Line: 23 მეთხუ̂ა̈რ ჩუ̂ანსაკცხეხ სოფელთე. და̈ლს წესდ ხუღუ̂ა̈ნ - მიჩა ლელა̈ტ
Line: 24 მახეღუ̂ა̈ჟს, მიჩა ლელა̈ტ მეთხუ̂ა̈რს უგუ̂ა̄ნა̈დ დემის ცუ̂ირა.

Line: 25 ათხეჲ ამჟი ჩუ̂ემინ.

Line: 26 ალ მეთხუ̂არემი აფხნეგს ხა̄ქუ̂ე, ჭირისუფა̈ლ ესერ ქაუ̂ იმჟინ ანჴიდ
Line: 27 ლϩდგა̈რხა̈ნქა, მიჩ ესერ ერ ნომ ხეწეხ.

Line: 28 აფხნეგმარედ მა̈გ ქ'ადჴერნალე ლაფა̄ნათე. ამ ჩიქქა ანსϩმდა ეჯკა̈ლი
Line: 29 ლიკილი, ერე დეც უ̂ეთ ფეტენ.

Line: 30 ალჲა̈რს ლოხხალდახ, მინე ზისხილეღუ̂ ესერე̄ დორ ანღრი ამჟი ლა̈კილოშ. მარე
Line: 31 აჩად დუ̂რეუ̂ ი ქა და̄̈რ ა̈ნთერი̄ნდა, ლიკტლი ეჯღაჲ ამჟიდ ისმო̄ლ. ეჩქა სერ მა̈გ გუდ
Line: 32 ანჴა̈დ, ალ'ე̄რ და̈ლ ი̄რო̄ლ ი ალ მეთხუ̂ა̈რი ერ დალა̈ ნადა̄უ̂შუ̂ ლა̈სუ̂.

Line: 33 ამკა̈ლიბ ამბუ̂ა̈რ აჯაღ ფიშირ ხა̈ხუ̂ჲენახ და̈ლისგა, კოდორი ხეობაისგა.
Line: 34 ჲეშდთეჟი იშϩლდა̈ნიხ და̈ლჲა̈ ნაღატუ̂ მეთხუ̂არას.

Line: 35 მთელ და̈ლს ნიხა სპირდონ გუჯეჯიანა̈ ამბა̈უ̂. ეჯაჲ ღალ დიდა̈ბ ოთჴა̈დ, ეჩი̄
Line: 36 ნაჴაცუ̂ ლი.

Line: 37 სპირიდონ ალა̈ხუ̂და გუ̂ანდრა̈ ლახუ̂თე. ეჩე საერთოდ, ჩის გუ̂ჲ ხა̄რ ლუჰუ̂ედ,
Line: 38 ერე ამკა̈ლიბა̈რ ხა̈მთქუ̂ა.

Line: 39 აშხუ̂ ლილხუ̂ა̈რიელჟი სპირდონ კარაუ̂თესგა ფაკუ̂ლ ახმითქუ̂ენა, ქა დეშ
Line: 40 ლϩმღირუ̂ჲნ ი უ̂ეშგიმპილს სერ გუ̈ჲს ერ ხა̈ხპინა, ა̈მჴედ ი ჩოთდაგრა.

Line: 41 ეჩქანღო შიშდ ლϩმა̈რ სპირიდონი გეზლა დაგრა. გუნ ხოჩა გეზალ მირ
Line: 42 ხარდე̄ნა. მიზეზ ლა̈დიჩიქდ და̈სმა ხოხა ი ეჯჟი თხუ̂იმ ოთდაგრა.

Line: 43 ეჩქანღო სპირიდონს ლახუ̂ა̈ შუკუ̂ჟი სგა ლახხუ̂იე̄ნა ზურა̄ლ, ხედუ̂ა̈ს ეშ
Line: 44 ლოხშა̄ნა̄ლა: მაგუ̂ა̈ჲ გემა̈შ ესერ ლი გეზლა̈ დაგრა, ო, მიჩ ესერი ამჟი გემა̈შ ხა̄რე̄ნა
Line: 45 ფაკუ̄ლ, ეჯ'ე̄სერ მიჩა გეზალ ლϩმა̄̈რი.

Line: 46 ეჩქანღო აჩა̈დ ზაჲა̈რ. სპირიდონს ლახუ̂თე ლიზი ჟი ლახსისგა, ეჯ ზურალა̈
Line: 47 ლიხუ̂ე̄ მაყალშუ̂. უდუმბირ ა̈დგილა̈რქა ჩუ ხახო̄ლნა ი მეჰად ხოლამდ ესერ ლϩმრესგუ̂ინ.
Line: 48 თან ქა ლიკუ̂შესი მამ ხაყე̄ნა. სერ აშხუ̂ინ ქა ღალ ლახუქუ̂ენა ქორშა̈ლცახა̈ნ.

Line: 49 ეჯ მუჟღუ̂ერ სპირდონდ ჭალა̈ჲთე ადსკინე ი თხუ̂იმ ა̈დდაგა̈რ.

Line: 50 ტუ̂ილდახ, ეჩი დაგრაისგა̄ჲ ესერ დიდა̈ბ ოთჴა̈დ - მიჩა ში ხაჩϩ̄და. უგუ̂ა̄ნად
Line: 51 ესერ მა̄დ ოთცუ̂ირა - ეჩასი̄ ტუ̂ილდახ.

Line: 52 დადვანი იორამ
Line: 53 (33 წლისა), დაბ. 1968 წელს
Line: 54 სოფ. კოჩარა

Добавлено (2007-06-26, 6:47 Pm)
---------------------------------------------
Part: IIb
Text: 1
ბ) ბალსქვემოური დიალექტი
Line: 1
ლამპრობ ("ლამპრობა")

Line: 2 ლამპრა̈რს ხუ̂ასყიდ ლამპრობდ ეშხუ̂ი თუ̂ეუ̂ სგებინჩუ. ტულიხ, ერე ქუნა̈რს ქა ერ
Line: 3 ლაბϩრდა̈გიდ, ეჯი ლადეღ ესერ ხეკუ̂ეს ენსყენეს.

Line: 4 ლამპრა̈რ ისყიხ ქორლისგა მერდე ღუ̂აჟმარემ შელდჟი. ლა̈ნჭირს ლახე ლი ქორლისგა,
Line: 5 ლახე ღანაუ̂ ა̈რი ქორისგა, ეჩა ჟახაჟიჲ ეშინмცეмეშიჲ ა̈სყიხ.

Line: 6 ლამპრა̈რს ნიშგეშმϩყ ხოშა მϩნწირდ ა̈სყიხ ცხუ̂იმრახენქა. ხოჩილდ იფრი, ხოჩილდ
Line: 7 იშხრϩლი ი ხოჩილდ ხებიდ, ეჯღად.

Line: 8 ლიმპა̈რი მეჰად ხეხუ̂ელი მიშლადა̈ღ. ინგარშეხ ამჟჲა - თანფა̈შ ი ლამპრობა̈შ ნეჲსგა
Line: 9 ხეკუ̂ეს ხოზდეს ჲეშდ ნაგზი.

Line: 10 ლამპრობ ლადეღ ლირჰა̈ლდ ეშხუ საა̈თ სგებინჩუ ჟი იგნა̈ლხ ღუ̂აჟა̈რ.

Line: 11 მა̈ნკუ̂ი სემი ლამპა̈რს ჟი ატუ̂რეხ ჰა̈ზუ̂ისგა - ხოშა ღერთემ, ჯგϩრა̈გიშ ი თარგლეზერიშ.

Line: 12 ნამპარუნღუ̂ე მიშლადა̈ღ, ნაგზინუღუ̂ე ქუნემ ჟახაჟი საფლა̈უ̂ჟი ხუ̂ატუ̂რედ სუ̂იმნიშ
Line: 13 ლამპა̈რს - მარე ეჯის ლიბϩრღა̈ნელს დემე, ლენბოზათე ჲედ ჩუ ნაბურუნღუ̂ე. ეჩცახა̈ნ
Line: 14 ნაფანუნუ̂ა̈რ ი ლეშუნდებიდ ლეთრე ხეკუ̂ეს ათხჲა.

Line: 15 ჰა̈ზუ̂ისგა სემი ნამპრი ჟ'ინატუ̈არუნღოდ ღუ̂აჟა̈რ თუ̂ით-თუ̂ითჟი მინე-მინე ლამპა̈რს
Line: 16 ჟ'ატუ̂რეხ ი ამჟი მϩბიდ ესღუ̂ა მთელ სოფელს სკართე.

Line: 17 ლირჰა̈ლთე ეჩა ლისგდის მამაგეშ ხოჩა. ალიმა̈გ მϩნარჰე ლამპა̈რ ერ ესღრი ი აშ ერ
Line: 18 ადღმე.

Line: 19 სკარ ნიშხა ღϩნა̈რჟი სოფლიშ ედე რამდენიმე მეზგემი უშხუდ ლიხელდ.

Line: 20 ლამპრა̈რცახენ ღუ̂აჟმარემ შელდ სემი-სემი ლემზირს ი ზედა̈შს ჟი ხამზϩრიხ ჯგϩრა̈გ
Line: 21 მϩჩა̈ჲჟის. მოსრკა̈რ მეზგეს ნამზურუნიჲაქ ხეკუ̂ეს ხეყადდეს ფიკუ̂, ხედი ხაბნა, ხედი
Line: 22 ღუნ.

Line: 23 ალი ნა̈მზურუნს ეჩეუ ჟი ხახლინეხ, ხა̈მზϩრიხ ი ჩუ აჲსენიხ.

Line: 24
მთქმელი: თამარ სუბელიანი
Line: 25
(29 წლისა), დაბ. 1972
Line: 26
სოფ. აჟარა