂ი ესუ̂დე ი ხა̈̄ქუ̂ინ: "საბლუ ბუზუ̄ლა̈რ, დო̄უ̂ე
Line of edition: 7 ჯა̈იდჷნდახ ი ლახე̄მდ ალა̄, თუ̂ი!" ბუზუ̄ლა̈რდ ხა̈̄ქუ̂ინხ: "ნიშგუ̂ეჲ მახუ̂ში
Line of edition: 8 ჰა̈რი ფარა̈ლჷნქა ჩუ დე̄მგუ̂აშუ̂ ნა̈ცუ̂რე ი სი ამჟი̄ნ ჯიჟრიდ-ა̄,
Line of edition: 9 თუ̂ის ნიდი. ხოჩა̄უ̂ გზა̄უ̂რობ ჯა̄რ, იმუ̂ა̈̄ჲთე ესღრი! ისგუ ქა მუფშუ̂დე
Line of edition: 10 ხუ̂იშდ ჩი̄თე". აჩა̈დხ ეჩხა̄უ̂ხიდ ი ჲერუ კოჯ ეჩხა̈ნ-ამხა̈ნისგა უშხუ̂ა̈რ
Line of edition: 11 ხოშყბჷნახ. კორაკიშუ̂ილდ ხა̈̄ქუ̂ინ: "საბლუ კოჯა̈რ, ამჟი̄ნ უშხუ̂ა̄რ დე̄მ
Line of edition: 12 ლა̈ხტჷრკილა̈უ̂იდა́? ჩუ̂ესგედად ღენა, ბამბა̈ჲს ლა̈ჯნა̈ხნე, ნო̄თა̄უ̂ ხომე̄ნშგუ̂ილ
Line of edition: 13 მა ჯა̄დდახ". კოჯა̈რს მე̄უ̂არ ათბაჟჷნდახ ი ხა̈̄ქუ̂ინხ: "სი ნა̈ჲ
Line of edition: 14 ჯიჟრიდ ი ბამბა̈ჲს ნინხენი, ნიშგუ̂ეჲ მახუ̂ში ბამბა̈ჲს მა̈დეჲ უშხუ̂ა̄რ
Line of edition: 15 ლახე ლოხხჷპჷ̄რიდ, ეჯღაჲ მა̄მა ფეშნი. მა̈̄ღენუ̂ა̈̄ჲ ბამბა̈ჲ ლა̈ნნა̈ხ, ისგუ
Line of edition: 16 მეთელ მა̄მა ხუ̂იშდ. ხოჩა̄უ̂ გზა̄უ̂რობ ჯა̄რ იმუ̂ა̈̄ჲთე ესღრი!"

Line of edition: 17 ალჲა̈რ, ქა̄ჩა̈დხ ალ კოჯქა ი სგა̄დჰეხ და̈̄უ̂ კეჟია̄ნა̈ ქორთე̄სგა.
Line of edition: 18 ამეჩუ̄ნ სურა̈თ ჩუ̂ესხუ̂ი̄დდახ ი და̈̄უ̂ კეჟია̄ნ ლა̈თხუ̂იარს არდა. სურა̈თს
Line of edition: 19 მეუ̂არ ათხი̄დჷნ ალჲარე ლიწედ, მარე გუნა̈ბ ლახა̄დ: -- ცუ̂იდდ ესერ
Line of edition: 20 ა̈მჴედე̄ლიხ ათხ' ე̄სერ და̈̄უ̂ კეჟია̄ნი̄ შიშდ ჴედნი ა̈გითე ი ეჩას ესერ
Line of edition: 21 დეშ ხა̈წრეხ მინ: ეჩი̄ მჷნწირ ესერ და̈̄რ ა̈რი. -- ეჩი̄ ღედ ესერ ნო̄მა̄უ̂
Line of edition: 22 ხა̄რ! -- კორაკიშუ̂ილდ ხა̈̄ქუ̂ინ. -- და̈̄უ̂ კეჟია̄ნს ესერ სემი ლჷჭიშხ რა̈შ
Line of edition: 23 ხაყა ი მინს ესერ ეჩი̄ უდილ ო̄შთხუ̂ ლჷჭიშხ რა̈შ ხაყახ.

Line of edition: 24 ალჲა̈რ. სემი მა̈გ, ჟი ლახსგურდახ ი ანღრიხ. ა̈დბა̈ჟ ალა და̈̄უ̂
Line of edition: 25 კეჟია̄ნდ ი შიშდ უ̂ეშგინ ა̈ხჭა̈მ. ახღუ̂იჭ ალა ი კოჯა̈ იმედ ხა̄დდა,
Line of edition: 26 მარე კოჯდ ალჲა̈რ ქა̄ფიშუ̂დ. ეში̄ ესღუ̂იჭ ი ბუზუ̄ლრე იმედ ხა̄დდა,
Line of edition: 27 მარე ბუზუ̄ლა̈რდი̄ ქა̄ფიშუ̂დხ. ესღუ̂იჭ აჯაღჷდ ი ჟეღრე იმედ ხა̄დდა,
Line of edition: 28 მარე ჟეღა̈+

Line of edition: 17 ესღრიხ, ესღრიხ ი ხელწიფი ქორს ერ ლა̄ხფედი̄ლა̈ნხ, ეჩქა
Line of edition: 18 სგუ̂ებინ ბა̈ჟინ ადზჷზეხ, ერე "ხელწიფსუ ესერ ხახე̄ნეხ: მიჩა ხოხუ̂რა
Line of edition: 19 გეზალ ესერ ანღრი ი მიჩა ხეხუ̂ სურა̈თი̄ ახყა ი მიჩა ლახუ̂ბაი̄". ალ
Line of edition: 20 ხელწიფს გეზლი̄რ მა̈გ ლჷკჰე ხოხალდა ი მიჩა ლა̈ზგა ჩუ ლუღფუ̄რე
Line of edition: 21 ხა̄დდა. ალჲა̈რ სგა̄ჩა̈დხ ხელწიფიშთე̄სგა. ხელწიფ ქა ლა̈ხზაზ ჰა̈ზუ̂თექა
Line of edition: 22 ი ჩუ ლუთთუ̂ენე ლა̈სუ̂ ხა̈დურდ ჴასგა̈რშუ̂ გეზლი̄რე ლაჭკუ̂ა̈რისგა.
Line of edition: 23 ალჲა̈რს უშხუ̂ა̄რე ლიწედ მე̄უ̂არ ათხი̄დჷნდახ ი ძღჷდ ლა̈ხიადა̄ლ
Line of edition: 24 ი ქუ̂ერწილ აჩუ̂მინხ.

Добавлено (2007-01-11, 2:05 Pm)
---------------------------------------------
Part No. 89

Text: 96
Page of edition: 182
Line of edition: 25
96. შახან-შარახმათ

Line of edition: 26 არდახ ეშხუ ხეხუ̂-ჭა̈შ. ალჲა̈რ ეჯჟი̄ნ ა̈დმეჩა̈̄ნხ ჩუ, ერე გეზალ
Line of edition: 27 დე̄სა ა̈ხთენა̈̄ნხ. ღუ̂ა̈ჟმა̄რა გიე̄რგ ხეჟხა̈̄ნ. გიე̄რგდ ხა̈̄ქუ̂ინ მიჩა ხეხუ̂ს:
Line of edition: 28 "გეზალ ესერ მა̄მა ხათხე̄ნახ ი მინე მაღუ̂ა̈̄ნ ქა̄უ̂ ესერ აჰედხ ნატუ̄სუნღა
Line of edition: 29 ი ხეჴჷ̄რა̄ლდახუ ესერ ჩიგარ ღე̄რბათუ̂ ი ნო̄თაუ̂ ესერ ლაქუნ ეში̄
Line of edition: 30 ხოჩა ხა̄დდახ". ალჲა̈რდ მინე მაღუ̂ა̈̄ნ ხჷნსგა ქა̄ჰედხ ი ჯუ̂იდ ა̈ნყიდხ.
Line of edition: 31 აშხუ̂ კჷლთხი ზუგუ̂ჟი̄ნ ჩუ̂ადგეხ ზექრა ი ჩილადეღ ჯუ̂იდი ლა̈კირს
Line of edition: 32 აგა̈მდახ ი ხეჴჷ̄რა̄ლდახ ღე̄რბათუ̂.

Line of edition: 33 ალ ნატუ̄სუნი ქუ̂ინდ ჟიბებუა̄სდთე ადჰე ფუსნაბუა̄სდა̈შმჷყ.
Line of edition: 34 ფუსნაბუა̄სდდ ხა̈̄ქუ̂ინ ჭუ̂ე̄რო̄ლს: "ჩუ̄უ̂ ესერ აჩა̈დ ჩუბებუა̄სდთე ი ჟი̄უ̂
Line of edition: 35 ესერ ა̈ნმეჴრე: ჲა̈რუ ესერ ლესუ̂ ალა̄, ჩილადეღ ნატუ̄სუნა̈ მუტუ̄სე?"
Line of edition: 36 ჩუ̂ანჴა̈დ ჭუ̂ე̄რო̄ლ, ა̈დპე̄რიე̄ლე, ა̈დპე̄რიე̄ლე ი ჟი̄დ ატა̈ხ ჟიბებუა̄სდთე.
Page of edition: 183 Line of edition: 1 ხა̈̄ქუ̂ინ, ერე "ციცუ̂ ი შდუგუ̂ ესერ ალშიხე̄ლიხ ი ეჩი̄ ქუ̂ინ ესერ ალჴა̄ნე̄ლი
Line of edition: 2 ამაუ̂". ალას მა̄დე ოთჯჷრუ̂ე ი მუგულდ ანზჷზე. მუგულდდ
Line of edition: 3 ა̈დპე̄რიე̄ლე, ა̈დპე̄რიე̄ლე ი ჟი ა̈თლაკ ალ ზუგუ̂ს-ა, იმუ̂ა̈̄ჲ ნატუ̄სუნს
Line of edition: 4 ატუ̄სახ. ჟი აპა̈რ მუგულდ ჟიბებუა̄სდთე ი ქო̄ხო̄მბუ̂ე ფუსნაბუა̄სდს
Line of edition: 5 ალა̄, იმუ̂ა̈̄ჲ ნატუ̄სუნ იტუ̄სო̄ლდა. ათხე ჯგჷრა̈̄გ ი მჷქელ თა̄რინგზელ
Line of edition: 6 ანზჷზე: "ჟი̄უ̂ ესერ ა̈ნმეჴრეხ, იმნა̈რ იტუ̄სი ჩილადეღ ამზუმ ნატუ̄სუნ?"
Line of edition: 7 ჯგჷრა̈̄გ ი მჷქელ თა̄რინგზელ მეჩი მა̄რა̈̄ლდ ესსიპდახ ი სგა
Line of edition: 8 ლა̈ხმუშგუ̂არხ ალ ხეხუ̂-ჭა̈შს. ალჲა̈რს მე̄უ̂არ ათხი̄დჷნდახ მუშგუ̂რალე
Line of edition: 9 ლიჴედ ი მე̄უ̂არ ლახშგუ̄რა̄ლეხ. მუშგუ̂რა̈ლ ლა̈ხჭუ̂ედდახ: -- მა̈ჲ ესერ
Line of edition: 10 ლი ალა̄, ჩილადეღ ნატუ̄სუნს ატუ̄სეხ?
Line of edition: 11 -- მა̈ჲ ესერ-ი მინს ესერ გეზალ მა̄მა ახთენე̄ნახ ი ათხ' ე̄სერ
Line of edition: 12 ღე̄რბათუ̂ ხოტუ̄სეხ ნატუ̄სუნს ი ხეჴჷრა̈̄ლხ, ნო̄თაუ̂ ესერ ლაქუნ ხოჩა
Line of edition: 13 ხა̄დდახ.

Line of edition: 14 ალ გიე̄რგს მიჩა ჰა̈ზუ̂ისგა გურნა ხო̄ზდა მიჩა ლასგუ̂რად. ჯგჷრა̈̄გდ
Line of edition: 15 ი მჷქელ თა̄რინგზელდ უ̂ისგუ̂ ლახუ̂ე̄მხ ი ხა̈̄ქუ̂ინხ, ერე "აშხუ̂ ნაგზანღო̄ნ
Line of edition: 16 ესერ ალ უ̂ისგუ̂ ჟი̄უ̂ ხაჴიდხ ალ ბა̈ჩს, ღო ესერ მა̈̄უ̂ ანჴეს
Line of edition: 17 ალ ბა̈ჩხენქა". ალ ბა̈ჩდ ლიცხემ ლა̈ჲბინე. ეშხუ ნაგზი ერ ქა̄ჩა̈დ,
Line of edition: 18 ეჩქა გიე̄რგდ ჟი ხაჴიდ უ̂ისგუ̂ ნე̄სგა ბა̈ჩჟი̄ნ. ალ ბა̈ჩ ისგდ აბა̈ჴუ̂ ი
Line of edition: 19 ამხენქა ქა̈̄ნსკინე ჭყინტდ. მარე იმთე დო ოთჩა̈დ, დეშმა ა̈ნმეჴრე
Line of edition: 20 გიე̄რგდ.

Добавлено (2007-01-11, 2:05 Pm)
---------------------------------------------
ალ ჭყინტ ქა̄ჩა̈დ მინდუ̂ერთე ლა̈შდრა̄ლდ. ჩუ̂ანჴა̈დ ჟიბებუა̄სდხენ
Line of edition: 22 მჷქელ თა̄რინგზელ ი ჭყინტ სგა ლახბა̈რჲე გიე̄რგს ი მიჩა
Line of edition: 23 ხეხუ̂ს: "ალ' ე̄სერ მინე გეზალ ლი ი მინდუ ა̈ნჷრდეხ". ალჲა̈რდ სგა
Line of edition: 24 ლა̈ჲბა̈რჲეხ ალ ჭყინტ, ჟი ა̈ნპირსდეხ ი შახან-შარახმათ ათჟა̈ხხ. ალ
Line of edition: 25 ჭყინტ აშხუ̂ რა̈კს მახეღუ̂ა̈ჟთექა ანჴა̈დ. ალა ეჯკა̈ლიბ გუ̂ი̄მიშ ლა̈სუ̂,
Line of edition: 26 ერე ზურა̄ლ ი ღუ̂ა̈ჟმა̄რე მა̄გ ეშ ხოკილდახ. ზურალა̈̄რ ლახე ლიცთე
Line of edition: 27 ესღჷრდახ, ეჩქა შახან-შარახმათ ჩუ ხეხო̄ლდა ი ოხრია̈ლს ჟი ხაფთქუ̄რა
Line of edition: 28 შჷყჟი̄ნ. "მა̈ჲუ ოხგონუ̂ეხ ალას, მა̈ჲუ ოხგონუ̂ეხ?" მა̈გ ალას
Line of edition: 29 ტუ̂ი̄ლდახ სოფლა̈რ. აშხუ̂ დედბერილდ ა̈დფა̈შუ̂დ: "ალას ესერ ჯა
Line of edition: 30 ხა̈̄ქუ̂ნინე ეჯკა̈ლიბ ამბა̈უ̂ს, ერე ეჩუნღო̄ნ ესერ ქუ̂ინს დე̄სა მოშ ა̈ნკედნე".

Line of edition: 31 ლახა̄სდ ალ დედბერილ აშხუ̂ ლადეღ ალ შახან-შარახმათს ი
Line of edition: 32 ოხა̈რ ჟი ხა̈̄ცუდა შჷყჟი̄ნ. შახან-შარახმათდ ჟი̄დ ესფითქუ̂ შჷყჟი̄ნ
Line of edition: 33 ალ დედბერილს. ამნე̄მ ხა̈̄ქუ̂ინ: "სი ჰე ხოჩა ჭაბიკუ̂ ხი, ღო ეჩქა
Line of edition: 34 იშგანშუ̂ იმნოუ̂შ აკუჰ ხოჩა ლიმა̄რუ̂, ეჯჟი̄ნ ე ისგუ ბაბა გიე̄რგ ერ
Line of edition: 35 კუჰა მიჩა თხუ̂იმს ხოჩა̄მშუ̂, ადო ალა̄, ნიშგუ̂ეჲ ლინწირ მა̄მა ჯა̄რ
Line of edition: 36 ჟახე! ისგუ ბაბა გიე̄რგ ღო ეჩნოუ̂შ კუჰა მიჩა ხოჩა̄მ ლიმა̄რსუ̂, ე
Line of edition: 37 და̈̄უ̂ს ძუღუ̂ა ეჩხა̈ნ ჯუ̂ეგ ხაყა ი ეჩას ხოღიდა ქა ჩი ზაუ̂".

Line of edition: 38 შახან-შარახმათდ ჩუ̂ა̈ნნიკუ̂ თხუ̂იმ ი სგა̄ჩა̈დ ეჯჟი̄ნ ქორთე.

Page of edition: 184
Line of edition: 1 დედე, მი̄უ̂ აჯდაგრა, ქუთ მო̄დე ა̈მნაყა! -- მიჩა დიდ ქო̄ხნაყე
Line of edition: 2 ქუთ. შახან-შარახმათდ ჟი ა̈ნბიჴუ̂ ა̈თუ ქუთ ი მიჩა დის ხა̈̄ქუ̂ინ:
Line of edition: 3 -- დედე, ლუსუ̂ა̈რ ლამწუ̂ე̄ნ! -- ამნე̄მ ქა ლახწუ̂ე̄ნე. შახან-შარახმათდ
Line of edition: 4 სგა ლახტყჷბჷ̄რე ეჩხა̈ნ-ამხენ ლუსუ̂ა̈რს ა̈თუ ქუთი ნა̈ბჴუ̂ა̈რ.
Line of edition: 5 -- დედე, ჰემა მი ჯალა̈ტ, ქა მე̄ქა, იმხენ ჴჷდა მიშგუ მუ
Line of edition: 6 ჯუ̂ეგს? ქა მე̄ქა, ადო ლუსუ̂ა̈რს ჯა̈შხი.
Line of edition: 7 -- ო̄, დედე̄შ, ისგუ ცოდუ ხა̄რ ი მიშგუ̂იი̄ ისგუ̂ა ამი̄ მე̄ქუ̂ი̄სგს! ქა ჯა̈̄ქუ̂ნინე,
Line of edition: 8 ჲაღო: ძუღუ̂ას ეჩხა̈ნთე და̈̄უ̂ს ჯუ̂ეგ ხაყა ი ეჩხა̈ნ ჴჷდა ჩი ზაუ̂ისგა.

Line of edition: 9 შახან-შარახმათ ჟი ა̈ნმა̄რა̈̄ნ ეჩხა̄უ̂ ლა̄ზდ ი მიჩა მუდი̄ ა̈ნბა̈ჟ
Line of edition: 10 ალა ი ხა̈̄ქუ̂ინ:
Line of edition: 11 -- ბაბას ხალა̈ტ, ეში̄-ეში̄ ჰე ჯაკუჩ ეჩხა̄უ̂ ლი̄ზი, მი ლაჯთუ̂ე̄ნნე
Line of edition: 12 ი ეჯჟი̄ნ ადერ. ჲარუ̂ მინდუ̂ერს ქა̄დრინე ი მე̄სმა̄მ მინდუ̂ერისგა
Line of edition: 13 მი ჩეი̄ ქორ მი̄გ. ეჩისგა რა̈შ მი̄ბ. ეჯა ისგუ̂ა ჭიშხი ჰერს ერ ა̈ნმეჴრი,
Line of edition: 14 ეჩქა ეჯა ეჯჟი̄ნ ლითჷრტჷნის ა̈დბინნე, ერე ქორს ჩუ̂ადქუთნი, მარე
Line of edition: 15 ეჯღა სი ნო̄მა აფეშ? სგა̄დერ ი ჰა̈̄ღუ̂ირ სგა ლო̄ხოდ, ჰჷნგირ ჟ'ესაგ.
Line of edition: 16 ეჯა ჯა̈̄ქუ̂ნინე ჟიბაუ̂ ლიხპეს, ეჩქა სი ხე̄ქა ჩუქუ̂ა̄ნ ლიშყედ: ჩუბაუ̂
Line of edition: 17 ლიხპეს ჯა̈̄ქუ̂ნინე ი სი ჟიქა̄ნ ლიშყედ ხე̄ქა; ლეჟა̄უ̂ ლიხპეს ჯა̈̄ქუ̂ნინე

Добавлено (2007-01-11, 2:06 Pm)
---------------------------------------------
ი ლექუ̂ა̄ნ ლიშყედ ხე̄ქა, ლექუ̂ა̄უ̂ ლიშყედს ჯა̈̄ქუ̂ნინე ი სი ლეჟა̈̄ნ
Line of edition: 19 ლიშყედ ხე̄ქა. სანა̈ისგა ბერჟა̈ წირო̄ლ ა̈რი ი სი ერ ჟი ლახსგურდე̄დ,
Line of edition: 20 ეჩქა ეჯა ტოტჟი̄ნ ლა̄ხა̈ჲ ი ჟ' ერ ანკუ̂ეფხს, ეჩქა ეჯ წირო̄ლ
Line of edition: 21 ხაჴ ჲარუ̂ შდჷმ ნე̄სგაჩუ̄ნ ი ეჩქა ეჯა დეშ იმის იჩო.

Line of edition: 22 ანჷ̄გა̈ნ შახან-შარახმათ ი აჩა̈დ. ესღრი, ესღრი ი ალ ჩეი̄ ქორს
Line of edition: 23 ლა̈ხფედი̄ლა̈̄ნ. რა̈შდ ალ მა̄რე̄მი ქუ̂ინ იყერ ი ლითჷრტჷნი ა̈დბნე
Line of edition: 24 ეჯჟი̄ნ ერე ქორს ლიგი̄წა̈̄ლ ათბინა̈̄სგუ̂ნე. სგა̄ჩა̈დ ალა̄, შახან-შარახმათ,
Line of edition: 25 ი ჰა̈̄ღუ̂ირ სგა ლოხდე, ჰჷნგირ ჟი ათგე, სანა̈ისგა ბერჟა̈ წირო̄ლ
Line of edition: 26 ჟი ა̈ნკიდ ი ქა̄ნჴიდ ქა̈̄მთე. რა̈შდ ხა̈̄ქუ̂ინ:
Line of edition: 27 -- სი ჭყინტჷლდ, ჩუ̂ამფუ, ადო ჟიბაუ̂ ჯახპე. ეჩქა ჩუქუ̂ა̄ნ
Line of edition: 28 ლა̈ჯტეხნი.
Line of edition: 29 -- ჩუბაუ̂ ლაჯხიპე. -- ეჩქა ჟიქა̄ნ ლა̈ჯტეხნი.
Line of edition: 30 -- ლეჟა̄უ̂ ლაჯხიპე. -- ლექუ̂ა̈̄ნ ლა̈ჯტეხნი
Line of edition: 31 -- ლექუ̂ა̄უ̂ ლაჯხიპე. -- ეჩქა ლეჟა̈̄ნ ლა̈ჯტეხნი

Line of edition: 32 ჟი ლახსგურდა ალ რა̈შს შახან-შარახმათ ი ბერჟა̈ წირო̄ლ ტუ̂ეტისგა
Line of edition: 33 ლა̈ჲყედნე. ლა̄კუ̂ა̈ფხ ალა̄, რა̈შ, ჟი, ოდემ ჩიქად შახან-შარახმათს
Line of edition: 34 ჟიბაუ̂ ხა̈ხპა, ეჩქად ამნე̄მ ბერჟა̈ წირო̄ლ ხაჴიდ ჲარუ̂ შდჷმ ნე̄სგაჩუ̄ნ,
Line of edition: 35 ჩუ̂ახგა̈მნე ჭჷშხა̈რ.
Line of edition: 36 -- ო̄, ალას მი მიშგუ პატრონ გიე̄რგ გარ მიბდა̈უ̂და, ადო
Line of edition: 37 მე̄რმე და̈̄რ მოშ ღო!
Line of edition: 38 -- ო̄, მი ღო გიე̄რგი გეზალ ხუ̂ი, მარე სი მა̄მა ჯითრა ადო.

Page of edition: 185
Line of edition: 1 -- ლჷკჩე̄უ̂ ლი, ჲაღო, მიშგუ ლირდე, იმუ̂ა̈̄ჲ მიშგუ̂ა პატრონს ამთა̄ნ
Line of edition: 2 გეზალ ჩუ ხორი! ათხე, ჲაღო, ლიჩა̄ჟუ̂ს მი ჯაჴმა̈რნე ი ლიმა̄რუ̂ სი
Line of edition: 3 ლამჴჷმა̈რ. სი იმუ̂ა̈̄ჲთე მე̄ზი ხი, ეჯა მი ჩუ მიხა ი მადრა̈ჴ მაჴ ეჯჟი̄ნ,
Line of edition: 4 ერე ეშხუ შუ̂ელტ ჩაფჷლ ამკუ̂არუ̂ნა.

Line of edition: 5 ხაჴიდ შახან-შარახმათდ მადრა̈ჴ ი ეშხუ შუ̂ელტ ჩაფჷლ ათკუ̂არუ̂ნე.
Line of edition: 6 ლა̄კუ̂ა̈ფხ ალა̄, რა̈შ, ჟი ი ძუღუ̂ას ეჩხა̈ნთე ესბეთქ და̈̄უ̂ა̈ ჯუ̂ეგცახა̈ნ.
Line of edition: 7 ალ ჯუ̂ეგისგა ეშხუ ოქუ̂რა̈ ლჷმიჭუ̂ ჴა̈ნ ხეჩდახ. ალ ჴა̈ნ ლახე ჟი̄გნა̄ლ,
Line of edition: 8 ეჩქა მე̄რმა̄ლი̄ ჟი̄გნა̄ლხ. ალა ლახე ჩუ იყუ̂ნა̄ლ, ეჩქა მე̄რმა̈̄ლი̄ ჩუ
Line of edition: 9 იყუ̂ნა̄ლხ. ალ ოქუ̂რა̈ ლჷმიჭუ̂ ჴა̈ნ ლახ იდიარა̄ლ, ეჩქა მე̄რმა̄ლი̄ იდიარა̄ლხ
Line of edition: 10 ალა ლახე ლიზელა̈̄ლს იბნა, ეჩქა მე̄რმა̈̄ლი̄ იზელა̄ლხ. ლა̈ჲკოკუ̂ე
Line of edition: 11 შახან-შარახმათდ კუმში ჯუ̂ეგ ი ანჴიდ. ალ ჯუ̂ეგი პატუ̂რენ სემი
Line of edition: 12 ლახუ̂ბა და̈̄უ̂ა̈რ ლიხ. ა̈ნბა̈ჟხ ალჲა̈რდ ი უ̂ეშგინ ა̈ხღუ̂ა̈ჭ ხოშა მუხუ̂ბე.
Line of edition: 13 ალ და̈̄უ̂ სამ ლჷჭიშხ რა̈შს ხასგურ ი შა̈ხან-შარახმათ ო̄შთხუ̂ ლჷჭიშხ
Line of edition: 14 რა̈შს ხასგურდა. სგა̈̄ხფედი̄ლა̈̄ნ და̈̄უ̂ შახან-შარახმათს ი ლახტუ̂ი̄ლ:
Line of edition: 15 -- ერუ̂ა̈̄ჲ ღენა ხი სი ამთა̄ნ მიშგუ̂ა ჯუ̂ეგი მჷჲესგი, ალას მი
Line of edition: 16 გიე̄რგ გარ მიბდა̈უ̂და, ადო მე̄რმა და̈̄ს მოშ ხობდაუ̂ა მიშგოუ̂. ლა̈ჯჰო̄ლა
Line of edition: 17 სგა-ი́ ისგუ̂ა იშუ̂სი̄ ოფთქუ̂ე ი ჯიჯუ̂სი̄!

Добавлено (2007-01-11, 2:07 Pm)
---------------------------------------------
-- ო̄ სი პილწია̈ნ, მი გიე̄რგი გეზალ ხუ̂ი ი სი ჩუ̂ეჯხო̄ლი!

Line of edition: 19 ჟ'ა̈ნღე̄ლუ̂ე შარახმათდ და̈̄უ̂ ი უშხუ̂ა̄რ ხოძგა̈რხ ლაბჷრგიალს.
Line of edition: 20 იბჷრგიე̄ლხ, იბჷრგიე̄ლხ ი ჩუ̂ა̈ნდე და̈̄უ̂ შახან-შარახმათდ ი ჩუ̂ადგა̈რ.
Line of edition: 21 ანღრი, ანღრი ი ათხე მანე̄სგრე მუხუ̂ბე ა̈თღუ̂ა̈ჭ უ̂ეშგინ. ალაი̄ სამ
Line of edition: 22 ლჷჭიშხ რა̈შს ხასგურდა. სგა ლა̈ხფედი̄ლა̈̄ნ ი ლახტუ̂ი̄ლ:
Line of edition: 23 -- ერუ̂ა̈̄ჲ ღენა ნიშგუ̂ეჲ ჯუ̂ეგი მეღეშგა̈̄ლ ხი, სგა ღენა ლა̈ჯჰო̄ლა
Line of edition: 24 ი ისგუ̂ა იშუ̂სი̄ ოფთქუ̂ე ი ჯიჯუ̂სი̄! ალას ნა̈ჲ გიე̄რგ გარ ნიბდა̈უ̂და
Line of edition: 25 ი სერ და̈̄ს მოშ ხობდაუ̂ა ნიშგუ̂ეჲდ.
Line of edition: 26 -- გიე̄რგი გეზალ მი ხუ̂ი, ჲაღო, ჩუჲ ეჯხო̄ლი! -- ლახტუ̂ი̄ლ
Line of edition: 27 შახან-შარახმათდ. ხაფხეჭხ ალჲა̈რდ უშხუ̂ა̄რ ი იბჷრგიე̄ლხ, იბჷრგიე̄ლხ
Line of edition: 28 ი ჩუ̂ა̈ნდე შახან-შარახმათდ ალ და̈̄უ̂ი̄. ათხე ა̈ხღუ̂ა̈ჭ მე̄სმე მუხუ̂ბე
Line of edition: 29 ი ალასი̄ ამჟი̄ნ ხაყერ: ჩუ̂ადგა̈რ ალაი̄. შახან-შარახმათ ძუღუ̂აქ'
Line of edition: 30 ე̄რ ქა̄ნჴა̈დ. ამეჩუ̄ნ ისრა̈ილა̈რ ლა̈ხნა̈ზუ̂რა̈̄ნხ ი და̈̄უ̂რე ლა̈შია̄ლჟი̄ნ
Line of edition: 31 ჯუ̂ეგ ალჲარს ლახბა̈რჲე ლელდა̈ღდ. და̈̄უ̂ა̈რ ერ ჟი ანხუ̂იტ, ეჩქა
Line of edition: 32 ისრა̈ილა̈რს ხა̈̄ქუ̂ინ: "ალ ჯუ̂ეგ ესერ მინდუ ადჲეხ ი ხჷნსგ' ე̄სერ
Line of edition: 33 მინსუ ხა̄დდახ ი ხჷნსგა მიჩა დის ი მუსუ ოთჴიდხ". ისრა̈ილა̈რდ
Line of edition: 34 ლა̈ჲკოკუ̂ეხ კუმში ჯუ̂ეგ ი ადჲეხ.

Line of edition: 35 შახან-შარახმათ ჩუ̂ადყურდა მინდუ̂ერისგა ი აშხუ̂ თუ̂ეს იუ̂ჟა.
Line of edition: 36 ამნე̄მ ერ სემი ლახუ̂ბა ჩუ̂ადგა̈რ მა̈გ. ალჲა̈რს ოთსა̈დხ ეშხუ დაჩუ̂ირ.
Line of edition: 37 ამი̄ მჷნწირ და̈̄რ ა̈რი ხა̈დურდ. ა̈ხღუ̂ა̈ჭ ალ დი̄ნა შახან-შარახმათს ი
Line of edition: 38 ჟ'ა̈თლაკ მინდუ̂ერისგა მეუ̂ჟას. ჩიქი ქა ლა̈ხკუ̂ა̈ჰ ლადგა̈რს, ღო ჟი̄დ
Page of edition: 186 Line of edition: 1 ა̈ნჰა̈დრე: "ცოდ ესერ მა̄დე ი̄რია ამკა̈ლი ჭაბუ̈კი ლიდგა̈რი? მიჩა
Line of edition: 2 ლაჯმილას ესერ ეში̄, დეშ ასე̄ლუ̂ე ამი̄ დაგროშ ი სერ ესერ იმნა̈რ
Line of edition: 3 ადგრის ალა?" დაშნა̈ჲ ჟ'ოხკიდ უ̂ერჩხხენჟი̄ნ, მარე ლედგა̈რიდ დეშ
Line of edition: 4 ა̈დსერ. დაშნა̈ჲ ჩუ̂ათჴალე თხუმრა̈̄შ ი მიჩა მჷსკა̈დ სგა ლახდე ფხულაისგა.
Line of edition: 5 "ალ' ე̄სერ ჭა̈შუ ლა̈სუ̂ ი ჯა ხეხუ̂". -- ლა̈̄ქუ̂ინ ალ დი̄ნად.

Line of edition: 14 ანღრიხ, ანღრიხ ი სგა̄ნჰეხ შახან-შარახმათი ლა̈ზგათე̄სგა. ამეჩუ̄ნ
Line of edition: 15 შახან-შარახმათდ ლახტუ̂ი̄ლ ყო̄რისგა: -- ბაბა, ყო̄რ ა̈მკა̈რ!
Line of edition: 16 -- ეჯჟი̄ნუ მიშგუ ლა̈მზჷრ ლაჯშედა, მი ბაბა̈̄ მე̄ქუ̂ი̄სგ ჲა̈რ მაყა! -- ხა̈̄ქუ̂ინ
Line of edition: 17 გიე̄რგდ.
Line of edition: 18 -- დედე, სი ა̈მკა̈რ, ჲაღო, ყო̄რ!
Line of edition: 19 -- ეჯჟი̄ნუ დედე̄ ლა̈მზჷრ ლაჯშედა, მი დედე̄ მე̄ქუ̂ი̄სგ ჲა̈რ
Line of edition: 20 ა̈მსა̈დ! ეშხუ გეზალ მირდა ი ეჯაი̄ სემი ზა̈ჲ ლი ეჩუნღო̄ნ-ე́, ეჯა
Line of edition: 21 მჷრა̄მთე ა̈მკიჰა̈̄ნ.
Line of edition: 22 -- მი ხუ̂ი, დედე, ისგუ გეზალ შახან-შარახმათ, ჩუ̂ა̈მკა̈რ ყო̄რ!
Line of edition: 23 -- ჲაღო ტუ̂ეტი̄ლდ ახქუ̂იჭ! -- ამნე̄მ სგა̄დქუ̂იჭე ტუ̂ეტ ყო̄რისგა
Line of edition: 24 ი ალჲა̈რდ ჩუ̂ათირხ შახან-შარახმათი ტუ̂ეტ ი ჩუ̂ადკარეხ ყო̄რ.

Line of edition: 25 გიე̄რგს ჩა̈ჩ ხა̄გდა, ეჯჟი̄ნ ერე ჭჷშხარშუ̂ ხეგნო̄ლდა ჟი. შახან-შარახმათდ
Line of edition: 26 ქა̄თფეშუ̂დე მიჩა მუს ფა̈თუ̂ ი ჟ'ოხო̄ზნანე ი ეჩუნღო̄ნ
Line of edition: 27 ხოჩა ლირდე-ლიზგე ა̈დჴიდხ.

Добавлено (2007-01-11, 2:08 Pm)
---------------------------------------------
Part No. 90

Text: 97
Page of edition: 186
Line of edition: 28
97. სუმინ ჩხარა ლახუ̂ბა

Line of edition: 29 არდა ეშხუ მეჩი ზურა̄ლ, ხორდა სუმინ ჩხარა ჭყინტგეზალ ი
Line of edition: 30 ეშხუ დი̄ნაგეზალ. აშხუ̂ ლადეღ ალ სუმინ ჩხარა ლახუ̂ბა ლა̈ჭმათე
Line of edition: 31 აჩა̈დხ ი მინე დედე ჩუ̂ადშგურა̄ნეხ: "მიჯნე̄მ ესერ სა̈დილუ ოხზჷზე".
Line of edition: 32 ალჲარე დიდ ჟ'ანმა̄რე სა̈დილ, ჩუ̂ალა̈̄ბ წელ ი მიჩა დი̄ნაგეზალს
Line of edition: 33 ქა̄თბა̈რჲე მიჩა გეზლი̄რთე. ალ დი̄ნა შუკუ̂ს დეშ ათხუ̂ი̄დდა ი დეშ
Line of edition: 34 ა̈თლაკ ჟი მიჩა ლაჯმილას. აშხუ̂ ა̈გის და̈̄უ̂ა̈ ყო̄რთეჟი̄ნ ლა̈ხჴა̈დჷ̄ნა̈̄ნ.
Line of edition: 35 ალ და̈̄უ̂დ სგა̄დჲე მიჩა ქორთე ი ხეხუ̂დ ესყედნე. ალ სუმინ ჩხარა
Line of edition: 36 ლახუ̂ბა ოხღელდახ სა̈დილს, მარე და̈̄რდ ოხჴიდხ. ჩი̄ს სა̈დილ ოთჴა̈დხ
Page of edition: 187 Line of edition: 1 მჷჭმას ი ალჲა̈რ სა̈დლურ ასა̈დხ. ნა̈ბუზს ა̈გითე ერ ანჴა̈დხ, მინე დის
Line of edition: 2 სა̈ყუ̂დირ ხა̈̄ქუ̂ინხ:
Line of edition: 3 -- დედე, ალა იმნა̈რ ნა̈ყრ-ა: ლა̈დი ჩი̄ს სა̈დილ ოხჴა̈დხ მჷჭმას
Line of edition: 4 ი ნა̈ჲ სა̈დლურ ანუცუ̂რ?
Line of edition: 5 -- დედეს ესერ მინე მა̈ზიგ, სა̈დილს ესერ ჰამა დო̄მ ოხზჷზნა,
Line of edition: 6 წელ ლჷლა̈̄ბ ესერ ოხბა̈რჲა მინე დაჩუ̂ირდ! მინე დედე̄ ცოდულდ,
Line of edition: 7 დო̄უ̂ ესერ ათყერა̈̄ნ მა მინე დაჩუ̂ირს?

Line of edition: 8 ალჲა̈რდ ლეგ მიჰმა̈ნ აჩუ̂მინხ ლაგუ̂ა̈ნს ი ხოხუ̂რა̄მ მუხუ̂ბანქა მა̈გ
Line of edition: 9 აჩა̈დხ მინე დაჩუ̂რა̈ ლათხე̄ლთე. ესღრიხ, ესღრიხ ი აშხუ̂ ა̈გის და̈̄უ̂ა̈
Line of edition: 10 ყო̄რთეჟი̄ნ ლა̈ხჴა̈დჷ̄ნა̈̄ნხ. ალ და̈̄უ̂ს ყო̄რჟი̄ნ უ̂ისგუ̂ ხო̄გდა ეზა̈რ ი მე̄უ̂არ
Line of edition: 11 ხეშა̈ნდა წჷრნი სანეფს. ალჲა̈რდ თუ̂ითჟი̄ნ ჩიემ ათფიშუ̂დხ ფაუ̂ა̈რ;
Line of edition: 12 ფაუ̂ა̈რ ჩიემ ჟი ლახცუ̂ირხ ი ეშხუ უ̂ისგუ̂ დეშ ახკუ̂არუ̂ნეხ. ალ
Line of edition: 13 უ̂ისგუ̂ი ლიშუ̂ი̄ლიე̄ლ ჟი ა̈ნმეჴრე ქორთე და̈̄უ̂ა̈ ხეხუ̂დ ი ქო̄ხშგა̈ბ ქა̈̄მთე
Line of edition: 14 ლა̈ზპრუშ.
Line of edition: 15 -- ერუ̂ა̈̄ჲ ღენ ესერ ლიხ მინე უ̂ისგუ̂ი მეშუ̂ი̄ლიე̄ლ, მიჩა ჭა̈შ
Line of edition: 16 ესერ ჰე არდე̄დს ა̈გის, მინე იშუ̂სი̄ ა̈ფთქუ̂ა ი ჯიჯუ̂სი̄.
Line of edition: 17 -- ო̄, ხოჩა ზურა̈̄ლ სი, ნა̈ჲ ამი̄ ლა̈შუ̂ი̄ლია̄ლთე მა̄მ ონჴუ̂ა̈დდ-ა,
Line of edition: 18 ისგუ̂ეჲ უ̂ისგუ̂იშ, ნა̈ჲ დაჩუ̂ირ ნაკლი ი წელ ლჷლა̈̄ბ ი ეჩი̄ ლათხე̄ლთე
Line of edition: 19 ესღუ̂რიდ.
Line of edition: 20 -- ეჩი̄შ როქ დე̄სამა მიმჴერ' ე̄, წელიშ, ი დაჩუ̂ირ როქ მი მჷრე̄სგ
Line of edition: 21 ხუ̂იფსა̄რა̈̄ლ ი ხუ̂ი. სგა როქ ანჴა̈დდ ქორთე ი ღო მიშგუ ჭა̈ში̄
Line of edition: 22 ა̈ნჴდენი შიშდ.

Line of edition: 23 ალჲა̈რს ათხი̄დჷნდახ მე̄უ̂არ დაჩუ̂რა̈ ლიგუ̂ებ ი სგა̄ჩა̈დხ ქორთე.
Line of edition: 24 ნა̈ბუზს ანჴა̈დ და̈̄უ̂ ლა̈თხუ̂იარხენ. აშხუ̂ ბარჯჟი̄ნ ნა̈თხუ̂იარე ხა̈̄ცუ̂ ი
Line of edition: 25 მე̄რმა ბარჯჟი̄ნ ბიკ ხა̈̄ზ. და̈̄უ̂ სგა ჰა̄ლ ანჴა̈დ ქორთე, შიშდ მიჩა
Line of edition: 26 ხეხუ̂ს ლა̈ხჭუ̂ედდა: -- ჲა̈რ ესერ ლიხ ალჲა̈რ-ა́, მუშგუ̂რა̈ლ?
Line of edition: 27 -- ალჲა̈რ ესერ მიჩა ლა̈სმუნა.
Line of edition: 28 -- ხოჩა ლა̈სმუნ' ე̄სერ ჰე ხორიხ მიჩ, ჲაღო, ბიკ ესერ ჩუ̄უ̂
Line of edition: 29 აშხირხ ი ლემესგუ ანა̄შუ̂ეხ, ნა̈თხუ̂იარე ჩუ̄უ̂ ადტუფუ̄რეხ ი ჟი̄უ̂
Line of edition: 30 ანჯა̈ბხ.

Добавлено (2007-01-11, 2:09 Pm)
---------------------------------------------
ალ ლახუ̂ბა̈̄ლ მა̈გ სგა̈̄ხჭუ̂ა̄დხ ბიკს, მარე ეშხუ პაწკე̄რ დეშ ახპიწკხ.
Line of edition: 32 ეჩუნღო̄ნ ნა̈თხუ̂იარას ა̈ხჭუ̂ა̄დხ, მარე ალასი̄ ეშხუ ფა̈თულდ
Line of edition: 33 დეშ ახკიჩხ. ლახა̄დ ეჩუნღო̄ნ და̈̄უ̂ ი ჩიქი ბიკ ესბინყო̄რე ი ლემესგ
Line of edition: 34 ანა̄შუ̂ე, ღო ნა̈თხუ̂იარე ესცინცო̄რე, სგა̄თგე ი ჟი ანჯა̈ბ. მჷჯა̈ბჷნღო̄ნ
Line of edition: 35 ქა̈̄ნკიდ ი აშხუ̂ხენ ჯა ი მიჩა ხეხუ̂ ასგურდახ ი მე̄რმახენ ეჯ ლახუ̂ბა
Line of edition: 36 ასგურდახ. ალ და̈̄უ̂ იშუ̂ს ჯა იზბი ი თუ̂ელს მიჩა ხეხუ̂ს ხა̄მნე, ჯიჯუ̂ა̈რს
Line of edition: 37 მიჩა ლა̈სმუნას ხოშდე. ქა̄დსურლეხ უ̂ახშა̈მ ი ნაუ̂ახშობენ ზურა̄ლდ
Line of edition: 38 მიჩა ლაჯმილას ლა̈დიარა̈ლისგა ლოხუ̂თუ̂ე̄ნ ლიყუ̂ნა̈̄ლ.

Page of edition: 188
Line of edition: 1 მე̄რმა ლადეღ ჟი ანჷ̄გა̈ნ და̈̄უ̂ ი მიჩა ხეხუ̂ს ხა̈̄ქუ̂ინ: ხეუ̂სია̄ქ
Line of edition: 2 ესერ ხუღუ̂' ე̄სამა?
Line of edition: 3 -- ლა̈დიარა̈ლისგა ესერ მე̄რო̄ლა̈რ ხათხჷრშილაუ̂ა̄ლახ ი ჟი̄უ̂
Line of edition: 4 ესერ ა̈ნქუნცა̄ლე. -- ამნე̄მ ჟი ა̈ნქუნცა̄ლე ი აჩა̈დ ლა̈თხუ̂იართე.

Line of edition: 5 აჩა̈დ ხუ̂ა̈ჲ ხა̈ნ ი მეჩი ზურა̄ლს მიჩა გეზლი̄რ დე̄მხენ ლა̈ხტა̈ხხ.
Line of edition: 6 მიჩა მაჰუ̂რე̄ნა̄მ გეზალდ ხა̈̄ქუ̂ინ: -- დედე, ათხ' ე̄სერ ჯა ღჷრი მიჩა
Line of edition: 7 დაჩუ̂რა̈შ ი ლახუ̂ბა̈̄ ლათხე̄ლთე.
Line of edition: 8 -- დედეს ესერ მიჩა მა̈ზიგ, ლეკჰად ესერ ეჯჲა̈რი̄ ქა ხა̄რ-ე́,
Line of edition: 9 ერუ̂ა̈̄ჲ ჩუ̂ათკიჰე̄ნა, ი აჯაღჷდ ესერ მიჩ დემ აკჰე.

Line of edition: 10 ალ ჭყინტ მა̄მა ლა̈ხჭუ̂ედდა ი აჩა̈დ ლათხე̄ლთე. ესღრი, ესღრი
Line of edition: 11 ი ალასი̄ ალ და̈̄უ̂ა̈ ყო̄რთეჟი̄ნ ლა̈ხჴა̈დჷ̄ნა̈̄ნ. ხეწა̈დ ალა და̈̄უ̂ა̈ სანეფს,
Line of edition: 12 ახფიშუ̂დ ფაუ ი აშხლა̈რ მა̈გ ჩუ̂ახყუჩუ̄რე ი, ჟი მა̈̄ჲ ხეშა̈ნდა, მა̈გ
Line of edition: 13 ჩოხუ̂შიდ. და̈̄უ̂ა̈ ხეხუ̂დ ჟი ა̈ნმეჴრე ალა ქორთე ი ლაწრა̄ლუშ ანჴა̈დ
Line of edition: 14 ქა ქა̈̄მთე:
Line of edition: 15 -- ერუ̂ა̈̄ჲ ესერ ღენ ლი მინე უ̂ისგუ̂ი მჷშდე, მიჩა ჭა̈შ ესერ ჰე
Line of edition: 16 არდე̄დს ა̈გის, მიჩა იშუ̂სი̄ ა̈ფთქუ̂ე ი ჯიჯუ̂სი̄.
Line of edition: 17 -- ხოჩა ზურა̄ლ სი, მი ისგუ̂ეჲ უ̂ისგუ̂ი ლა̈შდათე მა̄მა ოღუ̂ერ,
Line of edition: 18 მი ლახუ̂ბა ი დაჩუ̂ირ მაკლი ი ეჯჲარე ლათხე̄ლთე ესღუ̂რი.
Line of edition: 19 -- ლახუ̂ბა̈̄შ ესერ დე̄სამა ხოხალ ი დაჩუ̂ირ ესერ ჯა მჷრე̄ს
Line of edition: 20 იფსა̈რა̈̄ლ ი ლი ი სგა̈უ̂ ესერ აჩა̈დ ქორთე. -- ხა̈̄ქუ̂ინ ზურა̄ლდ.

Line of edition: 21 ალ ჭყინტ სგა̄ჩა̈დ ალ და̈̄უ̂ა̈ ქორთე ი ნა̈ბუზს და̈̄უ̂ი̄ ანჴა̈დ,
Line of edition: 22 აშუ̂ხენ ბიკ ხუღუ̂ა̈̄ნდა ი მე̄რმახენ ნა̈თხუ̂იარე. სგ' ე̄რ ანჴა̈დ, შიშდ
Line of edition: 23 ლა̈ხჭუ̂ედდა მიჩა ხეხუ̂ს: -- ჲა̈რ ესერ ხორიხ? -- მიჩა ხეხუ̂დ ხა̈̄ქუ̂ინ:
Line of edition: 24 -- მიჩა ჯჷმილ ესერ ლი.
Line of edition: 25 -- ჲაღო, ხოჩა ჯჷმილ ესერ ხერდი, ბიკს ჰე მოშ ჩუ̂ადბინყუ̂ე̄რნე
Line of edition: 26 ი ნა̈თხუ̂იარეს [ესერ] ჩუ̂ადტუფუ̈̄რნე.

Добавлено (2007-01-11, 2:10 Pm)
---------------------------------------------
ამნე̄მ ბიკ შიშდ ჩუ̂ადბინყო̄რე ი ჟი ანა̄შუ̂ე ლემესგ, ნა̈თხუ̂იარე
Line of edition: 28 ჩუ̂ადტუფუ̄რე ი სგა̄თგე. მჷჯა̈ბჷნღო̄ნ ქა̈̄ნკიდ ი მიჩა დაჩუ̂ირ სგა ლა̈ჲსგურე
Line of edition: 29 ი იშუ̂ს ჯა იზობდა ი თუ̂ელს მიჩა დაჩუ̂ირს ხა̄მნა, ჯიჯუ̂ა̈რს
Line of edition: 30 და̈̄უ̂ს ხატყა̈ცდა გუ̂ამა̈რისგა. "ჭყინტჷლდ, ი̄თი̄ლ-მი̄თი̄ლ, ადო ჷ̄ნძღაჲ-ბჷ̄ნძღა!"
Line of edition: 31 ალა ეში̄ დე̄მის ისმინა ი იშუ̂ს ჯა იზობდა ი თუ̂ელს მიჩა
Line of edition: 32 დაჩუ̂ირს ხა̄მნა, ჯიჯუ̂ა̈რს და̈̄უ̂ს ხოშდა. ჟ'ანხირნა̈̄ნ და̈̄უ̂ ი უშხუ̂ა̄რ
Line of edition: 33 ხაფხეჭხ. იბჷრგი̄ელხ, იბჷრგიე̄ლხ ი და̈̄უ̂ა̈ ხეხუ̂ მიჩა ჯჷმილს ღედა̈რს
Line of edition: 34 ხოშდა ჭჷშხა̈რ ჩუქუ̂ა̄ნ ი და̈̄უ̂ს -- ბამბა̈ჲს. ალ ჭყინტდ ჩუ̂ა̈ნდე და̈̄უ̂
Line of edition: 35 ი ხა̈ქუ̂ცა თხუ̂იმს.
Line of edition: 36 -- ხა̈დურდ ჩუ ნჷმა ამდაგრა, სი ჭყინტჷლდ, ი ისგუ̂ა ლახუ̂ბას
Line of edition: 37 ჟი ჯისე̄ლუ̂ე.
Line of edition: 38 -- ე̄, სი ნაჴე̄ცურა, ჟი ა̈მსე̄ლა̈უ̂, ადო ჯადგა̈რი!

Page of edition: 189
Line of edition: 1 -- ეჯჲა̈რ მიშგუ̂ა ჴადუ̂ხენქა ქა̈̄ხი̄ყა̈̄ლ, ლა̈კუ̂ცა̈̄ნილ ლა̄ხა̈ჭმ მიშგუ
Line of edition: 2 ი მა̈გ ჟ'ა̈ნსე̄ლუ̂იხ. -- და̈̄უ̂დ ხა̈̄ქუ̂ინ.
Line of edition: 3 -- სი ნა̈პჷლწურა, ეჯჲა̈რსი̄ ჟი ოხსე̄ლუ̂ი ი სი ჩუ̂აჯდაგრი.

Line of edition: 4 ამნე̄მ ალ და̈̄უ̂ ჩუ̂ადგა̈რ, მიჩა ლახუ̂ბა ქა̈̄ნი̄ყა̄ლე და̈̄უ̂ა̈ ჴადუ̂ხენქა,
Line of edition: 5 ლახჭემ და̈̄უ̂ა̈ ლა̈კუ̂ცა̈̄ნ ი მა̈გ ჟი ანსე̄ლუ̂ა̄ლე. ალჲა̈რდ, იმუ̂ა̈̄ჲ მოშ
Line of edition: 6 ახწინდახ და̈̄უ̂ა̈ ქონა̈ბს, ოხუ̂დეხ ტუ̂ეტ ი მინე დაჩუ̂ირსი̄ ი ანჴა̈დხ ა̈გითე
Line of edition: 7 მინე დითე̄სგა. ალ მინე დის მა̈გ მეხუ̂ტე ხოხალდახ ი ლჷღფუ̄რე
Line of edition: 8 ესხუ̂ი̄დდახ.

Line of edition: 9 აშხუ̂ ლადეღ ალ სუმინ ჩხარა ლახუ̂ბა ლაყა̄რათე აჩა̈დხ. ამე
Line of edition: 10 ხოხუ̂რა̄მ მუხუ̂ბე̄მი ბედჟი̄ნ ანუ̂ა̈ზრეხ: -- მინ ესერ ამშელდ ლჷმა̈̄რე̄ლიხ
Line of edition: 11 ი ჩი̄ს ჩუ̂ათწინე̄ნა და̈̄უ̂ ი ალ მინე ხოხუ̂რა მუხუ̂ბე ჯა გარ
Line of edition: 12 ესერ ათწინე̄ნა და̈̄უ̂ს. ალას ესერ ჟი̄უ̂ მა ოხჴერჴეხ, ადო ალ' ე̄სერ
Line of edition: 13 მინსი̄ ჩი̄ს ამჟი̄ნ ა̈თწინი, ლახე ჟი ესა ა̈ნხირნი.
Line of edition: 14 -- ჲაღუ̂ ე̄სერ მა̈ჲუ ოხჴერჴეხ?
Line of edition: 15 -- მა̈ჲ ესერ-ი თხრილუ აჩუ̂მინხ ი ნა̈ჴჩულა̈ ბოგ ქა̄უ̂ ათდეხ ეჩექა.
Line of edition: 16 ა̈გითეშა̈̄ლიდ ესერ ჯა̄უ̂ აფიშუ̂დ სგუ̂ებინ, ჩუ̂ ესერ ოთყუ̂ეჩნი ი ჟი
Line of edition: 17 ნო̄მისუ იტხეხ.

Line of edition: 18 ალჲა̈რდ გაცხა̈ჲდ ამჟი̄ნ ჩუ̂ემინხ. ნა̈ბუზს სგუ̂ებინ ლა̈ჲჟოღა̄ნეხ.
Line of edition: 19 ალას ჩოთყუ̂ა̈ჩ ალ ნა̈ჴჩულა̈ ბოგ, სგა̄შყა̈დ თხრილთე̄სგა ი ჩუ̂აცუ̂ირხ
Line of edition: 20 ეჩისგა. ნა̈ბუზს ა̈გითე ერ ანჴა̈დხ ალ ლახუ̂ბა, ეჩქა მინე დი ლა̈ხჭუ̂ედდა:
Line of edition: 21 -- ხოხუ̂რა მუხუ̂ბე ესერ მა̈ჲ ა̈მდენ? -- ეჯ' ე̄სერ სგუ̂ებინ ა̈მჴედ.
Line of edition: 22 -- ალჲა̈რდ ხა̈̄ქუ̂ინხ. ალას გუნა̈ბ ახა̄დდა ი აჩა̈დ ლათხე̄ლთე ი ჟი
Line of edition: 23 ა̈თლაკ თხრილისგა ი ჟი ა̈ნი̄ყე. ა̈გით' ა̄ნჴა̈დხ ალ დი-გეზალ ი ალ
Line of edition: 24 ხოხუ̂რა მუხუ̂ბე ლა̈ხჭუ̂ედდა მიჩა ლახუ̂ბას: "მიშგუ ლახუ̂ბა, დო̄უ̂
Line of edition: 25 ჯაგუ̂ნება̈̄ნ მი სგა̈ჲ!"

Добавлено (2007-01-11, 2:10 Pm)
---------------------------------------------
მე̄რმა ლადეღ აჯაღ ლაყა̄რათე̄დ აჩა̈დხ. ხოხუ̂რა მუხუ̂ბე̄მ ხა̈̄ქუ̂ინ
Line of edition: 27 ხოშა̄მ ლახუ̂ბას: -- საბლუ მიშგუ ლახუ̂ბა, ნა̈ჲ ლიყა̄რე დე̄სა გუ̂ახლე̄ნა
Line of edition: 28 ი ამჟი̄ნ დე̄მგუ̂აშუ̂ მოშ ლაყა̄რედ.
Line of edition: 29 -- ჲაღო, იმჟი? -- ხა̈̄ქუ̂ინხ ხოშა̄მ ლახუ̂ბად.
Line of edition: 30 -- იმჟი̄ნ-ი მი ლაჯთუ̂ე̄ნნე, ეჯჟი̄ნ ხაკუჩ.

Line of edition: 31 ამნე̄მ ხაჴიდ ლეყა̄რჷ̄ლიჟი̄ნ კა̄და ი თალ ოთსუ̂ე. -- ათხე ამელექუ̂ა
Line of edition: 32 ერდ ტოტა̈რ ოთსუ̂ედ, ერდ ჭჷშხა̈რ ი მი მიშგუ̂ა თხუ̂იმს ლო̄ხუ̂ინე
Line of edition: 33 ლაწირდ ი შიშ აშხუ̂ რა̈კს ჩუ̂ა̈ლცლედ. -- ალჲა̈რდ, გაცხა̈ჲდ,
Line of edition: 34 ერდ ტოტა̈რ ოთსუ̂ა̄ლეხ ამელექუ̂ა, ერდ ჭჷშხა̈რ. ალჲარე ხოხუ̂რა̄მ
Line of edition: 35 მუხუ̂ბილდ ალ ლეყა̄რჷ̄ლის თალ ქა ლოხქიფ ი ლეყა̄რჷ̄ლი უშხუ̂ა̄რ
Line of edition: 36 ხოჲა̈ხ. -- ჲაღო, მი სგა̈ჲ და̈̄უ̂ა̈ ჴადუ̂ხენქა ქა̈̄ჯი̄ყა̈̄ლ, ა̈გითე აჯჷჴ მა̈გ ი
Line of edition: 37 სგა̈ჲ მი ჩუ მადგა̈რდად. ათხე ერუ̂ა̈̄ჲს მიშგუ დაგრა ი თხრილთე̄სგა
Line of edition: 38 ლიკუ̂ა̈ნე ჯასდიკე̄ნხ, ეჯა ლჷჲა̈რუ ემხუ̂იე̄ნად მჷხა̈რ, ი ერუ̂ა̈̄ჲს მო̄მა
Page of edition: 190 Line of edition: 1 ჯასდიკე̄ნხ, ეჯა მა̈გ ლჷდგარუ ემხუ̂იე̄ნად! -- ალჲა̈რ მა̈გ ჟ'ესცუ̂ირ ალ
Line of edition: 2 მეგა̈მს ი ჯა ა̈გითე აჩა̈დ.

Line of edition: 3 მე̄რმა ლადეღ ატა̈ხ ი ეჯ ლახუ̂ბაისგა მაჰუ̂რე̄ნა̄მ მუხუ̂ბილს
Line of edition: 4 მა̄დე ხა̈კუ̂და ამი̄ დაგრა ი ეჯას ქუ̂ინ ხო̄გდა მე̄რმა̄მ ლადეღ. ალ
Line of edition: 5 მუხუ̂ბილ ა̈გითე ა̈ნჴერნე ი ალჲა̈რს ეჩუნღო̄ნ ხოჩა ლირდე ი ლიზგე
Line of edition: 6 ხა̄დდახ.

Добавлено (2007-01-11, 2:11 Pm)
---------------------------------------------
Part No. 91

Text: 98
Page of edition: 190
Line of edition: 7
98. ყჷრჷმ-შაუ̂ხან

Line of edition: 8 არდახ სემი ლახუ̂ბა. ალჲა̈რ მა̈გ ხეხუ̂ა̈რულ ლა̈სუ̂ხ. ანუ̂ა̈ზრეხ
Line of edition: 9 აშხუ̂ჟი̄ნ: "ქა̄უ̂ ესერ ა̈დჩი̄ჟა̄ლა̈̄ნხ, ხოხუ̂რა̄მ მუხუ̂ბეს ყჷრჷმ-შაუ̂ხან ხეჟხა̈̄ნ
Line of edition: 10 ი ეჯნე̄მ ხა̈̄ქუ̂ინ: "ჲაღუ̂ ე̄სერ ჯა ცეჴემა̈დს ადკუ̂ა̄ნე ი იმუ̂ა̈̄ჲ ესერ
Line of edition: 11 მიჩა ცეჴემდი ცხუ̂ი ხოჲხენი, ეჯ მეზგა̄უ̂ ესერ ხაშგუ̂მინხ მინე ლა̈ხხუ̂ა".
Line of edition: 12 ადკუ̂ა̈რ ამნე̄მ-ა, ყჷრჷმ-შაუ̂ხანდ, ცეჴემა̈დ ი აშხუ̂ კოჯისგა ესშდჷკნა̈̄ნ.
Line of edition: 13 აჩა̈დხ ალჲა̈რ ცხუ̂ი̄მი ლათხე̄ლთე ი ჟი ა̈თლაკხ, აშხუ̂ კოჯისგა სგა
Line of edition: 14 ხეშტკჷნა̈̄ნ. "ამხა̄უ̂ ესერ ჟი იმნა̈რ ადრინეხ, ამე̄სგა ესერ ჲა̈რ ირდი?"
Line of edition: 15 ი ა̈გითე ანტა̈ხხ. ეჯ ლე̄თ ყჷრჷმ-შაუ̂ხანს ქა ლა̈ხი̄სნაუ̂: "იმღ' ე̄სერ მო̄დე
Line of edition: 16 ა̈მჩედე̄ლი ჟი კოჯთეჟი̄ნ? მიჩა ლეხხუ̄რი ესერ ეჯ კოჯისგა ა̈რი".

Line of edition: 17 მე̄რმა ლადეღ ადჭკუ̄რე ყჷრჷმ-შაუ̂ხანდ: "ჯა̄უ̂ ლჷჭა̈თ ლი, ეჯ
Line of edition: 18 კოჯთეჟი̄ნ ესერ ჟი მო̄დე აჩეს!" აჩა̈დ მჷშკიდთე ი ასლა̈რ ა̈ნშკა̄და̄ლე
Line of edition: 19 ი აჩა̈დ ეჯ კოჯთე̄სგა. ლახა̄დდა ძირნეშ ი თხუმდ ჟ'ანსყე ლა̄ზ.
Line of edition: 20 ა̈გით' ა̄ნტა̈ხ ი მიჩა ლახუ̂ბაი̄ ქა̈̄დჴერნე ეჩხა̄უ̂. ხა̈̄ქუ̂ინ ყჷრჷმ-შაუ̂ხანდ:
Line of edition: 21 "ჟი̄უ̂ ესერ აჩა̈დხ ათხე ალ კოჯთეჟი̄ნ!" ლა̈ხკუ̂ა̈ჰ ხოშა მუხუ̂ბე ლაზს
Line of edition: 22 ი ისგთეჟი̄ნ ჟი აჩა̈დ ი ეჩჷნჟი̄ნ დეშ აჩა̈დ ი ჟი ლეჭუ̂ე̄ნი ხა̄დდა. ეჩუნღო̄ნ
Line of edition: 23 მანე̄სგრე მუხუ̂ბე ლა̈ხკუ̂ა̈ჰ ლა̄ზს. ეჯა ჟი ჟ'აჩა̈დ თხუმდ, მარე
Line of edition: 24 ცხუ̂ი დეშ იმჟი̄ნ ახყუ̂იფ ქა. უ̂ეშგიმპილს ყჷრჷმ-შაუ̂ხან აჩა̈დ, ეჯა
Line of edition: 25 ხებჷდდა ქა̄მაუ̂, მარე ქა დეშ ახყუ̂იფ. ეჩუნღო̄ნ სგა̄უ̂ ოთჯუ̂ი̄რ ი ყო̄რ
Line of edition: 26 ხეყა̈რ. სგა̄ჩა̈დ ი სგა̈̄ნჩუ̄ნ სემი ნანუ̄ლა̈რ არდახ, მარე ჯა ჰა̄ლ სგა̄ჩა̈დ,
Line of edition: 27 ეჯჲა̈რ სგა მჷრა̈̄მთე ლა̈ხბა̄ქა̈̄ნხ. ა̈თპა̈ჟ ჩუ ალა̄, ყჷრჷმ-შაუ̂ხან, ი
Line of edition: 28 ალ ნანუ̄ლა̈რ ქა̄დ ერ ანტა̈ხხ, ეჩქა მაჰუ̂რე̄ნა̄მ უდილს სგა ხაფხეჭ. ალჲა̈რს
Line of edition: 29 უშხუ̂ა̄რე თხუ̂იმ მე̄უ̂არ ლახლატჷნდახ ი მე̄რმე ლაუ̂დილაი̄ ქა̄ნჴა̈დხ
Line of edition: 30 ალჲა̈რთექა.

Page of edition: 191
Line of edition: 1 -- ეჩასუ ესერ ლა̈ხჭუ̂ედდახ, ჲაღო, ჲელჲა̈-მჷლმი მჷდგე მა̈̄უ ლესუ̂
Line of edition: 2 ეჩი̄შ? -- ყჷრჷმ-შაუ̂ხანდ ხა̈̄ქუ̂ინ ი ჯა ჩუ̂ა̈თპა̈ჟ. ანჴა̈დ ალა ჟ' ა̄, და̈̄უ̂, ი
Line of edition: 3 ჲელჲა̈-მჷლა̈მ ქა ხოფა̈შუ̂დ. ალ დი̄ნა̈̄ლდ ჩიქე სა̈დილ ხა̄მნეხ ი ეჩუნღო̄ნ
Line of edition: 4 ლიჭუ̂დი̄ელ ლოხუ̂ბინეხ.
Line of edition: 5 -- და̈̄უ̂, მიჩა ჲელჲა̈-მჷლმი მჷდგე ესერ ირდი ესამა? -- და̈̄უ̂დ
Line of edition: 6 ხა̈̄ქუ̂ინ:
Line of edition: 7 -- ამი̄ მჷდგ' ე̄სერ დე̄სამა მიჩა ნასა̈̄ნუნქა. მიჩა ნასა̈̄ნუ̂ ესერ
Line of edition: 8 გარ ხა̈დგე ალას მიჩ ქა.

Line of edition: 9 ალ და̈̄უ̂დ სა̈დილ ერ ჩუ ლალე̄მ ი ალ ნანუ̄ლა̈რ ჩუ̂ა̈დჴჷმრა̄ლე,
Line of edition: 10 ეჩქა ჩუ̄დ აჩა̈დ გიმი ჴურუჩუ̄ნ. ალ ნანუ̄ლა̈რს ათხი̄დჷნდახ ალ ამბუ̂ი
Line of edition: 11 ლიმჴერი ი ყჷრჷმ-შაუ̂ხან ჰა̄ლ ანჴა̈დ, შიშდ ლახხე̄ნეხ ქა. ყჷრჷმ-შაუ̂ხან
Line of edition: 12 ჩუ̂აჩა̈დ ალ კოჯხენჩუ̄ნ ი და̈̄უ̂ს, იმუ̂ა̈̄ჲ ა̈გიქა ხა̄დდა ლასა̈̄რ, ეჩეჩუ̄ნ
Line of edition: 13 ღუ̂ებ ლოხხელ და̈̄უ̂ა̈ ნასა̈̄ნუ̂ს. ყჷრჷმ-შაუ̂ხანდ ჟი ა̈ნნა̈ზუ̂რე და̈̄უ̂ა̈
Line of edition: 14 ნასა̈̄ნუ̂ ი კუპრშუ̂ ჟი ადჲე კოჯთეჟი̄ნ. ამეჩუ და̈̄უ̂ს ჩოთდარჯე ი, ერ
Line of edition: 15 ანღჷრდა ჟი, ეჩქა ჟიქა̄ნჩუ̄ნ ჟ'ათბიდ კუპრშუ̂ ნასა̈̄ნუ̂ ი ჲელჲა̈-მჷლა̈მ
Line of edition: 16 სგა ლახდიგ, მარე და̈̄უ̂ ამღა ეში̄ მა̄მა აფა̈შ, ჟი ანჴა̈დ ი ყჷრჷმ-შაუ̂ხანდ
Line of edition: 17 ი ამნე̄მდ უშხუ̂ა̄რ ხაფხეჭხ, იბჷრგიე̄ლხ, იბჷრგიე̄ლხ ი ჩუ̂ა̈ნდე
Line of edition: 18 ყჷრჷმ-შაუ̂ხანდ და̈̄უ̂ ი ქა̄თჭკუ̂ერ თხუმა̈რ. ეშდჲერუ თხუ̂იმ ხა̄დდა ი,
Line of edition: 19 ეშდეშხუ ერ ქა̄თქუ̂იც, ეშხუ ხოკა̈ლდა ლექუ̂ცად ი ეჩქა ხა̈̄ქუ̂ინ და̈̄უ̂დ:
Line of edition: 20 -- ხა̈დურდ ესერ ჩუ ნო̄უ̂ ადგა̈რ, ეშხუ თხუ̂იმილდ ესერ სგა̄უ̂ ლახცუ̂ირ
Line of edition: 21 ი მიჩა მაღუ̂ა̈̄ნს ესერ ჩუ ხომზჷრი.
Line of edition: 22 -- ქა̄უ̂ ესერ ლახთუ̂ე̄ნ, ჲაღო, მიჩა ლარდა-ლა̈ზგა, იმუ̂ა̈̄ჲ ღენა
Line of edition: 23 ლი, ადო ჩუ̂ადგა̈რი. -- ხა̈̄ქუ̂ინ ყჷრჷმ-შაუ̂ხანდ. და̈̄უ̂დ ხა̈̄ქუ̂ინ:
Line of edition: 24 -- ჩუბებუა̄სდს ესერ აშხუ̂ მინდუ̂ერისგა ჩეი̄ ქორ ლჷგ, ეჯ' ე̄სერ
Line of edition: 25 ლი მიჩა ლა̈ზგა.

Line of edition: 26 ყჷრჷმ-შაუ̂ხანდ ეში̄ ჩუ̂ადგა̈რ ალ და̈̄უ̂ ი ქა̄დკუ̂ა̈რ კოჯქა. ამნე̄მ-ა
Line of edition: 27 ყჷრჷმ-შაუ̂ხანდ, ჟი ადჲე მიჩა ლახუ̂ბა ეჩხაუ̂თეჟი̄ნ.
Line of edition: 28 -- ჲაღუ̂' ე̄სერ ათხე ეშხუ ჩუ̄უ̂ აჩა̈დხ ალ ჴურუჩუ̄ნ ი და̈̄უ̂ა̈
Line of edition: 29 მაღუ̂ა̈̄ნ ჟი̄უ̂ ესერ ანჴიდხ. -- [რა̈̄ქუ̂] ყჷრჷმ-შაუ̂ხანდ.
Line of edition: 30 -- ჲაღუ̂' ე̄სერ მიჩუ ათბეხ თა̈კუ̂ ი ჩუ ღჷრი. -- [რა̈̄ქუ̂] ხოშა̄მ მუხუ̂ბე̄მდ.
Line of edition: 31 ათბეხ ალას თა̈კუ̂ ი ჩუ̂აფიშუ̂დხ ალ გიმი ჴურუჩუ̄ნ. მადხუ̂ა̈ჲ ა̈გის
Line of edition: 32 ჩუ̂აჩა̈დ ი შიშდ ლახტუ̂ი̄ლ: "ჟი̄უ̂ ესერ ა̈დტიხ, ადო ქუ̂ინ ხო̄ზი!" ალჲა̈რდ
Line of edition: 33 ჟი ა̈ნტიხხ. ეჩუნღო̄ნ მანე̄სგრე მუხუ̂ბედ ა̈დბე თა̈კუ̂. ალა ისგთეჩუ̄ნ
Line of edition: 34 ჩუ̂აჩა̈დ ი ლახტუ̂ტლ ჟიბაუ̂: "ჟიუ̂ ესერ ა̈დტიხხ, ადო ქუ̂ინ ხო̄ზი!"

Line of edition: 35 ალაი̄ ჟი ა̄ნტიხხ. უ̂ეშგიმპილს მაჰუ̂რე̄ნე მუხუ̂ბედ ლა̈ჲბე თა̈კუ̂ ი
Line of edition: 36 ჩუ̂აჩა̈დ გიმი ჴურუჩუ̄ნ ი ჟი ა̈თლაკ და̈̄უ̂ა̈ ქორს ი ჟ'ახბიშე თა̈კუ̂შუ̂
Line of edition: 37 და̈̄უ̂ა̈ ლემღუ̂ე̄ნე, იმუ̂ა̈̄ჲ მოშ ახწინდა, ხა̈ბშა თა̈კუ̂შუ̂ ჟიბაუ̂ მიჩა ლახუ̂ბას.
Page of edition: 192 Line of edition: 1 უ̂ეშგიმპილს ლახტუ̂ი̄ლ მიჩა ლახუ̂ბას: "ათხ' ე̄სერ ჯა̄უ̂ ა̈დი̄ყეხ

Добавлено (2007-01-11, 2:13 Pm)
---------------------------------------------
ჟი!" ა̈ხბჷდხ ჟი მიჩა ლახუ̂ბა ი ალჲა̈რდ ა̈დი̄მბუ̂ა̄ლეხ, ალ ლახუ̂ბად,
Line of edition: 3 ერე "ალ მინე ხოხუ̂რა̄მ მუხუ̂ბას ესერ და̈̄უ̂ ჩოთდაგრა ი მინს ესერ
Line of edition: 4 ლა̈ჲდი̄ ჩუ̂ა̈თწინი ი ამი̄ცახა̈ნ ესერ ლარდა მა̄მა ხე̄რახ. ნო̄მისუ ესერ
Line of edition: 5 ი̄ყიხ ჟი!" ალჲა̈რდ ჩუ̂აქუ̂იცხ თა̈კუ̂ ი ჩუ̂ადკუ̂ა̈რხ ჩუბებუა̄სდთე.

Line of edition: 6 ალ' ე̄რ ჩუ̂ადკუ̂ა̈რხ, ეჩქა ჩუ̂ი̄ბ დედბერილა̈ ლჷყა̄რჟი̄ნ ხოჲა̈ხ.
Line of edition: 7 სგა̄ჩა̈დ ალ ზურა̄ლთე̄სგა ყჷრჷმ-შაუ̂ხან ი ლეზუ̂ებ ხაშგუ̂მინ: -- მა̈დილუ
Line of edition: 8 ესერ ხე̄რი, ხა̈იდ ესერ მე̄უ̂არ ი ხა̄მნე̄უ̂ ესამა.
Line of edition: 9 -- მა̈ჲ ესერ ჩუ̂ემინას, მჷნა̈ყ ესერ დე̄სა ხორი ი ლანყად ესერ
Line of edition: 10 ლიც დე̄სა ხუღუ̂ა ი ლიცთე ლი̄ზის ესერ დეშ ა̈ბდა̈უ̂ი, ხაყუ̂ლუ̄ნ'
Line of edition: 11 ესერ. -- დედბერილდ ხა̈̄ქუ̂ინ.
Line of edition: 12 -- იმჷნ ესერ ხაყუ̂ლუ̄ნი? -- ლა̈ხჭუ̂ედდა ყჷრჷმ-შაუ̂ხან.
Line of edition: 13 -- იმჷნ ესერ-ი ლიცს ესერ გუ̂ელჲა̈რშა̈პ ხა̈მთქუ̂ა ი ხუ̂ა̈ჲ მა̄რ'
Line of edition: 14 ე̄სერ ხოდა̄უ̂შა.

Line of edition: 15 ლა̄პა̈რ ალა̄, ყჷრჷმ-შაუ̂ხან, ი ლალცა̈̄რ ა̈ნკიდ, ქა̄ჩა̈დ ლიცთე
Line of edition: 16 ი სგა̄ნჴიდ ლიც. ლიცი ლიჴდე ა̈დხი̄დე დედბერილდ ი ქა̈̄ხბი̄შდ ი
Line of edition: 17 ჩუ ლაი̄შ მა̈გ. ქა̄დ ატა̈ხ ყჷრჷმ-შაუ̂ხან ლიცთე ი სგა̄დ ანჴიდ. დედბერილს
Line of edition: 18 ხუ̂ა̈ჲ ხა̈ნ ერ ხა̄დდა ლიცი უთუ̂ნად. ქა̄დ ა̈ხბი̄შდ ი ქა̄დ
Line of edition: 19 ანჰარე. მე̄სმა̄მდ ქა̄დ აჩა̈დ ი სგა̄დ ანჴიდ ლიც. -- მა̈დილ ჯე̄რა ი
Line of edition: 20 დია̈რ ა̈მნა̈ყ ი ნჷმ' ა̄მდაგრა მჷტმად ი ლიცს, მა̈̄ზუმუ̂ა̈̄ჲ ჯეკუ̂დენი,
Line of edition: 21 ეჯზუმს ა̈ჯჴიდე. -- დედბერილდ ქო̄ხნაყე დია̈რ ი ჩუ̂ადდი̄რე ყჷრჷმ-შაუ̂ხან.
Line of edition: 22 ალ დედბერილდ ქა̄კუ̂იჰ ჩი̄თე სოფელისგა ყჷრჷმ-შაუ̂ხანი ამჟი̄ნ
Line of edition: 23 ლიმა̄რუ̂. სოფლა̈რდ ხაშგუ̂მინხ:
Line of edition: 24 -- მა̈დილუ ესერ ხე̄რა, ყჷრჷმ-შაუ̂ხან ი ლა̈ხშა̈დუ ესერ სოფელს
Line of edition: 25 ი ანთა̄უ̂ისუფლე̄უ̂ ქა სოფელ ალ გუ̂ელჲა̈რშა̈პხენქა. ლიცურ ესერ იყმიხ
Line of edition: 26 ხა̈ლხ ი ქ' ე̄სერ ლახ ჲა̈რ ღჷრიხ. სგ' ე̄სერ ძუ̂ირდ გარ ჲა̈რ ტეხნიხ. --
Line of edition: 27 ყჷრჷმ-შაუ̂ხანდ ხა̈̄ქუ̂ინ ხა̈ლხს:
Line of edition: 28 -- იმ ესერ ა̈დჴიდეხ, ლახ ე̄სერ გუ̂ელჲა̈რშა̈პს ჩუ ჲა̈რ ადგრინე? -- სოფელდ
Line of edition: 29 ხა̈̄ქუ̂ინ:
Line of edition: 30 -- თუ̂ით ჴა̄ნს ესერ მა̈ხიადა̈̄რ ქა ხაშჩუქუ̂რეხ.

Line of edition: 31 ყჷრჷმ-შაუ̂ხანდ ბერჟა̈ ცეჴემა̈დ ახშკა̄დუნე ი ცხუ̂ია̈რ, ქა̄ჩა̈დ ეჯ
Line of edition: 32 ლიცთექე̄, ხედუ̂ა̈̄ჲ ლიცს გუ̂ელჲა̈რშა̈პ ხემთქუ̂ა̈̄ნდა ი დედბერილი̄
Line of edition: 33 ქა̈̄დჴერნე: "ჩუ̂ ესერ ჰე̄სა ა̈თუ̄ჟნი, ეჩქა̈̄ მჷჲცხუნად". არდახ ალჲა̈რ
Line of edition: 34 ხუ̂ა̈̄ხა̈ნს ალ ლიცჟი̄ნ ი დე̄სა ანჴა̈დ გუ̂ელჲა̈რშა̈პ. ყჷრჷმ-შაუ̂ხანდ დედბერილა̈
Line of edition: 35 ღულა̈̄რჟი̄ნ ესდე თხუ̂იმ ი ჩუ̂ა̈თუ̄ჟდა. ალ დუ̂რეუ̂ჟი̄ნ გუ̂ელჲა̈რშა̈პი̄
Line of edition: 36 ანჴა̈დ ამხა̄უ̂თექა ი, დედბერილდ ერ ლიგუ̂ნი ა̈დბინე, დედბერილა̈
Line of edition: 37 ქიმ ესუ̂ა̈თხ ყჷრჷმ-შაუ̂ხანს ჰა̈ყბაჟი̄ნ ი ჟ'ანჲა̈ცხ, ლა̈ჲბუ̄წე
Line of edition: 38 ცეჴემა̈დ ი ხაჴიდ, ლა̈ჲბუ̄წე ი ხაჴიდ ი ჩუ̂ადგა̈რ გუ̂ელჲა̈რშა̈პ. სოფელდ
Page of edition: 193 Line of edition: 1 ძღჷდ ლა̈ხიადა̄ლ აჩუ̂მინ ი ყჷრჷმ-შაუ̂ხანსი̄ ჟ'ოხუ̂ზუ̂ერხ თუ̂ით ჴა̈ნ. ყჷრჷმ-შაუ̂ხან
Line of edition: 2 იჭუ̂დია̄ლდა:
Line of edition: 3 -- და̈̄ს ესერ ხემჲე̄დია მიჩა ჟიბებუა̄სდთე ჟი ლიი?
Line of edition: 4 -- ჟიბებუა̄სდთე ესერ ფა̈რშმა̈გჷნქა და̈̄ს ხა̈მჲე̄და ი ეჯ' ე̄სერ
Line of edition: 5 ჟ'ა̈ი.

Line of edition: 6 აშხუ̂ ლადეღ და̈რ ა̈დჰა̄უ̂დარ ი ფა̈რშმა̈გი წინწლა̈რ ლიცს ესღუ̂ა̈̄ნდა.
Line of edition: 7 ყჷრჷმ-შაუ̂ხანდ ჟ'ა̈ნჷრმა̄ლე წინწლა̈რ, ღა̈რთჟი̄ნ ესგენა̄ლე
Line of edition: 8 ი ფა̈ტუ̂ა̈ კაკა̈ლ ესუ̂დე ლენკუ̂ლიდ. ჯა ქახი̄ნ ჩუ̂ა̈თპა̈ჟ. ანჴა̈დ ფა̈რშმა̈გ
Line of edition: 9 მიჩა წინწლა̈რთექა ი ალჲა̈რდ შიშდ ქა ხახე̄ნეხ: -- მინ ესერ ლიცს
Line of edition: 10 ესღუ̂ე̄ნახ ი ა̈მჴედ ესერ ერე̄ ეჩთა̄ნ მა̄რე, ერე მინ ესერ ლიცხენქა
Line of edition: 11 ქო̄ხტი̄ხა ი ფა̄ტუ̂ა̈ კაკა̈ლ ოთში̄და მინეშდ ლენკუ̂ლიდ.
Line of edition: 12 -- ო̄, დედე̄შუ, ეჩას ესერ მიჩი̄ [ჰ]ე დო̄სამა ხაწჷხ ი ეჯღ'
Line of edition: 13 ე̄სერ იჩოდა. მარე ქ' ე̄სერ ჰ' ა̈̄რ ლახწუ̂ე̄ნი მიჩ ი ლიმშედა̈̄ლ ესერ
Line of edition: 14 ჰემა ხემჲე̄დი, ეჩქ' ე̄სერ ჯაი მუმურჯი ხე̄რა.

Line of edition: 15 ყჷრჷმ-შაუ̂ხან ქა ლა̈ხწუ̂ე̄ნა̈̄ნ ალ ფარშაუ̂ა̈ნგს ი ხაშგუ̂მინ ჟიბე ბუა̄სდთე

Добавлено (2007-01-11, 2:13 Pm)
---------------------------------------------
ლიი.
Line of edition: 17 -- ჲაღუ̂ ე̄სერ ჟი ჟ'ადინე ჯა მიჩ, მარე ჟიშა̈̄ლიდ ესერ ჯა
Line of edition: 18 ოშუ̂ა̈̄ჲდს ღალას ჩუ̂ესბრეტყნე, ეჩშელდინ ესერ მა̈ნგრა̈ ასუ̂ ხაკუჩ
Line of edition: 19 ნა̄პუდ, ადო ეჩურდ ესერ ჯა დეშ იმა̈რგ. ჟ' ესერ ხეჲდუნი ი
Line of edition: 20 ჩუ̂ ესერ შჷ̄დნიხ ი ჲერქჷდ' ე̄სერ ჩუ იღუ̂პა̈უ̂იხ.

Line of edition: 21 აჩა̈დ ალა̄, ყჷრჷმ-შაუ̂ხან, ი ჴანა̈რ ადძიჰნიე̄ლე ი ალ ჴანრე
Line of edition: 22 ბარჯა̈ლ ი მაშკა̈რ სგა̄თჭუ̂ე̄ნ გუ̂ა̈რა̈̄ლს ი შჷნ ლა̄ე ლეზიზდ. ფარშაუ̂ა̈ნგდ
Line of edition: 23 ჟი ლაჲსგურე ყჷრჷმ-შაუ̂ხან ი ოშუ̂ა̈̄ჲდინ ფარშაუ̂ა̈ნგ ღალას
Line of edition: 24 ხა̈ბჷრტყი̄ნა, ეჩშელდინ ყჷრჷმ-შაუ̂ხან ნა̄პუდ მა̈ჲ ბარჯს ხოდა̈̄სგდა ი
Line of edition: 25 მა̈ჲ მა̈შკს. ჲერუ ლიბჷრტყი̄ნილ [გარ] ხოკა̈ლდახ ი ყჷრჷმ-შაუ̂ხანს
Line of edition: 26 ლეზიზ სგ ლა̈ხშდა̈ხ. ლა̈ჲბრეტყ ი ოდემჩიქად ჩუ შყედენდახ, ეჩქად
Line of edition: 27 ყჷრჷმ-შაუ̂ხანდ მა̈შკილდ ლა̈ჲხუ̂იტ ი ეჯა ლოხუ̂დე ნა̄პუდ. ესღრიხ,
Line of edition: 28 ესღრიხ ი ჟი̄დ ლა̈ჲბრეტყ. ყჷრჷმ-შაუ̂ხანდ ქა̄დ ა̈ნხუ̂იტ მე̄რმახენი
Line of edition: 29 მა̈შკს ი სგა ლოხუ̂დე ნა̈პუდ ფა̈რშმა̈გს ი ჟი̄ჲ ანჰეხ ჟიბებუა̄სდთე.
Line of edition: 30 ამეჩუ̄ნ ყჷრჷმ-შაუ̂ხანდ ჰაშამ ხა̈̄ქუ̂ინ ფა̈რშმა̈გს: -- მიჩ ესერ მეზელა̈̄ლდ
Line of edition: 31 მა̄მა ხაყა, მარე ეჯღ' ე̄სერი̄ იუ̂ასუ ა̈რი.
Line of edition: 32 -- მა̈ჲ ესერ ხა̈ყრა ღო ეჯკა̈ლიბ? ფარშმა̈გდ ხა̈̄ქუ̂ინ.
Line of edition: 33 -- მა̈ჲ ესერ-ი́ უ̂ეშგიმპილს ესერ ერ ჲერუ ნა̄პუ ლოხუ̂და მიჩა̈შდ,
Line of edition: 34 ეჩქ' ე̄სერ ლეზიზ სგა მეშდხე ხა̄რა ი მიჩა მაშკა̈რ ესერ ოხხუტუ̄რა
Line of edition: 35 ი ეჯა ლოხუ̂და ნა̄პუდ.
Line of edition: 36 -- ალას ესერ ჯა ქა̄თჟა̈გნე, ნომა̄უ̂ ღედ ხა̄რ! ფა̈რშმა̈გდ ხა̈̄ქუ̂ინ.
Line of edition: 37 ამნე̄მ ქა ლა̈ჲკიჩ ღალიდ ი ქა ლახუ̂ე̄მ: -- ალა̄უ̂ ესერ ლა̈ჲჭემ ი
Line of edition: 38 ქ' ე̄სერ ა̈თჟა̈გი.

Page of edition: 194
Line of edition: 1 ყჷრჷმ-შაუ̂ხანდ ქა ლა̈ჲჭემ ღალე ი ხოტურფილი̄ ლა̈ხტა̈ხ. ფა̈რშმა̈გ
Line of edition: 2 უ̂ეშგდ ატა̈ხ ი ყჷრჷმ-შაუ̂ხან მიჩა შუკუ̂ს ათა̄გა̈ნ.

Line of edition: 3 აშხუ̂ ა̈გის მჷხმჷ̄რი̄ლს ახა̄სდ ი ალ მჷხმჷ̄რი̄ლ მა̈ჲ იღრა̈̄ლ ი მა̈ჲ
Line of edition: 4 იგუ̂ნი.
Line of edition: 5 -- მა̈ჲ ამბა̈უ̂ ესერ ლი ალა̄, მა̈ჲ ირჭა̈̄ლ ი მა̈ჲ იღრა̈̄ლ?
Line of edition: 6 -- ლა̈ხჭუ̂ედდა ყჷრჷმ-შაუ̂ხან. მჷხმჷ̄რი̄ლდ ხა̈̄ქუ̂ინ:
Line of edition: 7 -- ლახ ესერ ირჭა̈̄ლ, ეჯღ' ე̄სერ ირჭა̈̄ლ, ერე მინე ყჷრჷმ-შაუ̂ხანიშთა̄ნ
Line of edition: 8 ჩუ და̈̄რ ლჷმა̈რდე̄ლი, მიჩა ლახუ̂ბას ესერ ჩუბებუა̄სდთე
Line of edition: 9 ოთკუ̂არახ; ერ ესერ იღრა̈̄ლ, ეჯღა იღრა̈̄ლ, ერე ბა̄ზი ქუ̂ერწილ ხა̄რხ
Line of edition: 10 ი ხარშულდს იმკახე ბა̄ზი. -- ყჷრჷმ-შაუ̂ხანდ ხა̈̄ქუ̂ინ:

Line of edition: 11 დო ესერ იჩო ეჩთა̄ნ ლიმა̄რუ̂ს, ერე მიჩა ლერქუ̂ა̈ლს ესერ
Line of edition: 12 დო ხოცა̈̄დი ქა? მჷხმჷ̄რი̄ლდ ქა ლოხუ̂ცა̈̄დ. ყჷრჷმ-შაუ̂ხანდ მჷხმჷ̄რი̄ლა̈
Line of edition: 13 ლერქუ̂ა̈ლ სგა ლა̈ჲქუ̂ა̄ლე ი მჷხმჷ̄რი̄ლ ჩუ̂ადშგურა̄ნე: -- ათხ' ე̄სერ
Line of edition: 14 ჯა სგუ̂ებინუ აჩა̈დ ი მუშგუ̂რიკა̈ფდ სგა̄უ̂ აჩა̈დ ქუ̂ერწილთე̄სგა ი ჯ' ე̄სერ
Line of edition: 15 ხამა̈რს ა̈ნჴდე ა̈გითე.

Добавлено (2007-01-11, 2:14 Pm)
---------------------------------------------
მჷხმჷ̄რი̄ლ გაცხა̈ჲდ სგუ̂ებინ აჩა̈დ ი სგა ლა̈ხმუშგუ̂არ ქუ̂ერწლა̈რს,
Line of edition: 17 ყჷრჷმ-შაუ̂ხანდ ხამა̈რ ადჲა̄ლე ა̈გითე ი სგა̄დჭებდა̄ლე ლახმი̄რთე̄სგა
Line of edition: 18 ეჯ ლე̄თ ყჷრჷმ-შაუ̂ხან გაცხა̈ჲდ მჷხმჷ̄რი ხოხალდახ მიჩა ლახუ̂ბას ი
Line of edition: 19 მინე მჷხმჷ̄რი̄ლ მუშგუ̂რიკა̈ფდ ადსგურეხ ქორს. ყჷრჷმ-შაუ̂ხანდ ხა̈̄ქუ̂ინ
Line of edition: 20 მუშგუ̂რის -- მჷხმჷ̄რი̄ლს: "ცეჴემა̈დუ ესერ ახჴიდუ̂ნე მიჩა ლახუ̂ბას".
Line of edition: 21 ამნე̄მ გაცხა̈ჲდ ქა ხაშგუ̂მინ ცეჴემა̈დ ი ქო̄ხჴიდხ. ალ მუშგუ̂რიდ ჟი
Line of edition: 22 ა̈ნბუ̄წე ცეჴემა̈დ ი ხა̈̄ქუ̂ინ მჷხმჷ̄რი̄ლს -- ყჷრჷმ-შაუ̂ხანს: -- ჴა̈ნს ესერ, ა
Line of edition: 23 ფირუ̂ს? -- მჷხმჷ̄რი̄ლდ ხა̈̄ქუ̂ინ: -- ჴა̈ნს ესერ.

Line of edition: 24 ამნე̄მდი̄ მაშე̄ნა̄მ მუხუ̂ბას ხაჴიდ. ლა̈ჲბუ̄წე აჯაღჷდ ი ხა̈̄ქუ̂ინ:
Line of edition: 25 -- ჴა̈ნს ესერ, ა ფირუ̂ს? -- ჴა̈ნს ესერ, ი ამნე̄მდი̄ მანე̄სგრა̄მ მუხუ̂ბას
Line of edition: 26 ხაჴიდ. ყჷრჷმ-შაუ̂ხანდ ქა̈̄დი̄ღა̄ლე მჷხმჷ̄რი̄ლა̈ ლერქუ̂ა̈ლ ი მიჩა ლერქუ̂ა̈ლ
Line of edition: 27 ლა̈ჲქუ̂ა̄ლე. ზურელა̈̄რდ ჩუ̂ათირხ ყჷრჷმ-შაუ̂ხან. მიჩა ხეხუ̂ ეჩქად
Line of edition: 28 კა-უ̂ეშგინ ხეკუ̈ნკუ̂ა̈̄ნ ი მიჩა ლაუ̂დილა ხოშა̄მ ხი̄რუ̈ლდ არდახ. ყჷრჷმ-შაუ̂ხანდ
Line of edition: 29 ჩეი̄ ყო̄რ ადქჷნთრინე ჩუ ი ჟ'ესსგურე ეჩეჟი̄ნ ალ სემი ლაუ̂დილა
Line of edition: 30 ი ხა̈̄ქუ̂ინ: "ერუ̂ა̈̄ჲს ესერ მიჩა ეჩაბუა̄სდთე ლიკუ̂ა̄ნე ჩუ ხანდე̄ნხ,
Line of edition: 31 ეჩას ესერ ალ ლჷქჷნთრინა ყო̄რჟი̄ნუ ახჩედახ ქუ̂ინ, ი ერუ̂ა̈̄ჲს ესერ
Line of edition: 32 მო̄დ ხანდე̄ნხ მიჩა ჩუბებუა̄სდთე ლიკუ̂ა̄ნე, ეჯ' ე̄სერ ქა̄უ̂ ახსედახ!"
Line of edition: 33 ხოშა̄მ ლაუ̂დილას ჩუ ხონდახ ყჷრჷმ-შაუ̂ხანი ჩუბებუა̄სდთე ლიკუ̂ა̄ნე
Line of edition: 34 ი შიშდ ჟი ოხჩა̈დხ ქუ̂ინ. ხოხუ̂რა̄მ უდილს მა̄დე ხონდა ი ეჯა ქო̄ხსა̈დ.

Line of edition: 35 ყჷრჷმ-შაუ̂ხანდ ი მიჩა ხეხუ̂დ ხოჩა ლირდე-ლიზგე ა̈ნჰეხ ეჩუნღო̄ნ.

Добавлено (2007-01-11, 2:14 Pm)
---------------------------------------------
Part No. 92

Text: 99
Page of edition: 195
Line of edition: 1
99. სამართა̈ლიშ ი უსმართალი თჷრქდი̄ლ

Line of edition: 2 ლჷმა̈რდხ ოხუ̂იშდ ლახუ̂ბა. ალ ოხუ̂იშდ ლახუ̂ბას ოხუ̂სა̄ზრახ,
Line of edition: 3 ერე "ეჯკა̈ლი მურყუ̂ამუ ესერ ადგეხ, ერე ეჩთა̄ნ მურყუ̂ამ ჴეუ̂ისგა დო̄ს
Line of edition: 4 ხო̄გე̄ნს". ა̈მჩედხ ჴელუ̂ა̈ნ ლათხე̄ლთე ი ჩუ ხოთხახ ჴეუ̂ჲა̈ ნამთიშუ̂
Line of edition: 5 ჴელუ̂ა̈ნ. ეჯ მურყუ̂მა̈ ლაგა̈მს ახკუ̂ედახ ეშდჲერუ ზა̈ჲ. ქ' ე̄რ ოთსურლა
Line of edition: 6 ჴელუ̂ა̈ნს, ეჩქა ხო̄ქუ̂ა: "ჲაღუ̂ ე̄სერ ათხე ქა̄უ̂ ა̈დზელა̄ლეხ ჴეუ̂ისგა
Line of edition: 7 ი ჰე̄ს' ე̄სერ ამთა̄ნ მურყუ̂ამ ჩუ ჲა̈ს ხო̄გე̄ნს, ეჩქ' ე̄სერ ჯა ჩუ ლენტყუ̂ეუ̂ი̄უ̂
Line of edition: 8 ლა̈სუ̂".

Line of edition: 9 ალ ოხუ̂იშდ ლახუ̂ბად ჲერუ ლახუ̂ბა ადზჷზეხ ჴეუ̂ისგა̈ მურყუ̂მა̈ლ
Line of edition: 10 ლათე̄რუ̂ათე. ალ ჲარუ̂ ლახუ̂ბად მეჰად ჴეუ̂ ჩუ̂ა̈დზელა̄ლეხ, მარე
Line of edition: 11 მინე მურყუ̂ამთა̄ნ დე̄შა მურყუ̂ამ ლახბაჟახ. ა̈გით' ე̄რ ალმა̈̄ზლიხ,
Line of edition: 12 ეჩქა ოხუ̂ა̈ზრახ: "ალ მინე მურყუ̂ამთა̄ნ ესერ დე̄მე ლჷგ, მარე მინე
Line of edition: 13 ჴელუ̂ა̈ნ ესერ მე̄რმა̈̄ლს ესერ ლახე ჲა̈ს ოთგემნე ამთა̄ნ მურყუ̂ამს, ეჩქ'
Line of edition: 14 ე̄სერ მინე მურყუ̂ამს ესერ ლუგუ̂ენ ოთშყედნი. ჩუ̄უ̂ ესერ ადუნტყუ̂ეუ̂ი̄ნეხ,
Line of edition: 15 დილეგთე̄უ̂ ესერ ადგენეხ ი ეჯა̄უ̂ ესერ ხა̈̄ქუ̂ინხ, ერე თუ̈ჯი
Line of edition: 16 ყო̄რ ესერ ხა̄რ ლერკინე ი ოდ ესერ ეჩას ჟი დო ოხუ̂რეკნე, ეჩქად
Line of edition: 17 ესერ ჩუ ლერდე ხა̄რ დილეგისგა". ალჲა̈რ ა̈გით ერ ამჩედლიხ,
Line of edition: 18 ეჩქა ხო̄ქუ̂ახ, ერე "მინე მურყუ̂ამ ესერ აშ ეზა̈რ ლი, მარე თუ̈ჯი ყო̄რ
Line of edition: 19 ესერ მა̄მა ხორიკ ი ოდ ესერ ეჩას ჟი დო ოხუ̂რეკნე, ეჩქად ესერ
Line of edition: 20 მიჩ დილეგისგა ხა̄რ ლერდე". ალ მინე ჴელუ̂ა̈ნ სგო̄თგენახ დილე

Line of edition: 22 აშხუ̂ ლადეღ ალ ჴელუ̂ა̈ნს ხო̄ქუ̂ა, ერე "ჲაღუ̂ ე̄სერ მინს ჰე̄მა
Line of edition: 23 მიჩა ნაგარჯუ̂ ხაშყიდხ, ღო ეშხუ გუ̂ეშილდს ხაშგუ̂მინნე, ეჯ' ე̄სერ
Line of edition: 24 ჩუ̄უ̂ ხაყერხ. მიჩა ხეხუ̂თე̄უ̂ ესერ ა̈თცა̄დხ ი ჲეშდჲარუ̂ ლჷკილისგა
Line of edition: 25 ესერ მიჩ სამართა̈ლიშ ი უსმართალი თჷრქდი̄ლ ხორი, ეჯ' ე̄სერ
Line of edition: 26 ქა̄უ̂ ოხჴიდ[ხ]". ალჲა̈რს ჲერუ ლახუ̂ბა ქო̄თზჷზახ მინე ჴელუ̂ა̈ნი ხეხუ̂თე.
Line of edition: 27 სგ' ე̄რ ლახგენე̄ნახ ყო̄რს მინე ჴელუ̂ა̈ნი ხეხუ̂ს ი ხოშგუ̂მინახ
Line of edition: 28 თჷრქა̈დ. იმუ̂ა̈̄ჲჟი̄ნ მინე ჴელუ̂ა̈ნს ოთშგურა̄ნა, ეჯჟი̄ნ, ეჩქა ეჯ ზურა̄ლ
Line of edition: 29 გუდ ა̈მჴედე̄ლი, სგო̄თხუ̂ია ეშდჲარუ̂ ლა̄კილთე̄სგა ეჯჲა̈რ, სგა
Line of edition: 30 ლოხუ̂ჭებდა სგა̄უ̂ ი ყო̄რა̈ლ ქო̄ხკჷლა: "ეშხუ ესერ მიჩა ჭა̈შ ი̄რი ლჷჭბიდ
Line of edition: 31 ი ჲერუ მინ ი̄რიხ".

Line of edition: 32 ალ ლახუ̂ბას ერ ხუ̂ა̈ჲ ათრა̄გახ ი დო̄სა ა̈მტეხლიხ ა̈გითე, ეჩქა
Line of edition: 33 ჲერუ ლახუ̂ბა აჯაღ ა̈მჩედხ ეჯჲარე კილ ლა̈კუ̂ჰათე. ალჲა̈რი სგ' ე̄რ
Line of edition: 34 ლახგენე̄ნახ მინე ჴელუ̂ა̈ნი ხეხუ̂ს, ეჩას ალ ჲერუ ლახუ̂ბა სგა̄დ ოთხუ̂ია
Line of edition: 35 ეჯ ეშდჲარუ̂ ლჷკილთე̄სგე̄, იმუ̂ა̈̄ჲ მინე ლახუ̂ბა ხეჭბიდა̈̄ნხ ი ალჲა̈რი̄
Line of edition: 36 სგა ლოხჭებდა სგა̄უ̂ ი ყო̄რა̈ლ ქო̄ხკჷლა: "ო̄შთხუ̂ ესერ მინ ი̄რახ
Line of edition: 37 ლჷჭბიდე ი ეშხუ̂ ესერ მიჩა ჭა̈შ ი̄რა".

Page of edition: 196
Line of edition: 1 ალ ოხუ̂იშდ ლახუ̂ბას თუ̂ითჟი̄ნ ჩი̄ს კუმში ჯუ̂ეგ [ხარდე̄ნახ]. ეჯ
Line of edition: 2 ზურა̄ლს ხო̄ქუ̂ა, ერე "ოშუ̂ა̈̄ჲდ ბა̈ჩ ესერ მიჩა ჭა̈შს მინე მურყუ̂ამ[დ]
Line of edition: 3 ოთგა, ეჩშელდ მანგა̈რს ესერ ოდ დო ოთჴიდეხ ყო̄რთეჟი̄ნ, ეჩქად
Line of edition: 4 ესერ მინს დე̄მის აფშდუ̄რე ქა".

Line of edition: 5 ალ ლახუ̂ბას ა̈გითე ოთჭირეხ მინე მუხუ̂ბათე ი ეჩას ჟ'ოხკოკუ̂ა
Line of edition: 6 მა̈გ მინე ჯუ̂ეგ ი ეჯამა̈გ ჯუ̂ეგ სგა ლოხუ̂გენახ ყო̄რდ მინე
Line of edition: 7 ჴელუ̂ა̈ნიშდ...

Добавлено (2007-01-11, 2:17 Pm)
---------------------------------------------
Part No. 93

Text: 100
Page of edition: 196
Line of edition: 8
100. სემი ლახუ̂ბა, და̈შუ̂დ, თხე̄რე ი მა̄ლ

Line of edition: 9 ლიხ სემი ლახუ̂ბა. ალჲა̈რს მა̄მგუ̂ეშ ხაწუ̂ახ ი ხა̈ბდაუ̂ახ. აშხუ̂
Line of edition: 10 ლადეღ რა̈̄ქუ̂ ხოშა მუხუ̂ბემ: "ლუჩმინად მა, ადო გარჯ გუ̂იჴდენი.
Line of edition: 11 ეშხუ ლაზელა̄ლთე ალჩედდ". ლახუ̂ბად ჩოთმოწმეხ.

Line of edition: 12 ანჷ̄გა̈ნ მაშე̄ნე მუხუ̂ბე, ესღრი, ესღრი შუკუ̂ს, ათხუ̂ი̄დ სამ ლაჭარ
Line of edition: 13 შუკუ̂ს. ამეჩუ ჩუ̂ა̈თბურა̈̄ნ. ანკუ̂ა̈რ ჯჷლა̈ჲ, ოხშყა̈დ ნე̄სგა შუკუ̂ს
Line of edition: 14 ლი̄ზი. ა̈თჴა̈დჷ̄ნ ლექუ̂ე̄რთე̄სგა. ამჩუ ა̈დწუ̂ე̄ნა̄ლე, ა̈ხგუ̂ა̈ბ სემი დია̈რ.
Line of edition: 15 ალჲა̈რ ჩუ ლალე̄მ. ჯა ჩუ̂ადყურდა ლენკი̄რისგა. ათხე მუბირუნღო
Line of edition: 16 ანჴა̈დხ და̈შდუ̂, თხე̄რე ი მა̄ლ. და̈შდუ̂დ ხა̈̄ქუ̂ მა̄ლს: "ხოლა̄მდ ლა̈რიდ
Line of edition: 17 ნა̈ჲ, იმთე დო ლჷღრიდ, ჩუ მა̄მგუ̂ეშ გუ̂იმჴერა უშხუ̂ა̄რეშ". ლა̄წი̄ლდია̄ლისგა
Line of edition: 18 მა̄მა̄დ ა̈თსიკთა̈̄ნხ. სერ და̈შდუ̂დ ხა̈̄ქუ̂ მა̄ლს: "სგა̄დე ი უ̂ახშა̈მ
Line of edition: 19 ახა̈ჲ, მა̄ლ! -- მა̄ლ ჟ'ანჷ̄გა̈ნ ი სგა̄დსკინე ლენკი̄რთე, ა̈ხთხა̄ლ დია̈რს
Line of edition: 20 ი დე̄სა ახხუ̂ი̄დ. ლახტუ̂ი̄ლ და̈შდუ̂ს: "მუგუ̂ა̈ლუ ანტუ̂არე, ამე̄სგა მა̄რე
Line of edition: 21 ლოქ ა̈რი!" სგა̈̄ხჭუ̂ა̄დხ და̈შდუ̂ ი თხე̄რე ი მა̄ლ, ჩუ̂ადფინქო̄რეხ ი
Line of edition: 22 ამჟინ ჩუ̂ადყურდახ ბა̄ზი.

Line of edition: 23 ხოღლიხ ალ ჲორუ ხოხუ̂რა ლახუ̂ბა: "მა̈ჲ ხოჩა, დემხა̈ნ ანჴა̈დ
Line of edition: 24 მუხუ̂ბე!" ხა̈̄ქუ̂ მანე̄სგრა მუხუ̂ბემ: "მი ღური მჷხა̈რ ლათხე̄ლთე".
Line of edition: 25 ანჷ̄გა̈ნ ჰამს, ესღრი ი ესღრი. ალასი ამხაუ̂თე̄სგა ა̈თჴა̈დჷ̄ნ. ამეჩუ
Line of edition: 26 ა̈დწუ̂ე̄ნა̄ლე ლენკი̄რ, ჟ'ა̈ხგუ̂ა̈ბ სემი დია̈რ ი ჩუ ლალე̄მ. ანჴა̈დხ ნა̈ბოზს
Line of edition: 27 და̈შდუ̂, თხე̄რე, მა̄ლ. და̄შდუ̂დ ხაშგუ̂მინ აჯაღ უ̂ოხშა̈მ. სგადსკინე
Line of edition: 28 მა̄ლდ ი რა̈̄ქუ̂: "სგა აგუ̂მითქუ̂ე̄ნა მა̄რე, ბა̄ზიი მა̄რე ა̈რი!" და̈შდუ̂დ
Line of edition: 29 იშგუ̂მინ მა̄რე: "ქა-უნყუ̂ს ა̈ნიჴდ!" ქა̄დ ანჴიდხ ი ჩუ̂ადფინქო̄რეხ
Line of edition: 30 ამჟი. ალჲა̈რ აჩა̈დხ.

Line of edition: 31 ოხღელი ათხე ხოხუ̂რა მუხუ̂ბე: "იმთე აჩა̈დხ ლახუ̂ბა?". ანჷ̄გა̈ნ
Line of edition: 32 ი ესღრი. ალასი ამხაუ̂თე̄სგა ა̈თჴა̈დჷ̄ნ. ამნემ დი̄რა̈ლ შჷყჟი ესდე
Line of edition: 33 ი ჩუ̂ადყურდა. ალ ნა̈ბოზს ანჴა̈დხ ამხაუ̂თე̄სგა აჯაღ ალჲა̈რ ი
Line of edition: 34 იშგუ̂მინხ უ̂ახშა̈მ. სგა̄დსკინე მა̄ლდ ი ქა̄ნჴიდ დი̄რა̈ლ: "ბა̄ზი როქ
Line of edition: 35 დე̄მგუ̂აშუ̂ ლოხმამა დია̈რ!" ალა ჩუ ლალე̄მხ.

Page of edition: 197
Line of edition: 1 ნაუ̂ახშობენ და̈შდუ̂დ ხა̈̄ქუ̂ თხე̄რა: "ა̈ლმეჴრად მა უშხუ̂ა̄რეშ:
Line of edition: 2 იმთე ჲა̈რ დო ლჷღრიდ, მა̄მგუ̂ეშ გუ̂იმჴერა". თხე̄რემ ხა̈̄ქუ̂ მა̄ლს:
Line of edition: 3 "ახა̄მბა̈უ̂ მა სი!" მა̄ლდ ხა̈̄ქუ̂ და̈შდუ̂ს: "მა̄დეჲ სი ახა̄მბა̈უ̂! -- ჟი ლადე̄სგუნა̄ლისგა
Line of edition: 4 ათჭადუ̂ეხ (\\ ათჭარჟეხ) თხე̄რა. ა̈ნბინე თხე̄რემ:
Line of edition: 5 -- ხოჩა̄უ̂ ნა̈ბოზ გუ̂ა̄რ ჩიგარ ი, ჲაღო, მი ხუ̂ა̈მთქუ̂ა ლჷცურ
Line of edition: 6 სოფელს ი ა̈რი ჩე̄რხა (\\ ჩი̄რხა). ეჩას ერუ̂ა̈̄ჲ ჟ'ანკუ̂ა̄ნე, ა̈ნბჷრჯი, ლიც
Line of edition: 7 ხეზუ̂ბენი ნე̄სგა სოფელ ლექუ̂ა ი თუ̂ით ნალჯუ̂ემს სოფელ მა̈გ ქა იჴდეხ,
Line of edition: 8 ლახ ლიცს ჲა̈რ ოხწესნეხ. -- ამჟი ქა̄დსურლე (\\ ქა̄დსრულე) თხე̄რემ.

Line of edition: 9 ათხე და̈შდუ̂ს: -- სი იმე ხა̈რი, და̈შდუ̂?
Line of edition: 10 -- მი ხუ̂ა̈მთქუ̂ა თა̈ურ (\\ თეურ) მეჯო̈გს ი ხუ̂ითში მაჩე̄ნა̄მ ღოლჲა̄ქს
Line of edition: 11 ჯუ̂ეგხა̈ნქა. ლახ ალ მეჯო̈გს ჲარუ̂ თე̄რა̈ლს ოხფხჷრჷ̄ლი, მიჩა
Line of edition: 12 ჯო̈გი ხჷნსგა̄მ ქა იჴდე, ი ლაფხრჷ̄ლა ხა̄რ: ეშხუ ხაყა გირგუ̂და̈ჲ
Line of edition: 13 გიცა̈რ, შდჷმთე̄სგა ხა̄რ ლუქუ̂ჭე მუჭუ̂ა̈რ. ეჯას ერუ̂ა̈̄ჲ ჩუ̂ოთძიჰნე ი
Line of edition: 14 ტუფს ათჭუ̂ე̄ნნე, მახა ნატფუ̄რს ჩუ̂ადყუ̂ინნე დრო̈უ̂ნ-ი-დრო̈უ̂ნ, ეჩჷნღო
Line of edition: 15 ჟ'ა̈ნგენი, ქა ხოფხრჷ̄ლე, მახა თე̄რა̈ლს ხა̈ზბუნე. -- ამჟი ქა̄დგა̄თუ̂ე
Line of edition: 16 ამნემ ათხე მა̄ლდ:

Line of edition: 17 მი დემთე მა̄რ ლე̄ზი. ამჩუ ყო̄რ ქა̄მენჩუ ხუ̂ა̈მთქუ̂ა შდუგულდს.
Line of edition: 18 შდუგუ̂ს ხა̄რ თეთრიშ ლაშდუგ. მჷჟა̈̄რჟი ქა ჴიდე ქა̄მენჩუ,
Line of edition: 19 ხომჟუნე. ეჩას, ლახ მეცხე̄ნი, ფაულდს ხუ̂ა̈ჴდე თხუმჟი, თეთრს
Line of edition: 20 [ჟ']ა̈ხუ̂კედ.
Line of edition: 21 -- ამჟინ მაჩე̄ნა̄მ ა̈გის ხა̈რი! -- ხა̈̄ქუ̂ხ და̈შდუ̂დ ი თხე̄რემ.

Line of edition: 22 ამჟინ ჩუ̂ადყურდახ. აჩა̈დხ მე̄რმა ლადეღ. ათხე მესმა მუხუ̂ბილდ
Line of edition: 23 ჟ'ა̈ნჰურნე მა̈გ ალჲარე გა̈რგლა ი ლა̄პა̈რ ი აჩა̈დ. აჩა̈დ ი ათხუ̂ი̄დ
Line of edition: 24 მეჯო̈გს. ათხუ̂ი̄დ მეჯო̈გს ი ხა̈̄ქუ̂ მეჯო̈გს: -- იმ ლამედი, ლახ თე̄რა̈ლს
Line of edition: 25 ქა̈̄ჯფხჷრჷ̄ლი?
Line of edition: 26 -- იმ-ი მიშგუ̂ა ჯო̈გიშ ხჷნსგა̄მ!

Line of edition: 27 ამჟინ ქა ლოხყუ̂ილ ხჷნსგა ჯო̈გიშ. ჩუ̂ა̈ძიჰ ბა̄ზი გიცა̈რ, ტუფ
Line of edition: 28 ქა̄თჭუ̂ე̄ნ ი მე̄რმა ლადეღ ანჲა̈ცხუ̂ნე ჟი ი თე̄რა̈ლ, იმუ̂ა̈̄ჲჟი მახა მა̄რა,
Line of edition: 29 ეჯჟი̄ნ მახად ლა̈ხტა̈ხ. ათხე ჯო̈გ ჩუ̂ოთმა̈ზრე ი ესღრი. აჩა̈დ ლჷცურ
Line of edition: 30 სოფელთე̄სგა. ამჩუ ხა̈̄ქუ̂ სოფელს: -- ამჩუ̄ნ ლიცს ლახ [ჲა̈რ] ა̈ჯზუ̂ებნეხ,
Line of edition: 31 იმ ა̈თჴიდედ?

Добавлено (2007-01-11, 2:17 Pm)
---------------------------------------------
იმ-ი თუ̂ით ნალჯუ̂მი ლუგუ̂ენს.

Line of edition: 33 ჩუ̂ა̈დსკიბხ ამჟი. ბერგ ი კა̄და ახჴიდუ̂ნე ჩი̄ს, ლახა̄დხ ამი̄შ
Line of edition: 34 ლაბჷრჯას. ჟ'ა̈ნკუ̂ა̈რ ალა, ლიც ლა̈ხზუ̂ა̈ბ სოფელს. სოფელდ ქა ლახუ̂ე̄მ
Line of edition: 35 თუ̂ით ნალჯუ̂მი ლუგუ̂ენ ი აჩა̈დ ამჟი.

Line of edition: 36 ამჟი ათა̄სდ შდუგუ̂ს ი ქა ხომჟუნა თეთრ. ხაჴიდ ალას ფაულდ
Line of edition: 37 თხუმჟი ი ჩუ̂ადგა̈რ. ალა სგე̄სდე გუდრათე, თეთრ, ი ბა̄ზი ჩუ̂ადჷ̄გა̈ნ
Line of edition: 38 ამჩუ. ანჴა̈დხ ალჲა̈რ: და̈შდუ̂ ი თხე̄რე ი მა̄ლ. ალჲა̈რ სგა ლა̈ჲჷნკე̄ლე
Page of edition: 198 Line of edition: 1 ლექუ̂ე̄რთე̄სგა, ათხე ხა̈ზჷრზე დაგრას: "ჲედ ლახუ̂ბა ლამტიხდ, მა̄დეჲ
Line of edition: 2 ჯადგა̈რი!" და̈შდუ̂დ ხა̈̄ქუ̂: "ჩუ ნომა ანდაგრა ი ლახუ̂ბას ჟი ჯიგნედ.
Line of edition: 3 ლენკი̄რისგა სა̈ტრო̄ლ ა̈რი, სა̈ტრო̄ლისგა -- სა̈ტრო̄ლ. ეჩეისგა ჯიჯულდ
Line of edition: 4 ა̈რი ი ქათლა̈ ღალიდ. ეჯას ლახ ჯიჯულდს ქა ლახთხეპნე (ღალიდს),
Line of edition: 5 ლახუ̂ბას ჟი ჯიგნეხ".

Line of edition: 6 ალა ქა̄ხღორუ̂ე ი ალჲა̈რი ჟ'ანხუ̂იტ. ამჟი ანჷ̄გა̈ნხ ი აჩა̈დხ.
Line of edition: 7 აჩა̈დხ ი კუმშიშ ჯუ̂ეგ ი გუდრა გუ̂ეში თეთრ ესღუ̂ახ.

Line of edition: 8 ალჲა̈რდ ხოჩა ლირდე-ლიზგე ა̈დჴიდხ ი ლჷმზჷრე̄უ̂ ხიშდ.

Добавлено (2007-01-11, 2:18 Pm)
---------------------------------------------
Part No. 94

Text: 101
Page of edition: 198
Line of edition: 9
101. და̈შდულდ ი მა̄ლჷლდ

Line of edition: 10 ალჲა̈რს ხო̄გხ ნა̈ფტუ̂ირა. ანჴა̈დ მა̄ლჷლდ, ქა ღჷრი ი იზბი.
Line of edition: 11 ჩუ̂აშდიხ ალა მა̈გ. ქა̄ჩა̈დ აშხუ̂ ლადეღ.
Line of edition: 12 -- ოჰო-ჲ ოჰო! -- ხა̈̄ქუ̂ინ და̈შდულდდ:
Line of edition: 13 -- მა̈ჲ ლი ალა ჩიგარ ისგუ "ოჰო-ჲ ოჰო"?
Line of edition: 14 -- მა̈ჲ-ი კე̄სა̈რშე̄რემ გუ̂ა̈წჰეხ ლა̈პრისდა̄ლთე.
Line of edition: 15 -- ჲაღო, მი ღური ეჩხა̄უ̂!
Line of edition: 16 -- სი იმ ადრი ეჩხა̄უ̂ უბრა-უცხე̄ნა? მ'ოდრი̄ნე!

Line of edition: 17 აჩა̈დ მა̈ლჷლდ, იზბი ნა̈ფტუ̂ირას.

Line of edition: 18 ათხე აჯაღჷდ ლა̈̄ქუ̂ინ: -- ოჰო-ჲ ოჰო!
Line of edition: 19 -- მა̈ჲ ლი ალა ისგუ "ოჰო-ჲ ოჰო" ჩიგარ?
Line of edition: 20 -- მა̈ჲ-ი კე̄სა̈რშე̄რთე გუ̂ა̈წჰეხ ლა̈პრისდა̄ლთე.

Line of edition: 21 აჩა̈დხ ჲერქჷდა. ესღრიხ, ესღრიხ ი ჯუ̂ე̄დიას ტუ̂იბრათეჲსგა
Line of edition: 22 სგა̄დკუ̂ა̈რ მა̄ლჷლდდ და̈შდუ̂, ჩუ̂ა̈დყიმა̈̄ნ ეჩეისგა.

Добавлено (2007-01-11, 2:19 Pm)
---------------------------------------------
Part No. 95

Text: 102
Page of edition: 198
Line of edition: 23
102. ჟინღჷლდ ი მა̄ლჷლდ

Line of edition: 24 ჟინღჷლდ ი მა̄ლჷლდ ა̈რიხ უშხუდ. ათხე ანჴა̈დ ლიჴნიე̄ლ. ჟინღჷლდდ
Line of edition: 25 ხა̈̄ქუ̂ინ: -- მა̈გ აჴნი́, ნა̈ჲი ალჩედდ ლაჴა̈ნთე!

Line of edition: 26 მა̄ლჷლდდ ხა̈̄ქუ̂ინ:
Line of edition: 27 -- ქა ს'აჴან, ჟი მ' ოხთუ̂ინე!

Line of edition: 28 ათხე ანჴა̈დ ლითიე̄ლ. აჯაღ ხა̈̄ქუ̂ინ ჟინღჷლდდ:
Line of edition: 29 -- მა̈გ ლათე̄ს ა̈რი, ნა̈ჲი́ ალჩედდ ლათე̄თე!

Line of edition: 30 მა̄ლჷლდდ ხა̈̄ქუ̂ ათხე: -- ჟი ს' ა̈ხით, ქა მ'ოხკალუ̂ი!

Line of edition: 31 ათხე ლიკლა̈უ̂იე̄ლ ლი. ხა̈̄ქუ̂ინ ჟინღჷლდდ:
Line of edition: 32 -- მა̈გ აკლა̈უ̂ი, ნა̈ჲი́ ლალკალუ̂ად!

Page of edition: 199
Line of edition: 1 ათხე მა̄ლჷლდდ: -- ქა ს'ახკალა̈უ̂, ღო მი ქო̄ხუ̂ბა̈̄ბი!

Line of edition: 2 ქა̄ნკალუ̂ე ჟინღჷლდდ. -- ათხე ქა̄ხბა̈̄ბ! -- მა̄ლჷლდს ხა̈̄ქუ̂.
Line of edition: 3 -- ქა ს'ახბა̈̄ბ, ითქს მ'ოთხუ̂ინე!

Line of edition: 4 ქა̄ნბა̄ბე ჟინღჷლდდ. მა̈გ ჩოთღორუ̂ე მა̄ლჷლდდ ჟინღჷლდს. აშხუ̂
Line of edition: 5 ა̈გის ითქ ა̈რი, მე̄რმა̄მ ა̈გის უ̂ეჴ.
Line of edition: 6 -- ათხ' ე̄სერ ჩუ̄[უ̂] ა̈დი̄თა̄ლეხ!
Line of edition: 7 -- ლისკნა̈̄ლუ ესერ ახა̄დხ: ხედუ̂ა̈̄ჲ ესერ ითქთეჟი ა̈დსკინნეხ,
Line of edition: 8 ეჩის ითქ ხე̄რახ, უ̂ეჴთეჟი̄ნ ხედუ̂ა̈̄ჲ ა̈დსკინნეხ, ეჩას -- უ̂ეჴ.

Line of edition: 9 ადსკინე ჟინღჷლდდ, ითქჟი̄ნ ესბეთქ; ადსკინე მა̄ლჷლდდ, უ̂ეჴჟი̄ნ
Line of edition: 10 ა̈ნკიდ ფიჩჷლდ (ჰა̈შიდ). უ̂ეჴ მა̄ლჷლდს ხა̄დ, ითქ -- ჟინღჷლდს.

Line of edition: 11 ლჷმზჷრე̄უ̂ ხიშდ.

Добавлено (2007-01-11, 2:19 Pm)
---------------------------------------------
Part No. 96

Text: 103
Page of edition: 199
Line of edition: 12
103. მჷკჷლმა̈ხი̄ ჭყინტგეზალ

Line of edition: 13 არდა ეშხუ მჷკჷლმა̈ხი, ხორდა ეშხუ ჭყინტგეზალ. აჩა̈დხ აშხუ̂
Line of edition: 14 ლადეღ [ალ] გეზლა̈ იღბა̈ლჟი ლაკჷლმა̈ხთე ი ადკუ̂ა̈რ ბა̈დ მჷკჷლმა̈ხიდ
Line of edition: 15 მიჩა გეზლა̈ იღბა̈ლჟი ი ეჩშელდ კალხმა̈რ ა̈თჷრმა̈̄ნ[ხ], ერე პილთექა
Line of edition: 16 უ̂ედდ [გარ] ა̈ნთირნე ი ჩუ̂აშიდ მინდო̈რისგა. ამშელდ კალხმა̈რისგა
Line of edition: 17 ხეჩჷ̄დ ეშხუ ზისხი გუა̈რდ წჷრნი ი ლამა̈ზ მეუ̂არ. ეჩქა მჷკჷლმა̈ხიდ
Line of edition: 18 ხა̈̄ქუ̂ მიჩა გეზალს: "ჯ' ე̄სერ ა̈გითე ღჷრი ი ურემს ჴიდე კალხმარე
Line of edition: 19 ლა̈ჲა̈̄სგდ ი ჯ' ე̄სერ ჟი̄უ̂ ესლეჩა̈̄ნ კალხმა̈რს ი ჩიდ ხოშა
Line of edition: 20 ფირთხილდ[უ] ესო̄გა̈ნ წჷრნი ჴალმახს!"

Line of edition: 21 აჩა̈დ ა̈გითე მჷკჷლმა̈ხი ი ჭყინტდ წჷრნი კალმახ ჟ'ა̈ნკიდ ტოტთეჟი
Line of edition: 22 ი ხეწუ̂ე̄ნა̈̄ლ, მეუ̂არ ადსინჯუ̂ე, ხუ̂ა̈ჲ ადსი̄პანე ი უ̂ეშგიმპილს
Line of edition: 23 ლა̈̄ქუ̂, ერე "ცოდ ესერ მა̄დ ლია ამი̄შთა̄ნ ლამა̈ზ კალხმა̈ დაგრა?" ი
Line of edition: 24 ახცუ̂ა̈დლჷნ ი სგა̄ფიშუ̂დ ჭალა̈ჲთეჲსგა. ეჩქა კალმახ უ̂ეშგდ ესტა̈ხ ი
Line of edition: 25 ქა ლოხკიჩ ეშხუ ფხა ი ქა ლახუ̂ემ ჭყინტს: "შომუ̂ა̈̄ჲ ლადეღ გაჭიუ̂რება
Line of edition: 26 ა̈ჯჴეს, ეჩქა ალა ლახქუთინ ი ჭალი პილთეჟი აღე ი მიშგუ
Line of edition: 27 ჟახე ახჷრშუ̂ნ!"

Line of edition: 28 ათხე ანჴა̈დ მიჩა მუ ი წჷრნი კალმახს ა̈ხთხა̄ლ. ეჩქა მიჩა გეზალდ
Line of edition: 29 ხა̈̄ქუ̂: "ხაცუ̂დილე̄ნა როქ ი ქო̄თფი̄შუ̂და."

Line of edition: 30 მიჩა მუ ა̈თცუ̄დ: "მიჩა სიცოცხლეისგა [=აშლარდაისგა] ნო̄საუ̂
Line of edition: 31 როქ ხეწა̈დ სერ იუ̂ალადეღ ი აჩა̈დუ იმთე!"

Line of edition: 32 აჩა̈დ ჭყინტ. მჷკჷლმა̈ხიდ ა̈გით' ა̄დჲე კალხმა̈რ. ჭყინტ ესღრი,
Line of edition: 33 ესღრი, ძღჷდ მეჩედ, ჰა კოტო̄ლ, სგა ლახხუ̂ი̄დ ამეჩუ ლა̈ჩუ̂ ი ახღუ̂იჭხ
Line of edition: 34 მეთხუ̂იარა ი მინე ჟეღა̈რ. სგა ხაფხეჭ [ამნე̄მ] ლა̈ჩუ̂ს მუჭუ̂ა̈რს ი ჟ'ა̈ნჷრმე.
Line of edition: 35 მეთხუ̂იარას ხა̈̄ქუ̂, ერე "მა̄მა ესერ ხოშგურხა, მიჩა შინა̈უ̂ირ
Page of edition: 200 Line of edition: 1 ლა̈ჩუ̂ს დო ადგა̈რიხ?" ი ქა̄თყა̈ჩუ̂ნე მეთხუ̂იარა ი ჟეღა̈რ. ეჯჲა̈რ ე̄რ
Line of edition: 2 ქა̄ფიშუ̂დ, ეჩქა ლა̈ჩუ̂ს შუკუ̂ ლახთო̄ნე: "ღჷრდაუ̂ ესერ, ნო̄მჷნუ ხაყლუ̄ნი,
Line of edition: 3 ხოჩაუ̂ შუკუ̂ ხა̄რ!" ეჩქა ლა̈ჩუ̂ უ̂ეშგდ ლა̈ხტა̈ხ ი ქულა ლოხკიჩ:
Line of edition: 4 "ალა ესერ ჯიბთეუ̂ ესდე. შომუ̂ა̈̄ჲ მაწჷხ ხა̈̄ც, ეჩქა ქაუ̂ ანჴა̈დ მინდო̈რთექა
Line of edition: 5 ი მიჩა ჟახეუ̂ ანჷრშუ̂ენ, "მი ისგუ̂აცახა̈ნ ესუ̂ფა̈დგი ი ჩი̄
Line of edition: 6 ლა̈ჯშედნი!"

Line of edition: 7 აჩა̈დ. ხუ̂ა̈ჲ აჩა̈დ, ჰა კოტო̄ლ, ახღუ̂იჭ წა̄უ̂რს ა̈რწიუ̂. ჰაჲ ჲედ
Line of edition: 8 ხეჰა ი ჲედ დეშ ი ახფიშუ̂დ კუ̂აბლა̈ჲ ფაუ ი ქა̄თყიჩ წა̈̄უ̂რს ა̈რწიუ̂
Line of edition: 9 ი ჩუ̄დ ათცუ̂ირუ̂ნე ლჷჲა̈რ. ეჩქა წა̈̄უ̂რდ ღალე ლა̈ჲკიჩ ი ქა ლახუ̂ემ
Line of edition: 10 ჭყინტს: "ალ' ე̄სერ ჯიბთეუ̂ ესდე ი, შომუ̂ა̈̄ჲ მაწჷხ ჯე̄რა, ეჩქა მი
Line of edition: 11 ამჷრშუ̂ენ ი ეჯ მინუტისგა ისგუ̂აცახა̈ნ ესუ̂ფა̈დგი!" სგე̄სდე ჯიბთე ი
Line of edition: 12 წა̈̄უ̂რ აჩა̈დ.

Line of edition: 13 ესღრი ჭყინტ ი ამეჩუნ სგა ლახხუ̂ი̄დ მა̄ლ. ახღუ̂იჭხ უ̂ეშგინ
Line of edition: 14 მეთხუ̂იარა ი მინე წეუ̂ა̈რ-მეძბარა̈ლ, ჲედ ირმიხ ჟი, ჲედ დეშ. ეჩქად
Line of edition: 15 ჰერ ესდე ჭყინტდ: "იმ ესერ იჩოხ, მიჩა შინა̈უ̂ირ მა̄ლს ესერ იმღა
Line of edition: 16 ახღუ̂იჭხ?" ი მა̄ლს კალთა̈ჲ ლახლაფრე ი ჩუ̂ათცუ̂ირუ̂ნე მეთხუ̂იარას ი
Line of edition: 17 ჟეღა̈რსი̄. შომუ̂ა̈̄ჲ ეჯჲა̈რ ქა̄ჩა̈დხ, ეჩქა მა̄ლ ქა̄ფიშუ̂დ. მა̄ლ უ̂ეშგდ
Line of edition: 18 ესტა̈ხ ი ქა ლოხწა̄ნე ფა̈თუ̂: "ეე, სი ჭყინტ, მა̈̄ღენ ამი̄შთა̄ნ სიკეთ
Line of edition: 19 მა̈ყრ, ალ მიშგუ ფა̈თუ̂ ისგუ̂ოუ̂ მისჩუქუ̂რე̄ნს. შომუ̂ა̈̄ჲ გაჭიუ̂რება ა̈ჯჴეს,
Line of edition: 20 ეჩქა ქა̄ღე მინდო̈რთექა ი მიშგუ ჟახე ახჷრშუ̂ენ ი ეჩქა ისგუ̂აცახა̈ნ
Line of edition: 21 ა̈ხუ̂ფა̈დგი!"

Line of edition: 22 ათხე ესღრი ჭყინტ ი ესღრი, სგა ლა̈ხჴა̈დჷ̄ნ ეშხუ ჰო̈̄რია დი̄ნათეჲსგა.
Line of edition: 23 ეჯკა̈ლიბ ზითუნახა̈უ̂ ლი, ერე ქუ̂ეყანაჟი ამჷნ ხოჩა და̈̄რ ა̈რი,
Line of edition: 24 მარე ხეხუ̂დ ეჯას გარ ხონჴრი, ერე ეჯკა̈ლიბ ა̈დგილჟი ჰ'ა̈̄რ ჩუ
Line of edition: 25 ხეპჟენი, ერე ჯა ჩუ დოშ იწუ̂ე̄ნე. ეჯას ხონჴრი ხეხუ̂დ, ი ეჩურ ჩუ̂ადგა̈რი
Line of edition: 26 ჩი̄. სგა̄ჩა̈დ ამხაუ̂ ჭყინტ ი ხა̈̄ქუ̂:
Line of edition: 27 -- ჰე, სი ლჷფკე̄ლ, ისგუ̂ათე ოღუ̂ერ, ხეხუ̂დ მაკუჩ ა̈ჯყედა̄ნა!

Line of edition: 28 ეჩქა ლჷფკე̄ლდ ლახტიხ:
Line of edition: 29 -- ჰე მოშ ეჯკა̈ლიბ ა̈გის ა̈თპეჟნი, ერე ჟი დოშ ა̈ჯთხე̄ლნე,
Line of edition: 30 ეჩქა ისგუ ხეხუ̂ ხუ̂ი̄რა; ჟ'ემოშ ა̈ჯთხე̄ლნე, ეჩქა ჩუ ჯადგა̈რი!
Line of edition: 31 -- ჲაღო, უ̂ო̄შთხუ̂ინ ლიპეჟი ნა̈ბ ქა ლა̄

Line of edition: 33 აჩა̈დ ლიცი პილთე ი კალხმა̈ ფხა ა̈ნკიდ ი ჟ'ანჷრშუ̂ენ წჷრნი
Line of edition: 34 კალმახ. ეჩქა კოტო̄ლ ლა̈სუ̂, ათხე ძღჷდ ლი ი ქა̄ნჴა̈დ ჭყინტთექა.
Line of edition: 35 -- მა̈ჲ ეჯწჷხჷნ, იმნა̈რ აღერ, მიშგუ̂ი მურდუ̂ნე? მა̈̄ჲ მებცი,
Line of edition: 36 თხუმ დე̄მ აჯმა̈დუ̂ნი.
Line of edition: 37 -- ამჟი, ამკა̈ლიბ ა̈გის ხეკუ̂ეს ერე ამპა̈ჟუ̂ნა. ერე ქა̈ჯდი დოშ
Line of edition: 38 ა̈მთხას!

Page of edition: 201
Line of edition: 1 ჟ'ესსგურე შჷყჟი ი ჩუ̂ადჲე ძუღუ̂ა̈̄ ჰოკერთე. ძუღუ̂ა̈̄ ჰოკერ ქუ̂ა̈ბ
Line of edition: 2 ხა̄რ ი ეჩხაუ̂ ადგენე, ქა̄მენ ჯა ლოხუ̂ჩა̈შ. ა̈ნკიდ ეჩქა ლჷფკე̄ლდ სა̈რკ,
Line of edition: 3 ხოსგდი ჩი̄თე, დე̄მე ესწუ̂ე̄ნე. ეეშგიმპილს ძუღუ̂ათე ა̈დსგიდა ი ქა
Line of edition: 4 ხეწა̈დ ძუღუ̂ა̈̄ ჰოკერ ქუ̂ა̈ბისგა ი ქა̄მენ წჷრნი კალმახ ხოჩიშ. მე̄რმა
Line of edition: 5 ლადეღ თამა̈მდ ლა̈ხწუ̂ე̄ნა̈̄ნ. "ცუ̂იდდ თამამობ (\\ ხიჟხი̄ნა̈̄ლ): ეზერდ
Line of edition: 6 ეჯწუ̂ე̄ნ ძუღუ̂ა̈̄ ჰოკერ ქუ̂ა̈ბისგა, ქა̄მენ წჷრნი კალმახ ჯიჩა̈შ". ათხე
Line of edition: 7 ჭყინტს ჰელ ესბჷ̄დ.

Line of edition: 8 მე̄რმა ლადეღ აჩა̈დ მინდო̈რთე ი ირემი [=ლა̈ჩუ̂ა̈] ფა̈თუ̂ ა̈ნკიდ,
Line of edition: 9 ანჷრშუ̂ენ ლა̈ჩუ̂. ლა̈ჩუ̂ შიშდ ამეჩუნ ესფადგა̈̄ნ ი ლა̈ხჭუ̂ედდა:
Line of edition: 10 -- მა̈ჲ როქ ესწჷხე̄ნა მიშგუ მურდუ̂ნე ი მიშგუ̂ა ქუ̂ინი მუცუ̂რე?
Line of edition: 11 მა̈̄ჲ ჯეკუ̂ეს, მა̈გ მე̄ქა!
Line of edition: 12 -- ეჯკა̈ლიბ ა̈გის მოშ ამპა̈ჟუ̂ინ, ერე ეშმა̈კდ[ი̄] დოშ ა̈მთხას!

Line of edition: 13 ჟ'ესსგურე შჷყჟი ი ჩხარა თანა̈ღ ეჩხა̈ნჩუ ადჲე ი [ჩუ̂ათპა̈ჟუ̂ნე]
Line of edition: 14 ქუ̂ა̈ბისგა, ჯა ქა̄მენ ლა̈ხლაფრა̈̄ნ (ლოხჩა̈შ). ლჷფკე̄ლდ სა̈რკ ა̈ნკიდ,
Line of edition: 15 ხუ̂ა̈ჲ ადსინჯუ̂ა̄ლე, მა̈ჲ ჟიბაუ̂, მა̈ჲ ჩუბაუ̂, მა̈ჲ ლექუ̂ა, მა̈ჲ ლეჟა, მა̈ჲ
Line of edition: 16 ძუღუ̂ათე, დე̄მე მოშ ესწუ̂ე̄ნე. უ̂ეშგიმპილს ა̈დსგიდა უხუ̂ანა̈რთე ი ქა
Line of edition: 17 ხეწა̈დ ქუ̂ა̈ბისგა, ქა̄მენ ლა̈ჩუ̂ ხოჩა̈შ. მე̄რმა ლადეღ ჟა̈ხი̄რდ ლა̈ხწუ̂ე̄ნა̈̄ნ
Line of edition: 18 ჭყინტ. "ცუ̂იდდ ხიჟხი̄ნა̈̄ლ, ეზერდ ეჯწუ̂ე̄ნ: ჩხარა თანა̈ღ
Line of edition: 19 ეჩხა̈ხჩუ ქუ̂ა̈ბისგა ლა̈ჩუ̂ ჯიჩა̈შ ქა̄მენქა". ჭყინტს აჯაღ ათყალუ̈̄ნდა:
Line of edition: 20 "იმე როქ ა̈თუ̂პეჟნი ეჯკა̈ლიბ ა̈გის, ერე ამნემ ჩუ დოშ ემწუ̂ე̄ნე?!"

Line of edition: 21 აჩა̈დ მინდო̈რთე ი ა̈ნკიდ ღალე ი წა̈̄უ̂რ შიშდ ამეჩუ გაჩდა
Line of edition: 22 (ესფადგა̈̄ნ), ხა̈̄ქუ̂ სალა̈მ: -- მა̈ჲ როქ ესწჷხე̄ნა? მა̈̄ჲ მებცი, თხუმ დე̄მ
Line of edition: 23 აჯმა̈დუ̂ნი.
Line of edition: 24 -- ეჯკა̈ლიბ ა̈გის ამპა̈ჟუ̂ინ, ერე ქაჯრა̈ლდ[ი̄] დოშ ა̈მთხახ.

Line of edition: 25 წა̈̄უ̂რდ ჟ'ესსგურე ლაპო̄რა̈ლჟი ი ჟ'ადჲე, ჟ'ათტჷ̄შე დეცს ი ჩუქუ̂ა̄ნქა
Line of edition: 26 ჯა ლა̈ხლაფრა̈̄ნ. ლჷფკე̄ლდ ა̈ნკიდ სა̈რკ ი ქა̈̄დსგიდა, ჩი̄თე
Line of edition: 27 ა̈სჷნჯაუ̂ა̈̄ლი ი დე̄მე მოშ ესწუ̂ე̄ნე. უ̂ეშგიმპილს ლა̈ჲსგიდა ჟიბაუ̂ ი ჟი
Line of edition: 28 ხატჷ̄შა დეცს, ჩუქუ̂ა̄ნ წა̈̄უ̂რ ხალფარა. მესმა ლადეღ ჟა̈ხი̄რდ ლა̈ხწუ̂ე̄ნა̈̄ნ
Line of edition: 29 ჭყინტ. ლჷფკე̄ლდ ხა̈̄ქუ̂: "ცუ̂იდდ ხიჟხი̄ნა̈̄ლ, ეზა̈რდ ეჯწუ̂ე̄ნ:
Line of edition: 30 დეცს ხეხტაუ̂ა̈̄ნდა̈ს, ჩუქუ̂ა̄ნ წა̈̄უ̂რ ჯიჩა̈შ". ათხე მეუ̂არ ა̈დხუჭა̈̄ნ ი

Добавлено (2007-01-11, 2:21 Pm)
---------------------------------------------
ხაყლუ̄ნი.

Line of edition: 32 ქა̄ჩა̈დ მინდო̈რთე ი ა̈ნკიდ მა̄ლა̈ ფა̈თუ̂ ი მა̄ლ შიშდ ამი̄ცახა̈ნ
Line of edition: 33 ა̈ნფადგა̈̄ნ.
Line of edition: 34 -- მა̈ჲ როქ ეჯწჷხჷნ ამკა̈ლიბ?" მა̈̄ჲ მებცი თხუ̂იმს ქე̄სდუ̂ინე ი
Line of edition: 35 ჩი̄ ჩუ ლაჯშიდ.

Line of edition: 36 ეჯკა̈ლიბ ა̈გის ხეკუ̂ესე ამპა̈ჟუ̂ნა, [ერე] ალ ლჷფკე̄ლდ ჩუ
Line of edition: 37 დო̄მე მოშ ემწუ̂ე̄ნას!

Page of edition: 202
Line of edition: 1 -- ჲაღო, სგა̄დე ი უ̂ო̄შთხუ̂ ლა̈დღი უ̂ადა ხაშგუ̂ემ ი ეჩქა
Line of edition: 2 ჩუ̂ა̈თპეჟუ̂ნი.

Line of edition: 3 სგა̄ჩა̈დ ი ხაშგუ̂მინ: "უ̂ო̄შთხუ̂ ლა̈დღი უ̂ადა ქაუ̂ ლახუ̂ემ ი ეჩქა
Line of edition: 4 ესერ ჩუ̂ა̈თპა̈ჟნი". ეჯნემ ქა ლახუ̂ემ უ̂ო̄შთხუ̂ ლა̈დღი უ̂ადა ი ქა̄ჩა̈დ
Line of edition: 5 მა̄ლთე. მა̄ლ ლახა̄დ აშხუ̂ უ̂ერსჟი ტუნელი ლაბჷრჯას ი სგა̄დბჷრჯე
Line of edition: 6 [ეჩაუ̂-ე́], იმუ̂ა̈̄ჲ ლჷფკე̄ლს ლაყუ̂რა ხო̄გდა. ეჩი̄ ჩუქუ̂ა̄ნთეჲსგა სგა̄დჲე
Line of edition: 7 ჭყინტ მე̄შთხუ̂ა ლადეღჟი ლა̈პჟუნად. ეჩქა ა̈დსგიდა სა̈რკქა ლჷფკე̄ლ,
Line of edition: 8 ჩი̄თე ისგი̄დრა̈̄ლ: მა̈ჲ ლეჟა, მა̈ჲ ლექუ̂ა, ჟიბაუ̂, ჩუბაუ̂, ლჷცთე, კოჯთე,
Line of edition: 9 ჰა̈დურდ ჩი̄თე ი დეშ იმე ესწუ̂ე̄ნე ი უ̂ეშგიმპილს ჟ'ა̈ნწახუ̂ა̈̄ნ ნა̈სგი̄დრა̄ლ
Line of edition: 10 ი ლა̈̄ქუ̂: "იმე ესერ ა̈რი, ქა̈ჯ, თე̄რა̈ლ ესერ ჟ'ახსიპნე̄ნა ი
Line of edition: 11 დეშ ესწუ̂ე̄ნა ი ქაუ̂ ა̈ნთენა̈̄ნ!" ეჩქა ქა̈̄ნთენა̈̄ნ ჭყინტ მიჩა ლაყუ̂რა
Line of edition: 12 ჩუქუ̂ა̄ნ[ხა̈ნ]ქა ი ჩუ̂ა̈დსაკუ̂რელა̈̄ნ ლჷფკე̄ლ ი ჩუ̂ა̈დხეხუ̂ჭაშა̈̄ნხ. ეჯკა̈ლიბ
Line of edition: 13 ქუ̂ერწილ აჩუ̂მინხ, ერე სემი უ̂ედრა ნა̈პო̄ლა̈ ლჷჯე ანფუ̈̄ნეხ ი ცხჷრილთე
Line of edition: 14 აგუ̂ეშხ ი თუ̂ით ფუთ ჩი̄ ჩუ ლახა̈̄შხ მინე მექურწილს ი
Line of edition: 15 ლჷმზჷრე̄უ̂ ხი.

Добавлено (2007-01-11, 2:22 Pm)
---------------------------------------------
Part No. 97

Text: 104
Page of edition: 202
Line of edition: 16
104. ნაღუ̂ჟურ

Line of edition: 17 ლჷმზჷრე̄უ̂ ხიშდ ი ხეხუ̂-ჭა̈შ. ხეხუ̂-ჭა̈შ ლიხ ეჯჟი დიდა̈რ, ერე
Line of edition: 18 ალ ქუ̂ეყანას ალჲა̈რზუმ დიდა̈რ მა̄მა ა̈რი, მარე გეზალ მა̄მა ხაყახ.
Line of edition: 19 ღე̄რბათს ი მა̄რას ჩი̄ გეზალს ხეჴჷ̄რა̈̄ლხ. ესგე გა̈ჩა̈ კა̈ცხ მიჩა კეთილს,
Line of edition: 20 ხჷნსგა ჯუ̂იდღა ი საკმე̄ლღა აჰედ, ლა̈კირ ადგე ჯუ̂იდიშ ი
Line of edition: 21 საკმე̄ლიშ ღერთა̈ ლაჴჷ̄რა̄ლს: "ნო̄თაუ̂ როქ გეზალ ხათხე̄ლნე" [მარე]
Line of edition: 22 ამნოშ გეზალ მა̄მა ხეთხა̈̄ნ.

Line of edition: 23 აშხუ̂ ლადეღ ლა̈ხმუშგუ̂რა̈̄ნ მეჩი მა̄რე: -- იმ როქ ხაჰუ̂დიხ, გეზალს
Line of edition: 24 ჯათხე̄ლინი? -- ლიზგე-ლირდეს ქა ლაჯუ̂ედნე.

Line of edition: 25 ჟ'ა̈ნკიდ უ̂ისგუ̂, სამდ ჩუ აბიჴუ̂: "სემი ჭყინტგეზალ ა̈ჯთენი.
Line of edition: 26 იშგუ̂იდ ლჷზა̈ჲ შომუ̂ა̈̄ჲ ირა, მაჰუ̂რე̄ნე გეზალ მიშგუ ირა". პირობ
Line of edition: 27 ანსყეხ ამჟი. ამნემ უ̂ისგუ̂ ჩუ ლალემ (ზურა̄ლდ). ალ თუ̂ეისგა ლიღნაუ̂
Line of edition: 28 ა̈ხთენა̈̄ნ. ეშხუ დრო̈უ̂ აჩა̈დ ი ჩუ ა̈დღუ̂აჟ, სემი ჭყინტგეზალ ანთენე.
Line of edition: 29 უშხუ̂ა̄რდ ხოჩა ლიხ მა̈გ, მაჰუ̂რე̄ნე ჰა̈დურდ ხოჩა "ამი̄ მჷქაფ
Line of edition: 30 ჲექჷრდა̈̄შ ქა ხუ̂ა̈მბე ხოშა ლახუ̂ბას". ადგე ქორ, ჩხარა ქორ, ქორისგა
Line of edition: 31 ქორ, ჩხარა̄მინ ჩხარა ლაკილ ოხუ̂სყე, ლეზუ̂ებ ი ლეთრე მა̈გ სგა
Line of edition: 32 ოხჴიდ, ჯაი სგა ლახცუ̂ირ სგა̈̄ნჩუ. ამ დრო̈უ̂ს მეჩი მა̄რე ანჴა̈დ
Line of edition: 33 მუშგუ̂რიდ.
Line of edition: 34 -- მაგუ̂ა̈ჲდ როქ ა̈რიხ? -- სალა̈მ ხე̄ქუ̂ინ. -- ბოფშა̈რ როქ ხოჩა̄მდ
Line of edition: 35 დამ ჯაყახ?
Line of edition: 36 -- ჲერუ როქ ეზერდ, ეშხუ როქ ჩუ̂ამდაგან.

Page of edition: 203
Line of edition: 1 -- ალა როქ ბა̈ქ ლიზ, ეჯა როქ ჩუ ა̈რი.

Line of edition: 2 ა̈ხჭა̈მ გირიმურგუ̂ალდ ჩხარა ლჷკილს, უ̂ოდ დო ადკარე, ჟ'ა̈ხბა̈გუ̂
Line of edition: 3 ამჩუ ი ქა̈̄ნი̄ყე. მა̈ჲ ჩუ̂ემინას, ნა̈ბ მა̄მ ხა̄რ. ა̈დბინეხ ლი̄ზი. მეჩი
Line of edition: 4 მა̄რას ლაბე̄რგას ათა̄სდხ.
Line of edition: 5 -- ოჲ, საბრალ ამსუ̂ა̄ლდ, მა̈ჲ ხოლა მეჩის ესყა, ამი̄ შია̈რხა̈ნქა
Line of edition: 6 მეჴედ მა̄მა ხი.
Line of edition: 7 -- ეშხუ ამბა̈უ̂ ქორს მი ა̈მსა̈დ. უ̂ეშგდ ტუ̂ეხნი, ჟი დო მიღე̄ლუ̂ე.

Line of edition: 8 ჟ'ესჭუ̂ე̄ნ, ქორთე ატა̈ხ, მიჩა დის ი მუს ხე̄ქუ̂: -- ეშხუ სა̈ინ ლიც
Line of edition: 9 ა̈ნგუ̂ეშ, ბუხუ̂რი თხუმჟი ჩუ̂ესგე: უ̂ოდე ალა ლიცდ ირდი, ეჩქად მი
Line of edition: 10 ლჷჲარდ ხუ̂ირდი; შომუ̂ა̈̄ჲ ალა ზისხდ ესსიპდე̄დს, ეჩჷნღო მი ლჷდგა̈რ
Line of edition: 11 ხუ̂ირა.

Line of edition: 12 სგა ლა̈ჰი̄დდა მიჩა მახუ̂შის. ჟი ხოსგუ̂რა ბარჯჟი, მე̄რა-მე̄ფხა
Line of edition: 13 ნე̄სგაქა ქა̄დჲე. იმთე დო ადჲე, მა̄მა ხოხა. სგა̄დჲე ხოჩა̄მდ ბაღთეჲსგა,
Line of edition: 14 სემი დი̄ნა̈̄ლ ამჩუნ ესხუ̂ი̄დხ. ქა ლახბა̈რჲე მიჩა გეზლი̄რს: "მჷხა̈რ
Line of edition: 15 სა̈დილდ ჟი ლა̈მმა̄რედ!" იშგუ̂იდ ლე̄თ-ლადეღ ლიუ̂ჟე ხა̈მთქუ̂ა, ეჯას
Line of edition: 16 მჷხა̈რ ჰამს ხაყლე. ალა დი̄ნა̈̄ლს გუნ ლახლატჷნხ: "ცოდ მად ლია
Line of edition: 17 ამი̄შ ლიზუ̂ებ (ლი̄მნე)?
Line of edition: 18 -- ხოშა უდილ, მა̈ჲ ჯა̈მჲედა?
Line of edition: 19 -- ეშხუ ლაცხნი̄რს ლოჰუ̂ედნე. ლახ ა̈ხღუ̂ეჭნი, ბარჯ ჟიქა̄ნქა
Line of edition: 20 ადკუ̂ა̄ნე, ეჯჟი ცხეკდ ესსიპი, [ერე] შდუგუ̂ დეშ ი̄ზნი (ადრინე). ეჩქად
Line of edition: 21 ალა ხუ̂ა̈ჲს ადრინე.
Line of edition: 22 -- მანე̄სგრე უდილ, მა̈ჲ ჯა̈მჲედა?
Line of edition: 23 -- ჲაღო, თჷრქა̈დს ლოხ(ჰ)უ̂ედნე. ალ ცხეკს ქა̈̄ფთქე, ბარჯ
Line of edition: 24 ჟიქა̄ნქა თჷრქა̈დს ადკუ̂ა̄ნე, ეჯკა̈ლი კოჯ ჩუ ა̈დგენი, [ერე] დეცს ჟი
Line of edition: 25 ხებკი. ალსმი კოჯ ირა. ეჩქა რა̈შ ჭჷშხა̈რს ეშჭკუ̂ერნე. მიჩ ლი̄ზი
Line of edition: 26 გარჯ ხე̄რა, ეში̄-ეში̄ ლახ ადრი.

Line of edition: 27 ხოხუ̂რა უდილდ: -- მი ლაჯუ̂ედნე ჯიმი ფხიტს. ბარჯ ჟიქა̄ნქა
Line of edition: 28 ქა̄დკუ̂ა̄ნე, ეჯჟი ძუღუ̂ა ჩუ̂ა̈დგენი, ერე თუ̂ით ჯაჲ ჩუ ა̈დღუ̂აპუ̂ი.

Line of edition: 29 ადზჷზეხ სერ ი ადჷნგზა̄რუ̂ეხ. ანჲა̈ცხ ალ მა̄რე, ზაკუსკა [=ლენცელ]
Line of edition: 30 ხაშგუ̂მინ. დი̄ნა̈̄ლდ ხე̄ქუ̂ინხ, მიჩა გეზლი̄რდ: -- ეჩი̄შ მინს ესერ მა̄მა
Line of edition: 31 ხოხახ. ქა̄დსკინე მიჩა რა̈შთექა (ამის ბიქუ̂ი რა̈შ ხაყა): -- სა̈დლობდ
Line of edition: 32 ესერუ აჩა̈დხ, ა ნა̈სდილობენ?
Line of edition: 33 -- ჯინდე̄დს ი სა̈დლობდ ალჩედდ, გინდ-ი ნა̈სდილობენ: გუ̂იშგუ̂ეჲ
Line of edition: 34 გზაუ̂რობ ეში̄ ცუ̂იდ ლი.

Line of edition: 35 ხოჩიდ მადრა̈ჴ, ჟი ლახსგურდა, მე̄რა-მე̄ფხაქა ქა̄დჲე. შიშდ
Line of edition: 36 ოხუნკუ̂ეშდე. ადკუ̂ა̈რ ლაცხნი̄რ, ცხეკდ ადჷგა̄ნ. ლახა̄დ ლაჭკუ̂რას
Line of edition: 37 შდჷქშუ̂ ი ჴაფშუ̂, ლა̄ზ ა̈ნსყე ი სგა̄დ ხეჰა̈̄ლ. "ლა̈ხუ̂სგი უ̂ეშგმაუ̂, აჯაღ

Добавлено (2007-01-11, 2:22 Pm)
---------------------------------------------
ამღუ̂იჭ. ოთაკუ̂რ თჷრქა̈დ, კოჯ ადჷგა̈̄ნ". ხოჩიდ მადრა̈ჴ მიჩა რა̈შს,
Page of edition: 204 Line of edition: 1 ნა̈ბ ი უმბილ მა̈გ ოთნა̈ჩდე. ამნემ ჭჷშხა̈რ კოჯს ესჭკუ̂ერ. ლახა̄დ
Line of edition: 2 ცხა̄რალშუ̂, ესღუ̂იჭ მა̄რე. ადკუ̂ა̈რ ჯიმი ფხიტ. ეჯი ძუღუ̂ად ჩუ ესსიპდა.
Line of edition: 3 უ̂ოდ-ი-უ̂ოდი ანღრი ძუღუ̂აქა, ეჩქას ნე̄სგაისგა ჩუ ა̈დღუ̂აპუ̂ა̈̄ნ.
Line of edition: 4 "ხუ̂ისგიდდა̈ს, ხუ̂ისგიდდა̈ს, მარე და̈̄რ ამღუ̂იჭდა სერ. ა̈მბურა̈̄ნ აშხუ̂
Line of edition: 5 ხოშა მინდუ̂ო̈რისგა. ესღუ̂რი, ესღუ̂რი, იმთე დო ესღუ̂რი, ამი̄შ მი
Line of edition: 6 მა̄მა მიხალ. იმუ̂ა̄ლე ჯუ̂ე̄დიას ლემესგ ესუ̂წუ̂ე̄ნ. ა̈თუ̂ბინ ლი̄ზი, სგა
Line of edition: 7 ლა̈მჴა̈დჷ̄ნ. ხოშა ლემესგ ჟი ხა̄შუდა, ეშხუ უღუ̂ა ჴანა̈რ ლეღუ̂დ ხა̄გდა,
Line of edition: 8 ხოშა კარდალ ჟი ხოწიბდა, კუ̂აჩხა̈ჲ და̈̄უ̂ ყა̈რუ̂ილდ ხა̄გდა, არა და̈̄უ̂ა̈რ
Line of edition: 9 გირიმურგუ̂ალდ ლემსგა̈ პილა̈რქა ჩუ აყურდახ. მეუ̂არ მა̈იდ,
Line of edition: 10 ღე̄რბეთ ღუ̂არა, ჩუ̂ა̈ხუ̂იკ ხოშა კარდალ გიმთეჩუ, ლეღუ̂ ჟ'ა̈ხუ̂იკუ̂დ
Line of edition: 11 ი, მა̈̄ჲზუმ მეკუ̂ა̈დ, ჩუ ლო̄ხუ̂ა̈მ. კარდალ ჟ'ესუგ, იმჟი ლჷგდა. მა̈ფშა̈̄რ
Line of edition: 12 ხუ̂ა̈სუ̂ მეუ̂არ. მი ჩოთყუ".

Line of edition: 13 ანჷგა̈̄ნ მაშე̄ნე მუხუ̂ბე და̈̄უ̂: "მა̈ჲ როქ ეზერ ნა̄პუ ხათხე̄ნა!"
Line of edition: 14 ქა̈̄დზურიე̄ლე ალ ნაღუ̂ჟურთე. ალა კუ̂აჩხა̈ჲ და̈̄უ̂დ ჩუ̂ოთდურუ̂ანე:
Line of edition: 15 -- ნო̄საუ̂ როქ ლა̈ხფედა̈̄ნ, ადო მინ როქ ჩხარა ლიხ, კარდალს ჩუ
Line of edition: 16 უ̂ედდ იკედხ, ალა როქ მიჩ გარ ჩოხკი̄და.

Line of edition: 17 ჩუ̂ესგურდა. ათხე ანჷგა̈̄ნ მანე̄სგრე. ალისი ამჟი ხეკუ̂ა̈დ ლიზუ̂ებ
Line of edition: 18 ალ ნაღუ̂ჟურა̈შ. ამის კუ̂აჩხა̈ჲ და̈̄უ̂ დე̄მის ხა̈მბე. თუ̂ითჟი მა̈გ ქა̈̄დხერსა̈̄ნხ
Line of edition: 19 არა და̈̄უ̂ა̈რ. გუ̂იანდქა ჟ'ანჷგა̈̄ნ ალ ნაღუ̂ჟურ: -- ხოჩა ლადეღ
Line of edition: 20 მიშგუ̂ა ლახუ̂ბას! -- ხოჩა ლადეღ! -- ოხმა̈ზრეხ ჩიემ. მეუ̂არ ხა̈სისგხ, მარე
Line of edition: 21 ხაყლუ̄ნიხ. -- ნიშგუ̂ეჲ მუხუ̂ბად შომა ჯაყა? ჯუ̂არედინი შუკუ̂ისგა ხოშა
Line of edition: 22 ტო̄მბ ლჷგ. ბზითუნახა̈უ̂ ჴედნი ეშჩუ ისგლა̈დღი ონაქა, პირსახუ̂ეცს
Line of edition: 23 ხოთხფე. ჲერუ̂ა̈̄ჲ ეჯას ქო̄თღინე, ეჯის ხაყა ნიშგუ̂ეჲ მუხუ̂ბად.

Line of edition: 24 ლა̄პა̈რ ი აჩა̈დ. ჩოთდარჯე ტო̄მბმჷყ. ისგლა̈დღი ონაქა ანჴა̈დ
Line of edition: 25 ბზითუნახა̈უ̂, პირსახუ̂ეც ქო̄თთხიფ, ქა̈̄დი̄ღა̄ლა̈̄ნ ი ჩუ̂ა̈დბარა̈̄ნ. ხატეტ
Line of edition: 26 პირსახუ̂ეცს ნაღუ̂ჟურდ, ახღუ̂ა და̈̄უ̂ა̈რთე. ა̈ჰი̄დ სგა, ხატეტხ უშხუ̂ა̄რ,
Line of edition: 27 ეჯჟი ჩუ̂აჴიდ ზითუნახა̈უ̂, პირსახუ̂ეცი ქო̄თღე, უ̂ოქუ̂რე ქოში, ჯაჲ
Line of edition: 28 უ̂ედდ ოთჩა̈დ. სგა̄ჩა̈დ ი და̈̄უ̂ა̈რს ოთჴიდ: "ქა̄თხჲედ გოროდთე ი
Line of edition: 29 ჩუ̂ათხურდაუ̂ედ!" ათბა̈რჲეხ კუ̂აჩხა̈ჲ და̈̄უ̂ს. ხაზელა̄ლნე გოროდისგა.
Line of edition: 30 სგა ლახხუ̂ი̄დ სოუ̂დაგარ: -- ჲა̈ს როქ ლოხოდა მიჩა ხეხუ̂მიშ ქოშ? --
Line of edition: 31 ხოშჩიუ̂ლე პოლციაისგა. უ̂ოქუ̂რე ქოშს ქა̈̄ხბი̄შდხ, და̈̄უ̂[ი̄] ჩუ̂ადჷრმეხ,
Line of edition: 32 სგა̄დგენეხ მურყუ̂ამთე.

Добавлено (2007-01-11, 2:23 Pm)
---------------------------------------------
ხოღლიხ და̈̄უ̂ა̈რ, დე̄სა ანჴა̈დ კუ̂აჩხა̈ჲ და̈̄უ̂. ლა̄პა̈რხ ი აჩა̈დხ
Line of edition: 34 მე̄რმე და̈̄უ̂ა̈რ. თუ̂ითჟი მა̈გ აჩა̈დხ: "ჲა̈ს ჯიწუ̂ახ, უ̂ოქუ̂რე ქოშ ხუღუ̂ა̈̄ნ
Line of edition: 35 ლეხურდა̈უ̂იდ, [ეჯ] კუ̂აჩხა̈ჲ და̈̄უ̂?" სგა ლახხუ̂ი̄დ სოუ̂დაგარ: "ალჲა̈რი
Line of edition: 36 როქ მჷრე̄ს ხონჴერხ ლა̈ქუ̂თა̈რს!" მა̈გ ჩუ̂ადჷრმეხ ჩხარა და̈̄უ̂ა̈რ, ჩუ
Line of edition: 37 ხაყახ მურყუ̂ამისგა. ჩუ̂ასა̈დ ალ ნაღუ̂ჟურ ჯა გარ.

Page of edition: 205
Line of edition: 1 ხოღლი, ხოღლი, დე̄მხა̈ნ ანჴა̈დხ. ლა̄პა̈რ ი აჩა̈დ. ხეთხე̄ლი გოროდისგა:
Line of edition: 2 "და̈̄ს ჯიწუ̂ახა კუ̂აჩხა̈ჲ და̈̄უ̂, უ̂ოქუ̂რე ქოშ ლეხურდეუ̂იდ
Line of edition: 3 ხუღუ̂ა̈̄ნ?" სგა ლახხუ̂ი̄დ სოუ̂დაგარ: "ალჲა̈რს როქ მჷრე̄ს ხონჴერ!"
Line of edition: 4 ჩუ̂ადჷრმეხ ალა̄, ნაღუ̂ჟურ. ალას ნაღუ̂ჟურ დე̄მა იჩო: "და̈̄უ̂ა̈რ როქ
Line of edition: 5 [ქა̄უ̂] ლახტიხ ი უ̂ოქუ̂რე ქოში!" ახა̄დხ სა̈ჩიუ̂არ, ზალოგ ესდეხ:
Line of edition: 6 -- ჰე მოშ ჩუ ითხე̄ლი ამთა̄ნ ქოშს ამზუმ-[ი]-ამზუმ უ̂ადაისგა, ეჩქა სოუ̂დაგარ
Line of edition: 7 ლეყმე [ლესუ̂], ჰე დოშ ი ნაღუ̂ჟურ ი და̈̄უ̂ა̈რ მა̈გ ლეყმე.

Line of edition: 8 ა̈დბინე ლი̄ზი, მე̄რმა სახელწიფთე აჩა̈დ. ალ სახელწიფ ლი
Line of edition: 9 ეჯკა̈ლი მა̈ჲდა̈̄რ (უ̂ოქუ̂რ ი უ̂ერცხლ ჟი გუ̂ეში), [ერე] ღჷრიხ მე̄რმა
Line of edition: 10 სახელწიფთე ძუღუ̂აქა პარახოდშუ̂ ლა̈ყიდდ ლეზუ̂ბა̈შ, ჩუ̂აჭჷრთა̈უ̂იხ პარახოთა̈ლს,
Line of edition: 11 ნე̄სგა ძუღუ̂ათეჲსგა სგა ჴიდეხ, ეჩქა მჷრა̈̄მქა ჴედნი ზითუნახა̈უ̂,
Line of edition: 12 ხა̈ტტი პარახოთა̈ლს, პარახოთა̈ლს[ი̄] ჩუ̂აღუპა̈უ̂ი ი მა̄რა̈̄ლს[ი̄].
Line of edition: 13 ამნოშ ლი მა̈ჲდა̈̄რ ალ სახელწიფ. "ჟი̄უ̂ როქ ოხმა̄რეხ ჲორუ პარახოთ.
Line of edition: 14 აშხუ̂ჟი ჯა ხესგუ̂რი, მე̄რმას -- ლეზუ̂ბა̈ ლა̈ჴდად [ა̈ი]". ქა̄დჲე
Line of edition: 15 მე̄რმა სახელწიფთე, ჟ'ანგუ̂ეშლე პარახოთა̈ლ სიმინდშუ̂ ი კუ̂ეცენშუ̂,
Line of edition: 16 ანჴა̈დ ნე̄სგა ძუღუ̂ამჷყ. ა̈ხშდუ̄ლ პე̄რხა̈ნჩუ ზითუნახა̈უ̂, ხატეტ პარახოდს.
Line of edition: 17 უ̂ოდემჩიქად პარახოდს ხონჴუ̂ემ, ხატეტ სგა ი სგა̈̄ნჩუ ა̈ნკუ̂ა̈რ,
Line of edition: 18 ეჯჟი ჩუ̂ადლახუ̂ე̄, ჯა უ̂ედდ ოთჩა̈დ, ოქუ̂რა̈ მჷსკა̈დი ქა̄ხყუ̂იზ
Line of edition: 19 ტოტხა̈ნქა. ქა̄ნჴიდ თაუ̂ისუფა̈ლდ პარახოთა̈ლ. ხელწიფდ ხე̄ქუ̂ინ:
Line of edition: 20 -- მა̈̄ჲ ჯაკუ საჩუქუ̂ა̈რდ, ეჯის ლაჯუ̂ედნე!
Line of edition: 21 -- ამკა̈ლი-ამკა̈ლი უ̂ოქუ̂რე ქოშ [ესერ], იშგენ მა̄მგუ̂ეშ.

Line of edition: 22 ჩუ̂ა̈დნა̈ზუ̂რე მიჩა სახელწიფ, იმუ̂ა̈̄ჲ ე̄სა ქოშ ჩუ̂არდა, ჟ'ანნა̈ზუ̂რეხ
Line of edition: 23 მა̈გ, მარე ამი̄ მაჯო̄ნ მა̄მგუ̂ეშ. ანჷგა̈̄ნ ი ა̈დბინე ლი̄ზი. მესმა ხახელწიფთე
Line of edition: 24 აჩა̈დ. სგა ლა̈ხმუშგუ̂რა̈̄ნ (\\ ლა̈ხმუშგუ̂არ) მეჩი ზურა̄ლს.
Line of edition: 25 -- მა̈ჲ როქ ხაჟხა ალ სახელწიფს?
Line of edition: 26 -- ალ სახელწიფს -- ცოდა̈ სახელწიფ.
Line of edition: 27 -- იმღა როქ &#

Line of edition: 34 ლა̄პა̈რ ნაღუ̂ჟურ ი საყდა̈რთე აჩა̈დ. ლა̈დი უ̂ორმ ანსყე, ჟიქა̄ნ
Line of edition: 35 ბა̈ჩ ა̈თქუ̂ე, ჩუ̂ა̈თპა̈ჟ ამეისგა. ჩუ̂ა̈დბურა̈̄ნ ხოჩა̄მდ. ანჴა̈დ ბზითუნახა̈უ̂,
Line of edition: 36 ჟ'ა̈ნბჷრჯე ხელწიფი გეზალ, ხაჴიდ წკეპლა̈რ ი ქუ̂ინ ლოხგენე, ლიშდრა̈̄ლ
Line of edition: 37 ახა̄დხ. ლა̄პა̈რ ალ ნაღუ̂ჟურ, უ̂ოდემჩიქად ჩუ̂ადგა̈რი, ეჩქად
Line of edition: 38 ხატეტ სგა, ჩუ̂ა̈ნნა̈ხ ბზითუნახა̈უ̂, ჩუ̂ადლახუ̂ე, წკეპლა̈რი ქო̄თღე, ჯაჲ
Page of edition: 206 Line of edition: 1 უ̂ედდ ოთჩა̈დ, ხელწიფი გეზალ ლჷჲა̈რ ოთსა̈დ. ჩუ̂ანჴიდ ხელწიფიშთეჩუ
Line of edition: 2 მიჩა (ხელწიფი) გეზალ. ხელწიფდ ხე̄ქუ̂ინ: -- ამჷნღო სი ხესუ̂
Line of edition: 3 ხელწიფ.
Line of edition: 4 -- ხელწიფობ მი მა̄დე მაკუჩ. ამკა̈ლიბ-ი-ამკა̈ლიბ ქოშ მაკუჩ, ე̄მე ითხი.

Line of edition: 5 ა̈დნა̈ზუ̂რე მა̈გ ქოშ მიჩა სახელწიფიშ, ამი̄ მაჯო̄ნ მა̄მგუ̂ეშ ა̈რი.

Line of edition: 6 ა̈დბინე ლი̄ზი. ესღრი, იმთე დო ესღრი, მა̄მა ხოხალ. ა̈თჴა̈დჷ̄ნ ეჯჟი
Line of edition: 7 ჯო̄დია მინდუ̂ო̈რთე, [ერე] თეს დე̄მის ხოჰი, იმუ̂ა̄ლე ჯო̄დიათე უ̂ოქუ̂რე
Line of edition: 8 ფერიშ შენობ ესწუ̂ე̄ნე. ესღრი, ესღრი, ესღრი, ფე̄დიათე აჩა̈დ,
Line of edition: 9 ჟი ხებიდ. ეჯკა̈ლი ქორ ლჷგ, ჩხარა არტა̈ჟია̈ნ, [ერე] ჰა̈დურდ უ̂ოქუ̂რე
Line of edition: 10 ლიც ხაბიდ მეჰად, თეს მა̄მა იხნი. ეშხუ არაბს ჰუ̈ლუ̂ა̈რ ხაყა
Line of edition: 11 (ხელდეღ). არაბს ხე̄ქუ̂ინ: -- ალა იშა ლ' ა̄, ქორ?
Line of edition: 12 -- თხუმხა̈ნ ესერ ადურტყუ̂ას, ჰა ჭჷშხა̈რხა̈ნ?
Line of edition: 13 -- ეჯის როქ დე̄მ ხეჭუ̂დიე̄ლ: ალა როქ იშა ლ' ა̄, ქორ? -- სამინ
Line of edition: 14 ლა̈ხჭუ̂ედდა, ჩიგარ ამჟი ლახტიხ არაბდ. ლა̈ჲცხუტე ტუ̂ეტ, ხასტუ̂ეფ
Line of edition: 15 ჰა̈ყბაქა ი ჩხარა ზაგა̈რ ეჩხა̈ნ ადკუ̂ა̈რ. სგა̄ჩა̈დ ალ ქორთეჲსგა,
Line of edition: 16 იზელა̈̄ლ ი ამსუ̂ა̄ლდ და̈̄რ ა̈რი. ა̈ნწუ̂ე̄ნე ლოგინ ჩუქუ̂ა̄ნ, ეშხუ ხოჩა
Line of edition: 17 ჲაშიკ ლჷგ, გუ̂ეში ლიზ, მიჩ ერ ხუღუ̂ა̈̄ნ, ეჯთა̄ნ უ̂ოქუ̂რე ქოშა̈რდ.
Line of edition: 18 -- მა̈ჲ ჩუ̂ემინა? ქა̈̄თუ̂ქუ̂ითერნე -- ლიზურა̄ლ ირა, დო̄მაჲ -- ფიქრ მა̄რ.

Line of edition: 19 ჩუ̂ადყურდა ლოგინ ჩუქუ̂ა̄ნ. ჩუ̂ა̈დბურა̈̄ნ მახად. ჩიქ' ა̄ნჴა̈დ ეშხუ
Line of edition: 20 ბზითუნახა̈უ̂, ღო მე̄რმე, ღო მესმე, გუ̂იანდქა არაბ ანჴა̈დ. ხე̄ქუ̂ხ ალჲა̈რდ
Line of edition: 21 (ლაუ̂დილად): "არაბ, უ̂ოხშა̈მ ახმა̈̄რ!" "ქა̄ფხიჟ სტოლ, ჩუ̂ადჷრშე
Line of edition: 22 პირსახოც: მა̈̄ჲ ხაკუ ლეზუ̂ებ ი ლეთრე ამსუ̂ა̄ლდს, მა̈გ ამეჩუ ა̈რი,
Line of edition: 23 ალ სტოლჟი̄ნ. ჟ'ა̈ნკიდ მაშე̄ნე უდილდ ჭიქ: "ალი ღე̄რბათუ ოთმა̈ზრა
Line of edition: 24 ეჯ ამსუ̂ა̄ლდ, ერე ჯუ̂არედინი შუკუ̂ისგა პირსახუ̂ეცს ხოთხფა̈ს,
Line of edition: 25 ჲერუ̂ა̈̄ჲ მა̄რე ქა ხედო̄ლდა, ჩი̄ს ტო̄მბისგა ჩუ ხუ̂აშგუ̂იდდა̈ს. ეშხუ
Line of edition: 26 ნაღუ̂ჟურდ მი ლეგდ ამჴიდ, პირსახუ̂ეცი ქა̈̄მღე, უ̂ოქუ̂რა̈ ქოში́. ოთმა̈ზრაუ̂
Line of edition: 27 ეჯა ღე̄რბათ!" ჩუ ლაი̄შ ი ჩუ̂ესგე ჰა̈რი. ჟა̈ნკიდ მანე̄სგრა
Line of edition: 28 უდილდ ჭიქ ი ჟ'ანმა̈ზრე: "ეჯა[უ̂] ოთმა̈ზრა ღე̄რბათ, ერე ეშხუ სახელწიფ
Line of edition: 29 მეხუ̂ტე მა̄დ მა̈იდშუ̂. ეშხუ ნაღუ̂ჟურდ მატეტ, პარახოთთეჲსგა
Line of edition: 30 ა̈მკუ̂ა̈რ, მი ლეგდ ამლახუ̂ე, მჷსკა̈დი ქა̈̄მღე, სახელწიფი ჟ'ესბიზე".
Line of edition: 31 ჩუ ლაი̄შ ი ჩუ̂ესგე. ხოხუ̂რა უდილს ესჴუ̂ა̈̄მ: "ალა ღე̄რბათუ

Добавлено (2007-01-11, 2:25 Pm)
---------------------------------------------
ოთმა̈ზრა, -- ხოხუ̂რა უდილდ ლე̄ქუ̂ინ: -- აშხუ̂ ხელწიფი გეზალს ზა̈ჲ
Line of edition: 33 ხა̄დ ლჷდგარჷნღო, ლეთშუ̂ ჟი ხუ̂ასელუ̂ა̈ს, ლადეღშუ̂ ჩუ ხუ̂ადგარდა̈ს.
Line of edition: 34 ანჴა̈დ ეშხუ ნაღუ̂ჟურ, მი ლეგდ ამჴიდ, წკეპლა̈რი ქა̈̄მღე, ხელწიფი
Line of edition: 35 გეზალ ლჷჲა̈რ ამცუ̂ირნე". ჩუ ლაი̄შ ი არაბს ესჴუ̂ა̈̄მ. ჟ'ა̈ნკიდ არაბდ:
Line of edition: 36 "ღე̄რბათუ ოთმა̈ზრა ეჯ ამსუ̂ა̄ლდ[-ე́], ლა̈დი ჰუ̈ლუ̂ა̈რს ხუ̂ელდა̈ღდა̈ს,
Line of edition: 37 ალ ქორა̈შს იჭუ̂დია̄ლ: "იშ' ე̄სერ ლიზ ალ ქორ?" მი ხუ̂ე̄ქარ, ერე
Page of edition: 207 Line of edition: 1 თხუმხა̈ნ-ჷჯ აჯურტყუ̂ა, ჰა ჭჷშხა̈რხა̈ნ? მაჴიდ ტუ̂ეტ შდჷმქა, ჩხარა ზაგა̈რ
Line of edition: 2 ეჩხა̈ნ ამკუ̂ა̈რ. ეჩჷნღო ონღუ̂რი, ათხად ა̈მქა̈ხ ამხა̄უ̂თეჲსგა
Line of edition: 3 ლიჴედ".

Line of edition: 4 ქა̄ნსკინე ლოგინ ჩუქუ̂ა̄ნხა̈ნქა ჭყინტგეზალდ, ჟ'ა̈ნკიდ ჭიქ ი
Line of edition: 5 ჟ'ანმა̈ზრე: "ამჟი ოხუ̂გაცხდე ხოშა უდილს: ჯუ̂არედინი შუკუ̂ისგა
Line of edition: 6 უ̂ოქუ̂რე ქოშ ი პირსახუ̂ეც ქა̈̄ჯიღ ი ამეჩუ ა̈რი. ამჟი ნე̄სგა̈̄ უდილს,
Line of edition: 7 ამჟი მაჰუ̂რე̄ნა̄მ. ა, არაბ, ამეჩუ ხა̈რი სი?" ლა̄პა̈რხ ალჲა̈რ ჟი, ჩი̄ს
Line of edition: 8 ჭა̈შდ ხაკუხ, ალ ლაუ̂დილას დაგრობმჷყ ოხჴა̈დხ.
Line of edition: 9 -- ამჟი მა̄დე ნა̈მთქუ̂ა ნა̈ჲ ნიშგუ̂ეჲმჷყ.
Line of edition: 10 -- ჲაღო, იმჟი?
Line of edition: 11 -- მი ხოშა ლახუ̂ბა მაყახ, მაჰუ̂რე̄ნე მუხუ̂ბე მი ხუ̂ი. მაჰუ̂რე̄ნე
Line of edition: 12 უდილ მიშგუ ხეხუ̂, მანე̄სგრე -- მანე̄სგრე̄მიშ, მაშე̄ნე -- მაშე̄ნე̄მიშ. -- ამჟი
Line of edition: 13 ა̈თსიკთა̈̄ნხ. -- მი გუ̂ეშ მუღუ̂ა ათხე, სა̈ჩიუ̂არ, ეჩხა̄უ̂ ლე̄ზი მა̄რ ი ეჩქად
Line of edition: 14 ჟ'ა̈მღე̄ლა̈უ̂!

Line of edition: 15 ხოშა უდილდ ხე̄ქუ̂ინ: -- ჲაღო, ეჩხა̄უ̂ ხო̄ზი სამ ზა̈ჲა̈ ლე̄ზნე
Line of edition: 16 ჭჷშხშუ̂. სამ ლადეღ ეჩხა̄უ̂-ამხა̄უ̂ აჯი̄ნე არაბ.

Line of edition: 17 ლა̈ჲსგურე ბარჯჟი, ეშ ლახკიჰე. სგო̄თჴიდ უ̂ოქუ̂რე ქოშ თაუ̂რობს.
Line of edition: 18 სოუ̂დაგარს ა̈ხთხა̄ლ თაუ̂რობ, ჩუ̂ადჷრმეხ სოუ̂დაგარ: "ნიშგუ̂ეჲ
Line of edition: 19 განჩინება ამჟი როქ ლიზ: ალა როქ და̈̄უ̂ა̈რსუ ხა̄დხ, სოუ̂დაგარ,
Line of edition: 20 ამზუმ ნა̈ჭი̄რუ̂ი̄ლ ხონდე̄დხ ი ჟიუ̂ ანტყაბეხ". ანმა̈ზრეხ ღე̄რბეთ, ანტა̈ხხ
Line of edition: 21 ნა̄ზუ̂ს, ა̈ნმა̄რა̈̄ნხ ამჩუ მიჩა ხეხუ̂ ი ლაუ̂დილა. არაბდ ლა̈ჲსგურე
Line of edition: 22 მა̈გ ალჲა̈რ ბარჯჟი, კეთილ-ქონა̈ბ შჷნ ლა̄ჲეხ, ანჴა̈დხ ა̈გითე. სგა̄ნჴა̈დხ
Line of edition: 23 ქორა̈ ფე̄დიდ. ამეჩუ ხოჩა მინდო̈რ ანსყე არაბდ. ხოშა უდილდ
Line of edition: 24 ხე̄ქუ̂ინ არაბს: "ჲაღო, პირსახუ̂ეც ჩიქე ჟ'ახკა̈ჩ, ღო ჩუ̂ათტა̈ფ!" გიმჟი̄ნ უ̂ოქუ̂რე
Line of edition: 25 ლჷცჷრაუ̂ე ქორ ჩუ̂ა̈დგა̈̄ნ. "ჲაღო, ათხე ქორა̈ ძირ ჩუქუ̂ა̄ნ
Line of edition: 26 პირსახუ̂ეც ჟ'ახკა̈ჩ!" ეჯჟი ჭანდრი ზექ ჩუ̂ადჷგა̈̄ნ, ერე დეცს ხაუ̂იფ,
Line of edition: 27 ძირისგა ხოჩა ლიც ანღრი.

Line of edition: 28 მე̄რმა ლადეღ ა̈ნსგიდახ მიჩა დი ი მუ ი მიჩა ლახუ̂ბა: "ჲერუ̂ა̄ლეს
Line of edition: 29 ამეჩუ ეჯკა̈ლი უ̂ოქუ̂რა̈ ქორ ოთგა, [ერე] ლისგდის მა̄მა ხოჩა!"
Line of edition: 30 ანწიჰე ქა ალჲა̈რ, მიჩა დი-ჲ მუ ი ლახუ̂ბა. ალჲა̈რს ჩა̈ჩ ხა̄გხ. ლა̈ხჭუ̂ედდა:
Line of edition: 31 -- იმღა როქ ხა̄გხ ალ ჩა̈ჩ?
Line of edition: 32 -- მუხუ̂ბე როქ ხაყე̄ნახ მინს, ეჯა ათთუ̂ეფახ ი ეჯღა როქ
Line of edition: 33 ხა̄გხ ჩა̈ჩ.

Добавлено (2007-01-11, 2:26 Pm)
---------------------------------------------
ლა̈ჲკიდ წაბ ი ჩუ̂ადწაბუ̄რა̄ლე მა̈გ, ჰა̈დურდ მა̈გ ჩუ̂ადლამზე ი
Line of edition: 35 ხოშა უდილ ხოშა მუხუ̂ბა, მანე̄სგრე უდილ მანე̄სგრა მუხუ̂ბა, მაჰუ̂რე̄ნე
Line of edition: 36 მიჩ ხა̄დ.

Line of edition: 37 ხოჩა ლირდე-ლიზგე ა̈ნჰეხ. ჭირ ეჩე ა̈მცუ̂ი̄რა, ხინ ამხაუ̂ ა̈მჴი̄და.

Line of edition: 38 ლჷმზჷრე̄უ̂ ხი.

Добавлено (2007-01-11, 2:26 Pm)
---------------------------------------------
Part No. 98

Text: 105
Page of edition: 208
Line of edition: 1
105. როსტომ ჭაბიგუ̂

Line of edition: 2 ლა̈სუ̂ ეშხუ ზურა̄ლ. ალა̄, როსტომ, და̈̄რდ მოშ ადქადნე. ათხე
Line of edition: 3 ა̈დფა̈შუ̂დ ალ ზურა̄ლდ ამი̄ ლიქდუნე. აშხუ̂ ლე̄თ ა̈წჰე ალ როსტომ
Line of edition: 4 ალ ზურა̄ლდ ი ეზა̈რ ოხშა̈მ ოხუ̂მა̄რე ი ნა̄ხშობენ სამ ა̈გის ლაყუ̂რა
Line of edition: 5 ადჷრშე (\\ ანსყე). ათხე ლიყუ̂ნა̄ლე დრო̈უ̂ ანჴა̈დ. როსტომ ჩუ̂ადყურდა.
Line of edition: 6 ანჴა̈დ ალ ზურა̄ლ ი სგა ლოხყურდა. ეჩქა როსტომდ ა̈დსა̈სტკე
Line of edition: 7 ამი̄ ლიყუ̂ნა̈̄ლ. ქა̄დტჷბნე, ხა̈̄ქუ̂, ერე "ჯა ესერ ჩიქე ზურა̄ლცახა̈ნ
Line of edition: 8 დე̄სა ლუყუ̂ნე̄ლი.

Line of edition: 9 ჟ'ანჷ̄გა̈ნ როსტომ, მე̄რუ̂ა ლაყუ̂რაჟი ადყურდა. ჟ'ანჷ̄გა̈ნ ალ
Line of edition: 10 ზურა̄ლ ი სგა ლოხყურდა. ათხე მე̄სმა̄მდ როსტომ ჟი̄დ ანჷ̄გა̈ნ, მე̄სმა
Line of edition: 11 ლაყუ̂რაჟი ადყურდა. ათხე მე̄სმა̄მდ ალ ზურა̄ლ ჟი̄დ ანჷ̄გა̈ნ, სგა
Line of edition: 12 ლოხყურდა როსტომს. ათხე ხა̈ქუ̂ როსტომდ:
Line of edition: 13 -- ეჲ, ზურა̄ლ, ქა̈ჯიშ ხიშდ. მი, სერ ჯიხალდე̄დ, ლუქდუნე
Line of edition: 14 ხუ̂ი ისგუ̂აცახა̈ნ. ათხე სერ ამუნღო მი მა̄მა მაყა (\\ ხუ̂იგნი) ალ ქუ̂ეყანას,
Line of edition: 15 ამხა̈ნქა ქა ღური. ათხე სი ჯაშგუ̂რა̄ნე: ჭყინტ ჰე ა̈ჯთენე̄ნს,
Line of edition: 16 ეჩქა შომუ̂ა̈̄ჲ ჟ'ა̈ნცხას, მახეღუ̂ა̈ჟ ლესუ̂, ეჩქა ჟ'ესორკ მიშგუ̂ი ლებემ
Line of edition: 17 დაშნა̈ჲ ი ეჯჟი ახზიზ მიშგუ̂ათე". აჯაღ ხა̈̄ქუ̂, ერე "ჭყინტ ესერ ჰე
Line of edition: 18 მო̄მა ა̈ხთენე̄ნს, ეჩქა მა̈̄ჲ ხონდე̄დს, ეჯა̄უ̂ ხაყერ". ათხე როსტომ
Line of edition: 19 აჩა̈დ ჯუ̂ე̄დია ქუ̂ეყანას. გუ̂ელისტაუ̂ს ჩუ̂ადჷ̄გა̈ნ.

Line of edition: 20 ათხე ოხჴა̈დ დრო̈უ̂ ალ ზურა̄ლს. ჩუ̂ა̈დღუ̂აჟ, ქა̈̄ხთენა̈̄ნ ჭყინტგეზალ.
Line of edition: 21 ალა ლა̈სუ̂ ეჯგუ̂ა̈ჲ ჭყინტ, ერე ლე̄თ ი ლადეღისგა გო̄ჯს
Line of edition: 22 იცხემდა. ნაგზალადაღუ̂ მახეღუ̂ა̈ჟ ა̈დსყა̈̄ნ. ალ ჭაბიკუ̂ს ათჟა̈ხ ჟახად
Line of edition: 23 ზურაბ.

Line of edition: 24 ზურაბ ლა̈სუ̂ ძღჷდ მეთხუ̂ია̈რ. აშხუ̂ჟი ზურაბ ანჴა̈დ ლა̈თხუ̂იარხა̈ნ,
Line of edition: 25 დია̈რ იშგუ̂მინ. დედედ ოხჴიდ დია̈რ, მარე ლუქუ̂ე̄ლე დია̈რ
Line of edition: 26 მა̄დე ხეკუ̂ა̈დ ზურაბს. ზურაბდ იშგუ̂მინ მახე მჷნა̈ყ დია̈რ. შომუ̂ა̈̄ჲ
Line of edition: 27 დია̈რ ქა̈̄ნჭა̈̄ნ, ეჩქა დედედ ქა ლახუ̂ე̄მ ზურაბს დია̈რ.
Line of edition: 28 -- დედე, ათხე ღულა̈ჲჟი ემსგუ̂ირ. -- ეჩქა დედედ ხა̈̄ქუ̂:
Line of edition: 29 -- დედე̄შ, ღულა̈ჲჟი ლისგუ̂რე ეჩქა დე̄სა ა̈ჯკუ̂ა̈დ, შომუ̂ა̈̄ჲ კოტო̄ლ
Line of edition: 30 ხა̈სუ̂, ი ათხე იმნა̈რ ჯაკუ?

Line of edition: 31 ზურაბდ ჰაჯ მა̄დ ახკიდ. დედედ ჟი ესსგურე ზურაბ ღულა̈ჲჟი.
Line of edition: 32 ქუთი ტეფ ეშხუ აშხუ̂ ლისუ̂ს ლახდე ი მე̄რუ̂ე მე̄რუ̂ა ლისუ̂ს. ხა̈̄ქუ̂
Line of edition: 33 დედეს:

Page of edition: 209
Line of edition: 1 დედე, მირდა ჲა̈რ მუ, ჰა და̈̄რ? ეჯა ქა მე̄ქა, ადო ლუსუ̂ა̈რს
Line of edition: 2 ქა ჯა̈შხი. დედედ ხა̈̄ქუ̂:
Line of edition: 3 -- ჩიქე ჩუ̂ა̈მიკ ლუსუ̂ა̈რხა̈ნჩუ, ნომა ამშიხა, ეჩქა ქა̈̄ჯი̄მბუ̂ი. -- ათხე
Line of edition: 4 დედედ ხა̈̄ქუ̂: დედე̄შ, ისგუ ცოდუ ხა̄რ ისგუ̂ა ამი̄ მე̄ქუ̂ი̄სგს. სი
Line of edition: 5 ეჯკა̈ლი მუ ჯირდა, ერე ეჯგუ̂ა̈ჲ და̈̄რ არდა. ეჯა მიშგუ̂ანქა და̈̄რდ
Line of edition: 6 მოშ ადქადნე, მი ოთქადუ̂ინ. ეჩქა მი ამშგურა̄ნე: "მ' ესერ ამე მერდად
Line of edition: 7 მა̄მა მაყა" ი აჩა̈დ ჯუ̂ე̄დია ქუ̂ეყანათე. სი ჩუ̂ეჯცუ̂ირ მიჩა ლებემ
Line of edition: 8 დაშნა̈ჲ.

Line of edition: 9 ათხე ალა ჟი ესუ̂რეკ დედედ ზურაბს ი ადშგურა̄ნე, ერე "ამჟი̄[უ̂]
Line of edition: 10 ესერ აჩა̈დ მიჩა მუ როსტომიშთე̄სგა". ზურაბ ანჷ̄გა̈ნ, ა̈ნმა̄რა̈̄ნ ი
Line of edition: 11 აჩა̈დ ჯუ̂ე̄დია შუკუ̂ს. შომუ̂ა̈̄ჲ დო ლა̈სუ̂, ა̈ხფედი̄ლა̈̄ნ მიჩა მუ როსტომს.
Line of edition: 12 ეჩქა როსტომიშთე აჩა̈დხ სემი ქა̈ჯ, ხა̈̄ქუ̂ხ როსტომს:
Line of edition: 13 -- როსტომ, სი̄უ̂ ამდაგრა, ეჯგუ̂ა̈ჲ ჭაბიგუ̂ აღრი, ერე ს' ესერ
Line of edition: 14 ჰე ამჩუ ესხო̄ლი, ისგუ̂ა იშუ̂სი ა̈ფთქუ̂ე ი ჯიჯუ̂სი. -- როსტომდ რა̈̄ქუ̂:
Line of edition: 15 -- ეჯა მიშგუჲა̈̄ნი ჰე დო̄რ ი̄რა, სერ ჲა̈რ ა̈ნჴდენი ეჯგუ̂ა̈ჲ?

Line of edition: 16 ათხე ჟ'ოხჭუ̂ე̄ნხ ქაჯა̈რდ, სგა ლახხუ̂ი̄დხ ზურაბს, ხა̈̄ქუ̂ხ, ერე
Line of edition: 17 -- სი ეჯგუ̂ა̈ჲ დაშნა̈ჲ ჯა̈̄ბ, ერე ჩუ̂ ე დო̄მ ა̈ხკედნე, ეჩქა სი ჩუ
Line of edition: 18 ჯადგა̈რი, ეჯკა̈ლი მა̄რე ჯეხუ̂ა...

Добавлено (2007-01-11, 2:27 Pm)
---------------------------------------------
Part No. 99

Text: 106
Page of edition: 209
Line of edition: 19
106. ზურაბი დი̄ნაგეზალ

Line of edition: 20 ალჲა̈რ ლიხ ღარიბ ხეხუ̂-ჭა̈შ. ჭა̈შს ხაჟხა ზურაბ. ალა კე̄სა̈რშე̄რ
Line of edition: 21 ა̈რი ლჷდია̄ნად. ალა ჩუ̂ა̈დმეჩა̈̄ნ სერ ი აგით' ა̄ნჴა̈დ. ამის ხორი სემი
Line of edition: 22 დი̄ნაგეზლ, ალჲა̈რს ხა̈̄ქუ̂ინ: "ჲა̈რ ესერ იმჲედიხ კე̄სა̈რთე ლი̄ზის?
Line of edition: 23 მაშე̄ნამ უდილდ ა̈დფაშუ̂დე. [მუდ] ჟ'ანმა̄რე ალა: მიჩა ლერქუ̂ა̈ლ ამის
Line of edition: 24 ათქუ̂ე, ლალსგურა[დ] ჟ'ოხჰჷნგრე მიჩა რა̈შ ი ადზჷზე.

Line of edition: 25 ესღრი მიჩა გეზალ ი მიჯნემ გა̈ნ ლოხქუ̂იც, თხე̄რად ესსიპდა.
Line of edition: 26 ჯუ̂ე̄დია მინდო̈რისგა ჩუ̂ესხუ̂იდ და̈̄უ̂ა̈ ფორმაჟი:
Line of edition: 27 -- ჲაღო, ჲერუ̂ა̈̄ჲ ესერ ღენა ლიზ, ლექუ̂ა̄უ ესერ ლახა̄სდდა!

Line of edition: 28 ალას ათყალუ̈̄ნდა ი ჟ'ეშჭუ̂ე̄ნ, ა̈გითე ანჴა̈დ. მიჩამუ სგუ̂ებინ ესხუ̂ი̄დ
Line of edition: 29 ბალკონჟი: -- იმღა ესერ მო̄მა ა̈მჩედე̄ლი?
Line of edition: 30 -- იმღა ესერ-ი ეჯღა, ერე და̈̄უ̂ ესერ ესხუ̂იე̄ნა მინდო̈რისგა.

Line of edition: 31 ათხე მანე̄სგრა უდილდ ლა̈ჲფა̈შუ̂დ. ალა ჟ'ა̈ნმა̄რა̈̄ნ, ლალსგურას
Line of edition: 32 ჟი ლახსგურდა მიჩა მუეშ ი ესღრი. ჯუ̂ე̄დია მინდო̈რისგა ჩუ̂ესხუ̂ი̄დდა
Line of edition: 33 მიჩა მუ აჯაღ. ჩუ̂ადყა̄ლუ̂ე მიჩა მუდ ი დეშ ლახა̄სდ, ა̈გითე ოხჭუ̂ე̄ნ.
Line of edition: 34 მიჩა მუდ გა̈ნ ლოხქუ̂იც ი სგუ̂ებინ ესხუ̂ი̄დ ა̈გის.

Page of edition: 210
Line of edition: 1 -- იმღა ესერ მო̄მა ა̈მჩედე̄ლი?
Line of edition: 2 -- ეჯკა̈ლიბ მირ ემხუ̂ი̄დ, დეშ ლო̄ხუ̂ასდ.

Line of edition: 3 ათხე მაჰუ̂რე̄ნე უდილ ა̈ნმა̄რა̈̄ნ ი ესღრი. ათხე გეზალს მიჩა მუდ
Line of edition: 4 გა̈ნ ლოხქუ̂იც ი სგუ̂ებინ ესხუ̂ი̄დ მინდო̈რისგა:
Line of edition: 5 -- ჲაღო ესერ, ლექუ̂აუ̂ ლახა̄სდ, ერუ̂ა̈̄ჲ ესერ ღენ ლი!

Line of edition: 6 ამნემ მა̄მა ადზა̄რე, ქა ლახა̄სდ:
Line of edition: 7 -- მიჩა ბაბა̈̄შ ნიჩუ̂ს ესერ ხაჯეშ, ადო ჟ' ესერ ხოკუ̂ა̄ნე კინჩხს!
Line of edition: 8 -- ო, ბაბა̈̄შ ლადეღუ ეჯქემა, სი გარ ჯაყა ეჩხაუ̂ მე̄ზიდ! ჲაღო,
Line of edition: 9 მ'აჯშგურა̈̄ნი ათხე: სამ შუკუ̂ ლაჭარისგა სემი და̈̄უ̂ სგურ. თუ̂ით
Line of edition: 10 ღუმირ ჩე̄რიდ ხუღუ̂ეხ, დოლებში̄რა ჩერშდა̈̄ლდ ხოსუ̂ახ. [ეჯჲა̈რდ
Line of edition: 11 სი ნო̄სა აჯყალუ̈̄ნდე̄დს. მი ლა̈ირს ლაჯჰო̈დნე ი ეჯა ქა ლახწუ̂ე̄ნ

Line of edition: 12 დი̄ნა აჩა̈დ, ათა̄სდ სამ შუკუ̂ ლაჭარისგა სამ და̈̄უ̂ს, ალჲა̈რს] ლა̈ირ ქა
Line of edition: 13 ლახწუ̂ე̄ნე, მიჩა მუე ნაჰოდ. ეჯჲა̈რ ლა̈ხჭუ̂ედდახ:
Line of edition: 14 -- იშა გეზალ როქ ხი?
Line of edition: 15 -- მი როქ ხუ̂ი ამჟი-ამჟი, ზურაბი გეზალ.

Line of edition: 16 ეჯჲა̈რს მეუ̂არ ათჩო̄ნდახ: "ამითა̄ნ გეზალ ჩუ ხორი!" ი ეჯჲა̈რდ
Line of edition: 17 ხა̈̄ქუ̂ინხ: "ლერსგუ̂ან ფოყთეუ̂ ესერ ოთთილ. ეჯჲა̈რ ესერ ოხგენიხ
Line of edition: 18 მა̈̄ნკუ̂ი ჩა̄ჟრე ჯჷლჷყს. ეჩეისგა ესერ ნოსამაუ̂ ა̈ნჷლკუჰე. ათხე ოხგენიხ
Line of edition: 19 ჰუ̈ლი ჯჷლჷყს. ეჩეისგა ესერ[ი̄] ნოსამაუ̂ ა̈ნთიშ"... ათხე რა̈ში
Line of edition: 20 ჯჷლჷყ ოხგენეხ. ეჩეისგა მა̄მგუ̂ეშ ა̈ნთიშ.
Line of edition: 21 -- მი მაკუჩ ეჯა, ერე ბაგისგა ტყჷრა̈̄ლ ფაშტილ ჯი̄ბხ.

Line of edition: 22 ეჯა მეუ̂არ ხამჭირხ, ეჩი̄ ლიჰუ̂დი, [მარე] ეჯა [ეში̄] ქა ლახუ̂ე̄მხ
Line of edition: 23 ეჯკა̈ლიბ ა̈ხფას, ერე ეშ შუ̂იმ მა̄მა ხა̄რ: მადრა̈ჴს ლახე ხა̈ჴდე, ეჩქა
Line of edition: 24 მე̄რე̄მიშ ი მე̄ფხე̄მი ნე̄სგაქა ღჷრი.

Добавлено (2007-01-11, 2:28 Pm)
---------------------------------------------
ალა [ზურაბი გეზალ] კე̄სრი დი̄ნას მეუ̂არ ლახლატჷნდა ი ალა
Line of edition: 26 ჭა̈შდ იშგუ̂მინ. ალას ჯა დე̄მა იჩო: ალა ჩუ დი̄ნა ლი, მარე ჭყინტ
Line of edition: 27 ხოხახ.
Line of edition: 28 -- ჲაღო, ესერ მა̈ჲ[უ] ოხგონუ̂ეხ ალას?

Line of edition: 29 კე̄სრი უ̂ა̈ზრა̈ლდ ლა̈̄ქუ̂ხ: -- ამიცახა̈ნ მინე ლირდე მა̄მა ლი. ჲაღო
Line of edition: 30 ესერ, მა̈ჲ[უ] ოხგონუ̂ეხ ალას? იმუ̂ა̄ლე ესერ უ̂ა̈რილ ნეზუ̂ი გუ̂ეჭ [ა̈რი,
Line of edition: 31 ეჩი̄] ამაუ̂ ლიჴდე.
Line of edition: 32 -- კე̄სა̈რ ლეგდ 

Line of edition: 34 ჲაღო ესერ, მიჩა ცოდუ ხა̄რხ, ალა-ჲ-ალა ესერ დე̄სა ხოფშუ̂და,

Line of edition: 35 მარე ეში̄ ესერ ადრი.

Line of edition: 36 ამის ხუღუ̂ე და̈̄უ̂რე ნაჰოდ კუკუ̂ა̈̄ლ ი ალ' ე̄სჟოღდა სგუ̂ებინ.
Line of edition: 37 როგუ̂ა̈ კაკლა̈რ ოთშიდ ნეზუ̂ს ი გუ̂ეჭ ქო̄თქუ̂ით, სგო̄ხჴიდ კე̄სა̈რს ი
Line of edition: 38 ალა ჩუ̂ა̈დჷმბაჟა̈̄ნ.

Page of edition: 211
Line of edition: 1 ჲაღო ესერ მა̈ჲ[უ] ოხგონუ̂ეხ ალას?

Line of edition: 2 კე̄სრი უ̂ა̈ზრა̈ლდ ხა̈̄ქუ̂ხ: მა̈ჲ ესერ-ი́ მიჩა დიდ ეჩაბუა̄სდთე უ̂ოქუ̂რა̈
Line of edition: 3 მჷსკად ესერ ოთდახ, ეჩი̄ ამაუ̂ ლიჴდე ესერ ოთფაშუ̂და [მიჩ].
Line of edition: 4 -- ალა-ჲ-ალა ესერ დე̄სა ხოფშუ̂და, მარე ეში̄ ესერ ადრი. მიჩა
Line of edition: 5 ცოდუ ესერ ხა̈̄ცუ̂ხ!

Line of edition: 6 ესჟოღდა კუკუ̂ა̈̄ლ სგუ̂ებინ ი ჩუ̂აჩა̈დ გიმი ჴურუჩუ. ეჩელექუ̂ა
Line of edition: 7 ალაჲ ჩუ̂ა̈თჭა̈მ ი სგა̄ჩა̈დხ კე̄სრი დიე სტოლთეჲსგა. ხაშგუ̂მინ ოქუ̂რე
Line of edition: 8 მჷსკა̈დ. ამნემ ხა̈̄ქუ̂ინ:
Line of edition: 9 -- მიჩა ნარდა̄ლ ესერ ნომაუ̂ ოხწუხუ̂ა მიჩა გეზალს! ალა ესერ
Line of edition: 10 ჟი ხარგა̈ბო̄ლნა მიჩა გეზალხა̈ნქა!

Line of edition: 11 მჷსკდი̄ლ ქა ლახუ̂ე̄მ ეჯნემ. სგო̄ხჴიდ კე̄სა̈რს, ჩუ̂ესდე სტოლჟი ი
Line of edition: 12 ჩუ̂ა̈დჷმბაჟა̈̄ნ.
Line of edition: 13 -- იმჟი ესერ ოხჴი̄და ალა? ჲაღო ესერ, მა̈ჲ[უ] ოხგონუ̂ეხ ათხე?
Line of edition: 14 იმუ̂ა̄ლე ესერ ლა̈ჩუ̂ ა̈რი, ეჩი̄ ლჷჯე̄მი ამაუ̂ ლიჴდე.

Line of edition: 15 ამნემ ლა̄ჲე უყროუ̂ა ხაბნა̈̄ გუ̂ა̈რე, ეშხუ ფუთ ჯიმ ლაჲე, მერმე ფუთ
Line of edition: 16 ლუსუ̂ემ ლა̄ე ი აჩად ეჩხაუ̂. სგიმჟი ჟათსოლმე გუ̂ა̈რე, ეშხუ ფუთ ჯიმ
Line of edition: 17 ჟი ლახშიდ ეჩეჟი, ჯა ჩუ̂ა̈თპა̈ჟ. ანღრი მინდო̈რ ლექუ̂ა ლა̈ჩუ̂, ჟ'ა̈თლაკ
Line of edition: 18 ჯიმს-ი́ იფთუ̂ი.

Line of edition: 19 [ამნე̄მ ლიც ახფჷნუ̂ნე. ლიც ლჷწჰე ესხუ̂ი̄დ. ეჩქა ლა̈̄ქუ̂ინ]:
Line of edition: 20 -- მა̈ჲ ესერ ღე̄რბეთ ლიზ, ლიც ესერ ჟიუ̂ ოხუ̂ფიშუ̂დ, მა̈̄ჲ ესერ
Line of edition: 21 ჰაჯ ხეკუ̂დი, ეჯას ესერ ლახჰუ̂ედი.
Line of edition: 22 -- ჲაღო ესერ, იშგენ მა̄მაგუ̂ეშ ხაკუ ი მიჩა ლჷჯეუ̂ ესერ ლახუ̂ე̄მ.
Line of edition: 23 -- ოღუნდ ესერ დღჷ̄ლ ნოსაუ̂ ხა̈სმინე! -- ი ჩუ̂ა̈ნი̄შგე ალა ი ა̈გითე
Line of edition: 24 ანჴიდ, ჩუ̂ეს[უ̂]გე კე̄სა̈რს სგუ̂ებინჩუ.
Line of edition: 25 -- ჲაღო ესერ, მა̈ჲ[უ] ოხუ̂გონუ̂ეხ ალას?
Line of edition: 26 -- იმუ̂ა̄ლე ესერ კოჯა̈რ იყჷრიე̄ლხ. ეჩი̄ ეჩხა̈ნჩუ ესერ ქაჯალე̄თი
Line of edition: 27 მურყუ̂ამისგა ქა̈ჯ ესერ ა̈რი, ეჩი̄ უ̂ოქუ̂რე ლუსდგუ̂არე ამაუ̂ ლიჴდე,
Line of edition: 28 ეჯი ესერ ოთფაშუ̂და ალას.

Line of edition: 29 კე̄სა̈რდ ა̈დჰერ ალა: -- ხოფშუ̂და ესერ ესა ალა?
Line of edition: 30 -- მიჩა ცოდუ ესერ ხა̈̄ცუ̂ხ. ალა-ჲ-ალა ესერ დე̄სა ხოფშუ̂და,
Line of edition: 31 მარე ეში̄ ესერ ადრი.

Line of edition: 32 ლახსგურდა მიჩა რა̈შს ი ესღრი. ამჩუ კოჯა̈რ იყჷრიელხ. მა̈ჲ
Line of edition: 33 ჩუ̂ემინეს? ჩუ̂ა̈დყულუ̈რა̈̄ნხ კოჯა̈რ, ხაჴიდ ეჩქა მადრა̈ჴ. ხჷნსგა ქო̄თქა̈ფ
Line of edition: 34 ეჩხა̈ნჩუ ი ჯა ლჷჲა̈რ აჩა̈დ ი ჩა̈̄ჟ სგა ლა̈ჲლჷწნეხ. ლაჲსინჯუ̂ე ეჩხა̈ნჩუ
Line of edition: 35 ი ეჩე̄ ქუ̂ეყანა მა̈გ ღო̄ნად ლჷსპე ლი. ესღრი ი სგა̄ჩა̈დ მეჩი
Line of edition: 36 მა̄რილთეჲსგა.

Добавлено (2007-01-11, 2:31 Pm)
---------------------------------------------
12
Line of edition: 1 -- იმხა̈ნ ესერ ახჴა̈დჷ̄ნე̄ნა მიჩ? ჯა ესერ დეშ ხაბჟე̄ნა ამე მერდად,
Line of edition: 2 ჯ' ე̄სერ იმნა̈რ ნაუ̂ბა̈დუ̂რად ა̈მჴედე̄ლი?
Line of edition: 3 -- იმნა̈რ ესერ ალსიპე̄ლი ამე̄ ქუ̂ეყანა ღო̄ნად?

Line of edition: 4 ათხე ქო̄ხო̄მბუ̂ე მეჩი მა̄რად: -- ამე ესერ ეზერ ქუ̂ეყანა ლჷმა̈̄რლი,

Line of edition: 5 მარე ქა̈ჯ ესერ ხა̈მთქუ̂ა, ეჯას ესერ ესსიპა მა̈გ ღო̄ნად. ეჯას ხალა̈ტ
Line of edition: 6 ქაჯაუ̂ე̄თი ხელწიფი გეზალ ი ეჩხაუ̂ ესერ ღჷრი. ჰამს ი ნა̈ბოზს
Line of edition: 7 ესერ მიჩ ხედა ლეჟა ი ლექუ̂ა ი ეჩქ' ე̄სერ მიჩ კუ̂ა̈̄ში̄ ნა̈ყუ̂იჩს ესერ
Line of edition: 8 ხოყუ̄ბე ყიაჩუ, ეჩქ' ე̄სერ ხანსრა̈ ნა̈კუ̂იშს ესერ ხოჯუ̄ბე აჯაღ ყიაჩუ
Line of edition: 9 ი უ̂იშდს ხა̈ძგრი უ̂ეშგმაუ̂, ეჩქ' ე̄სერ ლახ ა̈რ სგა̄ხფხიჭი ლუსდგუ̂ა̈რს,
Line of edition: 10 ეჩქა მა̄მგუ̂ეშ ესერ ხა̈მჲედა.

Line of edition: 11 ათხე ამნემ ხა̈̄ქუ̂ინ, დი̄ნად, კე̄სრი ლჷდია̄ნად: -- ხა̈მჲედა ესერ მოშ
Line of edition: 12 აღო, მიჩა ჩუ ლიპჟუნე?
Line of edition: 13 -- ადუ ესერ, აღო! -- ი ალა ჩუ̂ათპა̈ჟუ̂ნე.

Line of edition: 14 ახა̄სდდა ათხე ნა̈ბოზს ქაჯალე̄თი ქა̈ჯ, სგა̈̄ნსიპე მეჩი მა̄რათე ი
Line of edition: 15 ამნემ კუ̂ა̈̄ში̄ ნა̈კუ̂იშ ჩოთყუ̄ბე ყიაჩუ ი მუსი ნა̈კუ̂იშ აჯაღ. ეჩქა ჟ'ესსიპდა
Line of edition: 16 ი უ̂იშდ ხაძგერ. ეჩქა კე̄სრი ლჷდია̄ნე უ̂ეშგინისგა სგა ლა̈ხკუ̂ა̈ფხ,
Line of edition: 17 ლუსდგუ̂ა̈რს ოქუ̂რეშ სგა ხაფხეჭ. ქუ̂ინ დეშ ა̈ნკიდ ქა̈ჯდ.
Line of edition: 18 -- მა̈̄ღენა ესერ ლი, მა̈̄ჲ ესერ ჰაჯ ხეკუ̂ეს, ეჯას ესერ ხა̈ჩო ი
Line of edition: 19 ჯ' ე̄სერ ჩუ̄[უ̂] აფიშუ̂დ!
Line of edition: 20 -- ჲაღო ესერ, იშგენ მა̄მაგუ̂ეშ, ი ეჩქადა̈ გუა̈რდ ესერუ ესსიპე
Line of edition: 21 მა̈გ ი ალ ქუ̂ეყანა ლჷჲარდ[უ] ესსიპე. ჭყინტ ესერ დინადუ ესსიპე.
Line of edition: 22 დი̄ნა ესერ ჭყინტდუ ესსიპე, ლჷდგა̈რ ესერ ლჷჲარდუ ესსიპე.

Line of edition: 23 ლჷდგა̈რ ლჷჲარდ ესსიპდა. ათხე ლუსდგუ̂ა̈რ ქა̄ხჭკუ̂ერ ი "კოჯა̈რ
Line of edition: 24 ესერ ჩუ̄[უ̂] ადყულუ̄რე". კოჯა̈რ ჩუ̂ადყულუ̄რე. ანღრი ათხე
Line of edition: 25 ა̈გითე. ქა̄ნჴა̈დ ალ კოჯა̈რმჷყ ი მიჩა ლალსგურა რა̈შ ამეჩუნ ლჷჲა̈რ
Line of edition: 26 ესხუ̂ი̄დ ჟი ლახსგურდა ი ა̈გითე ანჴა̈დ ჩუ̂ესდუ̂ეხ კე̄სა̈რს სგუ̂ებინჩუნ
Line of edition: 27 ლუსდგუ̂არ. კესარ ჩუ̂ა̈დჷმბაჟა̈̄ნ: "მა̈ჲ ესერ ნაღუ̂ჟურ ახფასა ამჟი მიჩ,
Line of edition: 28 ერე ალამა̈გს ქა დო ახსედა ი ჩუ ხოჩუ̂მინა?!" ათხე მიჩა გეზლა̈ ლიყუ̂ნა̈̄ლ
Line of edition: 29 იშგუ̂მინ ი ალჲა̈რ ქუნუშ ა̈რიხ: "ტკისდ როქ სგა ლა̈ხყუ̂ინი მო
Line of edition: 30 გუშგუ̂ეჲ გეზალს?" კე̄სა̈რდ ჩუ̂ადნა̈ზუ̂რე მა̈გ ი ლა̈ხიადა̄ლ აჩუ̂მინ.
Line of edition: 31 ათხე ა̈გითე ლიჴედ იშგუ̂მინ ზურაბი გეზალდ მიჩა მუთე. ჟ'ანმა̄რე
Line of edition: 32 კე̄სა̈რდ, მიჩა ლემღუ̂ე̄ნე̄მი ხჷნსგა ქა ლახუ̂ე̄მ ი ა̈გით' ა̄ნფიშუ̂დ ლჷხია̈დ.

Добавлено (2007-01-11, 2:31 Pm)
---------------------------------------------
ამჩუ და̈̄უ̂ა̈რს ახა̄სდდა ი ალჲა̈რდ მეუ̂არ ა̈დხი̄დეხ (\\ ა̈დიხიდეხ) ი
Line of edition: 34 ლჷმზჷრე აფიშუ̂დხ ა̈გითე. სგა̄დჰე მიჩა ქორთეჲსგა, სგა ლახა̄გა̈̄ნ
Line of edition: 35 ყორს ი ქა̄ნჴა̈დ მიჩა მუ, ალა ჩუ დეშ ათირ: -- ჲა̈რ ესერ ლიზ?
Line of edition: 36 -- მა̄მ ესერ ხოთრა მო ჯა, მიჩა გეზალ?
Line of edition: 37 -- ხამჯო̄ნე ესერ ლალსგურაისგა გარ. ი ალა სგა ლახ ლა̈ხჯჷრუ̂ა̈̄ნ
Line of edition: 38 მიჩა გეზალდ, ეჩქა მა̈̄ჲ მა ჩუ ხობა̈ცდა, მა̈გ ჩუ̂ადხარჯუ̂ე.

Line of edition: 39 ლჷმზჷრეუ̂ ხი.

Добавлено (2007-01-11, 2:32 Pm)
---------------------------------------------
Text: 107
Page of edition: 213
Line of edition: 1
107. ზურაბ ი ალექსანდრე

Line of edition: 2 ლჷმზჷრე̄უ̂ ხი ი ხეხუ̂-ჭა̈შ. ეშხუ ჭყინტგეზალ ა̈ხთენა̈̄ნხ. ქა̄დგენეხ
Line of edition: 3 ლა̈დია̄ნათე. ესღრი შუკუ̂ს ი ბაპ ლახხუ̂ი̄დ. ალას (ჭყინტს) ხაჲშხა ზურაბ.
Line of edition: 4 ბაპდ ხა̈̄ქუ̂: "ჟ'ა̈მქირჲა̈ნ". ჟ'ა̈თქირჲა̈̄ნ ბაპს. მე̄რმა ლადეღ ლალდა̈ღთე
Line of edition: 5 ადზჷზე. ჩადშგურა̄ნე ბაპდ: "ბოგქა ნოსა ათხჲა კუმა̈შ, ადო ეჩქა
Line of edition: 6 ა̈გითე მა̄მა ხიტხე". ზურაბდ ხა̈̄ქუ̂ინ: "დე̄მა". ანჴა̈დ ი ბოგქა ადჲე
Line of edition: 7 კუმა̈შ. ხელდეღ ამე. ისგლა̄დღი ონაქა ჩუ̂ადყურდახ კუმა̈შ ლახუ̂ს.
Line of edition: 8 ანჴა̈დ ამხაუ̂თე̄სგა გარუ̂ილ ტა̈ხ. უ̂ოდე ჩუ ხოცლჷ̄რა კუმა̈შს, ეჩქად
Line of edition: 9 სგა ხაფხეჭ ზურაბდ ი იბჷრგიე̄ლხ. ტა̈ხდ ლა̈̄ქუ̂ინ: "ათხე ჩუ̄[უ̂] ჲა̈რდ
Line of edition: 10 ამსტუღუ̂ნე, ეჩქა ჩუ ჯა̈წრე ზურაბს". ზურაბდ ლა̈̄ქუ̂ინ "ეშხუ̂ი ბაპა̈
Line of edition: 11 დი̄ნა შჷნუუ̂ მეყა̈̄დ, ეჩქა ჩუ ჯიდი". დეხდა̈̄შნე̄მ ა̈ნდეხ. ჩუ̂ა̈დყულუ̄რა̈̄ნხ.
Line of edition: 12 ზურაბდ ა̈გით' ა̈ნჴიდ კუმა̄შ. ბაპდ ხა̈̄ქუ̂ინ: "ზურაბ, იმე ჯეყა̄დ
Line of edition: 13 კუმა̈შ? მა̈დილ ჯე̄რა, ეჩხა̈ნთე ნოსა ხა̈ი!" მე̄რმა ლადეღ ქა̄დ ადჲე.
Line of edition: 14 ათხე ბაპ უ̂ეშგინ ა̈თჭა̈მ. ტა̈ხ სგა̄ნჴა̈დ ამხაუ̂თე̄სგა. ხებჷრგიე̄ლ ზურაბ.
Line of edition: 15 დეშ ა̈ნდე ზურაბ. ჩა̈დყურუ̄ლა̈̄ნხ. აგითე ანჴა̈დ ზურაბ.

Line of edition: 16 მე̄სმა ლადეღ ადჲე ლელდეღ. ბაპდ სა̈დილ ოთზჷზე, მიჩა დინაგეზალს
Line of edition: 17 სა̈დილ ათბა̈რჲე ზურაბიშთე. ჩა̈დსა̈დლა̈̄ნ ზურაბ, ტა̈ხი ანჴა̈დ
Line of edition: 18 ი ა̈ხბჷრგა̈̄ნ ზურაბს. ჩა̈ნდე ზურაბდ. თხუ̂იმ ქა̄თქუ̂იც. ალ ტა̈ხი მაყალშუ̂
Line of edition: 19 სოფელ კუმა̈[შ]ს დეშ ა̈ჲა̈̄სგდახ ლალდა̈ღთე, ადო ალა ჩაცლჷ̄რა.
Line of edition: 20 ათხე ზურაბს ხა̈̄ქუ̂ინხ სოფლა̈რდ: "მა̈ჲ ჯაკუჩ, ზურაბ, ტა̈ხი
Line of edition: 21 ნადგა̈რიე̄ლ? თუ̂ით ქულუმგენე ჟ'ოხზუ̂ერხ ზურაბს, ა̈გითე ადჲე, სგა
Line of edition: 22 ლახბა̈რჲე მიჩა დის ი მუს.

Line of edition: 23 ათხე აჩა̈დ ზურაბ ი ესღრი შუკუ̂ს. ჟ'ა̈თქირჲა̈̄ნ ხელწიფს. ხელწიფს
Line of edition: 24 აჯად ხაყა ლჷქრა̈ჲე მა̄რა̈̄ლ. ზურაბ ჟი ლა̈ჲსისგეხ:
Line of edition: 25 -- მა̈ჲ ოლგონუ̂ად ზურაბს?
Line of edition: 26 -- მა̈ჲ-ი́ და̈̄უ̂ა̈რს ხუღუ̂ახ ცხეკ, ეჩი̄ ლაქჩათე ლი̄ზი. ეჩქას და̈̄უ̂ა̈რ
Line of edition: 27 დემის ფიშუ̂დეხ ლჷჲა̈რს.

Line of edition: 28 ზურაბს ხა̈̄ქუ̂ ხელწიფდ. -- ზურაბ სი ესერ ა̈ჯფაშუ̂და და̈̄უ̂რე ცხეკთე
Line of edition: 29 ლი̄ზი.
Line of edition: 30 -- დე̄სა მიფშუ̂და, მარე ქო̄დრი. კა̄და ა̈მშკა̈̄დდ ეშხუ̂ი ფუთია̈ნ.

Line of edition: 31 ჟ'ოხშკა̈̄დხ კა̄და ი აჩა̈დ. ჟ'ახბა̈ჟხ და̈̄უ̂ა̈რდ: -- ჲარ ხაკა̈̄დიდ ნიშგუ̂ეჲ
Line of edition: 32 ცხეკისგა? -- მი ხუ̂ი ზურაბ.
Line of edition: 33 -- ათეყჩ, ადო ჯადგა̈რიდ! -- სგა̈̄ხთჷ̄რდად, მა̄მა მაყლუ̄ნი!

Line of edition: 34 სგა̄ნჴა̈დხ და̈̄უ̂ა̈რ, ექჷრდა ჟ'ესრუწუ̄ლე. -- მა̈დილ ჯე̄რა, ჟ'ა̈ნიტხ!
Line of edition: 35 მა̈̄ჲ ჯეკუ̂დენი, ეჩის ჯა̈ჩოდ. -- ჲაღო, ხოჩა კრაუ̂ა̈ტ ა̈მტა̄ბედ, სგა̄თხჲედ
Line of edition: 36 ხელწიფიშმჷყ!

Line of edition: 8 ანჷ̄გა̈ნ ზურაბ ი აჩა̈დ. ქა̄ნჴიდ უ̂ოქუ̂რა̈ კალხმა̈რ, შუ̂იდებდ ანტა̈ხ.
Line of edition: 9 ათხე ათჷმბაჟჷნდა ხელწიფს:
Line of edition: 10 -- მიშგუ ხეხუ̂, ოლგონუ̂ად მა, ადო ალა ლიხჷლწიფს ქა გუ̂ებში!
Line of edition: 11 -- ჲაღო, ბერჟა̈ მა̄რე როქ ა̈რი აშხუ̂ ქუ̂ეყანას, ეჩი ლაბჷრგია̄ლთე
Line of edition: 12 ალზჷზად.

Line of edition: 13 ანჷ̄გა̈ნ ი აჩა̈დ ალ სოფელ[თეჲ]სგა. სგა̄ჩა̈დ ეშხუ̂ მეზგათე. ამეჩუ
Line of edition: 14 ა̈რი მახეღუ̂ა̈ჟ, ალექსანდრე ხაჟხა. ალა მუხუ̂ბად ლა̈ჲღუ̂ერ. ლა̈ხჭუ̂ედდა
Line of edition: 15 ლექსანდრეს: -- მი ოღუ̂ერ ბერჟა̈ მა̄რე̄მიშ ლაბჷრგია̄ლთე!
Line of edition: 16 -- იმჟი ჯაკა̈ფ, ჲაღო? ცჴემადშუ̂ ლიშია̈̄ლ აჯა̈̄ცს, მა̈̄ნკუ̂ი სი
Line of edition: 17 ახფიშუ̂დე, ეჩის ჩუ იჩო. თანისგა ლახ მოშ ხა̈ჴდე, ეჩქა ჩუ იდგა̈რი.

Line of edition: 18 ხაშგუ̂მინ ლიშია̈̄ლ ზურაბდ ბერჟა̈ მა̄რა. თანახმას ოხჴა̈დ. ახფიშუ̂დ
Line of edition: 19 ზურაბდ ცჴემა̈დ, თანისგა ხაჴიდ, ჩუ̂ადგა̈რ ბერჟა̈ მა̄რე. ამი ხეხუ̂
Line of edition: 20 მიჩა ხეხუ̂დ ანჴიდ. ჩა̈დზიგა̈̄ნ ამეჩუ ალექსანდრე̄ცახა̈ნ. მე̄რმა ლადეღ
Line of edition: 21 ჯა ი ზურაბ აჩა̈დხ ბაზა̈რთე. ა̈გითე ანტა̈ხ ზურაბ ი ხეხუ̂ დე̄სა ესხუ̂ი̄დ
Line of edition: 22 ა̈გის. ლა̈ხჭუ̂ედდა ალექსანდრე ხეხუ̂ს: -- მა̈ჲ ა̈თყა̈რ ზურაბი
Line of edition: 23 ხეხუ̂ს? -- ანჴა̈დ მირ ჰაერშუ̂ ი ადჲე.

Line of edition: 24 აჩა̈დხ ლათხე̄ლთე ზურაბ ი ალექსანდრე. სამ ზაუ̂ ხეთხა̈̄ლდახ,
Line of edition: 25 დე̄სა ა̈ხგუ̂ა̈ბხ. ათხე ზურაბდ ხა̈̄ქუ̂ინ ალექსანდრეს: "სი ა̈გითე ადერ
Line of edition: 26 ნჷმა ალჴაცად ქორ, მი ხუ̂ეთხა̈̄ლუ̂ნი". მჷსკდა̈რს ჩა̈დცა̄დუნა̈̄ნხ. ზურაბი
Line of edition: 27 მჷსკა̈დ ალექსანდრედ ა̈დდე. ალექსანდრე ა̈გითე ანტა̈ხ. ხუ̂ა̈ჲ
Line of edition: 28 ხა̈ნ ახა̄დ, დემხა̈ნ ანტა̈ხ. ზურაბი დაგრა ა̈დკუ̂იჰ ალექსანდრედ. მიჩა
Line of edition: 29 ლა̈ლგმა̈̄რ ჩადღაფუ̄რე მეშხად. ერუ̂ა̈̄ჲ საბრალ მა̄რე ქა ხედა ალექსანდრეს,
Line of edition: 30 ჩი̄ს პა̈ტიუ̂ს ხეჩო: "ღო ესერ ზურაბი ქუ̂ინს ხოჩა ხე̄რა".

Line of edition: 31 ხუ̂ა̈ჲ ხა̈ნ აჩა̈დ. ანტა̈ხ ზურაბ ა̈გითე. ჩუ დეშ ათირხ უშხუ̂ა̄რე
Line of edition: 32 თხუ̂იმ. ხა̈̄ქუ̂ ალექსანდრედ მიჩა ხეხუ̂ს: "ჟ'ოხუ̂ე̄ზნანედ ალას, ღო
Line of edition: 33 მა̈დილ ლი, ზურაბი ქუნა̈რს ხოჩა ხა̄რ". ჩადბარა̄ლეხ ი ჟოხუ̂ე̄ზნანეხ.
Line of edition: 34 ნაუ̂ახშობენ ლა̈ჲჭუ̂ედდა ზურაბ: -- იმნა̈რ ჯა̄რხ ლუღფუ̄რე ლა̈ლგმა̈̄რ?
Line of edition: 35 -- იმნა̈რ-ი́ მუხუ̂ბე ა̈თქარუ̂ა̈̄ნ ალექსანდრეს, დემხა̈ნ ანტა̈ხ, ეჯღა
Line of edition: 36 ნა̄რ ლუღფუ̄რე ლა̈ლგმა̈̄რ.

Добавлено (2007-01-11, 2:34 Pm)
---------------------------------------------
ანჴა̈დ ზურაბ, ეშხუ ჭიქ ჰარა̈ყ ოთზჷზე, მჷსკა̈დ სგა̈̄ნჩუ ესდე. ჩუ
Line of edition: 38 ლაი̄შ ალექსანდრედ, ჩათირ მჷსკა̈დ. ბა̄ზი ჩადყურდახ. ლა̈ხი̄სნაუ̂
Page of edition: 215 Line of edition: 1 ალექსანდრეს: "ზურაბი ლიხჩოუ̂ა̈̄ლ ე ჯაკუჩ, ეშხუ ჭყინტგეზალ ჩა̈ძიჰ,
Line of edition: 2 ეჩი ზისხ ჟ'ათაცმ ზურაბს, ეჩქა იმგუ̂ა̈̄ჲჟი ზურაბ ლა̈სუ̂, ეჯჟი ირა".

Line of edition: 3 მე̄რმა ლადეღ ჟ'ანჷ̄გა̈ნ, მიჩა ხეხუ̂ ი გეზლი̄რ მა̈გ წირთე ა̈დჴერნე,
Line of edition: 4 ეშხუ გეზალ ა̈გის ა̈დცუ̂ირ. ათხე ჯა ა̈გითე ანტა̈ხ, ჩაძიჰ მიჩა გეზალ,
Line of edition: 5 ეჩი ზისხ ჟ'ანხჷრტაუ̂ე, ჟ'ათცუ̂ემ ზურაბს. იმუ̂ა̈̄ჲჟი ათხად ხოჩა ზურაბ
Line of edition: 6 ლა̈სუ̂, ეჯჟინ ესსიპდა. ა̈გითე ანტა̈ხ მიჩა ხეხუ̂. ალექსანდრედ ხა̈̄ქუ̂ინ:
Line of edition: 7 -- გეზლი̄რ ესერ მა̄მა ხერდი, ეჯა ხოცხა, ჰა ზურაბ ოხჴედნი?
Line of edition: 8 -- ზურაბ ესერ ლახ ოხჴედნი, ეჩქას ჰა̈დურდ ესერ მა̄მა ხაკუ
Line of edition: 9 გეზლი̄რ!
Line of edition: 10 -- ჲაღო ესერ, ზურაბ ა̈მჴედე̄ლი, ამჟინ-ამჟინ ოხხოჩუ̂ა.

Line of edition: 11 მა̄მა აფა̈შ მიჩა გეზლა̈ ლიჲსენიღა (\\ ლისენიღა). ეჯა ზურაბდ
Line of edition: 12 ჟ'ანხოჩუ̂ე: სგა ლახტიხ კინჩხ. ლა̈ხიადა̄ლ აჩუ̂მინხ.

Line of edition: 13 ლჷმზჷრე̄უ̂ ხი.

Добавлено (2007-01-11, 2:35 Pm)
---------------------------------------------
Text: 108
Page of edition: 215
Line of edition: 14
108. ნარდ

Line of edition: 15 აშხუ̂ სოფელისგა იზგა ეშხუ̂ი ხოჩა მა̄რე, ხეჟხა̈̄ნ (\\ ხეჲჟხა̈̄ნ) ჟახად
Line of edition: 16 ნარდ. ეჩის ხორდა სემი ჭყჷნტა̈რ. ხა̄დდახ ხოჩა ლიზგე, მა̄მგუ̂ეშ
Line of edition: 17 ხაკლი̄ნდახ (\\ ხაკლე̄ნდახ), იუ̂ა̈დდახ ჩიგარ: "ღე̄რბეთ ესერ თჷმი-წჷხისუ
Line of edition: 18 ე̄სა ლახლა̈კხ!"

Line of edition: 19 ანჷ̄გა̈ნხ ალ სემი ლახუ̂ბა ი აჩა̈დხ ჯუ̂ე̄დია ქუ̂ეყანათე. აშხუ̂ მინდო̈რისგა
Line of edition: 20 ჩა̈თბურა̈̄ნხ. ალჲა̈რს ხეყა̈̄დხ (\\ ხეყა̈̄დდახ) თუ̂ით სემი ჩა̈̄ჟ.
Line of edition: 21 ალ მინდო̈რისგა მინ ჩუ ლჷსდგომე ლა̈სუ̂ხ, ეჩქას სგა̄ნჴა̈დხ ამხაუ̂თეჲსგა
Line of edition: 22 და̈̄უ̂ა̈რ, ხაშგუ̂მინხ ალჲა̈რს: "ბა̄ზი უ̂ოხშა̈მ ხეკუ̂ესე ნა̈ყრიდ!" ალ
Line of edition: 23 ლახუ̂ბად ქა ლახუ̂ემხ სემი ჩა̄ჟა̈რ. ჩუ̂ა̈დჴჷმრეხ ამ ლე̄თ ალჲა̈რ. მე̄რმა
Line of edition: 24 ლე̄თ აჯაღჷდ ამეჩუ̄დ ასა̈დხ, აჯაღ ხაშგუ̂მინხ უ̂ოხშა̈მ. თუ̂ით მერმე ჩა̄ჟა̈რ
Line of edition: 25 მე̄რმა ლე̄თჷდ ლახუ̂ემხ. ათხე ჩუ̂ესსა̈დხ ალ ლახუ̂ბას თუ̂ით ჩა̈̄ჟ
Line of edition: 26 გარ. მესმა ლე̄თ ხაშგუ̂მინხ აჯაღჷდ უ̂ოხშა̈მ. ალ ლახუ̂ბად ქა̄დ ლახუ̂ემხ
Line of edition: 27 მინე ლალსგურა ჩა̄ჟა̈რ. სერ ჩუ მამაგუ̂ეშ ესსა̈დხ. მეშთხუ̂ა ლეთ
Line of edition: 28 ხაშგუ̂მინხ აჯაღ ი ალჲა̈რდ ხა̈̄ქუ̂ხ ამეჩუნ, ერე
Line of edition: 29 -- მინ ესერ და̈̄უ̂ა̈რ ტკისდ, მინ ესერ ამხაუ̂ მა̄მ ა̈მჴედლიხ, მინ
Line of edition: 30 ესერ ოხზჷზა მინე მუ ნარდს მინე ლა̈ჭუ̂დია̄ლთე: აშხუ̂ სოფელს ესერ
Line of edition: 31 ლჷმჷრდე̄ლი ეშხუ̂ი ჴა̈ნ. ლაჩა̈ხუ̂ ესერ ხა̄რა ფეშტაუს ი ლაყუ̂რა ინგითაუ̂ს.
Line of edition: 32 ეჩის ესერ ხა̄რა მუჭუ̂ა̈რ. ეშხუ ესერ ხაშტკჷნე̄ნა გიმთე ი მერმე
Line of edition: 33 დეცთე. ა̈მჴედე̄ლი მჷრა̈̄მხა̈ნ შაურდენ ი ქო̄თხუ̂ჲა ეჯ ჴა̈ნ. ოთხუ̂ჲა
Line of edition: 34 ჯო̈̄დია (\\ ჯუ̂ე̄დია) სოფელთე. ეჯ სოფელისგა ხაყე̄ნა აშხუ̂ ჭყინტს
Page of edition: 216 Line of edition: 1 ჯო̈გ. ეჩეჩუ ხაჩჷ̄და ეშხუ̂ი ფიკუ̂: უ̂ა̈რე ხა̈გნე̄ნა ეჯზუმ (\\ ეჩზუმ), ერე
Line of edition: 2 მიჩა ჯო̈გ უ̂ა̈რა ჩუქუ̂ა̄ნთეჲსგა ლჷმა̈̄ზ. უ̂ერბ ჟ'ათგენე̄ნა ეჯ ფიკუ̂ი
Line of edition: 3 მუ̈ჭუ̂ჟი ი ქო̄ხჴეშდა̄ნა ეჯ ჴა̈ნ. ალ ლა̈ჴშდა̈̄ნჟი ჩუ̂ათშყედა ბარჯა̈ და̈ფ.
Line of edition: 4 ეჯ და̈ფ სგა̄თშყედა მეჯო̈გს თანთე. ა̈მჴედე̄ლი მიჩა დი ი ლანგა̈უ̂
Line of edition: 5 ლო̄ხუ̂ია ი თანხა̈ნქა ქო̄ხკუ̂არა ბარჯა̈ და̈ფ. ეჯ ბარჯა̈ და̈ფჟი ესზიგე̄ნა
Line of edition: 6 ეშხუ̂ი სოფელ. ეჯ სოფელს ხაჲჟხა̈̄ნ მალყა̈̄რ. ეჯ ბარჯა̈ და̈ფს
Line of edition: 7 ა̈ხმითქუ̂ა̈̄ნ მა̄ლ. ჰამს ლექუ̂ა ხა̈ჩოდა ყო̄რ-ლაჴუ̂რას ი ნა̈ბოზს ლეჟა.
Line of edition: 8 მთელ სოფელ ხედრაჯა̄ლდახ ეჯ მა̄ლს, მარე ჩუ და̈̄რდ მოშ ადგა̈რ.
Line of edition: 9 ანჴა̈დ ალ ჭყინტ ი ჩოთდარჯე ეჯ მა̄ლს ი ჩადგა̈რ. თელ მალყა̈̄რი
Line of edition: 10 სოფელ ა̈ხჭუ̂ა̄დ ეჯ მა̄ლა̈ ლატფუ̄რას, მარე აშხუ̂ა̈ნ ლექუ̂ა უ̂ედდ გარ
Line of edition: 11 ადტუფუ̄რეხ ი მე̄რმახა̈ნ ლექუ̂ა ალ ჭყინტი დიდ ლოხრეკ ჩე̄რი ი
Line of edition: 12 ქა̄ტუ̂იფ. ალ ტუფს ა̈ხფას თელ მალყა̈̄რი სოფლი კე̄შ ი ფაყუ̂ ი მე̄რმახა̈ნ
Line of edition: 13 ლექუ̂ა ა̈ხფას მეჯო̈გი (\\ მეჯუ̂გი) ფაყუ̂ გარ.

Line of edition: 14 ალ სემი ლახუ̂ბა ხეჭუ̂დიე̄ლხ, ერე "მინე მუს ესერ ოხზჷზა მინ
Line of edition: 15 გუ̂აშმი (\\ გუ̂ეშმი) ლა̈ცხრათე: ალ სამისგი ჲა̈რ ესერ ი̄რო̄ლხ ხოშა?

Line of edition: 16 ათხე ანჴა̈დხ ალ და̈̄უ̂ა̈რ, ლა̈ჲბინეხ ლიცლა̈უ̂იე̄ლ: ჲერს ჲა̈რ ხაბჟახ
Line of edition: 17 ხოშა ი ჲერს ჲა̈რ? ლა̈ჲბინეხ ლიყა̈̄რიე̄ლ, ღუმრა̈ლს იშგბჷ̄რეხ
Line of edition: 18 ჟი, კაცხა̈რს ხეგუ̂დირნიხ ი ეჩჟი ხატყციხ უშხუ̂ა̄რ. ალჲარე ლაყა̈̄რია̄ლჟი
Line of edition: 19 ლა̄პა̈რხ ალ სემი ლახუ̂ბა ი აჩა̈დხ ა̈გითე, სგა̄ჩა̈დხ მინე მუთე ი
Line of edition: 20 ლჷმზჷრეუ̂ ხიშდ.

Добавлено (2007-01-15, 1:39 Pm)
---------------------------------------------
Text: 108
Page of edition: 215
Line of edition: 14
108. ნარდ

Line of edition: 15 აშხუ̂ სოფელისგა იზგა ეშხუ̂ი ხოჩა მა̄რე, ხეჟხა̈̄ნ (\\ ხეჲჟხა̈̄ნ) ჟახად
Line of edition: 16 ნარდ. ეჩის ხორდა სემი ჭყჷნტა̈რ. ხა̄დდახ ხოჩა ლიზგე, მა̄მგუ̂ეშ
Line of edition: 17 ხაკლი̄ნდახ (\\ ხაკლე̄ნდახ), იუ̂ა̈დდახ ჩიგარ: "ღე̄რბეთ ესერ თჷმი-წჷხისუ
Line of edition: 18 ე̄სა ლახლა̈კხ!"

Line of edition: 19 ანჷ̄გა̈ნხ ალ სემი ლახუ̂ბა ი აჩა̈დხ ჯუ̂ე̄დია ქუ̂ეყანათე. აშხუ̂ მინდო̈რისგა
Line of edition: 20 ჩა̈თბურა̈̄ნხ. ალჲა̈რს ხეყა̈̄დხ (\\ ხეყა̈̄დდახ) თუ̂ით სემი ჩა̈̄ჟ.
Line of edition: 21 ალ მინდო̈რისგა მინ ჩუ ლჷსდგომე ლა̈სუ̂ხ, ეჩქას სგა̄ნჴა̈დხ ამხაუ̂თეჲსგა
Line of edition: 22 და̈̄უ̂ა̈რ, ხაშგუ̂მინხ ალჲა̈რს: "ბა̄ზი უ̂ოხშა̈მ ხეკუ̂ესე ნა̈ყრიდ!" ალ
Line of edition: 23 ლახუ̂ბად ქა ლახუ̂ემხ სემი ჩა̄ჟა̈რ. ჩუ̂ა̈დჴჷმრეხ ამ ლე̄თ ალჲა̈რ. მე̄რმა
Line of edition: 24 ლე̄თ აჯაღჷდ ამეჩუ̄დ ასა̈დხ, აჯაღ ხაშგუ̂მინხ უ̂ოხშა̈მ. თუ̂ით მერმე ჩა̄ჟა̈რ
Line of edition: 25 მე̄რმა ლე̄თჷდ ლახუ̂ემხ. ათხე ჩუ̂ესსა̈დხ ალ ლახუ̂ბას თუ̂ით ჩა̈̄ჟ
Line of edition: 26 გარ. მესმა ლე̄თ ხაშგუ̂მინხ აჯაღჷდ უ̂ოხშა̈მ. ალ ლახუ̂ბად ქა̄დ ლახუ̂ემხ
Line of edition: 27 მინე ლალსგურა ჩა̄ჟა̈რ. სერ ჩუ მამაგუ̂ეშ ესსა̈დხ. მეშთხუ̂ა ლეთ
Line of edition: 28 ხაშგუ̂მინხ აჯაღ ი ალჲა̈რდ ხა̈̄ქუ̂ხ ამეჩუნ, ერე
Line of edition: 29 -- მინ ესერ და̈̄უ̂ა̈რ ტკისდ, მინ ესერ ამხაუ̂ მა̄მ ა̈მჴედლიხ, მინ
Line of edition: 30 ესერ ოხზჷზა მინე მუ ნარდს მინე ლა̈ჭუ̂დია̄ლთე: აშხუ̂ სოფელს ესერ
Line of edition: 31 ლჷმჷრდე̄ლი ეშხუ̂ი ჴა̈ნ. ლაჩა̈ხუ̂ ესერ ხა̄რა ფეშტაუს ი ლაყუ̂რა ინგითაუ̂ს.
Line of edition: 32 ეჩის ესერ ხა̄რა მუჭუ̂ა̈რ. ეშხუ ესერ ხაშტკჷნე̄ნა გიმთე ი მერმე
Line of edition: 33 დეცთე. ა̈მჴედე̄ლი მჷრა̈̄მხა̈ნ შაურდენ ი ქო̄თხუ̂ჲა ეჯ ჴა̈ნ. ოთხუ̂ჲა
Line of edition: 34 ჯო̈̄დია (\\ ჯუ̂ე̄დია) სოფელთე. ეჯ სოფელისგა ხაყე̄ნა აშხუ̂ ჭყინტს
Page of edition: 216 Line of edition: 1 ჯო̈გ. ეჩეჩუ ხაჩჷ̄და ეშხუ̂ი ფიკუ̂: უ̂ა̈რე ხა̈გნე̄ნა ეჯზუმ (\\ ეჩზუმ), ერე
Line of edition: 2 მიჩა ჯო̈გ უ̂ა̈რა ჩუქუ̂ა̄ნთეჲსგა ლჷმა̈̄ზ. უ̂ერბ ჟ'ათგენე̄ნა ეჯ ფიკუ̂ი
Line of edition: 3 მუ̈ჭუ̂ჟი ი ქო̄ხჴეშდა̄ნა ეჯ ჴა̈ნ. ალ ლა̈ჴშდა̈̄ნჟი ჩუ̂ათშყედა ბარჯა̈ და̈ფ.
Line of edition: 4 ეჯ და̈ფ სგა̄თშყედა მეჯო̈გს თანთე. ა̈მჴედე̄ლი მიჩა დი ი ლანგა̈უ̂
Line of edition: 5 ლო̄ხუ̂ია ი თანხა̈ნქა ქო̄ხკუ̂არა ბარჯა̈ და̈ფ. ეჯ ბარჯა̈ და̈ფჟი ესზიგე̄ნა
Line of edition: 6 ეშხუ̂ი სოფელ. ეჯ სოფელს ხაჲჟხა̈̄ნ მალყა̈̄რ. ეჯ ბარჯა̈ და̈ფს
Line of edition: 7 ა̈ხმითქუ̂ა̈̄ნ მა̄ლ. ჰამს ლექუ̂ა ხა̈ჩოდა ყო̄რ-ლაჴუ̂რას ი ნა̈ბოზს ლეჟა.
Line of edition: 8 მთელ სოფელ ხედრაჯა̄ლდახ ეჯ მა̄ლს, მარე ჩუ და̈̄რდ მოშ ადგა̈რ.
Line of edition: 9 ანჴა̈დ ალ ჭყინტ ი ჩოთდარჯე ეჯ მა̄ლს ი ჩადგა̈რ. თელ მალყა̈̄რი
Line of edition: 10 სოფელ ა̈ხჭუ̂ა̄დ ეჯ მა̄ლა̈ ლატფუ̄რას, მარე აშხუ̂ა̈ნ ლექუ̂ა უ̂ედდ გარ
Line of edition: 11 ადტუფუ̄რეხ ი მე̄რმახა̈ნ ლექუ̂ა ალ ჭყინტი დიდ ლოხრეკ ჩე̄რი ი
Line of edition: 12 ქა̄ტუ̂იფ. ალ ტუფს ა̈ხფას თელ მალყა̈̄რი სოფლი კე̄შ ი ფაყუ̂ ი მე̄რმახა̈ნ
Line of edition: 13 ლექუ̂ა ა̈ხფას მეჯო̈გი (\\ მეჯუ̂გი) ფაყუ̂ გარ.

Line of edition: 14 ალ სემი ლახუ̂ბა ხეჭუ̂დიე̄ლხ, ერე "მინე მუს ესერ ოხზჷზა მინ
Line of edition: 15 გუ̂აშმი (\\ გუ̂ეშმი) ლა̈ცხრათე: ალ სამისგი ჲა̈რ ესერ ი̄რო̄ლხ ხოშა?

Line of edition: 16 ათხე ანჴა̈დხ ალ და̈̄უ̂ა̈რ, ლა̈ჲბინეხ ლიცლა̈უ̂იე̄ლ: ჲერს ჲა̈რ ხაბჟახ
Line of edition: 17 ხოშა ი ჲერს ჲა̈რ? ლა̈ჲბინეხ ლიყა̈̄რიე̄ლ, ღუმრა̈ლს იშგბჷ̄რეხ
Line of edition: 18 ჟი, კაცხა̈რს ხეგუ̂დირნიხ ი ეჩჟი ხატყციხ უშხუ̂ა̄რ. ალჲარე ლაყა̈̄რია̄ლჟი
Line of edition: 19 ლა̄პა̈რხ ალ სემი ლახუ̂ბა ი აჩა̈დხ ა̈გითე, სგა̄ჩა̈დხ მინე მუთე ი
Line of edition: 20 ლჷმზჷრეუ̂ ხიშდ.

Добавлено (2007-01-15, 1:40 Pm)
---------------------------------------------
Text: 109
Page of edition: 216
Line of edition: 21
109. დოხტურ

Line of edition: 22 ეშხუ̂ი ზურა̄ლ ლა̈სუ̂ ი მეჩი ზურა̄ლ. ამის ხორდა ეშხუ̂ი ჭყინტგეზალ.
Line of edition: 23 ეჯა ადგენე ლათუ̂ერთე დოხტურობა̈შ. ეჩას ა̈ხფას ეზა̈რ
Line of edition: 24 ლუთუ̂ერ. ამ დრო̈უ̂ს ხელწიფს ოთჷრდა დი̄ნაგეზალ ლეგდ. ადჲეხ
Line of edition: 25 ეჯა დოხტურა̈ლთე. მა̈გ ნუკუ̂იშ ხაყერხ დოხტურა̈ლდ, მარე მა̄მაგუ̂ეშ
Line of edition: 26 ლა̈ხშა̈დხ. ალ ზურა̄ლა̈ გეზალ-ჭყინტს ჩუ ხოხალდა ეჩი̄ ლიშედ, მარე
Line of edition: 27 ხოშამ დოხტურა̈ლს დეშ ოთდა̄უ̂შე მინე გუ̂ეშ. ალ დი̄ნაგეზალ ჩათდაგან
Line of edition: 28 ხელწიფს ი ჩაშდუ̈ღ. ამ ლე̄თ ნა̈ბოზს ანჴა̈დ ალ ჭყინტ, ბა̈რ
Line of edition: 29 ა̈ნკიდ ი აჩა̈დ. ჟ'ა̈ნბჷრჯე ხელწიფი გეზალ-დი̄ნა, სგა̄ნჴიდ ეჯ ლე̄თ
Line of edition: 30 მიჩა ქორთე, ჩადყუ̂ინე სტოლჟი ლჷდგა̈რ. ეჯ ლე̄თ ანჴა̈დ ალ ჭყინტ
Line of edition: 31 ი დალა̈ქს ახტუ̈̄ლ, ქო̄ხწურე კა̈ნჭო̄ლქა ზისხ, ანსყე ჟაგა̈რ, ეჩჟინ
Line of edition: 32 ოთე̄ზნანე ალ ლჷდგა̈რს, ერე ჟ'ანსე̄ლუ̂ე ალ ხელწიფი გეზალ-დი̄ნა.
Line of edition: 33 ალა ქა მა̄მა ათკუ̂იჰნა̈̄უ̂ნე ხელწიფს-ი́ მიჩა ხეხუ̂ს. ჩა̈რი ამჟინ ამეჩუნ
Line of edition: 34 ეჯ დი̄ნა ალ ჭყინტცახა̈ნ.

Page of edition: 217
Line of edition: 1 ამ დრო̈უ̂ს ანჴა̈დ მე̄რმა გოროდხა̈ნ ეშხუ̂ი კუპეც მა̄რე ი ხერგიუ̂ა̈̄ლ
Line of edition: 2 ალ ჭყინტს, ხაყლე მიჩა̈შთე ლი̄ზის. ალ კუპეცს ხო̄გ უ̂ოხუ̂იშდ
Line of edition: 3 ფაბრიკა. ეჯჲარე ზედამხედუ̂ელდ ხაკუ ალ ჭყინტ. ამის ლახუ̂ემ
Line of edition: 4 ხუ̂ა̈ჲ თეთრ ი აჩა̈დხ. ალ თეთრ ჩუ̂ესცუ̂ირხ მიჩა დის ი ეჯ დი̄ნას.
Line of edition: 5 აჩა̈დხ ალჲა̈რ აშხუ̂ მინდო̈რთეჲსგა. ამეჩუ ა̈რი ხუ̂ა̈ჲ ხა̈ლხ. ქუ̂ილჷმგენად
Line of edition: 6 ი ხა̈ლხდ გუ̂ეში ლი, ლიცი მაფჷნშუ̂ ხუ̂ეტნიხ. ჟიბ ალ მინდუ̂ო̈რისგა
Line of edition: 7 ანღრი ეშხუ̂ი ჭა. ამხაუ̂თეჩუ ერუ̂ა̈̄ჲ ღჷრი, ჟი და̈̄რ მოშ ტეხნი.
Line of edition: 8 ათხე ა̈დფა̈შუ̂დ ალ ჭყინტდ, ერე "ჩუ̂' ესერ ღჷრი ჯა ალ ჭათეჲსგა ი
Line of edition: 9 ლიცს ესერ ჟი ხა̈ფუ̂შდე". ალჲა̈რდ, ალ ხა̈ლხდ, ლახუ̂ემხ ხუ̂ა̈ჲ კეთილ
Line of edition: 10 ალ ჭყინტს, ი ჩუ̂აჩა̈დ ლჷცთეჲს[გ]ა. ანჴა̈დხ ალ ხა̈ლხ, ლოხბინეხ
Line of edition: 11 ლიცს ჟი ლიტხე ჭახა̈ნჟი.

Line of edition: 12 ამეჩუ ჩუქუ̂ა̄ნ სგა ხაფხეჭხ ალ ჭყინტს და̈̄უ̂ა̈რდ, სგა̄დჲეხ ეჩაბუასდთე.
Line of edition: 13 ამეჩუ და̈̄უ̂ა̈რდ გუ̂ეში ლი. მა̄რე̄მი თხუ̂იმშუ̂ ქა ლჷთეგ ლი
Line of edition: 14 მა̈გ. ქა̄თზელა̄[ლ]უ̂ნეხ ალ ჭყინტს ი ალა ხოლამ გუჟი ა̈დჷრდა. ქო̄ხჴიდხ
Line of edition: 15 ამის ჲორი თასა̈რ: ეშხუ̂ი უ̂ოქრა̈შ (\\ უ̂ოქუ̂რა̈შ) ი მე̄რმე უბრალ
Line of edition: 16 თა̈ს. ლა̈ხჭუ̂ედდახ ამეჩუ: "ხედ' ესერ ხოჩა ლიხ?" ალ ჭყინტდ
Line of edition: 17 ხა̈̄ქუ̂ ალჲა̈რს: "ქაუ̂ ესერ აფიუ̂შდხ აშხუ̂ რა̈კს ი ადჭკუ̄რი". ქა̄ფიუ̂შდხ
Line of edition: 18 აშხუ̂ მინუტს, ი ამის ხუღუ̂ა̈̄ნ ხელწიფი გეზალხა̈ნქა ლა̈ირ: "ერუ̂ა̈̄ჲდ
Line of edition: 19 ესერ მიჩ ქა მ' ო̄ხჴჷდას, ხოჩამ ესერ ჩიგარ ხოჩაუ̂ ხა̈̄ქუ̂". ათხე სგა̄ნტა̈ხ
Line of edition: 20 ალ ჭყინტ ი ხა̈̄ქუ̂: "მა̈ჲ ესერ ლეგჷრგა̈ლი ლი, ხოჩ' ე̄სერ ეჯა ლი,
Line of edition: 21 ერე ხედუ̂ა̈̄ჲ უ̂ოქუ̂რა̈შ ლი". აჯაღ ლა̈ხჭუ̂ედდახ, ამნემ ეჯჟი̄დ ხა̈̄ქუ̂.
Line of edition: 22 ქა̄ნფიუ̂შდხ ალ ჭყინტ თაუ̂სუფა̈ლდ ი ლიც, მა̈ზუმუ̂ა̈̄ჲ ხეკუ̂ა̈დხ ეჯ
Line of edition: 23 მინდუ̂ო̈რისგა მერდას, ეჯზუმ ლახუ̂ემ ჟი. ამეჩუნ ალ ჭყინტს ლახუ̂ემხ
Line of edition: 24 და̈̄უ̂ა̈რდ სემი ბროწოუ̂ილა̈ თხუმა̈რ ი ჟ'ანჴა̈დ ეჯ ჭყინტ ალ მინდო̈რთეჲსგა
Line of edition: 25 ი ამეჩუ ხა̈ლხ მა̈გ ი ქუ̂ილჷმგენე მა̈გ ჩუ მჷბიზ ლი მე̄უ̂არ.
Line of edition: 26 ათხი̄დჷნხ ამი ჟი ლიჴედ ალ ხა̈ლხს. ამეჩუნ აჯაღ ხ&

Line of edition: 5 ალ კუპეც მა̄მ აფა̈შ ამღა. ეჩუნღო, ამღა ლახ მა̄მ აფა̈შ ალ მა̄რე,
Line of edition: 6 ანჴა̈დ აჯაღჷდ, ალ ზურა̄ლს ხაკუჩ ალ ჭყინტი დაგრა, ანჴა̈დ ი ეშხუ̂ი
Line of edition: 7 ჭყინტგეზალ ხორდა, ჩა̈ძიჰ ეჯა ი ჩესხუ̂იე მიჩა ჭა̈შს. ანჴა̈დ მიჩა ჭა̈შ
Line of edition: 8 ნა̈ბოზს ა̈გითე ი ჩესხუ̂ი̄დ ალა ლჷძიჰ. ამნემ ლეგ მიჰმა̈ნ ა̈დბინე:
Line of edition: 9 -- მა̈ჲ ანბა̈უ̂ როქ ლი ალა?
Line of edition: 10 -- ჰუ̂, ალა როქ მა̈გ ეჯ ჭყინტს ხოჩუ̂მინა!

Line of edition: 11 ალ მა̄რე თხუმე დაგრაჟი ა̈რი: მა̈ჲ ხეკუ̂ესე ოხჴერჴას ალ ჭყინტს?
Line of edition: 12 აჭკუ̂ა̈რი ალას. აჩა̈დ ათხე ალ მა̄რე საპნი ზაუ̂ოდთე. ადშგურა̄ნე
Line of edition: 13 ამეჩუნ პოტრაჩიკა̈ლ: "ჯა როქ ანზჷზი აშხუ̂ მა̄რა ამხაუ̂თეჲსგა. ეჯა
Line of edition: 14 როქ ანჴა̈დხუ, სგაუ̂ ადკუ̂ა̈რხ ამხაუ̂თეჲსგა, საპნი ზაუ̂ოდთე!" ათხე́
Line of edition: 15 ა̈გით' ა̄ნჴა̈დ ალ კუპეც ი ადზჷზე ალ ჭყინტ. ალ ჭყინტ ესღრი შუკუ̂ს.
Line of edition: 16 ამეჩუ სგა ლახხუ̂ი̄დ მიჩა სოფლი მა̄რე, ქა ლოხქა̈̄ბ ალას. ადჭკუ̄რე
Line of edition: 17 ეჩუნღო. ამის ქორხა̈ნ ხუღუ̂ა̈̄დ ეჯკა̈ლიბ ლა̈ირ, ერე "მიჩა სოფლი მა̄რე
Line of edition: 18 ლახე სგ'ჲა̈რ ლახხუ̂ი̄დს, ქორა̈ ანბა̈უ̂ ქაუ̂ ა̈ხჭუ̂ედიე̄ლე". ჟ'ეშჭო̈̄ნ
Line of edition: 19 ალ ჭყინტდ ი სგა̈̄დჴერნე დუქა̈ნთეჲსგა. ალ ჭყინტ ლა̈სუ̂ ლა̈ყმათე
Line of edition: 20 მე̄ზი. ამ დუქა̈ნისგა ქა ლა̈ხსა̈დხ ალჲა̈რ.

Line of edition: 21 ამ დრო̈უ̂ს ლახსგურდა კუპეცი ხეხუ̂ ფა̈ჲტონს ი აჩა̈დ. სგა̄ჩა̈დ
Line of edition: 22 საპნი ზაუ̂ოდთეჲსგა. სგა ხაფხეჭხ ამის ამეჩუ ი სგა̄დკუ̂ა̈რხ ზაუ̂ოდთეჲსგა
Line of edition: 23 ი ჯიჯუ̂ა̈რ გარ ანღრიხ ეჩხა̈ნჟი. ათხე უ̂ეშგინ აჩა̈დ ეჯ ჭყინტ,
Line of edition: 24 ხედუ̂ა̈̄ჲ ამხაუ̂თეჲსჷა ლეკუ̂ა̄ნე ლა̈სუ̂. ლა̈ხჭუ̂ედდა ალ ჭყინტ:
Line of edition: 25 -- მა̈ჲ ანბა̈უ̂ როქ ლი ამეჩუ?
Line of edition: 26 -- მა̄მაგუ̂ეშ როქ. ეშხუ̂ი ერე ა̈მჴედე̄ლი ამხაუ̂თეჲსგა ი სგა როქ
Line of edition: 27 ოთკუ̂არახ ზაუ̂ოდთეჲსგა ი ჯიჯუ̂ა̈რ გარ როქ ანღრი[ხ] მამფუახა̈ნჟი.

Line of edition: 28 ათხე ადჭკუ̄რე ალ ჭყინტდ: "ხოლამდ როქ ლი მიჩა გუ̂ეშ: ამეჩუ
Line of edition: 29 როქ მიჩა ნაცა̈̄დ ერე ოთშიხახ. ხოშელეუ̂ როქ მიჩა თხუმ!" ლა̄პა̈რ
Line of edition: 30 ალ ჭყინტ ი ესღრი მიჩა ქორთე. იმუ̂ა̈̄ჲ ა̈გის მიჯნემ ხა̈ლხ ლიცშუ̂
Line of edition: 31 ჩუ̂ადბიზე, სგა̄ჩა̈დ ეჯ მინდო̈რთეჲსგა. ალ მინდო̈რს ქ' ა̄ლ ოთქა̈̄ბ,
Line of edition: 32 ეჩუნღო ქორი, იმუ̂ა̈̄ჲ ჩუ ლჷგ, ი ჯო̈გი, იმუ̂ა̈̄ჲ ჩუ̂ა̈რი, ჩია̈̄გ მიჩა და̈ღ
Line of edition: 33 ხა̄გ, მა̈გ მიჩა ლჷნშა̈ნ ლი. ალ ჭყინტ ჩუ̂ა̈დჷმბაჟა̈̄ნ: "მა̈ჲ ანბა̈უ̂ როქ
Line of edition: 34 ლი ალა? მიჩ როქ ა̈გის ამჟი ხოჩა̄მდ მა̄მა ხა̄რა, იმხა̈ნ როქ ა̈მჴედე̄ლი
Page of edition: 219 Line of edition: 1 ალამა̈გ კეთილ?!" სგა̄დჰე მიჩა სოფელთეჲსგა, ლოხსგიდა მიჩა
Line of edition: 2 ხოლამ ქორო̄ლს ი ამეჩუ ეჯკა̈ლიბ ლარდა̈̄ლ ჩუ ლჷგხ, ერე თუ̂ით
Line of edition: 3 სემი ი თუ̂ით უ̂ო̄შთხუ̂ ატა̈ჟიანა̈რ. ჩუ̂ა̈დჷმბაჟა̈̄ნ ალ ჭყინტ: "ლიკჷხბაუ̂ა̈̄ლ
Line of edition: 4 როქ მჷრე̄სგ ოთბინახ მიჩა დის ი მიჩა ნასა̈̄ლუ̂ დი̄ნას!" ჟ'აჩა̈დ ქორთე
Line of edition: 5 ი ჟი ლა̈ჲცხუ̂ა̈პ დაშნა̈ჲ ი ხაკუ ალჲარე კინჩხრე ჟი ლიშდე ი ეჩქად
Line of edition: 6 სგა ხაფხეჭხ მიჩა დიდ ი მიჩა ნასა̈̄ლუ̂ დი̄ნად ი მა̄დ ათნებეხ. ათხე
Line of edition: 7 ლა̈ხჭუ̂ედდა ალ ჭყინტ: იმხა̈ნ როქ ოხჴი̄დახ ალამა̈გ კეთილ?
Line of edition: 8 -- ალა როქ, მიჩ ერ ბროწოუ̂ილა̈რ ოხზჷზა, ეჯჲა̈რს როქ ხოჩუ̂მინახ
Line of edition: 9 მა̈გ.

Line of edition: 10 ათხე ალასი ათხი̄დჷნ. ეზა̈რ ლა̈ხიადა̄ლ აჩუ̂მინხ. ლა̈ხჭუ̂ედდა ალ
Line of edition: 11 დი̄ნას:
Line of edition: 12 -- იმჟი როქ ლიზ ათხე მინე გუ̂ეშ: დაჩუ̂ირდ როქ ლა̈ჲღუ̂ენას, ა ხეხუ̂დ?
Line of edition: 13 -- ბარემც როქ ხეხუ̂-ჭა̈შ[უ] ლა̈სხ.

Добавлено (2007-01-15, 1:43 Pm)
---------------------------------------------
ალ დი̄ნა̈̄ ჟი ლისე̄ლუ̂ა̈̄ლ მა̄მა ხოხახ ხელწიფს ი მიჩა ხეხუ̂ს. ამ
Line of edition: 15 დრო̈უ̂ჟინ ალ ჭყინტს კეთილ ხუ̂ა̈ჲ ხუღუ̂ა̈̄ნ ი ა̈ხშდაბხ ქუ̂ერწლი ლამა̄რას.
Line of edition: 16 ჟ'ანმა̄რეხ ქუ̂ერწილ, მინე გუბერნიაჲსგა ხოჩა ხა̈ლხ მა̈გ ა̈წსეხ
Line of edition: 17 ი ხელწიფ ი მიჩა ხეხუ̂ი. ამეჩუნ ხა̄რხ ძღჷდ კამპანია ი ხა̈̄ქუ̂ხ: " ათხე
Line of edition: 18 როქ მეფე-დედოფა̈ლუ ანსუ̂იბნეხ, ი ქა̄ნჴა̈დხ ალჲა̈რ ლასუ̂იბთექა. ი
Line of edition: 19 ამეჩუ ხელწიფი ხეხუ̂დ ლიგუ̂ნი ა̈დბინე. ალ დი̄ნა ლა̈ს ლჷდგა̈რ, მარე
Line of edition: 20 ჟი ნასა̈̄ლუ̂ ალ ჭყინტიშ. ხეჭუ̂დიე̄ლხ ხელწიფი ხეხუ̂ს:
Line of edition: 21 -- იმღა როქ იგუ̂ნი?
Line of edition: 22 -- იმღა როქუ̂-ი ეჯღა, ერე მიჩა დი̄ნაგეზალს როქ ხახლე̄ნა
Line of edition: 23 ლასუ̂იბჟინ ამჟინ ნებგუ̂აქა ტეტი ლიდი ი ეჯღა როქ იგუ̂ნი.

Line of edition: 24 ათხ' ა̈მეჩუნ ანჴა̈დ ალ ჭყინტ, ხედუ̂ა̈̄ჲ ერე ლი მიჩა გეზლა̈ ჭა̈შ,
Line of edition: 25 ი ქო̄ხო̄ნბუ̂ე. იმუ̂ა̈̄ჲჟინ მა̈̄ნკუ̂ინდჷ̄რანღო ალ დი̄ნას ჯა ლა̈ხშა̈დ, ეჯა
Line of edition: 26 მა̈გ ჩოთცხირე ი, მა̈ზუმუ̂ა̈̄ჲ ნა̈ჭირ ჯა [ლი] ჩია̈̄გ, ეჯა მა̈გ ქო̄ხო̄მბუ̂ე.
Line of edition: 27 ალჲა̈რს ათხი̄დჷნხ მასა̈რდ: ხელწიფს ი მიჩა ხეხუ̂ს გეზალ ა̈ხბა̈გუ̂ხ
Line of edition: 28 ლა̈დი. ძღჷდ ლა̈ხიადა̄ლ აჩუ̂მინხ. ხუ̂ა̈ჲ ხა̈ნ ოხჴა̈დხ ამეჩუ ი ეჩუნღო
Line of edition: 29 ადმა̈ზრეხ ალ ხოხუ̂რა ხეხუ̂-ჭა̈შ.

Line of edition: 30 ალჲა̈რდ ხოჩა ლიზგე-ლირდე ა̈დჴიდხ ი ლჷმზჷრე́უ̂ ხიშდ.

Добавлено (2007-01-15, 1:43 Pm)
---------------------------------------------
Text: 110
Page of edition: 219
Line of edition: 31
110. მატარა

Line of edition: 32 ლჷმზჷრეუ̂ ხი-ჲ სემი ლახუ̂ბა. ალჲა̈რს ეშხუ მუ ხორი[ხ], ეშხუ ლექუ̂ე̄რ
Line of edition: 33 ხო̄გხ, ეშხუ წელ ხორიხ, ეშხუ ციცუ̂ ხორიხ. მუ ჩუ̂ათდაგანხ
Line of edition: 34 ლახუ̂ბა ჩა̈დი̄თა̈̄ნხ. ხოშამ ლექუ̂ე̄რ ხა̈ხუ̂ი̄დ, მანე̄სგრა წელ
Page of edition: 220 Line of edition: 1 ხა̈ხუ̂ი̄დ. მაჰუ̂რე̄ნამ ციცულდ ხა̈ხუ̂ი̄დ. ჲორი იზგა̈̄ლხ ხოჩამდ, ციცუპატრონ
Line of edition: 2 მა̈იდშუ̂ იდგა̈რი. ხა̈̄ქუ̂ ციცულდდ: "ტუმარა̈ჲ ა̈მიყდ!" აჩა̈დ
Line of edition: 3 ი ჟ'ოხყიდ. აჩა̈დ ციცულდ ი ჩოსგე ტუმარა̈ჲ, სგა̈̄თჷრმა̈̄ნ რა̈ჭუ̂. ა̈გით'
Line of edition: 4 ა̄ნჴიდ, ლახტუ̈̄ლ მიჩა პატრონს: "ყო̄რქ' ა̈̄ხსგი, რა̈ჭუ̂ მუღუ̂ა ი სგა̄თხა̈ჲ!"
Line of edition: 5 ბა̄ზი უ̂ოხშა̈მდ ალა ხა̄დხ.

Line of edition: 6 აჩა̈დ ჰამს აჯაღ ი ჩუ̄დ ადჷრმე ეშხუ̂ი ი ხელწიფს ოთჴიდ. ხელწიფდ
Line of edition: 7 ხა̈̄ქუ̂: ჲა̈რდ ა̈მზჷზე ალა მი?" ციცულდდ ხა̈̄ქუ̂: "ალა ა̈ჯზჷზე
Line of edition: 8 მატარად". ხელწიფს ეზერდ ლახბაჟჷნ: "ხოჩა ლიზგე ესერ მჷრე̄ს
Line of edition: 9 ხა̄რ". ი ატა̈ხ. ციცულდდ ჩუ̄დ ადჷრმე რა̈ჭუ̂ ი ოთჴიდ მიჩა პატრონს:
Line of edition: 10 "ყო̄რქ' ა̈̄ხსგი, ადო ჩუ მიჩდენი რა̈ჭუ̂! ქა̄ნჴა̈დ ყო̄რქა ი ქა̈̄ხბი̄შდ,
Line of edition: 11 სგა̄დჲე ი ჩუ̂ა̈დძიჰ. ლა̈დი სა̈დილდ ალა ხა̄დხ.

Line of edition: 12 აჩა̈დ ციცულდ ი შყა̈ჟუ̂ა̈რ ადჷრმე ეშხუ̂ი ტუმარა̈ჲ ი ა̈გითე ანჴიდ.
Line of edition: 13 სგა̄დჲე ქორთე შიშდ. ალა ხა̄დხ [ლა̈დი]. მე̄რმა ლადეღ აჯაღ ადჷრმე,
Line of edition: 14 ხელწიფს ოთჴიდ. ხელწიფდ ხა̈̄ქუ̂: -- ჲა̈ს ესერ ოხზჷზა? -- ალ' ე̄სერ
Line of edition: 15 ოხზჷზა მატარას!" ეზერდ ლახბაჟჷნ ხელწიფს. ანტა̈ხ ციცულდ, ხა̈̄ქუ̂
Line of edition: 16 მიჩა პატრონს, ხელწიფ იმუ̂ა̈̄ჲთე ლა̈სუ̂ ლჷწსე ი ოთჟოღ ხელწიფს
Line of edition: 17 სგუ̂ებინ, უ̂ეშგინ მიჩა პატრონ მატარა ა̈თჭა̈მ. ესღრი ციცულდ ჯო̈̄დია
Line of edition: 18 მინდო̈რს ი ათა̄სდ მეჯო̈გს, ხა̈̄ქუ̂: "ამელექუ̂ა ხელწიფ ესა აჯა̄სდდე̄დს,
Line of edition: 19 ეჩქა ხა̈̄ქუ̂დ, ერე "ალა იშა ჯო̈გ როქ ლიხ?" ეჩქა ხა̈̄ქუ̂დ სგა̈ჲ, ერე
Line of edition: 20 "ალა როქ ლი მატარა̈̄შ".

Line of edition: 21 ესღრი, ლახხუ̂ი̄დ ღოლჲა̄ქა̈ მეჯო̈გს. ალჲა̈რს ხა̈̄ქუ̂: "ამელექუ̂ა ხელწიფ
Line of edition: 22 ესა ანჴეს, "ალ იშა ჯო̈გ როქ ლი?" ეჩქას სგა̈ჲ ხა̈̄ქუ̂დ: "მატარა̈̄შ
Line of edition: 23 როქ ლი". ეჩქა ხელწიფ დე̄მგუ̂აშ ჯა̈ჩოხ, ადო ეჩქა ლახ დო̄მის
Line of edition: 24 ხა̈̄ქუ̂ინედ, ეჩქა ჩუ ჯადგა̈რიხ!"

Line of edition: 25 ესღრი ციცულდ. ანჴა̈დ ხელწიფ, ახა̄სდდა მეჯო̈გს ი ხა̈̄ქუ̂: -- ალა
Line of edition: 26 იშა ჯო̈გ ლი? -- ალა ლი მატარა̈̄შ.

Line of edition: 27 ეზერდ ლახბაჟჷნ ხელწიფს ი ესღრი. ათა̄სდდა მჷღოლჲა̄ქი̄რს,
Line of edition: 28 ხა̈̄ქუ̂: ალა იშა ღილჲა̄ქა̈რ ლიხ? -- ალა მატარა̈̄შ.

Line of edition: 29 ეზერდ ლახბაჟჷნ. ესღრი. ანჴა̈დ ციცულდ. მატარა ჭალა̈ჲთეჲსგა
Line of edition: 30 ადკუ̂ა̈რ, ჯა გურნაჟინ ესჷ̄გა̈ნ ი კი̄ლდა. ამელეჟა ხელწიფ ანღჷრდა,
Line of edition: 31 ლახტუ̂ი̄ლ ხელწიფს: "მატარა იყმი!" ქა̈̄ნტიხხ, ჟ'ესსგურეხ მა̈შინაჟი

Добавлено (2007-01-15, 1:44 Pm)
---------------------------------------------
ი ადჲეხ. ციცუ̂ სგუ̂ებინ ოთჟოღ, იმუ̂ა̈̄ჲთე̄სგა ხელწიფ ლა̈სუ̂ მე̄ზი.
Line of edition: 33 სგა̄ჩა̈დ ეჯ ქორთე̄სგა, ხედუ̂ა̈̄ჲთე̄სგა ხელწიფ ლა̈სუ̂ მე̄ზი. ეჩეჩუნ ეშხუ̂ი
Line of edition: 34 ზურა̄ლ გარ არდა. ციცულდ ესსიპდა ჴა̈ნდ, ზურა̄ლ ესსიპდა თხე̄რად; ჴა̈ნ
Line of edition: 35 ესსიპდა ქათალდ, ზურა̄ლ ესსიპდა მიმილდ: ქათალ ესსიპდა
Line of edition: 36 შდუგუ̂დ ი მიმილ ესსიპდა ციცუ̂დ. უ̂ოდემჩიქქად ჟ'ირმეჲდა, ეჩქად
Line of edition: 37 შდუგუ̂ კუ̂ინჩდ ესსიპდა, ზურა̄ლ კაკა̈ლდ ესსიპდა. ჟ'ა̈ნკიდ კუ̂ინჩდ
Line of edition: 38 ი ჩუ ლალე̄მ.

Page of edition: 221
Line of edition: 1 ათხე ხელწიფ ანღელს ლი. ქა̄ჩა̈დ ქა̈̄მთე. ციცულდ ქა ხეწა̈დ ხელწიფს
Line of edition: 2 ჭიშგრი ყო̄რჟი: -- იშა ქორ ესერ ლი ალა? -- ალა ლი მატარა̈̄შ.

Line of edition: 3 სგა̄ჩა̈დხ ქორთე, ხა̈̄ქუ̂: -- მა̈ჲ ესერ ხაკუ საჩქუ̂ა̈რდ?
Line of edition: 4 -- მიჩ ესერ მა̄მგუ̂ეშ ჰა̈დურდ, ეჩჷნქა, ერე მიჩა გეზალ ესერ ქაუ̂
Line of edition: 5 ლახუ̂ემ, ეჩჷნქ' ე̄სერ მა̄მგუ̂ეშ ხაკუ.

Line of edition: 6 ამნემ იმედ ხა̈̄ქუ̂: -- ქ' ე̄სერ ლაჰედნე.

Line of edition: 7 ჟ'ანჷ̄გა̈ნ ტაბა̈გჟი ი ციცულდ ხაშგუ̂მინ: -- მა̈დილუ ესერ ხე̄რა, ციცულდ
Line of edition: 8 ესერ ქაუ̂ ლახუ̂ემ.
Line of edition: 9 -- ციცულდს დემ ხ[უ̂]აჰუ̂დი!
Line of edition: 10 -- ეჩქა მი დე̄მის ლაჯჰუ̂ედნე მიშგუ̂ა გეზალს!

Line of edition: 11 ათხე ქალეჰუ̂დი ხა̄დ ციცულდ. ესღრიხ ი ციცულდი შუნ ლა̈ჲყედა̄ნე.
Line of edition: 12 სგა̄დჰეხ ხელწიფიშთე̄სგა. ხა̈̄ქუ̂ მიჩა გეზალს მაშე̄ნამ: "ღჷრი როქ მა ამხაუ̂?"
Line of edition: 13 ეჯნემ ხა̈̄ქუ̂, ერე "დე̄მ' ე̄სერ". ეჩქა ხა̈̄ქუ̂ მანე̄სგრამ დი̄ნას. ეჯნემ
Line of edition: 14 მა̄დ ჩომინ. ეჩქა მაჰუ̂რე̄ნამ დი̄ნას ხა̈̄ქუ̂. ეჯნემ ჩუ ჩომინ. ჟ'ა̈ნმა̄რა̈̄ნხ,
Line of edition: 15 ქუ̂ერწილ-მა̄რე ა̈დჴერნეხ. ესღრიხ, ბოგქა ლი̄ზი მა̄დ ლა̈ჲშგედხ, ჭალა̈ჲქა
Line of edition: 16 აჩა̈დხ ი მიჩა ხეხუ̂ ჭალა̈ჲდ ქო̄თღე. ესღუ̂ა ჭალა̈ჲს ლექუ̂ა ი ქა̈̄ნტიხხ.
Line of edition: 17 მჷმა̄რე და̈̄რ ხაყახ. ეჩქად ციცულდ ხომა̄რა, ათხე და̈̄რ ხომა̄რე. ქუ̂ერწილ-მა̄რე
Line of edition: 18 ჟი ხუ̂ეტნი მა̈იდშუ̂. ლახსგურდა ჩა̈̄ჟს მატარა, ატა̈ხ ხელწიფიშთე:
Line of edition: 19 "ციცულდ ესერ ქაუ̂ ლახტიხ!" ციცულდ მა̄დ ლახტიხ.
Line of edition: 20 "ეჩქ' ე̄სერ გეზალ [ქა̄უ̂] ოთჴიდ ა̈გითე, ადო ესერ ეჩქად დე̄მის ხა̈ტხე!"
Line of edition: 21 ჟ'ეშჭუ̂ე̄ნ ი ანღრი. ეჯჟინ იგუ̂ნი, ერე გუ̂იმი ნა̈ხიპუ̂ს ჟი დე̄სგი. სგა̄ნჰე
Line of edition: 22 ა̈გითე ი ხა̈̄ქუ̂ მიჩა ხეხუ̂ს: -- ქუ̂ერწლა̈რ ესერ მა̈̄მდენე̄ლიხ?
Line of edition: 23 -- ქუ̂ერწლა̈რ ესერ მა̈გ ჟ'ა̈მხუ̂ეტე̄ლიხ.
Line of edition: 24 -- მა̈ჲ ესერ ლა̈ხშედნიხ, ჲაღო, ეჯჲა̈რს?

Line of edition: 25 მიჩა ხეხუ̂დ ხა̈̄ქუ̂: -- მიჩა მუთეუ̂ ესერ აჩა̈დ, ეჯ' ე̄სერ ღალიდს
Line of edition: 26 ლაჰო̈დნე, ეჩნოშ ესერ ჟ'ა̈ნსე̄ლუ̂იხ.

Line of edition: 27 ესღრი ათხე. ალა აჭკუ̂ა̈რი გუისგა "მა̈ჲ ხოჩა?" ეჩხაუ̂ ლა̄ზ მა̄მა
Line of edition: 28 ხა̄რ. ქა̄დპი̄რე ეჩხაუ̂. სგა ლახა̄გა̈ნ ყო̄რს, ლახტუ̈̄ლ: -- უ̂ა̈ჲ ესერ, მიჩა
Line of edition: 29 მიმთილ!
Line of edition: 30 -- ჲა̈რ ესერ ხაყა მიჩ მიმთილა̈ მე̄ქუ̂ისგ? მიჩა ლა̈მზჷრ ესერ ეჩჟიუ̂
Line of edition: 31 ლახშედახ, მიჩ დო̄რ ხაყა მიმთილა̈ მე̄ქუ̂ისგ!
Line of edition: 32 -- ჯ' ე̄სერ ლი მიჩა გეზლა̈ ჭა̈შ.
Line of edition: 33 -- მიჩა გეზალ ესერ ოხჴი̄და მო?
Line of edition: 34 -- მიჩა გეზალს ესერ ოხზჷზა მიჩა̈შთე: ღალიდ ესერ ქაუ̂ ლახუ̂ემ!

Line of edition: 10 ა̈დბინე ხელწიფდ ლიტფუ̄რა̈̄ლ. ლახგენე მიჩა ჯა̈რი-მა̄რე, მა̈გ
Line of edition: 11 ჩოთდაგა̈რ ქუ̂ერწლა̈რ ი ანჴა̈დ, იმუ̂ა̈̄ჲ მიჩა გეზალ ოთშყა̄დხ, ეჩხაუ̂. ხეთხე̄ლი,
Line of edition: 12 ჟ'ა̈ნთხე ბოგა̈ ბუ̈რჯ ჩუქუ̂ა̄ნისგა ი მიჩა ჭა̄შ სგა ხონჴერდა.
Line of edition: 13 ქა̈̄ნტიხხ ალჲა̈რდ ამხა̈ნქა:
Line of edition: 14 -- მიჩ ესერ მა̈̄ჲ ხო̄ქუ̂ა, ეჯა მა̄მ ესერ ხო̄ქუ̂ა მო მიჩა გეზალდ?
Line of edition: 15 -- ეჯ, ესერ ხო̄ქუ̂ა მარ'ე̄სერ მა̄დ ხოჩუ̂მინა მიჩა გეზალს ი ა̈მტეხე̄ლიხ
Line of edition: 16 ესერ ეჯჟინ, ე უშხუ̂ა̄რეშ ესერ მა̄მ ლჷმა̈̄რლიხ. ამექ' ე̄სერ ჭალა̈ჲთე
Line of edition: 17 ათშყედახ. ჰა̄უ̂ ესერ ჯა მო̄დე, ჭალა̈ჲ ესერ ჩუ ლუმყიმინ.
Line of edition: 18 მიჩ ესერ ოხტიტა, მა̄დ ესერ ოთყიმა მიჩა გეზალ. ათხ' ე̄სერ ხეკუ̂ეს
Line of edition: 19 ერე ქა ლახო̄მას მიჩა გეზალ: მიჩა ნასა̈̄ლუ̂ [ესერ] ლი ალა!

Line of edition: 20 ათხე ხელწიფდ ხა̈̄ქუ̂: -- უ̂ოდ ესერ ჯა მიჩა ჰა̈ზუ̂ს ციბი ნაშხატს
Line of edition: 21 [ქა დო] ახცხიპე!

Line of edition: 22 ათხე ხოლამ გუჟინ ა̈დჷრდუნა̈̄ნ მიჩა გეზლა̈ ჭა̈შ: "ალას ესერ იმჟინ
Line of edition: 23 იჩო ჯა?" ხა̈̄ქუ̂ მიჩა ხეხუ̂ს უფგოშ: -- მა̈ჲ ესერ ჩომინას, ხოხ' ე̄სერ
Line of edition: 24 ესამა, ერე ალა ჟ'ანსყას.
Line of edition: 25 -- ჯ' ე̄სერ კუკუ̂ა̈̄ლს ლაჰედნე, ეჩნოშ ესერ ეჯ' ე̄სერ ქაუ̂ ათგურნა̄[ლ]უ̂ნე,
Line of edition: 26 ეჩქ' ე̄სერ ა̈ხცხეპნი ციბი ნაშხატ.

Line of edition: 27 ანჴა̈დ ალა-ჲ ქა̈̄ხბი̄შდ მიჩა ხეხუ̂ს კუკუ̂ა̈̄ლს, ათგურნა̄[ლ]უ̂ნე ხელწიფი
Line of edition: 28 გჷრკიდ, ქა̈̄ხცხა̈პ ციბი ნაშხატ. ათხე ხოჩე̄ლ გუ̂ი ლოხო̄სდ. აჩა̈დ
Line of edition: 29 ხელწიფთე, ხა̈̄ქუ̂: -- ათხ' ე̄სერი დემ ლაჰედნე მო მიჩა გეზალს?

Line of edition: 30 -- ეჩქად ესერ დე̄მის, უ̂ოდ ესერ ეჯკა̈ლი ოდას [დო] ადგემნე,
Line of edition: 31 ერე ყო̄რ-ლაჴუ̂რას ლაშჷლდა̈ნ მო̄მ ხე̄რა!

Line of edition: 32 ათხე ხოლამ გუჟინ ა̈დჷრდა ი აჩა̈დ მიჩა ხეხუ̂თე, ხა̈̄ქუ̂ მიჩა
Line of edition: 33 ხეხუ̂ს: -- მა̈ჲ ესერ ჲა̈რდ ჩომინას, ალას ესერ იმჟინ ადგემნე.

Line of edition: 34 მიჩა ხეხუ̂დ ხა̈̄ქუ̂: ჯ' ე̄სერ ნა̈თს ლაჰედნე, ეჯ' ე̄სერ ქაუ̂ ათზელა̄[ლ]უ̂ნე
Line of edition: 35 ეჩი̄ გჷრკიდ, იმუ̂ა̈̄ჲ ესერ მიჩა მუს ლარდა̈̄ ლიგემ ხეკუ̂ეს.

Line of edition: 36 ქა ლახუ̂ემ ნა̈თილდ. ლა̄პა̈რ ათხე, ქა̄დჲე ი ესზელა̄[ლ]უ̂ნე. ჩუ̂ადგე
Line of edition: 37 ეჯკა̈ლი უ̂ოდ', ე̄რე ყო̄რ-ლაჴუ̂რას ლაშჷლდა̈ნ მა̄მა ხა̄დ ი ხა̈̄ქუ̂ ეჩქა:
Line of edition: 38 -- ათხ' ე̄სერ დემ ლაჰედნე მო მიჩა გეზალს?

Page of edition: 223
Line of edition: 1 ეჩქა ხა̈̄ქუ̂ ხელწიფდ: -- ხოჩამდ[უ] ესერ ოხჴჷმრა მიჩა გეზალ!

Line of edition: 2 ესღრიხ ათხე ა̈გითე. ათხე ჭალი ბოგქა ლი̄ზი მა̄დ ლა̈ჲშგედხ,
Line of edition: 3 ესღჷრდახ ჭალა̈ჲქა [ჯა ი] მიჩა ხეხუ̂. [ხეხუ̂] ქო̄თღე. დ' ე̄ჯა ხა̄დ ი
Line of edition: 4 დ' ეჯა.

Line of edition: 5 ლჷმზჷრეუ̂ ხი.

Добавлено (2007-01-15, 1:46 Pm)
---------------------------------------------
Text: 111
Page of edition: 223
Line of edition: 6
111. სემი ლახუ̂ბა ი მინე ხაზა̈ინ

Line of edition: 7 ლჷმზჷრეუ̂ ხიშდ [ი] სემი ლახუ̂ბა. ალ სემი ლახუ̂ბა ლიხ ღა̈რიბ.
Line of edition: 8 ანჷ̄გა̈ნ ეშხუ̂ი მაშე̄ნე მუხუ̂ბე ი აჩა̈დ. ჯო̈̄დია შუკუ̂ისგა ჩესხუ̂ი̄დ ეშხუ̂ი
Line of edition: 9 მა̄რე ი ხა̈̄ქუ̂: -- ჟიუ̂ ესერ ა̈თდია̄ნა̈̄ნ მიჩ!
Line of edition: 10 -- ეზა̈რ ესერ, იმ ესერ ხაჰუ̂დი (\\ ჰაჰუ̂დი)?
Line of edition: 11 -- ჯა ესერ ლაჰედნე მიჩა ჯუ̂ეგი ხჷნსგა̄მ.
Line of edition: 12 -- ხოჩამდ ესერ ესჷლდეღი.

Line of edition: 13 აჩა̈დხ სერ ალჲა̈რ ეჯ მა̄რე̄მი ქორთე. ა̈რი ალა ამეჩუ. ეშხუ̂ი ზა̈ჲ
Line of edition: 14 ქ' ე̄რ ადზჷგრე, ეჩქას ხაშგუ̂მინ ალ ჭყინტდ მიჩა ქირა̈ჲ. მა̄რემ ლახტიხ:
Line of edition: 15 "ჲაღო ესერ, მჷხა̈რ ჟიუ̂ ესჷლდეღა̈̄ნ ი მჷხა̈რ ბა̄ზი ესერ ჩა̈დყუ̂ილეხ
Line of edition: 16 ჯო̈გს". ანჴა̈დ ალა მე̄რმა ლადეღ, ესსიპდა თხე̄რად ი სგო̄ხშგა̈ბ
Line of edition: 17 ჯო̈გს ი ალ მჷლდეღს ეშხუ̂ი დაჴჷლ დე̄სა ლა̈ხსა̈დ. ალ მა̄რემ
Line of edition: 18 მამაგუ̂ეშ ლახუ̂ემ. აჩა̈დ ამჟი ალ ჭყინტ ცა̈რიელდ ა̈გითე. მიჩა ლახუ̂ბა
Line of edition: 19 ტჷტ ლჷჩხრიკაჟი სგურხ.

Line of edition: 20 ათხე აჩა̈დ მე̄რმე მუხუ̂ბე: "ჲაღო როქ, ათხე გომნი̄ ამჟი ჰა̈რიდ
Line of edition: 21 ა̈ნტხენი". ესღრი, ესღრი ი სგა̄დ ლახხუ̂ი̄დ ალ მა̄რე, ხედუ̂ა̈̄ჲდ ერე
Line of edition: 22 მიჩა მუხუ̂ბა ოთღორუ̂ე. ჟი̄დ ა̈თრიგუ̂ა̈̄ნ ეჯჟი იმუ̂ჲა̈̄ჟინ სგუ̂ებნე
Line of edition: 23 მუხუ̂ბა. ქა̄დ ადზჷგრე ამნემ ეშხუ̂ი ზა̈ჲ. უ̂ეშგიმპილს ამნემი ეჯჟი
Line of edition: 24 ხაშგუ̂მინ. ალ მა̄რემ ამჟი̄დ ჩუ̂ემინ: თხე̄რად ესსიპდა ი ჯო̈გ მა̈გ ჩოთფხიჟ.
Line of edition: 25 ალ ჭყინტ აჯაღჷდ ხეშგუ̂ემ მიჩა ქირა̈ჲს, მარე ალ მა̄რა
Line of edition: 26 ოთჩა̈დ: "მიჩა ჯო̈გ როქ ლეჟა ოთზჷზა-ჲა (\\ ჰა) ლექუ̂ა, ეჩი̄შ როქ
Line of edition: 27 მა̄მაგუ̂ეშ ოხუ̂მეჴრა". ატა̈ხ ღალ ალა უ̂ეშგდ, სგა̄ჩა̈დ მიჩა ლახუ̂ბათეჲსგა.
Line of edition: 28 ალჲა̈რს ლეზუ̂ებ მა̄მაგუ̂ეშ ხუღუ̂ახ, იცუ̂დილა̈̄ლხ ამჟი.

Line of edition: 29 ათხე ა̈დფა̈შუ̂დ მაჰუ̂რე̄ნა მუხუ̂ბად: "ჲაღო როქ, ჯა გომნი̄ ამჟინ
Line of edition: 30 ჰა̈რიდ ა̈ნტხენი". აჩა̈დ ალ მა̄რე, ჯო̈̄დია შუკუ̂ისგა ლახხუ̂ი̄დ ეშხუ̂ი
Line of edition: 31 ქრისდია̈ნ მა̄რე, ხეჭუ̂დიე̄ლ ალა: "იმაუ̂ როქ ესღრი ჯა, ჭყინტ?"
Line of edition: 32 ამნემ ლახტიხ: "იმაუ̂ როქუ̂-ი ლა̈დია̄ნათე!" ალ მა̄რემ ლახტიხ: -- ხედუ̂ა̈̄ჲ
Line of edition: 33 ერე სგა ლახხუ̂ი̄დს მიჩ როქ (ხოლა მა̄რე), ეჯა როქ ხაყლე მიჩ
Line of edition: 34 ლიქრა̈ჲს. ეჩის როქ ჟიუ̂ ა̈თრიგუ̂ა̈̄ნ ჯა, მარე ეჯა როქ ლი გუდმეცა̈ლ.
Line of edition: 35 ანჴა̈დ[უ] როქ ჯა, უ̂ოშუ̂ა̈̄ჲდ ლე̄თ ეჩეჩუ̄ნ ახა̈̄დს, ეჩშელდ წამსუ როქ
Line of edition: 36 ასკრა ი ლაბა̈მს[უ] აშდრა̈ნდა. უ̂ეშგიმპილს, შომუ̂ა̈̄ჲ როქ ერე ზა̈ჲ
Page of edition: 224 Line of edition: 1 ქა̄დზჷგრას, ეჩქას როქ მიჩა ჯო̈გ მა̈გ ჩუ̄[უ̂] ათბე, ჯა როქ ნე̄სგაისგაუ̂
Line of edition: 2 ესჷ̄გა̈ნ, ხოშა ტყენ შუნუ ლა̄ჲე. შომუ̂ა̈̄ჲ როქ ერე ეჯა სგო̄ხშგებს,
Line of edition: 3 ეჩქას ქაუ̂ როქ ა̈თღუ̂ა̈ჭ, ჟიუ̂ როქ ხაჴიდ ეჩას!

Line of edition: 4 ათხე ალ ჭყინტდ ქა̄დზჷგრე ზა̈ჲ, ხაშგუ̂მინ ამნემ ჯუ̂ეგი ხჷნსგა. ალ
Line of edition: 5 მა̄რემ ლახტიხ: "ჲაღო როქ, ეშხუ̂ი ლადეღ ჟიუ̂ ესჷლდეღა̈̄ნ, ეჩქას
Line of edition: 6 როქ ქა ლაჰედნე ჯუ̂ეგი ხჷნსგა̄მ". ალ ჭყინტ ანჴა̈დ ი ჯუ̂ეგ მა̈გ ჩათბე,
Line of edition: 7 ჯა ჩესჷ̄გა̈ნ ნე̄სგაისგა. მიჩა ხაზა̈ინ თხე̄რად ესსიპდა ი სგო̄ხშგა̈ბ
Line of edition: 8 ჯო̈გს, მარე ალჲა̈რ მა̈გ ჩუ ხა̈̄ბხ ი დეშმა ხაყერ. ჟი ლა̄პა̈რ ალ ჭყინტ
Line of edition: 9 ი ქა̈̄თღუ̂ა̈ჭ, ოხსიპე ტყენ ი ხაჴიდ მიჩა ხაზა̈ინს თხუმ. ჟ'ესცუ̂ირ ალა
Line of edition: 10 ამეჩუ ი ხეჴჷ̄რა̈̄ლ: "მა̈დილ[უ] როქ ხე̄რა, ჩუ როქ ნჷმაუ̂ ადგა̈რ ი მიჩა
Line of edition: 11 ჯო̈გს როქ ჩი̄ ქა ხაჰუ̂დი ი მიჩ როქ მა̈̄ჲ ხოხა(ლ), ამისი ჟი ხათუ̂რი".
Line of edition: 12 ანჴა̈დ ალ ჭყინტ ი ჩუ მა̄მა ადგა̈რ. ათხე ეჯ მა̄რე მა̄რად ესსიპდა ი
Line of edition: 13 ხაკუ ამი ჟი ლითუ̂რი. ანჴა̈დ ალ ჭყინტ, ჯო̈გ ა̈გით' ა̄დზჷზე ი ჯა
Line of edition: 14 ლახა̄დ ამი ლათუ̂ერს. ანჴა̈დ მიჩა ხაზა̈ინ ი სემი საჯენ ზექი ხორეუ̂
Line of edition: 15 ადგე ი ალ ჭყინტ ჩუქუ̂ა̄ნ ოთნა̈ხ. ამის ათბიდ ეშხუ̂ი ფუთ ნა̈უ̂თ, უ̂ეშგიმპილს
Line of edition: 16 ჟი ლახბიდნე ი ჩა̈შიხ. უ̂ეშგიმპილს ლოხფუ̈̄ლ ხაზა̈ინდ ი ჟი
Line of edition: 17 ლა̄პა̈რ ეჯ ჭყინტ, ხედუ̂ა̈̄ჲ ერე მიჯნემ ჩა̈შიხ. ლა̈ხჭუ̂ედდა ხაზა̈ინ:
Line of edition: 18 -- ოხთო̄ნა როქ მა? -- ადუ როქ, ეჯა როქუ̂ი ჟ'ოხთო̄ნა, მიჩ მა̈̄ჲ ხახლე̄ნა,
Line of edition: 19 ეშხუ̂ი როქ აჯაღ მეტჷდ ოხთო̄ნა!

Line of edition: 20 ანჷ̄გა̈ნ ათხე ალ ჭყინტ ი აჩა̈დ მიჩა ლახუ̂ბათე. ამეჩუ ალჲა̈რს
Line of edition: 21 მიჩა ნაზჷზ ჯო̈გ ხეშთხა̈̄ლხ. ჯა ა̈გითე აჩა̈დ, ეჩქას მიჩა ლახუ̂ბას ქა
Line of edition: 22 ხა̈̄ქუ̂: "მიჩ როქ ეზა̈რ ლეთუ̂რი ოხთო̄ნა: ათხე როქ ჯა ესსიპი ხოჩამ

Добавлено (2007-01-15, 1:46 Pm)
---------------------------------------------
ყუ̂ა̈რილდ, ჰაკუ̂ა̈დ როქ ხე̄რი უ̂ოქუ̂რა̈შ ი ფაფალი ეჯჟი. ადჲეხუ როქ
Line of edition: 24 ლაჰედთე. იმუ̂ა̈̄ჲ ა̈გის როქ მიჩ მურსგუ̂ენ თანჩუ ქიმ ოხუ̂ე̄ზდე̄დს ი
Line of edition: 25 მურსგუ̂ენ ჭიშხშუ̂ ა̈ფხრიჭუ̂დე̄დს, ეჩეჩუ როქ ნოსაუ̂ აჰედხ". აჩა̈დხ
Line of edition: 26 ალჲა̈რ ი ალ ჩა̈̄ჟი ადჲეხ. ხეღუ̂ჭარა̈̄ლხ მა̈გ, მარე ქა დე̄მე აჰედხ.
Line of edition: 27 აჩა̈დხ ალ მა̄რათე. სგა ლახხუ̂ი̄დხ ალ მა̄რა, ხედუ̂ა̈̄ჲხა̈ნ მიჯნემ ალ
Line of edition: 28 გუ̂ეშ ა̈ნთო̄ნე ი ლოხბინე ამნემ ლიღუ̂ჭარა̈̄ლ: "მა̈ზუმუ̂ა̈̄ჲ როქ ხეკუ̂დიხ,
Line of edition: 29 ეჯზუმს როქ ხაჰუ̂დი". ალ ჩა̈̄ჟს მურსგუ̂ენ თანჩუ ქიმ ოხო̄ზი ი მურსგუ̂ენ
Line of edition: 30 ჭიშხშუ̂ ა̈ფხრიჭუ̂ი, მარე ამნემ ეში̄ მა̄დ ახკიდ ჰაჯ ი ჩათყიდხ
Line of edition: 31 ალას. სგა̄დგენე ალ მა̄რემ ჩეი̄ ბაგთე ი ხა̈̄ქუ̂ მიჩა მეზუ̂ბელა̈რს: "მიჩა̈შთეუ̂
Line of edition: 32 როქ ანჴა̈დხ, მა̈გუ̂ა̈რ როქ ლეყდი ოხყიდა!" ჩადკარე ბაგა̈
Line of edition: 33 ყო̄რ, ლახსინჯუ̂ეხ მეზუ̂ბელა̈რდ ალ ყუ̂ა̈რილს ი ჩა̈დჷმბაჟა̈̄ნხ: ალ ყუ̂ა̈რილ
Line of edition: 34 ესსიპდა შდუგუ̂დ, ქა̄ნსკინე ყო̄რქა. მიჩა ხაზა̈ინ ესსიპდა ციცუ̂დ,
Line of edition: 35 ხერმინა̈̄ლ ალას. უ̂ოდემჩიქად ჟი ირმი, ეჩქად ალ ჭყინტ ესსიპდა
Line of edition: 36 კუ̂ინჩდ, მიჩა ხაზა̈ინ ესსიპდა შაუ̂რდენდ, ხეღუ̂ჭინა̈̄ლ. უ̂ოდემჩიქად
Line of edition: 37 ჟი ირმი, ალ ჭყინტ ესსიპდა კალმახდ, სგა̄დსკინე ლჷცთეჲსგა; მიჩა
Line of edition: 38 ხაზა̈ინ ესსიპდა ბა̈დდ, იკჷლმა̈ხი, იკჷლმა̈ხი. უ̂ოდემჩიქად კალმახს ჟი
Page of edition: 225 Line of edition: 1 ირმი, [ეჩქად] ქა̄ნსკინე ამნემ რიყთექა ი კუ̂ინჩდ ესსიპდა, ხაზა̈ინ
Line of edition: 2 შაუ̂რდენდ ესსიპდა, ხეღუ̂ჭინა̈̄ლ, ხეღუ̂ჭინა̈̄ლ. უ̂ოდემჩიქად ჟი ირმი,
Line of edition: 3 ეჩქად სგა̄დსკინე ლაჴუ̂რაისგა, ალ ჭყინტ ნე̄სყად ესსიპდა, ხაზა̈ინ
Line of edition: 4 ქიპდ ესსიპდა ი ქა ლა̈ხცუუ̂ა̈̄ნ კუ̂ირწქა. ალ ნე̄სყად სგა̄დსკინე ლემასგუ̂თეჲსგა,
Line of edition: 5 ჯა ქა̄ჩა̈დ ეჩხა̈ნთე ი მიჩა ხაზა̈ინ, ქიპ, ჩუ̂ა̈დშიხა̈̄ნ. მიჩა
Line of edition: 6 ხაზა̈ინა̈შ ცხოუ̂რება მა̈გ მიჩ ესსა̈დ ი ლჷმზჷრე̄უ̂ ხი.

Добавлено (2007-01-15, 1:47 Pm)
---------------------------------------------
Text: 112
Page of edition: 225
Line of edition: 7
112. ხელწიფი გეზალ ი ტიტუ̂ელ მა̄რე

Line of edition: 8 ეშხუ̂ი ხელწიფი გეზალ აჩა̈დ ლაღუ̂ჭართე. ჯო̄დია მინდო̈რისგა
Line of edition: 9 ჲორი მა̄რე იცუ̂ა̈̄ლხ: ეშხუ̂ი მა̄რე ჩათწინე̄ნა, ხატყცი მე̄რმა მა̄რა.
Line of edition: 10 ხა̈̄ქუ̂ ხელწიფი გეზალდ: -- სი მა̄რე, იმღა ხატყცი?
Line of edition: 11 -- იმღა ხუ̂ატყცი-ჲ ამის ხაგა̈დ უ̂ოხუ̂იშდ თუმა̈ნ, დე̄მა მაჰუ̂დი.

Line of edition: 12 უ̂ოხუ̂იშდ თუმა̈ნ ჟ'ა̈ნკიდ ი ქა ლახუ̂ემ: "უ̂ოხუ̂იშდ თუმნი ბედჟი
Line of edition: 13 ხადგა̈რია მა̄რა?" ხელწიფი გეზალდ ა̈გითე ოთჭუ̂ე̄ნ. ათხე აშირ მანა̈თ
Line of edition: 14 ლაჲე. ამ ჯო̄დია მინდო̈რისგა ჲორი მა̄რე იცუ̂ა̈̄ლხ. ჟ'ა̈ნკიდ აშირ
Line of edition: 15 მანა̈თ ი ქა ლახუ̂ემ: "აშირ მანთი ბედჟი ხადგა̈რია სი მა̄რა?" ჟ'ეშჭუ̂ე̄ნ,
Line of edition: 16 ხელწიფი გეზალ ა̈გითე ანჴა̈დ. ათხე ლაჲე სემ' აშირ მანა̈თ, ჲორი ში
Line of edition: 17 ლერექუ̂ ლა̈ჲქუ̂ე. ესღრი ი ესღრი, ესღრი, სამ ლაჭარ შუკუ̂ჟი ეშხუ
Line of edition: 18 მა̄რე ბა̈ჩჟი ლჷგ, დაშნა̈ჲ შუნ ხუღუ̂ე მუცხუ̂ა̈პ. ხელწიფი გეზალს ხე̄ქუ̂:
Line of edition: 19 -- ხოჩა ლადეღუ ჯა̄რ, იმთე ესღრი, ხოჩა მა̄რე?
Line of edition: 20 -- იმთე ესღუ̂რი-ჲ ლაღუ̂ჭართე ესღუ̂რი.
Line of edition: 21 -- მი დო მინჴრინე?
Line of edition: 22 -- ადუ̂ სური̄, მარე პირობ ელდად: მა̈̄ჲ ლითხად, ისგდ ალყულედ.
Line of edition: 23 -- მარე ლერქუ̂ა̈ლ მა̄მა მა̈̄ქუ̂.
Line of edition: 24 -- ჲორი ში ლერქუ̂ა̈ლ მა̈̄ქუ̂, აშხუ̂ სი ლაჯჰუ̂ედნე.

Line of edition: 25 ჩა̈ირხ ბა̈ჩჟინ პირობ. ესღრიხ მე̄რმა სახელწიფთე ლაღუ̂ჭართე.
Line of edition: 26 სგა̄ჩა̈დ ალ სახელწიფთეჲსგა. ამეჩუ ა̈დბინეხ ლიღუ̂ჭარ. ძღჷდ ა̈ხფას[ხ]
Line of edition: 27 დიდა̈რ. ხელწიფ ანჴა̈დ. ეშხუ დი̄ნა ხორი ი ხა̈̄ქუ̂: "ჩა̈თყედა̄ნედ ალ
Line of edition: 28 დი̄ნა!" ხა̈̄ქუ̂ ამნემ, ხელწიფი გეზალდ, ტიტუ̂ელ მა̄რა:
Line of edition: 29 -- ალ დი̄ნა ს'ა̈თყედა̈̄ნ.
Line of edition: 30 -- მი ჩიქე დე̄მის ხუ̂იჩი̄ჟა̈̄ლ.

Добавлено (2007-01-15, 1:47 Pm)
---------------------------------------------
ჩა̈დყედა̄ნე ამნემ ხელწიფი გეზლა̈შდ. ქუ̂ერწილ ხა̄რხ. ბა̄ზი ალ
Line of edition: 32 ხეხუ̂-ჭა̈შ ჩადყუ̂ინეხ უშხუდ. ამის, ზურა̄ლს, გუ̂ელჲა̈შა̈პ ხალტე̄ნა. ბა̄ზი
Line of edition: 33 ტიტუ̂ელ მა̄რე დაშნა̈ჲშუ̂ ჩუ ესჷ̄გა̈ნ ყო̄რჟი. ისგლე̄თი ონაქა ანჴა̈დ
Line of edition: 34 გუ̂ელჲა̈შა̈პ, ჩადგა̈რ ამნემ, ტიტუ̂ელ მა̄რემ. ალა ღანაუ̂ ლი გუ̂ელჲა̈შა̈პხა̈ნქა.
Page of edition: 226 Line of edition: 1 ათხე უ̂ოქუ̂რშუ̂ ი უ̂არჩხილშუ̂ ზითეუ̂ ლახუ̂ემ. ანღრიხ სერ
Line of edition: 2 ა̈გითე, ანჰეხ ბა̈ჩთეჲსგა. ათხე ჩა̈დყუ̂ილხ ლჷთხე ისგდ.
Line of edition: 3 -- ჩუ̂ალყულედ ათხე ზურა̄ლ, ჩუ̂ალყულედ!
Line of edition: 4 -- სი მა̄რე, ზურა̄ლ ედ სი ჯა̄დეს, ედ მი გარ. მი მა̄მა მეყა ამი
Line of edition: 5 ლიყუ̂ლე!

Line of edition: 6 ჟ'ა̈ნკიდ დაშნა̈ჲ ი ოხსიპე ზურა̄ლს. ზურა̄ლდ ლიკი̄ლი ა̈დბინე.
Line of edition: 7 ზურა̄ლ ღანაუ̂ ლა̈სუ̂ ი ჴა̈დ ჩა̈თდა̄უ̂შა̈̄ნ. ათხე ჩოთმა̈ზრე ხელწიფი
Line of edition: 8 გეზალს ტიტუ̂ელ მა̄რემ:
Line of edition: 9 -- მი დეჲ ზურა̄ლ მაკუჩ, დეჲ უ̂არჩხილ. -- ამ ტიტუ̂ელ მა̄რემ
Line of edition: 10 ხა̈̄ქუ̂: მა̈გ სიუ̂ ჯისიპ ლერსგუ̂ანთე. მარე დაშნა̈ჲ ეჯღა ოხუ̂სიპ, ღანაუ̂
Line of edition: 11 ლა̈სუ̂, ათხე ჴა̈დ ჩა̈თდა̄უ̂შა̈̄ნ, ათხე ნჷმა ჯაყლუ̄ნი, ადო გუ̂ელჲა̈შა̈პ
Line of edition: 12 ჩუ ჯადა̄უ̂შა.

Line of edition: 13 დეცე მჷრჰად აჩა̈დ ტიტუ̂ელ მა̄რე.

Line of edition: 14 ჭირ ეჩე ხა̄დხ, ხინ ამეჩუ გუ̂ა̄რ.

Line of edition: 16 არდა ამეჩუნ ალმასხან ლიმბრისშუ̂ილ. ამჷნდ ხოჩა მა̄მა არდა ეჯ
Line of edition: 17 სახელწიფისგა. ჩა̈დმეჩა̈̄ნ ხელწიფი სამსახურისგა. ამის ოთსა̈დ სემი
Line of edition: 18 დი̄ნა. ხოლამ გუჟინ ანჴა̈დ.
Line of edition: 19 -- იმღა ღალ [ხა̈რი] ამჟი ხოლამ გუჟი? -- მიჩა ხეხუ̂დ ხა̈̄ქუ̂.
Line of edition: 20 -- ჭყინტგეზალ დე̄სა ა̈მთენა̈̄ნ, ხელწიფი მოსამსახურდ (\\ მომსახუ̂ირდ)
Line of edition: 21 და̈̄რ ა̈რი!

Line of edition: 22 ხოშამ უდილდ რე̄ქუ̂: -- მი ხუ̂ემსახუ̂რი (=ხუ̂ემსახურნი) ხელწიფს.
Line of edition: 23 ისგუ̂ა რა̈შს ლამსგუ̂ირ ი ისგუ̂ი ლერექუ̂ სგა ლა̄მაქუ̂, ისგუ̂ი დაშნა̈ჲ
Line of edition: 24 ჟ'ემირკ, მი ხუ̂ემსახუ̂რი ხელწიფს.

Line of edition: 25 ა̈დჷნგზა̄რუ̂ა̈̄ნ მე̄რუ̂ა ლადეღ ალ დი̄ნა. ალმასხან სგუ̂ებინ ესხუ̂ი̄დ,
Line of edition: 26 მეშხა მა̄რად ესსიპდა: "სი კახბა, იმაუ̂ ესღრი? ისგუ̂ა ჯიჯუ̂ა̈რს ყა̈ლდ
Line of edition: 27 ა̈ჯგენი!" ათყალუ̈̄ნდა ალ დი̄ნას ი ა̈გით' ო̄ხჭუ̂ე̄ნ. ალმასხან სგუ̂ებინ
Line of edition: 28 ესხუ̂ი̄დ: -- იმღ' ა̄ღერ ა̈გითე?
Line of edition: 29 -- იმღა[ი́] ეჯკა̈ლიბ მეშხე მა̄რე ემხუ̂ი̄დ, [ერე] ამყალუ̈̄ნდა.

Line of edition: 30 მანე̄სგრე უდილ ა̈ნმა̄რა̈̄ნ: "ისგუ̂ა რა̈შს მი ამსგუ̂ირ, მი ხუ̂ემსახუ̂რი
Line of edition: 31 ხელწიფს". ალმასხან სგუ̂ებინ ესხუ̂ი̄დ მინდო̈რისგა, წჷრნი მა̄რად
Line of edition: 32 ესსიპდა: "სი კახბა ზურა̄ლ, იმთ' ე̄სღრი? ისგუ̂ა იშუ̂ს-ი́ ჯიჯუ̂ს
Line of edition: 33 ჩოყლინე, ნოს' ა̄ნჴე!" ათყალუ̈̄ნდა-ჲ ა̈გით' ე̄სჭუ̂ე̄ნ. ალმასხანდ გა̈ნ
Line of edition: 34 [ლ]ოხქუ̂იც, ა̈გის ესსუ̂ი̄დ: -- იმღ' ე̄სჭონ ა̈გითე?
Line of edition: 35 -- იმღა-ი́ წჷრნი მა̄რე ლამხუ̂ი̄დ ი ლა̈მჭუ̂ედდა: მ'ესერ, იმთ' ე̄სღუ̂რი?
Line of edition: 36 იშუ̂ს ი ჯიჯუ̂ს ესერ ყა̈ლდ ა̈მგენი.

Page of edition: 227
Line of edition: 1 მე́სმა დი̄ნას ხაჟხა ალექსანდრე. ალექსანდრედ ხა̈̄ქუ̂: "მიშგუ მუ,
Line of edition: 2 ისგუ̂ა რა̈შს ჟი ლამსგუ̂ირ, ისგუ ლერქუ̂ა̈ლ სგა ლა̄მაქუ̂, ისგუ̂ი დაშნა̈ჲ
Line of edition: 3 ჟ'ემირკ, [მ' ოდრი]". ესღრი ალექსანდრე. ამეჩუ მინდო̈რისგა სგა ლახხუ̂ი̄დ
Line of edition: 4 ალმასხან: -- სი კახბა, იმთ' ე̄სღრი? ლა̈დი ხოლამ ლადეღს
Line of edition: 5 ჯა̈გნე!
Line of edition: 6 -- ჰე, ისგუ̂ა კინჩხს დაშნა̈ჲშუ̂ ქა̈̄ჯკუ̂ა̄ნე!
Line of edition: 7 -- სი ჩუ ჯაყენა მე̄ზიდ. სემი კერძ და̈̄უ̂ა̈რ მირიხ მი. ალა, მიშგუ
Line of edition: 8 რა̈შ ჩაფუ, ალა ადრინე. ეჯ მიშგუ̂ა კერძ და̈̄უ̂რე ყო̄რჟი სგიმ ხაზუ̂იბ.
Line of edition: 9 ალ რა̈შ სგიმს ითრუნი, და̈̄უ̂ა̈რ ტოტშუ̂ ჯეყლე̄[ნ]ნიხ.
Line of edition: 10 -- სგა̈ჲ და̈̄უ̂ა̈რ, სგა̈ჲ ჴეცა̈რ, მიშგუ̂ა ალმასხანიშ კერძმა̄რა̈̄ლ ხიშდ,
Line of edition: 11 ეჯღა ონჴუ̂ედ [\\ ოღუ̂ერ] მი.

Line of edition: 12 ალჲა̈რ ჩა[ნ]ჴა̈დხ ი ჟ'ადჲეხ. -- დიდა̈ბუ ხა̄რ ღე̄რბათ, იმუ̂ა̈̄ჲ ალმასხანს
Line of edition: 13 ჭყინტგეზალ ჩუ ხორი! ალმასხანს ნიშგუ̂ეჲცახა̈ნ დე̄სა ხო̄ქუ̂ა,
Line of edition: 14 ერე ჭყინტგეზალ ჩუ მირი. -- ხა̈̄ქუ̂ხ და̈̄უ̂ა̈რდ: -- მიჩ ესერ სამსახურს
Line of edition: 15 ლაჰო́დნეხ... ეჯჲა̈რს ესერ ხო̄ბხ მეშხე რა̈̄შ პალა̈ტისგა. ეჯა უ̂ოდ დო
Line of edition: 16 ლახო́მეხ, ეჩქად ესერ ნო̄სამაუ̂ იკუ̂დუნე". და̈̄უ̂ა̈რდ ესთო̄ნეხ: -- მიჩა
Line of edition: 17 რა̈შ ჩუუ̂ აფიშუ̂დხ, იმუ̂ა̈̄ჲ ესერ ხასგურ ალა. ალ' ე̄სერ სგა̄დრინე ყო̄რთეჲსგა.
Line of edition: 18 მიჩა მუე ლარდა ჩუბაუ̂ ირჟი, ჟიქა̄ნ წჷრნი ლი. ჩუქუ̂ა̄ნ ესერ რა̈შ
Line of edition: 19 ჩუუ̂ ესბე, ჯა ჟიუ̂ აჩა̈დ, ჟიქა̄ნ ლარდათე.

Добавлено (2007-01-15, 1:49 Pm)
---------------------------------------------
ათხე მეუ̂არ ათხი̄დჷნ ალ ხელწიფს: "ალმასხანს ესერ მიჩა გეზალ
Line of edition: 21 ოხზჷზა მიჩა მემსახურდ". გუნ ხალა̈ტ ალა. ხელწიფი ხეხუ̂დ მეცქუ̂ილ
Line of edition: 22 ოხზჷზე: -- ქაუ̂ ესერ აჩა̈დ მიჩა̈შთე.
Line of edition: 23 -- ეჯჟინ მიშგუ̂ა მუდ, ალმასხანიშდ, დე̄სა ჯიღროუ̂ა̄ლახ, დეჲ მი
Line of edition: 24 მეღროუ̂ა̈̄ლდ.
Line of edition: 25 -- ჲაღო, ლახე ლა̈დი ალას დოშ ოლღორუ̂ედ (ალექსანდრეს),
Line of edition: 26 ჲაღო, ეჯგუ̂ა̈რ ოლგონუ̂ად, ერე ალექსანდრე დო̄სა ანჴეს ა̈გითე.
Line of edition: 27 -- ეშხუ̂ი ძუღა̈̄ ტა̈ხ ა̈რი, ეჩი́ ყუ̂იჟ-პერშუ̂და [ესერ ხოსგუუ̂] დედფა̈ლს.
Line of edition: 28 -- უ̂ა̈ზრა̈ლდ ხა̈̄ქუ̂ხ. ჩუ̂აჩა̈დ ი მიჩა რა̈შს ლა̈ხჭუ̂ედდა:
Line of edition: 29 -- მი მა̈ჲ მიხა, ძუღუ̂ა̈̄ ტა̈ხ იმე დო ა̈რი!

Line of edition: 30 ძუღუ̂ა̈̄ ტა̈ხ ისგლა̈დღი ონაქა ჴედნი. ჯაჲ მეშხე ლი, ცა და
Line of edition: 31 ქუ̂ეყანასი́ ჩა̈მშხე, მარე ეჩი ჟაგა̈რ მი მიხალ. -- ალ მეშხა რა̈შდ ხე̄ქუ̂
Line of edition: 32 ალექსანდრეს: -- იშგუ̂იდ ფუთ ჭჷმინ ამაცუ̂, იშგუ̂იდ ფუთ ჯიმ, სი ჟი ლამსგუ,
Line of edition: 33 ეჩხაუ̂ ლი ჲარ[უ̂] თუ̂ეჲა̈ ლე̄ზნე, მარე ჲარუ̂ საათისგა აჯინე.

Line of edition: 34 ქა̄ნჴა̈დ ისგლა̈დღი ონაქა ძუღუ̂ა̈̄ ტა̈ხ, ცა და ქუ̂ეყანას ჩა̈მშხე.
Line of edition: 35 -- ეჩქას ჭჷმინ ი ჯიმ ჩაშჷდ ლენჭყისგა. ეჩქას ჩუ ლა̈ჲზუ̂ებნე ჭჷმინს
Line of edition: 36 ი ჯიმსი, ლენჭყს ა̈თნა̈ჩდი, ჩუ̂ა̈ბჭკუ̂ენი ალ ტა̈ხ.

Page of edition: 228
Line of edition: 1 ანჴა̈დ ი ყუ̂იჟე-პერშუ̂და სგო̄ხჴიდ დედფა̈ლს: "ალ' ე̄სერ ხა̄რ
Line of edition: 2 ხოჩა დედფა̈ლს!" ალა მა̄მ ლალემ, ჟეღა̈რს ოთშიდ.
Line of edition: 3 -- მა̄მ' ე̄სერ ალდაგა̈რლი ალექსანდრე! ეჯგუ̂ა̈რ ოლგონუ̂ად ალექსანდრეს,
Line of edition: 4 მომ' ა̄ნჴეს.
Line of edition: 5 -- ჩიე̄სგი მახუ̂ში ირემ ა̈რი, ეჩი́ ყუ̂იჟ-პერშუ̂და ხა̄რ ხოჩა
Line of edition: 6 დედფა̈ლს.

Line of edition: 7 ჩაჩა̈დ ი მიჩა რა̈შს ხე̄ქუ̂: -- ამჟი́ნ-ი-ამჟი́ნ ირემი ყუ̂იჟ-პერშუ̂და ხა̄რ
Line of edition: 8 ესერ ხოჩა ლეგლირდეს (\\ ლეგმერდა). ეჩი́შ მი მა̄მ მიხა, იმეგ ა̈რი ირემ.
Line of edition: 9 -- ეჯა მი მიხალ, ნჷმა ჯაყლუ̄ნი. იშგუ̂იდ ფუთ ჭჷმინ ი იშგუ̂იდ
Line of edition: 10 ფუთ ჯიმ მი ამაცუ̂, ჟ'აჯინე სგიმთეჟი. ეჩეჩუ ლა̈ჩუ̂ ჴედნი ისგლა̈დღი
Line of edition: 11 ონაქა, სგიმს ითრე. ჩიქე ჯიმს ლა̈ჲზუ̂ებნე, ეჩჷნღო ჭჷმინს ლა̈ჲზუ̂ებნე,
Line of edition: 12 ღო სგიმს ლა̈ჲთჷრე, ეჩქას ჩუ ბეჭკუ̂ნი, ყუ̂იჟ-პერშუ̂და ქო̄ხოკდ
Line of edition: 13 ი ჟ'ამაცუ̂.

Line of edition: 14 ა̈გით' ა̄ნჴა̈დ ალექსანდრე, სგო̄ხჴიდ, მა̄მა ლა̈ხშა̈დ, ლეგდ ა̈რი.

Добавлено (2007-01-15, 1:50 Pm)
---------------------------------------------
"ალექსანდრეს მ'ო̄ლგონუ̂ად (=მა̈ჲ ოლგონუ̂ად), ჩი̄ხა̈ნ შუ̂იდებდ ა̈ნტიხ
Line of edition: 16 თხუ̂იმ?" უ̂ა̈ზრა̈ლდ ხე̄ქუ̂ხ ათხე: "ალექსანდრე, ქაჯე̄თი ამბა̈უ̂ ხეკუ̂ესე
Line of edition: 17 ა̈ნჴჷდე, "იმჟი ქუ̂ეყანა ჟ'ალსყე̄ლესუ̂, ეჩჟი". ალექსანდრედ ლიგუ̂ნი
Line of edition: 18 ა̈დბინე. ჩაჩა̈დ მიჩა რა̈შთე: "ეჩხაუ̂ იუ̂ალადეღ და̈̄ს ხო̄ზნა, ქაჯე̄თი
Line of edition: 19 ქუ̂ეყანათე, იმჟი ოჩე მი?! უ̂ოხ!.. ლიგუ̂ნ' ა̈დბინე ალექსანდრედ.
Line of edition: 20 რა̈შდ ხე̄ქუ̂: "ეჯა ჯუ̂ე̄დიას ლი. ეჩხაუ̂ ხაკუჩ ლი̄ზი არა ზაუ̂, მ'აჯი́ნე
Line of edition: 21 უ̂ო̄შთხუ̂ ზაუ̂".

Line of edition: 22 ა̈დბინეხ ლი̄ზი, ესღრიხ ი ესღრიხ. გიმს ყჷლ ხა̄რ. ადჰეხ ამხაუ̂თეჲსგა.
Line of edition: 23 ესღრიხ ი ეშხუ̂ი ზურა̄ლს მეშხე ჴიც ხუღუ̂ე ი ირბიე̄ლ: თუ̂ეთნე
Line of edition: 24 ლაუ̂ა̈შ ანღრი.
Line of edition: 25 -- ხოჩა ზურა̄ლ, მა̈ჲ ანბა̈უ̂ ლი: მეშხე ჴიც ჯუღუ̂ე, თუ̂ეთნე ლაუ̂ა̈შ
Line of edition: 26 ანღრი?
Line of edition: 27 -- ხუ̂ა̈ჲ მეჩდე̄ლი, ჟი დე̄სა მეტხე̄ლი მა̄რე, ადო ღე̄რბეთ შუ̂იდებდ
Line of edition: 28 აჯჴიდე, ეჩქა ჯა̈̄ქუ̂ნინე.

Line of edition: 29 ესღრი, ესღრი ალექსანდრე, ეშხუ ზურა̄ლ ირბიე̄ლ: თუ̂ეთნე ჴიც
Line of edition: 30 ხუღუ̂ე, მეშხე ლაუ̂ა̈შ ახღუ̂ე ალ ზურა̄ლს. -- მა̈ჲ ანბა̈უ̂ ლი სი ზურა̄ლ:
Line of edition: 31 თუ̂ეთნე ჴიც ჯუღუ̂ე, მეშხე ლაუ̂ა̈შ ანღრი?
Line of edition: 32 -- დიდა̈ბუ ხა̄რ ღე̄რბათ, ჩუ ხუ̂ა̈ჲ მეჩდე̄ლი, ჟი და̈̄რ მეჴდე̄ლი,
Line of edition: 33 ადო ღე̄რბეთ შუ̂იდებდ აჯჴიდე, ეჩქა ქა ჯა̈̄ქუ̂ნინე.

Line of edition: 34 ესღრი ალექსანდრე, ესღრი, ეშხუ̂ი ხეხუ̂-ჭა̈შ კა̄და̈̄ ლადა̈̄რჟი
Line of edition: 35 აყუ̂რეხ. -- მა̈ჲ ანბა̈უ̂ ლი, ჲორი ფიცა̈რ ხაკუ ხეხუ̂-ჭა̈[შ]ს, სგა̈ჲ კა̄და̈̄
Line of edition: 36 ლადა̈̄რჟი ხაყუ̂რედ?
Line of edition: 37 -- დიდა̈ბ ღე̄რბათ, ჩუ ხუ̂ა̈ჲ მეჩდე̄ლი, ჟი და̄რ მეჴდე̄ლი, [ჟ'ესა
Line of edition: 38 ა̈ნჴდენი], ეჩქა ქა ჯა̈̄ქუ̂ნინე.

Page of edition: 229
Line of edition: 1 ესღრი ალექსანდრე, ეშხუ̂ი ხეხუ̂-ჭა̈შ კა̈მბში ტუფჟი აყუ̂რეხ, ჩუ
Line of edition: 2 დეშ სკჷდახ. ალექსანდრე ლა̈ხჭუ̂ედდა: "მა̈ჲ ანბა̈უ̂ ლი, ხეხუ̂-ჭა̈შ, ჲარუ̂
Line of edition: 3 ფიცა̈რჟი ჩუ სკჷდახ ხეხუ̂-ჭა̈შ, [სგა̈ჲ] კა̈მბში გუ̂ა̈რაჟი დეშ სკჷდადა?!"

Line of edition: 4 ესღრი ალექსანდრე, აჩა̈დ ათხე კოჯთე. ამეჩუ კოჯ ი კოჯ უშხუ̂ა̄რ
Line of edition: 5 ხოჲხენი. ამის ყო̄რ ხეყრენი. რა̈შდ ხე̄ქუ̂ ალექსანდრეს: "ათხე
Line of edition: 6 ბჷგიდ მაჴდ მჷდრა̈ჴ, ეშხუ̂ი შო̈ლტ ჩაფჷლ ჟ'ა̈მკუ̂ა̈რის [ეჯჟი], მი
Line of edition: 7 ჟ'ა̈ნკუ̂ფხენი, სი ქა̄ჯკუ̂ა̄ნ' ე̄ჩხა̈ნთე. მი სგა ლა̈ხუ̂სედნი კოჯს, მარე ეჩეჩუ
Line of edition: 8 ნჷმ' ა̄მცურე, ქა̈̄მთირინ ეჩხა̈ნჩუ!" ლა̈დი დურბინდშუ̂ [=სათლარშუ̂]
Line of edition: 9 ისგი̄დრა̈̄ლ ალექსანდრე. ანჴა̈დ ი ყო̄რ ჩა̈დკარა̈̄ნ კოჯა̈შ. ალექსანდრედ
Line of edition: 10 ქა̈̄ნთირნე რა̈შ, ჩესდე ქა̄მენჩუ, ისგი̄დრა̈̄ლ ქა̄მენჩუ ალექსანდრე.
Line of edition: 11 ცა და ქუ̂ეყნიორობა მა̈გ ბა̈ჩდ ლჷსპე ლი. ალექსანდრე ისგი̄დრა̈̄ლ
Line of edition: 12 დურბინდშუ̂. ჩიქე ლა̈დი ესღრი, ა̈დნა̈ბზა̈̄ნ. მჷხა̈რ ესღრი, ა̈დნა̈ბზა̈̄ნ.
Line of edition: 13 მე́სმა ლადეღ ესღრი ალექსანდრე. დურბინდშუ̂ ა̈დსგიდა, კუ̂ა̈მილდ
Line of edition: 14 ანღრი აშხუ̂ ბა̈ჩხა̈ნჟი. აჩა̈დ სგა ალექსანდრე ალ ბა̈ჩთეჲსგა. ალექსანდრე
Line of edition: 15 ხე̄მბუ̂ა̈̄ლ (ჩუბაუ̂ ბა̈ჩ ლი, ჟიბაუ̂ მა̄რე̄მი თხუ̂იმ ხუღუ̂ე):
Line of edition: 16 -- მა̈ჲ ანბა̈უ̂ ლი. ჩუბაუ̂ ბა̈ჩ ხი, ჟიბაუ̂ მა̄რე̄მი თხუ̂იმ ჯუღუ̂ე?
Line of edition: 17 ლა̈სგი̄დრა̄ლ ჯა̈რ მა?
Line of edition: 18 -- ალა, მიშგუ ხეხუ̂, ქა̈ჯდ ლა̈ჲლატ[უ̂]ნე.
Line of edition: 19 -- სი მა̈ჲ ჯაშიდ?
Line of edition: 20 -- მი მა̈ჲ მაშიდ, ისგლა̈დღ' ონაქა ჴედნი მიშგუ ხეხუ̂, კუ̂ა̈̄ში̄
Line of edition: 21 ნა̈კუ̂შულს მა̄მნე, აშხუ̂ საჩა̈ი ჭიქს ლიცს მათრე.
Line of edition: 22 -- ღო მა̈ჲ ლა̈ხშედინი ეჩისი́?
Line of edition: 23 -- ისგლა̈დღი ონაქა ჴედნი მიშგუ ხეხუ̂ ლა̈კი̄ლუშ, აშხუ̂ კუ̂ა̈̄ში̄
Line of edition: 24 ხჷნსგა̄მ მა̄მნე, აშხუ̂ საჩა̈ი ჭიქშუ̂ ლიცს მათრე. ათხე სი მა̈რჯუ̂დ ჰე
Line of edition: 25 მოშ ესხო̄ლი, ეჩის ხა̄გ უ̂ოქუ̂რა̈ ლუსდგუ̂ა̈რ, ეჩის ლახ სგა ხა̈ფხჭინე,
Line of edition: 26 ეჩქა მა̄მგუ̂ეშ ხა̈მჲედა.

Добавлено (2007-01-15, 1:50 Pm)
---------------------------------------------
ანჴა̈დ ისგლა̈დღი ონაქა ლა̈კი̄ლუშ: -- ქაჯე̄თი ხელწიფ, ჯოჯხე̄თ
Line of edition: 28 ხა̈სუ̂ ი ჯოჯხე̄თ აჯუცუ̂რ!
Line of edition: 29 -- მი ათხე მა̈ჲ ლა̈მშედნი?
Line of edition: 30 -- ანი̄ზინი (სი ამეჩუ სგა ლა̄ხეპჟ ბა̈ჩს), ეჩქა სი მა̈რჯუ̂დ ესხუ̂იდ.

Line of edition: 31 ანჴა̈დ ალა-ჲ კუ̂ა̈̄ში̄ ხჷნსგა ჩუ ხა̄მნე-ჲ ეშხუ საჩა̈ი ჭიქ ლიც ჩოთგუ̂ეშ
Line of edition: 32 ყია ლექუ̂ა. ალექსანდრედ ლუსდგუ̂ა̈რს ხაფხეჭ.
Line of edition: 33 -- დი̄ნა ხესუ̂, ჭყინტდუ ელსიპე̄ლხი, ჭყინტ ხესუ̂, დი̄ნადუ
Line of edition: 34 ელსიპე̄ლხი!
Line of edition: 35 -- ათხე სი მა̈̄ჲ[ღენ] ალა ჩუ ჯემჲედა̈̄ნდა, ქაჯე̄თი ქუ̂ეყანა იმუ̂ა̈̄ჲ
Line of edition: 36 ჯუ̂ინალდ ჩუ ლჷმა̈̄რლესუ̂, ეჯჟიუ̂ ელსიპე̄ლი. ათხე სი ჩათმა̈ზირ, ჩუ
Line of edition: 37 ჯუფშუ̂დე.

Page of edition: 230
Line of edition: 1 ალექსანდრედ მა̄დ აფიშუ̂დ, ა̈ნშგუ̂ი̄რ, დაშნა̈ჲშუ̂ კინჩხ ათქუ̂იც.
Line of edition: 2 ათხე ამის ხაკუ უ̂ოქუ̂რა̈ ლუსდგუ̂ა̈რ. ალჲა̈რ ქა̄ხქუ̂იც ი ჯიბთ' ე̄სდე.
Line of edition: 3 ათხე ცა და ქუ̂ეყნიერობას ხოსგდი, ამჷნ ხოჩა ლესგდი მა̄მაგუ̂ეშ
Line of edition: 4 ხოწუ̂ა. ქაჯე̄თი ხელწიფდ ხე̄ქუ̂ ალექსანდრეს:
Line of edition: 5 -- ხელწიფდ ათხე ჯაუ̂ ესერ არდა.
Line of edition: 6 -- მი დეშ ხუ̂იგნი. ათხე ჟიბე ხელწიფდ [ლემჴა̈რუ̂ნე მა̄რ] ამბა̈უ̂.
Line of edition: 7 იმუ̂ა̈̄ჲჟი ჟ'ალსყე̄ლესუ̂, ეჩჟი ამბა̈უ̂ ხეკუ̂ესე ლამო́მე.

Line of edition: 8 ჩა̈ირხ ალჲა̈რდ. ქა ლახუ̂ემხ ალ ლაირ. ჲორი ბოთლიკ ღუ̂ინა̈ლ
Line of edition: 9 ლახუ̂ემხ ალექსანდრეს: -- ალექსანდრე, სი ლახე ჟ'აჩე ჟიბე ხელწიფთეჟი
Line of edition: 10 მიჩა ხახუ̂თეჲსგა, ათხე ლიჭუ̂და̈̄ნი ლახე ქა̄დსურლახ ალ ლა̈ირიშ,
Line of edition: 11 ეჩქას ალ ბოთლიკა̈რ ქა ლა̄ხო ეჯჲა̈რს.

Line of edition: 12 ანღრი ალექსანდრე, ახა̄სდდ. ა̄თხე, კოჯ ი კოჯ უშხუ̂ა̄რ ერ ხოჲხენდა,
Line of edition: 13 ეჩეჩუ უ̂ოქუ̂რა̈ ხა̈რხუ̂ილ ლი ჩუ მჷსყე. ათხე სგა̄ნჴა̈დ, ხეხუ̂-ჭა̈შ
Line of edition: 14 კა̈მბში გუ̂ა̈რაჟი აყუ̂რეხ: -- ჲაღო, ათხე ქა მე̄ქუ̂დ!
Line of edition: 15 -- მა̈ჲ ანბა̈უ̂ ჯე̄ქა, ჩ[უ̄ჯ] ხუ̂ა̈ჲ მეჩდე̄ლი, ჟი და̈̄რ მეტხე̄ლი, ათხე,
Line of edition: 16 დიდა̈ბუ ხა̄რ ღე̄რბათ, ქა ჯა̈̄ქუ̂ნინე: ჟიბებუა̄სდს მი ხუ̂ა̈ჲ კეთილ
Line of edition: 17 მუღუ̂ა̈̄ნდა, საბრალს დე̄სა ხუ̂ა̄მინ, ლა̈დი მა̈გ ხოლამდ მა̄რ.

Line of edition: 18 ანღრი კადა̈̄ ლადა̈̄რჟი აყუ̂რეხ ხეხუ̂-ჭა̈შ. -- ათხე ქა მე̄ქუ̂დ, მა̈ჲ
Line of edition: 19 ანბა̈უ̂ ლი ისგუ̂ეჲ გუ̂ეშ? -- დიდა̈ბუ ხა̄რ ღე̄რბათ, იმუ̂ა̈̄ჲ ანღრი, ათხე
Line of edition: 20 ქა ჯა̈̄ქუ̂ნინე: ჩუ ხუ̂ა̈ჲ მეჩდე̄ლი, ჟი და̈̄რ მეჴდე̄ლი. ნიშგუ̂ეჲზუმ საბრალ
Line of edition: 21 მა̄მ არდა, იმუ̂ა̈̄ჲ ლაშდღუ̂ა̄ლ ლა̈სუ̂, იმუ̂ა̈̄ჲ ტაბა̈გ ლა̈სუ̂, მა̈გ მაჰედდა
Line of edition: 22 დია̈რს ი ლეღუ̂ს, მი აჯაღ საბრალსჷდ ხუ̂აჰუ̂ედდა̈ს. ლა̈დი
Line of edition: 23 ხოჩა ლირდე ემღუ̂ე.

Line of edition: 24 ხელწიფს ამბა̈უ̂ ოხჴა̈დ: ალექსანდრე ანღრი. გუნ იხიადა̈̄ლ. ხელწიფ:
Line of edition: 25 ქაჯე̄თი ამბაუ̂ ახღუ̂ე ალექსანდრეს. სგა̄ნჴა̈დ ალექსანდრე. გუნ
Line of edition: 26 ათხი̄დჷნხ ხელწიფს ი მიჩა ხეხუ̂ს. იჭუ̂და̈̄ნიხ ალჲა̈რ ლა̈ირს. ხესრულა̈̄ლხ
Line of edition: 27 ამი ლიჭუ̂და̈̄ნის, ქაჯე̄თი ქუ̂ეყანახა̈ნ ნა̈ჴიდ ლა̈ირ[იშ]. -- ფუსდ,
Line of edition: 28 ჲორი შუშა ღუ̂ინა̈ლ ა̈ჯზჷზეხ თანფა̈ ლადღი ზედა̈შდ ქაჯე̄თი
Line of edition: 29 ხელწიფდ.

Line of edition: 30 ალჲა̈რს პრობკა̈̄ლ ჟი ლახშგჷბჷ̄რეხ, ქუ̂ინ ლა̈ჲჴა̄ნეხ. ხელწიფ ი
Line of edition: 31 მიჩა ხეხუ̂ ერქჷდა ჩა̈დკა̄ფხ, ჩადგანხ. ალჲა̈რს ეშხუ დი̄ნაგეზალ გარ
Line of edition: 32 ხორიხ. ალექსანდრე-ჲ ალა ხეხუ̂-ჭა̈შდ ასა̈დხ, სახელწიფ ალჲა̈რს
Line of edition: 33 ესსა̈დხ.

Line of edition: 34 ჭირ ეჩე ხა̄დხ, ხინ ამეჩუ გუ̂ა̄რ.

Добавлено (2007-01-15, 1:51 Pm)
---------------------------------------------
Text: 114
Page of edition: 231
Line of edition: 1
114. ასია

Line of edition: 2 ეშხუ ლიხ სემი ლახუ̂ბა. ეშხუ მაჰუ̂რე̄ნე მუხუ̂ბა ჩოფან ხაჟხა, ხოლა
Line of edition: 3 მჷშა̈ჲ ლი. ქა ი̄თეხ მიჩა ლახუ̂ბა. ამნემ ნა̈̄თი მა̄დ იკუ̂დუნე. ეშხუ̂ი
Line of edition: 4 ლჷგჷნჯე დაშნა̈ჲ ხორიხ, ეჯა იშგუ̂მინ. ეჯა ქა ლახუ̂ემხ. ეჯა ჟ'ა̈ნსყე,
Line of edition: 5 ჩუჲ ადწმიდაუ̂ე, ჟ'ათირ მიჩა ჟახად "ასია": "ჟ' ესერ ე იკედ, ჩუ
Line of edition: 6 ესერ ადგა̈რი ათა̈სს". ალა ჟესრეკ, ესღრი. ჯო̄დია მინდორისგა ჩადყურდა.
Line of edition: 7 ჟ'ა̈ხლაკხ ა̈ბრეგა̈ლ: "მა̈ჲ ხა̈ყრიხ ალას? ჟი[უ̂ ესერ] ოხკიდხ
Line of edition: 8 მიჩა დაშნა̈ჲ, ქაუ̂ [ესერ] ათქუ̂იცხ კინჩხ ამნოშ". ოხკიდხ ჟი დაშნა̈ჲ,
Line of edition: 9 ა̈დჭოდა̄ნეხ, ჟი ხა̈ჲრა: "ჯ' ე̄სერ ლი ასია, [ჟი] ესერ იკედ დაშნა̈ჲს,
Line of edition: 10 მა̄რა ესერ ადგა̈რი აშირს". ალა ქა̈̄დჭოდა̄ნეხ ა̈ბრეგა̈ლდ, ათყალუ̈̄ნდახ,
Line of edition: 11 სგე̄სდეხ, თა̄მა̈შდ ა̈ჲცხუნეხ. ჟ'ანჷ̄გა̈ნ: "იმ ესერ ა̈ჲცხუნეხ?"
Line of edition: 12 ათყალუ̈̄ნდახ ა̈ბრეგა̈ლს: -- დე̄მის ესერ, მიჩა[უ̂] მა̈ზიგ ლახჴედახ. ჟიუ̂
Line of edition: 13 ესერ ანჷ̄გა̈ნ, ხოლამ ა̈გის ესერ აყუ̂რე, ქორთე[უ̂] ესერ ოთჴერდა.
Line of edition: 14 ჲაღო ესერ, ამგუ̂ა̈ჲ მა̄რე ჰე ლი, ამექა ეშხუ̂ი ტა̈ხ ხა̈მთქუ̂ა, ეჩას ე
Line of edition: 15 მოშ ჩუ ხადგა̈რი, ეჩქა ისგუ̂ათა̄ნ და̈̄რ ა̈რი [ირდი].
Line of edition: 16 -- ჲაღო, მა̈ჲ ჩიქქა ჴედნი? -- ეჯა ჴედნი ისგლადეღჟი.
Line of edition: 17 -- ჲაღო, მი ჟი ღური გაკთეჟი.

Line of edition: 18 ეჩქას ანღრი ამექა ტა̈ხ ცხეკიშ, ათყალუ̈̄ნდა ალ მა̄რა, ჩანშყა̈დ
Line of edition: 19 გაკხა̈ნჩუ, ჟი ხოჲა̈ხ კინჩხა̈რჩუ ტა̈ხს, დაშნა̈ჲს ხატყცი კინჩხქა. ეჩქად
Line of edition: 20 ა̈ბრეგა̈ლდ თუ̂ეფ ხაჴიდხ ალ ტა̈ხს,