|
|
|
 |
| Svanskiye prozaicheskie texti |
|
Мужчина |
Date: Среда, 2006-09-06, 5:15 PM | Message # 1 |
Group: Модераторы
Posts: 990
Status:Offline
Дата регистрации:
2006-08-29 |
Line of edition: 1
1. თათრიანობ ი ჯუ̂ინელ მურყუ̂მა̈ლ Line of edition: 2 ჯუ̂ინელ დრეუ̂ს ესნა̈რ თათრა̈ლ მე̄უ̂არ ლჷმჴა̈დუ̈ნხ შუ̂ა̈ნთე ი ერუ̂ა̈̄ჲ
Line of edition: 3 წინა̄ღმდეგობს ხა̈ბნინა ი ლიცუ̂ა̈̄ლს ხა̈ჩუ̂მინა, ეჯჲა̈რს ჩი̄ ხოლა̄მ
Line of edition: 4 გარ ხა̈ჩუ̂მინახ თათრა̈ლ. ამკა̈ლიბ თათრალე ლიჴედს შუ̂ა̈ნთე ი მუშუ̂ა̈ნ
Line of edition: 5 მა̄რე̄მი ხოლე̄მი ლიყრინეს თათრიანობს ხუ̂აყლედ შუ̂ანა̈რ. Line of edition: 6 აშხუ̂ ჩიქქა ა̈მჴედხ თათრა̈ლ ი ხუ̂ა̈ჲ მა̄რე ოთჷრმახ მუშუ̂ა̈ნ. ეშხუ
Line of edition: 7 მა̄რე, მჷლხირ, სგა ლოხცუ̂ი̄რახ მურყუ̂ამთე. მა̄დ ა̈მჴედ ქა მურყუ̂ამხა̈ნქა
Line of edition: 8 ი ხაცუ̂ა̄ლა ეჩხა̈ნქა თათრა̈ლს. თათრა̈ლ ა̈მჴედე̄ლიხ ი მურყუ̂ამდ
Line of edition: 9 ჩუქუ̂ა̄ნისგა ლაღუმ ლოხდახ, ეჯღა ერე "ჟ' ესერ ა̈ნუნჴუ̂ი მურყუ̂ამ ი
Line of edition: 10 მა̄რე ესერ ჩუ ა̈დდაგრი". [ალ] მა̄რა მურყუ̂ამს ეშხუ ხაბნა̈̄ გუ̂ა̈რე
Line of edition: 11 ხაღუ̂ე̄ნა; ჩუ ოთფი̄ტა გუ̂ა̈რად ნე̄სგაჩუ, ჩოთქუ̂იჭა ეჩლექუ̂ა ჭჷშხა̈რ ი
Line of edition: 12 ტა̈ნ ლა̈ღლიაშა̈რმჷყ, ტოტა̈რ ჟიბოუ̂ ლოხცუ̂ი̄რა მეფტან ი მეპო̈̄რი
Line of edition: 13 გუ̂ა̈რდ ქა̄ლპო̈̄რლი მურყუ̂ამხა̈ნქა ი ეზა̈რ ჯო̈̄დიად ა̈მპერე̄ლი. ამჩუ
Line of edition: 14 ჩუ̂ათჩედა თათრა̈ლს, ჟ' ა̈მჩედ ჩხე̄ლა̈შდ. ჩხე̄ლა̈შ აჯაღ ლჷმა̈რდხ თათრა̈ლ
Line of edition: 15 ი ლოხთჷრა მა̄რა, ერე ხა̈დურდ ჩუ დეშ ხა̈ჩდა̈ნუ̂ნა ი სგა ლახჩჷ̄და
Line of edition: 16 თათრა̈ლს, მუგუ̂დაჲ მინე ა̈რთქუ̂ილ ლა̈სუ̂. თათრა̈ლს აჯაღ ხონჴერხ
Line of edition: 17 შუ̂ანა̈რ, ლახრა̈ლ ი იშგნა̈̄გხა̈ნ ნა̈ჴიდუ̂ მა̄რა̈̄ლ. Line of edition: 18 ალ მა̄რა ხო̄ქუ̂ა აშხუ̂ მჷლხირდ, ერე "სგაუ̂ ესერ ა̈ხჩჷ̄დხ ალჲა̈რს
Line of edition: 19 ხანჯრალშუ̂ ი ჟიუ̂ ესერ ანხუ̂იტხ" [მარე] ეჩას დეშ ოთბა̈დუ̂ა ი ჯა გარ
Line of edition: 20 სგა̄ხჩჷ̄და თათრა̈ლს ხანჯარშუ̂ ი უ̂ოხუ̂იშდ ჩოთდაგრა. ეჩუნღო ღალ
Line of edition: 21 ჯაჲ ჩოთდაგრახ. Line of edition: 22 ეჯ მურყუ̂ამ-ეм, ხედუ̂ა̈̄ჲსგა სგა ლა̈ხსა̈დ მა̄რე ი თათრა̈ლდ ლაღუმ
Line of edition: 23 ოხდეხ, ლა̈დი̄ ჩუ ლჷგ ლახრი ლექუ̂ა̈̄ პილს, შუკუნ ჟიბოუ̂, სარაგ
Line of edition: 24 ჟიქა̄ნ, ი ნე̄სგაჩუ ჩუ მეყუ̂ლე ლი. Line of edition: 25 თათრიანობ და̈̄ს ხაშყიდ (\\ და̈̄ს ხამგჷნა) ათხე, მარე ალა [ეშ] ჩუ
Line of edition: 26 ხასმა ჩი̄ მინე-მინე ხოშა̈̄ლხა̈ნქა, ერე ჯუ̂ინალდ შუ̂ა̈ნს მე̄უ̂არ მაყალ
Line of edition: 27 ხა̄რა თათრალეშ. ამი̄ მჷმტკიცა̈̄უ̂ი ხუ̂ა̈ჲ ა̈რი შუ̂ა̈ნისგა, ამბაუ̂შუ̂ი ხუ̂ა̈ჲ
Line of edition: 28 ა̈რი ი ჯუ̂ინელ ნამსა̈დშუ̂ი̄. ჯუ̂ინელ ნამსა̈დშუ̂ ა̈რი ეჯა, ერე ხუ̂ა̈ჲ
Line of edition: 29 მურყუ̂ამ ლჷგ ჩია̈̄გ, კოჯა̈რჟი ი იშგნა̈̄გ ლაბჷგ ა̈გის, მარე მურყუ̂მა̈ლ
Line of edition: 30 ჰა̈დუ̈რ ძუ̂ირდ გარ ლჷგხ: ჲერხი მერღუ̂ე ი ჲერხი ური̄ღუ̂ა ლი. ლახრი Добавлено (2006-09-06, 5:11 Pm)
---------------------------------------------
ფე̄დიას ლჷგხ ამკა̈ლიბ მურყუ̂მა̈ლ ჲერუ. Line of edition: 32 ეშხუ ლჷგ ჴე̄რში კოჯჟი. ალ კოჯ ძღჷდ კჷ̄ლთხი ლი; ჩუქუ̂ა̄ნჟი
Line of edition: 33 ხა̈დურდ მა̄მ ლი ლა̄ზ. ლახ ლა̈ხსგიდნი, ქა შა̄ლ ჯალფარა კოჯ,
Line of edition: 34 ეჯჟი კჷ̄ლთხი ლი. ჟიქა̄ნჩუ ძღჷდ ჯუ̂ე̄დიანეშ ლახ ა̈ხჭემნი, ჩუ ა̈ნჴდენი
Page of edition: 2 Line of edition: 1 უმუ̂ა̄ლაჟი. მურყუ̂ამისგა ათხეი ჩუ ა̈რი ეშხუ ჯუ̂ინელ ბანდრი̄ლ.
Line of edition: 2 ბანდა̈რ ჩუ ლჷკჷრტჷნე ლი. ჲერხი ყჷლეხ, ერე "ლჷკჷრტჷნე ესერ
Line of edition: 3 ცხუ̂იარე ნა̈ყირ ლი." მურყუ̂ამს ლესგა̈რხა̈ნ სგა ხა̈ჩხინახ ცხუ̂ია̈რ. ეჯა
Line of edition: 4 ჰა̈დურდ ჰა̈დუ̈რ ლი. ლჷყა̄რჷნქა დე̄სამა ხაკლი. Line of edition: 5 მე̄რმე მურყუ̂ამ ლჷგ ჩხე̄ლა̈შ ჟიქა̄ნ ლაბგ' ა̈̄გის, კჷ̄ლთხი ა̈დგილჟი.
Line of edition: 6 ალა ისგთეჩუ ჩუ მერღუ̂ე ლი. Line of edition: 7 მესმე აჯაღ ჟა̄მშუ̂ი ფე̄დიას [ლჷგ], კოჯისგა. ამე, სგა̈̄ნჩუ, დე̄სა მიჩდა,
Line of edition: 8 ქა̄მენჩუ გარ მიწუ̂ა: ჩუ მერღუ̂ე ლი, კოტო̄ლ გარ ცუ̂ირ. Line of edition: 9 (მულახი) Добавлено (2006-09-06, 5:12 Pm)
---------------------------------------------
2. თათრარე ლიჴედ შუ̂ა̈ნთე Line of edition: 11 აშხუ̂ჟი̄ნ თათრა̈რ ა̈მჴედე̄ლიხ შუ̂ა̈ნთე ლაჴუ̂მა̈რ ლატფუ̄რათე.
Line of edition: 12 ჭუბე̄რთე სგა̈̄მჴედხ. ეჩეჩუ̄ნ ესხუ̂იე̄ნახ შუ̂ანა̈რ ი ხუ̂ა̈ჲ ოხხუ̂ი̄ტახ: ეჯჲარე
Line of edition: 13 ზისხუ̂შ გიმ ჩუ̂ალწჷრნე̄ლი. ათხე̄ჲ ლიხ აშხუ̂ ა̈გის ბაჩა̈რ ლჷწრანე. ეჯ
Line of edition: 14 ა̈დგილს თურქუ̂რე ნა̈ხუ̂იტს ხაყლეხ. ეჩხა̈ნ ლეჟა ლეჟ ა̈̄მჴედხ ლახმჷლდდ
Line of edition: 15 ი ხუ̂ა̈ჲ ლაჴუ̂ა̈მ ოთტუფუ̄რახ. Line of edition: 16 ლახმჷლდს ესნა̈რ მჷმჟა̈̄ლ თა̈თაუ̂ ბუტიშ' ა̈̄რი, ხეწა̈დ თათრა̈რს,
Line of edition: 17 ანჴა̈დ ლეჟა მჷლახთე ი სოფელ ჩუ̂ადბა̈ჟნე. მჷლახდ ლეჟ' ა̄ნჴა̈დხ
Line of edition: 18 თათრა̈რ ი უღუ̂ირ ზაგა̈რ ჩუ̂ა̈დსადგუ̂მა̈̄ნხ. ა̈ხცხა̈პხ ესნა̈რ ქა მჷლხა̈რ
Line of edition: 19 ი ხუ̂ა̈ჲ ანხუ̂იტხ, მინე მათხუ̂მი ხუ̂ანთქარ ჩუ̂ადგა̈რხ. ეჩი̄ ფაყუ̂ ათხე̄ჲ
Line of edition: 20 ჩუ̂ა̈რი ჭო̄ლში ბარბალისგა. ფაყუ̂ ძღჷდ ლი, წუ̂ი̄მიშ.
Line of edition: 21 ალ ლა̈შია̄ლჟი̄ნ ესნა̈რ ლა̈ხჴუ̂ა̈სგ თა̈თაუ̂ ბუტიშა ი ეშხუ ძაძრა
Line of edition: 22 ხატა̈რ ჟ'ოხკიდ თათრა̈რს. ეჩე̄სგა ლჷმა̈რდ აშირ უსგუ̂აჲეშდ ი უსგუ̂ა
Line of edition: 23 ხა̈ტ. ეჯჲა̈რ მჷჟა̄ლუ̂ა̈ მაცხუ̂ა̈̄რთე ადჲე ი ათხე̄ჲ ჩუ̂ა̈რიხ.
Line of edition: 24 მჷლხა̈რდ ესნა̈რ თათრა̈რ ქა̄დრა̈კლეხ ი ხუ̂ა̈ჲ ჟ'ანხუ̂იტხ. ეჩქას
Line of edition: 25 ლიშია̈̄ლ ცხუ̂ი-ცჷჴემადშუ̂ ლჷმა̈̄რ. Line of edition: 26 (ლენჯერი) Добавлено (2006-09-06, 5:12 Pm)
---------------------------------------------
Line of edition: 27
3. იმჟი ახწინე̄ნახ თათრა̈ლს კა̄ლა̈რ Line of edition: 28 თათრობ ლა̈სუ̂, შომუ̂ა̈̄ჲ ცჴუ̂ემა̈დ (\\ ცჷჴუ̂ემა̈დ) ხუღუ̂ა̈̄ნხ ლა̈შია̄ლდ.
Line of edition: 29 ეჩქა ლალხორა̈ გელუ̂ა̄ნა̈ გეზალ ჯა̈რს არდა, ლა̈შია̄ლს ხონჴერდა
Line of edition: 30 შუ̂ანა̈რს. ჩუ̂ადგა̈რხ თათრა̈ლდ ეჯა. ეჩის თა̈უ̂ირ მუ ხორდა, მეჩი
Line of edition: 31 მა̄რე. გეზლა̈ დაგრა ჩუ̂ა̈დკუ̂იჰ. შომუ̂ა̈̄ჲ თათრა̈ლ ანღჷრდახ (კა̄ლქა
Line of edition: 32 იეტიხდახ) ეჩქა გელუ̂ა̄ნდ ხე̄ქუ̂ მიჩა ხეხუ̂ს, მეჩი მა̄რემ: "ჲაღო, ჯ' ე̄სერ Line of edition: 33 დეშ იწუ̂ე̄ნე ჩუ ი დეშ ესერ ხომწუ̂ინე: ლა̈სგიდ ესერ მა̄მ ხა̄რ,
Page of edition: 3 Line of edition: 1 ი ჯა ესერ ჟ'ა̈ნბუ̄ცი ჴემა̈დს ი ეჯნემ ესერ ქა̄უ̂ ოთმეწუ̂ნე ხოჩა̄მდ".
Line of edition: 2 ახფიშუ̂დხ ჴემა̈დ, გუ̂ამა̈რისგა ხაჴიდ თათრი მახუ̂შის ი ჩუ̂ანკუ̂ა̈რ ჰუ̈ლხა̈ნჩუ. Line of edition: 3 ამეჩუ ლიშია̈̄ლ ლჷმა̈̄რ, ეჩქა ხა̈ლხ, სოფელ მა̈გ, ჟი̄ბ ლჷმა̈რდ ლა̈გურკამჷყ;
Line of edition: 4 ჴემადშუ̂ ხა̈შია̄ლახ თათრა̈ლს. თათრა̈ლს ჴემდა̈რ ხოჩა
Line of edition: 5 ხაღუ̂ე̄ნახ, მარე თათრა̈ლ იმუ̂ა̈̄ჲ ცხუუ̂ა̈რს ხა̈ფშუ̂დინახ ეჩხა̈ნისგა, ეჩას
Line of edition: 6 კა̄ლა̈რ ქა ხაჭკუ̂რინახ ი ეჩქა თათრალე ჴემდარეშდ მა̄მა ხაყე̄ნახ ეჯ
Line of edition: 7 ცხუუ̂ა̈რს ი ეჯნოშ ჟ'ახწინე̄ნახ თათრა̈ლს. ი ფე̄დიათე ლახ ლჷმჴა̈დუ̈ნხ,
Line of edition: 8 ეჩქა გურნა̈ლს ხატყცინახ შდულუ̂ა̈რხა̈ნქა ი ჟ'ახწინე̄ნახ თათრა̈ლს.
Line of edition: 9 დეშ ოთჴაცახ ჩუ: ჴე̄ საყდა̈რს, ბარბალხა̈ნქა, ჩოთტუფუ̄რახ
Line of edition: 10 ჲერუ ჯუ̂ა̈რ, სერ ეჩჷნქა დე̄სამა მოშ ოთჲახ თათრა̈ლს. Line of edition: 11 ნათთარუ̂ ჲურინ ლი შუ̂ა̈ნ, მარე ჟი დეშ ხა̈წნე̄ნახ შუ̂ანა̈რს, ჩიგარ
Line of edition: 12 ხოლა გუჟი ხა̄რახ ლი̄ზა̈̄ლ. Line of edition: 13 (კალა) Добавлено (2006-09-06, 5:12 Pm)
---------------------------------------------
Line of edition: 14
4. სა̈უ̂ჲარეშ ი შუ̂ანრე ლიჲმახუ̂ა̈̄ლ Line of edition: 15 აშხუ̂ ჩიქქა ჯუ̂ინალდ სა̈უ̂ჲა̈რს ი შუ̂ანა̈რს მე̄უ̂არ ლიცუ̂ა̈̄ლ ხა̄რახ.
Line of edition: 16 აშხუ̂ინ სა̈უ̂ია̈ ლაშგა̈რ ალმა̈̄ზ. ალა მჷლხა̈რს ჟ'ოხბაჟახ სგუ̂ებნაუ̂ ი
Line of edition: 17 ა̈მჩედხ ტუ̈ბე̄რთე. ტუ̈ბე̄რ შუ̂ანა̈რს ოთგახ ჲერუ ჴუ̂ილა ჟიბა̈ჲჩუჟი,
Line of edition: 18 ნე̄სგაჩუ ნახწუ̂იდ ლოხცუ̂ი̄რახ ა̈დგილ შუკუ̂ი გუ̂ა̈რდ, მინ ჟ'ა̈მჩედხ
Line of edition: 19 ჟიბოუ̂ (\\ ჟიბაუ̂), ეჩე ში̄რა̄ლე გუ̂ა̈რდ ოთფჷტჷ̄რახ ბაჩა̈რდ, ღო ეჯჲა̈რ
Line of edition: 20 მეგმა̈რდ ლოხსუ̂ახ ეჩხა̈ნ-ამხა̈ნ. ამკა̈ლიბ მეგმა̈რ ი ში̄რა̈̄ლ ფიშირ
Line of edition: 21 ანსყა̄ლეხ. სა̈უ̂ჲა̈რ ა̈მჴედხ, ქა̈̄მჴედხ შუკუ̂თექა, ჲარუ̂ ჭუ̂ა̈დ ნე̄სგათექა.
Line of edition: 22 ჩუბოუ̂ ესჭო̄ნახ ი თხუ̂იმ ხუ̂ილა̄ლე ჰოკერ ხორდახ ი კა̈ცხ-თხუმ, ეჩქა
Line of edition: 23 ქო̄ხგურნახ მეგმა̈რ ი ბაჩა̈რ. სა̈უ̂ჲა̈რს ნახწუ̂ი შუკუ̂ჩუ ქა ლახა̄სდხ
Line of edition: 24 მეგმა̈რ ი მა̈გ ჟ'ანხუ̂იტ სა̈უ̂ჲა̈რ: ჲერ ლჷცთე აშიდ, ჲერ იმთე ი
Line of edition: 25 ჲერ იმთე. ეჩუნღო სა̈უ̂ჲა̈რს ხოშა მაყალ ხა̄დხ შუ̂ანრეშ ი შუ̂ა̈ნთე
Line of edition: 26 ლიჴედს დეშ ა̈ბდა̈უ̂დახ. Line of edition: 27 ამჟი̄ნ ა̈მკედე̄ლი ლიჲმახუ̂ა̈̄ლ სა̈უ̂ჲარეშ შუ̂ა̈ნთე. Line of edition: 28 (მულახი) Добавлено (2006-09-06, 5:12 Pm)
---------------------------------------------
5. ჴალდე̄ ჴაცობ Line of edition: 30 ალა იმ ა̈ხფას: რუსა̈ლ ა̈მჴედე̄ლიხ. რუსი ჯა̈რ ბეჩუ̂ის ლჷმჷრდე̄ლიხ.
Line of edition: 31 ეჩქა ჴალდე̄შა̈რ, სემი მა̄რე, მთაუ̂რობთე ლჷჰერ ლჷმა̈̄რე̄ლიხ. Line of edition: 32 ეჩქა შუ̂ანა̈რს მა̄მა ხოცხა̈̄ნხ რუსლე ლიჴედ: რუსი ხელწიფ მა̄დ
Line of edition: 33 ხეკუ̂ა̈დხ ი დე იშგენ მახუ̂ში, მინე თხუმჷნქა. ეჩქა ჴეუ̂ობ ა̈ნსყა̈̄ნ ი
Page of edition: 4 Line of edition: 1 ბა̈̄ლ ზაგა̈რჷნ ლეჟა̈̄ შუ̂ანა̈რ მა̈გ აშხუ̂თე ლა̈სუ̂ხ ი ხეკუ̂ეს ერე რუსა̈ლ
Line of edition: 2 მო̄დ ა̈მჴედე̄ლესუ̂ხ შუ̂ა̈ნთე. ეჩქა ანჴა̈დხ ი ჟ'ა̈ნნა̈ზუ̂რა̈̄ნხ ი კა̄ლს
Line of edition: 3 ა̈ნყუ̂ა̄ბა̈̄ნხ ჟი. იმუ̂ა̈̄ჲჟი შუ̂ა̈ნისგა ლაჯრა̈უ̂ შა̈ლია̈̄ნი̄ ხა̈ტ ლა̈სუ̂, ამეჩუ
Line of edition: 4 ლალხორა̈ ნაკა̈რისგა შუ̂ა̈ნ ხა̈ტ ჩუქუ̂ა̄ნქა [აჩა̈დ]. აშხუ̂ხა̈ნ შა̈ლია̈̄ნი
Line of edition: 5 ხოსგუ̂ეჯდახ, მე̄რმახა̈ნ-სურ. ათხე შუ̂ა̈ნ უშხუ̂ა̄რ ლა̈ხნაბნა̈̄ნ, ერე
Line of edition: 6 უშხუ̂ა̄რე თხუ̂იმი უცუ̂რუნა ლჷმა̈̄რლესუ̂ხ ხინშუ̂ ი ჭირშუ̂. Line of edition: 7 ათხე რუსა̈ლდ ჩოთღორუ̂ეხ ჲერხი თხუ̂იმ მა̄რა̈̄ლს ი ჩუ̂ადყუჩუ̄რეხ
Line of edition: 8 შუ̂ა̈ნ. ალა ლა̈სუ̂ თენგიზ უ̂ოთარშა. ეჯნე̄მ ანსახთე (\ ანჴჷრჴე). Line of edition: 9 ათხე ჴალდე̄შა̈რ მახე ღუ̂აჟა̈რ ეზერ ლა̈სუ̂ხ, ადო ჲერუ̂ეშდ ი უ̂ოხუ̂იშდ
Line of edition: 10 მა̄რე გარ ლა̈სუ̂ხ მეშია̈̄ლ ი იმედი ხა̄დხ, ერე ხა̈ტს დე̄მ ა̈კუ̂შეხ
Line of edition: 11 მე̄რმე შუ̂ანა̈რ, "ადო ხა̈ტი ლიკუ̂შეს, მა̈ჲ დო ირა, თხუ̂იმ ეში̄ მა̄მ
Line of edition: 12 გუ̂აკუჩ ლჷჲა̈რ ამჟი". ჟ'ა̈ნბინეხ ლიშია̈̄ლ, სგა̄ჩა̈დხ ჴალდეთე. ეჩქა ჩხჷტა̈რ
Line of edition: 13 ოხშჷ̄დხ მურყუ̂ამხა̈ნჩუ ლა̈სჷნჯა̈უ̂ჟი. ეჩქა მა̈ჲორდ ესქაქნე (უკამანდრა)
Line of edition: 14 სალდათა̈რს. ეჯჲა̈რ ჟ'ესფხა̈ჟხ სოფელს, ი ჲერუ ზურალა̈̄რ
Line of edition: 15 [კუმში] ლა̈გნახა̈ნ ანტიხდახ, ი ეჯჲა̈რს ი სალდათა̈რს დაგრობ ოხჩჷ̄დხ
Line of edition: 16 გიმჟი ი ეჩქა მურყუ̂მა̈ლხა̈ნქა ოხბინეხ ლითოფ ი მესმე ნა̈̄თი
Line of edition: 17 დეშ აცუ̂ირხ ლჷია̈რ: ჲერხი თოფშუ̂ ადგანხ, ჲერხი ლაგუ̂რანუშ
Line of edition: 18 ესღჷრდახ, ჴალდე̄შა̈რს ხეღროუ̂ა̄ლდახ: ლაღუ̂თაუ̂შ თუ̂ეფი ნა̈ყირ ხა̄რა̈̄ნხ
Line of edition: 19 ი ქა იგუ̂რანო̄ლდახ დაბა̈რ ლექუ̂ა, მარე ქა შყედენდახ კოჯქა
Line of edition: 20 ი თუ̂ეფურ იდა̄უ̂შო̄ლდახ ჩუ. ჟ'ანჴჷრჴეხ ლე̄თშუ̂ რუსა̈ლდ მურყუ̂მალე
Line of edition: 21 ძირთე ლიჴუ̂ესგ ი ეჯა ჟ'ახბა̈ჟხ ჴალდე̄ ღუ̂აჟა̈რდ. "ლემესგს ესერ
Line of edition: 22 დე̄მ ხენხიხ, ეჩას ესერ ლიშია̈̄ლ ხოცხახ" ი ლე̄თშუ̂ ქა̄ნჴა̈დხ მურყუ̂ამხა̈ნქა,
Line of edition: 23 ქო̄ხჩა̈დხ ი რუსა̈ლდ გუ̂იანდ [გარ] ა̈ნბა̈ჟხ. ეჩქა ლითოფ
Line of edition: 24 ოხბინეხ ი ბა̈დრის ჰაგუ̂ს თუ̂ეფ ოხუ̂რა̈კ, ჟ'ესჭუ̂ე̄ნ. "ჲაღო, ჯ' ე̄სერ
Line of edition: 25 ჟი ხოჭუ̂ე̄ნი ი თხუ̂იმს ამეჩუ იწუ̂რი!" ი ეჩქა გეგი, მიჩა მუხუ̂ბე, მა̄დ
Line of edition: 26 ა̈თყუ̂ა̈ლ. ალჲა̈რ მეჩი მა̄რა̈̄ლ ლა̈სუ̂ხ. სგა̄ტა̈ხხ მურყუ̂ამთეისგა. Line of edition: 27 მე̄რმა ლადეღ რუსა̈ლ ქა̄ნჴა̈დხ ქა̈̄მთე. ლახე ჩუ̂ა̈დჯჷრუ̂ეხ, ერე
Line of edition: 28 ჴალდე̄შა̈რ მურყუ̂მა̈ლისგა დო̄რ ა̈რიხ, ხეწრა̄ლდახ ჴალდე̄შა̈რს. ეჩქა
Line of edition: 29 ახთოფეხ მურყუ̂ამხა̈ნქა ი ალ მეჩი მა̄რა̈̄ლდ უ̂ოხუ̂იშდ აფიცერ მა̈გ
Line of edition: 30 ჩუ̂ადგა̈რხ ი ჲერუ სალდათა̈რ ი მინი სგა̈̄თნახა̈̄ნხ.
Line of edition: 31 -- ო, ეზერდ ოთწორახ თხუ̂იმ! -- უ̂ოთარდ ხე̄ქუ̂, გალფხა̄ნშა,
Line of edition: 32 ხედუ̂ა̈̄ჲ ჯა̈რს ხონჴერდა. Line of edition: 33 (კალა) Добавлено (2006-09-06, 5:13 Pm)
---------------------------------------------
6. ჴალდე̄ ლიშია̈̄ლ Line of edition: 35 თელ შუ̂ა̈ნ ლჷმა̈რდ ეშხუ ამბა̈უ̂ჟი: უშხუ̂ა̄რ ლახღუ̂ერე̄ნახ. ამხა̈ნისგა
Line of edition: 36 რუ̈სი ჯა̈რ ა̈მჴედე̄ლი ჩო̄ლირდ, ეჩხა̈ნ შუ̂ანე მუთხუ̂მია̈რ ახჟოღუ̂ახ
Line of edition: 37 შუ̂ანე ჯა̈რს, ლეცხკე̄რას ლჷმგენ შუ̂ანე ჯა̈რ. შუ̂ანე ჯა̈რი მუთხუ̂მია̈რდ
Page of edition: 5 Line of edition: 1 ხოშგუ̂მინახ რუ̈სი ჯა̈რი მუთხუ̂მია̈რს: "ხაჰუ̂დიხ საჩქუ̂ა̈რს, შუ̂ა̈ნ ესერ
Line of edition: 2 თანახმადუ ანჴიდხ რუ̈სიშ. მინს ესერ საჩქუ̂ა̈რს ხაჰუ̂დიხ ხუ̂ა̈ჲს, ჩინს
Line of edition: 3 ი მინდა̈ლს ესერ". ათხე შუ̂ანე მუთხუ̂მია̈რ სგა̄ნჴა̈დხ რუ̈სი ჯა̈რთე̄ჲსგა.
Line of edition: 4 ხუ̂ა̈ჲ ნუკუ̂იშ ოთბაცეხ. ეჯჲა̈რ (შუ̂ანე მუთხუ̂მია̈რ) ქა̄ტა̈ხხ შუ̂ა̈ნთე,
Line of edition: 5 ჯა̈რ ჩუ̂აფხიჟხ. Line of edition: 6 ათხე რუ̈სი ჯა̈რ ქა̄ჩად შუ̂ა̈ნთე. სგა̄ხა̄გა̈̄ნხ ჴალდეს, ოხბინეხ
Line of edition: 7 ლიშია̈̄ლ. რუ̈სი ჯა̈რ ჟ'ანკიდხ ეშდოხუ̂იშდ მა̄რად. ათხე თუში ჯა̈რ
Line of edition: 8 ანჴიდხ. ეჯჲა̈რ ი ჟ'ანკიდხ. ეჩუნღო შუ̂ანე ჯა̈რ ახა̄გა̈̄ნხ. შუ̂ანე ჯა̈რს
Line of edition: 9 მა̄დ ა̈ხცუ̄დხ ი ქე̄სუ̂ქა̈ხხ სოფელხა̈ნქა. ეჩქას შუ̂ანე ჯა̈რ ჩუ აფხა̈ჟხ.
Line of edition: 10 ეჩუნღო ლიმციქულ ოხბინეხ, ეჩქას სგა̄ნჴა̈დხ თანახმოუ̂შ, ჩუ̂ანჴიდხ
Line of edition: 11 ლჷჲრაღდ ქუთა̈̄შთე მინე ნაშგომჟი. ამეჩუ ჩოთღორუ̂ეხ. ამეჩუ სგო̄ხგუდუ̈რდახ
Line of edition: 12 ი ჩუ̂ადქარუ̂ეხ. ეჩეჩუ ჩხარა ზა̈ჲ ათრა̄გჷნხ. ეჩუნღო ჲერუ
Line of edition: 13 ჟ'ანტა̈ხხ. ეშხუ მიშგუ მუ არდა ციმბილს. ეჩხა̈ნ ანტა̈ხ. ეჩუნღუ̂ე̄
Line of edition: 14 გეზალ მი ხუ̂ი, სემეშდ ი უ̂ოხუ̂იშდ ლჷზა̈ჲ. Line of edition: 15 (კალა) Добавлено (2006-09-06, 5:13 Pm)
---------------------------------------------
7. შუ̂ა̈ნს ლიქურწილა̈̄ლ Line of edition: 2 ჯუ̂ინალდ ხა̈მთქუ̂ე̄ნახ შუ̂ა̈ნისგა, ლახე მა̄რა-ჲ მა̄რა უშხუ̂ა̄რე თხუ̂იმ
Line of edition: 3 ხალტე̄ნახ ი ლა̈ხხუ̂ა ღანაუ̂ ხა̄რახ, ეჩქას ჩუ ლჷმსკიბუ̈ნხ: "ხედუ̂ა̈̄ჲს
Line of edition: 4 ესერ ჭყინტ ა̈ხთაუ̂ე̄ნხ, ეჩნე̄მ ესერ, დი̄ნა მე̄რმა ლახ ა̈ხთაუ̂ე̄ნს, ჩუ̄უ̂
Line of edition: 5 ა̈დყედა̄ნე". ამჟი̄ნ ჩუ ლჷმსკიბუ̈ნხ. ეჩქანღო გაცხა̈ჲდ აშხუ̂ ლახ ჭყინტ
Line of edition: 6 ხათუ̂ო̄ლნა ი მე̄რმა-დი̄ნა, ხეხუ̂-ჭა̈შჲა̄ქ ლჷმა̈̄რხ. ეჯგუ̂ა̈რ-ამგუ̂ა̈რ ხოლა
Line of edition: 7 მა̈̄ჲ ა̈ხფასო̈̄ლ აშხუ̂, ედ მა̈სსგა̈̄რ ი̄რო̈̄ლხ, ეში̄ ჩუ დეშ ყუ̂ელენდახ,
Line of edition: 8 დე̄ჲ ჩუ მოშ ცუ̂ირახ, ადო ეჩქას დაგრობ ხეჭმენდა. Line of edition: 9 ათხე ძუ̂ირდ გარ ლი ამკა̈ლიბ ლიყდა̈̄ნი. ათხე ქა ხეშგუ̂ემხ დი̄ნა̈̄
Line of edition: 10 ფუსდს, დი̄ნას ი მიჩა ქორშა̈რს. ხეცხე̄ნიხ, ჰა მა̄დე, ჟ' ეში̄ და̈̄რ
Line of edition: 11 ხექრჷნი. ლახე უ̂არ ხესმი ჭყინტს, ეჩქას დი̄ნა̈̄ ფუსდს ნიშა̈ნს ხოკუ̂ა̄ნეხ,
Line of edition: 12 ეჩქანღო ლიმციქუ̂ლიე̄ლ ხა̄რხ უშხუ̂ა̄რ ნე̄სგა ი შომუ̂ა̄ლე გუ̂ეშ
Line of edition: 13 ჩუ ისკეთი, ლა̈ყდა̈̄ნთე ღჷრიხ ეჩქას, ნიშა̈ნს ხოჴდეხ. ჯუ̂ინალდ ფინდიხ
Line of edition: 14 ხემთქუ̂ა̈̄ნხ ნიშა̈ნდ, ათხე ჲედ უ̂არჩხილ ლიზ ი ჲედ იშგენ. აშხუ̂
Line of edition: 15 ჲედ ჲარუ̂ ზაუნღო დი̄ნას ჭიშხს ხა̈ფშდუნეხ ლა̈მთილ. ეჩქას ეზერ
Line of edition: 16 ქუ̂ერწილ ლი ლეჩუ̂მე. ნა̈ყდა̄ნუ̂ი̄რ ჲედ ხოჩა ფირუ̂ ლიზ, მა̄დეჲ ჴა̈ნ.
Line of edition: 17 ეჯას ეშხუ ზა̈ჲ ქა ხეჭმენი, ეჩქას ნაჭუ̂ლაშ ლი ლეჴდე. ნაჭუ̂ლაშუ̂დ
Line of edition: 18 ჯუ̂ინელ აშირ მანთიშ ლი წეს: ერხი ლექუ̂ა̄უ̂ ეშდჲარუ̂ ფურ იკედხ,
Line of edition: 19 ერხი გიმსი იკედხ, ღო დი̄ნა̈̄ ფუსნა̈̄დუ, ჲედ ჯუ̂ინალდ ი ჲედ მახად,
Line of edition: 20 ნა̈ხრინუ̂ ლახ ლიხ, ეჩქას მა̈̄ღუ̂რას იკედხ მასა̈რდ ჲედ კუმაშư |
| |
| | |
|
Мужчина |
Date: Пятница, 2006-11-17, 6:32 PM | Message # 2 |
Group: Проверенные
Posts: 352
Status:Offline
Дата регистрации:
2006-09-07 |
Part No. 5 Text: 5
Page of edition: 3
Line of edition: 29
5. ჴალდე̄ ჴაცობ Line of edition: 30 ალა იმ ა̈ხფას: რუსა̈ლ ა̈მჴედე̄ლიხ. რუსი ჯა̈რ ბეჩუ̂ის ლჷმჷრდე̄ლიხ.
Line of edition: 31 ეჩქა ჴალდე̄შა̈რ, სემი მა̄რე, მთაუ̂რობთე ლჷჰერ ლჷმა̈̄რე̄ლიხ. Line of edition: 32 ეჩქა შუ̂ანა̈რს მა̄მა ხოცხა̈̄ნხ რუსლე ლიჴედ: რუსი ხელწიფ მა̄დ
Line of edition: 33 ხეკუ̂ა̈დხ ი დე იშგენ მახუ̂ში, მინე თხუმჷნქა. ეჩქა ჴეუ̂ობ ა̈ნსყა̈̄ნ ი
Page of edition: 4 Line of edition: 1 ბა̈̄ლ ზაგა̈რჷნ ლეჟა̈̄ შუ̂ანა̈რ მა̈გ აშხუ̂თე ლა̈სუ̂ხ ი ხეკუ̂ეს ერე რუსა̈ლ
Line of edition: 2 მო̄დ ა̈მჴედე̄ლესუ̂ხ შუ̂ა̈ნთე. ეჩქა ანჴა̈დხ ი ჟ'ა̈ნნა̈ზუ̂რა̈̄ნხ ი კა̄ლს
Line of edition: 3 ა̈ნყუ̂ა̄ბა̈̄ნხ ჟი. იმუ̂ა̈̄ჲჟი შუ̂ა̈ნისგა ლაჯრა̈უ̂ შა̈ლია̈̄ნი̄ ხა̈ტ ლა̈სუ̂, ამეჩუ
Line of edition: 4 ლალხორა̈ ნაკა̈რისგა შუ̂ა̈ნ ხა̈ტ ჩუქუ̂ა̄ნქა [აჩა̈დ]. აშხუ̂ხა̈ნ შა̈ლია̈̄ნი
Line of edition: 5 ხოსგუ̂ეჯდახ, მე̄რმახა̈ნ-სურ. ათხე შუ̂ა̈ნ უშხუ̂ა̄რ ლა̈ხნაბნა̈̄ნ, ერე
Line of edition: 6 უშხუ̂ა̄რე თხუ̂იმი უცუ̂რუნა ლჷმა̈̄რლესუ̂ხ ხინშუ̂ ი ჭირშუ̂. Line of edition: 7 ათხე რუსა̈ლდ ჩოთღორუ̂ეხ ჲერხი თხუ̂იმ მა̄რა̈̄ლს ი ჩუ̂ადყუჩუ̄რეხ
Line of edition: 8 შუ̂ა̈ნ. ალა ლა̈სუ̂ თენგიზ უ̂ოთარშა. ეჯნე̄მ ანსახთე (\ ანჴჷრჴე). Line of edition: 9 ათხე ჴალდე̄შა̈რ მახე ღუ̂აჟა̈რ ეზერ ლა̈სუ̂ხ, ადო ჲერუ̂ეშდ ი უ̂ოხუ̂იშდ
Line of edition: 10 მა̄რე გარ ლა̈სუ̂ხ მეშია̈̄ლ ი იმედი ხა̄დხ, ერე ხა̈ტს დე̄მ ა̈კუ̂შეხ
Line of edition: 11 მე̄რმე შუ̂ანა̈რ, "ადო ხა̈ტი ლიკუ̂შეს, მა̈ჲ დო ირა, თხუ̂იმ ეში̄ მა̄მ
Line of edition: 12 გუ̂აკუჩ ლჷჲა̈რ ამჟი". ჟ'ა̈ნბინეხ ლიშია̈̄ლ, სგა̄ჩა̈დხ ჴალდეთე. ეჩქა ჩხჷტა̈რ
Line of edition: 13 ოხშჷ̄დხ მურყუ̂ამხა̈ნჩუ ლა̈სჷნჯა̈უ̂ჟი. ეჩქა მა̈ჲორდ ესქაქნე (უკამანდრა)
Line of edition: 14 სალდათა̈რს. ეჯჲა̈რ ჟ'ესფხა̈ჟხ სოფელს, ი ჲერუ ზურალა̈̄რ
Line of edition: 15 [კუმში] ლა̈გნახა̈ნ ანტიხდახ, ი ეჯჲა̈რს ი სალდათა̈რს დაგრობ ოხჩჷ̄დხ
Line of edition: 16 გიმჟი ი ეჩქა მურყუ̂მა̈ლხა̈ნქა ოხბინეხ ლითოფ ი მესმე ნა̈̄თი
Line of edition: 17 დეშ აცუ̂ირხ ლჷია̈რ: ჲერხი თოფშუ̂ ადგანხ, ჲერხი ლაგუ̂რანუშ
Line of edition: 18 ესღჷრდახ, ჴალდე̄შა̈რს ხეღროუ̂ა̄ლდახ: ლაღუ̂თაუ̂შ თუ̂ეფი ნა̈ყირ ხა̄რა̈̄ნხ
Line of edition: 19 ი ქა იგუ̂რანო̄ლდახ დაბა̈რ ლექუ̂ა, მარე ქა შყედენდახ კოჯქა
Line of edition: 20 ი თუ̂ეფურ იდა̄უ̂შო̄ლდახ ჩუ. ჟ'ანჴჷრჴეხ ლე̄თშუ̂ რუსა̈ლდ მურყუ̂მალე
Line of edition: 21 ძირთე ლიჴუ̂ესგ ი ეჯა ჟ'ახბა̈ჟხ ჴალდე̄ ღუ̂აჟა̈რდ. "ლემესგს ესერ
Line of edition: 22 დე̄მ ხენხიხ, ეჩას ესერ ლიშია̈̄ლ ხოცხახ" ი ლე̄თშუ̂ ქა̄ნჴა̈დხ მურყუ̂ამხა̈ნქა,
Line of edition: 23 ქო̄ხჩა̈დხ ი რუსა̈ლდ გუ̂იანდ [გარ] ა̈ნბა̈ჟხ. ეჩქა ლითოფ
Line of edition: 24 ოხბინეხ ი ბა̈დრის ჰაგუ̂ს თუ̂ეფ ოხუ̂რა̈კ, ჟ'ესჭუ̂ე̄ნ. "ჲაღო, ჯ' ე̄სერ
Line of edition: 25 ჟი ხოჭუ̂ე̄ნი ი თხუ̂იმს ამეჩუ იწუ̂რი!" ი ეჩქა გეგი, მიჩა მუხუ̂ბე, მა̄დ
Line of edition: 26 ა̈თყუ̂ა̈ლ. ალჲა̈რ მეჩი მა̄რა̈̄ლ ლა̈სუ̂ხ. სგა̄ტა̈ხხ მურყუ̂ამთეისგა. Line of edition: 27 მე̄რმა ლადეღ რუსა̈ლ ქა̄ნჴა̈დხ ქა̈̄მთე. ლახე ჩუ̂ა̈დჯჷრუ̂ეხ, ერე
Line of edition: 28 ჴალდე̄შა̈რ მურყუ̂მა̈ლისგა დო̄რ ა̈რიხ, ხეწრა̄ლდახ ჴალდე̄შა̈რს. ეჩქა
Line of edition: 29 ახთოფეხ მურყუ̂ამხა̈ნქა ი ალ მეჩი მა̄რა̈̄ლდ უ̂ოხუ̂იშდ აფიცერ მა̈გ
Line of edition: 30 ჩუ̂ადგა̈რხ ი ჲერუ სალდათა̈რ ი მინი სგა̈̄თნახა̈̄ნხ.
Line of edition: 31 -- ო, ეზერდ ოთწორახ თხუ̂იმ! -- უ̂ოთარდ ხე̄ქუ̂, გალფხა̄ნშა,
Line of edition: 32 ხედუ̂ა̈̄ჲ ჯა̈რს ხონჴერდა. Line of edition: 33 (კალა) Добавлено (2006-11-17, 6:29 Pm)
---------------------------------------------
Part No. 6 Text: 6
Page of edition: 4
Line of edition: 34
6. ჴალდე̄ ლიშია̈̄ლ Line of edition: 35 თელ შუ̂ა̈ნ ლჷმა̈რდ ეშხუ ამბა̈უ̂ჟი: უშხუ̂ა̄რ ლახღუ̂ერე̄ნახ. ამხა̈ნისგა
Line of edition: 36 რუ̈სი ჯა̈რ ა̈მჴედე̄ლი ჩო̄ლირდ, ეჩხა̈ნ შუ̂ანე მუთხუ̂მია̈რ ახჟოღუ̂ახ
Line of edition: 37 შუ̂ანე ჯა̈რს, ლეცხკე̄რას ლჷმგენ შუ̂ანე ჯა̈რ. შუ̂ანე ჯა̈რი მუთხუ̂მია̈რდ
Page of edition: 5 Line of edition: 1 ხოშგუ̂მინახ რუ̈სი ჯა̈რი მუთხუ̂მია̈რს: "ხაჰუ̂დიხ საჩქუ̂ა̈რს, შუ̂ა̈ნ ესერ
Line of edition: 2 თანახმადუ ანჴიდხ რუ̈სიშ. მინს ესერ საჩქუ̂ა̈რს ხაჰუ̂დიხ ხუ̂ა̈ჲს, ჩინს
Line of edition: 3 ი მინდა̈ლს ესერ". ათხე შუ̂ანე მუთხუ̂მია̈რ სგა̄ნჴა̈დხ რუ̈სი ჯა̈რთე̄ჲსგა.
Line of edition: 4 ხუ̂ა̈ჲ ნუკუ̂იშ ოთბაცეხ. ეჯჲა̈რ (შუ̂ანე მუთხუ̂მია̈რ) ქა̄ტა̈ხხ შუ̂ა̈ნთე,
Line of edition: 5 ჯა̈რ ჩუ̂აფხიჟხ. Line of edition: 6 ათხე რუ̈სი ჯა̈რ ქა̄ჩად შუ̂ა̈ნთე. სგა̄ხა̄გა̈̄ნხ ჴალდეს, ოხბინეხ
Line of edition: 7 ლიშია̈̄ლ. რუ̈სი ჯა̈რ ჟ'ანკიდხ ეშდოხუ̂იშდ მა̄რად. ათხე თუში ჯა̈რ
Line of edition: 8 ანჴიდხ. ეჯჲა̈რ ი ჟ'ანკიდხ. ეჩუნღო შუ̂ანე ჯა̈რ ახა̄გა̈̄ნხ. შუ̂ანე ჯა̈რს
Line of edition: 9 მა̄დ ა̈ხცუ̄დხ ი ქე̄სუ̂ქა̈ხხ სოფელხა̈ნქა. ეჩქას შუ̂ანე ჯა̈რ ჩუ აფხა̈ჟხ.
Line of edition: 10 ეჩუნღო ლიმციქულ ოხბინეხ, ეჩქას სგა̄ნჴა̈დხ თანახმოუ̂შ, ჩუ̂ანჴიდხ
Line of edition: 11 ლჷჲრაღდ ქუთა̈̄შთე მინე ნაშგომჟი. ამეჩუ ჩოთღორუ̂ეხ. ამეჩუ სგო̄ხგუდუ̈რდახ
Line of edition: 12 ი ჩუ̂ადქარუ̂ეხ. ეჩეჩუ ჩხარა ზა̈ჲ ათრა̄გჷნხ. ეჩუნღო ჲერუ
Line of edition: 13 ჟ'ანტა̈ხხ. ეშხუ მიშგუ მუ არდა ციმბილს. ეჩხა̈ნ ანტა̈ხ. ეჩუნღუ̂ე̄
Line of edition: 14 გეზალ მი ხუ̂ი, სემეშდ ი უ̂ოხუ̂იშდ ლჷზა̈ჲ. Line of edition: 15 (კალა) Добавлено (2006-11-17, 6:30 Pm)
---------------------------------------------
Part No. 7 Text: 7
Page of edition: 6
Line of edition: 1
7. შუ̂ა̈ნს ლიქურწილა̈̄ლ Line of edition: 2 ჯუ̂ინალდ ხა̈მთქუ̂ე̄ნახ შუ̂ა̈ნისგა, ლახე მა̄რა-ჲ მა̄რა უშხუ̂ა̄რე თხუ̂იმ
Line of edition: 3 ხალტე̄ნახ ი ლა̈ხხუ̂ა ღანაუ̂ ხა̄რახ, ეჩქას ჩუ ლჷმსკიბუ̈ნხ: "ხედუ̂ა̈̄ჲს
Line of edition: 4 ესერ ჭყინტ ა̈ხთაუ̂ე̄ნხ, ეჩნე̄მ ესერ, დი̄ნა მე̄რმა ლახ ა̈ხთაუ̂ე̄ნს, ჩუ̄უ̂
Line of edition: 5 ა̈დყედა̄ნე". ამჟი̄ნ ჩუ ლჷმსკიბუ̈ნხ. ეჩქანღო გაცხა̈ჲდ აშხუ̂ ლახ ჭყინტ
Line of edition: 6 ხათუ̂ო̄ლნა ი მე̄რმა-დი̄ნა, ხეხუ̂-ჭა̈შჲა̄ქ ლჷმა̈̄რხ. ეჯგუ̂ა̈რ-ამგუ̂ა̈რ ხოლა
Line of edition: 7 მა̈̄ჲ ა̈ხფასო̈̄ლ აშხუ̂, ედ მა̈სსგა̈̄რ ი̄რო̈̄ლხ, ეში̄ ჩუ დეშ ყუ̂ელენდახ,
Line of edition: 8 დე̄ჲ ჩუ მოშ ცუ̂ირახ, ადო ეჩქას დაგრობ ხეჭმენდა. Line of edition: 9 ათხე ძუ̂ირდ გარ ლი ამკა̈ლიბ ლიყდა̈̄ნი. ათხე ქა ხეშგუ̂ემხ დი̄ნა̈̄
Line of edition: 10 ფუსდს, დი̄ნას ი მიჩა ქორშა̈რს. ხეცხე̄ნიხ, ჰა მა̄დე, ჟ' ეში̄ და̈̄რ
Line of edition: 11 ხექრჷნი. ლახე უ̂არ ხესმი ჭყინტს, ეჩქას დი̄ნა̈̄ ფუსდს ნიშა̈ნს ხოკუ̂ა̄ნეხ,
Line of edition: 12 ეჩქანღო ლიმციქუ̂ლიე̄ლ ხა̄რხ უშხუ̂ა̄რ ნე̄სგა ი შომუ̂ა̄ლე გუ̂ეშ
Line of edition: 13 ჩუ ისკეთი, ლა̈ყდა̈̄ნთე ღჷრიხ ეჩქას, ნიშა̈ნს ხოჴდეხ. ჯუ̂ინალდ ფინდიხ
Line of edition: 14 ხემთქუ̂ა̈̄ნხ ნიშა̈ნდ, ათხე ჲედ უ̂არჩხილ ლიზ ი ჲედ იშგენ. აშხუ̂
Line of edition: 15 ჲედ ჲარუ̂ ზაუნღო დი̄ნას ჭიშხს ხა̈ფშდუნეხ ლა̈მთილ. ეჩქას ეზერ
Line of edition: 16 ქუ̂ერწილ ლი ლეჩუ̂მე. ნა̈ყდა̄ნუ̂ი̄რ ჲედ ხოჩა ფირუ̂ ლიზ, მა̄დეჲ ჴა̈ნ.
Line of edition: 17 ეჯას ეშხუ ზა̈ჲ ქა ხეჭმენი, ეჩქას ნაჭუ̂ლაშ ლი ლეჴდე. ნაჭუ̂ლაშუ̂დ
Line of edition: 18 ჯუ̂ინელ აშირ მანთიშ ლი წეს: ერხი ლექუ̂ა̄უ̂ ეშდჲარუ̂ ფურ იკედხ,
Line of edition: 19 ერხი გიმსი იკედხ, ღო დი̄ნა̈̄ ფუსნა̈̄დუ, ჲედ ჯუ̂ინალდ ი ჲედ მახად,
Line of edition: 20 ნა̈ხრინუ̂ ლახ ლიხ, ეჩქას მა̈̄ღუ̂რას იკედხ მასა̈რდ ჲედ კუმაშუ̂შ ი
Line of edition: 21 ჲედ გჷმშუ̂. ამჟ' ერე, ჭაშუ̂ მასა̈რდ ხა̄რ ლეჴდე ნა̈ყდა̄ნუ̂ი̄რ, ნაჭუ̂ლაშ
Line of edition: 22 ი მა̈̄ღუ̂რა̈̄ლ. Line of edition: 23 აშხუ̂ ზაუნღო მუჟღუ̂ერ ქა ფიშუ̂დეხ დი̄ნას ლა̈მთილთე. ეჩქას ჩიქე
Line of edition: 24 დი̄ნა̈̄ ქორთე მჷ̄ყა ღჷრიხ. ეჩეჩუ̄ნ გუნ ლითრე ლი ქუ̂ერწილჟი̄ნ, ეჩქანღო
Line of edition: 25 სერ ჟი იგნა̈̄ლხ, დი̄ნას ყუ̂ელფ გჷრკდა̈ნ სუმინ ქა ხა̈ცხპეხ ლაღრა̄ლუშ,
Line of edition: 26 ჩუ ხა̈მზჷრა̈̄უ̂ნეხ ქორს ი ა̈იხ ლა̈მთილთე. ამეჩუ̄ნ ჰა̈დურდ
Line of edition: 27 გუნ ეზერ ქუ̂ერწილ ლი ლეჩუ̂მე: ლე̄თ-ლადა̈ღ ლითრე ი ლიხი̄რულ
Line of edition: 28 ლიზ. ეჩქანღო ღი̄ნას ლა̈მთილსი ჩუ ა̈მზჷრიხ ქუ̂ერწლა̈რ ი ღჷრიხ
Line of edition: 29 მინე ქორთე. Line of edition: 30 (ლენჯერი) Добавлено (2006-11-17, 6:31 Pm)
---------------------------------------------
Part No. 8 Text: 8
Page of edition: 7
Line of edition: 1
8. ლჷდგარუს იმჟი̄ნ ხუ̂აშდღუ̂იდ ი ლაშდღუ̂ა̄ლს Line of edition: 2 იმჟი̄ნ ხუ̂ა̈ყრინედ Line of edition: 3 ლეგდმერდე ღალ ლახ ჟი დოშ იხუ̂ჩოუ̂ა̈̄ლ ი ჩუ იდგა̈რი, ქორისგა̈̄შ
Line of edition: 4 მა̈გ ლიგუ̂ნის ი ლილჭა̈̄ლს იბნეხ. მუგუ̂ა̈̄ნე ზურა̄ლ ი ღუ̂ეჟმა̄რე
Line of edition: 5 ჴედნი ჩი̄ხა̈ნ ი მა̈გ ჩუ იგუ̂ა̈̄ნე. ესუ̂ა̈̄ჲ ლეტკლებე ლჷდგა̈რ ხადგარა,
Line of edition: 6 ეჯა ხაშგურა̄ნე მახა ლჷდგა̈რს: მა̄დილუ ესერ ხე̄რა ი მინე ლჷდგარუს
Line of edition: 7 ამჟი ი ამჟი̄უ̂ ხა̈̄ქუ̂. Line of edition: 8 სერ ესუ̂ა̈̄ჲ ლენყე ი ჰარა̈ყ მო̄დ ხო̄გ ქორისგა, ეჯა ედ გიმს
Line of edition: 9 ჰა̈დი ღალ ი ჲედ ქუ̂ილჷმგენა̈̄ლს. ლჷდჷა̈რი ჭირისუფა̈ლს ეჩქას ფასუ̂
Line of edition: 10 მა̈გ ხოხუ̂რა̄მ გარ ხაჭრა̈ჟი ი ჩი̄ გუ ხა̄რ, ესუ̂ა̈̄ჲ ჰარა̈ყ ი კუ̂ეცენ ჩუ
Line of edition: 11 ხო̄გ, ერე გუნ ეფდ მოშ ა̈დხუ̂ჲას ლეყდი. ჰარყარე მჷდა იზელა̈̄ლხ
Line of edition: 12 ჩია̈̄გ ი ჰარა̈ყს ხეთხე̄ლიხ ლეყდიდ. ლახ სოფელისგა დო̄ს ხო̄გ, ეჩქას
Line of edition: 13 მე̄რმა სოფლა̈რთე ღჷრიხ ი ეჩე იყდიხ. მე̄რმა ჲედ მე̄სმა ლე̄თ ხედუ̂ა̄ლე̄შ,
Line of edition: 14 ტჷტა̈დია̈რს იჩომხ, მესუ̂ფელ მა̈გ თუ̂ით ერუ̂ეშდ დია̈რს ჴიდე
Line of edition: 15 მეზგახა̈ნქა. აშხუ̂ ი ედ ჲარუ̂ კუ̂იდო̄ლს ჭირისუფა̈ლი ქორ ანყე, ერხი
Line of edition: 16 ქა ხეჭმენიხ სოფელს ი ესუ̂ა̈̄ჲ ჟი მჷსყე ხა̄რ ლინწუ̂ერი, თუ̂ით კარა̈ნ
Line of edition: 17 ჭჷმინს ქა ხოზუ̂რი მა̈გ. ნა̈ბოზს სერ ჩუ ისგუ̂რი მა̈გ, მეგნა̈̄ლ დია̈რს
Line of edition: 18 ი ნა̈̄ყუნს ა̈რგიუ̂ეხ ტაბგა̈რჟი̄ნ; ჰარყი მეგნა̈̄ლს შედა̈რ ხუღუ̂ეხ ჰარაყშუ̂
Line of edition: 19 გუ̂ეში ი ეჯას ხათრეხ ჩი̄, ესუ̂ა̈̄ჲ ხაკუჩ. სერ ჟი იგნა̈̄ლხ ი ღჷრიხ
Line of edition: 20 ერხი. ეჩქანღო მეგნა̈̄ლ ისგუ̂რიხ. ეჯჲა̈რუნღო აჯაღ სუმინ ი ო̄შთხუ̂ინ
Line of edition: 21 ჩუ̄დ ისგუ̂რიხ ი ეჩქანღო გარ ფხეჟნი მა̈გ ჩუ. ბა̄ზი დი̄რი მჷნყა
Line of edition: 22 ლაშდღუ̂ა̄ლა̈ დია̈რს ანყეხ მე̄რმა ლა̄დღიშდ. Добавлено (2006-11-17, 6:32 Pm)
---------------------------------------------
23 მე̄რმა ლადა̈ღ ისგლადა̈ღუნღო მა̈გ იბნე ლინზო̄რა̈̄ლს ლაშდღუ̂ა̄ლთე.
Line of edition: 24 ჩიქი მჷზრა ზა̈რს ყჷლეხ, ეჩქანღო ღუ̂ეჟმა̄რე̄მი ლაგუ̂ა̈̄ნას ასყე̄ნეხ.
Line of edition: 25 ღუ̂აჟა̈რ მეჰერ ერუ̂ა̈̄ჲ ლიხ, ეჯჲა̈რ ქა ისკუ̂ე̄რიხ ყუ̂ელფი ჲარუ̂
Line of edition: 26 ფოყხა̈ნ ი იბნეხ: "ი̄ უ̂ა̈ჲ, ი̄ უ̂ა̈ჲ, ი̄ უ̂ა̈ჲ. მიშკუ̂ა ქუნე ლიგნა̈̄ლს უ̂ა̈ჲ!" ამის
Line of edition: 27 ამჟი̄ნ სამინ ყჷლეხ. ეჩქანღო სერ მეჴჷ̄რა̄ლა ჴედნიხ. ლიჴჷ̄რა̈̄ლ ხაჟხა
Line of edition: 28 ეჯას-ე, ლახ მუგუ̂ა̈̄ნა ჩუ ლჷგხ, ეჩქას მოჭირსუფლა ერუ̂ა̈̄ჲ ლიხ,
Line of edition: 29 ეჯჲა̈რ ლაგუ̂ა̈̄ნოშ გჷრკიდ ქა ხეცხპენიხ ქორს ჩიქე ღუ̂აჟა̈რ ი ღო
Line of edition: 30 ზურალა̈̄რ. ალ ლიჴჷ̄რა̈̄ლ ქა ისრული, ეჩქას აჯაღ ყჷლეხ "ი̄ უ̂ა̈ჲ"ს ი
Line of edition: 31 მუგუ̂ა̈̄ნა ქა ღჷრიხ ქა̄მაუ̂. ლაჴჷ̄რა̄ლჟი ზა̈რს დე̄მის ქუ̂იცეხ მჷზრა.
Line of edition: 32 ეჩქანღო ზურა̄ლა̈ ლაგუ̂ა̈̄ნა ისყი. ეშხუ ზურა̄ლ თხუმხა̈ნ იგნი, მე̄რმა̈̄ლ
Line of edition: 33 მა̈გ ქა ლჷჭა̄რუ̂ე ლიხ. ზურა̄ლ მუჟუ̂ეღ ერუ̂ა̈̄ჲ ლიზ, ეჯა ჟი იბნე ლილჭა̈̄ლს
Line of edition: 34 ი მე̄რმე ზურალა̈̄რ გურჰუ̄ნს ხაყლეხ. მუჟუ̂ეღ ზურა̄ლ, ერუ̂ა̈̄ჲ
Line of edition: 35 ესამა ლჷდგა̈რ ჩუ ხაშყიდ სოფელისგა, ჩი̄ ქა იშჷლდა̈ნი. ისგთექა ქა
Line of edition: 36 ჴედნი, ეჩქას ჩუ იჩქეეუ̂იხ ზურალა̈̄რ ი მეჴჷ̄რა̄ლა ქა̄დ ჴედნიხ, ჩიქე
Page of edition: 8 Line of edition: 1 ღუ̂აჟა̈რ ი ღო ზურალა̈̄რ. ნაჴჷ̄რა̄ლუნღონ მუჟუ̂ეღ ზურა̄ლ ჩი̄ ქა იშჷლდა̈ნი
Line of edition: 2 ლგდგა̈რს ი ქა̄სრულ' ე̄ჩქას სერ ბაპრე ლიჴდა̈̄ლი ლიზ. ბაპა̈რ
Line of edition: 3 წეს-აგებას ხა̈ჩოხ ლჷდგა̈რს ი ქა ხოჟუ̂ეღხ ქა̄მაუ̂. კუბს ჟი იკო̄დეხ
Line of edition: 4 მახე ღუ̂აჟა̈რ. ქორისგა̈̄ ღუ̂ეჟმა̄რე ერუ̂ა̈̄ჲ ლიზ ხოშა, ეჯა იკედ მა̈ნკუ̂ი
Line of edition: 5 ჰერს ი ეჩქას სერ ზურა̄ლ ი ღუ̂ეჟმა̄რე, ლჷდგა̈რი ფუსდ ერუ̂ა̈̄ჲ ლიზ,
Line of edition: 6 მა̈გ ლიგუ̂ნის ი ლილჭა̈̄ლს იბნეხ. ზურალა̈̄რ კი̄ლიხ ი ფა̄თუ̂ა̈რს იწა̄ნეხ
Line of edition: 7 ი ჰა̈ყბა̈̄რს იკანჭუ̄რეხ. Line of edition: 8 ამჟი̄ნ ესღრიხ სერ ლაშდიღუ̂თექა ლაზრუშ ი ლაგუ̂ა̈̄ნოშ. ერხი ზურალა̈̄რ
Line of edition: 9 საფლა̈უ̂თე̄სგა სგა̈̄სკნეხ ი ეჩეჩუ̄ნ იკანჭუ̄რა̈̄ლხ: "ლჷდგა̈რს
Line of edition: 10 ესერ ამუნღო მა̄მ ხეყუ̂ლი̄ნნი". ლჷდგა̈რ ჩუ იშდღუ̂ი, ეჩქას სერ (ა̈გითე
Line of edition: 11 ჴედნიხ ი) ჩუ ისგუ̂რი მა̈გ, ერ კაჩ ლჷგ. მეგნა̈̄ლ ლაშდღუ̂ა̄ლა̈ დია̈რს
Line of edition: 12 აჰუ̂და̈̄ლიხ, ჰარყი მეგნა̈̄ლ ჰარა̈ყს ათუ̂ნა̈̄ლიხ ი ჩუ იშდმი მა̈გ. ობა̈შინ
Line of edition: 13 ლიცუ̂ა̈̄ლ ი ლიყა̈̄რიე̄ლ ინჩჷდი ი მასა̈რდ ტჷნტე̄უ̂ა იბნი. ნა̈ბოზს
Line of edition: 14 მა̈გ ჩუ ფხეჟნი ი ა̈გის გუნ სგახი̄შ გარ ხესდენი ლჷდგა̈რი
Line of edition: 15 ჭირისუფა̈ლს. Line of edition: 16 ნა̈ბოზს საფლა̈უ̂ს იწუ̂ე̄ნეხ ლაგუ̂ა̈̄ნოშ. ეჩეჟი̄ნ ლემასგუ̂ ა̄შუ̂ეხ ი
Line of edition: 17 ჰარა̈ყს ათუ̂ნა̈̄ლიხ. მე̄რმა ლადა̈ღ ჰამს აჯაღ იწუ̂ე̄ნეხ საფლა̈უ̂ს ი
Line of edition: 18 აჯაღ ჰარყი ლითუ̂ნა̈̄ლი ლიზ. Line of edition: 19 აშხუ̂ ნაგზანღო ლაშრაუ̂ა̄ლს იჩოხ, ერ ხოშა გუ̂იანდ, ი ჩუ̂აშრა̈უ̂ი
Line of edition: 20 მა̈გ. ლაშრაუ̂ა̄ლჟი̄ნ ლა̈ჲსა̈̄ლ ლიხ ლეჲსენი, დია̈რ ი ჰარა̈ყ მასა̈რდ.
Line of edition: 21 ღო ო̄შთხუ̂ეშდ ლადა̈ღჟი̄ნ ხაკუჩ ლა̈ჲსა ი ჰარა̈ყ. ჩი̄ მე̄რმა საფტინს
Line of edition: 22 სამ დია̈რს ი ნა̈̄ყუნს ხოჯგრი მა̈გ ლჷდგა̈რს საფლა̈უ̂ჟი̄ნ აშხუ̂
Line of edition: 23 დუ̂რეუ̂ ჩიქდ ი ეჩქანღო მა̄მა. ეშხუ ზა̈ჲ ქა ღჷრი, ეჩქას კათტაბა̈გს
Line of edition: 24 ხა̈ჩომ მა̈გ ლჷდგა̈რს: ჴანა̈რს ა̈ჲსენიხ, ჰარა̈ყს ი დია̈რს მასა̈რდ ამა̄რეხ
Line of edition: 25 ი ერუ̂ა̈̄ჲ ხაკა̈ფხ, ეჯას ქა̈̄წსიხ. Line of edition: 26 კათტაბა̈გუნღო სერ ერხი დე̄მგუ̂აშ ხა̈ჩო ლჷდგა̈რს, ერხი თამფა̈
Line of edition: 27 სა̈ხს ი ლაგუ̂ა̈ნს ხა̈ჩომ. ეჩქას ჰა̈დურდ ობა̈შ დია̈რ, ჰარა̈ყ ი ლა̈ჲსა̈̄ლ
Line of edition: 28 ლიხ სა̈ჭირო. ლჷდგა̈რს შუ̂ა̈ნისგა ობა̈შ ხა̈რჯ ხაკუჩ ი ერხი
Line of edition: 29 მეზგე მასა̄რდ ისბრა̈ლი, ლახე ალამაგ ხა̈რჯს ჩუ ხა̈ჩომ ლჷდგა̈რს. Line of edition: 30 ლაშდღუ̂ა̄ლ ეჯღა ხაბჟახ ნიშგუ̂ეჲმჷყ სა̈ჭირო, ერე "ეჩაბუა̄დ
Line of edition: 31 ესერ ქა ლეჰუ̂და̈̄ლი ხა̄რ, ეშუ̂ა̈̄ი დია̈რ ხე̄მი ლჷდგა̈რს". Line of edition: 32 (ლენჯერი) Добавлено (2006-11-17, 6:32 Pm)
---------------------------------------------
Part No. 9 Text: 9
Page of edition: 8
Line of edition: 33
9. ქუ̂ინი ლიტხე Line of edition: 34 ლახე მუშუ̂ა̈ნ ჯუ̂ე̄დიას ჩუ იდგა̈რი ი ლჷდგა̈რს ა̈გითე ჴიდეხ ი
Line of edition: 35 ღო ჩუ̂აშდღუ̂იხ, ეჩქანღო ქუ̂ინი ლა̈ტხათე ღჷრიხ. ინჴრინეხ აშხუ̂ მა̄რა
Line of edition: 36 ჭირისუფა̈ლს. ალ მა̄რა ხაკუჩ ერე ქუ̂ინი ლიტხე̄მი ლოც ხოხალდე̄დს.
Page of edition: 9 Line of edition: 1 ქუ̂ინი მჷტხე ჩა̈ნგს ა̈ე̄სგი, მამილუ̂ს იყდა̈̄ნი ი ჩუ ნადგარუ̂ ა̈დგილმჷყ
Line of edition: 2 ქა ღჷრიხ. ეჩქას ლოცს ყჷლე, მამილუ̂ს ლა̈ღლია̈შ იჩხინე, ჩა̈ნგს შჷნჟი
Line of edition: 3 იყდა̈̄ნი ი იბნეხ ლიჴედს თა̄მა̈შდ: "ქუ̂ინს ესერ ჟი ნო ა̈ხფეშს!,
Line of edition: 4 შუკუ̂ჟი̄ნ ჩა̈ნგს აშუ̂მეხ, იმე-იმე ჟი იშუ̂მინეხ: "ჩუ̂ ესერ დო ა̈დყა̄ლუ̂ე̄ნს
Line of edition: 5 ქუ̂ინ ენასდ ლაჴა̈დჟი̄ნ!" ამჟი თა̄მა̈შდ ანღრიხ, (უ̂)ოდ ა̈გიდ დო
Line of edition: 6 აჰიხ. ობა̈შინ ჯუ̂ე̄დია ქუ̂ეყანახა̈ნი ჴიდეხ ამჟი̄ნ ქუ̂ინს. Line of edition: 7 (ლენჯერი) Line of edition: 8 შომუ̂ა̈ჲ მა̄რე ჩუ̂ა̈დყიმი ლჷცისგა, ეჩქას ლჷდგა̈რ იმუ̂ა̈ჲ ა̈ხბეგუ̂ნიხ,
Line of edition: 9 ლჷდგა̄რს ა̈გითე ა̈ნჴდეხ ი ეჩუნღო მე̄რმა ლადეღ ქუ̂ინი ლა̈ტხათე
Line of edition: 10 ადრინეხ. ჭუ̄ნირს ი ჩა̈ნგს ადჲე̄სგიხ ი იმუ̂ა̈ჲ ლჷდგა̈რ ა̈ხბა̈გუ̂ხ, ეჩჩუ̄ნ
Line of edition: 11 ლა̈ჲბინიხ ლიჭნურის, ჩა̈ნგი ლიშუ̂მეს. ქორდ ამჟი̄ნ ჴედნიხ ლაჭნუ |
| |
| | |
|
Мужчина |
Date: Пятница, 2006-11-17, 6:40 PM | Message # 3 |
|
Group: Модераторы
Posts: 990
Status:Offline
Дата регистрации:
2006-08-29 |
12 ი ჩა̈ნგი ლიშუ̂მეუ̂შ. ეჩნოშ ხაბჟახ ქუ̂ინ ქორთე მეტხე. Line of edition: 13 (იფარი) Добавлено (2006-11-17, 6:34 Pm)
---------------------------------------------
Part No. 10 Text: 10
Page of edition: 9
Line of edition: 14
10. ლილჭა̈̄ლ Line of edition: 15 უ̂ოჲ საბრალ ბუბა~ჲ, ა̄~ჲ!
Line of edition: 16 ხოჩა ლი̄ზა̈̄ლ ჯა̈̄ცხ, ეჩჟი ახსყედ, ი̄ა̄~ჲ!
Line of edition: 17 ა̄, მი საბრალ, მა̈ჲ უ̂ობ ა̈მჰი̄დ, ი̄ა̄~ჲ!
Line of edition: 18 მეშხა ლაჩქი მჷფრენი და̈̄რ ა̈ჯსა̈დხ, ი̄ა̄~ჲ!
Line of edition: 19 ლახუ̂ბაჲ ეჩე ჯაყა მა̈გ, ი̄ა̄~ჲ!
Line of edition: 20 საბრალ გუშგუ̂ეჲ ლეუ̂ან ი ემჷზაჲ, ა̄~ჲ!
Line of edition: 21 გუშგუ̂ეჲ აღა̈თი ი ანუსჲა̈ჲ, ი̄ა̄~ჲ! Line of edition: 22 (მესტია) Line of edition: 23 უ̂ოჲ, დედე, მა̈ჲ ჯეწდუ̈ნნი, ი ა̄-ჲ!
Line of edition: 24 ჯა̈წდუნი მა? უ̂ოჲ, დედე̄, ა̄~ჲ!
Line of edition: 25 უ̂ოჲ, დედე, გუშგუ̂ეჲდ ხოშა საცუ̂დუ̈ლ და̈̄რ ა̈რი სერ, უ̂ოჲ, დედე̄~!
Line of edition: 26 თე̄რა̈ლ ქა̈̄ხუ̂ხჷპი̄რ ლაგუ̂ა̈ნს ი, უ̂ოჲ, დედე̄~!
Line of edition: 27 მია̈ჲ მა̄მა ლა̄ჯეშდ ი სია̈ჲ ჩუ ა̈მქარუ̂ა̈ნ, უ̂ოჲ, დედე̄~!
Line of edition: 28 მიშგუ̂ათე ლიჴედ ესერ ჯალა̈ტ, უ̂ოჲ, დედე̄~!
Line of edition: 29 ჯა̈̄ზნუნი მა ა̈გითე ი, უ̂ოჲ დედე̄~!
Line of edition: 30 უ̂ოჲ, დედე, ხა̈რი მა ხოჩე̄ლდ, ი ა̄~ჲ!
Line of edition: 31 ...................................
Line of edition: 32 მარე ნაჯგრუნ გარ ა̈ჯზჷზე, ჯა დეშ ანჴა̈დ ი, უ̂ოჲ, დედე̄~!
Line of edition: 33 "ლეგდ ესერ ა̈რი, მა̄მ მჷრე̄ს ხა̈მჲედა", ი, უ̂ოჲ, დედე̄~!
Line of edition: 34 მი ლახ ლეგდ ხუ̂ა̈რი, ჯიჟრი მა, უ̂ოჲ, დედე̄~?
Line of edition: 35 ეჩქა მე̄უ̂არ ჯიჟინდა̈ს, ე̄, ამე ხარდა̈ს ი, უ̂ოჲ, დედე̄~! Line of edition: 36 (მესტია) Добавлено (2006-11-17, 6:35 Pm)
---------------------------------------------
Part No. 11 Text: 11
Page of edition: 10
Line of edition: 1
11. ლიფა̄ნა̈̄ლი Line of edition: 2 უ̂ოხუ̂იშდ ია̈ნუ̂ა̈რს (ქუ̂ა̈ხს) ხუ̂იბნედ ლიფა̄ნა̈̄ლის. ეჯ ლადეღ ადგომს
Line of edition: 3 ხუ̂აყლედ. მიჟ ლახ ჩუ ხეჰუ̂რენი, ეჩქა ლუ̂მზჷრა̈ლს ხუ̂ანყედ, ქა ხუ̂ა̈იდ
Line of edition: 4 ლაჴუ̂ა̄მთე ი ჟი ხუ̂ა̈მზჷრიდ ი ლჷდგარუს სგა ხუ̂ა̈ცწჰიდ. ეჯ ლე̄თიშდ
Line of edition: 5 ხუ̂ა̈ჲ დია̈რს ხუ̂ანყედ, სამარხუ̂ს გარ ჩი̄ ხუ̂ამა̄რედ, მა̈ჲ ჲა̈ს მა ხუღუ̂ა.
Line of edition: 6 ეჯ ლე̄თ და̈̄რ იმის აზა̄რე: ჰარა̈ყი, ნა̈̄ყუნი, დია̈რი, ხილი, ლუბჴუ̂უ̂ლე,
Line of edition: 7 ქჷნა̈ში -- მა̈გ ნუკუ̂იშ ჰა̈დურდ დეკემბერი ლი̄ზა̈̄ლს ჟაჴუ̂რა̈ ჴულს
Line of edition: 8 ხუ̂იქჩედ ი კალუ̈სგა ჩუ ხუ̂ალჯენიდ, მუსს ხუ̂ახუ̄პედ ი ჟი ხუ̂ამურყუ̂ა̈მიდ.
Line of edition: 9 ეჩეჟი̄ნ ჩუ ხუ̂აჴლედ ჴულს. ეჯას ადგომ ლე̄თ სგა ხუ̂ა̈იდ ქორთე
Line of edition: 10 ჲერუ მა̄რე, აშხუ̂ ბეფშუ̂ს ჟი ხუ̂ასგუ̂რედ ჩა̈̄ჟდ ეჩეჟი ი სუმინ გირკიდ
Line of edition: 11 ქა ჴუ̂ედნიდ ყუ̂ელფს ი მეყულფა ხაპუნწკო̄რეხ ი ეჯას მასხუ̂რა̈პ
Line of edition: 12 ხუღუ̂ა ლაუ̂ეჩდ ი ჴული მჷჴდა̄ლა ტუ̄ლიხ: "ჴიშინ-ჴიშინ ბა̈̄მბღუ,
Line of edition: 13 კუმში ნა̈ფშირი, მა̄რე̄მი ნა̈შდო̈ბი, ზა̈ჲა̈ მაჴა̈დ, კიბდონა̈რ გუ̂ეში ი
Line of edition: 14 ჰამ". ათხე კიბდონა̈რჟი ლემზჷრა̈ლს დო̈̄სგიდ, ლაჴუ̂რა̈̄ლჟი, ლაჰჷრდუმა̈̄ლისგა, Line of edition: 15 ყო̄რა̈ლჟი, გუ̂ალა̈რჟი, ლაუ̂ულჲა̄ქი̄რჟი(ლაღოლჲა̄ქირჟი),
Line of edition: 16 ლახმი̄რჟი. აშხუ̂ ლემზირს ჴულჟი დო̈̄სგიდ ი მა̈ტყი კალს ეჩეჟი̄ნ
Line of edition: 17 (ლემზირიჟი), აშხუ̂ ნა̄პუ ნაცმუნს ი ეჩეჟი თეტე̄ნს ხუ̂ა̈იდ ი ხუ̂აკჷრტჷნედ
Line of edition: 18 [ი] "ჴა̈ნ, ჴან, ჴა̈ნ"ს ტუ̄ლიდ აშხუ̂ ქუ̂ინი ლილტხუ̂ა̄ლ, მე̄რმა
Line of edition: 19 ქუ̂ინი ლილტხუ̂ა̄ლ "ფუ̈რ, ფუ̈რ"ს, მე̄სმა -- "ჩა̈̄ჟ, ჩა̈̄ჟ"ს ი ამჟი
Line of edition: 20 ჩი̄ სერ. ეჩუნღო ტაბა̈გს ხუ̂იგემდ ი ჟი ხუ̂ამა̄რედ ლაფა̄ნას ი ლეტუ̂რა̈̄ლს
Line of edition: 21 ხუ̂ატუ̂რედ ხუ̂ა̈ჲს: ჲერუ̂ეშდს ი სემეშდს ი ხოშა̄მი, ჰა̄ლ მოშ ხუ̂ა̈ჲ
Line of edition: 22 ჲა̈ს ხუღუ̂ა. ღუ̂აჟა̈რ ფაყუ̂ა̈რს ჩუ ხუ̂იკდჷრედ ი ზურალა̈რ ჩუ იქქუ̂იხ
Line of edition: 23 ი ეჯჟი ხოფა̄ნედ ხუ̂ა̈ჲ ხა̈ნს. ეჩქა უ̂ეშგიმპილს აშხუ̂ კათხს ღოჟმა̄რე
Line of edition: 24 იყდა̈̄ნი ი მე̄რმა ჭიქს ზურა̄ლ, ხოშჷნდებიხ ი ბიდეხ ჰარა̈ყს. ეჩქანღო
Line of edition: 25 ჩუ ხუ̂ისგუ̂რიდ ი ხუ̂იდიარა̈̄ლდ ი ხუ̂იმქარა̈̄ლდ: ჲერუ̂ა̈̄ჲ მოშ
Line of edition: 26 ხუ̂ა̈ჲს ლა̈ხუ̂ზუ̂ებნედ ლემზჷრა̈ლს ი ჟი ხუ̂იშჷლდა̈ნიდ, უ̂ოშუ̂ა̈̄ჲდ ლემზირს
Line of edition: 27 ხუ̂იზბიდ თუ̂ითჟი. ეჩუნღო ჟეღს ხოდიდ ლემზჷრა̈ლს, უ̂ოშუ̂ა̈̄ჲდს
Line of edition: 28 [დო] ლა̈ჲზუ̂ებნე, ეჩქად აშ ხოდიდ ი ჟი ხუ̂იშჷლდა̈ნიდ, უ̂ოშა̈̄ჲ ლემზირს
Line of edition: 29 იზბი. Line of edition: 30 ამჟინ ნა̈მთქუ̂ა უ̂ოხუ̂იშდ ქუ̂ა̈ხუნღო ი ეჩას და̈შდიშ ა̈ხჭემნი ეჩქად Добавлено (2006-11-17, 6:36 Pm)
---------------------------------------------
31 სგა ხეგნი ყო̄რს ჩია̈̄გ ამჟი ყჷლე: "ქრისდე ფუსდ, ჰა̄ლ ლა̈ჯჴჷ̄რნე̄ნს
Line of edition: 32 იშგუ̂იდ ლჷნგა̈ზ ჩიჩუ̂ლი ქუ̂ინ, აშ ლა̈ხჴჷ̄რინ ალ ქორა̈ მეცლა̈ბი
Line of edition: 33 ქუ̂ინ ი ამე̄ნ". მე̄რმე ბოფშა̈რ ი ყჷლეხ მა̈გ აშხუდ: "ამე̄ნ". მჷმზჷრა̈̄ლი
Line of edition: 34 ყჷლე აჯაღ: "უმუ̂ა̈̄ჲთე ალ ქორა̈ მჷშა̈ჲ მა̄რე ქა̄ჩეს, ჩია̈̄გ სი ლოხჴე,
Line of edition: 35 ჯგჷრა̈̄გ ჩა̈̄ნი̄შ, ლერსგუ̂ან მეჴა̈რხა̈ნ ი ამე̄ნ". ბოფშა̈რი ყჷლეხ აჯაღ:
Page of edition: 12 Line of edition: 1 "ამე̄ნ". მჷმზჷრა̈̄ლი ყჷლე აჯაღ: "გჯჷრა̈̄გ ჩა̈̄ნი̄შ, ალ ქორა̈̄ ხოშა̄მ
Line of edition: 2 ხოჩა ლიმა̈ჩუ̂ ხა̈ყრ ი ხოხუ̂რა̄მ სგეჲ ხათხე̄ლინ ი ამე̄ნ". მე̄რმე ბოფშა̈რ
Line of edition: 3 ყჷლეხ აჯაღ: "ამე̄ნ". მჷმზჷრა̈̄ლის მა̄ჲ ხეკფი ლე̄ქუ̂ი̄სგდ. ჩი̄ ყჷლე ი
Line of edition: 4 მე̄რმე ბოფშა̈რი̄ "ამე̄ნ"ს ხაყლეხ. Line of edition: 5 ლიფა̄ნა̈̄ლინქაი ჩიგარ ნამთქუ̂ა ლიფა̄ნე, მიშლადეღჷნქა. მიშლადეღ
Line of edition: 6 მა̄დ შიდ ლიფა̄ნე. Line of edition: 7 (მულახი) Line of edition: 8 ადგომს ქუნა̄რუ ჴედნიხ. ეჯ ლე̄თ ხოჩა ლიფა̄ნეს იჩოხ. კუ̂ეცნა̈
Line of edition: 9 დია̈რს [ანყეხ], ნა̈̄ყუნს [ამა̄რეხ]. ეჯ ლადეღ ჩი̄ ჩ'აშყუ̂დიე̄ლიხ -- ტაბგა̈რს,
Line of edition: 10 ქარხსა̈ლს... ლჷმა̄რად ხეხუ̂ახ ქუნა̄რუს. ეჯ ლე̄თ ხუ̂ა̈ჲ გომიჯს
Line of edition: 11 ანყეხ, ტაბგა̈რს ჩუ იგემხ. ეჩეჟი̄ნ დია̈რს დე̄სგიხ, ნა̈̄ყუნს, ჰარა̈ყს,
Line of edition: 12 ლეტუ̂რა̈̄ლს ატუ̂რეხ. ჟი იგნა̈̄ლხ ხა̈ლხ, ქორისგა ხემსახუ̂ირხ ქუნა̄რუს:
Line of edition: 13 სგა ღჷრი ტაბგა̈რთე̄სგა ქორა̈ მახუ̂ში, ჰარა̈ყს ჩუ ბიდე, ხათრე უ̂ითამ
Line of edition: 14 ქუნა̄რუს. წყჷნა̈̄რო̄ლდ გა̈რგლიხ, დე̄მ ტე̄უ̂ეხ: "ქუნა̄რუს ესერ დო̄სა Добавлено (2006-11-17, 6:37 Pm)
---------------------------------------------
ლახყალუ̈̄ნდე̄დხ, ადო ესერ ჩუ აჭთუნეხ". Line of edition: 16 სერ ქუნა̈რ აჩა̈დხ. მინ ჩუ იდიარა̈̄ლხ. ლემესგს ა̄შუ̂ეხ ძღჷდს:
Line of edition: 17 "ტებდი ესერ ხე̄რახ ქუნა̄რუს". მე̄რმა ლადეღ ჟი იგნა̈̄ლხ, განცხდა̈ბ
Line of edition: 18 ლადეღ, ლა̈ძჰა̈̄ლს ა̈ძჰენიხ, ლეღუ̂ს ხოჯგრიხ ი დია̈რს. ალა [განცხდა̈ბ]
Line of edition: 19 ლიზ, ლჷრა̈̄ქუ̂ედ, თახა̈ ლადეღ. ეჩუნღო̄ნ საფტინ ანჴა̈დ, ლახორთე
Line of edition: 20 აჩა̈დხ ქუნა̄რუ. ლახორს ი̄მბუ̂ა̈̄ლხ ქუნა̄რუ, ეჯჲა̈რს ხაკუხ ერე ხოჩა̄მდ
Line of edition: 21 ხარდე̄დდ სგა̈ჲ. Line of edition: 22 ეჯ საფტინ ლე̄თ ლახორხა̈ნ ა̈გითე ჴედნიხ. ათხ ა̈̄გის ტაბა̈გ ჩოხგეხ,
Line of edition: 23 ერე "ლახორხა̈ნ ესერ ა̈მჴედე̄ლიხ" ი ა̈დია̈რნეხ. ბა̈ზი ხოშა
Line of edition: 24 ლემესგს ა̄შუ̂ეხ. ამჟი ხოხახ და̈შდი ლადა̈ღუ̂. ეჯ ლადეღ ისგლე̄თი
Line of edition: 25 უ̂ონაქა ჟი̄გნა̈̄ლხ ი ქა ირბიე̄ლხ, ტაბგა̈რს იგემხ, ჩუ ხუფა̄ნეხ. ქუნა̄რუ
Line of edition: 26 იდიარა̈̄ლხ. ფიჩქჷლდს ჟი იკედ ქორა̈ ხოშა, ქა̈̄გნე ქუნა̄რუს ყო̄რთექა. ეჩქა სგა
Line of edition: 27 ჴედნი ქორთე ი ჩუ იდია̄რა̈̄ლხ მინ. Line of edition: 28 ალა ლიზ. Line of edition: 29 (მულახი) Добавлено (2006-11-17, 6:38 Pm)
---------------------------------------------
Part No. 12 Text: 12
Page of edition: 12
Line of edition: 30
12. სუ̈მნიშ Line of edition: 31 ეშხუ უ̂იქმ ნიხალ ლახრა̈ლს. ალ უ̂იქმ ლი სუ̈მნიშ ი ხეხუ̂ა ლუ̈ნთუ̂ისგა
Line of edition: 32 პირუ̂ელ თებჷრუ̂ა̈ლს. ლახუ̂ს ნი̄გ საყდა̈რ. ეჯას ხუ̂აყლედ მა̈დლია̈ნს,
Line of edition: 33 მო̄დეჲ თა̄რჷნძელს. Line of edition: 34 სუ̈მნიშ ქა ნიჭიმ სოფელს: აშხუ̂ ზაუ̂ ეშხუ ლი მუსუმნიშ (მჷსუმნიშ) Line of edition: 35 ი მე̄რმა ზაუ̂ -- მე̄რმე. სუ̈მნი ლადეღ მუსუმნიშ ჟი ღჷრი მა̈დლია̈ნთე
Page of edition: 13 Line of edition: 1 ი ეჩე იმზირ. ეჩუნღო სოფელ ღჷრი, ესუ̂ა̈̄ჲს ჟი ლი̄ზი ხაკუ ი დია̈რს
Line of edition: 2 ი ზედა̈შს ა̈ჲი მა̈გ. დია̈რს ჟი ხა̈მზჷრიხ ი ზედა̈შსი. ეჩუნღო ტაბა̈გს
Line of edition: 3 იგემხ ი ჩუ იდიარა̈̄ლხ, ჰარა̈ყს ითრეხ ი დია̈რს იზბიხ. Line of edition: 4 ეჩუნღო, ნა̈ბზა̈ პილთე, ჟი იცხემხ ტაბა̈გს, ჩუ ისგუ̂რიხ ი კე̄სარს
Line of edition: 5 ითშიხ. ჲესუ̂ა̈̄ჲს ხოჩა̄მდ ხესგუ, ეჩის გარ ითშიხ კე̄სა̈რდ. კე̄სა̈რს
Line of edition: 6 ჩუ̂აგუ̂ნა̈ჲეხ: ჟი იკედხ შიხს ჲედე გუნა̈ჲს, ეჩის ჟი ხაცუ̂მენიხ ლაწუ̂ეუ̂ჟი
Line of edition: 7 ჩია̈̄გ, თე̄რა̈ლჷნქა: ნებგუ̂აჟი, ჰა̈ყბა̈̄რჟი, ნექჭა̈̄რჟი, ნეფხუ̂ნაჟი, კაპრა̈ჲჟი,
Line of edition: 8 ჩია̈̄გ ხაცუ̂მენიხ გუნა̈ჲს. ეჩუნღო უ̂ა̈ზრა̈ლს ითშიხ. ეჯჲა̈რ ხეკუ̂ეს-ე
Line of edition: 9 ხელჩე̄დხ კე̄სა̈რს. კე̄სა̈რ იბუ̈̄რღუ̂იე̄ლ, იბუ̄ნძგუ̂ა̈̄ლ ი უ̂ა̈ზრა̈ლჷნქა ჩი̄
Line of edition: 10 ხეღუ̂ჭინა̈̄ლ, ჲედ ლემასგუ̂ჟი აცხუ̂ლე, მო̄დეჲ მუსისგა აშდღუ̂ი, აშდღუ̂ი
Line of edition: 11 ი ილგაცა̈̄ლ ამჟი. ეჩუნო სერ ჩუ ინბუზი, ქა ჴედნიხ ი ლამპრა̈ლს
Line of edition: 12 ატუ̂რა̈̄ლიხ. ლამპრალს ა̈გიხა̈ნ ა̈ჲე̄სგიხ, ჩუ ლჷცლჷ̄რა ი ჟი ლჷმა̄რა.
Line of edition: 13 ნა̈ბუზს ჩუ ხაჴლენიხ მუსისგა ი ეჩეჟი̄ნ ნეწუ̂იდდ ლჷმა̄რა ლამპა̈რს ხადიხ,
Line of edition: 14 ამჟ'ა̄. ეჩუნღო ხოჩა̄მდ სგა ხა̈ღუ̂ი̄რეხ ლემესგს. ეჩუნღო ჟი ხებდინი
Line of edition: 15 ლამპა̈რს ი ხოშა ლემესგ ხეფსი. ეჩის ჲერუ̂ა̈̄ჲ ქა ხეწდენი გუშგუ̂ეჲ
Line of edition: 16 სოფელხა̈ნ, ეჩქა შიშდ ჟ'ატუ̂რა̈̄ლიხ სოფელს ლამპრა̈ლს ი ჭჷშხა̈შს
Line of edition: 17 იჩოხ ი იღრა̈̄ლხ. ეჩე, საყდა̈რსი, იჩოხ ჭჷშხა̈შს ი იბუ̄ნძგუ̂ა̈̄ლხ, კე̄სა̈რი
Line of edition: 18 იბუ̄ნძგუ̂ა̈̄ლ ი მიჩა უ̂ა̈ზრა̈ლი. უ̂ა̈ზრა̈ლ კე̄სა̈რს ხეწე̄ნა̈̄ლხ. კე̄სა̈რს
Line of edition: 19 ქა და̈̄რ მოშ ხეტხიე̄ლ ი ფუსდს გარ ხაყლე მა̈გ. ლამპრა̈ლ ჩუ დეგნიხ ი
Line of edition: 20 ეჩქა ა̈გითე ჴედნიხ. ა̈გის შუკუ̂ა̈რჩუ ჩუ ხო̄გ კე̄სა̈რს უ̂ო̄ო̄ო̄, უ̂ო̄ო̄ა̈,
Line of edition: 21 იტუ̈̄ლიე̄ლ ამჟი. უ̂ა̈ზრა̈ლ აზუ̂იხ. კე̄სა̈რ ესუ̂ა̈̄ჲს ქა ხეწდენი, ხეზურიე̄ლ Добавлено (2006-11-17, 6:38 Pm)
---------------------------------------------
ფაუშ, მარე უ̂ა̈ზრა̈ლ დე̄მ ხა̈მბეხ ლიყერს. კე̄სა̈რ ჟი̄ბ (საყდა̈რს) ნარდუ̂
Line of edition: 23 ერუ̂ა̈̄ჲ ლი ეჯ ლადეღ, ეჩას დე̄მ ხა̈ჩო. Line of edition: 24 სერ ჩუ ჴუ̂ედნიდ სოფელთე. ეჩქას მუსუმნიშთე სგა ღურიდ.
Line of edition: 25 ყო̄რჟი ჩუ ხუ̂იგნიდ ლიმციქუ̂ილს ხობნედ. მუმციქუ̂ილ კე̄სა̈რ ლი ი
Line of edition: 26 უ̂ა̄ზრა̈ლი, პასხუ̂ი მჷტხე ალჲა̈რ ლიხ. კე̄სა̈რ ლჷქა̈დ ლი, უ̂იდიე̄რ
Line of edition: 27 ლი მე̄უ̂არ ი ქორხა̈ნ ერუ̂ა̈̄ჲ ლი პასხუ̂ი მჷტხე, ეჩას ჩი̄ ხოლა̄მ გარ ხაყლე,
Line of edition: 28 მარე ქორხა̈ნი ხოლა̄მ ხა̈ტხეხ ეჩქა. მა̈̄ნკუ̂ი კე̄სა̈რ აზზი მეცქუ̂ილს ი
Line of edition: 29 ხაყლე: "ქორხა̄ნქ' ე̄სერ ქაუ̂ ესუ̂ქა̈ხხ, ადო ესერ მიჩა ჯა̈რ-ი-მა̄რა ჲეშდჲერუ
Line of edition: 30 ბერჟა̈ ლაგა̈̄გი ხოჴი̄ჩა ჭჷშხრე ნაგა̈მ ი ეჩჟი ხეშტრე ნა̈ძგრინ,
Line of edition: 31 ეჯა ესერ ახყა ი ქორხა̈ნქა ქაუ̂ ესუ̂ქა̈ხხ. ყო̄რქა ესერ ნო̄რუ ანჴა̈დხ. მა̈გ
Line of edition: 32 ესერ ნანგუ̂ლიქაუ̂ ა̈თცჷყე̄რა̈̄ნხ. ეშხუ ასა̈დხ საფუ̂ა̈რი მჷლჩად. ლეჟა̈̄ნისგა
Line of edition: 33 ამყა ჯა̈რ ეჩზუმ, ერე თხუ̂იმ როქუ̂ ჴე̄რა̈შ ხორი ი კა̈ცხ ჭო̄ლა̈შ; ლექუ̂ა̈̄ნისგა ამყა
Line of edition: 34 ჯა̈რ, ბახსნა̈რ, ეჩზუმ, ერე თხუ̂იმ ქიპიე̄რ ხორი ი კა̈ცხმესტიას". Line of edition: 35 ათხე სგა ღჷრი მეცქუ̂ილ ი ქა ხო̄მბუ̂ი ქორს. ქორს, ამე, პასხუ̂ი მჷტხა
Line of edition: 36 ითშიხ (პასხუ̂ი მჷტხად ჩიგარ ეჩას ითშიხ, ესუ̂ა̈̄ჲს ხოჩა̄მდ ხოხა
Page of edition: 14 Line of edition: 1 ეჯ ლე̄თი ლიმციქუ̂ილ. ეჯ ლე̄თი ლიმციქუ̂ილ ხოჩა̄მდ ხოხალხ მეჩია̈რს,
Line of edition: 2 ესუ̂ა̈̄ჲს ხუ̂ა̈ინ ხოწუ̂ახ ალა, ი ეჯჲა̈რს ითშიხ). პასხუ̂ი მჷტხე
Line of edition: 3 ხაყლე: "მიჩა ჯა̈რ-ი-მა̄რად ესერ მა̄მ ხაყლუ̄ნიხ, სგაუ̂ ესერ ანჴა̈დ,
Line of edition: 4 ნეზუ̂ი გუ̂ა̈რა ოთჷრშინეხ, ჩა̈̄ჟი გუ̂ა̈რა ჟ'ათქუ̂ემნეხ ი ციცუ̂ი თხუ̂იმს
Line of edition: 5 ჩუ̂ესდუ̈ნეხ ლაგა̈ფდ, ციცუ̂ი ჰაკუ̂ა̈დს ულმაშა̈რ ლა̈კუ̂ცა̈̄ნდ" ათხე ქა
Line of edition: 6 ჴედნი მეცქუ̂ილ ი ქა ხო̄მბუ̂ი კე̄სა̈რს, მა̈̄ჲ ლახტიხხ ქორხა̈ნ ათხე ამის
Line of edition: 7 ხაუ̂შგედ, ხაუ̂შგედ ი ფაუს ხატყცი ქორა̈ ყო̄რა̈ლს ი იზურიე̄ლ, იტუ̈̄ლიე̄ლ:
Line of edition: 8 უ̂ო̄ო̄ო̄ო̄ ჟი̄დ იბნე: უ̂ო̄ო̄ო̄ო̄! ღუ̂ეშგინპილს სგა ლეჴჷ̄რა̈̄ლ ხა̄რხ
Line of edition: 9 ქორხა̈ნ პასხუ̂ი მჷტხა. აშხუ̂ კარუ̂ა ჰარა̈ყს ხოჴდე ი სგა ხაჩქუ̂ეუ̂ი,
Line of edition: 10 ხაყლე, ერე "ხაპა̈ტიუ̂ეუ̂ ესერ, მა̈̄ჲ ესერ ნაქადუ̂ ლე̄სუ̂!" ეჩუნღო ქა
Line of edition: 11 ჴიდეხ ლეტუ̂რა̈̄ლს. ეჩის ჩუ ა̈რგიუ̂ა̈̄ლიხ ი ჩი̄ ხაჰუ̂დიხ თუ̈თს, ერუ̂ა̈̄ჲ
Line of edition: 12 საყდა̈რს ნარდუ̂ ლი. ჩი̄ ჟ'ატუ̂რა̈̄ლიხ (ჟ'ატუ̂რეხ), ჩუ იყდა̈̄ნიხ ტა̈ტისგა,
Line of edition: 13 ჩუ იდა̈̄წყიხ ჯა̈რი გუ̂ა̈̄რდ ი სგა ღჷრიხ ქორთე. (სადამს ლიჴედს
Line of edition: 14 ხუ̂აყლედ ამის, -- სგა ლი̄ზის ქორთე კე̄სრიშ ი მიჩა აფხნეგრეშ).
Line of edition: 15 სგუ̂ებინ ქორხა̈ნ ნაჴა̈დუ̂ ხოჟა̈ღუ̂ ი ეჩუნღო კე̄სა̈რ ი მიჩა უ̂ა̈ზრა̈ლ.
Line of edition: 16 ეჩუნღო აშ ხა̈ლხ ესღრი მა̈გ. ამე, ლა̈ლმესგს, სამინ ქა ხეცხპენიხ
Line of edition: 17 გირკიდ ლაღრა̄ლუშ ( ლაღრა̄ლოშ) მესმა̄მინ სგა ხეფურთუ̈̄ნიხ უშხუ̂ა̄რ
Line of edition: 18 ი იბუ̄ნძგუ̂ა̈̄ლხ. ეჩუნღო ქა ხეყჩენიხ ლაბუ̄ძგუ̂ა̄ლს ი კე̄სა̈რს ი
Line of edition: 19 მიჩა უ̂ა̈ზრა̈ლს ჩუ̂ასგუ̂რეხ აშხუდ, ტაბა̈გს იგემხ ი იდიარა̈̄ლხ, ა̈მზჷრა̈̄ლიხ
Line of edition: 20 ჰარა̈ყს ი ეჩუნღო ლა̈ხხუ̂ას ხოჴდეხ კე̄სა̈რს: ჲარუ̂ ი სამ, მო̄დეჲ
Line of edition: 21 ხოშა̄მ. ლა̈ხხუ̂ა ერ ახყახ, ეჩქა მა̄რა̈̄ლ ი ბოფშა̈რ კეტა̈რს იკედხ ი
Line of edition: 22 ტჷტს აბუ̄რღუ̂ეხ (ქუ̂ერწილ ესერ ხა̄რხ ბა̄ზი კე̄სრიშ). ეჩუნღი ლა̈ხხუ̂ას
Line of edition: 23 ჩუ̂ასგუ̂რეხ კე̄სა̈რცახა̈ნ. კე̄სა̈რ ლა̈ხხუ̂ას ხეტჷა̄შა̈̄ლ, ხეყჰა̈̄ლ. კე̄სა̈რს
Line of edition: 24 ი მიჩ ლა̈ხხუ̂ას თა̈შს ხოხტუ̄რეხ. კე̄სა̈რ ხორგიუ̂ა̈̄ლი ლა̈ხხუ̂ას: აშხუ̂ Добавлено (2006-11-17, 6:39 Pm)
---------------------------------------------
ნა̄პუს აშხუ̂ ხაჰუ̂დი. მე̄რმა-მე̄რმა. ჩუ სგურხ ეჩჩუ ხუ̂ა̈ჲ ხა̈ნს. ეჩუნღო
Line of edition: 26 ტაბა̈გს ჟი იცხემხ ი ხოჩა̄მ ლარდას ასყე̄ნეხ, ლასუ̈ბს ი ლაღრა̄ლს ი
Line of edition: 27 ღუ̂ეშგინპილს ჩუ ფხეჟნიხ. მაშდმა̈̄რ ღჷრიხ ა̈გითე. Line of edition: 28 (მულახი) Line of edition: 29 სუ̈მნიშ ნიხა ნა̈ჲ, იფა̄რა̈ლს, ჲარუ̂ თებერუ̂ა̈ლს. ეჩქა ნა̈მთქუ̂ა თუ̂ით
Line of edition: 30 ხოშა ლამპრი ლიი სუ̈ფთე მეზგახა̈ნქა ი ჟი ხუ̂ატუ̂რედ ჩი აშხუ̂ ა̈გის
Line of edition: 31 ი ეზერ ლარდა ნა̄რ: ხუ̂იყუ̂ა̄ბუნა̈̄ლდ ი ხუ̂იქჷ̄სა̈̄ლდ. მა̈̄ნკუ̂ი ჲერუ̂ა̈̄ჲ
Line of edition: 32 ა̈გითე ღჷრი, ეჩას ხუ̂ა̈ჲ ყუ̂აბს ხუ̂ატყციდ შჷყისგა. ეჩი̄ მაყალშუ̂ ა̈გითე
Line of edition: 33 ლი̄ზი მე̄უ̂არ ხამჭირ ჩი̄. Line of edition: 34 მე̄რმა ლადეღ ჯგჷრა̈̄გი ნამპრობ ნა̄რ ი ლამა̈̄რია̈̄ ლამპა̈რსი ხუ̂ა̈იდ
Line of edition: 35 ი ჲარუ̂ ა̈გის ჟი ხუ̂ატუ̂რედ ი თუ̂ით ლამპა̈რს აშხუ̂ ა̈გის ხუ̂ატუ̂რედ
Line of edition: 36 ი თუ̂ით -- მე̄რმ' ა̈̄გის, მესმა ლამპა̈რს (კოტო̄ლ ლამპრო̄ლა̈რს) ხუ̂ა̈იდ
Page of edition: 15 Line of edition: 1 ხამა̈რხა̈ნ, მესმა ლადეღ -- დეცე ლამპა̈რს. ეჯას ჯუ̂ე̄დი (ჯო̄დი) ღუ̂ატს
Line of edition: 2 ხუ̂აცუ̂ედ ი ჟი̄ბა̄რქა ხუ̂იყდა̈̄ნიდ: "დეც როქ ჩუ̂ა̈დტებდი" ი ეჯ ლე̄თ
Line of edition: 3 ქა ისრული. Line of edition: 4 სუ̈მნი ლე̄თ აჯაღ კალუ̈სგა თე̄მი ლამპრა̈ლს ხუ̂ასყე̄ნედ, ესუ̂ა̈̄ჲ
Line of edition: 5 ხაგა̈დ თე̄რა̈ლხა̈ნ, ი ჟი ხუ̂ა̈მზჷრიდ. აშხუ̂ხა̈ნ ტოტისგა სამ ლემზირს
Line of edition: 6 ხუ̂იყდა̈̄ნიდ ი მე̄რმახა̈ნ -- ლუტუ̂რა ლემპა̈რს ი ჟი ხუ̂ა̈მზჷრიდ ეჯასი
Line of edition: 7 ი "მაშედუ გუ̂ა̄რ იფა̄რა̈ლს სუ̈მნი ლე̄თი ნა̈მზჷრ". Line of edition: 8 (იფარი) Добавлено (2006-11-17, 6:40 Pm)
---------------------------------------------
Part No. 13 Text: 13
Page of edition: 15
Line of edition: 9
13. ლამპრობ Line of edition: 10 მესტიას ლემპა̈რს ამა̄რეხ ადგომ ლადა̈ღ. ქა დე̄სგიხ შგილქა ი
Line of |
| |
| | |
|
Мужчина |
Date: Пятница, 2006-11-17, 6:46 PM | Message # 4 |
|
Group: Проверенные
Posts: 352
Status:Offline
Дата регистрации:
2006-09-07 |
: "ნო̄თაუ̂ როქუ̂ ხუნკუ̂იდ ა̈დფჷრა̈̄ნ". ლემპა̈რ ლამა̄რაჟი ეჩშელდ
Line of edition: 12 თხუ̂იმს იქუ̂ცეხ-ეм, უ̂ოშუ̂ა̈̄ჲდ მა̄რ' ა̈̄რი ქორისგა, ი ჩუ̂ალჟღჷნეხ, "ღო
Line of edition: 13 ხოჩა̄მდ როქუ̂ ა̈ხბიდნი", ეჯღა. ალას ქა დე̄სგიხ შგილქა. Line of edition: 14 ლიმპა̈რი ლადა̈ღ მესტია მურგუ̂ა̈ლს ჟინჟღლა̈რ ესღუ̂ა ლამპრა̈ლ
Line of edition: 15 ლადა̈̄სგთე, ეჩშელდ-ეм, უ̂ოშუ̂ა̈̄ჲდ მა̄რე ა̈რი ქორისგა. ეჩე ჟი ერ შიდეხ
Line of edition: 16 ჟინჟღლა̈რს ლემასგუ̂თეჟი, ეჩქა მჷშდე ტუ̄ლი: "ამჟი̄უ̂ ალშიხე̄ლი
Line of edition: 17 ალ სოფლი ქუ̂ით, ალ სოფლი ამახუ̂, ჲესუ̂ა̈̄ჲს ალ სოფლი ხოლა ხეკუ̂ეს!
Line of edition: 18 მესტია̈̄ ტკიც მა̄რე მა̈გ ლჷმზჷრე̄უ̂ ლი!" ამეჩუ ისყი მა̈̄ჲ მაშე̄ნე
Line of edition: 19 ლისუ̂ბი-ლიხი̄რულ. ლემსგი გირკიდ ჭჷშხა̈შს იჩოხ; აშხუ̂ ა̈გის ლიბჷრგე̄ლ
Line of edition: 20 ხა̄რხ მახა ღუ̂აჟა̈რს. ამჟი ლი სერ ნა̈ბოზდ ლაღრა̄ლ, ლა̈ხი̄რულ
Line of edition: 21 ი ლასუ̂იბ. Line of edition: 22 მუბუ̈რჷნღო, ნა̈ბოზს ჲერუ̂ა̈̄ჲს ლიმპა̈რი ხა̄რხ, ლიმპა̈რითე ღჷრიხ.
Line of edition: 23 ლიმპა̈რი სამ ლადა̈ღ ლი. ლიმპა̈რი̄ ლიჩუ̂მე ამჟი ხაზნახ ნიშგუ̂ეჲმჷყ-ა:
Line of edition: 24 ჲორი მეზგე უშხუ̂ა̄რ ხატყუ̂ბახ: აშხუ̂ ზაუ̂ ეშხუ იჩო ლიმპა̈რის, მე̄რმა
Line of edition: 25 ზაუ̂ -- მე̄რმე. უშხუ̂ა̄რთე მე̄ზი ეჯა ლი, ჲესუ̂ა̈̄ჲს მჷქაფ ხაყა, ეჯჟ' ერე
Line of edition: 26 უშხუ̂ა̄რე შელდ ლესუ̂ხ. მჷქაფ ლახ მო̄მ ღჷრი, აშხუ̂ მა̄რე̄მი ნა̈̄თის --
Line of edition: 27 ლაგა̈ფს, დია̈რს ი იშგან ჩი̄ ქა ხოზზიხ მეზგა. Line of edition: 28 ამუნღო ეშხუ ნაგზი ქა ღჷრი (ხუ̂ა̈ინ ხოშა დო̄სდი̄ ხეხუ̂ა), ჯგჷრა̈̄გი
Line of edition: 29 ლამპრობ ლი. ეშხუ ლამპა̈რ მაშე̄ნე ხა̄რხ წეს. ალას ხაჟხა ჯგჷრა̈̄გი
Line of edition: 30 ლამპა̈რ. ალას ქორს ხა̈ბდინეხ ი მჷბიდს ჯგჷრა̈̄გთე ა̈იხ. სუმინ ჟი
Line of edition: 31 ისპუნიხ ჯგჷრა̈̄გი ჰა̈ზუ̂ისგა, სუმინ გირკიდ ქა ხეცხპენიხ ლემასგუ̂ ი
Line of edition: 32 ეჩანღო ლამპა̈რს ჟ'აკუ̂ა̄ნეხ ლემასგუ̂თეჟი. ამი̄ ჟი ლიკუ̂ა̄ნა̄ლუ̂ ა̈მზჷრიხ
Line of edition: 33 სოფელს ი აჭთუნეხ სოფლი ქუ̂ითს. ალ ნა̈ბოზს ამჩუ გუნ
Line of edition: 34 ლიხი̄რულ ლი. ხაზნახ ლიყუ̂ა̄ბანა̈̄ლ, ლიბჷრგე̄ლ ი ლიმზირ, ახღუ̂ახ
Line of edition: 35 ზედა̈შ ჯგჷრა̈̄გი ნა̈მზჷრუნდ. ჟი მჷმზჷრი მჷლჯგჷრა̄გა ლიხ. ეჩანღო
Line of edition: 36 ითრეხ ზედა̈შს ი ა̈მზჷრიხ ეჩი̄ მჷჴდა. ალ ნა̈ბოზს ამხა̄უ̂ ჩი̄ ახღუ̂ა
Page of edition: 16 Line of edition: 1 ხოხუ̂რა ლამპრა̈ლ, მინე-მინე ლჷდგარუ̂ი̄ საფლაუ̂ა̈რთეჟი. მეხუ̂ბარა̈ლს
Line of edition: 2 ქა ხოთრახ მინე ლაშდღუ̂ია̈რ ი ამეჩუ ატუ̂რეხ უშხუდ ლამპრა̈ლს. Line of edition: 3 მახა ლჷდგარუ̂ი̄ პატრონა̈რს ჰარა̈ყ ი ლემზრა̈ლ ახღუ̂ახ ლეფა̄ნად
Line of edition: 4 ი ნა̈შუნდუ̂ა̈ბუნდ. ამ ლე̄თ ლირჰი ხაზნახ თებუშე̄რმჷყ (სიმელა̈რმჷყ).
Line of edition: 5 ამეჩუ სერ რიჰდ ლისუ̂ბი-ლიღრა̈̄ლ ი ლიჭშხა̈შ მა̄მა ქუ̂ეცნი ჩუ. Line of edition: 6 ალ ლადღა̈რუნღო ატუ̂რეხ დეცე ლამპა̈რს, კალუ̂ა̈ ლამპა̈რს
Line of edition: 7 ი დაბრე ლამპა̈რს (დაბრე ლამპა̈რს დაბა̈რთ' ა̈̄იხ). ჲერხის აჯაღ
Line of edition: 8 ხოფშირა ლამპა̈რ ხაგა̈დხ: თე̄მიშ, კუმშიშ (ალას ლანგუ̂ლიჟი̄ნ ატუ̂რეხ)
Line of edition: 9 ი იშგენ ლამპრა̈ლ აჯაღ. Line of edition: 10 (მესტია) Добавлено (2006-11-17, 6:41 Pm)
---------------------------------------------
Part No. 14 Text: 14
Page of edition: 16
Line of edition: 11
14. თა̄რინგზელი წირ Line of edition: 12 ლაშთხუ̂ერი თა̄რინგზელ გუნ ლამა̈ზ ლაჴუ̂ა̈მ ლიზ. ეჩის ქა̄მენ ა̈მირანიშ
Line of edition: 13 ი ბაყბაყ-და̈̄უ̂ა̈ ლიშია̈̄ლ ხახტაუ̂ა. ეჩჷნქა ა̈მირან გუ̂ელჲა̈შა̈პს
Line of edition: 14 ოთურტყუ̂ა. ეჩქას ქა̈̄მჴედ, უ̂ე̄რე-ჲ ფა̈თუ̂ ქა̄თყუ̂ეფა. ეჯა ლა̈ჩუ̂ს ათღუ̂ეჭა,
Line of edition: 15 ღო უსუპი ნიბა̈̄შინ ცამცუმ ახხუ̂იე̄ნა. ეჯა მა̈გ ჟი ხახტაუ̂ა. ამი̄
Line of edition: 16 ისტორიას შუ̂ანა̈რ ამჟი ყჷლეხ: Line of edition: 17 "თამარ დედფა̈ლ შუ̂ა̈ნთე ნამა̈̄ტუ̂ ა̈მჴედე̄ლი. ეჩქას შუ̂ა̈ნისგა ლაჴუ̂მარე
Line of edition: 18 ლიშნა̈უ̂ი ოთბინა, ჩია̈̄გ ჩუ̂ოთშა̈ნუ̂ა ლაჴუ̂მა̈რ. ეჩქას ლენჯა̈̄რთე
Line of edition: 19 ა̈მჴედე̄ლი, ლაშთხუ̂ერი თა̄რინგზელს ლჷმგა̈მინუ̂. ეჩქას ახჴედა ამბა̈უ̂,
Line of edition: 20 ერე "ა̈მირანს ესერ ბაყბაყ-და̈̄უ̂ ჩუ̂ოთდაგრა", ეჩი̄ ლიხიადა̄ლე ლა̈ნშა̈ნდ
Line of edition: 21 ჟ'ოთხატუ̂ა̈̄უ̂ნა ლაშთხუ̂ერი თა̄რინგზელჟი̄ნ ა̈მირანიშ ი ბაყბაყ-და̈̄უ̂ა̈
Line of edition: 22 ლიშია̈̄ლ". Line of edition: 23 ლაშთხუ̂ერია̈რს ზაუ̂ისგა ხა̈მთქუ̂ახ ეშხუ თა̄რინგზელი წირ აღბა̈
Line of edition: 24 ცა̈̄ლადა̈ღ. სგუ̂ებნე ლადღა̈რს მუსი მურყუ̂ამს იბნეხ. ამი̄ ლიგემს ქა̄სრულეხ
Line of edition: 25 თა̄რინგზელი წირ სგუ̂ებნე ლე̄თ. მე̄რმა ჰამს ჟი ინზო̄რა̈̄ლხ
Line of edition: 26 სოფელ აშხუ̂ მეზგაისგა, ნა̈სია̈ჲშე̄რ ქორისგა. ჰარა̈ყ ჟი ლჷმა̄რე ხა̄რხ,
Line of edition: 27 დია̈რს მა̈გ ქა̄ნყეხ ი სგა ჴიდეხ. ღუ̂აჟა̈რ მურყუ̂მა̈ ფე̄დიას თა̄რინგზელს
Line of edition: 28 მიჩა ძღუ̂იდისგა ჟი ხა̈მზჷრიხ ჰარა̈ყს ი ჩუ ითრეხ. ეჩქანღო სგა
Line of edition: 29 ხეჭუ̂ა̈̄დიხ ხოხუ̂რა̈̄ლ მურყუ̂ამს ი ჩუ რიღუ̂ეხ. Line of edition: 30 მურყუ̂ამს ჟიქა̄ნ ჯუ̂ა̈რ ხა̄გ. "ეჯას ერუ̂ა̈̄ჲ ქა იღე̄შგი, ეჯას ესერ
Line of edition: 31 ხოჩა ზა̈ჲ ხოჴდენი" ი ლაღე̄შგა̄ლს სგა ხეხუ̂ტენიხ. ეჩქანღო ჟი ინზო̄რა̈̄ლხ
Line of edition: 32 ქორისგა, მა̈გ ჩუ ისგუ̂რიხ, ხოშა̄-ჲ ხოხუ̂რა, ი ხა̄რხ ხინ ი ხიად.
Line of edition: 33 ნა̈ბოზს ჩუ ფხეჟნიხ. მუბუ̈რჟი̄ნ ჟი̄დ იყუ̂ბა̈̄ლხ ქორისგა ი
Line of edition: 34 ლირჰი ხა̄რხ. ლა̈ხი̄რული მასა̈რდ ხა̄რხ. Line of edition: 35 (ლენჯერი) Добавлено (2006-11-17, 6:42 Pm)
---------------------------------------------
Part No. 15 Text: 15
Page of edition: 17
Line of edition: 1
15. მურყუ̂მა̈ ლირღუ̂ე ნე̄სგუნს Line of edition: 2 ნე̄სგუნა̈რ ეჩქანღო გარ იბნეხ მუსი მურყუ̂მა̈ ლიგემს. ლეღუ̂ი აღაბლე̄თ
Line of edition: 3 ქა̄სრულეხ ლიგემს. ყუ̂ელიერი დუ̂ეშდი ლადა̈ღ ბოფშა̈რ ჟი
Line of edition: 4 ინზო̄რა̄ლხ, ლემზჷრა̈ლს კარუ̂ა̄ლშუ̂ ჟ'ა̈ჲე̄სგიხ მაცხუ̂ა̄რთეჟი̄ნ, სამრაკუ̂ა̈
Line of edition: 5 ჰა̈ზუ̂ისგა კარუ̂ა̈̄ლს ჩუ იგემხ ბეთლა̈მი ყო̄რჟი̄ნ, მა̈გ ჟი ინზო̄რა̈̄ლხ
Line of edition: 6 ეჩქას ყუ̂აბდ, ჟი ხა̈მზჷრიხ ლემზჷრა̈რს. ეჩქანღო ხეგნიხ მურყუ̂ამს ლა̄რღუ̂ას, Line of edition: 7 ჟიბა̄უ̂იშ-ჟიბაუ̂ ი ჩუბა̄უ̂იშ-ჩუბა̄უ̂. "ხედუ̂ა̄ჲ მოშ
Line of edition: 8 მიჩეშთ' ა̈̄დრიღუ̂ე, ეჯას ესერ ხოჩა ზა̈ჲ ხოჴდენი". მურყუ̂ამ ჩუ
Line of edition: 9 რეღუ̂ნი, ეჩქას ჯუ̂ა̈რი ლიღე̄შგა̈̄ლს იბნეხ ი ერუ̂ა̈̄ჲ ქა ხოღი, ეჯას
Line of edition: 10 ესერ მიჩა ფა̈ყთე ხოჩა ზა̈ჲ ხოჴდენი". Line of edition: 11 (ლენჯერი) Добавлено (2006-11-17, 6:42 Pm)
---------------------------------------------
Part No. 16 Text: 16
Page of edition: 17
Line of edition: 12
16. ჯგუ̂იბ Line of edition: 13 მესტია̄ლა̈რს ხაზნახ თებრუ̂ა̈ლისგა ღჷნ, ხედუ̂ა̈̄ჲს ხაჟხა ჯგუ̂იბ.
Line of edition: 14 ჯგუ̂იბ ლა̈დღიშდ მესტია ჩუ მეყუ̂ლე ლი ისგდ: აშხუ̂ა̈ნ ლიხ ლაღმა̈რ,
Line of edition: 15 მა̈რგია̄ნა̈რ ი ლა̈მბა̄შნა ლაღმარეშ ი მა̈რგია̄ნრეშ, მე̄რმახა̈ნ-მესტია̈̄
Line of edition: 16 მე̄რმე ლექუ̂ა̈̄ სოფლა̈რ. Line of edition: 17 ჯგუ̂იბდ აშხუ̂ ნაგზა სგუ̂ებინ ლაღმა̈რ ი მა̈რგია̄ნა̈რ იბნეხ ლაღმი
Line of edition: 18 სუ̂იფისგა მუსი მურყუ̂მა̈ ლიგემს. მურყუ̂ამს მა̈̄ნკუ̂ი იხუ̂ნი ეშხუ მა̄რე,
Line of edition: 19 ხედუ̂ა̈̄ჲს ხეხუ̂ ღანაუ̂ ხა̄რ, ეჯღა ერე "ალას ესერ ხოხა ჭყინტი ლითნე",.
Line of edition: 20 ლიხუ̂ნის ლა̈̄თშუ̂ იჩოხ უფგოშ. მურყუ̂ამ ლაგა̈მჟი მუხუ̂ნის ლახ
Line of edition: 21 ჩუ̂ა̈ცხრეხ, მა̈გ ხატყციხ. ლაგა̈მჟი ტუ̄ლიხ: "მუხუ̂ნი, მუხუ̂ნი"ს ი ხატყციხ
Line of edition: 22 ყუ̂აბა̈რს Line of edition: 23 მუყუ̂ამ ლი ლჷსკრიბა მუსიშ, ნე̄სგაისგა ხონხენიხ ზექა̈რს ლაბგად.
Line of edition: 24 მურყუ̂მა̈ ნაკლა̈თხი ლი ჲარუ̂ მა̄რე̄მი ლაგენ, ნა̈ნგრან -- ჲეშდ ჴა̈ლ.
Line of edition: 25 მურყუ̂მა̈̄ ლიგემს ერ ქა̄ზგჷრეხ, ეჩქას აშხუ̂ ფოყხა̈ნ ისგთე̄სგა სგა
Line of edition: 26 ხა̈ქუ̂ცეხ მურყუ̂ამს ჭერი ნანგრე̄მი ნაზიმს. ეჩე̄სგა ჭერს ჟ'აკჩეხ ეჩჟი̄ნ,
Line of edition: 27 ერე ჭერ ხეხო̄ლდე̄დს ნე̄სგაჟი. ეჩანღო მუსს სგა ხაგემხ, ჭერს ჩუ̂ა̈ნგჭუ̂ეხ
Line of edition: 28 ბჷგიდ. ჭერი ნაკლა̈თხი ლი ეშდოხუ̂იშდ ჴა̈ლ. ჭერს კა̈ცხჟი ხალჯენიხ
Line of edition: 29 ჯუ̂ა̈რს. ჯგუ̂იბდ აშხუ̂ ლადაღშუ̂ სგუ̂ებინ ალას ამჟი ქა̄ზგჷრეხ. Line of edition: 30 ჯგუ̂იბ ლადაღ მესტია მურგუ̂ა̈ლ, ხოჩა მახე ღუ̂ა̈ჟ ი ხოჩა ზურა̄ლ,
Line of edition: 31 მა̈გ ინზუ̂ე̄რი. აშხუ̂ ფოყხა̈ნ ლიხ ლაღმა̈რ ი მა̈რგია̄ნა̈რ, მე̄რმა ფოყხა̈ნ
Line of edition: 32 ლჷგხ მე̄რმე სოფლა̈რ -- ლექუ̂ა̄უ̂იშა̈რ (ლექუ̂ა̄უ̂იშა̈რს ხატუ̄ლიხ:
Line of edition: 33 ლანჩუ̂ლა̈რს, სეტა̈რს ი ლეხთაგა̈რს). ლაღმა̈რ ლექუ̂ა̄უ̂იში მახე ღუ̂აჟა̈რს
Line of edition: 34 სგა იღუ̂რეუ̂იხ საყდა̈რთე̄სგა (მაცხუ̂ა̈რთე̄სგა). იმგჷნეხ, ერე ხოშა ლაღა̈ლ
Line of edition: 35 მა̈გ სგა̈̄ნჩუ̄ნ ა̈რიხ, ეჩქას ლაღმა̈რ ჩუ̂აკლიხ საყდრი ყო̄რა̈ლს ი
Page of edition: 18 Line of edition: 1 ხობნეხ ჯუგუ̂მოშ ლიყერს ლექუ̂ა̈უ̂იშა̈რს, ლექუ̂ა̈უ̂იშა̈რ დეშ ხობდა̈უ̂იხ
Line of edition: 2 ლიყერს. ამჟი ჩუ ხო̄გხ ჯგუ̂იბ, ლაღმა̈რ ერ ხატყციხ ლექუ̂ა̄უ̂იშა̈რს,
Line of edition: 3 ეჩქა ამჟი ტუ̄ლიხ-ა: "ჯგუ̂იბ, ჯგუ̂იბ, ჯგუ̂იბ!" ხუ̂ა̈ჲ ნაჯგუ̂ა̈̄მბუნღო ი
Line of edition: 4 ხოლა̄მდ ნა̈ჴიდუნღო ლექუ̂ა̈უ̂იშა̈რს ქა ფიშუ̂დეხ, ეჩანღო ლაღმა̈რ ქა
Line of edition: 5 ღჷრიხ მურყუ̂ამთექა ი ჩუ იგნიხ მურყუ̂ამცახა̈ნ. ამ დრა̈უ̂ჟი ლაღმა̈რ
Line of edition: 6 მურყუ̂ამს ხაცხიპხ გირკიდ ი ტუ̄ლიხ ალჲა̈რი̄ "კუ̂ირია"ს. გირკიდ
Line of edition: 7 ლიცხეპს საყდრიშ ი მურყუ̂მა̈შ აშხუ̂ დრო̄უ̂ს აზგჷრეხ. ეჩუნღო ლაღმა̈რ
Line of edition: 8 ლჷმა̄რე იგნიხ მურყუ̂ამცახა̈ნ, ლექუ̂ა̄უ̂იშა̈რ სგა ხოძგრენიხ ლაღმა̈რს.
Line of edition: 9 იბნი ბჷგიდ ლიბუ̄ნძგუ̂ა̈̄ლ. ალას ჟი ხემშერიხ, ეჩანღო ლექუ̂ა̄უ̂იშა̈რს
Line of edition: 10 ხაკუხ მურყუ̂ამთეჟი ლი̄ზი, ლაღმარე უფგოშ ხეკუ̂ფხენიხ მურყუ̂ამს,
Line of edition: 11 ალას ლაღმა̈რ ხეწდენიხ ი ჩუ̂აკუ̂ა̈ნეხ. უ̂ეშგიმპილს ლახე ჟი დოშ ხო̄ზიხ
Line of edition: 12 მურყუ̂ამთეჟი, ეჩქას სერ ნა̈ბოშ ფიშუ̂დეხ აშხუ̂ მა̈რა, ალ მა̄რე
Line of edition: 13 ხეკუ̂ეს ა̈თჭემს ჭერს კა̈ცხთეჟი. ლახ დოშ ხეჭმენი, ეჩქას მე̄რმა ფიშუ̂დეხ,
Line of edition: 14 კა̈ცხთეჟი ჲერუ̂ა̈̄ჲ ჟ'ა̈თჭემნი, ეჯა ჟი ხა̈ყუ̂ჩე ჯუ̂ა̈რს ი ლექუ̂ა̄უ̂
Line of edition: 15 აკუ̂ა̄ნე. ეჩუნღო ხოჩჷდენიხ ჯუ̂ა̈რი ლიღე̄შგა̈̄ლ: "ხედუ̂ა̄ჲ ფოყ მოშ ოთღინე, Добавлено (2006-11-17, 6:43 Pm)
---------------------------------------------
ეჩი̄ ფოყხა̈ნ ესერ ხოჩა ზა̈ჲ ჴედნი" ჭერი მეჭემ ჩუ ტეხნი. ეჩუნღო
Line of edition: 17 იბნეხ ლექუ̂ა̄უ̂იშა̈რ მურყუ̂მა̈ ლირღუ̂ეს, მარე ალას ლაღმა̈რ დე̄მ ხა̈მბეხ
Line of edition: 18 ი ხატყციხ ბჷგიდ კიცხა̈რს ი ყუ̂აბა̈რს, ხუ̂ა̈ინ ჩუ რიღუ̂ეხ ი ხუ̂ა̈ინ -- დეშ.
Line of edition: 19 ლექუ̂ა̄უ̂იშა̈რ ნა̈ყირუ̂ს დე̄მ იგხოლეხ ი დე̄მ ხა̈ტხეხ, ეჯღა ერე წეს მა̄დ ლი.
Line of edition: 20 ნა̈ბზუ̂ა̈ პილთე იბნი ამჩუ ლიხი̄რულ ი ლისუ̂ბი-ლიღრა̈̄ლ, ალას
Line of edition: 21 ქა̄ზგჷრეხ, ყჩქანღო ლაღმა̈რ ა̈წჰიხ ლექუ̂ა̈უ̂იშრე მახა ღუ̂აჟა̈რს ი ხოშა̈̄ლს,
Line of edition: 22 ჩუ̂აშდმა̈̄ლიხ ი ფიშუ̂დეხ ეჯჟი. Line of edition: 23 (მესტია) Добавлено (2006-11-17, 6:43 Pm)
---------------------------------------------
ეჩი̄ ფოყხა̈ნ ესერ ხოჩა ზა̈ჲ ჴედნი" ჭერი მეჭემ ჩუ ტეხნი. ეჩუნღო
Line of edition: 17 იბნეხ ლექუ̂ა̄უ̂იშა̈რ მურყუ̂მა̈ ლირღუ̂ეს, მარე ალას ლაღმა̈რ დე̄მ ხა̈მბეხ
Line of edition: 18 ი ხატყციხ ბჷგიდ კიცხა̈რს ი ყუ̂აბა̈რს, ხუ̂ა̈ინ ჩუ რიღუ̂ეხ ი ხუ̂ა̈ინ -- დეშ.
Line of edition: 19 ლექუ̂ა̄უ̂იშა̈რ ნა̈ყირუ̂ს დე̄მ იგხოლეხ ი დე̄მ ხა̈ტხეხ, ეჯღა ერე წეს მა̄დ ლი.
Line of edition: 20 ნა̈ბზუ̂ა̈ პილთე იბნი ამჩუ ლიხი̄რულ ი ლისუ̂ბი-ლიღრა̈̄ლ, ალას
Line of edition: 21 ქა̄ზგჷრეხ, ყჩქანღო ლაღმა̈რ ა̈წჰიხ ლექუ̂ა̈უ̂იშრე მახა ღუ̂აჟა̈რს ი ხოშა̈̄ლს,
Line of edition: 22 ჩუ̂აშდმა̈̄ლიხ ი ფიშუ̂დეხ ეჯჟი. Line of edition: 23 (მესტია) Добавлено (2006-11-17, 6:44 Pm)
---------------------------------------------
Part No. 17 Text: 17
Page of edition: 18
Line of edition: 24
17. ლიწრა̈̄ლ Line of edition: 25 ყუ̂ელიე̄რი ლიუ̂ჭმა̈̄ლ ლე̄თ ხოხალხ ლიწრა̈̄ლ უშხუ̂ა̄რე̄მიშ: "ისგუ̂ა
Line of edition: 26 თხუ̂იმ-ჭიხს ხოლა̈მ ზურალა̈̄ლს ხა̈ჩხინეხ". ჰალ მოშ ლა̈ხშყედნიხ,
Line of edition: 27 უშხუ̂ა̄რ ამჟი ხეწრა̈ლხ. ლიწრა̄ლ ეჯ ლე̄თ აბიდა მა̄მა ლი: ჟი დეშ
Line of edition: 28 იგხოლეხ. Line of edition: 29 ეჩუნღო ლითო̄დრიე̄ლ ნიხალ აჯაღ. ჩუ ინზო̈̄რი ხოშა ი ხოხრა. Line of edition: 30 (იფარი) Добавлено (2006-11-17, 6:44 Pm)
---------------------------------------------
Part No. 18 Text: 18
Page of edition: 18
Line of edition: 31
18. ჰო̈̄რჲა̈̄ მი̄შუ̂ ლირო̄რა̈̄ლი Line of edition: 32 თანფა̈ მი̄შუ̂ს შუ̂ანა̈რ ჰო̈̄რჲა̈̄ მი̄შუ̂ს ხაყლეხ, დუ̂ეშდი ლადა̈ღ ცაგა̈რს
Line of edition: 33 იქჩე მა̈გ მუჴუ̂ა̈̄რი̄შ ი ეჯას ხოჩშჷ̄რეხ ყო̄რ-ლაჴუ̂რას: "ჰო̈̄რჲა̈̄ლს ი
Line of edition: 34 შა̈̄შშა̈რს ესერ ხაყლუ̄ნიხ ცა̈გდ". Page of edition: 19
Line of edition: 1 ო̄შთხუ̂ ლე̄თისგა ნა̈ბოზს ლა̈რბია̄ლჟი̄ნ ასტამს ი მაცლანა̈რს
Line of edition: 2 იკედხ ქორს ბოფშა̈რ ი ხოხუ̂რა̈̄ლ, ჲერ ასტამს ი ბერჟა̈რს ხორსკჷნეხ
Line of edition: 3 ი ჲერს მაცლანა̈რ ხუღუ̂ეხ. ყო̄რა̈რქა ლაჭმუშუ̂ ესღრიხ ი ყჷლეხ:
Line of edition: 4 "ჲერ, ჲერ, ჲერ ჭალი გურე̄ჭა̈რ ფეხს ახშჷ̄დახ"'. მაცლანა̈რს ქა
Line of edition: 5 შიდეხ ქა̈̄მთე ი ჰო̈̄რჲა̈̄ლს ი შა̈შშა̈რს ხა̈ფშუ̂დეხ: "ალა̄უ̂ ესერ ხა̄დხ
Line of edition: 6 მინს!" Line of edition: 7 (ლენჯერი) Добавлено (2006-11-17, 6:45 Pm)
---------------------------------------------
Part No. 19 Text: 19
Page of edition: 19
Line of edition: 8
19. თანფა̈ ცა̈̄შ Line of edition: 9 თანფა̈ ცა̈̄შ ეშხუ ზურა̄ლ დო̄სგ იგნა̈̄ლ ქორისგა, ჰა̈შკი ქიპს ჟ'ანჩრე.
Line of edition: 10 ეჩქანღო უშკუ̂უშჷმდ, ქორისგა ჲერუ̂ა̈̄ჲ ჩუა̈რიხ, ქა ხაბემ მეჴრა̈̄რქა
Line of edition: 11 ი სკელა̈რქა. ჲერხი ალ თანაფო̄ლა̈რს ზაუ̂ ქა დე̄მ იფშგეხ.
Line of edition: 12 ღუ̂აჟმა̄რე უშკუ̂უშჷმდ ქა ღჷრი ცხეკთე ი ლასმანა̈რჲა̄ქს ი კალუ̂ისგა̈
Line of edition: 13 ლა̈ყუ̂ლას ჴიდეხ, ზურალა̈̄რ აჯაღ ჩი̄რხუუ̂ა̈რს [\\ ჩი̄რხა̈̄ლს] ჴიდეხ ჭალა̈ჲხა̈ნ.
Line of edition: 14 ქორისგ' ე̄შხუ ქუ̂იშა იკედ იმუ̂ა̄ლე, იქჩე ცაგა̈რს მუჴუ̂ა̈̄რი̄შ,
Line of edition: 15 დაბა̈რს მინეშ ჩი̄ ქა იზელა̈̄ლ, ჩი̄რხუუ̂ა̈რმჷყ ჟი ხაჴლე ცა̈გს, ქუ̂იშა
Line of edition: 16 ხა̈შდე ეჩეჟი̄ნ ი ამჟი ქა იცხპე დაბა̈რს. ეჩქანღო გარ იშმი უშკუ̂დ.
Line of edition: 17 ჲერხი ზურალა̈̄რ ნა̈ჴჩულა̈ ბოგო̄ლს ა̈სყიხ, ეჩელექუ̂ა ხოლა̄მ ყიჯბა̈რს,
Line of edition: 18 ცხამს ი ნახრეკს ჩუ შიდეხ: "ღუ̂ ე̄სერ მინე დაბა̈რისგა ალჲა̈რ მა̄მ
Line of edition: 19 ახჩჷ̄დახ". Line of edition: 20 (ლენჯერი) Добавлено (2006-11-17, 6:46 Pm)
---------------------------------------------
Part No. 20 Text: 20
Page of edition: 19
Line of edition: 21
20. სა̈ცქუ̂ი ნაუ̂ჰა̈დი Line of edition: 22 ლითი-ლიჭმეს ლახ იბნეხ, ეჯ ლადეღ სა̈ციქუ̂ს დემ ხახუ̂დიხ [სა̈ცქუ̂ი
Line of edition: 23 ლიჰუ̂დი მა̄დ შიდ]. ღობა̈რ ლახ ირშგინეხ, ღა̈ნწუ̂ში-ლიგემ
Line of edition: 24 ლადა̈ღ, ლილა̈̄შის ერ იბნეხ, მა̄ნკუ̂ი̄ ლაკლა̈უ̂ჟი, გზა̈̄უ̂რთე ლახ ღჷრი
Line of edition: 25 მა̄რე ქორხა̈ნქა (ამჷნქა ეჯ ლადა̈ღ ქორს ქა დე̄მის ა̈ჭმინეხ). ამჷნქა
Line of edition: 26 ნაგზაისგა ლი სემი ლადა̈ღ ( ლადეღ), შომუ̂ა̈̄ჲ სა̈ციქუ̂ს დომ ხაჰუ̂დიხ:
Line of edition: 27 და̈შდიშ, ცა̈̄შ ი საფტინ; აჯაღ მახა დოშდულჟი, ყო̄რ ლიკრა̈̄ლს,
Line of edition: 28 ტა̈რი ჯჷმა̈შს. ეჯღაჲ-ეჯღაჲ ლახ სა̈ციქუ̂ ქა ლეჰუ̂დი ლი, ეჩქა
Line of edition: 29 ფინჩს ხებშიხ. Line of edition: 30 (მესტია) Добавлено (2006-11-17, 6:46 Pm)
---------------------------------------------
Part No. 21 Text: 21
Page of edition: 20
Line of edition: 1
21. შუ̂ანრე ლი̄ზი ეჩხა̈ნჩუნ ლა̈შია̄ლთე Line of edition: 2 აშხუ̂ჟი̄ნ შუ̂ანე ლაშგა̈რ ა̈მჩედე̄ლი რაჭთე ლა̈შია̄ლთე. მათხუ̂მი
Line of edition: 3 ეზერ ჴერჴია̈ნ მა̄რე ლჷმა̈̄რლი ი ჩიდ გუდროშ როგუ̂ა̈ ითქა̈რ ლოხუ̂ია̈̄სგუ̂ნა.
Line of edition: 4 ლატფა̈რქა ელმა̈̄ზხ, ეჩქას "ლა̈გსა̈ლჲა̈რ, ჟიქა̄ნ თუ̂ით ჩი̄რხუ
Line of edition: 5 ესუ̂და̈̄სგუ̂ნა ლა̈შჷლდა̈ნდ: "ოშა̄უ̂ ესერ ანტეხხ ამხა̄უ̂" სგა̈̄მჩედე̄ლიხ
Line of edition: 6 ეჩხა̈ნჩუ̄ნ ი რაჭს სგა̄ხგენე̄ნახ. რაჭა̈ მათხუ̂მის ლაშგა̈რ ოხუ̂ნა̈ზო̄რა
Line of edition: 7 მასა̈რდ ი ჩუ ლიხუ̂იე ხა̈კუ̂და. რაჭა̈რ ჰა̈დურდ ხუ̂ა̈ჲ ლჷმა̄რლიხ ი შუ̂ანა̈რ დეშ
Line of edition: 8 ეჩჲა̈რზუმ. ბ+ |
| |
| | |
|
Мужчина |
Date: Пятница, 2006-11-17, 6:52 PM | Message # 5 |
|
Group: Модераторы
Posts: 990
Status:Offline
Дата регистрации:
2006-08-29 |
Part No. 21 Text: 21
Page of edition: 20
Line of edition: 1
21. შუ̂ანრე ლი̄ზი ეჩხა̈ნჩუნ ლა̈შია̄ლთე Line of edition: 2 აშხუ̂ჟი̄ნ შუ̂ანე ლაშგა̈რ ა̈მჩედე̄ლი რაჭთე ლა̈შია̄ლთე. მათხუ̂მი
Line of edition: 3 ეზერ ჴერჴია̈ნ მა̄რე ლჷმა̈̄რლი ი ჩიდ გუდროშ როგუ̂ა̈ ითქა̈რ ლოხუ̂ია̈̄სგუ̂ნა.
Line of edition: 4 ლატფა̈რქა ელმა̈̄ზხ, ეჩქას "ლა̈გსა̈ლჲა̈რ, ჟიქა̄ნ თუ̂ით ჩი̄რხუ
Line of edition: 5 ესუ̂და̈̄სგუ̂ნა ლა̈შჷლდა̈ნდ: "ოშა̄უ̂ ესერ ანტეხხ ამხა̄უ̂" სგა̈̄მჩედე̄ლიხ
Line of edition: 6 ეჩხა̈ნჩუ̄ნ ი რაჭს სგა̄ხგენე̄ნახ. რაჭა̈ მათხუ̂მის ლაშგა̈რ ოხუ̂ნა̈ზო̄რა
Line of edition: 7 მასა̈რდ ი ჩუ ლიხუ̂იე ხა̈კუ̂და. რაჭა̈რ ჰა̈დურდ ხუ̂ა̈ჲ ლჷმა̄რლიხ ი შუ̂ანა̈რ დეშ
Line of edition: 8 ეჩჲა̈რზუმ. ბა̄ზი ჩუ̂ალსადგუ̂მე̄ლიხ, ეჩქას ხო̄ქუ̂ა შუ̂ანე ჯა̈რი
Line of edition: 9 მათხუ̂მის: "ბა̄ზ' ესერ უფგოუ̂შ ჭალი რიყჟი̄ნ როგუ̂ ჩუუ̂ აშიდხ, მჷხა̈რ
Line of edition: 10 ჰამს ესერ ჟი̄უ̂ ესჭუ̂ა̄დხ მა̈გ ი ლინკუ̂ლი̄უ̂ ლა̈ჲბინეხ როგუ̂ა̈შ". ალა
Line of edition: 11 ამჟი̄ნ ჩუ̂ემინხ. მე̄რმა ლადა̈ღ ესნა̈რ ჰამს ჟ'ესფხა̈ჟხ შუ̂ანა̈რ როგუ̂ ლაზობს
Line of edition: 12 რიყჟი̄ნ. ხეწა̈დხ ამის რაჭა̈რ "უ̄ჲ, შუ̂ანა̈რ ესერ ბა̈ჩს იზბიხ,
Line of edition: 13 მინს ესერ ჰა̈დურდ იმ ხა̈ჩოხ ბა̈ჩა̈ მუზუ̂ბა შუ̂ანა̈რ" ი ქა̈̄დი̄ტუ̂ხ ესნა̈რ
Line of edition: 14 მა̈გ. შუ̂ანა̈რს უშია̄ლად ესსედახ ეჩეჩუ̄ნ ხუ̂ა̈ჲ კეთილ. Line of edition: 15 (ლენჯერი) Добавлено (2006-11-17, 6:48 Pm)
---------------------------------------------
Part No. 22 Text: 22
Page of edition: 20
Line of edition: 16
22. ყინცაშა ი ბუბნიშა ხოშა̄ლე ნამარგუ̂ Line of edition: 17 ჰა̈ნდრაშა ნე̄სგუნს ჯუ̂ინალდ გუნ ეზერ მეზგე ლჷმა̈̄რხ. აშხუ̂ ლადა̈ღ
Line of edition: 18 ესნა̈რ ა̈დნა̈დხ ლა̈ჭმათე ხაზარა̈̄შთე, -- ათხე ნაუ̂რეზშა ლა̄რ'ე ლი
Line of edition: 19 ალ' ე̄სნა̈რ ჰა̈ნდრაშა ლჷმა̈რ. ჰა̈ნდრაშე̄რ ბუბნიშა ხოშა̄ჲ ხაწა. ალას
Line of edition: 20 ბუბნი ხაჟხე̄ნა. ბუბნიშა ქორა̈ ნამრიღუ̂ ჲელმჷყ ათხე̄ჲ ჩუ ლჷგ. ეჯჲა̈რ ჯუ̂ინალდ
Line of edition: 21 ჲელჲა̈ მა̄რე ლჷმა̈̄რხ ი გუნ მა̈ბციე̄რ მეზგე. Line of edition: 22 აშხუ̂ჟი̄ნ ესნა̈რ თურქუ̂ა̈რ ა̈ხკუ̂ა̈ჰხ ალ ჲელჲა̈ ლატფუ̈რას. ანჴა̈დ
Line of edition: 23 ესნა̈რ ბუბნი ი ჟ'ახბა̈ჟ. ეჩქას რა̈̄ქუ̂: "ჰატ, ხოლა ჲელ, იმ ესერ,
Line of edition: 24 იჩო?" თურქუ̂ა̈რ ახგენე̄ნახ, ალ თურქუ̂ა̈რს ესერ ათხე თე̄რა̈რ ჩუ̂ათგენე̄ნახ
Line of edition: 25 ი მე̄რმა ლადა̈ღ ბუბნის ჟ'ოხურმა̄ლა. ჭუ̄ნირ ხარდე̄ნა ეჯკა̈ლიბ
Line of edition: 26 ალ ბუბნის, ერე ლახ ჲელჲა̈ სუ̂იფისგა ჩუ ლუმსგურო̄ლინ, ეჩქას
Line of edition: 27 ლიჭნუ̄რი ქაშუ̂ეჲთთე ჩუ ლჷმსჷმო̄ლინ. Line of edition: 28 ჰა̈ნდრაშე̄რ ესნა̈რ ალ ბუბნი̄ჲ ხაწახ ლა̈ჭმათე ჰამა̈ ხა̈რჯ ერ ოთჴიდხ
Line of edition: 29 ნადა̈რს, ეჩქას ესნა̈რ ბუბნიდ რა̄ქუ̂: "მიჩ ესერ შიშდ ათხე̄უ̂ ლახუ̂ე̄მხ
Line of edition: 30 მიჩა დია̈რ!" მე̄რმა̄ლ ესნა̈რ ჩიქე დე̄მ იდიარა̈̄ლხ ი ბუბნის
Page of edition: 21 Line of edition: 1 ლი̄ცუ̂ ლოხუ̂ბინეხ. ამღა ბუბნი მა̄მ ანფა̈შ ი ჩუ̂ა̈დდი̄რა̈̄ნ. ამჟი̄ნ ესნა̈რ
Line of edition: 2 ლენჯა̈̄რა̈ ზანგლა̈გს ხაჴიდხ ლაფდა̄სუ̂ნად: ესნა̈რ მჷლხა̈რ ოხშგა̈ბხ
Line of edition: 3 ქაშუ̂ეჲთა̈რს ჰანწუ̂ა̈ლთე ი ფიშირ ადგა̈რხ. მე̄რმე ნადა̈რ ჰა̈ნდრაშა
Line of edition: 4 უდიარად აჩა̈დხ ესნა̈რ ლაფდა̄სთე ი ბუბნი -- ლჷდია̈რ. ხუ̂ა̈ჲს ოთჩა̈შ
Line of edition: 5 ესნა̈რ მიჩ' ა̄ფხნეგა̈რს ბუბნი ი ჟ'ესჰი̄დ მე̄რმა ლენჯა̈̄რი ფა̄და̈̄სს.
Line of edition: 6 მა̈გ ჩუ̂ა̈დნა̈ზო̄რა̈̄ნხ ესნა̈რ. Line of edition: 7 ალ ფა̄და̈̄სს ყინცაშა გურმაჩი ხეჩდა. ალ' ე̄სნა̈რ ხოლა მა̄რე ლიზ ი
Line of edition: 8 ტუ̂ელდ და̈̄რ იკედ სოფელისგა. მა̈გ ჩუ ლუნზო̄რე ლიხ, ეჩქას რა̈̄ქუ̂
Line of edition: 9 ესნა̈რ ალ გურმაჩდ: "ეჯ' ე̄სერ [ეм, ჲერუ̂ა̈̄ჲ] ა̈გით' ა̄ჩეს ეჩქას დისუ ლახსგურე̄ნა
Line of edition: 10 ხახუ̂დ, ერაუ̂ა̈̄ჲ მიჩ მო̄დ ხეჭემს!" Line of edition: 11 ოთჟოღ ესნა̈რ სგუ̂ებინ, სგა̈̄ჰი̄დხ მჷლხა̈რს. მჷლხა̈რ ესნა̈რ აშხუ̂
Line of edition: 12 ა̈გის იშუ̂მინეხ. ალჲა̈რს ბეშშა ხოშაჲ ხონჴრიხ. ამნე̄მ რა̈̄ქუ̂: "ღულა̈ჲ
Line of edition: 13 ესერ მირ ათხუ̂ერა ი მიჩ ესერ ალმა̈სგირა̈შდ მჷრა̈̄თბიშე̄რ თუ̂ეფ
Line of edition: 14 ხოყრა, ღო̄უ̂ ესერ ეჯა იქუ̄ნაუ̂ა̄ლ ი ეჯღ' ე̄სერ ახქუ̂ეცა განზა̈̄რ".
Line of edition: 15 ამის ესნა̈რ ლენჯა̄რა̈რ იჰუ̂ნა̈რიხ, ოთცა̄დუ̂ნეხ ესნა̈რ თოფა̈რს ი
Line of edition: 16 ფიშირ ადგა̈რხ მჷლხა̈რ, მე̄რმე მჷლხა̈რ ესნა̈რ ჩუ̂ა̈დი̄ტუ̂ხ, ბეშშა ხოშ'
Line of edition: 17 ე̄სნა̈რ ჩუ ლჷკა̈̄ფ ზი ი ისე̄მწა̈̄ლ: "ჟა̈გუ ესერ ჲა̈რდ ლოხუ̂დეხ მა̈დილუ
Line of edition: 18 ხე̄რახ!" ეჩქას ესნა̈რ ლიჟმუ̄ნე ხაზარშუ̂ ლჷმა̄რ -- თეუ̂ფი ჟა̈გუ̂შ. Line of edition: 19 ყინცაშა გურმაჩ ანჴა̈დ ესნა̈რ ი ხა̈̄ქუ̂: "ჲაღუ̂' ე̄სერ ჟა̈გს ჯა ლოხუ̂დი" ესფხიჭ'
Line of edition: 20 ე̄სნა̈რ ხოშა̄მ ჩი̄რხუს, ესსიპე ი ნიჩუ̂ა̈რჩუ ხაჴიდ
Line of edition: 21 ი შდჷქა̈რ სგა̈̄ნჩუ ოთშიდ. Добавлено (2006-11-17, 6:49 Pm)
---------------------------------------------
ეჯ გზა̄უ̂რობჟი̄ნ იშგან ლამარგისგა̄ჲ ეჯგუ̂ა̈რდ და̈̄რ ალმა̈რგლიზ. Line of edition: 23 (ლენჯერი) Добавлено (2006-11-17, 6:49 Pm)
---------------------------------------------
Part No. 23 Text: 23
Page of edition: 21
Line of edition: 24
23. მჷჟა̄ლ ი მჷლახ Line of edition: 25 მჷჟა̄ლ ხაფსუ̂ნე ეცნა̈რ მჷლახს. ამჩიქქა ანჰე მეფე̄ კალა̈ნდ. ეჩქა
Line of edition: 26 აჩადხ მჷლახხა̈ნ ლჷთიშ მა̄რა̈̄ლ ი ხა̈̄ქუ̂ხ კალა̈ნს, ერე "მჷჟა̄ლ ესერ
Line of edition: 27 ხაფსუ̂ნე მინს ლინწირხა̈ნქა,". ეჩქა ა̈დჰერ მეფედ მჷჟა̄ლუ̂ა̈შ ი მჷლხა̈
Line of edition: 28 ლჷთიშ მა̄რა̈̄ლ ცაგე̄რთე. აშხუ̂ მჷმჟა̈̄ლს, მჷლხა̈ ფუსდს, ხა̈̄ქუ̂ მეფედ,
Line of edition: 29 ერე "მა̈ჲ კალა̈ნი ძალოუ̂შ ესერ ხაფსუ̂ნე მჷლახს?" მჷჟა̄ლუ̂ა̈ ხოშემ
Line of edition: 30 მიჩა ამბა̈უ̂ ხა̈̄ქუ̂, მჷლხა̈რდ მინე ამბა̈უ̂ ხა̈̄ქუ̂ხ ერე "ლინწირხა̈ნქა
Line of edition: 31 ესერ ხაფსუ̂ნე მინს მჷჟა̄ლ". Line of edition: 32 სერ ჩუ̂ა̈თნა̈ბზა̈̄ნხ ი მეფედ ხა̄ქუ̂ მჷჟა̄ლუ̂ა̈ ხოშა̄მ მჷლხა̈ ფუსდს ი
Line of edition: 33 მჷლხა̄ ლჷთიშს ერე "ბა̄ზ' ესერ მიჩა უ̂ახშა̈მჟიუ̂ არდახ, აშხუ̂ემ
Line of edition: 34 ი მე̄რმემნემი̄ ლიჴუ̂ა̈̄მი ხა̈ქუ̂ხ ი ჩუ̂ადჷგა̈̄ნხ. მეფედ ხა̈̄ქუ̂ მჷლხა̈ ფუსდს,
Line of edition: 35 მჷმჟა̈̄ლს, ერე "მიჩ ი მიჩა აფხნეგა̈რს ესერ იმშა ლეღუ̂ ხოცხახ, ეჩის
Line of edition: 36 ესერ ოთძიჰნე". მჷმჟა̈̄ლდ ხა̈̄ქუ̂, ერე "მიჩ ი მიჩა აფხნეგა̈რს ესერ
Page of edition: 22 Line of edition: 1 ლუგუ̂ა̈რ ტა̈ხი ლეღუ̂ ხოცხახ". ეჩჷნღო მჷლხა̈ ლჷზზა მა̄რა̈̄ლს ხა̈̄ქუ̂
Line of edition: 2 მეფედ, ერე "მინს ესერ იმშა ლეღუ̂ ხოცხახ? ალჲა̈რდ ხა̄ქუ̂ხ, ერე
Line of edition: 3 "მინს ესერ ღუნი ლეღუ̂ ხოცხახ აღო". ეჩუნღო მჷლახხა̈ნ ლჷზზა
Line of edition: 4 მა̄რა̈ლს ღუნ ოთძიჰ ი მჷჟა̄ლუ̂ა̈რს ლუგუ̂ა̈რ ტა̈ხ. ალჲა̈რ ჩუ̂ა̈დუ̂ახშმა̈̄ნხ-ა̄
Line of edition: 5 მჷლხა̈ მა̄რა̈̄ლ, ეჩქა შია̈რი ქა̈̄დბა̈რხ ი გაჩა̈რი ქა̄დკუ̂ეცა̄ნეხ
Line of edition: 6 ი ჩუ̂ადყურდახ ამჟი. მჷმჟა̈̄ლდ ი მიჩა აფხნეგა̈რდ დე შია̈რ ა̈დბა̈რხ
Line of edition: 7 ი დე გაჩა̈რ ადკუ̂ეცა̄ნეხ, ჩუ̂ადყურდახ ეჩჟი. Line of edition: 8 მე̄რმა ლადეღ ჟ'ანჷგა̈̄ნხ. მეფედ ა̈დჰერ მჷლხა̈რ ი მჷჟა̄ლუ̂ა̈რი̄ მიჩა
Line of edition: 9 ლარდათე. მჷჟა̄ლუ̂ა̈რს ლოხსგიდა ი დე შია̈რ ხადხ ლჷბა̈რ ი დე
Line of edition: 10 ნიჩუ̂ა̈რ. მეფედ ხა̄ქუ̂, ერე "გაჩა̈რუუ̂ ესერ ლახწუ̂ე̄ნეხ" ლახწუ̂ე̄ნეხ
Line of edition: 11 გაჩა̈რ ი ტა̈ხი პეხილ ი ნაცმუნ ი ალამა̈გ ჟი ხეცუ̂მა̈̄ნ. ეჩუნღო
Line of edition: 12 ლოხსგიდა მჷლხა̈რს ი ქა ლჷბრა̄ლე ლა̈სუ̂ხ ეზა̈რდ. მეფედ ხა̈̄ქუ̂, ერე
Line of edition: 13 "გაჩა̈რუუ̂ ესერ ლახწუ̂ე̄ნეხ". მჷლხა̈რდ ლახწუ̂ე̄ნეხ გაჩა̈რ ი ქა ლუკუ̂ცა̄ნა̄ლე
Line of edition: 14 ხა̄დხ ეზა̈რდ. მეფე-კე̄სა̈რდ ხა̄ქუ̂ მჷჟა̄ლუ̂ა̈რს, ერე "ფუსდდ
Line of edition: 15 ესერ მჷლხა̈რ ლჷმკა̈ფხ ი ჯ' ე̄სერ მა̄დე. ამუნღო ესერ ნოსაუ̂
Line of edition: 16 ხაფსუ̂ნეხ!" Line of edition: 17 ქა̄ნჴა̈დხ სერ ამჟი̄ნ. მჷლახხა̈ნ ნაზჷზ მა̄რა̈ლდ ქა̄ნამბუ̂ეხ ამჟი ა̈გის
Line of edition: 18 ი ეჩუნღო მჷჟა̄ლს დე̄მ იფსუ̂ნახ. ლახ დომ იფსუ̂ნახ, მჷჟა̄ლუ̂ა̈ ხოშემ
Line of edition: 19 ხა̈̄ქუ̂ მჷლხა̈რს, ერე "ჩუუ̂ ესერ ა̈დშია̄ლხ, ჲაღო, უ̂ოღუ̂ირ
Line of edition: 20 ი ხედუ̂ა̈̄ჲ ესერ ა̈ხწინიხ, ეჩნოუ̂შ ესერ ი̄რა". ამეჟი̄ნ მჷლახ ჩუ̂ესთანხმა̈̄ნ
Line of edition: 21 ი ეჩხა̈ნისგა მჷჟა̄ლუ̂ა̈რ ანჴა̈დხ უ̂ოღუ̂ირთე ი ამხა̈ნისგა
Line of edition: 22 მჷლხა̈რ. მჷჟა̄ლუ̂ა̈რ ჟ'ახწინდახ მჷლხა̈რს ი მჷლხა̈რ ჩუ̂ა̈დი̄ტუ̂დახ.
Line of edition: 23 ეჩქა "საუ̂ანრე, ხოშა̈̄ლდ ხა̈̄ქუ̂ხ მჷლხა̈რს, ერე "ხოჩა თოფა̈რუუ̂
Line of edition: 24 ესერ ლახდია̄ნეხ". მჷლხა̈რდ ხა̄ქუ̂ხ, ერე "მა̈ჲ ესერ ხა̄რხ თოფა̈რ?
Line of edition: 25 საუ̂ანა̈რდ ხა̈̄ქუ̂ხ: "მა̈ჲ ესრ-ი მინ ესერ ლახ ჟი ლჷნწირ ა̈გითე
Line of edition: 26 ადჷრნეხ, ეჩქა ესერ მინე ლა̈ხხუ̂ა ხა̈̄ქუ̂ინნეხ, ერე "მინ ესერ-ეм ამჟი
Line of edition: 27 ლჷჴმა̈შ ლჷმა̈რხ, ღო მჷჟა̄ლუ̂ა̈რ ესერ იმღა ახწინე̄ნახ, ეჩქა ესერ
Line of edition: 28 უმუ̂ა̄ლე მინ-მინე ლა̈ხხუ̂ას თხუ̂იმს სგა ლახდაგრიხ ი ეჩის ესერ ეჯა
Line of edition: 29 ხოცხახ, ერე ლა̈დ' ესერ მჷჟა̄ლუ̂ა̈რს ლახდაგრიხ მინე თხუ̂იმს. მჷლხა̈რ
Line of edition: 30 ხუ̂ა̈ჲ ესმოწმა̈̄ნხ ი ქა̈̄ხშია̄ლხ მჷჟა̄ლუ̂ა̈რს. ეჩქა ჟ'ახწინდახ მჷჟა̄ლუ̂ა̈რს, Добавлено (2006-11-17, 6:50 Pm)
---------------------------------------------
სგა̈̄თღუ̂ა̈ჭხ მჷჟა̄ლთე ი მჷჟა̄ლ მა̈გ ჟ'ანხუ̂იტხ, უსგუ̂ა̄მ მა̄რანქა.
Line of edition: 32 უსგუ̂ა მა̄რე სა̈უ̂თე ოთჩა̈დხ. ეჩუნღო მჷლახ თაუ̂სუფა̈ლ
Line of edition: 33 ასა̈დ. Line of edition: 34 ეჩუნღო სემი მა̄რე ქა̄ნტა̈ხხ სა̈უ̂ხა̈ნ ი ჩუ̂ა̈დზიგა̈ნხ მჷჟა̄ლს, გუ̂ა̈რდ
Line of edition: 35 ლა̈სუ̂ხ ალჲა̈რ კა̄ხია̄ნ ი ჭე̄ხა̄ნ. ამჟი ნაცუ̂ა̄ლ ლიხ მჷლახ ი მჷჟა̄ლ უ̂ოდ
Line of edition: 36 რუ̈სი კალა̈ნ დო ა̈დჷლგიმა̈̄ნ, ეჩქად ჩიგარ ლიცუ̂ა̈̄ლ ხა̄დხ უშხუ̂ა̄რ
Line of edition: 37 ნე̄სგა, მარე ათხე ეზა̈რდ მჷსყე ლიხ ი მჷჟალს ხოშა ლაღა̈ლ
Line of edition: 38 მჷმლა̈ხ იზგე. Page of edition: 23
Line of edition: 1 ალ "საუ̂ანა̈რ" ლჷმზიგხ ლახირ. ამე მაჩე̄ნე ლა̈ლზიგა ეჯჲა̈რს
Line of edition: 2 ხაღუ̂ე̄ნახ ი მე̄უ̂არ ლჷჴმა̈შ ხა̈ლხ ლჷმა̈̄რხ, მაყალ დე̄შა ხა̄რახ ჰა̈დურდ.
Line of edition: 3 მარე ლა̈დი ეჯჲარე გუ̂ა̈რიშ და̈̄რ ა̈რი: ჟ'ა̈მხუ̂ეტე̄ლიხ. Line of edition: 4 (მულახი) Добавлено (2006-11-17, 6:50 Pm)
---------------------------------------------
Part No. 24 Text: 24
Page of edition: 23
Line of edition: 5
24. ლიწ უ̂რი Line of edition: 6 მიშგუ̂ა მუ ლჷმა̈რდ ოთარშამჷყ. მათხუ̂ა̈ჲ ლჷმა̈̄რ, ეჩქას ქო̄თჩი̄ჟახ
Line of edition: 7 მიჩა დის ი მუს. ოთარშახა̈ნ ლეჟა ა̈მტეხ ქორთე,ეჩქას ხეწა̈დ ხეხუ̂ს
Line of edition: 8 ქორს, მიჩა დიეშ ი მუე ნა̈ყდა̄ნს (მიჩა უჭუ̂დია̄ლდ). ათხე ალ ხეხუ̂
Line of edition: 9 ხოჩა მადმა ლახბაჟჷნ მიშგუ̂ა მუს ი ჩუ̂აცუ̂ირ. ეჩქანღო მე̄რმე ზურა̄ლ
Line of edition: 10 ა̈დყედა̄ნე ხახუ̂დ. ამ დუ̂რეუ̂ს მა̈ნკუ̂ი̄ ხეხუ̂მი ჯჷმილდ მიშგუ̂ა
Line of edition: 11 მუ ჩუ̂ადგა̈რ. მიშგუ̂ა მუ ერ ადგა̈რხ, ეჩქას მიშგუ̂ა დი მიშგუ̂აჟი
Line of edition: 12 ღანაუ̂ ლა̈სუ̂. ლადგარა̈ლჟი მიშგუ̂ა მუს ხო̄ქუ̂ა: "მიჩ ესერ ხეხუ̂
Line of edition: 13 ღანაუ̂ ხა̄რ ი მიჩა გეზალდ ჩუ ესერ ა̈დწორე". მი ერ ეშდარა ლჷზა̈ჲთექა
Line of edition: 14 ოღუ̂ერ, ლჷზორისგა ერედ მა̈̄ქუ̂: "სი როქუ̂ უწუ̂რა̈̄ გეზალ!"
Line of edition: 15 (შუ̂ანა̈რს გუ̂ა̈მთქუ̂ა ამჟი). Line of edition: 16 ეჩქას ქორთ' ო̄ღუ̂ერ ი ლა̈ხუ̂ჭუ̂ედ მიშგუ̂ა დის. მიშგუ̂ა დიდ
Line of edition: 17 ლიგუ̂ნ' ა̈დბინე. "იმღა როქუ̂ ხუ̂იჭუ̂დიე̄ლ ალის?" ქა ლიყლე მად
Line of edition: 18 ხეკუ̂ა̈დ. მი ეჩქას ბჷგიდ ლა̈ხუ̂ჭუ̂ედ: მუ მირდა ჲა̈რჷ მი? ამ დუ̂რეუ̂ს
Line of edition: 19 მიშგუ̂ა დიდ ქა̈̄მჷმბაუ̂ე მი მა̄გ: "სი როქუ̂ ჯირდა მუ შაუ̂ხან
Line of edition: 20 ნუაშე, მარე მა̈ნკუშ ხეხუ̂ ჩუ̂აცუ̂ირ. ეჩქანღო ეჩა ჯჷმილდ ჩუ̂ადგა̈რ
Line of edition: 21 ისგუ̂ა მუ". Line of edition: 22 ეჩქანღო მიშგუ̂ა მუე მჷდგა̈რი, ბექმჷრზა გირგუ̂ლია̄ნ, ლუშნუ
Line of edition: 23 ლა̈რგიუ̂ა̄ლთე̄სგა მა̄დ ანჴა̈დ. ეჩქას მი ჩოდაგრ ა̈ლი, ჩოდაგრ ი
Line of edition: 24 პოლციათე ოღუ̂ერ. ა̈ლი არდა გალფხა̄ნშა პირსდა̈უ̂დ. ჩუ̂ამირმ მი
Line of edition: 25 ეჯნე̄მ. ეშდუ̂ოხუ̂იშდ ლადეღ დოლა̈სუ̂იფს ხუ̂არდა̈ს ნაუბახისგა ეჩუნღო
Line of edition: 26 სგა̄მჲეხ ცაგერთე. არა თუ̂ეუ̂ს ნაუბა̈ხისგა ხუ̂არდა̈ს ცაგერიშ.
Line of edition: 27 ეჩქას ეჩეჲსგა ხუ̂ა̈ჲ მა̄რა̈̄ლ მეტყუ̂ბა̈̄ნხ: მა̄რე̄მი მჷდგარა̄ლა, ქუ̂ითრა̈რ,
Line of edition: 28 ხოლე̄მი მუჩუ̂მინა̄ლა ალჲა̈რ თა̈უ̂დებჟი ქა̄ნფუ̈შდხ. ეჩქას მი ხუ̂იფიქრ,
Line of edition: 29 ერე "ალჲა̈რს ხუ̂ა̈ჲ მაშედ მა̄რე ხეთხა̈̄ნხ, ქა̄ნფუ̈შდხ". მი მაშედ მა̄რე
Line of edition: 30 და̈̄რ მეყა̈̄დ. ეჩქას ჩოთეჩდ ნაუბა̈ხხა̈ნქა (თა̈უ̂დებიშ ნა̈ბ მად ლამემხ) Добавлено (2006-11-17, 6:51 Pm)
---------------------------------------------
ი ქო̄ღუ̂ე შუ̂ა̈ნთე. ლაჩა̈დჟი ამთოფეხ მასა̈რდ, მარე მი ეში̄ მა̈მ
Line of edition: 32 ოფშუ̂. ამეჩუ ქორთ' ო̄ღუ̂ე. შიშდ ანჴა̈დხ ოთარშა თათარყან ი
Line of edition: 33 ლეუ̂ან. ალჲა̈რდ გუნ ა̈დსა̈სტკეხ მიშგუ ქა ლიჩედ. ჩუ ამირმხ თათარყანდ
Line of edition: 34 ი ლეუ̂ანდ, სგა̄მჲეხ ცაგერთე. ეჩეჩუ ლახუ̂ემხ ალჲა̈რდ პროკროუ̂ს თხოუ̂ნა:
Line of edition: 35 "მიშგუ̂ა მუე მჷდგა̈რის ნაკაზანიე ესერ მამა ლაჰოდე̄ნა
Line of edition: 36 ი ჩუუ̂ ადსინჯუ̂ეხ გუნ ბჷგიდ გუ̂ეშ". მი ჩუ̂ამზჷზეხ ქუთა̈̄შთე
Line of edition: 37 ბერკლა̈რშუ̂ ეშდოხუ̂იშდ ეკენითუ̂ეჟი. Page of edition: 24
Line of edition: 1 ქუთა̈̄ში ნაუბა̈ხისგა ამა̄დ ჩხარა თუ̂ე ი ხჷნსგა. ქუთა̈შხა̈ნ ჟ'ა̈მტიხხ
Line of edition: 2 ცაგე̄რთე ი ეჩეჩუ ათქუ̂იცხ თხუ̂იმ გუ̂აშუ̂: მი ა̈მქუ̂იცხ ერუ̂ეშდ ზა̈ჲ
Line of edition: 3 კატორღა. ეჩუნღო სგა̈̄მჰერხ ი ჩუ̂ამზჷზეხ თბილი ქალა̈ქთე. ეჩეჩუ
Line of edition: 4 ეშხუ ზა̈ჲ მეტეხისგა ამა̄დ, ჲერუ თუ̂ე -- ბაქოს, ეჩქანღო პეტრიუ̂სკას
Line of edition: 5 სემი ზა̈ჲ მი თა̈უ̂დებშუ̂ ქა ამფუ̈შდხ ი გუ̂ეშ ოთარდ ქა̈̄დტიხ პალატათე.
Line of edition: 6 პალატად ა̈მქუ̂იც ოხუ̂იშდ ზა̈ჲ როტა. გუ̂ეშ ოთარდ ქა̄დ
Line of edition: 7 ა̈დტიხ სენა̈ტთე. ეჩჩუნ ა̈მქუ̂იცხ სემი ზა̈ჲ ციმბირ. სემი ზა̈ჲ პეტროუ̂სკას
Line of edition: 8 ამა̄დ ი ეჩუნღო ა̈გითე ა̈ნტუ̂ხ. Line of edition: 9 (ლატალი) Добавлено (2006-11-17, 6:51 Pm)
---------------------------------------------
Part No. 25 Text: 25
Page of edition: 24
Line of edition: 10
25. თა̈მი ი გელუ̂ა̄ნ Line of edition: 11 გელუ̂ა̄ნ იზგა ამეჩუ, ლალხორს, მე̄რმე მეზგე -- იფრა̈̄ლს. მინე
Line of edition: 12 დის, ჩხარა̄მ გეზლა̈შ, ხეჲჟხა̈̄ნ თა̄მი. ოხჩჷდხ დაგრობ
Line of edition: 13 გელუ̂ა̄ნს
Line of edition: 14 ი ჩხარა ლახუ̂ბას. მა̈გ სგა ლა̈ჲშდიხ ამნე̄მ, გელუ̂ა̄ნდ, ი ეჩქა
Line of edition: 15 ქა̈̄დზიგა̈̄ნ ლა̈̄შხთე. ჩუ̂ა̈დსყა̈̄ნხ. ეჩქა ეჩხა̈ნისგა ოხზჷზე გელუ̂ა̄ნდ თა̈მის
Line of edition: 16 მეცქუ̂ილ. ალას ხეჲჟხა̈̄ნ თუ̂ეჲ: "ქა̄უ̂ ესერ აჩა̈დ ი საჩქუ̂ა̈რს
Line of edition: 17 ლახუ̂ედნე," Line of edition: 18 ათხე ჟ'ა̈ნმა̄რა̈̄ნ თა̈მი ი ოთჴერდა. ფეშდუ̂ლა̈რს ჟ'ა̈ნშუ̂ემხ, ცხეკი
Line of edition: 19 თხუმ. ეჯკა̈ლი ლეთრე ლახა̈̄შ თა̈მიდ თუ̂ეჲს, ერე შიშდ ჩუ̂ა̈თუ̄ჟდა
Line of edition: 20 ი დეშმა ა̈ნმეჴრე. ეჩქა თა̈მის კა̄და ხუღუ̂ა̈̄ნ უფგოშ, ა̈ნკიდ კა̄და ი
Line of edition: 21 ესსიპე ი თხუმ ხაჴიდ, ჩოთბიჴუ̂ თხუ̂იმ. თუ̂ეი ჩუ̂აცუ̂ირ ეჩეჩუ ლჷდგა̈რ,
Line of edition: 22 ჯაჲ ჩუ̂ანჴა̈დ კა̄ლთე: " აშხუ̂ გეზლა̈ მჷქაფ ალა ირა!" Line of edition: 23 ათხე ამი̄ნ ლექსდ ანსყეხ ალა̄: "გელუ̂ა̄ნ ლჷსო̄ყე, თა̈მი ლჷფე̄თე
Line of edition: 24 ი თუ̂ეჲ ლუთუ̂ე̄ლე". Line of edition: 25 (კალა) Добавлено (2006-11-17, 6:52 Pm)
---------------------------------------------
Part No. 26 Text: 26
Page of edition: 24
Line of edition: 26
26. გელუ̂ა̄ნრე მეცქულრე დაგრა Line of edition: 27 გელუ̂ა̄ნრე ლა̈ლზიგა როქუ̂ ლჷმა̈̄რ ლალხორს, კა̄ლს. ეჩეჩუ̄ნ ათხე̄ი.
Line of edition: 28 ა̈რი ნამრიღუ̂ ი გელუ̂ა̄ნრე ნალზიგუ̂ ხაჟხა. გელუ̂ა̄ნა̈რ ესნა̈რ
Line of edition: 29 აშხუ̂ მეზგემ ანხირნე კა̄ლს. ხოშა ლაღა̈ლ ჟ'ანხუ̂იტხ ი ღუ̂ეშგმეპილს
Line of edition: 30 ეშხუ ღანაუ̂ ზურა̄ლ გარ ოთსა̈დხ. ალ ზურა̄ლს სანდუხუ̂ ხაჟხე̄ნა.
Line of edition: 31 აშხუ̂ჟი̄ნ ესნა̈რ გელუ̂ა̄ნა̈რდ მეცქულა̈რს ოხუ̂თო̄ნეხ სანდუხუ̂იშთე ი ხა̈̄ქუ̂ხ,
Line of edition: 32 ერე "ჯ' ე̄სერ სგა დე̄მ ადრი, ეშხუ მიჩა გეზალ + |
| |
| | |
|
Мужчина |
Date: Пятница, 2006-11-17, 7:02 PM | Message # 6 |
|
Group: Проверенные
Posts: 352
Status:Offline
Дата регистрации:
2006-09-07 |
ერე "ჯ' ე̄სერ სგა დე̄მ ადრი, ეშხუ მიჩა გეზალ ესერ ჩუ ხორიხ ლჷჲა̈რ
Line of edition: 33 ი ეჩას ესერ ჩუ̂ადგა̈რიხ" სანდუხუ̂დ ესნა̈რ ლჷგრა̈̄ლ ი ეშხუ
Line of edition: 34 ბოთლიკ ნათხუმ ლა̄ჲე ი კა̄და. ლატფა̈რთეჟი̄ნ ჟ'აჩადხ, ეჩქას ესნა̈რ
Line of edition: 35 მეცქულა̈რს ნათხუმ ჩუ ლახა̈̄შ ი ლჷგრა̈̄ლ ნა̈ჭმუნდ ლახუ̂ე̄მ. მაშდმა̈̄რჟი
Page of edition: 25 Line of edition: 1 მეცქულა̈რს ქა̄ხა̈̄ქუდხ, ერე ჯ' ე̄სერ ლადგა̈რთ' ე̄სყახ,".
Line of edition: 2 ამეჟი̄ნ ჩუ̂ა̈თუ̄ჟხ მეცქულა̈რს, ანჴა̈დ სანდუხუ̂ ი თხუმა̈რ კა̄დოშ ჩუ̂ოთხჷპჷ̄რე. Line of edition: 3 ამღა ლექსი ლი მესდე კა̄ლს:
Line of edition: 4 სანდუხუ̂ ლჷფე̄თე,
Line of edition: 5 კა̄და ლჷშე̄რე,
Line of edition: 6 ლჷგრა̈̄ლ ლჷსკო̄რე. Line of edition: 7 ეჩქანღო სანდუხუ̂ ა̈გით' ა̈̄მჴედ შუ̂იდებდ.
Line of edition: 8 ალა კა̄ლა̈რხა̈ნქა მასმა. Line of edition: 9 (ლენჯერი) Добавлено (2006-11-17, 6:54 Pm)
---------------------------------------------
Part No. 27 Text: 27
Page of edition: 25
Line of edition: 10
27. ტურა̄ნშა ხოშე̄მი ნაჩომ Line of edition: 11 მჷლტა̈ლ ტურა̄ნშა გიე̄რგი დაჩუ̂ირ ხეყა̈̄დ ხახუ̂დ სგუ̂ებნა̄უ̂ ბედია̈̄ლშე̄რ
Line of edition: 12 გუ̂ეგნი̄ მუს. ეჩქანღო გუ̂ეგნი̄ მუ ჩუ̂ალდაგა̈რ, ეჩქას გურმაჩშე̄რ
Line of edition: 13 ოთხუ̂ჲახ. Line of edition: 14 ალ გიე̄რგ ესნა̈რ კა̈რშა̈რმჷყ ა̈რი ქორს მერდად. ეჩქა̈̄ დუ̂რეუ̂ჟი̄ნ
Line of edition: 15 ლირმი ი ლისჴსა̈რ'ი ლა̈სუ̂ შუ̂ა̈ნისგა. უფლიში საფტინ ლე̄თ ესნა̈რ
Line of edition: 16 ანჴა̈დ ტურა̄ნშა გიე̄რგ ი კა̄დას აშე̄რე. ეჩჟი ქა̄ნშე̄რ' ე̄რე ფა̈თუ̂ს
Line of edition: 17 ეშ აქხჷრე. კა̈რშარე დადში ლა̈ხჭუ̂ედდ' ე̄სნა̈რ. "იმნა̈რ ესერ აშე̄რე
Line of edition: 18 ამჟი კა̄დას? " გიე̄რგდ ხა̈̄ქუ̂: "ჯ' ე̄სერ ნათუნუნღო დეშ ამა̄რე ზექმუგუ̂ა̈ლს,
Line of edition: 19 ჲესუ̂ა̄ლ' ე̄სერ ლამა̄რად ჟ'ა̈ხხო̄ლი,". კა̈რშა̈რს ესნა̈რ უფლიშ
Line of edition: 20 ბედია̈̄ლშე̄რცახა̈ნ ხა̄რხ. უფლიში საფტინ ლე̄თ მა̈გ ჩუ̂ადყურდახ
Line of edition: 21 კა̈რშა̈რ. ეჩქას ანჴა̈დ ტურა̄ნშა გიე̄რგ, დადშის ი მიჩა ხახუ̂ თხუმა̈რ
Line of edition: 22 ჩუ̂ოთხჷპჷ̄რე კა̄დოშ ი ჩუ̂ადგა̈რ. ალჲა̈რ უშხუ̂ა̄რ ლოხყუ̂ინე. ეჩქას
Line of edition: 23 ხოშა მუგუ̂ა̈ლ ანტუ̂არე ქორს, ჟ'აჩა̈დ დარბა̈ზთე. ამეჟი̄ნ კა̈რშარე
Line of edition: 24 ბოფშა̈რ აყუ̂რეხ: გიე̄რგ, დოდა ი და̈ჯი. ალჲა̈რ ჟ'ანჲა̈ცხუ̂ნა̄ლე ი
Line of edition: 25 ხა̈̄ქუ̂, ერე "მესტია̄ლა̈რ ესერ ახჭუ̂ა̄დახ ბა̄ზი, მინე დი̄ჲმუ ესერ ჩუ̂ოთდაგრახ
Line of edition: 26 ი მინ ესერ მიჩუ ხონჴერდახ". ალ ბოფშა̈რ სერ ჟ'ა̈ნფჷთხნა̄ლე
Line of edition: 27 ლაყუ̂რახა̈ნჟი̄ნ ი ადჲე ლატლითე. ალ გიე̄რგ გირგუ̂ლა̄ნშა
Line of edition: 28 ლჷმა̈̄რ ი ბოფშა̈რ გირგუ̂ლა̄ნა̈რთე ადჲე. Line of edition: 29 მე̄რმა ლადა̈ღ ესნა̈რ ბედია̈̄ლშა ოხღელიხ მინეშთე კა̈რშარე მუშგუ̂რა̈რს.
Line of edition: 30 ლახე დო̄რ ანჴა̈დხ, ეჩქას გუ̂ეგნჷ ბედია̈̄ლშა ანჷ̄გა̈ნ ჟი ი
Line of edition: 31 აჩა̈დ კა̈̄რშა̈̄რთე, მარე ამგუ̂ა̈რსუ ლახგენე̄ნა ამახუ̂: ხეხუ̂-ჭა̈შ უშხუ̂ა̄რ
Page of edition: 26 Line of edition: 1 ხოყუ̂რეხ თხუმა̈რ ლჷხპჷ̄რე. ა̈ნსკინე ქა̄მაუ̂ გუ̂ეგნჷდ ი სოფელს ჟ'ახმეჴრა̈̄უ̂ნე,
Line of edition: 2 გუ̂ეშ იმჟი ლა̈სუ̂. სოფელ ღალ ჩუ̂ალურწყუ̂ლე̄ლი; ჴანა̈რ
Line of edition: 3 უფლი ლადა̈ღ ხუ̂ა̈ჲს ხა̄რა ჩუ ლჷზიჰ. სოფელდ ესნა̈რ ჩუ̂აშდიღუ̂ხ.
Line of edition: 4 ალ ხეხუ̂-ჭა̈შ ი ეჩქანღო გარ აჩუ̂მინხ თანაფ. Line of edition: 5 კა̈რშარე დი̄ნა, და̈ჯი და̈დაუ̂შა თელღჷრა ლჷმა̈̄რ, გულედა̈̄ ხუ̂ხუ̂.
Line of edition: 6 გულედა-ჲ გირგუ̂ლანშა ფუთა ლაუ̂დილა̈̄ გეზლირ ლჷმა̈̄რხ. ალ დი̄ნას
Line of edition: 7 ფუთა ხეწა̈დ ესნა̈რ, ეჩქას ხა̈̄ქუ̂ მიჩა მეხუ̂ბარა̈რს: "ამის ესერ ქა
Line of edition: 8 დო̄მ ლახტიხეხ მიჩ, ეჩქას ესერ ჰამს ჟ'ა̈ნსყე̄ნე თუ̂ეფს ი ნა̈ბოზს ჩუ̂ადდაგრი
Line of edition: 9 აშხუ̂ მაჩე̄ნა̄მ". გირგუ̂ლა̄ნა̈რდ ესნა̈რ ფუთას ქა ლახუ̂ე̄მხ ალ
Line of edition: 10 დი̄ნა, ფუთად სგო̄ხუ̂ჴიდ გულედას მიჩა ხეხუ̂. ეჩქანღოკა̈რშარე ნა̈̄თია̈რდ
Line of edition: 11 ესნა̄რ საჴსა̈რ ანნა̈ზო̄რეხ: კარდალღა ჩხარა ნალჯუ̂ემ ა̈დჴიდხ,
Line of edition: 12 ყჷრმილ თუ̂ეფღა აჯაღ არა ნალჯუ̂ემ ი ეჩჷნქ ა̄ჯაღ იშგენ ანნა̈ზო̄რეხ,
Line of edition: 13 ლექუ̂' ო̄თჴიდხ გირგუ̂ლა̄ნა̈რს ი ბოფშა̈რ ლეჟ' ა̈̄ნტიხხ. კარდალ
Line of edition: 14 ათხე̄ჲ ჩუ ხო̄გხ გირგუ̂ლა̄ნა̈რს. Line of edition: 15 (ლენჯერი) Добавлено (2006-11-17, 6:54 Pm)
---------------------------------------------
Part No. 28 Text: 28
Page of edition: 26
Line of edition: 16
28. ძაღუშა ჯახუ̄ლ Line of edition: 17 ძაღუშა გუნ ეზერ მეზგე ლჷმა̈̄რხ ი ჲელჲა̈ განზრე მუშხუ̂ნი ლჷმა̈̄რხ.
Line of edition: 18 აშხუ̂ჟი̄ნ ესნა̈რ ალ განზა̈რ ჩუ̂ათუ̂ა̈ფხ ი ქუ̂ით დე̄მე მოშ
Line of edition: 19 ა̈ნთხეხ. Line of edition: 20 ძაღუშა ღუ̂აჟა̈რ სუ̂ინჩილდდ ყანსაუ̂შე̄რ ადჲ' ე̄სნა̈რ ლა̈ჭმათე
Line of edition: 21 ნადა̈რდ. ა̈გით' ა̄ნჴა̈დხ, ეჩქას ესნა̈რ ბაღათჷრშა ჯაჯუ̄ჲ ოხჴერდახ
Line of edition: 22 ალჲა̈რს. მა̈გ ჩუ̂ა̈დუ̄ჟდახ ღუ̂აჟა̈რ. ჯაჯუ ესნა̈რ საკარცხუ̂ილჟი̄ნ სგურ
Line of edition: 23 ი იყუ̂ე̄ზიე̄ლ. ალა მეუ̂ჟე ხოხახ. ეჩქას ესნა̈რ ანად რა̈̄ქუ̂, ძაღუშე̄რ:
Line of edition: 24 "ჲელჲა̈ განზრე მუქუ̂თერ ესერ საკარცხუ̂ილჟი̄ნ ხოსგურხ". ალა ჯაჯუს
Line of edition: 25 ქა ხასჷმდა. მა̈გ ჩუ̂ა̈დუ̄ჟხ, ეჩქას ანჴა̈დ ჯაჯუ, ლა̄ჲე კა̄და ი
Line of edition: 26 თხუმა̈რ ჩი̄ ჩუ̂ოთხჷპჷ̄რე, ჯახუ̄ლ გარ ახსედა ქა, ბეფუ̂შ. Line of edition: 27 ალ ჯახუ̄ლ ტიტიშე̄რ ჩი̄ჟად ესუ̂ყედა̄ნახ ი მა̈რხჷ ქა ლოჰოდას
Line of edition: 28 ხახუ̂დ. გუნ ეზერ მა̄რეჲა̄ქ ლჷმა̈̄რ. კუ̂ეტო ტიტიშა ი მიჩა მუხუ̂ბე
Line of edition: 29 ოთარშე̄რმჷყ ლჷმა̈რდხ ი ალ ჯახუ̄ლ ლექუ̂' ა̈̄დღორუ̂ეხ ესნა̈რ, ბეჩუ̂ითე.
Line of edition: 30 ბეჩუ̂ი̄ ოთარშე̄რემ ყა̈რჩათ' ა̄დჲეხ ჯახუ̄ლ ი ქა̄ჰუ̂ედხ ეჩე. Line of edition: 31 ეჯ ჯახუ̄ლა̈ ნა̈თსა̈უ̂ ათხე̄ჲ ჩუ̂ა̈რიხ ყა̈რჩას ი ეზერ ლიზგე როქუ̂
Line of edition: 32 ხა̄რხ. Line of edition: 33 (ლენჯერი) Добавлено (2006-11-17, 6:55 Pm)
---------------------------------------------
Part No. 29 Text: 29
Page of edition: 27
Line of edition: 1
29. ძაღუშე̄რ ქორა̈ ლიყდი Line of edition: 2 ძაღუშე̄რ ნახუ̂ა̈ტუნღო ეჯჲარე ქორს ნე̄სგა̄შა̈რ ესფუსნე̄ნახ. ძაღუშა
Line of edition: 3 ეჯჲარე მჷბგერი ლჷმა̈̄რლიხ. ნე̄სგა̄შა̈რს ქაუშე̄რდ ოთყიდახ.
Line of edition: 4 ალა ნიშგუ̂ეჲ ხოშა̈̄ლს ათხჷ̄რე̄ნახ. აშხუ̂ ლადა̈ღ ესნა̈რ ანჴა̈დხ, ეშხუ
Line of edition: 5 ხორეუ̂ ზექ სგა̄დჲეხ ქორთე ძაღუშე̄რ, ლა̈ნნუ̄ნა̈̄ლჟი ნა̈ჴჩულ ჩუქუ̂ა̄ნ
Line of edition: 6 ოთნა̈ხხ ი ჟ'ახბიდნეხ. ეჩქანღო ალ ქორ ლელჴუ̂ა̈̄მდ ა̈მსედე̄ლი. Line of edition: 7 ლაღუ̂ა̈ჩინ აშხუ̂ ჩიქქა უ̂აწაძე ლა̈სუ̂, პირისდა̈უ̂ თენგიზ ოთარშა.
Line of edition: 8 ეჯა მი̄ ეზერდ მაშყიდ. აშხუ̂ ლადა̈ღ ა̈ნნა̈ზო̄რა̈̄ნხ ბაპა̈რ, ლაღუ̂ა̈ჩინ
Line of edition: 9 ი თენგიზი სგა ხონჴერდახ. მა̈̄ნკუ̂ი აშირ ი უსგუ̂ა̄მ თუ̂იმენდ ა̈თუ̂ყიდდ
Line of edition: 10 ეჯჲა̈რხა̈ნქა ქორ, მარე ეჩქანღო თამა̈ნიშე̄რემ ა̈ნბინეხ ლიტორკოუ̂ა̈̄ლ.
Line of edition: 11 ამეჟი̄ნ უსგუ̂ა̄მ აშირ ი უსგუ̂ა̄მ თუ̂იმენთეჟი̄ნ აჩა̈დ ფა̈ს. თამა̈ნიშე̄რემ
Line of edition: 12 დეშ ა̈დყიდხ ი სერ ნა̈ჲ ნა̄დ ალ ფა̈ს ლეჴდე. ეშდეშხუ ჴა̈ნ ანკუ̂ა̈დ,
Line of edition: 13 კარდლა̈რ. ჲორი ხოჩა თოფა̈რ, ნა̄ჭა̈̄ლ ი იშგენ გა̈ნზ. ქორს ჲორი
Line of edition: 14 უ̄ღუ̂ა გარ ენსა̈დ ჴანა̈რ. მულგუ̂ენიდ თენგიზ ი ბაპა̈რ ლა̈სუ̂ხ ჲორიღეთ.
Line of edition: 15 თენგიზს ა̈თისთაუ̂დ ჴა̈ნ ათხუ̂ი̄დ. ლა̈ხჭუ̂ედდა ნიშგუ̂ეჲ ღუ̂აჟა̈რს:
Line of edition: 16 -- ესსედახ ესერ მა̄გუ̂ეშ, საბლუ ძიძჲა̈რ?
Line of edition: 17 -- ა̄დუ̂ ესერ, მიჩა̄უ̂ მა̈ზიგ ლახჴედახ. Line of edition: 18 ეჩქას მიჩა ნა̈̄თი ჴა̈ნ თენგიზდ ქა ლანუ̂ე̄მ, "ლახ ესერ ამგუ̂ა̈რ
Line of edition: 19 მეზგე ხუ̂იშდ". ეჩქანღო ანშგურა̄ნე: "ეშხუ ჴა̈ნი ბარჯ ესერ ლექუ̂ა̄უ̂
Line of edition: 20 ჲა̈რდ ოთხუ̂ჲედ მიჩეშთე, ლუხუ̂რა̈ ნაჩომ ესერ ხუ̂იშდ ი ღუ̂' ე̄სერ
Line of edition: 21 ა̈გითე ხოჩა̈მდ ანფიშუ̂დე". ამეჟი̄ნ მაჴუ̂ა̄მ ხა̈̄ქუ̂ხ ნიშგუ̂ეჲ ღუ̂აჟა̈რდ.
Line of edition: 22 ქორა̈ ფა̈ს ბაპა̈რს ი ლაღუ̂ა̈ჩინ უ̂აწაძეს ხა̄დხ. ნიშგუ̂ეჲ ლაჴუ̂ა̈მს მა̄მგუ̂ეშ
Line of edition: 23 ლა̈ხჴჷმრა̈̄ნ. Line of edition: 24 ალა ლა̈სუ̂ მუჟღუ̂ერ. ეჩას აღბიე̄რ ა̈ხჭა̈მ, ეჩქას ეშხუ ლჷბა̈რჯ
Line of edition: 25 ჴა̈ნი ლესგ, ჲორი დორა̈ჲ ჰარა̈ყ აშხუ̂ სა̈უ̂-ჩა̈უ̂თ' ე̄სუ̂დედ, მე̄რმე
Line of edition: 26 ლესგ ი ამზუმ ჰარა̈ყ -- მე̄რმათე, მი ი ფუთუ ნიშგუ̂ეჲ ი ბექმჷრზა
Line of edition: 27 მიშგუ̂ა ლა̈დჲარეშ, ჲეცერთ' ოჩა̈დდ, ბექა̈ჲ ღალ, მჷრზა -- ნიშგუ̂ეჲ
Line of edition: 28 ნიბა̈̄შინ ი აჯაღ მე̄რმა̈̄ლ -- ბეჩუ̂ი̄ ბექჷრბი̄შთე. ნა̈ჲ ჩიქე ჰებუდთე̄სგა Добавлено (2006-11-17, 6:57 Pm)
---------------------------------------------
ა̈თუ̂სიპედ, ეჩხა̈ნქა მა̈მუა̈რდ ხოჩა ჴა̈ნ ლანდია̄ნეხ ი ეჯ ლე̄თ
Line of edition: 30 ნა̈ბოზს სგო̄ჩა̈დდ ოთარშე̄რთე. თენგიზ დე̄ს' ე̄ნხუ̂ი̄დ ქორს, მარე
Line of edition: 31 მიჩა ლჷფკე̄ლდ გუნ ა̈ნჷლხინე. ამ დუ̂რეუ̂ჟი̄ნ მჷლხამირუ̂ სუსუდ ჲორი
Line of edition: 32 ლჷბა̈რჯ ჴა̈ნი ლესგ, ჲორი დორა̈ჲ გა̈ნჭუ̂ა̈ ნატხანუ̂ ი ეშხუ დორა̈ჲ
Line of edition: 33 რა̈ნგ ანჴიდ. ეჩჷნქა აჯაღჷდ ოხჴა̈დხ მჷკმარა. ბა̄ზი თენგიზი̄ ანჴა̈დ.
Line of edition: 34 მინე ქორისგა ლასკჷ̄დ მა̄მ ლა̈სუ̂ მა̄როშ, ეჩზუმ არდა მჷჲცერ, ხოშა̄-ჲ
Line of edition: 35 ხოხუ̂რა. მა̈გ ქა̈̄დდა̄წყა̈̄ნ. ისგ ტაბგობჟი̄ნ ანჷ̄გა̈ნ ჟი თენგიზ ი
Line of edition: 36 მაჴუ̂ა̄მ ხა̈̄ქუ̂ ჩი̄ მიჩა მჷკმა̈რის. ეჩქანღო რა̈̄ქუ̂: "მინს ესერ ალა ხო̄ზხ
Page of edition: 28 Line of edition: 37 წესდ, ერე ჴა̈ნი ბარჯს გარ ოხჴიდე ჲა̈რ-ა ლესგს, მურგუ̂ა̈ლ ჴა̈ნს,
Line of edition: 38 ეჯღა̄ჲ ესერ ეშხუ საჩქუ̂ა̈რ გარ ხა̈მთქუ̂ახ". Line of edition: 39 ბა̄ზი რიჰდ ქეიფ ლა̈სუ̂. მე̄რმა ლადა̈ღ ა̈ნჰერ ნა̈ჲ ი ეშხუ ხოჩა
Line of edition: 40 თუ̂ეთნე ჴა̈ნ ნაწუ̂ე̄ნე, მუჭუ̂ა̈რ ჩუბა̄უ̂ ყუნტა̈ჲ ხა̄დ, მარე მასა̈რდ ლუგუ̂ა̈რ
Line of edition: 41 ი ლჷტა̈ნ ლა̈სუ̂. ეჯ ჴა̈ნ ჴალდე̄ ნაღლატუ̂ხა̈ნქა ხა̈ხუ̂იე̄ნა. ნა̈ჲ
Line of edition: 42 მაჴუ̂ა̄მ ხუ̂ა̈̄ქუ̂დ მასა̈რდ ი ონჴუ̂ა̈დდ ა̈გითე. ბეჩუ̂ი̄ ბექჷრბის მა̄მგუ̂ეშ
Line of edition: 43 ლოჰოდა ი ცა̈რიელ ოხუ̂ფი̄შუ̂და მიჩა მჷკმარა. ეჯა უსურმა̈ნ ლა̈სუ̂. Line of edition: 44 (ლენჯერი) Добавлено (2006-11-17, 6:58 Pm)
---------------------------------------------
Part No. 30 Text: 30
Page of edition: 28
Line of edition: 45
30. ხოსია̈ჲ დეუ̂დერია̄ნ Line of edition: 46 ჭო̄ლა̈შ არდახ ჩხარა ლახუ̂ბა. ალჲა̈რს ხურდახ ლერდი, უ̂ა̈რგ
Line of edition: 47 დეუ̂დარია̄ნ, ხოსია̈ჲ. რა̈̄ქუ̂ხ, ერე "ბარბალისგა ესერ ხუ̂ა̈ჲ გა̈ნზ ა̈რი,
Line of edition: 48 ალე ესერ ქაუ̂ ანჴიდხ". სგა̄დზჷზეხ ხოსია̈ჲ, მინე ლერდი. ამნე̄მ
Line of edition: 49 ქა̄ხბიშე მა̈გ. ეჩქა რა̈̄ქუ̂ხ ლახუ̂ბად: სგაუ̂ ესერ, ლახცუ̂ირხ, სგა̄უ̂. უ̂არგა̈ლს
Line of edition: 50 ესერ მა̈გ ხოლა ხაზნახ: ალა ესერ ქო̄თუ̄შხიხ ალას. ალა ესერ
Line of edition: 51 სგაუ̂ ადჭებდეხ" Line of edition: 52 სგა̄დჭებდეხ ალა. მიჩ ა̈რგლიშა̈რ ხეთხა̈̄ლდახ, მარე დე̄სა ა̈ხგუ̂ა̈ბხ.
Line of edition: 53 აშხუ̂ ლადეღ ბოფშა̈რდ კუმა̈შ ადჲეხ ლაჩა̈ხუ̂დ საყდრი ჰა̈ზუ̂თე̄სგა.
Line of edition: 54 ხასჷნდახ გა̈რგლა. აჩა̈დხ ა̈გითე ი ანა̄უ̂ბუ̂ეხ ა̈გის, ერე "ამჟი-ამჟი,
Line of edition: 55 გა̈რგლა ხასმო̄ლნახ საყდა̈რხა̈ნქა" მინე ხოშა̄მდ ხა̈̄ქუ̂, ერე "ლა̈ჲჰურნეხუ
Line of edition: 56 ესერ, იმუ̂ა̄ლე ესერ ხისია̈ჲ ირდი ეჩე̄სგა!" აჩადხ ბოფშა̈რ
Line of edition: 57 ბარბალთე. ჟ'ა̈ხგუ̂ა̈ბხ ეჩე̄სგა ხოსია̈ჲ. ჟ'ანჴა̈დხ ხოშა̈̄ლ. ჩუ ადჲეხ
Line of edition: 58 ლჷდგა̈რი პირობჟი: უ̂ო̄შთხუ̂ეშდ ლადეღ ი უ̂ო̄შთხუ̂ეშდ ლე̄თ ხეჭბიდა̈̄ნ
Line of edition: 59 ეჩე̄სგა. ეჩქა ღოლჲქა̈ ლჷჯა ხათრახ ყო̄შო̄ლშუ̂. ქუ̂ინ ლა̈ჲტიხ, ეჩქა რა̈̄ქუ̂, Line of edition: 60 ერე "მიჩა ლახუ̂ბას ესერ ოთჭებდახ საყდა̈რ ჩუქუ̂ა̄ნ
Line of edition: 61 აკჷლდამთე. საყდა̈რ ესერ ჩოთტუფუ̄რახ, გა̈ნზ ესე ქო̄ხბიშა მა̈გ,
Line of edition: 62 ეჩქ ესერ ჯა სგა ლოხუ̂ცი̄რახ." Line of edition: 63 ეჩქა ანჴა̈დხ ჭო̄ლშა̈რ ი ჩუ̂ადღალტეხ ლეუ̂არსან ი მიჩა გეზლი̄რ. Line of edition: 64 (მულახი) Добавлено (2006-11-17, 6:58 Pm)
---------------------------------------------
Part No. 31 Text: 31
Page of edition: 28
Line of edition: 65
31. ბარუა̄ნ. Line of edition: 66 ბარუა̄ნ ლა̈სუ̂ ხეშკილდს ძღჷდ მეზგე. მუშგუ̂რი ერუ̂ა̈̄ჲ სგო̄ხჴედენ,
Line of edition: 67 უმშიად და̈̄ს ლჷმფიშუ̂დინ. ეჩქა და̈დიშქელია̄ნს ხო̄ქუ̂ა. "მი როქ
Line of edition: 68 ოდრი ეჯჲა̈რთე, გომნი ლოხმჷში". მა̄რე ოთზჷზე: "მი ჴუ̂ედნი ამ
Line of edition: 69 ლადეღ, ლჷმა̄რე ემხუ̂ი̄დდ!", Page of edition: 29
Line of edition: 1 ანჴა̈დ მუშგუ̂რიდ და̈დიშქელია̄ნ. ეჩნემ ხა̈̄ქუ̂, ბარუა̄ნდ, ერე "მა̈ჲ
Line of edition: 2 ჯიცხახ ლა̈ძჰად: ყუ̂იჩ ჯიცხახ მო, ჰა ეშდჲორი ლჷნგა̈ზ ღუნ?" და̈დიშქელია̄ნდ
Line of edition: 3 რა̈̄ქუ̂, ერე: "ყუ̂იჩ მიცხა". ჩუ̂ა̈̄ძიჰ ყუ̂იჩ. და̈დიშქელია̄ნ[ა̈]
Line of edition: 4 აფხნეგს ჩი̄ ეშ ხოჰრა̈̄ნ ეჯ ლე̄თ. Line of edition: 5 მე̄რმა ლადედ ღუნ ა̈̄ძიჰ. ეჯა დეშ ახა̄დხ ეჯგუ̂ა̈ჲდ. ათხე კალუ̈სგა
Line of edition: 6 უ̂ერ ხო̄ზდა̄ნდახ. ანჴა̈დ ბარუა̄ნ, ჟ'ახფხიჟ უ̂ერ კალუ̂ს, ქა̄დზჷზე
Line of edition: 7 კალუ̂თე: "ქა̄მენჩუნ ლა̈ხშდირა̄ლედ, უ̂ოდ სა̈დილს ალმა̈̄რიდ". ეჯჲა̈რ
Line of edition: 8 იშდრა̄ლდახ. ეჩეჩუ ჩუ̂ადსკირბეხ კალუ̂. სგა̄ნჴა̈დხ, სა̈დილ ხა̄მნე. ლი̄ზა̈̄ლს
Line of edition: 9 ხა̈̄ქუ̂ და̈დიშქელია̄ნდ ბარუა̄ნს: -- სი უმშიად და̈̄ს ფიშუ̂დე, მარე
Line of edition: 10 ნა̈ჲ ესღუ̂რიდ. Line of edition: 11 ბარუა̄ნდ ხა̈̄ქუ̂: -- უმშიად დე̄მა, სგა̈ჲ ჰა̈დურდ ეზა̈რ გუ̂ეშ მაყერდ:
Line of edition: 12 ამ კალუ̂ს ეშდჲორი გეზალ აშხუ̂ თუ̂ეს დეშ ადსკირბი̄სხ
Line of edition: 13 -- ახ, მა̈ჲ ა̈გუ̂ღორუ̂ე ბარუა̄ნდ! Line of edition: 14 (იფარი) Добавлено (2006-11-17, 6:59 Pm)
---------------------------------------------
Part No. 32 Text: 32
Page of edition: 29
Line of edition: 15
32. გოგა მუუ̂შგუ̂ილ ოთარშე̄რმჷყ Line of edition: 16 აშხუ̂ჟი̄ნ ესნა̈რ გოგა მუუ̂შგუ̂ილ მახუ̂ში ოთარიშმჷყ ა̈რი ი ოთარშე̄რ.
Line of edition: 17 ალ გოგა ხოჩა ლჷხა̈ლ მა̄რე ლჷმა̈̄რ. ოთარს ლაკუ̂ჰუ̄რა̄ლ ესუ̂და.
Line of edition: 18 ანჴა̈დ ესნა̈რ ი ეშხუ ფაკა̈ნ თუ̂ი ოხჴიდ. ალა̄, გოგა, გუნ ლჷფა̈თუ̂
Line of edition: 19 ლჷმა̈̄რ. ხა̈კუ̂დახ, ერე ჩუ იმჟი̄ნ ოთღორუ̂ე̄ნხ. გოგად თუ̂ი ესნა̈რ
Line of edition: 20 ჟ'ა̈დცუ̂ემ ულმაშა̈რჟი̄ნ ი ქა̈̄დსკურფნა̄ლე ი ფა̈თუ̂ა̈რ მა̄მ ა̈ნგიბ. ეჩქანღო
Line of edition: 21 ოთარ ლა̈ხჭუ̂ედდ' ე̄სნა̈რ: -- ზჷსყა̈რ ესერ ა̈რიხ მა̄ მინეშმჷყ?
Line of edition: 22 -- ა̄დუ̂ ესერ, სემი ზჷსყ ესერ ხარდე̄ნახ. ეშხუ̂' ესერ ხეხუ̂-ჭა̈შს
Line of edition: 23 ლახნახე̄ნახ ნე̄სგა ი ჩუ̂ალლჷტნე̄ლი, მე̄რმე ჭუ̂ეკს ა̈მშყედე̄ლი ი მე̄სმ'
Line of edition: 24 ე̄სერ იკუ̂ა̈̄რიე̄ლ. Line of edition: 25 ალა გოგას ანბუ̂ი ლა̈ცხპაღა ხო̄ქუ̂ა, ადო უშგულ ზჷსყდ გუ̂ეში ლი. Line of edition: 26 ამნია̈̄ნიდ ესნა̈რ ოთარდ ლუნქროუ̂ე თუ̂ეფ ლახუ̂ე̄მ გოგას. Line of edition: 27 (ლენჯერი) Добавлено (2006-11-17, 7:01 Pm)
---------------------------------------------
Part No. 33 Text: 33
Page of edition: 29
Line of edition: 28
33. ურზა̈ჲშა ხუ̂ა̈ტა Line of edition: 29 ურზა̈ჲშა ლენჯა̈̄რ ლჷმზიგხ, გუნ ეზერ მეზგე ლჷმა̈̄რხ. აშხუ̂ ზაუ̂
Line of edition: 30 ღალ ჟა̈მ ა̈მჴედ სოფელთე ი ჩი̄ ქო̄თქა̄ბა, ურზა̈ჲშე̄რ მა̄დ ოთქა̄ბახ.
Line of edition: 31 სემი ლჷზა̈ჲ გიცა̈რ ხარდე̄ნახ დარბა̈ზს. "ამის ესერ ათმა̈ზრიხ ჟა̈მი
Page of edition: 30 Line of edition: 1 მუფშუ̂და ღე̄რბათუ̂" ოთზიჰახ ჩუ ი ჩუ̂ოთტუფუ̄რახ. ეჩქას სიკუ̂ქა უ̂იჯ
Line of edition: 2 ხა̈ყუ̂ნე̄ნა მეჰად. ეჯს ღალ სერ იმ ლახხუ̂ეტნახ თან ი ჟი ღალ ა̈მხუ̂ეტე̄ლიხ. Line of edition: 3 ალ ამბა̈უ̂ ნა̈მდუ̂ილდ ლჷმა̈̄რლი. Line of edition: 4 (ლენჯერი) Добавлено (2006-11-17, 7:02 Pm)
---------------------------------------------
Part No. 34 Text: 34
Page of edition: 30
Line of edition: 5
34. ჰანტო წიფია̄ნ ი და̈̄უ̂ Line of edition: 6 აშხუ̂ჟი̄ნ ჰანტო ჰანტო̄ლშა ლჷმა̈რდ ლა̈თხუ̂იარს, ჰერსკნ ოთდაგრა,
Line of edition: 7 ჩუ̂ათბურე̄ნა ი მეგა̈მ ჩუქუ̂ა̄ნ ჩუ̂ოთლემსგა. ა̈მჴედე̄ლი ეჩხა̄უ̂თე̄სგა და̈̄უ̂,
Line of edition: 8 ეჩჟი ლჷფა̈თუ̂, ერე ღუ̂ელჲა̄ქშა̄ლ. ჰანტოს ათყალუ̂ი̄ნნა მასა̈რდ. ჯაბირ
Line of edition: 9 ოხკი̄და ლაკა̄რზად, და̈̄უ̂ს მე̄რმე ჯაბირ ოხკი̄და ი ლჷმკა̈რზუ̂ინ. იმუ̂ა̈̄ჲ
Line of edition: 10 ჰანტო ჩუ ლჷმჩუ̂ემ, ჩი̄ ეჯას ლჷმჩუ̂ემ და̈̄უ̂ი̄. ღუ̂ეშგიმპილს მაცლა̈ნ
Line of edition: 11 ოხკი̄და ჰანტოს, და̈̄უ̂სი̄ ჟ'ოხკი̄და. ჰანტოს სკელდ ლოხუ̂თი̄ლა მაცლა̈ნ,
Line of edition: 12 და̈̄უ̂სი̄ სგა ლოხუ̂თ& |
| |
| | |
|
Мужчина |
Date: Пятница, 2006-11-17, 7:10 PM | Message # 7 |
|
Group: Модераторы
Posts: 990
Status:Offline
Дата регистрации:
2006-08-29 |
ჟი და̈̄უ̂ა̈ ფა̈თუ̂ს, და̈̄უ̂ ჟ'ა̈მპერ ი ლაჭმუშ
Line of edition: 13 ეშ ლახქარუ̂ე̄ნა ტუ̂იბჩუ̄ნ. ეჩხა̈ნ-ამხა̈ნისგა მა̈გ ხაყლო̄ნნა და̈̄უ̂ს:
Line of edition: 14 "ხა̈კუ̂და̄-ჲ ხა̄რა! ჰანტო წიფია̄ნს გომს ხაშგუ̂მა ი გომ ხა̄რა!" Line of edition: 15 სერ ჰანტოს ა̈გითე ლიჴედ ლოხუ̂ბინა. აშხუ̂ და̈̄უ̂ს ლოხუ̂ტუ̄ლა:
Line of edition: 16 "ორენქი̄ლსუ ხა̈̄ქუ̂ ბა̄ზი ი დორენქი̄ლა̈ ბეფუ̂შ ლა̈პრისდა̄ლთ' ესერ
Line of edition: 17 ლიზ მე̄ზი ი ეჩხა̄უ̂ აჩა̈დ." ალას ჰანტო გუდ დეშ ანჴა̈დ. აჩა̈დ ა̈გითე,
Line of edition: 18 ნა̈დიარობენ ლა̈ხშყა̈დ ი ხა̈̄ქუ̂ მიჩა ბოფშა̈რს: -- მა̈ჲ ესერ ირო̄ლ ალა̄,
Line of edition: 19 ლა̈დი ესუ̂ა̄ლა ლოხუ̂ტუ̄ლა: "ორენქი̄ლსუ ხა̈̄ქუ̂ ი დორენქი̄ლა̈ ბეფშუ̂
Line of edition: 20 ლა̈პრისდა̄ლთე̄უ̂ აჩა̈დ? ნე̄შკახა̈ნქა ლოხუ̂ცა̈̄დ ერდუ̂ა̄ლე̄მ: "ოდ' ე̄სერ
Line of edition: 21 ხე̄მპი̄ლ, ხე̄ნწკი̄ლ, დო ეჩქად ესერ ქა მა̄დ რე̄ნქი̄ლ, ამნეშ ესერუ ლი
Line of edition: 22 ლჷჭა̈თ ჰანტო წიფია̄ნ ი მერმუცდ!", ეჯღა ხაყლეხ მა̈გ ჰანტო̄ლშე̄რ
Line of edition: 23 და̈̄უ̂ა̈ ნაჭათუ̂ს. Line of edition: 24 (ლენჯერი) Добавлено (2006-11-17, 7:06 Pm)
---------------------------------------------
Part No. 35 Text: 35
Page of edition: 30
Line of edition: 25
35. მჷქშა̈გ ი უ̂იჯრე მჷჯა̈ბ Line of edition: 26 აშხუ̂ მჷქშა̈გს სემი გეზალ ხარდე̄ნა. აშხუ̂ჟი̄ნ მაჰუ̂რე̄ნე გეზალ ბოფშა̈რცახა̈ნ
Line of edition: 27 ტუ̂იბრაისგა ლჷმშდირა̈̄ლ. ახდე̄ნახ ჲორი ლჷჩა̈̄ჟ. ალჲა̈რს
Line of edition: 28 ღართა̈რ ხაქუ̂მე̄ნახ. ლა̈ჲკუ̂ა̈რხ ალ ბეფშუ̂ ნე̄სგათე̄სგა, ჟი იყირხ
Line of edition: 29 ჩა̄ჟუ̂თეჟი̄ნ ი ადჲეხ. ქა და̈̄რ ხეწა̈დ ალჲა̈რს, იმთე დო ადჲეხ. ანჴა̈დხ
Line of edition: 30 ალ ჲორი მა̄რე ი ალ ბეფშუ̂ მურუ̂ისს ათყიდხ. ალ მურუ̂ისდ სგა̄დჲე
Line of edition: 31 ალ ბეფშუ̂ სადგუ̂ემთე̄სგა. ამის აჯაღ ჲორი სიმქა̈რ ხორი ჩუ ლჷჭბიდე,
Line of edition: 32 ეშხუ -- აშხუ̂ ლარდაისგა ი მე̄რმე -- მე̄რმაისგა. ალ ჭყინტ მე̄სმა ლარდაისგა
Line of edition: 33 ადჭებდე. ალჲა̈რს ჩი̄ უ̂ისგუ̂ს გარ ხა̄მნე. სამ ზაუ̂ისგა ალჲა̈რ მა̈გ
Page of edition: 31 Line of edition: 1 ჩუ̂ადლუგუ̂რე უსგუ̂შ ეჩჟი̄ნ, ერე ალ ბეფშუ̂ მახა ღუ̂ა̈ჟდ ხოშა ლჷტა̈ნ
Line of edition: 2 ლი. Line of edition: 3 აშხუ̂ ლადა̈ღ ანჴა̈დ მურუ̂ის, ქა̄ნფუშდუ̄რე მა̈გ დი̄ნა̈̄ლ ი ალ ჭყინტ,
Line of edition: 4 ჟი ლაჲსგურე ურემჟი̄ნ ი ადჲე ცხეკთე. აშხუ̂ ლემგა̈მისგა ჩუ̂ა̈ნი̄ყე
Line of edition: 5 მა̈გ ჟი ლუკუ̄ლთხა̈ნ, ეშხუ სი̄მაქ კაჩ ანგენე მა̈̄ნკუ̂ი, ანფიშუ̂დ კოლეფხა̈ნქა
Line of edition: 6 ეშხუ უ̂იჯ, ხოჲა̈ხ ალ უ̂იჯ დი̄ნას, დი̄ნა ქა̄ფიტ მუჭუ̂ედქა, ეჩქანღო
Line of edition: 7 მეგამს ლა̈ხცხო̄რპა̈̄ნ. ანჴა̈დ მურუ̂ის უ̂იჯ ჩუ̂ადგა̈რ, ჩუ̂აჭკუ̂ერ ი ცხუ̂ადთე̄სგ'
Line of edition: 8 ე̄სდე. ეჩქანღო დი̄ნას ხაყერ ამჟი̄ნ. მე̄რმე დი̄ნა̄ჲ კაჩ ანგენე,
Line of edition: 9 მე̄რმა კოლუ̂ფხა̈ნქა მე̄რმე უ̂იჯ ანფიშუ̂დ. ალჲა̈რსი ამჟი ხაყერ. ალ
Line of edition: 10 მეგმა̈რ ჟ'ანქა̈ჩ, ლემესგ ანა̄შუ̂ე ი სგო̄თჩიდ ცხუ̂ად ჩუქუ̂ა̄ნთე. ლოხუ̂ბინე
Line of edition: 11 ლინკუ̂შდე ალ უჯა̈რს ი დი̄ნა̈̄ლს. ხუ̂ა̈ჲ ხა̈ნს ა̈ნკუ̂შდა. ეჩქანღო
Line of edition: 12 ლა̈ჲკიდ კო̄ბჷლდ, ამნუშ, ალ ნანკოშდ ჟ'ესწიქუ̂ ტოტჟი̄ნ, ტუ̂ეტ ჩუ̂აფიტ.
Line of edition: 13 ეჩქანღო აჯაღ ანგუ̂ეშ მო̄ლიდ, ჩუ̂ადცხა̄ნე, მასტუ̄ნა ქა̄თჟა̈გ,
Line of edition: 14 მარე ტუ̂ეტ მეფტად ესსა̈დ. Line of edition: 15 სერ ჟი მჷრე̄ს ა̈ხფა̈შ ალ მა̄რა ი ჩუ̂ა̈თუ̄ჟდა. ალ ბეფშუ̂ ხოსგდი.
Line of edition: 16 ჟი ლუკუ̄ლთხა̈ნ ლი, მარე ეჩზუმ ჩუ̂ემინ, ერე ცხუ̂ადუ̂თექა ქა̄დჰე, Добавлено (2006-11-17, 7:07 Pm)
---------------------------------------------
ტოტა̈რ ჟი ლუკუ̄ლთხა̈ნ ხა̄რ, მარე კო̄ბჷლდ ჴაფშუ̂ ჟ'ა̈ნკიდ, ესუ̂ჩი̄შდ
Line of edition: 18 ალ ნანკოშდ, ჟ'ესბიდ მურუ̂ისს ნებგუ̂აჟი̄ნ, ნებგუ̂ა ქო̄თფა̈ტ ი ჩუ̂ადგან.
Line of edition: 19 სერ ანჴა̈დ ალ ბეფუ̂, ლა̈ჲბინე ლიკურთხა̈ნიე̄ლ ი ეჯამა̈გ ჩუ̂ემინ,
Line of edition: 20 ერე ტოტა̈რ ჟ'ა̈ნფუშდუ̄რე. ალ ცხუ̂ადს სგო̄ხუ̂ბე ჩა̄ჟა̈რ ი ადჲე.
Line of edition: 21 ეჯამა̈გ ქა̄თფასე ალ ჟაგრა̈რს, ერე კეთილშუ̂ ჟ'ა̈ნტჷტნა̈̄ნ. ლა̈ჲბინე
Line of edition: 22 მიჩა სოფლი ლითხე̄ლი. ჟ'ა̈ნთხე. ეჩქანღო მიჩა ქორ ა̈ნთხე, მარე
Line of edition: 23 ქორშა̈რ ჩუ დეშ თა̈რდახ, ეჩზუმ ოთცხა უსგუ̂შ ნანაშყუ̂ხა̈ნქა. სერ
Line of edition: 24 ჩუ̂ათირხ უ̂ეშგიმპილს ი გუნ ლა̈ხიადა̄ლ ოთჩუ̂ემნახ. Line of edition: 25 ალ ამბა̈უ̂ ტკიცდ ლჷმა̈̄რ. Line of edition: 26 (ლენჯერი) Добавлено (2006-11-17, 7:07 Pm)
---------------------------------------------
Part No. 36 Text: 36
Page of edition: 31
Line of edition: 27
36. გა̈გო როქუ̂ ამსუ̂ა̈ლდ ლიზ Line of edition: 28 გა̈გო მა̄რე როქუ̂ ლი, მარე ამჟი ჰა̈ბს იცა̈̄დი, ეჩი̄ ლარდა ი ქუ̂ეყანა
Line of edition: 29 განჯე̄თ ესერ ლიზ. ამხა̄უ̂ გუ̂ეშ ლა̈მჴუ̂რთე გარ ჴედნი. Line of edition: 30 აშხუ̂ჟი̄ნ ესნა̈რ აშხუ̂ მა̄რ' ა̄თჴა̈დჷ̄ნე̄ნა ლაფუ̂რა̈ ლახუ̂თე ლა̈ჭმად.
Line of edition: 31 ჟაჴუ̂ა̈რჟი̄ნ გა̈გო ხა̈გნე̄ნა. მიჩა ხახუ̂ სა̈დილ ოხჴი̄და ი ჰარა̈ყ. ნამსა̈რუ̂ ჰარა̈ყ ალ Line of edition: 32 მა̄რა ჟა̄ჴუ̂არდ ლოხუ̂ბი̄და, გა̈გო ჩუ̂ალშდჷმე̄ლი, ჩუქუ̂ა̄ნთ'
Line of edition: 33 ა̈̄მშყედლი ი ეჩქას ალ ხეხუ̂-ჭა̈შს ჩუ̂ოთრექუ̂ა̄ლახ ხოჩა̄მდ. ჰარა̈ყ ქა̄ხჴეჩ'
Line of edition: 34 ე̄ჩქას გა̈გო ქა̈̄მპერე̄ლი. ეჩქანღო გუ̂იანდ ალ მა̄რა განჯე̄თი ქუ̂ეყანათ'
Line of edition: 35 ა̄თჴა̈დჷ̄ნე̄ნა. ეჩეჩუ̄ნ ა̈გითე ლიტეხს დე̄მჟი მოშ ლჷმსახთუ̂ინ,
Line of edition: 36 შუკუ̂ს დეშ ლჷმთხა̈უ̂ინ. Page of edition: 32
Line of edition: 1 აშხუ̂ ლადა̈ღ ამმჴედე̄ლი ეჩხა̄უ̂თექა ეშხუ მა̄რე ი ხო̄ქუ̂ა:
Line of edition: 2 -- მაგუ̂ა̈რდ ესერ ა̈რიხ ჯა̄-ჲ მიჩა ქორ ი ხეხუ̂ ი გეზლი̄რ?
Line of edition: 3 -- ეზერდ ესერ, მარე მიჩ ესერ ჩუ დეშ თერ, ჲა̈რ ესერ ლი?
Line of edition: 4 -- ჯ' ე̄სერ ეჯ გა̈გო ლიზ-ე, აშხუ̂ ლადა̈ღ პა̈ტიუ̂ ხოყრა. Line of edition: 5 ეჩქანღო ესნა̈რ ალ მა̄რე ჟი ლა̈ჲსგურე ი შუ̂ა̈ნთ' ა̄ნჴიდ მიჩა
Line of edition: 6 ქორთე. Line of edition: 7 ალა როქუ̂ ამჟი ლჷმა̈̄რ ტკიცუშ. Line of edition: 8 (ლენჯერი) Добавлено (2006-11-17, 7:08 Pm)
---------------------------------------------
Part No. 37 Text: 37
Page of edition: 32
Line of edition: 9
37. ჩეი̄ კუბ Line of edition: 10 უ̂ო̄შთხუ̂ ზა̈ჲ ი̄რა, როზან ადგან, გაბიშა (ჩა̈რთულა̄ნ). ეჩი̄ საფლა̈უ̂
Line of edition: 11 ლა̈ბუ̈̄ნჯთე ანზჷზეხ უ̂ო̄შთხუ̂ მა̄რე: მჷრზა თაბუშა (მჷშკდა̄ნ),
Line of edition: 12 უ̂ა̈სილ ლუსუ̂ანშა (\\ ნუსუ̂ანშა, ფა̈̄ლია̄ნ), ბედა̈ჲ ადა̈ჲშა (ნიგურია̄ნ),
Line of edition: 13 ეშხუ მა̄რე ჩუ̂ამა̈̄შდჷნ, ჲა̈რ დო ლა̈სუ̂. აკლდამისგა დეშ
Line of edition: 14 ხოსკჷ̄დენდახ ი ქა̄მენჩუ ა̈ნბინეხ ლიბუ̈̄ნჯი. ა̈ბუ̈̄ნჯუ̂დახ, ეჩქა წაკა̈ტ
Line of edition: 15 ოხრეკხ პილთე: ამეჩუ აშხუ̂ მა̄რე̄მი ლაშდუ̈ღუ̂ ლი, ჟი მჷსყე კირშუ̂.
Line of edition: 16 ალას ოხბინეხ წაკატშუ̂ ჩუ ლიკუ̂შე, ეჩქას ჴურუ ხეყა̈რ ი ლა̈სგიდ
Line of edition: 17 ა̈ხსყა̈̄ნხ სგა̈̄ნჩუ. ლა̈ჲსგიდახ ი კუბ ლჷგ ჩეი̄შ. ათხ' ა̄ლას ლახ ხეწა̈დხ,
Line of edition: 18 ლაღუ̂ა̈ჩინიშთე აჩა̈დხ. ეჯა ქა̄ნჴა̈დ ი კუბ ქა̄ხკიდუ̂ნე ქა̄მენჩუ. ჩუქუ̂ა̄ნ
Line of edition: 19 ჯიჰრა̈̄ ფიცა̈რ ხა̄დ. ქა̄ხტყიცხ თხურმა̈̄შხა̈ნი ლაფრი, ა̈ნწუ̂ე̄ნეხ სგა̈̄ნჩუ
Line of edition: 20 ი ლჷ̄გა̈ნდა ეჩე̄სგა სტა̄მა̄ნი̄ლ, ჰარყი ნაგა̈ნ, ი ხაუ̂დი ნამჴიჩუ̂არ
Line of edition: 21 ი ფაყუ̂ა̈ სი̄რმა̈̄ლ ი ქუთუ̄ლა̈ ყუ̂იმბრილდა̈რ, სერ დე̄სამა. ალა ა̈დკუ̂იჰხ გაბიშე̄რემ
Line of edition: 22 ი ჩუ̂ანჴა̈დხ ჟიქა̄ნჩუნ. ეჯჲა̈რს ხეკუ̂ა̈დხ ლიე̄სგი,
Line of edition: 23 მარე ეჩქად ა̈დკუ̂იჰხ სეტელშე̄რემ ი მა̄დ ათნებეხ გაბიშე̄რ: "ალა
Line of edition: 24 ესერ ლი მინე ხოშა̄მ ფუთი̄ კუბ". გაბიშა ყჷლახ, ერე "ალა ესერ
Line of edition: 25 ლი მინე ხოშა̄მ გჲერგი̄ კუბ, ლამა̈̄რია̈̄ მჷშნა̄უ̂ი̄შ". ოხჩჷ̄დხ ამე̄სგა
Line of edition: 26 ლიცუ̂ა̈̄ლ ი ანჴა̈დ სოფელ ი ჩუ̂ა̈დზორა̈̄ნ: დე გაბიშე̄რ ათნებეხ, დეჲ
Line of edition: 27 სეტელშე̄რ ი სგე̄სგეხ ჯგჷრა̈̄გთე. ანჴა̈დხ მოლჯგჷრა̄გა ი საროსტას
Line of edition: 28 კჷლა̈რს ქა̈̄ხბი̄შდხ. დე̄მ ხაჰა̈დდა, მარე ძალა ხაყერხ, ქო̄თღეხ ი
Line of edition: 29 ჩუ̂ადკარეხ ჯგჷრა̈̄გი ყო̄რა̈ლ კუბ ჟ'ანკიდხ ისგლე̄თი ონაქა ი ჟ'ადჲეხ
Line of edition: 30 სეტელშე̄რ გიო̈̄შთე (სეტელშა გიო ბაპ ლა̈სუ̂). Добавлено (2006-11-17, 7:08 Pm)
---------------------------------------------
ალ კუბი ლიე̄სგი ა̈დკუ̂იჰ სოფელდ ი ხასდიკჷნდა ჩუ ლიცხრა̈̄ლდი, ანჴა̈დხ
Line of edition: 32 ი საროსტა ჩუ̂ადსტარფეხ ჲარ ათა̈სშუ̂, -- კჷლა̈რ სოფლი უჭუ̂დია̄ლუ̈ნდ ლახუ̂ე̄მ მოლჯგჷრა̄გას
Line of edition: 33 (საროსტაი მოლჯგჷრა̈̄გ ლი).
Line of edition: 34 საროსტა̈̄ მჷქაფ გიუ̂ოდ ლახუ̂ე̄მ სტრაფ. ანჴა̈დ ათხე სოფელ ი ჩუ̂ა̈დზორა̈̄ნ,
Line of edition: 35 ხაკუხ ლიცხრე: იშა ლიზ ალა: სეტელშა ლი, ჰა̄ გაბიშა.
Line of edition: 36 არდა სოფელ კანცელჲაჟი. ლახა̄სდდა ეჩილექუ̂ა ბაპ, იშმა̈გი ციუ̂ოყჷლარეშ,
Page of edition: 33 Line of edition: 1 ქურდია̄ნ. სგა̄თტუ̈̄ლხ კანცალჲათე, ლექუ̂' ა̄ჩა̈დ სოფელ
Line of edition: 2 სეტელშე̄რთე ი ლეჟ' ა̄ნჴიდხ კუბი სგუ̂ებნე ლაფრი, ხედუ̂ა̈̄ჲ ლა̈სუ̂
Line of edition: 3 ლჷირ. ბაპდ ქა̈̄დჭოდა̄ნე. ამეჟი̄ნ ხა̄გა̈ნ, ერე "ალა ლი ხოშა̄მ სეტელშა
Line of edition: 4 ფუთი̄ კუბ". ათხა სოფელდი ჩუ̂ა̈დჯჷრუ̂ე, ერე ალა სეტელშა
Line of edition: 5 კუბ ლი.
Line of edition: 6 ათხა სეტელშე̄რ თხუ̂იმ ხაბრალჷნხ ი ლჷთიშ მა̄რე აფუ̈შდხ მო̄რეუ̂დ. ჩოთქუ̂იცხ
Line of edition: 7 გაბიშე̄რხა̈ნქა სეტელშე̄რ უ̂ოხუ̂იშდ ათა̈ს, მარე ეჩქად გიუ̂ო ჩუ̂ადგან. ეჯ კუბთე
Line of edition: 8 გიუ̂ო ოთგენედ ი ეჯნოშ ჩოშდუ̈ღუ̂დ, ლაფრი ჩუ̂ა̄რი ლა̈შყუ̂დუნა̈̄რდ. სეტელშე̄რდ Line of edition: 9 ალა საბუთდ ჩუ̂ა̈დგიჭხ, ერე ჩეი̄ კუბ მინეშ ლი.
Line of edition: 10 (მესტია) Добавлено (2006-11-17, 7:08 Pm)
---------------------------------------------
Part No. 38 Text: 38
Page of edition: 33
Line of edition: 11
38. სკარხალ ი ძღჷდ უჩხა მესტიას Line of edition: 12 ლა̈დი ისგლე̄თი ონაქა ოხგა̈ჲ ი ოდე ლახუ̂თე ლა̈ჭმად. ეზერ და̈რ
Line of edition: 13 ლა̈სუ̂ ჰამს. ნა̈ბზა̈ ონად ეჯჟი̄ნ ლა̈სუ̂ ი ნა̈ბოზს ხოჲა̈ხ უშხუ̂ა̄რ ი
Line of edition: 14 ა̈დბინე ლირხუნა̈̄ლ. ხუ̂ა̈ჲ ხა̈ნს ირხუნა̄ლ, ეჯჟი ერე უჩხა დე̄სა ა̈დბინე. Line of edition: 15 ეჩქას ანჴა̈დ ლაღმი ტუ̈ბჩუ სკარხალ, ეჯჟი ერე გიმ ჟ'ანთუ̂ეთნე.
Line of edition: 16 ეჯ დრა̈უ̂ქა ხუ̂არდა̈ს ირღულდისგა ი ოხუ̂ა̈გნ ჩუ. ეჯჟი უჩხა ა̈დბინე,
Line of edition: 17 ერე ნაღუ̂რეუ̂ს მა̈გ ესღუ̂ა̈̄ნ. ოხუ̂ა̈ჰ ჩუ და̈̄უ̂ა̈ ნაჭათთეჩუ. ლა̈ხუ̂სგი
Line of edition: 18 ჩუბაუ̂ ქუ̂ენიე̄რთე ი დაბდერთე: იმუ̂ა̈̄ჲჟი ჭალა̈ჲ, ამჟი̄ნ ესღჷრდა ლიც.
Line of edition: 19 ქუ̂ენიე̄რხა̈ნჩუ̄ნ ლა̄რო̈̄ლი ნაკა̈რთე ეჯჟი ჩუ ლჷგა̈ნ მჷჰ, ერე ძუღუ̂აშა̄ლ,
Line of edition: 20 ი დაბდერხა̈ნჩუ ჩუ ანღჷრღა სეტთე. ახა̄გა̈̄ნხ სგა მეზგა̈̄ლს, ხედუ̂ა̈̄ჲ
Line of edition: 21 ხეზგახ დაბდერს ჰოკერქა, ი ჲერს ქორა̈ლ ჟ'ა̈ხგუ̂ეშლა̈̄ნხ ლჷცშუ̂,ჲერს
Line of edition: 22 ჴუ̂ილა̈̄ლ ოთფიტხ ნე̄სგაქა ი იმუ̂ა̈̄ჲჟი ღა̈რქა, ეჯჟი̄ნ ანღჷრდა ჴუ̂ილე̄მი
Line of edition: 23 მეფტაქა. ეჩქა ანჴა̈დხ ხა̈ლხ ი ა̈დშჷმ ფა̄და̈̄სს ი ჲერს ბერგ ხუღუ̂ა̈̄ნ,
Line of edition: 24 ჲერს ლა̈̄ხი̄რ ი ხოსპახ ლიცს გა̈ნთე. ეჩნოშ დეშ ლა̈ხშა̈დხ,
Line of edition: 25 ანჴიდხ ჴანა̈რ ი ოხბეხ ღა̈ნწუ̈შ, ეშხ' ოხგეხ ნე̄სგა დაბდერხა̈ნქა
Line of edition: 26 ბაღაშე̄რ ყო̄რთეჩუ ი მე̄რუ̂ე ციოყრე ლეჟა̈̄ნთეჩუ ი ეჩნოშ ა̈დყიჩხ
Line of edition: 27 ლიც. Line of edition: 28 ამჟი უჩხა ი ჩუ̂ა̈ლი ლიჴედ იუ̂ალადა̈ღ და̈̄ს ხასმა ი ძღჷდ ხანბა̈ჟ
Line of edition: 29 ჩი̄, ერე "ხოლა როქუ̂ მჷრე̄სქ ანღრი". ეჯა ხოხალდა ჩი̄, მარე მიჟ
Line of edition: 30 ჩია̄უ̂ ქა̄თჰუ̂ა̈რ, ეჩქას ჩუ̂ა̈დგუ̂ა̈ლა̈̄ნ ი უჩხა ჩუ̂აქუ̂იც. ლა̈ხუ̂სგიდად ლახუ̂ა̈რთე
Line of edition: 31 ი ჩია̄გ ლუთთუ̂ენე ლა̈სუ̂ მუსშუ̂. Line of edition: 32 (მესტია) Добавлено (2006-11-17, 7:09 Pm)
---------------------------------------------
Part No. 39 Text: 39
Page of edition: 34
Line of edition: 1
39. ლჷდგა̈რი ლა̈ჴდათე ლი̄ზი Line of edition: 2 ეშდჲორი მა̄რე ესღურდად გზა̈̄უ̂რდ ლჷდგა̈რიშ ლა̈ჴდათე ლა̈̄შხთე
Line of edition: 3 თანა̈ღს მუშურს. ქო̄თა̄გა̈ნდ თანა̈ღს. მუს არდა ძღჷდ, თანა̈ღ ლა̈სუ̂ ხოლა,
Line of edition: 4 შდუუ̂ა, ბუ̈ნტ ხასგურდა. მა̈გ დეშ აჩა̈დ აშხუ̂ჟი შუკუ̂ს მაყალშუ̂ ჟა̈ჰიშ.
Line of edition: 5 ჲორი მა̄რე, დადა̈ში ი ილია ჯაფარიძა̈̄ლ, ადზჷზეხ სგუ̂ებინ, ჟა̈ჰდ ხაყლუ̈̄ნდახ:
Line of edition: 6 ა̈ხქუ̂ეცნი, ჰა მა̄მა, ეჩი̄ ლა̈მჴერდ. ჟ'აჩა̈დხ ეშხუ ჲერეუ̂შდ
Line of edition: 7 საჯენს, ეჩქა შიშდ ა̈ხქუ̂ა̈ც ჟა̈ჰ. ეშხუ უ̂ერსტ ა̈გის ქა̄ნჲე ჟა̈ჰდ ნა̈ჲ.
Line of edition: 8 ნა̈ჲ უშხუ̂ა̄რ ხოგუ̂დირდად: "ნო̄თაუ̂ როქ ჩუ მო̄დ ანკა̄ფე, ანყიმე",
Line of edition: 9 ეჯზუმ ა̈გის ქა̄ნჲე. ეჩეჩუნ გარ ანუნჴუ̂ე ჟი. ეჩქას ჟ'ანგენეხ აფხნეგა̈რდ,
Line of edition: 10 ა̈თუ̂ბინედ აჯაღ ლი̄ზი, ჟ'ოჩა̈დ ზაგა̈რთეჟი. ზაგა̈რჟი შუკუ̂ს ქა̈̄თუ̂ქადდ:
Line of edition: 11 იმთე ლე̄ზი ნა̄დ, ეჩხაუ̂ მა̄მ ოჩა̈დდ. ხოლა̄მ ა̈გითე, ლაშყა̈დთე,
Line of edition: 12 ლადშა̈უ̂თე ა̈ნჴა̈დჷ̄ნ. ეჩქას ბუ̈ნტ ქა̈̄თშყუ̂ა̈ფ, მა̄დხუ̂ა̈ილ ლა̈სგიდ ლა̈ნსყა̈̄ნ
Line of edition: 13 თე̄რა̈ლქა. ეჩი̄თა̄ნ ა̈გის ხუ̂არდად, ერე ეშხუ ბა̈̄ჴ ჰაუ̂ე ქა ლა̈ნბა̄ჴა̈ნ,
Line of edition: 14 მა̈გ ჩუ ხუ̂იდშაუ̂ო̄ლდ, ეშდჲორი მა̄რე. ჟ'ესჭუ̂ე̄ნდ ეჩქა, უ̂ეშგდ ონტა̈ხდ.
Line of edition: 15 იმთე შუკუ̂ ლა̈სუ̂, ეჩის ოთა̄გა̈ნდ, მარე ჲერხის გა̈რგლა ჩუ მეჩდე ხა̄დრ
Line of edition: 16 მჷცხიუ̂შ, ეშ ლეთრინე ნა̄დხ ჲერხი. აშხუ̂დ ბაპ ლა̈სუ̂, მე̄ნშგუ̂ე მა̄რე.
Line of edition: 17 მა̄დხუ̂ა̈ილ ოჩა̈დდ შუკუ̂ს, აჯღჷდ ქა̈̄თუ̂ქადდ შუკუ̂ს, დეშმა ა̈ხუ̂მარგდ.
Line of edition: 18 სერ მუბუ̈რ ლა̈სუ̂, თანქა ლა̈სგიდ მა̄მა ლა̈სუ̂. ჟ'ახუ̂ქურქო̄ცა̈̄ნდ ეჩქა.
Line of edition: 19 ეშხუ ღა̈რთ ნუღუ̂ა̈̄ნ. მუს ოთფხირჭუ̂ედ მურგუ̂ალდ, ეჩეისგა ჭჷშხა̈რ
Line of edition: 20 ჩიემ უშხუდ ესუ̂გედ, ჩოსგურდად, ლიღრა̈̄ლ ა̈თუ̂ბინედ უშხუ̂ა̄რეშ
Line of edition: 21 ლაბგად, ერ გუ̂ი მო̄დ ა̈თუ̂კუშედ. საჲათ ნუღუ̂ა̈̄ნდა, სპიჩქა ნუღუ̂ა̈̄ნდა,
Line of edition: 22 მინუტისგა ჲურინ ხუ̂იწუ̂ე̄ნად მჷცხი̄ ბა̈დშუ̂, მარე ეჯღაჲ საჲათ მიჩა
Line of edition: 23 დროუ̂ჟი გარ ამშია, დრა̈უ̂ ჩიქდ ეში̄ მა̄მა ა̈დრჷჰა̈̄ნ. Line of edition: 24 ისგლა̄თუ̂ შდუა. ლერექუ̂ მა̈გ მჷჟირ ნა̄დ. ისგლე̄თუნღო ქა̈̄დმე̄ფხა̈̄ნ.
Line of edition: 25 ლერექუ̂ მა̈გ სგა ლანკუ̂ერმე. ჟ'ოხუ̄გა̈ნდ ჰამს, ეჩქა ხუ̂ეჭუ̂დიე̄ლდ უშხუ̂ა̄რ,
Line of edition: 26 ერე "ჲა̈რ ხიდგა̈რიდ, ჲა̈რ მა̄დე? " ეჩუნღონ ჟ'ალგენე̄ლიხ ეჯ ლე̄თი
Line of edition: 27 ნარდუ̂ჟი, ოხბინახ ლი̄ზი, იმუ̂ა̈̄ჲთე ლე̄ზი ხა̄რახ, ეჩხაუ̂, ლა̈დი. ლახჭუ̂ედდახ ათხე
Line of edition: 28 უშხუ̂ა̄რ აფხნეგა̈რ: ჲეშდჲარუ̂ მა̄რაისგა ეშხუ̂ი̄ლ ა̈ხჩჷ̄დდა
Line of edition: 29 ჭჷშხა̈რ ი ტოტა̈რ უშხა, სერ მა̈გ ჩუ ლუშხუ̄რე ლა̄სუ̂ხ, ჲეშდეშხუ
Line of edition: 30 მა̄რე. ჩუ̂ა̈მჩედე̄ლიხ სოფელთეჲსგა. ეშხუ თუმნიშ აშხუ̂ მა̄რა ოხყიდა
Line of edition: 31 ჰარა̈ყ. თუ̂ით მანა̈თ ნა̈ჲ ონჴუ̂იდდ ჩიემ ლა̈ხიადა̄ლდ ლჷჲა̈რ ლისედიშ.
Line of edition: 32 ეჩქა ოჩა̈დდ, იმშა ბედჟი ესღურდად, ლჷდგა̈რი ლა̈ჴდად. ეჩეჩუ ეჯ Page of edition: 35 Line of edition: 1 ლჷდგა̈რი̄ მა̄მა ანნებეხ. ეჯა ჩუ ლუშდუ̈ღ, ლაშდღუ̂ა̄ლ ჩუ ლჷყერ ხა̄რახ.
Line of edition: 2 მად ანნებეხ მიჩა ეჩე̄ ჭირუფლა̈რდ. ნა̈ჲ ჟი ლეჭუ̂ე̄ნი ნა̄დ.
Line of edition: 3 აშ ცუ̂იდდ ლიზელა̈̄ლ ნა̈ჲ ლა̈ნქა̈მ ი ალამა̈გ ჭირ. Line of edition: 4 (მესტია) Добавлено (2006-11-17, 7:10 Pm)
---------------------------------------------
Part No. 40 Text: 40
Page of edition: 35
Line of edition: 5
40. ტუ̈ბე̄რი თანა̈ღს ლინგზა̄რა̈უ̂ ლუ̈ნთუ̈სგა Line of edition: 6 ლეჰნა ქრისდე̄ში თა̈ისგა ოთხუ̂ჲედ ნა̈ჲ ფოშტა ცაგე̄რთე. ხუ̂ა̈სუ̂დ
Line of edition: 7 სემი მა̄რე. სგაშა̈̄ლიდ მუშურს ოჩა̈დდ ი ჩო̄ლირდ სგო̄ჩა̈დდ, ეჩქას
Line of edition: 8 ლა̈ჲბინე შდუუ̂ა. ცაგე̄რდ აშ ოჩა̈დდ, ერე შდუუ̂ა. უ̂ო̄შთხუ̂ ლადეღ
Line of edition: 9 ცაგე̄რისგა ანა̄დ ი ეში̄ მა̄მა აქუ̂იც ლიშდუ̂ე. ეჩჩუ̄ნ ა̈თუ̂ნა̈ზო̄რა̈̄ნდ იშგუ̂იდ
Line of edition: 10 მა̄რე, მა̈გ შუ̂ანა̈რ: სა̈სო ყანსაუ̂შა (ჯაფარიძე, მჷმსტიუ̂), ბესარიონ
Line of edition: 11 მაჯუ̂დიერლეშ (შარუ̂აშიძე, მუჭო̄ლა̈შ), ზაქარ ბა̈დრიშა (ჯა̈ჭუ̂ლია̄ნ, მუჭო̄ლა̈შ),
Line of edition: 12 პეტრე უშხუ̂ა̄ნ (მუდა̈ლ), მიხეილ გამყრელიძე
Line of edition: 13 (მჷკა̈̄ლ), მე̄რ+ |
| |
| | |
|
Мужчина |
Date: Пятница, 2006-11-17, 7:15 PM | Message # 8 |
|
Group: Проверенные
Posts: 352
Status:Offline
Дата регистрации:
2006-09-07 |
Part No. 40 Text: 40
Page of edition: 35
Line of edition: 5
40. ტუ̈ბე̄რი თანა̈ღს ლინგზა̄რა̈უ̂ ლუ̈ნთუ̈სგა Line of edition: 6 ლეჰნა ქრისდე̄ში თა̈ისგა ოთხუ̂ჲედ ნა̈ჲ ფოშტა ცაგე̄რთე. ხუ̂ა̈სუ̂დ
Line of edition: 7 სემი მა̄რე. სგაშა̈̄ლიდ მუშურს ოჩა̈დდ ი ჩო̄ლირდ სგო̄ჩა̈დდ, ეჩქას
Line of edition: 8 ლა̈ჲბინე შდუუ̂ა. ცაგე̄რდ აშ ოჩა̈დდ, ერე შდუუ̂ა. უ̂ო̄შთხუ̂ ლადეღ
Line of edition: 9 ცაგე̄რისგა ანა̄დ ი ეში̄ მა̄მა აქუ̂იც ლიშდუ̂ე. ეჩჩუ̄ნ ა̈თუ̂ნა̈ზო̄რა̈̄ნდ იშგუ̂იდ
Line of edition: 10 მა̄რე, მა̈გ შუ̂ანა̈რ: სა̈სო ყანსაუ̂შა (ჯაფარიძე, მჷმსტიუ̂), ბესარიონ
Line of edition: 11 მაჯუ̂დიერლეშ (შარუ̂აშიძე, მუჭო̄ლა̈შ), ზაქარ ბა̈დრიშა (ჯა̈ჭუ̂ლია̄ნ, მუჭო̄ლა̈შ),
Line of edition: 12 პეტრე უშხუ̂ა̄ნ (მუდა̈ლ), მიხეილ გამყრელიძე
Line of edition: 13 (მჷკა̈̄ლ), მე̄რმე მჷკა̈̄ლ იუ̂ანე (მიჩა გუ̂ა̈რ დეშ მიხა) ი მი. ცაგე̄რხა̈ნქა ა̈ხუ̂ბინედ
Line of edition: 14 ლიჴედ. აშ ონჴუ̂ა̈დდ ჩო̄ლირდ, ჲერე ამჟი̄ნ შდუუ̂ე̄დ. ჩო̄ლირისგა
Line of edition: 15 ჲორი ლადა̈ღ ა̈თუ̂რა̄გედ: ონღუ̂ელღად, ერე მუშურს ა̈მჴედელხუ̂ესუ̂დ,
Line of edition: 16 მარე მუშურ ჩუ̂აკა̈უ̂ ი ჩო̄ლირხა̈ნქა ლეჟ' ო̄ნჴუ̂ა̈დდ ლა̈̄შხთე.
Line of edition: 17 აშხუ̂ ნაგზა ამჩუ ხუ̂არდად ი მა̄მა ხოქუ̂ი̄ცა̄დ შდუუ̂ა. Line of edition: 18 ქო̄ხუ̂აგა̈̄ნდ ტუ̈̄ბე̄რს. ხა̈ლხ დ' ეჩხა̈ნისგა ჲა̈რ მოშ კუ̂იშა თანღა̈რს ი
Line of edition: 19 დე̄ჲ ამხა̄ნისგა, ჩუ ლჷჭბიდდ არდა მა̈გ ი ნა̈ჲ ქო̄ხპირედ, მარე
Line of edition: 20 ცა̈̄ნთე̄სგა თჷმ ანჴა̈დ, ეჯჟი ლაჭა̈ბ ნა̄დდა. ჲორი ლადა̈ღ ამჩუ̄ნ ანა̄დდა ი
Line of edition: 21 შდუუ̂ა̄დ. ლეზიზ სგა ლა̈ნშდა̈ხ ი რე̄ქუ̂დ, ერე "ჲარუ̂ მა̄რა
Line of edition: 22 ლექუ̂ა ლეტეხ ხა̄რ ლა̈̄შხთე, ლეზიზ ლა̈ჴდათე". ი ჲორი მა̄რე ჟ'ა̈ხუ̂მა̄რა̈̄ნდ
Line of edition: 23 ლექუ̂ა ლატა̈ხთე. მჷხრიშდ ეში-ეში̄ ტა̈ხენდად ლექუ̂ა, მარე
Line of edition: 24 ისგლე̄თუნღო ქა̈̄დმეფხა̈̄ნ (\\ ქა̈̄დგუ̂ალა̈̄ნ) ი ეჩქას რო̈̄ქუ̂დ, ერე "ათხე
Line of edition: 25 ლექუ̂ა ლიტეხ მა̄მაი, ქა როქუ̂ ალა̄გენდ თანა̈ღს". ჲერხი ყულად: "ლეზზურ
Line of edition: 26 დეშ ალღჷრნედ". ჲერ: "ქა̄ლპირად, ადო ლიშდუ̂ეს ლახ
Line of edition: 27 ა̈დბინნე, ჩუ̄დ ლჷსდენიდ ამხა̈ნჩუ. აშხუ̂ ლა̈დღი ლეზნა ჟი ლითმინედ
Line of edition: 28 მჷტმად" ჲორი ლა̈̄შხხა̈ნ ნუღუ̂ა̈̄ნ თხილმარა̈ლ ი ჲორი ამჩუ ა̈ხუ̂სყედ.
Line of edition: 29 სერ მა̈ჲ დო ლა̈სუ̂ ი ოხუ̂პირედ ქა. ლა̈ხუ̂და̄ლედ უ̂ო̄შთხუ̂ მა̄რემ თხილმარა̈ლ, სემი
Line of edition: 30 მა̄რე თხილმარა̈ლურ ლა̈სუ̂ხ. ა̈ხუ̂ბინედ ლიჴედ ცა̈̄ნხა̄ნქა,
Line of edition: 31 მარე ცა̈̄ნა̈ ნაკა̈რ ლეჟა ეჯჟი ხა̈̄ზ მუს, ჲერე ჩუ ლახ ნიძგუ̂ბენი,
Line of edition: 32 ეჩქას მიჩოშ დეშ ტეხნი მა̄რე ი ჟი ლეტხე ნა̄რ. თხილმარალშუ̂
Line of edition: 33 ქუთუ̄ლთეჩუნ გარ ნიშყდენდა (\\ ნიძგუ̂ბენდა), ჩუ ხოძგუ̂ბენდახ ეჯჲა̈რს,
Line of edition: 34 ი თხილმა̈რ ჲესუ̂ა̈̄ს მა̄მა ხა̄სდა̈ნხ. ხუ̂იცა̄დუნა̈̄ლდ ლაჭა̈ბს, მა̈ჲ ეშხუ
Line of edition: 35 ღურდად სგუ̂ებინ ი მა̈ჲ მე̄რუ̂ე, მა̈ჲ მე̄სმე, მა̈ჲ მე̄შთხუ̂ე. ნიშგუ̂ეჲ
Line of edition: 36 ნა̄ზუ̂ს უ̂ეშგიმ ეზერ ლეჴედ ხა̄დხ, მარე ჩუ ლახ ხოძგუ̂ბენდახ ნიშგუ̂ეჲ
Page of edition: 36 Line of edition: 1 ნაჴა̈დს, ეჩქას უშხუ̂ა̄რ ლემურჯი ხადდახ, ადო ჟი დეშ ტეხენდახ,
Line of edition: 2 ეჯღა ჲერე მუს ხა̄სდა̈ნდა სურუ: ცა̈̄ნისგა ა̈ხუ̂ზჷმედ ი ჲორ' ალა̈ბ ი Добавлено (2006-11-17, 7:12 Pm)
---------------------------------------------
ხჷნსგა ხა̄სდა̈ნ. ხუ̂იჰა̄ლდად ატკუ̂ერ ზაგა̈რთეჟი, ა̈ხძგუ̂ა̈ბ ჟა̈ჰ ი ნა̈ჲ
Line of edition: 4 ჟი ლა̈ხუ̂სა̈დდ სუ̈კუ̂ჟი ი მუს მა̈გ ჩუ̂აჩა̈დ. ა̈ხუ̂მა̄ზრედ ღე̄რბეთ: "ღერბეთ
Line of edition: 5 როქუ̂, სი ლანეშდ, ნომა ანდაუ̂შა!" ი ა̈ხუ̂ბინედ ლიჴედ. ჟ'ოჰედ
Line of edition: 6 ატკუ̂ერ ზაგა̈რთეჟი. ამეჩუ ხოჩა გუ̂ი ლა̈ნი̄სდდა. ონღუ̂რიდ ნაკა̈რ
Line of edition: 7 ლექუ̂ა, ლატკუ̂ერი ნაკა̈რ ლექუ̂' ო̄ნშდიხდ ი ჩუ̂ა̈ნბურა̈̄ნ. ონღურდად
Line of edition: 8 ამჟი მუბირჟი, მარე შუკუ̂ ნა̄დდა ხოლა ლეხუ̂იე. აშხუ̂ ა̈გის ა̈ხუ̂ჟომა̈̄ნდ
Line of edition: 9 ჟი, შუკუ̂ს ა̈თუ̂ქადდ ქა. მა̈ჲ იმექა ესუ̂ღურდად ი მა̈ჲ იმექა, დეშ
Line of edition: 10 ხუ̂ითხა̈̄ლდად შუკუ̂ს. სემი მა̄რე ჩოთგენედ უ̂ეშგიმ, ეჯღა ჲერე "მაგ
Line of edition: 11 როქუ̂ დემ ა̈ლდა̈̄უ̂შიდ,". ესუ̂ა̈̄ჲს თხილმა̈რ ნა̄სდა̈ნდახ, ნა̈ჲ ქო̄ხუ̂აგა̈ნდ
Line of edition: 12 ფელტუ̂ქა, მა̈ჲ ეშხუ̂ ესღუ̂რიდ სგუ̂ებინ ი მე̄რუ̂ა̈ლ ჩუ ხუგდ. მა̄დხუ̂ა̈ჲს
Line of edition: 13 ქა ღჷრი, ეჩქას ნა̈ჲ სგა ღურიდ ეჩხა̄უ̂თე̄სგა, ეჩქას მე̄რუ̂ე ხუ̂ეცა̈̄დიდ.
Line of edition: 14 მე̄რუ̂ე მა̄დხუ̂ა̈ჲს ქა ღურიდ, ეჩქას მე̄სმე ხეცა̈̄დი. ამჟი ხუ̂იხრესიე̄ლდ
Line of edition: 15 ფა̈ლტქა ი ნა̄რ გარჯ. ჩუ ხუგდ ათხე ღა̈რ ნე̄სგაისგა: დე
Line of edition: 16 სგუ̂ებდ მოშ ღურიდ, დე უ̂ეშგდ ტა̈ხნიდ. ა̈თუ̈̄მბუ̂ა̄ლუ̂დ: "მა̈ჲ როქუ̂
Line of edition: 17 ღე̄რბათდ გუ̂ეღუ̂ენი, ქა̄ლპირად, ა̈ლდა̈̄უ̂შიდ ეჯღაი, მოდეი ეჯღაი;
Line of edition: 18 ბა̄ზი როქუ̂ ამჩუ ლახ ა̈ლსდენიდ, ეში̄ როქ ჩუ ლიდუ̂ა̈შიდ" ი ა̈ხუ̂სტა̄რუ̂ნა̄ლედ
Line of edition: 19 ჟი ი ქო̄ხპირედ. ონღურდა̈ს სგუ̂ებინ, ეჯჲა̈რ ღე̄რბათ
Line of edition: 20 ხემზჷრდახ: "ღე̄რბეთ როქუ̂, ნომა ათდა̄უ̂შა ალა!" მა̄დხუ̂ა̈ჲ ქო̄ღუ̂ერ, ეჩქას
Line of edition: 21 ლამტუ̈̄ლხ, ჟ'ა̈ხუ̂ღე̄ლა̈უ̂. ეჩქა ლა̈მცა̄დდა მე̄რუ̂ე ი ეჯა ესღრი.
Line of edition: 22 აჩა̈დ მა̄დხუ̂ა̈ჲს ი ჩუ̄დ ოთგენედ. ამხა̄უ̂თე̄სგა სგო̄ჩა̈დდ, ეჩქა მესმ'
Line of edition: 23 ო̄ფიშუ̂დდ. ამნე̄მ ქა̄დჰე სუ̈კუ̂თექა, ლანგჷრგლე: "დიდა̈ბ ღერბათ! მა̄მა
Line of edition: 24 გუ̂იჭირ, ქა მეჴდე ლიშდ ლა̈შუ̂დებთექა". ქა̈̄თუ̂ყუ̂აბა̈̄ნდ ეჩხა̄უ̂თექა
Line of edition: 25 უ̂ო̄შთხუ̂ მა̄რე. ი ეჩქას ნიშგუ̂ეჲ აფხნეგა̈რთე უ̂ეშგდ ლეტეხ ნა̄დდა ი
Line of edition: 26 ლოხტუ̈ლდ, ჲერე "ქა როქუ̂ ა̈ნჭა̈მდ". ქა̄ნჴა̈დხ ეჯჲა̈რი̄. ეჯჟი̄ნ ა̈დგილ
Line of edition: 27 ლი ალა, ერე ლა̈̄თშუ̂ მა̄დეი ლადა̈ღშუ̂ი გარჯ ლი ეჩექა ლიჴედ,
Line of edition: 28 ეჯღა ჲერე მუსუ̂ჟი შუკუ̂ მა̄მა თერა, ხუ̂ა̈ჲ მა̄რე ლჷდუ̂აშე ლი ეჩექა.
Line of edition: 29 ონღუ̂რიდ ამელექუ̂ა ი მეუ̂არ გარჯ ნა̄რ, ნაფიშ: ჲარ მა̄რა ხა̈მს
Line of edition: 30 ხაჴიდ ი ჲორი გარ ოსა̈დდ მჷჭბიდ. მა̈ჲ დო ლა̈სუ̂, სგო̄ჰედ უშგულთე̄სგა
Line of edition: 31 ლირჰა̄ლე ონას. უშგუ̄ლისგა ჩუ̂ა̈თყულურა̈ნდ მეზგა̈ლთე: მი ი
Line of edition: 32 სა̈სო ყანსაუ̂შა აშხუდ ხუ̂ა̈სუ̂დ. ამჩუ̄ნ ჟ'ა̈ნი̄ზნანეხ გუნ ი ჩუ̂ა̈თუ̂ოხშმა̈̄ნდ.
Line of edition: 33 ჭჷშხა̈რ ქა̄ნბარა̄ლეხ ი ჩუ̂ანყუ̂ინეხ. ა̈ნღუ̂ლიდ, ერე "ჟი როქუ̂
Line of edition: 34 ა̈ხუ̂შომედ". ლა̈ნბინეხ ჭჷშხა̈რდ ლი̄თუ̂ე, ლიყუ̂ნა̈̄ლ მა̈დეი ლა̈კი̄ლს
Line of edition: 35 ნიკა̈დ მა̈გ ჟი ი დეჲ ეჯ მეზგე ჲა̈რ ოთუ̄ჟნედ ჩუ, ეჯჟი თჷმი ჩუ ნა̄დდა.
Line of edition: 36 უ̂ოშუ̂ელდ თა̈კუ̂ სგა ნეთა̈ლ, თხილა̈მიშ, მა̈გ ქა ლჷშიხ ნა̄დ. ჭჷშხა̈რ,
Line of edition: 37 ცხა̄რა̈̄ლ დე̄სა ლა̈ნსა̈დხ სგა, მა̈გ ქა̈ნჩა̈დხ. Page of edition: 37
Line of edition: 1 აშხუ̂ ლადა̈ღ უშგულისგა ოსა̈დდ. ეჯჟი მა̈დილ ჩუ ლა̈სუ̂ ჩია̈შდ
Line of edition: 2 თანღი ლიკუ̂შე, ერე შიშდ აჩა̈დხ მე̄რუ̂ა ლადა̈ღ თანა̈ღს ი ლჷჭბიდდ
Line of edition: 3 ჲერუ̂ა̈ჲ არდა მა̈გ ქა̄თაგა̈ნ თანა̈ღს. მე̄სმა ლადა̈ღ ქო̄ხუ̂აგა̈ნდ უშგულხა̈ნქა კალთე.
Line of edition: 4 ხოშაჲ ლეჭბი კალთე̄სგა ნადდა. ოჰედ ა̈გითე, გუნ
Line of edition: 5 ათჩონდახ ჲერე ამჟი ხოლა̄მ თანა̈ღს ქო̄ხსა̈დდ. ა̈გის ჲარ ნაგზა ჩუ
Line of edition: 6 ხუ̂აყუ̂რად, ეჯჟი ა̈თუ̂შიხუ̄რა̈̄ნდ. Line of edition: 7 (მესტია) Добавлено (2006-11-17, 7:12 Pm)
---------------------------------------------
Part No. 41 Text: 41
Page of edition: 37
Line of edition: 8
41. ხოლა გზა̄უ̂რობ Line of edition: 9 სა̈უ̂თე ესღურდად მი, ილია, ი მიშგუ̂ი მიმთილ. აფხნეგ ნეყა̈̄დდა
Line of edition: 10 სემი მა̄რე. აშხუ̂ აფხნეგს დე̄მ ხუ̂ინჴჷრნა̈ს მარე ჟ'ალგენე̄ლი, უ̂ეშგინ
Line of edition: 11 ანჭემა ამჷნეშ, მესტიანეშ, მჷლახდ. ეჩე ჩუ̂ენხუ̂ი̄დ, ეჩეჩუ სგა̈̄ნაფხანგა̈̄ნ,
Line of edition: 12 მიზეზ მა̈ჲ ირო̄ლ, ლელა̈ტ მა̄რე მიშგუ̂ი! ეჯ ლე̄თ ჩუ̂ა̈თუ̂სადგუ̂მა̈̄ნდ
Line of edition: 13 მჷჟა̄ლუ̂ა̈ თანა̈ღს. მე̄რმა ჰამს ჟ'ოხუ̂გა̈̄ნდ, ა̈თუ̂ბინედ ლი̄ზი, მარე ღულა̈ჲ
Line of edition: 14 ა̈ნქუ̂ა̈ც. ღე̄რბათხა̈ნქა მჷრე̄ს ნუღუ̂ა̈̄ნ ხოლა გზა̄უ̂რობ. ესღურდად
Line of edition: 15 თანა̈ღქა. მუს ლა̈სუ̂ შებდუ̂ენ, მა̄მაგუ̂ეშ იწუ̂ა̈̄ნო̄ლ... მექუ̂ცე ბღე... Line of edition: 16 ეშხუ მოლიდ სგუ̂ებინ ესღჷრდა, რიფ ათღანდა, სგა̄შყა̈დ ბღეთე.
Line of edition: 17 ეჩე̄სგა ჩუ̂არდა ხუ̂ა̈ჲ ხა̈ნს. ეჯა ჰამს ლა̈სუ̂, ნა̈ბოზდ ლჷჲა̈რ არდა. ჟი
Line of edition: 18 ლა̈ტხა მამგუ̂ეშ ნუღუ̂ა̈̄ნ. ბარდან მუღუ̂ა̈̄ნ, მარე ჲერუ̂ეშდ ალა̈ბ გარ
Line of edition: 19 ისგთეჩუ მა̄მა ა̈თჰი̄დ. ეჩქანღო არშუ̂ილ, უ̂ოსა̈რ, ლა̈̄რტყ, თა̈კუ̂ი̄ მუღუ̂ა̈̄ნ,
Line of edition: 20 მა̈გ უ̂ედდ ა̈თჰი̄დ ჩუ. სგა̈̄დბე მეჴა̈რს, ოხობდ, მარე ბარდანი
Line of edition: 21 ჩუბაუ̂ ლა̈ხსა̈დ, ჟი დეშ ა̈ხუ̂იტხ. ნა̈ბოზდ ხუ̂ე̄მბუ̂ა̄ლდა̈ს, ხუ̂იგუ̂ა̈̄ნა̈ს,
Line of edition: 22 მარე ეშხუ მა̄რე უ̂ეშგდ ონტჷხ მჷჟა̄ლთე. ეჯნემ დრა̈უ̂ჟი თა̈კუ̂ა̈რ
Line of edition: 23 დეშ ა̈მჴიდ, ეჩქად ეჯა ჩუ̂ადგან. მე̄რმა ლადეღ გარ ა̈ხუ̂ტიხდ ჟი:
Line of edition: 24 მა̄რე ოფუ ჩუ, თა̈კუ̂ა̈რ ოთაბ, ეჩქა ჟ'ა̈ხუ̂ტიხდ ლჷდგა̈რ. ეჯ ლე̄თ
Line of edition: 25 თანა̈ღჟი ოსა̈დდ: ნა̈ჲ გარ ქა დეშიმთე ხუ̂ა̈ჲა̈̄სგდად. აჯაღ მა̈̄ჲ დო
Line of edition: 26 ლა̈სუ̂, ეშხუ უ̂ერს აჯაღჷდ ქო̄ნჴუ̂იდდ, ეჩუნღო სოფელთე ბა̈ჟინ ოხუ̂ზიზ.
Line of edition: 27 ეჩხა̈ნ მა̄რე ანჴა̈დ ი სოფელ, ა̈გითე ონჴუ̂იდდ. Line of edition: 28 მჷირი ნო̄საუ̂ ხა̈წდა ამკა̈ლი გაჭირებას, მუჭუ̂და̈̄ნი ამი̄შ ლჷმზჷრეუ̂
Line of edition: 29 ლი, ეჩის, შუ̂ენდბაუ̂ ხა̄რ. Line of edition: 30 (მესტია) Добавлено (2006-11-17, 7:13 Pm)
---------------------------------------------
Part No. 42 Text: 42
Page of edition: 37
Line of edition: 31
42. ლა̈ქმათე ლი̄ზი Line of edition: 32 ეშხუ ესღურდად უ̂ოხუ̂იშდ მა̄რე (მი ასონ, იუ̂ანე, კოწია ი ამფროს)
Line of edition: 33 ლანგზა̄რუ̂თე, თეთრი ლათხე̄ლთე. სგო̄ჩა̈დდ აფხა̈ზთეჲსგა ი
Line of edition: 34 ეჩე დარა̈ლ ჩუ̂ა̈ნჰა̄უ̂დარხ. აშხუ̂ თუ̂ენ სგუ̂ებინ გუ̂იჩა̈შხ შუ̂ანა̈რ, ზექი მჷქჩა,
Line of edition: 35 ი ეჯჲა̈რდ სგა მა̄დ ა̈ნტყუბეხ ი ხუ̂იზელა̄ლდ თითქმის [= ჰემოშშა̄ლ]
Page of edition: 38 Line of edition: 1 აშხუ̂ თუ̂ეს ი ლემშია დეშ ხუ̂ითხა̈̄ლდად. ოთჭკუ̄რედ ი ოყირდ ჩუბაუ̂
Line of edition: 2 გუდაუ̂ათათე ი ეჩე ლჷჲფხაზუ და̈̄ს ნიხალდა, ლურუსუ̄ლა̈რს ხუ̂ა̈მჴა̈რუ̂ნად
Line of edition: 3 უ̂ედდ. ჟი ლახ ხოჩა̄მდ ხუ̂ერგიუ̂ა̄ლდად, ქა ლუსრულანღო ქა
Line of edition: 4 ნა̈ქუ̂ცახ თეთრს (ქირა̈ჲს), ნინ მა̄მა ნიხალდა ი სა̈ჩიუ̂ა̈რთე დეშ ღურდად,
Line of edition: 5 მარე ეში̄ ხოჩა̄მდ ოთთჷმედ. ლა̈რგიუ̂ა̄ლს ნა̈ჲ ხუ̂ა̈წრად, მარე
Line of edition: 6 ქა ლაჰა̈დჟი -- მინ. ეჩხა̈ნჩუ ჩოჩა̈დდ გაგრა̈̄შთე ი სგო̄ჩადდ აშხუ̂
Line of edition: 7 სომეხთეჲსგა, ჟ'ესუ̂რიგუ̂ა̈̄ნდ ეჯას კარჩოკას მინდუ̂რიშ (ლჷჲკა̈ლ ლა̈სუ̂)
Line of edition: 8 ჲარუ̂ შაურდ კუ̂ადრატს. ანჴა̄დხ ჯაუ̂ახელა̈რ ი ნიშგეეჲ ლატულკოუ̂ა̄ლს
Line of edition: 9 შაურდ ა̈ნკიდხ კუ̂ადრატ ი ეჩქა ნა̈ჲ მად ოთჷ̄გა̈ნდ ი ეჩქა
Line of edition: 10 მე̄რმა დიდა̈რი ბაღთე ოჩა̈დდ. ეჩეჩუ ჟი ლჷრგიუ̂ე ხუ̂ა̈სუ̂დ ლექუ̂ე̄რი
Line of edition: 11 თხრილს, საჯენ უ̂ოხუ̂იშდ მა̈ნა̈თდ. ალ დრა̈უ̂ჟი ჯაუ̂ახელა̈რჷდ ანჴა̈დხ
Line of edition: 12 ი ალჲა̈რდ ჲარუ̂ მანა̈თდ ა̈ნკიდხ. ეჩქა ნა̈ჲ ქა̄დ ოჩა̄დდ ი სომეხთე
Line of edition: 13 ოტა̈ხდ ი ხუ̂ა̈̄ქუ̂დ სომეხს:
Line of edition: 14 -- იმღა აფუ ქა ჯაუ̂ახელა̈რ, ეჯჲა̈რ შაურდ ამშიახ? ეჯნემ ნა̈̄ქუ̂:
Line of edition: 15 -- იმღა ი ხა̈მი ლეღუ̂ს დემ იზობდახ ი ეჯღა.
Line of edition: 16 -- ჲაღო, ათხე ნა̈ჲ ეჯ ქირა̈ჲჟი დემ ხუ̂ასყე̄ნედ! -- ი ჟი̄დ ოხქიმნედ
Line of edition: 17 ეშხუ შაურ ი სემი შაურ ნუღუ̂ა̈̄ნ კუ̂ადრატისგა, ხოჩა ბინა, ხოჩა
Line of edition: 18 ხა̈რჯ. ა̈ხუ̂ბინედ ლიმშიე ი ჲერუ̂ეშდ ი უ̂ო̄შთხუ̂ ლადეღ ჟ'ოხუ̂სყედ
Line of edition: 19 ეშხუ დესეტინა ი უ̂ოხუ̂იშდ აშირ კუ̂ადრატ. ეჩქა ეშხუ ბაღჩა ხუღუ̂ა̈̄ნ
Line of edition: 20 ი ეჩი ლაბრა̈უ̂ს ანგენე. ეჯას ეშხუ მომრა̈უ̂ ხეყა̈̄დ, ეჩას ლა̈ხუ̂ჭუ̂ედდად:
Line of edition: 21 -- ამეისგა როქუ̂ იმ ნაჰუ̂დიდ ქირა̈ჲს? -- ეჯნემ ნა̈̄ქუ̂:
Line of edition: 22 -- მა̈̄ჲ როქუ̂ ნაღუ̂ე̄ნა ეჯას როქუ̂ ლაჯ[ჰ]უ̂ედიდ. Line of edition: 23 ნა̈ჲ ანჩო̄ნდა, ეზერ ქირა̈ჲ ლანბაჟჷნ: ეჯა ლა̈სუ̂ იშგუ̂იდ აშირ
Line of edition: 24 კუ̂ადრატ. ანჴა̈დ ხაზა̈ინ ა̈გითე. ნა̈ჲი ოთსურლედ, ხუ̂ა̈̄ქუ̂დ ქირა̈ჲ. "ქა
Line of edition: 25 როქუ̂ ა̈ნმუშგუ̂ა̈̄ნ", ი მა̈̄ნკუ̂ი̄ კარჩოკა̈̄ თეთრ ქა ლანო̈̄მ, ეჩქანღო --
Line of edition: 26 ნაბრაუ̂ისგა, -- ლა̈ხუ̂ჭუ̂ედდად: იმჟი როქუ̂ ნაჰუ̂დი იშგუ̂იდ აშირ
Line of edition: 27 კუ̂ადრატისგა?
Line of edition: 28 -- მიჩა მომრა̈უ̂ს მა̈ჲ ესერ ოთბაცა? -- ნა̈ჲ ხუ̂ა̈̄ქუ̂დ:
Line of edition: 29 -- მა̈̄ჲ კარჩოკაისგა ნუღუ̂ა̈̄ნ, ეჯ ა̈̄ნბაცე. Line of edition: 30 ეჩქა ეჯა ხასდიკჷნ ი მა̄დ ლანუ̂ე̄მ: ლადღჷლობა̈ ქირა̈ჲს ნაჭრა̈ჟდა Добавлено (2006-11-17, 7:14 Pm)
---------------------------------------------
თუ̂ით ჲარუ̂ მანა̈თს. ეჯა ნა̈ჲ მა̄დ ნეკუ̂ა̈დ ი ჲეშდ ლადეღ ხუ̂არდად
Line of edition: 32 მიჩა ხა̈რჯჟი ლჷჩრაუ̂ე. მა̈̄ნკუ̂ი მა̄მა ნიხალდა თაუ̂რობა̈̄ ამბა̈უ̂ ი შომუ̂ა̈̄ჲ
Line of edition: 33 ჟ'ა̈ხჴმეჴრედ, ეჩქა ბჷგიდ ლიშგუ̂ემ ოხუ̂ბინედ. თეთრ ქა ლუჰუ̂ედ
Line of edition: 34 მა̄მა ხა̄დ მა̈გ ი კუტანცია ნაშჷუ̂მინ, მა̄დ ლოხუ̂ე̄მდ. ეჩქა მომრა̈უ̂დ
Line of edition: 35 თუ̂ეფს ესფხიჭე ი ნიშგუ̂ეჲთე ა̈ნზორ. ეჩქა მი ი იუ̂ანედ სგა ხუ̂აფხეჭდ,
Line of edition: 36 თუ̂ეფ ქო̄თღედ, ხუ̂ა̈ჲ ხუ̂აჴიდდ აჯაღ. ეჩქა მიწა̄დს ა̈დშჷმ.
Page of edition: 39 Line of edition: 1 სომეხდ ი მიჩა ხეხუ̂დ ლიკი̄ლი ა̈დბინეხ. ეჩეჩუ მეგრელა̈რ იზგახ
Line of edition: 2 ფე̄დიას, ქა̄ნჴა̈დხ ეჯჲა̈რ ი ჟ'ენჭუ̂ა̄დხ.
Line of edition: 3 -- იმ როქუ̂ ხუ̂იჩოდ, შუ̂ანა̈რ?
Line of edition: 4 -- იმ-ჷჯ ი ამ ლუ̈ნთუ̂ ჲერუ თუ̂ე ამეჩუ ეკა̈ლისგა ნიმშია ი თეთრსჷჯ
Line of edition: 5 დემ ნაჰუ̂დიხ ი ათხე გაგრა̈̄შთე ღური ი ქა ხოშჩიუ̂ლე. Line of edition: 6 ეჯა ალჲა̈რს ხასდიკხ.
Line of edition: 7 -- ჲაღო იმნა̈რ ესერ იკი̄ლიე̄ლხ?
Line of edition: 8 -- თოფშუ̂-ჷჯ ნეზურია̄ლ ი თუ̂ეფ-ჷჯ ქო̄თღედ ი ეჯღა იკი̄ლია̄ლხ. Line of edition: 9 ეჩქა ჩუ̂ანრიგუ̂ეხ მეგრელა̈რდ. ქა̈̄ხუ̂კიდდ სრუ̈ლ თეთრ ი ოჩა̈დდ
Line of edition: 10 ამჟი მუგუ̂რიდ. ჟიშა̈̄ლიდ ჩუ̂ა̈ნჰა̄უ̂დარ ი ლიც ანღრი, ბელი რეჩქა.
Line of edition: 11 ამექა ქა უ̂ედდ ჴუ̂ედნიდ: ჲერს ჟ'ანჴუ̂ა̈მდა, ჲერ ქა ხუ̂იცუ̂რეუ̂დად ი
Line of edition: 12 სგო̄ნჴუ̂ა̈დდ მჷჟირ გუდაუ̂ათა̈̄ ქალა̈ქთეჲსგა. ხუ̂იზელა̈̄ლდ ბა̄ზი̄ ლე̄თ ი
Line of edition: 13 სადგუ̂ემს დეშ ხუ̂ითხე̄ლიდ. ანჴა̈დ ეშხუ ბერზენ, სგა̄ნჲე კაფენიათეჲსგა
Line of edition: 14 ი ლჷქუ̂ე̄ლა უ̂ოთა̈ხისგა ჩუ̂ანგენა̄ლე. უ̂ოხუ̂იშდ აშირ ბონა̈ თეთრ ანკიდ
Line of edition: 15 სადგუ̂ემი ქირა̈ჲ. მე̄რმა ლადეღ ჟ'ოხუ̄გა̈ნდ ქა ლჷფრე მუცხუშ ი ონჴუ̂ა̈დდ
Line of edition: 16 ეჯჟი სოხუმთე ჭჷშხშუ̂. სოხუმს ცხეკისგა̈̄ მუშჲა̈რ ანჴა̈დხ ბაზა̈რთეჲსგა. თუ̂ით
Line of edition: 17 ჩხარა თუმა̈ნ ნა̈ჲ ნუღუ̂ა̈̄ნ თათრი თეთრ, მა̈გ რილა
Line of edition: 18 გარ, ი თუ̂ით უსგუ̂ა თუმა̈ნ ცხეკისგა̈̄ მუშჲა̈რს ხუღუ̂ა̈̄ნხ, ნიშგუ̂ეჲდ
Line of edition: 19 უსგუ̂ა ნაგზოშ სგუ̂ებინ ნა̄ზუ̂ა̈რს. Line of edition: 20 ამჟი გზა̄უ̂რობ ნა̄დ. სომხი მუმრა̈უ̂ი ლეგდ ოჴუ̂იდდ, თუ̂ეფი ქო̄თღედ,
Line of edition: 21 ოეთრი ქო̄ხკიდდ მა̄გ. Line of edition: 22 ალა ნაზნა შუ̂ანა̈რს. Line of edition: 23 (იფარი) Добавлено (2006-11-17, 7:15 Pm)
---------------------------------------------
Part No. 43 Text: 43
Page of edition: 39
Line of edition: 24
43. სამ ღუ̂აშრე ლიდგა̈რი Line of edition: 25 ა̈ხუ̂მა̄რა̈̄ნ ლა̈თხუ̂იართე ლელგურკ ჯჷმა̈ ლე̄თ (მე̄რუ̂ა ლაღეღ ლიგურკე
Line of edition: 26 ლა̈სუ̂). და̈რ ეზერ მა̄დ. ქორხა̈ნქა ნაუ̂ახშობენ ა̈თუ̂ბინ ლი̄ზი.
Line of edition: 27 მეუ̂არ მუბირ ლე̄თ ლა̈სუ̂, მარე შუკუ̂ს ეზერდ ოთხუ̂იდ ი ჟ'ოდერ
Line of edition: 28 ტუ̈̄ბე̄რთე. უ̂ებიშდ ეჩე ხოდრა̈ჯდა̈ს ლა̈ლწბუჟი. დე̄სამა ანჴა̈დხ. უ̂ები
Line of edition: 29 ლადეღ ლიზგა̈რი ა̈თუ̂ბინ, ჟ'ოდეư |
| |
| | |
|
Мужчина |
Date: Пятница, 2006-11-17, 7:21 PM | Message # 9 |
|
Group: Модераторы
Posts: 990
Status:Offline
Дата регистрации:
2006-08-29 |
მა̄დ ი ჩუ̂ესუ̈̄გნ ზაგა̈რჟი.
Line of edition: 31 ქა̈̄ხშდა̈ხ სკარხალ, ქა̈̄ტუ̂ხ თხუ̈რე̄ლთე. ეჩე ბა̄ზი ლისედ მაკუ. ქუ̂ა̈ბთეჲსჷა
Line of edition: 32 ოდერ, მარე მჷჟირ ხუ̂ი ი მჷცხ მეუ̂არ მა̄რ. მაყლუ̄ნი ბა̄ზი,
Line of edition: 33 "დოუ̂ დოშ ა̈თუ̈ცუ̂რ ქუ̂ინ მჷცხუშ" ამ დუ̂რო̈უ̂ს მიჟ ა̈მწა̈დ ი ჩუ̂ესგუ
Line of edition: 34 ბა̈ჩჟი. მიჟ ლაწა̈დხა̈ნ ლამსჷმდა კოჯა̈რხა̈ნ თჷრხჷნ, ესნა̈რ ღუ̂აშა̈რ
Line of edition: 35 ანღრიხ ნა̈ბუ̂ზა̈ ლაჩა̈ხუ̂თე ი ბაჩა̈რს შიდეხ. ჟ'ა̈ხუ̂იკდ სათა̈ლ, ჩუ̂ესწო̈̄ნ, უ̂ოხუ̂იშდ
Line of edition: 36 ღუ̂აშა̈რ ანღრიხ მიშგუ̂ა ჩუქუ̂ა̄ნ ლაჩხუ̂ა̈რთე. მიი
Page of edition: 40 Line of edition: 1 სგა ლოხუ̂ეზზ, სგა̄ნჴა̈დხ ლაჩა̈ხუ̂თეჲსგა. ოხუ̂აფშუ̂დ ეშხუ, ნალკუ̂იჰუ̂
Line of edition: 2 ოდაგრ, მე̄რუ̂ე ლო̄ხუ̂ატხ, მე̄რუ̂ე ოდაგრ, მე̄სმე ლო̄ხუ̂ატხ, მე̄სმე
Line of edition: 3 ოდაგრ, მარე მე̄სმემ ბღეთე ა̈მსკინე. მიი სგო̄თსკი ბღეთეჲსგა, იმუ̂ა̈̄ჲ
Line of edition: 4 არდა ლჷქა̈ჩ ღუ̂აშ, ჩუ̂ა̈ძუ̈ჰ ხანჯარშუ̂ ი თხუ̂იმ ქო̄ხუ̂აქუ̂ცუ̂. ქო̄ნჴუ
Line of edition: 5 თხუ̂იმ ბღეხა̈ნქა, ჩუ̂ესჩოქუ̂ეუ̂, თხუ̂იმ ღუ̂აშა̈შ ტოტჟი ლო̄ხუ̂ა̈ჲ, დიდა̈ბ
Line of edition: 6 ხუ̂ე̄ქა ხოშა̄მ ღე̄რბათუ̂, ოხურშუ̂ენ ჯგჷრა̈̄გ -- სუ̂ეუ̂ი მუჰუ̂დი, თა̄რინგზელ-მეთხუ̂ია̈რი
Line of edition: 7 მჷლჩე, აფსა̄სდ -- გარეუ̂ლი მჷლდეღ. ღერთა̈
Line of edition: 8 დიდა̈ბ ერ ქა ოთსურილ, თხუ̂იმ ბა̈ჩჟი (\\ ბაჩუ̂ჟი) ესუ̂ა̈დ. ლოხუ̂სგი
Line of edition: 9 მურსგუ̂ენ მეჴა̈რთე ი ჲერუ ღუ̂აშა̈რ მი მისგდიხ, დეშ ხეყუ̂ლენიხ მინე
Line of edition: 10 აფხნეგა̈რს, მი ლოხგჷრგა̈ლ ლჷჲა̈რ ღუ̂აშა̈რს: "ხოჩა̄უ̂ ლე̄თ ჯა̄რხ! ისგუ̂ეჲ
Line of edition: 11 შუკუ̂ს აჩა̈დდ, მი სგა̈ჲ თუ̂ეფს დე̄მ ჯა̈ფშუ̂დე სერ". ჩოულობ
Line of edition: 12 ნუღუ̂ე მეთხუ̂იარას: სამ ღუ̂აშა̈რს ლახ ეშხუ გარ ჩუ ხუ̂ადგა̈რიდ,
Line of edition: 13 ეჩუნღო თუ̂ეფს დე̄მ ხუ̂აკუ̂ა̄ნედ, "ღე̄რბათუ̂ ესერ ხასდიკ". Line of edition: 14 მიჟ ჩუ ა̈თჰუ̂ა̈რ. ქორ ჯუ̂ე̄დიას მა̄რ. ბა̄ზი ქორთე ლი̄ზი მაკუ. ღუ̂აშა̈რ
Line of edition: 15 ჩოცურ, მი ა̈ხუ̂ბინ ლიჴედ ქორთე. ლიბუ̂რა̄ლ კოჯა̈რ ქო̄ნშდჷხ.
Line of edition: 16 ისგლა̄თუ̂ სგო̄ღუ̂ე სოფელთე, ჟა̄ბეშთე. ამე ოთთიმ ჲერუ მჷქფი, ლექუ̂ა
Line of edition: 17 ოღუ̂ე ჩუ̂ა̈̄ბია̈̄ნითე, უ̂ო̄შთხუ̂ მჷქფი ამე ოთთიმ. ეჯჟი სგო̄ღუ̂ე ქორთე,
Line of edition: 18 ჭო̄ლა̈შთე. სემი მა̄რე იშგენ ა̈მჴერდახ ჭო̄ლა̈შხა̈ნ, ჲერუ ნა̈ჲ
Line of edition: 19 ლახუ̂ბა ხუ̂ა̈სუ̂დ ი მე̄რუ̂ა ლადეღ საფტინ ლირჰა̈̄ლთე ჟ'ა̈ხუ̂ნა̈ზუ̂რა̈̄ნდ
Line of edition: 20 ჲეშდეშხუ მახე ღუ̂ა̈ჟ ი ოჩა̈დდ ღუ̂აშრე ლა̈ჴდათე. სგო̄ჩა̈დდ ღუ̂აშა̄რთე̄ჲსგა,
Line of edition: 21 აფხნეგ მა̄რე̄მ დიდა̄ბ ხა̈̄ქუ̂ ღე̄რბათუ̂ ი ჟ'ა̈ხუ̂ბინედ ღუ̂აშრე
Line of edition: 22 ლიტფუ̄რე. უ̂ო̄შთხუ̂ მა̄რე̄მ ბღეხა̈ნქა ღუ̂აშ ქა̈̄ხუ̂თუ̈რნედ, ჩოთტუფუ̄რა̄ლედ,
Line of edition: 23 ჲეშდ მახე ღუ̂ა̈ჟი ქაფ ოხფასედ, მი თხუმა̈რ გარ ონჴუ. ცხეკთე̄ჲსგა
Line of edition: 24 ერ ოჰედ, ლემესგ ა̈ხუ̂ი̄შუ̂ედ ი ყუ̂იჟა̈̄ლ, გუ̂ია̈რ, ჯაჭა̈რ, ნჷნა̄რა̈ლ
Line of edition: 25 ი პერშუ̂და̈̄ლ ა̈ხუ̂ტყაბედ, სა̈დილ ლოხუ̂ე̄მდ. ეჩუნღო სგო̄ნჴუ̂ა̈დდ ჟა̄ბეშთე̄ჲსგა.
Line of edition: 26 ამეჩუ̄ნ ჩა̄ჟა̈რ ენხუ̂იეხ ქორშა̈ლდ ი ჩა̄ჟარშუ̂ ონჴუ̂იდდ ჭო̄ლაშუ̂.
Line of edition: 27 ეშხუ ღუ̂აშ მჷქფას ოთო̄თა̈̄ლ ი ჲერუ ღუ̂აშა̈რ ქორთე ოთხუ̂ა̈ჲ. Line of edition: 28 (მულახი) Добавлено (2006-11-17, 7:17 Pm)
---------------------------------------------
Part No. 44 Text: 44
Page of edition: 40
Line of edition: 29
44. ჩა̈̄ჟი ლიქრა̈უ̂ი Line of edition: 30 მი ხუ̂იმა̄რა̄ლდა̈ს თანა̈ღს, ლეზიზ ქამჷნა̈ყ მა̄დდა ი ოდე ლახუ̂თე
Line of edition: 31 ჩა̈̄ჟ ლა̈ტხათე, მარე დე̄სა ა̈მბა̈გუ̂. ხუ̂ეთხა̈̄ლდა̈ს ლახუ̂ისგა ჩიესგი
Line of edition: 32 ნე̄სგა, ჩი ლახუ̂თე ქო̄დერ. ჩიქე ოდე ფოშდელთე, ფოშდელ მა̈გ
Line of edition: 33 ჩუ̂ა̈თუ̈̄ზინ, მარე დე̄სა არდა. ფოშდელხა̈ნ მეხუ̂ირთე ოდე ი მეხუ̂ირსი̄ დე̄სა
Line of edition: 34 არდა. მეხუ̂ირხა̈ნ ლენჯეშთე ოდე, ლენჯე̄ში დე̄სა ა̈მბა̈გუ̂. ლენჯე̄შხა̈ნ
Line of edition: 35 და̈ლა̈ ნაკა̈რთ' ო̄დე, და̈ლა̈ ნაკა̈რხა̈ნ -- ქორულთე, მარე ამეი
Line of edition: 36 დე̄ს' ა̈̄მბა̈გუ̂. ქორულთხა̈ნჩუ̄ნ ჩოღუ̂ე სტილა̈ჲთე, ამეი დე̄სა არდა.
Page of edition: 41 Line of edition: 1 სტილა̈ჲხა̈ნჩუ̄ნ ლა̈ლდღია̈რთე (\\ ლალდღია̈რთე) ოღუ̂ე. ამე ა̈თუ̂თხალ,
Line of edition: 2 მარე ამეი დე̄სა არდა. Line of edition: 3 ათხე ლიზ ნა̈ბოზ. ამჩუ ჟი̄დ ესჭონ. ჟ'ოდე ლამა̈ჯათეჟი̄ნ. ლამა̄ჟა
Line of edition: 4 ხა̈ნქა ა̈თუ̂სგი̄დრა̈̄ლ, მარე ამხა̈ნი დე̄მთე ხუ̂ეწდ. ამხა̄ნისგა სგო̄დე
Line of edition: 5 ლენჯეშთე, ლენჯა̈̄შხა̈ნ -- ლენჯა̈̄რი ლახუ̂თე. ლენჯა̈̄რი ლახუ̂ხა̈ნ ჩოდე
Line of edition: 6 ტუ̈ბნა̈რჩუ ლენჯა̈̄რთე̄სგა. ლენჯა̈̄რ ა̄ხკუ̂იჰა̄ლა̈̄ლ ი დე̄სამა მოშ ა̈ხუ̂მეჴერ.
Line of edition: 7 ლენჯა̈̄რხა̈ნ ლეჟა ოღუ̂ე ა̈გითე, მესტიათე, მარე ეჩჟი მა̈ფშა̈̄რ
Line of edition: 8 ხუ̂ა̈სუ̂, ერე ჩიე̄სგი ნე̄სგა ჲენა̈სდ ნაზელა̄ლ ჩუ ლახ ხუ̂იგნო̄ლდა̈ს,
Line of edition: 9 მე̄ზი მიხალდა თხუ̂იმ. ბა̄ზი ჟ'ა̈ხუ̂იშმ ა̈გის. ოხგა̈ჲ მე̄რუ̂ა ლადეღ
Line of edition: 10 ი ჟი ლახუ̂თე̄დ. ნიშგუ̂ეჲ ლახუ̂ა̈რისგა ა̈თუ̂თხალჷდ, მარე დე̄მე ა̈მბა̈გუ̂.
Line of edition: 11 ნიშგუ̂ეჲ ლახუ̂ა̈რხა̈ნ ქო̄დე გულა̈ ჴარჴთე. ამჩუ̈ნ ა̈თუ̂ზელა̈̄ლ: -- "ჰე̄სა̄ჯ
Line of edition: 12 იმე ი̄რა ნა̈ზუ̂ ბეჩუ̂ითე̄სგა", მარე დემგუ̂აშუ̂ ა̈ჴუ̂დ გუდ. ამხა̈ნჩუ ბეჩუ̂ითე
Line of edition: 13 ეზა̈რ ლა̈სგიდ მა̄დ. ხუ̂ისთა̈ლდა̈ს ჩი̄თე, მარე მიშგუ ჩა̈̄ჟ დემთე
Line of edition: 14 მოშ ესწო̈̄ნ. ამხა̈ნჩუ̄ნ (გულა̈ ჴარჴხა̈ნ) ჩოდე გულთე. გულს ა̈ხუ̂ჭა̈დიე̄ლ,
Line of edition: 15 მარე დე̄სამა ა̈ხუ̂მეჴერ. იმუ̂ა̈̄ჲ ზაგა̈რთეჟი ჟი ღურდა̈ს, ჩი̄ხა̈ნქა
Line of edition: 16 ხუ̂ისთა̈ლდა̈ს, მარე ეში̄ დე̄მთე ესწუ̂ე̄ნ მიშგუ ჩა̈̄ჟ. გულხა̈ნ ა̈გით'
Line of edition: 17 ოღუ̂ერ. ბა̄ზი ჩოთყუ. ოხგა̈ჲ მე̄რუ̂ა ლადეღ ი ბალდა̈ჩთე ოდე. ამეი
Line of edition: 18 დე̄სა ა̈მბა̈გუ̂, ეჩქას ა̈თუ̂ჯჷრა̈უ̂, ერე დე̄მე ა̈რი მესტია̈̄ გიმჟი, ეში-ეში̄
Line of edition: 19 ქა ლუქუ̂ით ლი. აშხუ̂ ნაგზა ჩია̈̄გ ხუ̂ედრაჯა̄ლდა̈ს ლა̈̄თშუ̂, მარე და̈̄რდ
Line of edition: 20 ესა ლამდე ი დემე ა̈მბა̈გუ̂ ჩა̈̄ჟ. ჩუ̂ა̈მქარუ̂ა̈̄ნ ჩა̈̄ჟ ჲერუ̂ეშდ ი უ̂ოხუ̂იშდ
Line of edition: 21 აგუსტისგა. Line of edition: 22 (მესტია) Добавлено (2006-11-17, 7:18 Pm)
---------------------------------------------
Part No. 45 Text: 45
Page of edition: 41
Line of edition: 23
45. სალდა̈თი ჯიბი ლა̈ირილხა̈ნქა Line of edition: 24 21 oктябpя. ა̈ნბინე ლიუ̂ჩხე, მუსი̄ ანჴიდ, მარე ჟი მა̈მა ახსკიბ,
Line of edition: 25 ზაგრა̈ლჟი გარ ახსკიბ მუს, ლახუ̂ა̈რ ჩუ ადთო̈ნთე. Line of edition: 26 21 ოკტონბერს. ათხად და̈̄რ ხეწა̈დ უჩხას ხა̈დურდ. Line of edition: 27 _____ Line of edition: 28 სარდიონიშხა̈ნ ა̈მჴა̈დ ლა̈ირ 28 თებჷრუ̂ა̈ლისგა. მი ოთზჷზ
Line of edition: 29 1 მა̈რტისგა მინს. სირინოს ოთზჷზ 13 მა̈რტისგა. Line of edition: 30 ნა̈ჲ ა̈თუ̂ნაბნა̈̄ნდ მახე კალონი ბედჟი 16-й მარტში. Line of edition: 31 მი ა̈გიხა̈ნ ლა̈ირ დე̄სა მა̈ჴდა. ლიმჷრიე̄ ნა̈ირუ̂ ა̈მჴა̈დ, ეჩუნღო
Line of edition: 32 დე̄სა მა̈ჴდა. მი მუღუ̂ა თეთრ 77 მანეთ აშხ ჯიბისგა ი 3 მანეთ
Line of edition: 33 მუღუ̂ე, მა̈გ 80 მანეთ. Page of edition: 42
Line of edition: 1 16 ქრისდეშობისთუ̂ეს. კიდო პოზიციაჟი ხუ̂არდად სოფელ
Line of edition: 2 ბორიანს. დარა̈ლ მა̄მა ლიხ ხოჩა, მუს ჟი ხა̈̄ზ. მუში დალინას,
Line of edition: 3 მინდა̈რს, დე̄სა ხა̈̄ზ მუს. Line of edition: 4 22 დეკენბერში კიდო პოზიციას ხუ̂ა̄რიდ 2... ლა̈დი ერე
Line of edition: 5 სგუ̂ებნე პოზიციას ხუ̂ა̈რიდ, აშხ ლე̄თ ჩუ ხუ̂აყუ̂რედ ი მე̄რუ̂ა ლე̄თ
Line of edition: 6 ყარუ̈ლ ხუ̂იშდ. ქა̈̄ნცა̄დხ 8 პოლკ. Line of edition: 7 22 დეკენბერს ჩუ ონჴუ̂ა̈დდ ბორიანთე, Line of edition: 8 ამეჟი ხა̄გხ, მა̈ჲ დრა̈უ̂ს ხუ̂არდად პოზიციაჟი. Добавлено (2006-11-17, 7:19 Pm)
---------------------------------------------
Line of edition: 9 ოკტონბერდ ეზერ დარა̈ლ ლა̈სუ̂ხ. 22, ჲერეჴშდ ი ჲარუ̂ ა̈დჰაუ̂დარ
Line of edition: 10 ჩუ ი მუს შიშდ ახსკიბ ჟი. მუშს დე̄სა ხა̈̄ზ ჩიქე. Line of edition: 11 8 ნოენბერს მუში მინდა̈რს (ი) მუშს მუს დე̄სა ხა̈̄ზ, ადო
Line of edition: 12 იშგნა̈̄გ ჩია̈̄გ. ნა̈ჲ ხუ̂ა̈რიდ სარკისრ ნი გაზიმქა, კურკური ძირს,
Line of edition: 13 პოზიციაჟი. ამე ლეჯჰა̈რ ლი დანბალ. Line of edition: 14 სოფელ ბორიანს პოზიციაჟი, 1-й дeкaбpяკიდო პოზიციას. 1 დეკაბარში
Line of edition: 15 კიდო... პოზიციაჟი ხუ̂ა̈რიდ. Line of edition: 16 1917 გო. ზუმხას ხუ̂არდა̈ს სოფელ ბორიანს. მე̄სმე ზუმხა მა̄რ
Line of edition: 17 ათხედ. ჩიქე ღერთა̈ ჰამა̈რს ი ჯგჷრა̈̄გიშ შუ̂იდებდ ხუ̂ა̈რი. ამუნღო
Line of edition: 18 მინე იმედჟი ხუ̂ა̈რი. მუს ჩია̈̄გ ჟი ხა̈̄ზ, მჷცხი მა̄მა ლი ეში-ეში̄. მე̄სმა
Line of edition: 19 ზუმხას მი ი ტარა̈სი გარ ხუ̂ა̈რიდ უშხუდ. ობა̈ჲ ჭირ მიწუ̂ა, ეჩშელდ
Line of edition: 20 ხინსუ ხა̈წდად! სემი ზუმხა მა̄რ ათხე ლა̈შია̄ლისგა. დიდა̈ბ ღე̄რბათუ̂! Line of edition: 21 მი ოთზიზ სალდათხანს 25 ქრისდეშობისთუ̂ეს, ქრისდე̄ ლადა̈ღ,
Line of edition: 22 ტერეზიას ი სალდათხანს. Line of edition: 23 4-й იანუ̂არში ოთზიზ დადაშე̄რ 1 ლა̈ირ, ეგნატეს ოთზიზ 5 იანუ̂არისგა
Line of edition: 24 1 ლა̈ირ. ა̈გითე ოდზიზ ლა̄ირ 11 იანუ̂არისგა: 1 ა̈გითე, 1-й
Line of edition: 25 გოჯი̄ლს, 1-й სალდათხანს, 1-й მინასას, 13 მა̈რტისგა -- 1-й ლა̈ირ
Line of edition: 26 სირინოს. 11 მა̈რტისგა ოთზიზ 1-й ლა̈ირ ეგნატეს, 1 ლა̈ირ
Line of edition: 27 სალდათხანს. Line of edition: 28 ალ ლისტჟი ხუ̂ა̈ჲრი, უ̂ოშუ̂ელდ ლა̈ირს ოთზჷზი ი იშეშთე. Page of edition: 43
Line of edition: 1 ალ ლისტჟი ხუ̂ა̈ჲრი, უ̂ოშუ̂ელდს ა̈მზჷზიხ ა̈გიხა̈ნ ი იშეშხა̈ნ
Line of edition: 2 ა̈მჴედნი ნაზუმახუნღო ლა̈ირ. მინასა̈̄შხა̈ნ ა̈მჴა̈დ 9 (ჩხარა̄მ) იანუ̂არისგა
Line of edition: 3 1-й (ეშხუ̂ი) ლა̈ირ; ეჩე̄სგა არდა გოჯი̄ლა̈ ლა̈ირი̄. ეგნატეშხა̈ნ
Line of edition: 4 ა̈მჴა̈დ 1-й (ეშხუ̂ი) 9 мapтa, მა̈რტისგა; ეჩე̄სგა არდა სალდათხანი
Line of edition: 5 ლა̈ჲრი̄. Line of edition: 6 ამეჟი ხუ̂ა̈ირი, ესუ̂ა̈̄ჲს ოთზჷზი ლა̈ირს ნაზუმახუნღო 1917. Добавлено (2006-11-17, 7:19 Pm)
---------------------------------------------
Line of edition: 7
გოჯილ[ის] ილიას რის ბრალი აქს* Line of edition: 8 "სემი ლჷზა̈ჲ ლი. მეკუ̂შდა ა̈დგილს ჯაყე̄ნა. ეჩხა̈ნქა ახღუ̂ა ალა
Line of edition: 9 ი მათხუ̂ა̈ჲ ესერ ხა̈ჲთუ̂ე. აშხუ̂ დრა̈უ̂ს ეზერდ ა̈რი, მე̄რუ̂ა -- მა̄მა.
Line of edition: 10 ამბა̈უ̂ მა̄მა ხოხა, ერე რა̈̄ქუ̂ეს. მიჟ ქა ესერ ხეგნი, ეჩუნღო ესერ
Line of edition: 11 ხა̈ჲთუ̂ე. ეჩუნღო ესერ ეზერ მა̄რე ხეფსი, ჟი ესერ ოხო̄ზნა̈ნიდ. Line of edition: 12 ესუ̂ა̈̄ჲს ესერ უ̂ო̄შთხუ̂-ლჷჭიშხ ათკუ̂ა̄დუ̂ნე̄ნა, ეჯაი ესერ მაუ̂ინ
Line of edition: 13 ხა̄რ. ალას ხაკუ ესერ და̈შდიშ, ცა̈̄შ ი საფტინ ესერ ხაკუ
Line of edition: 14 ლისტღუნე ჟაგრა̈ლისგა". _____ Line of edition: 15 20 ქრისდეშობისთუ̂ეს ლა̈სუ̂ ეჯჟი ხოლა და̈რ, ერე მა̄მა
Line of edition: 16 ხა̄დდა შუ̂იმ: ბიქუ̂ ი ქჷსე ხუღუ̂ა̈̄ნდა გუნ. ნა̈ჲ ყარუ̈ლდ
Line of edition: 17 ხუ̂არდად ი მუს ახდე ძღჷდ. Line of edition: 18 ნა̈ჲ ა̈ნცა̄დხ 8-й პოლკ. Line of edition: 19 22 დეკემბერს, ქრისდე ლადა̈ღ, ხუ̂არდად ნა̈ჲ სოფელ ბურიანს.
Line of edition: 20 მახე ნაჴა̈დ ხუ̂ა̈სუ̂დ პოზიციახა̈ნ. ჲორი თუ̂ე ანა̄დდა პოზიციას.
Line of edition: 21 ქრისდე ლადეღ ბორიანს ხუ̂არდად, ზუმხას აჯად ბორიანს ხუ̂არდად.
Line of edition: 22 მუს ჟი ხა̈̄ზ, მჷცხი მა̄მა ლი გუნ. ლჷცე ლიპრისდა̈̄ლს ბორიანს,
Line of edition: 23 16 იანუ̂არს ბორიანს ხუ̂არდად, 4-й фeвpaля კიდო ბორიანს. Page of edition: 44
Line of edition: 1 ამეჟი გოროდა̈ლ ხა̈ირახ სათურქა̈შ. პერსიას მიჩდა გოროდა̈ლს:
Line of edition: 2 ხოის, დილმანს, სტარი დილმანს (?); სათურქოს: ბაშკალას,
Line of edition: 3 ეშხუ̂ი აჯად გოროდს უ̂ანს, 2 ოზერი პილს, აჯად კოპს, მელიზგერდს,
Line of edition: 4 კარაკლის, ხარასანს, ახსანკალას, ეზრუმს, კუმკუმს, კარაბაზარს,
Line of edition: 5 ჩერბურხს, მუშს, პიტლის, თათუ̂ანს, ხანისკალა, გარნიყ, ლაშკერდს,
Line of edition: 6 სანაგან, არჩიჩ, შაღიბ კარამუჩ, დაუ̂დაკ (?). Line of edition: 7 უ̂ოშუ̂ელდ გოროდს მიჩდა, ეჯა ხა̄გ ამეჟი. სოფელს მა̈ჲა ა̈ნჷნგრიში
Line of edition: 8 ჟი! ____ Line of edition: 9 2 ეკენისთუ̂ეში კიდო პოზიციაჟი ხუ̂არდა̈ს პიტლის ლეჟა̈̄ნ,
Line of edition: 10 6 კიდო ეკენისთუ̂ეს პოზიციაჟი. 9 კიდო პოზიციაჟი. 22 კიდო პოზიციაჟი.
Line of edition: 11 6 გიორგოგისთუ̂ეს კიდო პოზიციაჟი ხუ̂არდად. 10 გიორიგობისთუ̂ეს
Line of edition: 12 კიდო პოზიციაჟი. ნა̈ჲ ა̈ხუ̂ცა̄დდად 8 პოლკს პოზიციაჟი
Line of edition: 13 22 ოკტონბერში, მანამდი რეზერ(უ̂)ად ხუ̂არდად. 10 ნოენბერს აჯად
Line of edition: 14 პოზიციაჟი, 13 ნოენბერს კიდო პოზიციაჟი. Line of edition: 15 ა̈დგილა̈რ ხა̈ირახ ამეჟი. მუშს ა̈დგილ ეზერ. მუშ ფელტი ძირისგა
Line of edition: 16 ლი. ჩუქუ̂ა̄ნ მინდა̈რ ლი ძღჷდ, თეს დეშ ხოჰე̄სგი მა̄რე. ეჯზუმ
Line of edition: 17 ეჩხა̈ნ-ამხა̈ნ ფელტა̈რ ლიხ, ნე̄სგა ლექუ̂ა მინდა̈რ, მარე მა̄მა ხა̄რ
Line of edition: 18 შუ̂იმ. ფელტა̈რისგა ჩია̈̄გ ლეყუნზელა ლი. მიჩა ნე̄სგა ლექუ̂ა ჭალა̈ჲ
Line of edition: 19 ესღრი. ლეჭმე იგნი ეჯჟი, ერე მა̄მა ხა̄რ შუ̂იმ. მინდა̈რ ლეჟა შდეხნი...
Line of edition: 20 ცხეკ ლი. Добавлено (2006-11-17, 7:20 Pm)
---------------------------------------------
Line of edition: 21 ნა̈ჲ ხუ̂არდად თანფა̈ უ̂ებიშ, ნა̈ჲ ერ თანაფს ლიბნედ, ეჩქა
Line of edition: 22 პოზიციაჟი, 16 აპრილისგა, მარე მა̈იდშუ̂ ხუ̂ეტნიდ: ჯჷმა̈შუნღო
Line of edition: 23 ი უ̂ებიშდ მა̄მაგუ̂ეშ ნეთხა̈̄ნ. უ̂ები ლადა̈ღი მა̄მაგუ̂ეშ ნეთხა̈̄ნ: დე ლეყდიდ ითხი მა,
Line of edition: 24 დეჲ აშ ნეჰუ̂დი, დეში ნიჴდეხ ჲენასდ. ხუ̂ეტნიდ
Line of edition: 25 მა̈იდშუ̂. ა̈დგილ ამე ეზერ ლი. ნე̄სგა ლექუ̂ა ღა̈რ ლი ი მინდორ
Line of edition: 26 ეჩხა̈ნ-ამხა̈ნ კოჯა̈რ ი..ი ცხეკა̈რ, ლაჩა̈ხუ̂ მასა̈რდ ლი
Line of edition: 27 მეჴდე. ეზერ გიმ ლი ამე ხადურდ. Line of edition: 28 თანაფ ლადა̈ღ პოზიციას ხუ̂არდად. უფლიშ ჰაუ̂და̈რ ლა̈სუ̂ა. გუნ.
Line of edition: 29 მეშხე ლადა̈ღ ნა̄დ, ერე მჷტმად ხუ̂არდად. ლა̈დი გარ [ანჴა̈დ?]
Page of edition: 45 Line of edition: 1 დია̈რ. მე̄უ̂არ მა̈დილ ლა̈სუ̂. ჲარუ̈ნ ქა̄ნა̄დდა. ა̈დგილ ლი, იმე
Line of edition: 2 ნე̄სგა ლექუ̂ა ღა̈რ ი მინდა̈რ. ნე̄სგაჩუ ჭალა̈ჲ ანღრი, ეჩხა̈ნ-ამხა̈ნ
Line of edition: 3 სოფლა̈რ ლიხ ი მინდუ̂რა̈ლ. ფოლტა̈რ ი ლეჯჰა̈რ ჟი ხეშთხენი, ეჩქა
Line of edition: 4 ლახუ̂ა̈რ ლიხ. ა̈დგილ ეზერ ლი. ქურდა̈რ იზგეხ ამე. Line of edition: 5 1 მა̈ისს პოზიციაჟი ხუ̂არდად, მარე ძღჷდ მა̈იდარობ ნა̄დდა
Line of edition: 6 ი ლადა̈ღ მე̄რუ̂ა(ნ) ყარუ̈ლდ ნა̄დდა ლე̄ზი. ძღჷდ თჷმი (ნა̄დ). Line of edition: 7 ნა̈ჲ ონჴუ̂ა̈დდ გარნიკხა̈ნ პოზიციას, მუშ, 25 iюня. მუშხა̈ნ
Line of edition: 8 ოჩა̈დდ ნასტუფლენიად 28. 31 გუნ ლიშია̈̄ლ ნა̄დდა. ეჩქანღო
Line of edition: 9 უ̂ეშგდ ოტიხდ თუ̂ირქ. ნიშგუ̂ეჲ. . ლა̈სუ̂ ლჷქა̈ჩ ი ლჷდგა̈რ 44 . Line of edition: 10 გერმანიახა̈ნ აშირ ი უსგუ̂ა̈̄შდ ათა̈ს პლენ სალდ(ა̈)თ. Line of edition: 11 ქო̄თზჷგრედ 3 iюля ი ნა̈ჲ უ̂ეშგდ ონტა̈ხდ, ნიშგუ̂ეჲ პოლკ
Line of edition: 12 მუშთე ი მუშხა̈ნ ნიშგუ̂ეჲ ბათალიონ ბითლისთე ონჴუ̂ა̈დდ. Line of edition: 13 დუ̂აცატ უ̂ასმოუ̂ო iюля ნასთუფლენი ჩუ̂ემინდ ი შიშდ ჟი ოხქიფდ
Line of edition: 14 ეჯჲა̈რ, თურქუ̂ა̈ლ, აკოფხა̈ნჟი. ეჯ ლადა̈ღ ხუ̂ა̈ჲ ა̈გის ოთგენედ, მარე,
Line of edition: 15 აშხუ̂ ა̈გის ხა̄დდახ ლჷნგჭე ი ეჩჩუ 2 iюля ნა̄დდა ლიშია̈̄ლ
Line of edition: 16 ი ძღჷდ ონხუ̂იტდ ი მინდ ხა̈დურდ ხუ̂ა̈ჲ ანხუ̂იტხ: ნიშგუ̂ეჲ როტა̈̄შ
Line of edition: 17 ხუ̂ა̈სდ ლჷდგა̈რ ი ლჷქა̈ჩ 84. Line of edition: 18 ნა̈ჲ ონჴუ̂ა̈დდ პიტლისთე 9 iюля. ამე ხილ მასა̈რდ წუ̂ა გოროდისგა,
Line of edition: 19 ჰა̈ზუ̂ა̈რისგა. იშგნა̈̄გ კოჯ ი ლახუ̂ გარ ლი. გოროდ (?) ხილ,
Line of edition: 20 გაკ ი ბარყუ̂ენდ, ქილუ̂ა̈რდ, ჰებ, უ̂ისგუ̂. ქორ მა̈გ ბა̈ჩშუ̂ ლჷგე
Line of edition: 21 ლი, ლჷტა̄ბა. Line of edition: 22 პიტლისთე ოჰედ 9 iюля. პიტლის ლიზ ეზერ გოროდ, ძღჷდ
Line of edition: 23 ხა̈დურდ, ლაშდა̈ხ მა̄მა ხა̈რ ჩუ. ქორ მა̈გ ბაჩა̈შ ლჷგ, სემი-ჲორი
Line of edition: 24 ატაჟიან მა̈გ. ბა̈ჩ მა̈გ ლჷტა̄ბე ლი. ნე̄სგა გოროდ ლექუ̂ა ჭალა̈ჲ
Line of edition: 25 ანღრი. ეჩხა̈ნ-ამხა̈ნ გოროდ ლი. გოროდისგა ხილ წუ̂ა. იშგნა̈̄გ აშხუ̂
Line of edition: 26 ჭყიუ̂ა̈რს მა̈ჲ ა̈ნთხე̄ლი? კოჯ გარ ლი. Добавлено (2006-11-17, 7:21 Pm)
---------------------------------------------
: 46
Line of edition: 1 პიტლისხა̈ნ აჯად პოზიციათე ონჴუ̂ა̈დდ. უ̂ანსკი ოზერხა̈ნ 23 iюня
Line of edition: 2 თუ̈რქდ ჩუ̂ემინ ნასტუფლენიე. 24-26 ბოისგა ხუ̂არდად. უ̂ეშგდ
Line of edition: 3 ონტა̈ხ& |
| |
| | |
|
Мужчина |
Date: Пятница, 2006-11-17, 7:32 PM | Message # 10 |
|
Group: Проверенные
Posts: 352
Status:Offline
Дата регистрации:
2006-09-07 |
ონტა̈ხდ თახთაუ̂ანთე 28 iюня. 29 iюля თახთაუ̂ანს ხუ̂არდად. პოზი(ცი)აჟი
Line of edition: 4 ხუ̂არდად. ნა̈ჲ ა̈თუ̂გიჭდ. თახთაუ̂ან ლი უ̂ანი ოზერი პილს.
Line of edition: 5 გემა̈რ იზელა̈̄ლხ. უ̂ანა̈შ ი თახთაუ̂ანი ნე̄სგა ლერთან ფოყხა̈ნ ა̈ნცა̄დ
Line of edition: 6 (თუ̈რქ), არმიანსკი დრუჟინას ახწინდახ ი ანრა̈კლეხ არმიანა̈რ. Line of edition: 7 სერ ეჯღა ნა̄დდა პიტლისხა̈ნ ლეტეხ უ̂ეშგდ. თათუ̂ანხა̈ნ ონტა̈ხდ
Line of edition: 8 უ̂ეშგდ 30 iюля. თათუ̂ანსი დეშ ა̈თუ̂გიჭდ: თურქს მა̄მა ხა̄დდახ
Line of edition: 9 შუ̂იმ. ნა̈ჲ ჲორი პოლკ გარ ხუ̂ა̈სდ. უ̂ეშგდ ონტა̈ხდ 30 უ̂ერსტს.
Line of edition: 10 ოზერი პილს, უ̂ანიშ ი თათუ̂ანა̈ ნე̄სგა, გემა̈რ იზელა̄ლდახ მა̈შინოშ.
Line of edition: 11 ათხე თათუ̂ან თუ̈რქიშ ლი. ათხე ამეჩუ ნიგიჭ პოზიცია. ამეჩუ მინდა̈რ
Line of edition: 12 ლი. გუნ ეზერ ა̈დგილ ლი. Line of edition: 13 2 aвгуcтa პოზიციაჟი ხუ̂არდად კოშა გაზიმქა. ეჩხა̈ნქა ოჩა̈დდ
Line of edition: 14 ნასტუფლენიად 8-?? აგუსტის და 15 აგუსტისგა პოზიციაჟი ხუ̂არდად,
Line of edition: 15 ლიმრიე̄ ლადა̈ღი. 19 ლა̈სუ̂ ეჯჟი ბოჲ, ერე მა̄მა ხა̄დდა
Line of edition: 16 შუ̂იმ. მარე 8, 7 (მე̄რე, მე̄შგუ̂დე) პოლკა̈რ არდახ სგუ̂ებინ, -- ნა̈ჲ ლეზერ
Line of edition: 17 ხუ̂ა̈სდ. ისგლადა̈ღუნღო ნა̈ჲი ლა̈შია̄ლთე̄სგა ა̈ნგადჷ̄ნ. ნა̈ჲ,
Line of edition: 18 პერუ̂ი როტას, ზნამია ლა̈ნბა̈რჲეხ, ეჩის ხუ̂ელჩად, 8 პოლკა̈ ზნამიას. Line of edition: 19 ათხე ლი მე̄რე ლადეღ, ჩუ ლჷგ ლიშია̈̄ლ. მა̄მა ნიხა, უ̂ეშგდ
Line of edition: 20 ატა̈ხ, ჰა მა̄დე [თუ̈რქ]. ნა̈ჲ ჩუ ხუგდ ჩიქე. უ̂ასმოი, სედმოი პოლკა̈რ
Line of edition: 21 ხუ̂ა̈ჲ ანხუ̂იტხ. თუ̂ირქს ხა̈დურდ მა̄მა ხაყერხ შუ̂იმ, ეჯჟი ანხუ̂იტხ.
Line of edition: 22 ეშხუ̂ი კამანდერ პოლკა ოთჷრმედ ი შაპი აფიცრა̈ლ ობა̈შ, სალდა̈თ
Line of edition: 23 ხუ̂ა̈ჲ ი შტაბ, 4 პულიმიოტ. ათხე ნა̈ჲ აჯად... Page of edition: 47
Line of edition: 1 ეხლა ჩემო ძუ̂ირფასო დაო სალდათხან და სირინო (?), მაგუ̂ა̈რდ
Line of edition: 2 ხა̈რიდ, ჲედე იმჟი̄ნ ლი ისგუ̂ეჲ გუ̂ეშ? ათხე ღე̄რბათ (ხუ̂აბიც)
Line of edition: 3 ისგუ̂ეჲ ნა̈შდობა, ერე ღერთემ მაწუ̂ე̄ნას შუ̂იდებდ ისგუ̂ეჲ თხუ̂იმ. Line of edition: 4 ლიგჲერგი̄ თა̈ ლი 10. ეშხუ ჰაუ̂და̈რ და̈̄ს ხოწუ̂ა. ეზერ დარა̈ლ
Line of edition: 5 ლიხ. პიტლის ლი ა̈დგილ ეზერ. ღა̈რისგა ლი: ეჩხა̈ნ-ამხა̈ნ ფელტ ი
Line of edition: 6 კოჯა̈რ ლიხ. ქორ მა̈გ ბა̈ჩა̈შ ლიხ, სემი ატაჟიან ლიხ. ჭყიუ̂ა̈რ ო̄შთხუ̂
Line of edition: 7 უ̂ერსტს დემე წუ̂ა. გოროდისგა ლახილ ლი: ჩია̈̄გ გაკ ი ქილუ̂ა̈რდ ი
Line of edition: 8 ბარყუ̂ენდ, უ̂ისგუ̂ ი ამჷნქა მა̄მაგუ̂ეშ ხა̄გ. სგჷმა̈რ ანღრიხ. აბანო
Line of edition: 9 ლი სგიმიშ. Line of edition: 10 ოხუ̂ა̄გა̈̄ნდ ნა̈ბოზს ქა ი რიჰდ ონღურდად, რჷჰიჟი სგო̄ჰედ.
Line of edition: 11 მე̄რუ̂ა ლადა̈ღ ჲეშდ უ̂ერსტს აჯად ოჩა̈დდ. მუშს ლიზ ლეყუნზელა
Line of edition: 12 გუნ. მუშ(ი) ი პიტლისიშ ნე̄სგა ჩუ მეცლე (?) ლი მინდა̈რდ ი
Line of edition: 13 ჭყიუ̂ა̈რ ლა̄რტყამყ ხა̄გ. ა̈თუ მასა̈რდ ლი. ა̈დგილ ეზერ ლი. მე̄რუ̂ა
Line of edition: 14 პოზიციათე ოჰედ 13 iюня გარნიკს. ნა̈ჲ მუშხა̈ნქა ონჴუ̂ა̈დდ,
Line of edition: 15 ეჩქა შიშდ ნასტუპლენია ჩუ̂ემინდ ი 28 iюня ... Line of edition: 16 14 მაისს კიდო პოზიციას ხუ̂არდად. ლახუ̂ს ხუგა̈ნდად. მჷცხი
Line of edition: 17 ლიზ ეჯჟი, ერე მა̄მა ხა̄რ შუ̂იმ ხა̈დურდ. ცხეკ ი ფელტ ჟი ხეშთხენი,
Line of edition: 18 ჟიქა̄ნ ნაკა̈რ ხა̄რ. ლახუ̂ ჩუ მეცლე ლი. ეზერ ლახუ̂ ლი. Line of edition: 19 17 აჯად პოზიციაჟი ხუ̂არდად. მა̈ისისგა 27-гo, მა̈ისისგა, პოზიციაჟი
Line of edition: 20 ხუ̂არდად. 5 июня პოზიციას ხუ̂არდად. ჩუ̂ენ გამოუ̂ედით პოზიცი̄დან, Line of edition: 21 კიკზანიდან (?).
Line of edition: 22 13 Iюня. ანცა̈̄დხ ახულუ̂ინსკი პოლკ. Добавлено (2006-11-17, 7:23 Pm)
---------------------------------------------
Line of edition: 23 დაუ̂წერე 6 მაისს პოზიციაჟი. ა̈დგილ ლიზ მუშს ეზერ, სწორ
Line of edition: 24 ა̈დგილ ეჯჟი, ერე შუ̂იმ მა̄მა ხა̄რ. უ̂ენახა̈რს ხა̈დურდ მა̄მა ხა̄რ
Line of edition: 25 შუ̂იმ. მუშს ი პიტლისი ნე̄სგა ჩია̈̄გ მინდა̈რ ლი, ეზერ გიმ, ლარტყამოყ
Page of edition: 48 Line of edition: 1 ხა̄გ ლაჩა̈ხუ̂. ა̄მხა̈ნ ცხეკა̈რი მასა̈რდ ლიხ. ცხეკდ ჯიჰრა
Line of edition: 2 გარ ხა̄გ. ჭალჲა̈რა ანღრიხ ჩია̈̄გ, გუშგუ̂ეჲ ჭალა̈ჲდ ხოშა ეჩხა̈ნ-ამხა̈ნ,
Line of edition: 3 ჩი̄ხა̈ნ, ლახუ̂ ი სუ̈კ ლი. ლახუ̂ა̈რს მა̄მა ხა̄რ შუ̂იმ, ეზერ ლახუ̂ა̈რ
Line of edition: 4 ლიხ. მინდა̈რ ჩუ მეცლე ლი. Line of edition: 5 26 აპრილს ქურდა̈ლს [ი] ნა̈ჲ ლიშია̈̄ლ ნა̄დდა. ნა̈ჲ ა̈ხუ̂ჴუ̂ა̈სგდ
Line of edition: 6 ი ჩუ ა̈ნჩა̈დხ. ნა̈ჲ ხუ̂ა̈ჲ ოდგა̈რდ ი მ[ინდ] ჲორი ა̈ნქა̈ჩხ
Line of edition: 7 ჰა̈შიდ. ეშხ(უ) იმე დო ა̈დქარუ̂ა̈̄ნ, დე̄სამა ა̈ნმეჴრა̈̄ნ. სემი დაჴა̈რ
Line of edition: 8 ოთღედ, ოხუ̂იშდ მანგა̈რ, ფექ ობა̈შ ონჴუ̂იდდ. ნა̈ჲ როტა გარ
Line of edition: 9 ხუ̂ა̈სდ. აშხუ̂ ნაგზა ქა ნა̄დდა ეჩხა̈ნ ნა̈ჴიდ ფექ. სემი ხუ̂ეტყბა̈̄ნდ
Line of edition: 10 უშხუ̂ა̄რ: მუქურთ(უ̂ელ) ი სომეხ ი მი, ადო ხუ̂ეტენდ მა̈იდშუ̂ ჟი. ______ Line of edition: 11 ჩერბურხა̈ნქა ონჴუ̂ა̈დდ ი 6 მა̈რტისგა მუშთე ოჰედ. 7 მა̈რტს
Line of edition: 12 მუშხა̈ნქა ონჴუ̂ა̈დდ. 8 მა̈რტს სგა ოჰედ (სგო̄ჰედ) პოზიციათე.
Line of edition: 13 31 მა̈რტს -- 20 აპრილს პოზიციაჟი ხუ̂არდად. აჯად 22-гo პოზიციაჟი.
Line of edition: 14 ხუ̂არდად ქაშუ̂ათობი საფტინს, მარე ხუ̂ეტნიდ მა̈იდშუ̂. უფლიში
Line of edition: 15 მიშლადა̈ღ პოზიციაჟი ხუ̂არდად. 29 აპრილს -- 6 მა̈ისს პოზიციაჟი
Line of edition: 16 ხუ̂არდად. 9 მაისში უ̂ეშგდ ონტა̈ხდ, 4 უ̂ერსტს პოზიციათე (?). ამე
Line of edition: 17 ხუ̂ა̈რიდ პოზიციაჟი ლახუ̂ა̈რს, სუკუ̂ა̈რჟი. Добавлено (2006-11-17, 7:24 Pm)
---------------------------------------------
Part No. 46 Text: 46
Page of edition: 49
Line of edition: 1
46. დაბრე ლიტყე̄მბე Line of edition: 2 ბიქუ̂ დაბა̈რს აქუ̂თუნე ციუ̂ა̄ლდობჟი̄ნ. ეჯა ერხის ხოხალ, ერე " ქა
Line of edition: 3 როქუ̂ მჷრე̄ს ესღრიხ დაბა̈რ". აშხუ̂ჟი̄ნ ესნა̈რ ლაბსყალდრე მუცუ̂ა̄ლდა
Line of edition: 4 დაბა̈რს აქუ̂თუნე ბიქუ̂. ლაბსყალდა̈რს ლოხუ̂ხალდახ, ერე "ქ' ე̄სერ
Line of edition: 5 მჷრე̄ს ესო̄ზიხ დაბა̈რ, ა̈ნკიდხ ტყენა̈რ: "ჰატ, წართუ, ხოჩიდხუ დაბა̈რს
Line of edition: 6 ტყენა̈რ ი ღუ̂ ე̄სერ დეშ ოთჩედნიხ!" ხოჩიდხ გაცხა̈ჲდ ტყენა̈რ
Line of edition: 7 ი დაბა̈რ ჩუ̂ადტყე̄მბეხ. Line of edition: 8 (ლენჯერი) Добавлено (2006-11-17, 7:24 Pm)
---------------------------------------------
Part No. 47 Text: 47
Page of edition: 49
Line of edition: 9
47. ჴა̈ნი ლიჲსენი შგილჟი̄ნ Line of edition: 10 აშხუ̂ჟი̄ნ ლაბსყალდა̈რს ჴა̈ნი ლიჲსენი ხა̈კუ̂დახ. ჟ'ოხკუ̄ლთხნახ ი
Line of edition: 11 ლიჲსენი ხა̈კუ̂დახ, ეჩქას გა̈ჩ მა̄მ ხაღუ̂ე̄ნახ, სგა და̈̄ს ხა̈ბმე̄ნახ. ახთხე̄ლნახ
Line of edition: 12 ჩია̈̄გ გაჩუ̂ ი შგილჟი̄ნ ახხუ̂იე̄ნახ. ჲაღუ̂ ე̄სერ ჟი̄უ̂ ადჲეხ შგილთეჟი̄ნ
Line of edition: 13 ჴა̈ნ ი ეჩეჩუ̄უ̂ ა̈ზიჰხ, ადო გა̈ჩ ესერ შგილჟი̄ნ ა̈რი ი იმჟი̄ნ იჩოხ"? ანჴა̈დხ
Line of edition: 14 ესნა̈რ ი ჴა̈ნ ჟ'ადჲეხ შგილთეჟი̄ნ ი ეჩეჟი̄ნ ა̈ზიჰხ. ეჯა დეშჲა̈რდ
Line of edition: 15 ა̈ნმეჴრე̄: გა̈ჩს როქუ̂ ჩუ̂ა̈ლჴდედ შგილხა̈ნჩუ̄ნ ი ღო ჴანუ̂ ჩუქუ̂ა̄ნ ალჷჲსენნედ".
Line of edition: 16 ეჩქანღო სერ ჟ'ესსედახ ლაბსყალდა̈რს ჴა̈ნი მჷჲსენი შგილჟი̄ნ. Line of edition: 17 (ლენჯერი) Добавлено (2006-11-17, 7:25 Pm)
---------------------------------------------
Part No. 48 Text: 48
Page of edition: 49
Line of edition: 18
48. მიჟი ჭებდაუ Line of edition: 19 ლაბსყა̈ლდს ლუ̈ნთისგა მიჟ მა̄დხუ̂ა̈ჲ ხა̈ნს გარ ხაწიდ ი მასა̈რდ
Line of edition: 20 მჷცხი ლიზ. აშხუ̂ჟი̄ნ აშხუ̂ ლადა̈ღ ესნა̈რ მიჟ ა̈ხწა̈დხ ლაჴუ̂რაისგა.
Line of edition: 21 "ჰი, ლჷკჩე მინე ბედ, ათხ' ე̄სერ ლაჴუ̂რა̈̄ლ ქა̄უ̂ ოთდა̄ლეხ ი ღუ̂ ე̄სერ
Line of edition: 22 მიჟ ქორისგ' ა̈̄სდენი!" ამჟი̄ნ ჩუ̂ემინხ ესნა̈რ, მარე მიჟს იმჟი̄ნ ა̈ნჭებდისხ!
Line of edition: 23 ეჯღა ხაყლე მა̈გ ლაბსყალდა̈რს მიჟი ჭებდაუს. Line of edition: 24 (ლენჯერი) Добавлено (2006-11-17, 7:25 Pm)
---------------------------------------------
Part No. 49 Text: 49
Page of edition: 49
Line of edition: 25
49. უ̂ა̈რგ ი გლეხ Line of edition: 26 თაუ̂ა̈დიშუ̂ილ (უ̂ა̈რგ) ანღრი შუკუ̂ჟი, ხოჩა შუკუ̂ ლექუ̂ა, ჩა̈̄ჟს ჟი
Line of edition: 27 ხასგურ. გლეხმა̄რე აბე̄რგე მიჩა გიმჟი. ქა ლახა̄სდ ალა, უ̂ა̈რგ, ფე̄დიაქა
Line of edition: 28 გლეხს, პუ აფუ̈შდ. ქა ხასჷმდა ალა უ̂ა̈რგს. უ̂ა̈რგდ ხა̈̄ქუ̂, ერე
Line of edition: 29 -- იმჟი ესერ პუ̄ლი, ჯა ჟეღიგეზალ? Page of edition: 50
Line of edition: 1 ეჩქა გლეხდ ლახტიხ, ერე აშხუ̂ მანა̈თდ ესერ!
Line of edition: 2 -- ამის ესერ დემ ხეჭუ̂დიე̄ლ, იმჟი ესერ პუ̄ლი ჯა? Line of edition: 3 ათხე გლეხდ აჯაღ ლახტიხ ამბა̈უ̂: მანა̈თდ ესერ, მანა̈თდ ესერ! Line of edition: 4 (მესტია) Добавлено (2006-11-17, 7:26 Pm)
---------------------------------------------
Part No. 50 Text: 50
Page of edition: 50
Line of edition: 5
50. ნეზუ̂ი ლითხე̄ლი Line of edition: 6 აშხუ̂ჟი̄ნ ესნა̈რ შყალრი ბიასლანშე̄რ ნეზუ̂ ლატფუ̄რას ხორკჷდახ,
Line of edition: 7 ერხი ატფუ̄რეხ ი რა̈̄ქუ̂ხ: მა̈ჲ ესერ ათდჷნე̄ნახ ნეზუ̂?
Line of edition: 8 -- მა̈ჲ ესერ ი დო̄უ̂ ქა̈̄მ ათსედა̈̄ნხ. ჲაღუ̂ ე̄სერ ქორშიე̄რ ლექუ̂ა
Line of edition: 9 ადრინა! Line of edition: 10 აჩა̈დხ ლათხე̄ლთე. ნეზუ̂ ჩუ̂აცუ̂ირხ უტფუ̄რად ი მინ ლათხე̄ლს
Line of edition: 11 ჟ'ესფხა̈ჟხ. ხეთხე̄ლიხ ბა̄ზი̄ ლე̄თ ი იმ' ა̈̄ნთხა̈̄ლნახ: ნეზუ̂ ლატფუ̄რას
Line of edition: 12 ხორკჷდახ! Line of edition: 13 (ლენჯერი) Добавлено (2006-11-17, 7:27 Pm)
---------------------------------------------
Part No. 51 Text: 51
Page of edition: 50
Line of edition: 14
51. მჷლტა̈ლ ი ყუნზელ Line of edition: 15 ესღჷრდა ეშხუ მჷლტა̈ლ ლელტხა ლექუ̂ა ლეჩხუმთე. მა̈ჲდა̈̄რ
Line of edition: 16 ლჷმა̈̄რლი მჷლტა̈ლ (მუშუ̂ა̈ნ), ლაყუნზელთეჲსგა ა̈მჩედე̄ლი, ქო̄ხხორა
Line of edition: 17 ეშხუ კალთა̈ჲ ყუნზელ. ამ ჩიქს მჷლტეხ ხა̈წდა მიჩა ნაუ̂ბა̈დროშ.
Line of edition: 18 -- უ̂აჲ უქ ისგუ̂ა ბედს ი ნაწერს, ხოლა მეწრი მუშუ̂ა̈ნ! Line of edition: 19 ეჩქას მჷლტა̈ლდ ლახტიხ, ერე "მა̈ჲ-გი ჯაკუ, ცხეკი მაშა̈ნ-გი
Line of edition: 20 ჯატკლება̄?" Line of edition: 21 (მესტია) Добавлено (2006-11-17, 7:27 Pm)
---------------------------------------------
Part No. 52 Text: 52
Page of edition: 50
Line of edition: 22
52. მა̈ნკ Line of edition: 23 თუ̂ეთნე ღოლჲა̄ქს ხა̈ყდი მულჩხუ̂იმს მჷლტა̈ლ. მულჩსუ̂იმ ლა̈ხჭუ̂ედდა,
Line of edition: 24 ერე
Line of edition: 25 -- მაკეთ ხომ არ არისო ეს ცხუ̂არი?
Line of edition: 26 -- მა̈ნკ მა̈ჲ ხემჷნკი ხოჩა̄მჷნქა?
Line of edition: 27 -- არა, კაცო, მე გეკითხები: მაკეთ ხომ არ არის ეს ცხუ̂არი?
Line of edition: 28 -- ჸახ, ხოჩა̄მჷნქა მა̈ნკ მა̄მგუ̂ეშ. იანსუ ოხკი̄და მიშგუ ლირდე,
Line of edition: 29 ესამა ხემჷნკე̄ნს: ჲარუ̂ იზა̈̄ლ ზაუ̂ისგა ეჩჷნქა. Line of edition: 30 (მესტია) Добавлено (2006-11-17, 7:28 Pm)
---------------------------------------------
Part No. 53 Text: 53
Page of edition: 51
Line of edition: 1
53. კუ̂ახნეშს ნაშურიელა̈ჲ Line of edition: 2 აშხუ̂ჟი̄ნ ესნა̈რ მესტია̄ლა̈რ ა̈რიხ ლეჩხუმს. ა̈დქუ̂ითხ ესნა̈რ კუ̂ახნეშ
Line of edition: 3 მასა̈რდ. ჩუ̂ა̈დსადგუ̂მა̈̄ნხ აშხუ̂ ა̈დგილს, ლემესგ ანა̄შუ̂ეხ ი კუ̂ახნეშს
Line of edition: 4 ლიტყბე ლოხუ̂ბინეხ. აშხუ̂ მჷმსტიუ̂ს უტყბა̄რა ხალტე̄ნა კუ̂ახნეშ,
Line of edition: 5 ხოჩა̄მდ მჷრე̄ს ლალე̄მ, ქა̈̄დბე̄ლა̈̄ნ ი ჩუ უ̂ეთ აბა̈ჭკუ̂. ეჩქანღო აფა̈შგ
Line of edition: 6 ჩუ ი ტყჷრს ეშ ინკუ̂ე, მა̈ჲ ქა ღჷრი ი მა̈ჲ სგა ტეხნი, ხა̄რ ამჟი უ̂ისია̈შ.
Line of edition: 7 ალ მესტია̄ლა̈რს ეშხუ ლაგცია̈ნ მა̄რე ხაჩჷ̄და, სგა ლახსგურდ'
Line of edition: 8 ე̄სნა̈რ კუ̂ახნეშუ̂შ ნაშურს ი ხა̈̄ქუ̂:
Line of edition: 9 -- მიჩ ესერ ეზერ ლიჭუ̂დი ხოხალ ნაშურიშ.
Line of edition: 10 -- ჰე̄, საბრა, ჲაღუ̂ ე̄სერ ქა̄უ̂ ხა̈̄ქუ̂! Line of edition: 11 ლოხუ̂ბინე ჴადუ̂ქა ლიფა̄შგუ̂ე ი ხაყლე: "კუ̂ახნეშს ნაშურიელა̈ჲ,
Line of edition: 12 სატრა̈კს ნატყჷრიელა̈ჲ" -- ხაყლ' ე̄სნა̈რ ამის. მე̄რმა̈̄ლს ესნა̈რ ჴა̈დ მამ
Line of edition: 13 ხესდენიხ ლაცუ̂ნა̄ლს. Line of edition: 14 (ლენჯერი) Добавлено (2006-11-17, 7:29 Pm)
---------------------------------------------
Part No. 54 Text: 54
Page of edition: 51
Line of edition: 15
54. ჭოროხუ̂ა̈ჲ ი კორობი̄ლა̈რ Line of edition: 16 ეშხუ მუჩბეჴეუ̂ ი მუუ̂შგუ̂ილ ალმჷკთე̄ლიხ. აშხუ̂ ლადა̈ღ ესნა̈რ
Line of edition: 17 მუუ̂შგუ̂ილს ოთჴა̈დ მუჩბეჴეუ̂ მუშგუ̂რიდ. ლა̈დიარა̄ლჟი̄ნ მუუ̂შგუ̂ილ
Line of edition: 18 ლა̈ხჭუ̂ედდა:
Line of edition: 19 -- ლეთნაფდ ესერ მა̈ჲ ხა̈გნე̄ნა ამზაუ̂?
Line of edition: 20 -- მა̄ჲ ესერ-ი ხოჩა ჴა̈ნ, ხოჩა გიცა̈რ ი ხოჩა ტა̈ხ. მიჩ ესერ მა̈ჲ
Line of edition: 21 ხა̈გნე̄ნა?
Line of edition: 22 -- მიჩ ესერ მა̈ჲ-ი წითელ კჷლდე, ჭოროხუ̂ა̈ჲ ი კორობი̄ლა̈რ.
Line of edition: 23 -- ალ' ე̄სერ მა̈ჲ ლი?
Line of edition: 24 -- მა̈ჲ ესერ-ი კოჯ ი სგიმა̈რ. ჩიგარ ესერ კოჯხა̈ნქა სგიმა̈რს ღუ̂აშა̈რ
Line of edition: 25 ხაცხნეხ. შომუ̂ა̈̄ჲ ესერ ხაკუჩ, ღჷრი ეჩხა̄უ̂ ი მა̈ზუმუ̂ა̈̄ჲ ხაკუჩ,
Line of edition: 26 ეჩზუმს ესერ ადგა̈რი ღუ̂აშა̈რს. Line of edition: 27 ჯუ̂ინალდ ეჩჟი̄ნ ლა̈კუ̂ცი̄რ ლჷმა̈̄რ უშგულს, მარე ათხე ეჩჟი̄ნ მა̈მ
Line of edition: 28 ლიზ, ჟ'ალმჷრხდე̄ლიხ. Line of edition: 29 (ლენჯერი) Добавлено (2006-11-17, 7:31 Pm)
---------------------------------------------
Part No. 55 Text: 55
Page of edition: 51
Line of edition: 30
55. უშგუ̂ლა̈რ ი მედუქა̈ნ ქუთა̈̄შ Line of edition: 31 აშხუ̂ჟი̄ნ ესნა̈რ უშგუ̂ლა̈რ აჩა̈დხ ლა̈ქმათე. შომუ̂ა̄ლე ადჰეხ სგა
Line of edition: 32 ქუთა̈̄შთე, იზელა̈̄ლხ ესნა̈რ დუქნა̈რმჷყქა. აშხუ̂ დუქა̈ნისგა ხოჩა̄მ
Line of edition: 33 ლეზობ-ლეთრად ჟი გუ̂ეში ლიზ. უშგუ̂ლა̈რ ღალ მასა̈რდ მა̈ჲდა̈̄რ
Page of edition: 52 Line of edition: 1 ლიხ, ლეზიზ ჩუ მეშთხე ხა̄რხ ი ლემშაუ̂ ჩიქე დე̄სამაგუ̂ეშ ხათხე̄ნახ.
Line of edition: 2 ხოსგდიხ ალ ხოჩა̈მ ლეზობ-ლეთრა ი პილა̈რქა ლიც ხა̄გხ. სგა̈უ̂,
Line of edition: 3 ცხა̈ჲ, მედუქნას ჩიგარ ხა̈მთქუ̂ახ ლიწსი ი ალ მედუქა̈ნდი ხა̈̄ქუ̂ უშგუ̂ლა̈რს:
Line of edition: 4 "მობძანდი ესერ". უშგუ̂ლა̈რს ლოხუ̂ხალდახ: "ა̈წს' ე̄სერ მჷრე̄ს
Line of edition: 5 მინს ალ მა̈რე" ი სგა̄ჩა̈დხ. მედუქა̈ნ ლა̈ხჭუ̂ედდა: "მა̈ჲ ესერ ხაკუხ ი
Line of edition: 6 იმ ლეზობს იშგუ̂ემხ? " უშგუ̂ლა̈რს აშხუ̂ი̄ლს ხოხალ ზჷმშუ̂ ქართუ̂ილ,
Line of edition: 7 ეჩჷნქა და̈̄ს. Line of edition: 8 ალჲა̈რდ, მა̈̄ჲ ესამა ჩუ ხო̄სდა̈ნ მედუქა̈ნს, მა̈გ ქა̄ხჴიდუ̂ნეხ; მა̈̄ჲ
Line of edition: 9 ესამა ლეთრე ჩუ ხო̄გა̈ნ, ალა̄ჲ ქა̄ხჴიდუ̂ნეხ, ჩუ̂ასგურდახ აშხუ̂ ოთა̈ხისგა
Line of edition: 10 ი ჩუ ხა̄რხ ქეიფ. მედუქა̈ნს ჩუ მა̄მ ხაჯრაუ̂ა: "ალამა̈გ ესერ
Line of edition: 11 ლეზუ̂ებ-ლეთრე ქა̄თჰოდე̄ნა" ი ხუ̂ა̈ჲ მოგებას ა̈ნღლი ლა̈დი. უშგუ̂ლა̈რს
Line of edition: 12 ხამბაჟხ: "იმნა̈რ ესერ ხა̈ჩმუნი ლა̈დი ალ მა̄რე ალამა̈გ პა̈ტიუ̂ს?
Line of edition: 13 შომ' ე̄სერ ახტიხეხ ალამა̈გ პა̈ტიუ̂ს? " აშხუ̂ ათხა̄დ: "ალ' ე̄სერ შუ̂ა̈ნს
Line of edition: 14 ნარდუ̂ მჷრე̄ს ლიზ ი ეჯღა ხა̈ჩო ალამა̈გ პა̈ტიუ̂ს!" Line of edition: 15 ქა̈̄ნჰერხ მედუქა̈ნ, ა̈მზჷრიხ მა̈გ ი მაჴუ̂ა̄მს ხაყლეხ ლუშნუდ. მედუქა̈ნ
Line of edition: 16 ხეჴუ̂ა̈̄მიე̄ლ ი "დაბძანდი დაბძანდი"-ს ხაყლე. უშგუ̂ლა̈რ ხაყლეხ:
Line of edition: 17 "მასა̈რდ ესერ კმაყოფილ ლიხ სერ, დეშ ესერ ხა̈ჲმედახ სერ ლიზუ̂ებ-ლითრე!"
Line of edition: 18 სერ შომუ̂ა̄ლე ჟ'ანჷ̄გა̈ნხ, ქა̄ჩა̈დხ და̈ხლთექა ი მაჴუ̂ა̄მს
Line of edition: 19 ხაყლეხ: "მინეშთ' ე̄სერ ჰე̄სა ა̈თჴა̈დჷ̄ნა, მა̈გიე̄რ პა̈ტიუ̂ს ესერ ჩუ ხა̈ჩომხ".
Line of edition: 20 მედუქა̈ნდ უ̂არჩხილ ხაშგუ̂მინ ნახარჯუ̂. ალა ალჲა̈რს ათჷმბაჟჷნხ: "დოს
Line of edition: 21 ე̄სერ ხასმა ამჟი̄ნ, ჩიქ' ე̄სერ ქა ხოწსა ი ათხე ფასუ̂
Line of edition: 22 ხაშგუ̂ემ?!" ხა̄რხ ამჟი ყალა-ჩხუფა. მედუქა̈ნდ აშხუ̂ მუუ̂შგუ̂ილს ქა
Line of edition: 23 ლოხუ̂ჯუ̂ი̄რ, ლა̈ჲშგუ̂ინ მუუ̂შგუ̂ილდ ხანჯა̈რ ი ჟი ხაჴიდ მედუქა̈ნს ი
Line of edition: 24 ჩუ̂აქა̈ჩ. ამჩიქქა პოლიცია̄ჲ ესჰი̄დ, ჩუ̂ადჷრმა̄ლეხ მა̈გ ი უჩა̄სტკათე
Line of edition: 25 ადჲეხ. ამეჩუ̄ნ ლა̈ხჭუ̂ედდახ: "გუ̂ეშ ესერ იმჟი̄ნ ლჷმა̈̄რ". უშგუ̂ლა̈რდ
Line of edition: 26 ქო̄ხუმბაუ̂ეხ: "ამჟი-ი-ამჟ' ე̄სერ ლჷმა̈̄რლი გუ̂ეშ: ქ' ე̄სერ ხოწსა მინ ალ
Line of edition: 27 მა̄რა ი ათხ'ე̄სერ უ̂არჩხილს ხეშგუ̂ემ!" მედუქა̈ნდ ხა̈̄ქუ̂: ალჲა̈რს ესერ
Line of edition: 28 ლეზუ̂ებ-ლეთრე ლოხმამახ ი ოთშხამუ̄ნახ, აშხუ̂ თუ̂ეს ესერ დეშ ხაჰუ̂დო̄ლნა მა̈გ
Line of edition: 29 ქა, ეჯამა̈გ ესერ ლჷმა̈̄რლი. მა̈ჲ ესერ ხა̄რხ მიჩ ალ და̈შდუ̂ა̈რ,
Line of edition: 30 ერე აშ დო ადბიზნა-ჲ ადშდჷმა̈̄ლი̄ს, ღუ̂ ესერ აჯაღ ჩოთქაჩახ
Line of edition: 31 ჯა ხანჯარშუ̂". Добавлено (2006-11-17, 7:32 Pm)
---------------------------------------------
პოლიციად უშგუ̂ლა̈რს მა̄მგუ̂ეშ ხაყერ, ლახე გუ̂ეშ ჩუ̂ა̈ცხირ ი მედუქა̈ნს
Line of edition: 33 ხა̈̄ქუ̂: "იმნა̈რ ესერ ლჷმწიჰუ̂ინ, ლახ ესერ მინს მო̄მგუ̂ეშ ხოშგუ̂მინახ
Line of edition: 34 ეჟჩი̄ნ?" ი ა̈გით' ა̄ფიშუ̂დ ცა̈რიელ.
Line of edition: 35 (ლენჯერი) |
| |
| | |
|
Женщина |
Date: Пятница, 2006-12-01, 2:00 PM | Message # 11 |
Group: pol-toidze
Posts: 38
Status:Offline
Дата регистрации:
2006-09-05 |
მადლობა ტექსტებისთვის. დიდი თხოვნა , იქნებ თარგმნოთ კიდევაც, ვთქვათ – ქუ̂ინი ლიტხე, ან სხვა მოკლე ტექსტი. Добавлено (2006-12-01, 2:00 Pm)
---------------------------------------------
მე შემიძლია დაგიმატოდ ქართული და რუსული თარგმანი – თათრარე ლიჴედ შუ̂ა̈ნთე, თუ ეს საინტერესოა |
| |
| | |
|
Мужчина |
Date: Вторник, 2006-12-05, 6:06 PM | Message # 12 |
|
Group: Модераторы
Posts: 990
Status:Offline
Дата регистрации:
2006-08-29 |
daamate Добавлено (2006-12-05, 5:59 Pm)
---------------------------------------------
Part No. 56 Text: 56
Page of edition: 53
Line of edition: 1
56. ნე̄სგა ლიყუ̂ნა̈̄ლ Line of edition: 2 აშხუ̂ჟი̄ნ ესნა̈რ უშგუ̂ლა̈რ თანა̈ღს ანღრიხ. თანა̈ღჟი̄ნ ჩუ̂ა̈თბურა̈̄ნხ
Line of edition: 3 ი ჩუ̂ადყურდახ აშხუ̂ ა̈გის. ესნა̈რ ნე̄სგა ლიყუ̂ნა̈̄ლს ჩუ და̈̄რ ხა̈მბეხ
Line of edition: 4 უშხეა̄რ: ჲეს ჲა̈რ ანღრიხ ნე̄სგათე ი ჲეს ჲა̈რ. ამჟი̄ნ რიჰდ იცლა̈უ̂იე̄ლხ
Line of edition: 5 ი აშ გარ ქეხნიხ სგუ̂ებდ. რჷჰიჟი̄ნ ლა̈ჲსგიდახ ესნა̈რ ი ქა ლჷთნაღე
Line of edition: 6 დამ ხა̄რხა?! Line of edition: 7 (ლენჯერი) Добавлено (2006-12-05, 5:59 Pm)
---------------------------------------------
Part No. 57 Text: 57
Page of edition: 53
Line of edition: 8
57. ილარიონ ახბედშე̄რ Line of edition: 9 აშხუ̂ჟი̄ნ ესნა̈რ უშგუ̂ლა̈რ ი კა̄ლა̈რ ესღრიხ ლეჩხუმთე. ალჲა̈რს
Line of edition: 10 ილარიონი̄ ხონჴრიხ ახბედშა (მჷკა̈̄ლ). ალჲა̈რ-ა, უშგუ̂ლა̈რ, აშხუდ ლახ
Line of edition: 11 ხუ̂ა̈ჲ ლიხ, ეჩქას გუნ ლჷქა̈დ ლიხ მერხა̈ლდთე. კა̄ლა̈რ ხომჷრხელდა
Line of edition: 12 ლჷმა̈̄რლიხ ი უშგუ̂ლა̈რ ლალგაცა̄ლს ი ლა̈ნტრა̄ლს გუ̂ის ხოხპეხ.
Line of edition: 13 აჩა̈დხ აშა̈რთეჩუ̄ნ. ამეჩუ̄ნ ილარიონდ ჟ'ა̈ნჴეჩ ი თუთინს ჟ'ახბიდნე,
Line of edition: 14 ლახტუ̂ი̄ლ აშხუ̂ მუუ̂შგუ̂ილს: "ქა̄უ̂ ესერ ანჴა̈დ ი თუთინს ხათრე".
Line of edition: 15 მუუ̂შგუ̂ილ ქა̄ჩა̈დ, თუთინ ქა ლახუ̂ე̄მ, ამნე̄მ. ჟ'ა̈ნსყე. ეჩქანღო ანჴა̈დ
Line of edition: 16 ილარიონ, მჷბიდ ჰაბედ ჟ'ესდე მუუ̂შგუ̂ილი თოქალთუ̂ჟი̄ნ, თოქალთუ̂
Line of edition: 17 ლჷბჷმბა̈ჲ ლჷმა̈̄რ, ბირღუ̂ ქა ლა̄ფიშუ̂დ ზჷმშუ̂, ეჩქას ილარიონდ ხა̈̄ქუ̂:
Line of edition: 18 "ათხ' ე̄სერ ჩუ̄უ̂ ადმჷქრა̄ლუ̂ნეხ ჩა̄ჟა̈რ ". ადჭომნეხ ქა ჩა̄ჟა̈რ, ლა̄ფიშუ̂დ
Line of edition: 19 ბურღუ̂ან მუუ̂შგუ̂ილი თოქალთუ̂დ, ა̈დსო̄ყა̈̄ნ ჩუ ჩა̈̄ჟ, მუუ̂შგუ̂ილ ეჩე
Line of edition: 20 ქა̈̄მ ადკუ̂ა̈რ, ლა̈ლკა ი ბარგა̈რ მა̈გ ტრა̈კდ ოთგენე. ეჩქას ილარიონდ
Line of edition: 21 ხა̈̄ქუ̂: "ლაჟგჲა̈რ, ფირთხილდ ესერ იმღა მო̄დ ლჷმა̈რდ, დო̄უ̂ ესერ
Line of edition: 22 ლათრა̈̄რხა̈ნქა ახბჷდა̈̄ნ ჟი ი ჯაჲ ესერ ჩუ უ̂ეთ ოთდა̄უ̂შა" ალა მუუ̂შგუ̂ილდ
Line of edition: 23 ჩუ̂ა̈დჯჷრუ̂ე. Line of edition: 24 ბა̄ზი აშა̈რისგა ჩუ̂ადჷ̄გა̈ნხ. უშგუ̂ლა̈რ ჩა̄ჟა̈რს თან დე̄მ ხა̈ხუ̂ტინეხ
Line of edition: 25 ი ლეყუ̂რილ კა̄ლა̈რს გარ ხა̄რხ. ანჴა̈დ ილარიონ, ქა̈̄ნთიშ ჲორი
Line of edition: 26 უშგუ̂ლარე ჩა̄ჟა̈რ, წირხა̈რ ათბა̄ლე, ქა̄დჲე ლელტხათე ლექუ̂ა, ამეჩუნ
Line of edition: 27 ჩუ̂ათბა̄ლე, ლეჟ' ა̄ნტა̈ხ აფხნეგა̈რთე, ლა̈ჲბინე ლიუ̂ერი ლიკუ̂ა̄ნე. -- ჰატ,
Line of edition: 28 ხოლა̈̄ლ, ქუ̂ითრა̈რს ესერ ჩა̄ჟა̈რ ოთხუ̂ჲახ ი იმე ჲა̈რ ა̄რიხ? -- ანშჷ̄დხ
Line of edition: 29 ჟი მაუ̂ჟა̄რა უშგუ̂ლა̈რ, ჩა̄ჟა̈რ ჟ'ა̈ნჷრმა̄ლეხ ი ჲორი ჩა̈̄ჟ დე̄ს' ა̄ხხუ̂ი̄დხ. Добавлено (2006-12-05, 6:00 Pm)
---------------------------------------------
ხეთხე̄ლიხ რიჰდ, მარე იმე ა̈ხხუ̂ე̄ლხ! ხეჴჷ̄რა̈̄ლხ ილარიონს: -- მიჩ
Line of edition: 31 ესერ ლელტხას ხუ̂ა̈ჲ ლუნთუ̂ი̄რ ხორი, მა̈დილუ ხე̄რა, ი ჟი̄უ̂ ოხთხე
Line of edition: 32 ჩა̄ჟა̈რ.
Line of edition: 33 -- ეზერ ესერ, მარე ჩა̄ჟრე ხჷნსგ' ე̄სერ მიჩ ხაკუჩ.
Line of edition: 34 -- შიშდ ესერ ქა ხაჰუ̂დიხ, ოღონდ ჟი̄უ̂ ოხთხე! Page of edition: 54
Line of edition: 1 -- ჲაღუ̂ ე̄სერ მინ მა̈გ სგუ̂ებინუ აჩა̈დხ, მური ბოგმჷყ ჟი̄უ̂ ა̈ნღე̄ლუ̂ეხ
Line of edition: 2 ი ეჩ' ე̄სერ ჯა̄ჲ სგა ლა̈ჰო̄ლი. Line of edition: 3 ალჲა̈რ ქა̄ფიშუ̂დ სგუ̂ებინ, ჩა̄ჟა̈რ ჟ'ა̈ნფუშდუ̄რე ი მური ბოგს
Line of edition: 4 ამხა̈ნთე წყაროჟი̄ნ სგა ლაჰე. -- ჰე̄, ათხ' ე̄სერ, ჲაღო, ქა̄უ̂ ლახუ̂ე̄მხ ჩა̄ჟრე
Line of edition: 5 ხჷნსგა, ფა̈ყს ესერ აჰე̄ნა ქუ̂ითრა̈რს.
Line of edition: 6 -- ეზერ ესერ, ქ' ე̄სერ ხაჰუ̂დიხ. ა̈დრა̄გე ი ხუ̂ა̈ჲ მა̄მა ი ხა̈̄ქუ̂: "ეჰ,
Line of edition: 7 მინე ცოდ ესერ მა̈ჲ ხე̄რა, ეშხუ დორა̈ჲ ღუ̂ინა̈ლ ესერ ჟი̄უ̂ ა̈ნყიდხ ი
Line of edition: 8 სერ მა̄მგუ̂ეშ ხაკუჩ!" ალჲა̈რს-ა, უშგუ̂ლა̈რს, ა̈თხი̄დჷნხ მასა̈რდ, მაჴუ̂ა̄მ
Line of edition: 9 ხა̈̄ქუ̂ხ: "ალას გარ ესერ ჟი ჰე̄ ხასკიბ, ეშხუ მა̄დე ი ჲირი დორა̈ჲ
Line of edition: 10 ა̈ნყიდხ" ი ლა̈დი გუნ ქეიფ ხა̄დხ. Line of edition: 11 (ლენჯერი) Добавлено (2006-12-05, 6:01 Pm)
---------------------------------------------
Part No. 58 Text: 58
Page of edition: 54
Line of edition: 12
58. მა̈ჩიჩხუ̂ი ლა̈̄ში Line of edition: 13 აშხუ̂ჟი̄ნ ესნა̈რ შამერთუ̂ შამერთუ̂შა ა̈რი ჩო̄ლირ ამშხუ̂ მეზგაისგა.
Line of edition: 14 ალჲა̈რ ზჷნთხს აკლა̈უ̂იხ, მარე დეშ ხაბჟახ ხოჩა მაფას. ანჴა̈დ ესნა̈რ
Line of edition: 15 შამერთუ̂ ი ხა̈̄ქუ̂: -- ამი̄ ლა̈̄შის ესერ ეჯგუ̂ა̈რს ოხჴიდე, ერე ღო იუ̂ალადა̈ღ
Line of edition: 16 მიჩ ა̈მზჷრდე̄დხ. Line of edition: 17 მუჩო̄ლირდ ხა̈̄ქუ̂: -- მასა̈რდ ესერ მაჴუ̂მა̈̄რ ხე̄რა, ლახ ოხჴიდე. Line of edition: 18 მე̄რმა ზაუ̂ ეშხუ ლათთუნა̈̄რ ადჲ' ე̄სნა̈რ შამერთუ̂დ მა̄ჩიჩხუ̂შ გუ̂ეში,
Line of edition: 19 ალა ქა̄თლა̄შუ̂ნე მუჩო̄ლირს და̈ბისგა. მა̈ჩიჩხუ̂ ეჩქად მა̄მ ხათრო̄ნნახ
Line of edition: 20 ჩო̄ლლა̈რს ი ეჩქანღო სერ ჩია̈̄გ ქა̄ლფიშრე̄ლი. ათხეი ხუ̂ა̈ჲინ ხაჭთეხ
Line of edition: 21 ჩო̄ლლა̈რ ეჩი̄ მჷის: "ესუ̂ა̈̄ჲ ესერ ამი̄ ლა̈ში ოთფიშრა მინეშმჷყ, ეჯ'
Line of edition: 22 ე̄სერ ჟი̄უ̂ ა̈მკედე̄ლი!" Line of edition: 23 (ლენჯერი) Добавлено (2006-12-05, 6:02 Pm)
---------------------------------------------
Part No. 59 Text: 59
Page of edition: 54
Line of edition: 24
59. თუ̂ეფი მგქაფდ ლა̈ლჯუ̂მა̈რ Line of edition: 25 ეშხუ მუჩო̄ლირ იმა̄რა̈̄ლ ლა̈თხუ̂ჲართე. ბა̄ზი ბა̈რგ მა̈გ ჟ'ა̈ნმა̄რე,
Line of edition: 26 ლეზიზ ქა̄ნმა̄რე, ჯაბრა̈რ ჟ'ა̈ნკა̄რზა̄ლე, თუ̂ეფს სგა დე̄სგი სერ ბიდთე
Line of edition: 27 ქა ლუშდბუნა, მარე თუ̂ეფი მჷქაფდ ესნა̈რ ლა̈ლჯუ̂მა̈რ ლა̈ხცა̄დ ი ალ'
Line of edition: 28 ე̄სდე. მე̄რმა ლადა̈ღ აჩა̈დ ლირჰა̈̄ლთე ლა̈თხუ̂ჲართე. აშხუ̂ ა̈გის ხეწა̈დ
Line of edition: 29 ღუ̂აშა̈რს, ა̈ხჴუ̂ა̈სგ, სგა ლახფხიჭე თუ̂ეფს, თუ̂ეფი მჷქაფდ ლა̈ლჯუ̂მა̈რ
Line of edition: 30 დამ ახყუ̂ეფა ბიდხა̈ნქა! სერ ღუ̂აშა̈რს იმ ხა̈ჩომდა? ალ ლა̈ლჯუ̂მა̈რ
Line of edition: 31 ქა̄დკუ̂ა̈რ ი ჰა̈რიდ ა̈გით' ა̄ნჴა̈დ. Line of edition: 32 (ლენჯერი) Добавлено (2006-12-05, 6:03 Pm)
---------------------------------------------
Part No. 60 Text: 60
Page of edition: 55
Line of edition: 1
60. შდჷქი ჟაგრა̈რ Line of edition: 2 აშხუ̂ჟი̄ნ მჷლხა̈რ ესღრიხ ქუთა̈̄შთე. ჩო̄ლირთე ქა̄ჩა̈დხ, ეჩქას ლახხუ̂ი̄დდახ
Line of edition: 3 ეშხუ მუჩო̄ლირ: ჰა̈ყბა̈̄რ ჩუ ლჷლჯაშე ხა̄რ ი ეჩჟი მჷში ჩუ
Line of edition: 4 ხა̄რ, ერე წირდ ხოშა. მჷლხა̈რს დოქა̄ჲ ხონჴრიხ, გიოშა. დოქა ლა̈ხჭუ̂ედდა: -- მა̈ჲ
Line of edition: 5 ესერ ღალ ხათჷმ, საბრალ, ჰა̈ყბა̈̄რს ი თხუ̂იმს ესერ
Line of edition: 6 ნამშიოშ ქა უ̂ედნილდ გარ ხექფი?
Line of edition: 7 -- მა̈ჲ ესერ-(ი) შდიქ ხეზგი, და̈̄ს ესერ მა ხოხახა ამი̄ ჟაგრა̈რ?
Line of edition: 8 ეჯას ესერ იუ̂ალა̈დღი მაჴუ̂მა̈̄რ ხე̄რა ი იმუ̂ა̈̄ჲ იშგუ̂მინნე, ეჯას ლაჰუ̂ედნე. -- დოქად
Line of edition: 9 ხა̈̄ქუ̂:
Line of edition: 10 -- მიჩ ესერ ხოხალ, მარე დო̄უ̂ ესერ მო̄დ ჩუ̂ემინ, ადო შიშდ
Line of edition: 11 ესერ კა̈ლთი ლო̄ბა̈̄რშა̄ლ ხოქუ̂ცე შდიქი მა̈ზიგს.
Line of edition: 12 -- ჰა̄ა̄ იმჟ'ე̄სერ ღალ დომ იჩო, სური̄, მა̈დილუ ხე̄რა, ი ქა̄უ̂ ხა̈̄ქუ̂!
Line of edition: 13 -- ჲაღუ̂' ე̄სერ ჩიაუ̂ მეშხე ლესუ̂ ჯუა, ეჩი̄ კ###ა̈ კა̈ცხჷლდ ესერ
Line of edition: 14 ჟი̄უ̂ ესდე მა̈ზგა̈̄რ შღჷქჟი̄ნ ი ქ' ე̄სერ ხაჟგენი.
Line of edition: 15 -- ჰა̄, მიჩა̄უ̂ მა̈ზიგ ლახჴედა, ლა̈̄შხ ესერ ხორი აშხუ̂ მეზგა მეშხე
Line of edition: 16 ჯუა, ეჩხა̄უ̂ ესერ ადრინე ი ნოთა̄უ̂ მო̄დ ათმა̈დუ̂ნეხ ეჩი̄ კ###ა̈ კა̈ცხ. Line of edition: 17 მჷლხა̈რ აჩა̈დხ ესნა̈რ სერ შუკუ̂ს ლაცუ̂ნა̄ლოშ ი მუჩო̄ლირ ლეჟ'
Line of edition: 18 ა̈̄მჩედ ლა̈̄შხთე. Line of edition: 19 (ლენჯერი) Добавлено (2006-12-05, 6:03 Pm)
---------------------------------------------
Part No. 61 Text: 61
Page of edition: 55
Line of edition: 20
61. ლაგცია̈ნ მჷჲცერ Line of edition: 21 ალექსანდრე ჩა̈რკუ̂ია̄ნა̈შ მჷჲცერ ლი. მეჩი ლიზ მასა̈რდ ი ეჩჟი
Line of edition: 22 ლაგცია̈ნ, ერე ლჷდგა̈რსი ლი̄ცუ̂ს ოხთხიფე. ქა იმთუ̂ა̈̄ჲ ღჷრი, ლამფხანგ
Line of edition: 23 მა̈გ ეშ იმკახე ეჩი̄ცახა̈ნ ლიზელა̈̄ლს. Line of edition: 24 ალექსანდრეს ღალ ეშხუ მახე ღუ̂ა̈ჟ ლა̈შია̄ლისგ' ა̄თდაგან ი ლუჯუ̈ჯდ
Line of edition: 25 ოთთუ̂ა̈ფ. ეჯ ზაუ̂ისგა მე̄რმე მახე ღუ̂ა̈ჟ ა̈გის ათდაგან. მ' ე̄ჩქას
Line of edition: 26 ფა̈რი ბაპ ხუ̂ა̈სუ̂. ჰეცრი ბაპ ქორს მა̄მ არდა ი მიშგუ̂ათ' ა̄ნჴა̈დხ, მა̈̄ქუ̂ხ
Line of edition: 27 ერე "ტაბა̈გ ესერ ხა̄რხ ლეჯგრი". მი ლეჟ' ო̄დერ ჰეცერთე, ალექსანდრე̄
Line of edition: 28 ქორთე. მასა̈რდ მიჟინდა ამგუ̂ა̈რ გეზლი̄რე ლითუ̂ეფ ი ტაბა̈გ
Line of edition: 29 ჩოთოჯგრ. ეჩქას ჯა̄-ჲ მიჩა ხეხუ̂ მასა̈რდ იგუ̂ა̈ნდახ ი ჩი̄ ნიჟინდა,
Line of edition: 30 ერხი ხუ̂იგუ̂ა̈ნდად. ალას ლახ ლანთირ ალექსანდრედ, ეჩქას ქჷმრა̈რ
Line of edition: 31 ჰა̈ყბა̈̄რჩუ̄ნ ახჭიმდ' ე̄ჩჟი̄ნ, ეჩჟი ლილგაცა̈̄ლ ქა̄დსყ' ე̄რე მა̈გ ლა̄ცუ̂ს
Line of edition: 32 ქჷმრა̈რს ხუ̂იკუ̂ცა̈̄ნდად. ეჩქანღო ლა̈ჲბინე ლილგაცა̈̄ლ ი ეჯ ლე̄თ ჯა
Line of edition: 33 იგუ̂ა̈ნდა, ეჩჟი̄ნ მა̈გ ლა̄ცუ̂ს ჟი უ̂ეთ ანხუ̂იტ. მი ა̈გითე ლი̄ზი მეკუ̂ა̈დ
Line of edition: 34 ეჯ ლე̄თ, მარე ემბა̈ც ი დე̄მჟი̄ნ ამფიშუ̂დ ა̈გითე. Line of edition: 35 ეჩქანღო ლა̈ჲბინე ლი̄მბუ̂ი მიჩა ნალგაცა̄ლუ̂რეშ. მა̈გ მა̄მ იგნიხ
Line of edition: 36 ამხა̄უ̂თე̄სგა, მარე ერხის ეში̄ ჟი ხუ̂ა̈გნე. Page of edition: 56
Line of edition: 1 აშხუ̂ჟი̄ნ ესნა̈რ ალექსანდრე ი ჰეცრა̈რ ანღრიხ ქუთა̈̄შხა̈ნ ლუფხუ̂ს
Line of edition: 2 ა̈გითე. ჩო̄ლირდ ლეჟ' ა̄ნჴა̈დხ, ეჩქას აშხუ̂ მეზგე̄მი ყო̄რჟი მჷჰი ჰებს
Line of edition: 3 ახა̄სდხ. ამი̄ ჩუქუ̂ა̄ნ ზურა̄ლ სგურ. ალექსანდრედ ხა̈̄ქუ̂: "სამ შაურს
Line of edition: 4 ესერ ხაჰუ̂დი, ჟი̄უ̂ აფიშუ̂დ ალ ჰებთეჟი̄ნ ი ჟი̄უ̂ ესბიზე ჯა გარ". ზურა̄ლ
Line of edition: 5 ყაბულს ოხჴა̈დ, სამ შაურს ქა̈̄ხბი̄შდ ი ალექსანდრე ჟ'აფუ̈შდ
Line of edition: 6 ჰებთეჟი̄ნ. ალექსანდრე ჩიქე ჯ' ე̄სბიზა̈̄ნ, ღო ბაშლჷყ, კალთა̈̄რ ი
Line of edition: 7 ჴუ̂ენჟა̈̄რ მა̈გ ჟ'ა̈ნგუ̂ა̈შლე. ჩუქუ̂ა̄ნთე ლიჴედ ლა̈ჲბინე, ეჩქას ლა̈ჲშგუ̂ინ
Line of edition: 8 ხანჯა̈რ ი ჰებს ლიკჷრცხე ლოხუ̂ბინე, ჩუქუ̂ა̄ნჟი ზურა̄ლდ ხა̈̄ქუ̂: -- იმ ესერ
Line of edition: 9 იჩომ?
Line of edition: 10 -- იმ ესერ-ი სამ შაურღა ჰებ ჩოთყიდა მიჩ, ათხ' ე̄სერ ქა დეშ
Line of edition: 11 ოხუ̂ხორა მა̈გ ი ჩუ̂ ე̄სერ აკჷრცხე. Line of edition: 12 ზურა̄ლდ ლახტუ̂ი̄ლ: -- მა̈დილუ ხე̄რა, მიჩა სემი შაურ მიჩნე̄მუ ადჲე
Line of edition: 13 ი ჰებ ნომა̄უ̂ ოხკჷრცხე. Line of edition: 14 ალექსანდრე ჩუ̂ანჴა̈დ, სამ შაურს ქა̈̄ხბი̄შდ ზურა̄ლს ი ალამა̈გ
Line of edition: 15 ჰები ჩუ ხა̄დ. Line of edition: 16 (ლენჯერი) Добавлено (2006-12-05, 6:04 Pm)
---------------------------------------------
Part No. 62 Text: 62
Page of edition: 56
Line of edition: 17
62. ლინგზა̄რა̈უ̂ ქუთა̈̄შხა̈ნ ა̈გითე Line of edition: 18 იასონ მჷლჷნჯე̄რ ლიზ. შუკუ̂ჟი̄ნ ი ჩია̄გ მასა̈რდ ლამარგ ლა̈სუ̂
Line of edition: 19 მიჩა ლიმხეღუ̂აჟჟი̄ნ, ღო გუნ ლაგცია̈ნ ლი Line of edition: 20 აშხუ̂ ლადა̈ღ ლელტხაქ' ა̄ნღრიხ. შუკუ̂ისგა გუნ ლუგუ̂ა̈რ ღუ̂ელჲა̄ქ
Line of edition: 21 ა̈რ' ე̄სნა̈რ. ხაფხეჭ სგა იასონდ, ალ ღუ̂ელჲა̄ქ ჩუ̂ა̈ზიჰ ი ლჷლა̈̄ბ ჩა̄ჟუ̂
Line of edition: 22 ჟიქა̄ნქ' ე̄სდე, ჟიქა̄ნ ღა̈რთ ათქუ̂ე. ანღრიხ ამჟი̄ნ. ლახხუ̂ი̄დდახ ლელტხა̈̄ლ,
Line of edition: 23 ხეწა̈დხ ამის-ა, ლა̄ბა̈რ ჟიქა̄ნქა მეჰე̄მბრინა̈̄ლს, ი ლა̈ხჭუ̂ედდახ:
Line of edition: 24 -- მა̈ჲ ესერ ლ' ა̄ლა̄? Line of edition: 25 იასონდ ესუ̂ცა̈̄დ: -- ალ' ე̄სერ ქუთა̈̄შხა̈ნ უჩენიკ ახყახ ლეგმერდე
Line of edition: 26 ი ეჯ' ე̄სერ ესყახ. Line of edition: 27 ათხე ლელტხა̈̄ ზურალა̈̄რს სგა ლი̄ზი ხაკუხ ი ჟი ლიწუ̂ე̄ნე, მარე
Line of edition: 28 იასონდ ხა̈̄ქუ̂: -- უ̄, მა̈დილუ ხე̄რახ, ათხ' ესერ გარ ალუ̄ჟნე̄ლი ი ჟი ნომა̄უ̂
Line of edition: 29 ანჲა̈ცხუ̂ნეხ, ადო ეჩქანღუ̂' ე̄სერ ჩუ მა̄მ ქუ̂იცე ლიგუ̂ნის. Line of edition: 30 ამჟი̄ნ ანჴიდხ ალ ღუ̂ელჲა̄ქ ი ეჯ ლე̄თ ჟ'ა̈ნჯა̈ბხ. Line of edition: 31 (ლენჯერი) Добавлено (2006-12-05, 6:05 Pm)
---------------------------------------------
Part No. 63 Text: 63
Page of edition: 56
Line of edition: 32
63. ში̄რა̈̄ ლიყჰა̈̄ლ Line of edition: 33 აშხუ̂ჟი̄ნ ესნა̈რ მჷლტეხს ლექუ̂ე̄რდ ხო̄ზ. ლექუ̂ე̄რ ხოჩა̄მდ სიპ. ალა
Line of edition: 34 მჷლტეხს ათხი̄დჷნ მასა̈რდ, ლოხუ̂ბინე ლიმზიგიე̄ლ ში̄რას -- "ო̄ ისგუ̄ქუ̂
Line of edition: 35 მა̈ზიგ ლოგოჴედა, ქუ̂ინი, მა̈ ხოჩა̄მდ ხაგუ̂ეჰი, ჭირა!" ი ქა ლა̈ჰყახა̈̄ნ
Page of edition: 57 Line of edition: 1 მჷსიპ ში̄რას. ში̄რად პილა̈რ ქა̄თჭკუ̂ერ. მჷლტეხ ჟ'ა̈ნხირნა̈̄ნ ი იშდუ̂
Line of edition: 2 ხაძგერ ში̄რას ი ფოყ ქა̈̄თგა̈ბ. ათხე ესფხიჭე ჟი ხოშა̄მ ბერჟა̈ შგუ̂აბს
Line of edition: 3 ი ში̄რა ყა̈ლდ ადგენე. ლექუ̂ე̄რი ჩუ̂ადდა̄უ̂შე, ფოყი ქა̈̄დგიბ ი პილა̈რი
Line of edition: 4 ქალჷჭკუ̂ერ ადჲე ა̈გითე. Line of edition: 5 (ლენჯერი) Добавлено (2006-12-05, 6:05 Pm)
---------------------------------------------
Part No. 64 Text: 64
Page of edition: 57
Line of edition: 6
64. მუშუ̂ა̈ნ ი კუ̂ა̈̄ში Line of edition: 7 ეშხუ მუშუ̂ა̈ნ ლახმუშგუ̂რე̄ნა ლელტხას მეზგა, ზურა̄ლ ესხუ̂იე̄ნა
Line of edition: 8 ეჩეჩუ. ლეზუ̂ებ ოხჴი̄და: ლუქუ̂ე̄ლე კუ̂ა̈̄ში ი ლობიო. ზურა̄ლ ლა̈ხჭუ̂ედდა:
Line of edition: 9 -- ქინი, უ̂ოშა ხიშდ სგაჲ ლახუ̂ება?
Line of edition: 10 -- ნა̈ჲ, ხიად, სემი ხუ̂იშდ, მარე ამუნღო ჲორი გარ ი̄რახ! Line of edition: 11 იმღა, ქინი?
Line of edition: 12 -- მი ალა მა̈ყმე, ა, კუ̂ა̈̄ში ი ლობიო, ი ეჯღა ჲორი გარ ა̈სდენიხ
Line of edition: 13 ლახუ̂ბა. Line of edition: 14 (მესტია) Добавлено (2006-12-05, 6:06 Pm)
---------------------------------------------
Part No. 65 Text: 65
Page of edition: 57
Line of edition: 15
65. ალექსი გიცრი ლიჴჩა̈უ̂ი Line of edition: 16 კუმში დოხტურდ ტერმომეტრ ლახგე უ̂ეშგიმისგა გიცა̈რს. (ეჯას)
Line of edition: 17 დუმა̈ჲ ხა̈დ. ეჯა ჩოთჩა̈დ დოხტურს ი სგა ხოჲა̈ხ(დუმა̈ჲ), ეჩქა ტერმომეტრ
Line of edition: 18 სგა̄ჩა̈დ, ქა დეშ ა̈ნტიხხ. დოხტურ ტერმომეტრს ხეშგომდა
Line of edition: 19 ალექსის, ალექსის ამხაუ̂ ხალო̄ნდა გუ̂ეშ: იმხა̈ნ ოხტიხა ტერმომეტრს,
Line of edition: 20 ეჯა ჴადუ̈სგა ხორდა გიცა̈რს. დოხტურდ გიცრი ლიძჰენი ხაშგუ̂მინ,
Line of edition: 21 ალექსი იწჰა̄ლდა ჴერჴშუ̂. ეჩუნღო თანახმას ოხჴა̈დ ი ჩუ̂ა̈ძიჰ: ფა̈სი
Line of edition: 22 ქა̄ხკიდ ი ლეღუ̂ი მიჩ ხა̄დ. ტერმომეტრ ჟ'ა̈ხგუ̂ა̈ბხ ჰა̈დუ̈რ ი ქა ლახუ̂ე̄მხ
Line of edition: 23 დოხტურს. დოხტურდ მაჴუ̂ა̄მ ხა̈̄ქუ̂ ალექსის, ეჯზუმ ხაწხჷნ ტერმომეტრ.
Line of edition: 24 ხოშა̄დი მაჴუ̂მა̈̄რ ალექსი ასა̈დ, ეჯღა ერე გიცა̈რ ეში̄ ჩუ იდგარო̄ლ,
Line of edition: 25 ლჷქა̈ჩ ლა̈სუ̂, მარე ქა მა̄მ ლა̈ჲთენე ი აჯაღ ეჩხაუ̂ ხა̈მდუნა
Line of edition: 26 დოხტურს. Line of edition: 27 (მულახი) Page of edition: 85
Line of edition: 1
კალური |
| |
| | |
|
Мужчина |
Date: Понедельник, 2006-12-11, 6:38 PM | Message # 13 |
|
Group: Проверенные
Posts: 352
Status:Offline
Дата регистрации:
2006-09-07 |
Part No. 66 Text: 73
Page of edition: 85
Line of edition: 2
73. სულასახა̈რ Line of edition: 3 ლϩმზϩრე̄უ̂ ხი ი ა̈რი ეშხუ ხელწიფ ი სემი გეზალ ხაყა. ოხჴა̈დ
Line of edition: 4 ალას, ალ ხელწიფს, დრ"ჲ, ერე იქუ̄ნაუ̂ა̄̈ლ. ა̈დჰერ მიჩა ხოხუ̂რა
Line of edition: 5 გეზალ, ხე̄ქუ̂, ერე "მიჩ ესერ ხუღუ̂ე ეშხუ კოლეფ. უ̂ოდე ხოლა
Line of edition: 6 გაჭირება დო ა̈ჯჴეს, ეჩქად ალა ჩუ ნო̄სა ათკარა, ი ეჩქა ჩუ̂ათკა̈რი
Line of edition: 7 ი ეჩქა ჟ'ა̈ხმეჴრი, მა̄̈ჲ ი̄რა, მა̄̈ჲ ხეჲმედი". ათხე ხელწიფ ჩუ̂აშდუ̂იღუ̂ხ,
Line of edition: 8 იმუ̂ა̄̈ჲჟი ხელწიფს ხეკუთნო̄ლ ი ხოჩა̄მ გეზლი̄რე პატრონს. Line of edition: 9 აჩა̈დ ხა̈ნ ი ანკუ̂ა̈ჰ, ერე "იმუ̂ა̄ლე ესერ ა̈რი სულასახა̈რ. ეჩას
Line of edition: 10 ესერ ერუ̂ა̄̈ჲ სამ მეწუ̂მ ამბა̈უ̂ს ქა ახა̄̈ქუ̂ინი, ეჩას ესერ ხონჴრი ხეხუ̂დო̈. Line of edition: 11 ა̈ნმა̄რა̄̈ნ ხოშა მუხუ̂ბე ი ეშდჲერუ ლϩჩა̄̈ჟ ლა̈ჲჴერნე ი ეშდჲერუ
Line of edition: 12 ლϩქუ̂ეით ი აჩა̈დ, სულასახა̈რი ყო̄რთეჟი აჩა̈დ. ი ალას [ქორს] ხა̄რ
Line of edition: 13 ეშდჲერუ ყო̄რ ი ეშდჲერუ ყა̈რუ̈ლ ხა̄გ. აჩა̈დ ი დემხა̈ნ ანტა̈ხ. ათხე
Line of edition: 14 ა̈ნმა̄რა̄̈ნ ნე̄სგა̄̈ მუხუ̂ბე, ეშდჲერუ ლϩჩა̄̈ჟ ი ეშდჲერუ ლϩქუ̂ეით ამნემ ლა̈ჲჴერნე. Line of edition: 15 აჩად ალაი, ამი̄ ყო̄რთეჟი ა̈თჴა̈დϩნ, ლა̈ხჭუ̂ედდა სგა ლიფშუ̂დეს.
Line of edition: 16 -- ო, სგა ხუ̂ა̈ჲ მეჩედ, მარე ქა და̄̈რ მეტხე̄ლი! Line of edition: 17 აჩა̈დ ალა ი დემხა̈ნ ანტა̈ხ. ათხე აჩა̈დ ხა̈ნ ი ა̈ნმა̄რა̄̈ნ ხოხუ̂რა
Line of edition: 18 მუხუ̂ბე, სემი ლϩჩა̄̈ჟ ი სემი ლϩქუ̂ეით ამნემ ლა̈ჲჴერნე. აჩა̈დ ამი̄ ყო̄რთეჟი,
Line of edition: 19 ლა̈ხჭუ̂ედდა ყა̈რუ̈ლს: -- ალ ყო̄რს ლი̄ზი მაკუ მი!
Line of edition: 20 -- ო, ხოჩა ამსუ̂ა̄ლდ, ალ ყო̄რს სგა ხუ̂ა̈ჲ მეჩდე̄ლი, მარე ქა და̄̈რ
Line of edition: 21 მეტხე̄ლი!
Line of edition: 22 -- ო, ეშ მი [ი] მა̄მა მა̄̈ზნუნი, მარე ნაუ̄ზი მა̄მა მა̄რ. ა̈ნტუ̂ხენი,
Line of edition: 23 ჰა დომ ა̈ნტუ̂ხენი, მიშგუ̂აუ̂ ეშხუ ლი! Line of edition: 24 სგა̄ჩა̈დ. ალას ეშდჲერუ ყო̄რ ხა̄რ, ეშდჲერუ ყა̈რუ̈ლ ხა̄გ. სგა̄̈პილს
Line of edition: 25 უ̂ოთა̈ხისგა ჩუ̂აყუ̂რე სულასახა̈რ უ̂ოქუ̂რა̈ ტა̈ხდისგა. ჲეშდჲერუ
Line of edition: 26 ნანუ̄ლ სგა ხასგურ ეჩხა̈ნ-ამხა̈ნ ი აჰო̄̈ნიხ. ამეჩუ სტოლ ლϩგ. სგა ლახსგურდა
Line of edition: 27 ამის ხელწიფი გეზალ, ჟ'ა̈ნკიდ ალა, კოლეფ, ჯიბხა̈ნჟი,
Line of edition: 28 მიჩა მუე ნა̈ცუ̂ირ: "ამϩნ ხოშა გაჭირება შომა ა̈მჴედნი? "ჩუ̂ადკარე
Line of edition: 29 ალ კოლეფ ი ამეჩუ სტოლ ესϩ̄გა̈ნ ეჯჟი, ერე ხელწიფს მა̄̈ჲ ხეკუთნი,
Line of edition: 30 ალა მა̈გ სტოლჟი ჩუ ა̈რი. თხუმისგა სანთელ ა̈ნტუ̂არა̄̈ნ, ჰოკერ Добавлено (2006-12-11, 6:32 Pm)
---------------------------------------------
უ̂ისგუ̂ ლახა̄გა̄̈ნ სტოლჟი ი ამნემ ლიმღუ̂ა̈ე ა̈დბინე ი ქა̄̈ნშენე. ათხე
Line of edition: 32 რა̄̈ქუ̂ სანთელდ, ერე "ლი̄მბუ̂ა̄̈ლუ ესერ ა̈დბინე! -- უ̂ისგუ̂ს ხა̄̈ქუ̂. უ̂ისგუ̂დ
Line of edition: 33 რა̄̈ქუ̂, ერე "ხელწიფი გეზალდუ ესერ ა̈დბინე ლი̄მბუ̂ა̄̈ლ!" ხელწიფი
Line of edition: 34 გეზალდ რა̄̈ქუ̂, ერე "მა̈ჲ ესერ მიჩა ლი̄მბუ̂ა̄̈ლ ირა ი სამთელდუ ესერ
Line of edition: 35 ა̈დბინე ლი̄მბუ̂ა̄̈ლ!"
Line of edition: 36 -- ხიად, ხოჩა სულასახა̈რ ი ხელწიფი გეზალ! ეშხუ შუკუ̂ს ესერ
Line of edition: 37 ელმა̄̈ზლიხ ბერ, დურგა̈ლ ი ხარა̈ზ, ჯუ̂ე̄დია შუკუ̂ს ესერ ელმა̄̈ზხ ი
Page of edition: 86 Line of edition: 1 შუკუ̂ჟი ჩუ̂ათბურე̄ნახ. ნა̈დირდ ესერ ხაყლუ̄̈ნნახ ი მა̈გ აშხუ̂ჟი ლიუ̂ჟეს
Line of edition: 2 დეშ ათმუნდე̄ნახ ი ლიყრულ ესერ ოხსყახ, ერე ეშხუ-ეშხუ მეჲცხად
Line of edition: 3 ლϩმϩრდე̄ლა̈სუ̂ხ. ჩინ მა̄̈ნკუ̂ი ლიყრულ ესერ ათხუ̂იე̄ნა დურგა̈ლს
Line of edition: 4 ი ეჩის ესერ ოხტა̄ბა ხელწიფი ნახა̈ზ. ალა ჟი ლახჭიდ მეგა̈მს ი ათხე
Line of edition: 5 ჟ'ანჲა̈ცხუ̂ნე ხარა̈ზ ი ჯაჲ ჩუ̂ადყურდა. ათხე ლახსინჯუ̂ე ხარა̈ზდ ი
Line of edition: 6 ტიტუ̂ელ ხელწიფს ხეწა̈დ ამეჩუ, ათსაკუ̂რელϩნ: "იმხა̈ნ ესერ ა̈ნჴდენ
Line of edition: 7 ტიტუ̂ელ ხელწიფ ამეჩუ?!" ათხე ჟ'ა̈ნწუ̂ე̄ნე ი გუდ აჴა̈დ, ერე ალა
Line of edition: 8 დურგა̈ლდ ანტა̄ბე მიჩა ლაუ̂ჟაისგა. "ჲაღო, მა̈ჲ ღენ ამის ესერ ამზუმ
Line of edition: 9 მიჩა ლაუ̂ჟაისგა ჟ'ოხუ̂სყა", ლახა̄დ ალა, ხარა̈ზ, ი ხელწიფ ჟ'ანრექუ̂ე,
Line of edition: 10 იმუ̂ა̄̈ჲჟი ხელწიფ ლი, ეჩჟი̄ნ, ი ალა დე̄სამა ათკუ̂ა̈დუ̂ნე ქა ი
Line of edition: 11 ჩუ̂ესგენე ამეჩუ ხელწიფშა̄ლ. ათხე ალა ჩუ̂ადყურდა ი ჟ'ანჲა̈ცხუ̂ნე
Line of edition: 12 ბერ. ჟ'ანჲა̈ცხ ბერ ი ლახსინჯუ̂ე: ამეჩუ ჩუ ლϩგ ხელწიფ ი თხუ̂იმ
Line of edition: 13 ესნიკუ̂. ალა იმ ლახტიხ-აм, ხელწიფი სურა̈თ? ათხე გუდ აჴა̈დ, ერე
Line of edition: 14 ალა მიჩა აფხნეგა̈რდ ანსყეხ. "მა̈ჲ ღენ ესერ ალჲა̈რს ამზუმ ჩუ ხა̈ჲმედახ,
Line of edition: 15 ერე მიჩა ლაუ̂ჟაისგა ალამა̈გ ჟ'ოხუ̂სყახ" ა̈დრეკ (დეიკიდა)
Line of edition: 16 უ̂ოლა̈რ ი ა̈თჴϩ̄რა̄̈ნ ღე̄რბათუ̂, ერე "ჰემა ჯა ლერდუ̂ნე ჩუ ხა̄̈ც ი ღერთა̈
Line of edition: 17 ლიჴϩ̄რა̄̈ლ სა̈ჭირო ლესუ̂, ღო ალას ქუ̂ინუ ოხგენე!" სგა ხა̄გ ალა
Line of edition: 18 ლოცს, ჩუჲ ა̈დრϩჰა̄̈ნ ი ქუ̂ინი ოხო̄გა̄̈ნ ალას ი მაჩე̄ნე ხელწიფ ესა
Line of edition: 19 ა̈რი, ამთა̄ნ ხელწიფ ლი. -- ხიად, ხოჩა სულასახა̈რ ი ხელწიფი გეზალ,
Line of edition: 20 ათხე ეჯჲა̈რს ხა̄რხ საჩიუ̂რობ: ბერს მიჩა̈შდ ხაკუ ხელწიფ, დურგა̈ლს
Line of edition: 21 მიჩა̈შდ ხაკა̈ფ ი ხარა̈ზს მიჩა̈შდ ხაკა̈ფ. ათხე ათცხირედ სგა̈ჲ,
Line of edition: 22 ერე ჲა̈ს ხეკუთნი ეჯა, ხელწიფ? Line of edition: 23 ქა̄̈ნსიპა̄̈ნ (\\ ანსიპდა) სტოლთე: -- ოხუ̂ა̄̈ქუ̂ინე̄ნხ ესერ ეშხუ̂ი მეწუ̂მ
Line of edition: 24 ამბა̈უ̂ მიჩა̈შდ! მართა̈ლ გუ̂ეშ ლი, ერე დურგა̈ლს ხოჩა ლიმა̄რ ხოჩუ̂მინა,
Line of edition: 25 ერე ამϩნ ხოჩა ნაუ̂სტა̈ტი მამ ხაკუ, ხარა̈ზი ეზა̈რ ლϩმა̄̈რ, ერე
Line of edition: 26 ამϩნ ხოჩა ხელობ ამსუ̂ა̄ლდა̈შ მა̄მა ისყი, მარე ჲედე დურგა̈ლი ნატა̄ბ
Line of edition: 27 მა̈ჲ ირო̄ლ, ჲედე ხარა̈ზი ნარა̈ქუ̂ მა̈ჲ ირო̄ლ, ჰა̄უ̂ე ბერს ქუ̂ინ მო̈დ
Line of edition: 28 ოხგენა̄̈ნ ი ღე̄რბათუ̂ მო̄დ ათჴϩ̄რა̄̈ნ?! ხელწიფი სურა̈თ ხუ̂ა̈ჲ ა̈რი,
Line of edition: 29 ეში̄ ჰაუ̂ ბერ მო̄დე, ეში̄ სურა̈თ ირო̄ლ. ეჯა-ი-ეჯა ხეკუთნი ბერს!
Line of edition: 30 -- ხოჩა სულასახა̈რ ი ხელწიფი გეზალ! ეშხუ ხეხუ̂-ჭა̈შ ესღϩრდახ Добавлено (2006-12-11, 6:32 Pm)
---------------------------------------------
შუკუ̂ს ი ჯუ̂ე̄დია შუკუ̂ჟი ლეზიზ ოთშდა̈ხხ ი ჭა̈შ ლეზუ̂ებ-ლათხე̄ლთე
Line of edition: 32 აჩა̈დ ი ხეხუ̂ ჩუ̂აცუ̂ირ ბოგა̈ კურდა̈ნჟი. ამელექუ̂ა ანჴა̈დ დი̄კუ̂ენ ი
Line of edition: 33 ზურა̄ლს გა̈ნთე ლინჴრი ლახკაფნე. ალა ამნე̄მ მა̄დ ჩუ̂ემინ ი ანჴა̈დ
Line of edition: 34 დი̄კუ̂ენ ი თხუ̂იმ ჟ'ახქუ̂იც. ათხე ანჴა̈დ ალა, მიჩა ჭა̈შ, ი ხეხუ̂ ლϩდგა̈რ
Line of edition: 35 ესხუ̂ი̄დ. ჟ'ესფხიჭე ალას-ა, თხუ̂იმს, ა̈თჴϩ̄რა̄̈ნ ღე̄რბათუ̂ ი სგა ლახტიხ
Line of edition: 36 თხუ̂იმ ი ალა სგა ლა̈ხჭარა̄̈ნ ი ჟ'ა̈ნსე̄ლუ̂ა̄̈ნ, მარე ნიჩუ̂ შიყთე
Line of edition: 37 ხეყა̈რ ი კინჩხ ჴა̈დთე. -- ხიად, ხოჩა სულასახა̈რ ი ხელწიფი გეზალ,
Line of edition: 38 ათხე ხა̄რხ საჩიუ̂რობ: ნიჩუ̂ს მიჩა̈შდ ხაკა̈ფ ჭა̈შ ი ჴა̈დს მიჩა̈შდ. ხიად
Line of edition: 39 სულასახა̈რ ი ხელწიფი გეზალ, ათხე ლი ლემწუ̂მე. Page of edition: 87
Line of edition: 1 -- ა̈ჯი̄ქუ̂ინე̄ნხ მე̄რმე მეწუ̂მ ამბა̈უ̂! მართა̈ლ გუ̂ეშ ლი, ერე ნიჩუ̂
Line of edition: 2 ეზერ ლი (ნიჩურ მა̄მა ხაყა ამსუ̂ა̄ლდს), მარე უ̂ეშგიმპილდ ჭა̈შ ეში̄
Line of edition: 3 ჴა̈დს ხეკუთნი! -- ი ჟ'ანსგურდა ლასგუ̂რათეჟი.
Line of edition: 4 -- ათხე, ხოჩა სულასახა̈რ ი ხელწიფი გეზალ, -- რა̄̈ქუ̂ უ̂ისგუ̂დ, -- ეშხუ
Line of edition: 5 კე̄სა̈რს ხეყა̄̈დ გეზალ ი ლაქუ̄ნაუ̂ა̄ლს ლა̈ხწოდა̄̈ნ. ადზϩზეხ შიკრიკ
Line of edition: 6 მეთერე. მეთერდ ხა̄̈ქუ̂, ერე "ალ-ი-ალ დოხტური ჟაგა̈რს ესერ
Line of edition: 7 ლახე ჟ'ესჰი̄ნეხ, ეჩქა ესერ მა̄მა იდგა̈რი!" აჩა̈დ ალა დოხტურთე ი
Line of edition: 8 დოხტურდ ჟაგა̈რ ლახუ̂ე̄მ. ა̈დბინე ლი̄ზი ი ესღრი.... კე̄სრი გეზალ
Line of edition: 9 ჩუ̂ალდაგა̈რლი ი ლაშდუ̈ღუ̂თე ქა ლϩჲე (\\ ქა ლϩე) ხა̄რხ ი ბაპს ლა̄̈ხი̄რთეჟი
Line of edition: 10 უ̂ერ ჟი მეკდე ხა̄რ, საფლა̈უ̂თეჲსგა სგა ლϩგე ხა̄რხ კუბ ი ამ
Line of edition: 11 დრ"უ̂ს ანჴა̈დ ალა, შიკრიკ, ჟ'ესშიდ ჟაგა̈რ საფლა̈უ̂თეჲსგა ი კე̄სრი
Line of edition: 12 გეზალ ჟ'ა̈ნსე̄ლუ̂ა̄̈ნ. -- ხიად, სულასახა̈რ ი ხელწიფი გეზალ, ათხე ხა̄რხ
Line of edition: 13 საჩიუ̂რობ: დოხტურს მიჩა ნასა̄̈ლუ̂ ხაბჟა ი მეთერს მიჩა ნასა̄̈ლუ̂ ი
Line of edition: 14 შიკრიკს მიჩა ნასა̄̈ლუ̂ ხაბჟა. ხიად, სულასახა̈რ ი ხელწიფი გეზალ,
Line of edition: 15 ათხე ჲა̈ს ხეკუთნი კე̄სრი გეზლა̈ ლისე̄ლუ̂ე?
Line of edition: 16 -- ა̈ჯი̄ქუ̂ინე̄ნხ მესმა̄მდ მიშგუ̂აუ̂ მეწუ̂მ ამბა̈უ̂, ი ეჯა მეთერი ნათა̈რუ̂
Line of edition: 17 ეზერ ლი, დოხტური ჟაგა̈რი ეზერ ლი, ერე ამϩნ ხოჩა მა̄მ
Line of edition: 18 ხაკუ სერ, მარე ჰა̄უ̂ე მეზელა̄̈ლ მა̄რე მო̄დე, ეჯურ ჲედე მეთერი ნათა̈რუ̂
Line of edition: 19 მა̈ჲ ირო̄ლ, ჲედე დოხტური ჟაგა̈რ იმ იჩოდა? ჰა̄უ̂ე მეზელა̄̈ლ
Line of edition: 20 მა̄რა ჟაგა̈რ ჟი მომ ესჰა̄̈ნ, ეჩქა ლუშდუ̂იღუნღო ჟაგა̈რ იმ ლა̈ხშედენ,
Line of edition: 21 ჲედე მეთერი ნათა̈რუ̂ მა̈ჲ ირო̄ლ? ეჯა ხეკუთნი მიშგუ̂ა კალონშუ̂ მეზელა̄̈ლ Добавлено (2006-12-11, 6:33 Pm)
---------------------------------------------
მა̄რა, ჲერუ̂ა̄̈ჲ[დ] ჟ'ანსე̄ლუ̂ე. Line of edition: 23 ათხე სგა ლახსგურდა სტოლს: -- ჲაღო, მი ამჟი მა̄დ ლუ̄ქუ̂, ერე
Line of edition: 24 ჲერუ̂ა̄̈ჲ სამ მეწუ̂მ ამბა̈უ̂ს ქა ამა̄̈ქუ̂ინი̄ს, ხეხუ̂დ ეჩი̄[შ] ხუ̂ი. Line of edition: 25 ათხე ხა̄̈ქუ̂ ხელწიფი გეზალდ, ერე: -- მი ლიჩი̄ჟა̄̈ლ მა̄დეჲ, თხუ̂იმი
Line of edition: 26 მა̈სისგ: მი მა̄რ ლახუ̂ბა ლეთხე̄ლი. ჲეშდჲერუ ლϩჩა̄̈ჟ ი ჲეშდჲერუ
Line of edition: 27 ლϩქუ̂ეით ხოშა̄მ მუხუ̂ბა ხონჴერდა ი ეჯჟი ხოხუ̂რა̄მ მუხუ̂ბა ი ეჯჲა̈რ
Line of edition: 28 მა̈გ ამეჩუ ა̈მქარუ̂ა̄̈ნ[ხ]. Line of edition: 29 ათხე ანმა̄რე ცორუ̂ა̈ლ ამნე̄მ ი ადზϩზე. ამის მე̄რმე ყო̄რ ძუღუ̂ათე
Line of edition: 30 ხა̄რა: ამხაუ̂ ლϩმშიდუ̂ნე̄ლი ხა̈ლხს. ლა̈ჲბინეხ ლიმა̄ჯე ი ლახუ̂ე̄მ
Line of edition: 31 ამნემ პლატუკ, ხა̈ჭმინეხ ალას ლϩდგა̈რს ი ჩი̄ ლϩჲა̈რდ ტიხეხ. უ̂ეშგიმპილს
Line of edition: 32 ალჲა̈რი ა̈ხჩϩ̄დხ, ჲერუ̂ა̄̈ჲს ალა ხეთხა̄̈ლდა. ქუ̂ეყანა̄̈ მა̄რე მა̈გ
Line of edition: 33 ამეჩუ ანჴა̈დ. ათხე ოხდეხ ალას ტუ̂ეტ ი მიჩა ქონებას ი ა̈გითე ანჴა̈დხ.
Line of edition: 34 იმუ̂ა̄̈ჲჟი ხეკუთნი ხელწიფი გეზალს ი მიჩა ცხოუ̂რებას, ამთა̄ნ
Line of edition: 35 დრ"ჲ ხა̄რხ. Line of edition: 36 უ̂ოდ ეჩაუ̂ დო̄სა გუ̂ი̄ზნე̄ნს, ეჩქად ნო̄სამაუ̂ აჯმარცხახ ი ლϩმზϩრე̄უ̂
Line of edition: 37 ხიშდ. Page of edition: 88
Line of edition: 1
იფარული Добавлено (2006-12-11, 6:33 Pm)
---------------------------------------------
Part No. 67 Text: 74
Page of edition: 88
Line of edition: 2
74. მϩშკიდ და̈რჯელა̄ნ Line of edition: 3 ალას კოჯ ხა̈ხლა. ამეისგა ა̈რი მϩკი̄ლი, ჩა̄̈ჟს ფაშა̈ტს ხაკუ̂რუნე,
Line of edition: 4 ზურა̄ლს-ბეფშუ̂ს, დაჴϩლს ნეღა̈შტს, ღოლჲა̄ქს ჟინაღს, ი ამხა̄უ̂ ა̈ნშკა̄დე
Line of edition: 5 ჯა̈ჭუ̂ა̈რ ი ჟ'აჩა̈დ ამხა̄უ̂. ამჩუ ჩუ̂აყუ̂რა და̈ლ. კი̄ლ ა̈ნკიდ ი უ̂ეშგ-უ̂ეშგდ
Line of edition: 6 ლა̄ტა̈ხ: "ეჲ, ჯა მა̄რე, იმϩნ ხაყლუ̄ნი, მიჩ ამსუ̂ა̄ლდა̈ საუდ
Line of edition: 7 ხა̄რ!" ი სგა̄ჩა̈დ ი სგა ლოხყურდა.
Line of edition: 8 -- ეჲ მϩშკიდ და̈რჯელა̄ნ, ეჯა ნო̄სა გუ̂ეყერს, ჰა̄უ̂ე ისგუ ხეხუ̂ Line of edition: 9 ჟ'ანჴა̈დ, ესა, ადო ქა მაჭკუ̂რე ლუსდგუ̂ა̈რს უ̂ოქუ̂რა̈შ! -- ეჯა მა̈ჲ გუ̂ეყრენი, Line of edition: 10 აგის უ̂ენდ ითϩ̄რანა̄̈ლ! Line of edition: 11 ალა სგა ლა̈ხღანუ̂ა̄̈ნ. ალა ჟ'ანჴა̈დ, ამი̄ ხეხუ̂, ქა̄ხჭკუ̂ერ ლუსდგუ̂ა̈რ
Line of edition: 12 ი ჟ'ანϩგა̄̈ნ ჰამს.
Line of edition: 13 -- მϩშკიდ და̈რჯელა̄ნ, აშ დამ ჯაყლა̈ს, ერე ისგუ ხეხუ̂ ჟი ჴედენ.
Line of edition: 14 ლუსდგუ̂ა̈რ ქო̄ხჭკორა. ათხე მერდად მა̄მა მაყა. ჩამუბჴუ̂ ი ჭყინტ
Line of edition: 15 მი̄ზ, ისგუ გეზალ! Line of edition: 16 ათხე ჩუ̂აბიჴუ̂ ამნემ ი ულტუ̂ა ხაბნა̄̈ გუ̂ა̈რა სგა ლახჭუ̂ე̄ნ, ჩუ̂ესდე
Line of edition: 17 სამ ლაჭარ შუკუ̂ისგა. ამელექუ̂ა ანღრიხ ფუსნაბუა̄სდიშ, ჯგϩრა̄̈გ ი მაცხუ̂ა̄̈რ.
Line of edition: 18 ჯგϩრა̄̈გ ხაყლე: "ბეფშუ̂ი ძღϩ̄ლ მესმი", მაცხუ̂ა̄̈რ ხაყლე: "მიი
Line of edition: 19 მესმი, მარე გუშგუ̂ეჲ ფუსდცახა̈ნ დეშ ლიკუ̂შედ!" ჩუ̂ანჴა̈დხ ალჲა̈რ,
Line of edition: 20 ჟ'ა̈თლაკხ ალას. ა̈ნწუ̂ე̄ნეხ ალა. "ალა მირ გუშგუ̂ეჲ ნა̈ყუ̂ილ ლი".
Line of edition: 21 ჟ'ა̈ნკიდხ ალა ი ჩუ̂ადჲეხ ამანი ნიცთეჩუ, ჟ'ანპრისდეხ, ჟახად ათჟა̈ხხ
Line of edition: 22 ა̈მირან ი ხა̄̈ქუ̂ინხ უშხუ̂ა̄რ: "ჩი̄მი მენწირუ ლი [უ̂ოდ ისგთექა
Line of edition: 23 დო ანჴეს ი] ეჩქა კოჯა̈ ბედიშუ ლი!" ალა მა̄დ ჩუ̂ემინ მიჩა მახუ̂შიდ.
Line of edition: 24 ეჩქა მიჩა მახუ̂შიდ ლა̄̈ქუ̂: "ჩი̄მი მენწირუ ლი, უ̂ოდ სემი ქრისდე̄
Line of edition: 25 თა̄̈სდო̈ბ ჩუ დო აკუშას... ეჩქა ქაჯაუ̂ე̄თი ყო̄რისგა მე̄ზიუ̂ ლი!" Line of edition: 26 ათხე ჩუ̂აცუ̂ირხ ალა ამეჩუ ი ანჴიდხ ამანი უ̂ა̈ზრა̈ლდ ჩა̄̈ჟ ლათუ̂ნათე
Line of edition: 27 ი ათხე ჟ'ოთჩა̈დ ნეფხუ̂ნა̄̈ლჟი ალა, მა̄დ ხაყერ ლათრა ი ჟ'აჩა̈დხ
Line of edition: 28 ათხე ამანიშთე, ამანს ხა̄̈ქუ̂ინხ: -- ე, ამან, ეჯკა̈ლი მირ ა̈რი, ერე ჩა̄̈ჟს
Line of edition: 29 ნიცს, ლათრას, დე̄მა ხა̈მბე!
Line of edition: 30 -- ე, ჲაღო, მიშგუ გეზლი̄რ, ლა̈ჩუ̂ს წუ̂ა̈დუ̂ა̈რ ახხალϩ̄რედ, ჩუ̂ათხჲედ
Line of edition: 31 სგა̄ხდედ ლატყბას, ეჩქა ეჯა ქა ჴედნი! Добавлено (2006-12-11, 6:34 Pm)
---------------------------------------------
ჩუ̂ადიეხ ალჲა̈რდ, სგა̄ხდეხ ი ათხ' ა̄ლა ქა̄ნჴა̈დ. "ე, ლϩკჩე̄უ̂ ლი
Line of edition: 2 გუშგუ̂ეჲ ბედ, ალა მუხუ̂ბე გუ̂ე̄რა!" ალა ჟ'ადჲეხ ა̈გითე ი ათხე ამანს
Line of edition: 3 მეუ̂არ ათხი̄დϩნ. სერ ალჲა̈რდ ჟ'ა̈ნცხეხ ჩიემ. აჩა̈დხ აშხუ̂ ლადეღ მϩლცათე,
Line of edition: 4 უ̂ოხრია̈ლს შϩყჟი ხაფთქუ̄რახ ი თუნგა̈რს-თხუმჟი. ანღრი
Line of edition: 5 ამელექუ̂ა მუკუ̂ჩხი დედბერილ: "სგა̈ჲ ჭყϩნტა̈რ, მიშგუ̂აცახა̈ნ დე̄სამა
Line of edition: 6 ჯუღუ̂ეხ ლეთხე̄ლი, სგა̈ჲ ისგუ̂ეჲ მუე̄ თეს ა̈ხთხა̄ლდ!" ალჲა̈რდ ჩუ̂ა̈ნნიკუ̂ხ
Line of edition: 7 თხუმა̈რ ი აჩა̈დხ ა̈გითე. სგა̄ჩა̈დ ა̈მირან ი ლა̈ხჭუ̂ედდა ამანს:
Line of edition: 8 "ბაბა, მა̈ჲ ჯეყა̈რ თეს?" ამნემ დაშნა̈ჲ ა̈ნცხუ̂ა̈პ ი ქა̄̈ხღუ̂ა̈ჭ ყო̄რქა.
Line of edition: 9 მე̄რუ̂ა̄მდ სგა̄დ ლა̈ხტა̈ხ, ათხე ქა ხა̄̈ქუ̂ მიჩა ბაბად:
Line of edition: 10 -- ე, მაჩა ცოდუ ხა̄̈ცუ̂, მინეში̄, ჲერუ̂ა̄̈ჲს ალა ხო̄ქუ̂ე̄ნს! ჯაჲ დაყმϩყია̄ნ Line of edition: 11 ხებკა̄̈ნხ უშხუ̂ა̈რ, უ̂ოდ-ი-უ̂ოდ ჯა ხა̈წრა ი სერ ჩუ̂ა̈დმეჩა̄̈ნ ი ჟ'ახწინდა
Line of edition: 12 ი ისგუ̂ეჲ თხუ̂იმ მაშგუ̂მინ ი ისგუ̂ეჲ თხუ̂იმ დეშ ლო̄ხო ი თე ლოხუ̂ჭი̄რხ.
Line of edition: 13 -- სერ, ჲაღო, ბაბა, ღურიდ.
Line of edition: 14 -- აღო ამჟი მე̄ზიდ მა̄მა ჯაყახ.
Line of edition: 15 -- ჲაღო, იმჟი?
Line of edition: 16 -- იმჟი-ი გუშგუ̂ეჲ მურყუ̂ამს დოლებში̄რა ხაჭიდ, ეჯას ემოშ
Line of edition: 17 აშხუ̂ა̈ნჟი ჟი ხაკუ̂ა̄ნედ, მე̄რუ̂ა ხა̈ნჩუ თხუმჟი ჟი ხიფთქუ̄რედ, ეჩქა ჩუ
Line of edition: 18 ჯაყახ მე̄ზიდ. Line of edition: 19 ჟ'ა̈ნკიდ ა̈მირანდ ალა, ქა̄დკუ̂ა̈რ ეჩხა̈ნჩუ ი თხუ̂იმ ესხუ̂იე ი ჟ'ესფუჩხუ̄რე.
Line of edition: 20 -- ბაბა, ჩუ ჩუ̂ემინდ!
Line of edition: 21 -- ჲაღო, სემი თხუ̂იმ წელიშ ლა̈ხყედნედ, სემი კუპრ წელი ნასა̄̈ნ,
Line of edition: 22 ეჯას სემი ყო̄რ ხა̄რ ი ეჩას, სამ ყო̄რს, ლახ სგა̄თძგუ̂იბედ ი სუფრს
Line of edition: 23 ლახ ჟ'ოხუნჴუ̂ემნედ, ეჩქა ისგუ̂ეჲ მარჯობ ლი, ადო აშ მა̄მა ღო. Line of edition: 24 ასღრიხ, სგა̄ჩა̈დხ ამი̄ ჰა̈ზუ̂თეჲსგა. ათხე ლახა̄გა̈ნხ ყო̄რს,
Line of edition: 25 ახფიშუ̂დხ ეშხუ თხუ̂იმ ი სგა̄თძგუ̂იბხ, მე̄რუ̂ე თხუ̂იმϩდ ახფიშუ̂დხ ი
Line of edition: 26 მე̄რუ̂ე ყო̄რ ათძგუ̂იბხ. ათხე მე̄სმე თხუ̂იმ ახფიშუ̂დხ ი ყო̄რი სგა̄თძგუ̂იბხ
Line of edition: 27 ი სუფრი ჟ'ოხუნჴუ̂ეხ ი ალა ანღრი ყო̄რქა ი ელჲა̈-მϩლა̈მ სგუ̂ებინ
Line of edition: 28 ხოჟეღუ̂. ალა ხა̈ბდე წელი ნასა̄̈ნს ი ჩოთდიგ ალა. ქა̄ნჴა̈დ დაყმϩყია̄ნ
Line of edition: 29 ი სგა ხოძგა̈რ ლაბϩრგია̄ლს ი ათხე ჩუ̂ა̈ნდე შიშდ ა̈მირანდ ი
Line of edition: 30 ხა̈ქუ̂ცე თხუმა̈რს. ათხე აშხუ̂ი̄ლთეჲსგა ოხჴიდ: Добавлено (2006-12-11, 6:34 Pm)
---------------------------------------------
-- ალა სგა ლა̄მაცუ̂რ ი მა̄̈ჲ ჰაჯ ჯეკუ̂დი, ეჯას ჯა̈ჩო.
Line of edition: 32 -- ჰაჯ დე̄სამა მაკუ, მიშგუ̂ |
| |
| | |
|
Мужчина |
Date: Понедельник, 2006-12-11, 6:43 PM | Message # 14 |
|
Group: Модераторы
Posts: 990
Status:Offline
Дата регистрации:
2006-08-29 |
-- ჰაჯ დე̄სამა მაკუ, მიშგუ̂ა მუე̄ თე მაკუ! Line of edition: 33 ათხე ამნემ ხა̄̈ქუ̂: -- ხუ̂ა̈ჲ თე̄რა̈ლ [ესერ] ხორი მიჩ ი მა̈ნგრე ხეჩდა
Line of edition: 34 თე, ეჯა ლი ისგუ̂ა მუე̄ თე. Line of edition: 35 ათხე ალაჲ ქა̄თქუ̂იც ი ეჯაჲ ჟ'ა̈ნკიდ. ესღრიხ სერ ა̈გითე ი სგო̄თსგურეხ
Line of edition: 36 ი ხოჩე̄ლდϩდი ხა̄რ. სერ ჟ'ახჟანდა მეუ̂არ ა̈მირანს ი ჟ'აჩა̈დ
Line of edition: 37 დე̄ფა̈ნთეჟი ი ნეჯუ̂იდს იჩო. ათხე ანჴა̈დ ნა̈პო̈ლ: -- ეჲ, მა̈ჲ ესერ
Line of edition: 38 ტრო̈კნი, მეჲჩმა̈ჩ? Page of edition: 90
Line of edition: 1 -- კე̄სრი ნანუ̄ლ, ეჲ, მა̈ჲ ესერ ცუ̂ეცნი ძუღუ̂ა̄̈ში ქეთბი-ნა̈თბია̄ნ?
Line of edition: 2 -- ეჯჲა̈რ ეშხუ ხედრა ჩუ დ' ა̄̈თხუ̂ია, ეჩქად ნო ლიგნე [ნუ] ჯიგა̈დ,
Line of edition: 3 ნო ლისგუ̂რენ! Line of edition: 4 სერ ამნე̄მ ჩუ̂ა̈ნნიკუ̂ თხუ̂იმ ი ჩუ̂აჩა̈დ მიჩა მუთე ი ქო̄ხო̄მბუ̂ე ამჟი
Line of edition: 5 ი მიჩა მუდ ადზϩზე. აჩა̈დ სერ ალა ძუღუ̂ა̄̈ში ქეთბი-ნა̈თბია̄ნთე.
Line of edition: 6 ალა ხეხუ̂დ ა̈დხუ̂იე ი ანღრიხ ალჲა̈რ ათხე ძუღუ̂ა̄̈ პილჟი. ალას რϩდინ-გურნა
Line of edition: 7 ლა̈ხშყა̈დ. ა̈მირანს ხაყლე უ̂ეშგდ ლიტეხს. ა̈მირან მა̄დ
Line of edition: 8 ატა̈ხ ი მიჩა ხეხუ̂ ატა̈ხ. ამჩუ̄ნ ქა ლახუ̂ე̄მ ქრისდე̄ თა̄̈სუ̂დებ ი ხოღლი
Line of edition: 9 ა̈მირან ი დემხა̈ნ ანტა̈ხ. სერ ჟ'ახჟანდა ა̈მირანს ი ა̈გით' ა̄ჩა̈დ ი მიჩა
Line of edition: 10 მუდ ხა̄̈ქუ̂, ერე "მა̈ჲ ესერ ხოჩუ̂მინა?" ი ამნემ ხა̄̈ქუ̂: "ალმა̄̈ზხ ესერ, რϩდინ-გურნა
Line of edition: 11 ა̈ნსა̈დ ი ეჩხაუ̂ ატა̈ხ ი ეჩქა ხოღელდა̈ს ი დე̄მხა̈ნ ანტა̈ხ ი ა̈გით'
Line of edition: 12 ოღუ̂ე". Line of edition: 13 ათხე მიჩა მუდ ხოხუ̂რა ლახუ̂ბა ადზϩზე. აჩა̈დხ ალჲა̈რ ძუღუ̂ათე
Line of edition: 14 ი ალა ილკუ̂ე̄ლჰიე̄ლ ძუღუ̂აისგა. ალჲა̈რდ ქა დეშ ა̈ნტიხხ ი ა̈გით' ა̄ნტა̈ხ.
Line of edition: 15 ათხე მინე მუდ: -- მა̈ჲ ესერ ხოჩუ̂მინახ?
Line of edition: 16 -- ეჯ' ე̄სერ ძუღუ̂აისგა ილკუ̂ე̄ლჰიე̄ლ. -- ათხე ა̈მირანდ ხა̄̈ქუ̂ინ:
Line of edition: 17 -- ბაბა, ქა ჯე̄თა̄̈ლ.
Line of edition: 18 -- ი ღო იმ ამე̄თნე?
Line of edition: 19 -- იმ-ი ბალღე̄თ ქა ლა̄̈მით!
Line of edition: 20 -- ღო მე̄რუ̂ა ლახუ̂ბას მა̈ჲ ხე̄რახ? -- ჲაღო, ჰა̈დურდ დე̄სამა მაკუ.
Line of edition: 21 ახსგურდა რა̈შს ი აჩა̈დ. ამელეჟა ახყახ ეშდიჲორუ უ̄ღუ̂ა კა̈მბშა̈რ
Line of edition: 22 ი გმირ სგა̄̈ნჩუ ხოყუ̂რეხ, დიუ̂ო-ჲ გუა თხუმრა̄̈შ ხოსგურხ. გმირს
Line of edition: 23 ჭიშხ ქა̄მენჩუ ხორი ი ალა ეშდიჲარუ̂ საჯენს ქუ̂იცე უ̂ერს ჭიშხშუ̂.
Line of edition: 24 ჩოხქა̈ხ ა̈მირან რა̈შს ი სგო̄თტიხ ჭიშხ ი ათხე ამნემ ხა̄̈ქუ̂: "ალა ა̈მირანი
Line of edition: 25 ტუ̂ეტ ლა̈სუ̂ ი ათხე ში ლა̄მო!" ი ქა ლახუ̂ე̄მ. ათხე ამნემ ხა̄̈ქუ̂ინ:
Line of edition: 26 "ეშხუ ქრისდე̄ თა̄̈სუ̂დებ მეკუ̂შეუ̂ ჯა̄რ, სი მიშგუ დიუ̂ო-ჲ გუა ჟი მო̄დ
Line of edition: 27 ა̈ხუ̂ოჴრა̄ლა". ი ჩუ̂ა̈ნკიდ ამნემ ამჩუ ალჲა̈რ ი ნა̈ბოზდ ჩუ̂ა̈რიხ უშხუდ. Line of edition: 28 ათხე ადჭკუ̄რე ა̈მირანდ: "მა̈ჲ ესერ ხაწϩხ ალჲარე ში? " ანჴა̈დ
Line of edition: 29 ათხე ალა, უშხუ̂ა̄რ ლოხშყϩბნა̄ლე თხუმა̈რ ი ჩუ̂აცუ̂ირ ამჟი ალჲა̈რ
Line of edition: 30 ი ჯ' ა̄ჩა̈დ ი ჩუ̂ა̈თუ̄ჟდა ჯუ̂ე̄დია ნაჯუ̂და მინდო̈რისგა. ათხე ე̄სა Добавлено (2006-12-11, 6:40 Pm)
---------------------------------------------
ე̄სა პირტყუ̂ეუ̂ილ
Line of edition: 31 ჩუ̂ა̈რი, მა̈გ ა̈ხჭო̄ნა̄̈ნ. ათხე ჟ'ა̈ნკიდ რა̈შდ თϩრტϩ̄ნ ი ეშ-ი-აშ
Line of edition: 32 ადფხა̄ლდა̄ლე ი ჟ'ანჲა̈ცხ ა̈მირან. ათხე ა̈მირანდ ხა̄̈ქუ̂: "მე̄რუ̂ა̄მდ ე̄სა
Line of edition: 33 ხიკედ თϩრტϩ̄ნს, ეჩქა ეჯჟი ჯატყცი მადრა̈ჴს, ერე სამ შო̈ლტ ჩაფϩლს
Line of edition: 34 ჯაკუ̂რუნე!" ჩუ̄დ ა̈დუ̄ჟ ა̈მირან ი სგა̄დ ა̈ხჭო̄ნა̄̈ნ პირტყუ̂ეუ̂ილ ი დეშ
Line of edition: 35 ადჭკϩრნე რა̈შდ ი ჟი̄დ ა̈ნკიდ თϩრტϩ̄ნ ი ჟი̄დ ანჲა̈ცხ ა̈მირან. "ეჲ,
Line of edition: 36 ჯა ლეფთქუ̂ე, ჰამა მა̈ჲცხუნე?" ახსგურდა ალას, ხაჴიდ ჲარუ̂ შდϩმ
Line of edition: 37 ნე̄სგაჩუ მადრა̈ჴ ი სემი შო̈ლტ ჩაფϩლ ათკუ̂არუ̂ნე ი რა̈შდ ა̈ნნიკუ̂
Line of edition: 38 თხუ̂იმ ი სგა ლახკიჰე ქაჯაუ̂ე̄თი ყო̄რისგა. Page of edition: 91
Line of edition: 1 აშხუ̂ ლადეღ მϩშკიდ და̈რჯელა̄ნ სა̈უ̂ა̈ ჭϩშხა̈რს აფტϩ̄რა. ალას მიჩა
Line of edition: 2 ჟიქა̄ნ კოჯხა̈ნქა ლახსϩმდა ეჯკა̈ლიბ ლიკი̄ლი, ერე ა̈შთქა ჩა̄̈ჟს სა̄ბელს
Line of edition: 3 ხაკუ̂რუნა, ფუ̈რს-ღუნს ი ა̈შთქე მა̈ჲ მა ლა̈სუ̂, მა̈გ ქა̄ნუ̂ერე. Line of edition: 4 ამ ლადეღ მა̄მა აფა̈შ ი მე̄რმა ლადეღ აჯაღ აფტϩ̄რა სა̈უ̂ა̈ ჭϩშხა̈რს
Line of edition: 5 ი აჯად ამჟი̄ნ კი̄ლ ლახსϩმდა. ანჴა̈დ ალა̄, მϩშკიდ და̈რჯელა̄ნ, ი ეშხუ
Line of edition: 6 ქაფ ასალ ა̈ნშკა̄̈დ ი აჩა̈დ ალ კოჯა̈ ძირთე̄სგა̄, იმუ̂ა̄̈ჲხა̈ნ კი̄ლ ლახსϩმდა.
Line of edition: 7 იგემ ალა ასალს ი ისყე̄ნე ჭიშხი ლაგა̈მს ი ჟ'აჩა̈დ ალ კოჯთეჟი̄ნ
Line of edition: 8 ი აშხუ̂ ა̈გის ყო̄რ ხეყა̈რ. სგა̄ჩა̈დ ალა ამხა̄უ̂თე̄სგა ი ამჩუ̄ნ
Line of edition: 9 ოქუ̂რა̈ ტა̈ხტჟი̄ნ ჩუ̂აყუ̂რე და̈ლ ი ოქუ̂რა̈ ლუსდგუ̂ა̈რ ეჩხა̈ნ-ამხა̈ნჩუ̄ნ
Line of edition: 10 ხოთხა̈ფდახ. ალჲა̈რს უშხუ̂ა̄რე თხუ̂იმ ლახლატϩნდახ ი მϩშკიდ და̈რჯელა̄ნ
Line of edition: 11 ფიშრა̄მინ იზელა̄ლდა ალ კოჯთეჟი̄ნ. Line of edition: 12 აშხუ̂ ლადეღ მϩშკიდ და̈რჯელა̄ნა̈ ხეხუ̂დ ჟ'ა̈ნსგიდნე ალა̄, იმუ̂ა̄̈ჲთე
Line of edition: 13 მიჩა ჭა̈შ აჩა̈დ ი ჯაი̄ უ̂ეშგინ ა̈თჭა̈მ. ჟ'აჩა̈დ ალა̄, მϩშკიდ და̈რჯელა̄ნა̈
Line of edition: 14 ხეხუ̂, ალ კოჯთეჟი̄ნ ი სგა ლა̈ხქა̄ლ მϩშკიდ და̈რჯელა̄ნს ი და̈ლს,
Line of edition: 15 ეშხუ ლუსდიგუ̂ ქა̄ხქუ̂იც და̈ლს ი სგე̄სდე ცხიკთე̄სგა ი ჩუ̂ანჴა̈დ. და̈ლ
Line of edition: 16 ერ ჟ'ანჲა̈ცხ, ეჩქა აშუ̂ხა̈ნჩუ̄ნ გუ̂ა̈მი ლახა̄დ თხუ̂იმ ი ხა̄̈ქუ̂ინ მϩშკიდ
Line of edition: 17 და̈რჯელა̄ნს, ერე
Line of edition: 18 -- მიჩა ხეხუ̂ ესერ მϩრე̄სგ ახჭემა მიჩ ი ეშხუ ლუსდიგუ̂ ესერ
Line of edition: 19 ქო̄ხქუ̂ი̄ცა.
Line of edition: 20 -- ეჯას ესერ მა̈ჲ ხა̈მჲედა ლიზელა̄̈ლ, ღანაუ̂ ესერ ლი ი ა̈გის
Line of edition: 21 უ̂ედნ ა̈რი. -- ხა̄̈ქუ̂ინ მϩშკიდ და̈რჯელა̄ნდ. და̈ლდ ხა̄̈ქუ̂ინ, ერე
Line of edition: 22 -- ჲაღო ესერ ათხე მიჩ ჟიქა̄ნქა მერდად მა̄მა ხაყა, ჯა ესერ
Line of edition: 23 ღანაუ̂ ლი, ჩუ̄უ̂ აბიჴუ̂, მიჩა ბეფშუ̂ს [ესერ] ეშხუ თუ̂ე ხოკლი ი ულტუ̂ა
Line of edition: 24 ღაბნა̄̈ გუ̂ა̈რას ესერ სგა̄უ̂ ლახჭუ̂ე̄ნ ი სამ ლაჭარ შუკუ̂ჟი̄ნ ჩუ̄უ̂ ესგე. Line of edition: 25 მϩშკიდ და̈რჯელა̄ნს ამი̄ ლიჩუ̂მე მეუ̂არ ხამჭირϩნდა, მარე და̈ლდ
Line of edition: 26 მა̄მა ჰაჯ ახკიდ ი სერ ჩუ ლეჩუ̂მე ხა̄დდა. მϩშკიდ და̈რჯელა̄ნდ და̈ლ
Line of edition: 27 ჩუ̂აბიჴუ̂, ბეფშუ̂ ქა̄̈ნი̄ყე ჴადუ̂ხა̈ნქა, ულტუ̂ა ღაბნა̄̈ გუ̂ა̈რას სგა ლახჭუ̂ე̄ნ
Line of edition: 28 ი სამ ლაჭარ შუკუ̂ისგა ჩუ̂ესგე. Line of edition: 29 ამელექუ̂ა ახა̄სდხ ჯგϩრა̄̈გ, მϩქემთა̄რინგზელ ი უჟ. ჯგϩრა̄̈გდ ლა̄̈ქუ̂ინ,
Line of edition: 30 ერე Добавлено (2006-12-11, 6:40 Pm)
---------------------------------------------
-- ბეფშუ̂ი კი̄ლϩლდ ესერ მირ ხასმა.
Line of edition: 32 -- მიჩი̄ ესერ ლახსϩმა. -- მϩქემთა̄რინგზელდ ლა̄̈ქუ̂ინ.
Line of edition: 33 -- ო̄, მიჩ ესერ ეში̄ უჟუ̂ნა̈ჲს ხატუ̄ლიხ, ადო ხუნკუ̂იდი̄ ესერ
Line of edition: 34 ლახსϩმა მიჩ. -- უჟდ ლა̄̈ქუ̂ინ. Line of edition: 35 ალჲა̈რ ჟ'ა̈თლაკხ ალასა̄, ღაბნა̄̈ გუ̂ა̈რას, ა̈ნწუ̂ე̄ნეხ ი სგა̄̈ნჩუ̄ნ ჭყინტ
Line of edition: 36 ბეფშუ̂ არდა. Page of edition: 92
Line of edition: 1 -- ჲაღუ̂ ე̄სერ ალა ჟი̄უ̂ ანპირსდეხ ი ჰაჯუ ესერ მა ლახუ̂ე̄მხ. --
Line of edition: 2 მϩქემთა̄რინგზელდ ლა̄̈ქუ̂ინ:
Line of edition: 3 -- ჟახად ესერ ა̈მირანუ ათჟა̈ხხ ი ჩი̄მი მϩნწირუ ლა̈სუ̂, მარე ისგთექა
Line of edition: 4 ქა̄ნჴეს, ეჩქა კოჯა̈ ბედიშუ ესერ ლა̈სუ̂.
Line of edition: 5 -- ალას ესერ მა̄მა ხაყა, -- უჟდ ლა̄̈ქუ̂ინ, -- ჲაღუ̂ ე̄სერ ჟახად ა̈მირანუ
Line of edition: 6 ათჟა̈ხხ ი ისგთექა ქა̄ნჴეს, ეჩქა ესერ ლიცი ბედიშუ ლა̈სუ̂.
Line of edition: 7 -- ალასი̄ ესერ მა̄მა ხაყა. ჲაღუ̂ ე̄სერ ჟახად ა̈მირანუ ათჟა̈ხხ ი
Line of edition: 8 ჩი̄მი მϩნწირუ ლა̈სუ̂, მარე შომუ̂ა̄̈ჲ ესერ სემი ქრისდე̄ თა̄̈სდუ̂ებ ჩაკუშას,
Line of edition: 9 ეჩქა ესერ გიმუ ათძგუ̂ება! -- ლა̄̈ქუ̂ინ ჯგϩრა̄̈გდ.
Line of edition: 10 -- ამჟი̄ნუ ესერ ლა̈სუ̂, ჲაღო! -- ლა̄̈ქუ̂ინხ ჩიემ. ჟ'ანპირსდეხ ი
Line of edition: 11 ა̈მირან ათჟა̈ხხ ჟახად. Line of edition: 12 ჯგϩრა̄̈გდ ჰაკუ̂ა̈ნ ოხტა̄ბე, მϩქემთა̄რინგზელდ ხანგა̈რ ხაშჩუქუ̂რე ი
Line of edition: 13 უჟდ უჟ ლახუ̂ე̄მ. ჟ'ა̈ნკიდხ ალა ამეჩუ̄ნ ი ამანი წყაროჟი̄ნ ჩუ̂ესგეხ.
Line of edition: 14 აშხუ̂ ნა̈ბუზს ახა̄სდ მიჩა წყაროს ლა̈თხუ̂ჲარხა̈ნ [ამან] ი ჟ'ა̈ხბა̈გუ̂ ამჩუ̄ნ
Line of edition: 15 ალა̄, ბეფშუ̂. ამნე̄მ ჟ'ა̈ნკიდ ი ჩუ̂ესჩიხნე ლა̈ნკუთხაჩუ̄ნ ი ა̈გით'
Line of edition: 16 ა̄ნჴიდ. ა̈გის მიჩა ხეხუ̂ს ჩაფლა̈რ ი ზეთჴარა̈ლ ათკϩდϩ̄რუ̂ნე ი მიჩა
Line of edition: 17 ხეხუ̂ს სგო̄თშყა̈დ კალთა̈ჲთე̄სგა ალა̄, ბეფშუ̂.
Line of edition: 18 -- ოჲ, ლϩკჩე̄უ̂ ესერ ლი მიჩა ბედ, ალა ესერ ლი მიჩა ბედ, ალა
Line of edition: 19 ესერ მიჩა უ̂ისიბიშ ი ბა̈დრი მუჰე̄ნი ხე̄რი. Line of edition: 20 აშხუ̂ ლადეღ მϩშკიდ და̈რჯელჲა̄ნა̈ ხეხუ̂ ლაჰϩნწა̄̈ლთე აჩა̈დ ი უ̂ისიბ
Line of edition: 21 ი ბა̈დრი ჰაკუ̂ნა̈რშუ̂ ეჩხა̈ნ-ამხა̈ნ ლახგე ა̈მირანს ლეჰე̄ნიდ. ა̈მირანდ
Line of edition: 22 ლა̈ჲკიდ ჟი მიჩა ხანგა̈რ ი ლოხცუხუ̂ნა̄ლე უ̂ისიბს ი ბა̈დრის ი კი̄ლ-კი̄ლდ
Line of edition: 23 აფიშგ ერქϩდა.
Line of edition: 24 -- ხოჩა̄მდუ ესერ ლაჲჰე̄ნე, ადო, ქ' ე̄სერ ა̈ნჴდენი ი გუ̂ალა̈ ლა̄̈ხი̄რშუ̂
Line of edition: 25 ოთხიპე ჩუ [თხუმ]! -- ალჲარე დიდ ხა̄̈ქუ̂ინ. Line of edition: 26 ლა̈ჲრა̄გე ი ხუ̂ა̈ჲ მა̄მა ი ჟი̄დ ლა̈ჲცხუ̂ეპ ხანგა̈რ ი აჯაღϩდ ლოხცუხუ̂ნა̄ლე. Line of edition: 27 ალჲა̈რ შიშდ კი̄ლ-კი̄ლდϩდ აფიშგ. ალჲარე დიდ ლიტე̄უ̂ე̄დ
Line of edition: 28 ოხბინე გუ̂ალხა̈ნქა: -- ალას ესერ მიჩა ბოფშა̈რს, იმუ̂ა̄ლე ესერ
Line of edition: 29 ა̈მირანო̄ლ ა̈რი ეჯ' ე̄სერი̄ დეშ ლოხბა̈დუ̂ი, ადო ჯ' ე̄სერ ჰამა ხობდა̈უ̂ი
Line of edition: 30 მიჩა უ̂ისიბს ი ბა̈დრის ამჟი̄ნ ლიჩუ̂მეს?
Line of edition: 31 -- ო̄, ათხად ა̈მირანო̄ლ ხუ̂ა̈სუ̂ ღო მარე ათხე მა̄მა მϩრე̄სგ
Line of edition: 32 ხუ̂ი ადო! Line of edition: 33 ალა ჰამუ̂ა̄̈ჲ ქა ხასϩმდა ალ ზურა̄ლს, ლა̄̈ხი̄რ ჩუ̂ადკუ̂ა̈რ ი ქა̄ნსკინე
Line of edition: 34 გუ̂ალხა̈ნქა ი ქა ა̈თცხო̄რპა̄̈ნ ა̈მირანს ლაყხა̄ლს:
Line of edition: 35 -- ლϩკჩე̄უ̂ ესერ ლი მიჩა ბედ, ჯ' ე̄სერ მიჩა უ̂ისიბიშ ი ბა̈დრი̄
Line of edition: 36 მე̄სმე მუხუ̂ბე ხე̄რი! Line of edition: 37 ალჲა̈რ, სემი ჭყϩნტა̈რ, მა̈გ უშხუ̂იდ ა̈ნϩრდა̄ლა̄̈ნხ ი ლა̈შდრა̄ლთე
Line of edition: 38 ლახ ღϩრდახ, მინე ლაცლას ჩი̄ს ჟი ხა̈წრახ. ალჲარე მუს, ამანს
Page of edition: 93 Line of edition: 1 ეშხუ თე მა̄მ ხეყა̄̈ნდა ი აშხუ̂ ლადეღ ა̈მირან ლა̈ხჭუ̂ედდა მიჩა
Line of edition: 2 ლახუ̂ბას:
Line of edition: 3 -- მიშგუ ლახუ̂ბა, ალა მა̈ჲ ი̄რა̄, გუ̂იშგუ̂ეჲ ბაბას ეშხუ თე მა̄მა
Line of edition: 4 ხაყა? დო ლეჭუ̂დიე̄ლდ ი ღო ლაშა̈დ ჰე̄მა ხე̄რა, ლა̈ლშედნიდ იმუ̂ა̄ლას.
Line of edition: 5 -- მა̈დილ ჯე̄რა ი ნო̄სა ლა̈ხჭუ̂ედდე̄დ, დო̄სამა გუ̂ა̈ყრის, ეჯა
Line of edition: 6 ხოლა გუ̂ი̄მი მა̄რე ლი. -- უ̂ისიბდ ი ბა̈დრიდ ხა̄̈ქუ̂ინხ.
Line of edition: 7 -- დაგრ' ე̄ მეხლი, ეჩქა̄ი ქა ლოხჭუ̂ედნი, ჲაღო, ბა̄ზი ნა̈ბუზს. Line of edition: 8 ნა̈ბუზს ამან აგით' ე̄რ ანჴა̈დ, ა̈მირან ლა̈ხჭუ̂ედდა:
Line of edition: 9 -- ბაბა, ხიად, აშხუ̂ მϩრა̄̈მ ჯეჭუ̂დიე̄ლ ი ა̈მცუ̂ი̄დ ნო̄სა.
Line of edition: 10 -- იმ ესერ, ბაბა̄̈ ლადეღ მიჩ? -- ამანდ ხა̄̈ქუ̂ინ.
Line of edition: 11 -- იმ-ი̄ აშხუ̂ხა̈ნი თე მა̄მა მირ ჯაყა ი ამი̄ ლიცხრე მაკუჩ, იმშა
Line of edition: 12 ტა̈რუ ჯა̄̈ცეს. Line of edition: 13 ა̈ნგუ̄ნდა̄̈ნ ალა̄, ამან, ჟი ი ოდემ ჩიქად ჩუ არტყუ̂ეჲდა, ეჩქად
Line of edition: 14 ჩუ მირ ლა̄ტა̈ხ გუ̂ი.
Line of edition: 15 -- ოჰო ესერ, მიჩა მალატ ხუ̂ა̈ჲდ ხაჯო̄ნა, ადო ამი̄ ლი̄ქუ̂ი̄სგ ესერ
Line of edition: 16 და̄̈ს მოშ ხობდაუ̂ა მიჩა̈შდ.
Line of edition: 17 -- ბაბა, ხიად, ალა იმნა̈რ ჯამჯა̄რა̈უ̂, ლაშა̈დ ჰე̄მა ხე̄რა, ღო
Line of edition: 18 ნო̄თაუ̂ ლა̈ლშა̈დდ მა ი ეჯღა ჯეჭუ̂დიე̄ლ მი.
Line of edition: 19 -- ჲაღო, ბაბას ისგუ̂ეჲ მა̈ზიგ, ლახე ამჟი̄ნ გუ ჯა̄რხ ამი̄ ლიცხრედ,
Line of edition: 20 ათხე ქა̄̈ჯი̄მბუ̂ნე: მი მაგდϩნდა და̄̈უ̂ა̈ ზექ, ხეკუ̂ეს ერე ა̈მგე̄ნს ეშდჲერუ Добавлено (2006-12-11, 6:41 Pm)
---------------------------------------------
ჴა̈ლ ხორეუ̂ ი, ლახე დეშ ოთϩგ, თე მა̄დდა ლეჭი̄რხი უ̂ა̈ლისგა.
Line of edition: 22 -- მე̄უ̂არ ლϩმჲედ ლა̈სუ̂ა ღო ეჯა? -- ლა̈ხჭუ̂ედდა ა̈მირან.
Line of edition: 23 -- ეჯა ეჯჟი ლϩმჲედ ლა̈სუ̂, ერე გუ̂იშგუ̂ეჲ მურყუ̂ამ სგუ̂ებინ დოლებში̄რა
Line of edition: 24 ერ ა̈რი, ეჩას ჟიქა̄ნქა აკუ̂ა̄ნა ი მე̄რმახა̈ნ ჟი ირმეჲდა. Line of edition: 25 აჩა̈დხ ალჲა̈რ ქა ი ადკუ̂ა̈რ უ̂ისიბდ ი ნე̄სგა მურყუ̂ამს ხაჴიდ.
Line of edition: 26 ადკუ̂ა̈რ ბა̈დრიდ ი შდულუ̂ა̈რმϩყისგა ხაჴიდ. ადკუ̂ა̈რ ა̈მირანდ ი ქა̄დკუ̂ა̈რ
Line of edition: 27 ჟიქა̄ნქა ი მე̄რმახა̈ნ ჟ'ანϩრმე. სგა̄ჩა̈დხ ქორთე ი ხა̄̈ქუ̂ინხ ამანს:
Line of edition: 28 -- ბაბა, ალა-ი-ალა მა̈გ ჩუ ჩუ̂ემინდ-აм, სი მა̄̈ჲ ნე̄ქა. სერ იმ იჩოდა,
Line of edition: 29 ჲაღო, ეჯა ნე̄ქა!
Line of edition: 30 -- იმ-ი̄ გუ̂იშგუ̂ეჲ მურყუ̂ამს ბარჯს ხა̈ძგრიდა ი ლეჟა̄̈ მუხუ̂ირს
Line of edition: 31 ლექუ̂ა̄უ̂ ხა̈ჩოდა ი ლექუ̂ა̄̈შს -- ლეჟა̄უ̂. Line of edition: 32 აჩა̈დხ ალჲა̈რ ქა ი ხაძგერ უ̂ისიბდ ბარჯ ი ჟი ლაჲქუთნე. ხაძგერ
Line of edition: 33 ბა̈დრიდ ბარჯ ი ჟი ლაჲსიპნე. ხაძგერ ა̈მირანდ ი ლექუ̂ა̄̈ მუხუ̂ირ
Line of edition: 34 ლეჟა̄უ̂ ხაყერ ი ლეჟა̄̈შ -- ლექუ̂ა̄უ̂. სგა̄ჩა̈დხ ალჲა̈რ ი ქა ხა̄̈ქუ̂ინხ
Line of edition: 35 მინე ბაბას.
Line of edition: 36 -- სერ იმ ჩი̄ს იჩოდა? -- ლა̈ხჭუ̂ედდახ მინე ბაბას. Page of edition: 94
Line of edition: 1 -- იმ-ი̄ მიშგუ̂ა ცჴემა̈დს ჟი იბუ̄წა ი ჴარჴჩუ̄ნ იყა̈რდა ი ცხუ̂ი̄მი
Line of edition: 2 ნა̈კუ̂შუ̂ა̈რს ჟი ტϩხა ჴარჴჟი̄ნ. Line of edition: 3 აჩა̈დხ ალჲა̈რ ქა̄̈მთე, ლა̈ხკუ̂ა̈ჰ უ̂ისიბ ი დეშ ა̈ნბუ̄წე. ლა̈ხკუ̂ა̈ჰ ბა̈დრი
Line of edition: 4 ი ისგთეჟი̄ნ ა̈ნბუ̄წე. ლა̈ხკუ̂ა̈ჰ ა̈მირან ი ჟ'ა̈ნბუ̄წე ი იყერ ჴარჴჩუ̄ნ
Line of edition: 5 ი ცხუ̂ი̄მი ნა̈კუ̂შუ̂ა̈რ ჟ'ა̈ნტიხ ჴარჴჟი̄ნ. სგა̄ჩა̈დხ ალჲა̈რ ქორთე ი ხა̄̈ქუ̂ინხ
Line of edition: 6 მინე ბაბას:
Line of edition: 7 -- ბაბა, სი მა̄̈ჲ ქა ნე̄ქა, ეჯა მა̈გ ჩუ ჩუ̂ემინდ ი სერ იმ იჩოდა,
Line of edition: 8 ეჯა ნე̄ქა!
Line of edition: 9 -- ო̄, ბაბას ისგუ̂ეჲ მა̈ზიგ, ალას-ი-ალას ეჯა დე̄მგუ̂აშუ̂ იჩოდა,
Line of edition: 10 მარე აშ აჯკუ̂იჰა̄ლინ ი ათხე იმედ მა̄რ, ერე ეჩი̄ მეხუ̂იად ჩუ ჯაყახ.
Line of edition: 11 ათხე ეჩი̄ ლა̈ზგასი̄ ქა ლაჯთუ̂ე̄ნნე ი ეჩხა̄უ̂ იმუ̂ა̄̈ჲჟი̄ნ ხაკუჩ ლი̄ზი,
Line of edition: 12 ეჩასი̄ ქა ჯა̄̈ქუ̂ნინე: სგა̈ჲ ლა̈ჰყედნედ, ჲაღო, ათხე სემი ციცუ̂ი თხუ̂იმ,
Line of edition: 13 ეშხუ კუპრ წელი ნასა̄̈ნუ̂ ი ეშხუ ფუთ ფა̈ტუ̂. ეჯა ლადაღშუ̂ ჩიგარ
Line of edition: 14 ჴა̈ნს იტყბე სა̈დილდ ი სგა̈ჲ ციცუ̂ი თხუ̂იმს სგა̄თკუ̂ა̄ნედ, ეჩქა ეჯა
Line of edition: 15 კერეტა̈ნს ხესგუ̂რი ჟი ი ჲელჲა̈-მϩლა̈მს ქა ფუშდე ი ეჯჟი̄ნ ჯეზა̈ზხ
Line of edition: 16 ქა. წელი ნასა̄̈ნუ̂ სგა ლახბიდდ ი ეჩნოუ̂შ სგა ლახდიგედ ჲელჲა̈-მϩლა̈მს,
Line of edition: 17 ფა̈ტუ̂ ჩუ̂ესშიდდ კერეტა̈ნს ი ეჯა ეჩი̄ ლანკუ̂ილს ლახსიდ ი
Line of edition: 18 სგა̈ჲ ერუ̂ა̄̈ჲ მოშ ა̈ხწინიდ, ეჩნოუ̂შ ი̄რი. Line of edition: 19 ალჲა̈რ ა̈ნმა̄რა̄̈ნხ ეჩხაუ̂ ლა̄ზდ ი მინე ბაბად მა̄̈ჲ ქა ლოხუ̂თუ̂ე̄ნ, ეჯა
Line of edition: 20 მა̈გ შϩნ ლა̈ჲყედნეხ. Line of edition: 21 ესღრიხ, ესღრიხ ალჲა̈რ ი ჟი ა̈თლაკხ ალ და̄̈უ̂ა̈ ქორს. ლოხცი̄რუ̂ეხ
Line of edition: 22 სგაჲ, ალას ჴა̈ნ სგა ხოხლა ლემესგდ ლატყბას. ათფუ̈შუ̂დ
Line of edition: 23 უ̂ისიბდ ციცუ̂ი თხუ̂იმ ი ლაგა̄̈გის ხაჴიდ. ათფუ̈შუ̂დ ბა̈დრიდ ი სგა
Line of edition: 24 ლოხქიფ ლაგა̄̈გის. ათფუ̈შუ̂დ ა̈მირანდ ი გუ̂ამა̈რისგა ხაჴიდ. ჟი ლა̄პა̈რ
Line of edition: 25 ალა̄, და̄̈უ̂, ი კერეტა̈ნს ჟი ლახსგურდა ი ჲელჲა̈-მϩლა̈მ ქა ხოფიშუ̂დ,
Line of edition: 26 ეჯჟი̄ნ ყო̄რქა ანღრი. უ̂ისიბდ ი ბა̈დრიდ ალას ერ თე ლახრეკხ,
Line of edition: 27 შიშდ ჩუ̂ა̈დი̄ტუ̂დახ ი იმთე დო აჩა̈დხ, ა̈მირანდ დე̄სამა ა̈ნმეჴრე. Line of edition: 28 ა̈მირანდ ეშხუ კუპრ წელი ნასა̄̈ნუ̂ სგა ლახბიდ ი ჲელჲა̈-მϩლა̈მ
Line of edition: 29 შიშდ სგა ლახდიგ. ფა̈ტუ̂ კერეტა̈ნს ესუ̂შიდ ი მიჯნე̄მდ და̄̈უ̂ს ხაფხეჭ
Line of edition: 30 სგა ი იბϩრგიე̄ლხ, ი |
| |
| | |
|
Мужчина |
Date: Понедельник, 2006-12-11, 6:46 PM | Message # 15 |
|
Group: Проверенные
Posts: 352
Status:Offline
Дата регистрации:
2006-09-07 |
იბϩრგიე̄ლხ ი ჩუ̂ა̈ნდე ა̈მირანდ და̄̈უ̂. ალას ეშდჲერუ
Line of edition: 31 თხუ̂იმ ხაყა ი ლახა̄დ ალ თხუმრე ლაჭკუ̂რას ა̈მირან ი ეშდეშხუ
Line of edition: 32 თხუ̂იმ ერ ქა̄ხქუ̂იც, ეჩქა ხა̄̈ქუ̂ინ ა̈მირანს და̄̈უ̂დ:
Line of edition: 33 -- ხა̈დურდ ტუ̂იბისგა მუბუ̄ნყუ̂ლეუ̂იდ ესერ ნო̄უ̂ ანგიბ ჟი ი მიჩა
Line of edition: 34 ბაბა̄̈ თე ესერ სუ̂ეტს ხაშკა̄და, ჟი̄უ̂ ესერ ა̈ნკიდ ი სგა̄უ̂ ლოხგე ი ეჩქ'
Line of edition: 35 ე̄სერ მიჩა პლატკულუ ლახჭემ ი ხოტურფილი̄ ესერ ლა̈ხტეხნი.
Line of edition: 36 -- აი სი ნაჴე̄ცურა, ეჩას-ი-ეჩას ჩი̄ს ჩუ ხუ̂იჩო ი სიი ჩუ̂აჯდაგრი. Line of edition: 37 ა̈მირანდ ალ და̄̈უ̂ს თხუმა̈რ მა̈გ ქა̄ხჭკუ̂ერ ი ჩუ̂ადგა̈რ. Page of edition: 95
Line of edition: 1 და̄̈უ̂ა̈ ლϩდგარუნღონ უ̂ისიბ ი ბა̈დრი̄ ქა̄ნჴა̈დხ ა̈მირანიშთექა.
Line of edition: 2 სგა̄ჩა̈დხ ქორთე, ჟ'ა̈ნთხეხ მინე ბაბა̄̈ თე, სუ̂ეტს ხეშკა̄და̄̈ნ, ქა̄ხტყიცხ
Line of edition: 3 ალა ი ამϩნქა, იმუ̂ა̄̈ჲ მოშ ახწინდახ, ა̈ნკიდხ მა̈გ და̄̈უ̂ა̈ ქონა̈ბ ი ადჲეხ
Line of edition: 4 მინე ა̈გითე. ლახგეხ მინე ბაბას მიჩა თე ი პლატკულ ლახჭემხ ი ალას
Line of edition: 5 იმუ̂ა̄̈ჲჟი̄ნ მა̄̈ნკუ̂ი ხა̄დდა თე, ათხეჲ ეჩთა̄ნ თე ლა̈ხზუ̂ა̈ბ. ა̈მირანდ ი
Line of edition: 6 მიჩა ლახუ̂ბად ხუ̂ა̈ჲ მა̄მა ა̈დრა̄გეხ ა̈გის ი შიშდ აჩა̈დხ ლაჭბუგა̄ლთე. Line of edition: 7 ესღრიხ აშხუ̂ ლადეღ შუკუ̂ს ი აშხუ̂ ა̈გის სემი გუ̂ელჲა̈რშაპა̈რ
Line of edition: 8 ლახხუ̂ი̄დხ? ა̈მირანდ ხა̄̈ქუ̂ინ:
Line of edition: 9 -- ქა̄უ̂ ესერ ლოხქა̄̈ბხ!
Line of edition: 10 -- მინდუ ესერ ლოხქა̄̈ბხ! Line of edition: 11 ალჲა̈რდ ქა და̄̈რდ ლოხქა̄̈ბხ უშხუ̂ა̄რ ი გუ̂ელჲა̈რშა̈პდ ჩუ̂ადურტყუ̂ე
Line of edition: 12 ა̈მირან. Line of edition: 13 გუ̂ელჲა̈რშაპა̈რ ა̈გითე ერ აჩა̈დხ, ეშხუ გუ̂ელჲა̈რშა̈პ, ხედუ̂ა̄̈ჲდ
Line of edition: 14 ა̈მირან ადურტყუ̂ე, ლეგდ ა̈დϩრდა ი ქა̄̈დბე̄ლა̄̈ნ ეჯჟი̄ნ, ერე ბეჭკუ̂ნი
Line of edition: 15 ჩუ. მიჩა დიდ ლიჭუ̂დი ლოხბინე ი ხეჭუ̂დია̄ლ:
Line of edition: 16 -- ხოწუ̂ახ ესერ ჲა̈რ ეშ?
Line of edition: 17 -- და̄̈რ ესერ, სემი მე̄რო̄ლა̈რ ესერ ლახხუ̂იე̄ნახ ი ქ' ე̄სერ მა̄დ
Line of edition: 18 ლოხქა̄ბახ ი ეშხუ̂ი̄ლ ესერ ჩოთურტყუ̂ა.
Line of edition: 19 -- უჲ, მიჩა ცოდϩლდ ესერ, ეჯ' ე̄სერ ა̈მირანო̄ლ ესერ იზელა̄̈ლ
Line of edition: 20 ი დოუ̂ ესერ ეჯა ესა ლა̈სუ̂! Line of edition: 21 ამი̄ დი ხოჭუ̂დი ი ხეჴϩ̄რა̄̈ლ: -- ერუ̂ა̄̈ჲ ესერ ბედნიე̄რ სგუ̂ეჯი, ჲედ
Line of edition: 22 ესერ სგუ̂ებნაუ ანსგუ̂ეჯდა ი ჲედ უ̂ეშგმაუ̂. Line of edition: 23 გუ̂ელჲა̈რშა̈პდ ერ ა̈მირან ჩუ̂ადურტყუ̂ე, უ̂ისიბ ი ბა̈დრი უ̂ეშგინ
Line of edition: 24 ა̈თჭა̈მხ ი ლაჴუ̂რაჟი̄ნ ხოჰუ̂ნა̈რდახ ლიჭუ̂დის. უ̂ისიბდ ლახტუ̂ი̄ლ ლაჴუ̂რაისგა: Line of edition: 25 "ა̈მირან, კალა̈მ-ჩალა̈მსა, ჰაუ̂ ჰალა̈გსა,
Line of edition: 26 ბა̈დრს, უ̂ისიბსა მოკლე ხანგა̈რ ჩეგებსა". Line of edition: 27 ლა̈ხშყა̈დ ეჩქა ა̈მირანს ეჯ' ე̄, მიჩ ერ ხანგა̈რ ხა̄̈ბϩდა ი ჟი ლა̈ჲცხუ̂ეპ,
Line of edition: 28 გუ̂ელჲა̈რშა̈პი ჴა̈დ ბϩლა̈ჲდ ადგენე ი ქა̄ნჴა̈დ ქა̄მენჩუ̄ნ; ქა̄ნჴა̈დ
Line of edition: 29 ქა̄̈მთე ი ამეჩუ̄ნ მიჩა ლახუ̂ბა, უ̂ისიბ ი ბა̈დრი, ჩუ̂ესხუ̂ი̄დხ ი მა̈ხიადშუ̂
Line of edition: 30 ლიგუ̂ნი ა̈დბინეხ. ანღრიხ ალჲა̈რ შუკუ̂ჟი̄ნ ი აშხუ̂ ა̈გის ლა̈ლფϩრაჟი̄ნ
Line of edition: 31 ო̄შთხუ̂ კუ̂ინჩϩლდა̈რ ხა̄გდახ. სემი ჩუ იზობდახ [კაკლა̈რს] ი
Line of edition: 32 ეშხუ ჩუქუ̂ა̄ნთე შϩდა.
Line of edition: 33 -- იმღ' ე̄სერ ჩუ დო̄მა იზბი ი იმნა̈რ ესერ შϩდე ჩუქუ̂ა̄ნთე? -- ლა̈ხჭუ̂ედდახ
Line of edition: 34 კუ̂ინჩϩლდა̈რ. Добавлено (2006-12-11, 6:44 Pm)
---------------------------------------------
Page of edition: 96
Line of edition: 1 -- ეჯღ' ე̄სერ, ერე მϩხა̈რ ესერ ალ მეზგე ლა̈ლფϩრას დე̄მის
Line of edition: 2 ოხუ̂დე̄სგნე ი ჰა̄უ̂და̈რ ესერ ი̄რა ი ეჩქ' ე̄სერ მიჩ შϩნ ხეღუ̂ე̄ნი ლეზუ̂ებ
Line of edition: 3 ი მინს -- მა̄მა.
Line of edition: 4 -- ატკϩდა̄უ̂ ესერ, იმჟი̄ნ ესერ მირ ა̈ჩრი̄თანე, ჰა, უ̂იჩმა̈ჩია̄ნ ნანუ̄ლ!
Line of edition: 5 -- ხა̄̈ქუ̂ინ აშხუ̂ემ.
Line of edition: 6 -- იმჟ' ესერ მირ ა̈ჩრი̄ბანე, ჰა, ქეთმათნია̄ნ ნანუ̄ლ! -- მე̄რმე̄მდ
Line of edition: 7 ხა̄̈ქუ̂ინ.
Line of edition: 8 -- იმჟი̄ნ ესერ მირ ა̈ბრი̄წანე, ჰა, ძუღუ̂ა ეჩხა̈ნ ნანუ̄ლ! -- მე̄სმე̄მდ
Line of edition: 9 ხა̄̈ქუ̂ინ. Line of edition: 10 უ̂ისიბ გუდმეცა̈ლ ლა̈სუ̂ ი ჩუ̂ა̈დქიზა̄̈ნ. ქა ხასϩმდა, კუ̂ინჩრე გა̈რგლა
Line of edition: 11 ჟ'ა̈ნმეჴრე.
Line of edition: 12 -- მა̈ჲ ესერ ათჩო̄ნა? -- ა̈მირან ლა̈ხჭუ̂ედდა.
Line of edition: 13 -- დე̄სამა ესერ.
Line of edition: 14 -- ჯა̄უ̂ ათდაგრა, ქა მო̄დ ხა̄̈ქუ̂ას, იმნა̈რ ესერ ალქიზე̄ლი?
Line of edition: 15 -- იმნა̈რ ესერ-ი ალ ლა̈ლფϩრაჟი̄ნ ესერ ო̄შთხუ̂ კუ̂ინჩϩლდა̈რ
Line of edition: 16 ხა̄გხ-ა, სემი ესერ ინკუ̂ლიხ კაკა̈ლს ი ეშხუ ჩუ შϩდე ჩუქუ̂ა̄ნთე.
Line of edition: 17 -- იმნა̈რ ესერ შϩდე ჩუქუ̂ა̄ნთე ი იმღ' ე̄სერ დო̄მა ინკუ̂ლი? -- ალჲა̈რ
Line of edition: 18 ესერ ხაყლეხ-ა, კუ̂ინჩϩლდა̈რ. -- ეჯღ' ე̄სერ, ერე მϩხა̈რ ესერ
Line of edition: 19 ჰა̄უ̂და̈რ ი̄რი ი მეზგე ესერ ლა̈ლფϩრას დე̄მის ოხუ̂დინე ქა ი ეჩქ'
Line of edition: 20 ე̄სერ მიჩ შϩნ ხეღუ̂ე̄ნი ლენკუ̂ლი ი მინს -- მა̄მა. აშხუ̂ კუ̂ინჩს ესერ ხო̄ქუ̂ა,
Line of edition: 21 ერე "იმჟი̄ნ ესერ მირ ა̈ჩრი̄თანე, ჰა, უ̂იჩმა̈ჩია̄ნ ნანუ̄ლ!" მე̄რმას ესერ
Line of edition: 22 ხო̄ქუ̂ა, ერე "იმჟი ესერ ა̈ჩრი̄ბანე, ჰა, ქეთმათნია̄ნ ნანუ̄ლ!" მე̄სმა̄მ
Line of edition: 23 ესერ ხო̄ქუ̂ა: "იმჟი ესერ ა̈ბრი̄წანე, ჰა, ძუღუ̂' ე̄ჩხა̈ნ ნანუ̄ლ!"
Line of edition: 24 -- მინუ ლϩჭა̈თ ლიხ, ეჩჲარე ლაწა̈დთე მო̄დე აჩეხ, მა̄̈ღენუ̂ა̄̈ჲ ესერ
Line of edition: 25 ამთა̄ნა̈რ ლიხ ეჯჲა̈რ! -- ა̈მირანდ ხა̄̈ქუ̂ინ. Line of edition: 26 უ̂ისიბს ი ბა̈დრის მა̄დ ხონდახ ლი̄ზი, მარე ა̈მირანდ მა̄მა ლა̈ჲკაკლე,
Line of edition: 27 ოდე დო ა̈დჴერნე. Line of edition: 28 ესღრიხ, ესღრიხ ი ჟი ა̈თლაკხ ალას-აм, უ̂იჩმა̈ჩია̄ნ ნანუ̄ლს. ალა
Line of edition: 29 მურყუ̂მა̈ შდურქა ისგიდდა ი ლა̈ხჭუ̂ედდა ალჲა̈რს: -- იმაუ̂ მე̄ზი ესერ
Line of edition: 30 ლიხ?
Line of edition: 31 -- იმაუ̂ ესერ ი ლა̈ჩი̄ჟა̄ლთე. -- ჲაღუ̂ ე̄სერ უ̂ისიბ ხე̄რი. -- უ̂ისიბს
Line of edition: 32 ესერ დე̄მ ა̈ჩი̄ჟე. -- ჲაღუ̂ ე̄სერ ბა̈დრი ხე̄რი. -- ბა̈დრისი ესერ დე̄მ
Line of edition: 33 ა̈ჩი̄ჟე. -- ჲაღუ̂ ე̄სერ ჯა ხე̄რი. -- ჯ' ე̄სერ ა̄დუ. ჟ'აჩა̈დხ ალჲა̈რ მა̈გ სემი
Line of edition: 34 მურყუ̂ამთე ი ნანუ̄ლდ ხა̄̈ქუ̂ინ ა̈მირანს: "ეჩი̄ ქრისდე̄ თა̈სდუ̂ებ ქა̄უ̂
Line of edition: 35 ლახუ̂ე̄მ, ერე მიჩა̈შხა̈ნქა ქა დო̄მთე აჩეს, ღუ̂ ე̄სერ ჩუ̂აგუ̂ა̄̈უ̂ი, ადო ღო
Line of edition: 36 დე̄მა". ა̈მირანდ ქა ლახუ̂ე̄მ თა̄̈სდუ̂ებ. ამ ლე̄თ ჩუ̂არდახ ი მე̄რმა ლადეღ
Line of edition: 37 ქო̄თჩა̈დ ი მა̄მა ადϩ̄გა̄̈ნ ი თა̄̈სდუ̂ები ჩუ̂აკუ̂იშ. ესღრიხ, ესღრიხ
Page of edition: 97 Line of edition: 1 ი ქეთმათნია̄ნ ნანუ̄ლს ა̈თლაკხ. ალა მურყუ̂მა̈ შდურქა ისგიდდა ი
Line of edition: 2 ლა̈ხჭუ̂ედდა:
Line of edition: 3 -- იმაუ̂ მე̄ზი ესერ ლიხ?
Line of edition: 4 -- იმაუ̂ ესერ ი ლა̈ჩი̄ჟა̄ლთე. -- ა̈მირანდ ხა̄̈ქუ̂ინ.
Line of edition: 5 -- ჲაღუ̂ ე̄სერ უ̂ისიბ ხე̄რი. -- უ̂ისიბს ესერ დე̄მ ა̈ჩი̄ჟე. -- ჲაღუ̂ ე̄სერ
Line of edition: 6 ბა̈დრი ხე̄რი. -- ბა̈დრისი ესერ დე̄მ ა̈ჩი̄ჟე. -- ჲაღუ̂ ე̄სერ ჯა ხე̄რი.
Line of edition: 7 -- ჯ' ე̄სერ ა̄დუ. Line of edition: 8 ალჲა̈რ ჟ'აჩა̈დხ მურყუ̂ამთე[ჟი̄ნ] ი ნანუ̄ლდ ქრისდე̄ თა̄̈სდუ̂ებ
Line of edition: 9 ხაშგუ̂მინ, ერე "მიჩა̈შხა̈ნქა ესერ ქა ჰე̄მთე აჩეს!" ა̈მირანდ ქა ლახუ̂ე̄მ
Line of edition: 10 თა̄̈სუ̂დებ. Добавлено (2006-12-11, 6:45 Pm)
---------------------------------------------
მე̄რმა ლადეღ ქა ლიჴედ ხეკუ̂ა̈დ მურყუ̂ამხა̈ნქა. ანსინჯუ̂ეხ ქა ი Line of edition: 12 ალ მურყუ̂ამს სამ ორტკეცდ ხეცხა̈პ ქა გირკიდ, ჰე̄სა მებუ̄̈ლ ჩუ̂არდა
Line of edition: 13 ქუ̂ეყანაჟი̄ნ.
Line of edition: 14 -- ხოჩდახ ესერ იმე̄ ეშ მიჩა̈შϩნქა? -- ნანუ̄ლ ლა̈ხჭუ̂ედდა.
Line of edition: 15 -- დე̄მ' ე̄სერ. -- ალჲა̈რდ ხა̄̈ქუ̂ინხ.
Line of edition: 16 -- ა̄დუ̂ ე̄სერ მϩრე̄სგ, ადო ალ' ე̄სერ-აм, მა̄̈ჲ გირკიდ ხაცხიპხ, ალ'
Line of edition: 17 ე̄სერ მიჩა უდილ უ̂იჩმა̈ჩია̄ნ ნანუ̄ლა̈ ნაზϩზ ლიხ-აм, მა̄̈ჲ გირკიდ ხაცხიპხ
Line of edition: 18 მურყუ̂ამს. Line of edition: 19 ანსკინე ქა მურყუ̂ამხა̈ნქა უ̂ისიბდ ი ეშხუ ორტკეც ჟ'ანხუ̂იტ ი ჯაჲ
Line of edition: 20 ჩუ̂ა̈ნნა̈ხხ. ანსკინე ბა̈დრიდ ი ეშხუ ორტკეც ჟ'ანხუ̂იტ ი ჯაი ჩუ̂ა̈ნნა̈ხხ.
Line of edition: 21 ანსკინე ა̈მირანდ ი ეშხუ ორტკეც ამნე̄მდ ანხუ̂იტ ი ჯაი ქო̄ხუ̂სა̈დ.
Line of edition: 22 ლახა̄დ ა̈მირან ლა̈თიშს ი ქა̄̈ნთიშ უჯა̈რხა̈ნქა უ̂ისიბ ი ბა̈დრი, ესბა̈ც
Line of edition: 23 ჟიბაუ̂ ნანუ̄ლს:
Line of edition: 24 -- მა̈დილუ ესერ ხე̄რი, ლა̈ხშა̈დუ მა ი ალჲარე ნასე̄ლუ̂უნ ჟაგა̈რუ
Line of edition: 25 მა ლახუ̂ე̄მ!
Line of edition: 26 -- ო̄, ეშ ესერ სა̈ხ მა̄მა ლახღუ̂ა!... მარე ამნე̄მ ლა̈კუ̂ცა̄̈ნი̄ლ ოხკუ̂ა̈რ
Line of edition: 27 მურყუ̂ამხა̈ნჩუ̄ნ. ა̈მირანდ ქა ლახჭემ უ̂ისიბს ი ბა̈დრის ი ალჲა̈რ
Line of edition: 28 ჟ'ანსე̄ლუ̂ა̄ლე. ათხე ა̈მირანს ძუღუ̂ა ეჩხა̈ნ ნანუ̄ლა̈შთე ლი̄ზი ხაკუჩ.
Line of edition: 29 ალას უ̂ისიბ ი ბა̈დრი დე̄მ იჩოხ, მარე ა̈მირან ეში̄ დე̄მ იჟუ̂მე ლი̄ზის.
Line of edition: 30 უ̂ისიბდ ი ბა̈დრიდ ხა̄̈ქუ̂ინხ, ერე
Line of edition: 31 -- ჲაღო ესერ, ხოლა̄მდ ჰე მო̄მა ხაბჟა, ღო მინ ესერ ა̈გითე̄უ̂
Line of edition: 32 აფიშუ̂დ.
Line of edition: 33 -- ა̈გით' ე̄სერ მა̈ხიადა̄̈რ ჰ' ე̄სერ ხოცხახ ა̈მირანდ ხა̄̈ქუ̂ინ. Line of edition: 34 უ̂ისიბ ი ბა̈დრი ქა̄̈თყახა̄̈ნხ ა̈მირანს ი ა̈გითე აჩა̈დხ. ა̈მირანდ ლა̈ჲბინე
Line of edition: 35 ლი̄ზი ი აშხუ̂ ა̈გის მინდუ̂ერისგა ჩუ ლუზუ̂ერ ლიხ ჯა̈რ ი ალ
Line of edition: 36 ჯა̈რისგა ხეჩდა ეშხუ ეჯჟი̄ნ კϩ̄ლთხი, ერე ალ ჯარისგა ჩი̄ს ჟი ხოსა̈რ
Line of edition: 37 ნაკლათხან. ლა̈ჲჭუ̂ედდა ა̈მირან ალ მა̄რე̄მიშს ი ხა̄̈ქუ̂ინხ, ერე
Page of edition: 98 Line of edition: 1 "ალ' ე̄სერ ჰა̈ნდრა̄̈ლები გეზალ ლი -- ჯინჯიქ". ქა̄ჩა̈დ ა̈მირან ალ მა̄რათექა
Line of edition: 2 ი ალ მა̄რე შიშდ ლა̈ხჭუ̂ედდა: -- იმ' ე̄სერ ხოჩდა?
Line of edition: 3 -- იმ' ე̄სერ ი ა̈მირანიშმϩყ. -- ა̈მირანდ ხა̄̈ქუ̂ინ.
Line of edition: 4 -- მა̈ჲ ესერ ხაზნა ღო ა̈მირანს?
Line of edition: 5 -- მა̈ჲ ესერ-ი მიჩა ცჴემა̈დს ესერ ჟი იბუ̄წე ი ჴარჴჩუ̄ნ იყერ ი
Line of edition: 6 ცხუ̂ი̄მი ნა̈კუ̂შუ̂ა̈რს [ესერ] ყიაჟი̄ნ ჟი ტϩხე. Line of edition: 7 ამნე̄მ ჟი ლა̈ჲბუ̄წე ა̈მირანი ცჴემა̈დ, ჩუ იყერ ჴარჴჩუ̄ნ ი ცხუ̂ი̄მი
Line of edition: 8 ნა̈კუ̂შუ̂ა̈რ ჟი ა̈ნტიხ ყიაჟი̄ნ.
Line of edition: 9 -- სერ ესერ იმ იჩო-იм?
Line of edition: 10 -- სერ ესერ იმ-იм ამეჩუ̄ნ მა̄̈ჲ მა̄რე ჩუ̂ა̈რი, ალამა̈გ მა̄რე ესერ ლახე
Line of edition: 11 აშხუ̂ თუ̂ეს იმა̄ჯუნიხ გურნა̈ლს ა̈მირანი გუ̂ამა̈რთეჟი̄ნ, ეჩას ესერ ჩი̄ს ქა
Line of edition: 12 შϩდე გა̈ნთე.
Line of edition: 13 -- ალას ესერ ჯაი ჩუ იჩო. Line of edition: 14 ლახა̄რუნე ალ ხა̈ლხ ბაჩრე ლამა̄ჯას ი, აშხუ̂ თუ̂ეს მა̄̈ჲ მოშ ა̈ნმა̄ჯეხ,
Line of edition: 15 მა̈გ ჟ'ოთთილხ ტა̈ნჟი̄ნ. ალა ოდემ ჩიქა გა̈ნთე შϩდა, ეჩქად
Line of edition: 16 ა̈მირანდ ხა̄̈ქუ̂ინ: "ჩუ̄უ̂ ესერ ესღელდა, ეჯ' ე̄სერ მიჩა ლა̈კუ̂ჰა̄ლუ̂ნა
Line of edition: 17 ბა̈ჩს ჟი̄დ იქმე". ა̈ნკიდ ა̈მირანდ მიჩა ლა̈კუ̂ჰა̄ლუ̂ნა ბა̈ჩ ი ჟ'ესუ̂თილ
Line of edition: 18 გუ̂ამა̈რჟი̄ნ. ალ მა̄რე ალ ბა̈ჩს დეშ ოთგა̈ჭ ი ხა̄̈ქუ̂ინ, ერე
Line of edition: 19 -- ჟი̄უ̂ ესერ ოხუ̂კიდხ, ადო ქუ̂ინ ესერ ხო̄ზი.
Line of edition: 20 -- ო̄, დეშ ესერ ოთღორუ̂აჲა? ა̈მირან ესერ ჯა ლი ღო. Добавлено (2006-12-11, 6:45 Pm)
---------------------------------------------
-- მიჩა̈შდ ესერ ჩოთღორუ̂ა, მარე მიჩა ბაბას, ჰა̈ნდრა̄̈ლებს ესერ
Line of edition: 22 დეშ ოთღორუ̂ი სერთხი.
Line of edition: 23 -- ჯა̄უ̂ ლϩჭა̈თ ლი, მო̄დ ესერ აჩეს ეჩხა̄უ̂, მა̄̈ღენუ̂ა̄̈ჲ ესერ ამკა̈ლი
Line of edition: 24 ჰა̈ნდრა̄̈ლებ ლი. Line of edition: 25 ესღრი, ესღრი ა̈მირან ი აშხუ̂ ა̈გის ეშდჲერუ უ̄ღუ̂ა ჴანა̈რ ხო̄ბხ
Line of edition: 26 სა̈უ̂ჩა̈უ̂დ. ამე̄სგა ჩუ̂აყუ̂რე ეშხუ მა̄რე, ჭიშხ ქა̄მენჩუ̄ნ ხორი, ი ეშ ოხთϩრი
Line of edition: 27 ი აშხუ̂ არშინს გიმს ქუცე.
Line of edition: 28 -- ჲა̈რ ესერ ლი ალა̄, ამე̄სგა მეყუ̂რე? -- ა̈მირან ლა̈ხჭუ̂ედდა.
Line of edition: 29 -- ალ' ე̄სერ ჰა̈ნდრა̄̈ლებ, ლეგდ ესერ ალϩრდე̄ლი დაგრან ესერ
Line of edition: 30 ხაყლუ̄ნი ი ჩუ̂ ესერ ლახე ა̈დდაგრი, ეჩქა ესერ სგა და̄̈რ მოშ ლϩმდა̄̈სგუ̂ინ
Line of edition: 31 სა̈უ̂ჩა̈უ̂თე̄სგა ი ხაყუ̂ლი̄ნნა ესერ ლϩდგარუნღო უშდღუ̂ად ლისედდ
Line of edition: 32 ი ათხ' ე̄სერ მიჩაუ̂შ ა̈მჩედ სა̈უ̂ჩა̈უ̂თე̄სგა ი ლϩჲარდ იშდღუ̂ი.
Line of edition: 33 -- ალ' ე̄სერ მა̈ჲ ლ'ა̄, ჭიშხ ეშ ხოთრი?
Line of edition: 34 -- ალ' ე̄სერ მიჩ ათსედა ქა̄მენჩუ̄ნ ი დეშ ესერ ოთხუ̂ჲა სგა̄̈ნჩუ̄ნ
Line of edition: 35 ი მე̄რმ' ე̄სერ და̄̈რ მოშ ხა̈წრე, ჰა̄უ̂ე სგა ჲა̈რდ მოშ ესდე სა̈უ̂ჩა̈უ̂თე̄სგა. Line of edition: 36 ლოხუ̂რეკ ა̈მირანდ ცჴემდი გაფა ი სგო̄თკუ̂ა̈რ სა̈უ̂ჩა̈უ̂თე̄სგა.
Line of edition: 37 -- ჲა̈რ ესერ ლϩმა̄̈რ ალა̄, მიჩა ჭიშხი ამჟი̄ნ ჰალალდ მϩკედ?
Line of edition: 38 -- ლა̈ჲჭუ̂ედდა ჰა̈ნდრა̄̈ლებ. Page of edition: 99
Line of edition: 1 -- ალ' ე̄სერ ა̈მირან. -- ა̈მირანდ ესერ ჰე̄ჭო̄ლუ ლახწუ̂ე̄ნე. Line of edition: 2 ა̈მირანდ ჟ'ა̈ნკიდ ჩე̄რხა ი ქა ლახწუ̂ე̄ნე. ჰა̈ნდრა̄̈ლებდ ლოხთϩლϩ̄რე
Line of edition: 3 ი ზუნა-ზუნად აფიშგ.
Line of edition: 4 -- ალ' ე̄სერ მა̄დ ლϩმა̄̈რე̄ლი ა̈მირანი ჰე̄ჭო̄ლ, ქა̄უ̂ ესერ ლახწუ̂ე̄ნე! Line of edition: 5 ა̈მირანდ ჯიჰრა̄̈ ტყენϩდ ლახწუ̂ე̄ნე. ჰა̈ნდრა̄̈ლებდ ლოხთϩლϩ̄რე
Line of edition: 6 სგა ი ზუნა-ზუნად აფიშგ.
Line of edition: 7 -- ალ' ე̄სერი̄ დე̄სა ლϩმა̄რე̄ლი ა̈მირანი ჰე̄ჭო̄ლ. ქა̄უ̂ ესერ ლახწუ̂ე̄ნე,
Line of edition: 8 მა̄მ ესერ ხოჭირ ეჯღა. Line of edition: 9 ა̈მირანდ ქა ლახწუ̂ე̄ნე მიჩა ჰე̄ჭა. ჰა̈ნდრა̄̈ლებ სგა ლოხგუდირდა
Line of edition: 10 ი ხა̄̈ქუ̂ინ: "ალ ქრისდე̄ თა̄̈სუ̂დებ ესერ მეკუ̂შე̄უ̂ ხა̄რ, ა̈მირან, ეშხუ ნიბა̄შნϩლ
Line of edition: 11 ესერ ათსედა, ეჯა ჟი მო̄დე ა̈ნუ̂ოჴრას!" აჩა̈დ ალა̄, ა̈მირან,
Line of edition: 12 ეჩი̄ ლათხე̄ლთე ი ჟი ა̈ნთხე ალა̄, ჰა̈ნდრა̄̈ლები ნიბა̄̈შნილ. Line of edition: 13 აშხუ̂ ლადეღ აშხუ̂ ზუგუ̂ჟი̄ნ ჩუ სგურდახ ი ა̈მირანს ჩუ̂ა̈თუ̄ჟდა ამი̄
Line of edition: 14 ღულა̄̈რჟი̄ნ. ამელექუ̂ა სემი გუ̂ელჲა̈რშაპა̈რ ანჴა̈დხ ი ალ ჭაბიკუ̂დ
Line of edition: 15 ალჲა̈რს თხუმა̈რ უშხუ̂ა̄რ ლოხხϩპϩ̄რე, ჰაკუ̂და̈რ უშხუ̂ა̄რ ლოხცხϩპϩ̄რე
Line of edition: 16 ი ჟ'ესუ̂რეკ მეგა̈მჟი̄ნ. ჟ'ანჲა̈ცხ ა̈მირან ი ალ ჭაბიკუ̂ მუხუ̂ჭიდ ესხუ̂ი̄დ.
Line of edition: 17 -- იმნა̈რ ესერ ხუჭე? -- ლა̈ხჭუ̂ედდა ა̈მირან. -- დე̄მნა̈რ ესერ.
Line of edition: 18 -- ხადე̄ნ' ე̄სერ ჲა̈რ ამელექუ̂ა? -- და̄̈რ ესერ. სემი კიტუ̄ლა̈რ ესერ ა̈მჴედხ
Line of edition: 19 ი თხუმა̈რ ესერ უშხუ̂ა̄რდ ლოხხϩპϩ̄რა ი ჟ'ესუ̂რეკა მეგა̈მჟი̄ნ. Line of edition: 20 ა̈ნწუ̂ე̄ნე ა̈მირანდ ი გუ̂ელჲა̈რშაპა̈რდ ერ ადცხირე, ლახლო̄ნდა.
Line of edition: 21 -- ალას ესერ ჯა ჩოთურტყუ̂ა ი ალას-ა, მიჩა ლერდი ჭაბიკუ̂ს ესერ
Line of edition: 22 ჩოთდაგრა. ათხანეშ ესერ ლახე ალას ამჟი̄ნ ჴამშა ხუღუ̂ა, ჟ'ესერ
Line of edition: 23 ა̈ნცხემნე, ეჩქ' ე̄სერ მიჩ ჩუ დე̄მ ა̈თწინია? -- ა̈მირანდ ხა̄̈ქუ̂ინ: -- ათხ'
Line of edition: 24 ე̄სერ ლიცჴემდა̄̈ლუ ახა̄დხ, ქა̄უ̂ ესერ აჩა̈დ ი ნიშა̈ნუ ადგე! Line of edition: 25 ალ ჭაბიკუ̂ ნიშა̈ნ ლაგა̈მთე ერ ესღϩრდა, ა̈მირანდ უ̂ეშგინისგა
Line of edition: 26 ცჴემა̈დ ხაჴიდ ი ჩუ̂ადგა̈რ. Line of edition: 27 ა̈მირანს ათხე სემი ქრისდე̄ თა̄̈სუ̂დებ ჩოთკუ̂ა̈შ ი მიჩა ლა̈გნა გიმდი
Line of edition: 28 ესუ̂ქა̈დ, ჟიბაუ̂იშ ჩუბაუ̂ ხეყა̈რ ი ჩუბაუ̂იშ -- ჟიბაუ̂ ი ჯაი̄ სგა̄̈თნახა̄̈ნ. Добавлено (2006-12-11, 6:46 Pm)
---------------------------------------------
Part No. 68 Text: 75
Page of edition: 99
Line of edition: 29
75. სულასახელ Line of edition: 30 არდა ეშხუ ხელწიფ, ხორდა ეშხუ ხეხუ̂, ეშხუ ჭყინტგეზალ. ალა
Line of edition: 31 ლეგდ ა̈დϩრდა, ხელწიფ. ხა̄̈ქუ̂ მიჩა ხეხუ̂ს: "მიშგუ ხეხუ̂, მ'ათხე ჩუ
Line of edition: 32 ხუ̂იდგა̈რი ი გუშგუ̂ეჲ გეზალ კოტო̄ლ ლი, ქა̄თქა̄ბუ̈ნ მე̄რმა ხელწიფთე,
Line of edition: 33 ადო მი ლახ ჩუ̂ა̈თუ̂დაგრი, ეჩქა გუ̂ი ხექუ̂ცენი". ქა̄თქა̄ბუ̂ნეხ გეზალ
Line of edition: 34 მე̄რმა ხელწიფთე, ეჩქა ალა ჩუ̂ადგან. ა̈გის ლაშდღუ̂ა̄ლ ათყერხ. ჲერუ
Line of edition: 35 ზა̈ჲ ქა̄ჩა̈დ, ეჩქა ბეფშუ̂ ა̈გით' ა̄ნჴიდხ. ბეფშუ̂ ა̈ხთხა̄ლ მიჩა მუს:
Line of edition: 36 -- მამა როქ იმ' ა̄̈რი? -- ეჯა როქ ჩუ̂ალდაგა̈რ. Page of edition: 100
Line of edition: 1 ჟ'ა̈ნწახუ̂ა̄̈ნ ბეფშუ̂, ლიჯგრი ხაყერ. ჟ'აჩა̈დ მინე ჟიქა̄+ |
| |
| |
| |
