Line of edition: 5 ჟ'ანϩ̄გა̈ნ, ისგი̄დრა̄̈ლ ჩი̄თე, და̄̈ს ხეწა̈დ. აჯაღ ჩუ̂ადყურდა. აჯაღ
Line of edition: 6 კუ̂ინჩდ ამჟი̄ნ ხა̄̈ქუ̂. ჟ'ანϩ̄გა̈ნϩდ, ქა̄დტϩბნე, სტა̄რინ ა̈დირ, ჩუ̂აჩა̈დ
Line of edition: 7 ქორთე, მიჩა დის ხა̄̈ქუ̂: "მიშგუ დი, ლა̈დი ზუგუ̂ჟი მა̄̈ქუ̂ხ, ერე სულასახელ
Line of edition: 8 ესერ ხაჲშხა. ეჯა ხეხუ̂დ უ̂ოდე როქ დო ონჴუდე, ეჩქად ლიშუ̂ემ
Line of edition: 9 როქ ნო̄მაუ̂ მა̄რ!"

Line of edition: 10 ადზϩზეხ ჲეშდ ლϩჩა̄̈ჟ, ჲეშდ ქუ̂ეით ლათხა̄̈ლთე ეჩი̄შ. ჟ'ა̈თლაკხ
Line of edition: 11 ეჩი̄ ქორს. ეჩას ხოშა ჲეზო ხუღუ̂ა, გირკიდ ხოშა ციბ ხაცხიპ, სპილენჯიშ
Line of edition: 12 ყო̄რა̈ლ ხოწიბხ. სგა ლახა̄გა̈ნხ ყო̄რს. ყო̄რა̈ლდ გა̈რგლა
Line of edition: 13 ოთბინეხ: "სგა როქ ნϩმა ანჴედ, ადო ლϩჲა̈რ ქა და̄̈რ მეტეხ!" ეში̄
Line of edition: 14 სგა̄ჩა̈დხ ქორთე. სულასახელ უ̂ოქუ̂რა̈ ჰაკუ̂ა̈ნისგა აყუ̂რე, აქა̄̈ნი ოხუ̂კიდ
Line of edition: 15 ალჲა̈რს: "სგა̈ჲ როქ ლა̈ნჴა̈დდ შუ̂იდებდ. ჩუ როქ მიხალ, ერე მიშგუ̂ათე
Line of edition: 16 მეჴედ ხიშდ სგა̈ჲ, მარე ჰე მოშ სამ ამბა̈უ̂ს ქა მა̄̈ქუ̂ი̄სგუ̂ნედ,
Line of edition: 17 ეჩქა ისგუ̂ეჲ თელღϩრა ხუ̂ი̄რა, ჰე დოშ, ეჩქა მϩხა̈რ ჩი̄ ჩუ ჯადგა̈რი!"
Line of edition: 18 ალჲა̈რდ ეშხუ ამბა̈უ̂ი დეშ ახა̄̈ქუ̂ი̄სგუ̂ნეხ. მე̄რმა ლადეღ მა̈გ ჩუ̂ადგა̈რ
Line of edition: 19 ალჲა̈რ, ა̈გითე და̄̈რ ლა̈ხტა̈ხ ხელწიფი გეზალს.

Line of edition: 20 აჯაღ ჲერუ̂ეშდ ლϩჩა̄̈ჟ, ჲერუ̂ეშდ ქუ̂ეით ადზϩზე. აჩა̈დხ ეჯჲა̈რ,
Line of edition: 21 ყო̄რს ლახა̄გა̈ნხ. ყო̄რა̈ლდ აჯაღ ხა̄̈ქუ̂ხ: "სგა როქ ნϩმა ანჴედ, ადო
Line of edition: 22 ქა ლϩჲა̈რ და̄̈რ მეტეხ!" სგა̄ჩა̈დხ ეში̄. სულასახელდ აქა̄̈ნი ოხუ̂კიდ:
Line of edition: 23 "ჩუ როქ მიხა, მიშგუ̂ათე მეჴდე ხიშდ. სამ ამბა̈უ̂ს ჰე მოშ როქ ამა̄̈ქუ̂ი̄სგუ̂ნიდ,
Line of edition: 24 ისგუ̂ეჲ თელღϩრა ხუ̂ი̄რა, ჰე დოშ, მϩხა̈რ ჩი̄ ჩუ ჯადგა̈რი!"
Line of edition: 25 ეშხუ ამბა̈უ̂ი დეშ ახა̄̈ქუ̂ი̄სგუ̂ნეხ. მე̄რმა ლადეღ მა̈გ ჩუ̂ადგა̈რ.

Line of edition: 26 ხელწიფი გეზალ ხოღლი ა̈გის, და̄̈რ ლა̈ხტა̈ხ. ა̈ნმა̄რა̄̈ნ თხუმშუ̂ ჯა,
Line of edition: 27 სემეშდ ლϩჩა̄̈ჟ ლა̈ჲჴერნე, სემეშდ ქუ̂ეით, უ̂ოქუ̂რა̈ კოლეფ ჯიბთ'
Line of edition: 28 ე̄სდე, აჩა̈დ, სგა ლახა̄გა̈ნ ყო̄რა̈ლს. ყო̄რა̈ლ ქორთე დემ იხნიხ: "ცოდ
Line of edition: 29 როქ ხი ლედგა̈რიდ ი ნო̄მ' ა̄ნჴე!" ეჯა მა̄მა ლა̈ჲშგედ ი ქორთ'
Line of edition: 30 ა̄ჩა̈დ. სულასახელდ ხოჩა ლადეღ ოხმა̈ზრე. "ხიად, ხოჩა ჭაბუ̈გუ̂, მიშგუ̂ათე

Добавлено (2006-12-11, 6:48 Pm)
---------------------------------------------
როქ მეჴედ ხი, აშ როქ მიხალ, მარე სამ ამბა̈უ̂ს ჰე დოშ ამა̄̈ქუ̂ინი,
Line of edition: 32 ეჩქა ისგუ ხეხუ̂ მა̄მა ხუ̂ი̄რი ი სგა̈ჲ ჩი̄ ჩუ ჯადგა̈რი!" ათხე
Line of edition: 33 ხოლა გუ̂ი ლოხო̄სდ ჭაბუ̈კუ̂ს, ადჭკუ̄რე: "ამϩნ ხოშა უ̂ეშგიმპილი
Line of edition: 34 ლადეღ შომა როქ მე̄რა!" ჟ'ა̈ნკიდ ჯიბხა̈ნჟი უ̂ოქუ̂რა̈ კოლეფ ი ჩუ̂ადკარე.
Line of edition: 35 ქა̄ნსკინე ამხა̈ნქა მურგუ̂ა̈ლ სტოლდ. ეჩქანღო ქა̄დ ანსკინე სანთელდ,
Line of edition: 36 სტოლჟი ჩუ̂ესϩ̄გა̈ნ. ეჩქანღო ქა̄დ ანსკინე წϩრნი უ̂ისგუ̂დ,
Line of edition: 37 სტოლთეჟი̄ნ აჩა̈დ. ათხე ლა̄̈ქუ̂ სტოლდ: -- იმ როქ აჭკუ̂ა̈რიხ: ჭაბუ̈გუ̂ს
Line of edition: 38 როქ ხეხუ̂ ხაკუჩ, სულასახელს -- ლიწუ̂ი̄ლა̄̈ლ. ახა̄მბუ̂ედ როქ მა!

Page of edition: 101
Line of edition: 1 -- ჲაღოм როქ, მი ლა̄̈ქუ̂ნი: ეშხუ გზა̄უ̂რა̈ლ ესღϩრდახ ჯუ̂ე̄დია
Line of edition: 2 შუკუ̂ს ი ლეწფა̈რისგა ჩუ̂ა̈თბურა̄̈ნხ: ეშხუ ბაპ ლა̈სუ̂, მე̄რმე უ̂ოსტა̈ტ,
Line of edition: 3 მესმე თერზ. ბაპ ი თერზ ჩუ̂ა̈დუ̄ჟდახ, უ̂ოსტა̈ტდ მა̄რე̄მი ნახა̈ზ ანტა̄ბე.
Line of edition: 4 ჩუ̂ადყურდა. ეჩქა თერზ ანϩ̄გა̈ნ ი ათსაკუ̂რა̈ლϩნ: მა̄რე ხოხალდა.
Line of edition: 5 ლახა̄დ ლერქუ̂ა̈ლს ი ჟ'ოხშხებ მა̈გ ი სგა ლახქუ̂ე. ეჩქა თერზ ჩუ̂ადყურდა
Line of edition: 6 ი ბაპ ჟ'ანϩ̄გა̈ნ. ბაპს ჰა̈დურდ ხოშა ხასკუ̂რელ: მა̄რე ხოხა, ხაგϩრგა̈ლი,
Line of edition: 7 ჰერ მა̄მა ლახტიხ. ეჩქა ადჭკუ̄რე: "ალას როქ ალჲა̈რ ანსყე̄ნახ,
Line of edition: 8 მიშგუ აფხნეგა̈რ, მი გა̈რგლას ხუ̂ათუ̂რი ალას". ჟ'ანϩ̄გა̈ნხ
Line of edition: 9 მა̈გ ალჲა̈რ ი ბა̄ზი მინე ნამშაუ̂ -- მე̄უ̂შთხუ̂ე აფხნეგ სგა ხონჴრიხ.

Line of edition: 10 ათხე ხა̄̈ქუ̂ხ: -- ხიად, სულასახელ, ნა̈ჲ მა̄მა ნიხა ი სი ლე̄ქა: ჲა̈ს
Line of edition: 11 ხეხუ̂ა მუხუ̂ბად, ჲედე ნა̄̈თიდ მე̄შთხუ̂ე მა̄რე?
Line of edition: 12 -- ჲაღო, ეშხუ ამბა̈უ̂ ქა ლი̄ქუ̂ მა̄̈ც: ეჯა უ̂ოსტა̈ტს ხეხუ̂ა.

Line of edition: 13 ათხე უ̂ისგუ̂ ა̄მბუ̂ი: -- სემი მუშგუ̂რა̈ლ მირდა: ეშხუ ა̈ქიმ, მე̄რმე
Line of edition: 14 მეცა̈რ (მეთერ), მესმე აფსა̄სდა̈ გეზალ. ჟ'ანϩ̄გა̈ნ ძინა̈რს მეცა̈რ, ეჯნემ
Line of edition: 15 ლა̄̈ქუ̂: "აშხუ̂ სოფელს ესერ ალდაგა̈რ საუკეთესო ხოჩა მა̄რე. ეჯ
Line of edition: 16 ბედჟი ქუ̂ეყანა ესერ თხუმ ადგა̈რი ეჩი̄ მატკლა̈ბშუ̂". ეჩქა ა̈ქიმდ ლა̄̈ქუ̂:
Line of edition: 17 "ეჯას მიშგუ̂ა ჟაგა̈რს ლახე ჲა̈რ ათცუ̂ემნე, შიშდ ჟი̄სე̄ლუ̂ი". ეჩქა
Line of edition: 18 აფსა̄სდა̈ გეზალდ ხა̄̈ქუ̂: "ეჯას შიშდ ეჩაუ̂ ოთხუ̂ი. ჲეშდჲარუ̂ ზაუ̂ჲა̈
Line of edition: 19 ლე̄ზი ხო̄ზი, სამ საათისგა ეჩაუ̂ ოთხუ̂ი" ქა ლახუ̂ე̄მხ ჟაგა̈რ ი ადჲე
Line of edition: 20 აფსა̄სდა̈ გეზალდ. ქორისგა კუბ ჟ'ა̈ნკიდხ, ლაჴუ̂ა̈მთე ქა ლია̄ლუ̂ ეჩეჩუ
Line of edition: 21 ესხუ̂ი̄დ აფსა̄სდა̈ გეზალ. ჰა̈დურდ ქუ̂ეყანა ალას ახჭიმ ლა̈კი̄ლუშ
Line of edition: 22 ი ჩუ̂ათქუ̂იცუ̂ნე ჩი̄ ლიგუ̂ნი: "ალას მი ჟი ხუ̂ასე̄ლუ̂ე!" ჩუ̂ესგეხ კუბ,
Line of edition: 23 ამნემ ჟ'ახტყიც ჟიბე ბეჰ ი ათცუ̂ემ ჟაგა̈რ ი ჟი ლა̄პა̈რ შიშდ კუბისგა,
Line of edition: 24 თე̄რა̈ლს იბრი̄ნგუ̂ე: "მა̈ჲ როქ ხუ̂ა̈ჲ მიუ̂ჟა? " ათხე, ხიად, სულასახელ,
Line of edition: 25 ალა იშა ნასა̄̈ლუ̂ ი̄რა, ჲა̈ს ხეკუთნი? ნა̈ჲ დეშ ხუ̂ეხუ̂ად.
Line of edition: 26 -- მე̄რმე ანბა̈უ̂ ათხე მი̄ქუ̂ე̄ნს: აფსა̄სდა̈ გეზალს ხეკუთნი: ეჯნემ
Line of edition: 27 როქ ადჲე ჟაგა̈რ ეჩაუ̂ ი ეჩას ხეკუთნი.

Line of edition: 28 ათხე ა̄მბუ̂ი გამოცანას (\\ მა̈ჲმოშს) სამთელ (\\ ლეტუ̂რე): -- ეშხუ ხეხუ̂-ჭა̈შ
Line of edition: 29 ესღϩრდახ ხეხუ̂მი ლამუ̂ართე. ხეხუ̂ ღანაუ̂ ლა̈სუ̂, შუკუ̂ჟი ლიღუ̂ჟა̄̈ლ ა̈ნბინე.
Line of edition: 30 ა̈გი ჯუ̂ე̄დიას ლა̈სუ̂ ი ლემესგ მა̄მა ხუღუ̂ა̄̈ნხ. მიჩა ჭა̈შ უ̂ეშგდ

Добавлено (2006-12-11, 6:48 Pm)
---------------------------------------------
ატა̈ხ მიჩა ქორთე. ალას შუკუ̂ისგა ა̈ბრეგა̈ლ ესხუ̂ი̄დხ. ა̈ბრეგა̈ლი
Line of edition: 32 ჩუ̂ადგა̈რ, ჯაჲ ჩუ̂ადგა̈რხ. მიჩა ხეხუ̂ ჩუ̂ა̈დღუ̂აჟ, ჭყინტ ანთენე ი კალთა̈ჲს
Line of edition: 33 ლა̈ჲჭუ̂ე̄ნ ი უ̂ეშგდ ანტა̈ხ, იმუ̂ა̄̈ჲთე მიჩა ჭა̈შ აჩა̈დ. ჟ'ა̈თლაკ შუკუ̂ისგა
Line of edition: 34 სამ ლϩდგა̈რს. მიჩა ჭა̈შმი ტა̈ნ ჩუ̂ათირ ი თხუ̂იმ დეშ. ჟ'ა̈ნკიდ
Line of edition: 35 ეშხუ თხუ̂იმ, სგა ლახლა̈წ მიჩა ჭა̈შმი ტა̈ნს: "ღე̄რბეთ, ჰემა ჯიჟინდე̄დ,
Line of edition: 36 ღო ალ თხუ̂იმ ალ ტა̈ნს სგა ლა̄ხალჯ ი ჟ'ახსე̄ლა̈უ̂!" ი ჟ'ა̈ნსე̄ლუ̂ა̄̈ნ
Line of edition: 37 ალ მა̄რე. ტა̈ნ ზურა̄ლს ხეჴლარა̄̈ლ ი თხუ̂იმ გა̈ნთე ხუღუ̂ა.

Page of edition: 102 Line of edition: 1 ხიად, სულასახელ, ნა̈ჲ დეშ ხუ̂ათერდ: ხეხუ̂ ტა̈ნს ხეხუ̂ა, ჰა თხუ̂იმს?
Line of edition: 2 -- ხიად, მიშგუ ჭა̈შ ჭაბუ̈გუ̂, ისგუ̂ეჲ ხუ̂ი ხეხუ̂. იმუ̂ა̄̈ჲ გუ̂ი აყუ̂რე,
Line of edition: 3 ეჩას ხეკუთნი: ტა̈ნს ხეხუ̂ა ხეხუ̂.

Line of edition: 4 ჟ'ანϩ̄გა̈ნ ჰაკუ̂ა̈ნხა̈ნჟი,სგა ლახსგურდა მიჩა ჭა̈შს. ჭაბუ̈გუ̂ მუხუ̂ჭიდ ა̈რი.
Line of edition: 5 -- ათხად მიშგუ თხუ̂იმ ჯეკუ̂ა̈დ, ათხე იმნა̈რ ხუჭე?
Line of edition: 6 -- იმნა̈რ-ი უკანასკნელ მა̄რა̄̈ლს დე̄სამა ხეხϩრჯა̈უ̂იხ მი უსგუ̂ა̄̈შდ
Line of edition: 7 მა̄რე ა̈მქარუ̂ა̄̈ნ ისგუ̂ა ლათხე̄ლისგა!
Line of edition: 8 -- ეჯღა ნო̄მის ხუჭე, ეჯჲა̈რს ჟ'ალსე̄ლუ̂იდ!

Line of edition: 9 ჟ'ანϩ̄გა̈ნ სულასახელ ი მა̈გ ჟ'ანსე̄ლუ̂ე. ქუ̂ერწილ აჩუ̂მინხ ეჯკა̈ლიბ,
Line of edition: 10 ერე მუწუ̄ლა̈ ლϩჯეჲ ხუ̂ა̈ჲ ხუღუ̂ა̄̈ნხ. ეჩქანღო აჩა̈დხ მინე ქორთე, ეჩϩნ
Line of edition: 11 ხოჩა ქუ̂ერწილ ამე ჩუ̂ემინ.

Line of edition: 12 ლϩმზϩრე̄უ̂ ხი.

Добавлено (2006-12-11, 6:49 Pm)
---------------------------------------------
Part No. 69

Text: 76
Page of edition: 102
Line of edition: 13
76. მეთერ ი სემი ლახუ̂ბა

Line of edition: 14 ლϩმზϩრე̄უ̂ ხი ი სემი ლახუ̂ბა. აჩა̈დხ ალჲა̈რ მინდო̈რთე. უ̂ოქუ̂რა̈
Line of edition: 15 ბუ̈ლთ ხუღუ̂ა̄̈ნხ ი იბუ̄ლთა̄ლდახ მინდო̈რისგა. ქა ხა̈სრა ხოხუ̂რა მუხუ̂ბე,
Line of edition: 16 ეჯა ხაუ̂შგა̈დϩნდახ ხოშა̄მ ლახუ̂ბას. ეჩქა ანჴა̈დ ხოხუ̂რა მუხუ̂ბე ი
Line of edition: 17 ბუ̈ლთ ჩუ̂ადქარუ̂ე. ეჩქა ლიქუ̂თერ ლახბϩრლეხ. ეჯნემ მორდაბშუ̂ ათპა̈ჟუ̂ნე
Line of edition: 18 ჩუ ბუ̈ლთ. მიჩა ლახუ̂ბად ხა̄̈ქუ̂ხ: "მეთერთეუ̂ (\\ მელთერთეუ̂)
Line of edition: 19 ესერ აჩა̈დხ: ჲა̈სუ ესერ ხუღუ̂ე̄ნხ ნა̈ქუ̂თა̈რ ბუ̈ლთ?" აჩა̈დხ გაცხა̈ჲდ
Line of edition: 20 მეთერთე, სგა ლა̈ხმუშგუ̂არხ ხელწიფს. მეთერი̄ ალა ლი, ალ ხელწიფ.
Line of edition: 21 ხელწიფდ მე̄უ̂არ ა̈დხი̄დე ალჲარე ლიმშგუ̂არა̄̈ლ. მიჩა მეჯო̈გს ხა̄̈ქუ̂:
Line of edition: 22 "მაჩე̄ნე დალისუ̂ მა̄̈ჲ ხორდე̄დს, ეჯაუ̂ როქ ოხჴიდ ბა̄ზი". მϩმრა̈ნს
Line of edition: 23 ხა̄̈ქუ̂: "მაჩე̄ნე ტკეც, მაჩე̄ნე ღუ̂ინა̈ლ, მა̄̈ჲ ჯი̄გდე̄დს, ეჯ' ა̄ხა̈ჲ ბა̄ზი".
Line of edition: 24 მეჯო̈გდ ანჴიდ მაჩე̄ნე დალისუ̂, მომრა̈ნდ ანჴიდ მაჩე̄ნე ღუ̂ინა̈ლ. ჟ'ანმა̄რეხ
Line of edition: 25 ხოჩა უ̂ოხშა̈მ. ეჩქა მაშე̄ნა მუხუ̂ბად ლა̄̈ქუ̂: "მა̈ჲ ეზერ გა̈მა̈შ ლი
Line of edition: 26 ბა̄ზი̄ ლეღუ̂, მარე ჟეღი ლისუ̂ი გა̈მ ხა̄რ". ეჩϩნღო ნე̄სგა̄ მუხუ̂ბედ
Line of edition: 27 ლა̄̈ქუ̂: "ხოჩა გა̈მა̈შ ღუ̂ინა̈ლ ლი მარე მა̄რე̄მი ზისხი გა̈მ ხა̄რ". ეჩქა
Line of edition: 28 ხოხუ̂რა მუხუ̂ბად ლა̄̈ქუ̂: "ხოჩაჲ ხელწიფ [ლი], მარე მიჩა მამა̄̈ გეზალ
Line of edition: 29 მა̄მა ლი". ეჩქას ხელწიფ ჩუ̂ა̈დხუჭა̄̈ნ, ჟ'ანϩ̄გა̈ნ ი ლა̈ხჭუ̂ედდა მეჯო̈გს:
Line of edition: 30 -- მა̈ჲ როქ ოთძიჰა ბა̄ზი?
Line of edition: 31 -- მა̈ჲ-ი აშხუ̂ ღოლჲა̄ქდ სემი ჟინაღ ანთენე, სემი დეშ ა̈ნϩრდე,
Line of edition: 32 მე̄სმე ჯუას ლო̄ხუ̂ა̈ჭმ, ეჩას მაჩე̄ნე ა̈ხფას ი ეჯა ოძიჰ ბა̄ზი.

Line of edition: 33 ათხე მϩმრა̈ნს ლა̈ხჭუ̂ედდა: -- ღუ̂ინა̈ლს ზისხი გა̈მ იმნა̈რ როქ ხა̄რ?

Line of edition: 34 მომრა̈ნდ ხა̄̈ქუ̂: -- ტკეცა̈რ ლა̈კი̄მბჟი ხანჯა̈რ ა̈მშყა̈დ უ̂ერჩხხა̈ნქა,
Line of edition: 35 ეჯა ჭϩშხჟი მია̈ხ, ეჩქა ზისხ ა̈მწურდა ი ეჯა ტკეცთე აბϩ̄დ ი ეჯღა
Line of edition: 36 ხერო̄ლ ზისხი გა̈მ.

Page of edition: 103
Line of edition: 1 ეჩქა ხელწიფ მიჩა დითე აჩა̈დ: -- დედე, იშა გეზალ ხუ̂ი: მიშგუ̂ა

Line of edition: 2 მუე̄ გეზალ ხუ̂ი, ჰა მე̄რმე̄მიშ?
Line of edition: 3 -- მა̈ჲ როქ ა̈თიკუ̂ჰ ისგუ̂ა მუე̄შ?
Line of edition: 4 -- დე̄სა[მა] როქ. ქა მე̄ქა, ადო ჩუ ჯადგა̈რი!
Line of edition: 5 -- ჲაღო, ისგუ̂ა მუდ ხოჩა მიჩა უ̂ა̈ზირ ლა̈სუ̂ ი ეჩი̄ გეზალ ხი.

Line of edition: 6 ათხე ქა̄ჩა̈დ მუშგუ̂რა̈ლთე ი ლა̈ხჭუ̂ედდა: -- შუკუ̂ჟი როქ ჯა̈ხუ̂იე̄ნახ ჲა̈რ?
Line of edition: 7 -- ქა როქ და̄̈ს ხუ̂ეწა̈დდ, ნა̄ზუ̂ ლა̈სუ̂ ლϩლა̄̈ბ ჩა̄̈ჟიშ, ღანაუ̂ ზურა̄ლა̈შ.
Line of edition: 8 ეჯ ჩა̄̈ჟს ხა̈ცუ̂მე̄ნა აშხუ̂ხა̈ნჩუ ზეთ, მე̄რმახანჩუ თუ̂ი.
Line of edition: 9 -- იმნოშ ლახთირდ, ჰე ჩუ მო̄მა ჯიწუ̂ახ?
Line of edition: 10 -- იმნოშ ი იმუ̂ა̄̈ჲხა̈ნ თუ̂ი ხა̄̈ცუდა, ეჩხა̈ნ ბუზუ̄ლა̈რ ესჭიმდახ
Line of edition: 11 შუკუ̂ს ი მე̄რმახა̈ნ -- მϩრშკა̈ლ.
Line of edition: 12 -- ღანაუ̂ ზურა̄ლ იმნოშ ათცხირედ?
Line of edition: 13 -- იმნოშ-ი ჭალა̈ჲთეჩუ ა̈მჩედ ი ლიც ლოხუ̂შა, ეჩქა ჴა̈დი ნაზიმ
Line of edition: 14 ქუ̂იშაჟი ჟ'ესუ̂გენა.

Line of edition: 15 ეჩქა ხელწიფ ლა̈ხჭუ̂ედდა ალჲა̈რს: -- მა̈ჲ როქ ჯაწϩხხ სგა̈ჲ?
Line of edition: 16 -- ნა̈ჲ ბუ̈ლთ ა̈ნქარუ̂ა̄̈ნ ი მა̈გ უშხუ̂ა̄რ ხუ̂აბრა̈ლიდ ი ჲა̈ს ნეღუ̂ე̄ნი?
Line of edition: 17 -- სგა̈ჲ მიშგუ̂ან ხოჩა მეთერ ხიშდ ი ბუ̈ლთ ხოხუ̂რა̄მ მუხუ̂ბა
Line of edition: 18 ხუღუ̂ა.

Line of edition: 19 მადლობა (\\ მაჴუ̂ა̄მ) ხა̄̈ქუ̂ხ ალჲა̈რდ ი აჩა̈დხ ა̈გითე ი ა̈გის ბუ̈ლთ
Line of edition: 20 ქა ლა̈ჲკუ̂იშ ხოხუ̂რა̄მ მუხუ̂ბად. ეჩქა ლახუ̂ბად სანდრო̈უ̂ ხა̄̈ქუ̂ხ, მარე
Line of edition: 21 ხოხუ̂რა̄მდ პასუ̈ხ ლახტიხ: "ლაბუ̄ლთა̄ლს ქა̄ჯა̈სრ ი ჯაუ̂შგა̈დϩნხ ეჯა
Line of edition: 22 ი ეჯღა ჩუ̂ემნ ალა. დე̄სამა ა̈გუ̂და̄უ̂შა̄̈ნ ეჯღა, ამბუ̂ა̈რ ა̈ლმეჴრედ მე̄რმე,
Line of edition: 23 ეჩϩნქა".

Line of edition: 24 ხინ ამეჩუ ა̈მჴი̄და, ჭირ ეჩხაუ̂ ა̈გუ̂ია. ლϩმზϩრე̄უ̂ ხიშდ ამეჩუ მერდე
Line of edition: 25 მა̈გ.

Добавлено (2006-12-11, 6:50 Pm)
---------------------------------------------
Part No. 70

Text: 77
Page of edition: 103
Line of edition: 26
77. უჩი̄ჟა ლახუ̂ბა

Line of edition: 27 [ლϩმზϩრე̄უ̂ ხი ი სემი ლახუ̂ბა]. ალჲა̈რ მა̈გ უჩი̄ჟა ლიხ. მეჩი მუ
Line of edition: 28 ხორიხ. აჩა̈დ მაშე̄ნე მუხუ̂ბე ყო̄რქა, ხეწა̈დ აშხუ̂ დი̄ნას ი სგა̄ნჴა̈დ
Line of edition: 29 ქორთე, მიჩა მუს ხა̄̈ქუ̂ინ: "მამა, ქა ლოქ ამჩი̄ჟ!" ათხე მანე̄სგრე მუხუ̂ბეჲ
Line of edition: 30 აჩა̈დ ქა̄̈მთე. ალაი ხეწა̈დ დი̄ნას, ამნემი ხაშგუ̂მინ მიჩა მუს ლიჩი̄ჟა̄̈ლ.
Line of edition: 31 მაჰუ̂რე̄ნე მუხუ̂ბე -- ალაი აჩა̈დ ქა̄̈მთე, ალაი ქა ხეწა̈დ დი̄ნას,
Line of edition: 32 ამნემი ხაშგუ̂მინ ლიჩი̄ჟა̄̈ლ. მინე მუ იმედს ხაყლე ლიჩი̄ჟა̄ლეშ: "მინეშუ
Line of edition: 33 მა̈ზიგ ლახჴედა, მა̈ჲ ესერ ი̄რა მიზეზ, დო̄მ ადჩი̄ჟი". ლა̈ხჭუ̂ედდა:
Line of edition: 34 "ჲა̈რ ესერ ხაკუხ? " ხა̄̈ქუ̂ინ მაშე̄ნა მუხუ̂ბად, ღო მანე̄სგრად ი ღო მაჰუ̂რე̄ნად:
Line of edition: 35 ჩი̄ ეშხუ დი̄ნა ა̈თმარჯუნხ. ამეჟი მინე მუდ ხა̄̈ქუ̂ინ: "მამა̄შუ,
Page of edition: 104 Line of edition: 1 მა̈გ ლოქ აშხუ̂ დი̄ნას იშგუ̂ემხ, ჩი̄ ლოქ დეშ ხა̄რხ ეჯა. ეჯა ლოქ
Line of edition: 2 ხა̈ჩო აშხუ̂ გუ̂ეშს, ლაღუ̂ჭართე ადზϩზი. ჲერუ̂ა̄̈ჲ მაჩე̄ნა ნაღუ̂ჭარს
Line of edition: 3 ა̈ნჴდეხ, ეჯას ესერ ოთყედნი ეჯ დი̄ნას". ქა ლახუ̂ე̄მ თუ̂ით ჰუ̈ლ ლϩლა̄̈ბ
Line of edition: 4 ოქუ̂რშუ̂ ი უ̂ერცხლშუ̂: თუ̂ით ცა̈ლ ოქუ̂რშუ̂, თუ̂ით უ̂ერცხლშუ̂.

Line of edition: 5 აჩა̈დხ ალ სემი ლახუ̂ბა აშხუ̂ სამ შუკუ̂ ლაჭართეჲსგა, ამეჩუ ჩუ̂ა̈დყულუ̄რა̄̈ნხ.
Line of edition: 6 მაშე̄ნე მუხუ̂ბე აჩა̈დ აშხუ̂თე, მანე̄სგრე -- მე̄რმათე, მაჰუ̂რე̄ნე -- მესმათე.
Line of edition: 7 ათა̄სდ აშხუ̂ ა̈გის მაშე̄ნე მუხუ̂ბე დუქნა̈რს. ამეჩუ ა̈ნყიდ
Line of edition: 8 რა̈შ ეჯკა̈ლი, ერე დეც მე̄ფხაქა იპე̄რია̄ლ. მანე̄სგრე მუხუ̂ბე -- ალაი
Line of edition: 9 ათა̄სდ დუქნა̈რს. ამნემ ა̈ნყიდ სა̈რკ ეჯკა̈ლიბ, ერე გიმეშ ი დეცე
Line of edition: 10 ნე̄სგა ნე̄სყე̄მი ზუმ ჩუ მ' ა̄̈რი, ჩი̄ სგუ̂ებინჩუ ხოგნე მა̄რა. მაჰუ̂რე̄ნე
Line of edition: 11 მუხუ̂ბე ათა̄სდ მესმა̄მ დუქნა̈რს. ამნემ ა̈ნყიდ ჭიქ ეჯკა̈ლი, ერე ლიცს
Line of edition: 12 ლახ ამნოშ ლϩდგა̈რს ჩუ ლახთϩრე, ეჩქა ეჯ მინუტისგა შიშდ ჟ'ასე̄ლუ̂ე.
Line of edition: 13 ალჲა̈რ უ̂ეშგდ ანტა̈ხხ ამ სამ შუკუ̂ ლაჭართეჲსგა. პე̄მა̈ნ ხა̄დხ.
Line of edition: 14 მინე ნაღუ̂ჭარუ̂ა̈ლ ქო̄ხო̄მბუ̂ეხ ი ხაწუ̂ე̄ნეხ უშხუ̂ა̄რ. ა̈დსგიდახ სა̈რკქა,
Line of edition: 15 მინ ერუ̂ა̄̈ჲს იშგომდახ, ალა ლაშდუ̈ღუ̂თე ესყახ. ლახსგურდახ მა̈გ
Line of edition: 16 რა̈შს, ჩუ ლიშდღუ̂ა̄ლ ამჩუ ესბეთქხ ჩიემ, ჭიქუ̂შ ლიც ლახა̄̈შხ, შიშდ
Line of edition: 17 ჟ'ანსე̄ლუ̂ეხ. უ̂ეშგიმპილს და̄̈ს ხაკუთნე ნა̈ხუმსა̈რ: ჩი̄ ეშხუ ნაღუ̂ჭარ
Line of edition: 18 ხუღუ̂ახ. ალა, დი̄ნა, მინე მუდ დაჩუ̂ირდ ესგენე.

Добавлено (2006-12-11, 6:51 Pm)
---------------------------------------------
Part No. 71

Text: 78
Page of edition: 104
Line of edition: 19
78. ხელწერილ

Line of edition: 20 არდახ ეშხუ ხეხუ̂-ჭა̈შ. ალჲა̈რს ხორდახ ჭყინტგეზალ. ალას ხეჟხა̄̈ნ
Line of edition: 21 ხელწერილ. აშხუ̂ინ ადყურდა ბალკონჟი. ლირჰა̄̈ლთე ანჴა̈დ
Line of edition: 22 კუ̂ინჩϩლდ, სგა ლახა̄გა̈ნ ი ხა̄̈ქუ̂: "უ̂ოდ ესერ მიჯნემ უ̂ირჩილ-მა̈რჩილ
Line of edition: 23 კე̄სრი გეზალ ნანუ̄ლ ჩუ დო ა̈დგϩჭას (\\ ა̈დგϩჭეს), ეჩქად ნო
Line of edition: 24 ლისგუ̂რენუ ხოგა̈დ, ნო ლიგნენ". ჟ'ანϩ̄გა̈ნ ალ ჭყინტ, სგა̄ჩა̈დ ლაგუ̂ნუშ
Line of edition: 25 მიჩა მუე̄შთე ი ხა̄̈ქუ̂ ლაგუ̂ნუშ: "ამელეჟა ანჴა̈დ ეშხუ კუ̂ინჩϩლდ
Line of edition: 26 ი მა̄̈ქუ̂: "უ̂ოდ ესერ უ̂ირჩილ-მა̈რჩილ კეჲსრი გეზალ ზეთენახა̈

Line of edition: 31 ესღრი აშხუ̂ მინდო̈რ ლექუ̂ა ი ამჩუ ლახხუ̂ი̄დხ უსგუ̂ა თხე̄რე:
Line of edition: 32 -- იმთ' ე̄სღრი ხოჩა მა̄რე? ჰამა იმთე მო̄დე ზეთენახა̈უ̂ ნანუ̄ლს ხუ̂ეთხე̄ლი".
Line of edition: 33 ეჩქა თხე̄რა̄̈ლდ ხა̄̈ქუ̂ინხ "გიცა̈რ ესერ ქა̄უ̂ ლახუ̂ე̄მ ი ეჩხაუ̂
Line of edition: 34 ესერ მინ ა̈თჴერნიხ". აჩა̈დხ. ჩუ̂ასა̈დხ აშხუ̂ მეზგამϩყ, იუ̂ოხშმა̄ლხ. ამჩიქს
Line of edition: 35 ლაჲდღამე მϩრა̄̈მნე̄მ: -- მა̈ჲ ესერ ლϩმა̄რ ალ ლიდღმე? -- ლა̈ხჭუ̂ედდა
Line of edition: 36 მიჩა ხაზა̈ენს.

Page of edition: 105
Line of edition: 1 -- ალა კალხმა̈რ ესერ იცროუ̂ა̄̈ლხ ძუღუ̂აისგა, ეჯჲა̈რ ესერ ი̄რახ.
Line of edition: 2 -- ეჯჲა̈რ ესერ დე̄სა, მურყუ̂ამისგა ესერ მϩრა̄̈მ ოხუ̂დღამა.
Line of edition: 3 -- ჲაღო, ალა ეჯ' ე̄სერ ლϩმა̄̈რ ე, ხედუ̂ა̄̈ჲს სი ხიშგუ̂ემ.

Line of edition: 4 ჟ'ანϩ̄გა̈ნ ჭყინტ ი ესღრი ძუღუ̂აქა, მარე ძუღუ̂ა სურუ სკო̄დი ლა̈სუ̂,
Line of edition: 5 ქა დეშ ა̈ბდა̈უ̂ი ლი̄ზის. ხა̄̈ქუ̂ინ მიჩა რა̈შს: -- ჲაღო, მა̈ჲ ესერ ხეშდენიხ,
Line of edition: 6 ამექ' ე̄სერ იმჟი ადრიხ?
Line of edition: 7 -- ამექ' ე̄სერ ქა̄დინე, მარე ეჩხა̈ნ ესერ ეში̄ ჩუ ა̈დდა̄̈უ̂შიხ!

Line of edition: 8 ლა̈ჲჩიჩხიე̄ლე რა̈შდ ი დე̄რა ათდე. ქა̄ჩა̈დხ ეჩხა̈ნთე, ხედუ̂ა̄̈ჲთე
Line of edition: 9 (\\ იმუ̂ა̄̈ჲთე) მიჩ ლი̄ზი ხეკუ̂ა̈დ. ათხ' ა̄მჩუ ჰა̈ზუ̂ ხა̄რ ლϩმსერე. თუ̂ით
Line of edition: 10 მესერჟი მა̄რე̄მი თხუ̂იმ ხაციყ. "ჲაღო, -- ხა̄̈ქუ̂ინ რა̈შდ: -- ჰა̈ზუ̂თეჲსგა
Line of edition: 11 ესერ სგა̄დსკინი, მარე სგა̄̈ნჩუ ესერ ჩუ ადდა̄̈უ̂შნეხ. მიჯნემ ესერ
Line of edition: 12 ეჩჟიუ̂ ხაჴიდ მადრა̈ჴ, ერე ეშხუ ლეჩფილ ჩაფϩლ ამკუ̂არნა ი სემი
Line of edition: 13 უ̂ოქუ̂რა̈ ქიმ ა̈მშყეს, ეჩქა სგა ხუ̂ისკნე, ადო -- დეშ". ხაჴიდ ამნემ მადრა̈ჴ
Line of edition: 14 ი სგა̄თსკინა̄̈უ̂ნე ჰა̈ზუ̂თეჲსგა. ამჩუ მურყუ̂ამხა̈ნჩუ ლახგϩრგლე ზეთენახა̈უ̂
Line of edition: 15 ნანუ̄ლდ: -- ერუ̂ა̄̈ჲ ესერ ჭაბუ̈გუ̂ ლი, ჩუ̂ ესერ ა̈ნჴდენი, ქ' ე̄სერ
Line of edition: 16 ა̈ხბϩრგი, ჩუ̂ ესერ ლახე ა̈ნდინე, ეჩქ' ე̄სერ კინჩხს ჟ'ახქუ̂იცე.

Line of edition: 17 ჩუ̂ანჴა̈დ ეჯ ნანუ̄ლ ი ქა̄̈ხბϩრგა̄̈ნ, დეშ ა̈ნდე. ეჩქა ხა̄̈ქუ̂ინ ეჯნემ:
Line of edition: 18 "დეშ ესერ ოხუ̂და, მიჩა ხეხუ̂ ესერ ლი". ლა̈ჲჴერნეხ ეშდჲორუ უ̂ოსტა̈ტ
Line of edition: 19 ქუ̂ერწლა̈რდ, ესღრიხ. ქა̄ჩა̈დხ ძუღუ̂აქა. აშხუ̂ მინდო̈რისგა ჟი
Line of edition: 20 ხორიკ ეშხუ და̄̈უ̂ დეცთე. ალ და̄̈უ̂ს ხაჲშხა უჩა. ეჩქ' ა̄მნე̄მ, ხელწერილდ,
Line of edition: 21 ლა̄̈ქუ̂ინ: "ჯა ლϩჭა̈თუ ესერ ლი, ალ' ე̄სერ ჩუ მო̄დე ახქუცას!"
Line of edition: 22 ხაჴიდ დაშნა̈ჲ ნა̄ჭას ი ჩახქუ̂იც ალ და̄̈უ̂. ალაჲ ესჴერი ქუ̂ერწილთე.
Line of edition: 23 ამჩუ ახფუნϩნდა (\\ ახფϩნდა) ნიცდ ეჯ ნანუ̄ლს. ჩუ̂ადზϩზეხ
Line of edition: 24 ალ და̄̈უ̂ ლიცთე. ამნემ ხამრე ნასტღუნა̄ლ ოხჴიდ. "ალ' ე̄სერ მა̄დ
Line of edition: 25 ლი ლიც. ჩუ̄უ̂ ესერ ატა̈ხ ი ხოჩა ლიცუ ესერ ოხჴიდ!" ჩუ̄დ ატა̈ხ ალ
Line of edition: 26 და̄̈უ̂ ი ჟი̄დ ოხჴიდ ხამრე ნასტღუნა̄ლ ი "ალ' ე̄სერ მა̄მა ლი ლიც!"

Line of edition: 27 ჩუ̂აჩა̈დ ჯა ხელწერილ ლიცთე. უ̂ოდ ეჯა ჟი ტეხენდა, ეჩქად და̄̈უ̂დ
Line of edition: 28 ჰაგუ̂ ხაჴიდ გიმჩუ, ჯაჲ ჩუ̂აჩა̈დ ი ხელწერილი ხეხუ̂ი ჩუ̂ადჲე. ანჴა̈დ
Line of edition: 29 ჟი ი მიჩა ქუ̂ერწლა̈რ იგუ̂ა̈ნდახ: -- მა̈ჲ ესერ ხა̈ყრა მიჩა ხეხუ̂ს? -- და̄̈უ̂ს
Line of edition: 30 ესერ ოთხუ̂ჲა ჩუბებუა̄სდთე.

Добавлено (2006-12-11, 6:52 Pm)
---------------------------------------------
ამნემი ლიგუ̂ნი ა̈დბინე. "მინდ ესერ ჲეშდჲარუ̂ ზაუ̂ ესერ ჟიუ̂ ა̈ნღე̄ლუ̂ეხ,
Line of edition: 32 ეჩქად ესერ ნო̄მთეუ̂ აჩა̈დხ! ეჯა ქა ლახა̄გა̈ნ შუკუ̂ს ი აშხუ̂
Line of edition: 33 მϩშხტის: -- მა̈დილუ ესერ ხე̄რა, ეშხუ დი̄რი ნა̈კუ̂იშ ესერ ხერდი!
Line of edition: 34 -- ჩუ̂ ესერ ხორი, მარე მიჩა ლა̈შგდა̄̈შ ესერ მა̄მა ლი.
Line of edition: 35 -- მა̈გ ესერ ჩუ ხაკუ, იმუ̂ა̄̈ჲ ა̈მჴიდე!

Line of edition: 36 ქო̄ხჴიდ ეშხუ უ̂ისპა, ჩუ̂ესგურდა ი იზბი ალ დია̈რს. ამჩიქს
Line of edition: 37 ლა̈ჲსგიდა ჟიბოუ̂, ქა ხეწა̈დ აშხუ̂ წϩრნი ზუგუ̂ს. ამეჩუნ არდა ჲორი
Line of edition: 38 გიცა̈რ: ეშხუ წϩრნი, მე̄რუ̂ე თუ̂ეთნე. ლა̈ხჭუ̂ედდა: -- ალჲა̈რ ესერ მა̈ჲ ლიხ?

Page of edition: 106
Line of edition: 1 -- ალჲა̈რ ესერ ესუ̂ა̄̈ჲს ჟიბებუა̄სდთე ლი̄ზი ხაკუ, ა̈ნყიდნე
Line of edition: 2 თუ̂ეთნა ლიფს, ჩუ̂ ესერ ადლიფო̄̈რი, სგ' ე̄სერ ლა̈ხგუდრენი მუჭუ̂ა̈რს,
Line of edition: 3 ჟ' ე̄სერ აკუ̂ა̄ნე ჟიბებუა̈სდთე. წϩრნი გიცა̈რ ესერი ეჩჟინ ლი, მარე
Line of edition: 4 ეჯ' ე̄სერ ჩუბებუა̄სდთე აკუ̂ა̄ნე. კირმϩყ ესერ ხაკუ ლიგუ̂დირნე, ეჩქა
Line of edition: 5 ჩუ̂ ესერ აკუ̂ა̄ნე ჩუბებუა̄სდთე.
Line of edition: 6 -- ჲაღო, მიჩ ესერ ჩუბებუა̄სდთე ხაკუ ლი̄ზი.

Line of edition: 7 ქა̄ჩა̈დ ი ჟ'ა̈ნყიდ ლიფ, ჩუ̂ა̈დლიფო̄რა̄̈ნ. ჟ'აჩა̈დ წϩრნი ზუგუ̂თეჟი.
Line of edition: 8 სგა ლოხგუდირდა წϩრნი გიცა̈რს კირა̈ლს ი ჩუ̂ადკუ̂ა̈რ ჩუბებუა̄სდთე.
Line of edition: 9 ჟ'აშყა̈დ აშხუ̂ ლϩყა̄რთეჟი, ლახტუ̂ი̄ლ: "ერუ̂ა̄̈ჲ ესერ ღენ ლი ჯა ზურა̄ლ,
Line of edition: 10 ეჯა გეზალ ესერუ ლა̈სუ̂ ი ჯა დი" (სგა̄თტუ̂ი̄ლ ქორთე). ამ ლე̄თ
Line of edition: 11 [ზურა̄ლდ] ა̈ნბინე ლირბიე̄ლ ი ლიც მა̄მ ხუღუ̂ა̄̈ნ. ანჴა̈დ ი სგა̄̈თსა̄̈რ
Line of edition: 12 ჯა̈რთეჲსგა. -- იმ ხიჩო, საბრა დედე, ლიც ესერ მა̄მა ხუღუ̂ა მო?
Line of edition: 13 -- ფისეუ̂ ესერ ხაბა ხელწერილი ლითუ̂ა̄̈ლს, ლϩშუ̂ა̈მდ ესერ ლϩმა̈რდხ,
Line of edition: 14 ეშდიუ̂ო̄შთხუ̂ ზა̈ჲ ესერ უჩა ჟი ხა̈რკე̄ნა დეცს. ათხ' ე̄რუ̂ა̄̈ჲ
Line of edition: 15 ესერ ღენ ლი ხელწერილ, ეჩას ესერ ჩუ ოხქუ̂ი̄ცა ეჯ მა̄რე, მიჩა̈შდ
Line of edition: 16 ესერ ქა ოთღა ხეხუ̂. უ̂ო̄შთხუ̂ გეზლი̄რ ესერ ხარდე̄ნა. უ̂ოშუ̂ა̄̈ჲდინ
Line of edition: 17 ლიც მეკუ̂ა̈დ, ეჩშელდინ მა̄დხ ეჯ გეზლი̄რ ლეჰუ̂დი (\\ ლეხუ̂დი).

Line of edition: 18 ი ეჩქას ალ ჭყინტ ლა̈ხჭუ̂ედდა: -- მა̈ჲ ესერ ხა̄რ ღო ეჩას ეჯამა̈გ ლიც?

Line of edition: 19 ეჩქას ეჯნემ ქო̄ხო̄მბუ̂ე.
Line of edition: 20 -- ეჩქა, ჲაღო, მა̈დილუ ესერ ხე̄რა, მიჯნემ ესერ ნო̄მეუ̂ ლა̈ჲკუ̂იშ

Добавлено (2006-12-11, 6:53 Pm)
---------------------------------------------
მიჩა თხუ̂იმ, ჯ' ე̄სერ ეჩი̄შ ჭა̈შ ლი ი ქაუ̂ ესერ იმჟი ხეწა̈დ ეჯ დი̄ნას
Line of edition: 22 ი მϩსკა̈დ ჟიუ̂ ესერ ოთჴიდ!
Line of edition: 23 -- ეჩი̄ ლიი ესერ მა̄მა ხა̈მჲედა: მურყუ̂მა̈ თხუ̂იმისგა ეშდჲორუ
Line of edition: 24 ყა̄̈რუ̂ილ (\\ ყა̄̈უ̂რილ) ხო̄გ, ეჯჲა̈რ ჩი̄ დე̄მა ფიშუ̂დეხ, ეჩხაუ̂თეჟი და̄̈ს
Line of edition: 25 ფიშუ̂დეხ.
Line of edition: 26 -- ა, მა̈დილუ ესერ ხე̄რი, ეში-ეში̄ ჟი ლე̄ზი ჯა̄რ, მϩსკა̈დს აჯბა̈რი,
Line of edition: 27 სგა ლახნა̈ჩიდ დია̈რს სგა̄̈ნ!

Line of edition: 28 ქა̄ნნაყე დია̈რ, სგა ლახნა̈ჩდე ნე̄სგაისგა მϩსკა̈დ, ეჩქას ეჯნემ ჟ'ადჲე.
Line of edition: 29 ესღუ̂ა̄̈ნ ყო̄რა̈ლისგა ი დარჯა̈ლ დე̄მა ფიშუ̂დახ. ჟიქა̄ნჩუ უჩად
Line of edition: 30 ლახტუ̂ი̄ლ: "ჟიუ̂ ესერ ანფიშუ̂დხ, ჲედ ეში̄ იმ ადსიკთი, ჲედ იმ ადდა̄̈უ̂შნე!"
Line of edition: 31 ჟ'ანფიშუ̂დხ ი ხაგϩრგა̈ლდა ეჯ ზურა̄ლს, ეჯა ჰერს ქა დე̄მა
Line of edition: 32 ხა̈ტხა. ჩუ̂აკუ̂იშ დია̈რ ი ქა ლახწუ̂ე̄ნე ეჯ მϩსკა̈დ. ეჯას მე̄უ̂არ ათხი̄დϩნ:
Line of edition: 33 -- იმ' ე̄სერ ა̈რი ამი̄ პატრონ? -- ამი̄ პატრონ ესერ მიჩაცახა̈ნ.
Line of edition: 34 -- ჲაღო, ჩუ̄უ̂ ესერ ატა̈ხ, ქაუ̂ ესერ ახჭუ̂ედიე̄ლე, იმუ̂ა̄̈ჲჟი ესერ ხაკფϩნდე̄დს!

Line of edition: 35 ჩუ̂აჩა̈დ ალ ზურა̄ლ ი ხა̄̈ქუ̂ინ: -- ჟ' ე̄სერ ოთხϩნახ. მϩსკა̈დ ესერ ქა
Line of edition: 36 ლოხოდა, მე̄უ̂არ ესერ ათხი̄დე̄ნა. -- ჲაღო, ათხე ჟი̄დუ̂ ესერ ატა̈ხ, ქაუ̂
Line of edition: 37 ესერ ახჭუდიე̄ლე ეჯ და̄̈უ̂ს: მა̈ჲ ესერ ი̄რა ეჩი̄ ქუ̂ინ?

Page of edition: 107
Line of edition: 1 ჟ'აჩა̈დ ალ ზურა̄ლ ი ხა̄̈ქუ̂ინ: "ჲაღო, ათხე ქაუ̂ ესერ ახჭუდიე̄ლე:
Line of edition: 2 მა̈ჲ ესერუ ლესუ̂ ამი̄ ქუ̂ინ? ალ დი̄ნად ხოჩა̄მ გუჟი ლახგϩრგლე:
Line of edition: 3 -- ეჯა ჩი̄ ქა ლა̈ხკუ̂ა̈შ, მა̈ჲ ლა̈სუ̂ მიჩა ქუ̂ინ, მიჩა მϩნწირ ესერ მა̈ჲ ლი?
Line of edition: 4 -- ხოსგდი ესერ მა არა̄̈შდ მϩჭმას, არა̄̈შდ მϩფცხას, ალჲა̈რ ესერ
Line of edition: 5 ხოჭმეხ, ხოფცხიხ ლა̈ჩუ̂ს. ლა̈ჩუ̂ ლადეღისგა სამ გებენს იზბი სამ ნინი
Line of edition: 6 ლითხპინეჟი. ეჩეისგა ა̈რი მიშგუ ქუ̂ინ. ეჯას ლახე ჩუ ჲა̈რ ადდაგრი,
Line of edition: 7 ეჩქა მი ჩუ ხუ̂იდგა̈რი. ლა̈ჩუ̂ა̈ ჴა̈დისგა ა̈რი დაჴϩლ, დაჴლა̈ ჴა̈დისგა
Line of edition: 8 -- ჲერსკნ, ჲერსკნი ჴა̈დისგა -- რა̈ჭუ̂, რა̈ჭუ̂ა̈ ჴა̈დისგა -- სა̈ტრო̄ლ, სა̈ტრო̄ლისგა --
Line of edition: 9 სა̈ტრო̄ლ, ეჩეისგა ა̈რიხ სემი შდაუ̂ლა̈რ. ეჯჲა̈რს ლახე ჩუ
Line of edition: 10 ჲა̈რ ადდაგრი, ეჩქას მი ჩუ ხუ̂იდგა̈რი.

Line of edition: 11 ალა ქა̄ხღორუ̂ეხ. ჩუ̂აჩა̈დ ეჯ ზურა̄ლ ი ქო̄ხო̄მბუ̂ე. ამნემ ა̈ნშკა̄̈დ
Line of edition: 12 ცჴემა̈დ ი აჩა̈დ ეჯ მϩჭმათე, ლა̈ხჭუ̂ედდა: -- იმნა̈რ ესერ ხებჭკუ̂ენიხ
Line of edition: 13 ლა̈ჭმას?
Line of edition: 14 -- მა̈ჲ ესერ ხოჩა, ამჟი ესერ ხა̄რხ ლეჩუ̂მე.
Line of edition: 15 -- ჲაღო, ჯ' ე̄სერ ჩუ̂ა̈თპეჟნი მესმა გებენისგა. შომუ̂ა̄̈ჲ ესე̄რ ეჯნემ
Line of edition: 16 ჲორი გებენ ჟ'ა̈ნფეთუ̂ის, მესმა̄მჟი ქაუ̂ ესერ ლახუ̂ტუ̂ი̄ლხ.

Line of edition: 17 ჩუ̂ა̈თპა̈ჟ მესმა გებენისგა. ნა̈ბზა̄̈შთე იფო̈თდა გებნა̈რს, ეჩქად
Line of edition: 18 ჟ'ა̈ნბუ̄წე ცჴემა̈დ ი ჩუ ადგა̈რ ეჯ ლა̈ჩუ̂. ქო̄ხკიდ დაჴϩლ, ეჯაჲ ჩუ̂ადგა̈რ.
Line of edition: 19 ეჯას ქო̄ხკიდ ჲერსკნ, ეჯაჲ ჩუ̂ადგა̈რ. ეჩის ქო̄ხკიდ რა̈ჭუ̂, რა̈ჭუ̂ი
Line of edition: 20 ჩუ̂ადგა̈რ. ეჩისი ქო̄ხკიდ სა̈ტრო̄ლ ი ჩუ̂ადკარე სა̈ტრო̄ლ, ჟ'ა̈ნკიდ
Line of edition: 21 ეშხუ შდაუ̂ალ ი შიშდ ჩუ̂ადგა̈რ.

Line of edition: 22 ათხე და̄̈უ̂ ლეგდ ა̈დϩრდა ი მიჩა ხეხუ̂ს ხა̄̈ქუ̂: "ჟი ესერ ე დო̄ს ოჰუნრა
Line of edition: 23 ეჯ მინე გა̈რგლა, ლეგდ ესერ მირ ა̈რი! ჟ'ანჴა̈დ ხელწერილ
Line of edition: 24 მიჩა ყო̄რთეჟი. ამჩუ ყა̈რუ̂ლა̈რ დე̄მა ფიშუ̂დეხ ჟი. ყა̈რუ̂ლა̈რს თხუმა̈რ
Line of edition: 25 უშხუ̂ა̈რ ლოხშყϩბნე ი ჯა ჟ'აჩა̈დ მიჩა ხეხუ̂თე. მიჩა ხეხუ̂ს მე̄უ̂არ ათხი̄დϩნ
Line of edition: 26 ი უშხუ̂ა̄რ ლა̈ხშდო̄რა̄̈ნხ ლაყჰა̄ლს. მე̄რუ̂ე შდაუ̂ალ ათხე̄დ ადგა̈რ,
Line of edition: 27 და̄̈უ̂ მე̄უ̂არ ლეგდ ა̈დϩრდა. ხა̄̈ქუ̂ინ და̄̈უ̂დ: -- მა̄̈ჲ ესერ ხეკუ̂ეს, ჩი̄
Line of edition: 28 ესერ ჩუ ხა̈ჩო, ჩუ ნϩმაუ̂ ადგა̈რ! -- ჲაღო, მიჩა ლϩლზიგდ ჟიუ̂ ესერ
Line of edition: 29 ადჲე, იმუ̂ა̄̈ჲ მიჩ ჰაგუ̂ ხოყრა, ეჩაუ̂.

Line of edition: 30 ჟ'ა̈ნშხა̈ტ ამნემ ჩა̈თრ ი ჟ'ადჲე. იმუ̂ა̄̈ჲ მიჯნემ ჰაგუ̂ ხაჴიდ, ეჩეჩუნ
Line of edition: 31 ჩუ̂ესგე ლϩლზიგდ ი ეჯა ჩუ̂ანტიხდა ა̈გითე ი ხეშგომდა შდაუ̂ლი̄დს. -- ჲაღო,
Line of edition: 32 შდაუ̂ალს ამჟი მა̄მა ესერ ხაჰუ̂დი, ქ' ე̄სერ ახფიშუ̂დე,
Line of edition: 33 ლახ ესერ ჟი ხერგებო̄ლნო̄ლ, ეჩქა მურგუ̂ა̈ლ[უ̄] ესერ ლახტეხა მიჩა
Line of edition: 34 შდაუ̂ალ, ადო -- ნϩმა.

Line of edition: 35 ქა̄თფიშუ̂დ ი სგა ლა̈ხჟღა̈პ ი და̄̈უ̂ი ჩუ̂ადგან. მინდ ხოჩა ლირდე
Line of edition: 36 ა̈დჴიდხ. ლϩმზϩრე̄უ̂ ხი.

Добавлено (2006-12-11, 6:54 Pm)
---------------------------------------------
Part No. 72

Text: 79
Page of edition: 108
Line of edition: 1
79. კამინჩერიხა̈ჲ

Line of edition: 2 არდა ეშხუ ხელწიფ, ხორდა სემი ჭყინტგეზლი̄რ ი სემი დი̄ნა̄̈ლ.
Line of edition: 3 ხელწიფ ლეგდ აჴა̈დ ი ადშგურა̄ნე მიჩა ჭყϩნტა̈რ: "ჲერუ̂ა̄̈ჲდ ხაშგუ̂მინეხ
Line of edition: 4 მინე ლადჩურა, ჩი̄ ქაუ̂ ათყა̈ნუ̂ეხ," ი ჩუ̂ადგან ხელწიფ.

Line of edition: 5 ქა̄ჩა̈დ ეშხუ ნაგზი. ათხე ანჴა̈დ აშხუ̂ ლადეღ ეჯკა̈ლიბ ჰაერ ი
Line of edition: 6 ხოლა ბუ̈ქუ̂, ერე ქუ̂ეყანა ქუთა̈ნ ი ანღრი თუ̂ეთნე ნადა̄̈ურ. სგა ლახა̄გა̈ნ
Line of edition: 7 ალჲა̈რს ყო̄რს ი ყო̄რქა მაყალშუ̂ დეშ ისგდინიხ. უ̂ეშგიმპილს
Line of edition: 8 ხოხუ̂რა მუხუ̂ბე ქა̄̈ნსგიდა ყო̄რქა ი ხოშა თუ̂ეთნე ნადა̄̈ურ ყო̄რჟი ლϩგ.
Line of edition: 9 "ეშხუ მიჩა დაჩუ̂ირ ქა̄უ̂ როქ ლახუ̂ემ ხეხუ̂დ!" ი სგა̄ჩა̈დ ქორთე, სგა
Line of edition: 10 ხაფხეჭ მაშე̄ნა დაჩუ̂ირს ი ქო̄თჴიდ ყო̄რქა, ქა ლახუ̂ემ და̄̈უ̂ს ი ადჲე
Line of edition: 11 ხოშა დაჩუ̂ირ თუ̂ეთნა და̄̈უ̂დ. მე̄რმა ლადეღ ანჴა̈დ აჯაღ წϩრნი და̄̈უ̂
Line of edition: 12 ი სგუ̂ებინ ხოჟუ̂ეღ ეჯკა̈ლიბ ბუ̈ქუ̂, ერე ქუ̂ეყანას იწა̄ნე ი სგა ლახა̄გა̈ნ
Line of edition: 13 ყო̄რს ალჲა̈რს. ალჲა̈რ მაყალშუ̂ ყო̄რქა დეშ ისგდინიხ. ჟი̄დ ანϩ̄გა̈ნ
Line of edition: 14 ხოხუ̂რა მუხუ̂ბე ი ქა̄̈დსგიდა. "ეშხუ მინე დაჩუ̂ირ ქაუ̂ როქ ლახუ̂ემხ
Line of edition: 15 ხეხუ̂დ!" ალა ხა̄̈ქუ̂ წϩრნი და̄̈უ̂დ. სგა̄ჩა̈დ ქორთე, სგა ხაფხეჭ
Line of edition: 16 ნე̄სგა̄̈ დაჩუ̂ირს ი ქო̄ხჴიდ წϩრნი და̄̈უ̂ს ი ქა ლახბა̈რჲე. მესმა ლადეღ
Line of edition: 17 აჯაღ ანჴა̈დ მეშხე და̄̈უ̂ ი აჯაღ ალჲა̈რს ლახა̄გა̈ნ ყო̄რს ი ხაშგუ̂მინ
Line of edition: 18 მინე ხოხუ̂რა დაჩუ̂ირ. ალჲა̈რ მაყალშუ̂ ყო̄რქა დეშ ჴედნიხ. უ̂ეშგიმპილს
Line of edition: 19 ოთშგუნდა ხოხუ̂რა მუხუ̂ბა ი ჟ'ანϩ̄გა̈ნ, ქა̄ჩა̈დ ყო̄რქა, ხეწა̈დ
Line of edition: 20 მეშხა და̄̈უ̂ს ი გუ̂იდ ლიჯჯგϩნე ოთბინე, მარე ეში̄ ხოჩა̄მდ ესხუ̂ი̄დ ი
Line of edition: 21 ლა̈ხჭუ̂ედდა: -- მა̈ჲ როქ ხაკუ? -- "მინე დაჩუ̂ირ ხეხუ̂დ ქა̄უ̂ როქ ლახუ̂ემხ!"
Line of edition: 22 სგა̄ჩა̈დ ხოხუ̂რა მუხუ̂ბე ი ქო̄ხჴიდ მიჩა ხოხუ̂რა დაჩუ̂ირ ი ქა
Line of edition: 23 ლახუ̂ემ მეშხა ნადა̄̈ურს ი ადჲე.

Line of edition: 24 ათხე ა̈რიხ ეშხუ ნაგზა ი ეჩქანღო ახა̄დხ გა̈რგლა: "ათხე ლა̈ჩი̄ჟა̄ლთეუ̂
Line of edition: 25 როქ აჩა̈დხ". ა̈ნმა̄რა̄̈ნხ ი აჩა̈დხ. აშხუ̂ მინდუ̂ო̈რთეჲსგა აჩა̈დხ
Line of edition: 26 ი ხა̄̈ქუ̂ხ უშხუ̂ა̄რ: "ცჴუ̂ემდა̈რუ ესერ აშიდხ. ეშუ̂ა̄̈ი ლϩყა̄რჟი ცხუუ̂ა̈რ
Line of edition: 27 ხოჲხენიხ, ეჯჲარე დი̄ნა̄̈ლ გუ̂ე̄რახ ლა̈ხხუ̂ა". ადკუ̂ა̈რ მაშე̄ნა მუხუ̂ბად
Line of edition: 28 ი კე̄სრი ლϩყა̄რჟი ხოჲა̈ხ. ადკუ̂ა̈რ მანე̄სგრა მუხუ̂ბად ი ეჯაი̄ კე̄სრი
Line of edition: 29 ლϩყა̄რჟი ხოჲა̈ხ. ადკუ̂ა̈რ მაჰუ̂რე̄ნა მუხუ̂ბად ი ეჯ[ნე̄მ] კე̄სრი ლϩყა̄რს
Line of edition: 30 ქო̄თქა̄̈ბ ი ჯუ̂ე̄დიას ტო̄მბისგა ხოჲა̈ხ. აჩა̈დხ ცხუუ̂ა̈რ ლათხე̄ლთე ი

Добавлено (2006-12-11, 6:54 Pm)
---------------------------------------------
კე̄სრი ქორმϩყ ადჰეხ. ხოშა̄მ ლახუ̂ბა̄̈ ცხუუ̂ა̈რ კე̄სრი ლϩყა̄რჟი ხაჴლახ
Line of edition: 32 ი ხა̄̈ქუ̂ხ კე̄სა̈რს: "ნიშგუ̂ეჲ ცხუუ̂ა̈რ ისგუ̂ეჲ ლϩყა̄რჟი ხაჴლახ ი ისგუ
Line of edition: 33 დი̄ნა̄̈ლ ნა̈ჲ ნაკუხ ლა̈ხხუ̂ად" ი სგა̄დჲეხ ქორთე. კე̄სა̈რდი̄ ხოშა უდილ
Line of edition: 34 ხოშა მუხუ̂ბას ლახუ̂ემ, ნე̄სგა̄̈ უდილ ნე̄სგა̄̈ მუხუ̂ბა ლახუ̂ემ ხეხუ̂დ, ხოხუ̂რა
Line of edition: 35 მუხუ̂ბე ჩუ̂ასა̈დ მუხუ̂ჭიდ: ეჩი̄ ცხუ̂ი დე̄მე თერი̄ნ. ხოშა ლახუ̂ბა
Line of edition: 36 ა̈გითე აჩა̈დხ ი ალა ცხუ̂ი ლათხე̄ლთე აჩა̈დ ი კოტო̄ლ ხა̈ნϩნღო ჟ'ა̈ხბა̈გუ̂
Line of edition: 37 ცხუ̂ი: ტო̄მბისგა ხა̈ჩხინა. სგა̄ჩა̈დ ი ჟ'ა̈ნყუ̂იფ ი ჟ'ა̈ხყა̄̈დ აფხუ̂.
Page of edition: 109 Line of edition: 1 ლოხგუდირდა, ეჩე ქა̄̈მ ადკუ̂ა̄რ ი ჯა ანღრი ა̈გითე ი უ̂ეშგინისგა
Line of edition: 2 სგა ლა̈ჰი̄დ აფხუ̂ ი ჟ'ა̈ნკიდ: "ალა ესერ ლი მიჩა იღბა̈ლ ი ალას ა̈ი
Line of edition: 3 ა̈გითე!" ეშხუ საათს ანღრი ი ეჩქა გუ̂ი ა̈ხწახუ̂ა̄̈ნ ი ქა̄დ ადკუ̂ა̈რ აფხუ̂.
Line of edition: 4 ესღრი̄დ ა̈გითე ი სგა̄დ ლა̈ჰი̄დ აფხუ̂ უ̂ეშგინისგა, ჟ'ა̈ნკიდ ი ადჲე
Line of edition: 5 ა̈გითე ი ა̈გის მიჩა ლახუ̂ბად სა̈ყუ̂დირ ხა̄̈ქუ̂ხ: "მინს როქ კე̄სრი გეზლი̄რ
Line of edition: 6 ხორიხ, მიჩ როქ აფხუ̂ ხორი. ამი ნასყა̈უ̂ ლეზუ̂ებ-ლეთრე მა̈ჲ
Line of edition: 7 როქ ხეჲრახ?"

Line of edition: 8 აშხუ̂ ლადეღ ხოშა ლახუ̂ბად აცუ̂ირხ მინე ლა̈ხხუ̂ა ა̈გის ი ეჯჲა̈რდ
Line of edition: 9 ოხუ̂სყეხ ლეზუ̂ებ-ლეთრე. ანჴა̈დხ ა̈გითე ი ჩუ̂ა̈დუ̂ოხშმა̄̈ნხ ი ხოხუ̂რა
Line of edition: 10 მუხუ̂ბას ხა̈მდუნეხ მინე ლა̈ხხუ̂ა̄̈ ნასყა̈უ̂ ლეზუ̂ებს. მე̄რმა ლადეღ ხოხუ̂რა
Line of edition: 11 მუხუ̂ბად აცუ̂ირ ა̈გის მიჩა ხეხუ̂ -- აფხუ̂. ალა ლი ძუ̂ირფა̈ს ბზითუნახა̈უ̂,
Line of edition: 12 მარე ბიდ ხუღუ̂ა აფხუ̂ა̈&#

Line of edition: 22 მი როქ ხუ̂ა̈სუ̂ კამინჩერიხა̈ი ხეხუ̂. ლϩფე̄თე მა̄რე ლა̈სუ̂ ეჯა ი აფხუ̂ა̈
Line of edition: 23 ბიდ ხუ̂ითხ ი ეჯნოშ ა̈თუ̂იშხუ̂ნ თხუ̂იმ ი ქო̄თეჩდ ეჩას. ათხე ჩია̄̈გ ჟი
Line of edition: 24 მითხე̄ლი ეჯა ი მიშგუ̂ა თხუ̂იმს ეჯა ჩუ მა̄მა ჯა̈ცუ̂რე სი".

Line of edition: 25 ათხე ნა̈ნკუ̂მოშ მურყუ̂მა̈ შდურთე ადჲე მიჩა ხეხუ̂ ხოხუ̂რა მუხუ̂ბად
Line of edition: 26 ი ჯა მიჩა ლახუ̂ბაცახა̈ნ ლამშიას ა̈რი. ამ დრო̈უ̂ს კამინჩერიხა̈ჲ
Line of edition: 27 ლა̈თხუ̂იარხა̈ნ ანღრი, სემი ლϩჭიშხ რა̈შს ჟი ხასგურ ი ჰაერქა ახღუ̂ა.
Line of edition: 28 მურყუ̂მა̈ შდურისგა ქა ხეწა̈დ მიჩა ხეხუ̂ს, სგა̄ჩა̈დ ი ქა̄დჲე მიჩა ხეხუ̂
Line of edition: 29 მურყუ̂ამხა̈ნქა. ნა̈ბოზს ანჴა̈დ ხელწიფი გეზალ ი ხეხუ̂ დე̄სა ესხუ̂ი̄დ
Line of edition: 30 ა̈გის. მეუ̂არ ა̈ნხუჭა̄̈ნ, მარე იმ იჩოდა: ლაბრა̈ლ და̄̈რ ხეყა̄̈დ. ა̈ნკიდ
Line of edition: 31 მიჩა ცϩჴემა̈დ ი აჩა̈დ ხეხუ̂ ლათხე̄ლთე.

Line of edition: 32 ესღრი ი იმუ̂ა̄ლე მე̄რმა სა̈ხϩლწიფისგა ლϩცთეჟი ლა̈ხჴა̈დϩ̄ნ. ამეჩუ
Line of edition: 33 ბოფშა̈რ იშდრა̄ლხ ი ეშხუ ბეფშუ̂ ლახლატϩნ ალ ჭყინტს, ხელწიფი
Line of edition: 34 გეზალს: "ჯა ესერ მიჩა დაჩუ̂ირს ხაჯეშ" ი ხალა̈ტ. ეჩქა ბეფშუ̂დ ხა̄̈ქუ̂:
Line of edition: 35 -- ჯ' ე̄სერ ლი და̄̈უ̂ა̈ გეზალ ი ხელწიფი ნიბა̄̈შინ, დი ესერ ხორი
Line of edition: 36 ხელწიფი გეზალ.
Line of edition: 37 -- ჲაღო, მიჩა ქორთეუ̂ როქ ა̈დჴერნე მიჯნემ!

Добавлено (2006-12-11, 6:56 Pm)
---------------------------------------------
ი ქა̄̈დჴერნე გაცხა̈ჲდ. ქა̄̈ნსგიდა ამი̄ დი ი ხეწა̈დ ალ ჭყინტს,
Line of edition: 2 ჩუ̂ათირ მიჩა ჯϩმილ, უშხუ̂ა̄რ ხოჲა̈ხხ ლაყჰა̄ლს ი მეუ̂არ ა̈დϩლხინეხ.
Line of edition: 3 მარე ნა̈ბოზს გონა̈ბ ახა̄დ მიჩა დაჩუ̂ირს ჯϩმლა̈შ ი ხა̄̈ქუ̂, ერე "მიჩა
Line of edition: 4 ჭა̈შ მე̄რმე ნუკუ̂იშ ესერ ლი ი ჩუ̂ა̈პჟუნე მიჩ, დო̄სამა როქ ოხუ̂რეკის
Line of edition: 5 ი ჩუ̂ათპა̈ჟუ̂ნე. ნა̈ბოზს ანჴა̈დ ლა̈თხუ̂ჲარხა̈ნ და̄̈უ̂. აშხუ̂ხა̈ნჩუ კუ̂იცრა
Line of edition: 6 ხა̄̈ცუ̂, მე̄რმახა̈ნჩუ ზექ, ამი ლაჯაბ. ქორთე ანჴა̈დ ი ხა̄̈ქუ̂:
Line of edition: 7 -- მა̈ჲ როქ ამსუ̂ა̄ლდა̈ ქუ̂ინ მაჴან?
Line of edition: 8 -- პილწია̈ნ სი, მიშგუ̂ან ხოშა მსუ̂ა̄ლდ ჲა̈რ ირა ღო?

Line of edition: 9 სი ათხადი̄ ამჩუ ჯიჩდა, მარე ამჟი მა̄მა ჯიჴან ქუ̂ინ.
Line of edition: 10 -- ღო ისგუ ლა̈სმუნა ლახ ა̈რ ა̈ნჴდენიხ, ეჩქა იმ ხა̈ჩო?

Line of edition: 11 ეჩქა და̄̈უ̂დ ხა̄̈ქუ̂: -- ხოშა ლახუ̂ბა ლახ ა̈ნჴდენიხ, ეჯჲა̈რს იშუ̂ს ი
Line of edition: 12 ჯიჯუ̂ს ჩი̄ ყალჯად ოთგენი; ხოხუ̂რა მუხუ̂ბე ლახ ა̈ნჴდენი, ეჯას მა̄̈ჲ მა
Line of edition: 13 ლა̈თია̄ლს მე̄რა, თხუ̂იმს ქა ლოხუ̂ცა̄̈დნე.
Line of edition: 14 -- ჲაღო, ხოხუ̂რა სა̈მუნ ა̈ჯჴა̈დ.
Line of edition: 15 -- მა̈დილ-უნყუ̂ს ჯე̄რა ი ქა ლამწუ̂ე̄ნ!

Line of edition: 16 სგა̄̈ნჴერნე მიჩა დაჩუ̂ირდ ი ქა ლახწუ̂ე̄ნე და̄̈უ̂ს. და̄̈უ̂ს მეუ̂არ
Line of edition: 17 ათხი̄დϩნ ი ლაყჰა̄ლს მა̈გ ქა̄ხცϩლϩ̄რე.
Line of edition: 18 -- მა̈ჲ როქუ̂ ესწϩხე̄ნა? მა̄̈ჲ როქ ხებცი მიჩ, თხუ̂იმს ქა ლოხუ̂ცა̄̈დნე.
Line of edition: 19 -- მი მა̈ჲ მაწϩხ ი ხეხუ̂ ა̈მღე კამინჩერიხა̈ჲდ ი ეჩი̄ ლათხე̄ლთე
Line of edition: 20 ესღუ̂რი.
Line of edition: 21 -- ეჯა ნა̈ჲ ჩი̄ ჩუ ნიცϩხ, მარე ეჩას რა̈შ ხაყა ეჯკა̈ლიბ, ერე
Line of edition: 22 ქუ̂ეყანაჟი ეჩი̄ მენწირ დე̄სამა ა̈რი ი ეჩას ჰე̄მგუ̂აშ ა̈ლმეჴრიდ, ერე
Line of edition: 23 ეჩი̄ მენწირ ჩუ მა ირდი, ეჩქა ნა̈ჲ სემი ხუ̂იშდ ლახუ̂ბა, ჩი̄ ისგუ
Line of edition: 24 ლადჩურა ნაყა, მა̈გ ისგუ მუმურჯი ხუ̂ი̄რად, მარე მი მა̄მაგუ̂ეშ მიხალ.
Line of edition: 25 მიშგუ̂ა მუხუ̂ბათე ადე, ეჯას ლა̈ხჭუ̂ედ.

Line of edition: 26 აჩა̈დ მე̄რმა და̄̈უ̂თე. ამეჩუ აჯად ამჟინϩდ ა̈დხი̄დე მიჩა დაჩუ̂ირდ.
Line of edition: 27 ნა̈ბოზს და̄̈უ̂ ანჴა̈დ ი მეუ̂არ ათჩო̄ნ:
Line of edition: 28 -- ხოშა ლახუ̂ბა ლახ ირო̄ლხ, ლϩჲა̈რს დე̄მის ფიშუ̂და̈ს. სი ლახ
Line of edition: 29 ხი, ეჩქა ისგუ̂ა ბედჟი თხუ̂იმს დე̄მის ხუ̂აზა̄რე, მა̄̈ჲ ეჯწϩხა, ეჯ ბედჟი.
Line of edition: 30 მა̈ჲ როქ ეჯწϩხϩნდა?
Line of edition: 31 -- მა̈ჲ-ი კამინჩერეხა̈ჲდ ხეხუ̂ ა̈მღე ი ეჩი̄ ლათხე̄ლთე ღური.
Line of edition: 32 -- მი როქ ჩუ მიცϩხ, მარე ეჩას რა̈შ ხაყა, ეჩი̄ მენწირ დე̄სამა
Line of edition: 33 ლი. მა̄მაგუ̂ეშ ნა̈მჲედა ი ნიშგუ̂ეჲ ხოხუ̂რა მუხუ̂ბა ჰე̄სამა ხეხლი, ეჩხაუ̂
Line of edition: 34 ადე!

Line of edition: 35 აჩა̈დ ეჩხაუ̂ ი ეჯნემ ჰა̈დურდ ხოშა ა̈დϩლხინე ი ლა̈ხჭუ̂ედდა:
Line of edition: 36 -- მა̈ჲ როქ ხაწϩხ?

Page of edition: 111
Line of edition: 1 -- მა̈ჲ როქ ი კამინჩერიხა̈ჲდ ხეხუ̂ ა̈მღე ი ეჩი̄ ლათხე̄ლთე ღური.
Line of edition: 2 -- ჲაღო, ეჩას მი ლაჯთუ̂ე̄ნი, მარე მი მა̄̈ჲ აჯშგურა̄ნა, ეჯჟი
Line of edition: 3 ჩუ̂ემნ! მიშგუ̂ა რა̈შს ჟი ლაჯსგუ̂ირნე ი აჯი̄ნე ეჯა ისგუ̂ა ხეხუ̂თე ი ქა̄ხჭუ̂ედიე̄ლ

Добавлено (2006-12-11, 6:57 Pm)
---------------------------------------------
კამინჩერიხა̈ჲს: "მიჩა რა̄̈შ იმხა̈ნ ნათϩმ[უ̄] ხა̄̈ცეს" ი ეჩქა ნა̈ჲი
Line of edition: 5 ჩუ̂ალთიმნედ, ადო ეჩურ ეჩი̄ მენწირ მა̄მაგუ̂ეშ ა̈რი.
Line of edition: 6 -- ალას ჩუ ხუ̂იჩო ი ოდრინე.

Line of edition: 7 ჟი ლახსგურდა და̄̈უ̂ა̈ რა̈შს ი აჩა̈დ. ალჲა̈რს მეუ̂არ ათხი̄დϩნხ
Line of edition: 8 უშხუ̂ა̄რე ლიწედ ი ლიჭუ̂დიე̄ლ ჩუ̂ათა̄̈შდϩნ ი ახყა მიჩა ხეხუ̂ ი ლახხუ̂იდხ
Line of edition: 9 კამინჩერიხა̈ჲ ლა̈თხუ̂ჲარხა̈ნ. ალ ჭყინტ ჩუ̂ადგა̈რ ი და̄̈უ̂ა̈ რა̈შ
Line of edition: 10 ჩოთჩა̈დ ი ხეხუ̂ უ̂ეშგდ ა̈დტიხ კამინჩერიხა̈ჲდ. ეჩქა და̄̈უ̂ა̈ რა̈შ სგა
Line of edition: 11 ლა̈ხტა̈ხ ი ფხულე ქა̄ხქუ̂იც ხელწიფი გეზალს ი ა̈გითე ოთჴიდ და̄̈უ̂ს.
Line of edition: 12 და̄̈უ̂ გუდ ანჴა̈დ, ერე ლϩდგა̈რ ლა̈სუ̂. ლოხფუ̄̈ლ და̄̈უ̂დ ფხულა ი მიჩა
Line of edition: 13 სგუ̂ებინ ლϩჲა̈რ ესგენე მიჩა სა̈მუნ. ეჩქა და̄̈უ̂დ ჩუ̄დ ადშგურა̄ნე:
Line of edition: 14 -- მა̈დილუ ხე̄რა, ქა̄[მა]უ̂ ნო̄საუ̂ ანჴიდ მიჩა ხეხუ̂ ი ქაუ̂ ახჭუ̂ედიე̄ლე
Line of edition: 15 კამინჩერეხა̈ჲს: "იმე ნათϩმ[უ̄] ხა̄̈ც მიჩა რა̈შ" ი ღო ეჯას ჟ'ა̈ნმეჴრიხ,
Line of edition: 16 ეჩქა მინი ჩუ̂ადთϩმიხ ეჯგუ̂ა̈ჲ რა̈შს.

Line of edition: 17 აჩა̈დϩდ ი რა̈შდ ეჩაუ̂ ადჲე. კამინჩერიხა̈ჲ ლა̈თხუ̂ჲარს ა̈რი. მიჩა
Line of edition: 18 ხეხუ̂ ა̈გის ესხუ̂ი̄დ ი ლიჭუ̂დიე̄ლ ჩუ ათა̄̈შდϩნ ი ახღუ̂ა̄დ მიჩა ხეხუ̂.
Line of edition: 19 ეჩქას სგა̄დ ლახხუ̂ი̄დ ი კამინჩერიხა̈ჲდ ჩუ̄დ ადგა̈რ. რა̈შდ ფხულე
Line of edition: 20 ქა̄თქუ̂იც ი ა̈გით' ა̄დჲე. კამინჩერიხა̈ჲდ მიჩა ხეხუ̂ ა̈გითე ა̈დტიხ. და̄̈უ̂ს
Line of edition: 21 ფხულე ა̈გით' ო̄თჴიდ რა̈შდ. და̄̈უ̂დ ლოხფუ̄̈ლ ფხულა ი ჟ'ანსე̄ლუ̂ე
Line of edition: 22 მიჩა სა̈მუნ ი ათხე მეუ̂არ ადშგურა̄ნე: "მა̈დილუ ხე̄რა, ხეხუ̂ ნო̄საუ̂
Line of edition: 23 ანჴიდ ი ჩუ̄უ̂ ა̈თპა̈ჟ ეჩეჩუ ი ჩუ ადშგურა̄ნე მიჩა ხეხუ̂, ერე "კამინჩერიხა̈ჲს
Line of edition: 24 რა̈შ იმე ნათϩმ[უ̄უ̂] ხა̄̈ც?" ათხე გუთე ა̈დდე ი აჩა̈დ ი ქა ლა̈ხწუ̂ე̄ნა̄̈ნ
Line of edition: 25 ი აშგურა̄ნე სერ: "ბა̄ზი კამინჩერიხა̈ჲს სგაუ̂ როქ ა̈თკუ̂ი̄შა̄̈ნ
Line of edition: 26 ი გულუ̂ანდ ჟიუ̂ ა̈ნმეჴრე: "იმხა̈ნ ნათϩმ[უ̄] ხა̄̈ც მიჩა რა̈შ, ჲედე სემი
Line of edition: 27 ჭიშხ გარ იმნა̈რ ხა̄რ" ი მϩხა̈რ ესერ მა̈გ ქაუ̂ ხა̄̈ქუ̂!"

Line of edition: 28 ბა̄ზი ჩუ̂ა̈თპა̈ჟ ხელწიფი გეზალ ი ნა̈ბოზს კამინჩერიხა̈ჲ ანჴა̈დ. ხოჩა
Line of edition: 29 გუჟი ესხუ̂ი̄დ მიჩა ხეხუ̂ ი უ̂ოხშმობ ხა̄რხ: -- მიშგუ ლადეღ როქ სი,
Line of edition: 30 გუშგუ̂ეჲ რა̈შ იმხა̈ნ ნათϩმ ლი?

Добавлено (2006-12-11, 6:58 Pm)
---------------------------------------------
-- იმხა̈ნ-ი გუშგუ̂ეჲ ლეჟა̄̈ნ მინდუ̂ო̈რისგა თუ̂ეთნე ჩე̄რხა ა̈რი ი ეჩი̄
Line of edition: 32 ნათაუ̂ ლი ალა.

Line of edition: 33 ეჩქა ჟ'ანϩ̄გა̈ნ ზურა̄ლ ი ეშხუ უ̂ედრა ლϩჯე ლაე ი ლϩჯოშ აბრა̄̈ლი
Line of edition: 34 ჩე̄რხას. ეჩქა კამინჩერიხა̈ჲდ ლი̄ცუ̂ნა̄̈ლ ა̈დბინე ი ზურა̄ლ ლა̈ხჭუ̂ედდა: -- მა̈ჲ
Line of edition: 35 როქ ჯაჩა?
Line of edition: 36 -- მა̈ჲ მო̄დ მეჩუ̂ე̄ნი, ჩე̄რხას ლϩჯოშ ხაბრა̄̈ლი, ჩე̄რხა̄̈ გეზალ რა̈შ
Line of edition: 37 ხოწუ̂ა ჲა̈სϩ, ჲედე ჯასმა იმე?

Page of edition: 112
Line of edition: 1 -- ჲაღო როქ, იმხა̈ნ ათთიმ სი, იმუ̂ა̄̈ჲ მა̄̈ქუ̂ნი, ეჩას ხუ̂იჯრა̈უ̂ი,
Line of edition: 2 ადო იშგნა̈ ლი̄ქუ̂ს -- მა̄მა.
Line of edition: 3 -- ჲაღო, ამჟი ჰე ხი, გაცხა̈ჲდ ქა ჯა̄̈ქუ̂ნი: მეშხა ძუღუ̂ას ეჩხა̈ნთე
Line of edition: 4 რა̈შ ხა̄̈ბ, ეშდიჲარუ̂ინ იზა̄̈ლ ლადეღისგა ი ეშდჲერუ თხე̄რე ეჩეჩუ
Line of edition: 5 ხოდრა̈ჯი. ჲერუ̂ა̄̈ჲ ჲეშდიჲარუ̂ გიცა̈რს ეჯჲა̈რს სგო̄თჴიდე, ეჯა ლი
Line of edition: 6 აშხუ̂ სა̄ბლი მϩქაფ ი ეჯას ჩუ ხა̈მბეხ ჰა̈დურდ სა̄ბელს. მი ეშხუ გიცა̈რ
Line of edition: 7 ძუღუ̂ათე ა̈მშყა̈დ ი ეშხუ ჭიშხ მიშგუ̂ა რა̈შს ეჯღა ახქუ̂იცხ. ჲერუ̂ა̄̈ჲ
Line of edition: 8 უ̂ო̄შთხუ̂ ლϩჭიშხს ქა̄̈ნჴდე ეჩხა̈ნქა, ეჩი̄ მენწირ დე̄სამა ა̈რი ი
Line of edition: 9 მიშგუ̂ა რა̈შსი ეჯა ხა̈წრე.

Line of edition: 10 მე̄რმა ლადეღ კამინჩერიხა̈ჲ ლა̈თხუ̂ჲართე აჩა̈დ ი ხელწიფი
Line of edition: 11 გეზალს ქო̄ხო̄მბუ̂ე მა̈გ მიჩა ხეხუ̂დ ლϩცხϩრდ. ი აჩა̈დ და̄̈უ̂ა̈ ქორთე
Line of edition: 12 ჭყინტ. და̄̈უ̂დ იმედ ხა̄̈ქუ̂: "ალას ესერ ჯა გარ ლა̈ჲმეჲდი". ანϩგა̄̈ნხ და̄̈უ̂
Line of edition: 13 ი მიჩა სა̈მუნ, უ̂ო̄შთხუ̂ეშდ გიცა̈რ ლა̈ჲყედა̄ნეხ, ჲერუ̂ა̄̈ჲ ხეხუ̂ახ, ჩი̄
Line of edition: 14 ალჲა̈რ ა̈ლხნეხ. აჩა̈დხ ძუღუ̂ა̄̈ პილთეჟი. ჲეშდ გიცა̈რ ლϩხϩრჯაუ̂ე ხა̄რხ
Line of edition: 15 ი სემეშდ ჩუ ხაცუ̂ირხ. მა̄̈ზუმუ̂ა̄̈ჲ სა̈ჭირო ხა̄დხ, ეჩშელდ გიცრა̈ლ ი
Line of edition: 16 მიჩა სა̈მუნ, მა̈გ, ბარჯჟი ლა̈ჲსგურე ი ქა̄ჩა̈დ რა̈შთექა. რა̈შ ჩუ̂ა̈დზა̄̈ნ ი
Line of edition: 17 ჲეშდჲერუ გიცა̈რ თხე̄რა̄̈ლს ლოხშიდ ი ხოჩა ფაშა̈ტ მიჯნემ ლა̈ჲრმე.
Line of edition: 18 სგა ლოხუ̂დე ლაგა̈მ, ეშხუ ლϩზა̈ჲდ ესსიპდა; ჟ'ათგე ჰϩნგირ,
Line of edition: 19 ჲერუ ლϩზა̈ჲდ ესსპიდა; ჟ'ახსგურდა, სემი ლϩზა̈ჲ ზუმდ ესსიპდა. ჩუ̂ადჲე
Line of edition: 20 ძუღუ̂ათეჩუ ი ხაშგუ̂მინ პატრონს: "ჰϩნგირ ჩუ̂ა̈მიკდ ი ძუღუ̂ა̄̈ პილჟი

Line of edition: 21 ჩუ ხუ̂იგუ̂რა̈ნი!"

Line of edition: 22 [ამნე̄მ] ჰϩნგირ ჩოხკიდ, ჩუ̂ა̈დგურნა̄̈ნ რა̈შ ი ეშხუ ჩარექ ქუ̂იშე ა̈ნფო̄ნთე
Line of edition: 23 ი ეჩქა ჰϩნგირ ათგეხ. "ათხე ჟი როქ ლამსგურდად ი იმუ̂ა̄̈ჲთე
Line of edition: 24 ჯეკუ̂ეხ, ეჩხაუ̂ ლიი მა̄̈ქუ̂დ!" ჟი ლახსგურდახ ი აშხუ̂ მინუტისგა და̄̈უ̂ა̈
Line of edition: 25 ქორმϩყ ესგენეხ. ათხე და̄̈უ̂ ა̈გის ასა̈დ ი ხელწიფი გეზალ აჩა̈დ მიჩა
Line of edition: 26 ხეხუ̂თე. აშხუ̂ რა̈კს ეჩეჩუ აჩა̈დ, ჟი ლა̈ჲსგურე მიჩა ხეხუ̂ ი ახყა. ამ
Line of edition: 27 დრო̈უ̂ს სგა ლახხუ̂ი̄დ კამინჩერიხა̈ჲ ი ჰერ ესდე: [შიშდ] ესერ ჩუუ̂ აცუ̂ირ
Line of edition: 28 მიჩა ხეხუ̂!" ეჩქა ამი რა̈შდ თϩრტϩ̄ნ ლახდე: "მიჩა უდილ, ჯ' ე̄სერ
Line of edition: 29 ნϩმაუ̂ ანჴა̈დ მიჩა ლა̈შია̄ლთე, უდილ ესერ ხა̄რ ი ქა იჰრები!" ეჯა
Line of edition: 30 ეჯნემ მა̄დ ლა̈ჲშგედ ი დე ხეჯრაუ̂ა̄̈ნ, (ჰ)აუ̂ე მიჩა მϩნწირ ესამა ლϩმა̈რდლა̈სუ̂

Добавлено (2006-12-11, 6:59 Pm)
---------------------------------------------
ი უშხუ̂ა̄რ ხოძგა̈რხ. ამი რა̈შს, ხელწიფი გეზლა̈შ, ეშხუ
Line of edition: 32 ჩარექ ქუ̂იშე ხაცუ̂მა. კამინჩერიხა̈ი რა̈შ ლახ ხეჴფი, ქუ̂იშა გარ ხა̈ბრე.
Line of edition: 33 ხელწიფი გეზლა̈ რა̈შ ლახ ხეჴფი, ჯიჯუ̂მϩყ ხა̈გლე. უ̂ოდე ჩუ ადგა̈რდა,
Line of edition: 34 ეჩქად უ̂ო̄შთხუ̂ ლϩჭიშხ რა̈შდ იშდუ̂ა̈რ ხაჴიდ კამინჩერიხა̈ჲს: "მიჩა
Line of edition: 35 უდილს როქ ჩუ დე̄მ ადგა̈რი!" ი იმუ̂ა̄̈ჲჟი ქა̄̈თჴა̈ფ ი მასტუ̄ნა ხაყერ,
Line of edition: 36 [ეჯა] ჟი ეჯჟინ ანხოჩუ̂ე ი კამინჩერიხა̈ჲ ჩუ ადგა̈რ. მიჯნემ ქუ̂იშე
Line of edition: 37 ჩადფϩთხნე ი ხელწიფი გეზალდ უ̂ო̄შთხუ̂ ლϩჭიშხ რა̈შს მიჩა ხეხუ̂
Line of edition: 38 ლახსგურე ი სემი ლϩჭიშხ რა̈შს ჯა ლახსგურდა ი ანღრიხ ამჟი ლϩხია̈დ.
Page of edition: 113 Line of edition: 1 სგა̄ნჴა̈დხ მეშხა და̄̈უ̂ა̈ ქორთე. მეშხა და̄̈უ̂დ ქუ̂ერწილ ჩომინ, აშირ
Line of edition: 2 დაჴϩლ ხაშჩუქუ̂რე, ქა̄ფიშუ̂დ ეჯჟი̄ნ. მე̄რმა ლე̄თ წϩრნი და̄̈უ̂თე აჩა̈დხ.
Line of edition: 3 ხოჩაჲ ქუ̂ერწილ ამნემ ხაყერ, აშირ ფუ̈რ ამნემ ხაშჩუქუ̂რე. მესმა
Line of edition: 4 ლადეღ თუ̂ეთნა და̄̈უ̂თე აჩა̈დხ. ხოჩაჲ მაინძლობ ამნემ ხაყერ, აშირ
Line of edition: 5 ჴა̈ნ ხაშჩუქუ̂რე ი აჩა̈დხ ამჟი ლϩკთილ ა̈გითე. ა̈გის ქუ̂ერწილ-ლა̈ხიადა̄ლ
Line of edition: 6 [აჩუ̂მინხ], ტერ-მოყუ̂არე, -- ნა̄̈თი, მა̈გ ა̈წჰეხ ჰა̈დურდ. მიჩა ლახუ̂ბასი̄
Line of edition: 7 მეუ̂არ ხახა̈რბხ.

Line of edition: 8 ჭირ ეჩე ა̈გცუ̂ი̄რა, ხინ ამეჩუ ა̈გუ̂ჴϩმრა. ლϩმზϩრე̄უ̂ ლიშდ!

Text: 80
Page of edition: 113
Line of edition: 9
80. ჩალისიმე

Line of edition: 10 ლϩმა̄̈რ, -- მი ამჟი მასმა, ბა̈ქ ლი, ჰა ტკიც, დეშ მიხალ, -- ლϩმა̄̈რ
Line of edition: 11 ეშხუ კე̄სა̈რ, მეხუ̂ტე მა̄რე. გეზალ მა̄მ ხარდე̄ნა. ეჯა ლϩმა̄̈რ იშგუ̂იდ
Line of edition: 12 კე̄სრი მახუ̂ში. ჩუ̂ალმეჩე̄ლი. ოთჭკუ̄რა, ერე "მიჩა ლირდე, ϱეჰ, დემნა̈რ
Line of edition: 13 ხაჯო̄ნა". ხაყა ალას ფა̈ჲტონ, მიჩა საკუთა̈რ. ხა̄̈ქუ̂ინ ალას: "მიჩ
Line of edition: 14 ესერ ფა̈ჲტონ ხაყა" ჟ'ახსგურდა ი ხა̄̈ქუ̂ინ: "ათხე ლϩჩედდ!" ჟი ხასგურ
Line of edition: 15 ი ესღრიხ. ათხე ჩოთშდა̈ხხ შუკუ̂, ეჩქას ლა̈ხჭუ̂ედდა მახუ̂ში:
Line of edition: 16 "იმთ' ე̄სღრი, ამϩნქა შუკუ̂ მა̄მა ლი სერ!" ათხე კე̄სა̈რდ ხა̄̈ქუ̂: "ეჩხაუ̂
Line of edition: 17 ლი̄ზი მაკუ მი [ე], იმთუ̂ა̄̈ჲთე შუკუ̂ მო̄მა ი̄რა". ეში̄ ესღრიხ. ათხე ჩა̄ჟა̈რ
Line of edition: 18 დეშ აჩა̈დხ ცხეკქა. ხა̄̈ქუ̂ინ მიჩა მეფა̈ჲტონეს: "ჲაღო, ათხე სი
Line of edition: 19 ჟ'ესჭონ, ჩა̄ჟა̈რ უ̂ეშგდ ა̈თიტხ ი მა̈გ სი ჯა̄̈ც: ფა̈ჲტონ ი ჩა̄ჟა̈რ[ი̄]. კე̄სა̈რ
Line of edition: 20 ჩუ̂ასა̈დ ცხეკისგა. ა̈დბინე ლი̄ზი, ესღრი ჭϩშხშუ̂ სერ ხოლა̄მ
Line of edition: 21 ცხეკქა. ამეჩუ სგა ლახხუ̂ი̄დ მეჩი მა̄რე. -- ხოჩაუ̂ ლადეღ ჯა̄რ! -- ამნე̄მ
Line of edition: 22 ხა̄̈ქუ̂ მეჩი მა̄რა, მეხუ̂იად:
Line of edition: 23 -- სი მა̄რე იმთ' ე̄სღრი ამექა? ამხაუ̂ შუკუ̂ მა̄მა ლი!
Line of edition: 24 -- მიი ეჯა მაკუ [ეм], იმთუ̂ა̄̈ჲთე შუკუ̂ მა̄მა ლი.
Line of edition: 25 -- იმღა ხიჩო ამჟი სი?
Line of edition: 26 -- სი ხოჩა მა̄რე̄მი ნამჴიჩ ჯეთϩ̄რი.
Line of edition: 27 -- ჩუ მიხა, ისგუ გუ̂ეშ იმჟი ლი. მი ჯა̄̈ქუ̂ნინე, ეჯჟი ჩუ̂ემნ. ჟ'ესჭონ
Line of edition: 28 სი ქორთე, უ̂ეშგდ ა̈ტხ. სი გეზალ მა̄მა ჯირი, ეჯღა ხაქრა̈უ̂ი
Line of edition: 29 თხუ̂იმს. მი ლაჯუ̂ედნე სი უ̂ისგუ̂ს (ალ წϩრნი უ̂ისგუ̂ ქა ლახბიშე).
Line of edition: 30 ჲაღო, სი ქორთე ა̈ტხ, ალ უ̂ისგუ̂ ჩუ̂აბუჴუ̂ ისგდ, ხϩნსგა ისგუ̂ა ხეხუ̂ს
Line of edition: 31 ხა̄მინ ი ხϩნსგა, სი წϩრნი ჭა̈გ ჯირი, ეჩას ხა̄მინ. ისგუ ხეხუ̂ ჩუ̂ა̈დღანუ̂ი,
Line of edition: 32 ისგუ ჭა̈გ ჩუ̂ა̈დϩნშდექი. ეჩქა მიჩა დრო̈უ̂ჟი ზურა̄ლ ა̈დღუ̂ა̈ჟი,
Line of edition: 33 მიჩა დრო̈უ̂ჟი ჭა̈გ ა̈დზო̄ლი. ეჯა ჭინტს ანთენ' ე, ზურა̄ლ, ჭა̈გ ყუ̂ა̈რილს
Line of edition: 34 ანთენი. ეჩქა აღერ სი სგუ̂ებნაუ̂, უ̂ორმო ათბϩრიჯ. ხამუ̂ა̄̈ჲ
Line of edition: 35 ჭყინტ ქა̄̈ნთენე̄ნს, ეჩქა შიშდ ჩუ̂ათაკუ̂რ ეჯ უ̂ორმოთე, ყუ̂ა̈რილ შომუ̂ა̄̈ჲ

Добавлено (2006-12-11, 7:02 Pm)
---------------------------------------------
ა̈ნთენე̄ნს, ეჯაჲ ეჩელექუ̂ა ათაკუ̂რ უ̂ორმოთე, ეჩქა ბϩგიდ, ხოჩა̄მდ
Page of edition: 114 Line of edition: 1 ათლაფა̈რ, ნარჰათე დო̄სა ხა̄̈ცხ ლა̈სგიდ. ეჩქა ჭყინტს მა̄̈ჲ ლეზუ̂ებ ხეკუ̂ეს,
Line of edition: 2 ეჩას ჩა̄̈ჟს [ხოდა̄̈სგდას, ი მა̄̈ჲ -- ჩა̄̈ჟს, ეჩას ჭყინტს]. ჟ'ათგენ ეჯჲა̈რს მϩ̄ზნანა,
Line of edition: 3 ხოჴდე̄დხ ჩი ჰამს ი ნა̈ბოზს. აშხუ̂ თუ̂ეს დეცე ნარჰა დო̄სა ხეწეხ.
Line of edition: 4 ეჩქა აშხუ̂ თუ̂ეუნღო მა̄̈ჲ ღენ ი̄რახ, ეჯას ჟ'ეხმეჴრი.

Line of edition: 5 ათხე ლა̈ხჭუ̂ედდა მϩ̄ზნანას ალა, ეშხუ-ჲორუ ნაგზი ქა მეჩდე̄ლი, ეჩქა:
Line of edition: 6 -- ჯიხახ ჰა დე̄სამა, იმჟი ირდიხ ეჯჲა̈რ?
Line of edition: 7 -- ჭაბუ̈გს მესგუ̂რად ხაყა, ყუ̂ა̈რილს ლალსგურად, ეჯზუმ ნაცხა̈მ
Line of edition: 8 ლიხ.

Line of edition: 9 ალა ათხი̄დე̄ნა კე̄სა̈რს: -- ჲაღო, დე̄მჟი ხაჴϩრჴედ, ა̄უ̂ე მი ქა მაწუ̂ე̄ნედ.
Line of edition: 10 -- მა̈ჲ ი̄რა მიზეზ, ეჯჲა̈რს სი ქა ჯაწუ̂ე̄ნიდ.

Line of edition: 11 ათხე ქო̄თჴერდა კე̄სა̈რ ი ხაკუჩხ ხაწუ̂ე̄ნახ, ლახწუ̂ე̄ნეხ ი გულუ̂ანდ
Line of edition: 12 ლისგდი ხაკუ. ალა ლϩლფარე ლი. "ჟი ლოხბϩდდ ალას, ლაფრის, ი
Line of edition: 13 ქა მაწუ̂ე̄ნედ!" ამჟი დეცე ნარჰა ხეწა̈დხ. ჭაბუ̈გ ი ყუ̂ა̈რილ დეცე
Line of edition: 14 ნარჰა ჰამუ̂ა̄̈ჲ ხეწა̈დხ, იმუ̂ა̄̈ჲჟი ნა̈პო̄ლა̈რ, ჩიქე ჭაბუ̈გდ ანსკინე,
Line of edition: 15 ეჩϩნღო ყუ̂ა̈რილდ, იმთე დო აჩა̈დხ, თე დეშ ლახრეკხ, სგა ლა̈ხბა̄ქა̄̈ნხ
Line of edition: 16 შია̈რისგა.

Line of edition: 17 ათხე ეჯა მა̈ჲ ლი, ეჩქად ლუწხუ̂აუ̂ე ერ ლა̈სუ̂, კე̄სა̈რ იდგა̈რი, მარე
Line of edition: 18 მა̈ჲ ჩუ̂ემინას: "ეში̄ ცუ̂იდდ ლϩმა̄̈რ მიშგუ ლირდე. ეზერ ა̈გითე ესღურდა̈ს,
Line of edition: 19 ჩუ ხუ̂ადა̄უ̂შა̈ს მიშგუ̂ა თხუ̂იმს, ლა̈დი ალას დე̄მის ა̈ხუ̂სგიდნი̄ს,
Line of edition: 20 მა̈გუ̂ა̈რდ მერო̄ლ სური̄!" ათხე ანϩგა̄̈ნϩდ, ლახტუ̂ი̄ლ მიჩა მეფა̈ჲტონეს:
Line of edition: 21 "ჲაღო, იმთუ̂ა̄̈ჲთე ელღϩრდად, ეჩხაუ̂ ღური!" ქო̄ხჴიდ ამნე̄მ ფა̈ჲტონ,
Line of edition: 22 ჟ'ახსგურდახ ი ა̈დბინე ლი̄ზი, ესღრიხ აჯაღ: იმუ̂ა̄̈ჲ[დ] ეჩქად აჩა̈დ, ეჩაუ̂
Line of edition: 23 მეჩდე ლიხ. ამჩუ ჩოხქა̈ხ სერ, ალა უ̂ეშგდ ანტა̈ხ. ესღრი ცხეკქა კე̄სა̈რ,
Line of edition: 24 სგა ლახხუ̂ი̄დ [ეჯ ეм], ეჩქად ერ ლახხუ̂ი̄დ, მეჩი მა̄რე:
Line of edition: 25 -- ე, სი მა̄რე, ხოჩაუ̂ ლადეღ ჯა̄რ! -- ათხე მე̄რმე ფორმიშდ ლახხუ̂ი̄დ
Line of edition: 26 მეჩი მა̄რე: -- იმთე ღϩრი, ამექა შუკუ̂ მა̄მა ლი!
Line of edition: 27 -- ეჯა მაკუ მიი, იმთუ̂ა̄̈ჲთე შუკუ̂ დო̄სა ლი.
Line of edition: 28 -- ჩუ მიხა, ათხე იმუ̂ა̄̈ჲჟი ლუწხუ̂აუ̂ე ხი სი ი მა̈ჲ ჯაჭკϩ̄რა? სი
Line of edition: 29 ჯაკლი ჭაბუ̈გ ი მიჩა აფხნეგ რა̈შ. სი ქორთე ა̈ტხ ათხე, ეჯჲა̈რ ქორს
Line of edition: 30 ჯეხუ̂ახ სი.

Добавлено (2006-12-11, 7:03 Pm)
---------------------------------------------
-- ბა̈ქ ლი, ხოჩა მა̄რე სი! ეშხუ ლამხუ̂ი̄დ ისგუ̂ა გუა̈რდ მეჩი
Line of edition: 32 მა̄რე, მარე ეჩი ლი̄ქუ̂ი̄სგდ ზარა̈ლ მაყერ, ადო მოგა̈ბ მა̄მა. ლა̈დი
Line of edition: 33 მა̄მა ხუ̂ირდო̄ლ სური̄, ეჯა ხოჩა̄̈დ მიშგუ̂ოუ̂დ. ათხე დეშ ჯიჯრა̈უ̂ი.
Line of edition: 34 -- ამჟი მა̄მა ლა̈სუ̂. ნომა ღედ ჯა̄რ, ხოჩა გუჟი ადე ქორთე. ეჯჲა̈რ
Line of edition: 35 სი ქორს ჯეხუ̂ახ.

Line of edition: 36 ათხე ჩოთჯϩრუ̂ე-ჲ ჟ'ესჭუ̂ე̄ნ ამნე̄მ, კე̄სა̈რდ. სგა̄ჩა̈დ ქორთე, ლახსინჯუ̂ე
Line of edition: 37 ალჲა̈რს. ალჲარე ლისგდის მა̈ჲ ხოჩა.

Page of edition: 115
Line of edition: 1 -- ჲაღო, -- ხა̄̈ქუ̂ინ ამნემ, გეზალდ, მიჩა მუს (ალა ლი რა̈შს ი ჭაბუ̈გს
Line of edition: 2 ეშხუ თუ̂ე ხა̄რხ სერ): ათხე ჟ'ამპირისდ: მი ჟახე მაკუ!

Line of edition: 3 ანჴა̈დ მიჩა მუ, ჩუ̂ა̈დზუ̂ერ ბაპა̈რ, ჟ'ანპრისდე ალ ჭაბუ̈გ, ჟ'ათჟა̈ხ
Line of edition: 4 ჩალისიმე. "ათხე, მიშგუ მუ, მი ქორს დეშ ხუ̂იგნი, ხუ̂იზელა̄̈ლ,
Line of edition: 5 მაკუჩ, ერე ქუ̂ეყნიერობას ჩუ ხუ̂ი̄ზნე̄დ". ლახსგურდა მიჩა რა̈შს. ალა
Line of edition: 6 ეჯთა̄ნ რა̈შ ლი, ერე ჰა̈დურდ ჰაერშუ̂ [გარ] იზელა̄̈ლ: ჲეშდჲარუ̂ ზაუ̂ჲა̈
Line of edition: 7 ლეზელა̄̈ლს აშხუ̂ საათს ქა ღϩრიხ. ათხე [სერ] ქორთე ჟ'ესჭუ̂ე̄ნ, ანღრი.
Line of edition: 8 ნა̈ბოზ ლი. ქორთე ლიჴედ ხაკუ. ათხე იმუ̂ა̄ლე ჯუ̂ე̄დია ნაჯუ̂დას
Line of edition: 9 ნარჰი̄ლს ხეწა̈დ. "ამჟი ქორთე დე̄მ ტუ̂ეხნი. უ̂ოდ ეჩხა̄უ̂ დო ოდრინე,
Line of edition: 10 ეჩქად ქორთე დე̄მ ტუ̂ეხნი". აყირ ეჩხა̄უ̂ ი აჩა̈დ. სგა̄̈ხფედი̄ლა̄̈ნ, ლახსინჯუ̂ე,
Line of edition: 11 კარაულ ლϩგ. ათხე რა̈შს ჩოხქა̈ხ, სგა̄̈ხჴუ̂ა̈სგ ალას. "ჲაღო,
Line of edition: 12 მა̈ჲ ლი ამჩუ?" სგა ლოხცი̄რუ̂ე. ამეჩუ ეჯკა̈ლი ზურა̄ლ ა̈რი, [ერე]
Line of edition: 13 მიჩა თე̄რა̈ლს ამი̄თა̄ნ და̄̈რ ხოწუ̂ა. ათხე სგა̄ჩა̈დ ამხა̄უ̂თეჲსგა. ლახსინჯუ̂ეხ
Line of edition: 14 უშხუ̂ა̄რ, ეჩხა̄უ̂ ეჯა ა̈დკა̄ფ, ამხა̄უ̂ ალა, უშხუ̂ა̄რე მალატშუ̂,
Line of edition: 15 ბაჟ ქო̄თჩა̈დხ ეჩუნღო̄ნ ოხჴა̈დხ ბაჟ, უშხუ̂ა̄რ ლა̈ხცხო̄რპა̄̈ნხ. დი̄ნად
Line of edition: 16 ხა̄̈ქუ̂: -- ჭაბუ̈გ, სი ჭა̈შ, მი -- ხეხუ̂!

Line of edition: 17 ამნე̄მ, ჭაბუ̈გდ, უ̂არ ხა̄̈ქუ̂. -- მი მეხე̄ხუ̂ა̄̈ლ ჩიქე მა̄მა ხუ̂ი: აშხუ̂
Line of edition: 18 თუ̂ეჲა̈ ბეფშუ̂ ხუ̂ი!

Line of edition: 19 ალას ალა დე̄მ იჩო, ჟ'ახუნდუნა̄̈უ̂ნე. -- ჲაღო, ჩუ ლესუ̂, მარე მი
Line of edition: 20 ა̈გითე (ქორთე) ა̈ტხუ̂ენი, მიშგუ̂ა მუს ლა̈ხუ̂ჭუ̂ედნი. ნა̈ბ ჰე მეღუ̂ე̄ნი,
Line of edition: 21 ეჩქა ქა̄̈ნტხუ̂ენი.
Line of edition: 22 ეჩქა ალ დი̄ნად ხა̄̈ქუ̂:
Line of edition: 23 -- ეზერ, ჲაღო. ჲაღო, მი არა̄მ ლა̈დღი ლირდე̄ უ̂ადა გარ მუღუ̂ა
Line of edition: 24 ამეჩუ. მი იშა გეზალ ხუ̂ი? მი ხუ̂ი როკაპი გეზალ, ქაჯე̄თი ხელწიფიშ.
Line of edition: 25 არა̄მ ლადეღϩნღო მიშგუ დი ჴედნი. ეჩანღო სი მიშგუ̂ა თხუ̂იმს დე̄სა
Line of edition: 26 ხეწდენი.
Line of edition: 27 -- არა̄მ ლადეღს დე̄მის ხუ̂ი̄რგე. მი შიშდ ა̈ნტხუ̂ენი არა̄მ ლადეღ
Line of edition: 28 ჩიქდ.

Line of edition: 29 ეჩჟი ოთბაცე. ჩუ̂ა̈დყულუ̄რა̄̈ნხ ამჟი. დი̄ნად მϩსკა̈დ ქა ლახუ̂ე̄მ
Line of edition: 30 ალას. ათხე ალა ქორთე ანტა̈ხ, შუკუ̂ჟ' აჭკუ̂ა̈რი: "იმჟი მირ ოთექდ?"

Добавлено (2006-12-11, 7:03 Pm)
---------------------------------------------
ალას ყϩლა ჭაბუ̈გ: "მი უსგუ̂ა̄მ ზაუ̂ ჩიქდ ლიჩი̄ჟა̄ლე ნა̈ბ მა̄მ მუღუ̂ე,
Line of edition: 32 მი არა ლϩნგა̈ზ მა̄რე გარ ხუ̂ი. ალას მიშგუ̂ა მუს იმჟი ხუ̂ა̄̈ქუ̂ნი,
Line of edition: 33 მიშგუ̂ა ლიჩი̄ჟა̄̈ლს!" დეშ ა̈ბდა̈უ̂ი. ეჩაუ̂ ოხჴა̈დ გუ̂ი, [ერე] სგა̄ნჴა̈დ
Line of edition: 34 ქორთე. ჩოხქა̈ხ მიჩა რა̈შს. მϩლდეღ ხორი მიჩა მუს. ამის ლერქუ̂ა̈ლ
Line of edition: 35 ხაშგუ̂მინ. ხოლა ლერქუ̂ა̈ლ ხუღუ̂ა მϩლდეღს, ალჲა̈რ ა̈დქუ̂ა̄ლე. სგა̄ჩა̈დ
Line of edition: 36 კუხნათე, ჩუ̂ესგურდა ტϩტისგა. ალა უ̂ა̈ზრა̈ლდ ა̈დკუ̂იჰხ, ხა̄̈ქუ̂ინხ კე̄სა̈რს:
Line of edition: 37 "კე̄სა̈რ, სი ფუსდ, ჩალისიმე ანჴა̈დ, ისგუ̂ა მϩლდეღს ლერქუ̂ა̈ლ
Line of edition: 38 ათა̄ღე, მიჯნე̄მ სგა̄̈დქუ̂ა̄ლე, სგა̄ჩა̈დ კუხნათე, ჩუ̂ესგურდა ტϩტისგა".
Line of edition: 39 ალა კე̄სა̈რს ხასϩმდა, ჩუ̂ა̈დსაკუ̂რელა̄̈ნ. სგა̄შϩ̄დხ კუხნათე: "მა̈ჲ ამბა̈უ̂
Page of edition: 116 Line of edition: 1 ლი, სი მა̄რე, მა̈ჲ ჯეყა̈რ?" ალა და̄̈უ̂ა̈ ნა̈ხუმსა̈რ დე̄მის ი̄მბუ̂ა̄̈ლ. ათხე
Line of edition: 2 ჟ'ა̈ნწახუ̂ა̄̈ნ კე̄სა̈რ, მა̈ჲ საკუ̂რელ. დე̄მის ი̄მბუ̂ა̄̈ლ, ჩუ ა̈რი [ამჟი], ჩუ̂ა̈დდეუ̂ა̄̈ნ.
Line of edition: 3 ათხე მა̈ჲ ჩუ̂ემინას, კე̄სა̈რ აჭკუ̂ა̈რი. ჲაღო, ეში̄ ცუ̂იდდ ლϩმა̄̈რ
Line of edition: 4 მიშგუ ლირდე!" ათხე ადჭკუ̄რე: "ჩუ ხუ̂იზუ̂რენი კე̄სრა̈ლს, მიშგუ̂ა
Line of edition: 5 ქონა̈ბს, მიშგუ̂ა კეთილს ჩი̄ ჩუ ხუ̂ა̄მნე ეჯჲა̈რს ი მინე საკე̄სროს"
Line of edition: 6 ქა̄თბა̈ჟნა̄ლე სერ ალ კე̄სრა̈ლს -- უსგუ̂ა̄მ მა̄რა. ანჴა̈დხ ალჲა̈რ. "ჲაღო,
Line of edition: 7 მიშგუ გუ̂ეშ ამჟი ლი, მი მახუ̂შიდ მა̄მა მაყა სერ. გეზალ მირდა, ამჟი
Line of edition: 8 ხეყა̈რ. სერ მიშგუ ლემკახე მა̄მაგუ̂ეშ ლი". ათხე ალჲა̈რს სა̈დილ
Line of edition: 9 ოხუ̂მა̄რე: "ხეკუ̂ეს ჩუ̂ესგურდე̄დდ სა̈დილდ!"ათხე ალჲა̈რს ხეჩდახ ეშხუ
Line of edition: 10 კინტო̄̈ კე̄სა̄რ. -- ჲაღო, სა̈დილდ იმე ლისგუ̂რიდ? -- ამნე̄მ რა̄̈ქუ̂: -- სა̈დილდ
Line of edition: 11 ლისგუ̂რიდ ნა̈ჲ კუხნაისგა, იმუ̂ა̄̈ჲ ა̈გის ჩალისიმე ა̈რი.

Line of edition: 12 ჩუ̂ასგურდახ ამჩუ. ათხე ახა̄დხ ლითრე. მϩმზϩრა̄̈ლიდ კინტო̄̈ კე̄სა̈რ
Line of edition: 13 ადგენეხ. ალა ა̈მზϩრა̄̈ლი. უ̂ეშგიმპილს ანმა̈ზრე: "ჲაღო, ათხე ლϩმზϩრე̄უ̂
Line of edition: 14 ლი სული სულთან იყოს, უყუ̂არდეს და აქ არ იყოს". ალა ქა
Line of edition: 15 ხასϩმდა ჩალისიმეს, ჟი ლა̄პა̈რ შიშდ, ქახიდ აჩა̈დ ი ჩუ̂ა̈დფϩთხნა̄ლა̄̈ნ.
Line of edition: 16 ჲაღო, ათხე უშკუ̂ ა̈ნშϩმა̄̈ნ: -- ქა ლამე̄მდ ჭიქ, ალას მიი ჩუ ხუ̂ა̈მზϩრი!

Line of edition: 17 კე̄სრა̈ლს ალა ჩუ̂ათხი̄დϩნხ: -- შიშდ ქა ლახბიშედ ჭიქ!

Line of edition: 18 ჟ'ანმა̈ზრა̄ლე ჩალისიმედ: -- ეს ღმერთმა ადღინგძელოს უ̂ისი სული
Line of edition: 19 სულთან იყოს, უყუ̂არდეს და აქ არ იყოს!
Line of edition: 20 -- გრუზინიო! -- გრუზინ მი დე̄სა მი̄ქუ̂ა! -- იმღა ჯა̄რ ალა ს' ა̄,
Line of edition: 21 გრუზინ? ალა კინტო̄̈ კე̄სა̈რდ ხა̄̈ქუ̂. ათხე ქა̄ხა̄̈ქუ̂ინეხ ჩალისიმეს:

Добавлено (2006-12-11, 7:03 Pm)
---------------------------------------------
"ჲაღო, გრუზინ ალას ხაჟხა. მიშგუ გუ̂ეშ ამჟი ლი... " ქო̄ხო̄მბუ̂ე მა̈გ.
Line of edition: 23 ათხე ალჲა̈რს ათხი̄დϩნხ. "ამჟი კოჭო̄ლ მიზეზ ჰე ჯუღუ̂ა̄̈ნ, ხუნკუ̂ი
Line of edition: 24 იმღა მო̄დ მე̄ქა?" ათხე ქო̄ხჴიდხ მიჩა ლალსგურა რა̈შ, მიჩა ლერექუ̂
Line of edition: 25 ი იარა̈ღ. ჟი ლახსგურდა. ალჲა̈რდ ხა̄̈ქუ̂ინხ: "ნა̈ჲ ჟი ჯიღე̄ლუ̂ედ, სგა̄ხა̈ჲ
Line of edition: 26 ამხა̄უ̂თეჲსგა ისგუ ხეხუ̂!" აჩა̈დ ჩალისიმე, ადჰე ალ მინდუ̂ერმϩყ.
Line of edition: 27 არა ლადეღ ლა̈დი ა̈დსრულა̄̈ნ. ლახსინჯუ̂ე: მიჩა დის ესყა. ქა ლახთუ̂იფ
Line of edition: 28 ეშდჲარუ̂ თანა̈ღს ეჩხა̈ნჩუ. ბა̈ქ ოხჴა̈დ ჩალისიმეს, სგა დეშ ხეჰ'
Line of edition: 29 ა̄ლას. მა̈ჲ ჩუ̂ემინას? ათხე ლϩდგა̈რი სა̈ხჟი ჟ'ესჭუ̂ე̄ნ უ̂ეშგდ, ანტა̈ხ
Line of edition: 30 ქორთე, სგა̄ნჴა̈დ მიჩა მახუ̂შია̈რთე, კე̄სრა̈ლთე. ალა რა̈შს ჩუ მა̄მ ოხქა̈ხ,
Line of edition: 31 ეჩჟი ხაგϩრგა̈ლი ალჲა̈რს: "ჲაღო, ამჟი ლი მიჩა გუ̂ეშ, ამჟი: დეშ
Line of edition: 32 ა̈ჰუ̂იდ! უდგა̈რუ̈ნდ ეჩი უთხე̄ლად მი მა̄მა ხუ̂იგნი, ჟი ეჩის ხუ̂ედგა̈რი
Line of edition: 33 ქ' ე̄სა ოხსუ̂ედნი, ეჩას ჩუ̂ა̈თკუ̂იჰედ. ხოჩაუ̂ ლადეღ ჯა̄რხ, მი ღური სერ
Line of edition: 34 ი ალა ლი!..." ქა̄̈ხშუ̂იდბა̄̈ნ ამჟი ალჲა̈რს. აყირ ამნე̄მ მიჩა შუკუ̂ს, იმთე
Line of edition: 35 დო ესღრ ი, მა̄მა ხოხალ. ამთა̄ნ რა̈შჟი ჟი ხასგურ, აშხუ̂ ზაუ̂ჲა̈ ლე̄ზნა
Line of edition: 36 აშხუ̂ ლადეღ ღϩრი.

Page of edition: 117
Line of edition: 1 ესღრი, ესღრი, ქუ̂ეყანა მა̈გ ჩოთშდა̈ხ. ამსუ̂ა̄ლდ დე̄მე ა̈რი სერ.
Line of edition: 2 ათხე მინდუ̂ერს ათა̄გა̈ნ, მინდო̈რი ჩოთშდა̈ხ. ათხე ლა̈ხჴა̈დϩნ ტეუ̂რი
Line of edition: 3 პილთექა. ამეჩუ ხოშა ჯიჰრა ხა̄გ. ალ ტეუ̂რ ჩინ მაშე̄ნე ლი. ჩალისიმე
Line of edition: 4 ესღრ' ამექა. ათხე ჯიჰრად ლახგა̈რგლი̄ნე (\\ ლახგა̈რგლე): "ო,
Line of edition: 5 სი მა̄რე მა̈ჲ ჭაბუ̈გ ხი. მი კუ̂ა̈დლი̄დ გარ ხუ̂ა̈სუ̂, ეჩქა ანჴა̈დ ამექა
Line of edition: 6 ისგუთა̄ნ მა̄რე, უ̂ეშგდ დე̄ს' ა̄ნტა̈ხ. ამექა ქ' ე̄რუ̂ა̄̈ჲ მეჩედ, ნა̈პო̄ლი
Line of edition: 7 დეშ მეტეხ ქა. ჲაღო, ჩუ̂ემჰუნა̈რ, ჩალისიმე, მი ჯა̄̈ქუ̂ნინე, ჰე დო̄მ
Line of edition: 8 ხიგნი ეში̄-ეში̄ უ̄ზად: უ̂ეშგდ ა̈ტხ კოჭო̄ლ, ამაფშუ̂დ ეჩქა ისგუ ცϩჴუ̂ემა̈დ.
Line of edition: 9 ჰემოშ მი ძირისგა მა̈ჴდე, კა̈ცხდ ჩუ̂ამბიჴუ̂ე, ეჩქა ქა̄დერ ამექა;
Line of edition: 10 ჰე დოშ ამბუჴუ̂ა, ეჩქა უ̂ეშგდ ა̈ტხ!" ანჴა̈დ ჩალისიმე ი უ̂ო̄შთხუ̂-უ̂ოხუ̂იშდ
Line of edition: 11 უ̂ერსს უ̂ეშგდ ატა̈ხ, ახფიშუ̂დ ცϩჴუ̂ემა̈დ, ხაჴიდ ალას ძირისგა,
Line of edition: 12 ისგდ ჩუ̂აბიჴუ̂, ნა̈ცლუუ̂ა̈რ ეჩხა̄უ̂-ამხა̄უ̂ ა̈დკა̄ფხ. აყირ ამნე̄მ მიჩა შუკუ̂ს,
Line of edition: 13 ესღრი ტეუ̂რქა ცხეკს. ჩოთშდა̈ხ ათხე ცხეკ. ცხეკი ეჩხე̄ პილს ცა̈ცხუ̂
Line of edition: 14 ხა̄გ ეჯზუმ, ერე ალ ჯიჰრაზუმ [ჩუ ლი].
Line of edition: 15 -- ო, ჭაბუ̈გ, სი მა̄რე, ჯიჰრას დე̄სა ახასდ მო?
Line of edition: 16 -- ადუ, -- ამნე̄მ ხა̄̈ქუ̂, -- ადუ!
Line of edition: 17 -- ჲაღო, მა̈ჲ ჯა̄̈ქუ̂ ეჯნე̄მ?

Line of edition: 18 ამნე̄მ ქა ხა̄̈ქუ̂ ამჟი-ი-ამჟი. -- ჲაღო, კოჭო̄ლ უ̂ეშგდ ა̈ტხ, მი [ჰ]ე მოშ
Line of edition: 19 ამბიჴუ̂ე, ეჩქა ჩუ ჯაყა ამექა მე̄ზიდ.

Line of edition: 20 ათხე ალა ატა̈ხ უ̂ოხუ̂იშდ-უსგუ̂ა უ̂ერსს უ̂ეშგდ, ახფიშუ̂დ ალას
Line of edition: 21 ცϩჴუ̂ემა̈დ, ალაჲ ჩუ̂აბიჴუ̂, იმუ̂ა̄̈ჲჟი ჯიჰრა.

Добавлено (2006-12-11, 7:04 Pm)
---------------------------------------------
ათხე ესღრი, ესღრი შუკუ̂ს, მარე იმთე დო ესღრი, მა̈ჲ ხოხალ.
Line of edition: 23 ათხე აჭკუ̂ა̈რი: "მა̈ჲ ნიშა̈ნ ალა ლა̈სუ̂, იმუ̂ა̄̈ჲ მაგϩრგა̈ლდახ ჯიჰრა-ჲ
Line of edition: 24 ცა̈ცხუ̂?" მა̈ჲ დო ხელკი, მა̄მა ხოხალ, მარე ეში̄ ესღრი ი ესღრი. ნე̄სგა̄̈
Line of edition: 25 მინდუ̂ო̈რთექა მეჩდე ლი, სერ ჩუ ხოხალ რა̈შს: ალას მϩგϩრგა̈ლი და̄̈რ
Line of edition: 26 ხეთხი. ამჟი ხეყრენ ალასი̄. ათხე ნა̈ბ მა̄მა ხუღუ̂ა რა̈შს, გა̈რგლა
Line of edition: 27 ა̈დბინას, მარე მა̈ჲ ჩუ̂ემინას, ალა ჩუ ხეღუპა̈უ̂ი: აშხუ̂ უ̂ისგუ̂ი გეზლი̄რ
Line of edition: 28 ლიხ. თხუ̂იმი ხატკლებ, მუხუ̂ბეჲ ჩუ ხედა̄̈უ̂ში. ჩუ̂ესϩგა̄̈ნ ალ რა̈შ: "ჩალისიმე,
Line of edition: 29 ჩუ̂ამექხ ჩუქუ̂ა̄ნთე!" ჩუ̂ა̈დსაკუ̂რელა̄̈ნ ჩალისიმე. რა̈შდ ა̈დბინე
Line of edition: 30 ლიგϩრგა̈ლი. ლახსაკუ̂რა̈ლϩნ, ჩუ̂ანსკინე შიშდ ი ქა ლა̈ხყაჰა̄̈ნ კინჩხქა.
Line of edition: 31 -- სი ლახ გა̈რგლა ჩუ ჯიხალდა, იმღა მო̄დე მაგϩრგა̈ლდა̈ს?
Line of edition: 32 -- გა̈რგლა̄̈ ნა̈ბ მა̄მ მუღუ̂ე, მარე ხოლა̄მ ა̈გის ეგუ̂წϩხϩნ: სერ ათხე
Line of edition: 33 შუკუ̂ დე̄მთე გუ̂ა̄რ. აშხუ̂ ა̈გიქა გარ გუ̂ა̄რ ლა̄ზ. ეჩეჩუ ეჯკა̈ლიბ ჭიშგა̈რ
Line of edition: 34 ლი, [ერე] ყო̄რისგა ელი̄ზინიდ, [ეჩქა] ჲედ ყო̄რა̈ლ გუ̂ადა̄უ̂შეხ
Line of e

Page of edition: 118
Line of edition: 1 -- სერ მა̈ჲ ლუჩუ̂მინად?
Line of edition: 2 -- ჲაღო, მა̈ჲ ლუჩუ̂მინად-იм ათხე ჰე მოშ ჯა̈მჲედა, მი ჯა̈ქუ̂ნინე.
Line of edition: 3 -- ჲაღო, ქა მე̄ქა, ე მოშ მეჲმედი.
Line of edition: 4 -- ჲაღო, იმჟი ჩუ̂ემნ სი, ჯიხა მო? უ̂ეშგდ ალტეხდ სამ უ̂ერსჟი
Line of edition: 5 ი ეჩქა ქა̄მ[უ̂]ო̄შთხუ̂ინ მი. ეჯ ჭიშგრი ძირთეჲსგა სგა ალჰად, ეჩქა
Line of edition: 6 ეჯჟი ბϩგიდ მაჴ(დ) მადრა̈ჴ, ერე ჲერუ წუ̂ა̈დ ლეღუ̂ ამტყუფა. ეჯ
Line of edition: 7 ლეღუ̂ გიმთეჩუ ნომ' ა̄̈ჯშყეს, ეჯჟი ხეკუ̂ეს ერე ჭიშგრა̈ლს ჩუ̂ახჭემი
Line of edition: 8 ეჯ ლეღუ̂. ეჩქა ეჯჲა̈რ უშხუ̂ა̈რ ხექდიხ, ეჩქა ნა̈ჲ სგა̄̈ნჩუ ალსკინიდ.
Line of edition: 9 ეჩქა გუ̂ელჲა̈რშაპა̈რს ჴარჴ მϩკა̈რ ხე̄რახ, გუ̂იშგუ̂ეჲ ლირტყუ̂ი ხეკუ̂დიხ,
Line of edition: 10 ეჩქა ეჯ ლეღუ̂ ჲერხი აშხუ̂ ოთოკუ̂[რ], ჲერხი -- მე̄რმა, ეჩქა
Line of edition: 11 ეჯჲა̈რ დე̄მის გუ̂ა̈ჩოხ. ეჩქა ნა̈ჲ გუ̂იხა სერ [ი] გუ̂იშგუ̂ეჲ ლიმა̄რსუ̂,
Line of edition: 12 ეჩეჩუ მეშია̄̈ლ ეგუ̂ხო̄ლი.

Line of edition: 13 ჩუ̂ადშგურა̄ნე ამჟი რა̈შდ. ალა გაცხა̈ჲდ ამჟი ჩუ ჩუ̂ემინხ. სგა̄ჩა̈დხ
Line of edition: 14 ამხა̄უ̂თეჲსგა. ამეჩუ ლახსინჯუ̂ეხ: ეჯკა̈ლიბ რა̈შს ჟი ხასგურ, ერე
Line of edition: 15 ათყალუ̄̈ნდა ჩალისიმეს. სგა ხოძგა̈რ ეჯა ი იშია̄̈ლხ ჴაფშუ̂, იშია̄̈ლხ
Line of edition: 16 ი ჟ'ახწინდახ ჩალისიმე-ჲ მიჩა რა̈შ. ეჩქა ეჯნე̄მ ხა̄̈ქუ̂ინ, ერე "სი
Line of edition: 17 ჭა̈შ, მი ხეხუ̂!" ჩალისიმედ ხა̄̈ქუ̂: "იმ გა̈რგლი? სი ჴეც ხი! იმსგრა
Line of edition: 18 ლიხა̈ხუ̂, ჲედ ლიჭაშ[უ̂]?" ათხე [ესნა̈რ] ალას ბიდ ხა̈ჩშა ჴეციშ, ალა
Line of edition: 19 ქა̄̈დშყუ̂იფ. ლახსინჯუ̂ე, ამϩნ ხოჩა ჰა̈დურდ და̄̈რ ხოწუ̂ა. უშხუ̂ა̄რ ლა̈ხფო̄რცხა̄̈ნხ.
Line of edition: 20 სგა̄ჩა̈დხ ქორთე, ჩუ̂ასკიბხ ლიხეხუ̂-ჭაშუ̂. ალას ხაჟხა გრუზოუ̂ილ.
Line of edition: 21 ათხე ხეჭუ̂დიე̄ლ: -- სი მა̄რე, ამხა̄უ̂ ამსუ̂ა̈ლდϩლდ და̄̈ს ხოწუ̂ა. სი
Line of edition: 22 მა̈ჲ ხი ამკა̈ლი, ერე ამაუ̂ დო აღე? იმხა̈ნიშ ხი, მა̈ჲ ამბა̈უ̂ შϩდე ჩუქ
Line of edition: 23 მე̄ზი ხი?
Line of edition: 24 -- ჰϩ, მიშგუ გუ̂ეშ ლახ ჩუ ჯეხლი, მეუ̂არ ჯესკუ̂რელი.

Line of edition: 25 ათხე ქო̄ხო̄მბუ̂ე სერ, მიჩა გუ̂ეშ იმუ̂ა̄̈ჲჟი ლი, ალა მა̈გ. ათხე ამნე̄მ
Line of edition: 26 ადჭკუ̄რე: "მა̈გ მასმა ი ალა დე̄სა!" ბა̄ზი ჩუ̂ა̈რიხ უშხუდ, მϩხა̈რ
Line of edition: 27 ანϩგა̄̈ნ, ალა ჩუ̂აცუ̂ირ (მიჩა ხეხუ̂დ ჩუ ხაყა ლϩნშა̈ნ): "მი უ̂ოდე ეჯ
Line of edition: 28 ზურა̈ლა̈შს დო̄მის ხუ̂იმჴერი, ეჩურ მიშგუ ჟი ლიჭუ̂ე̄ნი [ბაც] მა̄მა ლი!"
Line of edition: 29 ათხე ესღრი, ესღრი. ერ მეჩდე ლი ქორხა̈ნქა, ამზუმ აჯაღ ამხა̈ნქა
Line of edition: 30 აჩა̈დ ი აჯაღ იმუ̂ა̄̈ჲჟი ამეჩუ ლა̈ხლაკ, ათხეი ლა̈ხლაკ; იმუ̂ა̄̈ჲჟი ხუნკუ̂ი,
Line of edition: 31 ამკა̈ლიბ მეშია̄̈ლ ესხუ̂ი̄დ. ოხჩϩ̄დხ ლიშია̄̈ლ. იშია̄̈ლხ ლა̈დი...
Line of edition: 32 ჟ'ახწინდა ჩალისიმე. ათხე ამნე̄მ ხა̄̈ქუ̂: "ჲაღო, ჟი ლა̈მღე̄ლა̈უ̂!" ალა
Line of edition: 33 სგა̄ჩა̈დ, მე̄რუ̂ე რა̈შ ა̈ნცა̄დუნე, ქა̄დ ანჴა̈დ, იშია̄̈ლხϩდ. ჟი̄დ ახწინდა.
Line of edition: 34 ათხე ჩალისიმე. -- სი ჭა̈შ, მი ხეხუ̂!
Line of edition: 35 -- ϱა̈ხ, -- ალა ხასკუ̂რელ: -- სი ჴეც ხი, ჲა̈რ ხეხუ̂-ჭა̈შ, ჲა̈რ გუ̂ეშ?

Line of edition: 36 ჟი ლა̈ჲშყუ̂იფ ბიდ, ლახსინჯუ̂ე, ჰა̈დურდ ამϩნ ხოჩა და̄̈რ ხოწუ̂ა
Line of edition: 37 ეზერ. სგა̄ჩა̈დხ ქორთე, ჩუ̂ასგურდახ, ლა̈ხჭუ̂ედდა: -- სიმა̄რე, მა̈ჲ ანბა̈უ̂
Line of edition: 38 ლი, იმხა̈ნ აღე, ღერთა̈ ნა̈ყუ̂ილ ხი, ჰა ამსუ̂ა̄ლდა̈შ?

Добавлено (2006-12-11, 7:06 Pm)
---------------------------------------------
-- მი ხუ̂ი მა̄რე̄მი გეზალ, მარე ამჟი-ი-ამჟი ლი მიშგუ გუ̂ეშ ი ამაუ̂
Line of edition: 2 ლამჴა̈დϩ̄ნ.
Line of edition: 3 -- ϱოხ, -- ამნე̄მ ხა̄̈ქუ̂ (ალას ფაფრიკა ხაჟხა): -- ϱოხ, სი მა̄რე, კოჭ-კოჭო̄ლ
Line of edition: 4 მა̈გ მიხა, ღერთა̈ლ იმე ა̈რიხ, მა̈ჲ დო ლი, მა̈გ ჩუ მიხა, ჩი̄ს
Line of edition: 5 ქა ხოსგდი, მარე ამი̄შ მა̄მგუ̂ეშ მიხალ. მი მი̄რიხ ლაჯმილა, ჲერუ ლიხ.
Line of edition: 6 ეჯჲა̈რს ჰე̄სა ხეხლიხ ალ გუ̂ეშ, ადო სერ ეჩქა ბა̈ქ ლϩმა̄̈რ, დე̄მე
Line of edition: 7 ლϩმა̈რდ ი ლირტყოლა̄̈ლ ლϩმა̄̈რ. ნიშგუ̂ეჲ მუ ლა̈სუ̂ უსგუ̂ა̄მ ხელწიფი
Line of edition: 8 მახუ̂ში. მუ ჩუ̂ამდაგან. ეჩქა ხელწფა̈რდ მიშგუ̂ა ლაჯმილას მა̄მ ლახუ̂ე̄მხ
Line of edition: 9 ლიმხოშ, ნიშგუ̂ეჲ მუს მა̄̈ჲ ხუღუ̂ა̄̈ნ, ეჯ ლიმხოშ. ალა̄ ალჲა̈რდ
Line of edition: 10 ა̈დუ̂ა̈შგდეხ, მიშგუ̂ა ლაჯმილად. ათხე აჩა̈დხ ეჯჲარე ლა̈შია̄ლთე. ეჩე
Line of edition: 11 ა̈რიხ. ათხე სი ადერ, ეჯჲა̈რს ჟი ხელკი ი ჟ'ოხწად. შომუ̂ა̄̈ჲ ჟ'ა̈ხწინიდ,
Line of edition: 12 ეჩქა სგა̄̈ნტხენიდ ი, სი მა̄̈ჲ ჯაკუ, ეჯ გუ̂ეშს ჟ'ეხმეჴრი.

Line of edition: 13 ათხე აჩა̈დ ალა̄, ჩალისიმე, ი ლახსინჯუ̂ე, იშია̄̈ლხ: ჲერუ მა̄რე
Line of edition: 14 აშხუ̂ა̈ნ ლϩგხ, ათა̈ს მა̄რე -- მე̄რმახა̈ნ. ლოხუ̂სგიდა ალა̄, ჩალისიმე, ი
Line of edition: 15 აშხუ̂ხა̈ნ ანკუ̂ა̄ნეხ თუ̂ეფს, აშირ მა̄რე იდგა̈რი, აშირ თუ̂ეფს ეჩხა̈ნ
Line of edition: 16 აკუ̂ა̄ნეხ, ამხა̈ნ და̄̈რ იდგა̈რი. ათხე ადჭკუ̄რე ჩალისიმედ: ლიწე̄ნა̄̈ლ
Line of edition: 17 ალჲა̈რს მა̄მ ხა̈კუ̂დახ, ლიწე̄ნა̄̈ლ ხა̈კუ̂და ჯა̈რს, ჯა̈რს ხაწხე̄ნა ლიწე̄ნა̄̈ლ.
Line of edition: 18 ათხე ჩუ̂ესϩგა̄̈ნ ნე̄სგაჩუ, ლახსინჯუ̂ე: ჯა̈რს თუ̂ეფ ჩი̄ს ქა ხოხლა,
Line of edition: 19 ლახსინჯუ̂ე ჲარუ̂ მა̄რა: ალჲა̈რს ჩუ ხოჩქოუ̂ახ, ხეჴϩ̄რა̄̈ლხ ლიწე̄ნა̄̈ლს.
Line of edition: 20 ათხე ალჲა̈რთე, ჲარუ̂ მა̄რათე, აჩა̈დ. ამ დრო̈უ̂ჟი ჩუ̂აქუ̂ა̈ც ლიშია̄̈ლ.
Line of edition: 21 ალჲა̈რს კარა̈უ̂ ხო̄გხ, ქა̄ნჴა̈დხ ამხა̄უ̂ ი ეჯზუმ მა̈ფშა̄̈რ ლიხ, ერე სა̈დილი
Line of edition: 22 ლიზუ̂ებ მა̄მ ხა̈ჲმედახ. ჩუ̂ა̈თუ̄ჟდახ. ამ დრო̈უ̂ს ოხჴა̈დხ ამბა̈უ̂:
Line of edition: 23 "ჲაღო, ათხე ლიშია̄̈ლ!" ანჴა̈დ ჩალისიმე ი ალჲა̈რ ჟი მა̄მა ანჲა̈ცხუ̂ნე
Line of edition: 24 ი ქა̄ჩა̈დ ჯა, ლა̈ხჩϩდ ჯა̈რს, ხუ̂იტე, მარე მა̈ჲ ხუ̂იტე, ეჯზუმ ზისხ
Line of edition: 25 ადϩ̄გა̈ნ, ერე მიჩა რა̈შ ცორეუ̂ს იჩო ალ ზისხისგა ი ეჯჟი იშია̄̈ლხ.
Line of edition: 26 ჟ'ანხუ̂იტ მა̈გ. ათხე უ̂ეშგინპილს ქა̄დჰე [ეჩხა̄უ̂თექ' ე̄,] ხოჩა სადგუ̂ემ
Line of edition: 27 [ერ] ლϩგ. ამეისგა უსგუ̂ა ხელწიფ მა̈გ ამჩუ ა̈რიხ.
Line of edition: 28 -- ხოჩა̄უ̂ ლადეღ ჯა̄რხ ხელწფა̈რს! -- ჟი ლა̄შϩ̄დხ ალჲა̈რ: -- მა̈ჲ ამბა̈უ̂
Line of edition: 29 ლი? ამბა̈უ̂ს გუ̂ეშ ხაქდა. მა̄მა ჯიშგურხა? სგა̈ჲ ი ისგუ̂ეჲ ჯარა̈ლ ჲარუ̂
Line of edition: 30 მა̄რილს დეშ ახწინდად! შიშდ, ეჯჲარე მუს მა̄̈ჲ უფლობ ხუღუ̂ა̄̈ნ, ეჯა
Line of edition: 31 ჩუ̂ა̈მირდ, ქა ლამე̄მდ; იმუ̂ა̄̈ჲჟი მახუ̂ში ეჯა ლა̈სუ̂, ეჯჲარე მუ, ეჯჟი
Line of edition: 32 ხეკუ̂ეს ლესუ̂ხ ისგუ̂ეჲ მახუ̂ში ეჯჲა̈რ.

Добавлено (2006-12-11, 7:06 Pm)
---------------------------------------------
ათხე ჲერხი ჭϩშხა̈რჟი ხეყჰა̄̈ლხ, ჲერხი ხოჲრიხ, ერე უფლობ,
Line of edition: 34 იმუ̂ა̄̈ჲჟი მინე მუს ხუღუ̂ა̄̈ნ, ეჯჟი ხეკუ̂ეს ეჯჲა̈რს ხუღუ̂ე̄დხ (\\ ხუე̄ნხ).
Line of edition: 35 ი ათხე ჩალისიმედ ჟ'ესჭუ̂ე̄ნ, სგა̄ნტა̈ხ ალჲარე კარა̈უ̂თეჲსგა. ალჲა̈რ
Line of edition: 36 ჩუ̄დ აუ̂ჟეხ ი ათხე ჟ'ანჲა̈ცხუ̂ნე, ალჲა̈რ ჟი ლა̄შϩ̄დხ: "მა̈ჲ გუ̂ია̈ნ
Line of edition: 37 გუ̂ე̄რა ლა̈შია̄ლთე?" ჲაღო, ჟ'ა̈ნკიდ ლა̈ირ ი ქა ლახუ̂ე̄მ. ალჲა̈რს ეჩჟი
Line of edition: 38 ათხი̄დϩნხ, [ერე] ჩუ დეშ იხუ̂იე̄სგიხ ჭϩშხა̈რჟი ლეყჰა̄ლდ. ათხე ა̈ნბინეხ
Page of edition: 120 Line of edition: 1 ლი̄ზი, ანღრიხ ქორთე. ალ ლახუ̂ბა ი̄მბუ̂ა̄̈ლხ: "მა̈ჲ ეზერ ი̄რა,
Line of edition: 2 ლახ მირ ნა̈ჲ დაჩუ̂ირ გუ̂ი̄რი, ეჩას ლახ ლა̈ჲშგედნე ალა ხეხუ̂დ!"
Line of edition: 3 ალას ი̄მბუ̂ა̄̈ლხ. ათხე ალას ხაჩა გუისგა ი ესღრიხ ამჟი. აჩა̈დხ ფე̄დიათე
Line of edition: 4 ქორა̈შ. ამჩიქქა ალჲა̈რს ქა ხეწა̈დ მინე დაჩუ̂ირ: "ანღრიხ
Line of edition: 5 მიშგუ ლაჯმილა, ჩალისიმეჲ სგა ხონჴრიხ!" ი ალა ქა ლა̈ხზაზ ალჲა̈რს.
Line of edition: 6 ხეწა̈დხ ალჲა̈რ მინე ჭიშგა̈რს, ამეჩუ ნა̈შია̄ლ ლი. ჟი ლახთირხ: "გუ̂იშგუ̂ეჲ
Line of edition: 7 დაჩუ̂ირ ჩუ ერე̄ს ოთფაჭუ̂ა ი ანღრი გუ̂იშგუ̂ეჲთე ი ჟ'ალქუცად
Line of edition: 8 თხუ̂იმ, ჰამუ̂ა̄̈ჲ ქა̄ნჴეს გუ̂იშგუ̂ეჲთე! ალას ი̄მბუ̂ა̄̈ლხ ალ ლახუ̂ბა. ალა
Line of edition: 9 ჩალისიმეს ქა ხესმი ი ხაჩა გუისგა. გაცხა̈ჲდ ქა ლა̈ხზაზ მინე დაჩუ̂ირ.
Line of edition: 10 უ̂ოდემ [ჩიქქა] თხუ̂იმს ჟი ხა̈ქუ̂ცეხ, ეჩქად ჩალისიმედ ჰერ ესდე: "ალა
Line of edition: 11 მიშგუ ხეხუ̂ ლი, იმნა̈რ მიდგა̈რიდ?" ალა ალჲა̈რს ათხი̄დϩნხ. მინსი
Line of edition: 12 ალა ხეკუ̂ა̈დხ. სგა̄ჩა̈დხ ქორთე. ბა̄ზი ხოჩა ლე̄თ ხა̄რხ. ათხე ახა̄დხ
Line of edition: 13 ლი̄მბუ̂ა̄̈ლ: "ჲაღო, იმთე ესღუ̂რი, მიშგუ̂ა გუ̂ეშს ალა ჯა̄̈ქუ̂ნიხ!" ათხე
Line of edition: 14 ქო̄ხო̄მბუ̂ე ფაფრიკად მიჩა ლაჯმილას: ამჟი ლი გუ̂ეშ ი ამჟი ამი̄ გუ̂ეშ.
Line of edition: 15 ალა ჩუ̂ათჩო̄ნხ ალ ყმარწუ̂ილა̈რს: "ეჩე ნა̈ჲ მა̈ჲ ნა̈ჲმედა ეჩხა̄უ̂ ლი̄ზი!
Line of edition: 16 ეჯა ჩუ ჰ' ა̄̈ს ხოცϩხ, ალას ხოცϩხ, ისგუ̂ა ხეხუ̂ს". ბა̄ზი ამჟი. მე̄რმა ლადეღ
Line of edition: 17 ალა მიჩა რა̈შს ხასგურ, ფაფრიკა მიჩა რა̈შს ლახსგურდა ი
Line of edition: 18 აჩა̈დხ. ესღრიხ, ლა̈ხჴა̈დϩ̄ნხ ქაჯე̄თი ქუ̂ეყანათეჲსგა. ლახსინჯუ̂ეხ: ეშხუ
Line of edition: 19 ძღϩდ ქორ თეს დე̄მის იხნი. ეჯ ქორ დე დეცს ხათილ ი დე გიმს
Line of edition: 20 ხათილ, ამჟი ლϩგ. ფაფრიკად ხა̄̈ქუ̂ ჩალისიმეს:
Line of edition: 21 -- ისგუ გრუზინ ეჩეისგა ა̈რი! ათხე იმჟი ხოჩა, ჲა̈რ ღϩრი ეჩხა̄უ̂თეჟი?
Line of edition: 22 -- ლი̄ზი მა̄მა მაგა̈რჯ, მარე ნა̈მდუ̂ილდ ჯიხა მო ჩუ, [ერე] ეჯა
Line of edition: 23 ეჩეისგა ირდი? -- ალა ხაყლე:
Line of edition: 24 -- ეჩეისგა ა̈რი, მარე ამი̄ დი ჲეშდჲარუ̂ თანა̈ღს ლი ქა მეჩდე.
Line of edition: 25 სი ხამუ̂ა̄̈ჲ ეჩხა̄უ̂თეჲსგა სგა̄დრინე, ეჯას ქა ხეწდენი, ეჩქა ამი̄ დი
Line of edition: 26 შიშდ ჯაბჟენი, შიშდ გუ̂აღუ̂იჭ. სგა ლახ ა̈გუ̂ჰო̄ლი, ძუღუ̂აისგა ლახ
Line of edition: 27 ა̈გუ̂ჰო̄ლა, ჟი გუ̂ა̈წრე ჩი̄ს, კადა̈რისგა ლახ ა̈გუ̂ჰო̄ლა, ეჩქა დეშმის
Line of edition: 28 გუ̂ა̈ჩო.

Line of edition: 29 ათხე ხაჴიდ მადრა̈ჴ ჩალისიმედ, სგა̄ჩა̈დ ალ მურყუ̂ამთეჲსგა. ამეჩუ
Line of edition: 30 ჩუ̂ესხუ̂ი̄დ მიჩა ხეხუ̂. გრუზინ ჩუ̂ა̈დϩმბაჟა̄̈ნ:
Line of edition: 31 -- იმხა̈ნ აღე, იმნე̄მ აჯჴიდ ამაუ̂? მა̈დილ ჯე̄რა იმუ̂ა̄̈ჲხა̈ნ აღე,
Line of edition: 32 [ეჩხა̄უ̂] შიშდ მოშ ა̈ტხ უ̂ეშგდ, ადო ათხე მიშგუ̂ა დის ჩუ მეკუ̂ჰე ხა̄რ
Line of edition: 33 ალა, შიშდ ჯეჰა ჟი ი ჩუ ჯადგა̈რი, მიშგუ̂ა თხუმ დე̄მის ჯა̈მბე!
Line of edition: 34 -- ეჩი̄ სერდე სი ნომა ჯა̄რ. ათხე მინჴერ, ლϩჩედდ! ეჯა მი მიხა.
Line of edition: 35 ეჯა ლახ ქა̄̈გუ̂ღუ̂ეჭნი, ნომა ჯაყლუ̄ნი!

Line of edition: 36 ათხე ქო̄ხჴერდა. ქა̄ნჴა̈დხ ფაფრიკა̄̈შთექა. ამნე̄მ ჟი ლა̈ჲსგურე მიჩაცახა̈ნ
Line of edition: 37 რა̈შჟი, ქა̄ნყირ. "სერ ათხე, საბლუ, -- ფაფრიკად ხა̄̈ქუ̂, -- ძუღუ̂აქა
Page of edition: 121 Line of edition: 1 ჲენასდ ლϩღϩრდე̄დდ, ხმელე̄თისგა წყϩნა̄̈რდ ელი̄ზინიდ, ეჩქა მა̄მა

Добавлено (2006-12-11, 7:06 Pm)
---------------------------------------------
გუ̂აყლუ̄ნი". ათხე ლახსინჯუ̂ეხ, ახღუ̂იჭ როკა̈პ უ̂ეშგინ. ლახსინჯუ̂ეხ
Line of edition: 3 ალჲა̈რდ (ნე̄სგა ძუღუ̂აისგა ა̈რიხ): უ̂ოდემ ჩიქად სგა ხეჰა,
Line of edition: 4 ქა ლოხჩა̈შხ კადა̈რთექა. ათხე უ̂ეშგდ ესჭუ̂ე̄ნ ალ როკა̈პდ. ეჩეჩუ
Line of edition: 5 სემ' აშირ მა̄რე ლა̈ჲჴერნე, ქა̄დ ა̈ხღუ̂ა̈ჭ ი ლახსინჯუ̂ეხ ალჲა̈რდ:
Line of edition: 6 აჯაღ ახღუ̂იჭ ი ალჲა̈რ აჯაღ მე̄რუ̂ა ძუღუ̂აქა ესღრიხ. ფაფრიკად ხა̄̈ქუ̂ინ:
Line of edition: 7 "ჰარიქა, ქე̄ლკიდე̄დდ, ადო დეშ ლი მარჯობ!" უ̂ოდემ ჩიქად
Line of edition: 8 სგა̄დ ხეჰა, ეჩქად ალჲა̈რ ქო̄თჩა̈შხ კადა̈რთე. ათხი უ̂ეშგდ ესტა̈ხ ფაფრიკა როკა̈პს:
Line of edition: 9 "ამი̄ მორდა̈ბ, ისგუ̂ა გეზლა̈შ, [ჰე]მოდ მა̄̈ცეს ეჩქა მაგუ̂ა̈რ
Line of edition: 10 ლადეღ ჯა̈რ ღო!" ამნე̄მ ჟი̄დ ესჭუ̂ე̄ნ, როკა̈პდ. ათხე უსგუ̂ა აშირ
Line of edition: 11 მა̄რე ლა̈ჲჴერნე ი აჯაღ ქა̄დ ა̈ხღუ̂ა̈ჭ. ლახსინჯუ̂ეხ ალჲა̈რდ. ალჲა̈რ
Line of edition: 12 ხმელე̄თისგა ა̈რიხ, ეჯა ძუღუ̂აქა ახღუ̂იჭ მიჩა ჯარშუ̂. ათხე ფაფრიკა
Line of edition: 13 ჟ'ა̈ნϩმჯა̄რუ̂ა̄̈ნ ი უ̂ეშგდ ესტა̈ხ, როკა̈პ ი მიჩა მა̄რე აშხუ̂ რა̈კს მა̈გ
Line of edition: 14 ჟ'ანხუ̂იტ. ალჲა̈რდ ლიჴედ ა̈ნბინეხϩდ, სგა̄ნჴა̈დხ ფაფრიკა̄̈ ქორთე.
Line of edition: 15 ბა̄ზი ხოჩა ლე̄თ ხა̄რხ. ეზერ ხა̈ნს ამჩუ ა̈ნშუ̂ემხ. ეჩანღო ა̈ნმა̄რა̄̈ნხ,
Line of edition: 16 ანღრიხ. ფაფრიკაჲ ახყა ჩალისიმეს ი გრუზინი̄, ჲერუ ხეხუ̂ ახყა ქორთე.

Line of edition: 17 გრუზოუ̂ილ ერ ხა̄დ აჯაღ ლϩყდა̄ნე ხეხუ̂დ, ამხა̄უ̂თეჲსგა ანჰეხ.
Line of edition: 18 ალას მასა̈რდ ათხი̄დϩნ შუ̂იდებდ ლიჴედ ი ამი̄თა̄ნ ლა̈ხხუ̂ა შϩნ ხაყა.
Line of edition: 19 ათხე მესმა̄მდ ჯა ლოხჴერდა. ა̈ნბინეხ სერ ლიჴედ. ანღრიხ ჩალისიმე̄
Line of edition: 20 ქორთე. ამჟი სემი უ̂ერს ხო̄ზიხ ქორთე ლიჰა̄ლუ̂, ათხე ხა̄̈ქუ̂ინ ფაფრიკად:
Line of edition: 21 "ჩალისიმე, ჩუ̂ელϩ̄გენდ, ჯაყლე მϩრა̄̈მ! ათხე იმჟი ლი გუ̂ეშ,
Line of edition: 22 ჩალისიმე, სი მაგუ̂ა̈რ ლა̈ხხუ̂ა დო ჯაყა, ამი̄შ ჩუ მა̄მ ჯიხა!" ათხე
Line of edition: 23 ფაფრიკა ლა̈ხჭუ̂ედდა: -- მა̈ჲ ჯა̈ჲმედახ სგა̈ჲ?
Line of edition: 24 -- ნა̈ჲ -- აშხუ̂ემ ხა̄̈ქუ̂ინ -- მი მა̄̈ჲ მა [ლი] გიმჟი ი ლϩცისგა, დეცჟი
Line of edition: 25 მეპე̄რ, მეზელა̄̈ლ, ქა მϩრშკთექა, ჩი̄მი ამბა̈უ̂ ჩუ მიხა.

Line of edition: 26 ათხე მე̄რუ̂ა ლა̈ხჭუ̂ედდა: -- სი მა̈ჲ ჯა̈ჲმედა?
Line of edition: 27 -- მი მა̈ჲმედა, იმუ̂ა̄̈ჲ ჩოთჭკუ̄რი, ალა ამჟი იჩუ̂მინი ი მა̈გ ქა
Line of edition: 28 ისრული.
Line of edition: 29 -- ჲაღო, ალა მაჩე̄ნე ლი! -- ფაფრიკად ხა̄̈ქუ̂:
Line of edition: 30 -- ჲაღო, ნა̈ჲ გუ̂აკუ ამჩუ ეჩთა̄ნ ქორ, ერე ეჩი̄ ყო̄რ-ლაჴუ̂რას ქუ̂ეყნი

Добавлено (2006-12-11, 7:07 Pm)
---------------------------------------------
ქა̈ჯ ი ჰეშმა̈ჲ ჟი დეშ იშϩლდა̈ნდე̄დს!
Line of edition: 32 -- ეზერ! -- ამნე̄მ ჩუ̂ესჭკუ̄რე. ლახსინჯუ̂ეხ, სგა̄̈ნ მინ ა̈რიხ, ქა̄მენ
Line of edition: 33 ამკა̈ლი ქორ ლϩგ. ეზერდ ლახბაჟϩნხ. ალ ქორს ქა ხეწა̈დ მა̈გ. ანბა̈უ̂
Line of edition: 34 ოხჴა̈დ ჩალისიმე̄ მუს: "ამჟი ლი გუ̂ეშ, ჩალისიმეჲ ანღრი, ამთა̄ნ ლა̈ხხუ̂ა
Line of edition: 35 ხაყა; ამჟი ქორ ადგეხ ამკა̈ლი ა̈გის". ეჩქა ალას, კე̄სა̈რს, მიჩა
Line of edition: 36 მუს, ათხი̄დϩნ. ჟ'ა̈ნმა̄რა̄̈ნ, ჩუ̂ა̈დწაბუ̄რა̄̈ნ ი ქა̄ჩა̈დ ლაწა̈დთე. ხეწა̈დ
Line of edition: 37 ლა̈ხხუ̂ას ჩალისიმე̄შ. მეუ̂არ მϩრე̄ს ლახლატϩნ ალ მეჩი მა̄რა. ქა̄ნტა̈ხ
Page of edition: 122 Line of edition: 1 მიჩა ქორთე. ბა̄ზი ამჟი ა̈რიხ, უ̂ოხშმობა̈ დრო̈უ̂ქა ამნე̄მ მიჩა უ̂ა̈ზრა̈ლ
Line of edition: 2 ჟ'ა̈დჰერ მიჩა ლარდათე.
Line of edition: 3 -- ჲაღო, უ̂ა̈ზრა̈ლ, მი ჯა̄̈ქუ̂ნინე: მϩხა̈რ ჰამს ჩალისიმეს ქა̄̈ჰჰო̈რნე
Line of edition: 4 მიშგუ̂ათე, ეჩქა სგა̈ჲ ჲეშდჲორუ სგო̄ხგუდირდად, ჩუ̂ა̈ხდედ. ეჩქა ეჯას
Line of edition: 5 კაბა̈ ჯიბისგა ქიპϩლდ ხუღუ̂ე, ბერჟა̈ ქიპϩლდ, ეჯა ჟ'ოხუ̂კიდდ, ჟ'ახკულთხნედ;
Line of edition: 6 ეჩანღო მი მა̄̈ჲ ჯა̄̈ქუ̂ა, ეჯა ხაყერდ.

Line of edition: 7 გუნ ეზერ! -- ჩუ̂ასკიბხ. ბა̄ზი მა̄მა. მე̄რუ̂ა ლადეღ მა̄რ' ო̄თზϩზე:
Line of edition: 8 -- ბაბა ღუ̂არა, ჩალისიმე, ქა̄ღე მიშგუ̂ათე! ხუ̂ა̈ჲ ხა̈ნ ლი, მი სი
Line of edition: 9 დე̄სა მიწუ̂ა. მარდნუნე ისგუ̂აცახა̈ნ!

Line of edition: 10 ამ დრო̈უ̂ჟი ჩალისიმე ქა̄ნჴა̈დ. ამნე̄მ ამჩუ ჲეშდჲერუ მა̄რე სგა̄ხშიდ
Line of edition: 11 ჩალისიმეს, ჩუ̂ა̈ნდეხ. ალას ხაჩა: "იმნა̈რ ხიჩოდ?" ეჩქა მიჩა მუდ
Line of edition: 12 ხა̄̈ქუ̂: "მა̄̈ზუმ ნაცხა̈მ ჯა̄̈ცეს გაუ̂ა?" ათხე ალჲა̈რდ ქო̄თქუ̂ითხ ჯიბხა̈ნჟი,
Line of edition: 13 ქიპ ხორდა, ეჯა ი ეჯნოშ ჟ'ანკულთხნეხ. ლახსინჯუ̂ე ჩალისიმედ:
Line of edition: 14 "მიშგუ მუ! მა̈ჲ ანბა̈უ̂ ლი ალა? ამნოშ იმნა̈რ ამკულთხნედ?" ათხე
Line of edition: 15 ხა̄̈ქუ̂ინ ამნე̄მ მიჩა უ̂ა̈ზრა̈ლს: "ჟ'ათხჲედ ხოშა̄მ ზაგა̈რთეჟი ი ქა̄თკუ̂ა̈რდ
Line of edition: 16 მიჟ ლაჰა̈რხა̈ნჩუ (ლამშგედთე)!" ალჲა̈რდ მა̈ჲ ჩუ̂ემინახ? ჟ'ადჲეხ
Line of edition: 17 გაცხა̈ჲდ, ჩუ̂ესდეხ ზაგა̈რჟი, თე̄რა̈ლ ქო̄ხკϩდϩ̄რეხ, მურსგუ̂ენ თე მϩრთე&#

Line of edition: 29 ათხე ა̈ნბინე ლიჩედ ი ესღრი. იმთე დო ესღრი, მა̈ჲ ხოხა. ლა̈ხჴა̈დϩ̄ნ
Line of edition: 30 აშხუ̂ ქუ̂ეყანათე. სგა̄ჩა̈დ სოფელთეჲსგა. იზელა̄̈ლ ამჩუ. სადგუ̂ემ
Line of edition: 31 ხაწϩხ. ჩუ და̄̈რ ა̈გნე. ლახსინჯუ̂ე აშხუ̂ მეზგა, სგა̄ჩა̈დ ამხაუ̂თეჲსგა:
Line of edition: 32 "ხოჩა̄უ̂ ლე̄თ ჯა̄რხ!" ამეჩუ სგა ხასგურხ მეჩი მა̄რე ი ზურა̄ლ. ალჲა̈რ
Line of edition: 33 ხეხუ̂-ჭა̈შ ლიხ. სგა̄ჩა̈დ ამხაუ̂თეჲსგა ჩალისიმე.
Line of edition: 34 -- ჲაღო, -- ხეჭუ̂დიე̄ლხ: -- მა̈ჲ ანბა̈უ̂ ლი ი იმხა̈ნ ანღრი?
Line of edition: 35 -- მი დე ქორ მუღუ̂ე, დე დი მი̄რი, დე მუ ი ხუ̂იზელა̄̈ლ ამჟი
Line of edition: 36 შუკუ̂ა̈რჟი.

Line of edition: 37 ალჲა̈რს ათჩო̄ნხ: -- ჲაღო, ნა̈ჲ გეზალ მა̄მა ნი̄რი... ათხე სგა ლა̈ჲგენეხ
Line of edition: 38 გეზალდ. ჩუ̂ა̈რი სერ ამეჩუ. აშხუ̂ ლადეღ ადბა̈ჟნა̄ლეხ, ერე

Page of edition: 123 Line of edition: 1 "ლა̈დი ლახორთე ლი ლი̄ზი. მა̈გ ხეკუ̂ეს აჩეს თუ̂ით". ანϩ̄გა̄̈ნ ალა მეჩი
Line of edition: 2 მა̄რე, აჩა̈დ ლახორთე. ამეჩუ ლϩმϩრდე̄ლი ალ სოფლი მახუ̂ში. ამნე̄მ

Line of edition: 3 ხა̄̈ქუ̂ინ სოფელს, გუ̂ეშ იმჟი ლი (ალა ლϩმა̄̈რ კინტუ̂ე̄ჲ ქუ̂ეყანა): -- იმჟი
Line of edition: 4 ლი გუ̂ეშ, ჯიხახ მო? გუ̂იშგუ̂ეჲ კე̄სა̈რს აჯაღ კე̄სა̈რ მახუ̂ში ხარდე̄ნა.
Line of edition: 5 ეჯას ხარდე̄ნა გეზალ. ეჩას სემი ხეხუ̂ ოხჴი̄და. ეჯჲა̈რ მიჩა მუს ლახლატახ,
Line of edition: 6 ეჩი̄ ლა̈ხხუ̂ა, ი ა̈მჴედ ი გეზალ ჩოთდაგრა ი ათხე ეჩი̄ ლა̈ხხუ̂ა
Line of edition: 7 მიჩ ხაკუჩ. ეჯას ეჯჲა̈რ დე̄მ იჩოხ ი ლი ათხე ეჯ ქუ̂ეყანას ლიშია̄̈ლ
Line of edition: 8 აშ(ხ)უ̂ხა̈ნ -- ზურალა̄̈რ, მე̄რუ̂ახა̈ნ -- ალა მა̈გ. უ̂ოხუ̂იშდ სახელწიფ
Line of edition: 9 ჟი მეხუ̂ტე როქ ხა̄რხ. ათხე ანჰე გუ̂იშგუ̂ეჲთე ი ნა̈ჲ გუ̂ა̄რ ლე̄ზი ეჯჲარე
Line of edition: 10 ლა̈შია̄ლთე.

Line of edition: 11 მეჩი მა̄რე ბა̄ზი ქორთე ანჴა̈დ. ლა̈ხჭუ̂ედდა ჩალისიმე: -- ბაბა, იმშა
Line of edition: 12 ლახორ ლა̈სუ̂ ლა̈დი?
Line of edition: 13 -- ალ შდϩქდ ა̈ნჴუ̂დ ი ალა დე̄სა მიხალდა, ჰაუ̂ე აჯაღ მახუ̂შის
Line of edition: 14 მახუ̂ში ხარდა̄̈ნ ი ეჩე ეჩას ხარდე̄ნა გეზალ ჩალისიმე. ეჯას სემი ხეხუ̂
Line of edition: 15 ოხჴი̄და ი ეჩქა მიჩა მუს ლახლატა მიჩა ლა̈ხხუ̂ა. ჩალისიმე ჩოთდაგრა.
Line of edition: 16 ათხე ეჯჲა̈რ ხეხუ̂დ ხაკუ ეჯის როქ. ეჯჲა̈რ დე̄მ იჩოხ ი სერ ლიშია̄̈ლ
Line of edition: 17 ხა̄რხ. ათხე ნა̈ჲ როქ გუ̂ა̄რ ლე̄ზი ეჯჲარე ლა̈შია̄ლთე.

Line of edition: 18 ალა ჩალისიმეს ხასϩმდა, გუისგა გუნ ხაჩა: "ლϩკჩე, იმუ̂ა̄ლე ქორთე
Line of edition: 19 ლატა̈ხ მა̄რ!" მე̄რუ̂ა ლადეღ მა̈გ ა̈ნმა̄რა̄̈ნ, ჩალისიმეჲ აჩა̈დ. ათხე ადჰეხ
Line of edition: 20 ამაუ̂. ლოხსგიდა, ჩალისიმედ ჩუ̂ათირ მიჩა ლა̈ხხუ̂ა. ათხე ხაშგუ̂მინ
Line of edition: 21 მიჩა მუს:
Line of edition: 22 -- მახუ̂ში, ალჲარე ლიშია̄̈ლ ჰე ჯაკუ, სი ჯი̄რი ისგუ̂ა გეზალ ჩალისიმე̄
Line of edition: 23 რა̈შ, ეჯა ქა ლამდია̄̈ნ ი ალჲა̈რს მი ხუ̂ეშია̄̈ლ.

Line of edition: 24 ალა ამნე̄მ ა̈დსა̈სტკე: -- იმ ი̄მბუ̂ა̄ლნი ალ მა̄რე? ჩალისიმე̄ რა̈შს
Line of edition: 25 იმჟი ა̈ხსგური?!
Line of edition: 26 -- ეჩი̄ სერდე სი ნომ ჯა̄რ, მი ნა̈ბ ლა̄მო ეჩეჟი ლისგუ̂რე̄შ!

Line of edition: 27 ჲაღო, ქა ლოხთო̄ნე, იმუ̂ა̄̈ჲ ა̈გის ხობა̄̈ნხ. სგა̄ჩა̈დ ალა. ხეწა̈დხ
Line of edition: 28 უშხუ̂ა̄რ, უშხუ̂ა̈რ ლა̈ხფო̄რცხა̄̈ნხ რა̈შ ი ჩალისიმე. ქა̄ნჴიდ ქა̄მენთე,
Line of edition: 29 ჟი ლახსგურდა, ქა̄ჩა̈დ ათხე ლა̈შია̄ლთე. ხეწა̈დხ ალჲა̈რ ი იშია̄̈ლხ.
Line of edition: 30 დეჲ მოშ ათწინდახ ეჯჲა̈რ, დეჲ ალა: დეხდა ათწინდახ. ალა მეუ̂არ

Добавлено (2006-12-11, 7:09 Pm)
---------------------------------------------
ხა̈ხია̈დხ: მϩხა̈რ ნო̄თაუ̂ ჟ'ახწინდა. ჩალისიმე იმედს ხაყლე: "ალჲა̈რს
Line of edition: 32 მი ჟი ხუ̂ა̈წრე". ალა მიჩა მუს მეუ̂არ ხა̈ხია̈დ. ბა̄ზი ზუროლა̄̈რ მეუ̂არ
Line of edition: 33 ლუწხუ̂აუ̂ად ა̈რიხ: -- ათხე მა̈ჲ ლი, ლა̈დი ძღϩდ მასკუ̂რელ, -- ფაფრიკა
Line of edition: 34 ხაყლე: -- ხა̈დურდ ხაჯეშ, იმუ̂ა̄̈ჲხა̈ნ ანჴა̈დ ჩალისიმე გუ̂იშგუ̂ეჲ? რა̈ში
Line of edition: 35 ეჩი̄შ ხაყა. ჩინა̈რ ჩალისიმეს ხაჯეშ, მარე მϩრთენ თე მურსგუ̂ენხა̈ნ
Line of edition: 36 ხო̄გ, მურსგუ̂ენ თე მϩრთენხა̈ნ, ეჩϩნქა! ჰა̈დურდ ხაჯეშ გუ̂იშგუ̂ეჲ ჩალისიმეს!..

Page of edition: 124
Line of edition: 1 ალა, გრუზოუ̂ილ, გუდმეცა̈რ ლი: -- ნომა ღედ ჯა̄რხ, ეჯა გუშგუ̂ეჲ
Line of edition: 2 ჩალისიმე ლი!

Line of edition: 3 მე̄რმა ლადეღ ხა̈ხია̈დხ ალჲა̈რს ლიშია̄̈ლ. ეჩხა̈ნ ჩალისიმე ანჴა̈დ,
Line of edition: 4 ამხა̈ნ ალჲა̈რ. უ̂ოდ-ი-უ̂ოდ იშდრა̄̈ლხ, ეჩქა სგა̄ჩა̈დ მინე ქორთე. ჩალისიმე̄
Line of edition: 5 მუს ხოხალდა: ჟი მϩრე̄ს ჟ'ახწინდა. ამბა̈უ̂ ოთზϩზე:
Line of edition: 6 -- ჲაღო, ეჯჲა̈რ ქა̄̈ხჴერინ მიშგუ̂ათე!

Line of edition: 7 ეჯნე̄მ ლახტიხ: -- ჲაღო, სგა̈ჲ ჩუ̂ესგურდად. ისგუ აფხნეგა̈რ მა̈გ
Line of edition: 8 სგა ლა̈ხსგუ̂ირ, ეჩქა ქა̄̈ნჴუ̂დენიდ ნა̈ჲ.

Line of edition: 9 ჩუ ლუსგუ̂რე ესმϩგნე, ეჩქა ქა̄ნჴა̈დ ი სგა ლა̈ჲჴერნე ზუროლა̄̈რ.
Line of edition: 10 ჩალისიმე̄ მუ ჟი ლა̄პა̈რ ი ხაკუჩ ლიყჰა̄̈ლ, ეჩქა ეჯჲა̈რდ ხა̄̈ქუ̂ხ:
Line of edition: 11 -- ჩიქ' ე̄სერ ჩუ̄უ̂ ესგურდახ. მა̄დხუ̂ა̈ჲ ლი̄მბუ̂ა̄̈ლ ახე̄რახ. ეჩქა მინ
Line of edition: 12 ესერ მიჩა ლა̈ხხუ̂ა ი̄რახ. -- ეზერ.

Line of edition: 13 ათხე ახა̄დხ ლი̄მბუ̂ა̄̈ლ. ათხუ̂ი̄დ ლი̄მბუ̂ა̄̈ლ ფაფრიკას: -- ჲაღო,
Line of edition: 14 მიჩ ესერ ხასმა ეშხუ [ამბა̈უ̂]: აშხუ̂ მეჩი მა̄რა გეზალ მა̄მ
Line of edition: 15 ხარდე̄ნა ი ეჯას გეზალ ჩუ ხათხე̄ნა. გეზალს ამთა̄ნ ახფასა. ა̈მჴედე̄ლი,
Line of edition: 16 სემი ხეხუ̂ ხოთხა. ქუ̂ეყანაჟი ეჯჲა̈რდ ხოჩა დე̄სა ლϩმა̈რდ. ეჩანღო
Line of edition: 17 ეჯჲა̈რ ქორთ' ო̄ხჴი̄და. ეჩქა მიჩა მუს ეჩთა̄ნ ლა̈ხხუ̂ა̄̈ მϩჴდე გეზალ
Line of edition: 18 ჩოთდაგრა, ეჯჲა̈რ მიჩ ხა̈კუ̂და ხეხუ̂დ. ი, ხიად, სგა̈ჲ ხოჩა ღუ̂აჟა̈რ,
Line of edition: 19 ამკა̈ლი მა̄რა მა̈ჲ სა̈ხ ლახღუ̂ა? ქა̄ჩა̈დდ ათხე სგა̈ჲ, ალა ჩუ̂ათმო̄რუ̂ედ,
Line of edition: 20 სგა̄ნჴიდდ, იმჟი ათმო̄რუ̂იდ!

Line of edition: 21 ალჲა̈რ ჟი ლა̄შϩ̄დხ შიშდ, ქა̄ნჴიდხ ამბა̈უ̂: ეჩი̄ კალენ ამჟი ესერ
Line of edition: 22 ხაკა̈ფხ: ჲერუ̂ა̄̈ჲ ალას იჩო, ეჯა, კე̄სა̈რს ამჩუ ჩეი̄ ყო̄რ ხოწიბ, ეჯა
Line of edition: 23 ხეკუ̂ეს ჩუ̂ადქϩნთრინას ლემასგუ̂ისგა, ეჩხა̄უ̂თეჟი ჟ'ა̈დკუ̂არე̄ნს ეჯ მა̄რე
Line of edition: 24 ი ეჩეჟი ლეტყბე ლესუ̂.

Line of edition: 25 ათხე ხა̄̈ქუ̂ინ ფაფრიკად, ერე "ალა ჩუ̂ემინ ამნე̄მ. ჩალისიმე ამი̄ გეზალ
Line of edition: 26 ლი, ნა̈ჲ ამი̄ ლა̈თლა̈ღრა ხუ̂იშდ. ეჯ მა̄რე ლ' ალა!"

Line of edition: 27 შიშდ, გაცხა̈ჲდ, ჩუ̂ადქϩნთრინეხ ყო̄რ, ჟ'ადკუ̂ა̈რხ ალა ეჩხა̄უ̂თეჟი,
Line of edition: 28 ჟ'ანტყაბეხ ი ალა ჩუ̂ესსა̈დ ჩალისიმეს -- ამი̄ საცხოუ̂რებელ, ქონა̈ბ ი
Line of edition: 29 მა̈გ.

Добавлено (2006-12-11, 7:09 Pm)
---------------------------------------------
Part No. 74

Text: 81
Page of edition: 124
Line of edition: 30
81. ხმელიკურა

Line of edition: 31 ხელწიფს სემი გეზალ ხორდა. მაშე̄ნე ი მანე̄სგრე, მა̄̈ჲ ლადეღ
Line of edition: 32 ჴედენდა, ჩი ლადეღ ბაზა̈რთე ღϩრდახ, მაჰუ̂რე̄ნე დე̄მთე მეჩდე̄ლა̈სუ̂.
Line of edition: 33 ანჴა̈დ ეშხუ ლადეღ. ანგა̄̈წყობლე ფა̈ჲტონ, აჩა̈დხ ბაზა̈რთე. იზელა̄̈ლხ,
Line of edition: 34 სგა̄ჩა̈დხ დუქა̈ნთეჲსგა ლოხსგიდახ ეჩხა̄უ̂-ამხა̄უ̂, ზურა̄ლა̈ ნახა̈ტს
Line of edition: 35 ხეწა̈დხ. [მაშე̄ნე] ქა̄̈დკა̄ფ უ̂ეშგინჩუ ამი̄ მალატშუ̂. მედუქა̈ნს ჰელ
Line of edition: 36 ესბϩ̄დ: "ხელწიფი გეზალ მიჩა დუქა̈ნისგა როქ ალდაგა̈რლი!" ამჟი
Line of edition: 37 ქა̄̈ნცოცხლა̄̈ნ. ჟ'ადკუ̂ა̈რხ ფა̈ჲტონთეჟი, ა̈გით' ა̄ნჴიდხ. ა̈გის ხეჭუ̂დიე̄ლ
Page of edition: 125 Line of edition: 1 მიჩა მუ: -- მა̈ჲ როქ ათყერა? -- მა̈ჲ ესერ-იм ზურა̄ლა̈ ნახა̈ტს ხუ̂ეწდ, ეჯა
Line of edition: 2 ხეხუ̂ მო̄მა მე̄რა, ეჩქა მიშგუ̂ა თხუმ ჩუ ხუ̂ადგა̈რი. -- ეზა̈რ, ეჯას მი
Line of edition: 3 ჩუ̂ა̈ჯხუ̂ი̄ნე.

Line of edition: 4 ჟ'ანმა̄რე მაშე̄ნე მუხუ̂ბე, აშირ მϩჩა̄̈ჟი, აშირ მუქუ̂ე̄თი ადზϩზე, სამ
Line of edition: 5 ზაუ̂ჲა̈ უ̂ადა ლახუ̂ე̄მ: -- ეჩქა ემა ა̈ნჴდენი, ეზა̈რ, ი ე მო̄დე, ისგუ თხუ̂იმ
Line of edition: 6 ლϩდაუ̂შე ი̄რა.

Line of edition: 7 აჩა̈დ სემი ზა̈ჲ, დემხა̈ნ ანჴა̈დ. ანმა̄რე მანე̄სგრე მუხუ̂ბე. აშირ მϩჩა̄̈ჟი,
Line of edition: 8 აშირ მუქუ̂ე̄თი, სემი ზა̈ჲა̈ უ̂ადა ლახუ̂ე̄მ. დე̄სა ანჴა̈დ. ა̈ნმა̄რა̄̈ნ მაჰუ̂რე̄ნე

Line of edition: 9 ლეჩჟϩ̄რი, აშირ მϩჩა̄̈ჟი, აშირ მუქუ̂ე̄თი ესღრიხ მინდო̈რთეჲსგა. ამჩუ ჩუ̂ა̈რიხ
Line of edition: 10 სემი და̄̈უ̂ა̈რ, ეშხუ მა̄რე ჩუ ხონხახ, ბერჟა̈ კეტა̈რს ხატყციხ. ალას
Line of edition: 11 ხეწა̈დ ხელწიფი გეზალ ჭყინტ. სგა̄̈თჴϩ̄რა̄̈ნ: "ხაპა̈ტიუ̂ეხ[უ̄] როქ. მა̈დილუ
Line of edition: 12 ხე̄რახ, ალ მა̄რე! აშირ მϩჩა̄̈ჟი, აშირ მუქუ̂ე̄თი მინს[უ̄] ხოსიპხ
Line of edition: 13 ლერსგუ̂ანთე". და̄̈უ̂ა̈რ დე̄მ ხა̈ტხეხ: "ათხე როქ ოთკუ̂არახ შϩნთეჲსგა.
Line of edition: 14 ალას როქ ქუ̂ინს დე̄მის ხა̈ცუ̂რეხ".

Line of edition: 15 ნა̈ბ ი უნბილ მა̈გ ოთნა̈ჩდე. ქა ლახტიხხ და̄̈უ̂ა̈რდ ალ მა̄რე. ჟ'ანϩგა̄̈ნ, ქა

Line of edition: 16 ლა̈ხყაჰა̄̈ნხ. ჟახე ახჭუდიე̄ლეხ: ხელწიფი გეზალს ჭყინტϩლდ ხაჟხა,
Line of edition: 17 და̄̈უ̂რე ლედგა̈რის ხმელიკურა ხაჟხა. ხმელიკურა ლა̈ხჭუ̂ედდა ჭყინტϩლდს:
Line of edition: 18 -- იმთ' ე̄სღრი? -- იმთ' ე̄სღუ̂რი-ი ლა̈ჩი̄ჟა̄ლთე. -- მა̈ჲ ლა̈ჩი̄ჟა̄ლთე! -- სურასა̈ხი
Line of edition: 19 ლა̈ყდა̄̈ნთე.

Line of edition: 20 ხმელიკურად ხა̄̈ქუ̂ინ: -- ეჩხა̄უ̂ ქა ხუ̂ა̈ჲ მეჩდე̄ლი, მარე ქა და̄̈რ მეტხე̄ლი.
Line of edition: 21 ათხე ნა̈ჲ ალღრიდ, ჰე მოშ ჩუ̂ა̈ლხუ̂ინედ, ეზა̈რ ი̄რი.

Добавлено (2006-12-11, 7:10 Pm)
---------------------------------------------
სგა ლა̈ხნაბნა̄̈ნხ ლახუ̂ბად, აჩა̈დხ. სგა̄ჩა̈დხ მეშხა ქუ̂ეყანათე. სოფლი
Line of edition: 23 თხუმ უ̂ოთახა̈რ ლϩგხ. ჟ'აჩა̈დხ ამხა̄უ̂. ქა̄̈ნსგიდა ეშხუ სი̄მაქ, ეზა̈რ
Line of edition: 24 სი̄მაქ. ამნემ ხა̄̈ქუ̂ინ: "შიშტუ ესჭუ̂ე̄ნხ, ფისრა̈ჲ მიშგუ ჭა̈შ ჴეც ალ
Line of edition: 25 სოფლი მახუ̂ში ეჯა ლი. ჰა̄ლ ა̈ნჴდენი, ჩუ ჯადგა̈რიხ სგა̈ჲ!" ხმელიკურად
Line of edition: 26 ხა̄̈ქუ̂ინ: "ეჩი̄ ღედ სი ნომა ჯა̄რ, მი ეჯა ჩუ დეშ მა̈წრე!"
Line of edition: 27 სგა̄ჩა̈დხ, სა̈დილ ლალე̄მხ. ნა̈ბოზს ანჴა̈დ ჴეც. ჭიშგრი ყო̄რ სგა̄̈ნ ხმელიკურა
Line of edition: 28 ჩუ̂ა̈თპა̈ჟ. ჴეც რა̈შს ჟი ხასგურ. აშხუ̂ა̈ნჩუ ღუ̂აშ ხორიკ, მე̄რუ̂ახა̈ნჩუ
Line of edition: 29 უკϩრცხა ღუმი̄რ. სგა̄ნჴა̈დ ჭიშგრი ყო̄რთეჟი. ამჩუ რა̈შ
Line of edition: 30 ჩუ̂ადϩგა̄̈ნ. მადრა̈ჴ ხაჴიდ: "იმნა̈რ ჯაყლუ̄ნი? ხმელიკურა მა̄მ ა̈რი ამეჩუ!
Line of edition: 31 "ქა̄ნსკინე ხმელიკურად, სგა ხაფხეჭ ნადა̄̈ურას, იბϩრგიე̄ლხ. ეშხუ
Line of edition: 32 ქუთუ̄ლთეჩუ ხა̈თუ̂ფეხ, მე̄რუ̂ე ლა̄რტყათეჩუ. ჩუ̂ა̈ნდე ნადა̄̈ურა, თხუ̂იმ
Line of edition: 33 ათქუ̂იც. ბა̄ზი ამეჩუ ა̈რიხ. ხეჭუ̂დიე̄ლხ: "მა̈ჲ როქ ლი ამი̄ ბედჟი?"
Line of edition: 34 ზურა̄ლ ხა̈ტხე: -- ქა როქ ხუ̂ა̈ჲ მეჩდე̄ლი, მარე ქა და̄̈რ მეტხე̄ლი.

Line of edition: 35 მე̄რუ̂ა ლადეღ ანϩგა̄̈ნხ, აჩა̈დხ, სგა̄ჩა̈დხ წϩრნი ქუ̂ეყანათეჲსგა. სოფლი
Line of edition: 36 თხუმ უ̂ოთახა̈რ ლϩ̄გდახ. სგა̄ჩა̈დხ ამხაუ̂თეჲსგა. ქა̄̈ნსგიდა ხოჩა
Line of edition: 37 სი̄მაქ: -- შიშდ ესჭუ̂ე̄ნდ, ადო მიშგუ ფისრა̈ჲ ჭა̈შ შიშტ ჩუ ჯადგა̈რიხ!
Line of edition: 38 -- ეჩი̄ გუნა̈ბ სი ნომა ჯა̄რ, მი ეჯას ჩუ ხუ̂ეხუ̂ა! -- სგა̄ჩა̈დ, სა̈დილ
Page of edition: 126 Line of edition: 1 ანმა̄რე. ნა̈ბოზს ანჴა̈დ წϩრნი და̄̈უ̂, რა̈შს ჟი ხასგურ. აშხუ̂ა̈ნჩუ ღუ̂აშ
Line of edition: 2 ხოწიბ, მე̄რუ̂ახა̈ნჩუ უკϩრცხა ღუმი̄რ. ჭიშგრი ყო̄რთეჟი ანჴა̈დ, მადრა̈ჴ
Line of edition: 3 ხაჴიდ: "ნომ ჯაყლუ̄ნი, ხმელიკურა მა̄მ ა̈რი ამეჩუ!" ქა̈ნსკინე
Line of edition: 4 ხმელიკურად, იბϩრგიე̄ლხ, ლა̄რტყათეჩუ ხმელიკურა ხა̈თუ̂ფე, ლა̈ნკუთხათეჩუ -- და̄̈უ̂.
Line of edition: 5 ჩუ̂ა̈ნდე ნადა̄̈ურა, ქა̄თქუ̂იც თხუ̂იმ. ბა̄ზი ამეჩუ ადϩგა̄̈ნხ.
Line of edition: 6 ლა̈ხჭუ̂ედდახ ალ ზურა̄ლს. ალ ზურა̄ლდ ხა̄̈ქუ̂ინ: -- მი იშგენ დე̄სმა
Line of edition: 7 მასმა: ქა ხუ̂ა̈ჲ მეჩდე̄ლი, ქა და̄̈რ მეტხე̄ლი. მიშგუ̂ა უდილს მა̈გ ხოხა,
Line of edition: 8 თუ̂ეთნა ქუ̂ეყანას თუ̂ეთნა და̄̈უ̂ა̈ ხეხუ̂ ლი. ეჯა გუდმეცა̈ლ ლი: მა̄რე
Line of edition: 9 ჩუ ლახ ა̈დდაგრი, ჟ'ასე̄ლუ̂ე. მა̈გ ხოხა ჰა̄დურდ, ჩი̄ს იჩო. ღე̄რბათზუმ
Line of edition: 10 გარ მა̄დე ხობიც, მარე ეჩი̄ ჭა̈შ ჴეცრე მახუ̂ში ლი ი ეჯას და̄̈რ
Line of edition: 11 მოშ ხა̈წრე.

Line of edition: 12 მე̄რუ̂ა ლადეღ აჩა̈დხ, სგა̄ჩა̈დხ თუ̂ეთნა ქუ̂ეყანათე. ამჩუ სოფლი
Line of edition: 13 თხუმ თუ̂ეთნე ქორა̈ლ ხო̄გხ. სგა̄ჩა̈დხ ამხაუ̂თეჲსგა. ქა̄̈ნსგიდა სი̄მაქ.
Line of edition: 14 ლოხუ̂სგიდახ სურასა̈ხი კარტიჩკას. სურასა̈ხიშთა̄ნ დეშ ლი, მარე
Line of edition: 15 ხუ̂ა̈ჲ მა̄მა ხაკლი. ხა̄̈ქუ̂ინ ალჲა̈რს: -- შიშტუ აჩა̈დხ, ადო მიჩა ფისრა̈ჲ
Line of edition: 16 ჭა̈შ შიშდ ჩუ ჯადა̄უ̂შეხ. -- ეჩი̄ გუნა̈ბ სი ნომა ჯა̄რ, მი ეჯა
Line of edition: 17 დეშ მა̈წრე!

Добавлено (2006-12-11, 7:11 Pm)
---------------------------------------------
სა̈დილ ანმა̄რე. ნა̈ბოზს და̄̈უ̂ ანღრი. თუ̂ეთნა რა̈შს ჟი ხასგურ.
Line of edition: 19 აშხუ̂ა̈ნჩუ ღუ̂აშ ხორიკ, მე̄რუ̂ახა̈ნჩუ უკϩრცხა ღუმი̄რ. სგა̄ნჴა̈დ ჭიშგრი
Line of edition: 20 ყო̄რთეჟი, რა̈შ ჩუ̂ადϩგა̄̈ნ. მადრა̈ჴ ხაჴიდ: "იმსგა̈ჲ ხმელიკურა ა̈რი!"
Line of edition: 21 ქა̄ნსკინე ხმელიკურად, იბϩრგიე̄ლხ. ჩუ̂ა̈ნდე ნადა̄̈ურა, თხუ̂იმ ახქუ̂იც,
Line of edition: 22 ჩუ̂ადგა̈რ. ბა̄ზი ხოჩა ლე̄თ ხა̄რ ამი̄ ხეხუ̂ს. ხმელიკურად ხეხუ̂დ ა̈დყედნე.
Line of edition: 23 ალა ხეჭუ̂დიე̄ლ: "იმთ' ე̄სერ ღϩრიხ?" ალას ჩუ ხოხალდა
Line of edition: 24 სგუ̂ებნაუ̂ი, მარე ეში̄ ხეჭუ̂დიე̄ლ. ქო̄ხო̄მბუ̂ეხ, მარე ძღϩდ ძნელ ხაბჟა:
Line of edition: 25 -- ეჯას ყა̈რუ̂ლა̈რ ხო̄გ. ეჩი̄ მუხუ̂იე̄სგი დეშჲა̈რ ლი, მარე მა̄̈ჲ ესამა
Line of edition: 26 იჴϩრჴო̄ლნი, ჟ'ალჴერჴიდ. ჩიქე ხო̄გ კოჯა̈ ყა̈რუ̂ილ, კოჯა̈რ იყϩრიე̄ლხ;
Line of edition: 27 ღო ეჯას ქა̄დრინე, ეჩქა ბუზუ̄ლა̈ ყა̈რუ̂ილ, ეჩქა ჟეღი ყა̈რუ̂ილ. ალჲა̈რს
Line of edition: 28 ქა̄დრინე, ეჩქა ჭიშგრი ყო̄რჟი რა̈შ ხო̄ბ. ეჯა ლახ თϩრტϩ̄ნს
Line of edition: 29 იკედ, ეჩქა სურასა̈ხ ქა ჴედნი ჭიშგა̈რ ქა̄მენჩუ. სა̈რკ ხუღუ̂ა. ისგი̄დრა̄̈ლ,
Line of edition: 30 ქუ̂ეყანაჟი მა̄̈ჲ ჩუ ირდი პირტყუ̂-მერტყუ̂ეუ̂ილ, ჩი̄ს გუ̂ის ხაჰუ̂დი,
Line of edition: 31 მიჩა მაუ̂ინს ჩუ̂ადა̄უ̂შე. ეჩქა სგა ღϩრი, ეშხუ თუ̂ეს ჟი მა̄მა ჲეცხნი.
Line of edition: 32 ეჩქა ჲეცხნი ი ღო ჩუ̄დ იუ̂ჟუნი. ამჟი ლი ეჩი̄ გუ̂ეშ.

Line of edition: 33 ჟ'ანმა̄რე ხმელიკურა მიჩა ხეხუ̂დ: კოჯრე მეყϩრიე̄ლა̈შდ ბერჟა̈
Line of edition: 34 სოტა̈რ ლახუ̂ე̄მ, ბუზუ̄ლ[რ]ეშდ ეშხუ ჟა̈ჴ [თუ̂ი] ლახუ̂ე̄მ. ბუზუ̄ლა̈რს ა̈თდო̄ლახ,
Line of edition: 35 "ეჩქა ბუზუ̄ლა̈რს თუ̂ი ოთგუ̂ეშდ!" ჟეღრეშდ ეშხუ ცა̈ლ დია̈რ
Line of edition: 36 ლახუ̂ე̄მ. "ეჩქა ეჯჲა̈რ ქა ჯუფშუ̂დეხ, ეჩქა ლა̈ხბინედ უ̂ერი ლიბϩრჯე.
Line of edition: 37 ხაბϩრჯად, უ̂ოდე ჭიშგრი ყო̄რთეჟი ჟი დო ათჰად. ეჩქა ჲარუ̂ ფხულე̄მი
Line of edition: 38 ლაწუ̂ე̄ნა უ̂ერ ჟ'ანფიტდ. რა̈შს ქა ხაწუ̂ე̄ნად, ეჩქა ეჯა თϩრტϩ̄ნს
Page of edition: 127 Line of edition: 1 იკდუნი. სუმინ ქა ჴედნი, დო̄ს' ე̄სწუ̂ე̄ნი, ეჩქა მე̄შთხუ̂ა̄მინ ჩუ̂ანბა̈ნი

Добавлено (2006-12-11, 7:11 Pm)
-------------------

Line of edition: 12 აჩა̈დხ, ათა̄სდხ კოჯრე მეყϩრიე̄ლს. კოჯა̈რს სოტა̈რ ლოხუ̂გეხ,
Line of edition: 13 ჩუ̂ადმა̈ზრეხ, ქა̄ფიშუ̂დხ. ბუზუ̄ლა̈ ყა̈რუ̂ილს თუ̂ი ოთგუ̂ეშხ. ბუზუ̄ლა̈რდ
Line of edition: 14 ჩუ̂ადმა̈ზრეხ, ქა̄ფიშუ̂დხ. ჟეღა̈რს დია̈რ ოთდეხ, ჟეღა̈რდ ჩუ̂ადმა̈ზრეხ,
Line of edition: 15 ქა̄ფიშუ̂დხ. აბϩრჯეხ უ̂ერს, ესღრიხ, სგა̄ჩა̈დხ ჭიშგრი ყო̄რთეჲსგა,
Line of edition: 16 ჟ'ანწუ̂ე̄ნეხ ჲერუ ფხულე. თϩრტϩნ ა̈ნკიდ სურასა̈ხი ყა̈რუ̂ილ რა̈შდ.
Line of edition: 17 ქა̄̈ნსგიდა სურასა̈ხ, ისგი̄დრა̄̈ლ სა̈რკშუ̂, და̄̈რ ესწუ̂ე̄ნე. სუმინ ქა̄ნჴა̈დ,

Line of edition: 18 მე̄შთხუ̂ა̄მინ ჩუ̂ადნაბნე რა̈შ. ჟ'ანჴა̈დხ უ̂ერხანჟი, სგა̄ჩა̈დხ სურასა̈ხი
Line of edition: 19 ლაყუ̂რათეჲსგა. ჴაბ აყუ̂რე. ჭყინტϩლდ ჟ'ათყუ̂ინე, სოტა̈რ სგა ლოხუ̂გე
Line of edition: 20 ბერჟა̈შ, ნა̄ჭოშ ჟ'ანხϩლთუ̂ე. თუ̂ე ქა̄ჩა̈დ, ეჩქა ანჲა̈ცხ, ხა̄̈ქუ̂ინ:
Line of edition: 21 "სი ჭა̈შ, მი ხეხუ̂!" იმბანა̄̈ლ, მარე ალჲა̈რდ მად ოთჯϩრუ̂ეხ. "უ̂ოდე
Line of edition: 22 უ̂ოქუ̂რა̈ ჯუ̂ა̈რშუ̂ ჩუ დო ა̈თნაბნი, ეჩქად ისგუ მინდუ̂ს მა̄მა ხუ̂ა̈რიდ".

Line of edition: 23 "ათხე [ჰე] უ̂არს ყϩლე', ჟ'ა̈ნცხუ̂ეპ ხმელიკურად დაშნა̈ჲ, ჟ'ესდე კინჩხქა,
Line of edition: 24 ეჩქა ჟ'ა̈ნკუ̂იშ, ჩუ̂ა̈დნაბნა̄̈ნ. ჟ'ა̈ნფუშდუ̄რეხ, ჩუ̂ა̈რიხ სემი ლადეღ.
Line of edition: 25 ეჩქა ხმელიკურად ლა̄̈ქუ̂ინ: "მი უ̂ეშგდ ტუ̂ეხნი, ლა̈ნშა̈ნ ლალო̄მედ
Line of edition: 26 უშხუ̂ა̄რ: ლახ ჩუ მა ა̈გუ̂ყერნი, ეჩქა ჟ'ა̈ლმეჴრად უშხუ̂ა̄რეშ. ლახ ლიბრა̄ლდე̄დდ,
Line of edition: 27 ხედუ̂ა̄̈ჲ ლϩდგა̈რ ლი̄რად, ეჯას ლიც ზისხდ ეგუ̂სიპი
Line of edition: 28 ლაბრა̄ლჟი" ლა̈ხყაჰა̄̈ნხ უშხუ̂ა̄რ. ხმელიკურა უ̂ეშგდ ანტა̈ხ მიჩა ხეხუ̂თე,
Line of edition: 29 ჭყინტϩლდ ჩუ̂ასა̈დ. სურასა̈ხი ლა̈ლგმა̄̈რ იშგუ̂იდ თუ̂ალია̈ნ ლი. ჩია̄̈გ

Добавлено (2006-12-11, 7:14 Pm)
---------------------------------------------
ლაშდრა̄ლ ლი უ̂ოქუ̂რა̈ ლა̈ჰნა, უ̂ერცხლიშ, მა̄̈ჲ დო ი̄რა, მა̈გ ეჩეისგა
Line of edition: 31 ლი. მარე ეშხუ კϩლ ჩოთშხუ̂ინ ი სერ იშგენ ქა ლახუ̂ე̄მ. სურასა̈ხ
Line of edition: 32 ჩუ̂ა̈დუ̄ჟდა. ჭყინტϩლდ იშდრა̄̈ლ, მარე ამი̄შთა̄ნ დე̄სამა ხოწუ̂ა მიჩა
Line of edition: 33 სა̈ხϩლწიფისგა. მარე კϩლ ოთშხუ̂ინ აშხუ̂ ოთა̈ხიშ. "ეჯა ჰა̈დურდ
Line of edition: 34 ეზა̈რ ი̄რი", ქა̄ჩა̈დ, კϩლ ლათხურმა̄̈შ ხორდა, ჟ'ოხუ̂კიდ ი ჩუ̂ადკარე
Line of edition: 35 ალ უ̂ოთა̈ხ. ამჩუ ხა̄̈ბ ნადა̄̈ურა. ჩუ დეშ ადგა̈რ [სურასა̈ხდ]
Line of edition: 36 ალ ნადა̄̈ურა ი ჩუ̂ათბე ნა̄ჭოშ. ჭყინტϩლდს ათყალუ̄̈ნდა. ქა̄̈დკა̄ფდა
Line of edition: 37 უ̂ეშგინჩუ. ნადა̄̈ურად ხა̄̈ქუ̂ინ: "ბაბა̄̈ ლადეღ სი!" ხოჩა გუ̂ი ლოხდე, ჟ'ანϩგა̄̈ნ
Line of edition: 38 ჭყინტϩლდ: "ბაბა̄̈ ლადეღ ისგუ̂ა თე̄რა̈ლს, მუხუ̈რისგა დაშნა̈ჲ
Page of edition: 128 Line of edition: 1 ხაჭიდ, ეჯას ქ' ე̄მოშ მიკა̄̈ფი, ეჩქა ისგუ̂ათა̄ნ და̄̈რ მერდი". ქო̄თკა̄̈ფ
Line of edition: 2 დაშნა̈ჲ ნადა̄̈ურას, ხაჴიდ ნა̄ჭას, ჟ'ახქუ̂იც, ეჩუნღო ესსიპე, ჭყინტϩლდს
Line of edition: 3 თხუ̂იმ აშხუ̂თე ოთკუ̂ა̈რ, გობრა̈ნჯ მე̄რუ̂ათე, სურასა̈ხ ესსგურე
Line of edition: 4 ბარჯჟი, ჯუ̂ე̄დია მინდო̈რისგა მურყუ̂ამ ხო̄გ, სგა̄დჲე ამხა̄უ̂თეჲსგა.
Line of edition: 5 ამის ჩეი̄ ყო̄რა̈ლ ჟი ხოწიბ.

Line of edition: 6 ა̈დბარა̄̈ნ ხმელიკურა, ლიც ზისხდ ესგუ̂ეშლა̄̈ნ: "ატ, საბრალ მი,
Line of edition: 7 მა̈ჲ გუ̂ეშ მეყა̈რ, მუხუ̂ბე ამდაგრა!" ეჩქა მიჩა ხეხუ̂დ ხა̄̈ქუ̂ინ: "ალა მი
Line of edition: 8 ლე̄თი ჩუ მიხალდა. სურასა̈ხდ იშგენ მა̈გ ჩუ̂ადდა̄უ̂შე, ეჯ ნადა̄̈ურას
Line of edition: 9 იშგენ დეშმა ოხუ̂ჴერჴე ი ჩუ̂ათბე. ეჯ უ̂ოთა̈ხი კϩლ ჩუ̂ათპა̈ჟუ̂ნე, მარე
Line of edition: 10 ეჯა ხოჩა ხოხალდა, ქო̄თქუ̂ით ეჯ კϩლ, ჩუ̂ადკარე უ̂ოთა̈ხ. ეჩეისგა
Line of edition: 11 ხა̄̈ბϩდა ნადა̄̈ურა ნა̄ჭოშ. დაშნა̈ჲ ხოჭϩ̄დდა, ქო̄თკა̄̈ფ ეჯა, ხაჴიდ ნა̄ჭას,
Line of edition: 12 ეჩუნღო მიჩ ხაჴიდ: გობრა̈ნჯ აშხუ̂თე ოთკუ̂ა̈რ, თხუ̂იმ მე̄რუ̂ათე. სურასა̈ხ
Line of edition: 13 ლა̈ჲსგურე ბარჯჟი, ეშ ლახკიჰე მურყუ̂ამთეჲსგა. მა̈გ მა̈მჲედა,
Line of edition: 14 ჭყინტϩლდსი ჟი ხუ̂ასე̄ლუ̂ე, მარე სურასა̈ხი ლიტხე დე̄მჟი მა̈მჲედა.
Line of edition: 15 ჭყინტϩლდ ლახ ჟ'ახსე̄ლუ̂ა, პლატუკს ლაჯუ̂ედნე, მიშგუ̂ა ნაბრა̄ლს.
Line of edition: 16 სურასა̈ხ დე̄მჟი იტი̄ხი, ეჩი̄ ჭა̈შმი მენწირ ქუ̂ეყანაჟი მა̄მა ა̈რი".

Line of edition: 17 აჩა̈დ ხმელიკურა, სგა̄ჩა̈დ უ̂ოთა̈ხთეჲსგა, ჭყინტϩლდ ლϩდგა̈რ ესხუ̂ი̄დდა,
Line of edition: 18 ჟ'ანსე̄ლუ̂ე. თე̄რა̈ლს იბრი̄ნგუ̂ე: "უ̂ოჲ, დედე, მა̈ ხუ̂ა̈ჲ მიუ̂ჟა?"

Добавлено (2006-12-11, 7:14 Pm)
---------------------------------------------
ხმელიკურად ხა̄̈ქუ̂ინ: "ჯიუ̂ჟა მა̄დეჲ ლϩდგა̈რ ხარდა̈ს. სურასა̈ხ ეშ
Line of edition: 20 ლოხუ̂კიჰა ნადა̄̈ურას, სერ ეჩი̄ მϩტხე ნა̈ჲ მა̄მა ლიშდ". ა̈დბინე ლიგუ̂ნი,
Line of edition: 21 თხუმ ადგა̈რი. ხმელიკურად იმედ ხა̄̈ქუ̂ინ. აჩა̈დხ. სა̈დლობა̈ ონას
Line of edition: 22 სგა̄ნჴა̈დხ ალ მურყუ̂ამთეჲსგა. მურყუ̂მა̈ შდულქა სურასა̈ხ ქა̄̈ნსგიდა,
Line of edition: 23 ქϩმრა̈ლ ანშიდ მურყუ̂ამხა̈ნქა: "დეშ როქ ა̈ნჴϩმრე მიშგუ თხუ̂იმ ი მიშგუ
Line of edition: 24 ლირდე! ათხე ჟ'ესჭუ̂ე̄ნდ, ადო მიშგუ მუხუ̂იე̄სგი მა̄მა ხიშდ. ფისრა̈ჲ
Line of edition: 25 ალ ჴეც, ამი̄ მენწირ ქუ̂ეყანაჟი მა̄მა ა̈რი". ხმელიკურად ხა̄̈ქუ̂ინ სურასა̈ხს:
Line of edition: 26 "ბა̄ზი როქ ლახ ანჴეს, ეჩქა ხოჩა გუჟი ესხუ̂იდ. ე̄სამა ლესუ̂
Line of edition: 27 ეჩი̄ მენწირ, ქა იმჟი ახღორეუ̂, ე დო̄სამა, ეჩქა ოტხენიდ ნიშგუ̂ეჲ
Line of edition: 28 შუკუ̂ს".

Line of edition: 29 ალჲა̈რ ჩუ̂ა̈თპა̈ჟხ ღე̄ლეისგა. ნა̈ბოზ ანჴა̈დ, ალ ჴეც ანჴა̈დ. ნა̈თხუ̂იარე
Line of edition: 30 ხუღუ̂ა. ყო̄რა̈ლისგა ანღრი, ქა ლა̈ხზაზ სურასა̈ხ. ლა̈ხყაჰა̄̈ნ
Line of edition: 31 ჩიქე აშხუ̂ა̈ნ, ღო მე̄რუ̂ახა̈ნ. -- იმნა̈რ მა̈ჩო ამჟი: ათხად ჩიგარ მეგუ̂ნი
Line of edition: 32 მა̈ხუ̂იე̄ნა? -- და̄̈უ̂დ ხა̄̈ქუ̂ინ სურასა̈ხს. სურასა̈ხდ ხა̄̈ქუ̂ინ: -- ისგუ მϩსგდი
Line of edition: 33 ხუ̂ი, ჲაღო, ჲა̈რ მელტი ისგუ̂ანქა.

Line of edition: 34 უ̂ოხშა̈მ ანმა̄რეხ, ჩუ̂ა̈დუ̂ახშმა̄̈ნხ, ლაყუ̂რა ა̈ნსყეხ. ათხად დე̄სა ლϩყუ̂ნე̄ლი
Line of edition: 35 ამიცახა̈ნ, ბა̄ზი სგა ლოხყურდა ხოჩა გუჟი. ადბინე სურასა̈ხდ
Line of edition: 36 ლიშურიე̄ლ. და̄̈უ̂ ლა̈ხჭუ̂ედდა: "იმნა̈რ ხიჩო ლიშურიე̄ლს?" სურასა̈ხდ
Line of edition: 37 ხა̄̈ქუ̂ინ: "ჯ' ე̄სერ ძინა̈რს ღϩრი ცხეკთე, ყო̄რა̈ლს ქა ხოკლი. ჩუ ლახ
Line of edition: 38 მა ა̈ჯყერნი, ეჩქა მი მურყუ̂ამისგა ა̈სუ̂დენი. მა̈ჲ ჩუ̂ემინა, მა̈ჲ ა̈ხუ̂გონუ̂ა,
Page of edition: 129 Line of edition: 1 ადო ისგუ ლირდე ჩუ ლახ მეხლი, ეჩქა ხოჩა გუჟი ხუ̂ირდი".
Line of edition: 2 და̄̈უ̂დ ხა̄̈ქუ̂ინ, ეშ ა̈დϩნბაჟე: "მიშგუ მენწირ ქუ̂ეყანაჟი და̄̈რ ა̈რი". ნა̈ბ
Line of edition: 3 ი უნბილ მა̈გ ოთნა̈ჩდე.

Line of edition: 4 სურასა̈ხდ ქა̄ ხა̄̈ქუ̂ი̄სგუ̂ნე, მა̄̈ჲ ლი მიჩა მϩდგა̈რი: -- ძუღუ̂აისგა თუ̂ეთნე
Line of edition: 5 ჴა̈ნ ა̈რი, უ̂ოქუ̂რა̈ მუჭუ̂ა̈რ ჟი ხა̄გ. აშხუ̂ მიჭუ̂ისგა კოლფი̄დ ა̈რი. ეჩეისგა
Line of edition: 6 შდაუ̂ლა̈რ ა̈რიხ სემი. ეჯჲა̈რს უ̂ოდ ჩუ დო̄რ ადდაგრი, ეჩქად
Line of edition: 7 მიშგუ მენწირ და̄̈რ ა̈რი. ჰამს ჴედნი ძუღუ̂ახა̈ნქა, იგულოუ̂ა̄̈ლ ძუღუ̂ა̄̈
Line of edition: 8 პილჟი, ღო სგა̄დ ღϩრი ძუღუ̂ათეისგა.

Line of edition: 9 მე̄რუ̂ა ძინა̈რს ანϩგა̄̈ნ და̄̈უ̂, აჩა̈დ ლა̈თხუ̂იართე. ჟ'ანჴა̈დ ხმელიკურა
Line of edition: 10 ი მიჩა აფხნეგ ჭყინტϩლდ, ლა̈ხჭუ̂ედდახ სურასა̈ხს. -- მა̈ჲ ჯა̄ქუ̂ინ
Line of edition: 11 ლე̄თი და̄̈უ̂დ?
Line of edition: 12 -- იმ მა̄̈ქუ̂ნინა? დეშ ხიჩოდ ეჩი̄ ნა̄̈ქუ̂ი̄სგუ̂ს! ძუღუ̂აისგა თუ̂ეთნე

Добавлено (2006-12-11, 7:15 Pm)
---------------------------------------------
ჴა̈ნ როქ ხორი. ეჯას უ̂ოქუ̂რა̈ მუჭუ̂ა̈რ ხა̄გ. უ̂ოქუ̂რა̈ მუჭუ̂ა̈რისგა კოლფი̄დ
Line of edition: 14 ხორი. კოლფი̄დისგა სემი შდაუ̂ალ ა̈რი. ეჯას უ̂ოდ ჩუ დო ალდაგრიდ,
Line of edition: 15 ეჩქად ეჩი̄ მენწირ მა̄მა ა̈რი.

Line of edition: 16 აჩა̈დ მϩშკიდთე, სემი ფუთია̈ნ ცჴემა̈დ ა̈ნსყე, ჲორუ თუ̂ით ფუთია̈ნ
Line of edition: 17 ცხუ̂ია̈რ ა̈ნსყე. აჩა̈დხ ძუღუ̂ა̄̈ პილთე. ქა̄ნჴა̈დ თუ̂ეთნე ჴა̈ნ. ალჲა̈რ
Line of edition: 18 ჩუ ხაპიჟხ. ახფიშუ̂დ ეშხუ ცხუ̂ი, ჟ'ახყუ̂იჩ ეშხუ მიჭუ̂. მე̄რუ̂ე ლახტიხ,
Line of edition: 19 ეჩქა მე̄რუ̂ე მიჭუ̂ ათცუ̂ირნე კადა̈რისგა. მუჭუ̂ა̈რულ ჴა̈ნდ ძუღუ̂ათე
Line of edition: 20 ადსკინე. ქა̄̈ნკიდხ კოლფი̄დ, სგა̄ჩა̈დხ მურყუ̂ამთეისგა, ყო̄რა̈ლ ჩუ̂ადყუჩუ̄რეხ.
Line of edition: 21 ნა̈ბოზ ანჴა̈დ, და̄̈უ̂ი ანჴა̈დ. სგა̄ჩა̈დ ქორთე. სურასა̈ხს ხა̄̈ქუ̂ინ:
Line of edition: 22 "ქრისდია̈ნ ამსუ̂ა̄ლდა̈ ქუ̂ინ მირ მაჴან". სურასა̈ხდ ხა̄̈ქუ̂ინ:
Line of edition: 23 "ათხად ესერ ქრისდია̈ნ ლϩმა̄̈რლი, ათხე ესერ[ი̄] ქრისდია̈ნ ლი". ჩუ̂ა̈დჯϩრუ̂ე
Line of edition: 24 და̄̈უ̂დ. უ̂ახშა̈მ ანმა̄რე, სგა ლახსგურდახ უშხუ̂ა̄რ, ლიდიარა̄̈ლ
Line of edition: 25 ა̈ნბინეხ. ქა̄̈ნკიდხ ეშხუ შდაუ̂ალ, ჩუ̂ადგა̈რხ. და̄̈უ̂დ ლა̄̈ქუ̂ინ: "ჩუ ესერ
Line of edition: 26 ესჯϩჯგნა!" მე̄რუ̂ე ა̈ნკიდხ, ჩუ̂ადგა̈რხ. და̄̈უ̂დ ლა̄̈ქუ̂ინ: "აშხუ̂ხა̈ნჟი ჟი
Line of edition: 27 ა̈მფϩრა̄̈ნ მა̈გ!" მესმე შდაუ̂ალ ჩუ̄დ ადგა̈რხ, ქუ̂ინ ოხჩა̈დ და̄̈უ̂ს. ქა̄ნჴა̈დხ
Line of edition: 28 ამხა̈ნქა, მეუ̂არ ხა̈ხია̈დხ, სგა̄ნჴა̈დხ სურასა̈ხი ქორთეისგა. სურასა̈ხი
Line of edition: 29 კეთილს ტუ̂ეტ ოხუ̂დეხ, აჩა̈დხ მინე ქორთე. სგა̄ნჴა̈დხ ხმელიკურა̄̈
Line of edition: 30 ხეხუ̂თეისგა. ხმელიკურა̄̈ ხეხუ̂ს გუნ ათხი̄დϩნდა. უ̂ად ხუღუ̂ა.
Line of edition: 31 ჲორუ ლახუ̂ბა ხაკლი ჭყინტϩლდს. ლა̈ჲუ̂ა̈დ ეჯჲარე ლისე̄ლუ̂ე, მინე
Line of edition: 32 ჯა̈რი-მა̄რე̄მიშ. ჭϩშხუ̂შ ესგენე სგუ̂ებინჩუ მა̈გ. ოხუ̂დეხ ტუ̂ეტ ხმელიკურა̄̈
Line of edition: 33 ხეხუ̂მი კეთილს ი აჩა̈დხ. სგა̄ნჴა̈დხ წϩრნი ქუ̂ეყანათე. წϩრნი
Line of edition: 34 და̄̈უ̂ა̈ ნახა̈ხუ̂ მანე̄სგრა მუხუ̂ბა ოთყედნეხ. ანჴა̈დხ მეშხა ქუ̂ეყანათე.
Line of edition: 35 მეშხა და̄̈უ̂ა̈ ნახა̈ხუ̂ მაშე̄ნა მუხუ̂ბა ოთყედნეხ. მა̈გ ლϩხეხუ̂ ლიხ უ̂ო̄შთხუ̂
Line of edition: 36 ლახუ̂ბა. სგა̄ნჴა̈დხ მინე სახელწიფთეისგა. დედე̄-მამა ჩუ̂ათმეჩე̄ნახ,
Line of edition: 37 მამა̄̈შდ ლიხϩლწიფ ქო̄თღახ. ჯა მურყუ̂ამთე ა̈მჩედე̄ლი, უ̂ა̈რე
Page of edition: 130 Line of edition: 1 ქო̄ხდა მურყუ̂მა̈ შდულქა. ჩუქუ̂ა̄ნ ხამა̈რ ხეზელა̄̈ლხ. მინე დედე ლაყუ̂რაისგა
Line of edition: 2 ტყუბულს ქა მა̄მა ხოწუ̂ა. სგა̄ჩა̈დხ ქორთე, ჟ'ოხუ̂ე̄ზნანეხ
Line of edition: 3 მინე დედეს-ი მამას. ხოჩა ლირდე ხუღუ̂ახ ჩი̄უ̂შ.

Добавлено (2006-12-11, 7:15 Pm)
---------------------------------------------
Part No. 75

Text: 82
Page of edition: 130
Line of edition: 4
82. ინოია

Line of edition: 5 არდა ეშხუ ხელწიფ, ხორდა ეშხუ ზითუნახა̈უ̂. ალ ხელწიფს ჭყინტდი
Line of edition: 6 ალა ხორდა ი დი̄ნადი̄. ათხე ოხჴა̈დ ალას ლიწუ̂ი̄ლა̄ლე დუ̂რეუ̂.
Line of edition: 7 ალ ხელწიფდ მიჩა სა̈ხϩლწიფ მა̈გ ჩუ̂ა̈დზუ̂ერ ი ხა̄̈ქუ̂ ხა̈ლხს: "მიჩ ესერ
Line of edition: 8 ხორი ეშხუ ზითუნახა̈უ̂ ნანუ̄ლ. ეჩი̄ ჟახა ესერ ერუ̂ა̄̈ჲ ჩუ̂ა̈თხო̄ლი,
Line of edition: 9 ეჩას ესერ ხაჰუ̂დი ხეხუ̂დ". ა̈ნზუ̂ერ მა̈გ, მარე და̄̈რ მოშ ათხუ̂ი̄დ. ათხე
Line of edition: 10 ხელწიფ ჟ'ა̈ნწახუ̂ა̄̈ნ. ა̈დზუ̂ერ აჯაღ მე̄რმა̄მდ, მარე აჯაღ და̄̈რ მოშ
Line of edition: 11 ათხუ̂ი̄დ. ა̈დზუ̂ერ აჯაღ მე̄სმა̄მდ, მარე ეში̄ და̄̈რ მოშ ათხუ̂ი̄დ. ათხე
Line of edition: 12 ანჴა̈დ მϩრა̄̈მხა̈ნ ეშხუ ჟეღი ლუნიჩუ̂ მა̄რე ი ამნე̄მ ლა̄̈ქუ̂: "მა̈ჲ ანბა̈უ̂
Line of edition: 13 ესერ ლი?" ხა̈ლხდ ლახტიხ, ერე "ხელწიფს ესერ ხორი ეშხუ ზითუნახა̈უ̂
Line of edition: 14 ნანუ̄ლ. ეჩი̄ ჟახა ესერ ერუ̂ა̄̈ჲ ჩუ მოშ ა̈თხო̄ლი, ეჩის ესერ
Line of edition: 15 ხაჰუ̂დი ხეხუ̂დ".
Line of edition: 16 -- ჲაღო ესერ, ხელწიფ იმ' ა̄̈რი, ჯ' ე̄სერ ხეხუ̂ა ეჩი̄ ჟახა.

Line of edition: 17 ათხე სგა̄ჩა̈დხ უ̂ა̈ზრა̈ლ ხელწიფიშთე ი ხა̄̈ქუ̂ხ: -- ფუსდ! ეშხუ მა̄რე
Line of edition: 18 ესერ ა̈მჴედე̄ლი მϩრა̄̈მხა̈ნ ათხე ი ეჯ' ე̄სერ ხეხუ̂ა მიჩა გეზლა̈ ჟახა.
Line of edition: 19 -- ჲაღო ესერ, სგა̄უ̂ ოხჴიდხ ეჯ მა̄რე!

Line of edition: 20 ალ მა̄რა ხაჟხა ძაღლთაგან. ალას უ̂ეშგმაუ̂ი̄ ჟეღი ნიჩუ̂ ხა̄რ ი
Line of edition: 21 სგუ̂ებნაუ̂ი̄. ძაღლთაგანს ხა̄̈ქუ̂ინხ უ̂ა̈ზრა̈ლდ. "ხელწიფ ესერ ხატუ̄ლი".
Line of edition: 22 სგა̄დჲეხ ალა ხელწიფიშთე. ხელწიფდ ხა̄̈ქუ̂: -- ჯ' ე̄სერ ხეხუ̂ა მო მიჩა
Line of edition: 23 გეზლა̈ ჟახა? -- ჯ' ე̄სერ. -- ჲაღო, ჩუ̄უ̂ ესდეხ მინდ პირობ (ხელწიფდ
Line of edition: 24 ლა̄̈ქუ̂): ჩუ̂ ესერ ე ა̈თხო̄ლი მიჩა ზითუნახა̈უ̂ი ჟახა-ჲ ჯ' ე̄სერ ლახუ̂ედნე
Line of edition: 25 ზითუნახა̈უ̂ს ხეხუ̂დ, ჩუ̂ ესერ ე დოშ ი ეჩქა მიჩ ესერ ახქუ̂იცე თხუ̂იმს.
Line of edition: 26 -- ჰა̈დურდ ესერ ეზა̈რ!

Line of edition: 27 ჩუ̂ესდეხ ალჲა̈რდ ამჟი პირობ. ათხე ჩუ̂ა̈დზუ̂ერ ხა̈ლხ ი ლა̄̈ქუ̂ინ
Line of edition: 28 ძაღლთაგანდ: "ჲაღო, ხელწიფი ნანუ̄ლს ესერ ხაჟხა ინოია". ალა ხელწიფს
Line of edition: 29 მეუ̂არ ათლო̄ნ, მარე პირობ დეშ აკუ̂იშ ი სერ ქა ნაუ̂ჰედი მა̄მა
Line of edition: 30 ხა̄დ. ათხე ხელწიფდ ჟ'ანმა̄რე ნანუ̄ლ ი მიჩა ლალსგურა რა̈შ ქა

Добавлено (2006-12-11, 7:16 Pm)
---------------------------------------------
ლახუ̂ე̄მ. ალას სგა ლოხჴერნე აშირ ლუქუ̂ეით, აშირ ლϩჩა̄̈ჟ ი ჟ'ანმა̄რე
Line of edition: 32 ამჟი. ათხე ზითუნახა̈უ̂ს ხა̄̈ქუ̂ინ მიჩა მϩ̄ზნა̈ნიდ: -- ჲაღო ესერ, ქა̄უ̂ აჩა̈დ
Line of edition: 33 ი მიჩა მუცახა̈ნ ლიგუ̂ნი̄უ̂ ა̈დბინე. ლახ ესერ ლა̈ხჭუ̂ედდე̄დს, ამჟი̄უ̂
Line of edition: 34 ხა̄̈ქუ̂: "ჲაღო, მიჩ ესერ უ̂ორϩნჩუ უ̂ორმოისგა რა̈შ ხო̄ბ ჩაუ̂ჩიტ, ეჯ'
Line of edition: 35 ე̄სერ ხაკუჩ ლალსგურად". აჩა̈დ გაცხა̈ჲდ ნანუ̄ლ მიჩა მუთე ი ა̈დბინე
Line of edition: 36 ლიგუ̂ნი: -- იმნა̈რ ესერ იგუ̂ნი? მუქურწილ მა̄რე ესერ ხალა მო? -- მუქურწილ
Line of edition: 37 მა̄რე ესერ დე̄სა, მარე მიჩ ესერ უ̂ორϩნჩუ რა̈შ ხო̄ბ ჩაუ̂ჩიტ,
Page of edition: 131 Line of edition: 1 ეჯ' ე̄სერ ხაკუ. -- ო მამა̄̈შ, მიჩაუ̂ ცოდ ესერ ხა̄რ ი მიჩაი̄ ამი̄ მიჩა
Line of edition: 2 მე̄ქუ̂ი̄სგს! ქ' ე̄სერ ლახუ̂ედნე, ჲაღო ესერ, იმ იჩო?

Line of edition: 3 სერ ხელწიფდ ჟ'ოხმა̄რე ლალსგურა რა̈შ ი მϩნჴრი მა̄რე მა̈გ,
Line of edition: 4 ალჲა̈რ ესღრიხ ი ესღრიხ. მე̄რმა ლადეღ უ̂ეშგინ ძაღლთაგან ა̈თჭა̈მხ
Line of edition: 5 ი მუქურწილ მϩნჴრი მა̄რე მა̈გ სგა ლახმა̈მ. ჩუ̂ასა̈დხ რა̈შ ი ნანუ̄ლ გარ.
Line of edition: 6 ათხე ალჲარე ლიზუ̂ებს ხამურჯი ი ახჭიმ უ̂ეშგინ. რა̈შდ ხა̄̈ქუ̂ინ ნანუ̄ლს:
Line of edition: 7 "მიჩ ესერ ლერსგუ̂ენ შდϩმხა̈ნ ლაშე̄რილ ხორი, ეჯაუ̂ ადკუ̂ა̈რ
Line of edition: 8 უ̂ეშგმაუ̂!" ადკუ̂ა̈რ [უ̂ეშგმაუ̂] ალა ი ეჯკა̈ლი კოჯდ ქე̄სსიპდა, ერე
Line of edition: 9 ნა̈პო̄ლი დეშ პერნი. ლახა̄გა̈ნ ალას ძაღლთაგან ი ა̈ხუ̂რიჭი შდϩქარშუ̂.
Line of edition: 10 ალას ალსმი შდϩქა̈რ ხა̄რ. უ̂ეშგნაუ̂ ი სგუ̂ებნაუ̂ ჩი̄თე მუგუდ ქუ̂იცე.
Line of edition: 11 ამჟი ქა̄ჩად ალ კოჯქა, აჯაღ ესჭიმ ი ხეჰა̄̈ლ. აჯაღ ხა̄̈ქუ̂ინ რა̈შდ:
Line of edition: 12 "მიჩ ესერ ლერთან შდϩმხა̈ნ ლაცხნი̄რილ ხორი, ეჯაუ̂ ადკუ̂ა̈რ!" ადკუ̂ა̈რ
Line of edition: 13 ალა ნანუ̄ლდ ი ეჯკა̈ლი ცხეკდ ქე̄სსიპდა, ერე ამეისგა ნე̄სყე
Line of edition: 14 მა̄მა შყედნი. ლახა̄გა̈ნ ალას ძაღლთაგან ი აჭკუ̂რე &#

Line of edition: 34 ათხე ანჴა̈დ ლა̈ირ: "ჲაღო, ჩი̄ს ესერ ლა̈შია̄ლთე ხა̄რ ლე̄ზი". ალ
Line of edition: 35 კე̄სრი გეზალსი ათხუ̂ი̄დ. ალას ხეხუ̂ ღანაუ̂ ხა̄რ. ალა ე̄რ ლა̈შია̄ლთე
Line of edition: 36 ესღრი ი იმა̄რა̄̈ლ, მიჩა ხეხუ̂ს ხაშგუ̂მინ მიჩა ლალსგურა რა̈შ. ალას
Line of edition: 37 მეუ̂არ ათტკა̈ლბϩნ, მარე იმ იჩოდა, ქა ლახდია̄ნე ი ნანუ̄ლდ ხა̄̈ქუ̂ინ:
Line of edition: 38 "ჲაღო, მიჩა რა̈შს ესერ ეშხუ ჰა̄̈ღუ̂ირ ნო̄საუ̂ ლოხუ̂დე ი მე̄რმე ლელპი".
Page of edition: 132 Line of edition: 1 ამნე̄მ ამჟი პირობ ლახუ̂ე̄მ. ალა აჩა̈დ ლა̈შია̄ლთე ი ა̈გის ჩუ̂ადშგურა̄ნე:
Line of edition: 2 "მიჩა ხეხუ̂ ესერ ლახე ჩუ̂ა̈დღუ̂ა̈ჟს, შიშტ ლა̈ირუ ოთზϩზეხ".

Добавлено (2006-12-11, 7:18 Pm)
---------------------------------------------
ათხე, შომუ̂ა̄̈ჲ ალას დუ̂რეუ̂ ოხჴა̈დ, ჩუ̂ა̈დღუ̂აჟ. ალას ა̈ხთენა̄̈ნ ეშხუ
Line of edition: 4 ჭყინტ ი მე̄რმე დი̄ნა. ალჲა̈რ ისგϩნჟი ოქუ̂რ ლიხ ი ისგϩნჩუ უ̂ერცხლ.
Line of edition: 5 ალა ხელწიფს მეუ̂არ ათხი̄დϩნ ი ლა̈ხიადა̄ლ აჩუ̂მინ, მიჩა სა̈ხϩლწიფ
Line of edition: 6 მა̈გ ჩუ̂ა̈დზუ̂ერ. ალ ბოფშა̈რ ი მინე დი ეჩჟი ლესგდი ლიხ, ერე იმუ̂ა̄̈ჲჟი
Line of edition: 7 მიჟ-დოშდულ. ალჲა̈რდ ოთზϩზეხ ათხე ლაირ: "ჲაღო, მიჩა
Line of edition: 8 ხეხუ̂ს ესერ ეშხუ მიჟ ხორი ი მე̄რმე დოშდულ. ლა̈ხიადა̄ლ ესერ ეზერ
Line of edition: 9 ოთჩუ̂ემნახ". ადზϩზეხ ამჟი მა̄რე ი ლა̈ირ. ალ მა̄რე ესღრი ი ჯუ̂ე̄დიას
Line of edition: 10 მინდუ̂ერისგა ჩუ̂ა̈თუ̄ჟდა. ანჴა̈დ მϩრა̄̈მხა̈ნ ძაღლთაგან, ალას ლა̈ირა̈ლ
Line of edition: 11 ჟ'ოხკϩდϩ̄რე ი ჩუ̂ადირე, ერე "მიჩა ხეხუ̂ს ესერ ეშხუ უ̂იჯ ხორი ი
Line of edition: 12 მე̄რმე -- აფხუ̂". ალ ლა̈ირა̈ლ სგე̄სუ̂დე ალას ჯიბთე. ანჲა̈ცხ ალ მა̄რე
Line of edition: 13 ი აჩა̈დ.

Line of edition: 14 ოთჴა̈დ ალ მა̄რა მიჩა ლა̈ირა̈ლ ი ა̈დჭოდნე ი მეუ̂არ ათლო̄ნ, მარე
Line of edition: 15 იმ იჩოდა? ლახტიხ პასუ̈ხ, ერე "მა̄̈ჲ ესერ ამგუ̂ა̈ჲ დო ლესუ̂, უ̂იჯდ
Line of edition: 16 ი აფხუ̂დ ესერ ე ხა̄̈ც მა̈გ გუ̂ეში, ქორისგა ლარდა მო̄მა ხა̄̈ცხ მინს
Line of edition: 17 ეჯჲარე ბა̈დუ̂შ, მიჩა ლიჴდა̄ლ ეში ნო̄სამაუ̂ ხაყერხ". ათხე ალ ლა̈ირა̈ლ
Line of edition: 18 ახღუ̂ა ა̈გითე. ამჟი აშხუ̂ მინდუ̂ერისგა ჩუ̄დ ა̈თუ̄ჟდა ლა̈ირალე
Line of edition: 19 მϩჴდა. ანჴა̈დϩდ მϩრა̄̈მხა̈ნ ძაღლთაგან ი ალ ლა̈ირა̈ლ ჟ'ოხკϩდϩ̄რე ი
Line of edition: 20 მიჯნე̄მ ა̈ირ ლა̈ირ, ერე "ჲაღო, მიჩა მამა, მა̄̈ჲ ესერ დო ლესუ̂, მიჩა
Line of edition: 21 ლიჴედ ესერ ე̄მა ჩუ ხაკუხ ა̈გითე, ღო ჩუ̄უ̂ ადგეხ ხოშა ლა̈კირ ი მიჩა
Line of edition: 22 ხეხუ̂ ი მიჩა გეზლი̄რ მა̈გ სგა̄უ̂ აშიდხ ეჩხა̄უ̂თე̄სგა. ამი̄ ნაუ̂ჩუ̂ემნი ესერ
Line of edition: 23 მა̄მა ხა̄რხ". ალა ჩუ̂ა̈ირ ძაღლთაგანდ ი სგე̄სუ̂დე ჯიბთე, ჯ' ა̄ჩა̈დ
Line of edition: 24 მϩრა̄̈მთე.

Line of edition: 25 ათხე მა̄რე ჟ'ანჲა̈ცხ ი აჩა̈დ ა̈გითე, ოთჴიდ ლა̈ირა̈ლ ა̈გითე. ალა
Line of edition: 26 ქა̄̈დჭოდნე ხელწიფდ, მეუ̂არ ათლო̄ნ, მარე იმ იჩოდა: მიჩა გეზლა̈
Line of edition: 27 ნა̄ქუ̂ ლესრულე ხა̄დ. მიჩა სა̈ხϩლწიფ ჩუ̂ა̈დზუ̂ერ მა̈გ. ჩუ̂ადგეხ ხოშა
Line of edition: 28 ლა̈კირ ი ჟი ოხო̄შუ̂ეხ ლემესგ. ხელწიფდ მა̈გ ჩუ̂ადღაფუ̄რე მეშხად
Line of edition: 29 სგუ̂ებნაუ̂. მა̄რე მა̈გ იგუ̂ნი, ჩი̄ს ხასკუ̂რელ. ათხე ქა̄ნჴიდხ ალ დიგეზლი̄რ
Line of edition: 30 ი ლა̈კრი ყო̄რჟი ჩუ̂ესგენეხ. ათხე ხაკუხ ალჲარე ლაკირთე
Line of edition: 31 ლიკუ̂ა̄ნე, მარე და̄̈რ მოშ იცხუ̂ნინეხ, მა̄რე მა̈გ იგუ̂ნი ალჲარე მატკლა̈ბშუ̂.
Line of edition: 32 ამჟი̄ნ ჩუ̂ა̈დნა̈ბზა̄̈ნ ი და̄̈რდ მოშ აშიდხ ალჲა̈რ ლა̈კირთე. ამჟი
Line of edition: 33 ანჴა̈დ მϩრა̄̈მხა̈ნ ჟეღი ლუნიჩუ̂ მა̄რე ი ხა̄̈ქუ̂ ხა̈ლხს: -- მა̈ჲ ამბა̈უ̂ ესერ

Добавлено (2006-12-11, 7:19 Pm)
---------------------------------------------
ლი, ედე ალჲა̈რს ესერ იმ ხა̈ჩოხ-ა?
Line of edition: 35 -- ჯა მა̄რე, ამჟი-ამჟი ესერ ლი გუ̂ეშ. -- ჰა̈ტ, მინ ხოლა მა̄რა̄̈ლ,
Line of edition: 36 ალას ესერ დეშ აკუ̂ა̄ნეხ მო სგა?!

Line of edition: 37 ალ მა̄რე ნანუ̄ლდ ღალ შიშტ ჩუ̂ათირ ი ლა̄̈ქუ̂: -- საბრა მიჩა ბოფშა̈რ,
Line of edition: 38 ათხ' ე̄სერ ახჴედახ უ̂ეშგიმპილი ლადეღ!

Page of edition: 133
Line of edition: 1 ალ მა̄რე ქა̄ჩა̈დ ჰაკუ̂ა̈ნთექა ი უ̂ოდემ ჩიქად ალჲა̈რს ლა̈კირისგა
Line of edition: 2 ხატყცი ჩი̄ს, ეჩქად ანჴა̈დ მϩრა̄̈მხა̈ნ მიჩა რა̈შ ჩაუ̂ჩიტ, ხაჴიდ ძაღლთაგანს
Line of edition: 3 იშდუ̂ა̈რ ი ნე̄სგა ლა̈კირისგა ხაჴიდ. ალჲა̈რ ჟი ლა̈ჲსგურე
Line of edition: 4 შϩყჟი ი ადჲე ჯუ̂ე̄დია მინდუ̂ერთე ი ამეჩუ ჩუ̂ესგენა̄ლე ი ხა̄̈ქუ̂: "ჲაღო,
Line of edition: 5 მიჩა̈შდ ესერ მიჩა ჭა̈შს ბერკილი სგა ლოხუ̂და ი ლელპიი, სერ ესერ
Line of edition: 6 მიჩ მერდად მა̄მა ხაყა. ათხე ჯა ჩუ̄უ̂ ა̈ძიჰ, მიჩა ლეღუ̂ ჟიუ̂ ანნა̈კცე
Line of edition: 7 მეუ̂არ ნეწუ̂იდდ, გუ̂ა̈რე ჟიუ̂ ა̈დფა̈რ ჟიქა̄ნ ი ჩუ̄უ̂ ადყურდახ ამეჩუ".
Line of edition: 8 ალას ნანუ̄ლ დე̄მა იჩოდა, მარე რა̈შდ ეში̄ ამჟი ათჩომა̄̈უ̂ნე. ალა მა̈გ
Line of edition: 9 ამჟი ჩუ̂ემინ ნანუ̄ლდ. ბა̄ზი ჩუ̂ადყურდა. მე̄რმა ლადეღ ანϩგა̄̈ნ ჟი ი
Line of edition: 10 ყუჩრე ჰერ ხესმი. ჩუ̂ა̈რი ლϩსკუ̂რელე: "მაჲ ესერ ი̄რო̄ლ?" ალას უ̂ოშუ̂ა̄̈ჲდ
Line of edition: 11 [ნა̈კიც] ქო̄თკუ̂არა გიმჟი, ეჩშელდ მეზგე იზგა მე̄რმა ლადეღ
Line of edition: 12 ამეჩუ. ამი̄ გეზლი̄რდ ჟ'ა̈ნცხეხ სერ ი ეჯკა̈ლჲა̈რ ქა̄̈ხფასხ, ერე ალჲარეკა̈ლი
Line of edition: 13 დე̄სამა ა̈რი ალ სა̈ხϩლწიფისგა. ჭყინტს ა̈ხფას ეზერ მეთხუ̂ია̈რ:
Line of edition: 14 კოჯს ფიუ̂ერს დე̄სა ხა̈ცუ̂რე. ათხე სერ ამი̄ ჭა̈შსი ოხჴა̈დ ა̈გითე
Line of edition: 15 ლიჴედი დუ̂რეუ̂. ალას მეუ̂არ ხა̈ხია̈დ ა̈გითე ლიჴედ ი მიჩა ხეხუ̂მი ლიწედ.
Line of edition: 16 ანჴა̈დ ა̈გითე ი ლა̈ხჭუ̂ედდა მიჩა მუს: "მიჩა ხეხუ̂ ესერ იმ' ა̄̈რი?"
Line of edition: 17 ალჲა̈რდ ჩიემ ლიგუ̂ნი ა̈დბინეხ; ქა და̄̈რ ხაგϩრგა̈ლიხ. ალა ჩუ ლუნა̄ქუ̂ე
Line of edition: 18 ა̈რი, მა̄მაგუ̂ეშ ხომჴერახ, მა̈ჲ დო ლი გუ̂ეშ. სერ ლახე ჩუ̂ადცხირეხ
Line of edition: 19 მა̈გ ხოჩა̄მდ, იმუ̂ა̄̈ჲჟი̄ნ ლϩმა̄̈რლი, ეჩქა ანჴა̈დ ალ ხელწიფი გეზალ ი
Line of edition: 20 ჟ'ანϩ̄გა̄̈ნ, ქა̄̈ხშუ̂იდბა̄̈ნ მიჩა სა̈ხϩლწიფს ი აჩა̈დ ცხეკთე ლათხე̄ლთე:
Line of edition: 21 "ჲედ ესერ ჟ'ა̈თლა̈კი იმუ̂ა̄ლე ი ჲედ თხუმ ათყერე იმუ̂ა̄ლა: მიჩ ესერ
Line of edition: 22 მიჩა ხეხურ ლირდე მა̄მა ხაკუ სერ". აჩა̈დ ი იზელა̄̈ლ ჩია̄̈გ, მიჩა
Line of edition: 23 სა̈ხϩლწიფს ცხეკ ი კოჯ დე̄სა ლახცუ̂ირ უთხე̄ლად, მარე დეშმა ა̈ნმეჴრე.
Line of edition: 24 ამჟი ლახრა̄გϩნ სემი ზა̈ჲ.

Line of edition: 25 აშხუ̂ინ ალას ლა̈ხლაკ ლა̈თხუ̂იარჟი მიჩა გეზალ, მარე ალჲა̈რს
Line of edition: 26 ჩუ მა̈ჲ ხოხალხ უშხუ̂ა̄რეშ. ალა ჩუ ლუბბოუ̂ე ლი ეჩჟი, ერე მიჩა ჩა̈ჩს
Line of edition: 27 ჟი ხეგნი ი ცხეკი მა̄რა ხაჯეშ. ალა ალ მიჩა გეზალდ ჟ'ა̈ნϩრმე ნა̈დირი
Line of edition: 28 გუა̈რდ ი ა̈გითე ადჲე. ა̈გის ალას უშკუ̂ და̄̈რ მოშ აშუ̂მეხ ი
Line of edition: 29 ჩუ̂ა̈რი და̄̈უ̂ა̈ გუუ̂ა̈რდ. ჩი̄ ხოლა̄მ გარ იჩო, ჩინოუ̂შ თხუმ გარ ხა̈სსგე:
Line of edition: 30 "ღო ნო̄თაუ̂ ესერ ქა̄ფიშუ̂დხ მიჩა̈შდ". აშხუ̂ ლადეღ ალა ლϩმტუ̂იშლა̄̈ლ

Добавлено (2006-12-11, 7:19 Pm)
---------------------------------------------
ი ალას ხა̈სგდინა ალჲარე დი (მიჩა ხეხუ̂). ალას ხა̈გნე̄ნა გუ̂ამა̈რჟი
Line of edition: 32 მϩსკდი ნაზიმ ოქუ̂რა̈ ნიშა̈ნ ი ალას ქა ხა̈წდა მიჩა ხეხუ̂. ალას
Line of edition: 33 ეჩქა ანკრ ახა̄რა ი სგა̄ხჴუ̂ესგა ლა̈ცი̄უ̂ა̈რს, ხოჩა̄მდ გუ̂ი ლოხოდა ი
Line of edition: 34 გუდ ა̈მჴედე̄ლი, ერე ალა მიჩა ჭა̈შმი ნიშა̈ნს ხაჯეშ, მარე დემა ლϩმჯϩრუ̂ინ:
Line of edition: 35 "მიჩა ჭა̈შს ესერ მა̈ჲ ა̈ნჴდა ამაუ̂, ჲედ ამჟი იმნა̈რ ოხჴედენ
Line of edition: 36 გუ̂ეშ?!" ამ ლე̄თ ნა̈ბოზს მიჩა გეზალი̄ ა̈მჴედ ლა̈თხუ̂იარხა̈ნ ი ეჯნა̈რ
Line of edition: 37 ოხო̄მბუ̂ა ქა მა̈გ გუ̂ეშ. ალა ა̈მჴედე̄ლი ი მე̄რმა ლადეღ ქო̄თო̄ღა̄ლა ი
Line of edition: 38 ჩოთბარა̄ლა, ჩოთწაბუ̄რა ხოჩა̄მდ ი ჟ'ოხუ̂რექუ̂ა. ათხე ლახჭუ̂ედნა:

Page of edition: 134
Line of edition: 1 -- იმ ესერ ხა̈ჩო, ჯა მა̄რე? ე̄მა ესერ მიჩ სუ̂ინდის ხუღუ̂ა, ქა̄უ̂
Line of edition: 2 აფიშუ̂დ მიჩა̈შდ, მა̈დილუ ხე̄რი!
Line of edition: 3 -- ჲაღო, ათხე მიჩ ესერ ეშხუ ნიშა̈ნ ხუღუ̂ა, ეჩი̄ ლიწუ̂ე̄ნე ესერ
Line of edition: 4 ხაკუ მიჩ. ე̄მა ესერ ი̄რა, მიჩ ხაკუ ეჯა ი მო̄დეჲ ეჩქა ესერ ქა̄̈ფშუ̂დე.

Line of edition: 5 ათხე ალ მა̄რე გუდ აჴა̈დ ი ლა̈ხჭუ̂ედდა: -- ღო ესერ მა̈ჲ ხა̄რ
Line of edition: 6 მიჩა ნიშა̈ნ? -- მა̈ჲ ესერ-ი მიჩა მუს ესერ ხა̄რა ამკა̈ლი ნიშა̈ნ გუ̂ამა̈რჟი̄ნ-ა̄,
Line of edition: 7 მიჩ ესერ ე̄რ ხა̄რ.

Line of edition: 8 ათხე ალჲა̈რ უშხუ̂ა̄რ ა̈თცხო̄რპა̄̈ნხ მა̈ხიადშუ̂. ალას ხოჩა̄მდ ჟი
Line of edition: 9 ოხუ̂ე̄ზნანეხ, ჩუ̂ადბარა̄ლეხ, აშხუ̂ ნაგზა ბამბა̈ჲს ლახჭუ̂ე̄ნხ, მეუ̂არ ოხუ̂ე̄ზნანეხ
Line of edition: 10 ი ეჩქადიშდ ხოჩილი ლა̄ტა̈ხ. ალჲა̈რდ მინე მუ ი დი ამხაუ̂
Line of edition: 11 ანჴიდხ. მინე სა̈ხϩლწიფ მა̈გ ჩუ̂ა̈დზუ̂ერხ ი ხოჩა ლა̈ხიადა̄ლ აჩუ̂მინხ.

Line of edition: 12 ალჲა̈რდ ხოჩა ლირდე-ლიზგე ა̈დჴიდხ ი ლϩმზϩრე̄უ̂ ხიშდ.

Text: 83
Page of edition: 134
Line of edition: 13
83. ანა

Line of edition: 14 ლϩმზϩრე̄უ̂ ხიშდ ი ანა. ანას ხორდა ჩხარა გეზალ. ალჲა̈რს ხორიხ
Line of edition: 15 ეშხუ დაჩუ̂ირ. ალჲა̈რ აჩა̈დხ ლაქჩათე. -- ჲაღო, სა̈დილ ესერ მინე
Line of edition: 16 დაჩუ̂ირდუ ოთჴიდ. -- იმჟი̄ნ ესერ ა̈თხო̄ლა ცხეკთეჲსგა მინე დაჩუ̂ირ?
Line of edition: 17 -- იმჟი̄ნ ესერ-ი ჩუ̄უ̂ ალა̄̈ბხ ჰუ̂ილ, ჟ[ი̄უ̂] ახცუ̂ეხ სა̈დილ, ამϩნეშ ესერ
Line of edition: 18 ადსკო̄რიხ ნათა̈რს ი მინე ლამშიამϩყუ ა̈თჭა̈მ ალას.

Line of edition: 19 ახგენე̄ნა ალას და̄̈უ̂ ი ნათა̈რს მიჩა ქორთე ოთსიპე. ა̈თჭა̈მ ალას
Line of edition: 20 ი სგა ლა̈ხჴა̈დϩ̄ნ და̄̈უ̂ა̈ ყო̄რთეჟი. ამნე̄მ ჩოხკიდ სა̈დილ, ჩუ̂ადყლϩ̄პე,
Line of edition: 21 დი̄ნა მიჩა ხეხუ̂დ ესყედნე. ლახუ̂ბა ანჴა̈დხ ა̈გითე, ხა̄̈ქუ̂ინხ მინე დის:
Line of edition: 22 -- იმღ' ე̄სერ მო̄მა ოხზϩზახ სა̈დილ? -- ეჯ' ე̄სერ მინს დო̄სგ ოხზϩზახ.
Line of edition: 23 აჩა̈დხ ლათხე̄ლთე მა̈გ, ა̈თჭა̈მხ ამი̄ ნა̄ზუ̂ს, სგა ლა̈ხჴა̈დϩნხ და̄̈უ̂ა̈ ა̈ზუ̂თეჲსგა.
Line of edition: 24 მინე დაჩუ̂ირ ყო̄რჟი ესხუ̂ი̄დხ ი იცხე̄ნიე̄ლ: -- იმ ღე̄რბათუ̂
Line of edition: 25 ესერ ოხჴი̄დახ მინ ამხაუ̂? მიჩა ჭა̈შ ესერ მინს ქუ̂ინს დე̄მის ხა̈ცუ̂რე.

Line of edition: 26 ნა̈ბოზს ანჴა̈დ და̄̈უ̂, აშუ̂ხა̈ნჩუ ბიკ ხა̄̈ცუ̂ ი მე̄რმახა̈ნჩუ -- ღუ̂აშ.
Line of edition: 27 -- ფუ!. მა̈ჲ-უნყუ̂ს ამსუ̂ა̄ლდა̈ ქუ̂ინ მაჴან? -- ფისრა̈ჲ სი, მიშგუ̂ან ხოშა
Line of edition: 28 ამსუ̂ა̄ლდა̈ ქუ̂ინ მა̈ჲ ი̄რა?! -- ისგუ ქუ̂ინ-უნყუ̂ს მა̄მა ლი. -- ჲაღო, ისგუ
Line of edition: 29 ლა̈სმუნა ანჴა̈დხ ი ეჯჲარე ქუ̂ინ ლი. -- ჲაღო̄ნყუ̂ს ქა̄ხია̄̈ლ!

Line of edition: 30 ამნე̄მ მიჩა ლაჯმილა ქო̄ხჴიდ.
Line of edition: 31 -- სგა̈ჲ-უნყუ̂ს ლანჴედად შუ̂იდებდ! ჲაღო̄ნყუ̂ს ათხე ბიკ ჯიცხახ
Line of edition: 32 ლებინყო̄რად, ჰა ღუ̂აშ ლეტფუ̄რად? -- ნა̈ჲ ბიკ, ხიად!

Line of edition: 33 ამნე̄მ ღუ̂აშ ჩუ̂ადტუფუ̄რე, სგა̄თგე ლეღუ̂. ეჯჲა̈რდ ბიკს ეშხუ
Line of edition: 34 პაწკე̄რ დეშ ოხკუ̂ა̈რხ. ამნე̄მ ჩუ̂ესბინყო̄რე ალა ი ჟ'ოხუ̂ჩიდ ლემესგჟი.
Line of edition: 35 ათხე უ̂ოხშმობ ახა̄დხ. იშუ̂ს ჯა იზბი ი ჯიჯუ̂ს ალჲა̈რს ხა̄მნე. ათხე
Line of edition: 36 ლიყუ̂ნა̄̈ლ ახა̄დხ. ჩუ̂ადყუ̂ინეხ ალჲა̈რ ლა̈დიარა̈ლისგა. მერმა
Page of edition: 135 Line of edition: 1 ლადეღ ანϩგა̄̈ნ და̄̈უ̂, ქა̄ჩა̈დ ლა̈დიარა̈ლთე ი ალჲა̈რ მა̈გ ჟ'ა̈ნქუნცა̄ლე
Line of edition: 2 ი ჩუ ლალე̄მ. ჯა ლა̈თხუ̂იართე აჩა̈დ.

Line of edition: 3 ა̈გის მინე დი ხოღლიხ ალჲა̈რს, მარე ალჲა̈რ დე̄მხა̈ნ ანტა̈ხხ. ანა
Line of edition: 4 ღანაუ̂ ლა̈სუ̂, ჩუ̂ა̈დღუ̂აჟ ი ჭყინტ ა̈ხთენა̄̈ნ. აჩა̈დ ხა̈ნ ი ალას ეჯკა̈ლი
Line of edition: 5 მახეღუ̂ა̈ჟ ა̈ხფას, ერე ჩი̄მი მენწირ. მიჩა დის ახნაყუ̂ნე ქუთ, ჟ'ა̈ნბიჴუ̂:
Line of edition: 6 "დედე, ლისუ̂ მა̄მინ!" ქა ლოხხელ ლუსუ̂ა̈რ. ეშხუ აშუ̂ხა̈ნ ლახტკიბ ი
Line of edition: 7 მე̄რმე -- მე̄რმახა̈ნ. ამნე̄მ ლიკი̄ლი ა̈დბინე: -- დედე̄შ, იმნა̈რ მა̈შხი ლუსუ̂ა̈რს?
Line of edition: 8 -- ქა დო მა̄̈ქუ̂ნი, მი ლახუ̂ბა მირდახ, ჰა მა̄დე, ეჩქად მა̄მა ჯა̈ყუ̂ლე.

Line of edition: 9 ამნე̄მ ქო̄ხო̄მბუ̂ე მა̈გ, იმუ̂ა̄̈ჲჟი ლა̈სუ̂. აჩა̈დ ლათხე̄ლთე ი სგა ლა̈ხჴა̈დϩ̄ნ
Line of edition: 10 და̄̈უ̂ა̈ ყო̄რთეჟი. ამეჩუ მიჩა დაჩუ̂ირ იცხე̄ნიე̄ლ: -- იმხა̈ნ ესერ
Line of edition: 11 ა̈მჴედე̄ლი? -- ამჟი-ამჟი ესერ, მიჩ ესერ ათკიჰე̄ნა ჩხარა ლახუ̂ბა ი
Line of edition: 12 ეშხუ დაჩუ̂ირ. -- ჩხარა ლახუ̂ბა̄̈შ ესერ დე̄სამა ხოხალ ი დაჩუ̂ირ ესერ
Line of edition: 13 ჯა ლი. ჲაღო, მინჴერ ა̈გითე!

Line of edition: 14 მა̄დ ოთჴერდა. -- ათხე ესერ მიჩა ჭა̈ში ა̈ნჴდენი ლა̈თხუ̂იარხა̈ნ ი
Line of edition: 15 ეჩუნღო ესერ ადრიხ.

Line of edition: 16 ნა̈ბოზს ანჴა̈დ და̄̈უ̂, აშუ̂ხა̈ნჩუ ბიკ ხა̄̈ცუ̂ ი მე̄რმახა̈ნჩუ -- ღუ̂აშ. და̄̈უ̂დ
Line of edition: 17 ხა̄̈ქუ̂ინ: -- ბიკ-უნყუ̂ს ჯიცხა ლებინყო̄რად, ჰა ღუ̂აშ ლეტფუ̄რად? -- მიჩ
Line of edition: 18 ესერ ღუ̂აშ.

Line of edition: 19 ხაფხეჭ ამნე̄მ სგა, ჩუ̂ადტუფუ̄რე ღუ̂აშ, სგა̄თგე ლეღუ̂. ეჩუნღო
Line of edition: 20 ხაფხეჭ ბიკს ი ჩუ̂ადბინყო̄რე ი ჟი ხაჴიდ ლემესგჟი. ათხე ახა̄დხ უ̂ოხშმობ.
Line of edition: 21 ალა იშუ̂ს ჯა იზბი ი მიჩა დაჩუ̂ირ, ჯიჯუ̂ა̈რს ჩი̄ს და̄̈უ̂ს ხატყცი
Line of edition: 22 გუ̂ამა̈რისგა.
Line of edition: 23 -- ათხე-უნყუ̂ს ლიბϩრგიე̄ლ ოგუ̂ა̄̈ცეს!
Line of edition: 24 -- ჰა̈დურდ ესერ ეზერ!

Line of edition: 25 ხაფხეჭხ უშხუ̂ა̄რ, იბϩრგიე̄ლხ ი ჩუ̂ა̈ნდე და̄̈უ̂. ათხე ხა̈ქუ̂ცე თხუ̂იმს.
Line of edition: 26 და̄̈უ̂დ ხა̄̈ქუ̂ინ: -- ჩუ̄ნყუ̂ს ნო̄მა ამდაგრა ი, მა̄̈ჲ-უნყუ̂ს ჯეკუ̂ეს, ეჩას ჯა̈ჩო.
Line of edition: 27 -- ჲაღო, ჩხარა მიშგუ ლახუ̂ბა ჟი ლა̈მგენ, იმუ̂ა̄̈ჲჟი̄ნ ეჩქად ლა̈სუ̂ხ,
Line of edition: 28 ეჩჟი, ი ეჩქა დე̄მის ჯადგა̈რი. -- ჲაღო̄ნყუ̂ს მი პლატკულს ლაჯუ̂ედნე,
Line of edition: 29 ეჯა̄ნყუ̂ს ლამჭა̄̈მიე̄ლ მი ჴადუ̂ქა ი ხოჩე̄ლი̄ ლა̈ჯტეხნი.

Line of edition: 30 ამნე̄მ ლახჭა̈მიე̄ლე გაცხა̈ჲდ პლატკულ ი მიჩა ჩხარა ლახუ̂ბა მა̈გ
Line of edition: 31 ჟი ლა̈ჲსე̄ლუ̂ა̄̈ნხ. ალჲა̈რდ და̄̈უ̂ ჩუ̂ადგა̈რხ ი ა̈გითე ანჴა̈დხ.

Line of edition: 32 ა̈გის ხოჩა ლირდე-ლიზგე ა̈დჴიდხ ი ლϩმზϩრე̄უ̂ ხიშდ.

Добавлено (2006-12-11, 7:21 Pm)
---------------------------------------------
Part No. 77

Text: 84
Page of edition: 135
Line of edition: 33
84. ხითა̈ნგ ი ცხითა̈ნგ

Line of edition: 34 არდახ ეშხუ დი̄-ჲ გეზალ. გეზალ მეთხუ̂ია̈რ ლა̈სუ̂, ღϩრდა ჩიგარ
Line of edition: 35 ლა̈თხუ̂იართე. მიჩა დიდ ლელა̈ტდ ა̈დϩრდუნე და̄̈უ̂. ეჯნე̄მ ჩუ̂ადღანუ̂ე.
Line of edition: 36 ხეჭუ̂დია̄ლდა მიჩა გეზალ: -- იმნა̈რ ესერ ლი ლϩბე̄ლაშა̄ლ? -- ჰამა იმღა
Line of edition: 37 მო̄დ ესერ ი̄რა ლϩბე̄ლე, ჟ'ესერ ხა̄გ ნა̈თხუ̂იარე̄მი ლეღუ̂ს!

Page of edition: 136
Line of edition: 1 აშხუ̂ინ აჩა̈დ ლა̈თხუ̂იართე. ეჩქა მიჩა დი ჩუ̂ა̈დღუ̂აჟ, ბეფშუ̂ სგა
Line of edition: 2 ლახჩიხნე ტϩტს. ეჯა ლახე ა̈გით' ა̄ნჴა̈დ, ლა̈ჲფხირკუ̂ა̄ლე ტϩტცახა̈ნ,
Line of edition: 3 ქა̄ნშყა̈დ ბეფშუ̂. ლახტუ̂ი̄ლ მიჩა დის: "მა̈ჲ ესერ ლი ალა?" მიჩა დიდ
Line of edition: 4 ხა̄̈ქუ̂: "ალა ღე̄რბათუ̂ ესერ ხოთხა მიჩა მუხუ̂ბად". ათხე ამნე̄მ ჩუ̂ა̈დჯϩრუ̂ე.
Line of edition: 5 ალ ბეფშუ̂ ჟი ანპირსდეხ. მა̄̈ნკუ̂ი̄ გეზალს ხეჟხა̄̈ნ ხითა̈ნგ,
Line of edition: 6 ალას ათჟა̈ხხ ცხითა̈ნგ.

Line of edition: 7 აშხუ̂ინ აჩა̈დ ლა̈თხუ̂იართე. ეჩქას სგა̄ნჴა̈დ ეჯ ზურა̄ლა̈ ლელა̈ტ,
Line of edition: 8 ხა̄̈ქუ̂: "ჩუ̄ ესერ ადგა̈რხ ალა, მიჩა ხოშა გეზალ, ადო ჟი ესერ დო̄სა
Line of edition: 9 ახბა̈ჟის!" ეჩქას ხოხუ̂რა̄მ ჭყინტϩლდდ ჟ'ა̈ნჰუნრე ალა მა̈გ. აჯაღ ასკიბხ:
Line of edition: 10 "ჯ'ე̄სერ ჩუ̄ ა̈თპა̈ჟ ყო̄რ სგა̄̈ნჩუ, ლახ' ე̄სერ ეჯა ა̈ნი̄ზინი, ეჩქა
Line of edition: 11 ფუცხუ ხაძგერ, ჩუ̄ ესერ ადგა̈რ!" ალა ხოხუ̂რა̄მ ბეფშუ̂დ ჟი ა̈ნჰუნრე,
Line of edition: 12 ქა̄ჩა̈დ ქა̄̈მთე, ხოღელდა მიჩა მუხუ̂ბა. და̄̈უ̂ გაცხა̈ჲდ ჩუ̂ა̈თპა̈ჟ ყო̄რ
Line of edition: 13 სგა̄̈ნჩუ, ფუცხუ̂ შϩნ ლა̈ჲყედნე. ანღრი ათხ' ეჯა ლა̈თხუ̂იარხა̈ნ. ქა̄ჩა̈დ
Line of edition: 14 ხოხუ̂რა ჭყინტ: იმუ̂ა̄̈ჲხა̈ნ ეჯა ხეპა̈ჟ, ეჩხა̈ნ ჯა ლა̈ხჭϩთხა̄̈ნ. სგა̄ნღრიხ
Line of edition: 15 ყო̄რა̈ლისგა ი და̄̈უ̂ს ხაკუ ეჩი̄ დაგრა, მარე ეჩქა მიჩა გეზალიм ჩუ
Line of edition: 16 იდგარო̄ლ, ეჩასი ქა ხეხო̄ლ, სერ ეჯღა დეშ ადბადუ̂ე ლიყერ. სგა̄ნჴა̈დ
Line of edition: 17 დი, სგა̄თგეხ ლეღუ̂.

Line of edition: 18 ათხე მე̄რუ̂ა ლადეღ აჯაღ აჩა̈დ ლა̈თხუ̂იართე. ათხე სგა̄დ ანჴა̈დ
Line of edition: 19 და̄̈უ̂ ი აჯაღ სკიბეხ ეჩი̄ დაგრას. -- ჲაღო იმჟ' ესერ ხეჩუ̂ე̄ნი ეჩი̄
Line of edition: 20 დაგრა? -- ჲაღო, იმჟი ი აშხუ̂ ა̈გის ესერ ხა̈მთქუ̂ა ლიყუ̂ნა̄̈ლ-ლიუ̂ჟუნე.
Line of edition: 21 ეჩქას ესერ ჟი̄უ̂ ათსგურდა, ჩუ̄ ესერ ადყიმე.

Line of edition: 22 ჟ'ა̈ნჰუნრე ხოხუ̂რა̄მ ჭყინტდ ალა. ანჴა̈დ ეჯა ლა̈თხუ̂იარხა̈ნ, სგა̄ნჴა̈დ
Line of edition: 23 ქორთე, ჩუ̂ადტუფუ̄რე ნა̈თხუ̂იარა̄̈ლ ი სგა̄თგე ლეღუ̂. ათხე ხოხუ̂რა̄მ
Line of edition: 24 ჭყინტდ ლიგუ̂ნი ა̈დბინე: "მϩხა̈რ ესერ ეჯაჲ ხონჴრი ლა̈თხუ̂იართე".
Line of edition: 25 იგუ̂ა̈ნდა მეუ̂არ: "ჲაღო, ქ' ე̄სერ ა̈დჴერნი!" ჟ'ოხსყე ჯაბრა̈ლ. მე̄რუ̂ა
Line of edition: 26 ლადეღ ჲერქϩდა ქა̄ჩა̈დხ ლა̈თხუ̂იართე. ჟ'აჩა̈დხ აშხუ̂ ზუგთეჟი. ამჩუ
Line of edition: 27 ხოშა̄მ მუხუ̂ბა ჩუ̂ა̈თუ̄ჟდა. ანღრი მირ მე̄რა̄ლე გუა̈რდ. ალა ესნა̈რ და̄̈უ̂
Line of edition: 28 ლი: ხაკუ ამი̄ დაგრა. ამჩიქს ხოხუ̂რა̄მ ჭყინტდ ჟ'ა̈ნბა̈ჟ, ა̈ნბუ̄წე
Line of edition: 29 ცჴემა̈დ, სგა ხაჴიდ გუისგა, ჩუ̂აშყა̈დ ტუ̂იბთე ი ჩუ̂ადგან. ათხ' ა̄ლას
Line of edition: 30 ქიმ ოხშყა̈დ ი ჟი ხოჲა̈ხ ჰა̈ყბაჟი. ჟ'ანჲა̈ცხ ხოშა მიჩა მუხუ̂ბე: -- იმნა̈რ

Добавлено (2006-12-11, 7:22 Pm)
---------------------------------------------
ესერ იგუ̂ნი? -- დე̄მნა̈რ. ცხუ̂ი ესერ ათშყედა ტუ̂იბთე, ეჯღა. -- მა̄მა ესერ
Line of edition: 32 ხოჭირ. ეჩის ესერ ჲეშდსი ჟი ოხუ̂ტა̄̈ბნე. ეჯღა ესერ ნო̄მისუ იგუ̂ნი! -- ეჯღ'
Line of edition: 33 ე̄სერ მა̄მ იგუ̂ნი, მარე ამჟი ესერ ლϩმა̄̈რ. -- ქო̄ხო̄მბუ̂ე იმუ̂ა̄̈ჲჟი
Line of edition: 34 მა̄̈ნკუ̂ინღო ლა̈სუ̂: "ჩია̄̈გ ესერ მიჩა დაგრა ხა̈კუ̂და მინე დის. ლა̈დი
Line of edition: 35 ესერ ალმა̄̈ზ და̄̈უ̂, მიჩა დაგრა ესერ ხა̈კუ̂და ი ჩუ ესერ ოთდაგრა მიჩ
Line of edition: 36 და̄̈უ̂, ეჯღ' ე̄სერ ახშყედა ქიმ". მა̈გ ქო̄ხო̄მბუ̂ე. ათხე ჟ'ანϩ̄გა̄̈ნხ ჩუ̂ადგა̈რხ
Line of edition: 37 ნა̈თხუ̂იარა̄̈ლ ი აჩა̈დხ ა̈გითე. სგა̄ჩა̈დხ ქორთე, ჩუ ადტუფუ̄რეხ,
Line of edition: 38 სგა̄თგეხ ლეღუ̂. ათხე ზურა̄ლ, მინე დი, ხოლა̄მ გუჟი ა̈რი. -- ხოწუ̂ახ
Page of edition: 137 Line of edition: 1 ესერ ჲა̈რ ლა̈დი? -- და̄̈რ ესერ ხოწუ̂ახ. -- "ხა̄̈ქუ̂ ხოშა̄მ მუხუ̂ბად. ეჩქა
Line of edition: 2 ხოხუ̂რა მუხუ̂ბად ხა̄̈ქუ̂: -- ადუ̂, ჩუ̂ ესერ ხოწუ̂ა, ჩუ̂ ესერ ოთდაგრახ.

Line of edition: 3 ანჴა̈დ ზურა̄ლ ი ლიგუ̂ნი ა̈დბინე. ეჩქა ხოშა̄მ მუხუ̂ბად ხა̄̈ქუ̂: "ემ'
Line of edition: 4 ე̄სერ გაცხა̈ჲდ ჟი ხერგებო̄ლდე̄დს, ეჩქ' ე̄სერ ქა̄უ̂ ოხჴი̄ჩა მიჩა ნა̈თხუ̂იარა̄ლე
Line of edition: 5 ლეღუ̂, ადო ესერ -- ნო̄მა". ეჩქა მიჩა დი შიშდ ჩუ̂აბა̈ჭკუ̂.

Line of edition: 6 ათხ' ა̄ლჲა̈რდ ლიჩი̄ჟა̄̈ლ ა̈ნϩნდუნეხ. აჩა̈დხ ლა̈ჩი̄ჟა̈ლთე, ჩუ ყუ̂ელენხ:
Line of edition: 7 ეშხუ აშხუ̂ შუკუ̂ს ღϩრდა, მე̄რუ̂ე მე̄რუ̂ა შუკუ̂ს ღϩრდა. "ჲაღო,
Line of edition: 8 ამჟი ესერ ნო̄მა̄უ̂ ა̈დყულუ̄რა̄̈ნხ, ნიშა̈ნ ესერუ ლახუ̂ე̄მხ უშხუ̂ა̄რ: ლახ
Line of edition: 9 ესერ მიჩ ჩუ მა ა̈თყერნი, ეჩქა ზისხშუ̂ [ესერ] ა̈ხგუ̂ეშლი შიყუ̂ილ ლაბრა̄ლჟი.
Line of edition: 10 ხოშა მუხუ̂ბე ესერ ლახ ა̈დდაგრი, ეჩქა მიჩ, ხოხუ̂რა̄მ მუხუ̂ბა,
Line of edition: 11 ლϩჯოშუ ესერ ახგუ̂ეშლე̄ნა შიყუ̂ილ!" აჩა̈დხ. ამ ლე̄თ ხოშა̄მ მუხუ̂ბად
Line of edition: 12 ნა̈თხუ̂იარე ადგა̈რ, აჩა̈დ ი ღუმირ ჩუქუ̂ა̄ნ ლემესგ ა̈ნი̄შუ̂ე, ლეღუ̂ს
Line of edition: 13 იტყბა. ალ დრო̈უ̂ს ჩუქუ̂ა̄ნჟი ქა̈ჯდ ლახტუ̂ი̄ლ: -- მϩცხი მა̄რ, მϩცხი მა̄რ!
Line of edition: 14 -- ჟი̄უ̂ ესერ ანჴა̈დ, ჩ[უ̄]უ̂ ესერ ა̈დტებდა̄̈ნ!
Line of edition: 15 -- მიჩა წეუ̂ა̈რ-მეძბარა̈ლდ ესერ ხაყლუ̄ნი.
Line of edition: 16 -- ჟი̄უ̂ ესერ მ' ა̄ხბიშე, ღო ესერ ჩუ ათბემნე.

Line of edition: 17 ჟ'ახბიშე ჭი̄მა, ჩუ̂ათბე ამნოშ წეუ̂ა̈რ-მეძბარა̈ლ.
Line of edition: 18 -- მϩცხ' ე̄სერ ხა̄რ, მϩცხი ხა̄რ!
Line of edition: 19 -- ჟი̄უ̂ ესერ ანჴა̈დ! -- აჯაღ ლახტუ̂ი̄ლ.
Line of edition: 20 -- ჟ'ე̄სერ დე̄მის. მიჩა ხმა̈ლ-ხანჯა̈რდ ესერ ხაყლუ̄ნი.
Line of edition: 21 -- ჟი̄უ̂ ესერ მ' ა̄ხბიშე, ღო ესერ ჩუ̂ათბემნე.

Добавлено (2006-12-11, 7:22 Pm)
---------------------------------------------
ჟ'ახბიშე ში̄რო̄ლ, ჩუ̂ათბე ში̄რო̄ლშუ̂. ჟ'ანჴა̈დ ამჩიქს ი ტϩტს ი
Line of edition: 23 შიხს იფთუ̂ი. -- იმ ესერ იჩო, ლეღუ̂ ესერუ ლალე̄მ!
Line of edition: 24 -- ლეღუ̂სი ესერ ჩუ ლა̈ჲზუ̂ებნე, მიჩი ესერ ჩუ ლა̈ჲზუ̂ებნე!

Line of edition: 25 ამჩიქს სგა̄ხფხიჭე ი ხებϩრგიე̄ლ ი ალა̄, ხითა̈ნგ, ისა̄მწარა̄̈ლ:
Line of edition: 26 -- ოხ, ხოლა ესერ მიჩა წეუ̂ა̈რ-მეძბარა̈ლ!
Line of edition: 27 -- მიჩა წეუ̂ა̈რ-მეძბარა̈ლს ესერ მიჩა ჭი̄მო̄ლ ხა̄̈ბხ.

Line of edition: 28 ეჩქა აჯაღ ლახტუ̂ი̄ლ მიჩა ხმა̈ლ-ხანჯა̈რს. "ეჯჲა̈რს ესერ მიჩა ში̄რო̄ლ
Line of edition: 29 ხა̄გხ". ამჩიქს ჩუ ა̈ნდე ხითა̈ნგ ი ჩუ̂ადურტყუ̂ე.

Line of edition: 30 მე̄რუ̂ა ლადეღ მიჩა მუხუ̂ბე იბრა̄ლ ი შიყუ̂ილ ლϩჯოშ ა̈ხგუ̂ეშლა̄̈ნ.
Line of edition: 31 ხოლა̄მ გუჟი ა̈დϩრდა. სგა̄ჩა̈დ, ჟ'ა̈ნკიდ მიჩა ხმა̈ლ-ხანჯა̈რ, აჩა̈დ ლათხა̄̈ლთე.
Line of edition: 32 ესღრი, ესღრი, სგა ლა̈ხჴა̈დϩ̄ნა̄̈ნ ალ ღუმირ ჩუქუ̂ა̄ნთეჲსგა.
Line of edition: 33 ამჩუ ჟ'ა̈თლაკ ნა̈ლმა̈სგუ̂ს. ამ ლე̄თ ამჩუ ჩუ̂ადϩ̄გა̄̈ნ. ჩუ̂ა̈დბურა̄̈ნ. ამჩიქს
Line of edition: 34 ჩუქუ̂ა̄ნჟი ლახსϩმდა: "მϩცხი მა̄რ, მϩცხი მა̄რ!" ეჯ ქა̈ჯ ხატუ̂ი̄ლდ' ე̄,
Line of edition: 35 ხედუ̂ა̄̈ჲდ მიჩა მუხუ̂ბე ადურტყუ̂ე: -- ჟი̄უ̂ ესერ ანჴა̈დ, ჟი̄უ̂ ესერ ა̈ნტებდა̄̈ნ!
Line of edition: 36 -- მიჩა წეუ̂ა̈რ-მეძბარა̈ლდ ესერ ხაყლუ̄ნი.
Line of edition: 37 -- ჟი̄უ̂ ესერ მ' ა̄ხბიშე, ღო ესერ ჩუ̂აბემ.

Page of edition: 138
Line of edition: 1 ჟ'ახბიშე ჭი̄მო̄ლ, ანჴა̈დ ი ლიბემი მϩქაფდ ჟ'ანწუ̄წე ლემასგუ̂ისგა,
Line of edition: 2 ჩუ ლახტუ̂ი̄ლ: -- ჟი̄უ̂ ესერ ანჴა̈დ, ჩუ̂ ესერ ოთბა წეუ̂ა̈რ-მეძბარა̈ლ.
Line of edition: 3 -- ჟი ესერ, მარე მიჩა ხმა̈ლ-ხანჯა̈ლდ ესერ ხაყლუ̄ნი.
Line of edition: 4 -- ჟი̄უ̂ ესერ მ' ა̄ხბიშე, ღო ესერ ათბემნე.

Line of edition: 5 ჟ'ახბიშე ში̄რო̄ლ, ჩუ̂ათბე ხმა̈ლ-ხანჯა̈ლ. ამნე̄მ გაცხა̈ჲდ ჩუ მა̄მა
Line of edition: 6 ათბე, ში̄რო̄ლ ქა̄დკუ̂ა̈რ ეჩხე̄ ტუ̂იბთე.
Line of edition: 7 -- ჟი̄უ̂ ესერ ანჴა̈დ, ჩუ̂ ესერ ოთბა̄ლა მა̄გ.

Line of edition: 8 ჟ'ანჴა̈დ, ჩუ ესსგურდა, ტϩტს ი შიხს იფთუ̂ი.
Line of edition: 9 -- სი მა̈ჲ ჯა̄რ ალა, ტϩტ ი შიხ? წუ̂ა̈დ ლა̄ხა̈მ!
Line of edition: 10 -- ალასი ჩუ ლოხზუ̂ებნე ი სი[ი] ჩუ ლა̈ჯზუ̂ებნე!

Line of edition: 11 სგა̄ხფხიჭე ლაბϩრგია̈ლს. უ̂ოდემ ჩიქად ჩუ იდა̄̈სგდა, ეჩქად წეუ̂ა̈რ-მეძბარა̈ლს
Line of edition: 12 ლახტუ̂ი̄ლ, ქა̄ნსკინეხ წეუ̂ა̈რ-მეძბარა̈ლდ ი ჩუ ადგϩლϩ̄რეხ.
Line of edition: 13 ეჩქა ჩუ̂აბიჴუ̂ ისგდ ი ქა̄̈ნი̄ყე მიჩა მუხუ̂ბე.
Line of edition: 14 -- ოხ, მა̈ჲ ესერ ხოუ̂ჟა!

Line of edition: 15 ლიუ̂ჟ' ე̄სერ მო̄შ, ქა̈ჯი ჴადუ̂ისგა ესერ ლϩმა̈რდ. აჲ, ხეწა̈დუ
Line of edition: 16 ესერ ალ ქა̈ჯს, მიჩ ესერ ჩოთდაგრა.

Line of edition: 17 მე̄უ̂არ ათხი̄დϩნხ უშხუ̂ა̄რე ლიწედ ი ა̈გითე ატა̈ხხ ხოჩა̄მ გუჟი.

Line of edition: 18 ლϩმზϩრე̄უ̂ ხი.

Добавлено (2006-12-11, 7:23 Pm)
---------------------------------------------
Part No. 78

Text: 85
Page of edition: 138
Line of edition: 19
85. მამა-მურზა

Line of edition: 20 ჲორუ ლა̈მყა̄̈რუ̂ აჩა̈დხ ლათეჲთე. ბოფშა̈რ ჰაკუ̂ა̈ნისგა ხოყუ̂რახ.
Line of edition: 21 ქა̄დჲეხ ამჟი ლათეჲთე. ანჴა̈დ მოუ̂არ სკარხალ ი დი̄ნა̄̈ლ ა̈გითე ანჴა̈დხ,
Line of edition: 22 ჰაკუ̂ნა̈რ ჩუ̂აცუ̂ირხ დაბუ̈სგა. ანჴა̈დ ამელექუ̂ა თხე̄რე: "ლϩკჩეუ̂
Line of edition: 23 ლი მიშგუ ლირდე, მი ჲეშდჲერუ თხე̄რე̄მი ბეგა̈რ მაგა̈დ ი ეჯჲა̈რს
Line of edition: 24 ოთჴიდე ალ ბოფშა̈რს". ადჲე ჯუ̂ე̄დიათე, ჩუ̂ესგე იცხ ჩუქუ̂ა̄ნ ი ჯ' ა̄ჩა̈დ
Line of edition: 25 თხე̄რა̄ლე ლა̈ჴდათე. ანჲა̈ცხ დიუ̂ო̄ლ, მე̄რმეჲ ჟ'ანჲა̈ცხუ̂ნე: "ესგϩ̄ნცა̄̈ლ,
Line of edition: 26 ჭყინტϩ̄ლდ, ნო̄თაუ̂ ჟ'ა̈ხფუშუ̂დი̄რ!" ლა̈ჲძგუ̄მბა̄ლე ჭყინტϩ̄ლდდ, ჟ'ა̈ნფუშდუ̄რე.
Line of edition: 27 ჟ'ანϩ̄გა̄̈ნ, მიჩა დაჩუ̂ირ ჟ'ა̈ნგენე. ჭყინტϩ̄ლდს ხა̄̈ქუ̂ მიჩა დაჩუ̂ირდ: -- სი
Line of edition: 28 მა̈ჲ ჯი̄რი ლათხუმრა̄̈შ? -- მი ჭიშდუ̂რულ.

Line of edition: 29 ეჩქა ხა̄̈ქუ̂ინ ჭყინტϩ̄ლდდ მიჩა დაჩუ̂ირს: -- სი მა̈ჲ ჯი̄რი? -- მი მი̄რი
Line of edition: 30 თϩრქდი̄ლ.

Line of edition: 31 ჟ'ესჭკურუ̄ლეხ თϩრქდი̄ლშუ̂ სახლა̈თილა̈რ, ჰაკუ̂ნა̈რ გურნალშუ̂ ჟ'ანგუ̂ეშლეხ.
Line of edition: 32 მინ ჟ'აჩა̈დხ იცხთეჟი. ანჴა̈დხ თხე̄რა̄̈ლ ჲეშდჲორუ, ახურგუ̂ი̄ნეხ
Line of edition: 33 გურნა̈ლს: "ალ თხე̄რად ნა̈ჲ ჩუ̂ა̈გუ̂ღორუ̂ე, ხოლა̄მდ ალჴϩდად!"
Line of edition: 34 ეჯჟი აჴიდხ, ერე ფა̈თუ̂ დე̄სა ლახცუ̂ირხ. ჩუ̂ადკუ̂ა̈რხ ამჟი იცხ ჩუქუ̂ა̄ნ.
Line of edition: 35 ალჲა̈რ, ჯϩმილ-დაჩუ̂ირ, იზბიხ ჭიშდუ̂რულს, უშხუ̂ა̄რ ხაყლეხ: "მა̈დილ
Line of edition: 36 ჯე̄რა, ჩუ ნო̄სა ა̈გუ̂შყეს ამი̄ მერსუ̂ილდ, ადო თხე̄რა ხოჲხენი, ეჩქა
Line of edition: 37 ჟი̄სე̄ლუ̂ი!" დი̄ნას ჩოთშყა̈დ უნბილდ მერსუ̂ილდ, თხე̄რას ხოჲა̈ხ ლესგჟი
Page of edition: 139 Line of edition: 1 ი ფა̈თუ̂ ქო̄ხჴა̈დ. თხე̄რად ხა̄̈ქუ̂ინ: "მა̈დილ ჯე̄რახ, ჲერუ̂ა̄̈ჲ ღენ
Line of edition: 2 ხა̈რიდ ჟიქა̄ნ, ეშხუ̂ი̄ლ აჯაღ ჩუ̄დ ა̈მკუ̂ა̈რდ!" ჩუ̄დ ოხკუ̂ა̈რხ ეშხუ̂ი̄ლ.

Line of edition: 6 ჩუ̂ანჴა̈დხ ჭყინტ ი დი̄ნა, თხე̄რად ხა̄̈ქუ̂ინ: "ჟი ლამსგურდად შიყჟი,
Line of edition: 7 აჯი̄ნე, იმთუ̂ა̄̈ჲთე ჯეკუ̂დიხ!" ჟი ლახსგურდახ ჯϩმილ-დაჩუ̂ირ, ადჲე
Line of edition: 8 ხოჩა̄მ მინდუ̂ერთეჲსგა, ხა̄̈ქუ̂ინ თხე̄რად: -- ამეჩუ̄ნ ჯაკუხ მო ლიზგა̄̈ლ?
Line of edition: 9 -- ამეჩუ̄ნ სოფლი ნა̈ფდია მა̄მა ლი. იმუ̂ა̄̈ჲ სოფლი ნა̈ფდია ი̄რა, ეჩეჩუ̄ნ
Line of edition: 10 ხუ̂იზგა̄̈ლდ.

Line of edition: 11 აჩა̈დ აჯაღ ჯუ̂ე̄დიათე. ხოჩა მინდუ̂ერ ლი კე̄სრი სგუ̂ებინ. -- ამეჩუ̄ნ
Line of edition: 12 ჯაკუხ მო ლიზგა̄̈ლ? -- ამეჩუ̄ნ ადუ.

Line of edition: 13 თხე̄რა ხუღუ̂ა ლაშე̄რილ, ესკაჩე ლაშე̄რ, ხოჩა ლუმურყუ̂ა̈მ ქორ
Line of edition: 14 ადგე -- ხოჩა ლარდა. ჯϩმილ-დაჩუ̂ირ ჟ'ანპრისდე თხე̄რად: ჯϩმილს ათჟა̈ხ
Line of edition: 15 მამა-მურზა, დაჩუ̂ირს ათჟა̈ხ დედე-დედფა̈ლ. ადმა̈ზრე თხე̄რად,
Line of edition: 16 აჩა̈დ ეჯჟი. ჯϩმილს ა̈ხფას მეთხუ̂ია̈რ. ა̈ნსგიდახ მე̄რმა ლადეღ კე̄სრი
Line of edition: 17 უ̂ა̈ზრა̈ლ, სგა̄ტა̈ხხ ი ხა̄̈ქუ̂ინხ კე̄სა̈რს: "საბრა, მა̈ჲკა̈ლი ლუმურყუ̂ა̈მ
Line of edition: 18 ქორ ერე̄ს ოთგა გუშგუ̂ე ქა̄მენ!" ალას კე̄სა̈რ ჩუ დე̄მა იჯრა̈უ̂და,
Line of edition: 19 უ̂ოდ ეჯა ქა დო ა̈ნსგიდა. ეზა̈რდ ლახბაჟϩნ მიჩა ქა̄მენ ქორა̈ ლიგემ.
Line of edition: 20 აჩა̈დ ლა̈თხუ̂იართე მამა-მურზა. ალა ერ ლა̈თხუ̂იარს არდა, ანჴა̈დ
Line of edition: 21 კე̄სა̈რ დედე-დედფა̈ლთე, მეუ̂არ ლახლატϩნხ უშხუ̂ა̄რე თხუ̂იმ. მამა-მურზას
Line of edition: 22 ერ ნა̈ბოზს ა̈გითე ლიჴდა̄̈ლ ხა̄დ, ეჩქა გარ იყლუ̄რა̄ლხ კე̄სა̈რ ი
Line of edition: 23 დედე-დედფა̈ლ. მამა-მურზა ერ ა̈გით' ა̄ნჴა̈დ, ეჩქა დედე-დედფა̈ლდ
Line of edition: 24 თხუ̂იმ ლეგდ ა̈დϩრდუნე. -- მა̈ჲ როქ ი̄რა ამი̄ მაშედ? -- კე̄სა̈რდ როქ
Line of edition: 25 მა̄̈ქუ̂ინ, ერე ფა̈რშმა̈გი წინწილ როქ მა̄რ ხოჩა.

Line of edition: 26 აჩა̈დ ეჯა, მამა-მურზა, ეშხუ გუდრა ფა̈ტუ̂ ლა̄ე. ეჯა წირს არდა,
Line of edition: 27 ფა̈რშმა̈გ. ხა̈იდϩნდახ წინწლა̈რს. ეშხუ გუდრა ფა̈ტუ̂ ოთშიდ ი ჩუ
Line of edition: 28 ლალე̄მხ. მამა-მურზა ჩუ̂ა̈თპა̈ჟ. ანჴა̈დ ფა̈რშმა̈გ ი ხა̄̈ქუ̂ინ მიჩა გეზლი̄რს:
Line of edition: 29 მა̄̈ჲ დო̄ს ჯა̄რახ, დე̄ს მირ ხიგუ̂ნიდ! -- საბრა დედე, ეჯკა̈ლიბ
Line of edition: 30 მა̈დლიერ მირ ანჴა̈დ, ერე ეშხუ გუდრა ფა̈ტუ̂ ენშიდ". ეჩქა ხა̄̈ქუ̂ინ
Line of edition: 31 ფა̈რშმა̈გდ: "მა̈ჲღენუ̂ა̄̈ჲ ხა̈რი ამკა̈ლი ამეჩუ̄ნ, მა̄̈ჲ ჰაჯ ჯეკუ̂ეს, ეჯა
Line of edition: 32 მე̄ქარ, ეჯას ჯა̈ჩო!" ქა̄ნჴა̈დ ეჩქა მამა-მურზა, ხაშგუ̂მინ ეშხუ მადრე̄ნე
Line of edition: 33 წინწლიდ: "წϩ̄ლ ესერ ნო̄საუ̂ ახკიდუ̂ნე, ადო ესერ ეჩქა ჩუ̂ადა̄უ̂შე
Line of edition: 34 ი მა̄მა ხაჰუ̂დი". ამნემ ჟ'ა̈ნკიდ წინწილ, სგე̄სდე გუდრათე, წϩ̄ლ
Line of edition: 35 დე̄სა ახკიდუ̂ნე. ანღრი ლაჭმუშ ა̈გითე. სგა ლა̈ჰი̄დ უ̂ეშგინისგა ფა̈რშმა̈გ,
Line of edition: 36 ღალე ლოხკიჩ: "ისგუ̂ა მაწϩხ ლადეღ ალა ათქუთინ ი მაშედ
Line of edition: 37 ჯე̄რი მი!" ა̈გით' ა̄ნჴა̈დ მამა-მურზა, ეზა̈რდ ხებჟა̄̈ნხ, ერ მო̄მ ა̈დდა̄უ̂შა̄̈ნ.
Line of edition: 38 ხარშოდ ოხუ̂სყე ფა̈რშმა̈გი წინწილ. აჩა̈დ აჯაღ მე̄რმა ლადეღ
Page of edition: 140 Line of edition: 1 ლა̈თხუ̂იართე მამა-მურზა: -- ათხ' ე̄სერ მა̈ჲუ ოხუ̂გონუ̂ეხ? -- ათხ' ე̄სერ
Line of edition: 2 უ̂ა̈რილ ხა̈მთეუ̂ ადზϩზეხ: ნო̄თაუ̂ ეჩ' ე̄ში̄ ჩუ̂ა̈დდა̄უ̂შა̄̈ნ.

Line of edition: 3 აჩა̈დ უ̂ა̈რილ ხა̈მთე, ეშხუ გუდრა როგუ̂ ლა̄ჲე ი ეჯა ქა̄̈მ არდა
Line of edition: 4 ი ჩოთშიდ გოჭა̈რს: მეუ̂არ ხა̈იდϩნდახ. ჩუ̂ა̈თპა̈ჟ მამა-მურზა. სგა̄ჩა̈დ
Line of edition: 5 ქორთე უ̂ა̈რილ ხა̈მ, ხა̄̈ქუ̂ინ მიჩა გეზლი̄რს: -- მა̄̈ჲ დო̄ს ჯა̄რახ, მა̄მა
Line of edition: 6 მირ ჯა̈იდხ! -- ანჴა̈დ ესერ ეჯჟინ მა̈დლიერ, ერე ეშხუ გუდრა ლეზუ̂ებ
Line of edition: 7 ენშიდ, ჟ'ესუ̂ბიზა̄̈ნდ ეჯას". ხა̄̈ქუ̂ინ ეჩქა უ̂ა̈რილ ხა̈მდ: "მა̈ჲღენუ̂ა̈ჲ ამკა̈ლიბ

Добавлено (2006-12-11, 7:26 Pm)
---------------------------------------------
ფუსდ ხა̈რი, მა̄̈ჲ ჰაჯ ჯეკუ̂ეს, ეჯა მაშგუ̂ემნ ი ეჯას
Line of edition: 9 ჯაჰუ̂დი!" ქა̄ნჴა̈დ ეჩქა მამა-მურზა, ხაშგუ̂მინ მიჩა მადრე̄ნე გეზალ:
Line of edition: 10 -- მიშგუ დაჩუ̂ირ ლეგდ ა̈რი, ისგუ̂ა გეზალთე ა̈მთო̄ნეხ: "ალა ესერ
Line of edition: 11 ხოჩა ხა̄რ". -- ჭყϩ̄ლ ესერ ნო̄საუ̂ ახკიდუ̂ნე, ადო ესერ მა̄მა ხაჰუ̂დი.

Line of edition: 12 ჟ'ა̈ნკიდ გუ̂ეჭ ი ჭყϩ̄ლ დე̄სა ახკიდუ̂ნე, სგე̄სდე გუდრათე, ახღუ̂ა
Line of edition: 13 ამჟი ა̈გითე. უ̂ეშგინ ახღუ̂იჭ უ̂ა̈რილ ხა̈მ: "ჟ'ა̈მღე̄ლა̈უ̂, მამა-მურზა,
Line of edition: 14 მაჭკϩ̄რა მირ ეშხუ ამბა̈უ̂, -- სგა ლა̈ჰი̄დ უ̂ა̈რილ ხა̈მ, ქა ლოხკიჩ ეშხუ
Line of edition: 15 ფა̈თუ̂: -- ისგუ̂ა მაწϩხ ლადეღჟინ ი გაჭირუ̂ებაჟი ალა ათქუთინ, ღო
Line of edition: 16 ლა̈ჯშედნი იმუ̂ა̄ლა". ადჲე ამნემ გუ̂ეჭ, ჟ'ოხო̄ზნანე, ჩუ ხა̄მნე მიჩა
Line of edition: 17 დაჩუ̂ირს: "ათხე ესერ მა̄მა ა̈რია ხოჩილდ?"

Line of edition: 18 აჩა̈დ აჯაღ მე̄რმა ლადეღ ლა̈თხუ̂იართე მამა-მურზა. ანჴა̈დ კე̄სა̈რ,
Line of edition: 19 აჯაღ ხა̄̈ქუ̂ინ დედე-დედფა̈ლს: -- ჲაღო ესერ, მა̈ჲუ ოხგონუ̂ეხ? -- ლა̈ჩუ̂ფუ̈რი
Line of edition: 20 ლϩჯე̄მი ლიჴდე. ეჩე ესერ ეში̄ ნო̄თაუ̂ ე ჩუ̂ა̈დდა̄უ̂შა̄̈ნ!" ანჴა̈დ ა̈გითე
Line of edition: 21 მამა-მურზა, ხა̄̈ქუ̂ინ ეჩქა მიჩა დაჩუ̂ირდ: -- მიშგუ ჯϩმილ, მი ეჯა როქ
Line of edition: 22 მაჴჩუ̂ეუ̂ი [ე], ფუ̈რ ლა̈ჩუ̂ა̈ ლϩჯე. -- ჲაღო, ეჯას ა̈გით' ა̄̈ჯჴიდე.

Line of edition: 23 აჩა̈დ ეჩხაუ̂, ეშხუ გუდრა ჯიმ ლა̈ჲყედნე, მე̄რმე ულტუ̂ა ხაბნა̄̈
Line of edition: 24 გუ̂ა̈რე. აჩა̈დ ამჟინ ლა̈ჩუ̂-ფუ̈რთე, ჟა̈თლაკ ამი̄ ლეთრა ლიცს, ჟ'ათლა̈ჯ
Line of edition: 25 ულტუ̂ა ხაბნა̄̈ გუ̂ა̈რე, ეშხუ გუდრა ჯიმ ათშიდ. ალა ჯუ̂ე̄დიას
Line of edition: 26 ა̈რი. ჩუ̂ა̈თპა̈ჟ მამა-მურზა. ლა̈ჩუ̂-ფუ̈რ ანჴა̈დ ჯუ̂ე̄დიახა̈ნ, ქა̄ჩა̈დ მიჩა
Line of edition: 27 ლეთრა ლიცთე ი იფთუ̂ი ჯიმს მეუ̂არ. ჟი ლა̈ჲფეთუ̂ მა̈გ, ახფϩნდა
Line of edition: 28 ლიცდ, იტყუ̂ლიფა̄̈ლ ი იჭმურიე̄ლ: "მა̈ჲღენუ̂ა̄̈ჲ ფუსდ ხა̈რი ამეჩუ̄ნ,
Line of edition: 29 ლიც ჟი ა̈მიფშუ̂დ, მა̄̈ჲ ჰაჯ ჯეკუ̂დი, ეჯას ჯა̈ჩო!" ხა̄̈ქუ̂ინ ეჩქა მამა-მურზად
Line of edition: 30 ლაპა̈ჟხა̈ნქა: -- ისგუ ლϩჯე ქა ლა̄მო! -- ლϩჯას დეშ ჯაჰუ̂დი! -- ხა̄̈ქუ̂ინ
Line of edition: 31 ლა̈ჩუ̂-ფუ̈რდ. -- ჲაღო, ლიცი მა̄მა ჯე̄რა! -- ხა̄̈ქუ̂ინ მამა-მურზად.
Line of edition: 32 -- დღუ̄ლ-დღუ̄ლ ნო̄სა ახკიდუ̂ნა, ადო იშდუ̂არშუ̂ ჯϩხპე!

Line of edition: 33 ეჩქა ჟ'ოხფიშუ̂დ ლიც მამა-მურზად ლა̈ჩუ̂-ფუ̈რს. ეჯნემ ლითრე
Line of edition: 34 ლა̈ჲბინე ი მამა-მურზად -- ლი̄შგი. დღუ̄ლ-დღუ̄ლ დე̄სა ლახსიმნე. ათხ'
Line of edition: 35 ა̄ნღრი ა̈გითე მამა-მურზა, ა̈ხღუ̂ა̈ჭ უ̂ეშგინ ლა̈ჩუ̂-ფუ̈რ: "მამა-მურზა,
Line of edition: 36 ჟი ლა̈მღე̄ლა̈უ̂!" ჟი ლა̈ჲღე̄ლუ̂ე მამა-მურზად. ხა̄̈ქუ̂ინ ეჩქა ფუ̈რ ლა̈ჩუ̂დ,

Добавлено (2006-12-11, 7:27 Pm)
---------------------------------------------
ქა ლოხკიჩ ძუა: "ისგუ̂ა მაწϩხ ლადეღჟი ალა ათქუთინ, ლა̈ჯშედნი
Line of edition: 38 იმუ̂ა̄ლა". აჩა̈დ ამჟინ ა̈გითე, სგო̄თჴიდ ამჟი მიჩა დაჩუ̂ირს, ჟ'ოხფუ̄̈ნე
Page of edition: 141 Line of edition: 1 ი ჩუ ლახა̄̈შ. -- ათხ' ე̄სერ ეში̄ მა̄მა ა̈რია ხოჩილდ? -- ათხე ესერ ჰა̈დურდ
Line of edition: 2 ხოდრა̈მდ ა̈რი!

Line of edition: 3 აჩა̈დ მე̄რმა ლადეღ ლა̈თხუ̂იართე მამა-მურზა. ჟ'ანϩ̄გა̄̈ნ დედე-დედფა̈ლ,
Line of edition: 4 დია̈რ კიბდო̈ნთეჲსგა ოთკუ̂ა̈რ, კიბდო̈ნს ეჩხა̈ნ-ამხა̈ნ ყა̈რლა̈რ
Line of edition: 5 ესგენე: "მამა-მურზა ესერ ლახ დია̈რს ხეჰე̄წუ̂ალუ̂ნი, ეჩქ' ე̄სერ
Line of edition: 6 სგაუ̂ ოთჯილკეხ, ღო ესერ ძუღუ̂ათე[უ̂] ადკუ̂ა̈რხ!" ანჴა̈დ ნა̈ბოზს ა̈გითე,
Line of edition: 7 ხა̄̈ქუ̂ინ მიჩა დაჩუ̂ირს: -- დია̈რ ესერ იმე ხორი? -- დია̈რ კიბდო̈ნისგა
Line of edition: 8 ჯირი. -- მიჩა დაჩუ̂ირდ ხა̄̈ქუ̂ინ. ხეჰე̄წუ̂ა̈ლ კიბდო̈ნთეჲსგა დია̈რს მამა-მურზა,
Line of edition: 9 სგო̄თჯილკეხ ყა̈რლა̈რდ კიბდო̈ნთეჲსგა, ჟ'ესლოსმეხ ლაფრია̈ლ
Line of edition: 10 კიბდო̈ნს ი სგა̄დკუ̂ა̈რხ ძუღუ̂ათე. ადქუთუ̂ნე ლა̈ჩუ̂-ფუ̈რი ძუა, უ̂ა̈რილ
Line of edition: 11 ხა̈მი ძაგუ̂ ი ფა̈რშმა̈გი ღალე, მა̈გ ამეჩუ̄ნ ესფა̈შუ̂დხ. ათხე ლა̄̈ქუ̂ინ
Line of edition: 12 ლა̈ჩუ̂-ფუ̈რდ: "მა̈ჲ ჲა̈ს ჯა̈მჲედახ?" ეჩქა ლა̄̈ქუ̂ინ ფა̈რშმა̈გდ: "მი მა̈მჲედა
Line of edition: 13 ეჯა, ერე ლახე მიშგუ̂ა ლϩშნაუ̂ა ღალიდს ლოხჭემნე, ხოჩილდ
Line of edition: 14 ლო̄ტხე". ეჩქა ლა̄̈ქუ̂ინ უ̂ა̈რილ ხა̈მდ: "მი მა̈მჲედ' ე̄ჯა, ერე ძუღუ̂ახა̈ნქა
Line of edition: 15 ქო̄ხუ̂ტიხე". ფუ̈რ ლა̈ჩუ̂დ ხა̄̈ქუ̂ინ: "მი ხუ̂ა̈ჴდე იშდუ̂ა̈რს ი ჩოთგϩლϩ̄რი"
Line of edition: 16 ი ჩუ ჩო̈მინხ ალჲა̈რდ ამჟინ ი ხოჩე̄ლი ლა̄ტიხხ ი ეჯჲა̈რ
Line of edition: 17 ა̈გი-ა̈გითე აჩა̈დხ. ანღრი ა̈გითე მამა-მურზა, ახა̄სდ მϩხმϩ̄რის: -- ჲაღო,
Line of edition: 18 ისგუ ლერქუ̂ა̈ლ მი ლა̄მაქუ̂, მიშგუ ლერქუ̂ა̈ლ ს' ა̈თიქუ̂! -- დეშ ჯა̈შგდე
Line of edition: 19 სი! ხამა̈რს ბოგქა ჩუჩუ̂ა̈რჟი ხაკუხ ლიყჰა̄̈ლ"... ადსკϩრე მამა-მურზად
Line of edition: 20 ჯიჰრა̄̈ შამფუ̈რ. ესღϩრდახ ბოგქა, ლიჭყი̄ლიე̄ლ ა̈დბინეხ: ლიყჰა̄̈ლ
Line of edition: 21 ხეკუ̂ა̈დხ. ჲერს ლϩდგა̈რს შიდა ბოგ ეჩხა̈ნთე, ჲერს ლϩჲა̈რს. ეშხუ
Line of edition: 22 მაჩე̄ნე ტა̈ხ ბოგა̈ ყა̈რუ̂ილს ოთკუ̂ა̈რ. ა̈გით' ა̄ნჴიდ ხამა̈რ, ლახმი̄რი
Line of edition: 23 ყო̄რისგა[ი̄] ამჟი ხაყერ. ეჩქა ლა̄̈ქუ̂ინხ ქორშა̈ლდ: "იმჟი ლა̈უ̂დიე̄რა̄ლუშ
Line of edition: 24 ანღრი მϩხმϩ̄რი?!" სგა̄ჩა̈დ ქორთე. მერბიე̄ლს ხა̄̈ქუ̂ინ: დია̈რ ლა̄მო!"
Line of edition: 25 ამნემ ლაუ̂ში ძგიდ ლახუ̂ე̄მ. ეჯა გუ̂ამა̈რისგა ხაჴიდ ი ხოჩა ლაუ̂ა̈შ
Line of edition: 26 ჟ'ა̈ნკიდ. ეჩქა წϩდა̈ჲთე აჩა̈დ: "ჰარა̈ყ ლა̄მაშ!" კათხ ისგთეჟი დეშ
Line of edition: 27 ლახუ̂ე̄მ. ეჯა გუ̂ამა̈რისგა ხაჴიდ, კათხ გუ̂ეში ა̈ნგუ̂ეშ. ეჩქა ზარუ̂ილთე
Line of edition: 28 აჩა̈დ, "ლეღუ̂ ლა̄მო!" ხა̄̈ქუ̂ინ. ჯიჯუ̂ ლახუ̂ე̄მ. ეჯა გა̈ნთე ადკუ̂ა̈რ, ხოჩა

Добавлено (2006-12-11, 7:28 Pm)
---------------------------------------------
ლაგა̈ფ ა̈ნკიდ ი ჩუ ლალე̄მ ალა. ეჩქა ა̈ნკიდ მამა-მურზად ცჴემა̈დ:
Line of edition: 30 "ჲერუ̂ა̄̈ჲ ესერ მოშ ალას ჟი იბუ̄ცეხ!" ხეკუ̂ჰენიხ მა̈გ, ისგთეჟი
Line of edition: 31 დეშ იბუ̄ცეხ. ეჩქა ხა̄̈ქუ̂ინ მϩხმϩ̄რიდ: -- ეშხუ̂ი̄ლ მი ლამე̄მდ! -- სი იმ
Line of edition: 32 ლაჯუ̂ედნედ, ტიშა̄̈რ მϩხმϩ̄რის, მამა-მურზა̄̈ ცჴემა̈დს? -- ქა ღენ ლამე̄მდ,
Line of edition: 33 ლოხკუ̂იჰ!. ლახ დოშ ა̈ხუ̂ბი̄წუ̂ნე, ღო ეჯღა მა̈ჲ ი̄რა?

Line of edition: 34 ქა ლახუ̂ე̄მხ მϩხმϩ̄რის ი ჟ'ა̈ნბუ̄წე. ხა̄̈ქუ̂ინ ეჩქა გაცხა̈ჲდ მϩხმϩ̄რის:
Line of edition: 35 -- ფუ̈რს, ჰა ჴა̈ნს?
Line of edition: 36 -- ჴა̈ნს, ფუ̈რს ჩიგარ ლაჰას ლა̈რიდ.

Page of edition: 142
Line of edition: 1 ჟ'ანჭკიჟ მა̈გ, კე̄სა̈რ ი მიჩა ნაყა̈რ, ჩუ̂ესსა̈დ საკე̄სრო მამა-მურზას
Line of edition: 2 ი ეჯა ჩეი̄ ყო̄რჟი ჩუ̂ადჰინე̄, მიჩა დაჩუ̂ირ. მამა-მურზად ხოჩა ლირდე-ლიზგე
Line of edition: 3 ა̈დჴიდ.
Line of edition: 4 -- ლϩმზϩრე̄უ̂ ხი.

Добавлено (2006-12-11, 7:29 Pm)
---------------------------------------------
Part No. 79

Text: 86
Page of edition: 142
Line of edition: 5
86. სემი ლაუ̂დილა

Line of edition: 6 ლა̈სუ̂ ეშხუ მეჩი მა̄რე, სემი დი̄ნა̄̈ლ ხორდა. ხოშხებდახ მინე მუს
Line of edition: 7 კაბს. ეჩქა მინე მუ ლϩცთე ადზϩზეხ. ეჯნემ ლიც ოხჴიდ [ი] სემი
Line of edition: 8 უსგუ̂ა̈რ. ქა ლახუ̂ე̄მ ხოშა̄მ უდილს ლიც, ეჩϩნღო ნე̄სგა̄̈ უდილს, უ̂ეშგიმპილს
Line of edition: 9 ხოხუ̂რა̄მ უდილს ი ალას უ̂ისგუ̂ ოთკუ̂ა̈რ თუ̈ნგთე ი სგა̄̈თჩϩ̄დ
Line of edition: 10 ლიც ლათრაჟი. ხეწა̈დხ ხოშა ლაუ̂დილა ი ლიც ქო̄თღეხ ხოხუ̂რა̄მ
Line of edition: 11 უდილს ი [უ̂ისგუ̂] ჩუ ლალე̄მხ. ეჩქა მინე მუდ თუ̂ით უ̂ისგუ̂ ქა ლახუ̂ე̄მ.
Line of edition: 12 ეჩქა სგა ხაფხეჭხ მინე მუს: "ალ უ̂ისგუ̂ს ესერ ლემბიზდ დო̄მ
Line of edition: 13 ოხჴიდეხ, კაბსი̄ ჩუ ჯიშხიდ ი სი[ი] ჩუ ჯადგა̈რიდ!"

Line of edition: 14 ანϩ̄გა̄̈ნ მინე მუ ი აჩა̈დ ეჯ უ̂ისგუ̂თე. ჩუ̂ადბϩრჯე (ჩუ̂აჩუ̂მინ) ხოშა
Line of edition: 15 (უ̂)ორმო ი ჟიქა̄ნქა ჩხირა̈ლ ათბო̄გე, ეჩეჟი ნაბა̈დ ადϩრშე, ჩუ̂ანსϩსნე
Line of edition: 16 უ̂ისგუ̂ ი ეჩეჟი ჟ'ესდე, მა̈ზუმუ̂ა̄̈ჲ ათსკϩ̄დ ი ეჩქა ა̈გით' ა̄ნჴა̈დ, ხა̄̈ქუ̂
Line of edition: 17 მიჩა გეზლი̄რს: "უ̂ისგუ̂ ესერ ხუ̂ა̈ჲ ოხუ̂ში̄და ი ქაუ̂ ესერ ოთჴერდახ"
Line of edition: 18 ი ქა ლახთო̄ნე უ̂ისგუ̂, იმუ̂ა̄̈ჲ ხორდა ლუხურიე̄ლე. ქა̄̈დჭო̈მნეხ დი̄ნა̄̈ლდ
Line of edition: 19 ი ჟ'ადსკინა̄ლეხ ნაბა̈დთეჟი ი ჩოთძგუ̂ა̈ბხ ი ჩუ̂აშϩ̄დხ უ̂ორმოთე. ალ
Line of edition: 20 ღუ̂ა̈ჟმა̄რე ა̈გით' ა̄ჩა̈დ. ალჲა̈რ, დი̄ნა̄̈ლ, ი̄თა̄̈ლიხ უ̂ისგუ̂ს ი იზბიხ ალას.
Line of edition: 21 ხოხუ̂რა უდილ მიჩა ნა̄̈თის ჩიგარ ჩუ იშხუ̂ნი, ხოშა ლაუ̂დილა ჩუ იზბიხ.
Line of edition: 22 ჩოთშდა̈ხხ ათხე. ლა̄̈ქუ̂ხ ხოშა ლაუ̂დილად: "უშხუ̂ა̄რე ძუ̂ერუ
Line of edition: 23 [ესერ] ლალე̄მხ, ჲესუ̂ა̄̈ჲ მუჭხუ̂ი ლეღუ̂ გუ̂ე̄რა, ეჯას ჩუ ლა̈ლზუ̂ებნედ".
Line of edition: 24 აკუ̂იჰხ ხოშა̄მ უდლა̈ ლეღუ̂, მϩხიმ ლა̈სუ̂, ეჩქა ნე̄სგა̄̈ უდლა̈ ლეღუ̂,
Line of edition: 25 მე̄უ̂არ მუჭხუ̂ი ლა̈სუ̂. ეჩქა ალას ლოხმა̈რჯუ̂ი̄ნეხ ლიზუ̂ებ ი ეჯნემ ატკაზ
Line of edition: 26 ლა̄̈ქუ̂: "მიჩ ესერ ჩუ ხოშხუ̂ნა მიჩა ნა̄̈თი უ̂ისგუ̂ ი ეჩქად ესერ ნომისუ
Line of edition: 27 იზბიხ მიჩა ლეღუ̂ს" ი ქო̄ხჴიდ მიჩა ნა̄̈თი აშხუ̂ ნაგზა ქო̄თჟოღუ̂ნე
Line of edition: 28 ეჯა. ეჩუნღო აჯაღϩდ ლახზϩრზეხ ლიზუ̂ებ ი ეჩქა ლა̄̈ქუ̂ ხოხუ̂რა̄მ
Line of edition: 29 უდილდ: "მიჩ ესერ ნომა ი იშგენ ესერუ მა ა̈ნგონუ̂ეხ: ჩიქე [ესერ]
Line of edition: 30 ლიგუ̂ნი̄უ̂ ა̈დბინეხ ეჯკა̈ლიბ, ერე გიმ-მეგა̈მ მა̈გ იგუ̂ა̈ნდე̄დს, ეჩუნღო
Line of edition: 31 ეჯკა̈ლიბ ლი̄ცუ̂ნა̄̈ლუ ა̈დბინეხ, ერე ჰა̈დურდ მა̈გ ი̄ცუ̂ნა̄ლდე̄დს, უ̂ეშგიმპილს

Добавлено (2006-12-11, 7:30 Pm)
---------------------------------------------
ესერ ეჯკა̈ლიბ ლიღრა̄̈ლუ ა̈დბინეხ, ერე ქუ̂ეყანაჟი მა̈გ იღრა̄ლდე̄დს
Line of edition: 33 ი ჩი̄ ხესმო̄ლდე̄დს". ი გაცხა̈ჲდ ალას ოთჯϩრუ̂ეხ. მა̄̈ნკუ̂ი
Line of edition: 34 ლიგუ̂ნი ა̈დბინეხ ეჯკა̈ლიბ, ერე გიმ-მეგა̈მს ჩი̄ ქიმ ოხუ̂ე̄ზდა, ეჩუნღო
Line of edition: 35 ლი̄ცუ̂ნა̄̈ლ ა̈დბინეხ ეჯკა̈ლიბ, ერე გიმ-მეგა̈მ ი̄ცუ̂ნა̄ლ, უ̂ეშგიმპილს
Line of edition: 36 ლიღრა̄̈ლ ა̈დბინეხ, ქუ̂ეყანას ხესმო̄ლდა ი ქუ̂ეყანა იღრა̄ლ.

Page of edition: 143
Line of edition: 1 ალ დრო̈უ̂ჟი კე̄სრი გეზალ-ი მიჩა აფხნეგა̈რ ანღϩდახ ამი ნა̈ფდია ლექუ̂ა
Line of edition: 2 ი ქა ხასϩმდა ლიღრა̄̈ლ ეჩას ი ა̈ხჭა̈მ ჰერს ი ჟ'ა̈თლაკ ალჲა̈რს,
Line of edition: 3 ჟ'ა̈ნი̄ყა̄ლეხ უ̂ორმოხა̈ნჟი ი ლა̈ხჭუ̂ედდა ხოშა̄მ უდილს: -- მიჩ
Line of edition: 4 ესერ მა̈ჲ ხა̈მჲედა? -- მიჩ ესერ მა̈ჲ ხა̈მჲედა-იм აშხუ̂ ქათლა̈ წინწილს
Line of edition: 5 ლახ (ჲ)ა̈რ ლამჰო̈დნე, კე̄სა̈რს-ი მიჩა ჯა̈რი-მა̄რა ეჯნოშ ჩუ ხუ̂ახϩრჯე.
Line of edition: 6 -- ალა მე̄უ̂არ ეზერ ლეჲმედე ჯა̈მჲედა.

Line of edition: 7 ეჩქა მე̄რმა ლა̈ხჭუ̂ედდა: -- მიჩ ესერ მა̈ჲ ხა̈მჲედა? -- მი მა̈ჲ მა̈მჲედა
Line of edition: 8 ი აშხუ̂ ბამბი კალს ლახ (ჲ)ა̈რ ლამედნე ( ლამჰო̈დნე), კე̄სა̈რს ი
Line of edition: 9 მიჩა ჯა̈რს ლა̈გნას ი ლაყუ̂რას ჩია̄̈გ ჟი ხუ̂ა̈რქუ̂ი ეჯნოშ". ალაი̄ ეზერდ
Line of edition: 10 ლახბაჟϩნ. უ̂ეშგიმპილს ხოხუ̂რა̄მ უდილს ლა̈ხჭუ̂ედდა: "მიჩ ესერ მა̈ჲ
Line of edition: 11 ხა̈მჲედა?" ეჯნემ ატკაზ ხა̄̈ქუ̂: "მა̄მაგუ̂ეშ ესერ". აჯაღϩდ ხეჭუ̂დია̄ლ:
Line of edition: 12 -- ეში̄ ესერ მა̈ჲ ხა̈მჲედა? -- ჩუ ესერ მა̄მაგუ̂ეშ ხა̈მჲედა. ღერბათხა̈ნქა
Line of edition: 13 ესერ ხუღუ̂ა ეშხუ ჭყინტ, ისგϩნჟი უ̂ოქუ̂რ, ისგϩნჩუბაუ̂ უ̂ერცხლ,
Line of edition: 14 ი მე̄რმე -- დი̄ნა ეჯკა̈ლიბ, მზითუნახა̈უ̂ ირახ ესერ ეჯჲა̈რ ი ალა მუღუ̂ა
Line of edition: 15 ღერბათხა̈ნქა". ეჩქა კე̄სრი გეზალდ ხა̄̈ქუ̂: "ჲაღო, ჯ' ე̄სერ ხაკუ
Line of edition: 16 ხეხუ̂დ" ი სგა ლოხუ̂გუდირდახ უშხუ̂ა̄რ ი ესღრიხ ა̈გითე ლϩხია̈დ ი
Line of edition: 17 ალჲა̈რი სგა ლა̈ჲჴერნეხ მომსახუ̂რად, მიჩა ლაუ̂დილა, ი აჩა̈დხ ა̈გითე.
Line of edition: 18 ა̈გის ქუ̂ერწილ აჩუ̂მინხ ეზა̈რ.

Line of edition: 19 ათხე ალა ჩუ̂ადღანუ̂ე შიშდ ი ჯა ლ

Line of edition: 24 ი მიჩა ხეხუ̂ს შომუ̂ა̄̈ჲ დრო̈უ̂ ოხჴა̈დ ლიღუ̂ჟა̄ლეშ, ალ დრო̈უ̂ჟინ ჯუა
Line of edition: 25 იზა̄ლ(და) ი ციცუ̂ი იზა̄ლ(და). ეშხუ ჯუა̄̈ ფა̈კუ̂ნა ი მე̄რმე ციცუ̂ი კიტაუ̂
Line of edition: 26 ქა̄ნჴიდხ მიჩა ლაუ̂დილად. ალ ზურა̄ლდი̄ ეშხუ ჭყინტ ანთენე,
Line of edition: 27 ისგϩნჟინ უ̂ოქუ̂რ ი ისგϩნჩუ უ̂ერცხლ, ი მე̄რმე დი̄ნა ამკა̈ლიბ, იმუ̂ა̄̈ჲჟი
Line of edition: 28 მა̄̈ნკუ̂ი ნა̄̈ქუ̂ი̄სგუ̂ ხუღუ̂ა̄̈ნ. ალჲა̈რ ქო̄თქუ̂ითხ მიჩა ლაუ̂დილად ი ფა̈კუ̂ნა
Line of edition: 29 ი კიტაუ̂ სგა ლოხგენეხ. ათხე ალ ზურალა̄̈რდ ხა̄̈ქუ̂ხ ეჩი მიმთილს:
Line of edition: 30 "ალას ესერ-ა, მინე თელღϩრას, ფა̈კუ̂ნა ი კიტაუ̂ ოხთაუ̂ა" ი ანჴა̈დ ალ
Line of edition: 31 მა̄რე, ლა̈ჲრ ადირ ი ჭუ̂ე̄რს ათბა̈რჲე მიჩა გეზალთე. მიჩა გეზალდ
Line of edition: 32 პასუ̈ხ ლახტიხ: "ამბა̈უ̂ გაცხა̈ჲდ ესერ ამჟი ჰე ლი, ეჩქა სამ შუკუ̂
Line of edition: 33 ლაჭარჟი ჩუ̄[უ̂] ესერ ათბეხ მიჩა ხეხუ̂ ი ლეჟა ი ლექუ̂ა მე̄ზი მა̈გუ ხატბϩნა
Line of edition: 34 ი ეშხუ ფაკა̈ნ ლიც ი ეშხუ კუ̂ა̄̈ში ჩიგარ ჩუ̄[უ̂] ესერ ხო̄ზდა (\\ ხო̄ზდა̈ნდა)
Line of edition: 35 სგუ̂ებინჩუ ი ამი ნაკაზანია ალა̄[უ̂] ხაყერხ მიჩა ხეხუ̂ს". ი ალას
Line of edition: 36 გაცხა̈ჲდ ამჟი ხაყერხ: ჩუ̂ათბეხ სამ შუკუ̂ ლაჭარჟი ი ლეჟა-ჲ ლექუ̂ა
Line of edition: 37 მე̄ზი მა̈გ ხატბϩნე ი იშდუ̂ს ხა̈ძგრიხ. ათხე ამი ბოფშა̈რ მიჩა ლაუ̂დილად
Line of edition: 38 ლახმი̄რთე აშიდხ: "ჩუ ესერ ლა̈ჲზუ̂ებნეხ ხამა̈რ". მე̄რმა ლადეღ
Page of edition: 144 Line of edition: 1 ა̈ნწუ̂ე̄ნეხ ლახმი̄რ ი ბოფშა̈რ ნაცხა̈მ ლიხ. "ჲაღო ესერ, მა̈ჲუ ხაყერხ
Line of edition: 2 ი ლამϩნგართე[უ̂] აშიდხ ი ღო ესერ ჴანა̈რ ჩუ̂ადცϩლი̄რნეხ".
Line of edition: 3 მე̄რმა ლადეღ ა̈ნწუ̂ე̄ნეხ ი ბოფშა̈რ ნაცხა̈მ ლიხ. ათხე აჯაღ ლაჩა̄ჟი̄რთე
Line of edition: 4 აშიდხ: "ყუ̂ა̈რუ̂ლა̈რ [ესერ] იშდშუ̂ (\\ უ̂იშდშუ̂) ჩუ̂ადბუჭკუ̄რიხ",
Line of edition: 5 მარე ჭაგა̈რდ ლისუ̂ ხა̄მნეხ ი ყუ̂ა̈რუ̂ლა̈რდ შϩყ ლეჟა ა̈დშდირა̄ლუ̂ნეხ
Line of edition: 6 ი მე̄რმა ლადეღ ეზერ ნაცხა̈მ ლა̈სუ̂ხ. "ჲაღო როქუ̂, მა̈ჲუ ხაყერხ ი
Line of edition: 7 მუთაქა̄̈ ბიდთე[უ̂] ადგენეხ ი ეჩქა ჭალა̈ჲთე[უ̂] ადკუ̂ა̈რხ ი ღუ̂ ესერ
Line of edition: 8 ჩუ̂ა̈დყიმიხ". სგა̄დგენეხ მუთაქა̄̈ ბიდთე-ი ჭალა̈ჲთ' ა̄დკუ̂ა̈რხ. ჭალა̈ჲდ
Line of edition: 9 ლექუ̂' ა̄დჲე ი ამეჩუ მულგუჰე̄რის გოდერ ხო̄გდა ლექუ̂ე̄რი ლϩლჰენჟი

Line of edition: 10 ი ა̈ნწუ̂ე̄ნე ჰამს გოდერ ი ჟ'ა̈ხბა̈გუ̂ გო̈ში (\\ გუ̂ეში). მულგუჰე̄რის ხოხალდა
Line of edition: 11 კალხმა̈რ ი ათხი̄დϩნდა. ქა̄̈ნთირნე ქა̄მენჩუ ი მუთაქა̄̈ ბიდ
Line of edition: 12 ლა̈სუ̂ ლϩშხებ ი ეჩქანღო ჟ'ა̈ნკიდ ი ათყალუ̄̈ნდა, მარე ეში̄ ჩუ̂ატყიც
Line of edition: 13 მუთაქა̄̈ ბიდ ი ქა̄̈ნი̄ყა̄ლე ჲერუ ბოფშა̈რ: ეშხუ ჭყინტ ი მე̄რმე დი̄ნა
Line of edition: 14 ი ათჩო̄ნდა მე̄უ̂არ. ჟი ლა̈ჲჭϩთხე ჲერქϩდა ი ჟ'ადჲე ქორთე ი ხოშაი
Line of edition: 15 მიჩა ხეხუ̂ს ათჩო̄ნდა ალჲარე ლიი ი ჟ'ა̈ნϩრდა̄ლეხ ალჲა̈რ.

Line of edition: 16 ალჲა̈რს ეზერ ბოფშა̈რ ა̈ხფასხ: ეზერ ჭაბუ̈გ ლი ი ეზერ დი̄ნა.
Line of edition: 17 ქუ̂ეყანაჟი ალჲა̈რთა̄ნ და̄̈რ არდა. ჟ' ერ ა̈ნცხე ჭაბუ̈გდ, ეჩქა იშგუ̂მინ
Line of edition: 18 მო̄შ ლიზგა̄̈ლ ი მულგუჰე̄რიდ ნა̈ბ ლახუ̂ე̄მ. მეთხუ̂ია̈რ ლი ეზა̈რ. ლა̈თხუ̂იართე

Добавлено (2006-12-11, 7:32 Pm)
---------------------------------------------
ლახ ღϩრი, ხოცხა-იм ლϩჲარდ ჴიდე ა̈გითე ი ხოცხა-იм
Line of edition: 20 ლϩდგარდ ჴიდე. იმუ̂ა̄̈ჲ მიჩა მუ ა̈რი ლა̈თხუ̂იარს, ეჩხაუ̂ ღϩრი ი ეჩას
Line of edition: 21 დე̄მის ხა̈მბე, ლϩჲარდ ჴიდე მიჩ' ა̄̈გითე. ლახსაკუ̂რა̈ლϩნ მე̄უ̂არ მიჩა მუს:
Line of edition: 22 "ათხად როქუ̂ და̄̈ს ხოჩუ̂მინა ალა ი დე როქუ̂ ხოწუ̂ა ჲა̈ს, ათხე გარ
Line of edition: 23 ერე ა̈ნთენა̄̈ნ ამკა̈ლიბ ჭაბუ̈გ!" ი მეუ̂არ ხაუ̂შგედ კე̄სრი გეზალს ამჟი
Line of edition: 24 ლინწირ.

Line of edition: 25 შომუ̂ა̄̈ჲ ალა ლა̈თხუ̂იარს ა̈რი, ეჩქა ანჴა̈დხ ამი დაჩუ̂ირთეჲსგა
Line of edition: 26 მინე გიგა̄ლა̈რ ი ეჯჲა̈რდ ჩუ̂აფა̈შუ̂დხ მე̄უ̂არ: "ხიადუ̄ლა̈რ მინ, მა̈ჲ
Line of edition: 27 როქუ̂ ეზერ ლიხ! ჲეშდჲარუ̂ აგუნდი თანა̈ღ ეჩხა̈ნჩუ უ̂ოქუ̂რე უ̂ისგუ̂
Line of edition: 28 ხო̄გხ და̄̈უ̂ა̈რს. ეჩას როქუ̂ ლახ ამაუ̂ ა̈ნჴდედ, ეჩქა ჰა̈დურდ ისგუ̂ეჲთა̄ნ
Line of edition: 29 ჲა̈რ ირდი!" ალას, დი̄ნას, გონა̈ბ ახა̄დ მიჩ ჯϩმლა̈შ ი კი̄ლ ა̈ნკიდ ი
Line of edition: 30 მიჩა გიგა̄ლა̈რს კაჩუშ ნასა̄̈ნ ათფიშუ̂დნე. ათყალუ̄̈ნდახ ეჯჲა̈რს ი
Line of edition: 31 აჩა̈დხ. ალას ქϩმრა̈ლ ოხუ̂შϩ̄დ ი ჰა̈ყბაჟი ქϩთხϩ̄ლა̈რ ახა̄გა̈ნ. ალ
Line of edition: 32 დრო̈უ̂ჟი მიჩა ჯϩმილ ანჴა̈დ ლა̈თხუ̂იარხა̈ნ ი შიშდ გუ̂ი ლახუ̂ე̄მ, ჰა̈ყბაჟი
Line of edition: 33 ნაგუ̂ა̄̈ნუ̂ა̄̈რ ლა̈სუ̂ ი ლა̈ხჭუ̂ედდა: -- მა̈ჲ როქუ̂ ხა̈ყრა? -- მა̄მაგუ̂ეშ
Line of edition: 34 როქუ̂, მიჩა გონა̈ბ ახა̄რა. -- ქაუ̂ როქუ̂ ხა̄̈ქუ̂, ათხად როქუ̂ დე̄სა ხა̈ყრა
Line of edition: 35 ალა! -- ჲაღო როქ, ზურალა̄̈რ ა̈მჴედხ ლა̈დი ი ეჯჲა̈რს როქუ̂ ხო̄ქუ̂ახ:
Line of edition: 36 "ჲეშდჲარუ̂ თანა̈ღ ეჩხა̈ნჩუ უ̂ოქუ̂რა̈ უ̂ისგუ̂ ხო̄გხ და̄̈უ̂ა̈რს, ეჯას
Line of edition: 37 როქ ამაუ̂ ლახ ა̈ნჴდე, ეჩქა როქუ̂ გუშგუ̂ეჲთა̄ნ ჲა̈რ ირდი! -- ეჩხაუ̂

Line of edition: 38 როქუ̂ შიშდ ოდრი ი აშხუ̂ საათისგა ამაუ̂ ა̈ნჴუ̂დე.

Page of edition: 145
Line of edition: 1 ანϩ̄გა̈ნ ი აჩა̈დ ი აშხუ̂ საათისგა შიშდ ეჩეჩუნ არდა [= ესფადგა̄̈ნ],
Line of edition: 2 ჟ'ა̈ნშგიბ უ̂ისგუ̂ ი ახღუ̂ა. ალ დრო̈უ̂ს ახბა̈ჟ ხოშა̄მ წϩრნი და̄̈უ̂დ:
Line of edition: 3 "(ჲ)ერუ̂ა̄̈ჲ ღენ მიშგუ̂ა უ̂ისგუ̂ი მϩჲე̄სგი ხი, იშუ̂ს-იм ჯიჯუ̂ს ჩი̄ ა̈ფთქუ̂ე!"
Line of edition: 4 ამნემ შდიმ მა̄მა ლახდია̄ნე ი და̄̈უ̂ ამეჩუ ანჴა̈დ ფე̄დიას. უ̂ოდემ ჩიქად
Line of edition: 5 ჯა ბოგს ჩუ̂არტყუ̂ეჲდა, ეჩქად ამნემ ეჩჟი ა̈თუ ძალა ქა ხაჴიდ,
Line of edition: 6 ერე აშხუ̂ მინუტისგა შიშდ ჟ'ანტყაბე ი ჩუ აჭკუ̂ერ. ეშხუ ღა̈რ ჯიჯუ̂დ
Line of edition: 7 (\\ ჯიჯუ̂შუ̂) ანგუ̂ეშლე, მე̄რმე -- იშუ̂დ (\\ იშშუ̂ -- ლეღუ̂დ) ი უ̂ისგუ̂ ა̈გით'
Line of edition: 8 ა̄ნჴიდ ი ყო̄რჟი ჩუ̂ათლა̈ჯ. მე̄უ̂არ ათხი̄დϩნ მიჩა დაჩუ̂ირს.

Line of edition: 9 მე̄რმა ლადეღ ჭაბუ̈გ ლა̈თხუ̂იართე აჩა̈დ ი მიჩა გიგა̄ლა̈რ აჯაღ
Line of edition: 10 ანტა̈ხხ. "უ̂ოჲ ხიადუ̄ლა̈რ როქუ̂, სგა̈ჲ უ̂ისგუ̂ როქუ̂ი ამეჩუ ა̈ჯლაჯახ!
Line of edition: 11 ამი̄ცახა̈ნ სა̈რკ როქუ̂ არდა ეჩასი ლახ ამეჩუ ა̈ნჴდედ, ეჩქა ჰა̈დურდ
Line of edition: 12 ისგუ̂ეჲთა̄ნ და̄̈რ ირდი!" ნა̈ბოზს ალჲა̈რ აჩა̈დხ ი მიჩა ჯϩმილ ანჴა̈დ.
Line of edition: 13 ეჩქა მიჩა დაჩუ̂ირდ ხა̄̈ქუ̂: -- ამი̄ცახა̈ნ ესერ სა̈რკ ლϩმϩრდე̄ლი. ეჩას
Line of edition: 14 ესერი ლახ ამეჩუ ა̈ლჴდედ, ეჩქ' ე̄სერ ჰა̈დურდ გუშგუ̂ეჲდ ხოჩა და̄̈რ
Line of edition: 15 ირდი! -- მა̈ჲ ესერ გარჯ ხე̄რა ეჩი ლიჴდე!

Line of edition: 16 ანϩ̄გა̈ნ ი აჩა̈დ ი აშხუ̂ საათისგა ეჩაუ̂ აჩა̈დ ი ჟ'ა̈ნკიდ სა̈რკ. ალ
Line of edition: 17 დრო̈უ̂ს მეშხა და̄̈უ̂დ ახბა̈ჟ ი შიშდ ჰერ ესდე: -- ჲა̈ს ესერ ესღუ̂ა მიჩა
Line of edition: 18 სა̈რკ? -- სი პილწია̈ნ, ჩუ̂აქუც, ადო მეშხა ლადეღს ეჯგენი! -- ჭაბუ̈გდ
Line of edition: 19 ხა̄̈ქუ̂ ალა ი ალ და̄̈უ̂დ ა̈დუ̂ა̈შგდე ი ქა̄̈ხზორ ჭაბუ̈გს, მარე ჭაბუ̈გდ

Добавлено (2006-12-11, 7:33 Pm)
---------------------------------------------
ჰა̈დურდ მა̄მგუ̂ეშ ათრა̄გუ̂ნე ი ჩუ̂ადგა̈რ-იм ჩუ̂აჭკუ̂ერ. ეშხუ ტუ̂იბ ზისხდ
Line of edition: 21 (\\ ზისხშუ̂) ა̈დგუ̂ეშლა̄̈ნ, მე̄რმე -- ჯიჯუ̂დ (\\ ჯიჯუ̂შუ̂), მესმე -- ლეღუ̂დ
Line of edition: 22 (\\ ლეღუ̂შუ̂) ი ა̈გით' ა̄ნჴიდ სა̈რკ, ჩუ̂ესგე ლაჴუ̂რაჟი.

Line of edition: 23 მე̄რმა ლადეღ ჭაბუ̈გ ლა̈თხუ̂იართ' ა̄ჩა̈დ ი მიჩა გიგა̄ლა̈რ ანტა̈ხხϩდ:
Line of edition: 24 "ხიადუ̄ლა̈რ როქუ̂, სგა̈ჲ ალა როქუ̂ი ა̈ჯჴი̄დახ! ათხე როქუ̂ ჰა̈დურდ
Line of edition: 25 და̄̈რ ირა ისგუ̂ეჲთა̄ნ: ათხ'ე̄შხუ დი̄ნა მეფე ქექაუ̂აზ კე̄სა̈რს ხორი
Line of edition: 26 გიმეშ-იм დეცე უთა̈ლუ მურყუ̂ამისგა. ეჩას ლახე ხეხუ̂დ ა̈ნჴიდე ისგუ
Line of edition: 27 ჯϩმილ, ეჩქა როქუ̂ ჰა̈დურდ ქუ̂ეყანაჟი ისგუ̂ეჲ ტუ̂ელ ჲა̈რ ირდი ღო!"
Line of edition: 28 ა̈ნკიდϩდ კი̄ლ ამნემ ი მიჩა გიგა̄ლა̈რს კაჩუშ ნასა̄̈ნ ათფიშუ̂დნე ი ადა̄ტუნე
Line of edition: 29 მინე ა̈გითე. ნა̈ბოზს მიჩა ჯϩმილ ანჴა̈დ ი ჟი ლახთირ მიჩა
Line of edition: 30 დაჩუ̂ირს, [ერე] ლϩწხუ̂აუ̂ე ლა̈სუ̂, ი ლა̈ხჭუ̂ედდა: -- იმღა როქუ̂ ლი
Line of edition: 31 ლϩწხუ̂აუ̂ე? -- დე̄მღა როქუ̂, ისგუ გონა̈ბ როქუ̂ ამა̄დ. -- დე̄სა, ქა როქუ̂
Line of edition: 32 მე̄ქა! -- ჲაღო როქუ̂ იმღა-იм ჲერუ კახბა ზურალა̄̈რ ანჴა̈დხ ი ეჯჲა̈რდ
Line of edition: 33 მა̄̈ქუ̂ხ, ერე "ქაუ̂ ესერ ა̈თჩი̄ჟა̈ნ. მეფე ქექაუ̂აზ კე̄სრი გეზალ მზითუნახა̈უ̂
Line of edition: 34 როქ ა̈რი გიმეშ ი დეცე უთა̈ლუ მურყუ̂ამისგა, ეჩას ესერ ლახე
Line of edition: 35 ხეხუ̂დ ა̈ხჴიდე, ეჩქა ესერ ჰა̈დურდ გუშგუ̂ეჲთა̄ნ ჲა̈რ ირდი დეც ჩუქუ̂ა̄ნ!
Line of edition: 36 -- ჲაღო, ეჩხაუ̂ ოდრინე, მარე ჩუ და̄̈ს მა ხომჴერა, იმე დო ლი ი
Line of edition: 37 იმე დო. სემი ზა̈ჲ, სემი თუ̂ე, სემი ნაგზი ლახე ქა̄ჩეს ი მ' ა̈გითე
Line of edition: 38 დო̄ს ონტეხ, ეჩქა წϩრნი მეშხად ჩუ̂ათღაფუ̄̈რ გუ̂იშგუ̂ეჲ უ̂ოთა̈ხ ი
Page of edition: 146 Line of edition: 1 გუშგუ̂ეჲ უ̂ისგუ̂ ი სა̈რკ, ი ეჯა ლახე ქა̄ჩეს, ეჩანღო ანღელს მა̄მა ხუ̂ი
Line of edition: 2 ა̈გითე.

Line of edition: 3 ანϩ̄გა̈ნ-იм აჩა̈დ. ლა̈ხჴა̈დϩ̄ნ აშხუ̂ საკე̄სართე ი ამეჩუ ლϩცჟი ჩუ სგურ
Line of edition: 4 კე̄სრი გეზალ ი იგუ̂ნი. -- იმღა როქუ̂ ხიგუ̂ნი? -- იმღა-იм მი კე̄სრი გეზალ
Line of edition: 5 ხუ̂ი, ალამა̈გ ჯა̈რ სგა ლახშდიხ მიშგუ̂ა მუდ გოლარშუ̂ა̈პს ი ლა̈დი მი
Line of edition: 6 ხუ̂ი ეჩი ლეზუ̂ებ, ადო ეჩურ ლიცს დემ ხა̈მბე. -- ჲაღო ჩუ̂ესგუ ი ნომა
Line of edition: 7 ჯაყლუ̄ნი, ეჩას მი ჩუ ლოხუ̂შიდ.

Line of edition: 8 ჩუ̂ესგურდა ჭაბუ̈გ ი თხუ̂იმ ღულა̄̈რჟი ესდე კე̄სრი გეზალს. ამ
Line of edition: 9 დრო̈უ̂ს ჩუ̂ა̈თუ̄ჟდა. ამჩიქ' ა̄ნღϩრდა გუ̂ელჲა̈რშა̈პ ი დი̄ნად ლიკი̄ლი
Line of edition: 10 ა̈დბინე ი ჟ'ანჲა̈ცხუ̂ნე. ჟი ლა̄პა̈რ ჭაბუ̈გ ი ესდე ხოშა კი̄ლ. გუ̂ელჲა̈რშა̈პ
Line of edition: 11 ციცუ̂დ ესსიპე ი ადჯϩჯგნე ი ხა̄̈ქუ̂ დი̄ნას: -- ლა̄̈რტყუ ესერ
Line of edition: 12 ლახბე ყიაქა ი ჟიუ̂ ა̈დჭე̄ნე მიჩა მუთე". დი̄ნად ხა̄̈ქუ̂: -- მიჩ ესერ ხაყლუ̄ნი
Line of edition: 13 ი დეშ ესერ ხაბემ. -- ნომა როქ ჯაყლუ̄ნი!" ი სგა̄თბე დი̄ნად
Line of edition: 14 ლა̄̈რტყ ციცუ̂ს ყიაქა ი ჟ'ადჲეხ კე̄სა̈რთე. კე̄სა̈რს ხასკუ̂რა̈ლϩნ. ქო̄ხო̄მბუ̂ე
Line of edition: 15 მიჩა გეზალდ ი ეზერდ ლახბაჟϩნ ი ლახჭარჟე მიჩა მϩქაფ კე̄სა̈რდ
Line of edition: 16 ლისგუ̂რე. ეჯა ჭაბუ̈გდ მა̄დ ჩუ̂ემინ. -- ჲაღო როქუ̂, მა̈ჲ ხაკუ?
Line of edition: 17 -- მა̈ჲ-იм ამკა̈ლიბ დი̄ნას როქუ̂ ხუ̂ეთხე̄ლი მი ი ეჩი მუთუ̂რი მაწϩხ.
Line of edition: 18 ჰ'ა̄̈ს მა ხემჴერი ეჯ დი̄ნა̄̈შ -- ჲაღო, მი როქუ̂ მა̄მაგუ̂ეშ მიმჴერა ი მϩხა̈რ
Line of edition: 19 როქუ̂ ეშდჲარუ̂ ჴანა̈რს ალძიჰნედ ი ჩი̄ ქა ლა̈წჰინედ. ჰე̄სა მეპე̄რ ჩუ
Line of edition: 20 ირდი ი ჲედე უ̂ო̄შთხუ̂ ჭϩშხშუ̂ მეზელა̄̈ლ, ჲედე ამსუ̂ა̄ლდ ქუ̂ეყანაჟი,
Line of edition: 21 ჩი̄ ქა ლა̈წჰინედ ი ჩი̄ ქა ლა̈ლჭუ̂ედნიდ.

Добавлено (2006-12-11, 7:34 Pm)
---------------------------------------------
მე̄რმა ლადეღ გაცხა̈ჲდ ჲეშდჲორუ ჴანა̈რ ა̈ძიჰ ი ქუ̂ეყანაჟი ქუ̂ინლϩმგნე
Line of edition: 23 მა̄̈ჲ ჩუ̂არდა, მა̈გ ქა̄̈წჰეხ ი ა̈ხჭა̈მხ აშხუ̂ პილხა̈ნ მე̄რმა პილდ,
Line of edition: 24 ჩი̄ ქა ლა̈ხჭუ̂ედდახ, მარე ალას ჲერუ̂ა̄̈ჲ ხაკუ, ეჯა და̄̈ს ხოცხϩნდახ.
Line of edition: 25 უ̂ეშგიმპილს მუბუ̈რჟი მეჩი ლუყუ̂ჩუ̄რე შდეკრა̈ჲ ანჴა̈დ ი ეჯას ლა̈ხჭუ̂ედდახ.
Line of edition: 26 ჟ'ოხულხინეხ მე̄უ̂არ, ეჩქა შდეკრა̈ჲდ ხა̄̈ქუ̂, [ერე]: "ეჯა როქუ̂
Line of edition: 27 მიჩ ჩუ ხოცϩხ, მარე მიშგუ̂ა დიდ ქა̄̈მკუ̂იშ, ეჩუნღო მა̈გ ა̈მი̄ზინა, მარე
Line of edition: 28 ჩუ ა̈თუ̂მეჩა̈ნ ი ლა̈დი გარ ოღუ̂ერ ამაუ̂, ეჩჟი ჯუ̂ე̄დიას ლი". ეჩქა
Line of edition: 29 ჭაბუ̈გდ ხა̄̈ქუ̂: "სამ ზაუ̂ია̈ ლე̄ზნა სამ საათისგა ღური ი ეჩხაუ̂ გუ̂იანდ
Line of edition: 30 იმნა̈რ ა̈გუ̂ქეხნი? -- ჲაღო, ისგუ̂ა ხაზა̈ინს ხოჩა რა̈შ ხორი, ეჯას ლახ
Line of edition: 31 ლაჯდია̄̈ნი, ეჩქა ხუნკუ̂ი ლϩღრიდ", ი ხაშგუ̂მინ მიჩა ხაზა̈ინს რა̈შ ი
Line of edition: 32 ქა ლახუ̂ე̄მ. ჟ'ანჰϩნგრე, ლახსგურდახ ჭაბუ̈გუ̂-იм შდეკრა̈ჲ ჲერქϩდა ი
Line of edition: 33 აჩა̈დხ, აჩა̈დხ ი ადჰეხ მეფე კე̄სა̈რმϩყ. ეჩეჩუნ ძუღუ̂ას ეჩხა̈ნთე მეფე ქექაუ̂აზ
Line of edition: 34 კე̄სა̈რ იზგე ი ამხა̈ნთე მϩშკიდ ი ძუღუ̂ა̄̈ პილჟი გიმეშ ი დეცე უთა̈ლუ̂
Line of edition: 35 მურყუ̂ამ ლϩგ. ჭაბუ̈გ სგა̄ჩა̈დ მϩშკიდთე ი რა̈შ სგა ლახბა̈რჲე ი მიჩა
Line of edition: 36 იარა̈ღ, ჰϩნგირ ი ქა̄ხჭუ̂ედიე̄ლე: -- იმჟი როქუ̂ იჩოხ მეფე ქექაუ̂აზ კე̄სრი გეზლი̄რ?
Line of edition: 37 -- ჰამს როქუ̂ მუგუ̂ა̈რდ ისპიხ ი ჩუ პერნიხ ძუღუ̂ათეჩუ ი ჩუ
Page of edition: 147 Line of edition: 1 ისტღუნა̄̈ლხ ი გუ̂იანდქა როქუ̂ ჟი პერნიხ ი ჟი ღϩრიხ მურყუ̂ამთე.
Line of edition: 2 ეჯას როქუ̂ ოთდარა̈ჯ სი!

Line of edition: 3 მე̄რმა ჰამს ჩოთდარჯე ჭაბუ̈გდ ი ქა̄ნპა̈რხ სემი ნანუ̄ლუ̂ა̈რ ი ძუღუ̂ა̄̈
Line of edition: 4 პილჟი ჩუ̂ა̈დსტუღუ̂ნა̄̈ნხ ი ლერქუ̂ა̈ლ ქახიდ ესდეხ ი ჭაბუ̈გუ̂დ ხოხუ̂რა̄მ
Line of edition: 5 უდილს ლერქუ̂ა̈ლ ქო̄თქუ̂ით ეჩქა. ირქუ̂ა̄̈ლხ ი ხოხუ̂რა̄მ უდილს ლერქუ̂ა̈ლ
Line of edition: 6 მა̄მა ა̈ხგუ̂ა̈ბ ი ხოშა ლაუ̂დილა ჟ'აპა̈რხ მურყუ̂ამთე ი ხოხუ̂რა ჩუ̂ასა̈დ:
Line of edition: 7 "ესუ̂ა̄̈ჲ როქუ̂ მიჩა ლერქუ̂ა̈ლ ოთქუ̂ითა, ქაუ̂ როქუ̂ ლახტიხ,
Line of edition: 8 მა̄̈ჲ როქუ̂ ჰაჯ ხეკუ̂ეს, ეჩას ხა̈ჩო," ი ქა̄ნჴა̈დ ჭაბუ̈გ ი ლერქუ̂ა̈ლ
Line of edition: 9 ქო̄ხჴიდ, მარე ეჯკა̈ლიბდ ქა ლახლატϩნხ უშხუ̂ა̄რე თხუ̂იმ, ერე ჩუ
Line of edition: 10 დეშ იყლუ̄რა̄̈ლხ. "ჲაღო როქუ̂, მიჩ ჯა ხაკუ ხეხუ̂დ". ეჩქა დი̄ნად
Line of edition: 11 ხა̄̈ქუ̂: "მი როქუ̂ი ისგუ̂ანქა ჭა̈შდ და̄̈რ მაკუ ი ხაშგუ̂ემ მიშგუ̂ა ბაბუა̈ჲს,
Line of edition: 12 მეფე კე̄სა̈რს, მიშგუ თხუ̂იმ ი, მა̄̈ჲ ჯა̄̈ქუ̂ას, ეჯა მი ქა̄̈მი̄მბა̈უ̂!" ი ქა̄ჩა̈დ
Line of edition: 13 ჭაბუ̈გ ი ხაშგუ̂მინ მეფე კე̄სა̈რს დი̄ნა. "ჲაღო როქუ̂, ძუღუ̂აისგა
Line of edition: 14 ეჩხა̈ნ-ამხა̈ნ ლაჴუ̂მა̈რს ჩუ [ჰე მოშ] ხϩგემ ი თუ̂ით ზარას ჟი ხოწბინე,
Line of edition: 15 ეჩქა ქა ჯაჰუ̂დი მიშგუ̂ა ნიბა̄̈შინს ხეხუ̂დ". ალა მე̄უ̂არ ძნელ ლახბაჟϩნ
Line of edition: 16 ი ქა̄ჩა̈დ მიჩა ხეხუ̂თე. ეჯნემ პლატუკ ოხქუ̂იჭე მურყუ̂მა̈ შდურქა ი
Line of edition: 17 ჟ'ა̈დი̄ყე: -- მა̈ჲ როქუ̂ ხო̄ქუ̂ა? -- მა̈ჲ-იм ძუღუ̂აისგა ეჩხა̈ნ-ამხა̈ნ ლაჴუ̂მა̈რს
Line of edition: 18 ესერ ჰე მოშ ხუგემ ი თუ̂ით ზარას ჟი ხორკინე, ეჩქ' ე̄სერ ქა მაჰუ̂დიხ
Line of edition: 19 ისგუ̂ა თხუმ (\\ თხუ̂იმს). -- ჲაღო ესერ, ნომაუ̂ გონა̈ბ ხა̄რ: ეჯას ესერ
Line of edition: 20 მიჩა პლატუკ იჩო. ჩუ̄უ̂ ადჲე ბა̄ზი ძუღუ̂ათეჩუ ი სგ[ა̄უ̂] ადქუ̂იჭე ძუღუ̂ათე

Добавлено (2006-12-11, 7:34 Pm)
---------------------------------------------
21 ი, იმუ̂ა̄̈ჲჟი ხეკუ̂ეს, ეჯა ქაუ̂ ხა̄̈ქუ̂, ეჩქ' ე̄სერ ეჯჟი იჩო.

Line of edition: 22 ქა ლახუ̂ე̄მ პლატუკ ი ჩუ̂ადჲე, სგა̄დქუ̂იჭე ძუღუ̂ათე ი ხა̄̈ქუ̂: "ეჯკა̈ლიბ
Line of edition: 23 ლაჴუ̂მა̈რ ჩუ̂ათϩგ ამეისგა, თუ̂ით ზარა ჟი ლო̄ხორკ, ერე მიზეზ
Line of edition: 24 ნომა ხუღუ̂ე̄ნს!" ალა პლატუკდ ამჟი ჩუ̂ემინ ი ეჩხა̈ნ-ამხა̈ნ ჩუ̂ადზϩნგლაგე
Line of edition: 25 ი კე̄სა̈რს ეზერდ ლახბაჟϩნ.

Line of edition: 26 მე̄რმა ლადეღ ხოჩა̄მ გუჟი ლა̈ხწუ̂ე̄ნა̄̈ნ ჭაბუ̈გ, მარე კე̄სა̈რდ ხა̄̈ქუ̂:
Line of edition: 27 -- ცუ̂იდდ ესერ იხე̄ნა̄̈ლ, ამϩნღო ესერ დე̄მის ხაჰუ̂დი. -- ჲაღო ესერ,
Line of edition: 28 მა̈ჲ ხაკუ? -- ჲაღო ესერ მა̈ჲ-იм მეშხა ყუ̂ა̈რილს ა̈ჯჴიდე ლენჭყიდ, ეჯას
Line of edition: 29 ლახ ჩუ̂ა̈მϩნჭყინ&#

Line of edition: 30 ბა̄ზი ხოჩა̄მ გუჟი აჩა̈დ მიჩა ლეხხუ̄რითე. ლა̈ხჭუ̂ედდა: -- მა̈ჲ როქუ̂
Line of edition: 31 ხო̄ქუ̂ა ბა̄ზი? -- მა̈ჲ-იм მϩხა̈რ ესერ მეშხა ყუ̂ა̈რილს ლამედნე ლენჭყიდ
Line of edition: 32 ი ეჯას ესერ ე მოშ ჩუ ხუ̂ანჭყი, ეჩქ' ე̄სერ ქა მაჰუ̂დი. -- ო, ათხე
Line of edition: 33 ხოშა გუ̂ეშ ლოხკაცა. მეშხა ყუ̂ა̈რილდ ჯა ისპი ი ჟი კუ̂ეფხნი დეცმϩყ,
Line of edition: 34 თხუ̂იმს (\\ თხუმ) ქა ჯახჯϩნა̄̈უ̂ნე ი ჩუშა̄̈ლიდ უყუმბუ̄ლ ტეხნი ი ეჩქა
Line of edition: 35 ძუღუ̂ათე სგა ჯაკუ̂ა̄ნე ი ჰე დოშ ჯა̈მჲედა ჟი ლიგეჭ, ეჩქა ნო̄მის
Line of edition: 36 ხესგუ̂რი. -- ეჯ' ე̄სერ ჩუ ხა̈მჲედა. -- ჲაღო, ეჯჟი ბერჟა̈ ლოდა̈რ ი
Line of edition: 37 ჰა̄̈ღუ̂ირ ახშკა̄დუ̂ინ მϩშკიდს ი მა̈გ ბერჟა̈შ გარ ჩუ̂ემნ! -- ჩუ̂ადშგურა̄ნე

Page of edition: 148
Line of edition: 1 მიჩა ხეხუ̂დ ი მე̄რმა ლადეღ ჩუ̂ანჴა̈დ ჭაბუ̈გ ი ყო̄რჟი ლϩბე ესხუ̂ი̄დ
Line of edition: 2 მეშხე ყუ̂ა̈რილ. ამნე̄მ ქა̄ნჴიდ მϩშკიდხა̈ნ მა̈გ მახე ნაშკა̄დუ̂ ბა̈რგ ი
Line of edition: 3 ჟ'ათგე ყუ̂ა̈რილს მიჩა ჰϩნგირ ი ტოტისგა ბერჟა̈ მადრა̈ჴ ლა̄ჲე ი
Line of edition: 4 ჟ'ახსგურდა, ხაჴიდ ი ხაჴიდ მადრა̈ჴ. ანკუ̂ა̈ფხ ჟი ყუ̂ა̈რილ, ესღრი, ესღრი,
Line of edition: 5 ესღრი დეცმϩყ, თხუ̂იმ ჟ'ათხϩჯნა̄̈უ̂ნე, ეჩქა ჩოხჭუ̂ე̄ნ: მა̈ჲ თხუ̂იმს იჩო
Line of edition: 6 ჩუბაუ̂, მა̈ჲ ტა̈ნს, მარე ჭაბუ̈გ ჩუ დეშ ანკუ̂ა̈რ, ძუღუ̂ათე ჯა მა̄დ აშყა̈დ
Line of edition: 7 ი ჩუ̂ესϩ̄გა̈ნ კადა̈რისგა მა̈ფშა̄̈რ. ათხე ხატყცი ჭაბუ̈გ ი ხაზელა̄ლუ̂ნე
Line of edition: 8 გარ, ბა̄̈ჴი ლიცა̄̈დი მა̄მა ხა̈მჲედა ი სგა̄თბა̈რჲე ქორთე ლადგა̈რს
Line of edition: 9 ლϩგნე ჩა̄̈ჟ. ეჩქა ხაშგუ̂მინ: -- ათხ' ე̄სერ ხაჰუ̂დი მო სერ? -- დე̄მ
Line of edition: 10 ესერ. -- ჲაღო ესერ, მა̈ჲ ხაკუ? -- ჰა̈დურდ მა̄მ' ე̄სერ! კელდ (=ეში̄)
Line of edition: 11 ესერ დე̄მ ხაჰუ̂დი.

Line of edition: 12 ანϩ̄გა̈ნ ჭაბუ̈გ ი ჟ'აჩა̈დ მიჩა ლეხხუ̄რითე ი ქა ხა̄̈ქუ̂ ამჟი: -- უ̂არ
Line of edition: 13 ესერ ხო̄ქუ̂ახ მიჩა თხუმეშ (\\ თხუ̂იმიშ). ჲაღო როქუ̂, მა̈ჲუ ჩო̈მინხ?
Line of edition: 14 -- ლაშე̄რ, ეშხუ ჰაყა̈რ ლიც ი ეშხუ ლაცხნი̄რ ლა̄ლჲად-იм ალჩედ.

Line of edition: 15 შუნ ლა̄ჲეხ ეშხუ ჰაყა̈რ ლიც ი ლაშე̄რ, ლაცხნი̄რ, ლახსგურდახ
Line of edition: 16 მიჩა რა̈შს, ალჲა̈რ შϩნ ხუღუ̂ახ [ი ესღრიხ]. ჲარუ̂ ლადეღუნღო მეფე
Line of edition: 17 კე̄სა̈რდ ა̈ნბა̈ჟ ალჲარე ლი̄ზი, ა̈ხღუ̂ა̈ჭ უ̂ეშგინ, ხეფდი̄ლა̄̈ლხ ი ეჩქ' ა̄დკუ̂ა̈რხ
Line of edition: 18 უ̂ეშგმაუ̂ ჰაყა̈რ ი ეჯკა̈ლიბ ძუღუ̂ა ჩუ̂ადϩ̄გა̈ნ, [ერე] ამექა კე̄სა̈რ
Line of edition: 19 ქა დეშ ანჴა̈დ ი უ̂ეშგდ ატა̈ხ ი ა̈გის ხორდა უყროუ̂ა ტა̈ხ ი ჟი
Line of edition: 20 ლახსგურდა ალას. ეჩჟი ჲენასდ ქე̄სყა, ერე ფინდიხშა̈ლ ი ძუღუ̂აქა
Line of edition: 21 ქა̄დჲე ი ხეჰა̄̈ლ-ღეთ, ლაჲსინჯუ̂ეხ უ̂ეშგმაუ̂ ი ახღუ̂იჭხ ი ადკუ̂ა̈რხ
Line of edition: 22 ლაცხნი̄რ. ეჯკა̈ლიბ ლეღუ̂მი̄რდ ჩუ̂ესსიპდა, ერე შდუგუ̂ დეშ ხეგუ̂წენი.
Line of edition: 23 ა̈ხუ̂რიჭი ტა̈ხ ი ქა̄შდიხ ალ ლემგემ ი ხეჰა̄̈ლϩდ, ადკუ̂ა̈რხ ალჲა̈რდ
Line of edition: 24 ლაშე̄რ ი ხოშა̄მ კოჯდ ესსიპდა ი ლახა̄გა̈ნხ ალას მეფე ქექაუ̂აზ კე̄სა̈რ
Line of edition: 25 ი მიჩა ტა̈ხ, ა̈ხუ̂რიჭიხ, მარე ქილა̈რ ქა̄̈თყუჩუ̄რა̄̈ნ ი უ̂ეშგდ ესჭუ̂ე̄ნხ.
Line of edition: 26 ალჲა̈რ სგა̄ნჴა̈დხ საკე̄სართეჲსგა ი კე̄სა̈რდ მე̄უ̂არ ა̈დϩლხინე.
Line of edition: 27 ეჯნემ საჩქუ̂ა̈რ ლახუ̂ე̄მ ი ა̈გით' ა̄ნჴა̈დ. სგა ლახა̄გა̈ნ ყო̄რს მიჩა დაჩუ̂ირს
Line of edition: 28 ი მიჩა ხეხუ̂ი შϩნ ხაყა ი ქა მეჩდე ლა̈სუ̂ სემი ზა̈ჲ, სემი თუ̂ე,
Line of edition: 29 სემი ნაგზი ი სემი ლადეღ ი ლაღფია̈რ ლϩმა̄რად ხორდა მიჩა დაჩუ̂ირს
Line of edition: 30 ი ჩუ ლϩღა̈ფ მა̄მა ხა̄დ. ათხი̄დϩნხ მე̄უ̂არ უშხუ̂ა̄რე ლიწედ. ეჩქა
Line of edition: 31 მიჩა ხეხუ̂ ა̈დსგიდა სა̈რკქა ი მინე დის ქა ხეწა̈დ: სამ შუკუ̂ ლაჭარჟი
Line of edition: 32 ჩუ ხა̄̈ბდა ი ეშხუ ფაკა̈ნ ლიც ი ეშხუ კუ̂ა̄̈ში ხორდა სგუ̂ებინჩუ ი
Line of edition: 33 ლეჟა-იм ლექუ̂ა მე̄ზი მა̈გ ხატბϩნა ი ეჩქა ხა̄̈ქუ̂ მიჩა ხეხუ̂დ, "ალ' ე̄სერ
Line of edition: 34 მინე დი ლი ი მϩხა̈რ ესერ ეჯჲა̈რს ხემშგუ̂ა̈რხ".

Добавлено (2006-12-11, 7:36 Pm)
---------------------------------------------
ა̈დრϩჰა̄̈ნ მე̄რმა ჰამს, ანჰϩნგრეხ ჩა̄ჟა̈რ ი აჩა̈დხ. ქა̄̈თლაკხ მინე დის
Line of edition: 36 ი ქა ლა̈ხყაჰა̄̈ნხ ი საჩქუ̂ა̈რი ესცუ̂ირხ ი აჩა̈დხ მინე მუთე, სგა ლა̈ხმუშგუ̂არხ
Line of edition: 37 (\\ სგა ლა̈ხმუშგუ̂რა̄̈ნხ) მინეშს ი ალჲა̈რდ მე̄უ̂არ ა̈დხი̄დეხ, მარე
Line of edition: 38 კე̄სა̈რ ლა̈ხჭუ̂ედდა: -- ჩი̄ ესერ სგა ხოტბϩნა ალ ზურა̄ლდ ი მინ

Page of edition: 149
Line of edition: 1 ესერ იმნა̈რ ლϩმა̄̈რხ ამჟი, ერე საჩქუ̂ა̈რ დო ლოჰხოდახ? -- ალას ესერ
Line of edition: 2 ამჟი გარ მა̄დ ხაკუჩ, მარე მინს ესერ მამ ხაღუ̂ე̄ნახ". ი ალჲა̈რ სგა
Line of edition: 3 ლახა̄დხ ხა̈რჯი ლამა̄რას ი ჟ'ანმა̄რეხ სა̈დილ. ჩუ̂ესგურდახ ლა̈დიარა̄ლდ,
Line of edition: 4 ეჩქა ლა̄̈ქუ̂ ჭაბუ̈გდ: -- იმნა̈რ ესერ ხა̄̈ბ ალ ზურა̄ლ სამ შუკუ̂
Line of edition: 5 ლაჭარჟი? ალა ხუ̂ა̈ჲ ნა̈ჭირ ი̄რა ი ხოშაი ნა̈ჭირ ნა̈ჲ ხუ̂იშდ.

Line of edition: 6 ეჩქა ლაუ̂ა̈შდ ლა̄̈ქუ̂: -- ნა̈ჲ ლეგϩრგა̈ლი ჩი̄ ხუ̂ა̈ჲ გუღუ̂ა, მარე მϩცხრე
Line of edition: 7 და̄̈რ გუ̂აყა. მიშგუ̂აზუმ ნა̈ჭირ ჰა̈დურდ და̄̈რ ლი. ლუფხუ̂ს ქა მაკუ̂ა̄ნედ
Line of edition: 8 ტალა̈ხთექა ი ქუ̂ეყანა̄̈ ქუ̂ინლϩმგენე ჟი მა̄გ, ეში̄ ხუ̂იცხემ; ეჩქანღო
Line of edition: 9 ნაშდა̈ქშუ̂ ჟი მაჭკუ̂რედ, ეში̄ ხუ̂იცხემ; ეჩქა ქამაკლა̈უ̂იდ, ეჩქაჲ ხუ̂იცხემ;
Line of edition: 10 ღო ქა მაბა̄ბედ, ეჩქაჲ ხუ̂იცხემ; ღო ლექუ̂ე̄რთე მა̈იდ, ქა მაგუ̂ეჰდ,
Line of edition: 11 ეჩქაჲ ხუ̂იცხემ; საფუა̈რთე მა̈გნედ, ქა მანყედ ა̈თუ ლემესგქა,
Line of edition: 12 ეჩქაჲ ხუ̂იცხემ; უ̂ოდე ხოლა ზურა̄ლ ცხა̄რა̈ლს დო მაშდკϩნე, ეჩქად ჩიგარ
Line of edition: 13 ხუ̂იცხემ ი ეჩქა ჩუ მიქუ̂ცენი ლიცხემ.
Line of edition: 14 -- ჲაღო, მი ლა̄̈ქუ̂ნი, -- ჭაბუ̈გუ̂დ ლა̄̈ქუ̂: -- ნა̈ჲ ნიშგუ̂ეჲ დის ქა̄̈ხუ̂თენა̄̈ნდ,
Line of edition: 15 ეჩქა ლახმი̄რთე ანშიდხ. ეჩეისგა ნეზუ̂ა̈რდ ლისუ̂ ნა̄მნეხ,

Line of edition: 16 ტახა̈რდ შϩყჟი ენშდირა̄ლნეხ; ეჩუნღო ლამϩნგართ' ა̄ნშიდხ, ეჩქა ფურა̈ლდ
Line of edition: 17 ლისუ̂ ნა̄მნეხ ი ჴანა̈რდ მუჭუ̂ა̈რჟი ანშდირა̄ლნეხ; ეჩქანღო ლაჩა̄ჟი̄რთ'
Line of edition: 18 ა̄ნშიდხ, ჭაგა̈რდ ლისუ̂ ნა̄მნეხ, ყუ̂ა̈რუ̂ლა̈რდ შϩყჟი ენშდირა̄ლნეხ. ალა
Line of edition: 19 მა̈გ ძიძა̈ჲ ნეყა̄̈დ, ჩი̄ხა̈ნქა ნაცხა̈მ ონჴუ̂ა̈დდ. ეჩϩნღო მუთაქათ' ა̄ნგენეხ,
Line of edition: 20 ღო ჭალა̈ჲთ' ა̄ნკუ̂ა̈რხ; ეჩე მულგუჰე̄რის გოდერ ხო̄გდა ი კალხმარე
Line of edition: 21 მϩქაფდ ნა̈ჲ ა̈თურმა̄̈ნდ ი მულგუჰე̄რიდ ჟ'ა̈ნϩრდა̄ლე. ეჩქა ნა̈ჲ მო̄შ
Line of edition: 22 ლიზგა̄̈ლ ხუ̂იშგუ̂მინდ ი ლითხუ̂ია̈რ ა̈თუ̂ბინ, ღურდას ცხეკთე. მიშგუ
Line of edition: 23 დაჩუ̂ირ ი მიშგუ მϩრდი მულგუჰე̄რი ი მიჩა ხეხუ̂ ნათხუ̂იარემი ლეღუ̂შუ̂
Line of edition: 24 ოთსე̄ლა̈უ̂. ეჩქა ლა̈თხუ̂იარს ხუ̂ეწდენდა̈ს ისგუ̂ა მაჯო̄ნ მა̄რა, მარე
Line of edition: 25 ეჩას ნა̈თხუ̂იარა̄̈ლს დე̄მის ხუ̂ა̈მბა̈ს ი ეჩქა ზურალა̄̈რ ლϩმჴა̈დუ̈ნხ მიშგუ̂ა
Line of edition: 26 დაჩუ̂ირთე, ჲურინ ჲეშდჲარუ̂ აგუნდი თანა̈ღ ეჩხა̈ნჩუ ანზϩზეხ ი აშხუ̂ინ,
Line of edition: 27 ჰა̈დურდ ქუ̂ეყანაჟი ჩუ და̄̈ს ხესმა̄̈ნ, ეჩხაუ̂ ლა̈მთო̄ნეხ ხეხუ̂ ლათხე̄ლთე:
Line of edition: 28 "ღო ესერ ჩუ̂ა̈თდა̄̈უ̂ში იმუ̂ა̄ლე" ი ლადი ამეჩუ ოღუ̂ერ. ათხე იშა
Line of edition: 29 გეზლი̄რ ხუ̂ი̄რად ნა̈ჲ, ეჩას ლოხჰუ̂ედნედ საჩქუ̂ა̈რს.

Добавлено (2006-12-11, 7:37 Pm)
---------------------------------------------
ეჩქა ჟი ლა̄პა̈რ კე̄სა̈რ ი ესუ̂ქიქნე უ̂ა̈ზრა̈ლს: "ზურა̄ლ ესერ ჟიუ̂
Line of edition: 31 ანფიშუ̂დხ შუკუ̂ისგა ი ქორთე[უ̂] ანჴიდხ!" სგა̄ხჴიდუ̂ნე ქორთე. ლϩჯოშუ̂
Line of edition: 32 ჩუ̂აბრა̄̈ლიხ ი შა̈რი ბამბა̈ჲს სგა ხაჭუ̂ე̄ნიხ ი ხეფრება̄̈ლხ. ათხე მიჩა
Line of edition: 33 გიგა̄ლა̈რს ახტუ̂ი̄ლხ ი ალჲა̈რცახა̈ნ მიჩა ნა̈ჭირ ანა̄მბუ̂ე ალ მინე
Line of edition: 34 უდილდ: -- მინ ესერ ჩიქე მიჩა მუცახა̈ნ დე̄მ ლϩმგუ̂ა̄უ̂ინხ. ეჩუნღო მიჩა
Line of edition: 35 მუს ორმოთე ოთში̄და. ეჯ' ე̄სერ მინე ტა̈რ ხა̄რა. ეჩეისგ' ე̄სერ
Line of edition: 36 უ̂ისგუ̂ს მიჩა ნა̄̈თის ჯა ჩუ ლუმშხუნინ ი მინ ჩუ ლუმზუ̂ებხ. აშხუ̂ ლადეღ
Line of edition: 37 მიჩა̈შდიм ლიზუ̂ებ ლოხზϩრზახ, მარე მიჩა ნა̄̈თი უ̂ისგუ̂ს ქო̄თქადა.
Line of edition: 38 ეჩანღო კე̄სრი გეზალ ა̈მჴედე̄ლი ი ეჩას ჟ'ოხო̄ყა̄ლა ი მინ ესერ ლϩმფა̈შუ̂დიე̄ლხ,
Page of edition: 150 Line of edition: 1 მა̄̈ჲ ჩუ მო̄მა ხა̈მჲედე̄ნახ, ი მიჩ მა̄̈ჲ ღერბათხა̈ნქა ხოჩა
Line of edition: 2 გეზლი̄რ ხაღუ̂ე̄ნა, ეჯჲა̈რ ქო̄თქუ̂ითახ, ღო მიჩა̈შდ ციცუ̂ ი ფა̈კუ̂ნა
Line of edition: 3 ლოხგე̄ნახ, მიჩა ჭა̈შთე ჭუ̂ე̄რდ ოთბა̈რჲახ ხოლა ლა̈ირ. ეჩანღო ეჩას
Line of edition: 4 ესერ შუკუ̂ისგა ჟ'ოთლაჯა ი ლეჟა-ლექუ̂ა მე̄ზი მა̈გ ლϩმძგა̄̈რინ ი ხატბინნა.
Line of edition: 5 უ̂ოშუ̂ა̄̈ჲდ ლე̄თ-ლადეღ ესერ მიჩ ხა̄რა ეჩეჩუ, უ̂ოშა იშდუ̂ ხა̈ძგრა,
Line of edition: 6 ამშელდ იშდუ̄ ხოყრახ მინეშდი ჩა̄ჟა̈რს. მი სა̈ხ ლამღუ̂ე̄ნე̄ნს,
Line of edition: 7 ეჩქა ჰა̈დურდ ნო̄სამაუ̂ ჯა̈ყრახ!

Line of edition: 8 ანჴიდხ ჲერუ ჲელტუ̂ა̈ჲ ჩა̄ჟა̈რ, ეშხუ აშხუ̂ ლახბეხ, მე̄რმე მე̄რმა
Line of edition: 9 ლახბეხ ი ლამϩჟს ადზϩზეხ ი ლამშგედს ანტა̈ხხ, მარე ალ ზურალა̄̈რს
Line of edition: 10 ჰაგუ̂ა̈ ჯიჯუ̂ა̈რ გარ ხაცუ̂ირხ, სერ მა̄მაგუ̂ეშ.

Line of edition: 11 ალჲა̈რ ლა̈ხიადა̄ლს ლახა̄დხ ი მა̈გ საკე̄სარ ჩუ̂ა̈დზუ̂ერხ, ლახ კე̄სა̈რდ
Line of edition: 12 მიჩა გეზლი̄რდ ჩუ̂ა̈დჯϩრუ̂ე. მე̄უ̂არ ხოჩა ლადეღ ხა̄რხ. ქუ̂ერწილ
Line of edition: 13 აჩუ̂მინხ. კე̄სა̈რდ გეზალ ასგურდა ი ლϩმზϩრე̄უ̂ ხიშდ.

Добавлено (2006-12-11, 7:37 Pm)
---------------------------------------------
Part No. 80

Text: 87
Page of edition: 150
Line of edition: 14
87. ხელწიფი ჩი̄ჟე

Line of edition: 16 ალა ხელწიფ ლი, მომსახუ̂რა ხაყა ხუ̂ა̈ჲ. აშხუ̂ ლადეღ ადჲეხ მე̄რუ̂ა
Line of edition: 17 უ̂ოთა̈ხთე. ამეჩუ̄ნ ასტღუნეხ ი ხო̄ზნა̈ნიხ. ამ დრო̈უ̂ს სგა ლა̈ხბა̄ქა̄̈ნხ.
Line of edition: 18 ალა ადჲეხ ღერთა̈ლდ. ეჩუნღონ ქა̄დ ანტა̈ხ, ხო̄მბუ̂ი მიჩა ხეხუ̂ს:
Line of edition: 19 "ჯ'ე̄სერ ღერთა̈ლს ოთხუ̂ჲახ ლა̈დი. ხო̄ქუ̂ახ ესერ, ერე მინს ესერ
Line of edition: 20 ეშხუ დი̄ნაგეზალ ხორიხ, ეჯ' ე̄სერ ი̄რა ეჩი̄ ხუ̂ხუ̂, ქორს მერდე ზურა̄ლ
Line of edition: 21 ხორი, ეჯა ღანაუ̂ ესერ ლი, ჭყინტს ესერ ათუ̂ე, ბიჭს, ეჩი̄
Line of edition: 22 ხეხუ̂ ესერ ი̄რა". ათხ' ა̄ლა ა̈დსა̈სტკე ხელწიფი ხეხუ̂დ: "ჰამ' ე̄სერ,
Line of edition: 23 ერე მინე გეზალს ქორს მერდე̄მი გეზლა̈ ხეხუ̂დ დო ლახჰო̈დნეხ?
Line of edition: 24 ამი̄ მე̄ქუ̂ი̄სგ ჩუ̂ადწერა̄ლე.

Line of edition: 25 აჩა̈დ ხა̈ნ. ა̈ნმეჴრეხ, ერე გაცხა̈ჲდ ალ ზურა̄ლ ღანაუ̂ ლი. "ათხე
Line of edition: 26 ოხგონუ̂ეხუ მა ალას!" ლახპა̈რუ̂ნეხ ი ათბა̈რჲეხ უ̂აზრა̈ლს ჯუ̂ე̄დია
Line of edition: 27 ცხეკთე ი "ეჩე [ჩუ̄უ̂ ესერ] ადგა̈რხ ეჯკა̈ლიბ ა̈დგილს, ერე მა̄რე დო̄რ
Line of edition: 28 ა̈თლა̈კს!"

Line of edition: 29 ადჲეხ გაცხა̈ჲდ ალჲა̈რდ, სამ ლადღი ლე̄ზნა ადჲეხ, ეჩე ჩუ̂ადგა̈რხ.
Line of edition: 30 ჩუ̂აცუ̂ირხ ლϩდგა̈რ ცხეკისგა. ა̈რ' ამეჩუ ლϩდგა̈რ. ოხჴა̈დ დრო̈უ̂ ბეფშუ̂ს,
Line of edition: 31 ქა̄ნჴა̈დ-ი ზურა̄ლს ისგϩნჟი ნათელ ა̈ხწა̈დ ი ლისუ̂ ოხო̄გა̈ნ
Line of edition: 32 ი იზბი ბეფშუ̂. ისგϩნჩუნ ღუ̂ამლა̈რ ი ჭო̄რა̈ლ იზბიხ. ამ დრო̈უ̂ს ბეფშუ̂
Line of edition: 33 ეჩაუ̂ ანჴა̈დ, ერე ღუ̂ამლა̈რს ტოტშუ̂ ხაუ̂ჩი.

Line of edition: 34 ათხ' ა̄̈რი ეშხუ მეხუ̂ტე მა̄რე, დიდა̈რ ლი, მეთხუ̂ია̈რ ლი, ეჯჟი̄ნ,
Line of edition: 35 ერე ლადეღისგა ნა̈თხუ̂იარ ჩიგარ ახღუ̂ა. აჩა̈დ აშხუ̂ ლადეღ ლა̈თხუ̂იართე.
Line of edition: 36 დე̄სა ადგა̈რ. ატა̈ხ მე̄რუ̂ა ლადეღ, დესა̄დ ადგა̈რ. მე̄უ̂არ ხამბა̈ჟ
Page of edition: 151 Line of edition: 1 ი ხასკუ̂რელ. "ათხ' ე̄სერ ღϩრი, უ̂ოდ ესერ დო ადდაგრი, ეჩქად
Line of edition: 2 ესერ ა̈გითე მა̄მ ტეხნი".

Line of edition: 3 აჩა̈დ ი სამ ლა̈დღი ლე̄ზნა აჩა̈დ. ამჩუ ჟ'ა̈თლაკ ალას. ჟ'ა̈ნკიდ
Line of edition: 4 ბეფშუ̂ ი მე̄უ̂არ ათხი̄დϩნ. ახღუ̂' ა̄̈გითე, სგა̄ნჴიდ ა̈გითე. მე̄უ̂არ ხა̈ხია̈დხ.
Line of edition: 5 ეჩი̄თა̄ნ ამსუ̂ა̄ლდ ხეფსი, ერე ლადეღშუ̂ იცხემ კამინს, ლე̄თშუ̂ --
Line of edition: 6 ჩარექს. ამ დრო̈უ̂ს ანჴა̈დ ხელწიფ მუშგუ̂რიდ, ეზერ ლახბაჟϩნ ალ
Line of edition: 7 ჭყინტ, ლა̈ხჭუ̂ედდა:
Line of edition: 8 -- იშა გეზალ ლი ალ ჭყინტ?
Line of edition: 9 -- ალ' ე̄სერ მიჩა. ამჟი-ამჟი ქო̄ხო̄მბუ̂ე: ჯუ̂ე̄დია ცხეკს ესერ
Line of edition: 10 ახგუ̂ება ალ ბეფშუ̂ ამ-ი-ამ ა̈დგილს. ეჩხაუ̂ ესერ ხო̄ზი სამ ლადღი
Line of edition: 11 ლე̄ზნა.

Добавлено (2006-12-15, 6:52 Pm)
---------------------------------------------
ათხე ადჭკუ̄რე ხელწიფდ: "ალ' ე̄სერ ეჯა ლი, იმუ̂ა̄ლე!. ხა̈მჲედა
Line of edition: 13 ესერ მა, ჰაუ̂ე მიჩა ხეხუ̂ს ლა̈ირ ოთჴϩდეს ბა̄ზი რიჰდ?" ამნემ იმედ
Line of edition: 14 ხა̄̈ქუ̂: "მა̈ჲ ესერ ი̄რა მიზეზ?" ჩოთირ ხელწიფდ ლა̈ირ, ჟ'ოთგენე
Line of edition: 15 ლა̈ირჟი მიჩა ხეხუ̂ს, ერე "ალ ლა̈ირ ჰალ ჟ'ანჴϩდას, შიშტ ეჯ მინუტისგა
Line of edition: 16 სგაუ̂ ა̈ხჭუ̂ა̄დხ მომსახუ̂რა ალ ჭყინტს ი ლა̈კირთე̄სგა სგაუ̂ ადკუ̂ა̈რხ,
Line of edition: 17 ეჯჟი̄ნ ერე დო იშუ̂ ა̈ნმეჴრე̄ნს, დო ჯიჯუ̂!" სგე̄სდე ალ ჭყინტდ
Line of edition: 18 ალ ლა̈ირ ჯიბთე̄სგა, ანϩ̄გა̈ნ ი აჩა̈დ ხელწიფი ხეხუ̂თე. გუ̂იანდ ოთქა̈ხ ი
Line of edition: 19 ხელწიფი ხეხუ̂ ლუყუ̂ნე ლა̈სუ̂, დეშ ანჲა̈ცხუ̂ნე ჟი, ჩუ̂ადყურდა ბალკონჟი.

Line of edition: 20 ისგლე̄თ ი̄რო̄ლ ი ჩუ̂აუ̂ჟე ალა. ამ დრო̈უ̂ს ესწϩხϩნდა ქა̄მაუ̂ ლი̄ზი
Line of edition: 21 ეჯჲარე გეზალს -- დი̄ნას. ქა̄ნჴა̈დ ი ჟ'ათა̄გა̈ნ ბალკონჟი ჭყინტს. ეჩქას
Line of edition: 22 სგა̄ტა̈ხ ი ლამფა ანტუ̂არე, ქა̄ნჴიდ ჟ'ა̈ნწუ̂ე̄ნე, მე̄უ̂არ ლახლატϩნდა,
Line of edition: 23 ჩუ̂ესგურდა ამი̄ცახა̈ნ ი ჴალა̈რ ქა ლოხდე ი ხეყჰა̄̈ლ. მარე ალა
Line of edition: 24 მე̄უ̂არ იუ̂ჟე ი დე̄მის იბჟენი. ამ დრო̈უ̂ს ოხწუ̂ე̄ნე ჯიბა̈რ, ა̈ხგუ̂ა̈ბ ამეისგა
Line of edition: 25 მიჩა მუე̄ ლა̈ირ. ჟ'ა̈ნკიდ ალა ი ჩუ̂ადტყϩცϩ̄რე, ა̈დჭოდა̄ნე ქა.
Line of edition: 26 ამეჟი ხა̄გ ალ ჭყინტი ღალა̈ტ. სგა̄დჲე ალა ი ჩუ̂ა̈შიხ ბუხუ̂არისგა.
Line of edition: 27 ჩუ̂ესგურდა სტოლჟი, ჩუ̂ა̈ირ ლა̈ირ, ამჟი̄ნ ერე უ̂ითამ მიჩა მუე̄ ნა̈ირ
Line of edition: 28 [ლი]: "ჲაღო, ჰამს ჰალ ჩუ̂ა̈დრϩჰე̄ნს, შიშტ მიჩა სა̈ხϩლწიფისგა მა̄̈ჲ
Line of edition: 29 ხა̈ლხ ჩუ̂არდე̄დს, ალა [ესერუ] ჩუ̂ა̈დნა̈ზუ̂რეხ, ჲეშდჲარუ̂ ბაპშუ̂ ჩ[უ̄]უ̂ ადგურგუ̂ნეხ
Line of edition: 30 ი ხოჩა ქუ̂ერწილუ აჩუ̂მინხ".

Line of edition: 31 ჩუ̂ა̈დრϩჰა̄̈ნ ი ქა ლახუ̂ე̄მ ალ ჭყინტდ ხელწიფი ხეხუ̂ს ალ ლა̈ირ.
Line of edition: 32 ა̈დჭოდა̄ნე ხელწიფი ხეხუ̂დ: მე̄უ̂არ ათსაკუ̂რა̈ლϩნ, მარე ხელწიფი
Line of edition: 33 ლი̄ქუ̂ს დეშ აჟუ̂მე. ჩუ̂ა̈დზუ̂ერ მა̈გ ი ჲეშდჲერუ ბაპ ანჴიდ, ჩუ̂ადგურგუ̂ნე,
Line of edition: 34 ხოჩა ქუ̂ერწილ აჩუ̂მინ.

Line of edition: 35 ამ დრო̈უ̂ს ხელწიფი ანჴა̈დ, მიჩა ხეხუ̂ ქა ლა̈ხზაზ ჭიშგა̈რთექა.
Line of edition: 36 -- მა̈ჲ ამბა̈უ̂ ესერ ლϩმა̄̈რ, ერე მინე დი̄ნაგეზალ ამჟი უცნობელ
Line of edition: 37 ჭყინტდ დო ლოხოდა? გუ̂ა̈რიშუ̂ილობ ესერ მა̄დ ხოხა.
Line of edition: 38 -- ჰამ' ე̄სერ?! -- ხელწიფდ ხა̄̈ქუ̂.

Page of edition: 152
Line of edition: 1 -- ჰამ' ე̄სერ-ი ამჟი-ამჟი: ლა̈ირ ესერ ოხუ̂იмრა მიჩ მიჩა̈შდ. სერ
Line of edition: 2 ესერ მიჩ დეშ ოხჟომა მიჩა ლი̄ქუ̂ ი ჩუ̂ ესერ ოთგურგუ̂ნა ი ქუ̂ერწილ
Line of edition: 3 ესერიм ჩოთჩუ̂ემნა. სერ მა̄მა ხა̄დხ ლაჩუ̂მა იმშა.

Line of edition: 4 ხოჩა ლირდე-ლიზგე ა̈დჴიდხ ი ლϩმზϩრე̄უ̂ ხი.

Добавлено (2006-12-15, 6:53 Pm)
---------------------------------------------
Part No. 81

Text: 88
Page of edition: 152
Line of edition: 5
88. ბაპ ი სემი ლახუ̂ბა

Line of edition: 6 ალჲა̈რ ლიხ ღა̈რიბ, დე̄სამა ხუღუ̂ახ ქონა̈ბ, რϩდინ-გურნა-ჲ ძუჰე̄რანქა.
Line of edition: 7 ოხჴა̈დხ გარჯ ი ხოშა̄მ მუხუ̂ბე̄მ რა̄̈ქუ̂, ერე "ჯ' ე̄სერ ა̈ე̄სგი
Line of edition: 8 ძუჰე̄რას ლაჰო̈დთე, ჟ'ა̈ნკიდ ალა, ესღუ̂ა, ესღუ̂ა ი ამეჩუ ბაპ აჴნი.
Line of edition: 9 -- ხოჩაუ̂ ლადეღ ჯა̄რ ბაპს!
Line of edition: 10 -- ხოჩაუ̂ ჯა̄რ სიი! იმაუ̂ ესღრი, ჭყიტრა?
Line of edition: 11 -- ო, მი ეჯკა̈ლიბ უცხუ̂ ლეღუ̂ჭა̈რ მუღუ̂ა, ერე ეჯას ბა̄ზი ლაჰა̄̈სგმϩყ
Line of edition: 12 დომ ხუ̂ა̈ი, ეჩურ მა̄მ მეყა.
Line of edition: 13 -- ჲაღო, მა̄̈ჲ ღენ ლეღუ̂ჭა̈რი ჯუღუ̂ა, სი ღენ ლა̈დი მი ლა̈მმა̈რჯუ̂,
Line of edition: 14 ეჩქას ეჩის ქა აჯჰოდნი.

Line of edition: 15 ლა̈დი ჭყინტ ეჯას ხომურჯუ̂ი. ნა̈ბოზს ქორთე აჩა̈დხ. ეჩეჩუ ხა̄̈ქუ̂
Line of edition: 16 ბაპდ, ერე "ჲაღო ესერ, ჰარა̈კ-ჰურა̈კუ ახა̄დხ. ჯ' ე̄სერ ე მოშ ადუჟნი
Line of edition: 17 მიჩ, ეჩქ' ე̄სერ ჯა ლაჰო̈დნე მიჩა ლირდე-ლიზგე̄ ხϩნსგა̄მ; მიჯნემ
Line of edition: 18 ესერ [ჰე̄სა] ადუ̄ჟნას, ეჩქას ესერ მიჯნემუ ლახუ̂ე̄მ ძუჰე̄რა".

Line of edition: 19 ლოხუ̂ბინე ათხე ბაპდ ჰარა̈კ-ჰურა̈კ. ხო̄მბუ̂ი, ჰე̄სა იმე წირ ი ლოც
Line of edition: 20 ჩუ ხოჩუ̂მინა, აჯაღ ჰე̄სა ჩუ ხოჯგრა ი ლა̈პრისდა̄ლს იმე ხალკა. ალა
Line of edition: 21 მეუ̂არ ჯო̄დი ანჴა̈დ. მა̈ფშა̄̈რ ჭყინტს ჩუ̂ა̈თუ̄ჟდა ი მე̄რუ̂ა ლადეღ
Line of edition: 22 ძუჰე̄რა ქა̄ხკიდ. ეჯნემ ლიგუ̂ნი ა̈დბინე. აჩა̈დ მიჩა ქორთე.

Line of edition: 23 ეჩქა რა̄̈ქუ̂ მიჩა მანე̄სგრა მუხუ̂ბე̄მ: "ჲაღო ესერ, ჯა ადინე რϩდინს
Line of edition: 24 ლაჰო̈დთე, გომნი̄ ესერ ჯა ამჟი ხოლა̄მ ნაღუ̂ჭარს ა̈ნჴდე". ჟ'ა̈ნკიდ
Line of edition: 25 რϩდინ ი ესღუ̂ა. ამეჩუ ჩუ ესხუ̂ი̄დ ალ ბაპ.
Line of edition: 26 -- ხოჩაუ̂ ლადეღ ჯა̄რ ბაპს!
Line of edition: 27 -- ხოჩაუ̂ ჯა̄რ სიი! იმაუ̂ ესღრი?
Line of edition: 28 -- ჰამა იმაუ̂, ეჯკა̈ლიბ ლეჰუ̂დი მუღუ̂', ე̄რე ალას ბა̄ზი ქა დომ
Line of edition: 29 ჰო̈დი, ეჩურ მა̄მა მეყა.
Line of edition: 30 -- ჲაღო, ლა̈დი მი ლა̈მმა̈რჯუ̂ ი ეჯას ნა̈ბოზს ქა̄ჯჰოდნი.

Line of edition: 31 ლა̈დი ხომურჯუ̂ი ეჩას. ნა̈ბოზს ქორთე აჩა̈დხ. ხა̄̈ქუ̂ ბაპდ, ერე
Line of edition: 32 "ლიჰრაკა̄̈ლ ესერუ ახა̄დხ. მიჯნემ ესერ ჰა ადუ̄ჟნას, ეჩქას მიჯნემუ
Line of edition: 33 ლახუ̂ე̄მ რϩდინ; ჯ' ე̄სერ ჰა ადუ̄ჟნი, ჯა ლახუ̂ედი მიჩა ლირდე-ლიზგე̄
Line of edition: 34 ხϩნსგა̄მ". ბაპდ ხა̄̈ქუ̂, ერე "მა̄ნკუ̂ი ესერ ჯა ხო̄მბუ̂ი".

Добавлено (2006-12-15, 6:54 Pm)
---------------------------------------------
ოხუ̂ბინე̄დ აჯად, ჰე̄სა იმე წირ ი ლოც ჩუ ხოჩუ̂მინა, ჩუ იმე ხოჯგრა,
Line of edition: 36 ჲედ ჩუ ჲა̈რ ხოშდღუ̂ა, ალა მა̈გ ქო̄ხო̄მბუ̂ე. ეჩქას ეჯას ჩუ̂ა̈თუ̄ჟდა.
Page of edition: 153 Line of edition: 1 მე̄რუ̂ა ლადეღ რϩდინ ქა̄დ ახკიდ. ეჯა ანϩგა̄̈ნ ი ესღრი ლაგუ̂ნუშ
Line of edition: 2 ა̈გითე.

Line of edition: 3 ეჩქა ხოხუ̂რა მუხუ̂ბე̄მ ლა̄̈ქუ̂, ერე "ჲაღო ესერ, ჯ' ა̄დინე გურო̄ლს
Line of edition: 4 ლაჰო̈დთე". ჟ'ა̈ნკიდ ამნემ ი ესღუ̂ა. ამჩუ ალ ბაპϩდ აჴნი.
Line of edition: 5 -- ხოჩაუ̂ ლადეღ ჯა̄რ ბაპს!
Line of edition: 6 -- ხოჩა მე̄რა, ქა ლახ ლა̈მწო̄ლა.
Line of edition: 7 -- ქა ლაწეჲდ მა̈ჲ მიჟიბ მი: ეჯკა̈ლიბ ლეჰუ̂დი მუღუ̂', ე̄რე ეჯას
Line of edition: 8 ნა̈ბოზდ ქა დომ ოჰუ̂დინე, ეჩურ მა̄მ მეყა.
Line of edition: 9 -- ეჩი̄ ღედ ნომა ჯა̄რ, ეჯას სურუთეჲ ეზა̈რდ აჯჰოდნი.

Line of edition: 10 ლა̈დი ბაპს ხომურჯუ̂ი. ნა̈ბოზს აჩა̈დ ბაპა̈ ქორთე. ხა̄̈ქუდ ბაპდ,
Line of edition: 11 ერე -- ჰარა̈კ-ჰურა̈კ ესერუ ახა̄დხ. -- ეზერ ესერ. ჲაღო ესერ, მა̄̈ნკუ̂ი
Line of edition: 12 ჯა ხო̄მბუ̂ი, -- ხა̄̈ქუ̂ ჭყინტდ: -- ჩუ ესერ ე მოშ ადუ̄ჟნას, მიჯნემუ ლახუ̂ე̄მ
Line of edition: 13 მიჩა ლირდე-ლიზგე̄ ხϩნსგა ი ძუჰე̄რა ი რϩდინი; ჰე ესერ დოშ
Line of edition: 14 ადუ̄ჟნი, ეჩქას ჯ' ე̄სერ ლაჰუ̂ედნე უ̂ოქუ̂რა̈ გურნას. -- ეზერ. -- ბაპ თანახმას
Line of edition: 15 ანჴა̈დ.

Line of edition: 16 ოხო̄მბუ̂ე ათხე ალ ჭყინტდ: -- მინს ესერ აშხუ̂ ჩიქქა ეჯთა̄ნ ლიზგე
Line of edition: 17 ხა̄რახ, ერე ფუ̈რი ჯუ̂ეგ ლახუ̂ს ხარდე̄ნახ, ლϩჯე ესერ ლახუ̂ხა̈ნ სუ̂ა̈დშუ̂
Line of edition: 18 ხა̄რახ ლϩკუ̂ა̈რ ყო̄რთეჟი̄ნ. ჩი̄ს ესერ ეჯა ესღუ̂ე̄ნა. აშხუნღო ესერ
Line of edition: 19 ჩუ̂ალწიჰე̄ლი. ა̈მჩედხ ესერ ეჩქა, იმშა ტა̈რუ ლა̈სუ̂. ამეჟი̄ნ ესერ ა̈მჴედლიხ
Line of edition: 20 ხოშა ღო̄ღია̈რ. ეჯჲა̈რს ესერ ჩოთწიჰახ. ხოშა მუხუ̂ბას ხო̄ქუ̂ა:
Line of edition: 21 "ალას ესერ ბერჟა̈ კა̄დაურ დეშ აქჩეხ". ოხუ̂შკა̄დახ ბერჟა̈ კა̄და. ჰა̈დურდ
Line of edition: 22 დე̄სამა მოშ ხოყრა ეჩას ღო̄ღია̈რდ. მანე̄სგრა მუხუ̂ბას ხო̄ქუ̂ა:
Line of edition: 23 "ჲაღო ესერ, ალსმი კა̄დაუ̂ ა̈ნსყეხ, ეჯ' ე̄სერ სგა̄თკა̈ცნე". ოხუ̂შკა̄დახ
Line of edition: 24 ალსმი კა̄და. ჰა̈დურდ ეჯას დეშ ოთკაცა. ეჩქა მიჩ ხო̄ქუ̂ა, ხოხუ̂რა
Line of edition: 25 მუხუ̂ბას: ჲაღო ესერ, ნაბდი კა̄დაუ̂ ა̈ნსყეხ, იგებს ესერ ე სგე̄სა ათკა̈ცის".
Line of edition: 26 ჟ'ოხუ̂სყახ ნაბდი კა̄და. ეჯგუ̂ა̈ჲდ სგო̄თკაცა, ერე ჰა̈დურდ
Line of edition: 27 მა̈გ ჩოთქაჩახ ღო̄ღია̈რ. ეჩუნღო აჯაღ ქა̄დ ა̈მჴედ ლϩჯე̄მი სარაგ.
Line of edition: 28 ეჩϩნქა თელ სოფელ ნიშგუ̂ეჲ მϩბგერი ლა̈სუ̂.

Line of edition: 29 ოხუ̂ზუ̂ერდ აშხუ̂ჟი̄ნ ფა̈ტუ̂, ესდუ̂ედ ეჯა ტუმარა̈ჲთე. ტუმარა̈ჲს
Line of edition: 30 მა̈გ ქო̄თჩა̈დ. ეჩუნღო ესდუ̂ედ კუ̂იდო̄ლთე. ეჩხა̈ნქა ჰა̈დურდ მა̈გ ქა̄ჩა̈დ.
Line of edition: 31 ეჩქა მი ლა̈მშყა̈დ, ხოხუ̂რა მუხუ̂ბა: "ჲაღო̄ჯ ჴა̈ჩუ̂თე ელდად,
Line of edition: 32 ეჯას-ϩჯ მა̄მა ოთჩედნი!, ესდუ̂ედ ჴა̈ჩუ̂თე ი ეშხუ კაკა̈ლი დე̄სა ოთჩა̈დ.
Line of edition: 33 ხოშა̄მ მუხუ̂ბე̄მ რა̄̈ქუ̂, ერე "ჲაღო ესერ, ალა ჟიუ̂ ახცუ̂ეხ, მინე
Line of edition: 34 ჯϩლϩყს ესერ ხოშა ჲელტუ̂ა̈ჲ ხეჩდა, ეჩას". ოხჴი̄დახ ხოშა ელტუ̂ა̈ჲ,
Line of edition: 35 ოხცუ̂ახ ჟი, შიშდ ჩუ̂ალჯუჭუ̄რე̄ლი. ეჩქას რა̄̈ქუ̂ ნე̄სგა̄̈ მუხუ̂ბე̄მ: "ჲაღო

Добавлено (2006-12-15, 6:54 Pm)
---------------------------------------------
ესერ, ეჩე ტუ̈ბისგა ხოშა და̈შდუ̂ ა̈რი, ეჩასუ ახცუ̂ეხ, არგებს ესერ
Line of edition: 37 ეჯნემ ქა̄დიას". ოხჴი̄დახ ეჯ და̈შდუ̂, ოხცუ̂ახ ჟი, ჰა̈დურდ დეშ ოთხუ̂ჲა:
Line of edition: 38 შიშტ ჩუ̂ალჯუჭუ̄რე̄ლი. ეჩქა მი რუ̂ე̄ქა, ხოხუ̂რა მუხუ̂ბედ: "ჲაღო,
Page of edition: 154 Line of edition: 1 კუ̂ეცენისგა შყა̈ჟუ̂ ა̈რი. ეჯა ალჴϩდად, არგებს ე ეჯა ქა̄თწინდე̄დს". ანჴიდხ
Line of edition: 2 შყა̈ჟუ̂ ი ახცუ̂ეხ ჟი ლა̄ბა̈რ. ამჟი ქე̄სღუ̂ა მინდო̈რ ლექუ̂ა, ერე
Line of edition: 3 სგა უ̂ედდ ხუ̂ეჰად. ამ დრო̈უ̂ს ახზიგდა ჭიშხ, ჩუ̂ა̈თშია̄̈ნ, ლიკუ̂ჩხი ა̈დბინე.
Line of edition: 4 ეჩქას ქო̄ხთხირდ ჭიშხ. ეჩხა̈ნქა ქა̄ნსკინე ხოშა̄მ და̈შდუ̂დ. ეჯჟი
Line of edition: 5 ქა̄̈დჭომნე მინდო̈რ ლექუ̂ა, ერე ჰაკუ̂დუ̄ლს გარ ხუ̂ეწა̈დდ. შყა̈ჟუ̂ ჟი̄დ
Line of edition: 6 ა̈ნხოჩუ̂ა̄̈ნ, ლა̄ბა̈რ ეზერდ ა̈ნჲე ქორთე".

Line of edition: 7 ალა მა̈გ ქო̄ხო̄მბა̈უ̂. ბაპს ჩუ̂ა̈თუ̄ჟდა. მე̄რუ̂ა ლადეღ მიჩა ლირდე-ლიზგე̄
Line of edition: 8 ხϩნსგა ქო̄ხუ̂აკ. ეჩი̄ ჟიქა̄ნქა ძუჰე̄რა ი რϩდინ უ̂ოქუ̂რა̈შ. ათხე
Line of edition: 9 ემყა ხუ̂ა̈ჲ კუმა̈შ ი ბაპა̈ ლირდე-ლიზგე̄ ხϩნსგა. ამეჩუ̄ნ სგა ლამხუ̂ი̄დდა.
Line of edition: 10 მϩჩა̄̈ჟი. ეჯკა̈ლიბ ჩა̄̈ჟ ხაყა, ერე კინჩხ დეცქა ხუღუ̂ა ჰა̈დურდ. ხუ̂აშგუ̂ემ
Line of edition: 11 ეჯას ჩა̄̈ჟ:
Line of edition: 12 -- ჲაღო̄ჯ, მა̈დილ ჯე̄რა, ჩა̄̈ჟ ლამდია̄̈ნ, ადო ალამა̈გ კუმა̈შს დეშ
Line of edition: 13 ხუ̂იკკუ̂ეუ̂ი ჩა̄ჟურ.
Line of edition: 14 -- ჩა̄̈ჟ იმჟი ლაჯდია̄ნა, ეჩქა მი ლიჩა̄̈ჟი ჩუ მე̄შდნი!
Line of edition: 15 -- ეჩი̄ ღედ ნომა ჯა̄რ: ჰϩნგირს ჩოლკედნედ, ჟ'ელგემნედ ამჩუ ბიკჟი,
Line of edition: 16 მადრა̈ჴს ქა ლაჯუ̂ოდნე, სი ჟი ლა̈ხსგური, მადრა̈ჴს ხატყა̈ცდა̈ს ი
Line of edition: 17 "ა̈ჩუ"ს ხაყლა̈ს! ეჩქა ლიჩა̄̈ჟი მა̄მა ა̈ჯე̄შდϩნი. ღო მი ნა̈ბოზს ჩა̄̈ჟს
Line of edition: 18 ქა̄ჯტიხე, საჩუქუ̂ა̈რს ეჩϩნქა ა̈ჯზიზნე.
Line of edition: 19 -- ჲაღო, ისგუ მორდა̈ბ მა̄რ, ქა ლაჯდია̄̈ნი.

Line of edition: 20 ჟი ლახსგურდა ალა ჩა̄̈ჟს, ესყა კუმა̈შ ჲენასდ. ამეჩუ̄ნ ჩხარა ლახუ̂ბა
Line of edition: 21 აჴნიხ, ჩხარ უღუ̂ა ჴანა̈რ ხაყახ.
Line of edition: 22 -- ატ, დედეს ისგუ̂ეჲ, მა̄მ ხოსგდიდა, ისგუ̂ეჲ ჟიქა̄ნ ხოშა კოჯ
Line of edition: 23 ხეტყცა̄̈ლ? ჰარიქა ქა̄̈თჭო̈მნედ ჩიემ, ბარჯა̈ლ ლოხგედ სგა კოჯს!
Line of edition: 24 ეჩქად მი ჩხარა უღუ̂ა ჴანა̈რს ოთხუ̂ი̄ნე სოტა̈რ ლაქჩათე. სგა̈ჲ, უ̂ოდ
Line of edition: 25 მი დო ონჴუდა სოტა̈რ ი ჴანა̈რ, ეჩქად ბϩგიდ ლოხო̄გა̈ნდ, ადო
Line of edition: 26 ხეძგუ̂ბენი, ეჩქას და̈ბსი ჩუ ჯიდა̄უ̂შეხ ი სგა̈ჲ[ი] ჩუ ჯალწϩნეხ.

Line of edition: 27 ალჲა̈რ სგა ლოხო̄გა̈ნხ კოჯს. ამნემ ლა̈ჲრეკლე ჩხარა უღუ̂ა ჴანა̈რ,
Line of edition: 28 ესყა ი ესღრი ხოჩა გუჟი.

Line of edition: 29 ესღრი, ამეჩუ̄ნ ლϩდϩშნა̈ჲს ლახხუ̂ი̄დ. ალას ხა̄̈ბ ხოჩა დაშნა̈ჲ: მა̈ჲ
Line of edition: 30 ჟი̄კედ, მა̈ჲ სგა იდი. ხა̄̈ქუ̂ინ, ერე

Добавлено (2006-12-15, 6:55 Pm)
---------------------------------------------
-- ხუ̂ა̈ჲ კუმა̈შ მაყა ი ხოლა ლელჩე მა̄რ ჲარა̈ღურ (\\ ჲარა̈ღულ).
Line of edition: 32 მა̈დილ ჯე̄რა, დაშნა̈ჲ ქა ლამდია̄̈ნ, მϩხა̈რ ამ დრო̈უ̂ს სგა̄ჯტიხე.
Line of edition: 33 -- მი დაშნა̈ჲურ მა̈ჲ მეყა: შიშტ ლიდϩშნა̈ჲ ჩუ მე̄შდნი.
Line of edition: 34 -- ეჩი̄ ღედ ნომა ჯა̄რ: ყა̄̈რი დაშნა̈ჲს ოხუ̂ტა̄̈ბნე, ეჯას ლაჯუ̂ედნე.
Line of edition: 35 მა̈ჲ ჟი ხიკდუნი, მა̈ჲ სგა ხიდუნი, ეჩქას ლიდϩშნა̈ჲ მა̄მა ა̈ჯე̄შდϩნი.

Line of edition: 36 ჟ'ა̈ნკიდ დაშნა̈ჲ, ქა ლახდია̄ნე. ოთო̄გა̈ნ შუკუ̂ს ი ესღრი. ამეჩუ̄ნ
Line of edition: 37 ათა̄სდ თეთრი მϩნგრიშა. ხა̄̈ქუ̂ ამის, ერე

Page of edition: 155
Line of edition: 1 -- მა̈დილ ჯე̄რა, ეშხუ ფაყუ̂ თეთრ ამა̈შდბ!
Line of edition: 2 -- მი თეთრს დეშ ხუ̂ელი, ეჩქას ანგრიშ შიშტ ჩუ მე̄შდნი.
Line of edition: 3 -- ეჩი̄ ღედ სი ნომ ჯა̄რ (ჟ'ა̈ნხურიე̄ლე ეშხუ ფაყუ̂ ბაჩა̈რ, ჩუ̂ესდე
Line of edition: 4 სგუ̂ებინჩუ): თეთრი მϩქაფ ალას ხინგრიშა̈ს. ეჩქად მი სგა̄ჯტიხე აშხუ̂
Line of edition: 5 ფაყუ̂ თეთრს.

Line of edition: 6 ქა̄̈ხბი̄შდ თეთრს, ესღრი მიჩა ქორთე. სგა̄ჩა̈დ ი მიჩა ლახუ̂ბას
Line of edition: 7 მეუ̂არ ათჩო̄ნხ.

Line of edition: 8 ამ დრო̈უ̂ს ბაპიм ახჭიმ. ახა̄სდ მϩჩა̄̈ჟის. ალას ჰϩნგირ ჟი ხო̄გ ხოშა̄მ
Line of edition: 9 ბიკდ, ჯა ჟი ხასგურ, ხაყლე "ა̈ჩუ"ს. მადრა̈ჴ სგა მეჴჩე ხა̄რ ბიკი
Line of edition: 10 ნა̈ყირ.
Line of edition: 11 -- იმ ხიჩო სი მა̄რე? -- ლა̈ხჭუ̂ედდა ბაპ.
Line of edition: 12 -- ჰამა იმ ხუ̂იჩო: ამა̄სდ [ეშხუ მა̄რე] ამელექუ̂ა, ხუ̂ა̈ჲ კუმა̈შ ხეყა̄̈დ,
Line of edition: 13 ჩა̄̈ჟ მაშგუ̂მინ ლა̈დია̄ნდ: "შიშტ ესერ სგა მა̈ტხე". სგა დე̄ს' ა̄მტიხ.
Line of edition: 14 -- ϱე, სი მა̄რƮ

Line of edition: 16 უშხუ̂ა̄რ ლოხჴერდახ ი ანღრიხ. ამეჩუ̄ნ ახა̄სდხ ჩხარა ლახუ̂ბას.
Line of edition: 17 ალჲა̈რ მა̈გ სგა ხო̄გხ ხოშა̄მ კოჯს.
Line of edition: 18 -- იმ ხიჩოდ, სგა̈ჲ მა̄რო̄ლ?
Line of edition: 19 -- ჰამა იმ ხუ̂იჩოდ: ამელექუ̂' ა̄ნა̄სდ, ხუ̂ა̈ჲ ჯო̈გ ხეყა̄̈დ. ეჯნემ
Line of edition: 20 ნა̄̈ქუ̂, ერე "კოჯ ესერ ქა ხეძგუ̂ბენი, ნა̈ჲ ესერ ბარჯა̈ლუ ლოხუ̂გედ,
Line of edition: 21 ჯ' ე̄სერ ჩხარა უღუ̂ას სოტა̈რთე ადიე̄სგნე". ქა̄დჲე ჴანა̈რ, ქა დე̄მხა̈ნ
Line of edition: 22 ანტა̈ხ.
Line of edition: 23 -- ϱოჲტ, სი მა̄რე, ეჯნემ ნა̈ჲიм ამჟი ა̈ნღორუ̂ე.

Line of edition: 24 ეშხუ მუხუ̂ბე ალჲა̈რხა̈ნქა სგა ლოხჴერდახ. ესჭიმხ ალ ჭყინტს.
Line of edition: 25 ათა̄სდხ მϩდϩშნა̈ჲს. ამეჩუ შϩნ ხუღუ̂ა ყა̄̈რი დაშნა̈ჲ, მა̈ჲ ჟი̄კედ, მა̈ჲ
Line of edition: 26 სგა იდი.
Line of edition: 27 -- იმ ხიჩო, სი მა̄რე, მა̈ჲ ჯა̄რ ყა̄̈რი დაშნა̈ჲ?
Line of edition: 28 -- ჰამა მა̈ჲ მე̄რა სგა̈ჲ მა̄რო̄ლ: ამელექუ̂ა ამა̄სდ, მაშგუ̂მინ დაშნა̈ჲ:
Line of edition: 29 "შიშტ ესერ სგა მა̈ტხე". დე̄მხა̈ნ ა̈მჴიდ.
Line of edition: 30 -- ϱო, სი მა̄რე, ეჯნემ ნა̈ჲ უ̂არესდი ა̈ნღორუ̂ე.

Line of edition: 31 ლოხჴერდახ მა̈გ უშხუ̂ა̈რ ი ესღრიხ. ათა̄სდხ ამეჩუ თეთრი
Line of edition: 32 მϩნგრიშა: ალას შϩნ ხუღუ̂ა ხუ̂ა̈ჲ ბაჩა̈რ, ინგრიშე.
Line of edition: 33 -- იმ ხიჩო, სი მა̄რე?
Line of edition: 34 -- ჰამა იმ ხუ̂იჩმუნი: თეთრ მუღუ̂ა̄̈დ ეშხუ ფაყუ̂, ამა̄სდ ერე̄ ამელექუ̂ა
Line of edition: 35 ი თეთრ ქა̄მღორუ̂ე. ხუ̂ა̈ჲ ხა̈ნ ლი, დე̄მხა̈ნ ა̈მჴიდ. მა̈ჲ მიხა,
Line of edition: 36 მა̈ჲ დო ჩუ̂ემინა?
Line of edition: 37 -- ო, სი მა̄რე, ეჯნემ ნა̈ჲიм ამჟი ა̈ნღორუ̂ე. ლϩჩედდ მა̈გ, ნოთაუ̂
Line of edition: 38 ა̈ლთხედ იმე!

Page of edition: 156
Line of edition: 1 ესღრიხ, ესღრიხ, ჟ'აჩა̈დხ ამი̄ ყო̄რთეჟი, სგა ლახტუ̂ი̄ლხ ალას.
Line of edition: 2 ქა̄̈ნსგიდა ალ ჭყინტ, სალა̈მ-ფერა̈ბ ხა̄̈ქუ̂: "მინაუ̂ა̈თ ხუ̂ი მი ისგუ̂ეჲცახა̈ნ,
Line of edition: 3 ეჯღა ერე, მა̄̈ჲ ქა ჯე̄ქა, ეჯა მა̄მა ოთსურილ!" სგო̄თჟოღ ქორთე,
Line of edition: 4 ბა̄ზი ხოჩა პა̈ტიუ̂ცემა ხაყერ: ჩუ̂ადშდϩმა̄ლე, ჩუ̂ადლოთუ̂ა̄ლე. მა̄მა ა̈ნმეჴრეხ,
Line of edition: 5 იმე დო ადყურდახ. ამის ლახუ̂ბა ლუშგურა̄ნე ხაყა: "ბა̄ზი
Line of edition: 6 ალჲა̈რს ჩუ ლოქდენიდ. ეჩჟი მოშ ა̈ლმა̈რგდ, მიშგუ ლახუ̂ბა, ერე ნა̈ჲ
Line of edition: 7 დო̄სამა გუ̂ეყერს. ალჲა̈რ ჩუ̂ალღალტად!"

Line of edition: 8 სკო̄დიდ ჩუ ლუუ̂ჟუნე ლა̈სუ̂ხ, ლა̈ხჭა̈მხ პილხა̈ნისგა, კინჩხა̈რ ჩი̄ს
Line of edition: 9 ქა̄თჭკუ̂ერხ, ჩუ̂ადბϩრჯეხ ქორს თხრილ, სგა̄შიდხ ამხაუ̂თეჲსგა. მა̄მგუ̂ეშ
Line of edition: 10 ა̈ნმეჴრა̄̈ნ ალ მა̄რა̄ლეშ, იმე დო ა̈დკიჰა̄̈ნხ ი იმე მო̄დე.

Line of edition: 11 ალჲა̈რდ ხოჩა ლირდე-ლიზგე ა̈დჴიდხ ი ლϩმზϩრე̄უ̂ ლიშდ.

Добавлено (2006-12-15, 6:58 Pm)
---------------------------------------------
Part No. 82

Text: 89
Page of edition: 156
Line of edition: 12
89. კობო

Line of edition: 13 ალა კობო ლი. ჩიგარ დაჴა̈რ ხაყა ლალდა̈ღს, სემი გარ ხაყა. აშხუ̂
Line of edition: 14 ლე̄თ ქა̄̈მ ოთსა̈დ. მე̄რუ̂ა ლადეღ ჰამს დო̄სდ ანϩგა̄̈ნ, ესღრი დაჴრე
Line of edition: 15 ლათხე̄ლთე. სგა ლახხუ̂ი̄დდა და̈შდუ̂.
Line of edition: 16 -- და̈შდუ̂, მიშგუ დაჴა̈რ ჯიწუ̂' ე̄სა? -- დე̄სა -- ჩუ̂ა̈თნაბნა̈ნ! -- ენჩაჲ-ბენჩა̄უ
Line of edition: 17 მეჴცი! -- ჩუ̂ესკლიჭ ჲაღო! -- ესკლიჭე ი დე̄სა ხაცხტა.

Line of edition: 18 ესღრი. ამეჩუ თხე̄რე ლახხუ̂ი̄დ. -- თხე̄რე, მიშგუ დაჴა̈რ ჯიწუ̂'ე̄სა?
Line of edition: 19 -- დე̄სა. -- ჩუ̂ა̈თნაბნა̈ნ! -- ენჩაჲ-ბენჩა̄უ მეჴცი! -- ესკლიჭ! -- ესკლიჭე ი
Line of edition: 20 დე̄სამა ხაცხტა.

Line of edition: 21 ესღრი. მა̄ლ ლახხუ̂ი̄დ. -- მა̄ლ, მიშგუ დაჴა̈რ ჯიწუ̂' ე̄სა? -- დე̄სა.
Line of edition: 22 -- ჩუ̂ა̈თნაბნა̈ნ, ჲაღო! -- ენჩაჲ-ბენჩა̄უ მეჴცი! -- ესკლიჭ, ჲაღო! -- ესკლიჭე
Line of edition: 23 ი სგა ხაცხტა წირღუ̂. სგუ̂ებინ მა̄ლ, უ̂ეშგინ კობო. სგო̄თჩა̈დ ბოგა̈
Line of edition: 24 კურდამ ჩუქუ̂ა̄ნთე. ანჴიდ ხოლა ჰაუ̂ა: "მა̄ლუგ ჟ'ა̈ნწახუ̂ი". ეჩქას ხა̄̈ქუ̂
Line of edition: 25 მა̄ლდ: "კობო, ქა̄̈მიხნ: სემი ეჯჲა̈რ ლა̈სუ̂ხ, უსგუ̂ა̄მ ქა̄ჯტიხე" ქა̄ნფიშუ̂დ
Line of edition: 26 მა̄ლ ი უსგუ̂ა დაჴϩლ ქა̄თტიხ.

Line of edition: 27 ალა მიჩა მეზუ̂ბელა̈რს ათშო̄ნდახ. "ჲაღო, სგა̈ჲი̄ ჩუ̂აცუ̂ირდ ისგუ̂ეჲ
Line of edition: 28 დაჴა̄̈რ ქა̄̈მ, ეჩქას სგა̈ჲიм აშხუ̂ისგა ჲარუ̂ ჯეჰუ̂დინიხ". ანჴა̈დხ ალჲა̈რ
Line of edition: 29 ი ჩუ̂აცუ̂ირხ ქა̄̈მ მინე დაჴა̈რ. ეჯა ჩოთცϩლϩ̄რეხ თხე̄რა̄̈ლდ. დე̄სამა
Line of edition: 30 მოშ ა̈ნდიჴხ ქა.
Line of edition: 31 -- მა̈ჲ ესერ ოლგონუ̂ად კობოს?
Line of edition: 32 -- მა̈დილ ჯე̄რახ, ეშხუ ზექრო̄ლ მი̄გ, ეჯა ნო̄ს' ა̄̈მშიხად. ეჩϩნქა
Line of edition: 33 მა̄̈ჲ ჯეკუ̂ეხ, ეჯა მაყერდ!

Line of edition: 34 ანჴა̈დხ ალჲა̈რ ი ზექრა ჩოთშიხხ. იგუ̂ნი კობო ეშხუ გუდრა შიხ
Line of edition: 35 ჟ'ა̈ნკიდ, ამეისგა ჟიქა̄ნქა სემი აბზϩლა̈რ ესდე, ჟ'ა̈ნცუ̂ე ალა ი ესღრი
Page of edition: 157 Line of edition: 1 სგა̄ჩა̈დ კე̄სა̈რშე̄რთე. ბა̄ზი ამეჩუ ადϩგა̄̈ნ. მა̈გ ჩუ̂ადყურდახ ი ალა
Line of edition: 2 ჩაფლა̈რს იკა̄რზა̄̈ლი.
Line of edition: 3 -- კობო, ჩუ̂ათყუ, სი მა̄რე!
Line of edition: 4 -- ო, მი მϩხა̈რ ჯუ̂ე̄დია შუკუ̂ს მე̄ზი ხუ̂ი, ლეღუ̂ჭა̈რი მუღუ̂ა ი ეჩი̄
Line of edition: 5 ნაუ̂ჰო̈დი დე̄მჟი მა̄რ.

Line of edition: 6 კე̄სა̈რშე̄რ ჩუ̂ა̈თუ̄ჟდახ. ეჩქა ანჴა̈დ კობო ი გუდრა ქა̄ნჴიდ, შიხ
Line of edition: 7 ლემასგუ̂თ' ა̄შიდ, ეშხუ აბა̈ზ სგა̄̈ ყო̄რჟი ესდე, მერუ̂ე ნე̄სგა̄̈ ყო̄რჟი
Line of edition: 8 ესდე, მესმე ქა̄მე ყო̄რჟი ესდე, სგა̄ჩა̈დ ი ჩუ̂ადყურდა. მე̄რუ̂ა ლადეღ
Line of edition: 9 გუდრა ხაშგუ̂მინ კე̄სა̈რშე̄რ: "ჲაღო, გუდრა ქა̄̈მჴიდდ, გუ̂ია̈ნ მა̄რ სერ!"

Добавлено (2006-12-15, 7:00 Pm)
---------------------------------------------
ოხჴიდხ ქა გუდრა. ალა ჰა̈რი ლი. კობოდ ლიტფუ̄რა̄̈ლ ა̈დბინე.
Line of edition: 11 ილჭა̄̈ლ ლა̈დი̄ ლადეღ: "მიჩ ესერ ალა უ̂ერცხლი თეთრდ გუ̂ეში ხა̄რა,
Line of edition: 12 მა̈ჲ ესერ ოთყერახ, დედეს მინეშ! ესთხალდ, არგებს ე ა̈გუ̂გუ̂ებს
Line of edition: 13 იმე! ხეთხე̄ლიხ ი ალჲა̈რ ჟ'ა̈ხგუ̂ა̈ბხ, სემი აბზა̈რ. ეჩქა კე̄სა̈რდ ლა̄̈ქუ̂:
Line of edition: 14 -- ო, ალას გაცხა̈ჲდ თეთრ მϩრე̄ს ხუღუ̂ა̄̈ნ გუდრაისგა. სი მა̄რე, ნომ
Line of edition: 15 ხილჭა̄̈ლ, თხუ̂იმ ნომ' ა̄დგრი, ღო ჟ'ა̈ჯგუ̂ეშლი მი გუდრას უ̂ერცხლი
Line of edition: 16 თეთრდ? "ქა̄ნჴა̈დ კე̄სა̈რ ი ჟ'ოხგოშლე გუდრა თეთრდ. ალა კობოს
Line of edition: 17 ხა̈ხია̈დ ი ა̈გით' ა̄ნჴიდ. ამეჩუ̄ნ მეზუ̂ბელა̈რს ათხარბϩნდახ:
Line of edition: 18 -- კობოს ესერ შიხღა თეთრ ოხცა̄და!
Line of edition: 19 -- სგა̈ჲ მა̄რუ, მა̈ჲ ჯახა̈რბხ? ამჟი ჩუ̂ა̈შიხდ სგა̈ჲიм ისგუ̂ეჲ ზექრა̄̈ლ,
Line of edition: 20 ჟ'ა̈ხცუ̂ედ თუ̂ით გუდრა შიხ, ღო სგა̈ჲიм ჟ'ა̈ხცა̄̈დნედ თეთრს.
Line of edition: 21 ა̈შიხხ ჩუ მინე ზექრა̄̈ლ, ა̈ნცუ̂ეხ თუ̂ით გუდრა შიხ, ხა̈ჭმინა̄ლნეხ
Line of edition: 22 მეზგა̄̈ლს, ხატუ̄ლიხ ჩი̄ს: შიხღა თეთრ ლა̈მცა̄̈დდ!" ალჲა̈რ ლაყა̈რს
Line of edition: 23 ხეღუ̂ჭენიხ ქა: "ლϩსო̄ყე ესერ ლიხ ჰა: შიხღა თეთრს ჲარ
Line of edition: 24 ლოხუ̂ცა̄̈დნე?!"

Line of edition: 25 სგა̄ნტა̈ხხ ა̈გითე. ამჩუ კობოს ხენდრო̈უ̂ხ. "სგა̈ჲ მა̄რო̄ლ, მა̄̈ჲ
Line of edition: 26 ჯინდე̄დხ, ეჯა მაყერდ: ხეხუ̂ მირი, ეჯა ნო̄სა ა̈მდაგრად!" ეჩქა ლა̄̈ქუ̂ხ,
Line of edition: 27 ერე "ალას ესერ მაშე̄ნე ხეხუ̂ მϩრე̄ს ხატკლებ ი ჩუ̄ ოთდაგა̈რხ!"
Line of edition: 28 მართლა ჩოთდაგა̈რხ. უ̂ოდ-ი-უ̂ოდ იგუ̂ნი კობო, ეჩქას ლა̈ჲცუ̂ე ლϩდგა̈რ
Line of edition: 29 ი ესღუ̂ა. უ̂ო̄შთხუ̂ ლა̈დღი ლე̄ზნა ქა̄დჲე. ეჩეჩუ̄ნ, კე̄სა̈რშა ქა̄მენ,
Line of edition: 30 ბოგჟი̄ნ ყაურჯენ ლოხგე ი ჩუ̂ესგენე ბოგჟი, ჯა სგა̄ჩა̈დ კე̄სა̈რშერთე.
Line of edition: 31 -- ხოჩაუ̂ ლადეღ ჯა̄რხ კე̄სა̈რშე̄რ!
Line of edition: 32 -- ხოჩაუ̂ ჯა̄რ კობოს! მა̈ჲ ჯაკუ, კობო?
Line of edition: 33 -- მა̈ჲ მაკუ [ი] ჯუ̂ე̄დია შუკუ̂ს ონღუ̂რი, ხეხუ̂ მინჴრი, ჟ'ა̈ხფა̈შ.

Line of edition: 34 კე̄სა̈რდ ხა̄̈ქუ̂, ერე
Line of edition: 35 -- იმ' ე̄სერ ხორ' აღო? -- ბოგჟი̄ნ ესერ ხოღლი. -- ჩუ̂ადერდ, აღო,
Line of edition: 36 ჟ'ახტუ̂ი̄ლდ!

Line of edition: 37 ჩუ̂აჩა̈დხ ნანულუ̂ა̈რ, ხაყლეხ ჟი ლიჴედს, მარე ალა ჰერს დე̄სა
Line of edition: 38 ხა̈ტხე. ჟ'ანჴა̈დხ ი ხა̄̈ქუ̂ხ:

Добавлено (2006-12-15, 7:00 Pm)
---------------------------------------------
-- მა̄დ ესერ ა̈მჴედე̄ლი. -- ეჯ' ე̄სერ ამჟი მა̄მ ჴედნი, მინეშუ მა̈ზიგ
Line of edition: 2 ლახჴედა, სგაუ̂ ესერ ოხგუდირდახ მეჴა̈რს "ჟი როქ აღე" ი ქაუ̂
Line of edition: 3 ოხბϩდხ.

Line of edition: 4 ჩუ̄დ ატა̈ხხ სემი ნანულუ̂ა̈რ, ხაყლეხ ჟი ლიჴედს. ალა ქუ̂ინს დე̄ს'
Line of edition: 5 იკედ. სგო̄ხგუდირდახ მეჴა̈რს ი ალა ჟი ა̈ნუნჴუ̂ა̄̈ნ, სგა̄შყა̈დ ჭალა̈ჲთე.
Line of edition: 6 ჟი ანჴა̈დხ ნანულუ̂ა̈რ: "ეჩას ესერ ჭალა̈ჲთე ოთსკინა". კობოდ ლილჭა̄̈ლ
Line of edition: 7 ა̈დბინე: "უჲ, მიშგუ̂ი ცოდ, ჰამა ა̈მკუ̂ა̈რდ ჭალა̈ჲთეჲსგა ხეხუ̂?"
Line of edition: 8 იტფუ̄რა̄̈ლ ი ილჭა̄̈ლ. ამი̄ ლა̈ლჭა̄ლჟი კე̄სა̈რ ჟ'ა̈ნწახუ̂ა̄̈ნ: "მა̈დილ ჯე̄რა
Line of edition: 9 ი ლირდე მა̈ყრ, ხეხუ̂ს მი ლაჯუ̂ედნე: ქა̄ჯთიშუ̂ნი სამ ნანულუ̂ა̈რისგა!"
Line of edition: 10 ქა̄̈ნთიშ ამნემ მაჰუ̂რე̄ნე ნანულ ი ა̈გითე ანჴა̈დ.

Line of edition: 11 ალა მეხუ̂ბარა̈ლსϩდ ათშო̄ნდახ: -- კობოს ესერ ლϩდგა̈რღა ლϩჲა̈რ
Line of edition: 12 ოხუ̂ცა̄და!
Line of edition: 13 -- სგა̈ჲ მა̄რუ, მა̈ჲ ჯახა̈რბხ ალა: სგა̈ჲი ჩუ̂ადგა̈რდ ლა̈ხხუ̂ა, ჟი
Line of edition: 14 ა̈ხცუ̂ედ ი ხა̈ჭმინა̄ლნად სოფლა̈რისგა, ღო სგა̈ჲიм ქა ლა̈ჯცა̄̈დნეხ ერუ̂ა̄ლე
Line of edition: 15 ლა̈ხხუ̂ას.

Line of edition: 16 ალჲა̈რდ ჩუ ადგა̈რხ მინე ლა̈ხხუ̂ა, ა̈ნცუ̂ეხ ჟი ი ხაზელა̄ლნეხ, იტუ̂ი̄ლიე̄ლხ,
Line of edition: 17 ერე "ლϩდგა̈რღა ლϩჲა̈რ ლა̈ნცა̄̈დდ!" ალჲა̈რს ხოშგბენიხ
Line of edition: 18 ქა ფაუ̂არშუ̂, მა̈გ ალჲა̈რს ხატყციხ: "ლϩდგა̈რღა ესერ ლϩჲა̈რს ჲა̈რ
Line of edition: 19 ლოხუ̂ცა̄̈დნე?! ლϩსო̄ყა̄ლე ესერ მϩრე̄ს ლიხ!" დე̄მე მოშ ა̈ნცა̄̈დხ.

Line of edition: 20 ა̈გით' ა̄ნტა̈ხხ ი აჭკუ̂ა̈რიხ. მა̈ჲ ოხუ̂გონუ̂ახ კობოს? კობოდ ხა̄̈ქუ̂,
Line of edition: 21 ერე "მა̄̈ჲ ჯინდე̄დხ, ეჯა მაყერდ აშხუ̂ გუ̂ეშϩნქა: კიბდო̈ნ ნო̄სა ა̈მტა̄ბად
Line of edition: 22 ხოშა, ეჩხაუ̂ ნო̄სა ამგენად ი ხოშა̄მ კოჯჟი ჩუ ნო̄ს' ე̄მგად ეჯნოშ".
Line of edition: 23 მართლა ჟ'ოხტა̄ბეხ ხოშა კიბდო̈ნ ი კობო სგა̄დგენეხ ეჩხაუ̂თეჲსგა,
Line of edition: 24 ქა̄დჲეხ ი ხოშა̄მ კოჯა̈ თხუმ ჩუ̂ესგეხ. ამეისგა იტუ̄̈ლიე̄ლ
Line of edition: 25 ალა (ჩუქუ̂ა̄ნ მეჯუ̂გა ა̈რიხ კუმშიშ): "ქუთდ ი ჭიშდუ̂ა̈რდ გუ̂ეში მა̄რ
Line of edition: 26 მა̈გ". ალა ხასϩმდახ მეჯუ̂გას, ჟ'აჩა̈დხ ი კობო ქა̄ნჴა̈დ ამხა̈ნქა: "ჲაღო,
Line of edition: 27 სგა̄ჩა̈დდ ამხაუ̂თეჲსგა, მა̈გუ̂ა̈ჲ ბედუ ჯა̄̈ცხ!"

Line of edition: 28 სგა̄ჩა̈დხ მეჯუ̂გა ამხაუ̂თეჲსგა. ხაფხეჭ კობოდ ი კიბდო̈ნ-ი მეჯუ̂გა
Line of edition: 29 უშხუდ ქა̄დკუ̂ა̈რ კოჯქა. ჯო̈გ მიჩ ესსა̈დ. ლა̈ჲრეკლე სგო̈ბინ ი ა̈გით'
Line of edition: 30 ა̄ნჴიდ. ალა მეზუ̂ბელა̈რსϩდ ათხარბϩნდახ. "მა̈ჲ ჯახა̈რბხ ამჟი? ათხე
Line of edition: 31 მ' ა̈ჯტა̄̈ბი კიბდო̈ნს ი სგა̄ჯგენი ეჩხაუ̂თეჲსგა სგა̈ჲ ჩი̄ს, ეჩქას სგა̈ჲიм
Line of edition: 32 ამზუმ კუმა̈შს ა̈ნჴდედ!"

Добавлено (2006-12-15, 7:01 Pm)
---------------------------------------------
ჟ'ოხტა̄ბე კიბდო̈ნ, სგა̄დგენე მა̈გ ეჩხაუ̂თეჲსგა, ქა̄დჲე ი ხოშა̄მ
Line of edition: 34 კოჯჟი ჩუ̂ესგე. ათრა̄გუ̂ნე ხუ̂ა̈ჲ მა̄მა, ეჩქა ლოხუ̂ჯილკე ქა ი ქა̄დკუ̂ა̈რ
Line of edition: 35 კოჯქა.

Line of edition: 36 უ̂ოდ ალა̄-ჲ-ალა ჟი დო̄სა ა̈ლსგიდნად, ეჩქად ნო̄სამაუ̂ ლოგუ̂ზიგა
Line of edition: 37 ი ლϩმზϩრე̄უ̂ ხიშდ.

Добавлено (2006-12-15, 7:02 Pm)
---------------------------------------------
Part No. 83

Text: 90
Page of edition: 159
Line of edition: 1
90. ქოსა მულგუჰე̄რი

Line of edition: 2 ლა̈სუ̂ ეშხუ მეჩი მა̄რე, ჭყინტგეზალ ხორდა, ხეხუ̂ -- ლϩგზელ. ჩუ̂ადშგურა̄ნე
Line of edition: 3 ლაქუ̄ნაუ̂ა̄ლჟი მიჩა გეზალ, ერე "ქოსა მულგუჰე̄რის ნო̄სა[უ̂]
Line of edition: 4 ხემუნდი!" ჩუ̂ადგან ეჯა ი სერ ქუნე გუ̂ეშ ათყერ: სამ ლე̄თ ი ლადეღს
Line of edition: 5 თელ სოფელ ჩუ ლუზუ̂ერ ხა̄დ. მე̄შთხე ლადეღ აჩა̈დ მა̈გ.
Line of edition: 6 ეჩქა ხაშგუ̂მინ მიჩა ხეხუ̂ს ლეზუ̂ებ. მიჩა ხეხუ̂დ ხა̄̈ქუ̂ინ, ერე "მინი ლოქ
Line of edition: 7 ჟი ჭკეჟნიხ მა̈იდშუ̂, მარე დე̄სა ლოქ ა̈რი ლეზუ̂ებ! ეჩქა ლოქ, ჲაღო,
Line of edition: 8 ლექუ̂ე̄რთეუ̂ ადჲე".

Line of edition: 9 აჩა̈დ ლექუ̂ე̄რთე. ათა̄სდ აშხუ̂ მულგუჰე̄რის, ლახტუ̄̈ლ. ქა̄̈ნსგიდა
Line of edition: 10 ქოსა მულგუჰერი. ამნემ ანბა̈უ̂ მა̄მგუ̂ეშ ხა̄̈ქუ̂ინ, შიშდ ესთხეპ ი აჩა̈დ
Line of edition: 11 მე̄რმა მულგუჰე̄რითე. ეჯა ხატუ̄̈ლდა: "მა̈ჲ ლოქ ხაკუჩ? მე̄რმა მულგუჰე̄რის
Line of edition: 12 ლახტუ̂ი̄ლ აჯაღ. ეჯა ქა̄̈ნსგიდა, ეჯაჲ ქოსა მულგუ̂ეჰე̄რი ლა̈სუ̂
Line of edition: 13 აჯაღ. აჯაღ ეჯას დე̄სამა ხა̄̈ქუ̂ინ ი ჟი̄დ ესჭუ̂ე̄ნ. ეჯა უ̂ეშგინისგა ხატუ̂ი̄ლდა
Line of edition: 14 აჯაღ: "მა̈ჲ ლოქ ხაკუჩ, მა̈ჲ ხაკუჩ?" აჩა̈დ აჯაღ ალა მესმა
Line of edition: 15 მულგუ̂ეჰე̄რითე. ალას სგა̄დ ლახტუ̂ი̄ლ. ალა ქა̄̈ნსგიდა. ალაჲ ქოსა
Line of edition: 16 მულგუ̂ეჰე̄რი ლი. სერ ათხე ბა̈ქ ოხჴა̈დ ი ალა ლეჩუ̂მე ხა̄რ. სგა̄ჩა̈დ-იм:
Line of edition: 17 "ლეგუ̂ეჰ ლოქ ხუღუ̂ა, ქაუ̂ ლოქ ოხგუ̂ეჰ!" ი ალ ქოსა მულგუ̂ეჰე̄რიდ
Line of edition: 18 ალას სგო̄სდე შიშდ, მიჩა ლელქუ̂ია̈რ ქო̄ხკიდ. ათხე ქოსა მულგუ̂ეჰე̄რი
Line of edition: 19 ჟი ხაჰუ̂დი ჰა̈ყბას, ეჯა, ჭყინტ, ჩუხი ხაჰუ̂დი.

Line of edition: 20 ერ ირჰა̄̈ლ, ა̈გითე ხეხუ̂მიშ ი გეზლი̄რეშ ლეზუ̂ები ლიჴდეს ხამურჯი.
Line of edition: 21 ათხე ალას, ჭყინტს, ხა̈იდ მეუ̂არ. ეჩქა ქოსა მულგუ̂ეჰე̄რიდ ხა̄̈ქუ̂ინ:
Line of edition: 22 "ქაუ̂ ლოქ ანნაყეხ ეშხუ დია̈რ, ნა̈ჩდუნ ლოქ ჯა ირა, ნა̈ტფუნ
Line of edition: 23 ჯაუ̂ ლა̈სუ̂". ქოსა მულგუ̂ეჰე̄რიდ ჟ'ანჩუ̂მინ ნა̈ჩდუნ, ჭყინტ ნა̈ტფუნა̈
Line of edition: 24 ლაბურდენს ლახა̄დ. ქოსა მულგუ̂ეჰე̄რი ლიცს ა̈გუ̂შე. ალა̄, ჭყინტ, ხაყლე:
Line of edition: 25 "ხოშე̄ლ[უ] ლოქ ესგუ̂ეშ!" ქოსა მულგუ̂ეჰე̄რი ეშ გარ ხოწქუ̂ე. უ̂ეშგიმპილს
Line of edition: 26 სგე̄სგუ̂ეშ გუ̂ეში სეგდა. ალას ჯა̈რ ჟ'ა̈ხგუ̂ეშლა̄̈ნ ლიცდ. მა̈ჲ
Line of edition: 27 ჩუ̂ემინას ათხე. ხა̈შდე ღალ მიჩა ფექს, ჟ'ა̈ხკუ̂ა̈დ მა̈გ ალა̄, მა̄̈ჲ ხუღუ̂ა̄̈ნ
Line of edition: 28 ლეგუ̂ეჰ. უ̂ეშგიმპილს ქა̄ნნაყეხ დია̈რ ხოშა ლესკა̈რ. ალა სგა
Line of edition: 29 ლახდეხ ლაჭეჲს. ათხე ქოსა მულგუ̂ეჰე̄რიდ ხა̄̈ქუ̂ინ:
Line of edition: 30 -- ათხე ლოქ ჯუ̂ინელ ჰარკა̈ლ[უ] ლოქ ანა̄მბუ̂ეხ, მინე ხოშა̄ლე
Line of edition: 31 ნაუ̂ზერია̈ლ. -- ჭყინტდ ხა̄̈ქუ̂ინ:

Добавлено (2006-12-15, 7:03 Pm)
---------------------------------------------
-- მა̈ჲ ლოქ ხა̄̈ქუ̂ას, მიჩ ლოქ დე̄სამა ხასმა. მიჯნემ[უ] ანა̄მბუ̂ე. --
Line of edition: 33 ქოსა მულგუ̂ეჰე̄რიდ ლა̄̈ქუ̂ინ:
Line of edition: 34 -- ხედუ̂ა̄̈ჲდ ლოქ ხოჩა ჰარკა̈ლ ლა̄̈ქუ̂ას, ეჯას ხა̄̈ცეს ალ ლესკა̈რ. -- ქოსა
Line of edition: 35 მულგუ̂ეჰე̄რიდ ლა̄̈ქუ̂ინ მიჩა მუე̄ ნაუ̂ზერი:

Page of edition: 160
Line of edition: 1 მიჩა მუს ლოქ ხარდე̄ნა ეშდჲორუ ბა̈ტ. ეშდჲარუ̂ინ ლოქ
Line of edition: 2 ლϩმტიხინ თანა̈ღს ლალა̄̈ბდ ლადეღისგა. აშხუ̂ ლადეღ აშხუ̂ ბა̈ტს
Line of edition: 3 ლესგი ქიპ ახშყედა. ა̈მჴედე̄ლი მიჩა მუ ლოქ ი შდϩხინდი ჩელტი
Line of edition: 4 ლესგ ლოხგა. უსგუ̂ა ლი̄ზი ხოჩმა̄̈სგუ̂ნა ეჯნოშ. ალა ესერ ლϩმა̄̈რ
Line of edition: 5 მიჩა ხოშა. -- ქოსა მულგუ̂ეჰე̄რიდ ლა̄̈ქუ̂ინ. ათხე ჭყინტდ ლა̄̈ქუ̂ინ:
Line of edition: 6 -- მიჩი ესერ ხუ̂ა̈ჲ მა̄მ ხასმა მიჩა ხოშა̄ლე ნაუ̂ზერი. მიჩა მუს
Line of edition: 7 ხა̈გნე̄ნა სემ აშირ ღუ̂ებ. სემ აშირ ღუ̂ები ბუზუ̄ლს აშხუ̂ ჰამს ლϩმშϩლდნინ,
Line of edition: 8 მე̄რმა -- ნა̈ბოზს. აშხუ̂ ჰამს ეშხუ ბუზუ̄ლ ქა ხაკლიე̄ნა. ა̈მჩედე̄ლი
Line of edition: 9 ლათხა̄̈ლთე. აშხუ̂ ა̈გის ჟ'ათლაკა ბაპს: ლაჴა̈ნს კა̈მბეშცახა̈ნ
Line of edition: 10 უღუ̂ა ხა̈გნე̄ნა. ა̈მჴედე̄ლი, უღუ̂ა ჩოხკი̄და, ბაპდ ჯაჭა̈რქა ჟ'ესყუჩუ̄რა,
Line of edition: 11 მϩბე̄რგად ბერგა̈ლ თხუმჟი ესფუთქუ̄რა, ეჯ ბუზუ̄ლ ა̈გითე ოხჴი̄და.
Line of edition: 12 ბუზუ̄ლს კინჩხ ჩუ̂ათდა̄უ̂შე̄ნა. სერ ჩი̄ ალას ხა̈ჭუ̂დიე̄ლა: "მა̈ჲ ლოქ
Line of edition: 13 ხე̄რა ხოჩა?" აშხუ̂ მა̄რა ლოხუ̂თო̄ნა: "გაკ[უ] ლოქ ა̈შიხ, ეჯაუ̂ ათშიდ.
Line of edition: 14 ეჯა ლოქ ლახე̄რა ხოჩა". გაცხა̈ჲდ ეჯა ხოჩუ̂მინა ი ოთში̄და. მე̄რმა
Line of edition: 15 ლადეღ ეჯზუმ გაკ ჟ'ა̈მჴედე̄ლი ბუზუ̄ლა̈ კინჩხჟი, ერე უმოწყალოდ
Line of edition: 16 ძღϩდ ლϩმა̄̈რ. ეჯა აშხუ̂ ლადეღ ქა ლϩმშა̈ნუ̂ინ, ჩუ ლϩმჰო̄ლინ ი ჩუ
Line of edition: 17 ლϩ&

Line of edition: 26 ალა ლოქ ხუღუ̂ა მიჩ ლე̄ქუ̂ი̄სგ ი ალა ლϩმა̄̈რ მიჩა ხოშა ი ჟ'ოხსკინა
Line of edition: 27 ჭყინტი ჰარა̈კს ი დია̈რი ჭყინტს ხა̄დ ი ლექუ̂ე̄რი̄. ქოსა მულგუ̂ეჰე̄რი
Line of edition: 28 ქა̄ნკუ̂ა̈რ ლექუ̂ე̄რხა̈ნქა პაღუ̂ირშუ̂.

Добавлено (2006-12-20, 6:05 Pm)
---------------------------------------------
Part No. 84

Text: 91
Page of edition: 160
Line of edition: 29
91. უ̂იჯ

Line of edition: 30 ლϩმზϩრე̄უ̂ ხი̄-ჲ ხეხუ̂-ჭა̈შ. სემი დი̄ნა̄̈ლ ხორიხ. ლითიე̄ლ ლი. მა̈გ
Line of edition: 31 აჩა̈დ ლათეჲთე ი ალჲა̈რი აჩა̈დხ. ჩიემ ა̈ნთე ლა̈დი თუ̂ით ლადღი
Line of edition: 32 და̈ბ, ალჲა̈რდი ა̈ნთეხ. ა̈გით' ა̄ნჴა̈დხ ი ხოჩა უ̂ოხშა̈მ ანმა̄რეხ. ჩუ̂ადყურდახ
Line of edition: 33 ი მე̄რმა ლადეღ ჟ'ანϩ̄გა̈ნხ ი იმა̄რა̄̈ლხ ლათეჲთე. ა̈დსგიდახ ქა,
Line of edition: 34 მინე დაბა̈რ მა̈გ ჟი ლϩთე ლიხ ი ჟი ლϩჲჴე. მე̄უ̂არ ათჩო̄ნდახ ი ა̈ნუ̂იღუ̂ნე
Line of edition: 35 ჴანა̈რ ი ანჭლი მϩღა̈უ̂ს. ეშხუ ჲეშდ სა̈უ̂ ა̈გით' ა̄ნჴიდ. ჩუ̄დ
Page of edition: 161 Line of edition: 1 ადყურდახ ბა̄ზი. მე̄რმა ლადეღ ანϩ̄გა̈ნხ, მϩღა̈უ̂ მა̈გ ა̈გის ხორი სგა
Line of edition: 2 ლϩნჭილ. ალა ჰა̈დურდ ხოშა ათხი̄დϩნ. ლა̈დი ლიკლა̈უ̂ი ა̈ნბინე, ჩუ̂ადკალუ̂ე
Line of edition: 3 ეშხუ კალუ̂ ი ჩოთსა̈დ ამჟი უბა̄ბად. მესმა ლადეღ ანϩ̄გა̈ნ,
Line of edition: 4 ლეკლა̈უ̂ი მა̈გ ქა ლϩკლაუ̂ე ესხუ̂ი̄დ, ლა̄̈ში მა̈გ მიჩა შედისგა ხორი
Line of edition: 5 ლუშხუ̂ინ, ლეგუ̂ეჰ მა̈გ ქა ლუგუ̂ეჰ ხოჩა̄მდ კიბდონა̈რისგა ხორი ფექუ̂შ.
Line of edition: 6 ძღϩდ ლϩხია̈დ ლიხ.

Line of edition: 7 ბა̄ზი ლა̈ხიადა̄ლს იჩოხ: ლა̈ძჰა ა̈ძიჰხ. ზურა̄ლ ჟ'აჩა̈დ გუბა̈ნდთე
Line of edition: 8 ლაფა̈ქდ ი კიბდო̈ნს ქა ხაცხიპ ხოშა უ̂იჯ. ამი̄ მაყალშუ̂ ჩუ̂ანშყა̈დ.
Line of edition: 9 ლე̄ბიჩუ ი დეშ აჩა̈დ გუბა̈ნდთე. სგა̄ჩა̈დ მიჩა ჭა̈შთე ი ქა ხა̄̈ქუ̂: "კიბდო̈ნს
Line of edition: 10 ესერ ხოშა უ̂იჯ ხაჭო̄ნა". ჟ'აჩა̈დ მიჩა ჭა̈შ.
Line of edition: 11 -- მა̄̈ღენ ესერ ღე̄რბეთ ამი̄ მუჩუ̂მე ლი, ქაუ̂ ესერ ა̈ხრაშუ̂ა̄̈ნ! მა̄̈ჲ
Line of edition: 12 ხეკუ̂დი, ეჯას ესერ ხა̈ჩო. -- ეჩქა უ̂იჯდ ხა̄̈ქუ̂:
Line of edition: 13 -- მიჩა გეზალ ქაუ̂ როქუ̂ ლახუ̂ე̄მ ხეხუ̂დ, ეჩქა ესერ ქა̄̈ხრა̈შუ̂ი.

Line of edition: 14 ჩუ̂აჩა̈დ, ხა̄̈ქუ̂ მიჩა გეზლი̄რს, ხოშა დი̄ნას: "ჯა როქუ̂ ხონჴრი მო?"
Line of edition: 15 ხოშა დი̄ნად უ̂არ ლა̄̈ქუ̂. ეჩქა მანე̄სგრა ხა̄̈ქუ̂. ეჯნემი -- ატკაზ. უ̂ეშგიმპილს
Line of edition: 16 ხოხუ̂რა დი̄ნას ხა̄̈ქუ̂:
Line of edition: 17 -- ჯა როქუ̂ ღϩრი მო? -- ჲაღო, მა̈გ როქუ̂ ჟ'ა̈ლჭკჟენიდ, ეჯას ეჯა
Line of edition: 18 მიცხა, ერე სგა̈ჲ ეში̄ ლϩჲა̈რ ხირდიდ, ი მი ქა ხონჴრი.

Line of edition: 19 ათბაჟϩნ მიჩა მუს ი ქა ლა̈ხყაჰა̄̈ნ. ჟ'ოთჴიდ მიჩა მუდ გუბა̈ნდთე
Line of edition: 20 უ̂იჯს, ქა ლახუ̂ე̄მ ხოხუ̂რა მიჩა გეზალ. უ̂იჯდ ჩუ̂ადმა̈ზრე ი ადჲე
Line of edition: 21 ხეხუ̂დ ალჲარე დი̄ნა.

Line of edition: 22 ესღრიხ შუკუ̂ჟი ი აშხუ̂ ა̈გის შუკუ̂ისგა ჩუ̂ადჩარუ̂ე უ̂იჯდ მიჩა ხეხუ̂
Line of edition: 23 ი ხა̄̈ქუ̂: "ე, მიშგუ ხეხუ̂, სი ჟ'ა̈მღე̄ლა̈უ̂ ამეჩუ; უ̂ოდე მი დო ონჴუ̂ე,
Line of edition: 24 ეჩქად ნო̄ს ოთჴერდე̄დ!" აჩა̈დ ალა̄, უ̂იჯ, ი ჩუ̂აჩა̈დ გიმი ჴურუჩუ ი
Line of edition: 25 ჟ'ანტა̈ხ მე̄რმა ა̈გიჟი, ათხე მა̄რე ლი. ქა̄̈ხლაკ მიჩა ხეხუ̂ს: -- ე, სი დი̄ნა,
Line of edition: 26 ლϩჩედდ!
Line of edition: 27 -- მი ღალ იმთ' ო̄დრი? მიშგუ ჭა̈შ უ̂იჯ ლი. ეჯა უ̂ოდ დო
Line of edition: 28 ა̈ნჴდენი, ეჩქად და̄̈ს ხონჴრი.
Line of edition: 29 -- ეზა̈რ ხი, მარე ეზერდ ჯე̄რა! ეჩქა უ̂იჯ ხუ̂ა̈სუ̂, მარე ათხე
Line of edition: 30 მა̄რე ხუ̂ი.

Добавлено (2006-12-20, 6:06 Pm)
---------------------------------------------
ათხი̄დϩნ მე̄უ̂არ ი ესღრიხ ათხე ხოჩა გუჟი. ა̈თლაკხ ამეჩუ თეტე̄ნი
Line of edition: 32 ბოგს. ჭა̈შდ ხა̄̈ქუ̂ ხეხუ̂ს: "ამექა ქუ̂ინ ნო̄სა ა̈ხკϩდა, ადო ბოგ ჩუ
Line of edition: 33 რეღუ̂ნი, მა̈გ ჟი გუ̂ეჴლი". იმედ ხა̄̈ქუ̂: "დე̄მა ესერ". ესღრიხ აჯაღ ი
Line of edition: 34 უ̂იჯი ნაშხატუ̂ს ა̈თლაკხ ი ამეჩუ ხა̄̈ქუ̂ ჭა̈შდ: "ქუ̂ინ ესერ ნო̄საუ̂ ა̈ნკიდ
Line of edition: 35 ამექა ლა̄ზჟი!" ი დე̄ს' ა̄̈ნკიდ ქუ̂ინ ი ქა̄ჩა̈დხ შუ̂იდებიანდ. ადჰეხ ა̈გიდ
Line of edition: 36 ი ეჩქა მიჩა ჭა̈შდ ადშგურა̄ნე: "ათხე დედე ყო̄რა̈ლისგა ხა̈ლიჩას ა̈ჯϩრშინე;
Page of edition: 162 Line of edition: 1 ეჩეჟი ნო̄მ' ე̄სგა ჭϩშხა̈რ ი გიმჟი ხაგა̈მდა̈ს. ქორს უ̂ოქუ̂რე
Line of edition: 2 სკა̈მს ეჯგემნეხ; ეჩეჟი ნო̄მ' ე̄სგურდე̄დ, ზექი სკა̈მჟი ესგუ. ლა̄შგა̄̈ლთე
Line of edition: 3 უ̂ოქუ̂რა̈ სეგდას ა̈ჯჴიდეხ; ეჯა ნო̄მ' ა̄თხჲა, ზექი სეგდ' ა̄თხა̈ჲ. თϩრქა̈დს
Line of edition: 4 ლაჯუ̂ედნეხ, ეჯაჲ ნოს' ა̄თხჲა!"

Line of edition: 5 ალ' ა̄მნემ მა̈გ ამჟი̄ნ ადსურლე ი დე̄მგუ̂აშ ლა̈ხქად. ჩუ̂ა̈დგურგუნა̄̈ნხ,
Line of edition: 6 ქუ̂ერწილ აჩუ̂მინხ ი ხოჩა ლე̄თ ა̈დრϩჰეხ. ჩუ̂ადღანუ̂ე ი აშხუ̂ ზაუნღო
Line of edition: 7 ჭყინტგეზალ ხეთხა̄̈ნხ. სემი ზა̈ჲ ქა̄ჩა̈დ. ხოღელდა ჩიგარ ღოჟმა̄რე
Line of edition: 8 მიჩა ხეხუ̂ს: "ლამუართე ლი̄ზის როქუ̂ იშგუ̂მინნე" ი დე̄სა იშგუ̂მინ.
Line of edition: 9 ეჩქა ხა̄̈ქუ̂ მიჩა ჭა̈შდ:

Line of edition: 10 ისგუ̂ეჲს ხეხლი სი უჯა̈რცახა̈ნ ი ალჩედდ ისგუ̂ა ლამუარა̈ლთე
Line of edition: 11 ი ხოჩა გუ̂ი ლა̈ხდო̄ლახ ათხე.

Line of edition: 12 ეჯჲა̈რს ეჯჟი ჰაუ̂ ხუ̂ა̈ჟრინა̄̈ნ, უ̂იჯთექა დემ ამგენი̄სხ (\\ [უ̂იჯს
Line of edition: 13 დე̄მა] ამყა̈უ̂ნი̄სხ).
Line of edition: 14 -- ეჩი̄ სერდე ნო̄მა ჯა̄რ ი ლϩჩედდ!

Line of edition: 15 ა̈ნმა̄რა̄̈ნხ ი აჩა̈დხ. სგა ლახა̄გა̄̈ნხ მიჩა ლა̈მთილა̈რს ი ქა̄̈ნსგიდა
Line of edition: 16 დი̄ნა̄̈ დი, გეზალ ჩუ̂ათირ მიჩა ი ჩი̄ჟე -- მა̄მა. ხა̄̈ქუ̂ დი̄ნად:
Line of edition: 17 -- იმ ხოსგდი დედე, ალა ლი მიშგუ ჭა̈შ.
Line of edition: 18 -- ალა როქუ̂ იმხა̈ნ ი̄რა, მიჩა ჭა̈შ როქუ̂ უ̂იჯ ლϩმა̄̈რ?!
Line of edition: 19 -- ეჩქა უ̂იჯ ლა̈სუ̂, მარე ათხე მა̄რე ლი პა̈ტიოსა̈ნ.

Line of edition: 20 ა̈დხი̄დეხ მე̄უ̂არ უშხუ̂ა̄რე ლიწედ ი ქორთ' ა̄ჩა̈დხ. ქორს ლა̈ხიადა̄ლ
Line of edition: 21 ჩუ̂ემინხ ი აშხუ̂ თუ̂ეს დემთე აფიშუ̂დხ. ი ხოშა ლაუ̂დილას ათხე
Line of edition: 22 ხახა̈რბხ ჭა̈შ ამნა̈რ, ხოხუ̂რა უდილდ, ი აჭკუ̂ა̈რიხ ხოხუ̂რა უდლა̈
Line of edition: 23 ლიღლა̈ტის. ეშხუ ხედრა მინ ხონჴრიხ ხეხუ̂დ. ჟა̈ნმეჴრე ალა ხოხუ̂რა
Line of edition: 24 უდილდ ი ა̈დϩნჩქარე ა̈გითე ი საჩქუ̂ა̈რ ლახუ̂ე̄მხ მიჩა დიდ ი მუდ.
Line of edition: 25 აჩა̈დხ ა̈გითე ჯა̄-ჲ მიჩა ჭა̈შ ი გეზალ შუ̂იდებიანდ. ეჩე ხოჩა ლირდე-ლიზგე
Line of edition: 26 ა̈დჴიდხ.

Line of edition: 27 ჭირ ეჩეუ̂ ა̈გუ̂ცუ̂ი̄რა, ხინ ამეჩუ̄ნ, შაქა̈რი ამეჩუ. ნა̈ჲ ხოჩა ლირდეუ̂
Line of edition: 28 ა̈გუ̂ჴი̄და ი ლϩმზϩრე̄უ̂ ლიშდ მა̈გ საერთოდ.

Добавлено (2006-12-20, 6:07 Pm)
---------------------------------------------
Part No. 85

Text: 92
Page of edition: 162
Line of edition: 29
92. თა̈უ̂ირ კე̄სა̈რ

Line of edition: 30 არდა ეშხუ თა̈უ̂ირ კე̄სა̈რ, ხორდა სემი ჭყინტგეზალ. აშხუ̂ინ
Line of edition: 31 ხა̄̈ქუ̂ინ ალ კე̄სა̈რდ: "ჰე̄, მიშგუ გეზლი̄რ, ერუ̂ა̄̈ჲ მოშ მიშგუ̂ა თე̄რლე
Line of edition: 32 ჟაგა̈რს ა̈მთიმნედ, უ̂ეშგინპილს ეჩას ეჯსედნიხ ლიმხოშ".

Line of edition: 33 ა̈ნმა̄რა̄̈ნ ხოშა მუხუ̂ბე ი აშირ მუქუ̂ეითი ლა̈ჲჴერნე აფხნეგდ ი
Line of edition: 34 აშირ მϩჩა̄̈ჟი. ესღრიხ, ესღრიხ ი აშხუ̂ ა̈გის აშხუ̂ ლიცს ა̈თლაკხ ი
Line of edition: 35 ჟი ა̈ნშუ̂ემხ ამეჩუ̄ნ. ა̈ნგუ̂ეშხ ალ ლიც კო̄ბშუ̂ ი უ̂ერცხლდ ესსიპდა;
Page of edition: 163 Line of edition: 1 ანგუ̂ეშხ აჯაღϩდ ი აჯაღ უ̂ერცხლდϩდ ესსიპდა. უ̂ოშუ̂ა̄̈ჲდინ ა̈ნგუ̂ეშხ,
Line of edition: 2 ეჩშელდინ უ̂ერცხლდ ესსიპდა. -- ე̄, ალა მო̄დე ი̄რა მიშგუ̂ა ბაბა̄̈ თე̄რლე
Line of edition: 3 ჟაგა̈რ, ჲაღო, სერ მა̈ჲ ი̄რა? -- ლა̄̈ქუ̂ინ კე̄სრი გეზალდ. ჟი ა̈ნგუ̂ეშხ ალა
Line of edition: 4 ი ა̈გითე ოხჴიდხ კე̄სა̈რს. ა̈გითე ანჴა̈დხ ი ქო̄ხო̄ნბუ̂ეხ კე̄სა̈რს, იმუ̂ა̄̈ჲ
Line of edition: 5 ლი ლიცი ლაგუ̂ა̈ბ.
Line of edition: 6 -- ატკϩდ, საბლუ, ალა ჰამა ი̄რა მიშგუ̂ა თე̄რლე ჟაგა̈რ: მი ლახე
Line of edition: 7 ტა̈ნი ლიბა̈რ მეკუ̂ა̈დ, ალ ლიცშუ̂ გარ ხუ̂იბრა̄ლდა̈ს.

Line of edition: 8 ა̈ნმა̄რა̄̈ნ ათხე მანე̄სგრე მუხუ̂ბე ი აშირ მϩჩა̄̈ჟი ლა̈ჲჴერნე ი აშირ
Line of edition: 9 მუქუ̂ეითი. ესღრიხ, ესღრიხ ი აშხუ̂ ა̈გის ეჯზუმ ბალეს ა̈თლაკხ, ერე
Line of edition: 10 აშირ მϩჩა̄̈ჟი ი აშირ მუქუ̂ეითი მა̈გ ჩუ̂ადლაფრე.

Line of edition: 11 ალა მო̄დე ი̄რა მიშგუ̂ა ბაბა̄̈ თე̄რლე ჟაგა̈რ, ჲაღო, სერ მა̈ჲ
Line of edition: 12 ი̄რა? -- ლა̄̈ქუ̂ინ კე̄სრი გეზალდ, ჟი ა̈ნკიდხ ალა ი ა̈გითე ოხჴიდხ კე̄სა̈რს.
Line of edition: 13 კე̄სა̈რდ ხა̄̈ქუ̂ინ:
Line of edition: 14 -- და̈რჟი̄ნ ლამϩნჩა̈ლდ ი ჰა̄უ̂და̈რჟი̄ნ ლასი̄მდ ალ ბალე გარ მუღუ̂ა̄̈ნდა ი
Line of edition: 15 ალა ჰამა ი̄რა მიშგუ̂ა თე̄რლე ჟაგა̈რ?

Line of edition: 16 აშხუ̂ მეთერდ ლა̄̈ქუ̂ინ:
Line of edition: 17 -- იმნა̈რ ა̈ჭი̄რუნი ალა̄, კე̄სა̈რ, მიჩა გეზლი̄რს? მიჩ ერ აშხუ̂ მინდუ̂ერისგა
Line of edition: 18 ჩეი̄ ქორ ხო̄გ ი ეჩეისგა რა̈შ ხო̄ბ, ეჩი̄ შდϩმისგ' ე̄რ შდაუ̂ლა̄̈დ
Line of edition: 19 ა̈რი, ეჯა ლი მიჩა თე̄რლე ჟაგა̈რ ი ჯა აშ ცუ̂იდდ ა̈ჭი̄რე მიჩა
Line of edition: 20 გეზლი̄რს.

Line of edition: 21 ალ გა̈რგლა ჟი ა̈ნჰურნე ხოხუ̂რა̄მ გეზალდ კე̄სრიშ ი აფხნეგი̄
Line of edition: 22 და̄̈რ ლა̄ჲჴერნე, ეჯჟი̄ნ აჩა̈დ ჯა გარ აფხნეგურ. ესღრი, ესღრი ი
Line of edition: 23 აშხუ̂ ა̈გის მინდუ̂ერისგა ჟი ა̈თლაკ ჩეი̄ ქორს. ალ ქორს ერ სგა ლა̈ხფედილა̄̈ნ,
Line of edition: 24 რა̈შდ ქუ̂ინ იყერ ი ეჯჟი̄ნ ჩუ̂აჴიდ იშდუ̂ა̈რშუ̂ ალა̄, ჩეი̄
Line of edition: 25 ქორ, ეჯჟი̄ნ, ერე ჩუ̂ადქϩნთრინე ეშ. სგა̄ჩა̈დ ალა̄, კე̄სრი გეზალ, ი
Line of edition: 26 ჟი ლახსგურდა.
Line of edition: 27 -- სი ჭყინტϩლდ, ჩუ̂ამექხ, ადო ჟიბაუ̂ ჯა̈ხპე. -- ჩუქუ̂ა̄ნ ლა̈ჯტეხნი.
Line of edition: 28 -- ლეჟა̄უ̂ ჯა̈ხპე. -- ლექუ̂ა̄̈ნ ლა̈ჯტეხნი. -- ლექუ̂ა̄უ̂ ჯა̈ხპე. -- ლეჟა̄̈ნ
Line of edition: 29 ლა̈ჯტეხნი.

Line of edition: 30 ჩი̄თე ადკუ̂ა̈რ ი ჩი̄ხა̈ნ ლა̈ხტა̈ხ. "ლϩკჩეუ̂ ლი მიშგუ ლირდე, იმუ̂ა̄̈ჲ

Добавлено (2006-12-20, 6:07 Pm)
---------------------------------------------
მიშგუ̂ა ფუსდ კე̄სა̈რს ისგუ̂ათა̄ნ გეზალ ჩუ ხორი მიშგუ̂ა მϩჴმა̈რიდ!
Line of edition: 32 ჲაღო, ათხე მიშგუ̂ა შდϩმისგა შდაუ̂ლა̄̈დ ა̈რი, ეჯა ქა̄̈ხიკ ი ისგუ̂ა ბაბას
Line of edition: 33 ოთოჴ ი ეჩი̄ თე̄რლე ჟაგა̈რ ალა ლი." ა̄მნე̄მ ქა̄̈ნკიდ რა̈ში
Line of edition: 34 შდϩმხენქა შდაუ̂ალ, ადჲე ა̈გითე ი ლახჭემ თე̄რა̈ლქა კე̄სა̈რს ი შიშდ
Line of edition: 35 ქა ა̈ხფხϩრϩ̄ლა̄̈ნხ თე̄რა̈ლ. ალ კე̄სა̈რ ლეგდ ა̈დϩრდა ი ლაქუ̄ნაუ̂ა̄ლჟი̄ნ
Line of edition: 36 ადშგურა̄ნე მიჩა გეზლი̄რ: "მიჩა ლϩდგა̈რუნღო̄ნ ესერ მიჩა საფლა̈უ̂
Page of edition: 164 Line of edition: 1 ჟი̄უ̂ ა̈ნყა̈რუ̂ლეხ სამ ლე̄თ". ჩუ̂ადგან ალა̄, კე̄სა̈რ, ი ჩუ̂აშდიღუ̂ხ. ეჯ
Line of edition: 2 ლე̄თ ხა̄̈ქუ̂ინ მიჩა ლახუ̂ბას კე̄სრი ხოხუ̂რა̄მ გეზალდ:
Line of edition: 3 -- მიშგუ ლახუ̂ბა, გუ̂იშგუ̂ეჲ მუდ მა̄̈ჲ ოგუ̂შგურა̄ნე ლიჩოდ მა
Line of edition: 4 ეჩას?
Line of edition: 5 -- სი ჰე ჯაკუჩ, ჟი ა̈ხყა̈რუ̈ლ ი ნა̈ჲ მა̄მა ხუ̂ა̈ყრულედ, ნაჲ ნიშგუ̂ეჲ
Line of edition: 6 ლა̈ხხუ̂აცახა̈ნ ლიყუ̂ნა̄̈ლ ნიცხა. -- ხა̄̈ქუ̂ინხ ხოშა̄მ ლახუ̂ბად.
Line of edition: 7 -- ო̄, ჲაღო, მი მიშგუ̂ა მა̈ხუ̂იაჟი̄ნი̄ მემჭირი ლიყრულე, მა̄̈ღენუ̂ა̄̈ჲ
Line of edition: 8 ბა̄ზი მა ოდერ ლა̈ყრულათე.

Line of edition: 9 ალჲა̈რ მა̈გ ლაყუ̂რა̄̈ლთე აჩა̈დხ ი ხოხუ̂რა მუხუ̂ბე უქბოშ მიჩა მუე̄
Line of edition: 10 საფლა̈უ̂ ლა̈ყრულათე აჩა̈დ. ისგლა̄თუ̂ ა̈რი ალა საფლა̈უ̂ჟი̄ნ, ხა̈ყრულე
Line of edition: 11 ი ისგლე̄თი ონაქა ანჴა̈დ საფლა̈უ̂თეჟი̄ნ თუ̂ეთნე რა̈შ ი ეჯჟი̄ნ
Line of edition: 12 ჩუ̂ა̈დგუ̂ა̄̈ნე, ერე გიმს ი მეგა̈მს -- ჩი̄ს ქიმ ოხწურე. ლიგუ̂ა̄̈ნე ერ ქა
Line of edition: 13 ადსურლე რა̈შდ, ეჩქა ჟი ლა̈ხკუ̂ა̈ფხ ალა̄, კე̄სრი გეზალ.
Line of edition: 14 -- სი ჭყინტϩლდ, ჩუ̂ამექხ, ადო ჟიბაუ̂ ჯა̈ხპე. -- ჩუქუ̂ა̄ნ ლა̈ჯტეხნი.
Line of edition: 15 -- ჩუბაუ̂ ჯა̈ხპე. -- ჟიქა̄ნ ლა̈ჯტეხნი.
Line of edition: 16 -- ლეჟა̄უ̂ ჯა̈ხპე. -- ლექუ̂ა̄̈ნ ლა̈ჯტეხნი.

Line of edition: 17 ლექუ̂ა̄უ̂ ჯა̈ხპე -- ლეჟა̄̈ნ ლა̈ჯტეხნი.

Line of edition: 18 ჩი̄თე ადკუ̂ა̈რ ი ჩი̄ხენ ლა̈ხტა̈ხ. ო̄, ლϩკჩე̄უ̂ ლი მიშგუ ლირდე,
Line of edition: 19 იმუ̂ა̄̈ჲ მიშგუ̂ა ფუსდ კე̄სა̈რს ამთა̄ნ გეზალ ჩოთესდ, ერე მიშგუ̂ა
Line of edition: 20 მϩჴმა̈რიდ ჩუ ჯაყა. ათხე ძუო̄ლ ამაშგბ ქა ი, შომუ̂ა̄̈ჲ მა ეჯწϩხϩნდე̄დს,
Line of edition: 21 ეჩქა ქა̄ღერ თუ̂ეთნა̄მ ზუგუ̂თექა, ძუა ჟი ახტუ̂ი̄ს ი მიშგუ ჟახე ლე̄ქა:
Line of edition: 22 ე, რა̈შ, სი[ი] მეწდ ი ისგუ ნამნაყუნი̄ მაწუ̂ე̄ნ!" ამნე̄მ ქა̄ხშგიბ ძუა ი
Line of edition: 23 ჩუ̂ა̈დშხუ̂ინ.

Line of edition: 24 მე̄რმა ლე̄თ ჩუ ჰა̄ლ ა̈დბურა̄̈ნ, აჯაღ ხა̄̈ქუ̂ინ მიჩა ლახუ̂ბას: -- მიშგუ
Line of edition: 25 ლახუ̂ბა, ბა̄ზი და̄̈რ ლϩღრიდა გუ̂იშგუ̂ეჲ მუე̄ საფლა̈უ̂ ლა̈ყრულათე?
Line of edition: 26 -- ნა̈ჲ და̄̈რ, ლი̄რე, ლი̄ზი, ნა̈ჲ ნიშგუ̂ეჲ ლა̈ხხუ̂აცახა̈ნ ლიყუ̂ნა̄̈ლ ნიცხა,
Line of edition: 27 ადო საფლა̈უ̂ ლა̈ყრულათე დე̄მის ღურიდ.
Line of edition: 28 -- ო̄, ჲაღო, მი მიშგუ̂ა მა̈ხუ̂იაჟი̄ნი̄ მემჭირი, მა̄̈ღენუ̂ა̄̈ჲ ბა̄ზი მა
Line of edition: 29 ოდერ.

Line of edition: 30 მა̈გ ლაყუ̂რა̄̈ლთე აჩა̈დხ ი ხოხუ̂რა მუხუ̂ბე უქბოშ საფლა̈უ̂ ლა̈ყრულათე̄დ
Line of edition: 31 აჩა̈დ. ისგლა̄თუ̂ ა̈ყრულა ი ისგლე̄თჟი̄ნ ანჴა̈დ საფლა̄უ̂თეჟი̄ნ
Line of edition: 32 წϩრნი რა̈შ ი ეჯჟი ჩუ̂ა̈დგუ̂ა̄̈ნე კე̄სა̈რ, ეჯჟი̄ნ, ერე ბაჩს ი მეგა̈მს
Line of edition: 33 -- ჩი̄ს ქიმ ოხწურე. ქა ჰა̄ლ ლაჲსურლე ლიგუ̂ა̄̈ნე, შიშდ ჟი ლა̈ხკუ̂ა̈ფხ
Line of edition: 34 ალა̄, კე̄სრი გეზალ. ალ რა̈შდი̄ ეჯჟი̄ნ ხაყერ-ეм, იმუ̂ა̄̈ჲჟი̄ნ თუ̂ეთნე
Line of edition: 35 რა̈შდ ხაყერ, მარე ჩი̄ხენ ლა̈ხტა̈ხ "ო̄, ლϩკჩე̄უ̂ ლი მიშგუ ლირდე,
Line of edition: 36 იმუ̂ა̄̈ჲ მიშგუ̂ა ფუსდ კე̄სა̈რს ამთა̄ნ გეზალ ჩოთესდ, ერე მიშგუ̂ა მϩჴმა̈რიდ [ჩუ] ჯაყა.

Добавлено (2006-12-20, 6:08 Pm)
---------------------------------------------
ათხე ძუო̄ლ ამაშგბ ი, შომუ̂ა̄̈ჲ ლადეღ თϩმი ჯა̄დე̄დს,
Line of edition: 38 ეჯ ლადეღ ქა̄ღერ წϩრნი ზუგუ̂თექა, ჟ'ახტუ̂ი̄ს ალა̄, ძუა, ი მიშგუ
Page of edition: 165 Line of edition: 1 ჟახე ახϩრშუ̂ნ: წϩრნი რა̈შ, სი[ი] მეწდ ი ისგუ ნამნაყუნი̄ მაწუ̂ენ!" ამნე̄მ
Line of edition: 2 ქა̄ხკიჩ ძუა ი ჩუ̂ა̈დშხუ̂ინ.

Line of edition: 3 მე̄სმა ლე̄თ აჯაღ ხა̄̈ქუ̂ინ მიჩა ლახუ̂ბას:
Line of edition: 4 -- ბა̄ზიი და̄̈რ ლϩღრიდა, მიშგუ ლახუ̂ბა ლა̈ყრულათე?
Line of edition: 5 -- და̄̈რ ნა̈ჲ. -- ხა̄̈ქუ̂ინხ მიჩა ხოშა̄მ ლახუ̂ბად. ალა̄, ხოხუ̂რა მუხუ̂ბე,
Line of edition: 6 ქა̄დ აჩა̈დ ლა̈ყრულათე. ისგლა̄თუ̂ ა̈ყრულა ი ისგლე̄თჟი̄ნ ანჴა̈დ მეშხე
Line of edition: 7 რა̈შ ი ეჯჟი̄ნ ჩუ̂ა̈დგუ̂ა̄̈ნე, ეჯჟი̄ნ, ერე ბა̈ჩს ი მეგა̈მს -- ჩი̄ს ქიმ ახკუ̂არუ̂ნე.
Line of edition: 8 ლიგუ̂ა̄̈ნე ქა̄დსურლე რა̈შდ, ეჩქა ჟი̄დ ლა̈ხკუ̂ა̈ფხ კე̄სრი გეზალ.
Line of edition: 9 -- სი ჭყინტϩლდ, ჩუ̂ამექხ, ადო ჟიბაუ̂ ჯა̈ხპე. -- ჩუქუ̂ა̄ნ ლა̈ჯტეხნი.
Line of edition: 10 -- ჩუბაუ̂ ჯა̈ხპე. -- ჟიქა̄ნ ლა̈ჯტეხნი.
Line of edition: 11 -- ლეჟა̄უ̂ ჯა̈ხპე. -- ლექუ̂ა̄̈ნ ლა̈ჯტეხნი.
Line of edition: 12 -- ლექუ̂ა̄უ̂ ჯა̈ხპე. -- ლეჟა̄̈ნ ლა̈ჯტეხნი.

Line of edition: 13 ჩი̄თე ადკუ̂ა̈რ ი ჩი̄ხენ ლა̈ხტა̈ხ. "ა̄, ლϩკჩე̄უ̂ ლი მიშგუ ბედ, იმუ̂ა̄̈ჲ
Line of edition: 14 მიშგუ̂ა მახუ̂შის ამთა̄ნ გეზალ ჩოთესდ, ერე მიშგუ̂ა მϩჴმა̈რიდ ჩუ
Line of edition: 15 ჯაყა. ათხე ძუო̄ლ ამაკჩ ი, შომუ̂ა̄̈ჲ ე̄სამა ეჯწϩხϩნდე̄დს, ეჩქა ქა̄ღე
Line of edition: 16 მეშხა̄მ ზუგუ̂თექა, ჟ'ახტუ̂ი̄ს ძუო̄ლ ი მიშგუ ჟახე ახϩრშუ̂ნ". ამნე̄მ ქა̄ხკიჩ
Line of edition: 17 ძუა ი ჩუ̂ა̈დშხუ̂ინ.

Line of edition: 18 აშხუ̂ ლე̄თ ესუ̂ა̈დ: "ათხე̄უ̂ ესერ ჲა̈რდ ესგენე მიჟს უწდუნა ი გიმს
Line of edition: 19 უთლუნა კე̄სრი ნანუ̄ლცახა̈ნ!" ანϩგა̄̈ნ ალა &