Добавлено (2007-03-29, 5:30 Pm)
---------------------------------------------
ლამპრები სახლიდან მოაქვთ, გაპობილი და მომზადებული. საღამოს ჩაასობენ თოვლში და იმაზე წვრილად დამზადებულ ლამპარს ადებენ, შემდეგ უკიდებენ ცეცხლს. მერე მოკიდება ლამპარს და დიდი ცეცხლი წამოდის. იმას ვინც ნახავს ჩვენი სოფლიდან, მაშინ მალე აანთებენ სოფელში ლამპრებს და ფერხულს ასრულებენ და მღერიან. იქ , საყდარშიც, ასრულებენ ფერხულს და მოხრილი დადიან. კეისარი მოხრილი დადის და მისი ვეზირებიც. ვეზირები კეისარს იცავენ. კეისარს ვერავის უბედავს რაიმეს და ბატონს მარტო ეძახის ყველა. ლამპრები ქრება და მაშინ შინ მოდიან. შინისაკენ გზაზე იძახის ვოოო, ვოოო–ს. ვეზირები აბავებენ. კეისარი ვისაც დაინახავს, ჯოხით გაიწევს მისკენ, მაგრამ ვეზირები არ ანებებენ ცემას. კეისარი ზევით ( საყდარში) ნამყოფი ვინც არის იმ დღეს , იმას არ ერჩის.
აწი ჩამოვდივართ სოფელში. მაშინ „მოსვიმნიშესთან“ შევდივართ. კარზე დავდგებით და მოციქულობას ვუწევთ. მომოციქულე კეისარია და ვეზირებიც. პასუხის გამცემნიც ესენი არიან.
კეისარი მცდარია, უდიერია ძალიან და სახლიდან ვინც პასუხის მომტანია, იმას ცუდს მარტო ეუბნება, მაგრამ შინიდანაც ცუდად უბრუნებენ მაშინ. პირველად კეისარი აგზავნის მოციქულს და ეუბნება: „ სახლი დატოვონ, თორემ მისი ჯარის ხალხს თორმეტი რკინის ზღურბლი გაუცვენია ფეხის ნადგამით და ისე ხიშტების ნაჩხვლეტით, ის მოჰყავსო და სახლიდან მიტიონო. კარიდან არავის გამოვიდნენ, ყველა გომურის ფანჯრიდან გაძვრნენო.ერთი დარჩეს საფუარის მცველად. აღმოსავლეთიდან მომყავს ჯარი, იმდენი, რომ თავი ფერაშში აქვს და ბოლო – ქოლაშში. დასავლეთიდან მომყავს ჯარი, ბახსანელები, იმდენი, რომ თავი ქიპიერში აქვს და ბოლო – მესტიაში“.

Добавлено (2007-03-29, 5:31 Pm)
---------------------------------------------
ახლა შედის მოციქული, უყვება სახლში, აქ პასუხის დამბრუნელებს ირჩევენ. მოპასუხე ეუბნება:“ მისი ჯარის ხალხის არ გვეშინიაო. შემოდი, ნეზვის ტყავს დაგიგებთ, ცხენის ტყავს დაგახურავთ და კატის თავს დაგიდებთ არჩივად. კატის კუდს – ულვაშების მოსაწმენდად“. ახლა გამოდის მოციქული, მოუყვება კეისარს, რაც უპასუხეს სახლიდან. ახლა ამან იუკადრისა და ჯოხს ურტყამს სახლის კერებს და იწევა, ყვირის: ვოოო! ისევ იწყებს: ვოოო! ბოლოს შეეხვეწება სახლიდან მოპასუხე: ერთ კარვა (ჭურჭელ) არაყს მოუტანს და დაუჩოქებს, ეუბნება, რომ“ მაპატიეო, რაც შემამცდარობა იყოსო“.შემდეგ გამოაქვთ სანთლები, დაარიგებენ, ყველას აძლევენ თითო ცალს, ვინც საყდარში ნამყოფია. ყველას აანთებენ, დაიკავებენ ხელში, დაეწყობიან ჯარის მაგვარად და შედიან სახლში (სალამს მოსვლას ვეძახით ამას, კეისრის და მისი ამხანაგების სახლში შესვლას). წინ სახლიდან გამოსული მიუძღვის და შემდეგ კეისარი და მისი ვეზირები, შემდეგ დანარჩენი ხალხი მიდის ყველა. აქ ცეცხლს სამჯერ შემოუვლიან სიმღერით. მესამეჯერ ჩაერევიან ერთმანეთს და ბღლაძუნობენ. შემდეგ თავს ანებებენ ბღლაძუნს (უშნოდ ერთმანეთის ხელის მოკიდებას) და კეისარს და მის ვეზირებს დააჯდენენ ერთად, სუფრას იდგამენ და მღერიან, დაილოცებიან არყით და შემდეგ „ცოლებს“ მოუყვანენ კეისარს: ორს ან სამს, ანდა მეტსაც.

Добавлено (2007-03-29, 5:37 Pm)
---------------------------------------------
ცოლები რომ მიჰყავთ, მაშინ კაცები და ბავშვები კეტებს იღებენ და ნაცარს ყრიან იქით – აქით( ამტვერებენ): „ქორწილი მაქვსო ამაღამ კეისარის“. შემდეგ ცოლებს დასვამენ კეისართან. კეისარი „ცოლებს“ იხუტებს, კოცნის. კეისარსა და მის ცოლებზე არიგებს ყველის ნათალს: ერთ ლუკმას ერთს აძლევს, მეორეს – მეორეს; სხედან აქ დიდხანს, მერე სუფრას აიღებენ და კარგ სამყოფს, ცეკვას და სიმღერას აწყობენ. ბოლოს დაიშლებიან. მთვრალი მიდიან სახლში.

სვანური პროზაული ტექსტები (ბზ)
თარგმანი ჯ. ონიანის

Добавлено (2007-03-29, 5:38 Pm)
---------------------------------------------
ცოლები რომ მიჰყავთ, მაშინ კაცები და ბავშვები კეტებს იღებენ და ნაცარს ყრიან იქით – აქით( ამტვერებენ): „ქორწილი მაქვსო ამაღამ კეისარის“. შემდეგ ცოლებს დასვამენ კეისართან. კეისარი „ცოლებს“ იხუტებს, კოცნის. კეისარსა და მის ცოლებზე არიგებს ყველის ნათალს: ერთ ლუკმას ერთს აძლევს, მეორეს – მეორეს; სხედან აქ დიდხანს, მერე სუფრას აიღებენ და კარგ სამყოფს, ცეკვას და სიმღერას აწყობენ. ბოლოს დაიშლებიან. მთვრალი მიდიან სახლში.

სვანური პროზაული ტექსტები (ბზ)
თარგმანი ჯ. ონიანის